எல்லாம் சுகமே... !!

 நண்பர்களே,

வணக்கம். கடந்த 3 வாரங்களாய் நம் தரப்பில் அடித்து வரும் பல்டிகளை ஜெமினி சர்க்கஸின் சாகஸக்காரர்கள் கூட அடித்திருக்க மாட்டார்கள் ! இந்த அக்டோபர் புலர்ந்த நாள் முதலாகவே ஒவ்வொரு காலை புலரும் போதும் "ஆத்தீ... இன்னும் அந்த வேலை முடியலியே..? அம்மாடி... இன்னும் இந்தப் பணிகள் பெண்டிங் கிடக்கின்றனவே !" என்ற சிந்தனைகளே அலையடிக்கும் ! ஒன்றுக்கு மூன்றாய் தீபாவளி மலர்கள் & பற்றாக்குறைக்கு KING'S ஸ்பெஷல் - 4 சார்ந்த அறிவிப்பு எனும் போதே - பாதத்தின் முக்காலே மூணு வீசம் தொண்டைக்குழிக்குள் சொருகிட all set என்பது புரிந்தது ! And the daddy of them all - 2027-க்கான அட்டவணையுமே இதே நொடியினில் ரெடியாகிட வேண்டுமென்ற போது - மீதமிருந்த கால்வாசிக் காலியிடத்தையும் பாதங்களே ஆக்கிரமித்துக் கொண்டன !

464 பக்க டெக்ஸ் சாகஸம்... சாரி.. சாரி... மெஃபிஸ்டோ சாகஸம்... நோ.. நோ.. யமா சாகஸம்... ஊஹும்... ஊஹும்.. பத்மா சாகஸம்... இல்லேல்லே... நர்பாஸ் சாகஸம் தான் முதலும், ஆகப் பெரும் சவாலுமாக எதிரே நின்றது ! இந்த மாயாஜாலக் கதைக் களங்களுக்குள் நமது ரேஞ்சர்களை இறக்கி விடுவதில் எனக்குப் பெருசாய் நாட்டம் லேது என்பதில் இரகசியங்கள் கிடையாது தான் ! ஆனால் உங்களுக்கோ - இந்த மெஃபிஸ்டோ & டீமோடு நமது டெக்ஸ் & டீம் மோதுவதைக் காண்பதில் அலாதிப் பிரியமெனும் போது என்னால் தொடர்ந்து மறுக்க முடியவில்லை ! And இது மீண்டு(ம்) வந்த மாயன் சாகஸத்தின் அடுத்த அத்தியாயம் எனும் போது செம வெயிட்டான எதிர்பார்ப்புகளும் இருப்பது புரிந்தது ! கதைக்குள் நுழையும் போதே என்ன எதிர்பார்ப்பது ? என்பது குறித்து நிரம்பவே புரிதல் இருந்தது தான் ! ஆனாலும் பேனாவுடன் இந்த மாந்த்ரீகக் களத்தினுள் நுழைந்த சற்றைக்கெல்லாமே தெளிவானது - இதிலொரு மெகா ஹாலிவுட் பாணி ரகளை என்று ! கதாசிரியர் மௌரோ போசெல்லியின்  பாணி என்றைக்குமே தனித்துவமானது ! தெளிவான கதையோட்டம் ; திடமான எதிராளிகள் ; பயங்கரமான க்ளைமேக்ஸ் என்று பின்னியெடுப்பதில் ஜித்தர் ! இங்கோ லாஜிக்குக்கு பெருசாய் வேலையில்லாத களம் என்றான பின்னே - அடித்து டாப் கியரில் ஒரே தூக்காகத் தூக்கிவிட்டார் மாயாஜாலக் கோட்டாவை ! வழக்கமாய் மெஃபிஸ்டோவின் மகன் யமா ஓரமாய் அமர்ந்து மிக்சர் சாப்பிடுவதையே கண்டிருப்போம் ! ஆனால் இந்தமுறை மகனாரும் செம ரகளையாய் கதை நெடுக உலாற்றுகிறார் ! திடுமென அடுத்த கேரக்டராய் "பத்மா" என்ட்ரி ஆன போது 'அட்றா சக்கை... அட்றா சக்கை' என்று கவுண்டர் ஸ்டைலில் குதூகலிக்கத் தோன்றியது ! 'இதென்ன பிரமாதம் ? இன்னுமொரு பெசல் ஐட்டம் இருக்குல்லே ?' என்றபடியே "நர்பாஸ்" என்ற புது உருப்படியும் களம் காண - தீபாவளியானது ஒரு மாதத்துக்கு முன்னமே புலர்ந்து விட்டது போல் தோன்றியது எனக்கு ! And ஓவியர் Fabio Civitelli எனும் போது, சித்திர அதகளங்கள் பற்றிச் சொல்லவாவது தேவையா ? பக்கத்துக்குப் பக்கம் நம்மவர்கள் மாத்திரமன்றி எதிரணியின் மகளிரின் முகங்களுமே கண்ணைப் பறிக்க - "ஆ" வென்று வாய் பார்த்தபடியே எழுதிக் கொண்டே போனேன் ! "சுபம்" போட்ட நேரம் - காதுகளில் ஒரு மலர்க்காடே வளர்ந்திருப்பது போலிருந்தாலும், நமது நால்வர் அணியோடு நானுமே லொங்கு லொங்கென்று சுற்றித் திரிந்த ஃபீலிங் ! தீபாவளிக்கு படியுங்கள் மக்களே - செம ரகளையாய் இருக்குமென்பது உறுதி !

இந்தக் கூத்துக்களெல்லாம் கிஞ்சித்துமின்றி சீரான நீரோட்டமாய்ப் பயணிக்கிறது நம்ம V காமிக்ஸின் தீபாவளி மலர் ! கோடாரி மாயாத்மாவின் முழுநீள வண்ண சாகஸம் ஒரு வர்ணஜாலம் first & foremost ! லேட்டஸ்ட் டிஜிட்டல் கலரிங் என்பதால் கண்களுக்கு அப்படியொரு ரம்யம் ! And வழிநெடுக ஸாகோரின் சிகப்பு ட்ரெஸ் டாலடிக்க - இந்த இதழைப் புரட்டும் போதே மனம் சிறகடிக்கும் என்பது உறுதி ! அழகானதொரு கதைக்களம் ; கொஞ்சம் flashbacks சகிதம் எனும் போது செம smooth வாசிப்புக்கு கியாரண்டி உண்டு ! And ஒரிஜினல் அட்டைப்படம் நமது மெருகூட்டலில் சும்மா ஷோக்கா டாலடிக்கின்றது! நகைக்கும் நரகம் - an absolute breezy read !!

ஸாகோர் முதலில் நிறைவுற்றிருக்க, அடுத்ததாக மெஃபிஸ்டோவின் ரகளைகளும் அரங்கேறியிருக்க - மூன்றாவது இதழான மார்ட்டினைக் கையிலெடுத்தேன் ! உள்ளதைச் சொல்வதானால் - இந்தக் கலர் சாகஸம் மாமூலான b&w மார்ட்டினின் இடியாப்பங்கள் அளவிற்கு complicated ஆகத் தெரியவே இல்லை தான் ! ஒரே சீரான கதையோட்டம் 96 பக்கங்களில் நிறைவுறுவதாகப்பட்டது ! மெஃபிஸ்டோ & டீமோடு 464 பக்கங்களில் மல்லுக் கட்டி வந்திருந்தவனுக்கு இது செம ஆராமான பணியாகவே அமைந்தது. விறுவிறுவென எழுதிக் கொண்டே போயும் விட்டேன் தான் ! 'பச்சக்' என சுபம் போடும் பக்கத்தில் வந்து நின்ற போது வடிவேலுக்குப் பஞ்சாயத்துப் பண்ண வெள்ளையும், சொள்ளையுமாய் வந்திறங்கிய சங்கிலி முருகனைப் போலவே உணர்ந்தேன் ! "ஏய்... நான் சரியாத் தானே எழுதியிருக்கேன் ?" என்று என்னை நானே கேட்டுக் கொள்ளத் தோன்றியது - simply becos கதையினில் எண்ணற்ற சமாச்சாரங்கள் ஆரம்பமுமின்றி, முடிவுமின்றி அந்தரத்தில் தொங்குவது போலவே இருந்தது ! அரியாஸ்டோ அஸ்டால்டோ... ஆர்லான்டோ பியூரியோசா - என்று ஏதேதோ குறிப்புகளுக்குள் கதை ட்ராவல் செய்து கொண்டிருந்தது. ரைட்டு, அவற்றைக் கூட கூகுளின் உதவியோடு கற்றறிந்து சமாளித்துக் கொள்ளலாமென்று மனசைத் தேற்றிக் கொண்டேன் ! மார்ட்டின் கதைகளில் தான் இது போலான தேடல்கள் நமக்கு சகஜமாயிற்றே ? ஆனால் இங்கே எனக்கு முக்கியமாய் நெருடியது கதை மாந்தர்களே! இங்கே கதை நெடுக மார்ட்டினோடு நட்பும், விரோதமும் பாராட்டும் சில உருப்படிகளை யாரென்றே புரிந்து கொள்ள முடியவில்லை ! அவர்களுக்கெல்லாமே முந்தைய மார்ட்டின் சாகஸத்தில் இடமிருந்திருக்கும் போலும் என்று யூகிக்க முடிந்தது ! மெகா சீரியல்களில் வருவது போல "இவருக்குப் பதிலாய் இவர்" என்று போர்டு போடவெல்லாம் வாய்ப்பே இல்லை என்பது புரிந்தது. ஏற்கனவே மெஃபிஸ்டோ - யமா - நர்பாஸ் என்று மண்டை காய்ந்து வந்து சேர்ந்திருந்தவனுக்கு இது இன்னுமொரு மிடறு- ஜாஸ்தியான குயப்பமாய் தோன்றியது ! கொஞ்ச நேரமாய் மண்டையைப் பிறாண்டியபடியே இருந்த சமயத்தில் நமது வாட்ஸ்அப் கம்யூனிட்டியில் கூட இது பற்றி மீம்ஸ் போட்டிருந்தேன் ! என்ன செய்வதென்று தெரியாது பேந்தப் பேந்த முழித்த சமயத்தில் தான் நண்பர் (சென்னை) M.H.மொய்தீனின் கமெண்டைப் பார்த்தேன் "டக்கென்று மார்ட்டின் கதையை மாற்றி வேறொன்று வருமே..!!?? இந்த தபாவும் அதே மெரியா சார் ?" என்று கேட்டிருந்தார் ! இந்த சாகஸத்துக்கு முன்பான எந்த Martin ஆல்பத்தில் இந்த ஆசாமிகளெல்லாம் உலவுகிறார்கள் என்பதைக் கண்டறிந்து. அதனை முதலில் வெளியிட்டாலொழிய "நிறம் மாறிய நட்பு" உங்களுக்குத் துளியும் ரசித்திட வாய்ப்பில்லை என்பதால் நான் ஏற்கனவே மாற்று ஏற்பாடுகள் பற்றி யோசிக்க ஆரம்பித்திருந்தேன் !

அந்த நேரம் ஆபத்பாந்தவனாய் கண்ணில்பட்டவன் தான் நமது செல்லாக்குட்டி கிட் ஆர்டின். டிசம்பரில் வந்திட வேண்டிய சிக் பில் சாகஸமானது ராப்பர் மட்டும் பிரிண்ட் ஆகி ரெடியாகியிருந்தது. கதையும் கைவசமிருந்தது. ஆனால் மொழியாக்கம் முழுசாய் பெண்டிங்! கண நேரமும் யோசிக்காது ஒரே தாவாய் உட்புகுந்தேன் - உட்சிடியின் சிரிப்புப் போலீஸுடன் ! கோவில் வாசலில் அன்னதானத்துக்கு க்யூவில் நிற்பவன் முன்னே Zomato பார்சலைக் கண்ணில் காட்டினால் மறுக்கவாவது முடியுமா ? தேதியோ அக்டோபர் 19 !! And "பணிகளையெல்லாம் போட்டுத் தாக்கி முடிச்சாச்சு !" என்ற மிதப்பு கலந்த நிம்மதியில் நான் குடியிருந்த நேரமது ! புதுசாய், முழுசாய் ஒரு சிக் பில் சாகஸத்தை அடுத்த ரெண்டு நாட்களுக்குள் எழுதித் தராவிட்டால், தீபாவளி டெஸ்பாட்ச் கோவிந்தா- என்பது அப்பட்டமாய்ப் புரிந்தது ! And சிக் பில் கதைகளானவை வாசிக்க சுளுவான ரகமாக இருந்தாலும், பணியாற்ற செம tough ! பக்கமொன்றுக்கு 11 அல்லது 12 பேனல்கள் இருப்பதுண்டு & கிட்டத்தட்ட ஒவ்வொன்றிலுமே 2 டயலாக்குகள் தவறாமல் இடம்பிடிப்பதுண்டு ! So பக்கத்துக்கு சுமாராக 25 டயலாக்குகள் x 44 பக்கங்கள் எனும் போது கணக்கிட்டுத் தான் பாருங்களேன்- எழுத வேண்டியதன் பரிமாணத்தை !

ப்ரெஞ்ச் to இங்கிலீஷ் தயாராக இருக்க, லூசாட்டம் மொத்த ஆபீஸுமே அந்த வாரத்தில் overdrive-ல் பணி செய்தோம் ! நான் எழுதும் வேகத்துக்கே DTP பணிகளும் அரங்கேறிக் கொண்டிருந்தன ! And இங்கே இன்னொரு பக்கமோ - "அட்டவணை ரெடியா அண்ணாச்சி ? பதிவு எப்போங்க அப்புச்சி ?" என்ற ரீதியில் உங்களது ஆர்வங்கள் அலையடித்துக் கொண்டிருந்தன ! பொதுவாய் இதுவரையிலான ஒவ்வொரு ஆண்டுமே அந்த அட்டவணைப் பதிவினை கிட்டத்தட்ட 20 நாட்களுக்கு முன்னமே ரெடி பண்ணிவிட்டு இறுதி நேர ஒட்டு + வெட்டு பற்றி மாத்திரமே யோசித்து வருவேன். ஆனால் இம்முறையோ பதிவுக்கு ஒற்றை தினம் முன்னே வரை எதுவுமே ரெடியில்லை ! பேய் வேகத்தில் நாம் மட்டுமே பணியாற்றினால் போதாதே - அதன் பின்பாய் அச்சு + பைண்டிங்கிலும் அதே வேகம் வேண்டுமே ?! So இங்கு பணி முடிந்த நொடியிலிருந்தே அடுத்த கட்டப் பணிகளுக்குள் கதகளி ஆட ஆரம்பித்தோம் ! And to cut a very long & familiar story short.. நமது பைண்டிங் டீம் பின்னிப் பெடல் எடுத்து விட்டனர் ! இதோ - நேற்றிரவு புக்ஸ் சகலமும் ஆபீஸுக்கு வந்து சேர, இன்று டெஸ்பாட்ச் நனவாகி விட்டது !

Maybe வயசாகி விட்டதால் - முன் போல பல்டியடிப்பதற்கு கொஞ்சம் தடுமாறுகிறதோ? என்ற கேள்வி எனக்குள் எழாதில்லை ! Becos இதற்கு முன்பான வேளைகளில் இதை விடவும் படு டைட்டான பணிகளையெல்லாம் ஊதித் தள்ளியிருக்கிறோம் தான். ஆனால் இம்முறை நிலவரம் கொஞ்சம் மாறுபட்டது ! பிரதானமாய் இந்த தீபாவளிக்கு முன்பான வாரங்களில் இப்போதெல்லாம் சிவகாசி அயல்கிரகப் படையெடுப்புகளுக்கு நிகராய் பட்டாசு வாங்கிட வரும் ஒரு வண்டி ஜனத்தால் திக்குமுக்காடி விடுகிறது ! So பேப்பர் ஸ்டோரிலிருந்து அச்சகத்துக்குப் பேப்பரை ஏற்றிப் போக வண்டி கிடைக்க முக்கால் நாளாகிறது ! பிரிண்ட் ஆனதை பைண்டிங்குக்கு எடுத்துப் போக அடுத்த தவம் ! அப்புறமாய் லேமினேஷன் ; box pasting என்று எக்கச்சக்கச் சில்லறை வேலைகளுமே ! எல்லா இடங்களிலுமே இறுதி நிமிட தீபாவளி ரஷ்ஷில் கண்விழிகள் பிதுங்க பணி செய்து வருகிறார்கள் எங்க ஊர் மக்கள் ! So இந்த தீபாவளி மாதத்தில் மட்டும் இப்போதெல்லாம் ரொம்பவே B.P. ஏறிப் போகிறது - புக்ஸைத் திட்டமிட்டபடியே உங்களிடம் ஒப்படைப்பதற்குள் ! பற்றாக்குறைக்கு நம்மிடம் DTP டீமில் ஆள் shortage எனும் போது அதனை ஈடு செய்யவும் செம tough ஆக உள்ளது ! So "வலை பின்னும் வைரம்" இதழை முடித்த நொடியினில் விட்ட பெருமூச்சு நாலு தெருக்களுக்குக் கேட்டிருக்குமென்பது உறுதி ! Phewwwwwww ! !

கதையைப் பொறுத்தவரை - சிக் பில் தொடரினில் வெகு காலம் கழித்து செம ஜித்தனானதொரு வில்லன் & செம சுவாரஸ்யமானதொரு கதைக்களம் ! சும்மா slapstick ரகக் காமெடியாக அல்லாது கதையோடு ஹ்யூமரைக் கலந்து தெளித்துள்ளனர் படைப்பாளிகள் ! நம்ம கிட் ஆர்டின் ஒரு சூப்பர் சிங்கர் அவதாரில் போட்டுத் தாக்க - இந்த ஆல்பம் கிட் ஆர்டின் சிக் பில் தொடரின் Top 3 க்குள் உறுதியாய் இடம் பிடிக்கும் என்பேன் !

இந்தக் கூத்துக்களையெல்லாம் நிறைவு செய்து விட்டு, போன சனியன்று தான் அட்டவணைப் பதிவுக்குள் நுழையவே முடிந்தது. ஞாயிறு காலையிலோ சென்னையில் சகோதரியின் வீட்டு விசேஷம் காத்திருக்க, மாலை 7 மணிக்கு ரெயிலைப் பிடிக்க வேண்டிய நெருக்கடி ! அடிச்சேன்... அடிச்சேன்... டைப் அடிச்சேன்... விரல்களும், கீ-போர்டும் தேயும் வரைக்கும் ! மறுநாள் ஊருக்குப் போய் விசேஷத்தில் போட்டுக் கொள்ள துணிகள் எடுத்து வச்சேனா -இல்லையா? என்பது நினைவில்லை ! ஆதார் அட்டையை எடுத்துக்கிட்டேனா- nopes ஞாபகமில்லை ! மாலை 6.30 வரை எழுதித் தள்ளிவிட்டு, ரயிலில் ஏறி, படு மொக்கையான நெட் கனெக்க்ஷனுக்கு மத்தியில் - பதிவைப் பூர்த்தி செய்திட தலைகீழாய் நின்று தண்ணீர் குடிக்காத குறை தான் ! அதிகாலை 4.45 மணிக்கு தாம்பரத்தில் ரயில் நின்ற போது க்வாட்டரடிச்ச கோய்ந்த் பாணிக்கு கண்களெல்லாம் ஒரு சிகப்பு ! நொச நொசவென்று பெய்து கொண்டிருந்த மழைக்கு மத்தியில் ரூமுக்குப் போய்ச் சேர்ந்த போது மணி ஆறு ! 'ஜெய் பாகுபலி' - இனி புனித மனிடோவின் சித்தம் !!' என்றபடிக்கே Publish பட்டனை அமுக்கி விட்டு - கொஞ்ச நேரம் தூங்கலாமென்று நினைத்தால் - ஊஹும், வாய்ப்பில்லே ராஜா... என்றன கண் இமைகள் ! அட்டவணை தேறுதா ? இல்லையா ? உங்களது ரியாக்க்ஷன்ஸ் என்னவென்று தெரிந்திடாது உறக்கம் நெருங்கவாவது செய்யுமா ? படம் செம blockbuster ஹிட் என்பது ரொம்பச் சீக்கிரமே தெரிந்து விட, குஷியில் தூக்கம் தொலைந்தே போனது ! பத்து மணி வரை ப்ளாக்கில் பதில் போட்டு விட்டு, விழாவில் போய் பிசாசாட்டம் கொட்டாவி விட்டுக் கொண்டிருந்ததெல்லாம் வேறு கதை ! எது எப்படியோ - அட்டவணையும் சரி, கதைத் தேர்வுகளும் சரி, தெறி ஹிட்ஸ் ஆகியிருக்க - அது உங்களது சந்தாக்களின் ஸ்பீடிலேயே புரிந்து கொள்ள முடிந்தது ! முதல் 4 நாட்களிலேயே ஒரு செம decent நம்பர் தேறியுள்ளது & அவற்றுள் இருவரைத் தவிர்த்து பாக்கி அனைவருமே மார்ஷல்ஸ் தான் ! கூட்டாஞ்சோறுகள் எப்போதுமே எத்தனை அழகானவை என்பதை yet again நிரூபித்துள்ளோம் - இம்முறை இந்த வாட்ஸ்அப் கம்யூனிட்டியின் குன்றாத உற்சாகத்தின் புண்ணியத்தில் ! Thanks a ton all ! எண்ணற்ற கடிகள் ; அறிவிப்புகள் ; polls ; கேள்விகள் என்று நான் அடித்த லூட்டிகள் சகலத்தின் இடையேயும் நமது அட்டவணைகள் சார்ந்த முக்கிய வினாக்களுமே இடம்பிடித்திருந்தன ! குன்றா உத்வேகங்களோடு நீங்கள் சகலத்திலும் கலந்து கொண்டதே இன்றைக்கு இந்த முழுமையான அட்டவணையைச் சாத்தியமாக்கியுள்ளது !

And இன்னுமொரு செம ஜாலியான சேதியுமே folks ! நாளையோடு திண்டுக்கல்லில் நடந்து வரும் புத்தக விழாவானது நிறைவு பெறுகிறது ! ஒரு பக்கம் உசிரை வாங்கும் மழை ; மறு பக்கம் ஊருக்கு வெளியிலானதொரு பள்ளியில் ஏற்பாடு செய்யப்பட்டிருந்த அரங்கு - என லைட்டாக வயிற்றில் புளியைக் கரைத்தது தான் விழாவின் துவக்கத்துக்கு முன்பாக ! ஆனால் வர்ண பகவான் கருணை கொண்டு ஒதுங்கிக் கொள்ள - சுற்று வட்டாரப் பள்ளிகள் சகலத்திலிருந்தும் மாணவ / மாணவியர் விழாவினில் குவிந்து விட்டனர். And நமது ஸ்டால் அந்த இளைய தலைமுறையின் ஆதர்ஷ வேடந்தாங்கலாய் அமைந்து போக - absolutely stunning sales! ஒவ்வொரு பணிநாளின் பகல் பொழுதுகளிலும் நமது ஸ்டாலை முற்றுகையிட்டுத் தள்ளி விட்டனர் பிள்ளைகள் ! நம்மிடம் ஸ்டாக் ஜாஸ்தியாய் இருக்கும் சகல இதழ்களையும் அதிரடித் தள்ளுபடி விலைகளில் போட்டுத் தாக்கி வருகிறோம் & பசங்கள் அற்புதமான ஆர்வத்துடன் அள்ளிப் போய் வருகின்றனர் தினம்தோறும்! 150 ரூபாயிலான இதழ்களைக் கூட ஐம்பது ரூபாய்க்கு பிள்ளைகளுக்கு விற்று வருகிறோம் !  சிக் பில், க்ளிஃப்டன், மதியில்லா மந்திரி, லோன் ரேஞ்சரெல்லாம் இப்போது அந்த இளைய வட்டத்தின் மத்தியிலுமே பிரபலம்! இந்தப் பிள்ளைகளில் ஒரு பத்தே பத்து சதவிகிதத்தினர் நமது காமிக்ஸ் வாசிப்பினைத் தொடரும் வாசகர்களாக உருப்பெற்றால் செம பிரகாசமானதொரு எதிர்காலம் காத்துள்ளது என்பேன் !

இந்தச் சூழலில் தான்  சில "வல்லுனர்கள்" தமிழில் காமிக்ஸ் அழிவின் விளிம்பில் இருப்பதாகவும், அரசாங்கம் தலையிட்டு உதவிட வேணுமென்றும்  பறை சாற்றியிருப்பதைப் பார்க்க முடிந்தது ! இந்த பூலோகம் பிரகாசமாய், அழகாய், அறிவாய், ஆற்றலாய் தொடர்ந்து இயங்கிக் கொண்டே தானுள்ளது என்பதற்கு நமது 54 ஆண்டு கால NOT OUT இருப்பே சாட்சி! இந்தச் சின்ன வட்டத்துக்கு எது பிடிக்கும் ? எது பிடிக்காது ? அவர்களது அபிலாஷைகள் என்ன ? எதிர்பார்ப்புகள் என்ன ? அவர்களது காமிக்ஸ் காதலின் பரிமாணம் என்ன ? என்பதையெல்லாம் உணர்ந்திருக்கும் யாருக்கும் நாஸ்ட்ரடாமஸ் அவதார் எடுக்கும் அவசியமே எழுந்திடாது என்பது தான் வார்னிஷ் கலவா நிஜம் ! இது ஊர் கூடிக் குதூகலித்து, இழுக்கும் தேர் & இதன் ஒவ்வொரு அங்குல நகர்விலும் அத்தனை பேரது நேசமும், பங்களிப்பும் உள்ளதென்பதை உணர்ந்தாலே போதும் - இது வரம் பெற்றதொரு முயற்சி என்பது புரியும்! Oh yes, நடுநடுவே தொய்வுகள் நிகழும் தான் ; சக்தி வாய்ந்த சமூக வலைத்தள பொழுதுபோக்கு சமாச்சாரங்களோடு போட்டியும் போட வேண்டும் தான் - ஆனால் சவால் இல்லா சாகசங்களில் சுவை தான் ஏது  ? ஒரு நூறு முறை மூ.ச. விசிட்ஸ் அடித்தாலும், உங்கள் முகங்களில் புன்னகையை மலரச் செய்யாது ஓய்வதில்லை - என்ற கங்கணம் தானே இந்தப் பயணத்தின் தலையாய த்ரில்லே  ? 

வெகு சமீபத்தில் கூட நமது நண்பரொருவர் - "சார்..நம்ம ரெகுலர் வாசகர்கட்கெல்லாம் வயசாகிட்ட பின்னே மறுபதிப்பா மட்டும் போட்டுத் தாக்குங்க !!" என்று தனிச்செய்தியில் சொல்லியிருந்தார் என்னிடம் ! நான் பதிலே பேசாது, அன்றைய தினத்தின் காலையில் மட்டுமே திண்டுக்கல் புத்தக விழாவினில் ஸ்கூல் & காலேஜ் பசங்களின் மத்தியிலான சேல்ஸ் விபரத்தை வாட்சப்பில் அனுப்பினேன் ! நண்பர் மிரண்டே போனார் !! "ஓசையின்றி ஒரு இளம் படையும் உருவாகி வருகிறது சார் நமக்கு !" என்று அப்புறமாய் மெசேஜ் அனுப்பினேன் !! இந்தப் பயணம் இன்னும் வெகு தொலைவைக் கடக்க வேண்டியுள்ளது என்பதே நிதர்சனம் !! ஸ்கூலில் எப்போதோ படித்த Robert Frost-ன் கவிதையினை ஒருக்கா நினைவு கூர்ந்திட மட்டுமே இந்த நொடியில் தோன்றுகிறது : 

The woods are lovely, dark and deep,
But I have promises to keep,
And miles to go before I sleep,
And miles to go before I sleep.

வரிகளில் உள்ள "I" க்குப் பதிலாய் "WE" என்று மட்டும் மாற்றிக் கொண்டால் கன கச்சிதம் என்பேன் !! Bye folks! See you around! Have a great weekend!

P.S :

1.நவம்பர் இதழ்களின் ஆன்லைன் லிஸ்டிங்  : https://lion-muthucomics.com/home/1515-diwali-26-pack.html

2.KING'S SPECIAL -4 : அடுத்த வார டெஸ்பாட்ச்சுக்கு ஆனமட்டிலும் முயல்வோம் !! 

2.மொய்தீன் சார் - திங்களன்று ஒரு கிலோ சர்க்கரை கதவைத் தட்டும் !

புனித மனிடோவுடன் 2027...!

​நண்பர்களே, 

வணக்கம் தேசத்தின் பட்ஜெட் பேப்பர்களை அச்சிடும் பணியை துவக்குவதற்கு முன்பாக ஒரு முரட்டு அண்டாவில் ஒரு வண்டி அல்வா கிண்டி அனைவரும் குஷியாய் சாப்பிட்ட பிற்பாடே வேலைகள் ஆரம்பிக்குமாம் ஆண்டுதோறும் இந்த அட்டவணை வேளையில் எனக்குமே அதே போல அல்வா கிண்டி, உங்களுக்கு வாய்  நிறையத்  திணிப்பது போலவே ஒரு ஃபீலிங் மேலோங்குவது உண்டு!! Simply becos அட்டவணைக்கான பில்டப் வாரங்களில் "காபி சாப்பிடுறீங்களாண்ணா...?" ; "டிபன் சாப்பிடுறீங்களாண்ணா ?"...லட்டு வேணுமாண்ணா...? புட்டு  வேணுமாண்ணா ? என்று கேட்டுவிட்டு, அட்டவணையைக்  களமிறங்கும் சமயத்தில், 'இங்கே பட்ஜெட் துண்டு விழுது ;  அங்கே டப்பு பத்தலை...!" என்று எதையாச்சும் சொல்லிவிட்டு உங்களுக்கு நயம் மஸ்கோத் அல்வா தருவதும் கடந்த ஒரு டஜன் ஆண்டுகளின் நடைமுறைதானே ? ஆனால் முதன்முறையாக காதுகளை தரையில் பதித்து, உங்களது விருப்பு வெறுப்புகளை முழுமையாய் உள்வாங்கிக் கொண்டு, எனது தனிப்பட்ட நேசங்களை ; துவேஷங்களை ஓரங்கட்டிவிட்டு, ஒரு அட்டவணையை உருவாக்க இந்த 2027-க்கு மெனக்கெட்டுள்ளோம். இதுவுமே அல்வா ரகம்தானா ? அல்லது முதன்முறையாக உங்களில் பெரும்பான்மையை திருப்திப்படுத்தும் ஒரு விருந்தா ? என்பது அடுத்த கொஞ்ச நேரத்தில் தெரிந்து விடுமே..!  So without more ado, let's get on with the planning for 2027. 

எப்போதும் போலவே, யார் உள்ளே ? யார் வெளியே ? என்ற ஆட்டத்தை தொடங்குவதற்கு முன்பாக, கணுக்கால் வரையல்ல...இடுப்பு வரையல்ல...  கழுத்து வரையிலும் கான்கிரீட்  பதித்துவிட்டு அட்டவணைக்குள் செம ஸ்டெடியாக நிற்கும் சில நிரந்தரர்களை முதலில் டிக் செய்யும் வேலைக்குள் புகுந்திட நினைத்தேன். And இப்போதெல்லாம் The Three T's அந்தப்  பட்டியலில் சாலிடாக இடம் பெறுகிறார்கள். முதல் T - சந்தேகமே இன்றி தலைமகன் T அதாவது நம்ம TEX & Team !! ஆண்டின் முதல் கேள்வியே - "எத்தினி டெக்ஸ் ?" &  அவருக்கென என்ன பட்ஜெட் ?"  என்பதே ! So அந்த கேள்விக்கு ஒரு விடை கண்டுபிடித்த பின்பு மற்ற பணிகளுக்குள் இறங்கிடுவது கடந்த சில ஆண்டுகளின் டெம்ப்ளேட். பெரும்பாலும் ஆண்டுக்குப் பத்தோ, பதினொன்றோ டெக்ஸ் இதழ்களைத் திட்டமிடும் போது,  அதற்கேற்ற பட்ஜெட்டும் ஒதுக்கிட வேண்டிப் போகும் - which means இதர இதழ்களுக்கான தொகைகளில் துண்டு விழும் ! ஆனால் இம்முறை ஆபத்பாந்தவனாக TERRIFIC TEX அமைந்திருக்கிறது ! 

Running into 2027 - இந்தத் தனித்தடத்தின் உபயத்தில் குறைந்த பட்சமாய் மூன்று color இதழ்களாவது அடுத்தாண்டினில் உண்டு & அதனில் ஒன்று புது சாகசம் என்பதால் - 2027-ன் ரெகுலர் தடத்தினில் ஒன்பது டெக்ஸ் சாகசங்களை ஸ்லாட் இன்  செய்துள்ளோம் !! So ஏதேனும் ஒரு ரூபத்தில், "மாதம் ஒரு டெக்ஸ் இருந்தே தீரனும்" என்ற எழுதப்படாத விதியினை செயல்படுத்திட TERRIFIC TEX நிரம்பவே உதவுகிறது. Oh yes - "இது வேறு.... அது வேறு....!! அதை இந்தக்  கணக்கில் சேர்க்கலாகாது & இதை அந்தக் கணக்கில் கூட்டலாகாது !" என்றெல்லாம் குரல்கள் ஒலிக்கும் என்பது தெரியாதில்லை தான் folks ! ஆனால் நடைமுறை எதார்த்தம் எனும் சமாச்சாரத்திற்கு காது கொடுக்கும் அவசியமும் நமக்குள்ளதே ?! So அட்டவணையில் டெக்ஸ்க்கான ஒன்பது ஸ்லாட்டுகள் என்பதோடு ஆட்டத்தை ஆரம்பிக்கிறோம். And இங்கே ஒரு அசாத்திய ஹைலைட் வெயிட்டிங் ! ஜவ்விழுப்பது போல், அதை பின்னே இழுத்துப்போகாது, துவக்கத்திலேயே சொல்லிவிடலாம் என்று நினைக்கிறேன்.

அது வேறொன்றுமில்லை மக்களே - காத்திருக்கும் லயன் # 500 என்ற SPECIAL மைல்கல் சார்ந்ததே !! இப்போதெல்லாம் ஒட்டு மொத்தமாய் ஆண்டின் 30 இதழ்களையும் ஒரு சேர அறிவித்து விட்டு, "இவுக முத்துவுக்கு ; அவுக லயனுக்கு ; அப்பச்சி V காமிக்ஸுக்கு !" என்று பங்கு பிரித்து விடுவதால் எல்லா லேபில்களிலும் ஒரு சீராய் வெளியீட்டு வேகம் இருப்பதில்லை ! லயனுக்கு எப்போதுமே கூடுதலாய் கேரக்டர்கள் இருப்பதால் லயனின் வெளியீட்டு எண்ணிக்கையானது காத்திருக்கும் 2027-ல் ஐநூறைத் தொடவுள்ளது ! அந்த இதழ் # ஐநூறே, லயனின் நாற்பத்தி மூன்றாவது ஆண்டுமலராகவும்  அமையவிருப்பது இன்னொரு ட்விஸ்ட் ! And இந்தத் தருணத்தை சிறப்பிக்க, நம்ம தல சகாப்தத்தின் alltime favorite ஆன "கார்சனின் கடந்த காலத்தின்" அடுத்த அத்தியாயம் வெளி வந்தால் எப்படி இருக்கும் ? அதுவும் கலரில்.. ? அதுவும் ஹார்ட் கவரில்.. ? Yes guys - "திசைகள் ஏழு ...!!" தான் அந்த மைல்கல் தருணத்தைத் தெறிக்கச்  செய்யவுள்ள அதிரடி இதழாக அமையவுள்ளது ! இப்படி ஒரு ஆல்பம் உருவாகி இருப்பது ஓரிரு ஆண்டுகளுக்கு முன்பேதான் எனக்கு தெரியவந்தது. And ஏதேனும் ஒரு காரணமாய் அப்போது தட்டிப் போக, இதோ 2027-ல் அதிரடியாய் இந்த மூன்று அத்தியாய, 330 paged சாகசம் மிரட்டக் காத்துள்ளது !! 

And இம்முறை இன்னொரு highlight கூட உண்டு - டெக்ஸ் வரிசையினில் ! திட்டமிடப்பட்டுள்ள 9 டெக்ஸ் ஆல்பங்களுள் 5 கருப்பு வெள்ளையில் & கலரில் 4 !! இந்த template 2027-ன் டெக்ஸ் வரிசைக்கு மாத்திரமே என்றுமில்லை ; ஒட்டு மொத்த சந்தாவிலேயே 70%  முழுவண்ணத்தில் தான் - which means கண்களுக்குமே ஒரு விருந்து வெயிட்டிங் !! And டெக்ஸ் வரிசையில் நான் குறிப்பாக எதிர்பார்த்திடும் இதழ்களும் சில உள்ளன !! 

விடாது கர்மா ..!

சட்டம் ஒன்று... சித்தம் ரெண்டு..! 

புனித பூமியில் ஒரு புதையல் வேட்டை !

செத்தும் கெடுத்தான் சதிகாரன் !! 

to name a few !! And of course - இளம் டெக்ஸும் உண்டு தான் - இம்முறையோ 4 அத்தியாய சாகசத்தை தொகுப்பினில் !!

Moving on, அடுத்த T - நமது கேப்டன் டைகர் !! எண்ணிக்கையில் டெக்சினை தொடச்  சாத்தியமே அற்றதொரு  தொடரின் நாயகன் என்றாலும், இன்றளவிற்கும் நமது flagship நாயகருக்கு tough தரும் ஆற்றல் கொண்ட ஒரே நாயகர் இவர் தானே ?! இன்னமும் இரண்டோ, மூன்று இளம் டைகர் ஆல்பங்கள் மட்டுமே வெளியிட வெயிட்டிங் என்ற நிலையில், சென்றாண்டினில் 60 YEARS OF BLUEBERRY -  என்றதொரு ஸ்பெஷல் தருணத்தில், பிராங்கோ-பெல்ஜிய காமிக்ஸ் உலகின் சமகால ஜாம்பவான்களில் 29 பேர் கரம் கோர்த்து "டைகரின் பயணப்பாதையில்" என்ற தலைப்பில் ஒரு 128 பக்க ஸ்பெஷல் ஆல்பத்தினை உருவாக்கியுள்ளது தெரிய வந்தது ! அது மாத்திரமன்றி 2019 வாக்கில் புதியதொரு படைப்பாளி டீமின் கைவண்ணத்தில் மறுக்கா துவங்கியது கேப்டன் டைகரின் புதுக் கதைகளின் முயற்சி ! ஒரு டபுள் ஆல்ப சாகசமெனத் திட்டமிட்டு விட்டு, முதல் பாகத்தை ரிலீசுக்கு செய்திருந்தார்கள் ! ஆனால்  நம்ம நேரமோ என்னவோ, அதன் ஆசிரியர் வேறொரு முக்கிய பணிக்குள் தலைநுழைத்து விட, இரண்டாம் பாகத்தை கிட்டத்தட்ட 6 ஆண்டுகளுக்கு அந்தரத்தில் தொங்க விட்டு விட்டனர் ! ஒரு மார்க்கமாய் இந்த 2026 ஆகஸ்ட்வாக்கில் அந்த க்ளைமாக்ஸ் ஆல்பமும் வெளி வந்து விட்டது ! So ரொம்ப காலம் கழித்து டைகர் தொடரினில் - பரோட்டாவா ? முட்டை தோசையா ? சில்லி சப்பாத்தியா ? என்று யோசிக்கச் செய்யும் options அமைந்து போயின ! இங்கே தான் நீங்கள் சீனுக்குள் வந்தீர்கள் !! நமது வாட்சப் கம்யூனிட்டியினில் இதுவா ? அதுவா ? அந்த அதுவா ? என்ற வினாவினை முன்வைத்த போது 'பச்சக்' என டைகரின் அந்த 60-ம் ஆண்டு ஸ்பெஷலையே தேர்வு செய்தீர்கள் ! அப்புறமென்ன - எனது பணி சுலபமாகிப் போக "வேங்கையின்  வழித்தடத்தில்" - ஜனவரியில், முத்துவின் 55-வது ஆண்டுமலராய், மிளிரக்காத்துள்ளது !! நமது உடைந்த மூக்காரின் ரசிகர்களுக்கு இதுவொரு MUST HAVE இதழென்பது சர்வ நிச்சயம் !!

The third T -97 ஆண்டுகளாய் உலக அரங்கினை தனது உள்ளங்கைக்குள் வைத்திருக்கும் டின்டின் தான் ! இவரது ஆல்பங்கள் மாயாவியைப் போல வருஷம் முழுக்கவே விற்பனை கண்டிடும் star material !! So காத்திருக்கும் 2027-லும் 2 சிங்கிள் ஆல்பங்களோடு டின்டின் கம்பு சுழற்றுகிறார் ! அந்த இரண்டுமே செம ஜாலி வாசிப்புகள் என்றாலும் - "மாளிகையில் ஒரு மங்காத்தா !" வேற மாதிரி !! தமிழாக்கத்தில் இதனை செம ஜாலி வாசிப்பாய் அமைத்திட ஆர்வமாய் வெயிட்டிங் !! 

உறுதியான இடம் பிடித்து விட்ட மூன்று ஜாம்பவான்களுக்குப் பிற்பாடு -  "சீட் சார்ந்த குயப்பமே  நஹி !" என்ற தகிரியத்துடன் வலம்  வரும் நாயகர்கள் பக்கமாய் நம்ம அகன்ற விழிகளை இன்னும் அகலமாக்கிச் சுழல விட்ட போது  தென்பட்டோர் மூவர் & மூவருமே பிராங்கோ-பெல்ஜியப்  பிள்ளைகள் ! அவற்றுள் முதலாமவர் நமது ஒல்லிப்பிச்சான் லக்கி லூக்   ! கடந்த நாலைந்து ஆண்டுகளாய் லயன் ஆண்டுமலர்களில்  டபுள் ஆல்பங்களில் களம்கண்டு கொண்டிருந்தார் தான் ! ஆனால் அவரது சிங்கிள் ஆல்பங்கள் விற்பனையில் பறக்கும் வேகத்திற்கு டபுள் ஆல்பங்களால் ஈடு தர இயலவில்லை என்பதே நிலவரம் ! தவிர, லக்கி தொடரின் சூப்பர் ஹிட் கதைகளில் 95 சதவிகிதத்தைப் போட்டு முடித்து விட்டோம் எனும் போது, டபுள் ஆல்பத்துக்கென 2 நல்ல கதைகளை உருட்டுவது வர வர ரொம்பவே சிரமக்காரியமாகி வருகிறது ! So லக்கி காத்திருக்கும் ஜூலையில் வருகிறார் தான் - but சிங்கிள் ஆல்பத்தில் ! And எப்படியோ இது வரையிலுமே நாம் போட்டுத் தாக்கியிராததொரு கோசினி + மோரிஸ் கூட்டணியிலான அட்டகாச vintage ஆல்பம் கண்ணில்பட்டிருக்க - "நடுவிலே கொஞ்சம் நசுங்கிட்டாரு.. !!" என்று ஆஜராகிறார் ஜாலி ஜம்பரின் முதலாளி ! An absolute riot !!

இடம் சார்ந்த விசனங்களின்றி அட்டவணைக்குள் நுழையும் பார்ட்டீஸ் # 2 & 3 வேறு யாருமல்ல  : டிடெக்டிவ் ரூபின்  & லோன்ஸ்டார் டேங்கோ தான் ! இருவருமே சமீப வரவுகள் தான் என்றாலும், by the sheer weight of their performances, ஸ்மூத்தாக நம் மத்தியில் செட் ஆகி விட்டனர் ! டேங்கோவுக்கு  in particular - அட்டகாசமான சித்திர பாணியும்,  வித்தியாசமான கதைக்களங்களும் செம ப்ளஸ் !  And சிகாகோ cop ரூபினோ -ஒவ்வொரு வித்தியாசமான கதையிலும் அற்புதமாய் மிளிர்வதால், ஆட்டோமேட்டிக் தேர்வாகிறார் ! In fact இப்போதெல்லாம் மகளிர் அணியின் கொடியை ஏந்தி உயரப்பிடித்து வருபவரே இவர் மட்டும் தான் ! So ரூபின் & டேங்கோ டீமானது 2027- ன் முத்து காமிக்ஸ் கோடைமலராகிறது !! And இந்த ஆல்பத்தில் காத்திருக்கும் ரூபின் சாகசம் எப்போதும் போலவே செம சமகால த்ரில்லர் ! கதாசிரியர் Walthery இப்படிப்பட்ட offbeat கருக்களை எப்படித்தான் உருவாக்கப்படுத்துகிறாரோ - தெரியலை ; செம தெறி  !!

9 டெக்ஸ் + 1 டைகர் + 2 டின்டின் + 1 லக்கி லுக் + 1 கோடைமலர் = 14 புக்ஸ் = 6 நாயகப்பெருமக்கள். 

நிஜத்தைச் சொல்வதானால் இந்த அறுவருக்கு பிற்பாடு தொடர்ந்திடப்போகும் நாயகர்கள் அனைவரின் பின்னணியிலும் கிட்டத்தட்ட ஒரு கதை உண்டு என்பேன் !! And அந்தக் கதையினில் பிரதான பங்கு உங்களுக்கு உண்டு என்பது தான் நிஜம் !! இந்தப் பதிவின் துவக்கத்தில் சொன்னதொரு வரியினை இங்கே மறுக்கா மேற்கோளாக்கிட விழைகிறேன் : அது வேறொன்றுமில்லை guys - இந்தாண்டின் அட்டவணைத் திட்டமிடலின் போது காதை தரையோடு இருத்தி , நடைமுறை யதார்த்தங்களுக்கும், உங்களது விருப்பு-வெறுப்புகளுக்கும் தந்திருக்கும் முக்கியத்துவம் சார்ந்தது ! அதன் முதல் பயனாளி இன்னொரு ஒல்லிப்பிச்சான் - இம்முறையே சீரியஸான களத்துக்காரர் !! அது போன மாதம் நம்மையெல்லாம் வசீகரித்த நவீன வெட்டியான் ஸ்டெர்ன் தான் !! உள்ளதைச் சொல்வதானால் 2027-ன் அட்டவணையினை ஆகஸ்ட்டில் இறுதியிலே அறிவிப்பது என்பதே திட்டம் & நமது ஈரோட்டுச் சந்திப்பின் போது நான் உங்களிடம் கேட்டிருந்த கேள்விகள் were the finishing touches ! அந்நேரத்தினில் நான் தயார் செய்திருந்த அட்டவணையினில் ஸ்டெர்ன் இடம் பிடித்திருக்கவில்லை ! ஆனால் கொள்ளை போகுதென்று அட்டவணையினை நான்கு மாதங்களுக்கு முன்னமே வெளியிட்டு சாதிக்கப் போவதை விட, பாதிக்கப் படப்போகும் சாத்தியங்களே ஜாஸ்தி என்பதை உணர்ந்த பிற்பாடு, அட்டவணையை அக்டோபர் இறுதிக்கு ஒத்தி வைத்த போது , இடைப்பட்ட செப்டெம்பர் & அக்டோபர் releases சில பல திட்ட மாற்றங்களை அவசியமாக்கின !! போன மாதம் வெளி வந்த ஸ்டெர்ன் ஆல்பம் ஏற்படுத்திய தாக்கத்தின் பரிமாணம் எத்தகையது என்பதை நாமறிவோம் ! டெக்ஸ் & இளம் டெக்ஸ் களம் கண்டிருந்த மாதத்திலேயே, ஒரு கிராபிக் நாவல்  அவர்கள் இருவரையும் outshine செய்வதென்பது கனவில் வரும் சமாச்சாரம் ! ஆனால் ஸ்டெர்ன் அதை நனவாக்கிக் காட்டியிருக்க, வெகு சமீபமாய் அவரது தொடரின் ஆல்பம் # 6 வெளிவந்திருக்கும் சேதியைப் படித்த போது, சூட்டோடு சூடாய் மனுஷனை உள்ளே இழுத்துப் போடுவதே மதி - என்று பட்டது ! So உங்களது புண்ணியத்திலேயே "தனிமையே என் துணைவன்" என்கிறார் ஸ்டெர்ன் ! Of course, உடனடியாக இல்லாவிட்டாலும், maybe in 2028 or 2029 - இந்த சாகசம் வெளிவந்திருக்கும் தான் ! ஆனால் இரும்பு சூடாய் இருக்கும் போதே அடிப்பது தானே நல்லதொரு தொழில்காரனின் பாணி ? So நீங்க முன்மொழிஞ்சீங்க ; நாம ரோடு போட்டோம் ! 

And அட்சரம் பிசகாது உங்களுக்கே கிரெடிட் தர வேண்டிய அடுத்த உட்புகுத்தல் - மௌனப்புயல் ட்யுராங்கோ சார்ந்தது !! பொழுது போகாத நாட்களில் நமது பரணிலிருக்கும் நட்சத்திரங்களை கையைப் பிடித்து இழுப்பது எனது பொழுதுபோக்கு ! அவர்களுள் யாரையாச்சும் மறுக்கா சந்திக்கும் உத்வேகம் உங்களிடம் துளிர் விட்டுள்ளதா ? என்று அறிவதே எனது அந்நேரத்து அவாக்கள் ! So ஒவ்வொரு ஹீரோவையாய் தூசு தட்டி , கொஞ்சம் பவுடர் பூசி உங்கள் முன்னே கொணர்ந்து நிறுத்திப் பார்ப்பேன் நமது வாட்சப் கம்யூனிட்டியில் ! பார்க்கும் அத்தனை பெண்களையும் "ஆங்... புடிக்குது !!" என்று தலையாட்டும் 35 வயதைக் கடந்த முரட்டு சிங்கிள்ஸைப் போல, எல்லா பரண் பார்ட்டீஸ்களையும் நம் மத்தியிலுள்ள ஆர்வலர்கள் தீவிரமாய் வரவேற்பதுண்டு தான் ! ஆனாலும் "வாணாமே.. " ; "மிடிலே.." என்ற குரல்கள் நடு நடுவே ஒலிப்பதையும் கவனிக்க முடியும் ! So கிட்டத்தட்ட 90%  YES என்ற குரல்கள் ஒலித்தாலொழிய - பரண் பிரஜைகள் குடி பெயர்வதில்லை ! அதே போலானதொரு சோம்பலான தினத்தில் நான் எழுப்பிய கேள்வி தான் ட்யுராங்கோ பற்றியது ! மும்மூன்று ஆல்பங்களாய் இவரது தொடரை நாம் கையாண்டிருந்ததால் - 17 ஆல்பங்கள் மட்டுமே கொண்டிருந்த இத்தொடரின் கட்டக்கடைசியை ரொம்பவே சுளுவாய் தொட்டிருந்தோம் ! ஒரேயொரு சிங்கிள் ஆல்பம் மட்டும் மீதமுள்ளது & அதுவுமே ஒரு புதிய ஓவியரின் கைவண்ணத்தில் என்றான போது, மனதளவில் ட்யுராங்கோவுக்கு மங்களம் பாடியிருந்தேன் ! வெகு சமீபமாய் அவரது தொடரை நீட்டிக்கிறார்கள் என்று கேள்விப்பட்ட சமயத்தில் தான் கேஷூவலாக "மௌனப் புயல் முழங்கலாமா ?" என்று வினவியிருந்தேன் ! Honestly - அதற்குக் கிட்டிய ரெஸ்பான்ஸ் என்னை மிரட்டியே விட்டது ! டெக்ஸ், டைகர் வரிசையில் # 3 ஸ்பாட் இவருக்கே என்று நீங்கள் ஏகோபித்த குரலில் சொன்னீர்கள் ! அப்போதும் நாம் விடலையே - "புச்சான  ஓவியர் தான்  இனிமே வருவாரு ; இதோ - இப்புடி தான் படம்ஸ்லாம் இருக்கும் ! இது ஓகே தானுங்களா ? அப்பாலிக்கா இந்த மூ.ச. பக்கமா ஒரு வாக்கிங் போவோமா கண்ணுன்னு என்னைக் கூப்பிடப்படாது !! " என்று முன்ஜாக்கிரதை முருகேசன் அவதார் எடுத்தும் பார்த்தேன் ! Again கிட்டிய பதில்களில் ஒலித்த அந்த உறுதி - பரபரவென என்னை மறுக்கா அட்டவணைக்குள் பிடித்துத் தள்ளியது - ட்யுராங்கோவுக்கு கூட்டணியில் ஒரு இடம் ஒதுக்கிட ! So இந்தத் தேர்வுமே முழுக்க முழுக்க உங்களது தான் folks ! 2027-ல் சிங்கிள் ஆல்பம் & 2028-ல் டபுள் ஆல்பம் என்பது கூடுதல் தகவல்  !!

"நேயர் விருப்பம்" இன்னமும் தொடர்கிறது folks - இம்முறை கார்ட்டூன் களத்தினில் ! நமது நீலச் சீருடையினர் எனது "ஆகஸ்ட் அட்டவணையில்" இடம் பிடித்திருக்கவில்லை தான் ! இவர்களுக்குப் பதிலா வேறொரு option திட்டமிட்டிருந்தேன் ! ஆனால் செப்டெம்பரில் வந்த "கோட்டையில் ஒரு குட்டிப் புயல்" இரண்டு விதங்களில் மனமாற்றத்தினையும், மடைமாற்றத்தினையும் நடத்திக் காட்டியது ! இந்த இதழுக்கு நீங்கள் தந்த reception absolutely fab ரகம் !! "ஆஹா.... இந்த ரேஞ்சுக்கு சாதித்திருக்கும் கூட்டணிக்கு அடுத்த வருஷ எலெக்ஷனில் சீட் லேது என்று சொன்னால் காதைக் கடிச்சுப்புடுவீங்களோ ? என்ற பயம் மேலோங்கியது ! தவிர, இந்த இதழுக்குப் பணியாற்றிய சமயம் பேனா பிடிக்கும் படலமானது செம ஜாலியாய் அமைந்து போக, அடுத்தாண்டிற்கும் ப்ளூகோட்ஸ் இருந்தால் தேவலாமென்று பட்டது !! As a result -"லிங்கன் லூட்டி !!" காத்துள்ளது வரும் ஆண்டிற்கு ! இங்குமே வாட்சப் கம்யூனிட்டியில் நீங்கள் தந்து வரும் feedbacks செம பயனுள்ளதாய் அமைந்ததை மறுக்கவே முடியாது !! So அங்கே அவ்வப்போது அரங்கேறும் ஜாலியான கும்மீஸுக்கு மத்தியில், முக்கிய பாலிசி தீர்மானங்களுமே எடுக்கப்படுகின்றன என்பது கண்கூடு !! 

Yet another செப்டெம்பர் / அக்டொபர் இதழ்களின் ரூட்டில் உட்புகுந்திருக்கும் அடுத்த நாயகர் ஒரு பூனைத்தலை OG !! போன மாதம் களம்கண்ட ப்ளாக்சாட் தான் நான் குறிப்பிடும் ஹீரோ என்பது புரிந்திருக்கும் ! இவரது முதல் ஆல்பத்துக்கு செம refreshing வரவேற்பு கிட்டியிருக்க, 2027-க்கு ஆல்பம் # 2 ஆட்டோமேட்டிக்காய் தேர்வாகியது !  மரத்தைச் சுற்றி ஓடியாடி பாட்டுப் பாடும் மாமூல் டிடெக்டிவ் அல்ல இவர் எனும் போது, நமது அணிவகுப்பினில் இவர் நிரம்பவே அத்தியாவசியமென்று நினைத்தேன் ! And again, இங்கே எனது பேனாவின் வாக்களிப்பும் கணிசமாக  உதவியது  ! 460 பக்க டெக்ஸ் வில்லர் கதைகளுக்குள் உலவும் அனுபவம் ஒரு விதமெனில், அதனில் பத்தில் ஒரு பங்குப் பக்கங்கள் கொண்ட BLACKSAD போலான noir களங்களுக்குள் பேனா சுழற்றுவதென்பது வேறு பாணியிலான சுகம் !! அதிலும் இந்தக் கடுவன் பூனைக்கான "எவனா இருந்தா எனக்கென்ன ?" ஸ்டைல் வசன நடையினை அமைப்பது அட்டகாசச் சவால் ! So அதன் பொருட்டும் "ஆர்டிக் தேசம்" செலக்ட் ஆனது தான் ! உலகின் 29 மொழிகளில் அடித்து தூள் கிளப்பி வரும் இந்த டார்க் த்ரில்லர் நம் மத்தியில் தில்லாய்த் தொடர்ந்திடும் ! 

And டார்க் களங்களில் தொடர்ந்திடும் இன்னொரு நாயகரும்  அடுத்தபடியாக செலெக்ட் ஆகினார் ! அவர் நடப்பாண்டில் அறிமுகமாகி, முதல் ஆல்பத்திலேயே முத்திரை பதித்த கௌபாய் !! சில மாதங்களுக்கு முன்பாய் "குருதியின் கூலி" என்ற வெஸ்டர்ன் த்ரில்லர் வழியாக நமக்கு அறிமுகமான ரெட் கன் தான் அவர் !! இதுவரையில் மொத்தமே 2 ஆல்பங்கள் மாத்திரமே வெளிவந்திருக்கும் இந்த செம சமீபத் தொடரின் இரண்டாம் ஆல்பம் "நிசப்தமாய் ஒரு கூக்குரல்" தந்திட வெயிட்டிங் ! சொல்லப்போனால், முதல் ஆல்பத்தைக் காட்டிலும் இந்த இரண்டாவதில் ஆக்ஷன், ஆழம் என எல்லாமே ஒரு மிடறு தூக்கலாய் இருப்பதாக எனக்குப் படுகிறது ! And நாயர்கடை சாயா போல நமக்கு இன்றியமையா சமாச்சாரமாகிப் போயிருக்கும் கௌபாய் ரகக்கதைகளுக்கு இவரொரு ஷார்ப்பான தேர்வு என்றே நினைத்தேன் ! So here he is...!

இன்னொரு "கட்டாயக்  கோட்டா" அனுமதிசீட்டினைக் கையில் வைத்துக் கொண்டிருக்கும் நாயக்கரும் உண்டு தான் ! அவருமே ஒரு கௌபாய் நாயகரே ! And அவருமே வெகு சமீப வரவு - நம் மத்தியினில் ! நான் குறிப்பிடுவது, சென்றாண்டு "குருதியில் பூத்த குறிஞ்சி மலர்" வாயிலாய் அறிமுகமான வைல்ட் கேட் நாயகரையே ! இதோ, காத்திருக்கும் டிசம்பரில் அவரது ஆல்பம் # 2 - "நரகத்திற்கொரு புரவி" awaits !! மூச்சிரைக்கச் செய்யும் சித்திரங்களுடன் தட தடக்கும் இந்த ஆல்பம் செம்மையாய் பில்டப் செய்திடும் சாகசத்தை க்ளைமாக்ஸ் - டபுள் ஆல்பங்களில் நிறைவு பெறுகிறது ! இந்தத் தொடரிலேயே மொத்தமே 4 ஆல்பங்கள் தான் எனும் போது 2025 ; 2026 & 2027 என்று சுபம் போட்டு விடலாம். "சமவெளியின் சாசனம்" ஒரு அசாத்திய சித்திர விருந்தாகவும் அமையவுள்ளது !! And ஒரு  மினி தொடராக இருந்தாலும், அதனை டக்கென்று எடுத்தோம்-முடித்தோம் என்ற திருப்தி இங்கும் நமக்குக் கிடைக்கக்கூடியது கூடுதல் ப்ளஸ் !! ரெட் கன் 2/2 ....ஸ்டெர்ன் 6/6 ...டேங்கோ 7/9 வைல்ட்கேட் 4/4 - எனும் போது  மனசுக்கு நிறைவாய் உள்ளது guys !! What say ?

Next up, காத்திருப்பது நம் மத்தியில் ஒரு சரளமான பரிச்சயம் கொண்டிருக்கும் 87 வயதான பிரான்க்கோ-பெல்ஜிய ஜாம்பவானின் படைப்பே ! அந்த சாதனை எழுத்தாளர் நம்ம ஷான் வான் ஹாம் தான் & அந்த படைப்பு : XIII மர்மம் தொடரின் ஆல்பம் # 14. கொஞ்ச காலம் ஓய்வுக்குள் சென்றிருந்த வான் ஹாம் - சமீப ஆண்டுகளில் மறுக்கா பேட்டை தூக்கிக் கொண்டு கிரவுண்டுக்கு வரத் துவங்கியிருக்கிறார் ! அதன் நீட்சியில் உருவானதே "சிலந்தி வலையில் சிந்தனைகள்" என்ற spin-off  !! "போதுமே ஜேசனுடனான கூட்டணி" என பாகம் 19 வரையில் இரத்தப் படலம் தொடரினில் பணியாற்றிய வான் ஹாம் - அதன் இரண்டாவது சுற்றில் பங்கேற்றிருக்கவில்லை ! அதே போல XIII spinoff ஆனால் தொடருக்குள்ளும் பெரிதாய் ஆர்வம் காட்டியிருக்கவில்லை ! ஆனால்  13 என்ற நம்பர் மனுஷனுக்கு நிரம்பவே பிடிக்குமோ - என்னவோ ; spinoff # 13 க்கு பேனா பிடித்திருந்தார் !! அது நிரம்பவே டிக்கிலோனாஸ் நிறைந்த ஜூடித் வார்னரின் கதையே !! அதற்குப் பின்னே வந்த # 14 தான் - "சிலந்தி வலையில் சிந்தனைகள்" In fact இதனில் வான் ஹாம் மாத்திரமன்றி, புதுயுகப் படைப்பாளிகளுமே கரம் கோர்த்துள்ளனர் !! இந்த ஆல்பத்துக்கான உரிமைகளை 2025 ன் மத்தியிலேயே  வாங்கி விட்டிருந்தோம் தான் ; ஆனால் இடம் ஒதுக்க முடியாது போனதால் நடப்பாண்டினில் இதனை நுழைக்க வழியின்றிப் போனது ! இன்னமும் live ஆகத் தொடர்ந்து வரும் இந்த iconic தொடருடன் நமது பரிச்சயத்தை ஏதோவொரு ரூபத்தில் தொடர்ந்திடுவதே நலம் என்பதால் here we are ! அது சரி, வான் ஹாமின்  "ஜூடித் வார்னர்" 13 ம் நம்பர் ஆல்பத்தைப் போடாம 14 க்குள் குதிப்பானேன் ? என்கிறீர்களா ? Simply becos அது ஏகமாய் ஸ்பூன்லிங்ஸ் கொண்டதொரு ஆல்பமாய் இருப்பதால் ஒதுங்கியிருக்கிறோம். "இல்லே... அதை கும்மாங்கோ ஸ்கேன்லேஷனிலேயே படிச்சுப் போட்ட அஞ்சாநெஞ்சர்களாக்கும் நாங்க ; உருப்படியாய் படைத்தால் ரசிக்காம விட மாட்டோம் !!" என்றீர்கள் எனில் - maybe sometime in 2027 - ஏதேனும் புத்தக விழா ஸ்பெஷலாய் போட்டுப்புடலாம் ! 

அடுத்து களமிறங்கும் ஆட்டக்காரர் or ஆட்டக்காரர்ஸ் நம்ம உட்ஸிட்டியின் கரகாட்ட கோஷ்டி !! டாக் புல் & கிட் ஆர்டினின் தலைமையில் சிக் பில்லும், பொடியனும் மிக்ஸர் சாப்பிட்டுக் கொண்டே கம்பெனி கொடுக்க - ஒரு முழுநீள காமெடி கச்சேரி காத்துள்ளது - "அசடு வழிந்தால் ஆபத்து !" வாயிலாக !! கார்ட்டூன்களின் கொடியினை காலமாய் லக்கி லூக் தாங்கிப்பிடித்திருக்க, அவர் அளவிற்கு இல்லையெனினும் , சோடை போகாது maintain  செய்து வரும் இந்த சிரிப்புப் போலீஸ் ஆண்டுக்கொரு ஸ்லாட் என்பதை கச்சிதமாய்த் தொடர்ந்து வருகின்றனர் ! Again - இவர்களுக்கு பேனா பிடிப்பதென்பது ஜாலிலோ அனுபவம் என்பதால், எனது தனிப்பட்ட ஓட்டும் சேர்ந்து கொள்கிறது !! இதோ, நடப்பாண்டினில் வெகு விரைவில் வரவிருக்கும் சிக் பில் சாகசத்தினை இப்போது தான் எழுதிக் கொண்டிருக்கிறேன் எனும் போது, பிரெஷாக வோட் போடாமல் இருக்க முடியுமா ? அநேகமாய் இதுவொரு ஏகோபித்த தேர்வே என்று சொல்லலாமா folks ? 

கடைசி நிமிடத்தில் , உங்களின் உபயத்தில் இடத்தைத்  தடாலடியாகப்  பிடித்திருக்கும் நாயகரை அடுத்துப் பார்க்கலாமா ? அவர் வேறு யாருமல்ல - நம்ம ஒற்றைக்கர பெளன்சர்  தான் ! இவருக்கும் எனது ஆகஸ்ட் அட்டவணையினில் நோ ரூம் ; இவருக்குப் பதிலாய் அண்டர்டேக்கர் தான் இடம் பிடித்திருந்தார் ! ஆனால் again வாட்சப் கம்யூனிட்டியில் இவரா ? அவரா ? என்ற கேள்வியை முன்வைத்த போது பெரும்பான்மையின் தேர்வு பவுன்சராகவே இருப்பதை பார்க்க முடிந்தது ! "ஆஹா.... மாறி மாறி பல்பு வாங்குறியேடா முருகேசா !!" என்றபடிக்கே அட்டவணையில் திருத்தம் போட்டேன் !! So "குருதி மழை" எனும் high octane த்ரில்லரில் இந்த கரடு முரடான நாயகர் வருகை தந்திடவுள்ளார் ! Doubtless - அண்டர்டேக்கர் 2028-ல் தலை காட்டுவார் உங்களிடம் !! 

மறுக்கா-மறுக்கா உங்களது தேர்வுகள் ஜெயம் கண்ட கதையே "பேய் காத்த புதையல் !!" இங்கேயோ உங்களிடம் 2 கேள்விகளை முன்வைத்திருந்தேன் & இரண்டுக்குமே உங்களின் பெரும்பான்மை தந்திருந்த பதில்களே தீர்மானத்தினை எனது சார்பில் செய்திருந்தன !! நான் வைத்திருந்த முதல் வினா : 2 க்ளாஸிக் நாயகர்களின் கூட்டணியிலான கலர் மறுபதிப்பு இதழா ? அல்லது ஒரு புது ஆக்ஷன் ஒன்-ஷாட்டா ? என்பதே !! பல்பு முருகேசனின் தேர்வோ - க்ளாஸிக் மறுபதிப்பாகவே இருந்தது & அட்டவணையிலும் அதனை டிசைன் செய்து நுழைத்திருந்தோம் ! பச்சே surprise ...surprise ....உறுதியாய் சொல்லியிருந்தீர்கள் : "ஆக்ஷன் ஒன்-ஷாட்டே எங்களது தேர்வு" என்று !! 'பாருடா ...!!' என்றபடிக்கே அடுத்த கேள்வியினையும் சமர்ப்பித்தேன் : "நான் குறிப்பிடும் ஒன்-ஷாட்டின் கலர் பதிப்பு rustic & dark கலர்களில் இருப்பதைக் காட்டிலும், black & white -ல் மிரட்டுகின்றன ! என்ன செய்யலாம் ?" என்று !! மறுக்காவும் surprise : "Black & White மதி சாரே" ...என்று ஜட்ஜ் ஜம்புலிங்ஸ் அவதார் எடுத்திருந்தீர்கள் ! செம சந்தோஷ ஆச்சர்யம் மேலோங்கிட, இந்த இதழினை MAXI சைசில் போட்டுத் தாக்குவதென தீர்மானித்தேன் !! So get ready for a visual feast guys !!

"எல்லாம் ரைட்டுடா முருகேசா - ஆனா அரைச்ச மாவையே அரைச்சுக்கினு கீறியே ..? புச்சா ஆரையும் காணோமே ?" எனும் உங்களின் மைண்ட்வாய்ஸ் எனக்குக் கேட்காதில்லை !! புதுசின்றி அட்டவணை இருக்கவாச்சும் முடியுமா ? இருக்கார்கள் தான் ! But இப்போவெல்லாமே புது நாயகர்களைத் தேடும் போதே, அவர்களது தொடர்கள் - இந்தி ஈரோயின்களின் ஸ்கர்ட்களைப் போல சிக்கென்று இருக்கின்றனவா ? என்று தான் பார்த்து வருகிறோம். அந்நாட்களின் பாணியில், எழுபது / எண்பது கதைகள் கொண்ட தொடர்களெல்லாம்  இப்போது பெரிதாய் ஏதும் உருவாவது இல்லை தான். But   still - இன்றைக்கு நமது பொறுமைகளின் சாளரங்கள் மட்டுப்பட்டிருப்பதால் short & crisp தொடர்களுக்கே முன்னுரிமை தருகிறோம். தவிர ரெகுலர் தடத்திலாவது - "நோ கார்ட்டூன்ஸ் ; நோ அழுகாச்சீஸ் ; நோ விஷப்பரீட்சைஸ் ; நோ கிராபிக் நாவல்ஸ் என்றான பிற்பாடு, புதுசாய் எதைத் தேடுவது ? என்று சிரத்தை சிரத்தையோடு பிய்த்துக் கொள்ள வேண்டிப் போகிறது ! ஆனாலும் தோண்டும் படலத்தை நாம் கைவிடுவதில்லையே... ? அதன் பலனாய், நமது மேற்படி கண்டிஷன்கள் சகலத்தையும் பூர்த்தி செய்திடும் பொண்ணு ஒண்ணு இருப்பதை கவனித்தேன் ! Or rather - மாப்பிள்ளை இருப்பதைக் கவனித்தேன் ! And சமகால பிரெஞ்சு படைப்புலகில் ஜாம்பவான்களுள் அவரும் ஒரு முக்கியஸ்தர் ! இவரது கைவண்ணத்தில் உருவானதொரு XIII மர்மம் இதழினையுமே (காலனின் கைக்கூலி - ஸ்டீவ் ரோலண்ட்) நாம் ஏற்கனவே ரசித்திருக்கிறோம் தான் ! அந்தக் கதாசிரியர் Fabien Nury & நான் குறிப்பிடும் புது நாயகரின் பெயர் டைலர் க்ராஸ்  !! எக்கச்சக்கமான விருதுகளை வாங்கிக்  குவித்திருக்கும் இந்தத் தொடரில் மொத்தமே 3 ஆல்பங்கள் தான் !! And இங்கேயுமே கதைக்களமானது அந்த 1950-களின் அமெரிக்கா தான் !! என்னவோ தெரியலை, ஆனால் அந்தக் காலகட்டத்து அமெரிக்கா உலகே பொறாமை கொள்ளும் ஒரு தேசமாய் இருந்திருக்கணும் போலும் - இல்லாவிடின் கதாசிரியர்கள் பச்சக் பச்சக்கென அங்கு சென்று டென்ட் போட்டிருக்க மாட்டார்கள் ! டைலர் க்ராஸ் - நல்லவன், வல்லவன், நாலும் தெரிஞ்சவனெல்லாம் கிடையாது ! காசுக்கு ஆட்களை போட்டுத் தள்ளும் ஒரு செம ஜித்து hitman ! அவனது உலகில் நியாய தர்மங்கள் - வீசம்படி எவ்வளவு ? என்ற கதை தான் ! சரியான பணத்துக்கு, யாரையும் சம்பவம் பண்ண ரெடி இந்த மனுஷன் ! ஆனால் சம்பவக்காரனே சம்பவத்தின் இலக்காகிடும் போது அனல் பறக்காது போகுமா - என்ன ? தகிக்கும் அமெரிக்கப்  பாலைவன நகரில் அரங்கேறிடும் மனுஷ வேட்டையே "கேம் ஓவர் !!" இந்த நாயகரை எனக்கு நிரம்ப காலமாகவே தெரியும் தான் ; ஆனால் இத்தனை காலமாய் அவரைக் கண்ணில் காட்டாது இருந்ததற்கொரு காரணமுண்டு !! அது தான் இதற்கான ஓவிய பாணி ! ரொம்பவே new age பாணியில் இங்கே சகலமும் வரையப்பட்டிருக்கும் ! So ஜேம்ஸ் பாண்ட் போலான  கம்பீரமான நாயகரைத் தேடினால் வேலைக்கு ஆகாது !! ஆனால் கதையின் வீரியம் சித்திரங்களையும் சேர்த்தே இழுத்துப் போய்விடுமென்ற நம்பிக்கையில் இவரை இட்டாந்துள்ளேன் !! டைலர் க்ராஸ் - கத்தி மேல் நடனம் என்பது தெரிந்தே தான் நர்த்தனமாட தீர்மானித்துள்ளேன் !! மூ.ச. கொண்டோர் விசனம் கொள்ளேல் தானே மக்களே !! ஏதோ - கொஞ்சம் பாத்துப் பண்ணுங்க ஓனர்ஸ்  !!

புதுவரவுகளின் இன்னொரு டீமோ - கிஞ்சித்தும் ரிஸ்க் அற்ற தொடர் !! கௌபாய் வன்மேற்கு  !! அழகான பெண்பிள்ளை + வலுவான ஆண்மகன் என்ற கூட்டணி ! இத்தாலிய உருவாக்கம் ! அதுவும் கலரில்... !! இது போதாதுங்களா - இந்தத் தொடர் "ஹிட்" என இப்போதே பீப்பீ ஊதிட ? வெல்கம் - பெல்லா & ப்ராங்கோ !! மொத்தமே 16 ஆல்பங்கள் கொண்ட தொடர் இது & ஒவ்வொரு இதழும் 64 பக்கங்கள் தான் ! பெல்லா ஒரு சலூன் நடத்தும் அம்மணி ! ப்ராங்கோவோ ஒரு படித்த, நாகரீகமான செவ்விந்திய ஜென்டில்மேன்  ! இவர்களது பாதைகள் ஒரு எதிர்பாரா நிகழ்வால் ஒன்றிணைய - தொடரும் வன்மேற்கிலான சாகசப் பயணம் செம சுவாரஸ்யம் !! "20 கிலோ சாத்தான்" இவர்களது அறிமுக ஆல்பம் & இது நம்மிடையே பெவிகால் போல ஒட்டிக்கொள்ளும் பட்சத்தில், இவர்களுக்கென ஏதாச்சுமொரு பிரேத்யேகத் திட்டமிடலை செய்து விடலாம் ! சின்ன விலையினில், கலரில், crisp வன்மேற்குத் தொடர் எனும் போது - ought to do well with us என்பதே எங்களது நம்பிக்கை ! Again up to ஜட்ஜ் ஜம்ப்ளிங்ஸ் - இறுதித் தீர்ப்புக்கு ! 

நடப்பாண்டினில் வந்திருக்க வேண்டிய "பவுர்ணமியில் ஒரு பூத வேட்டை" தான் அடுத்த செலெக்ஷன் ! இது டைலன் டாக் தொடரின் சமீப உருவாக்கங்களில் ஒன்று என்பதால் புராதனம் தெறிக்கும் ஸ்டைல்கள் இருந்திடாது ! அந்த அசிஸ்டன்ட் மொக்கை போடும் படலமும் இங்கு படுத்தாது !! Should be a pretty decent read for sure !!! அமானுஷ்யங்கள் ஆய்வாளர் - புத்தக விழாக்களில் "ஹாரர் கதை இருக்குதா ?" என்று தேடி வரும் புதுத் தலைமுறையின் டார்லிங்குமே என்பது கொசுறுத் தகவல் !  

அடுத்தவருமே இத்தாலியர் & போனெலியின் செல்லப் பிள்ளை ! இவர் பற்றி தொடரும் நாட்களில் நிறையவே பேசிடவும் உள்ளோம் ! Enter மர்ம மனிதன் மார்ட்டின் ! கதைத் தேர்வுகளில் கிறுகிறுக்கச் செய்யும் மனுஷாளில் இவருக்கு முக்கிய இடமுண்டு - becos என்ன தான் ஹோம்ஒர்க் செய்துவிட்டு இவரது கதைகளைத் தேர்வு செய்தாலும் இவரது ரூட்டை கணிக்கவே முடியாது - கதைக்குள் புகுந்து பணியாற்றும் நொடி வரையிலும் !! "களவாடிய காலங்கள்" hopefully should work well !! 

இத்தாலியப் படையெடுப்பு தொடர்கிறது - இம்முறை நம்ம கோடாரி மாயாத்மா ஸாகோரின் வருகையுடன் ! 224 பக்கங்கள் black & white-ல் எனும் போது டெக்சின் அதே template ! தவிர இந்தக் கதை நீளம் கிட்டும் போதெல்லாம் சாகோர் சரளமாய் சிக்ஸர் அடிப்பதைப் பார்க்க முடிகின்றது !! "கரம் கோர்த்த காரிகை" ஹிட்டடிக்க கூடுதலாயொரு காரணமுள்ளது - உடனிருக்கும் ஒரு யௌவன யுவதியின் புண்ணியத்தில் ! முழுநீள ஆக்ஷன் மேளா !! 

Before we wind up, இதோ - போனெல்லியின் இன்னொரு ஹிட் வரிசை - சமுராய்களின் புக் # 3 

ஆக மொத்தம் 30 புக்ஸ் சகிதம் சந்தா 2027 இனிதே நிறைவுறுகிறது ! இம்முறையும் இரண்டே சந்தாப் பிரிவுகளே !! மொத்த 30 புக்ஸும் வாங்குவதாயின் அது "மார்ஷல் சந்தா" ஆகிடும் and will cost Rs.6700. அதே சமயம் தேர்வு செய்யப்பட 18 முக்கிய புக்ஸ் போதும் என்பீர்களேயானால் - that will be "ஷெரிப் சந்தா' ! அதன் கட்டணமோ ரூ.4700. வெளி மாநிலங்களுக்கெனில் தலா ரூ.250 கூட்டிக் கொள்ள வேண்டும் ! இவை தவிர்த்த வேறு கூட்டணிகள் இந்தவாட்டி கிடையாது folks ! ஆக, நீங்கள் மார்ஷலா ? ஷெரீப்பா ? என்பது மாத்திரமே choice ! உங்களது தேர்வு ஏதுவாக இருப்பினும் - நமது அன்புடன் ஒரு சந்தா EXCLUSIVE ஆக, "காத்துவாக்கில் ஒரு கொலை" - கலரில், நமது அன்புடன் உண்டு ! "நாளை போய் நேற்று வா" கி.நா. நினைவுள்ளது தானே ? அதே இத்தாலியக் கதாசிரியரின் ஒன்-ஷாட் க்ரைம் த்ரில்லர் இது ! பிப்ரவரி '27 இதழ்களுடன் இந்த இதழ் சந்தா நண்பர்களுக்கு அனுப்பிடப்படும் ! 

நடப்பாண்டின்  சந்தாத் தொகையினை விட வெறும் நூறு ரூபாய்கள் மட்டுமே 2027-ன் சந்தா கூடிடுகிறது ! சந்தாத் தொகைகள் அந்த 6500 என்ற ரேஞ்சிலிருந்து நிரம்ப கூட்டிடக்கூடாது என்ற கட்டளையை முதலில் பிறப்பித்துக் கொண்டு, அடுத்த ஸ்டெப்பாக டோட்டலை முதலில் போட்டு விட்டு, அதனுள்ளே ஒரு கல்யாண வீட்டு ஜானவாசத்தின் திரளை நுழைப்பதற்கு சமானமானதொரு முயற்சி எனும் போது - "இவுக இல்லியா ?"...."அவுக இல்லியா..? " என்ற கேள்விகளும், விசனங்களும் எழும் என்பது அனுபவப்பாடம் ! So எப்போதும் போலவே உங்க மைண்ட்வாய்ஸ்களை வாசிக்கும் முயற்சியினை முன்னெடுத்து, பதில்களையும் சொல்லி விடும் - "கேள்வி by முட்டைக்கண்ணன் & பதில்கள் by முழியாங்கண்ணன் " section இதோ வருகிறது : 

வினா # 1 :

யோவ், இளவரசி எங்கே ? தொழிலதிபர்களும், டாக்டர்களும் கொந்தளிச்சா இன்னா ஆகும்னு தெரியும்லே ? 

பதில் : பேஷா தெரியும் ஓய்  ! அம்மணி இல்லாத வருஷம் புலரவாவது செய்யுமா ? 2027-ல் மாடஸ்டி உண்டு - இதோ ஊர்ஜிதம் !! 

இளவரசி மட்டுமல்ல, வேதாளர் மட்டுமல்ல, ரிப் கிர்பி  மட்டுமல்ல, மாண்ட்ரேக் மட்டுமல்ல, காரிகன் மட்டுமல்ல, விங்-கமாண்டர் ஜார்ஜ் மட்டுமல்ல - நமது 40 ஆண்டு நண்பர்களுமே  ஒரு க்ளாஸிக் தனித்தடத்தினில் 2027-ன் வாகானதொரு தருணத்தினில் ஆஜராகிடவுள்ளனர் ! 

வினா # 2 : ரிப்போர்ட்டர் ஜானி எங்கே மேன் ? 

வர்றாருங்கோ - மேலே குறிப்பிட்டிருக்கும் தனித்தடத்தில் !! Truth to tell - அந்த black & white புது ஒன்- ஷாட் த்ரில்லர் வேணுமா ? அல்லது கலரில் டபுள் ஆல்ப மறுபதிப்பு வேணுமா ? என்ற கேள்வியை நான் முன்வைத்ததே இந்த ஆல்பத்தின் திட்டமிடலுடன் தான் guys 👀.....! ரெகுலர் தடத்துக்குள் மறுப்பதிப்பை நுழைத்து குழப்பிக்காது இருப்பதும் நலமே என்று நானும் சொல்பேச்சு சிங்காரமாய் கீழ்ப்படிந்தேன் ! But கூட்டணி போட்டு வருவார்கள் நம்மவர்கள் - அடுத்தாண்டின் இறுதிக்கு முன்பாக - ஒரே இதழில் ; ஹார்டகவர் பைண்டிங்கில் !! ! வாட்சப் கம்யூனிட்டியில் இது குறித்த கோரிக்கைகளை நான் மறந்திருக்கலை folks !!

வினா # 3 : Thorgal அரோகராவா ? 

அப்டின்னு வெளிப்படையா சொல்ல முடியாது ; ஆனா ஒரு யூகமா சொல்லலாமோ ? விற்பனையில் ரொம்பவே திணறிடும் இந்த fantasy நாயகருக்கு இனி ரெகுலர் தடங்களில் பெரிதாய் இடமிராது போலும் ! முன்பதிவுத் தடங்களில் மட்டுமே இனி தோர்கல் களமாடுவார் - நீங்கள் மனசு வைத்தால் ! அங்கேயும் அவருக்கு பெருசாய் மவுசு இன்றிப் போகும் பட்சத்தில், நண்பர் சரவணகுமாரின் நினைவுகளில் மட்டுமே இந்த நாயகர் தொடர்ந்திடக்கூடும் ! 

வினா # 4 : மிஸ்டர் நோ என்ன ஆனார் நைனா ???  

இதோ விடை ரெடியா கீது மக்களே !!  

உள்ளதைச் சொல்வதானால் இந்த விளம்பரம் சற்றே மாற்றி அமைக்கப்பட்ட ஒன்று ! ஒரிஜினலாக அது இருந்தது இப்படியே !!

கொஞ்சம் ஆர்வங்களை நம்மாட்கள் மட்டும் அடக்கி வாசித்திருக்கும் பட்சத்தில் - இந்த அறிவிப்பினை  செய்திருப்போம் ! But புஸ்ஸு புஸ்ஸு என்று காற்று ஊதப்பட்ட பலூனாய் blog இன்றைக்குக் காட்சி தந்திட, ப்ராஜெக்ட் stands postponed a bit.😇 

வினா # 5 : சாம்பலின் சங்கீதம் மெரி ஏதேனும் உண்டோ வரும் ஆண்டிற்கு ?

👀👀👀👀

வினா # 6 : தடம் தடமாய், தனித் தனித்தடமாய் கூத்தடிப்பதற்குப் பதிலாக, ஒரே மெகா அறிவிப்பாய் செய்தாலென்ன ?

செய்யலாம் தான் மக்களே ; but எனக்கே அன்றைக்குக்  காலையில் கண்முழிக்கும் வரையிலும், நான் எந்த மரத்தில் ஏறப் போகிறேன் என்பதே தெரியாதே ?! Again சூழல்கள் மாறிக் கொண்டே செல்லும் போது அவற்றிற்கேற்ப திட்டமிடல்களையும் fluid ஆக வைத்திருக்கத் தேவைப்படுகிறது !  ! புத்தக விழாக்கள் ரெகுலராய்த் தொடர்ந்தால் அதற்கேற்ப ஒரு பிளானிங் ; இல்லாவிடின் இன்னொரு திட்டமிடல் ; முன்பதிவுகள் ஒர்க் அவுட் ஆவதை  பொறுத்த மாற்றங்கள் - என டிசைன் டிசைனாய் நம் முன்னிருக்கும் landscapes மாறிக் கொண்டே செல்லும் போது , நாமும் அதற்கேற்ப நெளிந்தும், வளைந்தும் செல்ல சுதந்திரம் அத்தியாவசியமாகின்றன folksSo இதுவொரு தவிர்க்க இயலா இடர் guys & இஷ்டத்துக்கு நாம் போடக்கூடிய இண்டிகேட்டர்களை யூகிப்பதுமே இந்தப் பயண ஜாலியின் ஒரு அங்கமல்லவா ? 

வினா # 7 : SODA ; மேக் & ஜாக் போலானோர் இன்னொரு வாய்ப்புக்குத் தகுதியற்றவர்களா ? இன்னா ரங்கா - ஜோக்காடுறியா ? ஜோக்கா ??  

நடப்பாண்டின் பயணப் பாதைகளும், அடுத்தாண்டின் திட்டமிடலின் முதுகெலும்புகளுமே மேற்படி வினாவுக்கான பதில்கள் தந்திட வேணும் என்பேன் ! உங்களது உரத்த, ஏகோபித்த குரல்கள் நம் செவிகளில் புகுந்திடத் தவறுவதே இல்லை ! Maybe அவை நடைமுறை கண்டிட சில காலமாகலாம் - but பெரும்பான்மையின் ஆதரவு இருக்கும் எந்தவொரு கோரிக்கையும் பலனின்றிப் போகாது !! ஓ.கே.வா ஸ்ரீதரன் சார் ? நாளைக்கா - நாளன்னிக்கா ? என்று கேட்காதீர்கள் ப்ளீஸ் ; FAB 5 ; TERRIFIC TEX தனித்தடங்கள் எல்லாமே பூர்த்தி கண்ட பிற்பாடே எதுவும் சாத்தியம்! So பொறுமை ப்ளீஸ்!

So இத்தோடு அட்டவணைப் பதிவு சுபமாய் நிறைவு காண்கிறது !! சர்வ நிச்சயமாய் ஆளுக்கொரு பார்வையில், ஆளுக்கொரு தீர்ப்பினை வழங்கிடுவீர்கள் என்பதில் no doubts !! ஆனால் சின்னதொரு அப்பத்தை கணிசமான பிள்ளைகளுக்கு பிய்த்துத் தர வேண்டிய தருணத்தில், சிக்கனம் அத்தியாவசியமாகிடும் தானே ? And "என் பங்கு சின்னதாய் கீது ; அவனுக்கு பெருசா அமைஞ்சிடித்து !!" என்ற விசனங்கள் எழலாம் என்பது உறுதி ! But please stay assured - உங்கள் ஒவ்வொருவரின் கோணத்திலிருந்தும் சிந்திக்க நிரம்பவே முயன்றுள்ளோம் ! 

இனி பந்து உங்கள் கோர்ட்டில் guys ; சடுதியாக சந்தா ரயிலில் சீட் புக் செய்து, எப்போதும் போலவே இந்தப் பயணத்தை ரம்யமாக்கிட கூப்பிய கரங்களோடு வரவேற்கின்றோம் !! உங்களது அன்பும், நேசமுமே சிக்கலான பொழுதுகளிலும் கப்பல் குடை சாயாது பயணிக்க உதவி வந்திருக்கின்றன !! காத்திருக்கும் 2027 ன் பயணத்திலும் அதே உத்வேகத்தோடு கரம் கோர்த்திட புனித மனிடோ அருள் புரியட்டும் - முதல் சீட்டே அவருக்குத் தானே ?!  Bye all...have a lovely Sunday & see you around !! 

And கிளம்பும் போது சின்னதாயொரு quiz !! Adios amigos !!! 

P. S : ரைட்டு, காத்திருப்பு ஓவர் & அட்டவணை கையில் - என்றான பிற்பாடு ஒருவித வெறுமை தோணவும் செய்யுமே - நம்மில் சிலருக்கு? "இன்னும் பெட்டராக பண்ணியிருக்கலாமோ நம்ம ஆந்தையன்?" என்று தோன்றிடவும் கூடுமே? அது வேறொன்றுமில்லை guys - பிரசவத்துக்குப் பிற்பாடான ஒருவித baby blues போலானதே தான்! தப்பு உங்கள் மீதும் நஹி, உங்களது எதிர்பார்ப்புகளிலும் லேது, என் மீதும் அல்லா!

கர்ப்பமான ஒன்பது மாதங்களுக்கும் ஒருவித excitement உள்ளுக்குள் குடிக்கொள்ளும் தானே? And தினமும் 'ஜுஸ் குடிச்சியாமா? வாக்கிங் போனியாமா? ஜாக்கிரதையா படியேறு மா...! ' என்ற ரீதியில் அன்பு மழை தொடர்ந்து பொழிந்து கொண்டே இருப்பதும் சகஜமல்லவா..? "பொண்ணு தான் பொறக்கும்...பேபி மமிதா பைஜு மெரி இருக்கப் போது...! இல்லே.. இல்லே... பையன் தான் - அதர்வா மெரி இருக்கப் போறான்...! என்றெல்லாம் நாளுக்கொரு கற்பனையில் சிறகடிப்பதும் அன்றாடம் தானே? Then one fine day, சுகப்பிரசவமும் ஆகி, 2.75 கிலோவில் ஒரு மகாராணியோ, ஒரு இளவரசனோ கையிலிருப்பார்.(நெச இளவரசன்ங்க - இங்கே சுத்திக்கினு இருக்கும் டப்சா - 2.75 கிலோலாம் இருக்கவாச்சும் முடியுமா ?) And ஒட்டுமொத்த உபசரிப்பும், அன்பும், கவனமும், புது வருகைக்கு மடை மாறிவிடும் அல்லவா? அந்த நொடியில் மகிழ்வும் , "ஷப்பா - பிரசவித்து விட்டோமே" என்ற நிம்மதியும் பிரவாகம் எடுத்தாலும் , மம்மிக்கு ஒருவித வெறுமை சூழுமாம்! நேற்று வரை தொடர்ந்த அந்தப் பரபரப்பு இனி இராது ; இன்று முதலாய் சிறுகச் சிறுக யதார்த்த வாழ்விற்குத் திரும்பிட வேணுமே என்ற புரிதல் புலர ஆரம்பிப்பதன் பலனே அந்த வெறுமையாம் ! பிழையென்று அங்கு யார் மீதும் இராது - yet ஒரு சன்னமான empty feeling இழையோடுமாம்! 

அட்டவனை எனும் புது பேபியை உருவகப்படுத்தியது நானாக இருந்தாலும், இங்குள்ள ஒவ்வொருவருமே மம்மி ஸ்தானத்தில் இருந்து, இதைக் கர்ப்பமாய் சுமந்து, இன்று இறக்கி வைத்திருப்பர் என்பதில் எனக்கு ஐயங்களே கிடையாது ! So இந்த நொடியில் உற்சாகம், சந்தோசம், ஆரவாரம் என்பதோடு ஒரு இனம் சொல்ல இயலா வெறுமையும் குடி கொண்டிருப்பின், தப்பே இல்லை மக்களே! புது மம்மியாக yet another time ஒரு புது அட்டவணையினை பிரசவித்துள்ளீர்கள்....! And this is the subsequent baby blues ! மறுக்கா பிள்ளையை ஏந்திக் கொஞ்சுங்கள் - எல்லாமே சரியாகிடும்!! 😎😎