வியாழனிலும் அதிகாரி !

 நண்பர்களே,

வணக்கம். First things first ....நேற்றைக்கும், அதன் முன்தினமும் இங்கே நான் கேட்டிருந்த கேள்விகளுக்கு உங்கள் பதில்கள் & அது சார்ந்த முடிவுகள் பற்றிச் சொல்லி விடுகிறேனே ! 

வினவல் # 1 :

COLOR TEX - 2022 அட்டவணையில் சிறுகதைத் தொகுப்பாகவா ? முழுநீள சாகசமாகவா ?

உங்களின் பதில்கள் இம்முறை தொங்கு பாராளுமன்றம் போலானதொரு தோற்றத்தைத் தந்துள்ளன ! 'இளம் டெக்ஸ் கதைகளை 64 பக்க தனியிதழ்களாய் வெளியிடுவதா - ஒரே சாகசமாக்கி வெளியிடுவதா ?' என்ற கேள்விக்கு 'நச்' என்று பதில் தந்து விட்டதால் அங்கே நான் பெருசாய் மண்டையை உருட்ட அவசியமின்றிப் போனது ! "ஒரே புக்காய் தான்"  என்று அட்டவணையிலும் அந்த ஸ்லாட்டைப் பூர்த்தி செய்து கொண்டு விட்டேன் ! So காத்திருக்கும் கதை வரிசைப்படி - டெக்ஸ் மாத்திரமன்றி, வில்லன் மெபிஸ்டோவுமே, மாயாஜாலம் செய்யும் இளைஞனாக ரகளை செய்யும் 4 பாக சாகசத்தை தேர்வு செய்திட இரண்டே நிமிடங்களே செலவாகின !

ஆனால் Color Tex : சிறுகதைகளின் விஷயத்தில் தென்னை மரத்துக்கும் ஆதரவு, பனைமரத்துக்கும் ஆதரவு என்று தென்பட்டதால் நானே முடிவெடுக்கும் நிலை ! 

Of course இந்தப் பக்கமாய் மண்டையை ஆட்டினாலும் குட்டு விழும் ; அந்தப்பக்கமாக ஆட்டி வைத்தாலும் சாத்து விழுமென்பது புரிகிறது ....but ஜமுக்காளமும் விரிச்சு, சபையும் கூடின பிற்பாடு தீர்ப்பென்று ஒன்று இருந்தாகணும் அல்லவா ? நிஜத்தைச் சொல்வதானால் இந்தக் கேள்வியைக் கேட்டு வைக்கும் முன்பாய் - குட்டிக் கதைகளின் தொகுப்பே எனது தனிப்பட்ட சாய்ஸாக இருந்தது ! இதுவரையிலுமான அந்தத் தொகுப்புகள் எல்லாமே விற்பனையில் மாஸ் காட்டியிருந்ததால், ஒரு தடுமாற்றக் காலகட்டத்தில் 'சிவனே' என அப்பக்கமாய்ச் சாய்ந்திடவே தோன்றியது ! ஆனால் அந்தப் பதிவுக்கோசரம் தரவுகளைச் சேகரித்த வேளையில் கண்ணில்பட்ட கலர் முழுநீள சாகஸங்களின் பெரும்பான்மை - டெக்ஸ் தொடரின் ஜாம்பவான் கதாசிரியர்களின் கைவண்ணத்தில் இருப்பதைக் கவனித்தேன் ! சிறுகதைகளிலோ நிறைய புதியவர்கள் ! Of course புதியவர்களால் தரமான கதைகளைத் தந்திட இயலாதென்றெல்லாம் கிடையாது தான் - ஆனால் பழம் தின்று கொட்டை போட்ட கில்லாடிகளின் அணியில் ஒதுங்குவது எப்போதுமே safe ஆச்சே என்று தோன்றியது ! அது மட்டுமன்றி, நாம் தற்சமயம் வண்ணத்தில் வெளியிடும் கதைகளின் பெரும்பான்மை மறுபதிப்புகளே ! எப்போதெல்லாம் - சர்வமும் நானே  ; டைனமைட் ஸ்பெஷல் ; லயன் 250 போன்ற புது சாகசங்கள் வண்ணத்தில் மிளிர்ந்துள்ளனவோ, அப்போதெல்லாம் blockbuster hits தான் பலனாகியுள்ளன ! So கலரிலான சிறுகதைகள் பத்திரமான வெற்றி தரக்கூடும் ; ஆனால் கலரிலான நெடுங்கதைகள் தெறிக்கச் செய்யும் வெற்றிகளைத் தர வல்லவை என்பது புரிந்த போது - எனது வாக்குச்சீட்டை எங்கே செலுத்துவதென்ற குழப்பமே இருக்கவில்லை ! 'அந்த லவ்ஸ் கதை இன்னா மெரி இருக்குமோ ? என்றதொரு குறுகுறுப்புமே நெடுங்கதைகள் அணிக்கு என்னை இழுத்துச் சென்றது என்றெல்லாம் சொல்ல மாட்டேன் ; ஆனால் அதுவுமொரு காரணியாக இருந்திருப்பின் மகிழ்ச்சியில்லை என்று மையமாகச் சொல்லி வைக்கவுமே மாட்டேன் ! So COLOR TEX தொடரிலிருந்து முழுநீளக் கதைகளை பரிசீலனை செய்து பார்த்த பின்னே அவற்றுள் தரமான கதைகள் இருப்பதை ஊர்ஜிதம் செய்திட இயன்றால் 2022-ன் தீபாவளி மலரின் ஒரு சாகசம் அதுவாக இருந்திடும் !  

லவ்ஸ் கதையிலிருந்து...!

அதே சமயம் நண்பர் சம்பத் சொன்னது போல TEX குட்டிக்கதைகள் புத்தக விழாக்களுக்கு ஏற்றவைகளாக இருக்கும் என்பதும் தலைக்குள்ளே ஓடிக்கொண்டே இருப்பதால் - 2022-ன் நடுவாக்கே  நடைபெறக்கூடிய முதல் நிஜப் புத்தகவிழாவினில் சந்தாவினில் அல்லாத ஸ்பெஷல் இதழாய் சிறுகதைகள் கொண்ட தொகுப்பு அந்த compact சைசில் வெளியாகிடும் ! So 2022 -க்கென ஆர்டர் செய்திட வேண்டிய கதை லிஸ்டில் இப்போதே அதனையும் இணைத்திட வேண்டியது தான் ! 

So தென்னைமரத்துக்கும் 'ஜெ' ; பனைக்கும் 'ஜெ' ....ஓரஞ்சாரமாயிருக்கும் வேப்பை ..அரச....ஆல்...பலா...புங்கை... மரங்களுக்கும் 'ஜெ' போட்டு வைப்போம் - இன்றியமையா பிராண வாயுவை உருவாக்கித்தரும் சேவைக்கோசரம் !! 

வினவல் # 2 :

டைலன் டாக் கலர் சிறுகதைகள் ?

இங்கும் இந்தக் கதை வரிசைக்கு நீங்கள் இசைவு சொன்னால் சூப்பராக இருக்குமே என்றே உள்ளுக்குள் எண்ணம் ஓடியது - வரும் நாட்களில் டைலன் இப்படியாவது நம்மிடையே உலவினால் சரி தான் என்ற நினைப்பில் !  ஆனால் மஞ்சச்சட்டையாரை ஆராதிக்கும் அதே வேகத்தில் கறுப்புச் சட்டையாரை get out சொல்லி விட்டீர்கள் எனும் போது நானிங்கே மையமாய் டயலாக் அடிக்கத் தான் முடியும் ! ஆனால் முதுகு பழுத்து விடுமென்பதால் Topic 3 பக்கம் பாய்கிறேன் !

Task 3 :

டைலன் கதைகள் தான் ஆகலை ; ஆனால் அண்ணாச்சியின் படம் உங்களின் கற்பனை வேகங்களுக்கு றெக்கை தந்திருப்பது புரிகிறது !  நேற்றைய அந்த எலும்புக்கூட்டு அரவணைப்பு சித்திரத்துக்கு வந்திருந்த captions செம ! ஆனால் எனக்கு best என்று பட்டது நமக்காக மெய்யாலுமே இரத்தம் சிந்தியவரின் முயற்சியே ! So சேலம் 'பேபி' சுசீ அவர்களுக்கு "உயிரைத் தேடி" புக் நமது அன்புடன் !

அதே போல டாக்டர் A.K.K ராஜா அவர்கள் அனுப்பியிருந்த caption கூட செமத்தியாக இருந்ததால் wildcard entry என்பது போல wildcard பரிசாக அவருக்கும் ஒரு "உயிரைத் தேடி" புக் நமது அன்புடன் அனுப்பிடப்படும் !

ரைட்டு....தீர்ப்புகளைச் சொல்லியாச்சு ; டெக்ஸ் தொடரின் இதர தடங்கல் பற்றி நாளைய பொழுது பார்த்துக் கொள்வோமே guys ?

And இதோ - இன்றைக்குக்கான உங்களின் task :

தல' + 'தளபதி' together ...அடிச்சாடுங்க பார்க்கலாம் ! தளபதி பேசுவது போலவும்...தல சிந்திப்பது போலவும் உங்கள் வரிகளை அமைக்க முயற்சிக்கணும் guys !! பலூன்களில் கவனம் ப்ளீஸ் ! 

வெற்றி பெரும் caption-க்கு பரிசு இந்தாண்டின் லயன் தீபாவளி மலர் ! 

Bye all ...see you around ...safe days ahead & power to you !!