நெருங்குது ஈரோடு!

 நண்பர்களே,

வணக்கம். “விஷம்“ தவணை முறையில் பருக சுகப்படாதென்பதை ‘பளிச்‘சென்று சொல்லி விட்டீர்கள்! அடிக்கப் போவது ஒரே ‘கல்ப்‘பிலோ; சாவகாசமாகவோ ; மாமாங்கம் கழித்தோ - ஆனால் ‘ஏக் தம்மில்‘ பரிமாறியே தீரணும் என்ற உங்களின் அவா loud and clear ஆகி காதில் விழுகிறது! இங்கே எனக்கொரு மாளா வியப்பு நூத்திச் சொச்சமாவது தபாவாக எழுவதைத் தவிர்க்க இயலவில்லை! And அது தான் - ஐரோப்பிய ரசிகர்களுக்கும், நமக்கும் மத்தியிலான வேற்றுமைகள்!

- உள்ளதைச் சொல்வதானால் “விஷம்“ உரிமைகளுக்கு நாம் துண்டை விரித்து வைத்தது சமீபத்திலெல்லாம் நஹி! 2018-ன் இறுதியிலேயே “இந்தக் கதைக்கான உரிமைகள் வேணுமுங்கோ!” என்று மின்கடுதாசி தட்டி விட்டிருந்தோம். தொடர்ந்த வாரத்தில் அதற்கான ஒப்புதலோடு, கான்டிராக்டும் வந்த போது தான் ஜெர்க் அடித்தேன் - becos நான் நினைத்துக் கொண்டிருந்ததோ இதுவொரு one-shot என்று! ஆனால் காண்டிராக்ட் 5 அத்தியாயங்களுக்கும் சேர்த்து இருந்தது! அந்த நொடியில் தான் எனக்கே தெரிய வந்தது – இது நீண்டு ஓடப் போகும் ரயில் வண்டியென்பது!

- So “தொடர் முடியட்டும்; அப்புறமாய் பேசிக்குவோம்” என்று அன்றைக்கு தீர்மானித்திருந்தோம்! And இதோ – கண்மூடித் திறப்பதற்குள் 5 ஆண்டுகள் ஓடியிருக்கின்றன!

- ஆக ப்ரெஞ்சில் – முழுசாய் ஐந்து வருடங்கள் காத்திருந்திருக்கின்றனர் – விஷத்தை நிதானமாய் உருவாக்கிடும் வரையிலும்! பாகம் - பாகமாய்; ஆண்டாண்டாய் வாசிப்பதிலும் – சுவாரஸ்யங்களைத் தங்கச் செய்ய அவர்களுக்கு சாத்தியாமிடுகிறது! அந்தப் பொறுமை நமக்கெல்லாம் எட்டாக்கனியாய் இருப்பது தான் சிக்கலே!

- இத்தாலியில் கூட டெக்ஸின் சில மெகா நீள சாகஸங்கள் அடுத்தடுத்த மாதங்களில் ஓட்டமெடுத்தாலுமே மூன்றோ – நான்கோ மாதங்கள் நீள்வதும் உண்டு! பட்டாசாய்ப் பரபரக்கும் ஒரு ஆல்பத்தக்கு திடுமென “தொடரும்” போடும் போது, அந்த வாசகர்கள் எவ்விதம் சமாளிக்கிறார்கள் என்பது தான் Million Euro கேள்வியே!

- அட, லார்கோ போலான high voltage ஆல்பங்களில் கூட காத்திருப்பு ஒரு தொடர்கதையே! முதல் பாகம் வெளியான 18-24 மாதங்கள் கழித்தே க்ளைமேக்ஸ் ரெடியாகிறது! அத்தினி மாதங்கள் கழியும் போது முதல் அத்தியாயமே நமக்கெல்லாம் மறந்து போயிருக்கும்! But அங்குள்ள மக்கள் சமாளிப்பது எவ்விதமோ - அறியில்லா!!

எது எப்படியோ – நமது பாணி நமக்கே நமக்கானது என்பதால், உங்களது தீர்ப்பே இந்த காமிக்ஸ் அரசாணையாகிறது!

- So “விஷம்” ஒரே சமயத்தில் 5 பாகங்களுடனும் வெளிவந்திடும்!

- 5 தனித்தனி இதழ்களாகவே – ஒரு ஸ்லிப் கேஸில் இடம்பிடித்திடும்!

- “இரத்தப்படலம்” கலர் தொகுப்புகளுக்குத் தந்தது போலான slipcases இப்போதெல்லாம் நெருக்கி ரூ.100 விலையாகிடுவதால் – அத்தனை பணத்தை விரயம் செய்திடாது, economy case-களில் தந்திடத் திட்டமிடுகிறோம்.

- கூடிய சீக்கிரமே அந்த economy case-க்கு ஒரு வெள்ளோட்டமும் பார்த்திடவுள்ளீர்கள்! So அதன் பின்பாய் ”விஷம்” சார்ந்த planning அறிவிக்கப்படும்.

- ‘இல்லேடா தம்பி... எனக்கு ஸ்லிப்லாம் ஆகாது....அப்புறமா கேசு..கோர்ட்டும் புடிக்காது ; so நான் மஞ்சப் பையிலேயே போட்டு பொஸ்தவத்தைப் பத்திரப்படுத்திகிறேன்‘ என்று எண்ணிடக்கூடிய நண்பர்களின் வசதிகளுக்கேற்ப – slipcase இல்லாமலேயுமே புக்ஸ் மட்டும் வழக்கம் போல கிடைத்திடவும் செய்யும்.

- இதற்கான முன்பதிவுகளை இந்த வாட்டி சற்றே வித்தியாசமாய் செய்திட இருக்கிறோம். இம்முறை எங்களது பணிகளை முதலில் சத்தமின்றி துவக்கி, சில மாதங்களில் நிறைவு செய்திடவுள்ளோம். அப்பாலிக்கா முன்பதிவுகளை அறிவித்து, சூட்டோடு சூடாய் நான்கே வாரங்களில் புக்ஸை ரிலீஸ் செய்திட உள்ளோம்! So ”இதை புக் பண்ணினோமா – இல்லியா?” என்பதையே மறக்கும் ‘சவ சவ‘ படலங்கள் இதனில் இராது! ஈரோட்டு விழா சார்ந்த பணிகளை முடித்த பிற்பாடு – “விஷம்” நமது ரேடாரில் இடம்பிடிக்க ஆரம்பிக்கும்!

ரைட்டு, ”ஈரோடு” என்ற topicல் உள்ள போதே – அது சார்ந்த தகவல் பகிரல்களைப் பண்ணி விடுகிறேனே:

1. குடும்பத்தோடு வருகை தந்திடவுள்ள நண்பர்களுக்கான ஹோட்டல் புக்கிங்கள் – ஏற்கனவே குறிப்பிட்டது போல ஜுன் 30-ம் தேதியோடு நிறைவு பெற்றுவிட்டன. அதே போல தொலைவிலிருந்து வரவுள்ள சிங்கிள் நண்பர்கள் ரூம் கேட்டு குறிப்பாய் கோரிக்கை எழுப்பியுள்ள பட்சத்தில் மட்டுமே அவர்களுக்குமான ஏற்பாடுகளையுமே செய்திருக்கிறோம். Again the date cut-off stays at June 30. 

Please note : எவ்வித செய்தியுமின்றி blank ஆக வந்திருந்த மின்னஞ்சல்களை அட்டெண்டன்ஸ் போடும் தகவல்களாக மாத்திரமே கருதியுள்ளோம் and அவற்றிற்கு தங்கும் ஏற்பாடுகள் செய்திருக்கவில்லை ! ஜூன் 30 வரைக்குமான தெளிவான திட்டமிடல்களுக்கான ரூம்களை மொத்தமாய் ‘புக்‘ செய்திடவே “TEAM ஈரோடு” நாக்குத் தொங்க ரவுண்டடித்துக் கொண்டிருக்கிறார்கள்! ஈரோட்டுப் புத்தகவிழா தருணம் என்பதால் பல ஹோட்டல்களில் மொத்தமாய் ரூம் தர மறுக்கிறார்கள். தர ரெடியாக உள்ள சில ஹோட்டல்களோ சுமாராக உள்ளன! ஒரு வழியாய் உருண்டு புரண்டு உருப்படியாய் ரூம்ஸ் இன்று இரவு புக்கிங் செய்தாச்சு! So உரிய நேரத்தில், தெளிவாய் கோரிக்கை அனுப்பியிருந்த நண்பர்கள் அனைவருக்கும் ரூம்கள் காத்திருக்கும்! And நமது விருந்தினராய் வரவிருக்கும் அகவை 40-காரர்களுக்கும் ரூம்ஸ் ஏற்பாடாகியாச்சு! உங்கள் புரிதல்களுக்கு முன்கூட்டிய நன்றிகள் folks!

2. போன தபா போல மதிய உணவில் குளறுபடிகள் நடந்து விடலாகாது என்பதால், வெளியில் கேட்டரிங் ஏற்பாடுகள் செய்திடவுள்ளோம். அங்கு போன முதல் நொடியில் கேட்பது! ”எத்தினி பேருக்கு சமைச்சாகணும் நைனா?” என்பதே! கொஞ்சமாய் சொல்லிப்புட்டு, நிறைய நண்பர்கள் வருகை தந்திடும் பட்சத்தில், ஆளுக்கொரு ரவுண்ட் பன்னை மட்டும் தட்டில் நீட்டும் அவலம் நேர்ந்திடலாகாது! அதே சமயம் ‘கொடி புடிச்சிட்டு, ஆரவாரமா கூட்டம் கூட்டமா வர்றாங்க‘ என்று நாமாய் ஒரு கற்பனையைப் பண்ணிக்கினு – அண்டா, குண்டாவையெல்லாம் சாப்பாட்டால் நிரப்பி விட்டு, அப்புறமாய் வீண் பண்ணிடவும் கூடாது! So ப்ளீஸ் guys – ஏற்கனவே பகிரப்பட்டுள்ள இந்த லிங்க்கில் உங்களது வருகை சார்ந்த தகவலைப் பதிவிடக் கோருகிறேன்! ப்ளீஸ்?!

https://forms.gle/5GDpbs1he1CbyFSN9

3. அப்புறம் கீழ்க்கண்ட சமாச்சாரங்களுககுப் பெயர் தந்திட விரும்புவோர் – ஜல்தியாய் ஈ-மெயிலில் (lion40erode@gmail.com) விபரம்ஸ் ப்ளீஸ் : 

-தனித்திறமைகளை வெளிப்படுத்துதல்!

-5 நிமிட அவகாசத்தில் ஆகக் கூடுதலான பன்களை உள்ளே தள்ளும் "பண்"பாளரை அடையாளம் காணும் போட்டி!

-பட்டிமன்றத்தில் இடம் பிடிக்க விரும்புவோர்! 

இந்த வாரமே இவை சகலத்தினையும் final செய்திட வேண்டியிருப்பதால் – சற்றே வேகம் ப்ளீஸ்!

4. And இதோ – உத்தேசமான நிகழ்ச்சி நிரல்!

- “கதை சொல்லும் சித்திரங்கள்” – ஓவியக் கண்காட்சியில் முழியாங்கண்ணனுடன் ஒரு டூர்!

- வாசகர்கள் சுய அறிமுகங்கள்!

-லயனின் 40-வது பிறந்த நாள் கேக் வெட்டிடும் வேளை!

- ஒரு மினி மேஜிக் ஷோ!

-ஹாலிவுட்டை நடுநடுங்கப் பண்ணப் போகும் ஒரு குறும்பட ரகளை!

-லயன் சார்ந்த உங்கள் நினைவுகள் கொண்ட வீடியோக்களின் தொகுப்பு!

- IPL என்ன பொல்லாத ஐ.பி.எல்...? நம்ம CPL கிளப்பப் போகும் க்ரிக்கெட் ரகளைகள் சார்ந்த வீடியோ க்ளிப்!

- தனித்திறமைகளுக்கான மேடை!

-சீனியர் எடிட்டர் & கருணையானந்தம் அங்கிளின் உரைகள்!

- “40 ஆண்டுகள்!” ஆந்தை அண்ணாத்தே ஆத்தப் போகும் ராகி மால்ட்!

-காமிக்ஸ் பட்டிமன்றம்!

- “மரத்தடி பஞ்சாயத்து” – எடிட்டருக்கு மு. ச. & மூ. ச. க்களை சுற்றிக்காட்டும் வைபவம்!

-காமிக்ஸ் க்ரிக்கெட் லீக் வெற்றியாளர்களுக்கு சுழற்கோப்பை & மற்ற அணிகளுக்கு மெடல்கள் வழங்குதல்!

So ஒரு ஜாலியான தினத்துக்கு ரெடியாகிக்கலாமா folks? இன்னமும் வேறேதேனும் நிகழ்ச்சிகளை இணைத்திட உங்களிடம் suggestions இருந்தால் அவற்றையுமே நிச்சயம் பரிசீலித்திடலாம்!

Before I sign out – சில மினி updates :

❤️-கோவை புத்தக விழாவில் ஸ்டால் # 191-ல் (ஏழாவது வரிசை) ஒரு காமிக்ஸ் குவியலோடு எப்போதும் போலக் காத்திருக்கிறோம்! கோவை & இதர சுற்றுப்பகுதிகளைச் சார்ந்த நண்பர்கள் குடும்பத்தோடு விசிட் அடிக்கலாமே ப்ளீஸ்? முதல் நாளின் விற்பனை மிதமாகயிருக்க, இன்று (சனி ) பட்டையைக் கிளப்பியுள்ளது சேல்ஸ் 😁😁😁😁!!!!

❤️அப்புறம் Sunday காலையில் சேலத்தையே திரும்பிப் பார்க்க வைக்கவுள்ள நமது க்ரிக்கெட் போட்டிகள் அரங்கேறிடவுள்ளன! அங்கிருக்கும் நண்பர்கள் தவறாது போட்டிகளை உற்சாகப்படுத்திடக் கோருகிறேன்! சிறு துளிகள் தான் பெரு வெள்ளங்களாகிடும் என்பதை நாமறிவோம்! ஒரு அட்டகாசமான விருட்சமாய் கிளைவிடக் காத்துள்ள சமாச்சாரத்திற்கு நம்மால் இயன்ற ஊக்கங்களை உரமாக்கிடுவோமே?! Go well guys! May the best team win!

❤️கபிஷ் பணிகள் ஆரம்பிச்சாச்சு ; சேலத்தில் எதிர்பார்த்திடலாம்!

❤️2025 அட்டவணை பணிகளுமே தட தடத்து வருகின்றன! அது சார்ந்ததொரு quick question : SODA-வா? ரிப்போர்ட்டர் ஜானியா?

❤️ஒரு மாதமாய் வாட்சப்பிலும் ஒரு community துவங்கி வாரயிறுதிகளை கலகலப்பாக்கிட முயன்று வருவது தெரிந்திருக்கலாம்! இதோ - அதனில் இணைந்து கொள்வதற்கான லிங்க் : https://chat.whatsapp.com/IQFYKCvdGxADE8GfljKTko

Bye all,,, have a great weekend! See you around!

வெசம்?

நண்பர்களே,

வணக்கம்.  தடதடக்கும் சனிக்கிழமைகளின் yet another episode – இதோ நம் முன்னே! டின்டின்னோடு வருஷத்தை ஆரம்பித்தது நேற்றைக்குப் போலிருக்க, அடுத்தாண்டுக்கான டின்டினின் தயாரிப்புப் பணிகள் துவங்கி விட்டன! நாட்களும், பொழுதுகளும் மின்னல் மோஹினிகளாய் எடுக்கும் ஓட்டங்களின் துரிதம் மட்டுப்படவே செய்யாது போலும்!

And இதோ – ஈரோட்டுச் சந்திப்புக்கான countdown-ம் ‘மளமள‘வென்று நெருங்கிக் கொண்டேயிருக்க, லேட்டஸ்டாய் தோன்றிதொரு மகாசிந்தனையினை மறக்கும் முன்பாகச் சொல்லிட நினைக்கிறேன்!

- ஐந்தே – நிமிட அவகாசத்தில் ஆகக் கூடுதலான ரவுண்டு பன்களை அமுக்கக் கூடிய ஜாம்பவான் யாரென்று கண்டுபிடிக்க முனையலாமே? மகாலில் உள்ள அம்புட்டுப் பேரும் போட்டிக்குக் கையைத் தூக்கிப்புட்டால் சிவகாசி காரனேஷன் பேக்கரியே கோவிந்தாவாகிப்புடும் தான்! So ஒரு டஜன் போட்டியாளர்களிடையே செமத்தியான “பண்பாளர்“ யாரென்று கண்டுபிடிக்க முனைந்திடலாம்! அந்தப் “பன் பன்னிரெண்டு” முதலில் மின்னஞ்சலில் விண்ணப்பிக்கும் 12 பேராக இருப்பர்!

- இப்போ வரைக்கும் வந்துள்ள (சொற்ப) வீடியோக்களைக் கொண்டு நம்ம டீம் ஈரோடு ஒரு மினி குறும்படத்தை தயார் பண்ணி வருகின்றனர். தொலைவிலிருக்கும் லயன் 40-ல் இருந்திட வேண்டுமென்று எண்ணிடும் பட்சத்தில், இந்த வாரமே - ப்ளீஸ்?!

ரைட்டு... பதிவுக்குள் புகுந்திடலாமென்றால் ஜுலை இதழ்கள் இன்னமும் fresh ஆக இருந்திடும் வேளையில் ஒளிவட்டத்தை வேறெங்கேணும் பாய்ச்சிட நெருடுகிறது! அதே சமயம் – ஜுலையின் நான்கு இதழ்களையும் போட்டுத் தாக்கி முடித்திருக்கும் நண்பர்களுக்கு What next? என்ற கேள்வி முன்நிற்கும்!கேள்விகளுக்குக் கேள்விகளையே பதிலாக்குவது தானே நம்ம லொடுக்ஸ் பாண்டி ஸ்டைல்?

சிலபல பதிவுகளுக்கு முன்பாக ”The மேஜிக் மொமண்ட்ஸ் ஸ்பெஷல்” – என்றதொரு சிறப்பு இதழை முன்மொழிந்திருந்தீர்கள்! நம்ம பதிவுப் பக்கத்தினில் ஆயிரம் பதிவுகளைத் தாண்டியதைக் கொண்டாடிட வேண்டிய சிறப்பிதழ் அது! And வரும் டிசம்பரில், ரெகுலர் சந்தாத் தடத்திலேயே கொஞ்சம் பட்டி-டிங்கரிங் பார்த்து – ஒரு டெக்ஸ் கலர் சாகஸத்தை உட்புகுத்தி ரகளை பண்ணிட முஸ்தீபுகள் துவங்கியாச்சு!

இதனோடே இன்னொரு ”ஆயிரம்” சார்ந்த celebration பற்றிய பேச்செடுத்திருந்தோம்; and அது இன்னமும் take-off ஆகியிருக்கவில்லை! அது தான் நம்ம Owl eyed –ன் மேற்பார்வையில் ஆயிரம் இதழ்களைக் கடந்து வண்டி ஓடிக் கொண்டிருப்பதை சிறப்பிக்கும் இதழ்! And இதனில் வெளியிட மூன்று கதைகளை உங்களது தேர்வுக்குத் தந்திருந்தேன்!

- 5 பாக வெஸ்டர்ன் த்ரில்லர் – “விஷம்”

- ரூட் 66 – 5 பாக க்ரைம் த்ரில்லர்

- “பயணம்” – மிரட்டலான b&w கிராபிக் நாவல்!

மேற்படி மூன்றுமே மோதிக் கொண்டதொரு tough fight-ன் இறுதியில் “விஷம்” என்ற கௌபாய் த்ரில்லரே உங்களது சாய்ஸாக அமைந்திருந்தது! 

இப்போது எனது கேள்விகள் இவையே :

- இந்த மெகா நீள சாகஸம் – ஒரிஜினலாக 5 பாகங்களாக; 5 தனித் தனி ஆல்பங்களில்; 5 ஆண்டுகளில் வெளியாகியுள்ளது!

- நாமுமே அதே பாணியில் – 5 தனித்தனி ஆல்பங்களாய் – அடுத்தடுத்த 5 மாதங்களில் இந்த 235+ பக்க சாகஸத்தைக் கையாண்டால் என்ன?

- ஒவ்வொரு அத்தியாயத்திலும் கதையின் மையமான பழிவாங்கும் அழகி புதிதாய் ஒரு பயணத்தோடு, புதிதாய் ஒரு காவு வாங்கிடக் கிளம்புகிறாள்! So 5 தனித்தனி இதழ்களுக்கு இது அழகாய் set ஆகிடச் செய்யும்!

- ‘ஏக் தம்மில்‘ வெளியிடுவதாயின் விலையில் மாற்றங்கள் இராது தான் – ஆனால் 5 அத்தியாயப் பெருங்கதைகளை வாசிக்கும் பொறுமைகள் இன்று நம்மில் எம்புட்டுப் பேரிடம் உள்ளதென்பதே கேள்விக்குறி!

- So “மணந்தால் மகாதேவியே” என்று பெட்ரோமேக்ஸ் லைட்டையே தேடிப் பிடிச்சு வாங்கியாந்த பிற்பாடு, அவை டப்பி உடைக்காமல் பரணில் துயில் பயிலும் ரிஸ்க் எடுப்பதா ? அல்லது – “மாற்றம் – முன்னேற்றம் – 5 இதழ்கள்” என்று தகிரியமாய் முயற்சித்துப் பார்ப்பதா?

- உங்கள் தீர்மானங்கள் + அவற்றிற்கான காரணம் ப்ளீஸ்?!

- அப்பாலிக்கா இந்த ஸ்பெஷல் இதழுக்கு நல்லதாயொரு பெயரை இம்முறையேனும் சூட்டி வைத்தால் – வண்டியை ஸ்டார்ட் எடுக்கச் செய்திட உதவுகிறதா? என்று பார்த்து விடலாம்! So ஒரு பொருத்தமான – ‘நச்‘ பெயர் ப்ளீஸ்?!

- இந்தத் திட்டமிடல் எப்படியிருந்தாலுமே 2025-ல் தான் நடைமுறை கண்டிட முடியும்! So அட்டவணை தயாரிப்பின் பிஸியில் உள்ள இந்தத் தருணத்தில் when? where & how to fit the book(s) என்பது பற்றி எனக்குள் தெளிவு கிட்டினால் நலமென்பேன்! So உங்களது inputs ப்ளீஸ்?!

தோள்பட்டை சிகிச்சை தொடர்ந்து வர, ஏற்கனவே சொன்னது போல, வாரயிறுதிகள் பட்டினத்தில் கழிந்து வருகின்றன! அக்குபஞ்சரிலும், உடற்பயிற்சிகளிலும் தொங்கிக் கிடக்கும் நாக்கோடும், புஜங்களோடும் நீளமாய் பதிவை எழுத / டைப்ப ‘தம்‘ லேது என்பதால் இந்த வாரம் எச்சூஸ் ப்ளீஸ்!

Bye all... See you around! Have a fun Sunday!

And இதோ ஒரு கொசுறு trivia கேள்வி :

அல்லது - இவை எவையுமே அல்லாத வேறொன்றாய் எது?

ஒரு ரவுண்டடிக்கும் பதிவு !

 நண்பர்களே,

வணக்கம். போன பதிவு இந்த சிறுவட்டத்தின் ஈர மனசை yet again வெளிச்சம் போட்டுக் காட்டியது என்றால் அது மிகையே ஆகாது !! 'போட்ட கதையையே  மறுக்கா போட்டிருக்கியே கோமுட்டித் தலையா ?' என்று தூக்கிப் போட்டு மிதித்திருந்தாலும், சத்தமே இல்லாது வாங்கியிருக்க வேண்டியவன் தான் ! அதே போல, "57 வயசிலே நோவுகள் இல்லாம ஒடம்பு முத்தமா கொஞ்சும்டா தம்பி ?" என்று மனசுக்குள் நினைத்துக் கொண்டே நீங்கள் நகர்ந்திருந்தாலுமே நான் சொல்ல எதுவும் இருந்திருக்காது ! ஆனால் பிழைக்குப் பெருந்தன்மையை பதிலாக்கி ; நோவுக்குப் பரிவை பரிசாக்கி வாயடைக்கச் செய்து விட்டீர்கள் ! Thanks from the bottom of my heart all !!  

ரைட்டு, சென்டிமென்டை கசக்கியது போதுமென்று நினைத்தீர்களெனில், let's get on with things !!  ஆனை-அம்பாரம் என்று நான் எதற்குள்ளாச்சும் புகும் முன்பாக - இதோ இந்தாண்டின் காமிக்ஸ் கிரிக்கெட் லீக் பற்றிய அறிவிப்பைப் பண்ணிவிடுகிறேனே !! போன வருஷம் இந்த முயற்சியினை நண்பர்கள் முன்னெடுத்த போது, மெய்யாலுமே இதெல்லாம் ஒரு தொடர்கதையாகிடும் என்று நான் எதிர்பார்க்கவே இல்லை ! ஏதோ ஒரு வேகத்தில் இறங்கிப்புட்டாங்க ; புத்தாண்டுக்கு எடுக்கும் சபதங்கள் பொங்கலுக்கு முன்பாகவே காலாவதியாவதைப் போல, இந்த வைராக்கியங்களும் நிச்சயம் இந்த தபாவோடு புஸ்ஸாகி விடுமென்றே எண்ணியிருந்தேன் ! ஆனால் 4 டீம்களை உருவாக்கி, ஜூலை 2023-ன் ஒரு வாரயிறுதியில் அனைத்து மேட்ச்களையும் நடத்தி, அட்டகாசமாய் ஒரு அணி  கோப்பையைத் தட்டிச் செல்லும் சாகஸத்தையும் நடத்திக் காட்டிய போது 'அட' என்றிருந்தது ! ஈரோட்டு சந்திப்பின் போது அதனை வீடியோவிலும் பார்க்க நேர்ந்த போது 'அடேடேடேடே' என்றிருந்தது ! இதோ - சீசன் 2-ல் லீக் தொடரவுள்ளது - வரும் ஜூலை 21-ம் தேதியிலான போட்டிகளோடு ! இந்தவாட்டி சேலத்தில் மேட்ச்கள் நடைபெறவுள்ளன & அன்று மாலை தெரிந்து விடும், சுழற்கோப்பையை இந்த ஆண்டுக்கு எடுத்துச் செல்லவிருப்பது எந்த அணியென்று ?! நம்பினால் நம்புங்கள் guys - போனெல்லியின் CEO திரு டேவிட் போனெல்லி எந்த அணி வெற்றி பெறுகிறதென்று தெரிவிக்கச் சொல்லிக் கேட்டிருக்கிறார் !! So உங்களது வெற்றிகள் கடல் கடந்தும் கவனிக்கப்படுகின்றன என்ற உற்சாகத்தோடு போட்டுத் தாக்குங்கள் !! May the best men win !!  நமது ஆதரவுகளுடன் நண்பர்களை செமத்தியாக உற்சாகப்படுத்துவோமே folks ? ஜூலை 21 தேதிக்கு சேலம் செல்ல சாத்தியமாகிடும் நண்பர்கள் - please do drop in !! 

அப்புறம் நம்ம பொம்ம புக் சமாச்சாரங்கள் பக்கமாய் வண்டியை இனி விடுவோமா ? ஜூலை இதழ்களில் லக்கி லூக் எப்போதும் போல் கலக்கிடுவார் என்பதில் confident ஆக இருந்தோம் ; ஆனால் நம்ம தானைத் தலைவர் ஸ்பைடர் பட்டையைக் கிளப்பி, இம்மாத ரேஸில் முன்னணியில் இருப்பாரென்பதைத் தான் நாங்கள் எதிர்பார்த்திருக்கவில்லை ! அந்த அட்டைப்பட அலட்சிய smile தான் காரணமா ? அல்லது மெகா சைஸா ? அல்லது கலரில் வரும் ஸ்பைடர் கதை என்ற காரணமா ? சொல்லத் தெரியலை - but ஏஜெண்ட்களுமே இம்முறை "விண்வெளிப் பிசாசை" தலையில் தூக்கி வைத்துக் கொண்டாடி வருகின்றனர் ! இதில் கொடுமைஸ் of இந்தியா என்னவெனில், கிட்டங்கியினை ரொப்ப வேண்டாமே என்ற முன்ஜாக்கிரதையில் தானைத் தலைவரின் பிரிண்ட் ரன்னை குறைவாகவே திட்டமிட்டிருந்தோம் ! So தொடரவிருக்கும் புத்தக விழா சீசனை ஆர்டினியின் முதலாளி தாண்டிட மாட்டார் என்றே தோன்றுகிறது ! காலச் சக்கரங்களைப் பின்னோக்கி ஓடச்செய்து - 1984-க்கே திரும்பி விட்டதாக உணர்வு உள்ளுக்குள் - 'எவன் எந்த மாசத்தில் வெளிவந்தாலும், அவனை போட்டு அமுக்கிட்டு நான் போய்க்கினே இருப்பேன் !!" என்று நம்ம கூர்மண்டையர் கொக்கரிப்பது போலான குரல் தலைக்குள் கேட்பதைத் தொடர்ந்து !! Of course - ஒரு வாரம் கூட இன்னும் ஆகவில்லை தான் ஜூலை புக்ஸ் வெளியாகி - so ஓவர் சவுண்டு ஒடம்புக்கு ஆகாது தான் ! ஆனால் இந்த நொடிக்காவது ஸ்பைடரின் ஹெலிகார் ஓவர்டேக் செய்திருப்பது - டைனமைட்டையும், ஜாலி ஜம்பரையும் எனும் போது, கொஞ்சம் குத்தாட்டம் போடாமலிருக்க முடியவில்லை !! 

And இம்மாத லக்கி லூக்கும் சாத்தி வருவது சிக்ஸர்களையே !! கார்ட்டூன் ஜானரில் இன்னமும் ஒல்லி கில்லியாய் ஏன் தொடர்கிறாரென்பதை yet again நிரூபித்து வருகிறார் ! சிம்பிளான நேர்கோட்டுக் கதைகள் ; கச கசவென்ற கதைமாந்தர்கள் நஹி ; கிட்டத்தட்ட பக்கத்துக்குப் பக்கம் சிரிப்பு வெடிகள் - என்று செல்லும் லக்கிக்கு டால்டன் சகோதரர்கள் செம பலம் என்பேன் ! அந்த நாலு கேடிப்பசங்க தலை காட்டிடும் அத்தனை சாகஸங்களுமே தொடரினில் சூப்பர்ஹிட்ஸ் எனலாம் ! Not to mention - ரின்டின் கேன் !! கதைபாட்டுக்கு கூடுவாஞ்சேரி நோக்கிப் போய்க்கினு இருந்தால், நம்ம நாலுகால் ஞானசூன்யமோ கும்பகோணம் நோக்கி வண்டியை விட்டுக் கொண்டிருப்பது வாடிக்கை !! Pity - ரி.டி.கே. சோலோ கதைகள் இதே தரத்தில் இல்லாது போனதே ! Yet - ஜூனியர்களின் வாசிப்புக்கு ரி.டி.கே. நிச்சயம் ரசிப்பானென்றே தோன்றும் ; ஆனால் நம்ம "என்றும் 16 " அணி தந்திடும் thumbsdown-ஐ நினைத்து ஷட்டரை சாத்தி விடுவேன் ! 

TEX !! "பும்ரா சிறப்பாய் பந்து வீசினார்" என்பது எம்புட்டு சகஜமான தகவலாகிப் போனதோ - அதே அளவில் தான் "டெக்ஸ் போட்டுத் தாக்குகிறார்" என்ற சேதியும் !! எப்போதும் போலவே 💥💥!! இங்கே சின்னதொரு கேள்வி மக்கா - moreso காத்திருக்கும் நமது 2025-ன் அட்டவணையினையும் கருத்தில் கொண்டு :

"இளம் டெக்ஸ் தொடர் ஒரு மெரி அரைச்ச மாவையே அரைக்குது ; இளம் 'தல' ஓடுறார்...ஓடுறார்..ஓடிக்கினே கீறார்....! கொஞ்சம் பிரேக் விட்டாலென்ன ?" என்று நண்பரொருவர் வினவியிருந்தார் !! இத்தாலியிலோ இந்தத் தனித்தடம் புயலாய் சீறிப் பறந்து சென்று கொண்டுள்ளது ! நாம் ஓராண்டுக்கு பிரேக் விட்டால் கூட நமக்கும், அவர்களுக்கும் மத்தியிலான இடைவெளி கூடிக் கொண்டே போய்விடும் ! உங்கள் அபிப்பிராயங்கள் ப்ளீஸ் folks ? எப்போதும் போலவே இளம் தல தொடரட்டுமா ? அல்லது ஓராண்டு பிரேக் தருவது மதியோ ?

இம்மாதத்தின் இன்னொரு surprise packet - ஏஜென்ட் ராபினின் "ஆரூடத்தில் நிழலில்" தான் ! Truth to tell - எனக்கே ராபினின் இந்த மீள்வருகை சீரிஸ் சின்னதொரு ஆச்சர்யத்தினைத் தந்து வருகிறது ! ரொம்பத் தெளிவான சித்திரங்கள் ; crisp கதைக்களங்கள் இந்த வரிசையினில் இலகுவான வாசிப்புக்கு உதவிடுவதாகப் படுகிறது !! And இங்கே நெஞ்சை நிறையச் செய்திடும் இன்னொரு சமாச்சாரம் நம்ம V காமிக்சின் இரண்டாம் பாதியின் சந்தாப் புதுப்பித்தல்கள் ராக்கெட் வேகத்தில் அரங்கேறி வருவது தான் !! மாதாமாதம் crisp வாசிப்பின் அடையாளமாக V உருவாகி வருவதில் செம ஹேப்பி !!

So ஒரு நிறைவான வாசிப்பு ஜூலையில் சாத்தியமென்ற சந்தோஷத்துடன், இதே மாதத்தில் வந்திருக்க வேண்டிய 3 பெருசுகளின் பக்கமாய் கவனத்தைத் திரும்புகிறேன் !! Yes - அவர்கள் நம்ம தாத்தாஸ் கூட்டணியே !! தொடரின் முதல் 3 ஆல்பங்களிலும் ஒவ்வொரு தாத்தாவை highlight செய்து கதாசிரியர் கதை நகர்த்தியிருந்தாரெனில் இந்த ஆல்பம் # 4-ல் focus இருப்பது பேத்தி சோஃபியாவின் மீதே !! முதல் ஆல்பத்தில் வயிற்றில் பிள்ளையைச் சுமந்து கொண்டிருக்க, இரண்டாவதில் கைக்குழந்தையை  ஏந்தி இருக்க, இந்த ஆல்பத்திலோ மெதுமெதுவாக பேசப் பழகிடும் மழலையோடு சோஃபியா ஆஜராகிறாள் ! And தாத்தாக்களுக்கு கொஞ்சமும் சளைக்காது பட்டாசாய்ப் பொரிபவள் சோஃபி என்பதை மறக்கவாச்சும் முடியுமா ? இத்தாலி போகும் பயணத்தின் மத்தியில் சில கிழட்டு டூரிஸ்ட்களை வாங்கு வாங்கென்று முதல் அத்தியாயத்தில் வாங்கும் உக்கிரமாகட்டும் ; ஒவ்வொரு தாத்தனின் தலையிலும் முட்டையை உடைச்சு பாடம் நடத்தும் அந்த மூன்றாம் பாகத்து தில்லாகட்டும் - எனக்கு நிரம்பவே பிடித்த கதாப்பாத்திரம் அவள் ! இம்முறை அவளைக் கொண்டு கதாசிரியர் ஒரு செமத்தியான ஒற்றைப்பக்க ஜாலத்தை நடத்தியிருக்கிறார் ! முதல் வேக வாசிப்பில் அதனிலிருந்த பெசல் ஐட்டத்தை கவனிக்கத் தவறியிருந்தேன் ; அதன் பலனாய் கொஞ்ச நேரத்துக்குப் புரியாது முழித்துக் கொண்டுமிருந்தேன் ! ஆனால் டியூப்லைட் மண்டைக்கு அந்தப் பின்னணி புரிந்த போது "wow" என்றே சொல்லத்தோன்றியது !  எப்போதும் போலவே வசன நடையில் கதாசிரியர் இம்மிகூட சமரசம் செய்து கொள்ளாத உரையாடல்களை முன்வைத்திருக்க, அவற்றை அப்படியே, அதே raw பாணியில் நானும் பரிமாறியுள்ளேன் ! By now - இங்கே என்ன எதிர்பார்ப்பதென்று உங்களுக்குத் தெரிந்திருக்கும் தான் ; yet எனது கடமை அதனை repeat செய்திடுவது : கொஞ்சம் sensitive ஆன வாசகர்கள் ஜாக்கிரதையாய் வாசித்தால் தேவலாம் என்பேன் ; வார்த்தைகளில் கணிசமான அராத்து குடிகொண்டிருக்கும் என்பதனால் ! இதோ சின்னதாயொரு சாம்பிள் பாருங்களேன் : 

So ஆகஸ்டில் ஆஜராவார்கள் தாத்ஸ் கும்பல் ! ஆல்பம் # 4-க்குள் புகும் முன்பாய் ஒருவாட்டி, முந்தைய மூன்று ஆல்பங்களையும் மேலோட்டமாய்ப் புரட்டிக் கொண்டால் நலமென்பேன் !! ஒருக்கால் டப்பி பிரிக்காது முந்தைய மூணு தாத்ஸ் ஆல்பங்களும் தேவுடு காத்து வரும்பட்சத்தில், இவர்களையும் அவர்கட்குத் துணையாக்கிடலே நலம் ! நீங்கபாட்டுக்கு நடுவாக்கிலிருந்து வாசிக்க ஆரம்பித்தால் இம்மி கூடப் புரியாதே ! 

Bye all...ஈரோட்டின் சந்திப்புக்கு ஒரு மாதம் கூட இல்லாத நிலையில், அதற்கான ஏற்பாடுகளை நண்பர் குழு ஜரூராய் கவனித்து வருகிறது ! அவர்கள் கோரி வருவதெல்லாம் உங்களின் அந்த வீடியோ testimonials-களைத் தான் ! இயன்றமட்டுக்கு விரைவாய் அனுப்பிட முயற்சியுங்கள் ப்ளீஸ் ! See you around ! Have a beautiful Sunday !!

P.S : ஐந்தாறு ஆண்டுகளுக்கு முன்பாய் ஒரேயொருவாட்டி நெய்வேலி புத்தக விழாவினில் பங்கேற்றிருந்தோம் - மிக மிதமான விற்பனையே பலனாகியிருந்தது !! அப்புறமாய் கொரோனா காரணமாய் விழாவே நடந்திடவில்லை ! இம்முறை செம விமர்சையாக விழா ஏற்பாடுகள் அரங்கேறியிருக்க, சனிக்கிழமையின் ஒற்றை நாள் சேல்ஸ் மட்டுமே போனமுறையின் மொத்தப் பத்து நாட்களின் சேல்ஸையும் விஞ்சி விட்டிருக்கிறது !! Simply stunning !! புனித மனிடோ இதே அற்புதம் தொடர வாழ்த்துவாராக !! 

நினைவூட்டல்கள் : 

அட்வைஸ் அர்னால்டு !!!

 நண்பர்களே,

வணக்கம். ஏழு இல்லே...பதினாலு கழுதை வயசானாலுமே பிழைகளுக்கு விதிவிலக்காகிட மாட்டோம் போலும் ! Yes , நான் குறிப்பிடுவது இம்மாதத்து கலர் டெக்ஸ் இதழில் நேர்ந்துள்ள குளறுபடியினைத் தான் என்பதை புரிந்திருப்பீர்கள் ! "குற்றம் பார்க்கின் சுற்றமில்லை !" என்ற பெயரில் கலரில் நாளை உங்கள் வீட்டுக் கதவுகளைத் தட்டவுள்ள ஆல்பமானது 2016-ல் black & white-ல் வெளியான அதே சாகஸமே என்பதை ஞாயிறு இரவினில் தான் உணர்ந்து தொலைத்தேன் ! போனெலியிலிருந்து வந்திருந்த கோப்புகளில் ஏதோ மாறிப் போயிருக்க, அதனை புதுக்கதை என்றெண்ணி போன மாதம் மொழிபெயர்த்த சகோதரியில் துவங்கி, டைப்செட்டிங் செய்த நமது DTP டீமிலிருந்து, மேற்பார்வையிடும் மைதீன் வரைக்கும் சொதப்பியதெல்லாம் கூட பெரிய சமாச்சாரமல்ல - ஆனால் எடிட்டிங்கிற்குத் தூக்கிக் கொண்டு அமர்ந்த எனக்கும் இது எட்டாண்டுகளுக்கு முன்னே பணியாற்றிய ஆல்பமே என்பது உறைக்காமல் போனது தான் மடத்தனத்தின் உச்சம் !! 

ஒரிஜினலாக இந்த ஸ்லாட்டில் வந்திருக்க கதைக்கு வைத்திருந்த பெயரோ "விதி எழுதிய வெற்றி வரிகள்" ! But மொழிபெயர்ப்பு செய்திடும் சகோதரிகளிடம் எப்போதுமே அவர்களது பெயர் suggestions-களை நான் கேட்பது வாடிக்கை ; அதற்கேற்ப இம்முறை அவர் கொடுத்திருந்த பெயர் முதல் தபாவாய் நன்றாகத் தோன்றிட, அதையே போட்டு விளம்பரத்தைப் போன மாதமே சாத்தியிருந்தோம் ! இதில் கொடுமை என்னவெனில், எப்போதுமே இம்மியூண்டு பிசகைக் கூட கவனித்திடும் sharp shooters ஆன நீங்களும், விளம்பரத்தினில் இடப்பிடித்திருந்த  சித்திரங்கள் ஏற்கனவே வெளியானவை என்பதைக் கவனித்திருக்கவில்லை ! So எதுவும் தெரிந்திருக்காமலே அவசரமாய் எடிட்டிங் முடித்து அச்சும் முடித்திருந்தோம் - போன வாரயிறுதியில் ! ஆனால் ஞாயிறன்று பதிவினில் நண்பரொருவர் "இது ஏற்கனவே போட்ட கதையாச்சே சார் ?" என்ற பின்னூட்டத்தினைப் பதிவு செய்த போது தான் தலை கிறுகிறுத்துப் போனது ! நானிருந்ததோ - சென்னையில் - சிகிச்சையில் !! ஞாயிறு இரவு ஊர் திரும்பிய கையோடு ஆபிஸுக்கு ஓடிப் போய்ப் பார்த்தால், நண்பரின் observation ஆகச் சரியே என்பது புரிந்தது !! பேஸ்தடித்துப் போயிற்று - நடந்திருக்கும் கோமாளித்தனத்தின் பரிமாணத்தை எண்ணி !

பொதுவாய் பிழைகளுக்கு சப்பைக்கட்டு கட்டுவது எனக்கு ஏற்புடையதே அல்ல ! பிழையை ஒத்துக் கொண்டு, அதனை நிவர்த்திக்க முனைவதே முன்செல்லும் பாதை என்று நம்புகிறவன் நான் ! அதற்கேற்ப, இந்த மாதத்து சொதப்பலுக்கு முழுப் பொறுப்பேற்றுக் கொள்கிறேன் folks ; and I apologize for the terrible lapse !! வயசாகி வருகிறதென்பதற்கான எச்சரிக்கையாகவுமே இதனைப் பார்த்திடுகிறேன் !! எது, எப்படியோ - வரும் ஆகஸ்ட்டில் வேறொரு முழுநீள டெக்ஸ் புது சாகசமொன்று, விலையில்லா இதழாய் உங்களது கூரியர் டப்பிகளில் இடம்பிடித்திடும் !! நமது மன்னிப்புகளுடன் அதனை ஏற்றுக் கொள்ளக் கோருவேன் !! 

"ரைட்டு, சிகிச்சைன்னு ஏதோ பிட்ட போட்டியேப்பா ...என்னாச்சு ?" என்ற உங்களின் வினவலுக்கு பதில் சொல்லி விடுகிறேனே ! பொதுவாக பெர்சனலான சமாச்சாரங்களைப் பற்றி, அதிலும் உடல் சார்ந்த நோவுகளைப் பற்றி இங்கு நான் பகிர்ந்திட விழைவதில்லை ! யாருக்குத் தானில்லை சுகவீனங்கள் ? So "எனக்கு இங்கே இஸ்துக்கிச்சு ; அங்கே வலிச்சுக்கிச்சு" என்றெல்லாம் எழுதிக் கொண்டு அனுதாபம் தேடுவதில் எனக்கு உடன்பாடே கிடையாது ! ஆனால் யாம் பெற்ற துன்பத்திலிருந்து நீங்களாச்சும் பாடம் படிச்சிக்கினா தேவலையே ?! என்ற ஒரு எண்ணம் தோன்றியதால் மாத்திரமே இதைப் பற்றி இங்கே வாயைத் திறக்கிறேன் :

ரெண்டு மாதங்களாகவே இடது தோள்பட்டையில் ஒரு வித இறுக்கம், நோவு இருந்து கொண்டிருந்தது ! அந்தப் பக்கமாய்ப் புரண்டு படுத்தால் வலியில் பிராணன் போக ஆரம்பித்த போது தான், 'ஆஹா...இது மாமூலான சுளுக்கோ ; பிடிப்போ அல்ல ! என்று உறைத்தது ! அப்புறமாய்த் தான் தெரிய வந்தது - இது Frozen Shoulder என்றதொரு சிக்கலின் வெளிப்பாடென்று ! தோள்பட்டையில் இருக்கும் உள்தசையானது வலுவாகிப் போக, அந்த மூட்டின் அசைவுகளை அது கொஞ்சம் கொஞ்சமாய் இறுக்கிப் பிடிக்குமாம் ! கையை உயர்த்துவதே பெரும் பிரயத்தனம் என்றாகி, நாளாசரியாய், சின்னச் சின்ன அசைவுகளை செய்வதற்குள்ளே நாக்குத் தொங்கிப் போகுமென்ற நிலைக்கு இட்டுச் சென்று விடுமாம் ! Middle age-ல் வரக்கூடிய இந்தச் சிக்கலானது சர்க்கரை நோயாளிகளுக்கு இலவச இணைப்பாகிடுவது சகஜமாம் ! 'பங்க பிரி..பங்க பிடி..!' என்று 20 வருஷங்களுக்கு முன்பாகவே சர்க்கரை வியாதியை எனக்கும், மூத்த 2 சகோதரிகளுக்கும் அப்பா அன்பளிப்பாக்கியிருக்க, இந்த Frozen Shoulder சகிதம் குப்பை கொட்டுவது எப்படியென்ற தேடலில் கடந்த 4 வாரங்களாக நான் பிசி ! சட்டையைப் போடவோ, கழற்றவோ, இஷ்ட தெய்வங்களையெல்லாம் வேண்டிக் கொள்ளணும் ! முதுகுக்குப் பின்னே அரிக்குதெனில் சொரிந்து கொள்ள பசுமாடாட்டம் சுவரைத் தேடணும் ! உசக்கே பெர்த்தில் ஏறிப் படுக்கனுமென்று நினைத்தாலே உறக்கம் ஓடிப்போயிடும் !  இதுக்கு குணமென்று பெருசாய் எதுவும் லேது ;  சமாளிக்கும் வைத்தியம் பாத்துக்கிட்டா, ஒண்ணோ, ரெண்டோ, மூணோ வருஷங்களில் சரியாகி விடும் என்று சொன்னார்கள் ! வைத்தியம் பாக்காங்காட்டி, அதுவாவே அறுநூறோ, எழுநூறோ, எண்ணூறோ நாட்களில் சரியாகிடும் என்றும் சொன்னார்கள் ! 'ஆனா உங்க நேர்மை எனக்குப் புடிச்சிருக்கு !' என்றபடிக்கே கடந்த 4 வாரங்களாக வெளியூரில் இதற்கான அக்குபங்ச்சர் ; physiotherapy சிகிச்சைகளில் வாரயிறுதிகளை ஓட்டி வருகிறேன் ! 

இந்த Frozen Shoulder தரும் வேதனை ஜாஸ்தியா ? அல்லாங்காட்டி இதற்கென அவர்கள் தரும் பயிற்சிகளும், சிகிச்சைகளும் தரும் வலி ஜாஸ்தியா ? என்றொரு பட்டிமன்றத்தை ஈரோட்டில் வைத்தாலென்னவென்று கூட ஒரு கட்டத்தில்  தோன்றியது ! இதில் கூத்து  என்னவென்றால், ஒரு தோள்பட்டைக்கு வந்து சுகம் கண்ட நோவானது, அடுத்த தோள்பட்டையையும் அரவணைத்துக் கொள்ளும் வாய்ப்புகள் ஏக பிரகாசமாம் ! அடடே...ஆடித் தள்ளுபடி மெரி, தோள்பட்டைக்கு "ஆடாத" தள்ளுபடி கூட உண்டாக்கும் ?! என்று டாக்டரிடம் மண்டையை ஆட்டிக் கொண்டேன் ! வீட்டில் வைத்துச் செய்ய ஒரு வண்டி stretches ; exercises என்று தந்துள்ளனர் ; வலியினை பொறுத்துக் கொண்டு தொடர்ச்சியாய் அவற்றைச் செய்து கொண்டே இருக்கணுமாம் ! So வீட்டிலிருக்கும் ஜன்னல் கிராதிகளைப் புடிச்சிக்கினு இப்டிக்கா ; அப்டிக்கா திருகிக் கொள்வது ; கையில் ஒரு குச்சியை 'ஆட்றா ராமா' ஸ்டைலில் ஏந்தியபடியே தலைக்குப் பின்னே வரை கொண்டு போக முனைவது என்று ராத்திரிகளில் சர்க்கஸ் நடத்தி வருகிறேன் ! இந்தக் கூத்துக்களின் மத்தியில் பணிகளில் கோட்டை விட்டுடப்படாதே என்ற கவனமும், ஆதங்கமும் பெருமளவு உள்ளுக்குள் இருந்திருந்துமே இந்த TEX சொதப்பல் நிகழ்ந்துள்ளது தான் ரொம்பவே உறுத்துகிறது ! Maybe இந்த நோவுகளில் கவனம் சிதறிடாது இருந்தாலுமே, இந்தப் பிழை நிகழ்ந்திருக்கும் என்றே என்னைத் தேற்றிக் கொள்கிறேன் - becos இதன் மையப் புள்ளி ஒட்டு மொத்த மறதி & ஒரு வித brain freeze தான் ! 

So இந்த நோவினையோ, அதனை சமாளிக்கும் (எனது) சிரமங்களையோ இங்கே highlight செய்வது எனது நோக்கமே அல்ல ! And இந்தப் பதிவுப் பக்கத்தின் ஆயிரத்துச் சொச்சம் பதிவுகளில் நான் செய்திராத ஒரு விஷயத்தை இந்த தபா மட்டும் பண்ணிக்கிறேனே folks - அது தான் அட்வைஸ் அர்னால்டாக அவதார் எடுப்பது : தயவு செய்து உங்களது நாட்களில் உடற்பயிற்சிக்கென நேரம் ஒதுக்குங்கள் folks !  "வாக்கிங் போறேன் ; சைக்கிளிங் போறேன்" என்று மிதப்பாகத் திரிந்தவன் தான் நான் ; ஆனால் உடம்பில் உள்ள ஒரு வண்டி தசைகளையும், மூட்டுகளையும் செயல்பட வைக்க அது பற்றாதென்று இப்போ முக்கிக்கினே குச்சியைத் தூக்கிடும் போதெல்லாம் புரிகிறது ! மூட்டுகள் ஒழுங்காய் செயல்பட்டு வரும் வரைக்கும் ஆயுட்காலத்துக்கும் அவை அப்படியே தொடர்ந்திடுமென்று நம்பி விடுகிறோம் ! But வண்டி நொண்டியடிக்க ஆரம்பிக்கும் போது தான் தேகப் பயிற்சிகளின் முக்கியத்துவம் புரிகிறது !! கையில் ஒரு எலாஸ்டிக் பட்டையைத் தந்து, அதை 'தம்' கட்டி இழுக்கச் செய்யும் போதெல்லாம் - அதே கையில் செல்லை ஏந்திக் கொண்டு YouTube-ஐ பார்த்தபடிக்கே கெக்கலித்தது தான் நினைவுக்கு வருது !! இன்றைக்கோ "Frozen Shoulder treatments" என்பதைத் தாண்டி என்னோட YouTube அக்கவுண்டில் வேறு எதுவும் ஓட மாட்டேங்குது ! குஸ்தி பயில்வான் ஜாடையிலிருக்கும் வெள்ளைக்கார physiotherapists செய்து காட்டும் பயிற்சிகளையெல்லாம் பார்க்கும் போது கெட்ட கெட்ட வார்த்தைகள் தான் மண்டைக்குள் ஓடுகின்றன !! So ஞான் போட்டு வரும் மொக்கைகளிலிருந்து நீங்கள் பாடம் படிச்சால் அந்தமட்டுக்காவது மகிழ்வேன் !  

Bye all....see you around ! ஜன்னல் கிராதிகளோடு எனது லவ்சை தொடரக் கிளம்புகிறேன் ! Have a fun week !!

And oh yes - புக்ஸ் கிளம்பியாச்சு ! And ஆன்லைன் லிஸ்டிங்ஸ் போட்டாச்சு : https://lion-muthucomics.com/latest-releases/1224-2024-july-pack.html

P.S : தாத்தாஸ் கதையின் மொழியாக்கம் இப்போது தான் நிறைவுறுகிறது ! So ஆகஸ்ட்டில் டின்டின் கூட அவர்களை அனுப்பிடுகிறோம் folks ! விட்டு விட்டு பணி செய்து இந்த ஆல்பத்தின் அழகைப் பாழ் பண்ண மனசு வரலை ! Sorry again !

ஜூலையின் வாசலில் !

 நண்பர்களே,

வணக்கம். இப்போதெல்லாமே இது ஜுன் ரெண்டாவது வாரம்; மூணாவது வாரம் என்ற ரீதியில் ஞாபகங்கள் தங்கிடுவதில்லை! மாறாக – ”இது 1005-ம் பதிவு வாரம்; 1006-ம் பதிவு வாரம்!” என்ற ரேஞ்சுக்கே சிந்தனைகள் ஓட்டமெடுத்து வருகின்றன! And இதோ – பதிவு நம்பர் 1006 சகிதம் yet another வாரயிறுதியினில் அடியேன் ஆஜர்!

புதிதாய் ஒரு மாதம் ; அதுவும் நமது ஆண்டுமலர் மாதம் ; அதுவும் கூப்பிடு தொலைவிலிருக்க, அங்கிருந்து ஆரம்பிப்பது தானே முறையாகிடும் ?! So இதோ – சிலபல ஆண்டுகளாகவே நாம் தொடர்ந்து வரும் அந்த template-ன் பாணியில் லக்கி லூக் டபுள் ஆல்ப சாகசத்துடன் இந்த ஆண்டுமலரைக் கலர்ஃபுல்லாக்கிட வருகிறார்! And as always, இரு புது காமெடித் தோரணங்கள் இம்முறையும் :

- நடுவிலே கொஞ்சம் ஞாபகத்தைக் காணோம்!

&

- களமெல்லாம் கிழம்!

முதல் கதையானது டால்டன் சகோதரர்களுடனான மாமூல் கூத்துப் பட்டறை என்றால், இரண்டாவது கதையோ தலை நரைத்த ஒரு பெருசு கும்பலோடு லக்கி நடத்தும் ஒரு சாகஸப் பயணம்! And இது லக்கி தொடரின் பொற்காலமாய் அறியப்படும் கோசினி & மோரிஸ் கூட்டணியின் காலகட்டத்தில் உருவாக்கப்பட்டது. இங்கே சின்னதாக ஒரு விஷயமுமே நமது கவனங்களுக்கு அவசியமென்பேன்!

- லக்கி லூக் தொடர் இன்னமுமே தடதடத்து வரும் ஒரு live தொடரே!

-இது வரையிலும் 82 ஆல்பங்கள் (சீனியர்) லக்கி லூக் தொடரில் வெளிவந்துள்ளன!

- சுட்டி லக்கி ஒரு தனித்தடத்தில் – ஒற்றைப் பக்க gags சகிதம், 5 ஆல்பங்களில் சுமாரான வரவேற்போடு பயணம் செய்திருக்கிறார்!

- இவை தவிர லக்கி லூக்கை கிராபிக் நாவல் பாணியிலும் 4 ஆல்பங்களில் சித்தரித்துள்ளனர்!

- மெயின் தொடரில் நாம் இதுவரையிலும் 48 ஆல்பங்களை வெளியிட்டு முடித்து விட்டோம்! இவற்றில் பெரும் பகுதி, தொடரின் பொற்காலத்து இதழ்கள்!

- எஞ்சியிருக்கும் ஆல்பங்களில் – தொடரின் துவக்க நாட்களில், சுமாரான சித்திரங்களுடன் லக்கி வலம் வரும் கதைகள் ஒரு 40% இருக்குமென்றால் – பாக்கி 60% கதைகளோ புதுத் தலைமுறைப் படைப்பாளிகளின் கைவண்ணங்களில் உருவான ஆல்பங்கள்! என்ன தான் புதியவர்கள் ‘தம்‘ கட்டி முயன்றாலும் கோஸினி & மோரிஸின் கதைத் தரங்களை எட்டிட ரொம்பவே திணறுகின்றனர் என்பது தான் யதார்த்தம்! So இனி வரும் காலங்களில் லக்கி கதைகள் வெளிவரும் வேளைகளில் நமது ஒப்பீட்டு மீட்டர்களை சற்றே ஓரம் கட்ட வேண்டியிருக்கலாம்!

- அதிலும் வெகு சமீபமாய் ஒரு ஜெர்மன் படைப்பாளியின் கைவண்ணத்தில் உருவாகியிருக்கும் லக்கி லூக் கிராபிக் நாவலை நாம் பார்த்தோமேயானால் கிறுகிறுத்துப் போய் விடுவோம் என்பது உறுதி! ஏகமாய் மாற்றங்கள் சித்திர பாணிகளில் மட்டுமன்றி, லக்கியிடமுமே செய்துள்ளனர்! So நாம் 37 ஆண்டுகளாய்ப் பார்த்து, ரசித்து வரும் ஒல்லிப் பிச்சானை காத்திருக்கும் புது யுகத்தில் கணிசமான மாற்றங்களோடே தான் பார்க்க முடியும் போலும்! Sighhhhh!

சரி, நமது ஆண்டுமலருக்கே திரும்பிடுவோமா folks? இதோ – ஒரிஜினல் அட்டை டிசைன்களோடான ராப்பரும், உட்பக்க பிரிவியூக்களும் :

இரு கதைகளுமே தொடரில் இதற்கு முன்பான ஆல்பங்களை நினைவூட்டக் கூடும் தான்; ஆனால் ஜாலியான கதை நகர்த்தலில் அவையெல்லாம் ஒரு பொருட்டாகவே தென்படாது பக்கங்கள் பறக்கின்றன! புதுயுகக் கதாசிரியர்கள் ஸ்கோர் செய்கிறார்களோ, இல்லையோ ; ஓவியர்களும் டிஜிட்டல் கலரிங் ஆர்ட்டிஸ்ட்களும் பட்டையைக் கிளப்பி வருகின்றனர்! இந்த ஆல்பமும், சமீப மாதங்களைப் போலவே ப்ரிண்டிங்கில் தெறிக்க விடுகின்றது! சித்திரங்களையும், ஒவ்வொரு frame-ல் ஓவியர்கள் செய்துள்ள ஜாலங்களையும் ரசித்தபடியே பக்கங்களைப் புரட்டினால் நிச்சயமாய் ஒரு புதுப் பரிமாணம் புலப்படும்!

ஆண்டுமலரின் இரண்டாவது கலர் ஆல்பத்தில் காத்திருப்பது டெக்ஸ்! கதாசிரியர் மௌரோ போசெலியின் கைவண்ணத்தில் உருவாகியுள்ள ஒரு செம breezy read – ”குற்றம் பார்க்கின் சுற்றம் இல்லை!” பழைய தமிழ் சினிமாவின் தலைப்பைப் போல இந்தக் கதைக்குப் பெயரிட்டிருப்பதற்கொரு காரணமும் உள்ளது! அதை இம்மாத அலசல்களின் சமயத்தில் நீங்களே புரிந்து கொள்ள இயலும்! 

அப்புறம் ஆண்டுமலரில் மலையளவுக் கதையாகத் திட்டமிட்டிராது, மடு சைஸிலான டெக்ஸ் சாகஸத்தை மாத்திரமே slot in செய்திருப்பது தான் டெல்லி விமான நிலையத்தில் கூரை பெயர்ந்து விழுந்தது முதலாய், ரிஷாப் பந்த் மொக்கை போட்டு வருவது வரைக்குமான காரணமென போன பதிவினில் நண்பர் பொரிந்திருந்ததை பார்த்தேன்! பணிப் பளுவினால் அங்கேயே பதிலளிக்க இயலாது போயிருந்தது! So இங்கே கொஞ்சமாய் பதில் சொல்ல நேரமெடுத்துக் கொள்கிறேனே folks ?

ஒரு அட்டவணையினில் 12 மாதங்ளுக்கும் இதழ்களைத் திட்டமிடுவது ஒரு பணியென்றால் – எதை? எங்கே? எப்போது நுழைப்பதென்ற திட்டமிடல் இன்னொரு tough task! ஒரு ஸ்பெஷல் வெளியீட்டினை உட்புகுத்துவதென்றால் அதற்கு முந்தைய மாதத்தில், பிந்தைய மாதத்தில் என்ன வரலாம்? அவற்றின் விலைகள் எவ்விதம் அமையும்? என்பதைக் கணக்கில் எடுக்க அவசியமாகிடும்! சேர்ந்தாற் போல கூடுதல் விலைகளில் இதழ்கள் அணிவகுப்பதை இயன்றமட்டிலும் தவிர்க்க முனைவோம்!

- ஜுலையோ ஆண்டுமலர் மாதம்!  தொடர்ந்திடும் ஆகஸ்ட்டோ ஈரோட்டுப் புத்தக விழா மாதம்! And ஆகஸ்டில் டின்டின் டபுள் ஆல்பம்ஸ் தலா ரூ.300/- விலைகளில் - என்பதை ஆண்டின் ஆரம்பத்திலேயே நிர்ணயித்து விட்டாயிற்று - which means Rs.600 ! ப்ளஸ் ”ஈரோடு ஸ்பெஷல்” என குறைந்தபட்சமாய் ஐநூறு, அறுநூறு ரூபாய் பட்ஜெட்டில் திட்டமிடலும் இருக்கும்! ஆக ஜூலையிலும், ஆகஸ்டிலும், back to back ஆயிரத்துச் சொச்ச பட்ஜெட்கள் போடல் சுலபமல்லவே – moreso ஒன்னரை மாசத்துக்கு முன்பான ஆன்லைன் மேளாவினில் ரூ.999/-க்கு வேட்டு வைத்துள்ளோமெனும் போது!

- எல்லாவற்றிற்கும் மேலாக ஒரு மைல்கல் தருணமென்றால் ஒரு முரட்டு இதழ் வெளிவந்தே ஆகவேண்டுமென்பது, நாமே விதித்துக் கொள்ளும் கட்டாயமன்றி வேறென்ன? இதோ – டெக்ஸின் 75-வது ஆண்டிற்கென இத்தாலியில் போனெல்லி என்ன திட்டமிட்டிருக்கிறார்கள்? என்பதை தெரிந்து கொள்ள பேராவலோடு போன வருஷத்தில் எதிர்பார்த்துக் காத்திருந்த நொடி தான் நினைவுக்கு வருகிறது! சிம்பிளாக ஒரேயொரு 120 பக்க கலர் சாகஸத்தோடு முடித்துக் கொண்டார்கள்! And எண்ணற்ற மறுபதிப்புகளை கலரில் அள்ளித் தெளித்து அந்த ஆண்டினை நிரவல் செய்து விட்டார்கள்! மாதமொன்றுக்கு டெக்ஸ் மட்டும் சில லட்சம் பிரதிகள் விற்பனை காணும் ஒரு பிரதம மார்கெட்டில் உள்ள படைப்பாளிகளே “இவ்வளவு போதும்” என்று தீர்மானிக்கும் போது, பெருச்சாளி சைஸிலான நாமோ புல்லெட் சவாரிகளை செஞ்சே தீரணும் என்ற ஒவ்வொரு தபாவும் அடம் பிடிப்பது ஒரு luxury தானேயன்றி – கட்டாயமல்லவே!

- தவிர, வரும் காலங்களில் crisp வாசிப்புக் களங்களே சரிப்படுமென்ற policy decision எடுத்துள்ள ஒரு ஆண்டினில் அதனை இயன்ற தருணத்தில் நடைமுறைப்படுத்த எண்ணிடுவது தெய்வ குற்றமாகுமா – என்ன?

அப்புறம் இந்த 40-வது ஆண்டின் திட்டமிடல் + ஓட்டம் தடுமாறி வருவதாகவும் நண்பர் கருத்துச் சொல்லியிருந்தார்! சின்னதாய் ஒரு தகவல் சொல்கிறேனே நண்பரே :

நமது இரண்டாவது இன்னிங்க்ஸ் துவங்கிய இந்தப் 12 ஆண்டுகளில் – “கொரோனாவுக்கு முன்னே” ; ”கொரோனாவுக்குப் பின்னே” என்று 2 வித காலகட்டப் பிரிவுகளைச் சொல்லலாம்! “கொ.மு.”வில் இருந்த வேகமும், பணப்புழக்கமும் much better ! ”கொ.பி.” காலகட்டத்தில் விலைவாசிகள் தெறிக்கத் தொடங்கியது மட்டுமன்றி, ஏகமான ஒரு தளர்ச்சி மார்க்கெட்டில் விரவிக் கிடந்ததை மறுப்பதற்கேயில்லை! ஆனால் – இந்த 2024, புனித மனிடோவின் அருளால் விற்பனைகளில், உற்சாகங்களில் இதுவரையிலும் கண்களில் காட்டி வரும் சகலமுமே புதுப்புது உச்சங்களையே!

- சென்னைப் புத்தக விழா 2024 – was a chartbuster!

- டின்டின் அதகள வெற்றி;

- லார்கோ; பௌன்சர்; டெட்வுட் டிக்; மார்டின்; மிஸ்டர் நோ; இளம் டெக்ஸ்; சிக் பில்; டேங்கோ; க்ரே தண்டர்; துணைக்கு வந்த மாயாவி – என ஒவ்வொரு மாதமும் சூப்பர் ஹிட் அடித்துள்ள இதழ்களின் எண்ணிக்கையும் much more than before - இது வரையிலுமாவது !

- ஆன்லைன் மேளா – தெறிக்கச் செய்த மெகா வெற்றி!

So நண்பர் குறிப்பிடும் தடுமாற்றமானது இத்தகைய விளைவுகளைத் தருமெனில் “தடுமாற்றம் வருஷா வருஷம் நல்லது” என்பேன்!!

-அப்பாலிக்கா இப்போதெல்லாம் தியேட்டரில்  குலேபகாவலி & மலைக்கள்ளன் சினிமாக்கள் தான் ஓடி வருவதான குற்றச்சாட்டு பற்றி : இது காதில் உதிரம் கசியுமளவிற்கு ஏற்கனவே நாம் அலசிவிட்ட matter தான்! ஆனால் ஒவ்வொரு க்ளாஸிக் தடம் அறிவிக்கப்படும் தருணத்திலும் இந்த விசாரமும் தலைதூக்குவதால். சம்பிரதாயமான அந்த விளக்கத்தையும் தந்திடல் அவசியமாகிறது! 

-  ‘ஜம்‘னு AC தியேட்டர் கட்டியாச்சு ; Dolby Surround சவுண்ட் சிஸ்டமும் போட்டாச்சு! படம் பார்க்க அற்புதமானதொரு களம் ரெடி! ஆனால் எந்தப் படத்தை ஜனம் பார்ப்பது? எதை ஆதரிப்பது? எதை மூலை சேர்ப்பது? என்ற தீர்மானங்களை அந்தத் தியேட்டர் ஓனர் ஒண்டியாளாய் எடுக்கவாவது முடியுங்களா? Oh yes – புதுசாய், ஃப்ரெஷ்ஷாய் ஒரு டைரக்டர் எடுக்கும் படத்தைத் திரையிடலாம் ; ஆனால் end of the day பார்வையாளர்களுக்கு அது ரசித்தாலொழிய – பாப்கார்ன் ஸ்டாலில் கட்டும் கல்லா கூட தியேட்டர்காரருக்கு சாத்தியமாகிடாதே ?! Re-release காணும் ”கில்லி” படம், சமகாலத்துப் புது முயற்சிகளை விடவும் பிரமாதமாய் ஓடினால் அதற்கு தியேட்டரைக் குறைகண்டு பிரயோசனம் தான் இருக்க முடியுங்களா?

- வாசிப்புகளிலும், ரசனைகளிலும் இதுவே தானே நிலவரம்? “எனக்கு MYOMS சந்தா அத்தினி முக்கியமாப் படலேடா தம்பி; ஆல்ஃபாவோ; ப்ளூகோட்டோ; சிஸ்கோவோ எனக்குள் ஒரு பரபரப்பை உண்டு பண்ணலைடா தங்கம்!” என்று நண்பர்கள் சொல்லும் போது, அதை ஏற்றுக் கொள்வதைத் தானே நான் செய்திட இயலும்? அதே நண்பர்கள் – இந்த Electric ‘80s சந்தாவினை மூன்றே வாரங்களுக்குள் MYOMS எண்ணிக்கையினைத் தாண்டச் செய்திடும் போதுமே நான் பராக்கு மட்டும் தானே பார்த்திட இயலும்?! Of course, "இந்தப் பழம் பார்ட்டிகள் எனக்குள் ஒரு கொள கொள பீலிங்கையே உண்டு பண்ணுதுக !" என்ற விசனங்களை மறுக்கவே மாட்டேன் தான் ; ஆனால் இந்த அணி vs அந்த அணி எனும் போது - கெலிப்பது யாரென்பதை ELECTRIC '80s ஈட்டி வரும் முன்பதிவுகளே சொல்லி விடுகின்றனவே  !

- And it’s not like we don't give slots to new heroes! சாதித்துக் காட்டுபவர்கள் நிலைத்திடப் போகிறார்கள் – மிஸ்டர் நோ போல! ஆனால் கிடைக்கும் வாய்ப்புகளைக் கோட்டை விடுவோர் ‘சடக்‘கென்று ஓரம் கட்டப்படுகின்றனர் என்பதே இன்றைய நடைமுறை!

- முன்பெல்லாம் ஒரு நாயகருக்குக் கணிசமான வாய்ப்புகள் தரும் குஷன் நமக்கிருந்தது – அவர் தேறிட மாட்டாரா? என்று பரிசோதித்துப் பார்க்க! கமான்சேவை நாம் ஓரம் கட்ட நேர்ந்தது 9 ஆல்பங்களுக்குப் பின்பாகத் தானே? ஆனால் இன்றோ ஒரு I.R.$ தொடரை அசிரத்தையோடு பார்த்திட ஒரேயொரு ஆல்பமே போதுமென்றாகிப் போச்சே? இது தான் இந்த ஆகச்சிறிய வட்டத்தின் பலமும், பலவீனமுமே! 

- So ஒற்றை வரியில் சொல்வதானால் – டெக்னிகலரில் remaster செய்யப்பட்டு ஓடும் “ஜக்கம்மா” படம் ஈட்டித் தரும் வருவாய்களுக்கும் இந்த தியேட்டரின் ஓட்டத்தினில் ஒரு முக்கிய பங்குள்ளது   !  "தடுமாற்றம் தந்திடாத புதுத் திட்டமிடல்கள்" மாத்திரமே அரங்கை முழுசுமாய் finance பண்ணுவதாகயிருப்பின் – போன வாரம் குப்புசாமி கொட்டிப் போன கோன் ஐஸும் ; பத்து நாட்களுக்கு முன்னே பரிமளம் போட்டுப் போன பாப்கார்னும் அதனதன் இடங்களில் இன்றைக்குமே பத்திரமாய் இருந்திடுமே?! So எனக்குப் பிடித்தாலும், பிடிக்காவிடினும்,  பழமை மோகமற்ற நண்பர்களுக்கு எரிச்சல் மூட்டினாலும், கடுப்பேற்றினாலும் - the classic heroes are very much a part of our journey என்பதே bottomline!

And – போன வாரத்தில் அறிவிக்கப்பட்ட “கபிஷ்” மீள்வருகை கூட இதன் நீட்சியே! And இங்கே முக்கியமாக 2 ஆதாயங்கள் இருப்பதாக நான் நினைத்தேன்!

#1: புத்தக விழா சமயங்களில் மட்டும் வெளிவரக் காத்துள்ள இந்த இதழ்(கள்) சிம்பிளான வாசிப்புக் களங்களை தமது இல்லத்துக் குட்டீஸ்களுக்குத் தந்திட நினைப்போருக்கு ரசிக்கக்கூடுமென்று நினைத்தேன்!

#2: Of course ‘80sகளின் நம்ம தொந்தி வளர்த்த kids-களுக்கு இந்தச் சுட்டிக் குரங்கு செம நோஸ்டால்ஜியா தந்திடும் என்பதிலும் ஐயமில்லை !

ஆனால் இது தேவை தானா? இன்றைய இளம் தலைமுறையினர் எதை ரசிப்பார்களென்று லயோலா மாணாக்கரைக் கொண்டு ஒரு கருத்தாய்வு எடுத்தால் தான் தெரியுமென்று நண்பர் செனா.அனா அபிப்பிராயப்பட்டிருந்தார்! சில தருணங்களில் சிம்பிளான விஷயங்களையுமே நாம் overthink செய்கிறோமோ? என்று எண்ணத் தோன்றியது ! ஏனென்கிறீர்களா ?

Hi-tech ; fast movements கொண்ட CocoMelon போன்ற புது யுக  கார்ட்டூன் வீடியோக்களெல்லாம், சிறார்களின் வளர்ச்சிக் குறைபாட்டோடு சம்பந்தப்பட்டிருக்கின்றன ; நார்மலான துரிதத்தில் பிள்ளைகளுக்குப் பேச்சு வராது போகக் காரணமாகி நிற்கின்றன என்ற சர்ச்சை உலகெங்கும் ஓடி வருகிறது ! So “ஒரு ஊரிலே ஒரு காக்கா இருந்துச்சாம். அது பாட்டிகிட்டே வடை திருடிச்சாம்” என்று இன்றளவும் குட்டீஸ்களுக்கு  கதை சொல்வதில் சிக்கல்களில்லை  ! And பாட்டி கதை சொல்வதாலேயே நாம் பழமையில் ஊறிப் போனதாய் கொள்ள இயலாதே - becos -

இது மாற்றங்களின் யுகம் என்பதற்காக - ”13.0843’‘N, 80.2705.E இலக்கிலே ஒரு அஸடிராக்டா இண்டிகா மேலே ஒரு கார்வஸ் இருந்துச்சாம்! அதுகிட்டேயிருந்த சப்வே பர்கரை ஒரு வுல்பெஸ் உல்பெஸ் ஆட்டையைப் போடப் பார்த்துச்சாம்!” என்று நவீனங்களுடன் யாரும் கதை சொல்லப் போவதில்லியே?!

P.S :

13.0843’‘N, 80.2705.E : சென்னை இருக்கும் இலக்கின் GPS co-ordinates !

"அஸடிராக்டா இண்டிகா"  : வேப்ப மரத்தின் விஞ்ஞானப் பெயர் !

கார்வஸ்  : காக்காயின் விஞ்ஞானப் பெயர் !

உல்பெஸ் உல்பெஸ் : நரியின் விஞ்ஞானப் பெயர் !

So ஒரு வால் நீட்டும் குரங்கை – அதன் intended target audience-ன் பார்வைக் கோணங்களிலிருந்து பார்த்து விட்டுப் போனால் லயோலா மாணாக்கரைத் தொந்தரவு செய்திடத் தேவைகளின்றிப் போகுமே?! ரைட்டு – ஒரு சர்வே எடுக்கவே செய்கிறோம் என்றே வைத்துக் கொண்டு ; அதன் முடிவில் “Manga தான் இன்றைய தலைமுறையின் தேடல்” என்ற பதில் கிட்டுகிறதென்றும் வைத்துக் கொள்வோமே – what next ? நம்மால் வாசிக்க முடியாத அந்தக் கதை பாணிகளை தடாலடியாய் வெளியிட்டு – எங்கே? எவ்விதம் சந்தைப்படுத்த இயலும்? என்ற கேள்வி தொக்கி நிற்குமன்றோ? “நாம படிக்கிறோமோ – இல்லியோ, நம்ம வீட்டு பிள்ளைங்களை இதுக்குள்ளாற இறக்கிவிட்டே தீரணும்! ஆகையால் ஆளுக்கு 2 சந்தா கட்டணும் மக்கா!” என்று நான் அறிவித்தால் - மூத்திரச் சந்தே எனது நிரந்தர ஜாகையாகிடாதா?

கபிஷ் – குட்டிகளுக்கு! நமது நோஸ்டால்ஜியா பிரியர்களுக்குமே அது லயித்திடும் பட்சத்தில் சிறப்பு! Let's keep it simple as that please ! And புரிகிறது - முன்செல்லும் பாதையில் அடுத்த தலைமுறைக்கு இன்னமும் சிறப்பான கதைகளை ஊட்டிட வேண்டியதன் அவசியமும், முக்கியத்துவமும் புரிகிறது ! But கபிஷின் வருகையால் அந்தத் தேடல் ஓய்ந்திடப் போவதும் கிடையாது, வீரியம் குறைந்திடப் போவதும் கிடையாது என்பதை தைரியமாய் நம்பிடலாம் ! இதோ போன வாரம் கூட, வால்ட் டிஸ்னியின் கதைகளை தமிழுக்கு கொணர முடியுமாவென்று முயற்சித்து முரட்டு பல்பு வாங்கியிருக்கிறேன் ! அதற்காக இந்த விக்ரமாதித்தன் ஓய்ந்து மூலையில் குந்திடப் போவதில்லை ; இவனது தேடல்கள் தொடர்கதையாகவே இருந்திடும் - எந்தவொரு சூழலிலுமே !!

ரைட்டு, கபிஷுக்கு வால் நீளுமோ - இல்லையோ; இந்தப் பதிவின் நீளம் செமத்தியாய் நீண்டு விட்டது! So நான் கிளம்பும் முன்பாக இதோ – இம்மாதத்து V காமிக்ஸ் update folks : 

ஏஜெண்ட் ராபினின் சாகஸப் பயணம் தொடர்கிறது – இம்முறையுமே அட்டகாசமான சித்திரங்களுடன் !! And சின்னதொரு நினைவூட்டல் ப்ளீஸ் : இது V காமிக்ஸின் அடுத்த அரையாண்டுச் சந்தாவின் இதழ் ! So அதற்கான தொகையினை அனுப்பியாச்சா? என்று ஒருவாட்டி சரிபார்த்துக் கொள்ளுங்களேன் – ப்ளீஸ்?!

Before I sign out - ஈரோட்டில் காத்துள்ள நமது லயன் 40 கொண்டாட்டம் சார்ந்த news !! குடும்ப சகிதம் ஆஜராகிடவுள்ள நண்பர்களுக்கும், இந்த வருடம் தங்களது நாற்பதாவது பிறந்த நாட்களை கொண்டாடிடும் நண்பர்களுக்கும், தங்கிட ஏற்பாடுகள் நடந்தேறி வருகின்றன ! அது ஈரோட்டுப் புத்தக விழா தருணமும் கூட என்பதால் இப்போதே அங்கே ரூம்கள் கிடைப்பது குதிரைக்கொம்பாய் இருந்து வருகிறது ! So ஏற்கனவே அறிவித்தது போல, ஜூன் 30-ல் நாம் ஏற்பாடு செய்திடவுள்ள புக்கிங்கள் நிறைவு பெறுகின்றன ! 

அப்புறமாய் நமது லயன் சார்ந்த நினைவுகளை, நேரில் வர இயலா நண்பர்கள் பகிர்ந்திடும் testimonials கிட்டத் துவங்கியுள்ளன ! இன்னமும் கணிசமான அவகாசமுள்ளதே என்று எண்ணிடாது, உங்களின் வீடியோக்களை ஜல்தியாய் அனுப்பிட்டால், அவற்றை எடிட் செய்திடவுள்ள நண்பர்களின் பணி சற்றே சுலபமாகிடும் ! Please guys - let's show some speed !! 

அப்புறம் காமிக்-கான் பாணியில் நாமுமே ஒரு Cosplay நடத்தினாலென்ன ? இயன்றோர், பிடித்தமான காமிக்ஸ் நாயக / நாயகியரின் வேஷங்களில் ஆஜராகிடட்டுமே ? என்று நண்பர்களில் சிலர் suggestion தந்திருந்தனர் ! ஒரு ஜீன்ஸையும், டி-ஷர்ட்டையும் போட்டுக்கினு "ஞான் லார்கோவாக்கும் !!" என்று சொல்லாத வரைக்கும் Cosplay ஓ.கே. தானென்றுபட்டது !! So அதனில் ஆர்வம் உள்ள நண்பர்கள் இருப்பின் - most welcome !!

Bye all! See you around! Have a cool Sunday! நாம் உலக சேம்பியன்கள் என்ற குஷியோடு கண்ணயரப் போகிறேன் ! 😍😍😍😍😍😍😍😍

P.S : திங்களன்று புக்ஸ் டெஸ்பாட்ச் இருந்திடும் folks ! 

ஒரு குட்டிப் புயல் !!

 நண்பர்களே,

வணக்கம். கொஞ்ச நாட்களுக்கு முன்வரையிலுமே சனிக்கிழமையானால் ”எதைப் பற்றி எழுதுவது?” என்ற கேள்வியோடு மோவாயைத் தடவிக் கொண்டிருப்பது வாடிக்கை! ஆனால் என்ன மாயமோ தெரியலை - சமீப வாரங்களாகவே ”எதையெல்லாம் இப்போ எழுதுறது? எதையெல்லாம் அப்பாலிக்காவுக்கா ஒத்தி வைப்பது?” என்ற வினா மாத்திரமே முன்நின்று வருகிறது! இதோ- இந்த வாரத்து மெயின் மேட்டர் கூட ஆயிரமாவது பதிவிலேயே வந்திருக்க வேண்டியது; but ஏகமான அறிவிப்புகளோடு இதுவும் சேர்ந்து கரைந்திட வேணாமே என்று ஒத்திப் போட்டேன்! So ஆஞ்சநேயரின் வால் போல் நீண்டு வரும் அறிவிப்புகளின் லேட்டஸ்ட் அத்தியாயம் என்னவென்று பார்த்துப்புடலாமுங்களா?

அட அது என்ன - குருநாதருக்கு மட்டும் தான் வால் நீட்டிடும் ஆற்றலெல்லாம் இருக்க முடியுமா? ஒரு க்யூட்டான சிஷ்யப்புள்ளைக்குமே அந்த வரம் வாய்க்க வாய்ப்பிராதா? ”இன்னாங்கடா டேய்... நல்ல நாளைக்கே மண்டையன் குழப்புவான் - இன்னிக்கு ரூம் போட்டுக் குழப்புறானே?” என்று தலைக்குள் கேள்வியா? விஷயம் வேறொன்றுமில்லை guys - ஆஞ்சநேயர் பாணியில் வால் நீட்டிடும் ஆற்றல் கொண்ட நமது பால்ய நண்பன் கபிஷ் விரைவில் நம்மிடையே மீள்வருகை செய்திட உள்ளான்! முத்து காமிக்ஸில் filler pages-களாக துவக்கத்தில் தலைகாட்டி; பின்நாட்களில் முத்து காமிக்ஸ் வாரமலரில் ரெகுலராகி; அதன் பின்பாய் பூந்தளிரில் உலா வந்த இந்த சுட்டிப் புயல் நமது புத்தக விழாக்களில் சிறாருக்கான வெளியீட்டு வரிசையில் இணைந்திடவுள்ளான்! நம் மத்தியில் கபிஷ் popular என்பது எனக்குத் தெரியும் தான் - ஆனால் மந்தித் தம்பிக்கு கேரளாவில் ; மலையாள காமிக்ஸ் ரசிகர்களின் மத்தியில் ஒரு tremendous வரவேற்பு இருப்பதை சமீபத்தில் தான் தெரிந்து கொள்ள முடிந்தது - அங்கே கபிஷின் மீள்வருகை செம தலைப்புச் செய்திகளாகியதைப் பார்த்த போது!

பைக்கோ க்ளாஸிக்ஸ் என்ற பெயரில் மலையாளத்தில் காமிக்ஸ் வெளியிட்டு வரும் பாரம்பரியமான பதிப்பகத்தினர் கபிஷுக்கென் exclusive ஆகவொரு இதழை வெளியிட்டிருந்தது மாத்திரமன்றி, பிரதான செய்தித்தாள்கள் அனைத்திலும் அதுவொரு முக்கிய செய்தியாகிடச் செய்திருந்தனர். மலையாளத்தில் மட்டுமன்றி, இங்கிலீஷ் பேப்பர்களிலும் நியூஸ் றெக்கை கட்டிட, நம்ம ஆந்தை விழிகளிலும் அது பட்டிருந்தது ! 

கபிஷ், ராமு-சோமு; காலியா; இன்ஸ்பெக்டர் கருடா இத்யாதி... இத்யாதி என ஒரு கணிசமான எண்ணிக்கையிலான தேசீயப் படைப்புகள் - 1970-களின் மத்தியிலிருந்து, மும்பையில் அமர் சித்ர கதா - டிங்கிள் போன்ற அற்புதங்களின் பின்னணியிலிருந்த திரு.ஆனந்த் பை அவர்களின் கைவண்ணத்தில் உருவாயின ! “அங்கிள் பை” என்று வாஞ்சையாய் அழைக்கப்பட்டவர், இந்த படைப்புகளை திறமையான உள்ளூர் ஓவியர்களைக் கொண்டு உருவாக்கியது மட்டுமல்லாது, அவற்றைப் பிற மொழி காமிக்ஸ் பதிப்பகங்களுக்கு சந்தைப்படுத்திடும் பொருட்டு Rang Rekha Features என்றதொரு நிறுவனத்தையும் மும்பையில் நிறுவியிருந்தார்.

சீனியர் எடிட்டருக்கு அமர் சித்ர கதா வெளியிட்டு வந்த IBH நிறுவனத்தோடு அந்நாட்களில் நல்லதொரு பரிச்சயம் இருந்ததால் - அங்கிருந்து கிளைவிட்டிருந்த Rang Rekha Features நிறுவனத்தோடு கரம் கோர்ப்பது வெகு சுலபமாக அமைந்து போனது! அப்போதெல்லாம் முத்து காமிக்ஸ் ரெகுலராக வெளிவந்து கொண்டிருக்க, வாயு வேக வாசு ; புத்தக பிரியன் பாபு ; சூரப்புலி சுந்தர் ; கபிஷ், கருடா, ராமு-சோமு போன்ற தொடர்கள், சுவையான கேக் மீதான ‘பளிச்‘ icing ஆகிப் போயின! சிம்பிளான கதைகள் ; ஈர்க்கும் நாயகர்கள் ; எளிதான சித்திர பாணிகள் என்ற template நம் அனைவருக்குமே பிடித்துப் போனதில் வியப்பில்லை ! And முத்து காமிக்ஸ் வாரமலரில் இரும்புக்கை மாயாவிக்கும், அதிமேதை அப்புவுக்கும் அடுத்தபடியாக செம popular ஆக இருந்த கோஷ்டி அனைவருமே மும்பைக்கர்ஸ் என்பதில் no doubts !!எக்கச்சக்கமான நாட்களில் மும்பையிலிருந்து வரும் கபிஷ் & கருடா கதைகள் அடங்கிய பார்சல்களை நானே உடைத்து, சகலத்தையும் படித்த கையோடு தமிழாக்கம் செய்யவும் அப்போதே முயற்சித்திருக்கிறேன்! So என்னைப் பொறுத்தவரையிலும் கபிஷ் ஒரு நிஜமான பால்ய நண்பன்!

ஆனால் ‘90களில் நிறைய மாற்றங்கள் நிகழ்ந்ததைத் தொடர்ந்து Rang Rekha Features நிறுவனமானது கடை மூடும் நிலை நேர்ந்தது! அந்நேரம் நாமும் வேறு தடங்களில் பயணித்துக் கொண்டிருந்ததால் அவர்களோடு பெருசாய் touch-ல் இருந்திருக்கவில்லை ! And ‘90-களின் பிற்பாதிகளிலும், 2000-ன் முழுமைக்கும் நாமும் நொண்டியடிக்கவே செய்தோம் எனும் போது கபிஷ் பற்றிய சிந்தனைகள் பெருசாய் தலைதூக்கியிருக்கவேயில்லை ! 2012...நமது இரண்டாவது இன்னி்ங்ஸ் என்று வண்டி மறுக்கா ஸ்டார்ட் ஆன சமயத்திலோ புதுசு புதுசுாய் தேசங்கள்தோறும் பதிப்பகங்களைத் தட்டியெழுப்பி புதுசு புதுசாய் கதைகளை வாங்கும் மும்முரத்தில் கபிஷ் சுத்தமாய் நமது ரேடாரிலேயே இடம்பிடித்திருக்கவில்லை! So 2023 ஆகஸ்டில் “மலையாளத்தில் கபிஷ்” ஏற்படுத்தியிருந்த தாக்கத்தைப் பார்த்த சமயத்தில் ‘ஆஹா... இது இளம் / புது வாசகர்களுக்கு சுகப்படக்கூடியதொரு தொடராச்சே! சின்னச் சின்ன கதைகளென்றாலும், இவை நம் இல்லத்துக் குட்டீஸ்களுக்கு மாத்திரமன்றி, XL சைஸ் பெர்முடாக்களைப் போட்டுத் திரியும் மனசளவிலான குட்டீஸ்களுக்கும் பிடித்திடக்கூடுமே?!” என்று தோன்றியது!

அந்த நியூஸ் பேப்பர் செய்தியை முழுசாய்ப் படித்த போது தான் தெரிய வந்தது – திரு.ஆனந்த் பை தனது காமிக்ஸ் படைப்புகளின் உரிமைகளை ஆந்திராவிலுள்ள ஒரு அனிமேஷன் + ஊடகக் குழுமத்திடம் விற்பனை செய்து விட்டார் என்பது! சரி ரைட்டு, மும்பையில் கதவைத் தட்டுவதற்குப் பதிலாக இனி ஹைதராபாத்தில் தட்டினால் கபிஷ் & கோவை தமிழ் பரையச் செய்து விடலாமென்று பட்டது! தொடர்ந்த நாட்களில் ஹைதெராபாத்துக்கு ஈ-மெயில்கள் போட்டுத் தாக்கினேன் ! ஊஹும்... லக் இல்லை! அவர்களது ஃபோன் நம்பரைத் தேடிப் பிடித்து மாட்லாடுவோம் என்று நினைத்தால், சான்ஸே இல்லை – இணையத்தில் டெலிபோன் நம்பரைப் பிடிக்கவே முடியவில்லை! இதென்னடா முழியாங்கண்ணனுக்கு வந்த சோதனை – என்றபடியே ஹைதராபாத்தில் தெரிஞ்சவங்க யாராச்சும் இருக்காங்களா? என்று யோசிக்க ஆரம்பித்தேன்! அசாருதீனையும், அம்பத்தி ராயுடுவையும் எனக்குத் தெரியும் தான் – ஆனால் அவர்களுக்கு என்னைத் தெரியாதென்பதால் கொஞ்ச நாட்களுக்கு கபிஷை அந்தரத்தில் விட்டுவிட்டேன்! நமக்குத் தான் மூக்குக்கு முன்னே ஒரு புது வேலை முளைக்கும் நொடியில், முந்தின மணி வரையிலும் செய்து வந்தது மறந்து போயிடுமே... So கொஞ்ச காலத்துக்கு சுத்தமாய் மறந்தே போயிருந்தேன்!

அகஸ்மாத்தாய் ஒரு நாள் நமது வாசகர் குடும்பத்தின் ரொம்பவே பிரியமானதொரு அங்கத்தினர் சமீபத்தில் திருமணமாகி ஹைதராபாத்தில் செட்டிலாகியிருப்பது நினைவுக்கு வந்தது! And அவரது கணவர் கூட மீடியாவில் இருப்பவரே ! ரைட்டு... சஞ்சீவி மலையை ஏந்தி வரும் பொறுப்பை அவர்களிடம் ஒப்படைக்கலாமென்ற எண்ணத்தில் ஃபோன் அடிச்சு “இன்ன மேரி...இன்ன மேரி சுவத்திலே முட்டிகினு கீரேன் இக்கட! நீங்க அக்கட கொஞ்சம் ட்ரை பண்ணிப் பார்த்து – கபிஷ் உரிமைகள் தொடர்பாக யாருகிட்ட பேச வேண்டியிருக்கும்னு மட்டும் locate செய்து தந்தால், மிச்சத்தை நான் பார்த்துக்கிறேன்!“ என்று சொல்லி வைத்தேன்! உற்சாகமாய் அவர்களும் முயன்றார்கள் – and தனது மீடியா தொடர்புகளைப் பயன்படுத்தி நிறுவனத்தோடு அவரது கணவர் பேசியும் விட்டார் ! ஆனால் இந்த உரிமைகள் சார்ந்த சமாச்சாரமெல்லாமே குழுமத் தலைவரின் நேரடி கவனத்தில் மாத்திரமே அரங்கேறிடும் & முதலாளி அமெரிக்கா போயிருக்கிறார்; திரும்ப நாளாகும்! என்ற பதிலே கிட்டியது! ”சரி ரைட்டு... பார்த்துக்கலாமென்று” நான் மறுக்கா எனது பணிகளுக்குள் மூழ்கிப் போனேன் ! ஹைதராபாத்திலிருந்துமே நிறுவனத்தின் தரப்பிலிருந்து மேற்கொண்டு feedback எதுவும் கிட்டியிருக்கவில்லை! ”சரி... ரைட்டு... சந்தர்ப்பம் அமையும் போது பார்த்துக்கலாம்!” என்றபடியே மனசை எல்லோரும் தேற்றிக் கொண்டோம்!

நாட்கள் ஓடின... நடுவே புத்தக விழாவினில் வழக்கம் போல நண்பர்கள் சந்திப்பு அரங்கேறியது ! அப்போது நண்பரொருவர் “கபிஷ் மறுக்கா போடலாமே? மலையாளத்திலெல்லாம் போடறாங்க பார்த்தீங்களா?” என்று வினவினார். ”போடலாம் தான் சார்... ஆனால் நடைமுறையில் சில communication சிக்கல்கள் உள்ளன” என்று நடந்த கதையைச் சொன்னேன்! “நான் ஏதாச்சும் முயற்சித்துப் பார்க்கவா ?” என்று நண்பர் கேட்ட போது, “வந்தால் மாங்காய்... போனா கல்லு தானே?!” என்ற நினைப்பில் “தாராளமாய் முயற்சியுங்கள் சார்!” என்றேன்! இது பேசி கிட்டத்தட்ட ஏழு மாதங்களிலிருக்கும். எந்தவித முன்னேற்றங்களும் இருந்திருக்கவில்லை! நடு நடுவே அவரிடம் வாட்சப்பில் பேசும் போது இது பற்றி ஒருவருக்கொருவர் நினைவூட்டிக் கொள்வோம்! வழக்கமான மார்க்கங்களில் முயற்சித்து முன்னேற்றம் காண முடியாத நிலையில் நமது நண்பர் கேரளாவில் கபிஷை வெளியிடும் நிறுவனத்தின் எடிட்டரிடமே நம் சார்பில் கோரிக்கையினை இறுதி அஸ்திரமாய் சமர்ப்பித்திருக்கிறார்! அவரும் தட்ட முடியாமல், “சந்தர்ப்பம் அமையும் போது ஹைதராபாத்தில் பேசி விட்டு உங்களுக்குச் சொல்கிறேனே!” என்று பதிலளித்திருக்கிறார்! நாட்களும், வாரங்களும், மாதங்களும் மறுக்கா ஓடிய நிலையில், ஒரு அழகான நாளில் நமது நண்பரின் தொடர் நச்சரிப்பு தாங்காதவராய், ஹைதராபாத் குழுமத் தலைவரோடு தொடர்பு கொள்ளத் தேவையான தகவல்களைப் பகிர்ந்திருக்கிறார் - மலையாள கபிஷின் எடிட்டர் அவர்கள் !

”கண்டேன் சீதையை!” என்றபடியே தகவலை என்னிடம் நண்பர் pass on செய்திட, அடுத்த அரை மணி நேரத்திற்குள் கபிஷ் தொடர்பான நமது கோரிக்கையை முறைப்படிச் சமர்ப்பித்திருந்தேன்! மலையாளத்துக்கு அடுத்தபடியாகத் தமிழில் வெளியிடும் ஆர்வம் தெரிவித்து ஒரு பதிப்பகம் முனைப்புக் காட்டியிருப்பதில் ரொம்பவே மகிழ்ச்சி என்றவர் நமது முன்மொழிவை study பண்ணி விட்டுச் சொல்கிறேன் என்றும் அன்போடு பதிலளித்தார்! மீடியாத்துறையில்; அனிமேஷன் துறையில்; அரசியலில்; தொழிலதிபர்கள் வட்டத்தில் அவர் எத்தனை உயரிய இடத்திலிருக்கிறார் என்பதை கூகுளின் புண்ணியத்தில் தெரிந்து கொண்டிருந்தேன் ; மனுஷன் ஆந்திராவின் முக்கியஸ்தர்களின் லிஸ்ட்டில் ரொம்பவே உயரத்தில் இருப்பவர் என்பது புரிந்தது ! ”ஆஹா... தேசத்தின் முதலிரண்டு இடங்களில் இருப்பவர்களோடே கைகுலுக்கும் அன்னியோன்யத்தில் இருப்பவராச்சே?! இவரது அன்றாடப் பணிச்சுமைகளின் மத்தியில், நம்ம பொரிகடலைக் கோரிக்கைகளைப் பரிசீலிக்க அவகாசம் எங்கே கிடைக்கப் போகிறது?” என்று உள்ளுக்குள் நினைத்துக் கொண்டேன்! ஆனால் அற்புதமான பண்பாளர் – சொன்னது போலவே மறுநாளே அவராகவே அழைத்து மேற்கொண்டு கொஞ்சம் தகவல்கள் கேட்டுப் பெற்று தங்களால் என்ன முடியும் – முடியாது என்பதைத் தெளிவாக்கினார். தனது சம்மதத்தை போனிலேயே என்னிடம் தெரிவித்து விட்டு, மேற்கொண்டு ஆக வேண்டிய பணிகளைப் பார்த்துக் கொள்ள தனது உதவியாளரை கோர்த்து விட்டார் ! So மாதங்களாய் ஜவ்விழுத்த முயற்சிகள், உரியவரிடம் பேசிய சற்றைக்கெல்லாம் ஓ.கே.வாகிப் போயிருந்தன !! தொடர்ந்த நாட்களில் அவரது உதவியாளருடன் follow up செய்து ”புராஜெக்ட் கபிஷ்”க்கு ஒரு பிள்ளையார் சுழி போடச் சாத்தியமான நொடியில், விடாமுயற்சிக்காரரான நம்ம நண்பருக்கும், இதன் பொருட்டு நமக்காக நேரம் செலவிட்ட அன்பான ஹைதராபாத் தம்பதியினருக்கும்,  மகிழ்ச்சியோடு தகவல் தெரிவித்தேன்! செம உற்சாகம் அனைவருக்கும் – ஒரு பால்ய நண்பனை மறுக்கா சந்தித்திடும் வாய்ப்பு புலர உள்ளதை எண்ணி! So ஒரு வால் நீட்டும் மந்தியை தமிழ் பேசச் செய்திட அவசியமாகிய கூத்துகளுக்குப் பின்பாக, அதனை அழகாய் நடைமுறைப்படுத்திட வேண்டிய பொறுப்பு இப்போது நம்மிடம்! ‘தம்‘ கட்டிப் பணி செய்தால் ஈரோடு புத்தக விழாவின் போது கபிஷ் ஸ்பெஷல் – 1, ராமு-சோமு etc... சகிதம் தயாராகிட வேண்டும். But இந்த நொடியில் அதனை உறுதிப்படுத்த ‘தம்‘ லேது – டின்டினின் தயாரிப்புப் பணிகள் இடையே காத்திருப்பதால்! So இயன்றமட்டுக்கு முயற்சிப்போம் என்பதே இந்த நொடியின் நிலவரம்!

எல்லாம் ரைட்டு,, அந்த விடாப்பிடி நண்பர் யாரென்கிறீர்களா? அவரெல்லாம் ஆற்று வெள்ளத்துக்குள்ளேயே சாகஸம் செய்து பழகிய ராஜா! வெயிலிலும் மழையிலும் நம்மோடே பயணித்து வருபவர்! அவ்வப்போது ”இதைச் செய்யலாமே; அதைச் செய்யலாமே!” என்று suggestions தந்திடுபவர்! இதோ – ஒரு வாரமாய் ஓடிக் கொண்டிருக்கும் நமது காமிக்ஸ் வாட்சப் community கூட அவரது பரிந்துரைகளில் ஒன்றே! ஏற்கனவே கார்த்திக் சோமலிங்கா இதுபற்றி முந்தைய பதிவு ஒன்றில் பின்னுாட்டமிட்டிருக்க, அதனை நடைமுறைப்படுத்தத் தேவையான சில யோசனைகளைத் தந்தவர் இந்த ரபீக் ராஜாவே தான்! நன்றிகள் பல சார்; கபிஷுக்கு மட்டுமல்ல!! 

நம்மைச் சுற்றிலும் அன்பெனும் அரண் அமைத்திட இவரைப் போலவே எண்ணற்ற நண்பர்கள் இன்றளவும் தொடர்வதாலேயே, இந்தப் பயணம் இன்னமும் வீச்சோடு தொடர்கின்றது ! புனித மனிடோவுக்கு நமது நன்றிகள் - ஒற்றைக்குடும்பமாய் கரம் கோர்க்கும் எண்ணம் கொண்ட நண்பர்களை வாசகர்களாக்கித் தந்தமைக்கு !! 

சரி, ரைட்டு – கூப்பிடு தொலைவில் நமது ஆண்டு மலர் மாதம் காத்திருக்க அவை சார்ந்த previews-ம் முக்கியமாச்சே?! So – இதோ நமது தானைத் தலைவர் ஸ்பைடரின் மெகா சைஸ் வண்ண இதழின் அட்டைப்பட முதல் பார்வை! 

அட்டைப்பட டிசைன் நமது அமெரிக்க ஓவியரிடமிருந்து வந்திருக்க, அதனை மெருகூட்டுவது ; பின்னட்டை டிசைனிங் என நமது கோகிலா பார்த்துக் கொண்டிருக்கிறார் ! கை ; கழுத்து ; காத்து ; மூக்கு - என்று ஒவ்வொரு அவயமும் அளவில் ஒழுங்கா கீதா ? என்று இயன்ற மட்டிற்குப் பார்த்திருக்கிறேன் தான் ; but நம்ம தலைவரின் டிசைன் எனும் போது ஏகமாய் அபிப்பிராயங்கள் வராது போகாதென்பது உறுதி ! ஏதோ, பாத்து பண்ணுங்க மக்கா !! 

Before I sign out, இதோ, நம்ம ஒல்லியாரின் ஸ்பெஷல் ஆல்பத்திலிருந்து : 

And நமது ஈரோட்டில் லயன் 40 தொடர்பாக ஓரிரு கோரிக்கைஸ் folks :

1 .பயண ஏற்பாடுகள் லயனோடு நாற்பதாவது அண்டினைக் கொண்டாடிடும் நண்பர்களுக்கு மட்டுமே guys !! 

*"நேக்கு 30 ஆகுது ; பச்சே ஆகஸ்ட்டில் பொறந்த நாள் கொண்டாடுறேன் - நான் eligible ஆ ?"

*"45 கணக்கில் சேர்த்தியாகுமா ?" 

என்ற வினவல்ஸ் நம்மாட்கள் சட்டைகளை கிழிக்கச் செய்து வருகின்றன !!

2 .அப்புறம் ரூம் கோரும் குடும்ப சமேத விருந்தினர் கொஞ்சமே கொஞ்சமாய் நேரமெடுத்துக் கொண்டு, உங்களின் பெயர், ஊர் ; செல் நம்பர் போன்ற தகவல்களை மெயிலில் டைப்படித்து அனுப்புங்கள் ப்ளீஸ் ! வெறுமனே போட்டோக்களை இணைத்துள்ளீர்கள் - பெயர்கள் கூட இல்லாது & நம்மாட்கள் பாயைப் பிறாண்டாத குறை தான் !

3 .பிளாக்கில் நாம் சூப்பெர்மென் ; ஜேம்ஸ் பாண்ட் என்றெல்லாம் உலா வரலாமுங்கோ ; ஆனால் ரயில் டிக்கெட்களுக்கோ ; ரூம் புக்கிங்களுக்கோ உங்களின் blog பெயர்கள் உதவிடாதே ? "இது யாரு சார் ??" என்றபடிக்கே பரிதாபமாய் நம்மவர்கள் என்னிடம் வந்து நிற்கிறார்கள் !!

4 .ரூம் புக்கிங் செய்தல் இம்மாத இறுதிக்கு முன்பாய் வருகைகளை உறுதி செய்திடும் குடும்பத்தினருக்கு மட்டுமே சாத்தியமாகிடும் ப்ளீஸ் ! So சற்றே சடுதியாக மெயிலை தட்டி விடலாமே ப்ளீஸ் ?

5 .அப்புறம் அந்த ஈ-மெயில் ID மறுக்கா உங்கள் பார்வைகளுக்கு : lion40erode@gmail.com

Thanks folks in advance !!

மீண்டும் சந்திப்போம் all ; have a beautiful Sunday ! Bye for now !!

ஈரோட்டில் லயன் !!

 நண்பர்களே, 

வணக்கம். 2 வாரங்களுக்கு முன்பாகக் கேட்டிருந்த 2 கேள்விகளுக்கு நீங்கள் தந்திருந்த விடைகள் 2 பதிவுகளுக்கான content கொண்டிருந்தன! So என்ன எழுதுவதென்று முழிக்கும் அவசியம் இந்த வாரத்துக்கும், அடுத்த வாரத்துக்கும் நஹி!

லயனின் 40-வது ஆண்டு இது என்பதை நாமறிவோம்! இந்த மைல்கல் வருஷத்து வாசகச் சந்திப்புக்கு ஈரோடு சுகப்படுமா? சேலமா? என்று வினவியிருந்தோம்! உங்கள் தேர்வுகளுக்கு வோட்டுப் போடவும் ஏற்பாடாகியிருந்தது! சும்மா சொல்லப்படாது - செம tough போட்டியே நிலவியது. ஆனால் துவக்கம் முதலாகவே ஈரோடு சின்னதொரு முன்னணியோடே தொடர்ந்திட, அதனை இறுதி வரை தக்க வைத்து கெலித்து விட்டது! Truth to tell, சந்திப்பு நவம்பரில், சேலத்தில் அமைந்திடும் பட்சத்தில் - மூச்சு விடக் கொஞ்சம் அவகாசம் கிடைத்துக் கொள்ளுமே என்ற எண்ணம் என்னுள் இருந்தது தான்! ஆண்டுமலருக்கான 3 கலர் புக்ஸ்; அடுத்ததாய் டின்டின் டபுள் ஆல்பம்ஸ்; அதைத் தொடர்ந்து 2025 அட்டவணைக்கான இறுதிக்கட்ட பணிகள், Electric '80s தயாரிப்பு - என கழுத்து வரைக்கும் பணிகள் போட்டுத் தாக்கி வருவதால் கிடைக்கக் கூடிய gap கார்சனின் மனக்கண்ணிலான சுக்கா ரோஸ்ட் போலத் தென்பட்டதை மறுக்க மாட்டேன்! ஆனால் ‘ஆகஸ்டில் ஈரோடு‘ என்பது நம்மில் ஒரு template ஆகப் பதிவாகி விட்டிருக்க, ‘ரைட்டு... நாலு பல்டிகளைக் கூடுதலாய் போட்டால் ஆச்சு!‘ என்றபடிக்கே ரெடியாகி விட்டேன்! என்னையும் உங்களையும் தாண்டி, ஈரோட்டை செம ஆவலாய் எதிர்நோக்கியிருப்பவர் இன்னொருவருமே உண்டு! And - அது வேறு யாருமல்ல - நமது சீனியர் எடிட்டர் தான்! பண்டிகையை எதிர்நோக்கிக் காத்திருக்கும் பாலகனைப் போல ஈரோட்டின் திக்கில் இப்போதே வழி மேல் விழி வைத்துக் காத்திருக்கிறார்! So தேரிழுக்கத் துவங்கலாமா folks?

ஈரோட்டில் புத்தக விழா துவங்கிடுவது ஆகஸ்ட் 2ம் தேதி - வெள்ளியன்று! And நாம் வழக்கமாய் அந்த முதல் வாரத்தின் சனியன்று சந்திப்பதே வாடிக்கை! But இந்தவாட்டி சின்னதொரு மாற்றம் செய்து, நமது சந்திப்பை அந்த ஞாயிறுக்குக் கொண்டு செல்ல நினைக்கிறேன் - கீழ்க்கண்ட காணங்களுக்காக:

1. ஆகஸ்ட் 3, சனிக்கிழமை - ஆடி 18-ம் பெருக்கு! ஈரோட்டுப் பகுதிகளில் அது விமரிசையாகக் கொண்டாடப்படுவதை நிரம்ப தடவைகள் பார்த்திருக்கிறேன்! So வீட்டாரோடு நேரம் செலவிட அவசியமாகிடக் கூடிய அதே தினத்தில் நமது காமிக்ஸ் லூட்டிகளை வைப்பது சுகப்படுமா? என்ற சின்னச் சந்தேகம் எனக்குள்!

2. இந்த முறை நமது லயன் டீமையும் ஈரோட்டுக்கு அழைத்து வரும் எண்ணமுள்ளது உள்ளுக்குள்! நீங்கள் மாதா மாதம் பார்த்து வரும் குவியலான புக்ஸின் பின்னே இவர்களது உழைப்பும் விரவிக் கிடக்கின்றதெனும் போது, மாக்கானாட்டம் நான் மட்டுமே ஒளிவட்டத்தை ஆக்கிரமித்துக் கொள்வது உதைக்கிறது! So ஞாயிற்றுக்கிழமைக்கு சந்திப்பை அமைப்பதாயின் அவர்களை அழைத்து வர ஏதுவாக இருக்குமென்று எண்ணினேன்!

3. “காமிக்ஸ் குடும்பம்...” ; ”கமர்கட் குடும்பம்” என்று கணிசமாய்ப் பீற்றித் திரிகிறோம் தான்! ஒரு மைல்கல் ஆண்டினில் அதை நடைமுறையும் படுத்தினால் என்னவென்று தோன்றியது! So இந்த முறை நண்பர்கள் குடும்ப சகிதம் வருகை தந்திட முடிந்தால் ரொம்பவே மகிழ்வோம்! And அதற்கு ஞாயிறு தானே வசதிப்படும்?

So ஆகஸ்ட் 4ம் தேதி - ஞாயிற்றுக்கிழமைக்கு காலை 10 to மாலை 4.30 வரையில் ”ஈரோட்டில் லயன் 40” அழகாய் அரங்கேறிட புனித மனிடோவிடம் ஆசிகள் கோரிடலாமா folks?

ரைட்டு... தேதியும், கிழமையும் தீர்மானமாகி விட்டதெனில் எஞ்சியிருப்பது - இடம் எது? என்ற கேள்வி தானே? ஈரோட்டுப் புத்தக விழா அந்த V.O.C. பார்க் மைதானத்தில் நடந்து கொண்டிருந்த வரையிலும் அதன் வாசலில் இருந்த Le Jardin ஹோட்டலில் சந்தித்து வந்து கொண்டிருந்தோம். ஆனால் சமீப ஆண்டுகளில் புத்தக விழா இடம் பெயர்ந்திருக்க, நாமோ போன வருஷம் பிரம்மாண்டமான Oasis மஹாலில் முத்து காமிக்ஸின் 50-வது ஆண்டு விழாவிற்கென கூடியிருந்தோம்! மதியச் சாப்பாட்டு ஏற்பாடுகளையும் பொறுப்பேற்றிருந்த மஹால்காரர்கள் 200-க்கும் கூடுதலானோர் வருகை தருவோமென்பதை எதிர்பார்த்திருக்கவில்லை; So லஞ்ச் ரொம்பவே நெளியப் பண்ணியிருந்தது! ஆனால் இடமும், வசதிகளும் அசாத்திய சொகுசு என்பதை மறுப்பதற்கில்லை! கட்டணங்களும் அதற்கேற்ப செம கூடுதலே என்ற போதிலும், தூக்கி வளர்த்த ஒரு பிள்ளைக்கு ஆபட்ஸ்பரியில் கண்ணாலத்த நடத்திப்புட்டு, அடுத்த புள்ளைக்கு முருகன் கோவிலில் வைத்துத் திருமணத்தை நடத்த மனசு கேட்கவில்லை! Moreso இது எனது செல்லப் பிள்ளையான லயனின் moment எனும் போது! So “மேலேயிருப்பவர் பார்த்துக்குவார்” என்ற நம்பிக்கையில் Oasis மஹாலுக்கே thumbs-up தந்திருக்கிறோம்! இம்முறையோ அரங்கத்தை மட்டுமே வாடகைக்கு எடுத்துக் கொண்டு, சாப்பாட்டு ஏற்பாடுகளை நாமே செய்து விட எண்ணியிருக்கிறோம்!

இந்த வரியை எழுதும் போது எனக்கு லஜ்ஜை பிடுங்கித் தின்கிறது – simply becos ஏற்பாடுகளைச் செய்வதில் நமது பங்கு பூஜ்யத்துக்கு மிக மிக அருகில் இருப்பது தான்! தங்கள் வீட்டுக் கல்யாணங்களாய் பாவித்து பேனர் கட்டுவதில் ஆரம்பித்து, ஆடல் – பாடல் நிகழ்ச்சிகளை ரெடி பண்ணுவதிலிருந்து, பந்தி பரிமாறும் வேலை வரைக்கும் சகலத்தையும் இழுத்துப் போட்டுப் பார்த்துக் கொண்டது எல்லாமே நண்பர்கள் குழு தான்! இந்த முறையும் வாய் பார்க்கும் வேலையை மட்டுமே நாங்கள் பார்த்துக் கொண்டிருக்க, களத்தில் நண்பர்களே இறங்கிடவுள்ளனர். And இந்த முறை ஆர்வமும், நேரமும் உள்ள நண்பர்கள் விழாவின் ஏற்பாடுகளில் சந்தோஷமாக கலந்து கொள்ளலாம்! ஈரோட்டு விழாவுக்கென பிரத்தியேகமாய் உருவாக்கியுள்ள இந்த ஈ-மெயில் முகவரிக்கு உங்கள் செல் நம்பரோடு ஒரு மெயிலைத் தட்டி விட்டால் – ”டீம் ஈரோட்டில்” ஒரு அங்கமாகிடலாம்! So தேர் இழுக்க, வடம் பிடிக்கச் சாத்தியப்படும் நண்பர்கள் most welcome!

இதோ ஸ்பெஷல் மின்னஞ்சல் முகவரி: lion40erode@gmail.com

ஏற்கனவே சொன்னது போல, குடும்பத்துடன் நண்பர்கள் ஆஜராகிடும் பட்சத்தில் most welcome! And வெளியூர்களிலிருந்து வரும் நண்பர்கள் & families சனி இரவு 7 மணி முதல் ஞாயிறு இரவு 7 மணி வரைக்கும் தங்கிட ரூம் வசதிகள் செய்து தரவிருக்கிறோம்! ஒரே வேண்டுகோள்: குறைந்தபட்சமாய் 2 வாரங்களுக்கு முன்கூட்டியே இது குறித்த தகவல் தந்திட வேண்டும்!

அதே போல – நமது லயனின் இந்த 40-வது ஆண்டினில் – தமது 40-வது பிறந்த நாட்களையும் கொண்டாடிடும் நண்பர்கள் ஈரோட்டுத் திருவிழாவில் நமது ஸ்பெஷல் விருந்தினர்களாக இருந்திடுவர்! அவரவரது ஊர்களிலிருந்து ஈரோடு வந்து போக ரயில் டிக்கெட்ஸ் ; தங்குமிடம் என கம்பேனி பொறுப்பேற்றுக் கொள்ளும்! (வெளிநாட்டிலேர்ந்து யாரும் கையை உசத்திக் காட்டிப்புடாதீங்க சாமீ... கதை கந்தலாகிப் போகும்!) So மேலேயுள்ள அந்தப் பிரத்தியேக ஈ-மெயில் முகவரிக்கு உங்களது ஆதார் அட்டைகளின் நகலோடு, ஒரு மின்னஞ்சல் ப்ளீஸ்! இது மட்டும் இந்த வாரத்திலேயே அவசியமாகிடும் guys – ரயில் டிக்கெட்களை புக் பண்ணிட!

ரைட்டு... அடுத்ததாய் அன்றைய பொழுதின் உங்களது பங்களிப்புகள் பற்றியும் பார்த்துப்புடலாமா?

1. நண்பர்களின் மத்தியில் எக்கச்சக்கமான தனித்திறமைகள் புதையுண்டு கிடப்பதாய் நம்பத்தகுந்த உளவுத்துறை அறிக்கைகள் தெரிவிக்கின்றன! ஆளில்லா டவர்களில் ஏறி, ஆசை தீர சாரீர வளங்களை சரி பார்ப்பதிலிருந்து, டான்ஸ்(!!!) ; மோனோ-ஆக்டிங் ; குறும்படங்கள் தயாரிப்பு என எக்கச்சக்கம் இறைந்து கிடக்கிறதாக CNN-ல் சேதி வந்திருப்பதால் 3 நிமிடங்களுக்கு மிகுந்திடாத மாதிரி எதையேனும் ரெடி பண்ணிடலாம்! ஈரோட்டில் மேடை உங்களுக்காகக் காத்திருக்கும் கலைஞர்களே!!

Again – முன்கூட்டியே தகவல்ஸ் ப்ளீஸ்!

2. தூரத்தில் உள்ள நண்பர்கள் ; தொலைதூர தேசங்களில் உள்ள அன்பர்கள் – விழாவில் கலந்து கொள்ள முடியாது போனாலும், கொண்டாட்டங்களில் பங்கேற்க ஒரு ஏற்பாடு செய்தாலென்னவென்று தோன்றியது! So சின்னதாக ஒரு HD வீடியோ க்ளிப்பில், லயனுடனான உங்களது எண்ண அலைகளைப் பகிர்ந்து  அனுப்பினீர்களேயானால், அவற்றைத் தொகுத்து அன்றைய தினம் ஒரு Audio Visual-ஆகத் திரையிடலாம் folks! முடிந்த மட்டிற்கு ஷார்ப்பாக, நல்ல வெளிச்சத்துடன் (preferably outdoors) எடுத்து அனுப்புங்களேன்!

3. ஈரோட்டுக்கு வருகை தந்திடவுள்ள நண்பர்கள் தங்களது தெளிவான பாஸ்போர்ட் சைஸ் ஃபோட்டோக்களை ஈ-மெயில் செய்திடுங்களேன் ப்ளீஸ்?

4. வழக்கம் போலவே ஒரு காமிக்ஸ் பட்டிமன்றமும் அன்றைக்கு இருந்திடவுள்ளது! And வழக்கம் போலவே நடுவர் சாலமன் பாப்பையாவாக நமது கருணையானந்தம் அங்கிள் செயல்படுவார்! And வழக்கம் போலவே, அந்தத் தகவல் அங்கிளுக்கு இந்தப் பதிவினைப் பார்த்தே தெரிய வருமென்றுமே நினைக்கிறேன் ! பட்டிமன்றத்தின் தலைப்பு வேறெதுவும் இல்லை – நெடுநாள் வாய்க்கா வரப்பு தகராறாய்த் தொடர்ந்திடும் லடாய்க்கு விடை காணும் ஒரு வாய்ப்பு!!

‘தல‘ டெக்ஸ் வில்லரா?

‘தளபதி‘ டைகரா?

- நமது கௌபாய் சாம்ராஜ்யத்தின் சாம்ராட் யார்? –

இரு அணிகளிலும் தலா 4 பேச்சாளர்கள் மேடையேறிடலாம்! And ஒவ்வொருவருக்கும் மூன்று நிமிடங்கள் தரப்படும்! So தர்க்கம் பண்ணத் தயாராகிடும் தங்கங்களே – உங்கள் ஆர்வத்தைத் தெரியப்படுத்தி ஒரு ஈ-மெயில் ப்ளீஸ்!

5. போன வருஷம் போலவே காமிக்ஸ் கிரிக்கெட் லீக்கில்  இந்தாண்டும் அனல் பறக்க மோதிடவுள்ளனர்! ஜுலை 29-ல் அரங்கேறிடவுள்ள போட்டிகளின் பிற்பாடு பட்டி, டிங்கரிங் பார்த்த கையோடு விழாவுக்கு வருகை தந்திடவுள்ள வீரர்கள் அனைவருக்கும் போன வருஷம் போலவே இம்முறையும் மெடல்கள் காத்திருக்கும்! And சுழல் கோப்பையை இம்முறை யார் தட்டிச் செல்லப் போகிறார்களென்றறிய உங்களைப் போலவே நானும் ஆவலாய் காத்திருப்பேன்!

One request வீரர்வாள்ஸ்! விழா நடந்திடவுள்ள ஞாயிறு மாலையில் இன்னொரு மேட்ச் - கீட்ச் என்று திட்டமிட்டிட வேணாமே ப்ளீஸ்!

6. அப்புறம் ஒவ்வொரு ஆண்டின் ஈரோட்டுப் புத்தக விழாவிலும் மரத்தடியில் களைகட்டும் மாலை நேரக் காமிக்ஸ் கும்மியடி செம ஜாலியான அனுபவம்! இப்போதைய புத்தக விழாவில் அதற்கு வசதியில்லை என்பதாலும், விழா முடிந்த கையோடு ஆளாளுக்கு ஊர் திரும்ப வேண்டியிருக்கும் என்பதாலும், அந்த மரத்தடி பஞ்சாயத்தை, நிகழ்ச்சி நிரலிலேயே இணைத்திட எண்ணியுள்ளோம்!

So மதியத்துக்கு மேலாக கேள்வி - பதில் session-ஐ வைத்துக் கொள்ளலாமா folks?

7. அதே போல போன வருஷம் நேரமின்மை காரணமாய் நடத்த முடியாது போன நமது அட்டைப்பட சித்திரக் கண்காட்சியினை இந்த தபா நடத்திடலாமா? “கதை சொல்லும் சித்திரங்கள்” இம்முறை காலை session-ன் முதல் நிகழ்ச்சியாகிடும்! So மறவாது சீக்கிரமே ஆஜராகிடலாமே ப்ளீஸ்!

8. அப்புறம் வருகை தந்திடவுள்ள நண்பர்களுக்கு ஒரு கம்பேனி gift காத்துள்ளது! அது நிச்சயமாய் சரோஜா தேவி பயன்படுத்திய சோப்பு டப்பி ரேஞ்சுக்கு இராதென்று நம்பலாம்!! 

 9. விழா இருக்க ஸ்பெஷல் இல்லாது போகுமா? So போன ஆண்டைப் போல மெகா பட்ஜெட்டில் இதழ்கள் இல்லாவிடினும், அழகான ஸ்பெஷல்ஸ் காத்திருக்கும்! இதோ அதன் முதல் preview!! 

நம்புங்கள் guys - தெறிக்க விடும், செம சுவாரஸ்யமான சாகசங்கள் இம்முறை இந்தத் தொகுப்பின் முழுமையிலும் இடம்பிடித்து நிற்கின்றன !! நிச்சயமாய் மொக்கைக் கதைகள் லேது இங்கே !! And இதற்கோ, இதனுடன் வரக்கூடிய மற்ற ஈரோடு ஸ்பெஷல் இதழ்களுக்கோ முன்பதிவுகள் இப்போதைக்குத் தேவை இல்லை ; ஆகஸ்டில் relaxed ஆக வாங்கிக்கொள்ளலாம் !

அப்புறம், ஈரோட்டில் வெளியாகவுள்ளது - இன்னொரு ஜாலியான இதழுமே !!அது நாமெல்லாம் ரசித்ததொரு கார்ட்டூன் தொடரே & அதன் மீள்வருகைக்குப் பின்னே ஒரு சுவாரஸ்யக் கதை காத்துள்ளது ! அந்தத் தொடர் பற்றியும், அந்தக் கதையின் பின்னணிக் கதை பற்றியும் அடுத்த பதிவினில் !! இப்போதைக்கு லக்கி லூக்கின் தாத்தாக்களோடும், ஒரிஜினல் தாத்தாக்களோடும் பொழுதை ஓட்ட நான் புறப்படுகிறேன் !!  

Bye all...see you around ! Have a lovely Sunday !! And ஈரோட்டுக்கு டிக்கெட்டைப் போட்டுப்புடலாமே ?

😀😀😀😀😀😀😀😀