கேள்வி லேது...ஆனா கேள்வி உண்டு !

 நண்பர்களே,

வணக்கம். இனி கேட்க ப்ளஸ் 2 தேர்வாணையத்திடமே கேள்விகள் இல்லையாம் ; அவ்வளவையும் நாமே வாரிக் கொண்டு வந்து இங்கே கேட்டு வைத்து விட்டோமாம் ! ஆகையால் இன்றைய பதிவு கேள்விகளுடனானதல்ல ; உங்கள் பதில்களின் செயலாக்கமே !

ஒவ்வொரு விளிம்பு நிலை நாயகருக்கும் கிட்டிய ஓட்டுக்கள் முன்னே பின்னே இருந்திருக்கலாம் தான் ; ஆனால் பொதுவாய் பயணித்த சேதியானது பிசிறின்றி சீராகவே இருந்தது ! அதனைப் புரிந்து கொள்ள ராக்கெட் விஞ்ஞானிகளாக இருக்கத் தேவையில்லை தான் !!

ஒரு தொடரோ, நாயகரோ இனியும் நம் மத்தியில் வெற்றி காண வேண்டுமெனில் அவர் மரத்தைச் சுற்றி ஓடியாடிப் பாடினாலோ ; க்ளைமாக்சில் பிழிய பிழிய நடித்தாலோ மட்டுமே போதாது தான் ! லக்கியைப் போல சிரிக்க வைத்தாக வேண்டும் ; டைகரைப் போல மதியூகியாக இருந்திட வேண்டும் ; XIII-ஐப் போல நெஞ்சைத் தொடத் தெரிந்திருக்க வேண்டும் ; பிரின்சைப் போல சாகஸங்கள் சரளமாய் செய்திட வேண்டும் ; ட்யுராங்கோவைப் போல 'வெட்டு ஒண்ணு-துண்டு ரெண்டு' என ரகளை செய்திடத் தெரிந்திருக்கணும் ; ஜேசன் ப்ரைஸைப் போல அமானுஷ்யங்களையும் சமாளிக்கும் திறன் கொண்டிருக்க வேண்டும் ; லார்கோவைப் போல ஸ்டைலாக இருக்க வேண்டும் ; புதுயுக ஜேம்ஸ் பாண்டைப் போல கலக்கிட வேண்டும்  ! ஒற்றை வரியில் சொல்வதானால் - 'தல' போல சர்வமுமாய் இருந்திடத் தெரிந்திருக்க வேண்டும் ! So -  உசக்கே...ரொம்பவே உசக்கே பயணித்திருக்கும் நமது ரசனைகளுக்கு நியாயம் செய்திடும் திறன் கொண்டவரா ? என்ற புலனாய்வுகளின்றி இனி ஒரு புது வரவை உட்புகுத்திட்டால் LADY S-க்கும் ; ஜெரெமியாவுக்கும் ; கமான்சேவுக்கும் நேர்ந்திட்ட கதை தான் / கதி தான் என்பது புரிகிறது ! 

இது சர்வ நிச்சயமாய் ஒரு பெருமிதமான தருணமே ; simply becos நமது வாசக வட்டம் amongst the elitest of the elite என்பதை அப்பட்டமாய் உணர முடிகிறது ! இங்கே தரத்துக்கு துளித்தயக்கமுமின்றி அங்கீகாரம் உண்டென்பதை - "பிஸ்டலுக்குப் பிரியாவிடை"களுக்கும்  ; அர்ஸ் மேக்னாக்களும் ; "கண்ணான கண்ணே"க்களுக்கும் கிட்டியுள்ள வரவேற்பே பறைசாற்றும் ! (என்ன, சித்தே கார்ட்டூன்களுக்கும் 'ஜெ' போடவும் செய்தால் கோடி புண்ணியம் கூடிடும் தான் !!) So எனது தேர்வுகளில் கணிசமானவை பப்படங்களாகியிருப்பினுமே - இனி காத்திருக்கும் கதைத்தேர்வுகளின் சவால்கள் பன்மடங்கு ஜாஸ்தியாக இருந்திடுமென்ற எண்ணமே ஒரு த்ரில்லை உண்டாக்குகிறது ! இனி பிஸ்டலைப் பிடித்தோரெல்லாம் நம் மத்தியில் 'தல'யாகவோ, 'தளபதி'யாகவோ மிளிர்ந்திட இயலாதென்ற புரிதலோடு ; காலாவதியான இமேஜ்களோடு உலாப்போகும் நேற்றைய ஜாம்பவான்கள் இனியும் தம் இடங்களை taken for granted என எடுத்துக் கொள்ள இயலாது என்ற ஊர்ஜிதத்தோடு எனது தேடல்களை மீள்துவக்கம் செய்திடுவேன் ! 

புதுசாய்த் தேடுவது ஒரு பக்கமிருக்க , நடப்பு ஆண்டின் அட்டவணையில் உள்ளதொரு புது வரவே கூட இந்நொடியினில் மறுபரிசீலனைக்கு ஆட்பட வேண்டியிருக்கலாம் ! மேகி காரிசன் ! இலண்டனில் வீதிகளில் உலவும் இந்த போஷாக்கான துப்பறியும் பெண் புலி on her own rights தில்லான நாயகியே ! இதோ, இந்த ஊடக விமர்சனங்களைப் படித்துப் பாருங்களேன் - மேகியை அழகாய் சிலாகித்துள்ளனர் ! 

https://www.theguardian.com/books/2019/jun/25/maggy-garrisson-lewis-trondheim-stephane-oiry-review 

http://theslingsandarrows.com/maggy-garrisson/

ஆனால் சற்று முன்னே நான் மங்கு மாங்கென்று எழுதியிருந்த நமது நாயக சாமுத்ரிகா லக்ஷணங்களுக்கு அம்மிணி நூற்றுக்கு நூறு பொருந்துவரா ? என்ற கேள்வி என் முன்னே இந்த நொடியில் நிழலாடுகிறது ! மூன்றே ஆல்பங்கள் கொண்ட குறுந்தொடரிது எனும் போது சற்றே சகஜமான சூழல்களில் மேடம் நம் மத்தியில் அங்கீகாரம் பெற்றிடக்கூடும்  ! ஆனால் இன்றைய பொழுதுகளில் உங்கள் கவனங்களைப் பச்சக்கென்று ஈர்க்கும் firepower இவரிடம் குறைச்சலென்ற சூழலில், ஒரு புது வரவை இறுதி ஓவரில் பும்ராவின் பந்துவீச்சை  சந்திக்க அனுப்பி விடும் தவறை செய்திட தயக்கமே மேலோங்குகிறது ! So கதையை வாங்கி விட்டிருப்பினும் ; அதன் மொழிபெயர்ப்பும் ரெடியாகி விட்டிருப்பினும் - ஒற்றையாண்டுக்கு வெயிட்டிங் லிஸ்டில் அம்மணி பொழுதைச் செலவிடட்டுமே என்று தீர்மானித்துள்ளேன் ! 

So அவர் காலி செய்திடும் அந்த 90 ரூபாய் ஸ்லாட்டை யாருக்கு ஒப்படைக்கலாம் என்பீர்கள் guys ? Of course 'தல' சிங்கிள் ஆல்பம் என்று பரிந்துரைக்கலாம் தான் ; ஆனால் இல்லத்துக்கு நாளைக்குப் பால் காய்ச்சும் முன்பாக,  எனக்கும் சேர்த்துப் பாயசம் போட இன்றைக்கே ஸ்லீப்பர் செல்லார் ஆஜராகிடுவார் என்பதால் இந்த slot டெக்ஸுக்குச் செல்லாது ! மாறாக லக்கி லூக்குக்கு ? தோர்கலுக்கு ?  அறிவிப்போடு நிற்கும் வேறு ஏதேனும் சாகசத்துக்கு ? அல்லது அம்மணி மேகியே களமிறங்கட்டுமா ? 

"கேள்வி லேது" என்று ஆரம்பித்து விட்டு, கேள்வியோடே முடிக்கிறாயே ? என்று  விளக்குமாற்றை நீங்கள் தேடிடும் நேரத்துக்கு நான் ப்ளூகோட் பட்டாளத்தோடு இணைந்து கொள்ளப் புறப்படுகிறேன் folks !  

நாளைக்கு காலையில் இயன்ற மட்டுக்குச் சீக்கிரமே ஆஜராக நான் ரெடி ! Maybe 7 a.m. ? உங்களின் பெரும்பான்மைக்கு எது சுகப்படுமோ - சொல்லுங்கள் !  Bye all....and a Safe Saturday to all !