வருவார்....வெல்வார்....!

 நண்பர்களே,

வணக்கம். பல்வேறு சலூன்களில் பலதரப்பட்ட தறுதலைகளை நம்ம 'தல' குமட்டோடு 'கும்மு..கும்மு..' என்று கும்மியெடுப்பதைப் பார்த்திருப்போம் ! 'அப்டி போடுங்கண்ணே...இன்னும் ரெண்டு  சாத்துங்க' என்றபடிக்கே பக்கத்தைப் புரட்டிப் போயிருப்போம் ! ஆனால் பாவப்பட்ட அந்த மிஸ்டர் தறுதலைஸ், சேதாரமான பல்செட்களோடும், பின்னியெடுக்கும் பல்வலிகளோடும், அந்தக்காலத்து வைத்தியர்களிடம் போய் வைத்தியம் பாக்க என்ன பாடு பட்டிருப்பார்களோன்னு எப்போவாச்சும் யோசித்துப் பார்த்திருப்போமா ? அந்த ஞானோதய வேளை  கடந்த மூணு தினங்களாய் நேக்கு வாய்த்துள்ளது - கடைவாயில் தெறித்து வரும் பல்வலியின் உபயத்தில் !! போன வருஷமே 'ரூட் கெனால்' ட்ரீட்மெண்ட் என்று குடைந்து ரொப்பிய பல்லின் வேரில் மறுக்கா சீழ் பிடித்திருக்க, அதனை பொறுமையாய் தான் சீர் செய்திட இயலுமென்று டாக்டர் சொல்லி, மாத்திரைகளைத் தந்திருந்தார் ! மாத்திரையின் வீரியம் மட்டுப்படும் நொடியில், 'தல' கிட்டே சாத்து வாங்குற மெரியே feel ஆகத் துவங்கிட, தறுதலைஸ் பட்டிருக்கக்கூடிய கஷ்டங்களை எண்ணிப்பார்த்து கண்ணிலே ஜலம் வைப்பது போலாகிறது !! ஆனாலும் நீங்க பாவம்டா டேய் நீர்யானைகளா !!  வாழைப்பழத்தை விழுங்கவே மூணு தபா யோசிக்க வைக்கிற பல்வலியோட, என்னத்தை சாப்பிட்டு ஒடம்ப தேத்திக்கிட்டு,கடாமாடுகள் மாதிரி  மறுக்கா அடிவாங்க எப்புடித்தான் ஆஜராவீங்களோ ?!!

"இன்னா மேன் நேரா வன்மேற்கிலேர்ந்து இஷ்டார்ட் ஆகுது வண்டி ?" என்று கேட்கிறீர்களா - காரணம் கீதே !! ஒன்றல்ல..இரண்டல்ல..மூன்றல்ல....நான்கு காரணங்கள் கீதே !!  அந்த நான்குமே ஒற்றைப் புள்ளியில் இணைந்து "THE SUPREMO ஸ்பெஷல்" என்ற பெயருக்குள் ஐக்கியமாகின்றனவே !! And ஐயோ...சாமீ...தெய்வங்களே......இந்தப் பெயரினை நண்பர்களில் யாரேனும் முன்மொழிந்தீர்களா ? என்பது குறித்து இந்த நொடியில் எனக்கு திடீரென்ற சந்தேகம் தலைதூக்கிடுகிறது ! If yes - சிரமம் பார்க்காது ஞாபகப்படுத்திடுங்களேன் ப்ளீஸ் - ஹாட்லைனில் உரிய credit தந்திடத் தவறக் கூடாதல்லவா ?  

நிறைய டெக்ஸ் & டீம் கதைகளுக்குள் சடுகுடு ஆடியுள்ளோம் தான் ; 548 பக்க நீள ஒற்றைக் கதைக்குள்ளும் உலாற்றியாச்சு தான் ; ட்ரிபிள் ஆல்பம் + டபுள் ஆல்பம் + சிங்கிள் ஆல்பம் என்ற கூட்டணி இதழையும் பார்த்தாச்சு தான் - ஆனால் இரவுக்கழுகாரின் இந்த 75-வது ஆண்டின் சிறப்பிதழில் கிட்டி வரும் அனுபவங்கள் செம unique ! நான்கு தலைமுறைகளை சார்ந்த கதாசிரியர்கள் !! நான்கு காலகட்டங்களில் உருவான கதைகள் !! நாயகர் ஒருவரே என்றாலும் அவரது கதையோட்ட பாணிகளுக்குள் உள்ள நுட்பமான மாற்றங்கள் !! காலம் எத்தனை மாறியிருந்தாலும், அந்த வன்மேற்கின் கதைக்களங்கள் இம்மிகூட மாறியிருக்கா ஆச்சர்யங்கள் - என இங்கே எனக்குக் காணக் கிடைத்துள்ள அனுபவங்கள் அனைத்துமே செம fresh !! ஆனால் 712 பக்கங்கள் கொண்ட ராட்சஸ இதழ் எனும் போது, நடப்பாண்டின் அட்டவணையினை அறிவித்த நேரம் முதலாகவே, இதனில் பெண்டு கழறப் போவது சர்வ நிச்சயம் என்று கணிசமான அள்ளு விட்டுக்கொண்டிருந்தது ! முன்னெல்லாம் கருணையானந்தம் அங்கிளை டெக்ஸ் கதைகளை எழுதச் சொல்லி விட்டு டெக்ஸ் & கார்சனின் பகுதிகளை மட்டுமே நான் எழுதிக் கொண்டிருக்க,பெருசாய் கஷ்டம் தெரிந்திடாது ! But 224 பக்கக் கதையெல்லாம் இனி நமக்கு ஒத்து வராதென்று அங்கிள் ஜகா வாங்கிய பிற்பாடு, கடந்த 7 /8 ஆண்டுகளாகவே நம்மள் கி நாக்கார் தெருவை கூட்டாத குறை தான் ! And no different this month as well !! 

இதில் கூத்து என்னவென்றால் கடந்த 10 நாட்களாய் மொழிபெயர்ப்பு + எடிட்டிங் என ஒரே நேரத்தில் 4 கடைகள்  விரித்துப் பணியாற்றிடுவதால், உறக்கத்திலும், குதிரைப்படைகளின் அணிவகுப்புகளும், நள்ளிரவில் "யாஹூஹூ" என்ற கூக்குரல்களோடே பாயும் போக்கிரிகளும் ; பாலைவன மோதல்களுமே  கனவாய் வருகின்றன ! அர்ஜென்டினாவில் நடக்கும் இராணுவ மோதல்களில் இரவுக்கழுகாரும், சின்னப் பருந்தாரும் ஜோடி போட்டு செய்திடும் அதிரடிகளோடு கொஞ்ச நேரம்  ; அபாச்சே பூமியில் அரங்கேறும் ரகளைகளில் வெள்ளிமுடியாரும், டெக்ஸும் செய்திடும் சாகசங்களுடன் கொஞ்ச நேரம் ; மெக்சிகோ எல்லையோரக் கணவாயினுள் முழு டீமுடன் 'தல' நிகழ்த்திடும் அதிரடியோடு கொஞ்ச நேரம்  ; சியோக்ஸ் மண்ணில் ஆத்ம நண்பர்கள் இருவர் மட்டும் நடத்திடும் தேடலுடன் மீத நேரம்  - என முழுக்க முழுக்க வன்மேற்கில் தான் இப்போதெல்லாம் ஜாகை ! இதே ரீதியில் இன்னும் தொடர்ந்தால், ஆபீஸ் போவதற்கு குருத ஏதேனும் மேயுதா ? வழுக்கைக் கபாலத்தை மறைக்க stetson தொப்பி கீதா ? என்றும் தேடத் தோன்றும் போலும் ! 

குட்டிக்கரணங்கள் பல போட்டு கலரிலான 3 கதைகளின் பணிகளுக்கும் மங்களம் பாடியாச்சு & இதோ - "பூதம் காத்த புதையல்" black & white கதைக்குள் பேனா ஓடிக்கொண்டுள்ளது ! ஏற்கனவே அட்டைப்படமெல்லாம் ரெடியாகி, நகாசு வேலைகளுக்குப் போயிருக்க, செவ்வாய் முதல் அச்சும் துவங்கிடும் !! 712 பக்கங்கள் கொண்ட முரட்டு புக் + ஹார்ட் கவர் என்பதால், பைண்டிங்கில் போதிய அவகாசம் தந்திட வேண்டியிருக்கும் !! So இயன்றமட்டுக்கு நம் தரப்புப் பணிகளைத் துரிதப்படுத்தி விட்டால் "HAPPY 75-th தல & டீம் !!" - என உற்சாகமாக வாழ்த்துச் சொல்லி கேக்கை கொஞ்சம் விழுங்கிக்கொள்ளலாம் அல்லவா ? So full steam ahead என்று விரட்டி வருகிறோம் வண்டியை !

4 தலைமுறைகளைச் சார்ந்த படைப்பாளிகள் கதாசிரியர்களாக இருந்தாலும், இங்கே ஓவியப் பொறுப்பின் பெரும்பான்மை Galleppini என்ற ஜாம்பவானின் கையில் இருப்பதைக் காணவுள்ளீர்கள் ! 2 கதைகளுக்கு அவரது தூரிகை சித்திரங்கள் தீட்டியிருக்க, பாக்கி இரண்டில் வேறு ஓவியர்கள் களமிறங்கியுள்ளனர் ! 

ஒற்றை இதழாக இருப்பினும், 4 தலைமுறைகளில் வெளியான கதைகள் என்பதால் ஒவ்வொன்றிலும் காத்துள்ள அனுபவம் ரொம்பவே different : 

1. பிதாமகர் போனெல்லியின் கைவண்ணத்திலான சாகசமோ உருவாக்கப்பட்டிருப்பது 1967-ல் ! அதன் பின்பாய் 1970 ; 1990 ; 2002 ; 2007 ; 2016 ; 2023 ஆகிய ஆண்டுகளில் இந்த 81 பக்க சாகசம் மறுபதிப்பு கண்டுள்ளது !! 
2. அவரது புதல்வரான செர்ஜியோ போனெல்லியின் ஆக்கம் உருவானது : 1982-ல் ! பின்னாட்களில், 1985 ; 1997 ; 1998 ; 2003 ; 2009 ; 2010 ஆகிய ஆண்டுகளில் ரீப்ரின்ட் செய்துள்ளனர் ! 
3. கிளாடியோ நிசி அவர்களின் கைவண்ணத்திலான கதை படைக்கப்பட்டது 1990-ல் & 2006 ; 2009 ; 2011 ஆகிய ஆண்டுகளில் மறுபதிப்பு கண்டுள்ளது !
4. இன்றைய ஜாம்பவான் போசெலி அவர்களின் படைப்பான "வந்தார்....வென்றார்..." வெளியானது 2009-ல் ! And 2012 ; 2014 & 2016 ஆகிய ஆண்டுகளில் மறுபதிப்பு கண்டுள்ளது ! முதல் 3 கதைகளும் க்ளாஸிக் கமர்ஷியல் டெக்ஸ் பாணியில் இருக்குமென்றால், இதுவோ "கிங் ஸ்பெஷல்" இதழில் வெளியான ஆழமான, அழுத்தமான சாகசத்தின்  ஜாடையினில் இருந்திடும் ! In fact நிறைய டெக்ஸ் ஆர்வலர்களின் all time favorites பாட்டிலுக்குள் இந்த அதிரடிக்கு உயரிய இடமுண்டு ! Truth to tell, இந்த சாகசத்தினை ரொம்ப ரொம்ப முன்னமே வெளியிட எனக்கு செம ஆசை தான் ; ஆனால் அதன் மொழியாக்கம் நிச்சயம் சுலபமாய் இருக்கவே போவதில்லை என்பதை என்னுளிருக்கக்கூடிய சோம்பேறிமாடன் சுட்டிக்காட்டிக் கொண்டே இருக்க, தள்ளிப் போட்டுக் கொண்டே சென்றேன் ! But finally we are there - in ஆர்ஜென்டினா ! கடல் கடந்து கியூபாவுக்கு தல பயணப்பட்ட பொழுது நமக்கு கிட்டிய அனுபவமானது, கொஞ்சம் விட்டலாச்சார்யா பப்படம் ரேஞ்சில் இருந்ததை நாம் மறந்திருக்க மாட்டோம் தான் ; but இம்முறையோ இது செம ரியலிஸ்டிக் கதைக்களம் கொண்டதொரு saga ! க்ளைமாக்சில் தந்தையும், மகனும் முன்னெப்போதும் நாம் பார்த்திரா sequence-ல் நம்மைக் கட்டுண்டு போகச் செய்வது க்ளாஸிக் போசெலியின் மாயாஜாலம் என்பேன் ! என்னை செமத்தியாய் நாக்குத் தொங்கச் செய்த சாகசமும் இது தான் ; பணியின் இறுதியில் ஒரு இனம்புரியா நிறைவைத் தந்த சாகசமும் இது தான் !   

இதோ - some ப்ரீவியூஸ் :

மீத 2 ஆல்பங்களிலிருந்தான ப்ரீவியூஸ் அடுத்த பதிவிற்கென வைத்துக் கொள்வோமே ? எனது செப்டெம்பரின் இதுவரைக்குமான பொழுதுகளை பிஸியாக்கித் தந்த பணிகள் இவையே ! புக்காக்கி, ஒரே தொகுப்பாய் அத்தனை கதைகளையும் உங்களிடம் ஒப்படைக்கவும் , உங்களின் அலசல்களை உள்வாங்கிடவும் இப்போதே ஆர்வம் அலையடிக்கிங்ஸ் ! இன்னும் 2 வாரங்களில் அதனை நனவாக்கிட புனித மனிடோ அருள் புரிவாராக !! 

கிளம்பும் முன் காத்திருப்பதும் 'தல' தகவலே !! And ஆச்சர்யங்கள் ஒரு போதும் மட்டுப்படுவதில்லை போலும் !! ஒரு காலத்தில் எனக்குள்ளே ஒருவித இறுமாப்பு இருந்ததுண்டு - உங்கள் கி பல்ஸ் நேக்கு ஸ்பஷ்டமாய் அறியும் என்று ! ஆனால் இப்போதெல்லாம் அவ்வித கற்பனைகளில் திளைப்பதில்லை - simply becos இண்டிகேட்டரே போடாம வண்டிய ஓட்டுற கலையில் நீங்கள் எனக்கு அண்ணன்களாகி விட்டீர்கள் ! நானாச்சும் புளிய மரம், முருங்கை மரம் என்று ஏற்றிக்கிட்டிருப்பேன் ;  நீங்களோ தண்ணிக்குள் ; குகைக்குள் ; ஆகாசத்தில் என்ற ரேஞ்சில் சவாரி பண்ணுகிறீர்கள் !! பாருங்களேன் மெபிஸ்டோ ரிசல்ட்டை :

"மெபிஸ்டோவே இனி வாணாம் !!" என்று வாக்கு குத்திய 15 ஜீவன்களுள் ஞானும் ஒருவன் !! ஆத்தீ !!!

And மறுபதிப்பு சார்ந்த வோட்டிங்குமே சுவாரஸ்ய பதில்களைத் தந்துள்ளன !!  Again surprised - but pleasantly !! 

ரைட்டு...."பூதம் காத்த புதையல்" முடித்த கையோடு , தாத்தாஸ் கூட்டணியோடு கும்மியடிக்க கிளம்புகிறேன் ! 2023-ன் அட்டவணையிலேயே நான் பேனா பிடிக்க ரொம்பவே ஆர்வமாக இருந்த ஆல்பம் அது தான் & ஒரு வழியாய் அந்த பாட்டையாஸ் லோகத்தில் உலவிடும் ஏகாந்தத்தை அனுபவிக்க வெயிட்டிங் ! Of course - அது வெகு ஜன ரசனைப்பட்டியலில் இடம்பிடிக்கும் ஆலபமல்ல என்பதில் no secrets - ஆனால் இந்த ஒற்றை ஆண்டு மாத்திரம் சந்தாவில் எனக்காக பொறுத்துக் கொள்ளுங்கள் ப்ளீஸ் ! 2024 முதலாய் இந்த முதியோர் ஆர்மி முன்பதிவுத் தனித்தட  பயணிகளாகி விடுவார் ! 

Bye all.....see you around ! Have a lovely long weekend ! முன்கூட்டிய விநாயகர் சதுர்த்தி நல்வாழ்த்துக்களுமே !! கொழுக்கட்டைகளை உள்ளே தள்ளும் போது ஆவ்ரெல் டால்டனை நினைச்சுக்கோங்கோ !! 

தேர்தல்கள் ஒரு தொடர்கதையே !

 நண்பர்களே,

வணக்கம். செப்டம்பர் ஒரு decent ஆரம்பத்தினைக் கண்டிருப்பதில் ஆந்தையன் & கோ.செம ஹேப்பி அண்ணாச்சி ! என்ன தான் கண்ணில் விளக்கெண்ணெய் ஊற்றாத குறையாய் எந்த மாதத்துக்கு-எந்த இதழ்களென்ற திட்டமிடல்களைச் செய்தாலும் - சூழ்நிலைகளும், சந்தர்ப்பங்களும் உருவாக்கித் தரும் கூட்டணிகள் தம் பங்குக்கு ஊட்டிடும் சுவாரஸ்யமே தனி ரகம் தான் ! இதோ இந்த மாதம் அகஸ்மாத்தாய், நெவாடா & மிஸ்டர் நோ - என 2 புது வரவுகள் களம்காண்பது கூட அத்தகையதொரு நிகழ்வே ! And இதுவரைக்குமான அலசல்களில், அந்த 2 புதியவர்களுமே அழகாய் ஸ்கோர் செய்திருப்பது இந்த செப்டெம்பரின் உற்சாகங்களுள் பிரதானம் என்பேன் ! Thanks a ton folks !

வீடியோ பதிவோடு இதழ்களை அறிமுகம் செய்து கொஞ்ச காலம் ஆகி விட்டதென்பதால், நேரம் கிட்டும் போது நமது YouTube சேனலில் இம்மாதத்து இதழ்களைப் பற்றி மேற்கொண்டு பேசிட எண்ணியுள்ளேன் ! அதற்கு மத்தியில், இங்கே சமீப வாரங்களின் பாணியினில் ஓரிரு முக்கிய கேள்விகளை மாத்திரம் உங்கள் முன்வைத்து விட்டு நடையைக் கட்டிடவுள்ளேன்  ! புது இதழ்கள் உங்கள் கரங்களில் உள்ள பிரெஷ்ஷான பொழுதிது என்பதால், எனது மொக்கைகளைக் காட்டிலும் உங்களின் அலசல்களுக்கே முன்னுரிமை தந்திட வேண்டும் ! So இந்த வாரயிறுதியில் 'என் கேள்விக்கென்ன பதில் ?' என்பதே நிலவரம் guys !!

எனது முதல் கேள்வியானது நமது போன மாதத்து டெக்ஸ் இதழானது ஆங்காங்கே எழுப்பியுள்ள சில உரையாடல்களின் நீட்சியே ! என்ன தான் நமது வலைப்பக்கத்தைத் தாண்டி, வேறெந்த சமூக ஊடகப் பக்கங்களிலும் நான் தலை காட்டுவதில்லை என்றாலும், ஆங்காங்கே அரங்கேறிடக்கூடிய சில சுவாரஸ்ய topics மீதான விவாதங்கள், நண்பர்களின் உபயத்தில் என்னை எட்டிடத் தவறுவதில்லை ! அவ்விதம் வந்ததொரு சமீப பட்டிமன்றம் - டெக்ஸ் கதைகளில் மெபிஸ்டோ ஒரு பலமா ? பலவீனமா ? என்ற தலைப்பினில் ! இங்கே நான் மட்டும் சாலமன் பாப்பையாவாய் அமரும் வாய்ப்பு கிட்டியிருப்பின்,  மெபிஸ்டோவுக்குத் தடா போடும் ஆப்பையாவாக மாறியிருப்பேன் என்பதில் no secrets ! நமது இரண்டாம் வருகையினில் - டெக்ஸ் பங்கேற்கத் துவங்கிய "சிவப்பாய் ஒரு சொப்பனம்" இதழிலிருந்தே நம் மத்தியில் நம்மவருக்கொரு முறையான branding தந்திட ரொம்பவே கவனமாய் இருந்திருந்தோம் ! அதற்கு முன்பான காலகட்டத்தினில் டெக்ஸ் & கோ. மாயாஜால எதிரிகளை ; விட்டலாச்சார்யா பாணி வில்லன்களைச் சந்திக்கும் கதைகளையும் தயக்கங்களின்றிக் களமிறக்கியிருந்தோம் ! ஆனால் post 2012 - டெக்ஸ் கதைகளுக்கென ஒரு டெம்ப்ளட் செட் செய்திட ஓசையின்றி முனைந்திருந்தோம் ! 'தல'யின் வரிகளில் பன்ச் வீரியங்கள் சற்றே தூக்கலாகியதும், வெள்ளிமுடியாரின் அலப்பறைகள் ஒரு மிடறு ஜாஸ்தியானதும் மாத்திரமன்றி, டைகர் ஜாக் பேசுவதில் கூட ஒரு pattern ஏற்படுத்தியிருந்தோம் ! முன்னாட்களின் நமது மொழியாக்கங்களில் டைகர் ஜாக் டெக்சிடம் பேசும் போது "நீ...வா..போ..." என்றே இருந்திருக்கும் ! ஆனால் கடந்த 11 ஆண்டுகளாய் "இரவுக்கழுகார் " என்ற அடையாளத்துடனே டைகர் ஜாக் கண்ணியமாய் உரையாடிடுகிறார் ! (இது தேவை தானா ? செவ்விந்தியன்னா இளப்பமா ? டெக்ஸுக்கென்ன கொம்பா முளைச்சிருக்கு ?? வா..போ..என்று பேசினால் என்ன குறைஞ்சிடும் ?" என்ற வினாக்கள் நம்மில் ஒரு அணியினருக்குத் தோன்றாது போகாது தான் - அதை அடுத்த பட்டிமன்றத்துக்கான தலைப்பாக வைச்சுக்குவோமுங்களா ?) And கிட் கூட "அங்கிள் கார்சனை" உரிமையோடு கலாய்ப்பதையும் பார்த்திருக்கலாம் & "என் பிள்ளை கிட் " என்று சுக்கா ரோஸ்ட் காதலர் காட்டிடும் பாசப் பிரவாகங்களுமே highlight ஆகிடுவதற்கு கவனம் தந்திருந்தோம் ! In fact - கிடைக்கும் வாய்ப்புகளில் கார்சன் சுக்கா ரோஸ்ட்களை வெளுத்துக் கட்டுவதையும் கதையின் போக்கிற்கொரு much needed relief ஆகப் பார்த்திடவும் தொடங்கியிருந்தோம் ! 

இத்தனை கண்டிஷன்களைப் போட்டுக் கொண்ட கையோடு துவக்கம் முதலாய் நான் கொண்டிருந்த மேஜர் கொள்கையே - நோ to மெபிஸ்டோ என்பதே ! இது குறித்து  ரெகுலராய் கேள்விகள் எழுந்ததும், ஓட்டை ரெக்கார்டாய் அதே பதிலை நான் சொல்லி வந்ததையும் இந்தத் தளம் அறியும் ! நான் வேணாம் என்பதும், போட்டாலென்ன ? என்று நண்பர்கள் அவ்வப்போது வினவுவதும் தொடர்கதையாகவே இருந்து வந்தது ! But ரொம்ப ரொம்ப காலத்திற்குப் பின்னே மெபிஸ்டோ நம் மத்தியில் மீள்வருகை செய்திடும் சூழல் தானாய் அமைந்து போனது - "இளம் டெக்ஸ்" கதைத் தொடரானது அவரையும் தீண்டிச் சென்ற காரணத்தால் ! போன வருஷத்து தீபாவளி மலராய் வெளியான அந்த கலர் ஆல்பத்தில் மெபிஸ்டோவின் அறிமுகம் எவ்விதமிருந்தது என்பதை போச்செல்லி அவர்களின் கைவண்ணத்தில் பார்த்திருந்தோம் ! ஒரு சாதாரண மேடை மாயாஜாலக்காரனாய் மெபிஸ்டோ அறிமுகமான அந்த ஆல்பம் நம்மிடையே மாஸ் ஹிட் ! So இந்தத் தொங்குமீசை வில்லன் நமது ராடாருக்குள் மறுக்கா புகுந்தது இவ்விதமே ! And டெக்சின் ஆண்டு # 75-ன் கொண்டாட்டங்களின் ஒரு பகுதியாய், மெபிஸ்டோவுக்கு ஒரு fresh lease of life தந்திட போனெல்லி எடிட்டர்கள் தீர்மானித்திருக்க, சரமாரியாக டெக்ஸ் vs மெபிஸ்டோ மோதல்களுடனான கதைகள் களமிறங்கின ! அவற்றுள் "மீண்டு(ம்) மாயன்" சாகசமும் ஒன்று ! ரொம்ப ரொம்ப சமீபப் படைப்பு & more than anything else - டாப் கதாசிரியர் போசெல்லியின் கைவண்ணம் என்பதால், நடப்பாண்டில் அட்டவணைக்குள் இந்த ஆல்பத்தினை இணைத்திருந்தேன் ! 

And அந்தப் புள்ளியில் துவங்கியது தான் இது சார்ந்த விவாதங்கள் ! "ஆத்தீ....மிடிலே !!" என்று ஓரணியும்..."அட்றா சக்கை...அட்ரா சக்கை" என்று இன்னொரு அணியும் கருத்துப் பரிமாற்றங்களைச் செய்து கொண்டதை ஆங்காங்கே காண இயன்றது ! Given a choice - நான் டெக்சின் ரெகுலர் கதைகளோடே  பயணிக்க விழைவேன் ; ஆனால் எந்தவொரு விஷயத்திலும் நான் 'வேணாம்...வேணாம்..' என்று சொல்ல ஆரம்பிக்கும் போதே அந்தச் சமாச்சாரம் மீது நண்பர்களில் சிலருக்கொரு கூடுதல் ஈர்ப்பு ஏற்படுவதை பார்த்து வருகிறேன் !  And எனது தனிப்பட்ட விருப்பு-வெறுப்புகளைக் கொண்டு உங்களின் வாசிப்புகளை ரொம்பவே கட்டுப்படுத்திடலாகாதே என்ற சிறு நெருடல் என்னுள் ! So சொல்லுங்களேன் புலவர்களே : 

*டெக்ஸ் கதைகளில் அவ்வப்போதாவது இந்த மாந்த்ரீக பார்ட்டி தலைகாட்டிட வேண்டிய அவசியம் என்ன ?

OR

*டெக்ஸ் கதைகள் இருக்கும் தெருப் பக்கமாய்க் கூட இந்த தொங்குமீசையனை நடமாட விடப்படாது - என்பதற்கான காரணங்கள் என்ன ?

காரமின்றி, சாரத்தோடு விவாதிப்போமா ப்ளீஸ் ? And வோட்டு போடுவதாயின் - இதோ லிங்க் : https://strawpoll.com/40Zmq5WE2Za

And இந்த வாரயிறுதிக்கான எனது இரண்டாவது கேள்வியானது நாம் நிறையவே பேசியுள்ளதொரு topic தான் ! ஆனால் ரசனைசார் விஷயங்களில் ஐந்தாண்டுகளுக்கு முன்பானதொரு கருத்தானது இன்றைக்கும் அதே நிறத்தோடும், அதே சார்போடும் காட்சி தர வேண்டுமென்ற கட்டாயங்கள் கிடையாதெனும் போது - ஒரு மறுவிவாதத்தில் தப்பில்லை என்று தோன்றுகிறது ! Moreso நாம் பயணித்து வரும் இந்த நாட்களில் இந்தத் தலைப்புக்கு முக்கியத்துவம் முன்னெப்போதையும் விடக் கூடுதலாயுள்ளதால் - இந்த விவாதம் அத்தியாவசியமானதுமே என்பேன் ! மேட்டர் இது தான் :

• சுஸ்கி & விஸ்கி ஸ்பெஷல் -1
• உயிரைத் தேடி 
• கார்சனின் கடந்த காலம் 
• யார் அந்த மாயாவி ?
• நியூயார்க்கில் மாயாவி !
• சூ..மந்திரகாளி !
• வானவில்லுக்கு நிறமேது ?
• The BIG BOYS ஸ்பெஷல் 

மேற்படி லிஸ்ட்டில் உள்ள நாயக / நாயகியர் ஒருவருக்கொருவர் பெரியதொரு தொடர்பில்லாதோராக இருப்பினும், ஒற்றை விஷயத்தில் இவர்கள் அனைவரும் ஒற்றைப் புள்ளியில் இணைந்து நிற்கின்றனர் ! And அது தான் - "வெளியாகிய மிகச் சொற்பமான அவகாசத்திலேயே விற்றுத் தீர்ந்த இதழ்ககளின் நாயகப் பெருமக்கள்" என்ற  அடையாளம் ! And இவை சகலமுமே மறுபதிப்புகள் என்பது கொசுறுத் தகவலும் ! 

***ஒரு லியனார்டோ தாத்தாவின் கார்ட்டூன் இதழும் சரி, நீலப் பொடியர்களின் ரவுசுகளும் சரி, கிட்டத்தட்ட 8 ஆண்டுகளுக்குப் பின்னேயும் கையிருப்பில் இருக்க, அதே கார்ட்டூன் ஜானரின் பிரதிநிதிகளான சுஸ்கி & விஸ்கி 'பச்சக்'கென்று விற்றுக் காலியாவதன் மாயம் தான் என்ன ? 

***உயிரைக் கொடுத்து உருவாக்கிய "பிஸ்டலுக்குப் பிரியாவிடை"களும், அர்ஸ் மேக்னாக்களும், "ஒற்றை நொடி..ஒன்பது தோட்டாக்களும்" கையிருப்பில் கணிசமாய்க் கிடக்க, "உயிரைத் தேடி" ஜிலோவென்று விற்று, சொற்ப கையிருப்பே இருப்பதன் காரணமென்ன ?

***Fantasy ஜானரில் தோர்கல் மிளிர, நாம் மங்கு மங்கென்று குட்டிக்கரணங்கள் அடிக்கும் அதே பொழுதினில், ஸ்பைடராரும், மாயாவிகாருவும் BIG BOYS ஸ்பெஷலில் ஜாலியாக ஆஜராகி அதகள வெற்றி காணும் ஜாலம் தான் what ?

One to one ஒப்பீட்டில், விற்றுத் தீர்ந்த கதைகள் - இன்றைய நடப்பு ஆல்பங்களை விடவும் பன்மடங்கு ஒசந்தவை என்றெல்லாம் சத்தியமாய்ச் சொல்லிட வாய்ப்பில்லை ! கதைக்கள நவீனங்களில், சித்திர முன்னேற்றங்களில், கலரிங் ரம்யங்களில் புதுயுகக் கதைகள் any day outscore the oldies !! ஆனாலும் இந்த பால்யத்துப் பார்ட்டீஸ் மீதான நமது மோகங்கள் மட்டுப்படும் அறிகுறிகளைக் காணோமே என்பதில் தான் ஆச்சர்யமே !! 

Oh yes - ஒரு பதிப்பாளனாய் நான் புகாரே வாசிக்கப் போவதில்லை ; கிட்டங்கிகளை நிரப்பும் முகாந்திரங்கள் தராத சகலத்தையும் ஆரத் தழுவிடவே செய்வேன் தான் ! And சக்கரங்களைச் சுழலச் செய்யும் புண்ணியவான்களுமே இவர்கள் தான் !  So இவை இன்னமும் தேவையா - தேவை இல்லையா ? நோஸ்டால்ஜியாவுக்குள் எத்தனை காலம் தான் திளைத்திருக்க இயலும் ? என்ற கேள்விகளெல்லாம் என்னிடமில்லை !! ரசனைசார் சமாச்சாரங்களில் each to his own என்பதை எப்போதோ நான் புரிந்து கொண்டு விட்டேன் ! And பழசை ரசிப்போரின் ரசனைகளில் பழுதுள்ளது என்றோ, புதுசின் கொடி பிடிப்போர் புதுயுகங்களின் பிள்ளைகள் என்றோ ஒரு நொடி கூட நான் கருதிடப்போவதில்லை ! என் கேள்வி ரொம்ப ரொம்ப சிம்பிளானது : 

"நோஸ்டால்ஜியா" என்ற ஒற்றை விஷயத்தின் வீரியம் அந்தப் பழம் நாயகர்களின் கதைகளுக்குள் இன்றைக்கும் ஈர்ப்போடு புகுந்து வாசிக்க உதவிடுகிறதா ? நீங்கள் ஆவலாய் கோரிப் பெற்றிடும் இந்த மறுபதிப்புகளையெல்லாம் மெய்யாலுமே வாசிக்கவும், அந்நாட்களைப் போலவே ரசிக்கவும் முடிகிறதா ? இது மாத்திரமே எனது வினா !

புரிகிறது தான் - "கார்சனின் கடந்த காலம்" ஒரு கலெக்டர்'ஸ் எடிஷனாய் தகதகக்கும் போது - அதனை ஒரு காமிக்ஸ் ஆர்வலராய் கைப்பற்றும் வேட்கை மேலோங்குகிறது ! "இரத்தப் படலம்" போலான மறுபதிப்புகள் ரொம்பவே புராதனம் கொண்ட படைப்புகள் அல்ல எனும் போது - அதனூடே எப்போது மறு சவாரி செய்தாலும் அலுக்காது போகலாம் தான் ! 

ஆனால் in general - "இயவரசி ஸ்பெஷல்" ; "இரட்டை வேட்டையர் ஸ்பெஷல்" ; "பாட்டில் பூதம்" ; "ஜான் மாஸ்டர் ஸ்பெஷல்" ; "அலி பாபா ஸ்பெஷல்" என்று பிரவாகமெடுக்கும் விண்ணப்பங்களின் பின்னணியில் வாசிப்பின் அவாக்களும் உள்ளன தானா ? என்பதே என்னை நெருடும் கேள்வி ! காசைக் கொடுத்து வாங்குகிறீர்கள் ; சிலாகிக்கிறீர்கள் - அத்தோடு என் பாடு ஓய்ந்து விடவேண்டும் தான் ; வாங்கியதை நீங்கள் பேரீச்சம்பழத்துக்குப் போட்டால் கூட கேள்வி கேட்கும் உரிமை நேக்கு லேது தான் ! But அகவைகள் கூடிப் போனாலும், இந்தப் பழமை மீதான மோகம் அட்டகாசமாய் தொடர்வதன் மாயம் என்னுள் எழுப்பிடும் curiosity தான், உங்கள் மௌனங்களைக் கரைக்க முயற்சிக்க நினைக்கின்றது ! 

Again - "இது மட்டம் - அது ஒஸ்தி" என்ற பஞ்சாயத்துக்களின்றி, மனதில் படுவதைப் பகிர்ந்திடுவோமே ப்ளீஸ் ? And again - இதோ வோட்டுக்கான லிங்க் :https://strawpoll.com/PKgl3A2OEnp

எனது கேள்வி # 3 - மேலுள்ள வினாவின் நீட்சியே ! In fact அதை முன்வைத்தால் - "பிள்ளையையும் கிள்ளிப்புட்டு , தொட்டிலையும் ஆட்டுறியே ப்ளடி ராஸ்கோல் !" என்று உங்களுக்குத் திட்டத் தோன்றும் ! But நாமெல்லாம் என்னிக்கி துடைப்பங்களைப் பார்த்துப் பின்வாங்கியிருக்கோம் ? சுத்தமான வீரர்களுக்கு மு.ச.வும் ; மூ.ச.வும் ஒன்று தானே ? 

விஷயம் இது தான் guys :

ரொம்ப நாள் கோரிக்கைகளுள் ஒன்று - அந்நாட்களில் ஜூனியர் லயனிலும், மினி-லயனிலும் வெளியான "அலி பாபா" கதைகளின் மறுபதிப்பு என்பதை நாமறிவோம் ! அவற்றின்  டிஜிட்டல் கோப்புகள் எங்குமே பத்திரப்படுத்தப்படவில்லை என்பதால் மறுபதிப்பு செய்திட வழியின்றியே இத்தனை காலமாய் இருந்து வந்தது ! ஆனால் அந்தக் குறை சமீபப் பொழுதுகளில் நிவர்த்தி  செய்யப்பட்டிருக்க,இன்று அலி பாபா வண்ணத்தில் மிளிர வாய்ப்புகளுண்டு ! ஆனால்...ஆனால்...இதன் உரிமைகளுக்கென படைப்பாளிகள் எதிர்பார்த்திடும் தொகையானது\ நாம் வாடிக்கையாய் தந்து வரும் ராயல்டிக்களை விடவும் கணிசமாய்க் கூடுதலாக இருப்பதால் ரிவர்ஸ் அடித்து விட்டோம் ! 48 பக்கங்கள் கொண்டதொரு ஆல்பமானது வழக்கம் போல லக்கி லுக் சைசில் வெளியாவதாக இருந்தால் அதன் விலையினை ரூ.230 சுமாருக்கு நிர்ணயிக்க வேண்டி வரும் போலுள்ளது ! இந்த விலைக்கு பொதுவாய் கடைகளில் விற்பதெல்லாம் கடினமே என்பதால் - this will need to be a முன்பதிவு இதழ் only ! இத்தனை பணத்துக்கு அது ஒர்த் தானா ? என்பதே இங்கு எனது கேள்வி # 3. இங்கே டிஜிட்டலில் பிரிண்ட் போட்டு "சேவை" செய்து வரும் அடியார்களின் விலைக்கு முன்பாய் ரூ.230 என்பதெல்லாம் ஒரு பெரிய மேட்டராகவே தென்படாது போகலாம் தான் ; ஆனால் அந்த உட்டாலக்கடிகளையெல்லாம் ஒரு அளவீடாகக் கொள்ளாது, அந்த விலைக்கு இந்த இதழ் சுகப்படுமா ? என்று சொல்லுங்களேன் ப்ளீஸ் ?  நீங்கள் ஓ.கே. எனும் பட்சத்திலும் இது நனவாகிட அவகாசமெடுக்கும் தான் ; ஆனால் இது பயணிக்க வேண்டிய பாதையா ? இல்லையா ? என்பதைத் தீர்மானிக்க வேண்டியோர் நீங்களே என்பதால் பந்து இப்போது உங்களின் தரப்பில் ! So சொல்லுங்களேன் folks !!

ரைட்டு....இந்த வாரக் கேள்விகளைக் கேட்டாச்சு ! போன வாரத்து கேள்விகளின் விடைகளை பார்க்கலாமா ? 

BOUNCER : ரொம்பவே டைட்டானதொரு விடை தந்துள்ளீர்கள் folks ! Phewwww !!

ஒல்லிப்பிச்சான் ஸ்டெர்ன் விஷயத்திலோ ஸ்பஷ்டமாய்த் தீர்ப்பளித்து விட்டீர்கள் - thank you !! 

Bye folks....see you around ! Have a great weekend !! And செப்டெம்பரின் அலசல்களும் தொடரட்டுமே - ப்ளீஸ் ? 

செப்டெம்பரின் 4 !!

 நண்பர்களே,

வணக்கம். ஒரு வழியாய் நேற்றைக்கு கூரியர் டப்பிக்கள் இங்கிருந்து புறப்பட்டு விட்டன - சுக்காய்க் காய்ந்த ஹார்ட் கவர் புக்சின் பைண்டிங் சகிதம் ! So கிருஷ்ணா ஸ்வீட்ஸ் மைசூர்பாகு பெட்டியாட்டம் தென்படும் ரிப் கிர்பி இதழினை தைரியமாய்ப் புரட்டலாம் !  கூடவே தோர்கல் ; நெவாடா & மிஸ்டர் நோ இடம் பிடித்திருப்பதால் - ரொம்பவே varied ஜானர்களில் வாசிப்பு இம்முறை(யும்) வெயிட்டிங் ! 

இங்கி -பிங்கி போட்டு எதை முதலில் வாசிப்பதென்று தேர்வு செய்தாலும் சரி, உங்களின் ரசனைகளுக்கேற்ப தேர்வு செய்தாலும் சரி - எனது பார்வையில் இம்மாத show stealer - நமது கண்ணாடிக்கார ஜென்டில்மேன் டிடெக்டிவின் டைஜஸ்ட் தான் ! தெள்ளத் தெளிவான கதைகள் ; சிம்பிளான கதை மாந்தர்கள் and ரொம்பவே நேசமான புன்னகையுடனான ரிப் கிர்பி 8 கதைகளில் ஜாலம் செய்திருக்க, நேரம் கிடைக்கும் போதெல்லாம் வாசிக்க இது செம தேர்வாக இருக்கக்கூடும் ! And எட்டில் ஒரு குட்டிக்கதைக்கு நமது குடந்தை நண்பர் J பேனா பிடித்துள்ளார் ! அது எந்தக் கதையென்று spot செய்திட முடிகிறதாவென்று பாருங்களேன் !

இம்மாதத்தின் இன்னொரு black & white இதழான மிஸ்டர் நோ சாகசமும் செம நேர்கோடு & செம சுவாரஸ்யம் ! சிம்பிளான கதைக்கருவே என்றாலும் அந்த அமேசான் கானகப் பின்னணி சூப்பராக ரசிக்கச் செய்கிறது ! பர பர ஆக்ஷன் & நம்ம V காமிக்சின் வாடிக்கைப்பாடி செம crisp வாசிப்பும் இங்கு கியாரண்டி ! So வாரயிறுதி வரைக்கும் அதிக நேரம் தந்திட இயலா நண்பர்களுக்கு - இது செம apt choice ஆக இருக்கக் கூடும் !

And தோர்கல் !! கணிசமான மொத்துக்களை அட்டைப்படம் ஈட்டியிருப்பினும், உள்ளிருக்கும் 2 கதைகளும் காப்பாற்றி விடுமென்ற நம்பிக்கையுள்ளது ! க்ளாஸிக் கதைகள் என்பதால், இரண்டுக்குமே நமது கருணையானந்தம் அவர்களே பேனா பிடித்துள்ளார் ! தோர்கலின் பயணம் தொடர்ந்து செல்கிறது - கொஞ்சமாய் வளர்ந்த ஜோலனுடன் ! பின்னாட்களில் அந்தக் குட்டிப்பையனுக்குமே இத்தொடரில் முக்கிய பங்கிருக்கவுள்ளது என்பதை கதாசிரியர் லைட்டாக கோடிட்டுக் காட்டுவதாக எனக்குத் தோன்றியது !! பார்ப்போமே !

And இறுதியாய் புது வரவு நெவாடா ! வன்மேற்கினுள் மோட்டார் சைக்கிள் ஓட்டிப் போகும் நாயகர் ! மனதில் படுவதை பட்டென்று பேசும் மனுஷன் ! இவருக்குப் பேனா பிடிக்கும் போது  லைட்டாக 'டெட்வுட்  டிக்' எட்டிப் பார்த்தார் தான் ! புதியவரை எடை போடும் பொறுப்பை உங்களிடமே விட்டு விடுகிறேன் ! 

Online ஆன்லைன் லிஸ்டிங்கும் போட்டாச்சு folks & இன்று கடைகளுக்கும் புக்ஸ் புறப்படுகின்றன ! So சந்தாவின் அங்கமாய் அல்லாத நண்பர்கள், ஏதேனுமொரு மார்க்கத்தில் புக்ஸை பெற்றுக் கொள்ளலாம் ! இதோ லிங்க் : https://lion-muthucomics.com/monthly-packs/1124-september-pack-2023.html

Happy shopping & Reading all !! 

Before I sign out, சின்னதொரு பகிரல் : சுகவீனத்தில் விழுவதில் அப்பாவுக்கு போட்டியாய் தற்போது அம்மா மருத்துவமனையில் இருக்க, இந்த வாரத்தின் பொழுதுகளில் இங்கே பிளாக்கில் ரொம்பவெல்லாம் எட்டிப்பார்க்கவே தீரவில்லை ! So 386 பின்னூட்டங்கள் என்ற முந்தைய பதிவுக்குள் நுழைந்திருக்க முடிந்திருக்கவில்லை ! அங்கு நீங்கள் பதிவிட்ட பின்னூட்டங்களில் ஏதேனும் கவனத்துக்குரியவை என்று எண்ணிடும்  பட்சங்களில், இங்கே copy - paste ப்ளீஸ் ! 

Bye all...see you around ! Take care !

இன்னும் கொஞ்சம் பதில்ஸ் ப்ளீஸ் ?!

 நண்பர்களே,

வணக்கம். தங்கை பையனுக்கு திருமண நிச்சயம் ஒருபக்கம் ; செப்டெம்பர் இதழ்களின் இறுதிக்கட்டப் பணிகள் இன்னொரு பக்கம் - இங்கே எட்டிப் பார்க்கக் கூட இயலா சூழல் இவ்வாரம் முழுவதிலும் ! ஒரு வழியாய் பதிவுக்கென சனியிரவு ஆஜராகிடும் போது பார்த்தால் பின்னூட்ட எண்ணிக்கை "359" என்று நிற்கிறது ! "ஆகாகா...மூ.ச.படலம் வெயிட்டிங் போலும் ; இந்தப் பதிவை டைப்பிய பிற்பாடு போய்ப் பார்த்துக் கொள்ளலாமென்று" லேப்டாப்பை தட்ட ஆரம்பித்தால் Wi-fi சதி செய்கிறது !! எப்படியோ - தக்கி முக்கி ஒப்பேற்றியுள்ளேன் - அடஜஸ்டூ ப்ளீஸ் !  

First things first....புக்ஸ் சகலமும் பைண்டிங் முடிந்து சனி மாலையே தயாராகி விட்டன ; ஆனால் இங்கு கொட்டித் தீர்க்கும் மாலை மழைகளுக்குக்  கொஞ்சம் மருவாதி தர வேண்டிப் போயுள்ளது ! ரிப் கிர்பி ஸ்பெஷல் - ஹார்ட் கவர் பைண்டிங் புக் என்பதால், இந்த ஈர நேரத்தில் இன்னமும் காய்ந்த பாடில்லை ! So ஓரிரு நாட்கள் காய்ந்திட அவகாசம் தந்தான பிற்பாடே டெஸ்பாட்ச் இருந்திடும் folks ! ஏற்கனவே செய்த பிழையினை இன்னொருவாட்டி செய்து வாங்கிக்கட்டிக் கொள்ள முதுகு தயாரில்லை ; so அருள்கூர்ந்து நம்மாட்களை "இன்னும் அனுப்பலியா ???" என்ற கேள்வியோடு மூக்கில் குத்த வேணாமே - ப்ளீஸ் ? புக்ஸ் புறப்படும் வேளையினில் இங்கு நானே அறிவிப்பேன் ; thanks for your understanding guys !!

இதோ - செப்டெம்பரின் V காமிக்சின் பிரிவியூ - நெடுநாள் விளம்பரமாய் மாத்திரமே தொடர்ந்த மிஸ்டர் நோ சகிதம் ! 

மிஸ்டர் நோ !! 'ஜெரி டிரேக்' என்பது நிஜப் பெயர் ; ஆனால் கதை முழுக்கவே மனுஷனை மிஸ்டர் நோ என்றே விழிக்கின்றனர் ! 1975-ல் தற்போதைய போனெலி குழுமத் தலைவரின் தந்தையாரான செர்ஜியோ போனெலி அவர்களின் கைவண்ணத்தில் உருவான நாயகர் இவர் ; 31 ஆண்டுகளுக்குத் தொடர்ந்துள்ளார் - 379 இதழ்களுடன் ! And சமீபமாய் இன்னொரு 14 கதைகளும் வெளிவந்துள்ளன எனும் போது - கானகங்களில் உலவும் இந்த பிளேபாய் பைலட்டின் தொடரில் நானூறுக்குக் கொஞ்சம் குறைவான கதைகள் உள்ளன ! That is a huge number indeed ! 1950 என்ற காலகட்டம் ; அமேசான் கானகங்களும், தென்னமெரிக்க தேசங்களும் கதைகளின் பின்புலங்கள் ! காரணங்கள் மாறுபட்டாலும், வருகை தருவோரை அமேசானின் மேலே பறக்க இட்டுச் செல்லும் மனுஷன் ரகம் ரகமான இக்கட்டுகளில் சிக்குகிறார் and நேர்கோட்டுக் கதைகளாக இருப்பினும் ரசிக்கும் விதமாய் உள்ளன ! சமீப ஆண்டுகளில் இந்த நாயகர் அமெரிக்காவிலும் வெற்றி நாயகராய் தடம் பதித்து வருகிறார் - ஆங்கிலப் பதிப்புகளுடன் ! சிறுகச் சிறுக ஜெரி ட்ரேக் நம் மத்தியிலும் பாப்புலர் ஆகிடுவாரென்று நம்புவோமாக !  

And இதோ - ரிப் கிர்பி & நெவாடா இதழ்களின் உட்பக்க டிரெய்லர்களுமே :

REPRINT

முதல் பக்கம் - எந்தக் கதையின் மறுபதிப்பென்று யூகிக்க முடிகிறதா guys ?

And இதோ நெவாடா : 

லேட்டஸ்ட் டிஜிட்டல் கலரிங் பாணியினில் ஒவ்வொரு பக்கமும் அதிரச் செய்கிறது !!  

Moving on, 2024-க்கான அட்டவணையினில் "உள்ளே-வெளியே" ஆட்டம் ஜரூராய் அரங்கேறி வருகிறது ! சமீப காலமாய் அவ்வளவாய் சோபித்திருக்கா ரிப்போர்ட்டர் ஜானிக்கு, ஓராண்டு ஒய்வை வழங்கச் சொல்விடுவீர்களென்ற எதிர்பார்ப்பில் பாஸ்டர் நாயகருக்கு டிக் அடித்திருந்தேன் ; ஆனால் சோடாவை ஓரமாய்ப் போடா என்று நீங்கள் சொல்லியிருக்க, அட்டவணையில் பண்டமாற்று நடந்துள்ளது ! இதே பாணியில் இன்னும் ஓரிரு கேள்விகள் என்னிடம் உள்ளன guys - ரெகுலர் தடத்தில் இடம் தருவதா ? அல்லது ஆன்லைன் மேளா நாட்களின் on demand தடத்துக்கு மடைமாற்றம் செய்வதா ? என்று ! கேள்விகளை இங்கும் கேட்டுள்ளேன் ; ஆன்லைன் வோட்டிங் தளத்திலும் கேட்டுள்ளேன் ! வசதிப்படும் இடத்தினில் பதிலிடலாம் மக்கா ! 

1.ஒல்லி பிச்சான் கௌபாய் நமது லிஸ்டில் முதல் ஆளாய் இடம் பிடிப்பதை அறிவோம் ; but அந்த ஒல்லிப் பிச்சான் வெட்டியானுக்கு ஏற்ற இடம் எதுவென்பது தான் இந்த நொடியில் எனது குழப்பம் ! Given a choice - இவரை ரெகுலர் தடத்திலேயே புகுத்தி விடுவேன் தான் ; ஆனால் சந்தாவில் உள்ள நண்பர்கள் இது குறித்து என்ன எண்ணுகிறார்கள் ? கடைகளில் செலெக்ட் செய்து வாங்கும் நண்பர்கள் என்ன அபிப்பிராயப்படுகிறார்கள் ? என்றறிந்தால் தேவலாம் என்று பட்டது ! So சொல்லுங்களேன் - "ஸ்டெர்ன்" : ரெகுலர் தடத்துக்கானவரா ? அம்புட்டு ஒர்த் இல்லாதவரா ? 

https://strawpoll.com/QrgebqwqOZp

2.அடுத்த கேள்வி பவுன்சர் சார்ந்தது ! நடப்பாண்டினில் இவரது ஆல்பத்தினைப் புகுத்த ஸ்லாட் இல்லை எனும் போது  2024 தான் இவருக்கான பொழுதாகிறது ! Again அதே கேள்வி தான் !! விரசம் இல்லாமல் நகற்ற முடியும் எனில், இந்த மனுஷனை ரெகுலர் சந்தாவினில் இணைப்பது ஓ.கே.வா ? அல்லது - நோ poison tests ; முன்பதிவுத் தடமே மதி ! என்பீர்களா ? நானூறு ரூபாய்க்கான தெறி  சாகசம் எனும் போது, அதற்கான பொருத்தமான இடமெது ? என்பதை நீங்களே சொல்லி விட்டால் நலம் ! So your thoughts ப்ளீஸ் ? 

https://strawpoll.com/kjn18JDRxyQ

இரு வினாக்களுக்குமான உங்களின் பதில்கள் 2024 அட்டவணையினைப் பூர்த்தி செய்திட பெரிதும் உதவும் என்பதால் - ப்ளீஸ் do share your thoughts ! 

Before I sign out - சில ஜாலி updates :

A.ஒரு ஒன்-ஷாட் கவ்பாய் கி.நா.கண்ணில் பட்டுள்ளது - ரொம்பவே ஜாலியானதொரு சித்திர பாணியில் ! And கலரிங்கிலும் அட்டகாசமாய் ஜாலம் செய்கிறது ! புடிச்சி போடுவோமுங்களா ?  

B.ஒரு கணிசமான ஏற்றுமதி ஆர்டர் + ஒரு மீடியமான ஏற்றுமதி ஆர்டர் என 2 export ஆர்டர்கள் கிட்டியுள்ளன - வெகு சமீபமாய் ! முதலாம் ஆர்டரில் கிட்டத்தட்ட நமது கையிருப்பில் பெரும்பான்மை titles புறப்பட்டுள்ளன ! கடல்கடந்த புது வாசகர்களைத் தேடிச் செல்லும் நமது நாயகர்களுக்கு good luck சொல்வோமா ? 

C.எதிர்பார்த்தபடியே THE BIG BOYS ஸ்பெஷல் இதழின் கையிருப்பு தரைதட்டி விட்டது ! அடுத்த சில நாட்களில் "காலி" என்ற போர்டை மாட்டிப்புடலாம் ! க்ளாஸிக் வாசகாஸ் - அசத்துறீங்கோ !!! புது இதழ்களின் பக்கமாகவும் உங்களின் கடைக்கண் பார்வைகளை சித்தே ஓட விடலாமே - ப்ளீஸ் ?

D.'தல' டெக்சின் 75-வது பிறந்தநாளுக்கென போனெலியில் உருவாக்கியிருப்பது ஒரு 132 பக்க கலர் இதழ் தான் ; but அதன் கோப்புகளை வரவழைத்துப் பார்த்தால் தெறிக்க விடுகிறது ! அனல் பறக்கும் ஆக்ஷன் ; டெக்சின் மனைவி லலித் வருகை - என்று மின்னலாய் ஓட்டமெடுக்கிறது கதை ! சடுதியில் இங்கே தூக்கி வந்திடலாமென்று எண்ணுகிறேன் !!  

E.சில புது ஆல்பங்கள் சுடச் சுட உருவாகி வருகின்றன ! 

Bye all...see you around !! "தல" பிறந்தநாள் மலருக்கென இங்கே நாம் திட்டமிட்டிருக்கும் 700 பக்கங்களுக்குள் உருண்டு புரளக் கிளம்புகிறேன் ! See you around ! Have a great Sunday !

ஒரு "சிக்" பதிவு !

 நண்பர்களே,

வணக்கம். போன வாரம் பதிவைப் போட்ட கையோடு, சட்டி பெட்டிகளைக் கட்டிக் கொண்டு நம்ம 'தல' உலவிடும் மண்ணுக்குப் பயணமாகியவன், இன்றைக்கு காலையில் தான் வீடு திரும்பினேன் - காலை எது ? இரவு எது ? என்று கிஞ்சித்தும் தெரியாதவனாய் ! நம்மூருக்குக் கொஞ்சமும் சளைக்காது அங்கே போட்டுச் சாத்திய வெயிலில் சிரம் கொஞ்சமாய் இளகி விட்டதோ - என்ற சந்தேகம் எழாத குறை தான் ! So தத்து-பித்தென்று க்வாட்டரடிச்ச பக்கிரி பாணியில் பதிவில் எதையாச்சும் உளறி வைக்கப்படாதென்பதால், இதனை சிக்கென்ற பதிவாக மட்டுமே அமைத்திட எண்ணியுள்ளேன் ! 

September !  தோர்கலார் முடிந்து பைண்டிங் கிளம்பிப் போய்விட்டார் ! இன்னொரு வண்ண இதழான "நெவாடா" பாதிக் கிணறு தாண்டிய நிலையில் வெயிட்டிங் - அடுத்த ஓரிரு நாட்களில் மொழிபெயர்ப்பினை நான் பூர்த்தி செய்திடுவதற்கென ! கர்ம சிரத்தையாய் அதன் ஒரிஜினல்களையும் அமெரிக்காவுக்குத் தூக்கிப் போயிருந்தும் எட்டுப் பத்துப் பக்கங்களுக்கு மேலாக எழுத நேரம் கிட்டிய பாடில்லை ! ஆனால் இதுவரைக்கும் பயணித்துள்ள 29 பக்கங்களில் - நமக்கென காத்திருப்பவர் ஒரு தெறி பார்ட்டி என்பது மட்டும் சர்வ நிச்சயமாய்ப் புரிகிறது ! வன்மேற்கின் அடுத்தகட்ட காலகட்டத்தில் நிகழும் கதை எனும் போது - நமக்கு பரிச்சயமான பூமியை புதிதாய் பார்ப்பது போலுள்ளது ! And ஹீரோ நெவாடா முற்றிலும் வித்தியாசமானதொரு கதாப்பாத்திரம் ! செம refreshing !!  அடுத்த ஓரிரு நாட்களில் மொழிபெயர்ப்பினைப் பூர்த்தி செய்த கையோடு - DTP முடித்து அச்சும் முடித்து விடுவோம் ! இதோ - அதற்கென ரெடியாகவுள்ள அட்டைப்பட முதற்பார்வை : And yes - அந்த எழுத்துரு நண்பர் ஜெகத் உபயம் ! 

And ஒரு குட் நியூஸுமே : எழுத்துப் பிழைகளைக் களைய முனையும் நமது முயற்சிகளுக்கு உதவிட, நெடும் அனுபவம் கொண்டதொரு தமிழ் புரஃபஸர் நம்மோடு அடுத்த வாரம் முதலாய் கரம் கோர்க்கிறார் ! இவருக்கு ஏற்கனவே ஊடக proof-reading அனுபவமும் இருப்பதால், இனி அரிசியில் கலந்த கற்களாய் பிழைகள் இடறிடாதென்று நம்பலாம் ! Of course - ஏற்கனவே ரெடியான புக்ஸ் அவரது பார்வைக்குச் சென்றிராது தான் ; அவற்றை நண்பர்களில் இருவர் வெகு கவனமாய் கையாண்டுள்ளனர் ! So hopefully சிக்கல்கள் இருந்திடாதென்று நம்புவோம் ! நண்பர்களின் லேட்டஸ்ட் பிழை திருத்த உழைப்போடு வெளிவரக் காத்துள்ள இதழின் first look இதோ : 

இதுவும் நமது சென்னை ஓவியரின் கைவண்ணமே ; King Features நாயகர்கள் அனைவருமே நாளேடுகளில் தொடர்களாக அறிமுகம் காண்போர் எனும் போது அவர்களது ஆல்பங்களென்று பொதுவாய் எக்கச்சக்கமாய் இருப்பதில்லை ! இருக்கும் கொஞ்ச ஆல்பங்களுமே  Black & white படங்களை பிரதானமாய் கொண்ட டிசைன்கள் ! So references கிடைப்பது அத்தனை சுலபம் அல்ல தான் ! இதுவோ - ஒரு செம க்ளாஸிக் ரிப் கிர்பியின்  கவரிலிருந்து ரெடி செய்தது ! வழக்கம் போல நகாசு வேலைகள் இருக்கும் - அட்டைப்படத்தினை செம ரிச்சாக சித்தரிக்க ! 

And டிடெக்டிவ் சார்லி ஸ்பெஷலின் அதே சைசில் ரிப்பும் வரவுள்ளார் - உங்களின் சுலப வாசிப்புக்கு உதவிட ! So நல்ல குண்டு புக்காய் காத்திருப்பது - இதழின் முதுகின் விஸ்தீரணத்தைக் கவனித்தாலே புரியும் ! வழக்கம் போல நிறைய புதுக் கதைகள் & கொஞ்சமாய் மறுபதிப்புகள் இம்முறையும் ! மினி-லயனில் வெளியான cult classic -"காசில்லாக் கோடீஸ்வரன்" இந்த இதழில் இடம்பிடித்திருப்பது கொசுறுச் சேதி ! மொழிபெயர்ப்பினை சற்றே நவீனமாக்கினால் சிறப்பாக இருக்குமே என்று தோன்றியது தான் ; ஆனால் மறுக்கா புளியமரத்தில் தொங்க விட்டுச் சாத்துவது போலவே கெட்ட கெட்ட சொப்பனங்களாய் வந்ததால் - 'எதுக்கு வம்பு?" என்று ஒரிஜினல் தடத்திலேயே பயணித்துள்ளோம் ! க்ளாஸிக் காதலர்களுக்கு ஒரு விருந்து வெயிட்டிங் என்பேன் ! 

கண்ணை  சுழற்றும் தூக்கத்துக்கு அடிபணிய நடையைக் காட்டும் முன்பாக - இதோ உங்களின் வோட்டெடுப்பின் பலன்கள் ! 2024 ரெகுலர் தடத்தில் SODA / ரிப்போர்ட்டர் ஜானி / டிடெக்டிவ் ரூபின் ஆகிய மூவரின் மத்தியில் ஒரேயொருவரை ஓரம் கட்ட வேண்டுமெனில் யாரைத் தேர்வு செய்வீர்களோ ? என்று கேட்டிருந்தேன் ! இதோ உங்களின் பதில்கள் !!

துவக்கம் முதலே ரூபின் safe zone-ல் இருந்தது செம சர்ப்ரைஸ் ! So மெய்யாக சட்டையைக் கிழித்துச் சண்டை போட்டுக் கொண்டோர் - ரிப்போர்ட்டரும் ; NYPD ஆபீசருமே !! And சின்னதொரு வித்தியாசத்தில் உள்ளே இருப்பவர் ஜானி ; maybe புத்தக விழா ஸ்பெஷல் வரிசைகளுக்குள் இடம் பிடிக்கக்கூடியவர் SODA என்றாகிறது ! கிட்டத்தட்ட 164 பேர் வோட் போட்டுள்ளதால் - இதனை ஒரு decent வழிகாட்டலாய் கருதலாமென்று தோன்றுகிறது ! Thanks for your time guys !!

மீண்டும் சந்திப்போம் ; have a fun weekend all ! Bye....see you around !

மூணு மலைகளும் ஒரு மலையுழுங்கியும் !

 நண்பர்களே,

வணக்கம். இன்னொரு நெடும் பயணம் முன்நிற்க , பதிவை சித்தே சீக்கிரமாய்ப் போட்டு விட்டால் தலீவரைப் போல நேரத்தோடு கட்டையைக் கிடத்தும் மக்களுக்கு சுலபமாகிடுமே என்று எண்ணினேன் - and here I am !!  

ஜூலையில் கிட்டத்தட்ட இதே நேரம்.....! கோவைப் புத்தக விழாவுக்கு ரெடியாகிக் கொண்டிருந்தோம் ! And ஈரோட்டில் நமது சந்திப்புகளுக்கான பூர்வாங்க ஏற்பாடுகள் குறித்தும் சீரியஸாகப் பேச ஆரம்பித்திருந்தோம் ! தொடர்ந்த பரபரப்பான முப்பது நாட்கள், ஒரு மின்னல் வேக ஓட்டத்தில் கடந்து சென்றிருக்க, இதோ - இன்றைக்கு கொஞ்சமே கொஞ்சமாய் மலைப்போடு திரும்பிப் பார்க்கத் தோன்றுகிறது ! பொதுவாய் யாரேனும் மலையையே பெயர்த்து என் முன்னால் நட்டு வைத்தால் கூட - "ஓஹோ..?" என்றபடிக்கே மோவாயைத் தடவிக் கொண்டு நகரும் எருமைத்தோல் பார்ட்டி நான் ! என்னை மலைக்கச் செய்ய ரொம்பவே பெரிய மலைகள் அவசியமாகிடுவதுண்டு ! ஆனால் கடந்துள்ள இந்த 30 நாட்கள் வாய் பிளந்து அதிசயிக்கச் செய்ய, மூன்று மெகா முகாந்திரங்களைத் தந்துள்ளன என்றால் மிகையாகாது !! 

To start off - நாம் நிறையவே பேசிவிட்ட ஈரோடெனும் நிறைவான திருவிழாவின் நிகழ்வுகள் !! இப்போதெல்லாம் "ஈரோடு" என்பது ஒரு ஊர் என்ற நிலை தாண்டி ; ஒரு விற்பனை சேத்திரம் என்பதைத் தாண்டி ; ஒரு அழகான புத்தக விழா நகரம் என்பதையெல்லாம் தாண்டி - ஒரு உணர்வாய், ஒரு emotion ஆக உருமாறியிருப்பதை இந்தாண்டு பதிவு செய்துள்ளது  ! "காமிக்ஸ் கிரிக்கெட் லீக்" என்று நண்பர்கள் ஆரம்பித்த போது - லைட்டாய் உள்ளுக்குள் நான் 'என்னத்தே கன்னையாவாய்' மண்டையைச் சொரிந்தது மெய்யே ; ஆனால் end of the day அதகளப்படுத்திக் காட்டிவிட்டது மட்டுமல்லாது - இதுவொரு தொடர்கதையும் ஆகிடுவதற்கான  முதல் புள்ளியையும் போட்டு விட்டிருந்தனர் நண்பர்கள் ! லோகோ டிசைனிங் என்ன ; பயிற்சிகள் என்ன ; வீடியோ தயாரிப்புகள் என்ன ; டி-ஷர்ட்கள்  என்னவென்று துவக்கம் முதல் "சுபம்" போடும் தருணம் வரை தெறி  மாஸ் ! இது ஒரு பக்கமெனில், இன்னொரு பக்கமோ "மலைகளை இடம்பெயர்ப்பதெல்லாம் எங்களுக்கு ஜுஜுபி மேட்டரு" என்று நிரூபிக்கும் விதமாய், கடைசி ஒற்றை வாரத்துக்குள் ஒரு சர்க்கஸையே நடத்திடும் அளவிலான முயற்சிகளை உள்ளே போட்டு, அந்தச்  சனிக்கிழமையின்  சந்திப்பினை ஒரு உச்சமாக்கிச் சாதித்துக் காட்டிய நண்பர்கள் குழுவின் விஸ்வரூபம் ! And அன்றைய பொழுதினை தங்களது வருகைகளால், மலர்ந்த முகங்களால், உற்சாகத் துள்ளல்களால் சிறப்பித்த வாசகப் பட்டாளம் ! இந்த ஒட்டுமொத்த புள்ளிகள் மூன்றுமே ஒன்றிணையும் நொடியினில், ஈரோடு ஒரு அட்டகாச ரங்கோலியாய் காட்சி தந்த அழகு நொடிகள் என்னை மலைக்கச் செய்த முகாந்திரம் # 1 !

இரண்டாவது முகாந்திரமோ - an even bigger canvas - முழுக்க முழுக்கவே விற்பனை சார்ந்த களம் !! கொரோனா லாக்டௌன் கொடுமைகள் ஒரு முற்றுப்புள்ளி கண்ட பிற்பாடு ; மீண்டும் புத்தக விழாக்களை  நடத்திட அரசு அனுமதி தந்த பிற்பாடு, மக்களிடையே ஒரு  உணர்ச்சிப் பிரவாகம் கரைபுரண்டோடியது அப்பட்டமாய்  தெரிந்தது ! பூச்சாண்டி முகமூடிகளைப் போட்டுக் கொண்டே திரிய இனியும் அவசியங்களில்லை என்றான அத்தருணத்தில் தமிழக  முடுக்குகளிலெல்லாம் புத்தக விழாக்கள் அரங்கேறின ; and வெகு சொற்பம் நீங்கலாய், பாக்கி அனைத்திலுமே அனைவருக்குமே அசாத்திய, அழகான விற்பனைகள் ! ஆனால் துரதிர்ஷ்டவசமாக நடப்பாண்டில் நிலவரம் சற்றே மாறுதல் ! பூட்டப்பட்டிருந்த கதவுகள் திறந்த நொடியின் euphoria ; அந்த உற்சாக வெள்ளம் ஆயுளெல்லாம் தொடர்ந்திடாதே ?! அது வடிந்தான பின்னே - அன்றாடங்கள், விலைவாசிகள் என்ற மல்யுத்தங்களில் மக்கள் ஈடுபடும் அவசியங்களின்  மத்தியில்,  புத்தகக் கொள்முதல்கள் சற்றே  பின்சீட்டுக்குச் செல்லும் சங்கடம் நடைமுறையானது ! சின்னவர்கள் ; பெரியவர்கள் ; புதியவர்கள் ; பழையவர்கள் என்ற பேதங்களின்றி, பதிப்பகத் துறையினில் கணிசமானோர் ஏதோவொரு ரூபத்தில் இந்த ரிவர்ஸ் கியரை நடப்பாண்டினில் சந்தித்தே வருகின்றனர் ! ஆனால்...நமக்கான ஸ்கிரிப்ட் எழுதப்படுவது விண்ணிலுள்ள புனித மனிடோவின் பிரேத்யேகப் பேனாவினால் எனும் போது, விதிவிலக்குகள் இல்லாது போகுமா - என்ன ? விண்ணில் உள்ளவரின் வரங்களும், இங்குள்ள உங்களின் வரவுகளும் ஒன்றிணைந்து - நடப்பாண்டை நமக்கொரு ரெகார்ட் பிரேக்கிங் ஆண்டாக அமைத்துத் தந்துள்ளன ! உங்கள் அன்பின் பிரதிபலனாய் - 2023-ன் சகல புத்தக விழாக்களிலும் நாம் தொட்டிருப்பது புதுப் புது உயரங்களை & சென்னையும், கோவையும், ஈரோடுமே அந்தப் பட்டியலில் on top of the list !  'பொம்ம' புக்ஸ் தான் ; சின்னஞ்சிறு வட்டம் தான் ; 'இன்னுமா இதையெல்லாம் படிக்கிறே ?' என்ற வினவல்களையெல்லாம் வரவழைக்கும் genre தான் - ஆனால் இந்தச் சிறு வட்டத்தின் மெய்யான ஆற்றல் எத்தகையது என்பதை upclose தரிசித்திட இப்படியொரு சந்தர்ப்பம் அமையும் போது மலைப்பில் மிரளாது இருக்கத் தான் முடியுமா ? You are simply incredible folks  !! So இதுவே எனது முகாந்திரம் # 2 !!

முகாந்திரம் # 3 - சொல்லலாமா ? வாணாமா ? சொல்வதானால் நிகழக் காத்திருக்கும் கூத்துக்கள் பற்றித் தான் தெரியுமே - அப்புறமும் அந்தத் திருவாயை மூடிக்கணுமா ? - இல்ல பரவால்ல ...பாத்துக்கலாம்னு தொடரலாமா ? என்ற குயப்பத்தை உள்ளாற ஏற்படுத்தியது ! But நானாக  சொல்லாது விட்டாலும், விஷயம் சீக்கிரமே வெளியே தெரியாது போகாதெனும் போது, நானே சொல்லிடலாமென்று தீர்மானித்தேன் ! அது வந்து ...அதாகப்பட்டது .....இப்போ நான் என்ன சொல்ல வர்றேன்னா ....well,how do I tell you ?....அது வந்துங்கண்ணா ....வெளியான பன்னிரெண்டாம் நாளே "கார்சனின் கடந்த காலம்" MAXI மறுபதிப்பு விற்றுத் தீர்ந்து விட்டது ! காலி....போயிண்டே... முடிஞ்ச்சூ..... finish .. ஸ்டாக் காலி ! 

Oh yes - நாம் அச்சிட்டிருந்தது ஒரு மெகா எண்ணிக்கை அல்ல தான் ! இதழ் அறிவித்த தருணத்தில் ஒரு ஏகோபித்த ஆதரவெல்லாம் பதிவாகியிருக்கவில்லை எனும் போது, ஒரு மாமூலான 'டெக்ஸ்' பிரிண்ட்ரன் திட்டமிட தைரியம் இருந்திருக்கவில்லை ! In fact - "ரொம்ப ஆவேசப்பட்டுட்டியோ சூனா.பானா ?" என்று கொஞ்சமாய் வயிற்றில் புளியைக் கரைக்கவும் செய்திருந்தது தான் ! ஆனால் காத்திருந்த MAXI தயாரிப்பில் இந்த இதழ் நிச்சயமாய் பிரமிப்பூட்டும் என்று எனக்குப்பட்டது ! அச்சுத்துறையினில் எத்தனை அனுபவம் இருந்தாலுமே, புதிதாய் ஒரு சைசில் ; ஒரு format-ல் ஒரு புக்கைத் திட்டமிடும் போது, பூர்த்தி செய்து அதனைக் கையில் ஏந்திப் பார்க்கும் வரையிலும், அது சார்ந்த மானசீக உருவகங்கள் எல்லாமே கொஞ்சம் முன்ன பின்ன தான் இருந்திடுவது வாடிக்கை !  ஆனால் இங்கு மட்டும் எனக்குள்ளான பட்சி செம உரக்கக் குரல் கொடுப்பது கேட்டது - இது ஷோக்கா சொக்க வைக்கும் ஒரு சொப்பன சுந்தரியாகிட தவறாதென்று ! மிகச் சரியாக அத்தருணத்தில் ஆச்சர்யமொன்று அரங்கேறியது - எனது திட்டமிடலுக்கு  உரமூட்டும் விதமாய் ! Would you believe it - ஆர்ட் பேப்பரின் விலைகள் மெள்ள மெள்ள குறையத் துவங்கின !! மறு நொடியே முதல் ரக பேப்பருக்கு ஆர்டர் - போட்டோம் "கா.க.கா"வுக்கு மேலும் புஷ்டி சேர்க்க உதவட்டுமே என்று !! அதுவுமே ஒரு காரணம் - உங்கள் கரங்களில் ஜொலிக்கும் பொழுது, அந்த இதழ் செம கனமாக இருந்ததற்கு  ! Add to that - மாக்சி சைசில் உங்களது குடும்ப போட்டோக்கள் முதல் பக்கத்தை மேற்கொண்டும் மெருகூட்ட - பேக்கிங்குக்கு முன்னே அடுக்கிக் கிடந்த புக்ஸைப் பார்த்த போது  ஜில்லென்று இருந்தது !! நிஜத்தைச் சொல்வதானால் - "கா.க.கா." ரிலீஸ் கண்டதற்கு 5 நாட்கள் முன்னமே books ரெடியாகி விட்டிருந்தன ! ஆனால் இம்மாதத்து டெஸ்பாட்ச் 8 இதழ்கள் கொண்டதொரு மெகா முயற்சி என்பதாலும், ஈரோட்டில் உங்கள் முன்னே unveil செய்திடவும் வேணும் என்பதாலும் , புக்ஸை மூடாக்குப் போட்டு பத்திரப்படுத்தி வர நேரிட்டது ! வெளியே ஆபீஸ் ரூமில் வைத்திருந்தால், வரக்கூடிய வாசகர்களின் கண்களில் பட்டுவிடுமே என்ற பயத்தில், எனது ரூமுக்குள்  குவித்திருந்தோம் ! 'ரெடியாகிடுச்சு ; ஆனா கண்ணிலே காட்ட வழியில்லை' என்ற போது பொறுமை காப்பது ரொம்பவே படுத்தி எடுத்தது தான் ! Finally ஈரோடும் வந்து, புக்ஸை ரிலீசும் செய்து , எனது எதிர்பார்ப்பினை மெய்ப்பிக்கும் நிகழ்வுகளும் அரங்கேறிய  தருணத்தில், உள்ளுக்குள் ஒரு நூறு ரைஸ்குக்கர்களின் விசிலையும் விஞ்சும் நிம்மதிப் பெருமூச்சு வெளிப்பட்டது ! ஆனாலும் வெறும் பன்னிரெண்டே நாட்களில் கிட்டங்கியை கார்சனார் காலி செய்யுமொரு சூழல் புலருமென்று சத்தியமாய் எதிர்பார்த்திருக்கவில்லை ! நம்மாட்கள் நேற்று காலை தகவல் சொன்ன போது காது வரைக்கும் நீண்டது எனது புன்னகை !! THANKS A TON GUYS !!! 

ஒரு நூறு முறை சொன்னதே தான் ; மறுக்காவும் சொல்லாதிருக்க முடியவுமில்லை - இந்த வாசக வட்டமானது, இந்தியாவின் வேறு எந்தவொரு காமிக்ஸ் எடிட்டருக்கும், கனவில் மட்டுமே சாத்தியமாகிடக் கூடிய ஒன்றாக்கும் !! ! For sure - நம்மை விடவும்  எண்ணிக்கைகளில் மிகக் கூடுதலாய் ஹிந்தியில்...பெங்காலியில் விற்கிறார்கள் தான் ; ஆனால் நாம் முயற்சிக்கும் குரங்கு மார்க் பல்ட்டிக்கள் அவர்களுக்குத் துளி கூட பரிச்சயம் நஹி !! புது முயற்சிகளை ; ஆத்மார்த்தத் தேடல்களை இத்தனை வாஞ்சையோடு வரவேற்க இனியொரு அணி புதுசாய் நிலாவிலிருந்து, சந்திராயனில் புட்போர்ட் அடித்து வந்தால்  தானுண்டு ! Truly unique guys !!

And...and...நம்ம ஸ்பைடராரின் "THE BIG BOYS SPECIAL" கூட ரொம்ப காலம் ஸ்டாக்கில் இராது போலும் !! "கொரில்லா சாம்ராஜ்யம்" காலி ! மறுபதிப்பு மாயாவியின் முக்காலே மூணு வீசம் காலி ! லக்கி லூக் கணிச இதழ்கள் தரை தட்டும் நிலவரத்தில் !! "கதை சொல்லும்  காமிக்ஸ்"  - கிட்டத்தட்ட காலி ! டெக்சின் மேஜர் ஹிட் இதழ்களெல்லாமே இரண்டிலக்க எண்ணிக்கைக்கு நகர்ந்தாச்சு ; லாரன்ஸ்-டேவிட் புக்ஸ் almost gone ; க்ளாஸிக் இதழ்களின் கையிருப்புமே (வேதாளன் ; சார்லி) குறைஞ்சூ !! இத்தனைக்கும் இந்த 2 இதழ்களும் புத்தக விழாக்களுக்கு பயணித்திருக்கவில்லை !! Stunning show !!! 

மேற்படித் தகவல்கள் உங்களில் பெரும்பான்மைக்கு மட்டில்லா மகிழ்வினைத் தந்திடும் என்பதில் எனக்கு ஐயங்களே இல்லை ! நம் பொருட்டு மகிழ்ந்து, கூடி இழுக்கும் இந்தத் தேரின் வேகத்தினைக் கண்டு வியப்பது 99% எனில் - இன்னொரு ஒற்றைச் சதவிகிதத்துக்கோ - "ஆஹா...ஆஹா...ஸ்டாக் அவுட்டான சகலத்தையும் டிஜிட்டல் பிரிண்ட் போட்டு "சேவை" பண்ற வாய்ப்பு அமைஞ்சிட்டதே பெருமாளே...பெருமாளே..!!" என்று துள்ளிக் குதிக்கும் குஷி பிறக்குமென்பது உறுதி ! இங்கே சின்னதாய் ஒரேயொரு இடைச்செருகல் folks - காலியாகி விட்ட புக்ஸ் எவையேனும் உங்களுக்குத் தேவைப்பட்டால் பொறுமை ப்ளீஸ் - அவை சார்ந்த ஒரு குறிப்பிட்ட அளவிலான கோரிக்கைகள் வரப்பெறும் வேளையில், நிச்சயமாய் reprint செய்திடுவோம் ! And rest assured - விலைகள் நியாயமாகவே இருந்திடும் ! 

Moving on - காத்திருக்கும் செப்டெம்பரின் இதழ்கள் சார்ந்த முதல் பிரிவியூ - பல்லடத்தில் பூரிப்பை ஏற்படுத்தத் தவறாதென்பேன் ! இதோ - பிரபஞ்சத்தின் புதல்வனின் நடப்பாண்டின் ஸ்லாட் - "மரணத்தின் நிறம் நீலம்" ! இரு தனித்தனி சாகசங்கள் ; ஆனால் தொடரும் ஒரு முடிச்சுடன் என்ற template இந்த ஆல்பத்துக்குமே பொருந்தும் ! Fantasy என்ற ஜானர் உங்களுக்கு பிரியமானதெனில் - தோர்கலும் அவரது பயணங்களும் உங்களை கட்டுண்டு வைத்திருக்கும் என்பது உறுதி ! இதோ - நமது சென்னை ஓவியரின் கைவண்ணம் + நமது கோகிலாவின் மெருகூட்டலுடனான முன்னட்டை ! And அந்த எழுத்துரு - நண்பர் ஜெகத்தின் கைவண்ணம் ! 

வழக்கம் போல உட்பக்கங்களில் சித்திரங்கள் ; வர்ணங்கள் என்று வசீகரிக்கின்றன ! புது வாசகர்களையுமே இந்த ஜானர் வசீகரிக்குமெனில் சூப்பர் ! அவ்வித casual வாசகர்களையும் கவர்ந்திட வேண்டுமென்பதற்காகவே ஒன்றுக்கு, இரண்டாய் இருந்த ஒரிஜினல் அட்டைப்படங்களை பயன்படுத்திட முனையவில்லை ! அவை இரண்டுமே ரொம்பவே வீக்காக தென்பட, புதிதாய் போட்டோம் இந்த டிசைனை - of course இன்னொரு தோர்கல் அட்டைப்படத்தின் தழுவலாய் ! So டெம்போவெல்லாம் வைத்துக் கடத்தியிருக்கோம் ; ஜெய் தோர்கல் !!

And போன வாரத்து அந்தக் கேள்விக்கான வோட்டெடுப்பில் ஒரு வேட்பாளர் க்ளியராக safe zone -ல் இருக்க, பாக்கி இருவருக்கு மத்தியில் குடுமிப்பிடி சண்டை நடக்காத குறை தான் ! Neck to neck ரேஸ் ! இன்னமும் நீங்கள் வோட்டுப் போயிருக்கா பட்சத்தில் - இதோ இன்னமும் வாய்ப்புள்ளது guys !! இதோ லிங்க் : https://strawpoll.com/Qrgebka1bZp

போன வாரம் மட்டுமே கேள்வியா - இதோ இப்போவுமே ஒரு வினா உள்ளது உங்களுக்கென ! Moreso - அந்தக் கேள்வி தொடர்பான இதழ் அடுத்த மாதம் ஆஜராகவிருப்பதால் :

லூட்டியடிக்கும் தாத்தாக்களின் மூன்றாம் ஆல்பம் அடுத்த மாதம் வெளிவரக் காத்துள்ளது ! ஸ்டெடியாக முன்னேறி வரும் இந்தத் தொடரினில் இப்போது வரை 7 ஆல்பங்கள் பிரெஞ்சில் உள்ளன ! இவர்கள் தொடரலாமா - வேணாமா ? என்பதல்ல எனது கேள்வி ; for sure இவர்கள் நம் மத்தியில் ஆஜராகியே தீருவர் ! My question is - ரெகுலர் அட்டவணையில் நடப்பாண்டைப் போலவே இவர்கள் தொடர்வது ஓ.கே.வா ? அல்லது - இவர்களை ஆன்லைன் மேளா தருணத்து ஸ்பெஷல் இதழ்களாய்க் கொண்டு செல்வது உத்தமமா ? தாத்தாக்களின் ஜாகஜங்களை நீங்கள் ரசிக்கிறீர்களா-அல்லது எனக்கோசரம் பொறுத்துக் கொள்கிறீர்களா ? பதில்ஸ் ப்ளீஸ் ?

Bye all....have a beautiful weekend ! See you around !

பெருச்சாளியும், ஒரு புல்லெட்டும் !

 நண்பர்களே,

வணக்கம். வண்டி வண்டியாய் வந்து சேர்ந்திருக்கும் இதழ்களை வாசிக்கவும், அலசவும் இந்தக் குட்டிப்  பதிவினை நீங்கள் பயன்படுத்திக் கொண்டால், கொஞ்சமாய் மூச்சு விட்டுக்கொண்டு, ரிப் கிர்பி ஸ்பெஷலையும், செப்டெம்பரின் இதழ்களையும் காலத்தோடு ரெடி பண்ணும் வேலையைப் பார்த்திடுவேன் !! So இது உங்களுக்கான வேளையே guys !! பின்னணியினில் ஓசையின்றி 2024-ன் அட்டவணை சார்ந்த பதிவுகள் ஓடி வருவதால், இங்கே நான் சில last minute கேள்விகளை மாத்திரமே முன்வைப்பதாக இருக்கிறேன் !  அதற்கு முன்பாய் ஒரு பொதுவான observation !

"கார்சனின் கடந்த காலம்" பின்னிப் பெடல் எடுத்து வருகிறது ; BIG BOYS  ஸ்பெஷல் மூட்டை மூட்டையாய் விற்பனை கண்டு வருகிறது  ; "பேரிக்காய்ப் போராட்டத்துக்கு" பலத்த மவுசு உள்ளது ; "மந்திர மண்டலம்" நடப்பாண்டின்  blockbuster !! மாயாவி சார் எப்போதும் போல ரகளை செய்து வருகிறார் & லக்கி லூக் கூட மறுபதிப்புத் தடங்களில் சிக்ஸர் அடித்து வருகிறார் ! இன்னொரு பக்கமோ "வேதாளருக்கு ஜே ; ரிப் கிர்பி வாழ்க ; வருங்கால அமெரிக்க ஜனாதிபதி சார்லி !!" என்றெல்லாம் classic குரல்கள் ஒலித்து வருவதையும் கேட்டு வருகிறோம் ! So மேலோட்டமாய்ப் பார்த்தால், சத்தமேயின்றி "பெருசுகள் படையானது" நம் அணிவகுப்பை டெம்போ வைத்துக் கடத்தி விட்டது போலவே தோன்றலாம் ! வழுக்குப்பாறைகளிலிருந்தும், இன்ன பிற கி.நா.காதல் சேத்திரங்களிலிருந்தும் சிவந்த பார்வைகள் நம்மைத் துளைத்தெடுக்க முகாந்திரங்கள் மெய்யாலுமே உண்டு தானோ ? என்றும் படலாம் ! ஆனால், அட்டவணைப் பணிகளுக்குள் புகுந்திருக்கும் நொடியில் தான் தெரிகிறது - nothing can be further from the truth என்பது ! எப்படி என்கிறீர்களா ?

நம் மத்தியில் மறுபதிப்புகள் ரவுசு செய்து வரும் இந்த வேளையினில் - ரெகுலர் தடத்தில் புதியவர்களின் ஆதிக்கம் கிட்டத்தட்ட முழுமையடைந்திருப்பதை பாருங்களேன் : 

*டேங்கோ புதியவரே !

*ஆல்பாவும் புதியவரே !

*ஏஜென்ட் சிஸ்கோ newcomer தான் !

*ரூபின் புது வரவே !

*தாத்தாஸ் புதியவர்களே !

*IR$ ரெம்போ புதுசு !

*(காத்திருக்கும்) நெவாடா செம புதுசு !

*ஜம்பிங் பேரவை ஸாகோரும் புதியவரே !

*(காத்துள்ள) மிஸ்டர் நோ கூடப் புதியவரே !!

*டெட்வுட் டிக் புச்சு !

*SODA சமீப வரவே !

So மெது மெதுவாய் ஒரு சமகால வாசிப்பின் பக்கமாகவும், நாம் பயணித்து வருகிறோம் - ரெகுலர் தடங்களிலாவது என்பது pretty much obvious ! 

இன்றைக்கு நமது ரெகுலர் தட நாயகர்களில் டெக்ஸ் வில்லர் செம சீனியர் ; ditto with  லக்கி லுக் & சிக் பில் & தட்டை மூக்கார் !! லார்கோ  & தோர்கல் பத்தாண்டுப் பிரமுகர்கள் ; ப்ளூகோட் பட்டாளமும் அவ்விதமே ! And ரெம்போ ...ரெம்போ ரெம்போ மூத்தவர் இளவரசி மாடஸ்டி மட்டுமே ! 

Which means - ரெகுலர் அணிவகுப்பினில் அடுத்த சில ஆண்டுகளுக்காவது இடம் பிடித்திடப் போகும் நாயகர்கள் யாரும் 'திடு திடு'வென்று ஓட்டமாய் ஓடிப் போய் சாலையோரமாய் இருக்கக்கூடிய போன் பூத்தில் காசு போட்டு, காக்கா கலரிலான காலாவதியான இயந்திரத்தை டயல் பண்ணும் கொடுமைகளை இந்த   AI தலைமுறைப் பிள்ளைகள் பார்க்க அவசியமிராது ! காலச் சக்கரத்தின் சுழற்சிக்கு கிஞ்சித்தும் அசராத ஜாம்பவான்களான  டெக்ஸ் வில்லரையும், லக்கி லூக்கையும் தவிர்த்த பாக்கிப் பேர் அனைவருமே சுகருக்கு மாத்திரை தேடும் பார்ட்டிகளாகத் தென்படவே காணோம் ! இந்த மாற்றம் கொஞ்சம் சிந்தனைக்குப் பின்பானதும் தான் ; சில தொடர்கள் "மங்களம்" கண்டதன் பலனாய் நம் மீது திணிக்கப்பட்டதுமே தான் ! காரணம் எதுவாயினும் - இன்றைய நமது ரெகுலர் தடப் பயணமானது - "மாடுகள் மீது மோதாத 'வந்தே பாரத்' கோச்களில் ! 

அதே சமயம், ஒரு இணைத்தடத்தில் - க்ளாஸிக் நாயகர்கள் in full bloom too ! 

முத்து காமிக்சில் எனது கணக்குப்படி வெளியான மொத்த வேதாளர்  கதைகளே பதினாங்கோ ; பதினைந்தோ தான் ! ஆனால் 2022-ல் துவங்கிய SMASHING '70s முதலாய் அதற்குள் நாம் பார்த்துள்ள வேதாளர் கதைகள் அதை விடவும் ஜாஸ்தி ! இன்னொரு பக்கமோ 36 ஆண்டுகளுக்குப் பின்பாய் சுஸ்கி * விஸ்கி சக்கை போடு போடுகிறார்கள் ! ஸ்பைடரார் on demand ஆஜராகி வருகிறார் ; இரத்தப் படலம் பற்றிச் சொல்லவே வேண்டாம் - மறுபதிப்புக்கு மறுபதிப்புக்கு மறுபதிப்பு என்று வண்டி ஓடி வருகிறது ! 

So - "இந்த அணி ; அந்த அணி ; பயசு-புச்சு" - என்ற பஞ்சாயத்துக்களுக்கெல்லாம் புகுந்திடாமல் ஒரு கழுகுப் பார்வையில் இந்தக் கள நிலவரத்தை பார்க்கும் போது - இனம்புரியா ஒரு குஷி மேலோங்குகிறது ! இதுவரைக்குமான  இந்த 51 ஆண்டுகளில், இப்படியொரு phase-ன் மத்தியினில் நாம் பயணித்துள்ளோமா ? - தெரியலை ! பழசை நாம் ஆதரிப்பதில் புதுமை ஏதுமில்லை தான் ; ஆனால் புதுசாய் ஒட்டு மொத்தமாய் அரவணைக்கும் இந்த வேளை seems pretty new !! 

இது பற்றிய உங்களின் பார்வைகள் என்னவோ guys ? இது தான் இன்றைய கேள்வி # 1. Please note : "பழசு தேவலாமா - புதுசு தேவலாமா ?" என்பதல்ல எனது கேள்வி guys ; இரண்டுமே கலந்தடித்துச் செல்லும் இந்த நாட்கள் பற்றிய உங்களின் அபிப்பிராயம் என்னவென்று மாத்திரமே வினவுகிறேன் !

கேள்வி # 2 : காத்துள்ளது லயனின் நாற்பதாவது ஆண்டெனும் போது 2024-ன் அட்டவணையில் நிறையவே கவனம் தந்திட எண்ணுகிறேன் ! So புதியவர்களில் யாரேனும் ஓரிருவரைக் கழற்றி விட வேண்டியிருக்குமா ? அல்லது ஆணி பிடுங்காது நிதானம் காத்தால் போதுமா ? All good with the current line-up ?

கேள்வி # 3 : சுஸ்கி -விஸ்கி : நோஸ்டால்ஜியா படலத்தினை தாண்டியாச்சு ; முன்னே மினி-லயனில் வெளியான 3 கதைகளையும் மறுபதிப்பில் பார்த்தாச்சு & பற்றாக்குறைக்கு 1 புதுசையும் பார்த்தாச்சு ! இனி இவர்களோடு தொடர்ந்து பயணிப்பதாயின் - புதுக் கதைகளே ! சொல்லுங்களேன் மக்களே - இந்தச் சுட்டிகளும், பெருசுகளும் தொடரலாமா ? 

கேள்வி # 4 : லயனின் மைல்கல் ஆண்டினில் நீங்கள் பார்க்க விரும்பக்கூடிய மறுபதிப்பு என்றால் எதனைச் சொல்வீர்களோ  ? ஒரேயொரு சாய்ஸ் மாத்திரமே ப்ளீஸ் ! 

கேள்வி # 5 : ரிப்போர்ட்டர் ஜானி..... ரூபின் .....SODA ....மூவருமே அவரவர் பாணிகளில் செம offbeat நாயகர்ஸ் / நாயகி ! இவர்கள் மூவரையும் ஒரே ஆண்டில் ; ஒரே அட்டவணையில் நுழைப்பது லைட்டாக இடியாப்ப overkill போல படுகிறது !  2024-க்கு மூவரில் ஒரேயொருவரை மட்டும் ஓரம் கட்டுவதாயின் - யாரை நோக்கி விரல் நீட்டுவீர்களோ ?

கேள்வி # 6 : லயனின் ஆண்டுமலருக்கென பெரூசா பட்ஜெட் போடலாமா ? என்ற மஹாசிந்தனை ஓடி வரும் ருணத்தில் சற்றே வியப்பூட்டும் தகவல் ஒன்று ! 

'தல' 75 வது ஆண்டிது என்பதை நாமறிவோம் ! இங்கே நாம் அதற்கென 700 பக்கங்களில் ; 4 விதக் கதைகளோடு THE SUPREMO SPECIAL ரெடியாவதும்  தெரிந்ததே !  எனக்கோ, போனெல்லி இதெற்கென என்ன திட்டமிட்டிருப்பரோ ? என்ற குறுகுறுப்பு ! கொஞ்ச மாதங்கள் முன்னமே வினவியிருந்தேன் ; தகவல் கிட்டியிருக்கவில்லை ! சில தினங்களுக்கு முன்னே குட்டியான அறிவிப்பாய் வந்தது - டெக்சின் இதழ் # 755 அக்டொபர் முதல் தேதிக்கு வரவுள்ளது - 132 பக்கங்களில் ஒரு வண்ணத்திலான ஒன்-ஷாட் சாகசமாக என்று ! 'தல' ஆண்டுமலர் # 75 இதழும் இதுவே தான் போலும் ! 

பூசாரியே சைக்கிளில் போகிறச்சே பெருச்சாளி புல்லெட்டில் போகுதோ ? என்ற எண்ணத்தினைத் தவிர்க்க இயலவில்லை ! So ரெம்போ ஊடு கட்டி அடிக்காமல், லயன் ஆண்டுமலர் # 40-க்கொரு realistic பட்ஜெட் சொல்லுங்களேன் - பார்க்கலாம் ? 

Bye guys....செப்டெம்பர் இதழ்களினில் பணியினைத் தொடர நடையைக் கட்டுகிறேன் !  Have a fun weekend ; see you around !

மக்களே....இந்த போட்டோவுக்கும், தலைப்புக்கும் சம்பந்தமே கிடையாதுங்கோ ! 

ஆம்னி பஸ்ஸில் மோர் !!

YOUTUBE LIVESTREAM லிங்க்  : https://www.youtube.com/watch?v=ndu1YDQ8GqM&t=16504s

வணக்கம் நண்பர்களே,

அமோர் வின்ச்சிட் ஆம்னியா !! AMOR VINCIT OMNIA !!

இன்னா மேன் மேட்டரு ? ஆம்னி பஸ்...மோர்...பால்..தயிர்னு நீட்டி முழக்குறியே ? என்கிறீர்களா ? அது ஒன்னும் இல்லீங்கண்ணா....கி.மு.38-ல் விர்ஜில் எனும் இத்தாலியப் புலவர் எழுதிய வரியாம்  இது  ! 

கிருஸ்துக்கு முன்னேயே பதிவு செய்யப்படதொரு  வரியானது, யுகங்களைத் தாண்டி இன்று வரைக்கும் நிலைத்து  வருகிறதென்றால், அதனில் சாரம் இருக்காது போகாதில்லியா ? So அதன் அர்த்தம் என்னவென்று பார்க்க முனைந்தேன் ! "காதல் சகலத்தையும் ஜெயம் கொள்ளும்" என்பது போலான பொருளாம் !! கடந்த சனியிரவில் நமது ஈரோட்டுச்  சந்திப்பு மேளா ஒரு அட்டகாச நிறைவு கண்டான பின்னே, ரூமுக்குப் போய் மல்லாந்து கிடந்த நொடியில் மேற்படி வரி தான் என் மனதில் ஓடியது ! "மெய் தான் விர்ஜில் சார் ; காதல் தன்முன்னே இருப்போர் சகலரையும் வாரிச் சுருட்டி அள்ளிச் சென்றுவிடுமென்பது சந்தேகமற நிரூபணம் ஆகிவிட்டது !" என்று புலவர்வாளிடம் சொல்லத்தோன்றியது ! Becos அந்த அசாத்தியச் சனியன்று  நாம் பார்த்த சகலமுமே "காமிக்ஸ் காதல்"  ஈட்டிய வெற்றிகளைத் தானே ?! அந்தக் காதலின் சுனாமி போலான வீச்சின் முன்னே, பேரன் பேத்தி எடுத்தோர் கூடப் பச்சிளம் பாலகர்களாய் உருமாற்றம் கண்ட அதிசயங்களைப் பார்த்தோம் ! வயதுகளோ, தூரங்களோ, சொந்தப் பணிகளோ ; செலவுகளோ ஒரு பொருட்டாகிடாது என்பதை  நிதரிசனமாய் தரிசித்தோம் !  வீட்டிலிருப்போரிடம் உருப்படியாய் பேசவே நேரமில்லை என்றான இன்றைய பொழுதினில் "மனதுக்குப் பிடித்ததை ரசிக்க அந்த ஒற்றை நாளின் முழுமையையும் செலவிடுவதில் தப்பே இல்லை !!" என்ற ஆர்ப்பரிப்பைப் பார்த்தோம் ! பழமைக்குள் பயணம் செய்யும் பரவசங்களை உணர்ந்தோம் ; இளமையின் வசீகரத்துக்குக் கட்டுண்டோம் ! நட்பின் நிழலில் அழகாய் இளைப்பாறினோம் ; நம்மைச் சுற்றியிருப்போருக்கு மின்சாரமூட்டி, நாமும் அதனை உறிஞ்சிக் கொண்டோம் ! கிடைக்கும் தண்ணீரை சேமித்துக் கொள்ளும் ஒட்டகத்தைப் போல, அந்த ஒற்றை நாளின் உற்சாகங்களை உள்ளுக்குள் சேமித்துக் கொண்டோம் - புனித மனிடோவின் அருளால்  அடுத்ததாய் இப்படியொரு பொழுது புலர்ந்திடும் வரைக்கும் ! Phewwww !! என்னவொரு நாளது !!!!

சனியின் திருவிழாக் கோலங்கள் பூர்த்தியான பின்னே ஊருக்குத் திரும்பிய கையோடு பதிவொன்றைப் போட எண்ணியிருந்தேன் தான் ; ஆனால் ஒரு நாளுக்கு முன்வரையிலும் நம் மத்தியில் ஓடியாடிக் கொண்டிருந்த நண்பர் பாபுவின் குழந்தைக்கு சீரியஸ் ; ஹாஸ்பிடலில் சேர்த்திருக்கிறார்கள் என்ற தகவல் கிட்டிய போது, கால்கள் தரையில் இருந்திட வேண்டியதன் அவசியம் புரிந்தது ! மேடையேறி நமக்கெல்லாம் நன்றி சொல்லிய கையோடு, பிள்ளைக்காக தொடர்ந்து  வேண்டிக்கொள்ளக் கோரிய அந்தத் தாய் பரிதவித்துக் கொண்டிருக்கும் தருணத்தில் நாம் இங்கே குதூகலிப்பது முறையாகாதென்று பட்டது !  ஆண்டவன் அருளால் பையன் இப்போது தேறி வருகிறான், இரண்டொரு நாட்களில் நலமாய் வீடு திரும்பி விடுவான் என்ற சேதி இன்று கிடைத்த பிற்பாடு தான் எழுத மனம் ஒப்பியது ! God be with the child !!

ஈரோடு !! ஒரு தசாப்தமாகிறது இந்த நகருடன் நமது பந்தம் துவங்கி ! அதற்கு முந்தைய ஆண்டுகளில் ஈரோடென்றால் நல்லதொரு விற்பனைக்களம் ; அங்கிருக்கும் ஏஜெண்டிடமிருந்து கவர் வருகிறதென்றால், உள்ளுக்குள் வெயிட்டான DD இருக்கும் ; ரயிலில் தாண்டிச் செல்லும் போது செங்கற்கட்டி போலான அல்வா பாக்கெட்கள் கணிசமாய் அடுக்கி வைக்கப்பட்டிருக்கும் கடைகளிருக்கும் என்பதைத் தாண்டி பெருசாய் வேறெதுவும் தோன்றியதில்லை ! 2013-ல் மொத தபாவாய் ஸ்டால் கிட்டி, ஈரோட்டுக்கு ரயிலேறிய அனுபவமும் சரி, பயணத்தின் போது  ஜூனியர் எடிட்டரின் தேர்வான "இரவே..இருளே..கொல்லாதே.." ஆல்பத்தின் ஆங்கில வார்ப்பைப் படித்தபடிக்கே நடுச்சாமத்தில் இறங்கி LE JARDIN ஹோட்டலுக்குச் சென்றதும் சரி, மறு நாள், ஸ்டாலில் கொஞ்சூண்டு புக்ஸ் சகிதம், கொஞ்சூண்டு நண்பர்களோடு மரத்தடியில் நின்று அரட்டையடித்ததும் சரி, 120 மாதங்களுக்கு முன்பான நிகழ்வுகள் என்பதை சத்தியமாய் நம்ப முடியவில்லை ! இடைப்பட்ட இந்தப் பத்தாண்டுகளில் தான் எத்தனை எத்தனை மாற்றங்கள் !!!!! நம் ரசனைகளில் ; வாசிப்புகளில் ; கேசங்களில் ; விஸ்தீரணங்களில் ; வசதிகளில் ; வாய்ப்புகளில் ; நட்புக்களில் - என்று அடுக்கிக் கொண்டே போகலாம் ! And இதோ - கடந்த சனியின் அசாத்தியங்கள் சகலமுமே 2013-ல் விதைத்தவற்றில் மலர்ந்திருக்கும் புய்ப்பங்கள் தானெனும் போது, நாம் பயணித்திருக்கும் தூரத்தின் பரிமாணத்தை உணர்ந்திடலாம் ! அன்றைக்கு ஒற்றை செல்போனின் காமெராவுக்குள் அடங்கிய நண்பர் அணியானது, இன்றைக்கு ஒரு மெகா அரங்கத்தினுள் ஆர்ப்பரிக்கின்றது  !! காமிக்சில் நமது இரண்டாவது இன்னிங்சில்  நாம் சாதித்திருப்பது என்னவென்று யாரும் என்னிடம் கேட்கப் போவதில்லை தான் ; but யாரேனும் தப்பித்தவறிக் கேட்டாக்கா - "COMICS AMOR VINCIT OMNIA" என்பேன் ! நாம் பதிப்பிடும் புக்ஸ் பேரீச்சம்பளங்களுக்குப் போக நேரிடலாம் ; பரணில் ஒரு கோடியில் ஐக்கியமும் ஆகிவிடலாம் ; but இவற்றினூடே துளிர்த்திருக்கும் இந்த நட்புக்களும் சரி, இத்தகைய சந்திப்புகளின் சந்தோஷங்களும் சரி, ஆயுட்காலப் பொக்கிஷங்களாய் தொடருமென்பதில் யாருக்கும் ஐயங்களிருக்க முடியாதென்பேன் !   

எல்லாமே துவங்கியது ரொம்ப ரொம்ப சொற்ப நாட்களுக்கு முன்னே தான் ! அப்பாவுக்கு சர்ஜரி ; அம்மாவுக்கும் சுகவீனம் ; ஆளாளுக்கு ஆஸ்பத்திரிவாசம் என்ற நோக வைத்த ஏப்ரலின் போதெல்லாம் - "ஈரோடா ? ஈ ரோட்டில் கால் பதிச்சு நடக்க முதல்லே வழி பார்ப்போம் சேட்டா !!" என்றே சொல்லியிருப்பேன் ! ஆனால் மனதளவில் ரொம்பவே தளர்ந்திருந்த அப்பாவை தேற்ற ஏதேதோ முயற்சித்துத் தோற்றுப் போன நொடியில், உள்ளுக்குள் பளீரிட்டது தான் ஈரோடெனும் குச்சி முட்டாயும், குருவி ரொட்டியும் ! "சீக்கிரமா ரெடியாகுங்கப்பா..ஈரோட்டில் இந்த வருஷம் ஸ்பெஷலா ஏதேதோ ஏற்பாடுகள் பண்ணி வர்றாங்க !!" என்று சொல்லி வைத்த போது, லேசாய் ஒரு பொரி தெரிந்தது சீனியரின் விழிகளில் ! நாட்கள் ஓட ஓட அப்பா கொஞ்சமாய் தேறிய போது, நான் விட்டிருந்த ஈரோட்டுப் பீலா பற்றி மறந்தும் போயிருந்தேன் ! ஒன்றோ, ஒன்னரை மாதங்களுக்கோ முன்பாய் நண்பர் ஸ்டாலின் வழக்கம் போல ஈரோட்டு சந்திப்புக்கான ஹொட்டேல் புக்கிங் பற்றிய பேச்செடுத்த போது மாமூலான LE JARDIN அரங்கே போதுமென்று தான் சொல்லியுமிருந்தேன் ! ஆனால் அந்த ஹோட்டல் மராமத்தின் பொருட்டு மூடப்பட்டிருப்பது தெரிந்த பிற்பாடு அருகாமையில் ஏதேனும் சின்னதாய் அரங்கோ, கல்யாண மண்டபமோ கிடைத்தாலே போதும் என்ற கிளையில் குந்திக்கிடந்தேன் ! In fact ஜூன் மாதம் வேறொரு வேலை நிமித்தம் ஈரோட்டுக்கு போயிருந்த சமயம், ஸ்டாலின் சாருடன் , பஸ் நிலையத்துக்கு பின்வாசலில் அமைந்திருந்த நகராட்சி திருமண மண்டபத்தில் சந்திப்பை வைத்துக் கொள்ளலாமா ? என்று எண்ணமெல்லாம் இருந்தது !  அதுவும் ஆடி மாதமெனும் போது ஈயோட்டிக் கொண்டு தான் இருப்பார்கள் ; ரெம்போ சல்லிசாய் வேலை முடிந்து விடும் என்று நமக்குள் இருந்த செல்லூரார் ஆரூடமும் சொன்னார் ! ஆனால் AC இல்லை ; வெளிச்சமும் குறைவு ; அரங்கமும் ரொம்பவே பெருசாய் உள்ளதென்றுபட்டதால் வேண்டாமென்று தீர்மானித்தோம் ! 

தொடர்ந்த வாரங்களில் நிறைய பேசினோம் ; ஆனால் பட்ஜெட் பத்மநாபனாய் இருந்தால் போதுமென்று நான் பிடித்துக் கொண்டிருந்த பிடிவாதத்தால் வத்தலும் , தொத்தலும் ஆன அரங்குகளே சாத்தியப்பட்டு வந்தன ! "ஈரோடு விஜய் மடியிலே நாலு பேரு ; செந்தில் சத்யா மடியிலே ஆறு பேருன்னு உட்கார வைச்சா அடிச்சுப் புடிச்சு ஒரு 100 பேரை உள்ளாற  திணிச்சுப்புடலாம்" என்பது போலான குட்டிக் குட்டி ஹால்களோடு கூத்தடித்து வந்தோம் ! அவற்றின் மத்தியில் இந்த OASIS அரங்கின் போட்டோக்களும் வந்திருக்க, "ஆத்தீ...தீயா இருக்கே ?" என்ற சபலம் எட்டிப்பார்க்கத் துவங்கியது ! ஒரு வடிவுக்கரசி போலவோ, காந்திமதி போலவோ பொண்ணு பாத்தா போதும்னு  கிளம்பிட்டு இருக்கவன்கிட்டே, ப்ரியா பவானிஷங்கர் போட்டோவைக் காட்டிப்புட்டா என்னாகுமோ, அதுவே தான் கனகச்சிதமாய் அடுத்து அரங்கேறியது ! அதன் பின்பாய்ப் பார்த்த இதர அரங்குகளில், "வாஸ்து சுகப்படலை ; மண்டபங்களில் திசை ரசிக்கவில்லை" என்ற ரீதியில் கழித்துக் கொண்டே போய் ஒரு வழியாய் ஜூலை 19 தேதியன்று தான் OASIS அரங்கினுள் தலைநுழைப்பதென்று இறுதி செய்தோம் ! 

"ரைட்டு...அரங்கம் ஜூப்பர் ; அதுக்கேத்தா மெரி இனி கொஞ்சம் உள்ளுக்குள் ஜோடனைகளும்  செஞ்சா சிறப்பா இருக்குமே சார் ; அந்த ரவுண்டு டேபிள்களை எடுத்திருவோமா ? ஐஞ்சாயிரம் தான் ஆகும் ?!" என்று நண்பர் கேட்டார் ! நானோ, ஆளுக்கொரு ரவுண்டு பன்னை கொடுக்காம, காக்கா கடி கடிக்க வைச்சா எப்டி இருக்கும் ? என்று சந்திராயனை ஏவிய விஞ்ஞானிகள் ரேஞ்சுக்கு யோசித்துக் கொண்டிருந்தேன் ! "டேபிள் எடுத்திட்டு, மேலே துணி போடாட்டி நல்லா இருக்காதே சார் ? காலுக்குள் கார்பெட் போட்டா ?"  வாசலிலே பேனர் ? ; உள்ளே நுழையுற சாலையில் வைக்க பேனர்  ?; அப்பாலிக்கா உள்ளே மேஜைகளில் வைக்க ஸ்டைலாய் standees ? ; கட்டித் தொங்கவிட danglers ?? Focus lights ? Speakers ? Buffet சாப்பாடு ; இருபதே பேர் சாப்பிட்டாக்கூட குறைந்தபட்சமாக 120 பேருக்கான கட்டணம் தரணும் என்ற ஒயாசிஸின் நிபந்தனை" என்று நாளொரு மேனி, பொழுதொரு மஹாசிந்தனையாய் திட்டமிடல்கள் அடுத்த கட்டத்துக்கு நகர்ந்து கொண்டிருந்தன !! எனக்கோ செலவுகள் ஒருபுறமிருக்க, "கூட்டம் தேறாம போயிட்டா அம்புட்டும் வேஸ்ட்டாகிப் போகுமே ?" என்ற பயம் ! "சமீப காலமாய் blog-லேயே ஈயோட்டிட்டுத் தானே இருக்கோம், இந்த அழகிலே பெருசா பிளான் பண்ணி, செமையா பல்பு வாங்கிடப்புடாதே பெருமாளே ?!!" என்ற டர்ர் !! அது மட்டுமன்றி, "10 மணிக்கு ஆரம்பிச்சா 2 மணி வரைக்கும் நாலு மணி நேரங்களை இன்னான்னு ஓட்டுறது ?" என்ற பீதியும் as usual தலைதூக்கியது ! அதன் பின்னே தான் "பட்டிமன்றம்" என்ற ரோசனை உதித்தது !!அவ்வப்போது touch-ல் இருந்த நண்பர்களிடம் கேஷுவலாக கேட்பது போல கொக்கி போட்டுக் கொண்டே இருந்தேன் - "ஆங்...ஒரு அறுபது-எழுபது பேராச்சும் தேறுவாங்களான்னு ?!!" இதற்கு மத்தியில் ஒரு வாரம் முன்பாக ஈரோட்டிலேயே நம்ம கிரிக்கெட் வீரர்கள் களமிறங்கப் போகிறார்கள் என்ற போது , எனது டர்ர் இன்னும் டாரானது ! "அய்யனாரே ...தொப்பைக்கு கீழே கட்டைவிரலை பாக்கவே  மொக்கை போடக்கூடிய நம்ம வீரர்களை பத்திரமா பாத்துக்கோங்கய்யா !!" என்று வேண்டிக் கொண்டேன் ! அந்த நொடியே இன்னொரு பயமும் தொற்றிக் கொண்டது - "அடங்கொன்னியா ...ஆறே நாள் கேப்பில மறுக்கா ஈரோட்டுக்கு நம்ம வாசக சந்திப்புக்கோசரம் வீரர்கள் வர வேண்டியிருக்குமே ? அதிலே எத்தனை பேர் மட்டம் போட்டுப்புடுவாங்களோ ?"   என்று குழப்பிக் கொண்டேன் ! ஆனால் நண்பர்களோ, சனியன்று தவறாது கலந்து கொள்வோமென்று வாக்குத் தந்திருந்தனர் ! 

நாட்கள் நெருங்க நெருங்க நண்பர்கள் ஸ்டாலின் + விஜய் ஏதேதோ "மர்ம யோகி" பாணி வேலைகளை சத்தமின்றிச் செய்து வருகிறார்கள் என்பது புரியத் துவங்கியது ! அவற்றை சஸ்பென்சாக வைத்திருக்க அவர்கள் விரும்புவது புரிந்த அதே வேளையில், அவர்களது கைக்காசுக்கு வேட்டு வைச்சுடப்புடாதே ?! என்ற நெருடல் எனக்கு  ! So தோணாமல் அவ்வப்போது அவர்களைக் கிண்டிக் கிழங்கெடுக்க ஆரம்பிக்க, வீடியோ ரெடியாகும் சமாச்சாரம் ; கான மழை சமாச்சாரம் ; பரிசுகள் ; மெடல்கள் ; இத்யாதி...இத்யாதி என்று ஒவ்வொரு பூனைக்குட்டியாய் கூடைக்குள்ளிருந்து வெளிப்பட்டது !  தொடர்ந்த நாட்களில் வீடியோவில் கொஞ்சம் over the top ஆகத் தென்பட்ட சித்தரிப்புகளையும் ; பாடலில் இருந்த ஓரிரு 'மிடிலே ' ரக வரிகளையும் எடிட் பண்ண நான் பட்ட பாடிருக்கே..அய்யய்யய்யயோ..ஆறு மார்ட்டின் கதைகளுக்கு பேனா பிடித்திருக்கலாம் ! மனசே இன்றி நான் சொன்ன திருத்தங்களுக்கு சம்மதித்தனர் நண்பர்கள் ! இங்கேயோ ஆபீசில் களேபரம் ; சொல்லி மாளா களேபரம் ! அண்ணாச்சி பணியில் நஹி ; அவருக்கு மாற்றாய்  போட்ட நபரோ அத்தனை சோபிக்கவில்லை ; so front office ஜோதி ஈரோடு விழாவுக்கு கிளம்பியாச்சு ! எஞ்சியிருந்த ஸ்டெல்லாவுக்கோ வீட்டில் நெருக்கடி, தாயாருக்கு இடுப்பு முறிவு + ஆப்பரேஷன் என்ற ரூபத்தில் ! ஈரோட்டில் நண்பர்கள் காட்டிய  அதே அர்ப்பணிப்போடு இங்கே ஸ்டெல்லாவும் நேரம் காலம் பார்க்காமல் பணியாற்றிட, கூரியர் பேக்கிங் 3 தினங்களுக்கு நடந்தது !! ஆபீசில் திரும்பிய திக்கிலெல்லாம் டப்பிக்கள் ; மிக்ஸர் ; சிப்ஸ் பாக்கெட்கள் இறைந்து கிடக்க, எனக்கோ ஈரோட்டில் தேவைப்படக்கூடியவற்றை மறந்திடப்புடாதே என்ற பதட்டம் !! கடைசி நிமிடம் வரை ரவுண்டு பன் ஆர்டர் தர மறந்து போயிருக்க, தலை தெறிக்க பேக்கரிக்குப் போனால் அங்கே அவர்கள் கறாராய் கண்டிஷன் - 'இத்தினி பன் தான் தர முடியும் ; மதியம் 12.45 க்கு தான் டெலிவரி' என்று !! "பன் இல்லாத பயணம் பைசாவுக்குப் பெறாது " என்ற மூதறிஞரின் அறிவுரை நினைவுக்கு வர, காலை 9 மணி முதலே கிளம்பிக் காத்திருந்த அப்பாவை மதியம் 1 வரை கட்டையைப் போட்டு வெயிட் பண்ண வைத்து, காரில் அட்டைப்படப் பெயிண்டிங்ஸ் ; சிப்ஸ் ; மிக்ச்சர் ; பன் ; தாம்பூலப் பை - என்ற லோடுடன் அனுப்பி வைத்தேன் ! 

வெள்ளி மாலையே நானும் ஈரோட்டுக்கு சென்று விடுவது ; ஹாலில் இறுதிக்கட்ட ஏற்பாடுகளை உடனிருந்து பார்த்துக் கொள்வதென்று பேசியிருந்தோம் ! ஆனால்  டெஸ்பாட்ச்சை பூர்த்தி செய்யாது ஆபிசிலிருந்து நகர்ந்திட எனக்கு 'தம்'மே இல்லை ! விழாவுக்கு வராதோரின் கைகளிலும் மறு நாள் காலையே  புக்ஸ் மட்டும் இல்லாது போயின்,  பிரித்து மேய்ந்து விடுவார்களென்ற பயம் ! So "நான் சாமத்தில் ஈரோடு வந்து சேர்ந்து கொள்கிறேன் ; மன்னிச்சூ !" என்று நண்பர்களிடம் சொல்லி விட்டு, டெஸ்பாட்ச் முடியும் வரை ஆபீசில் இருந்து விட்டு, அதன்பின்பாய் மாலை ரயிலைப் பிடிக்க ஓடினேன் ! ரயில் பயணத்தின் போது மறு நாள் என்ன பேசுவதென்பதை  ரெடி பண்ணிவிடலாம் என்பது திட்டம் ! ஆனால் அவ்வளவாய் கூட்டமில்லாத ரயிலின் கீழ் பெர்த்தில் சாய்ந்தவன், கரூர் தாண்டிய பின்னே தான் கண்ணே முழித்தேன் ! மலங்க மலங்க முழிக்கும் நேரத்தில் சிறப்புரைக்கு எக்கட போவது ? மேடையிலே பாத்துக்குவோம் !! என்றபடிக்கே ஈரோட்டில் ஹோட்டலில் போய் விழுந்த போது மணி நள்ளிரவைத் தாண்டிய 12-45. சம்பிரதாயத்துக்கு "Any help ப்ளீஸ் ?" என்று விஜய்யிடம் நான் கேட்கும் வேளையில், அரங்கில் கிட்டத்தட்ட ஒரு டஜன் நண்பர்கள் கண் விழித்து விடிய விடிய பணியாற்றிக் கொண்டிருந்தனர் !! அன்றைய இரவு மூணரை வரை விழித்திருந்து பணி செய்து விட்டு, அங்கேயே படுத்துறங்கி விட்டு. காலை ஆறரைக்கு எழுந்து finishing touches செய்து விட்டு, குளித்துக் கிளம்பித்  தயாராகி ஒன்பதுக்கெல்லாம் 'ஜில்'லென்று அரங்கில் காத்திருந்தது - nothing short of a miracle !

ஒன்பதரைக்கு கொஞ்சம் முன்னமாய் நானும் ஜூனியர் எடிட்டரும் அரங்கிற்குள் வண்டியை விட்ட கணமே நமது பேனர்கள் வரவேற்றன ! சரி, "இப்போ தான் மக்கள் கொஞ்சம் கொஞ்சமாய் வர ஆரம்பிச்சிருப்பாங்க !' என்ற நினைப்போடு கதவைத் தள்ளிக் கொண்டு உள்ளே போனால் - திக்பிரமையடைந்து போனேன் - அரங்கமும், நண்பர்களும் அங்கு காட்சி தந்த அழகில் ! Oh yes - போட்டோக்களில் அரங்கைப் பார்த்திருந்தேன் தான் ; நண்பர்களின் கைவண்ணத்தில் புது மணப்பெண் போல ஜொலிக்குமென்று யூகித்தும் இருந்தேன் தான் ; ஆனால் நேரில் அந்த ரம்யத்தை உள்வாங்கிய நொடியில் எனது யூகக்கோட்டைகள் சகலமும் தவிடுபொடி ! அட்டகாசம்...அதகளம்..அமர்க்களம்..என்பதையெல்லாம் தாண்டிய வார்த்தைகளைத் தேட வேண்டி இருந்தது - ஒட்டு மொத்த ஏற்பாடுகளையும் ஒவ்வொன்றாய் மண்டைக்குள் ஏற்றிடும் நேரத்தில் ! ஸ்டாலினின் ஜூனியர் மனோஜ் ஒரு தேர்ந்த வீடியோ எடிட்டர் போல ஒரு லேப்டாப்பின் முன் அமர்ந்து ஏதேதோ டெஸ்ட் பண்ணிக் கொண்டிருக்க, 4 ஆண்டுகளுக்கு முன்னே குட்டியூண்டு பையனாய்ப் பார்த்த அகில் தனது டீமுடன் ஆடியோ / வீடியோ / போட்டோ பொறுப்புகளை ஏற்றுக் கொண்டு பம்பரமாய்ச் சுழன்று கொண்டிருந்தான் ! இந்த விழாவினிலிருந்து ஒரு நூறு சந்தோஷ நினைவுகளை நான் வீட்டுக்கு எடுத்துச் சென்றேன் என்றாலும், இம்மி சந்தேகமுமின்றி அவற்றுள் TOP இடங்களை பிடித்திருந்தது மனோஜ் + அகில் என்ற அந்த இளம் புயல்கள் அன்று நிகழ்த்திக் காட்டிய அசாத்திய ஜாலங்களையே ! தேய்ந்து போன ஒரு டயலாக்கை நிறைய சினிமாக்களில், டிராமாக்களில், கதைகளில் நாம் கேட்டிருப்போம் - "என் கண் முன்னே வளர்ந்த பிள்ளை" என்று ! அன்றைக்கு நாம் பார்த்தது simply that - நம் கண் முன்னே வளர்ந்திருக்கும் பிள்ளைகளின் அதகளத்தினை !!

அந்த வரம் பெற்ற தினத்தினில் அடுத்த 8 மணி நேரங்களுக்கு நிகழ்ந்ததெல்லாம் pure magic மாத்திரமே ! சாரை சாரையாய் நண்பர்கள் எங்கெங்கிருந்தெல்லாமோ அணிவகுத்திட, அரங்கமே கொஞ்ச நேரத்தில் அதிரத் துவங்கியது கண்கூடு ! அதிலும் நமது அட்டைப்பட பெயிண்டிங்குகளை வரிசையாய் மேஜைகளில் நண்பர்கள் அடுக்கிய பிற்பாடு அங்கே குழுமியோரின் உற்சாகத்தினை மட்டும் ஒரு பாட்டிலில் பிடித்து மார்க்கெட் செய்ய சாத்தியப்பட்டிருந்தால், நாம் அன்றைக்கே கோடீஸ்வரர்களாகி இருப்போம் ! ஒவ்வொரு படத்தையும் பார்த்துப் பார்த்து நண்பர்கள் நினைவுகளுக்குள் மூழ்கி முத்தெடுத்த காட்சி - one for the ages !!! ஆயிரமாயிரம் போட்டோக்கள் ; உற்சாக அறைகூவல்கள் ; அலப்பறைகள் ; அளவளாவல்கள் ; கும்மிகள் ; கிண்டல்கள் ; கச்சேரிகள் என்று துவங்கிய விழாவானது நமது ஈரோட்டு ஸ்பெஷல் இதழ்களின் ரிலீஸுடன் சூடு பிடித்தது ! அதிலும் "கார்சனின் கடந்த காலம்" உயர்த்திய புருவங்கள் கிட்டத்தட்ட நானூறு இருக்கும் ! மாக்சி சைசில் ஒரு மறுக்கா மறுக்காப்பதிப்பு எனும் போது கணிசமான துடைப்பங்கள் இதுக்கோசரம் பறக்கும் என்பதை நான் எதிர்பார்த்திருந்தேன் தான் ; yet அந்த இதழின் பிரம்மாண்டத்தினை நேரில் காணும் போது உங்களின் reactions வேறு விதமாயிருக்கும் என்ற நம்பிக்கை உள்ளுக்குள் இருந்தது ! And அந்த சனிக்கிழமை எனது நம்பிக்கை மெய்யானதை உணர்ந்த போதே ஒரு பெரும் பெருமூச்சை சத்தமின்றி விட்டுக் கொண்டேன் !! 

BIG BOYS  ஸ்பெஷல் அடுத்து ரிலீஸ் ஆக, வாயெல்லாம் பல்லாய் கவிஞர் தந்த போஸ் - இந்தத் தளத்தின் தளரா அஞ்சாநெஞ்சனுக்கு ஒரு ஸ்பெஷல் memory என்பேன் ! "சந்துக்குள்ளாற சந்திராயனை சாயந்திரத்துக்குள்ளே  விடறீகளா ?" என்ற ரேஞ்சுக்கு கவிஞர் ஸ்டீலின் கோரிக்கைகள் இருக்கும் என்றாலும், எனக்கு நினைவு தெரிந்த நாள் முதலாய் மனுஷன் தொங்கோ தூங்கென்று தொங்கியது "கொலைப்படை" 2 வண்ண இதழுக்காகத் தான் ! லேட்டானாலும், லேட்டஸ்ட்டாக அந்தக் கோரிக்கை பூர்த்தி கண்டதில் ஹேப்பி அண்ணாச்சி ! தொடர்ந்து சுஸ்கி & விஸ்கி ; மார்ட்டின் என ரிலீசான பிற்பாடு ராட்சச கேக் வெட்டும் சம்பிரதாயம் தொடர்ந்தது ! 

In hindsight - இதற்கென எடுத்துக் கொண்ட அதீத நேரத்தினை மட்டும் சற்றே மாற்றித் திட்டமிட்டிருந்தால், அட்டைப்பட டூர் ஒன்றினையும் உங்களோடு ஜாலியாய் அடித்திருப்பேன் ! தொடர்ந்து அன்றைய தினத்தின் 2 highlights அரங்கேறின - MUTHU 50 - கடந்து வந்த பாதை குறித்தான ஒரு அட்டகாச வீடியோவும் ; பூனையாரின் குரலில் ஒரு கானமழையும் ! இரண்டுமே அரங்கிலிருந்தோரை கட்டுண்டு போகச் செய்தன என்றால் அதுவொரு understatement !! அவை இரண்டும் சரி, கொஞ்ச நேரத்துக்குப் பின்னே தொடர்ந்த கிரிக்கெட் போட்டி சார்ந்த வீடியோவும் சரி, அசாத்திய உச்சங்கள் !! 

செம ஸ்டைலாய் லோகோக்கள் ; அட்டகாசமான டீம் ஜெர்சீக்கள் என்பதோடு நின்று விடாமல், மெய்யாலுமே பேட்டிங்கில், பவுலிங்கில் 4 அணியினரும் அசத்தியதைப் பார்த்த போது - "ஆஹா...நேரில் பாக்காம போயிட்டோமே !!" என்று நெருடியது !! Maybe the next time guys !!

பாராட்டுரைகள் ; கருணையானந்தம் அங்கிளின் உரை ; அப்பாவின் ஏற்புரை ; அடியேனின் டீ ஆத்தல் - என்று தொடர அவ்வப்போது பின்னிருந்த திரையினில் நான் கொண்டு வந்திருந்த மீம்ஸ் மாத்திரமன்றி, பசங்கள் ரெடி பண்ணிய ரவுசுகளும் ஓடிக்கொண்டிருந்தன ! நேரத்தை ஜவ்விழுக்க என்ன செய்வதென்று யோசித்தபடிக்கே வந்திருந்தவனுக்கு அதற்குள் லன்ச் டைம் ஆகிவிட்டதென்பதை சத்தியமாய் நம்ப முடியவில்லை ! கீழிருந்த ஹாலில் லன்ச் ஏற்பாடாகியிருக்க, ஒயாஸிஸ் நிர்வாகம் செமத்தியான சொதப்பலைச் செய்து அன்றைய பொழுதிற்கொரு திருஷ்டிப்பொட்டை பதித்து விட்டனர் ! அவர்களின் கிச்சன் வசதிகளே அத்தனை விசாலமல்ல என்பது அவர்கள் சொதப்பத் துவங்கிய பிற்பாடு தான் புரியவே செய்தது ! ஒரிஜினலான மெனுவின்படி  உணவை சரியாய் ரெடி செய்திருந்திருக்கும் பட்சத்தில், அன்று ஒரு அட்டகாச லன்ச் அமைந்திருக்க வேண்டும் ! மாறாக , காலியான சட்டிகளை உற்றுப் பார்க்கும் சங்கடத்தினை ஏற்படுத்தி விட்டார்கள் ! Sorry folks ; இனியொருமுறை இது போலான தவறு நிகழ்ந்திடாது !   

லஞ்சிற்குப் பின்பாய் கூட்டம் கலைந்து விடுமோ ? என்ற பயம் கொஞ்சம் இருந்தது தான் ; but surprise - துளியும் குறையாது மதிய ரகளைகளிலும் ஆரவாரமாய்ப் பங்கேற்றது நெஞ்சை நிறையச் செய்தது ! நேரம் குறைவாக இருந்த போதிலும் அந்த காமிக்ஸ் பட்டிமன்றத்தில் ரவுசுகளுக்குப் பஞ்சமே இருக்கவில்லை ! அதிலும் கண நேரத்துக்கு XIII -ஆக மாறிப் போன பாபு அரங்கையே கலக்கினார் !! நடுவரின் தீர்ப்பு ; தொடர்ந்து கிரிக்கெட் போட்டிக்கான கப் வழங்கல் ; மெடல் வழங்கல் என அரங்கேறிய சமயத்துக்குள் மாலையாகி இருந்தது ! நண்பர்களுக்கு நினைவுப்பரிசோடு விட கொடுத்தனுப்பும் நேரம் புலர்ந்த போது லைட்டாக தொண்டை கமறுவது போலிருந்தது !! ஏழு கழுதை வயசு தான் ; ஒரு நூறு கூத்துக்களை பார்த்தும் விட்டாச்சு தான் ; ஆனாலும் இம்முறை நண்பர்களுக்கு டாட்டா சொல்லும் போது நிஜமாகவே ஒரு பண்டிகைக்கு வந்த உறவுகள் ஊர்திரும்புவது போலான உணர்வே மேலோங்கியது ! This has been an awesome day to cherish guys !!

இதனை சாத்தியமாக்கித் தந்த அத்தனை நண்பர்களுக்கும், 'நன்றி' என்ற ஒற்றை வார்த்தையோடு முடித்துக் கொள்வதில் உள்ளுக்குள் ரொம்பவே நெருடலாக உள்ளது ! எதிர்பார்ப்புகளே இல்லா இத்தனை அன்பையும், நேசத்தையும் ஈட்டுவதெல்லாம் கனவுகளில் மட்டுமே சாத்தியமாகிடும் சமாச்சாரங்கள் !! இன்னமுமே திளைத்துக் கொண்டிருக்கிறேன் - அன்றைய பொழுதின் உற்சாகங்களில் ! நெஞ்சமெல்லாம் நிறைந்திருப்பது என்ன மாதிரியான வரம் என்பதை yet again எனக்கு மாத்திரமன்றி, சீனியர் + ஜூனியர் எடிட்டர்ஸ் & கருணையானந்தம் அங்கிளுக்கு உணர்த்தியுள்ளீர்கள் ! அதிலும் அந்த அசாத்தியமான இரும்புக் கர நினைவுப் பரிசுகள் - அசாத்தியங்களின் உச்சம் !! அவற்றின் போட்டோக்களை இரும்புக்கை மாயாவியின் (அசல்நாட்டிலுள்ள ஒரிஜினல்) படைப்பாளிகளுக்கு அனுப்பிடவுள்ளேன் ; நிச்சயமாய் இது போலொரு அங்கீகாரம் நமது லூயி கிராண்டேலுக்கு இன்னொரு மண்ணில் கிட்டியிராதென்பது சர்வ நிச்சயம் !! வரலாற்றில் தடம் பதித்திருக்கிறோம் folks !! 

வண்டி வண்டியாய் பணிகளை அரவமில்லாத இரவுகளில் நிசப்தமாய்ச் செய்யும் நாட்களில், ஒரு மெலிதான அயர்வு நடுநடுவே தலைதூக்குவதை மறுக்க மாட்டேன் !  "ஊஞ்சலாடும் இளமைக்கு இது தேவையாடா தம்பி ?" என்றொரு குரல் தலைக்குள் ஒலிப்பது போலவே இருக்கும் ! ஆனால் அடுத்த 12 மாதங்களுக்காவது அந்தக் குரல் எனக்குள் தலைதூக்கவே வாய்ப்பில்லை ; simply becos அந்த சந்திப்பின் ஒற்றை நாளில் மாத்திரமன்றி, அதற்கு முன்பான lead up நாட்களிலும் நீங்கள் கொட்டித் தள்ளியிருக்கும் உழைப்பும், அன்பும், அக்கறையும் எனது பேட்டரிகளை அடுத்த ஆகஸ்ட் வரைக்குமாவது உயிர்ப்போடு வைத்திருக்கப் போவது உறுதி !! And காத்திருப்பது லயனின் ஆண்டு # 40 ! 

கச்சேரியினை ஆரம்பிக்கலாமுங்களா ? 

Bye all....see you around !! Have a lovely week !! 

அன்றைய பொழுதினை முழுமையாய் YouTube -ல் பார்த்திட : https://www.youtube.com/watch?v=ndu1YDQ8GqM&t=16504s

PHOTOS WILL BE UPLOADED TOMORROW !