நவம்பர் காத்திருக்கு !

நண்பர்களே,

வணக்கம். எட்டித் தொடும் தொலைவில் தீபாவளி! எங்கள் நகரோ அனல் பறக்கும் பிசியில் தெறிக்க விட்டுக் கொண்டிருக்கிறது! திரும்பிய திசைகளிலெல்லாம் பட்டாசுப் பார்சல்கள் அம்பாரம் அம்பாரமாய் பயணமாகி வருகின்றன – நாட்டின் மூலை முடுகக்குகளுக்கும்! 2 வருடங்களாய் தட்டுத் தடுமாறியதற்குப் பி்ன்பாய் விட்டதைப் பிடிக்கும் முனைப்பில் இந்தாண்டு அனைவருமே நில்லாமல் ஓடிக் கொண்டிருப்பது புரிகிறது! வயல் செழிப்பாக இருந்தால் வரப்புகளுமே வளமாய் இருக்குமென்பதால் பட்டாசுத் தொழிலுக்கும் நமக்கும் ஸ்னானப் பிராப்தம் இல்லாத போதிலும் அவர்களின் பொருட்டு இதர தொழி்ல்களில் உள்ள அனைவருமே மகிழ்ந்திருக்கிறோம்! Anyways நமக்குக் கம்பி மத்தாப்புகளும், புஸ்வானங்களும், தரைச் சக்கரங்களும் மாத்திரமே வீரத்தின் அடையாளங்களாய் இருப்பதால் அவற்றோடு ஹேப்பியாக ஷாப்பிங் முடித்த திருப்தியில் பணிகளுக்குள் புகுந்தாச்சு! 

What next? என்ற கேள்வி முன்நிற்க கைதூக்கி நிற்போர் மூவர்…! And அவர்களே இவ்வாரத்துப் பதிவின் பிரதான ஆக்ரமிப்பாளர்கள்! 

சீக்ரெட் ஏஜெண்ட் காரிகன் ஸ்பெஷல்-1

இவரது அட்டைப்படத்தினை ஏற்கனவே கண்ணில் காட்டி விட்டோம் தான்! நண்பர் ஆதியின் எழுத்துருக்கள் சகிதம்! ஜுனியர் எடிட்டரின் நகாசு வேலைகளுடன் ராப்பர் சும்மா தீயாய் மின்னுவதை சீக்கிரமே பார்த்திடவுள்ளீர்கள்! கதைகளைப் பொறுத்த வரை – எல்லாமே செம க்ளாஸிக் சரக்கு தான்! முழுக்க முழுக்கக நேர்கோட்டுக் கதைகள் & முழுக்க கருணையானந்தம் அங்கிளின் மொழிபெயர்ப்பபில்! ஆங்…. அப்படியே உரித்த வாழைப்பழமாய் பணிகள் இருக்கும்; மேல் நோகாமல் இதழைக் கரை சேர்த்து விடலாம் என்ற நப்பாசையில் 200 பக்கக் கத்தையைத் தூக்கிக் கொண்டு அமர்ந்தால் – ஐயகோ… குமட்டில் சரமாரியாய்க் குத்துக்கள்! To start with நமக்கு King Features நிறுவனத்திடமிருந்து வந்திருந்த கதைக் குவியலில் ஆங்காங்கே ஓரிரு பக்கங்கள் missing! மொத்தமாய் வேதாளர்; மாண்ட்ரேக்; ரிப்கிர்பி; காரிகன் – என 4 நாயகர்களின் 5 வருடத்து சாகஸங்கள் என்றதொரு மெகா குவியல் வந்திருந்ததால் அவற்றினுள் புகுந்து சரிபார்க்க அந்நேரம் சாத்தியப்பட்டிருக்கவில்லை! And நம்மாட்களும் நான் ‘டிக்‘ அடித்துத் தந்திருந்த கதைகளை பிரிண்ட் அவுட் போட்டு கருணையானந்தம் அவர்களுக்கு எழுத அனுப்பி விட்டிருந்தனர்! அவருமே ‘கட கட‘‘வென்று போட்டுத் தாக்கியிருக்க, DTP முடிந்தது என் மேஜையில் மலையாய் குந்தியிருந்தன காரிகனின் சாகஸங்கள்! மெதுவாய் முதல் கதைக்குள் புகுந்தால் என்னமோ உதைத்தது! நேர்கோட்டுக் கதைகளோடு நமக்குத் தான் ‘‘டச்‘‘ விட்டுப் போச்சோ! என்றபடிக்கே மறுக்கா பக்கங்களைப் புரட்ட, கதையில் ஒரு gap இருப்பது புலப்பட்டது!1 ஆஹா… என்ன கூத்துடா இது? என்றபடிக்கே ஒவ்வொரு 3 சித்திர strip களுக்கும் தரப்பட்டிருக்கும் தேதிகளைச் சரிபார்க்க ஆரம்பித்தேன்! And yes – என் யூகம் சரியே; நடுநடுவே 6 stripகள் கொண்ட ஒரிஜினல்கள் missing! எழுதும் போதே அங்கிள் இதைக் கவனித்திருக்க வேண்டும் தான்; ஆனால் எப்படியோ miss செய்து விட்டார்! ‘கிழிஞ்சது கனவு‘ என்றபடிக்கே நம்மாட்களை அத்தனை கதைகளையும் வரிசைக்கிரமமாகச் சரிபார்க்கச் சொல்லிப் பணித்தேன் – தேதிகளைக் கவனிப்பது எப்படி என்று சொல்லித் தந்து விட்டு! வரிசையாக 4 கதைகளில் தலா 6 strips லேது என்பதை அன்றிரவு கண்டுபிடித்தோம்! “ஆஹா… இது புது மாதிரியால்லே இருக்கு?“ என்றபடிக்கே மண்டையைச் சொரிந்தபடிக்கே யோசித்தேன் என்ன செய்யலாமென்று! King Features க்குத் தகவல் தெரிவித்து, குறிப்பிட்ட அந்தப் படங்களை மட்டும் வரவழைக்கக் குறைந்தபட்சமாய் ஒரு அவகாசம் எடுக்கும் & ஒன்றரை ஆண்டுகளுக்கு முன்பாய் அவர்கள் அனுப்பிய ‘சரக்கில்‘ இப்போது பஞ்சப் பாட்டுப் பாடவும் சங்கடமாகயிருந்தது! அல்லல்படுவோரின் ரட்சகனான சர்வ வல்லமை பொருந்திய கூகுள் சாரிடம் தஞ்சம் அடைந்தேன் & நம்பியவனை அவர் கைவிடவில்லை! காரிகன் தொடரின் தீராக் காதலி ஒருவர் அமெரிக்காவில் இருப்பதைக் கண்டறிந்து, அம்மணியிடம் நமது சிக்கலைச் சொன்னேன்! அவரோ காரிகனைக் கரைத்துக் குடித்திருப்பார் போலும் – நான் மேலோட்டமாய் விவரிக்க ஆரம்பித்த போதே கதையையே ஒப்பித்து விட்டார்! அப்புறமென்ன – அடுத்த அரை மணி நேரத்தில் நமக்குத் தேவையான பக்கங்கள் நமது மின்னஞ்சலில் கிடந்தன! ரைட்டு… பக்கங்களைதத் தேற்றியாச்சு; தலைவலி ஓய்ந்ததென்று நினைத்தால் 6 stripsகளை ஒவ்வொரு கதையில் குறுக்காவும், நுழைப்பதெனில் நமது பக்க அளவில் ஒன்றரை பக்கங்கள் கூடுகின்றன! மீத அரைப்பக்கத்தை வெற்றிடமாய் விட முடியாதே என்பதால் அந்த 4 கதைகளையும் மறுக்கா set பண்ண வேண்டிப் போனது! பெருமூச்சு விட்டபடிக்கே நனைத்துச் சுமக்கும் வேலையைச் செய்து முடித்து விட்டு கதைகளுக்குள் fresh ஆகப் புகுந்தால் இம்முறை வேறொரு ரூபத்தில் இடறியது! பக்கமொன்றுக்கு 12 படங்கள் எனும் போது வளவள வென ஆளாளுக்கு சீரியல்களைப் போல வசனம் பேசினால் ரொம்பவே கொச கொசவென்று ஆகிப் போகுமல்லவா? So ‘நறுக்‘கென்று மொழிபெயர்ப்பு இருந்திட வேண்டும் என்று அங்கிளிடம் சொல்லியிருந்தேன்! அந்த ‘நறுக்‘ – ரொம்பவே ‘நறுக்‘ ஆகிப் போயிருப்பதை ரொம்பச் சீக்கிரமே உணர முடிந்தது! In fact ஆங்காங்கே கதைக்குத் தேவையான குட்டிக் குட்டி விஷயங்களில் கொஞ்சம் காணாது போயிருக்க, ஆங்கில ஒரிஜினல்களை வைத்துக் கொண்டு ரிப்பேர் வேலைகளைச் செய்ய ஆரம்பித்தேன்! மேலோட்டமாய் 2 நாட்களில் இந்த ஆல்பத்தையே தேற்றிடலாமென்று கனா கண்டு வந்ததற்கு தண்டனையோ என்னமோ – முழுசாய் 8 நாட்களை விழுங்கி விட்டது! நிஜத்தைச் சொல்வதானால் மூக்கை முன்னூறு தபா சுற்றும் non-linear கதைகளுக்குக் கூட இத்தனை நேரம் பிடிப்பதில்லை எனக்கு! Smashing ‘70s ஆல்பங்களின் ஒவ்வொன்றுமே செமத்தியான சவால்களே – பணிகளின் பழுவைக் கருத்தில் கொண்டால்! 

Anyways ஒரு மாதிரியாய்ப் பணிகளைப் பூர்த்தி செய்து. அச்சும் முடித்துப் பார்த்த போது செம ஸ்டைலிஷாக நமது FBI ஏஜெண்ட் காட்சி தந்தது போல் எனக்குப் பட்டது! மொத்தம் 11 கதைகள் எனும் போது – சாவகாசமாய் ஒவ்வொன்றாய் நேரம் கிட்டும் போதெல்லாமே நீங்கள் படிக்கச் சாத்தியப்படும்! And ஒவ்வொன்றுமே ஒன்றுக்கொன்று தொடர்பில்லாத stand alone கதைகளே எனும் போது – “ராமசாமி யாரு? முன்சாமிக்கு என்ன ஒறவு? கோயிந்தசாமி யார் பக்கம்?” என்றெல்லாம் நினைவூட்டிக் கொள்ளத் தேவைகளிராது! So ‘ஏக் தம்மில்‘ வாசிப்போருக்கும் சரி, சுலபத் தவணைகளில் வசந்த் & கோ வாடிக்கையாளர்களாய் வாசிப்போருக்கும் சரி – this would be perfect! முதல் சீஸனை அழகான இந்த இதழுடன் நிறைவு செய்யும் இந்த நொடியிலேயே காத்திருக்கும் SUPREME ‘60s பணிகளும் தடதடத்து வருகின்றன! அதிலும் விங் கமாண்டர் ஜார்ஜ் & டிடெக்டிவ் சார்லியின் கதைக் குவியலுக்குள் மேலோட்டமாய்ப் புகுந்து பார்த்தாலே சும்மா ஜொள்ளு பிரவாகமெடுக்கிறது – அத்தனைப் புதுக் கதைகளைப் பார்க்கும் போது! இந்த க்ளாஸிக் நாயகர்களின் பிரத்யேகத் தொகுப்புத் தடமானது எத்தனை காலத்துக்கு உங்கள் சுவாரஸ்யங்களைத் தக்க வைத்திடுமோ – சொல்லத் தெரியவில்லை! ஆனால் ஒரு மலையளவுக் கதைகள் இவர்கள் ஒவ்வொருவரது வரிசைகளிலும் படைப்பாளிகள் கைவசம் வைத்துள்ளனர்! So க்ளாஸிக் பார்ட்டிகள் உங்களுக்கு போர் அடிக்காது தொடர்ந்திடும் பட்சத்தில் 70’s; 60’s; 80’s என்று இஷ்டத்துக்கு ரவுண்டு கட்டலாம் தான்!  

2. சிஸ்கோ – அழகிய ஆபத்து!

ஒரு FBI ஏஜெண்டிடமிருந்து தாவினால் ஒரு ப்ரெஞ்ச் ஏஜெண்ட் காத்திருந்தார் – ‘சிஸ்கோ‘ ரூபத்தில்! நடப்பாண்டின் முதல் இதழில் அறிமுகமானவர்; சமகாலத்துக் கதை நாயகர்!1 என்ன – இஷ்டத்துக்கு சிக்கியவனையெல்லாம் இவர் போட்டுத் தாக்கியது தான் நம்மில் சிலருக்கு நெருடியிருந்தது! ஆனால் தொடரின் ஆல்பம் # 3 & 4 முற்றிலும் வேறொரு களம்! சொல்லி மாளா பரபரப்புடன் நகர்ந்திடும் கதையினில் ஆக்ஷன் sequences – எழுதும் போது எனக்கே ஒரு adrenaline rush தந்ததை மறுக்க முடியாது! அதுவும் போதைப் பொருள் விற்கும் ஒரு கும்பலுக்குள் தனியாளாய் நம்மாள் புகுந்து அவர்களைப் பந்தாடும் பக்கங்களில் சினிமா தோற்றுப் போகும் சித்திரங்களின் ஒவ்வொரு ஃப்ரேமிலும்! And துப்பாக்கிச் சண்டைகளிலும் மனுஷன் பட்டையைக் கிளப்புவது அசாத்திய அதகளம்! வழக்கம் போல வசனங்கள் ‘நறுக்‘கென்ற; நக்கலான பாணியில் இருக்க, காரிகனிடமிருந்து செம சாத்து வாங்கி வந்திருந்த எனக்கு இவற்றைப் பார்த்த போது ‘‘தெய்வம்யா நீங்க!‘‘ என்று சொல்லத் தோன்றியது! நடப்பாண்டில் எக்கச்சக்கமாய் எழுதியுள்ளேன் தான் – ஆனால் செம ஜாலியான பணிகள் என்ற பட்டியல் போட்டால் இது அவற்றுள் Top 3 ல் இருப்பது நிச்சயம்! And இந்த ஆல்பம் நம்மில் பெரும்பான்மைக்கு செமத்தியாய் ரசிக்காது போயின் நிச்சயமாய் ஆச்சர்யம் கொள்வேன்! An absolute corker ! 

மேக் & ஜாக் : ரீலா- ரியலா?

பரிச்சயமான சிகாகோ ஜோடி இம்முறை ஹாலிவுட் பயணமாகிறது. ஜாக் ஒரு மெகா ஹீரோவின் இடத்தைப் பிடிப்பதால்! தொடரும் கூத்துக்கள் இந்தக் கனவுகளின் தொழிற்சாலையில் அரங்கேறும் காமெடி மேளா! As stories go – செம அழகான படைப்பே! ஆனால் கட்டத்துக்குக் கட்டம்; ஃப்ரேமுக்கு ஃப்ரேம்; பக்கத்துக்குப் பக்கம் சிரிப்பில் உருள நினைத்தீர்களெனில் அது இங்கே சாத்தியமாகிடாது! கதையோடு சேர்ந்தே பயணிக்கவே நானும் முயற்சித்திருப்பதால், வம்படியாகச் சிரிப்பை வரவழைக்க ‘எக்ஸ்ட்ரா நம்பர்கள்‘ போட நான் முனைந்திருக்கவில்லை! So இந்த இரட்டையர்களின் எதிர்காலத்தை (நம் மத்தியில்) தீர்மானிக்கவுள்ள ஆல்பமிது! தவறாது படியுங்கள் ப்ளீஸ் & தவறாமல் அலசிடுங்கள் ப்ளீஸ்!

 

4. அட்டவணை 2023:

பணிகளில் the daddy of them all என்பேன்! மேலோட்டமாய்ப் பார்த்தால் யாரெல்லாம் உறுதிபட உட்புக வேண்டியோர்; ‘தல‘ டெக்ஸுக்கு எத்தனை ஸ்லாட்ஸ் என்பதைத் தாண்டி பெரிதாய் சிண்டைப் பிய்த்துக் கொள்ள இங்கே எதுவும் இடர்கள் இருந்திருக்கக் கூடாது தான்! ஆனால் கானல் நீராகவே தொடர்ந்து வரும் THE PERFECT SCHEDULEத் தேடி ஓட்டமெடுக்கும் போது எதுவுமே சுலபமாக இருப்பதில்லை தான்! ஏப்ரலில் துவங்கியது எனது தேடல்களின் பிள்ளையார் சுழி! And A4 பேப்பர்களில் ஒரு அரை டன்னாவது இதுவரை காலி செய்திருப்பேன் - விதவிதமான; தினுசு தினுசான சிந்தனைகளை எழுதியும், கிழித்தும் விளையாடியதில்! இடையிடையே subtle ஆக உங்களிடம் கேட்டறிந்த சமாச்சாரஙங்களை அட்டவணைக்குள் புகுத்திட; எனது தேர்வுகளை பட்டி டிங்கரிங் செய்திட பயன்படுத்திக் கொள்ளவும் தவறவில்லை! And இந்த தபா – உங்களது எண்ணச் சிதறல்களின் ஏகம் அட்டவணையில் பிரதிபலிப்பதைப் பார்த்திடவுள்ளீர்கள்! ரைட்டு... ஒரு மார்க்கமாய் எல்லாத்தையும் ‘கவர்‘ பண்ணியாச்சு; இதுக்கு மேலே ‘தம்‘ லேது என்று அட்டவணையைப் பூர்த்தி செய்து விட்டு நிமிர்ந்தால் – ஆஹா... ஹா... ஹா... சில புதுத் தகவல்கள்; சில புதுப் படைப்புகள்; சில புதுத் தொடர்கள் என்று ஒரு "மாய மோஹினி" நம் முன்னே நர்த்தனம் ஆடுகிறது ! அக்டோபர் 30 க்கு அட்டைவனை அறிவிப்பு & நவம்பர் முதல் தேதிக்கு புக்ஸுடன் அட்டவணையின் அச்சிட்ட பிரதியும் உங்கள் கைகளில் இருந்தாக வேண்டும் எனும் போது - ஒற்றை நாளே உள்ளது - மறுக்கா பட்டி டிங்கரிங் செய்ய முற்பட ! கைவசம் உள்ள இந்த லேட்டஸ்ட் தகவல்களை அவகாசம் கிடைக்கும் போது உங்களோடு பகிர்ந்திடும் போது நிச்சயமாய்ப் புரிபடும் - ஜொள்ளோடு குப்பை கொட்ட நான் படும் சிரமங்கள் என்னவென்று !படைப்பாளிகள் உசுப்பேற்றுவதற்கு அளவே இல்லது போய் வருகிறது யுவர் ஆனர் !

மீண்டும் சந்திப்போம் all ! Bye - See you around  !