அதிகாரியோடு செவ்வாய் !

 நண்பர்களே,

வணக்கம். அதிகாரியின் அதிரடிகள் தொடர்கின்றன ! 'தல' என்றாலே தடதடக்கும் தளமானது 'இளம் தல' என்றவுடன் ஒரு மிடறு தூக்கலாகவே தெறிக்க விட்டதில் எனக்கு வியப்பே இல்லை தான் ! And இந்த தினப்படி "அதிகாரி updates" அகுடியாவுக்கு நண்பர் காமிக் லவருக்கே நாம் thumbs up தந்திட வேண்டும் ! "இந்தச் சிரம நாட்களின் மத்தியில் "டெக்ஸ்" பற்றி ஏதாச்சும் அப்பப்போ  போடுங்களேன்  ; பாசிட்டிவாக feel பண்ணச் செய்ய  அவரை விட்டால் வேறு நாதி லேதல்லவா ?" என்று கோரியிருந்தார் ! ரைட்டு..."அப்பப்போ" என்பதை "தினப்படி" என்று அமைத்துக் கொள்வோமென நானும் தீர்மானித்தேன் ! 

இளம் டெக்ஸ் கதை வரிசையினை வரும் காலங்களில் எவ்விதம் கையாள்வதென்ற நேற்றைய கேள்விக்கு 'பொளேர்'என்று பதில் கிட்டி விட்டதென்பதால் நோ குழப்பம்ஸ் ! 'படிச்சா முழுசாத் தான் !" என்பதே உங்களின் (பெரும்பான்மை) பதிலாக இருக்குமென்று யூகித்திருந்தேன் தான் ; ஆனால் எனது கேள்வியின் பின்னே ஒருவித லாஜிக் இல்லாதில்லை தான் ! 

கிரிக்கெட்டை எடுத்துக் கொள்ளுங்களேன் - என்ன மாதிரியாய் தன்னைத் தானே மாற்றிக் கொண்டுள்ளதென்று பார்த்திட முடியும் ! எழுபதுகளிலும், எண்பதுகளின் துவக்கங்கள் வரையிலும் டெஸ்ட் மேட்ச் போட்டியின் நான்காவது தினம் ஒரு ரெஸ்ட் day !!  சாவகாசமாய் அன்றைக்கு ஓய்வெடுத்து விட்டு அப்புறமாய் மேட்சைத் தொடர்ந்திடுவார்கள் ! அப்புறமாய் அந்த ரெஸ்ட் தினத்துக்கு கல்தா தரப்பட்டது ! 'ஊஹூம்..இன்னமும் இது ஜவ்வாய் இழுக்கிறதே' என்ற நினைப்பில் ஒரு நாள் போட்டிகளைக் கொண்டு வந்தார்கள் - ஆளுக்கு 60 ஓவர்களைத் தந்து ! 'இதுவுமே மொக்கை போடுதுடோய் ' என்றபடிக்கே 60 ஓவர்களை 50 ஆக்கினார்கள் ! கொஞ்ச காலம் சக்கை போடு போட்டது ! ஆனால் காலப்போக்கில் இதுக்குமே ஆப்பு விழுந்தது ! "எவனுக்குடா நேரமிருக்குது நாள் முழுக்க டி-வி பொட்டி முன்னாடி குந்திக்கிடக்கிறதுக்கு ?" என்றபடிக்கே T20 என்று கொணர்ந்தார்கள் - ஆளுக்கு 20 ஓவர்களே போதுமென்று ! இதோ - இப்போது அது ரகளை செய்து கொண்டிருக்கையிலேயே THE HUNDRED என்றொரு சமாச்சாரத்தை இங்கிலாந்தில் முன்மொழிந்துள்ளார்கள் - ஆளுக்கு வெறும் 100 பந்துகள் மட்டுமே & அணியில் ஆண்களும் இருக்கலாம், அம்மணிகளும் இருக்கலாம் என்ற திட்டமிடலோடு ! இதுவே the next big thing in cricket என்று சொல்கிறார்கள் ! 

மாற்றமென்பது மாறிடா ஒரு தொடர் நிகழ்வு என்றாலும், இங்கே கவனம் கோருவது ஒற்றை விஷயமே : பொழுதுபோக்கு சார்ந்த சமாச்சாரங்களுக்கும்  ஒரு நேரக்கட்டுப்பாடு அவசியமாகிறது ! "ஓட்டம்..ஓட்டம்..சதா ஓட்டம்" என்பதே இன்றும், இனியும் வாழ்க்கை என்றான பின்னே பொழுதுபோக்குகளுமே அந்த வேகத்துக்கு ஈடு தந்திட வேண்டும் போலும் ; இல்லையேல் ஆடியோ கேசட் ; வீடியோ கேசட் ; வாக்மேன் ; CD பிளேயர் போல "காணாது போய்விட்ட சங்கதிகள்" பட்டியலில் ஐக்கியமாகிடணும் என்பதே நிதரிசன நிஜம் ! 

So "வாசிக்க நேரமில்லை " என்ற ஒரே காரணத்தினால் இம்மியூண்டான இந்த வட்டம் - வரும்காலங்களில் இக்ளியூண்டாகிடக் கூடாதே என்ற சன்னமான உறுத்தலே - இத்தாலியில் போலவே நாமும் crisp 64 பக்க இதழ்கள் பாணிக்குப் பழகிப் பார்ப்போமா ? என்ற நினைப்பு ! ரைட்டு - இப்போதைக்கு அந்த எண்ணத்தை மூட்டை கட்டியாச்சு ; தொகுப்புகளாகவே அடுத்த year-க்கு தொடர்ந்திடுவோம் ! 'தல'யின் 75-வது ஆண்டினில் இதே கேள்வியை மறுக்கா கேட்டு வைக்கிறேன் ; அன்றைக்கும் உங்களின் பதில்கள் இவ்விதமே உள்ளனவா - இல்லியா என்பதற்கேற்ப அன்றைய தீர்மானம் இருந்திடட்டும் ! நமக்கும் பொழுது போகணுமில்லீங்களா ?

ரைட்டு...இன்றைய updates பற்றி இனி பார்க்கலாமா ? 

COLOR TEX !!

டெக்ஸ் கதைகளை அவ்வப்போது கலரில் போடும் நமது முயற்சிகளை நானிங்கு குறிப்பிடவில்லை ! அதே போல ஒரிஜினலாக கருப்பு-வெள்ளையில் உருவாக்கப்பட்டு அப்பாலிக்கா கலர் செய்யப்பட்டு ரவுண்டு செல்லும் போனெல்லியின் படைப்புகளையும் நான் குறிப்பிடவில்லை ! மாறாக - உருவாக்கும் போதே கலர் கதைகளாய் ; அட்டைப்பட ஓவியங்களின் பாணியிலேயே கலர் செய்யப்பட்டு வரும் அந்த COLOR TEX பிரத்யேக வரிசையினையே குறிப்பிடுகிறேன் இங்கே ! 

எடிட்டர் மௌரோ போசெல்லி பொறுப்பேற்கும் வரைக்கும் போனெல்லியில் டெக்ஸ் ஒரு அற்புத ஹீரோவாக வலம் வந்து கொண்டிருந்தாலுமே, அந்த மாமூலான தடங்களைத் தாண்டி புதிதாய் பரீட்சித்துப் பார்க்கும் முனைப்பு பெரிதாய் யாருக்கும் தோன்றியிருக்கவில்லை ! Of course - இதழ் # 400 ; # 500 என்று ஸ்பெஷல் இதழ்களைக் கலரில் தயாரிப்பது நிகழ்ந்து கொண்டே வந்தது தான் - ஆனால் தலைமைப் பொறுப்பு போசெல்லி  கைக்குச் சென்ற பின்னே ரகம் ரகமாய் அதிர்வேட்டுக்களைத் தயார் செய்யத்துவங்கினார் ! And 2011 -ல் அவரது முயற்சியே இந்த COLOR TEX ஆண்டுமலர்கள் ! முதல் 3 ஆண்டுகளுக்கு 160 பக்க நீள முழுநீள ; முழுவண்ண சாகசங்களை போனெல்லி போட்டுத் தாக்கினர் & அவற்றுள் இரண்டு போசெல்லியின் படைப்புகளே !  நான்காவது ஆண்டுக்குள் இந்த முயற்சி புகுந்திடும் தருணத்தில் போசெல்லிக்கு இதிலும் ஒரு மாற்றம் செய்யும் எண்ணம் எழுந்துள்ளது ! So COLOR TEX இதழ் # நான்கை - 32 பக்கச் சிறுகதைகள் நான்கு அடங்கியதொரு 132 பக்க ஆல்பமாய் சிருஷ்டித்தார் !  நிறைய புதிய கதாசிரியர்கள் ; ஓவியர்கள் தம் ஆற்றல்களை நிரூபிக்கும் களங்களாக இந்த மினி சாகசங்கள் அமைந்திட, இதுவுமே ஒரு செம மாற்றமாய் இத்தாலிய வாசகர்களுக்குத் தென்பட்டுள்ளது ; அழகாய் வரவேற்றுள்ளனர் ! தொடர்ந்த பொழுதுகளில் இந்த COLOR TEX வரிசையின் வெற்றியைக் கண்ட போனெல்லி ஆண்டுக்கு இருமுறை என்று மாற்றம் செய்தது மாத்திரமன்றி - ஒரு இதழ் முழுநீள 160 பக்க கலர் சாகசம் ; மாரு இதழ் 32 x 5 குட்டிக் கதைகள் வீதம் ஒரு 160 பக்கத் தொகுப்பு என்று ஆட்டத்தை அடுத்த லெவலுக்கு இட்டுச் சென்றுள்ளது ! So தற்சமயமாய் இதழ் # 18-ல் நிற்கும் இந்த வரிசையினில் :

160 பக்க முழுநீள சாகசங்கள் - 10 எண்ணம்

32 பக்க சிறுகதை சாகசங்கள் - 33 எண்ணம் 

உள்ளன !! 

இவற்றுள் நாம் 15 அல்லது 16 சிறுகதைகளை வெளியிட்டுள்ளோம் என்று நினைக்கிறேன் ...STV சார்...கணக்கு ப்ளீஸ் ? 

எனது கேள்வி இப்போது இது தான் :

2022-ன் அட்டவணையில் ஒரு ஸ்லாட்டை COLOR TEX இதழொன்றுக்கு தந்திடத் திட்டமிட்டு வருகிறேன் ! அதனில் புகுத்திட வழக்கம் போல 4 சிறுகதைகளைத் தேர்வு செய்து ஒரு வண்ணத் தொகுப்பாய் வெளியிடலாமா ? அல்லது இந்த 160 பக்க முழுநீள சாகசங்களுள் ஏதொவொன்றைத் தேர்வு செய்யலாமா ? 

சொல்லுங்கண்ணே...சொல்லுங்க ! நல்லா சிந்திச்சுச் சொல்லுங்க ! 'தென்னைமரத்திலே ஒரு குத்து ; பனைமரத்தில் ஒரு குத்து !' என்ற பாணியில், இதுவும் வேணும் ; அதுவும் வேணும் என்ற பதில்ஸ் வேணாமே ப்ளீஸ் ? பட்ஜெட் சிக்கனத்தையும் மனதில் கொண்டு அட்டவணையில் பணியாற்ற வேண்டியுள்ளது ! நான் மேலே குறிப்பிட்டுள்ள அந்த T20 கிரிக்கெட் ; THE HUNDRED கிரிக்கெட் போலவே இந்த 32 பக்கச் சிறுகதைகளை ஜல்தியான entertainment ஆகப் பார்த்திடலாம் அல்லவா ?! முழுக்கதைகளை முழுசாகவே படிப்போம் - ஓ.கே. ; ஆனால் இவையோ பிறப்பாலேயே சிறுகதைகள் தானே ? So அந்த crisp reading களத்துக்கென இவை ஒத்து வருமா ? So சொல்லுங்களேன் சாரே ? 

Bye all...see you around !

P.S : முழுநீள சாகசங்களுள் ஒரு லவ்ஸ் கதையும் கீது !! 😜😜