Powered By Blogger

Sunday, March 27, 2022

ஒரு ஏட்டையாவின் கதை !

 நண்பர்களே,

வணக்கம். ஸ்டேஷனில் ஏட்டையா வடிவேல் இருக்கும் போது ஒரு இளம் ஜோடி மாலையும், கழுத்துமாய் ஓடி வரும் - "வீட்டுக்கு தெரியாம கண்ணாலம் கட்டிக்கினோம் ஆபீசர் ; நீங்க தான் காப்பாத்தணும் !" என்றபடிக்கே ! பின்னாடியே வருசையாய் கடாமாடு சைசில் ஆட்கள் அணிவகுக்க - "இவனுங்கல்லாம் யாருமா ?" என்று ஏட்டையா கேட்க, "இது என் புருஷன் ; அது அவருக்கு முந்தினவரு ; இவரு நம்பர் 3 " என்று அடுக்கிக் கொண்டே போக, கிறுகிறுத்துப் போகும் வடிவேல் இறுதியில் சீட்டுக் குலுக்கிப் போட்டு பாப்பாவுடன் போகப்போகும் புருஷன் யாரென்று தீர்மானிப்பார் ! கிட்டத்தட்ட அந்த ஏட்டையா நிலைமை தான் எனக்கு இந்த வாரத்தினில் !! 

ஜம்போவின் "உளவும் கற்று மற" பணிகளே ஏப்ரல் இதழ்களின் last ! கோடை மலர் அச்சாகி, பைண்டிங்கில் இருக்க, டெக்ஸ் சிங்கிள் ஆல்பமும் பிரின்டிங் முடிந்து விட்டது ! ரைட்டு, இந்த ஜம்போ one shot உலகை உலுக்கியதொரு பெண் உளவாளியான மாட்டா ஹாரியின் கதை ; செமையா இருக்கப் போகுது ; ஏற்கனவே கருணையானந்தம் அங்கிள் மொழிபெயர்ப்பு செய்தது DTP எல்லாம் முடிந்து கிடப்பதால் - போறோம்...எடிட்டிங் முடிக்கிறோம், ஏப்ரல் பணிகளுக்கு 'சுபம்' போடுறோம் என்ற கனவில் திரிந்தேன் ! பணியினை எடுத்துக் கொண்டு, இன்னொரு பக்கத்தில் பிரெஞ்சு to இங்கிலீஷ் மொழிபெயர்ப்பின் கத்தையையும் தூக்கிக் கொண்டு அமர்ந்தேன் ! 'அடடா...சித்திரங்கள் அள்ளுதே ; ஓஹோஹோ...கலரிங் பின்னுதே...!!' என்றபடிக்கே மெதுமெதுவாய் நகர்ந்தேன் ! மொழிபெயர்ப்பினில் கணிசமாகவே கை வைக்க வேண்டியிருப்பது புரிந்தது - becos இது வரலாறு இணைந்ததொரு ஆல்பம் என்பதால் கூகுள் துணையுடன் நிறையவே தேடல்களை நடத்தி, அதற்கேற்ப தமிழாக்கத்தை அமைத்தாலன்றி, புரிதலில் சிக்கல்கள் எழுந்திடும் என்று தோன்றியது ! 

But ஏழோ, எட்டோ பக்ககளைத் தாண்டுவதற்குள் மண்டைக்குள் லைட்டாய் ஒரு குறுகுறுப்பு எழத் துவங்கியிருந்தது - "இந்த மாட்டா ஹாரி அக்கா எப்போ உளவு பாக்க கிளம்புவாங்க ? அதுக்கான அறியும் காணோமே, குறியும் காணோமே "? என்ற ரீதியில் ! இன்னும் லைட்டாய் தட்டுத் தடுமாறி முன்னேற - ஸ்டேஷனில் ஏட்டையா வடிவேலின் இக்கட்டுக்குள் புகுவது போலவே எனக்கும் பீலிங்கு மேலோங்கியது ! ஊஹூம்....இது வேலைக்கு ஆகாது ; முதலில் இந்த மாட்டாக்கா பற்றி ஓரளவுக்காவது தெளிவாய் கூகுளில் தெரிந்து கொள்ளாமல் இந்தப் பணியினை கையில் எடுப்பது கதைக்கு ஆகாது ! என்று தீர்மானித்தேன் ! அதன் பின்னே விக்கிப்பீடியாவையும், இன்ன பிற தகவல் தளங்களையும் browse செய்த போது தான் புரிந்தது, எனக்குக் காத்திருப்பது சாட்சாத் சீட்டுக் குலுக்கிப் போடும் பொறுப்பே தான் என்று !! Simply becos - "மாட்டா ஹாரி ; பெண் உளவாளி ; ஜேம்ஸ் பாண்டுக்கு அத்தாச்சி முறை ; சும்மா உளவு பாத்து பின்னியெடுத்து ஒலக போரையே one hand-லே நிறுத்திப்புட்டாங்க !" என்ற ரீதியிலான மாயைகளெல்லாம் எத்தனை பெரிய டுபாக்கூர் என்பது சிறுகச் சிறுகப் புரிந்தது ! ஒரு பெண்ணை firing squad முன்னே நிறுத்தி சுட்டுத் தள்ளிய பிரெஞ்சு அரசாங்கத்துக்கு - "அவ பயங்கர சொர்ணக்கா ; ஆக்ஷன் கிங் அர்ஜூனே நம்ம நாட்டைக் காப்பாத்த வந்தா கூட, அவருக்கே tough தரக்கூடிய பிஸ்தா இவள் ; மாடஸ்டி பிளைசிக்கும் , ஜேம்ஸ் பாண்டுக்கும் தூரத்து பங்காளிமுறை  !" என்ற ரீதியிலான கதைகளைக் கட்டி விட்டு, தங்கள் செயலை நியாயப்படுத்தும் அவசியம் இருந்துள்ளது ! எதிரி நாடான ஜெர்மனியோ  - "ஊஹூம்..இந்த அக்கா எங்களுக்குலாம் உளவு பாக்கலை ; இதோட ஜகவாசமே எங்களுக்கு நஹி !" என்று மறுப்புத் தெரிவிக்கும் முனைப்பில், மாட்டா ஹாரி பற்றிய பிம்பத்தை ஊதிப் பெருசாக்கிட உதவியுள்ளனர் ! And உலக யுத்தப் பின்னணி ; ஒரு கவர்ச்சி பாம் ; ஜெர்மனி ; பிரான்ஸ் ; ஹாலந்து, ஸ்பெயின் ; இங்கிலாந்து ; ஆஸ்திரியா என்று றெக்கை காட்டாத குறையாய் சுற்றித் திரிந்ததொரு மர்ம அழகி - என்ற template கிடைத்தால் ஊடகங்கள் விட்டு வைத்திருப்பரா ? "குற்றம்...நடந்தது என்ன ?" என்ற ரேஞ்சுக்கு பில்டப் தந்து, உலகுக்கே Mata Hari என்றால் ஒரு உளவாளிப் புலி என்ற மாயையை ஏற்படுத்தி விட்டனர் !

ஆனால் நிஜத்தினில் இந்த அம்மணி செய்த ஜாகஜங்களின் முக்காலே மூன்று வீசம், விதவிதமான ஐரோப்பியக் கட்டில்களில் மாத்திரமே !  டோக்கன் போடாத குறையாய், ஐரோப்பிய மேல்வர்க்கத்து ஆண்களின் மோகங்களை தன் வீட்டு வாசலில் குவிந்திடச் செய்ததொரு ஜாலக்காரியே என்பது புரிந்த போது கவுண்டர் ஸ்டைலில் ரொம்பவே 'டெலிகேட் பொஷிஷன்' எனக்கு !! சும்மா சூப்பராய் அட்டைப்படமெல்லாம் ரெடி பண்ணி, பின்னட்டையினில் "உலகை உலுக்கிய பெண் உளவாளி" என்ற ஸ்டைலான tagline வேறு போட்டாச்சு !! சரி, கதைக்குள் புகுந்திட இந்த ஞானமே போதும்டா சாமீ ; என்றபடிக்கே ஒரு பேப்பரை எடுத்து நோட்ஸ் எடுக்கத் துவங்கினேன் ! "ஆங்..இந்த மீசைக்காரன் ஜெர்மனி டாவு ; இந்த ஹாலந்து தாத்தா அப்பாலிக்கா குத்தகைக்கு எடுத்திருக்காரு ; இந்த பிரெஞ்சு ஆபீசர் மிக்ஸர் பார்ட்டி ; இந்த இசைக்கலைஞர் தாத்தாக்கு முன்னாடி, ஆனா மீசைக்காரனுக்குப் பின்னாடி !" என்ற ரீதியில் நோட்ஸ் தொடர்ந்தது ! ஒரு மாதிரியாய் சனியிரவே இந்த அம்மணியின் பஞ்சாயத்தெல்லாம் முடிந்து - இன்றைக்கு நம்மாட்கள் திருத்தங்களை செய்து திங்களன்று அச்சுக்குத் தயாராக்கிடவுள்ளனர் ! Phewwww !! இயன்றமட்டுக்குப் புரிதல்களில் சிக்கல்கள் நேரா வண்ணம், அவசியமற்ற பெயர்களை, நபர்களை ஓரம்கட்ட முனைந்து, இயன்றமட்டுக்கு கதையினை (!!) நகற்றிச் செல்ல முயற்சித்துள்ளேன் ! மாட்டாவின் இஸ்திரி ; ஜியாகிரபி என சகலத்தையும் தெரிந்து கொண்டான பிற்பாடு, எடிட்டிங்கும் செய்தான பின்னே, இரண்டாவது வாசிப்பின் போது கொஞ்சம் தேவலாம் போலிருந்தது ! MATA HARI விஷயத்தினில் நிஜத்துக்கும், மிகைக்கும் மத்தியினில் உள்ள வித்தியாசங்களை சமீப காலங்களில் தான் துகிலுரிந்துள்ளனர் வரலாற்று ஆய்வாளர்கள் ! சரி, ஐரோப்பிய வரலாற்றின் ஒரு மாயையைப் பற்றி நாமுமே தெரிந்து கொள்வோமே இம்மாதம் !

இதோ - நமது சென்னை ஓவியரின் கைவண்ணத்திலான அட்டைப்படத்தின் முதல் பார்வை :

உட்பக்கத்து preview இதோ : 

And இம்மாதத்து 'தல' ஆல்பத்தின் preview க்கு முன்பாய் - "பழனிவேல் ஸ்பெஷல்" இதழாய் வந்திடவுள்ள TEX க்ளாசிக்ஸ் # 2-ன் முதல் பார்வை இதோ : 



முழுக்கவே க்ளாஸிக் கதைகளிலான இந்த ஆல்பத்துக்கு, அதே ஒரிஜினல் (ஓவியர் மாலையப்பன்) சித்திரங்கள் முன் + பின் அட்டைப்படங்களாகியுள்ளன ! And உட்பக்கங்களில், ஓவியர் சிவிடெல்லியின் ஜாலங்கள் வண்ணத்தில் மிளிர்வது செம அனுபவம் !! இன்னமும் இந்த ஆல்பத்துக்கு முன்பதிவு செய்திரா நண்பர்கள், இன்றைக்கு இதற்கென கொஞ்சமாய் நேரம் ஒதுக்கிட முனைந்திடலாமே - ப்ளீஸ் ? இது சந்தாக்களின் அங்கமல்ல என்பதை இங்கொருமுறை அடிக்கோடிட்டு விடுகிறேனே !!

Moving on from classic TEX to regular TEX - இதோ "சிகாகோவின்  சாம்ராட்" சிங்கிள் ஆல்பத்தின் previews : 




தொடரும் நாட்களில் ஜம்போவின் அச்சு + பைண்டிங் முடிந்த கையோடு ஏப்ரல் இதழ்களின் டெஸ்பாட்ச் இருந்திடும் ! Hopefully வாரயிறுதிக்கு புது இதழ்கள் உங்கள் கைகளில் இருந்திட வேண்டும் !

Before I sign out, ஒரு சின்னதான மஹாசிந்தனை ! நீளமான பதிவுகள் ; அவற்றிற்கு வாசிக்கத் தேவையாகிடும் நேரங்கள் ; பின்னூட்டமிடும் நோவுகள் - என்பனவற்றை தொடரும் காலங்களில் உங்களுக்கு மட்டுப்படுத்திட, 'சிவனே' என்று நாமளும் ஒரு வாட்சப் க்ரூப்பினை உருவாக்கி, இந்தக் கும்மிகளை அதற்குள் வைத்துக் கொண்டாலென்ன guys ? வாசிக்கவும், பதிவிடவும், உங்களுக்கு ஈஸியாகிடாதா ? மாறி வரும் காலங்களில் நாமளுமே மாறிப்போமே ? 

Bye all...ரிப் கிர்பியோடு அன்னம், தண்ணீர் புழங்கப் புறப்படுகிறேன் ! Have a fun Sunday ; see you around !



Saturday, March 19, 2022

தொட்டால் தெறிக்கும் !

 நண்பர்களே,

வணக்கம். எண்ணெய் போட்ட சக்கரங்கள் தண்டவாளத்தில் வழுக்கிக் கொண்டு ஓடுவதை போல பொழுதுகள் தடதடத்து மின்னல்களாய் நகர்ந்திட, இதோ கோடை தொட்டு விடும் தொலைவினில் நிற்கின்றது ! வருஷங்களெல்லாம் ஆரம்பிப்பது எப்போ ? முடிவது எப்போ ? என்பதெல்லாம் இப்போது தெரிய மாட்டேன்கி ; 'மொத லாக்டௌன் டைம் ; ரண்டாது லாக்டௌனுக்கு அப்பாலிக்கா ; மூணாவது அலைக்கு மூணாவது நாள்" என்று தான் இப்போதெல்லாம் அடையாளம் வைத்துக் கொள்ள வேண்டியுள்ளது ! காத்துள்ள புதுப் பொழுதுகளாவது படுத்தி எடுக்காது, சந்தோஷங்களைக் கண்ணில் காட்டினால் தேவலாம் !

ஏப்ரல் & மே நெருங்கி விட்டாலே "கோடை மலர்" ; "கோடை ஸ்பெஷல்" என்று எதையேனும் போட்டுத் தாக்குவதே நமது லயனின் துவக்க நாட்களின் template ! இந்த மைல்கல் ஆண்டினில் மறுபடியும் அந்த பால்யங்களை மீட்டெடுக்க முடிந்த சாகசங்களையெல்லாம் செய்து பார்ப்போமே என்ற எண்ணத்தில் துளிர் விட்டதே - காத்திருக்கும் "முத்து கோடைமலர்" ! And இதோ அதன் அட்டைப்பட முதல் பார்வை : 

காலமாய்ப் பழம் தின்னு, ஏகமாய்க் கொட்டை போட்ட ஜாம்பவான்கள் இருவர் அதே இதழினில் இருக்க, அவர்கள் இருவரையும் "ஓரமாய்ப் பின்னட்டையில் போய் வெளயாடிக்கோங்க கண்ணுகளா !" என்றபடிக்கே தில்லாய் முன்னட்டையில் லுக்கு விடும் அம்மணியைப் பார்த்து லைட்டாக புருவங்கள் உயரலாம் தான் ! ஆனால் இந்த ஆல்பம் வெளியாகி, அதன் 3 கதைகளையும் நீங்கள் படித்தான பின்னே, 'இன்ஸ்பெக்டர் ரூபின் முன்னட்டையில் இடம் பிடித்ததில் தப்பே இல்லை !' என்று நீங்களும் சொல்வீர்களென்றே தோன்றுகிறது ! 

"தொட்டால் தெறிக்கும்" ! ஏதோவொரு பிரபுதேவா-விஜய் கூட்டணியின் கோலிவுட் தலைப்பு போலிருந்தால் அது நிச்சயமாய்த் தற்செயலே அல்ல folks ! இந்த கேரட் கேச அம்மணி போகுமிடமெல்லாம் அனல் பறக்கிறது ; வெட்டியான்கள் கொண்டாடுகிறார்கள் என்பதாலேயே தலைப்பை இவ்விதம் அமைத்தேன் ! பாருங்களேன் ஒரு சாம்பிள் பக்கத்தை :  

எடிட்டிங் செய்திடாத பக்கமிது ; ஆசிரியர்கள் மன்னிச்சூ !!

இந்த புது நாயகியின் தமிழ் வரவு முறைப்படி இருந்திருக்க வேண்டியது நடப்பாண்டின் ஜனவரியினில் - நமது FFS இதழினில் தான் ! எனது ஒரிஜினல் திட்டமிடலின்படி  - ஆல்பா + சிஸ்கோ + டேங்கோ + ரிப்போர்ட்டர் ஜானி + சிக் பில் + ரூபின் = ரூ.1000 விலையிலான ஒரேயொரு FFS புக் என்பது தான் ! ஆனால் "ஒற்றை நொடி..ஒன்பது தோட்டாக்கள்" ரொம்ப காலமாய்க் காத்திருக்க, அதன் பணிகளும் பெரும்பகுதி முடிந்திருக்க, சபலம் தலைக்குள் குடியேறியது ! நீங்களுமே 'we want more emotions' என்று குரல் கொடுத்து வந்த நேரம் அது ! பற்றாக்குறைக்கு இந்த ரூபின் பிள்ளையின் கதையைத் தூக்கி வைத்துக் கொண்டு மேலோட்டமாய்ப் படித்தால் - இது ஜானிக்கு ஒண்ணு விட்ட சித்தி பொண்ணு போலத் தோன்றியது !  ஏற்கனவே ஜானியைச் சமாளிப்பதே கல்லோடு ஒட்டிக் கொண்டு அடம்பிடிக்கும் கோதுமைத் தோசையினைப் புரட்டிப் போடுவதற்கு ஈடான அனுபவம் எனும் போது, இந்தப் புதுப் பிள்ளை பிழியக்கூடிய இடியாப்பங்களையும் சேர்த்துச் சமாளிக்க அந்நேரத்துப் பரபரப்பில் சாத்தியப்படுமென்று தோன்றவே இல்லை ! ஆல்பாவின் அந்த 3 பாக கோனார் நோட்ஸ் வசனங்கள் காத்திருக்கும் சமாச்சாரமுமே  தலைக்குள் அமர்ந்திருந்தது ! So  'தாயீ...உன்னை கொஞ்சம் ஆர அமர பாத்துக்கலாம் ; இப்போதைக்கு நீயும் அந்த ஜானி தம்பியும் ஓய்வெடுங்க !' என்றபடிக்கே ரூட் மாறினேன் ;  2 மெயின் இதழ்கள் FFS-க்கென என்று மனதை மாற்றிக் கொண்டேன் ! 

தள்ளிப் போயிருப்பினும் இந்த நாயகியை சீக்கிரமே உங்களுக்கு அறிமுகம் செய்திடும் அவா மட்டும் விலகியிருந்திருக்கவில்லை ; simply becos - இந்தத் தொடரினில் ஏதோ ஒரு இனம்புரியா வசீகரம் இருப்பதாகவே மனசுக்குத் தோன்றியது ! சற்றே கார்ட்டூன் பாணியில் ஒரு செம த்ரில்லர்  என்ற விதத்தினில், கொஞ்சமாய் SODA வை நினைவூட்டியது அதற்கொரு  காரணமாய் இருந்திருக்கலாம் தான் ! ஆனால் SODA தொடரின் அந்த இருண்ட களங்கள் இங்கே மிஸ்ஸிங் ! இருந்தாலுமே ஏதோவொரு ஈர்ப்பு தொடர்ந்திட, ஒரு சுபயோக சுப சாமத்தில், ஒரு கத்தை பிரெஞ்சு மொழிபெயர்ப்புப் பக்கங்களோடு ரூபினோடு பழகிப் பார்க்கும் படலத்தைத் துவங்கினேன் ! எப்போதுமே கதையை முழுசாய் முதலிலேயே படித்து உள்வாங்கி விட்டு, அப்புறமாய் எழுதும் பொறுமையெல்லாம் இருப்பதே இல்லை எனக்கு ; 'ஆங்...இது மாடசாமியாக்கும் ? அது வில்லன் சின்னச்சாமியாக்கும் ? ரைட்டு..இந்தப் புள்ளை க்ளைமாக்சில் ட்விஸ்ட் வைக்கப் போற ராக்காயியாக்கும் ?' என்றபடிக்கே பக்கங்களுடன் பயணிப்பேன் ! ஆனால் இம்முறையோ சரியாக எட்டுப் பக்கங்களை முடித்திருந்த   பொழுதில், சுவற்றைப் பிறாண்டுவதா ?  பாயைப் பிறாண்டுவதா ? என்ற கேள்வியோடு நின்று கொண்டிருந்தேன் ! பட்டாசாய்ப் பொறி பறக்கும் கதையினில் உள்ள முடிச்சுகளை புரிந்து கொள்ள முடியாது போனால், இம்மியும் நகர வழி லேது என்றான பின்னே, பிரெஞ்சு மொழிபெயர்ப்பின் முழுமையையும் வாசித்து நோட்ஸ் வேறு எடுத்துக் கொண்டேன் ! ஆஹா....செம சிம்பிளான கதை தான் ; ஆனால் அதனை கதையோட்டத்தோடு செமத்தியாய் இழையோடச் செய்திருக்கும் கதாசிரியரின் லாவகமே லாவகம் என்பது புரிந்தது ! இங்கே நிறைய fill in the blanks வேலைகள் உங்களுக்குக் காத்திருக்கும் என்பதை முன்கூட்டியே சொல்லிக் கொள்கிறேன் people !! "ஓஹோ...இதைச் செய்து இதைக் கண்டுபிடித்திருப்பார்களோ ? கண்டுபிடித்ததன் பலனாய் இந்தப் புலனாய்வை செய்கிறார்களாக்கும் ?" என்ற ரீதியில் நீங்கள் ஆங்காங்கே கோர்வைகளை உருவாக்கிக் கொள்ள வேண்டியிருக்கும் ! 'கதை இது தான்' என்பது புரிந்தான பிற்பாடு,  தடுமாற்றங்களின்றி பேனா ஓட்டமெடுக்க - நான்கு நாட்களில் 'சுபம்' போற்றிட முடிந்தது ! எல்லாம் முடிந்து, DTP செய்த பக்கங்கள் என் மேஜைக்கு மறுக்கா வந்து - கதையை கோர்வையாய், முழுசாய் வாசித்த போது ஒரு விஷயம் மட்டும் புரிந்தது - இதனை மறுவாசிப்பு செய்திடும் வேட்கை சர்வ நிச்சயமாய் உங்களுக்கும் எழாது போகாது என்று !!

As crime thrillers go, இது உலகை உலுக்கிப் போடவல்ல த்ரில்லரெல்லாம் நஹி தான் ; ஆனால் ஒரு முனைப்பான, யதார்த்தமான போலீஸ் புலனாய்வில் ஒரு தில்லான பெண் அதிகாரியோடு பயணிக்கும் அனுபவத்தில் ரசிக்க நிறையவே விஷயங்கள் இருப்பதை உணர்ந்திடலாம் ! அனல் பறக்கும் பன்ச் லைன்ஸ் இங்கே கிடையாது ; சந்தில் சிந்து பாடி உங்களிடம் க்ளாப்ஸ் வாங்க முயற்சிக்கும் இடங்களும் கிடையாது ; ஆனால் ஒரு ஜாலியான நிறைவைத் தந்த மொழியாக்கப் பணியிது என்பதில் எனக்கு ஐயமில்லை ! So இத்தினி பில்டப்புக்குப் பிற்பாடு ஏப்ரலின் இதழ்களில் உங்களின் வாசிப்புகளில் யாருக்கு முதலிடம் இருந்திடக்கூடும் என்பதில் ரகசியங்கள் இராது தானே folks ? 

இந்த இதழின் அடுத்த க்ரைம் த்ரில்லரின் நாயகர் நமது பிரிய ஜானி ! இவருக்கும் சரி, இவர் நூடுல்ஸ் போடும் அழகுக்கும் சரி, புதிதாய் நான் பில்டப் செய்திடும் அவசியங்கள் இல்லை என்பதால், அவரது சாகஸத்தின் ட்ரெய்லரோடு நகர்கிறேன் ! 

Ditto with கிட் ஆர்டின் !! இம்முறை அசமஞ்ச ஆர்டின் பெரீஈஈய அதிகாரியாகி ஏகப்பட்ட ரவுசுகளைக் கிளப்புவதை ஷெரீப் டாக்புல் வாய் பிளந்து ரசிப்பதே highlight ! செம ஜாலி சாகசமிது !! 


And காதலில் விழுந்து கிடக்கும் நம்ம எலி சாருக்குமே ஒரு ஹல்லோ சொல்லிக்கொள்வோமே ! (இது இன்னமும் மெருகேற்றப்படவுள்ள ராப்பர்) திங்களன்று கோடைமலர் அச்சுக்குச் செல்கிறது & 'தல' சாகஸத்தின் மொழிபெயர்ப்பு என் மேஜையிலிருந்து அடுத்த 2 நாட்களுக்குள் கிளம்பியிருக்கும் DTP டீமுக்கு ! So காத்திருக்கும் வார இறுதிக்குள் டெக்ஸும் அச்சுக்கு ரெடியாகி விடுவார் ! எஞ்சியிருக்கக்கூடிய ஜம்போவின் "உளவும் கற்று மற" ஆல்பத்தினில் எடிட்டிங் பணிகள் மட்டுமே காத்துள்ளன ; இவ்வாரமே அதுவும் அச்சுக்குப் புறப்படுமென்று நம்பியுள்ளேன் ! Fingers crossed !

Before I sign out, update on பழனிவேல் ஸ்பெஷல் :

TEX Classics 2 - பணிகள் செம வேகமாய் அரங்கேறி வருகின்றன ! முன் அட்டை & பின்னட்டை என இரண்டுமே மாலையப்பனின் ஒரிஜினல்கள் என்பதால் இது நிஜமானதொரு கிளாசிக் ஆக அமைந்திடவுள்ளது ! And முன்பதிவுகள் அதிரடியாய் அரங்கேறி வருகின்றன ; பழனியின் நிதிக்கென சிறிதும், பெரிதுமான உங்களின் பங்களிப்புகளோடு ! அநேகமாய் இதுவரையிலுமான அத்தனை ஆர்டர்களோடுமே ஒரு கொடைத் தொகையும் இணைந்துள்ளதெனும் போது - மெய்யாகவே ஊர்கூடி இழுக்கவுள்ள முதற்தேராக இது இருந்திடுமென்று தோன்றுகிறது ! ஓராயிரம் நன்றிகள் all !! இன்னும் நாம் கடக்கவுள்ள தொலைவு அதிகம் எனும் போது - please keep those orders coming !!

கிளம்பும் முன் ஒரு வேண்டுகோள் ப்ளீஸ் : பழனிவேலின் போட்டோக்கள் நல்ல resolution-ல் யாரிடமாவது இருப்பின், மெயில் செய்திடுங்களேன் ப்ளீஸ் ! Bye all...see you around !

Online Listings :

https://lioncomics.in/product/tex-classics-2-prebooking-for-april-2022-within-tamilnadu/

https://lion-muthucomics.com/tex-willer/940-tex-classics-2-prebooking-for-april-2022-within-tn-including-courier.html

Monday, March 14, 2022

ஆரம்பிக்கலாமுங்களா ?

 நண்பர்களே,

வணக்கம். இதோ நாம் பேசிக்கொண்டிருந்தது சார்ந்த அறிவிப்பு ! TEX க்ளாசிக்ஸ் 2 சார்ந்த பணிகளை நேற்றைக்கே முனைப்போடு துவங்கியாச்சு & முன்னூற்றுச் சொச்சம் பக்கங்கள் எனும் போது அடுத்த வாரத்தின் மத்தியில் டைப்செட்டிங் நிறைவுற்றிட வேண்டும் ! அதன் அடுத்த கட்டம் proof reading ! இந்த ஒரு தபா மாத்திரம் அந்தப் பணியினை உங்களில் யாரேனும் ஏற்றுக் கொள்ளும் பட்சத்தில், இந்த இதழை அச்சுக்குக் கொண்டு செல்லும் எனது பனி சுலபமாகிடும் ! Any volunteers folks ? 

அப்புறம் அட்டைப்படப் பணிகளும் வேகமாய் நடந்தேறி வருகின்றன ! Maybe "கௌபாய் ஸ்பெஷல்" இதழுக்கென நமது ஓவியர் மாலையப்பன் போட்டுத்தந்த பெயின்டிங் இன்னமும் நம்மிடம் பத்திரமாக இருக்கும் பட்சத்தில், அதனை மெருகூட்டி அட்டைப்படமாக்குவது திட்டம் ! பெயின்டிங் கிட்டிடா பட்சத்தில் போனெல்லியின் கவர்களுள் ஒன்று அட்டையினை அலங்கரிக்கும் ! நகாசு வேலைகள் ; அச்சு ; பைண்டிங் என எல்லாமே முடிந்து புக் ரெடியாகிட குறைந்த பட்சம் 20 to 25 நாட்கள் எடுக்குமென்று சொல்லுவேன் ! So ஏப்ரலின் இரண்டாம் வாரம் புக்கை உங்களிடம் ஒப்படைப்பது practical ஆக இருக்குமென்பேன் !

And அந்த இரத்தப் படலம் 1 replica edition-க்கு அவ்வளவாய் வேகம் தென்படக்காணோம் ! இன்றைக்கு நமது ஆபீஸ் வாட்ஸப்புக்கு மிகச் சொற்பமான நண்பர்களே இது குறித்து இசைவு தெரிவித்து மெசேஜ் அனுப்பியுள்ளனர் ! So தற்போதுள்ள இந்த நம்பர்களைக் கொண்டு இதனை முன்னெடுப்பது சாத்தியமே ஆகிடாது ! தொடரும் நாட்களில் மேற்கொண்டு நண்பர்கள் ஆர்வம் தெரிவிக்கும் பட்சத்தில் பார்த்துடலாம் ; இல்லையேல் this will be a non starter !

ரைட்டு...இனி என் தரப்புப் பணிகளில் பிஸியாகிடுகிறேன் guys ; நீங்கள் உங்களுக்கு சாத்தியமாகிடக்கூடிய ஒத்தாசைகளுக்கு சற்றே மெனெக்கெடக் கோருகிறேன் ! 

TEX CLASSICS 2 - ஆன்லைன் லிஸ்டிங்குகளும் ரெடி : https://lioncomics.in/product/tex-classics-2-prebooking-for-april-2022-within-t-n-including-courier/

Bye all...see you around !

Saturday, March 12, 2022

பழனிக்கொரு ஸ்பெஷல் !

 நண்பர்களே,

வணக்கம். அதே துரிதத்தில் தான் நாட்களைக் கிழித்துத் தள்ளுகிறோம் காலண்டரில் ; வாட்சப்பில் வரும் குட் மார்னிங் ; குட் நைட்கள் அட்சரம் பிசகாது தொடர்கின்றன ; பந்தின் நிறத்தை மட்டும் மாற்றிக் கொண்டு ஆடினாலும் ஸ்ரீ லங்காவை அதே போலப் புரட்டிப் புரட்டித் தான் எடுக்கிறது இந்திய அணி ; வலிமைகளும், மாறன்களும், எதற்கும் துணிந்தவர்களாய் ஊரெல்லாம் காட்சி தருகின்றனர் ; அட  39 வயசே ஆனதொரு முழு மனுஷனை ; நண்பனை ; இந்த காமிக்ஸ் குடும்பத்தின் அங்கத்தினை விதி வாரிச்சுருட்டிப் போன பின்னேயும் கூட உலகத்தின் சுழற்சியில் இம்மியூண்டு மாற்றங்களைக் காணோமே ? அவ்வளவு போவானேனுங்க - வேளைக்குப் பசிக்கிறதே இன்னமும் ? இது தான் வாழ்க்கையின் நியதியோ ? அப்படியானால் நமக்கு எழும் அதே பசிகளே, மகனை இழந்து, கணவனை இழந்து, தந்தையை இழந்து நிற்கும் அந்தக் குடும்பமும் ஒவ்வொரு பொழுதிலும் உணருமோ ? இந்தச் சிந்தனை எழுந்த முதல் நொடியில், சோகங்களைப் புறம்தள்ளி விட்டு, கொஞ்சமேனும் தெளிந்த சிந்தையோடு, பழனியின் பிள்ளைகளுக்கென இயன்ற உதவிகளைச் செய்யும் முனைப்பு துளிர் விடுகிறது ! 

Right guys - பழனிக்கென விதி நிர்ணயித்திருந்த கோட்டா ஓவர் ; விடை பெற்றுக் கிளம்பி விட்டார் ! கேட்க நாராசமாய் இருப்பினும், நிதரிசனம் அதுவே ! இந்தத் தருணத்தில் சோகத்தை விடவும் அவர்தம் பிள்ளைகள் சார்ந்த சிந்தனைகளே முதலிடம் பெற்றாக வேண்டிய கட்டாயம்  ! Of course - பழனியின் பணியிடத்தில் நிவாரணங்கள்  ; அரசின் சகாயங்கள் ; தனிப்பட்ட முறையினில் அவரது எண்ணற்ற நண்பர்களின் உதவிகள் என்று கிட்டிட வேண்டிக் கொள்வோம் நாம் ! தவிர பழனி அவர்கட்கென ஏதேனும் சேமித்திருப்பார் என்றும் நம்புவோம் ! அதே வேகத்தில், இந்தக் காமிக்ஸ் குடும்பமாய் அவரது குடும்பத்துக்குச் செய்திடக்கூடியது என்னவாக இருக்க முடியுமென்று பார்ப்போமா ? 

நம் முன்னே உள்ளன இரு பாதைகள் :

Option # 1 : நண்பர் JSK-க்கொரு tribute ஆக "சர்ப்பத்தின் சவால்" இதழை சிறப்பிதழாய் வெளியிட்டு, நிதி திரட்டியத்தைப் போலவே, பழனிக்கென ஒரு ஸ்பெஷல் இதழினைத் திட்டமிட்டு, அதனில் கிட்டிடக்கூடிய இலாபம்  + நமது பங்களிப்பு எனவொரு தொகையினை அவரது குடும்பத்திடம் ஒப்படைக்கலாம் !

Option # 2 : அல்லது, நமது ஓவியர் மாலையப்பனின் குடும்பத்திற்கென நம் நிறுவனத்தின் சார்பில் ஒரு தொகை + பிரத்யேகமாய் உங்களின் பங்களிப்புகள் என்று நிதி திரட்டித் தந்தது போலவும் செய்திடலாம் !

இவற்றுள் எது உதவினாலும் என்னளவில் ஓ.கே. தான் ! 

ஆனால் பின்னதில் உள்ள சிக்கல் - பழனியை அறிந்திருக்கக்கூடிய நண்பர்களைத் தாண்டிய மீதப் பேர் இதனை பெரிதாய்ப் பொருட்படுத்தாமல் நகர்ந்து செல்லும் வாய்ப்புகள் உண்டு என்பதே ! நமக்குப் பரிச்சயமானவரின் இழப்பு நம்மிடம் ஏற்படுத்திடும் அதே தாக்கத்தை தொலைவில் உள்ளோரிடமும் ஏற்படுத்திடாது தான் ! 

So இரண்டு பாதைகளையும் ஒன்றிணைத்தொரு hybrid பாதை சுகப்படுமா என்று பார்க்கலாமா ? இது என்னளவில் தோன்றிய சிந்தனையின் உரத்த பகிர்வு மாத்திரமே ; அதனில் இருக்கக்கூடிய பாதகங்களையும், அவற்றை செப்பனிடக்கூடிய மார்க்கங்களையும் சுட்டிக் காட்டினால், துளித்தயக்கமும் இன்றி ஏற்றுக் கொள்ளுவேன் ! And இந்த ஒற்றைத் தருணத்திலாவது நம்மிடையிலான பேதங்களை முன்னிறுத்த முனைந்திடாது, பழனியின் பசங்களை மட்டுமே நம் சிந்தைகளில் இருத்திடுவோமே - ப்ளீஸ் ? 

"பழனிக்கொரு ஸ்பெஷல்" என்றால் சந்தேகங்களின்றி "இரத்தப் படலம்" சார்ந்த முயற்சியாகவே இருந்திட வேண்டிவரும் என்பது பொதுவான கருத்தாய் இருந்திடும் ! No doubts on that ! "இ.ப. 1 to 18-ஐ" காதுகளில் இரத்தப் படலம் பெருக்கெடுத்து ஓடும் அளவிற்குத் துவைத்துத் தொங்கப் போட்டாச்ச்சு எனும் போது அதையே இன்னொருக்கா கையில் எடுப்பது நிச்சயமாய் நிதி திரட்டும் நம் நோக்கிற்குக் கைகொடுக்காது ! எஞ்சியிருப்பது spin-offs ! அவற்றுள் இரண்டோ, மூன்று கதைகளை ஒன்றிணைத்து ஒரு ஸ்பெஷல் இதழாய்த் திட்டமிடலாம் ! இது சாத்தியக்கூறு # 1 !

ஆனால் பழனியின் "XIII காதல்" என்ற சென்டிமென்டை சற்றே ஓரமாய் ஒதுக்கி விட்டு ஒரு பப்ளீஷராய் மாத்திரமே சிந்தித்தால் - வெற்றி என்ற உத்திரவாதத்தை தரவல்லவர் நமது 'தல' தான் என்பது அப்பட்டமாய்ப் புரிகிறது ! XIII spin-offs என்ற முயற்சியானது - பழனியை அறிந்தோரையும், அவர் கொண்டிருந்தது போலான அதே XIII காதலையும்  கொண்டிருப்போரை தாண்டி, இதர வாசகர்களிடம் பெரிதாய்த் தாக்கத்தினை ஏற்படுத்திடாது என்பதில் எனக்கு ஐயங்களே இல்லை ! தவிர, அவற்றிற்கெல்லாமே தமிழாக்கம் செய்திட அவகாசம் எடுத்துக் கொண்டாக வேண்டிவரும் ! எவ்வளவு அதிகம் நண்பர்களை எட்டிப் பிடித்து, எவ்வளவு சீக்கிரமாய் அவர்களிடம் சகாயங்கள் கோரிட நமக்கு சாத்தியமாகிடுமோ, அந்த அளவுக்கு பலன்கள் அதிகமாகிடும் எனும் நிலையில், பந்தயக் குதிரையைக் களம் இறங்குவதே லாஜிக் பரிந்துரைக்கும் option ! 

So உங்களுக்கு ஓ.கே.வெனில் TEX & டீமினை ஒரு ஸ்பெஷல் ஷோவாக ரிலீஸ் செய்திடலாம் ! And தயாரிப்புக்கென நிறைய அவகாசமோ, பணம் திரட்டிட நிறைய நேரமோ இருப்பதாக நான் நினைக்கவில்லை ! ஏற்கனவே ஓராண்டாய் மருத்துவச் செலவுகள் ; பணியினில் விடுமுறைகள் என்று பழனியின் பொழுதுகள் ஓடியிருந்திருப்பது நிச்சயம் எனும் போது, நாம் செய்திடக்கூடியவற்றை சடுதியில் செய்வது சாலச் சிறந்தது என்று படுகிறது ! So புது இதழ் ; புது சாகசம் என்ற திட்டமிடலைக் காட்டிலும் - ஒரே வாரத்துக்குள் டைப்செட்டிங் செய்தால், மறு வாரத்தில் அச்சுக்குப் புறப்பட ஏதுவான TEX க்ளாசிக்ஸ் - 2 தான் தேவலாம் ! இதனில் இன்னொரு சவுகர்யமுமே உண்டு - அதன் விலையின் பொருட்டு ! ரூ.450 விலையிலான இதழ் எனும் போது, அதிலிருந்து நாம் திரட்டக்கூடிய நிதி, நார்மல் விலையிலான இதழ்களில் இருந்து கிட்டக்கூடிய நிதியினை விட சற்றே அதிகமாய்  இருந்திட வாய்ப்புகள் உண்டு ! TEX க்ளாசிக்ஸ் 2 எனில் - "இரத்த வெறியர்கள்" + கௌபாய் ஸ்பெஷலில் வெளியான அந்த ஓவியர் சிவிடெல்லி க்ளாஸிக் Boston சாகசம் என்ற காம்போ சாத்தியமாகிடும் ! இது சாத்தியக்கூறு # 2 !

அல்லது - சுஸ்கி & விஸ்கி க்ளாஸிக் ! ஏற்கனவே தயாராகி வரும் இந்த இதழின் விற்பனையிலிருந்து ஒரு தொகையினைத் திட்டமிடலாம் ! இதழின் தயாரிப்பு சீக்கிரமாய் முடியும் சாத்தியம் இங்குண்டு என்ற போதிலும், இது பொதுவாய் hardcore கார்ட்டூன் அபிமானிகளைத் தாண்டியோரின் ஆர்வங்களைத் தூண்டிடுமா ? என்பது கேள்விக்குறியே ! And நிச்சயமாய் முகவர்கள் ஒரு டெக்ஸ் இதழை வாங்கிடும் அதே முனைப்போடு சு & வி.யை ஏற்றுக்கொள்வரா ? என்பதிலும் I have my own doubts ! But still இது சாத்தியக்கூறு # 3 !

Udhay Adhi : இரத்தப்படலம் முதல் பாகம் மட்டும் உள்ளது உள்ளபடியே replica போன்று பிரீமியம் விலையினில் வெளியிடலாம். முதல்பாகம் அட்டையுடன் பழனியுடமும் இருக்கவில்லை என்பதும் உண்மை ! Sure - இதனை சாத்தியக்கூறு # 4 ஆக வைத்துக் கொள்ளலாம் !

மேற்படி நான்கில்  எது ஓ.கே.வாகிடும் என்ற தீர்மானத்தை உங்களிடமே விட்டு விடுகிறேன் guys ! நீங்கள் சொல்லுங்கள் - அதற்கேற்ப திங்கள் முதலே பணிகளைத் துவக்கிடலாம் !

ஒவ்வொருவருமே இந்த இதழினை வாங்கிடுவதோடு, உங்களால் இயன்ற சிறு தொகைகளை சேர்த்து அனுப்பினால், நான் ஆரம்பத்தில் குறிப்பிட்ட அந்த hybrid பாதை சாத்தியமாகிடும் ! 

உதாரணத்திற்கு TEX க்ளாசிக்ஸ் 2 - கூரியர் சேர்த்து விலை ரூ.490 எனில், நீங்கள் ரூ.100 ; ரூ.200 ; என பிரியப்படும் தொகைகளை இதழின் கிரயத்தோடு சேர்த்து அனுப்பினால், அதனையும் பழனியின் குடும்ப நிதிக்கணக்கில் இணைத்துக் கொள்ளலாம் ! தனிப்பட்ட முறையில் சிறு தொகைகளை அனுப்பிட சங்கோஜம் கொள்ளக்கூடிய நண்பர்களுக்கு மாத்திரமே இந்த உபாயம். 

சற்றே கூடுதலாகவோ, பெரும் தொகைகளோ அனுப்பிட எண்ணும் நண்பர்கள் நேரடியாக டாக்டர் AKK ராஜாவின் ஒத்துழைப்போடு பழனியின் மனைவியின் கணக்கிற்கே பணம் அனுப்பிடலாம் ! துவக்கம் முதலே இந்த இன்னலான நாட்களில் பழனிக்கு வழிகாட்டி வந்திருக்கும் நமது டாக்டர் சார் நிச்சயமாய் இதனில் உதவிடுவார் ! Please sir !

எந்த இதழ் தேர்வானாலும், அதனில் கிட்டும் இலாபம் மட்டுமன்றி நமது பங்களிப்பு என்றொரு தொகையினையும் சேர்த்தே பழனியின் குடும்பத்திடம் ஒப்படைத்து விடுவோம் என்பது எனது promise ! 

இனி எத்தனையோ சனியிரவுகளில் நான் கேட்டிருக்கக்கூடிய கேள்விகளுக்கு உற்சாகமாய்ப் பதில் சொல்லிய அதே பழக்கத்தில் இம்முறையும் பதில் ப்ளீஸ் ! And"ஸ்பைடர் ஸ்பெஷல்" ; "மறுபடியும் இ.ப. ஒற்றை புக்காய்" ; என்ற ரீதியிலான suggestions இம்முறை தவிர்த்திடுவோமே ப்ளீஸ் ! வாசிப்பின் நமது விருப்பு வெறுப்புகளைக் காட்டிலும் - இப்போது காரியசித்தியும், துரிதமுமே முன்னிலை கொண்டிட வேண்டும் !

And "டெக்ஸ் புது இதழ் போட்டாலென்ன ?" எனில் அந்த லவ் ஸ்டோரி போடலாம் தான் ; கதை கையில் உள்ளது தான் ; ஆனால் அதற்கான மொழிபெயர்ப்பினை கையில் குவிந்து கிடக்கும் பணிகளை முடித்தான பின்னரே எடுக்க எனக்கு சாத்தியப்படும் என்பது தான் சிக்கலே ! "கோடை மலர்" (3 in 1 ஆல்பம்) ; ரிப் கிர்பி ஸ்பெஷல் என்று மேஜை நிறைந்து கிடக்கிறது இந்த நொடியினில் ! 

Bye all...See you around ! Safe Sunday !

Thursday, March 10, 2022

RIP பழனி !

 நண்பர்களே,

நண்பர் பழனிவேல் நம்மோடில்லை ; படைத்தவரின் மடியினில் இளைப்பாறப் புறப்பட்டுப் போய்விட்டார் !

ஒரு தோற்கும் போரை வீரமாய், முனைப்பாய்ப் போராடிய பெருமை யுக்ரெய்னுக்கு மாத்திரமே சாராது  - நமது நண்பர் பழனிக்குமே தான் !  'கணையப் புற்று நோய்' எனும் அரக்கனோடு கிட்டத்தட்ட ஒன்றேகால் ஆண்டுகளாய் அவர் நடத்திய யுத்தம் சத்தியமாய் அசாத்தியமானது ! உலகின் பல பிரபலங்களைக் காவு வாங்கிய இந்த நோயை நிஜமாகவே வென்றிட முடியுமென்று நம்பிக்கை கொண்டிருந்தாரா ? ஒவ்வொரு இரவின் தனிமையிலும் அந்த மனசு  எப்படி அல்லாடியிருக்கும்  ? அறுவை சிகிச்சைக்கு முந்தைய நாளில் அவரது ஆழ்மனதில் என்ன ஓடியிருக்கும் ? என்பதெல்லாமே, நமக்குத் தெரியவே போவதில்லை தான் ; ஆனால் பயமென்று எதையும் வெளிக்காட்டிக் கொள்ளாது, சிரித்த முகமாய் அவர் வாழ்ந்த இந்த இறுதி 400+ நாட்கள் - a saga of bravery !!  

இரண்டு சின்னப் பெண்குழந்தைகள் ; உலகமறியா மனைவி ; முதிய  பெற்றோர் - என பழனி இன்று விட்டுச் சென்றுள்ளது ஒரு வெள்ளந்திக் குடும்பத்தை ! அவர்களது ஜீவிதங்கள் இனி எவ்விதம் தொடர்ந்திடும் ? அந்தக் குடும்பத்தின் சக்கரங்கள் சுழன்றிட இனி மாற்று வழிகள் தான் என்ன ? வாழ்க்கையில் இன்னும் ஏக தூரம் பயணிக்க வேண்டியுள்ள அந்தச் சிறுசுகளின் கல்வி, எதிர்காலம், என்பனவெல்லாம் மெகா கேள்விக்குறிகளாய் நிற்கும் இந்த நொடிதனில், ஒரு காமிக்ஸ் குடும்பமாய் நாம் செய்திடக்கூடிய சகாயம் என்னவாக இருக்கக்கூடும் ? தலைசுற்றச் செய்கின்றன - ஒவ்வொரு கேள்வியுமே ! 

இந்தத் தருணம் பழனியை நினைவு கூர்ந்திட மட்டுமே எனும் போது, நண்பருக்காக ஈரமாகும் விழிகள் காய்ந்திட கொஞ்சம் அவகாசம் எடுத்துக் கொள்வோம் ! ஆனால் விழிகளில் படிந்திருக்கும் ஈரம் வடிந்திருக்கும் நொடியில், அந்தக் குழந்தைகளுக்கென நாம் செய்திடக் கூடியது என்னவாக இருக்குமென்று சிந்திக்கும் பொறுப்பு நமக்குக் காத்திருக்கும் !  

நிம்மதியாய்த் துயிலுங்கள் பழனி !! விண்ணுலகினில் உங்கள் பிரிய வில்லியம் வான்ஸ் உங்களை ஆரத் தழுவிடக் காத்திருப்பார் ! 

Wednesday, March 09, 2022

Pray for பழனி !

 நண்பர்களே,

வணக்கம். சீக்கிரமே காலைகள் புலர்கின்றன ; கடிகார முட்கள் நொடி பிசகாது தம் கடமையைச் செய்து வருகின்றன ; நேரங்களை பார்க்காமலே வயிறு பசியினை அறிவித்து தன் கோட்டாவை வாங்கிப் போட்டுக் கொள்கிறது ; சாலைகளில் எப்போதும் போல் ஜனம் மும்முரமாய் இங்கும் அங்கும் பயணித்து வருகின்றனர் ; நகைக்கடைகளிலும் கூட்டம் ; துணிக்கடைகளிலும் நெரிசல்  ; கடிகாரங்கள் இல்லாமலேயே பறவைகள் கூட்டுக்குத் திரும்பும் வேளையில் டி-வி முன்னே நாமும் ஐக்கியம் ஆகிறோம் ; இருள் கவிழ்ந்து, கண்கள் தூக்கத்தில் செருகும் போது, இன்னொரு சராசரியான நாளானது அமைதியாய்க் கடந்திருக்கிறது ! ஆனால்...இறைவனின் சித்தம் வேறென்றிருந்து, ஒரு சிக்கலான நோயுடன் மல்லுக்கட்டுவதே தலையெழுத்தென்று ஆகிப் போனால் ??? இதோ - இன்று நமது நண்பர் பழனிவேல் படுத்த படுக்கையாய், நினைவுமின்றி, ஒற்றை அறுவை சிகிச்சையிலிருந்து அடுத்த அறுவை சிகிச்சைக்கு நடத்தி வரும் போராட்டமே வாழ்க்கையாகிப் போகும் போலும் ! 

"கணையத்தில் புற்று நோய் !" என்று போன வருஷத்தின் ஏதோவொரு தருணத்தில் பழனி என்னிடம் சொல்லியிருந்தார் ; ஆனால் கொடுமையான அந்த நோயை வென்று விட முடியுமென்ற நம்பிக்கை அவரிடம் திடமாய் இருப்பது புரிந்தது ! அதுவரை எடுத்திருந்த பரிசோதனைகள் பற்றி  ; சென்னையில் ESI-யில் செய்திடவிருந்த அறுவை சிகிச்சை பற்றி ; டாக்டர்கள் தந்திருந்த நம்பிக்கைகளைப் பற்றியெல்லாம் எனக்கு அவ்வப்போது சொல்லுவார் ! "கணேஷ்ணா வீட்டுக்கு கிட்டே தான் ஹாஸ்பிடல் இருக்கு ; அவர் வீட்டிலே தான் தங்கியிருந்தேன்" என்பார் ! கொரோனாவின் இரண்டாம் அலை மட்டும் குறுக்கிட்டிருக்காவிட்டால், இன்னும் சீக்கிரமே ஆப்ரேஷன் செய்திருக்கலாம் என்று வருத்தப்படும் போது மட்டும் லேசாகக் கம்மும் குரலானது, மறு நொடியே உற்சாகத்தோடு தொடர்ந்திடும் ! ஜனவரியில் அறுவை சிகிச்சை திட்டமிடப்பட்டுள்ளதென்ற தகவலையும் சொன்ன மனுஷன் நமது ZOOM மீட்டிங்கிலும் கலந்து கொண்டார் - பைக் ஒட்டியபடிக்கே ! "வீட்டுக்குப் பத்திரமாகப் போகும் வேலையைச் செய்யுங்க சாமீ !" என்று கழற்றி விட பெரும்பாடாகிப் போனது ! 

ஜனவரியில் ஆஸ்பிடலில் அட்மிட்டும் ஆகி, ஒன்றன் பின் ஒன்றாய்ப் பரிசோதனைகள் நடந்தேறிய தினங்களில் ரெகுலராய் இரவுகளில் update செய்து கொண்டே இருந்தார் ! அறுவை சிகிச்சைக்குச் செல்லும் தினத்தின் காலையில் கூட எப்போதுமான உற்சாகத்துடன் எனக்கு தைரியம் சொல்லி விட்டுப் போனார் ! ஆனால் ஒன்றன்பின் ஒன்றாய் complications தொடர்ந்திட, அப்புறமொரு அறுவை சிகிச்சை ; maybe நாளைக்கு மூன்றாவதாயொரு அறுவை சிகிச்சை என்று ரண அவஸ்தையில் உள்ளார் ! நினைவின்றி தொடர்ச்சியாய் வென்டிலேட்டரில் உள்ளவரின் நிலை பற்றி அவரது மனைவியிடமும், துவக்கம் முதலாய் கவனித்து வரும் டாக்டர் A.K.K. ராஜா அவர்களிடமும் கேட்டுத் தெரிந்து கொள்ளும் போது உணர நேரிடும் இயலாமையை விவரிக்கத் தெரியவில்லை எனக்கு ! உலகின் அத்தனை செல்வங்களும் இந்த நொடியில் பயன் தராது ; பிரார்த்தனைகளால் மட்டுமே அவரை மீட்டிட முடியும் என்பது மட்டும் புரிகிறது ! 

"இரத்தப் படலம்" மாத்திரமே (காமிக்ஸ்) உலகம் என்ற அவரது பிடிவாதங்களோடு நான் முரண்பட்டிருப்பேன் தான் ; ஆனால் இந்த நொடியில் அவர் நலமாய் எழுந்தால், இ.ப. ; ப.ப. - என எதைக் கேட்டாலும்  வெளியிடத் தயாராக இருக்கிறேன் ! பழைய உற்சாகத்தோடு எழுந்து வாங்க பழனி ; உங்களின் இ.ப.-spin-offs கோரிக்கைக்கு நான் உத்திரவாதம் ! ஜூடித் வார்னரையும் ; ஜோன்ஸையும் ; பெலிசிடியையும் ஒன்றிணைத்து ஒரு ஸ்பெஷல் இதழை போட்டுத் தாக்கிடலாம் !! போராடி, மீண்டு வாருங்கள் !! 

Guys.....இந்த நொடியில் கவலைக்கிடமாய்  உள்ள நம் நண்பருக்காக நம் பிரார்த்தனைகளை அர்ப்பணிப்போமே ? நாம் இப்போது செய்திடக்கூடியது அது ஒன்று மட்டுமே எனும் போது, அதனை உள்ளன்போடு செய்திடலாமே ப்ளீஸ் ? More things are wrought by prayer than this world dreams of - Alfred Tennyson.

Saturday, March 05, 2022

ஒரு கட்டைவிரல் கதக்களி ..!

 நண்பர்களே,

வாரயிறுதியின் வணக்கங்கள் ! புது இதழ்கள் இன்னமுமே பிரெஷாக உங்கள் அலமாரிகளில் குந்திக்கிடக்கும் வேளையிது எனும் போது  ஒளிவட்டத்தை வேறு திக்கில் பாய்ச்ச மனசில்லை ! ஆனால் போரடிக்கும் ஒரு வாரக்கடைசியை எனக்கு நானே சுறுசுறுப்பாக்கிக் கொள்ள ஏதாச்சும் செய்தால் தேவலாமே என்று தோன்றியது ! பொதுவாய் கடைவாய்க்குள் கட்டைவிரலைப் பொருத்திப் பார்க்கும் படலங்கள் ஜனிப்பது இது போன்ற தருணங்களில் தான் என்பது வரலாறு (!!!!) ! ஏழு கழுதை வயசான பின்னே இந்த ஆலிலைக் கண்ணன் அவதாரை பொழுதன்னிக்கும் கடன் வாங்கிட வேண்டாமே என்று மண்டை சொல்கிறது தான் ; ஆனால் நாம என்னிக்கு மண்டை சொன்னதுக்கு மண்டையை ஆட்டியிருக்கோம் ? So வடிவேலார் பாணியில்..."போவோமே...போய்த் தான் பாப்போமே !!" என்று தோன்றிட, இதோ அது சார்ந்த உரத்த சிந்தனை !

பொதுவாகவே மார்ச் மாதம் புலர்ந்து விட்டால் ஒரு இனமறியா பரபரப்பு தொற்றிக் கொள்வது அந்தக் காலத்து வாடிக்கை ! "ஹை..தொடரவுள்ள ரெண்டு மாசங்களும் கோடை விடுமுறை மாதங்கள் ; பள்ளிகளுக்கு விடுமுறை ; so காமிக்ஸ் சூப்பராய் விற்கும் ; கோடை மலர், குட்டிக்கரண மலர் என்று போட்டுத் தாக்கலாம்!" என்பதே அப்போதைய உற்சாகங்களின் பின்னணிகளாக இருந்து வரும் ! தவிர, அப்போதெல்லாம் நமது ஏஜெண்ட்களில் சிலர், சம்மர்களில் மட்டும் முந்தய இதழ்களைத் தருவித்துக் கொள்வது வாடிக்கை ! So மார்ச் இறுதியிலேயே..."உபய குசேலோபரி ; இப்போவும் நிகழும் மங்களகரமான பள்ளிக்கூட  விடுமுறைகளை முன்னிட்டு, நமது முந்தைய இதழ்களுக்கு ஆர்டர் செய்திடுவோருக்கு பம்பர் மெகா பரிசாய் 5% கூடுதல் கமிஷன் வழங்கிட உத்தேசித்துள்ளோம் !" என்ற ரேஞ்சில் முகவர்களுக்கு ஒரு சர்குலரைத் தட்டி விட்டு, போஸ்டாபீஸிலிருந்து ஓலை ஏதாச்சும் வருதா ? ஓலைக்குள் காசோலை ஏதேனும் கீதா ? அந்தக் காசோலைகளில்  கனமும் கீதா ? என்று பார்ப்பது ஏப்ரல் & மே மாதங்களில் ஒரு செம முக்கிய பணியாக இருந்திடும் !  ஏஜெண்ட்கள் யாராச்சும் "ஒரு மாச கடனுக்கு..." என்ற பேச ஆரம்பித்தால் கூட "நை..நை...! ஜாவ்..ஜாவ்...! நோ கடன் ! கை மேலே பைசா ; வாய் மேலே தோசா !!" என்று போர்டு மாட்டி விடுவோம் ! அந்தக் கொழுப்பின் பலனாய் சிறுகச் சிறுக ரொம்பிய கிட்டங்கியைப் பின்னாட்களில் காலி பண்ண..."அரே ஓ சம்போ ! மொத்த pack போட்டு நம்பள் விற்கிறான் ; நூறு புக் எட்டுநூறு ரூபாய்க்கு தர்றான்...வா சார்...வா சார்.. !" என்று 2012 வாக்கில் பாதி விலைக்கும் குறைச்சலாய் இடத்தைக் காலி செய்ததெல்லாம் நம்ம வீர ஜாகஜங்களின் வரலாறு ! 

அந்த கோடை மலர் நாட்கள் ஆண்டுதோறும் இப்போதுமே தொடர்ந்திட்டாலும், அந்த பால்யங்களின் பரபரப்பு இப்போதெல்லாம் இருப்பதில்லை தான் ! ஏற்கனவே திட்டமிட்ட அட்டவணை ; அறிவித்த இதழ்கள் என்ற ரீதியில் வண்டி அமைதியாய் ஓடி வருவது தானே நடைமுறை guys ?! ஆனால் இந்த மைல்கல் ஆண்டில் back to the future போனாலென்னவென்று தோன்றியது ! மறுக்கா அந்நாட்களது ஆப் டிராயரை மாட்டிக்கினா அலங்கோலமாய் இருக்கும் தான் ; இடுப்பு பொத்தான்களெல்லாம் தெறித்து தெருக்களில் உருண்டோடிடும் தான் ; ஆனால் "போடுவோமே....போட்டு தான் பாப்போமே ?" என்று பட்டது ! இந்த மஹா சிந்தனைக்குப் பின்னே மாமூலான நமது குட்டிக்கரணங்களைத் தாண்டி சில பல கெட்டிக் காரணங்களுமே  உள்ளன தான் ! அவை என்னவென்று நீங்கள் கேக்காங்காட்டியுமே  சொல்லுகிறேனே :

காரணம் # 1 : கொரோனாவின் புண்ணியத்தில் சென்னைப் புத்தக விழாவினில் நமக்கு இடமின்றிப் போனது நிச்சயமாய் ஒரு இடரே ! அங்கன ரிலீஸ் செய்யும் நோக்கில் ஞான் திட்டமிட்டிருந்த சில இதழ்கள் "நாங்க வெளிச்சத்தைப் பார்க்கும் நாள் எப்போ பாஸூ ?" என்ற கேள்வியைப் போட்டு வருகின்றன ! நல்ல காலத்துக்கு ஸ்டால் உறுதிப்படும் வரையிலும் எதனையுமே taken for granted ஆக எடுத்துக் கொள்வதில்லை என்ற முன்ஜாக்கிரதை நமக்குப் பத்தாண்டுகளாகவே துணை நிற்பதால் கதைகளை வாங்கியதைத் தாண்டி பெருசாய் வேறெதெனிலும் டப்பை முடக்கும் தப்பை செய்திருக்கவில்லை ! அந்தக் கதைகளைக் களமிறக்க ஒரு மாற்றுக் களம் அவசியமாகிடுகிறது ! So இது ஒண்ணாம் காரணமாயீ !!

காரணம் # 2இந்தப் பொன்விழா ஆண்டினை அவ்வப்போது வாணவேடிக்கைகளுடன் உற்சாகமானதாய்த் தொடரச் செய்வதும் முக்கியமென்று தலைக்குள் ஓடியது ! இது குறித்து போன வருஷத்தின் வெவ்வேறு தருணங்களில் "அன்பான வாசகப் பெருமக்களே ! நாங்கள் சிங்கப்பூரை சிங்கம்புணரியாக்குவோம் ....அய்யய்யோ...tongue slip ...சிங்கம்புணரியை சிங்கப்பூர் ஆக்குவோம் ! வெத்திலைஊரணியை வெனிஸ் ஆக்குவோம் !" என்ற ரீதியில் வாக்குறுதிகளை அள்ளி விட்டிருந்தேன் என்பதுமே நினைவில் நிற்கின்றது ! So அவற்றில் கொஞ்சத்தையேனும் மெய்ப்படுத்திட ஒரு களம் தேவைப்படுகிறது ! இது ரெண்டாம் காரணமாயீ !

காரணம் # 3முன்னெல்லாம் திருச்செந்தூர் போகும் போதும், கன்னியாகுமரி போகும் வேலைகளிலும் கடலில் குளிக்கவோ , கால் நனைக்கவோ  அனுமதிப்பார்கள் ! "ஏயப்பா..அங்க பெரூசா ஒரு அலை வருது பாரேன் !!" என்றபடிக்கு பொங்கிடும் அலைகளை குஜாலாய் ரசிப்பது வழக்கம் ! ஆனால் இன்றைக்கெல்லாம் "ஏலே !" என்று ஆராச்சும் பக்கத்துத் தெருவினில் பாசத்தோடு கூவினால் கூட, "அலையா இருக்குமோ ? "அந்த" அலையா இருக்குமோ ?" என்ற பீதியில்   அருகாமையிலுள்ள கக்கூஸைக் குத்தகைக்கு எடுத்துக் கொள்ளும் மிரட்சியே மேலோங்குகிறது ! இந்த அழகில், "நான்கு மாதம் நீடிக்கவுள்ள நான்காவது அலை, ஜூன் மாதத்திலிருந்து புறப்படும் என்று எதிர்பார்க்கப்படுகிறது...டிங்..டிங்,, டிடிங்...! " என்று கான்பூரைச் சேர்ந்த IIT புண்ணியகோடிகள் காரைகளில் ஏறி நின்று கூவி வருகின்றனர் ! அதிலும் "ஜெய் ஜக்கம்மா ; ஆகஸ்டில் தான் பீக் கீது தாயீ !!" என்று தண்டோரா போட்டுள்ளனர் ! "அதே ஆகஸ்டில் தான் ஈரோடுப் புத்தக விழாவும் வாடிக்கையாய் இருக்கும் ஜக்கம்மா ; கொஞ்சம் கருணை காட்டுங்கம்மா !!" என்று பெர்மிஷன் கேட்டுப் பார்க்க முயற்சிக்கலாம் தான் ; ஆனால் 'டொம்மு..டொம்மு' என்று யுக்ரெய்னில் பொழிந்து வரும் குண்டு மழைகளின் நாராச ஓசைகளுக்கு மத்தியினில், நமது கருணை மனுக்கள் அம்பலம் ஏறுமோ  - என்னவோ ? So இயன்றால் ஒரு முன்கூட்டிய பொழுதினில், ஒரு மினி மேளாவை நடைமுறைப்படுத்திட முயற்சித்தாலென்னவென்று தோன்றியது ! இது மூணாம் முன்ஜாக்கிரதை முன்சாமிக் காரணம் !

So காலரைக்கால் காரணம் கிடைத்தாலே கடைவாயைப் பதம் பார்த்துப் பழகியவனுக்கு, முத்தான மூன்று காரணங்கள் போதாதா - ஒரு சுபயோக சனியன்று டான்சில்களை கட்டைவிரலால் வருடிப் பார்க்கும் ஆசை மேலோங்கிட ? 

கோடையில்  ஒரு காமிக்ஸ் மேளா ! 

  1. இது தான் நம்ம அடுத்த படத்தோட டைட்டில் ! 
  2. மே இறுதியோ, ஜுனின் நடுவோ, இதற்கான தருணமென்று அமைத்துக் கொள்ளலாம் ! 
  3. வசதியான தேதிகளில் ஒரு வாரம் ஓடும் ஆன்லைன் விழாவாக இது அமைந்திடட்டுமா  folks ?
  4. இம்முறை ஸ்டாக்கில் உள்ள பழசுகளை உங்கள் தலைகளில் கட்டுவதில் முனைப்பினைக் காட்டாது - இந்த ஸ்பெஷல் தருணத்துக்கென நாம் தயார் செய்திடக்கூடிய இதழ்களை போணி பண்ணுவதில் நமது கவனங்கள் இருந்திடும் !
  5. தடி தடி புக்குகள் ; முரட்டு முரட்டு விலைகள் - என்றெல்லாம் இந்த தபா போட்டு உங்கள் பொறுமைகளையும், பர்ஸ்களையும் சோதிக்காது - lightweight ரீடிங் ; lightweight விலைகள் - என்பதில் முனைப்பைக் காட்டுவோமா  ? 
  6. ஒரு அரை டஜன் இதழ்கள் என்பது ஓ.கே.வாகிடுமா - மொத்தமாய் இந்த மேளாவுக்கென ?
  7. "உயிரைத் தேடி" & "சுஸ்கி-விஸ்கி" - இந்த மேளாவின் துவக்க ஆட்டக்காரர்களாய் களமிறங்கிடட்டுமே ! சுஸ்கி-விஸ்கி - கார்ட்டூன் ஜானரின் பிரதிநிதியாய் ! "உயிரைத் தேடி" - த்ரில்லர் ஜானரின் பிரதிநிதியாய் ! 
  8. மீதம் இருக்கக்கூடிய 4 ஸ்லாட்களில், நீங்கள் பார்த்திட விரும்பக்கூடியது எந்தெந்த ஜானர்களாய் அமைக்கலாம் folks ? Any suggestions please ? 
  9. Oh yes - இது சார்ந்த ஒரு மினி திட்டமிடல் என்னுள்ளே உள்ளது தான் ! ஆனால் நம் வசம் உள்ள கதைக் கையிருப்பில் அநேகமாய் சகல ஜானர்களிலுமே சரக்கிருப்பதால் - உங்களின் விருப்பங்களுக்கேற்ற மாவை வெளியே எடுத்து அந்த ஜானர் வடையாய் சுட்டுவிடலாம் ! So உங்களின் பரிந்துரைகள் - எந்த மூட்டையை வெளியெடுப்பது ? என்ற ரீதியில் எனக்கு உதவிடக்கூடும் !
  10. அந்த 4 ஸ்லாட்களிலுமே குட்டிக் குட்டி விலைகளிலான இதழ்களாகவே அமைத்திடத் திட்டமிடலாம் guys ! வாங்குவதற்கும், வாசிப்பதற்கும், எங்களின் தயாரிப்புகளுக்கும் அவையே இலகுவாகிடும் ! So கவிஞர் பாணியில் "2000 பக்கங்களில் மூணு, நாலாயிரம் பக்கத்தில் ஒண்ணு" - என்ற பரிந்துரைகள் வேணாமே - ப்ளீஸ் !  Slots 4 எனும் போது உங்களின் பரிந்துரைகளுமே நான்காக மட்டும் இருந்திடட்டுமே - ப்ளீஸ் ! 
  11. பொன்விழா ஆண்டின் சிங்கப்பூர்..வெனிஸ் பிராமிஸ்களுள் ஒன்றான "அட்டைப்படங்களின் தொகுப்பு - ஒரு பிரத்யேகத்  தொகுப்பாய் "! என்பதனை இந்தத் தருணத்தில் களமிறக்குவது சரியாக இருக்குமா ? Thoughts on that please ?
ஆக இந்த நொடியினில் மனசில் மேலோட்டமாய் ஓடிடும் திட்டமிடல் இதுவே ! இதனை மெருகூட்டும் விதமாய் என்ன செய்யலாமென்ற உங்களின் suggestions would be most welcome !! 

ஏற்கனவே SMASHING '70s தடத்தினில் "ரிப் கிர்பி ஸ்பெஷல்" மே துவக்கத்தினை வெளிச்சமாக்கிட உள்ளது ! மெய்யாலுமே இந்த ஆல்பம் கதை content-ல் பிரமாதமாய் அமைந்துள்ளது என்பது கொசுறுத் தகவல் ! தொடரும் பொழுதுகளை இந்த மேளா உற்சாகமாக்கிடட்டுமே ?

So சொல்லுங்களேன் folks - இந்தத் திட்டமிடல் sounds ok-வா ? என்று ! 

And மார்ச் இதழ்களின் அலசல்களும் தொடரட்டுமே ப்ளீஸ் ? Bye all...see you around ! Have a fun weekend !


ஒரு பின்குறிப்பு :

சுஸ்கி & விஸ்கி ஆல்பத்தின் எடிட்டிங்கைத் துவக்கியுள்ளேன் ....and நிஜத்தைச் சொல்வதானால் 'பக்கோ' என்றுள்ளது - அந்நாட்களின் குயந்தைப்புள்ளை மொழிநடையினைப் பார்த்து !! ரொம்பவே, ரொம்ப ரொம்பவே juvenile ஆக தென்படுகிறது அந்த பாணி  !! இதனை ஒட்டுமொத்தமாய் மாற்ற முற்பட்டால் மாத்து மாத்தென்று மாத்துவீர்கள் என்னை ; அதே சமயம், வண்ணத்தில் மறுபதிப்பு காணவுள்ள இந்த ஆல்பத்தை அந்நாட்களது  மொழிபெயர்ப்போடு யாரேனும் புதிதாய் வாசிக்க முற்பட்டால், கதைக்குள் புகும் அவசியங்களே இன்றி 'கெக்கே பிக்கே' என்று சிரிக்க ஆரம்பித்து விடும் அபாயமும் உள்ளது ! அதுவும் "ராஜா..ராணி..ஜாக்கி.." ஐயகோ ரகமாயுள்ளது ! ரொம்பவே பல்லிளிக்கும் இடங்களை மட்டுமாச்சும் பட்டி, டிங்கரிங் பார்த்தால் தான் தேறும் என்று படுகிறது ! 

Wednesday, March 02, 2022

முக்கூட்டு மார்ச் !

 நண்பர்களே,

வணக்கம். வருஷம் பிறந்தது நேற்றைக்குப் போலுள்ளது ; அதற்குள் மார்க்சும் பிறந்தாச்சு ; முதல் க்வாட்டரின் இதழ்களும் ரெடியாச்சூ ! நேற்றைக்கு கூரியர்களில் புறப்பட்டிருக்கும் 3 இதழ் காம்போவானது இன்றைக்கு உங்கள் கதவுகளைத் தட்டுமென்று எதிர்பார்க்கலாம் ! And ஆன்லைன் லிஸ்டிங்கும் ரெடி என்பதால் crisp ஆன இம்மாத வாசிப்புக்குத் தயாராகிடலாமே folks ?

https://lioncomics.in/product/march-pack-2022/

https://lion-muthucomics.com/all-available-comics/935-march-pack-2022.html

இம்மாத இதழ்கள் in many ways - தொடரவுள்ள காலங்களுக்கான template ஆக அமைந்திடுமென்று நினைக்கிறேன் ! 'தல' டெக்ஸ் மட்டும் solid ஆக  இடம் பிடிக்க, அவரைச் சுற்றி வாசம் செய்திடவுள்ள இதர நாயகர்கள் ஒன்றோ, மிஞ்சிப் போனால் இரண்டோ பேர் மாத்திரமே இருந்திடுவார்களென்று இனி எதிர்பார்க்கலாம் ! "மொது மொதுவென்று புக்ஸ் ; நாயகர்கள்" என்று மாசா மாசம் போட்டுத் தாக்குவதற்கு நாங்கள் தயாராக இருந்தாலும், வாசிக்க நேரத்தைத் திரட்ட அல்லல்படும் உங்களுக்கு, இந்த மித புஷ்டியிலான அட்டவணைகளே இனி சுகப்படக்கூடும் என்று படுகிறது ! And சீரான இடைவெளிகளில் "வேதாளர் ஸ்பெஷல்" ; பழிக்குப் பழி" போன்ற குண்டு பார்ட்டிகள் தலைகாட்டுவது, வாசிப்பினை balance செய்திட உதவிடும் போலும் ! 

பார்க்கலாமே ! Bye for now ! See you around !