ஹல்லோ சேலம் !

 நண்பர்களே,

சேலத்திலிருந்து வணக்கங்கள் ! வேறொரு வேலையாய் இந்தப் பக்கங்களுக்குப் பயணமாவது அவசியமாகிட, சேலத்தில் நடந்து வரும் புத்தக விழாவினை ஞாயிறுக்கு எட்டிப் பார்க்கலாமே என்ற மஹா சிந்தனையும் தோன்றியது ! So திரும்பிய திக்கிலெல்லாம் மேம்பாலங்களுடன் காட்சி தரும் இந்த நகருக்கு சாமத்தில் வந்து சேர்ந்தேன் ! 'வந்த வேகத்திலேயே பதிவை போடுறோம்' என்ற வைராக்கியமெல்லாம் விட்டம் வரை விரிந்த கொட்டாவிகளில் காணாது போயிருக்க, கண் முழித்துப் பார்த்தால் மணி எட்டும் சொச்சம் !! "ஆத்தீ...கன்பார்மா வயசாச்சு நமக்கு !!" என்ற ஊர்ஜிதத்துடனே இதோ பதிவில் ஆஜர் ! 

ஆண்டின் கடைசி மாதம் எட்டும் தொலைவில் நிலைகொண்டிருக்க, நாற்கூட்டணியுடன் அதன் ஆரம்பத்தையும், ரெட்டைக் கூட்டணியோடு அதன் மத்திமத்தையும் அணுகுவதென்று திட்டமிட்டுள்ளோம் ! So - டிசம்பரில் துவக்கத்துக்கென ரெடியாகியுள்ள ஆல்பங்கள் இவை நான்கே :

ரிப்போர்ட்டர் ஜானி - "ஜானிக்கொரு தீக்கனவு" 

TEX - "உங்களைக் கொன்றதில் மகிழ்ச்சி !"

V காமிக்ஸ் - "கொலைநோக்குப் பார்வை" (ஏஜெண்ட் ராபின்)

லயன் கிராபிக் நாவல் - "காலனின் கால்தடத்தில்" 

இவற்றுள் ஜானி & டெக்ஸ் முடிஞ்சது  ; நாளை V காமிக்ஸ் அச்சாகிடும் ! So இறுதி இதழாய் கி.நா.விற்கு எடிட்டிங் மட்டும் பண்ணி முடிச்சிட்டாங்காட்டி. all set for despatch ! இதோ - இது வரைக்கும் நீங்கள் பார்த்திருக்கா 2 இதழ்களின் அட்டைப்பட previews :  

இந்த சாகஸத்தில் நம்மவர்கள் டிடெக்டிவ் அவதாரில் ரகளை செய்கிறார்கள் & களமும் நாம் நிரம்பவே பரிச்சயப்பட்டிருக்கும் சான் பிரான்ஸிஸ்கொ தான் ! அங்கிருக்கும் போலீஸ் சீப் வழக்கம் போல மிக்ஸரை சுவைத்துக் கொண்டிருக்க, துப்புத் துலக்க வகையில்லாக் கொலைகளைக் கையாளும் பொறுப்பை இரவுக் கழுகாரும், வெள்ளி முடியாரும் எடுத்துக் கொண்டு கதை முழுக்க 'ஜம்'மென்று கோச் வண்டியில் வலம் வருகின்றனர் ! இம்முறை குறுக்கு ஒடிய no குருதைப் பயணம்ஸ் or ரயில் பயணம்ஸ் ! So வித்தியாசமான சித்திரங்கள் மட்டுமன்றி, மாறுபட்ட கதைபாணியுமே இம்முறை உங்களை எதிர்நோக்கிக் காத்துள்ளது என்பேன் ! கார்சன் மட்டும் உறங்கி முழித்து அப்படியே தலையைச் சீவாமல் வந்தது போல காட்சி தருவதை கண்டுக்காது விட்டால் - இந்தப் புது ஸ்டைலும் ரசிக்காது போகாது !  

And இதோ - ஆண்டின் இறுதி V காமிக்சின் preview : 

வழக்கம் போல ராபினின் முதிர் வயது ஆல்பமிது & அவர் இளம் வயதில் முடிச்சவிழ்த்த கேசின் நினைவுகூர்தலே இம்முறையும் ! வித்தியாசமான கதை knot ; அதனை சுலபமாய், சீராய் எடுத்துச் சென்றுள்ளனர் ! பெருசாய் கார் சேஸ் ; டுமீல் டுமீல் சமாச்சாரங்கள் கிடையாது தான் ; but still 94 பக்கங்களில் 'நறுக்' வாசிப்பு waiting ! என்ன - வில்லனை மட்டும் கொஞ்சம் வீரியமானவனாய் ஆக்கியிருந்தால் இன்னும் நன்றாக இருந்திருக்கும் ! 

So இந்த நான்கோடு டிசம்பரின் துவக்கத்தைக் கையாண்டோமெனில், 2023 அட்டவணையினில் பாக்கி நிற்கும் ஒரே இதழான ஏஜெண்ட் சிஸ்கோவின் "கலாஷ்னிகோவ் காதல்" இதழை டிசம்பரின் மத்தியினில் - Supreme '60s தடத்தின் அடுத்த இதழோடு கூட்டணி போட்டு டெஸ்பாட்ச் செய்திட எண்ணியுள்ளோம் ! So விங்-கமாண்டர் ஜார்ஜ் ஸ்பெஷல் # 1 & ஏஜெண்ட் சிஸ்கோ கைகோர்த்து அடுத்த கூரியரில் பயணமாகிடுவர் ! தடிமனான Supreme 60s புக்கையும் சேர்த்துக் கொள்ளும் போது கூரியர் செலவு சமாளித்துக் கொள்ள உதவிடும் என்பதால் இந்த ஏற்பாடு ! ஆக ஆண்டின் அறிவித்த இதழ்களை அந்தாண்டிலேயே சுபம் போட இயன்ற திருப்தியோடு முன்சென்றிடலாம் ! Supreme '60s-ல் மாத்திரம் ஒற்றை இதழ் தொக்கி நிற்கும் and அந்த ஸ்லாட்டுக்கென காரிகனும் ரெடியாகி வருகிறார் / மாண்ட்ரேக்கும் தயாராகி வருகிறார் ! காரிகனில் வைரஸ் X ; பழிவாங்கும் பாவை - போலான க்ளாஸிக் சாகசங்களும் இடம்பிடிப்பதால் இந்த காரிகன் ஸ்பெஷல் 2 முதல் இதழைப் போல தடுமாறிடாதென்று நம்பலாம் !  

Moving on, இன்னும் நான்கே நாட்களில் வோட்டிங் நிறைவுற இருக்கும் இந்த வினவலில் latest update : https://strawpoll.com/e7ZJGKeK5y3 

C.I.A.ஏஜெண்ட் ஆல்பா முதலிடத்தில் இன்னமும் ஆராமாய்த் தொடர்ந்திடுகிறார் ! And மூன்றாமிடத்திலும் எவ்வித மாற்றமும் இல்லை தான் ! ஆனால் வியப்பூட்டும் விதத்தில் ஸ்லாட்ஸ் 2 & 4 இடமாற்றம் செய்து கொண்டுள்ளன ! அதே போல கீழே உள்ள இதழ்கள் அதனதன் இடத்தினில் 'தேமே' என்று தொடர்கின்றன ! மேகி கேரிசன் & நெவாடா கடாசி இடங்களில் பாவமாய் தொடர்கின்றனர் - தொடக்கம் முதலாகவே !! காத்துள்ள வியாழனன்று வோட்டிங் நிறைவுற்றிடும் என்பதால் இன்னமும் வோட்டு போட்டிருக்கா நண்பர்கள் தங்களின் கடமையினை செய்திடலாமே ப்ளீஸ் ? 

ரைட்டு...மதியத்துக்கு மேல் வருண பகவானின் கருணை தொடர்ந்தால் நமது ஸ்டாலில் ஆஜராகிட உத்தேசித்துள்ளேன் ! இந்தப் பகுதிகளில் இருக்கக் கூடிய நண்பர்களை சந்திக்க இயன்றால் ஹேப்பி அண்ணாச்சி ! Bye all...see you around ! Have a cool Sunday !

பண்டிகைக்குப் பின்னே !

நண்பர்களே,

வணக்கம். தீபாவளியும் வந்து போயாச்சு ; பட்டாசுகளையும் வெடித்து முடித்தாச்சு ; பட்சணங்களை வீர வரலாற்றின் லேட்டஸ்ட் அத்தியாயமாகவும் ஆக்கியாச்சு ; and இதோ - மறுக்கா அதே செக்குமாட்டு இயல்புக்கும் திரும்பியாச்சு ! இப்டிக்கா இன்னும் ஒரு மாசத்தை ஒட்டிப்புட்டால், அப்புறம் - "கிருஸ்துமஸ் வரப் போகுதுடோய் ; புது வருஷம் பொறக்கப் போகுதுடோய்" என்று அடுத்த உருட்டை ஆரம்பித்து விடலாம் ! அதன் பின்பாய் பொங்கல் !! வாழ்க்கையே ஒரு வட்டமென்று வெள்ளித்திரையின் மூதறிஞப் பெருமக்கள் சொன்னது இதையெல்லாம் மனதில் வைத்துத் தான் போலும் !!  

நம்மைப் பொறுத்தவரைக்கும், 2 heavyweight நாயகர்களின் அதகளத்துடனான தீபாவளி போட்டுத் தாக்கியிருக்க - மெது மெதுவாய் நடப்பாண்டின் இறுதி மாதம் நோக்கிய நமது பயணத்தினை அரங்கேற்றி வருகிறோம் ! உங்களில் எத்தனை பேர் டைகராருடன் முரட்டுத் தூக்கங்களைப் போட்டீர்களோ தெரியாது ; எம்புட்டு பேர் இளம் 'தல'யை தலைமாட்டில் வைத்தபடிக்கே குறட்டைகள் விட்டீர்களோ - தெரியாது ; ஆனால் நம்மளவில் இந்த ஜாம்பவான்களுக்கு மத்தியிலான ரேஸில் Young Tex முன்னணியினில் இருக்கிறார் ! அந்த 6 அத்தியாய தெறி சாகசமானது இங்கு பெற்றிருந்த rave reviews-களைப் பார்த்த போதே புரிந்தது - இந்த இதழ் சூப்பர் ஹிட் என்று ! But still - பத்தாண்டுகளுக்குப் பின்பாய் "உள்ளேன் ஐயா" போட்டிருக்கும் இளம் டைகர் இந்த ரேஸில் முந்திடக்கூடும் என்ற சின்ன எண்ணமிருந்தது என்னுள் ! Alas - 'எதிர்ப்படுவோர் யாராக இருந்தாலும் சப்பளித்து விட்டு நகர்ந்து கொண்டே இருப்பேனாக்கும் !' என்ற டெக்சின் முழக்கத்தின் முன்னே இளம் வேங்கையாரும் சித்தே வழி விடத்தான் வேண்டியிருக்கிறது ! So "அதிகாரி பாயாசம்" என்பதெல்லாமே "அதிகாரி பாசம்" என்ற வாஞ்சையின் மாறுவேஷமே என்பது சந்தேகமற இம்முறை நிரூபணமாகியிருக்க, THE SIXER SPECIAL leads the November race ! இங்கே சின்னதொரு இடைச்செருகலும் folks :

ஒவ்வொரு மாதமும், புக்ஸ் தயாரான நொடி முதலாய், அவற்றை ஒருவாட்டி அழகாய்ப் புரட்டி விட்டு, அடுத்த மாதத்தின் பணிகளுக்குள் ஆழ்ந்திடுவதே எனது வாடிக்கை ! உங்களின் ஆன்லைன் ஆர்டர்கள் ; ஏஜெண்ட் ஆர்டர்ஸ் என்ற சகலத்தையும் நம்மாட்களே பார்த்துக் கொள்வார்கள் ! ஆனால் இம்முறையோ எனக்குள் ஒரு curiosity - 'தல' vs 'தளபதி' என்ற போட்டியில் ஆர்டர்கள் எவ்விதம் கிட்டுகின்றன ? என்பதை அறிந்திட ! So ஒரு மூணு நாட்களுக்கு ஆர்டர்களையெல்லாம் வாங்கிப் பார்த்துக் கொண்டிருந்தேன் ! And yes - போன பதிவினில் சொன்னது போலவே தீபாவளிக்கு முன்பான 4 நாட்களிலும், டெக்ஸ் + டைகர் இதழ்கள் வெளுத்து வாங்கிக் கொண்டிருந்தன ! ஆனால், V காமிக்சில் வந்திருந்த "வன்மேற்கின் அத்தியாயம் இதழ் # 4"-க்கு கிட்டியிருந்த ஆர்டர்ஸ் பிம்பிலிக்கா பிலாக்கி ரேஞ்சே தான் ! தொண்ணூற்றி சில்லறை இதழ்கள் டெக்சிலும், டைகரிலும், ஆன்லைனில் ஆர்டராகியிருக்க, "மோதாமல் ஒரு நாளும் இருக்க வேண்டாம்" பெற்றிருந்ததோ வெறும் 8 பிரதிகளுக்கான ஆர்டரினை மட்டுமே !   

Star power சற்றே குறைச்சலாய் கொண்டிருக்கும் அத்தனை நாயக / நாயகியரையும் 2024-ன் அட்டவணையினில் waiting லிஸ்டில் கொண்டு அமுக்கியதில் நண்பர்கள் நிறையப் பேருக்கு நிறைய கடுப்ஸ் இருந்திருக்கும் என்பதில் no secrets ! ஆனால் எனது அந்தத் தீர்மானத்தின் பின்னணியினில் இருந்தது இத்தகைய நிகழ்வுகளில் கற்றுக் கொண்டிருந்த பாடங்கள் மாத்திரமே ! கடைக்குப் போய் வாங்கும் நண்பர்களும் சரி, ஆன்லைனில் அந்தந்த மாதங்களில் வாங்கிடும் அன்பர்களும் சரி - கொஞ்சமே கொஞ்சமாய் ரெண்டாம் நிலையில் இருக்கக்கூடிய நாயகர்களின் ஆல்பங்களுக்கு கூட நாசூக்காய் "NO" சொல்லி விடுகின்றனர் ! அதன் பலனாய் அந்த இதழ்களெல்லாமே கையில் தேங்கி விடுகின்றன ! So மிஸ் பண்ணிட சாத்தியமேபடாதென்ற ரகத்திலான இதழ்களையாய் தேடிப்பிடித்து 2024-ன் அட்டவணையின் ரெகுலர் தடத்தில் புகுத்தியிருப்பது a step in this direction ! And இனி வரும் காலங்களில் மாதா மாதம் "எதை skip செய்யலாம் ?" என்ற கேள்விகளுக்கு இடமே தரப்படாதென்ற தீர்மானத்தில் பிறந்துள்ளதே ROUTE 2024 ! வாசிப்பில் ஒரு இலகுத்தன்மையும், சுவாரஸ்யமும் ஒட்டிக் கொள்வதன் சௌஜன்யங்கள் என்னவென்பதையும் ; "வாங்குறோம்-படிக்க மாட்டேங்கிறோமே !" என்ற குறுகுறுப்பின்றிப் பயணிப்பதன் சுகங்களையும் 2024-ன் பயணம் நமக்கு உணர்த்தும் என்ற திட நம்பிக்கை எனக்குள்ளது ! 

Moving on, 2024 -ன் கி.நா. குட்டித்தடத்தில் இதழ் # 3 ஆக இடம் பிடிக்க வேண்டியது நவீன வெட்டியான் ஸ்டெர்ன் தானா ? அல்லது கமர்ஷியல் கி.ந.வான "துணைக்கு வந்த மாயாவி" இதழா ? என்ற கேள்விக்கு 150 நண்பர்கள் பதில் தந்துள்ளனர் ! And 91 பேர் வெட்டியானுக்கு தங்களது ஓட்டுக்களை போட்டு விவாதத்துக்கு முற்றுப்புள்ளி வைத்துள்ளனர் ! So அந்த கமர்ஷியல் கி.நா. ஏதேனும் ஆன்லைன் மேளா ஸ்லாட்டினை தேடிக் கொள்ள வேணும் போலும் ! 

And 2024-ன் Make My Own Mini சந்தா (MYOMS) பிரத்யேக தடத்தினில் நீங்கள் பார்த்திட விரும்பும் 4 இதழ்கள் பற்றிக் கேட்டிருந்தோமல்லவா ? விறுவிறுப்பான வோட்டிங் இன்னமும் அங்கே தொடர்ந்திடுகிறது & ஒற்றை நாயகர் மட்டும் இது வரைக்கும் தொடர்ச்சியாய் முன்னிலையில் இருந்து வருகிறார் and அவர் தான் CIA ஏஜென்ட் ஆல்பா ! 2 to 4 வரையிலான மீத positions ரொம்பவே சின்ன வாக்கு வித்தியாசத்தில் தொடர்ந்திடுகின்றன & எந்த நொடியிலும் அந்த வரிசைதனில் மாற்றம் நிகழலாம் தான் போலும் ! இதோ - இன்னமும் வாக்களித்திருக்கா நண்பர்களின் பொருட்டு அந்த link இன்னொருமுறை :  https://strawpoll.com/e7ZJGKeK5y3

Further down the line, டிசம்பரில் மொத்தம் 5 இதழ்கள் இருந்திட வேணும் :

*ரிப்போர்டர் ஜானி சாகசம் - "ஜானிக்கொரு தீக்கனவு"

*TEX - "உங்களைக் கொன்றதில் மகிழ்ச்சி !"

*V காமிக்ஸ் - ஏஜென்ட் ராபினின் "கொலைநோக்குப் பார்வை"

*ஏஜெண்ட் சிஸ்கோ தோன்றும் "கலாஷ்னிகோவ் காதல்"

*லயன் கிராபிக் நாவல் - "காலனின் கால்தடத்தில்"

எனக்கே இது லைட்டாய் overkill போல தோன்றுகிறது என்பதை மறுக்க மாட்டேன் ! ஆண்டின் பிற்பாதியில் ஈரோடு ஸ்பெஷல்ஸ் ; அப்புறமாய்  டெக்சின் பிறந்த நாள் ஸ்பெஷல் & அதன் பின்னே டபுள் தீபாவளி ஸ்பெஷல்ஸ் என்ற திட்டமிடல்கள் சரமாரியாய்த் தொடர்ந்திருக்க, அட்டவணையினை இம்மியும் மாற்றியமைக்க வழியில்லாது போனது ! அதன் பலனாய் இந்த டிசம்பரில் 5 என்ற குவியல் !! வாசிப்பதில் நீங்கள் சமாளித்து விடுவீர்கள் என்றாலும், கடைகளில் விற்பனைக்கு வாங்கிடும் நமது முகவர்கள் இதனில் கொஞ்சமாய் தடுமாறுவார்கள் என்பது மாத்திரம் உறுதி ! So உங்களுக்கு ஓ.கே. எனில் இந்த ஐந்தில் விலை கூடுதலான ஏஜெண்ட் சிஸ்கோவை மட்டும் டிசம்பர் 20 வாக்கில் தனியாக அனுப்பிடலாமா ? என்ற எண்ணம் ஓடி வருகிறது ! உங்களின் suggestion என்னவோ guys ? சூட்டோடு சூடாய் போட்டுத் தாக்கி விடலாமா - அல்லது சிஸ்கோ மாத்திரம் தாமதித்து வரட்டுமா ? 

In any case - டிசம்பரின் ஐந்து இதழ்களிலும் பணிகள் ஜரூராய் நடந்து வருகின்றன ! இதோ - போன மாதமே ஆஜராகியிருக்க வேண்டிய "ஜானியின் தீக்கனவு" preview !! ஏற்கனவே சொல்லியிருந்தது போல, கருணையானந்தம் அங்கிள் இந்த இடியாப்பம்லாம் இனி நமக்கு செட் ஆகாதுப்பா என்று ஒதுங்கியிருக்க, ரிப்போர்ட்டர் சாருடன் நான் தான் பயணிக்க நேர்ந்தது ! And உள்ளதைச் சொல்வதானால், ஜானியின் அளவுகோல்களின்படி இது செம ஜாலி சாகசமே ! மூக்கைச் சுற்றும் முன்னூறு பை-பாஸ் சாலைகளின்றி, அழகாய், நீட்டாய் பயணிக்கிறது - மாமூலான அந்த க்ளாஸிக் சித்திர பாணிகளுடன் ! என்ன - பக்கத்தில் பத்து, பதினொன்று கட்டங்கள் இருக்க, வஜனங்கள் எழுதியே புஜம் கழன்றுவிட்டது !

காத்திருக்கும் கி.நா. 18+ வாசகர்களுக்கான பரிந்துரையுடன் வரவிருக்கும் இதழும் கூட ; அட்டைப்படமே அதனைச் சொல்லிடும் என்று நினைக்கிறேன் ! "தரைக்கு வந்த வானம்" தான் ஏற்கனவே விளம்பரப்படுத்தப்பட்ட கி.நா ; and அதுவொரு ஒன்-ஷாட் என்றே நமக்கு ஆரம்பத்தில் சொல்லப்பட்டிருந்தது ! ஆனால் கதையும் வந்து, பணியாற்றிய போது தான் தெரிய வந்தது - இதுவொரு 3 அத்தியாயப் பயணமென்று ! So பாக்கி 2 அத்தியாயங்களையும் வாங்கி, மொழிபெயர்த்து, கதை மெய்யாலுமே நிறைவுறுவதை உறுதிப்படுத்திக் கொண்ட பிற்பாடு ஏக் தம்மில் மூன்றையும் வெளியிட எண்ணியுள்ளோம் ! Sorry guys ; இது போலான offbeat ஆல்பங்கள் சார்ந்த அலசல்கள் நெட்டில் ஜாஸ்தி இருப்பதில்லை & கண்ணில்பட்டதொரு இத்தாலியத் தளத்திலோ இதுவொரு "self-contained story" என்று எழுதப்பட்டிருந்தது ! அதனை நம்பி இந்த சொதப்பலுக்கு ஆளாகியுள்ளோம் ! அதனிடத்தில் வரவிருக்கும் "காலனின் கால்தடத்தில்" கூட ஏற்கனவே விளம்பரப்படுத்தப்பட்ட இதழே ! இதோ அதன் preview : 

And இந்த இதழின் முழுமைக்கும் பேனா பிடித்திருப்பது நமது படையப்பா கதாசிரியர் தான் ! Yes - குடந்தை நண்பர் J தான் இந்த இதழினை மொழிபெயர்த்துள்ளார் ! இன்னமும் இதனுள் எடிட்டிங் பணிகளைத் துவக்கியிருக்கவில்லை ; so இளம் புலியார் பாணியில் மாற்றி எழுத அவசியங்கள் இருக்குமா ? இராதா ? என்று சொல்லத் தெரியவில்லை ! But I'm hoping அதற்கு அவசியங்கள் இராதென்று !! Fingers crossed !

சிஸ்கோ பணிகளுக்குள் புகுந்திட நான் கிளம்பும் முன்பாக சில  updates :

எங்களுக்கு ரெம்போவே அருகாமையில் உள்ள விருதுநகரில் 2 தினங்களுக்கு முன்பிலிருந்து புத்தக விழா துவங்கியுள்ளது and அங்கே நமது ஸ்டால் நம்பர் 26 ! தினமும் கணிசமான பள்ளி மாணாக்கர் வருகை தந்து கொண்டிருக்க, ஆபத்பாந்தவர்களாய் கைகொடுத்து வருவன - ஐம்பது ரூபாய்க்கு உட்பட்ட விலைகளிலான நமது இதழ்களே ! கொஞ்சமாய் காசோடு வரும் பிள்ளைகள், ஆசை தீர மற்ற கலர் இதழ்களை நாள்தோறும் புரட்டி ரசிக்கத் தவறுவதில்லை ! "வீட்டிலே சொல்லி அந்த புக்ஸ் வாங்கி தர கேப்போம் !" என்றபடிக்கே பிள்ளைகள் கிளம்பும் போது சற்றே நெருடலாக இருப்பதை மறுக்க மாட்டேன் ; but சுடும் யதார்த்தங்களை மறப்பதற்கும் இல்லையே !

And காத்திருக்கும் 21 தேதி முதலாய் சேலத்திலும் புத்தக விழா துவங்கிடுகிறது ! போன வருஷம் தூள் கிளப்பிய அதே இடத்தில் தான் இம்முறையும் விழா நடந்திடவுள்ளது எனும் போது செம ஆர்வமாய்க் காத்துள்ளோம் ! நமது நண்பர்களில் கணிசமானோர் சேலத்திலும், சுற்று வட்டாரங்களிலும் இருப்பதைக் கருத்தில் கொள்ளும் போது வரும் காலங்களில் வாசக சந்திப்பினை அக்கட ஒருவாட்டி முயற்சிக்கலாம் என்றே தோன்றுகிறது ! பார்க்கலாமே !! 

இது சற்றே சோகமானதொரு update ! பிராங்கோ-பெல்ஜிய படைப்பாளிகளுள் முக்கியமானவரான Bob De Groot இயற்கை எய்தியுள்ளார் ! க்ளிப்டன் கதைகளிலும் சரி, லியனார்டோ தாத்தாவின் கதைகளிலும் சரி, இவரது கைவண்ணங்களை நாம் ரசித்துள்ளோம் ! RIP sir ....!

Bye all....see you around ! Have a fun weekend !

P.S : இதோ - நவீன வெட்டியான் கெலித்துள்ள வாக்கெடுப்பின் screen shot :

தீ = தீ = தீபாவளி !

 நண்பர்களே,

வணக்கம். போன பதிவின் தலைப்பை ஒரு ரைமிங்குக்காக "தீ" என்று வைத்தேன் ; ஆனால் தொடர்ந்த இந்த வாரத்தின் தினங்கள் ஒவ்வொன்றுமே "தீயாய்" ஓட்டமெடுத்துள்ளன ! For starters - எங்களின் பட்டாசு நகரின் நிலவரம் பற்றி : 

ஊருக்குள் பெருசாய் பரபரப்போ ; வேகங்களோ பஜாரில் கண்ணில்படக் காணோம் ! In fact வெள்ளி மாலையில் கூட மக்கள் 'தேமே' என்று மாமூல் வேலைகளில் ஈடுபட்டிருப்பது போலவே தென்பட்டது ! ஆனால்...ஆனால்...ஊருக்கு வெளியே ; ஒவ்வொரு திக்கின் எல்லைகளிலும் அதகளமாய் கார்களின் அணிவகுப்பு ! 'இன்னா மேட்டரு..? ஆரேனும் கட்சி தலீவர் வந்திருக்கிறாரா ?' என்று பார்த்தால் அத்தனையுமே வெளியூர்களிலிருந்து ; வெளிமாநிலங்களில் இருந்து பட்டாசு வாங்க வந்திருந்த வண்டிகள் ! என்ன விலைக்கும் ஒரேயொரு gift box கூட லேது எனும் அளவிற்கு - ஊரைச் சுற்றிக் குவிந்து கிடக்கும் அத்தனை பட்டாசுக் கடைகளிலும் மொத்தமாய் சரக்கு காலி ! போன மாசம் வரைக்கும் "வியாபாரமே இல்ல ; ஈயோட்டுறோம் !" என்று பஞ்சப்பாட்டு பாடிக்கொண்டிருந்த பட்டாசார்கள் இன்று குவியும் கரென்சிக்களை எண்ண நேரமின்றி, மூட்டைகளாய்க் கட்டி, கிட்டங்கியில் போட்டுவிட்டு பண்டிகை முடிஞ்சா பிற்பாடு சாவகாசமாய் எண்ணிக் கொள்ளலாமென   குமிக்க ஆரம்பித்துள்ளனர் ! நம்புங்கள் guys - இது நிஜம் ! 'அனல் பறக்கும் வியாபாரம்' என்றால் இது தானுங்கோ அது !!

சரி, நமக்கெல்லாம் அந்த ரேஞ்சிலான வியாபாரங்கள் கனவில் கூட சாத்தியமல்ல எனும் போது, நம்மளவிற்கு என்ன நிலவரமென்று பார்க்கலாம் என்றபடிக்கே செவ்வாயன்று ஆபீசுக்குப் போன போதே பேக்கிங் செம விறுவிறுப்பாய் ஓடிக்கொண்டிருந்தது ! ஒரு பக்கம் செல்போன்கள் கூப்பாடு போட்டுக்கொண்டே இருக்க, அதன் மத்தியினில் நம்மவர்கள் பிரவுன் டேப்பை போட்டு பெட்டிகளுக்கு பேண்டேஜ் போட்டுக் கொண்டிருந்தனர் ! இப்போதெல்லாம் ஒரு சிறு எண்ணிக்கை தவிர்த்த பாக்கியெல்லாமே Professional கூரியர் தான் எனும் போது அவர்களே வண்டியனுப்பி பார்சல்களை புக்கிங் செய்திட எடுத்துப் போய்விடுகிறார்கள் ! And மாலையில் 'டாணென்று' கம்பியூட்டரில் டைப் செய்த ரசீதுகளை ரெடி செய்து, மறு நாள் காலையில் கையில் திணித்து விடுகிறார்கள் ! So 'தல' + 'தளபதி' உங்களை நோக்கிப் படையெடுப்பதை ரசித்த கையோடு ஆன்லைன் லிஸ்டிங்ஸ் போடச் சொல்லி விட்டு வீட்டுக்குக் கிளம்பினேன் ! தொடர்ந்த 3 தினங்கள் தான் நான் சொன்ன "தீ" !! 

புதன் காலையில் ஆபீசுக்கு வந்த போதே நம்மாட்கள் கிறுகிறுத்து நிற்பதைக் காண முடிந்தது ! அப்போவே லைட்டாக யூகிக்க முடிந்தது - 'தல' + 'தளபதி' மேஜிக் ஒர்க் பண்ண ஆரம்பித்திருக்குமோ - என்று ! Oh yes அதுவே தான் நிகழ்ந்திருந்தது ! ஆன்லைனில் ஆர்டர் செய்திருந்தோரும் சரி ; G Pay-ல் பணம் அனுப்பிவிட்டு ஆர்டர் செய்திருந்தோரும் சரி, புதன், வியாழன் & வெள்ளியில் அடித்துள்ளதெல்லாமே ரோஹித் ஷர்மா பாணியிலான சிக்ஸர்கள் ! Uffffff .....எனக்கு ஞாபகமிருக்க, "இரத்தப்படலம்" - முதல் வண்ணத்தொகுப்பு வெளியான வேளையிலும் சரி, டெக்சின் டைனமைட் ஸ்பெஷல் வெளியான தருணத்திலும் சரி, இது போலான கொலை மாஸ் வேகத்தினைப் பார்த்திருக்கிறேன் ! இந்த 3 நாட்களில் பார்க்கச் சாத்தியப்பட்டிருப்பது அவற்றுக்கு செம tough தந்திடும் அதிரடிகளை !! புதன் மாலை மட்டுமே கிட்டத்தட்ட அறுபது கூரியர்கள் & தொடர்ந்த 2 தினங்களுமே அதற்கு இணையான நம்பர்ஸ் ! கிட்டத்தட்ட எட்டு ஆண்டுகளிருக்கும் என்று நினைக்கிறேன் - "என் பெயர் டைகர்" வெளியாகி ! அதன் பின்பாய் நூறு மாத சுமாருக்கு துயில் பயின்று கொண்டிருந்த புலியார் இந்த தீபாவளிக்குக் களமிறங்குவதே இந்த அதிரடி உற்சாகத்தின் பின்னணி என்பது புரியாதில்லை ! போன வருஷம் அட்டவணையினில் இதனை நுழைக்கத் திட்டமிட்ட வேளையே எனக்கு கலர் கலரான கனவுகள் இருந்தன தான் - இரு ஜாம்பவான்கள் ஒன்றிணையும் இந்தப் பண்டிகைத் தருணம் களை காட்டினாள் எவ்விதமிருக்குமென்று ! And அந்தக் கனவு கச்சிதமாய் மெய்ப்பட - நமது காமிக்ஸ் களம் on fire !!

இது போதாதென - ஒரு மெகா ஸ்கூலிலிருந்து வன்மேற்கின் அத்தியாயம் 1 to 4 வரையிலான நான்கு இதழ்களிலும் தலா 100 புக்ஸ் வீதம், 400 பிரதிகள் வேண்டுமென்று ஆர்டர் தந்துள்ளனர் ! அவர்களது பள்ளியில் இந்த 4 பாக கதைச்சுற்றை மாணவியருக்குப் பரிசாய் வழங்கிடவுள்ளாராம் ! அந்தப் பள்ளியின் தாளாளர் நமது அதிதீவிர வாசகர் என்ற முறையில் பள்ளி நூலகத்துக்கு நமது புக்ஸ்களை ரெகுலராய் தருவிப்பது மாத்திரமன்றி, அவற்றை மாணவியர் மத்தியில் ஒரு பழக்கமாக்கிட தன்னால் இயன்ற சகலத்தையும் செய்து வருகிறார் ! சமீபமாய் அவர்களது நூலகப் பொறுப்பிலிருக்கும் டீச்சருடனான உரையாடலை என்னுடன் பகிர்ந்திருந்தார் - 7th & 8th STD மாணவியருக்கு, நமது புக்ஸ்களில் பிடித்தது எவை ? புரியாத வார்த்தைகள் எவை ? என்ற ரீதியில் ! மெய்யாலுமே மிரண்டு விட்டேன் - ஓசையின்றி அங்கு அரங்கேறிக் கொண்டிருக்கும் ஒரு காமிக்ஸ் வாசிப்பு movement-ஐ கண்டு !! இன்று அவர் விதைக்கும் விதைகள் விருட்சமாகிடும் நாளில் - வானமே எல்லையாகிடும் இந்தச் சித்திரக்கதைச் சோலைக்கு ! And surprise.....துவக்கத்தில் கொஞ்சமாய் நமது தமிழை உள்வாங்கிட மாணவியர் திணறினாலும், இப்போதெல்லாம் சுலபமாய் வெளுத்து வாங்குகிறார்களாம் ! And மாணவியரின் கைகளில் மிளிர்வதெல்லாமே கார்ட்டூன்கள் என்பது எனது கவனத்துக்குத் தப்பவில்லை ! So ....so .... கார்ட்டூன்களில் வறட்சி என்ற பொதுவான புகாருக்கு ஒரு தீர்வாகவும், அடுத்த தலைமுறைகளுக்கு ஒரு காமிக்ஸ் நுழைவாயிலாக இருந்திடவும் -  ஆன்லைன் புத்தக விழாவினில் 2 கார்ட்டூன் ஸ்லாட்ஸ் உறுதி பண்ணிடுவோமா folks ? இன்ன பிற நாயகர்களை கண்டால் தானே நீங்கள் ஓட்டமெடுக்கிறீர்கள் ? உங்களின் ஆதர்ஷ ஒல்லியார் லக்கி லூக்கையே அந்த 2 ஸ்லாட்களிலும் நுழைத்து விட்டால் ? புதுக் கதைகளோடு ? What say guys ?  

Fire சேதிகளில் அடுத்ததாக - டின்டின் பற்றி ! ஒரு வழியாய் படைப்பாளிகளின் ஒப்புதல் கிட்டியாச்சூ - நமது தமிழ் பதிப்பின் முதல் இதழுக்கு ! இன்னமும் தயாரிப்பு சார்ந்த சில பல திருத்தங்களை செய்து வருகிறோம் ! So எப்படியேனும் ஜனவரியில், சென்னைப் புத்தக விழாவின் தருணத்துக்கு "திபெத்தில் டின்டின்" தயாராகி விடுவாரென்ற நம்பிக்கை துளிர் விட துவங்கிவிட்டுள்ளது ! இப்போதெல்லாம் கண்ணில்படும் கதைகளையெல்லாம் போட்டுத் தாக்கி தெறிக்க விட்டு வருவதால் - "ஆங்...வரட்டுமே..பாத்துக்கலாம் !!" என்ற ஒரு ஜாலி மூட் உங்களிடம் குடியிருப்பதாக எனக்கு சமீப நாட்களில் தெரிகிறது ! But எனக்கோ இந்த ஒற்றைத் தொடரானது ஒரு ஆயுட்கால பிரயத்தனமாய் தென்படுகிறது ! 1985-ல் கொயந்த புள்ளையாட்டம் டின்டினுக்கு உரிமைகள் கோரிப் போய் பல்பு வாங்கிய நாட்களிலேயே இந்த நாயகர் ஒரு ஜாம்பவான் ; அதற்குப் பின்பான இந்த சுமார் 40 ஆண்டுகளில் இன்னமும் அசுர உயரங்களுக்கு அவர் வளர்ந்திருப்பது கண்கூடு ! அவரை தமிழ் பேசச் செய்திட ஆகியுள்ள முயற்சிகளை பற்றியோ ; செலவுகளைப் பற்றியோ, அவரது தமிழாக்கத்துக்கு ஒப்புதல் பெற்றிட அடித்திருக்கும் குரங்கு பல்டிகளைப் பற்றியோ பேச  ஆரம்பித்தால், பொங்கல் நெருங்கி விடக்கூடும் ! So - 'வெள்ளித்திரையில் மீதத்தைக் காண்க' என்பதோடு விட்டு விடலாமே ? And yes - அச்சுக்குச் செல்லும் முன்பாய் previews எப்போதும் போல இருந்திடும் !

Moving on, 2024 அட்டவணையினில் கிராபிக் நாவல் சந்தாவின் ஒற்றை இதழ் குறித்தும், MYOMS சந்தாவின் 4 இதழ்களின் தேர்வினைப் பொறுத்தவரை ஒரு மாதிரியாய் ரிஸல்ட்ஸ் தெரியத் துவங்கி வருகின்றன ! அதன்படி கி.நா.வில் எந்த இதழ் ? என்று கிட்டத்தட்ட pick செய்தாச்சு ! And அந்த 4 இதழ்களின் தேர்வில் ஒரு பாதி நான் எதிர்பார்த்தது போலவும், மறு பாதி சற்றே வியப்பூட்டும் விதத்திலும் உள்ளது ! 

இன்னமும் வோட்டுப் போட்டிருகாதோரின் வசதிக்காக இதோ லிங்க் : https://strawpoll.com/e7ZJGKeK5y3

கடைசி நிமிஷ ஷாப்பிங்குக்கு நீங்க கிளம்பும் முன்பாய், எனக்கு இந்தாண்டு பண்டிகை கிடையாதென்பதால் சிஸ்கோவுக்குள் நான் மூழ்கிடும் முன்பாய் - another fire தகவல் !

• ஒரு வன்மேற்குக் களம் !! 
• அழகானதொரு பெண்மணியே இதனில் lead character ! 
• யாரைத் தேடுகிறாள் ? எதற்குத் தேடுகிறாள் ? என்ற கேள்வியோடு நாம் காத்திருக்க, 5 வெவ்வேறு திக்குகளில் பயணமாகிறாள் !
• ஒவ்வொரு திக்கின் பயணமும் ஒரு அத்தியாயம் !
• ஒரே கதை - ஆனால் 5 ஆண்டுகளில் உருவாகியுள்ளது !
• நாம் அத்தனை காலமெல்லாம் காத்திருக்காது - மாதம்தோறும் ஒன்று வீதம் 5 மாதங்களில் போட்டுத் தாக்கிடுவோமா - 2024-ன் பிற்பாதியில் ?
• இதோ - ஒற்றை பக்க ட்ரெய்லர் :  

Bye all....உளமார்ந்த தீபாவளி நல்வாழ்த்துக்கள் ! பட்டாசுகளோடு, பலகாரங்களோடு, புது துணிகளோடு, நம்ம புது புக்ஸையும் சேர்த்துக் கொள்ளுங்கள் இந்தக் கொண்டாட்டத்தில் ! Safe Diwali all !! See you around !!

"த" + "த" = தீ !

 நண்பர்களே,

வணக்கம். நேத்திக்கு உங்களின் கூரியர்களும், பதிவுத் தபால்களும் இங்கிருந்து சிக்கென்று புறப்பட்டு விட்டன ! இளம் 'தல' + இளம் 'தளபதி' centerstage எடுத்துக் கொள்ள - V காமிக்சின் வன்மேற்கு அத்தியாயம் # 4 துணைக்கு இணைந்து கொண்டுள்ளது ! So இம்மாதம் முழுக்கவே ஒரு Wild West மாதம் எனலாம் ! சாரி guys - ரிப்போர்ட்டர் ஜானியின் பணிகளுக்குள் இருந்த வேளையில் தான் வைரஸ் காய்ச்சல் துவைத்து எடுத்திருந்தது ! ஏற்கனவே கிறுகிறுக்கச் செய்யும் ஒரு கதைக்களத்துக்குள் கிறுகிறுத்துக் கிடந்த நிலையில் புகுந்திட 'தம்' இருக்கவில்லை - so அதுவும் டிசம்பர் கும்பலுக்குள் ஐக்கியமாகிறது ! இந்த நொடிக்கு - 184 + 384 + 96 = 664 பக்கங்கள் என்ற குவியலோடு பண்டிகையினை ஜமாய்ச்சிடலாமா ?

டெக்ஸும், டைகரும் தத்தம் பாணிகளில் கலக்கிடக் காத்துள்ளனர் எனில், V காமிக்சின் இந்த இதழும் in many ways important too ! அந்த வன்மேற்கின் அத்தியாயத்தின் முதல் சுற்று இங்கே நிறைவுற, நான்கு ஆல்பங்கள் கொண்ட இந்த story arc-ஐ நீங்கள் எவ்விதம் பார்த்திடுகிறீர்களென்று அறிந்திட ஆவலாய் இருப்போம் ! Becos உங்களின் ரேட்டிங்குகளைப் பொறுத்தே நம் மத்தியினில் இந்தத் தொடரின் எதிர்காலம் தீர்மானமாகும் ! So 'தல' first ஆ ? தளபதி first ஆ ? என்ற இங்கி -பிங்கி-பாங்கி ஆடும் சமயத்தினில் "மோதாமல் ஒரு நாளும் இருக்க வேண்டாம்" இதழினையும் சேர்த்துக் கொள்ளக் கோருகிறேன் guys !!   

And yes - "குற்றத்தின் குரல்" - டெக்சின் 32 பக்க மினி கலர் சாகசம் நம் அன்புடன் கூரியரில் இருந்திடும் !  

Online லிஸ்டிங்ஸ் ரெடி : 

https://lion-muthucomics.com/latest-releases/1144-november-pack-2023.html 

So சந்தாக்களில் அல்லாத நண்பர்கள் ஜல்தியாய் ஆர்டர் செய்தால் தொடரும் நாட்களில் தீபாவளிச் சரவெடிகள் உங்கள் இல்லம் தேடிப் பாய்ந்தோடி வந்து விடும் ! சனிக்கிழமை மதியம் வரை நம்மாட்கள் அலுவலகத்தில் இருப்பார்கள் - அதன் பின்பாய் செவ்வாயே அடுத்த working day !  

Bye guys...happy shopping...and happier reading !

And முடிந்தால் 'தல' + தளபதி' சகிதம் ஒரு selfie அனுப்புங்களேன் - இங்கும் நமது FB பக்கத்திலும் போட்டுத் தாக்கிடலாம் ? 

See you around ! Have a lovely week ! And 2024 சந்தாக்களுக்கும் பட்ஜெட்டில் இடம் ஒதுக்கிட முயற்சிக்கலாமே - ப்ளீஸ் ? 

ஹலோ நவம்பர் !

 நண்பர்களே,

வணக்கம். சனியன்று 'தம்' கட்டி அட்டவணைப் பதிவினை போட்ட கையோடு ஞாயிறன்று கிரிக்கெட் மேட்சையும் பார்த்தவன் தான் - நேற்று வரை தலையைத் தூக்கக் கூட திராணியில்லை வைரஸ் ஜுரத்தின் நீட்சியாய் ! வறட்டு இருமலும் நாள் முழுக்க உசிரை வாங்கிட, ஒற்றை வேலையும் பார்த்த பாடில்லை ! என்ன ஒரே அனுகூலம் - நாலு மாசமாய் தொப்பையை சித்தே குறைக்கச் செஞ்சு பார்த்த முயற்சிகளெல்லாம் பப்படமாகியிருக்க, இந்தப் பத்து நாட்களில் ரெண்டரை கிலோஸ் போன இடமே தெரியலை !! அந்த மட்டுக்கு சந்தோஷம் என்றபடிக்கே மெதுமெதுவாய் பணிகளுக்குத் திரும்ப ஆரம்பிச்சாச்சூ !  

தீபாவளி இதழ்கள் பைண்டிங்கில் இருக்க, தொடரவுள்ள திங்களுக்கு despatch இருந்திடும் ! Hardcover டைகர் இதழில் ஈரப்பதம் இருக்கலாகாது என்பது மட்டுமே அந்நேரத்து கவனத்தினைக் கோரிடும் ! Anyways இளம் புலியாரின் புக் கலரில் அட்டகாசமாய் வந்துள்ளது ; தீபாவளி வேளையினில், பட்சண துவம்சங்களின் நடுவாக்கில் டைகர் செம கம்பெனியாக இருப்பாரென்று எதிர்பார்த்திடலாம் ! And இளம் தல சாத்திடும் சிக்ஸர் ஸ்பெஷல் இன்னொரு பக்கம் தெறிக்க விடுகிறது ! இளம் டெக்ஸ் தொடரினில் இத்தாலியில் அவர்களது தனித்தடமானது பிய்த்துப் பிடுங்கி கொண்டு # 54-ல் தற்சமயம் நிற்கின்றது ! (என்ன - எல்லா இதழ்களும் 62 பக்கங்கள் மட்டுமே கொண்டவை என்பதால் நெடும் கதைகள் ரெண்டோ, மூணோ, நாலோ - அதிக இதழ்களிலேயே நிறைவுறுகின்றன ! அப்படிப் பார்க்கும் போது இதழ் # 54 என்றாலும், கதைகள் உத்தேசமாய் 25-க்குள் தானிருக்கும்). இந்த மௌரோ போசெல்லி brain child-ன் ஹைலைட்டே நாம் தற்போது வாசித்திடவுள்ள 6 பாக சிக்ஸர் ஸ்பெஷல் கதைச் சுற்று தான் ! போன மாதம் டெக்ஸும், கிட் வில்லரும் பேடகோனியா சென்று அதகளம் செய்ததை ரசித்தோமெனில், இம்முறை ரொம்பவே வித்தியாசமான பிளாரிடா கானகப் பகுதியினில் இளம் டெக்ஸ் தெறிக்க விடுகிறார் ! 384 பக்கங்களில் மூச்சிரைக்கச் செய்யும் ஒரு ஓட்டம் ; ஒரு போராட்டம் ; ஒரு கண்ணாமூச்சி ஆட்டம் என்று அரங்கேறுகிறது ! ஏற்கனவே SUPREMO ஸ்பெஷல் வாசிப்பு தேங்கியிருப்பின், அத்தோடு இதனையும் கோர்த்திடாது, இதை இந்தப் பண்டிகையின் வேகத்தில் போட்டுத் தாக்கிடலாமே guys ? இதோ - அட்டைப்பட முதல் பார்வை & உட்பக்க previews :  

Moving on, அட்டவணை 2024 !! நண்பர்களில் ஒரு அணியினருக்கு இத்தனை காலமாய் பரிச்சயப்பட்டிருந்த "அந்த ஸ்பெஷல்"....."இந்த ஸ்பெஷல்"" என்ற ரகத்திலான வாணவேடிக்கைகள் இம்முறை கலந்து கட்டி அடிக்காதது  குறித்து ஒரு letdown இருப்பதை புரிய முடிகிறது ! Moreso காத்திருப்பது லயனின் 40-வது ஆண்டு எனும் போது எதிர்பார்ப்புகள் ஒரு மிடறு தூக்கலாகவே இருந்திருக்கும் என்பதும் obvious !  ஆனால் உங்களின் இந்த reactions குறித்து எனக்கு கிஞ்சித்தும் வியப்பில்லை - becos இது நான் ஸ்பஷ்டமாய் எதிர்பார்த்ததே !! 

உங்களால் எவ்வளவு சாப்பிட முடியுமென்ற தயக்கங்களெல்லாம் இல்லாது, கடந்த 12 ஆண்டுகளாய், நமது ஒவ்வொரு அட்டவணைத் திட்டமிடல்களிலும், மெனுவின் முக்கால்வாசி ஐட்டங்களை மேஜையில் இறக்கி விட்டுக் கொண்டிருந்தோம் ! So ரெண்டு இட்லியும், ஒரு வடையும் சாப்பிட எண்ணி வந்திருந்த நண்பர்களுக்குக் கூட - விருந்தின் பிரம்மாண்டம் "ஏஏஏஏயப்பா!!" என்ற மலைப்பைத் தரத் தவறியிருக்கவில்லை ! ஆக பந்தியில் அமரும் போதே பசியாறும் ஆவலைக் கூட பின்தள்ளிவிட்டு "என்னென்ன காத்திருக்கிறதோ ?" என்று கண்டு ரசிக்கும் அந்த ஆர்வமுமே ஒரு முக்கிய factor ஆகிப் போய்விட்டிருந்ததை உணர்ந்திடுவதில் சிரமங்களே இருக்கவில்லை ! ஆனால் கல்யாண வீட்டுப் பந்தியில் ரொமாலி ரொட்டி ; ஸ்ப்ரிங் ரோல் ; டக்கிலோ ; கபாப் என்று நாங்கள் ரக ரகமாய்க் கூத்தடித்துக் கொண்டிருந்தாலும், அவற்றை வாங்கி ஒரு ஓரமாய் கிடத்தி விட்டு, "சாதம் எங்கேடா தம்பி ? அப்டியே அந்த சாம்பாரை கிண்டி ஊத்து ! கோசும், கிழங்கும் கொண்டு வா !!" என்று காலமாய் விருந்துணவுகளில் நாம் பழகிய ஐட்டங்களை மட்டும் உங்களில் பலரும் போட்டுத் தாக்கிடுவது, சில காலங்களாய் இருந்து வரும் நடைமுறையுமே  ! பந்தியில் அமர்ந்திருக்கும் நீங்கள் அதனை முழுசாய் கவனிக்க வாய்ப்பில்லை தான் ; ஆனால் பரிமாறும் போதும், இலையெடுக்கும் தருணத்திலும், கீழே போகும் பதார்த்தங்களைப் பார்ப்பதென்பது செம கஷ்டமான தருணம் !  காசும்...உழைப்பும்....உணவும் யாருக்கேனும் பயன்பட்டால் அற்புதம் ; விடிய விடிய கூட வெறும் கும்மட்டி அடுப்பில் மேல் நோவ சமைத்து விடலாம் தான் ! ஆனால் ஒரு ஆடம்பரத்துக்கோசரம் மட்டுமே மேஜையினை அலங்கரித்து விட்டு, பசியாற்ற உதவிடா பண்டங்களால் பலனேதும் இருந்திடாதே ?! 

அந்தப் புரிதலின் பலனே இந்தாண்டின் திட்டமிடல் !! 

"சார்....இது சவுத் இந்தியன் பாரம்பரியப் பந்தி ; இங்கே fancy ஐட்டங்கள்லாம் கிடையாது ! ஆனா நீங்க இஷ்டப்பட்டு சாப்பிடற சமாச்சாரங்களுக்கு குறைச்சலே இருக்காது ! திருப்தியா சாப்பிடுங்க !! And சாப்பிட்டு முடிச்சா பிற்பாடு - அதோ அந்தப்பக்கமா ஸ்வீட்சோ ; பாதாம் பாலோ ; பீடாவோ உங்களுக்கு தேவைக்கு ஏற்ப இருக்கும் ! வேணும்னா ருசிச்சிக்கிலாம் !" என்று நிதானமாய் பந்திக்கொரு வரைமுறை தந்துள்ளோம் இம்முறை ! "ஆத்தீ...போச்சு !" என்று குரல் தரும் நண்பர்கள் கொஞ்சமே கொஞ்சமாய் இதனை உள்வாங்கிக் கொள்ள முனைந்தால் புரியும் - இது உங்கள் பணம், உங்கள் வாசிப்புகளாகவும் உருமாறிட வேண்டுமே என்ற ஆதங்கத்தின் பலன் என்பது ! "நா வாங்கி ஊட்டுக்குள்ளே அடுக்கிட்டு போறேன் ; என்னிக்கோ படிச்சிட்டு போறேன் ; இல்லே அப்டியே கிடந்துட்டு போகுது ! உனக்கென்னப்பா ?" என்ற சில உஷ்ணக் குரல்கள் ஒலிப்பது கேட்கிறது தான் ! ஆனால் இடி இடிக்கும் ஒரு மழை நாளில், மரத்தடியில் ஒதுங்கி நின்று கொண்டே , "ச்ச்சே...ச்ச்சே...இடி இங்கெல்லாம் விழாதுப்பா !!" என்று 'தகிரியம்' காட்ட முனைவது எவ்வித விவேகமோ - அதே விவேகமே - "யாரு படிச்சா என்ன..? படிக்காட்டி நமக்கு என்னா ? அதான் காசு தர்றாங்கள்லே ? கேட்டதை போட்டுப்புட்டு போய்க்கிட்டே இருப்போம்!" என்று இந்தச் சூழ்நிலையினைத் தொடர நான் அனுமதிப்பதுமே !! 

"இந்த அட்டவணை எனக்கு ஏமாற்றமே" என்று பொங்கிடும் நண்பர்களும் சரி, ஏற்றுக் கொண்ட நண்பர்களும் சரி, நாங்களும் சரி, தொடர்வன - மறுக்க இயலா நிஜங்கள்  :

• ஆண்டுக்கு ஆண்டு இந்தச் சிறு காமிக்ஸ் வாசிப்பு வட்டம் சுருங்கிச் செல்கிறது ! ஒவ்வொரு தமிழ் காமிக்ஸ் சார்ந்த FB க்ரூப்பையும் எடுத்துக் கொள்ளுங்களேன் : பத்தாயிரத்துக்கும் ஜாஸ்தி அங்கத்தினர் இருப்பர் ! ஆனால் அவர்களில் வெறும் 10% கூட இன்றைய காமிக்ஸ் இதழ்களைப் பின்தொடர்வோராகவும், ரெகுலர் வாசகர்களாகவும் இருந்தால் ரொம்பவே வியப்பேன் !
• காமிக்ஸ் தான் என்றில்லை ; பொதுவான வாசிப்புகள் சகலமுமே தர்ம அடி வாங்கிடும் நாட்களிவை ! சமீபத்தைய புத்தக விழாவின் பொதுவான விற்பனை நிலவரம் குறித்து "ஹிந்து" நாளிதழில் 2 வாரங்களுக்கு முன்னே வந்திருந்த கட்டுரையைப் படித்தீர்களா - தெரியலை ; but worth a read for sure !! "ஜனம் வர்றாங்க....பாக்குறாங்க...போய்க்கிட்டே இருக்காங்க" என்பதே பொதுவான பதிப்பக ஆதங்கக் குரல்கள் ! 
• ஆண்டுக்கு ஆண்டு நமது ஓட்டங்கள் கூடிக் கொண்டே செல்கின்றன ! கொரோனா நாட்களில் ஆதாரத்துக்கே ஆட்டம் என்ற நிலையில் இருந்த சமயத்தில் தேவைப்பட்ட ஓட்டம் ஒருவிதமெனில் இந்த Post Covid யுகத்தின் செலவுகளுக்கு ஈடு தர ஓட வேண்டியிருப்பது இன்னொரு மாரத்தான் !
• இன்று நம்மைச் சுற்றிலும் முன்னெப்போதையும் விட உச்சத்தில் உள்ளன - பொழுதுபோக்குக்கான சாளரங்கள் ! மொத்தமாய் ஆண்டொன்றுக்கு ஒரு ரெண்டாயிரம் செலவிட்டாலே - தமிழ், இங்கிலீஷ் ; ஹிந்தி ; etc etc விலிருந்து போஜ்புரி வரைக்குமான திரைக்காவியங்களை (!!) செல்லபோன்களில் நினைத்த நேரத்துக்கெல்லாம் பார்த்துக்கொள்ளலாம் ! "அட, பஸ்ஸில் ஏறினோம் ; ரயிலில் ஏறினோம் - ஒரு புக் படிப்போம் !" என்ற சிந்தனை இன்று முதல் priority ஆக இருப்பதில்லை ! "ஏய்....ப்ளூசொக்கா தாறன் அந்தப் படத்தை தொங்க விட்ருக்காராம் ; ஹெட்போனை போட்டுக்கிட்டு அதை ரசிக்கலாம் ! அட...கோபி-சுதாகர் பரிதாபங்கள் புதுசு வந்திருக்கும்...அதை பாப்போம் !! புதுசா ரீல்ஸ் வந்திருக்குமோ ?" என்றெல்லாம் தானே நாம் மாற்றம் கண்டுள்ளோம் ? இது தகவல் தொழில்நுட்ப யுக முன்னேற்றத்தின் இயல்பான நீட்சி ! Agreed ?
• காலமாய் ஆராதித்து வரும் இந்த பொம்ம புக்குகளை மறந்துப்புடப்படாதே  என்ற அன்பு கலந்த வைராக்கியத்தில் இந்தப் பயணத்தினை 'தம்' கட்டிக்கொண்டு தொடரும் நண்பர்கள் கணிசம். அவர்களின் அந்த அன்பிற்கு நாம் செய்திடக்கூடிய கைம்மாறு - இயன்றமட்டுக்கு அந்த வாசிப்பினை அவர்கள் விரும்பும் விதமாய் ; அவர்களது நேரக்கட்டுப்பாடுகளுக்குள் பொருந்தும் விதமாய் அமைப்பதாக மட்டும் தானே இருக்க முடியும் ?

And that's exactly what we are trying to do ! 

குறைவான நேரமா ? பரவால்லீங்க,,,அலுப்புத்தட்டாம வாசிக்க breezy reads தர முயல்கிறோம் ! 

"எனக்கு நேரத்துக்கு பஞ்சமில்லேப்பா !" என்கிறீர்களா ?!! சூப்பருங்க...உங்களுக்கு கூடுதலாய் புக்ஸ் வழங்கவும் வழி பண்ணிடலாம் - MYOMS மூலமா !

இதுவே காத்திருக்கும் ஆண்டுக்கு மாத்திரமல்ல ; இனி வரவுள்ள நாட்களுக்குமான templates !! And இதனை உணர்ந்திட எனக்கு உதவிய சின்னதொரு புள்ளிவிபரம் இதோ : 

2023 - அது தானுங்கோ நடப்பாண்டு ! சந்தாவில் ; Supreme '60s தனித்தடத்தில் ; ஈரோட்டு ஸ்பெஷலில் ; ஆன்லைன் புத்தக மேளாவினில் என்று மொத்தம் 14 ஹார்ட்கவர் இதழ்கள் இந்த ஒற்றை ஆண்டினில் மட்டுமே !! இனியொரு தபா நாமளே கற்பனை கூட செய்து பார்த்திட இயலா ஒரு எண்ணிக்கை இது ! அட்டகாசமான வாணவேடிக்கை பார்த்த சந்தோசம் நமக்கெல்லாம் இருந்தது தான் ; ஆனால் இந்தப் பதினான்கில் ஸ்டாக் காலியான இரண்டே இதழ்கள் எவையென்று யூகிப்போருக்கு கம்பெனி சார்பில் நயமான கோவில்பட்டி கடலைமிட்டாய் பாக்கெட் ஒன்றினை வழங்கிடலாம் ! 

காலியாகியுள்ள இரண்டே இதழ்கள் : "கார்சனின் கடந்த காலம்" & "BIG BOYS ஸ்பெஷல் !!" 

இந்த ஒற்றை தகவலிலேயே நமது சமீப வாசிப்புகள் pattern அப்பட்டமாய் புலனாகிறது folks - என்மட்டிலாவது ! 

• இரண்டுமே க்ளாஸிக் மறுபதிப்புகள் ! 
• இரண்டுமே புதுப்பிக்கப்பட்ட பிரம்மாண்ட formats-களில் வெளியான visual delights ! 
• இரண்டுமே முற்றிலும் எதிர்பாரா ஒரு நொடியில் வெளியானவை ! 
• இரண்டுமே உங்களின் நோஸ்டால்ஜியா factors கலந்தவை ! 
• இரண்டுமே உங்களை நேர நோவுக்கு ஆட்படுத்திடாது "படிக்கணும்னு தோணுறச்சே படிச்சுக்கலாம் !" என்ற ரகத்தில் விழுகின்றவை   ! 
• இரண்டுமே in their own ways - செம breezy reads ! 

உசிரைக் கொடுத்து உழைத்த பாக்கி 12 ஹார்ட்கவர் இதழ்களும் கிட்டங்கியில், நார்மல் புக்ஸ் பிடிக்கும் இடத்தைப் போல நான்கு மடங்கு இடத்தைப் பிடித்தபடியே துயின்று வருகின்றன ! இது தான் வார்னிஷ் பூசா நிஜம் ! 

இந்தப் பின்னணியினில் - "அதெல்லாம் எனக்கு தெரியாது !! ஆடலும், பாடலும் தொடர்ந்துக்கிட்டே இருக்கணும் ! மேடையிலே ஜிகு-ஜிகுன்னு இருந்தா தானே திருவிழாவுக்கு வர்றதுக்கே 'ஜிலோ'ன்னு இருக்கும் !" என்ற எதிர்பார்ப்பினை நான் எவ்விதம் கையாள்வதோ - சொல்லுங்களேன் guys ?  

20 நாயக-நாயகியர் ரெகுலர் சந்தா தடத்தினில் இடம் பிடித்துள்ளோர் - V காமிக்சின் July டு December லிஸ்டை சேர்க்காமலே !!

குறைந்த பட்சம் இன்னொரு 4 நாயகர் - Make My Own Mini Santha உபயத்தினில் ! ஆக - 12 மாத காலகட்டத்தினில் 24 நாயகர்கள் இடம்பிடிக்கின்றனர் !! 

கிஞ்சித்தும் செண்டிமெண்ட் பார்க்காது - உங்களின் பெரும்பான்மையின் ஆதர்ஷ ஆக்கங்களுக்கு மட்டுமே இடமளித்துள்ளோம் - வேறு எவ்வித considerations-ம் இல்லாது ! இதோ - நெவாடாவின் முதல் 3 ஆல்பங்களுக்கு உரிமை வாங்கியிருந்தோம் ; முதல் அத்தியாயமே உங்களுக்கு சுகப்படவில்லை என்ற நொடியில், மீத இரண்டையும் தலையில் திணிக்க முனையவில்லை ! 

ஸ்பைடர் in கலர் - எனக்கு வேண்டவே வேண்டாம் என்போரா ? No problems உங்க சிரத்தில் கூர்மண்டையரை சவாரி செய்திட அனுமதிக்க மாட்டோம் !

மாதம்தோறும் கனமான பொட்டிகளை உடைத்து அழகாய் ரசித்து விட்டு, ஆங்காங்கே ரெண்டு கமெண்ட்டைப் போட்டு விட்டு, புக்ஸை ஒரு ஓரத்தில் கிடத்தி விட்டு அடுத்த வேலைக்குள் ஈடுபட்டு வரும் நம்மில் பலரது  சமீபத்தைய இந்தப் பழக்கத்தை கொஞ்சமாய் மாற்றியமைக்க நாம் செய்திடக்கூடிய ஒரே விஷயம் - வாசிப்பினை நறுக்கென்றும் ; விறுவிறுப்பாக மாற்றிடுவதும் மட்டுமே ! மாறாக என்றைக்கோ காலாவதியாகிப் போன குண்டு புக் template-ஐ இன்னமும் விடாப்பிடியாய் பிடித்துக் கொண்டு, உங்களுக்கு எப்படியாச்சும் நேரம் வாய்ச்சுப்புடும் ; புக்ஸை முன்போலவே படித்து ரசித்து விடுவீர்கள் என்ற நம்பிக்கையில் நாட்களை நகர்த்தியதெல்லாம்  போதுமென்று எண்ணினேன் ! 

அவ்வளவே !

Of course - மாதத்தின் சகலத்தையும் தவறாது கரைத்துக் குடித்து விடும் நண்பர்களும் இல்லாதில்லை தான் ; மறுக்கவே மாட்டேன் ! அவர்கட்கு நான் குறிப்பிடும் சமாச்சாரங்கள் பொருந்திடவே செய்யாது தான் ! But அவர்கள் ஒரு சிறு அணி என்பது யதார்த்தம் என்பதால் தான், தம் கட்டி நமது பயணப்பாதையினை கொஞ்சம் மாற்றியமைக்க விழைந்து வருகிறேன் !

ஆங்கிலத்தில் சொல்லுவார்கள் - why fix something that ain't broken ? என்று ! உடைஞ்சு போயிருக்கா ஒண்ணை சரி பண்ண முயற்சிப்பானேன் ? என்பது நல்ல கேள்வியே ! But உடைந்து போகும் சாத்தியங்கள் கண்முன்னே தென்படும் போது பழமொழி பேசியபடியே குந்தியிருப்பதில் எனக்கு உடன்பாடில்லை folks !

And இங்கு இன்னொரு சத்தமில்லா சமாச்சாரம் பற்றியும் நாம் பேசியாக வேண்டும் ! அது தான் இன்றைக்கு புக்ஸ் அனுப்பிட ஆகிடும் செலவினங்கள் !! 

1. மாதா மாதத்து அட்டை டப்பிக்கள் 
2. பாலிதீன் கவர்கள்
3. செல்லோ டேப் 
4. கூரியர் கட்டணம் 

'தேமே' என்று காட்சி தரும் இந்த நான்கு ஐட்டங்களுக்குமாய் ஓராண்டினில் ஆகும் செலவென்னவென்று அகஸ்மாத்தாய்ப் பார்த்தோம் ! நம்பினால் நம்புங்கள் guys - GST வரி சேர்த்து மொத்தம் ஆகியுள்ள தொகை ஏழேகால் லட்சம் ரூபாய்கள் !! நம்மவாவது முடிகிறதா ?? அரூபமாய் இத்தனை அசாத்திய தொகை ஆண்டொன்றுக்கு செலவாகிடுவது ஒரு பக்கம் ; ஆனால் அத்தனை காசை செலவிடுவதற்காகவாவது அந்த டப்பிக்களில் பயணிக்கும் புக்ஸ் உங்கள் வாசிப்புக்கு active ஆக பயன்பட்டிட வேண்டாமா folks ? 

Moving further ahead - அட்டவணையோடு கேட்டிருந்த அந்த 2 ஓட்டெடுப்பு கேள்விகளுக்கான உங்களின் பதில்களை ரொம்பவே சுவாரஸ்யமாய் பார்த்துக் கொண்டிருக்கிறேன் ! இங்குமே ஸ்பஷ்டமாய் உங்களின் எண்ணவோட்டங்களைப் பார்க்க முடிகிறது ! 

கி.நா.தேர்வில் உங்கள் choice எது ? என்ற கேள்விக்கு கி.நா.விரும்பாதோர் ஓட்டளிக்க வேணாமே ப்ளீஸ் என்று கோரியிருந்தேன் ! அதற்கேற்ப இது வரைக்கும் வோட்டு போட்டுள்ள மொத்த நண்பர்களில் கிட்டத்தட்ட 25% - "நேக்கு நோ கி.நா.ஸ்" என்று சொல்லாமல் சொல்லியுள்ளனர் ! So கி.நா.க்களை வம்படியாக உங்கள் தலைகளில் கட்டக்கூடாதென்ற எங்களின் தீர்மானம் உருப்படியானதாய் தென்படுகிறது ! 

And Make My Own Mini சந்தா திட்டமிடலில் 8 இதழ்களுள் நான்கைத் தேர்வு செய்யும் படலம் ரொம்பவே சுவாரஸ்யமான பதில்களைக் கண்ணில் காட்டி வருகின்றது ! அங்கே முன்னணியில் இருக்கும் இதழ்கள் பற்றிப் பேச வாய் துறுதுறுக்கிறது தான் - but அது உங்களின் தேர்வுகளை எவ்விதத்திலும் influence செய்திடக்கூடாது என்பதால் வாயில் பசையைப் போட்டுக் கொண்டு கிளம்புகிறேன் !

இதோ - crisp ஆக சந்தா விபரங்கள் - ஏதாச்சும் புரிதல்களில் சிக்கல் கொண்டிருக்கக்கூடிய  நண்பர்களுக்கென :

THE UNIVERSAL சந்தா - 

மொத்தம் 30 இதழ்கள் - மூன்று கி.நா.க்கள் சேர்த்து !

The N.G.N. சந்தா - 

மொத்தம் 27 இதழ்கள் - மூன்று கிராபிக் நாவல்கள் மட்டும் இல்லாது !

V காமிக்ஸ் சந்தா - 

6 இதழ்கள் - ஜனவரி to ஜூன் 2024 ! ஜூலை to டிசம்பர் - பின்னர் அறிவிக்கப்படும் !

M.Y.O.M.S - சந்தா :

"எனக்கு ரெகுலர் சந்தாவின் 30 புக்ஸ் + V காமிக்சின் 6 புக்ஸ் போதாது ; மேற்கொண்டும் வேணும் !" என்று எண்ணுவோரா நீங்கள் ? All you have to do is - நாம் தந்துள்ள 8 இதழ்களுள் உங்களுக்கு பிடித்த 4 எவையென்று வோட்டு போட்டுச் சொல்லி விட்டு ஆராமாய் அமர்ந்திடுவதே ! டிசம்பரின் இறுதியில் கூடுதல் ஓட்டுக்கள் பெற்றிருக்கும் 4 ஆல்பங்கள் எவை என்று பார்த்த கையோடு அவற்றை மட்டும் பிரேத்யேகமாய் ; உங்களுக்கே உங்களுக்காக ஒரு முன்பதிவாய் அறிவிப்போம். And அதனில் ஒரு டீசென்ட் முன்பதிவு கிட்டியான பின்னே, இந்த நான்கு இதழ்களும் உங்களுக்கு மட்டும் அனுப்பிடப்படும் ! இவை முன்பதிவு செய்யாத பிற தளங்களில் கிடைத்திடாது ! 

Make My Own Mini சந்தா - நீங்கள் தேர்வு செய்திடும் நான்கு இதழ்களுடன் - ஏப்ரல் 2024 முதலாய் !

புத்தாண்டும் புலர்ந்து, அதன் நகர்வோடு மாதா மாதம் நமது இதழ்களும் இணைந்து கொள்ளும் போது, அவை தரக்காத்துள்ள breezy வாசிப்புகள் எனது இன்றைய திட்டமிடலை நியாயப்படுத்திக் காட்டிடும் என்ற நம்பிக்கையில் கிளம்புகிறேன் folks ! Bye all...see you around ! இந்தியாவின் அதிரடிகளை இன்னமும் தொடரவுள்ள நாட்களில் ரசிப்போம் !