Powered By Blogger

Saturday, January 29, 2022

கேள்விகள் மூன்று !! கார லட்டுக்களும் மூன்று !

 நண்பர்களே,

வணக்கம். போதி தர்மர் காலத்திலிருந்து நமது பொம்ம புக் பணிகள் தொடர்ந்திடுவது போல் உள்ளுக்குள் தோன்றுவதற்கொரு மறு பக்கமும் உண்டு ! கதைகளுக்குள் புகுந்திடும் போதெல்லாம் - 'ஆங்...இங்கே இவர் பன்ச் டயலாக் பேசணுமே ; இங்கே ஒரு செண்டிமெண்ட் சீன் வரணுமே ; க்ளைமாக்ஸ் ட்விஸ்ட் இப்படித் தான் இருந்தாகணுமே ?' என்ற ரீதியில் உள்ளுக்குள் பல்ப் எறிவதுண்டு ! யூகங்கள் நிறையவாட்டி பல்ப் வாங்குவதே பலனாகிப் போனாலும், பொதுவாய் ஒரு 'seen it all' உணர்வு எனக்குள் இருந்திடுவதை மறுக்க மாட்டேன் ! ஆனால் அவ்வப்போது சில கதைகள், சில கிராபிக் நாவல்கள் இந்தப் பரிச்சயமான கூட்டிலிருந்து நம்மைக் கையைப் பிடித்துத் தர தரவென வெளியே இழுத்து வரத் தவறுவதில்லை ; கதாசிரியர்களின் கற்பனை வளங்கள் பிடரியைப் பிடித்து உலுக்கி, 'அடேய்..கோமுட்டித் தலையா...இன்னும் எத்தினி கழுதை வயசுக்கு காமிக்ஸ் வாசிப்பு தொடர்ந்திட்டாலுமே, அதன் பரிமாணங்களில் கால்வாசியைக் கூட முழுசாய் தரிசித்திட இயலாது' என்பதை மண்டையில் குட்டிப் புரியச் செய்கின்றன ! And அதன் லேட்டஸ்ட் அத்தியாயம் தான் 'அண்டர்டேக்கர்' ! 

Xavier Dorison & Ralph Meyer ! சமகால பிரான்கோ -பெல்ஜியப் படைப்புலகில் இந்த ஜோடிக்கு ரொம்ப ரொம்ப உசரமானதொரு இடம் உண்டு ! இருவருக்குமே வயது 50 / 51 தான் எனும் போது இவர்களிடம் அனுபவத்தின் ஆழமும் உள்ளது ; புதுமைகளின் வேகங்களும் உள்ளன ! எக்கச்சக்கமான ஆல்பங்களில், தொடர்களில் பணியாற்றியுள்ள இந்த ஜோடியின் கூட்டணியை XIII - 'விரியனின் விரோதி' ஆல்பத்திலும் பார்த்திருக்கிறோம் ! 

அண்டர்டேக்கர் தொடரினில்  இதுவரைக்குமான 2 டபுள் ஆல்பங்களிலுமே ரொம்பவே வித்தியாசமான கதைபாணியை ; கதை மாந்தரைப் பார்த்திருப்போம் தான் ! So தொடரின் மூன்றாவது டபுள் ஆல்பத்தின் பணிகளுக்குள் புகுந்த போது, அந்த மாமூலான சோம்பலையும் மீறி, ஒரு சன்னமான எதிர்பார்ப்பு இருந்தது தான் ! And கதை துவங்கிய பத்தே பக்கங்களுக்குள் 'இதுதாண்டி மாப்ள இந்த ஆல்பத்தின் knot ...போகப் போக வேடிக்கையைப் பாரேன் !' என்று சொல்லாத குறையாய் கதாசிரியர் போட்டுத் தாக்கியதைப் பார்த்த போது 'அடங்கொக்காமக்கா' என்றபடியே நிமிர்ந்து உட்கார்ந்தேன் ! மேற்கொண்டு போகப் போக, நாற்காலியை இறுகப் பற்றியபடிக்கே வாசித்துச் சென்றவன், க்ளைமாக்சை எட்டிய போது அலிபாபா குகையாட்டம் திறந்திருந்த வாயை மூட, அரை டஜன் ரவுண்டு பன்கள் கூடப் பற்றியிராது ! கொட்டும் பனியின் மத்தியில் ரயிலில் அண்டர்டேக்கரையும், அவனது அணியினரையும் கடத்திச் செல்லும் sequence-ல் துவங்கி, 'சுபம்' போடும் பக்கம் வரையிலும் இரண்டாம் பாகத்தில் கதாசிரியரும், ஓவியரும் போட்டி போட்டுக்கொண்டு செய்துள்ள ரகளை வேறொரு லெவல் ! Oh yes - கொஞ்சம்  மிகைப்படுத்தல் உண்டு தான் ; துல்லியமாய் நூல்பிடித்தால் லாஜிக்கிலும் கொஞ்சம் பிசிறடிக்கும் தான் ! ஆனால் அவற்றை எல்லாம் ஒரு படைப்பாளியின் கற்பனைக்குத் தரும் குஷனாய் புறம்தள்ளிவிட்டுப் பார்த்தால் - நம் முன்னே விரிவது ஒரு ஹாலிவுட் பட ரேஞ்சிலான த்ரில்லர் ! கியானு ரீவ்ஸ் மாதிரியானதொரு ஹாலிவுட் நடிகருக்கு அண்டர்டேக்கர் அரிதாரமிட்டு, இதை மட்டும் வெள்ளித்திரைக்கு கொண்டு சென்றார்களெனில் பட்டையைக் கிளம்பிடும் என்பேன் ! 

Keanu Reeves

நடு நடுவே சமூகம் சார்ந்த கருத்துக்களையும் கதாசிரியர் உதிர்த்துள்ளார் தான் ; so கனமான சில பகுதிகளும் இங்குண்டு ! ஆனால் க்ளைமாக்ஸ் ஆக்ஷன் பாக்கி அத்தனையையும் தூக்கிச் சாப்பிட்டு விடுகிறது ! And அண்டர்டேக்கர் அடுத்த சாகசத்தை நோக்கியும் நகர்வதாக கதை முடிவதால் - இந்த வித்தியாச நாயகரின் பயணங்கள் தொடரவுள்ளன என்பது icing on the cake !

At this juncture, சமீபமாய் ஒரு பிராங்கோ-பெல்ஜிய தளத்தினில் அரங்கேறியதொரு opinion poll  நினைவுக்கு வந்தது ! அதையே உங்களிடமும் கேட்டு வைத்தாலென்னவென்று தோன்றியது ! அது பெருசாய் ஒன்றுமில்லை guys ; காலம் காலமாய் இங்கே ஓடி வரும் ஒரு ஜாலியான பஞ்சாயத்து சார்ந்ததே : 

நிறைய கௌபாய் தொடர்களுக்குள் மண்டையை விட்டு வரும் பார்ட்டிகள் நாம் ! ரசனைகள் என்பன காலப்போக்கோடு மாற்றம் காணும் சமாச்சாரம் எனும் போது இந்த வேளைதனில் உங்களின் உள்ளங்களில் யார்-எங்கே நிற்கின்றனர் ? என்று பார்த்து விடுவோமா guys ?

நமது அணிவகுப்பினில் உள்ள action கௌபாய்களுக்கு ரேங்க் போடுவதாயின் - யாருக்கு எந்த ரேங்க் என்பதே கேள்வி ! களத்தினில் உள்ளோர் கீழ்க்கண்ட வஸ்தாதுகளே :

டெக்ஸ் வில்லர் ; கேப்டன் டைகர் ; ட்யுரங்கோ ; அண்டர்டேக்கர் ; நவீன வெட்டியான் ஸ்டெர்ன் !

(கமான்சே ஆட்டத்துக்கே சேர்த்தி இல்லை & டெட்வுட் டிக் வெறும் ஒற்றை ஆல்பத்தோடு போட்டிக்கு qualify ஆகிடவில்லை !)

என்னடா, சம்பந்தமில்லாம opinion poll நடத்துறானே பீன்ஸ் மண்டையன் ? என்ற கேள்வி உங்களுக்கு எழலாம் தான் ! இருக்கே...காரணம் இருக்கே... அது நான் பட்டியலிட்டிருந்த கார லட்டு # 3 சார்ந்ததெனும் போது automatic ஆக சம்பந்தம் ஏற்பட்டு விடுகிறதே ! 

வேறொன்றுமில்லை guys ; ஒரு மைல்கல் வருஷத்தினில் முத்துவின் டாப் நாயகர்களை ஆங்காங்கே எப்படியேனும் களமிறக்கி இந்த வருஷத்தையே ஒரு ஜாலி வேளையாக்கிட உள்ளுக்குள் ஆசை அலையடிச்சிங்ஸ் ! வேதாளர் வருகிறார் ; ரிப் கிர்பி ; காரிகன் ; மாண்ட்ரேக் - என கிளாசிக் நாயகர்கள் காத்துள்ளனர் ! ஆனால் MC டாப் நாயகர் லிஸ்ட்டில் - உச்சியில், செம உசரத்தில் நிற்கும் அந்த சவரம் கண்டிடா கௌபாயை குறிப்பிடாது போனால் இந்தாண்டு முழுமை காணாதென்றேபட்டது !  So (இளம்) 'தல' தாண்டவமாடிவரும் இந்நாட்களில் (இளம்) தளபதியையும் ரேஸில் இறக்கி விட்டாலென்ன என்ற மகா சிந்தனையே கார லட்டு # 3 -ன் பின்னணி ! 

To cut a long story short - இளம் டைகர் தொடரின் ஆல்பம்ஸ் எஞ்சியிருப்பன 12 !  'ஏக் தம்மில்' பன்னிரெண்டையும் ஒன்றிணைத்து இ.ப. பாணியில் மெகா புக்காக்குவது வேலைக்கே ஆகாது என்பது தீர்மானமாய்த் தெரிந்த பிற்பாடு, தொடரினை கொஞ்சம் கவனமாய் study செய்தேன். அப்போது தான் அவற்றுள் சின்னச் சின்னக் கதைச் சுற்றுக்கள் அடங்கியிருப்பது புரிந்தது ! So முதல் சுற்று என்ன மாதிரி ? என்று பார்த்த போது, ஆல்பம்ஸ் # 10 to 13 வரையிலுமான 4 ஆல்பங்கள் ஒன்றிணைந்து ஒரு cycle தேறிடும் என்பது புலனானது ! அப்புறமென்ன - ஒரு சுபயோக சுபதினத்தினில் திட்டமிடலைத் துவக்கினால், நடப்பாண்டின் இறுதியை ஒட்டிய ஏதோவொரு பொழுதினில், தட்டை மூக்காரை தடதடக்கச் செய்து விடலாம் என்றுபட்டது ! What say guys ? 

Question # 1 : டீலா ? நோ டீலா ?

Question # 2 : டீல் என்றால் - 4 ஆல்பங்கள் இணைந்த ஒற்றை புக்காகவா ?

(அல்லது)

மாதம் 1 பாகமென்ற ரீதியில் 2022 செப்டெம்பரில் துவங்கி, டிசம்பரில் முடிக்கலாமா ? சொல்லுங்களேன் ப்ளீஸ் ?

ரைட்டு, நான் நடையைக் கட்டுகிறேன் folks - SODA நலமா ? என்று விசாரிக்க ! நீங்கள் பதில் சொல்ல நேரமெடுத்துக் கொண்டு இந்த வாரயிறுதியினை ஜாலியாக்கிடலாமே ? Bye all...see you around ! Have a fun Sunday !

Sunday, January 23, 2022

ஒரு கானக ரவுண்டப் !

 நண்பர்களே,

வணக்கம். பனியடிக்கும் காலைகளில் சும்மாவே சோம்பல் தலைதூக்குகிறது ; இன்றைக்கு லாக்டௌன் வேறு சேர்ந்து கொள்ள - "உறக்கத்துக்கே உங்கள் வோட்டு !!" என்று கோஷமிடத் தோன்றுகிறது ! மாதத்தின் மூன்றாம் வாரங்கள் எங்களுக்கு என்றைக்குமே செம பிஸியான பொழுதுகள் & இந்தவாட்டி வழக்கத்தை விடவும் மும்மடங்கு பெண்டை நிமிர்த்தும் பொழுதுகளாகிப் போயுள்ளன என்பதால், ராவில் பணி முடித்து, காலையில் பனிக்கு ஹல்லோ சொல்ல கொஞ்சம் starting trouble !!

First things first ...! ஆன்லைன் புத்தக விழா !! ஒற்றை வரியில் சொல்வதானால் - தெறிக்க விட்டுள்ளீர்கள் இம்முறை(யும்) !! மெய்யாலுமே நம்மாட்கள் உங்களின் இந்த ரகளையான வரவேற்பிற்குத் தயாராக இருக்கவில்லை தான் - நேற்றைய மாலை வரையிலுமே அந்த 4 நாட்களின் ஆர்டர்களுக்கு பேக் செய்து கொண்டே இருந்தனர் ! ஆர்டர்கள் தேதிகளுக்கேற்பவே டெஸ்பாட்ச் செய்து வந்துள்ளனர் என்பதால், கடைசி நாட்களில் ஆர்டர் செய்த நண்பர்கள் சற்றே பொறுத்தருள்க - ப்ளீஸ் !! நேற்றைக்கு மாலையில் "எல்லாம் முடிச்சாச்சு" என்று சொல்லியிருந்தனர் ; so திங்களன்று பாக்கிகள் இராதென்று நம்புவோம் ! ஓராயிரம் நன்றிகள் guys - ரொம்பவே அத்தியாவசியமான இந்தத் தருணத்தில் நீங்கள் காட்டியுள்ள இந்த அன்புக்கு ! Simply staggering !! Maybe நடப்பாண்டின் ஏதேனுமொரு வாகான பொழுதினில், நம்மிடம் பின் சீட்டில் குந்த நேரிட்டிருக்கும் ஒரு வண்டி நாயக / நாயகியரை ஒட்டு மொத்தமாய்க் களமிறக்கி, முழுக்க முழுக்கவே ஒரு "புது புக்ஸ் மேளா"வை போட்டுத் தாக்கினாலென்ன ? என்ற கேள்வி மண்டைக்குள் ஓடி வருகின்றது ! பீரோவைத் திறந்தால் ஒரு கும்பலே உள்ளே குடியிருப்பது தெரியும் ! So 'ஏக் தம்மில்' அவர்களுக்கு விடியல்களைக் காட்டினாலென்ன ? என்று தோன்றியது ! புத்தக விழா circuit திரும்ப தொடங்கிடவும், சூடு பிடிக்கவும் தாமதமாகிடும் பட்சத்தில், இந்த மஹா சிந்தனை செயல்வடிவம் காண நேரிடலாம் ! 

"பழிக்குப் பழி" !! 'தல' புராணங்கள் ஏகமாய்ப் பாடியாச்சு தான் ; அவரது ஆளுமை என்னவென்பதைப் பார்த்தும் விட்டாச்சு தான் ! ஆனால் இன்னமுமே அவருக்கும், உங்களுக்கும் இடையிலான அந்த கெமிஸ்ட்ரி திகைக்கச் செய்யாது போவதே இல்லை ! ஆன்லைன் புத்தக விழாவின் நாயகரே 'லயன் லைப்ரரியின்' டெக்ஸ் தான் எனும் போது - உங்களின் கொள்முதல் பட்டியல்களில் அவர் இருந்ததில் வியப்பே இல்லை தான் ; ஆனால் முகவர்களுமே செம ஆர்வமாய் உட்புகுந்து போட்டுத் தாக்கியுள்ளனர் ! And எல்லா முகவர்களுக்குமே அந்த TEX  போஸ்டர் அனுப்பியுள்ளோம் guys ; கடைகளில் வாங்கிடும் பட்சங்களில் அதனை மறக்காது கேட்டு வாங்கிக் கொள்ளுங்கள் ! 

போஸ்டரோடு தயாராகி வரும் இன்னொரு ஜாம்பவான் தான், எனது கடந்த ஒரு வாரத்தை ஹோல்சேலாய் ஆக்கிரமித்து வருகின்றார் ; and அவர் நமது நடமாடும் மாயாத்மா - வேதாளரே !! நேர்கோட்டுக் கதைகள் தானே ; ஏற்கனவே பரிச்சயமான நாயகர் தானே ; black & white ஆல்பம் தானே ; சமாளித்து விடலாமென்று, இறுதிக்கட்டப் பணிகளைக் கையில் எடுப்பதில் கொஞ்சம் அசட்டையாய் இருந்து விட்டேன் ! 9 சாகசங்கள் கொண்ட ஆல்பத்தில் ஒன்றுக்கு மட்டும் நான் பேனா பிடிக்க, ஒரு 'நறுக்' template-ல் மீதக் கதைகளுக்கு நமது கருணையானந்தம் அவர்களை மொழிபெயர்ப்பு செய்திடக் கோரியிருந்தேன் - ஏகப்பட்ட வரையறைகளோடு ! இங்கே ஒவ்வொரு பக்கத்துக்கும் சுமார் 15 படங்கள் வரை ஒரிஜினல் அமைப்பிலேயே உள்ளதெனும் போது - டயலாக் மிகுந்து போகும் பட்சங்களில் வேதாளரின் அந்த முகமூடியணிந்த கண்கள் மாத்திரமே தெரிய இடம் இருந்திடும் ; அவரது திடகாத்திர உடம்பெல்லாம் நம்ம தமிழாக்கங்கள் தான் போஸ்டர்களாய்ப் போர்த்தியிருக்க நேரிடும் என்பது புரிந்தது ! அங்கிளும் அதனைப் புரிந்து கொண்டு பணியாற்றியிருக்க, எடிட்டிங்கில் மொத்தமாய் 200 பக்கங்களோடு பயணிப்பது தான் எனக்கான பணியாக இருந்தது ! ஆனால் தூக்கிக் கொண்டு அமர்ந்த  போது தான் அந்தப் பணியின் sheer volume எத்தனை கனமானது என்பது புரிந்தது ! Phew !!! 

வேதாளர் கதைகளுக்கு அங்கிள் பேனா பிடிப்பது இதுவே முதன்முறை என்பதால் அந்த கானக சமாச்சாரங்களில் நிறைய மாற்றங்கள் அவசியப்பட்டன ; எங்கெங்கு வேதாளருக்கு "மிஸ்டர் வாக்கர்" என்று பெயர் தரணும் ? எங்கே அவரை வேதாளராய் உலவிட விடணும் ? எங்கே அவரை "நடமாடும் மாயாத்மாவாக" மிளிர விட வேண்டும் என்பதைப் பார்த்து செப்பனிட்டத்தில் ஆரம்பித்த பணியானது, அந்தக் "கானகப் பழமொழிகள்" சமாச்சாரத்தினை முழுசுமாய் மாற்றி எழுதுவது ; வேதாளருக்கான பன்ச் வரிகளை மாற்றியமைப்பது - என்று தொடர்ந்தது ! மொத்தமாய் 9 கதைகளுக்கும் இதைச் செய்து முடிக்கும் போதே, கைத்தாங்கலாய்ப் பிடித்துக் கூட்டிப் போக யாராச்சும் சிக்குகிறார்களா ? என்று தேட வேண்டியிருந்தது ! அப்புறமாய் first correction ; அதன் பின்னே second correction - என மறுக்கா, மறுக்கா 200 பக்கங்களோடு உலா வர, பக்கத்து வீட்டு நாய் நிற்பதைப் பார்த்தால் கூட  - "ஹை...டெவில் !!" என்று மனசுக்குள் ஒலிக்கிறது ! பக்கத்திலுள்ள பொட்டலில் மேயும் பசுக்களைப் பார்த்தால் "ஜூம்போக்கு சித்தப்பாருகளோ ?" என்று யோசிக்கத் தோன்றுகிறது ! மைதீனை 'குரன்' என்று கூப்பிடாத குறை தான் ! But பால்யத்தின் அத்தனை நினைவலைகளையும் ஒற்றை ஆல்பத்தில் மீட்டெடுக்க இந்த Smashing '70 s - புக் # 1 உதவியுள்ளதென்று சொன்னால் மிகையாகாது ! 2020-ன் அந்த BBC நேர்காணலின் போதுகூட நான் பேச ஆரம்பித்திருந்தது எனது முதல் ஹீரோவான வேதாளரிடமிருந்து தான் ! So அந்நாட்களது இந்திரஜால் காமிக்சிலும், அமெரிக்க காமிக்ஸ்களிலும் சுவாசித்திருந்த வேதாளரோடு திகட்ட திகட்ட இன்றைக்கு பவனி வரும் அனுபவமானது அசாத்தியமாய் இருந்துள்ளது ! என்ன - வேதாளர் அவர்பாட்டுக்கு ஆயிரம் அடி உசர வாக்கர் மேடையை விறு விறுவென்று ஏறிப்புடுறார் ; இங்கே நமக்கோ ஒரு டஜன் படிகளை ஏறுவதற்குள் முட்டிங்காலிலிருந்து ரெண்டு டஜன் 'கடக்-முடக்' கேட்கின்றது ! வேதாளர் பாட்டுக்கு கட்டாந்தரையில், தலைகாணியோ, மெத்தையோ, போர்வையோ இல்லாது உறங்கிப்புடறார் ; நாமளும் ஒருநாளிக்கி try பண்ணிப் பார்ப்போமே என்று முயற்சித்தால், காலையில் JCB-ஐ கூட்டி வர வேண்டிப் போகிறது நம்மைத் தூக்கி நிறுத்த ! நான் பாலகனாய் இருந்த யுகத்திலேயே ரகளை செய்து வந்த வேதாளர், இன்றைக்கும் அதே உத்வேகத்தோடு வில்லன்களை பின்னியெடுக்கும் போது - இந்த கொரோனா பஞ்சாயத்தெல்லாம் முடிஞ்சா பிற்பாடு - பெங்காலி காட்டுக்கு பஸ்ஸைப் புடிச்சுப்புடலாம் என்றே தோன்றுகிறது ! Maybe இயற்கையோடு ஒன்றிய அந்த வாழ்க்கைமுறையில் நாமும் ஒன்றிப் போய்விட்டால் - வேதாளரின் 6 பேக்ஸ் இல்லாங்காட்டியும் ஒரு மூணோ, ரெண்டோ பேக்கோடு குப்பை கொட்டி விடலாமில்லீங்களா ? கானக பஸ்ஸில் துண்டைப் போட்டு வைக்க விரும்பிடுவோர் எனக்குப் பின்னே லைனாக நிற்கலாம் guys !!

துண்டு போட்டு ஏற்கனவே காத்திருக்கும் Smashing '70s சந்தா நண்பர்களுக்கு இங்கொரு special mention ! ரெகுலர் சந்தாவின் நம்பர்களையெல்லாம் தூக்கிச் சாப்பிட்டு விட்டது - இந்த க்ளாஸிக் நாயகர்களின் exclusive சந்தாவானது ! And உங்களின் ஆர்வங்களும், நம்பிக்கைகளும் நிச்சயமாய் வீண் போகிடாதென்பேன் - முதல் ஆல்பமே ரெடியாகி வரும் அந்தத் தயாரிப்பு template-ஐப் பார்க்கும் போது ! And இந்தச் சந்தாவினில் இணைந்துள்ள நண்பர்களுக்கு போஸ்டருடன், ஒரு 20 பக்க புக்லெட் கூட உண்டு நமது அன்புடன் !! அது பற்றி வாக்குத் தந்திருந்ததை ரொம்பச் சமீபம் வரை நான் மறந்து தொலைத்திருக்க, 'குய்யோ-முறையோ' என்று கூப்பாடு போட்டபடியே அந்தப் பக்கங்களுக்கான உரிமைகளை 2 நாட்களுக்கு முன்னே வாங்கிய கையோடு, பணிகளின் பட்டியலோடு அவற்றையும் இணைத்துள்ளேன் ! So இந்த ஒற்றை மாதம் மட்டும் ஜனவரியில் டிசம்பரா ? ஆகஸ்ட்டா ? என்ற வினவல்களின்றி, ரெண்டு, மூணு நாட்கள் கூடுதலாய் அவகாசம் கோரிடுவேன் guys ! வேதாளர் ஸ்பெஷல் + பிப்ரவரி புக்ஸ் இணைந்து ஒரே பார்சலாய் பிப்ரவரியின் துவக்க வாரத்தில் அனுப்பிடவுள்ளோம் ! உங்களுக்குமே FFS ; பழிக்குப் பழி - போன்ற heavyweight வாசிப்பிற்கு சற்றே கூடுதல் அவகாசம் கிட்டியது போலிருக்கும் ! இன்றைக்கு அவற்றின் மொழிபெயர்ப்பு ; அண்டர்டேக்கரின் எடிட்டிங் - என ஒரு லோடு நிறைய பணிகள் வெயிட்டிங் ! So கிளம்புகிறேன் guys - அவற்றைச் சமாளிக்க ! And yes - SMASHING '70s சந்தாக்களை இன்னமுமே செலுத்திடலாம் தான் ! இது வரையிலும் கட்டியிரா பட்சத்தில் - please do join in ! 

Bye all...see you around ! Have a relaxed Sunday !

P.S : புத்தக விழாவின் இறுதி நாளன்று கூடுதல் கொள்முதல் செய்து "இரத்தப் படலம்" + "கழுகுமலைக் கோட்டை" இதழ்களைத் தட்டிச் செல்பவர் : திரு.இளங்குமரன் ; போரூர், சென்னை ! வாழ்த்துக்கள் நண்பரே !

தொடர்வன - XIII அடுத்த பாகத்தின் artwork previews !! நம்மாளை ஆஸ்பத்திரியில் ஒரு வழி பண்ணாமல் விட மாட்டார்கள் போலும் !


Sunday, January 16, 2022

ஒரு மின்சார மாலை !!

 நண்பர்களே,

வணக்கம். டெக்னாலஜி தான் என்ன மாதிரியானதொரு அற்புத ஆஞ்சநேயர் ?!! ஈரோட்டின் புத்தக விழா அரங்கின் பின்னுள்ள அந்தப் பரிச்சயமான மரத்தடியை, அந்த இதமான காற்றோட்டத்துடனும், நாடி நரம்பெல்லாம் காமிக்ஸ் காதல் கொப்பளிக்கும் நண்பர்களின் வட்டத்தோடும், சஞ்சீவிமலையாட்டம் அலேக்காய் தூக்கியாந்து நமது   கம்பியூட்டர்களுக்குள் நேற்று மாலை இறக்கித் தந்து விட்டதே ?!! 

LIVE QUIZ என்று 45 நிமிட சந்திப்பாய் திட்டமிடப்பட்டு, நேற்றைக்கு மாலை ஐந்தேமுக்காலுக்கு ஆரம்பித்த அந்த virtual கச்சேரியானது, இரவு எட்டேகால் வரைக்கும் தெறிக்கும் உற்சாகங்களோடு தொடர்ந்தது ஒரு அட்டகாசமான அனுபவம் ! Oh yes - வாரா வாரம் பதிவுகளில் சந்தித்து வருகிறோம் தான் ; பனங்கிழங்கிற்குள் குருத்து எவ்விதம் நுழைந்தது ? பரோட்டாவுக்கு சால்னாவை ஜோடியாக்கிய மஹான் யார் ? என்ற ரேஞ்சுக்கு ஆராய்ச்சிகளெல்லாம் ரெகுலராய் செய்கிறோம் தான் - but still நேற்றைக்கு நான் பார்த்த அந்த high voltage உற்சாகத்தை நமது மாயாவிகாரு பார்த்திருந்தால், கபாலென்று அத்தனை பேரையும் ஒருவாட்டி தனது இரும்புக்கரத்தால் தொட்டு, அவரவரிடம் தெறித்துக் கொண்டிருந்த மின்சாரங்களை இழுத்து, தனது UPS-க்கு அடுத்த ஒரு வருஷத்துக்கான சார்ஜை ஓசியில் ஏற்றிக் கொண்டுவிட்டிருப்பார் என்று தோன்றியது ! Anyways மாயாவிகாரு செய்திருக்க வேண்டிய செயலை ஞான் செய்யத்தவறவில்லை ; குறைந்த பட்சமாய் அடுத்த 6 மாதங்களுக்காவது தேவையான உற்சாகங்களை நேற்று மாலை சேகரித்து ஒரு டப்பிக்குள் அடைத்துப் பத்திரப்படுத்திக் கொண்டேன் ! Oh wow ....எத்தனை பாசிட்டிவ் எனெர்ஜி ; எத்தனை ஆர்வம்; எத்தனை லூட்டிகள் & yes ...எத்தனை கேள்விகள் & எத்தனை பரிந்துரைகள் !! எலியப்பாவில் ஆரம்பித்து எடியூரப்பாவைத் தொடாத குறை தான் - காமிக்ஸ் சார்ந்த நேற்றைய அந்த அலசல்களில்!! 

நிறைய புது நண்பர்களும் நேற்றைக்கான அந்த virtual ஆலமரத்தடியில் குழுமியிருக்க, QUIZ ஆரம்பித்த நேரத்தினில், அவசர அவசரமாய் கையோடு எடுத்து வந்திருந்த மருக்களை, தம் மூக்கிலோ ; பக்கத்திலிருந்தோரின் முதுகிலோ ஒட்டிக் கொண்டு ஜூட் விட்ட 'ஜார்கண்ட் சலோ' அணியினரையும் சேர்த்து - நேற்றைய அட்டெண்டன்ஸ் சுமார் 70 என்று மீட்டிங்கை முன்னின்று நடத்திய J சார் சொன்ன போது, மெத்து மெத்தென்றான ஒரு அங்குல உசர சுக்கா ரோஸ்ட்டைப் பார்க்கும் கார்சனைப் போல உணர்ந்தேன் ! Thanks a ton everyone !! ஒரு விடுமுறை தினத்தினில் வீட்டினரோடு ரிலாக்ஸ் செய்திருக்கக்கூடிய பொழுதினை - நமது பொம்ம புக் லூட்டிகளுக்கென ஒதுக்கிடுவது சுலபமே அல்ல தான் !! Much obliged all !! And QUIZ-ல் நான் கேட்ட கேள்விகளைக் கொண்டு அடுத்த நீட் தேர்வினை ஒப்பேற்றி, ஓவர்நைட்டில் ஒளஷத விற்பன்னர்களாய் யாரும் மாறிடப் போகும் அபாயங்கள் இராதென்றமட்டுக்கு உறுதி என்ற போதிலும், பங்கேற்ற 19 நண்பர்கள் காட்டிய உத்வேகம் அலாதி ரகம் ! 

But "சிஸ்கோவின் வீட்டினருகே சுடுவது சுசியமா ? ஆமை வடையா ?" என்ற ரேஞ்சுக்கு நான் SISCO கதையிலிருந்தும், TANGO கதையிலிருந்தும் கேட்டிருந்த 10 + 10 கேள்விகளுக்கு யாருமே முழு மதிப்பெண்களைப் பெற்றிருக்கவில்லை என்பது மட்டுமே நேற்றைய எனது ஆச்சர்யம் ! But still a creditable show all round ; பங்கேற்ற அனைவருமே வின்னர்ஸ் தான் எனது பார்வையில் ! 

20 மார்க்குகளுக்கு 18.5 வாங்கி முத்லிடத்தைப் பிடித்திருப்பது ஒன்றுக்கு இரண்டாய் நண்பர்கள் :

JOINT FIRST :

Mr.P.கார்த்திகேயன், அவிநாசி 

&

Mr.சரவணகுமார், பல்லடம் 

SECOND SPOT :

1 மார்க் குறைவாய் பெற்று, 17.5 என்ற டோட்டலுடன் இரண்டாமிடம் - வேலூரைச் சார்ந்த Mr.சத்ய சாய் நாதன் !

THIRD SPOT :

17 மார்க்குகளுடன் மூன்றாமிடம் திருவண்ணாமலையைச் சார்ந்த Mr.T.Sures !!

பாக்கி நண்பர்கள் points tally-ல் பின்தொடர்கிறார்கள் ! Congrats all folks !! ஒரு ஜாலியான முயற்சியினை செம ஜாலியாய்க் கையாண்டுள்ள நண்பர்கள் அனைவருக்கும் ஒரு round of applause ! அதிலும் பரீட்சைக்கு ரெடியாவது போல் கதைகளிலிருந்து எடுத்திருந்த நோட்ஸையெல்லாம் அனுப்பி வைத்து திருப்பூர் சிவகுமார் ரகளை செய்திருந்தார் ! 

அவரவர் வாங்கியுள்ள ஒவ்வொரு மார்க்குக்கும் தலா ரூ.10 வீதம் points credit செய்கிறோம் ; so 18.5 மார்க்குகள் பெற்றிருக்கும் நண்பர்களுக்கு ரூ.185-க்கு பெறுமானமுள்ள points ; இரண்டாமிடத்துக்கு ரூ.175-க்குப் பெறுமானமுள்ள points என்ற ரீதியில் ! அவற்றைக் கொண்டு நாளை (திங்கள்) நமது ஆன்லைன் புத்தக விழாவினில் நீங்கள் வாங்கிடக்கூடிய புக்ஸ்களில் அந்த points-களை redeem செய்து கொள்ளலாம் ! மேலுள்ள மூன்று இடங்கள் தவிர்த்த பாக்கி இடங்களுக்கான நண்பர்களுக்கு அவரவர் பெற்றிருக்கும் marks list & points பற்றி மெசேஜ் அனுப்பிடுவோம் ! 

Maybe அடுத்தவாட்டி எலியப்பாவிலிருந்து LIVE QUIZ ஒன்றினை ரெடி செய்து, அவரவர் வீட்டு குட்டீஸ்களைக் கொண்டு பதில்கள் சொல்ல வைத்து, ஜூனியர்களுக்கான பொழுதாய் அதனை அமைத்திடலாமென்று பட்டது ! What say guys ? (மீசையை மழுங்கடித்த கையோடு - "அந்தக் குட்டியே நான் தான்" என்று ஆப்டிராயரோடு ஆரேனும் அதிரடி பண்ண மாட்டீர்கள் என்ற நம்பிக்கையில் இதைச் சொல்லி வைக்கிறேன் !!)

And before I sign out - நமது ஆன்லைன் புத்தக விழா updates !!

விற்பனைத் தொகைகள் + புக்ஸ் எண்ணிக்கை - என இரு அளவுகோல்களிலும் உச்சத்தைத் தொட்டு இ.ப. black & white தொகுப்பையும், "க.ம.கோ." வண்ண இதழையும் ஈட்டிடும் அடுத்த 2 நண்பர்கள் :

சேலம் ஆத்தூரைச் சார்ந்த திரு,மாதேஸ்வரன் - 130 புக்ஸ் !!

&

திரு,Safnas இலண்டன் - 270 புக்ஸ் !!

Simply Awesome !!!

நாளைய பொழுது நமது ஆன்லைன் புத்தக விழாவின் இறுதி நாள் என்பதை நினைவூட்டிய கையோடு நடையைக் கட்டுகிறேன் guys !! Bye all...see you around !! Have a relaxed Sunday !!

சரியான விடைகள் :


SISCO :


1 RF 

2 Republique Francaise 

3 போப்பாண்டவர் 

4 ஜோஸ் மரெட்டி

5 படேல்

6 இத்தாலி ; வின்சென்ட் சிஸ்கோ காஸ்டிலியோனே

7 இளஞ்சிகப்பு ; ஆல்பா ரோமியோவின் மிடோ ரக இத்தாலிய கார்.

8 COUNTERSTRIKE 

9 கேசியே 

10 பால் 


TANGO :


11 ஆன்செல்மோ 

12 பெல்ஜியம்

13 TINA 'S BAR 

14  ஜான் க்ரூஸ் 

15 ஹேவியே 

16 ஆர்ஜென்டினா

17 கார்மென் ; இளஞ்சிவப்பு 

18 ஆண்டனியோ ஓர்டேகா

19 போர்டென்யோ

20 Hostal San Cristobal 

Friday, January 14, 2022

மாயாத்மாவின் முதற்பார்வை !

 நண்பர்களே,

வணக்கம் ! தமிழர் திருநாள் வாழ்த்துக்கள் ! பொங்கலின் தித்திப்பும், கரும்புகளின் இனிமையும் காத்திருக்கும் ஒவ்வொரு நாளிலும் நம் இல்லங்களில் பெருக்கெடுக்கட்டும் ! And தையின் முதல் தினத்தில் இதோ உங்களுக்கு ஹலோ சொல்லிட அட்டைப்பட பிரிவியூவுடன் ஆஜராகிறார் வேதாள மாயாத்மா

ஏகமாய் நகாசு வேலைகளுடன் ரவுசு செய்யக் காத்திருக்கும் இந்த அட்டைப்படம், துருக்கியில் பிறந்து, ஜெர்மனியில் இன்று வசித்து வரும் பிரபல ஓவியரான எர்டுருல் எடியரன் அவர்களின் கைவண்ணம். துருக்கியிலிருந்து வெளியான வேதாளர் கதைகளுக்கு ஏகமாய் அட்டைப்பட சித்திரங்கள் போட்டவர் இவர் ! சொல்லப் போனால் வேதாளரின் அந்த ஒருவித நீல நிற உடுப்பினை பளீர் சிகப்புக்கு மாற்றியமைத்து அட்டைப்படங்களை தெறிக்க விட்டவர் எடியரன் ! அது மாத்திரமன்றி ஜெர்மனியிலிருந்து வெளியான ஒரு வண்டி கௌபாய் & த்ரில்லர் காமிக்ஸ் இதழ்களின் முகப்புகளையும் அலங்கரித்தவை இவரது அட்டைப்பட டிசைன்களே ! குவிந்து கிடக்கும் அவரது  பிரம்மாண்ட ஆர்ட்ஒர்க் கலெக்க்ஷனில்  இருந்து நமக்குத் தேவைப்படக்கூடிய வேதாளரின் அட்டைப்படங்களைக் கொஞ்சமாய்த் தேர்வு செய்து, அவற்றிற்கொரு சன்மானத்தினை அவருக்கு அனுப்பி வைத்து, தமிழில் நமக்கான ராப்பர்களாய் அவற்றை உருமாற்றம் செய்திட அனுமதி வாங்கினோம் ! So தொடரவுள்ள பொழுதுகளிலும் நமது (வேதாளன்) அட்டைப்படத்தினில் இவரது முத்திரை தொடர்ந்திடும் ! அதன் பின்பாய், நமது வர்ண மெருகூட்டல் ; நகாசு வேலைகள் என்று செய்த கையோடு படைப்பாளிகளிடம் காட்டினோம் - உடனடி ஓ.கே. கிட்டியது ! MAXI சைசிலான புக்கிற்கு இந்த அட்டைப்படம் செம மெருகூட்டும் என்ற நம்பிக்கையுடன் இதோ உங்களின் முதற்பார்வைக்கு submit செய்தாச்சு !

மாத இறுதியில் புக்காய் வேதாளரை ஒப்படைக்க இறுதிக்கட்டப் பணிகள் நடந்தேறி வருகின்றன ! And ஆன்லைன் புத்தக விழாவின் DAY 2 ஓடிக்கொண்டுள்ளது இன்றைக்கு ! நிலவரம் என்னவென்று அறிந்திட எனக்கே லைன் கிடைக்கவில்லை என்பதால், வேலை முடியும் தருவாயில் நம்மாட்களாய் போன் செய்து சொல்லட்டுமென்று காத்திருக்கிறேன் ! 

Meantime - நேற்றைய MAXIMUM BILL VALUE & MAXIMUM NUMBER OF BOOKS PURCHASED என்ற 2 அளவுகோல்களிலுமே முன்னணி கண்டு, "இ.ப" + "க.ம.கோ." புக்ஸை தட்டிச் செல்வது எங்கள் மண்ணின் மைந்தர் சௌந்தர் தான் ! 230 புக்ஸ் வாங்கியுள்ளார் நேற்றைக்கு மட்டும் !!! Awesome சௌந்தர் !!

அப்புறம் நாளைய QUIZ போட்டிக்கோசரம் சிஸ்கோ + டேங்கோவை நெட்டுரு போட்டுக் கொண்டிருக்கிறேன் ! பேசாது "எலியப்பாவிலிருந்து QUIZ" என்று அறிவித்து - "ஆனை பட்டாப்பட்டி போட்டிருக்கா ? ஜாக்கி ஜட்டி போட்டிருக்கா ? இல்லாங்காட்டி பப்பி ஷேமாக இருக்கிறதா ?' என்ற ரீதியில் கேள்விகளை அமைத்து, எனக்கும், உங்களுக்கும்  வேலையை சுலபமாக்கியிருக்கலாமோ ? என்ற கேள்வி எழாதில்லை !! 

நாளை மாலை J சார் ஏற்பாடு செய்திருக்கும் அந்த மீட்டிங்குக்கு 5-45 க்கு ஆஜராகிடுவேன் - கேள்விகளோடு !! கன்னத்தில் மருவோடு, ஜார்கண்ட் பக்கமாய் ரயிலேறும் எண்ணங்களை உதறித் தள்ளிவிட்டு, ஆளுக்கொரு வெள்ளைத்தாள் + பேனாவுடன் நீங்களும் வந்து விடுங்கள் guys !! 

மீட்டிங் விபரம்

To join the meeting on Google Meet, click this link: 

 
Or 

Open Meet and enter this code: vms-rebj-xyx

Date : சனிக் கிழமை...நாள் : 15/01/2022. Evening 6 to 6.30 p.m.

போட்டி கதைகள் :

சத்தமாய் ஒரு மௌனம். 

&

என் பெயர் டேங்கோ...

நேரம் : 30 நிமிடங்கள்.

வீடியோ மீட்டிங்கில் கொஞ்சம் அரட்டை + கொஞ்சம் கேள்விகள் !! 

உங்கள் பதில்களை A4 பேப்பரில் எழுதி 73737 19755 என்ற வாட்ஸ்அப் நம்பருக்கு அனுப்ப வேண்டும்...!

Bye all...see you around !! Enjoy a safe long weekend !




Wednesday, January 12, 2022

தையும்...புதுக் கரும்பும்...!

 நண்பர்களே,

வணக்கம். திக்கெட்டும் பகைவர்கள் இளம் டெக்ஸை சூழ்ந்து நிற்க, திக்கெட்டும் தினுசு தினுசான பெயர்களுடனான வைரஸ்கள் நம்மை ரவுண்டு கட்டிச் சாத்தி வருகின்றன ! ஆய்வுக்கூடத்திலிருந்து பயங்கர வைரஸ் கிருமிகள் கொண்டதொரு டப்பியைத் தூக்கிக் கொண்டு ஓடிய தாத்தாவைப் பற்றி காரிகனின் அந்நாட்களது க்ளாஸிக் கதையொன்றில் வாசித்த போது த்ரில்லாக இருந்தது தான் ! ஆனால் நிஜ வாழ்வில் தெளிய வைத்துத், தெளிய வைத்து மொத்தும் முட்டுச் சந்து டெக்னீக்கை கற்று வைத்துள்ள இந்த வைரஸை பார்க்கும் போது பேஸ்தடிக்கிறது ! 

நிரம்ப எதிர்பார்ப்புகளோடு தமிழகப் பதிப்புலகமே எதிர்நோக்கியிருந்த சென்னைப் புத்தக விழா ஒத்தி வைக்கப்பட்டிருக்க, அதன் முதுகில் இம்முறையாவது நல்லபடியாக  சவாரி செய்திடலாமென்ற நம்பிக்கை பணாலாகிப் போயிண்டே !! So மொட்டை மாடியில் காயப்போட்டிருந்த வத்தல், வடாமை ஒதுக்கிய கையோடு - நமது ஆன்லைன் புத்தக விழாவுக்கு ரெடியாகி வருகின்றோம் ! 

நிஜத்தைச் சொல்வதானால் டிசம்பர் 31 தேதிக்கு அரசு உத்தரவு பிறப்பிக்கப்பட்ட சேதி கிட்டிய நொடியே அரக்கப் பறக்க ஒரு சிங்கிள் ஆல்பம் & ஒரு டபுள் ஆல்பம் என 2 out of sylabus இதழ்களை ரெடி செய்திட ஆரம்பித்து விட்டிருந்தேன் ! ஏற்கனவே சென்னை விழாவுக்கென ரெடி செய்திருந்ததொரு மாயாவி மறுபதிப்பும் மேஜையின் ஓரத்தில் காத்திருந்தது ! So அவற்றுடன் லயன் லைப்ரரி # 1 - TEX க்ளாஸிக்ஸும் இணைந்திடும் போது, மொத்தம் 4 ஸ்பெஷல்ஸ் இந்த ஆன்லைன் விழாவின் highlight ஆக அமைந்திடுமென்று திட்டமிட்டிருந்தேன் ! ஆனால் no Chennai Bookfair என்றானவுடன், மாயாவி பின்சீட்டுக்கு நகர்ந்து விட்டிருந்தார் ! And ஏற்கனவே FFS ; இன்னும் காத்திருக்கும் வேதாளன் ஸ்பெஷல் என்ற ஹெவி மீல்சுக்கு நடுவே இந்த ஸ்பெஷல் சமோசாக்களையும், பாவ் பாஜியையும் வம்படியாய்த் திணித்தால், அஜீரணமாகிப் போகுமென்ற பயம் தொற்றியது ! 'ரைட்டு...சமோசா மட்டும் இருக்கட்டும், பாவ் பாஜி வாணாம் ; சிங்கிள் ஆல்பம் மட்டுமாவது ஓ.கே. ' என்று அடுத்த மகா சிந்தனை எழுந்தது ! ஆனால் FFS புக்கில் பொம்மை பார்க்கும் படலத்தைத் தாண்டவே இன்னும் நம்மில் நிறைய பேருக்கு அவகாசம் கிட்டில்லா - என்பதை கவனித்த போது, சமோஸாவையும் பதுக்கி விட்டேன் ! So  வேறேதேனுமொரு வேளைக்கு அவை காத்திருக்கும் ! 

இந்தத் தருணத்தில் ஒரு விஷயம் நம் கவனத்தைக் கோருவதாய் எனக்குப் படுகிறது ! இந்த "குண்டு புக்" மோகங்கள் என்பனவெல்லாம், நமது   முன்னாட்களது வாசிப்பு வேகங்கள் சார்ந்த 'பழைய  நெனைப்புடா பேராண்டி !' அனிச்சைக் குரல்கள் என்றே இப்போதெல்லாம் தோன்றுகிறது ! அழுத்தமான கதைக்களங்களெனில்,சேர்ந்தார் போல 25 பக்கங்களை வாசிக்கும் நேரமோ, பொறுமையோ இன்றைக்கு நம்மில் அநேகருக்கு இருப்பின், லைனாக அவர்கள் அனைவருக்குமே மெரினா பீச்சின் ஓரமாய் சிலைகளை வைத்து விடலாம் என்பேன் ! ஏற்கனவே நிறைய பேரின் போட்டோக்கள் நமது மெயில்பாக்சில் உள்ளன எனும் போது, சிலை செய்ய டகாலென்று ஆர்டர் தந்து விடலாம் !! செல்போன் நோண்டல்கள் ; வாட்சப் அளவளாவல்கள் ; ரீல்ஸ் குட்டி வீடியோக்கள் ; இன்ஸ்டா ஊர்வலங்கள் ;  OTT தளங்களில் ரக ரகமாய் சினிமாக்கள் - என்ற நமது மின்மய அன்றாடங்களுக்கு மத்தியில் நெடும் வாசிப்புகளுக்கு நேரம் திரட்டுவது குதிரைக் கொம்பென்பது புரிகிறது ! Of course - "புழைப்பு..புழைப்பு" என்றதொரு சமாச்சாரத்தையும் இடையிடையே பார்க்க வேண்டியதும் இருக்கும் தான் !! 

So நமது SMASHING '70ஸ் concept இந்நாட்களுக்கு பொருந்திடுமென்றே தோன்றுகிறது ! ஒவ்வொரு கதையும் மிஞ்சிப் போனால் 20 பக்கங்கள் or 22 பக்கங்கள் தான் ; and ஒவ்வொன்றுமே தனித்தனி one shots தான் எனும் போது, காலையில் பாரியாளுக்கு டீ போட தண்ணீர் கொதிக்க வைக்கும் வேளையில் ஒரு கதை ; ரைஸ் குக்கரில் சோறு பொங்குவதை மேற்பார்வை செய்யும் தருணங்களில் இன்னொரு கதை ; சீக்கிரமாய் துணி காயப்போட்டு முடித்து விட்டால், மொட்டை மாடியில் வைத்தே இன்னொரு கதை என்று முடித்து விடலாம் தான் !! Intense ஆன நெடுந்தொடர்களை இனி கணிசமான யோசனைகளுக்குப் பின்னேயே கையில் எடுத்திட வேண்டும் என்பது புரிகிறது ! And ஜவ்வுமிட்டாய்ப் பார்ட்டிகளுக்கு கல்தா தந்து விட்டு, crisp ஆக ரெடி செய்துள்ள நடப்பாண்டின் கமர்ஷியல் அட்டவணையினை எண்ணி நிம்மதிப் பெருமூச்சு விட்டுக் கொள்கிறேன் ! Going ahead, இனி முழுக்க முழுக்கவே entertainers-க்கு மட்டுமே நம் மத்தியில் இடமிருக்கும் என்பது புரிகிறது ! 

இங்கேயொரு கேள்வி guys : "இரத்தப் படலம்" போலான நெடும் தொடரினை 1986-ல் துவங்கி God knows when வரையிலும் நாம் அத்தியாயம் அத்தியாயமாகவே வாசித்து வந்திருக்கிறோம் ! So இனி வரும் நாட்களில் "தொகுப்புகளாய் வாசிப்போம்" என்ற கொடியினை கிட்டங்கிக்குள் கிடத்தி வைத்து விட்டு, "நிதானமாய் வாசிப்போம்" என்ற கொடியினைக் கையில் எடுத்தால் என்ன ? ஜேசன் ப்ரைஸ் ஆல்பங்களை அடுத்தடுத்த 3 மாதங்களில் வெளியிட்டது போல, இனிமேல் கண்ணில்படக்கூடிய 3 பாக / 5 பாக ஆல்பங்களை மாதாந்திரத் தவணைகளில் முயற்சிப்பது பற்றிய உங்களது அபிப்பிராயம்ஸ் ப்ளீஸ் ? End of the day - வாங்கும் இதழ்களை நீங்கள் வாசித்திட வேண்டும் என்பதே நமது ஒரே அவா ; so அதற்கு உதவிடக்கூடிய எதுவாயினும் worth some thought ! யோசியுங்களேன் நண்பர்ஸ் ? 

Of course - வாசிப்புக்கென இன்னமும் நேரமும், பொறுமையும் கொண்டுள்ள நண்பர்களும் இங்கு கணிசம் என்பதை மறுக்கவே மாட்டேன் ! அவர்களின் உத்வேகங்களே நம்மை நகர்த்தி வரும் தூண்டுகோல்கள் என்பது யதார்த்தம் ! But sadly அவர்களது எண்ணிக்கை குறைச்சல் என்பதுமே யதார்த்தம் ! இங்கு தான் புதிய தலைமுறையினை ; குட்டீஸ் தலைமுறையினை நமது 'பொம்ம புக்' அரங்கிற்குள் நுழைத்திடும் அவசியங்கள் முன்னெப்போதையும் விட ஸ்பஷ்டமாய் மிளிர்கின்றன !! அவர்கள் நம்மைவிடவும் இப்போதெல்லாம் சூப்பர் பிசி என்பது தெரிந்த சமாச்சாரம் தான் ; ஆனால் குட்டிக்கரணம் அடித்தேனும் அவர்களை நமது பொம்ம புக் உலகிற்குள் நுழைக்க முயற்சிப்பது order of the day என்பேன் ! 

'ஏன்டாப்பா டேய்...நீ போடற கதையைப் படிச்சி எனக்கே அப்பப்போ தலைமாட்டிலே சாவிக்கொத்தையும், பூரிக்கட்டையையும், விளக்குமாத்தையும் வைச்சுக்க வேண்டி போகுது ; இந்த அழகிலே புள்ளீங்களை இதனுள்ளாற கூட்டியாறதா ? விளங்குனாப்டி தான் !' என்ற மைண்ட்வாய்ஸா ? No worries guys ! பசங்களை நம் உலகினுள் அழைத்து வருவதன் முதற்படியாய் நாமே ஏன் அவர்களின் உலகுக்குள் நுழைந்து பார்க்கக்கூடாது ? 'இவன் ரொம்ப குழப்புறானே ?!' என்ற கவுண்டர் மைண்ட்வாய்ஸ் கூட கேட்கிறது இங்கே ! நான் சொல்ல வருவது சிம்பிள் !! உலகெங்கும் குட்டீஸ்களுக்கென ஒரு செட் கதைகள் புழக்கத்தில் உண்டு தானே - அலாவுதீனும் பூதமும் ; அலிபாபாவும் 40 திருடர்களும் ; ஜாக் & தி பீன்ஸ்டாக் ; சிண்ட்ரெல்லா இத்யாதி, இத்யாதி  என்று ! அவற்றையே நம் குட்டீஸ்களுக்கு காமிக்ஸ் வடிவில் தந்தாலென்ன ? 

To cut a long story short, சென்றாண்டின் ஒரு பொழுதினில் இது சார்ந்த ஒரு அலசலுக்குள் ஜூனியர் எடிட்டரும், நானும் புகுந்திருந்தோம் ! And அதன் பலனாய் நமது படைப்பாளிகளிடமே இந்த classic fairy tales - காமிக்ஸ் வடிவங்களில் இருப்பதைக் கண்டறிந்தோம் ! அவர்கள் உருவாக்கியிருந்த ஆல்பங்கள் கீழ்க்கண்ட template-ல் இருந்தன :

  • 30 பக்கங்களுக்கு காமிக்ஸில் கதை சொல்லும் முயற்சி !
  • 10 பக்கங்களுக்கு அதே கதையினை சுலப நடையில், வரிகளில்  சொல்லும் முயற்சி !
  • 8 பக்கங்களில் அந்தக் கதையின் ராஜ, ராணி, மந்திரி, ஆனை, வாத்து, கரடி, குரங்கு - என சகலத்தையும் சுலபமாய் வரைந்திடும் பயிற்சிப் படலம் !

So 48 பக்கங்களில் நம் குழந்தைகளுக்குத் அழகானதொரு கதையினை வெவ்வேறு வடிவங்களில் சொல்வது மட்டுமன்றி, அவற்றை வரைந்து பார்க்கும் ஆர்வங்களையும் இந்த ஆல்பங்களில் நிறைத்திருப்பதாய் எனக்குப் பட்டது ! என்ன ஒரு சிக்கல் - காமிக்ஸ் பக்கங்களில், முழுக்க முழக்கவே அந்நாட்களில் சார்லி சாப்ளின் திரைப்படங்களை போல silent பாணியிலேயே கதைகளை நகர்த்தியிருந்தனர் - சுத்தமாய் டயலாக் இல்லாமல் ! கொஞ்சமேனும் வாசிக்க வரிகளின்றிப் போனால் சுகப்படாதே ? என்று நெருடிட, படைப்பாளிகளிடமே கேட்டேன் - "இதில் கதையை நகற்றும் பாணியில் வரிகளை நாங்கள் சேர்த்துக் கொள்ளலாமா ?" என்று ! சிறிது சிந்தனைக்குப் பின்பாய் ஒரேயொரு மாதிரிப் பக்கத்தை ரெடி பண்ணிக் காட்டச் சொல்லி அவர்களும் கோரிட, அடிச்சுப் பிடித்து அனுப்பி வைத்தேன் ! படைப்பாளிகளும் ஓ.கே. சொல்லிட, நமது லயன் லைப்ரரி வரிசையினில் மெய்யான குட்டீஸ் ஐட்டத்தை நுழைத்திடும் திட்டம் ஊர்ஜிதம் கண்டது !  இது 'உலகத் தொலைக்காட்சிகளில் முதன்முறையாக' சமாச்சாரமெல்லாம் கிடையாதென்பது உறுதி ; அமர் சித்ர கதா / டிங்கிள் / பூம்பட்டா போன்ற இதழ்களெல்லாம் இதற்கு அண்ணனான உருவாக்கங்களை நமக்குக் காட்டியுள்ளனர் என்பதை நன்றாகவே அறிவேன் தான் ! ஆனால் இந்த ஒரே புக்கில் காமிக்ஸ்-சிறுகதை-சித்திரம் என்ற concept கொஞ்சம் புதுசு என்பதோடு,  வீட்டிலிருந்தபடிக்கே ஆன்லைன் க்ளாஸ்களில் கரணமடிக்கும் வாண்டுகளுக்கு கொஞ்சமேனும் பொழுதுகளைப் போக்க இந்த 3-in-1 உதவிடக்கூடும் என்று நினைத்தேன் ! 

இந்த முயற்சி வெற்றி காணுமா ? சொதப்புமா ? என்றெல்லாம் நான் பெரிதாய் மண்டையைப் பிய்த்துக் கொள்ளவில்லை என்பதற்குக் காரணங்கள் 2 உண்டு ! பிய்க்கும் அளவுக்கு அங்கே எதுவும் கிடையாதென்ற obvious முதல் காரணத்தைத் தாண்டி, இந்த 50 ஆண்டுப் பயணத்தினில், நமது ஜூனியர்களுக்கானதொரு exclusive சமாச்சாரமாய் நாம் எதையும் செய்திருக்கவில்லை என்ற உறுத்தல் தான் காரணம் # 2 ! மிஞ்சிப் போனால் ஒரு புக்கின் filler pages-களில் இடம்பிடித்திருக்கக்கூடிய கபிஷோ ; விச்சு-கிச்சுவோ ; சமீபத்தைய எலியப்பாவோ குட்டீஸ்களின் கவனங்களை ஈர்த்திருக்கலாம் தான் ! இன்னும் ஒரு படி மேலே போனால், ரின்டின் கேன் ; லக்கி லூக் போன்ற ஆல்பங்கள் புரட்டிப் படம் பார்க்கும் அளவுக்காவது ஒரு ஈர்ப்பை ஏற்படுத்தியிருக்கலாம் ! ஆனால் - "அவர்களுக்கே அவர்களுக்கானது" என்று சொல்லும் விதமாய் (நம்மிடம்) எதுவும் இல்லை என்பது தானே நடைமுறை ?! So முயற்சித்துத் தான் பார்ப்போமே - இந்தத் தடமானது நமது ஜூனியர்களின் முகங்களில் பல்ப் எரியச் செய்கின்றதா ? அல்லது எனது சொட்டை மண்டைக்கொரு பல்ப் வாங்கித் தருகிறதா என்று ?! 

This is how it will pan out....

  1. CINDERELLA (சிண்ட்ரெல்லா)
  2. JACK & THE BEANSTALK (பீன்ஸ் கொடியில் ஜாக் ! )
  3. SNOW WHITE (பனித்துளி இளவரசி)
  4. THE UGLY DUCKLING (எல்லாம் அழகே)

ஆகிய 4 க்ளாஸிக் கதைகள் April'22 முதல் சீரான இடைவெளிகளில் வெளிவந்திடும் ! 

**நமது ரெகுலர் (லக்கி லூக்) சைசில் .. 
**48 வண்ணப் பக்கங்களுடன் ..  
**ரூ.100 விலையில் ..

ஒவ்வொரு இதழும் இருந்திடும் ! 

And இந்த இதழ்கள் நமது ரெகுலர் இதழ்களுடன் ஒரே பார்சலில் ஒரு போதும் பயணிக்காது !! So 4 இதழ்களுக்குமான shipping cost (தமிழகத்தினுள்) ஆக ரூ.25 x 4 = ரூ.100 என்று இருந்திடும் ! 

ரூ.500-க்கு உங்கள் வீட்டுக் குட்டீசின் பெயரில் சந்தா செலுத்திடும் பட்சத்தில், சந்தாக்கள் பதிவு செய்யப்படுவதே அவர்களின் பெயர்களில் தானிருக்கும் & பார்சல்கள் அவர்களது பெயர்களுக்கே அனுப்பிவைக்கப்படும் !  So இனி வீட்டுக்குள் நுழையும் போது உரக்கவோ, கிசுகிசுப்பாகவோ - 'எனக்கு காமிக்ஸ் பார்சல் வந்துச்சா ?' என்ற குரல் கொடுப்பது நீங்கள் ஒருவராக மட்டுமே  இருந்திடக் கூடாதென்பதற்கே இந்த ஏற்பாடு ! 

And ஒவ்வொரு புக்கின்  முதல் பக்கத்திலும்  - "இந்த புக் Master / Ms.__________ன்   பொக்கிஷம் !" என்று அச்சிடப்பட்டிருக்கும் !  கெத்தாக அவர்களது பெயர்களை அதற்குள் கிறுக்கி வைத்துக் கொண்டு பத்திரப்படுத்திக் கொள்ளட்டுமே ? 

அப்புறம் இரண்டோ,மூன்றோ வாரங்களுக்கு முன்பாய், "குட்டீஸ்களுக்கொரு  ஏற்பாடு & அது குறித்து உங்களின் ஒத்தாசைகள் எனக்கு அவசியமாகிடும்" என்று நான் குறிப்பிட்டிருந்தது நினைவிருக்கலாம் ; நான் உங்களிடம் கோரிடப் போகும் ஒத்தாசைகள் மூன்று விதங்களிலானவை :
  1. உங்கள் இல்லங்களில் இவற்றை வாசிக்கக்கூடிய வயதுகளில் சுட்டிகள் இருக்கும் பட்சத்தில் - சந்தா ப்ளீஸ் !
  2. இந்த இதழ்கள் வெளிவரும் மாதங்களில் மட்டுமாவது, பிள்ளைகளுக்கு அவற்றை வாசித்துக் காட்டிடவும், கதை சொல்லிடவும், படம் வரைந்து காட்டி குஷிப்படுத்திடவும் அவசியம் அவகாசம் ஒதுக்கிக் கொள்ள வேண்டுமென்பது எனது request # 2 !
  3. பள்ளிகளுக்கு வழங்கிட ; உங்கள் நட்பு வட்டத்தினுள் / சுற்றத்தாரின் மத்தியில் அன்பளிப்பு தந்திட இவை உதவிடக்கூடும் ! So maybe worth a thought please ?
Last but not the least - ஒவ்வொரு புக்கின் பின்பகுதியிலும் இடம்பிடித்திடவுள்ள சிறுகதையினை தமிழில் எழுதி அனுப்பிட உங்கள் முன்னே கோரிக்கை # 4 வைக்கின்றேன் !! காமிக்ஸ் ஆக்கத்தினை நான் பார்த்துக் கொள்கிறேன் guys ; சிறுகதை வடிவத்தில் தொடர்ந்திட வேண்டிய வரிகளை சிம்பிளான, அழகான தமிழில் எழுதி அனுப்பிடுங்களேன் - ப்ளீஸ் ? The best ஆகத் தேர்வாவதை அந்தந்த புக்கினில் பயன்படுத்திக் கொள்வோம் ! 

முதல் இதழாக வரவிருப்பது சிண்ட்ரெல்லா ! உலகத்துக்கே தெரிந்த இந்தக் கதையினை நம் வீட்டுப் பிள்ளைகள் ரசிக்கும் பாணியில் அழகாய் தமிழில் எழுதி அனுப்பிடுங்களேன் ? 










So "கதை சொல்லும் காமிக்ஸ்" என்ற இந்த குட்டீஸ்களுக்கான தொடருக்கு நமது ஆன்லைன் புத்தக விழாவிலிருந்து சந்தா சேகரிப்பினைத் துவங்கிடவுள்ளோம் ! தொடரவுள்ள 4 நாட்களில் (13 ; 14 ; 15 & 17 ஜனவரி) உங்களுக்கான புக்ஸ்களை ஆர்டர் செய்திடும் போது இவற்றிற்கும் சேர்த்து ஏற்பாடு செய்திட முயற்சியுங்களேன் - ப்ளீஸ் ! 

இவை  நமது  மாமூலான outlet-களில் எத்தனை தூரத்துக்கு விற்பனை காணும் என்பதோ ; முகவர்களில் எத்தனை பேர் வாங்குவர் என்பதோ சத்தியமாய்த் தெரியாத சமாச்சாரங்களே ! So சத்தமின்றி இது ஜெயிக்கவும் கூடும் ; பிரமாதமாய் சொதப்பவும் கூடும் ! வெற்றியோ, தோல்வியோ, we gave it a decent try என்ற திருப்தி இதனிலிருந்து எடுத்துச் செல்ல இயலுமென்ற நம்பிக்கை எனக்குள்ளது ! Fingers crossed !

And now, here you go with details for the Online Book Fair folks !
  • சமீபத்தைய டெக்ஸ் ஆல்பங்களில் எல்லாமே ஸ்டாக் நஹி என்பதில் ரகசியங்கள் கிடையாது ! கொரோனா கொடுமைகளுக்குப் பயந்து நாம் பிரிண்ட்ரன்னைக் குறைத்திருந்தது ஒரு காரணமெனில், ஊருக்கே தெரிந்த காரணம் # 2 ! So 8 டைட்டில்களில் ஒரு சிறிய அளவு மறுக்கா ரெடி பண்ணியுள்ளோம் ! 
  • அப்புறம் 10 ஆண்டுகளுக்கு முன்னே LION NEW LOOK ஸ்பெஷல் இதழின் 2 கதைகளுள் ஒன்றான "வானவில்லைத் தேடி !" (லக்கி லூக்)- ஒரு சிங்கிள் ஆல்பமாய் ; ஒரிஜினல் அட்டைப்படத்துடன் வருகிறது !
  • And of course - TEX க்ளாசிக்ஸ் 1 - பழிக்குப் பழி - முழுவண்ணத்தில் ; ஹார்டுகவரில் ; ஏகப்பட்ட அட்டைப்பட நகாசு வேலைகளுடன் தக தகத்திடவுள்ளது !
  • அப்புறம் எல்லா கொள்முதல்களுக்குமே மாயாவி போஸ்டர் நமது அன்புடன் !
  • அது மாத்திரமன்றி, கடைசி நிமிடத்தில் போனெல்லியில் சம்மதம் வாங்கியாச்சு இன்னொரு 'தல' போஸ்டருக்கு ! So இந்த பொங்கல் புத்தக விழாவின் எல்லா கொள்முதல்களுக்குமே ஒரு TEX போஸ்டரும் நமது அன்புடன் !
And தினசரி ஊக்கங்களாய் -

*கூடுதலான தொகைக்கு ஆர்டர் செய்திடும் நண்பருக்கு - "இரத்தப் படலம்" Black & White தொகுப்பு பரிசாகிடும் ! 

*கூடுதலான எண்ணிக்கை புக்ஸ் வாங்கிடும் நண்பருக்கு (சமீபத்தைய) கலரிலான "கழுகுமலைக் கோட்டை" பரிசாகிடும் !

ஒவ்வொரு தினத்தின் வெற்றியாளர் அன்றிரவு இங்கே அறிவிக்கப்படுவார் ! And as usual - கூடுதல் டிஸ்கவுண்ட் கொண்ட இதழ்கள் ; CINEBOOK ஆங்கில இதழ்களுக்கு டிஸ்கவுண்ட் ; ரூ.1200-க்குக் கூடுதலான கொள்முதல்களுக்கு தமிழகத்தினுள் கூரியர் கட்டணம் தள்ளுபடி - என்ற சலுகைகள் உண்டு ! 



PLEASE NOTE : ஜனவரி 16 - ஞாயிறன்று ஊரடங்கு என்பதால் நாமும் பூட்டியே இருப்போம். அதற்குப் பதிலாய் மறுதினம் (17 - திங்கள்) we will be around !

And here's the STOCK LIST :





ஷப்பா....ரெம்ப நேரமாய் கொத்தவால் சாவடியில் கூவிக் கொண்டேயிருக்கும் பீலிங்கு எழுவதால் நடையைக் கட்டுகிறேன் folks ! 

And அந்த LIVE QUIZ மேட்டர் பற்றி !!

சனிக்கிழமை மாலை 6 to 6-30-க்கு ஓ.கே.வாகிடுமா உங்களுக்கு ? And if yes - எத்தனை பேருக்குக் கலந்து கொள்ள தோதுப்படும் ? 

கொஞ்சமாச்சும் நண்பர்கள் தேறிடாத பட்சத்தில் தனியாய் டீ ஆத்துவது செம மொக்கையாக இருக்கும் ! So சொல்லுங்களேன் guys - உங்களின் சனி மாலை அட்டவணை இன்னான்னு ? அவ்விதம் அரங்கேறுவதாக இருப்பின் - QUIZ இருந்திடவுள்ளது - சிஸ்கோவின் "சத்தமாயொரு மௌனம்" & "என் பெயர் டேங்கோ" விலிருந்தே ! நீங்க ரெடியாகிறதை பொறுத்தே நானும் கேள்வி கேட்க ரெடியாகணும் ; becos அவற்றை எழுதிய நாட்களெல்லாம் ஏதோவொரு தூரத்து தினத்தில் என்பதாகப் புதையுண்டு கிடக்கின்றன மண்டைக்குள் ! 

Bye all ; see you around !!  அனைவருக்கும் முன்கூட்டிய பொங்கல் நல்வாழ்த்துக்கள் !! பொங்கலும், புதுக் கரும்புகளும், மட்டில்லா மகிழ்வுகளும் இல்லமெங்கும் இனிக்கட்டும் !

Saturday, January 08, 2022

திக்கெட்டும் பொம்ம புக்குகள் !!

 நண்பர்களே,

வணக்கம். ஏதோ ஒரு யுகத்தில் பள்ளிக்கூடம் படித்த நாட்கள்...! ஆறாப்போ..ஏழாப்போ என்று நினைக்கிறேன் ! 'ஸ்கூலிலிருந்து ஒரு நாள் excursion ஆக திருச்சிக்கு கூட்டிப் போறோம்' என்று சொன்னார்கள் ! "அதிகாலை நாலரைக்குலாம் கிளம்பணும் ; so அல்லாரும் நைட்டே ஸ்கூலுக்கு வந்து தங்கிடணும் ; இங்கேயே குளிச்சி கிளம்பிடலாம்னு" உத்தரவுகள் ! சும்மா ராத்திரி எட்டரைக்கே அவனவன் வாயெல்லாம் பல்லாய் வந்து சேர்ந்து, நைட்டு படுக்க கிளாஸ்ரூமில் இடம் ஒதுக்கி, 'தூங்குறேன் பேர்வழி' என்று ரெண்டு மணி வரைக்கும் கெக்கே பிக்கே என்ற அரட்டையடித்துக் கொண்டிருந்துவிட்டு அப்பாலிக்கா 4 மணிக்கு எழுந்து, நடுக்கும் குளிர்நீரில் குளிச்சுக் கிளம்பியதெல்லாம் அந்நாளின் நினைவுகள் ! 'ச்சே...டூருக்கான பில்டப்பே இம்புட்டு ஜாலின்னா - டூர் ஜாலிலோ ஜிம்கானா  தான் ! பஸ்ஸிலே வழி நெடுக கலக்கிட்டே போகணும் !' என்றபடிக்கே பஸ்ஸிலே ஏறி உட்கார்ந்தது மட்டும் தான் ஞாபகம் ! வாந்தியெடுக்க அவனவன் எழுந்த நேரம் நீங்கலாய், மீத நேரம் முழுக்க ஆளாளுக்கு பிசாசாய் உறங்கி வழிந்து, திருச்சி போய்ச் சேர்ந்த போது ஆரம்பகால 'தலைவர்' மண்டையோடு அத்தினி பேரும் பரட்டைகளாய் (நானுந்தேன் ; நானுந்தேன் !!) இறங்கினோம் ! "இது தான் புள்ளீங்களா கல்லணை !! யாரு இத கட்டுனதுன்னு சொல்லுங்க பாக்கலாம் ?" என்று தமிழ் மிஸ் ஆர்வமாய்க் கேட்க, அவனவன் கோடுவாய் வழிந்த வதனங்களைத் துடைத்துக் கொண்டே கொட்டாவி கிழிய மலங்க மலங்க முழித்து நின்றோம் ! அப்புறமாய் மலைக்கோட்டை ; காவேரியாற்றுப் பாலம் - என்று ஏதேதோ இடங்களுக்குச் சுற்றிப் பார்க்கக் கூட்டிப் போனப்போவும் எங்களது ரியாக்ஷன்ஸ் ஒன்று போல் 'பே' என்றே இருந்தன ! 'இம்புட்டு தானாக்கும் ? நாங்க தான் வைகை டேம்லாம் பாத்திருக்கோமில்லே ? மதுரையிலேயே ஆத்துப் பாலம்லாம் பாத்திருக்கோமேலே ?' - என்றபடிக்கே ரிட்டன் பயணத்து வாந்திகளுக்கும், குறட்டைகளுக்கும் தயாராகிக் கொண்டே பஸ்ஸில் குந்தினோம் ! மதுரையில் ஆரிய பவனில் 'ஆளுக்கொரு பூரி மட்டும்' என்ற தெளிவான instructions சகிதம் இறங்கிச் சாப்பிட்டுவிட்டு, ராத்திரி 9 மணிக்கு ஸ்கூலுக்குத் திரும்பிய பஸ்ஸிலிருந்து இறங்கிய வேளையில் எங்களது உற்சாகங்கள் மறுக்கா உதயமாகி ஒட்டிக்கொண்டிருந்தன !!காத்திருந்த பெற்றோர்களிடம் "சும்மா டூர் பிரிச்சி மேய்ஞ்சுடுச்சி ; செம ஜாலி !!" என்று பீலா விட்டபடிக்கே அவரவர் வீடுகளுக்குத் திரும்பினோம் ! மறு நாள் ஸ்கூலுக்குத் திரும்பிய போதுமே அத்தினி பயல்களின் முகங்களிலும், கல்வெட்டுக்களில் இடம்பிடிக்கவுள்ள "ஊம் சொல்றியா மாமா ?"வை விடிய விடிய பார்த்தும்,கேட்டும் ரசித்த நம்மாட்களின் பிரகாசம் போலான மகிழ்ச்சி தெறித்துக் கொண்டிருந்தது ! நைட் அடித்த அரட்டைக் கச்சேரி ; சொன்ன மொக்கை ஜோக்குகள் - என ஒவ்வொன்றையும் நினைவு கூர்ந்து கொண்டு ஆளாளுக்கு மிதந்து கொண்டிருந்தோம் ! 

"Cut ..cut ...cut ....!!! இந்த வரலாற்று நிகழ்வின் விவரிப்பு இப்போ எதுக்குடா டோமர் மண்டையா ?" என்கிறீர்களா ? 'இருக்கே....நமக்கும் இந்த நிகழ்வுக்கும் சம்பந்தம் இருக்கே !! 

அப்டியே "திருச்சி டூர் ; ஸ்கூல் டூர்' எனும் இடத்தில் - நமது மாதாந்திர இதழ்கள் ; அதுவும் ஏதேனும் ஸ்பெஷல் இதழ்கள் வெளியாகும் வேளையினைப் பொருத்திக் கொள்ளுங்களேன் ! அப்புறமேட்டு அந்த மீசை அரும்பும் விடலைகளின் இடத்தில, பால் மணம் மாறாத பச்சிளம் பாலகர்களான உங்களைப் பொருத்திக் கொள்ளுங்கோ ! Then டூருக்கு முந்தின இரவின் கூத்துக்கள் ; கச்சேரிகள் - என்ற இடத்தில நம்ம வலைத்தள ஜாலிக்கள் ; FB / வாட்சப் க்ரூப் கும்மிகளை  நுழைச்சுக்கோங்கோ ப்ளீச் ! Later on - டூரின் ஆரம்பம் ; கல்லணை ; உச்சிப் பிள்ளையார் கோயில் போன்ற ஸ்தலங்களின் ஸ்பரிசங்களின் இடங்களில் - புக்குகளை ஆரவாரமாய் டப்பிக்களிலிருந்து உடைத்தெடுத்து , தடவித் தடவிப் பார்த்து விட்டு, குப்பறடிக்கா படுத்துத் தூங்குவதோடு ஜாயிண்ட் பண்ணிக்கோங்களேன் ! And lastly - பஸ் ஸ்கூலுக்குத் திரும்புறச்சே மீண்டும் துளிர்விட்ட அந்த உற்சாகங்களின் இடங்களில், ஒவ்வொரு மாதத்தின் மூன்றாம் வாரம் முதலாய் நம் மத்தியில் குடி கொள்ளும் அந்த மறுமாத புக்ஸ் சார்ந்த உற்சாகங்களை / எதிர்பார்ப்புகளை நுழைத்துக்கோங்கோ !! இப்போ சொல்லுங்களேன் - அடியேனின் அந்த டூர் நிகழ்வு சார்ந்த நினைவுகூரல் இங்கே பொருந்துகின்றதா - இல்லையா என்று ? இலக்கின் சுவாரஸ்யங்களை விடவும், அது நோக்கிய பயணத்தின் சுகங்கள் பிரதானப்பட்டு நிற்பதை சித்தரிப்பதன் லாஜிக் ஓ.கே. தானுங்களே ? 

Lone Ranger போல நமது கவிஞர் மட்டும் 'FFS ஆடலும், பாடலும்' நடத்திக் கொண்டிருக்க, நாமெல்லாம் 'புஷ்பா' பட வசூல் பற்றியும், ராஷ்மிகாவின் ஸ்டெப்ஸ் பற்றியுமான ஆழ்ந்த ஆராய்வுகளில் பிஸியாகியிருப்பது கண்கூடு ! And ஜனவரியின் வாசிப்புக்கான சுமார் 680+ பக்கங்களில், முதல் நூறைத் தாண்டியிருக்கக்கூடிய நண்பர்களின் எண்ணிக்கையினை மார்கழி மாதத்தில் பச்சைத் தண்ணீரில் குளிப்போரின் எண்ணிக்கையோடு ஒப்பிட்டு விடலாம் என்பதே எனது யூகம் ! Of course, சூட்டோடு சூடாய் வாசித்து, அலசவும் செய்திடும் நண்பர்கள் இதற்கொரு விதிவிலக்கே ; but அவர்களது எண்ணிக்கையானது - 'மஞ்சக் கொடிய பிடிச்சிக்கிட்டு ஆரவாரமா கிளம்புற அளவுக்கு' நஹி என்பதில் ஏது ரகசியம் ?  ஓட்டமே வாழ்க்கை என்றாகி விட்டுள்ள இன்றைய நாட்களில், மாஸ்க்கையும் மாட்டிக் கொண்டே சதா காலமும் கொரோனா பயங்களோடும், வண்டியை ஓட்ட வேண்டிய இந்நாட்களில் - இதனில் வியப்பே இல்லை தான் ! ஆனால் 'தல' டெக்ஸ்  போன்ற கமர்ஷியல் அசுரர்களின் பலம் இது போலான தருணங்களில் தான் உறைக்கின்றன ! 'இன்னான்றீங்க.....? இப்போ படிக்கப் போறீங்களா-இல்லியா ?' என்ற கேள்வியினை தோரணையாய்க் கேட்க மஞ்சச் சட்டைக்காரர்களுக்கு மட்டும் தானே இப்போதெல்லாம் சாத்தியப்படுகிறது ? So காத்திருக்கும் லாக்டௌன் ஞாயிறிலும், தொடரவுள்ள பொங்கல் விடுமுறைகளின் போதும், ஆல்பாக்களோடும் ; சிஸ்கோக்களுடனும் ; டேங்கோக்களுடனும் அன்னம் தண்ணீர் புழங்க முயற்சிப்பீர்களென்ற நம்பிக்கையில், இம்மாதத்தின் இதர இதழ்கள் சார்ந்த பணிகளுக்குள் டைவ் அடித்துக் கொண்டிருக்கிறேன் ! 

சென்னை புத்தக விழா அறிவிப்பினைத் தொடர்ந்து, டெக்சின் "பழிக்குப் பழி" தவிர்த்து இரு (புது) இதழ்களையும் வேக வேகமாய்த் திட்டமிட்டிருந்தேன் ! ஆனால் அரசின் வழிகாட்டுதலின்படி சென்னை விழா ஒத்தி வைக்கப்பட, மொட்டைமாடி ஆன்லைன் புத்தக விழாவென்ற தீர்மானத்துடன், புது இதழ் திட்டமிடலை  இரண்டிலிருந்து ஒன்றாக்கிடத் தீர்மானித்தேன் ! But FFS எனும் சமுத்திரத்தையே இன்னமும் நீங்கள் தாண்டிட ஏகமாய் நேரம் பிடிக்கும் எனும் போது, மேற்கொண்டும் வாசிப்புக்கென (புதுசாய்ப்) பளுவினை ஏற்றிட வேண்டாமென்ற எண்ணமே தலைதூக்கியது ! So பழிக்குப் பழி + இன்னும் கொஞ்சம் reprints + சின்னச்சின்ன surprises என்று ஆன்லைன் விழா அரங்கேறிடும் ! And 'தல' வண்ணத்தில் மினுமினுப்பதை நாளெல்லாம் பார்த்துக் கொண்டிருக்கலாம் போலும் ! நேற்றிரவு அச்சு முடிந்திருக்க, வைத்த கண் எடுக்காமல் பார்த்துக் கொண்டேயிருந்தேன் கொஞ்ச நேரத்துக்கு ! Phew ..பட்ஜெட் மட்டும் ஒத்துழைத்து இரவுக் கழுகாரை ரெகுலராய் வண்ணத்தில் தரிசிக்க மட்டும் வாய்ப்பிருப்பின் - ஹைய்யோஓஓஓ !! அப்புறம் இந்தச் சித்திரத்திலுள்ள ஆக்ஷன் சீன் நினைவுள்ளதா guys ? ரொம்ப காலத்துக்கு முன்னே நமது ஓவியர் போட்டுத் தந்த டிசைன் பயன்படவுள்ள காலம் விரைவில் புலரவுள்ளது ! 

அப்புறம் போன வாரத்துப் பதிவினில், அந்த செக்ஸ்டன் ப்ளேக் கதையில் பிழை கண்டு பிடிக்கும் உங்கள் முனைப்பு செம ஜாலியாய் இருந்தது ! Maybe உங்களுக்கு நேரமும், ஆர்வமும் இருக்கும் பட்சங்களில் பொங்கல் விடுமுறைகளின் போது ஒரு TANGO Quiz ; ஒரு SISCO க்விஸ் என்று ஏதாச்சும் Live-வாக நடத்திடலாம் ! This is how it can work :

  • ஒரு Zoom மீட்டுக்கான நாளையும், நேரத்தையும் ; பங்கேற்க ஆர்வமுள்ள நண்பர்களின் பட்டியலையும் ரெடி செய்தால் -அந்நேரத்துக்கு,  இந்த ஆல்பங்களிலிருந்தான கேள்விகளுடன் ஞான் ஆஜராகும் ! 
  • நிங்களும் புக்ஸை எட்டிப் பார்த்து போங்காட்டம் ஆடாது, கிட்டக்க பாரியாளை அமரச் செய்து பதில்களைத் தேடித்தரச் சொல்லாது, Live-ல் கேள்விகளுக்குப் பதில் எழுதிடணும் ! 
  • அதற்கான நேரம் முடிஞ்சா பிற்பாடு, அவரவரது answer ஷீட்களை போட்டோ எடுத்து இதற்கென நான் தந்திடும் மொபைல் நம்பருக்கு வாட்சப்பில் உடனடியாய் அனுப்பிட வேணும் ! 
  • அவற்றை சரி பார்த்த கையோடு, ஜூனியர் எடிட்டர் மார்க் போட்டுத் தந்திடுவார் ! 
  • முழுசாய் score செய்திடும் நண்பர்களுக்கு ரூ.200 மதிப்பிலான points வழங்கப்படும் & அவற்றைக்  கொண்டு நமது ஆன்லைன் புத்தக விழாவின் போது நீங்கள் விரும்பிடும் எந்த புக்ஸ்களுக்கும் ஆர்டர் செய்து கொள்ளலாம் ! Say, ஐநூறு ரூபாய்களுக்கு புக்ஸ் தேர்வு செய்கிறீர்களென்று வைத்துக் கொண்டால், இந்த ரூ.200-க்கான points-களை கழித்துக் கொண்டு பாக்கிப் பணம் ரூ.300 மட்டும் நீங்கள் அனுப்பினால் போதுமானதாக இருக்கும் !  
  • புலவர் தருமியின் பரிந்துரைப்படி, 'எவ்வளவு பிழைகள் உள்ளனவோ - அதற்கேற்ப மார்க்குகளும், உங்களின் reward points-களும் குறைந்து கொண்டே செல்லும் - ரூ.150 ; ரூ.100 ; ரூ.50 என்று ! But there will still be rewards ! 
  • இந்த பாய்ண்ட்கள் - இந்தப் பொங்கல் ஆன்லைன் விழாவுக்கு மட்டுமே செல்லுபடியாகும் என்பதை சொல்லிப்புடுறேனுங்க ! 

So பொங்கல் விடுமுறைகளின் கரும்புகளுக்கும், OTT படங்களுக்கும் மத்தியினில் நேரம் கிட்டிடுமென்ற நம்பிக்கை உங்களுக்கு இருப்பின் - நமது கும்மிகளில் இதனை இம்முறை இணைத்துப் பார்ப்போமே ? ஆர்வம் + நேரம் கொண்டிருக்கக்கூடிய நண்பர்கள் இங்கே கைதூக்குங்களேன் ப்ளீஸ் ? The more, the merrier of course !!

And குடந்தை J சார்...குறைந்த பட்சத்துக்காவது நண்பர்கள் ஆர்வம் காட்டிட நேர்ந்தால், இதற்கான ஏற்பாட்டினை முன்னின்று பார்த்துக் கொள்ள முடியும்ங்களா ப்ளீஸ் ? 

Bye guys...பிப்ரவரியின் டெக்ஸ், பாதி நிறைவுற்றிருக்கும் நிலையினில், மீதத்தையும் முடித்திடக் கிளம்புகிறேன் ! புத்தாண்டு பிறந்து ஒற்றை வாரமே ஆகியுள்ளதெனும் போது - FFS அலசல்களைத் தொடர்ந்தால் சிறப்பு !! Give it some of your time folks ?! See you around ! 



Memes உபயம் : தம்பி பிரஷாந்த் கார்த்திக் !

Saturday, January 01, 2022

புத்தாண்டின் புளகாங்கிதம் !!

 நண்பர்களே,

வணக்கம். சனியிரவுகளின் அந்தப் பரிச்சயமான நமநமப்பு, எப்போதும் போல் விரல்களில் எடுத்திட, இதோ - இன்னொருக்கா அடியேன் ஆஜர் ! ஆனால் இம்முறையோ சும்மா, குட்டியானதொரு பதிவோடு !! In fact இதனைப் பதிவு என்பதை விடவும் "இன்றைய எங்களின் பொழுது - in pictures" எனலாம் !! 

பெரிதாய் book launch ; வாசக சந்திப்பு என்றெல்லாம் நடத்திட இம்முறை சாத்தியமாகிடாதென்பது ரொம்ப முன்னமே தெரிந்திருக்க,  low key ஆகவாவது இத்தருணத்தைக் கொண்டாடிட எண்ணினோம் ! And so இன்று காலை நமது ஆபீஸிற்கு கருணையானந்தன் அங்கிளையும், பாலசுப்ரமணியன் அண்ணாச்சியையும் வரவழைத்து, ஜூனியர் எடிட்டர் + தம்பி பிரகாஷ் + அவனது புதல்வன் சகிதம் சின்னதாயொரு கேக் வெட்டும் function + நம்மாட்கள் அனைவருக்கும் மதிய விருந்து என்று ஏற்பாடு செய்திருந்தேன் !! 2 நாட்களுக்கு முன்னமே கேக் ஒன்றினை முத்து லோகோவில் ஆர்டர் தந்து விட்டு, கேட்டரிங்கில் அசைவம் + சைவம் இரண்டுக்குமே ஆர்டர் செய்திருந்தேன் ! நண்பகலுக்கு அங்கிள் வந்து சேர, எனது அறையில் அமர்ந்து கொஞ்ச நேரம் கதைகளெல்லாம் பேசிவிட்டு, அப்புறமாய் நமது அலுவலக மாடிக்கு நகர்ந்தோம் ! சீனியர் எடிட்டர் முத்து காமிக்ஸ் 50 Not Out என்ற கேக்கை நம்மவர்களின் முன்னிலையில் வெட்டிட, அனைவரின் முகங்களிலும் செம பிரகாசம் !! தொடர்ந்த விருந்தில் நமது டீம் ; அச்சக ஊழியர்கள் என அனைவருமே உணவருந்திட, மனதுக்கு ரொம்பவே நிறைவாயிருந்தது !! நாளெல்லாம் நமக்காக உழைப்போரை இன்று ஒரு நாளாவது நம் விருந்தினர்களாய் நடத்திட முடிந்ததே என்ற சந்தோஷத்தோடு க்ளிக்கிய pictures இதோ !!









சூழல்கள் நார்மலாகிடும் ஒரு தூரத்து நாளில் உங்கள் முன்னிலையிலும் இதே நாளை மறுக்கா கொண்டாடிடுவோமா folks ? Bye for now !!

P.S: புறப்படும் முன்பாய் ஒரு quiz

செக்ஸ்டன் ப்ளேக் கதைக்குப் பேனா பிடித்தது அங்கிள் கருணையானந்தன் அவர்களே ! "அதனில் ஒரு மிஸ்டேக் செய்து விட்டேன்பா" என்று என்னிடம் சொல்லி விட்டு அதனைச் சுட்டிக் காட்டவும் செய்தார் - திகில் தீவு கதையிலிருந்து ! And அது எழுத்துப் பிழை சமாச்சாரம் அல்ல ! எங்கே, தைரியமாய் செக்ஸ்டனோடு பயணம் பண்ணி, அந்தப் பிழை என்னவென்பதைக் கண்டுபிடியுங்களேன் பார்ப்போம் - முதலாவதாய் அதனை spot செய்திடும் நண்பருக்கு லயன் லைப்ரரியின் முதல் 3 இதழ்களும் நமது அன்புடன் !!  Let's get cracking guys !!

இனியெல்லாம் ஜாலியே !!

 நண்பர்களே,

வணக்கம். 2021-ல் துவங்கி, 2022-ல் வெளிவந்திருக்கும் வரலாற்றுச் சிறப்புமிக்க (!!!) பதிவு இது ! இதுக்கு முன்பாய் புத்தாண்டு புலரும் பொழுதினில் பதிவு(கள்) போட்டுள்ளேனா - இல்லையா  என்பது ஞாபகமில்லை ; ஆனால் இன்றைய பதிவானது அந்தப் புண்ணியத்தைத் தேடிக் கொள்ளட்டுமே !!

FFS !! இரண்டு தினங்களாச்சு - இந்த 5 மாத உழைப்பின் பலன் உங்களை எட்டிப் பிடித்து ! And இதுவரையிலுமான initial reactions ரொம்பச் சொற்பமே என்றாலும், அனைத்தும் செம பாசிட்டிவ் என்பது மகிழ்வூட்டும் சமாச்சாரம் ! காத்துள்ள நாட்களில், கதைகளுக்குள் மெது மெதுவாய்ப் புகுந்திட உங்களுக்கு நேரம் கிடைக்க ஆரம்பித்த பிற்பாடு, அலசல்கள் வேகமெடுக்கும் என்றும், அந்நேரமுமே இதே போலான பாசிட்டிவ் அபிப்பிராயங்கள் நம்மைக் கரை சேர்க்கும் என்றும் நம்புவோமாக !! இந்த மெகா இதழ்(களின்) behind the scenes கதைகள், நிறையவே உண்டு தான் ; ஆனால் நிறையப் பேருக்கு இன்னமும் எலியப்பாவைத் தாண்டிடக் கூட  அவகாசமே கிட்டியிராதென்ற நிலையில், நான்பாட்டுக்கு வாயை அகலமாய்த்  திறந்து வைப்பது சுகப்படாது ! So இந்தப் பதிவினில் "Life after FFS" பற்றி மட்டும் பேசுவோமா ? என்று பார்த்தேன் ! 

ஒவ்வொரு பத்தாண்டுகளுக்குமே நம்மை நாமே reinvent செய்து கொள்வது அவசியமென்று நான் முன்னமே தீர்மானித்திருந்தது பற்றி ஏற்கனவே சொல்லியிருந்தது நினைவிருக்கலாம் ! And இந்த FFS-ன் இரு மெயின் புக்குகளுமே அந்தப் புதுத் தடம் நோக்கிய பயணங்களே ! டாக்டர்களுக்கும், கேசம் குறைந்த பதிப்பாளர்களுக்கும் பிரியத்துக்கு உகந்த அம்மணி மாத்திரமே புராதனங்களுக்கொரு அடையாளமாய் வரும் ஆண்டுகளில் தொடர்ந்திடுவார் ! (007 கூட  அடுத்தாண்டு முதலாய்  2.0 வண்ண அவதாரத்தில் தொடர்ந்திடுவார்) பாக்கிப் பேரெல்லாமே இயன்றமட்டிலும் இன்றைய யுகத்தோடு பொருந்திச் செல்ல முயற்சிப்போராய் இருப்பர் ; at least நமது பிரான்க்கோ-பெல்ஜியத் தேர்வுகளில் ! போன வாரத்தில் நான் அறிமுகம் செய்து வைத்த அந்த IR$ கூட, அது சார்ந்த முனைப்பே ! And லார்கோவின் புதியதொரு ஆல்பம் ரெடியாகி வரும் வேளையில் - இந்த "கௌபாய் அல்லாத சூப்பர் ஸ்டார்" நாயகரோடு கரம்கோர்க்கும் நமது முனைப்பு வேகமெடுத்திடும் !  Of course "மாற்றம்-முன்னேற்றம்" என்ற ஓட்டத்தில், நம்மை ஒரு தசாப்தமாய்த் தோளில் சுமந்து திரிந்த குதிரைப் பார்ட்டிகளை மறந்திட மாட்டோம் தான் ; LONESOME ; (புது) ட்யுராங்கோ ; டெட்வுட் டிக் ; 'தல' டெக்ஸ் ; அப்புறம் இன்னொரு புது மேற்கத்திய தொடர் என்று கௌபாய்க் காதல் தொடரவே செய்யும் தான் ! ஆனால் தேர்வுத் தராசின் முள்ளானது இந்த சமகாலத்தோருக்கு சாதகம் காட்டிட முனையும் ! அதிலும் "ஒற்றை நொடி...ஒன்பது தோட்டாக்கள்" ஆல்பத்தினுடனான பயணத்தை நிறைவு செய்திடும் வேளையில் நமக்கே இனி இந்த racy ஆக்ஷன் த்ரில்லர்கள் மீது மையல் கூடிடும் என்பேன் ! 

And இதுவரையிலுமான அலசல்களில் அடிக்கடி உருண்ட இன்னொரு பெயரானது "மிஸ்டர் எலியப்பா" தான் ! தன்னோட கஸினுக்கும் போன் போட்டு அழைக்க ரெடியாகும் இந்த யானைப் பார்ட்டி, இதழுக்கு 8 பக்கங்கள் வீதம், அடுத்த 6 மாதங்களுக்கு நம்மோடு டிராவல் செய்திடுவார் ! And அதற்குள் ஒபாமா ரேஞ்சுக்கு நம் மத்தியில் இவர் பிரசித்தம் கண்டால் நான் வியப்படைய மாட்டேன் ! So தவறாது இந்த ப்ளூ யானையை உங்கள் வீட்டு குட்டீஸ்களுக்கு அறிமுகம் செய்து வையுங்களேன் guys - ப்ளீஸ் ? அடுத்த தலைமுறையினை இந்த பொம்ம புக் லோகத்தினை நோக்கி சன்னம் சன்னமாய் நடை பயிலச் செய்திட இது போலான வாய்ப்புகளே பிரதானமானவை என்பதை நான் சொல்லவும் வேணுமா - என்ன ? காத்திருக்கும் பொழுதுகளில் குட்டீஸ்களின் ஓட்டுக்களை அறுவடை செய்திட இன்னொரு திட்டமிடலுமே இறுதி வடிவம் கண்டு வருகிறது ; அது நனவாகிடும் போது உங்கள் ஒவ்வொருவரின் ஒத்தாசைகளும்  எனக்கு அவசியமாகிடும் guys !! 

அப்புறம் சீனியரின் "அந்தியும் அழகே" தொடர் டாப் கியரில் துவங்கியுள்ளதில் குஷி எனக்கு ! And சீனியருக்கு குஷியோ-குஷியாக இருக்குமென்பது திண்ணம் ! 1986-ல் திகில் காமிக்ஸ் துவங்கிய நாட்களில் பேனா பிடிக்கும் ஆவலில் ஒரு பகுதியினை புனைப்பெயரில் எழுதிட சீனியர் முயன்றது எத்தனை பேருக்கு நினைவுள்ளதோ தெரியலை ; in fact அது சீனியருக்கே நினைவிருந்தால் வியப்பு தான் !  ஆனால் அந்த முனைப்பு ரொம்பச் சீக்கிரமே காற்றில் கரைந்து போயிட, நாமுமே "சிறு திகில் கதைகள்" என்ற தடத்திலிருந்து முழுநீளக் கதைகளுக்கு மாறியிருக்க, சீனியரின் எழுத்தாளக் கனவு காலாவதியாகி இருந்தது அன்றைக்கு ! இதோ - இன்றைக்கு ஒரு மறுவாய்ப்பு கிட்டியுள்ளது & இம்முறையோ நிறைய கோல புக்களிலும், பால் கணக்கு நோட்டுகளிலும் ஓரஞ்சாரங்களில் எழுதி டிரெய்னிங் எடுத்து தயாராக இருக்கிறார் ! உங்களின் உற்சாகங்கள் அவருக்கு உத்வேகங்களைத் தந்தால் அடுத்த 11 மாதங்களுக்கு என் சொற்பச் சிண்டு தப்பிக்கும் ! 

And ஏற்கனவே சொல்லியிருந்தது போல - வரும் ஞாயிறன்று ஆன்லைன் மீட்டிங் ஒன்றினை சீனியருடன் திட்டமிடலாம் !  ஆர்வமுள்ளோர் இங்கு கைதூக்குங்களேன் ப்ளீஸ் ; ஓரளவுக்கு ஜனம் தேறினால் we'll go ahead ! அல்லது - ஏதேனும் நேர்காணல் போல திட்டமிட்டால் சுவாரஸ்யமாக இருக்குமெனில் that's a possibility too ! சொல்லுங்களேன் guys - எது சுகப்படுமென்று ! ஒரேமட்டுக்கு பொங்கல் விடுமுறைகளில் ஏதேனுமொரு தினத்தில் திட்டமிட்டால் உங்களுக்கு வசதியாக இருக்குமெனில், that'd be fine too !! அந்நேரத்திற்குள் FFS  இதழ்களைப் படித்திருக்கவும் உங்களுக்கு வாய்ப்புகள் கிட்டியிருக்கலாமெனும் போது - அதனிலிருந்த சமாச்சாரங்கள் பற்றியும் கேள்விகள் எழுப்ப உங்களுக்கு சாத்தியமாகிடலாம் ! யோசித்துச் சொல்லுங்களேன் !

ரைட்டு....ஒரு மெகா இதழ் உங்கள் கைகளில் ; அப்புறம் சென்னைப் புத்தக விழாவானது அரசாங்க வழிகாட்டுதலின்படி தள்ளிப் போகிறது என்ற நிலையில், 29 நாட்களின் தொலைவினில் வேதாளரும், பிப்ரவரி மாதத்து இதழ்களும் தான் நமது அடுத்த இலக்காகி நிற்கின்றது ! இடையினில் லயன் லைப்ரரியின் இதழ் # 1 - நமது ஆன்லைன் புத்தக விழாவின் தினத்தன்று ரிலீசாகிடும் ! அது சார்ந்த பணிகள் ஏற்கனவே ஓவர் எனும் போது - எனக்கங்கே பெருசாய் நோவுகளில்லை ! கலரில் 'தல' ஜொலிப்பதை பராக்குப் பார்ப்பது மட்டுமே அங்கே எனது முனைப்பாக இருந்திடும் ! So சங்கை நெரிக்கும் pressure இன்றி, ஜாலியாய் பணியாற்றும் சில நாட்கள் கண்முன்னே தெரிகின்றன !! Fingers Crossed !!

And ZAGOR அறிமுக இதழின் கலர் டிஜிட்டல் கோப்புகளும் கொஞ்ச காலத்துக்கு முன்னமே வந்தாச்சு !! Phew .....கண்ணைக் கட்டும் தரத்தில் artwork & கலரிங் டாலடிக்கிறது ! இந்த நொடியில் எனது ஒரே கொயப்பமானது - இவருக்கு எப்போது ஸ்லாட் ஒதுக்குவது என்பதே !! 

  1. லயன் லைப்ரரி # 1 - TEX க்ளாசிக்ஸ் 1 
  2. லயன் லைப்ரரி # 2 - உயிரைத் தேடி..!
  3. லயன் லைப்ரரி # 3 - சுஸ்கி & விஸ்கி 

என்று ஏற்கனவே 3 துண்டுகள் விரிக்கப்பட்டுக் கிடக்கின்றன ! இவருக்கு நான்காவது துண்டை விரித்துப்புடலாமா ? What say folks ?

கிளம்பும் முன்பாய் ஒரு கோக்கு மாக்கான மேட்டர் பற்றி !! "கார லட்டு" பட்டியலில் இதனையும் இணைத்திட எண்ணியிருந்தேன் முதலில் ! ஆனால் கோப்புகளை வரவழைத்துப் பார்த்த பின்னே குதிங்கால் பிடரியிலடிக்க ஓட்டமெடுத்தேன் ! என்ன மேட்டர் என்கிறீர்களா ?

கௌபாய் கதைகளில் ஒரு வண்டியை நாம் பார்த்திருப்போம் ! அழகான அம்மணிகள் சலூன்களில் நர்த்தனம் ஆடிக்கொண்டிருப்பர் ; அல்லது ஈரோ சாருக்கு டாவாக இருப்பர் ; இல்லாங்காட்டி வில்லனுக்குத் தோழியாய் இருந்து விட்டு, இறுதியில் அவனுக்கே குழி பறித்து விட்டு மண்டையைப் போடும் அம்மையாராக வலம் வருவர் ! குளிக்காத நம்ம குதிரைப் பசங்களோ - சவரம் காணாத முகரைகளோடு சலூனில் சரக்கடித்து ; சலம்புவது ; சுட்டுக் கொண்டு செத்து செத்து விளையாடுவது ; அழகான அம்மணிகளை அடைய அழிச்சாட்டியம் செய்வது ; புதையலைத் தேடி அலைவது ; யாஹூ - என்றபடிக்கே செவ்விந்தியர்களை சாய்ப்பது என்ற மாமூலில் திரிவது வழக்கம் அல்லவா ? ரைட்டு...ஒரேயொருவாட்டி அப்படியே சகலத்தையும் உல்டாவாக்குங்களேன் : 

  • சலூனில் டான்ஸ் ஆடும் பொறுப்பை தடிப் பசங்களுக்கும் ;
  • சலூனில் சரக்கடித்து, கெட்ட கெட்ட வார்த்தைகளை பேசி ரவுசு விடும் வேலைகளை பெட்டைகளுக்கும் தந்து....
  • குளத்தில் ஜலக்கிரீடைகள் செய்யும் அழகை ஆம்பிளை பசங்களுக்குத் தந்து ;
  • அவர்களை சைட் விடும் லொள்ளை பெண்பிள்ளைகளுக்கும் தந்து ....
  • செவ்விந்தியர்களோடு மோதுவதையும் பெட்டைகளே செய்து...
  • சிறைபிடிக்கப்பட்ட ஆண்களை மீட்பதும் அவர்களாகவே இருந்து...

ஒரு கதை உருவாகினால் எவ்விதம் இருக்கும் ? இதோ - இதை போல :



 





வன்மேற்கின் கதை மாந்தர்களின் பாலினத்தை மட்டும் அப்படியே உல்டாவாக்கினால் எவ்விதமிருக்கும் என்பதை ஒரு பகடியாய் உருவாக்கியுள்ளனர் ! என்ன - அடல்ட்ஸ் ஒன்லி சமாச்சாரங்கள் மட்டும் தூக்கலாய் உள்ளன ! இல்லாங்காட்டி, இதனை கார லட்டு வரிசையில் சேர்த்திருக்கலாம் - ஜாலியாய் கெக்கலிக்கும் பொருட்டாவது ! But ரொம்பவே கிச்சாக்கோ...முச்சாக்கோ பாணி என்பதால் தடா போட வேண்டியதாகிறது ! எது எப்படியோ - கற்பனைகளின் எல்லைகளை நீட்டிக் கொண்டே போவார்கள் போலும் இந்தப் படைப்புலக அசுரர்கள் !! 

And by the way - "மகளிர் மட்டும்" என்றதொரு மெய்யான லட்டு கூட நமது ரேடாரில் உள்ளது ! இங்கே ஈரோ ; வில்லன் ; அல்லக்கை - என சகலமும் ஸ்கர்ட் போட்ட அம்மணிகளே ! இளவரசர்கள் போன்ற கூச்ச சுவாபிகள் நம் மத்தியினில் இருப்பதால் தான் இதனை லட்டு பிடிக்க தயங்குகிறேன் ! இல்லையேல் - பூந்தி லட்டு cum கார லட்டு வரிசையில் இதனை இணைத்திருக்கலாம் !! What say guys ? மகளிர் மட்டும் நமக்கு ஓ.கே. ஆகிடுமா ?

ரெம்போவே நாழியாகி விட்டதென்பதால் கிளம்புகிறேன் !! அனைவருக்கும் நமது உளமார்ந்த புத்தாண்டு நல்வாழ்த்துக்கள் ! இந்த ஆங்கிலப் புது வருஷம் சகல நலன்களையும் நமக்கு நல்கிட ஆண்டவனிடம் கரம் கூப்புவோம் ! Bye all ...see you around !!