ஒரு பரண் உருட்டும் படலம்..!

நண்பர்களே,

வணக்கம். இன்றைய இந்தப் பதிவைப் படித்த பின்னர் உங்கள் reactions எவ்விதமிருக்குமென்று கணிக்க லேசாக முயன்றேன் :

OPTION 1 : அட்ரா சக்கை...அட்ரா சக்கை..! என்ற துள்ளலோடு ஒரு முகம் நிறைந்த சிரிப்பு !!

Option # 2 : "பார்டா..!!" என்ற சன்னமான குரலோடு ஒரு 'கெக்கே-பிக்கே' சிரிப்பு ?

Option # 3 : பேஸ்தடித்துப் போன "ஞே" முழி...!!

Option # 4 : "ஷப்பா...என்னாலே முடிலே !!! மறுபடியுமா..? முதலில் இருந்தா ??" என்ற வதனம் !! 

Option # 5 : "எல்லாம் அவன் செயல் !!" என்ற மோன நிலை !! 

Option # 6 : "மாட்டேனே...வாயத் திறக்கவே மாட்டேனே !" என்ற உறுதி !!

இப்பதிவின் பூர்வாங்கம் சில, பல மாதங்களாகவே என் தலைக்குள் நீச்சலடித்து வருவதால் நண்பர்களில் யார்-யார் எந்த option களைத் தேர்ந்தெடுத்திருப்பார்கள்  என்பதை யூகிக்கவும் எனக்கு அதிகச் சிரமமிருக்கவில்லை ! அதே போல ஒவ்வொருவரின் reactions-ம் எவ்விதம் இருந்திடுமென்பதை கற்பனையில் வாசித்துப் பார்க்கவும் அவகாசம் இருந்துள்ளதால் - சுவாரஸ்யத்துக்குப் பஞ்சமே இருந்திடவில்லை !  

"அட, மொக்கை போட்டதெல்லாம் போதும் சாமி..விஷயத்துக்கு வரலாமே ?!" என்ற உங்கள் மைண்ட்வாய்ஸ் loud & clear ஆகக் கேட்பதால் துவக்குவோமா கச்சேரியை ? 

நமது comeback துவங்குவதற்கு முன்பாக, வாசகர்களோடு கலந்து பேசும் வாய்ப்பானது எனக்கு மிக, மிகச் சொற்பமே ! ஆடிக்கு ஒன்று ; அமாவாசைக்கு ரெண்டு என நம் ஆபீஸ் பக்கமாய் எட்டிப் பார்க்கும் நண்பர்கள் ; " எடிட்டரை எப்போது வந்தால் பார்க்க முடியும் ? என்று என்னிடமே கேட்ட வாசகர்கள் - என்று ஒரு மிகச் சின்ன சாளரமே திறந்திருக்கும் - உங்களின் எண்ணங்களை upclose நான் தெரிந்து கொள்வதற்கு ! 2012-ல் சென்னையில் துவங்கி, பெங்களூரு, திருச்சி ; ஈரோடு ; என்று நமது கூடாரங்கள் ஊர் ஊராய்ப் பயணம் போகத்  தொடங்கியதையடுத்து நிறைய சந்திப்புகள் ; அளவளாவல்கள் ; அரட்டைகள் ; நட்புகள் சாத்தியமாகியுள்ளது ! பற்றாக்குறைக்கு இந்த வலைப்பதிவும் ஒரு அன்னியோன்யமான அபிப்ராயப் பரிமாற்றத்துக்கு உதவி வருவதால் உங்கள் மனதுகளை வாசிப்பது ஒரு fascinating அனுபவமாக இருந்து வந்துள்ளது ! நமது ஸ்டால்களில் நான் அதிக நேரமிருப்பதில்லை என்ற போதிலும், அகப்படும் ஒவ்வொரு தருணத்திலும் கேள்விக் கணைகளின் ஒரு பெரும் பகுதி - "மறுபதிப்பு கிடையாதா சார் ?"  என்றோ - " மாயாவி ; ஸ்பைடர்லாம் reprint பண்ணுவீங்களா - மாட்டீர்களா ?" என்றோ இருப்பதே வழக்கம் ! ஆரம்ப நாட்களில் நானும் 'தம்' கட்டி நிறைய விளக்கங்கள் சொல்ல முற்படுவேன் ; but ஒவ்வொரு முறைக்கும் வேற்றுமை இருக்கப் போவது  தமிழ் உச்சரிப்பு பாணிகளில் மாத்திரமே ; கேள்விகளில் அல்ல ! என்பது புரிந்த பின்னே, 'ஹி...ஹி..' என்பதைத் தாண்டிப் பெரிதாய் எதுவும் முயற்சிக்கவில்லை ! இதன் காரணமாய் நான் சம்பாதித்தது நிறைய எரிச்சல்களையும்   ; 'பழசை மறந்த நீ - பூட்ட கேஸ் மாப்பு !' என்ற சாபங்களையும் என்பதை நன்கு அறிவேன் ! இருந்தாலும் சில காலம் முன்பாக - மறுபதிப்புக்கென நிறைய முஸ்தீபுகள் செய்தான பின்னே, சுத்தமாய் response இல்லை என்ற நிலையில் சகலத்தையும் 'தொபுக்கடீர்' என தூக்கிப் போட வேண்டிய நிலை எழுந்த பின்னே எனக்கு அதன் மேல் பெரியதொரு ஆர்வம் எழவே இல்லை என்பது தான் நிஜம் !! ஆனால் - மாற்றங்களே பிரபஞ்சத்தின் ஆதார விதி எனும் போது - நம்மைப் போன்ற சுண்டைக்காய்கள் அதற்கொரு விதிவிலக்காக இருக்க முடியுமா ? Oh yes...IT'S REPRINT TIME AGAIN FOLKS !!

பரணில், ஆராமாய் உறங்கிக் கிடக்கும் நம் புராதன சூப்பர் ஸ்டார்களை (!!!) எழுப்பி - கைத்தாங்கலாய் கூட்டி வரும் வேளை புலர்ந்து விட்டது ; 2015-ல் மறுபதிப்புகளுக்கென தனியாக ஒரு தடம் தயாராகியுள்ளது  ! ஆண்டுக்குப் பன்னிரண்டு இதழ்கள் - மாயாவி ; ஸ்பைடர் ; லாரன்ஸ்-டேவிட் மற்றும் ஜானி நீரோவின் தலா 3 classic சாகசங்களைத் தாங்கி என்ற திட்டமிடலோடு களம் இறங்குகிறோம் - மீண்டுமொருமுறை !  ஐம்பது ரூபாய் விலையில் வரக் காத்திருக்கும் இந்த இதழ்கள் மாதா மாதம் என்று இருந்திடாது - சென்னை ; (வாய்ப்பு அமைந்தால்) நெய்வேலி ; மற்றும் ஈரோடு புத்தகத் திருவிழாக்களின் போது மொத்தமாய் launch ஆகிடும் ! ஜனவரியில் சென்னையில் துவங்கக் காத்திருக்கும் புத்தக விழாவினில் முதல் தவணையாக 4 இதழ்கள் விற்பனைக்கு வந்திடும் ! Here are details :

மறுபதிப்பின் முதல் batch -ல் இடம் பிடிக்கக் காத்திருக்கும் கதைகள் எவை என்பதை புதன்கிழமை உங்களைத் தேடி வரக் காத்திருக்கும் 2015-ன் அட்டவணையில் பார்த்துக் கொள்ளலாமே...! அது வரையிலும் அந்த சஸ்பென்ஸ் (!!!) உங்கள் யூகங்களுக்குத் தீனி போடட்டுமே ! இப்போது இந்தப் பதிவின் ஆரம்பத்துக்கு மீண்டுமொருமுறை உங்கள் பார்வைகளைக் கோருகிறேன் folks ..!! :-)

"அட..புள்ளைக்கு திடீர் ஞானோதயம் புலர்ந்தது எவ்விதமோ ?" என்று அதிசயிக்கும் அன்பர்களுக்கும் ; "ஷப்பா..இப்போவரைக்கும் நல்லா  தானே போயிட்டு இருந்துச்சு ;திடீர் என back to உப்மா ஏனோ ? என்று அங்கலாய்க்கும் நண்பர்களுக்காகவும் இந்தப் பின்னணியை விளக்கும் கடமை எனக்குள்ளது !! So சௌகரியமானதொரு angle-ல் டர்ன் பண்ணி நின்று கொண்டு எனது மினி பிளாஷ்பேக்கை ஆரம்பிக்கிறேன் !! ஜூன் 2014-ன் இறுதி நாட்கள் அவை ! நண்பர் ஈரோடு ஸ்டாலின்  போன் செய்து இந்தாண்டின் ஈரோடு புத்தக விழாவின் விளம்பரங்கள் ஊர்முழுக்க கனஜோராக நடந்து வருகின்றன ; நமக்கு விண்ணப்பப் படிவம் கிடைத்து விட்டதா ? என்று கேட்டார் ! 'இல்லையே..எதுவும் கிடைக்கவில்லையே ! ' என்று நான் சொன்ன பிற்பாடு - விழா நடத்தும் மக்கள் சிந்தனைப் பேரவையில் விசாரித்த போது விஷயம் சிக்கலாகி நிற்பது புரிந்தது ! அனைவருக்கும் விண்ணப்பங்கள் விநியோகிக்கப்பட்டு - ஸ்டால் புக்கிங் சகலமும் கிட்டத்தட்ட முடிவுற்ற நிலை என்று அறிய நேர்ந்தது ! அங்கே-இங்கே என்று சுற்றி அலைந்துவிட்டு, இறுதியில் விழாவின் தலைவர் திருமிகு.ஸ்டாலின் குணசேகரன் அவர்களையே நேரில் சந்தித்துக் கோரிக்கை வைப்பது என்று திட்டமிட்டோம் ! அவரிடம் பேசிய போது தான் பிரச்சனையை என்னவென்று புலனானது ! ஒவ்வொரு ஆண்டும் ஈரோட்டில் நடக்கும் விழாவின் போது,  ஓசையின்றி ஒவ்வொரு ஸ்டாலையும் போட்டோ எடுத்து வைத்து, பின்னர் அவற்றை  நிதானமாய்ப் பரிசீலனை செய்வதை அமைப்பாளர்கள் ஒரு பழக்கமாகக் கொண்டிருக்கின்றனர் ! 2013-ல் நமது ஸ்டாலையும் அவ்விதம் போட்டோ எடுத்துப் பார்த்த போது - நம்மிடம் இருப்பது குறைவான ரகங்களே ; அவற்றையே நாம் திரும்பத் திரும்ப அடுக்கி வைத்திருப்பதையும் கூர்ந்து கவனித்துள்ளனர் ! எந்த ஒரு ஸ்டாலுக்குள்ளும் நுழையும் வாடிக்கையாளருக்கு கணிசமான அளவில் தேர்விட புத்தக ரகங்கள் இருத்தல் அவசியம் என்பதால் - சொல்லிக் கொள்ளும் அளவிலான titles எண்ணிக்கை இல்லாத நம்மை நிராகரித்துள்ளதாகச் சொன்னார் ! அடிவயிற்றைக் கலக்கியது எனக்கு ; சென்னை & ஈரோடு புத்தக விழாக்களின் நேரடி விற்பனைகள் நமது வரவு-செலவுகளுக்கு எத்தனை முக்கியம் என்று உணர்ந்திருப்பதால் - அவற்றில் ஏதேனும் ஒன்று சொதப்பினாலும் கூட, நமது திட்டமிடல்கள் ரொம்பவே லம்பிப் போய்விடும் என்பது உறுதி ! ரொம்பவே சங்கடத்தோடு நமது நிலைகளை நான் விளக்க திரு குணசேகரன் அவர்கள் பொறுமையாய்க் கேட்டுக் கொண்ட பின்னே , நீண்ட யோசனைக்குப் பின்னே அவரே ஒரு உபாயத்தை suggest செய்தார் ! தனது பால்யங்களில் இரும்புக்கை மாயாவி கதைகளைப் படித்து வளர்ந்தவர் என்ற முறையில் காமிக்ஸ் மீது அவருக்குள் ஒரு நேசம் இன்னமும் தொடர்வதை உணர முடிந்தது ! பிரத்யேக காமிக்ஸ் பதிப்பகமான நாம், ஆங்கிலத்தில் உள்ள தரமான காமிக்ஸ் இதழ்களைக் கொள்முதல் பண்ணி நமது ஸ்டாலில் விற்பனை செய்திட முடிந்திடும் பட்சத்தில் நம்மிடமுள்ள குறைவான titles எண்ணிக்கை நெருடலாய்த் தெரியாது என்று அபிப்ராயப்பட்டார் ! நன்றியோடு நானும் அதனை ஏற்றுக் கொண்டு, ஸ்டால் புக்கிங் செய்யும் விண்ணப்பத்தைப் பெற்றுக் கொண்டேன் ! லக்கி லூக் ; IZNOGOUD ; DEXTER போன்ற ஆங்கில காமிக்ஸ் இதழ்களை அதன் ஸ்டாக்கிஸ்டிடம் தேடித் பிடித்து வாங்கி ஈரோட்டில் நம் ஸ்டாலில் display -ல் வைத்ததன் பின்னணி இதுவே ! ஆண்டுதோறும் நம்கைவசமுள்ள டைட்டில்களின் எண்ணிக்கை புஷ்டியாக வளர்ந்தால் தவிர, தொடரும் பெரிய புத்தக விழாக்களில் நமக்கான வாய்ப்புகள் முற்றிலுமாய் மறுக்கப்படும் என்பது மண்டையில் அன்றே பதிவானது ! அதற்காக கச்சை கட்டிக் கொண்டு புது இதழ்களை 'மொது மொதுவென்று' அள்ளி விடுவதெல்லாம் நடவாக் காரியங்கள் ஆயிற்றே என்பதையும் புரிந்து கொள்ளச் சிரமம் இருக்கவில்லை ! So முந்தைய இதழ்களை மறுபதிப்பு செய்வதைத் தாண்டி நமக்கு மாற்று உபாயங்கள் ஜாஸ்தி இல்லை என்று உணர சாத்தியமான அன்றே - பரணை சுத்தம் செய்திடும் வேலையை தொடங்கி விட்டேன் ! இதனை ஈரோட்டுத் திருவிழாவின் போதே நான் வாய் திறந்திருக்கலாம் தான் ; ஆனால் ஏற்கனவே "இரத்தப் படலம்" மறுபதிப்பு ;"இரத்தக் கோட்டை" மறுபதிப்பு என்று காதில் தக்காளிச் சாயம் கசியச் செய்து கொண்டிருந்த நண்பர்களின் மத்தியில் இதை அறிவித்து கூடுதலாய் ரணகளமாக்கிக் கொள்ள வேண்டாமே என்று வாயை இறுக மூடியே வைத்திருந்தேன் !

ஈரோட்டின் போது எனக்குள் 70% ஒ.கே ஆகியிருந்த இந்தப் "பரணை உருட்டும் படலமானாது " முழுமை பெற்றது சமீபமாய் - மின்னும் மரணம் customized imprint -ன் புக்கிங் நிகழத் தொடங்கியிருக்கும் வேளையில் தான் ! ஈரோட்டில் மட்டும் சுமார் 140 முன்பதிவுகள் என்றான பின்னே ; தொடர்ந்த இரண்டரை மாதங்களில் 200 முன்பதிவுகளை எட்டிப் பிடிக்க நாம் தடுமாறும் நிதர்சனத்தைப் பார்த்த போது என் சிந்தனைகள் அலைபாய்வதைத் தவிர்க்க இயலவில்லை ! 150 நண்பர்களின் வலுவான குரலுக்கு செவி சாய்த்து ஆயிரம் ரூபாய்க்கு ஒரு இதழைத் திட்டமிட சாத்தியமாகும் போது - அதனில் பாதிப் பணத்துக்கு யோசித்தாலே ஒரு டஜன் black & white reprints தயார் செய்து விடலாம் எனும் போது நான் தொடர்தயக்கம் காட்டுவதில் எனக்கே பெரியதொரு லாஜிக் புலப்படவில்லை ! முதலீட்டில் மட்டுமல்ல ; பணிச்சுமையிலும் மின்னும் மரணத்தை விட மாயாவி & கோ. மிக மிகச் சுலபமானவர்கள் எனும் போது - பெரியதொரு மெனக்கெடல் இல்லாமலேயே அவற்றை வெளியிட்டிட முடியும் என்பதை அறிவேன். சிக்கல்கள் எனப் பார்த்தால்  - கூடுதல் முதலீடு + கூடுதல் பணமுடக்கம் + கிட்டங்கியில் இடப்பற்றாக்குறை என்பதே ! ஒவ்வொரு புத்தக விழாக்களின் போதும், என்றோ ஒரு மாமாங்கத்தில் மாயாவிகளையும், ஜானி நீரோக்களையும் ரசித்த மூத்த வாசகர்கள் நம் ஸ்டாலுக்குள் ஆர்வமாய் நுழைந்து விட்டு, காற்றுப் போன பலூனாய் வெளியேறுவதை பார்க்கும் சங்கடங்களை சரி செய்யவாவது இந்தாண்டு இந்த மறுபதிப்பு முயற்சியை ஆரம்பிப்பது என்று தீர்மானித்தேன் ! 

So - சந்தா C என்ற option முன்பதிவுகளின் பொருட்டு ! இம்முறையேனும் இதற்கான வரவேற்பு விறுவிறுப்பாய் இருந்தால் தலை தப்பிப்பேன் ! But வரவேற்பு எவ்விதம் இருந்தாலும் சரி - இம்முறை நாம் பின்வாங்கப் போவதில்லை ; 2015-ல் பன்னிரெண்டு reprint இதழ்கள் வெளிவருவது நிச்சயம் ! இம்முயற்சி வெற்றி காணும் பட்சத்தில் - தொடரும் காலங்களில் இந்த தனி track தொடர்ந்திடும் ! So - இது நாள் வரை "மும்மூர்த்திகள்; கூர்மண்டையர்கள்" இல்லாது கடுப்பில் இருந்த நண்பர்கள் complain பண்ண அவசியமிராது ! அதே போல பழைய உப்மாவை சூடு செய்யும் இம்முயற்சியால் என் focus புதுத் தேடல்களிலிருந்து விலகிடுமோ என்ற விசாரமும் மற்ற நண்பர்களுக்கு நேராது பார்த்துக் கொள்ளும் 2015-ன் நமது அட்டவணை ! எப்போதும் போலவே என் புலன்கள் முன்னோக்கியே நிலைகொண்டிருக்கும் என்பதில் ஐயம் தேவையே கிடையாது ! 

Last but not the least, சில ஆண்டுகளாகவே என்னோடு புத்தக விழாக்களுக்கு வருகை தரும் ஜூனியர் எடிட்டருக்கு மாயாவியையோ ; மன்னார் & கம்பெனியையோ துளியும் தெரியாது ! So நண்பர்களில் ஒருசாரார் இந்த -golden oldies-ஐக் கோரி அலைமோதுவதும், நான் ஹி..ஹி..என்று மழுப்பி வருவதும் அவனுக்குப் புரியாப் புதிர்களே ! 'இவ்வளவு பேர் கேட்பதை போடலாம் தானே ? ; வியாபார வாய்ப்பை தவற விடுவானேன் ? ' என்று கேட்பவனிடம்.."you see...our focus has to be on the future..blah blah.." என்று நான் ரவுண்ட் கட்டி விளக்கம் சொல்ல - அவன் "சரியாப் போச்சு  !!" என்பது போல் ஒரு லுக் விட்டு விட்டு இடத்தைக் காலி செய்யும் போது - பஞ்சாயத்தில் மண்டையைப் பிய்க்கும் சங்கிலி முருகனைப் போல எனக்குமே ஒரு சந்தேகம் வந்துவிடுகிறது - ' நான் சரியாகத் தான் பேசுகிறேனா ?' என்று ! So பரண் உருட்டும் படலம் inevitable ஆகிப் போனதன் பின்னணி இதுவே ! தொடரும் இன்றைய பொழுதையும், தொடரும் அடுத்த சில நாட்களையும் நீங்கள் OPTION 1,2,3,4,5,6 -ன் மத்தியிலிருந்து எதைத் தேர்வு செய்து அட்டகாசம் செய்தீர்கள் என்பதை அறிந்திட ஆவலாய் இருப்பேன் !! இனி start music & action !! மீண்டும் சந்திப்போம் ! Have a wonderful sunday ! 

P.S : "வல்லவர்கள் வீழ்வதில்லை !" - இது THE KING SPECIAL-ன் கதையின் தலைப்பு ! 

P.S.2 : 

பில்லியனரின் வேளை இது ..!

நண்பர்களே,

வணக்கம். பழையன கழிதலும்..புதியன புகுதலும் காலத்தின் கட்டாயங்களே என்றாலும் , இப்போதெல்லாம் ஜெட் வேகத்தில் ஒவ்வொரு மாதத்தையும், ஒவ்வொரு இதழையும் கடந்து செல்வது நமக்கு வாடிக்கையாகி விட்டது ! "இரவே..இருளே..கொல்லாதே.." இதழின் இறுதிப் பணிகளுக்குள் மூழ்கியிருந்தது நேற்றுத் தான் என்பது போல் தலைக்குள் நினைவுகள் பசேலென்று நின்றாலும், இதழ் வெளியாகி, அதன் review -ம் அலசப்பட்டு, what next ? என்ற கேள்வியோடு நிற்கிறோம்! பதில் சொல்லக் காத்து நிற்பவர் கோடீஸ்வரக் கோமான் லார்கோ வின்ச் - தனது புதியதொரு சாகசத்தோடு ! 

"ஒரு நிழல் நிஜமாகிறது !" - லார்கோவின் கதை வரிசையில் அத்தியாயங்கள் 11 & 12 ! 1990-ல் துவங்கிய தொடர் எனினும், நிதானமாய் இரண்டாண்டுகளுக்கொரு பாகம் என்ற ரீதியில் படைப்பாளிகள் இதனை நகர்த்திச் சென்றுள்ளதால் கையிருப்புக் கதைகளின் எண்ணிக்கை இப்போது வரையிலும் 18-ஐத் தாண்டவில்லை ! தொடரும் நவம்பரில் அத்தியாயம் 19 ஐரோப்பாவில் ரிலீஸ் ஆகிறது - பெரும் விளம்பரமும், ஆர்வமும் படை சூழ ! ஒன்றரை ஆண்டுகளுக்கு முன்பாக நான் பெல்ஜியம் பயணம் மேற்கொண்ட பொழுது - கதாசிரியர் வான் ஹாம்மேவை சந்திக்கத் துளியூண்டு வாய்ப்பாவது உண்டா ? என்று கேட்டிருந்தேன் ! "ஊஹூம் ...நல்ல நாளைக்கே அவர் பிசியோ பிசி ; தற்போது ஓவியர் பிரான்க் சகிதம் லார்கோவின் புதியதொரு ஆல்பத்தின் discussion -ல் மூழ்கியுள்ளார் ! நாங்களே அவரை அணுக வழியில்லை !' என்று கைவிரித்து விட்டனர் ! இதோ அந்நேரத்தில் பிரஸ்ஸல்ஸ் நகரில் இந்த ஜாம்பவான்கள் சந்தித்துக் கொண்ட போது click செய்யப்பட போட்டோ  !  

கண்ணாடி அணிநிதிருப்பவர் : கதாசிரியர் வான் ஹாம்மே. 

புதிய ஆல்பத்தின் கதைக்களம் இலண்டன் என்று தீர்மானமாகி உள்ளதாகவும், அங்கு டேரா போட்டு ஓவியர் பிரான்க் கதைக்கு வாகான location-களைத் தேடி வருகிறார் என்றும் பின்னாட்களில் அவரது வலைப்பதிவில் தகவல்கள் வெளியாகிய போதே லார்கோ ரசிகர்கள் தயாராகத் தொடங்கி விட்டனர் - ஒரு புது அதிரடியை வரவேற்க ! திரைப்படங்களுக்கு location பார்ப்பது போல் இலண்டனில் ஓவியர் சுற்றித் திரிவதைத் தான் பாருங்களேன்..! 

நேரில் பார்த்த இடங்களைப் புகைப்படங்களாக்கி ; பின்னர் அவற்றை சித்திரங்களாக்கும் லாவகத்தையும் ரசிக்க நிறையவே வாய்ப்புகள் நல்கியுள்ளனர் படைப்பாளிகள்  : 

தத்ரூபமும், நிஜவுலகின் நுணுக்கங்களும் இம்மி பிசகாது கிட்டிட வேண்டுமென்பதற்காக அவர்கள் மேற்கொள்ளும் பிரயத்தனங்களைப் பார்க்கும் போது பிரமிக்காமல் இருந்திட இயலவில்லை !  இன்றைய கணினி உலகில் ஓவியரின் பணிகள் கொஞ்சம் சுலபமாகி விட்ட போதிலும் - இது போன்ற dedicated முயற்சிகள் மட்டுமே அவர்களின் வெற்றி இரகசியமாய் தொடர்ந்து வருகிறது ! இதோ - லார்கோவின் புது வரவின் அட்டைப்படமும், உட்பக்கத்தின் ஒரு குட்டி preview -ம் ! 

Largo - 19

குழந்தையைக் கருவிலிருந்து சுமந்து, ஈன்றெடுத்து ; அதனைப் பராமரிப்பது போல - தயாரிப்பின் ஒவ்வொரு கட்டத்திலும் படைப்பாளிகள் முழுவதுமாய் involve ஆகிக் கொள்வதைப் பார்க்க முடிகின்றது - அச்சுப் பிரிவிலும் ஓவியர் மும்முரமாய் நிற்பதைக் காட்டும் இந்தப் புகைப்படத்திலிருந்து ! 

Watching Largo get printed...!

இதழின் வெளியீட்டிற்கு முன்பாக படைப்பாளிகளின் டி.வி.பேட்டிகள் ; நகர் முழுவதும் போஸ்டர் தோரணங்கள் ; கவனத்தை ஈர்க்கும் விதமாய் ஒவ்வொரு காமிக்ஸ் புக் ஷாப்பிலும் பிரத்யேக கட் அவுட்கள் என்று நவம்பரில் ஐரோப்பாவில் ஒரு லார்கோ மேளா அரங்கேறும் என்பது நிச்சயம் ! தற்போது வெளியாவது புதுக் கதையின் முதல் அத்தியாயமே என்பதால் இதன் follow up 2015-ன் இறுதியில் அல்லது 2016-ல் தான் வெளிவரும் ! இம்மாதம் லார்கோ # 11 & 12-ஐ எட்டிப் பிடிக்கும் நாம் - கூடிய சீக்கிரத்திலேயே ஐரோப்பாவில் புது இதழ் வெளியாகும் தருணத்தை விரட்டிப் பிடித்து விடுவோம் !   

இதோ இம்மாதம் நாம் சந்திக்கவிருக்கும் லார்கோவின் அட்டைப்படம் + உட்பக்க டீசர் ! ஒரிஜினல் ராப்பரையே, லேசான வர்ண மாற்றங்களோடு முன்னட்டைக்குத் தயாரித்துள்ளோம் ! நீண்ட காலம் கழித்தொரு வெள்ளை background அட்டைப்படம் என்ற வகையில் இதுவொரு சிம்பிள் லுக் அட்டையே ! But  அட்டையின் சுலபத்தன்மைக்கு சவால் விடும் விதமாய் உட்பக்கங்களில் ஒரு பர பர ஆக்க்ஷன் saga காத்துள்ளது  ! அமெரிக்காவின் சான் பிரான்சிஸ்கோ நகரைப் பின்னணியாகக் கொண்டு புனையப்பட்டுள்ள இந்தக் கதையினில் சைமனும் முழுக்க முழுக்க பயணிக்கிறான் - புதியதொரு அவதாரில் ! 

நாளைய தினம் அச்சுப் பணிகள் துவங்குகின்றன கோமானை உங்களிடம் கூடிய சீக்கிரத்தில் கொணர்ந்து சேர்க்கும் பொருட்டு ! இதனோடு ரிபோர்டர் ஜானியின் "சைத்தான் வீடு" (வண்ண) மறுபதிப்பும் இணையவுள்ளது என்பதால் நவம்பரில் உங்கள் பொழுதுகளை சுவாரஸ்யமாக்கிட நிறையவே வாய்ப்புகள் இருந்திடும் ! எல்லாவற்றையும் விட 2015-ன் அட்டவணையும் இந்த இதழ்களோடு பயணம் செய்யவுள்ளதால் - நமக்கென கொஞ்சம் கூடுதலாகவே நேரத்தை இம்முறை நீங்கள் ஒதுக்கிடல் தேவையாகலாம் ! Please do keep your weekends free this November folks ! நவம்பர் 4-ஆம் தேதி இதழ்கள் + அட்டவணை உங்கள் இல்லங்களைத் தேடித் புறப்படும் ! 

அப்புறம் கடந்த பதிவில் ஜூனியர் எடிட்டரின் பிறந்த தினத்தை நினைவு கொண்டு வாழ்த்துச் சொன்ன நண்பர்களுக்கு (தாமதமான) நன்றிகள் ! அதே போல - சமீபமாய் வெகுஜன மீடியாவில் நம்மைப் பற்றியும், (தமிழ்) காமிக்ஸ் இதழ்களைப் பற்றியும் வெளிவந்திருந்த கட்டுரைகள் தொடர்பாக எழுந்த சிறு சலனத்தையும் சற்றே தாமதமாகவே பார்த்தேன் ! கட்டுரையாளர்களின் பார்வைகள் நமது தற்போதைய trend-ல் இருந்து சற்றே விலகி இருந்தாலும் கூட, அவர்களது நோக்கங்களில் குறைபாடுகள் இருப்பதாய் நிச்சயமாய் நான் நினைக்கவில்லை ! அதே போல ஹிந்துவின் கட்டுரையில் நிறையவே factual errors இருப்பதை நாமறிவோம் ; ஆனால் (தமிழ்) காமிக்ஸ் எனும் இந்தப் பிரத்யேக லோகத்திற்குள் ரெகுலராக ஷண்டிங் அடிக்க வாய்ப்பிலாத casual readers-களுக்கு மேலோட்டத் தகவல்களே சாத்தியம் என்பதால் - தவறுகளை தாண்டிச் செல்வதே நமக்கிருக்கும் ஒரே வலி(ழி) ! நமது காமிக்ஸ் பற்றி எழுதும் தருணங்களில் ஒரு முறை நம்மோடு சரி பார்த்துக் கொள்ளுங்களேன் ! எனக் கோரும் வாய்ப்புகளோ ; அரைத்த மாவுகளையே அரைக்காமல் புதுப் பார்வைக் கோணங்களில் காமிக்ஸ் பற்றிய கட்டுரைகளை எழுதலாமே ?! என்ற நம் ஆதங்கங்களை வெளிப்படுத்துவதோ easier said than done  ! வெகுஜன மீடியா எடிட்டர்கள் நம் கோரிக்கைகளை அத்தனை சீரியசாக எடுத்துக் கொள்ளும் வாய்ப்புகள் சொற்பமே ! தவிர ஒவ்வொரு பேட்டியின் போதும் நமது பதில்களின் சகலமும் அப்படியே அச்சுக்குச் செல்வது கிடையாது என்பதால் - சிற்சிறு communication இடைவெளிகள் நேர்வது தவிர்க்க இயலா விஷயங்களாகவே இருந்து வருகின்றன ! மேலைநாடுகளில் போல் ஒரு dedicated காமிக்ஸ் journal இருந்தால் தவிர - காமிக்ஸ் பற்றிய செய்திகளில் ஆழத்தை எதிர்பார்த்தல் சிரமமே ! ஆனால் அதற்காக நம் பக்கம் கிட்டும் focus -ஐ ஒதுக்குவதோ ; அதனை அலசி ஆராய்வதோ நமக்குத் துளியும் நன்மை தராது என்பதால் கிடைப்பதை சிறப்பாக பயன்படுத்திக் கொள்ள முனைவோம்!     

Moving on to lighter things, தொடரும் அடுத்த பதிவு  ஒரு 'ஜூம்பல ஜூம்ம்பா'  topic -ல் இருக்கக் காத்துள்ளது ! அதனை இப்போதே மண்டைக்குள்ளே தயாரிக்கத் தொடங்கி விட்டேன் என்ற பில்டப்போடு  நடையைக் கட்டுகிறேன் ! அது என்னவாக இருக்குமென நீங்கள் 'ரோசனை' செய்யும் தருணத்தில் - நான் "கிங் ஸ்பெஷல் " இறுதிக்கட்டப் பணிகளைக் கவனித்து விடுகிறேன் ! See you around soon folks ! Bye & have a great weekend ! 

தீபாவளிக்கொரு நல்வரவு ....!

நண்பர்களே,

வணக்கம். பிசியான நாட்கள் ; காமிக்ஸ் மீதும், நம் மீதும் வெகுஜன மீடியா ஜாம்பவான்களின் பார்வை விழும் மகிழ்ச்சி ; புது இதழ்களின் தயாரிப்புப் பணிகள் உரிய நேரத்தில் பூர்த்தியான திருப்தி ; 2015-ன் அட்டவணையில் தொக்கி நின்ற சிற்சில slot-களை நல்ல கதைகளால் ரொப்பிய நிறைவு - என்று 'தட தட' வேகத்தில் ஓடியது இந்த வாரம் ! நம் வழக்கமான அரட்டைகளுக்குள் நுழையும் முன்பாக - தமிழ் 'ஹிந்து' தீபாவளி மலரில் காமிக்ஸ் பற்றி வெகு விரிவாய் எழுதியிருந்த திரு S .இராமகிருஷ்ணன் அவர்களுக்கும் ; வெளியிட்ட  ஹிந்து நிறுவனத்திற்கும் ; தினகரன் தீபாவளி மலரில் நமது இதழ்கள் பற்றி ஜனரஞ்சகமானதொரு கட்டுரையை எழுதியிருந்த திரு.யுவகிருஷ்ணா அவர்களுக்கும் ; வெளியிட்ட தினகரன் நிறுவனத்திற்கும் நமது சந்தோஷம் கலந்த நன்றிகளைச் சொல்லிக் கொள்வோமே !! பொதுவாய் பத்திரிகையுலகில் அடுத்த நிறுவனத்தைப் பற்றியோ ; அவர்களது வெளியீடுகளைப் பற்றியோ focus செய்து இவ்விதப் பாராட்டுக்கள் வருவது ரொம்ப அரிதே ! பதிப்புலக ஜாம்பவான்களின் முன்னே நாமொரு 'குழந்தைபுள்ள' தான் எனினும் இத்தகைய கவனங்களை நமக்கும், நாம் சார்ந்துள்ள காமிக்ஸுக்கும் அவர்கள் வழங்கி வருவது பெருந்தன்மைகளின் உச்சம் ! 

Moving on, சொன்னபடியே "இரவே..இருளே..கொல்லாதே..!" இதழை நேற்று (சனிக்கிழமை) காலையிலேயே கூரியர் & பதிவுத் தபால்கள் மார்க்கமாய் அனுப்பி  விட்டோம் ! So திங்கட்காலைகளில் உங்கள் "கூரியர் படையெடுப்புகளைத் தொடங்கி விடலாம் ! இத்தனை நாட்களாய் வெறும் ஊமைப் படமாய் ட்ரைலர் ஒட்டிக் கொண்டே இருந்த "இ.இ.கொ' வின் அட்டைப்படமும், உட்பக்க டீசரும் இப்போது உங்கள் பார்வைகளுக்கு !  ஒரிஜினல் அட்டைப்படங்களை கொஞ்சமே கொஞ்சமாய் மாற்றங்கள் செய்து தயாரித்துள்ளோம் நமது டிசைனர்களைக் கொண்டு ! படைப்பாளிகள் (கதாசிரியர் + ஓவியர் + கலரிங் ஆர்டிஸ்ட்) மூவரும் 10 நிமிடங்களுக்குள் ஒரு பெரிய thumbs up கொடுத்தனர் மின்னஞ்சலில் ! அவர்களைக் கவர்ந்த டிசைன் உங்களிடம் தேருகிறதா என்று பார்ப்போமே..!!    

அட்டவணைகளை ஓராண்டுக்கு முன்பாகவே பூரணமாய் உங்களிடம் ஒப்படைத்து விடும் இன்றைய வேளைகளில், அவ்வப்போது இது போன்ற குட்டி சஸ்பென்ஸ்களைத் தக்க வைத்துக் கொள்வது கொஞ்சமேனும் சுவாரஸ்யத்தை நீடிக்கச் செய்யும் என்ற நினைப்பில் தான் இத்தனை நாட்கள் இந்தக் கதைக்கொரு முறையான preview தந்திடாமல் வைத்திருந்தேன் ! துவக்கத்திலேயே சொல்லி விடுகிறேன் - இதுவொரு பேய் ; பிசாசு ரகக் கதையல்ல ! நிறைய திரைப்படங்களில் ; நாவல்களில் வந்திருக்கும் பாணியிலானதொரு கொலைத் தாண்டவத்தின் சித்தரிப்பே ! So - "தேவ இரகசியம் தேடலுக்கல்ல " போலொரு வித்தியாசமான பாதையினை இங்கு தேடத் தேவையிராது ! மாறாக - ஒரு இரத்த சேற்றின் மத்தியில்  மாறுபட்ட பல மனித உணர்வுகளை மௌனமாய் பார்க்கப் போகிறீர்கள் ! ரொம்பவே வித்தியாசமான சித்திரப் பாணி என்பதால் - கதையில் லட்சணமான அழகர்களோ ; அழகிகளோ கிடையாது ! அதே போல கதையின் முக்காலே மூன்று வீசம் இரவிலும்..இருளிலும் அரங்கேறுவதால் வர்ணங்களின் பெரும் பகுதி dark shades தான் ! So ஒரு வித night effect-ல் ; transparent green ; violet ; greys என்று மாறுபட்ட வர்ணக் கலவைகளில் உருவாகியிருக்கும் இந்த இதழை - 'அச்சில் கோளாறு டோய் !!' என்று டின் கட்டிடாது பொறுமை காக்கக் கோருகிறேன் ! அதே போல, முதல் வாசிப்பில் 'பரபர'வென்று பக்கங்கள் புரண்டிடும்   பட்சத்தில் ஆங்காங்கேயுள்ள சிறு நிகழ்வுகள் உங்கள் பார்வைகளுக்குத் தப்பியிருக்கும் வாய்ப்புகள் உண்டு ! மீண்டுமொருமுறை சித்திரங்களில் பார்வைகளைப் படர விட்டுக் கொண்டே நிதானமாய் வாசிக்க நேரம் ஒதுக்கிப் பாருங்களேன் !  3 பாகங்கள் கொண்ட இந்த பிரெஞ்சுக் கதையை ஒரே இதழாகப் படிக்கும் அனுபவம் பற்றியும், (நமக்கு) சற்றே புதுமையான இந்த ஆக்கம் உங்களை எவ்விதம் impress செய்கிறது என்பதை அறிந்திடவும் வழக்கத்தை விட கொஞ்சம் கூடுதல் ஆவலோடு காத்திருப்போம் ! கதை + ஹாட்லைன் பகுதியினைப் படிக்கும் போது இந்த இதழை நான் பிடிவாதமாய் இம்மாதத்திற்கு ஒதுக்கியது ஏனென்று புரிந்து கொள்வீர்கள் !! சரி..இப்போதைக்கு இந்த மட்டோடு விட்டு விட்டு அடுத்த சங்கதிக்குள் தலை நுழைப்போமே ?! 

First things first..! பெயர் சொல்லிட விரும்பா நண்பரின் புண்ணியத்தில் அந்த "இரத்தப் படலம்" முழுத் தொகுப்பைப் பரிசாய் அறிவித்து அரங்கேறிய caption எழுதும் போட்டிக்கு வண்டி வண்டியாய் entries வந்திருந்ததை நாம் அறிவோம் தானே ?! ஓரளவிற்குப் பின்னே அந்த கமெண்ட்ஸ் கடலுக்குள் என்னால் முழுவதும் மூழ்கிட இயலாது போயினும், நண்பர் BAMBAM BIGELOW-ன் ஆர்வம் என் கண்களுக்குத் தப்பவில்லை ! அதே போல நமது donor -ன் கவனத்தையும் அது ஈர்த்துள்ளதால் - ' உங்களுக்கு ஒ.கே. என்றால் இவருக்கே கொடுக்கலாமா ?' என்று மின்னஞ்சலில் வினவியிருந்தார் ! ஆகையால் BAMBAM BIGELOW எங்கு இருப்பினும், மேடைக்கு வந்து பரிசைப் பெற்றுக் கொள்ளலாம் !! விடா முயற்சி..இரத்தப் படல வெற்றி !! 

பழைய இதழ்களைப் பற்றிய பேச்சில் இருக்கும் வேளையில் ஒரு குட்டியான சந்தோஷமான நிகழ்வு ! என்னிடம் விற்பனையாகாது உள்ள பிரதிகள் இவை !' என்ற பட்டியலோடு நமது 'அந்தக் காலத்து முகவர்' ஒருவர் - 3 பண்டல்கள் நிறைய ஒரு ஏழெட்டு ஆண்டுகளுக்குள்ளான பிரதிகளைக் கலந்து அனுப்பியுள்ளார் ! வரும் லார்கோ இதழிலும் ;அவ்வேளையில் இங்கே நமது வலைப்பதிவிலும் அந்தப் பிரதிகளின் பட்டியலை வெளியிடுவதாகவுள்ளோம் ! விருப்பம் உள்ள நண்பர்கள் வாங்கிக் கொள்ளலாம் - ஸ்டாக் உள்ள வரையிலும் ! இதோ அந்த தொகுப்பின் 'க்ளிக்' ! 

And அடுத்த தலைப்பு நமது "மின்னும் மரணம்" - முன்பதிவுப் பட்டியலைப் பற்றியதே..! இதோ - சமீபத்திய நிலவரம் !! ஓரிரு நண்பர்கள் இவ்வாரத்தில் மேற்கொண்டு பிரதிகளுக்கு (multiple copies) ஆர்டர் கொடுத்துள்ளனர் - நமக்கு உதவும் பொருட்டு ! அவர்கட்கு நமது நன்றிகள் பல எப்போதும் உண்டென்ற போதிலும், இந்தப் பண்டிகை நாட்களின் போது இத்தனை பணத்தை நமக்காக அவர்கள் செலவழிப்பது சங்கடமாகவும் உள்ளது ! Relax folks ..ஜனவரிக்குள் M.M.சாத்தியமில்லாது போயின், மார்ச்சில் மின்னச் செய்து கொள்ளலாம்  - முன்பதிவுகள் கிடைத்திருந்தாலும் சரி - இல்லாது போயினும் சரி ! அதற்காக உங்கள் பணத்தை இப்போது விரயம்  வேண்டாமே - ப்ளீஸ் ?!  

இரண்டு-மூன்று நாட்களுக்குப் பின்னே இன்று மாலை நம் பதிவுக்குள் கால் வைத்த போது பின்னூட்டங்களின் எண்ணிக்கை 522 என்று நின்ற போதே எனக்கு லேசாகப் புளியைக் கரைத்தது - ' புதுசாய்ப் பஞ்சாயத்து ஏதும் இல்லாது இருந்தால் தேவலையே சாமி !' என்று...! ஏன் ?- எதற்கு ? என்ற ஆராய்ச்சியெல்லாம் நாம் ஏகப்பட்ட முறைகள் செய்தாகி விட்டோமென்ற நிலையில் நான் சொல்லிக் கொள்ள விரும்புவது ஒன்றே ஒன்றைத் தான் ! இது நாம் unwind செய்திட சங்கமிக்கும் ஒரு இடம் ; காமிக்ஸ் மீதான பிரியத்தைப் பகிர்ந்து கொள்ளும் தளம் ! 'இந்த சீருடையில் தான் இங்கே பவனி வர வேண்டும் !' என்றோ ; 'இவை தான் இங்கு கடைப்பிடிக்கப்பட வேண்டிய code of conduct என்றோ எதுவும் நிச்சயமாய்க் கிடையாது ! அடிப்படை நட்புணர்வுகளும், புரிதல்களும் , காமிக்ஸ் மீதான நேசங்களும் ; சக முகங்களில் ஒரு புன்னகையைக் கொணரும் திறனும் போதாதா - இங்கே நாம் சந்தோஷங்களை உருவாக்கிக் கொள்ள ?  ஏதோ ஒரு காரணத்தால் இங்கு நண்பர்கள் தெரிவிக்கும் கருத்தில் உங்களுக்கு உடன்பாடில்லாது போகும் பட்சத்தில் அதனைத் தாண்டிப் போய்க் கொண்டே இருப்பது தானே சுலபமான option ?  மலையளவு காமிக்ஸ் தொடர்களையும், கதைகளையும் குடைந்திருக்கிறேன் - 2015-ன் தேடல்களில் ! நாம் கனவில் கூட நினைத்துப் பார்க்க இயலா எண்ணிக்கைகளில் புதுத் தொடர்களும், கதைகளும் உலகெங்கும் வியாபித்துக் கிடக்கின்றன - நமது பொறுமையான வாசிப்புகளுக்கு ! நமது சக்திகளை அதன் பொருட்டு ஒருமுகப்படுத்தினால் கிடைப்பது பொக்கிஷங்களாய் இருக்க வாய்ப்பிருக்கும் வேளையில், சிறு மனஸ்தாபங்களையும், காலணா பெறாத ஈகோக்களையும் வளர்ப்பதில் பலன் தான் என்னவாக இருக்க முடியும் ?! ஏதோ ஒரு நூற்றாண்டில் இந்தப் பதிவைத் தொடங்கியது போல் உணரும் நானும் கூட - ஒரு கட்டம் வரையிலும் இங்கே காயம்பட்டது  போலுணர்ந்த நாட்கள் நிறையவே இருந்துள்ளன தான் ! ஆனால் ஈகோ எனும் பொதியை கொஞ்சமாய் ஓய்வெடுக்க அனுமதித்த நாள் முதலாய் என் தூக்கங்களில் நமது நாயகர்கள் மாத்திரமே வந்து போகிறார்கள் சந்தோஷ முகங்களோடு ! கனவில் டைகரோ ; டெக்சொ ; லக்கியோ வர வாசல்களைத் திறந்து வைக்காது - ஸ்டீல் பிங்கர்சையும் ; டால்டன்களையும் ; "அப்பாவிகளையும்" வரவேற்பானேன் ?  Chill guys...!! 

இன்று 'ஹிந்து' தீபாவளிக் கட்டுரையில் திரு S . இராமகிருஷ்ணன் அவர்கள் ஒரு முக்கிய விஷயத்தை அடிக்கோடிட்டுள்ளார் - "தமிழில் காமிக்ஸ் பற்றியதொரு கோர்வையான களஞ்சியம் எதுவும் இது வரை உருவாக்கப்படவில்லை !" என்று......! ஆங்காங்கே வெளியான தனித்தனிக் கட்டுரைகளையும், பகிர்வுகளையும் ஒன்று திரட்டுவது கூட இதற்கொரு துவக்கமாய் அமையுமே ? என்ற அவரது பார்வை நிச்சயம் தீட்சண்யமானதே   ! அது பற்றி கொஞ்சம் சிந்தனைக் குதிரைகளை மேயச் செய்வோமா ?  இது என் முதுகைச் சொரிந்து விடக் கோரும் கோரிக்கையாய்ப் பார்த்திடாது - "தமிழில் காமிக்ஸ்" என்ற பொதுவானதொரு குடையின் மீதான அக்கறையாய்ப் பார்த்திடலாமே ? Let's think about giving it a start somewhere...sometime..! 

அப்புறம், நமது creative energy களை வெளிக்கொணர போட்டிகள் சீசனைத் திரும்பவும் துவக்குவோமா guys ? KAUN BANEGA GRAPHIC DESIGNER போட்டியைப் பரணிலிருந்து தூசி தட்டி இறக்கிட நான் தயார் - குறைந்த பட்சம் 10+ நண்பர்களாவது பங்கேற்கத் தயாராக உள்ள பட்சத்தில் ! 2015-ன் துவக்க வேளைகளில் வெளிவரக் காத்துள்ள நமது காமிக்ஸின் ராப்பரை டிசைன் செய்யும் போட்டியாக அறிவிக்கலாம் இம்முறையும் ! குறைந்த பட்ச எண்ணிக்கையில் நண்பர்கள் பங்கேற்கும் பட்சத்தில் போட்டிக்கு ஒரு credibility கிட்டும் !  ஆர்வமுள்ளோர் கைகளை உயர்த்தலாமே ? 

Before I wind up, 2015-ன் கிராபிக் நாவல் அட்டவணையில் தோர்கல் மையமாக இடம் பிடிக்கிறார் - 2+2 கதைகள் கொண்ட ஆல்பம்களின் வாயிலாக ! மொத்தம் 4 கதைகள் ; ஒன்றுக்கொன்று தொடர்பில்லாதவை எனினும், இணைத்துப் படிக்கும் போது பிரமாதமாகவுள்ளது ! முதலில் பௌன்சர்  ; அப்புறமாய் தோர்கல் என கவர்ச்சியான தொகுப்புகள் இருப்பதால் இம்முறை கிராபிக் நாவல் சந்தாவுக்கு பெரியதொரு நெருடல் இராதென்றே நம்புகிறேன்..! 

  

அனைவருக்கும் நமது உளமார்ந்த தீபாவளி வாழ்த்துக்கள் ! நமது அலுவலகம் செவ்வாய் மதியத்தோடு விடுமுறையில் இருக்கும் - வெள்ளி காலை வரை என்பதை மறந்து விட வேண்டாமே - ப்ளீஸ் ?!  Bye for now !! Take care all !! 

P.S : ஆன்லைன் விற்பனைக்கு WORLDMART -ல் லிஸ்டிங் போட்டு விட்டோம் ; செவ்வாய்க்கு முன்பாக வரும் ஆர்டர்கள் அனைத்துக்கும் துரிதமாய் அனுப்பிடுவோம் ! 

ஒரு கௌபாய் வானவில்..!

நண்பர்களே,

வணக்கம். கூப்பிடு தொலைவில் தீபாவளி காத்திருக்க - எங்கள் நகரம் எப்போதும் போல் ஜரூராய் காட்சி தருகிறது ! சீனா பட்டாசு ; குறைந்து வரும் பட்டாசு வெடிக்கும் பழக்கங்கள் என இடர்கள் இடையில் முளைத்திருப்பினும், பண்டிகைக்கால உற்சாகம் ஊரெங்கிலும் ! நம் பங்கிற்கும் தீபாவளிக்கு முன்பாகவே ஸ்பெஷல் இதழை உங்கள் கரங்களில் ஒப்படைக்க சகல வேலைகளும் நடந்தேறி வருகின்றன ! இம்முறை இதுவொரு dark-ஆன த்ரில்லர் கதையாக இருப்பினும், அதனை இந்த வேளையில் வெளியிட கூடுதலாய் ஒரு காரணம் உண்டு ; அடுத்த ஞாயிறின் பதிவின் போது preview + விபரங்கள் !! சரி...இடைப்பட்ட இந்த நாட்களை சுவாரஸ்யமாக்க என்ன செய்யலாம் என்ற கேள்வி எனக்குள்...! 2015 மீதான நம் பார்வைகள் தொடரும் இவ்வேளையில் அறிமுகமாகக் காத்திருக்கும் ஒரு வித்தியாசமான ஆசாமியைப் பற்றிய ஒரு teaser படலத்தை களத்தில் இறக்கி விட்டாலென்னவென்று தோன்றியது ! நவம்பர் வரை பெவிகால் போட்டு வாயைப் பூட்டி வைத்திருக்க ஆசை தான் ; ஆனால் இந்தப் பண்டிகைத் தருணத்தைக் கொஞ்சம் கலகலப்பாக்குவதில் தப்பில்லை தானே..? So here goes :

நமது தற்போதைய காதல் மையல் கொண்டிருப்பது கௌபாய் கதைகளின் மீதே என்பதில் இரகசியம் ஏதுமில்லை ! டெக்ஸ் வில்லர் தொடங்கி வைத்த relay ஓட்டப்பந்தயத்தைப் பின்னாட்களில் லக்கி லூக் ; கேப்டன் டைகர் ; கமான்சே என்று பலரும் தொடர்ந்து வருவதை நாம் ரசித்து வந்துள்ளோம். அந்த வன்மேற்கின் மீது நமக்குப் பிரேமம் உருவாகிட ஆதாரக் காரணம் என்னவென்று சொல்லத் தெரியவில்லை - ஆனால் கரடுமுரடான அந்த நாட்களை காமிக்ஸ்களின் மூலம் தரிசிப்பது நமக்கொரு favorite பொழுதுபோக்காகி விட்டது ! நமக்குத் தமிழகத்தில் வட ஆற்காட்டையோ, இராமநாதபுரத்தையோ அடையாளம் சொல்லத் தெரிகிறதோ இல்லையோ - டெக்சாஸ்.. மொன்டானா... நெப்ராஸ்கா... வ்யோமிங் என்ற அமெரிக்க மாநிலங்களை வரிசைப்படுத்துவது சுலபமாகி விட்டது - இந்தக் கௌபாய் காதலின் புண்ணியத்தில் ! சியௌக்ஸ் ; செயென்னீ... நவஜோ..சிப்பெவா....என்பதெல்லாம் கௌபாய் காமிக்ஸ் உலகிற்கு அப்பார் நிற்போர்க்கு  கெட்ட வார்த்தைகளாய்த் தோன்றினாலும் - நம் அகராதிகளில் அவை அன்றாடப் பதங்கள் !

டெக்ஸ் கதைகளில் மனிதர்கள் மீதே focus அதிகமிருப்பதால் அங்கே hero worship என்ற ரசனைக்கு இடம் தரும் விதமாய் கதைகள் அமைக்கப்பட்டிருக்கும் ! பெரு நகரமோ - சிற்றூரோ டெக்ஸ் & கோ நேராக அங்குள்ள சலூனிற்குச் செல்வது ; உள்ளூர் ஹோட்டலில் வறுத்த கறியைச் சப்புக் கொட்டுவது ; ஷெரிப் அலுவலகத்தில் யாரையாவது துவைத்துத் தொங்கப் போடுவது என்ற நேர்கோட்டில் டெக்ஸ் கதைகள் பிரயாணம் செய்யும் போது - சுற்றுப்புறம் ஒரு பின்னணியாக மாத்திரமே இருந்திடுவதில் வியப்பில்லை !

டைகர் கதைகளில் treatment முற்றிலும் மாறுபட்ட விதமாய் ! பஞ்சரான மூக்கு ; சவரம் காணா வதனம் ; முரட்டு சுபாவம் என ஓரளவிற்கு wild west-ன்  அன்றைய யதார்த்த மனிதர்களை ஒட்டிய பாத்திரப் படைப்பு எனும் போதே அங்கே மிகைப்படுத்தல் மட்டுக்குள் இருப்பதைப் புரிந்து கொள்ள முடிகிறது ! அதன் பலனாய் பாலைவனங்கள் ; மெசொக்கள் ; முரட்டுத்தனம் தலைவிரித்தாடும் சிறு நகரங்கள் ; மெக்சிக எல்லை ; கடுமையான இராணுவ வாழ்க்கை என்று அந்நாட்களைச் சாயம் பூசாமல் நமக்குக் கண்ணில் காட்ட அதன் படைப்பாளிகள் முனைந்திருப்பதைப் பார்த்திட முடியும் !

சமீபமாய் அறிமுகமாகி - அசாத்தியமான கதைக்களங்கள் எதையும் (இது வரையிலாவது) நம் முன்வைக்காமலே கூட தேர்ச்சி பெற்று நிற்கும் கமான்சே கதைகள் கௌபாய் வானவில்லின் ஒரு மத்திய பகுதியை ஆக்ரமிக்கும் ரகம் ! டெக்ஸ் போன்ற ஆரவாரம் கிடையாது ; டைகரின் ஆழமான plot கிடையாது ; இருப்பினும் இயல்பான அந்நாட்களின் வாழ்க்கையைப் பிரதிபலிக்கும் கதைகள் + ஓவியர் ஹெர்மனின் அழகான சித்திரங்கள் என்று ஸ்கோர் செய்வது கமான்சே ஸ்டைல் !

சரி...இந்த மூன்று விதமான கௌபாய் classic-களைப் பார்த்து விட்டோம் ; what next ? என்ற கேள்வி கொஞ்ச காலமாகவே என் முன்னே ! அப்போது தான் அந்தக் காலத்துப் படங்களில் வரும் flashback sequences போல் நான் மல்லாந்திருக்க ,வட்ட வட்டமாய் வர்ணங்களில் நினைவுகள் பின்னோக்கிச் சென்றன - ஒரு நாலைந்து ஆண்டுகளுக்கு முன்பானதொரு பொழுதுக்கு ! நமது COMEBACK ஸ்பெஷலுக்கெல்லாம் சில, பல ஆண்டுகள் முந்தைய தருணம் அது..! வேறு பணிகளின் நிமித்தம் இத்தாலி சென்றிருந்த வேளைதனில் அங்கு நடைபெற்றுவந்ததொரு சிறார் புத்தகத் திருவிழாவினில் எட்டிப் பார்ப்போமே என்று போலோனியா நகருக்கு ஒரு ட்ரிப் அடித்திருந்தேன் ! வழக்கமாய் பார்க்கும் பதிப்பகங்கள் நீங்கலாக ஒன்றிரண்டு   புதியவர்களையும் பார்த்து வைத்துக் கொண்டிருந்தேன். அப்போது பிரெஞ்சு ஸ்டால் ஒன்றில் ஒரு கௌபாய் உருவத்தின் போஸ்டர் பெரிதாய் டாலடிக்க, அவரது ஆல்பங்களில் சில அருகே இருப்பதைக் கண்டேன். பாஷை புரியாவிடினும் - ஆங்காங்கே நிகழும் கும்மாங்குத்துக்களையும் ; தோட்டாத் தோரணங்களையும் மண்டைக்குள் ஏற்றிக் கொள்வதற்கு மொழி அவசியமில்லை தானே ? So வரிசையாய்ப் பக்கங்களைப் புரட்டிப் பார்த்து விட்டு அவர்களிடம் ரெண்டு வார்த்தை பேசி விட்டு - 'ஊருக்குப் போய் கடுதாசி போடுகிறேன் !' என்று நடையைக் கட்டியிருந்தேன் ! இன்றைக்கோ - நாளைக்கோ என்று இழுத்துக் கொள்ளாத குறையாய் கிடந்த நமது அந்நாட்களது காமிக்ஸ் முயற்சிகளுக்கு புதிதாய்க் கதைகள் வாங்கும் தெம்போ, திராணியோ அச்சமயம் நம்மிடம் இருந்ததில்லை என்பதால் அந்தப் புதுக் கௌபாய் சுவாரஸ்யத்தைக் கிளப்பியிருப்பினும் மேற்கொண்டு ஏதும் செய்ய எனக்கு தோன்றவில்லை !  Flashback-ன் முதல் பாகம் 'டொட-டாயங்' என்று நிறைவு பெற ; இரண்டாம் பாகமானது தொடங்கியது சென்றாண்டின் ஒரு மத்திமப் பகுதியினில் ! நமது செகண்ட் இன்னிங்க்ஸ் துவங்கி ஜரூராய் வண்டி நகன்று கொண்டிருந்த வேளையில் அந்த "மறந்து போன கௌபாய் " மீண்டும் ஞாபகத்திற்கு வந்திருந்தார் - நமது கடல்கடந்த வாசக நண்பர் ஒருவரின் புண்ணியத்தில் ! அமெரிக்காவின் சியாட்டில் நகரில் வசிக்கும் நண்பர் நாச்சியப்பன் நாகப்பன் இந்த "ம.போ.கௌ." யின் 2 பாக ஆங்கிலப் படைப்பு ஒன்றினை எனக்கு அஞ்சலில் அன்பளிப்பாய் அனுப்பியிருந்தார் ! (நமது NBS 2013 ஜனவரியில் சென்னைப் புத்தக விழாவினில் வெளியான சமயம் தன்னால் பங்கு பெற இயலாது போயினும், தன சார்பாய் தந்தையை அனுப்பியிருந்த காமிக்ஸ் காதலர் அவர் ! ) என்றைக்கோ பிரெஞ்சில் பார்த்த ஆசாமி இப்போது ஆங்கிலத்தில் அட்டகாசம் செய்வதைப் பார்த்த சற்றைக்கெல்லாம் அதன் பதிப்பகத்தினரைத் தொடர்பு கொண்டு உரிமைகளுக்காக துண்டு விரித்தேன்! இந்தியாவோடோ ; இது போன்றதொரு சிறு மார்கெட்டுடனோ அதிகப் பரிச்சயம் கொண்டிரா அவர்கள் கோரிய ராயல்டி தொகை நமக்கு அஸ்தியில் ஜூரத்தை வரவழைக்காத குறை தான் ! 'O.k...ஊருக்குப் போய் கடுதாசி..!' என்று திரும்பவும் கழன்று கொண்டேன் 2013-ல் ! ஆனால் மண்டைக்குள்ளே ஒரு நமைச்சல் குடிகொண்டு விட்டால் அதனை அப்புறப்படுத்தாமல் அடுத்த வேலையில் கவனம் ஓடாதே ...!! So இந்தாண்டில் மீண்டுமொரு சுபயோக சுபதினத்தில் ஒரு ஐரோப்பியப் பயணத்தின் போது அவர்களது கதவுகளைத் தட்டினேன் நம்பிக்கையோடு ! 'அடடே..பயல் இவ்வளவு பிடிவாதமாகக் கோருகிறான் ; பிழைத்துப் போகட்டுமென உரிமைகளைத் தந்து விடுவார்களென்று எதிர்பார்த்தால் - கிடைத்ததோ மீண்டுமொரு பல்ப் தான் ! ஆனால் இம்முறையும் பஜ்ஜி-சொஜ்ஜிகளை அமுக்கி விட்டு  'ஊருக்குப் போய் கடுதாசி' என்று சொல்ல எனக்கே ஒரு மாதிரியாய் இருந்ததால் - சத்துக்கு மீறியும் நிறைய மேலே சென்றேன் நமது ராயல்டி கட்டணங்களில் ! ஏதேதோ பேசி ஒரு மார்க்கமாய்க் கைகுலுக்கிய போது புதியவர் நமக்கென உறுதியாகி இருந்தார் - கணிசமானதொரு தொகைக்கு !!  அது சரி...யாரந்த புது கௌபாய் ? என்ற கேள்விக்கு - தெனாவட்டாய் "பௌன்சர் "!! எனப்  பதில் கிடைக்கும் !

"அதிரடி அறிமுகம்" ; ஆக்க்ஷன் கௌபாய்" என்றெல்லாம் தேய்ந்து போன அடைமொழிகளோடு இவரை நான் அறிமுகம் செய்து வைக்கப் போவதில்லை ! சுருக்கமாய்ச் சொல்வதாயின் - 'இவர் வேற மாதிரி !!'  நிறைய கௌபாய் கதைகளைப் பார்த்து விட்ட நமக்கே இந்தப் புது வரவு ஒரு ஜெர்க் தரப் போவது நிச்சயம் ! 'அதென்ன பௌன்சர் ?' என்ற கேள்வி எழுப்பும் நண்பர்களின் பொருட்டு சின்னதொரு விளக்கம் : அந்நாட்களது பார்களில் 'சுதி' ஓவராய் ஏறிப் போய் சண்டித்தனம் செய்யும் அலம்பல் ஆசாமிகளைக் "கவனிக்க" பிரத்யேகமாய் சிலரை நிர்வாகம் வேலைக்கு வைத்துக் கொள்வதுண்டு ! இவர்களது வேலையே பாரில் அடாவடி தலைதூக்காது இருக்கச் செய்வதே ! இவர்களுக்குத் தான் Bouncer என்று பெயர் ! நமது புது வரவும் அத்தகையதொரு உத்தியோகஸ்தர் என்பதால் இக்கதைத் தொடரின் பெயரே THE BOUNCER ! வழக்கமான காமிக்ஸ் கதைக்களங்களின் நாசூக்குகளையோ ; கதாப்பத்திரங்களில் மனிதாபிமானங்களையோ ; இலைமறைகாயான வன்முறை சித்தரிப்புகளையோ இத்தொடரில் எதிர்பார்த்திடவே வேண்டாம் ! இங்கே வெட்டு ஒன்று - துண்டு பதிமூன்று தான் ! கெட்டவர்கள் ரொம்பவே கெட்டவர்களாய் இருப்பர் ; அன்றைய wild west -ன் மூர்க்கத்தனம் ; மனிதனின் மறு பக்கம் என சகலமும் உள்ளது உள்ளபடிக்கே சொல்லப்பட்டிருக்கும் ! Highlight -ன் உச்சம் என்னவெனில் பௌன்சருக்கு வலது கை கிடையாது !! ஒரு கரம் இல்லாமலே இவர் செய்யும் அதிரடிகள் பிடரியில் அறையும் ரகம் !

இத்தொடரின் கதாசிரியர் ஒரு சர்வதேச திரைப்பட டைரக்டரும் கூட ! 1929-ல் தென்னமெரிக்க நாடான சிலியில் பிறந்த  Alejandro Jodorowsky -க்கு திரைக்கதை எழுத்தாளர் ; நாடக ஆசிரியர் ; நடிகர் ; இசையமைப்பாளர் ; காமிக்ஸ் எழுத்தாளர் ; எனப் பன்முகங்கள் உண்டு ! Sci-fi கதைகளில் பெரும் வெற்றி கண்ட ஜோடோரோவ்ச்கி 2001-ல் இந்த பௌன்சர் தொடரினை பிரான்சே போக் என்ற ஓவியரின் கூட்டணியோடு  துவக்கினார் ! மொத்தம் ஒன்பது ஆல்பங்களே இத்தொடரில் (இது வரையிலும்) உண்டு என்றாலும், ஒரு  mega impact தரும் கதைவரிசை இது என்பதில் சந்தேகமே இல்லை !

கதாசிரியர் ஜோடோரோவ்ச்கி

ஓவியர் பிரான்சே போக்

இரு பாகங்கள் இணைந்து ஒரு கதை + மூன்று பாகங்களின் இணைப்பில் கதை # 2 + மீண்டும் ஒரு 2 பாகக் கதை என்பதே இந்த புதியவரின் கதையமைப்புகள் map என்பதால் அதே பாணியில் நாமும் வெளியிடவுள்ளோம் ! ஒவ்வொரு முழு எபிசோடும் ஒரு முழு இதழாய் உரிய விலையில் வெளியாகும் ! "Suggested for mature readers " என்ற பின்னட்டைக் குறிப்போடு ஆங்கிலப் பதிப்பே வெளியாகி இருக்கும் நிலையில் இத்தொடர் நேராய் நமது 2015-ன் கிராபிக் நாவல் பட்டியலுக்குள் (!!!) குதிக்கிறது ! லயன் காமிக்ஸ் லேபில் தாங்கியே வரவுள்ள  போதிலும் இவை ஆண்டின் மெயின் சந்தாவின் ஒரு அங்கமாய் இராது ! So  2015-ன் சூப்பர் 6-ன் மையமாக இருக்கவிருக்கும் BOUNCER கதைகளை விரும்பும் பட்சத்தில் மாத்திரமே நீங்கள் வாங்கிக் கொள்ளலாம் ! 'இந்த violence ; இந்த பாணிக் கதைகள் என் வீட்டுக்குள் வேண்டாமே !' எனக் கருதும் நண்பர்கள் தாராளமாய் skip செய்திடும் சுதந்திரம் இருக்கும் !

"ரௌத்திரம் பழகு !" இத்தொடரின் ஆல்பம் # 1 !!  கதைக்களம் யதார்த்தமெனும் கரடுமுரடோடு இருக்கும் போது  - அதன் மொழியாக்கம் வழக்கமான பாணியில் இருந்தால் பொருந்தாது என்பதை உணர அதிக நேரம் பிடிக்கவில்லை ! நிறைய அவகாசம் எடுத்துக் கொண்டு இப்போதே முதல் பாகத்தை எழுதிக் கொண்டுள்ளேன் - ஒரு சிறு பிள்ளையின் ஆர்வத்தோடு ! 2015-ன் ஏதோ ஒரு வேளையில் உங்கள் வீட்டுக் கதவுகளை பௌன்சர் தட்டும் போது - 'இந்த பில்டப் சரி தான் !' என்று உங்களுக்குத் தோன்றிடும் பட்சத்தில் - நாங்கள் கொடுக்க சம்மதித்த ராயல்டி கட்டணங்களுக்கும் சரி ; எங்களது மெனக்கெடல்களுக்கும்  சரி ஒரு பலன் இருந்ததாய் நம்புவோம் ! அது வரையிலும்  fingers crossed !

Album 1

சிறுகச் சிறுக சிறகுகளுக்கு தூரம் பறக்கும் ஆற்றலை வழங்குவதும் நீங்களே ; இந்தத் தேடல்களுக்கு எங்களைத் தூண்டுவதும் நீங்களே என்ற விதத்தில் இப்புதிய வரவின் credits உங்களையே சாரும் guys ! இன்றிலிருந்து ஒரு பத்து ஆண்டுகள் கழித்து "BOUNCER - The Complete Collection " என்றதொரு தொகுப்பை வெளியிட நீங்கள் குரல் கொடுக்கும் ஒரு தருணம் உருவாகும் பட்சத்தில் பௌன்சர் நிச்சயமாய் ஸ்கோர் செய்திருப்பார் என்பதை சந்தேகமின்றி புரிந்திருப்போம் ! அது மட்டுமன்றி - "கிராபிக் நாவல்களா ? ஆவ்வ்வ் !!" எனக் குரல் கொடுத்த நண்பர்களும் கூட 2015-ல் 'கி.நா.காதலர்களாய்' உருமாற்றம் கண்டால் - அதுவே பௌன்சரின் நிஜ வெற்றியாகி இருக்கும் ! பார்ப்போமே...!! மீண்டும் அடுத்த ஞாயிறு சந்திப்போம் guys ! அது வரை have fun ! Bye for now !  

மதில் மேல் சில நாயகர்கள் !

நண்பர்களே,

வணக்கம். வருடத்தின் இறுதி 2 மாதங்கள் எஞ்சியுள்ள நிலையில் - நமது பார்வைகள் ஏற்கனவே 2015-ன் மீது நிலைகொண்டுள்ளது - 'நான் வளர்கிறேனே மம்மி' complan குழந்தையை  நினைவுக்குக் கொண்டு வருகிறது ! உயரத்தில் மட்டுமன்றி விவேகத்திலும் வளரும் ஓர் வேளையாய் புதிய வருடம் நமக்குப் புலரும் பட்சத்தில் சந்தோஷமே ! சென்ற வாரப் பதிவில் 2015-ன் அட்டவணைக்குள் உரிமையோடு உட்புகும் TOP 5 நாயக-நாயகியரைப் பற்றிய preview  பார்த்தோம்..! இம்முறையோ - எல்லைக்கோட்டில் நடனமாடிக் கொண்டிருக்கும் சில ஆசாமிகளை அடையாளம் பார்க்கும் பணிக்குள் தலை நுழைப்போமா ?

ஏற்கனவே நான் இங்கு பதிவிட்டிருந்தது போல - 2014-ன் பாடங்களை மறந்திடக் கூடாதென்பதிலும் ; கொஞ்சமே கொஞ்சமாய் சொதப்பும் நாயகர்களைக் கூட இம்முறை உப்புமூட்டை ஏற்றிக் கொள்வதில் நிறையவே யோசிக்கப் போகிறோம் என்பதிலும் தெளிவாக இருக்கிறேன் ! நம்மிடம் 'ஹீரோ பஞ்சம்' நிலவிடும் பட்சத்தில் - 'சரி..போனால் போகட்டும் ; இன்னும் கொஞ்சம் வாய்ப்புகள் நல்கிடலாம் !' என்று சிந்திக்கத் தோன்றிடும். ஆனால் நம்மிடமோ RAC ; Waiting List ; தத்கல் கோட்டா ; footboard பயணிகள் என்று எக்கச்சக்கமாய் ஆசாமிகள் இருக்கும் போது - தேர்வு அளவுகோல்களை சற்றே உயர்த்திப் பிடிப்பதில் தப்பில்லை தானே ?!

அதன் பலனாய் 2014-ன் முதல் மாதத்தை வரவேற்ற புண்ணியவானே இம்முறை முதல் தடுமாற்ற slot-ஐ தொட்டு நிற்கிறார் !  ! Yes - "சாக மறந்த சுறா" மூலமாய் மறுபிரவேசம் செய்த ப்ருனோ பிரேசில் தான் 2015-ன் danger zone-ல் நிற்கும் முதல் ஹீரோ ! என்ன தான் சித்திர வித்தகர் வான்சின் கைவண்ணம் மெருகூட்டினாலும் ; என்ன தான் ப்ருனோவின் "முதலைப் பட்டாளம்" நமது நேற்றைய ஆதர்ஷ நாயகர்களாக இருந்திருந்தாலும்  - கதைக்களங்களின் புராதனம் நாசியில் புகுந்த மிளகாய் வற்றலாய்  இன்றைக்கு கமறுவதைத் தவிர்க்க இயலவில்லை ! இக்கதைகள் உருவான 1970-களின் போது உலகெங்கும் திரைகளிலும். கதைகளிலும், ஜேம்ஸ்  பாண்ட் எனும் ஒரு காந்த சக்தி வசீகரித்து வந்தது ! அதற்குப் போட்டியாய் - அதே சாயலில் உருவான ப்ருனோ - 45 ஆண்டுகள் கழிந்தான பின்னே - கீ கொடுக்கும் அந்நாளைய டைம்பீசை நினைவுபடுத்துவது காலச்சக்கரத்தின் சுழற்சிக்கு விதிவிலக்கு எவருமில்லை என்பதைப் புரியச் செய்கிறது ! "சாக மறந்த சுறா" நிறையப் பேரை "சட்டையைக் கிழிக்கச் செய்த சுறாவாக" அவதாரம் எடுத்ததெனில் - சில மாதங்களுக்குப் பின்னே வந்த "முகமற்ற கண்கள்" அதற்கு ஒரு படி மேலே போய் பீதியைக் கிளப்பியது ! இந்தக் கதை ஒரிஜினலாய் வெளியான நாட்களில் நிறைய சிலாகிக்கப்பட்டது என்பது மாத்திரமே எனக்கு ஞாபகத்தில் நின்ற நிலையில் - இந்த வண்ண மறுபதிப்பை தயார் செய்யும் பணிகளில் மறுவாசிப்பு செய்த போது "ஞே" முழி தான் மிஞ்சியது ! In any case, ப்ருனோ தொடரில் புதுக் கதைகள் ஜாஸ்தி இல்லை எனும் போது பின்பெஞ்ச் இருக்கைக்கு அவர் செல்ல நேரிட்டாலும் கூட  - மறுபதிப்புகளுக்கு மாத்திரமே இடைஞ்சல் எனக் கருதலாம் !

2014-ல் இரண்டாம் மாதம் வந்தவர் தான் இரண்டாம் கத்திக்குக் கீழே துயிலும் பாக்கியவான் !  "காவியில் ஒரு ஆவி" புகழ் ஜில்லார் தான் அந்த dubious distinction -க்குச் சொந்தக்காரர் ! இங்கும் ப்ருனோவுக்குச் சொன்ன அதே set of reasons தான் - புராதனம் ; மிகவும் outdated ஆகத் தோன்றும் கதை பாணிகள் என்ற சிக்கல் ! இங்கு இன்னுமொரு பிரச்சனை என்னவெனில் - ஜில் ஜோர்டானின் சித்திர பாணிகள் கார்ட்டூன் ஸ்டைலில் அமைந்திருப்பதால் - அதனைக் கையில் எடுக்கும் போதே நாம் எதிர்பார்ப்பது ஒரு நகைச்சுவை விருந்தை என்றாகிப் போகிறது ! ஜில்லின் அசிஸ்டென்ட் வேறு நிமிஷத்துக்கு நாலு கடி ஜோக் விடும் ரகம் என்பதால் எதிர்பார்ப்புகள் கூடிப் போகின்றன ! ஆனால் Gil Jordan சிரிப்புப் போலீஸ் இல்லையென்பதால் இங்குமின்றி-அங்குமின்றி ஒரு விதத் திரிசங்கு நிலையில் இத்தொடர் தத்தளிப்பது கண்கூடு ! ஆனால் ஜில்லின் கதைகளை ஒரேடியாய் கடாசி விடப் போவதில்லை நாம் ; அவற்றுள் இன்னும் சிறப்பான கதைகளாகத் தேடி பிடித்து நிச்சயமாய் உருப்படியான வாய்ப்புகள் தருவோம் !  ஜில் maybe down..but certainly not out !!

மூன்றாவதாய் நான் யோசித்த பெயரைச் சொன்னால் நிறைய துடைப்பக்கட்டைகள் வெளிவருமென்பது சர்வ நிச்சயம் ! So - அதற்குப் பயந்தே எனது தீர்மானத்தை வாபஸ் வாங்கிக் கொள்ள வேண்டிய கட்டாயம் ! இந்நேரமே நான் குறிப்பிடுவது "இளம் டைகரின்" சாகசங்களை என்பது உங்களுக்கு நிச்சயம் புரிந்திருக்கும் ! "கேப்டன் டைகர்" என்ற பெயரை மாத்திரம் மாற்றி விட்டு - "கேப்டன் ஜான்" ; "கேப்டன் டிம்மி" என்று ஏதோவொரு பெயரை நுழைத்து - தற்போதைய இளம் டைகர் episodes-ஐ வெளியிடும் பட்சத்தில் இந்நேரத்திற்கு தர்ம அடி விழுந்திருக்கும்  என்பது தான் கலப்படமில்லா நிஜம் ! "டைகர்" எனும் அந்த மந்திரப் பெயருக்குள்ள மவுசை மூலதனமாக்கி ஒரு அமர கதாப்பாத்திரத்தை நகற்றிச் செல்ல படைப்பாளிகளின் புது டீம் முயற்சிப்பது கண்கூடாய் தெரிகிறது ! ஆனால் எத்தனை முயற்சித்தாலும் அந்த ஒரிஜினல் மேஜிக் மீண்டு வராது போவதும் ; நாம் ஆண்டுக்கு 2 கதைகள் மட்டுமே என்ற ரீதியில் செல்வதும் இளம் டைகரை ஆரிய பதார்த்தமாய்த் தெரியச் செய்வது நிஜம் ! 2015-ல் மின்னும் மரணம்" மட்டும் திட்டத்தில் இல்லாதிருப்பின், இளம் டைகரின் ஒரு 5-6 கதைகளை ஒருங்கிணைத்து one shot ஆல்பமாக்கியிருப்பேன் - அப்படியாவது சுவாரஸ்யம் கூடுகிறதா என்ற வேட்கையில் ! பிரான்சில் ஆண்டுக்கொரு ஆல்பம் என young blueberry இன்னமும் தாட்டியமாய்த் தொடர்ந்து செல்ல - மெய்யாகவே புலி வாலைப் பிடித்த கதை நமக்கு ! இந்த டைகரை விடவும் மனதில்லை ; தொடர்வதும் சுலபமில்லை !! 2016-ல் ஒரு collection ஆக இளம் டைகரின் புதுக் கதைகளை வெளியிடுவது பற்றிய உங்கள் சிந்தனைகள் என்னவோ guys ? இடுப்பைச் சுற்றி ஒரு ஊசிப்பட்டாசுச் சரத்தைக் கோர்த்து விடும் வேட்கையில் தளபதி ரசிகர்கள் இருப்பார்கள் என்பது உறுதி ; ஆனால் - I'm just being honest guys !!

சிந்தனையை வரவழைக்கும் அண்ணன் # 4 - நமது சாகச வீரர் ! ஒரே கதையால் நிறையப் பேரை (தப்பான காரணங்களுக்காக) திகலடையச் செய்த பெருமைக்கு சொந்தக்காரராகிறார் ரோஜர் ! 2014-ன் best அட்டைப்படம் ; amongst the best சித்திரங்கள் என்ற பெருமைகளை இந்தாண்டின் இவரது "காலத்தின் கால்சுவடுகளில்" கொண்டிருப்பினும், கதையில் இருந்த வெற்றிடம் நிறைய thumbs down ஈட்டச் செய்துள்ளது ! ஒரு பானைக்கு ஒரு கவளம் மாத்திரமே சரியான சாம்பிள் ஆகாது என்றும் வாதிடலாம் ; 'அய்யா..இது தாராளமாகவே போதும் !' என்றும் குரல் எழுப்பலாம் ! எப்படியிருப்பினும் மதில் மேல் ஹீரோவாய் நிற்கும் நாயகர் # 4 - ரோஜர் ! இவரது கதைவரிசையினில் கிட்டத்தட்ட 60 புதுக் கதைகள் இன்னமும் எஞ்சி இருப்பது சிந்தனையைத் தூண்டும் ஒரு விஷயம் !

Danger Zone-ல் ஐந்தாம் இடத்தைப் பிடிப்பவர் கூட எனக்கு நிறைய சாத்துக்களை  சம்பாதித்துத் தரும் ஆற்றல் கொண்டவர் ! அது வேறு யாருமில்லை - நமது சுட்டி லக்கி தான் ! அறிமுகம் கண்ட முதல் இதழே super duper hit ; நம்மிடம் கிட்டத்தட்ட ஸ்டாக் தீர்ந்து விட்ட இதழ் ; ஒவ்வொரு புத்தக விழாவிலும் சரளமாய் விற்ற இதழ் என்ற பெருமைகளுக்கு சுட்டி லக்கி சொந்தக்காரனே ! ஆனால் மொத்தம் 4 இதழ்கள் வெளியாகியுள்ள இந்த தொடரில் நகைச்சுவை விகிதம் ரொம்பவே குறைச்சல் என்பது நிஜம். "நாக்கார்..மூக்கார்..குதிரையார்..பூனையார்...
என்று ஏதோ 'ஜில்பான்ஸ்' வேலை செய்து முதல் இதழை கரைசேர்த்து விட்டொமென்றாலும் - basically அக்கதையில் சிரிப்பில் வயிற்றைப் பதம் பார்க்கும் நிகழ்வுகள் மிகக் குறைவே ! அதே சமாச்சாரம் தான் சுட்டி லக்கியின் சாகசம் # 2 ல் கூடவும்  ! குட்டி டால்டன்கள் ; சுட்டி லக்கி இணைந்து பள்ளிக்குச் செல்வது போன்ற இந்தக் கதை OKLAHOMA JIM என்ற பெயரில் வெளிவந்துள்ளது ; but இது ஒரு சிரிப்பு வெடி ரகம் அல்ல ! சரி, இதை டீலில் விட்டுவிட்டு அடுத்த கதைக்குத் தாவுவோமே என்று பார்த்தால் -  ஆல்பம் # 3 - ஒற்றைப் பக்க சுட்டி லக்கி ஜோக்குகளின் தொகுப்பு ; ஆகையால் நமக்கு அதனில் பெரிதாய்  சுவாரஸ்யம் கிடையாது ! ஆல்பம் # 4-ஐ இன்னமும் பரிசீலனை செய்யவில்லை ; அதனை பிரெஞ்சிலிருந்து மொழிபெயர்த்து அதன் பின்னர் ஒரு தீர்மானத்துக்கு வந்தாக வேண்டும் ! So கோட்டின் மேல் நிற்பது இந்தக் குட்டிப் பயலும் கூட !

எது எப்படியிருப்பினும் டைகர் நீங்கலாக பாக்கி 4 பேரும் சுத்தமாய் 2015-ன் பட்டியலில் கிடையாதென்று எண்ணிட வேண்டாமே...! குட்டி எழுத்துக்களில் "கடைசி நிமிட மாற்றங்களுக்கு உட்பட்டவை" என்ற rider அவசியமுண்டு ! So உள்ளே-வெளியே ஆட்டம் தொடரும் - நவம்பர் 1-ஆம் தேதி வரையிலும் !

சரி...2015-க்கு முழுக் கவனமும் கொடுத்திடும் வேளையில் நடப்புகளையும் கொஞ்சம் பார்த்தாக வேண்டும் தானே ?! இம்மாதத்து 3 இதழ்களும் ஒவ்வொரு பாணிகளில் மாறுபட்டவை என்பதில் ஐயமே கிடையாது ! எப்போதும் போல இத்தாலியக் கதைகள் (டெக்ஸ் & டைலன்) , படித்திட,புரிந்திட சுலபமெனில் - பிரான்கோ-பெல்ஜியக் கதைகள் வேறொரு தளத்தில் இருப்பதை highlight செய்கிறது "காலனின் கைக்கூலி" ! அழகாய் உருவாக்கப்பட்டுள்ள இந்த கிராபிக் நாவலைப் பொறுத்த வரை - எடிட்டிங் யுக்திகள் ; frames வடிவமைப்பு ; நிகழ்காலம் & கடந்த காலம் என நொடிக்கொரு முறை தாவும் கதை சொல்லும் பாணி என்று சகலமுமே புதுயுகக் கருவிகளோடு நகருமொரு படைப்பு என்பதைப் பார்த்து விட்டோம் ! ஆனால் எனக்கிருக்கும் ஒரே நெருடல் - XIII கதைத் தொடரே ஒரு சாம்பார் + நூடுல்ஸ் கூட்டணி எனும் போது அவற்றைச் சார்ந்து வரும் இந்த spin-offs எத்தனை தூரத்துக்குப் புது வாசகர்களைக் கவரும் என்பது மாத்திரமே ! இங்குள்ள நண்பர்களுள் சமீபகால வாசகர்கள் இருப்பின் இது பற்றி அவர்களது அபிப்ராயங்களைத் தெரிவித்தால் XIII-ன் குழப்பம் தீருகிறதோ -இல்லையோ - என்னுடைய குடைச்சலில் கொஞ்சம் அடங்கிடும் ! Would love to hear on this !

எதிர்நோக்கியுள்ள நவம்பர் இதழ்களைப் பொறுத்த வரை - தீபாவளிக்குள் மூன்று இதழ்களையும் உங்களிடம் கொண்டு சேர்ப்பது இயலாக் காரியம் என்பதோடு - 2015-ன் அட்டவணைக்கு எனக்கு அவகாசமும் சற்றே தேவைப்படும். So -சூப்பர் 6-ன் தீபாவளி மலரான "இரவே..இருளே..கொல்லாதே..!" இதழினை மட்டும் அக்டோபர் 18-க்கு இங்கிருந்து அனுப்பிடுவோம் - தீபாவளிக்கு முன்னதாக உங்களை எட்டிடும் வகையில் !  பாக்கி 2 இதழ்களும் (லார்கோ + சைத்தான் வீடு) ; 2015-ன் அட்டவணை சகிதமாய் நவம்பர் 3-ஆம் தேதி உங்களை வந்து சேரும் !

அதன் பின்னே எஞ்சி நிற்கப் போகும் 2014's biggie - THE KING SPECIAL மாத்திரமே ! அது பற்றிய அறிவிப்பு லார்கோவில் வந்திடும் - விபரமாய் ! So அது வரை யூகங்களின் ராஜ்ஜியமே ! யூகங்கள் என்ற தலைப்பில் இருக்கும் போதே - 2015-ன் புதுமுகங்கள் யாராக இருப்பர் என்பது பற்றிய உங்கள் அனுமானங்களையும் களம் இறக்கிடலாமே ? புதுவரவின் முதல் ஆசாமியை அடுத்த ஞாயிறுக்குக் கண்ணில் காட்டுகிறேன்..! அது வரை happy reading ! See you around soon !