மதராஸ் அழைக்கின்றது !

 நண்பர்களே,

வணக்கம். சர்வதேசப் புத்தகத் திருவிழாவாய் நமது சென்னை விழா புலிப்பாய்ச்சல் பாயும் ஒரு மைல்கல் ஆண்டினில் நாமும் தலையை  உள்ளே புகுத்திட முடிந்திருப்பது பெரும் உவகையளிக்கின்றது ! எந்த ஆண்டும் இல்லாத கோலாகலத்தோடு, கிட்டத்தட்ட 900 ஸ்டால்களுடன் இம்முறை நந்தனம் YMCA மைதானத்தில் BAPASI விழா தூள் கிளப்பவுள்ளது ! 

And ஏற்கனவே சொல்லியிருந்தது போல நமக்கு இம்முறை டபுள் ஸ்டால் & அரங்குகளின் நம்பர்ஸ் 531 & 532. அண்ணாச்சி ; உதவியாளர் ; கம்பியூட்டர் பில்லிங் பணியாளர் மற்றும் நமது front office திருமதி.ஜோதி என உங்களை வரவேற்க நால்வரணி அங்கே காத்திருக்கும். Plus நமது 250+ காமிக்ஸ் ஆல்பங்கள், உங்கள் வருகைகளை எதிர்நோக்கி வழி மேல் விழி வைத்துக் காத்திருக்கும் ! 

***இம்முறை காமா-சோமா என்று அடுக்கப்படாமல், category ரீதியில் புக்ஸ் display செய்யப்படும் ! 

***பௌன்சர் ; தாத்தாஸ் ; பராகுடா ; டெட்வுட் டிக் போலான 18+ சமாச்சாரங்கள், வெகுஜன ரசனைக்கான புக்ஸுடன் குவிந்து கிடக்காது தமக்கென ஒரு இடம் பிடித்திருப்பர் !

***என்ன வாங்குவது ? என்ற தீர்மானங்கள் பெரிதாய் உள்ளுக்குள் இல்லாது பொதுவாய் browse செய்திடும் வாசகர்களின் வசதிக்கென "EDITOR'S CHOICE" என 30 புக்ஸ் தேர்வு செய்து தந்துள்ளேன் ; அவை ஒரு குட்டி மேஜையில் இடம் பிடித்திடும் !

***And இம்முறை முதலாய் ஸ்டாலுக்கு வரும் நண்பர்களிடம், அவர்தம் மொபைல் நம்பர்களை சேகரிக்கும் முயற்சியுமே முன்னெடுக்கப்படும் - அவ்வப்போது வாட்சப்பில் updates அனுப்பும் பொருட்டு !

***SMASHING '70s வரிசையில் வேதாளர் + ரிப் கிர்பி + மாண்ட்ரேக் + காரிகன் கொண்ட full set நம்மிடம் மொத்தமே 20 தான் இருக்கும். அவை நீங்கலாய் சீரான எண்ணிக்கைகளில் அல்லாது, ரிப் கிர்பி புக்ஸ் 35 ; மாண்ட்ரேக் 60 ; காரிகன் 75 - என்பது போல் கையிருப்பு odd நம்பர்களில் உள்ளன. வேதாளர் சுத்தமாய் காலி ! So அந்த 20 complete sets தவிர்த்த மீத இதழ்கள் (ரிப் ; மாண்ட்ரேக் & காரிகன்) சென்னையில் விற்பனைக்கு வந்திடும் ! 

***முதல்முறையாக ஸ்டாலில் உங்களின் கமெண்ட்ஸ் பதிவிட ஒரு நோட்டும் இருக்கும் ! புத்தக விழா அனுபவம் சார்ந்த உங்களின் பார்வைகளை ; ஸ்டாலில் செய்திடக்கூடிய மேம்பாட்டுக்களை அதனில் நீங்கள் பதிவிடலாம் folks ! MAXI சைஸ் ; மினி சைஸ் - என்ற நமது blog பஞ்சாயத்துக்களையெல்லாம் அங்கே கொண்டு செல்ல வேண்டாமே - ப்ளீஸ் !

***மாயாவி - 4 மறுக்கா மறுக்கா மறுபதிப்புகளுடன் ஆஜராகிடுவார் - maybe by this weekend ! கைவசம் மாயாவி புக்ஸ் இல்லாது புத்தக விழாக்களுக்குப் போவதற்கே நம்மாட்கள் மிரள்கிறார்கள் என்பதால் this is for them too !! அதனில் "இமயத்தில் மாயாவி"க்கு மட்டும் புது அட்டைப்படம் !

***சில வருடங்களுக்கு முன்பாய் செய்தது போல, கலரில் கார்ட்டூன்ஸ் + சுட்டீஸ் கார்னர் புதிர்கள் கொஞ்சமாய் அச்சிட்டு வைத்துள்ளோம் - நமது அரங்கு நம்பர்ஸ் + website விபரங்களோடு ! புக்ஸ் வாங்குவோர் வீட்டு குட்டீஸுக்கு அவை ஆர்வமூட்டினால் சந்தோஷமே ! 

***அப்புறம் கதை சொல்லும் காமிக்ஸ் வரிசையில் - "எல்லாம் அழகே" புக் ரெடியாகி வருகிறது ! திங்கள்வாக்கில் அது சென்னையில் கிடைக்கும் என்று நினைக்கிறேன் ! And சேதி தெரியுமோ - இந்த வரிசையின் இதழ் # 2 ஆன சிண்ட்ரெல்லா கிட்டத்தட்ட stock காலி !! எனக்கே நம்ப முடியவில்லை - ஆனால் சரமாரியான புத்தக விழாக்களில் அது சூப்பராக நகன்றுள்ளது போலும் !! Phewwwwww !!

***ஜம்பிங் ஸ்டார் பேரவையின் அறிவுறுத்தலுக்கு ஏற்ப ஒரு வரிசை முழுக்க V காமிக்ஸ் ஆக்கிரமித்து நிற்கும் !! 

***அப்புறம் நம்ம எலியப்பா சார் - ஒரு தொகுப்பில் மினுமினுக்கக் காத்திருக்கிறார் ! இவர் நகரும் வேகத்தைப் பொறுத்து கைப்புள்ள ஜாக் !

***டைலன் டாக் - முழுவண்ண சிறுகதைகளும் புத்தக விழாவினில் நடுவாக்கில் நுழைந்திடும் - if time permits ! கலர் டெக்ஸ் சைசில் ; சின்ன விலையினில் !

ஸ்டால் கிடைக்க ஆசி தந்த பெரும் தேவன் மனிடோ, விற்பனை சிறக்கவும் வழி காட்டுவாரென்ற நம்பிக்கையோடு, நாளை சட்டி-பெட்டிகளைக் கட்டிக் கொண்டு சென்னை நோக்கிய பயணத்தினை நம்மவர்கள் துவக்கிடுகிறார்கள் ! Wish them luck ப்ளீஸ் !! And please do drop in folks !!! 

மீண்டும் சந்திப்போம் ! Bye for now !