பிப்ரவரியில் மார்ச் !

நண்பர்களே,

வணக்கம். மார்ச்சின் "பொட்டிகள்" கிளம்பி விட்டன - as promised ! So நாளைக் காலையில் ஜில்லார் + டெக்ஸ் + நீலப் பொடியர்கள் + கேப்டன் டைகர் என்ற அதிரி-புதிரி கூட்டணி உங்கள் இல்லக் கதவுகளைத் தட்டத் தயாராகியிருப்பர் ! இம்மாதத்தின் இதழ்கள் சகலமும் light reading என்பதால் - சிரமங்களின்றிப் படித்து முடிக்க சாத்தியமாகிடும் என்பதில் ஐயமில்லை ! எப்போதும் போல் காத்திருப்போம் - எங்களது மார்ச் முயற்சிகளின் மதிப்பெண்களைத் தெரிந்திட !! Do let us know please !

அப்புறம் ஆன்லைன் லிஸ்டிங்குமே தயார் - அவ்வப்போது இதழ்களைத் தேர்வு செய்து வாங்கிவரும் நண்பர்களின் பொருட்டு : http://lioncomics.in/monthly-packs/482-march-2018pack.html

And இதோ - கடந்த பதிவினில் நாம் கேட்டிருந்த கேள்விகள் இங்கேயும் தொடர்கின்றன :

1. உங்கள் பார்வையில் ‘Album of the Year 2017’ எதுவோ? (ஒற்றை முதல் பரிசு மட்டுமே சாத்தியம் என்பதால் “"ஆங்… இது… அப்புறம் அது… அப்பாலிக்கா இதுவுமே"” என்ற தேர்வுகள் வேண்டாமே ?!)

2. உங்கள் பார்வையில் “அறிமுகம் of the Year”?

3. உங்கள் பார்வையில் ”சொதப்பல் of the Year” 2017?

(இங்கேயும் ஒற்றை சாய்ஸ் மட்டுமே ப்ளீஸ்)

4. அட்டைப்படங்களுள் உங்களது Top3 ?

5.மிகச் சுமாரான அட்டைப்படங்களின் பட்டியலுமே ப்ளீஸ்? The Bottom 3 ?

6. 2017-ன் “Top Moment” – உங்களைப் பொறுத்தவரை ?

7. லயன் கிராபிக் நாவல் (சந்தா E)– உங்கள் பார்வையில்?

8. 2017 – ஒட்டுமொத்தமாய் என்ன மாதிரியான அனுபவம் என்பீர்கள்?

(a) சூப்பர்-டூப்பர் (b) தேவலாம்!   (c) ஹாவ்வ்வ்!

Bye all !! Happy Reading !!

அந்தவொரு நொடி !

நண்பர்களே,

வணக்கம். ‘அமைதிப் படை‘ சத்யராஜின் நாகராஜ சோழலின் தாக்கம் மாதந்தோறும் என்னையும் பீடிப்பதுண்டு! மாதத்தின் இரண்டாவது – மூன்றாவது வாரங்களில் பணிகளோடு மல்யுத்தம் நடந்து கொண்டிருக்கும் வேளையில், பதட்டத்தில் சேரின் நுனியில் பம்மிக் கொண்டிருப்பேன்! ‘அட்டைப்பட டிசைனை பொன்னன் இன்னும் முடிக்கலியா?‘; ”ஆத்தாடியோவ்… ரின்டின் கேனில் இனனும் 30 பக்கங்கள் கிடக்கே எழுதுவதற்கு?!!; கிராபிக் நாவலை இன்னும் தொட்டே பார்க்கலைடா சாமி!”" என்ற ரீதியில் வயிற்றைக் கலக்கிக் கொண்டிருக்கும்! ஆனால் மாதயிறுதி நெருங்க-நெருங்க; பணிகள் ஒவ்வொன்றாய் நிறைவு காணக்-காண; அப்படியே லாத்தலாய் சேரில் அமர்ந்து கால் மேல் கால் போட்டு ஹாயாக ஆட்டத் தோன்றும்! ‘என் பணிகள் முழுசும் முடிஞ்சுது டோய்; இனி பைண்டிங்கில் முட்டி, மோதிக் கொள்ளுங்கள் – ஐயாம் எஸ்கேப்!!" என்று அந்த நொடியில் மனதில் ஒரு ஜாலி ஸ்மர்ஃப்பாகி விடுவேன்! அந்த லாத்தலெல்லாமே அட்டவணையில் அடுத்த செட் இதழ்களைப் பார்க்கும் வரையில் தான் நீடிக்கும் என்பது வேறு கதை! “"ஆஹா… அடுத்த மாசம் டபுள் ஆல்பமா? டெக்ஸ் 224 பக்கப் பணியா? கார்ட்டூன்லே க்ளிப்டன் காத்திருக்கிறாரா?"” என்றெல்லாம் மண்டைக்குள் பதிவாகத் தொடங்கும் வேளையே புருவங்கள் மறுக்கா செருகிக் கொள்ளும்; சேரின் நுனி நோக்கிப் பிட்டம் வழுக்கிப் போகும்; ரிங்கா-ரிங்கா ரோசஸ் என்று அதே ஆட்டம் திரும்பிடும்! ஆனால் – இடைப்படும் அந்த ஒற்றை மணி நேரம் மட்டுமாவது முழுப்பரீட்சை விடுமுறைகளின் முதல் நாட்காலையில் விழித்தெழும் மாணவனைப் போல ஜாலியோ ஜாலியாய் உணர்ந்திடுவது வழக்கம் !

இதெல்லாமே கொஞ்ச காலமாய்ப் பழகிப் போய் விட்ட routine தானென்றாலும் – வாழ்க்கையின் மகிமையே இது போன்ற சிற்சிறு சந்தோஷங்களை ரசிப்பது தானே? LMS மெகா குண்டு புக்கை அறிவித்த 2014-ன் மத்திய நாட்கள் தான் இந்தத் தருணத்தில் நினைவுக்கு வருகின்றன! அந்நேரம் ஜுனியர் எடிட்டர் சென்னையில் படித்துக் கொண்டிருக்க, எனது துணைவியுமே அங்கே அவரோடு கேம்ப் அடித்திருக்க – வீட்டில் நான் மட்டும் ஒற்றையாளாய் வேதாளம் போல குந்திக் கிடப்பேன்! காலையில் கண்முழித்த மறுகணமே எந்த மெஸ்ஸில் இன்றைக்கு இட்லி வங்கச் சொல்லலாம் என்ற நினைப்பு எழும் முன்பாகவே "எல்-லே-ம்-மெ-ஸ்ஸ்ஸ்ஸ்" என்ற கூக்குரல் ஸ்டீரியோ எஃபெக்டுடன் ஒலிப்பது போலத் தோன்றும்! மலங்க மலங்க எழுந்து வந்து பல்தேய்க்க பிரஷ்ஷைத் தேடும் போதே – ‘டைகர் கதைக்கு டைப்செட்டிங் ஆரம்பிக்கவே இல்லியோ ? அந்த கிராபிக் நாவல் தலையும் புரிய மாட்டேங்குது, வாலும் புரியமாட்டேங்குது… என்னேன்னு எழுதப் போறேனோ?” என்ற குடைச்சல் ஆரம்பித்திருக்கும்! காலெண்டரில் தேதியைக் கிழிக்கப் போனால் குளிர் காய்ச்சல் வந்துவிடுமோ என்ற பயம் ஜிங்கு ஜிங்கென்று ஆடும்! அந்த நாட்களெல்லாமே நமது ஸ்திரத்தன்மையை நிலைநாட்ட; மாதம் தவறாது இதழ்களைத் தயாரித்துக் காட்ட; வாக்கைக் காப்பாற்றுவேனென்று (எனக்குமே சேர்த்து) நிரூபித்துக் காட்ட வேண்டியதொரு மௌனமான நிர்ப்பந்தம் நிலவுவது போல் எனக்குத் தோன்றும்! NBS இதழைக் கூட ஒரு மாதிரியாய் ஒப்பேற்றியிருந்தோம், becos அதனோடு அந்த நாட்களில் complex ஆன இன்ன பிற இதழ்கள் ஏதும் கிடையாது ! ஆனால் LMS இதழின் பருமனும் அசாத்தியம்; ஒன்றுக்கு இரண்டாய் இதழ்கள் ; அதனுள்ளிருந்த b&w கிராபிக் நாவலைக் கையாளத் தெரியாது முழித்த பதற்றம்  ; தவிர –மாதம் இரண்டோ, மூன்றோ இதழ்களுண்டு என்ற பாணியும் அமலில் இருந்திட - 2014-ல் ப்ரெஷர் ரொம்பவே கூடுதலாய் உணர்ந்திட முடிந்தது! பற்றாக்குறைக்கு அது தான் நமது முதன்முதல் ஹார்ட்கவர் முயற்சியும் கூட! So பைண்டிங்கின் சூட்சமங்களைப் புரிந்து கொள்வதிலும் நாக்குத் தொங்கியது & அதற்கென அவசியப்படும் அவகாசம் எவ்வளவாக இருக்குமென்பதையும் யூகிக்க முடிந்திருக்கவில்லை! மதியம் அச்சிட்ட தாட்களை ஒப்படைத்து விட்டு மறுநாளே போய் ‘புக் ரெடியாகிடுச்சா அண்ணாச்சி?‘ என்று குடலை உருவிடும் சாத்தியங்கள் இதனில் கிடையாதெனும் போது அதுவும் என் பீதிகளைக் கூட்டித் தந்தது! நிச்சயமாய் சொன்ன தேதிக்குள் இந்தவாட்டி இதழை ரிலீஸ் செய்ய முடியப் போவதில்லை ; ”"வேதாளம் முருங்கை மரம் ஏறிடுச்சுடோய்!"” என்ற கலாய்ப்புகள் ரவுண்ட் கட்டப் போகின்றன என்றே எனக்குப்பட்டது! ஆளே இல்லாத வீட்டுக்குள் அரை லூசைப் போல பினாத்திக் கொண்டு திரிந்த நாட்களவை! 

அட்டைப்பட டிசைன் பிரமாதமாய் அமைந்த நொடியில் தான் முதன்முதலாய் எனக்குள் ஒரு நம்பிக்கை துளிர்விட்டது – இந்த இதழை நாம் சொதப்பப் போவதில்லையென்று! ஞாயிறு இரவு ஹோட்டலில் ஒரு ரவா தோசையை ஆர்டர் பண்ணிய கையோடு கல்லாவில் குந்தியிருந்த கேஷியரை உம்மணாம்மூஞ்சி ஸ்மர்ஃப் போல நான்  முறைத்துக் கொண்டிருந்த சமயம் தான் வாட்சப் கூப்பிட்டது! பார்த்தால் 3 வெவ்வேறு கலர் variant-களில் LMS-ன் ராப்பரை நமது டிசைனர் பொன்னன் அனுப்பியிருந்தது தெரிந்தது! பின்னணி ப்ளு; பச்சை; இளம் சிகப்பு என்று அந்த முதற்கட்ட டிசைன்களே டாலடிக்க, 'ரவா தோசையில் முந்திரிக்குப்  பதிலாய் பொரிகடலையைப் போட்டு ஏமாத்திப்புட்டாய்ங்களே !!' என்ற கவலை கரைந்தே போனது! பீச்சாங்கையில் டைப்படித்து மாற்றங்களை; திருத்தங்களைச் சொல்லி விட்டு பில்லுக்குப் பணம் கொடுக்க எழுந்து போன போது அந்நேரம் வரை நம்பியாரைப் போல வில்லனாய் கண்ணுக்குத் தென்பட்ட கேஷியர் – தெய்வக்களை சொட்டும் A.V.M. ராஜனாகக் காட்சி தந்தார்! ‘வரட்டுமா அண்ணாச்சி?‘ என்றபடிக்கே வீட்டைப் பார்த்து நடக்கத் தொடங்கிய போது – LMS-ஐ பார்த்து பயந்த நிலை மாறி எனக்குள் ஒரு எதிர்பார்ப்பு குடியேறத் துவங்கியிருந்தது ! ‘ஸ்பெஷல் டப்பா செய்யச் சொல்லணும்; ஒரு சின்ன புக்; இன்னொரு பெரிய புக்… so அடிபடாமல் இருக்க cushion தேவை‘ என்றெல்லாம் மகாசிந்தனைகள் றெக்கை கட்டத் துவங்கியிருந்தன! தொடர்ந்த நாட்களில் அந்த b&w கிராபிக் நாவலை எழுதி முடித்த கையோடு எனது LMS பணிகள் ஒட்டுமொத்தமாய் நிறைவடைந்த நொடியில் எனக்குள் பீறிட்ட உற்சாகத்தைக் கொண்டு வைகை எக்ஸ்பிரஸை எஞ்சின் இல்லாமலே சென்னை வரைக்குமென்ன -– துபாய் வரையிலுமே இழுத்துப் போயிருக்க முடியுமென்பேன்! அச்சு; பைண்டிங் டெஸ்பாட்ச் என சகலமும் முடிந்து விட்டிருந்த வேளையில் உங்கள் சிலாகிப்புகளை இங்கே பார்க்க முடிந்த போது – அதுவரையிலான பீதிப்படலம் சுத்தமாய்ப் போயே போயிருந்தது! ‘ஹை… அடுத்து இது மாதிரியான project-க்கு எதை இழுத்து விடலாம்?‘ என்ற கட்டைவிரல் சிந்தனைகளே அலையடித்தன!

அட… எல்லாம் சரி தான்! ஆனால் 4 வருஷ flashback-க்கு இப்போ என்ன முகாந்திரம்?” என்று கேட்கிறீர்களா? காரணம் இல்லாதில்லை folks! பிப்ரவரியில் தேதிகள் குறைச்சல் என்பதால் பணியாற்றும் அவகாசமும் சொற்பம் என்பது அப்பட்டம்! So இம்முறை வழக்கத்துக்கு மாறாக கொஞ்சம சீக்கிரமே எனது பணிகளை நிறைவு செய்திட வேண்டிய சூழல்! இது காரணம் # 1 ! காரணம் நம்பர் 2 – நமது ஆபீஸ்ரூமில் நிறையவே பராமரிப்பு / மராமத்து அவசியமென்றிருப்பதால் அந்த வேலைகள் தொடரும் வாரங்களில் நடைபெறவுள்ளன! So தற்காலிகமாய் ஒரு மாதத்துக்கேனும் சந்திலும், பொந்திலுமே ஆபீஸ் செயல்படவிருப்பதால், ஏப்ரலின் தயாரிப்பு + அச்சுப் பணிகள் இதன்பொருட்டு தடைபட்டிடக் கூடாதேயென்று நினைத்தேன்! அதன் விளைவாய் எழுந்த மகாசிந்தனை தான் ஏப்ரலின் இதழ்களையும் சூட்டோடு சூட்டாய்த் தயாரித்து, பிரிண்ட் செய்து வைத்து விடலாமென்ற தீர்மானம்! 

தண்ணீருக்குள் தூக்கிக் கடாசி விட்டால் கடப்பாரை நீச்சலோ, மண்வெட்டி நீச்சலோ - ஏதோவொன்று தானாய் சாத்தியமாகிப் போகுமென்பதை கடந்த 10 + நாட்களில் உணர்ந்து வருகிறேன் ! நல்ல நாளைக்கு - ஒரு 44 பக்க ஆல்பத்தின் எடிட்டிங் பணிகளை இந்த-அந்தாவென்று ஒரு வாரத்துக்கு நீட்டி முழக்குவது வாடிக்கை ! ஆனால் இப்போதோ அவசியம் என்றாகும் போது ஒற்றை இரவே போதும் - ஒரு ஆல்பத்தின் (எனது) பணிகளைக் கரைசேர்த்திட என்பது புரிகிறது !! டைப்செட்டிங்குக்கு நமக்கு அவ்வப்போது உதவிடும் வேலையாட்களின் கதவுகளிலும் நங்கு-நங்கென்று தட்டி, அவர்களையும் இழுத்துப் போட்டு 'ஆட்றா ராமா- தான்றா ராமா !! என்று குட்டிக்கரணங்களைப் போடச் செய்தோம் !! 2018-ன் துவக்கம் முதலாகவே ராப்பர்களை 3 மாதங்கள் in advance என்று தயாரித்து வைத்திருப்பது இந்த நொடியில் கைகொடுக்க, ஏப்ரலின் black & white டெக்ஸ் இதழ் நீங்கலாய் மற்ற சகலமும் தொடரும் நாட்களில் அச்சாகியே முடிந்து விட்டிருக்கும் ! So மார்ச்சின் பணிகளும் முடிந்து; ஏப்ரலின் முக்கால்வாசிக் கிணறைத் தாண்டி விட்டேன் (என்னளவிற்கு) என்பதால் – ”"நாகராஜ விஜயன்"” அவதார் பற்றிய நினைப்பு மெது மெதுவாய்த் தலைதூக்கியது! Black & white டெக்ஸ் வில்லர் மாத்திரமே எனது பணிப் பட்டியலில் எஞ்சி நிற்கிறது ஏப்ரலுக்கென! தொடரும் நாட்களில் அதையும் முடித்து விட்டேனெனில் - மல்லாக்கப் படுத்து விட்டத்தை ரசிக்க கொஞ்சமே கொஞ்சமாய் அவகாசம் கிடைக்கக் கூடும் என்பேன்! ஆனால் – தொலைவில் நமது பெல்ஜியத்து சஞ்சய் ராமசாமி முறைப்பாக நின்று கொண்டு – ”அங்கே என்னமா சத்தம்?” என்று கேட்பது போலத் தோன்றுவதால், அடுத்த பணிக்குள் குதித்து விட்டு "பேசிக்கிட்ருக்கோம் மாமா !!" என்று பதில் சொல்ல வேண்டியது தான் போலும் ! பற்றாக்குறைக்கு – ”777 பக்கங்கள்” என்று ஒரு பெரிய பதாகையோடு இரவுக் கழுகார் & கோவும் மனக்கண்ணில் தோன்றி மறைய – சகல துவாரங்களையும் M-சீல் போட்டு மூடிக் கொள்வதே உத்தமம் என்பதில் சந்தேகமில்லை!

August-ன் மெகா ப்ராஜெக்ட்களுமே மெது மெதுவாய் துவக்கம் கண்டு வருகின்றன! டிஜிட்டல் ஃபைல்கள் சகலமும் வந்து சேர்ந்திருக்க, DTP பணிகள்; டிசைனிங் வேலைகள் என ஆளாளுக்குப் பிரித்துக் கொடுத்திருக்கிறேன்! மாதிரிப் புத்தகங்களை போட்டுப் பார்த்து, பைண்டிங்குக்கான முன்னேற்பாடுகள் பற்றியும் குறித்துக் கொள்ளத் துவங்கி விட்டோம். 3 ஆல்பங்கள் கொண்ட தொகுப்பு (XIII) என்பதால் – பணிகள் முடிய, முடிய ஒவ்வொரு ஆல்பத்தையாகத் தயார் செய்து, பிரிண்ட் பண்ணிப்,பத்திரப்படுத்தி வைக்க எண்ணியுள்ளேன்! ஆகஸ்ட் வரை இழுத்துப் போய் கடைசி நேரத்தில் அண்டாவுக்குள் கை நுழைய மாட்டேன்கிறது என்ற கதையாகிடக் கூடாது அல்லவா? So சிறுகச் சிறுகத் துவங்கி வரும் பணிகள், நாளாசரியாய் வேகம் காணுமென்ற நம்பிக்கையோடு இருக்கிறேன்! மிச்சம் ஆண்டவனின் கைகளில் !

டெக்ஸின் டைனமைட் ஸ்பெஷலைப் பொறுத்த வரையிலும் இத்தாலிய மொழிபெயர்ப்பில் முழி பிதுங்கிக் கொண்டிருக்கிறது – அந்தப் பக்க எண்ணிக்கையின் பொருட்டு! ”"ஆவ்… ஒரே தம்மில் இத்தனை பக்கங்களை எழுதுவதா? செத்தேன்!” என்று ஆளாளுக்குத் தெறித்து ஓட்டமெடுக்க, அவர்களுள் ஒரு பொறுமைசாலியைத் தாஜா செய்து project-ஐ ஒப்படைத்துள்ளார் ஜுனியர் எடிட்டர். நான் எனக்குத் தெரிந்த குடலை உருவும் வேலையை மட்டும் கனகச்சிதமாய் செய்து வருகிறேன் - "ஸ்கிரிப்ட் வந்திருக்கா ? வந்திருக்கா ?" என்று தினப்படி நொச்சரிப்பதில் ! அப்புறம் சரியான reference கிடைத்தால் நமது "மாலையப்பன் எக்ஸ்பிரஸ்" பிய்த்துப் பிடுங்கி ஓட்டமெடுக்கும் என்பது இன்னொருமுறை நிரூபணமாகியிருக்க - முன் & பின் அட்டைப்படங்கள் ரெடி !  வாரத்துக்கு ஒரு தபா அவற்றை வெளியே எடுத்து வைக்கச் சொல்லி கழுத்து சுளுக்கிப் போன வான்கோழியின் ஜாடையில் இந்த ஆங்கிளிலும், அந்த ஆங்கிளிலும் பார்வையிட்டு வருகிறேன்! டா வின்சியின் மோனாலிசாவை பாரிசின் லூவெர் மியூசியத்தில் பார்த்த சமயம் கூட இவ்வளவு நேரத்தைச் செலவழித்த மாதிரி ஞாபகமில்லை! ஆனால் எனது ஓவிய ரசிப்பின் மீது பெட்ரோலை ஊற்றித் தான் கொளுத்த வேண்டுமென்பேன் !! இத்தனை "கலைக்கண்ணோடு" பார்த்து, ரசித்து, சிலாகித்து அடியேன் approve செய்திடும் டிசைன்களில் சிவவற்றைப் பார்த்த மாத்திரத்திலேயே நீங்கள் பிழை கண்டு சொல்லும் போது எனக்கே என் மீது கோபம் கோபமாய் வரும்! லிப்ஸ்டிக் போட்ட லாரன்ஸ்-டேவிட்; திருவிழாவில் காணாது போன தேவ் ஆனந்தின் தூரத்து உறவுமுறை போலான மாயாவிகளெல்லாம்– என் முன்னே பெயிண்டிங்குகளாய் நிற்கும் போது, அழகு பிம்பங்களாகவே தெரியும் மர்மம் இன்றளவுக்கும் எனககுப் புரியாத புதிரே! என்னவோ போடா மாதவா moment தான் ! 

அட்டைப்படங்களின் topic-ல் இருக்கும் போது சென்றாண்டின் சித்திரப் performance-களைப் பற்றியும், இன்ன பிற tops & pits பற்றியும் பார்த்திடலாமா ?

இதோ 2017 சார்ந்த கேள்விகள் - -சற்றே தாமதமாய் :

1. உங்கள் பார்வையில் ‘Album of the Year 2017’ எதுவோ? (ஒற்றை முதல் பரிசு மட்டுமே சாத்தியம் என்பதால் “"ஆங்… இது… அப்புறம் அது… அப்பாலிக்கா இதுவுமே"” என்ற தேர்வுகள் வேண்டாமே ?!)

2. உங்கள் பார்வையில் “அறிமுகம் of the Year”?

3. உங்கள் பார்வையில் ”சொதப்பல் of the Year” 2017?

(இங்கேயும் ஒற்றை சாய்ஸ் மட்டுமே ப்ளீஸ்)

4. அட்டைப்படங்களுள் உங்களது Top3 ?

5.மிகச் சுமாரான அட்டைப்படங்களின் பட்டியலுமே ப்ளீஸ்? The Bottom 3 ?

6. 2017-ன் “Top Moment” – உங்களைப் பொறுத்தவரை ?

7. லயன் கிராபிக் நாவல் (சந்தா E)– உங்கள் பார்வையில்?

8. 2017 – ஒட்டுமொத்தமாய் என்ன மாதிரியான அனுபவம் என்பீர்கள்?

(a) சூப்பர்-டூப்பர் (b) தேவலாம்!   (c) ஹாவ்வ்வ்!

மேற்கண்ட நம்பர் வரிசைப்படியே உங்கள் பதில்களைப் பதிவிடலாம் guys – அல்லது மின்னஞ்சலாகவும் அனுப்பிடலாம். And please note – அவரவரது ரசனை சார்ந்த தேர்வுகள் என்பதால் அவற்றை விமர்சித்தல் வேண்டாமே?! 

அப்புறம் கேள்வி # 8-க்கு பதிலை நான் தந்துள்ள 3 தேர்வுக்குள்ளிருந்து மட்டுமே செய்தால் நலமென்பேன்! விசாலமாய் எழுத நினைப்போர் - கடுதாசிகளையோ; மின்னஞ்சல்களையோ தேர்வு செய்திடுங்கள் ப்ளீஸ்!

Before I sign off – இதோ மார்ச்சின் நமது உடைந்த மூக்காரின் க்ளாசிக் மறுபதிப்பின் அட்டைப்படம் + உட்பக்க preview! ஒரிஜினல் டிசைன்; துளியும் மாற்றமின்றி! உட்பக்கங்களோ தகதகக்கும் கலரில்! 

கேப்டன் டைகரின் ‘மாஸ் ஹிட்‘ கதை வரிசையில் அநேகமாய் சகலமும் வண்ணத்தில் ஆஜராகி விட்டிருக்கும் நிலையில் – இனி பார்வைகளைப் புதுக்கதைகள் பக்கமாக ஓட விட வேண்டுமோ? மோவாயில் விரல் வைத்து சிந்திக்கும் படங்கள் ஒரு டஜன்!

புறப்படும் முன்பாய் ஒரு முக்கிய தகவலுமே! ஏர்செல் நிறுவனத்தின் சொதப்பல்களின் புண்ணியத்தில் நமது அலுவலகத்து செல்போன்கள் சகலமுமே மண்டையைப் போட்டு விட்டுள்ளன! அவற்றை வேறொரு நெர்வொர்க்கில் இணைத்திட முயற்சித்து வருகிறோம். இடைப்பட்ட தருணத்தில் தொடர்பு கொள்ள நினைக்கும் பட்சத்தில் கீழ்க்கண்ட நம்பரைப் பயன்படுத்திடலாம்!

8870908407

And 2017 -ன் இதழ்களை உங்களுக்கு நினைவூட்டும் பொருட்டு தொடர்கின்றன - ஜனவரி to டிசம்பர் வரையிலான இதழ்களின் அட்டைப்படங்கள் !! 

Have a great Sunday! Bye now… See you around!

இது "ரமணா" நேரம் !!

நண்பர்களே,

வணக்கம். உஷாருங்கோ உஷாரு - இதுவொரு 'ரமணா' பதிவு - உஷாருங்கோ !!  'தம்' பிடித்துக் கொண்டே புள்ளி விபரங்களை அள்ளி விட்டு ரொம்ப நாளாச்சே என்று சமீபமாய்த்தான் நினைத்துக் கொண்டிருந்தேன் & சொல்லி வைத்தார் போல  நமது பிரெஞ்சுப் பதிப்பகங்களிலிருந்து மாமூலாய் வரும் மின்னஞ்சலில் 2017 சார்ந்த தகவல்கள் நிறையவே கொட்டிக் கிடந்தன ! பொதுவாய் நான் அவர்களை சந்திக்கும் வேளைகளில், நமக்குத் தேவையான கதைகள்  ; தொடர்கள் பற்றிய அளவளாவல்கள் 15 நிமிடங்களில் நிறைவு பெற்றிடும் ; பாக்கி 45 நிமிடங்களில் அவர்களது மார்க்கெட் பற்றி ; புது projects பற்றி ; விற்பனைகள் பற்றி ; படைப்பாளிகள் பற்றி, என எதை எதையாவது கிண்டிக் கொண்டேயிருப்பேன் ! 'இதையெல்லாம் தெரிஞ்சு இவன் என்ன பண்ணப் போறான் ?' என்ற கேள்விகள் அவர்களுக்கு ஒருநாளும் எழுந்ததில்லை ! மாறாக, எங்கோ ஒரு தூர தேசத்திலிருந்து ஆஜராகி நிற்கும் ஆந்தைக்கண்ணனுக்கு இத்தனை சுவாரஸ்யமா - நமது நடப்புகள் மீது ? என்ற  ஜாலியாகப் பேசிக் கொண்டிருப்பார்கள் ! நமக்கோ பேசி விட்டுப் புறப்பட்ட பத்தாவது நிமிடத்தில்,  விளக்குமாற்றால் 'வர்..வர்' என்று கழுவிப்போடப்பட்ட தோசைக் கல்லாய் மண்டை blank ஆகிப் போய்விடுமென்பதால், அவர்கள் பேசுவதிலிருந்து நோட்ஸ் எடுத்துக் கொண்டிருப்பேன் ! கேட்டார்கள் ஒருமுறை - 'இந்தக் குறிப்புகள் எதற்காகவென்று ?!' பரந்து விரிந்த பிரான்க்கோ-பெல்ஜிய காமிக்ஸ் பிரபஞ்சத்தின்  ஒரு தம்மாத்துண்டு அங்கமாய் நாம் இருந்தாலுமே - அந்த உலகம்  சார்ந்த தகவல்களில் நமக்கெல்லாம் ஒரு இனமறியா நேசம் ; ஒரு பெருமிதம் இருப்பதைச் சொன்ன போது அவர்களது முகத்திலிருந்த புன்னகையின் அளவு விசாலமானதை கவனிக்கத் தவறவில்லை ! So ஆண்டுக்கொருமுறை அவர்கள் ஒவ்வொருவரது பதிப்பகம் சார்ந்த திட்டமிடல்கள் ; புது வரவுகள் ; விற்பனை சாதனைகள் என்ற ரீதியில் தகவல்கள் நம்மை எட்டிப் பிடிக்கும் போது அவற்றுள் முக்கியமானவற்றை இங்கே போட்டுத் தாக்குவது வாடிக்கை ! And இது 2017 பற்றிய தகவல்கள் எனும் போது - fairly recent stuff !! அவர்களது newsletter களைப் படித்த கையோடு - கூகிளையும் கொஞ்சம் நோண்டிப் பார்த்த பின்பாய், ஜீனியஸ் smurf போல விரலை ஆட்டி, ஆட்டி உங்களுக்குத் தகவல் சொல்லும் ஆர்வம் அலையடித்தது ! "ச்சை...எனக்கு புள்ளிவிபரமும் புடிக்காது ;  விரலை ஆட்டி ஆட்டிப் புள்ளிவிபரம் சொல்றவனையும் புடிக்காது !" எனும் அணியாக நீங்கள் இருப்பின், நேராகப் பதிவின் இறுதிக்குப் போய் விடல் க்ஷேமம் என்பேன் ! Here goes:

உலகின் TOP 3 காமிக்ஸ் தேசங்கள் - எப்போதும் போலவே அமெரிக்கா ; பிரான்ஸ் & ஜப்பான் தான் ! And எட்டிப் பிடிக்க இயலா உச்சாணியில் குந்தியிருப்பது டிரம்பின் தேசமே ! அமெரிக்காவில் 2017-ன் காமிக்ஸ் விற்பனையின் மதிப்பு தோராயமாய் 1.1 பில்லியன் டாலர்கள் ! (அதாச்சும் வாய் பிளக்கச் செய்யும் 7200 கோடி ரூபாய் !!!!)  பிரான்சில் சென்றாண்டின் விற்பனைத் தொகை : 260 மில்லியன் டாலர்களாம் !! (ரூ.29619400000 ; அதாச்சும் : மூவாயிரம் கோடி ரூபாய்க்கு சித்தே குறைவு !!) ஜப்பானில் 2017-ல் சுமார் 12% வீழ்ச்சி கண்டுள்ளதாம்  மங்கா விற்பனை ! புதுத் தொடர்கள் பெரியளவிற்கு ஹிட் அடிக்காதது ; பிரபல தொடர்களில் சில நிறைவுற்றது - என இதற்குக் காரணங்கள் சொல்கிறார்கள் ! சரி, அமெரிக்காவும், ஜப்பானும் நமக்கு சற்றே அந்நிய மார்க்கெட்கள் என்பதால் - நாம் அன்னம்-தண்ணி புழங்கும் பிரான்க்கோ-பெல்ஜிய மார்க்கெட்டிலேயே கவனம் பதிப்போமே ?

2017-ல் பிரெஞ்சு காமிக்ஸ் மார்க்கெட்டில் சேகரிக்கப்பட்ட புள்ளிவிபரத்தின் மையமே இந்த ஆச்சர்யமூட்டும் தகவல் தான் என்னைப் பொறுத்தவரை : அதாவது, அங்கே வெளியாகும் காமிக்ஸ் ஆல்பங்களில், சற்றேற பாதிக்கும் மேலானதொரு பங்கை (53%)  வாங்குவது பெண்கள் தானாம் !!! கிட்டத்தட்ட 15000 பேரிடம் எடுக்கப்பட்ட சர்வேயின் சேதி இது ! கிராபிக் நாவல்கள் ; மங்கா ; ரெகுலர் காமிக்ஸ் என எல்லா பாணிகளிலும் இவர்களது கைவண்ணம் உள்ளதாம் ! இதில் ஒரே 'இக்கன்னா' என்னவெனில் - இவர்களுள் அறுபத்திஐந்து சதவிகிதத்தினர் காமிக்ஸ்  வாங்குவது தமக்காக அல்ல !! வீட்டிலுள்ள யாருக்கேனும் வாங்கிச் செல்கிறார்கள் ! அந்த "யாருக்கேனும்" நிச்சயமாய் குட்டீஸ்களே என்பதில் ஐயமேது ? So பிள்ளைகளின் பொழுதுபோக்குகளுக்கென பிரெஞ்சுத் தாய்மார்கள் காமிக்ஸ் இதழ்களை பரிந்துரைக்க கணிசமான அக்கறை காட்டுவது அப்பட்டம் ! Vive la France !! வாழ்க french அம்மணீஸ் !! 

அப்புறம் ஒரு பிரெஞ்சு காமிக்ஸினை கொள்முதல் செய்திடும்  வாசக / வாசகியின் சராசரி வயது 41 ! அவர்களுக்கேயான வாங்குகிறார்களோ ; அன்பளிப்பாய்த் தரும் பொருட்டு வாங்குகிறார்களோ ; வீட்டிலுள்ள சிறார்களின் வாசிப்புகளுக்கென வாங்கிப் போகிறார்களோ - அது முக்கியமல்ல என்பேன் ! மாறாக - ஒரு பொறுப்பான குடும்பத் தலைவனோ / தலைவியோ, காமிக்ஸ்களை தம் வாழ்க்கையின் ஒரு ஆடம்பரமாய்ப் பார்த்திடாது - அத்தியாவசியப் பட்டியலிலேயே வைத்திருக்கும் அந்தப் பாங்கே நம்மை ஏக்கப் பெருமூச்சு விடச் செய்கிறது !! இன்னும் கொஞ்சம் ஆழமாய்ப் புள்ளிவிபரப்  புலியாகிடும் பட்சத்தில் - பிரான்சின் ஜனத்தொகை : 67 மில்லியன் ! (அதாச்சும் 6 .7 கோடி மக்கள் !! ப்பூ !!) இந்தத் தம்மாத்துண்டு நம்பரை வைத்துக் கொண்டே இந்தப் போடு போடுகிறார்களே - உப்ப் !! 

டின்டின் ; ஆஸ்டெரிக்ஸ் ; smurfs (!!!) வாங்குவது பெரும்பாலும் 50+ வயதிலான பெண்களாம் !!! மங்கா வாங்குவது இளவட்டங்கள் - இரு பாலினங்களிலுமே ! பிரெஞ்சுப் பசங்களின் ஆதர்ஷ இதழ்களாய் இருப்பது அமெரிக்கக் கரைகளிலிருந்து ஒதுங்கிடும் சூப்பர் ஹீரோ கதைகளின் பிரெஞ்சு ஆக்கங்களேயாம் !! உள்ளூர் படைப்புகளை அசைத்துப் பார்க்கும் அளவுக்கெல்லாம் இந்த சூப்பர் ஹீரோ மோகம் இன்னமும் விற்பனை எண்ணிக்கையில் பிரதிபலித்திடவில்லை என்றாலும், மிக வேகமாய் வளர்ந்து வரும் காமிக்ஸ் பிரிவு இதுதான்  !!  Batman ;  Superman : Justice league ; Avengers ; Spiderman ; The Walking Dead ; Doompatrol etc இவையெல்லாமே  பிரெஞ்சு ஆண்களின் மத்தியில் popular !! மார்வெல் காமிக்ஸின் திரைப்படப் பிரிவு ஐரோப்பிய மண்ணிலும் கால்பதிக்கத் துவங்கி, ஹாலிவுட் அதிரடிகளை பிரான்சிலும் வெற்றியாக்கியதைத் தொடர்ந்து, சூப்பர் ஹீரோ காமிக்ஸ்களின் விற்பனை நான்கு மடங்காகியுள்ளதாம் பிரெஞ்சு மொழியில் !! திரையில் பார்த்த அதிரடி நாயகர்களை ஆல்பங்களிலும் ரசித்திட முனைவது அமெரிக்காவில் வெற்றி கண்ட பார்முலா ! History repeating itself ?!!

வளர்ச்சி கண்டுவரும் இரண்டாவது பிரிவு - பிரெஞ்சில் உருவாக்கப்படும் சிறார் தொடர்களாம் ! முன் எப்போதையும்விட இப்போது பிரெஞ்சு குட்டீஸ்கள் காமிக்ஸ் வாசிப்பினில் மூழ்கி வருகின்றதால் - அந்தத் திக்கில் உற்சாகம் போங்க நிற்கின்றனர் பதிப்பகங்கள் ! ஒரு புது தலைமுறை வாசிக்கத் துவங்கும் போது all is well தானே ?

"எல்லாம் சரி தான் - ஆனால் மக்களின் மனதுக்குள் காமிக்ஸ் இத்தனை சுலபமாய்ப் புகுந்து கொண்டதன் காரணம் என்னவோ - இந்தச் சிறு தேசத்தில் ?" என்ற கேள்விக்கு அங்குள்ள புத்தகக்கடைக்காரர்களே சொல்ல முனையும் பதில் இது : "Something for everybody !' என்ற தாரக மந்திரமே அந்த வெற்றிக்கு அச்சாணி !! ஓ.யெஸ்...நாற்பது, ஐம்பது, அறுபது ஆண்டுகளாய்த் தொடரும் தொடர்களும் வெளியாகத் தான் செய்கின்றன ; புத்தம் புதுசாய் ஆல்பங்களும் ஆஜராகத் தான் செய்கின்றன !! ஆனால் கார்ட்டூன் ; வரலாறு ; இலக்கியம் ; கௌபாய் ; த்ரில்லர் ; டிடெக்டிவ் ; கிராபிக் நாவல் ; மங்கா ; காதல் ; அடல்ட்ஸ் ஒன்லி ; ஹாரர் ; அமானுஷ்யம் ; fantasy ; யுத்தம் ; மதம் ; பகடி ; அரசியல் ; sci-fi என பிரெஞ்சு காமிக்ஸ் படைப்பாளிகள் கிட்டத்தட்ட 30 வகை ஜானர்களில் வாரம்தோறும், மாதம்தோறும் போட்டுத் தாக்கிக் கொண்டே செல்லும் போது, வாசகர்களும் ஆர்வத்தோடே பின்தொடர்வதில் ஆச்சர்யமென்ன ? Variety என்ற அளவுகோலைக் கையில் எடுத்தால் - பிரான்க்கோ-பெல்ஜிய படைப்பாளிகளைத் தொனிக்க, பெரும் தேவன் மனிடோவுக்கு மட்டுமே சாத்தியமாகிடலாம் !! இத்தனை ஒரு அசாத்திய விருந்து அட்டகாசத் தரத்தில் தொடர்ச்சியாய் சாத்தியமாவது தான் அங்குள்ள காமிக்ஸ் ஈடுபாட்டுக்கொரு முக்கிய காரணம் என்கிறார்கள் விற்பனையாளர்கள் !! 

டின்டின் ; ஆஸ்டெரிக்ஸ் & லக்கி லூக் தான் இவர்களது "மும்மூர்த்திகள்" ! அதிலும் நடுவில் சொல்லப்பட்டிருக்கும்  ஆஸ்டெரிக்ஸ் எனும் அசகாயர் கண்டிடும் விற்பனைகள் வாயை உத்திரம் வரைக்கும் விரியச் செய்யும் ரகம் !! சமீபமாய் வெளியான ஆல்பம் இதுவரைக்கும் விற்றுள்ளது 50 லட்சம் பிரதிகளாம் !!! (ஆத்தா.....மகாமாயீ...இந்த நம்பரிலிருந்து ஒரு நாலைந்து முட்டைகளைக் குறைத்துக் கொண்டாவது ஒரு எண்ணிக்கையை நமக்கு சாத்தியமாக்கக் கூடாதா ??) ASTERIX புது ஆல்பம் வெளியாகும் ஆண்டினில் - பாக்கி அத்தனை பதிப்பகங்களும் 'அப்டி ஓரமாய் போய் விளையாட வேண்டி வருமாம் !! But - கடந்த 10 ஆண்டுகளில் இந்தப் பழம் நாயகர்கள் பிரிவு, மந்த வளர்ச்சியோடே தொடர்கிறதாம் ! ஆண்டுக்காண்டு sales graph உசக்கே செல்லாது, விற்பனை எண்ணிக்கை தேங்கியே நிற்கிறதாம் !! (பாவம் தான்...ஐம்பது லட்சத்திலேயே தொடர்ச்சியாய் விற்பனை நிற்கும் போது பதிப்பகத்தின் பாடு பாவம்தான் !!! ஷப்பா !!!) 

And எப்போதும் போலவே - பிரான்க்கோ-பெல்ஜிய காமிக்ஸ் தொடர்களில் ஒரு TOP 50 கொண்ட தேர்வையும் செய்ய முனைந்துள்ளனர் !! முதலிடங்களில் பிரெஞ்சு மும்மூர்த்திகள் ஆராமாய் அமர்ந்திருக்க, ஏகப்பட்ட புது வரவுகள் பட்டியலுக்குள் புகுந்துள்ளனர் ! புதுப் புதுப் படைப்பாளிகள் உத்வேகத்தோடு களமிறங்கி வர, இன்றைய தலைமுறையின் நாடித்துடிப்பை அவர்களால் அழகாய் கணித்திட முடிகிறது போலும் !! அந்தப் பட்டியலுள் உள்ள "நம்மவர்கள்" யாரென்பதை பார்ப்போமா :

• லக்கி லூக்
• XIII 
• SMURFS (!!!)
• கேப்டன் டைகர்
• ப்ளூ கோட் பட்டாளம் (!!!!)
• தோர்கல்

ஐம்பது கொண்ட பட்டியலுக்குள் இந்தாண்டு இருக்கும் "நம்மாட்கள்" ஆறே பேர் எனும் போது - maybe ரசனைகளின் ஓட்டத்தில் நாம் லேசாகப் பின்தங்கி நிற்கிறோமோ என்று தோன்றுகிறது ! எதிர்காலக் கதைகளுக்கு நாம் இன்னும் நெருக்கம் காட்டிடவில்லை ; fantasy எனும் பனிக்கட்டியின் ஒரு துளியூண்டு முனையினை மட்டுமே அரவணைத்துள்ளோம் ; சமகால உலக நிகழ்வுகள் சார்ந்த படைப்புகளுக்கும், நமக்கும் தற்சமயம் தூரம் அதிகமாகவே உள்ளது ! So அந்தப் பட்டியலில் உள்ள பெரும்பாலான தொடர்களை நாம் சுவாசிக்க இன்னமும் நேரம் பிடிக்கக் கூடும் தான் ! Guess we still have miles to go !!

சரி, புள்ளிவிபர புலிவேஷம் போதுமென்பதால் - நம் கரை பக்கமாய்த் திரும்புவோமே ?! ஆண்டின் மிகக் குட்டியான மாதத்தினுள் நாமிருப்பதால் - கண்மூடிக் கண்திறப்பதற்குள் புது இதழ்களை டெஸ்பாட்ச் செய்திடும் தருணம் புலர்ந்திருக்கும் ! சொல்லப் போனால் 2018-ன் அட்டவணை ஆலோசனையே நேற்றைய நிகழ்வாய் மனதில் நின்றிருக்க.ஆண்டின் முதல் quarter இதழ்களை பூர்த்தி செய்திடும் தருவாயில் உள்ளோம் ! பிப்ரவரி இதழ்களை படித்திட உங்களுக்கின்னும் பத்தே நாட்கள் தான் உள்ளன guys - 28-ம் தேதியே மார்ச்சின் இதழ்கள் உங்கள் கைகளில் இருக்குமென்பதால்!! தற்செயலாகவோ, திட்டமிடலின் பலனாகவோ - சில பல இலகுவான இதழ்கள் மார்ச்சின் அட்டவணையில் அமைந்து போக - சர சரவென்று போட்டுத் தாக்கி வருகிறது எங்களது டீம் !! And எங்களது டீம் பற்றியான topic-ல் இருக்கும் போதே சொல்லி விடுகிறேனே - நமது front desk-ல் பணியாற்றிய வாசுகிக்கு நாளைக்குத் திருமணம் (பிப்ரவரி 21). என்ற செய்தியை ! கடல் கடந்த தேசத்தில் குடித்தனம் என்பதால் ஜனவரியில் இறுதியோடு பணியில் தொடரவில்லை ! காலேஜ் முடித்த கையோடு வேலைக்குச் சேர்ந்த சின்னப் பெண் ; மணிக்கணக்கில் நாள்தோறும் போனில் உங்களின் கேள்விகளுக்குப் பதில் சொன்னபொறுமைசாலி ;     நாணயத்தின் மறு உருவாய் இரண்டரையாண்டுகள் பணியாற்றிய கெட்டிக்காரி - இனி வாழ்க்கையில் புதியதொரு அத்தியாயத்தினுள் அடியெடுத்து வைக்கவிருப்பதால் - lets wish her well !! God be with you vasuki !!

மார்ச்சில் ஒரு மறுவருகையாளர் காத்திருக்கிறார் - ஜில் ஜோர்டனின் ரூபத்தில் ! மனுஷன் எனக்கொரு favorite ! சீக்கிரமே களமிறங்கவிருக்கும்  "கடிதமும் ஒரு கறுப்பு ஓநாயும்" ஒரு டிடெக்டிவ் த்ரில்லர் ! இதனை சென்றாண்டின் ஏதோ ஒரு தருணத்தில் ஆங்கிலத்தில் படித்த போதே, ஜில்லாரை உங்கள் முன்னே உலாப் போகச் செய்யும் ஆசை தோன்றியது ! இதற்கு முன்பான "காவியில் ஒரு ஆவி" ; "தேடி வந்த தொல்லை" கதைகளில் அந்த துப்பறியும் feel அத்தனை தூக்கலாய் இருந்திருக்கவில்லை தான் ! ஆனால் இம்முறையோ ஜில் ஜோர்டனின் "டிடெக்டிவ் " என்ற நேம் பிளேட்டுக்கு நியாயம் கிட்டுவதை பார்க்கப் போகிறீர்கள் ! அந்த டின்டின் பாணியிலான ஓவியங்கள் ; பளிச் வர்ணங்கள் - சுவாரஸ்ய வாசிப்புக்கு கியாரண்டி தருமென்ற நம்பிக்கையுள்ளது! Of course - அந்த மொட்டைத் தலை அல்லக்கை அசிஸ்டன்ட் கதை நெடுக "கடித்துக்" கொண்டே வருகிறான் தான் - but இயன்றமட்டுக்கு கதையினை தொய்வு கண்டிட அனுமதிக்காது வரிகளை அமைக்க முனைந்துள்ளேன் ! வழக்கமாய் நன் எழுதும் கதைகளை உருட்டு உருட்டென்று உருட்டி - ரிலீஸ் தேதிக்கு 3 நாட்களுக்கு முன்பாய் முடித்துக் கொடுத்து விட்டு பேண்டுக்குள் பூரானை வீட்டுக் கொண்டது போல் குதிப்பது வாடிக்கை !! ஆனால் இம்முறையோ ஒரு மாற்றம் !!! தொலைவாய் ; வெகு தொலைவாய் ஆகஸ்ட் தெரிந்தாலுமே, அந்த மாதத்தில் காத்திருக்கும் பணிகளின் பரிமாணமானது இப்போதிலிருந்தே வயிற்றைக் கலக்க - வாலைச் சுருட்டிக் கொண்டு ஒழுங்காய், மரியாதையாய் வேலைகளை செய்து முடிக்கும் புத்தி புலர்ந்துள்ளது  ! So எழுதிய கையோடு - சுடச் சுட டைப்செட்டிங் & எடிட்டிங் நிறைவு காண  - நாளை அச்சுக்குச் செல்கிறது ! இதோ அதன் அட்டைப்பட first look + உட்பக்க preview !! 

அட்டைப்படமானது - நமது ஓவியரின் கைவண்ணம் ! பின்னட்டை வழக்கம் போல நமது டிசைனிங் கோகிலா ! 

மார்ச்சின் மறுபதிப்புமே தட தடவென ஓட்டம் கண்டுள்ளது ! In fact அது அச்சும் முடிந்து பைண்டிங்கில் உள்ளது ! நமது உடைந்த மூக்காரின் "தோட்டா தலைநகரம்" தான் அந்த (வண்ண) இதழ் ! அதன் அட்டைப்பட பைல் எனது லேப்டாப்பில் காணவில்லை என்பதால் அத்னை அடுத்த வாரம் கண்ணில் காட்டுகிறேனே !! இம்முறை பிப்ரவரியில் மார்ச் நிச்சயம் ! 

இப்போதைக்கு நான் கிளம்பும் முன்பாய் - காமிக்ஸின் ஆற்றலை அப்பட்டமாய் உணர்த்திடும் ஒரு செய்தியின் பக்கமாய் உங்கள் பார்வைகளை கொண்டு செல்ல விழைகிறேன் (தகவல் : சீனியர் எடிட்டர்) வோட்டுரிமையின் முக்கியத்துவத்தை 'பளிச்' என்று உணர்த்தும் பொருட்டு - குஜராத்தில் ஒரு காமிக்ஸ் இதழை வெளியிட்டிருக்கிறது அங்குள்ள தேர்தல் ஆணையம் !!  அது பற்றிய  தகவல்களை இங்கே பாருங்களேன் : https://scroll.in/magazine/859564/ahead-of-gujarat-elections-a-new-comic-book-reminds-indians-that-every-single-vote-matters 

அதே பக்கத்தின் அடியில் கண்டதொரு அசாத்திய படைப்பு இது !! டின்டினும், கேப்டன் ஹேடாக்கும், ஸ்நோயியும் (அந்நாளைய) பாண்டிச்சேரிக்கு சாகசம் செய்ய வந்திருப்பின் எவ்விதமிருந்திருக்கேமென்று பிரெஞ்சு ஓவியர் ஜாக் ப்யுமெல் செய்த கற்பனையின் பலனிது !! Awesome !!!

Bye all....see you around !! Have a lovely weekend !

பதிவு 446 !

நண்பர்களே,

வணக்கம். பின்னூட்ட எண்ணிக்கை  300-ஐத் தொட்டால் உபபதிவு என்ற கம்பெனி ரூல்ஸ் கனகச்சிதமாய் சிவராத்திரியோடு ஒத்துப் போக, இதோ பதிவு நம்பர் 446 !! 

எதைப் பற்றி எழுதலாமென்ற ரோசனை ஓடும் போதே இரத்தப் படலம் முன்பதிவுப் பட்டியலைப் பகிர்ந்து கொள்வதாய் நான் தந்திருந்த வாக்கு நினைவுக்கு வர -  இதோ 2 நாட்களுக்கு முன்பு வரையிலான முன்பதிவுப் பட்டியல் !! அதற்கு முன்பாய் சமீபத்தில் கண்ணில் பட்ட இந்த போட்டோவை உங்களுக்குக் காட்டும் ஆசையை அடக்க முடியவில்லை ! பிரான்க்கோ-பெல்ஜிய காமிக்ஸ் இதிகாசத்தின் 3 அசாத்தியத் தூண்கள் ஒன்றிணைந்து இப்படியொரு க்ளிக் எடுத்திருக்கிறார்கள் சில பல ஆண்டுகளுக்கு முன்பாய் ! புது வாசகர்களின் வசதிக்காக ஒரு அறிமுகம் என்பதால் - பழைய வாசகர்கள் மன்னிச்சூ !! இடது கோடியில் இருப்பவர் XIII தொடரின் ஓவியர் வில்லியம் வான்ஸ் ; நடுவில் உள்ளது XIII ; லார்கோ ; ஷெல்டன் ; தோர்கல் என நமக்கு ரொம்பவே பரிச்சயமான பல தொடர்களின் கதாசிரியர் ஷான் வான் ஹேம் & வலது ஓரமிருப்பது கேப்டன் டைகர் தொடரின் பிதாமகரான ஜிரௌ   !! "அயர்லாந்துப் படலம்" என்ற அந்த பிளாஷ்பேக் அத்தியாயத்தில் ஓவியராய் பணியாற்றிய வகையில் அமரர்  ஜிரௌவும் இந்த இரத்தப் படல ரயில்வண்டியில் இணைந்து கொண்டவராகிறார் தானே ?!  (அத்தியாயம் 18 )

அப்புறம் இன்னுமொரு சேதி - "இ.ப." தொடர்பாய் ! இந்தத் தொடருக்கு ஓவியங்கள் ஒரு ஜீவ நாடியெனில் - வர்ணங்களும் ஒரு மெகா பலம் தானன்றோ ? சித்திர ஜாலங்களின் பெருமை வில்லியம் வான்ஸைச் சேருமெனில், கலரிங்கின் கைவண்ணம் திருமதி வான்ஸ் !! பெட்ரா வான் கட்செம் என்பது இவரது பெயர் ! இரத்தப் படலம்  1 - 17 வரையிலும், அப்புறம் சில சாகச வீரர் ரோஜர் ஆல்பங்கள் என்று கணவருடன் பணியாற்றியிருக்கிறார் ! என்னவொரு கூட்டணி !! 

XIII பற்றி இன்னமுமேயொரு சமாச்சாரம் ! இந்தத் தொடரின் ஆரம்பம் 1983 /84 என்றிருந்தாலும் 1990 வாக்கில் தான் உச்சமாய் பிரபலம் கண்டுள்ளது ! அதுவரையிலும் காமிக்ஸ் ஆல்பங்களுக்கு காமிக்ஸ் ஆர்வலர்களின் வட்டத்தினுள் மட்டுமே விளம்பரம் செய்வது பதிப்பகங்களின் ஸ்டைலாக இருந்து வந்துள்ளது ! ஆனால் இரத்தப் படலத்துக்கு ஒரு பெரிய மீடியா விளம்பர பட்ஜெட்டை ஏற்பாடு செய்ததோடு, திரையரங்குகளிலும் விளம்பரம் செய்துள்ளனர் ! காமிக்ஸ் + வெகுஜன மார்க்கெட்டிங் என்ற கூட்டணியை வெற்றிகரமாய் பிராங்கோ-பெல்ஜிய காமிக்ஸ் உலகிற்கு கொணர்ந்த பெருமை நமது ஞாபக மறதிக்கார மனுஷனுக்கு கணிசமாய்ச் சேரும் போலும் ! ஆரம்ப ஆல்பங்களை - தினமொரு பக்கம் என்ற ரீதியில் Courrier de l'Ouest என்ற தினசரியில் தொடராயும் வெளியிட்டிருக்கிறார்கள் ! So ஒரு மார்க்கெட்டிங் கதவைத் திறந்து விட்ட புண்ணியம் இவருக்கே !! (நமக்கும் அதே போலக்  கதவைப் பப்பரக்கா என்று திறந்து விடாட்டியும் லேசாய் ; சன்னமாய்த் திறந்து விட்டால் கூட ஒரு சிலை வைத்து விடலாம் சிவகாசியில் எங்கேனும் !!)

And இதோ - ஒரு வழியாய் துவக்கத்தில் சொன்ன பட்டியல் ! 

இரு தவணைகளில் பணம் அனுப்பிடத் தேர்வு செய்த நண்பர்கள் - இரண்டாம் தவணையை அனுப்பிடும் தருணமிது என்பதை நினைவூட்டிய கையோடு கிளம்புகிறேன் ! Bye all....see you around ! 

ரீல் vs ரியல் ..!

நண்பர்களே,

வணக்கம். வந்தனம். நமஸ்தே. நமோஷ்கா ! சின்னதொரு இடைவெளிக்கு அப்புறமாய் தலைகாட்டுகிறேன் அல்லவா- அது தான் பலமான வணக்கத்தைப் போட்டு வைக்கிறேன்! ‘மருத்துவ ஓய்வு‘ என்றவுடன் ஏகமாய் “get well soon” சேதிகள்; நலம் விசாரிப்புகள் !! அன்புக்கு நன்றிகள் all - ஆனால் கிட்டத்தட்ட 12+ ஆண்டுகளாய் வேதாளமாய் கூடவே பயணம் பண்ணும் இந்தச் சமாச்சாரங்கள் ஆயுட்காலத் துணைவர்கள் என்பதால் நான் சன்னமாய் ஓய்வெடுப்பதால் அவை குணமாகிடவோ, விடை தந்து போய்விடவோ போவதில்லை ! அவற்றோடு வாழப் பழகிக் கொள்வதே சாத்தியமன்றி - அவையின்றி அல்ல ! So சின்னதான இந்த ப்ரேக் - ஓய்வுக்கு என்பதைவிட கனன்று கொண்டிருந்த சர்ச்சைகளுக்கு ஒரு முற்றுப்புள்ளி வைத்திடவும், தொடர்ச்சியாய் 6 வருஷங்களுக்கு இங்கே நான் போட்டு வந்த மொக்கையிலிருந்து உங்களுக்கும், எனக்கும் ஒரு mini விடுதலையாகவும் இருந்திடும் பொருட்டே பிரதானமாய் ! வருஷமாய் உங்கள் மூஞ்சுக்குள்ளேயே நின்று வருவதால் ஏற்படக் கூடிய இயல்பான சலிப்பை சற்றே மட்டுப்படுத்தவும் ; எனது மண்டைக்குள்ளே சில சிந்தனைகளை ஒழுங்குபடுத்திக் கொள்ளவுமே இந்த அவகாசம் என்று வைத்துக் கொள்ளுங்களேன்  ! 

சரி.... ஒதுங்கியிருந்த நாட்கள் கற்றுத் தந்த பாடங்கள் என்னவோ ? என்று கேட்டீர்களெனில் - ‘புதிதாய் ஏதுமில்லை!‘ என்பதே எனது பதிலாக இருந்திடும் ! ஆறு வருஷங்களாய் இங்கே உலாற்றி வருவதில் படித்திராத பாடங்களை ஓரிரு வாரங்கள் கற்றுத் தருவதெல்லாம் ஆகிற காரியமா? போஜ்பூரியிலிருந்து, ஒரிய மொழி வரை ஒவ்வொரு மாநிலத்து மரங்களையும்,, கண்மை & லிப்ஸ்டிக் போட்ட நாயகர்கள் சுற்றிச் சுற்றி வந்து எக்ஸர்சைஸ் செய்யும் அழகை சேனல் சேனலாக  குதித்து விளையாடி, ரசித்து   பரபரப்பின்றி ஒரு சனியிரவைக்  கழித்தேன் என்று சொல்லலாம் ! அப்புறம் நிதானமாய் ரெண்டு பரோட்டாவை உள்ளே தள்ளிய கையோடு ஞாயிறு காலையில்  சித்தே கண்ணை மூடினால் - டிரம்ப், புடின் கூடவெல்லாம் one to one அளவளாவ முடிகிறது -அதுவும் விண்வெளியில் வைத்து - என்ற விஞ்ஞானபூர்வ உண்மையை உணர முடிந்தது ! இவற்றைத் தாண்டி, கொஞ்ச நேரம் ஹெர்லாக் ஷோல்ம்ஸ் ; கொஞ்ச நேரம் ஜில் ஜோர்டன் ; கொஞ்ச நேரம் Tex & புதியதொரு நாயகரின் கதைக்கு என கதம்பமாய் பேனா பிடிக்கவும் வாய்ப்புக்  கிட்டியது !  அது மட்டுமன்றி நமக்கும், சர்ச்சைகளுக்கும் எனிப்படியொரு 'தீராக் காதல்' ? என்று யோசிக்கவும் முயன்றேன் தான் ! Again - அதன் விடை காலமாய் நாமெல்லாம் அறிந்ததே என்பதையும் மண்டை சொல்லிய போது மறுக்க இயலவில்லை !  So – புதுசாய் புரட்சிகரமாய் சிந்தனைக் கடல்களுக்குள் ‘தொபுக்கடீர்‘ என்று குதித்தேன் என்றெல்லாம் அள்ளி வி்ட மாட்டேன்! ஆனால் தட தடவென ஓடிக்கொண்டே சீனரியை பார்க்கும் போது ஒரு ஒட்டுமொத்தப் பச்சை தெரிவதும் ; நின்று, நிதானித்து அதே சூழல் மீது பார்வையை லயிக்கச் செய்யும் போது கொஞ்சம் பச்சை ; கொஞ்சம் பிரவுண் என்று பிரித்துத் தெரிவதும் இயல்பே என்பதை இந்த சில நாட்களில் புரிந்து கொள்ள முடிந்திருப்பது ஒரு மேஜர் plus என்பேன் ! இங்கு பதிவினில் மட்டுமென்றின்றி, நமது ஒட்டுமொத்த publishing பணிகளில் ; விற்பனை முறைகளில் எங்கெங்கே மாற்றங்களை அரவணைக்கலாம் ? என்ற அலசல்களை செய்திட இந்த அவகாசம் பிரயோஜனப்பட்டுள்ளது ! சொல்லப் போனால், ஆண்டுக்கு one தபா ஒரு (இயல்பான) 10 நாள் ப்ரேக் நிச்சயம் தவறாகாது  என்றே தோன்றுகிறது இந்த நொடியில் !!  அந்தந்த 365 நாட்பயணங்களை ஓரமாய் நின்று reflect செய்வதில் நிறையவே ஆதாயங்கள் இருக்கக்கூடும் தொடர்ந்திடும் பயணத்துக்கும் ! 

ஒரேயொரு விஷயத்தை மட்டும் முன்செல்லும் காலங்களில் கையிலெடுப்பதெனத்  தீர்மானித்துள்ளேன் ! பின்னூட்டங்களில் கூட அது பற்றி ஏதோ படித்தது போல் ஞாபகம் உள்ளது ! அந்த ஒற்றை விஷயமானது – no more back seat driving என்பதே ! இது ஊர் கூடி இழுக்கும் தேர் என்பதை ஒரு நூறு தடவைகள் உரக்கப் பதிவு செய்துள்ளேன் தான் & நிஜமும் அதுவே ! So வடம் பிடித்து இழுக்கும் உரிமைகளை, உற்சாகங்களை உங்களதாக்கிடுவது எனது அவா ! ஆனால் வடங்களோடு, ஆளுக்கொரு ஸ்டியரிங் வீலையும் தந்திடுவது என்றுமே எனது அபிலாஷையாக இருந்ததில்லை ! ஒன்றிணைந்து இழுக்கும் உற்சாகங்களில், ஆளுக்கொரு பிரேக்கையும், ஆக்சிலரேட்டரையும் அமுக்குவதும்,'பூவாய்ங்' என்று ஹார்னை ஒலிப்பதையும் செய்திடத் துவங்கும் போது தான் தேர் தடுமாறத் தொடங்குகிறது !  Sorry folks - தேர் சுற்றி வர வேண்டிய ரத வீதிகளையும், மாட வீதிகளையும் இறுதி செய்யும் பொறுப்பினை இந்தப் பூசாரியிடமே் விட்டு விடுங்களேன் – ப்ளீஸ் ! என்னதான் நமது காமிக்ஸ் ரசனைவட்டமானது சிறிதாகவும் ரசனைகளின் அடிப்படையில் அமைந்திருப்பினும் - end of the day இதுவுமே ஒரு தொழிலாக நடத்தப்பட வேண்டிய சங்கதி தானெனும் போது - ஒரு எடிட்டர் ; நண்பன் என்ற அவதார்களோடு, சன்னமாகவேணும் ‘தொழில் முனைவோன்‘ என்ற அவதாரும் அவசியம் அல்லவா ?! ரசனை சார்ந்த விஷயங்களில் இஷ்டப்பட்ட உரிமைகளை எடுத்துக் கொள்ளுங்கள்.... கதைகளை ரசியுங்கள் ; விமர்சியுங்கள் ;எங்கள் பணிகளின் நிறை-குறைகளைச் சுட்டிக்காட்டுங்கள் ; "இவை வேண்டும் ; இவை வேண்டாமே !" என்ற எண்ணங்களைப் பகிர்ந்திடுங்கள் ! ஆனால் தொழில் சார்ந்த முடிவுகள் என்னதாக மட்டுமே இருந்திட / தொடர்ந்திட சந்தோஷத்தோடு அனுமதியுங்கள் ப்ளீஸ் ! அதற்காக ஒற்றை நாளில் நான் சர்வாதிகார ஆட்சியை அமலுக்கு கொணரப் போவதான எண்ணத்துக்கு அவசியமில்லை ; freedom + business discipline என்ற பாலிசிக்கே 'ஜே' போடுகிறேன் ! 

And இங்கே நமது மௌன வாசகர்கள் அணிக்குமே இந்தத் தருணத்தில் ஒரு வேண்டுகோள். இது எல்லோருக்குமான தளமே என்றாலும் – ‘நாங்க படிச்சிட்டு மட்டும் போயிடுவோம்‘ என்ற உங்களது பாணிகள் சில தருணங்களில் இருமுனைகளும் கூரான கத்திக்குச் சமானமாகிடக் கூடும் என்பதை நினைவூட்ட விரும்புகிறேன் ! ரசனைகளில் நான் உங்களோடும் ஒத்துப் போகிறேனா ? கதைத் தேர்வுகளில் நாமெல்லாம் ஒரே பக்கத்தில் தான் இருக்கிறோமா ? என்ற கேள்விகளுக்குப் பதில் உங்கள் ஜோப்பிகளில் தான் உள்ளன எனும் போது – அதனை இறுகப் பூட்டி வைப்பானேன் ? அட, அவ்வளவு ஏன் - சமீபத்தைய புரிதலின் குறைபாடுகள் போல் மறுக்கா இன்னொரு தபா நிகழாதென்று என்ன உத்திரவாதம் உள்ளது ?  So குறைந்தபட்சமாக இங்கே ஒரு ஏகோபித்த புரிதல் நிலவுகிறதா ? என்று ஊர்ஜிதம் செய்துகொள்ளவாவது உங்கள் மௌனங்கள் கலைவது அவசியம் என்பேன் folks !! தமிழில் டைப் செய்வதில் சிரமமா ? ஆங்கிலத்திலேயே கூட பின்னூட்டமிட்டுப் போகலாமே ? நானிங்கு கோருவது சத்தியமாய் என் தலைக்கான கிரீடங்களையல்ல folks; எங்கள் உழைப்புக்கான மதிப்பெண்களையே ! அவை 100 ஆக இருந்தாலும் சரி; 40 ஆகவோ; 30 ஆகவோ இருந்தாலும் சரி ! And "ஜால்ரா & மத்தள வித்வான்களின்  crossfire-க்கு மத்தியில் சிக்குவானேன் ?" என்ற கிலேசங்களும் (இனி) வேண்டியதில்லை என்பேன் ! இவை அபிப்பிராய மோதல்கள்கள் தானேயன்றி எதுமே  ஆளைத் தூக்கிப் போகக் கூடிய பகைகள் / பூதாகரங்கள் நஹி ! So தயக்கங்களின்றி களமிறங்குங்களேன் -மௌன அணியினரே ? பிடிக்காததொரு விஷயத்தைச் சுட்டிக் காட்டுவதாக இருப்பினுமே , ஆரோக்யமானதொரு எழுத்து பாணியையோ, நயமான நையாண்டியையோ கையாளுங்களேன் என்பது மாத்திரமே எனது வேண்டுகோளாக இருந்திடும் ! And எல்லாத் தருணங்களிலும் உங்கள் குரல்கள் கேட்கப்படும் என்பதில் நம்பிக்கை கொள்ளுங்கள் guys ; ஆனால் அவற்றின் plus-minus-களை பரிசீலிக்கும் உரிமை எனதாகயிருக்கும் என்பதையும் மறந்திட வேண்டாமே ?! ‘நான் சொன்னேன் – நீ கேட்கலை!‘ என்ற ரீதியிலான மனத்தாங்கல்கள் நாளாசரியாய் பகைகளின் அஸ்திவாரங்களாக மாறிப் போவதில் இரகசியங்களேது ? இதைத் தவிர்க்க வேண்டுமெனில் – எனது தீர்மானங்களின் பின்னணிகளில் நிச்சயம் ஏதேனுமொரு உருப்படியான காரணம் இருக்குமென்று நம்பிக்கை கொள்வது அத்தியாவசியம் guys !! இதோ - எப்போது கிடைக்குமென்ற உத்திரவாதம் கூட (இதுவரை) இருந்திரா "இரத்தப் படல" முயற்சிக்கென சில லட்சங்களை ஒப்படைத்திருக்கிறீர்களே - – அதனைச் சுருட்டிக் கொண்டு நான் கம்பி நீட்டி விட மாட்டேன் என்ற தைரியத்தில் ; அதன் நீட்சியாய் உங்கள் ரசனைகள் சார்ந்த விஷயங்களிலும் நிச்சயமாய் தவறிழைக்க மாட்டேன் என்று நம்பிட முயற்சிக்கலாமே ?

And எல்லாவற்றிற்கும் மேலாய் ஒரு சமாச்சாரம் ! என்ன தான் காமிக்ஸ் காதல்; நேசம்; வெறி; ஆர்வம் ; சேகரிப்பு  இத்யாதி... இத்யாதி... என்றாலும் – end of the day இது சகலமும் ஒரு ரீல் உலகம் தானே ? அதை நாம் அவ்வப்போது மறந்து விடுகிறோமோ ? என்று தோன்றுகிறது ! "ரியல் எது ?" என்பதை சுகவீனத்தில் வாடும் கரூர் நண்பரைப் பற்றிய சிந்தனைகள் பிடரியில் சாத்தியது போலச் சொல்கின்றன! நோய் தாக்கும் முந்தைய நாள் வரை அவருமே நம்மைப் போலொரு ஆர்வலரே ; நமது ரீல் சந்தோஷங்களிலும் - சங்கடங்களிலும் கலந்து கொண்டவரே ! ஆனால் ஒற்றை நிகழ்வுக்குப் பின்தான் அவரது  உலகில் எத்தனை-எத்தனை மாற்றங்கள் ? Of course – ஆண்டவன் அருளோடும், நமது ஒட்டுமொத்தப் பிரார்த்தனைகளோடும் நண்பர் சீக்கிரமே எழுந்து நடமாடப் போகிறார் தான் ; மறுபடியும் நம்மோடு புத்தக விழாக்களில் கலகலக்கப் போகிறார் தான் !! ஆனால் ரீலின் தாக்கமென்ன ? ரியலின் தாக்கமென்ன ? என்பதை நமக்கிந்த இடைப்பட்ட நாட்களும், நண்பருக்கு கரம் கொடுக்க  நாமெல்லாம் அணி திரண்டிடும் உத்வேகமும்  சொல்லித்தராது போய் விடக் கூடாது என்பதே  எனது அவா ! கண்ணில் பார்த்தேயிரா ஒரு சக வாசகருக்காக எங்கோ தொலைவில்  இருக்கும்   இதயங்கள் சலனம் கொள்வது வாழ்க்கையின் அழகுகளில் பிரதானம் ! அடுத்த மெகா இதழ் வெளியான பின்னே, "இரத்தப் படலத்தை" மறந்திருப்போம் ; அடுத்த 'ஹிட்' நாயகர் களம் கண்டான  பின்னே, லார்கோவை மறந்திருப்போம் ! ஆனால் நேசங்கள் மேலோங்கும் இந்தத் தருணங்கள் நிலைத்து நிற்கும் ! Of course காமிக்ஸ் எனும் passion அத்தியாவசியமே ; இன்றியமையாததே ; இயல்பே ; ஆனால் ரீல் Vs ரியல் எனும் போது இடைப்படும் அந்த மெலிதான  கோட்டையும் லேசாக மனதில் இருத்திக் கொள்வோமே ? என்பதே எனது வேண்டுகோள் !

"தோ பார்டா..பத்தே நாள் தேசாந்திரம் போயிட்டு வந்ததுக்கே மனுஷன் இந்த மாதிரி 'அட்வைஸ் ஆராவுமுதன்' ஆகிப்புட்டானே ?  இதெல்லாம் கம்பெனி புது ரூல்ஸ் போல ; இவற்றை தீயாய் அமல்படுத்தியாக வேண்டும் ! இல்லாங்காட்டி மறுக்கா ‘மருத்துவ ஓய்வில்‘ மனுஷன் கிளம்பி விடுவானோ?” என்ற ரீதியிலான inferences-க்கு இங்கே அவசியம் லேது ! ‘கழுதை கெட்டால் குட்டிச் சுவரு‘ என்ற கதையாய் ஏது வேறு போக்கிடம் ? நாலு நாள் தூங்கி எழுந்தால் ஐந்தாவது நாளே அதிகாலையில் எழுந்து பாயைப் பிறாண்டத் தோன்றும் நமக்கெல்லாம் – பணிகள், பதிவுகள் என்பதெல்லாம் வாழ்க்கையோடு ஐக்கியமாகிப் போன சமாச்சாரங்கள் தானே ?! இப்போது எடுத்துக் கொண்ட ப்ரேக்கின் புண்ணியத்தில் நிறையவே செப்பனிடல்கள் ; business discipline ; தொடரும் மாதங்களுக்கான சில மாற்று யோசனைகள் ; விற்பனை முறைகளில் செய்யத் தேவைப்படும் திருத்தங்கள் சார்ந்த ரோசனைகள் என்று எனக்கு சாத்தியமானதெல்லாமே ஒரு போனஸ் ! ‘லொட லொட‘ வென்று அவற்றைப் பற்றிப் பேசிக் கொண்டிராது தொடரும் மாதங்களில் செயல்களில் அவற்றைக் காட்டுவது என்பதும் இந்த ”அவகாச” போதி மரம் தந்துள்ள ஞானோதயம் ! ஓடிக் கொண்டேயிருக்கும் போது தட்டுப்படுவது ஒன்று; ஆற அமர அவதானிக்கும் போது தோன்றுவது இன்னொன்று எனும் போது – ‘மருத்துவ ஓய்வுகள்‘ கூட நல்லதோ? என்று யோசிக்கச் செய்கிறது - maybe minus the விளக்குமாற்று சாத்துக்கள், the next time(s) !

Moving on – இம்மாத இதழ்களின் உங்கள் விமர்சனங்கள் இன்னமும் சூடு பிடிக்கவில்லை என்பது அப்பட்டம் ! பாதிப் பேர் புரட்டிப் பார்க்கும் ; மை முகர்ந்து பார்க்கும் படலங்களைத் தாண்டியிருப்பதாய் எனக்குத் தோன்றவில்லை ! இன்றைய பரபர உலகுகளில் – ‘அக்கடா‘ வென கட்டையைக் கிடத்த கிடைக்கும் தருணங்கள் ரொம்பவே குறைவு என்பது புரிகிறது! அந்தக் குறைச்சலான நேரத்தைப் பங்கு போட்டுக் கொள்ள ஒரு நூறு ஹை-டெக் பொழுதுபோக்குச் சமாச்சாரங்கள் வரிசை கட்டி நிற்கும் போது – (காமிக்ஸ்) வாசிப்புக்கென நேரம் ஒதுக்குவதன் சிரமங்கள் ஸ்பஷ்டமாய்ப் புரிகின்றன! So கதைகளில் star value ; வாசிப்புகளில் துளியும் தொய்விலா அனுபவங்கள் என்பதெல்லாம் முன்னெப்போதையும் விட இனி வரும் நாட்களில் ரொம்பவே முக்கியமாகிப் போகுமென்பதை யூகிக்க முடிகிறது ! அதன் பலனாய் இனி வரும் காலங்களில் நமது தேர்வு அளவுகோல்கள் ரொம்பவே ஸ்ட்ரிக்டாகிடப் போவது தவிர்க்க இயலா விஷயமாகிடக் கூடும்! சென்னைப் புத்தக விழாவில் 2016 & 2017-ன் ஒட்டுமொத்தத்தையும் வாங்கிச் சுமந்து சென்ற நண்பர் அவற்றுள் எத்தனை சதவிகிதத்தை வாசித்து முடித்திருப்பாரென்று அறிய வழியிருப்பின் – would make for an interesting analysis ! ”"சேகரிப்புக்கு"” என்ற உத்வேகங்களை மட்டுமே நம்பி வண்டியோட்டக் கூடிய நாட்கள் மலையேறி விட்டதாகவே எனக்குப்படுகிறது! ‘ஹா... எனது favourite ஹீரோ / ஹீரோயின் ! இந்த சாகஸத்தை / கார்டூனை நான் ரசித்தே தீர வேண்டும்!‘ என்ற ஆர்வத்தை; வேகத்தை யாரெல்லாம் உருவாக்கும் சக்தியோடு இனி தொடர்கின்றனரோ  – அவர்களை மட்டுமே சுற்றி காத்திருக்கும் காலங்களில் குழுமிட வேண்டிடலாம் ! 

And இங்கே இன்னொரு சேதியுமே ! நடப்பாண்டின் சந்தா எண்ணிக்கை சுமார் 15% குறைவென்பது ஜீரணிக்கப்பட வேண்டிய யதார்த்தமே ! GST-ன் தாக்கம் ; பொதுவாய் தொழிலில் நிலவும் அயர்ச்சி ; அதே சமயம் ஏகமாய் களமிறங்கும் நமது இதழ்கள் - என இதன் பின்னணியில் பல்வேறு காரணிகள் இருப்பதை யூகிக்க முடிகிறது ! காரணங்கள் எவையாக இருப்பினும், இந்த எண்ணிக்கைக் குறைவுகளை நிவர்த்தி செய்திடும் பொருட்டு – பட்டி, தொட்டியெங்கும் ‘ஊருக்கு ஒரு கடையாவது‘ என்ற ரீதியில் புது விற்பனையாளர்களைத் தேடி நம்மாட்கள் களத்தில் ஓடி வருகின்றனர் ! தேனி; பெரியகுளம் ; தஞ்சை ; கோபி; மாமல்லபுரம் ; ஆம்பூர் ; வேலூர்; தென்காசி; தர்மபுரி ; காரைக்குடி என்று சின்னச்சின்ன புது வரவுகள் நமது விற்பனையாளக் குடும்பத்தினுள் ! ஓ...யெஸ்..ஆயிரம் ரூபாய் பில்லுக்கும் பஸ்ஸைப் பிடித்து ரூ.150 செலவழித்து ஓடியலைய வேண்டிவரும் தான் என்பது புரிகிறது ; ஆனால் தவிர்க்க இயலா முயற்சிகளாகவே இவற்றைப் பார்க்க வேண்டிய நிலையிது ! 

And இன்னமுமொரு decision / request-ம் கூட ! நடப்பாண்டின் காமிக்ஸ் பட்ஜெட் கிட்டத்தட்ட ரூ.7000 என்பதில் எனக்கு நிறையவே நெருடல் ! ”இரத்தப் படலம்” எனும் பகாசுர இதழ் சந்தாத் தொகையின் பாதியை கபளீகரம் செய்திருப்பதில் இரகசியமில்லை ! ஆனால் அது உங்கள் ஆர்வங்களின் உச்சம் என்பதால், ஒரு மாதிரியாகக் கைதூக்கி விட்டு, வண்டி குடைசாயாது காப்பாற்றி விட்டீர்கள் ! ஆனால் “தங்கக் கல்லறை”யில் ஆரம்பித்து, மின்னும் மரணம்”; ”இரத்தக் கோட்டை” & இப்போது இரத்தப் படலம்” வரைத் தடதடத்து வந்திருக்கும் இந்த ரீபிரிண்ட் எக்ஸ்பிரஸை சில காலத்துக்காவது ஷெட்டில் நிறுத்திப் பூட்டுப் போட்டு வைப்பதே சாலச் சிறந்தது என்பேன் ! இனியும் பெரிதாய் “மறுபதிப்புக் கோரிக்கை” எழுப்பத் தூண்டிடும் ரகத்தில் கதைகளும் இல்லை என்பதால் – மெகா பட்டிஜெட்களை அவசியப்படுத்தும் மறுபதிப்புகள் இனி நமது திட்டமிடல்களில் இராது – at least for the near future ! டெக்ஸின் வண்ண மறுபதிப்புகள் இந்தக் கட்டுப்பாடுகளுக்குள் சிக்கிடாது – simply becos அவை மிஞ்சிப் போனால் ரூ.150 அல்லது ரூ.200/-ஐத் தாண்டா இதழ்கள் ! And விற்பனையிலும் முழங்காலைப் பதம் பார்க்காதவை எனும் போது – ‘தல‘ எப்போதும் போல உலா வருவார் !

So தொடரும் நாட்களில் – பின் திரும்பி – நமது அந்நாளைய இதழ்களுக்கோசரம் கொடி பிடிப்பதற்குப் பதிலாய் – முன்செல்லும் பயணத்துக்குப் பயனாகக் கூடிய புதுத் தொடர்கள் பற்றிய பதாகைகளை ஏந்தல் நலமென்பேன் ! இது சில மாதங்களாகவே எனக்குள் ஓடி வரும் சிந்தனையே என்றாலும் ; ஆண்டின் சந்தாக்களைக் கணக்கெடுக்கும் பிப்ரவரி முதல் வாரத்தில் இது சார்ந்ததொரு தீர்மானத்துக்கு வரலாமென்று மௌனமாகயிருந்தேன் ! அந்தப் பொழுதும் புலர்ந்து விட்டது எனும் போது – மௌனத்தைக் கலைக்கும் தருணமும் புலர்ந்துள்ளது ! No more costly reprints! At least for a while!

அப்புறம் “ஞானோதயங்கள் பட்டியலில்” இறுதியாக ! இந்தத் தளத்தின் பலத்தையும் சரி, பலவீனத்தையும் சரி, 6 ஆண்டுகளில் – உள்ளங்கை நெல்லிக்கனியாய்ப் பார்த்தாகி விட்டோம் ! இங்கே மகிழ்ச்சியும், உற்சாகமும், சந்தோஷமும் ததும்பும் தருணங்களில் அவரவரது சிக்கல்களை, நிஜவாழ்க்கையின் சிரமங்களை தற்காலிகமாகவாவது மறப்பது சாத்திமாகிறது என்பதில் no secrets ! அதே சமயம் சர்ச்சைகளும், காரசாரங்களும் பரிமாறிக் கொள்ளப்படும் நாட்களில், ஒரு ஒட்டுமொத்த நெகடிவ் போர்வை நம்மை சூழ்வது போலான உணர்வும் மேலோங்குவ்து நிஜமே ! So கசப்புகளுக்கு இனியும் இடம் தராது – let's keep things bright & cheerful ! விமர்சிப்பதாகவே இருந்தாலும், கோங்குரா காரம் இல்லாத வரிகளை நிச்சயமாய் யாரும் ஜீரணிக்கத் தயங்கப் போவதில்லை ! 

புன்னகைகளை மலரச் செய்யும் ஆற்றல் ஒரு வரம் guys ; அதன் மகிமையை உணர்ந்து தான் பார்ப்போமே – ஒட்டு மொத்தமாய் ?

And இதோ - மார்ச் மாதத்தின் preview படலம் கூட ஆரம்பிக்கிறது - 'தல'யின் சிங்கிள் ஆல்பத்தோடு !! "பாலைவனத்தில் புலனாய்வு" நம்மவரின் இன்னுமொரு அதிரடி - இம்முறையும் ஒரிஜினல் ராப்பரோடே !! நேர்வசமாயின்றி - படுக்கை வசமாய் வெளிவரும் சமீப கவர் இதுவே என்று நினைக்கிறேன் ! இதற்கு முன்பான எந்த இதழுக்கு இந்த பாணி ராப்பர் என்று நினைவூட்டுங்களேன் guys ? டெக்சின் கவர்களில் இதற்கு முன்பாய் இந்த யுக்தியினைக் கடைப்பிடித்துள்ளோமா ? இல்லையென்றே நினைக்கிறேன் ? பின்னட்டை - நமது ஓவியரின் கைவண்ணம் ! 

மார்ச்சுக்குள் நாங்கள் marchpast நடத்தும் நேரத்துக்கு நீங்களிங்கே பிப்ரவரி விமர்சனங்களை இன்னும் டாப் கியருக்கு கொண்டு போனாலென்ன? பிப்ரவரியின் "குட்டிப்பையன்" - பெருசுகளை விட அதிகமாய் ஸ்கோர் செய்திருப்பதொரு சந்தோஷ ஆச்சர்யம் ! "விரட்டும் விதி" மினி இதழ் பற்றியே நான் பேசுகிறேன் என்பதை நிச்சயம் யூகித்திருப்பீர்கள் ! இந்தக் கதைகள் COLOR TEX என்ற வரிசைக்கென போனெல்லி உருவாக்கிய முழுவண்ண ஆக்கங்கள் ! அதாவது மற்ற TEX கதைகளை போல black & white-ல் உருவாக்கி விட்டு, அப்புறமாய் வர்ணம் பூசும் சமாச்சாரங்களல்ல - படைக்கப்படுவதே முழு வண்ணத்திற்கென ! So அந்த கலரிங் பாணிகளில் தெரியும் உயிரோட்டம் ஒரு மிடறு தூக்கலாய் இருப்பதில் வியப்பில்லை ! காத்திருக்கும் 5 மினி இதழ்களும் இந்த COLOR TEX ஆக்கங்களே எனும் போது -  ஊசிப் பட்டாசுகள் இன்னமுமே பட படக்கக் காத்துள்ளன என்பேன் ! And- இத்தாலியில் நம்மவரின் புது ஆல்பத்தின் முதல் பாகம் வெளியாகியுள்ளது ! அதற்கான புதியதொரு ஓவிய பாணியைப் பாருங்களேன் !! பின்னாட்களில் வர்ணம் தீட்டிட இது செம அட்டகாச களமாக அமைந்திடும் !

Bye all! See you around ! 

..லாம் !

Hi all !!