அதிகாரி புதன் !!

 நண்பர்களே,

வணக்கம். அதிகாரியுடனான அட்டகாசப் பயணம் தொடர்கிறது ! ஏதோவொரு வேகத்தில் தினத்துக்கு updates என்று சொல்லியாச்சு and புனித மனிடோவின் புண்ணியத்தில் முதலிரண்டு பதிவுகளும் செம சுவாரஸ்யமாய் அமைந்தும் போயாச்சு எனும் போது அடுத்து எதைப் பற்றி எழுதுவதோ ? என்ற கேள்வி எழாதில்லை ! ஆனால் 'தல'யை நம்பினோரை 'தல' கைவிட்டதாய் சரித்திரம் தான் ஏது ? So இதோ ஒரு பொன்னான புதனின் அதிகாரி update - பாகம் 3 !

"டெக்ஸ் ஓவர்டோஸ்..."

"அதிகாரிக்கு ஓவராய் ஸ்லாட்ஸ்"

"வர வர இவருக்கான முக்கியத்துவம் கூடுவது போலிருக்கு"

அவ்வப்போது லேசாய், மிக லேசாய், மிகச் சொற்ப நண்பர்களிடமிருந்து கேட்கும் முணுமுணுப்பு இதுவென்பதை நாம் நன்றாகவே அறிவோம் ! அதனில் அவர்களது "டெக்ஸ் அயர்ச்சி" யைத் தாண்டியதொரு சாரம் பெருசாய் இருப்பதாய் நான் நினைக்கவில்லை என்பதால் அவ்வப்போதைய சிற்சிறு சமாதானங்கள், விளக்கங்களோடு நகர்ந்து விடுகிறேன் ! ரைட்டு...ஆண்டுக்கு 30% இடத்தைப் பிடிக்கும் போதே இந்த சலனங்கள் நம்மிடையே எழுகின்றதே ; இத்தாலியில் நிலவரம் எவ்விதமிருக்குமோ ? என்ற curiosity சமீபத்தில் எழுந்தது எனக்கு !  அதன் பின்புலத்தில் ஒரு பொழுதுபோகா தினத்தில் கொஞ்சமாய் தேடல்களை நடத்தினேன் & கண்களை அகலமாய் ...ரொம்பவே அகலமாய்...அட...ரொம்ப ரொம்பவே அகலாய் விரித்தது தான் பலனாகியது ! ஏனென்கிறீர்களா ? போனெல்லியின் ; இத்தாலியின் ; வன்மேற்கின் தலைமகனுக்கு அக்கட தேசத்தில் உருவாக்கியுள்ள தனித்தடங்கள் எத்தனை என்பதைப் பார்த்த போது அகன்ற ஆந்தை விழிகள் இன்னமும் அப்படியே தொடர்கின்றன ! 

ஒன்றல்ல..இரண்டல்ல..மூன்றல்ல...நான்கல்ல....மொத்தம் 10 வெவ்வேறு தடங்களைப் பதித்துள்ளார்கள் TEX எக்ஸ்பிரஸ் தடதடக்க !! 

அவற்றுள் ஐந்தை இன்றைய பதிவிலும், (வீட்டம்மா போனில் உள்ள data-வை மறுக்கா ஆட்டையைப் போட்டு இன்னிக்கே பழனிவேல் குழம்பு வைக்காது இருக்கும் பட்சத்தில் ) பாக்கி ஐந்தை நாளைக்கும் பார்ப்போமா folks ? 

எதிர்பார்க்கக்கூடியபடியே டெக்சின் புதுப் படைப்புகள், black & white -ல் மாதம்தோறும் 112 பக்கங்களுடன் வெளிவருவது அவர்களது பிரதான இதழ் !  இப்போதெல்லாம் புதிதாய் வெளிவரும் கதைகள் 224 பக்கங்களுடன், இரண்டே பாகங்களில் நிறைவுறும் விதமாய் பெரும்பாலும் திட்டமிட்டு வருகிறார்கள் என்பதால் "ஆண்டினில் 6 முழுக்கதைகள்" என்பதே template ஆக உள்ளது ! Of course சற்றே நீளம் கூடுதலான கதைகளும் படைக்கப்படுகின்றன தான் ; ஆனால் 224 pages என்பதே தற்போதைய எழுதப்படா விதி ! ஒரு விதத்தில் இது நம் போன்ற இதர மொழிப் பதிப்பகங்களுக்கு வேலையை சுலபமாக்கிடுகிறது ! முன்னெல்லாம் ஒரு இதழில் ஆரம்பித்து, வெறும் 18 பக்கங்களில் "தொடரும்" போட்டுவிட்டு, அடுத்த புக்கில் முழுசுமாய் ஓடிய பிற்பாடு புக் நம்பர் 3-ல் ஒரு 70 பக்கங்களுக்கு ஓடி நிறைவுறும் ! So தலயின் தலை எங்கே ? வால் எங்கே ? எனத்தேடுவதில் நாக்குத் தொங்கி விடும் ! நமது டைனமைட் ஸ்பெஷல் இதழில் வெளியான அந்த நெடுங்கதையோ, கிட்டத்தட்ட 6 தனித்தனி TEX ஆல்பங்களில் பயணித்த கதை என்பதாக ஞாபகம் ! மிலன் நகரில் உள்ள காமிக்ஸ் மியூசியத்தில் குந்தியிருந்ததொரு ஞாயிறன்று அவர்களது சேகரிப்பிலிருந்த டெக்ஸ் ஆல்பங்களை ஒன்றொன்றாய் உருட்டி, எடுத்த குறிப்புகளிலிருந்து வரவழைத்தேன் "டை.ஸ்பெ." சமயத்தில் ! So இன்றைக்கு ஓரளவுக்கு அந்த நோவுகள் லேது ! And இந்தப் புதுக்கதைத் தடம் தற்சமயமாய் நிற்பது # 727-ல் !!  

புதுக்கதைகள் மாதமொறுக்கா என்றிருக்க, "க்ளாஸிக் டெக்ஸ்" என்றொரு இணை தடம் 15 நாட்களுக்கொருமுறை போனெல்லியின் துவக்க காலத்து க்ளாஸிக் கதைகளை மறுபதிப்பிடுகிறது - 64 பக்க இதழ்களாய் - இம்முறையோ முழுவண்ணத்தில் ! துவக்க வேலைகளின் கதைகளில் நிறையவே 160 பக்கங்களில் ; 170 பக்கங்களில் முடிவுறும் விதங்களாய் இருப்பதால் தோராயமாய் மூன்றல்லது, நான்கு "க்ளாஸிக் டெக்ஸ்" இதழ்களில் அவை ஓடி முடிகின்றன ! And பெரியவர் G.L.போனெல்லியின் கதைகளுக்கே இங்கு முக்கியத்துவம் ! So புதுசு b &w-ல் ; மறுபதிப்புகள் வண்ணத்தில் என்பதே படைப்பாளிகளின் பார்முலாவாகவும் உள்ளது ! தற்சமயமாய் "க்ளாஸிக் டெக்ஸ் நிலைகொண்டிருப்பது # 109-ல் !

ரைட்டு..புதுசும் ஆச்சு ; ரொம்பப் பழசும் ஆச்சு என்றான பிற்பாடு what next ? என்று யோசித்திருக்கிறார்கள் போலும் ! அடுத்த தடத்தை மறுபதிப்புகளுக்கே மறுக்காவும் தரத் திட்டமிட்டுள்ளனர் - இம்முறை ஒரிஜினலின் அதே வரிசைக்கிரமத்தில் - எல்லாமே black & white-ல் ; கனகச்சித நகல்களாய் !  "நிலவொளியில் நரபலி" போலான ஸ்பெஷல் இதழ்களை மட்டும் ஒரிஜினலைப் போலவே இந்த மறுபதிப்பு வரிசையிலுமே வண்ணத்தில் தயாரித்துள்ளனர் ! "ALL TEX" என்ற இந்தத்தடமும் மாதம்தோறும் ! And தற்போது நிலைகொண்டிருப்பது நாம் "நில்..கவனி..சுடு" என்று தமிழாக்கமாய் வெளியிட்ட கதை # 601-ல் !

தடம் # 4 வெகு சமீபமானது ; இளம் டெக்ஸ் வில்லர் கதைகளுக்கென இரண்டரை ஆண்டுகளுக்கு முன்பாய்ப் போடப்பட்டது & திங்களன்று நாம் அலசிய அதே கதைவரிசையே ! 64 பக்கங்கள் ; black & white ; மாதம்தோறும் ஒரு வெளியீடு என்று விறுவிறுப்பான நகர்ந்து வருகிறது இளையவரின் புதிய வரிசையானது ! Now at # 30 !

தொடர்வது MAXI TEX !! மாமூலான கதைகளை விடவும் நீளத்தில், ஆழத்தில், அழுத்தத்தில் கூடுதலான கதைகளை - black & white-ல் ; ஆனால் மாமூலான சைசில் அல்லாது பெரிய சைசில் இதனில் வெளியிடுகிறார்கள் ! ஆறு மாதங்களுக்கொரு தபா வெளியாகும் இந்த இதழ்களில் 330 பக்கக் கதைகள் ; 276 பக்கக்கதைகள் ; 292 பக்கக்கதைகள் என்று டிசைன் டிசைனாய் உள்ளன ! ஒரு குறிப்பிட்ட பக்க நீளக் கட்டுப்பாடுகளை தந்து படைப்பாளிகளைக் கட்டிப்போடாது - அவர்களின் கதைகளுக்கு ஏற்ப களங்களை வழங்கிடும் முயற்சியாக இது எனக்குத் தென்படுகிறது ! இந்த MAXI TEX தற்போது தொட்டு நிற்பது # 28 !!

தடம் # 6 முதலாய் மீதத்தை நாளைய பதிவில் பார்ப்போமே guys ?

இதோ இன்றைக்கான உங்களின் கேள்வி + task !! சமீபத்தைய டிடெக்டவ் ஸ்பெஷல் இதழினில் டைலன் டாக் கலர் சிறுகதை 32 பக்கத்தில் வந்திருந்தது நினைவிருக்கலாம் ! Color Tex சிறுகதைகள் பாணியிலேயே டைலனின் வரிசையிலும் கொஞ்சம் short stories உள்ளன ! எல்லாமே சமீபப் படைப்புகள் ! 2022-ல் அவற்றை முயற்சித்துப் பார்ப்போமா - அல்லது நோ ஆணி pluckings-ஆ ? சொல்லுங்களேன் guys ! 

எது எப்படியோ - நம்மாள் டைலன் டாக் அட்டவணையில் இடம் பிடிக்கிறாரோ, இல்லியோ - இதோ இங்கு கேப்ஷன் போட்டியிலாச்சும் இடம்பிடிக்கிறார் ! 

ஞானே நடுவராக்கும் ; ஆளுக்கு இரண்டே முயற்சிகள் மாத்திரமே & பரிசு பெறும் caption க்கு "உயிரைத் தேடி " புக் நம் அன்புடன் !

Bye all ...have another safe & peaceful day !!