ஒரு நள்ளிரவு உபபதிவு !

 நண்பர்களே,

வணக்கம். ஆனாலும் இப்போல்லாம் ஒரு தம்மாத்துண்டு வட்டத்துக்குள்ளும் நமக்குக் கிடைக்கும் "கவனிப்பு" புல்லரிக்கச் செய்கிறது ! நானே என்னைப் பற்றிச் சிந்திக்க நேரமின்றித் திரியும் நாட்களில், ரூம் போட்டு நம்மளை சிந்தையில் இருத்தி நிற்கும் அணியினை எண்ணிப் புளகாங்கிதமடையாதிருக்க முடியவில்லை ! "வார்டனை குட்டுனது யாருன்னு கண்டுபுடிக்கணும் ; அல்லாரும் லைனா வந்து நின்னு கொட்டிக் காட்டுங்க"-ன்னு மட்டும் ஒரு அறிவிப்பு வெளியிட்டாக்கா - சிவகாசியிலே ஆரம்பிக்கிற க்யூ சிங்கம்புணரி வரைக்கும் ; சிவகங்கை வரைக்கும் ; சிட்லப்பாக்கம் வரைக்கும்  நீண்டால் ஆச்சர்யப்பட மாட்டேன் ! Anyways ஏதோவொரு விதத்தில் அனைவருக்கும் பொழுது போயாகணுமில்லியா - so ஆடலும், பாடலும் அவர்களின் ஆசைக்கு அரங்கேறிடட்டும் ஒரு திக்கில் !

இந்த உப பதிவின் நோக்கோ மறு திக்கிலான பயணத்தின் பொருட்டு ! இன்னும் நாலு நாட்களில் அட்டவணை எனும் நிலையில் - வழக்கம் போல எனக்குள்ளே பஞ்சாயத்துப் பிரசிடெண்ட் சங்கிலி முருகன் பாணியிலான சந்தேகங்கள் - "நான் செரியா தானே பேசிட்டிருக்கேன் ? செரியா தானே திட்டமிட்டுட்டு இருக்கேன் ?" என்ற ரீதியில் ! எத்தனை தான் நானாக யூகங்களின் அடிப்படையினில் தேர்வுகளைச் செய்திருப்பினும்,   மெயின் பிக்சர் ரிலீஸ் காணும் முன்பாய் உங்களின் பொதுவான எதிர்பார்ப்புகளை உங்கள் வாயாலேயே கேட்டுப் பார்க்கும் ஆசை தலைதூக்குகிறது folks ! சிம்பிளான சில கேள்விகள் இதோ & உங்களின் மனதில் தோன்றும் முதல் பதில்கள் ப்ளீஸ் ? 

Not that it will change the (completed) planning by much - ஆனால் முக்கியமான எதையேனும் நான் மறந்து கோட்டை விட்டு வைத்திருக்கும் பட்சத்தில், சத்தமின்றி சரி செய்து விட எனக்கொரு வாய்ப்பாகிப் போகுமில்லியா ? So இதோ கேள்விகள் :

1.2022 : ஆண்டுச் சந்தா எவ்வளவுக்குள் இருந்தால் நலமென்று நினைக்கிறீர்கள் ? (ஜம்போ சந்தா பற்றி இப்போதைக்கு இணைத்துக் கணக்கிட வேண்டாம் ; அதனை ஏப்ரல் 2022-ல் பார்த்துக் கொள்ளலாம் !) 

2.புத்தாண்டின் highlight முத்து ஆண்டுமலர் # 50 தான் என்பதில் ரகசியங்கள் லேது ! அந்த இதழின் பட்ஜெட் என்னவாக இருக்குமென்று நடைமுறை சாத்தியத்துடனான ஒரு நம்பர் ப்ளீஸ் ?  ஐஞ்சாயிரம் ; பத்தாயிரமென்று இரும்புக் கவிஞர் பாணியில் இறங்கிடாது - யதார்த்ததுடன் ஒத்துப் போகும் விதமான விலை யூகம் ப்ளீஸ் ?

3.முத்து ஆண்டுமலரில் நாயக - நாயகியர் என யார் இடம் பிடிப்பர் ? என்பது பற்றிய உங்களின் யூகங்கள் ப்ளீஸ் ? Again a realistic list please ?

4.யாருக்கெல்லாம் 2022-ல் இடம் இராது ? என்று நினைக்கிறீர்கள் ?

5.Inevitably - 'தல' சார்ந்த கேள்வியுமே  : ஆண்டினில், எத்தனை 'தல' ஆல்பங்கள் இருக்க வேண்டுமென்று உங்களுக்குத் தோன்றுகிறது ? 

PLEASE NOTE : இந்தக் கேள்விகள் - உங்களின் எண்ணவோட்டங்களும், எனது தேர்வுகளும் எந்த மட்டிற்கு நெருங்கி நிற்கின்றன ? அல்லது என்ன மாதிரியான இணைகோடுகளாய் விலகி ஓடுகின்றன ? என்பதை கிரகிக்க நினைக்கும் முயற்சி மாத்திரமே ! So "கருத்து கேட்டேல்லே வெண்ணெய் ; அப்புறம் ஏன் அட்டவணையிலே சேர்க்கலை?ன்னு" இன்னொரு ஆலமரத்தடியினைத் தேடிட முற்பட வேண்டாமே - ப்ளீஸ் ?! (கொஞ்ச மாசங்களுக்கு ஆல மர, அரச மரத்தடிகளையும் "தடை செய்யப்பட பகுதிகளாய்" அறிவிக்கக் கேட்டு அரசுக்கு மனு போடலாமென்று இருக்கேன் !!)

So இந்த இறுதி நிமிட rapid fire கேள்விகளுக்கு பதில்ஸ் ப்ளீஸ் ?

தாத்தாக்கள் சிலாகிக்கப்படும் வேலையினில், கண்ணில்படும் எல்லோருமே தாத்தாக்களாகவே இருப்பார்களோ ? இது என் கண்ணுக்குத் தான் அப்புடித் தெரியுதோ ???  😁😁 எத்தனை தத்ரூபம் பாருங்களேன் ? 

Bye all ; see you around !!