ஆண்டறிக்கை - பாகம் 2 !

 நண்பர்களே,

வணக்கம். கிருஸ்துமஸும் கடந்து போயாச்சு…! புத்தாண்டு எட்டித் தொடும் அண்மையில் மினுமினுக்கிறது! And இதோ the year in review பதிவு தனது இறுதிப் பாகத்தை நோக்கிப் பயணமாகிறது :

ஜுலையில் ஆண்டுமலர் & Co. அழகாய் நிறைவுற – மாமூலாய் நாம் எதிர்பார்ப்பதோ ஈரோட்டுப் புத்தக விழாவினையும், நமது வாசக சந்திப்பு மேளாவையுமே! ஒவ்வொரு ஆண்டின் ஜனவரியை சென்னை நமக்கு நினைவில் இருத்திட உதவிடுமெனில், ஆகஸ்டையும், அந்த அதகள சந்தோஷங்களையும் குத்தகைக்கு எடுத்து நிற்பது ஈரோடே! ஆனால் இம்முறையோ அதற்குத் துளியும் வாய்ப்பின்றிப் போக, ‘பழைய நெனப்புடா பேராண்டி!‘ என்றபடிக்கு முந்தைய ஈரோட்டு விழாக்களின் போட்டோக்களைப் போட்டு ஒரு பதிவுப் பெருமூச்சிட மட்டுமே சாத்தியப்பட்டது இம்முறை! விழாவோ - இல்லியோ; நமது மாதாந்திர காமிக்ஸ் கேரவனின் சக்கரங்கள் சுழன்றாக வேண்டுமல்லவா? 

So ஆகஸ்ட் மாதத்தனில் பயணம் தொடர்ந்த போது அதிரடி காட்டிய முதல் ஆசாமி நமது மறதிக்கார XIII தான்! இரத்தப்படல இரண்டாம் சுற்று - மேப்ளவர்; ஜுன்ப்ளவர் என்று வரலாற்றுப் பின்னல்களோடு ‘சல சல‘வெனத் துவங்கியிருப்பதாய் ஆல்பங்கள் # 20 முதல் 25 வரை எனக்குப்பட்டது! (May be உங்களில் பலருக்கும் / சிலருக்கும்?) உள்ளதைச் சொல்வதானால் ரொம்பவே சோர்வாகத் தானிருந்தது இந்த மெது ஓட்டத்தின் காரணமாய் ! So 2132 மீட்டர் இதழை வேலைக்கு எடுத்த போது கணிசமான தயக்கம் உள்ளிருந்தது! ஆனால் பதுங்கியதெல்லாம் சூறாவளியாய்ப் பாய்ந்திடத் தான் என்பதைக் கதாசிரியர் அதிரடியாய்க் காட்டிய போது ‘ஜில்‘லென்றிருந்தது! நிறையவே மெனக்கெட அவசியப்பட்ட இதழே இது; ஆனாலும் செமத்தியான நிறைவைத் தந்த இதழ்! சித்திரங்களும், கலரிங்கும் இந்த ஜெட் வேக அத்தியாயத்தை வேறொரு லெவலுக்கு இட்டுச் செல்ல – எனது ரேட்டிங் 9.5/10.

மாதத்தின் அடுத்த surprise இத்தாலிய முகமூடியாரின் உபயத்தில்! பெரிய சைஸ் ஓ.கே… அழகான அட்டைப்படம் டபுள் ஓ.கே… ஆனால் கதையின் அழுத்தம் மிதமே என்ற முத்திரையோடு ஆண்டில் இரண்டாம் முறையாக டயபாலிக் களமிறங்கிய போது எனது எதிர்பார்ப்பு மீட்டர்கள் ரொம்பவே தணிந்தே இருந்தன! ஆனால் pleasant surprise – கதையின் சித்திர பாணி மாத்திரமின்றி, ஓட்டமும் சுவாரஸ்யமாயிருக்க – ஒரு சன்னமான ஹிட்டடித்தது “துரோகம் ஒரு தொடர்கதை” எனது மார்க்: 8/10.

ஆகஸ்டின் ஒரு அலசல் களமாக உருப்பெற்ற கிராபிக் நாவலான “பனியில் ஒரு குருதிப்புனல்” நடப்பாண்டின் ஒரு memorable moment – என்னளவிற்காவது! ரொம்பவே புதிதானதொரு கதைக்களம்; சித்திர பாணி; கலரிங் பாணி என்று லயிக்கச் செய்தது ஒரு பக்கமெனில், ஏகப்பட்ட open ends கொண்ட அந்த க்ளைமேக்ஸ் ரொம்பவே கவனத்தைக் கோரியது. Of course – என்ன இழவு கதையோ? புண்ணாக்கோ? என்று நிறைய நண்பர்களின் சலிப்புகளை இது ஈட்டக்கூடுமென்பது புரிந்தது தான்; ஆனால் எனது குரங்கு பல்டிகளுக்கென பிரத்யேகமாய் வாய்த்திருக்கும் அந்த கிராபிக் நாவல் சந்தாவினில் இதை நுழைக்கும் அவாவை அடக்கிட முடியவில்லை! எக்கச்சக்கமாய் கூகுள் தேடல்களோடே இந்த ஆல்பத்துக்குப் பேனா பிடித்ததும் சரி; தொடர்ந்த நாட்களில் நாமெல்லாம் அலசியதும் சரி, 2020ன் ஞாபகத்தில் நின்ற நொடிகள்! 8/10 என் டயரியில்!

ஆகஸ்டின் இதழ் # 4 ஆக அமைந்தது நவீனயுக ஜேம்ஸ் பாண்ட் 007-ன் “நில்…கவனி…கொல்”!  இன்றைய உலகிற்கு; இன்றைய டெக்னாலஜிக்கு ரொம்பவே ஒத்துப் போகும் விதமாய் ஜப்பானின் பின்புலத்தில் தடதடத்த .இந்த ஆல்பம் நான் மார்க் போட்டுத் தானா தேறப் போகிறது? Was a smash hit!

செபடம்பரிலும் 4 .இதழ்கள் தலைகாட்டின – அண்ணாத்தே ஆர்ச்சியின் முழுவண்ண; விலையில்லா இதழின் உபயத்தில்! MAXI சைஸில், கலரில் ஒரு லோடு புய்ப்பங்களை நமது சட்டித்தலையன் சூட்டி விட்டிருந்தாலும் – அந்த வண்ண visual treat; நமது பால்யத்து நினைவுகள் – என பல சமாச்சாரங்கள் கரம் கோர்த்து ஜிலோவென்று தூக்கி விட்டன இந்த இதழை! ஜாம்பவான்களுக்கு ரேட்டிங்க்ஸ் பண்ண முனைவது மதியீனமே என்பதால் சட்டித்த ‘தல‘க்கு ஒரு பெரிய ‘ஓ‘ மட்டும் போட்டு வைக்கிறேன்!

செப்டம்பரின் class act – கௌபாய் ‘தல‘ டெக்ஸின் “பந்தம் தேடிய பயணம்” தான்! இந்தக் கதையைத் தேர்வு செய்யும் சமயமே, இது பட்டையைக் கிளப்பிடும் என்பதில் எனக்குச் சந்தேகங்கள் இருந்திடவில்லை! இருந்தாலும் கதையின் ஓட்டத்தில் ‘தல‘ & வெள்ளிமுடியார் second fiddle வாசிக்க நேரிடும் என்பதையோ – அந்தப் பெண்களே ஒளிவட்டத்தை முழுமையாய் தமதாக்கிக் கொள்வர் என்பதையோ நான் எதிர்பார்த்தே இருக்கவில்லை தான்! நடப்பாண்டில் இன்னொரு டெக்ஸ் ரகளை & one for the ages too! ஸ்பஷ்டமாய் 9/10.

செப்டம்பரில் MAXI சைஸின் லக்கி லூக் – ”பிசாசுப் பண்ணை” சிறுகதைகளின் தொகுப்பாய்த் தலைகாட்டியிருந்தது! தயாரிப்புத் தரம்; அந்தப் பெரிய சைஸ் என்று எல்லாமே அம்சமாக அமைந்திருந்தாலும் கதைகளில் வலு ரொம்பவே சுமாராக இருந்ததைக் கவனிக்காது இருக்க முடியவில்லை! அந்நாட்களில் இவற்றை வெகு சுமாரான தயாரிப்புத் தரங்களிலுமே நாம் ரசித்திருப்பதை நினைத்துப் பார்க்கும் போது பேந்தப் பேந்த முழித்தபடியே 5/10 தான் போடத் தோன்றுகிறது!

ஜம்போவின் சார்பில் களமிறங்கிய “தனித்திரு. தணிந்திரு” மறுபடியுமொரு அழுத்தமான வாசிப்புக்கு வழிசெய்திருந்தது! நிஜத்தைச் சொல்வதானால் அந்த முதியவர் ஆண்டர்சனின் பார்வையில் கதையோடு ஒன்றிட நமக்கு சாத்தியப்பட்டாலொழிய ‘ஙே‘ என்று முழிக்க மட்டுமே செய்திருக்கலாம்! பெருசாய் கதை என்று இங்கே எதுவும் கிடையாதெனும் போது அந்த உணர்வுகளின் வெளிப்பாடுகளே; நிறவெறியின் பரிமாணங்களே ஆல்பம் முழுக்க வியாபித்திருப்பதை உள்வாங்கிட இயன்றிருந்தால் மட்டுமே இது ரசித்திருக்கும்! And உங்களின் பாராட்டுக்கள் அந்த சேதியைக் கச்சிதமாய்ச் சொல்லின! 8/10.

அக்டோபரும் புலர்ந்த போது நமது ஆன்லைன் புத்தகவிழா மாதத்தை ஆச்சர்யமூட்டும் அழகோடு துவக்கித் தந்தது! நான்கே நாட்கள்; நம் ஆபீஸ் மாடியில்; நம்மவர்களோடு எனும் போது – பெருசாய் எந்த எதிர்பார்ப்புகளும் இருந்திருக்கவில்லை! ஆனால் அந்த நாலு நாட்களையுமே ஒரு மினி திருவிழாவாய் மாற்றித் தந்து ஒரு மித நகரத்துப் புத்தகவிழாவின் விற்பனை எண்ணிக்கையை கண்ணில் காட்டின பெருமை உங்களையே சேரும்!

அக்டோபரின் ரிப்போர்டர் ஜானி டபுள் ஆல்பம் – again பணியாற்றும் போதும் சரி, உங்கள் அலசல்களின் போதும் சரி, செம சுவாரஸ்யங்களை உருவாக்கியதொரு இதழாக அமைந்தது! ஜானி 2.0 எனக்கு பிரமாதமாகவும், க்ளாசிக் ஜானி சுமாராகவும் தென்பட – உங்கள் தீர்ப்புகளோ உல்டாவாக இருந்தது. எது எப்படியோ மொக்கை போடாத இதழ் என்ற திருப்தியோடு 7.5/10 போடுகிறேன்!

கிராபிக் நாவல் தடத்தின் களம் கண்ட XIII spin off இந்தாண்டின் தெளிவான இதழ்களுள் இடம்பிடித்தது இன்னொரு சந்தோஷ நிகழ்வு! கடைசியாக வெளியான ஸ்பின்-ஆப்கள் எவையுமே பெருசாய் சோபித்திருக்கா நிலையில் “சதியின் மதி” தெளிந்த நீரோடையென பயணித்ததில் எனக்கு நிரம்ப நிம்மதி! வழிநெடுக ஏகமாய் கூகுள் ஆராய்ச்சிகள் அவசியப்பட்டாலும், அந்த மெனக்கெடல்களின் பலனாய் இதழ் குழப்பமின்றி அமைந்தது மட்டுமன்றி நானுமே ஏகப்பட்ட விஷயங்களைக் கற்றறிந்த திருப்தியும் கிட்டியது! In fact நடப்பாண்டின் பல தருணங்களில் நான் கற்றுக் கொள்ள நேரிட்ட சமாச்சாரங்கள் முன்னெப்போதையும் விட ஜாஸ்தி! நெப்போலிய ரஷ்ய தோல்விகள் பற்றியோ; ஒரேகானின் மரணப் பாதைகள் பற்றியோ; அமெரிக்கத் தேர்தல் அரசியல்கள் பற்றியோ; செச்சன்ய-ரஷ்ய பகைகள் பற்றியோ இந்த வயசில் நான் படிக்க முகாந்திரங்கள் எங்கிருந்து எழப் போகின்றன? So ஜாலியான பணிகளோடே, சிலபல புதுப் பாடங்களும் கற்கச் சாத்தியங்களைத் தந்த “சதியின் மதிக்கு” 8/10.

அக்டோபரின் இன்னொரு ஆசானாய் அமைந்த இதழ் – ஜம்போவின் “மா…துஜே…சலாம்!” முற்றிலும் மாறுபட்ட ரஷ்ய-செச்சன்ய யுத்த பூமி… ஒரு கார்ட்டூன் ஸ்டைலிலான பாட்டிம்மா… ப்ளஸ் ஒரு புள்ளைத்தாச்சி – என்ற கதை மாந்தர்களோடு 96 பக்கங்களுக்கு நம்மைக் கட்டுண்டு வைத்திருந்த அந்த வாசிப்பு அனுபவம் நம்மளவிற்குப் புதியது தானே! வித்தியாசமான சித்திர பாணிகள்… நிறைய வரலாற்றுத் தகவல்கள்… அதே சமயம் அலுப்பூட்டாத கதை நகற்றல் என்று பயணித்த இந்த ஆல்பத்துக்கு எனது தரப்பில் 9/10. Oh yes – இது ரொம்போ ஓவர் என்று எண்ணிடும் நண்பர்களும் நிறையவே இருப்பர் என்பதில் ஐயங்களில்லை; ஆனால் இங்கே டவர் சித்தே வீக்கா இருப்பதால் அடுத்த டாபிக்குக்குத் தாவுறேன்… ஓவர்… ஓவர்…. ஓவர்!

அக்டோபரின் புத்தக விழா ஸ்பெஷலாய் வெளியான “தலைவாங்கிக் குரங்கு” அந்த MAXI சைஸுக்கென வாங்கிய தர்ம அடிகளின் மகிமையால் ‘பளிச்‘சென்று நினைவில் நிற்கும் இதழ்! இதனை இத்தாலியில் பார்த்த ரசிகர்கள் கரவொலி எழுப்பியிருப்பது வேறு கதை; உள்ளூரிலோ ‘நான் எக்ஸ்ட்ரா நம்பர் கேட்டேனா?‘ என்ற கேள்விகளே பிரதானப்பட்டு நிற்பதால் இனிமேற்கொண்டு ஈக்களை அதே பாணிகளில் அடிப்பதென்ற தீர்மானத்துக்குத் திடமாய் வந்து விட்டேன்! Old habits die hard என்பது நம்மட்டிற்காவது வேதவாக்கே என்பதால் மாற்றமின்மைகளே மாறாததாய் இருந்திடும! And மறுபதிப்பே எனும் போது மார்க் போட மெனக்கெடுவானேன்?

ஸ்பெஷல் # 2 ஆக வந்த ”நேற்றைய நகரம்” சில ஆண்டுகளுக்கு முன்பாக நீங்கள் மொத்துவீர்களோ என்ற பீதியில் பீரோவுக்குள் பதுங்கிப் போனதொரு இதழே! ஆனால் எவ்வித பில்டப்களும் இன்றி, சத்தமின்றி சாகஸ வீரர் களம் கண்ட வேளையில் – ‘அட தேவலாமே‘ என்பதே ரியாக்ஷனாகியது எனக்கு ஆச்சர்யமே! கதையின் பலவீனம், சித்திரங்களின் வீரியத்தால் பூசி மெழுகப்பட்டாலும், நான் மார்க் போடுவதாக இருப்பின் 6/10 என்பேன்! 

நவம்பரின் தீபாவளி மலர்… டெக்ஸின் அதகளம்… குண்டு புக்கின் ரம்யம்… முற்றிலும் மாறுபட்ட 2 மெகா நீள சாகஸங்கள் என்று தெறிக்க விட்ட இந்த ஹார்ட்கவர் ஆல்பமே நடப்பாண்டின் topseller! இன்னமும் 60+ பிரதிகளே கைவசமுள்ளன என்பதால் தைப் பொங்கலைத் தாண்டாது என்று தோன்றுகிறது! இந்தப் புள்ளிவிபரத்துக்குப் பின்னேயும் மார்க் போட நான் முனைந்தால் என்னை மிஞசிய பேமானி யாருமிருக்க முடியாது தான்! குத்துமதிப்பாய் 175 போட்டுக் கொள்வோமே – 10-க்கு !!

“வானமும் வசப்படும்”… உடுப்புத் தியாகத்தில் சீரிய புரட்சியில் இறங்கிய அம்மாயியின் கதை! அதாவது கதை மாதிரி! அந்த அட்டைப்படத்துக்கோசரம் ஏதாச்சும் பார்த்து மார்க் போடலாம்; அந்த apocalyptic லோகத்தின் பின்புலத்துக்கும் இன்னும் கொஞ்சம்! அதற்கு மேல் உங்களுக்குத் தெரியாத சட்டங்களில்லை… நியாயங்களில்லை யுவர் ஆனர்! எந்தப் பிரிவில் எத்தனை போடலாமென்று நினைக்கிறீர்களோ – அதை மகிழ்வோடு போடுங்க!

“கால வேட்டையர்” ஏக காலமாய் பதுங்கிக் கிடந்து போன மாதம் வெளிச்சத்தைப் பார்த்த இதழ்! ஒரு hi-tech விட்டலாச்சார்யா கதையாய்ப் பார்த்திடாத பட்சத்தில் – கதைநெடுக இழையோடும் விறுவிறுப்பும், அந்த சித்திர நேர்த்தியும் not bad என்று சொல்ல வைக்கக் கூடும்! Not entirely convincing என்பதால் 6.5/10 போடுவோமே ?

தொடர்ந்து கூர்மண்டை ஜாம்பவானின் “சர்ப்பத்தின் சவால்”! அலசல்களுக்கு அப்பாற்பட்ட ஆதிக்க நாயகரின் ஆல்பமிது என்பதால் - அலசிடவோ; மார்க் போடவோ முனைந்திட மாட்டேன்! மாறாக – விண்வெளிப் பிசாசு… சைத்தான் விஞ்ஞானி போன்ற மிதக்கதைகளை விடவும் சர்ப்பங்களுடனான இந்த மோதலில் சுவாரஸ்யம் அதிகம் என்பதையும்; இதே ஆல்பம் ‘80களின் இறுதிகளில் வெளிவந்திருப்பின் விற்பனை அதகளத்தில் கூரை பறந்திருக்கும் என்பதையும் சொல்லிட முனைவேன்! A classic from the classic hero!

டிசம்பரின் இதழ்களை நீங்களே இப்போது தான் அலசி வருகிறீர்கள் எனும் போது அதன் பொருட்டு நீட்டி முழக்காது சிம்பிளாக மார்க் போட முனைகிறேன்:

”ஒரு கசையின் கதை”:

ம்ம்ம்… அது வந்து.. என்ன சொல்ல வர்றேன்னா… அந்தக் கசை இருக்கில்லே… ஆங்… பசை இல்லீங்கோ... கசை… கசை…! அதை வச்சிக்கினு ஆளாளுக்கு ரவுசு விட ‘தல‘ புகுந்து தண்டால் எடுக்கிறார்! நம்மவரின் உசரத்துக்கு இந்தப் புராதன, மித நீளக் கதைகள் இப்போது வேடிக்கையாய்த் தென்படுவது எனக்கு மட்டும் தானா – தெரியவில்லை! 6/10.

“நரகத்தின் நம்பர் 13”:

எனக்கு இந்த concept ரொம்பவே பிடித்தமானது! And கதைகளும் சிம்பிளானது; தெளிவாய் ஓட்டமெடுப்பவை என்பதால் 7/10 போட நினைக்கிறேன்!

“பயமே ஜெயம்”:

கதை மட்டும் இன்னும் சாரத்தோடு இருப்பின் இந்த கேரட் மீசைக்காரர் தொட்டிருக்கக் கூடிய உசரமே தனி என்பேன்! 7/10 என் பார்வையில்!

“தகிக்கும் பூமி”:

நாயகரை இன்னமுமே முழுமையாய் எடை போட்ட பாடில்லை என்றே எனக்குத் தோன்றுகிறது! அறிவுஜீவியாகக் காட்டுவதா? ஆக்ஷன் ஹீரோவாகக் காட்டுவதா? இரண்டின் கலவையுமாகக் காட்டுவதா? என்ற கேள்விக்கேக் கதாசிரியர் இதுவரையிலுமான நமது 2 ஆல்பங்களிலுமே பதில் ஏதும் சொன்னதாய் எனக்குத் தெரியவில்லை! என்மட்டிற்கு மாமூலான அந்த முரட்டு கௌபாய் stereotype–ஐ சிதறச் செய்யும் Lone ரேஞ்சர் கதாப்பாத்திரம் வரவேற்புக்கு உரியதே… ஆனால் தீர்ப்பு உங்கள் கைகளில் எனும் போது இந்த ஆல்பத்துக்கு 7/10 போட்ட கையோடு நடப்பாண்டின் review-களைக் கையைத் தட்டிடுகிறேன்!

Before I sign out – ஒரு தகவல் + சில கேள்விகள்:

1. 2020ல் களம் கண்டுள்ள இதழ்களின் மொத்த எண்ணிக்கை: -46 !! இவற்றுள் உங்களின் Top 3 எவையோ ?

2. நடப்பாண்டின் Top அட்டைப்படம் எதுவோ? Just one ப்ளீஸ் ?

3. நடப்பாண்டின் மறக்கவியலா இதழ் என்று குறிப்பிட ஏதேனும் உள்ளதா? Again – ஒரேயொரு தேர்வு மட்டும் ப்ளீஸ்?

4. இந்தப் 12 மாதங்களின் ஓட்டத்தினில் நமது காமிக்ஸ் பயணத்தை எவ்விதம் rate செய்வீர்கள்?

- Brilliant     - OK      - Not Bad       - அடங்கப்பா…!

5. தி Lone ரேஞ்சர்: இவர் தொடர்ந்திடப்பட வேண்டியவரா? தற்காலிக VRS வழங்கப்பட வேண்டியவரா?

6. புயட்சிப் புயழ் அம்மினி: தொடரலாமா? டாட்டா காட்டலாடமா?

கேள்விகள் இந்த அரை டஜனே என்பதால் இனி தகவல் பக்கமாய்த் தாவுகிறேன்!

ஜனவரியில் சென்னைப் புத்தக விழா இல்லையென்று ஆன பிற்பாடு பிப்ரவரியில் நடந்திடுமா? என்றறியக் காத்திருப்போம்! அதன் மத்தியில் நமது ஆன்லைன் புத்தகவிழா – 2 பொங்கல் விடுமுறைகிளினிடையே நடந்திடும் – நமது அலுவலக மாடியினில்!

போன தபாவின் பாணியே பெரும்பாலும் தொடர்ந்திடும்; சிற்சிறு அவசியமான மாற்றங்களுடன்! And 3 ஸ்பெஷல் இதழ்கள் உண்டு இந்தப் புத்தகவிழா வேளையினில் என்பது கொசுறுச் சேதி!

தேதி : ஜனவரி 14 to ஜனவரி 17 முடிய தினமும் காலை 10.30 to மாலை 6.30 வரை !

2021-ன் பிற்பகுதியினில் நிலவரங்கள் சகஜம் கண்டிருக்கும்; ரெகுலரான புத்தகவிழாக்களும் துவக்கம் கண்டிருக்கும் என்ற நம்பிக்கை ஓரளவிற்குத் துளிர்விட்டிருப்பதால் – ஆன்லைன் புத்தகவிழா # 3 2022-க்கு முன்பாய் இராதென்று நம்பலாம். அரைத்த மாவையே ஓவராய் அரைத்து உங்களுக்கு அயர்ச்சியூட்டிடக் கூடாதில்லையா?

ஜனவரி இதழ்களின் எடிட்டிங்கும், ARS MAGNA-வின் மொழிபெயர்ப்பும் சட்டையைப் பிடித்து இழுத்து வருவதால் நான் புறப்படுகிறேன் all! மீண்டும் சந்திப்போம்! Have a cool weekend! Bye for now!

ஒரு 180 டிகிரி திரும்பிப் பார்ப்போமா ?

 நண்பர்களே,

வணக்கம். மாதங்களில் 12 நிறைவு கண்டிருந்தாலும் நமது சந்தா இதழ்களின் கோட்டா நிறைவுற்றிருக்கவில்லை தான் ! ஆனாலும் ஒரு புதிரான, பளுவான ஆண்டின் மத்தியினில் ஆண்டவன் அருளால் தலைதப்பியிருக்கும் நாமெல்லாம் சற்றே திரும்பிப் பார்க்க இந்தத் தருணம் பொருத்தமானது என்பேன் ! So 2020-ன் இதுவரையிலான நமது இதழ்கள், நமது பதிவுகள் என ஒரு overall கணக்கெடுப்பே இந்த வாரயிறுதியின் பதிவு !

சென்றாண்டின் இதே வேளையினில் உலகமே ஒரு பிரளயப் பயணத்தினை அனுபவிக்கவுள்ளது தெரியாமல் அத்தனை பேருமே ஒரு புது தசாப்தத்தின் வருகையை வரவேற்க வழிகள் தேடிக் கொண்டிருந்தோம் தானே folks? நம் ஆபீஸிலோ ஜனவரியின் சென்னைப் புத்தக விழா ஏற்பாடுகள்; ட்யுராங்கோ ஹார்ட்கவர் இதழ் சார்ந்த பணிகள் ;  என ஏதேதோ லயிப்புகளில் பிஸியாக ஓடிக் கொண்டிருந்தன பொழுதுகள் ! டபுள் ஸ்டால் என்பதால் சற்றே கையைக் காலை நீட்டிப் புழங்கலாம் என்ற குஷியும் – விற்பனையும் சற்றே கூடுதலாய் இருக்க வாய்ப்புண்டு என்ற எதிர்பார்ப்பும் கைகோர்த்திட – ஜனவரி எப்போது பிறக்குமென்ற எதிர்பார்ப்பில் காத்துக் கிடந்தோம் !

புலர்ந்தது புது வருஷம்... பிறந்தது ஜனவரியும்... And நமது “முதல் தேதிக்கு புக்ஸ்” என்ற பழக்கத்தின்படி ஆஜரான 5 இதழ்களை நினைவில் வைத்திருப்போருக்கு ஒரு ஆளுயர வெண்டைக்காய் மாலை நம் சார்பில் ! அவற்றை நினைவுக்குக் கொண்டு வர என்னைப் போலவே குட்டிக்கரணங்கள் அடிக்கும் அணியினருக்கு ஒரு லோட்டா வெண்டைக்காய் சூப் ப்ளஸ் இந்த நினைவூட்டல் !

ஜனவரிகளுக்கும், முத்து காமிக்ஸ் ஆண்டுமலர்களுக்கும் ட்யுராங்கோ ஸ்பெஷல் இதழ்களுக்குமிடையே ஒரு செமத்தியான கெமிஸ்ட்ரி உண்டென்று தான் சொல்ல வேண்டும்! And இந்த ஜனவரியின் ”ஆறாது சினம்” ஹார்ட்கவர் இதழுமே அந்த கெமிஸ்ட்ரியில் இன்னொரு அடையாளம் என்பேன்! பிரமாதமான அட்டைப்படம் ; ட்ரேட்மார்க் template கதைகள் & புத்தக விழாவினில் brisk sales என ஜனவரியை சுறுசுறுப்பாய் ஆரம்பித்துத் தந்தது இந்த இதழ்! சிக்கல்களில்லா நேர்கோட்டுக் கதைகளே எனும் போது இவற்றில் பணியாற்றுவது என்றைக்குமே சவால்களாய் இருந்ததில்லை தான் – and was no different this time too! இன்னும் கொஞ்சமே கொஞ்சமாய் கதைகளில் காரமும், களங்களில் ஆழமும் அமையப் பெற்றிருந்தால் ட்யுராங்கோவை இன்னமுமே அற்புதமாய் சிலாகித்திருக்கலாம் என்ற நினைப்பு மட்டும் ஆண்டுக்கொரு தபா எட்டிப் பார்ப்பதுண்டு; and இம்முறையுமே அதனில் மாற்றமில்லை தான்! என் ஆந்தைவிழிகளின் பார்வையில் 7/10.

ஜனவரியில் நான் பெர்சனலாக ரொம்பவே எதிர்பார்த்திருந்த 2 இதழ்கள் MAXI சைஸிலான டெக்ஸின் “இருளின் மைந்தர்கள்” தான்! பெரிய சைஸ்; அழகான layout என்று எனக்கு இந்த MAXI தடத்தில் டெக்ஸை சவாரி செய்ய விடுவது ரொம்பவே பிடித்திருந்தது! And சென்னைப் புத்தக விழா; ஆன்லைன் விற்பனைகள் என எதிர்பார்த்த வெற்றியும் சாத்தியப்பட்டிருந்தது! ஆனால் – ஆனால் கதைக்களத்தைச் சுத்தமாய் மறந்திருந்த எனக்கு – அந்த ‘பிம்பிலிக்கா பிலாபி‘ பாணியிலான ஓட்டத்தை ஜீரணிக்க ரொம்பவே சிரமமாகயிருந்தது என்பதே நிஜம்! சற்றேர 30 ஆண்டுகளுக்கு முன்பு இதே கதையை வாய் பிளந்தபடிக்கு ரசித்த ஞாபகம் அவ்வப்போது தலைதூக்கினாலும் – அரை வேக்காட்டில் இறக்கிய சாதத்தைச் சாப்பிட்டது போலவே இப்போது தோன்றியது எனக்கு மட்டும் தானா ? – தெரியலை! ‘திடமாக, தாட்டியமாக, கால்களைத் தரையில் ஊன்றித் திரியும் எதிராளிகளே டெக்ஸுக்கு சுகப்படுவர்! என்ற எண்ணத்தைப் பலப்படுத்திய இதழ்கள் ! 6.5/10.

ஜனவரியின் முழுத்திருப்தி தந்த இதழ்கள் lightweight பார்ட்டிகளே! வண்ணத்தில், கார்ட்டூன் சந்தாக்களின் முதல் இதழாய் களமிறங்கிய மேக் & ஜாக்கின் “கதவைத் தட்டிய கே(ா)டி” சிரிப்பு மேளாவைச் சிறப்பாய்ச் செய்தது என்று பட்டது எனக்கு! ஒரு வரலாற்று வில்லனான அல் கபோனை வாரு வாரென்று வாரி முழுநீள entertainment தந்த இந்த இதழ் என் ரேட்டிங்கில் 8/10.

ஜனவரியின் ஐந்தாவது இதழும் lightweight தான் – பருமனில்! ஆனால் 007 என்றொரு அதிரடி ஆட்டக்காரர் – க்ளாஸிக் கதைகளோடு தந்த மீள்வருகை; அழகான அட்டைப்படத்துடன்; சன்னமான விலையுடன் என்று அமைந்திட – விற்பனையில் பட்டையைக் கிளப்பியது! இது போன்ற ஆல்பங்களில்; மீள்வருகைக் கதைகளில் – பெருசாய் ரிஸ்க் ஏதும் கிடையாதெனும் போது உருப்படியாய்ப் பணி செய்தால் உத்தரவாதமான ஹிட் பலனாகிடும் என்பதை இன்னொரு தபா புரிந்து கொள்ள வாய்ப்பானது! “பட்டாம்பூச்சி படலம்” – பழைய கள்ளாகவேயிருந்தாலும் ‘கிக்‘ ஏற்றத் தவறவில்லை! 7.5/10.

பிப்ரவரி 4 இதழ்களோடு துவங்கியதை இதோ இந்தச் சித்திரம் நினைவூட்ட உதவிடும்! 

And ஆண்டின் முதல் black & white டெக்ஸ் சாகஸம் வெளியானதும் இம்மாதமே! And தெறிக்க விட்ட இதழாய் அது அமைந்து போனதில் செம குஷி எனக்கு! “ஒரு துளி துரோகம்” ஒரு திருப்தியான ஞாயிறு மதியத்து விருந்தாய் அமைந்திட்டதில் பாயாசப் பார்ட்டிகளுக்குமே வருத்தங்கள் இருந்திராது என்பேன் ! 9/10 என் பார்வையில்!

பிப்ரவரியின் b&w படலம் தொடர்ந்தது “தனியே... தன்னந்தனியே” கிராபிக் நாவலுடன் ரொம்ப காலம் கழித்தான ஒரு முழுநீள ஹாரர் ஆல்பம்; நிறைய open ends சகிதம் என்பதால் இதற்குப் பேனா பிடித்தது ஒரு விறுவிறுப்பான அனுபவமாக இருந்ததெனில் – தொடர்ந்த உங்களின் அலசல்களும் சோடையே போகவில்லை! கறுப்புக்கிழவி கதைகளின் தரத்தில் இல்லாவிடினும் அந்த கறுப்பு-வெள்ளைச் சித்திரங்களில் தொனித்ததொரு ஓசையில்லா திகில் இந்தக் கதையினை well above average என்று சொல்லச் செய்தது ! 7.5/10 என் மட்டில்!

பிப்ரவரியின் b&w இதழ் # 3 – ஒரு டாலடிக்கும் அட்டைப்படத்துடன் அதிரடியாய் ஆஜரான ஆர்ச்சி அண்ணாத்தேயை showcase செய்திட்டது – ஒரு fleetway சாகஸத்துடன்! புய்ப்பத் தோட்டாக்கள் ஆர்ச்சியின் ஒரு இன்றியமையாத அங்கமே என்பது தெரிந்திருந்தாலுமே – இந்தவாட்டி ஒரு புய்ப்ப எஸ்டேட்டே கண்முன்னே விரிந்திட மடக் மடக் என எச்சிலை விழுங்கினேன்! ஜாம்பவான்களோ மதிப்பீடுகளுக்கு அப்பாற்பட்டவர்கள் என்பதால் ஜிலோவென்று அடுத்த இதழ் பக்கமாய்ப் பார்வைகளைத் திருப்பிடலாமா ?

பிப்ரவரியில் வண்ணத்தில் வெளியான ஒரே இதழ் ஜம்போ சீஸன்-2ன் “அந்தியின் ஒரு அத்தியாயம்”! ஒரு கிழ மார்ஷலின் கௌபாய் ஒன்ஷாட் – ஒரு மெலிதான சோகத்துடன் என்ற template நிச்சயமாய் நம்மை லயிக்கச் செய்யுமென்ற எதிர்பார்ப்பு இந்தக் கதையை ‘டிக்‘ அடித்த போதே இருந்திருந்தது என்னுள்! And துளியும் பிசகி்ன்றி இந்த ஆல்பம் எனது / உங்களது எதிர்பார்ப்புகளைப் பூர்த்தி செய்தது பிப்ரவரியின் சந்தோஷ ஹைலைட்! கதையில் மட்டும் இன்னும் கொஞ்சம் அழுத்தம் கூடியிருந்தால் நெடுநாள் நினைவில் நிற்கவல்ல இதழயாகியிருக்குமென்பேன்! எனது ரேட்டிங்: 7.5/10.

மார்ச் மாதமோ கலரில் 3 ; b&w-ல் 1 என்று உல்டாவான மாதம் !

And ஆகஷன் சந்தா A-வின் சார்பிலான “பிழையில்லா மழலை” (டெமக்லீஸ் டீம்) பிரமாதமானதொரு த்ரில்லரை – நவீன உலகின் பின்னணியில் சொல்லவிருந்த பாணி நமக்கெல்லாம் ‘நச்‘சென்று பிடித்திருந்தது! செம crisp கதைசொல்லல் எனும் போது இதனில் பணி செய்ததும் உற்சாகமான அனுபவமாக அமைந்தது எனக்கு! நான் போடும் மார்க் : 8/10.

மார்ச்சின் கார்ட்டூனே கோட்டாவினில் களமிறங்கிய “ஆர்டின் ஒரு ஆச்சர்யக்குறி” அத்தனை பிரமாதமான ஆக்கமாய் திருப்தியளிக்கவில்லை என்பதே எனது அபிப்பிராயம்! சிக் பில் தொடரின் அந்த க்ளாஸிக் கதாசிரியர்களின் கைவண்ணத்திலான கதைகளின் முன்னே பின்நாட்களின் கதைகள் அத்தனை சோபிப்பதில்லை என்பதை மறுக்கா புரிய நேரிட்டது எனக்கு! அதன் பலனாய் 2021க்குத் தேர்வு செய்துள்ள உட்சிட்டிக் கோமாளிகளின் ஆல்பமானது செம க்ளாஸிக் கதையே! ஆர்டின் ஒரு ஆச்சர்யக்குறி... வாங்கும் மார்க்குகள் 6.5/10.

சந்தா D சார்பில் ‘நச்‘சென்ற அட்டைப்படத்தோடு நளினமாய் ஆஜரான நமது இளவரசியை சற்றே ‘ஹிஹிஹி‘ ரேட்டிங்குகளோடு அணுக வேண்டிப் போனது நிஜமாய் நெருடிடும் ஒரு விஷயமே! வேற்றுமொழிக் கதைகளில் எனது தேர்வுகள் சற்றே இப்படியும் – அப்படியுமாய் இருக்கும் போதாவது அதற்கொரு சால்ஜாப்பு சாத்தியமே! ஆனால் இங்கிலீஷில் உள்ள கதைகளின் தேர்வினில் இத்தகைய சாக்குப் போக்குகள் சொல்வது சுகப்படாது என்பது புரிகிறது! “எதிர்காலம் எனதே” – வாய் நிறைய பூந்தியை எதிர்பார்த்து, கணிசமான அல்வாவை வாங்கி வந்த அனுபவம் !

மார்ச்சின் ஒரு மறக்கவியலா ஹைலைட் – ஜம்போ சீஸன் 2-ன் இறுதி இதழான “நில்... கவனி... வேட்டையாடு!” Zaroff என்ற பெயரில் இந்த ஆல்பம் ப்ரெஞ்சில் வெளியான வெகு சீக்கிரமே என் கண்ணில் பட்டிருக்க – அந்தச் சித்திர அதகளத்தினில் மெய்மறந்து, நொடியில் ‘டிக்‘ அடித்திருந்தேன்! And பிசகின்றி இதழின் தயாரிப்புத் தரமும் அமைந்து விட, அமேசான் கானகத்துப் பதற வைக்கும் பின்னணியில் தெறித்த ஆக்ஷன் த்ரில்லர் – கதையின் சுலபத்தன்மையையும் தாண்டி ஒரு அசாத்திய அனுபவத்தை நமக்குத் தந்தது! கதை அந்நாட்களது டூரிங் டாக்கீஸ் படங்களது பாணியில் இருந்தாலுமே அந்த exotic பின்னணி + சித்திர & கலரிங் அற்புதங்கள் இந்த இதழை 8.5/10 வாங்கிடச் செய்கிறது எனது பார்வையில்!

ஏப்ரலுக்குள் அடியெடுத்து வைக்க சகலமும் தயாராகி வந்த நிலையில் திடுதிப்பென ஆட்டத்தின் அத்தனை விதிகளையும் நமக்கு மட்டுமன்றி, தேசத்துக்கே புரட்டிப் போட்டது கொரோனா எனும் கொடும் வரவு! இது ஏதோ பன்றிக் காய்ச்சல் மாதிரி; SARS மாதிரி ஆங்காங்கே பீடித்த கையோடு ஓடிப் போய் விடுமென்ற அரைவேக்காட்டு நம்பிக்கையில் குந்திக் கிடக்க – கொரோனா விஸ்வரூபம் சிறுகச் சிறுக திக்பிரமையடையச் செய்த நாட்களை நம்மில் யாருமே ஆயுசுக்கும் மறக்கவியலாது தான்! முழுக்கடையடைப்பு; திரும்பிய திக்கெல்லாம் நோயின் தடங்கள்; தினப்படி ப்ளாஷ் நியூஸ் ரணகளம் என மார்ச்சின் இறுதியும், ஏப்ரலின் முழுமையும் நகர்ந்தது இன்றைக்கொரு தொலைதூரக் கனவாய்த் தோன்றினாலும் அவை கொணர்ந்துள்ள உயிர்ச்சேதங்கள்; வாழ்வாதாரச் சேதங்கள் வரலாற்று வடுக்களாகிடும் தானே? ஈயோட்டிய அந்நாட்களைச் சற்றே சுவாரஸ்யப்படுத்தியவை நமது பதிவுப் நாட்களும், ஜாலியான அரட்டை மேளாக்களுமே – என்னளவிற்காவது! அது நாள் வரைக்கும் பிசாசு போலப் பணியாற்றி வந்தவனு்ககு அந்த 45+ நாட்களில் லேப்டாப் மட்டுமே ஆத்ம நண்பனாகியிருந்தான்! மறுக்கா எப்போ வாழ்க்கை நார்மலாகிடுமோ? எப்போது விற்பனைகள் நார்மலாகுமோ? என்ற கேள்விக்குறிகளின் பின்னால் மாமூலான நமது பணிகள் எவையுமே முக்கியமாய்த் தென்படவில்லை! இன்றளவிற்கும் தேடிடுகிறேன் – pre lockdown நாட்களின் அந்த அசாத்திய வேகத்தினை! தவிர, இந்த வைரஸின் உபயத்தால் எனக்கும், நமது இதழ்களுக்கும் தட்டிப் போனதொரு வாய்ப்பை எண்ணி சித்தே feelings of India வாகவும் இருந்தது ! அது பற்றி பின்னொரு நாள் சொல்கிறேன் ! 

மெது மெதுாய் இயல்பு நிலைகள் மறுதுவக்கம் கண்ட மே மாதம் நாம் வண்டியை ஓட்டியது இதோ – இந்த இதழ்களுடன்!

மறுபடியும் ஆபீஸ் திறக்கச் சாத்தியமாகி, புக்ஸ் அனுப்பும் வேளையும் புலர்ந்த போது ஆளாளுக்கு டேஞ்சர் டயபாலிக் பாணிகளில் மாஸ்க் அணிந்து கொண்டு நடமாடும் கூத்துக்களின் மத்தியிலும் – ஐயாவுக்கு வசதியாகவே இருந்தது! முகரையில் இரண்டு கண்கள் மட்டுமே தெரியக் கூடுமெனும் போது நம்மை யாரும் அடையாளம் கண்டுகொள்ளாது போக வாய்ப்பே இல்லை தானே? So ஆபீஸ் முழுக்க பூச்சாண்டிகளாய்ச் சேர்ந்து மே மாதத்தின் நடுவாக்கில் அனுப்பிய புக்ஸ் கீழ்க்கண்ட 5 :

ட்ரெண்ட் – தனது அலட்டலில்லா பாணியில், தெளிந்த நீரோடை போலான கதையுடன், சுவையான பட்சணம் தொந்தியைத் தொடு்ம் வேளையில் பரவும் ரம்யத்தைத் தந்திடும் சித்திரங்களுடன் வலம் வந்த “கனவே... கலையாதே!” ஒரு ரிஸ்க் இல்லாத ஜாக்கி ஜான் டப்பிங் படம் மாதிரி என்பேன்! யாருக்கும் கையைக் கடிக்காது; யாருக்கும் போர் அடிக்கவும் செய்யாது – எனும் போது ட்ரெண்ட் எப்போதுமே எனக்கு ஆத்ம தோஸ்தே! So கொஞ்சம் பாரபட்சமாகத் தெரிந்தாலும் 8/10 போட்டு வைக்கிறேன் .

‘தல‘ ஒரு அலட்டலில்லா அவதாரிலுமே அசத்திடும் ஆற்றலுடையவர்  என்பதை pleasant ஆனதொரு அட்டைப்படத்துடனான “வானவில்லுக்கு நிறமேது?” நிரூபித்தது என்பேன்! As stories go – ஆரம்பம் சூப்பர்; ஆனால் finishing மிதமே! ஆனாலும் ஆனை சும்மாக்காச்சும் குனிந்து நிமிர்ந்தால் கூட குதிரைகளை விட உசரம் தானே? அந்த ஸ்பஷ்டமான சித்திரங்களும் ஒரு added plus என்பதால் எனது ரேட்டிங் 7.5/10.

இத்தாலிய முகமூடிக்காரர் பெரிய சைஸில், கலர்புல்லான அட்டைப்படத்தோடு “அலைகடலில் அதகளம்” செய்ய முனைந்தது அந்த மாதத்தின் ஒரு குட்டியான ஹைலைட்! அநேகமாய் உலகத்தில் டயபாலிக் சார் இந்தப் பெரிய சைஸில் வெளியானது இதுவே முதல் முறை என்பதே எனது யூகம்! ஆனால் சைஸிலும், அட்டையிலும் ஸ்கோர் செய்த மனுஷன் கதையினில் தடுமாறியது தான் நெருடலே! ரொம்பவே நேர்கோட்டுக் கதை எனும் போது நிஜங்களின் நிசப்தங்களையெல்லாம் ஏப்பம் விட உங்களிடம் மனுஷன் சுணங்கி நிற்க நேரிட்டதால் 6/10 எனது பார்வையில்!

அம்மாதத்தின் surprise package அந்த க்ளாரா குட்டிப்பாப்பாவுடனான “கண்ணான கண்ணே” கிராபிக் நாவல்! Again ரொம்பவே எளிய; ரொம்பவே லீனியரான கதை சொல்லல்! In fact இதைக் கதை சொல்லல் என்பதை விடவும், வாழ்க்கை மீதான ஒரு பார்வை; சிறுமியின் விழிகள் வாயிலாக என்று எடுத்துக் கொள்ளலாம்! நிச்சயமாய் இதற்கு mixed reactions இருக்குமென்பது இதைத் திட்டமிட்ட கொரோனா தாண்டவ நாட்களுக்கு முன்பே யூகித்திருந்தேன் தான்; but still இதையும் முயற்சித்திடும் ஆர்வம் குறைந்திருக்கவில்லை! So ஆக்ஷன் கதைகளே காமிக்ஸ் வாசிப்புகளின் ஜீவநாடியெனக் கருதும் நம் சிறுவட்டத்தின் பெரும்பான்மையினை இந்த பொம்மை ஸ்டைலிலான பொம்மை புக் ‘ஙே‘ என்று விழிக்கச் செய்ததில் எனக்கு வியப்பே இருந்திருக்கவில்லை! சிராபிக் நாவல் தனித்தடத்தில் இது வெளியானதால் தர்ம அடிகள் மிகுந்திருக்கவில்லை என்பது எனது யூகம்! And வெகு காலமாய் நண்பர் மகேந்திரன் பரமசிவம் பதிவிட்டிருந்தது போல – நம்மைச் சார்ந்தோருக்கு நமது ஆயுள்களும், ஆரோக்கியங்களும் எத்தனை முக்கியம் என்பதை இந்த பொம்ம புக் அடிக்கோடிட்டு, அதன் நீட்சியாய் அவரவரது ஆரோக்கியங்கள் மீது துளியூண்டு அக்கறைகளாவது கூடியிருப்பின் அதுவே இந்த இதழின் வெற்றி! என் பார்வையில் 8.5/10.

அந்த மாதத்தின் இன்னொரு surprise ஜம்போ சீஸன் 3-ன் துவக்கப் புள்ளியின் உபயத்தில்! “பிரிவோம்... சந்திப்போம்” கூட Zaroff போலவே ஒரிஜினலாய் வெளிவந்த சற்றைக்கெல்லாம் கண்ணில் பட்டதொரு இதழ் என்பதால் – பிரெஞ்சுத் தொகுப்பு களம் கண்ட ஓரிரு மாதங்களிலேயே தமிழிலும் வெளிவந்து விட்டது! என் கவனத்தை ஈர்த்ததே மழைநீர் சிந்தும் அந்த கௌபாயின் profile shot கொண்ட அந்த அட்டைப்படம் தான்! சித்திரங்கள் + கலரிங் வேறொரு லெவலில் இருப்பதைப் பார்க்க முடிந்த போது – கதை பற்றிய அலசல்களுக்கெல்லாம் புகுந்திட ரொம்ப மெனக்கெடவே தோன்றவில்லை! And நடப்பாண்டின் தெறிக்க விட்ட ஹிட் இதழ்களுக்குள் இந்த ஆல்பமும் நிச்சயம் உருப்படியானதொரு இடம்பிடிக்குமென்ற நம்பிக்கையை உங்களின் சிலாகிப்புகள் ஊர்ஜிதம் செய்தன! ஒவ்வொரு மனிதனுள்ளும் உள்ள grey shadows களை வெளிச்சம் போட்டுக் காட்டிய “பிரிவோம் சந்திப்போம்“ gets 9/10 in my books!

அப்பாலிக்கா வந்த மாதத்தின் கூட்டணி இருந்தது இவ்விதமாய்!

எப்போதுமே ஒருவித இருண்ட பின்புலங்கள் கதை சொல்லலுக்கு உதவிடும் என்பதும்; வாசிப்புகளில் ஒரு வித ஈர்ப்பை ஏற்படுத்தும் என்பதும் எனது அபிப்பிராயங்கள்! இரண்டையுமே “சரி தான் என்ற ரீதியில் ஆதரித்தவர் நடப்பாண்டின் அறிமுக நாயகரான SODA ! ஒண்டிக்கட்டை; கையில் 2 விரல்கள் கிடையாது; குற்றங்களுக்குப் பஞ்சமிரா நியூயார்க்கில் போலீஸ் பணி; ஆனால் வீட்டிலோ பாஸ்டராக வேஷம் என்று பலவித layer களுடன் ஆஜரான இந்தப் புதியவரின் “திசை மாறிய தேவதை” செம ஹிட்! விற்பனையிலுமே ஒரு ‘பேஷ்‘ போட வைத்த இந்த மனுஷன் தொடரவுள்ள புது அட்டவணையினில் ஆளுக்கு முந்தி இடம் பிடித்ததே இவரது வெற்றிக்கு ஒரு நிரூபணம்! பணியாற்றவும் இது போன்ற ஆல்பங்கள் சுவாரஸ்யமாய் அமைவதால் my rating would be 8/10.

சிங்கிள் ஆல்பமாய் வெளியான ”கைதியாய் டெக்ஸ்” என்னைச் சற்றே நெளியச் செய்த இதழே! “ப்ராடியெஸ்” என்ற டெரர் வில்லன் பில்டப்களோடு சரி; செயலில் கந்துவட்டி கோவிந்தனை விடவும் சுமாரான பார்ட்டி தான் என்பதைப் “பச்சோந்திப் பகைவன்” கோடிட்டுக் காட்டியதெனில் “கைதியாய் அதிகாரி” மண்டையில் தட்டிப் புரியச் செய்தது! Average stuff – 6/10.

கார்ட்டூன் பட்டியலில் தெறிக்க விட்ட இரண்டாவது இதழ் – ப்ளுகோட் பட்டாளத்தின் “போர்முனையில் ஒரு பாலகன்”! உருப்படியான கதை; அதனை நகைச்சுவை + பகடி கலந்து கச்சிதமாய்ச் சொன்ன விதம் என்று கணிசமான plus points இந்த வண்ண ஆல்பத்தினில்! துளித் தயக்கமுமின்றி 9/10 தருவேன் நான்!

And நான்காவது இதழாய் வெளியான ஜேம்ஸ் பாண்ட் 007ன் “விண்ணில் ஒரு வேதாளம்” மறுபடியும் அந்தப் பெரிய சைஸ்; vintage பாணி அட்டைப்படம்; க்ளாசிக் கதை என்று ஆஜராகியிருந்தது! நிஜத்தைச் சொல்வதானால் ரொம்ப காலம் பூட்டிக் கிடந்த மச்சி அறையைத் திறந்தது போல் பகீரென பழமையின் நெடி தூக்கலோ தூக்கல்! சமகாலத்து ஜேம்ஸ் பாண்ட் 2.0 அவதாரில் பட்டையைக் கிளப்பிக் கொண்டிருக்க, இந்த நெற்றியில் சுருள்முடி 007 பரணின் பண்ட பாத்திரங்களையெல்லாம் இறக்கிப் போட்டு புளி சாதம் செய்ய முனையும் பீலிங்கு மேலோங்கியது! 6/10!

மறு மாதம் :

நமது லயனின் ஆண்டுமலர் மாதமாகவும் அமைய நேரிட்டதால் லக்கி லூக்கின் ஆட்டகளம் பிரமாதமாய்த் தயாராகக் காத்திருந்தது! And ஒரு சூப்பர் ஆல்பம் + ஒரு not bad ரக ஆல்பத்தோடு வந்த “லக்கி’s லயன் ஆண்டுமலர்” நடப்பாண்டின் செம decent விற்பனை கண்ட இதழ்களுள் ஒன்று! ஹார்ட்கவர் என்றாலே வாங்கும் போது value for money என்ற எண்ணம் தலைதூக்குமோ – என்னவோ தெியலை; ஆனால் சொதப்பிக் கிடந்த மார்கெட்டில் கொஞ்சமாய் விறுவிறுப்பை விதைக்க உதவினார் நமது ஒல்லியார்! 8/10 overall I’d say!

அதே மாதம் பரபரவென டைனமைட்டின் திரியைப் போல பாய்ந்தோடி உற்சாகமூட்டிய இதழ் இளம் டெக்ஸின் “எதிரிகள் ஓராயிரம்”! 4 பாகங்களின் தொகுப்பு; மௌரோ போசெலியின் அழகான கதை நகர்த்தல் + crisp ஆன சித்திரங்கள் என்று இங்கே ஏகமாய் நிறைகள் நிரம்பி ஓடியதால் – வெற்று அண்டாவைச் சுரண்டவே சிலருக்குச் சாத்தியமானது! A thumping 8.5/10!

அப்புறமாய் வந்த b&w இதழில் நமது பால்ய நாயகர்களான CID லாரன்ஸ் & டேவிட் ”மீண்டும் கிங் கோப்ரா”வை வேட்டையாட முனைந்தனர் சந்தா D இதழில்! இந்த vintage சாகஸங்கள் இன்றைய நமது அகவைகளோடு அதிகம் பொருந்திப் போவதில்லை என்பதால் – “அன்றைக்கு ரசிக்க முடிந்தது; இன்னிக்குத் தடுமாறுது” என்றே தீர்மானம் கண்டது! அவை உருவாக்கப்பட்டது வேறொரு காலகட்டத்தில்; வேறொரு வயதினரை மனதில் கொண்டே எனும் போது இங்கே படைப்பின் மீதோ; படைப்பாளிகளின் மீதோ பிழையில்லை என்பேன்! And on the same coin – வாசகர்கள் மீதுமே பிழை நஹி; அந்த target audience-ன் வயதுகளில் நாமில்லை என்பதே நிலவரம்! Again ஜாம்பவான்களுக்கும்; நம்மை மேலேற்றி விட்ட ஏணிகளுக்கும் மார்க் போடல் அபச்சாரம் என்பதால் I’ll pass this by!

ஆக ஆண்டின் 6 set இதழ்கள் மீதான அடியேனின் unbiased பார்வை இது! தொடரும் பதிவில் மீத sets பற்றிப் பார்க்கலாம் ! இடைப்பட்ட இந்த நாட்களில், உங்களின் ஆதர்ஷ இதழ்கள் பற்றி; கொரோனா லாக்டௌன் நாட்களின் நினைவலைகளைப் பற்றிப் பகிர்ந்திடலாமே folks? பொழுது ஜாலியாய் நகன்றது போலிருக்குமல்லவா ? தவிர, சில கேள்விகள் உங்களுக்கு :

1. க்ளாஸிக் ஜேம்ஸ் பாண்ட் கதைகளை தற்போது எவ்விதம் பார்த்திடுகிறீர்கள் ? ஓ.கே. தானா ? 

2. லக்கி லூக் நமது கார்ட்டூன்கள் undisputed king - சர்தான் ! அவருக்கு அடுத்த ஸ்தானத்தை சிரிப்புப் பார்ட்டிகளில் யாருக்குத் தருவீர்களோ ?

3. மேலே நாம் review செய்துள்ள இந்த 25 இதழ்களில் உங்களின் TOP தேர்வு எதுவோ ? Just 1 please ?

ஒரு பெரும் கத்தையாய் ARS MAGNA-வின் 3 பாகங்களும், “பிரளயம்” கிராபிக் நாவலின் 3 பாகங்களும் மொழிபெயர்ப்பிற்கெனக் காத்துள்ளதால் இப்போதைக்கு I am நடையைக் கட்டறேன்! இந்த 2 மெகா இதழ்களின் பணிகளைப் பூர்த்தி செய்து விட்டால் அப்பாலிக்கா 2021ன் சற்றே சுலபக் களங்களே காத்திருக்கும்! So ஜெய் பாகுபலி...! Bye all... See you around... முன்கூட்டிய கிருஸ்துமஸ் தின நல்வாழ்த்துக்கள்! 

கனவுகள்...இன்னும் கொஞ்சம் கனவுகள்..!

நண்பர்களே,

வணக்கம். 'சடுதியில் டாட்டா சொன்னால் தப்பே இல்லை' - என்றதொரு ஆண்டுக்கு விடைதரும் டிசம்பர் மாதத்து இதழ்களுடனான டப்பிக்கள் நேற்று மதியமே கிளம்பிவிட்டன !  So இன்றோ / நாளையோ  உங்கள் வீட்டு வாசல்களில் கூரியர் நண்பர்கள் தவறாது ஆஜராகிட DTDC &  ST மனது வைப்பார்களாக !! And ஆன்லைன் லிஸ்டிங்குகளுமே போட்டாச்சு என்பதால், சந்தாக்களில் இல்லாத நண்பர்கள் தேவையான இதழ்களை வாங்கி கொள்ளும் வாய்ப்பும் ரெடி ! கார்ட்டூன்களை ஒரு collector's special ஆக வெளியிடலாமே ? என்ற கேள்வி எழுந்து நிற்கும் இந்தத்தருணத்தினில் மாதாந்திரக் கார்ட்டூன்களை  கரிவேப்பிலையாய் ஓரம்கட்டாது, உங்கள் வாசிப்புகளில்  அதனையும் சேர்த்துக் கொண்டீர்களென்றாலே அதுவே ஒரு கார்ட்டூன் புனர்ஜென்மத்துக்குப் பெரும் பூஸ்ட்டாக இருந்திடும் ! Fingers crossed !!

100 !! இது நடப்பாண்டின் பதிவு நம்பர் 100 !! And வருஷம் முடிய இன்னமும் 3 வாரங்கள் பாக்கி உள்ளன எனும் போது - வாரத்துக்கு தோராயமாக 2 பதிவுகள் என்றாகிறது - இந்த வருஷத்தினில் ! இதுவரைக்கும் ஒற்றை ஆண்டினில் இத்தனை மொக்கைகள் போட்டதில்லை  எனும் போது உங்களின் பொறுமைகளை எண்ணி வியக்காதிருக்க முடியவில்லை தான் ! For sure கொரோனாவின் பெயரைச் சொல்லி முழு அடைப்பினில் அடைந்து கிடந்த அந்த ஏப்ரல் / மே மாதங்களில் அடித்த லூட்டிகளே இந்த மூன்றிலக்கத்துக்குக் காரணம் என்பது புரிகிறது !! But still - ஒரே பாணியிலான எழுத்துக்களுடன் ; ஒரே மாதிரியான topic -களிலான இத்தினி பதிவுகளை, இந்த மட்டிற்கு சகித்து வருவதென்பது நிச்சயமாய்ப் பெரியதொரு விஷயமே ! Thanks a ton folks ; அரையணா செலவின்றி எனது கச்சேரிகளை உங்களின் நிறையப் பேர்களது செவிகளிடம் கொண்டு சென்று சேர்ப்பதற்கும்  ; உங்களது இசைமழைகளை என் காதுக்குள் புகுத்திடவும்  இது செம effective கருவியாய் அமைந்திருப்பது நிஜமான வரமே ! தொடரும் காலங்களிலும் இந்தப் பரிமாற்றப் பாலம் பழுதின்றித் தொடர்ந்திட பெரும் தேவன் மனிடோ ஆசீர்வதிப்பாராக ! 

And அந்த மூன்றிலக்க ரவுண்ட் நம்பரைப் பார்த்த நொடியே - "இதுக்கொரு ஸ்பெஷல் சாயா ஆத்திடலாமே ?" என்ற ஆர்வம் உங்களில் பலரிடமும் ததும்பிடலாம் தான் ! "கார்ட்டூன் ஸ்பெஷல் ; முன்பதிவுக்கு மட்டும்" என்ற ரீதியிலான பேச்சு லைட்டாகத் துளிர்விட்டிருக்கும் இந்த நொடியில் - நூறாவது பதிவினை நான் அது மாதிரியானதொரு அறிவிப்புக்குப் பயன்படுத்திடுவேன் என்ற எதிர்பார்ப்புமே சன்னமாய் இருந்திடலாம் தான் ! ஆனால் வயசின் ஓட்டத்தின் நீட்சியோ - என்னமோ ; இப்போல்லாம் வாய்க்குள் கட்டைவிரலைத் திணிக்கும் முன்பாக 'நிதான நித்தியானந்தா' ஓட்டமும் நடையுமாய்ப் பிரசன்னமாகி விடுகிறார் ! இந்த மனுஷன் காவி, கீவியோ, கழுத்தில் அரை டன்னுக்குச் சங்கிலிகளோ அணியாதவர் எனும் போது தைரியமாய்க் கொஞ்சம் காது கொடுத்துக் கேட்கத் தோன்றுகிறது !  

இந்த நொடியினில் நம் முன்னே பிரதான முக்கியத்துவம் பெற்று நிற்பது 2021-க்கான சந்தா சேகரிப்புகளே ! And புது இதழ்கள் துவக்கம் காணவுள்ளது ஏப்ரல் முதற்கொண்டே எனும் போது நிதானமாகவே "ச.சே." இருந்திடும் என்பதை யூகித்திடலாம் ! Of course - எனது யூகத்தைத் தவறென்று ஆக்கிடுவீர்களெனில் சூப்பர் தான் ! 

காரணம் # 2 - ஏற்கனவே பாதிக் கிணற்றைத் தாண்டிய நிலையில் நின்றுவரும் நமது ஞாபகமறதிக்காரப் பார்ட்டி XIII ! ஏப்ரல் & மே மாதங்களை மேற்படியாரின் பொருட்டு ஒதுக்கிப் பார்த்தால் மட்டுமே இந்த முயற்சி கெலிக்குமா ? கவுந்தடித்துப் படுத்து விடுமா ? என்பது புரியும் ! So அந்தத் தெளிவு பிறக்கும் மே இறுதிவரைக்கும் புதுசாய் எதையும் நுழைக்கும் சாத்தியங்கள் நஹி !

காரணம் # 3 -  இத்தகைய கார்ட்டூன் தொகுப்பு + பாக்ஸ் செட் என்ற திட்டமிடல் 2015-ல் ஆண்டுமலராய் களம் கண்டு தடுமாறிய பழைய track record  ! Smurfs + க்ளிப்டன் + சிக் பில் + சோன்பப்டி தாடித் தாத்தா லியனார்டோ - என்ற செம variety கார்டூன்களோடு வெளியான இந்த இதழ் takeoff ஆகவே இல்லை !

காரணம் # 4 - லக்கி லூக்கைத் தாண்டிய பாக்கி கார்ட்டூன் நாயகர்கள் அனைவருமே 'வருஷத்துக்கு ஒற்றை ஸ்லாட்டுக்கு வந்துப்புட்டுப் போகட்டுமே' என்ற ரீதியிலேயே வண்டியோட்டி வருவோர் என்பதில் எது இரகசியம் ? So ரெகுலர் தடத்தினிலேயே தொட்டுக்கொ-துடைச்சுக்கோ என்று நடைபோடுவோரை ஒரு மெகா இதழில் ; கூடுதல் விலையினில் இறக்கி விட்டு வேடிக்கை பார்த்திடுவது அத்தனை ரசிக்க மாட்டேனென்கிறது ! Diehard கார்ட்டூன் ரசிகர்களின் தீவிரம் எத்தகையதோ - அதே வீரியமே  "வேண்டாமே கார்ட்டூன்ஸ்' என்போரின் வேகங்களும் ! So ஏற்கனவே அந்தரத்தில் XIII தொங்கிக்கொண்டிருக்க, இன்னொரு பரீட்சார்த்தமும் இந்த நொடியின் அவசியமா ? என்ற கேள்வி என்னுள் ! 

Of course - நாலு லக்கி லூக் கதைகளை ஒருங்கிணைத்து ஒரு செம classy தொகுப்பினை திட்டமிடலாம் தான் ; அதன் வெற்றி சார்ந்த சந்தேகங்கள் பெரிதாய் இராதும் தான் ! ஆனால் இக்கட பிரச்சனையோ வேறு விதமானது !! லக்கியின் தொடரினில் அந்த ஆரம்பத்துக் கதைகளின் artwork ரொம்பவே மொக்கை & லக்கியின் கதாப்பாத்திரமுமே முழுசுமாய் develop ஆகியிராதது போலவே தோன்றும் ! பின்னாட்களது, கலவையான கதாசிரியர்களின் ஆக்கங்களும் மித ரகங்களே ! So இடைப்பட்ட அந்த classic கதைகள் தான் காலமாய் நம் ரசனைகளை உயிர்ப்போடு வைத்திருப்பவை ! Classic படைப்புகளுக்கும், பின்னாட்களின் படைப்புகளுக்கும் மத்தியிலான வேற்றுமை  செம அசாத்தியமானது ! இதோ, நடப்பாண்டினில் வெளியான "கௌபாய் கலைஞன்" ஆல்பமே அதற்கொரு சான்று என்பேன் ! Taking it even further - ரொம்பச் சீக்கிரமே வெளியாகவுள்ள லக்கியின் புது ஆல்பத்தின் ஆங்கிலப் படிவங்கள் போன வாரமே நமக்கு வந்தாச்சு - 'சூட்டோடு சூடாய் தமிழில் இந்த ஆல்பத்தை வெளியிட ஆர்வமிருக்குமா ?' என்ற கேள்வியோடு ! கோசினியும் ; மோரிஸும் நம்மைப் பழக்கப்படுத்தி விட்டிருக்கும் அந்த உச்சங்களின் முன்னே - சமகாலத்து ஜாம்பவான்களின் ஆக்கங்கள் கூட தண்ணீர் குடிக்கவே செய்கின்றன  என்பதை yet again புரிந்து கொள்ள முடிந்தது ! So ஒல்லியாரின் தொடரினில் உள்ள classy & classic கதைகளை, மண்டையில் எஞ்சியிருக்கும் ஓரிரண்டு கற்றைகளை போல, பொக்கிஷமாய்ப் பொத்திப் பொத்தி வைத்தபடிக்கு அடுத்த சில ஆண்டுகளையாச்சும் ஓட்ட நினைப்பவனுக்கு - 'ஏக் தம்மில்' 4 க்ளாசிக்சை ஒரே ஆல்பத்தினில் போட்டுத் தாக்குவது என்பது தயக்கங்களையே கொணர்கிறது ! 

So கார்ட்டூன்களென்பது கனவாக மாத்திரமே இனி தொடரணுமா ? என்ற உங்களின் மைண்ட்வாய்ஸ் கேட்கிறது ! Maybe, நிலவரங்கள் சற்றே சீராகி ; புத்தக விழாக்களும் முன்போல நடைமுறை காணும் பட்சங்களில் - ஏற்கனவே முன்பதிவுப் பட்டியலில் முன்னே நிற்கும் "ஒற்றை நொடி...ஒன்பது தோட்டா" ; "கென்யா" ; ரூட் 66  ஆகியவற்றைச் சடுதியில் க்ளியர் செய்தான பின்னே இந்த கார்ட்டூன் தொகுப்பினை சீரியஸாய்ப் பரிசீலிக்கலாம் ! 

அப்புறம் பிரான்க்கோ-பெல்ஜியப் படைப்புகளுள் கார்டூன்களைத் தாண்டியும் light reading-க்கான படைப்புகள் கணிசமாகவே உள்ளன ! அவை எல்லாமே தொடர் நாயகர்களென்று இல்லாது - ஜாலியாய் டிராவல் செய்யும் ஒன்-ஷாட்ஸ் ! பூனைகள் நாயகர்களாய் ; நாய்கள் ; நரிகள் ஹீரோக்களாய் கலக்கும்  கதைவரிசைகள் ; பொடுசுகள் டிடெக்டிவ் அவதார் எடுக்கும் கதைகள் ; fantasy-ல் கார்ட்டூன்ஸ் ; விழி பிதுங்கும் குடும்பத்தலீவர்களின் கதைகள்  என்று நிறையவே இருக்கவும் செய்கின்றன தான் ! Maybe அவற்றின் பக்கமாய் ஒருவாட்டி கவனங்களைத் தந்தும் பார்க்கலாம் - ஆக்ஷனே போதுமென்று எண்ணிடும் நண்பர்களையும் ஈர்த்திட முடிகிறதா ? என்ற நப்பாசைகளோடு ! 

வாக்குத் தந்தபடியே லக்கியின் "கௌபாய் எக்ஸ்பிரஸ்" அடுத்த சில மாதங்களுக்குள் ஏதேனுமொரு திடும் ஸ்பெஷலாகக் களம்காணும் ! And டெக்சின் வண்ண மறுபதிப்பு MAXI-யின் கடைசி ஸ்லாட்டை எடுத்துக் கொள்ளும் ! இத்தாலியிலும், பிரான்சிலும் இன்னமும் கொரோனா நிலவரங்கள் சீராகவில்லை என்பதால்,  நமது புது வேண்டுகோள்களை படைப்பாளிகள் பரிசீலித்து, டிஜிட்டல் கோப்புகளை அனுப்பி வைக்க நிச்சயமாய் அவகாசமெடுக்கும் ! So அதன் வரையிலும்  பொறுமையே பெருமை சேர்க்கும் நமக்கு !

ரைட்டு.......கார்ட்டூன் தொகுப்பு தான் கானல் நீராய்த் தொடர்கிறதெனில், வேறெதாச்சும் செய்திடலாமா ? என்ற கேள்வி என்முன்னே ஆஜராகிறது ! இதற்கு பதிலாய் - எனது ரொம்ப கால ஆசை ஒன்றினை சொல்லிவைக்கட்டுமா folks ? அதனை அசை போட்டுத் தான் பாருங்களேன் - கொஞ்ச காலம் கழிந்த பின்னே நிஜமாக்கிடலாமா ? என்று :

நமது இதழ்களில் எப்போதுமே ஒரு striking feature ஆகத் தென்படுவது அந்த variety  என்பதில் உடன்பாடிருக்கும் என்று நினைக்கிறேன் ! Variety ஆக நாயகர்கள் என்பதை விடவும், variety ஆன ஜானர்களுடன் ஒரு Box set தொகுப்பினை யோசித்துத் தான் பாருங்களேன் :

1 ஹ்யூமர் ஆல்பம்

1 லவ் ஸ்டோரி 

1 அமானுஷ்யம்

1 Sci -fi ஆல்பம் 

1 த்ரில்லர் 

5 வெவ்வேறு சுவைகளோடு - 5 oneshots - ஒரே பாக்ஸ் செட்டில் ! முன்பதிவுகளுக்கு மட்டும் - 500 என்ற இலக்கு நிர்ணயதோடு ! எல்லோருக்கும் ரசிக்க இதனுள் ஏதோ ஒன்றோ, இரண்டோ, மூன்றோ - இல்லாதா போய் விடும் ? என்ற நப்பாசையில் இந்தக் கனவு நெடுநாளாய் என்னுள் தொடர்ந்து வருகிறது ! Maybe இது ஒர்க் அவுட் ஆகுமென்று பட்டால் 2021-ன் பின்பகுதியினில் முயற்சிக்கலாம் தான் ! Your thoughts folks ?

அப்புறம் நமது சந்தா D-ல் தலைகாட்ட வரும் அந்த மர்ம மண்டல மேக்சின் ஆல்பத்தின் அட்டைப்பட பிரிவியூ இதோ !! இன்றைக்கு புக்கே உங்களை எட்டிவிடும் என்பதால் பெரிதாய் பில்டப்பின்றி நடையைக் கட்டுகிறேன் !! Bye all...see you around ! Happy Reading !

ஆப்பய்யா ரெடி !!

 நண்பர்களே,

வணக்கம். ஒரே நாளில் பதிவு - உபபதிவு என்பதெல்லாம் நாம் நிறைய பார்த்துவிட்டோம்  ; so இன்றைய ரவுசு மேளா பெரியதொரு ஆச்சர்யத்தினை எனக்கு ஏற்படுத்திடவில்லை தான் ! ஆனால் மெய்யான வியப்பு எழுந்தது -  இன்றைய லூட்டிகளின் வீரியத்தையும் ; முன்வைக்கப்பட்ட for & against வாதங்களில் மிளிர்ந்த லாஜிக்கையும் பார்த்திட்டே போதே  ! பொதுவாய்த் 'தென்னைமரத்திலே ஒரு குத்து ; பனமரத்திலே ஒரு குத்து' என்று ஜாலி தேர்தல் நிகழ்வதே வாடிக்கை என்று எண்ணியிருந்தேன்  - பிரின்சா ? ரிப்போர்ட்டர் ஜானியா ? என்ற தேர்தலைப் போல ! ஆனால் இம்முறையோ வேட்பாளர்கள் - டிரம்பும், பைடனும் ரேஞ்சுக்கு heavyweights என்பதை  நான் கணிக்கத் தவறி விட்டேன் தான் ! So தொடர்ந்த அதகளங்களை செம சுவாரஸ்யமாய் வேடிக்கை பார்த்தேன் - வெள்ளை மாளிகைக் கூத்துக்கள் அளவுக்கு இல்லாவிடினுமே !!

எல்லாக் கேள்விகளுக்கும் ஒரு பதில் இருந்தாக வேண்டும் ; எல்லாப் போட்டிகளுக்கும் ஒரு வெற்றியாளர் இருந்தாக வேண்டுமெனும் போது, ஆப்பைத் தேடிப் போய் அமரும் சாலமன் ஆப்பய்யா அவதார் எடுக்கும் அவசியமும் இருந்தாக வேண்டும் தானே ?! உபபதிவினில் சொன்னது போல - பழைய பண்ணீர்செல்வமாய் (கொஞ்சம் அழுத்தி சொல்லிப்பாப்போமேன்னு தான் !!) நானிருந்திருக்கும் பட்சத்தில் - 'தென்னைமரத்தையும் நட்டிடலாம் ; பனையையும் நட்டிப்புடலாமென்று' சுருக்க தீர்ப்பைச் சொல்லி வைத்திருப்பேன் தான் ! ஆனால் இதுவோ 'நிதான நித்தியானந்தம்' அவதாருக்கான வேளை எனும் போது - எதையுமே எடுத்தோம்-கவுத்தோமென்று தீர்மானிக்க வழியில்லை ! 

அரங்கேறிய ஆரவார அலசல்களுக்கு மத்தியினில், லக்கியின் கார்ட்டூன் தரப்பின் சார்பினில் 'ஆமாம்லே !' என்று தலையை பிரதானமாய் ஆட்டியது 2 பாய்ண்ட்களின் பொருட்டு :

1.2020-ன் அட்டவணையின் அறிவிப்பினில் கார்ட்டூன் இதழ்கள் வெறும் ஆறாக இருந்தது நினைவிருக்கலாம் தான் ! அப்போது நான் எழுதிய வரிகள் இவை :

//"கார்ட்டூன் சந்தா : C : நடப்பாண்டைப் போலவே இம்முறையும் இங்கே 6 இதழ்களே – ஆனால் அந்த கார்ட்டூன் வறட்சியை நிவர்த்திக்க MAXI லயனும் ; இன்னுமொரு புதுத் திட்டமிடலும் காத்திருப்பதால், கார்ட்டூன் ரசிகர்கள் ஜாலியாய் வாசிப்பைத் தொடரலாம் ! "//

"புதுத் திட்டமிடல்" என நான் குறிப்பிட்ட  MAXI லயனில் 1 லக்கி மறுபதிப்பு + 2 வாண்டு ஸ்பெஷல்ஸ் + 1 கார்ட்டூன் மறுபதிப்பு + 2 டெக்ஸ் மறுபதிப்புகள் - ஆக மொத்தம் 6 இதழ்கள் என்பதே திட்டமிடலாய் இருந்தது ! So 4 கார்ட்டூன்ஸ் + 2 டெக்ஸ் என்பதே நான் தந்திருந்த வாக்குறுதி ! 

ஆனால் நடப்பாண்டின் கொரோன தாண்டவம் திட்டங்களைப் பப்படமாக்கியிருக்க, கார்ட்டூன் அணிக்கு (என்னையும் சேர்த்தே தான்) ஒரு சட்டி நயம் அல்வாவே கிட்டியுள்ளது ! என்ன தான் சூழலின் தன்மைகளை அவர்கள் புரிந்து கொண்டு கார்ட்டூன் கல்தாக்களை ஏற்றுக் கொண்டிருப்பினும், அந்தப் பெருந்தன்மை பாராட்டுக்களின்றிப்  போகலாகாதே என்ற நெருடல் உள்ளுக்குள் !! 

2.சந்திலும், பொந்திலும், இண்டிலும், இடுக்கிலும், சாலையிலும், புறவழியிலும், ஆறுவழி சாலையிலும், ஒற்றையடிப் பாதையிலும் பயணம் செய்யவல்ல All Terrain  Vehicle என்று சொல்லலாம் நமது இரவுக்கழுகினையும், அவரது டீமையும் ! புத்தக விழா ஸ்பெஷலா ? தீபாவளி மலரா ? காதுகுத்து ஸ்பெஷலா ? அல்லாத்துக்கும் எவ்வித முணுமுணுப்புகளுக்கும் இடம்தராது கச்சிதமாய்க் காரியமாற்றும் ஆற்றல் டெக்ஸுக்கு உண்டு என்பதை நாமறிவோம் ! ஆனால் காலாவதியாகிவரும் ஒரு டைனோசர் இனத்தைப் போல இன்றைக்கு சிறுகச் சிறுக fade out ஆகி வரும் கார்ட்டூன்களின் எந்தவொரு பிரதிநிதிக்கும் - 'எங்கேயும் ; எப்போதும் ' என்ற லைசென்ஸ் சத்தியமாய் நஹி - அது லக்கி லூக்காகவே இருந்தாலுமே !! So அவர்களுக்கென உருவாக்கப்படும் சொற்ப வாய்ப்புகளும் தட்டிச் செல்லும் சங்கடங்கள் ஒரு நெருடும் சமாச்சாரமாகிடாதா ?

These were my concerns !

ரைட்டு - மறு தரப்பின் ஜாம்பவான் அணியின் வாதங்களைப் பரிசீலித்த போதும் 3 விஷயங்கள் striking ஆக எனது கவனத்தை ஈர்த்தன !!

1.ஒரு இதழின் வெற்றி ; ஒரு நாயக / நாயகியின் வெற்றியின் ultimate அளவுகோல் அவற்றின் விற்பனை வெற்றிகள் தான் என்பதில் மாற்றுக கருத்துக்களே இருக்க இயலாது ! அதிலும் தொடர்ச்சியாய் ; consistent ஆக ஈட்டப்படும் வெற்றிகள் அந்த நாயகரின் ஆளுமைக்கு ; நம் மனங்களில் அவர் வீற்றிருக்கும் சிம்மாசனங்களின் கம்பீரத்துக்கு ஒரு அசைக்க இயலா சான்றாகிடும் தானே ? அந்தப் பார்வைக் கோணத்தினில் பார்த்திடும் போது - பஞ்சாயத்தைக் கூட்டும் அவசியமே இன்றி, hands down அத்தினி பேரையும் தூக்கிச் சாப்பிட்டு விடும் திறன் படைத்தவர் 'தல' தான் ! 2012-ல் துவங்கி இன்று வரைக்கும் ஒவ்வொரு ஆண்டின் 'டாப் ஹிட்ஸ் ; டாப் சேல்ஸ் ; டாப் புத்தக விழா வரவேற்பு' என டாப் சகலத்தையும் அக்குளுக்குள் செருகி நிற்பவர் இந்த திடகாத்திர மஞ்சள் சட்டைக்காரரே ! ஒரு பேரிடர் காலத்திலும், நூற்றாண்டுக்கு ஒருவாட்டி நிகழவல்ல ஒரு அசாத்திய பிரளய காலத்திலும் - ரூ.450 என்ற விலை இமயத்தையும் ; 672 பக்கங்கள் என்ற தாட்டியத்தையும் ஆனாயாசமாய் சுமந்து ; ஒற்றை மாதத்திற்குள் கிட்டத்தட்ட 90% விற்பனையினை கண்ணில் காட்டுவது ஒரு அசாத்தியனின் அடையாளமாகிடாவிடின் - வேறென்ன தான் ஆகிட முடியும் ? 

தவிர, இதுவரையிலுமான கலர் டெக்ஸ் இதழ்களுள் நம்மிடம் ஸ்டாக் இருப்பதே இரண்டே titles என்பதாக ஞாபகம் ! 700 ரூபாய் டைனமைட் ஸ்பெஷல் எப்போதோ காலி ; டிராகன் நகரம் காலியோ - காலி ;  சர்வமும் நானே அனல்பறந்த ஹிட் - என்று சொல்லிக்கொண்டே செல்லலாம் ! So நார்மலாய் அல்லாத ஒரு மார்க்கெட் சூழலை எதிர்கொள்ள பந்தயக் குதிரையன்றி வேறேது சுகப்படக்கூடும் ? 

2."நிஜ வெற்றி" என்பதை விட - "முழுமையான வெற்றி" என்றொரு சமாச்சாரமும் உள்ளதை இங்கே சுட்டிக்காட்ட அனுமதியுங்கள் நண்பர்களே ! Oh yes - நமது பதிவுப் பக்கத்துக்கு 550+ followers உள்ளனர் தான் ; ஏகமாய் மௌன வாசகர்களும் உண்டு தான் ! ஆனால் இங்கே active ஆகக் கருத்துக்களை பரிமாறிக் கொள்ளும் நண்பர்களின் எண்ணிக்கை ஒரு நூறு இருக்குமா ? Maybe 125 ? இந்த நண்பர்களுள் அரங்கேறிடும் அலசல்கள் ; விவாதங்கள் பிரதானமாய் இங்கு centerstage எடுத்துக் கொள்கின்றன என்பதால் அவர்களின் மெஜாரிட்டி குரலே லாஜிக்கின்படி வெற்றியின் குரலாய்ப் பார்க்கப்படுகிறது ! And thats perfectly understandable too !

ஆனால் ஒரு முழுமையான வெற்றியானது வலைக்கு அப்பாலுள்ள நண்பர்களும் தங்கள் குரல்களை ஒலிக்கச் செய்திடும் போது தானே கிட்டுகிறது folks ? அவ்விதம் பார்த்தால் - நெட்டுக்குள் தலை நுழைக்கிறார்களோ, இல்லையோ - 'பிடிச்சதை வாங்கிப் படிச்சிக்குவேன் ; அம்புட்டுத்தேன் !!' என்ற ரீதியில், ஆன்லைனிலோ, முகவர்களிடமோ, சந்தாக்களிலோ  புக்ஸை வாங்கித்தள்ளி -  விற்பனை ஹிட்ஸ் வாயிலாய் -  நமது ஒட்டுமொத்த சிறுவட்டமும் ஒன்றிணைந்து அனுப்பிடும்  மௌனப் புகை சிக்னல்களை நாம் கொண்டாடுவது தானே முழுமையான வெற்றியாகிடும் ? அவ்விதம் பார்த்தால் நடப்பாண்டின் தீபாவளி மலர் again a striking example !! ஜூலையில் வந்த லக்கி ஆண்டுமலரும் ஒரு செம ஹிட் இதழே ; ஆனால் தீபாவளி மலரோ மெகா மாஸ் ஹிட் !! So முழுமையான வெற்றிக்கு உரித்தானவரை acknowledge செய்திட இதுவொரு வாய்ப்பன்றோ ?

3.Simple & Sheer numbers !! வோட்டுப் போடச்சொல்லிப்புட்டு ; அப்பாலிக்கா புரிந்தும், புரியாமலும் மய்யமாய் பேசி, வேறேதேனும் தீர்மானத்தினை நான் எடுப்பின், அது உங்கள் ஓட்டுக்களை பிம்பிலிக்கா பிளாக்கி செய்தது போலாகிடும் அன்றோ ? 

ஆக மேற்படி 3 காரணங்களின் காரணமாய் இன்றைய போட்டியின் ஏகோபித்த வெற்றியாளராக தல டெக்சினை அறிவிக்கிறேன் !! தொடரும் நாட்களில் உங்கள் அவாவினைப் பூர்த்தி செய்திடும் விதமாய்  TEX வண்ண மறுபதிப்பினைக் கொணரும் முயற்சிகளைத் துவக்கிடுவேன் - எந்தக் கதை என்ற அறிவிப்போடு ! 

அதே சமயம் கார்ட்டூன் காதலர்களுக்குமே கொஞ்சமாச்சும் உற்சாக பானம் தருவது எனது தலையாய கடமையாகிடும் ! கொஞ்சமே கொஞ்சமாய் திட்டமிட அவகாசம் எடுத்துக் கொள்கிறேன் guys - உங்களை ஜிலீரெனக் குளிப்பாட்டும் அறிவிப்போடு ; இயன்றமட்டிலும் விரைவாய் ஆஜராகிடுவேன் - and thats a promise !! மஞ்சள்சட்டை ஒல்லியாரே தான் ; அட்டகாசமாய் வண்ணத்தினில் தான் ; ரொம்பச் சீக்கிரமேவும் தான் ! 

Bye all & Thanks for a wonderful Sunday ! இன்று கெலித்தது காமிக்ஸ் நேசம் மாத்திரமே என்ற சந்தோஷத்தோடு நடையைக் கட்டுகிறேன் !! See you around !

வாதங்கள் தொடரட்டுமே புலவர்களே ..!

 நண்பர்களே,

வணக்கம். "மஞ்சள்" என்றாலே டாப்கியர் தான் என்பதை yet again நிரூபித்து விட்டீர்கள் ! 

லக்கியா ? டெக்சா ? என்ற கேள்வியினை வெறும் வோட்டெடுப்பாய் அமைத்திருந்தால் அந்த மிஷினைப் பஞ்சராக்கியதோடு ஜோலி முடிந்திருக்கும் ! ஆனால் இப்போதோ - கார்ட்டூன்களுக்கும் / எதிரானதற்குமிடையிலான ஒரு பட்டிமன்றம் போல அடித்துக் கிளப்பி வருகிறீர்கள் ! ரைட்டு...பதுங்குகுழித் தலீவரை தீர்ப்புச் சொல்ல கோர்த்து விட்டுப்புடலாமென்று பார்த்தால், அவர் மஞ்ச தண்ணியை ஊத்துவதற்கு முன்பாகவே "டெக்ஸ்ஸ்ஸ்ஸ்ஸ்ஸ்..." என்று கதறி வைத்து விட்டார் ! So புதுசாய் ஒரு பலியாடைத் தேடுவதா ? அல்லது அந்த மாலையும், மஞ்சத்தண்ணியும் நமக்கே நமக்கா ? என்ற யோசனையில் இந்தப் பகலைக் கழிக்கவுள்ளேன் !

எது எப்படியோ - நமது வாசிப்புகளின் big guns யாரென்பதில் துளியும் இனியும் சந்தேகங்கள் இராது தான் ! பழைய மாதிரி சூழலுமிருந்து ; பழைய பன்னீர்செல்வமாய் நானுமிருந்திருந்தால் - இந்நேரத்துக்கு முட்டிங்காலுக்குக் கீழுள்ள பகுதியினை மொத்தத்துக்கு வாய்க்குள் திணித்திருப்பேன் தான் ! ஆனால் அடக்கி வாசிப்பதே order of the day எனும் போது இன்றிரவு வரையிலும் காத்திருப்பேன் - தீர்மானத்தினை அறிவித்திட ! So பிரியாணிகளையும், குட்டித்தூக்கங்களையும் ஒரு பிடி பிடித்த கையோடு உங்கள் வாதங்கள் தொடரட்டும் !

One thing's for sure !! இன்றைய உங்கள் ரவுசுகளை நமது எதிர்காலத் திட்டமிடல்களில் ஏதேனுமொரு விதத்தில் எதிரொலிக்காது போகாது தான் ! Carry on folks !! See you around !!

 

ஒரு டிசம்பர் தோரணம் !

 நண்பர்களே,

வணக்கம். எங்களைப் பொறுத்தவரையிலுமாவது 2020 ஒரு முற்றுக்கு வந்து விட்டது ! Yes- டிசம்பரின் இதழ்கள் நான்கும் தயாராகி, பைண்டிங்கில் குடியேறியுள்ளன ! வரும் வியாழனன்று டப்பிகளுக்குள் ஐக்கியமாகி வெள்ளி / சனிக்கு உங்கள் இல்லத்துக் கதவுகளை அவை தட்டிட வேண்டும் ! So அட்டவணை பூர்த்தி கண்டுள்ளதோ - இல்லையோ ; ஒரு வரலாற்று நிகழ்வான ஆண்டிலும், நம் தலை தண்ணீருக்கு மேலே தட்டுத்தடுமாறித் தொடர்ந்திட்ட அதிசயத்துடன் இந்த வருடத்துக்கு விடை தந்திட முனைந்துள்ளோம் ! சன்னமானதொரு பெருமூச்சும், விசாலமானதொரு நன்றி கூறும் பிரார்த்தனையும் இந்த நொடியினில் ரொம்பவே தேவையெனத் தோன்றுகிறது ! Boy..oh boy !!

எது எப்படியோ – இந்தாண்டின் ரெகுலர் அட்டவணை மார்ச் வரை நீண்டு போவதால் 3 மெகா இதழ்கள் இன்னமும் பெண்டிங் உள்ளன !

- ஜனவரியில் முத்து 49-வது ஆண்டுமலராய் தோர்கல் 5 பாக ஆல்பம் !

- பிப்ரவரியில் MAXI லயனின் 3 பாக ARS MAGNA !!

- மார்ச்சில் 3 பாக அசாத்தியமான “பிரளயம்” கிராபிக் நாவல்!

So தொடரவுள்ள ஒவ்வொரு மாதத்திலுமே ஒரு மெகா ரகளையான வாசிப்பனுபவம் காத்துள்ளது என்பேன் ! And கேக்கின் மீதான ஐஸிங்காகச் சொல்லக்கூடியது - மூன்று இதழ்களுமே தெறிக்க விடச் செய்யும் ஹிட்களாக அமைவதில் ஐயங்களில்லை என்ற ஜாலி சேதியே ! தோர்கல் பில்டப்களுக்கு அப்பாற்பட்டவராகி விட்டார் ! ARS MAGNA ஒரு க்ளாஸிக் என்பது நம்மில் பலருக்கும் தெரியும் & “பிரளயம்” பிடரியில் அறையவுள்ளதிலும் சந்தேகங்களில்லை ! So டிசம்பருக்கு டாட்டா சொன்ன கையோடு, தொடரவுள்ள மாதங்களுக்கான எனது planner-ஐப் பார்த்திடும் போது ஒரு மெல்லிய இளிப்பு குடிகொள்வதைத் தவிர்க்க .இயலவில்லை ! ஆண்டின் பெரும்பகுதிக்கு இஞ்சி தின்ற எதுவோ போலவே பொழுதுகளைக் கடத்தி வந்தவனுக்கு இப்போது home stretch-ஐப் பார்த்தது போலான உணர்வு !

மெகா இதழ்கள் தவிர்த்து நான் எதிர்பார்த்திருப்பது MAXI லயனின் இறுதி ஸ்லாட்டை நிரப்பிடப் போகும் ஆல்பத்தை எண்ணியே ! அறிவிக்கப்பட்டவை 6 MAXI இதழ்கள் ! அவற்றுள் MAXI-க்களாகவே இதுவரை வெளியாகியுள்ளவை மூன்று :

- இருளின் மைந்தர்கள் TEX – பாகம் 1

- இருளின் மைந்தர்கள் TEX – பாகம் 2

- பிசாசுப் பண்ணை லக்கி லூக்

பிப்ரவரியில் காத்துள்ள ARS MAGNA' வாண்டு ஸ்பெஷல்களின் 2 ஸ்லாட்களையும் ஒன்றிணைத்து ரூ.300 விலையிலான ஆல்பமாய் வரவுள்ளதால் MAXIs # 4 & 5 ஓவராகிடும் ! So எஞ்சி நிற்பது அந்த இறுதி ஸ்லாட் ! அதனை MAXI சைஸிலேயே லக்கி லூக்கின் “கௌபாய் எக்ஸ்பிரஸ்” or “சூ…மந்திரகாளி” மறுபதிப்புகளோடு நிறைவு செய்திடலாம் ! Or – அந்தக் களத்தினில் நமது ‘தல‘யின் வண்ண மறுபதிப்பில் ஏதோவொன்றை (டெக்ஸ்) ரெகுலர் சைஸிலேயே போட்டுத் தாக்கிடலாம் ! எந்த மஞ்சள்சட்டையார் அந்த ஆறாவது ஸ்லாட்டை ஆக்ரமித்தாலுமே உத்தரவாதமான ‘ஹிட்‘ என்பதில் ஏது ஐயம் ? So எந்த மஞ்சளுக்குக் கைதூக்கிடப் போகிறீர்கள் guys?

- MAXI சைஸில் லக்கி லூக்

or

- ரெகுலர் (டெக்ஸ்) சைஸில் ; கலரில் இரவுக்கழுகார் !

ஒல்லிப்பிச்சானுக்கே உங்கள் ஓட்டெனில் – அதை குதிரை மீதே சவரம் செய்து பயணம் செய்யும் சாகஸத்துக்கா ? அல்லது விரல் நீண்ட மாயாஜாலக்காரர் கதைக்கா ? என்பதையும் சொல்லி விடுங்களேன் ப்ளீஸ் ? திட்டமிடலில் தொக்கி நிற்பது இந்த ஒற்றை இதழ் மட்டுமே என்பதால் – இது குறித்து ஜல்தியாய் ஒரு தீர்மானத்துக்கு வந்தோமெனில் மேற்கொண்டு ஆக வேண்டிய வேலைகளைப் பார்த்து விட்டு புது அட்டவணைப் பணிகளில் சிறுகச் சிறுக விரல் நனைக்கத் துவங்கி விடுவேன் !

நடப்பாண்டின் ஒரு நகைமுரணைப் பற்றியும் இங்கே சுட்டிக்காட்ட நினைக்கிறேன்! ஆரவாரமாய் ஜனவரியில் துவங்கிய ரெகுலர் அட்டவணையானது ஜானவாசக் கார் போல ஆடியசைந்து பயணித்து வரும் நிலையில், ஏப்ரலில் துவக்கம் கண்ட ஜம்போ சீஸன் 3 இதோ- இந்த டிசம்பரோடு சுபம் காண்கிறது ! லேட்டாய் ஆரம்பித்தாலும் லேட்டஸ்டாய்த் தாக்குவது தானே தமிழகத்துத் தற்போதைய trend ? So அந்த பாணியில் நடப்பாண்டினில் சடுதியாய் சீஸன் 3-ன் ஆறு இதழ்களுமே களம் கண்டுவிட்டுள்ளன !!

- பிரிவோம் சந்திப்போம்

- ஜேம்ஸ் பாண்ட் 007 – நில்… கவனி… கொல்!

- தனித்திரு… தணிந்திரு… (Old Pa Anderson)

- மா துஜே சலாம் (ரஷ்ய செச்சன்ய யுத்தகளம்)

- கால வேட்டையர்

 &

- தி Lone ரேஞ்சர் – தகிக்கும் பூமி

பிப்ரவரியிலும், மார்ச்சிலும் களம் கண்ட ஜம்போவின் சீஸன் 2 இதழ்களான “அந்தியில் ஒரு அத்தியாயம்” (மார்ஷல் சைக்ஸ்) & “நில்…கவனி…வேட்டையாடு” (Zaroff) இதழ்களையுமே கணக்கில் சேர்த்துக் கொண்டால் 2020-ன் ஜம்போ count மொத்தம் 8 ஆகிடும் ! “சூப்பர் 6” என்று ரெகுலர் தடம் சார்ந்த நாயகர்களோடே முயன்றிட்ட எக்ஸ்ட்ரா இதழ்களின் தடத்தினை சற்றே tweak செய்து, one-shots களுக்கான பிரத்யேகத் தடமாக்கினாலென்ன ? என்ற மகாசிந்தனை ஒரு ரயில்ப் பயணத்தின் அப்பர்பெர்த்தில் துளிர்விட்ட போது, ஒற்றை ஆண்டின் ஆர்வக்கோளாறாக மாத்திரமே இது அமைந்திடக் கூடுமென்றே நினைத்திருந்தேன் ! ஆனால் இஷ்டப்பட்ட ஜானர்களையெல்லாம் வரம்புகளின்றி முயற்சிக்கும் சுதந்திரம் ரொம்பவே பிடித்துப் போனதால் சீஸன் 2-க்கு பிள்ளையார் சுழி போடும் ‘தகிரியம்‘ துளிர் விட்டது ! And உங்களுக்கும் இந்த freewheeling பாணி பிடித்திருந்ததால் – ஜம்போ இனி ‘அம்போ‘வாகிடாதென்ற நிச்சயம் பிறந்துள்ளது ! And இந்த 2020-ல் நாம் பார்த்துள்ள ஜம்போ இதழ்கள் ஒவ்வொன்றுமே ஒரு விதமல்லவா ?

- மார்ஷல் சைக்ஸ் – ஒன் ஷாட் கௌபாய்… சற்றே pathos சகிதம் !

- Zaroff – Pure thrills; ஒரு exotic பின்புலத்தில் ; மலைக்கச் செய்யும் சித்திரங்களுடன் !

- பிரிவோம்… சந்திப்போம் – மறுபடியுமொரு ஒன் ஷாட் கௌபாய் இதழ்! ஆனால் இதனிலுள்ள கதைமாந்தர்கள் ஒவ்வொருவரும் a different shade of grey ! மனித மனதைத் தோலுரித்துக் காட்ட முயன்ற முயற்சி!

- ஜேம்ஸ் பாண்ட் 2.0 – நவீன யுக espionage பற்றிச் சொன்ன ஒரு old school spy ! Again – ஜப்பானின் வித்தியாசப் பின்புலத்தில் !

- தனித்திரு … தணிந்திரு – ஒன் ஷாட்! ஹெர்மனின் அதகளத் தூரிகையோடு ! சொல்லப்பட்டது கதையல்ல… நாகரீகத்தின் ஒரு அவலப் பக்கமே !

- மா…துஜே…சலாம் – பார்த்திரா புதுக்களம்… படித்திரா புதுப் பாணி ! ஒரு கிழவியும், ஒரு புள்ளைத்தாச்சி நாயும் 96 பக்கங்களுக்கு நம்மைக் கட்டுண்டு செய்ய  மடியுமென்று நிரூபித்த கதை!

- கால வேட்டையர் – மெதுமெதுவாய் Sci-fi பக்கமாய் அடிவைத்திட ஒரு முதற்படி ! காதுல கணிசமான புய்ப்பமே என்றாலும், காமிக்ஸ் உலகின் ஒரு மெகா அங்கத்தின் பக்கமாய்ப் பாராமுகமாய் நாம் இருந்திட முடியாதென்பதற்கு ஒரு சிறு நினைவூட்டல் !

- தி Lone ரேஞ்சர்             -  டிசம்பர் 2020

Looking ahead – காத்திருக்கும் சீஸன் 4-ம் ‘திக்குக்கொரு தினுசு‘ என்றே அமைந்திடவுள்ளது ! சில நேரங்களில் கதாநாயகர்கள் / நாயகிகள் / தொடர்கள் / சீரான கதைவரிசைகள் என்பதையெல்லாம் தூக்கிக் கடாசி விட்டு, சிக்கிய சிக்கிய சுவாரஸ்யங்களையெல்லாம் படிப்பதும் ஒரு ரம்யமே என்பதை நாம் சிறுகச் சிறுக உணர்ந்து வருகிறோம் ! எனது கதைத் தேர்வுகள் மட்டும் சோடை போகாது தொடர்ந்திடும் பட்சத்தில், ஆனையார் ஆண்டுக்குப் பன்னிரெண்டு தபா பிளிறும் சாத்தியங்களும் இல்லாது போகாது – maybe in the distant future !

இதோ – நடப்பு மாதத்து ஜம்போவின் அட்டைப்பட preview & உட்பக்க previews ! 

ஒரிஜினல் அட்டைப்படமே ; லேசான வர்ண மெருகூட்டலுடன் ! கதையைப் பொறுத்தவரையிலும் “தனியொருவன்” ஆல்பத்தின் மெலிதான தொடர்ச்சியாகவும் இதைப் பார்த்திடலாம் ! அதற்காக அந்தக் கதையை மறுக்கா மனப்பாடம் செய்தாக வேண்டும் என்றெல்லாம் சொல்ல மாட்டேன் ; but துவக்கப் புள்ளியைப் பற்றிய ஞாபகம் இருப்பின், இந்த இறுதி புள்ளியினைப் புரிந்திட சுலபமாகிடும் ! And மாமூலான டமால்-டுமீல் சமாச்சாரங்கள் இம்முறையுமே ஜாஸ்தி இராது ! வன்மேற்கின் ஒரு யதார்த்த முகத்தோடே தொடர் பயணிக்கிறது ! சொல்லப் போனால் அமெரிக்க வரலாறு ; அரசியல் என்றெல்லாமே கூட கதாசிரியர் தொட்டுச் செல்கிறார் ! So வழக்கமான வெஸ்டர்ன் கதை பாணிகளில் அல்லாது, இங்கே மொழிபெயர்ப்பில் நிறையவே சிரத்தை தர அவசியப்பட்டுள்ளது ! என்ன – கலரிங் செம டார்க் வண்ணங்களில் இருப்பதால், பக்கத்துக்குப் பக்கம் அமாவாசை இருட்டுக்குள் ஆளாளுக்குச் சுற்றித் திரிவது போலவே உள்ளது மட்டுமே நெருடியது ! 

“தனியொருவன்” தொடர வேண்டிய ஒருவனா ? ‘அப்பாலிக்கா பார்த்துக்கலாம்‘ என சொல்லப்பட வேண்டியவனா ? என்பதை இனி நீங்களே தீர்மானித்தாக வேண்டும் folks!

And இதோ- போன வாரம் தலை மட்டும் காட்டிய க்ளிப்டனின் உட்பக்க preview :

IMAGE COMING SHORTLY 

As cartoons go – இது பக்கத்துக்குப் பக்கம் உங்களை விலா நோகச் செய்யப் போகும் கதையெல்லாம் நஹி ! மாறாக ஒரு ஜாலியான ஆக்ஷன் கதையை பிரிட்டிஷ் வாழ்க்கைமுறை சார்ந்த பகடிகளோடு, கார்ட்டூன் சித்திரங்களுடன் சொல்லிட முனையும் முயற்சியாய் இதைப் பார்த்திட்டால் no disappointments for sure ! பரபரவென படித்துக் கொண்டே போகாது, சித்திரங்களையும் கர்னலின் முகபாவனைகளையும் நிதானமாய் ரசித்துக் கொண்டே போனால் அந்நாட்களது மூத்த நகைச்சுவையாளர் திரு.பாலையா அவர்களின் ஜாடைகள் தென்படலாம் !

And இம்மாதத்தின் இதழ் # 3 – நமது ‘தல‘ சிங்கிள் ஆல்பமான “ஒரு கசையின் கதை!” போன மாதம் திகட்டத் திகட்ட 672 பக்கங்களுக்கு ரவுசு செய்திருக்கும் நம்மவருக்கு இந்தாண்டின் இறுதி slot அத்தனை பெரிதில்லை தான்! In fact 86 பக்கங்கள் மட்டுமேயான இந்தக் குட்டிப் பட்டாசு போன மாதத்து ஆயிரம்வாலாவின் முன்னே வெங்காய வெடியாகத் தோன்றக்கூடும் தான்! ஆனால் 12 மாதத் திட்டமிடலை 15 மாதங்களுக்கு நீட்டிக்க நேரிடும் போது இது போன்ற எதிர்பாரா வறட்சிகளும் தலைகாட்டக்கூடும் தான்! In fact காத்திருக்கும் 64 பக்க கலர் டெக்ஸ் தொகுப்பானது மட்டுமே, புது அட்டவணை வரையிலான டெக்ஸ் சாகஸம்! Maybe நீங்கள் MAXI லயனின் அந்தக் கடைசி ஸ்லாட்டுக்கு இரவுக்கழுகாரையே தேர்வு செய்திடும் பட்சத்தில் இடையே ஒரு quick ஜாக்பாட் அடித்திட வாய்ப்புள்ளது! Depends on எந்த மஞ்சளுக்கு ‘ஓ‘ போடவுள்ளீர்கள்!! இதோ இந்த சிங்கிள் ஆல்பத்துக்கான அட்டைப்பட முதல்பார்வை! And இது சில காலம் முன்பாகவே நமது ஓவியர் மாலையப்பன் வரைந்தது! Probably நடப்பாண்டின் ஒரே அட்டைப்படம் நம் ஆஸ்தான ஓவியரின் கைவண்ணத்தினில்!

Looking ahead, ஜனவரியின் சென்னைப் புத்தக விழா சார்ந்த தீர்மானத்தினை அரசும், BAPASI-ம் எடுத்திட்ட பின்னரே நமக்கு ஏதேனும் தெளிவு பிறக்கும்! விழா இம்முறை நடந்திட்டால்; நமக்கு ஸ்டால் கிடைத்திடும் பட்சத்தில் சென்னைக்கு நமது கேரவன் உருண்டோடி வரும்! அவ்விதம் நிகழ வாய்ப்பின்றிப் போகும் பட்சத்தில் ஜனவரியில் நமது ஆன்லைன் புத்தக விழா இருந்திடும்! And போன தபா போலவே இம்முறையும் out of the blue இதழாய், இதழ்களாய் எதையேனும் களமிறக்க முடிகிறதா ? என்று பார்த்திட வேண்டும்!

Before I sign out – இரத்தப் படலம் வண்ண முன்பதிவுகள் சார்ந்ததொரு quick note ! "157" என்ற நம்பரில் புக்கிங்குகள் நிலை கொண்டிருக்க, ஏப்ரல் 2021 & மே 2021 என்ற 60 நாட்களது slot மட்டுமே மேற்கொண்டான புக்கிங்களுக்கு அவகாசமாய்த் தந்திடவுள்ளோம் ! And எண்ணிக்கை 250-ஐ தொட்ட கணமே பணிகளைத் துவக்குவதாகவுள்ளோம் – மீதம் 50+ புக்கிங்குகள் எப்படியும் தேறிவிடும் என்ற நம்பிக்கையினில் ! So ஈரோடு 2021 நடைமுறையாகிடும் பட்சத்திலும் சரி, நிகழாது போனாலும் சரி - ஆகஸ்ட் 2021-ல்  இந்த மறுக்கா-மறுக்கா-மறுக்கா மெகா இதழ் வெளிவந்திடும் ! இதுவே திட்டமிடல் ! And மே 31 2021க்குள் வண்டி பிக்கப்பே ஆகவில்லையெனில் ஜுன் முதல் தேதிக்கு அவரவரது முன்பணங்கள் வாபஸ் செய்திடப்படும் - முழுமையாய் ! There will be no further time extensions at all !! 

இதற்கிடையே அவ்வப்போது ‘எனக்கு 6 மாசம்லாம் காத்திருக்கப் பொறுமை லேது ; பணத்தைத் திருப்பியனுப்புங்க !‘ என்ற ஓரிரு கோரிக்கைகள் வராமல் இல்லை ! So ஏதேனும் காரணங்களின் பொருட்டு இந்த முன்பதிவுகளிலிருந்து நீங்கள் பின்வாங்கிட விரும்பிடும் பட்சத்தில் – your last date to do that will be December 15, 2020 ! இந்தத் தேதிக்குப் பின்பாய் வாபஸ் கோரிக்கைகள் வரவேற்கப்பட மாட்டாது என்பதைத் தெளிவாக்கிடுகிறேன் folks ! இது பணம் சார்ந்த விஷயமாக மட்டுமே இருந்திடும் பட்சத்தில் 157 பேருமே நாளையே காசைத் திரும்பக் கேட்டாலும், அந்தக் கோரிக்கையின் மசி உலரும் முன்னமே பைசா சுத்தமாய் திரும்ப ஒப்படைக்கும் ஏற்பாடுகள் ரெடியே ! ஆனால் இந்தத் திட்டமிடலின் எதிர்காலமே உங்கள் ஒவ்வொரு புக்கிங்குகள் என்ற செங்கல்களின் மீது அமர்ந்திருப்பதால் இடையிடையே செங்கல்களை உருவிட அனுமதித்தால் கட்டிய மொத்தமும் சரிந்தது தான் பலனாகிடும்! So back out செய்ய நினைத்திடும் பட்சத்தினில் டிசம்பர் 15க்கு முன்பே செய்திட்டால் – தயாராகியிருக்கும் கட்டுமானத்தின் பலத்தை நானும், நீங்களும் சரியாய்க் கணித்த புண்ணியம் கிட்டும்! So டிசம்பர் 15-க்குப் பின்பாய் இது குறித்து நம்மவர்களிடம் குரலை உசத்திட வேண்டாமே ப்ளீஸ் !

And while on the topic of இரத்தப் படலம் - இந்தப் புது ஆல்பங்களுடனான இரண்டாம் சுற்று இன்னும் எத்தனை தொலைவுக்கு நீண்டிடும் ? எப்போது நிறைவு கண்டிடும் ? என்ற தகவல்களும் படைப்பாளிகளிடமிருந்து கிட்டியுள்ளன ! சுவாரஸ்யமான அதனை வாகான நேரத்தில் பகிர்ந்திடுவேன் folks !

ஒரு கத்தை தோர்கல் பக்கங்கள் எடிட்டிங்கோசரம் காத்திருப்பதால் அடியேன் அங்கு நகர்கிறேன் folks ! இந்த வாரத்தினில் டெஸ்பாட்ச் இருக்குமென்பதால், அடுத்த ஞாயிறின் பதிவுப் படலத்தை உங்கள் முதற்பார்வைகள் ; நடுப்பார்வைகள் ; சைடுப் பார்வைகள் என ஏதோவொன்றால் நகர்த்திடுவோம் ! So கொஞ்சமாய் நேரத்தை ஒதுக்கிக் கொள்ளுங்களேன் - please ! Bye for now ! See you around !

படைத்தவருக்கும்....நம்மைப் படித்தவர்களுக்கும் ...!!

 நண்பர்களே,

வணக்கம். நிறைய விஷயங்களைப் பகிர்ந்து ஒரு பெரிய பதிவை உருவாக்கலாம் தான் – இத்தனை நாட்களாய் நான் செய்து வந்ததைப் போல ; God willing தொடரும் நாட்களிலும் நான் செய்யப் போவதைப் போல ! அதே சமயம் பெரிய விஷயங்களைச் சுருக்கமாய்ப் பகிர்ந்துமே நிறைவானதொரு பதிவை உருவாக்க முடியுமா ? முடியும் என்பேன் ! Read on please...!!

ரொம்பச் சமீபத்தில் எனக்கொரு வாட்சப் சேதி :

”ஸ்பைடரின் “சர்ப்பத்தின் சவால்” புக்கில் நண்பர் JSK-க்கு நீங்கள் எழுதியிருந்த tribute--ஐப் படித்த கையோடு இதை எழுதத் தோன்றுகிறது !” என்று ஆரம்பித்தது அந்த மெசேஜ் ! 

ரொம்பவே பரிச்சயமான நண்பரே எனும் போது - ‘அட... என்ன சொல்ல வருகிறாரோ?‘ என்று அறியும் ஆவலில் தொடர்ந்து படித்தேன் ! 

”மறைந்த நண்பருக்கென ஒரு ஸ்பெஷல் இதழ் போட்டிருப்பது பிரமாதம் ; ஆனால் அவரது குடும்பத்துக்கென ஏதேனும் செய்திட சாத்தியப்பட்டுள்ளதா ?" என்று நண்பர் வினவினார் ! 

சின்னதொரு தயக்கத்துக்குப் பின்னே- "பெரிதாய் எதுவும் நடைமுறை கண்டிருக்கவில்லை சார் ! ஏற்கனவே JSK-ன் மருத்துவ சிகிச்சைக்கென நண்பர்கள் இயன்ற சிறு பங்கினை செய்திருக்கும் நிலையில், அவர்களை மேற்கொண்டும் சங்கடப்படுத்த நான் விழையவில்லை!” என்றேன்!

“அதுவும் சரி தான்; இந்தக் கொரோனோ காலத்தில் யாரது நிலவரமும் சொல்லிக் கொள்ளும் விதமாய் இருக்கலை தான் !” என்று நண்பரின் பதில் வந்தது !

”ஆமாம் சார் ! மேலோட்டமாய் இது குறித்து நான் பேசி விட்டு நண்பர்களது பிரியங்களுக்கு விட்டு விட்டேன் !” என்றேன் !

“இழப்பைச் சந்தித்திருக்கும் அந்தக் குடும்பத்துக்கு நம் காமிக்ஸ் குடும்பத்தின் சார்பாக ஏதாச்சும் செய்யணுமே சார் !” என்று தொடர்ந்தது நண்பரின் அடுத்த மெசேஜ் !

“எனக்கும் அந்த அவா உள்ளது தான் சார் ! Maybe ஒரு வாகான சந்தர்ப்பத்தில் நம்மிடமிருக்கக்கூடிய ஒருசில அட்டைப்பட பெயிண்டிங்குகள் ; முந்தைய artwork போன்றவற்றை நம்மவர்கள் மத்தியில் ஒரு ஏலம் போல நடத்தி, அதனில் கிடைக்கும் தொகைகளையும், நமது பங்களிப்பையும் இணைத்து நண்பரின் குடும்பத்துக்குத் தரலாமா ? என்ற ரீதியில் எண்ணமுள்ளது சார்!” என்றேன்!

”போச்சு போங்க – நீங்களும் கடைவிரிச்சு விற்க ஆரம்பிச்சாசா...? நாங்க விற்றா குற்றம்... நீங்க வித்தா மதர் தெரசாவா..? ன்னு  அதுக்கும் உங்களைத் துவைத்து தொங்க விடுவாங்க சார் ! வேண்டாமே அந்த எண்ணம் !” என்றார் !

”அட... நம்மளைத் துவைப்பதுலாம் துவையல் அரைக்கிறதை விடச் சுளுவாச்சே சார்...?! தவிர நான் விற்கலாம் என்று நினைப்பவையுமே அட்டைப்படங்கள் ; ஆர்ட்வொர்க் என collector’s value கொண்டவை மாத்திரம் தானே ? அதில் பெருசாய் என்ன சர்ச்சை நேரக்கூடும் ?” என்றேன் !

"வேண்டாம் சார்! ஒரு நல்ல காரியத்துக்கு எதையேனும் செய்யப் போய் அதுவுமே விவாதப் பொருளாகிட வேண்டாமே ! மாறாக – ஏதேனும் ஒத்தாசை செய்திட ஆண்டவன் அருளால் நல்ல நிலையில் உள்ள மிகச் சிறிய வட்டத்திடம் நானே கேட்டுப் பார்க்கட்டுமா ? இந்த ”சர்ப்பத்தின் சவால்” புக்கின் மூலமாய் உங்களுக்குக் கிடைக்கக்கூடிய லாபத்தை உங்கள் பங்களிப்பாக வைத்துக் கொள்ளலாம் ; நான் உட்பட இன்னும் இருவர் – ஆக மொத்தம் 3 வாசகர்கள் அதே அளவுத் தொகையினை அவரவரது பங்களிப்பாகச் செய்திடுகிறோம் ! ஆக 4 பங்குத் தொகையினையும்  லயனின் அன்புடன் JSK-ன் குடும்பத்துக்கு வழங்கிடலாமே சார் ?! என்ற மெசேஜைப் படித்த போது எனக்கு விக்கித்துப் போனது !

“இல்லை சார்! யாரையும் தர்மசங்கடத்தில் ஆழ்த்திட வேண்டாமே... ஏற்கனவே சிரமத்திலுள்ள நண்பர்களின் சந்தாக்களுக்கு ; ”கழுகு வேட்டை” விலையில்லா இதழுக்கென ஏகமாய் தயாள முகங்களைக் காட்டியுள்ள நிலையில் மேற்கொண்டும் சிரமப்படுத்த வேண்டாமே ?!” என்றேன்!

”அப்படியில்லை சார்; நான் மனதில் வைத்திருக்கும் இருவருமே துளி கூடத் தயக்கமின்றி உதவத் தயாராக இருப்பார்கள் ! இழப்பின் வலியானது முதல் ஆண்டில் தான் ரொம்பவே ரணமாய்ப் படுத்திடும் அந்தக் குடும்பத்தை ! இந்தச் சமயத்தில் ஏதேனும் உதவிட முடிந்தால் அது அவர்களுக்கு ஏதேனுமொரு விதத்தினில் பிரயோஜனப்படக்கூடும் !” என்றார் ! 

தொடர்ந்த சேதிப் பரிமாற்றத்தில் தொகைகள் ; யார்-யாரிடமிருந்து ஒத்தாசை கோரிடவுள்ளார் ? எப்போது பணம் அனுப்புவது ? என்ற தகவல்கள் பரிமாறிடப்பட்டன !

And இது நடந்து ஒரு வாரம் பின்பாய் – இந்த புதனன்று மீண்டும் வாட்சப் சேதி ! ”சார்... மூவரது பங்களிப்பும் உங்கள் அக்கவுண்டில் சேர்ப்பித்தாயிற்று !!” என்று ! 

ஏற்கனவே வங்கியிலிருந்து வந்திருந்த குறுந்தகவலும் அதை ஊர்ஜிதப்படுத்தியிருக்க – கரம் கூப்பும் படங்களை அனுப்பி வைப்பதைத் தாண்டி வேறெதுவும் செய்யத் தோன்றவில்லை !

”அப்புறம் ஒரு சின்ன வேண்டுகோள் சார் ! தயவு செய்து மூவரது பெயர்களையும் வெளியிட வேண்டாம் ! இது லயனின் ஒத்தாசையாகவே களம் காணட்டும் !” என்று...!

மறுபடியும் தொண்டை அடைத்தது எனக்கு !! ”சார்... தெருமுனையில் ஒரு கேன் கபசுரக்குடிநீர் தருவோரே 40 அடி உசரத்துக்கு பேனர் வைக்கும் நாட்களிவை ! இந்த வேளைகளில், அனாமதேயர்களாய் நீங்கள் தொடர்ந்திட விரும்புவது வேண்டாமே ?! இந்த அன்புகள் அங்கீகாரம் காண வேண்டுமே !” என்றேன் !

நொடியும் தாமதமின்றி வந்த பதில் இது தான் : 

“Lion is a family sir !!" 

சுருக்கமாய் கிட்டிய நண்பரது பதில் என்னைச் சாய்த்து விட்டது ! 

உடன்பிறந்தோருக்குச் செய்யவே கணக்குப் பார்க்கும் உலகமிது...! நம் குடும்பம்... நம் பிள்ளைகள்... நம் வட்டம் ! என சகலமுமே ஒரு சிறு வளையத்தினுள் அடங்கிப் போயிருப்பது யதார்த்தம் ! And இதன் பொருட்டு சத்தியமாய் யாரையும் குறை சொல்வதில் அர்த்தமும் கிடையாது என்பதை இந்தப் பேரிடர் காலமும் உணர்த்தியுள்ளது ! ஒற்றை வைரஸின் வருகையால் தடம்புரண்ட தொழில்கள் ; உத்தியோகங்கள் ; பிழைப்புகள் தான் எத்தனை – எத்தனை ? என்பதை நாம் தான் நித்தமும் பார்த்து வருகிறோமே ?! So ‘தனக்குப் போகவே தர்மம்‘ என்பது ஒரு எழுதப்படா விதியாகிவிட்டிருக்கும் இந்தக் காலகட்டத்தினில் – ஒரு பொம்மை புக் மீதும், அதன் குறுகிய வாசக வட்டத்தின் மீதும் இத்தனை நேசமும், அபிமானமும் கொண்டிட சாத்தியப்படுகிறதெனில் அதனை விளக்கிட வார்த்தைகள் பற்ற மாட்டேன்கின்றன ! And to top it all இப்போது உதவியுள்ள 3 நண்பர்களுக்கும் நண்பர் JSK உடன் நேரடிப் பரிச்சயம் இருந்திருக்க வாய்ப்புகள் ரொம்ப ரொம்ப சொற்பம் ! Makes it all the more awesome !!

இந்தக் காமிக்ஸ் பயணத்தை ஒருங்கிணைக்கும் பொறுப்பிலிருக்கும் எனக்கு, “காமிக்ஸ் குடும்பம்” ; ”வாசகக் குடும்பம்” என்ற பதங்களைப் பயன்படுத்துவது பழகிப் போனதொரு சமாச்சாரமே ! ஆனால் – அதனை மெய்ப்பிக்கும் இத்தகைய தருணங்கள் இந்த ஒட்டுமொத்தப் பயணத்துக்குமே ஒரு புது அர்த்தத்தை வழங்குகின்றன ! ஒரு பேரிடரின் மத்தியிலும் ; மழையும் ; புயலும் வதைக்கும் நாட்களிலும் கூட, வாழ்க்கை தனது சந்தோஷப் பரிமாணத்தைக் காட்டுவது ஆண்டவனின் அசாத்தியத் திட்டமிடல்களை yet again புரியச் செய்கிறது ! கரம் கூப்புகிறேன் - படைத்தவருக்கும் ; நம் முயற்சிகளைப் படிப்பவர்களுக்கும் !

நிதியாய் உதவிடும் சூழலில் இல்லாத நமது இதர நண்பர்களுமே இந்தச் சந்தோஷங்களின் ஒரு இன்றியமையாப் பங்கென்பதில் எனக்குக் கிஞ்சித்தும் சந்தேகங்களில்லை ! ஒவ்வொரு ஓவியத்திலும், ஒவ்வொரு வர்ணமும் சமஅளவில் முக்கியம் தானே guys ? நீங்கள் ஒவ்வொருவரும் இணைந்திடும் போது தானே "லயன்" எனும் கோலம் பூர்த்தி காண்கிறது ?!! So உங்கள் ஒவ்வொருவரின் சார்பிலும் modest ஆன அந்தத் தொகையினை நண்பர் JSK–ன் குடும்பத்துக்கு வரும் புதனன்று  அனுப்பிடவுள்ளோம் – ஏதோ ஒரு சிறு விதத்தில் அது அவர்களுக்கு உதவிடக்கூடுமென்ற நம்பிக்கையில் ! நண்பர் கரூர் குணா – விபரங்களை ஈ-மெயிலில் அனுப்பிடுங்கள் ப்ளீஸ் !

So முன்னோட்டங்கள்; பின்னோட்டங்கள்; சைடு ஓட்டங்கள் என்ற எந்தச் சமாச்சாரமுமில்லாத ஒரு பதிவை நிறைவுக்குக் கொணர்வதில் முதன்முறையாய் முழு நிறைவு எனக்குள் !

‘இதுவும் கடந்து போகும்...!‘ என்பது நாமெல்லாம் உணர்ந்துள்ள வேதவரிகள் ! ஆனால் கடப்பது துயர்களாக மட்டும் இருந்திடும் ; மனிதமாக ஒருபோதும் இருந்திடாது என்பதை நிலைநாட்டிய அன்புகளுக்கு சிரம் தாழ்த்திடுகிறேன் !

Bye all... See you around !

ஆங்...அப்புறம் பதிவோடு ஏதாச்சும் படம் வந்திட வேண்டுமல்லவா ? Surprise entry தரவிருக்கும் நமது கேரட் மீசைக்காரரின் அட்டைப்பட preview இதோ ! 

கேள்விகள் கணிசம் !

 நண்பர்களே,

வணக்கம். தீபாவளியும் முடிந்து ; விடுமுறைகளும் முடிந்து ; பலகாரங்களை விழுங்கியதன் பலனான புளிச்ச ஏப்பங்களையும் மறந்து, பணிகளுக்குத் திரும்பிய நிலையில் நமது நவம்பர் இதழ்களும் உங்களின் அலமாரிகளுக்குள் ஒன்றன்பின் ஒன்றாய்த் தஞ்சம் புகத் துவங்கியிருக்கும் என்று நினைக்கிறேன் ! Maybe இன்னமும் "குண்டு புக்" பக்கமாய் முழுசும் நேரத்தைத் தந்திட இயலா நண்பர்கள் கூட "அமாயா" அம்மிணியினையும் ; கால வேட்டையரின் ரவுசு பார்ட்டிகளையும் "கண்டுக்காது " போயிருக்க மாட்டார்கள் என்றே நினைக்கிறேன் ! Anyways - நம்மைப் பொறுத்தவரைக்கும் சக்கரங்கள் நின்று நிதானிக்க என்றைக்குமே நேரம் லேது என்பதால் டிசம்பரின் கத்தைக்குள் மண்டையை நுழைத்துக் கிடக்கிறோம் ! ஆனால் இந்த வாரத்துப் பதிவு டிசம்பரின் முன்னோட்டம் பற்றியானது அல்ல ; மாறாக சில கேள்விகள் + சில பல புது வருகைகள் (வரவுகளல்ல !!) பற்றியது !

புது அட்டவணையினை அறிவித்த கையோடு, உங்களின் சந்தாத் தொகைகளை கிடைக்கப் பெற்ற பொழுதே கதைகளுக்கான கோரிக்கைகளை அனுப்பும் பணியில் ஜரூராகி விட்டேன் ! இப்போதெல்லாம் மொழிபெயர்ப்புகள் & கதைகளின் கோப்புகள்  கைக்குக் கிட்டுவதில் நிறையவே சுணக்கங்கள் நேர்ந்து வருகின்றன - simply becos ஐரோப்பாவில், குறிப்பாக பிரான்சிலும், இத்தாலியிலும் கொரோனாவின் இரண்டாம் அலை போட்டுத் தாக்கி வருகிறது ! ஆகையால் நமது பதிப்பகங்களின் பெரும்பான்மை & இத்தாலிய மொழிபெயர்ப்பாளர்கள் இன்னொரு லாக்டௌனில் உள்ளனர் ! So இயன்றமட்டுக்குச் சீக்கிரமாய்க் கோப்புகளை வரவழைத்து விட்டால், முன்கூட்டியே அட்டைப்பட டிசைனிங் ; மொழிபெயர்ப்பு போன்ற வேலைகளைத் தூங்கி விடலாமல்லவா ? அந்த முயற்சிகளுக்கு உதவியுள்ள நமது first batch சந்தா நண்பர்களுக்கு ஒரு ஸ்பெஷல் நன்றி !! ஏற்கனவே இவற்றின் முன்னோட்டங்களைப் பார்த்தே கதைத்தேர்வுகளைச் செய்திருந்தேன் என்றாலுமே, முழுசாய் கதைகளை ஒருசேரப் பார்க்கும் போது - கண்ணாடிக் குடுவை நிறைய சோன்பப்டியை நிரப்பிக் கொண்டு 'டிங் .டிங்' என்று மணியடித்தபடிக்கே தெருவுக்குள் போகும் வண்டியை ஒரு 45 வருஷங்களுக்கு முன்னே பார்த்த அதே குஷி கிளம்புகிறது ! அவற்றிலிருந்து சில சுவாரஸ்யங்களே இவ்வாரத்து highlights : 

நமது மறதிக்காரரே பட்டியலில் முதல்வர் ! பத்து நாட்களுக்கு முன்பே கோப்புகள் முழுசாய் வந்திருப்பினும், தீபாவளி பணிகள் + விடுமுறைகளின் மும்முரத்தில் இதனுள் ரொம்பவே தலை நுழைக்க முடியவில்லை ! இந்த வாரத்தில் சாவகாசமாய் அவற்றைப் புரட்டினால் - ஆக்ஷன் + சித்திர அதகளம் பிரித்து மேய்வதைப் பார்த்திட முடிந்தது ! செம இக்கட்டான கட்டத்தில் "தொடரும்" போட்டிருந்த 2132 மீட்டர் இதழுக்குச் சந்தனமும் சளைத்ததில்லை போலும் இந்த பாகம் 27 ! And எனக்கு மனசுக்குப் படுவது - சித்திர தரங்களில் இந்த இரண்டாம் சுற்றின் தயாரிப்புத்தரம்  பிதாமகர் வில்லியம் வான்ஸையே தூக்கிச் சாப்பிட்டு விட்டுள்ளது என்பதே ! Of course - 'அபச்சாரம் ; வான்சோடு ஒப்பிடுவதா ?' என்று புருவங்கள் உயரும் என்பது புரியாதில்லை - ஆனால் இங்கு நான் குறிப்பிடுவது வெறும் சித்திரங்களின் தர அளவுகோல்களை மனதில் கொண்டு அல்ல ! ஒவ்வொரு பிரேமுக்கும் கதாசிரியர் + ஓவியர் கூட்டணியானது அமைக்க உத்தேசித்திடும் ஷாட்களே அந்த ஆல்பத்தின் ஒட்டுமொத்த flow + தரத்தை நிர்ணயிப்பவை ! அந்த விதத்தில் பார்த்தால் புதியவர்கள் 16 அடி பாய்ந்துள்ளனர்  என்பது கண்கூடு ! பாருங்களேன் இந்தச் சித்திர அதகளங்களை !! And எல்லாவற்றையும் விட ஒரு செம ட்விஸ்ட் இந்த ஆல்பத்தின் இறுதியில் காத்துள்ளது ! So இந்த இரண்டாம் சுற்று இத்தோடு முற்றுப் பெறுவதாகவெல்லாம் இல்லை ; டாப்கியரில் ஆல்பம் 28-ம் அடுத்த டிசம்பரில் வரும் போலும் !! 

பார்ட்டி # 2 கூட நமக்கு ரொம்பவே அறிமுகமானவரே & ஓவியர் வில்லியம் வான்சுக்குமே இங்கு சம்பந்தமுண்டு ! Yes - முதலைப்பட்டாளமும், ப்ருனோ ப்ரேஸிலும் ஒரு புத்தம்புது அவதாரத்தில் மறுவருகை காண்கின்றனர் ! சாகச வீரர் ரோஜர் 2 .0 ; ரிப்போர்ட்டர் ஜானி 2 .0 போல - இது ப்ருனோ 2 .0 ! ஒன்றரை ஆண்டுகளுக்கு முன்னமே இந்த முயற்சியின் துவக்க ஆல்பம் வெளிவந்துள்ளது ! அது பற்றி அப்போதே திருவாய் மலர்ந்தேனா ? என்ற நினைவு இல்லை ; so at the risk of sounding repetitive - இதோ அதன் விபரங்கள் ! இம்மாதம் பாகம் # 2 வெளியாகியதால், அவற்றின் கோப்புகளை வாங்கிப் பராக்குப் பார்க்கும் ஆவலை அடக்க முடியவில்லை ! ரகளையான ஆக்ஷன் ; கிட்டத்தட்ட அதே மாதிரியான ப்ருனோ ; புராதனமில்லா கதைக்களம் என்று மினுமினுத்ததால் - சூட்டோடு சூடாய் அவற்றை நமது பிரெஞ்சு மொழிபெயர்ப்பாளருக்கு அனுப்பி கருத்துக் கேட்டிருந்தேன் ! "ஏகமாய் ஆக்ஷன் ; its alright as an adventure story !!" என்ற குறிப்பினை  அனுப்பியிருந்தார் ! பற்றாக்குறைக்கு நம்ம ப்ருனோ சார் ஒரு டாடியாகவும் வலம் வருவது போல் கதையோட்டம் உள்ளதாம் ! படைப்பாளிகளிடம் "இந்தத் தொடரும் இனி ரெகுலராக வெளிவருமா ?" என்று கேட்டிருந்தேன் ! அடுத்தாண்டில் இன்னுமொரு சிங்கிள் ஆல்பம் திட்டமிடப்பட்டுள்ளதாம் இந்த வரிசையினில் ! So ஒட்டுமொத்த வரவேற்பிற்குப் பின்பாய் தொடர்வதா ? வேண்டாமா ? என்ற தீர்மானத்துக்கு வருவார்கள் போலும் ! 

MY QUESTION # 1 IS : இன்னா பண்ணலாம் இந்தப் புதுப் படைப்புகளை ? இந்த உட்பக்க preview-களைப் பார்த்தபடிக்கே யோசிச்சுச் சொல்லுங்களேன் !  போடலாமே ! என்றால் கலரிலா ? ப்ளாக் & ஒயிட்டிலா ? முதல் பக்கத்தைப் பாருங்களேன் - b&w-ல் கூட தெறிக்கின்றது ! 

பார்ட்டி # 3 கூட நமது சமீபத்தைய தோஸ்த்தே ! அவர் வேறு யாருமில்லை - நமது திடகாத்திர அண்டர்டேக்கர் தான் ! ஏற்கனவே வெளிவந்து விட்டுள்ள ஆல்பம் # 5-ன் முழுமையையும், அதன் க்ளைமாக்ஸ் பாகம் பற்றிய குறிப்புகளையும் அனுப்பியுள்ளனர் ! As always - கதைக்களமும், சித்திரங்களும் மெர்சலாக்குகின்றன ! அடுத்த ஒன்றரை மாதங்களுக்குள் க்ளைமாக்ஸ் ஆல்பமும் ரெடியாகிடும் என்று தெரிவதால் 2021-ல் மனுஷன் மறுக்கா நம்மிடையே களம்காண்பதில் சந்தேகங்களில்லை !  இங்குமே கூட black & white-ல் அனல் பறக்கிறது பாருங்களேன் !! இந்தச் சித்திரங்களது கறுப்பு-வெள்ளை ஒரிஜினல்கள் இந்த வாரம் ஏதோவொரு நற்காரியத்துக்கென ஏலத்திற்கு வந்துள்ளது போலும் ! பெரிய விலைகள் கிட்டியிருக்குமென்று நினைக்கிறேன் !! 

தொடர்வதோ - நமது ஆதர்ஷ 'தல' சார்ந்த சேதி ! Or rather - 'தல' டெக்சின் சகோதரர் சார்ந்த சேதி ! இரவுக்கழுகாரின் குடும்பமே படுகொலை செய்யப்பட்டது பற்றியெல்லாம் இளம் டெக்சின் கதையிட்டங்களில் குறிப்புகளைப் பார்த்திருப்போம் நாம் ! And "சிங்கத்தின் சிறுவயதில்" இதழில் இது பற்றி கொஞ்சம் நிறையவே குறிப்புகளிருந்தன ! இப்போதோ ஒரு படி மேலே சென்றுள்ளனர் போனெல்லியில் - டெக்சின் சகோதரருக்கென ஒரு ஆல்பம் ஒதுக்கியுள்ள வகையினில் ! பாருங்களேன் - அதன் டிரெய்லரை !! "வில்லர்" குடும்பத்துப் பிரதிநிதி எனும் போது நிச்சயமாய் இவர் சோடை போக மாட்டாரென்று தைரியம் கொள்ளலாம் ! 

MY QUESTION # 2 IS : தொடரும் மாதங்களில் இவரையும் நம் அணிவகுப்பினில் இணைத்திடலாமா என்பதே ! What say people ?

Next in line - இன்னொரு ஜாம்பவானே !! நமது evergreen மாயாவியாரே !! பிப்ரவரியில் மாயாவியின் ஒரு black & white தொகுப்பினை இங்கிலாந்தில் அழகாய் மறுபதிப்பிடவுள்ளனர் ! 40 பக்கங்கள் + 40 பக்கங்கள் + 22 பக்கங்கள் + 8 பக்கங்கள் + 8 பக்கங்கள் - என 118 பக்கங்களுடனான ஆல்பமாக இது இருந்திடவுள்ளது ! இதோ - அதற்கென அவர்கள் தயார் செய்துள்ள அட்டைப்படமும் ! 

MY QUESTION # 3 IS : மறுபதிப்புகளே என்றாலும் - சூட்டோடு சூடாய் நாமும் இங்கே துண்டை விரித்திடலாமா folks ? என்பதே !

அடுத்த வரவும் பிரிடிஷ்காரரே & இவரும் நாம் அறிந்தவரே !! என்ன ஒரே வித்தியாசம் - மனுஷன் இப்போது கலரில் மறுபதிப்பு காண்கிறார் ! யெஸ் - ரகசிய ஏஜென்ட் ஜான் ஸ்டீல் போன மாதம் முழுவண்ணத்தில் - 2 சாகசங்கள் கொண்டதொரு ஆல்பத்தோடு வெளிவந்துள்ளார் ! அவற்றுள் ஒரு கதை நாம் ஏற்கனவே திகில் காமிக்ஸில் படித்தது & இன்னொன்று புதுசு ! என் மட்டிற்கு இவர் ஒரு favorite நாயகரே ; ஆனால் நிங்கள் என்ன நினைச்சூ ? என்பதே ஐநூறு டாலர் கேள்வி ! 

MY QUESTION # 4 IS : இந்த பஸ்ஸிலும் ஒரு சீட் போட்டு விடலாமா ? இல்லாங்காட்டி நாங்க நடந்தே வந்துடறோமே ?' என்று சொல்லி விடலாமா ?

அடுத்த 2 கேள்விகளுமே identical & அந்தக் கேள்விக்குரியவர்களுமே பிரிட்டிஷ்காரர்களே & நமக்குப் பரிச்சயமானவர்களே ! முதலாமவர் - துப்பறிவாளர் செக்ஸ்டன் ப்ளேக் !! முத்து காமிக்ஸில் இவரது சாகசங்கள் சில வெளி வந்திருந்தது நினைவிருக்கலாம் ! நாம் இன்னமும் பார்த்திராக் கதைகள் இக்கட நிறையவே உண்டு ! 2021-ல் ஒரு செக்ஸ்டன் ப்ளேக் தொகுப்பினை இங்கிலாந்தில் வெளியிடவுள்ளனர் என்பதால் - இதனில் நமக்கும் ஆர்வம் இருந்திடக்கூடுமா ? என்ற கேள்வி என்னுள் எழுந்தது ! 

அதே போல - நமது துவக்க நாட்களது திகில் காமிக்ஸில் வெளியான அந்தத் திகில் சிறுகதைகள் அனைத்துமே அந்நாட்களில் வெளிவந்து கொண்டிருந்த MISTY எனும் fleetway வாராந்திர இதழினில் வெளியானவைகளே ! கடந்த 2 ஆண்டுகளாகவே அதனில் வந்த தொடர்கதைகளை black & white -ல் மறுபதிப்பு செய்து வருகின்றனர் படைப்பாளிகள் ! இந்தாண்டு வண்ணத்தில், நாம் இதுவரையிலும் கண்ணில் பார்த்திரா 2 திகில் கதைகளோடு ஒரு வின்டர் ஸ்பெஷல் வெளியிடுகின்றனர் ! இதோ அவற்றின் previews : 

MY QUESTIONS # 5 & 6 ARE : 

செக்ஸ்டன் ப்ளேக்குக்கு 'ஜே' போட்றதா ? தொடர்பு எல்லைக்கு அப்பாலிருப்பதா ? 

மிஸ்டி வண்ணக் கதைகள் worth a try என்பீர்களா ? 

இந்த ஞாயிறுக்கு உங்கள் பதில்களே உரமூட்டவுள்ளன என்பதால் - கொசுறாய் ஒரு கேள்வியையும் கேட்டு வைத்து விட்டு நடையைக் கட்டுகிறேனே : அது அம்மிணி அமாயா பற்றியது ! ஏற்கனவே ராணி காமிக்ஸின் உபயத்தினில் உங்களில் பலருக்குப் பரிச்சயமான கதையே என்பதால், கொஞ்சம் தகிரியமாய் இந்தப் புரட்சிப் பெண்ணை (ஹி..ஹி..பில்டப் முக்கியமில்லீங்களா ?) உலவ விட்டேன் ! கோகிலாவின் உபயத்தில் சித்திர சென்சாரும் ; ஏவாஞ்செலின் உபயத்தில் முதல்நாள் 'தளபதி' படப்போஸ்டர்களைப் போல 'சப்பக்..சப்பக்' என வசன பலூன்களை strategic இலக்குகளில் ஓட்ட முடிந்ததாலும் சேதாரமுமின்றி சிரம் தப்பித்த மாதிரியொரு பிரமை எனக்கு ! பற்றாக்குறைக்கு உள்ளாற இருந்த வசனங்களின் பெரும்பான்மையினை, ஒரிஜினலின் ஜாடைகளிலேயே  வர அனுமதித்திருப்பின் செவுளில் நிச்சயம் சத்துக்கள் இறங்காது போயிராதென்பேன் ! ஆனா..வூனா..என்றால் 'உன்னைய கூட்டிட்டுப் பொய் பிள்ளை பெத்துக்க வைக்கப் போறேன் ; இது புல்லை பெத்துக்கும் சென்ட்டர் ; நான் பிள்ளை பெத்துக்கும் மிஷின் இல்லே ' என்ற ரீதியிலேயே இருந்த வசனங்களை படித்த போது ஏதோ பிரசவ ஆஸ்பத்திரிக்குள் நுழைந்த பீலிங்கே வந்தது எனக்கு ! அவற்றை வேறு தினுசாய் மாற்ற என்ன செய்யலாமென்று மண்டையைச் சொரிந்த போது தோன்றியது தான் - பெண்ணியம் பேசச்செய்யும் அந்த வரிகள் ! அவற்றைப் பாராட்டி ஆங்காங்கே ஓரிரு பின்னூட்டங்களை பார்த்த போது 'ஹை' என்றிருந்தது ! 

MY QUESTION # 7 IS : அம்மணி அமாயாவை தொடர்வதா ? Waiting  லிஸ்டில் போட்டு வைப்பதா  ?என்பதே ! 

2021-ன் நிறைவு வரையிலும் அட்டவணை அறிவிக்கப்பட்டுள்ள நிலையில் - ஒற்றை நாள் ராவினில் இந்தக் கேள்விகளின் பதில்களைக் கொண்டு இந்த நாயக / நாயகியரை உள்ளே எக்கட புகுத்துவதாம் ? என்ற கேள்வி உங்களுக்குத் தோன்றிடலாம் தான் ! Simply put - திட்டமிடல்கள் ஒரு தொடர்கதையே எனும் போது - எவை உங்களுக்கு ரசிக்கின்றன ? ; எவை no no ? என்ற புரிதல் எனக்கிருந்தாலே போதுமானது ; அவற்றை நுழைக்கும் தருணங்களை நான் சந்தர்ப்பங்களுக்கேற்பத் திட்டமிட்டுக் கொள்வேன் ! 

So கேள்விகள் கணிசமான இந்த ஞாயிறை உங்கள் பதில்களோடு தெறிக்க விடுங்கள் ! நான் "கோழைகளின் பூமி" கிராபிக் நாவலுக்குப் பேனா பிடிக்கப் புறப்படுகிறேன் ! 

Bye all ! See you around ! Have a chill Sunday !!