நண்பர்களே,
வணக்கம். பண்டிகை நன்னாள் வாழ்த்துக்கள் !! வெல்கம் டு தி கிரேட் கிரிகாலன் மேஜிக் ஷோ! ஆண்டுக்கொரு தபா அரங்கேறிடும் நமது அட்டவணை மேளாவின் 14-வது வருஷமிது! Oh yes – “கம்பேக் ஷ்பெஷல்” என்றபடிக்கே நமது தெறிக்கும் இரண்டாவது இன்னிங்ஸைத் துவக்கித் தந்த 2012 ஒரு தூரத்து நினைவாகவே இன்று நிழலாடினாலும், அன்றைக்கு ஆரம்பித்த புது templates இன்று வரை தடதடத்து வருகின்றன...! And அவற்றுள் பிரதானமானது இந்தப் 12 மாதத் திட்டமிடல்களை ‘ஏக்‘ தம்மில் உங்களிடம் சமர்ப்பிக்கும் அதகளம்! So கூப்பிடு தொலைவில் காத்திருக்கும் 2025-க்கென நாம் மனதில் உருவகப்படுத்தியுள்ள பயணப் பாதை பக்கமாய் வெளிச்ச வட்டத்தைத் திருப்பிடலாமா?
உலகமெல்லாம் ஒரு காலெண்டரைப் பின்பற்றி வந்தால் – சீனர்களோ தங்களுக்கென ஒரு தனித்துவமான காலெண்டரை வைத்துக் கொண்டு “இது மொசக்குட்டியின் வருஷம்... இது புலித்தம்பியின் வருஷம்” என்று வண்டியோட்டுவது வாடிக்கை! Crisp reading மாத்திரமே முன்செல்லும் பாதை என்று தீர்மானித்து, நாமுமே நடப்பாண்டு முதலாய் – முயல்களின் பாணியில் ‘ஜி்ங்-ஜிங்‘கென்று துள்ளிக் குதித்து வருகிறோம்! So காத்திருக்கும் 2025-க்கு அதே crisp வாசிப்புகளை, இன்னமும் தெறி வேகத்தில் தந்திட எண்ணியிருப்பதால் – 2025-ஐ “பந்தயக் குதிரையின் ஆண்டு” என்று நிர்ணயிக்கத் தோன்றியது! So “Year of the Race Horse - 2025” நமக்கென வைத்துக் காத்திருக்கும் விருந்தின் மெனுவைப் பார்க்க வாருங்களேன்!
பட்ஜெட்! கொரோனா தாக்கத்துக்குப் பின்பாகவே ஒவ்வொரு வருட அட்டவணையினைப் போட முனைந்திடும் போவதெல்லாம் விஸ்வரூபமெடுத்து முன்னே நிற்கும் சமாச்சாரம் இதுவே! So இப்போதெல்லாம் அந்த “ஐந்தாயிரத்துச் சொச்சம்” என்ற நம்பரை முதலில் எழுதி வைத்துக் கொண்டு அதற்குள் எவற்றையெல்லாம் நுழைப்பது? எவற்றிற்கெல்லாம் இதயத்தில் மட்டுமே இடம் கொடுப்பது? என்ற ரூட்டில் தான் பயணித்து வருகிறோம்! சொல்லப் போனால் – ரொம்பவே சிடுமூஞ்சி வாத்தியாராட்டம் லைட்டாக சொதப்பும் நாயக / நாயகியரைக் கூட தயவு தாட்சண்யமின்றி ஓரம்கட்ட நேர்வது இந்த அரூபக் கட்டுப்பாடு நமக்கு இருப்பதால் தான்! Oh yes – ரெகுலர் சந்தா அட்டவணைக்கு அப்புறமாய் ”ஆன்லைன் மேளா”; “ஆப்பம் சுடும் பாலா” - என்றெல்லாம் தருணங்களை நாமே உருவாக்கிக் கொண்டு மேற்கொண்டு கணிசமான எண்ணிக்கையிலான புக்ஸைப் போட்டுத் தாக்குவதும் சமீப ஆண்டுகளின் வாடிக்கையாகிப் போச்சு ! But இது குறித்து கொஞ்சம் விசனம் நிலவிடுவதும் தெரிந்த சமாச்சாரமே !! "லயன்-முத்து காமிக்ஸ் குழுமத்திலிருந்து வெளிவரும் சகல புக்ஸ்களையும் வாங்க ஆசை; ஆனால் எண்ணிக்கை சாஸ்தியாவதால் சிரமமாகிறது! இத்தனை பொஸ்தவங்க தேவை தானா?” என்று ஒரு சிறு அணியில் பேசிக் கொள்வது தெரியும் தான்! ஆனால் அவர்கள் அறியாத 2 காரணிகள் பின்னணியில் உள்ளன! And this is something we have discussed before too !
- ஒரு லோடு நாயக / நாயகியரை நமது அணிவகுப்பில் புகுத்தியாச்சு – ரைட்டு! -ஆனால் பட்ஜெட் காரணமாய் அவர்களுக்கான ஸ்லாட்களை குறைத்துக் கொண்டே போகவும் செஞ்சாச்சு – ரைட்டு!
பச்சே – அந்தந்த தொடர்களுக்கென நாம் போட்டிருக்கும் ஒப்பந்தங்களின்படி குறைந்தபட்ச எண்ணிக்கையிலாவது கதைகளை வாங்கிடும் கட்டாயம் நமக்குண்டு! So வாங்குபவற்றை ஏதேனுமொரு தடத்தில் வெளியிட்டுத் தானே தீரணும்!
- And அதை விடவும் பிரதான காரணம் – வருஷா வருஷம் ஏறிக் கொண்டே போகும் நிர்வாகச் செலவினங்கள்! Front desk-ல் இருவர்; அக்கவுண்ட்ஸுக்கு ஒன்று; DTPக்கு இரண்டு; புத்தகவிழாக்களுக்கும், போக்கிங் பணிகளுக்கும் இரண்டு; அப்புறம் மைதீன் என்ற தம்மாத்துண்டு டீமுக்கே ஆண்டொன்றுக்கு ஆகிடும் சம்பளம் + போனஸ் தொகைகள் ஒரு உச்சமெனில், இந்த வரி; அந்த வரி; இந்தக் கட்டணம்; அந்தத் தீர்வைகள் என போட்டுச் சாத்திடும் செலவினங்கள் இன்னொரு பக்கம்! அந்த மொத்த செலவுப் பட்டியலினை வாசித்தேனெனில் நிச்சயம் மிரண்டே போய் விடுவீர்கள் ! ஆண்டுக்கு நாம் வெறும் 25 புக்ஸ் போட்டு விட்டு முடித்துக் கொள்வதாகயிருந்தாலும் இந்தச் செலவுகள் பெருசாய் மட்டுப்படப் போவதில்லை ! So இதை balance செய்திட, ஆண்டொன்றுக்கு குறைந்தபட்சமாய் இத்தனை இதழ்களை வெளியிட வேண்டிப் போகிறது ! அல்லது வெளியிடும் இருபதோ, முப்பதோ புக்சினில் 'பச்சக்'கென printrun-ஐ கூட்டிட முடிந்தால் பிரச்னைகள் சகலமும் தீர்ந்து விடும் ! பின்னதுக்கு வழியில்லை என்பதால் – முன்னதே way out!
ரைட்டு... இதுக்கு மேலேயும் ஜிவ்விழுக்காமல் in we go into 2025 !!
1. The ‘தல‘:
2016 முதலாகவே நம்ம இரவுக் கழுகார் & டீம் தான் சந்தாக்களின் முதுகெலும்பாகி நிற்பதை நாமறிவோம். அந்நாட்களில் “ஸ்பைடர் இல்லியா?” என்று ஏஜெண்ட்கள் கேட்ட அதே பாணியில் இப்போதெல்லாம் “இந்த மாசம் டெக்ஸ் இருக்கார் தானே?” என்பது தான் பிரதான கேள்வியாக இருந்து வருகிறது! Of course நம்மவரை பாயசம் கிண்ட சிலபல ஸ்லீப்பர் செல்கள் முனைப்புக் காட்டினாலும் – அந்த மஞ்ச சொக்கா இல்லாங்காட்டி மாதாமாதம் பருப்பு வேகாது என்பதே bottomline!
ஆனால் இங்குமே சின்னதாயொரு ஸ்பீடு-ப்ரேக்கர் எழாதில்லை! மொத்த பட்ஜெட்டை கூட்டிட வழியில்லை எனும் போது, "மாதமொரு டெக்ஸ்" என்ற திட்டமிடலே அதனில் பாதிப் பணத்தை அவசியமாக்கி விடுகின்றது! So மீதமிருக்கக் கூடிய ரெண்டாயிரத்துச் சொச்சத்தைக் கொண்டு பாக்கியுள்ள 20+ நாயகர்களுக்கு நியாயம் செய்வது சிரமமாகிப் போகிறது! So சமீப வருடங்களது வாடிக்கையின்படி, ரெகுலர் சந்தாக்களில் ஒன்பதோ / பத்தோ Tex புக்ஸ் & புத்தக விழா போலான சமயங்களில் ஒன்றிரண்டு extra books என்ற template தான் 2025-ல் கூட! அது மாத்திரமன்றி – தங்க முட்டையே இடும் வாத்தாக இருந்தாலும் கூட நெதத்துக்கு முன்னே நின்று ஒரு குத்தாட்டம் போட்டு வந்தால் அதன் மவுசு ஒரு மிடறுக்கு மட்டுப்பட்டுப் போய்விடுமோ? என்ற பயமும் சேர்ந்து கொள்வதால் 2025-க்கென ஒன்பது டெக்ஸ் ஆல்பங்கள் சந்தாவில் என்பதே planning!
அந்த ஒன்பதுக்குள் இயன்றமட்டுக்கு variety காட்டிடவும் விழைந்திருக்கிறோம்!
- டெக்ஸ் கிராபிக் நாவல் (!!!)
- கலரில் தீபாவளி டெக்ஸ்
- இளம் டெக்ஸ்
- சிங்கிள் ஆல்பம் டெக்ஸ்
- ஸாகாரோடு டெக்ஸ்
- டபுள் ஆல்பம் டெக்ஸ்
என கணிசமான variants வெயிட்டிங்!
அந்த டெக்ஸ் கி.நா. – ப்ராங்கோ-பெல்ஜிய சித்திர பாணியில், லக்கி லூக் சைஸில், கலரில் செம கெத்து காட்டிடுகிறது! 2025-ல் டெக்ஸின் வருகை இந்த இதழோடு தான் துவங்கிடவுள்ளது என்பது கொசுறுச் சேதி!
தீபாவளி மலர் 2025-க்கென காத்திருக்கும் ஆல்பமோ – ஒரு டெக்ஸ் ட்ரிபிள் ஆல்பம் – முழு வண்ணத்தில்! ஓவியர் ஜோஸ் ஆர்டிஸ் எப்போதுமே நமக்கொரு செம லக்கியான ஓவியர். அவரது சித்திரங்களுடனான ஆல்பங்கள் அனைத்துமே நம் மத்தியில் செம ஹிட்ஸ்! அந்த சென்டிமெண்ட் இம்முறையும் தொடர்ந்திடும் என்று திடமாய் நம்புகிறேன் – simply becos இந்த சாகஸம் அனல் பறக்கும் டெம்போவில் தடதடக்கிறது!
அப்புறம் நெடு நாட்களுக்குப் பின்பாய் ‘தல‘ தலைநகருக்கு விசிட் அடிக்கும் தெறியுமே காத்துள்ளது! லொங்கு லொங்கென்று அரிஸோனாவிலும், டெக்ஸாசிலும் வலம் வருபவரை கெத்தாக வாஷிங்டனுக்கு இட்டுச் செல்கிறது ஒரு புலனாய்வு! அங்கேயும் போய் பட்டாசு வெடிக்காமல் விடுவாரா – என்ன? தெறி ஸ்பீடு சாகஸம்!
2025-ன் highlightகளுள் ஒன்றாக இருக்கப் போவது டெக்ஸின் “உதிரம் பொழியும் நிலவே” என்றும் சொல்வேன்! 288 பக்க சாகஸம் எனும் போது இங்கே கதைக்களமும் விஸ்தீரமானது; சொல்லியுள்ள விதமும் மெர்சலூட்டுகிறது! அட்டகாசமான ஆக்ஷன்; நெஞ்சைத் தொடும் கதையோடு எனும் போது – இது ஹிட்டாகாது போனால் தான் வியப்படைவேன்!
இளம் டெக்ஸ்-ஐ பொறுத்தவரை இந்தவாட்டி நோ கொத்து பரோட்டாஸ்! டிசம்பர் 24‘ல் வரவிருக்கும் சிங்கிள் ஆல்பத்தோடு ஒரு கதை arc முற்றுப் பெற்றிருக்க, அடுத்த கதைச் சுற்று 5 அத்தியாய நீளத்துக்குப் பயணிக்கிறது! And அந்த ஐந்தையுமே ஒருங்கிணைத்து – “லயன் கோடை மலர் ‘25” என்று ரகளையாகக் களமிறக்கிடவுள்ளோம். இந்த 320 பக்க ஆல்பத்தின் முக்கிய அடையாளமே – டெக்ஸ் & கார்சன் முதன் முறையாகக் கைகோர்க்கும் சாகஸம் என்பதே ! Black & White-ல் ஒரு இளம் டெக்ஸ் ஹிட் லோடிங்!
அப்புறம் இளம் டெக்ஸ் + ஜம்பிங் ‘தல‘ ஸாகோர் இணைந்து களம் காணும் ஒரு 128 பக்க சாகஸமுமே 2025-ன் மெனுவில் உள்ளது! போன முறை போலவே இதிலும் செம அழுத்தமான கதைக்களம் காத்துள்ளது!
So 'தல' தெறிக்க விடும் 9 ஆல்பங்களின் ads இதோ தொடர்கின்றன !!
2. The ‘ஒல்லி பிச்சான்‘:
புரட்டாசி பிறந்தால் விரதம் என்பது போல ஜுலை பிறந்தால் இப்போதெல்லாம் ஆஜராகிடுவது நம்ம ஒல்லி பிச்சான் நாயகர் தான்! அதை சென்டிமெண்ட் என்பதா? அல்லது ஒரு டபுள் ஆல்பத்தினை நுழைத்திட வாகான ஸ்லாட் என்பதா? அல்லது ஒரு மைல்கல் தருணத்தின் அனைவரின் முகங்களிலும் ஒரு புன்னகையினை பூக்கச் செய்யும் லக்கி மேஜிக் என்பதா? தெரியலீங்கோ – but நம்ம ஆண்டு மலரும், லக்கி லூக்கும் – பொங்கலும், வடையும் போல; பரோட்டாவும் பாயாவும் போல made for each other என்றாகி விட்டார்கள் ! And இதோ – இப்போதெல்லாம் எடுக்கும் சினிமாக்களின் பாணியில் L.C.41 என்று ஆஜராகிடவுள்ளது லயன் காமிக்ஸின் 41-வது ஆண்டு மலர்!
- And வழக்கம் போலவே இங்கு இரண்டு கதைகள்!
- And வழக்கம் போலவே இரண்டிலும் டால்டன் சகோதரர்களின் லூட்டி பின்னி எடுக்கிறது!
- And இரண்டாவது கதையிலோ – நம்ம நாலு கால் ஞானசூன்ய ரின் டின்கேன் ஒளிவட்டத்தை ‘பச்சக்‘ என்று கவ்விக் கொள்கிறது !
So இந்த L.C.41 – ஆண்டுமலர் தருணத்துக்கு அட்டகாசமாய் மெருகூட்டக் காத்துள்ளது!
3. The இளம் தளபதியார்!
2023-ன் தீபாவளி மலராக இளம் தளபதி டைகரின் ஸ்பெஷல் வெளியானதும் சரி, சிலபல மாதங்களிலேயே அது விற்றுத் தீர்ந்து போனதும் சரி – எனக்கு மறந்திருக்கலாம்! ஆனால் நமது front desk பெண்களுக்கு அது மறப்பதில்லை – simply becos இன்னமும் கூட “தளபதி பெசல் கீதாம்மா?” என்ற வினவல்கள் தொடர்ந்து கொண்டேயிருக்கின்றன! பற்றாக்குறைக்கு – போகும் ஒவ்வொரு புத்தகவிழாவிலுமே “அந்த புக் கொண்டு வரலியா??” என்ற கேள்வியோடு மல்லுக்கட்டும் வாசகர்கள் கணிசம்! So பெரியவரின் கெத்துக்கு சின்னவரால் ஈடு கொடுக்க முடியாது போனாலுமே, கடுகு; காரம் என்ற பழமொழியினை நிரூபித்துக் கொண்டேயிருக்கிறார்!
இதோ – நமது முத்து காமிக்ஸின் மைல்கல் இதழான # 500-ஐ தெறிக்க விட இளம் டைகர் ஒரு டபுள் ஆல்ப சாகஸத்தோடு ரெடியாகி வருகிறார்! “ஒரு கொடூரனும் கடற்கன்னியும்” இந்தத் தொடரின் ஆல்பம்ஸ் # 14 & 15. ஒரு சங்கிலியாய் கதை பின்னணியில் தொடர்ந்து கொண்டே போக, ஆங்காங்கே story arcs துவங்கியும், முடிந்திடவும் செய்கின்றன! இந்த arc இரண்டே ஆல்பங்களில் நிறைவுறுவதால் – “crisp ஆன வாசிப்புக்கு நாங்க கேரண்டி” என்று ப்ரீத்தி மிக்ஸி விளம்பர பாணியில் ஞான் குரல் கொடுக்கும்! ஒரு முக்கிய இதழ் என்பதால் ஹார்ட்கவர் தந்திடத் தீர்மானித்துள்ளோம் – விலையில் ரூ.25 மட்டும் ஜாஸ்தி பண்ணிக் கொண்டு!
And முத்து காமிக்சின் இந்த iconic தருணத்துக்கு, இரும்புக்கை மாயாவிக்கு அடுத்தபடியான top நாயகரான டைகரன்றி வேறு யாரையும் புகுத்திட மனசு ஒப்பவில்லை ! ஜெய் வேங்கையார் !!
4. The டின்டினார்:
2025-ன் மேக்ஸி சைஸிலான மெகா இதழ்களாய் வலம் வரக் காத்திருப்பவை நமது சாகஸ வீரர் டின்டினின் இரு ஆல்பங்களே! சமீபமாய் உங்கள் முன்வைத்த பல வினாக்களில் ”ஆண்டில் எத்தனை டின்டின் இதழ்கள் இருந்தால் தேவலாம்?” என்றதொரு கேள்வியுமே இருந்தது நினைவிருக்கலாம்! “இரண்டு... அல்லது மூன்று” என்பதே பெரும்பாலான நண்பர்களின் அபிப்பிராயமாக இருந்தது! Personally எனக்குமே 3 இதழ்கள் உட்புகுத்த ஆசையிருந்தது தான்! ஆனால் அந்த “பட்ஜெட்” எனும் பகாசுரன் – முன்னே நின்று WWF பார்ட்டியாட்டம் முண்டா தட்டும் போது லைட்டாக ஜகா வாங்கவே வேண்டிப் போகிறது! ஆல்பம் ஒன்றின் விலை ரூ.300 என்பதால் மற்ற ஈரோக்கள் ‘உர்ர்ர்‘ரென முறைப்பது போலவே தெரியவும் செய்கிறது! So எண்பதுகளின் சிகப்பு முக்கோண ஸ்லோகனை கொஞ்சம் இரவல் வாங்கிக் கொண்டு – “இரண்டுக்கு மேல் எப்போதும் வேண்டாம்” என்று தீர்மானித்தேன் – at least 2025-க்காவது! இரண்டுமே ஒன்-ஷாட்ஸ் & இரண்டுமே டின்டின் தொடரில் டாப் இடங்களைப் பிடிப்பவை!
5. The ப்ளூ ஜீன்ஸ் பில்லியனர்:
லார்கோ தொடரின் நடுவாக்கில் பிதாமகர் ஷான் வான் ஹாம் நடையைக் கட்டியிருக்க, தொடரைக் கைவிட மனசின்றி, புதுசாயொரு கதாசிரியரை வளைத்துப் பிடித்து ஓவியர் தொடர்நடை போட்டு வருவதை நாமறிவோம்! இதோ – நடப்பாண்டின் முதல் இதழான “இரவின் எல்லையில்” அந்த புதுக் கூட்டணியின் கைவண்ணமே! ஆனால் “இ.எ.” ஆல்பத்துக்கு முன்னதானதொரு டபுள் ஆல்பம் தான் இந்தப் புதுக் கதாசிரியரின் அறிமுக ஆல்பம்! அதன் கதைக்களம் பங்குச்சந்தை விவகாரங்களில் கணிசமாய் ரவுண்டடித்து வரும் ரகமாக இருந்ததால் – கொரோனா லாக்டௌன் முடிந்த தருணத்தில் அதனுள் புகுந்திட எனக்கு ‘தம்‘ இருந்திருக்கவில்லை! இது பற்றி அப்போதே தெரிவிக்கவும் செய்திருந்தேன்! யாரேனும் பங்குச் சந்தை விவகாரங்களில் அனுபவம் கொண்டவராய் இருந்தால் தான் இந்தக் கதைக்கு நியாயம் செய்திட முடியுமென்ற எனது புலம்பலுக்கு செவி மடுத்தவர் நமது வாசக நண்பர் நாகராஜ சேதுபதி தான்! அந்த லாக்டௌன் நாட்களிலேயே இந்த ஆல்பத்தின் முதல் பாகத்திற்கு மொழிபெயர்ப்பும் செய்து அனுப்பியிருந்தார்!
நடப்பாண்டில் லார்கோ செம சிலாகிப்புகளுக்கு உட்பட்டதைத் தொடர்ந்து இந்த விட்டுப் போன ஆல்பத்தையும் ஆட்டத்தில் சேர்த்துக் கொள்வதென தீர்மானித்தோம்! நண்பர் நா.சே. இரண்டாவது பாகத்தையும் மொழிபெயர்த்துத் தந்து விட்டால் என் பாடு சுலபமாகிப் போகும்!
And இந்த ஆல்பத்துக்கு “போர் கண்ட சிங்கம்” என்று பெயரிட்டதன் பின்னே குட்டியாய் ஒரு கதையும் கீது! தோள்பட்டை வலிக்கென வைத்தியம் & பயிற்சி எடுக்க சென்னைக்கும், கோவைக்கும் ஷண்டிங் அடித்துக் கொண்டிருந்த நாட்களின் போது தான் 2025-ன் கதைகளுக்கான பெயர் சூட்டல்கள் ஓடிக் கொண்டிருந்தன! So ரோட்டில் ஒரு குல்ஃபி ஐஸ் வண்டி போவதைப் பார்த்தால் கூட – “சாலையில் ஒரு குல்ஃபி!”; “கொடூர வனத்தில் குல்ஃபி!” என்ற ரேஞ்சுக்கு மனசில் மஹாசிந்தனைகள் துளிர் விடுவது வழக்கம். லார்கோ கதைக்கு வேறு ஏதோவொரு பெயரை சூட்டியிருந்தாலும், அதனில் எனக்குப் பெருசாய் திருப்தி இருக்கவில்லை! ஒரு ஞாயிறு காலையில் பயிற்சிக்கென போயிருந்த போது நானும், மேற்பார்வை செய்திடவொரு ட்ரெய்னர் பையனும் மாத்திரமே இருந்தோம். அந்தப் பையனுக்கு மீஜிக் என்றால் ரொம்பவே இஷ்டம்; அங்கிருக்கும் ஸ்பீக்கரோடு தனது செல்லை கனெக்ட் பண்ணி அலறவிடுவான்! மெய்யாலுமே அது இசை மீதான ஆர்வமா? அல்லாங்காட்டி பெண்டைக் கழற்றும் பயிற்சிகளின் போது நான் அலறுவது வெளியே கேட்கப்படாது என்பதற்கான சூட்சமமா? – ஞான் அறியில்லா! But “விக்ரம்” படத்திலிருந்து பாட்டைப் போட்ட நொடியில் “போர் கண்ட சிங்கம்...யார் கண்டு அஞ்சும் ?” என்று அனிருத் இசையில் bass அதிரச் செய்த போது – நம்ம மண்டைக்குள் பல்ப் பளீரிட்டது! “போர் கண்ட சிங்கம்”!!! லார்கோவை விவரிக்க இதை விட வீரியமானதொரு சொற்றொடர் அமையாதென்று தோன்ற – பயிற்சிக்கென கையில் ஏந்திக் கொண்டிருந்த வெயிட்டை பொத்தென்று கீழே போட்டு விட்டு, செல்லை எடுத்து – எனக்கு நானே இந்த டைட்டிலை மெசேஜ் பண்ணிக் கொண்டேன்! அன்றைய பொழுது பயிற்சி செய்யும் போது "ஈஈஈ" என்று நான் இளிச்சிக்கினே இருந்தேன் என்பது கொசுறுச் சேதி !
So நம்ம ப்ளூ ஜீன்ஸ் பில்லியனரை 2025-ல் ரசிப்பதற்கான preview இது!
6. The மீசைக்கார சாகஸக்காரர் – வேய்ன் ஷெல்டன்!
2025-ன் அட்டவணையினை கையிலேந்திய நொடியில் எனக்குள்ளே ஒரு குடாக்குத்தனமான கேள்வி ஓடியது! நம்ம நாயகர்களுள் எத்தினி பேருக்கு மீசை உள்ளதென்ற கேள்வியே அது! புரட்டுறேன்... புரட்டுறேன் அத்தனை பக்கங்களையும் புரட்டறேன் – நம்ம அப்பாஸ் மாதிரியே அம்புட்டு நாயகர்களும் மொழு மொழுவென்ற வதனங்களோடே ஜாகஜம் செய்து வருகிறார்கள்! இரண்டாமிடத்திலுள்ள ஹீரோக்களின் நண்பர்களுக்கு மாத்திரமே மீசை + தாடி போன்ற வஸ்துக்கள் உள்ளதைக் கவனிக்க முடிந்தது!
- கார்சனுக்கு மீசை + ஆட்டுத்தாடி!
- ரிப்போர்ட்டர் ஜானிக்கு முகத்திலிருப்பது புன்னகை மாத்திரமே என்றாக – கரடி மாதிரியான கமிஷனர் போர்டனுக்கு மீசை உண்டு!
- டின்டின் அமுல் பேபியென்றிருக்க, கேப்டன் ஹேடாக் மூக்குக்குக் கீழே புதர் ஒன்றை வைத்திருக்கிறார்! And புரபஸர் கேல்குலஸ் கம்பிளிப் பூச்சியினை வைத்திடுகிறார்!
- சிக்பில் & கிட் ஆர்டின் சேட்டுப் பசங்களாட்டம் திரிய, கபாலத்தில் இல்லாத கேசத்தை மூக்குக்குக் கீழே வளர்த்து வைத்திருக்கிறார் ஷெரீப் டாக்புல்!
- லோன்ஸ்டார் டேங்கோ – “மீசையற்றோர் சங்கத்தின் ஆயுட்கால உறுப்பினராக” இருக்க, அவரோடு ட்ராவல் செய்திடும் ஆர்ஜென்டின் ex-போலீஸ்காரருக்கு மீசை கீது!
So – இவர்களுக்கெல்லாம் விதிவிலக்காய், “ஹீரோவும் நானே; மீசை வளர்த்தவனும் நானே!” என்று உலா வருவோர் இரண்டே நாயகர்கள் தான்!
- Electric ‘80sல் இடம்பிடித்திடும் மாயாஜால மன்னன் மாண்ட்ரேக்
&
- ரெகுலர் தடத்தில் அங்கமாகிடும் வேய்ன் ஷெல்டன் தான் அந்த இருவர்!
ஷெல்டனின் தொடரானது 2017-ல் – பதிமூன்று ஆல்பங்களோடு தற்காலிகமாய் நிறுத்தப்பட்டிருந்தது! இங்குமே கதாசிரியர் வான் ஹாம் ஒரு ப்ரேக் நாடியிருந்தார்! And இப்போது தொடருக்குத் திரும்பியிருக்கும் வான் ஹாமின் கைவண்ணத்தில் ஆல்பம் # 14 சில மாதங்களுக்கு முன்பாக ப்ரெஞ்சில் வெளிவந்துள்ளது! விற்பனையில் உச்சங்களைப் பார்த்ததில்லை தான் இந்த மீசைக்கார நாயகர் – yet இவரது சாகஸங்கள் எப்போதுமே முதலுக்கு மோசமில்லா ரகங்களே! So புதுசாய் ஒரு ஷெல்டன் ஆல்பம், அதுவும் வான் ஹாமின் கைவண்ணத்தில் வெளியாகியுள்ள சேதி கிட்டிய நொடியில் கூடையைப் போட்டுக் கவிழ்த்தே விட்டோம்!
7. The வேதாள மாயாத்மா!
”கலரிங் சரியில்லே... அதை சிதைச்சுப்புட்டே... இதை வதைச்சுப்புட்டே” என்று கலரில் வெளிவந்திடும் நமது வேதாளர் கதைகளுக்கு அர்ச்சனைகள் கிடைத்து வந்தாலும், நம்ம grey market ஆர்வலர்களின் பிழைப்புகள் கனஜோராய் ஓடிவருவது, உட்டாலக்கடி கலர் வேதாளர் கதைகளைக் கொண்டே என்பதை சமீபமாய் தான் தெரிந்து கொண்டேன் ! In fact 7 புக்ஸை தயார் பண்ணி கையிருப்பில் வைத்துக் கொண்டு, உலவும் ஒரு “ஆர்வலரும்” இருப்பது என்னைத் தவிர்த்த பலரும் அறிந்த சேதி போலும் ! So நமது கலர் இதழ்களை வாரிடுவதில் ஒரு மறைமுகக் காரணம் இருப்பதும் புரிகிறது!
நமக்கு தற்போது கலரிங் செய்து வரும் டிஜிட்டல் ஆர்டிஸ்ட் பிற மொழிகளில் வெளியாகிடும் வேதாளர் கதைகளுக்கும் பணியாற்றுபவரே! இதோ - நமக்காக செய்து வரும் அவரது பணியினிலிருந்து ஒரு சின்ன சாம்பிள் !! So அவரது கைவண்ணத்திலானதொரு color சாகஸம் + ஒரிஜினல் King Features கலரிங்கிலான கதை என்ற கூட்டணியில் ஒரு ஸ்பெஷல் இதழ் 2025-ல் வெளிவரவுள்ளது. இந்த நடப்பாண்டில் இதுவரை வெளியாகியுள்ள 3 வேதாளர் ஆல்பங்களில் இரண்டு காலி! ஒன்றே ஒன்று தான் கையிருப்பில் உள்ளது! So “விற்பனை” என்ற ஆங்கிளில் டாப் category-ல் தொடர்கிறார் "நடமாடும் மாயாத்மா"!
8. The சிரிப்பு பார்ட்டீஸ்:
இந்த 2025 – கார்ட்டூன்களுக்கு சற்றே வசந்த காலத்தைக் காட்டவிருப்பதாய் யதார்த்த ஜோதிடர்கள் இல்லாமலே சொல்ல எனக்கு சாத்தியமாகிறது! And அதற்கான பிரதான காரணமாய் நான் பார்த்திடுவது சமீபத்தில் உருவான நமது வாட்சப் கம்யூனிட்டியைத் தான்!
போன மாதம் வெளியான Spoon & White பகடியினை கம்யூனிட்டியில் சிதறல்களாய் மக்கள் ரசிக்கவும், அலசவும் தொடங்க, அது நாள் வரை கர்மசிரத்தையாய் பொட்டிகளை உடைத்து, புக்ஸை வெளியே எடுத்து, பீரோவில் அடைத்தபடிக்கே டப்பி சாத்திக் கிளம்பியோருமே, அதனை வாசிக்க முனைந்ததைப் பார்க்க முடிந்தது! And ஹேய்... ரொம்பச் சீக்கிரமே 2024-ன் ஹிட்களுள் ஒன்றாகிப் போனது அந்த கார்ட்டூன் இதழ்!
அதே போல – சரமாரியான வினாக்கள் / polls-களின் மத்தியில் ப்ளூகோட் பட்டாளத்துக்குக் கிட்டியிருந்த வலுவான ஆதரவும் அவர்களை ரெகுலர் அட்டவணைக்குள் அடிவைக்க அனுமதித்துள்ளது!
So காத்திருக்கும் ஆண்டில் 5 கார்ட்டூன் கதைகள் waitinggggg !
- லக்கி லூக் – 2 கதைகள்
- சிக் பில் – 1 ஆல்பம்
- ஸ்பூன் & ஒயிட் – 1 ஆல்பம்
- ப்ளூகோட் – 1 ஆல்பம்
Of course சிக் பில்லுக்கு ஒரு ஸ்லாட் என்பது மாமூலாகிப் போனதொரு சமாச்சாரம்!
But the real surprise packet is ஸ்பூன் & ஒயிட்! கோக்கு மாக்கான இந்தப் போலீஸ்காரர்கள் நாம் உருவகப்படுத்திடும் Racing Horse ஆண்டுக்கு செம பொருத்தமான தேர்வுகளாய் தென்படுவது மட்டுமன்றி, கார்ட்டூன்கள் மீது ஒரு கரிசனப் பார்வை படரவும் காரணமாகிடக் கூடுமென்று தோன்றுகிறது!உள்ளதைச் சொல்வதானால் – ஏதோவொரு வேகத்தில் இந்தத் தொடருக்கான உரிமைகளை வாங்கி விட்டோம் தான்! ஆனால் கதை வந்தான பின்னே, மொழிபெயர்ப்பும் ஆங்கிலத்தில் ரெடியான பிற்பாடு, லைட்டாக உதறத் தான் செய்தது! But இந்தத் தொடரிலுள்ள இனம் காண இயலா X factor நம்மைக் கரைசேர்த்து விட்டது மட்டுமல்லாது, ”2025-ன் அத்தியாவசியங்கள்” லிஸ்டிலும் இடம்பிடிக்கச் செய்துவிட்டது! புனித மனிடோ தொடரும் ஆல்பங்களிலும் கணிசமான சிரிப்புகளை அருள்வாராக!
9. The சமீபத்தைய சக்ஸஸ் ஸ்டோரி – ரூபின்:“கூடி வாழ்ந்தால் கோடி நன்மை” என்று படித்துள்ளோம் தான்; ஆனால் “கூடி வாசித்தால் காமிக்ஸுக்கு நன்மை” என்பதை போன மாதம் நிரூபித்த நமது கேரட் கேச அம்மணி ரூபினுக்கு நாம் கணிசமான நன்றிக்கடன் பட்டுள்ளோம்! ஒரு வசீகரமான அட்டைப்படம் + வாட்சப் கம்யூனிட்டியில் சாத்தியப்படும் இயல்பான, சுலப அலசல்கள் – ஒரு ஓரத்தில் நின்று வந்ததொரு நாயகியை ஒளிவட்டத்தின் மையத்துக்கு இட்டுச் செல்லும் ஆற்றல் கொண்டவை என்பதை உணர்த்திய உங்களுக்குமே ஸ்பெஷல் தேங்க்ஸ் guys! ”2024ன் நிறைவான ஹிட்களுள் ஒன்று” என்ற மகிழ்ச்சியை ஈட்டியது மட்டுமல்லாது. இதற்கு முன்பான 2 ரூபின் சாகஸங்களைத் தேடிப் படிக்கவும் உந்துகோலாக அமைந்திருந்தது “மங்களமாய் மரணம்”! பொதுவாகவே ஒரு புது ஹீரோவோ / ஹீரோயினோ களம் காணும் போது வழக்கத்தைக் காட்டிலும் நம்ம அளவீடுகளை உசத்திப் பிடிப்பது நாமே உணராததொரு அனிச்சைச் செயல்! பழக்கப்பட்ட ரிப்போர்ட்டர் ஜானி நன்றாகவே சொதப்பினாலும் “அட... அடுத்த புக்கிலே பார்த்துப்பார்!” என்று சந்தேகத்தின் பலனை பெரும்தன்மையாய் நாயகருக்குத் தந்திடுவோம்! அதே சமயம் ஒரு புதுவரவான Lady S லைட்டாக தடம் மாறினாலும் கரும்புள்ளி, செம்புள்ளி குத்தி – 'குருத' மேலே ஏற்றிக் கிளப்பி விட்டுவிடுகிறோம்!
So அந்தக் கண்ணோட்டத்தில் டிடெக்டிவ் ரூபினும் அதே போலான இடரை சந்தித்திருந்தார் தான்! முந்தைய 2 கதைகளை அந்நேரமே இதே போலொரு க்ரூப் ஸ்டடியில் (சு)வாசித்திருந்தால் – by now ரூபின் மன்றங்கள் திறந்திருப்போம், மெனுக்களில் இட்லிகளுக்கு "ரூபின் இட்லி" என்று பெயரிட்டிருப்போம் ! ஜம்பிங் ‘தல‘ தனது ட்ரேட்மார்க் பறக்கும் முத்தங்களோடு, ரூபின் ரசிகர்மன்றக் கொ.ப.செ. பொறுப்பினை ஏற்றிருந்திருப்பார்! அந்த மட்டுக்கு third time lucky என்று ரூபின் கரை சேர்ந்து விட்டது மட்டுமன்றி, தொடரும் ஆண்டுகளுக்கான முக்கியஸ்தர்கள் லிஸ்டிலும் இணைந்து கொண்டு விட்டார்!
“ஜன்னலோரமாய் மரணம்” – yet another racy க்ரைம் த்ரில்லர்! And உங்களின் வல்லிய சிபாரிசுகள் இல்லாது போயிருந்தால் – இந்த விளிம்புநிலை நாயகி, பரண் பக்கமாய் ப்ளாட் வாங்கியிருக்கக் கூடும்! So thanks folks!
10. The புன்னகைப் பார்ட்டி: ரிப்போர்ட்டர் ஜானி:
இந்தப் பதிவை நான் எழுதிக் கொண்டிருக்கும் சமயத்தில் அக்டோபரின் இதழ்கள் உங்கள் கைகளை எட்டியிராது! So ஜானியின் “நள்ளிரவின் நாயகன்” ஆல்பம் மீது நீங்களொரு தீர்ப்புச் சொல்லி, அதற்கேற்ப நான் நடைமுறைப்படுத்தும் வாய்ப்பு லேது! ஆனால் – அச்சாகி வந்த முதல் பிரதியைப் பார்த்த கணத்திலேயே தீர்மானித்தேன் – இந்த மனுஷனின்றி 2025-ன் அட்டவணை சாத்தியமே ஆகிடாதென்று! Simply becos – ஒவ்வொரு பக்கமும் லேட்டஸ்ட் டிஜிட்டல் கலரிங்கில் மிளிர்வது இந்த ஆல்பத்தை முற்றிலுமாய் வேறொரு லெவலுக்கு உசத்தியிருப்பது கண்கூடு! கதை எப்படியோ இருந்து விட்டுப் போகட்டும்! ராகி இடியாப்பமோ, அரிசி மாவு இடியாப்பமோ, மனுஷன் ஆசை தீர சுட்டுக் கொள்ளட்டும் – ஆனால் அந்தச் சித்தரங்களும், அந்தக் கலரிங்கும் ஒரு கோடி பெறும் என்று தீர்மானித்தேன்!
உங்களிடம் வினாவை முன்வைத்து, ரிப்போர்ட்டர் ஜானி 2.0 வார்ப்பின் லேட்டஸ்ட் ஆல்பத்தைக் களமிறக்க சம்மதமுமே வாங்கியிருந்தேன் தான்! ஆனால் இந்த க்ளாஸிக் ஜானியில் சித்திர ஸ்டைல் + கலரிங் வசீகரத்தை 2.0 தொடரால் கனவிலும் எட்ட முடியாதென்பது புரிவதால் – க்ளாஸிக் ஜானியே மீண்டும் களம் காண்கிறார்! “இதுக்கு எதுக்குலே எங்ககிட்டே ரோசனை கேட்டே?” என்று குமட்டில் குத்த வேணாமே ப்ளீஸ் – இது நமது வசீகரனின் லேட்டஸ்ட் புன்னகையை க்ளாஸிக் பாணியில் தரிசித்து, மயங்கி எடுத்த முடிவு மட்டுமே!
11. The போனெலி பார்ட்டீஸ்:
‘தல‘ ஒன்பது ஸ்லாட்களை ஜோப்பியில் வைத்துக் கொண்டு நகன்ற பிற்பாடு போனெலியின் இதர ஜாம்பவான்களுக்கான இடப் பங்கீடு துவங்கியது!
- ஒற்றை ஸ்லாட்டுக்கு என்றைக்கும் குந்தகமில்லை என்பதே மர்ம மனிதன் மார்ட்டின் மீதான காலம் காலமான தீர்ப்பு! In fact இவர் சர்வ நிச்சயமாய் அதை விடவும் கூடுதல் worth தான் என்பதில் எனக்குச் சந்தேகமில்லை! ஆனால் ஸ்லாட் பற்றாக்குறை & பட்ஜெட் தொக்கடிகள் இவரை சற்றே மட்டுப்படுத்திடுவது தான் யதார்த்தம்! முழு வண்ணத்தில் பிரபல பெர்முடா முக்கோணப் பகுதிக்கு பயணமாகிறார் மார்ட்டின்! ஒரு தெறி – loading!
- மினி சாகஸங்களில் கவனத்தை ஈர்த்த டைலன் டாக் அதற்கான பரிசாக ஒரு முழுநீள சாகஸ ஸ்லாட்டை ஈட்டியுள்ளார் இம்முறை! And இவரது கதைகள் ஹாரர் தேடிடும் புத்தகவிழா வாடிக்கையாளர்களுக்கு உதவிடவும் கூடும் என்பதால் “சட்டைப்பையில் சாவு” எகிறியடிக்கத் தயாராகி வருகிறது! Thriller in black & white !!
- சத்தமின்றி சாதித்து வரும் ஏஜெண்ட் ராபின் முதிர்ந்த 2.0 அவதாரில் அழகான பல கேஸ் ஃபைல்களை நடப்பாண்டில் நமக்குக் காட்டி வருகிறார்! Maybe இந்த mature பாணி கூடுதலாய் நம்மை ஈர்க்கிறதோ – என்னவோ; they have all been well received. காத்திருக்கும் 2025-க்கு ராபினின் டபுள் ஆல்பம் – நெடும் சாகஸத்தோடு வெயிட்டிங்!
- And சமீபமாய் ஆஜராகி, சரசரவென மேலே ஏறும் லாவகத்தைக் கற்று வைத்துள்ள மிஸ்டர் நோவுமே ஒரு டபுள் ஆல்பத்தோடு வெயிட்டிங்! இது லேட்டஸ்ட் கதைவரிசையின் ஒரு படைப்பு என்பதால் சித்திரங்கள் ஒரு மிடறு தூக்கலாய் இருக்கப் போகின்றன!
12. The ஜம்பிங் ‘தல‘:
ஒற்றை முழுநீள b&w சாகஸத்திலேயே தன் மீதான விமர்சனங்கள் சகலத்தையும் தூக்கிக் கடாசிவிட்டுத் துள்ளிக் குதிக்கத் தயாராகிவிட்டிருக்கும் ஸாகோருக்கு இம்முறை இன்னமும் கூடுதல் பக்க நீளம் கொண்டதொரு த்ரில்லர் - ("சிரிக்கும் விசித்திரம்")காத்துள்ளது! இதுவுமே “வஞ்சத்திற்கொரு வரலாறு” இதழைப் போலவே பரபரக்கும் பட்டாசு!
And இளம் டெக்ஸுடன் கரம் கோர்க்கும் வாய்ப்புமே கோடாரி மாயாத்மாவுக்கு உண்டு!
அது மட்டுமன்றி, ஆன்லைன் மேளாவின் தருணத்திலோ, ஏதேனுமொரு புத்தகவிழாச் சமயத்திலோ ஸாகோரின் கலர் சாகஸங்களும் களமிறங்கக் காத்துள்ளன! So 2025 ஸாகோர் பேரவைக்கு செம பிஸியானதொரு ஆண்டாக அமையுமென்று நம்பலாம்! ரெடி தானே செயலாளரே?
13. The புதியவர்கள்:
ஆண்டுதோறும் அட்டவணையில் புதுவரவுகள் இருந்தே தீரணும் என்பது – இந்த வருத்தப்படாத வாலிபனின் பளிங்குக் கபாலத்திற்குள் விடாது குடியிருக்கும் ஒரு சிந்தனை! அந்த நமைச்சல் – லார்கோ போன்ற மாஸ் ஹீரோக்களையும் நம் கண்களில் காட்டியுள்ளது; ஜடாமுடியார் போன்ற தத்தா-புத்தாக்களையும் காட்டியுள்ளது தான்! ஒரு பொழுதுபோகா மழை நாளில், 2012 onwards புது வரவுகள் எத்தினி பேர்? and அவர்களுள் தேறியவர்களின் எண்ணிக்கை என்ன? என்பதை அலசிப் பார்க்க ஆசை!
“புதியன புகுதல்” என்ற அடையாளத்தோடு 2025-க்குள் புகுந்திடவிருக்கும் முதல் நாயகர் ஒரு கௌபாய் ஹீரோவே! மொத்தமே 4 ஆல்பங்கள் தான் இந்த மினி தொடரில்! But கதைக்களமும் சரி, சித்திர பாணியும் சரி, கலரிங்கும் சரி, ஏகத்துக்கு வசீகரிக்கின்றன! And இது போன்ற மினி தொடர்கள் ஒரு விதத்தில் நமக்கும் வசதியே! இரண்டோ – மூன்றோ ஆண்டுகளில் அதனைப் பூர்த்தி செய்திட சாத்தியப்படும்! Of course படைப்பாளிகள் தொடரை நீட்டிக்கத் தீர்மானித்தால் வரவேற்பைப் பொறுத்து நாமும் தீர்மானித்துக் கொள்ளலாம்! இந்த நொடியில் எனது gut feel சொல்லுவது – "குருதியில் பூத்த குறிஞ்சி மலர்" நிச்சயம் நமக்கு ரசிக்கும் என்பதையே!
புதுசு # 2 – சற்றே வித்தியாசமான வரவு!! மாங்கா ட்ரை பண்ணலியா? மாம்பழம் முயற்சிக்கலியா? என்று அவ்வப்போது சில குரல்கள் நம்மிடையே ஒலிப்பதை நாமறிவோம்! But பல்வேறு காரணங்களின் பொருட்டு அவற்றுள் கால் பதிக்கும் தைரியமோ, ஆற்றலோ இன்று வரையில் கிட்டியபாடில்லை! But மாங்காவுக்காக மாத்திரமே ஜப்பான் போக அவசியமில்லை; அவர்களது ட்ரேட்மார்க் சாமுராய் கதைகள் மங்கா நீளங்களில் அல்லாதுமே சாத்தியமே என்பதை சமீபத்தில் காண நேரிட்டது! இதோ – நம்ம ஜீனியர் எடிட்டரின் தேடலில் கிட்டியுள்ள b&w சித்திர அதகளம் தான் “வதம் செய்வோம் வேங்கைகளே”! தெறிக்க விடும் இந்த ஆக்ஷன் த்ரில்லருக்கு நம் மத்தியில் கிட்டிடும் வரவேற்றைப் பொறுத்து – மேற்கொண்டு தீர்மானிக்கலாமென்று பட்டது! What say folks?
புதுசு # 3 – இன்னுமொரு போனெலி நாயகர்! ஸாகுவாரோ என்பது இவரது பெயர்! நவஹோ செவ்விந்தியர்... அமெரிக்க மிலிட்டரியில் இணைந்து வியட்நாம் யுத்தத்தில் பங்கேற்றவர்... தற்போது அமெரிக்க உளவுத்துறையின் எல்லையோர ஏஜெண்டாகவும் செயல்பட்டு வருபவர்! So குதிரைகளில் சவாரி செய்யும் புராதன நவஹோவாக அல்லாது; புது யுகத்து ஆக்ஷன் நாயகராய் பட்டையைக் கிளப்பிடுகிறார் மனுஷன்! Black & White-ல் அந்தப் பரபரப்பான crisp readingக்கு இவர் அட்டகாசமான தேர்வாக அமைவார் என்று தோன்றுகிறது! Fingers crossed!
14. The சிங்கிள் ஆல்பம் ரெகுலர்ஸ்:
- தோர்கல்!
சிங்கிள் ஆல்பத்தோடு ஒரு கதைச்சுற்று நிறைவு காண்பது மாத்திரமன்றி, இங்குமே ஒரு ஜாம்பவானின் விடை கொடுக்கும் படலம் அரங்கேறிடவுள்ளது! Yes – தோர்கல் தொடருக்குப் பிதாமகன் ஷான் வான்ஹாம் எழுதிய கடைசிக் கதை “தந்தைக்கொரு தியாகம்” தான்!
- லோன்ஸ்டார் டேங்கோ!
2022-ல் ஆல்ஃபா; சிஸ்கோ & டேங்கோ – என ஒரே ஆல்பத்தில் மூவர் அறிமுகமாகியிருக்க, டேங்கோ மட்டுமே நமது அளவீடுகளில் சாத்து வாங்காது தப்பி, நம் மத்தியில் ரெகுலராகி விட்டுள்ளார். ஒவ்வொரு ஆல்பமும் அரங்கேறுவது ஒரு புதுத் தென்னமெரிக்க நாட்டில் எனும் போது, மிரட்டலான அந்தச் சித்திரங்களில் இயற்கை எழில்களை ரசிப்பது ரொம்பவே வித்தியாசமான அனுபவமாகிடுகிறது! இதோ – அந்தத் தொடரின் ஐந்தாவது ஆல்பம் – 2025ன் அட்டவணையினை கலர்புல்லாக்கக் காத்துள்ளது!
- XIII மர்மம்:
நமது மறதி நாயகரின் ரெகுலர் தொடரில் தற்சமயத்துக்குப் புதுக் கதைகள் இல்லை என்பதால் – அந்த spin-off வரிசைக்குள் குதித்திட வேண்டும் – 2025-க்கு! And இந்த தபா – சற்றே குஜால்லான பெண்மணி தான் கதையின் நாயகி!
‘பெலிசிட்டி ப்ரவுண்‘... XIII-ன் யூத்தான சின்னம்மா! தொடரின் இரண்டாவது ஆல்பத்திலேயே அறிமுகமானவர்! So சீனியாரிட்டிப்படி இவருக்கு இப்போது வாய்ப்பு அமைந்துள்ளது! And இதற்கான கதாசிரியர் – டேங்கோ தொடரின் கதாசிரியரான Matz தான்!
XIII எனும் போதே காலம் சென்ற நமது நண்பர் பழனியை நினைவு கூர்ந்திடாது இருக்க இயலாது ; and வழக்கம் போலவே இந்த இதழுமே நண்பரின் நினைவுகூர்தல் படலத்தின் அங்கமாகிடும்!
15. The சந்தா Summary:
- மொத்தம் 32 இதழ்கள்!!
- மொத்தம் 24 நாயகர்கள்!!
- மொத்தம் 19 இதழ்கள் – கலரில்!!
- மொத்தம் 13 இதழ்கள் – b&w-ல்!!
- மொத்தம் 3892 பக்கங்கள்!!
வருஷத்துக்கு எட்டாயிரம், பத்தாயிரம் பக்கங்களென்று போட்டுத் தாக்கியதெல்லாம் இந்த நொடியில் ஒரு தொலைதூர நினைவாய் மாத்திரமே நிழலாடுகிறது! இந்த 3892 பக்கங்களை வாசிக்கவே நம்மில் கணிசமானோருக்கு பிரயத்தனமாய் இருந்திடுமெனும் போது – ரெகுலர் தடத்தில் இதற்கும் மேலாய் சுமையை ஏற்றிக் கொண்டே செல்வது லாஜிக்கலாகத் தென்படவில்லை! நாளொன்றுக்கு குறைந்தபட்சமாக 10 பக்கங்களாவது வாசிக்க நேரம் ஒதுக்கிடுங்களேன் மக்களே ? ப்ளீஸ் ?
- And போன வருஷத்தைப் போலவே சந்தாத் தொகை ரூ.5750 என்று நிர்ணயித்துள்ளோம் – தமிழகத்துக்கு!
- And இந்த முறை – “முட்டை பரோட்டா சந்தா”; ”முட்டைத் தோசை சந்தா”; ”முட்டை பொடிமாஸ் சந்தா” என்றெல்லாம் குழப்பித் திரியப் போவதில்லை! மாறாக
- ரெகுலர் சந்தா (32 இதழ்கள்)
- Lite சந்தா (18 இதழ்கள்)
என இரண்டே பிரிவுகள் மட்டுமே இருந்திடப் போகின்றன!
- ரெகுலர் தடத்தில் அறிவிக்கப்பட்டுள்ள 32 இதழ்ககளும் கொண்டது ஆல்-இன்-ஆல் ரெகுலர் சந்தா !
-“எனக்கு ஈயாள் வேணாம் ; ஆ சேட்டன் சுகப்படில்லா; அம்மாச்சி மேல் பிரேமமில்லா” என்று ஒதுக்கிடக்கூடிய நண்பர்களுக்காக குறிப்பிட்ட 18 இதழ்களை மட்டும் தேர்வு செய்து, Lite சந்தாவாக்கியுள்ளோம்... அந்தப் 18 இதழ்களின் லிஸ்ட் இதோ உள்ளது.
- PLEASE NOTE : “எனக்கு இந்த 18 வேணாம்; வேறொரு 18 தான் வேணும்” - என்று குரல் கொடுக்கத் துடிப்போரா நீங்கள்? ஷமிக்கணும் சேட்டா - அதற்கு வாய்ப்பில்லை! It's either this 18 or all or nothing at all ! அதனால் நமது அலுவலகப் பெண்களிடம் இது குறித்து லடாய்கள் வேணாமே ப்ளீஸ்?
- And yes - நீங்கள் தேர்வு செய்திடும் சந்தா; பிரிவு எதுவாகயிருந்தாலும் - அவசியமெனில் சந்தாத் தொகையை 2 தவணைகளில் செலுத்தும் வாய்ப்பும் உண்டு!
So இது தான் 2025-ன் பயணப் பாதை – நமது ரெகுலர் தடத்தில்! இவை தவிர்த்து there will be more books for sure.... ஆனால் எவை? எப்போது? என்பதை தருணத்திற்கேற்ப தீர்மானிப்போமே?!
And இனி தி கிரேட் கிரிகாலன் ஷோவின் “கேள்வியும் ஞானே... பதிலும் ஞானே” பகுதி ஆரம்பிக்கப் போகுது! அல்லாரும் ஒருவாட்டி ஜோரா கைதட்டுங்க ஷாமியோவ்வ்!!
கேள்வி # 1:
- SODA
- சிஸ்கோ
- ஆல்ஃபா
- மேக் & ஜாக்
இந்தத் தலக்கட்டுகள்ளாம் அம்பேல் தானாடா தம்பி? மொத்தமாக ஓரம் கட்டியாச்சா?
இல்லீங்கண்ணா... அடுத்த வருஷம் முதலா ஒரு வித சுழற்சி முறையிலே விடுபடும் நாயகப் பெருமக்கள் தலையைக் காட்டச் செய்வதாக உள்ளோம்! இவர்கௌல்லாம் just like that – உதறிப் போடக்கூடியோர் அல்ல! So இந்த வருஷம் ப்ளூகோட்ஸா? அடுத்த வருஷம் மேக் & ஜாக் – என்கிற மாதிரி இவர்களை உள்ளே புகுத்தும் வழிகளைக் கண்டுபிடித்து விடுவோம்!
கேள்வி # 2 :
கோள்கள் ஒன்பது... சரி... ரைட்டு! ஆனா ‘தல‘ புக்ஸும் ஒன்பதே ஒன்பது தானா? இன்னா மேன் ப்ளான்னிங் இது?
ஏற்கனவே பதிவிலேயே இதை address செய்திருந்தேன் தானல்லோ? பட்ஜெட் ஒரு முக்கிய காரணம்...! அப்பாலிக்கா தலைமகனாகவே இருந்தாலும் அந்த கெத்துக்கு பங்கம் வந்திடலாகாது என்ற ‘டர்ர்ர்‘ இன்னொரு பக்கம்! And நமக்குத்தான் ஏகப்பட்ட சைக்கிள் கேப்கள் உள்ளனவே – ஏதாவது சந்து பொந்துகளுள் புகுந்து இன்னும் ஓரிரு ‘தல‘ சாகஸங்களை நுழைத்து விடமாட்டோமா – என்ன? Rest assured Tex பேரவையினரே !!
So ""மனசு ஒடிஞ்சு போயிட்டேன் ; நீ துரோகம் பண்ணிப்புட்டே ; சாய்ச்சுப்புட்டே ; சிதைச்சுப்புட்டே" என்ற ரீதியில் இதன் பொருட்டு 'தம்' கட்ட வேணாமே - ப்ளீஸ் ?
கேள்வி # 3:
சந்தா புக்ஸ் எண்ணிக்கை கொஞ்சம் குறைச்சலா இருக்கா மேரி தோணுதே மக்கா? ஓ.கே. தானா?
ரெகுலர் சந்தாத் தடத்தை இப்போது நானோ – நீங்களோ நிர்ணயம் செய்வதில்லீங்க அண்ணாச்சி! ரூ.5750 என்ற நெம்பர் தான் தீர்மானிக்குது !முதல்ல பிள்ளையார் சுழிக்குக் கிட்டக்க ரூ.5750 என்று எழுதிக்கினு தான் பாக்கி வேலைகளை ஆரம்பிக்கவே செய்றோம்! அப்படீங்கிறப்போ புக் எண்ணிக்கையைக் கூடுதல் பண்ணனும்னாக்கா – ஸ்பெஷல் இதழ்களின் விலைகளை கம்மி பண்ணி, அங்கனக்குள்ள கூடுதலா ஒன்னோ, ரெண்டோ பொஸ்தவங்களை நுழைக்கலாம்! உதாரணத்துக்கு டெக்ஸ் தீபாவளி மலரை ரூ.300-ன்னு பிளான் பண்ணினாக்கா – 2 x ரூ.100 புக்ஸ் கூடுதலாய் அந்தக் காசுக்குப் புகுத்த இயலும்! ஆனால் horses for the courses என்று – தருணங்களின் தன்மைகளுக்கேற்பவே ஸ்பெஷல்களின் விலைகளை திட்டமிட்டிருக்கோம்! So இந்த பட்ஜெட் & 32 books என்ற இந்த புத்தக எண்ணிக்கை மதி என்றே தோணுது!
கேள்வி # 4:
தாத்தாஸ் எங்கேடா படுபாவி? காணாமப் போயிட்டாங்களே?
Rest assured folks – ஒரு சிவகாசித் தாத்தா என்னிக்குமே ஒரு தாத்தாஸ் கும்பலுக்கு துரோகம் பண்ண மாட்டான்! ரெகுலர் சந்தாவில் வம்படியாய் பெருசுகளை நான் புகுத்தி விட்டு என்ன தான் மழைக்காலத் தவளை போல தொண்டையை பயன்படுத்தினாலும், ஒரு சிறு அணியினருக்கு இவர்கள் ரசிக்க மாட்டேன்கிறார்கள்! So மருவாதியாய் தாத்தாஸை மே மாத ஆன்லைன் மேளாவுக்கு அனுப்பிடத் தீர்மானித்துள்ளேன்! தாத்தாஸ் தொடரை ‘அம்போ‘வென நடுவழியே கழற்றி விடும் உத்தேசம் நஹி! இது இந்தத் தாத்தாவோட ப்ராமிஸ்!
கேள்வி # 5:
லவ்ஸ் கதை வேணுமா? யுத்தக் கதை வேணாமா? முத்தக் கதை ரசிக்காதா? என்றெல்லாம் கேள்விங்க கேட்டுப்புட்டு அதே புளியோதரை & தயிர் சாதத்தோட கடை விரிச்சிருக்கியே... எங்களைப் பார்த்தா எப்படி கீது?
மன்னிச்சூண்ணா... அந்த வோட்டெடுப்பிலேயே பாதிக்குப் பாதி எதிர்ப்புகள் தலைதூக்கியதை அனைவருமே பார்த்தோம் தானே?! So அவற்றை ஒரு கமர்ஷியலான சந்தாவுக்குள் புகுத்தி விட்டு, தோற்க நாமே களம் ஏற்படுத்தித் தருவதைக் காட்டிலும், கட்டாயங்களற்ற ஆன்லைன் மேளா தருணத்திலோ, புத்தகவிழா தருணத்திலோ களமிறக்கினால் அவை வெற்றி காணும் வாய்ப்புகள் கணிசம் என்று நினைத்தேன்!
க்ரிக்கெட்டில் India-A டீம் என்று முன்பெல்லாம் அயல்நாடுகளுக்கு டூர் போய் அந்தந்த நாட்டின் A டீம்களோடு ஆடி வருவார்கள்! அதில் சிறப்பாய் ஆடுவோருக்கு இந்தியாவின் மெயின் டீமில் இடம் கிடைப்பதுண்டு! அதே பாணியில் இந்த ரெகுலர் தடம் அல்லாத தருணங்கள் – நமது பரீட்சார்த்த கதைக்களங்களுக்கான சந்தர்ப்பங்களாகிடும் - இனி வரும் காலங்களில்! So புது வரவுகளுக்கு இனிமேல் வெற்றிக்கான களங்களையே கண்ணில் காட்டுவோமே!
கேள்வி # 6:
'இளம் ‘தல‘க்கு 5 அத்தியாயங்கள்! எங்க இளம் தளபதிக்கு ரெண்டே ரெண்டா? உன்னை நாடு கடத்தினா என்ன??
கதைகளின் arcs தான் தீர்மானங்களை என் சார்பில் எடுத்திடுகின்றன எசமான்! இளம் டெக்ஸின் குறிப்பிட்ட arc 320 பக்க நீளம்... so அதை கொத்துக்கறி போட்டுப்புட்டு, மறுக்கா நீங்க முதுகிலே மத்தளம் கொட்ட வேணாமே என்று நினைத்தேன்! அதே நேரம் 'இலன் தளபதி' story arc இரண்டே ஆல்பங்களே !! மற்றபடிக்கு ‘தல‘ கூடவோ; ‘தளபதி‘ கூடவோ நமக்கு வாய்க்கா வரப்புத் தகராறு ஏதும் லேது சேட்டா!
கேள்வி # 7:
- விஷம்
- பயணம்
இரண்டுமே வாக்கெடுப்பில் செம கூடுதல் ஓட்டுகள் பெற்ற ஆல்பங்கள்! இவற்றின் தலையெழுத்துகள் என்னடாப்பா?
- விஷம் – 5 ஆல்பங்கள் கொண்ட நெடும் சாகஸம்! ஒவ்வொரு ஆல்பத்திலும் குறிப்பிட்டதொரு இலட்சியத்தோடு – ஒவ்வொரு திக்கில் புறப்படுகிறாள் நாயகி! So நெடும் கதையாக இருந்தால் கூட ஒவ்வொரு அத்தியாயமும் ஒரு episode போலான நிறைவைத் தந்திடும்! ஆண்டின் நடுவாக்கில் – இதற்கொரு முன்பதிவினை அறிவித்து விட்டு, மாதமொரு ஆல்பம் வீதம், அடுத்தடுத்த 5 மாதங்களில் இதனை நிறைவு செய்திடத் திட்டம்! இங்கே 5 ஒரிஜினல் அட்டைப்படங்களும் சாத்தியமாகிடும் & இந்தப் புது அனுபவம் எவ்விதமுள்ளதென்றும் பார்த்திடலாம்! ப்ரான்சில் இந்தத் தொடர் முடிய 5 ஆண்டுகளுக்கு வாசகர்கள் காத்திருந்த போது – நமக்கு 5 மாதங்கள் ஒரு பெரும் இடராகிடக் கூடாது என்பதே எனது நம்பிக்கை!
Of course – “மணந்தால் மகாதேவிக்கு ஒன்னுவிட்ட சித்தி.... படிச்சா ஒரே குண்டு புக்” என்ற சவுண்டுகள் எழும் / எழுந்துள்ளன என்பது நிச்சயம்! ஆனால் கடைசி 2 ஆண்டுகளின் நடப்பைப் பார்க்கும் போது, ஒரு புத்தகத்தின் பருமன் இன்றைக்கெல்லாம் எதிர்மறையான ரியாக்ஷன்களை வாசிப்புக்கு ஈட்டித் தருகின்றனவோ - என்ற சந்தேகம் எழுகிறது ! ஒரு 48 or 52 பக்க ரெகுலர் ஆல்பத்தையாவது அந்த மாதத்திலேயே வாசித்திடும் சாத்தியங்கள் கணிசமாய் உண்டு போலும் ; but ஒரு 250 பக்க குண்டு புக்கைக் கையிலே ஏந்தும் நொடியில் “ஆஆ.... நெருப்புடோவ்!” என்று தலைவர் கவுண்டரைப் போலவே நிறையப் பேர் ஜெர்க் அடித்து, ரிவர்ஸ் கியர் போட்டு வருவது யதார்த்தம்! So ‘ஆந்தைக்கண்ணழகா.....இங்கே பூசு... ஆ... அங்கே பூசு‘ என்று சந்தனம் தடவும் தருணத்தில் நம் மத்தியில் கணிசமானோர் பலமாய் பில்டப்கள் தந்தாலும் – வாசிப்பை ‘ஏக் தம்மில்‘ செய்திடும் mindset குறைந்து வருவது obvious! So இந்த ஒற்றை முறை இந்த தனித்தனி அத்தியாய பாணிக்கு பழகிக் கொண்டோமெனில் இது போன்ற நெடும் கதைகளை தைரியமாய்க் கையாளலாம் - in the future !
- பயணம் – ஒரே முழுநீள கி.நா. என்பதால் அதனைப் பிரித்துப் போட இயலாது! So அது ஆன்லைன் மேளா or புத்தக விழா தருணத்தில் சர்வ நிச்சயமாய் ஆஜராகிடும்! கதையெல்லாம் வந்தாச்சு & மொழிபெயர்ப்பை ஆரம்பிக்க வேண்டியது தான் பாக்கி! மரண மாஸ் இதழ் இது !!
கேள்வி # 8:
இன்னா மேன் சந்தா Lite??
வேறொண்ணுமில்லீங்கோ; குறிப்பிட்ட, பிரதான நாயகர்களின் புக்ஸ் மட்டுமே எனக்குப் போதும் என்று கருதிடும் சில நண்பர்கள் சந்தா செலுத்தத் தயங்குவது open secret! So அவர்களை சுவாரஸ்யப்படுத்த நம்மாலான சிறு முயற்சி இது! லிஸ்ட்டிலுள்ள 18 பிஸ்தா இதழ்களோடு மட்டுமான சந்தா !
கேள்வி # 9:
ரெகுலர் சந்தாவில் மொத்தமே 32 புக்ஸ் தான்! இது மாசத்துக்கு 3 பொஸ்தவங்களுக்குக் கூட தேறாதேடாப்பா?
No worries சார்வாள்ஸ் & லேடிவாள்ஸ்! ஏற்கனவே அறிவிக்கப்பட்டுள்ள Electric ‘80s தடத்தில் ஸ்பைடர் & ஆர்ச்சி 2024-ல் களம் கண்டு முடித்து விடுவார்கள் எனும் போது – அதனில் 4 பெரிய புக்ஸ் பாக்கியிருக்கும்! அந்த 4 + இப்போது அறிவித்துள்ள இந்த ரெகுலர் தடத்தில் 32 = மொத்தம் 36 புக்ஸ் எனும் போது எல்லா மாதங்களும் தவறாது 3 புத்தகங்கள் வீதம் கூரியர் டப்பிகளில் இருந்திடப் போவது உறுதி!
“அட... மூன்று கூட பத்தாதேப்பா!!” என்போருக்காகவே ஸ்பெஷல் தருணங்களில் – ஸ்பெஷல் தடங்கள் வெயிட்டிங்! ஒட்டுமொத்தமாய் இந்தப் பந்தயக் குதிரை ஆண்டின் லட்சியமே – வாசிக்கப்படா இதழ்களின் எண்ணிக்கை 2025-ல் மிகுந்திடாது பார்த்துக் கொள்ள வேண்டும் என்பது தான்! Wish us luck ப்ளீஸ்!
கேள்வி #10:
- பௌன்சர் எங்கே?
- அண்டர்டேக்கர்?
- ஸ்டெர்ன்??
-ப்ருனோ பிரேசில் ??
- பௌன்சர் 2026-ல் folks!
- அண்டர்டேக்கரின் புது ஆல்பத்துக்கான க்ளைமேக்ஸ் ஆல்பம் இன்னமும் தயாராகிடவில்லை! So அதுவுமே 2026-க்குத் தான்!
- ஸ்டெர்னுக்கு சின்னதொரு ப்ரேக்! அவருமே 2026-ல் !
- ப்ருனோ பிரேசில் இந்த அக்டோபர் வெளியீடு தான் எனும் போது அதற்கான reactions பார்த்து, அடுத்த அட்டவணைக்குள் நுழைப்பதா ? நஹியா ? என்ற தீர்மானம் எடுக்க அவகாசமில்லை ! அது செம ஹிட் அடித்திருக்கும் சமாச்சாரம் இப்போது தானே தெரிய வந்துள்ளது ?! And இந்தத் தொடரில் எஞ்சியுள்ள இன்னொரு கதையோ டபுள் ஆல்பம். So அது 2026-க்கு வந்திடும் !
கேள்வி # 11:
“ஆட்டைத் தூக்கி குட்டி கூடப் போட்டுப்புட்டே... குட்டியையும் ஆட்டுப் பட்டியிலேயே போட்டுப்புட்டே!! V காமிக்ஸ் சந்தான்னு தனியா இல்லாமே இதிலேயே சேர்ந்து கிடக்குதே? அட – என்றா விளக்கம்?”
அது வந்துங்கண்ணா... கதைத் தேர்வுகள் இவை தான்; வாசிக்கப் போகும் target audience இவர்கள் தான் – என்பதெல்லாம் இப்போது ஸ்பஷ்டமாய் தெளிவான பிற்பாடு ஆடோ, குட்டியோ – மேய்ச்சலுக்கு ஒண்ணாகவே போனால் தப்பில்லேன்னு பட்டதுங்கண்ணா! தவிர V காமிக்ஸ் அரையாண்டுச் சந்தாவென்று ஜுன் மாசம் இன்னொருக்கா நினைவூட்டும் சமயம் சில நண்பர்கள் கடுப்பாகிப் போய் விடுகிறார்கள்! So ஒரே சந்தா; ஒரேவாட்டி திட்டமிடல்!
கேள்வி # 12:
"இது முழுக்க முழுக்கவே ஒரு கமர்ஷியல் சந்தா தானாக்கும் ? - இஸ்பெஷலா ஐட்டங்கள் கிடையாதாக்கும் ?" என்ற மைண்ட்வாய்ஸா ?
Yes of course, இன்றைக்கு நம்மாட்களை ஒருசேர வாசிப்பினில் இணைத்திட வேண்டுமெனில், பெரும்பான்மையான புக்ஸ், பெரும்பான்மைக்குப் பிடித்தவைகளாகவே இருத்தல் அவசியமாகிறது ! So பரீட்சார்த்த முயற்சிகள் ; கோக்குமாக்கான தடாலடிகள் ; கி,நா.ஸ் இத்யாதிகளெல்லாமே ரெகுலர் தடத்தில் வேணாமே என்று எண்ணினேன் ! ரெகுலர் தடம் தவிர்த்து குறைந்த பட்சமாக நம்மிடம் இன்னொரு 10 புக்ஸுக்காவது ஸ்லாட்ஸ் சாத்தியமே எனும் போது, அவற்றையெல்லாம் அங்கு ஷிப்ட் செய்வதே மதி என்று பட்டது ! So இது உங்களைக் கையைப் பிடித்து இழுத்து வாசிக்க இட்டாருமொரு முயற்சியே பிரதானமாய் !! All the fancy stuff comes after that !!
கேள்வி # 13:
ஷப்பாாாா.... crisp reading; கத்திரிக்காய் reading என்று பில்டப் தந்துப்புட்டு, இந்தப் பதிவை இம்மாம் நீளத்துக்குப் போட்டு உசிரை வாங்கறியே? நியாயமாரே?
இல்லீங்க பாஸு... நமக்கு இந்த அட்டவணை நேரங்களிலே “வாலோநீளோமேனியா” என்று ஒரு தாக்கம் ஏற்பட்டுப்புடும்! பேனாவைத் தூக்கி வீட்டுக்கான பலசரக்கு சிட்டையை எழுதினாக் கூட அது கண்ணால வூட்டு கொள்முதல் லிஸ்ட் மாதிரித் தான் நீண்டுவிடும்! அப்படியிருக்க ஒரு முழு ஆண்டுக்கான திட்டமிடல்கள் பற்றி ; அவற்றின் பின்னணிச் சிந்தைகள் பற்றி ; ஏன் இருக்கு? ஏன் இல்லை? என்பதெல்லாம் பற்றி எழுத ஆரம்பிக்கும் போது ஆஞ்சநேயர் வால் போல நீண்டிடுவதைத் தவிர்க்க இயலவில்லை!
இம்புட்டு ‘தம்‘ கட்டி நான் எழுதிய பின்னருமே கூட – “எக்ஸ்க்யூஸ் மீ... வாட் இஸ் தி ப்ரொசிஜர் டு கட்டிங் தி சந்தா?” என்ற நம்மாட்களிடம் மொதல்லேர்ந்து விளக்கம் கேட்கும் படலங்கள் அரங்கேறிடவே செய்யும்! So இதில் நான் மேம்போக்காய் எழுதிவிட்டுக் கிளம்பி விட்டால் நம்மாட்கள் பாடு இன்னமும் கூடுதல் திண்டாட்டமாகிப் போகும்!
More than anything else – சிறுவட்டமே ஆனாலும், அவர்கள் பெரிதும் நேசிக்கும் ஒரு சமாச்சாரத்தினை சுவையாய் சமைத்துப் பரிமாறும் பொறுப்பு இந்த ஆந்தையனிடம் உள்ளது! இயன்றமட்டுக்கு அனைவரும் மனநிறைவு கொள்ளும் விதமாய் செயல்பட்டிருக்கேன் தான் என என்னை நானே தேற்றிக் கொள்ளவும் இந்த வருடாந்திர நெடும் பதிவுப் படலம் அவசியமாகிப் போகிறது - இதை டைப்படித்துத் தரும் நண்பர் அடுத்த 2 வாரங்களுக்கு “காதல்“ பரத் போல மண்டையில் குட்டியபடியே திரியும் ஆபத்து இருந்தாலுமே! So this post is as much for me... as it is for you folks!
So yet another புது வருடத்து திட்டமிடல் எனும் மழலையை உங்களிடம் ஒப்படைக்கத் தயாராகி விட்டோம்! அது நடைபழகவும், ஓடியாடவும், உலகமறியவும், திறன்கள் கற்றறிந்து வெற்றியடையவும் - எல்லாமுமாய் இருந்திடப் போகும் பொறுப்பு உங்களிடமும், புனித மனிடோவிடமுமே ! எப்போதும் போல “சந்தா“ குழந்தையை வாஞ்சையோடு கொஞ்சி மகிழ்வீர்கள் என்ற நம்பிக்கையோடு, இந்தப் பந்தமும், பயணமும் இடைவெளியின்றித் தொடர, படைத்தவரை வேண்டியபடியே விடைபெறுகிறேன் folks!
ரைட்டு...பரீட்சை எழுதியாச்சு! இனி மார்க் தெரிய வரும் வரைக்கும் ‘திக் திக்‘கென்ற துடிப்போடு காத்திருப்போம்! டெம்போல்லாம் வைச்சு கடத்திட்டு வந்திருக்கோம், ஏதோ பாத்து பண்ணுங்க சாமியோவ்ஸ் ! Bye all... See you around! Have a lovely weekend!! God be with us all!
அப்புறம் "சந்தாவுக்கே ஒரு LITE version இருக்கச்சே - இம்மாம் நீளப் பதிவுக்கும் ஒரு Lite வேணாமா ?" என்று கார்த்திக்கும், போர் அடிச்சுப் போன மக்களும் கேட்கக் கூடுமென்பதால் - இதோ சித்திரங்களிலேயே இந்த சந்தாவின் story !!
6
மொத்தமே இது தான் மேட்டர் ; இதைத் தான் மேலே ஆத்தோ ஆத்தென்று ஆத்தியுள்ளேன் ! So புய்ப்பமோ, பூவோ - all the same !!Bye once more !!
P.S : எத்தனை நிமிடங்களாச்சு இதை முழுசாய்ப் படிக்க folks ?
