அதிகாரியுடன் வாரயிறுதி..!

 நண்பர்களே,

வணக்கம். அதிகாரியின் இத்தாலியத் தடங்கள் மீதான பார்வை தடங்கலுக்குப் பின்னே தொடர்கிறது !  இது குறித்த முந்தைய பதிவைப் படித்திடாதோர் - ப்ளீஸ் இங்கே ஒருவாட்டி பாருங்களேன் : http://lion-muthucomics.blogspot.com/2021/05/blog-post_12.html

போனெல்லியில் டெக்ஸ் இதழ்களுக்கென ஏற்படுத்தப்பட்டிருக்கும் சில தடங்கள் ரொம்பவே exotic ஆனவை ! And இவற்றின் பெரும்பான்மை வெகு சமீப உருவாக்கங்களே ! பொதுவாய் ஒரு கதாப்பாத்திரத்தை காலப்போக்கில் கொஞ்சம் கொஞ்சமாய் மாற்றி அமைக்க விழைவதே நடைமுறையாக இருந்திடும் ! அமெரிக்க சூப்பர்ஹீரோ நாயகர்களின் விஷயத்தில் இது ரொம்பவே பயன்பாட்டில் இருந்திடுவதுண்டு ! கதாநாயகர்களின் நடை, உடை, உடனிருப்போரினில் மாற்றங்கள் ; என்று ஏதேதோ செய்யப்படுவதுண்டு ! போனெல்லியில் கூட 'டைலன் டாக்' தொடரினில் ஒரு புதுயுக டைலனை முன்னிறுத்த முயற்சித்து அதில் வெற்றியும் கண்டு வருகின்றனர் ! ஆனால் மேலே ஓட்டமெடுக்கும் நீரானது காட்டாற்று வெள்ளமாகவே இருப்பினும், அடியிலுள்ள டெக்ஸ் எனும் பாறையினில்  சிறு மாற்றங்கள் கூட நிகழ்வதே இல்லை ! பெரியவர் போனெல்லி..அப்புறமாய் செர்ஜியோ போனெல்லி ; பின்னே க்ளாடியோ நிஸ்ஸி & இப்போது மௌரோ போசெல்லி என வெவ்வேறு தலைமுறைகளைச் சார்ந்தோரின் கைகளில் லகான்கள் மாறி மாறி இருந்திருப்பினும், டெக்ஸ் & டீமின் ஒட்டுமொத்த பாத்திரப்படைப்புகளில் இம்மி கூட மாற்றங்கள் செய்யப்படவில்லை ! சொல்லப் போனால் இந்த நால்வர் அணியின் ஆற்றல்களும், அவர்களிடையிலான நேசங்களும், முன்னெப்போதையும் விட இன்று கூடுதலாய் மெருகேற்றப்பட்டு செம polished version ஆக வலம் வருவதைக் காண முடிகிறது ! மாற்றங்களென்று படைப்பாளிகள் செய்திட முனைவது - டெக்ஸ் சிறுகதைகள் ; டெக்ஸ் வண்ணத்தொகுப்புகள் ; சற்றே வித்தியாச எதிரிகள் என்ற ரீதியில் தான் ! 

ஒரு தொடர் 20 ஆண்டுகளுக்கு மேலாய் வெற்றி கண்டு விட்டாலே, அதன் உப பாத்திரங்களைக் கொண்டு spin-offs உருவாக்குவதும் நடைமுறைகள் ! ஆனால் 73 ஆண்டுகளாக பின்னேயும் முன்னிலை காண்பது TEX என்றதொரு அதகள நாயகர் மட்டுமே ! "கார்சனைக் கொண்டு ஒரு தனித்தொடரை உருவாக்கும் எண்ணம் உண்டாங்க சார் ?" என்று நான் போனெல்லியில் கேட்ட போது ஒரு மந்தகாசப் புன்னகையினை மட்டுமே தந்தார்கள் ! "உடைந்திடாத வரைக்கும் எதையும் ரிப்பேர் செய்ய நினைப்பானேன் ?" என்பது அவர்களது திட சிந்தனை and ஒரு முக்கால் நூற்றாண்டாகியுமே டெக்ஸ் going pretty strong எனும் போது, அவர்களது சிந்தனையினில் பிழை இருப்பதாகத் தோணவே இல்லை ! So பழகிப் போன TEX எனும் பெயர் தாங்கியே தட தடுக்கும் மீதத் தடங்களை பற்றிப் பார்ப்போமா ?

"TEX நாவல்கள்" என்றதொரு வரிசையும் உண்டு - ஆறு மாதங்களுக்கு ஒருமுறை வெளிவந்திடும் படைப்புகளோடு ! "நாவல்" என்றால் நமக்குத் பரிச்சயமான புதினங்களை அவர்கள் குறிக்கவில்லை ; மாறாக - அந்த மாமூலான இத்தாலிய காமிக்ஸ் format-களில் அல்லாது, பிராங்கோ-பெல்ஜியப் படைப்புகளின் பக்க அமைப்புடன், சித்திர அமைப்புகளுடன், நீளங்களில், வண்ணத்தில், வெளிவரும் கி.நா. பாணி இது ! "ஒரு தலைவன்..ஒரு சகாப்தம்" என்று நாம் வெளியிட்ட இதழ் நினைவுள்ளதா guys - அது இந்த வரிசையினில் ஆல்பம் # 1 ! துவக்கமும், தொடர்ந்த சில ஆல்பங்களும் அத்தனை சுகப்படவில்லை தான் ; நொடியில் இளம் டெக்ஸ் கதைகளை இந்த பாணிக்கேற்ப அமைத்து உள்நுழைந்து போசெல்லி தனது வெற்றி முத்திரையைப் பதித்தார் ! இன்றைக்கு இதழ் # 12 -ல் நிலைகொண்டு நிற்கிறது இந்த "முழுக்க வண்ணம் ; முழுக்கவே பிரான்க்கோ-பெல்ஜியப் பாணி" என்ற template கொண்டிருக்கும் வரிசையானது !  

ஏற்கனவே நாம் in depth பார்த்து விட்டிருக்கும் COLOR TEX கதை வரிசை அடுத்தது ! சிறுகதைகளின் தொகுப்புகளாய் 7 இதழ்களும், முழுவண்ண, முழுநீள சாகசங்களாய் 11 இதழ்களும் - ஆக மொத்தம் 18 இதழ்கள் இங்கே இது வரையிலும் வெளிவந்துள்ளன ! And இவை தொடரவும் செய்யும் தான் ! 

தடம் # 8 : "TEX புது மறுபதிப்புகள்" என்ற வரிசையில் இன்னொரு ரூட்டிலும் மறுபதிப்புகள் தொடர்ந்திடுகின்றன - இதுவரைக்கும் 469 இதழ்களைத் தாங்கி ! கதைகள் புதிதாய் வெளியாகும் போது TEX வரிசையிலும், அவையே முதன்முறை மறுபதிப்பாகிடும் போது ALL TEX வரிசையிலும், அப்பாலிக்கா இரண்டாவது முறை ரவுண்டு செல்லும் சமயத்தில் "TEX புது மறுபதிப்புகள்" என்றும் பவனி செல்கின்றன !!

தொடர்வது ஒரு முரட்டு புக்கின் தடம் !! TEX LIBRARY என்ற பெயரில் ஹிட்டடித்த கதைகளின் தொகுப்புகள் 400 பக்க டீலக்ஸ் பதிப்புகளாய் அவ்வப்போது வெளிவருகின்றன ! Black & White தான் ; ஆனால் செம rich தயாரிப்புத் தரங்களோடு !! 

Last, but not the least : ஆண்டுக்கொருமுறை வெளியாகும் TEX MAGAZINE !! 176 பக்கங்களுடன் வெளியாகும் இந்த ஆண்டுமலரினில் 2 முழுநீளக் கதைகள் ; அப்புறம் வான்மேற்கு சார்ந்த நிறைய கொசுறுத் தகவல்கள் ; western movies பற்றிய அலசல்கள் என்று கலந்துகட்டி இருக்கின்றன ! இதுவரையிலும் 7 இதழ்கள் வெளியாகியுள்ளன இந்த வரிசையில் ! And டெக்ஸ் - லிலித் ஜோடியாய் பயணிக்கும் கதையும் இதனில் சேர்த்தி !

மேற்படி 10 தடங்கள் தவிர்த்தும் வேறு மார்க்கங்கள் இருந்துள்ளன தான் - முழுசும் கலர் செய்து ஒரு இத்தாலிய தினசரியின் சந்தாதாரர்களுக்கு விலையின்றி வழங்கப்பட்ட TEX தொகுப்புகளை போல ! ஆனால் தற்சமய நடைமுறையில் உள்ளவை இந்தப் பத்து தான் -at least நான் நோட்ஸ் எடுத்த வரையிலும் ! Of course I could stand corrected too !

ஆக போனெல்லியின் தலைமகனுக்கு உருவாக்கப்பட்டுள்ள தடங்களை பார்த்தாச்சு !!

1. புது டெக்ஸ் - 112 பக்கங்களுடன் 
2. Classic Tex - வண்ண மறுபதிப்புகள் - 64 பக்கங்களில் 
3. ALL TEX - ஒரிஜினலின் அதே வரிசைக்கிரமத்தில் மறுபதிப்புகள் 
4. இளம் டெக்ஸ் - 64 பக்கங்கள் - மாதம்தோறும்
5. MAXI Tex - முரட்டு சாகசங்களுடன் !
6. TEX நாவல்ஸ் - வண்ணத்தில்
7. COLOR TEX
8. TEX புது மறுபதிப்ஸ் 
9. TEX லைப்ரரி
10. TEX MAGAZINE

உங்களின் இன்றைக்கான கேள்விகள் இவையே :

• மேற்படிப் பத்தில் ஏதேனும் ஒரேயொரு தடத்தை நாம் இரவல் வாங்கி கொள்வதாயின் உங்களின் தேர்வு ஏதுவாக இருக்குமோ ?
• முன்னாளில் வெளியான "தலையில்லாப் போராளி" மாக்ஸி சைசில் கலக்கியது நினைவிருக்கலாம் ! ஆனால் ஆச்சர்யமூட்டும் விதமாய் அது விற்பனையில் அத்தனை சோபிக்கவில்லை ! அழகாய், தெளிவாய், அம்சமாய் இருந்த அந்தப் பெரிய சித்திரங்களை சிலாகித்தீர்கள் தான் ; ஆனால் பெருசாய் கைதூக்கி விடவில்லை ! அந்த சைசில் இன்னொரு black & white இதழ் பற்றிய உங்கள் சிந்தனைகள் ப்ளீஸ் ?
• "TEX நாவல்ஸ்" பற்றி மேலே சொல்லியிருந்தேன் ! இவற்றிற்கு 2022 அட்டவணையில் ஒரு ஸ்லாட் போடலாமா - அல்லது இன்னமும் "ஒரு தலைவன்..ஒரு சகாப்தம்" தந்த சாத்துக்களிலிருந்து தெளியவில்லையா ? Your thoughts please ?

ரைட்டு....இளவரசியின் black & white சாகஸத்தின் எடிட்டிங் பணியினுள் புகுந்திட இனி கிளம்புகிறேன் ! அதற்கு முன்னாள் 'தல' + தளபதி caption போட்டி பற்றி !! ஆளாளுக்கு ரவுண்டு கட்டி அடிச்சிருப்பதை இதோ - இப்போது ஏக் தம்மில் வாசித்தே லைட்டாக கிறு கிறுத்துக் கிடக்கிறேன் !! ஆனால் மொத்தத்தையும் வாசித்த பிற்பாடு,நம்ம ஸ்டீல் 'அஜாங்..குஜாங்' எனப் போட்டிருந்த வரிகளின் மத்தியில் இது பளிச்சென்று தெரிந்தது !! 

டைகர்...போகும் பாதை தூரமே வாழும் காலம் கொஞ்சமே......ஜீவ சுகம் பெற ராக நதியினில் நீ நீந்தவா......!!

டெக்ஸ்...அது ஏண்டா என்ன பாத்து பாடுற...??

அதே போல நண்பர் பார்த்திபனின் இந்த முயற்சியுமே :

டைகர்: டெக்சு யாருப்பா இந்த "நர்ஸ் மேக்னா".. எல்லோரும் சூப்பரா இருக்குனு பேசிக்கறாங்க?

டெக்ஸ்: (அடேய் அது நர்ஸ் மேக்னா இல்லடா அர்ஸ் மேக்னா..காலாகாலத்துல கல்யாணத்த பண்ணுங்கனா கேட்டாத்தானே!!)

So இருவருக்கும் தலா ஒரு தீபாவளி மலர் நம் அன்புடன் !! 😊😊

Bye all ...see you around !! Stay safe !!