புதிதாய் ஒரு தொப்பித் தலையன் !

நண்பர்களே,

இன்னுமொரு ஞாயிறு வணக்கம் ! கண்மூடித் திறக்கும் முன்பாக 7 நாட்கள் கடந்து சென்ற தடமே தெரியவில்லை ! சூரிய பகவானின் உஷ்ணம் ஒரு பக்கமிருக்க, இதழின் இறுதிக்கட்டப் பணிகள் தந்த பரபரப்பு  மறு பக்கமிருக்க, "சூப்பர் 6-ன்" அறிவிப்புகளைச் சரியாய்த் திட்டமிட வேண்டுமே என்ற தவிப்பு இன்னொரு பக்கமிருக்க - இவ்வாரக் கேச இழப்பு எக்கச்சக்கம் ! அதன் மத்தியினில் லேசாய் இளைப்பாற முடிந்ததெனில் - அது அழகாய் வந்துள்ள இம்மாத லக்கியாரின் புண்ணியமே ! "எதிர் வீட்டில் எதிரி"யும் பணி முடியும் தருணத்தை நெருங்கி விட்டதால் - அதன் பக்கங்களைப் புரட்டுவதே ஒரு ஜாலியான அனுபவமாய் இருந்தது ! என்ன தான் டெக்சும், டைகரும், ஷெல்டனும், லார்கோவும் அனல் பறக்க சாகசம் செய்தாலும் - கார்டூன்களின் இதமே ஒரு தனி ரகம் தான்  என்று எனக்குத் தோன்றியது ! அதிலும், இந்த இதழ் கூடுதல் ரம்யத்தை எனக்குக் கொடுத்ததற்கொரு காரணம் இல்லாதில்லை ! "எதிர் வீட்டில் எதிரிகள் !" இதழின் மொழிபெயர்ப்புப் பணிகளைச் செய்துள்ளது ஜூனியர் எடிட்டர் விக்ரம் ! Of course அவனது primary மொழியாக்கத்தின் மீது நான் நிறைய திருத்தங்கள் ; மாற்றங்கள் செய்துள்ளேன் என்ற போதிலும் - ஒரு முழு நீளக் கதையின் பணியை அவன் ஏற்றுச் செய்திருப்பது இதுவே முதல் முறை என்பதால் - ஆந்தையாருக்குள் வசிக்கும் தந்தையிடம் லேசாகவொரு பெருமிதம் ! தொடரும் மாதங்களில் நமது உதவி ஆசிரியர் பிரகாஷின் மொழிபெயர்ப்போடும் நமது இதழொன்று வரவிருக்கிறது என்பதால் - கருணையானந்தம் அவர்களும், நானும் மாத்திரமே மாறி, மாறி எழுதுவதனால் நேரக் கூடியவொரு   மெல்லிய அயர்ச்சி தவிர்க்கப்படலாம் என்பதே இந்தப் புது முயற்சிகளின் பின்னணிச் சிந்தனை ! Anyways - எழுதுவது யாராக இருப்பினும், அதன் மீது இறுதியாய் நான் கை வைக்காது இருக்கப் போவதில்லை என்பதால் - உங்களுக்குக் பழக்கப்பட்டுள்ள அந்த ஸ்டைல் பெரிதாய் மாறித் தெரியாது தான் !  Is that a good thing ? Or a bad thing ? என்ற மண்டைச்சொரிதலில்  உங்களை விட்டு விட்டு - இம்மாத இதழின் அட்டைப்படத்தினை உங்கள் பார்வைக்கு வழங்குகிறேன் :  

மீண்டுமொரு படுக்கை வசத்திலான லக்கி ராப்பர் ! 

முன்னட்டை மாத்திரம் - in a closeup ! 

 இந்த இதழுக்கான ஒரிஜினல் அட்டைப்படத்தில் லக்கிக்கு இடமில்லை என்பது மட்டுமல்லாது - அதனை ஏகப்பட்ட தடவைகள் விளம்பரங்களுக்கும் நாம் பயன்படுத்தியுள்ளதால் அதனை முன்னட்டையாய் பயன்படுத்த மனசு ஒப்பவில்லை ! நம் ஆர்டிஸ்டும் ஒரு கார்டூனை வரைந்து ஏக காலமாகி விட்டது என்பதால் அவரிடம் இந்த டிசைனை ஒப்படைத்தேன் ! நமது இதழ்களில் படுக்கைவச ராப்பரைப் பார்த்தே யுகங்களாகி விட்டதே என்பதால் அதனையும் ஏன் விட்டு வைப்பானேன் என அதற்கேற்றார் போல ஒரு படத்தைத் தேர்வு செய்து கொடுத்தேன் ! இதோ - மாலையப்பனின் ஓவியத்தோடு பொன்னனின் பின்னணிச் சேர்க்கையும் இணைந்த முன்னட்டை ! Back கவர் ஒரிஜினலே என்பதால் அதனில் படைப்பாளிகளின் முகங்களை நுழைப்பதைத் தவிர்த்துப் பெரிதால் நமக்கு வேலை இருக்கவில்லை !  வழக்கம் போலவே இங்கு தெரிவதை விட - ராப்பரில் இன்னும் அழுத்தமாய் வர்ணங்கள் அச்சாகியுள்ளன ! So - இம்மாதது 2 இதழ்களும் கிட்டத்தட்ட ஒரே  color combination தான் !  இதோ உட்பக்கங்களில் இருந்து ஒரு preview -ம் உங்கள் பார்வைக்கு !  

இந்தக் கதை ஒரிஜினலாய் உருவானது 1962-ல் ! பெல்ஜியக் காமிக்ஸ் படைப்பாளிகளுள் 2 அசாத்திய ஜாம்பவான்களான Goscinny & Morris இணைந்து பணியாற்றிய லக்கி லூக் கதைகள் அனைத்துமே சூப்பர் ஹிட் ரகங்கள் ! அந்தப் பட்டியலில் இக்கதையும் ஒன்று என்பதால் - இது வரை இதனை ஆங்கிலத்திலோ, வேற்று மொழிகளிலோ படித்திருக்காத   நண்பர்களுக்கு ஒரு செம விருந்து காத்துள்ளது என்றே சொல்லுவேன் !  கதை தொடர்பான வேலைகளை பூர்த்தி செய்வதில் அதிக நேரம் பிடிக்கவில்லை ; ஆனால் இந்தாண்டின் highlight ஆன லயனின் 30-வது ஆண்டுமலரின் அறிவிப்பு ; அதன் கதைகள் பற்றிய விளம்பரங்கள் ; வழக்கம் போல் எனது ஹாட்லைன்கள் + சூப்பர் 6-ன் அறிவிப்பு என சகலத்தையும் இந்த இதழுக்குள் அடக்குவதற்குள் நாக்குத் தொங்கி விட்டது ! கடைசி நிமிடம் வரை 'இதைப் போடு - அதைக் காலி பண்ணு ' என்று நமது DTP பெண்மணியும், மைதீனையும் நான் குடலை உருவாத  குறை தான் ! Anyways - ஒரு landmark இதழின் அறிவிப்பு சிறப்பாக அமைய வேண்டுமே என்ற ஆர்வம் அடங்கியபாடில்லை எனக்குள் !

இவ்வாரம் புதன்கிழமை (April 2nd) புதிய இதழ்கள் இரண்டும் இங்கிருந்து despatch ஆகிடும் - மறு நாளில் உங்களை வந்து சேரும் விதமாய் ! இதழ்களைப் பார்க்கும் வரையாவது அந்த அறிவிப்புகளை இங்கே போட்டு உடைக்க வேண்டாமே என்பதால் பெவிகால் பெரியசாமி இப்போதைக்கு ஆஜர் ! 

சென்ற பதிவினில் KBT - சீசன் 2014 பற்றியும், மொழிபெயர்ப்புப் போட்டியினில் வெற்றி பெரும் நண்பருக்கு லயனின் ஆண்டுமலரில் பணியாற்றவொரு வாய்ப்பும் தர எண்ணுவதை பற்றி நான் எழுதி இருந்தேன் அல்லவா ? அதற்க்குக் கண்டனம் தெரிவித்து ஏராளமாய் மின்னஞ்சல்கள் ! 'ஒழுங்காய்ப் போய்க் கொண்டிருக்கும் விஷயத்தில் ஏன் விஷப் பரீட்சை ?' என்ற ரேஞ்சில் ஆரம்பித்து - ' வாசகர்களுக்குளே தேவையற்ற மன வருத்தங்கள் ; வீண் மனஸ்தாபங்கள் விதைய வழி வகுத்து விடும் முயற்சி இது !' என்ற ரீதியிலும் அபிப்ராயங்கள் !! எவ்வளவு தான் நான் எனது சிந்திக்கும் குல்லாவைப் போட்டுக் கொண்டு செயல்பட்டாலும் -  ஒவ்வொன்றையும் பல கோணங்களில் நோக்கும் நண்பர்களது எண்ணங்களை முழுமையாய் gauge பண்ண முடியவில்லை என்பதே நிஜம் ! எவ்வளவோ மாற்றங்களை நம்மால் வாழ்க்கையில் just like that ஏற்றுக் கொள்ள முடிந்தாலும்  - காமிக்ஸ் வாசிப்பென்று வரும் போது மாத்திரமே நாம் மாற்றங்களை கூடிய மட்டிலும் விரும்பாது போவது ஏனோ என்ற மகா சிந்தனையில் கேச இழப்பு அத்தியாயம் 2 தொடங்குகிறது எனக்குள் ! இதற்கு மேலும் தலையைப் பிய்த்துக் கொண்டால் - நண்பர் அஜய் சாமி வரைந்து அனுப்பியுள்ளது போலவே நானும் மெய்யாகவே ஒரு கௌபாய் தொப்பிக்கு ஆர்டர் தர வேண்டியதாகும் போல் படுகிறது ! பாருங்களேன் - நண்பரின் அட்டகாசத்தை ! 

See you soon folks ! Bye for now ! 

ஒரு சண்டே போஸ்ட் !

நண்பர்களே,

ஞாயிறு வணக்கம். சமீப மாதங்களில் வார இறுதிகளின் பெரும்பான்மை எழுதும் பணிகளுக்கோ  ; பயணங்களுக்கோ ; அல்லது விட்டத்தின் விஸ்தீரணத்தைக் கணக்கிடும் ஆராய்ச்சிகளுக்கோ செலவாகி வந்ததால் 'ஒரு சண்டே போஸ்ட்' என்பது குதிரைக் கொம்பாகி விட்டது ! ஆனால் "சூப்பர் 6 " & லயனின் 30-வது ஆண்டுமலரின் பணிகளைத் துவக்கிய நாள் தொட்டு, வாரத்தில் நாட்கள் ஏழு மாத்திரமே இருப்பது போதவில்லை என்ற பாடு தான் !! 4 மாத அவகாசம் இருக்கும் போதே 'லப் டப்' சத்தம் கொஞ்சம் அதிகமாகி விட்டது போலொரு பிரமை !!   ஏப்ரல் இதழ்களின் இறுதிப் பணிகளைப் பார்வையிடுவது ; அறிவிப்புகளை சரியாய்த் திட்டமிடுவது ; "சிங்கத்தின் சிறு வயதில் " + 2 x ஹாட்லைன் கச்சேரி - என கடந்து சென்ற வாரம் முழுவதும் ஒரு வேலையிலிருந்து அடுத்த வேலைக்குள் குதித்த பாடு தான் !தொடரக் காத்திருக்கும் வாரம் கூட இதே போல் hectic ஆகத் தானிருக்கும் என்பதால் - இந்த ஞாயிறின் விட்டத்து ஆராய்ச்சியை சற்றே தள்ளி வைத்தல் நம் வலைப்பூவிற்கு நலம் பயக்குமெனத் தோன்றியது ! So, here I am :

இதோ ஏப்ரலின் "சற்றே குண்டு" புக்கின் அட்டைப்படம் + ட்ரைலர் ! "குண்டு புக்கின்" காதலர்களுக்கு தொடர் மாதங்களில் இது போல் இதழ்கள் வெளியாவதில் குஷி இருக்கலாம் - but நமது விற்பனையாளர்கள் என்ன அபிப்ராயப்படுகின்றனர் என்பதான feedback  - தொடரும் நாட்களில் தான் நமக்குக் கிட்டும். கடைகளில் விற்பனைக்கு ரூ.60  விலையிலான சிங்கள் இதழ்கள் சற்றே சௌகரியமாய் இருப்பதாக  இந்தாண்டின் துவக்கம் முதலாய் முகவர்கள் மூலம் கேட்டுத் தெரிந்து வருகிறேன்  ; அதே பாணியில் ரூ.120-க்கும் சிக்கலின்றி வரவேற்பு கிட்டிடும் பட்சத்தில் தலை தப்பித்து விடும் !! விற்பனைக் கதையை ஓரம் கட்டி விட்டு - இம்மதத்துக் காமிக்ஸின் கதைக்குத் தாவும் போது - சமீப அதிரடி வரவுகளில் பிரதானமான ஷெல்டன் நம்மை எதிர்நோக்கிக் காத்திருப்பது புலப்படும் ! காதோர நரை நாயகரின் தொடரில் one of the best என முத்திரை பதித்த சாகசங்கள் இவை என்பதால் இம்மாதம் ஏன் நெற்றியில் கவலை ரேகைகளுக்கு இடமில்லை ! கதையின் ஆக்க்ஷன் சூறாவளி ; சித்திர உச்சங்கள் ; துளியும் தொய்வில்லா plot என தட தடப் பயணம் ஒன்று நமக்குக் காத்துள்ளது என்பதை தைரியமாகச் சொல்ல முடிகிறது ! இம்மாத அட்டைப்படம் நம் ஓவியரின் கைவண்ணமே ; நீங்கள் கம்பியூட்டர் திரையினில் பார்ப்பதை விடவும் அழுத்தமான வர்ணங்களில் அச்சாகியுள்ளது என்பதால் - புக்கில் பார்க்கும் போது இங்கு தெரிவதை விட இன்னமும் எடுப்பாக இருக்கும். பின் அட்டை அவர்களது தயாரிப்பே - background வர்ண மாற்றங்கள் மட்டும் நமது பங்களிப்பு ! உட்பக்க சித்திரங்களைப் பற்றிச் சொல்வதானால் - mindblowing என்ற சொல்லே பொருந்தும் ! முரட்டு truck வண்டிகளை ரசித்து வளர்ந்த ஓவியர் இம்முறை இயந்திரப் படகுகள் ; முரட்டுக் கப்பல்கள் ; ஹெலிகாப்டர் என்று அதகளம் செய்துள்ளார் ! இம்மாதம் ஷெல்டன் ஒரு ஹீரோவெனில் - ஓவியரும் இணையானதொரு ஹீரோ என்றே சொல்லல்லாம் !! கதையீன் நீளமே 102 பக்கங்கள் என்பதால் இந்த இதழில் filler pages ; லொட்டு லொசுக்கு ஏதும் கிடையாது ! ஹாட்லைன் + கதை என்ற சிம்பிள் package இம்முறை !! (அந்தக் குறையை (?!!) நிவர்த்தி செய்திட ஏப்ரலின் இன்னொரு வெளியீடான லக்கி லூக்கின் - "எதிர்வீட்டில் எதிரிகள்" இதழில்   வண்டி வண்டியை அறிவிப்பு விளம்பரங்கள் இத்யாதி..இத்யாதி !)

கடந்த பதிவில் புது வரவு MAGIC WIND பற்றியும், அவருக்கொரு பெயர் சூட்டக் கோரியும் நான் எழுதியிருந்தது நிச்சயமாய் மறந்திருக்காது ! (வண்டி வண்டியாய்ப் பெயர்கள் ; suggestions என வலைப்பூவை ஒரு சில நாட்கள் மூழ்கடித்த அனுபவம் அத்தனை சீக்கிரம் மறக்காது !!) நிறையப் பெயர்களைப் பார்த்த பின்னர்   நான் மனதில் கொண்டிருந்த "மாயச் சூறாவளி " என்பதை விட - ஒரிஜினல் பெயரான "மேஜிக் விண்ட " தனை அப்படியே பயன்படுத்திடுவது தேவலை என்ற முடிவுக்கு வந்துள்ளேன். "மேஜிக் விண்ட்" என்ற பெயரோடும், கதையினுள் "மேஜிகோ" என்ற பிறர் இவனை அழைப்பது போலவும் அமைப்பது சுலபமாய் இருக்குமென்று நினைத்துள்ளேன் ! So - இந்தப் பெயர்களை இங்கே suggest செய்திருந்த நண்பர்கள் சற்றே கை தூக்குங்களேன் - ப்ளீஸ் ! உங்களுக்கு மேஜிக் விண்ட் முதல் இதழின் பிரதி நமது compliments உடன் அனுப்பிடப்படும் guys! இது தவிர ஏராளமாய் தலையைக் கசக்கி பெயர் மழை பொழிந்த நண்பர்கள் அனைவரின் ஆர்வத்திற்கும் ஒரு மெகா thanks !!

அப்புறம் விற்பனை தொடர்பான இன்னொரு சேதி ; update ! கடந்த ஒரு மாதமாய் நாம் ஆன்லைன் விற்பனையினை நிறுத்தி வைத்திருந்தது நீங்கள் அறிந்தது தானே ! E-Bay-ல் சிக்கல்கள் சில நேர்ந்தபடியால் இப்போது அதற்கொரு மாற்றைத் தயார் செய்தாகி விட்டோம். www.lioncomics.worldmart.in என்ற தளம் தான் நமது புதிய ஆன்லைன் விற்பனைக் கூடமாகச் செயல்படும் ! 

முழுக்க முழுக்க ஜூனியர் எடிட்டரின் முயற்சியில் அரங்கேறியுள்ள இந்த விற்பனைத் தளம் E-Bay அளவுக்கு efficient ஆக இருக்குமா  ? என்பது போகப் போகத் தான் தெரியும் ; ஆனால் அந்தந்த மாதங்களில்  - தேவையான இதழ்களை மாத்திரமே ; கிரெடிட் அல்லது டெபிட் கார்ட் மூலமாக வாங்கிட நினைக்கும் நண்பர்களுக்கு இது ஒரு சுலப option ஆக இருக்குமென்று நினைக்கிறேன்.இதனில் இன்னமும் செய்யக்கூடிய திருத்தங்கள் ; முன்னேற்றங்கள் பற்றிய உங்கள் அபிப்ராயங்கள் எப்போதும் போல் வரவேற்கப்படும் guys - so நீங்கள் ஆன்லைன் வாங்கப் போகும் நண்பர்களாய் இல்லது போனால் கூட அப்பக்கமாய் ஒரு குட்டி விசிட் அடிக்கலாமே ? இன்னும் ஓரிரு வாரங்களில் நமது இணைய தளத்தினிலே ஆன்லைன் விற்பனைக்கான ஏற்பாடுகள் தயாராகிவிடும் என்பது கொசுறுச் சேதி ! அது முழுக்க துணை ஆசிரியர் பிரகாஷ் + நம் வாசக நண்பர் துரை பிரசன்னாவின் கைவண்ணமாக இருக்கும் ! இது தவிர AMAZON .IN தளத்திலும் நாம் தலைநுழைக்க துணை ஆசிரியர் முயற்சித்து வருகிறார் ! சீக்கிரமே அதுவும் சாத்தியமாகிடும் பட்சத்தில் இணைய உலக நண்பர்களை எட்டிப் பிடிக்க சற்றே வசதியாய் இருக்குமென்று நினைக்கிறேன் ! Fingers crossed !

பெயர் சூட்டல் படலத்தில் உங்களின் உத்வேகத்தைப் பார்த்த போது - KBT - சீசன் 2014-ஐத் துவங்கலாம் போல் தோன்றுகிறது !! இம்முறை வழக்கமான அதே பாணியைப் பின்பற்றாமல் சின்னதாய் ஒரு twist கொடுத்தால் என்னவென்று நினைத்தேன் ! So this is how it will go : ஆர்வம் தெரிவிக்கும் நண்பர்கள் அனைவருக்கும் வழக்கம் போலவே ஒரு சிறுகதை அனுப்பிடுவோம் மொழிபெயர்க்க....! அதனில் சிறப்பான பணியாற்றும் TOP 3 நண்பர்களுக்கு வழக்கம் போல் வாட்ச் பரிசு ; நாடோடி ரெமி பரிசு என்றெல்லாம் இல்லாது - இந்தாண்டின் லயன் ஆண்டுமலரில் இடம்பிடிக்கவிருக்கும் ஏதேனும் ஒரு முழுநீளக் கதைக்கு மொழிபெயர்ப்பு செய்திடும் வாய்ப்பு தரப்படும் ! அந்த மூவரில் யாரது ஆக்கம் best ஆக உள்ளதோ - அது ஆண்டுமலரில் பிரசுரமாகும் ! நமது அடுத்த மாத இதழில் இப்போட்டி அறிவிக்கப்பட்டு - இணையத்திற்கு அப்பால் நிற்கும் நண்பர்களையும் இழுத்திட முனைவோம் ! நமது லயனின் ஒரு முக்கிய மைல்கல் இதழில் நண்பர்களின் பங்களிப்பும் active ஆக இருந்த சந்தோசம் கிட்டுமல்லவா ? What say folks ? See you around soon...Bye for now ! 

ஒரு just like that பதிவு..... !

நண்பர்களே,

வணக்கம். சென்ற வாரத்தின் முழுமையையும் கிழக்கு ஐரோப்பாவின் குளிருக்குள் சுற்றும் படலம் ஆக்ரமித்துக் கொள்ள இங்கு ஆஜராகவே நேரமில்லாது போனது. ஊர் சுற்றலில் போனசாகக் கிட்டிய முதுகு வலி வார இறுதியினையும் துண்டு போட்டு ரிசர்வ் செய்து கொள்ள - மேற்கொண்டு 2 நாட்களும் பணால்!  Anyways - புது இதழ்களுக்கான இறுதிக்கட்டப் பணிகள் தொடும் தூரத்தில் இருந்ததால்  -என் முதுகோடு சேர்த்து ஷெல்டனையும், லக்கியாரையும் பராமரிப்பதில் பொழுது ஓடி விட்டது ! 

கிழக்கு ஐரோப்பாவில் தான் எனக்கு வேலை என்ற போதிலும், சைக்கிள் கேப்பில் நமது படைப்பாளிகளை பெல்ஜியத்தில் சந்தித்து ஒரு சலாம் போட்டு வைக்கத் தவறவில்லை ! "சூப்பர் 6"-ன் பொருட்டு நான் டிக் செய்து வைத்திருந்த 2 புதுக் கதைகளின் உரிமைகளுக்கான இறுதிக் கட்டப் பேச்சு வார்த்தைகளையும் சந்தடி சாக்கில் ஜெயமாக்கிட முடிந்ததில் எனக்குக் கூடுதல் மகிழ்ச்சி !எல்லாப் புதுக் கதைகளின் அறிமுகச் சமயங்களிலும் சொல்லிடும்  "உலகத் தொலைக்கட்சிகளில் முதன்முறையாக" பாணியே தான் எனினும், இம்முறை இந்த இரு கதைகளோடும் அதனை சற்றே அழுத்திச் சொல்ல முகாந்திரம் இருப்பதாய் நான் கருதுகிறேன் ! Wait n' watch please ! இம்முறை படைப்பாளிகளின் முகங்களிலும் என்னைப் பார்த்த போது ஒரு சந்தோஷம் நிதர்சனமாய்த் தெரிந்தது ! நமது சமீப மாதத்து இதழ்களின் சகலத்தையும் அவர்களது மீட்டிங் ஹாலின் ஷோகேசில் பிரதானமாய், அழகாய் அடுக்கி வைத்திருந்தனர் ! என்னோடு பேச அமர்ந்த சமயம் அவற்றை வெளியே எடுத்து புரட்டிக் கொண்டே -"No more black and white !" என்று புன்னகையோடு அவர்கள் சொன்ன போது - இங்கு நம் நண்பர்கள் 'திரும்பவும் கறுப்பு-வெள்ளைக் கதைகளுக்கொரு வாய்ப்புக் கோரி வருவதும் மின்னலாய் என் தலைக்குள் ஓடியது ! வழக்கமாய் ஒரு குறுகிய அவகாசத்தை ஒதுக்கி விட்டு, அதற்குள்ளாக பரபரப்பாய் நம் சம்பந்தப்பட்ட வேலைகள் அனைத்தையும் அவர்கள் பேசி முடிப்பது வழக்கம். ஆனால் இம்முறையோ அந்த அவசரம் எதனையும் வெளிப்படுத்திடாமல் - சாவகாசமாய் நமது கதை வரிசைகளின் வெற்றிகள் / சுமார் ரகங்கள் பற்றி விசாரித்து விட்டு அவர்களது upcoming projects பற்றிய வெள்ளோட்டங்களையும் என்னிடம் பகிர்ந்து கொண்டனர் !  தவிர அவர்களது மார்கெட்டின் சமீப நிகழ்வுகளைப் பற்றியும் என்னிடம் பேசிய போது நம்மையும் ஒரு பொருட்டாக அவர்கள் கருதத் துவங்கும் நாள் புலர்ந்து விட்டது புரிந்தது ! 

அப்படியே XIII - இரத்தப் படலம் பற்றிய பேச்சு எழுந்தது ! புது கதாசிரியர் + ஓவியரின் கூட்டணிக்கு அங்கு நல்ல வரவேற்பு கிட்டியுள்ளது என்பதோடு - இந்தாண்டு நவம்பரில் அடுத்த பாகம் ரிலீஸ் ஆகவிருக்கும் விஷயத்தையும் சொன்னார்கள் ! பாகம் 22-ன் பக்கங்களைப் புரட்டிய போது ஏகப்பட்ட ஆக்க்ஷன் நிரம்பிய பாதையில் கதை பயணிப்பதை உணர்ந்து கொள்ள முடிந்தது ! சரி - 2015-ல் பாகம் 22 & 23-ஐ வெளியிட வேண்டியது தான் என்று நினைத்துக் கொண்டேன் ! அத்தோடு அல்லாமல் - "XIII மர்மம் " என்ற தொடர் வரிசையில் - XIII கதைகளின் உப கதாபத்திரங்களைச் சித்தரிக்கும் முயற்சிக்கும் நல்ல வரவேற்பாம் ! இந்தாண்டு ஜூனில் BETTY -ன் பார்வையில் இரத்தப் படலத்தை சித்தரிக்கும் ஒரு ஆல்பம் வரவிருக்கிறதென்றும் ; இந்தாண்டே இவ்வரிசையில்  கூடுதலாய் ஒரு ஆல்பமும் கூட வெளியாகலாம் என்றும் சொன்னார்கள் ! எது எப்படியோ -  இப்போதைக்கு நண்பர் XIII -க்கு VRS கிடைக்கப் போவதில்லை என்பதை நன்றாகவே புரிந்து கொள்ள முடிந்தது ! 

'மங்கா காமிக்ஸ்கள் தற்போது பிரெஞ்சு மார்கெட்டில் அத்தனை பிராமதமாய் ஓடவில்லை !' என்று சொன்ன போது - 'இது ஓடினால் தானே ஆச்சர்யமே !!' என்று மனதுக்குள் நினைத்துக் கொண்டேன் ! முதல் முறையாய் விற்பனை எண்ணிக்கையிலும் சரி ; விற்பனை வருமானங்களிலும் சரி - மங்கா லேசாய் ஒரு பின்னடைவை சந்தித்துள்ளதென்று சொன்னார்கள் ! நமக்கு இந்த ரக காமிக்ஸ் மீது என்றைக்குமே பெரிதாய் ஒரு ஈர்ப்பு இருந்ததில்லை என்பதால் பெரிதாய் நான் react செய்து கொள்ளவில்லை ! ஆனால் சீனாவைப் பற்றி அவர்கள் சொன்ன விஷயம் மெய்யாக என்னை சலனம் கொள்ளச் செய்தது ! மங்கா காமிக்ஸின் மையம் ஜப்பானியப் படைப்பாளிகளே என்பது உலகறிந்த விஷயம். ஆனால் சமீப காலமாய் சீனாவின் ஓவியர்கள் ;சீனாவின் கதாசிரியர்கள் - இந்த மங்கா பாணியை அழகாய் உள்வாங்கிக் கொண்டு மாறுபட்டதொரு பாதையில் புதுப் புது படைப்புகளுக்குப் பிள்ளையார்சுழி போட்டு வருகிறார்களாம் ! இன்று சர்வதேச காமிக்ஸ் படைப்பாளிகளின் வரைபடத்தில் சீனாவிற்கொரு முக்கிய இடம் உருவாகி வருவதாகவும், காமிக்ஸ் உலகினுள் சீனா அழுத்தமாய் முத்திரை பதிக்கப் போகும் நாள் வெகு தூரத்தில் இல்லை என்றும்  அவர்கள் சொன்ன போது என்னால் வியக்காமல் இருக்க முடியவில்லை ! உலகின் முக்கிய தயாரிப்புத் துறைகளுக்குள் தான் சீனாவின் வெற்றிக் கொடி பறக்கிறதென்றால் - கற்பனைகள் கொடி கட்டும் ஒரு துறையினுள்ளும் அவர்களது பங்களிப்பு இருக்கப் போகிறதெனும் செய்தி வாய் திறக்கச் செய்தது ! சீக்கிரமே லக்கி லூக்கும் ; லார்கோவும் நூடுல்ஸ் நாட்டிலிருந்து வலிமையான போட்டியை சந்திக்கப் போகிறார்களோ - என்னவோ !!  (சீன பாஷை தெரிந்த நண்பர்கள் எவரேனும் இங்கிருப்பின் தயாராகிக் கொள்ளுங்கள் guys ! அடுத்த 5 ஆண்டுகளுக்குள் உங்கள் சகாயத்தை நாடி நாம் நிற்கக் கூடும் !!)

'அதெல்லாம் சரி - '70 களிலும் ; '80 களிலும் வெற்றி பெற்ற கதைத் தொடர்களுக்கு மீண்டும் உயிரூட்டினால் உங்களது இன்றைய மார்கெட்டில் எடுபடாதா ?' என்று கேட்டு வைத்தேன் ! அவர்கள் புண்ணியத்தில் கேப்டன் பிரின்ஸ்களும் ; அலி பாபாக்களும் ; ப்ரூனோ ப்ரேசில்களும் புதுக் கதைகளோடு தொடர்ந்திட்டால் நமக்குக் கொண்டாட்டம் அல்லவா ? "ஊஹூம் - இன்றைய எங்கள் வாசகர்களுக்கு புதுமைகள் அவசியம் ; classics ரகக் கதைகள் போணி ஆகாது !" என்று சொன்னவர் - 2013-ன் பிரெஞ்சு காமிக்ஸ் மார்கெட் பற்றியதொரு data sheet -ஐ என்னிடம் காட்டினார் ! சென்றாண்டில் பிரெஞ்சில் வெளியான காமிக்ஸ் ஆல்பம்களின் எண்ணிக்கை 5519 ஆம் !!!!! (இது மங்கா மொழிபெயர்ப்புகள் ; அமெரிக்க காமிக்ஸின்   மொழிபெயர்ப்புகள் ; பிரெஞ்சுப் படைப்புகள் அனைத்தையும் ஒருங்கிணைத்த எண்ணிக்கை). அவற்றில் ஒரு கால் பங்கு மாத்திரமே தொடரும் கதைவரிசைகள் ; பாக்கி முக்கால் பங்கும் புத்தம் புது நாயகர்கள் ; கிராபிக் நாவல்கள் ; கதைகள் என்று ஏகப்பட்ட புது வரவுகள் ! ஒரு புதுத் தொடர் 3-4 ஆண்டுகளுக்குள் நல்ல விற்பனையைக் கண்டிடும் பட்சத்தில் அதற்கு நீண்டதொரு வாய்ப்பு வழங்குவார்களாம்  ; இல்லாவிட்டால் கட்ட வேண்டியது தான் மூட்டையை ! இப்போதெல்லாம் 20 ஆண்டுகள் ; 30 ஆண்டுகள் என தொடர்ச்சியாய் வெற்றி கண்டு வரும் கதை வரிசைகள் ரொம்பவே குறைவு என்று சொன்னவர் - அத்தகைய வெற்றி பெற்றதாய் அடுக்கிய பெயர்களில் நமக்குப் பரிச்சயமானவை - லார்கோ வின்ச் ; லக்கி லூக் ; தோர்கல் ; ப்ளூ கோட் பட்டாளம் ; XIII  மட்டுமே ! இவை தவிர இன்னும் அவர் குறிப்பிட்ட   சில popular கார்ட்டூன் கதை வரிசைகளைப் பற்றி 'ஆ'வென கேட்டுக் கொண்ட நான்  2015-ல் அவற்றை முயற்சித்துப் பாப்போம் என்று நினைத்துக் கொண்டேன் ! So உங்கள் வீட்டு வாண்டுகளை காமிக்ஸ் உலகினுள் மெதுவாய் அடியெடுத்து வைக்கச் செய்யும் அவா உங்களுக்கு இருப்பின் ; அவர்களுக்குக் கதை சொல்லிடும் பொறுமையும் உங்களுக்கு இருப்பின் - 2015-ல் அந்த இளம் பட்டாளத்திற்கொரு தனிப்பாதை போட blueprint தயார் !! What say folks ?

இந்தாண்டின் வெளியீடுகளின் அட்டவணையில் ஒரு slot மட்டும் காலியாக இருந்தது நினைவிருக்கலாம் ! அந்த இடத்தினில் டிடெக்டிவ் ஜெரோமை வண்ணத்தில் அமரச் செய்யலாமென்ற எண்ணம் இருந்தது ; but இந்தக் கண்ணாடிக்கார டிடெக்டிவ் நம்மில் நிறையப் பேருக்கு சிம்ம சொப்பனமாய் இருப்பதால் அந்த இடத்தை ஒரு அதிரடி ஆக்க்ஷன் பார்ட்டிக்கு ஒதுக்குவதெனத் தீர்மானித்துள்ளேன் !  அவர் யார் என்பதை மே மாதம் வெளிச்சம் போட்டுக் காட்டுகிறேன் ! ஏப்ரல் இதழில் 'சூப்பர் 6"-ன் விலைகள் ; சந்தா ; லயன் 30-வது ஆண்டுமலரின் அறிவிப்பு என நிறைய "விளம்பரப் பக்கங்கள்" காத்துள்ளன ! 'இயன்ற மட்டில் உங்கள் எதிர்பார்ப்புகளைப் பூர்த்தி செய்யும் வலு அவற்றிற்கு இருந்திட வேண்டுமே தெய்வமே !' என்ற வேண்டுதல் என் உதட்டில் ! எப்போதும் போலவே - fingers crossed !

விடை பெறும் முன்னே - இதோ சின்னதாய் ஒரு teaser !

விரைவில் நம் அணிக்குள் ஐக்கியம் ஆகக் காத்திருக்கும் இவருக்கொரு பெயர் சூட்டும் வைபவத்தை தொடங்கினால் என்ன ? Get cracking folks ?! 

புலி வருகுது..!

நண்பர்களே,

வணக்கம். இன்றைய கூரியர்களிலும், பதிவுத் தபால்களிலும் மார்ச் மாதத்து இதழ்கள் 'ஜம்'மென்று புறப்பட்டு விட்டன ; so எப்போதும் போல் 'Operation கூரியர் முற்றுகை' யினை நாளைக் காலை நீங்கள் அரங்கேற்றலாம் ! அதிலும் இம்முறை ST கூரியரில் நமக்கென பிரத்யேகமாய் இரு பணியாளர்களை நியமித்து - சகல பார்சல்களையும் பொறுப்பாய் புக்கிங் செய்துள்ளனர் ! நாளைய பொழுது நமது இதழ்களோடு உங்களுக்குப் புலர்ந்திட்டால் - ST கூரியருக்கு ஒரு பெரிய 'ஓ' போட்டே விடலாம் ! 

இந்தாண்டின் முதல் consolidated இதழாக ; ரூ.120 விலையில் வெளியாகும் முதல் இதழாக - டைகரின் "அட்லாண்டாவில் ஆக்ரோஷம்" அமைகிறது ! ஏற்கனவே நான் சொல்லி இருந்தது போல - ஒரு நீண்டு செல்லும் saga வின் வழித்தடங்கள் டைகரின் இந்த சாகசங்கள் ! இதன் முந்தைய பாகமான "வேங்கையின் சீற்றம்" சமீபமாகவே வெளியானது என்பதால் கதைக்களம் உங்கள் நினைவுகளில் fresh ஆகவே இருக்குமென்பதில் எனக்கு ஐயமில்லை ! "மரண நகரம் மிசௌரி" முதலாய் இத்தொடரில் பணியாற்றும் வண்ணச் சேர்க்கை அமைக்கும் (பெண்) ஓவியரான ஜேனட் கேல் மெல்லிய வர்ணக் கலவைகளோடு இந்த இரு பாகங்களுக்கும் பணியாற்றியுள்ளார் ! So டாலடிக்கும் பளீர் வர்ணங்களாக அல்லாது - பெரும்பாலும் ஒரு sober கலரிங் பாணியையே இம்முறை நீங்கள் பார்த்திடப் போகிறீர்கள் ! இதற்கு நேர் மாறாய் - ப்ளூகோட் பட்டாளத்தின் "கப்பலுக்குள் களேபரம்" எக்கச்சக்க bright கலர்ஸ் சகிதம் மினுமினுக்கிறது ! இந்த இதழின் அட்டைப்படத்தை இத்தொடரின் ஓவியரான வில்லி லாம்பில் ரொம்பவே ரசித்தாராம் ; இதழ் வெளியான உடனே மாதிரிப் பிரதியினைப் பார்க்க விரும்புவதாகவும் தகவல் சொல்லி அனுப்பியுள்ளார் !! மிகுந்த பெருமிதத்தோடு இன்று அவருக்கும் "க.களே " இதழினை அனுப்பியுள்ளோம் ! அவகாசம் தர அவர் தயாராக இருக்கும் பட்சத்தில் அடுத்த முறை ஐரோப்பா பயணம் மேற்கொள்ளும் போது அவரை சந்திக்கக் கோரி விண்ணப்பமும் தட்டி விட்டுள்ளேன்...fingers crossed !

திரு.வில்லி லாம்பில்

'க.களே.' இதழின் துவக்கப் பக்கத்தில் நான் குறிப்பிட்ட "சுவாரஸ்யம்" பற்றிய அறிவிப்பு காத்திருக்கிறது ! அதனை இப்போதே போட்டு உடைத்திடாது - நாளைக் காலை வரை "பெவிகால் வாய்ப் பெரியசாமியாய்' இருந்தால் தேவலை என்று நினைத்தேன்! அதற்காக 'ஓட்டை வாய் உலகநாதன் ' ஒரேடியாக லீவில் போய் விடவில்லை என்பதை நிரூபிக்கும் விதமாக அந்த இதழின் பின்பகுதியில் இடம்பெறும் இரு விளம்பரங்களை இங்கு பதிவிடுகிறேன் ! 

C.I.D ராபின் & மர்ம மனிதன் மார்டினின் கதைகள் 2014-ன் சந்தாப் பட்டியலில் இடம் பெறாத போது ஏகமாய் கவலை / கோபம் / பரிகாசம்   தெரிவித்து நண்பர்கள் சிலர் கருத்துக்களைப் பரிமாறி இருந்தனர் ! உரிய தருணம் வரும் போதே எனது திட்டமிடல்களை பகிரங்கமாக்குவது என்பதில் நான் திடமாக இருந்ததால் அச்சமயம் நான் எவ்வித பதில்களும் தர முனையவில்லை ! ராபினும், மார்ட்டினும் சென்ற நவம்பர் முதலாகவே நமது நாயகர்கள் பட்டியலுக்குள் entry ஆகிவிட்ட போதிலும் - black & white கதைகளுக்கு ஒரு சிக்கலில்லா தளம் நிர்ணயம் செய்ய இயலாத வரை மௌனமே உசித மொழியென நான் தீர்மானித்திருந்தேன் ! இப்போது சமயம் சரியெனத் தோன்றுவதால் அறிவிப்பில் தாமதம் இல்லை ! 

அடுத்த மாதம் முதலாக - நமது வலைத்தளத்திலேயே நீங்கள் கிரெடிட் கார்ட் பயன்படுத்தி இதழ்களைத் தருவித்துக் கொள்ளும் ஏற்பாடுகள் செய்திட தீவிரமாய் இருக்கிறோம் ! இது தவிர, இன்னுமொரு online store-ல் நமக்கென ஒரு பிரத்யேகப் பக்கம் தயாராகியும் வருகிறது ! So சந்தா செலுத்தி இருக்கா நண்பர்கள் - இந்த மாதம் மாத்திரம் நமக்கு நேரடியாய் பணம் அனுப்பி இதழ்களைத் தருவித்துக் கொள்ளக் கோருகிறோம் !  இம்மாதப் புது வெளியீடுகளைப் பற்றிய உங்களின் முதல் பார்வை தரும் அபிப்ராயங்கள் / அலசல்களோடு நாளை சந்திக்கிறேன்  ! See you around folks ! Bye for now !

இன்றைய காலையின் addition...