நடுவர்களைத் தேடி !!

நண்பர்களே,

வணக்கம். சென்னை சிறுகச் சிறுகவொரு ஒளிக்கீற்றைக் காணத்  தயாராகி வருவதைக் கண்டு உள்ளுக்குள் நிம்மதி கலந்த மகிழ்வு அலையடிக்கிறது ! தொடரும் தினங்களிலுமே இந்த கொரோனா தாண்டவத்தின் வீரியம் குறைந்திட்டால் தமிழகத்தின் இருதயமே சீரானது போலான உணர்வு நம் அனைவருக்கும் கிட்டிடுவது உறுதி !  அதே சமயம் - அங்கே குறைவது ; இங்கே எகிறியடிக்கத் துவங்கியிருப்பது தீரா தலைநோவுக்குக் காரணமாகி வருகிறது ! சென்னையில் நடத்திய கச்சேரியின் அடுத்த அத்தியாயத்தை இங்கே  மதுரை ; தூத்துக்குடி  & எங்கள் மாவட்டமான விருதுநகரில் அரங்கேற்ற ஆரம்பித்திருப்பது அநியாயத்துக்கு வயிற்றைக் கலக்கி வருகிறது ! அநேகமாய் ஜூலை 8 பின்னிரவு  முதலாய் குறைந்த பட்சம் ஒரு வாரத்துக்கு முழு அடைப்பு இங்கே சிவகாசியினில் அமலுக்கு வரக்கூடும் என்ற சேதிகள் ஊரெங்கும் றெக்கை கட்டிப் பறந்து வருகின்றன ! பகலில் நிலவரம் தெளிவாகிடும் ! 

So மண்டை காய்ந்து கிடக்கும் இந்தத் தருணத்தினில் கண்ணில்பட்ட  இந்த caption தான் இந்த உபபதிவின் பொழுதைக் கடத்திட உதவிடும் என்று நினைத்தேன் ! வெற்றி பெறும் caption எழுதிடும் நண்பருக்கு 'இ.ப" ஒரு புக் நம் அன்புடன் ! அசத்துங்கள் பார்க்கலாம் ! 

அப்புறம் இதற்கு நடுவராக யாரைக் கோர்த்து விடுவதோ ? என்ற யோசனையில் சுற்று முற்றும் பார்வையை ஓட விட்டால், தலைகளில் முக்காடுகளை போட்டபடிக்கே, வேஷ்டிகளைத் தூக்கிச் செருகிக் கொண்டு ஊரை  விட்டே ஓடும் சில பிம்பங்கள் மாத்திரமே தென்படுகின்றன ! எப்படியும் பை-பாசில் போய் மடக்கிப்புடலாம் - யாரையாச்சும் ! Bye folks for now !! See you around !!

P.S. : "இரத்தப் படலம்' இன்று வரைக்குமான புக்கிங்கில் 74 பிரதிகளுக்கு முன்பதிவாகியுள்ளது ! கிட்டத்தட்ட கால்வாசித் தொலைவை கண்ணிமைக்கும் வேகத்தில் தாண்டியாச்சு - சுமார் 20 நாள் அவகாசத்தினுள் ! இன்னமும் மூன்று மடங்குத் தொலைவு waiting !! பார்ப்போமே - தொடரும் நாட்களின் துரிதங்களும் இதே நாற்கால் பாய்ச்சலில் இருக்கவுள்ளதா என்பதை !!