அந்நியனும்...அம்பியும்...!

 நண்பர்களே,

வணக்கம். "தேவைகளே கண்டுபிடிப்புகளின் அன்னை" என்று படித்திருக்கிறோம் ; இதோ இந்த அன்னையர் தினத்தினில் அதனை மறுக்கா ஒரு தபா நினைவூட்டிக் கொள்ள நமது ஆன்லைன் மேளா உதவி வருகிறது ! கொரோனா நாட்களில் , வெளியே தலைகாட்டக் கூட வழியில்லா அந்த வேளைகளில், நமது பயணத்தினை உயிர்ப்போடு தொடர்ந்திட ஒரு மார்க்கத்தினை தேடிய பொழுது அமைந்ததே இந்த ஆன்லைன் முயற்சி ! சலுகை விலைகளில் கையிருப்பு இதழ்களைக் கரைக்க ஒருபக்கம் முயற்சியெனில், அத்தோடு புது இதழ்களை இறக்கி விடுவதும் template என்றாகிப் போனது ! And 5 years down the line - இதோ நமது ஆண்டு அட்டவணையின் ஒரு முக்கிய வழித்தடமாய் இந்த மே வளர்ந்து நிற்கிறது !! 

The கிரேட் ஆன்லைன் கிரிகாலன் ஷோ 💪

நிஜத்தை சொல்வதானால், ரொம்பவே மனநிறைவை தந்துள்ள காம்போ இம்முறை அமைந்துள்ளது என்பேன்! வழக்கமாய் குட்டியும், குரும்பாடுமாய், சிக்கிய சிறுத்தை மனிதன் ; லேடி ஜேம்ஸ் பாண்ட் என்றெல்லாம் உருப்படிக் கணக்கிற்கு ஆட்களை இந்த மேளா வேளையினில் நாம் திரட்டுவதுண்டு! ஆனால் இம்முறையோ கிட்டத்தட்ட ஒவ்வொரு தேர்வின் பின்னணியிலும் நிரம்பவே லாஜிக்கும் இருந்தது ; big names-ம் இருந்தன!

தல டெக்ஸ் @ மெக்சிகோ! Truth to tell - இந்த சாகசத்தின் நீளம் 504 பக்கங்களே என்பது முதல் தருணத்திலேயே எனக்குத் தெரிந்திருந்தால், சர்வ நிச்சயமாய் ஓட்டம் பிடித்திருப்பேன்! Crisp வாசிப்பு ; ரஸ்க் சேமிப்பு என்றெல்லாம் முழங்கி வரும் இந்த நாட்களில், இம்மா நீளக் கதைக்குள் தலை நுழைக்கவே எனக்கு தம் இருந்திராது - அது 'தல' தாண்டவமாகவே இருந்திருந்தாலும் ! But அந்த ஓட்டத்தில் ஒரு அற்புதமான டெக்ஸ் அதிரடியினை மிஸ் பண்ண நேர்ந்திருக்கும் என்பது இன்று புரிகிறது!  நவம்பரில் ஒரு அத்தியாயம் ; தற்சமயம் கிளைமாக்ஸ் அத்தியாயம் என்றாலும், இம்மி கூட குறைவில்லா அந்த அனல் நம்மை நெடுக கட்டிப் போட்டிடுவதை நீங்கள் பார்க்கத் தான் போகிறீர்கள்! இதுக்கு மேலே பில்டப் அனாவசியம் ; புக்கை கையில் ஏந்த மட்டும் நீங்கள் நேரம் ஒதுக்கினால் மிச்சத்தை நம்மவரே பார்த்துக்குவார்! An absolute crackerjack!! இத்தனை காலமாய் டெக்ஸ் சாகசங்களுக்குள் ரவுண்டு அடித்து வந்தாலும் அவர் மீதான மையல் நம்மில் யாருக்குமே கிஞ்சித்தும் ஏன் குறைவதில்லை என்பதை yet again நான் உணர்ந்ததொரு தருணமிது! இந்த சாகசத்தின் highlight என்று நான் பார்த்தது 2 விஷயங்களை! கண்ணில் ஒற்றிக் கொள்ளும் நேர்த்தியிலான சிவிட்டலி சித்திரங்கள் முதல் plus எனில், மொத்த டீமும் அடித்து ஆட ஒரு களம் தொக்காக கிட்டியிருப்பது plus # 2. And அந்த சந்தர்ப்பம் ரொம்பவே உதவிடுகிறது - வெள்ளி முடியாரை டாடியும், புள்ளையும் வாரி, வாரி விளையாட 😁😁! So இந்த மேளாவின் தலைமகன் எப்போதும் போலவே நம்மவர் தான்!

சின்னத் தல ஸாகோர்!!

நம்மில் எத்தனை பேர் கவனித்திருப்போமோ தெரியல - but துவக்க நாட்களில் V காமிக்சில் குட்டிக் குட்டிக் கதைகளில் சுமாராய் வலம் வந்ததன் பிற்பாடு மனுஷன் அடித்திருப்பது சகலமுமே 100 மீட்டர் சிக்சர்கள் தான்!

*வஞ்சத்திற்கொரு வரலாறு 

*பனிமலை பலிகள் 

*சிரிக்கும் விசித்திரம் 

என அத்தனையிலும் பின்னி எடுத்துள்ளார் ஸாகோர்! அந்த பாணி இங்குமே தொடராவிட்டால் தான் வியப்பு கொள்வேன் - becos "சிகப்பு நதி " ஒரு அக்மார்க் ஆக்ஷன் த்ரில்லர்! அட்டகாசமான கதைப் பின்னணி, ஒரு சிம்பிளான நேர்கோட்டு கதைக்கரு ; பிரமாதமான சித்திரங்கள் ; மின்னும் கலரிங் பிளஸ் ஒரு கம்பீரமான நாயகர் என்ற கூட்டணி சாத்தியமாகிடும் போது - ஒரு செம ஹிட் மட்டுமே பலனாகிட முடியுமென்பது basics ! "சிகப்பு நதி" என்று அட்டையிலும், "சிகப்பு ஏரி" என்று உள்ளேயும் பெயர் சுமந்து நிற்கும் இந்த சாகோர் saga சகல காமிக்ஸ் சாமுத்ரிகா லட்சணங்களையும் கொண்டிருப்பதால் ஜெயம் நிச்சயமென ஸ்டீலின் பட்சி சொல்கிறது காதில் ! இத்தாலிய மொழியில் "சிகப்பு நீர்" என்று பொருள்படும் விதமாய் பெயர் இருக்க, இந்த ஆல்பத்தினை மேலோட்டமாய் புரட்டிய கையோடு "சிகப்பு நதி" என்று பெயர் வைத்து விட்டேன் ! ஆனால் கதைக்குள் புகுந்த போது தான் அது நதியல்ல - ஏரி என்பது புரிந்தது ! ரைட்டு...அட்டையில் என்னவோ இருந்துவிட்டுப் போகட்டும் - தலைப்புப் பக்கத்திலாவது சரியாக இருக்கட்டுமே என்று நினைத்தேன் ! Doubtless இவர் சின்னத் தல தான் ; என்ன, இவருக்கான பேரவை தாரை தப்பட்டைகளை இன்னும் கொஞ்சம் தாட்டியமாய் முழங்கச் செய்தால் ஜம்பிங் தல popularity-களிலும் ஜம்ப் பண்ணி முன்னுக்குத் தாவி விடுவார் என்பேன் ! 

The மாயாவி மேஜிக் :

இங்கே புதுசாய் நான் சேர்க்க பெருசாய் எதுவும் லேது ; இரும்புக்கர நாயகரே சகலத்தையும் அட்டையிலேயே தெரிவித்து விடுகிறாரே ?! "ஒற்றைக்கண் மர்மம்" - முத்து காமிக்ஸ் வாரமலரை 21 இதழ்கள் வரைக்கும் இழுத்துச் சென்ற காரணிகளில் பிரதானம் இந்த சாகசமே ! கருணையானந்தம் அவர்களின் மொழிபெயர்ப்பில், கலரும், black & white பக்கங்களுமாய்   வந்திருந்த இந்தக் கதைக்காகவும், அதிமேதாவி அப்புவுக்காகவுமே வாரமலர் வண்டி ஓடியது என்பது எனது அபிப்பிராயம் ! To a lesser extent - உள்ளிருந்த இன்ஸ்பெக்டர் ஈகிள் (கருடா) கதையும் உதவியிருக்கலாம் ! எது எப்படியோ - பிரதானமாய் இரவிலும், இருளிலும் அரங்கேறும் இந்த சாகசத்தை ஒரு புக்காய், MAXI சைசில், கண்ணை உறுத்தாத வர்ணச் சேர்க்கைகளில் பார்க்கவும், படிக்கவும் அம்சமாகவே உள்ளதாய் பட்டது ! And இது அப்பாவுக்கான சமர்ப்பணமுமே எனும் போது இதழ் நீட்டாக அமைந்து போனதில் மெய்யான சந்தோஷம் ! மாயாவியின் இதழ்களெல்லாமே புத்தக விழாக்களில் பொற்காசுகளுக்குச் சமானம் எனும் போது - சீக்கிரமே துவங்கவிருக்கும் 2025-ன் circuit க்கு இது உதவும் என்பது icing on the cake !! 

தி கி.நா.படலம் !!

நிரம்ப பில்டப் சகிதம் ஆஜரான இதழ் தான் - "நாளை போய் நேற்று வா !" இதற்கு பெயரிட்ட கார்த்திக் நாளான்னிக்கியின் நாற்பதாவது நாளிலாவது இதை வாசித்து விடுவாரென்று நம்பும் வேளையில் உங்களில் கணிசமானோர் அதற்குள்ளாகப் போட்டுத் தாக்கியிருப்பது கண்கூடு ! And இது வரையிலும் கிட்டியுள்ள விமர்சனங்கள் 100/100 ரகமே !! அந்த மூன்றாம் பக்கத்தில் ஆரம்பிக்கும் சேஸ் கிளப்பும் தெறி ஸ்பீடானது - கதையின் இறுதிப்பக்கம் வரைக்கும் தொடர்வது தான் இங்கே highlight ! அந்த "மாநாடு" பட பாணியிலேயே காலப் பயணம், கொலை முயற்சி ; கொலை - என்று முன்னும், பின்னும் காலத்தில் அடிக்கும் ஷண்டிங் இந்த வாசிப்பை செம சுவாரஸ்யமாக்கிடுகிறது என்பது எனது அபிப்பிராயம் ! Of course - கதை முடிஞ்ச பிற்பாடு ஒரு விளக்கவுரை இருந்தால் கதை knot புரிபடாதோருமே சுலபமாய் புரிந்து கொள்ளலாமே ? என்ற முன்மொழிவு பதிவு செய்யப்பட்டது தான் ! ஆனால் கதாசிரியரின் பிரதான நோக்கமே நம்மை சிந்திக்கச் செய்வது தான் எனும் போது - "இன்ன மாரி...இன்ன மாரி இது இந்த வருஷம் நடக்குது ; அது அந்த வருஷம் முடியுது !" என்றெல்லாம் நான் பின்குறிப்பு தந்தால், "ஓஹோ" என்றபடிக்கே ஒற்றை வாசிப்போடு நகர்ந்து விடுவோம் தானே ? And யோசிக்க பெருசாய் அவசியங்கள் இல்லாது விளக்கத்தை தட்டில் வைத்துத் தந்து விட்டால் - மறுவாசிப்புக்கு self எடுக்கவும் செய்யாதே ? என்ற நெருடல் என்னுள் இருந்தது ! அதனால் தான் நீங்க சாத்தினாலும் பரால்ல....பாத்துக்கலாம்  ! என கேள்விக்குறியோடு நிறுத்தியுள்ளேன் ! 

Your thoughts please folks ? On the album ? on my decision ?

And இதுவோ ஒரு இளம் இத்தாலியப் படைப்பாளிகளின் கூட்டு முயற்சியில் உருவான கதை ! போனெல்லி போல பளிச் என்று இவர்களை வெளியே யாருக்கும் தெரிந்திராது ; so இந்தக் கதையினை அகஸ்மாத்தாய் தேடிப் பிடித்ததே ஒரு தனிக்கதை ! And அவர்களுக்கோ அவர்களின் அனுபவங்களின்  கூட்டுத்தொகையினை விடக் கூடுதல் வயதானதொரு பதிப்பகத்தின்  லேபிலில் தங்களது படைப்பு வெளிவருவதில் மெத்தப் பெருமிதம் ! ரைட்டு...."நாளை போய் நேற்று வா" அலசல் கச்சேரியினை எப்போது வைத்துக் கொள்ளலாம் folks ?

The விச்சர் & கிச்சர் ஸ்பெஷல் !

Again இந்த ஆல்பத்தின் பின்னணி ஒரு மழை நாளுக்கான கதை என்பேன் ! இதுவரைக்கும் குட்டிக் குட்டி filler pages-களாக நம் முன்னே கூத்தடித்திருக்கும் இந்த ஸ்போர்ட்ஸ் ஜோடி இம்முறை ஒரு பிரத்யேக இதழில் - புத்தம் புது மினிஸ்களுடன் full color-ல் வந்திருக்கும் போது, நமக்கு மாத்திரமின்றி, புத்தக விழாக்களில் குட்டிப் பசங்களுக்கென புக்ஸ் தேடும் பெற்றோர்களுக்குமே சுவாரஸ்யமூட்டுவர் என்று நினைத்தேன் ! And புதுசாய் வாசிக்கத் துவங்கும் ஜூனியர்களுக்கு இந்த 2  பக்க பாணி செம வசதியென்றும் எண்ணினேன் ; இன்னிக்கு ஒரு கதை - நாளைக்கொரு கதை என ரசித்துப் போகலாமன்றோ ? அப்புறம்...நம்ம வட்டத்திலுள்ள "பொட்டியை பிரிச்சு அடுக்குவோர் ; பிரிக்காமல் அடுக்குவோர்" சங்கத்துக்குமே இந்த gags பாணியானது  "ஆத்தா...நான் பாஸாயிட்டேன் !!" என்று உற்சாகக் குரல் எழுப்ப உதவிடக்கூடும் தானே ? 

And சமீப காலங்களில் செமத்தியான குஷியோடு நான் பேனா பிடித்தது இந்த விச்சப்பர்-கிச்சப்பர் கூட்டணிக்கே என்பது கொசுறுத் தகவல் ! 

ஆக -

1  க்ளாஸிக் சூப்பர் ஹீரோ - மெகா சைசில்.....வண்ணத்தில்.....!

2 அழுத்தமான ஆக்ஷன் சாகசங்கள் - again in color ...!

1 தெறி ஸ்பீடில் crisp reading-க்கென கி.நா. - மறுக்காவும் கலரில் ..!

1 ஜாலி லைட் ரீடிங் பாக்கெட் சைஸ் ஆல்பம் - விடாப்பிடியாய் கலரில் ! 

என 5 இதழ்களை உங்களிடம் தந்தாச்சு ! 

இதழ் # 6 - ஜுனின் Father's Day ஸ்பெஷலாக "பயணம்" மெகா கிராபிக் நாவலோடு அடுத்த மாசம் வரவுள்ளது ! தற்சமயமாய் ஞான் அந்த தந்தை + தனயன் கூட்டணியுடன் தான் அரவமற்ற அந்த பூமியில் பயணித்து வருகிறேன் ! யப்பா......ஓவியங்களை பார்க்கும் போது, கபாலத்தில் இல்லாத கேசங்களுமே நட்டுக்கா நின்று கொள்வது போலொரு உணர்வு உள்ளுக்குள் அலையடிக்கிறது ! அசாத்தியங்களின் உச்சம் இந்தப் படைப்பு !! ஆங்காங்கே பேனாவை கீழே போட்டுப்புட்டு ஆவென்று வாயைத் திறந்தால், மூட நிரம்ப நேரம் பிடிக்கிறது - அந்தப்புர வாசலில் அலிபாபா குகை வாயிலைப் போல அகலத் திறந்த வாயோடு நிற்கும் இயவரசருக்குப் போட்டியாக !! Absolutely breathtaking illustrations !! இந்த ஆல்பத்தினையெல்லாம் நாம் வெளியிடாது போனால் இத்தினி காலமாய் இங்கே குப்பை கொட்டியுள்ளதற்கு அர்த்தமே இல்லாது போய் விடும் folks !! மொத்தத்துக்கே ஒரேயொரு புக் தான் விற்குமென்றாலுமே இதனை வெளியிடத் தயங்கி இருக்கவே  மாட்டேன் - becos இது போலான ஜென்ம சாபல்யம் தரவல்ல முயற்சிகள் நெதத்துக்கும் நம் முன்னே பிரசன்னமாவதில்லையே ? 

அதே போலவே மிரட்டும் இன்னொரு கி.நா.வுமே செம வேகத்தில் ரெடியாகிங்ஸ் ! நண்பர் கார்த்திகை பாண்டியனின் மொழியாக்கத்தில் வரவுள்ள "சாம்பலின் சங்கீதம்" முக்கால்வாசி மொழிபெயர்ப்பு ஓவர் ! விரைவில் மீத கால்பகுதியும் நிறைவு பெற்றுவிட்டால், நம்மாட்களின் DTP பணிகளுக்குப் பின்பாக என் மேஜை நிரம்பி விடும் !! Phewww ....452 பக்க எடிட்டிங் வெயிட்டிங் !!! எண்ட கர்த்தாவே !! 

அப்புறம் சென்னைக்கு விழுப்புரத்தில் உள்ள வீட்டடி மனைகள்  "மிக மிக அருகில்" இருக்கின்றனவோ, இல்லியோ - இங்கே நம்ம முன்பதிவுகள் 300-க்கு மிக அருகில் நெருங்கி  விட்டன !! Great show people !! Keep rocking !!! இன்னமும் முன்பதிவு செய்திருக்கா நண்பர்கள் : no time like now to do it please !!

Before I sign out - கூட்டமாயிருக்கும் கல்யாண வீட்டில் ஓரமாய் நின்னபடிக்கே - "பந்தியிலே இடம் கிடைக்குமா- கிடைக்காதா ?" என்று உள்ளுக்குள் பதட்டம் கொள்வோரைப் போல - "கி.நா.ங்கிறான்... சாம்பல்ங்கிறான்....சங்கீதம்ங்கிறான் .....பயணம்ங்கிறான் ! ஒண்ணுமே பிரிலே !" என்று லைட்டாக ஜெர்க் அடித்துக் கொண்டிருக்கும் க்ளாஸிக் காமிக்ஸ் ரசிகர்களுக்குமே இனிப்பான தகவல் : 

உங்களின் நெடுநாள் கோரிக்கைகளுள் ஒன்றான CID ஜான் மாஸ்டர் ஸ்பெஷல் + இரட்டை வேட்டையர் ஸ்பெஷல் பச்சைக் கொடி கண்டுள்ளன !! "சதிவலை" அதே ஒரிஜினல் பெரிய சைசில் ; மாஸ்கோவில் மாஸ்டர் - அதே ஒரிஜினல் பாக்கெட் சைசில் ! ரெட்டை வேட்டையரின் "திக்குத் தெரியாத தீவில்" MAXI சைசில் !! எல்லாமே செம க்ளாஸியாக, வாகான புத்தக விழாத் தருணங்களில்,சொற்ப விலைகளில் வெளிவரவுள்ளன ! தற்போதைய வெயிட்லிஸ்டில் உள்ள புக்ஸ் பூர்த்தி கண்டவுடன் இவற்றை ஒரு ஓரமாய் நுழைத்து விடலாம் guys !  And செக்ஸ்டன் ப்ளேக்கும் தான் ! 

"ஆஹா...பழையபடிக்கே முருங்கைமரத்திலே ஏறுறானே முழியாங்கண்ணன் !! இவன் அம்பியா - அந்நியனா ?" என்று இப்போ ஜெர்க் அடிக்கும் புதுமை விரும்பிகளுக்கு one more தகவல் : இன்னொரு சித்திர சொர்க்கம் கண்ணில் பட்டுள்ளதுங்கோ !! ரொம்ப ரொம்ப வித்தியாசமான கி.நா. !!! சீக்கிரமே அதற்கொரு துண்டை போட்டு வைத்துவிட்டு தகவல் சொல்லுதேன் ! 

So அது வரை மூ.ச.வை ரெடி பண்ணும் முஸ்தீபுகளை தகிரியமாய் hold-ல் போட்டு வைக்கலாம் !! Bye all....see you around ! Have a great week ahead !

இவன் கேரக்டரையே புரிஞ்சுக்க முடிலியே....! Mindvoices somewhere ?? 

மே!!

 நண்பர்களே, 

வணக்கம்! நடுவாக்கில் ஒரு வாரயிறுதிப் பதிவுக்கு அல்வா தந்து விட்டமைக்கு sorry! ஆனால், மே இதழ்கள் உங்கள் கைகளில் சுடச்சுட இடம் பிடித்திருந்த நிலையில் அதன் முதற்பார்வை அலசல்களில் வண்டியை ஓட்டி விடலாமென்று எண்ணியிருந்தேன்! And of course கடந்த சிலபல மாதங்களாகவே நமது வாட்சப் கம்யூனிட்டி பிஸியாகிவிட்ட  பிற்பாடு இங்கே பதிவுப் பக்கமானது - வாரநாட்களின் மதிய ஷோக்களில் காற்று வாங்கும் சினிமா தியேட்டரைப் போல கா­லியாய் காட்சி தருவதால் "அப்பாலி­க்கா பார்த்துக்கலாமே?!' என்று நினைக்கச் செய்தது! Of course காலவோட்டத்தோடு பிரசன்னமாகும் மாற்றங்களுக்கு எவையுமே விதிவிலக்காகிடாது என்பது புரிகிறது ; yet ஆளில்லாத கடையிலே டீ ஆத்துறோமோ? என்ற எண்ணத்தை இங்கு மட்டுப்படுத்துவது சுலபமாகவே இல்லை தான்! So குறைந்தபட்சமாய் பதிவுகளைப் படிக்கிறீர்கள் என்பதை ஊர்ஜிதப்படுத்தும் விதமாய் ஏதேனும் புகை சமிக்ஞைகளையாவது அனுப்பித் தந்தால்- புதுப்பேட்டை பட க்ளைமேக்ஸில் "இங்கே ஆராச்சும் இருக்கீங்களா? பயம்மா இருக்கு'' என்று உள்ளாற புலம்பாமல் இருக்க முடியுமோ- என்னவோ?!

ரைட்டு, பதிவுக்குள் புகலாமா இனி?? மே மாத இதழ்கள் முன்கூட்டியே வெளிவந்து, செமத்தியான சிலாகிப்புகளையும் ஈட்டி வருவதில் செம ஹேப்பி! அதுவும் 'தல' டெக்ஸ் இல்லாததொரு முக்கூட்டணி பிரமாதமாய் சோபித்திருப்பது மெய்யாலுமே ஒரு pleasant surprise! Of course 'டெக்ஸ் வில்லர் இல்லீங்களா?' என்று வினவாத ஏஜெண்டே கிடையாது தான்; அவர்களைச் சரிக்கட்டுவதற்குள் நாக்கும் தொங்கிப் போய்விட்டது தான்! ஆனாலும், கதைகளும், நாயக / நாயகியரும் தாட்டியமாய் இருக்கும் பட்சங்களில், கரைசேர்வது மகாப் பிரயத்தனங்களே அல்ல என்பதை அவ்வப்போது உணர்ந்து கொள்வதில் ஒரு ஜாலி­ உள்ளது ! அதுவும் ஒரு புதுவரவு அந்தத் "தல' இல்லா மாதத்தில் ஆஜராகி அபிமானங்களை ஈட்டுவதென்பது அந்த குஷியை ஒரு மிடறு தூக்கலாக்கிடுகிறது!

ஸகுவாரோ! இந்த நீளக்கூந்தல் நாயகர் இரவுக்கழுகார் அல்லாததொரு பொழுதில் தலைகாட்ட நேர்ந்தது நிச்சயமாய் ஒரு தற்செயல் நிகழ்வே அல்ல! பொதுவாகவே ஒளிவட்டத்தின் முக்காலே மூன்று வீசத்தை குத்தகைக்கு  எடுத்துக் கொள்ளும் டெக்ஸ் & டீம் களமிறங்காத ஒரு தருணத்தில் தான் இந்தப் புதியவரை உங்களிடம் காட்டிட வேண்டுமென்பதில் தீர்மானமாக இருந்தேன்! And எனது எதிர்பார்ப்பு பொய்க்கவில்லை என்பதைப் பார்க்கும் போது 'ராஜதந்திரங்களைக் கரைச்சுக் குடித்திருக்கிறாயடா பு­லிக்கேசி!' என்று பல்­லிளிக்கத் தோன்றுகிறது! என்ன தான் இந்த ஸகுவாரோ மனுஷன் பேஷாய் கம்பு சுற்றுபவராக இருந்தாலும், காத்திருக்கும்  டெக்ஸின் 'மெக்ஸிகோ மேஜிக் ஸ்பெஷல்' எனும் சூறாவளியோடு களமிறங்கியிருக்கும் பட்சத்தில் - வைபவ் சூர்யவம்சிக்கு பவு­லிங் போட்ட இஷாந்த் ஷர்மா போல டாராகியிருக்கும் ஆபத்துக்கள் அதிகம்! Becos நம்ம டெக்ஸ் & டீம் மைதானத்தினுள் நுழையும் நொடியில் நம்மையறியாமலே கண்கள் அவர்கள் மீது மையல் கொள்வதெல்லாம் காலத்தின் கட்டாயங்கள் ; அனிச்சைச் செயல்கள் ! So ஒண்டியாளாய் உங்களைச் சந்திக்கக் கிடைத்த வாய்ப்பை ஸகுவாரோ கச்சிதமாய் பயன்படுத்திக் கொண்டதில் ஒரு திருப்தி - becos சமீப காலங்களின் புது வரவுகள் "பச்சக்' என ஒரு சீட்டை உறுதி செய்து கொள்ளும் பாணியானது தொடர்கிறதே என்று ?! 

டிடெக்டிவ் ரூபின் வந்தார்- and கிட்டத்தட்ட நமது அணிவகுப்பின் முக்கிய தலைவி ஆகிவிட்டார்! ஸ்பூன் & ஒயிட் வந்தனர் - 'மக்கா... ஒரு ஸ்லாட்டுக்கும், ஒரு காமெடி கூத்துக்கும் நாங்க க்யாரெண்டி' என்று அழுந்தப் பதிவு பண்ணிவிட்டனர்! அந்த வரிசையில் தற்சமயம் ஸகுவாரோவும் ஒரு brilliant துவக்கம் கண்டிருப்பது நிறைவைத் தருகிறது!

Again இங்கே நாம் சிலாகிக்க வேண்டியது போனெல்­லியின் கமர்ஷியல் பல்ஸ் உணர்ந்திடும் சாமர்த்தியத்தையும், சாணக்கியத்தனத்தையுமே என்பேன்! ஒரு செவ்விந்திய நாயகனை அந்த 1800-களின் காலகட்டங்களிலேயே உலவ விடாது - 1970களின்  புத்திரனாகச் சித்தரிக்க எண்ணியது செம smart move! ஆனால், அதே சமயம் ஸகுவாரோவை கோட் சூட் போட்ட ஜித்தனாக நியூயார்க்கிலோ, வாஷிங்டனிலோ உலவ விடாது- பரிச்சயமான அதே பாலைப் பிரதேசங்களில் கரடுமுரடான நாயகராய் காட்டத் தீர்மானித்தது அவர்களது கதாசிரியர்களின் ஆற்றலுக்கொரு பறைசாற்றல் என்பேன்! Becos கதை நெடுக இழையோடும் ஒருவித rustic feel தான் இந்தக் கதையின் பெரும் பலமே! And 'வெள்ளையர்கள் அல்லாரும் தேவதூதர்கள்; பழங்குடியினர் சகலரும் காட்டான்கள்' என்ற பாணியில் அல்லாது, யதார்த்தமாய் கதை நகர்த்தல் பண்ணியுள்ளமைக்கு கதாசிரியர் இன்னொரு ஷொட்டுக்கு உரியவராகிடுகிறார்! எல்லாவற்றிற்கும் மேலாக - நவீன யுகத்திலுமே அந்தப் பழங்குடி நம்பிக்கைகளையுமே கதைக்குள் புகுத்தி ஒரு mystic feel தந்திருப்பதும் இங்கே முக்கிய factor ஆகத் தோன்றுகிறது!

இந்த நொடியிலொரு கேள்வி மக்களே! ஸகுவாரோவுக்கு தொடரும் ஆண்டில் எத்தனை ஸ்லாட்ஸ் தரலாமென்பீர்களோ?! 1? 2?

Moving on, நம்ம சொப்பன சுந்தரி Felicity 'பளிச்' என பற்பல கண்களுக்கு வெளிச்சக் கீற்றுக்களை நல்கியிருப்பதில் வியப்பே இல்லை எனக்கு! Becos இதழின் overall உருவாக்கம் பிரமாதமாக வந்திருப்பதைப் பார்த்த கணமே இது ஹிட்டடிக்கும் சாத்தியங்கள் கணிசமென்று காதில் பட்சி சொல்வது கேட்டது! செம ஸ்டைலான அட்டைப்படத்தில் துவங்கி, உட்பக்கச் சித்திரங்கள், கலரிங், பிரிண்டிங் என எல்லாமே classy ஆக அமைந்ததால் ஒரு வில்­லியுமே நாயகியாகிடலாமென்று பட்டது! நிஜத்தைச் சொல்வதானால், இந்த spin-off தொடரின் சுமாரான கதையாகவே இதை நான் பார்த்திருந்தேன்! ஏற்கனவே நெகடிவ் கேரக்டர், கதைத் தொடரிலும் இவருக்கென சொல்லி­க் கொள்ளும் விதமான impact ஏதும் கிடையாது! Yet இந்த அம்மிணிக்கென ஒரு தனி ஆல்பமெல்லாம் ரொம்பவே டூ மச்சென்றே எண்ணியிருந்தேன்! ஆனால், இங்கு தான் கதாசிரியரின் ஆற்றல் மிளிர்கிறது! And இவர் நமக்கு டேங்கோ மூலமாய் பரிச்சயமான MATZ தான்! இங்கும், அங்குமாய் பெ­லிசிட்டியை ஓடச் செய்து, இந்த மைனா மீதுமொரு பச்சாத்தாபம் உருவாகச் செய்து, XIII தொடரின் சில பல பிரதான மாந்தர்களோடு கோர்த்தும்விட்டு வித்தைகளைக் காட்டியுள்ளார்! அவர் உருவகப்படுத்திய gold digger பெ­லிசிட்டிக்கு மொழியாக்கத்திலும் பொருத்தமான தமிழ் நடை அமைந்து போனதால், இந்த மஞ்சுவிரட்டில் நமக்குச் சேதங்களின்றித் தப்பித்தோம் என்பேன்! So சொப்பன சுந்தரி பேரவை வாழ்க!

Last but not the least - கேரட் கேச அழகி ரூபின்! ஓரளவிற்கு ஸ்ட்ராங்காகவே கால் பதித்து நின்ற இந்த நாயகி- "ஜன்னலோரமாயொரு மரணம்"  ஆல்பத்தின் உபயத்தில் L&T சிமெண்டுடன் பேஸ்மென்ட் அமைத்து கச்சிதமாகக் காலூன்றிவிட்டார் என்பேன்! கதைக்குக் கதை ஏகப்பட்ட வித்தியாசங்களைக் காட்ட முனையும் கதாசிரியர் Mystic தான் இங்கு சிலாகிப்புகளுக்கு உரியவர்! இதுவரை வந்துள்ள நான்கு ரூபின் கதைகளுமே 4 பிரத்தியேக கதைபாணிகளில் அமைந்திருப்பது தற்செயலே அல்ல! So கிஞ்சித்தும் போரடிக்காது அம்மணியோடு சிகாகோ எங்கிலும் பயணிப்பது சாத்தியமாகிறது! 'இதே கதை சீரியஸான சித்திரங்களில், ஒரு செக்ஸியான நாயகியோடு வரையப்பட்டிருந்தால் தொடர் இன்னமும் ஆஹா.. ஓஹோ.. ரேஞ்சுக்கு பேசப்பட்டிருக்குமே?' என்று ஒரு நண்பர் என்னிடம் ஏதோவொரு புத்தகவிழா வேளையில் பகிர்ந்தது நினைவுக்கு வருகிறது! யோசித்துப் பார்த்தால் படைப்பாளிகளின் தீர்மானமே சரியென்று படுகிறது - becos சீரியஸான சித்திரங்களோடு ரூபினை ஒரு லேடி ஜேம்ஸ் பாண்ட் பாணியில் பயணிக்கச் செய்திருந்தால் Spy thrillers வரிசையில் பத்தோடு, பதினொன்றாக இதுவும் அமைந்திருக்கும்! And கதை நெடுக மெலி­தாய் விரவி நிற்கும் ஒரு பகடி, ஒரு நக்கல் என்பனவெல்லாம் சீரியஸ் சித்திரங்களின் முன்னே மழுங்கிப் போயிருக்கக்கூடும் தான்! So இந்தப் பாத்திரப் படைப்புக்கு இந்தச் சித்திர ஸ்டைலே best என்பேன்! Of course 'கார்ட்டூனே புடிக்காது; இந்த லட்சணத்தில் கார்ட்டூன் ஸ்டைலி­ல் ஒரு டிடெக்டிவா? விளங்கினா மாதிரித் தான்!' என்று பெருமூச்சிடும் ஒரு சிறு அணியினர் என் கருத்துக்களி­ருந்து மாறுபடலாம் தான்! But படைப்பாளிகள் know best! ஆக, ரூபின் ரசிக மன்றத்துக்குத் தலைவர் பதவிக்கான விண்ணப்பங்கள் வரவேற்கப்படுகின்றன! ஒரே நபர் ரண்டு பதவிகளை ஆக்கிரமிக்க இயலாதென்பதால் நமது உம்மாச்சி 'தல' இங்கு விண்ணப்பிக்க வழி லேது!

On to recent happenings - மே முதல் தேதியன்று சேலத்தில் நடைபெற்ற சீனியர் எடிட்டருக்கான நினைவு அஞ்ச­லி  பற்றி!

ஒன்றே கால் மாதங்களுக்கு முன்பாய் அப்பா இயற்கை எய்திய தருணத்திலேயே இது போலொரு ஏற்பாட்டினைச் செய்தே தீரணும் என்று எண்ணியிருந்தேன் தான்! And தொடர்ந்த வாரத்தில் மே 1 அதற்கான தேதியென்றும், சேலத்தில் சந்திப்பதென்றுமே அறிவித்திருந்தோம்! ஆனால், நாட்கள் நகர, நகர, வாழ்க்கைச் சக்கரங்கள் தன்பாட்டுக்கு மெதுமெதுவாய் சுழலத் துவங்கிய பிற்பாடு, நண்பர்களை இழுத்தடிக்கத் தான் வேணுமா? என்ற எண்ணம் தலைதூக்க ஆரம்பித்தது! இப்போதெல்லாம் ஒற்றை விடுமுறை தினமென்பது அக்ஷய திரதியைத் தங்கத்தையும் விட ஒசத்தியாக நம் அனைவருக்குமே தென்படுவது சகஜமாகிவிட்ட நிலையில் - அந்த விடுமுறை நாளை நாம் ஆக்கிரமிப்பது சரிப்படுமா? என்ற கேள்வி குடையத் துவங்கியது! And மே 1 நெருங்க நெருங்க - "எனக்குத் தோதுப்படாது; என்னால் வர இயலாது' என்று நிறையவே நண்பர்கள் கழன்று கொள்ள ஆரம்பித்த போது, ஒரு Zoom மீட்டிங்கிலேயே முடித்துக் கொண்டிருக்கலாமோ? என்ற நினைப்பு பிறாண்டி எடுத்தது! ஆனால், சேலம் இளவரசரும், STV-ம், மற்ற உள்ளூர் நண்பர்களும் ஏற்பாடுகளை செய்து முடித்திருந்த நிலையில் ரிவர்ஸ் கியர் போடலாகாது என்று எனக்கு நானே சொல்­லிக் கொண்டேன்!

மே-1ம் புலர்ந்தது! கருணையானந்தம் அங்கிளை இதற்கென தொந்தரவு செய்திட மனமின்றி நானும், ஜுனியர் எடிட்டரும் மட்டுமே சேலத்தில் ஆஜாராகியிருந்தோம்! புது பஸ்டாண்டி­லிருந்து சொற்ப தூரத்திலேயே இருந்த Zion Hall-க்கு காலை பத்தே கால் வாக்கில் போயிறங்கிய போதே நண்பர்கள் வெளியே அப்பாவின் படத்துடனான பேனரை கட்டிக் கொண்டிருப்பதைப் பார்க்க முடிந்தது! 'ஆஹா.. நாம பயந்த மாதிரி ஈயோட்ட வேண்டியிராது போல' என்ற நம்பிக்கையோடு நண்பர்களின் வாழ்த்துக்களை ஏற்றுக் கொண்டே மேலே இருந்த ஹாலுக்குள் புகுந்தோம்! நல்ல compact ஆன ஹால்.. இருபக்கத்துச் சுவர்களிலும் ACக்கள்;   நீட்டான சின்ன மேடை என்று பாந்தமாக இருந்தது அரங்கம்! உள்ளே கணிசமான நண்பர்கள் ஏற்கனவே குழுமியிருக்க, களைகட்டியது!

வழக்கமான புத்தகவிழாச் சந்திப்புகளின் கலகலப்பு மட்டுப்பட்டிருந்தாலுமே அனைவரின் முகங்களையும் பார்க்கும் போது, மனசுக்கு ஆறுதலாக இருந்தது! ஹால் மித  அளவிலானது தான் என்பதால் சுமார் 65 பேர் கூடியிருந்த போது, பொருத்தமாகத் தோன்றியது! 

சீனியர் எடிட்டரின் படத்துக்கு மாலையிட்டு, அனைவரும் மரியாதை செலுத்திடும் சிறு நிகழ்வின் பின்னே நண்பர்களில் கணிசமானோர் தத்தம் முத்து காமிக்ஸ் சார்ந்த நினைவுகளையும், அப்பாவுடன் ஈரோட்டில் செலவிட்டிருந்த பொழுதுகளைப் பற்றியும் பேசியது மெய்யாலுமே அற்புதமாகயிருந்தது! 

அதைத் தொடர்ந்து மைக் என்னிடம் வர சற்றேர நாற்பது நிமிடங்களுக்குப் பேசினேன்! ஒரு 83 வயதினரின் வாழ்க்கைப் பயணத்தை முழுமையாய் பதிவு செய்வதெல்லாம் ஓரிரு மணி நேரங்களில் சாத்தியமாகிடா சமாச்சாரம் எனும் போது - அப்பாவின் வாழ்க்கையின் வெளியே தெரிந்திராத சில பல விஷயங்களைச் சொல்லவே சாத்தியப்பட்டது! 'M.சௌந்திரபாண்டியன்- The சீனியர் எடிட்டர்' பற்றி மட்டும் பேசுவதா? அல்லது 'M. சௌந்திரபாண்டியன்- The அப்பா' பற்றியும் பேசுவதா? என்பதே எனது dilemma நிஜத்தைச் சொல்வதானால் சீனியர் எடிட்டர் அவதாரின் பின்னணிகளின் முக்காலே மூன்று வீசத்துத் தகவல்களை ஏற்கனவே அவ்வப்போது பகிர்ந்துள்ளோம் தான் & முத்து காமிக்ஸின் 50-வது ஆண்டுவிழா மலரின் பக்கங்களில் அவை நிரந்தரத் தரவுகளாகவுமே பதியப்பட்டுள்ளன! So மறுக்கா மைக் பிடித்து அதை மட்டுமே பேச எனக்கு ரசிக்கவில்லை! Rather, இந்த 83 ஆண்டுப் பயணத்தின் இறுதியில் ஒரு அன்பான அப்பாவாய் விட்டுச் சென்றுள்ள நினைவுகளை முன்நிறுத்தவே விழைந்தேன்! And அப்பாவின் வெற்றிகளை மட்டுமன்றி, தோல்விகளைப் பற்றியுமே மறைவின்றிப் பேச முனைந்தேன்! அவரது தேக ஆரோக்கியம் பற்றி ; அதனில் அவர் சந்தித்த சவால்களைப் பற்றி; கடைசி இரண்டு மாதங்களில் அவரது கஷ்ட நிலமை பற்றிப் பேசினேன்! In hindsight "இதில் கொஞ்சத்தை சொல்லாமல் விட்டுருக்கலாமோ? வாழ்க்கையின் சில தாழ்வான தருணங்களைப் பற்றியெல்லாம் பேசாது விட்டிருக்கலாமோ?" என்று எனக்குத் தோன்றவே இல்லை! Simply becos இந்த வாழ்க்கைப் பயணமானது - அம்பானிகளுக்கும், அதானிகளுக்கும் கிட்டிய அதே செழிப்போடு தடதடத்தது அல்லவே அல்ல; நாம் பார்த்திருக்கா பள்ளங்கள் கிடையவே கிடையாது என்பதை பொதுவில் பகிர்வது எவ்விதத்திலும் கௌரவக் குறைச்சலே அல்லவென்று நினைத்தேன்! So என் மகனுக்கே அதுவரைத் தெரிந்திருக்காத விஷயங்களைக் கூட நண்பர்களின் மத்தியில் பேச எவ்விதத் தயக்கமும் எனக்கிருக்கவில்லை! 

Of course உரைக்கு சுவாரஸ்யம் சேர்த்திட - அவரைப் பற்றி ; இவரைப் பற்றி ; 2016 பற்றியெல்லாம் நான் பேசியிருக்கலாம் தான்! ஆனால், அது முழுக்கவே அப்பாவின் வாழ்க்கைப் பயணம் பற்றி; அவரது பணிகள் பற்றி; சாதனைகள் பற்றி; கனவுகள் பற்றிப் பதிவிட வேண்டிய தருணம் என்பதால் ஒளிவட்ட வேட்கையில், சொந்தப் புராணங்கள், சிலபஸிற்கு அப்பாற்பட்ட சமாச்சாரங்களைத் தவிர்த்திட்டேன்!

And என்னைத் தொடர்ந்து மூன்றரை நிமிடங்களுக்கு மைக் பிடித்த ஜுனியர் எடிட்டரே அன்றைய பொழுதின் Show Stopper என்றால் மிகையாகாது! 'நறுக்' என்று டாடிப்பாவிடம் தான் கற்றுணர்ந்த 5 விஷயங்களைப் பற்றி விக்ரம் பேசிய போது, கூடியிருந்த நண்பர்களுக்கு மட்டுமல்ல, எனக்குமே பெருமிதத்தில் தொண்டை அடைக்காத குறை தான்! இது நாள் வரை நமது சந்திப்புகளில் புன்முறுவலோடு பார்வையாளராக மட்டுமே இடம்பிடித்திருந்த ஜுனியர் அன்று நிகழ்ச்சிக்கு வரும் வரையிலுமே "நான் பேசலை.. நீங்களே வழக்கம் போலப் பார்த்துக்கோங்க..!! என்றே சொல்லியிருந்தான்! ஆனால், அன்றைய உணர்வுப்பூர்வமான பக­லில், எவ்விதத் தயாரிப்புமின்றி, மைக்கை வாங்கி மனதிலி­ருந்து பேசிய போது- உரிய தருணம் புலரும் வேளையில் பொறுப்புகளை ஏற்றுக் கொள்ள ஜுனியர் எடிட்டர் ரெடி என்பது அழுந்தப் பதிவானது! அரங்கில் அன்று விக்ரம் பேசியதை ரசிக்க அப்பா நிஜத்தில் இல்லையே என்ற ஒற்றைக் குறை மட்டுமே என்னுள் நீடித்தது!

இரும்புக்கை மாயாவியின் 'ஒற்றைக் கண் மர்மம்' இதழ் அப்பாவுக்கான tribute ஆக நமது ஜம்பிங் தல வசம் ஒப்படைக்கப்பட்ட பின்னே முன்பதிவு செய்திருந்த நண்பர்களுக்கு விநியோகம் செய்யப்பட்டது! And தொடர்ந்து மகளிரணித் தலைவியின் நன்றியுரையோடு நிகழ்ச்சி நிறைவு கண்டது! 

அப்புறமாய் அங்கே பரிமாறப்பட்ட சுவையான சைவ மதிய உணவு வயிற்றையும் நிறைத்திட, இரண்டரை  மணிவாக்கில் நண்பர்கள் சிற்சிறு அணிகளில் கிளம்பத் தொடங்கினர்! டீம் சேலம் துளியும் பிசிறின்றி எல்லா ஏற்பாடுகளையும் செய்து முடித்திருக்க, நிறைவான மனதோடு நாங்களும் விடைபெற்றோம்! And அன்றைய தினத்தின் முத்தாய்ப்பாய் நமது ப்ளாக்கிலோ; வாட்சப் க்ரூப்களிலோ அங்கமே வகித்திடாத மூத்த வாசகர் வீமன் அவர்கள் தானாய் வந்து நிகழ்ச்சியில் பங்கேற்றதோடு,ஓரிரு வார்த்தைகள் மைக்கில் பேசியதும் அழகு சேர்த்தது!

விண்ணி­லிருந்து சகலத்தையும் அப்பா பார்வையிட்டுக் கொண்டிருப்பார் ; இதோ - இந்தப் பதிவைக் கூட 'Me the first from above' என்றபடிக்கே படிக்கத் தவறமாட்டாரென்பது எனது திட நம்பிக்கை! தொடரவிருக்கும் ஒவ்வொரு மார்ச் 27 தினத்தினையும் "தமிழ் காமிக்ஸ் தினமாக'' இனி நாம் சர்வநிச்சயமாய் கொண்டாடிடுவோம்! காமிக்ஸ் வாசிப்பை கடைக்கோடிக்கும் கொண்டு சேர்க்க வேண்டுமென்ற அவரது கனவுக்கு நிச்சயமாய் உரம் சேர்ப்போம்! Thanks all! Thanks for everything! மீண்டும் சந்திப்போம்.! Bye for now!

Have a lovely Sunday!

COMING VERY SOON!

முன்பதிவுகள் 200-ஐ நெருங்கி வருகின்றன...! நீங்களும் இணைந்து கொண்டிடலாமே folks?

மாற்றம் - முன்னேற்றம் - காற்றோட்டம்!

நண்பர்களே,

வணக்கம்! ஏப்ரலின் மூன்றாவது வாரத்தை எட்டித் தொடும் அண்மைக்கு வந்தாச்சு ; and மே மாதத்துப் பரபரப்புகளுக்கு இப்போதே தயாராகி வருகிறோம்! ரெகுலர் தடத்தில் மூன்று கலக்கலான இதழ்களும், ஆன்லைன் மேளாவின் பெயரைச் சொல்­லி மேற்கொண்டு ஐந்து இதழ்களும் இந்த மே மாதத்திற்கென காத்திருப்பதால் அலுவலகம்  பிசியோ பிசி! But ரெகுலர் தடங்களில் 3 இதழ்களே என்ற ஃபார்முலா- கொஞ்சமாய் மூச்சு விட்டுக் கொள்ள அவகாசம் தருவதால், ஏப்ரலில் மே சாத்தியமாகிடவுள்ளது!

மே மாதத்தின் highlight இரண்டு அம்மணிகளே! இருவருமே அட்டைப்படங்களில் காட்டும் கெத்தை புக்ஸ்களில் பார்க்கும் போது செம மாஸாக உள்ளது! ஆட்டத்தைத் துவக்கிடவுள்ளவர் நம்ம சிகாகோவின் 'சிக்' டிடெக்டிவ் ரூபின் தான்! இம்முறை சிலபல ஆடையலங்காரச் சமாச்சாரங்களில் சிக்கனத்தையும் கடைப்பிடிக்க நேர்வதால்- மேடம் is chic in more ways than one! வழக்கம் போலவே ஒரு சிகாகோ க்ரைம் த்ரில்லர் & வழக்கம் போலவே யதார்த்தத்தோடு பயணிக்கிறது கதையுமே! நிஜமானதொரு புலனாய்வானது ஜேம்ஸ் பாண்ட் படங்களில் நாம் பார்ப்பது போல சுலபமெல்லாம் கிடையவே கிடையாதென்பதை ரூபினின் கதாசிரியர் yet again நமக்குக் காட்டிடுகிறார்! எப்போதும் போலவே கதை நெடுக ஒரு பரபரப்பு விரவியிருக்க, அந்தச் சித்திர பாணியும், செம 'பளிச்' கலரிங்கும் ஒரு மிடறு தூக்கலாக்கிடுகிறது - வாசிப்பு அனுபவத்தை!

இதோ- இந்த இதழுக்கான நமது மகளிரணி ஓவியை உருவாக்கியுள்ள அட்டைப்படம்! ஒரிஜினல் ஓவியர் போட்டிருந்த பென்சில் ஸ்கெட்ச் நெட்டில் கிடைத்திருக்க, அதனை வர்ணமயமாக்கி cute ஆனதொரு அட்டைப்படமாக்கியுள்ளோம்! And இதோ- கலக்கலான கலரில் உட்பக்க preview கூட!

ரைட்டு.. ஒரு கேரட் கேச அம்மணியின் ஆக்ஷன் மேளாவோடு துவங்கிடும் மே மாதத்தின் அடுத்த (கலர்) இதழில் ஒளிவட்டம் பாய்ந்திடுவதோ ஒரு பொன் கூந்தல் பேரழகியின் மீது! அந்த அழகியோ ஒரு செமத்தியான வில்லி­ என்பது தான் கொடுமையே! Yes- XIII தொடரின் இரண்டாவது ஆல்பத்திலேயே நம்மாளின் புதுச் சின்னம்மாவாய் என்ட்ரி தரும் பெலி­சிட்டி பிரவுண் தான் "மைனாவோடு மஞ்சுவிரட்டு'' ஆல்பத்தின் நாயகி! XIII spin-off தொடரில் கதையின் பல்வேறு மாந்தர்கள் மீது தனித்தனி ஆல்பங்களில் focus செய்திடும் பாணி நடைமுறையில் இருப்பதால், இங்கே பெலி­சிட்டியோடு நாமும் பயணிக்கிறோம்! காசுக்காக எதையும் செய்யத் தயங்காத தாரகை என்பது ஏற்கனவே நமக்குத் தெரிந்திருந்தாலும், இங்கே அவரது வாழ்க்கையை அலசி, சோப் போட்டு, கொடியில் உலர்த்தியிருப்பதால்- எக்கச்சக்க அழுக்கு, தண்ணீரில் மீந்திருப்பதைப் பார்க்க முடிகிறது! And ஆங்காங்கே முழு நிர்வாண சீன்களுமே இடம்பிடித்திருந்தன- கதைக்கு எவ்விதத்திலும் பெருசான சகாயங்கள் செய்திடாமல்! 'அப்படியே போடலாம்' என கம்யூனிட்டியில் நீங்கள் பரவலாய் அபிப்பிராயப்பட்டிருந்தாலும் தற்செயலாய் ஒரு Cinebook ஆல்பத்தைப் பார்க்க நேரிட்ட போது, அவர்களே லைட்டாகத் துணியெடுத்து, நாசூக்கான டெய்லரைக் கொண்டு தைத்து, இதுமாதிரியான அழகியருக்கு அலங்காரம் செய்திருப்பதைப் பார்க்க முடிந்தது! இங்கிலாந்தின் வாசகர்களுக்கே அந்த முழு பப்பி-ஷேம் சித்திரங்கள் சரி வராதென அவர்கள் தீர்மானித்திருக்க, நாமளோ 'மாற்றம்- முன்னேற்றம்- காற்றோட்டம்' என்று கொடி பிடித்தால், Bata பிய்ந்து போகும் அபாயம் இருப்பது லைட்டாக நெருடியது! So Cinebook காட்டிய வழியில் அந்த ஜும்பலக்கா சீன்களில், தலீவருக்கு போராட்டக் களங்களில் நல்கும் வேப்பிலை உடுப்பு பாணியில் - பிகினிக்களை அணிவித்து விட்டிருக்கிறோம்! சர்வ நிச்சயமாய் இதனை இப்டிக்காவும், அப்டிக்காவுமாய் அலசிடும் முனைப்பு அலையடிக்குமென்பது புரிகிறது! So"மறுக்கா முட்டுச்சந்துக்குப் போறேன்.. போறேன்' என வடிவேலு பாணியில் பிங்க் கலரில் நிஜார் போட்டுக் கொண்டபடியே பேராவலாய் அறிவித்து நிற்கிறேன்! 

பற்றாக்குறைக்கு பெலிசிட்டியின் குணத்திற்கேற்ப அவரது வசனங்களிலும் ஒரு முரட்டுத்தன்மை, ஒரு பண்படாத பாணி தொனிக்க வேண்டுமென மனதுக்குப்பட்டது!  So இதற்கென பேனா பிடித்திருந்த நம்ம கரூர் மருத்துவரின் சாந்தமான வரிகளைக் கணிசமாகவே மாற்றியும் எழுதியுள்ளேன்! ஆக, தன்னைக் கற்பழிக்க வரும் கயவாளிப் பன்னாடையை சங்கறுத்து விட்டு, அவனை "தேவடியாப் பயலே"! என்று அம்மணி அர்ச்சனை செய்யும் போது, திட்டத் தோன்றினால் 'சிவகாசியின் திசை தெற்கு' என்பதை நினைவுகூர்ந்திடக் கோருவேன்! ஒரு raw ஆன ராங்கியின் கேரக்டருக்கு நாசூக்கு அவசியமாகிடாது என்ற நம்பிக்கையில் வரிகளில் கணிசமான மாற்றங்களைச் செய்துள்ளேன்! So 'மு.ச' பயணத்தை "மூ.ச' பயணமுமாக்கிட நீவிர் எண்ணினால் - ஞான் தயார் புலவர்களே! அப்புறம் ஹாலிவுட் நடிகை மர்லி­ன் மன்ரோவின் "Diamonds are a girl's best friend" என்ற பிரபல பாட்டையும் நம்ம கவிஞரின் இஸ்டைலில் ரஜிக்கவும் மறவாதீர்! 

இதோ- ஒரிஜினல் அட்டைப்படத்துக்கு முழுசாயொரு makeover தந்துள்ள நமது கோகிலாவின் கைவண்ணத்திலான அட்டைப்படப் preview! and உட்பக்கச் சித்திரங்களும், கலரிங்கும் மெர்சலூட்டுகின்றதையும் பாருங்களேன்! மிரளச் செய்யும் சித்திரத் தரம் & அதற்கு செமத்தியாய் ஈடு தரும் டிஜிட்டல் கலரிங்குமே! So அற்புதமானதொரு visual experience வெயிட்டிங்ங்! பழனிவேல்.... இது yet again உங்கள் நினைவினில்!

மே மாதத்தின் இதழ் # 3 & இம்மாதத்தின் ஒரே black & white இதளுமான "நிழல் ஓநாய்கள்'' பணிகளுக்குள் இன்னமும் தலைநுழைக்கத் தீரவில்லை என்பதால், அது பற்றிய preview அடுத்த பதிவினில்!

And தற்சமயத்துத் திட்டமிடலி­ன்படி மே மாத ரெகுலர் இதழ்களை சற்றே சீக்கிரமாகவே அனுப்பிவிடுவது என உத்தேசித்துள்ளோம்! மூன்று இதழ்களுமே செம crisp வாசிப்புக் களங்கள் என்பதால் அவற்றை சடுதியில் வாசிக்க உங்களுக்குப் பெரும் பிரயத்தனங்கள் அவசியமாகிடாது என்பது எங்களது எதிர்பார்ப்பு! அவற்றை "சரசர'வென (படித்து) ரசித்து விட்டீர்களெனில் ஆன்லைன் மேளாவின் கத்தையினை மே முதல் வாரத்தில் ரசித்திடத் தடையிராதென்றே படுகிறது!

ஆன்லைன் மேளாவினில் 5 இதழ்கள் கொண்ட முதல் phase-ல்

*ஒற்றைக்கண் மர்மம்(மாயாவி)

*மெக்ஸிகோ மேஜிக் ஸ்பெஷல் (டெக்ஸ்)

*சிகப்பு நதி (ஸாகோர்)

*விச்சு & கிச்சு ஸ்பெஷல் 

கிட்டத்தட்ட முழுசுமாய் ரெடி! காத்திருக்கும் வாரத்தில் அவை அனைத்துமே அச்சாகி பைண்டிங் புறப்பட்டு விடுமென்பது எனது யூகம்! நாளைய பொழுதில் OP அடிக்காமல் "நாளை போய் நேற்று வா..!'' கிராபிக்  நாவலையும் எழுதி முடித்துவிட்டேனெனில்  மே மாதத்தில் ரொம்ப ரொம்பச் சீக்கிரமே மேளா களை கட்டிவிடும்! And trust me folks - இம்முறை அமைந்துள்ள அத்தனை இதழ்களுமே அனல் பறக்கவிடும் அதிரடி மாஸ்- தெறி ரகங்கள்! கையில் ஏந்தினால் எவற்றையுமே படித்து முடிக்காது கீழே வைக்க மனம் வராதென்று அடித்துச் சொல்வேன்! அதிலும் டெக்ஸ்- சும்மா ஜாலம் செய்திருக்கிறார்!

In fact அத்தனை இதழ்களுமே இந்த மே மாதம் சொல்லி ­வைத்தாற்போல இம்மி கூட தொய்வின்றி அமைந்து போயிருப்பதால் தான் அப்பாவின் காரியங்களின் மத்தியிலும் இவற்றைக் கரைசேர்க்கச் சாத்தியப்பட்டுள்ளது! நிஜத்தைச் சொல்வதானால், - மார்ச் 27-ல் இந்த ஆன்லைன் மேளாவையே ஜுனுக்கு ஒத்திப் போட்டுவிடலாமே! எனறு தான் பட்டது! மே மாத ரெகுலர் இதழ்களையுமே சற்றே தள்ளிப் போட்டுக் கொண்டாலும் தப்பில்லை; நீங்கள் புரிந்து கொள்வீர்களென்றே தோன்றியது! ஆனால், இன்ன பிற சிந்தனைகளைப் புறம்தள்ள நீங்களெல்லாமே நமது இதழ்களைப் பயன்படுத்தும் போது, நானோ அவற்றிலி­ருந்து தூரப் போக நினைப்பது குடாக்குத்தனமென்றுபட்டது! And yes பணிகளுக்குள் புகுந்த போது, எல்லாமே சிறுகச் சிறுக மட்டுப்படுவது போல் தோன்றிட - பூதமாட்டம் தொடர்ந்த ராப்பகல்களில் பணிகளைப் பூர்த்தி செய்யவும் முடிந்துள்ளது! Phewww.. அரசாங்கப் பணியிலி­ருந்தால் இந்நேரத்துக்கு ஒரு மாலையைப் போட்டுவிட்டு, காரம் - காப்பி வாங்கித் தந்து பிரியாவிடை என்ற பெயரில் "ஒழிஞ்சதுடா அராத்து!'' என்று ரிட்டயர்மண்டினுள் அனுப்பியிருப்பார்கள்! இங்கேயோ, இப்போதோ - இன்னமும் பல்டி பல்டியாய் அடித்துக் கொண்டிருக்கிறது இந்தப் பெருசு ! புனித மனிடோவே துணை!!

ஆன்லைன் புத்தக மேளா சார்ந்த சகல விபரங்களும் நமது கம்யூனிட்டியில் ஏற்கனவே பதிவு செய்திருந்தேன்! இதோ ஒரு மறு ஒலி­பரப்பு! 

Take my word for it folks- இதுவொரு செம racy combo! முன்பதிவுகளுக்கு முந்துங்கள்! ஏற்கனவே தெறி ஸ்பீடில் புக்கிங்ஸ் அரங்கேறி வருகின்றன - நீங்களும் அந்த அணியில் சீக்கிரமே இடம்பிடித்தால் மகிழ்வோம்! God Speed folks!!

மீண்டும் சந்திப்போம் all ; have a lovely weekend! Bye for now!

P.S. ஆன்லைன் மேளாவின் இதழ்களுக்கு நீங்கள் புக்கிங் செய்திருந்து, சேலத்தில் மே முதல் தேதியன்று நடைபெற உள்ள நினைவேந்தல் நிகழ்விலும் பங்கேற்க இருக்கும் பட்சத்தில் - உங்களது "ஒற்றைக்கண் மர்மம் " மாயாவி இதழினை அங்கு பெற்றுக்கொள்ள இயலும். "மாயாவி @சேலம் " என்றொரு வாட்சப் சேதியை நமது கம்யூனிட்டி நம்பருக்கு அனுப்பினால் மதி!

மே = மேளா 🔥🔥

நண்பர்களே,

வணக்கம்! 'மாதம் மூன்றே இதழ்கள்' என்ற template கொஞ்சமே கொஞ்சம் லேசாய் மூச்சு விட்டுக் கொள்ள அனுமதிக்கின்றது என்றே சொல்ல வேணும்! நான்கோ, கூடுதலோ புக்ஸ் உள்ள மாதங்களில் விக்கிரமாதித்தன் கதையே தான் அரங்கேறிடும் - ஒரு வேதாளத்தை மரத்தில் ஏற்றி அமர்த்தி விட்டு வருவதற்குள் அடுத்தது தோளில் தொற்றியிருக்கும்! But "மூன்று" என்பது கச்சிதமாக உள்ளது! மாதத்தின் முதல் வாரத்தில்- உங்களை எட்டிப் பிடித்திருக்கக்கூடிய புது புக்ஸ் சார்ந்த உங்கள் அபிப்பிராயங்களை ரசிப்பது; கம்யூனிட்டியில் மொக்கை போடுவது என பொழுதுகளை ஓட்டிவிட்டு, அடுத்தடுத்த மூன்று வாரங்களில்- வாரம்தோறும் 1 புக் என்று லாத்தலாகப் பணியாற்றினாலும் கரைசேர்ந்து விட முடிகிறது! ஏப்ரலில் அதை உணர முடிந்தது & இதோ- மே மாதத்தின் ரெகுலர் தட இதழ்களின் பெயரைச் சொல்­லி யும் அதே போலான ஒரு இலகுத்தன்மையை இப்போதும் அனுபவிக்க முடிகிறது! Of course இரண்டு லாத்தலான மாதங்கள் எனும் போது, அதைத் தொடரப் போவது ஏதாச்சுமொரு மெகாத் தருணமாகத் தானிருக்க வேண்டும்! அது தானே நம்ம நியதியும் கூட?! 

So வெல்கம் to The க்ரேட் ஆன்லைன் மேளா'25 ! கொரோனாவின் லாக்டௌன் சமயத்தில் - சமூக இடைவெளிகள்; சமோசாவுக்குக் கடைவீதிகள் என்ற தட்டுப்பாடுகள் புழக்கத்தி­லிருந்த வேளையில் இதற்கொரு பிள்ளையார்சுழி போட்டிருந்தோம்! அன்றைக்குத் துவங்கிய பழக்கமானது நமது ஆண்டு அட்டவணையில் ஒரு நிரந்தரமாகியுள்ளது! Moreso போன வருடம் Free Comic Book Day என்ற உலகளாவிய பழக்கத்தினை நாமும் தழுவிட- உற்சாகங்களுக்குப் பஞ்சமே இருந்ததில்லை! Oh yes- இலவசமாய்த் தந்திட்ட புக்ஸ்களை, நமது இதழ்களை வலை போட்டுத் தேடி வருவோரிடம் கர்ம சிரத்தையாய் கொண்டு சிலர் சேர்ப்பித்ததும், அவை தொடர்ந்த புத்தகவிழாக்களில் வைக்கோல் கன்றுகளாய் சுற்றுக்கு மீண்டு சென்றதும் ஒரு தனிக்கதை! So சில கர்மவீரர்களிடம் விலையின்றி ஒப்படைப்பதற்குப் பதிலாய் கணிசமான இதழ்களை, கணிசமோ -கணிசமான விலை குறைப்புடன் புத்தக விழாக்களுக்கு வருகை தரும் சிறார்களிடம் விற்றுப் போவது சாலச் சிறந்ததென்று தீர்மானித்துள்ளோம்! ஆகையால், அந்த Free கொட்டைப்பாக்கு Day இந்தாண்டு அம­லில் இராது! 

மாறாக, கையில் கணிசமாக ஸ்டாக் உள்ள இதழ்களுள், மாணாக்கருக்கு வழங்க இயலா புக்ஸ் எவையோ, அவற்றை மட்டும் இந்த ஆன்லைன் மேளாவினில் இரண்டு நாட்கள் சலுகை விலைகளில் விற்பனைக்குக் கொணர உள்ளோம்! 

And of course - ஆன்லைன் மேளாவிற்கென பிரத்தியேக இதழ்கள் இம்முறையும் உண்டு! Here we go!

ஆன்லைன் மேளாவின் திட்டமிடல்களுள் நடுவாக்கில் இருந்த தருணத்திலேயே என்ன மாதிரியான பட்ஜெட் சுகப்படும்? என்ற கேள்வியை நமது வாட்சப் கம்யூனிட்டியில் முன்வைத்திருந்தேன்! ரூ.1100 to 1200/- தான் சரியாக இருக்குமென்று பெரும்பான்மையினர் அபிப்பிராயப்பட்டிருக்க, அதையே ஒரு reference பாய்ண்டாக எடுத்துக் கொண்டோம்! கதைகளின் கலவைகளைப் பொறுத்தவரை ஓரிரு இதழ்கள் தம்மைத் தாமே தேர்வு செய்து கொண்டன! And அங்கே எனக்குக் கிஞ்சித்தும் யோசிக்க அவசியங்கள் இருக்கவில்லை! 

அவ்விதம் தேர்வான முதல் இதழே - நம்ம "தல' மிரட்டிடும்" "The மெக்ஸிகோ மேஜிக் ஸ்பெஷல்!' போன நவம்பரில் முதல் 252 பக்கங்கள் வெளியாகியிருந்த நிலையில்- அதன் தெறிக்கும் sequel-ஐ கிடைக்கும் முதல் சந்தர்ப்பத்தில் வெளியிடுவோமென்று ப்ராமிஸ் செய்திருந்தேன்! நடப்பாண்டின் முதல் தருணம் இதுவே என்பதால் டகாரென்று 'டிக்' ஆனது "தல' தான்!

இந்தக் கதைக்களம் உங்களுக்கு நன்கு பரிச்சயம் and அதன் க்ளைமேக்ஸ் பாகம் எவ்விதமிருக்கக் கூடும் என்பதுமே தெரியும் என்பதால் பெருசாய் பில்டப்கள் அவசியமாகிடாது என்றே நினைத்திருந்தேன்! ஆனால், ஓவியர் சிவிடெலியின் கைவண்ணத்திலான சித்திரங்களை, டாலடிக்கும் கலரில், மூச்சிரைக்கச் செய்யும் டெக்ஸ் & டீமின் சாகஸங்களுடன் எழுதவும், படிக்கவும் செய்த போது - "தல' ; தளபதி & தலைவர் படங்களின் முதல் ஷோவுக்குப் போனது போலான உற்சாகம் தொற்றிக் கொண்டது! Oh yes - சினம் கொண்ட TEX சிங்கம் என்னமாய் சீறிப் பாயும்? என்னமாய் எதிரிகளை துவம்ஸம் செய்திடும்?! என்பதெல்லாம் நான் சொல்லாமலே உலகுக்கே தெரியும் தான் - yet முதல் பாகத்தில் முடங்கி சிறையில் கிடந்த இரவுக்கழுகார்- ஒரு கைதேர்ந்த தளபதி போல் யுத்தத் தந்திரங்களை அட்டகாசமாய் செதுக்கியெடுத்து, எதிரிகளைக் கூண்டோடு கைலாசத்துக்கு அனுப்பும் அழகை இம்மியும் குறையின்றிப் படைத்துள்ளனர் இந்த ஆல்பத்தில்! And இங்கே கார்ஸனின் பங்கையும் சும்மா சொல்ல முடியாது தான்; கதாசிரியரே கதை நெடுக அவரைக் கலாய்ப்பதற்கும், அவர் கவுண்டர் பன்ச் அடிப்பதற்கும் வாய்ப்புகளை அள்ளித் தெளித்துள்ளார் ! சும்மாவே சாமியாடும் நமக்கு கா­லில் சலங்கையை வேறு கட்டிவிட்டால்- கட்டை "தேமே' என்று பொறுமை காக்குமா? இயன்ற மட்டிலும் மொக்கையாகத் தென்படாத வகையில் அந்தந்த frame-களில் கார்ஸனின் முகபாவனைகளுக்கு நியாயம் செய்யும் விதமாய் வரிகளை அமைக்க முயற்சித்துள்ளேன்! So நம்ம அழகு சுந்தர வெள்ளி முடியாரின் முகபாவங்ளை இந்த ஆல்பத்தினூடே பயணிக்கும் போது ரசிக்க மறவாதீர்கள் folks!

முதல் ஆல்பத்தின் அதே சைஸ் ; அதே template ; அதே தரம் & அதே விலை - So பட்ஜெட்டில் ரூ.350-ஐ "தல'' தரிசனத்துக்கென ஒதுக்கியாச்சு! 

And மேளாவின் இதழ் # 2 கூட தன்னைத் தானே தேர்வு செய்து கொண்டதொரு ஆல்பமே! இம்முறையோ அப்பாவின் நினைவேந்தல் நிகழ்ச்சிக்கென வெளிவந்திட்டால் நலமென்று மனதுக்குப் பட்ட இரும்புக்கை மாயாவி சாகஸமே! கிட்டத்தட்ட மாயாவி ஆல்பங்களின் பெரும்பான்மை மறுபதிப்பு கண்டுவிட்டிருக்கும் நிலையில், 1982+ல் வெளியான ஒரு சில கதைகள் மட்டும் தான் இரண்டாவது சுற்றில் வந்திராது உள்ளன! அவற்றுள் பிரதானமானது "ஒற்றைக்கண் மர்மம்!'' என்பதால் அதனை கலரில் திட்டமிட்டு, ஆன்லைன் மேளா இதழ்களின் ஜோதியில் ஐக்கியமாக்கி விட்டோம்! And அதுவுமே நமது வாட்சப் கம்யூனிட்டியில் ஏற்கனவே பகிர்ந்தும் விட்ட தகவலே! So மாயாவியின் பெயரில் ரூ.150-ஐ ஒதுக்கிவிட்டால் - ரூ.500-க்கு பட்ஜெட் போட்டாச்சு!

அப்புறம் மேளாவின் இதழ் # 3 - உங்கள் புண்ணியத்தில் உட்புகுந்ததொரு கிராபிக் நாவல்!  நமது கம்யூனிட்டியில் உடனுக்குடன் பதில் கிட்டிடும் வசதி இருப்பதால் - சமீபப் பொழுதுகளில் ஏதாச்சும் புதுசான கதை(கள்) கண்ணில்படும் வேளைகளில், அவற்றைக் களமிறக்கலாமா? வேணாவா? என்ற ரீதியிலான கேள்விகளை அங்கே முன்வைக்க ஆரம்பித்துள்ளேன்! அவ்விதம் கோரப்பட்ட : எதிர்காலம்- நிகழ்காலம்- கடந்தகாலம் combo-வில் உருவாக்கப்பட்டிருக்குமொரு கிராபிக் நாவலைப் போடலாமா? என்று வினவிய போது ஏகோபித்த "YESS" பதிலாகக் கிட்டியது! அது மாத்திரமன்றி- அதற்கான பெயரை சூட்டிடும் பொறுப்பினையும் உங்களிடமே தந்திருந்தேன்! அடிச்சுத் துவைத்த ஒரு ரணகளப் பொழுதின் இறுதியில், நண்பர் கார்த்திக் சோம­லிங்காவின் முன்மொழிவான "நாளை போய் - நேற்று வா!'' தலைப்பாகத் தேர்வு செய்யப்பட்டிருந்தது! ஆக, உங்கள் inputs சகிதம் கச்சை கட்டத் தயாராகியுள்ள இந்த கி.நா. தான் புக் # 3. ரெகுலர் சைஸ்; கலர்; ரூ.125/- விலை! 

ஆக; ரூ.350+ ரூ.150.+ ரூ.125- ரூ.625 ஆகிறது!

இதழ் நம்பர் 4 : நமது செம ஆதர்ஷ, அபிமான, அன்புக்குரிய, பிரியமான ஜோடியின் தொகுப்பு! அவர்கள் வேறு யாருமல்ல - கிட்டத்தட்ட 53 ஆண்டுகளாய், மாயாவிக்களோடும், C.I.D லாரன்ஸ்- டேவிட்களோடும், ஜானி நீரோக்களுடனும், பயணித்து வந்திருக்கும் விச்சு & கிச்சு ஜோடி தான்! அவர்களது பாக்கெட் சைஸ் கலர் தொகுப்பு, முழுக்க முழுக்க புத்தம்புதுக் (மினி) கதைகளோடு; முழுவண்ணத்தில் compact ஆக, 40 பக்க ஆல்பமாய் வந்திடவுள்ளது! இந்த ஆல்பம் வெற்றி பெற்றிடும் பட்சத்தில் - தொடரக்கூடிய புத்தக விழாக்களிலெல்லாம் இந்த ஸ்போர்ட்ஸ் ஜோடியைக் களமிறக்கி விடலாம்! ரைட்டு, இவர்களது கலர் ஆல்பத்துக்கென இப்போது ரூ.75/- ஒதுக்கிடலாமுங்களா?

ஆக, total ரூ.700 ஆகிறது!

இதழ் # 5-க்கான தேர்வைச் செய்திடப் போவது நீங்களே மக்களே!! இது இரு போனெலி­ நாயகர்களிடையே ஆனதொரு straight மோதல்!! சமீப காலங்களில் செம வேகமெடுத்துக் கொண்டிருக்கும் ஸாகோர் & டைலன் டாக் தான் மோதிக்கொள்ள உள்ள நாயகர்கள்! So Zagor vs Dylan Dog என்பதே இந்த WWF மோதல்.

சிகப்பு நதி: என்ற பரபரப்பான முழுநீள த்ரில்லரில் ஸாகோர் அதிரடி செய்திடுகிறார்! வழக்கமான சைஸ்; கலர் & நமக்குப் பரிச்சயமான டார்க்வுட் கானகக் களம்! இது ஒரு option!

The குட்... பேட் & அக்ளி :

இது காலத்துக்கேற்ற பெயராகத் தோன்றலாம் தான்; ஆனால், இது அடியேனின் பெயர் சூட்டலே அல்ல! சமீப வருடங்களில் டெக்ஸ் வரிசையில் கலர் சிறுகதைகள் வெளிவருவது போல டைலன் டாக் வரிசையிலுமே மினி சாகஸங்கள் 32 பக்க நீளங்களில், மிரட்டலான டிஜிட்டல் கலரிங்கில் வெளிவந்து கொண்டிருப்பதைப் பார்த்து வருகிறோம்! அத்தகையதொரு கலர் தொகுப்பிற்கு அங்கே அவர்களே சூட்டியுள்ள பெயர் தான் இது!

So 3 ரொம்பவே வித்தியாசமான மினி சாகஸங்கள் கொண்ட இந்த ஆல்பம் - நம்ம V காமிக்ஸ் எடிட்டரின் தமிழாக்கத்தில் ரெடியாகவுள்ளது! இது Option # 2.

My Question is: 

ஸாகோரா? டைலனா? 

உங்கள் தேர்வு யாரோ என்பதே!!

ரைட்டு.... முதல் 5 இதழ்களினை இந்த வாரத்துக்கு வெளிச்சம் போட முனைந்துள்ளோம்! 

ஸாகோரோ, டைலனோ, யாரேனும் ஒருவரை இப்போதைக்குத் தேர்வு செய்தீர்கள் எனில், miss out ஆகிடும் நாயகர் - கோவை or சேலம் புத்தக விழாத்தருணத்தில் களம் காணுவார். So நடப்பாண்டில் இரு இதழ்களுமே கரைசேர்வது உறுதி!

My next question will be : 

*ஆறாவது ஸ்லாட்டுக்கு ஒரே கனமான களம் ஓ.கே.வா? 

அல்லது 

*Light reading-க்கு ஒத்து வருவது போல் 2 crisp இதழ்கள் ஓ.கே.வா? என்பதே! 

இரு விதங்களிலும் கைவசம் சரக்கு இருப்பதால் - உங்கள் ஆர்டருக்கு ஏற்ப பரோட்டாவா? சோளா பூரியா? சப்பாத்தியா? எதைப் போடுவது எனத் தீர்மானிக்கலாம்! So சொல்லுங்களேன் ப்ளீஸ்?

மீண்டும் சந்திப்போம் folks... Have a great weekend! Bye for now!

மே 1......?

நண்பர்களே,

வணக்கம்! கா­லில் சக்கரம் கட்டிக் கொண்டு சீறிப் பாய்கின்றன நாட்கள்! இதோ ஒரு முழு வாரம் ஓடிவிட்டது, அப்பாவின் அஸ்தியை விசையாய் ஓடும் ஆற்றில் கரைத்து! And வழக்கம் போலவே பொழுதுகள் விடிகின்றன... நேரத்துக்குப் பசியெடுக்கிறது.. இருட்டும் வேளைகளில் உறக்கமும் லாத்துகிறது! ஒரு மனுஷன் முழுசாய் காற்றில் கரைந்து போன பின்னருமே பூமி எப்போதும் போலவே சுழல்கிறது! வாழ்க்கை எனும் காட்டாறு யாருக்காகவும், எங்கேயும் தயங்கிடாதென்பது தெரியும் தான் - ஆனால், அதனை கண்முன்னே பார்க்க நேரிடும் போது, அடிவயிற்றில் ஒரு இனம்புரியா சலனம் குடியேறுவதை உணர முடிகிறது!

But சுனாமியே சுழற்றியடித்தாலும் the show must go on என்பதால் பணிச்சூழலுக்குள் ஆழ்த்திக் கொண்டு, வழக்கத்தை விடவும் கூடுதல் ஜா­லியாய், மாமூலை விடவும் அதிக சுறுசுறுப்பாய் இருப்பது போல் ட்ராமா போட்டபடியே பொழுதுகளை நகர்த்தி வருகிறேன்! And எதிரே அசுரப் பரிமாணத்தில் ஆன்லைன் மேளாவின் ஸ்பெஷல் இதழ்கள் காத்திருப்பதால்- நம்மையும் அறியாமலே பணி மும்முரங்களில் இன்ன பிற சிந்தனைகளைப் பின்தள்ளப் பழகியும் விடுகிறது! என்ன டிசைனோ- இந்த வாழ்க்கை எனும் பெரும் பயணம்?! Phewww!!

And yes - அப்பாவின் ஈமக்கிரியைகளின் போது, கலந்து கொள்ள முடியவில்லையே? என்ற ஆதங்கம் நண்பர்களின் ஒரு சாராரிடம் இருப்பதை நானறிவேன்! ஆனால், நிறைய நடைமுறைச் சிக்கல்களைத் தவிர்க்கவும்; இதன் பொருட்டு புதுசாய் சில நெருடல்கள் நம் சிறு அணிக்குள் தலைதூக்கிட அனுமதிக்க வேணாமே என்ற எண்ணமும் சேர்ந்து கொள்ள- நண்பர்களின் அவாவுக்குத் தடை போட வேண்டிப் போனது! ஏற்கனவே அப்பாவின் காரியங்கள் முடிவதற்கு முன்பாகவே அவசர அவசரமாய் அரங்கேறியிருக்கும் "me.. the first" சம்பவங்களையெல்லாம் பார்க்கும் போது- நிதானமாய், பெரும் சிரமங்களின்றி நாம் எங்கேனும் சந்தித்து, சீனியர் எடிட்டருக்கான நினைவஞ்சலி­யை நடத்திடல் நலம் என்ற எனது சிந்தனை சரி தான் என்றேபடுகிறது! So அப்பாவின் முப்பதாவது நாள் காரியங்களையும் முடித்த பிற்பாடு - உழைப்பாளர் தினமான மே-1ல் சேலத்தில் சந்திக்க இயன்றால் சிறப்பு!

*ஏதேனும் ஒரு மித அளவிலான அரங்கினை ஏற்பாடு செய்து காலை பத்து மணிக்கு அங்கே கூடிடத் திட்டமிடலாமா folks?

*சீனியர் எடிட்டருடனான உங்களது நினைவுகளைப் பகிர்ந்திடலாம்..

*சீனியர் எடிட்டரின் பங்களிப்புகளைப் பற்றி உரையாடிடலாம்..

*And எப்போதும் போல கடைசி அரை மணி நேரத்தினை நான் எடுத்துக் கொள்ளலாம்!

*மதியம் ஒரு மணிக்கு சிம்பிளாக லஞ்ச் & 2 மணிக்கு விடை பெற்றிடலாம்!

So காலையில் சீக்கிரம் கிளம்பினால், மாலை வீடு திரும்பிடும் வசதி நமது வாசக நண்பர்களின் கணிசமானோர்க்கு சாத்தியமாகிடலாம்! Of course சென்னையிலிருந்தோ; என்னைப் போல தென்மாவட்டங்களிலிருந்து வருவோருக்கோ பயணம் கொஞ்சம் கூடுதலாக இருக்கலாம் தான்; but சிவகாசி வரைக்கும் அலுப்புத் தட்டப் பயணிக்கும் நோவுகள் இராது! ஆக, எனது கேள்வி இது மட்டுமே folks?

ஈரோட்டுச் சந்திப்புக்கு 240 பேர் வருகை தந்திருந்தனர் & it was a much bigger place! ஆனால், சேலமும், சந்திப்பும் நமக்குப் புதுசு என்பதால் உங்களில் எத்தனை பேருக்கு அன்றைக்கு வருகை புரிந்திடத் தோதுப்படுதோ என்று யூகிக்கத் தெரியவில்லை! சின்னதாய் ஹாலைப் பிடித்து விட்டு, கூடுதலாய் attendance  இருக்க நேரிட்டால் பேந்தப் பேந்த முழித்தது போலாகிவிடும். & தேவைக்கதிமாய் பெரிய அரங்கை ஏற்பாடு செய்திடும் பட்சத்தில் வீண் விரயமே பலனாகிடும்!

So மே 1 ?

Sure ✔️

என்றோ

Sorry ✖️

என்றோ பதி­லிட்டாலே திட்டமிடலுக்கு உதவிடும் guys! இதோ - உங்களுக்கு நெருடல்களின்றிப் பதிவு செய்திட வோட்டிங் தளத்தின் ­லிங்க்: https://strawpoll.com/LVyK2wz88Z0

And please:  அன்றைக்கு ஆஜராக முடியாத நண்பர்கள் அது குறித்து சங்கடம் கொள்ளத் தேவையில்லை! இன்றைய பிஸியான நமது உலகினில் இவையெல்லாமே சகஜமே என்பதை சர்வநிச்சயமாய்ப் புரிந்திருப்போம்! So இயன்றால், வருகை தாருங்கள் ப்ளீஸ்; இயன்றிடாதோர் மானசீகமாய் அஞ்சலி செய்தாலே அது விண்ணுலகைச் சென்றடைந்து விடுமென்று நம்பிடுவோம்!

கொசுறாய் ஒரு தகவலுமே! 

எந்தவொரு சந்திப்பாக இருந்தாலும் ஏதேனும் ஒரு ஸ்பெஷல் இதழை அந்நேரத்துக்கென நாம் வெளியிடுவது தெரிந்த சமாச்சாரம் தானே? இம்முறையோ அது தேவையா? தேவையில்லையா? என்ற யோசனை உள்ளுக்குள்! இறுதியாய் ஒரு சமரச ஏற்பாட்டில் settle ஆகிப் போனேன்! காத்திருக்கும் ஆன்லைன் மேளாவின் புக் ­லிஸ்டிலி­ருந்து ஒற்றை இதழை மட்டும் மே-1 தேதிக்கான ரிலீஸ் என்று அறிவிக்க வேண்டியது! And அந்த இதழ் அப்பாவுக்கான tribute ஆக இருந்திடட்டும்! தமிழ் காமிக்ஸ் உலகுக்கே "இரும்புக்கை மாயாவி''எனும் அமரஜோதியை ஏற்றி வைத்தவருக்கான farewell இதழாகவும் மாயாவியே இருந்தால் சாலப் பொருத்தமென்று தோன்றியது!

So கலரில் "ஒற்றைக்கண் மர்மம்'' MAXI சைஸிலான இதழை ஆன்லைன் மேளா ஸ்பெஷல் இதழ்களின் லி­ஸ்டில் இணைத்த கையோடு, இதனை மட்டும் மே முதல் தேதியன்று ரிலீஸ் செய்திடலாமா folks? பாக்கி இதழ்கள் உரிய வேளைகளில்..! இதோ - அந்த இதழுக்கான அட்டைப்பட பிரிவியூ + உட்பக்கம் ! Irandume இன்னமும் Works in progress தான்!

WORK IN PROGRESS

And yes - இந்த அட்டைப்படமானது ரொம்ப முன்னே ஸ்பேனிஷ் மொழியில் மாயாவி கதைகள் வெளியான தருணத்தில் அவர்கள் போட்ட அட்டைப்படத்தின் தழுவலே! Fresh ஆக, புதுசாய் டிசைன் செய்துள்ளோம்! உட்பக்கங்களும், இயன்றமட்டிலும் ஜிங்குச்சா.. என்ற பாணியில் கலரிங் இராதவாறு பார்த்துக் கொண்டிருக்கிறோம்!

தமிழ்ப் புத்தாண்டு வேளையினில் ஆன்லைன் மேளாவின் ஸ்பெஷல் இதழ்களின் லி­ஸ்ட் வெளிவந்திடும்! "ஒற்றைக்கண் மர்மம்'' ஆல்பமும் அந்த லி­ஸ்டின் ஒரு அங்கமாகிடும்!

So மொத்தமாய் எல்லாவற்றிற்கும் புக்கிங் பண்ணினாலும் சரி, மாயாவிக்கு மட்டுமே துண்டு போட்டு வைத்தாலும்  சரி,we'd be fine with it!

மீண்டும் சந்திப்போம்    folks! Bye for now! Have a lovely weekend!

இதுவும் கடந்து போகும்!

 நண்பர்களே,

வணக்கம்! 'இந்த நொடியில் இதெல்லாம் தேவை தானா?' என்று தோன்றலாம்! ஆனால், நமது blog வேகமெடுக்கத் துவங்கிய நாள் முதலாய் ஒவ்வொரு பதிவுக்கும் மானசீகமாய் "me the first'' என்று போட்டு வந்தது அப்பா தான் என்பது எனக்குத் தெரியும்! எத்தனையோ சனியிரவுகளில் நான் எங்கே இருக்கிறேன் என்பது கூடத் தெரிந்திராத நிலைகளில் "பதிவு எப்போ?'' என்று மெஸேஜ் அனுப்பியதும் உண்டு! So yet another சனிக்கிழமை ஆகிவிட்டதெனும் போது, நான் எழுதும் நாலோ, நாற்பதோ வரிகளை எங்கிருந்தாலும் வாசிக்க அப்பா தவற மாட்டார்களென்ற நம்பிக்கையில் பேனாவைக் கையிலெடுத்திருக்கிறேன்! And இங்கே சங்கமிக்கும் உங்கள் ஒவ்வொருவரது சந்தோஷங்களுமே அவரது ஆயுளுக்கு ஒவ்வொரு தினத்தைக் கூடுதலாக்கி, இத்தனை காலம் வாழச் செய்துள்ளது என்பதில் ஐயமே கிடையாதென்பதால் அந்த நன்றிக்கடனுக்குமே இந்தப் பதிவு!!

எங்கே ஆரம்பிப்பதென்று சத்தியமாகத் தெரியவில்லை - ஏனெனில் ஒரு 83 வருட வாழ்க்கையினைப் பதிவு செய்வதென்பது சித்திரகுப்தருக்கு மட்டுமே சாத்தியமாகிடும்! But இந்த நொடியில் சிந்தனைகளுக்குத் திரை போட கண்ணீரை அனுமதிக்காது போனால் மேலோங்குவது "அன்பு'' எனும் ஒற்றை வார்த்தை மட்டுமே! ரொம்ப ரொம்ப அரிதானது- ஒரு மனிதன் தனது ஆயுட்காலத்தில் சந்தித்து interact செய்திடும் சகலரிடமுமே அன்பு பாராட்டுவதென்பது! அப்பா அந்த அரிதான ரகம்!

*வீட்டில் அத்தனை பேருக்கும் அவர் அன்பே உருவான அப்பா!

*பணியிடத்தில் எவரையும் கஷ்டப்படுத்தியதாகச் சரித்திரமே கிடையாது!

*உறவினர்களுக்கு குறிப்பறிந்து உதவிடும் பண்பு கொண்டவர்! படிக்கும் காலத்தில் சிரமத்திலி­ருந்த ஒரு நெருங்கிய சுற்றத்தின் மகனுக்குக் கம்ப்யூட்டர் வகுப்புகளுக்கான கட்டணங்களை அப்பா தான் செலுத்தி வந்திருக்கிறார் என்பது அந்தப் பையன் அயல்நாட்டு வேலைக்குப் புறப்படும் நாள் வரை எனக்கே தெரியாது!

*நண்பர்கள் அனைவருக்குமே ரொம்ப ரொம்ப வாஞ்சையான "சௌந்தர்".

*வாசகர்கள் சகலரையும் உயிராய் நேசித்தவர்!

*அட.. சட்டையைப் பிடித்து கடன் தொகைகளைத் திரும்பக் கேட்ட ஈட்டிக்காரர்களிடம் கூட ஒருபோதும் முகம் கோணியவருமல்ல!

ஆக, ஒரு ஆயுட்காலத்தை அன்பெனும் அரும் வரத்தோடு கடந்துள்ள அப்பாவுக்குக் கடந்த இரண்டு தினங்களாய் கொட்டிக் குவிந்து வரும் அன்பு அஞ்சலி­கள் நெகிழச் செய்கின்றன! நமது தற்போதைய சிறு வட்டத்தையும் தாண்டி, காமிக்ஸ் வாசிப்புகளுக்கு எப்போதோ விடை தந்துவிட்டிருந்தோரும் கூட அப்பாவை நேசமாய், மதிப்போடு நினைவுகூர்ந்திருந்தது நிச்சயமாய் அவரது ஆன்மாவை புளகாங்கிதம் கொள்ளச் செய்திருக்கும்! உள்ளன்போடு, மெய்யான பிரிவுத் துயரோடு சிந்தப்பட்டிருக்கும் ஒவ்வொரு சொட்டுக் கண்ணீருக்குமே மாய முத்துக்களாகி அப்பாவின் இனியான பயணப் பாதைகளுக்கு ஒளியூட்டும் திறனிருக்கும் என்பது உறுதி! So நேரில் வந்து அப்பாவை இறுதியாக ஒருமுறை பார்க்க முடியாது போனது குறித்த வருத்தங்களின்றி, உங்களது இன்றைய பிரார்த்தனைகளில் அப்பாவை ஒற்றை நிமிடத்துக்கு இருத்தினாலே - அது ஓராயிரம் நினைவஞ்சலி­களுக்குச் சமானம் என்பேன்! அது மாத்திரமன்றி அப்பாவை நீங்கள் பார்த்தது - புன்னகை பூத்த அந்த முகத்துடனாகவே இருந்துவிட்டுப் போகட்டுமே?!

அப்பாவுடனான எனது நினைவுகளுக்குப் பல பரிமாணங்கள் உண்டு! என்றேனும் ஒரு நாளில் அவரது நினைவுகளை அசை போட நாம் சந்திக்கச் சாத்தியமாகிடும் பொழுதுகளில் அதைப் பற்றி விசாலமாய் பேச விழைந்திடுவேன்! ஆனால், எங்களுக்கு மத்தியிலான பந்தத்தில் மேலோங்கி நின்றதாய் நான் கருதுவது- நான் வளர்ந்திட அவர் தந்த இடத்தினைத் தான்! ரொம்ப ரொம்பச் சீக்கிரமே பொறுப்புகள் என் கைகளுக்கு வர நேரிட்ட போதும் அது குறித்துத் துளியும் விசனங்களின்றி - குடும்பத்துக்கோ, தொழிலுக்கோ நான் எடுக்கும் தீர்மானங்கள் சரியாகவே இருக்குமென்ற நம்பிக்கை கொண்டிருந்தார்! "தலை இருக்கு- வால் ஆடலாமா?'' என்று எனக்கு ப்ரேக் போட என்றென்றும் அப்பா எண்ணியதே கிடையாது! அந்த நம்பிக்கைக்கும், அன்புக்கும் நான் ஆயுட்காலக் கடனாளி! நிறைய சண்டைகள் போட்டிருக்கிறேன் - தொழில் நிமித்தம்! ஆனால், ஒவ்வொரு முறையுமே விட்டுத் தந்திருந்தது அப்பா தான்! அந்த ஈகோ இல்லாத அப்பா தான் என் பிள்ளையை வழிநடத்த எனக்கு உதவிய inspiration என்பது இன்று புரிகிறது!

நமது இரண்டாவது இன்னிங்ஸும், நண்பர்களின் உற்சாகங்களும் அப்பாவுக்குமே ஒரு இரண்டாவது இன்னிங்ஸை வாழ்க்கையில் தந்திருந்தது என்பது கண்கூடு! முத்து காமிக்ஸ் துவங்கிய காலகட்டத்தில் அப்பாவுக்கு அதிலிருந்த ஆர்வமும், ஈடுபாடும்- கூட்டுத் தொழி­ன் அல்லல்களுக்கு மத்தியில் மட்டுப்பட்டுப் போயிருந்தன தான்! And அந்நாட்களில் வாசக நேசங்களையோ, உத்வேகங்களையோ மறுபக்கம் கடத்த மார்க்கங்கள் ஏதும் கிடையாதென்ற போது, பெரியதொரு பாராட்டோ, அங்கீகாரமோ அவர்களை எட்டியிருக்க வாய்ப்புமில்லை! ஆனால், இந்தப் புதுயுகத்தில் எல்லாமே சாத்தியம் என்றான போது, அப்பாவின் கண்கள் பண்டிகை நாட்களின் பட்சணங்களைப் பார்க்கும் பாலகனைப் போல பூரிப்பில் அகல விரிந்ததை நிரம்பவே உணர முடிந்தது!

கடந்த 12 ஆண்டுகளின் நமது ஆறுநூற்றிச் சொச்சம் இதழ்களில் அப்பா படிக்காதவையென்றால் அவை இந்த மார்ச் & ஏப்ர­லின் புக்ஸ் மாத்திரமே! ரொம்பவே தளர்ந்திருந்த கண்பார்வையுடனுமே அத்தனை இதழ்களையும் எப்பாடுபட்டேனும் அந்தந்த மாதங்களே படித்து விடுவாரென்பதை நம்மாட்கள் அனைவருமே அறிவர்!

*என்னிக்கு டெஸ்பாட்ச்? என்று front ஆபீஸில் கேட்டு வைப்பார்!

*எத்தனை புக் இந்த மாசம்? இது மைதீனுக்கான கேள்வி!

*புத்தகவிழாக்களில் அன்றன்றைய விற்பனை எவ்வளவு? இது ஜோதியிடம்!

*"ஈரோடு புத்தகவிழா வருது கருணையானந்தம்! உங்களை எப்போ வந்து கூப்பிட்டுக்கலாம்?!'' இது கருணையானந்தம் அங்கிளிடம்!

பொதுவாகவே நான் கல்லுளிமங்கனாக இருப்பேன் என்பதால் டின்டினின் வருகை கூட அப்பாவுக்கு இந்த வலைப்பூ வழியாகவே தான் தெரியும்! And "திபெத்தில் டின்டின்'' முதல் பிரதியை வாங்கிய தினத்தினில் அப்பா ரா முழுக்கத் தூங்கவில்லை; இதழை விடிய விடிய ரசித்தான பின்னே எனக்கு அனுப்பிய வாட்சப் மெஸேஜ் எனது ஆயுட்கால நினைவுகளுள் ஒன்றாகவே தொடர்ந்திடும்!

இந்த பிப்ரவரியில் சுகவீனத்தில் விழும் முன்பு வரையிலும் ஒரு டயரியில் எழுதிக் கொண்டே இருப்பார்! ஹாஸ்பிட­லில் அவர் இருந்த நாட்களின் போது, அதில் அப்படி என்ன தான் எழுதியிருப்பாரென்று புரட்டிப் பார்த்தால் பல நூறு ஃபோன் நம்பர்கள்! தமிழகத்திலுள்ள புக் ஷாப்ஸ்; சூப்பர் மார்கெட்ஸ்; அங்காடிகள் என எங்கிருந்தோ அவ்வளவையும் சேகரித்து அத்தனை பேரிடமும் நமது காமிக்ஸ் பற்றிப் பேசிட முனைந்திருக்கிறார் என்பது அப்புறமாய்த் தான் புரிந்தது! பற்றாக்குறைக்கு அடிலெய்ட் தமிழ் சங்கம் .. அட்லாண்டா தமிழ் சங்கம்.... நைரோபி தமிழ் சங்கம் என்று ஏதேதோ கடல் கடந்த நம்பர்களும்!!

இறுதிக்கட்டங்களின் போது இந்தக் காமிக்ஸ் உலகே அவரது சிந்தைகளில் முக்கால்வாசியை ஆக்கிரமித்திருந்ததென்று சொன்னால் மிகையில்லை! ஒவ்வொரு ஆண்டின் ஈரோட்டு வாசக சந்திப்பும் அவருக்குள் ஓராயிரம் சந்தோஷ மின்னல்களைப் பிரவாகமெடுக்கச் செய்த அதிசயங்கள்! இன்று நம்மோடு இல்லாவிடினும் சர்வநிச்சயமாய் நம்மையும், நமது "பொம்ம புக்கு''களையும், நண்பர்களையும், இந்த வலைப்பக்கத்தையும் வாஞ்சையோடு அவதானித்திடத் தவறவே மாட்டாரென்பது மட்டும் உறுதி! So நெருடல்களின்றி வாசிப்புகளைத் தொடர முயற்சியுங்கள் நண்பர்களே! 

மகிழ்வித்து மகிழ்விக்கும் துறையிலிருக்கிறோம் எனும் போது, இந்தச் சிரமத் தருணத்திலும் உங்களது புன்னகைகளே இருளினூடே தென்படும் எங்களுக்கான ஒளிக்கீற்றுகளாகிடும்! So சங்கடங்களி­லிருந்து வெளிப்பட எனக்குக் கொஞ்சம் நேரம் எடுக்குமென்றாலும் வாசிப்புகளுக்கு நேரம் தர நீங்கள் முயற்சிப்பதில் தவறில்லை என்பேன்! நேற்றே புறப்பட்டு விட்ட ஏப்ரல் இதழ்கள் இன்று உங்கள் வீட்டுக் கதவுகளைத் தட்டியிருக்கும் என்பது உறுதி! இந்தத் தருணத்தில் அவற்றை வழக்கம் போல ரசிக்கும் பட்சத்தில், யார் - எப்படி எடுத்துக் கொள்வார்களோ? என்ற குழப்பங்கள் தேவையே இல்லை! Please follow your heart : அது வாசிக்கச் சொன்னால் அதைச் செய்யுங்கள் ; கொஞ்ச நாட்களுக்காவது மனதின் பாரங்கள் மட்டுப்பட அவகாசம் அவசியமென்று எண்ணிடும் பட்சத்தில் அதற்கு செவி சாயுங்கள்!

இந்த மாதம் முதற்கொண்டு செலவாகிடுவதில் ஒற்றைப் பிரதியும், பதிவுப் பக்கத்தின் மீது ஒற்றைப் பார்வை குறைவாகிப் போவதும் இயற்கையின் சித்தம் என்றாகிப் போய்விட்டதால் அந்த யதார்த்தத்தை ஏற்றுக் கொள்ள சிறுகச் சிறுக முயற்சிப்போம்! கலீல் ஜிப்ராஹ்ன் சொன்னதை இங்கே நினைவு கூர்ந்திடத் தோன்றுகிறது : நதியும், கடலும் ஒன்றன் பின் ஒன்றானவை என்பது போலவே ஜனனமும்... மரணமும்!

இதுவும் கடந்து போகும்- ஆனால், எதுவும் மறந்து போகாது அப்பா! துளி எதிர்பார்ப்புமின்றி, மெய்யான உள்ளன்புடன் இந்தச் சிறுவட்டம்  உங்கள் பாதையில் விரித்திருக்கும் சிகப்புக் கம்பளத்தில் நோவுகளின்றி நீங்கள் நடைபோட புனித மனிடோ நிச்சயம் அருள் புரிவார்!

Bye all... See you around and Enjoy the books please!! 

விடைபெற்று விட்டார் சீனியர் எடிட்டர்!

நண்பர்களே,

இன்று காலை அப்பா இறைவனடி சேர்ந்து விட்டார்கள். கடந்த 2 மாதங்களாய் பட்டு வந்த வேதனைகளில் இருந்து விடுதலை கிட்டியுள்ளது நமது சீனியர் எடிட்டருக்கு 😔😔😔😔😔!!

Rest in peace அப்பா 🙏🙏🙏.....

வாய்ப்பு அமையும் தருணத்தில் எங்கேனும் ஒரு prayer meet போல அப்பாவுக்கு ஏற்பாடு செய்து கொள்வோம் நண்பர்களே.......இந்த நொடியில் யாருக்கும் அலைச்சல் வேணாமே 🙏🙏

நமது ஆபீஸ் இன்று இயங்கிடாது.....

எங்கும் 'தல'...!!

நண்பர்களே,

வணக்கம்! ஏதேனும் பெருநகரங்களுக்குப் போய், அங்கே பொழுதைப் போக்க வேண்டுமெனில் இப்போதெல்லாம் ஒரு உத்திரவாதமான வழிமுறை உள்ளது! "பச்சக்' என செல்லை எடுத்து Zomato அல்லது Swiggy-ன் சாப்பாட்டுக் கடை மெனுக்களைப் பார்க்க ஆரம்பித்தால் நேரம் ஓடினதே தெரியாது & கடைவாயெல்லாம் ஜலமாகிக் கிடக்கவும் நேரிடும்! நாம இறுதியில் ஆர்டர் பண்ணப் போவது ரவா கிச்சடியோ; புளிசாதமோ தான் என்றாலும்- கண்கள் அகல- "ஹை.. சிக்கனிலே இத்தினி ஐட்டமா? பன்னீரிலே இம்புட்டு ரகங்களா? ஸ்வீட்களில் இவ்ளோ வெரைட்டியா?? பர்கரா? பீட்ஸாவா? கபாபா?'' என்று ஜொள்ளை "லபக்'' "லபக்''கென்று விழுங்கியபடியே பராக்குப் பார்ப்பது ஒரு சுவாரஸ்ய அனுபவம்! And கடந்த பத்து நாட்களாய் இங்கே கிட்டத்தட்ட அதே நிலையில் தான் நானிருக்கிறேன்!

ஆன்லைன் புத்தக விழா!! 

ரெகுலர் சந்தாத் தடங்களில் அல்லாத ஸ்பெஷல் இதழ்களைக் களமிறக்கும் ஒரு சூப்பரான வாய்ப்பு! 

So இந்த சந்தர்ப்பத்தில் நம் கைவசமுள்ளவற்றி­லிருந்து எதையெல்லாம் ரெடி பண்ணலாம் ? புதுசாய் எதையெல்லாம் வாங்கிடலாம்? என்ற ஆர்வத்தில் தாறுமாறாய் combo-க்களைத் திட்டமிட்டு வருகிறேன்! காலையில் "ஏ.. சூப்பரப்பு'' என்று தோன்றும் ஒரு கூட்டணியானது, ராப்பொழுதில் குப்பைக் கூடைக்குப் போயிருக்கும் & vice versa too! அதுவும் இந்தக் கடைசி ஒரு வாரத்தில் - லோகத்தில் உருவான பொம்ம புக்குகளில் முக்காலே மூணு வீசத்தையாச்சும் பரிசீலனை செய்திருப்பேன்! நேர்த்தியான வாசிப்புக்கும் உரமிட வேண்டும்; கமர்ஷியலாகவும் அவை வெற்றி காண வேணும் எனும் போது, மண்டைக்குள் "கொய்ங்ங்ங்' என்ற குடைச்சல்! "அற்புதம்.. அட்டகாசம்..'' என்று பாராட்டுக்களை வாங்கி விட்டு- விற்பனைகளில் பேந்தப் பேந்த முழித்தல் வேலைக்கு ஆகாதல்லவா? 

அங்கே தான் "தல' டெக்ஸின் மகிமை அற்புதமாய் மிளிர்கிறது! "ஒரே பாணி.. ஒரே template.. முடிலே' என்று பெயரளவிற்கு ஒரு துக்கனுண்டு அணியினர் கானம் பாடினாலும், ஒவ்வொரு மாதத்தையும் அவர்களுமே டெக்ஸோடு தான் துவக்கிடுகிறார்கள் என்பது கண்கூடு! மீதமிருக்கும் பெரும்பான்மைக்கோ - தமிழ் காமிக்ஸின் அடையாளமே டெக்ஸ் தான் என்ற நிலை! And முகவர்கள் மத்தியிலும் சரி,  புத்தக விழாக்களின் casual வாசகர்களிடையேயும் சரி- நிரந்தர டார்லிங் நம்மவர் தான்! So இந்த ஆன்லைன் மேளாவின் தேடல்களிலும் எனக்குக் கைகொடுக்கும் ஆபத்பாந்தவராய் முதலி­ல் கரம் தூக்கி நிற்பவர் நமது இரவுக்கழுகாரே!

போன வருஷத்து இறுதியில் "தி Magic Moments ஸ்பெஷல்'' என்று கலரில் நாம் தெறிக்க விட்ட சாகஸத்துக்கு ஒரு sequel இருப்பதை அப்போதே பார்த்திருந்தோம்! And கிடைக்கும் முதல் வாய்ப்பினில் அந்த க்ளைமேக்ஸ் பாகத்தைப் போட்டே தீருவோமென்று நான் வாக்கும் தந்திருந்தேன்! "அது எப்படி ஒரு தீவட்டித் தடியன் நம்ம "தல'யை ஜெயி­லில் அடைச்சுப் போட்டுட்டு, "தேமே'ன்னு இருக்கலாம்? பயபுள்ளையை நாலு காட்டு காட்ட வேணாமா?'' என்று பொங்கிடும் நம் நண்பர்களுக்காக "The மெக்ஸிகோ மேஜிக் ஸ்பெஷல்" ஆன்லைன் மேளாவின் முதல் இதழாகிடுகிறது! No surprises here I'm sure!!

And இந்த அத்தியாயத்தில் இன்னொரு highlight-ம் உண்டு! அது தான் ஓவியர் சிவிடெ­லியின் சித்திரங்கள்! ஏப்ர­லில் வரக் காத்துள்ள "சாபங்கள் சாவதில்லை'' ஆல்பத்துக்கு சிவிடெ­லியே படங்கள் போட்டுள்ளார் எனும் போது, தொடர்ந்திடவுள்ள மே மாதத்திலும் அவரது கைவண்ணம் தான்- this time in color! இன்னமும் கதைக்குள் எடிட்டிங் செய்ய நான் புகுந்திருக்கவில்லை; ஆனால், ரெடியாகக் காத்துள்ள பக்கங்களை மேலோட்டமாய் புரட்டும் போது அனல் பறப்பது தெரிகிறது! And இந்த சாகஸமும் 251 பக்கங்கள் நீளத்திலானது! Soபாகம் 1+2 ஒன்றிணைந்து இந்த மெக்ஸிகோ ரணகளத்தை 502 பக்கங்கள் கொண்டதொரு அசுர சாகஸமாக்குகிறது! இதோ- இந்த ஆல்பத்தின் உட்பக்க preview! 

ஆங்.. ஆன்லைன் மேளாவுக்கு இன்னமும் கணிசமாக அவகாசம் இருப்பதால் - வாரா வாரம் ஒரு ஸ்பெஷல் இதழை preview பண்ணுவோமே என்று நினைத்தேன் folks? எனக்குமே இன்க்கி-பின்க்கி-பான்க்கி போட்டுப் பார்த்து இதழ்களை உறுதி செய்திட இன்னுமே அவகாசம் கிட்டியது போலாகிடும்! Rest assured, இங்கு பேய்த்தனமாய்ப் பணிகள் ஓடி வருகின்றன என்றமட்டில் !

And talking about ஸ்பெஷல் இதழ்கள்- "சாம்பலி­ன் சங்கீதம்'' மெகா கிராபிக் நாவ­லின் முன்பதிவுகள் 160-ஐ தாண்டியாச்சு! தொடரும் பொழுதுகளில் இதே துரிதம் சீராகத் தொடர்ந்தால் - துளியும் தாமதங்களின்றி இந்தப் பெரும் கனவை நனவாக்கிடலாம்!

Back to the  ரெகுலர் தடங்கள் - ஏப்ர­லின் மூன்றாவது இதழான மர்ம மனிதன் மார்ட்டின் பக்கமாய் கவனங்களைத் திருப்புவோமா? இந்த நொடியில் நான் அதன் மொழிபெயர்ப்பில்  பக்கம் 30 வரை தான் வந்திருக்கிறேன் என்பதால் கதையின் போக்கு எவ்விதம் இருக்கவுள்ளதோ? இதன் க்ளைமேக்ஸை படைப்பாளிகள் எவ்விதம் திட்டமிட்டிருப்பரோ? என்பது பற்றியும் இம்மி கூட யூகிக்க முடியவில்லை! ஏற்கனவே சொன்னது தான் : மொழிபெயர்ப்பின் போது, நான் ஒருபோதும் கதையை முழுசாய்ப் படித்து முடிப்பதே கிடையாது! பக்கங்களை எழுதத் தேவைப்படும் போது, அப்படியே அவற்றோடு travel செய்வது தான் வாடிக்கை! But கொஞ்சமாய்  கதைக்குள் புகுந்த பிற்பாடு  "இது இப்படித் தான் போகப் போகுது.. இப்படித்தான் திரும்பப் போகுது!" என்றெல்லாம் யூகிக்க ஓரளவுக்காவது முடியும் ! ஆனால், இங்கே மார்ட்டின் கதைகளில் "சுபம்' போடும் panel-க்கு முந்தைய கட்டம் வரையுமே கதாசிரியரின் மனதை சுத்தமாய் வாசிக்கவே முடியாது தான் போலும்! So yet another மார்ட்டின் ட்ரேட்மார்க் ரகளை காத்துள்ளதென்ற நம்பிக்கை மாத்திரமே இந்த நொடியில் உள்ளுக்குள்! இதோ - ஒரிஜினல் அட்டைப்படம், நண்பர் ஜகத்தின் எழுத்துருக்களில்! And இம்முறை உட்பக்கச் சித்திரங்களுமே செம classy என்பதால் மார்ட்டின் நிஜமான ஹீரோ போல காட்சி தருகிறார்! 80 பக்க "சிக்' ஆல்பம் தான்- இம்முறையும் வாசிப்புக்கு அதிக நேரம் பிடிக்கக் கூடாது guys!

!!!!!!!!!!!!

Looking ahead இப்போதே சிறுகச் சிறுக 2026-ன் திட்டமிடல்களுக்குள்ளேயும் சிந்தனைகள் புகுந்து வருகின்றன! ஜுனியர் எடிட்டர் ஒரு ஃபார்முலாவை பரிந்துரைத்திருக்க, அதன் தோளில் உப்புமூட்டை ஏறியபடிக்கே மோட்டு வளைகளை இப்போதெல்லாம் டிசைன்-டிசைனாக முறைத்துப் பார்த்துக் கொண்டிருக்கிறேன்! எப்போதுமே ஜுன்வாக்கில் கதைகளை இறுதி செய்துவிடுவோம் என்பதால் Who's in..? Who's out...? யாருக்கு எவ்வளவு ஸ்லாட்கள் ? என்பதையெல்லாம் ஏப்ரல் / மே மாதங்களுக்குள் இறுதி செய்து விடுவோம்! So உங்களுக்கு சில மேலோட்டமான கேள்விகள் ப்ளீஸ்: 

1.அடுத்த ஆண்டுக்கு எத்தனை புக்ஸ் சரிப்படும்?

அஞ்சு.. ஆறு.. என்றெல்லாம் நாம் மாதா மாதம்  அள்ளிப் பருகிய காலங்கள் லெமூரியாவோடு காணாதே போய்விட்டன என்பதால், யதார்த்தங்களோடு ஒத்துப் போகுமொரு நம்பரை பரிந்துரை பண்ணுங்களேன் ப்ளீஸ்?

2.நடப்பு அட்டவணையி­லிருந்து யாருக்கேனும் கல்தா தந்தால் நலமென்று தோன்றுகிறதா? 

If yes - யார் அந்த விளிம்பு நிலைப் பார்ட்டி?

3.நடப்பு அட்டவணையி­லிருந்து யாருக்கேனும் ஸ்லாட்ஸ் கூடுதலாக்கினால் தேவலாமென்று படுகிறதா? 

If yes- யாருக்கு?

அல்லது - இப்போது போலவே  எல்லோருமே தொடரலாமா நலமாய்?

4.தற்போதைக்கு வெளியே நிற்போரி­லிருந்து யாரையேனும் "உள்ளாற வாங்க மாப்பு'' ன்னு கூப்பிடலாம் என்பீர்களா?

 If yes- யாரை?

5.ஒரு சிக்கன சித்தார்த்தனாக மாறி:

ரொம்பவே அத்தியாவசியமான ஆல்பங்களுக்குத் தவிர, No to கலர் இதழ்கள் !

No to ஹார்ட் கவர் இதழ்கள் !

என்று திட்டமிட்டால் பட்ஜெட் கொஞ்சம் குறையக் கூடும்! And இதழ்களின் எண்ணிக்கையுமே  சற்றே கூடக்கூடும்! இது பற்றி உங்களின் சிந்தனை ப்ளீஸ்? சாகஸ வீரர் ரோஜரின் "நேற்றைய நகரம்'' ஒரிஜினலாக கலராக இருந்த இதழ் தான் - பச்சே அதை black & white-ல் வெளியிட்டு மிதமான வெற்றியும் கண்டோம் தானே? So அப்படியொரு முயற்சி பற்றி உங்களின் சாரமான சிந்தனைஸ் ப்ளீஸ்; வெயில் காலமென்பதால் காரம் உடம்புக்கு ஆகாது! This is just a fleeting thought ; so ஆதாம், ஏவாள் காலத்திலிருந்தான விளக்கம்ஸ், பால பாடம்ஸ்  என வேணாமே ப்ளீஸ் ?

6.TINTIN ?

டின்டின் இதழ்கள் - உலகளாவிய சேகரிப்பாளர்களுக்கென பறந்து வருகின்றன !! ஏஜெண்ட்களும் are loving him ! நம் மத்தியில் தெறி மாஸ் !! அடுத்தாண்டு இவருக்கு slots எப்படி ஒதுக்கலாமோ ?

மேலோட்டமான இந்த வினாக்களுக்கு உங்களின் விடைகள் தெரியப் பெற்ற பிற்பாடு specific கேள்விகளோடு பின்னொரு தினத்தில்  திரும்பிடுகிறேன்! இந்த நொடிக்கு தி கிரேட் கிரிகாலன் மேஜிக் ஷோ.. ச்சீசீ... தி கிரேட் ஆன்லைன் மேளா காத்திருப்பதால் அந்தப் பணிகளுள் ஐக்கியமாகிடப் புறப்படுகிறேன்! Bye all .. see you around! Have a fun weekend!

P.S : ராமநாதபுரம் புத்தக விழாவினில் நமது ஸ்டால் நம்பர் 69 ! அந்தப் பக்கங்களது நண்பர்கள் - do drop in ப்ளீஸ் ?

And "சாம்பலின் சங்கீதம்" முன்பதிவுகளில் இணைந்தாச்சா ப்ளீஸ் ?