ஒரு புளிசாதப் படலம் !

நண்பர்களே,

வணக்கம்! சனிக்கிழமைகள் புலர்வது வழக்கம்..! பேனா, பேப்பர் சகிதம் மோவாயில் கை வைத்தபடியே மேஜையில் நான் அமர்வதுமே வாடிக்கை! அப்புறமாய், எதைப் பற்றி எழுதுவதென்ற மகா சிந்தனைக்குள் ஆழ்ந்திடுவது நடைமுறை! ஆனால், ரொம்பச் சில தருணங்களில் மேற்படி வரிசைக்கிரமத்தில் அல்லாது, நிகழ்வுகள் தாமாய் அரங்கேறுவதும் உண்டு! ஏதேனும் ஒரு விஷயத்தை உங்களிடம் சொல்லி­யே தீரணும் என்ற நமைச்சல் உள்ளுக்குள் படுத்தியெடுக்கும் ! அல்லது ஏதேனும் ஒரு புதுக் கதை / தொடர் பற்றிய அலசலை உங்களுடன் அந்த நொடியிலேயே நடத்திட்டாலென்னவென்று குறுகுறுக்கும் ! Or ஏதேனுதொரு பணியில் ஈடுபட்ட சமயம் கிட்டிய உணர்வுகளை சூட்டோடு சூடாய் உங்களிடம் பகிர்ந்திடும் வேகம் தலைகாட்டும்! அது போலான வேளைகளில் சனி பிறக்கும் வரை காத்திருப்பதில்லை; சுக்கா ரோஸ்டைச் கண்ட கார்சனைப் போல நேராய் பதிவுக்குள் பாயத் தோன்றும் ! அத்தகைய தருணமே இது ; and வியாழன் இரவில் எழுதிய பதிவிது ! இம்முறையோ ஒன்றல்ல- இரண்டல்ல: மூன்று வெவ்வேறு கதைக்களங்களில் ஒரே சமயம் பயணித்த ஒரு வித்தியாசமான அனுபவத்தை உங்களிடம் மொக்கை போடும் அவாவே இந்தப் பதிவின் பின்னணி!

மாமூலான தேய்ந்து போன cliche தான்; இருந்தாலும் நமது சூழலை விவரிக்க அது தான் சாலப் பொருந்துகிறது! பலமே பலவீனம்; பலவீனமே பலம் என்பது தான் அந்த மொக்கை phrase! நமது அணிவகுப்பில் எண்ணற்ற நாயக/ நாயகியர் கரம்கோர்த்து நிற்பதை காலமாய் நாமறிவோம்! Without a doubt, நமது பெரும் பலமும் அதுவே என்பதிலும் இரகசியங்களில்லை தான்! ஆனால், யாரை எங்கே நுழைப்பது? யாரைக் கழற்றி விடுவது? யாருக்கு ஒற்றை ஸ்லாட்? யாருக்கு கூடுதல் சீட்? என்ற குழப்பங்களில் தலையைப் பிய்த்துக் கொள்வதே அது சார்ந்த பலவீனமுமே! And ரகரகமான கதைகளைக் கையாள்வதன் ஒரு மெகா சாதகம்- பணியாற்றும் வேளைகளில் ஒரு குதிரையி­லிருந்து முற்றிலும் புது ரகமான வேறொன்றில் தாவச் சாத்தியமாவதே!

மேஜையில் மாயாவியும், இருப்பார்; கிராபிக் நாவலும் கிடக்கும்; கார்ட்டூனும் கிடக்கும்; ரிப் கிர்பியும் கிடப்பார்! So ஏதேனும் ஒன்றில் வண்டி தள்ளாடிடும் பட்சத்தில்- "பச்சக்'' என இன்னொரு குதிரை மீதி குதித்திட முடியும்! களங்கள் ஒட்டுமொத்தமாய் மாறியிருக்கும் போது அயர்வெல்லாம் காணாதே போய்விடுவதுண்டு! அது போலானதொரு தருணமே இந்த வாரத்திலும்!

• ரிப்போர்டர் ஜானி எனும் நூடுல்ஸ் நாயகர்!
• "பயணம்'' எனும் இருண்ட கிராபிக் நாவல்!
• மாண்ட்ரேக் எனும் ஜாலி­லோ ஜகஜ்ஜாலர்!

இந்த மூவரின் லாயங்களும் திறந்திருக்க, "இந்தக் குருத-அந்தக் குருத'' என்ற சவாரியானது எனது இந்த வாரத்தையே பிரகாசமாக்கியுள்ளது!

எல்லாம் ஆரம்பித்தது "ஜெர்மனியில் ஜானி'' ஆல்பத்தோடு! நிஜத்தைச் சொல்வதானால்- இந்த மாதம் வண்டி நிரம்பவே தள்ளாட்டங்களோடே பணி செய்து வந்தது! ஆன்லைன் மேளாவின் ஐந்து இதழ்களை நடுவாக்கில் ரெடி செய்தது ஒரு முரட்டுப் பணியென்றால், ஜுன் மாதத்தின் டெக்ஸ் yet another biggie! சமீப மாதங்களில் நமது ரயிலி­ல் தொற்றிக் கொண்டிருந்ததொரு சகோதரியின் கைவண்ணத்தில் "சட்டத்தோடு சடுகுடு'' மொழியாக்கம் செய்யப்பட்டு, முழுவதும் டைப்செட்டிங்கும் பண்ணி முடிக்கப்பட்டது! ஆனால், எடிட்டிங் செய்ய அமர்ந்த போது, நமது பிரிட்டிஷ் மறுபதிப்புகளைக் கண்டு முழிக்கும் செனா.அனாவைப் போலவே என் முகமும் போனது! ரொம்பவே தட்டையான மொழியாக்கம் - அதுவும் ஒரு தெறி மாஸ் கதைக்கு என்ற போது, சுத்தமாய் ஒவ்வவில்லை! இயன்றமட்டுக்கு டிங்கரிங் செய்ததில் நாக்கெல்லாம் தொங்கிப் போக - இதற்குப் பதிலாக rewrite செய்து விடுவதே சாலச் சிறந்ததென்று பட்டது! Phew...240 பக்க ஆல்பம்- கழன்றே போச்சு பெண்டு !

So இந்த மெனக்கெடல் முடியவே தேதி 24 ஆகிப் போச்சு! அப்போது மலர்ந்த முகத்தோடு, இடியாப்பம் பிழியும் கருவியோடு நம்ம ரிப்போர்டர் ஜானிகாரு காத்திருப்பது கண்ணில்பட்டது! "தேவுடா.. நேனு டங்குவார் today சிரிகிபோயிண்டி'' என்ற பீதி அடிவயிற்றைக் கவ்வியது! நல்ல நாளைக்கே நூடுல்ஸையும், இடியாப்பத்தையும், கி.நா எபெக்ட்களோடு பரிமாறி பேனா பிடிப்போரை ஓட ஓட விரட்டும் மனுஷர் இவர் ; நானோ நாலு மூ.ச.மீட்டிங்குகளை back to back முடித்து வந்தவனைப் போல டாரான பட்டாப்பட்டியோடு நின்று கொண்டிருக்கிறேன்! இந்த நிலையில் மறுக்கா ஒரு கத்தை காகிதங்களோடு அமர்ந்து, ஜானியோடும், கமிஷனர் போர்டனோடும் உலா போனால் - மிச்சம் மீதியிருந்த பட்டாப்பட்டிக்கும் ஆபத்தாகிப் போகும்; அப்புறமாய் தலீவரின் வேப்பிலை ஜாக்கியைத் தான் இரவல் வாங்க வேண்டியிருக்குமென்றுபட்டது! தலீவரும் அதை எந்தக் கொடியில் தொங்கப் போட்டிருப்பாரோ - தெரியாதென்பதால் இந்த வம்பே வோணாம்; மருவாதியாக பேப்பரின்றி, பேனாவின்றி voice recorder-ல் மொழிபெயர்ப்பைப் போட்டுத் தந்து விடலாமென்று தீர்மானித்தேன்!

கொஞ்ச காலம் முன்னே இதையெல்லாம் செய்திருந்தேன் தான்; ஆனால், ஏனோ தெரியலை, பேனாக்கள் தரும் அந்த flow குரல் பதிவுகளின் போது கிடைப்பதாக எனக்குத் தென்படவில்லை என்பதால் அந்தப் பாணியைத் தொடர்ந்திருக்கவில்லை! அதிலும் ரெண்டு, மூன்று வரிகள் வரும் இடங்களிலெல்லாம் தடுமாற்றம் ஜாஸ்தியாவது புரியும்! ஆனால், இப்போதோ பேனா பிடிக்க விரல்களுக்குத் தெம்பே இல்லாத நிலையில் மல்லாக்கப் படுத்துக்கிட்டு ஜானியோடு ஜெர்மனியில் ரவுண்டடிக்கும் வாய்ப்பானது சால பாகுண்டி! என்று தோன்றியது!

என் யோகத்திற்கு இந்தாண்டின் ஜானி சாகஸமானது comparatively சற்றே ஆக்ஷன் கூடுதலாகவும், வசனங்கள் குறைவாகவும் உள்ளதொரு சாகஸமாய் அமைந்து போயிருந்தது! ஆரம்பமே ஒரு ஆக்ஷன் அதிரடியென்று துவங்க "ஹை... ஜாலி­....!'' என்று குஷியானேன்! நமக்குத் தான் ஒரு காபி டபராவை புரட்டி, மைக் ஜாடையில் மூக்குக்கு முன்னே நீட்டினாலும், எதையாச்சும் ஆத்தோ-ஆத்தென்று ஆத்திடும் மேனியா உண்டாச்சே - மொழியாக்கத்தைப் பர பரவென பதிவு பண்ண ஆரம்பித்தேன்! ஆரம்பிக்கும் போது நல்லாவே அமைந்து வந்த டயலாக்குகள் நீளம் கூடக் கூட- வக்கீல் வண்டு முருகனின் வாதங்களைப் போல கச்சா முச்சாவாவதை உணர முடிந்தது! 'இது என்னடா மருதக்காரனுக்கு வந்த சோதனை?' என்றபடிக்கே ஒரு ப்ரேக் விட்ட பின்னே தொடர்ந்தேன்! சிறுகச் சிறுக எஞ்சின் சூடேற இம்முறை flow தேவலாமென்று தோன்றியது! கதை நெடுக ஜானி ஒரு மஞ்சள் நிற ஸ்போர்ட்ஸ் காரில் சீறிச் செல்வார்! அதே பாணியில் நம்ம குரல் பதிவும் ஓட்டமெடுக்க அண்ணாச்சி செம ஹேப்பி! காலைப் பொழுது கூட ஓடியிராது - நெருக்கி 40 பக்கங்களை முடித்திருந்தேன்! சாப்பாட்டு மேஜைக்கு மதியம் போன போது மூணே நாட்களில் ஒரு மேம்பாலத்தைக் கட்டி முடித்தவனைப் போலான கெத்து எனக்குள் குடியேறியிருந்தது! ஒரு மேதாவிக்கேற்ற பெசல் ஐட்டமாய் ஏதாச்சும் தட்டுப்படுகிறதா? என்று பார்த்தால் - புளியோதரையும், தொட்டுக்க பசை போலான ஏதோவொரு வஸ்துவும் மாத்திரமே பல்­லிளித்தன! அதுவே ஒரு குறியீடென நான் சுதாரித்திருக்க வேணும் தான்- ஆனால், நாம தான் ஒரே சிட்டிங்கில் நாற்பதைக் கடந்த சூப்பர்மேன் அவதாரில் இருந்தோமே?! புளியோதரையை விழுங்கிவிட்டு, விட்ட இடத்திலி­ருந்து குரல் பதிவைத் தொடரப் போயாச்சு!

எஞ்சியிருந்த நாலைந்து பக்கங்களைக் கையிலேந்தும் போது தான் புரிந்தது- மேஜை மீதான புளிசாதம், காத்திருந்த ஏழரைகளுக்கு ஒரு முன்னோடி ; ஒரு குறியீடு என்பது! எனது ஆர்வக்கோளாறில் ஜானி கதைகளில் ஒரு அடிப்படை விதியினை மறந்தே போயிருந்தேன் என்பது உறைத்தது !! சின்ன வயசில் கமர்கட் வாங்கித் தின்றது முதலாய், பெரியவனாகி வில்லத்தனங்கள் செய்வதற்கான காரணம் வரையிலான சகல தகவல்களையும் வில்லன்ஸ் + போலீஸ்கார்ஸ் போட்டுத் தாக்குவதை 'ஏக் தம்மில் க்ளைமேக்ஸ் பக்கங்களுக்குள் திணித்திருப்பார்களே என்ற உண்மையினையே மறந்திருந்தேன் !! And என் கையில் எஞ்சி நின்றவையோ க்ளைமேக்ஸ் pages மட்டுமே! உள்ளுக்குள் புகுந்தால் - பக்கம் 9-ல் எவனொவொரு மஞ்ச மாக்கான் பேசிய வசனத்துக்கு சம்பந்தம் வருகிறது ; பக்கம் 16-ல் எழுதிய வரிகளுக்குத் தொடர்பு இங்கே இருப்பது புரிகிறது ; அதுவரை "தேமே' என்று வந்து போய்க்கிட்டிருந்த அழகான பாப்பாவுக்கு முக்கிய பங்கு இருப்பது புரிகிறது! 'ஆத்தீ..' என்றபடிக்கே சகலத்தையும் உள்ளடக்கி க்ளைமாக்ஸ் பக்கங்களுக்கு மொழியாக்கத்தைப் பதிவு பண்ண முயற்சித்தால்.... "ஆங்... இப்போ நான் என்ற சொல்றது...?'' என்று நாக்கு பிறழ்கிறது! வந்து விழும் வரிகளோ தூர்தர்ஷன் தமிழாக்கத் தரத்தில் தவண்டு செல்கின்றன! கதையோ முழு வீச்சில் அந்த இறுதிப் பக்கங்களில் முடிச்சவிழ்ந்து செல்கிறது !

அதைப் படிக்கப் படிக்கத் தான் நான் "புளியோதரைக்கு முன்'' செய்த குரல் பதிவுகளில் விட்டிருந்த ஒரு நூறு ஓட்டைகள் புலனாகின! பேப்பரில் எழுதியிருந்தால் "பச்சக்'' என பின்னே புரட்டி, அடித்துவிட்டு அங்கேயே சிகப்பில் மாற்றி எழுதியிருக்கலாம்! ஆனால், நம்மளுக்கோ இந்தவாட்டி நவீன வழிமுறையாச்சே?! பிழையிருந்த பக்கங்களின் ரெக்கார்டிங்குக்குப் போய் அவற்றை delete பண்ணிவிட்டு, புதுசாய் பதிவு செய்ய முயற்சிக்கத் தொடங்கினால், ஆரம்பத்தில் செட் ஆகியிருந்த வரிகளோ இம்முறை இடக்கு பண்ண ஆரம்பிக்கின்றன ! முன்னே போனால், உதைக்குது.. பின்னே போனால் குத்துது என்று பேய்முழி முழிக்காத குறை தான்!

And பேசுறாங்க... பேசுறாங்க... கதையின் வில்லன் ; போல்ஸ்கார் ; ஜானி- என அத்தினி பேரும் இறுதியில் பேசித் தள்ளுகிறார்கள்! இதுக்கு மேலேயும் நவீனமாய் குரல் கொடுக்கிறேன் பேர்வழி என நான் முயற்சித்தால் சில்லுமூக்கு சிதறுகாயாகிடும் என்பது புரிந்தது! அப்புறமென்ன- "எட்றா பேனாவை; எழுதுறா க்ளைமேக்ஸை" தான்! ஆங்காங்கே தொங்கல்களில் விட்டிருந்த முடிச்சுக்களையெல்லாம் கதாசிரியர் வழக்கம் போல க்ளைமேக்ஸில் லாவகமாய் அவிழ்க்கும் அழகை ரசித்தபடிக்கே எழுதிக் கொண்டே போனேன்! சகலத்தையும் முடித்த பிற்பாடு மைதீனிடம் ஒப்படைக்க, மறுநாளே நம்மாட்கள் DTP முடித்து திருப்பித் தந்துவிட்டார்கள்! கதையினை முழுசாய் வாசித்த போது, "புளிசாதத்துக்கு முன்'' & "புளிசாதத்துக்குப் பின்'' என்ற பாகுபாடு ஸ்பஷ்டமாய் தெரிவது போல்பட்டது! "கிழிஞ்சது போ'' என மறுக்கா பட்டி- டிங்கரிங் பார்த்த பின்பே அச்சுக்குப் போக அனுமதித்தேன்! And வியாழனன்று அச்சும் ஆச்சு! So நவீனத்தை அரவணைக்கும் ஆர்வத்தில் சிலபல முன்பற்களைப் பெயர்த்துக் கொண்ட அனுபவத்தோடே அடுத்த குதிரையினை நோக்கித் தாவினேன்! அதுவோ ஒரு கி.நா!

''பயணம்..!'' ஆங்காங்கே நிறையவே பில்டப்கள் தந்திருந்தோம் தான்! கதையினை மேலோட்டமாய் எனக்குத் தெரியவும் செய்யும் தான்; ஆனால், முழுசையும் படித்திருக்கவில்லை & பணி செய்யும் போதே அதனை உள்வாங்கிடும் அந்த மாமூலை இம்முறையும் மாற்றிட விழையவுமில்லை! So ஆராமாய் கதையோடே; கதையின் ஒரே நிரந்தரங்களான தந்தை & மகன் ஜோடியோடே பயணித்தேன்! நிஜத்தைச் சொல்வதானால் இங்கே ஒரு மொழிபெயர்ப்பாளனுக்குப் பிடுங்க அவசியமாகிட்ட ஆணிகள் வெகு சொற்பமே! வசனங்கள் ரொம்பவே குறைவு என்பதால் பேனா பிடிப்பதில் no நோவு! "ப்பா..'' "டாடி''... "தம்பு''... என்ற வார்த்தைகளுக்கே பிரதான அவசியம் என்பதால் அவற்றை அலுப்புத் தட்டாத விதமாய் எங்கெங்கே நுழைப்பதென்பது மாத்திரமே சவாலாக இருந்தது! பாக்கி சகலப் பொறுப்புகளையும், வேலைகளையும், தலை மேல் இழுத்துப் போட்டுக் கொண்டிருக்கிறார் Manu Larcenet ! 

பொதுவாய் காமிக்ஸ் ரசிப்போரில் இரண்டு ரகங்களுண்டு! 

# 1: கதையே பிரதானம்; சித்திரங்கள் சைடுக்கு! என்ற ரீதியில் பரபரவென படித்துச் செல்வோர்!

# 2: ஒவ்வொரு ப்ரேமிலும் ஓவியர் எதையேனும் சொல்ல முனைந்துள்ளாரா? என்ற கேள்வியோடே நிதானமாய் ரசித்து நகர்ந்திடுவோர்!

இதனில் நாம் எந்த ரகமாக இருந்தாலும் சரி- இந்த ஒற்றை ஆல்பத்துக்காவது ஒட்டுமொத்தமாய் ரகம் # 2-ல் ஐக்கியமாகிடல் அவசியமென்பேன்! Becos ஒவ்வொரு பக்கத்திலும், ஒவ்வொரு கட்டத்திலும் சித்திரங்களில் புதைந்து கிடக்கும் தகவல்களை எழுத்தாக்க முயற்சித்தால் ஒரு முழுநீள நாவல் தேவையாகிடலாம்! உயிரைக் கொடுத்து இழைத்து, இழைத்துப் பணி செய்துள்ளார் மனுஷன்! அந்தச் சித்திரங்களை highlight செய்திடவே இம்முறை அந்த மெகா சைஸில் பயணிக்கவிருக்கிறோம்!

கதை நெடுக ஒரு மென்சோகம் இழையோடுவதை மறுக்க இயலாது! எல்லாமே நிர்மூலமாகிப் போனதொரு எதிர்கால உலகில் தங்களுக்கென விடியலைத் தேடிடும் தந்தை - தனயனின் பயணமே இந்தப்  "பயணம்!'' And அடைகாக்கும் கோழியாய், உலகமே எதிர்நின்றாலும் தன் பிள்ளையைப் பாதுகாக்க விழையும் அந்தத் தந்தை கேரக்டரே இந்தப் படைப்பின் அச்சாணி! இந்தப் பயணத்தின் முடிவில் வாழ்க்கையின் முழு முதல் நாயகர்களான  அத்தனை அப்பாக்களிடமும் ஒரு சன்னமான அதிர்வலைகள் நேராது போயின் ஆச்சர்யம் கொள்வேன்! This is for all the Fathers amongst us!

கதையைப் பொறுத்தவரை "நிஜங்களின் நிசப்தம்'' ரேஞ்சுக்கான அடர்த்தி இங்கே கிடையாது! அங்கே களம் பெரிது; கதை மாந்தர்களும் அதிகம் என்றதால் சம்பவக் கோர்வைகளும் கூடுதலாக இருந்திட சாத்தியப்பட்டது! But அடர்த்தியிலிருக்கும் குறைபாட்டை சித்திர நேர்த்தியில் ஈடுசெய்துள்ளார் Manu Larcenet! So ஒரு பெரும் கலைஞனின் படைப்போடு பயணிக்க வாய்ப்புக் கிட்டியுள்ள இந்த வாரமானது in many ways ஸ்பெஷல் to me! Please don't miss this album folks!

ஜானிக்கும், பயணத்துக்கும் இடைப்பட்ட ஓய்வுப் பொழுதுகளில் எனது மண்டைக்குடைச்சல்களுக்கு செமத்தியாய் ஒற்றடம் தந்தவர் நம்மள் கி மாயாஜால மன்னரே! லாஜிக் எனும் டோப்பாவை சத்தமின்றிக் கழற்றி வைத்துவிட்டு வரிசையில் நின்று குற்றால அருவியில் தலையை நுழைப்பதற்கு சிறிதும் குறைந்ததல்ல மாண்ட்ரேக் தரும் இதம்! அதிலும் இது Lee Falk க்ளாஸிக்களுள் ஒன்று!

அயல்கிரகத்தி­லிருந்து புறப்படும் ரெண்டு மீனவர்கள் பிரபஞ்சப் பயணத்தின் போது ஒரு தப்பான லெஃப்ட் எடுக்க (!!😁😁😁) - பூமிக்கு தப்பிதமாய் வந்து சேர்கிறார்கள் - தங்களது மீன்பிடிக்கும் படலத்துக்கென! "பிரபஞ்சப் பஞ்சாங்கம்" ... "சூரிய மண்டலப் பயணம்' என்றெல்லாம் ரவுண்டு கட்டியடிக்கும் கதையில் மாண்ட்ரேக்கையும், நார்தாவையும் தூண்டில் போட்டுப் பிடித்து விடுகின்றனர் அந்த மீனவ சதுர மண்டையன்கள்! தொடர்ந்திடும் ரகளைகள் காதில் மீட்டர் கணக்கில் பூச்சுற்றினாலும், செமத்தியான ஜாலி­ ரகம்! கருணையானந்தம் அங்கிளின் மொழியாக்கம் இது போலான நேர்கோட்டு க்ளாஸிக் கதைகளில் அழகாய் செட் ஆகிடும் எனும் போது இங்கே எனக்குப் பெரிதாக வேலையும் இருக்கவில்லை! So ஒரு புளிசாதப் படலத்தையும், பயணப் படலத்தையும் முடிப்பதற்கு மத்தியிலான இடைப்பட்ட நேரங்களை மாண்ட்ரேக்கோடு செலவிட முடிந்ததில் செம relief!

ஆக, இந்த வாரம் தந்துள்ள அனுபவங்கள் ஒவ்வொன்றுமே - இந்தப் பணியின் பல பரிமாணங்கள் மீது அற்புதமாய் ஒளிவட்டத்தைப் பாய்ச்சியுள்ளன என்றால் மிகையில்லை ! நாள் முழுக்க மரத்தைச் சுற்றிப் பாட்டு பாடி, ஆடினாலும் போரடித்துப் போகும்; பொழுதன்னிக்கும் மூக்கைச் சிந்தியபடியே முகாரி ராகத்தைப் பாடித் திரிந்தாலுமே வெறுத்துப் போய்விடும்! ஆனால், தற்போதோ சகலத்திலும் சரிவிகிதமாய் டிராவல் பண்ண சாத்தியமாவதால் பாட்டையாவைக் கூட, பவர் ஸ்டாராய் பரிணமிக்க அனுமதிக்கின்றது!

And before I sign out- சில தகவல்களும்!

• இன்று (சனி) டெஸ்பாட்ச் done !! வாரயிறுதிக்கு முன்பாகவே இதழ்களை உங்கள் வசம் ஒப்படைக்க விழைந்தோம் தான் - ஆனால், வாரம் முழுக்க "நச நச''வென பெய்து வரும் மழையில், அச்சு + பைண்டிங்கில் சின்னதாய் தாமதம்! So நாளையோ, திங்களன்றோ கூரியர்ஸ் கதவைத் தட்டிடும் !

• ரொம்ப காலத்துக்குப் பின்பாய் இரண்டே இதழ்கள் மட்டுமே உங்களது (ரெகுலர்) சந்தா கூரியரில் இடம்பிடிக்கப் போகின்றன!!

• இம்மாதம் The King's ஸ்பெஷல் - 1 வந்திருக்க வேண்டியது ; ஆனால், ஆன்லைன் மேளாவிற்கும் கணிசமாய் ஆர்டர் செய்திருந்த ஏஜெண்ட்கள் சற்றே மூச்சு விட்டுக் கொள்ள அவகாசமிருந்தால் தேவலாமே என்று மனசுக்குப்பட்டது!

• தவிர இன்னமும் ஜுன் 15-க்கென "பயணமும்'' காத்திருப்பதால் The King's ஸ்பெஷல் - 1 இதழினை ஆகஸ்டுக்கென தள்ளி வைத்துள்ளோம்! ஜூலையில் "The பிளைசி ஸ்பெஷல்" coming : 2 புத்தம் புதிய சாகசங்களோடு !!

• "சாம்பலி­ன் சங்கீதம்'' மொழியாக்கம் நண்பர் கார்த்திகை பாண்டியனின் கைவண்ணத்தில் ஓடிக் கொண்டுள்ளது! அசுரத்தனமான படைப்பிது என்பதால் அவரது பணி முடிந்திட இன்னும் கொஞ்ச அவகாசமெடுக்கும்! மொத்தமும் கைக்கு வந்த பிற்பாடே அதன் ரிலீஸ் மதுரையிலா ? திருச்சியிலா ? சேலத்திலா? என்று தீர்மானித்திட வேண்டி வரும்! நமது பணிகள் முழுமையடைந்த பிற்பாடு படைப்பாளிகளின் approval-ம் அவசியமாகிடும் என்பதால் அதற்கான கால அளவினையும் சேர்த்தே திட்டமிட்டாகணும்!

• கூப்பிடு தொலைவில் காத்திருக்கும் கோவை புத்தகவிழாவுக்கென 2 ஸ்பெஷல் இதழ்களுண்டு! அவற்றுள் ஒன்று இதோ:

ரைட்டு, இதோ இந்தப் பதிவுக்கான எனது கேள்விகள் :

1. ரிப்போர்ட்டர் ஜானி நம்மோடு 39 ஆண்டுகளாய் பயணித்து வரும் நாயகர் ! இன்னமுமே அவரிடம் நமக்கொரு சுவாரஸ்யம் தொடர்கிறது தானா ? Maybe ஜானி 2.0 பக்கமாய் கொஞ்ச காலத்துக்கு நகர்ந்திட வேணவே வேணாம் தானா ? Given a choice - நான் அங்கே கொஞ்ச காலமாவது உலா வரவே விழைவேன் !! Your thoughts please ?
2. ஆன்லைன் மேளாவின் முதல் ரவுண்டிலான 5 புக்ஸ்களை நீங்கள் வாங்கினீர்களா? யெஸ் எனில், அவற்றில் எத்தனையைப் படித்திருப்பீர்கள்?
3. "பயணம்'' ஆர்டர் பண்ணியுள்ளீர்களா?
4. ஆர்டர் போட்டிருந்தாலும் புக் வெளியான பின்னே படிப்பீர்களா? அல்லது கலெக்ஷனுக்காக மட்டுமேவா?

Bye for now folks... see you around! Have a great weekend!

And புது புக்ஸ் ஆன்லைன் லிஸ்டிங் போட்டாச்சு ; லிங்க் இதோ : https://lion-muthucomics.com/monthly-packs/1341-june-pack-2025.html

"பே.பி.பே"

 நண்பர்களே,

ஞாயிறு காலை வணக்கங்கள். தொடர்ச்சியாய் மூன்று வாரங்களுக்கு இங்கிட்டும், அங்கிட்டும் ஓடும் வேலைகள் வந்து சேர, வாரயிறுதிகளுக்கு ஊட்டாண்ட இருக்க சாத்தியப்படவில்லை ! As a result - பதிவுகள் ஞாயிறுகளுக்கே என்றாகிப் போய்விட்டுள்ளன !! Sorry மக்களே.....! 

ரைட்டு....இந்த வாரப் பதிவில் எதைப் பற்றிப் பேசலாம் ? என்ற ரோசனைக்கு முன்பாக நம்ம பதிவுப் பக்கத்தைப் பற்றியே பேசிடலாமா ? Becos இதை டைப்ப நான் அமர்ந்த தருணத்தில் பல்லடத்து நண்பரிடமிருந்து ஒரு குறுஞ்செய்தி வந்திருந்தது : "2025-ன் 22 வாரங்களில் வெறும் 23 பதிவுகள் தான் ! ரொம்பவே ஸ்லோவா தெரியுதே சார் ?" என்று !! பொதுவாய் நான் நம்பர்களை பின்தொடரும் ரகமே அல்ல தான் ; நண்பர்கள் சொன்ன பிற்பாடே "இந்த வருஷம் இதழ் # 400 வருது ; டெக்ஸ் 250 வருது" என்பதையெல்லாம் உணர்ந்திட ஆரம்பிப்பேன் ! So இங்கேயும் நிலவரம் அதுவே ! ஆனால் கொஞ்ச காலமாகவே blog லைட்டாக பின்சீட்டுக்குச் சென்றிருப்பதை நான் புரிந்திருக்காதில்லை ! சரியாகச் சொல்வதானால் நம்ம வாட்சப் கம்யூனிட்டி துவங்கிய நாள் முதலாய், அங்கே வாரத்தின் பாதிப் பொழுதை ஓட்டும் வாய்ப்பு அமைந்திருக்க இங்கே interact செய்திடும் நேரம் அடி வாங்கியுள்ளது ! அதில் உள்ள சுலபம்,  வேலைகளை சுளுவாய் முடித்துத் தருவது போலான பீலிங்கை தருவதால், ஒரு விக்கெட் வேணும் எனும் போதெல்லாம் இந்திய கேப்டன்கள் பும்ராவிடம் பந்தை ஒப்படைப்பது போல, இப்போல்லாம் எனது முதல் தேர்வாய் வாட்சப் கம்யூனிட்டியே இருந்து வருகிறது ! ஆனால் இங்கேயோ - அங்கேயோ, "நாங்க படிப்போம் ; அத்தோட நடையைக் கட்டிக்கினே இருப்போம் ! அம்புட்டு தென் !!" என்ற மௌன நண்பர்களின் trend மாற்றங்களின்றித் தொடர்வதை பார்க்கும் போது இரு மார்க்கங்களுமே ஒன்றுக்கு ஒன்று சமமே என்று தோன்றுகிறது ! குறிப்பிட்ட ஒரு எண்ணிக்கையிலான நண்பர் வட்டமே இங்கும் சரி, அங்கும் சரி - சுவாரஸ்யங்களை முன்னெடுத்துச் சென்று கொண்டுள்ளனர் ! So நிரந்தர வாசிப்புக்கு உதவிடும் blog பக்கமாய் வண்டியை ஒரு U-டர்ன் போடச் செய்யலாமோ ? என்ற மகா சிந்தனை உள்ளுக்குள் துளிர் விடுகிறது ! 

பற்றாக்குறைக்கு நம்ம மகளிரணித் தலைவி கொரோனா லாக்டௌன் நாட்களின் பதிவுகளை இப்போ தான் வாசிக்கத் துவங்கியுள்ளார் போலும் - 'பாரிசில் கொரில்லா கிட்டே சிக்கிய படலம் டெரரா கீது ; கொரியப் பயணம் குன்சா கீது ; உங்க தாத்தா பற்றிய நினைவுகள் ஜிலோன்னு கீது !' என்றெல்லாம் சேதி அனுப்ப, "ஆமால்லே....ப்ளோக்கின் அட்டகாச நாட்களவை !!' என்ற நோஸ்டால்ஜியா கவ்விக் கொண்டது ! மேலோட்டமாய் பின்னோக்கி blog-க்குள்ளே பயணித்த போது அந்நாட்களின் உற்சாகங்கள், மகிழ்வுகளை ஸ்பஷ்டமாய் feel செய்திட இயன்றது ! ஆனால் ஓட்டம்-ஓட்டம்-முடிவில்லா-ஓய்வில்லா ஓட்டம் எனும் வட்டத்தினுள் ஆளாளுக்குச் சிக்கிக் கிடக்க, புத்தக வாசிப்புக்கான அவகாசங்கள் மட்டுமன்றி, இந்த blog-ல் முன்போல interact செய்திடுவதற்கான அவகாசங்களும் மட்டுப்பட்டிருப்பது தெளிவாய் தெரிய ஆரம்பித்தது ! So ஆளில்லா blog கடையிலே நாயராய் டீ ஆத்தும நேரத்துக்கு லேட்டஸ்ட்டான கம்யூனிட்டி சாயா கடையிலே மாஸ்டர் ஆகிப்புடலாம் ! என்ற சபலம் தலைதூக்கியது ! And here we are !

இங்கே வேகம் சற்று குன்றியதற்கு இன்னொரு காரணமும் உள்ளது ; அது தான் "எழுத்தயர்வு" !!! "இன்னாடா இது புது ஐட்டமா கீது ?" என்ற யோசனையா ? வேறொண்ணுமில்லை folks - மாதத்தின் 30 நாட்களும் எதையோ - எதையெதையோ எழுதிக்கினே இருப்பது போலொரு உணர்வு இப்போதெல்லாம் ! முன்னே புக்ஸ் எண்ணிக்கை குறைச்சலாக இருக்கும் ; நம்ம கருணையானந்தம் அங்கிளும் ஆக்டிவாக இருப்பார்கள் ! So பாரத்தின் கணிசத்தை அவர் தோளிலும் ஏற்றி விட்டுப்புட்டு கொஞ்சம் பிரீயாக இருக்க சாத்தியமாகிடும் ! ஆனால்....... 

*வண்டி வண்டியாய் இதழ்களின் எண்ணிக்கை கூடிக் கொண்டே போக , 

*கதை ரகங்களும் வித விதமாகிட, 

*க்ளாஸிக் நடை மட்டுமே சகலத்துக்கும் நியாயம் செய்யப் போறாது என்ற புரிதல் பிறந்திட,

*புதுப் புது மொழிபெயர்ப்பாளர்களை நாடும் அவசியங்களும் புலர்ந்திட,

*வண்டி வண்டியாய் எழுத்தாளர்களை சரமாரியாக முயற்சிக்க , 

*இன்று வரைக்கும் யாரது மொழியாக்கங்களும் (கணிசமான) பட்டி-டிங்கரிங் இல்லாது தேற மறுக்க,

நம்ம கையிலே பேனா நிரந்தரமாய் நிலைகொண்டிருப்பது போலவே ஒரு சூழ்நிலை ! 😟😟

கதைகளும், களங்களும், காலங்களும் மாறிக் கொண்டே போனாலும், மாதம் முதல் தேதியிலிருந்து முப்பது தேதி வரைக்கும் 'பேனாவுடன் ஒரு பேமானி' அவதார் இம்மியும் மாற்றம்  காணக் காணோம் ! So வாரஇறுதிகளையே ; ஞாயிற்றுக்கிழமைகளையே - சலவைக்கு ஆற்றுக்குப் போகும் மையப் பொழுதுகளாக்கி வரும் சூழலில், வாரம்தோறும் அந்தப் பணிக்குவியலை (NOT பணக்குவியல் தெய்வங்களே !!) மூட்டை கட்டி வைத்து விட்டு blog பக்கமாய் ஆஜராகி, இங்குமொரு நெடும் பதிவை எழுத மண்டை ஒத்துழைக்க சண்டித்தனம் செய்கிறது ! என் எழுத்தின் மீது எனக்கே நேரும் அயர்வு அது என்று வைத்துக் கொள்ளுங்களேன் ! That's what I meant by "எழுத்தயர்வு" !! உங்களுக்கு எனது மாமூலான writing அலுத்துப்புடக் கூடாதே !! என்பது தான் பிரதான கவலையாக இருந்து வந்தது ; ஆனால் நிலவரமோ சமீபமாய் உல்டாவாகி நிற்க, திருட்டு முழி முழித்துக் கொண்டிருப்பது பலனாகிறது ! In fact அந்தந்த மாதத்துப் பணிகள் சகலத்தையும் முடித்து விட்டு, லைட்டாய் நீட்டி, நெளிக்க முனையும் போது "ஹாட்லைன் பெண்டிங் இருக்கு அண்ணாச்சி !" என்று மைதீன் முன்னிற்பான் ! முழுசாய் drain ஆகிப் போயிருக்கும் அந்நேரத்தில்  அந்த 2 பக்கங்களை எழுதும் உற்சாகத்தைத் திரட்டுவது கூட ஒரு செம பிரயத்தனமாய் இருப்பதுண்டு !! கலப்படங்களற்ற நிஜம் இது தான் folks !!

இங்கு தான் உங்களின் பங்களிப்புகளின் அவசியம் பன்மடங்காகிடுவதுண்டு ! 'தம்' திரட்டி பதிவை எழுதி விட்டுப் போன பிற்பாடு இங்கே ஒருவித மயான அமைதி நிலவும் போது, ஜிஞ்சர் தின்ன மங்கி போல வதனம் மாறிப் போகும் ! Oh yes - முழுசாய் இல்லாவிடினும், ஓரளவுக்காச்சும் பதிவுகளை நீங்கள் படிக்கிறீர்கள் என்பது தெரியும் தான் ; ஆனால் சர்க்கஸில் வேஷம் கட்டும் கோமாளியைப் போல பார்வையாளர்களின் சிரிப்பலைகளில் தான் பேட்டரி ரீசார்ஜ் ஆகிடுவது நிதர்சனம் ! அதுவும் இந்த ரொம்பவே பழசு எனும் போது  self recharge நிகழ்வது அரிதாகிக் கொண்டே செல்கிறது ! உங்களின் சூழல்கள் எனக்குப் புரிகின்றன folks ; பிழைப்புகளைப் பார்க்கவே ஓராயிரம் கரணங்கள் போட வேண்டியுள்ள நாட்களிவை எனும் போது இது எவ்விதத்திலும் உங்களைக் குறைப்பட்டுக் கொள்ளுமொரு சமாச்சாரம் கிடையாது ! மாறாக  மண்டைக்குள் ஸ்விம்மிங் போட்டு வந்த எண்ணங்களின் வெளிப்பாடு மாத்திரமே !  

And last but not the least - மாறி வரும் காலகட்டங்களுக்கும், அவை கொணரும் மாற்றங்களுக்கும் யாருமே விதிவிலக்காகித இயலாதல்லவா ? So ஜட்டியை மேலாக்கா மாட்டிக்கினு யூத் சூப்பர்மேன் என்று டிராமா போட்டுத் திரிந்தாலும் நம்மள் கி வயசு 58 என்பதை ஒவ்வொரு காலையும், இரவும் நினைவூட்டத் தவறுவதில்லை ! So இப்போதெல்லாம் ராக்கூத்துக்களின் நீளங்கள் முன்போல் சாத்தியமாவதில்லை ; அலாரம் வைச்சு அதிகாலை 4 மணிக்கு டைப்புவதெல்லாம் கற்பனையில் கூட முடிவதில்லை ; ரயில் நிலையங்களிலும்,மேல் பெர்த்களிலும் தொங்கிக் கொண்டு பதிவுகளை எழுத தம் இருப்பதில்லை ; விட்டம் வரை கொட்டாவிகளோடு வாய் விரியும் முதல் நொடியில் shut down கொடுத்துப்புட்டு சொப்பன லோகத்துக்கு பயணிக்கும் சபலன்களைத் தவிர்க்க முடிவதில்லை ; and எல்லாவற்றிற்கும் மேலாய் ஒரு நிஜத் தாத்தாவின் அவதார் தரும் கலப்படமற்ற மகிழ்வுகளுக்கு முன்னுரிமை தரும் ஆசைக்கு அணை போட முடியவில்லை ! 

So இந்த slowdown ஒரு விதத்தில் நம் அனைவருக்குமே தொடர்பு கொண்டது ! But யதார்த்தத்தினை தாண்டியும் வாரமொரு உற்சாகக் குதி போட உங்களுக்கு சாத்தியப்பட்டால், மில்சே தாத்தால்லாம் rolemodel ஆக இருக்கும் போது, நிச்சயமாய் எனக்கும் இயலாது போகவே போகாது ! நான் ரெடி....நீங்க ரெடியா ? இந்த வாரத்துக்கான கேள்வியாய் உங்கள் முன்னே நான் வைக்க விழையும் கேள்வி கூட நமது blog சார்ந்ததே !! 

1. ஆயிரத்துச்சொச்சம் பதிவுகள் இருக்கும் இந்த சமுத்திரத்தில் நீங்கள் தோராயமாக படித்திருக்கக்கூடியது எம்புட்டு folks ?
2. அதே போல நினைவில் தங்கிய TOP 3 BLOG MOMENTS என்று எவற்றைச் சொல்வீர்களோ ? 

Bye all...."பே.பி.பே" அவதார் ரிப்போர்ட்டர் ஜானியுடன் மறுக்கா அழைப்பதால் கிளம்புகிறேன் all !! See you around .....Bye for now !! Happy Sunday !!

தி கோனார் நோட்ஸ்!

நண்பர்களே, 

இணைப் பிரபஞ்ச வணக்கங்கள்!

"நாளை போய் நேற்று வா"....! கடந்த ஒரு வாரமாய் ஈட்டியுள்ள அலசல்கள் சிண்டை பிய்த்துக் கொள்ளும் ரகத்தில் இருந்துள்ளதில் ஐயங்களில்லை! வித விதமான தியரிகள், அனுமானங்கள், யூகங்கள் - என தெறிக்க விட்டுள்ளனர் ஒரு சிறு அணியினர்!

'அடிக்கிற கத்திரி வெயிலில் ஊட்டாண்ட இருக்க நோவுகளையே சமாளிக்க முடிலே - இந்த அழகிலே டைம் லூப் ; காளான் சூப்புக்கு தான் பொறுமை இருக்காக்கும்?' என்றபடிக்கே மீத மக்கள் அமைதி காப்பதுமே கண்கூடு! "பொழுதுபோக்குக்கே வாசிக்க வர்றோம்... இந்த கூத்துக்களுக்கு நஹி!!" என்ற அவர்களது மைண்ட்வாய்ஸ் உரக்கவே கேட்கவும் செய்கிறது! இவையெல்லாம் என்றேனும் ஒரு தருணத்தின் இதழ்களே என்பதால் no விசனம்ஸ் ப்ளீஸ் மக்களே!  

Anyways இந்தக் கதையின் plot பற்றி நாம் ஆளுக்கொரு விதமாய் யூகம் செய்து வரும் நிலையில் கதாசிரியரிடமே அது பற்றி வினவினேன் - உங்களின் உத்வேகத்தை குறிப்பிட்டு! செம ஹேப்பி அவர் 😀😀😀!

இதோ - அவரது கதையாக்க விளக்கம் இங்கிலீஷில் + அதற்கான நமது தமிழாக்கம் ! Sure enough - நமது அலசல்கள் அவரது கற்பனைகளையும் விஞ்சியிருப்பது obvious 🥹🥹🥹!! "இவ்ளோவே தானா?" என்று இந்த விளக்கத்தை படித்த பிற்பாடும் சந்தேகங்கள் தொடரக்கூடும் என்பதுமே உறுதி! 

So படித்துப் பாருங்கள் ; தொடரக்கூடிய உங்கள் வினாக்களை TO : Mr. Marcello Bondi என்ற குறிப்புடன் இங்கேயே பதிவிடுங்கள் - அவருக்கே அனுப்பி பதில்கள் கோருவோம்!

லயன் வாசகர்களா - கொக்கான்னானாம் 💪💪....!

ரொம்ப காலம் கழித்துக் களை கட்டியுள்ள ப்ளாக் பார்க்கவே அற்புதமாய் உள்ளது! மௌனம் காக்கும் நண்பர்களும் இந்த விளக்கத்தை பார்த்த பின்னே கலந்து கொண்டால் - even better 🔥🔥🔥!

Happy Sunday all!!

வாஷிங் பவுடர் நிர்மா !!

 நண்பர்களே,

வணக்கம். பொதுவாய் பாக்கிகளை வசூல் பண்ணப் போகும் பொழுதுகளில் - "இன்னிக்கி போய்ட்டு நாளான்னிக்கி வா...! அடுத்த வாரம் போய்ட்டு அதுக்கடுத்த வாரம் வா" - என்ற ரீதியில் பதில்கள் கிடைக்கும் போதெல்லாம்,  வெளியே "சரிங்க அண்ணாச்சி" என்று படு செயற்கையான சிரிப்போடு நடையைக் கட்டினாலும், உள்ளுக்குள் செம காண்டாகிடுவதுண்டு ! But முதல் தபாவாய் ஒரு மொக்கையான தவணை சொல்லப்பட, அதனை குஷியாய் நாமும் ஏற்றுக் கொள்வது  நிகழ்ந்துள்ளது ! Becos அந்தத் தவணையில் டிசைன் அப்டி : "நாளை போய் நேற்று வா ....!!" 

நமது ஆன்லைன் மேளாவிற்கென புக்ஸ் தேர்வு செய்யும் தருணத்தில் உட்புகுந்த surprise entry தான் இந்த கி.நா. and வயசானாலும் உங்களது வாசிப்பு ரசனைகளின் நாடித்துடிப்பினை இந்த சித்த வைத்திய சிகாமணி ஓரளவுக்கு அறிந்து வைத்திருப்பதை ஊர்ஜிதம் செய்திடவும் உதவியுள்ள இதழிது ! இடியாப்பங்கள் நமக்கு எப்போதுமே இஷ்டமான டிபன் என்பது ரிப்போர்ட்டர் ஜானி ; மர்ம மனிதன் மார்ட்டின் காலம் முதலே தெரிந்த விஷயம் தான் ; plus காலப் பயணங்களும், இணைப் பிரபஞ்சங்களுமே உங்களுக்கு செமத்தியாக ரசிக்கும் என்பதை "சிகரங்களின் சாம்ராட் " சூப்பராக நிரூபித்தது ! So இது போலான கதைகள் ஏதேனும் தென்படுகின்றனவா ? என்று நடு நடுவே நோட்டம் விட்டுக் கொண்டேயிருப்பது சில ஆண்டுகளின் வழக்கம் ! In fact மரத்தைச் சுற்றி டூயட் பாடும் மாமூல்கள் அல்லாத எதையும் ஆர்வமாய் நோக்குவது இப்போதெல்லாம் ஒரு பிடிவாத குணமாகவே மாறிப் போச்சு ! 

அப்படிப்பட்டதொரு mindset சகிதம் சுற்றத் துவங்கிய பிற்பாடு தான் SODA முயற்சிப்போமே என்று பட்டது ; ரூபின் worth a try என்று பட்டது ; ஸ்பூன் & ஒயிட் வரலாமே என்று பட்டது ; டெட்வுட் டிக் நிச்சயம் ஏமாற்ற மாட்டானென்று பட்டது ; தாத்தாக்கள் வலம் வரட்டுமே என்று பட்டது ; ஸ்டெர்ன் வாய்ப்புக்கு உகந்தவன் என்று பட்டது !! So இத்தகைய mindset உறையும் தருணத்தில், சில பல ஜாம்பவான்களோடு நமது தேடல்களை நிறுத்திக் கொள்ளாது, நிரம்ப passion சகிதம் முயற்சித்து வரும் நம்மைப் போலான இரண்டாம், மூன்றாம் நிலையிலிருக்கக்கூடிய படைப்பாளிகளையும் பரிசீலிக்கத் தோன்றுவதுண்டு ! In fact இத்தாலிய மொழியில், பிரெஞ்சு மொழியில் மட்டுமல்லாது - ஏகப்பட்ட கோக்குமாக்கான மொழி பேசிடும் மார்க்கெட்களிலும் பராக்குப் பார்ப்பது அவ்வப்போதைய பொழுதுபோக்குகள் ! 

கொரோனாவுக்கெல்லாம் முன்பாக, இத்தாலியில் ஒரு படைப்பாளி அவராக நம்மைத் தொடர்பு கொண்டிருந்தார் - தான் புதிதாய் உருவாக்கி வரும் ஒரு black & white தொடரினை தமிழில் வெளியிட நமக்கு ஆர்வமிருக்குமா ? என்ற கேள்வியோடு ! நமக்குத் தான் புதுசாய் எந்த பொம்ம பொஸ்தவத்தைப் பார்த்தாலும் கண்ணு பிரகாசமாகிடுமே ? "ரைட்டு, அனுப்புங்க சார் - பார்க்கலாம்" என்றேன் ! துரதிர்ஷ்டவசமாக அந்தப் படைப்பு ரொம்ப சுமார் ; கௌபாய் பின்னணியில் இருந்தாலும் பெரிய விறுவிறுப்பு இல்லை ! ஒரு மாதிரி பூசி மெழுகி "ஊருக்குப் போய் கடுதாசி போடறேன் !" என்ற ரீதியில் கழன்று கொண்டேன் ! அவருக்கு அதனில் கொஞ்சம் ஏமாற்றம் என்ற போதிலும் புரிந்து கொண்டார் ! அவராகவே தான் வெவ்வேறு ஐரோப்பிய சிறு படைப்பாளிகளின் திக்கில் கையைக் காட்டிடவும் செய்திருந்தார் ! So இங்கும், அங்குமாய் இத்தினி காலமாய் ரவுண்டு அடித்ததன் பலனாய் கண்ணில்பட்ட ஒரு வண்டிக்கதைகளுள் ஒன்று தான் "கர்மாவின் சாலை" என black & white-ல் நாம் முயற்சிக்க நினைத்த கி.நா. !! அந்தக் கதை முழுக்க ஒரேயொரு கார் ; ஒரேயொரு ஆசாமி ; ஒரேயொரு செல்போன் தான் & இரவில் ஒண்டியாளாய் காரில் போய்க்கொண்டிருக்கும் போது அரங்கேறும் ஒரு சம்பாஷணையில் அவனது வாழ்க்கையே தலைகீழாய் மாறிப் போவது தான் அந்த ஆல்பத்தின் plot !  நமது வாட்சப் கம்யூனிட்டியில் உங்களிடம் இது பற்றிச் சொல்லி விட்டு, "இதை முயற்சிப்போமா folks ?" என வினவியிருந்த சமயம் கிட்டிய response மிரட்டலானது !  So அந்தக் கதையினை வாங்க ரெடியான வேளையில், "இன்னமும் கூட எங்களிடம் சில கி.நா.க்கள் உண்டு ; பார்க்குறீங்களா ? " என்று கேட்டனர் ! Oh yes - பேஷாய் !! என்று சொல்ல, நாலைந்து கதைகளின் கோப்புகள் வந்து சேர்ந்தன ! பொறுமையாய் அவற்றை புரட்டிய போது இந்த ஒற்றைக் கதை புருவங்களை உயரச் செய்தது ! "அட...அந்த மாநாடு படம் மாதிரி time loop அது, இதுன்னு போகுதே கதை ?" என்று உறைத்தது !! 

மிகச் சரியாக அந்நேரத்துக்கு "வைகறைக் கொலைகள்" b&w கி.நா.வினை ஆன்லைன் மேளாவுக்கென அறிவிக்கவெல்லாம் ரெடியாகி இருந்தேன் ! அது ஏற்கனவே ஜம்போ காமிக்சில் சில வருஷங்களுக்கு முன்பாய் வந்திருக்க வேண்டிய ஆல்பம் & ராப்பர் கூட பிரிண்ட் ஆகி வருஷமாய் ரெடியாய் காத்துக் கிடக்கிறது ! அதை வெளியிட்டால் வேலையும் லேசு, முடங்கிக் கிடைக்கும் காசும் ரிலீஸ் ஆகும் என்ற எண்ணமிருந்தது பின்புலத்தில் ! But இந்தக் கி.நா கதையென்றால் புதுசாய் பணி ; புதுசாய் கொள்முதல், தயாரிப்பு என காத்திருப்பது புரிந்தது ! ஆனால் நமக்கு தான் வானர புத்தியாச்சே ? புதுசாய் ஒரு கொப்பில் ஏறி நின்றால், கீழிறங்க மனசு வராதே ? ரைட்டு...எதுக்கும் உங்ககிட்டவே இது பற்றியும் கேட்டுப்புடலாம் !! என்ற எண்ணத்தில் - back to the whatsapp community !! அங்கேயே நீங்கள் ஏகோபித்த குரலில் செம thumbs up தந்தது மட்டுமன்றி, இதற்கொரு தலைப்பு வைக்கும் முயற்சியினை திருவிழாவாகவே மாற்றி விட்டிருந்தீர்கள் ! அப்புறமென்ன - "வாம்மா மின்னல்" தான் !! Fast Forward-ல் ஓட்டமெடுத்த கதையில் அதே வேகத்துக்குப் பணியாற்றினோம் and அதற்குப் பின்பான சமாச்சாரங்களை நீங்கள் அறிவீர்கள் !  

ஒரு புதிரான கதைக்கு புக்கிலேயே விடை போடுவதா ? வாணாமா ? என்ற கேள்வியும் அடுத்து முன்நின்றது ! இங்கேயும் நான் அமர நினைத்த போதி மரம் நம்ம கம்யூனிட்டி தான் ; ஆனால் சின்னதொரு வித்தியாசம் this time ! போதி மரத்துக்குக் கீழே குந்தும் முன்னமே ஒரு தீர்மானம் எடுத்திருந்தேன் - "nopes ; பதிலை புக்கிலேயே போட்டுடைத்து விட வேணாமே" என்று !! சிந்திக்கவும், கலந்துரையாடவும் கிட்டியுள்ள இப்படிப்பட்டதொரு அழகான வாய்ப்பை தவற விடலாகாது என்பது என்னுள் இருந்த உறுதி ! "அப்புறம் எதுக்குலே எங்க கிட்டே கேட்டே ?" என்ற கடுப்புடனான கேள்வி எழலாம் உங்களுள் ! நீங்களும் "ஆங்...வேணாம்டா தம்பி ..சஸ்பென்ஸ் தொடரட்டும் ! புக்கில் போட வாணாம் !" என்று சொல்வீர்களெனவே எதிர்பார்த்திருந்தேன் ! ஆனால் பெரும்பான்மையினரோ உல்டாவாய் பதில் சொன்னீர்கள் ! அந்த நொடியில் கண்முன்னே கலர் கலராய் மூ.ச. விளக்குகள் ; கச்சேரிகள் சர சரவென அணிவகுத்தன தான் - but நாம பாக்காத மு.+மூ.ச.க்களா ? இண்டிகேட்டரை போட்டுக்கினே நேராக வண்டியை செலுத்தினேன் ! And இதோ இங்கே நிற்கிறோம் !! 

இந்தக் கதையின் knot சிலருக்குப் புரிந்துள்ளது / அல்லது புரிந்துள்ள நம்பிக்கை புலர்ந்துள்ளது ! சிலருக்கோ புரியில்லா ! இது குறித்து again நம்ம வாட்சப் கம்யூனிட்டியில் அலசல்கள் , விளக்கங்கள் அரங்கேறின தான் ! ஆனால் அவற்றை சாவகாசமாய் வாசிப்பது, விவாதிப்பது என்பதெல்லாம் அங்கே வாட்சப்பில் நடைமுறை சாத்தியம் அல்ல என்பதால் பஞ்சாயத்து ஜமுக்காளத்தை நம்ம blog எனும் ஆலமரத்தின் கீழ் கொணர்ந்தாச்சு ! இயலும் பட்சத்தில் அங்கே பதிவிட்ட நண்பர்கள் தங்களது பதிவுகளை இங்கேயும் repost ப்ளீஸ் ? விவாதங்களை இங்கே தொடரலாம் & நானும் உட்புகுந்திட இங்கே வாய்ப்பு அமைந்திடும் ! So "நாளை போய் நேற்று வா !!" ஆல்பத்தில் உங்களுக்குப் புரிந்தவற்றை / புரியாதவற்றை இங்கே வாஷிங் பவுடர் நிர்மா போட்டு அலச முனைவோமா all ?

Bye for now....விவாதங்கள் துவங்கும் பொழுதில் கச்சேரியில் கலந்து கொள்கிறேன் ! See you around ! 

அந்நியனும்...அம்பியும்...!

 நண்பர்களே,

வணக்கம். "தேவைகளே கண்டுபிடிப்புகளின் அன்னை" என்று படித்திருக்கிறோம் ; இதோ இந்த அன்னையர் தினத்தினில் அதனை மறுக்கா ஒரு தபா நினைவூட்டிக் கொள்ள நமது ஆன்லைன் மேளா உதவி வருகிறது ! கொரோனா நாட்களில் , வெளியே தலைகாட்டக் கூட வழியில்லா அந்த வேளைகளில், நமது பயணத்தினை உயிர்ப்போடு தொடர்ந்திட ஒரு மார்க்கத்தினை தேடிய பொழுது அமைந்ததே இந்த ஆன்லைன் முயற்சி ! சலுகை விலைகளில் கையிருப்பு இதழ்களைக் கரைக்க ஒருபக்கம் முயற்சியெனில், அத்தோடு புது இதழ்களை இறக்கி விடுவதும் template என்றாகிப் போனது ! And 5 years down the line - இதோ நமது ஆண்டு அட்டவணையின் ஒரு முக்கிய வழித்தடமாய் இந்த மே வளர்ந்து நிற்கிறது !! 

The கிரேட் ஆன்லைன் கிரிகாலன் ஷோ 💪

நிஜத்தை சொல்வதானால், ரொம்பவே மனநிறைவை தந்துள்ள காம்போ இம்முறை அமைந்துள்ளது என்பேன்! வழக்கமாய் குட்டியும், குரும்பாடுமாய், சிக்கிய சிறுத்தை மனிதன் ; லேடி ஜேம்ஸ் பாண்ட் என்றெல்லாம் உருப்படிக் கணக்கிற்கு ஆட்களை இந்த மேளா வேளையினில் நாம் திரட்டுவதுண்டு! ஆனால் இம்முறையோ கிட்டத்தட்ட ஒவ்வொரு தேர்வின் பின்னணியிலும் நிரம்பவே லாஜிக்கும் இருந்தது ; big names-ம் இருந்தன!

தல டெக்ஸ் @ மெக்சிகோ! Truth to tell - இந்த சாகசத்தின் நீளம் 504 பக்கங்களே என்பது முதல் தருணத்திலேயே எனக்குத் தெரிந்திருந்தால், சர்வ நிச்சயமாய் ஓட்டம் பிடித்திருப்பேன்! Crisp வாசிப்பு ; ரஸ்க் சேமிப்பு என்றெல்லாம் முழங்கி வரும் இந்த நாட்களில், இம்மா நீளக் கதைக்குள் தலை நுழைக்கவே எனக்கு தம் இருந்திராது - அது 'தல' தாண்டவமாகவே இருந்திருந்தாலும் ! But அந்த ஓட்டத்தில் ஒரு அற்புதமான டெக்ஸ் அதிரடியினை மிஸ் பண்ண நேர்ந்திருக்கும் என்பது இன்று புரிகிறது!  நவம்பரில் ஒரு அத்தியாயம் ; தற்சமயம் கிளைமாக்ஸ் அத்தியாயம் என்றாலும், இம்மி கூட குறைவில்லா அந்த அனல் நம்மை நெடுக கட்டிப் போட்டிடுவதை நீங்கள் பார்க்கத் தான் போகிறீர்கள்! இதுக்கு மேலே பில்டப் அனாவசியம் ; புக்கை கையில் ஏந்த மட்டும் நீங்கள் நேரம் ஒதுக்கினால் மிச்சத்தை நம்மவரே பார்த்துக்குவார்! An absolute crackerjack!! இத்தனை காலமாய் டெக்ஸ் சாகசங்களுக்குள் ரவுண்டு அடித்து வந்தாலும் அவர் மீதான மையல் நம்மில் யாருக்குமே கிஞ்சித்தும் ஏன் குறைவதில்லை என்பதை yet again நான் உணர்ந்ததொரு தருணமிது! இந்த சாகசத்தின் highlight என்று நான் பார்த்தது 2 விஷயங்களை! கண்ணில் ஒற்றிக் கொள்ளும் நேர்த்தியிலான சிவிட்டலி சித்திரங்கள் முதல் plus எனில், மொத்த டீமும் அடித்து ஆட ஒரு களம் தொக்காக கிட்டியிருப்பது plus # 2. And அந்த சந்தர்ப்பம் ரொம்பவே உதவிடுகிறது - வெள்ளி முடியாரை டாடியும், புள்ளையும் வாரி, வாரி விளையாட 😁😁! So இந்த மேளாவின் தலைமகன் எப்போதும் போலவே நம்மவர் தான்!

சின்னத் தல ஸாகோர்!!

நம்மில் எத்தனை பேர் கவனித்திருப்போமோ தெரியல - but துவக்க நாட்களில் V காமிக்சில் குட்டிக் குட்டிக் கதைகளில் சுமாராய் வலம் வந்ததன் பிற்பாடு மனுஷன் அடித்திருப்பது சகலமுமே 100 மீட்டர் சிக்சர்கள் தான்!

*வஞ்சத்திற்கொரு வரலாறு 

*பனிமலை பலிகள் 

*சிரிக்கும் விசித்திரம் 

என அத்தனையிலும் பின்னி எடுத்துள்ளார் ஸாகோர்! அந்த பாணி இங்குமே தொடராவிட்டால் தான் வியப்பு கொள்வேன் - becos "சிகப்பு நதி " ஒரு அக்மார்க் ஆக்ஷன் த்ரில்லர்! அட்டகாசமான கதைப் பின்னணி, ஒரு சிம்பிளான நேர்கோட்டு கதைக்கரு ; பிரமாதமான சித்திரங்கள் ; மின்னும் கலரிங் பிளஸ் ஒரு கம்பீரமான நாயகர் என்ற கூட்டணி சாத்தியமாகிடும் போது - ஒரு செம ஹிட் மட்டுமே பலனாகிட முடியுமென்பது basics ! "சிகப்பு நதி" என்று அட்டையிலும், "சிகப்பு ஏரி" என்று உள்ளேயும் பெயர் சுமந்து நிற்கும் இந்த சாகோர் saga சகல காமிக்ஸ் சாமுத்ரிகா லட்சணங்களையும் கொண்டிருப்பதால் ஜெயம் நிச்சயமென ஸ்டீலின் பட்சி சொல்கிறது காதில் ! இத்தாலிய மொழியில் "சிகப்பு நீர்" என்று பொருள்படும் விதமாய் பெயர் இருக்க, இந்த ஆல்பத்தினை மேலோட்டமாய் புரட்டிய கையோடு "சிகப்பு நதி" என்று பெயர் வைத்து விட்டேன் ! ஆனால் கதைக்குள் புகுந்த போது தான் அது நதியல்ல - ஏரி என்பது புரிந்தது ! ரைட்டு...அட்டையில் என்னவோ இருந்துவிட்டுப் போகட்டும் - தலைப்புப் பக்கத்திலாவது சரியாக இருக்கட்டுமே என்று நினைத்தேன் ! Doubtless இவர் சின்னத் தல தான் ; என்ன, இவருக்கான பேரவை தாரை தப்பட்டைகளை இன்னும் கொஞ்சம் தாட்டியமாய் முழங்கச் செய்தால் ஜம்பிங் தல popularity-களிலும் ஜம்ப் பண்ணி முன்னுக்குத் தாவி விடுவார் என்பேன் ! 

The மாயாவி மேஜிக் :

இங்கே புதுசாய் நான் சேர்க்க பெருசாய் எதுவும் லேது ; இரும்புக்கர நாயகரே சகலத்தையும் அட்டையிலேயே தெரிவித்து விடுகிறாரே ?! "ஒற்றைக்கண் மர்மம்" - முத்து காமிக்ஸ் வாரமலரை 21 இதழ்கள் வரைக்கும் இழுத்துச் சென்ற காரணிகளில் பிரதானம் இந்த சாகசமே ! கருணையானந்தம் அவர்களின் மொழிபெயர்ப்பில், கலரும், black & white பக்கங்களுமாய்   வந்திருந்த இந்தக் கதைக்காகவும், அதிமேதாவி அப்புவுக்காகவுமே வாரமலர் வண்டி ஓடியது என்பது எனது அபிப்பிராயம் ! To a lesser extent - உள்ளிருந்த இன்ஸ்பெக்டர் ஈகிள் (கருடா) கதையும் உதவியிருக்கலாம் ! எது எப்படியோ - பிரதானமாய் இரவிலும், இருளிலும் அரங்கேறும் இந்த சாகசத்தை ஒரு புக்காய், MAXI சைசில், கண்ணை உறுத்தாத வர்ணச் சேர்க்கைகளில் பார்க்கவும், படிக்கவும் அம்சமாகவே உள்ளதாய் பட்டது ! And இது அப்பாவுக்கான சமர்ப்பணமுமே எனும் போது இதழ் நீட்டாக அமைந்து போனதில் மெய்யான சந்தோஷம் ! மாயாவியின் இதழ்களெல்லாமே புத்தக விழாக்களில் பொற்காசுகளுக்குச் சமானம் எனும் போது - சீக்கிரமே துவங்கவிருக்கும் 2025-ன் circuit க்கு இது உதவும் என்பது icing on the cake !! 

தி கி.நா.படலம் !!

நிரம்ப பில்டப் சகிதம் ஆஜரான இதழ் தான் - "நாளை போய் நேற்று வா !" இதற்கு பெயரிட்ட கார்த்திக் நாளான்னிக்கியின் நாற்பதாவது நாளிலாவது இதை வாசித்து விடுவாரென்று நம்பும் வேளையில் உங்களில் கணிசமானோர் அதற்குள்ளாகப் போட்டுத் தாக்கியிருப்பது கண்கூடு ! And இது வரையிலும் கிட்டியுள்ள விமர்சனங்கள் 100/100 ரகமே !! அந்த மூன்றாம் பக்கத்தில் ஆரம்பிக்கும் சேஸ் கிளப்பும் தெறி ஸ்பீடானது - கதையின் இறுதிப்பக்கம் வரைக்கும் தொடர்வது தான் இங்கே highlight ! அந்த "மாநாடு" பட பாணியிலேயே காலப் பயணம், கொலை முயற்சி ; கொலை - என்று முன்னும், பின்னும் காலத்தில் அடிக்கும் ஷண்டிங் இந்த வாசிப்பை செம சுவாரஸ்யமாக்கிடுகிறது என்பது எனது அபிப்பிராயம் ! Of course - கதை முடிஞ்ச பிற்பாடு ஒரு விளக்கவுரை இருந்தால் கதை knot புரிபடாதோருமே சுலபமாய் புரிந்து கொள்ளலாமே ? என்ற முன்மொழிவு பதிவு செய்யப்பட்டது தான் ! ஆனால் கதாசிரியரின் பிரதான நோக்கமே நம்மை சிந்திக்கச் செய்வது தான் எனும் போது - "இன்ன மாரி...இன்ன மாரி இது இந்த வருஷம் நடக்குது ; அது அந்த வருஷம் முடியுது !" என்றெல்லாம் நான் பின்குறிப்பு தந்தால், "ஓஹோ" என்றபடிக்கே ஒற்றை வாசிப்போடு நகர்ந்து விடுவோம் தானே ? And யோசிக்க பெருசாய் அவசியங்கள் இல்லாது விளக்கத்தை தட்டில் வைத்துத் தந்து விட்டால் - மறுவாசிப்புக்கு self எடுக்கவும் செய்யாதே ? என்ற நெருடல் என்னுள் இருந்தது ! அதனால் தான் நீங்க சாத்தினாலும் பரால்ல....பாத்துக்கலாம்  ! என கேள்விக்குறியோடு நிறுத்தியுள்ளேன் ! 

Your thoughts please folks ? On the album ? on my decision ?

And இதுவோ ஒரு இளம் இத்தாலியப் படைப்பாளிகளின் கூட்டு முயற்சியில் உருவான கதை ! போனெல்லி போல பளிச் என்று இவர்களை வெளியே யாருக்கும் தெரிந்திராது ; so இந்தக் கதையினை அகஸ்மாத்தாய் தேடிப் பிடித்ததே ஒரு தனிக்கதை ! And அவர்களுக்கோ அவர்களின் அனுபவங்களின்  கூட்டுத்தொகையினை விடக் கூடுதல் வயதானதொரு பதிப்பகத்தின்  லேபிலில் தங்களது படைப்பு வெளிவருவதில் மெத்தப் பெருமிதம் ! ரைட்டு...."நாளை போய் நேற்று வா" அலசல் கச்சேரியினை எப்போது வைத்துக் கொள்ளலாம் folks ?

The விச்சர் & கிச்சர் ஸ்பெஷல் !

Again இந்த ஆல்பத்தின் பின்னணி ஒரு மழை நாளுக்கான கதை என்பேன் ! இதுவரைக்கும் குட்டிக் குட்டி filler pages-களாக நம் முன்னே கூத்தடித்திருக்கும் இந்த ஸ்போர்ட்ஸ் ஜோடி இம்முறை ஒரு பிரத்யேக இதழில் - புத்தம் புது மினிஸ்களுடன் full color-ல் வந்திருக்கும் போது, நமக்கு மாத்திரமின்றி, புத்தக விழாக்களில் குட்டிப் பசங்களுக்கென புக்ஸ் தேடும் பெற்றோர்களுக்குமே சுவாரஸ்யமூட்டுவர் என்று நினைத்தேன் ! And புதுசாய் வாசிக்கத் துவங்கும் ஜூனியர்களுக்கு இந்த 2  பக்க பாணி செம வசதியென்றும் எண்ணினேன் ; இன்னிக்கு ஒரு கதை - நாளைக்கொரு கதை என ரசித்துப் போகலாமன்றோ ? அப்புறம்...நம்ம வட்டத்திலுள்ள "பொட்டியை பிரிச்சு அடுக்குவோர் ; பிரிக்காமல் அடுக்குவோர்" சங்கத்துக்குமே இந்த gags பாணியானது  "ஆத்தா...நான் பாஸாயிட்டேன் !!" என்று உற்சாகக் குரல் எழுப்ப உதவிடக்கூடும் தானே ? 

And சமீப காலங்களில் செமத்தியான குஷியோடு நான் பேனா பிடித்தது இந்த விச்சப்பர்-கிச்சப்பர் கூட்டணிக்கே என்பது கொசுறுத் தகவல் ! 

ஆக -

1  க்ளாஸிக் சூப்பர் ஹீரோ - மெகா சைசில்.....வண்ணத்தில்.....!

2 அழுத்தமான ஆக்ஷன் சாகசங்கள் - again in color ...!

1 தெறி ஸ்பீடில் crisp reading-க்கென கி.நா. - மறுக்காவும் கலரில் ..!

1 ஜாலி லைட் ரீடிங் பாக்கெட் சைஸ் ஆல்பம் - விடாப்பிடியாய் கலரில் ! 

என 5 இதழ்களை உங்களிடம் தந்தாச்சு ! 

இதழ் # 6 - ஜுனின் Father's Day ஸ்பெஷலாக "பயணம்" மெகா கிராபிக் நாவலோடு அடுத்த மாசம் வரவுள்ளது ! தற்சமயமாய் ஞான் அந்த தந்தை + தனயன் கூட்டணியுடன் தான் அரவமற்ற அந்த பூமியில் பயணித்து வருகிறேன் ! யப்பா......ஓவியங்களை பார்க்கும் போது, கபாலத்தில் இல்லாத கேசங்களுமே நட்டுக்கா நின்று கொள்வது போலொரு உணர்வு உள்ளுக்குள் அலையடிக்கிறது ! அசாத்தியங்களின் உச்சம் இந்தப் படைப்பு !! ஆங்காங்கே பேனாவை கீழே போட்டுப்புட்டு ஆவென்று வாயைத் திறந்தால், மூட நிரம்ப நேரம் பிடிக்கிறது - அந்தப்புர வாசலில் அலிபாபா குகை வாயிலைப் போல அகலத் திறந்த வாயோடு நிற்கும் இயவரசருக்குப் போட்டியாக !! Absolutely breathtaking illustrations !! இந்த ஆல்பத்தினையெல்லாம் நாம் வெளியிடாது போனால் இத்தினி காலமாய் இங்கே குப்பை கொட்டியுள்ளதற்கு அர்த்தமே இல்லாது போய் விடும் folks !! மொத்தத்துக்கே ஒரேயொரு புக் தான் விற்குமென்றாலுமே இதனை வெளியிடத் தயங்கி இருக்கவே  மாட்டேன் - becos இது போலான ஜென்ம சாபல்யம் தரவல்ல முயற்சிகள் நெதத்துக்கும் நம் முன்னே பிரசன்னமாவதில்லையே ? 

அதே போலவே மிரட்டும் இன்னொரு கி.நா.வுமே செம வேகத்தில் ரெடியாகிங்ஸ் ! நண்பர் கார்த்திகை பாண்டியனின் மொழியாக்கத்தில் வரவுள்ள "சாம்பலின் சங்கீதம்" முக்கால்வாசி மொழிபெயர்ப்பு ஓவர் ! விரைவில் மீத கால்பகுதியும் நிறைவு பெற்றுவிட்டால், நம்மாட்களின் DTP பணிகளுக்குப் பின்பாக என் மேஜை நிரம்பி விடும் !! Phewww ....452 பக்க எடிட்டிங் வெயிட்டிங் !!! எண்ட கர்த்தாவே !! 

அப்புறம் சென்னைக்கு விழுப்புரத்தில் உள்ள வீட்டடி மனைகள்  "மிக மிக அருகில்" இருக்கின்றனவோ, இல்லியோ - இங்கே நம்ம முன்பதிவுகள் 300-க்கு மிக அருகில் நெருங்கி  விட்டன !! Great show people !! Keep rocking !!! இன்னமும் முன்பதிவு செய்திருக்கா நண்பர்கள் : no time like now to do it please !!

Before I sign out - கூட்டமாயிருக்கும் கல்யாண வீட்டில் ஓரமாய் நின்னபடிக்கே - "பந்தியிலே இடம் கிடைக்குமா- கிடைக்காதா ?" என்று உள்ளுக்குள் பதட்டம் கொள்வோரைப் போல - "கி.நா.ங்கிறான்... சாம்பல்ங்கிறான்....சங்கீதம்ங்கிறான் .....பயணம்ங்கிறான் ! ஒண்ணுமே பிரிலே !" என்று லைட்டாக ஜெர்க் அடித்துக் கொண்டிருக்கும் க்ளாஸிக் காமிக்ஸ் ரசிகர்களுக்குமே இனிப்பான தகவல் : 

உங்களின் நெடுநாள் கோரிக்கைகளுள் ஒன்றான CID ஜான் மாஸ்டர் ஸ்பெஷல் + இரட்டை வேட்டையர் ஸ்பெஷல் பச்சைக் கொடி கண்டுள்ளன !! "சதிவலை" அதே ஒரிஜினல் பெரிய சைசில் ; மாஸ்கோவில் மாஸ்டர் - அதே ஒரிஜினல் பாக்கெட் சைசில் ! ரெட்டை வேட்டையரின் "திக்குத் தெரியாத தீவில்" MAXI சைசில் !! எல்லாமே செம க்ளாஸியாக, வாகான புத்தக விழாத் தருணங்களில்,சொற்ப விலைகளில் வெளிவரவுள்ளன ! தற்போதைய வெயிட்லிஸ்டில் உள்ள புக்ஸ் பூர்த்தி கண்டவுடன் இவற்றை ஒரு ஓரமாய் நுழைத்து விடலாம் guys !  And செக்ஸ்டன் ப்ளேக்கும் தான் ! 

"ஆஹா...பழையபடிக்கே முருங்கைமரத்திலே ஏறுறானே முழியாங்கண்ணன் !! இவன் அம்பியா - அந்நியனா ?" என்று இப்போ ஜெர்க் அடிக்கும் புதுமை விரும்பிகளுக்கு one more தகவல் : இன்னொரு சித்திர சொர்க்கம் கண்ணில் பட்டுள்ளதுங்கோ !! ரொம்ப ரொம்ப வித்தியாசமான கி.நா. !!! சீக்கிரமே அதற்கொரு துண்டை போட்டு வைத்துவிட்டு தகவல் சொல்லுதேன் ! 

So அது வரை மூ.ச.வை ரெடி பண்ணும் முஸ்தீபுகளை தகிரியமாய் hold-ல் போட்டு வைக்கலாம் !! Bye all....see you around ! Have a great week ahead !

இவன் கேரக்டரையே புரிஞ்சுக்க முடிலியே....! Mindvoices somewhere ?? 

மே!!

 நண்பர்களே, 

வணக்கம்! நடுவாக்கில் ஒரு வாரயிறுதிப் பதிவுக்கு அல்வா தந்து விட்டமைக்கு sorry! ஆனால், மே இதழ்கள் உங்கள் கைகளில் சுடச்சுட இடம் பிடித்திருந்த நிலையில் அதன் முதற்பார்வை அலசல்களில் வண்டியை ஓட்டி விடலாமென்று எண்ணியிருந்தேன்! And of course கடந்த சிலபல மாதங்களாகவே நமது வாட்சப் கம்யூனிட்டி பிஸியாகிவிட்ட  பிற்பாடு இங்கே பதிவுப் பக்கமானது - வாரநாட்களின் மதிய ஷோக்களில் காற்று வாங்கும் சினிமா தியேட்டரைப் போல கா­லியாய் காட்சி தருவதால் "அப்பாலி­க்கா பார்த்துக்கலாமே?!' என்று நினைக்கச் செய்தது! Of course காலவோட்டத்தோடு பிரசன்னமாகும் மாற்றங்களுக்கு எவையுமே விதிவிலக்காகிடாது என்பது புரிகிறது ; yet ஆளில்லாத கடையிலே டீ ஆத்துறோமோ? என்ற எண்ணத்தை இங்கு மட்டுப்படுத்துவது சுலபமாகவே இல்லை தான்! So குறைந்தபட்சமாய் பதிவுகளைப் படிக்கிறீர்கள் என்பதை ஊர்ஜிதப்படுத்தும் விதமாய் ஏதேனும் புகை சமிக்ஞைகளையாவது அனுப்பித் தந்தால்- புதுப்பேட்டை பட க்ளைமேக்ஸில் "இங்கே ஆராச்சும் இருக்கீங்களா? பயம்மா இருக்கு'' என்று உள்ளாற புலம்பாமல் இருக்க முடியுமோ- என்னவோ?!

ரைட்டு, பதிவுக்குள் புகலாமா இனி?? மே மாத இதழ்கள் முன்கூட்டியே வெளிவந்து, செமத்தியான சிலாகிப்புகளையும் ஈட்டி வருவதில் செம ஹேப்பி! அதுவும் 'தல' டெக்ஸ் இல்லாததொரு முக்கூட்டணி பிரமாதமாய் சோபித்திருப்பது மெய்யாலுமே ஒரு pleasant surprise! Of course 'டெக்ஸ் வில்லர் இல்லீங்களா?' என்று வினவாத ஏஜெண்டே கிடையாது தான்; அவர்களைச் சரிக்கட்டுவதற்குள் நாக்கும் தொங்கிப் போய்விட்டது தான்! ஆனாலும், கதைகளும், நாயக / நாயகியரும் தாட்டியமாய் இருக்கும் பட்சங்களில், கரைசேர்வது மகாப் பிரயத்தனங்களே அல்ல என்பதை அவ்வப்போது உணர்ந்து கொள்வதில் ஒரு ஜாலி­ உள்ளது ! அதுவும் ஒரு புதுவரவு அந்தத் "தல' இல்லா மாதத்தில் ஆஜராகி அபிமானங்களை ஈட்டுவதென்பது அந்த குஷியை ஒரு மிடறு தூக்கலாக்கிடுகிறது!

ஸகுவாரோ! இந்த நீளக்கூந்தல் நாயகர் இரவுக்கழுகார் அல்லாததொரு பொழுதில் தலைகாட்ட நேர்ந்தது நிச்சயமாய் ஒரு தற்செயல் நிகழ்வே அல்ல! பொதுவாகவே ஒளிவட்டத்தின் முக்காலே மூன்று வீசத்தை குத்தகைக்கு  எடுத்துக் கொள்ளும் டெக்ஸ் & டீம் களமிறங்காத ஒரு தருணத்தில் தான் இந்தப் புதியவரை உங்களிடம் காட்டிட வேண்டுமென்பதில் தீர்மானமாக இருந்தேன்! And எனது எதிர்பார்ப்பு பொய்க்கவில்லை என்பதைப் பார்க்கும் போது 'ராஜதந்திரங்களைக் கரைச்சுக் குடித்திருக்கிறாயடா பு­லிக்கேசி!' என்று பல்­லிளிக்கத் தோன்றுகிறது! என்ன தான் இந்த ஸகுவாரோ மனுஷன் பேஷாய் கம்பு சுற்றுபவராக இருந்தாலும், காத்திருக்கும்  டெக்ஸின் 'மெக்ஸிகோ மேஜிக் ஸ்பெஷல்' எனும் சூறாவளியோடு களமிறங்கியிருக்கும் பட்சத்தில் - வைபவ் சூர்யவம்சிக்கு பவு­லிங் போட்ட இஷாந்த் ஷர்மா போல டாராகியிருக்கும் ஆபத்துக்கள் அதிகம்! Becos நம்ம டெக்ஸ் & டீம் மைதானத்தினுள் நுழையும் நொடியில் நம்மையறியாமலே கண்கள் அவர்கள் மீது மையல் கொள்வதெல்லாம் காலத்தின் கட்டாயங்கள் ; அனிச்சைச் செயல்கள் ! So ஒண்டியாளாய் உங்களைச் சந்திக்கக் கிடைத்த வாய்ப்பை ஸகுவாரோ கச்சிதமாய் பயன்படுத்திக் கொண்டதில் ஒரு திருப்தி - becos சமீப காலங்களின் புது வரவுகள் "பச்சக்' என ஒரு சீட்டை உறுதி செய்து கொள்ளும் பாணியானது தொடர்கிறதே என்று ?! 

டிடெக்டிவ் ரூபின் வந்தார்- and கிட்டத்தட்ட நமது அணிவகுப்பின் முக்கிய தலைவி ஆகிவிட்டார்! ஸ்பூன் & ஒயிட் வந்தனர் - 'மக்கா... ஒரு ஸ்லாட்டுக்கும், ஒரு காமெடி கூத்துக்கும் நாங்க க்யாரெண்டி' என்று அழுந்தப் பதிவு பண்ணிவிட்டனர்! அந்த வரிசையில் தற்சமயம் ஸகுவாரோவும் ஒரு brilliant துவக்கம் கண்டிருப்பது நிறைவைத் தருகிறது!

Again இங்கே நாம் சிலாகிக்க வேண்டியது போனெல்­லியின் கமர்ஷியல் பல்ஸ் உணர்ந்திடும் சாமர்த்தியத்தையும், சாணக்கியத்தனத்தையுமே என்பேன்! ஒரு செவ்விந்திய நாயகனை அந்த 1800-களின் காலகட்டங்களிலேயே உலவ விடாது - 1970களின்  புத்திரனாகச் சித்தரிக்க எண்ணியது செம smart move! ஆனால், அதே சமயம் ஸகுவாரோவை கோட் சூட் போட்ட ஜித்தனாக நியூயார்க்கிலோ, வாஷிங்டனிலோ உலவ விடாது- பரிச்சயமான அதே பாலைப் பிரதேசங்களில் கரடுமுரடான நாயகராய் காட்டத் தீர்மானித்தது அவர்களது கதாசிரியர்களின் ஆற்றலுக்கொரு பறைசாற்றல் என்பேன்! Becos கதை நெடுக இழையோடும் ஒருவித rustic feel தான் இந்தக் கதையின் பெரும் பலமே! And 'வெள்ளையர்கள் அல்லாரும் தேவதூதர்கள்; பழங்குடியினர் சகலரும் காட்டான்கள்' என்ற பாணியில் அல்லாது, யதார்த்தமாய் கதை நகர்த்தல் பண்ணியுள்ளமைக்கு கதாசிரியர் இன்னொரு ஷொட்டுக்கு உரியவராகிடுகிறார்! எல்லாவற்றிற்கும் மேலாக - நவீன யுகத்திலுமே அந்தப் பழங்குடி நம்பிக்கைகளையுமே கதைக்குள் புகுத்தி ஒரு mystic feel தந்திருப்பதும் இங்கே முக்கிய factor ஆகத் தோன்றுகிறது!

இந்த நொடியிலொரு கேள்வி மக்களே! ஸகுவாரோவுக்கு தொடரும் ஆண்டில் எத்தனை ஸ்லாட்ஸ் தரலாமென்பீர்களோ?! 1? 2?

Moving on, நம்ம சொப்பன சுந்தரி Felicity 'பளிச்' என பற்பல கண்களுக்கு வெளிச்சக் கீற்றுக்களை நல்கியிருப்பதில் வியப்பே இல்லை எனக்கு! Becos இதழின் overall உருவாக்கம் பிரமாதமாக வந்திருப்பதைப் பார்த்த கணமே இது ஹிட்டடிக்கும் சாத்தியங்கள் கணிசமென்று காதில் பட்சி சொல்வது கேட்டது! செம ஸ்டைலான அட்டைப்படத்தில் துவங்கி, உட்பக்கச் சித்திரங்கள், கலரிங், பிரிண்டிங் என எல்லாமே classy ஆக அமைந்ததால் ஒரு வில்­லியுமே நாயகியாகிடலாமென்று பட்டது! நிஜத்தைச் சொல்வதானால், இந்த spin-off தொடரின் சுமாரான கதையாகவே இதை நான் பார்த்திருந்தேன்! ஏற்கனவே நெகடிவ் கேரக்டர், கதைத் தொடரிலும் இவருக்கென சொல்லி­க் கொள்ளும் விதமான impact ஏதும் கிடையாது! Yet இந்த அம்மிணிக்கென ஒரு தனி ஆல்பமெல்லாம் ரொம்பவே டூ மச்சென்றே எண்ணியிருந்தேன்! ஆனால், இங்கு தான் கதாசிரியரின் ஆற்றல் மிளிர்கிறது! And இவர் நமக்கு டேங்கோ மூலமாய் பரிச்சயமான MATZ தான்! இங்கும், அங்குமாய் பெ­லிசிட்டியை ஓடச் செய்து, இந்த மைனா மீதுமொரு பச்சாத்தாபம் உருவாகச் செய்து, XIII தொடரின் சில பல பிரதான மாந்தர்களோடு கோர்த்தும்விட்டு வித்தைகளைக் காட்டியுள்ளார்! அவர் உருவகப்படுத்திய gold digger பெ­லிசிட்டிக்கு மொழியாக்கத்திலும் பொருத்தமான தமிழ் நடை அமைந்து போனதால், இந்த மஞ்சுவிரட்டில் நமக்குச் சேதங்களின்றித் தப்பித்தோம் என்பேன்! So சொப்பன சுந்தரி பேரவை வாழ்க!

Last but not the least - கேரட் கேச அழகி ரூபின்! ஓரளவிற்கு ஸ்ட்ராங்காகவே கால் பதித்து நின்ற இந்த நாயகி- "ஜன்னலோரமாயொரு மரணம்"  ஆல்பத்தின் உபயத்தில் L&T சிமெண்டுடன் பேஸ்மென்ட் அமைத்து கச்சிதமாகக் காலூன்றிவிட்டார் என்பேன்! கதைக்குக் கதை ஏகப்பட்ட வித்தியாசங்களைக் காட்ட முனையும் கதாசிரியர் Mystic தான் இங்கு சிலாகிப்புகளுக்கு உரியவர்! இதுவரை வந்துள்ள நான்கு ரூபின் கதைகளுமே 4 பிரத்தியேக கதைபாணிகளில் அமைந்திருப்பது தற்செயலே அல்ல! So கிஞ்சித்தும் போரடிக்காது அம்மணியோடு சிகாகோ எங்கிலும் பயணிப்பது சாத்தியமாகிறது! 'இதே கதை சீரியஸான சித்திரங்களில், ஒரு செக்ஸியான நாயகியோடு வரையப்பட்டிருந்தால் தொடர் இன்னமும் ஆஹா.. ஓஹோ.. ரேஞ்சுக்கு பேசப்பட்டிருக்குமே?' என்று ஒரு நண்பர் என்னிடம் ஏதோவொரு புத்தகவிழா வேளையில் பகிர்ந்தது நினைவுக்கு வருகிறது! யோசித்துப் பார்த்தால் படைப்பாளிகளின் தீர்மானமே சரியென்று படுகிறது - becos சீரியஸான சித்திரங்களோடு ரூபினை ஒரு லேடி ஜேம்ஸ் பாண்ட் பாணியில் பயணிக்கச் செய்திருந்தால் Spy thrillers வரிசையில் பத்தோடு, பதினொன்றாக இதுவும் அமைந்திருக்கும்! And கதை நெடுக மெலி­தாய் விரவி நிற்கும் ஒரு பகடி, ஒரு நக்கல் என்பனவெல்லாம் சீரியஸ் சித்திரங்களின் முன்னே மழுங்கிப் போயிருக்கக்கூடும் தான்! So இந்தப் பாத்திரப் படைப்புக்கு இந்தச் சித்திர ஸ்டைலே best என்பேன்! Of course 'கார்ட்டூனே புடிக்காது; இந்த லட்சணத்தில் கார்ட்டூன் ஸ்டைலி­ல் ஒரு டிடெக்டிவா? விளங்கினா மாதிரித் தான்!' என்று பெருமூச்சிடும் ஒரு சிறு அணியினர் என் கருத்துக்களி­ருந்து மாறுபடலாம் தான்! But படைப்பாளிகள் know best! ஆக, ரூபின் ரசிக மன்றத்துக்குத் தலைவர் பதவிக்கான விண்ணப்பங்கள் வரவேற்கப்படுகின்றன! ஒரே நபர் ரண்டு பதவிகளை ஆக்கிரமிக்க இயலாதென்பதால் நமது உம்மாச்சி 'தல' இங்கு விண்ணப்பிக்க வழி லேது!

On to recent happenings - மே முதல் தேதியன்று சேலத்தில் நடைபெற்ற சீனியர் எடிட்டருக்கான நினைவு அஞ்ச­லி  பற்றி!

ஒன்றே கால் மாதங்களுக்கு முன்பாய் அப்பா இயற்கை எய்திய தருணத்திலேயே இது போலொரு ஏற்பாட்டினைச் செய்தே தீரணும் என்று எண்ணியிருந்தேன் தான்! And தொடர்ந்த வாரத்தில் மே 1 அதற்கான தேதியென்றும், சேலத்தில் சந்திப்பதென்றுமே அறிவித்திருந்தோம்! ஆனால், நாட்கள் நகர, நகர, வாழ்க்கைச் சக்கரங்கள் தன்பாட்டுக்கு மெதுமெதுவாய் சுழலத் துவங்கிய பிற்பாடு, நண்பர்களை இழுத்தடிக்கத் தான் வேணுமா? என்ற எண்ணம் தலைதூக்க ஆரம்பித்தது! இப்போதெல்லாம் ஒற்றை விடுமுறை தினமென்பது அக்ஷய திரதியைத் தங்கத்தையும் விட ஒசத்தியாக நம் அனைவருக்குமே தென்படுவது சகஜமாகிவிட்ட நிலையில் - அந்த விடுமுறை நாளை நாம் ஆக்கிரமிப்பது சரிப்படுமா? என்ற கேள்வி குடையத் துவங்கியது! And மே 1 நெருங்க நெருங்க - "எனக்குத் தோதுப்படாது; என்னால் வர இயலாது' என்று நிறையவே நண்பர்கள் கழன்று கொள்ள ஆரம்பித்த போது, ஒரு Zoom மீட்டிங்கிலேயே முடித்துக் கொண்டிருக்கலாமோ? என்ற நினைப்பு பிறாண்டி எடுத்தது! ஆனால், சேலம் இளவரசரும், STV-ம், மற்ற உள்ளூர் நண்பர்களும் ஏற்பாடுகளை செய்து முடித்திருந்த நிலையில் ரிவர்ஸ் கியர் போடலாகாது என்று எனக்கு நானே சொல்­லிக் கொண்டேன்!

மே-1ம் புலர்ந்தது! கருணையானந்தம் அங்கிளை இதற்கென தொந்தரவு செய்திட மனமின்றி நானும், ஜுனியர் எடிட்டரும் மட்டுமே சேலத்தில் ஆஜாராகியிருந்தோம்! புது பஸ்டாண்டி­லிருந்து சொற்ப தூரத்திலேயே இருந்த Zion Hall-க்கு காலை பத்தே கால் வாக்கில் போயிறங்கிய போதே நண்பர்கள் வெளியே அப்பாவின் படத்துடனான பேனரை கட்டிக் கொண்டிருப்பதைப் பார்க்க முடிந்தது! 'ஆஹா.. நாம பயந்த மாதிரி ஈயோட்ட வேண்டியிராது போல' என்ற நம்பிக்கையோடு நண்பர்களின் வாழ்த்துக்களை ஏற்றுக் கொண்டே மேலே இருந்த ஹாலுக்குள் புகுந்தோம்! நல்ல compact ஆன ஹால்.. இருபக்கத்துச் சுவர்களிலும் ACக்கள்;   நீட்டான சின்ன மேடை என்று பாந்தமாக இருந்தது அரங்கம்! உள்ளே கணிசமான நண்பர்கள் ஏற்கனவே குழுமியிருக்க, களைகட்டியது!

வழக்கமான புத்தகவிழாச் சந்திப்புகளின் கலகலப்பு மட்டுப்பட்டிருந்தாலுமே அனைவரின் முகங்களையும் பார்க்கும் போது, மனசுக்கு ஆறுதலாக இருந்தது! ஹால் மித  அளவிலானது தான் என்பதால் சுமார் 65 பேர் கூடியிருந்த போது, பொருத்தமாகத் தோன்றியது! 

சீனியர் எடிட்டரின் படத்துக்கு மாலையிட்டு, அனைவரும் மரியாதை செலுத்திடும் சிறு நிகழ்வின் பின்னே நண்பர்களில் கணிசமானோர் தத்தம் முத்து காமிக்ஸ் சார்ந்த நினைவுகளையும், அப்பாவுடன் ஈரோட்டில் செலவிட்டிருந்த பொழுதுகளைப் பற்றியும் பேசியது மெய்யாலுமே அற்புதமாகயிருந்தது! 

அதைத் தொடர்ந்து மைக் என்னிடம் வர சற்றேர நாற்பது நிமிடங்களுக்குப் பேசினேன்! ஒரு 83 வயதினரின் வாழ்க்கைப் பயணத்தை முழுமையாய் பதிவு செய்வதெல்லாம் ஓரிரு மணி நேரங்களில் சாத்தியமாகிடா சமாச்சாரம் எனும் போது - அப்பாவின் வாழ்க்கையின் வெளியே தெரிந்திராத சில பல விஷயங்களைச் சொல்லவே சாத்தியப்பட்டது! 'M.சௌந்திரபாண்டியன்- The சீனியர் எடிட்டர்' பற்றி மட்டும் பேசுவதா? அல்லது 'M. சௌந்திரபாண்டியன்- The அப்பா' பற்றியும் பேசுவதா? என்பதே எனது dilemma நிஜத்தைச் சொல்வதானால் சீனியர் எடிட்டர் அவதாரின் பின்னணிகளின் முக்காலே மூன்று வீசத்துத் தகவல்களை ஏற்கனவே அவ்வப்போது பகிர்ந்துள்ளோம் தான் & முத்து காமிக்ஸின் 50-வது ஆண்டுவிழா மலரின் பக்கங்களில் அவை நிரந்தரத் தரவுகளாகவுமே பதியப்பட்டுள்ளன! So மறுக்கா மைக் பிடித்து அதை மட்டுமே பேச எனக்கு ரசிக்கவில்லை! Rather, இந்த 83 ஆண்டுப் பயணத்தின் இறுதியில் ஒரு அன்பான அப்பாவாய் விட்டுச் சென்றுள்ள நினைவுகளை முன்நிறுத்தவே விழைந்தேன்! And அப்பாவின் வெற்றிகளை மட்டுமன்றி, தோல்விகளைப் பற்றியுமே மறைவின்றிப் பேச முனைந்தேன்! அவரது தேக ஆரோக்கியம் பற்றி ; அதனில் அவர் சந்தித்த சவால்களைப் பற்றி; கடைசி இரண்டு மாதங்களில் அவரது கஷ்ட நிலமை பற்றிப் பேசினேன்! In hindsight "இதில் கொஞ்சத்தை சொல்லாமல் விட்டுருக்கலாமோ? வாழ்க்கையின் சில தாழ்வான தருணங்களைப் பற்றியெல்லாம் பேசாது விட்டிருக்கலாமோ?" என்று எனக்குத் தோன்றவே இல்லை! Simply becos இந்த வாழ்க்கைப் பயணமானது - அம்பானிகளுக்கும், அதானிகளுக்கும் கிட்டிய அதே செழிப்போடு தடதடத்தது அல்லவே அல்ல; நாம் பார்த்திருக்கா பள்ளங்கள் கிடையவே கிடையாது என்பதை பொதுவில் பகிர்வது எவ்விதத்திலும் கௌரவக் குறைச்சலே அல்லவென்று நினைத்தேன்! So என் மகனுக்கே அதுவரைத் தெரிந்திருக்காத விஷயங்களைக் கூட நண்பர்களின் மத்தியில் பேச எவ்விதத் தயக்கமும் எனக்கிருக்கவில்லை! 

Of course உரைக்கு சுவாரஸ்யம் சேர்த்திட - அவரைப் பற்றி ; இவரைப் பற்றி ; 2016 பற்றியெல்லாம் நான் பேசியிருக்கலாம் தான்! ஆனால், அது முழுக்கவே அப்பாவின் வாழ்க்கைப் பயணம் பற்றி; அவரது பணிகள் பற்றி; சாதனைகள் பற்றி; கனவுகள் பற்றிப் பதிவிட வேண்டிய தருணம் என்பதால் ஒளிவட்ட வேட்கையில், சொந்தப் புராணங்கள், சிலபஸிற்கு அப்பாற்பட்ட சமாச்சாரங்களைத் தவிர்த்திட்டேன்!

And என்னைத் தொடர்ந்து மூன்றரை நிமிடங்களுக்கு மைக் பிடித்த ஜுனியர் எடிட்டரே அன்றைய பொழுதின் Show Stopper என்றால் மிகையாகாது! 'நறுக்' என்று டாடிப்பாவிடம் தான் கற்றுணர்ந்த 5 விஷயங்களைப் பற்றி விக்ரம் பேசிய போது, கூடியிருந்த நண்பர்களுக்கு மட்டுமல்ல, எனக்குமே பெருமிதத்தில் தொண்டை அடைக்காத குறை தான்! இது நாள் வரை நமது சந்திப்புகளில் புன்முறுவலோடு பார்வையாளராக மட்டுமே இடம்பிடித்திருந்த ஜுனியர் அன்று நிகழ்ச்சிக்கு வரும் வரையிலுமே "நான் பேசலை.. நீங்களே வழக்கம் போலப் பார்த்துக்கோங்க..!! என்றே சொல்லியிருந்தான்! ஆனால், அன்றைய உணர்வுப்பூர்வமான பக­லில், எவ்விதத் தயாரிப்புமின்றி, மைக்கை வாங்கி மனதிலி­ருந்து பேசிய போது- உரிய தருணம் புலரும் வேளையில் பொறுப்புகளை ஏற்றுக் கொள்ள ஜுனியர் எடிட்டர் ரெடி என்பது அழுந்தப் பதிவானது! அரங்கில் அன்று விக்ரம் பேசியதை ரசிக்க அப்பா நிஜத்தில் இல்லையே என்ற ஒற்றைக் குறை மட்டுமே என்னுள் நீடித்தது!

இரும்புக்கை மாயாவியின் 'ஒற்றைக் கண் மர்மம்' இதழ் அப்பாவுக்கான tribute ஆக நமது ஜம்பிங் தல வசம் ஒப்படைக்கப்பட்ட பின்னே முன்பதிவு செய்திருந்த நண்பர்களுக்கு விநியோகம் செய்யப்பட்டது! And தொடர்ந்து மகளிரணித் தலைவியின் நன்றியுரையோடு நிகழ்ச்சி நிறைவு கண்டது! 

அப்புறமாய் அங்கே பரிமாறப்பட்ட சுவையான சைவ மதிய உணவு வயிற்றையும் நிறைத்திட, இரண்டரை  மணிவாக்கில் நண்பர்கள் சிற்சிறு அணிகளில் கிளம்பத் தொடங்கினர்! டீம் சேலம் துளியும் பிசிறின்றி எல்லா ஏற்பாடுகளையும் செய்து முடித்திருக்க, நிறைவான மனதோடு நாங்களும் விடைபெற்றோம்! And அன்றைய தினத்தின் முத்தாய்ப்பாய் நமது ப்ளாக்கிலோ; வாட்சப் க்ரூப்களிலோ அங்கமே வகித்திடாத மூத்த வாசகர் வீமன் அவர்கள் தானாய் வந்து நிகழ்ச்சியில் பங்கேற்றதோடு,ஓரிரு வார்த்தைகள் மைக்கில் பேசியதும் அழகு சேர்த்தது!

விண்ணி­லிருந்து சகலத்தையும் அப்பா பார்வையிட்டுக் கொண்டிருப்பார் ; இதோ - இந்தப் பதிவைக் கூட 'Me the first from above' என்றபடிக்கே படிக்கத் தவறமாட்டாரென்பது எனது திட நம்பிக்கை! தொடரவிருக்கும் ஒவ்வொரு மார்ச் 27 தினத்தினையும் "தமிழ் காமிக்ஸ் தினமாக'' இனி நாம் சர்வநிச்சயமாய் கொண்டாடிடுவோம்! காமிக்ஸ் வாசிப்பை கடைக்கோடிக்கும் கொண்டு சேர்க்க வேண்டுமென்ற அவரது கனவுக்கு நிச்சயமாய் உரம் சேர்ப்போம்! Thanks all! Thanks for everything! மீண்டும் சந்திப்போம்.! Bye for now!

Have a lovely Sunday!

COMING VERY SOON!

முன்பதிவுகள் 200-ஐ நெருங்கி வருகின்றன...! நீங்களும் இணைந்து கொண்டிடலாமே folks?