இன்னொரு அரை டஜனுங்க !

 நண்பர்களே,

வணக்கம். நேற்றைய வினாக்களின் தொடர்ச்சி இது ! ஏற்கனவே சொன்னது போல கேள்வி குப்பண்ணாவாய் தொடரும் நாட்களில் நான் வலம் வருவது தவிர்க்க இயலா சமாச்சாரம் ; so நடுமூக்கில் நச்சென்று குத்தும் ஆர்வங்கள் எழுந்தாலும் அவற்றை சித்தே அடக்கிடுங்கள் ப்ளீஸ் !

முதல் கேள்வி & நடப்பாண்டின் சந்தாவில் நேரடிப் பிரதிபலிப்புக் காணவுள்ள சமாச்சாரமுமே இது ! So தவறாது அனைவருமே பதில் தந்திட நேரமெடுத்துக் கொண்டால் நலமென்பேன் !

ஸ்டெர்ன் ! வெகு சமீபத்தில் அறிமுகமான இந்த வெட்டியான் பற்றி நேற்றுக் கேட்டிருந்தேன் ! And ஒற்றைக் கையின் விரல்களில் அடக்கக்கூடிய எண்ணிக்கையிலான நண்பர்களைத் தாண்டி அநேகர் இந்த கருப்புச்சட்டை ஆசாமிக்கு ஒரு பெரிய thumbs down தந்துள்ளதை சற்றே சங்கடத்துடனே பார்த்தேன் ! நமக்குப் பழகிய வன்மேற்குக் களமே ; கண்களுக்கு இதமான சித்திரம் + கலரிங் பாணியே - ஆனால் ஏனோ மனுஷன் உங்கள் கவனங்களைக் கோருவதில் பெரிதாய் score செய்திருக்கக் காணோம் ! பெர்சனலாக எனக்கு இந்தத் தொடர் நிரம்பப் பிடித்திருக்கவே செய்கிறது தான் ; ஆனால் வாங்கிடும் உங்களுக்கும் அது பிடித்திருந்தால் தவிர, இங்கே ஸ்டெர்னின் சக்கரங்கள் சுழலப் போவதில்லை என்பதே bottomline ! நடப்பாண்டின் சந்தா E வகையில் இந்த வெட்டியான் பார்ட்டியின் ஆல்பம் # 2 வெளிவர வேண்டியுள்ளது - அடுத்த சில மாதங்களுக்குள் ! ஆனால் உங்களின் இந்த சுவாரஸ்யங்களற்ற வரவேற்பு என்னுள் சன்னமாய் ஒரு புயல் எச்சரிக்கையினை ஏற்றி வைத்துள்ளது இப்போது ! ஒரு கஷ்டமான ஆண்டினில், கஷ்டமான சூழல்களின் மத்தியிலும் சந்தா செலுத்தியுள்ள உங்களுக்கு 'ஏனோ-தானோ' என்ற பாங்கிலான கதைகளைத் தந்திட கை கூசுகிறது இந்த நொடியினில் ! So இந்த நொடியில் எனது கேள்வி இதுவே :

1 .ஸ்டெர்ன் ஆல்பம் # 2 - என்ன செய்யலாமுங்க ?

a .முயற்சித்துப் பார்க்கலாம் ; ஒரே வாய்ப்போடு மனுஷனை மூட்டை கட்டுவது தப்பிதம் !

b .ஜார்கண்ட் பக்கமா போற ரயிலிலே வித் அவுட்டிலே ஏத்தி விட்டுப்புடலாம் !

c புறக்கணிக்க வேணாம் ; தாமதிக்க வேணா செய்வோம் ! இந்த வருஷ அட்டவணையில் வாணாம் ; அப்பாலிக்கா பாத்துப்போம் !

மேற்கண்ட கேள்விக்கு நீங்கள் சொல்லவுள்ள பதில்களைப் பொறுத்தே இது சார்ந்த தீர்மானம் எடுத்திடவுள்ளேன் ! So "வழியனுப்ப வந்தவனை" வாழ வைப்பதா - வழியனுப்புவதா ? என்று சொல்லுங்களேன் folks ?

இதுவுமே நேற்றைய வினவலும், அதன் மீதான உங்களின் பதில்களும் அவசியப்படுத்திடும் அடுத்த கேள்வியே ! 

தோர்கல் ! இவரை அடுத்த அமெரிக்க ஜனாதிபதியாய்த் தேர்வு செய்யும் ரேஞ்சுக்கு ஏகோபித்த ஆதரவு இல்லாவிடினும் - நிச்சயமாய் உள்ளூர் கவுன்சிலர் ரேஞ்சுக்கு புறம்தள்ள இயலாது ! So இவரது இருப்பு கேள்விக்குறியே அல்ல தான் ! ஆனால் மனுஷனை இனியும் சிங்கிள் ஆல்பங்களில் ரசிப்பதென்று சுகப்படாது ; இவருக்கு தொகுப்புகளே சரி என்ற உங்களின் நேற்றைய தீர்ப்புகள் ஸ்பஷ்டமாய் அமைந்திருக்க, again நடப்பாண்டின் அட்டவணையை உங்கள் கவனத்துக்கு கொணர்கிறேன் ! 

And எனது கேள்வி # 2 இது தான் :  "அசுர பூமியில் தோர்கல்" - சிங்கள் ஆல்பமாய் அறிவித்து வைத்திருக்கும் நிலையில் - what do we do about it ? 

1 .சிங்கம் சிங்கிளாய் வந்தாலும் ஓ.கே. தான்  - இந்த ஆண்டுக்கு மட்டும் !

2 .சிங்கிளாய் உலவ விட்டு சிங்கத்தை அசிங்கம் பண்ணாமல், நடப்பாண்டுக்கு ஓய்வெடுக்க விட்டுப்புட்டு,அதனிடத்தில் வேறு ஏதாச்சும் கதையைப் போடுப்பு!

3 .'அந்த ஆடு...அந்த அருவா...! இந்த மனுஷன்...இந்த குடை..!" ரெண்டுக்கும் ஏதோ சம்பந்தம் இருக்கிறே மேரியே ஒரு பீலிங்கு ! உங்களுக்கும் ஏதாச்சும் சம்பந்தப்படுத்தும் யோசனை தோணுதா ?

கேள்வி # 3 கூட நேற்றைய வினாவின் நீட்சியே !

விளிம்பு நிலை நாயக / நாயகியர் : எடுத்துக்காட்டுக்களோடு ஒரு சிறு குறிப்பு வரைக ! நமது தற்போதைய முழு அணிவகுப்பையும் கருத்தில் கொண்டு - அவர்களுள் யார் விளிம்பில் உள்ளனர் ? யார் வீட்டுக்குள் ? என்று சொல்லுங்களேன் guys ? (ஜில் ஜோர்டன் ; மந்திரியார் ; லியனார்டோ ; smurfs - போல ஏற்கனவே ஓரம்கட்டப்பட்டு விட்ட நாயகர்களை கருத்தில் கொள்ள வேண்டியிராது !)

சமீபப் பதிவினில் உங்களிடம் நான் கேட்டு வரும் கேள்விகள் மாறுபட்டாலும், உங்கள் பதில்களினில் ஒரு பொதுவான சமாச்சாரத்தைக் கவனிக்க முடிந்து வருகிறது ! அது பற்றி உரிய நேரத்தில் பேசுவோமென்று எண்ணியுமிருந்தேன் ! Maybe this is the time for it !

காலில் சக்கரங்கள் ; இடர்மிகு நாட்களின் டென்க்ஷன்...Work from Home என்ற நோவு....தொழில் மந்தங்கள் / உத்தியோக முடக்கங்கள் - என காரணங்கள் வேறுபட்டாலும், அவை பொதுப்பலன்களாய் நம் மத்தியில் விநியோகித்து வரும் மண்டைக்குடைச்சல்களில் பெரியதொரு வேறுபாடு இராதென்றே சொல்வேன் ! இத்தனைக்கும் இடையே இந்த 'பொம்ம புக்' நேசத்தையும் கருகிட அனுமதிக்கலாகாது என்ற அவாவோடு பயணிக்கும் நாமெல்லாம் ! ஆனால் காமிக்ஸ் ஆசை ஆல் உசரம் இருப்பினும், கிட்டும் அவகாசங்களோ அரைக்காலடியே என்பது புரிகிறது ! எனது கேள்வி # 4 இதுவே :

கடந்த 12 மாதங்களில் வெளியான நமது 50+ புக்சில் நீங்கள் மெய்யாலுமே படித்து முடித்த பிக்சிங் எண்ணிக்கை (தோராயமாக) என்னவாகயிருக்குமோ ? 

a .ஞான் சகலத்தையும் கரைச்சுக் குடிச்சுப்புட்ட பார்ட்டியாக்கும் ! At least 40+ புக்ஸ் வாசிச்சூ !

b .என்ன அப்புடிக் கேட்டுப்புட்டீங்க அண்ணாச்சி ? நாங்க குறைஞ்சது  30 புக்சாச்சும்  படிச்சிருப்போம்லே ?

c .ஞான் சகலத்தையும் தடவிப் பார்த்து, படம் பார்த்து, அடுக்கி வைக்கும் பார்ட்டியாக்கும் ! ஒரு பாதியை படிச்சிருப்பேன் இந்த லாக்டௌன் புண்ணியத்திலே !

d .உனக்கும் வேணாம்...எனக்கும் வேணாம் - படிச்சதோட எண்ணிக்கை 10-ன்னு போட்டுக்கோ வாத்தியாரே !

இன்றைய பொழுதுக்கான கடாசிக் கேள்வி இது ! And இது முந்தைய  கேள்வியின் மறு அத்தியாயம் என்றே வைத்துக் கொள்ளுங்களேன் ! 

காரணங்கள் எதுவாயிருப்பினும், வாசிக்க அவகாசம் கிட்டவில்லை என்பது யதார்த்தமெனில், (நமக்கு) ஓராண்டுக்கு உகந்த, கச்சிதமான புக்ஸ் எண்ணிக்கை என்னவென்பீர்களோ ? "ஓவராகவும் இல்லே நைனா...கொர்சலாவும் இல்லே மாமே !" என்று சொல்வதாயின் எந்த நம்பரைச் சொல்லுவீர்களோ ?

a .இப்போதுள்ளது போலவே 50 +

b .அம்பதிலே ஆசை வரும்னு சொல்லுவாங்க ராசா ; பேராசை ஆவாது ! 36 போடுவோம் - போதும் !

c .ரெண்டு கை..ரெண்டு கால் தானேப்பா இருக்கு எனக்கு - வூட்டை ; உத்தியோகத்தை பாத்துக்க ?! அதே மாதிரி மாசத்துக்கு 'நச்னு'ரெண்டே ரெண்டு போடு போதும்  ! ஆக வருஷத்துக்கு 24 சூப்பர் மாம்மெ !!

நேற்றைப் போலவே இன்றைக்கும் a word of caution please !! கேள்விகளுக்கு ; குறிப்பாய் இந்தக் கேள்விக்கு உங்களின் ஆழ்மனதின் பதில் ப்ளீஸ் ! கவிஞர் குண்டக்க மண்டக்க 210 ன்னு ஒரு நம்பர் சொல்லுவார் தான் ; ஆனால் இந்த ஒற்றை முறை மட்டும் யாவருமே மனதில் பட்டதைச் சொல்வது நலம் பயக்கும் ! And இந்தப் பதிலுக்கு தயை கூர்ந்து சக நண்பர்கள் எவ்வித விமர்சனங்களையும் முன்வைக்க வேண்டாமே - ப்ளீஸ் ! பகடிகளின் பயமின்றி மனதின் ஓசைகள் வெளிப்படட்டுமே all !!

கொசுறாய் ஒரேயொரு பொதுக்கேள்வியுமே :

இன்னுமா இதுலாம் படிக்கிறே ? ' என்ற ஏளனக் கேள்விகளை இன்னுமா நீங்கள் வீட்டிலோ / நண்பர்கள் மத்தியினில் சந்த்தித்து வருகின்றீர்கள்  ?  

a .காட்சிகள் மாறலாம் ; கட்சிகள் மாறலாம் ;  காலங்கள் மாறலாம் ; ஆனால் இந்தக் கேள்வி மட்டும் மாறாது !

b இப்போல்லாம் 'இது பூட்ட கேசு !' என்று தண்ணி தெளிச்சிட்டாங்க ! யாரும் பெருசா உசிரே வாங்குறதில்லை !

c மாற்றம்...முன்னேற்றம்...! கேள்வி கேட்டு வந்தோரில் சிலரே இப்போ காமிக்ஸ் கட்சியில் சேர்ந்தாச்சு ! 

உங்களின் பதில்களை எதிர்நோக்கியபடிக்கே ப்ளூகோட் பட்டாளத்துடன் இன்றைய பொழுதைக் கழிக்கவுள்ளேன் ! Safe Thursday to us all !! 

Bye & see you around !!