அஞ்சு புக்ஸும் - அந்த அஞ்சரைப் பக்கங்களும்... !

 நண்பர்களே, 

வணக்கம். ஒரு சோம்பல் முறிக்கும் விடுமுறை தினத்தில் அக்டோபரின் ஐந்து இதழ்களையுமே என் முன்னே மேஜையில் பரப்பிப் போட்டுக்கொண்டு பராக்குப்  பார்க்கும் சந்தோஷத்தை அனுபவித்து வருகின்றேன். பாஸோ, ஃபெயிலோ...... ஹிட்டோ,  உப்மாவோ, இந்த நொடியில் அந்தத் தீர்ப்புகளுக்குள் மூக்கை நுழைக்காது, ரகம் ரகமாய் பல்லாயிரம் மைல்களுக்கு அப்பால் உள்ள படைப்பாளிகளின் உருவாக்கங்களை நம் தமிழில் பார்க்க முடிந்துள்ள மகிழ்ச்சியை மட்டுமே பிரதானமாக்கியிருக்கிறேன் இந்த நொடியில். மாதம் ஐந்து இதழ்கள் என்பதெல்லாம் சமீப மாதங்களில்...... ஏன் சமீப ஆண்டுகளில் கூட நடைமுறையில் இல்லை என்றே ஞாபகம். Of course, GEN Z தடத்தின் குட்டி புக்கை கணக்கில் எடுத்துக்கொள்ளாமல் , ரெகுலர் இதழ்களை மட்டுமே மனதில் கொண்டு இதைச் சொல்கிறேன். So, FAB 5 தனித்தடத்தின் புண்ணியத்தில் இம்முறை மொத்த இதழ்களின் எண்ணிக்கை எகிறி நிற்பது செம pleasant surprise . And நடுவாக்கில் ஜூரத்தில் 4 நாட்கள் படுத்து எழுந்துமே, ஏதேதோ பல்டி அடித்து, இதழ்களை அக்டோபர் முதல் தேதிக்கு உங்கள் கைகளில் ஒப்படைத்த திருப்தி வேற லெவல். And இறுதி நொடியில், பைண்டிங்கில் நமக்கு துளியும் முகம் சுளிக்காது உதவிடும் நண்பருக்கே இங்கு கிரெடிட்டின் பெரும்பங்கு சார்ந்திடும். ஏனெனில் "கதிரவன் கண்டிரா கணவாய்"  அச்சாகி பைண்டிங் போனதே செவ்வாய் காலையில்தான். And புதன் காலையில் டெஸ்பாட்ச் என்று காலில் வெந்நீரை ஊற்றிக்கொண்டு அவர் முன்னே தவம் கிடந்தோம். 'இவைங்க  இப்படித்தான், மாசா மாசம் தவறாமல் உசிரை வாங்குவானுங்க' என்பது அவருக்கு இப்போதெல்லாம் பழகிப்போய்விட்டதோ என்னவோ, டாண் என்று புதன் காலையில் புக்ஸை ஆபீஸில் கொண்டுவந்து இறக்கிவிட்டார். So விடுமுறைகளுக்கு முன்பாகவே புக்ஸ் உங்களை எட்டிப்பிடித்திட வேண்டும் என்ற லட்சியம் ஈடேறிவிட்டதில் டபுள்  மகிழ்ச்சி.

போன வாரத்துப் பதிவில் சொன்னது போலவே- இம்மாத மெனுவில் இட்லி, பொங்கல், பூரி, தோசை, பட்டூரா என்று ரகம் ரகமாய்  காத்துள்ளன. And முதல் நாளிலேயே, நண்பர்களில் ஒரு சிறு அணியினராவது, இரண்டோ மூன்றோ இதழ்களை முழுசுமாய் போட்டுத்  தாக்கி இருப்பது நேற்றிலிருந்தே பதிவாகி வருகிறது. ஒரு லெவல் மேலேறி ஐந்து இதழ்களையுமே நேற்றைக்கே படித்து முடித்திருந்த நண்பரும் உண்டுதான். இவர்களையெல்லாம் சில நூறு நம்பர்களில் க்ளோன் செய்து தமிழகமெங்கும் விதைத்து வைத்தால், மாதம் ஐந்தென்ன ஓரு டஜன் இதழ்களையுமே போட்டு தாக்கலாம் போலும். 

இம்முறை எனது பிரதான அக்கறை இருந்தது புது வரவு பிளாக்ஸாட்  மீதே !! இந்தக் கடுவனார் உங்கள் மத்தியில் என்ன மாதிரியான முத்திரையினை பதிக்கக்  காத்துள்ளாரோ என்று யூகிக்கத் தெரிந்திருக்கவில்லை . 'இது என்னடா பூனையும் தவளையுமா வருது..? இதெல்லாம்  ஒரு கதையா..?' என்று மூக்கில் குத்திவீர்களோ ? என்ற பயம் கூடக்  குடியிருந்தது ! Becos, இந்தக்  கதை சொல்லல் பாணிக்குப்  பழகிட கொஞ்சமாய் பொறுமை தேவைப்படக்கூடும் என்று பட்டது. ஆனால் சுனாமியிலேயே ஸ்விம்மிங் போடும் நீங்கள், லெப்ட் ஹேண்டிலேயே புதுமைகளையும்  கையாள்வது கண்கூடாய் தெரிகிறது. Early days தான் - இருந்தாலும் இந்த இறுக்கமான புதுப்பாணிக்  கதை சொல்லலை அட்டகாசமாய், ஆரவாரமாய், இதுவரையிலும்  வரவேற்றிருப்பது வதனத்தில் ஆயிரம் வாட்ஸ் பல்ப்பை எரியச் செய்துள்ளது. காலமாய் ஏதேதோ தேசங்களில் இருந்தெல்லாம் கதைகளை வரவழைத்து வெளியிட்டுக்கொண்டிருக்கிறோம் தான். இருந்தாலுமே  உலகெங்கும் மெகா ஹிட்ஸாகி வலம் வரும் ஒரு சில தொடர்களானவற்றை  தமிழுக்குக் கொண்டுவரும்போது உற்சாகமானது ஒரு மிடறு தூக்கலாக இருப்பதை பலமுறை உணர்ந்துள்ளேன். லார்கோவை தமிழ் பேசச் செய்தபோது ஜிலோ என்றிருந்தது. டின்டினை நம் கரைகளுக்கு இட்டாந்த போது ஜிலீரென்றிருந்தது. அவற்றுக்குச்  சற்றும் குறைவில்லா உற்சாகம் தருகின்றது ப்ளாக்சாடின் வருகை. Becos, இந்தப்  பூனையார் பேசிடும் 29-வது உலக மொழி நமது தமிழ். கிட்டத்தட்ட 30 வெவ்வேறு தேசங்களில், வெவ்வேறு மொழிகளில், வெவ்வேறு ரசனைகளில், உள்ள வாசகர்களை கவ்விக்  கவர்ந்துள்ள ஒரு நாயகன்  நமக்கும் பிடித்துள்ளது எனில் அது பெருமிதப்பட்டுக்கொள்ளும் சமாச்சாரம் தானே?! So BLACKSAD உங்கள் வாசிப்பில் எவ்விடம் ஸ்கோர் செய்கிறார் என்பதை மறவாது இங்குமே பதிவிடுங்களேன் ப்ளீஸ்.

And of course ஏற்கனவே சொன்னது போல இம்மாதம் டெக்ஸ் அடித்திருப்பது சிக்சரெல்லாம் அல்ல, பன்னிரண்டு ரன்கள் தரவேண்டியதொரு மெகா ஹிட். கதைக்குள் புகுந்துவிட்டால்  எந்த வேலை குறுக்கிட்டாலுமே, இதழைக் கீழே வைக்க இயலாது என்று உறுதியாகச் சொல்வேன். And மருந்துக்குக் கூட அந்த இறுக்கமான டென்ஷனை மட்டுப்படுத்திடக்கூடாது என்பதற்காகவே கதாசிரியர் இம்முறை கார்சனை உட்புகுத்தியிருக்கவில்லை என்றே எனக்குத் தோன்றுகிறது. முழுக்க முழுக்க டெக்ஸ் சோலோவாக செய்யும் ரகளை இங்கே  வேறொரு லெவல். அதிலும் இரவில் ஹோட்டல் அறையில் மனுஷன் தனியாகப் படுத்திருக்கும் போது அவரைத் தீர்த்துக் கட்ட எதிராளி அனுப்பும் மரண தூதர்களை அவர் கையாளும் அந்தப் பக்கங்களெல்லாம் மெய்யாலுமே மயிர்க்கால்களை நட்டுக்கச் செய்யும். Oh yes டெக்ஸ் தொடரில் "துயிலெழுந்த பிசாசு" கூட நமக்கு நெஞ்சுக்கு நெருக்கமானதே, ஆனால் "நள்ளிரவின் நயனம்" போல துவம்சம் செய்யும் அசாத்தியங்களே, நாற்பத்தி ஓர் ஆண்டுகளுக்குப் பின்பும் நம் மத்தியில் இந்த மனுஷனை தன்னிகரின்றி உலவச் செய்திடுகின்றது. இம்மாத டெக்ஸ் போனலியின் கதை சொல்லலுக்கு ஒரு அட்டகாச அர்ப்பணிப்பு என்பேன்.

And சமுராய்களைப் பொறுத்தவரையில் இங்கே வாசிக்கும் நேரத்தை விட அகண்ட விழிகளோடு ஒவ்வொரு பிரேமையும் ரசிக்கத் தேவைப்படும் மெனக்கெடலே ஜாஸ்தியாக இருக்கும் என்பேன்.​In fact, இங்கே கதாசிரியருக்கு ஒவ்வொரு பக்கத்தையும் வர்ணித்து எழுதித் தரும் பணிதான் அசுரத்தனமான வேலையாக இருந்திருக்குமே தவிர, வசனங்களைச் செதுக்குவது மொத்தமே அரை நாளது வேலையாகத்தான் இருந்திருக்கும். பேனா பிடிக்கும் போது எனக்குமே it was no different. அந்தப் பெண்மணி பழிவாங்கும் படலத்துக்குள் புகுந்த பிற்பாடு, ஆக்ஷனில் காட்டும் ஜாலங்கள், பேனாவை மூடிவிட்டு பராக்கு மட்டுமே பார்க்கச் சொல்லி என்னைக் கோரியது. 'வஞ்சம் தீர்க்கும் வேங்கைகளே' is going to be an absolute visual treat.

அப்புறம் நமது கானகத்துக்காரர் மிஸ்டர் நோவைப் பொறுத்தவரை, இதுதான் துவக்க சாகசம் என்பதால் ஏற்கனவே பார்த்ததொரு கதையின் டெம்ப்ளேட் நமக்கு நினைவுக்கு வரலாம். ஆனால் செம breezy read என்பதில் துளியும் ஐயம் கிடையாது. 1975-ல் டெக்ஸும் சரி, டைலன் டாகும் சரி, ஸாகோரும் சரி, பிரித்து மேய்ந்து கொண்டிருந்த காலகட்டத்தில், முற்றிலும் புதியதொரு மார்க்கத்தில் ஒரு நாயகரை இட்டுச் செல்லும் உத்வேகத்தில் G.L. போனலி அவர்கள் இந்தச்  சரக்கடிக்கும் பைலட்டை சிருஷ்டித்துள்ளார். And இந்த மனுஷனும் கிட்டத்தட்ட 400 சாகசங்கள் வரை இத்தாலியில் போட்டுத் தாக்கியிருப்பது அந்நாட்டின் காமிக்ஸ் வாசகர்களின் பன்முக ரசனைக்கொரு எடுத்துக்காட்டு !

Last but not the least... கதிரவன் கண்டிரா கணவாய் .  

​சினிமாவில் 'ரூம்காம்' என்றொரு கான்செப்ட் வைத்துப் படமெடுப்பார்கள். அதாவது, ஒரு வீட்டில் ஒரே அறைக்குள் உட்கார்ந்தபடிக்கே மூன்று, நான்கு பேர் மாத்திரமே பேசிக்கொண்டு அந்தக் கதையை நகர்த்திச் சென்று, படம் முழுக்கவே அந்த வீட்டுக்குள் மையம் கொண்டிருப்பதாக எடுத்திருப்பார்கள்.  இந்த ஆல்பத்தை 'அண்டர்கிரவுண்ட் காம்' என்று சொல்லலாம் போலும். ஏனெனில், துவக்கப் பக்கங்களைத் தாண்டிச் சென்ற பிற்பாடு, சுரங்கக் குழிக்குள் விழுந்துவிடும் அந்த யூத், கதையின் முடிவு வரைக்கும் அந்தக் குழிக்குள்ளேயே படும் பாடுகள்தான் இந்த சாகசமே.  புக் வெளியான பிற்பாடு இதில் நான் செய்த சென்சார் பற்றி, செய்ய வேண்டிப் போன  அவசியம் பற்றி, இந்த விவகாரம்  பற்றி உங்களிடம் நான் வாய் திறக்க நேர்ந்ததும் ஏன் ? என்பது குறித்து விளக்குவதாக பிராமிஸ் செய்திருந்தேன். இதோ புக்ஸ் உங்கள் கைகளை எட்டிப் பிடித்துவிட்டன! ஆனால், இன்னமும் நிறையப் பேர் வாசித்திருக்க மாட்டீர்கள் என்பது உறுதி. வாசித்திருந்தாலுமே நான் கத்தரி போட்ட பக்கங்கள் எவை ? என்பதை யூகிக்க வழி இருக்காது தான். So கதையைப் பரவலாய்ப் படித்து முடித்த பிற்பாடு, நான் காலி செய்த பக்கங்கள் பற்றி மேலோட்டமாய் தகவல் தருகிறேன். பொதுவெளியில் பகிர்ந்திடும் அளவுக்குச் சிறப்பான சமாச்சாரம் அல்ல என்பதால் அதை விஸ்தீரணமாய்  எழுதிடச் சாத்தியப்படாது.  ஐஞ்சரைப் பக்கங்கள் - அஞ்சரைக்குள்ள வண்டிக்கு அண்ணன் ரகம் ! ​புரிந்துகொள்வீர்கள் என்ற நம்பிக்கையுடன், நவம்பரின் தீபாவளி அதிர்வேட்டுகளைத் தயார் செய்ய நடையைக் கட்டுகிறேன் folks.  

​Bye now, have a great long weekend! See you around !!

Online listing : https://lion-muthucomics.com/latest-releases/1501-2026-october-pack-.html