Powered By Blogger

Saturday, December 31, 2022

ஹலோ சொல்லுவோமா ஒரு முயலுக்கு ?

 நண்பர்களே,

வணக்கம். வாரத்தின் இறுதி நாள் ; மாதத்தின் இறுதி நாளும் தான் ; அட, வருஷத்தின் இறுதி நாளுமே இன்றைக்குத் தானே ? பலருக்கும் பலவித அனுபவங்களைத் தந்த ஒரு dramatic ஆண்டுக்கு விடை தரும் தருவாயில் நிற்கின்றோம் - இந்த டிசம்பர் 31-ல் !! நம்மைப் பொறுத்தவரையிலும் நீராவி எஞ்சினைப் போலவொரு நெடும் பெருமூச்சையே 2022-க்கான பரிசாய்த் தந்து வழியனுப்பத் தோன்றுகிறது ! நிறைய highs ; கொஞ்சம் lows ; எக்கச்சக்க பெண்டு கழற்றல் ; அநேக அனுபவப் பாடங்கள் என்று இந்தாண்டு கண்ணில் காட்டியுள்ள அனுபவங்கள் எண்ணிலடங்காவொரு கலவை ! நாளை புலரவிருக்கும் திருவாளர் 2023 - சீன காலெண்டர்களின்படி "முயலின் ஆண்டு" என்று அறியப்படுகிறார் ! "நளினம், அழகு, நிதானம், நிம்மதி' என்பன இந்தாண்டுக்கான குறியீடுகளாம் ! நெடும் ஆயுள்....அமைதி....வளம் பெருகுமாம் இந்த வருஷத்தினில் !! சீன சமாச்சாரங்கள் என்றாலே டெரரான சந்தேகக் கண்ணோட்டத்தில் பார்க்கப்படும் இந்நாட்களில், அவர்களின் இந்தப் புராதன நம்பிக்கைகளாவது பொய்க்காதென்று நம்புவோமாக !! தெய்வமே !!

ஆண்டின் இந்த இறுதிப் பதிவானது, கிட்டத்தட்ட 2 ஆண்டுகளுக்கு முன்னே துவங்கியதொரு சமாச்சாரத்தை விரைவில் ஒரு சுப க்ளைமாக்ஸுக்கு நகர்த்திட முனைந்திடும் பதிவாக இருக்கும் ! And yes - "உயிரைத் தேடி" பற்றிய பதிவே தான் இன்றைய highlight !

இப்போதெல்லாம் கி.பி...கி.மு...என்பது போல அடையாளத்துக்குச் சொல்லத் தோன்றுவது, 'மொத லாக்டௌன்' ; 'ரெண்டாது லாக்டௌன் ' என்ற கால கட்டங்களையே ! ஒன்றாவதுக்கும், இரண்டாவதுக்கும் இடைப்பட்டதொரு சோம்பலான நாளினில் "உயிரைத் தேடி" தொடருக்கான உரிமைகளை வாங்கியிருந்தோம் !  எண்பதுகளின் பிற்பகுதியில் (சரி தானுங்களா மக்களே ?) தினமலர் சிறுவர்மலரில் தொடராய் வெளி வந்து செம ஹிட்டடித்த கதை இது என்பது நம்மில் யாருக்கும் தெரியாதிராது - maybe 2K கிட்ஸ் நீங்கலாய் ! நிஜத்தைச் சொல்வதானால், இந்தத் தொடர் தினமலரில் வெளியான நாட்களில் நான் அதனைப் பெரிதாய்ப் பின்தொடர்ந்ததில்லை ! ராணி காமிக்ஸும் சரி, மேத்தா காமிக்ஸும் சரி ; தினமலரின் சிறுவர்மலர்களும் சரி, எப்போது வெளிவந்தாலும், அவற்றை மேலோட்டமாய்ப் புரட்டுவது ; எந்தக் கதைகளை வெளியிட்டுள்ளனர் ? என்பதைப் பார்க்க வேண்டியது ; அப்பாலிக்கா அவற்றுள் ஏதேனும் குறைகள் தென்படுகின்றனவா ? என்று பார்க்க மட்டுமே தோன்றிடும் ! முழுசாய் உட்புகுந்து எதனையும் வாசிக்க முனைந்ததில்லை - 'ச்சீசீ...இந்தப் பயம் புயிக்கும்' கதையாக ! So "உயிரைத் தேடி" தொடரை அன்றைக்கு சீரியஸாய் follow செய்திருக்காதவன், பின்னாட்களில் நண்பர்கள் அது பற்றிப் பேசுவதைக் காதில் வாங்க ஆரம்பித்த போது தான் இப்படியொரு weight இந்த நெடும் கதைக்கு உள்ளதைப் புரிந்து கொள்ள ஆரம்பித்தேன் ! கமர்ஷியல் ஹிட்டடிக்க Fleetway தயாரிப்புகள் என்றைக்குமே உத்திரவாதமான material என்பதில் எனக்கு ஐயங்கள் இருந்ததில்லை என்பதால், அந்த லாக்டௌன் பொழுதுகளின் உருட்டல்களில் இந்தக் கதை பற்றிய பின்னணிகளை நெட்டில் தோண்டித் துருவினேன் ! எனது நல்லதிர்ஷ்டம் - இதன் கதாசிரியரை நேரில் தொடர்பு கொள்ளவொரு வாய்ப்பு கிட்டியது ! அவரிடம் கொஞ்சமாய் மின்னஞ்சல்களில் தகவல் பரிமாற்றங்கள் செய்த போதே தீர்மானித்து விட்டேன் - இது கூடையைப் போட்டு பொத்தப்பட  வேண்டிய செம வெடக்கோழி என்பதை ! தொடர்ந்த நாட்களில் கதையின் உரிமைகளைப் பெற்றான பின்னே தான் கதையையே நான் முழுதாய்ப் படிக்க முனைந்தேன் ! And கொரோனா அரக்கன் தாண்டவமாடிக் கொண்டிருந்த அந்நாட்களில் இந்தக் கதையினை வாசிப்பது ஒரு ஜிலீர் கிலி அனுபவமாக இருந்தது ! 

அச்சமயத்தில் நமது மொழிபெயர்ப்பு டீமில் இடம்பிடிக்க புதிதாயொரு சகோதரி முயற்சித்துக் கொண்டிருந்தார் ! IAS தேர்வுகளுக்கு படித்துக் கொண்டிருந்தவர், கொரோனா உருவாக்கிய கட்டாய பிரேக்கில் வீட்டில் சோம்பலாய் இருக்க, அந்நேரத்தினில் நமக்குப் பேனா பிடிக்க ஆர்வம் காட்டியிருந்தார் ! அவரிடம் நான் தந்த கதை "உயிரைத் தேடி" தான் ! எல்லோருமே வீட்டில் மோட்டுவளைகளைப் பார்த்துக் கொண்டிருந்த 2021-ன் ஊரடங்கு நாட்களவை என்பதால் குறுக்கும் மறுக்குமாய் மொழிபெயர்ப்புகள், திருத்தங்கள், மறுக்கா மொழிபெயர்ப்புகள், மறுக்கா மறுக்கா திருத்தங்கள் என்ற கூத்துக்கள் தொடர்ந்த வண்ணமிருந்தன ! To her credit , நான் படுத்தியெடுத்த பாடுகளையெல்லாம் துளியும் முகச்சுளிப்பின்றி ஏற்றுக் கொண்டு முயற்சிகளைத் தொடர்ந்தவர், ஒரு கட்டத்தில் ரொம்பவே fluent ஆக எழுதும் ஆற்றலை வெளிப்படுத்த ஆரம்பித்தார் !! எனக்கோ செம குஷி ; ஆனால் ரொம்பவும் துள்ள வழியில்லை ; because லாக்டௌன் முடிந்த முதல் நாளில் அவர் நமது மொழிபெயர்ப்புப் பொறுப்புகளுக்கு டாட்டா காட்டிவிட்டு புறப்பட்டு விடுவார் என்பது முதலிலேயே தெரிந்திருந்த சமாச்சாரம் ! 5 மாதங்கள் எடுத்துக் கொண்டார் - முழுசாய் 184 பக்கங்களை பூர்த்தி செய்திட ! ஆனால் இறுதி output செம நீட்டாக இருந்தது & ரொம்பவே முக்கியமாய் சுலப நடையில், சுலப வாசிப்புக்கு உகந்திருந்தது !  

2021-ன் பிற்பகுதியில் கிடைக்கும் ஓய்வுகளின் போதெல்லாம் நம்மாட்கள் DTP வேலைகளை செய்து முடித்திருக்க, ஒரு கத்தைப் பக்கங்களோடு "உ.தே" எனது மேஜையில் ஜாகையினைத் துவங்கியிருந்தது ! புத்தக விழாக்கள் ஒன்று பாக்கியின்றி ரத்தாகிக் கிடந்த அந்த நாட்களில், அட்டவணையினில் இடம்பிடித்திருக்காத இந்த இதழினை குறுக்காலே வெளியிட சற்றே தயக்கம் மேலோங்கியது ! Moreso நம்மைச் சுற்றிலும் அந்நேரங்களில் வைரஸ், நோய்த்தொற்று, ஆஸ்பத்திரிகள் ; வண்டி வண்டியாய் வதந்திகள் என எக்கச்சக்க நெகட்டிவ் சமாச்சாரங்கள் சுழன்றடித்துக் கொண்டிருக்க, நம் பங்குக்கு இந்த apocalypse ரக ஆல்பத்தை இறக்கிவிட்டு புண்ணியம் சேர்ப்பானேன் என்ற தயக்கத்தில் கொஞ்சம் பிரேக் விட தீர்மானித்தேன் ! 2022-ம் பிறந்தது & ரைட்டு...இந்தாண்டினில் இதனைக் களமிறக்கி விட்டுப்புடலாம் என்ற திட்டமிடலோடு அறிவிப்பினை வெளியிட்டோம் - black & white ஹார்ட் கவர் ஆல்பம் - ரூ.200 விலையில் என்று ! Truth to tell - இந்த விலையானது "உயிரைத் தேடி" திட்டமிடலின் பிள்ளையார் சுழி போட்ட தருணத்தினில் நிலவி வந்த பேப்பர் விலைகளைக் கருத்தில் கொண்டு நிர்ணயித்தது ! 2022-ன் பிற்பகுதியில் நிறையவே விலையேற்றம் இருப்பினும், இந்த cult இதழை ஒரு ஜனரஞ்சக விலையிலேயே தொடர்வது உசிதமென்று தீர்மானித்தோம் ! And இதோ - இந்த ஆல்பம் ஒரு வழியாய் ரிலீஸ் ஆகிடவுள்ள 2023-ல் இந்த இருநூறு ரூபாய் விலையானது இம்மியூண்டு சாத்தியம் கூட இல்லாததொன்று என்பது புரிந்தாலும் - 'மணந்தால் மகாதேவி' பாணிக்கு விடை தரும் உத்தேசங்கள் இல்லவே இல்லை ! So அதே இருநூறில் செம ரிச்சாக black & white இதழ் வெளியாகும் !  

Cut to a phase in end 2021 - இத்தனை மவுசுள்ளதொரு இதழ் தினமலர் சிறுவர்மலரிலேயே 2 வண்ணங்களிலும், கலரிலுமாய்க் கலந்து கட்டி வெளியாகியிருக்க, அதனை நாமும் கலர் பண்ணி வெளியிட்டால் என்ன ? என்ற கேள்வியினை நண்பர்கள் என்னிடம் கேட்டுக் கொண்டேயிருக்க, 'ரைட்டு, இழுக்கும் தேரை முழுசுமாய் இழுத்துப்புட்டால் போச்சு' என்ற எண்ணத்துடன் படைப்பாளிகளிடம் மறுக்கா பேச ஆரம்பித்தேன் - full color இதழையும் ஒருசேர வெளியிடுகிறோமே ? என்று ! ஆனால் அவர்கள் அதற்கு அப்போது பெரிதாய் ஆர்வம் காட்டவில்லை ; maybe கொஞ்ச காலத்தினில் நாங்களே கலரில் வெளியிட்டாலும் வெளியிடலாம் என்பது போல சொல்லியிருந்தார்கள் ! சரி...அவர்களே கலரிங் செய்து விட்டால் செம அழகாய் இருக்கும், நமக்கும் நோவு மிச்சமே என்றபடிக்கு நான் ஒதுங்கிக் கொண்டேன் ! நிலவரம் இவ்விதமிருக்க, நடப்பாண்டினில் சில மாதங்களுக்கு முன்பாய் - "நீங்களே கலர் பண்ணி ஒரு கலர் ஆல்பத்தினையுமே வெளியிடுவதாக இருந்தால் - carry on ...! எங்களுக்கு இப்போதைக்கு இதனைக் கையில் எடுப்பது மாதிரியான திட்டமிடல் இல்லை" என்று சொல்லியொரு மின்னஞ்சல் வந்து சேர்ந்தது ! 

அந்நேரத்துக்கோ black & white பதிப்புக்கென நமக்கு கணிசமான முன்பதிவுகள் கிட்டியிருந்தன & அட்டைப்படமும் ரெடியாகி இருந்த நிலையில் 2022 தீபாவளிக்கு ஆல்பத்தை வெளியிடும் முஸ்தீப்பில் இருந்தோம் ! But கலர் இதழுக்கும் green signal கிட்டிவிட்ட நிலையில், அதை இன்னமொரு 6 மாதங்கள் கழித்து நான் அறிவிப்பதாக இருந்தால், சாணிப்பாலைக் கரைத்துத் தலையில் ஊற்ற 'நானு..நீயு..' என்று கூட்டம் அலைமோதுமென்பதை யூகிக்க முடிந்தது ! 'ஒரு ரவுண்டு black & white-ல் சில்லறை பார்த்துப்புட்டு, இப்போ அடுத்த ரவுண்டு கலரிலே கல்லா கட்ட தீர்மானமாக்கும் ராசுக்கோல் ? ....கலர் இப்போதைக்கு நஹி என்று சொன்னதெல்லாம் பொய் தானா கோப்பால் ??' என்று ஆளாளுக்கு மொத்தியெடுக்கும் காட்சி ஒரு கணம் என் மனசில் ஓட, "ஆத்தீ...!! கருப்பு-வெள்ளை இதழின் பணிகளை அப்டியே pause போடுங்க !! கலர் ஆல்பத்துக்கான உரிமைகளை பேசிமுடித்த பிற்பாடு, கலரிங் வேலைகளையும் முடித்துக் கொண்டு, ஒரே நேரத்தில் black & white இதழ் + கலர் இதழ் என்ற திட்டமிடலோடு கிளம்பலாம் !" என்று சொல்லி வைத்தேன் ஆபீசில் ! இது எதுவுமே நம்மாட்களுக்குத் தெரியாதென்பதால் - 10 நாட்களுக்கு ஒரு தபா, "சார்...உயிரைத் தேடி எப்போ வரும்னு கேட்டு மூக்கிலே குத்துறாங்க சார் !" என்ற முகாரி ராகங்களோடு வருவார்கள் ! கொஞ்சமாய் டிஞ்சர் போட சொன்ன கையோடு நான் silent mode க்குப் போய்விடுவேன் ! 

ஓசையின்றி நவம்பர் துவக்கம் முதலாய் கலரிங் பணிகளை துவக்கியிருக்க, 184 பக்கங்கள் கொண்ட இந்த ராட்சஸப் பணிக்குள் அந்த டிஜிட்டல் ஆர்ட்டிஸ்ட் ராப்பகலாய் உழைத்து வருகிறார் ! அன்றாடம் செய்து முடித்த பணிகளை என்னிடம் காட்டுவது, ஏதேனும் திருத்தங்கள் இருந்தால் செய்து முடிப்பது - என கிட்டத்தட்ட 2 மாதங்களாய் தனது இதர வேலைகளையெல்லாம் ஓரம்கட்டி வைத்து விட்டு இதனுள் ஒரு தவமாய்ப் பணியாற்றி வருகிறார் ! இந்தப் பணிகளைக் co-ordinate செய்திடும் பொறுப்பை நம் நண்பர்களுள் ஒரு தீவிர "உயிரைத் தேடி" fan முழுவீச்சில் ஏற்றுக் கொண்டிருக்க, என் பாடு கொஞ்சம் இலகுவாகியுள்ளது ! ஆனால் அவர்களுக்கோ எக்கச்சக்க சிவராத்திரிகள் தொடர்ந்து வருகின்றன ! டிசம்பர் 31-க்குள் கலரிங்குக்கு சுபம் போட முடிந்தால் அதன் பிற்பாடு எடிட்டிங், புராசசிங் ; அச்சு & பைண்டிங் என fast track செய்து பொங்கலுக்கு ரிலீஸ் செய்திட எண்ணியிருந்தோம் ! ஆனால் இந்தப் பணியின் ராட்சஸப் பரிமாணம் அதற்கு முட்டுக்கட்டை போட, இன்னமும் ஒரு 10 நாள் வேலை எஞ்சியுள்ளது ! Once that is done too - "உயிரைத் தேடி" கலர் ஆல்பம் ரூ.500 விலையிலும், black & white ஆல்பம் ரூ.200 விலையிலும் simultaneous ரிலீஸ் கண்டிடும் - நமது ஆன்லைன் புத்தக விழாவினில் (date will be announced soon!) 

  • ஏற்கனவே black & white இதழ்களுக்கு முன்பதிவு செய்துள்ளோர் அதுவே போதுமென்று எண்ணினால் - no problems, அதற்கேற்ப அனுப்பிடுவோம் !
  • ஏற்கனவே black & white இதழ்களுக்கு முன்பதிவு செய்திருந்தோர் - 'இல்லே...கலர் வருதுன்னா எனக்கு கலர் தான் வேணும் ! B & W கேன்சல் !" என்றால் again no problems, மேற்கொண்டு ரூ.300/ அனுப்பினால் அதற்கேற்பவும் அனுப்பிடலாம் !
  • 'எனக்கு b &w இதழும் வேணும், கலர் ஆல்பமும் வேணும் !' - என்று சொன்னால், மவுண்ட் ரோடில் இல்லாங்காட்டியும், மன்னார்குடி ரோட்டிலாச்சும் உங்களுக்கு ஒரு சிலை வைத்த கையோடு, அவற்றின் மீது காக்காக்கள் 'ஆய்' போய் வைக்காதிருக்க குடைகளை பிடித்தபடிக்கே நிற்போம் !!
  • And இந்த நொடியில் உடனே பணம் அனுப்ப அவசரங்களில்லை ! நிதானமாய் நமது ஆன்லைன் புத்தக விழாவின் போது உங்களுக்குத் தேவையான இதழுக்கோ / இதழ்களுக்கோ ஆர்டர் செய்து கொள்ளலாம் !!

So இதுவே திட்டமிடல் guys :



Phew....ஒரு வழியாய் அறிவிப்பை செய்தாயிற்று என்பதால், இனி அடுத்த விஷயங்களுக்குள் குதிக்கும் வேலையினைப் பார்க்கலாம் !! 

Moving on, ஜனவரியில் debut செய்திடவுள்ள V காமிக்ஸ் அட்டைப்படத்தினை உங்களிடம் காட்டச் சொல்லி 900 எடிட்டர் சொல்லியதால் - here you go :


Just look at these illustrations !!! Uffffff......!! மிரட்டல் !! ஜம்பிங் ஸ்டார் பேரவையினர் இதனை அண்ட சராச்சரங்களெங்கும் கொண்டு சேர்த்து விடும் பொறுப்பைக் கையில் எடுத்துக் கொள்வார்களென்ற நம்பிக்கை 899 & 900 க்கு உள்ளது !! 

அப்புறம் போன பதிவிலேயே நான் குறிப்பிட்ட அந்த டெக்ஸ் அட்டைப்படமும் இதோ ! கோப்பினை வாங்க மறந்து போச்சு ; so கையில் உள்ள புக்கிலிருந்து ஒரு photo !!

Before I wind up, ஒரு மாதம் முன்னே கேட்டிருந்ததொரு கேள்வியின் நீட்சி - இம்முறை உங்களுக்கு தீர்மானம் பண்ணிட இலகுவான வாய்ப்புடன் :

இதோ - அடுத்த SUPREME '60ஸ் இதழில் களமிறங்கத் தயாராக உள்ள டிடெக்டிவ் சார்லி - 2 வெவ்வேறு பக்க அமைப்புகளில் ! 



  1. சித்திரம் 1 - வழக்கமான MAXI சைஸ்....பக்கமொன்றுக்கு 12 படங்களுடன் !
  2. சித்திரம் 2 & 3 - வழக்கமான டெக்ஸ் சைஸ்....பக்கமொன்றுக்கு 6 படங்களுடன்!

இவற்றுள் எந்த அமைப்பு ஓ.கே. என்பீர்களோ folks ? 

உங்கள் பதில்களை சிம்பிளாக "12" என்றோ - "6" என்றோ இங்கு பதிவிட்டால் போதும் ! உங்களின் தேர்வுகள் மாத்திரமே ப்ளீஸ் - அவற்றின் பின்னணிக் காரணங்கள் not really needed because, அடுத்த நண்பரின் தேர்வின் மீதான விமர்சனமாய் அவை தென்படலாம் !! 

And இதோ - இன்னமுமொரு சந்தா நினைவூட்டலோடு ஞான் கிளம்புது - புத்தாண்டுக்கும், புத்தாண்டின் பணிகளுக்கும் தயாராகிக் கொள்ளும் பொருட்டு !! செம தெறி வேகத்தினில் ஓட்டமெடுத்து வரும் சந்தா சேர்க்கை தொடரும் நாட்களில் இதே வேகத்தில் பயணித்தால் - 2023 இன்னுமொரு அற்புத ஆண்டாக அமைந்திடும் நம் அனைவருக்கும் !! 



மீண்டும் சந்திப்போம் folks !! புதிதாய்ப் பிறக்கவுள்ள ஆண்டானது நம் அனைவருக்கும் நலம் + வளம் + நம் கனவுகள் அனைத்தினையும் நிஜமாக்கும் திறனையும் வழங்கிடும் ஆற்றலுடன் அமைந்திட புனித மனிடோவிடம் கரம்கூப்பி வேண்டிக் கொள்வோம் !! See you all in the NEW YEAR folks !! 

Have a wonderful wonderful New Year 's Eve & a Beautiful 2023 !! God be with us all !! 


பி.கு : நண்பர் STR போன பதிவினில் போட்டுத் தங்கியிருந்த அந்த TEX புள்ளி விபரங்கள் செம மாஸ் !! அதனை ஜனவரி டெக்ஸோடு இணைக்க வழியுண்டா ? என்று பார்க்கவுள்ளோம் !! நன்றிகள் ஒரு நூறு சார் !!

Sunday, December 25, 2022

ஒரு கிருஸ்துமஸ் மாலைப் பதிவு !

 நண்பர்களே,

வணக்கம். நானே தானுங்க...899 பார்ட்டி ! உப-பதிவின் மினி மொக்கைகளை ஆரம்பிக்கும் முன்னமே அனைவருக்கும் உளமார்ந்த கிருஸ்துமஸ் தின நல்வாழ்த்துக்களைச் சொல்லிக் கொள்கிறேன் ! ஆங்காங்கே விருந்துகளையும், 'விலா'க்களையும் இன்று சிறப்பித்துக் கொண்டிருப்பீர்கள் என்பது உறுதி ! ஜமாயுங்கோ !!

V காமிக்ஸ் !! ஆரம்பமே அதகள அதிரடி !!! தெறி மாஸ் !!  முதல் மூன்று மாத இதழ்களுக்கு, சுனாமியாய் வந்து குவிந்துள்ள ஆர்டர்கள், மெய்யாலுமே என்னை சற்றே திகைக்கச் செய்து விட்டன ! கடைசியாய் நாலைந்து பதிவுகள் இங்கே ஈயோட்டிக் கொண்டிருக்க, இந்தப் பதிவையோ நான் வெள்ளியன்றே களமிறக்க அவசியமாகிட,  response எவ்விதம் இருக்கப் போகிறதோ ? என்று லேசாக ஒரு 'டர்' இருந்தது உள்ளாற ! ஆனால் பதிவில் கரை புரண்டோடிய உற்சாகத்தில், வாராதிருந்த மௌன நண்பர்களுமே வீறு கொண்டு வாழ்த்துச் சொன்ன கையோடு, 'நாங்க வெறும் வாயிலே வடை சுடுற ரகம் இல்லீங்கோ' என்று ஆர்டர்களில் தாக்கித் தள்ளியிருப்பது honestly a humbling experience ! 'நாங்க இருக்கோம்' என்று சொற்களில் இதம் தருவது ஒரு உச்சமெனில், அதனை செயல்களிலும் நடைமுறைப்படுத்திக் காட்டுவதென்பது அசாத்தியம் ! எடிட்டர் # 900 & எடிட்டர் # 899 & எடிட்டர் # 1 ஆகியோரது நன்றிகளை கொத்தாகப் பிடியுங்களேன் folks !! Anyways எங்கள் தரப்பினில் வாயால் வடை சுடும் சுலபக் காரியத்தை 'ஜிலோ'ன்னு செய்து முடித்தாயிற்று ; இனி காத்திருப்பது தான் 900 வாலாவுக்கு மெய்யான சவால்கள் என்பது எனக்குப் புரிகிறது ; போகப் போக ஜூனியருக்குமே புரியத் துவங்கும் ! உங்களைப் போலவே ஞானும் வெயிட்டிங் ! 

இதோ - நேற்றைக்குக் கூட முதல் இதழின் அட்டைப்பட டிசைன்களை மூன்று, நான்கு விதங்களில் போட்டுப் பார்த்து நான்கையுமே பிரிண்ட் அவுட் எடுத்துக் கொண்டு வந்தார்கள் ! அதில் ஆக சாஸ்தி ஜிங்குச்சா கலரில் இருந்ததே எனக்கு ஓ.கே. என்றுபட்டது ; ஆனால் 'வேண்டாமே ஆணி பிடுங்குவதில் மும்முரம் - ஒரிஜினல் டிசைனே சூப்பர் தானே..? அதிலேயே தொடர்வோமே ?' என்று 900 அண்ணாச்சி சொல்ல, அதுவே final ஆகிறது ! 

கதையின் மொழிபெயர்ப்பிலுமே சுலபத்தன்மை இருந்தால் நல்லது என்று 900 சொல்ல, மண்டையை மறைத்தாலும் கொண்டையை மறைக்கத் தெரியாத இக்கட்டு 899-க்கு ! நமக்குத் தான் பேனா புடிச்சாலே, 'காயாத கானகத்தே...நின்றுலாவும்....' என்ற இழுவை தானாய் வந்துப்புடுமே !! So தொடரும் மாதங்களில், V காமிக்ஸ் சார்ந்த மொழிபெயர்ப்புப் பணிகளுக்கு ஆர்வமுள்ளோர் விண்ணப்பிக்கலாமுங்கோ ! முக்கிய தகுதி : எழுத்து நடை என் பாணியினில் இருக்கப்படாது ; யூத்தாய் ; பிரெஷாய் இருந்தால் அது கூடுதல் தகுதி !! ஆர்வமுள்ளோர் மின்னஞ்சல் ஒன்றைத் தட்டி விடுங்கள் ப்ளீஸ் ; no whatsapps !

அப்புறம் V காமிக்சில் பணியாற்ற கிராபிக் டிசைனர்கள் கூட விண்ணப்பிக்கலாம் ! Again, மின்னஞ்சல்கள் மாத்திரமே ப்ளீஸ் ! இங்கோ, வாட்சப்பிலோ கைதூக்கிக் காட்ட  வேண்டாமே ?! என்ன தான் வித்தியாசமாய் சமைக்க எண்ணினாலும், அதே கிச்சனில், அதே ஆட்கள், அதே சட்டிகளைக் கிளறும் போது  மைசூர்பாகுகளுக்கும், பாதுஷாக்களுக்கும் பெருசாய் வேறுபாடுகள் இராதென்றதொரு சிறு நெருடலே இந்தக் கோரிக்கையின் பின்னணி ! So புதுத் திறமைகள் களம் காண V ஒரு மேடையாக அமைந்தால் சந்தோஷமே ! அதே சமயம், "ஆங்...ஒட்டுமொத்தமா சமையல் ஆட்களை மாத்திப்புட்டு, பந்தியிலே  நல்லா இல்லாமப் போயிடப்படாதே ?!!" என்ற கவலைக்குரல்களும் ஒலிக்கக் கூடுமென்பது புரியாதில்லை ! No worries guys - பந்தியில் முதல் இலையில் சப்புக்கொட்டப் போவது ஆந்தைவிழியன் தான் ; so ஏதேனும் பதம் மிதமாய் இருப்பதாகத் தோன்றினால் 'பச்சக்' என்று அங்கேயே பிரேக் போடத் தயங்க மாட்டேன் ! உங்களை ஆய்வுக்கூடங்களின் பரிசோதனை எலிகளாக்கி, நிச்சயமாய் புது டீம் சமைத்துப் பழக மாட்டார்கள் என்பது மட்டும் சர்வ நிச்சயம் ! 

ரைட்டு....ஜூனியர் சார்பிலான அறிவிப்புகள் ஓவர் மகாஜனங்களே ! இனி, நம் பிழைப்பையும் பார்க்க முனைவோமா ? 

ஜனவரியின் 3 இதழ்களிலுமே எனது பணிகள் ஆச்சு ! வேதாளர் ஏற்கனவே பிரிண்ட் ஆகி பைண்டிங் போயுள்ளார் ! டெக்ஸ் & மைக் ஹேமர் தொடரவுள்ள நாட்களில் அச்சுக்குச் செல்லவுள்ளனர் ! நடப்பாண்டினில் post-corona boom காரணமா ? என்று சொல்லத் தெரியவில்லை ; ஆனால் ஊருக்குள் இந்தாண்டு காலெண்டர், டயரி, புக்ஸ், gift items என்று சகலத்துக்குமே எக்குத்தப்பான டிமாண்ட் எகிறல் ! பேப்பர் விலை பிசாசுகளாய்த் தொடர்ந்தாலுமே இம்முறை, ஊருக்குள் செமத்தியான ஆர்டர்கள், வேலைகள் அனைவரிடமும் ! So பைண்டிங்கில் காலில் சுடுநீரைக் கொட்டிக் கொண்டு போய் நின்று எதுவும் ஆகிடப்போவதில்லை என்பது இப்போதே புரிகிறது ! ஜனவரியின் புக்ஸ் நிச்சயமாய் ஜனவரியிலேயே தான் இருக்கும் ; moreso V காமிக்ஸ் தயாரிப்புக்குமே அவகாசம் அவசியமாகிடுவதால் !  சற்றே பொறுமை ப்ளீஸ் !

And இதோ - காத்திருக்கும் 'தல' சாகசத்தை அட்டைப்பட டிசைனின் first look ! சனிக்கிழமை ஊரில் இல்லாது போக, அட்டைப்படக் கோப்புகளை வாங்கி வைக்க மறந்து போச்சு ; so நீங்கள் இப்போது பார்க்கவிருப்பது நமது சென்னை ஓவியரின் டிசைனை :


இது போனெல்லியின் ஒரிஜினல் டிசைனே ; ஆனால் வேறொரு ஆல்பத்துக்கானது ! நாம் வெளியிடவுள்ள "பகை பல தகர்த்திடு" ஆல்பத்தின் ஒரிஜினல் அட்டைப்படம் அத்தனை சோபிக்கவில்லை என்பதால் அதைப் பயன்படுத்திடவில்லை ! மாறாக, நமது தலைப்புக்குப் பொருந்துவது போலான இந்த டிசைனைப் போட்டு வாங்கி விட்டோம் ! இதே டிசைன், நண்பர் ஜகத்தின் எழுத்துருக்களுடன் தடாலடி கவர் ஆகியுள்ளது ! நாளை அதனை உங்கள் பார்வைக்கு இங்கே upload செய்திடுவேன் !

நாம் அடிப்பதோ ஈயடிச்சான் காப்பி ! அங்கே ஒரிஜினல் படைப்பாளிகளின் பணிகளை சற்றே பாருங்களேன் !!




அந்தக் குதிரை தான் என்னமாய் மெருகேறியுள்ளதென்று பாருங்களேன் !! Phew !! அப்புறம் நான் ஏற்கனவே சொல்லியிருந்த அந்த XIII மர்மம் வரிசையில் Lt .ஜோன்ஸ் சார்ந்த spin-offs தயாராகி வருகின்றன ! கவர் ஸ்கெட்ச் பாருங்களேன் :


சரி, நமக்கு இப்படியெல்லாம் படம் போட தெரியாது ; at least இப்படியொரு மீம் போட்டாச்சும் சந்தோஷப்பட்டுக்குவோம் !! A meme by #899 !


And அடுத்த பதிவு...."உயிரைத் தேடி !"




Bye all....see you around ! Have a fun Sunday !! And சந்தா(க்கள்) சார்ந்த நினைவூட்டலுமே !! 









Friday, December 23, 2022

பதிவு எண் 900 !!

 நண்பர்களே,

வணக்கம். நிறைய நேரங்களில் நமக்கான ஸ்கிரிப்டை புனித மனிடோ செமையாய் ரசித்து எழுதுகிறார் என்று தோன்றுவதுண்டு ! "இப்போ இன்னா மேன் புதுசாய் ?" என்கிறீர்களா ? இதோ - இந்தப் பதிவு தான் நமது வலைப்பக்கத்தின் Post # 900 !! And இந்த  ஜாலி மைல்கல்லை தொட்டு நிற்கும் தருணத்தில், எதையாச்சும் ஜாலியாய் எழுதிடணுமே என்ற யோசனைக்கு அவசியமேயின்றி, வாகாக ஒரு வாய்ப்பையுமே நம் பக்கம் அனுப்பியுள்ளார் பெரும் தேவன் ! 'சரி...அது இன்னா மேட்டரு ?' என்கிறீர்களா ? வேறொன்றுமில்லீங்க - சிறுசோ, பெருசோ ; வத்தலோ, தொத்தலோ ; சுவாரஸ்யமோ, மொக்கையோ - எதுவாகினும், நீங்கள் இது வரையிலும் இங்கே வாசித்து வந்துள்ள இந்த 899 பதிவுகளையும் எழுதியது சாட்சாத் முழியாங்கண்ணன் மாத்திரமே - and you know that all too well ! சந்துகளிலும், பொந்துகளிலும், ரயில்களிலும், விமானங்களிலும், அட, ஒரு பக்கம் டியூப் போட்டிருந்த வேளையில் ஆஸ்பத்திரியிலிருந்தும், வாஷ்பேசின் இருக்கும் மேடை மீது குந்தியபடிக்கே பாத்ரூமிலிருந்துமே  கூட இந்தப் பதிவுகள் உருவாகியுள்ளன ! ஆனால்    'உலகத் தொலைக்காட்சிகளில் முதன்முறையாக', நமது பதிவுப் பக்கத்தினை ஒரு விருந்தாளி ஆக்கிரமிக்கவுள்ளார் இந்த வாரம் ! And ஏற்கனவே 'ஜனவரியின் சர்ப்ரைஸ்' பற்றிச் சொல்லியிருந்தேன் தானே ?  சர்ப்ரைஸான அந்த விருந்தாளியே  அந்த ஜனவரி சர்ப்ரைஸ் பற்றியுமே சொல்லுவார் ! So நான் அப்பாலிக்கா வாரேனுங்க ! 

===================================================================================================

பாஸ்,

அனைவருக்கும் வணக்கம். நமது லயன் & முத்து காமிக்சின் 2 -ஆம் இன்னிங்ஸ் 2012 COMEBACK ஸ்பெஷலில் துவக்கி 10 ஆண்டுகளுக்கு மேல் ஆகி விட்டன. அன்று முதல் இன்று வரை behind the scenes இல் பணிபுரிந்து கொண்டிருப்பவன் நான். வாசகர்களில் கொஞ்ச பேருக்கு என்னை தெரியும். தெரிந்திருக்காதவர்களுக்கு என்னை formal ஆக அறிமுகம் செய்து கொள்கிறேன். என் பெயர் விக்ரம் ! உங்கள் அன்பார்ந்த லயன்-முத்து காமிக்ஸ் எடிட்டர் திரு.S .விஜயன் அவர்களின் புதல்வன் நான். கடந்த 10 வருடங்களில் நமது காமிக்ஸ் வெளியிடுவதில் technical டிபார்ட்மென்ட்டிலும், ஒன்றிரண்டு முறைகள் மொழிபெயர்ப்பிலும் என் பங்கேற்பு காணப்பட்டிருக்கும். ஆனால் முதல் முறையாய் ஓர் தனி காமிக்ஸ் brand ற்கு எடிட்டராக பணிபுரிய எனக்கு வாய்ப்பு கிட்டியிருக்கு. 

V காமிக்ஸ் !

ஜனவரி 2023 முதல் நம் கம்பெனியிலிருந்து மாதா மாதம் வெளிவரவுள்ள புதிய brand இது. இதில் வரும் அந்த "V"க்கு என்ன பொருள் ? என்ற கேள்வி எழுந்திருக்கும். "V" என்பது என் பெயரிலிருந்து சூட்டியது ; ஆகையால் V என்றால் "விக்ரம் காமிக்ஸ்" என்று  தோன்றலாம். ஆனால் இந்த V யின் பொருள் வேறு ! 

V = WE = நாம் !

இது தான் புதிய இந்த V காமிக்சின் பார்முலா ! So இது எப்போதுமே நம்ம காமிக்ஸ் !

மாவீரர் அலெக்ஸ்சாண்டர் கூறியதை இங்கே எனக்கு நானே சொல்லி கொள்கிறேன் : "There is nothing impossible to him who will try " ! So எனக்கு முடிந்த அளவு முயற்சிகள் செய்து V = WE = VICTORY என்றுமே  அமைக்க பார்ப்பேன் ! அதற்கு உங்கள் ஒவ்வொருவரின் ஆசிகளும், வாழ்த்துக்களும், ஆதரவும் வேண்டுமென்று பணிவோடு கேட்டுக் கொள்கிறேன் ! 

Small flashback :

முத்து காமிக்சின் 50 வது ஆண்டில் எனக்கு active ஆன ஒரு பொறுப்பு தர  வேண்டும் என்பது அப்பாவின் ஆசை. அதனால் இந்த V காமிக்ஸ் பயணத்தை 2022 நடுலேயே ஆரம்பிக்க வேண்டுமென்று யோசித்திருந்தோம். ஆனால் ஏற்கனவே லயன் & முத்து schedule ல் நிறைய புக்ஸ் இருந்ததாலும், வருஷத்தில் நடுவில் இருந்து ஆரம்பித்த ஜம்போ காமிக்ஸ் அவ்வளவு வெற்றி பார்க்கவில்லை என்பதாலும் V காமிக்ஸ் ஜனவரி 2023 க்கே வரட்டும் என்று வைத்து கொண்டோம். 

கதைகள் select பண்ண அப்பா எனக்கு முழு சுதந்திரம் தந்திருந்தாலும், அதற்காக கண்ணில் படும் எல்லா publisher களையும் தொடர்பு கொள்ள உடனடியாக அவசியம் இல்லை என்று நினைத்தேன். அரசு அலுவலுகத்தில் குமிஞ்சு கிடக்கும் பைல்களை போல, அப்பா ரூம் பீரோக்குள் குமித்து இருக்கும் காமிக்ஸ் புதையலில் இருந்து டாப் கதைகள் கொஞ்சத்தை அள்ளிக் கொண்டு, அதன் பின்னே தேவைப்படக் கூடிய கதைகளுக்கு மட்டும் ஆர்டர் பண்ணி கொண்டால் போதும் - V காமிக்சின் புது பயணத்தை சூப்பராய் நடத்தலாம் என்று தோன்றியது. போகப் போக உங்கள் ரசனைகளை இன்னும் நல்லா எனக்கு புரிந்து கொள்ள ஆரம்பித்த பிறகு, அப்பா ஸ்டைலில் கதை ஷாப்பிங் o.k என்று தீர்மானித்தேன். 

கதைகள் நிறைய இருக்கிற போது அதிலிருந்து எதை V காமிக்ஸுக்கு select பண்ணுறது ? என்ற யோசனை next வந்தது. லயன் காமிக்ஸ் - முத்து காமிக்ஸ் செய்வது போல வித விதமான கதைகள் என்பதை விட, வாசிக்க crisp ஆக இருக்கும் action கதைகளை மட்டும் V காமிக்சில் போட்டால் சிறப்பாக இருக்கும் என்று மனசுக்கு பட்டது. ரொம்ப complicated கதைகளில் கையே வைக்க வேணாம், straight & smooth & simple போதும் என்று அப்பாவிடம் சொல்லி ஓ.கே. வாங்கினேன் ! So முழுக்க முழுக்க action oriented கதைகளை தேர்வு செய்து கொண்டேன்.

அடுத்து காமிக்ஸ் பெயர் & லோகோ பற்றி யோசித்தோம் ! முதலில் "லயன் மினி" என்ற பெயர் நான் ஓ.கே. என்று நினைத்தேன். ஆனால் அப்பா அது வேண்டாம் என்று சொல்லிவிட்டு இந்த பெயரை (V Comics) select செய்து தந்தார். அவரே ஒரு லோகோ டிசைனரிடம் ஒரு லோகோவும் போட்டு வாங்கி தந்தார். ஆனால் அந்த டிசைன் கொஞ்சம் complicated ஆக இருந்தது மட்டும் இல்லாமல், கொரோனா வைரஸ் உருவத்தில் இருக்கும் மாதிரி எனக்கு தெரிந்தது. அதனால் அதில் இருந்த image ஐ எடுத்து  விட்டு, சிம்பிளாக கீழே இருந்த எழுத்துக்களை மட்டும் லோகோவாக்குவோமா ? என்று அப்பாவிடம் கேட்டேன். Simple  பெயருக்கு சிம்பிளான லோகோ போதுமே என்ற லாஜிக் அப்பாவுக்கும் சரி என்று பட்டதால் V காமிக்ஸ் bright சிகப்பில் ரெடி ஆனது ! 

இந்த பயணத்தில் எஞ்சினை turbocharge செய்ய ஓர் கோடாரி ஏந்திய மாயாத்மா முதலில் சாகசம் செய்தால் நன்றாக இருக்கும் என்று நினைத்தேன். சென்ற ஆண்டு அனல் பறக்க அறிமுகமான ஸாகோரின் கலர் கதைகள் தான் for 2023 - லயனின் அட்டவணையில் உள்ளது. ஆனால் Zagor தொடரில் நிறைய black & white கதைகளும் இருக்கிறது. அவை லயனில் வெளியாக time ஆகும் என்பதால் காமிக்ஸை ஸாகோரின் இன்னொரு முகவரி ஆக்க விரும்பினேன். Darkwood Novels என்ற பெயரில் ஸாகோரின் ரொம்ப racy 6 சாகசங்களை 64 பக்க தனி தனி இதழ்களாக போனெல்லி வெளியிட்டிருக்கின்றனர், ஒவ்வொன்றுமே ஒரு முழுநீள, தனி கதை என்பதால் சிரமங்கள் இல்லாமல் ஈசியாக நாம் வாசிக்க முடியும் என்று பட்டது. So நம்ம V காமிக்சின் ஆரம்பமே ஸாகோரின் 64 பக்க அதிரடி தான் ! 

கதை selection முடிந்த பிறகு டைட்டில் & அதற்கு பின்னே மொழிபெயர்ப்பு வேலை ! அப்பா ஸ்டைலில் கதைக்கு பெயர் வைக்க நான் WWF போட்டு பார்த்த போது தான் எவ்வளவு கஷ்டமென்னு புரிந்தது. So அப்பாவையே முதல் 3 இதழ்களின் பெயரையும், முதல் புக்கின் மொழிபெயர்ப்பையும் செய்து தர சொல்லி வாங்கி விட்டேன். வீட்டுக்குள்ளேயே ஒரு translator ; அதுவும் பில் போடாமல் பணி செய்து தரும் translator இருப்பது செம வசதி ! அடுத்தடுத்து வரப் போகும் இதழ்களில் நான் work பண்ண முயற்சிப்பேன். 

  • "பிரியமுடன் ஒரு போராளி" என்பதே முதல் இதழின் title ! 
  • விலை ரூ.70 . 
  • Black & White புக் 
  • 64 பக்கங்கள்
  • ஒரிஜினல் அட்டைப்படத்துடன் வருகிறது !

அதற்கு அடுத்த இதழாக in Februaru'23 வரவிருப்பவர் MISTER NO என்று அதிரடி செய்யும் ஒரு பைலட் கேரக்டர். இவரின் முழுப் பெயர் ஜெரி டிரேக். அமேசான் காட்டுப் பகுதியில் freelance பைலட். இவர் கதை வரிசையிலும் நிறைய ஆல்பம்ஸ் உண்டு என்றாலும் லேட்டஸ்ட் ஆர்ட்வொர்க் இல் உள்ள 96 பக்க தனித்தனிக் கதைகளை செலக்ட் செய்திருக்கிறோம். So ரூ.100 விலையில் இந்த புது ஹீரோ இன்னொரு crisp ஆல்பத்தோடு (அமேசானில் அதகளம்) பிப்ரவரி மாதம் வருவார். இதுவும் சூப்பர் artwork இருக்கும் action thriller ! 

மார்ச் மாதத்தில் ஸாகோரின் Darkwood Novels தொடரில் இரண்டாவது கதை - "புரவிகளின் பூமி' என்று வெளியாகும். Again 64 பக்கம் & again விலை ரூ.70கலரில் பார்த்து பழகிய ஸாகோர் sharp ஆன b & w படங்களிலும் சும்மா அள்ளுகிறார் ! ஒரு ஜர்னலிஸ்டுக்கு இருட்டில் அமர்ந்து கொண்டு பேட்டி கொடுக்கும் ஒரு மர்ம ஆள் தான் ஸாகோரின் அதிரடிகளை flashback போல் சொல்லுகிறார் ! அந்த அதிரடிகள் ஒவ்வொரு அத்தியாயமும் நமக்கு ஒவ்வொரு தனி புக்காக வர போகுது. Super artwork பக்கத்துக்கு பக்கம்.  

அதற்கடுத்த மாதங்களின் V COMICS இதழ்களில் இன்னும் புதுப்புது ஹீரோஸ் & ஏற்கனவே நமக்குப் பழக்கமான ஹீரோஸ் வரவுள்ளனர். எல்லாவற்றையும் முன்கூட்டியே அறிவித்து விடாமல் கொஞ்சம் சஸ்பென்ஸ் வைத்திருந்தால் நல்லா இருக்கும் இல்லையா ? So மார்ச் இதழ் வெளியாகும் போது V காமிக்சின்  ஏப்ரல், மே & ஜூன் இதழ்களின் அறிவிப்பு வரும். 

மூன்று, மூன்று இதழ்களாக அறிவிப்பதில் இன்னொரு திட்டமும் உள்ளது - அப்பாவின் உபயத்தில் ! எடுத்த உடனேயே ஒரு வருஷ சந்தா என்று நீங்கள் கட்ட தேவை இருக்காது. முதல் 3 மாத இதழ்களின் அறிவிப்பு பார்த்துவிட்டு உங்களுக்கு புக்ஸ் பிடித்திருந்தால் பணம் அனுப்பி ஆர்டர் போட்டால் போதும் - லயன் & முத்து மாதா மாதம் அனுப்பும் கூரியரில் V காமிக்ஸ் புக்கையும் சேர்த்து அனுப்பி விடுவோம். தனியாக கூரியருக்கு தண்டம் அழுக வேண்டி இருக்காது. அதே சமயம் நீங்கள் லயன்-முத்து காமிக்ஸ் சந்தாவெல்லாம் போடவில்லை என்றால் every 3 months அறிவிக்கப்படும் V காமிக்ஸ் வெளியீடுகளை பார்த்து விட்டு, கூரியருக்கு ஒரு தொகையோடு, பணம் அனுப்பி அந்த புக்ஸை நீங்கள் வாங்கி கொள்ளலாம். G-Pay இருப்பதால் ஆண்டுக்கு 3 or 4 தடவைகள் பணம் அனுப்புவதில் சிரமம் இருக்காது என்ற நம்பிக்கையில் இப்படி திட்டமிட்டிருக்கிறோம். உங்களுக்கும் இது வசதிப்பட்டால் super ! எங்கள் office staff தான் பாவம்.

Sales க்கான இந்த planning முழுக்கவே அப்பாவின் ஐடியா தான் என்பதால் லயன் & முத்து காமிக்ஸ் சந்தா அறிவிக்கும் நேரத்தில் கூட "V காமிக்ஸ் பற்றி அறிவிக்க வேண்டாம் ; இது டிசம்பர் கடைசி வாரத்தில் சஸ்பென்சாக சொல்லிக் கொண்டு, இப்படி batches of 3 books என்று அறிவித்து கொள்ளலாம்" என்று சொல்லி விட்டார். சின்னச் சின்ன விலைகளில் தான் V காமிக்ஸ் புக்ஸ் இருக்கப் போவதால் கஷ்டம் இல்லாமல் தேவையானதை வாங்கி கொள்ள இது o.k. என்பது அவர் லாஜிக். 

And லயன்-முத்து காமிக்ஸ் சந்தாதாரர்களுக்கு, V காமிக்சின் முதல் இதழ் விலையின்றி அனுப்ப போகிறோம் !. இந்த arrangement ஜனவரி 15 வரைக்கும் லயன்-முத்து காமிக்ஸ் இதழ்களுக்கு சந்தா கட்டும் போது மட்டுமே applicable. 2023 பொங்கலுக்கு பிறகு வரும் சந்தாக்களுக்கு இந்த gift ஏற்பாடு இருக்காது. 

இப்படியெல்லாம் எழுதி பழக்கம் கிடையாது எனக்கு. நிறைய தடவை யோசித்து யோசித்து, 4 நாட்களாக எழுதியிருப்பதில் தேவையான details எல்லாற்றையும் சொல்லி விட்டேன் என்று நினைப்பதால் இனி நான் வழக்கம் போல silent mode க்கு கிளம்பி விடுகிறேன். ஏப்ரலில் தொடங்கும் V காமிக்சின் அடுத்த 3 செட் இதழ்கள் அறிவிப்பு நேரத்தில் (March'23) உங்களை மீண்டும் சந்திக்கிறேன். நடுவில் சந்தேகங்கள் இருந்தால் நம் ஆபீசில் கேட்டு தெளிவு பண்ணிக் கொள்ளுங்கள். தனியாக ஒரு ஆபீஸ் போட்டு, தனியாக staff போட்டு V காமிக்ஸ் நடத்தலாம் தான். ஆனால் இதழ்களை வாங்கப் போவது நீங்களே தான் என்பதால் தேவையில்லாத courier செலவுகள், நிர்வாக செலவுகள் வேஸ்ட் அல்லவா ? அந்த பணத்தை மிச்சம் பண்ணினால், விலை சரியாக அமைக்க முடியும் தானே ? 

V காமிக்ஸ் பெரிய பிரிண்ட்ரன் இருக்காது. கொஞ்சமாய் பிரிண்ட் பண்ணி விட்டு, விறு விறுப்பாய் விற்று இடம் காலி ஆனால் போதும் என்பதே எனக்கு first தோன்றுவது. So குறைந்த பிரிண்ட்ரன் க்கு ஏற்ற மாதிரி விலைகள் அமைத்திருக்கிறோம். Please bear with us. 

And எப்போது நானாக எதையாச்சும் புதுசாக செய்ய ஆரம்பித்தாலும் முதல் புக்கில் இருந்து ஒரு சின்ன amount ஆவது ஒரு நல்ல காரியம் எதற்காவது donate செய்ய வேண்டும் என்று எனக்கு ஆசை உண்டு. ஆகையால் V காமிக்ஸ் முதல் இதழின் sales லிருந்து ஒரு சிறு தொகை அடையார் கேன்சர் ஹாஸ்பிடலுக்கு அனுப்ப திட்டமிட்டிருக்கிறோம்.

Lastly, என் பெயருக்கு முன் இருக்கும் இனிஷியலுக்காக V காமிக்ஸ் வாங்காமல், அதில் இருக்கப் போகும் கதைகளின் தரத்துக்காக நீங்கள் வாங்கினால் இந்த முயற்சி V = VICTORY என்பதை உறுதியாக சொல்லி விடலாம் ! 

NO FRILLS....... ALL THRILLS ! இது தான் நம்ம பார்முலா ! So தோட்டாக்கள் தெறிக்கட்டும் ; கோடரிகள் பறக்கட்டும் ! மீண்டும் மார்ச் மாதத்தில் உங்களை சந்திப்பேன். Wish me good luck please ! Bye !

==================================================================================================

ஏனுங்கண்ணா, 

நா தான் அந்த '899 பதிவுக்காரன்' மறுக்கா வந்திருக்கேன் ! நம்பர் 900 ஜெர்சிக்காரரின் ஜனவரி சர்ப்ரைஸ் ஓ.கே. தானுங்களா ? 

17 வயதில் நான் அடித்த பல்டிகளையையும், இன்றைக்கு 28 வயதினில் ஜூனியர் அடிக்க முற்படுவதையும் ஒப்பிட்டுப் பார்க்கவெல்லாம் தோன்றவில்லை எனக்கு ! அன்றைய நாட்களும், சூழல்களும், உலகமும் - இன்றயதுக்குத் துளியும் சம்பந்தமில்லாதவைகளே ! ஆனால் டையடித்த மண்டையைக் கொண்டே இளைஞர் அணித்தலைவர் பதவியினில் அடியேன் ஓட்டி வரும் காலத்துக்கு என்றைக்கேனும் டாட்டா சொல்லத் தான் வேணும் எனும் போது, அடுத்த தலைமுறை நம் கண்முன்னேயே தேர்ச்சி பெற்றுக் கொண்டால் தப்பில்லை தானே ? So better late than never என்று மகிழ்கிறேன் ! என்ன - முத்துவின் மைல்கல் ஆண்டிலேயே ஜூனியரை களமிறக்கி விட்டிருந்தால் இன்னும் சிறப்பாக இருந்திருக்கும் என்று தோன்றியது  ; but again - அதது விதிக்கப்பட்டிருக்கும் வேளைகளில் தானே நிகழும் ?

And make no mistake guys, இங்கே சட்டியில் கணிசமாய் சாயப்பொடி உள்ளது தான் ; அதனை ஈஷிக் கொள்ள சிரத்தில் கேசமென்ற சமாச்சாரம் கோரைப்புல் பாணியினில் தொடரவும் செய்கின்றது தான் ! So ஜூனியருக்கு பட்டாபிஷேகம் பண்ணிப்புட்டு, நான் இடத்தைக் காலி பண்ணி விடுவதாகவெல்லாம் இல்லை ! ஆரோக்கியத்தையும், ஆயுளையும் ஆண்டவன் வழங்கிடும் வரைக்கும் உங்களை அத்தனை சீக்கிரமாய் தப்பிக்க விடுவதாக இல்லை ! So நமது பயணம் எப்போதும் போலவே ரைட்டுக்கா,,லெப்ட்டுக்கா...நேருக்கா....புளிய மரம் சைடுக்கா தொடர்ந்திடும் !

இந்த நொடியோ -  புதியதொரு முயற்சியின் வாயிலில் நிற்கும் ஜூனியருக்கானது ! உங்களின் வாழ்த்துக்களையும், ஆசிகளையும் அவனுக்கு நல்கினால், V காமிக்ஸ் 'விஷுக்'கென்று பயணத்தை துவக்கி விடும் ! ஒரு முழியாங்கண்ணன் எடிட்டராய் ஏகப்பட்ட புது முயற்சிகளை ஜாலியாய், துளியும் டென்ஷன்களின்றிக் கையாண்டுள்ளேன் தான் ; ஆனால் ஒரு தகப்பனாய், ஒரு புது முயற்சியின் துவக்கப் புள்ளியினைக் கண்காணித்து நிற்கும் இந்த நொடிதனில், நெஞ்சாங்கூட்டுக்குள் ஒரு படபடப்பைத் தவிர்க்க இயலவில்லை !! புனித மனிடோ நம்மை ஆசீர்வதிப்பாராக !!

Bye for now folks ! See you around !

Saturday, December 17, 2022

ஒரு மாயாத்மாவும்.....ஒரு மங்காத்தானும் !

 நண்பர்களே,

வணக்கம். மார்கழியும் பிறந்தாச்சு ; பனி படர்ந்த அதிகாலைகளும்.... போர்வைகளைக் காது வரையிலும் பொத்திக் கொண்டே நீளும் உறக்க ரம்யங்களும் சேர்ந்தே புலர்ந்தாச்சு ! கண்ணுக்கெட்டும் தூரத்தினில் காத்திருக்கும் கிருஸ்துமஸ், புத்தாண்டு விடுமுறைகளின் இனம்புரியா த்ரில்லும், ஒரு புது வருஷத்தினில் நிகழவிருப்பனவெல்லாம் நன்மைகளாகவே இருந்திடுமென்ற நம்பிக்கைகளும், வருஷத்தின் இந்தக் கடைசி வாரங்களை ஒரு வித தேஜஸுடன் காட்சி தரச் செய்யத் தவறுவதில்லை & no different this time as well !! நம் அனைவருக்கும் அந்த நம்பிக்கை நிஜமாகிட பெரும் தேவன் ஓடின் ஆசீர்வதிக்கட்டும் ! 

ஆர்வங்களோடு முன்னே பார்த்திடும் வேளை இது எனும் போது, நாமும் அதையே செய்வோமே guys - காத்திருக்கும் ஜனவரியின் பக்கமாய் கவனங்களைக் கொண்டு சென்றபடிக்கே ! First in line - இதோ நமது வேதாள மாயாத்மாவின் அட்டைப்பட first look ! 

வேதாளரின் ஒரிஜினல் உடுப்பு ஒருவித வயலெட் நிறமே என்றாலும், அதனை பளீர் சிகப்பில் வர்ணமூட்டி அழகு பார்த்த தேசங்களும் உண்டு & படைப்பாளிகள் இதற்குமே ஓ.கே. சொல்லியிருந்தனர் ! 'சிகப்பு தான் எனக்கு புடிச்ச கலரு' என்ற இந்த கோஷத்தை உரக்க உச்சரித்தோருள் பிரதானமானோர் துருக்கியர்கள் ! அங்கே ரொம்பவே பிரசித்தி பெற்ற நாயகராய் வேதாளர் உலா வர, அங்கு வெளியான இதழ்களின் அட்டைப்படங்களில் அவருக்கு சிகப்பில் டிரெஸ் அணிவித்து தெறிக்க விட்டிருந்தனர் ! அந்த துருக்கிய அட்டைப்பட ஓவியர்களின் லிஸ்டில், Ertugrul Edirne என்ற ஜாம்பவான் ஐரோப்பா முழுக்கப் பிரசித்தம் ! பிதாமகர் Sy Barry-ன் வேதாளருக்கு ரொம்பவே நெருக்கமான வார்ப்பாய் எனக்கு இவர் வரைந்திட்ட Phantom ஓவியங்கள் தென்பட, நாம் வேதாளரை வெளியிடத் தயாரான நொடியிலேயே துருக்கிய ஓவியரையுமே தொடர்பு கொண்டிருந்தோம் ! அதைத் தொடர்ந்து அவரிடமிருந்து வாங்க இயன்ற ஓவியங்களையே, வேதாளர் ஸ்பெஷல் 1 & 2-வினில் பார்த்து வருகிறோம் - not just on the book covers ; but also on the courier boxes ! ஓ.....யெஸ் ; இம்முறையுமே அனலடிக்குமொரு முழுவண்ண சித்திரத்துடனே கூரியர் டப்பிக்கள், சந்தா இதழ்களைச் சுமந்து பயணிக்கவுள்ளன ! இதோ - கலரில் டாலடிக்கும் டப்பியின் first look கூட ! And இதுவும் கூட அதே துருக்கிய ஓவியரின் கைவண்ணம் தான் !

இன்னமும் SUPREME '60s தனித்தடத்துக்கென சந்தா செலுத்தியிருக்கா நண்பர்கள் மேற்கொண்டும் தாமதிக்க வேணாமே - ப்ளீஸ் ! முழுக்க முழுக்க Collector's Edition பாணியினில், இந்த க்ளாஸிக் நாயகர்கள் வலம் வரவிருக்கும் இறுதிச் சுற்று இதுவே ; simply becos 2024 முதலாய் இவர்கள் வேறு பாணிகளில் ; ஸ்டைல்களில் கலக்கவுள்ளனர் ! So இந்த SUPREME '60s சேகரிப்புகளைத் தவற விடாதீர்கள் என்பேன் folks !! And இதோ - உட்பக்கத்து preview இன்னொரு தபா - ஓவியர் SY BARRY-ன் அசாத்திய சித்திரங்களுடன் ! தற்போது 94 வயதைத் தொட்டு நிற்கும் இந்த ஓவிய ஜாம்பவான், கிட்டத்தட்ட 30 ஆண்டுகளாய் வேதாளர் கதைகளுக்கு படம் போட்டு வந்தவர் ! So பின்னாட்களில் வேறு சில ஆற்றலாளர்கள் தூரிகைகளைப் பிடித்திருந்தாலும், என் மட்டில் வேதாளர் = Sy Barry சித்திரங்களே !   



மொத்தம் 10 கதைகள் ; 200+ பக்கங்கள் ; ஹார்ட் கவர் பைண்டிங் + அட்டைப்படங்களில் மாமூலான நகாசு வேலைகள் என வேதாளர் ஸ்பெஷல் - 2 செமையாய் தயாராகி வருகிறது ! முழுசுமே கருணையானந்தம் அங்கிளின் மொழியாக்கமே ; ஆங்காங்கே நான் செய்திருக்கும் சில மாற்றங்களோடு ! என்ன தான் நேர்கோட்டுக் கதைகளாய் இருப்பினும், இந்தப் பணியின் பளு just for the sheer length of the stories - பெண்டை நிமிர்த்தத் தவறுவதில்லை & இம்முறையும் அதற்கொரு விதிவிலக்காகிடாது ! இதோ - ஞாயிறுமே முழு வீச்சில் பணிகள் நடந்திடவுள்ளன - வேதாளரை டென்காலி கானகத்திலிருந்து உங்கள் இல்லங்களுக்குக் கொண்டு சேர்ப்பிக்கும் பொருட்டு ! கதைகளை பொறுத்த வரையிலும், 'முதல் வேதாளனின் கதை' இணை நாம் ஏற்கனவே பார்த்துள்ளோம் தான் - முத்து மினி காமிக்சில் ! இம்முறை அந்த முதல் வேதாளனின் daddy பற்றிய கதையுமே உண்டு ! So வேதாள அபிமானிகளுக்கு இதுவொரு must have என்பேன் ! 

SUPREME '60s !! உங்களின் சந்தாக்களுக்குக் காத்திருக்கின்றது : 


Moving on, முத்துவின் 51-வது ஆண்டுமலர் ஜனவரியில் highlight-களுள் முக்கியமானது என்பேன் - இரு காரணங்களுக்காக :

காரணம் # 1 : பிடரியில் அறையும் சித்திர பாணி + கலரிங் !

காரணம் # 2 : கோங்குரா காரங்களையெல்லாம் ஓரம் கட்டவல்லதொரு, 'எவனா இருந்தா எனெக்கென்ன ?' ஹீரோ !!

Mike Hammer !! தமிழில் சுஜாதா சார் உருவாக்கிய லாயர் கணேஷ் மாதிரி - இவரொரு அமெரிக்க நாவலாசிரிய ஜாம்பவானின் கற்பனைப் படைப்பு ! மிக்கி ஸ்பிலெய்ன் என்ற அதகள எழுத்தாளர் 1947-ல் உருவாக்கிய இந்த டிடெக்டிவ், யாருக்கும் அடங்காத முரட்டுப் பையன் ! 'சிக்கலா ? போட்டுத் தள்ளிவிட்டு அப்புறமாய் யோசிச்சுக்கலாம் !' என்ற ரீதியிலான ரணகளப் பார்ட்டி ! இறுக்கமான மொழிநடையுடன், எக்கச்சக்க ஆக்ஷன் + ஏராள 'கில்மா' sequences சகிதம் பயணித்தன இவரது நிறைய க்ரைம் நாவல்கள் ! அப்புறமாய் தொலைகாட்சி சீரியல்களாய் மைக் ஹேமரை முன்னிலைப்படுத்தியது போறாதென்று, அவரை காமிக்ஸ் பக்கமாகவும் கொணர்ந்துள்ளனர் ! கதாசிரியர் ஸ்பிலெய்னின் நூறாவது ஆண்டுக் கொண்டாட்டங்களின் ஒரு பங்காய், அவரே எழுதியிருந்ததொரு ஒரிஜினல் கதையினை அட்டகாசமான சித்திர பாணியில் ஒரு முழுநீள காமிக்ஸ் ஆல்பமாக்கியுள்ளனர் ! அதன் தமிழாக்கமே - "மரணம் சொன்ன இரவு" இதோ - அதன் அட்டைப்பட first look :

ஒரிஜினலாய் வெளியான இதன் ஆங்கிலப் பாதிப்புக்கு மொத்தம் 4 Variant கவர்ஸ் உண்டு ! அவற்றுள் சிறப்பான இரண்டை எடுத்து முன் + பின் அட்டைகளாக்கியுள்ளோம் ! And guess what ? இந்த அட்டைப்படத்தினை வடிவமைத்தது நம்ம ஜூனியர் எடிட்டர் தான் ! நமது டிசைனர்கள் சொந்த வேலைகளில் சற்றே பிசியாக இருக்க, ஆபீஸிலேயே நம்ம டீமைக் கொண்டு, இந்த அட்டைப்படத்தினை தேற்ற முயற்சித்து, மண்டை வீங்கிப் போயிருந்த நிலையில் ஜூனியர் முயற்சிக்கிறேன் என்றார் & here you go :


சுட்டுப் போட்டாலும் drawing sense தேறாது எனக்கு ; so என் பார்வையில் இதை 'ஆஹா' என்று சிலாகித்து "காக்காய் ; பொன்குஞ்சு..." என்ற ஒப்பீடுகளை எழுப்பிடத் தோன்றவில்லை ! பார்த்த நொடியிலேயே படைப்பாளிகள் ஓ.கே. சொன்ன இந்த டிசைன் உங்களுக்கும் ஓ.கே.வாகத் தென்படுகிறதா guys ? Just asking # 

அப்புறம், இந்த அட்டைப்படத்தினில் இன்னொரு விசேஷமும் உண்டு ! அதுவும் கூட நமது இளைய தலைமுறையின் பங்களிப்பே !! அட்டைப்படத்தில் டெரராக கதையின் தலைப்பு இருப்பதைக் கவனித்தீர்களா ? இது நமது கைவண்ணமே அல்ல !! "நம்ம லயனுக்கு ஏதாச்சும் செய்யணும்னு எனக்கு தோணும் சார் ; அட்டைப்படம் டிசைன் பண்ண ஆசைலாம் உண்டு தான் - ஆனால் அவ்வளவு போகாட்டியும், இதோ அட்டைப்படங்களில் நீங்கள் பயன்படுத்திட தலைப்புகளை வடிவமைத்து அனுப்பியுள்ளேன்" என்று தெறிக்க விட்டுள்ளார் நண்பர் (Salem) ஜெகத் !! பாருங்களேன் இந்த அதகளங்களை :








இன்னமுமே நிறைய அனுப்பியுள்ளார் நண்பர் ; சந்தர்ப்பங்கள் வாய்க்கும் போதெல்லாம் அவற்றை நமது அட்டைப்படங்களில் நீங்கள் தரிசிப்பீர்கள் !! Freaking Awesome ஜகத் !! ஓராயிரம் நன்றிகள் !!

Back to மைக் ஹேமர் ! ஒற்றை மாதத்துக்கு முன்னே தான் ஒரு ஊத்தைவாய் கௌபாய்க்கு பேனா பிடித்திருந்தேன் ; சூட்டோடு சூடாய் இந்த முரட்டுப் பையனும் வந்து சேர்ந்திருக்க - அதே ரேஞ்சுக்கு இல்லாவிடினும், அக்மார்க் தெனாவட்டோடு சுற்றி வரும் ஒரு கதாப்பாத்திரத்துக்கு இயன்ற நியாயத்தைச் செய்திட முனைந்துள்ளேன் ! Of course , 'இது தேறாது' என்று உதடுகளைப் பிதுக்க ஒரு அணி இல்லாது போகாது போகாதென்பது தெரிந்த விஷயமே - ஆனால் அந்த விமர்சன நண்பர்கள் ஒருக்கா இதன் ஒரிஜினல் ஆங்கிலப் பதிப்பையும் வாசிக்க மெனெக்கெட்டால் செமையாக இருக்கும் ! இங்கொரு விஷயம் சொல்லியாகணும் -  Max Allan Collins எழுதியுள்ள ஸ்கிரிப்ட்  பற்றி ! பொதுவாய் இங்கிலீஷில் நமக்கு வண்டி ஓடி விடும், பெருசாய்த் தாளம் போடாதென்ற நம்பிக்கை எனக்குள் உண்டு ! கூகுளுக்குள் துழாவுவதெல்லாம், மார்ட்டின் ; கிராபிக் நாவல்ஸ் போலான படைப்புகளின் பின்னணி வரலாறுகளை ; விளக்கங்களைப் புரிந்து கொள்ளும் பொருட்டாகவே இருப்பதுண்டு ! ஆனால் முதல்வாட்டியாய் இங்கிலீஷில் புழங்கிடும் சில பல சொற்றொடர்களின் சரியான அர்த்தங்களை புரிந்து கொள்ளவே கூகுளுக்குள் பல்டியடிக்க இங்கே அவசியப்பட்டது ! கதை நிகழும் 1930's-ன் அமெரிக்காவினில், அந்நாட்களின் கரடு முரடான சம்பாஷணைகளை அட்சர சுத்தமாய்க் கொண்டு வரும் பொருட்டு இங்கிலீஷ் ஸ்கிரிப்டில் இத்தனை வேலைப்பாடைச் செய்துள்ளனர் ! அவற்றை சரி வர புரிந்து கொண்டு வரிகளை தமிழில் அமைக்க மெய்யாலுமே தண்ணீர் குடிக்க வேண்டிப் போனது !! 

கதையைப் பற்றிச் சொல்வதானால், முதலில் நம்மூர் டைரக்டர் ஹரியின் படங்களில் இழையோடும் அந்த மின்னல் வேகத்தை இரண்டால் பெருக்கிக் கொள்ளுங்கள் என்பேன் ! அப்புறமாய்  ஹாலிவுட் படங்களின் ஆக்ஷன் பாணிகளை, கேமரா கோணங்களை கண்முன்னே கொண்டு வந்து கொள்ளுங்கள் என்பேன் ! ஒரேயொரு நொடி கூட இப்டிக்கா, அப்டிக்கா திரும்பினீர்களெனில் கதையின் ஏதாச்சுமொரு ட்விஸ்டை கோட்டை விட்டு விடுவீர்கள் என்பதால், இந்த ஆல்பத்தினுள் புகுந்திடும் முன்பாய் செல்லை silent -ல் போட்டு விடல் நலமென்பேன் - because அங்கே எழ இயலாது போகும் சத்தத்தினை மைக் ஹேமர் கதை நெடுக எழுப்பிடவுள்ளார் !! பற்றாக்குறைக்கு ஒன்றுக்கு இரண்டாய்ப் பட்டாம்பூச்சிகள் கதையினில் நெடுகப் பயணிக்க, எட்டும் தூரத்தில் ஒரு கைக்குட்டையையும் வைத்துக் கொள்ளல் தேவலாம் ! இதோ - கணிசமான பக்கங்களின் preview :




ACTION at it's riveting best !! படிக்கத் தவறாதீர்கள் guys !! 2023-ன் ரெகுலர் தடத்தின் முதல் இதழ் என்பதால், சந்தா எக்ஸ்பிரஸில் தொற்றிக் கொள்ள இதுவொரு கூடுதல் காரணம் என்பேன் ; இன்னமும் சந்தாவினில் சேர்ந்திருக்காத பட்சத்தில், இப்போதே ப்ளீஸ் : https://lion-muthucomics.com/33-subscription





Before I wind up, சில பல ஜாலி updates :

1.நமது ஆதர்ஷ நண்பர்களுள் ஒருவர், தனது தொழில் சார்ந்ததொரு சந்திப்பினை நிகழ்த்திட உள்ளார் ! அந்த சந்திப்புக்கு தனது கஸ்டமர்களை மாத்திரமன்றி, அவர்களது குடும்பங்களையும் வரவேற்றுள்ளார் ! அந்த நிகழ்வினில் கலந்து கொள்ளும் குட்டீஸ்களுக்கு ஒரு குட்டிப் பரிசாகத் தரும் பொருட்டு Smurfs புக்கில் 100 வாங்கியுள்ளார் !! செம ஹேப்பி !!   

2.கள்ளக்குறிச்சியில் நடைபெற்று வரும் புத்தக விழாவினில் நமது ஸ்டால் நம்பர் 56 ! பெருநகரம் அல்ல எனும் போது, விற்பனைகள் சார்ந்த பெரிய எதிர்பார்ப்புகளின்றியே இருந்தோம் ; but surprise ....செம டீசண்ட் சேல்ஸ் ! அந்தப் பகுதிகளில் உள்ள நண்பர்கள் ஒரு விசிட் அடிப்பதோடு, இயன்றமட்டுக்கு உங்கள் நட்பு வட்டங்களின் காதுகளிலும் சேதியைப் போட்டு விடுங்களேன் ப்ளீஸ் ?


3.கள்ளக்குறிச்சியில் புத்தக விழா முடியும் முன்பாகவே காஞ்சிபுரம் நோக்கிப் பயணிக்கிறது நமது கேரவன் ! டிசம்பர் 23 முதலாய் அங்கு நிகழ்ந்திடவுள்ள புத்தக விழாவில் நாமும் பங்கேற்கவுள்ளோம் ! முற்றிலும் புதிதான சில பல திக்குகளில் செய்யக் கிடைக்கும் இந்த வாய்ப்புகளை புனித மனிடோவின் ஆசிகளாகவே பார்த்திடுகிறோம் !! காஞ்சி நகரிலும், அருகாமையிலும் உள்ள நண்பர்கள் please do visit !!

4.காஞ்சிபுரத்துக்கு அடுத்தது சென்னை மாநகரின் புத்தக விழாவே தான் ! ஜனவரி 6 to 22 வரையிலும் நடந்திடவுள்ள விழாவினில் பங்கேற்க ஆவலாய்க் காத்திருப்போம் ! அமைப்பாளர்களின் அன்புடன் நமக்கு இம்முறையும் ஸ்டால் கிடைக்கும் என்ற நம்பிக்கையில் மனதளவில் தயாராகி வருகிறோம் ! ஜனவரி பிறந்த பின் உறுதிபட தெரிந்திடும் ! And in any case சென்னைப் பக்கமாய் பயணம் பண்ணியே ஏக காலமாகி விட்டதென்பதால் ஜனவரி 7 & 8 (சனி & ஞாயிறு) தேதிகளுக்கு பொட்டியைத் தூக்கிக்கினு அக்கட ஆஜராக எண்ணியுள்ளேன் ! Hope to see you there guys !! 

5."ஜனவரி சர்ப்ரைஸ்" என்று நான் சொல்லி வைக்க, நிறையவே கற்பனைகள் சிறகடிப்பது கண்கூடு ! எல்லா வேளைகளிலும், எல்லா சர்ப்ரைஸ்களும் தடிமனான இதழ்களாகவே அமைந்திட வேண்டுமென்பதில்லையே folks ? உள்ளதைப் படிக்கவே நீங்கள் தடுமாறி வரும் தருணங்களில், புதுசு புதுசாய் குண்டூஸ்களைக் களமிறக்கி, உங்கள் பாக்கெட்களுக்கும், அலமாரிகளுக்கும் பளுவைக் கூட்டத் தான் வேணுமா ? அதே சமயத்தினில், சில சுவாரஸ்யச் சேதிகள், சின்னதாய் இருப்பினும் சிறப்பான இதழ்கள், சில தகவல்கள் - என இவைகளையுமே "சர்ப்ரைஸ்' என்ற ஜாதியினில் சேர்த்துக் கொள்ளலாம் தானே ? அந்த விதத்தில் ஜனவரியின் துவக்கத்திலொரு சர்ப்ரைஸ் & இறுதியில் இன்னொன்று காத்திருக்கும் ! 

6."பயபுள்ள தெளிவா கொயப்பபுறானே ?" என்று தோன்றுகிறதா ? விடுங்க யோசனைகளை - அடுத்த பதிவிலேயே அந்த ஜனவரி (துவக்க) சர்ப்ரைஸ் என்னவென்பதை சொல்லிவிட்டால் போச்சு ! கிருஸ்துமஸை ஒட்டிய அந்த வாரயிறுதிக்கு ஒரு பயணம் காத்திருப்பதால், அடுத்த பதிவினை சனியிரவு வரை ஜவ்விழுக்காமல் வெள்ளிக்கிழமையே போட்டு விடலாமென்று இருக்கிறேன் & அதனில் ஜனவரி சர்ப்ரைஸ் பற்றி எழுதிப்புடலாம் ! So நெக்ஸ்டு மீட் சீக்கிரமே ! 

Bye all...see you around ! Have a fun Sunday !