Powered By Blogger

Sunday, April 30, 2017

Hello மே !

நண்பர்களே,

வணக்கம். திறந்த வாய் இன்னமும் மூடாத நிலையில் இந்தப் பதிவினை ஞாயிறு அதிகாலையில் டைப்புகிறேன் !! வேறென்ன ? தேசமே மலைத்தும், வியந்தும் பார்த்துவரும் பாகுபலி - The Conclusion திரைப்படத்தை சனி மதியம் சோழ மண்டலத்துத் தியேட்டர் ஒன்றில் ஜுனியரோடு பார்த்துவிட்டு வந்த போது ஓபன் ஆன வாய் தான் இன்னமும் அலிபாபா குகை போலவே திறந்து கிடக்கிறது ! நமது வலைப்பதிவினில் காமிக்ஸ் சார்ந்த சமாச்சாரங்களைத் தாண்டி வேறெதுவும் இடம்பிடித்திடாது என்பதை ஒரு எழுதப்படா கோட்பாடாய் நாம் கொண்டு செல்வதில் இரகசியம் இல்லை தான் ; ஆனால் ஒரு அசாத்திய கற்பனைப் புனைவு கண்முன்னே திரைவிலகும் வேளையில் அதனைச் சிலாகிப்பதில் தவறில்லை என்று பட்டது - simply becos சித்திரங்கள் வாயிலாய்க் கதை சொல்லும் காமிக்ஸ் யுக்திக்கும் , இந்தத் திரைமுயற்சிக்கும் ஒரு மிக நெருக்கமான தொடர்பு இருப்பதை படம் நெடுகிலும் உணர முடிந்தது !  டைரக்டர் ராஜமௌலி  ஒரு அதிதீவிர Amar Chithra Katha ரசிகர் எனும் பொழுது அவரது மனதில் ஓடிய ஒவ்வொரு பிரேமிலும் என்றோ, எங்கெங்கோ அவர் படித்திருக்கக்கூடிய காமிக்ஸ் கதைகள் inspire செய்த சமாச்சாரங்கள் இடம்பிடித்தல் சாத்தியமே என்று நினைத்தேன் ! And படம் ஓட ஓட - எனக்கு ஒவ்வொரு காட்சியிலும் கண்ணில் தெரிந்தது நாயகர்  பிரபாஸ் அல்ல - நம்மவர் தோர்கலே !! அனுஷ்காவாய் என் முன்னே நிழலாடியது முழுக்கவே அரிசியா தான் !!  இந்தக் கற்பனைக் களத்துக்கு இந்திய சாயல் மாத்திரம் இல்லாவிடின் - தோர்கலை இங்கு பொருத்திப் பார்ப்பது வெகு சுலபம் என்பேன் ! படம் நெடுகிலும் அள்ளித் தெளிக்கப்பட்டிருக்கும் பிரம்மாண்டமானspecial effects ஒவ்வொன்றும் அதன்பின்னுள்ள ஓவியர் அணியின் அசாத்திய உழைப்பையும் பறைசாற்றுவதை உணர்ந்த பொழுது - ரொம்பவே பெருமையாக இருந்தது ! அசாத்திய ஆற்றல் கொண்டதொரு அணியின் கூட்டு வெற்றி இது என்ற போதிலும், அதன் ஒரு ஓரத்தில் ஒட்டிக் கொண்டிருக்கும் காமிக்ஸ் என்ற முத்திரை நமக்கெல்லாம் பொதுவானதொரு விஷயம் என்ற விதத்தில் பாகுபாலியோடு நாமும் நெருக்கமாய் உணர முடிகிறதோ என்னவோ ?!! 

ஆகாச உயரத்திலிருந்து நம் நடைமுறைக்குத் திரும்புவோமா இனி ? நேற்றைய தினம் (சனி) உங்களது சந்தாப் பிரதிகள் சகலமும் கூரியரில் புறப்பட்டு விட்டன guys ! தென்னைமரத்திலே தேள் கொட்ட முகாந்திரம் என்னவோ - தெரியாது ; ஆனால் அது கொட்டிவைத்தால்  அதன் பலனாய் பனைமரத்தில் நெரி கட்டுமென்பது பழமொழி அல்லவா ? அதனை இந்த வாரத்தில் உணர்ந்தோம் ! மேதின விடுமுறை காத்திருப்பதால் கூறியர்களை எப்பாடு பட்டேனும் வெள்ளிக்கிழமையே இங்கிருந்து கிளப்பியாக வேண்டுமென்று திட்டமிட்டிருந்தோம். ஆனால் ஊரின் மையத்தில் நெடுங்காலமாய் நீடித்து வந்ததொரு ஆக்கிரமிப்பைத் தட்டிவிட உச்சநீதிமன்றத்தின் உத்தரவு வியாழனன்று அமல்படுத்தப்பட்டது ! So புல்டோசர்களும் , போலீஸ் பாதுகாப்புமாய் பனி ஜரூராய் நடைபெறத் துவங்கிய சற்றைக்கெல்லாமே பெரும்பான்மையான பகுதிகளில் மின்சாரத்தையும் துண்டித்துவிட்டார்கள் ! So வியாழன் முன்னிரவு வரை நமது பைண்டிங் ஆபீஸ் இருளிலே மிதக்க, அன்றைய பணிகளும், நமது திட்டமிடல்களும் ஒருங்கே பணாலாகிப் போயின !  வெள்ளியிரவே பிரதிகள் நம்மை வந்து சேர, சனிக்கிழமை பேக்கிங் செய்து அவற்றை அனுப்பியுள்ளனர் !! ஒருக்கால் ஞாயிறன்றும் கூரியரின் கதவைத் தட்டிப் பார்சலை வாங்கி கொள்ளல் சாத்தியமாகியின் - good luck & happy reading over the weekend !
மே இதழ்களின் ஆன்லைன் லிஸ்டிங்குமே தற்போது செய்யப்பட்டுள்ளது - மொத்தமாகவும், தனித் தனியாகவும் ! So சந்தாவில் இடம் பெறா நண்பர்கள் இங்கே க்ளிக் செய்திட்டால் போதும் : http://lioncomics.in/monthly-packs/354-may-2017-pack.html 

சந்தா என்ற topic-ல் இருக்கும் வேளையிலேயே சின்னதொரு நினைவூட்டலுமே கூட  : சந்தாக்களை 2 தவணைகளாய்   செலுத்தத் திட்டமிட்டிருந்த நண்பர்கள் இறுதித் தவணைகளை அனுப்பி உதவிடுங்களேன் - ப்ளீஸ் ?  

Moving on, அடுத்த மாதங்களின் பக்கமாயும், எஞ்சியிருக்கும் 2017-ன் இதழ்கள் பக்கமாயும் பார்வைகளை சில நாட்களுக்கு முன்பாய் ஓடவிட்டுக் கொண்டிருந்த பொழுது சில விஷயங்கள் பளிச் என்று கவனத்தைக் கோரின ! ரெகுலர் சந்தாப் பிரிவுகள் A B C & D-ல் தலா 10 இதழ்கள் எனும் பொழுது மாதம்தோறும் 4 இதழ்களென்ற பார்முலாவைத் தொடர்ந்திடும் பட்சத்தில் - அக்டோபரிலேயே அறிவிக்கப்பட்ட இதழ்களை மங்களம் பாடி முடித்திருப்போம் !! சந்தா E & Super 6-ன் எஞ்சியுள்ள இதழ்களும் கைவசம் இருப்பதால் ஒரு தினுசாய் manage செய்ய முடிகிறது ! அவை மட்டும் இல்லாது போகும் பட்சம் - லேசாயொரு வெற்றிடம் தெரிந்திட வாப்புகளுண்டு என்பேன் ! Take away சந்தா D (மறுபதிப்புகள்) from the equation & எஞ்சி நிற்க கூடியது 2 புது இதழ்கள் மட்டுமே என்றிருக்கக் கூடும் ! 

இங்கொரு கேள்வி எழுப்பிட ஆசை ! மாதம்தோறும் 4 இதழ்கள் எனும் பொழுது - இவற்றைப் படித்து முடிக்க சராசரியாய் உங்களுக்கு அவசியமாவது எத்தனை நாட்கள் ? அதைவிட முக்கியமான இன்னொரு வினாவும் ! இந்தாண்டின் இதுவரையிலுமான இதழ்களில் எத்தனை பாக்கி நிற்கின்றன - படிக்க அவகாசம் கிட்டா காரணத்தின் பொருட்டு ?  நிச்சயம் கோபித்துக் கொள்ள மாட்டேன் - தாராளமாய் நிஜத்தைப் பகிர்ந்திடலாம் - ப்ளீஸ் ? கிட்டத்தட்ட வருடத்தின் பாதிப் பகுதியை எட்டிப் பிடிக்கவிருக்கிறோம் என்ற நிலையில் - 2018-ன் அட்டவணைத் திட்டமிடல் பக்கமாய் நிறையவே சிந்தனை தந்திட அவசியமாகிறது ! So இந்தத் தருணத்தில் உங்களது inputs கிடைப்பின் - நிச்சயம் உதவிடும் ! 

அரைத்த மாவுகளையே புதுசாய் recycle செய்திடாது ஒரு ஒட்டுமொத்தமான புது நாயக அணியோடு ஓராண்டாவது களமிறங்கித் தான் பார்க்க வேண்டும் - என்பது எனது சமீப காலத்து அவா ! No லார்கோ ; No ஷெல்டன் ; No கமான்சே ; No லக்கி ; No சிக்பில் என்ற ரீதியில் ஒரு அட்டவணையை 2017 க்கே ஒருவாட்டி எழுதிப் பார்த்தேன் - எங்கோ ஒரு இரயில்நிலையத்தில் தேவுடு காத்து நின்ற வேளையில் ! ஆனால் சிலபல துடைப்பங்கள் DTDC கூரியரில் கிளம்பிடக்கூடுமென்று பட்டதால் - ஜகாவும் வாங்கிவிட்டேன் ! என் கேள்வி இதுவே : ஒரு சுழற்சி முறையில் ஒவ்வொரு ஆண்டும் ஒவ்வொரு சந்தாப் பிரிவில் ஒரு ஒட்டுமொத்த ஆள்மாறாட்டம் செய்ய முனைந்தால் ஓவராய் உதைப்பீர்களா - மிதமாய்ச் சாத்துவீர்களா ? Say - முதல் ஆண்டில் சந்தா A -வில் ஒட்டுமொத்தமாய் புது ஆக்ஷன் & டிடெக்டிவ் நாயகர்களை புகுத்துவது  ; மறு ஆண்டில் - தற்போதைய black & white நாயகர்கள் சகலருக்கும் ஓராண்டு விடுமுறை தந்து - புதுவரவுகளை வரவேற்பது ; ஆண்டு # 3 -ல் அந்தப் பரீட்சார்த்த முயற்சியைக் கார்ட்டூன்கள் பக்கமாய்த் திருப்புவது என்றிருப்பின் - அது பற்றிய உங்கள் எண்ணங்கள் என்னவாக இருக்கும் ? 'ரைட்டு...பாயைப் பிறாண்ட ஆரம்பிச்சுட்டான் புள்ளையாண்டான் !' என்ற பயம் வேண்டாமே - இது சும்மா தலைக்குள் தோன்றியதொரு நினைப்பின் உரத்த பகிர்வே ! ஒருவித அயர்ச்சியை  விலக்கி, இந்த முயற்சியானது நமது உற்சாகங்களைத் தக்க வைக்குமென்று உங்களுக்குமே தோன்றிடும் பட்சத்தில் - maybe 2019 முதல் இதுக்கொரு துவக்கம் தந்து பார்க்கலாம் ! 'பரவால்லே...இப்போ பிடுங்கிட்டு இருக்கும் ஆணிகளே நலம் !"  என்று மனதில் பட்டால் - அதையும் தெரிவிக்கலாம் guys ! 

போன மாதம் இலண்டனுக்குப் போயிருந்த சமயம் நான் கவனித்த சில விஷயங்கள் பற்றியும், அவை நமது திட்டமிடல்களை மெருகூட்டக் கூடிய விதங்களைப் பற்றியுமே கொஞ்சம் பேசட்டுமா ? நமது ஆரம்பங்கள் சகலமுமே பிரிட்டனின் கரைகளைச் சார்ந்த கதைகளே என்பதை நாமறிவோம் ! மாயாவிகாருவில் துவங்கி இரும்புக்கை உளவாளி (வில்சன்)  வரைக்கும் ஒருவண்டி Fleetway & DC Thomson கதைகளுக்குள் நாம் மண்டையை நுழைத்து நின்றது அந்நாட்களது உச்சங்கள் ! அப்போதெல்லாம் இங்கிலாந்தின் காமிக்ஸ் மார்க்கெட்டும் செம விறுவிறுப்பாய் இருந்திடும் ! ஏதேனும் வேலை காரணமாய் அங்கு செல்லும் போதெல்லாம் - புத்தகக் கடைகளுக்குள் புகுவதே  சொர்க்கத்துக்குச் செல்லும் ஒரு அனுபவமாய் இருப்பது வழக்கம் ! ரேக் முழுவதும் வித விதமாய் ; கலர் கலராய் காமிக்ஸ் இதழ்கள் கண்ணைப் பறிக்கும்  !! அங்கேயே நின்று அவற்றைப் புரட்டினாலோ, படித்தாலோ, யாரும் ஏதும் சொல்வதில்லை என்பதால் சாவகாசமாய் மாலைப் பொழுதுகளை இந்தப் பராக்குப் பார்க்கும் படலத்தில் செலவிடுவது வழக்கம் ! ஆனால் துரதிர்ஷ்டவசமாய் பிரிட்டிஷ் காமிக்ஸ் பாணிகள் சிறுகச் சிறுக ஈர்ப்பை இழந்திட, அமெரிக்க காமிக்ஸ் படையெடுப்பு இங்கு வெற்றி காணத் துவங்கியது ! BUSTER ; BEANO ; DANDY ; VULCAN ; MISTY என்ற இதழ்களையாகப் பார்த்தும், ரசித்தும் வந்த பிற்பாடு - ஸ்பைடர்மேன் / சூப்பர்மேன் என்ற அமெரிக்க சூப்பர் ஹீரோ சாகசங்களை அதே ரேக்கில் பார்க்கும் போது ஏனோ ஒரு சின்ன ஏமாற்றம் தோன்றும் உள்ளுக்குள் ! ஆனால் இம்முறையோ ஒரு ரொம்பவே pleasant surprise !! பிரிட்டிஷ் சிறுவர் இதழ்கள் & காமிக்ஸ் மறுபடியும் ஒரு மெல்லிய சுறுசுறுப்பைக் காட்டி வருவதை - உணர முடிந்தது ! அந்நாட்களது அதே அதகளம் என்றில்லை தான் ; but நிச்சயமாய் ஒரு சின்ன மறுமலர்ச்சி கண்ணில்பட்டது போலிருந்தது ! Of course - CINEBOOK அதிரடியாய் பிரெஞ்சு காமிக்ஸ் இதழ்களை மொழிமாற்றம் செய்து ஆங்கிலத்தில் வெளியிட்டு தூள் கிளப்பி வருகிறது தான் ; ஆனால் ஏனோ தெரியவில்லை லண்டனின் புத்தகக் கடைகளில் அவை அவ்வளவாய்க் கண்ணில்படவே இல்லை !! வேற்றுமொழிப் படைப்புகள் - என்ற கோணத்தில் இவையங்கு பார்க்கப் படுகிறதா   - சொல்லத் தெரியவில்லை ! நம்மைப் பொறுத்தவையிலும் என்னதான் பிரான்க்கோ-பெல்ஜிய கதைகள் ; இத்தாலியக் கதைகள் என்ற நாம் சுற்றி வந்தாலுமே  - அந்த நேர்கோட்டு fleetway சாகசங்களின் சுவாரஸ்யமும், சுலபத்தனமும் ஒரு வித்தியாசமே என்ற சிந்தனைக்குச் சொந்தக்காரன் நான் ! So முன்னர் போல முழுக்க அதனுள் மூழ்கிடாது போனாலும் - நடுநடுவே பிரிட்டிஷ் கதைகளைக் கண்ணில் காட்டல் ஓகே தானா ? இது தொடர்பாய் பிள்ளையார் சுழிகள் ஏற்கனவே போட்டு வைத்திருக்கிறேன் என்றாலும் - உங்களின் அபிப்பிராயங்களே எனது அடுத்த அடிகளை நிர்ணயிக்க உதவிடும் ! இதனையொரு ரிவர்ஸ் கியர் போடும் முயற்சியாக நீங்கள் பார்ப்பீர்களா ? அல்லது சிகப்புக் கம்பளம் இல்லாட்டியும் லேசாய்ச் சாயம் போனதொரு  ஜமுக்காளத்தையாவது விரிக்கத் தயாராவீர்களா ? 

Before I sign off - சில வேண்டுகோள்கள் !! 

# 1 : நமது சூப்பர் 6 -ல் காத்திருக்கும் டிராகன் நகரம் இதழின் முதல் பக்கத்தில் உங்கள் போட்டோக்களை அச்சிட்டுத் தருவதாய்ச் சொல்லி இருந்ததை நிச்சயம் மறந்திருக்க மாட்டீர்கள் ! நேரமிது - உங்கள் போட்டோக்களை சேகரித்திட !! ஏற்கனவே ஒரு 25 பேர் சுமாருக்கு மட்டும் தபாலில் தங்களது போட்டோக்களை வெவ்வேறு தருணங்களில் அனுப்பி இருப்பர் ! இப்போது எல்லோருமே தங்கள் படங்களை : photos_lion@yahoo.com என்ற மின்னஞ்சல் முகவரிக்கு அனுப்பிட இயலுமா - ப்ளீஸ் ? இப்போதிலிருந்து துவக்கினாலே இந்த மெகா முயற்சியை வெற்றியாக்கிட இயலும் ! So சீக்கிரமே அனுப்புங்களேன் - Super 6 subscribers ? 

# 2 : இரத்தக் கோட்டை தொகுப்பு தயாராகி வருகிறது ! Early Birds களுக்கு அது தொடர்பான டீசர்கள் சீக்கிரமே அனுப்பப்படும் ! இந்த இதழில் "டைகர் - தொடரும் ஒரு சகாப்தம் ! " என்ற தலைப்பில் சில பக்கங்களை ஒதுக்கியுள்ளோம் - உங்களின் எண்ணச்   சிதறல்களை அதனுள் அடக்கிடும் பொருட்டு ! So இங்கே பின்னூட்டங்களாக வெளியிட்டாலும் சரி, நமக்கு மின்னஞ்சலில் (lioncomics@yahoo.com)அனுப்பினாலும் சரி - பயனாகிடும் ! பேனாக்களைத் தயார் செய்யுங்களேன் folks ?
# 3 : சமீபமாய் நமது பதிவில் வாசக டிசைனர்களின் திறமைகளை முன்னிறுத்திய "பயங்கர புயல்" ராப்பர்களைப் பார்த்துக் கொண்டிருந்த பொழுது - உங்களின் திறமைகளை மீண்டுமொருமுறை showcase செய்திடும் ஆவல் மேலோங்கியது ! காத்திருக்கும் அடுத்த கார்ட்டூன் இதழுக்கு ராப்பர் வடிவமைக்கும் ஒரு குட்டியான contest வைத்தாலென்னவென்று தோன்றியது ! So ரின்டின் கேனாரின் "தடை பல தகர்த்தெழு !!" இதழின் முகப்பை உங்கள் கைவண்ணத்தில் மிளிரச் செய்வோமா ? ஆர்வமுள்ள நண்பர்கள் கரம் தூக்குங்களேன் - ப்ளீஸ் ? 
மீண்டும் சந்திப்போம் all - மறவாது இன்றைய கேள்விகளுக்கு பதில்கள் சொல்லிட நேரம் ஒதுக்குங்களேன் ? Bye for now !! 

Sunday, April 23, 2017

ஒரு ஜாலி Sunday !

நண்பர்களே,

வணக்கம். பாகிஸ்தானிய கிரிக்கெட்டில் ஒரு ஜோக் உண்டு ; அது தான் ஷாஹித் அப்ரிடியின் ஒய்வு பற்றிய அறிவிப்புகள் ! மனுஷன் ஆறு மாதங்களுக்கொருமுறையாவது ரிட்டையர் ஆகப் போவதாய் அறிக்கை விட்டிருப்பார் ; ஆனால் பத்திரிகையில் மசியின்ஈரம் காய்வதற்கு முன்பாகவே பேட்டைத் தூக்கிக் கொண்டு "மறுபிரவேசம்" செய்திருப்பார் ! நானுமே கிட்டத்தட்ட அப்ரிடிக்கு  அண்ணாத்தே ரேஞ்சில் இருப்பேன் என்று தான் படுகிறது !! பிரேக் விடுகிறேன் என்று புறப்பட எண்ணி, ஏதேதோ காரணங்களுக்காய் யு-டர்ன் அடிப்பது இது அநேகமாய் அரை டஜனாவது வாட்டியாக இருக்கக்கூடும் ! Knowing me - என்னால் இங்கிருந்து அதிகம் விலகி நிற்க சாத்தியப்படாதென்பதை நீங்கள் யூகித்திருப்பீர்கள் தான் ; ஆனால் இம்முறை மெய்யாகவே ஒரு சன்னமான பிரேக் அவசியமென்றே எனக்குப்பட்டது ! அந்த உறுதி  நேற்றைய பதிவிற்கு உங்கள் ஒவ்வொருவரின் ஆத்மார்த்தமான பின்னூட்டங்களையும் படிக்கும் வரையிலுமே ! இயந்திரமயமாய் மாறி வரும் வாழ்க்கையில், எஞ்சி நிற்கும் சில சின்னஞ்சிறு சந்தோஷங்களுக்கு  உள்ள முக்கியத்துவத்தை உங்கள்ஒவ்வொருவரது பார்வைகளிலும் உணர முடிந்த போது - எனது பிடிவாதத்தைத் தலையைச் சுற்றி தூர ஏறியத் தான் தோன்றியது ! எனது  எழுத்து பாணி என்பதைவிடவும், நான் எழுதும் விஷயங்கள் மீதுள்ள மையலும் ; நம்மை ஒன்றிணைக்கும்  காமிக்ஸின் மாயாஜாலும், நண்பர்களாய் நாம் இங்கு ஒவ்வொருவாரமும் சந்தித்துக் கொள்வதில்  கிடைக்கும் குதூகலமும் நம்முள் ஒரு நிரந்தர இடத்தைச் செதுக்கி வைத்திருப்பது புரிகிறது ! More than anything else - வாரம்தோறும் முகம் பார்த்துப் பழகிப் போனதொரு கண்ணாடி திடீரென விரிசலோடு நின்றால் - அதனை சரி செய்து விட்டே மறுவேலை என்ற உங்களின் முனைப்புக்கு முன்னே என்னால் தாக்குப்பிடிக்கத் தான் முடியுமா ? 

அட....பில்டப் போதுமே....get on with it !!  என்று எனது மண்டைக்குள்ளேயே  ஒரு குரல் ஒலிப்பதால் - வழக்கம் போல நமது ஞாயிறு routine க்குள் மூழ்கிடுவோமா ?

போன வாரம் இங்கே டிரைலர்களாய் நாம் பார்த்த காமெடி கர்னல் இப்போது டாலடிக்கும் வண்ண புக்காகி நிற்கிறார் ! சனியிரவோடு  கேரட் மீசைக்காரரின் அச்சுப் பணிகள் நிறைவு பெற்றிருக்க, திங்கள் முதல் லார்கோ  ராஜ்ஜியம் காத்துள்ளது நம் அச்சுக் கூடத்தில் ! "சதுரங்கத்திலொரு சிப்பாய்" லார்கோ தொடருள் ஒரு சுலபப் பயணமென்பேன் !வழக்கம் போலவே கதை துவங்கிய நான்காம் பக்கத்திலேயே ஒரு 'பொளேர்' கொலை சம்பவிப்பதும், அதன் முடிச்சுக்கள் லார்கோவை மையமாக்கிட முனைவதும் நாம் ஏற்கனவே பார்த்துவிட்ட templates தான் என்றாலும், நிறைய twists இன்றி ஒரு சீராய்ப் பயணிக்கும் கதை இந்தத் தொடருக்கு கொஞ்சம் புதுசே ! பிரமிக்கச் செய்யும் கடலும், கப்பலும் சார்ந்த ஓவியங்கள் இந்த இதழின் அசாத்திய highlight !! அப்புறம் கதாசிரியர் வான் ஹாம்மேவுமே இந்தக் கதையினிடையில் ஒரு கெளரவ தோற்றத்தில் வந்து போகிறார் !! யாராக ஆஜராகிறார் ? என்பதைக் கண்டுபிடிப்பது உங்கள் வேலை ! வான் ஹாம்மேவின் பேனாவோடு லார்கோ பயணிக்கக் காத்துள்ளது இன்னமும் ஒரேயொரு சாகசத்தில் மட்டுமே எனும் போது - 2018-ன் அட்டவணைக்குள் அதனை நுழைத்தான பிற்பாடு - லார்கோ 2 .0 க்கு நல்வரவு சொல்வதே எஞ்சி நிற்கும் வேலையாக இருந்திடும் ! ஒரு கால்நூற்றாண்டை தனதாக்கியதொரு தொடர் உத்வேகம் இழக்காது முன்செல்லும் பட்சத்தில் all will be well !! நம்பிக்கையோடு காத்திருப்போம் !

சந்தா E யின் அறிமுகமும் இம்மாதமே என்பதை அறிவோம் தானே ? "ஒரு முடியா இரவு"  - இம்மாத black & white கோட்டாவிற்கு ஜன்னலைத் திறக்கவிருக்கும் இதழ் ! இந்த இதழின் பணிகளுக்கும் புகுந்த வேளையில் சமீப நிகழ்வொன்றே என் நினைவில் நிழலாடியது ! அதை ஏற்கனவே உங்களோடு பகிர்ந்து விட்டேனா - இல்லையா ? என்பது பற்றி  மண்டைக்குள் தெளிவில்லை என்ற போதிலும் - அது பற்றி ! ஒரு மாதத்துக்கு முன்பாய், தமிழகத்து திரையுலக இயக்குனர் ஒருவர் நம் அலுவலகத்திற்கு போன் செய்திருந்தார் ! நம்மவர்கள் விபரத்தைச் சொன்ன போதே எனக்குத் தெரிந்திருந்தது - அந்த போன்காலின்நோக்கம் என்னவாக இருக்கக்கூடுமென்று ! அவருடன் பேசிய போது என் யூகம் அட்சரசுத்தமாய்ச் சரி என்பது புரிந்தது - நமது மாயாவி மாமா பற்றிய பேச்சை அவர் துவக்கிய போதே ! இரும்புக்கை மாயாவி தொடரின் ஏதேனும் ஒரு சூப்பர் ஹிட் கதையினை வெள்ளித் திரைக்குக் கொண்டு செல்ல விரும்புவதாகவும், அதன் பொருட்டு யாரோடு பேச வேண்டும் ? என்ற கேள்வியையும் முன்வைத்தார் ! இதே ஆர்வத்தை  அவ்வப்போது சிலபல இயக்குனர்களும் ; சின்னத்திரை தயாரிப்புக் கூடங்களும் காட்டியுள்ள விஷயத்தைப் பகிர்ந்த கையோடு - அவருக்கு அவசியமான விபரங்களை சொல்லி வைத்தேன் ! ரொம்ப நேரம் சகஜமாய்ப் பேசிக் கொண்டிருந்தவர் - இது குறித்து நிறையவே research செய்து வைத்திருப்பதும் புரிந்தது ! மாயாவி தொடரில் எந்தக் கதையை நான் பரிந்துரை செய்வேன் ? என்று கேட்ட போது - நான் 'பெ பெ பெ' என்று தான் உளறி வைத்தேன் ; simply becos சமீபமாய் நம் மறுபதிப்புப் படலம் துவங்கிய நாள் முதலாய் - மாயாவி & கோ.வின் புராதனத்தனத்தை பகடி செய்துவரும் முதல் ஆசாமியாகவே நானிருந்து வந்திருக்கிறேன் ! Anyways - special effects சகிதம் வெள்ளித் திரையில் "இயந்திரத் தலை மனிதர்கள்" வலம் வந்தால் ரம்யமாகவே இருக்குமென்று எனக்குத் தோன்றிட, அதையும் சொல்லி வைத்தேன் ! தயாரிப்பாளரின் சம்மதம் கிட்டிடும் பட்சத்தில் - நம்மாள் தமிழ்நாட்டுத் திரையரங்குகளில் மின்சார ஓட்டைகளைத் தேடித் திரியும் சாத்தியங்கள் பிரகாசம் என்பேன் ! "தேவ் ஆனந்துக்கு வயசாகிப் போச்சு ; so மாயாவியாய் அரிதாரம் பூச யாருக்குப் பொருந்தும்  ? என்ற curiosity எனக்குள் !! இயக்குனரின் மனதில் ஓரிரு நடிகர்கள் இருப்பதை புரிந்து கொள்ள முடிந்த போதும், ஓவராய் நோண்டிடத்  தோன்றவில்லை ! ஆனால் ஒரு  பகீர் குண்டைத் தூக்கி அவர் போட்ட போது 'ஆத்தாடியோவ்!!' என்றிருந்தது ! "உங்களைப் பற்றி நான் தெரிந்து கொள்ள நேரிட்ட கதையைக் கேட்டால் சிரிப்பீர்கள் சார் ; அது வேண்டாம் !" என்று பேச்சுவாக்கில் அவர் சொல்லிட - அது என்ன சமாச்சாரமோ ? என்ற கேள்வி குடைய ஆரம்பித்தது ! "அட..அதையும் சொல்லுங்களேன் சார் - சிரித்து வைப்போமே ?" என்று நான் கேட்டேன் ! "நண்பர் ஒருவரைப் பார்க்கப் போயிருந்த பொழுது தான் உங்களை நான் கவனித்தேன். நண்பர் Youtube-ல்  உங்கள் பேட்டி ஒன்றினை ஓடவிட்டுப் பார்த்துக் கொண்டிருந்தார். அடடே....யார் இவர் ? எனது அடுத்த படத்தில் உள்ளதொரு கேரக்டர்  ரோலுக்கு இவர் பிரமாதமாய்ப் பொருந்துவாரே ! என்று சொன்னேன். அப்புறம் தான் நீங்கள் லயன்-முத்து காமிக்ஸின்  எடிட்டர் என்ற விஷயத்தை நண்பர் சொல்லித் தெரிந்து கொண்டேன். மாயாவி பற்றிய project ஏற்கனவே என் மனதில் ஓடிக்கொண்டிருக்க, நண்பரிடம் உங்கள் அலுவலக முகவரி ; வலைப்பதிவுப் பக்க முகவரி என எல்லாவற்றையும் பெற்றுக் கொண்டேன் !" என்றார்.!! நவரசங்களையும் சமீப நாட்களில் நான் பிழியோ பிழியென்று பிழியும் அழகை மட்டும் இயக்குனர் பார்த்திருப்பின், நமது பவர் ஸ்டாருக்கொரு  கடும் போட்டியாய் என்னை திரைக்குள் இறக்கி விட்டிருப்பார் !! "சார்..'சினிமா' என்பதையெல்லாம் பேப்பரில் எழுதிப் பார்க்கவே தெரிந்திருக்கா ஞானசூன்யம் நான் ; நமக்கு இந்தப் பிழைப்பே போதும் !" என்று சிரித்தபடிக்குச் சொல்லிவிட்டு தலைதெறிக்க ஓட்டம் பிடித்தேன் ! அப்போது பேச்சுவாக்கில் எழுந்ததொரு கேள்வியையே  தற்போதைய context-க்கு சம்பந்தப்படுத்திப் பார்க்க நினைக்கிறேன் ! "மாயாவி நீங்கலாய் - சினிமாவுக்கு உகந்த கதைகளாய் நீங்கள் எவற்றைப் பரிந்துரை செய்வீர்கள் ? " என்று கேட்டார் ! 'பளிச்' என்று மனதில் தோன்றிய XIII ; லார்கோ பற்றிச் சொன்னேன். கவனமாய்க் கேட்டுக் கொண்டார் ! அந்த போன் பேசிய சமயத்தில் மட்டும் "ஒரு முடியா இரவு" கதைக்குள் நான் பணி செய்யத் தொடங்கியிருப்பின், நிச்சயமாய் இந்த ஸ்கிரிப்ட்டை பரிசீலிக்கச் சொல்லிக் கோரியிருப்பேன் ! ஒரு திறமையான இயக்குனரின் கையில் இந்தக் கதை மட்டும் சிக்கினால் - ஒரு செம வித்தியாசமான short film உத்திரவாதம் என்பேன் ! அப்படியொரு மாறுபட்ட களமிது !! இன்றும், நாளையும் தான் climax-க்குள் நானே புகுந்திடவுள்ளேன் ; ஆனால் இதுவரைக்கும் கடந்து வந்துள்ளது மிரட்டல் ரகம் !!

என்னதான் நான் சந்தா E ; கொசு ; விட்டில்பூச்சி என்று அடுக்கிக் கொண்டே போக நினைத்தாலும் - 'அப்டியே வருவோம் ; அப்டியே கலக்குவோம் !' என்று முத்திரைகளை விற்பனையில் பதித்து வரும் மும்மூர்த்திகளின் சந்தா D தான் நமது ஏஜெண்ட்களின் செல்லப் பிள்ளைகள் !! கோவையிலுள்ள நம் முகவர் ஒருவருக்காக சமீபமாய் ஒரு டஜன் flex banner களை உருவாக்கித் தந்தோம் - வெறுமனே மாயாவி + லாரன்ஸ்-டேவிட் + ஜானி நீரோ படங்களை போட்டு ! "டெக்ஸ் வில்லர்..டைகர்...லார்கோ படங்களையெல்லாம்  போட்டு யாரை சார் கவரப் போகுது banner ? மாயாவியைப் போட்டா சும்மா அதிரும்லே !!"  என்று அதிரடி காட்டுபவரை நாம் என்ன சொல்வது ? பீட்சா ; பர்கர் ; ஸ்ப்ரிங்ரோல் ; டக்கிலோ இத்யாதிகளை நீங்களே வைத்துக் கொள்ளுங்கள் ; எங்களுக்கு இருட்டுக் கடை அல்வாவே போதும் என்பதே அவரது கருத்து ! விற்பனையிலும் அதை அவர் பிரதிபலித்துக் காட்டும் போது 'செரிங்க ஆபீசர் !" என்றபடிக்கே நடையைக் கட்ட வேண்டி வருகிறது ! And இதோ - இம்மாத இருட்டுக்கடை சமாச்சாரம் - "தலை கேட்ட தங்கப் புதையல்" வாயிலாக  !
நம் பழமைக் காதலர்களுக்கு ரொம்பவே பரிச்சயமானதொரு சாகசமாய் இது இருக்குமென்பதில் எனக்கு ஐயமில்லை ! அந்நாட்களில் எனக்கும் இது பிரமிப்பை ஏற்படுத்தியதொரு கதையே ! அஸ்டெக் புதையல் ; நரபலி ; வரலாறு சார்ந்த climax என்ற சமாச்சாரங்களெல்லாமே லேசாய் நினைவில் எஞ்சி நின்றன தான் ! தற்போதைய கழுதை வயசில் அந்நாட்களது அதே தாக்கம் தொடரவில்லை எனினும், ஓவராய் சொதப்பலாகவும் தெரிந்திடவில்லை இம்முறை ! ஒரு மாறுதலுக்கு முன்னட்டையில் மொட்டை டேவிட்டை மட்டுமே ஆக்ஷனில் இறக்கி விட்டுள்ளோம் நம் ஓவியரின் சகாயத்தோடு ! Hope it looks o.k. !

சின்னதாயொரு கசப்பு மாத்திரையும் இங்கே ! "மாதம்தோறும் maximum 4 இதழ்களுக்கு மேலாக வேண்டாமே - ப்ளீஸ் ?! கடைகளில் வாங்க வரும் வாசகர்கள் அவற்றுள் ஏதேனும் மூன்றை மட்டும் தேர்வு செய்து வாங்கிடும் போது எப்படியும் 1 இதழ் அடிவாங்கி விடுகிறது ! இதில் நீங்கள் இதழ்களின் எண்ணிக்கையைக் கூட்டி விட்டால் அம்மாதம் சேதாரம் ஜாஸ்தியாகிப் போகிறது !" என்று நமது முகவர்கள் சொல்லி வருவது சமீப நாட்களது நடப்பு ! அவர்களது கூற்றிலும் நியாயம் உள்ளது என்று தோன்றுவதால் - இதழ்களின் எண்ணிக்கை வரம்பை 4-ஐத் தாண்டிட இனி வரும் நாட்களில்  அனுமதிக்க வேண்டாமே என்று தோன்றுகிறது ! So சந்தா E-க்கு வழி விடும் பொருட்டு இம்மாதம் மட்டும் 'தல' தலைகாட்டாது இருந்திடுவார் ! சமீப சமயங்களில் - டெக்ஸ் இலா மாதமே லேது என்றிருந்ததை இந்த மே மாற்றிக் காட்டிடுகிறது ! So "கவரிமான்களின் கதை" யோடு டெக்ஸ் ஜுனில் காத்திருப்பார் !

On the subject of TEX - காத்திருக்கும் 2018 - நம்மவராது 70 வது பிறந்தநாள் ஆண்டென்பதை நாம் அறிவோம் ! அந்த 70-ல் ஒரு  32 ஆண்டுகளாவது நாமும் அந்தப் பயணத்தில் ஒரு சிறு பங்கு எடுத்துக் கொண்ட விதத்தில் மகிழ்கிறோம் ! செப்டெம்பரில் தான் இரவுக் ககாரின் பிறந்தநாள் என்றாலும், நாம் அதனை 1 மாதம் முன்பாக 2018 ஈரோட்டில் கொண்டாடி விடுவோமே ? என்று தோன்றியது ! உலகெங்கும் உள்ள டெக்ஸ் ரசிகர் மன்றங்களின் கொண்டாட்டங்களுக்குச் சிறிதும் சளைக்கா விதத்தில் நாமும் ஒரு TEX artwork பவனி ; அன்று முதல் இன்று வரையிலான TEX இதழ்களின் display ; கதைகளின் அலசல்கள் ; வாசகர்களின் பார்வைகளில் TEX என்று கலக்கினாலென்ன guys ? அடுத்தாண்டின் ஈரோட்டுச் சந்திப்பை A CELEBRATION OF TEX !! என்று இப்போதே fix செய்திடலாமா ? Oh yes - பட்டாசில்லா தீபாவளியா ? ஸ்பெஷல் இதழ் இல்லா கொண்டாட்டமா ? நண்பர்களின் வேண்டுகோளுக்கு ஏற்ப டெக்சின் அனல்பறக்கும் சாகசங்களின் தொகுப்பொன்று மெகா சைசில், மெகா பருமனில் வெளிவந்திடும் ! TEX Over the Ages - என்ற விதமாய் அதன்  iconic கதாசிரியர்களின்  படைப்புகள் ஒரே இதழில் அதிர்வேட்டாய் இடம்பிடிக்கவிருப்பதை இப்போதே சொல்லி வைக்கிறேன் !! எத்தனை கதைகள் ? எத்தனை பக்கங்கள் ? என்பதை உங்கள் யூகங்களுக்கே இப்போதைக்கு விட்டு விடுகிறேன் !! தற்போதைய  TEX  எடிட்டரின் முன்னுரையும் அந்த இதலுக்குப் பெருமை சேர்க்கும் என்பது கொசுறுச் சேதி !! இந்த landmark இதழுக்கொரு பெயர் suggest செய்யுங்களேன் guys ?

Before I sign off - இதோ இவ்வாரம் உங்கள் பொழுதுகளை சுவாரஸ்யமாக்கிட நான் ஆங்காங்கே எழுப்பியுள்ள சில ஜாலி கேள்விகளின் தொகுப்பு :

1 மாயாவிகாரு வெள்ளித் திரைக்கு ப்ரோமோஷன் காண்பாரா - மாட்டாரா ? என்பதெல்லாம் நம் கைகளிலோ , கற்பனைகளிலோ இல்லா ஒரு விஷயம் ! ஆனால் மாயாவியாக அரிதாரம் பூசிட யார் பொருத்தமான தேர்வாக இருப்பாரென்று நினைப்பீர்கள் guys ?

2 .மாயாவியின் தொடரில் - திரைப்படமாக உருமாற்றம் காண மிகத் தகுதி வாய்ந்த கதையாக எதை பார்ப்பீர்கள் ?

3 மாயாவிக்குப் பின்பாய், (தமிழ்) சினிமாவுக்கு ஏற்ற கதைத் தொடராய் எதனைச் சொல்லிடலாம் ?

4 TEX - 70 : ஒரு அதிரடிப் பெயர் ப்ளீஸ் ?

இப்போதைக்கு நடையைக் காட்டுகிறேன் folks - முடியா இரவை இன்றைய பகலிலாவது முடிக்கும் பொருட்டு ! See you arund !! Bye for now ! Have an awesome Sunday !! 

Saturday, April 22, 2017

பேனா போன போக்கில்...!

நண்பர்களே,

வணக்கம். எங்கே ஆரம்பிப்பது ? ; எங்கே கொண்டு செல்வது ? என்று தெரியாது பேனாவைக் கையில் பிடிக்கிறேன் - மனம் போன திக்கில் அதுவுமே பயணமாகட்டுமே என்று! ஏற்கனவெ சொல்லியிருந்தேன்- 5 ஆண்டுகள் இங்கே நான் கற்றதும்,பெற்றதும் அதற்கு முந்தைய 45 ஆண்டுகளின் வாழ்க்கைப் பாடங்களை விடவும் மதிப்பில் அதிகமென்று! தொடரும் ஒவ்வொரு நாளும், அதனைப் புதுப்புது பரிமாணங்களில், நல்ல விதங்களிலும், சங்கட சூழல்களிலும் உணர்ந்து வருகிறேன்!

உங்களது தற்போதைய உணர்வுகளை என்னால் அட்சர சுத்தமாய் யூகிக்க முடிகிறது! ஆனால் என் தலைக்குள் ஓடும் சமாச்சாரங்களை அத்தனை இலகுவாய்க் கணிக்க யாருக்கும் சாத்தியமாகாது என்பமே என் எண்ணம்! Because என்னுள் தற்சமயம் விரவிக் கிடப்பது ஒரு விசித்திரமான நிம்மதியே! Yes of course - சங்கடம்; ஆற்றமாட்டாமை ; அய்யரவு என நெகடிவான எண்ணங்கள் வீரியமாய் அலையடிக்கின்றன தான் ; ஆனால் அவற்றோடு ஒரு இனம்புரியா அமைதியும் சேர்ந்து நிற்பது எனக்கே புரியாத புதிராய் உள்ளது! இன்டர்நெட்; FB; சமூக வலைத்தளம்; வலைப்பதிவு என்பனவெல்லாம் புதிதாக இருந்த ஆரம்ப நாட்களில் தட்டுத் தடுமாறி நிறைய ஏழரைகளுக்குள் நான் கால் விட்டதில் இரகசியமில்லை தான்! அவற்றைக் கையாளத் தெரிந்தும், தெரியாமலும் நான் ஈட்டியது நிறைய நட்புகளையும், சில மௌனப் பகைகளையும் என்பதுமே ஊரறிந்த ரகசியம். அந்த வேளையில் தான் இந்த வௌவால் மீது எட்டுக்கால் சமாச்சாரம் தோண்டியெடுக்கப்பட்டு FB-யிலும் சரி, நமது பதிவிலும் சரி ஒரு சூடான விவாதப் பொருளாகியது. அன்றைக்கே எனக்குத் தெரியும், நான் அதே பாணியில் செய்திருந்த லாரன்ஸ் - டேவிட் உல்டா & ஜானி நீரோ makeover என்றேனும் ஒரு நான் வெளிக்கிளம்பி நிச்சயமாய்த் தலைகுனியச் செய்யுமென்று! மாமூலான நாயகர்களின் இடத்தில் சாதனை செய்த ஹீரோக்கள் இடம்பிடிக்கும் பட்சத்தில், அந்நாளைய விற்பனைச் சறுக்கல்கள் சமனப்பட்டு விடுமென்ற பைத்தியக்கார சிந்தனைகள் எழுந்த நாட்களை என்ன செய்தாலும் மாற்றிட முடியாது என்பது புரிந்தது! புத்தியைப் பறிகொடுத்துவிட்ட தருணங்களை என்ன சொல்லியும் நியாயப்படுத்திட இயலாது என்பதுமே புரிந்தது. ஆக தாமதமாகவோ- சீக்கிரமாகவோ இந்த விவகாரத்தில் சங்கடம் உத்தரவாதம் என்பதை 4 ஆண்டுகளுக்கு முன்பாக உணர்ந்த போதே மனதுக்குள் கரையான் கோட்டை ஒரு மூலையில் உருவாகத் தொடங்கியிருந்தது! என்றைக்கோ ஒரு நாள் யார் சொல்லியோ நீங்கள் இதனைத் தெரிந்து கொள்வதை விடவும்- நானே மனம் திறந்திடலாமென்று எத்தனையோ முறைகள் தோன்றியிருக்கிறது. ஆனால் ஒவ்வொரு தடவையும் உங்கள் ஒவ்வொருவரது கண்களையும் நேரில் பார்க்கும் திராணியின்றிப் போய் விடும்; அமைதி காத்து விடுவேன்! இது சத்தியமான நிஜம்!

இன்றைக்கு இந்தப் பூசணியை முற்சந்தியில் போட்டு உடைத்த பெருமைக்குச் சொந்தக்காரரின் கர சுத்தத்தைப் பற்றியோ; 'எனக்கு ஒரு கண் போனாலும்- உனக்கு ரெண்டையும் நொள்ளையாக்காது விட்டேனா பார்?' என்ற சிந்தனையைப் பற்றியோ நான் விமர்சிக்கப் போவதில்லை! ஏனெனில் என்றைக்கோ நானாகவே செய்திருக்க வேண்டிய ஒப்புதல் விஷயத்தை இன்றைக்கு என் சார்பில் அவர் செய்து தந்திருக்கிறார்! அதுமட்டுமன்றி, பகைமைக்கு அவர் தலைக்குள் என்ன முகாந்திரங்கள் தோன்றியிருப்பினும் சரி, என்னளவில் அவ்விதம் ஏதும் கிடையாது என்பதுமே நிஜம்.நமக்கு ஸ்டால் கிடைக்க ஏகமாய் பாடுபட்டிருக்கிறார் ஆரம்ப நாட்களில்; டி.வி; மீடியா என்று வெளிச்ச வட்டங்கள் நம் பக்கம் பாய்ந்திட மெனக்கெட்டிருக்கிறார்; எத்தனையோ நாட்கள் நம்மைச் சந்திக்க சிவகாசிக்கு விசிட் அடித்துள்ளார்; நம் பணிகளின் பொருட்டு சென்னையின் வீதிகளில் சுற்றித் திரிந்திருக்கிறார் ; பற்றாக்குறைக்கு சீனியர் எடிட்டரின் அசைக்கமுடியா நம்பிக்கையையும் ஈட்டியிருக்கிறார் எனும் போது- தற்போதைய “புலன் விசாரணைகளையுமே” அந்த ஒத்தாசைகளின் பட்டியலில் சேர்த்து வைத்துப் பார்த்துப் போகிறேனே? நீளமான திரி கொண்ட பட்டாசைப் பக்கத்திலிருந்து பார்த்து நிற்பதை விடவும், அது வெடித்து விட்ட பிறகு ரணத்தைச் சகித்து விடல் தேவலை என்பதைச் சமீப நாட்களில் புரிந்து கொண்டதன் பலனோ என்னவோ- என்னுள் தலைகாட்டும் அந்த அமைதி?! சந்தேகத்துக்கு இடமின்றிக் கூனி நிற்கிறேன்; உங்களின் பொழுதுகளை ஏதோவொரு சிறு விகிதத்தில் வெளிச்சமாக்கியவன் இன்றைக்கு உங்களையும் சங்கடத்தில் ஆழத்தியதுக்கு எவ்விதச் சமாதானமும் கிடையாதென்றும் புரிகிறது! ஆனால் இந்த வார ஜுனியர் விகடனில்  திரு.மனுஷ்ய புத்திரன் ‘ஒரு வரி- ஒரு நெறி‘ பக்கத்தில் எழுதியிருந்த வரிகளைக் படிக்க நேர்ந்தபோது அவை எனது இக்கட்டை மனதில் கொண்டு எழுதப்பட்டவை போலவேபட்டது! வாரந்தோறும் நான் மண்டியிட்டு மன்னிப்புக் கோரத் துவங்கிடும் பட்சத்தில் அது அந்த வார்த்தையினையே கேலிக் கூத்தாக்கி விடுமென்பதால் மறுபடியும் அந்தச் சாலை பக்கமாய் நடை பயில்வதாகயில்லை! ‘செய்றதையும் செஞ்சிட்டு, திமிர் வேண்டிக் கிடக்கோ  ??‘ என்று ஒருசிலருக்குப்படலாம் தான்; ஆனால் நிபந்தனைகளின்றி என் மீது அன்பு காட்ட எஞ்சியிருக்கும் ஒரு சிறுவட்டத்தை திரும்பத் திரும்ப தர்மசங்கடத்துக்கு ஆளாக்கி, அவர்கள் என்னைச் சமாதானம் செய்யத் தத்தளிப்பதென்பது என் ஆன்மாவைச் சித்ரவதை செய்யும் வலியைத் தருகிறது! அதே போல-

தவறென்று இவையனைத்தையும் சுட்டிக்காட்டி பதிவிலோ; FB-யிலோ எழுதியிருக்கும் பட்சத்தில் நிச்சயமாய் வருத்தம் நேர்ந்திருக்குமென்று தோன்றவில்லை; ஆனால் ஓரிடத்தில் ததும்பிய “'சீக்கிரப் பறவை'” உற்சாகங்களும், உதிரப்படல உத்வேகங்களும், பிறிதோரிடத்தில் இத்தனை தாக்கத்தை உருவாக்கி, ஒரு முன்னணி ஊடகத்தைக் கொண்டேனும் அதற்கொரு வடிகால் தேடிக் கொள்ள முனையும் போது- நிலவரம் வேறாகிறது! ‘உன்னைக் காவு வாங்கும் முயற்சியில், சுற்றுமுற்றும் சிக்கிடக்கூடிய அந்த ஆகச் சிறிய காமிக்ஸ் வட்டம் மீதும் இரத்தம் தெறித்தாலும் எனக்குக் கவலையில்லை!‘ என்ற தீவிரம் குடிகொண்ட பின்பாய் மன்னிப்புக் கோரல் என்பதையே தொடர்ந்து கேடயமாக்கி நான் நிற்பது மடத்தனத்தின் உச்சமாகப்படுகிறது! அதற்காக- look who’s calling the kettle black?’ என்ற ரீதியில் நானும் சேற்றை வாரி இரைக்க முனையப் போவதில்லை! ‘இழப்பதற்கு ஏதுமில்லை!‘ என்ற நிலையிலிருந்து ஒருவர் எடுக்கும் தீர்மானங்களுக்கும்; 'இழப்பது சுயத்தையே என்றிருந்தாலும்- சேதம் நாமெலாம் நேசிக்கும் காமிக்ஸ்களுக்கும்; அவற்றை (சு)வாசிக்கும் நண்பர்களுக்கும் வேண்டாமே!!'‘ என்று நினைப்பவனின் தீர்மானங்களுக்குமிடையே வேறுபாடு இருக்கத்தானே செய்யும்? So எனது பதிவும், பாதையும், பயணமும் நிதானமாகவே   இருந்திடும்! “"பயந்திட்டான் பாரேன்!”"என்ற நகையாடல்கள் எழும்பிடக்கூடும் என்று தோன்றினால் கூட எனக்குள் அதன் பொருட்டு கவலை ரேகைகள் இல்லை !! 

காமிக்ஸ் உலகைத் தூக்கி நிறுத்தப் பிறந்தவனாய் என்னை ஒருபோதும் நான் பார்த்ததில்லை! எஞ்சி நிற்கும் ஒரே பிரதிநிதி என்பதற்காக தமிழ் காமிக்ஸ் உலகே நம்மைச் சுற்றித் தான் என்ற கற்பனைகளும் எனக்குக் கிடையாது! In fact- இந்தத் துறையில் துணைக்கு யாரேனும் வந்தால் தேவலையே- கிடைக்கும் கவனத்திலும், சாத்துகளிலும் பங்கு போட்டுக் கொள்ளவாவது!” என்று பல முறைகள் நண்பர்களிடம் பகிர்ந்துள்ளேன்! ஆனால் அதற்காக 'நீயொருவன் பந்தி விரித்து டிபன் போட்டுக் கொண்டேயிருக்கும் வரைக்கும் அடுத்த கேட்டரிங் கான்டிராக்டர் உள்ளே நுழைய முடியாதே?” என்ற ஆதங்கத்திற்கெல்லாம் நான் செய்திடல் என்னவாக இருக்க முடியும்? ஏற்கனவே ஏழு கோடிப் பேர் கொண்ட தமிழகத்தில் 1500 பேர் தேறுவது உயிர் போகும் பிரயத்தனமாயுள்ளது - – காமிக்ஸ் எனும் சுவையைப் பகிர்ந்து கொள்ள! அந்த சொற்ப நம்பரையும் கரைத்தலையே ஊன்உறக்கம் பாரா தற்போதைய இலட்சியமாய்க் கொண்டு செயலாற்றும் போது நானிங்கே தடுமாறத் தொடங்கினால் என்னை நம்பி என்னிடம் ஒப்படைக்கப்பட்ட விருட்சத்தைக் கைவிட்டவனாவேன்! So அந்தத் தவறைச் செய்வதாக நானில்லை! 50 வயதில் புதிதாய் பிள்ளையார்சுழியிலிருந்து துவங்க வேண்டியதொரு சூழலில் இருப்பது போல் உணர்கிறேன்! “"அழிக்க"“ இவ்வளவு வியர்வை சிந்திட ஒருவர் கண்முன்னே தயாராய் நிற்கும் போது- “"ஆக்க"” அதே தீவிர உழைப்பைப் பயன்படுத்திடப் படித்துக் கொண்டால் போச்சு என்று தோன்றியது! So முன்னெப்போதையும் விட திடமாய் உழைக்க வேண்டிய நாட்கள் முன்னிற்பதாய் நினைக்கிறேன் ! 

'எல்லாம் சரிதான் ; ஆனால் கடைசி வரையிலும் ‘வள வள‘.... ‘கொள-கொள‘ ஆசாமியாகவே இருந்து விடப் போகிறாயா?' என்று நம்முள் சற்றே சிறுதிரிகள் கொண்ட நண்பர்கள் எரிச்சலோடு சமீப நாட்களது எனது மௌனத்தைப் பார்த்திடக் கூடுமென்பதும் எனக்குப் புரியாதில்லை! செய்த பிழைக்கு தண்டனை என்ற ரீதியில் பார்த்ததோடு மட்டுமன்றி, கற்பனையான மகுடங்களும், காற்றில் மட்டுமே ஜீவிக்கக் கூடிய சில வெற்றிகளையும், தோல்விகளையும் இத்தனை வன்மத்துக்கு பெட்ரோல் ஆக்கிடவும் சாத்தியம்தானா ? என்ற மலைப்புமே அதன் காரணம்! எல்லாவற்றிற்கும் மேலாய் ஒரு 76 வயது முதியவரின் நம்பிக்கையையும், நட்பையும் கூட காலுக்குள் போட்டு நசுக்கியேனும் காரியத்தைச் சாதித்துக்கொள்ளத் தோன்றிடும் பட்சத்தில்- அதன் பின்னுள்ள திட்டமிடலும், agenda-வும் வெளித்தோற்றத்தோடு சம்பந்தம் கொண்டவைகள் தானா? என்றும் நினைக்கத் தோன்றியது!  

தவறைச் சுட்டிக்காட்டிட சரியானவர் தானா ? என்றோ; அவரது தகுதியோ / தகுதியின்மைகளோ எனது பிழைகளைச் சரிசெய்யும் அழிரப்பராகிடும் என்றோ நான் கனவு காணப் போவதில்லை! அதே போல இந்த ஸ்பீட் பிரேக்கரால் நமது பயணமும் தடைபடவோ; தாமதப்படவோ போவதுமில்லை! அதற்காக எதுவுமே நேர்ந்திடவில்லை என்பது போல பதிவுகளில் பாசாங்கும் செய்ய மாட்டேன்! உங்களின் காயங்களுக்கு காலம் மாத்திரமே மருந்திட முடியுமென்பதால் அந்த நலம் பெறலுக்கு அவசியப்படும். அவகாசத்தைத் தந்திடும் பொருட்டு இங்கு மட்டுமாவது உங்களுக்குச் சின்னதொரு ‘பிரேக்‘ தந்திடலாமென்றுள்ளேன் -- நீட்டி முழக்கும் என் வரிகளிலிருந்து ! காணாது போகப் போவதாய் நான் சொல்ல வரவில்லை ; சிந்தையில் கொஞ்சமே கொஞ்சமாய் சகஜம் மீண்டிடும்வரையிலும் பெரும்பங்கு கவனத்தைப் பணிகளின் பொருட்டு தந்து பார்க்கிறேன் என்றுதான் சொல்ல முனைகிறேன் !  எனக்குள்ளும், உங்களுக்குள்ளும் சற்றே ‘நார்மலான‘ அமைதி திரும்பும் வரை இந்தப் பதிவுப் பக்கத்தில் நமது இதழ்களின் அறிவிப்புகளை மட்டும், சுருக்கமான வரிகளோடு  செய்திட அனுமதி தாருங்களேன் - ப்ளீஸ்?! சின்னதொரு இடைவெளியில் நமது பரஸ்பர பேட்டரிகளைச் சார்ஜ் செய்து விட்டுத் திரும்புவோமே ? என் மடமையினைச் சலவை செய்ய முயற்சிக்கவும் இந்த நாட்களைப் பயன்படுத்திக் கொள்கிறேனே ? 'வாட்சப்' க்ரூப்களிலும், தொலைபேசி உரையாடல்களிலும் உரிய இடங்களைக் காமிக்ஸ் இதழ்கள் மீட்டிடும் தருணத்தில் நான் உங்கள் முன்னே ஆஜராகியிருப்பேன் guys! Bye for now!

P.S: துவக்கத்தில் சொன்னது போலவே இது மனம் போன போக்கிலான பதிவு மட்டுமே! கோர்வையோ; வார்த்தைப் பிரயோகங்களோ சற்றே மேம்பட்டும் இருக்கலாம் தான்! ஆனால் மறுவாசிப்பு செய்திடாது தலையில் தோன்றியவைகளை அப்படியே வரிகளாக்கியுள்ளேன் என்பதால் அவற்றைப் பொருட்படுத்த வேண்டாமே? அதே போல ‘சென்டிமெண்டலாகப்‘ பேசுவதோ; வார்த்தை ஜாலங்களில் பூசி மெழுகிடுவதோ என் நோக்கமும் அல்ல! எங்கேனும் அதுபொருட்டு நெருடினால், பிழை என் பேனாவின் வார்த்தைகளில் தானேயொழிய என் உள்ளத்து வார்த்தைகளில் அல்ல என்ற புரிதலுக்கு முன்கூட்டியே நன்றிகள்!

என்னென்னவோ எண்ணங்கள் சிந்தனையை ஆக்கிரமித்திருந்தன! அவற்றையெல்லாம் இங்கே எழுதிவிட்டேனா என்று தெரியவில்லை! Maybe நடுச்சாமத்தில்- ‘ஐயோ; அதைச் சொல்ல மறந்துட்டேனே!‘ என்றோ; அடடா... இதை வேறுவிதமாய்ச் சொல்லியிருக்கலாமோ ?!‘ என்றும் விசனப்படக் கூடும் தான் ! ஆனால் இதற்கு மேலாய் என்னால் காமிக்ஸ்களுக்குப் பாதிப்பு எந்தவொரு இடத்திலும் - நேர்ந்திடக் கூடாதே என்ற ஜாக்கிரதையுணர்வு மிகுந்திருந்ததால் நிறைய ஜாடிகளை மூடியிருக்க அனுமதிப்பதே தேவலை என்று தீர்மானித்தேன்!

அடுத்த ஸ்பெஷல் இதழ் அறிவிப்பின் திட்டமிடலுக்கும்; செயலாக்கத்துக்கும் தொடரும் நாட்களை நிச்சயம் பயன்படுத்திக் கொள்வேன் !! See you around ! Be back soon ! And more than anything else - sorry from the bottom of my heart once again !

Sunday, April 16, 2017

மீண்டும் நானே !

நண்பர்களே,

வணக்கம் ; ராப்பொழுதில் பெரும்பகுதியினை  வார்த்தைத் தேர்வுகளுக்கெனச் செலவிட்டுவிட்டு, காலையின் ஒரு பகுதியையும் அதனைச் செப்பனிடுவதில் செலவு செய்து விட்டு லேசாயொரு தூக்கத்துக்குள் ஆழ்ந்தது எப்போதென்று சத்தியமாய் எனக்குத் தெரிந்திருக்கவில்லை ! லார்கோக்களும், லாரன்ஸ்களும் சுற்றிச் சுற்றி சுழன்றடித்துக் கொண்டிருந்த சொப்பனலோகத்திலிருந்து பாட்டுப் பாடி என்னை மீட்டெடுத்துச் சென்றது இன்று பகலில் ஓவர்டைம் பார்த்து வரும் எனது செலபோன் !! புதுப் புது நம்பர்களாக உள்ளனவே ? என்ற மெலிதான குழப்பத்தோடு பேசத் துவங்கினால், அத்தனையுமே நண்பர்களின் பதட்டமான நலம் விசாரிப்புகள் ! பதிவின் தாக்கம் உங்களின் காலைகளை சிக்கலாக்கியிருப்பதும் சரி ; என் வார்த்தைகளின் வலிகள் என்னுள் தங்கிடக் கூடாதே என்ற பரிதவிப்பும் சரி - ஒவ்வொரு குரலிலும் மறைவின்றித் தெரிந்தது ! திரைகளிலும் சரி , கதைகளிலும் சரி,  நாம் கேட்டும் / படித்தும் பழகிப் போன சில சொற்றொடர்கள்  நிஜமான பயன்பாட்டின் போது தேய்ந்த cliches ஆக ஒலிப்பது வாழ்க்கையின் விசித்திரங்களுள் ஒன்றென்பேன் ! இருப்பினும், அவற்றுள் ஒன்றை இந்தத் தருணத்தில் நான் இரவல் வாங்கியே தீர வேண்டும் guys !!  உங்கள் ஒவ்வொருவரின் அன்புக்கும், பெருந்தன்மைக்கும், காமிக்ஸ் நேசத்துக்கும் நான் நன்றி சொல்ல இன்றைக்கு ஆரம்பித்தால் - அடுத்த நூறாண்டுகளுக்குத் தொடர்ந்திடும் அந்தப் படலம் ! "இல்லே..இல்லே..கோட்டை அழிச்சிட்டு முதல்லேர்ந்து பொர்டா  சாப்பிடத் தொடங்குவோம் !"  - என்ற கதையாக வாழ்க்கையை இன்னொருமுறை ஆரம்பத்திலிருந்து வாழ வாய்ப்பொன்றை ஆண்டவன் எனக்கு அருளிடும் பட்சத்தில் -  சத்தியமாய் நான் வேறெதற்கும் ஆசைப்பட மாட்டேன் - எல்லைகளில்லா இந்த காமிக்ஸ் பயணத்தில்  உங்களோடு கைகோர்த்துப் பயணம் போகும் வாய்ப்பைத்  தாண்டி !! நண்பர்களிடம் சொன்னதையே இங்கும் ஒருமுறை repeat செய்கிறேன் guys : 45 ஆண்டுகள் நான் பார்த்தும், படித்தும், உணர்ந்த உலகத்தை விடவும்   இந்த 5 ஆண்டுகளில், உங்கள் அண்மையோடு நான் கற்றுள்ளதும்-பெற்றுள்ளதும் ஏராளம் !!  நிஜமான அன்பையும், நட்பையும் எனக்கு நிபந்தனைகளின்றித் தந்து வரும் உங்கள் ஒவ்வொருவரையும் அறியப் பெற்ற வாய்ப்பானது நான் வாங்கி வந்த வரமென்பேன் !! Thanks ever so much all !!

தேசப் பிரமுகர்கள் தவறிடும் தினங்களில் தூர்தர்ஷனில் 'டொய்ங்..டொய்ங்..' என வாசிக்கப்படும் சோக கீதம் போல நமது பதிவுப் பக்கம் தொடர்ச்சியாய்க் காட்சி தருவது உங்களை எத்தனை பாதித்துள்ளது என்பதை பார்க்கும் போது - "ஊஹூம்.....இது வேலைக்கு ஆகாது ! நமக்கும் அழுகாச்சிகளுக்கும் எப்போதுமே ஏழாம் பொருத்தம் !!" என்று தீர்மானித்தேன் ! So இதோ - back to normal service !! And இம்மாதத்து கேரட் மீசைக்காரர்  கைவசம் தயாராக இருக்கவும் செய்கிறார் என்பதால் - அவரோடு ஆரம்பிப்போமே புதிதாய் ?

கர்னல் க்ளிப்டனின் அறிமுகம் நம்மிடையே நிகழ்ந்தது way back in the மினி லயன் days என்றாலும் - அவரது வண்ண என்ட்ரிக்குப் பின்பே அவருக்குமொரு எதிர்பார்ப்பு உருவாகத் துவங்கியுள்ளது என்பேன் ! "கர்னலுக்கொரு சிறுத்தை"  அவரது தொடரில் கதை # 5 ! வழக்கம் போலவே இம்முறையும் படைப்பாளிகளின் நோக்கமானது - அந்த "stiff upper lip" பிரிட்டிஷ் மனப்பாங்கைப் பகடி செய்வதும் ; ஒரு ஆக்ஷன் கதையை நகைச்சுவை கலந்து சொல்வதுமே !! அந்நாட்களில் பிரிட்டிஷ் உளவுத்துறையின்  ஜேம்ஸ் பாண்ட் பாணி நாவல்களும், கதைகளும், காமிக்ஸ்களும் நிறையவே வலம் வந்துகொண்டிருக்க - அவற்றை ஒரு ஜாலியான பாணியில் பார்க்க முனைந்துள்ளனர் கேரட் மீசைக்காரரின் படைப்பாளிகள் !! இந்த ஆல்பமுமே அதற்கொரு விதிவிலக்கல்ல என்பதால்  பக்கத்துக்குப் பக்கம் வெடிச் சிரிப்புகளைத் தேடாது ; வெடிகளுக்கு மத்தியில் சிரிப்பைத் தேடினால் all will be well !! சுருக்கமாய்ச் சொன்னால் - ஒரு ஜாலியான ஆக்ஷன் சரவெடி இது ! இதோ அதன் அட்டைப்பட முதல்பார்வை !! ஒரிஜினல்  டிசைனையே நமது டிசைனர் பொன்னன் மேம்படுத்தியிருக்க, முன்னும் பின்னும்மிளிர்கின்றன அந்த அடர்வர்ணங்களில் !! 

And இதோ - அதன் உட்பக்க preview -ம் கூட !! ஜாலியாய்ச் சொல்லப்பட்டுள்ள கதை என்பதால் ஜாலியாகவே எனது பேனாவும் பயணம் செய்துள்ளது ! சமீபத்தில் ஜெரெமியாவின் பணிகளுக்குள் மண்டையைப் பிய்த்துக் கொண்டிருந்த நேரங்களில் ஒரு break ஆக எனக்கு கிட்டியவர் மிஸ்டர் கே.மீ. என்பதை நான் சொல்லியே தீர வேண்டும் ! மாதா மாதம் இந்த கார்ட்டூன் இதழ்களின் பணிகள் மட்டும் இல்லாது போயின், என் பேட்டரிகளை ரீசார்ஜ் செய்திட Ms அட்டகாசத்தின் ரோபாட்டிமாவைப் போல நானும் ஏதேனும் மின்சார ஓட்டையினைத் தேடித் செல்ல அவசியமாகிடும் !! 
இங்கொரு related சேதியும் கூட !! கார்ட்டூன் தடமானது வண்ணமயமாய் ; ஜாலியாய்த் தட தடத்து வந்தாலும் - இன்னமும் நண்பர்களுள் ஒருபகுதியினர் "அய்யே...கார்ட்டூனா ?" என்ற ஓட்டம் பிடிப்பதும்  கண்கூடு ! நமது ஆன்லைன் ஸ்டோரில் மாதந்தோறும் கார்ட்டூன்களும் கலந்த PACKS லிஸ்டிங் ஆகும் போது கிட்டிடும் விற்பனையினை விடவும், கார்ட்டூன் இதழ்கள் இல்லாது - தனித்தனியாய் ஆக்ஷன் கதைகளை மட்டுமே ஆர்டர் செய்து கொள்ளும் வசதி வழங்கப்படும் நேரங்களில் நேரும் விற்பனை கிட்டத்தட்ட 75% அதிகம் !! 'எங்களைப் பொறுத்தவரையிலும் - காமிக்ஸ் என்றாலே ஆக்ஷன் மட்டும்தான் !' என்று விடாப்பிடியாய் உள்ள நண்பர்களின் ரசனைகளை நான் பழுதென்றிட மாட்டேன் ; மாறாக - இன்னும் இன்னும் தரமான கார்ட்டூன்களை அவர்கள் முன்வைத்து மசியச்செய்து பார்க்கவே முயற்சிப்பேன் ! நாளைய தலைமுறையும் நம்மோடு பயணம் செய்ய வேண்டுமெனில் - அவர்களை உள்ளிழுக்க கார்ட்டூன்களை விட வேறேது சுலப மார்க்கமாய் இருந்திட முடியும் ? கார்டூன்களையும் (சு)வாசிப்போமே folks ? 

Moving on, தமிழ்ப் புத்தாண்டின் பதிவில் நான் போட்டிருந்த அந்தச் சித்திர மிரட்டல் நமது இரவு கழுகாரின் ஒரு சமீப சாஅசத்தின் பக்கமே என்பதை இப்போது தெரிந்திருப்பீர்கள் !! ஆகஸ்ட் ஐஸ் க்ரீம் அது தானா சார் ? என்ற உற்சாக வினவல்கள் ஒருபக்கம் ஒலிக்கத் துவங்க - அந்தக் கதை பாணிகள் பற்றியதொரு அலசல் அவசியமென்று பட்டது ! TEX -ன் கதைகளுள் மெபிஸ்டோ உண்டு ; விட்டலாச்சார்யா பாணிகளுமுண்டு என்பதை நாமறிவோம் தான் ! ஆனால் லேசான ஒரு பரிச்சயத்தைத் தாண்டி, நாம் அந்த மந்திர, தந்திர கதைவரிசைகளை முயற்சிக்க முனைந்ததே இல்லை !! ஆனால்  இத்தாலியில் அந்த fantasy கதைகளையும் சரளமாய் TEX வாசகர்கள் ஏற்றுக்கொள்வது எனக்குள் வியப்பையே ஏற்படுத்திடுகிறது ! ஒரு solid ; அக்மார்க் கவ்பாய் என்ற இமேஜை ஈட்டிய பின்பாய் அதனை நீர்த்துப் போகச் செய்வது போலாகிடாதா இந்தக் காதுலே புயப்பம் பாணிக்  கதைகள் ? மாங்கு மாங்கென்று கதைகளைத் தேடிப் பிடித்து, அந்த அதிரடி டெம்போவை கொஞ்சமும் மட்டுப்பட்டுப் போக அனுமதிக்கலாகாது என்ற பதைபதைப்பில் நான்மெபிஸ்டோவோ  ; யமாவோ எட்டிப் பார்க்கும் கதைகள் பக்கமே தலை வைத்தும் படுப்பதில்லை ! ஆனால் அவற்றையும் ரசிக்க நாங்கள் ரெடி என்றால் வண்டியை அந்தப் பக்கமாய்ச் செலுத்திட வேண்டி வரும் !! What say folks ? "டெக்ஸ்" என்ற அந்த அதிரடி நாயகரின் இமேஜ்  - இது போன்ற "காத்திலே ஒரு புகை மாதிரி வந்து போகும்" வில்லன்களோடு மோதும் சமயம் சேதமாகிப் போயிடாதா ? அந்த பணிகளிலும் உங்கள் ரசனைகளுக்கு நெருக்கமான சமாச்சாரங்கள் இருக்கக் கூடுமென்று தோன்றுகிறது ? ஒரு அலசல் ப்ளீஸ்   ?
அப்புறம் TEX 70 என்ற கொண்டாட்டத்துக்கு போனெல்லி வரிந்து கட்டிக்   கொண்டு கிளம்பி வருவதை நாமறிவோம் !! அவர்களுக்கு சாத்தியமாகிடும் ஓராயிரம் அடிப் பாய்ச்சலுக்கு நம்மிடம் ஆற்றல் பற்றாதென்றாலும், நம் சக்திக்கு உட்பட்ட ரகலைகளைச் செய்யவிருக்கிறோம் ! சக்கரங்கள் சுழன்று வருகின்றன இப்போதே !! அது பற்றிய உங்களின் suggestions இருப்பின் - சொல்லுங்களேன் ? 
From one top star to the other - இனி லார்கோ நேரம் ! வண்டி வண்டியாய்க் கதைகள் என்றில்லாது, short & crisp ஆக உள்ள தொடர்களில் ஒரு வசதியுண்டு ! வருஷங்களாய் அவர்களது தடங்களில் நாம் ஓடிப் பார்த்தாலும்- “ஆவ்... இன்னமும் 600+ புதுக் கதைகள் உள்ளனவா?” என்ற மலைப்பு மேலோங்கிடாது, எல்லைக் கோட்டை நெருங்கும் திருப்தி கிடைக்க வழியுண்டு இங்கே ! நமது கோடீஸ்வரக் கோமகன் லார்கோவின் சாகஸங்கள் தான் எனது இந்த மகாசிந்தனையின் பின்னணி ! 2013-ல் “என் பெயர் லார்கோ” என்றபடிக்குக் கால் மேல் கால் போட்டபடிக்கு நம் முன்னே ஆஜராகியவரைத் தொடர்ந்த ஆண்டுகளில் நாம் வாஞ்சையோடு அரவணைத்துக் கொள்ள ‘மள மள‘வென்று பயணித்து தொடரின் ஆல்பம் # 17 & 18-ஐ எட்டிப் பிடிக்கவிருக்கிறோம் - காத்திருக்கும் மே மாதத்தில் ! தொடரினில் இன்னமும் காத்திருப்பவை ஆல்பங்கள் 19 & 20 மாத்திரமே எனும் போது, இரண்டையும் இணைத்து நாம் ஒற்றை ஆல்பமாய் வெளியிட்டால் சுபமங்களம் பாடியிருப்போம் - லார்கோவின் முதல் சுற்றுக்கு ! கதாசிரியர் வான் ஹாம்மே இதனிலிருந்து ஓய்வு பெற்றுக் கொள்ளத் தீர்மானித்திருப்பதால், லார்கோ Version 2.0 – ஓவியர் பிலிப் ப்ராங்கிற்குக் கதாசிரியர் promotion தந்திடவுள்ளது ! அவரே கதையும் எழுதி, சித்திரங்களும் போடத் தீர்மானித்திருப்பதால் அதன் பணிகளுள் தீவிரமாக உள்ளார் ! 2017-ன் மையப்பகுதியில் அந்தப் புது ஆல்பம் வெளியாகக் காத்துள்ளதெள்று சேதி ! அது தொடர்பாய் பிலிப் ப்ராங்கின் பேட்டியொன்றை இந்த வாரத்தின் highlight ஆக்கிட நினைத்தேன் ! Here goes:

 25 ஆண்டுக் கூட்டணி; 20 மெகா-ஹிட் ஆல்பங்கள்! ‘போதுமே இந்தப் பயணம்‘ என்று கதாசிரியர் வான் ஹாம்மே விடைபெற்றுவிட்டுள்ள சூழலில், அந்தப் பயணம், பிரிவு, புது முகம் பற்றியெல்லாம் பேசுகிறார் பிராங்க் ! ‘The Morning Star’ என்ற புது ஆல்பத்தின் பணிகளுக்கு மத்தியில் பிரெஞ்சு வலைத்தளத்திற்கு நேரம் ஒதுக்கியிருக்கிறார் !

* வான் ஹாம்மே... பிலிப் ப்ராங்க்! கூட்டணி கலைந்ததா? நட்பு தொடர்கிறதா ?

Philip Franq : பெரியதொரு மேட்டரல்ல இது ! ஒரு விஷயத்தைத் தெளிவு படுத்திவிடுகிறேனே...? நாங்கள் எப்போதுமே ஜிக்கிடி தோஸ்த்களாக இருந்ததில்லை ! எங்களுக்குள் நன்றாகவே ஒத்துப் போகும் என்றாலும் அது எப்போதுமே ஒரு தொழில் முறை உறவாகவே இருந்து வந்துள்ளது. எனக்கும் வான் ஹாம்மேவுக்குமிடையே ஒரு தலைமுறை வயது வித்தியாசம் உள்ளது. அவருக்கு என் தந்தையின் வயது ! அதனால் அவரை எனது ‘நெருங்கிய நண்பன்‘ என்ற வட்டத்திற்குள் அடைக்க நினைக்க மாட்டேன்!

 * உங்களுக்கி்டையே ஒருவித பந்தம் உருவானதில்லையா ?

25 ஆண்டுகள் தொடர்ந்ததொரு உயர்வான உறவு சுவடுகளின்றி மாயமாகிப் போகாது தானே ?

* 25 ஆண்டுகள் வெற்றியை மட்டுமே சுவாசித்த லார்கோவுக்கு விடை தருவது எப்படியோ?

இந்தக் கேள்வியை நீங்கள் ஷானிடம் (Jean Van Hamme) தான் கேட்க வேண்டும் ! எனக்கு அவரது முடிவு ரொம்பவே அதிர்ச்சியானதே ! 20 Seconds ஆல்பத்தின் பணிகள் நிறைவுற்ற நிலையில் - அடுத்த படலத்தைப் பற்றிப் பேசுவோமென்று தான் நினைத்திருந்தேன் ! அந்த சாகஸமானது ஏகப்பட்ட முடிச்சுகளோடு தொடர்வதால் ஒரு தொடர்ச்சிக்கு அருமையான வாய்ப்பிருந்தது அதனில் ! வழக்கம் போல ஷான் பேனா பிடித்திடுவாரென்று எண்ணியிருந்தவனுக்கு - அவரது விலகல் தீரா ஆச்சர்யத்தையே தந்தது !

* லார்கோவின் கதைகள் எந்தத் திசை நோக்கிப் பயணிக்க வேண்டுமென்பதில் உங்களுக்கு நிறையவே விருப்பு-வெறுப்புகள் இருந்தன தானே ?! இப்போது நீங்களே ராஜா என்றான நிலையில் என்ன மாதிரியான நிலைப்பாட்டை லார்கோவுக்கு முன்மொழியப் போகிறீர்கள் ?

லார்கோவின் சாகஸங்களுக்கு ஒரு பொருளாதாரப் பின்னணி அவசியம் என்பது என் அபிப்பிராயம். டாலர் ராஜ்யம்... ஆதலினால் அதகளம் செய்வீர்... கடன் தீர்க்கும் நேரமிது போன்ற சாகஸங்கள்- பொருளாதார வன்முறையுலகிலிருந்து ரொம்பவே விலகிப் போனதாய் நான் நினைத்தேன் !

* XIII தொடரையும், தோர்கல் தொடரையுமே கூட வான் ஹாம்மே கைகழுவி விடத் தீர்மானித்துள்ளதை எப்படிப் பார்க்கிறீர்கள் ?

லார்கோவுக்கொரு வரலாறு உண்டு ! அந்தக் கதைத்தொடரின் பயணத்துக்கு மத்தியில் அதை சிறுகச் சிறுக நாம் உணர்ந்து கொள்ள முடியும். நம்மைச் சுற்றியுள்ள சமகால உலகைச் சார்ந்த கதை என்பதால் இதனில் எண்ணற்ற படைப்புகளை உருவாக்குவது சாத்தியம். XIII ; தோர்கல் போன்றதல்ல லார்கோ கதாப்பாத்திரம் ! வான் ஹாம்மே உருவாக்கியதுள் தலைசிறந்தது லார்கோ என்பேன் !

* இந்த சூழ்நிலையில் அடுத்து என்ன செய்யப் போகிறீர்கள்? லார்கோவின் தலைவிதி என்ன? தொடரின் எடிட்டர் என்ன அபிப்பிராயப்படுகிறார்?

எடிட்டர் ஒரு நாளும் எங்கள் கைகளைக் கட்டிப் போட்டிருக்கவில்லை ! எங்கள் சுதந்திரங்களுள் அவரோ; பதிப்பாசிரியரோ தலையிட்டதே கிடையாது ! எங்களது கூட்டு முயற்சியில் உருவானதை அப்படியே வெளியிட்டு வந்தனர் என்பதால், இன்றைய இந்தச் சூழலில் அவர்களது மனதில் சஞ்சலங்கள் இருக்கக் கூடும் தான்!

20 Seconds ஆல்பத்தில் நான் பணியாற்றத் தொடங்கியிருந்த வேளையில் ஷானிடமிருந்து எனக்கு அந்த லெட்டர் வந்தது ! இந்த ஆல்பத்தோடு தான் விடைபெறவிருப்பதாக அதனில் எழுதியிருந்தார். எனக்கும் அவருக்குமிடையே பெரியதொரு வயது இடைவெளி இருந்த போதிலும், என்றேனும் இத்தகையதொரு தருணம் புலரக் கூடுமென்று எனக்குத் தெரிந்திருந்த போதிலும் - ‘அடுத்து என்ன?‘ என்ற கேள்விக்கு விடை தேட நான் நினைத்திருக்கவில்லை ! பத்திரிகையாளர்கள் கேள்விகளால் என்னைத் துளைத்த போது - என்ன சொல்வதென்றே எனக்குத் தெரிந்திருக்கவில்லை ! 20 Seconds ஆல்பத்தின் பணிகளுக்கு மத்தியில் தான் அடுத்த தலைமுறை பற்றிய சிந்தனைகளுள் மூழ்கத் தொடங்கினேன்!

* வான் ஹாம்மே இடத்தில் யாரோ?

எனது தேடல்களுக்கு சுலப விடைகள் கிடைக்கவில்லை ! நிறைய நாவல்கள் படிப்பவன் நான் ! திறமையான பல இளம் எழுத்தாளர்கள் நாவல் உலகில் உலா வந்தாலும், பொருளாதாரம் சார்ந்ததொரு த்ரில்லரைப் படைக்கும் ஆற்றல் அவருக்கு இருப்பது அவசியமென்ற அளவுகோலினை முன்வைத்த போது பூஜ்யமே பலனானது!

* திடீரென்று எங்கிருந்து உதித்தார் புதியவர்?

ஒரு நாளிரவு திடீரென்று உதித்தது எரிக் கியாகொமெடி பற்றிய சிந்தனை ! எனக்குப் பரிச்சயமானவரே என்றாலும், இந்தப் பணிக்கென அவரை நான் பரிசீலித்திருக்கவில்லை ! நிறைய நாவல்கள் எழுதியுள்ள திறமைசாலி ! பொருளாதாரப் பத்திரிகையாளரும் கூட...! என்னோடு இணைந்து லார்கோ தொடரில் பணியாற்றப் பொருத்தமான தேர்வாக இவரைத் தீர்மானித்தேன் !

* எரிக் கியாகொமெடி ! பத்திரிகையாளர் ; நாவலாசிரியர்; பொருளாதாரப் புலனாய்வில் நிபுணர் ! லார்கோ தொடரின் வாசகரும் கூட ! ஆக இந்த வாய்ப்பை அவர் மறுத்திருக்க முகாந்திரமில்லை ! பதிப்பகம் இதனை சுலபமாய் ஏற்றுக் கொண்டதா ? அவர்கள் யாரையேனும் இந்தப் பொறுப்பிற்கான தேர்வு செய்ய எண்ணியிருந்தார்களா ?

நோ ! நான் பார்த்துக் கொள்கிறேன் ! என்று சொல்லியிருந்ததால் அவர்கள் என் தேர்வுக்கு மதிப்புத் தந்தார்கள் !

* புது ஆல்பம் – ‘The Morning Star’ எந்தளவிற்கு முன்னேறி வருகிறது?

லார்கோவின் நதிமூலத்திற்கு சிறுகச் சிறுகத் திரும்பும் உத்தேசமுள்ளது எங்களுக்கு ! மெதுவாய் வேறொரு தடத்தில் உழலத் துவங்கியிருந்த தொடரை வெற்றிப் பாதை நோக்கி- பிசிறின்றி இட்டுச் செல்வதே எங்கள் லட்சியம் ! 20 Seconds ஆல்பத்தைச் சார்ந்ததொரு உலகளாவிய கதைக்குள் புகுந்திருக்கிறோம் என்று சொல்லலாம் ! எரிக்கும் ரொம்பச் சீக்கிரமே தன் பொறுப்புகளை கற்றுக் கொண்டு வருகிறார் !

* வான் ஹாம்மே உங்களது சித்திரப் பணிகளுக்குள் மூக்கை நுழைப்பதுண்டா ?

நோ ! நெவர் ! ஒரு கதையினை அற்புதமாய் உருவகப்படுத்திடும் வரம் பெற்றவர் ஷான் ! ஆகையால் தான் எழுதும் எதையுமே தெள்ளத் தெளிவாய் ; எத்தனை பக்க நீளத்தில் செயலாக்குவது என்பதில் திட்டவட்டமாக இருப்பார். ஒரு கூட்டுப் படைப்பில் தனது இடமென்ன என்பதை ஸ்பஷ்டமாகத் தெரிந்து வைத்திருந்தவர் அவர் !

 * லார்கோவில் மாற்றங்கள் இருக்குமா ?

தோற்றத்தில் – No! ஆனால் அவரது சுற்றுச் சூழலை சமகாலத்துக்குக்கேற்ப மாற்றவுள்ளோம்.


* லார்கோவுக்கு பிரம்மச்சார்யம் தான் தலைவிதியா ?

யெஸ் ! மனுஷனுக்குக் குழந்தைகளும் கிடையாது; கல்யாண பந்தமும் கிடையாது ; நிச்சயமாய் அவரொரு சொதப்பலான புருஷனாகவே இருந்திருப்பாரென்பது உறுதி (சிரிப்பு!!).
---------------------------------------------------------------------------------------

Shifting back - இதோ மே மாதத்து லார்கோவின் அட்டைப்பட முதல் பார்வை ! லார்கோவின் கதைகளுக்கு நாமாகவே போட யத்தனிக்கும் ராப்பர்கள் அத்தனை சுகப்படுவதில்லை என்பதால் கடந்த 2+ ஆண்டுகளாகவே ஒரிஜினல் டிசைன்களையே பயன்படுத்தி வருகிறோம் ! இம்முறையும் அதற்கு விதிவிலக்கல்ல ! இரு ஆல்பங்களின் ஒரிஜினல் டிசைன்களை நமது டிசைனர் லேசாக பட்டி டின்கரிங் பார்த்திருக்க இந்த இதழின் முன் + பின் கவர்களாக அவை உருமாற்றம் கண்டுள்ளன ! Sober ஆன இந்தக் கதைக்கேற்ற பாணியில் அட்டையும் இருப்பதாகப் பட்டது எனக்கு! And தொடர்வது லார்கோவின் உட்பக்க trailer-ம் கூட ! வழக்கம் போல பட்டாசாய் பரபரக்கும் ஆக்ஷன் த்ரில்லர் – இம்முறை கருங்கடல் பிரதேசத்தில் ! கிட்டத்தட்ட ஓராண்டுக்குப் பின்னே நாமிவரைச் சந்திக்கும் தருணமிது என்பதால்- உங்களைப் போலவே, நானும் செம excited !


லார்கோவின் பட்டாசுப் பாணி பற்றியும், கதையின் ஓட்டங்கள் பற்றியும் அதன் ஓவியரின் சிந்தனைகளை படிக்கும் வாய்ப்பு கிட்டிய பின்னர், இந்தத் தொடரில் JVH + PH ஜோடியானது போட்டுள்ள உழைப்பின் முழுப் பரிமாணமும் புரிகிறது ! இந்த ஞாயிறின் பொழுதை - இதுவரையிலான ஆல்பங்கள் பற்றியதொரு அலசலில் செலவிடுவது ஸ்வாரஸ்யம் தரக்கூடுமென்று நினைத்தேன் ! இதோ இது வரையிலான LARGO பட்டியல் ! (http://lioncomics.in/largo-winch/204-largo-pack-10-discount.html) 
  • - என் பெயர் லார்கோ
  • - கான்கரீட் கானகம் நியூயார்க்
  • - துரத்தும் தலைவிதி
  • - ஆதலினால் அதகளம் செய்வீர்
  • - வேட்டை நகரம் வெனீஸ்
  • - ஒரு நிழல் நிஜமாகிறது
  • - டாலர் ராஜ்ம்
  • - கடன் தீர்க்கும் நேரமிது

மேற்படி பட்டியலில் “வேட்டை நகரம் வெனீஸ்” நீங்கலாக பாக்கி சகலமுமே classic hits என்பது எனது அபிப்பிராயம் ! எஞ்சியுள்ள 7 டபுள் ஆல்பங்களுள் தனிப்பட்ட முறையில் எனது favourite “ஆதலினால் அதகளம் செய்வீர்”! அதே போல “கான்கிரீட் கானகம் நியூயார்க்”கின் அனல் க்ளைமேக்ஸும் நெஞ்சை விட்டு நீங்கா ரகம் என்பேன் ! உங்கள் பார்வைகளில் லார்கோ தொடர்களின் highlights என்னவோ  guys?
Phillip Franq

புது வரவு எரிக் 
அலசல்களோடு இந்த வாரத்தை சுழலச் செய்வோமே folks ? Bye for now ! See you around !

ஒரு மாறுபட்ட ஞாயிறு..!

நண்பர்களே,

வணக்கம்.  வண்டி வண்டியாய்க் கதைகள் என்றில்லாது, short & crisp ஆக உள்ள தொடர்களில் ஒரு வசதியுண்டு ! வருஷங்களாய் அவர்களது தடங்களில் நாம் ஓடிப் பார்த்தாலும்- “ஆவ்... இன்னமும் 600+ புதுக் கதைகள் உள்ளனவா?” என்ற மலைப்பு மேலோங்கிடாது, எல்லைக் கோட்டை நெருங்கும் திருப்தி கிடைக்க வழியுண்டு இங்கே ! நமது கோடீஸ்வரக் கோமகன் லார்கோவின் சாகஸங்கள் தான் எனது இந்த மகாசிந்தனையின் பின்னணி ! 2013-ல் “என் பெயர் லார்கோ” என்றபடிக்குக் கால் மேல் கால் போட்டபடிக்கு நம் முன்னே ஆஜராகியவரைத் தொடர்ந்த ஆண்டுகளில் நாம் வாஞ்சையோடு அரவணைத்துக் கொள்ள ‘மள மள‘வென்று பயணித்து தொடரின் ஆல்பம் # 17 & 18-ஐ எட்டிப் பிடிக்கவிருக்கிறோம் - காத்திருக்கும் மே மாதத்தில் ! தொடரினில் இன்னமும் காத்திருப்பவை ஆல்பங்கள் 19 & 20 மாத்திரமே எனும் போது, இரண்டையும் இணைத்து நாம் ஒற்றை ஆல்பமாய் வெளியிட்டால் சுபமங்களம் பாடியிருப்போம் - லார்கோவின் முதல் சுற்றுக்கு ! கதாசிரியர் வான் ஹாம்மே இதனிலிருந்து ஓய்வு பெற்றுக் கொள்ளத் தீர்மானித்திருப்பதால், லார்கோ Version 2.0 – ஓவியர் பிலிப் ப்ராங்கிற்குக் கதாசிரியர் promotion தந்திடவுள்ளது ! அவரே கதையும் எழுதி, சித்திரங்களும் போடத் தீர்மானித்திருப்பதால் அதன் பணிகளுள் தீவிரமாக உள்ளார் ! 2017-ன் மையப்பகுதியில் அந்தப் புது ஆல்பம் வெளியாகக் காத்துள்ளதெள்று சேதி ! அது தொடர்பாய் பிலிப் ப்ராங்கின் பேட்டியொன்றை இந்த வாரத்தின் highlight ஆக்கிட நினைத்தேன் ! Here goes:

 25 ஆண்டுக் கூட்டணி; 20 மெகா-ஹிட் ஆல்பங்கள்! ‘போதுமே இந்தப் பயணம்‘ என்று கதாசிரியர் வான் ஹாம்மே விடைபெற்றுவிட்டுள்ள சூழலில், அந்தப் பயணம், பிரிவு, புது முகம் பற்றியெல்லாம் பேசுகிறார் பிராங்க் ! ‘The Morning Star’ என்ற புது ஆல்பத்தின் பணிகளுக்கு மத்தியில் பிரெஞ்சு வலைத்தளத்திற்கு நேரம் ஒதுக்கியிருக்கிறார் !

* வான் ஹாம்மே... பிலிப் ப்ராங்க்! கூட்டணி கலைந்ததா? நட்பு தொடர்கிறதா?

Philip Franq : பெரியதொரு மேட்டரல்ல இது ! ஒரு விஷயத்தைத் தெளிவு படுத்திவிடுகிறேனே...? நாங்கள் எப்போதுமே ஜிக்கிடி தோஸ்த்களாக இருந்ததில்லை ! எங்களுக்குள் நன்றாகவே ஒத்துப் போகும் என்றாலும் அது எப்போதுமே ஒரு தொழில் முறை உறவாகவே இருந்து வந்துள்ளது. எனக்கும் வான் ஹாம்மேவுக்குமிடையே ஒரு தலைமுறை வயது வித்தியாசம் உள்ளது. அவருக்கு என் தந்தையின் வயது ! அதனால் அவரை எனது ‘நெருங்கிய நண்பன்‘ என்ற வட்டத்திற்குள் அடைக்க நினைக்க மாட்டேன்!

 * உங்களுக்கி்டையே ஒருவித பந்தம் உருவானதில்லையா ?

25 ஆண்டுகள் தொடர்ந்ததொரு உயர்வான உறவு சுவடுகளின்றி மாயமாகிப் போகாது தானே ?

* 25 ஆண்டுகள் வெற்றியை மட்டுமே சுவாசித்த லார்கோவுக்கு விடை தருவது எப்படியோ?

இந்தக் கேள்வியை நீங்கள் ஷானிடம் (Jean Van Hamme) தான் கேட்க வேண்டும் ! எனக்கு அவரது முடிவு ரொம்பவே அதிர்ச்சியானதே ! 20 Seconds ஆல்பத்தின் பணிகள் நிறைவுற்ற நிலையில் - அடுத்த படலத்தைப் பற்றிப் பேசுவோமென்று தான் நினைத்திருந்தேன் ! அந்த சாகஸமானது ஏகப்பட்ட முடிச்சுகளோடு தொடர்வதால் ஒரு தொடர்ச்சிக்கு அருமையான வாய்ப்பிருந்தது அதனில் ! வழக்கம் போல ஷான் பேனா பிடித்திடுவாரென்று எண்ணியிருந்தவனுக்கு - அவரது விலகல் தீரா ஆச்சர்யத்தையே தந்தது !

* லார்கோவின் கதைகள் எந்தத் திசை நோக்கிப் பயணிக்க வேண்டுமென்பதில் உங்களுக்கு நிறையவே விருப்பு-வெறுப்புகள் இருந்தன தானே ?! இப்போது நீங்களே ராஜா என்றான நிலையில் என்ன மாதிரியான நிலைப்பாட்டை லார்கோவுக்கு முன்மொழியப் போகிறீர்கள் ?

லார்கோவின் சாகஸங்களுக்கு ஒரு பொருளாதாரப் பின்னணி அவசியம் என்பது என் அபிப்பிராயம். டாலர் ராஜ்யம்... ஆதலினால் அதகளம் செய்வீர்... கடன் தீர்க்கும் நேரமிது போன்ற சாகஸங்கள்- பொருளாதார வன்முறையுலகிலிருந்து ரொம்பவே விலகிப் போனதாய் நான் நினைத்தேன் !

* XIII தொடரையும், தோர்கல் தொடரையுமே கூட வான் ஹாம்மே கைகழுவி விடத் தீர்மானித்துள்ளதை எப்படிப் பார்க்கிறீர்கள் ?

லார்கோவுக்கொரு வரலாறு உண்டு ! அந்தக் கதைத்தொடரின் பயணத்துக்கு மத்தியில் அதை சிறுகச் சிறுக நாம் உணர்ந்து கொள்ள முடியும். நம்மைச் சுற்றியுள்ள சமகால உலகைச் சார்ந்த கதை என்பதால் இதனில் எண்ணற்ற படைப்புகளை உருவாக்குவது சாத்தியம். XIII ; தோர்கல் போன்றதல்ல லார்கோ கதாப்பாத்திரம் ! வான் ஹாம்மே உருவாக்கியதுள் தலைசிறந்தது லார்கோ என்பேன் !

* இந்த சூழ்நிலையில் அடுத்து என்ன செய்யப் போகிறீர்கள்? லார்கோவின் தலைவிதி என்ன? தொடரின் எடிட்டர் என்ன அபிப்பிராயப்படுகிறார்?

எடிட்டர் ஒரு நாளும் எங்கள் கைகளைக் கட்டிப் போட்டிருக்கவில்லை ! எங்கள் சுதந்திரங்களுள் அவரோ; பதிப்பாசிரியரோ தலையிட்டதே கிடையாது ! எங்களது கூட்டு முயற்சியில் உருவானதை அப்படியே வெளியிட்டு வந்தனர் என்பதால், இன்றைய இந்தச் சூழலில் அவர்களது மனதில் சஞ்சலங்கள் இருக்கக் கூடும் தான்!

20 Seconds ஆல்பத்தில் நான் பணியாற்றத் தொடங்கியிருந்த வேளையில் ஷானிடமிருந்து எனக்கு அந்த லெட்டர் வந்தது ! இந்த ஆல்பத்தோடு தான் விடைபெறவிருப்பதாக அதனில் எழுதியிருந்தார். எனக்கும் அவருக்குமிடையே பெரியதொரு வயது இடைவெளி இருந்த போதிலும், என்றேனும் இத்தகையதொரு தருணம் புலரக் கூடுமென்று எனக்குத் தெரிந்திருந்த போதிலும் - ‘அடுத்து என்ன?‘ என்ற கேள்விக்கு விடை தேட நான் நினைத்திருக்கவில்லை ! பத்திரிகையாளர்கள் கேள்விகளால் என்னைத் துளைத்த போது - என்ன சொல்வதென்றே எனக்குத் தெரிந்திருக்கவில்லை ! 20 Seconds ஆல்பத்தின் பணிகளுக்கு மத்தியில் தான் அடுத்த தலைமுறை பற்றிய சிந்தனைகளுள் மூழ்கத் தொடங்கினேன்!

* வான் ஹாம்மே இடத்தில் யாரோ?

எனது தேடல்களுக்கு சுலப விடைகள் கிடைக்கவில்லை ! நிறைய நாவல்கள் படிப்பவன் நான் ! திறமையான பல இளம் எழுத்தாளர்கள் நாவல் உலகில் உலா வந்தாலும், பொருளாதாரம் சார்ந்ததொரு த்ரில்லரைப் படைக்கும் ஆற்றல் அவருக்கு இருப்பது அவசியமென்ற அளவுகோலினை முன்வைத்த போது பூஜ்யமே பலனானது!

* திடீரென்று எங்கிருந்து உதித்தார் புதியவர்?

ஒரு நாளிரவு திடீரென்று உதித்தது எரிக் கியாகொமெடி பற்றிய சிந்தனை ! எனக்குப் பரிச்சயமானவரே என்றாலும், இந்தப் பணிக்கென அவரை நான் பரிசீலித்திருக்கவில்லை ! நிறைய நாவல்கள் எழுதியுள்ள திறமைசாலி ! பொருளாதாரப் பத்திரிகையாளரும் கூட...! என்னோடு இணைந்து லார்கோ தொடரில் பணியாற்றப் பொருத்தமான தேர்வாக இவரைத் தீர்மானித்தேன் !

* எரிக் கியாகொமெடி ! பத்திரிகையாளர் ; நாவலாசிரியர்; பொருளாதாரப் புலனாய்வில் நிபுணர் ! லார்கோ தொடரின் வாசகரும் கூட ! ஆக இந்த வாய்ப்பை அவர் மறுத்திருக்க முகாந்திரமில்லை ! பதிப்பகம் இதனை சுலபமாய் ஏற்றுக் கொண்டதா ? அவர்கள் யாரையேனும் இந்தப் பொறுப்பிற்கான தேர்வு செய்ய எண்ணியிருந்தார்களா ?

நோ ! நான் பார்த்துக் கொள்கிறேன் ! என்று சொல்லியிருந்ததால் அவர்கள் என் தேர்வுக்கு மதிப்புத் தந்தார்கள் !

* புது ஆல்பம் – ‘The Morning Star எந்தளவிற்கு முன்னேறி வருகிறது?

லார்கோவின் நதிமூலத்திற்கு சிறுகச் சிறுகத் திரும்பும் உத்தேசமுள்ளது எங்களுக்கு ! மெதுவாய் வேறொரு தடத்தில் உழலத் துவங்கியிருந்த தொடரை வெற்றிப் பாதை நோக்கி- பிசிறின்றி இட்டுச் செல்வதே எங்கள் லட்சியம் ! 20 Seconds ஆல்பத்தைச் சார்ந்ததொரு உலகளாவிய கதைக்குள் புகுந்திருக்கிறோம் என்று சொல்லலாம் ! எரிக்கும் ரொம்பச் சீக்கிரமே தன் பொறுப்புகளை கற்றுக் கொண்டு வருகிறார் !

* வான் ஹாம்மே உங்களது சித்திரப் பணிகளுக்குள் மூக்கை நுழைப்பதுண்டா ?

நோ ! நெவர் ! ஒரு கதையினை அற்புதமாய் உருவகப்படுத்திடும் வரம் பெற்றவர் ஷான் ! ஆகையால் தான் எழுதும் எதையுமே தெள்ளத் தெளிவாய் ; எத்தனை பக்க நீளத்தில் செயலாக்குவது என்பதில் திட்டவட்டமாக இருப்பார். ஒரு கூட்டுப் படைப்பில் தனது இடமென்ன என்பதை ஸ்பஷ்டமாகத் தெரிந்து வைத்திருந்தவர் அவர் !

 * லார்கோவில் மாற்றங்கள் இருக்குமா ?

தோற்றத்தில் – No! ஆனால் அவரது சுற்றுச் சூழலை சமகாலத்துக்குக்கேற்ப மாற்றவுள்ளோம்.


* லார்கோவுக்கு பிரம்மச்சார்யம் தான் தலைவிதியா ?

யெஸ் ! மனுஷனுக்குக் குழந்தைகளும் கிடையாது; கல்யாண பந்தமும் கிடையாது ; நிச்சயமாய் அவரொரு சொதப்பலான புருஷனாகவே இருந்திருப்பாரென்பது உறுதி (சிரிப்பு!!).
---------------------------------------------------------------------------------------

Shifting back - இதோ மே மாதத்து லார்கோவின் அட்டைப்பட முதல் பார்வை ! லார்கோவின் கதைகளுக்கு நாமாகவே போட யத்தனிக்கும் ராப்பர்கள் அத்தனை சுகப்படுவதில்லை என்பதால் கடந்த 2+ ஆண்டுகளாகவே ஒரிஜினல் டிசைன்களையே பயன்படுத்தி வருகிறோம் ! இம்முறையும் அதற்கு விதிவிலக்கல்ல ! இரு ஆல்பங்களின் ஒரிஜினல் டிசைன்களை நமது டிசைனர் லேசாக பட்டி டின்கரிங் பார்த்திருக்க இந்த இதழின் முன் + பின் கவர்களாக அவை உருமாற்றம் கண்டுள்ளன ! Sober ஆன இந்தக் கதைக்கேற்ற பாணியில் அட்டையும் இருப்பதாகப் பட்டது எனக்கு! And தொடர்வது லார்கோவின் உட்பக்க trailer-ம் கூட ! வழக்கம் போல பட்டாசாய் பரபரக்கும் ஆக்ஷன் த்ரில்லர் – இம்முறை கருங்கடல் பிரதேசத்தில் ! கிட்டத்தட்ட ஓராண்டுக்குப் பின்னே நாமிவரைச் சந்திக்கும் தருணமிது என்பதால்- உங்களைப் போலவே, நானும் செம excited !


லார்கோவின் பட்டாசுப் பாணி பற்றியும், கதையின் ஓட்டங்கள் பற்றியும் அதன் ஓவியரின் சிந்தனைகளை படிக்கும் வாய்ப்பு கிட்டிய பின்னர், இந்தத் தொடரில் JVH + PH ஜோடியானது போட்டுள்ள உழைப்பின் முழுப் பரிமாணமும் புரிகிறது ! இந்த ஞாயிறின் பொழுதை - இதுவரையிலான ஆல்பங்கள் பற்றியதொரு அலசலில் செலவிடுவது ஸ்வாரஸ்யம் தரக்கூடுமென்று நினைத்தேன் ! இதோ இது வரையிலான LARGO பட்டியல் ! (http://lioncomics.in/largo-winch/204-largo-pack-10-discount.html) 
  • - என் பெயர் லார்கோ
  • - கான்கரீட் கானகம் நியூயார்க்
  • - துரத்தும் தலைவிதி
  • - ஆதலினால் அதகளம் செய்வீர்
  • - வேட்டை நகரம் வெனீஸ்
  • - ஒரு நிழல் நிஜமாகிறது
  • - டாலர் ராஜ்ம்
  • - கடன் தீர்க்கும் நேரமிது

மேற்படி பட்டியலில் “வேட்டை நகரம் வெனீஸ்” நீங்கலாக பாக்கி சகலமுமே classic hits என்பது எனது அபிப்பிராயம் ! எஞ்சியுள்ள 7 டபுள் ஆல்பங்களுள் தனிப்பட்ட முறையில் எனது favourite “ஆதலினால் அதகளம் செய்வீர்”! அதே போல “கான்கிரீட் கானகம் நியூயார்க்”கின் அனல் க்ளைமேக்ஸும் நெஞ்சை விட்டு நீங்கா ரகம் என்பேன் ! உங்கள் பார்வைகளில் லார்கோ தொடர்களின் highlights என்னவோ  guys?
Phillip Franq
புது வரவு எரிக் 





அப்புறம் போன வாரமே நான் எழுதிட நினைத்ததொரு விஷயம் பற்றி :  என் பொருட்டு சங்கடமானதொரு தருணத்தை எதிர்கொண்டுவரும் உங்கள் ஒவ்வொருவரிடமும் கைகூப்பும் வேளையிது guys ! முன்னாட்களின் பிழைகளுக்கொரு விலை தரும் நாளொன்று  புலராது போகாது என்பதில் எனக்குள் சந்தேகம் இருந்ததே இல்லையென்பதாலோ, என்னவோ - நமது இரண்டாம் வருகையின் தொடர்ச்சியாய், முன்னெப்போதையும் விட என்னை நானே பரிகசித்துக் கொண்டும், இயன்றளவிற்கு பணியில் மாத்திரமே கவனமாய் இருக்கவும்  முனைந்து வந்தேன் ! .  அந்த "விலை கொடுக்கும்  நாளை"  புலரச்  செய்யும் பணியை  - நண்பராய் இருந்தவரே ; எண்ணற்ற ஒத்தாசைகள் செய்தவரே - நிகழ்த்துவது தான் விதியின் விளையாட்டு போலும் ! 25 ஆண்டுகளுக்கு முன்பான அன்றைய சூழல் என்னவென்று சொல்லி அந்நாட்களை நியாயப்படுத்திடவோ ; இன்றைக்கு அதனைப் புதிதாய்க் கண்டுபிடித்தார்போல பரவசம் கொள்ளும் அறங்காவலர்களைக் கோபித்துக் கொள்ளவோ நிச்சயம் நான் முனையப் போவதில்லை ! அதேபோல பரிதாபத்தை ஈட்டிடும் முயற்சியிலும்  இறங்கும் உத்தேசமுமில்லை ! பிழைக்கான தண்டனையை ஒப்பாரி வைக்காது ஏற்றுக் கொள்ளும் பக்குவத்தையாவது தேடித் திரட்ட முயற்சிப்பேன் ! 

எனது மேலோங்கிய ஆதங்கமும், சங்கடமுமே, என் பொருட்டு உங்களுக்கு நேர்ந்துவரும் உளைச்சல்கள் சார்ந்தவையே ! என் மீது சுடுவார்த்தைகள் வீசப்படும் வேளைகளில் எல்லாம், அவற்றால் நான் சங்கடம் கொள்ளக் கூடாதே என நீங்கள் பதறுவதை எண்ணற்ற தருணங்களில் பார்த்தவன் தானே நான் ? அத்தகைய உங்களுக்கு இன்றைக்கு மௌனம் மட்டுமே மறுமொழியாக இருப்பதை பார்க்கும் போது உள்ளுக்குள் பிசைகிறது ! நம்பிக்கை எத்தகையது ; அதன் சேதம் எத்தனை வலி தரவல்லது என்பதை உணராத ஜடமல்ல நான் ! அந்த வலியினை உங்களுக்குத் தர நான் காரணமாய் இருந்திடக் கூடாதென்பது மட்டுமே எனது பிரார்த்தனையாக இருந்து வந்தது ! ஆனால் எழுதப்பட்ட விதியை வெல்வது நானல்ல எனும் பொழுது - 'மன்னிப்பு' எனும் அந்தத் தேய்ந்து போன பதத்தின் கீழே நிழல் தேட மட்டுமே சாத்தியமாகிறது !!உங்களின் ரணங்களுக்கு நிவாரணம் என்றொன்று இருக்கத் தான் முடியுமெனில், அது எனது வாய்ஜாலத்தை விட - நிறைவானதொரு காமிக்ஸ் புதையலாக  மட்டுமே இருக்க முடியும் என்றுபட்டது ! இந்தப் பணியினில் எனக்கென நான் நிர்ணயித்துள்ள அவகாசமும், ஆண்டவனின் திட்டமிடலும் ஒத்துப் போகும் பட்சத்தில் - காத்திருக்கும் நாட்களில் அதுவே எனது ஒற்றை இலட்சியமாக இருக்கும்  guys ! அதற்கான ஆற்றலையும், ஆயுளையும் ஆண்டவன் எனக்குத் தருவாராக !! அதற்கு முன்பாக உங்களது மன்னிப்புகளும், பொருத்தருளல்களுமே பிரதானம் !! So வயது வேற்றுமை பாராது  கரம் கூப்பிடுகிறேன் all - இதையும் இணைந்தே தாண்டிச் செல்வோமேயென்ற வேண்டுகோளுடனே !! 

இந்தத் தருணத்தில் எனக்குள் எழும் இன்னொரு கேள்வியும் உள்ளது ! இத்தனை நெருங்கிப் பழகியும், இத்தனை வன்மம் துளிர்விட இந்தச் சின்னஞ்சிறு காமிக்ஸ் சார்ந்த உலகினில்   முகாந்திரங்கள் உள்ளன தானா என்று ! தற்போதையவர்கள் தான் என்றில்லாது, ஏதேதோ மனத்தாங்கல்களின் பொருட்டு என்னைத் துவைத்து எடுக்கக் காத்திருக்கும் நண்பர்களும், ஆங்காங்கே உண்டென்பதில் இரகசியமேது ? "ஈகோ" எனும் அசுரனுக்கு இந்த மண்ணில் இத்தனை பலமுண்டா ?  FB ; வலைப்பதிவுகள் என்ற இந்தப் பொதுவெளியில் கிட்டும் நீர்க்குமிழிப் பிரபல்யத்துக்கெல்லாம் மயக்கம் விளைவிக்கும் ஆற்றல் இத்தனை உண்டு தானா ? இங்கே எல்லோருமே ஒரே கட்சி ; ஒரே அணியென்ற நினைப்பில் இணையத்தினுள் நுழைந்த ஆரம்ப நாட்களில் தட்டுத் தடுமாறினேன் ; கணக்கில்லா சாத்துக்கள் வாங்கினேன் ! காமிக்ஸ் சேகரிப்பின் பொருட்டு நிலவும் போட்டிகள் ; சச்சரவுகள் ; வியாபாரங்கள் ; பணப் புழக்கம்  எத்தகையது என்பதை நேரில் காணும்வரையிலும் நானே நம்பவில்லைதான் ! அதன் பொருட்டும் தடுமாறினேன் - நிறையவே ! ஆனால் அத்தனைக்குப் பின்னும் பொதுவெளியில் யாரையும் விட்டுக்கொடுக்க எனக்குத் தோன்றவில்லையே ?! மின்னஞ்சல்களில் தனிப்பட்டமுறையில் என்னோடு சில மனபாரங்களைப் பரிமாற முன்வந்தோரின் அனாமதேயங்களை என்றைக்குமே காவு கொடுக்கவில்லையே நான் ? அர்ச்சனைகளைப் பொதுவிலும், பாராட்டுக்களை பிரத்யேகமாயும் சொன்ன போதிலும் கூட நான் எதையுமே தவறாக எடுத்துக் கொள்ளவில்லையே ? 

Oh yes - பணி சார்ந்த விஷயங்களில் ; நானெடுக்கும் தீர்மானங்களில் உறுதியாய் நிற்பதனில் - நான் பிடிவாதக்காரனே ; சில பல உரசல்களை இதன் பொருட்டு நான் விளைவித்திருக்கக் கூடும்தான் ! எனக்குள்ள பணிச்சுமையில் - சில பல தருணங்களில் நான் ஒதுங்கி நிற்க வேண்டிய வேளைகளில் திமிர் பிடித்தவனாய்த் தோற்றம் தந்திருக்கலாம் தான் ! ஆனால் இவையெல்லாமே எனது occupational hazards என்ற புரிதல்கள் இல்லாதா போய் விடும் - நமது comics உலகத்தில் ?? "எனது யோசனைகள் ஏற்றுக் கொள்ளப்படவில்லை ; என் ஒத்தாசைகளுக்கு அங்கீகாரம் தரப்படவில்லை ! எனக்கு ஆகாதவரோடு உனக்கென்ன சாவகாசம் வேண்டிக் கிடக்கு ? என் சிந்தனைகளோடு நீ ஒத்துப் போகவில்லை ! பொதுவெளியில் என் அபிப்பிராயத்தோடு ஒத்துப் போகாது என்னை சங்கடப்படுத்தி விட்டாய் !" என்பனவெல்லாமே இத்தனை ஆத்திரங்களுக்கு முகாந்திரங்களாகிடுமா இந்தச் சிறு உலகினில் ? கண்ணோட்டங்கள் மாறும் போது கருத்துக்களின் தாக்கங்களும் மாறிடுமோ ? "கொழுப்பெடுத்த பயலிவன்" என்ற கண்ணாடியோடு எனது எழுத்துக்களை மாத்திரமன்றி, உங்களது பாராட்டுக்களையும் படிப்போர்க்கு - கடுப்பு தான் மேலோங்கிடுமோ ? பதிவுகளின் வழியாய் வெளிச்சவட்டத்தை நான் மொத்தமாய்க் குத்தகைக்கு எடுத்துக் கொண்டுவிட்டதாய்த் தோன்றும் மாயையுமே வன்மத்தின் விளைநிலமோ ? தனிமையின் வெற்றிடங்கள் நாட்களின் ஓட்டத்தோடு ஆத்திரங்களாய் உருமாற்றம் கண்டிடுமோ ? காமிக்ஸ் ரசனையினில் எல்லோரும் ஓரணியே  என்று யாரையும் விட்டுக் கொடுக்காது, சேர்ந்தே நடைபோட நான் ஆர்வம் கொண்டதெல்லாம் அத்தனை பெரிய தவறா  ?? பதிவின் வழியாய் பரவலாய் சந்தோஷத்தை விதைக்கும் அவாவில் - மௌனமாய்ப் பகையையும் அறுவடை  செய்து கொண்டிருந்திருக்கிறேனா - இத்தனை நாட்களாய்  ? இன்னும் எத்தனை யுகங்கள் ஆனாலும், ஏகோபித்த மகிழ்வுக்கான பாதையறியாது தடுமாறத் தான் செய்வேனோ ? அடுக்கடுக்கான கேள்விகளுக்கு பதில் தான்  தெரியவில்லையே ! 

ரொம்ப காலமாய் எனக்குள் செல்லரித்துக் கொண்டிருந்த விஷயங்களை உரக்கப் பேசியதை இதுவரைக்கும் பொறுமையோடு படித்தமைக்கு நன்றிகள் ! உங்களது ஒவ்வொரு ஞாயிறையும் சந்தோஷமாக்கிடப் பிரயத்தனம் கொள்ளும் நானின்று இப்படியொரு பாரத்தை உங்கள் திக்கில் இறக்கி வைத்திருப்பதற்கு நிஜமாகச் சங்கடப்படுகிறேன் !  இந்தமுறை மாத்திரம் பொறுத்துக் கொள்ளுங்களேன் ?  Bye guys....see you around ! Easter நல்வாழ்த்துக்கள் !

Friday, April 14, 2017

ஹலோ ஹேவிளம்பி !!

நண்பர்களே,

வணக்கம். ஒற்றை நாள் - மூன்று பெயர்களில் மூன்று புதுத் துவக்கங்கள் !! 

புலர்ந்திருக்கும் ஹேவிளம்பிப் புத்தாண்டு நமக்கு அட்டகாசமான ஆரோக்கியத்தை ; ஆனந்தங்களை  ; மன நிறைவை நல்கிட அவரவர் இஷ்ட தெய்வங்களிடம் பிரார்த்தப்போமே  ! படைத்தவர் நிச்சயமாய் காமிக்ஸ் காதலர் # 1 என்பதால் - நயமான பல காமிக்ஸ் சுவைகளும் இந்தாண்டின் விருந்தில் ஒரு அங்கமாகிடக் கோரியும் ஒரு வேண்டுகோளை போட்டு வைப்போமே guys ?

"ஜெரெமியா" ஏற்படுத்தியுள்ள விவாத மேடையானது கதையை விடவும் சுவாரஸ்யமானதாய்த் தோன்றுவது நிச்சயம் எனக்கு மட்டுமல்ல என்பது உறுதி !! என்னென்னவோ சிற்சிறுக் குறிப்புகள் ; குறியீடுகள் என நண்பர்கள் ரவுண்ட் கட்டி அடித்திருப்பதை ஹெர்மன் படித்தாலே அசந்து போயிருப்பார் என்பது உறுதி !! அதே சமயம் - நண்பர்களின் ஒருசாராரின் திரிசங்கு நிலைமையும் புரியாதில்லை எனக்கு ! இத்தனை complications இல்லாது ; 'சுலபமாய் வாசித்தோம்-ரசித்தோம்' என்ற பாணியிலான கதைகளே போதும் சேட்டா !! என்ற அந்த மௌனக் கோரிக்கைகளும் ரீங்காரமிடுவது போலொரு பிரமை எனக்கு ! ஜெரெமியாவைப் பொறுத்தவரையிலும் அடுத்த 3 கதைகள் இணைந்த ஆல்பத்தை வெளியிடுவோம்....அப்புறமாய் ஒரு இறுதித் தீர்மானத்துக்கு வருவோம் என்பதே சரியான நிலைப்பாடாக இருக்குமென்பதில் பெரிதாய் மாற்றுக கருத்துக்கள் இல்லையென்பதால் அவ்விதமே தொடர்ந்திடுவோம் ! 

கொஞ்சம் விழுங்கச் சிரமமான சப்பாத்தியை வழங்கியாச்சு ; so what next ? தொண்டையில் நழுவிச் செல்லக் கூடிய சுலபமான ஐஸ்க்ரீம் ? ஆகஸ்டுக்கு ? அந்த ஐஸ்க்ரீம் என்னவாக இருக்கலாமென்று யூகம் பண்ணிப் பார்ப்போமா ?

ஞாயிறுக்கு சந்திக்கிறேன் all !! அதுவரையிலும் வாரயிறுதியை அமர்க்களப்படுத்துங்கள் !!  Bye for now !


P.S : இது எந்த நாயகரின் கதையாக இருக்குமென்று any guesses ?

Sunday, April 09, 2017

கரடுமுரடாய் ஒரு கவிதையும், ஒரு முடியா இரவும்..!!


நண்பர்களே,

வணக்கம். சக்கரங்கள் சுழல்வதை மலைப்போடு தான் சில வேளைகளில் பராக்குப் பார்க்க முடிகிறது ! புத்தாண்டும் - புத்தக விழாவும் (சென்னை) நேற்றைய நிகழ்வுகள் போலிருக்க - இதோ - தமிழ்ப் புத்தாண்டு கூப்பிடு தொலைவில் நிற்கிறது  ! ஆண்டிற்கு அட்டவணை போட்டது போன வாரம் போல தலைக்குள் பசுமையாக இருக்க - இதோ அடுத்த சில மாதங்களுக்குள் 2018-ன் கான்டிராக்டுகளை இறுதிப்படுத்தும் வேளை புலர்ந்திருக்கும் ! "ஏப்ரல் - ஜெரெமயா - MMS" என்று பெனாத்தித் திரிந்த ராப்பொழுதுகளை இப்போது லார்கோவும் - க்ளிப்டனும் ஆக்கிரமித்துத் திரிய - ‘தூத்தேறி‘ பாஷைகள், தூய்மையைத் தேடிப் புறப்பட்டிருக்கின்றன ! அட....அவ்வளவு ஏன் ? மெயின் பதிவு ; உபபதிவு என்று நான் நீட்டி முழக்கியே ரொம்ப காலம் ஆனது போலொரு பீலிங்கும் கூட - நாட்களின் ஓட்டத்தில் !

ஏப்ரலின் இதழ்களின் பக்கமாய்ப் பார்வைகளை ; அலசல்களை ஓடவிடுவதே இவ்வாரத்தின் focus ஆக இருப்பது சரியென்று  தோன்றியது !  எல்லாமே ஒன்றுக்கொன்று தொடர்பிலா genre கள் எனும்போது - அவை உருவாக்கியுள்ள அபிப்பிராயங்களுமே மாறுபட்டவைகளாக இருப்பதில் வியப்பில்லை தான் !! ஆரம்பிப்போமே நம்மாள் ராமையாவோடு ?

"ஜெரெமியா ஒரு அதிரடி வெற்றி ; அனைத்துத் தரப்பின் ஆதர்ஷத்தையும் ஈட்டிவிட்டுள்ள நாயகன்!" என்றெல்லாம் நான் செய்தி வாசிப்பின் அது முழுமையான உண்மையாக இராது ! நம்மில் நிறைய பேருக்கு  இந்தப் புது பாணியினை அணுகுவதில் சற்றே சிரமங்கள் இருப்பதில் இரகசியமில்லை ! ! இதழின் ஆக்கம்  ; சித்திர நேர்த்தி ; வண்ண பிரம்மாண்டம் ; புதிதான காலம் / களம் என்று முதல் பார்வையில் மெர்செலாகிப் போன நீங்கள் - கதைக்குள் மூழ்கிடும் போது லைட்டாக நெளியத் துவங்கியதை இங்கு நிலவிய அமைதி எனக்கு உணர்த்திடாதில்லை ! இந்தத் தொடரினில் நான் பணியாற்றத் தொடங்கிய ஆரம்பக்  கட்டத்தில் எனக்குமே உங்களது நிலைமை தான் ! ஒரு வழக்கமான பிரான்க்கோ-பெல்ஜிய சாகசத்தில் நாம் பார்த்துப் பழகி விட்டுள்ள அழுத்தமான plots இங்கே குறைவது போல் எனக்குமே தோன்றியது ! என்னதான் ஒரு படைப்புலக ஜாம்பவான் இதன் பின்னணியில் இருப்பினும் - நமக்கு ஒரு முழுமையான திருப்தி கிடைக்கக் காணோமே என்றே எனக்கும்பட்டது ! ஆனால் பொறுமையாய் இந்தத் தொடரின் பின்னணி  பற்றியும், ஹெர்மெனின் பேட்டிகளையும் ஆங்காங்கே  தேடிப் பிடித்துப் படிக்கத் துவங்கிய பொழுது - கொஞ்சமே கொஞ்சமாய் மனுஷனின் தலைக்குள் எட்டிப் பார்க்க முடிந்தது போல் உணர்ந்தேன் !

போன மாதம் ஐரோப்பிய விமான நிலையத்தில் 5 மணி நேரங்களை செலவழித்ததாகச் சொன்னேன் அல்லவா ? - அது லண்டன் விமான நிலையம் & என் கையில் சிக்கியது COMICS HEROES என்ற இதழ் ! அதனிலிருந்து ஹெர்மெனின் பேட்டி இது  :
------------------------------------------------------------------------------------------------------------
பேட்டியாளர்: காமிக்ஸ் உலகிற்குள் நீங்கள் நுழைந்தது எப்படி?

ஹெர்மன்: இன்டீரியர் டிசைனிங் மாணவன் நான் ! பீரோ; அலமாரிகளை உருவாக்கும் பணிகளில் இருந்தவன், பின்நாட்களில் எனது மச்சானாகவும், பிரபல Spirou பத்திரிகையின் தலைமை எடிட்டராகவும் மாறிடவிருந்த பிலிப் வாண்டூரனைச் சந்தித்த சமயம் என் வாழ்க்கையே மாறிடக் கண்டேன். நான் அவ்வப்போது கிறுக்கி வைக்கும் சித்திரங்களைப் பார்த்து விட்டு- “உனக்கு ஓவியத்தில் திறமையுள்ளது. நீ ஏன் காமிக்ஸ் வரைய முயற்சிக்க கூடாது?” என்று கேட்டார் ! அந்நேரம் அவர் பணியாற்றிக் கொண்டிருந்ததொரு சாரணர் பத்திரிகையில் ஒரு சிறுகதை வரையும் வாய்ப்பை வாங்கித் தந்தார். So எனது ஆரம்பப் புள்ளி 1964-ல்!

பேட்டியாளர்: பிரபல ஓவியரான ஜிஜே (ஜோசப் ஜில்லென்) வின் தாக்கம் உங்களிடம் இருக்கக் கண்டீர்களா?

ஹெர்மன்: யெஸ்... ஜிஜெவின் ஓவியங்கள் மீது எனக்கு எக்கச்சக்கமான மையல் இருந்தது நிஜமே ! அவருக்குக் காமிக்ஸ் மீதெல்லாம் அத்தனை ஆர்வம் கிடையாது தான் ; ஆனால் தனது குடும்பத்தைக் காப்பாற்ற அவருக்குக் கிட்டிய வாய்ப்பாகவே இதைப் பார்த்தார் ! “ஜெர்ரி ஸ்பிரிங்” என்ற அவரது கௌ-பாய் தொடரின் துவக்கம் அமர்க்களமானது !

பேட்டியாளர்: சிற்சிறு அறிவூட்டும் காமிக்ஸ் பக்கங்களை வரைவது தானே Spirou பத்திரிகையில் உங்களது துவக்கமாக இருந்தது ?

ஹெர்மன்: ஆமாம் ! மிஞ்சி மிஞ்சிப் போனால் ஆறு பக்கங்கள் கொண்ட தொடர் அது ! எனக்கோ அது யானைப் பசிக்கான சோளப் பொரியாகவே இருந்தது. காலைப் பொழுதுகளில் கட்டிடக்கலை நிபுணரின் அலுவலகத்தில் பணி புரிந்தவன், மதியங்களெல்லாம் புதுசு புதுசாய் ஏதேனும் படங்கள் வரைந்து பதிப்பகங்களிடம் காட்டிட முயற்சித்து வந்தேன். எதிர்காலத்தில் எனது கதாசிரியராகவிருந்த மிக்கெல் க்ரெக்கை அப்படியொரு சந்தர்ப்பத்தில் தான் சந்தித்தேன். கொஞ்ச காலத்திற்கு மட்டுமாவது தனது ஸ்டூடியோவில் பணியாற்றும்படி அழைப்பு விடுத்தார். நிறைய ஓவியர்கள் பணியாற்றிக் கொண்டிருந்த அந்த ஸ்டூடியோவில் நான் இணைந்து கொண்ட போது எனது interior design வேலைக்கு முழுக்குப் போட்டேன் !

க்ரெக் ஒரு எழுத்தாளர் மட்டுமல்லாது, ஓவியருமே ! ஆகையால் படைப்பின் ஒவ்வொரு நிலைகளும் அவருக்கு அத்துப்படி ! ஆனால் மனுஷன் ரொம்பவே மோசமான ஆசான் ! மானத்தை கப்பலேற்றி விடுவார் ! அவருக்கு ஏற்பில்லாது போயின் - அந்தச் சித்திரங்களைச் சுக்கு நூறாகக் கிழித்துப் போட்டும் விடுவார் ! “அட போங்கப்பா...!” என்று நான் மூட்டையைக் கட்டி இருப்பேன் ; அல்லது நடுமூக்கில் க்ரெக்கைக் குத்தியிருப்பேன் - அந்தத் தருணத்தில் ! ஒரு மாதிரியாய் சூடு தணிந்து க்ரெக் பணியாற்றத் தொடங்க - அடுத்த 18 ஆண்டுகளுக்கு எங்களது கூட்டணி தொடர்ந்தது !

பேட்டியாளர்: உங்களது கூட்டணி துவங்கியது Spirou பத்திரிகைக்குப் போட்டியாய் வெளியான Tintin பத்திரிகையில் 1966-ல் தான் ! “பெர்னார்ட் பிரின்ஸ்” என்ற இன்டர்போல் ஏஜெண்ட், பின்நாட்களில் கடல்களில் சாகஸம் செய்யும் வீரனாக பரிணாம மாற்றம் கண்டார் !

ஹெர்மன்: ஆரம்பத்தில் கேப்டன் பிரின்ஸ் ஒரு தங்கக் கம்பி ! படிய தலைவாரி ; நியாயமாய் சுற்றி வந்தவர் ! ஆனால் 1959-ல் பிரெஞ்சு காமிக்ஸ் உலகில் மாற்றத்தின் காற்று வீசத் துவங்கி இருந்தது !. Pilote என்றதொரு காமிக்ஸ் இதழில் – காலமாய் பழக்கப்பட்டிருந்த பல சம்பிரதாயங்களுக்கு முழுக்கு போட வழிகாட்டினார்கள். “ஹீரோக்கள்” என்றாலே நல்லதை மட்டுமே செய்யும் கட்டுப்பெட்டிகள் என்ற மரபுகளை கேப்டன் டைகர் (Lt. Blueberry) கதைகள் மூலமாக பின்னாட்களில்  சார்லியேவும், ஜிரோவும் உடைத்துக் காட்டிக் கொண்டிருந்தனர். So இயல்பாகவே நல்ல காமெடி உணர்வு கொண்ட க்ரெக், கேப்டன் பிரின்ஸ் தொடருக்கும் ஒரு திசை மாற்றம் தந்தார் – கரடுமுரடான பார்னேவை  இணைத்துக் கொண்டு ! டின்டினுக்குத் துணையாகக் கேப்டன் ஹேடாக் வலம் வந்தது போல பிரின்ஸின் துணைவன் – பார்னே  கோர்டன் ! ஒரு சைவமான ஹீரோ ; ஒரு அசைவமான துணை நாயகன் என்ற பார்முலா அழகாய் ஒர்க் அவுட் ஆனது ! 2010-ல் என் மகன் எழுதிய கதையோடு - ஒரு அட்டகாசமான கேப்டன் பிரின்ஸ் ஆல்பத்தை உருவாக்கினேன் ! க்ரெக்கின் கதைகளை விட இது எவ்விதத்திலும் சோடை போயிருக்கவில்லை ! ஆனால் விற்பனையில் உதை வாங்கியது. இந்தத் தொடரின் ஆயுட்காலம் முடிந்து விட்டதென்பது புரிகிறது !

பேட்டியாளர்: 1966-ல் TinTin பத்திரிகைக்கு க்ரெக் எடிட்டராகினார். கேப்டன் பிரின்ஸில் துவங்கி, சிலபல தொடர்களையும் நவீனமாக்கும் முயற்சியில் இறங்கினார். இதற்கு பத்திரிகையின் டைரக்டரும், Tintin கதைகளின் பிதாமகருமான ஹெர்ஜ் எவ்விதம் react செய்தார் ?

ஹெர்மன்: ஹெர்ஜிடம் தான் லகான்கள் இருந்தன என்றாலும், அவர் என்றைக்குமே ஒரு சர்வாதிகாரியாக இருந்ததில்லை ! மாற்றங்களின் அவசியங்களை ‘சட்‘டென்று புரிந்து கொள்ளும் சமர்த்தர் அவர். எனது சித்திர பாணி ரொம்பவே தடாலடியாய் இருப்பதாய் புகார்கள் வெளியிலிருந்தும்; பத்திரிகைக்கு உள்ளிருந்துமே புகார்க் குரல்கள் எழுந்து கொண்டிருந்தன. ஆனால் க்ரெக்கின் பராமரிப்பில் இதழின் விற்பனை உயரே செல்லச் செல்ல எதிர்ப்புக் குரல்கள் மாயமாகிப் போயின !

பேட்டியாளர்: 1972-ல் நீங்களும், க்ரெக்கும் genre மாற்றத்தோடு “கமான்சே” என்ற கௌபாய் தொடருக்குத் துவக்கம் தந்தீர்கள் ! பத்திரிகைக்கு அது கூடுதலானதொரு கரடுமுரட்டுத்தனம் வழங்கியது என்று சொல்லலாமா ?

ஹெர்மன்: யெஸ் ! கரடுமுரடான வன்மேற்கை நாசூக்காய் சித்தரிப்பதில் எனக்கு உடன்பாடில்லை. ஆகையால் உள்ளதை உள்ளபடிக்கே காட்டும் தொடராக கமான்சேவை இட்டுச் செல்ல ஆசைப்பட்டேன் ! அதன் நான்காவது ஆல்பத்தில் (ஓநாய் கணவாய்) வரும் கொலைகாரனைக் கைது செய்வது போல க்ரெக் கதை அமைத்திருந்தார். “தூத்தேறிப் பயலைப் போட்டுத் தள்ளி விடலாமே ! கதையை அதுபோல மாற்றுங்களேன் !” என்று க்ரெக்கை வற்புறுத்தியதன் பலனாக, குப்பைக் கூடைகளுக்கு மத்தியிலான சந்தில் ரெட் டஸ்ட் அவனை சுட்டுத் தள்ளினார் ! ஆனால் அடுத்த ஆல்பத்திலோ - அதற்குத் தண்டனை அனுபவித்தது போல் ரெட் டஸ்ட் ஜெயிலிலிருந்து வெளிவருவதாக க்ரெக் கதையெழுதியிருந்தார். எனக்கு இது போன்ற போலி நாகரீகங்களில் இஷ்டமே கிடையாது ! நிஜமான வன்மேற்கில் வாழ்க்கை நிச்சயம் இவ்விதம் இருந்திருக்காது ! ஒருவேளைச் சாப்பாட்டிற்கெல்லாம் ஒரு உயிரை எடுக்கத் தயங்காத நாட்களாச்சே அவை ?! மனிதனை ஆண்டவனின் அற்புதப் படைப்பு ; உன்னதத்தின் மறு உருவம் என்றெல்லாம் காட்டுவதில் எனக்கு உடன்பாடே கிடையாது. பசப்புவானேன் ? மொட்டையாய்ச் சொல்லியாக வேண்டிய விஷயங்களை மொட்டையாகவே சொல்லிப் போவோமே ?

பேட்டியாளர்: ”ஓவியர் மாத்திரமே” என்ற அடையாளத்தைத் துறந்து விட்டு- “கதாசிரியர் + ஓவியர்” என்ற அடையாளத்தை உங்களுக்கு வழங்கியது 1979-ன் ஜெரெமியா தொடரானது! வெற்றி கண்ட 2 தொடர்களைக் கைகழுவி விட்டு இதற்குள் புகுந்தீர்கள் ! அது பற்றி...?

ஹெர்மன்: யெஸ் ! ஒட்டுமொத்தச் சுதந்திரத்தை அனுபவித்தேன். க்ரெக்குடனான எனது நட்பு அத்தனை உறுதியானதாக இருக்கவில்லை ! நானாக அப்போது சின்னச் சின்னக் கதைகளை எழுதுவதுண்டு ! அவற்றைப் பார்த்த க்ரெக் - “ஒரு ஓவியனின்   சக்திக்கு  இவையெல்லாம் நல்ல கதைகளே ; ஆனால் ஒரு நிஜமான கதாசிரியரின் தரத்தை இவை ஒருபோதும் எட்டிப் பிடிக்காது !” என்றார் ! ஆக எனக்கு என்ன சாத்தியப்படும் ? என்று நானே தேடித் தெரிந்து கொள்ளத் தீர்மானித்தேன். ஒரு ஜெர்மானிய காமிக்ஸ் பத்திரிகை தந்த வாய்ப்பை இறுகப் பற்றிக் கொண்டு நானே முழுதாய் உருவாக்கிடப் போகும் தொடரை அதனில் வெளியிடத் திட்டமிட்டேன் ! ஜெரெமயா வெற்றி கண்ட பின்நாட்களில் “ஹெர்மன் ஒரு கதாசிரியராகவும் சாதித்துக் காட்டி விட்டான்!” என்று க்ரெக் அபிப்பிராயப்பட்டாராம் !

1943-ல் ரெனே பார்ஜாவெல் என்ற கதாசிரியர் உருவாக்கியிருந்ததொரு science fiction நாவல் தான் ஜெரெமயா தொடருக்கான துவக்கப்புள்ளி ! தொட்டு விடும் தூரத்திலிருக்கக் கூடிய எதிர்கால உலகமே அந்த நாவலின் களம் !! ஒரு அணுயுத்தம் உலகை துவம்சம் செய்திருக்க, அதனில் தப்பிப் பிழைத்தோரின் வாழ்க்கை அதனில் சொல்லப்பட்டிருக்கும் ! நான் ஜெரெமயாவுக்கும் அதையே பின்புலமாக்கினேன். நிறவெறியில் துண்டாடப்பட்ட அமெரிக்காவில் உள்நாட்டுக் கலகமும், ஒரு அணுஆயுத யுத்தமும் அரங்கேறிட- 300 ஆண்டுகள் பின்நோக்கிப் போய் விடுகிறது அந்த பூமி ! ஒரே இடத்தைச் சுற்றிக் கதை சுழன்று வரும் பட்சத்தில் போரடித்து விடக் கூடும் என்பதால் அதனை ஒரு பயணமாகவே அமைத்தேன் ! It’s a post–apocalyptic road movie of sorts ! அவர்களது தேடல் முடிவற்றது ! உங்களுக்கும், எனக்கும் கூட அதுவே தானே கதை ? முடிவில்லாத் தேடல் தானே இந்த வாழ்க்கையே ? அந்தப் பயணத்தில் நல்ல சமாச்சாரங்களுக்கும் பஞ்சமில்லை என்பதால் மனிதன் அதனை ஓயாது வாழ்ந்து அனுபவித்துப் பார்க்கிறான் ! 

எனது 34வது ஆல்பம் விரைவில் வெளியாகக் காத்துள்ளது. அதில் ஜெரெமயாவை சந்திக்கும் முன்னரான கர்டியின் ப்ளாஷ்பேக் பற்றிச் சொல்லவிருக்கிறேன் ! 2002 முதல் 2004 வரை அமெரிக்காவில் டி.வி. தொடராக ஜெரெமயாவை எடுத்தார்கள். எனக்கு அதைச் சகிக்க முடியவில்லை ; ஆனால் நிறையவே பணம் தந்தார்கள் ! கர்மம் எக்கேடோ கெடட்டும் என்று கைகழுவி விட்டேன் !"
-----------------------------------------------------------------------------------------------------------
இது ஹெர்மெனின் பல பேட்டிகளுள் ஒன்றே ; ஆனால் ரொம்பவே சமீபமானது என்பதால் அதனை உங்களோடு பகிர்ந்திட நினைத்தேன் ! 78 வயதாகும் இந்த “இளைஞர்” என்னமாதிரியான மனவோட்டத்தில் படைப்புகளை அணுகுகிறார் ; குறிப்பாக ஜெரெமயா பற்றிய அவரது சிந்தைகள் என்னவென்று இதோ- அவரது பிரத்யேக வலைத்தளத்திலுள்ள விவரிப்பு :

இருபதாம் நூற்றாண்டின் இறுதியில் நிறவெறி உலகைப் புரட்டிப் போட, அணுஆயுத யுத்தத்தின் பலனாய் அமெரிக்கா கிட்டத்தட்ட 300 ஆண்டுகளுக்குப் பின்னே போவதாய் இந்தக் கதைக்களம் இருக்கும் ! ஒரு நாகரீக சமுதாயமென்பது ஒட்டுமொத்தமாய் நிர்மூலமாகிப் போய்க் கிடக்க, எஞ்சியிருக்கும் ஜனமானது சிற்சிறு கூட்டங்களாய் ; பிரிவுகளாய் ஒன்றிணைந்து, தங்களது வாழ்க்கைகளை மீட்டெடுக்க முயற்சிக்கிறார்கள் ! செய்த தவறுகளிலிருந்து பாடம் படிக்கும் பக்குவமின்றி திரும்பத் திரும்ப சொதப்பிடும் மனிதர்களையே இங்கே பார்க்கலாம் ! வன்மேற்கின் “பலமே ஜெயம்” என்ற ஃபார்முலா தான் இந்த எதிர்கால சிதில உலகிலும் நிலவிடும் ! சோக கீதங்களும், சென்டிமெண்டைப் பிழிந்தெடுக்கும் வயலின்களும் ஹெர்மெனுக்கு எட்டிக்காயாய் கசப்பன என்பதால் அந்தப் பக்கமாகவே கதைகள் பயணிக்காது ! உள்ளதை உள்ளபடிக்கு ; மிகைப்படுத்தலின்றி ; ஒரு கரடுமுரடான கவிதையாய் - பயணத் தொடராய் சொல்ல முற்படுவதே ஜெரெமயா ! பசியைப் போக்க உணவு ; பொழுதைப் போக்க கேளிக்கை - இவை தான் இங்கே உலவும் மனிதர்களின் தேடுதல்கள் !

1980-களின் துவக்கத்தில் ஒரு பேட்டியின் போது ஹெர்மென் சொன்ன சமாச்சாரத்தையும் இங்கே நினைவு கூர்வது பொருத்தமென்று சொல்வேன் ! “ஒரு குரூரமான கதையைச் சொல்லும் உத்வேகம் எனக்குள் ததும்பி நிற்கிறது ! மொள்ளமாறிகளையும், களவாணிகளையும் கூட நாசூக்காய்க் கையாள நினைக்கும் சமுதாயத்தின் மீது எனக்கு அளப்பரிய கோபமுண்டு ! சமூகத்தின் மீதான அந்த ரௌத்திரத்தை ஒரு இளம் ஹீரோவின் வாயிலாக உலகிற்குச் சொல்ல நினைத்தே ஜெரெமயாவை உருவாக்கினேன் !” ஆனால் அந்தக் கோபத்தை மட்டுமே சொல்ல நினைத்தால் காலம் தள்ள முடியாது என்பதை உணர்ந்தவர் சற்றே நிதானித்துக் கொண்டார் !

கதை பயணிக்கும் போதே, நாயகர்களும், ஹெர்மனுமே பக்குவப்படுகிறார்கள்! வானளாவிய கட்டிடங்கள் ஒரு பக்கம் ; கல்லுடைக்கும் மக்கள் இன்னொரு பக்கம் ; விலையுயர்ந்த வாகனங்கள் ஒரு திசையில் ; கழுதை மீதான  சவாரி மறு மார்க்கத்தில் என்று எதிரும் புதிருமான காட்சியமைப்புகள் இந்தத் தொடரில் ஒரு தொடர்கதையே ! முரண்கள்; எத்தனை காலமானாலும் மனிதர்களிடமிருந்து விட்டு விலகா வன்மங்கள் ; வக்கிரங்கள் என்று வாழ்க்கையை வார்னிஷ் அடிக்கா கண்களோடு ஒரு பயணமாய் சித்தரித்துக் காட்டுவதே ஜெரெமயா !

So இதைப் புரிந்தான பின்பே இதழின் முன்னட்டை இன்னரில் அழுத்தமாய் ஒரு முன்னோட்டமும், ஹாட்லைனிலும், இங்கே நமது பதிவிலும் சில hint-களும் தந்திருந்தேன் - என்ன எதிர்பார்த்திடலாமென்பதற்கு ! ஆனால் நம்மை அறியாமலே காலங்காலமாய் நாம் பார்த்து, படித்து, ரசித்துப் பழகிப் போயிருக்கும் பாணியைத் தேடிடும் மனதானது, ஜெரெமயாவிலும் அதையே தேடிடும் போது தான் நெருடல்கள் எழுந்திருக்குமென்பது புரிகிறது folks ! 25 மொழிகளில் சாதித்துக் காட்டியிருக்கும் இந்தத் தொடரை நாமுமே சிறிது பொறுமையோடும், பரிவோடும் புரிதலோடு அணுகிடும் பட்சத்தில் - ஹெர்மனின் பரட்டைத்தலை இளைஞர்கள் நமக்குமே ஆதர்ஷர்களாக மாறிடுவார்களோ - என்னவோ ? அடுத்த 3 பாகங்கள் அடங்கியதொரு தொகுப்பையும் தொடரும் மாதங்களில் பரிசீலித்து விட்டு - அதன் பின்பாய் நம் மத்தியில் இதன் எதிர்காலத்தை நிர்ணயம் செய்தல் சரியென்று பட்டது folks ! உங்கள் எண்ணங்கள் எப்படியோ ? சொல்லுங்கண்ணே சொல்லுங்க !!

Moving on, "வித்தியாச பாணிச் சமாச்சாரங்கள்" இன்னமும் ஓய்ந்திடவில்லை !!  நமது அரசியல் கூட ஏதேனுமொரு கட்டத்தில் போரடித்து விடக் கூடும் ; ஆனால் எல்லைகள் அறியா நமது காமிக்ஸ் தேடல்களில் விறுவிறுப்பு குறைந்திட வாய்ப்புகள் பூஜ்யம் என்பேன் ! இதோ நடப்பாண்டின் ஒரு புதுப் பரிமாணமான சந்தா E பக்கமாய் கடந்த 4 நாட்களாய் கவனத்தை ஓட விடும்போது மொத்தமாகவே ஒரு புது அனுபவம் கிட்டுகிறது !

Of course - கதைத் தேர்வுகளின் வேளையில் இந்தக் கதைகள் பக்கமாய் நிறையவே நேரம் செலவிட்டிருந்தேன் தான் ! ஆனால் கதைச் சுருக்கங்களை ; விமர்சனங்களை ; பிறமொழி வாசகர்களின் அபிப்பிராயங்களைப் பரிசீலிப்பதற்கும் - முழு மொழிபெயர்ப்போடு முழுக்கதையையும் படிப்பதற்கும் உலகளவு வித்தியாசம் உண்டு தானே ? “ஒரு முடியா இரவு” கதையினையும் சரி, “என் சித்தம் சாத்தானுக்கே சொந்தம்” இதழையும் சரி - முழுசாய் படிக்க முடிந்தபோது எனது முதல் ரியாக்ஷன் பரட்டை மண்டை ஜெரெமியாவைப் போல் இப்படித் தானிருந்தது!
MMS இதழுக்கென முயற்சிக்கப்பட்ட டிசைன்களுள் ஒன்றிது ! ஆனால் கதை # 3 -ன் பிரத்யேக ராப்பர் மட்டுமே இது எனும் பொழுது - மூன்று  கதைகள் கொண்ட தொகுப்புக்கு இது வேண்டாமென படைப்பாளிகள் அபிப்பிராயப்பட்டனர் !! 
இவை  இரண்டுமே  பேய்-பிசாசு-ஆவி-அமானுஷ்யம்-திகில் என்ற பாணிக்  கதைகளல்ல ! மாறாக - படு வித்தியாசமான 2 knot-களைக் கையில் எடுத்துக் கொண்டிருக்கும் கதாசிரியர்களின் ஆக்கங்கள் !  கதை சொல்லும் யுக்திகளில் தான் எத்தனை- எத்தனை தினுசுகள்?!! கதாசிரியர்களின் கற்பனைகளுக்குத் தான் எத்தனை ஆயிரம் சிறகுகள் ?! ஒரு ஹீரோவை உருவாக்கி - கதைக்களம் இதுதானென்றும் ஸ்திரப்படுத்திய பின்னே, அதற்குள் வண்டியை ஓட்டுவது, வடதுருவத்து எஸ்கிமோக்களைப் போன்றதெனில் - ‘கதையே தான் ஹீரோ‘; இதனுள் உலா செல்லும் மாந்தர்கள் அனைவருமே இதனுள் உபபாத்திரங்கள் தான் ! என்று தைரியமாய்ப் பிரகடனப்படுத்தி விட்டு, அந்தச் சாலையில் விதவித கதைக்கருக்களோடு பயணிப்பது என்பது தென்துருவத்தின் பென்குவின்களைப் போன்றது என்பேன் ! யப்பாடி !!  என்னவொரு மாற்றம் - இந்த பாணியிலான கதைக்கருத் தேர்வுகளிலும், கதை சொல்லும் விதங்களிலும், நகர்த்தல்களிலும் ! And பயமே வேண்டாம் - இவை நிச்சயம் அழுகாச்சிகளும் அல்ல ; சித்திரங்களின் பலத்தில் மட்டுமே சவாரி செய்திடும் கதைகளுமல்ல !! ஒவ்வொன்றுமே ஒரு புது திசையில் பயணிக்கும் சுவாரஸ்யமான கதைகளே ! இதோ சந்தா E -வின் முதல் இதழின் அட்டைப்பட முதல்பார்வை !! 
இன்னமும் பூர்த்தியாகா ராப்பரே இது !!
Oh yes, அந்த அடர் சிகப்புச் சிங்கமும், அந்த புது லோகோவும் புருவங்களை உயரச் செய்கின்றனவா ? சில பல ஆண்டுகளுக்கு முன்பாய் ; "கி.நா." கதைகளுக்கென ஒரு தனித் தடம் தந்திடும் எண்ணத்தில் நண்பர்களை அதற்கான லோகோவை உருவாக்கக் கோரியிருந்தது மறந்திருக்காது தான் !! நிறைய அழகான மாதிரிகள் கிட்டியிருப்பினும், அன்றைக்கு அவற்றுள் எதையுமே உபயோகத்துக்கு கொணர முடிந்திருக்கவில்லை ! ஆனால் வாகான வேளையினில் அவற்றுள் ஒன்றை உபயோகித்தே தீர வேண்டுமென்ற ஆர்வம் என் மண்டைக்குள் ஒரு ஓரமாகவே குந்தியிருக்க - இந்தத் தருணத்தில் அவற்றைக் களமிறக்குவது சரியாக இருக்குமென்று பட்டது ! முதன்முறையாக காமிக்ஸ் பக்கம் வருகை தருமொரு casual reader அட்டைப்படங்களையும், நமது மாமூலான லோகோக்களையும் பார்த்துவிட்டு இதனை வாங்கிப் படிக்கும் பட்சத்தில் அவரது reactions எவ்விதம் இருக்குமென்று யூகிக்கத் தெரியவில்லை எனக்கு ! ஒரு பானைச் சோற்றுக்கு ஒரு சோறே பதமென்று தீர்மானித்து விடக் கூடாதென்பதால்  சற்றே முதிர்ந்த ரசனைகளுக்கான இந்தக் கதைவரிசைகளை சற்றே வித்தியாசப்படுத்திக் காட்ட இவ்விதமொரு தனி லேபில் இருப்பின் நன்றென்றுபட்டது ! So - "லயன் கிராபிக் நாவல்" பிறந்த கதை இது தான் ! நண்பர் கார்த்திக் சோமலிங்கா உருவாக்கித் தந்த  கம்பீரமான லோகோவை பச்சக்கென்று முன்னட்டையில் பதித்து விட்டோம் !! Thanks கார்த்திக் !! இதழிலும் இதற்கொரு சிறு mention இருந்திடும் !

ஓங்கியடிச்சா ஒண்ணரை டன்‘ பாணி பன்ச்கள் எழுத அவசியமின்றி - நார்மலான மொழிபெயர்ப்பிலேயே கதைகள் மிளிரக்கூடிய சாத்தியங்கள் ‘பளிச்‘ என்று தெரிவதால் என்பாடு லேசு என்று பட்சி கூரை மேல் அமர்ந்து சொல்கிறது ! அதே போல "நாயகர்கள்" என இங்கே யாரும் கிடையாதென்பதால் ஒரு குறிப்பிட்ட விதத்தில் தான் மொழிநடை அமைந்திருக்க வேண்டுமென்ற கட்டாயங்கள் ஏதுமில்லை ! உதாரணம் சொல்வதெனில் இம்மாத டெக்ஸ் கதையைச் சொல்வேன் ! இதற்கு முன்பான, சமீபத்தைய மொழிபெயர்ப்புகள் சகலமுமே சுத்தமான தமிழில் இருந்து வருவதால் இம்முறையும் அதுவே தான் நமக்கிருந்த மார்க்கம் ! ஆனால் “பனியில் ஒரு கண்ணாமூச்சி” கதைக்கு சுத்தத் தமிழ் இல்லாது, பேச்சு வழக்குத் தமிழைக் கையாள முடிந்திருப்பின் கதையோட்டத்துக்கு இன்னமுமே உதவியிருக்குமென்று மனதுக்குப்பட்டது ! இது போன்ற சிற்சிறு கட்டாயங்களில்லாத்தன்மை இந்த one-shot கதைகளில் மிகுந்து கிடப்பது மனதை இலகுவாக்குகிறது !

இந்தக் கதைகள் “வெகுஜன ரசனை” என்ற அக்னிப் பரீட்சைகளைத் தாண்டுமா ? தாண்டாதா ? மடிப்பாக்கத்திலும், தாரமங்கலத்திலும், பெங்களுரிலும் சிலபல பயப்பந்துகள் அடிவயிற்றைக் கவ்வும் படலங்கள் தொடர்ந்திடுமா - தீர்ந்திடுமா ? என்றெல்லாம் எனக்கு விடை தெரியவில்லை இந்த கணத்தில்  ! ஆனால் மரத்தைச் சுற்றிப் பாட்டுப் பாடித் திரிவதைத் தாண்டியும் ஒரு படைப்புலகம் உள்ளது ; அதனை நம் வாசக வட்டத்துக்கு அறிமுகம் செய்யும் வாயில் கதவுகளுமே திறந்து தானுள்ளன என்றதொரு உணர்வே உள்ளத்தை நிறையச் செய்கிறது ! பரீட்சை எழுதத் தயாராகிறோம் - முடிவுகள்; தீர்ப்புகள் பற்றிப் பெரிதாய் எந்தச் சலனங்களுமின்றி ! Please wish us luck guys !

ஏப்ரல் இதழ்கள் சுடச்சுட உங்கள்வசம் உள்ள வேளைதனில்- வள-வளவென்று நிறைய எழுதி, ஒளிவட்டத்தை அந்த இதழ்களிலிருந்து விலக்கிட வேண்டாமென்பதால் - ‘முடியா இரவுக்குள்‘ மூழ்கப் புறப்படுகிறேன்! நமது இரவுகளில் ஏகப்பட்டவை துவங்குவது எப்போது ? நிறைவுறுவது எப்போது ? என்ற எல்லைக் கோடுகள் இல்லாதவைகளே எனும்போது - இந்தத் தலைப்பு சன்னமான புன்னகையைக் கொண்டு வருகிறது முகத்தில் ! அடுத்த மாதம் இதே வேளையில் இந்த சந்தா E இதழினைப் படித்த பின்னர் உங்கள் முகங்களிலும் இதே புன்னகை பிரதிபலிப்பின்- நமது பயணத்தின் இன்னொரு பரிமாணம் துவங்கியிருப்பது நிச்சயம் ! 

நிறைய பிரதிகள் அச்சிடப் போவதில்லை இதனில் ! சந்தா போக - maybe 250 பிரதிகள் மாத்திரமே கூடுதலாய் !! So இந்தக் கதைகள் அதற்கெனவுள்ள வாசகர்களோடு மட்டுமே சவாரி செய்திடவுள்ளன ! So வெளியான சற்றைக்கெல்லாமே இவை தீர்ந்திடும் வாய்ப்புகள் ஜாஸ்தி என்று இப்போதே சொல்லிவிடுகிறேன் guys ! கைவசம் ஸ்டாக் நிரம்பி வழியும் நிலையில் - we are really short of options !

Bye guys! See you around ! ஏப்ரல் இதழ்களைப் பற்றிய உங்களின் சிந்தனைகளோடு தொடருங்களேன் ! ஜாக்கி புகழ் ஜானியின் "கொலைக் கரம்" இதழை அலசுவோமா ? See you around !!