நிஜங்களின் நிழல்கள்..!

 நண்பர்களே,

வணக்கம். நேற்றைய வில்லன்ஸ் பதிவு மெய்யாகவே உங்களின் நினைவாற்றல்களுக்கும் சரி, ரசனைகளுக்கும் சரி - சூப்பரானதொரு ஆடுகளமாகி இருந்ததை ரசித்தேன் ! Loveable வில்லன்ஸ் வரிசையில் தேர்வு ரொம்பவே சுலபமாய் இருந்தது டால்டன் சகோதரர்களின் புண்ணியத்தில் ! ஜோவும் சரி, மங்குணி அவ்ரெல்லும் சரி, ஏகப்பட்ட பேங்குகளை மாத்திரமின்றி ஏகப்பட்ட மனங்களையுமே கொள்ளையடித்திருப்பது புரிகிறது ! 

என் மட்டிற்கோ - அந்தப் பதவிக்கு ரொம்பவே உரிமையானவர் நமது மதியில்லா மந்திரியார் - 'நா மோடி மஸ்தான்'' தான் ! ஒவ்வொரு தபா புதுசாய் ஒரு திட்டம் துளிர்விடும் போதும் அந்தக் கண்களில் தெறிக்கும் ஆர்வமும், சுல்தானைப் பார்த்தவுடன் மட்ட மல்லாக்கா மட்டையாகிப் பசப்புவதும், எல்லாம் சொதப்பியான பின்னே தலையில் துண்டைப் போட்டபடிக்கே புலம்புவதும் செம class ! துரதிர்ஷ்டவசமாக மீசைக்காரருக்கு நீங்கள்  get out சொல்லிப் போட்டதால் - மனுஷனுக்கு மனசில் மட்டுமே இடம் தர வேண்டிப்போயுள்ளது ! அப்புறம் நியூயார்க்கையே கயிற்றைக் கட்டி இழுத்தும் போன அந்த ஸ்பைடருடன் மோதும் கண்ணாடிக்காரப் பார்ட்டியுமே "ஆதர்ஷமான வில்லர்ர்ர்ர்" பட்டியலில் உசத்தியான இடத்திலேயே !! இப்போ மட்டும் மனுஷன் வேலையின்றி சும்மா இருந்தாக்கா தமிழ்நாட்டையே அலேக்கா நகற்றி கொஞ்ச காலத்துக்கு நியூசிலாந்து பக்கமாய் இடமாற்றம் செய்யச் சொல்லிக் கேட்டுப் பார்க்கலாம் - அங்கெல்லாம் கொரோனாவே இல்லையாமே !! 

"டெர்ரர்" வில்லனெனில் -துளியும் தயக்கமின்றி  "தங்கக் கல்லறை" லக்னரை தான் சொல்லுவேன் ! அமரர் சார்லியே உருவாக்கிய இந்த வெறி கொண்ட கதாபாத்திரம் , ஓவியர் ஜிரோவின் கைவண்ணத்தில் ; அந்த மெர்சலாட்டும் கலரிங்கில் வேறொரு பரிமாணத்தில் மிரட்டியது ! என்றைக்கேனும் ஒரு crisp ஆன கௌபாய்ப் படம் எடுக்க எனக்கொரு வாய்ப்பு மட்டும் கிட்டினால், கண்ணை மூடிக்கொண்டு "தங்கக் கல்லறை"யை தான் ஆட்டையைப் போடுவேன் ! தனுஷை டைகர் வேஷத்துக்கும், தம்பி ராமையாவை ஜிம்மி ரோலுக்கும் போட்டுப்புடலாம் ! லக்னராக விஜய் சேதுபதி ? சும்மா தூள் கிளப்பாது ? யாராச்சும் அம்பது, அறுபது சி ரெடின்னா சொல்லுங்க சாரே - உங்களை புரொட்யூசராக்கிடலாம் !

நேற்றைய பதிவை டைப் செய்யும் போதே, அடுத்த டாபிக் பற்றியும் தலைக்குள் ஓடியது !  வில்லன்ஸ் - ரைட்டு ! நாயகர்கள் - ரைட்டோ ரைட்டு !! ஆனால் கடைசி வரையிலும் நாயகனுக்கு நிழலாகவே பின்தொடர்ந்து, அவன் வாங்க வேண்டிய சாத்துக்களையும் வாங்கிக்கொண்டு ; நட்பின் இலக்கணமாய் மிளிர்ந்து கொண்டு ; சாகசங்களில் சரி சமமாய்ப் பங்கெடுக்கும் அந்த "friend " கதாப்பாத்திரத்தை நாம் நிறைய நேரங்களில் taken for granted என்று எடுத்துக் கொள்கிறோம் ! 

• CID லாரன்சுடன் மொட்டை ஜூடோ டேவிட் இல்லையெனில் ஏகப்பட்ட தருணங்களில் பல்ப் வாங்கியிருப்பார் !! 
• நம்ம ஜானி நீரோ சாருக்கோ அழகான அம்மிணி ஸ்டெல்லாவின் சகாயங்கள் இல்லையெனில் கதை கந்தலாகிப் போயிருக்கும் !
• நட்புக்குப் புது இலக்கணமே சொல்லும் வில்லி கார்வின் இல்லாத மாடஸ்டியை நினைத்தாவது பார்க்க முடியுமா ?
• நிழலாய் ரிப் கிர்பிக்கு பணியாற்றும் பட்லர் டெஸ்மாண்ட்...
• மாயாஜால மன்னன் மாண்ட்ரேக்குக்கு உறுதுணையான லொதார்....
• சிஸ்கோவுடன் பயணிக்கும் பான்சோ....
• 'உர்ர்ர்ர்,,,கிர்ர்ர்ர்.' என்றபடிக்கே மார்டினை கண்ணும் கருத்துமாய்ப் பாதுகாக்கும் ஜாவா...
• சரக்கடிப்பதே சொர்க்கமென்று கிடந்தாலும் கேப்டனை பாதுகாக்கும் பெருசு பார்னே ....
• 'சரக்குக்கே சகலமும்' என்று திரிந்தாலும், 'தளபதி'யின் வலது கரமாக உலவும் ஜிம்மி,...
• "சர்வமும் நானே" என பிரகடனம் செய்திடும் 'தல'யின் ஆத்மார்த்த நண்பனான வெள்ளி முடியார் கார்சன்....
• "சின்னக் கழுகாரை" கண்ணிமை போல காத்திடும் டைகர் ஜாக்...!
• ஜாலியான முதலாளி லார்கோவின் ஜாலியா ஜாலியான தோஸ்த் சைமன்...
• நிழல்களுக்கு 4 கால்களும் இருக்கலாம் தானென்று நிரூபிக்கும் ஜாலி ஜம்பர்..
• மொக்கைபீஸாக வலம் வந்தாலுமே மாஸ்டரை விட்டுத் தரா டாக்டர் வேஸ்ட்சன்....

என்று அடுக்கிக் கொண்டே போகலாமல்லவா - நாம் இதுவரையிலும் பார்த்துள்ள நிஜங்களின் நிழல்களைப் பற்றி ? So இன்றைய பதிவில் சொல்லுங்களேன் guys - உங்களின் ஆதர்ஷ துணை நாயகர் யாரென்று ? ஏனென்று ? 

And இந்த மேற்படிப் பட்டியலில் இன்னமும் சேர்த்திட வேண்டிய பெயர்களை பற்றி ? 

Bye guys....Safe Tuesday to all ! See you around !