துப்பறியலாம் வாங்க...!

 நண்பர்களே,

வணக்கம். அவசியங்கள் எழாத தருணங்களில் பதிவுகளை ஜவ்வாய் இழுக்கும் பாணிகள் இனி வேண்டாமெனத் தீர்மானம் செய்தது - எனது சனிக்கிழமைகளைச் சன்னமாய் இலகுவாக்கியுள்ளது  ! "எழுத ; டைப்படிக்க" என ஒவ்வொரு மாதமும் இதற்கென அவசியப்பட்ட  கிட்டத்தட்ட 20+ மணி நேரங்களை , இனி இதர பணிகளுக்கெனப்  பயன்டுத்திடச்  சாத்தியமாகும் என்பது வாரயிறுதியையே சற்றே விசாலமாக்கிக் காட்டுகிறது ! And ஏற்கனவே போன வாரத்து இறுதியில் கிட்டிய அந்த அவகாசத்தின் பெயரைச் சொல்லி, 2022-ன் ஜம்போ சீசன் 5-ன் முதல் இதழினை இறுதி செய்திட முடிந்துள்ளது ! Maybe இனி தொடரும் ஒவ்வொரு வாரயிறுதியினையும்  - அடுத்தாண்டின் ஒவ்வொரு இதழ் சார்ந்த அலசலுக்கென்று  செலவிட்டால் - 44 அழகான இதழ்கள் சாத்தியமாகிடுமோ - என்னவோ ?! Silver lining to just about everything I guess !

சந்தேகங்களின்றி இந்த வாரத்தின் பதிவு - போனெல்லியின் 3 in 1 டிடெக்டிவ் ஸ்பெஷல் பற்றியதே ! இங்கும் மும்மூர்த்திகள் ; போனெல்லியின் நவீன மும்மூர்த்திகள் இடம்பிடிக்கின்றனர் ! அமானுஷ்யங்களைத் துப்பறியும் டைலன் டாக் ; விசித்திரங்களைப் புலனாய்வு செய்திடும் மார்ட்டின் & நியூயார்க்கின் குற்றத் தெருக்களில் கொலைமுடிச்சுக்களை அவிழ்க்க முற்படும் CID ராபின் என்ற இந்த முக்கூட்டு இந்த மார்ச்சில் களமிறங்குகிறது !

ஆல்பம் துவங்கிடுவது ராபினோடு எனும் போது பதிவையுமே அவரிடமிருந்தே துவங்கிடுவோமென்று நினைத்தேன் ! எனக்கு எப்போதுமே ராபினைப் பார்க்கும் போது நடிகர் சித்தார்த் தான் ஞாபகத்துக்கு வருவார் ! அதே மீசையில்லா முகம் ; பன்ச் டயலாக்கெல்லாம் பேசாது தானுண்டு-தன் வேலையுண்டு எனச் சுற்றி வரும் பாணி அதற்குக் காரணமாக இருக்கலாம் ! தவிர, இதர big names ஒளிவட்டத்தைத் தமதாக்கிடும் நேரத்தில், இந்த இருவருமே தம் ரூட்டில் சீராய்ப் பயணம் செய்து கொண்டிருப்பர் தானே ?! "மன்ஹாட்டன் மரணங்கள்" ஒரு அழகான நேர்கோட்டு மர்டர் த்ரில்லர் ! ரிப்போர்ட்டர் ஜானி கதைகளின் பாணியில் இங்கே ஓராயிரம் குழப்ப முடிச்சுகளெல்லாம் கிடையாது ! அதே போல ஒரு புலனாய்வினை  விறுவிறுப்பாக்கிக் காட்டிடும் பொருட்டு ஏதேதோ dramatics களை உட்புகுத்தவுமே கதாசிரியர் மெனெக்கெடவில்லை ! ஒரு தொடர்கொலைகாரனை மடக்க சிம்பிளாய் ராபின் தீட்டிடும் திட்டம் ; அதன் பின்னுள்ள லாஜிக் ; NYPD-ன் நடைமுறைகள் என இந்த சாகசம் செம breezy read ! So இதனுள் பணியாற்றுவதில் தலைநோவுகள் பெருசாய் இருக்கவில்லை ! என்ன - பல மாதங்களுக்கு முன்னமே இது நமது கருணையானந்தம் அவர்களால் மொழிபெயர்க்கப்பட்டதெனும் போது, அவரது க்ளாஸிக் ஸ்டைல் தான் இங்கே எனக்கு நிறைய இடங்களில் இடறியது ! முழுக்க முழுக்க யதார்த்த பாணியில் கதை இருக்க - ஆளாளுக்கு இலக்கிய நடைகளில் பேசுவதென்பது எனக்கு ரசிக்கவில்லை ! So நெடுக வார்த்தைப் பிரயோகங்களில் மாற்றங்களை போடுவது தான் இங்கே எனக்குப் பணியானது ! மற்றபடிக்கு ராபினோடு செம smooth sailing ! And இக்கட இம்முறை கொஞ்சம் கண்களுக்குக் குளிர்ச்சி இருக்கூ என்பது கொசுறுச் சேதி ! 

"சொல்வதெல்லாம் உண்மை " !! ஊஹூம் - டிவி,ஷோ அல்ல ; மார்டினின் சாகஸத்தின் பெயரே இது ! And கடந்த ஐந்தாறு நாட்களாய் நான் big time மொக்கை போட்டு வருவது இங்கு தான் ! மார்டினின் கடைசி சாகசமான "நியூட்டனின் புது உலகம்" தவிர்த்து வெறெந்தவொரு சாகசமுமே சுலபப் பணியாய் இருந்த நினைவே இல்லை எனக்கு ! தொட்ட ஆல்பமெல்லாம் முடிச்சுகளோ - முடிச்சுகள் என்று தான் இருந்து வந்துள்ளன ! ஆனால் இதுவரைக்குமான பணிகளில் (கனவுகளின் குழந்தைகள்) நீங்கலாய் பாக்கி எதனிலுமே புரிதலில் ரொம்பத் திணறியதெல்லாம் கிடையாது தான் ! So இம்முறையும் எடிட்டிங்கினுள் நுழைந்த போதே அஹமதாபாத் பிட்சில் பேட்டிங் செய்வது போலானதொரு அனுபவத்துக்குத் தயாராகவே இருந்தேன் தான் ! பற்றாக்குறைக்கு - "புரியாத இடங்களையெல்லாம் காலியா விட்ருக்கேன்பா ; க்ளைமாக்ஸ் 4 பக்கங்களை மொத்தமாவே எழுதலை ; நீ பாத்துக்கோ !" என்றும் அங்கிள் சொல்லியிருக்க, கொஞ்சம் கொஞ்சமாய் நகர்ந்தேன் இந்த 132 பக்க சாகசத்தினுள் ! வழியில் - கொஞ்சம் இல்லை ; ரொம்பவே வித்தியாசமாய்ப்பட்டது - கதையின் இதர மாந்தர்களில் ஒருத்தர் பாக்கியின்றி அத்தினி பேருமே காமெடிப் பீஸ்கள் போலவே சித்தரிக்கப்பட்டிருந்தது தான் ! கவுண்டரிடம் மிதிபட்டே சாகும் செந்திலைப் போல ஒரு ஜோடி ; அப்புறம் "அதிகாரிகள் நாங்க" என்றபடிக்கே 'மூடர் கூட்டம்' பாணியில் வலம் வரும் ஒரு கும்பல் ; பற்றாக்குறைக்கு நடிகர் பாண்டுவைப் போலவே 'ஈஈ' என்று பல்லைக்காட்டி வருமொரு பார்ட்டி ; 'துணியும் கிடையாது / மூளையும் கிடையாது' என்பது போலொரு நெளிவு சுளிவான பாப்பா - என கண்ணில்பட்ட அத்தனை character களுமே straight out of a smurf comics என்பது போலிருந்தது ! And yes - மெய்யாலுமே இக்கட ஒரு smurf தலைகாட்டும் கட்டமும் உண்டு ! இவர்களோடு "உர்ர்..டர்.."என்று உறுமிடும் ஜாவாவும் ! எப்போதுமே மார்டினின் கதைகளின் knot செம complex ஆக இருந்திடுவது நமக்குத் தெரியும் ; and ஏதேனுமொரு வரலாற்றுப் புள்ளியையோ ; இதிகாசத்துணுக்கையோ ; விஞ்ஞான அதிசயத்தையோ ; நிஜவாழ்வின் புரிபடா புதிரையோ கையில் எடுத்து அதனை develop செய்திருப்பர் என்பதும் நாமறிந்ததே ! ஆனால் இம்முறையோ - கதையின் முழுமைக்கும் சுற்றி வரும் ஜாலி ஆசாமிகளைப் போலவே ; இங்கு தேர்வாகியுள்ள கதையின் முடிச்சுமே (if you can call it that ) ரொம்ப ரொம்ப light ! மெய்யாலுமே அவர்கள் சொல்ல முனைந்திருப்பது இவ்வளவு தானா - அல்லது இத்தாலிய மொழிபெயர்ப்பினை நாங்கள் புரிந்து கொண்டதில் ஏதேனும் விடுபட்டுவிட்டதா ? என்ற சந்தேகத்தில் தான் சனி காலை வரையிலும் எடிட்டிங்கிலிருந்து பக்கங்களை நான் ரிலீஸ் செய்திடவே இல்லை ! எத்தனைவாட்டி, எத்தனை கோணங்களிலிருந்து அர்த்தம் செய்து கொள்ள முனைந்தாலுமே - பதில் ஒன்றாகவே தென்படுகிறதென்று ஒரு வழியாய் தீர்மானித்த பின்னே தான் திருத்தங்களைப் போட பக்கங்களைத் தந்துள்ளேன் ! And கோடு போட்ட A4 பேப்பரில் முழுசாய் 16 பக்கங்களுக்கு வந்துள்ளன திருத்தங்கள் / மாற்றங்கள் ! இங்கே கருணையானந்தம் அவர்களை குறை சொல்வதில் பிரயோஜனமிராது தான் ; நெட்டையும் / இணைய அலசல்களையும் இயன்றமட்டுக்குத்  துழாவிப் பார்த்த என்னையே இது நாக்குத் தொங்கச் செய்துவிட்ட போது, பாவம், அவர் என்ன செய்திடக்கூடும் ? இவற்றை முழுசாய் DTP செய்து ; திரும்பவும் முழுசாய் என்னிடம் ஒப்படைத்து, அதனில் நான் செய்யக்கூடிய திருத்தங்களையும் போட்டு, அப்புறமாய்த் தான் அச்சுக்கே அனுப்பிட இயலுமெனும் போது இந்த மார்ச்சில் please expect delays ! எல்லாவற்றுக்கும் பின்பாகவும் இன்னமும் எனக்குள் லேசான நெருடல் தொடர்கிறது - நிஜம்மாகவே இப்படியொரு கருவைத் தானா படைப்பாளிகள் தேர்வு செய்திருப்பார்கள் ? அல்லது எதையேனும் நான் தான் கோட்டை விட்டிருக்கக் கூடுமோ என்று ! Fingers crossed that I haven't missed anything !! தொடரும் காலங்களில் மார்டினின் கதைகளை தேர்வு செய்திடுவதற்கென கணிசமான அவகாசங்களை ஒதுக்கிட முடிந்தாலன்றி சிக்கலே என்பதே இம்முறை கற்றுள்ள பாடம் ! Phew !!

Moving on - இறுதியாய்க் காத்திருந்தவர் டைலன் டாக் என்றாலும், இம்முறை அதிகமாய் உதறவில்லை எனக்கு - simply becos அதுவொரு மினி சாகஸமே ! TEX சிறுகதைகளின் பாணியிலேயே டைலன் டாக் தொடரிலுமே ஒரு template ஓடிக்கொண்டுள்ளது - கலரில், 'நறுக்' சாகசங்கள் என்று ! So  அவற்றிலிருந்து தான் "ஒரு கனவு இல்லத்தை" தேர்வு செய்திருந்தோம் என்பதால் -  பஞ்சாயத்து எதுவாயினும் 32 பக்கங்களுக்குள் தீர்ந்து விடுமே என்ற தகிரியம் தான் எனக்கு ! And துளிகூட சோடை போக விடவில்லை இந்தச் சிறுகதையின் கதாசிரியர் ! கொஞ்சமும் யூகிக்க இயலாவொரு knot ; உயர் அழுத்த மின்சாரத்தின் வீரியம் ; மிரட்டும் சித்திரங்கள் + கலரிங் - என இந்த 32 பக்க சிறுகதையானது ஆடியுள்ள ஆட்டம், ரணகளம் ! அதிலும் கடைசிப் பக்கத்தில், கடைசி பிரேமில் கதாசிரியர் தந்துள்ள twist சத்தியமாய் அவருக்கு மட்டுமே புரிந்திருக்கும் ! ஒன்று நிச்சயம் guys - இந்த இதழ் கொணரவுள்ள விவாதங்களும், அலசல்களும் செம சுவாரஸ்யமாய் இருந்திடக்கூடும் !

இதோ இந்த 3-in-1 இதழின் அட்டைப்படம் - ஓராண்டுக்கு முன்னமே நமது அமெரிக்க ஓவியையின் கைவண்ணத்தில் உருவானது ! And தொடர்வன இந்த 3 ஆல்பங்களின் உட்பக்க preview-களும் ! 

So மார்டினின் திருத்தங்கள் பூர்த்தி கண்டு ; அச்சுக்குச் சென்று, பைண்டிங்கிலிருந்தும் திரும்பிட அடுத்த 4 நாட்களாவது பிடிக்கும் என்பதால் - பொறுத்தருள்க ப்ளீஸ் ! 

சென்னைப் புத்தக விழாவினில் வார நாட்களை விட இன்றைக்கு நல்ல கூட்டமென்று நம்மவர்கள் சொன்னார்கள் ! இரவில் விற்பனை நம்பர்களை கேட்டறிந்தால் தான் நிலவரம் புரியும் ! Fingers crossed !

Before I sign out - 2 கேள்விகள் :

***இதோ - நம் கூர்மண்டையரின் தொகுப்பு ஒன்று இங்கிலாந்தில் வெளியாகிறது, இந்த மிரட்டும் அட்டைப்படத்துடன் !! ஜோதியில் நாமும் ஐக்கியமாகணுமா guys ?

*** லக்கி லூக்கைச் சுட்டது யார் ? - கிராபிக் நாவல் பாணி நினைவுள்ளதா guys ? அதன் அடுத்த அத்தியாயம் ரெடியாகி, விற்பனையில் மிரட்டி வருகிறதாம் - கலரிலும், black & white -லும் ! இங்கும் நாம் துண்டைப் போட்டு வைக்கலாமா ? 

Bye all...have a super weekend ! See you around !

இன்று ஒரு தகவல் !

 நண்பர்களே,

வணக்கம். துவங்கி விட்டது சென்னைப் புத்தக விழா 2021 !! BAPASI-ன் தொடர் முயற்சிகளும், அரசாங்கத்தின் இசைவும் இல்லாது போயிருப்பின் நிச்சயமாய் இது சாத்தியமாகியிராது தான் ! இருவருக்குமே நமது நன்றிகள் ! சென்னை காட்டியுள்ள வழியில் இனி நெய்வேலி ; கோவை ; ஈரோடு ; மதுரை என புத்தக விழா circuit சிறுகச் சிறுக நார்மலுக்குத் திரும்புமென்று நம்புவோம் ! Fingers crossed !

And வழக்கமான நமது புத்தகக் கத்தைகளோடு நம்மாட்கள் ஸ்டாலில் ஆஜர் ! 

இங்கே சின்னதாயொரு கொசுறுத் தகவல் : 

நம்மிடம் உள்ள CINEBOOK ஆங்கிலப் பதிப்புகள் நெருக்கிக் காலியாகி விட்டிருக்க - புதுசாய், கொஞ்சம் டைட்டில்களை இறக்குமதி செய்திட ஜனவரியில் ஏற்பாடுகளைத் துவக்கி விட்டோம் ! பொங்கல் சமயத்தில் நடந்திட்ட நமது ஆன்லைன் புத்தக விழாவின் விற்பனைகளே இந்த முயற்சிக்கான விதைநெல் ! So மார்ச்சின் இறுதிக்குள் புக்ஸ் நம்மை எட்டியிருக்கும் & as a result இனி வரவுள்ள மேஜர் நகர விழாக்களுக்கு அவற்றையும் சுமந்து செல்லவுள்ளோம் ! ஆகையால் இனிமேல் பரபரப்போடு உள்ளே நுழைந்து - "இங்கிலீஷ் காமிக்ஸ் இல்லையா ?" என்று வினவிடக்கூடிய புதுயுகப் பெற்றோருக்குமே நம்மிடம் சரக்கிருக்கும் ! "காமிக்ஸ்" எனும் ஆர்வம் ஏதேனுமொரு ரூபத்தில் துளிர் விட்டால், அது எந்த மொழியின் புண்ணியத்தில் ? என்ற கேள்விகளெல்லாம் பின்னுக்குச் சென்றிட வேண்டுமல்லவா ? இங்கிலாந்தில் லாக்டௌன் அக்கப்போர் மட்டும் இல்லாது போயிருப்பின், இந்தச் சென்னை விழாவின் நேரத்துக்கே நம் ஸ்டாலின் variety அதிரடியாய்க் கூடியிருக்கக்கூடும் ! Anyways, always a next time !

And நமது சந்தா அங்கத்தினருக்கு இந்த புக்ஸை சின்னதொரு சலுகையோடு வாங்கிட வழி செய்யும் திட்டமும் உள்ளது ; மார்ச்சில் அது பற்றிப் பார்ப்போமே ! ரைட்டு....மார்டினுடனான மல்யுத்தத்தைத் தொடர நான் புறப்படுகிறேன் ; நீங்கள் சென்னையில் இருப்பின், நம் ஸ்டாலுக்கொரு விசிட் அடிக்கலாமே - ப்ளீஸ் ? Bye for now ! 

பின்குறிப்பு : புக்ஸ் வந்து சேரும் வரைக்கும் அவை என்னவென்பது பற்றி நம்மாட்களுக்குத் தெரிந்திராது ! So மார்ச்சில் நான் அறிவித்த பின்னே மேற்கொண்டு பார்த்துக் கொள்வோமே ?!

வணக்கம் சென்னை !

 நண்பர்களே,

வணக்கம். வரும் புதனன்று (24 பிப்ரவரி) துவங்கவுள்ள சென்னைப் புத்தகத் திருவிழாவில் நமது ஸ்டால் எண்கள் : 105 & 106 ! சென்றாண்டைப் போலவே இம்முறையும் நமக்கு டபுள் ஸ்டால் ! சொல்லப் போனால் இன்றைய காலகட்டத்தில் நெருக்கியடித்து நில்லாது கொஞ்சமேனும் இடைவெளிகளோடு ஷாப்பிங் செய்திட இது அத்தியாவசியம் என்பேன் ! இரண்டாவது வாயிலை ஒட்டிய துவக்கத்திலேயே இம்முறை ஸ்டால் கிடைத்திருப்பது விற்பனைக்கு உதவிடுமா என்பதை அடுத்த 15 நாட்கள் சொல்லிடக்கூடும் ! Fingers crossed !

சென்றாண்டைப் போலவே இம்முறையும் முந்தைய வருஷத்து மொத்த புக்ஸ் pack ; ஜேசன் ப்ரைஸ் pack ; இத்யாதி packs என்று நம்மிடம் பண்டல்கள் இருக்கும். அதே சமயம் இந்தாண்டில் கூடுதல் டிஸ்கவுண்ட் தந்து புக்ஸை காலி செய்யும் முயற்சிகளுக்கு BAPASI அனுமதிகள் தந்திருக்கவில்லை என்பதால் - 10% டிஸ்கவுண்ட் மாத்திரமே ஏகத்துக்கு அமலில் இருக்கும் ! 

விற்பனைகளின் விறுவிறுப்பைப் பொறுத்து - "யார் அந்த மாயாவி ?" புக்கை ஸ்பெஷல் வெளியீடாய் நடுவாக்கில் இறக்கிடலாமென்ற எண்ணம் மேலோட்டமாய் தலைக்குள் ஓடிவருகிறது ! முதல் வாரத்து நம்பர்கள் தீர்மானித்திடும் - இது அவசியப்படுமா ? இல்லையா ? என்பதை ! 

So ஓராண்டின் தொய்வுக்குப் பின்பாய் நமது கேரவனின் சக்கரங்கள்  திரும்ப சுழலத் துவங்கிடவுள்ளன - BAPASI அமைப்பின் அன்புடன் ! இனி நிகழ வேண்டியவற்றை பெரும் தேவன் மனிடோவும், நீங்களும் பார்த்துக் கொள்வீர்களென்ற நம்பிக்கையில் நடையைக் கட்டுகிறேன் !

And எப்போதும் போலவே சென்னையில் நம் ஸ்டாலில் ஆண்டுச் சந்தாக்களைச் செலுத்தவும் செய்திடலாம் ! அப்புறம் முக்கியமாய் மாஸ்க் அணிந்திட மறந்திட வேண்டாமே - ப்ளீஸ் ?

Bye all !! Have a safe & succesful week ahead ! 

இது "திங்கிங்" நேரம் !

 நண்பர்களே,

வணக்கம். இன்னொரு வாரயிறுதி & இன்னொரு மொக்கையோடு அடியேனும் ஆஜர் ! இருபத்தியெட்டெ தினங்கள் கொண்ட மாதம் முற்றுப்புள்ளி காணும் நேரம் நெருங்குவதால், பணிகளின் இறுதி நேரத்து பரபரப்புகளோடு ஆபீசில் வண்டி ஓடி வருகிறது ! 

இப்போதெல்லாம் பதிவுப் பக்கத்தில் ஈயோட்ட, கண்ணுக்கெட்டும் தொலைவுக்கும் யாரேனும் தென்படுவதில்லை எனும் போது - இக்கட என்ன எழுதுவதென்ற வறட்சி தலைக்குள் தவறாது தாண்டவமாடுகிறது ! ஏகமாய் வாட்சப் குழுக்கள் ; FB க்ரூப்களென்று பொழுதுகள் நகர்ந்து வரும் நாட்களில், கிட்டத்தட்ட 10 ஆண்டுகளாய்த் தொடர்ந்து வரும், நீட்டி முழக்கும்  எனது அதே காலட்சேப ஸ்டைல், பொறுமைகளைச் சோதிக்கத் தவறாது என்பது புரிகிறது ! தவிர, இந்த New Normal நாட்களில் யார் - எப்போது - எதை - எங்கே செய்து வருகிறோமென்பதே தெரியாத ஒருவித மோன நிலை நிலவிடுவதில் ஏது ரகசியம் ? So இந்தத் தருணங்களிலும் பழைய சாயாவையே ஆற்றுவது, கொட்டாவியை மட்டுமே கொணரும் என்பது நிதரிசனம் ! சொல்லப் போனால், இத்தினி காலத்துக்கு இந்தமட்டுக்கு வண்டி ஓடியதே தெய்வச் செயல் தானென்பேன் ! Of course - பகிர்ந்திட நிறைய சேதிகள் உள்ள வேளைகளில் எப்போதும் போலான அந்த இராமாயண பாணியை கைவிட மாட்டேன் ; இதர நாட்களிலோ crisp குண்டலகேசியாக வலம் வந்திடவுள்ளேன் ! So இங்கே நறுக்கென்ற பதிவுகளை அமைத்து விட்டு, எஞ்சிடும் நேரங்களை புக்சில் ஏதேனும் புதுசாய்ப் பக்கங்களை புகுத்த வழியுள்ளதாவென்று முயற்சிக்கச்  செலவிட நினைத்துள்ளேன் ! இங்கே போரடித்துப் போனால் no big deal ; ஆனால் புக்சில் அயர்ச்சி எட்டிப் பார்த்து விட்டால், அது பெரும் சிக்கலன்றோ ? So ஏப்ரல் முதலாய் சின்னச் சின்னதாய் சுவாரஸ்யமூட்டக்கூடிய பக்கங்களை நுழைக்க இப்போதிலிருந்தே ரோசனைகள் ஓடி வருகின்றன !  Filler pages-களில் என்ன நுழைக்கலாமென்று உங்கள் பங்குக்கு ஏதேனும் suggestions folks ? தவிர, 2022-ன் திட்டமிடல்களுக்கென இப்போதிலிருந்தே நிறைய வாசிப்புகள் அவசியப்படுகின்றன ! ஏற்கனவே வரவழைத்த ஒரு வண்டிக் கதைகள் தொட நேரமின்றி மேஜையில் தூங்கி வர, கிட்டும் அவகாசங்களில் இனி அவற்றை பரிசீலிக்க முனைவேன் ! The New Normal Blogging !! 😀😀

On to serious stuff - இதோ 2020 அட்டவணையினில் MAXI லயனின் இறுதி இதழின் preview ! யார் கண்டது - MAXI சைசிலுமே இதுவே கூட இறுதி இதழோ - என்னவோ ? 'சேகரிப்புக்கு இது ரசிக்கலை ' - என்ற ரீதியிலான புகார்கள் அவ்வப்போது எட்டிப்பார்ப்பதால் - தொடரும் காலங்களில் இந்த மாக்ஸி ஸைஸையே மறு பரிசீலனைக்கு உட்படுத்தணுமென்றே தோன்றுகிறது ! என்னைப் பொறுத்தவரைக்கும் இந்த மெகா சைசில், வண்ணத்தில் இதழ்களை ரசிப்பதென்பதொரு ரம்ய அனுபவமே ; ஆனால் இறுதி முடிவு உங்கள் கி தரப்பில் தானுங்கோ ! And இதோ - நமது ஒல்லியார் மறுபதிப்பில் கலக்கும் "கௌபாய் எக்ஸ்பிரஸ்" ! டெக்சா ? டைகரா ? என்ற கேள்விகள், சர்ச்சைகள் இருக்கலாம் தான் ; "கார்ட்டூன்கள் ஓகே-வா ? மொக்கைகளா ?" என்ற வினாக்களும் இருக்கலாம் தான் ! ஆனால் சர்ச்சைகளோ, கேள்விகளோ எழுப்பா ஒரே ஆசாமி - நமது ஜாலி ஜம்பரின் முதலாளி மட்டுமே ! 'வாசிப்பிலும் சுகம் ; விற்பனையிலும் இதம்' - என்று கடந்த 34 ஆண்டுகளாய் நம்மோடு பயணித்து வரும் லக்கி லூக் - yet another classic சாகசத்தில் கலக்குவது மார்ச்சின் highlight-களுள் பிரதானம் என்பேன் ! And  "வழியனுப்ப வந்தவன்" இதழுக்கு புஜம் கழன்று போக ஒன்றரை நாட்கள் பேனா பிடித்த கையோடு, மேஜை மீது குவிந்து கிடந்த "கௌபாய் எக்ஸ்பிரஸ்" பக்கங்களைப் பார்த்த போது மெய்யாலுமே குஷி கொப்பளித்தது ! 'ஒரு செம ஜாலி கார்ட்டூன் ; அதுவும் மறுபதிப்பே எனும் போது எழுத்துப் பிழைகளை இயன்றமட்டுக்குச் சரிபார்த்து விட்டு அச்சுக்குத் தூக்கிவிட்டுப்புடலாம் !!' என்ற நிம்மதியே குஷியின் பின்னணி ! ஆனால் நம்மை சுளுக்கெடுக்க வித விதமாய் நோவுகள் தலைகாட்டத் தான் தவறுவதில்லையே ? அந்நாட்களில் வெளியான புக்கை ஈயடிச்சான் காப்பியாய் டைப்செட் செய்திருக்க, வாசித்தால், பல்லெல்லாம் ஆடுவது போலொரு பீலிங்கு ! முழுக்கவே இலக்கண சுத்தத் தமிழில், கருணையானந்தம் அவர்களின் அன்றைய மொழியாக்கம் அமைந்திருக்க - லக்கியும், ஜாலியும், சலூனின் குடிகாரன்களுமே நயமான தமிழில் செப்போ செப்பென்று செப்பிக் கொண்டிருந்தனர் ! 

'பொஸ்தவம் என்று ஏதாச்சும் வந்தாலே போதும்' என்பதே அந்நாட்களின்  நிலவரம் என்றிருக்க, மொழியாக்கத்தில் ஒரே மாதிரியான பாங்குகளைக் கடைப்பிடிக்கும் அவசியங்களெல்லாம் மண்டைக்கு எனக்கு உறைத்திருக்கவில்லை ! இன்றைக்கோ, "எதையாச்சும் செஞ்சா -  உருப்படியா செய்யணும்" என்ற நினைப்பு பிரதானம் எனும் போது, இந்த ஒற்றை இதழுக்கு மொழிநடை எப்படியும் இருந்து விட்டுப் போகட்டுமே என்று விட மனசு ஒப்பவில்லை ! So முதல் பக்கத்திலிருந்து "தனிமையே என் துணைவன்" பக்கம் வரைக்கும் - ஒவ்வொரு வரியையும்,ஒவ்வொரு வசனத்தையும் பேச்சு வழக்கு நடைக்கு மாற்றும் அவசியம் பிசாசாய் முன்நின்றது ! Trust me guys - புதுசாய் எழுத நேர்ந்த 64 பக்க ஆல்பத்தில் கூட இத்தனை மொக்கை போடவில்லை நான் ; ஆனால் இந்த 44 பக்க மறுப்பதிப்பை reshape செய்வதற்குள் ஒரு வாரம் ஓடியிருந்தது & என் பொறுமைகளில் ஒரு குவியலும் காணாது போயிருந்தது !! திருத்தங்கள் போட்டிருந்த பக்கங்கள் - அதிகாலைக் கசாப்புக் கடை வாசலைப் போல எகச் சிவப்பு !! பற்றாக்குறைக்கு ஜாலி ; அந்த செவ்விந்தியன் ; ஊர்க்காரர்கள் என எல்லோரது வசனங்களிலும் ஹ்யூமர் ஒரு மிடறு குறைவாகவே தென்பட்டது ! So மொக்கைகளாய் மாறிடாது, அவற்றையும் சன்னமாய்த் திருத்தியமைக்க முனைந்ததும், நேரத்தை விழுங்கிய காரணியாகிப் போச்சு ! இனி வரும் நாட்களில், மரியாதையாய் பேச்சு வழக்கு கடைகளில் உள்ள கதைகளையாய்த் தேர்ந்தெடுத்தே மறுபதிப்பு செய்திட வேண்டும் போலும் !! Pheww !! 

But anyways - இதோ அந்த அடர்சிகப்பு ஒரிஜினல் ராப்பர் - துளியும் மாற்றங்களின்றி ! And உட்பக்க பிரிவியூவுமே !! அந்தக் காலத்தில் சின்ன சைசில் ; நியூஸ்பிரிண்ட்டில் ரசித்த சமாச்சாரத்தை இன்றைக்கு ஆர்ட் பேப்பரில், மெகா சைசில் வாசிப்பது செம classy அனுபவமாகப் பட்டது எனக்கு ! இந்த சைசே தொடரலாமா ? அல்லது பிடுங்கும் ஆணியைப் பழைய சைசுக்கே பிடுங்கணுமா ? Thinking !!

Moving on - மார்ச்சின் இன்னொரு இதழும் ஒருவித மறுபதிப்பே - ஆனால் அது ஒரிஜினலாக வெளியானது நம் வரிசைகளில் அல்ல ! எப்போதோ ஒரு காலத்தில் ராணி காமிக்சில் போட்டுத் தாக்கிய "டாக்டர் NO" இன்றைக்கு பெரிய சைசில், அழகான பக்க அமைப்போடு ; சலவை வெள்ளைக் காகிதத்தில் ஆஜராகிடவுள்ளார் ! 007 மாப்பிள்ளை சார் வரும் ஆண்டுகளிலும் தொடரவுள்ளார் தான் ; ஆனால் அவர் ஜானவாசம் வரவுள்ள கார் - இதே பெரிய சைஸ் ப்ளீமத்தாக இருக்கணுமா ? அல்லது சிக்கென்ற I20 காராக இனி இருக்க வேண்டுமா ? More thinking !! 

எது எப்படியோ - இதோ ஒரு வருஷத்துக்கே முன்னமே நமது அமெரிக்க ஓவியையின் கைவண்ணத்தில் உருவான டிசைனில் போன ஜூன் மாதமே அச்சாகிய அட்டைப்பட first look ! "ஆங்...நெத்தியில ஜேம்ஸுக்கு சுருள் முடி இல்லியா ?" என்று முறைக்கும் நண்பர்கள் ரெண்டே ரூபாய்க்கொரு ஸ்கெட்ச் பேனாவை வாங்கினால் பிரச்னை தீர்ந்திடும் ! And இதோ - உட்பக்க வெள்ளோட்டமுமே ! இயன் பிளெமிங்கின் ஒரிஜினல் க்ளாஸிக் நாவல் - பின்னாட்களில் திரைப்படமாகவும், எண்ணற்ற காமிக்ஸ் வார்ப்புகளாகவும் வலம் வந்திருக்க, இதுவோ இலண்டனில் உருவான தினசரி நியூஸ்பேப்பரில் வெளிவந்த strips தொடர் ! நீங்கள் பெரிதும் ரசிக்கும் அந்த 007 சித்திர பாணிகள் இம்முறை !! So "சின்ன விலையில் - பெரிய புக்ஸ்" என்ற பரீட்சார்த்தத்தின் கடைசி அத்தியாயமிது ! Hope you like it guys !!

Looking ahead - தொடரும் நாட்களில் நமக்கும் சென்னை புத்தக விழாவினில் இடம்கிடைக்கும் பட்சத்தில் எப்போதும் போலவே காமிக்ஸ் கேரவனை நந்தனத்தில் 2 வாரங்களுக்கு நிலைகொள்ளச் செய்திடுவோம் ! இடம் கிடைக்க ஒரு விரலையும், இடம் கிடைத்தால் விற்பனை சிறக்க இன்னொரு விரலையும் cross செய்தபடிக்கே பொழுதுகளை ஓட்டிடுவோம் ! 

கிளம்பும் முன்பாய் ஒரு கொசுறுத் தகவல் ! இங்கே சில காலமாய் வருகை தந்திருக்கா நண்பர் ATR அவர்கள் "இரத்தப் படலம்" வண்ண தொகுப்பின் மறுபதிப்பின் போது செய்திட வேண்டிய எழுத்துப் பிழைத் திருத்தங்களை ஒரு அழகான தொகுப்பாக்கி நமக்கு அனுப்பியிருக்கிறார் ! "ஓங்கி அடிச்சா ஒம்பது டன்னாக்கும்' என்ற சத்தங்களின்றி, அவசியமானதொரு ஒத்தாசையை அழகாய்ச் செய்தனுப்பியுள்ள நண்பருடன் சில நிமிடங்கள் பேசிட முடிந்தது ! மீண்டும் முன்னாட்களின் உற்சாகங்களை நண்பர் மீட்டெடுக்க வேண்டிக் கொள்வோமே - புனித மனிடோவிடம் ?  

Bye all...see you around ! டிடெக்டிவ் ஸ்பெஷல் பணிகளை முடித்து விட்டால் - அப்பாலிக்கா 2021 சந்தாவினுள் புகுந்திடத் தயாராகி விடுவேன் !! And நீங்களும் 2021 சந்தா எக்ஸ்பிரஸுக்கு டிக்கெட் ஒன்றைப் போட்டு விடலாமே - ப்ளீஸ் ? 

https://lioncomics.in/product/jumbo-falooda-subscription-2021-april-to-december-abce-tamilnadu-copy/

Have a great weekend !!

பிரளயம் !

 நண்பர்களே,

வணக்கம். ஒரு சில நேரங்களில் பெயர் ராசி கனகச்சிதமாய் இருக்கும் தான் போலும்! “பொக்கிஷம் தேடிய மொக்கையன்” ; “புதையலின் பாதையில் புளிமூட்டையன்” என்று தலைப்பு வைத்த பல நேரங்களில் புண்ணாக்கு கூட கண்களில்  தென்பட்டதில்லை ; ஆனால் “பிரளயம்” என்ற பெயரை எந்த நேரத்தில் வைத்தேனோ - அது நிஜப் பிரளயமாகவே உருமாறி விட்டுள்ளது தான் இந்த வாரத்துப் பதிவே !

சந்தா E – கிராபிக் நாவல் தடம் – ‘எதிர்பாராததை எதிர்பாருங்கள்‘ என்பதே இதன் விசிட்டிங் கார்ட்! ஆனால் என்னையே ஜெர்கடிக்கச் செய்த புண்ணியம் இந்த “பிரளயம்” இதழைச் சாரும்! “PANDEMONIUM” என்ற பெயரில் பிரெஞ்சில் முப்பாக ஆல்பமாய் வெளியான இந்த ஹாரர் காதக்கு நாம் உரிமைகள் வாங்கியது 2018-ன் இறுதியில்! இந்தக் கதை ஸ்கேன்லேஷனிலும் சரி, படைப்பாளிகளின் மொழிபெயர்ப்பிலும் சரி – ஆங்கிலத்திலும் உள்ளது தான்! And இதன் உரிமைகள் ஆரம்பத்தில் “பௌன்சர்” கதைகளை வைத்திருந்த Humanoids நிறுவனம் வசமிருந்ததும், பின்நாட்களில் ட்யுராங்கோ கதைகளை உருவாக்கும் Soleil பதிப்பகத்துக்குக் கைமாறியதும் அறிந்திருந்தேன் ! இரு நிறுவனங்களது கேட்லாக்கலும் இதற்கான preview-க்களை வாசித்திருந்தேன் & ஆங்கில வடிவத்தில் முதல் பாகத்தையும் வாசித்திருந்தேன்! மிரட்டோ மிரட்டென்று மிரட்டியது - சித்திரங்களில் ; கலரிங்கில்; கதையோட்டத்தில்! So ‘விடாதே.. பிடி!‘ என்று உரிமைகளை வாங்கியும் விட்டோம்! 2019-ன் அட்டவணை அதற்கு முன்பாகவே தயாராகி விட்டிருக்க, இதற்கான வாய்ப்பு 2020-ன் சந்தா E-ல் கிட்டவும் செய்தது! கொரோனா தாண்டவப் புண்ணியத்தில் 2020-ன் இதழ்கள் மார்ச் வரையிலும் நீண்டு சென்றிட – அட்டவணையின் இறுதி இதழாக அமைந்திட்டது “பிரளயம்”! 3 பாக ஆல்பம்…. மிரட்டலான, அதே சமயம் கனமான கதைக்களம் என்பதால் காலா காலத்தில் பணிகளை முடித்துத் தந்தால் தான் 28 நாட்களே கொண்ட பிப்ரவரியிலும் தாமதங்களைத் தவிர்க்க இயலும் என்பது ஸ்பஷ்டமாய்ப் புரிந்தது ! So ஒரு சோம்பலான ஞாயிறன்று விடாப்பிடியாய்ப் பணிகளைத் துவக்கினேன் முதல பாகத்தினில்! 

ஏற்கனவே பகிர்ந்திருக்கும் சேதி தான் – மறுஒலிபரப்பு செய்திட்டால் தப்பில்லை என்றுபடுகிறது – இந்தப் பணியின் context-ல்! எப்போதுமே குடு குடுவென்று ஓடிப் போய் கதையின் க்ளைமேக்ஸை வாசித்து வைக்கும் பழக்கம் எனக்கு என்றைக்குமே இருந்ததில்லை தான்! கதை அதன் போக்குக்கு என் முன்னே விரிந்து செல்ல – take things one page at a time என்றே நான் எழுதிச் செல்வேன்! இங்கேயும் அதுவே நடைமுறையாக இருந்தது! And நிஜத்தைச் சொல்வதானால் இந்தவாட்டி மொழிபெயர்ப்புக்கு வண்டி ஏகமாய் தடுமாறவே செய்தது! கையில் ஆங்கில ஸ்கிரிப்ட் தெளிவாய் இருந்தது தான்; அர்ஸ் மேக்னாவைப் போல இண்டிலும் இடுக்கிலும் இன்டர்நெட் அலசல்களுக்கு அவசியங்களும் இருக்கவில்லை தான்; ஆனாலும் எனது வழக்கமான வேகம் இந்தவாட்டி அமைய சண்டித்தனம் செய்தே வந்தது! காரணம் கதைக்களத்தின் ரொம்பவே disturbing ஆன ஓட்டம்! மென்சோகம் நமக்குப் புதிதல்ல தான்; ஆனால் இது வேறு விதமானதொரு விதத்தில் நெருடியபடியே பயணிக்க, மூன்றோ – நான்கோ பக்கங்களுக்கு மேல் ஒரு stretch-ல் பணியாற்ற முடியவில்லை! போன வாரத்து சனியன்று முதல் அத்தியாயத்தைப் பூர்த்தி செய்து விட்டு, போன வாரத்துப் பதிவை எழுதத் தொடங்கியிருந்த போதிலும், மண்டை முழுக்கவே “பிரளயம்” முதல் அத்தியாயத்தின் சுவடுகளே குறுக்கும், நெடுக்குமாய் அலைபாய்ந்து கொண்டிருந்தன! ஏதோ ஒரு குறுகுறுப்பு உள்ளுக்குள்!

பதிவை எழுதி முடித்த கையோடு, அத்தியாயம் 2 & 3-ஐ எடுத்து வைத்துப் பரபரவெனப் படிக்கத் துவங்கினேன்! கதை நான் எதிர்பார்த்த திக்கில் பயணிக்காது வேறொரு ரூட்டில் தடதடப்பதை ஆந்தை விழிகள் மேலும் விரியப் படித்தேன்! பாகம் 2-ன் முடிவில் சற்றே ஆசுவாசப்படுத்திக் கொள்ள அவசியப்பட – ஒற்றை விஷயம் மட்டும் தெளிவாய்ப் புரிந்தது : Christophe Bec என்ற இந்தக் கதாசிரியரின் எண்ணவோட்டங்களை யூகிப்பது சுலபமே அல்ல என்பது தான் அது ! சுருங்கிய புருவங்களோடு அத்தியாயம் மூன்றுக்குள் புகுந்தால் தலைப்புக்கேற்ற நிகழ்வுகளே தொடர்ந்தன! எங்கெங்கோ பயணித்த கதையானது தந்த twist-கள்; க்ளைமேக்ஸ்; சோகம் என அத்தனைக்கும் இறுதியில் ‘முற்றும்‘ என்ற எல்லையைத் தொட்ட போது எனக்குள் மூளை கொதிநிலையில் இருந்த உணர்வு!

- இது ஹாரர் கதையா? த்ரில்லர் கதையா? என்ற கேள்வி பிரதானமாய் ஓட்டமெடுத்தது!

- ஜானர் எதுவாகயிருப்பினும், நமது வழக்கமான சென்ஸார் பாணிகளில் இங்கு கண்ணில்படும் பல மிடறுகள் தூக்கலான அடல்ட்ஸ் ஒன்லி சமாச்சாரங்களையும், குரூர வன்முறைகளையும் சமாளித்திட முடியும் தானா? என்ற வினாவும் தலைதூக்கி நின்றது!

- ஒரு அமெரிக்க காச நோய் சிகிச்சை மையத்தில் அரங்கேறும் ரணகளங்களே இந்த ஆல்பத்தின் பின்னணி எனும் போது, ஒரு பெரும் நோய்த்தொற்ற்றானது லோகத்துக்கே பல பிரளங்களைக் கண்ணில் காட்டி வரும் இந்தக் காலகட்டம் - இந்த ஆல்பத்துக்குப் பொருத்தமானது தானா? என்ற கேள்வியுமே கைகோர்த்துக் கொண்டது!

- And more than anything else – கதையின் நடுவே இடம்பிடிக்கும் டாக்டர் ஒருவர் காமுகராய்; மனிதாபிமானமற்ற நடைமுறைகளைக் கடைபிடிக்கும் சைக்கோவாய், கொடூர மருத்துவ வழிமுறைகளையும் தொடர்பவராக வலம் வருவது ரொம்பவே நெருடியது எனக்கு! பொத்தாம் பொதுவான இது மாதிரியான சித்தரிப்புகள் உன்னத சேவையில் ஆழ்ந்திருக்கும் மருத்துவ community-க்கு நிச்சயமாய் மகிழ்வைத் தராது என்று உறுத்தியது உள்ளுக்குள்! Of course – நெகடிவான கதாப்பாத்திரமே; கற்பனையே and நமக்கு இத்தகைய dark கதைமாந்தர்கள் புதிதல்லவும் தான் என்பது புரியவே செய்தது ; but still இந்த ஆல்பத்தின் dark கையாளல் சரிதானென்று எனக்குச் சொல்ல சாத்தியப்படவில்லை!

To cut a long story short – போன சனியிரவுக்கான பதிவினில் – மார்ச்சின் வெளியீடுகள் என்ற விளம்பரப் பக்கங்களை upload செய்த சமயம், என்னிடமிருந்த “பிரளயம்” விளம்பரப் பக்கத்தை அப்படியே அமுக்கி விட்டிருந்தேன் ! மாமூலான  “பலூன்களைத் தூக்கி இங்கே ஒட்டு; அங்கே ஒட்டு” பாணிகள் இம்முறை நன்மை தராது என்பதால், கணிசமான கூடுதல் சென்சாரிங் இங்கே அவசியமாகிடும் என்பதாலும் ; அதற்கென படைப்பாளிகளிடம் முறைப்படி அனுமதி கோரிடத் தேவைப்படும் என்பது புலனானது ! And சில பக்கங்களை முழுமையாய் நீக்கவும் அவர்களது சம்மதங்கள் அவசியமாகிடும் எனும்போது அது அத்தனை சுலபச் சமாச்சாரமாகிடாது என்பதும் தெரியும்! So காலில் சுடுகஞ்சியை ஊற்றியபடிக்கே அந்த முயற்சியில் ஈடுபடுவது நிச்சயம் சாத்தியமாகிடாது என்பதால் ‘பிரளயம்‘ for March `21 என்பதை மாற்றியமைக்கவே வேண்டும் என்பது புரிந்தது! 

எல்லாவற்றையும் விட – இந்த இதழானது சந்தாவில் பொது விநியோகத்துக்கு சுகப்படும் சமாச்சாரமாகிடாது என்ற உறுத்தலே தலையாய கவலையானது எனக்கு! என்ன தான் ‘கிராபிக் நாவல் ; தனித்தடம்‘ இத்யாதி… இத்யாதி' என்ற பில்டப்களை நாம் முன்கூட்டியே தந்திருப்பினும், கண்ணை மூடிக்கொண்டு சந்தாக்களை செலுத்தும் ; வலைக்கு அடிக்கடி வருகை தரா வாசகர்களின் தலைகளில் இத்தகையதொரு ஆல்பத்தை, முறையான சென்ஸார்களின்றி ; without an extra dose of warnings இன்றிச் சாத்துவது அவர்களது நம்பிக்கைகளை நீர்த்துப் போகச் செய்திக் கூடும் என்று பட்டது ! So ஞாயிறு காலையில் எழுந்த போதே தீர்மானித்திருந்தேன் – இந்த இதழை நமக்கேற்ற விதமாய் மாற்றியமைக்க முடிந்தால் மட்டுமே பின்னொரு நாளில் வெளியிடுவதென்று ! அதற்கான அனுமதியினை கோரி படைப்பாளிகளிடம் நிதானமாய்க் கெஞ்சிக் கூத்தாட வேண்டியது தான் ! அவர்கள் நம் மார்க்கெட்டின் இக்கட்டுகளைப் புரிந்து கொண்டு இசைவு சொல்லிடும் பட்சத்தில், உரிய சென்சார் சகிதம், ஏதேனுமொரு தருணத்தில் - "வேண்டியோர் மட்டும் வாங்கிக்கொள்ளுங்கள் ப்ளீஸ்" என்ற அறிவுறுத்தலோடு வெளியிடுவோம் ! அவர்கள் NO சொல்லிடும் பட்சத்தினில்   2 ஆண்டுகளுக்கு  முன்னமே நாம் செலுத்தியுள்ள பெரும் தொகை ராயல்டியை என் புத்திக்கொள்முதல் கணக்கில் எழுதிட வேண்டியதே என்றும் தீர்மானித்தேன் ! ஒரு dicey ஆன கதையினை, முழுமையாய்ப் படித்திராது வாங்கிய வகையில் அது எனக்கு அவசியமுமே என்றும் பட்டது !

ரைட்டு… ரூ.250 விலையிலானதொரு இதழைத் தூக்கியாயிற்று; அதனிடத்தில் அவசரம் அவசரமாய் எதை நுழைப்பதோ ? என்று போன வாரத்து சனியிரவே சிந்தனைகள் ஓடியிருந்தன ! இடதுகை சுழல்பந்து வீச்சாளர் ரவீந்திர ஜடேஜாவுக்குக் காயம் என்றவுடன், அதே பாணியிலான அக்ஸர் படேலுக்கு வாய்ப்பு என்பது போல – கிராபிக் நாவலின் இடத்தில் இன்னொரு கிராபிக் நாவலே இடம் பிடித்திட வேண்டுமென்று தீர்மானித்தேன்! ஆனால் நின்ற நிற்பில் இன்னொரு 144 பக்க கதையை வரவழைப்பதற்கும் ; அதனை ப்ரெஞ்சு to இங்கிலீஷ் to தமிழ் மொழியாக்கம் செய்வதற்கும் நேரமிராது என்பதாலும், கைவசம் என்ன சரக்குள்ளது என்று மண்டையைச் சொரிந்தேன் ! 

முந்தைய இரவு தான் கிட்டியிருந்த 2021ன் சந்தா E-க்கான ஆல்பமான “வழியனுப்ப வந்தவன்” டிஜிட்டல் கோப்புகள் ‘பளிச்‘சென்று கைதூக்கி நிற்க, நொடியும் தாமதிக்காது ‘ஞாயிறு காலையில் அத்தினி பேரும் வேலைக்கு வந்திடுங்கோ‘ என்று வாட்சப்பில் சாமக் கோடாங்கியாய் மெசேஜ் அனுப்பி வைத்தேன்! ஞாயிறு அதிகாலையிலேயே 64 பக்கங்கள் கொண்ட அந்த ஆல்பத்துக்கு மொழிபெயர்ப்பைத் துவங்கிட – நாம் மாமூலாய்க் குப்பை கொட்டி வரும் வன்மேற்கின் பின்னணியில் நகரும் கதைக்குள் செம சரளமாய் வண்டியோட்ட முடிந்தது! புஜம் கழன்று விட்டது தான் – ஆனால் ஞாயிறு மாலைக்குள் 55 பக்கங்களைப் போட்டுச் சாத்தியிருந்தேன்! And ஞாயிறு காலையிலேயே DTP பணிகளும் ஆபீஸில் துவங்கிட, ரணகளத் துரிதத்தில் துளிர்விட்டான் – “வழியனுப்ப வந்தவன்”! திங்களன்று பாக்கிப் பக்கங்களின் மீதான மொழிபெயர்ப்பும் நிறைவுற – புதன் மதியத்துக்குள் எடிட்டிங்குக்கென 64 பக்கங்கள் என் மேஜையில் ஆஜராகியிருந்தது ! 'மூன்றாம் பிறை' கமலஹாசனை விடவும் ஜாஸ்தி குரங்கு பல்டிகளை அடித்திருக்கும் நமக்கே கூட இந்த 64 பக்க ஆல்பத் தயாரிப்பு ஒரு மைல்கல் ! புதனுக்குள் அட்டைப்படமும் ரெடியாகி, வியாழன்று அச்சும் ஆகிவிட்டது !

STERN !! வழியனுப்ப வந்தவன்! நமது அணிவகுப்பில் வெட்டியான் #2 இவர்! முதலாமவர் ‘கடுகடு‘ ஆக்ஷன் ஹீரோவெனில் இந்த வழுக்கை மனுஷனோ ஒரு பலமுக மன்னர்! தீவிர இலக்கிய ரசிகர்; மருத்துவத்தில் விபரமானவர்; நாலு காசு கிடைக்குமெனில் – எல்லா வேலைகளையும் செய்யத் தயாராகயிருக்கும் ஒண்டிக்கட்டை ; அதே சமயம் ஒரு வெட்டியானுமே! Maffre சகோதரர்கள் இவரது படைப்பாளிகள் ! அண்ணன் கதையெழுத, தம்பி சித்திரம் போட்டு கலரிங்கும் செய்துள்ளார் ! கிராபிக் நாவல் தடத்துக்கு செம cute ஆகப் பொருந்திடும் இந்தக் கதைக்களத்துக்கு semi formal ஆர்ட்வொர்க் பாணி பின்னிப் பெடல் எடுக்கிறது! And ஒருவிதப் புராதன காலகட்டங்களை கண்முன்னே கொணர பயன்படுத்தப்பட்டிருக்கும் கலரிங் ஸ்டைல் அசாத்திய அழகு! ‘பச்சக்‘ – ‘பச்சக்‘ என்ற அடர் வண்ணங்களின்றி கண்களுக்கு செம இதமாய் வலம் வருகின்றன லைட் வர்ணங்கள்!

இந்தக் கதையின் பணிகள் எனக்கு இரு விதங்களில் வித்தியாசம் காட்டியதாய்ப்பட்டது ! Of course – concept to reality என்பது மூன்றே நாட்களில் சாத்தியமானது ஒருபக்கமெனில், இந்தக் கதைக்கென நான் இம்முறை கையாண்டிருக்கும் மொழியானது செம லோக்கல் ! அர்ஸ் மேக்னாவுக்குப் பேனா பிடித்த கையோடு இதற்குள் குதித்தால், இங்கே களமும் சரி; கதைமாந்தர்களும் சரி – ரொம்ப ரொம்பக் கரடுமுரடு ! மருந்துக்கும் கல்வி வாசனையானது நாயகர் ஸ்டெர்னுக்குத் தவிர்த்து வேறு யாருக்கும் கிடையாதெனும் போது, அந்தச் சூழலுக்கு ; சித்திர & கலரிங் பாணிகளுக்கு நியாயம் செய்வதாயின் – நம் பேனாக்களின் புஜபல பராக்கிரமங்களை இறக்கி வைப்பது சுகப்படாது என்றுபட்டது! So கதையோட்டத்துக்கேற்ப சிலபல கலீஜான வார்த்தைப் பிரயோகங்களும் இம்முறை இருந்திடும்! தயைகூர்ந்து அவற்றைக் கதையின் context–ல் மட்டும் எடுத்துக் கொள்ளக் கோருகிறேன்; ‘உங்ககிட்டேயிருந்து இந்த மாதிரி வார்த்தைகளை எதிர்பார்க்கலை‘ என்ற text அனுப்பிட முகாந்திரங்களாய் அல்ல ! So இலக்கிய நடை; தத்துவார்த்தங்கள்; பன்ச் டயலாக்குகள்; நையாண்டிகள் என்று எழுதிப் பார்த்த பிற்பாடு – இந்த coarse நடையினையும் முயற்சிக்க இதுவொரு வாய்ப்புத்  தந்துள்ளது! Trust me guys – இது சுலபமாக இருக்கவே இல்லை தான்!

இதோ – ஒரிஜினல் டிசைனில் நமது எழுத்துக்கள் சேர்க்கையுடனான அட்டைப்படம்! ப்ளஸ் உட்பக்க பிரிவியூவுமே!

இது ரூ.125 விலையிலான இதழே எனும் போது – பாக்கி ரூ.125-க்கு இன்னொரு இதழ், தொடரும் மாதத்தில் உங்கள் இல்லம் தேடி வரும்! இம்மாதப் பணிகளிலிருந்து நிமிரக் கிடைக்கும் முதல் நொடியில் அந்த இதழ் சார்ந்த முஸ்தீபுகளுக்குள் புகுந்திடுவேன்! இந்த நொடி வரையிலும் அதற்கான தேர்வை நான் இறுதி செய்திருக்கவில்லை ! Or maybe அந்த ரூ.125 தொகைக்கு ஒரு கூப்பன் தந்து - 2021-ன் சந்தாவிலோ ; வேறேதும் இதழ்களின் கொள்முதலிலோ அதனை ஈடு செய்து கொள்ளவும் வாய்ப்பாக்கிடலாம் ! 

அப்புறம் 2021-ன் அட்டவணையில் “வழியனுப்ப வந்தவன்” இடத்தினில் STERN-ன் தொடரின் இதழ் # 2 இடம்பிடித்திடும் ! So 2021-ன் அட்டவணையில் மாற்றங்கள் இராது!

So thus ends the story behind our latest குட்டிக்கரணம் ! கிளம்பும் முன்பாக இன்னொரு சமாச்சாரமும் folks ! அது “கழுகு வேட்டை“ பற்றி !

நமது பரோபகார நண்பரின் உபயத்தில் பெரும் தொகையொன்று நமக்குக் கிட்டியிருக்க, அதனை 2021 சந்தா நண்பர்களுக்கொரு விலையில்லா இதழாகிடுவது பற்றி ஏற்கனவே அறிவித்திருந்தோம் & TEX-ன் "கழுகு வேட்டை" முழுவண்ண ஹார்ட் கவர் பதிப்பே அந்த இதழாகிடும் என்றும் சொல்லியிருந்தேன் அல்லவா ? ஏப்ரல் முதல் தேதிக்கு புதுச் சாந்தாவின் துவக்க வேளையினில் இந்த இதழும் தயாராக இருந்தால் பொருத்தமாக இருக்குமென்ற எண்ணத்தில் அதற்கான பணிகளும் இணைதடத்தில் ஓடி வருகின்றன ! நேற்றைக்கு அதன் அட்டைப்பட டிசைன் இறுதி வடிவம் பெற்று, ஹார்டகவர் மாதிரியுடன் ஒரு டம்மி இதழினைத் தயார் செய்து பார்த்துக் கொண்டிருந்த போது தான் - இதற்கு முன்பான டிராகன் நகரம் ஹார்ட் கவர் மறுபதிப்பு நினைவில் நிழலாடியது ! ரெக்கார்டுகளை முறியடிக்கும் வேகத்தில் விற்றுத் தீர்ந்த இதழது என்பதும், அதன் உட்பக்க முகப்பினில் உங்கள் போட்டோக்களை போடுவதாய் சொல்லி மண்டகப்படிகள் பல வாங்கியதுமே நினைவில் நடனம் ஆடின ! அந்த நொடியினில் தான் 'தல'யின் இந்த landmark இதழிலும் இஷ்டப்படுவோரின் போட்டோக்களை உட்பக்கத்தில், கலரில் இணைத்திட வாய்ப்பு வழங்கலாமே ? என்ற எண்ணம் உதித்தது ! Of course 2021 சந்தாவில் இணைந்திடும் நண்பர்களுக்கு இது விலையில்லா இதழே எனும் போது அவர்கள் சந்தாத் தொகைகளுடன் தமது போட்டோக்களை lioncomics@yahoo.com என்ற மின்னஞ்சல் முகவரிக்கு அனுப்பினால் போதும் ! ஏற்கனவே சந்தா செலுத்திவிட்ட நண்பர்கள் தங்களின் போட்டோக்களை மட்டும் அனுப்பினால் போதும் !

And துரதிஷ்டவசமாக சந்தாக்களில் இணைந்திட இயலா நண்பர்கள் - இந்த இதழின் விலை + கூரியர் கட்டணம் + தம் போட்டோக்கள் என அனுப்பிட்டால் அவர்களுக்கும் இதுவொரு personalized இதழாகிடக்கூடும் ! But that can happen only in April'21 - when we do the online listings. இப்போவே இதற்குமொரு "முன்பதிவு" என்று லிஸ்டிங் போட்டு வைத்து, சந்தாச் சேர்க்கையின் மத்தியில் - 'இதென்ன ? அதென்ன ?' என்ற குழப்பங்களுக்கு இடம் தருவதாகயில்லை ! நம்மாட்கள் அவ்வப்போது வாங்கி வரும் சாத்துக்களே ஒரு வண்டி எனும் போது, புதுசாய் எதையேனும் அறிவித்து வைத்து அவர்களை மேலும் புண்ணாக்கிடப் போவதில்லை நான் ! And just a request please folks : அவ்வப்போது பத்து ரூபாய்க்கும், இருபது ரூபாய்க்கும் கூரியர் கட்டணம் ஜாஸ்தியென்ற முகாந்திரங்களில் நம்மவர்களோடு போனில் ஒருசில வாசக நண்பர்கள் நடத்திடும் மல்யுத்தங்களைப் பார்க்கும் போது ரொம்பவே நெருடுகிறது ! உங்களின் முகங்களில் புன்சிரிப்பைக் கொணரும் முயற்சியில், அவர்களது கண்களில் அவ்வப்போது கண்ணீரைப் பார்ப்பது உறுத்துகிறது ! எதுவாயினும் பொறுமை ப்ளீஸ் ?  

இதோ "கழுகு வேட்டை" அட்டைப்பட first look - ஒரிஜினல் டிசைன், கோகிலாவின் வண்ண மெருகூட்டலோடு ! (டிசைனின் கீழ்ப்பகுதியினில் - கால்கள் நீண்டுள்ளன ; மடங்கியுள்ளன " என்ற பீதி அவசியமில்லை guys - அந்த எக்ஸ்டரா நீளங்கள் உட்பக்கம் ஒட்டப்பட்டு கண்ணில் படாது !)

இது வரவுள்ளது ஏப்ரல் 2021-ல் guys : so மார்ச் கூரியரில் இதைத் தேடிட வேண்டாமே ப்ளீஸ் ? And இப்போவே பணம் அனுப்பிடக் கோரிடவும் வேண்டாமே ப்ளீஸ் ! இந்த நொடியில் சந்தாக்களே நமது தலையாய இலட்சியம் !

And before I sign out - இன்னொரு வேண்டுகோளுமே : 

இதோ இங்குள்ள இந்த மாயாவி இதழின் உருப்படியான முத்து காமிக்ஸ் புக் உங்களிடம் இருக்கும் பட்சத்தில் யாரேனும் ஒருவர் ஜெராக்ஸ் எடுத்து அனுப்பிட இயலுமா - ப்ளீஸ் ? நமது கையிருப்பை உருட்ட இந்த நொடியில் நேரமில்லை என்பதால் இந்த request !!

Bye all...have a great weekend ! See you around !! ஐ கோயிங் டு மல்லு கட்டிங் வித் மர்ம மனிதன் மார்ட்டின் ! 

அப்புறம் முன்கூட்டிய Valentine's தின வாழ்த்துக்கள் - அக்மார்க் காமிக்ஸ் காதலர்களான உங்களுக்கு ! பொம்மை புக் காதலும் கொண்டாடப்பட வேண்டிய காதல் தானே ? Have a ball all !

ஒரு ப.பா.ப !

 நண்பர்களே,

வணக்கம். “வச்சு செய்வது எப்படி ? – ஒரு செயல்முறை விளக்கம்!”

1.முதலில் உள்ளூர் உற்பத்தியில் பெரிதாய் விரிவாக்கம்; நவீனமயமாக்குதல்களில் ஆர்வம் காட்டப்படாது! “இதெல்லாம் செய்யணும்னாக்கா ரொம்போவே மெனக்கெடணும்டா அம்பி...! அது தான் கிட்டக்கவே சீனாக்காரன் இருக்கான்லே – அவன்கிட்டே வாங்கிக்கோ!” என்று கையைக் காட்டிவிட்டு, ஜரூராய் மிக்சர் சாப்பிட வேண்டியது!

2. டொட்டடாய்ங்...! கொரோனா தாண்டவம்! சீனாவுடன் உரசல்! பலனாய் சீன இறக்குமதிகள் ஒரே நாளில் - 'இஸ் கான்... போயிண்டே!!' துறைமுகங்களில் சரக்குடன் காத்துக் கிடக்கும் பல்லாயிரக்கணக்கான கன்டெய்னர்கள் – மறுபடியும் சீனாவுக்கே நடையைக் கட்டுகின்றன!

3. ரைட்டு...இத்தினி காலமாய் மிக்சர் சாப்பிட்டு வந்த உள்ளூர் உற்பத்திக்காரப் பெரிப்பாக்கள் இப்போது என்ன செய்கிறார்கள் ? ஒரே ராவில் துள்ளிக் குதித்து எழுந்து, காலம் காலமாய் செய்யத் தயங்கிய அந்தச் சரக்குகைளை, சீன தரத்துக்கே செய்யும் சூட்சுமத்தைக் “கண்டுபிடித்து விடுகிறார்கள்!” பின்னென்ன? ராப்பகலாய் வேலை வைத்து சரக்கு செய்து, மார்கெட்டில் பூந்து விளையாடுகிறார்கள்!

4. “நில்லு.... நில்லு... நில்லு... சீனாக்காரன் சரக்கை வேணாம்னு சொல்லி விட்டு, அதே தரத்துக்கு நம்மாட்கள் உற்பத்தி ஆரம்பிச்சுட்டாக்கா அதிலே விசனம் ஏன்? கொண்டாட வேண்டிய சமாச்சாரமாச்சே?” இது உங்க மைண்ட் வாய்ஸ்!

5. கொண்டாட வேண்டிய மேட்டரே தானுங்கண்ணா... நம்ம முன்னாள் மிக்சர் பெரிப்பாக்கள் போட்டிக்கு ஆள் இல்லாத காரணத்தால் விலைகளில் இன்றைக்கு சகட்டு மேனிக்குப் போட்டுத் தள்ளாமல் இருந்தாக்கா!! கப்பல் கட்டணங்கள் தந்து, சுங்க வரிகளையும் செலுத்திய பிற்பாடு, சீனாவிலிருந்து இறக்குமதியான சரக்கு 100 ரூபாய்க்கு மார்கெட்டில் கிடைத்தது என்று வைத்துக் கொள்ளுங்களேன்... இன்றைக்கோ அதே சரக்கு உள்ளூரில் கூசாமல் நம்ம பெரிப்பாக்களின் உற்பத்தியில் - ரூ.140-க்கு விற்று வருகிறது!!

6. இத்தனை காலமாய் – சீன சரக்குகளோடு போட்டி போடுவானேன் ? சின்ன லாபத்துக்கு உற்பத்திகளில் ஆர்வம் காட்டுவானேன்?” என்று ஒதுங்கிக் கிடந்த மிக்சர் முதலாளிகள் – இன்று ஆளேயிராத ஆறு வழிச்சாலைகளில் பிய்த்துப் பிடுங்கிப் பறக்கும் ஆம்னி பஸ்களைப் போல தூள் கிளப்பி வருகிறார்கள்! 

“அண்ணாச்சி... ரெண்டு டன் வேணும்; உடனே கேஷ்! என்ன ரேட் போடலாம்!” இது வாடிக்கையாளர்!

“போன வாரத்தை விட டன்னுக்கு எட்டாயிரம் சாஸ்திண்ணே! போட்டர்லாமா? இது விற்பனையாளர்!

7. ‘திருதிரு‘வென்று விழி பிதுங்கிக் கிடக்கும் வாடிக்கையாளரைப் பார்த்து அக்கறையாய் விற்பனை அண்ணாச்சி இன்னுமொரு அட்வைஸும் வழங்குகிறார்!

”யோசிச்சிட்டு சனிக்கிழமை சொல்றதானா மேற்கொண்டு ஆறாயிரம் கூடியிருக்கும்ணே... !! மில்லிலிருந்து ஏற்கனவே ஓலை வந்தாச்சு!”

”வச்சு செய்வது” என்பது இதுவில்லையெனில் வேறு எதுவாகயிருக்கக் கூடுமோ  தெரியலைடா சாமி!!

வாயோரம் நுரை தள்ள இத்தினி நேரம் நான் பெனாத்தினதெல்லாம் – இன்றைய நமது பேப்பர் மார்கெட் உற்பத்திகள் + விற்பனைகள் சார்ந்த நடைமுறைகளைப் பற்றியே ! அக்டோபர் ’20 முதற்கொண்டே நிலவரம் ஒரு தினுசாய்ப் போய்க் கொண்டிருந்தது பேப்பர் விலைகளில் ! ஆனால் இது ஆண்டுதோறும் வருஷக்கடைசிகளில் நிகழும் டிமாண்டுக்கான மினி விலையேற்றமே; சனவரி பொறந்தா நிதானம் திரும்பிடும் – என்ற நினைப்பில் பெரிதாக நான் எடுத்துக் கொள்ளவில்லை ! தவிர நம்மிடம் ஜனவரி வரைக்குமே தாள் கையிருப்பு இருந்ததால், எவனோ – என்னமோ செய்திட்டுப் போகட்டும் என்று உலாற்றித் திரிந்தேன் ! ஆனால் பிப்ரவரியில் ARS MAGNA விற்குத் துவங்கி, இதர இதழ்களுக்குமான பேப்பர் வாங்கிட முனைந்த போது தான் தலைக்கு மேல் ஏவுகணைகள் ‘சர் சர்ரென்று பறந்து கொண்டிருப்பது புரிந்தது! வேறு வழியே இல்லாமல் - டன் ஒன்றுக்கு சுமார் 30% கூடுதல் விலை தந்து கொள்முதல் செய்த போது கபகபவென எரிந்த வயிற்றில், டில்லிப் பனிக்கு விவசாயிகள் இலகுவாய்க் குளிர்காய்ந்திருக்கலாம் ! 

“சரி... தொலையுது... அடுத்த மாதம் பார்த்துக்கலாம்!” என்றபடியே அதை மறந்து விட்டு, 2 நாட்களுக்கு முன்பாய் மார்ச் இதழ்களின் purchase-க்குப் போனால் – “வாங்க அண்ணாச்சி...! போன மாசமே சேர்த்து வாங்கியிருக்கப்படாதா ? இன்னும் எட்டாயிரம் கூடியிருக்கே?!” என்று அவர் பூத்த புன்முறுவலுக்கு நான் காட்டிய ரியாக்ஷனை பற்பல சென்சார்கள் செய்தாலுமே, இங்கு ஒலிபரப்பும் நிலையில் இராது! கலாமிட்டி-ஜேன் ஒழுக்கமான, வாய்ச்சுத்தமான அம்மணியாய்த் தென்பட்டிருப்பார் – என்னோடு அந்நொடியில் ஒப்பிட்டிருந்தால்! ஒன்றரை நாட்கள் மறையைக் கழற்றி மரத்தில் தொங்கவிட்ட மந்தியைப் போலச் சுற்றித் திரிந்தேன் - “யாரையாச்சும் மூக்கில் குத்தியே தீரணுமே?” என்ற கடுப்பில்! உள்ளூர்... சென்னை... பெங்களூர் என அத்தனை பேப்பர் ஸ்டோர்களிலும் சொல்லிவைத்தாற் போல அதே விலைகள் ; அதே அனுசரனையற்ற குரல்கள் !! நேற்று வரையிலும், டன் ஒன்றுக்கு ரூ.1500 லாபத்துக்கு வியாபாரம் செய்து வந்தோர் – இன்றைக்குக் கூசாமல் ரூ.10,000 லாபங்கள் பார்த்து வருவது புரிகிறது!

To cut a grossly long story short - அசுரத்தனமான இந்த விலையேற்றத்தைச் சமாளிக்க ஏதேனும் தடாலடியாய்ச் செய்திடாவிட்டால் - புதுச் சந்தாக்கள் துவங்கிடும் ஏப்ரலில், சாணித் தாளில் தான் தோர்கல்களும், ப்ளூகோட்களும் , டெக்ஸ் வில்லர்களும் வலம் வர வேண்டியிருக்குமென்பது புரிந்தது !  அந்த நேரம் தான் நமக்குத் பரிச்சயமானதொரு அச்சக அதிபரின் நினைவு வந்தது !நம்மிடம் முன்நாட்களில் அச்சு இயந்திரம் வாங்கியிருந்தவர் நல்லதொரு நண்பருமே ! அவரது நிறுவனம் எப்போதுமே கையிருப்பில் கணிசமாய் ஆர்ட் பேப்பர் வைத்திருப்பதுண்டு ! சத்தமில்லாமல் போய் அவர் கையைக் காலைப் பிடித்தாவது சகாயம் கேட்பதென்று தீர்மானித்தேன் ! அவரும் நம் இக்கட்டைப் புரிந்து கொண்டவராய், மறுப்புச் சொல்லாமல் நமக்குத் தேவையான சரக்கைத் தர சம்மதித்தார் – மார்கெட்டில் இன்று நிலவும் மரண உச்சங்களில் அல்லாது – சற்றே குறைவாய் ! நாம் வாங்கிப் பழகியிருந்த நார்மல் ரேட்களிலிருந்து இது எக்கச்சக்க அதிகமே என்றாலும் – வெளிமார்க்கெட்டில் அரங்கேறி வரும் “ஏக் மார் – தோ துக்கடா” கசாப்புகளை விடத் தேவலாம் ரகம் ! So கண்ணை இறுக மூடிக் கொண்டு ; அவரிடம் நமக்கு பயன்படக்கூடிய சைசில் இருந்த பேப்பரை அப்போதே லவட்டும் ஏற்பாடுகள் செய்து வைத்தேன் ! 

அதற்குள் ஜூனியர் தன் பங்குக்கு, இன்னொரு மொத்த இறக்குமதியாளரைத் தேடித் பிடித்து, அவரிடமும் நமக்கு ஆகும் விதமான பேப்பர் இருப்பதை ஊர்ஜிதம் செய்திருந்தார் ! சனிக்கிழமை காலை, தலைவர் பட முதல் ஷோவுக்கு டிக்கெட் வாங்க ஓடுவதை போல அவர்களின் ஆபீசுக்கு ஓட்டமெடுத்தோம் ! மதியத்துக்குள் நமக்கு ஏற்ற சரக்கை இனம் கண்டு ; அவர்களிடமும் கெஞ்சிக் கூத்தாடி சற்றே சகாய விலையில்  கையிலிருந்த காசு முழுமைக்கும் பேப்பரை வாங்கித் தள்ளிவிட்டேன்! அநேகமாய் இது நடப்பாண்டின் November இதழ்கள் வரைக்கும் தாக்குப் பிடித்து விடும் ! அதற்குள்ளும், நிலவரம் சீராகியிராது ; விலைகளில் இதே வெறித்தாண்டவங்கள் தொடர்ந்திடும் பட்சங்களில், ஆர்ட் பேப்பருக்கு ஒரு பெரிய கும்பிடைப் போட்டு விட்டு – நார்மல் தாட்களுக்கு மாறுவதைத் தவிர்த்து வேறு வழியே இராது ! நிலவரம் கைமீறி ; கால்மீறி ; மூக்குமீறி ; முகரைமீறிப் பயணித்து விட்டன ! சும்மா சும்மா இந்த மனசாட்சிகளில்லா செலவின விலையேற்றங்களை நமது இதழ்களின் விலையேற்றங்களாக்கிடுவதில் எனக்குச் சம்மதமில்லை ! So தெறிக்கும் உச்சங்களே தொடர்ந்தாலோ ; அல்லது விலைகள் இன்னமும் கூடினாலோ - bye bye ஆர்ட்பேப்பர் என்பதே தீர்மானமாக இருந்திடும் ! We just have no choice !!

And பளா பளா மாப்பிள்ளையான ஆர்ட் பேப்பர் ஒருபக்கமாய் செம கெத்து காட்டி வருகிறாரெனில், ‘நாங்க என்ன இளப்பமா?‘ என்று இன்னொரு பக்கமிருந்து கொடி பிடிக்கின்றன - நாம் அட்டைப்படங்களுக்குப் பயன்படுத்தி வரும் கெட்டியான அட்டை ரகங்ளும் ! இங்கேயும் தலைசுற்றச் செய்யும் விலையேற்றங்கள் அரங்கேறி வருவதால் – இனி தொடரும் நாட்களில் உட்புறத்தில் சற்றே நிறம் குறைச்சலான ரகங்களைப் பயன்படுத்த உள்ளோம் ! வண்ணத்தில் அச்சாகிடும் முன்பக்கங்களில் எவ்வித மாற்றங்களும் இராது; ஆனால் ‘அடுத்த வெளியீடு‘; ‘விரைவில் வருகிறது‘; ‘ஸ்டாக் லிஸ்ட்‘ என்று தாங்கி வரும் உட்பக்கங்கள் இனி வெள்ளையாய்  இராது! Please do bear with us on this guys!

இம்மாதிரியான ஸ்திரத்தன்மையற்ற மார்கெட் நிலவரங்களைத் தவிர்க்கும் பொருட்டே இரத்தப்படலம் – வண்ண மறு-மறு-மறுக்கா பதிப்புப் project-ல் சூட்டோடு சூடாய், மூன்றே மாதங்களுக்குள் முன்பதிவுகளை நிறைவு செய்திட ஆசைப்பட்டிருந்தேன்! ஆனால் முன்பதிவு ரயில் எதிர்பார்த்த வேகங்களைத் தொடாது போனதால் - ஒத்திப் போட வேண்டிப் போனது ! இப்போதோ புது விலைகளிலேயே பேப்பர் வாங்க வேண்டிப் போகும் ! Phewww !!!

ரைட்டு... பஞ்சப்பாட்டுக்கள் படலம் போதுமென்பதால் let’s move on!

அர்ஸ் மேக்னா! மினுமினுக்கும் ஹார்ட்கவர் அட்டையுடன், தாட்டியமாய் நிறைய இல்லங்களில் அமர்ந்திருப்பது நிச்சயம் ! And ஒரு சிறு அணியினர் அதற்குள் வாசித்து; சிலாகித்து பட்டையைக் கிளப்பவும் செய்து முடித்து விட்டுள்ளனர்! Taking things to new heights – நமது பல்லடத்து ஆசிரிய நண்பர் இம்மாதம் நம்மிடமிருந்து பெறவுள்ளது மைசூர்பாகு டப்பியாக இருக்கலாம்; ஆனால் அவர் பதிலுக்குச் செய்திருப்பதோ ஒரு அசாத்திய காரியம்! தன் செலவில் அர்ஸ் மேக்னாவின் 20 இதழ்களை வாங்கி, தன் சக ஆசிரியர்களுக்கோ, அன்பர்களுக்கோ விநியோகம் செய்து வருகிறார்!! தான் ரசித்ததோடு நிறுத்திக் கொள்ளாது ரூ.6000 செலவழித்து, அந்தப் படைப்பைத் தனது வட்டத்தினில் உள்ளோரிடமும் கொண்டு சேர்ப்பிக்க அவர் காட்டி வரும் ஆர்வம் – just wow!

And இதுவரையிலான அலசல்களையும், விமர்சனங்களையும் பார்த்திடும் போது – நமது பட்டியலுக்குப் பெருமை சேர்க்கும் ரொம்ப ஸ்பெஷல் இதழாக இது அமையக்கூடுமென்று தோன்றுகிறது! பத்துப் பதினைந்து நண்பர்களது சிலாகிப்புகளால் இதனை "All centers blockbuster ஹிட்" என்று இப்போதே கூத்தாடிக் கொண்டாடிடப் போவதில்லை நான் ; ஆனால் அதற்கான வேளை புலராது போகாது என்ற நம்பிக்கை கணிசமாய் உள்ளது உள்ளுக்குள்! இந்த முப்பாக ஆல்பத்துக்கான உரிமைகளை ஒன்றரை ஆண்டுகளுக்கு முன்பாகவே வாங்கி விட்டோம்; ஆனால் கதையின் செம complex ஓட்டத்தை – மொழிபெயர்ப்பில் சமாளிக்க நமது டீமுக்கு சாத்தியமாகிடுமா? பிரதானமாய் ஐரோப்பிய வரலாறு ; மத நம்பிக்கைகள் எனப் பயணிக்கும் கதைக்களத்தை வாசிப்புகளில் சமாளிக்க நம் வட்டத்துக்கு சுகப்படுமா ? என்ற கேள்விகள் ஸ்பீட்-பிரேக்கர்களாய் நின்று வந்தன! In fact மேக்ஸி லயனின் வாண்டு ஸ்பெஷல் இதழ்கள் மட்டும் தள்ளிப் போகாதிருப்பின் அர்ஸ் மேக்னாவை இன்னமுமே ஜவ்விழுத்திருப்பேன் நான்! 

கிருஸ்துவத்தின் வரலாறு; அவை சார்ந்த படைப்புகள்; Dan Brown ; Da Vinci Code நாவல்கள் என்றைக்குமே எனக்குப் பெரிதாய்ப்  புரிந்ததுமில்லை; பிடிபட்டதுமில்லை! ‘தேவ இரகசியம் தேடலுக்கல்ல‘ பணிகளில் கூட சன்னமான பயங்களோடே நான் பணியாற்றியிருந்தேன்! ஆனால் அர்ஸ் மேக்னாவில் கதாசிரியர் எனது பயங்கள் சகலத்தின் வழியேயுமே சர்ர்...புர்ர்ரென்று வண்டியை ஓட்டோ ஓட்டென்று ஓட்டியிருக்க ‘தம்‘ பிடித்துக் கொண்டு தான் பேனா பிடிக்க நேர்ந்தது. வழிநெடுகிலும் கூகுள் references என்று ஒப்பேற்றியிருந்தாலும், எடிட்டிங்கின் ஒவ்வொரு முறையிலும் புதுசு புதுசாய் என் புரிதலின் குறைபாடுகள் கண்ணில் பட்டுக் கொண்டேயிருந்தன தான்! இன்னமுமே எனது பணி bullet proof ஆனதென்ற நம்பிக்கை முழுசாய்ப் பிறந்த வழியைக் காணோம்; maybe நண்பர்களின் பெரும்பான்மை மூழ்கி எழுந்து புதிதாய் சந்தேகங்களை எழுப்பாத பட்சத்தில் ஆசுவாசப்படுத்திக் கொள்ளலாம்!

சரி... ஒரு பெரும் பரீட்சையைத் தக்கி முக்கி எழுதியாச்சு; இனிமேல் ‘ஓங்கியடிச்சா ஒண்ணேமுக்கால் டன்; ஓங்காமல் அடிச்சா மூணேமுக்கால் டன்‘ என்ற ஜாலியான பன்ச் டயலாக்குகளோடு கும்மியடிக்கப் போகலாமென்று பார்த்தால் ‘பிரளயம்‘ என்றொரு அசாத்தியம் முன்நிற்கிறது! மீண்டுமொரு முப்பாகத் தொகுப்பு; இங்கோ உலுக்கியெடுக்கும் ரகத்தில் கதைக்களம்!! சொல்லப் போனால் இந்தப் பணியை முடித்து சுபம் போடச் சாத்தியமாகும் வேளையில் – முன்மண்டையானது மொசைக் தளம் போலாகியிருக்கும் போலும்! இங்கே பணியில் சிரமங்கள் இல்லை; அதே போல மொழிபெயர்ப்பில் score செய்திடும் வாய்ப்புகளும் பேனா பிடிப்பவனுக்கு லேது! மாறாக ரொம்பவே disturb செய்திடும் அந்தக் கதையோடு பயணிப்பதில் தான் சவாலே உள்ளது! முதல் அத்தியாயத்தை முடித்த கையோடு இந்தப் பதிவுக்குப் பேனா பிடிக்கப் புறப்பட்டு வந்து விட்டேன்; ஆனால் மனசெல்லாம் எஞ்சியிருக்கும் 2 அத்தியாயங்களைச் சமாளிப்பதிலேயே நிலைகொண்டுள்ளது! And நேற்று பின்னிரவு இதன் இரண்டாம் பாகத்தினுள் பணி துவக்கிய நொடியே ஜெர்க்கோ ஜெர்க் !! அது பற்றி - அடுத்த பதிவினில் !

மார்ச் மாதத்தின் வெளியீடுகள் பற்றிய விளம்பரங்கள் ஏதும் இம்முறை இல்லாது போனதற்கு அர்ஸ் மேக்னாவைச் சிந்தாமல், சிதறாமல் கரைசேர்க்கும் உத்வேகத்தில் இதர சமாச்சாரங்களை மறந்து தொலைத்ததே காரணம்! எனக்குத் தானென்றில்லை; நம் டீமுக்குமே வெண்டைக்காய் அரை லோடு அவசியம் தான் போலும்! And here you go :

So மார்ச்சுக்கு : மேற்படி இதழ்கள் 3 & அத்தோடு 1 கிராபிக் நாவலுமே ! ! 

And அவற்றோடு 2020-ன் சந்தா முழுமையடைந்திடும் guys - ஏப்ரல் முதலாய் 2021-ன் புதுச்சந்தாக்கள் நடைமுறைக்கு வந்திடும் ! Please do take note !!

அப்புறம் போன வாரயிறுதியில் நான் மும்முரமாய் பொழுதைக் கழித்தது பற்றி! கொரோனாவின் உபயத்தில் உள்ளூர் புத்தக விழாக்கள் மாத்திரமின்றி உலகளாவிய புத்தகத் திருவிழாக்களுமே காணாது போயிருக்க, நமது படைப்பாளிகளோ ஓய்ந்து இருக்கத் தயாரில்லை! தமது படைப்புகளை உலகெங்கும் வெளியிட்டு வரும் இதர மொழிப் பதிப்பகங்களோடு வாரயிறுதிகளில் TEAMS எனும் காணொளி மூலமாய் உரையாடி வருகின்றனர் ! And சென்ற வாரயிறுதியினில் 2 வெவ்வேறு ப்ரெஞ்ச் பதிப்பகங்கள் ஆன்லைன் சந்திப்புகளில் நமக்கு நேரம் ஒதுக்கித் தந்திருந்தனர் – தலா 30 நிமிடங்கள் வீதம் ! ரைட்டு... அதை முடித்த கையோடு blog எழுத ஆரம்பிக்கலாமென்று இருந்தேன் தான்! ஆனால் இரு பதிப்பகங்களுமே தமது புதுப் படைப்புகள், காத்திருக்கும் திட்டமிடல்கள் பற்றி மேலோட்டமாய்ப் பேசத் துவங்க – எனது ஆர்வ மீட்டர் கூரையைப் பிய்த்துக் கொண்டு எகிறத் தொடங்கியது! 

பல்வேறு புத்தகவிழாச் சந்திப்புகளிலும் சரி, அலுவலகச் சந்திப்புகளின் போதும் சரி, ஒரு விஷயத்தை நன்றாகவே கவனித்திருக்கிறேன் நான் : இதர மொழிப் பதிப்பகங்களின் பிரதிநிதிகளாய் வருவோர், கோட்டும், சூட்டுமாய் செம professional லுக்குளில் அசத்துவர்! அமர்ந்த மறுகணம் தமது லேப்டாப்களைத் திறந்து வைத்தபடி சுருக்கமாய் எதையோ பேசுவர்; நிறைய மண்டையை ஆட்டுவர்; சத்தம் போட்டு ஓரிருதபா சிரித்து விட்டு லேப்டாப்பை மூடியபடியே எழுந்து நின்று கைகுலுக்கி விட்டுக் கிளம்பி விடுவர்! ஆனால் நம்ம கதையே வேறாக இருக்கும்! அரை மணி நேரம் டயம் தந்திருப்பார்கள்; நானோ பிரான்ஸ் சுதந்திரம் வாங்கிய வருஷத்தில் வெளியானதொரு ஆல்பத்தின் ஒற்றைப்பக்க பிரிண்ட் அவுட்டைக் கையில் வைத்தபடிக்கே ஆரம்பித்தேனென்றால், 2030 வரைக்குமான திட்டமிடல்கள் என்னவாக இருக்கக்கூடமென்பது வரைக்கும் பிடுங்கி எடுத்து, பாடாய்ப்படுத்தி எடுத்து விடுவேன்! ஒரு வண்டி ஆல்பங்களைக் கேட்டு வாங்கி புரட்டோ புரட்டென்று புரட்டி, அவற்றின் கதைச்சுருக்கங்களைக் கேட்டு குடலை உருவுவேன்! So ஆன்லைனோ; ஆஃப்லைனோ எனது பாணி ஒன்றாகவே இருந்திட - அந்த ஞாயிறின் காணொளி மீட்டிங் ஒவ்வொன்றுமே கிட்டத்தட்ட ஒன்றேகால் மணி நேரங்களுக்கு நீண்டு சென்றன! அவர்கள் கண்ணில் காட்டிய புது ஆல்பங்களை சரசரவென்று குறித்துக் கொண்டு இந்தப் பக்கமாய் என் செல்போனிலேயே அவற்றின் மீதான கூகுள் தேடல்களைத் தட்டி விட, நொடியில் சில பின்னணித் தகவல்கள் கிட்டின! அவற்றை வைத்துக் கொண்டே படைப்பாளிகளிடம் மேற்கொண்டு பேசினால் லட்டு லட்டாய் சிலபல புது ஆல்பங்களை அடையாளம் காண முடிந்தது!

- ஒரு செம cute கௌபாய் காமெடித் தொடர்!

- ஒரு ரணகள ஆக்ஷன் கௌபாய் தொடர்!

- முன்னாள் ஜட்ஜ்; இந்நாள் காமிக்ஸ் ஓவியர் என ஒரு வித்தியாசமான படைப்பாளியின் ரொம்பவே வித்தியாசமான கிராபிக் நாவல்!

- ஒரு நிஜ சம்பவப் பின்னணியில் உருவானதொரு after the war ஆல்பம்!

- கார்ட்டூன் ஸ்டைலில் ஒரு ரகளையான கௌபாய் ஆக்ஷன் one-shot!

- கண்ணுக்குக் குளிர்ச்சியானதொரு செம வீரியமான கௌபாய் தொடர் – மொத்தம் 5 பாகங்கள் கொண்டது! இதுவரையிலும் 4 உருவாகி விட்டுள்ளன; இறுதிப் படலம் may be 2022 –ல் ரெடியென்றால் உத்திரவாத அதகளம் ரெடி எனலாம்! சித்திரங்களும் கதையோட்டமும் மின்னும் மரணத்துக்கு tough fight தந்திடுவது போலுள்ளன!

- க்ரைம் த்ரில்லர் – 2 பாகம் – நினைத்தே பார்க்க முடியாததொரு கதைக்கருவோடு! And சித்திரம் + கலரிங் ஸ்டைல் க்ரிஸ் கெய்ல் அடிக்கும் சிக்ஸர்களை விடவும் அசாத்தியமாய் இருக்கின்றன!

- நிஜ வாழ்க்கையில்; வரலாற்றில் சில தெளிவில்லாத அத்தியாயங்கள் மீது வெளிச்சம் போட முனையுமொரு மினி தொடர்! அதன் ஆல்பம், ஒவ்வொன்றுமே ஒவ்வொரு வரலாற்று மர்மத்தையோ; இருளில் கரைந்து நிற்கும் மாந்தர்களையோ அலசிட முனைகிறது! அதனிலிருந்து ஒரு அற்புத அழகியின் கதையைத் தேர்வு செய்துள்ளோம் நமது ஜம்போ சீஸன் 4க்கென! சித்திரங்களும் சரி, கலரிங்கும் சரி – வேறு லெவல்! ஜம்போ சீசன் 4-ன்  இதழ் # 3.

ஆக பலகாரக் கடைக்குள் புகுந்த பசித்தவனைப் போல – போன ஞாயிறின் மதியமும், மாலையும் எனக்குக் கரைந்து போயிருந்தன! அன்றைய பொழுதின் தேடல்களின் பலன்களை நாம் காணக் கூடியது 2022-ல் தான் என்றாலும், ஒரு ஸ்பெஷலான வருஷத்துக்கு இப்போதிலிருந்தே தயாராவது தப்பில்லையென்று நினைத்தேன்!

ஓ.கே... வாரயிறுதிக்கு இந்த மொக்கை போதுமென்பதால் – காத்திருக்கும் பணிகளுக்குள் புகுந்திடப் புறப்படுகிறேன்! இந்தப் பதிவை எழுதிக் கொண்டிருக்கும் சனி பகலினில் பேங்க்கில் உள்ள பணத்தின் முழுமையையும் வழித்துத் துடைத்து பேப்பர் கொள்முதலுக்கான பட்டுவாடாக்களைச் செய்து முடித்தும் விட்டாச்சு! So திங்கள் காலை - காற்றோட்டமான வங்கியிருப்போடு தான் பணிகளைத் துவங்கிட வேண்டி வரும் என்றாலும், கிட்டத்தட்ட ஆண்டின் இறுதிவரைக்குமான தாள் உள்ளே வந்து இறங்கி விட்டதில் செம  திருப்தி ! அறிவித்த இதழ்களை, அறிவித்த விலைகளிலும், தரங்களிலுமே உருவாக்கிட இனி சிக்கல்களில்லை என்ற நிம்மதி !  அடுத்த 10 மாதங்களுக்காவது எவன் தலையில், பெரிப்பாக்கள் எந்தக் கல்லை போட்டாலும் நமக்கு கவலையில்லை ; நான் மிக்ஸர் சாப்பிடுவேனே மம்மி !

And இன்னொரு பக்கமோ, நடப்பாண்டின் ரெகுலர் இதழ்கள் ; புக்பேர் ஸ்பெஷல்ஸ்; பூனைக்குட்டி ஸ்பெஷல்ஸ் – என சகலத்துக்குமான கதைகளும் வந்து சேர்ந்து விட்டன ! Post கொரோனா நாட்களில், நம் வண்டி குடைசாயாது ஓடிட, படைப்பாளிகள் அவர்களால் இயன்ற சகாயமாய் - கதைகளை இம்முறை கடனுக்கு அனுப்பியுள்ளனர்! So : கதைகள் வந்தாச்சு; பேப்பரும் வந்தாச்சு; பிரெஞ்சு மொழிபெயர்ப்புகள் 2022 வரைக்கும் தயாராச்சு! 

இனி egg eyes தமிழாக்கம் பண்றான்... புக் ப்ரிண்ட் பண்றான்... நிம்பள் வாசிக்கிறான்! 

And முடிஞ்ச தருணங்களிலே 2021-க்கான சந்தாப் புதுப்பித்தல்களுக்கு நீங்கள் சற்றே மெனெக்கெட்டிட முடிந்தால் - all will be well ! இந்த நொடியில் பாதிக் கிணற்றையே தாண்டியிருக்கிறோம் - 2021 சந்தாப் பரீட்சையினில் !

ஞான் இப்போ முன்கூட்டியே thanks சொல்லிட்டுக் கிளம்புறான்! டாட்டா... பை...பை! See you around folks ! ARS MAGNA அலசல்கள் தொடரட்டுமே - ப்ளீஸ் ?

P.S.: சின்னதொரு வேண்டுகோள் guys : எகிறியுள்ள செலவினங்களின் பொருட்டு விலையேற்றும் எண்ணமெல்லாம் இல்லை ! In fact 2022-க்குமே இதே விலைகளில் தொடர்வது தான் திட்டமிடலும் ! And இரத்தப் படலமும் அறிவித்த விலையினிலேயே மறுக்காப்பதிப்பு கண்டிடும் ! 

'ரைட்டு - அப்படியானால், வேண்டுகோள் ; வேண்டாதகோள் இன்னா ?' என்கிறீர்களா ? சமீபத்தைய நமது ஆன்லைன் புக் பேர் விழாவின் ஆர்ச்சி + மாயாவி இதழ்களினை இன்னமும் நம்மில் நிறையப் பேர் வாங்கியிருக்கவில்லை ! அவற்றுள் ஏதேனும் ஒன்றையோ ; அல்லது நமது back issues–களில் ஒரேயொரு Smurf or லக்கி லூக் or whatever வாங்க உங்களுக்குச் சாத்தியமாயின் – அதனை உங்களின் மார்ச் கூரியர்களுக்குள் நுழைத்து விடலாம் ! துயில் பயின்று கொண்டிருக்கும் முதலீட்டை சற்றே உயிர்ப்பித்தது போலிருக்கும் ;  and தேறிடக்கூடிய தொகையானது, இந்த வேளையில் ரொம்பவே பயன் தரும் ! இயன்றால் முயன்று பாருங்களேன் ப்ளீஸ் ?

And of course – சந்தாப் புதுப்பித்தல்களுமே !! இதோ உங்கள் வசதிக்கோசரம் - சந்தா செலுத்திட ஆன்லைன் லிங்க்ஸ் : 

https://lion-muthucomics.com/2021-subscription/643-jumbo-4-falooda-subscription-2021-april-to-december-abce-tamilnadu.html

https://lioncomics.in/product/jumbo-falooda-subscription-2021-april-to-december-abce-tamilnadu-copy/

Bye for now folks !! Have a fun Sunday !!

பிப்ரவரியில் - "பிப்ரவரி"

 நண்பர்களே,

வணக்கம். "பிப்ரவரியில் - "பிப்ரவரி" என்பதில் பெருசாய்க் கம்பு சுத்தும் சாகசங்கள் இருக்க இயலாது தான் ; ஆனால் நமக்கோ கரணங்களில்லா மாதங்களே கிடையாதாச்சே ?! So நேற்றைய விடுமுறைப் பொழுதிலுமே பைண்டிங்கில் குடல் உருவும் படலங்கள் அரங்கேறின - ARS MAGNA ஹார்ட்கவரின் பணிகளுக்கோசரம் ! திக்கெட்டும் திருமணங்கள் எனும் போது பைண்டிங் பணியாளர்களிலும் கணிசமான ஆட்பற்றாக்குறை - இறுதிப் பணிகளை முடித்துத் தந்திட ! ஞாயிறன்றும், இன்று காலையிலும் பணிகள் ஒரு மாதிரியாய் முடிவுற, மூன்று இதழ்களையும் தூக்கிக் கொண்டு நம்மாட்கள் ஓட்டமாய் ஆபீசுக்கு  ஓடிவந்தால்  - "கண்ணில் 2 பிழைகள் பட்டிருக்கின்றன புள்ளீங்களா ; ஸ்டிக்கர் போட்டட்ட்டே தீரணும் !!' என்று டார்ச்சர் தங்கவேலாய் நான் நின்று கொண்டிருந்தேன் ! அப்புறமென்ன - உள்ளுக்குள் திட்டியபடிக்கே ஸ்டிக்கர்கள் போட்டு வாங்கி வந்து ; அவற்றைக் கர்ம சிரத்தையாய் புக்சில் ஒட்டிய கையோடு, டப்பிக்களுக்குள் நுழைத்து - கூரியருக்கு அள்ளியடித்துக் கொண்டு ஓட்டமெடுத்தனர் ! So மாதத்தின் முதல் தேதியின் டெஸ்பாட்ச் படலம் இனிதே நிறைவுற, நாளைய பொழுதை நல்லபடியானதாய்ப் புலரச் செய்ய கூரியர்வாலாக்கள் உதவ வேண்டுமே என்ற நினைப்பு மட்டுமே மண்டைக்குள் இப்போது ! And பணி முடிக்கும் நேரத்துக்குள் ஆன்லைன் லிஸ்டிங்களும் போட்டுவிட்டனர் நம்மாட்கள் ! So சூட்டோடு சூடாய் வாங்கிட என்னும் நண்பர்களுக்கு : 

https://lion-muthucomics.com/latest-releases/669-february-pack-2021.html 

(or )

https://lioncomics.in/product/2021-february-pack/ 

சந்தேகங்களின்றி இம்மாதத்தினில் கவனங்களை ஈர்க்க ஆற்றல் கொண்ட இதழ் MAXI லயனே என்பது உறுதி ! 'தல' கலரில் மினுமினுத்தாலும், அவரது மினி சாகசங்கள் இரண்டுமே - பந்தியில் வைக்கும் பாதுஷாக்கள் போலவே தான் ! பொரியலைப் பரிமாற எடுத்து வரும் முன்னமே தொந்திகளுக்குள் பாதுஷாக்கள் ஐக்கியமாகிடுவது போல - டப்பிக்களை உடைத்து ARS MAGNA வை புரட்டும் நேரத்துக்குள் "மின்னும் சொர்க்கம்" புக்கானது உங்கள் வாசிப்புப் பட்டியலில் அடைக்கலமாகியிருக்கும் ! இதோ - இதழின் அட்டைப்படம் : 

And இம்மாதத்தின் மூன்றாம் இதழும் உங்கள் நேரங்களை ரொம்பவெல்லாம் கோரப் போவதில்லை என்பதில் ஐயங்களில்லை அடியேனுக்கு ! டெஸ்மாண்ட் ஒரு காப்பியைப் போட்டுக் கொணர தேவைப்படக்கூடிய அவகாசத்துக்குள் "கம்பி நீட்டிய குருவி" "சுபம்" போட்டிருப்பதை நீங்கள் கண்டிடுவது உறுதி ! So இதழ்கள் கைக்குக் கிட்டியவுடன் முதல் வாசிப்பைப் போடும் போட்டியை இம்முறையும் நடைமுறைப்படுத்தினால், ஏகப்பட்ட மைசூர்பாகுகள் தேவைப்படக்கூடும் ! இம்முறையோ அந்தப் பரிசு (!!!) நமது ARS MAGNA க்குள் முதலில் மூழ்கிடும் நண்பருக்கே ! I repeat - scanlation அல்லாது - நமது இம்மாத MAXI லயனில் முதலில் வாசித்து கருத்துப் பதிவிடும் நண்பருக்கு மைசூர்பாகு பார்சல்லல்லல் ! So வாரத்தினூடே வாசிப்புகளுக்கும் சித்தே நேரம் ஒதுக்க முயற்சியுங்கள் folks !!

அப்புறம் நேற்றும், இன்றும் என்னை பிசியாக வைத்திட்ட சமாச்சாரங்களைப் பற்றி இவ்வார இறுதியின் பதிவில் ! வெயிட்டான சில பல புது ஆல்பங்கள் கண்ணில்பட்டதன் தொடர்ச்சியாய் சில பல ஜரூரான முஸ்தீபுகளில் இறங்கிட நேர்ந்தது பற்றி சனியிரவு ! So it's bye for now folks - Happy Reading !!