Powered By Blogger

Saturday, April 16, 2022

ரிப்போடு ரன்டக்க ரன்டக்க...!

 நண்பர்களே,

வணக்கம். தாமதமான தமிழ்ப் புத்தாண்டு நல்வாழ்த்துக்கள் !! சகோதரியின் வீட்டிலொரு சுப காரியம் ; அதனைத் தொடர்ந்தொரு திடீர் பயணம் ; அதனையும் தொடர்ந்தொரு நெடும் பயணத்தின் ரத்து - என்று இந்த வாரத்தின் நாட்களே வித்தியாசமான கலவையாய்ப் பயணிக்க, இங்கே ஆஜராக சாத்தியப்படவில்லை ! And இங்கேயுமே சமீப வாரங்களில் பலமாய் ஈ ஒட்டி வருவதே நிலவரம் எனும் போது - ஒரு அரூப சோம்பலும் என்னைத் தொற்றிக் கொண்டிருப்பதையும் மறுக்க மாட்டேன் ! இங்கு நிலவிடும் பரபரப்போ ; ஆயாசமோ வண்டிக்குக் காற்றேற்றுவதும், பிடுங்கி விடுவதுமே நடைமுறை எனும்  போது, தற்சமயத்து குறைச்சலான காற்றோடு லொடக்கடி..லொடக்கடி என்ற உருட்டலிலேயே பயணிக்க வேண்டியுள்ளதே !

பணிகளின் பக்கத்திலோ - SMASHING '70s இதழ் # 2 சார்ந்த இறுதிக்கட்ட வேலைகள் அட்சர சுத்தமாய் பெண்டுகளைக் கழற்றிக் கையில் தந்து விடுகின்றன ! ரிப் கிர்பி தான்....செம சுலபக் கதைகள் தான்... குழப்படிகள் லேது தான்....கருணையானந்தம் அங்கிளின் ஸ்கிரிப்டில் மேலோட்டமாய்த் திருத்தங்கள் + பட்லர் டெஸ்மாண்டுக்கு ஆங்காங்கே டப்பிங் குரல் தருவதென்ற பணிகள் மாத்திரமே தான் எனக்கு ....ஆனாலும் - அந்த மெகா சைசில் 200 பக்கங்களெனும் போது-  ஒன்றன்பின் ஒன்றாய்த் தொடர்ந்திடும் குட்டிக் குட்டி வேலைகள் செம intense ரகங்களாகவே அமைந்து போகின்றன ! ஒரு வழியாய் அவற்றை நிறைவு செய்து விட்டு செவ்வாயன்று அச்சுக்கு அனுப்பிட all is set ! இதோ - நமது சென்னை ஓவியரின் அட்டைப்பட உருவாக்கத்தின் முதற்பார்வை ! இதன் மேலே ஒரு வண்டி நகாசு வேலைகளும் இடம்பிடித்திட, கையில் ஏந்திப் பார்க்கும் வேளையில் செமையாய் ஜிலுஜிலுக்கின்றது ! 

ரிப்பும், அவரது டாவும் ராப்பரில் ஒயிலாய்ப் போஸ் கொடுக்க, நம்ம டெஸ்மாண்ட் மாத்திரம் பின்னணியில் கோழித்திருடுனாட்டம் முழித்துக் கொண்டு நிற்பதை நிவர்த்திக்க நேரம் இருக்கவில்லை ! நிஜத்தைச் சொல்வதானால் "ரிப்பின் ராப்பர் - நடந்தது என்ன ?" என்றொரு புரோக்ராமே பண்ணி விடலாம் என்றிடும் அளவுக்கு அத்தனை மொக்கைகள் அட்டைப்படத்தில் பின்னணியினில் இம்முறை உள்ளன ! சிக்கல் என்னவெனில், நமது ஜென்டில்மேன் டிடெக்டிவ் ரிப்புக்கு எந்தவொரு மொழியிலும் , பிடரியில் அறையும் பாணியினில் யாருமே அட்டைப்படங்களினை உருவாக்கியிருக்கவில்லை - at least எனக்குக் கண்ணில்பட்ட வரைக்குமாவது ! ஒரு தெளிவான reference இருந்தால் அந்த டிசைன் அழகாகிடும் என்பது பால பாடம் ! ஆனால் நானும் நேரம் கிடைக்கும் போதெல்லாம் நெட்டில் உருட்டோ-உருட்டென்று உருட்டியும், உருப்படியாய் எதுவும் கிடைத்தபாடில்லை !  

சரி ரைட்டு...வேலைன்னு வந்துப்புட்டா வெள்ளைக்காரன் தான் இதுக்கு சுகப்படுவான் ; என்ன தான் நம்மாட்கள் கில்லியாய் நமது நாயகர்களின் முகங்களை வரைய முயற்சித்தாலும், வினு சக்ரவர்த்திக்குச் சித்தப்பாரு ஜாடை அவற்றினில் எட்டிப் பார்ப்பதை  தவிர்க்க நிரம்பவே பிரயாசைப்படுவது கண்கூடு ! ஆனால் அங்கன வாழும் வெள்ளைக்கார தொரைமாருக்கோ அவுக ஆட்களை வரையுறதுன்னா சொலபமா இருக்குமில்லீங்களா ?  So அந்த மாபெரும் சிந்தனையோடு கடல் கடந்த தேசத்தினில் recruit செய்த நமது ஓவியரிடம் இந்தக் கோரிக்கையை முன்வைத்தேன் ! ஒரு வண்டி reference களையும் தந்திட, 'இம்புட்டு காசு ஆகும் நைனா ; அதிலே முன்கூட்டியே இம்புட்டு தரணுமாக்கும் !" என்றெல்லாம் கண்டிஷன் போட்டார் ! 'சரிங்க ஆபீசர் !' என்றபடிக்கே அவர் கேட்டதை செய்து தந்தேன் ! "சரியா 24 மணி நேரம்....ஒரு அவர் கூடேயும் புடிக்காது ; அரை அவர் கம்மியாவும் ஆகாது - டிசைன் உம்மே கையிலே இருக்கும் !" என்று அவர் தகவல் தந்த நேரம் முதற்கொண்டு கடிகாரத்தையே பார்த்தபடி இருந்தேன் ! ஆச்சு...24 மணி நேரமும் ஆச்சு ; ஆனா டிசைனையும் காணோம், திரட்டுப்பால் பால்கோவாவையும் காணோம் ! 'ஏனுங்னா....நம்ம ஊரிலே கடியாரம் சித்தே மொள்ளமா ஓடுதோங்கண்ணா ? - இன்னும் மெயில் எதையும் காங்கலியே ?' என்று வினவினேன் !  ஒருக்கால் நாம் தந்த அட்வான்ஸ் காசில் அந்த ஊர் டாஸ்மாக்கில் க்வாட்டரைப் போட்டுப்புட்டு மனுஷன் அப்பீட் ஆகியிருப்பாரோ ? என்ற சந்தேகமும் உள்ளுக்குள் எட்டிப் பார்த்தது ! "இதோ ஆச்சு ப்ரோ ; அல்லாம் ரெடி...மீத காசு ரெடியா கீதா ?" என்று பதில் கேள்வி கேட்டார் அவர் ! "ஏமண்டி...நாங்க இக்கட 50 வருஷமா குப்பை கொட்டற கம்பெனியாக்கும் ; டிசைனைக் கண்ணிலே காட்டுமய்யா !" என்று லைட்டாய்க் குரலை ஒசத்தினேன் ! சற்றைக்கெல்லாம் வந்த file இது தான் !!

நான் தந்திருந்த references ; குறிப்புகள் ; பின்னணிக்கான details மொத்தத்தையும் அச்சிட்டால் -  ஒரு கோடீஸ்வரர் வூட்டுக் கல்யாணவீட்டுப் பலசரக்குச் சிட்டை நீளத்துக்கு வந்திருக்கும் ! 'இந்த கலரில் background ; இந்தந்த கலர்களில் பில்டிங்குகள் ; அவற்றில் இன்னன்ன மாதிரி lighting effect ; ஓரமாய் வெடிக்கும் effect இந்த மாதிரி ; ஈரோ சாரின் டிரஸ் இன்ன கலர் ; ஈரோயினி இன்ன கலர்' என்றெல்லாம் ஒரு வண்டிக்கு நீட்டி முழக்கியிருந்தேன் ! ஆனால் நம்ம அமெரிக்க ஓவியரோ, கொரோனா காலத்துக் கல்யாணவீட்டு பந்தியாட்டம் சகலத்தையும் பிம்பிலிக்க பிளாக்கி ஆக்கி இருந்தார் ! And ரிப் image + ஹனி image என இரண்டையுமே நெட்டிலிருந்து சுட்டு அப்படியே ஒட்டியிருந்தார் மேலே ! அது பற்றாதென - "ஏலே மக்கா ...ஆப்பியாலே இப்போ ? என் மிச்ச காச ஒடனே போட்டு விடுதியாலே ? நமக்கு பல சோலிகள் இருக்குதுலே " என்று கேட்க, எனக்கு காதிலிருந்து புகை வராத குறை தான் ! சுக்காவைக் கருக விட்டு எடுத்து வரும் வெயிட்டரை மண்டகப்படி செய்திடும் கார்சனைப் போல என் கடுப்பை மொத்தமாய்ப் பகிர்ந்திட்டேன் ! பச்சக்கென்று எனது நம்பரை ப்ளாக் செய்து கிளம்பிவிட்டார் "ஓவியர்" !

அடச் சை ! "நம்ம ஊரே நமக்கு உதவி !" என்றபடிக்கே நமது சென்னை ஓவியரை தொடர்பு கொண்டு - எங்கிருந்தோ தேற்றியதொரு reference தந்து சித்திரம் போடக்கோரினேன் ! அவரும் கச்சிதமாய் பென்சில் ஸ்கெட்ச் போட்டுத்தந்தார் ! ஆனால் எனக்கோ உள்ளுக்குள் பட்சி சொல்லிக்கொண்டே இருந்தது - இது நிச்சயம் தேறாதென்று !! But ஓவியர் நாம் தந்திருந்த concept-ல் பிழையின்றிப் பணியாற்றியிருக்க, கலர் செய்திடச் சொன்னேன் ! And ஜெமினி கணேசன் ஜாடையில் நம்மவர் வந்து சேர்ந்ததே பலனாகியது ! நிறைய மாற்றங்கள் செய்து பார்த்தோம் ; ஆனால் 'மச்சானை பாத்தீகளா ? மலைவாழை தோப்புக்குள்ளே ?" என்ற அன்னக்கிளி பாட்டுத் தான் மண்டைக்குள் ஓடியது ! 'போதும் சார்...இதுக்கு மேலே உங்களை பெண்டைக் கழற்றலை ! தப்பு உங்க மேலே இல்லை இதில் !' என்றபடிக்கே அவருக்கான ஊதியத்தினை அனுப்பி விட்டு, மேற்கொண்டு ஏதாச்சும் reference தேடி உருட்டலைத் தொடர்ந்தேன் ! Here are those images :


'ரைட்டு...புதுசாயத் தேடறோம் ; புதுசாய் படம் போடறோம் !' என்றபடிக்கே லோகமெல்லாம் தேடினேன் ! இன்னொரு concept சிக்கியது போலிருக்க, அதை ராவோடு ராவாய் நமது ஓவியருக்கு அனுப்பி, அதனில் பணியாற்றக்கோரினேன் ! இம்முறையோ ரிப் கிர்பி - பத்தியம் இருந்து எழுந்து வந்தவராய் எனக்குக் காட்சி தர - "வேண்டாம் சார்; இதை பென்சில் ஸ்கெட்சோடு ஊத்தி மூடிடுவோம் ; இதனைத் தொடர்ந்தால் சத்தியமாய் திருப்தியாய் வராது !" என்றபடிக்கே அவரது ஊதியத்தில் பாதையினை இதற்குத் தந்து விட்டு அவசர அவசரமாய் அடுத்த reference தேற்றினேன் ! இதோ - அந்த பாதியில் கைவிட்ட முயற்சி  :

'முக்கா முக்கா மூணாட்டை !' என்றபடிக்கே இம்மி கூட முகம் சுளிக்காது, நமது சென்னை ஓவியர் போட்டுத் தந்த மூன்றாவது பென்சில் ஸ்கெட்ச்சைப் பார்த்த போது எனக்கு வாயெல்லாம் பல் !


And அதனில் தொடர்ந்த output தான் நீங்கள் பார்த்திடவுள்ள அட்டைப்படம் ! எனக்கு ஓவியங்கள் சார்ந்த சமாச்சாரங்களில், சுட்டுப் போட்டாலும் திறன்கள் தேறாதென்பதே இத்தனை மொக்கைகளின் பின்னணி ! கதையிலிருந்து படங்களை ஒன்று திரட்டி ஒரு collage effect-ல் ரெடி செய்து, அதனிலிருந்து அட்டைப்பட டிசைனை வரைந்திடலாம் தான் ; ஆனால் அதற்கான ஞானமும் நமக்கு நஹி ; அவ்வித ஞானம் கொண்ட சிகாமணியும் கைக்கெட்டும் தூரத்தில் நஹி எனும் போது மொக்கை படலங்கள் தொடர்கதைகளாகின்றன ! Anyways - நகாசு வேலைகளோடு டாலடிக்கும் ரிப்பை இப்போது பார்க்கும் போது பின்னணிக் கூத்துக்கள் மறந்து விடுகின்றன ! For sure அடுத்த ஆண்டினில் ரிப் கிர்பி ஸ்பெஷல்-2-க்கு அட்டைப்படம் போடும் சமயத்திலும் கூரை மேலேறி மண்டையைப் பிய்த்துக் கொண்டிருப்பேன் தான் - but அதற்குள்ளாக ஏதேனும் உருப்படியான references கிட்டும் என்று நம்புவோமாக ! 


Moving on, TEX க்ளாசிக்ஸ் 2 பைண்டிங் ஆகி வருகின்றது ! இந்த வாரத்தின் முழுமையிலுமே பின்மதியங்களில் வெளுத்து வாங்கி வரும் மழையானது பைண்டிங்கை ரொம்பவே சுணங்கச் செய்து வருகிறது ! அச்சான காகிதங்கள் காய்ந்திட சிரமம் ; அவற்றை இயந்திரங்களில் மடிப்பதில் சிரமம் ; புக்கை ஓட்டினால் அட்டையினில் உள்ள ஈரப்பதம் காய்வதில் சிரமம் - என்று வர்ணபகவானின் எதிர்பாராக் கோடைக் கொடை நம்மை வாட்டி வருகின்றது ! அடுத்த சில நாட்களில் அவை டெஸ்பாட்ச் ஆகிடும் & திருப்பூரில் நடந்து வரும் புத்தக விழாவின் ஸ்டாலுக்கும் அனுப்பிடப்படும் ! And நண்பர்கள் இதுவரையிலும் பேரன்புடன் பழனியின் குடும்பத்துக்கென அனுப்பியுள்ள தொகையுடன் நமது பங்களிப்பையும் இணைத்து, இம்மாதத்து இறுதியினில் பழனியின் மனைவி + மழலைகளைச் சந்தித்து அதனை ஒரு வங்கி வைப்புத் தொகையாக ஒப்படைத்திட உள்ளோம் ! Of course நமது டாக்டர் AKKR அவர்கள் இதனில் நம்மை வழிநடத்திடுவார் ! அதற்கு முன்பாக - சின்னதாகவும், பெரிதாகவும் நண்பர்கள் அனுப்பியுள்ள தொகைகளுக்கு ஒற்றை ரூபாய் விடுதலின்றி  நம்மவர்கள் ரசீதுகள் போட்டு அனுப்பிடுவார்கள் ! பழனியின் குடும்பத்துக்குச் சென்றடையவுள்ள தொகையினைப் பற்றி பொதுவெளியினில் பேசுவது முறையாகாது என்பதோடு, "நன்கொடையாளர்கள் பட்டியல் இது" - என்று வெளியிட்டு, உதவிடும் நிலைகளில் அல்லாத நண்பர்களை தர்மசங்கடங்களில் ஆழ்த்திடுவதும் ஆரோக்கியமானதாகிடாதே ?! தவிர, பழனியின் இல்லத்திலும் தொகைகள் சார்ந்த வெளிப்பாடு தேவையற்ற மனத்தாங்கல்களுக்கு வழிவகுக்கக் கூடும் என்பதால் இதனில் ஓசைகளின்றிச் செயல்படுவதே நலமென்று நினைத்தேன் ! Rest assured - நண்பருக்கென நீங்கள் அனுப்பியுள்ள தொகைகள் சிந்தாமல், சிதறாமல் அவரது வாரிசுகளைச் சென்றடைந்திடும் guys !

அப்புறம் திருப்பூரில் 14-ம் தேதி முதலாயத் துவங்கியுள்ள புத்தக விழாவினை சிறப்பித்து வரும் நமது நண்பர்களின் அன்புகளைப் பற்றிக் குறிப்பிட்டே தீர வேண்டும் ! 80 ஸ்டால்கள் மட்டுமே & முதல்நாள் மாலையில் வெளுத்தெடுத்த மழையில் அரங்கில் குளம் கட்டாத குறை தான் !  ஆனால் மறு நாளே அதனை நிவர்த்தி செய்து விட்டனர் அமைப்பாளர்கள் ; and கொங்கு மண்டலத்து வாசக உற்சாகங்கள் கடந்த 2 ஆண்டுகளில் கிட்டத்தட்ட நாம் மறந்தே போயிருந்த புத்தக விழா விற்பனைகள் சார்ந்த உற்சாகங்களை நமக்கு நினைவூட்டி வருகின்றன ! Not by a long shot - இங்கன ஆகிடக்கூடிய விற்பனைகள் சென்னையின் அளவுகளை தொடக்கூட இயலாது தான் ; ஆனால் வெள்ளி & சனியின் விற்பனைகள் தொடரும் நாட்களிலும் தொடர்ந்திடும் பட்சங்களில் - இந்த மண்ணுக்கு ஒரு மெகா சலாம் வைக்கும் கடமை நமக்கிருக்கும் ! Has been silently brilliant !!! And இதற்கான பங்கு, ஆர்வமாய் ஏதேதோ போட்டிகளை ; சந்திப்புகளை அக்கட திட்டமிட்டுள்ள நண்பர்களைச் சார்ந்திட வேண்டும் ! 

இதோ - அவர்களின் முன்னெடுப்பு :

திருப்பூர் புத்தக விழா 2022 கொண்டாட்டம்*

திருப்பூர் புத்தக விழாவில் *"லயன்-முத்து"* ஸ்டாலில் புத்தகங்கள் வாங்கும் *"திருப்பூர் புத்தக விழா2022" வாட்ஸ்ஆப் குழு* நண்பர்களுக்கு மட்டுமே...

*தினந்தோறும் பரிசு& மெகா பரிசு* காத்திருக்கிறது..

தினந்தோறும் பரிசு:- *உயிரைத்தேடி*

*11நாட்கள்..... 11பரிசுகள்.....*

லயன்- முத்து ஸ்டாலில் ஏப்ரல் 14 முதல் 24வரை  ரூ700 & அதற்கு மேல் புத்தகங்கள் வாங்கும் நண்பர்களில் குலுக்கள் முறையில் தினம் ஓருவருக்கு உயிரைத்தேடி பரிசளிக்கப்படவிருக்கிறது. அதை அடைய நீங்கள் செய்ய வேண்டியது என்ன???

*லயன்-முத்து ஸ்டாலில் ரூ700க்கு மேல் புத்தகம் வாங்கும் நண்பர்கள் தங்கள் பில்லை போட்டோ எடுத்து இங்கே பதிவிடவேணும்...! ஒருவர் மட்டுமே எண்ட்ரி ஆகி இருந்தால் அவருக்கே பரிசு. ஓன்றுக்கு மேற்பட்ட நண்பர்கள் பதிந்து இருந்தால் அவர்களில் இருந்து குலுக்கள் முறையில் ஒருவருக்கு பரிசு...*

தினம் பரிசளிக்க *திருப்பூர் வாசகர் வட்டம்* ரெடி; வாங்க நீங்க ரெடியா நண்பர்களே????

*மெகா பரிசு:-*

தினம் ஓரு புத்தகம் மட்டுமா??? காத்திருக்கிறது *அதிரடி Super60 சந்தா ஒருவருக்கு....*

தினம் தங்களின் பில்லை இங்கே பதிவிடும் நண்பர்கள் அனைவரும் குறித்துக்கொள்ளப்பட்டு, புத்தகவிழாவின் கடைசி நாளில் அதில் இருந்து ஒருவர் குலுக்கல் முறையில் தேர்த்தெடுக்கப்பட்டு அவருக்கு *2023ன் Super 60 சந்தா*(Smashing 70-சீசன்2) பரிசளிக்கப்படவிருக்கிறது....

மெகா பரிசையும் தினந்தோறும் பரிசையும் அள்ளிக்கொள்ள அனைவரையும் திருப்பூர் புத்தக விழா வருக வருக என *திருப்பூர் வாசகர் வட்டம்* அன்போடு அழைக்கிறது🙏🙏🙏🙏🙏

அனைவரும் கலந்து கொள்ளுங்கள்; பரிசுகளயும் அள்ளிச்செல்லுங்கள் நண்பர்களே!

https://chat.whatsapp.com/Fs50U1MCKy6LNc1X1LqcAG

*பரிசுகளை வெல்ல இப்போதே இணையுங்கள் திருப்பூர் புத்தகவிழா 2022வில்...*













நம் வீட்டுச் சரக்கை விற்றுத் தர, தம் நேரங்களையும், பணத்தையும் செலவிட முன்வரும் நண்பர்களுக்கு ஒரு பெரும் நமஸ்காரத்தை செய்து கொள்வதோடு - அறிவிக்கப்பட்டிருக்கும் அந்தப் பரிசுகளை நாமே வழங்கிடும் வாய்ப்பினையும் ஏற்றுக்கொள்ள விழைகிறோம் ! Guys - உங்களின் ஆர்வங்களும், உழைப்புகளும், நேரங்களுமே போதும் - குறைந்த பட்சமாய் அந்த சன்மானங்களை நாங்கள் செய்திட அனுமதியுங்கள் !

Before I sign out - ஒரு சிறு சேதி - நமது புத்தக விழா ஸ்டால்களில் நிரந்தரராய் இடம்பிடித்து வரும் மூத்த பணியாளர் அண்ணாச்சி ராதாகிருஷ்ணன் பற்றி ! திருப்பூர் புத்தக விழா ஆரம்பித்த இரண்டாவது மணி நேரத்துக்கெல்லாம் அவரிடமிருந்து போன் - தனது வயோதிக மாமனார் இயற்கை எய்தி விட்டாரென்று !! எனக்கோ கையும், ஓடவில்லை ; காலும் ஓடவில்லை becos நம்மிடம் பணியாற்றி வந்த இன்னொரு புத்தக விழா ஊழியரான பரமசிவம் சொந்தமாய்த் தொழில் செய்யும் பொருட்டு ரொம்ப சமீபத்தில் விலகிக் கொண்டிருந்தார் &  தற்போதைக்கு நாம் ஏற்பாடு செய்திருக்கும் புது வரவு க்ளிண்டன் ஒரு தற்காலிக ஊழியர் மாத்திரமே ! So வந்த வேகத்திலேயே  அண்ணாச்சி ஊருக்குத் திரும்பிடுவதில் தீவிரமாய் இருந்திருப்பின், மாற்று ஏற்பாடுகளுக்கு வழியோ, அவகாசமோ இருந்திராது ! ஆனால் நமது இக்கட்டைப் புரிந்து கொண்டவராய் - "திருப்பூரில் வேலை முடிந்த பிற்பாடு நான் வந்துக்கிறேன் ; ஆக வேண்டியதை நீங்களே பார்த்துக்கோங்க !" என்று சொல்லி விட்டு, எப்போதும் போலான ஈடுபாட்டோடு திருப்பூரில் ஸ்டால் பணிகளைக் கவனித்து வருகிறார் ! இத்தகைய அஸ்திவாரங்களே இந்த 50 ஆண்டுகால பொம்ம புக் பயணத்தின் அடிநாதங்கள் என்பதை எண்ணிப் பார்க்கும் போது பெருமிதமாய் உள்ளது !! 

Bye all...see you around !! Have a pleasant Sunday !

201 comments:

  1. Friends...I am unable to post from my cellphone; all browsers are not letting me to sign in. Posting from laptop. Bear with me for my English posts until I figure out and resolve the issue.

    ReplyDelete
    Replies
    1. ஷெரிப் தமிழ்ல சொல்லுங்க .. நீங்க அபேரிக்காதான் நான் நம்புகிறேன் .. .. 👌👌

      Delete
  2. வணக்கம் நண்பர்களே!

    ReplyDelete
    Replies
    1. //இதற்கான பங்கு, ஆர்வமாய் ஏதேதோ போட்டிகளை ; சந்திப்புகளை அக்கட திட்டமிட்டுள்ள நண்பர்களைச் சார்ந்திட வேண்டும் ! //

      நன்றிகள் சார்...!
      ஏறத்தாழ இரண்டரை ஆண்டுகள் கழித்து லயன் பங்கேற்கும் புத்தக விழாவினை ஒட்டி நண்பர்களை சந்திக்கும் ஆர்வமே இந்த முன்னெடுப்புக்குக் காரணம்.
      தங்களுடைய இந்த அங்கீகாரம் எங்களுக்கு மேலும் உற்சாகமூட்டும்.

      //நம் வீட்டுச் சரக்கை விற்றுத் தர, தம் நேரங்களையும், பணத்தையும் செலவிட முன்வரும் நண்பர்களுக்கு ஒரு பெரும் நமஸ்காரத்தை செய்து கொள்வதோடு - அறிவிக்கப்பட்டிருக்கும் அந்தப் பரிசுகளை நாமே வழங்கிடும் வாய்ப்பினையும் ஏற்றுக்கொள்ள விழைகிறோம் ! Guys - உங்களின் ஆர்வங்களும், உழைப்புகளும், நேரங்களுமே போதும் - குறைந்த பட்சமாய் அந்த சன்மானங்களை நாங்கள் செய்திட அனுமதியுங்கள் !//

      சார்.. இப்படி ஒவ்வொரு முறையும் பரிசளிக்கும் பொறுப்பை நீங்களே எடுத்துக்கொள்வது தங்கள் அன்பையும் பெருந்தன்மையையும் காட்டுகிறது.

      அருமைங்க சார்...!

      Delete
    2. புத்தக விழா சார்ந்த விவரங்களும், படங்களும் அருமை. சார்.. காமிக்ஸ் வளர்ச்சிக்காக. நண்பர்கள் பரிசுகள் என்று ஊக்கப்படுத்துவது-நன்றிகளுக்கு உரியவர்கள் சார்..வாழ்த்துக்கள்..சகோ 's..

      Delete
  3. இரவு வணக்கம் நண்பர்களே

    ReplyDelete
  4. வணக்கம் கழகக் கண்மணிகளுக்கு...!

    ReplyDelete
  5. ####இத்தகைய அஸ்திவாரங்களே இந்த 50 ஆண்டுகால பொம்ம புக் பயணத்தின் அடிநாதங்கள் என்பதை எண்ணிப்பார்க்கும் போது பெருமிதமாய் உள்ளது !! #####


    அண்ணாச்சி, உயர்ந்து பார்க்க வைக்கிறார் அவருடைய பெயர் போலவே அவருடைய செயலும்..


    ReplyDelete
    Replies
    1. // அண்ணாச்சி, உயர்ந்து பார்க்க வைக்கிறார் அவருடைய பெயர் போலவே அவருடைய செயலும்.. //

      Delete
    2. 'நண்பர்கள். ஒருபக்கம் ஆச்சர்யமூட்டினால்-அண்ணாச்சியின் செயல்-இவர் நம்மைவிட ஒருபடி மேலே யோசிக்கிறாரே என்று நினைக்க வைக்கிறார்..எப்படி ஆறுதல் சொல்வது என்று தெரியவில்லை...அண்ணாச்சியின் மாமனார் ஆத்மா சாந்தியடைய இறைவனைப் பிரார்த்திக்கிறேன்..

      Delete
  6. இராதாகிருஷ்ணன் அண்ணாச்சியின் கடமை உணர்ச்சியும் அர்ப்பணிப்பு உணர்வும் மெய்சிலிர்க்க வைக்கின்றன. என் பணிவான கைதட்டல்களை அவருக்குக் காணிக்கையாக்குகின்றேன்.

    ReplyDelete
  7. // மூத்த பணியாளர் அண்ணாச்சி ராதாகிருஷ்ணன் பற்றி ! திருப்பூர் புத்தக விழா ஆரம்பித்த இரண்டாவது மணி நேரத்துக்கெல்லாம் அவரிடமிருந்து போன் - தனது வயோதிக மாமனார் இயற்கை எய்தி விட்டாரென்று !! எனக்கோ கையும், ஓடவில்லை ; காலும் ஓடவில்லை becos நம்மிடம் பணியாற்றி வந்த இன்னொரு புத்தக விழா ஊழியரான பரமசிவம் சொந்தமாய்த் தொழில் செய்யும் பொருட்டு ரொம்ப சமீபத்தில் விலகிக் கொண்டிருந்தார் & தற்போதைக்கு நாம் ஏற்பாடு செய்திருக்கும் புது வரவு க்ளிண்டன் ஒரு தற்காலிக ஊழியர் மாத்திரமே ! So வந்த வேகத்திலேயே அண்ணாச்சி ஊருக்குத் திரும்பிடுவதில் தீவிரமாய் இருந்திருப்பின், மாற்று ஏற்பாடுகளுக்கு வழியோ, அவகாசமோ இருந்திராது ! ஆனால் நமது இக்கட்டைப் புரிந்து கொண்டவராய் - "திருப்பூரில் வேலை முடிந்த பிற்பாடு நான் வந்துக்கிறேன் ; ஆக வேண்டியதை நீங்களே பார்த்துக்கோங்க !" என்று சொல்லி விட்டு, எப்போதும் போலான ஈடுபாட்டோடு திருப்பூரில் ஸ்டால் பணிகளைக் கவனித்து வருகிறார் ! இத்தகைய அஸ்திவாரங்களே இந்த 50 ஆண்டுகால பொம்ம புக் பயணத்தின் அடிநாதங்கள் என்பதை எண்ணிப் பார்க்கும் போது பெருமிதமாய் உள்ளது !! //


    காமிக்ஸ் காதலால் நாம் தான் அந்த நிலைக்கு உந்தப்பட்டோம்

    பட்

    அண்ணாச்சியின் செயல்
    செய்கின்ற வேலைக்கு கொடுக்கிற முக்கியத்துவம் .. செம்ம .. லவ் யூ அண்ணாச்சி .. 😍😍😍😍😍

    எல்லாத்தையும் மனசில பூட்டி வச்சிட்டு த்தான் இன்னைக்கு சிரிச்சு சிரிச்சு பேசுனீங்களா ..!!

    நீங்க வேற லெவல் ..
    அன்பு ..

    ReplyDelete
  8. This comment has been removed by the author.

    ReplyDelete
  9. நாமதான் ப்ளாக்கில் எண்டர் ஆக முடியல. 😥😥 ..

    நம் வருங்காலமாவது எண்டர் ஆச்சேன்னு மிக்க சந்தோசம் .. 😳🥰🥰

    சத்தியமா எதிர் பார்க்கவேயில்ல .. 😱

    மகனார் லயன் ப்ளாக்கில வருவார்ன்னு ..

    தேங்க்ஸ் தல & ஷெரீப் & அட்டு & மை டியர் எடி ..

    ஒரு அப்பாவுக்கு இதை விட சந்தோசம் வேறென்ன இருக்கப்போகுது 😍 😍 ❤ ❤ ??

    ReplyDelete
    Replies
    1. வாழ்த்துகள் சம்பத் நண்பரே...

      Delete
    2. வாழ்த்துக்களெல்லாம் மகனார்க்கே போய் சேரும் .. நான் வெறும் வழி நடத்தியே சகோ ..

      Delete
    3. வாழ்த்துகள் & பாராட்டுக்கள் ஜெய்.

      Delete
    4. நம் வீட்டுப் பிள்ளைகள் நமது வலைப்பதிவினில் இடம்பிடிப்பதில் வியப்பு ஏன் சம்பத் ?

      Delete
    5. எனக்கு இது ரொம்ப ஸ்பெஷல் டியர் எடி .. 😍

      Delete
  10. //நண்பர்கள் இதுவரையிலும் பேரன்புடன் பழனியின் குடும்பத்துக்கென அனுப்பியுள்ள தொகையுடன் நமது பங்களிப்பையும் இணைத்து, இம்மாதத்து இறுதியினில் பழனியின் மனைவி + மழலைகளைச் சந்தித்து அதனை ஒரு வங்கி வைப்புத் தொகையாக ஒப்படைத்திட உள்ளோம் ! Of course நமது டாக்டர் AKKR அவர்கள் இதனில் நம்மை வழிநடத்திடுவார் ! அதற்கு முன்பாக - சின்னதாகவும், பெரிதாகவும் நண்பர்கள் அனுப்பியுள்ள தொகைகளுக்கு ஒற்றை ரூபாய் விடுதலின்றி நம்மவர்கள் ரசீதுகள் போட்டு அனுப்பிடுவார்கள் ! பழனியின் குடும்பத்துக்குச் சென்றடையவுள்ள தொகையினைப் பற்றி பொதுவெளியினில் பேசுவது முறையாகாது என்பதோடு, "நன்கொடையாளர்கள் பட்டியல் இது" - என்று வெளியிட்டு, உதவிடும் நிலைகளில் அல்லாத நண்பர்களை தர்மசங்கடங்களில் ஆழ்த்திடுவதும் ஆரோக்கியமானதாகிடாதே ?! தவிர, பழனியின் இல்லத்திலும் தொகைகள் சார்ந்த வெளிப்பாடு தேவையற்ற மனத்தாங்கல்களுக்கு வழிவகுக்கக் கூடும் என்பதால் இதனில் ஓசைகளின்றிச் செயல்படுவதே நலமென்று நினைத்தேன் ! Rest assured - நண்பருக்கென நீங்கள் அனுப்பியுள்ள தொகைகள் சிந்தாமல், சிதறாமல் அவரது வாரிசுகளைச் சென்றடைந்திடும் guys //

    சிறப்பு சார்.
    உதவுவதே நோக்கம், அதை அமைதியாக சத்தமின்றி செய்வது பெரும் சிறப்பு
    👏👏🙏🙏

    ReplyDelete
  11. //"திருப்பூரில் வேலை முடிந்த பிற்பாடு நான் வந்துக்கிறேன் ; ஆக வேண்டியதை நீங்களே பார்த்துக்கோங்க !"//

    தலை வணங்குகிறேன் அண்ணாச்சி!

    ReplyDelete
  12. சார் உங்க ஈடுபாடு மலைக்க வைக்குது....ரிப் அட்டகாசமா வந்திருக்கு...என்பதுகளுக்கே இழுக்கிறது.... டெக்ஸுக்காக காத்திருக்கிறோம்... அண்ணாச்சி ஆழ்ந்த இரங்கல்கள் ....

    ReplyDelete
  13. ஹைய்யா புதிய பதிவு...

    ReplyDelete
  14. மகேந்திரன் பரமசிவம் அவர்களின் பதிவு 👇👇


    *செய்வன தில்லாச் செய்*

    சொர்ணாக்கா சைசுல இருந்தாலும் மேகியக்கா கவரவே செய்கிறாள். ஒரு மாதிரியான டார்க் காமெடி கதை. விழுந்து விழுந்து சிரிக்க வைக்கலைன்னாலும் கதை முழுக்க முகத்தில் ஒரு புன்முறுவலுடனே படிக்க முடிந்தது. வெகு சில இடங்களில் நன்றாக சிரிக்கவும் முடிந்தது.

    ஏழ்மை சூழலில் விட்டேத்தியாக வாழும் உடல் கவர்ச்சியற்ற ஒரு பெண்ணின் வாழ்க்கை. அதில் ஒரு ப்ரைவெட் டிடெக்டிவிடம் வேலை, அதில் அந்தப் பெண் செய்யும் தில்லாலங்கடிகள், அதில் கிடைக்கும் ஆண்நட்பு அதை தொடர்ந்து யதார்த்தமான சாகசம் என முதல் ஆல்பம் முடிந்திருக்கிறது.

    அதிக எதிர்பார்ப்பில்லாமல் படித்த இந்தக் கதை ஒரு சர்ப்ரைஸ் ட்ரீட்டாக அமைந்து விட்டது. குறிப்பாக மொழிபெயர்ப்பு. மைண்ட் வாய்சில், வசனங்களில் என எங்கெல்லாம் பிரிட்டிஷ்காரர்களின் Dry Humor ஐ கொண்டு வரமுடியுமோ அதையெல்லாம் வெற்றிகரமாக கொண்டு வந்திருக்கிறார் மொழிபெயர்ப்பாளர். அதற்கு தனியான பாராட்டுகள்.

    கார்ட்டூன்களை விட இந்த மாதிரி கதைகளில் வரும் காமெடி பிடிக்கக் காரணம் என்னன்னு வேற கண்டு பிடிக்கனும். ஒரு வேளை வாழ்ககையில் நடக்கும் யதார்த்த துன்பவியல் நிகழ்ச்சிகளை அலுப்போடு கழுவி ஊற்றுவதாலோ என்னவோ. Anyway, I liked Maggie Garrison.

    ReplyDelete
    Replies
    1. // ஒரு வேளை வாழ்ககையில் நடக்கும் யதார்த்த துன்பவியல் நிகழ்ச்சிகளை அலுப்போடு கழுவி ஊற்றுவதாலோ என்னவோ //
      பாயிண்டான விஷயம்தான்...

      Delete
    2. இயல்பான நம்ம லொள்ளுக்கும் மேகியின் அந்த dry / wry ஹ்யூமருக்கும் ஒரு மாதிரி sync ஆவதால் மொழிபெயர்ப்பு வண்டி ஜாலியாய் ஓட்டமெடுத்தது சார் ! தவிர நாயக துதிபாடல்கள் இல்லாத இது மாதிரியான யதார்த்தக் கதைகளை கையில் எடுக்கும் போது ஒரு உற்சாகம் தானாய்ப் பிறக்கிறது !

      Delete
    3. என்னைப் பொறுத்தவரை டெட் வுட் டிக் போல மேகியும் ஒரு அட்டகாசமான அறிமுகமே

      Delete
  15. விஜயன் சார் நாங்கள் உங்களை நம்புகிறோம். என்ளவிட்கு ரசீது தேவையில்லை என்று நினைக்கிறேன்

    ReplyDelete
    Replies
    1. அது உங்களின் பெருந்தன்மை ; செய்வதோ எனது கடமை சார் !

      Delete
  16. ஒரு அட்டைப்படத்துக்கு இவ்வளவு மெனக்கெடல்களா?!!! அபாரம் எடிட்டர் சார்!!

    திருப்பூர் புத்தகவிழா சிறக்க வாழ்த்துகள்! நண்பர்களின் முயற்சி பெருமை சேர்க்கக்கூடியது! அருமை அருமை!

    அண்ணாச்சி இராதாகிருஷ்ணனின் அர்பணிப்புக்கு ஒரு ஸ்பெஷல் சல்யூட்!

    ReplyDelete
    Replies
    1. Smashing '70s இதழ்களின் ஒவ்வொரு புள்ளியிலுமே ஒரு வண்டி மெனக்கெடல் அவசியமாகிறது சார் !

      Delete
    2. // திருப்பூர் புத்தகவிழா சிறக்க வாழ்த்துகள்! நண்பர்களின் முயற்சி பெருமை சேர்க்கக்கூடியது! அருமை அருமை! //

      +1 பாராட்டுக்கள்!

      Delete
  17. // "திருப்பூரில் வேலை முடிந்த பிற்பாடு நான் வந்துக்கிறேன் ; ஆக வேண்டியதை நீங்களே பார்த்துக்கோங்க !" என்று சொல்லி விட்டு, எப்போதும் போலான ஈடுபாட்டோடு திருப்பூரில் ஸ்டால் பணிகளைக் கவனித்து வருகிறார் ! இத்தகைய அஸ்திவாரங்களே இந்த 50 ஆண்டுகால பொம்ம புக் பயணத்தின் அடிநாதங்கள் என்பதை எண்ணிப் பார்க்கும் போது பெருமிதமாய் உள்ளது !! // அண்ணாச்சி அண்ணாச்சி தான். வணங்குகிறேன் அண்ணாச்சி.

    ReplyDelete
  18. ரிப் கிர்பி அயல்நாட்டு ஓவியருக்கு நீங்கள் கோடுகள் விபரங்கள் கடைசியில் அவர் வரைந்து கொடுத்த படம் வடிவேலுவின் "சூடா ஒரு ஊத்தாப்பம்" காமெடியை நினைவுபடுத்துகிறது. கஷ்டத்தை சிரிப்பு கலந்து அட்டகாசமாக எழுதி இருக்கீங்க சார்.

    ReplyDelete
    Replies
    1. அட... தக்காளி , வெங்காயம்,கேரட் எல்லாம் போட்டு நெய் ஊற்றிச் சுடாங்காட்டியும் பரவாயில்லை ; தோசைங்கிற பெயரிலே உப்மா கிண்டி கொண்டு வந்தா என்ன செய்யுறது சார் ?

      Delete
    2. என்னது உப்புமா வா?

      Delete
    3. ஆனாலும் அந்த அயல்நாட்டு ஓவியர் நமக்கு பர்கர் கொடுக்க முயற்சி செய்து உள்ளார் ஆனால் உங்கள் கிட்ட அது முடியவில்லை ஏனெனில் நாமெல்லாம் திருநெல்வேலி அல்வா சாப்பிட்டவர்கள் என அவருக்கு தெரியாது :-)

      Delete
  19. // ஆனால் வெள்ளி & சனியின் விற்பனைகள் தொடரும் நாட்களிலும் தொடர்ந்திடும் பட்சங்களில் - இந்த மண்ணுக்கு ஒரு மெகா சலாம் வைக்கும் கடமை நமக்கிருக்கும் ! //
    அருமை சார்,விற்பனை சிறப்பாக இருப்பது மிக்க மகிழ்ச்சி...

    ReplyDelete
  20. அட்டைப் படத்திற்கான மெனக்கெடல் சார்ந்த தகவல்கள் வியப்பை அளிக்கின்றன...
    இறுதி வடிவ ரிப்கெர்பி அட்டைப்படம் ரொம்ப நல்லா இருக்கு சார்...
    ரிப் கெர்பி ஆர்ப்பாட்டம் இல்லாத ஒரு நாயகர்,சலனம் இல்லாத நீரோடை போல அமைதியாக ரிப்பின் களம் இருந்தாலும் ஆர்ப்பாட்ட நாயகர்களுக்கு மத்தியில் நல்லதொரு இடத்தை பிடித்திருப்பதும், நிறைய வாசகர்கள் ரிப்பை இரசிப்பதும் மகிழ்ச்சியான செய்தி...

    ReplyDelete
    Replies
    1. அந்த அட்டகாச சித்திர பாணியும் ரிப்பின் வெற்றிக்கொரு காரணம் !

      Delete
    2. ஆமாம் சார். அந்த கிளாசிக் பாணி ஓவியங்கள், அவர்களின் உடைகள் பெண்கள் அணியும் ஆடை, அணிகலன்கள், தொப்பிகள் அனைத்தும் அட்டகாசமாக இருக்கும்

      Delete
    3. ரிப் கிர்பி - முகப்பு அட்டை ஓவியம் சிறப்பான வடிவமைப்பு சார்..
      அதாவது- வேதாளன் - முகப்பு அட்டை பாணியிலேயே அமைத்துவிட்டீர்கள்..
      ஆனால், சில பல குறைகள்-முகப்பு அட்டையில் - டெஸ்மெண்ட்-முகத்தில் அப்பாவித்தனம் இல்லை - கையில் துப்பாக்கி வேறு..
      பின் அட்டையில் கதை சார்ந்த ஓவியங்களாக அமைந்துவிட்டது..கிர்பி, டெஸ்மண்ட்-ஹனி, இன்னொரு குண்டு பட்லர்-சார்ந்த ஓவியங்களாக இருந்தால் சிறப்பாக இருக்கும்..
      மற்றபடி -ரிப் கிர்பி - எப்போதுமே எனது அப்பாவை நினைவூட்டுவார். அதுவும் முன் அட்டையில் கன்னமெல்லாம் பெரிதாக - நிஜமாகவே அப்பாவை நினைவூட்டுகிறார்..
      - கதையெல்லாம் ஒரு மேட்டரே இல்ல சார்.(டெக்ஸ் வில்லருக்கு போல்? ii..)கிர்பிதான் அழகு. ஒவ்வொரு frame யிலும் ஒரு தோரணை காட்டுவார்.
      இந்த பதிவு ரிப் கிர்பி சார்ந்தது என்பதால் - எனக்கு ஏன் Smashing,70- பிடித்திருக்கிறது என்று எழுத ஆசை-- பின்னூட்டங்கள் குறைவாக இருந்தால் - எழுத (வெறுப்பேத்த+உசுப்பேத்த) ஆசை..

      Delete
    4. எழுதுங்க சார்

      Delete
  21. // அடுத்த சில நாட்களில் அவை டெஸ்பாட்ச் ஆகிடும் & திருப்பூரில் நடந்து வரும் புத்தக விழாவின் ஸ்டாலுக்கும் அனுப்பிடப்படும் ! //
    ஏனுங் சார்,டெக்ஸையும் & கெர்பியையும் ஒரே நேரத்தில் அனுப்ப வாய்ப்பு உண்டுங்களா சார்...

    ReplyDelete
    Replies
    1. இல்லை சார் ; புக் சைஸ்கள் வேறு வேறு என்பதால் பேக்கிங் டப்பாக்களுமே ரொம்ப மாறுபடும். தவிர, டெக்ஸ் புக்கை தனியாக அனுப்ப கூரியர் கட்டணம் வசூல் செய்திருக்கிறோம் எனும் போது அதனை முதலில் தனியாய் அனுப்பி விடுவோம் !

      Delete
    2. நான் கேட்டது ஒரே நேரத்தில் தனித் தனியாக டெலிவரிக்கு வாய்ப்பு உண்டா என சார்...

      Delete
    3. சார், எனக்கு Tex - இதழ் சந்தா இதழ்களோடே வரட்டும். சார்-.(கொரியர் கட்டணத்தை மிச்ச பிடித்து நண்பருக்கு பயன்படுத்தினால் சந்தோசம் சார்..

      Delete
    4. டப்பி செய்பவர்களையும் ; கூரியர்வாலாக்களையும் செழிப்பாக்குவதே பலனாகிடும் சார் !

      கடந்த 2 மாதங்களில் பேப்பரும், அட்டையும், அச்சின் உட்பொருட்களும் எகிறி அடிக்கும் கண்றாவிகளை சொல்ல ஆரம்பித்தால் இன்றைக்குப் பொழுது ஒடி விடும். இப்போதெல்லாம் 4 மாதங்களுக்கான அட்டை டப்பிக்களை ஸ்டாக் வைக்க வேண்டியுள்ளது !

      Delete
  22. // Rest assured - நண்பருக்கென நீங்கள் அனுப்பியுள்ள தொகைகள் சிந்தாமல், சிதறாமல் அவரது வாரிசுகளைச் சென்றடைந்திடும் guys ! //
    இதெல்லாம் சொல்லித் தெரிய வேண்டுமா சார்...!!!

    ReplyDelete
  23. ரிப் கிர்பி - அட்டைபட மெனக்கெடல் இறுதியில் அட்டகாசமான அட்டைப்படமாக வந்துள்ளது சிறப்பு! உங்களின் மெனக்கடல் வீண் போகவில்லை! சென்னை ஓவியர் அதகளம் செய்துள்ளார் அவருக்கும் ஒரு ஸ்பெஷல் பாராட்டுக்கள்!

    ReplyDelete
  24. சிகாகோவின் சாம்ராட் - சிகாகோவின் சாம்ராட் யார் ? நமது டெக்ஸ் & கார்ஸன் அவரை தேடுவது ஏன்? ஒரு சின்ன பிளாஷ் பேக் அதில் கார்சன் மிரட்டி உள்ளார், அதுதான் முதல் 20 பக்கம்கள்!

    இந்த கதை தற்போது சில நேர்மையான பத்திரிக்கையாளர்களுக்கு கிடைக்கும் மரியாதையை கருவாக கொண்டது சிறப்பு!

    டெக்ஸ் & கார்ஸன் தனது அதிரடியோடு புலனாய்வு செய்வது கொஞ்சம் வித்தியாசம்! சில நேரம் இது சிஐடி ராபினுக்கு எழுதிய கதையில் அவரின் கால்ஷீட் கிடைக்காததால் டெக்ஸ் & கார்ஸனை சாகசம் செய்ய வைத்தது போல் இருந்தது!

    வில்லன் மற்றும் அவரின் அடியாட்கள் கொஞ்சம் முரடு தான், ஆனால் டெக்ஸ் கதைக்கு கொஞ்சம் வீரியமான வில்லன் இருந்தால் சிறப்பாக இருக்கும்!

    கருப்பு வெள்ளை ஓவியம் சிறப்பு, கருமையை அதிகம் ஓவியர் படங்களுக்கு உபயோகபடுத்தி இருந்தது கண்களை கொஞ்சம் பதம் பார்த்தது!

    சிகாகோவின் சாம்ராட் - பாஸ் பாஸ் டைம் பாஸ்

    ReplyDelete
    Replies
    1. // டெக்ஸ் கதைக்கு கொஞ்சம் வீரியமான வில்லன் இருந்தால் சிறப்பாக இருக்கும்! //
      ஒவ்வொரு வாட்டியும் பெரிய வில்லனுக்கு எங்கே போறதுன்னு கதாசிரியர் நினைச்சிட்டாரோ...!!!

      Delete
    2. இந்த கதைக் களத்திற்கு இதுவே போதும்னு கூட விட்டிருக்கலாம்...

      Delete
    3. இருக்கலாம் கலாம்:-)

      Delete
  25. கோவிட் நிலைமை கொஞ்சம் கொஞ்சமாக சரியாகி வரும் நிலையில் கடந்த சில வருடங்களில் இழந்தவைகளை சரி செய்ய வேகத்துடன் நண்பர்கள் அனைவரும் ஓடிக்கொண்டு இருக்கிறார்கள் என நம்புகிறேன்! இதில் ஒவ்வொரு அலுவலகம் / தனி நபர்கள் முன்னை விட மிகுந்த வேகத்துடன் ஓடுகிறார்கள். எண்டெர்டைன்மென்ட் என்பதை விட சம்பாதிப்பதில் அதிக நேரம் செலவிட தள்ளபட்டு விட்டோம் கோவிடினால். கடந்த 3 மாதங்களாகவே வேலையை தவிர பிற விஷயங்களில் கவனம் செலுத்த/செலவிட முடியவில்லை, அப்படி நேரம் கிடைக்கும் போது குடும்பத்துக்கு பிறகு நான் ரசிக்க விரும்பும் விஷயம் நமது காமிக்ஸ்! நமது காமிக்ஸ் இருப்பதால் தான் ஓரளவு இந்த இயந்திர வாழ்க்கையில் இருந்து விலகி இருக்க முடிகிறது! நன்றி!

    ReplyDelete
    Replies
    1. உண்மை பரணி. நமது காமிக்ஸ் இருப்பதால் தான் இந்த இயந்திர வாழ்க்கையில் இருந்து ஒரு ப்ரேக் கிடைக்கிறது. இல்லாவிட்டால் செக்கு மாடு தான்.

      Delete
    2. காமிக்ஸுனா ரிலாக்ஸ்,ரிலாக்ஸுனா காமிக்ஸ்...

      Delete
    3. // எண்டெர்டைன்மென்ட் என்பதை விட சம்பாதிப்பதில் அதிக நேரம் செலவிட தள்ளபட்டு விட்டோம் //

      இங்கே தென்படும் கமென்ட் வறட்சிக்கு மேலே சொன்ன விஷயமும் ஒரு காரணமாக இருக்கலாம் அது போக குடும்ப சூழல். ஆனால் இங்கு நடப்பதை நாங்கள் தொடர்ந்து கவனித்து வருகிறோம் சார்.

      Delete
  26. ஒரு அட்டை படத்திற்காக தங்களின் தேடல் பிரமிக்க வைக்கிறது.

    சிறிய கூட்டம்தானே, இத்தனை சிறிய Circulation க்கு மீண்டும் மீண்டும் இவ்வளவு செலவழித்து மெனக்கெட வேண்டுமா என்று எண்ணாமல் மன திருப்திக்காக பணியாற்றும் தங்களை வாழ்த்துகிறேன்.

    அதனால்தான் இத்தனை வருடங்கள் கழித்தும் பழைய இதழ்கள் தேடப்படுகின்றன.

    We are proud of you sir

    ReplyDelete
    Replies
    1. சார் ...நான் செய்து வருவது ஒரு glorified போஸ்ட்மேனின் பணியினை ! அங்கே படைப்பாளிகள் சுடும் வடைகளை அலுங்காமல், குலுங்காமல் அதே சுவையோடு உங்களிடம் ஒப்படைப்பதே எனது கடமை !

      இரண்டே இடங்களில் மாத்திரமே நமது அடையாளங்களைப் பதிக்க வாய்ப்புண்டு நமக்கு ! முதலாவது இடம் தமிழாக்கம் ! இயன்ற மட்டிலும் இங்கே நகாசு வேலைகள் செய்து ஸ்கார் செய்திட முனையலாம் !

      இரண்டாவது இடம் அட்டைப்படங்கள் ! இங்கே நாம் செய்திடக்கூடிய மெனெக்கெடல்கள் படைப்பாளிகளின் உயர்தர ஆல்பங்களை விடவும் நமது சின்ன பட்ஜெட் இதழ்களை மினுமினுப்பாய்க் காட்டிட உதவிடலாம் !

      So இந்த 2 களங்களைத் தவற விட்டால் என் பணிக்கு நியாயம் செய்தது போல் இராதே !

      Delete
  27. எனக்கு ஒரு சந்தேகம் சார். அட்டைப்படத்திற்கு நாம் இவ்வளவு மெனக்கெடுகையில் Titan Books, Rebellion(e.g. newly published steel claw the invisible man cover desigb with only hand ,hand hand) படு மொக்கையான அட்டைப்பட டிசைனுடன் லட்சம் பிரதிகளை விற்றுவிடுகிறார்களே!

    ReplyDelete
    Replies
    1. ரசனைகள் மாறுபட்டவை நண்பரே ! நமக்கெல்லாம் ஈரோவும் ; ஈரோயினியும் புளிய மரத்தைச் சுற்றி வந்து பாட்டுப் படிச்சி , மூணு மணி நேரத்துக்கு தியேட்டரில் இருந்தால் தானே திருப்தி ! ஆனால் ஆலிவுட்டில் ஒண்ணரை அவரில் தெறிக்க விடறாங்களே ? நாம அவர்களைப் பார்த்து மாத்திப்பதா ? அல்லது vice versa வா ? அதுவே தான் நமது அட்டைப்படச் சமாச்சாரங்களிலும் !!

      இப்படி யோசித்துப் பாருங்களேன் : இவ்ளோ மெனெக்கெட்டே இக்ளியூண்டு விக்கிறோம் ; நாமுமே மேற்கத்திய பாணிகளில் மாறி விட்டால் இதுவும் புட்டுக்கிட்டுப் போய்விட்டால் ?

      Delete
  28. ரிப்கெர்பி அட்டை அள்ளுதுங் சார்....
    இதுவரை வந்த ரிப்கெர்பி இதழ்கள்லயே இதான் டாப் ஆக இருக்கும்....

    அட்டைபடத்துக்கு தாங்கள் எடுக்கும் ரிஸ்க்குகள் நிச்சயமாக அதற்கான ஓர்த் உள்ளவை.... லயன்-முத்து இதழ்களின் அடையாளமே அட்டைபடந்தான்..... அது சிறப்பாக இருந்திட்டாலே பாதிவெற்றி.....அந்தவகையில் காத்துள்ள ரிப்பின் வெற்றிக்கு இதுவே அத்தாட்சி...


    என்னோட பெர்சனல் ஃபேவரைட் ரிப்புக்காக வெயிட்டிங்...


    குறிப்பாக டெஸ்மண்ட் க்கு ரொம்ப ரசிகன் நான்.....

    ReplyDelete
  29. மழை நல்லது தான், கோடையின் வெப்பத்தை தணிக்கிறது..

    ஆனா அதுவே நமக்கு இதழ் தயாரிப்பில் வேகத்தை மட்டுபடுத்துகிறது... பரவாயில்லை, பொதுவான நன்மைதான் முக்கியம் சார்..... டெக்ஸ் க்ளாசிக்2 மெதுவாக வரட்டும்... காத்திருக்கிறோம்.....

    ReplyDelete
  30. ///கடந்த 2 ஆண்டுகளில் கிட்டத்தட்ட நாம் மறந்தே போயிருந்த புத்தக விழா விற்பனைகள் சார்ந்த உற்சாகங்களை நமக்கு நினைவூட்டி வருகின்றன//---

    ஈரோடு விழாவுக்கு ஓரு ஒத்திகையாட்டம் இந்த விழா அமைந்து உள்ளது ரசிகர்களுக்கு... உற்சாகம் தெறிக்கத்தானே செய்யும் சார்....

    ReplyDelete
  31. ////வெள்ளி & சனியின் விற்பனைகள் தொடரும் நாட்களிலும் தொடர்ந்திடும் பட்சங்களில் - இந்த மண்ணுக்கு ஒரு மெகா சலாம் வைக்கும் கடமை நமக்கிருக்கும்./// அருமை சார்.... வெற்றிகரமான விற்பனை நடக்க வாழ்த்துகள்

    ///And இதற்கான பங்கு, ஆர்வமாய் ஏதேதோ போட்டிகளை ; சந்திப்புகளை அக்கட திட்டமிட்டுள்ள நண்பர்களைச் சார்ந்திட வேண்டும் !/// ----3ஆண்டுகள் கழித்து திருப்பூருக்கு வந்துள்ள விழாவை தெறிக்க விட்டு வருகின்றனர் திருப்பூர் நண்பர்கள்.....

    ReplyDelete
  32. This comment has been removed by the author.

    ReplyDelete
  33. //////திருப்பூர் புத்தக விழா 2022 கொண்டாட்டம்*//////

    -----அருமையான பரிசுமழைகள்; விழாவை உற்சாகமாக கொண்டு போகும் செமயான திட்டமிடல்கள்.....வாழ்த்துகள் அனைத்து திருப்பூர் நண்பர்களுக்கும்....💐💐💐💐💐

    ReplyDelete
    Replies
    1. குறிப்பு:- ஆசிரியர் சார்@ ஆஹா.... செமயாக மகிழ்ச்சியில் உள்ளேன்....

      நம்ம போட்டோவோ, எழுத்துக்களோ லயன் தளத்தில் தங்கள் பதிவுல பார்த்தா உள்ளம் துள்ளிக்குதிக்கும்... நானும் அப்படியே இன்றைய பதிவு பார்த்து... விசயம் ரொம்ப சின்னதுதான் ஆனா மகிழ்ச்சி பெரியது.... 💞💞💞

      Delete
  34. ////நம் வீட்டுச் சரக்கை விற்றுத் தர, தம் நேரங்களையும், பணத்தையும் செலவிட முன்வரும் நண்பர்களுக்கு ஒரு பெரும் நமஸ்காரத்தை செய்து கொள்வதோடு - அறிவிக்கப்பட்டிருக்கும் அந்தப் பரிசுகளை நாமே வழங்கிடும் வாய்ப்பினையும் ஏற்றுக்கொள்ள விழைகிறோம் ! Guys - உங்களின் ஆர்வங்களும், உழைப்புகளும், நேரங்களுமே போதும் - குறைந்த பட்சமாய் அந்த சன்மானங்களை நாங்கள் செய்திட அனுமதியுங்கள் !///


    *மகத்தான ஆங்கீகாரம் திருப்பூர் வாசகர் வட்டம் நண்பர்களுக்கு*.….👏👏👏👏👏👏👏👏

    *வாழ்த்துகள் அனைத்து திருப்பூர் நட்புகளுக்கும்*🌹🌹🌹🌹🌹🌹🌹🌹


    தங்களின் பெருந்தன்மையான மனசுக்கு ஆயிரம் வணக்கங்கள் சார்....🙏🙏🙏🙏

    ReplyDelete
  35. Editor Sir,

    நன்கொடைகள் பற்றி :
    இந்த சிரமமான காலத்தினில் ஒரு புக் (Tex கிளாசிக்ஸ் ) வாங்குபவரும் கூட நண்பரின் குடும்பத்தின் பொருட்டு தனது இதய வாசலை அகலமாக திறப்பவரே சார். எனவே இதனில் நான் ஒசத்தி நீ குறைவு என்ற பேச்சுக்கே இடமில்லை சார். அனைவரும் இணைந்து இழுக்கும் தேர் சார் இது. 

    இங்கே ஈயாடுகிறது என்பது பற்றி :
    50ம் ஆண்டும் அதுவுமா படிக்க ஒரு வண்டி புத்தகங்கள் சார் - கருத்து சொல்ல நேரம் தான் இல்லையே தவிர அடுக்கி வைத்துப் படித்துக்கொண்டு ஆபீஸ் வேலைகளில் 4 மாசமாய் இழுத்தடிப்பு செய்துகொண்டிருக்கிறோம் சார் :-) அதுனாலதான் கமெண்ட்ஸ் குறைச்சல் சார் !

    ReplyDelete
  36. ////இத்தகைய அஸ்திவாரங்களே இந்த 50 ஆண்டுகால பொம்ம புக் பயணத்தின் அடிநாதங்கள் என்பதை எண்ணிப் பார்க்கும் போது பெருமிதமாய் உள்ளது///-----அண்ணாச்சியின் உயர்வான மனசைக்காட்டுது...

    தங்களின் மீது அன்பு செலுத்தும்
    ஒரு பெருங்கூட்டத்தையே இந்த பொம்மைபுக் ஈர்த்து வைத்துள்ளது சார்

    ReplyDelete
  37. சார் 
    அண்ணாச்சியை முதலில் மாஸ்க் போட சொல்லுங்கள் சார் - அண்ணாச்சியுடன் பேசுபவர்களும் மாஸ்க் அணிய வேண்டும் சார் - உரிமை எடுப்பதற்கு மன்னிக்கவும் - order of the day sir ! தமிழகம் வீராங்கள் பல விதைக்கப்பட்ட விளைநிலம் எனினும் now is not the time yet. மற்றவர் நம்மை என்னவேணும் சொல்லிக் கொள்ளட்டும் சார் !

    ReplyDelete
    Replies
    1. Second it. In Delhi cases are mounting.as tirupur is a major textile industrial city it's wise to wear mask.Even those vaccinated

      Delete
  38. சார் அப்படியே இந்த முறை என்ன surprise இதழ் என்பதையும் தெரிவிக்கவும். Smashing 70s உடன். மேகி பார்ட் 2?

    ReplyDelete
    Replies
    1. இம்முறை சர்ப்ரைஸ் நஹி என்பது தான் சர்ப்ரைஸ் சார் ! மாண்ட்ரேக்குடனும் ; காரிகனுடனுமே இருந்திடும் !

      Delete
  39. விஜயன் சார், சிவகாசி பொங்கல் எப்படி இருந்தது! பொங்கல் பண்டிகை முடிந்து விட்டதா?

    ReplyDelete
    Replies
    1. சூப்பராய் முடிந்திருக்கிறது சார் ; போட்டுத் தாக்கிய மழை தான் வியாபாரிகளின் பிழைப்புகளைப் பாழ் பண்ணி விட்டது !

      Delete
  40. இன்றைய திருப்பூர் புத்தக விழா அப்டேட்..
    காலையில் ஸ்டாலுக்கு போன பொழுதே இருந்த இரத்தக் கோட்டை புக்கை எல்லாமே ஒரு நண்பர் மொத்தமாக வாங்கி இருந்தார்.. கொரியருக்கு நேரமாச்சு நண்பர்களுக்கு அனுப்ப உடனே கிளம்ப வேண்டி கிளம்பி விட்டார்.. இயற்க்கை தானே..
    திரும்பவும் மீட்டீங்கை முடித்து விட்டு புத்தக கண்காட்சியை சுற்றி முடித்து விட்டு ஸ்டாலுக்கு போனேன்.. ஒரு ரேக் நிறைய ஒரு அதிகாரியின் புத்தகங்கள்.. ஆனால் தங்க தலைவனின் புத்தகங்களோ விற்று தீர்ந்த்தாக தகவல்..அது போகவும் அறிமுக கூட்டத்திலும் நிறையா பேர் நான் டைகர் ரசிகர் என்று அறிமுகப் படுத்தி கொண்டதே நிகழ்ச்சியின் ஹைலைட்டே..

    ReplyDelete
    Replies
    1. This comment has been removed by the author.

      Delete
    2. திருப்பூர் புத்தக திருவிழா பற்றிய பதிவுக்கு நன்றி ரம்மி!
      நீங்க வெளியில் டைகர் ரசிகர் என சொல்லிக்கொண்டு அதிகாரியின் கதைகளை விழுந்து விழுந்து படிப்பது ஊருக்கே தெரியும் அதனை பற்றி உங்களிடம் யாரும் கேட்கவில்லையா! :-)

      Delete
    3. கண்ணனைப் பற்றி ராதை, ருக்மிணி, சத்யபாமா மற்றும் கோபியர் நினைத்ததை விட கம்சன் நினைத்ததுதான் அதிகம் எனச் சொல்வார்கள். :-)

      Delete
    4. அப்புறம்.... கம்சனோட சோலிய முடிச்சதும் கண்ணன்தான் என்பது கொசுறு தகவல்..!

      Delete
    5. விஜயன் சார் @ அல்டிமேட் பதில் :-)

      Delete
    6. புலியோ, அதிகாரியோ, கம்சனோ.கண்ணனோ - அன்னிக்கு நடந்த கிடா வெட்டின் சேதாரம் செமத்தி என்பது மட்டும் தெரிந்தது - போட்டோக்களைப் பார்த்த போது ! புலி புசித்தால் பிரியாணி தின்னும் என்றும் புரிந்தது !

      Delete
  41. // கொங்கு மண்டலத்து வாசக உற்சாகங்கள் கடந்த 2 ஆண்டுகளில் கிட்டத்தட்ட நாம் மறந்தே போயிருந்த புத்தக விழா விற்பனைகள் சார்ந்த உற்சாகங்களை நமக்கு நினைவூட்டி வருகின்றன ! Not by a long shot - இங்கன ஆகிடக்கூடிய விற்பனைகள் சென்னையின் அளவுகளை தொடக்கூட இயலாது தான் ; ஆனால் வெள்ளி & சனியின் விற்பனைகள் தொடரும் நாட்களிலும் தொடர்ந்திடும் பட்சங்களில் - இந்த மண்ணுக்கு ஒரு மெகா சலாம் வைக்கும் கடமை நமக்கிருக்கும் ! Has been silently brilliant !!! //

    மகிழ்ச்சி! விற்பனை சிறக்க சாதனை படைக்க வாழ்த்துக்கள்! புத்தகத்திருவிழாவில் விற்பனை சிறக்க உதவி வரும் நண்பர்கள் அனைவருக்கும் நன்றி!

    ReplyDelete
  42. வணக்கம் சார். ரிப் கிர்பி ஆர் ஒர்க் எல்லாம் அபாரம். அதிலும் ரிப்கிர்பி க்ளோஸ் அப் ஒவியம் பிரம்மாதம் சார்.... சரியான ஆங்கிள் உள்ள ரிப்கிர்பி படம் வைத்து நமக்கு வேடண்டிய ரிப் கிர்பி முகம் கொண்டு வந்து விடலாம் சார்... இத்தனை ஓவியமா, சென்னை ஓவியர் அமர்க்களபடுத்தி விட்டார்...

    ஆனாலும் முதல் டிசைனரிடம் நீங்கள் ஏமாந்தது ஆச்சரியமளிக்கிறது... பொதுவாக டிசைனர்கள் தாம் ஏமாறுவார்கள்... சில நம்பக sites உள்ளன சார்...

    பிறகு...

    ReplyDelete
    Replies
    1. //ஓவியங்கள் சார்ந்த சமாச்சாரங்களில், சுட்டுப் போட்டாலும் திறன்கள் தேறாதென்பதே இத்தனை மொக்கைகளின் பின்னணி !//

      ஆமோதிக்க இயலவில்லை சார்... ஓவியருக்கும் சரியான guideline போட்டு ஸ்கெட்ச் கொடுக்கும் ஒரு கிரேட்டிவ் /ஆர்ட் டைரக்டர் இருக்கும் போது தான் அந்த சித்திர படைப்பு ஒப்பற்ற தன்மை உடையதாகிறது. இரத்த முத்திரை, காசில்லா கோடீஸ்வரன், லயன் சூப்பர் ஸ்பெசல் etc etc போன்ற அட்டை ஓவியங்கள் இன்டர்நெட் வந்த பின் ஆராய்ந்து உங்கள் கிரேடிவிட்டி கண்டு வியந்திருக்கிறேன்... ஓவியருக்கும் சரியான reference கிடைத்தால் தான் அவர் பணி சுமுகமாக அழகாக முடியும். பிரச்சனை இப்பொழுது உங்களிடம் நமது முந்தைய ஸ்டைலில் ஓவியம் வரைந்து தர பட்ஜெட், மற்றும் காமிக்ஸ் மீது தனி ஈடுபாடுள்ள டிஜிட்டல் ஓவியர் கிடைக்கறதில்லை என்பதாகவே இருக்கும்.💐💐💐💐💐

      Delete
    2. நம்பக sites உள்ளன தான் ஆதி ; திறமையான ஓவியர்களுக்குமே பஞ்சமில்லை தான் ; ஆனால் பட்ஜெட்கள் தானே உதைக்கின்றனவே ?!

      Delete
    3. பட்ஜெட் அதிகம் என்பது உண்மைதான் சார்

      Delete
  43. 🤓🙏திருப்பூர் புத்தக திருவிழா👍

    இன்றைய மாலை பொழுதை (*அந்திமழை பொழிந்தாலும்*) *பொன் மாலை பொழுதாக* மாற்றிய நட்பூக்களுக்கு நன்றிகள் ..🙏💐😍🤝

    ReplyDelete
  44. கம்பி நீட்டிய குருவி படித்தவுடன் RIP ! கிர்பி என்றுதான் நினைத்தேன்.
    ஆனால் எடிட்டர் சார் ரிப் கிர்பி கதைத் தேர்வுகளை பற்றி கூறியபின்னர் மூச்சு வந்தது.

    எல்லோருக்குமே இந்த முதல் நவீன துப்பறிவாளர் மேல் ஒரு மெலிதான மையல் இருக்குமென்றுதான் தோன்றுகிறது.

    ReplyDelete
    Replies
    1. "கம்பி நீட்டிய குருவி" - தொடருக்கு சங்கூதும் இறுதி stretch -ல் வெளியான கதை சார் ! நமது தற்போதைய தேர்வுகள் சகலமும் ரிப்பின் golden phase படைப்புகள் !

      Delete
  45. ரிப் கிர்பி என் பால்யகால இனிய நாயகர்களில் ஒருவர்.நல்வரவு ரிப் !

    ReplyDelete
  46. எடி சார், அட்டை படத்திலுள்ள அழகி கிர்பியின் காதலி என்று தெரிகிறது. முடி கருப்பாக நிறமூட்டப்பட்டிருக்கிறதே? சென்னை ஓவியர் ஒருவேளை நமது காமிக்ஸ்கள், கிர்பி கதைகள் பற்றி தெரியாதவராக இருக்க வாய்ப்பிருக்கலாம். அல்லது வேறு யாரோ ஒரு பெண் என்று நாமும் சமாதானப்படுத்திக் கொள்ளவும் முடியும் தான்.

    இருந்தாலும் ஒரு மறக்கமுடியா நாயகனின் மைல்கல் இதழின் அட்டையில் தொடரின் முக்கிய கதாபாத்திரமான அவரின் காதலி இடம்பிடிப்பதும் அவரின் ஒரிஜினல் முடிநிறமான பொன்னிறக் கூந்தல் இடம்பிடிப்பதும் தானே சரியாக இருக்கும்?

    ReplyDelete
    Replies
    1. ////அட்டையில் தொடரின் முக்கிய கதாபாத்திரமான அவரின் காதலி இடம்பிடிப்பதும் அவரின் ஒரிஜினல் முடிநிறமான பொன்னிறக் கூந்தல் இடம்பிடிப்பதும் தானே சரியாக இருக்கும்?///

      அட விடுங்க அபிசேக்..!

      கூந்தலே இல்லாத டெஸ்மாண்டை நினைச்சி அந்த அம்மிணியை ஆறுதல் அடைஞ்சிக்க சொல்லிடுவோம்.!

      Delete
    2. பத்தாக்குறைக்கு பட்லர் விக்கர்ஸ் வேற - மொழு மொழு கபாலத்தோடு !

      Delete
  47. என்ன வித்தியாசமா கமெண்ட் பாக்ஸ் வருது தளத்துல கமெண்ட் போட முடியாம இருந்தேன் இப்ப கரீட்டா வருது ஆனாலும் அந்த கமெண்ட் பொட்டிய காணோம்ங்கிறது வருத்தமே...:-)

    ReplyDelete
  48. சார் எதிர் பார்த்த கதைகள் வந்து குவிஞ்ச்ச்சு....புதிதாக அதிரடியா கதைகள் அறிவியுங்க....தளம் மீண்டும் சூடுபிடிச்சிடும்.....லார்கோ2.0 தயாரா....நிதி சம்பந்தமான அலசலா இருந்தாலும் வரட்டுமே...இன்றைய முக்கியத்தேவையதுதான....

    ReplyDelete
  49. பழைய கதைகள் ஏதாவது ரீபிரின்ட் உள்ளதா ஐயா?!

    ReplyDelete
    Replies
    1. Golden stories reprint என்று சொல்லலாமே ஐயா?

      Delete
    2. காத்திருக்கும் TEX க்ளாசிக்ஸ் 2 கூட மறுபதிப்பு தானே நண்பரே ?

      Delete
    3. டெக்ஸ் மாதம் மாதம் வருகிறது என்பதால் பெரிதான எதிர்பார்ப்பு எதுவும் இல்லை ஐயா!

      Delete
    4. மற்ற மறுபதிப்புகளுக்கு விற்பனைகளும் இல்லீங்களே ?

      Delete
    5. ROFL Sir - what a timing !! :-D :-D :-D As much as it is sad !

      Delete
  50. சிகாகோவின் சாம்ராட் சித்திர அதகளம். நேர்த்தியான ஓவியங்கள் கதையை சுவாரசியமாக நகர்த்திச் சென்றன. ஓவியங்களுக்காகவே மிக மிக ரசித்தேன். இதே ஓவியர் வரைந்த வேறு தல கதைகள் இருப்பின் வெளியுடுமாறு ஆசிரியரைப் பணிவன்புடன் கேட்டுக் கொள்ளுகின்றேன்.

    ReplyDelete
    Replies
    1. இவர் தான் நம்மிடையே அவ்வப்போது தலைகாட்டி வரும் ஓவியர் தானே சார் ?

      Delete
  51. சிகாகோவின் சாம்ராட் :

    பெரிய பெரிய சிலைகள் செய்யும் சிற்பிகள் ஓய்வாக இருக்கும் நேரத்தில்.. வீட்டிலுள்ளோரின் வேண்டுகோளுக்கு இணங்கி.. உரல், அம்மி போன்றவற்றை கொத்திக் கொடுத்தா எப்படி இருக்கும்.. அது எதுக்குன்னு கேட்டா.. உளிக்கு வேலை குடுத்தா மாதிரியும் ஆச்சு.. சோம்பிக்கிடக்காம கைக்கு வேலை குடுத்தா மாதிரியும் ஆச்சு.. இல்லிங்களா.?

    கைதேர்ந்த சிற்பிகள் அம்மி கொத்தினாலும் அதுல ஒரு கலைநயம் இருக்குமில்லையா..!? அப்படி கொத்தப்பட்டதுதான் சிகாகோவின் சாம்ராட்..!

    ஒரு 110 பக்கம் கைவசம் இருக்கு.. ஒரு டெக்ஸ் கதை ரெடி பண்ணுங்கப்பான்னு சொல்லி.. ரெடி பண்ணியமாதிரி இருந்தாலும்.. ஒரு டெக்ஸ் கதைகளுக்கே உரிய சிலபல அம்சங்களை உள்ளடக்கியே இருக்கிறது சிகாகோவின் சாம்ராட்..!

    கார்சனின் துப்பாக்கி துப்பிய தோட்டாவால்.. காயம் பட்டு சீறிப்பாயும் ஆற்றில் விழுந்த திருடன் ஒருவன்.. சிகாகோ போன்ற பெரு நகரத்தில் செனட்டராக இருக்கிறான் என்று பல ஆண்டுகளுக்குப் பிறகு கார்சனுக்கும் டெக்ஸுக்கும் தெரியவர.... அப்புறம் என்ன நடந்திருக்கும்னு உங்களுக்கே தெரிஞ்சிருக்குமே..!

    ஆக்சன் கொஞ்சம் கம்மிதான்..! டர்ஹாம் ஒளித்துவைத்த கைப்பைய்யை டெக்ஸ் கண்டுபிடிக்கும் இடம் நன்றாக இருந்தது.! சித்திரங்கள் குளுமை.. வசனங்கள் அருமை... மேகி டர்ஹாம் குளுமையோ குளுமை அருமையோ அருமை.!

    சிகாகோவின் சாம்ராட் - அவசரத்துக்கு கிளறிய உப்புமா.!
    ( சாப்பிட்டு வைக்கலாம்)

    ReplyDelete
  52. புலி பசித்தாலும் உப்புமா திங்காது-

    அறிஞர் ரமேஷ் பழனிச்சாமி

    ReplyDelete
    Replies
    1. யாரு நீயி...!? அண்டா அண்டாவா அதைத்தானேய்யா தின்னுட்டு இருக்கே..!

      Delete
    2. அது சரி, உப்புமாவிலே பாயாசம் செஞ்சா சர்க்கரை போட வேண்டியிருக்குமா ? வேண்டியிருக்காதா ?

      Delete
    3. சில வீடுகளில் உப்புமாவுக்கும் பாயாசத்துக்கும் வித்தியாசமே தெரிவதில்லை சார்..! சாப்பிட்டு பாத்துதான் கண்டுபிடிக்க முடியுது..!

      முக்கிய குறிப்பு;

      (நல்ல உள்ளம் படைத்த மச்சான் மாப்பிள்ளை மாமன்கள் தவறாக புரிந்துகொண்டு எங்க வீட்டுல போட்டுக்குடுத்து கிடைக்கிற அரைவயித்து கஞ்சிக்கும் ஆப்பு வைத்துவிட வேண்டாமென்று அன்போடு கேட்டுக்கொள்ளப்படுகிறார்கள்..!)

      Delete
  53. ஈ.பு.வி ஸ்பெஷல் இதழ்களுக்கான முன்பதிவு அறிவிக்க நேரம் வந்துடுச்சா? ஏப்ரலில் அறிவிச்சா தானே ஆகஸ்ட் ரிலீசுக்கு சரியா இருக்கும்?

    ReplyDelete
    Replies
    1. ஆமா ஆமா... அப்படியே அந்த கோடை புத்தக விழா மீதம் உள்ள 4 புத்தகங்களை பற்றியும் அறிவிக்கலாம். சுஸ்கி விஸ்கி, உயிரை தேடி தவிர.

      Delete
    2. லைனா நின்னு கடாசி 6 மாசங்களுக்கான புக்ஸ்லேர்ந்து நான் கேக்குற கேள்விங்களுக்கு பதில் சொல்றீங்களாம் ; அப்பாலிக்கா புச்சா புக்ஸ் பத்தி ரோசிப்போமாம் ! இந்த டீல் ஓகேவா நைனா ?

      Delete
    3. ஏஸ் அயாம் சஃபரிங் ஃப்ரம் படிக்லிங்கோஃபோபியா... ஐ வான்ட் லீவ் ஃப்ரம் நீங்க கேக்குற கேள்விகள்.. சோ பிளீஸ் கிரான்ட் மீ லீவ் ஃபார் குறைஞ்சது ஒரு மாசம் சார்..

      யுவர்ஸ் உண்மைஃபுல்லி..

      KiD ஆர்டின் KannaN

      Delete
    4. எனக்கு ஓகே தான் சார். ஏப்ரல் வரை முடித்து விட்டேன்.

      Delete
    5. I am ready. நான் விமர்சனமும் எழுதிவிட்டேன்:-)

      Delete
    6. யுவர் ஆனர்..! நான் எனக்கு கிடைச்ச பிப்ரவரி வரையிலான புத்தகங்களை படிச்சு விமர்சனமும் போட்டாச்சு. ஒரு கிளாசில் படிக்கிற பசங்களும் இருப்பாங்க..! என் மச்சான் மாதிரி படிக்காத மக்குப் பசங்களும் இருப்பாங்க..! அதுக்காக வாத்தியார் இனிமே பாடம் எடுக்க மாட்டேன்னு சொல்றது நியாயமா யுவர் ஆனர்? உங்களுக்கு தெரியாத சட்டமில்லே..நியாயமில்லே..EBF க்கு ஆவலா வர வாசகர்களுக்கு பாத்து எதோ பண்ணுங்க யுவர் ஆனர் ..!

      Delete
    7. அதானே அப்படி கேளுங்க ஷெரீஃப்

      Delete
  54. ஈரோடு புத்தக விழா ஸ்பெஷலுக்கு ஏதாவது புதிய கதை கேட்கலாம்.

    ReplyDelete
    Replies
    1. இதுவரைக்குமான புக்ஸை முழுசாய் முதலில் படிக்க நேரம் எடுத்துக் கொள்ளட்டும் சார் - நண்பர்களின் பெரும்பான்மை ! சுடும் பலகாரங்கள் புஷ்டியான தொப்பைகளுக்குள் ஐக்கியமானால் தானே - நமக்கும் சந்தோஷம் ?

      Delete
  55. 💕💕💕💕💕💕💕💕💕💕💕💕💕💕💕

    *மின்னும் மரணம்"-வர்ணஜால வானவில்லின் வயது7....."*

    #முத்து காமிக்ஸ்ல 25ரூ விலையில் *"மின்னும் மரணம்"*--வருகிறது என்ற அறிவிப்பே சிலபல லப்டப்களை எகிறச் செய்து இருந்தது. இருக்காதா பின்னே இந்த அறிவிப்புக்கு சில காலம் முன்பு வந்திரந்த *கேப்டன் டைகரின் தங்க கல்லறை என்ற இருபாக அறிமுக சாகசம்* வன்மேற்கின் மற்றொரு முகத்தை பிரதிபலித்து இருந்தது. இன்ஸ்டட் காபி போல இன்ஸ்டட் ஹிட் ஆனார் டைகர்.

    தொடர்ந்து வெளியான *இரும்புக்கை எத்தனை& பரலோகப்பாதை* என்ற கதைகளை அந்தரத்தில் தொங்க விட்டிருந்தாலும் கூட *மின்னும் மரணத்திற்கு* மிகப்பெரிய எதிர்பார்ப்பு நிலவியது.

    *25விலையில் மிக நீண்ட சாகசமாக மின்னும் மரணம்* கருப்பு வெள்ளையில் மின்னிற்று. முதல் பக்கத்தில் தொடங்கும் டைகரின் ஓட்டம் கடேசி பேணல் வரை நீண்டது. ஆனாக்கா இணைய பரிச்சயம் இல்லாத அந்த நாட்களில் இந்த கதைக்கு இன்னும் மிக நீஈஈஈஈஈஈண்ட வால் இருப்பது அநேக ரசிகர்களுக்கு தெரியாது. தொடர்ந்த பாகங்கள் *சிறையில் ஒரு புயல் & திசை திரும்பிய தோட்டா* 2ம் காட்டாறுபோல ஓடும் கதைக்கு வேகத்தைக் கூட்டின....

    இந்த சூழலில் வெளியான *மெகா ட்ரீம் ஸ்பெசல்*ல வந்த *"காற்றில் கரைந்த கூட்டம்*"-- என்ற தொடர்ந்த 3பாகங்கள் நம்மை எல்லாம் *அரிசோனா-மெக்ஸிகோ எல்லைக்கே* கூட்டிப்போனது. அத்தனை ரியாலிட்டி கதைக்களம். இப்படி போட்டிபோட்ட ஒவ்வொரு பாகமும் தோற்றுவித்த க்ளைமாக்ஸ் ஜூரத்தில் கடிபட்ட நகங்கள் கால் டன் தேறும்.....

    ஒருவழியாக முத்து 300 வது இதழிலான *புயல் தேடிய புதையல்* "---மின்னும் மரணம் க்ளைமாக்ஸ் வெளியாகும் என்ற தகவல் பலரது வயிற்றில் பால் வார்த்தது. எதிர் பார்த்தது போலவே க்ளைமாக்ஸ் வேற லெவல். விளைவு..............,

    """""""""முத்துல ரொம்ப காலம் கோலோச்சிய *இரும்புக்கை மாயாவி* க்கு அடுத்து விற்பனை &வரவேற்பில் சாதித்து சொற்ப ஆண்டுகளிலேயே *2வது ஸ்டார் என்ற அந்தஸ்தை பெற்ற நாயகரானார் டைகர்*""""""""

    (டெக்ஸ் vs டைகர் என கெளபாய் ரசிகர்கள் அவ்வப்போது உரசிக்கொள்ளும் காரசாரமான விவாத மேடைகளும் தோன்றியது இதன் பிறகே)

    பொண்ணு பார்த்தாச்சி, நிச்சயம் பண்ணியாச்சி, ரிசப்சன் முடிஞ்சது, கண்ணாலமும் முடிஞ்சது; ஹனீமூன் எப்ப? எங்கே? என ஒலிக்கும் மாப்பிள்ளைகளின் ஏக்க குரலில் டைகரின் ரசிகர்கள் *"தனித்தனியாக வந்த மின்னும் மரணம்- சில பாகங்கள் பலருக்கும் கிடைக்கல! ஒரே இதழாக இரத்தப்படலம் ஜம்போ போல போட்டே ஆகணும்!!!!*"--என ஒலித்தன.

    *ஆண்டாண்டு காலமாக இந்த கோரிக்கையும் வலுப்பெற்று வந்தது*.

    (மின்னும் மரணத்திற்கு இன்னுமொரு *"ஜிலு ஜிலு" க்ளைமாக்ஸ் பாகம் Arizona love* இருப்பது இணைய பரிச்சயம் பரவலான பின் எல்லோரும் தெரிய வந்தது)

    *2012கம்பேக்கிற்கு பின் கலரில் இதழ்கள் சக்கை போடு போட்டபின் "மின்னும் மரணம்"* தொகுப்பும் கலரில் வேணும் வித் *அரிசோனா லவ்-வுடன் என்ற கோசம் எடிட்டர் விஜயன் சாரின் காதுகளை வெகுவிரைவில் எட்டியது*. இருப்பினும் கண்டும் காணாததுமாக கடந்து போய் கொண்டே இருந்தார் ஒவ்வொரு சந்தர்ப்பத்திலும்......!!!

    *மின்னும் மரணம்* வந்தே ஆகணும் என *டெக்ஸ் ரசிகர்களும்* இணைந்து கொண்டனர் ஒரு கட்டத்தில்....! *உண்மைதான்பா நம்புங்க*-----சத்தியமாக☺️😎

    இந்த சூழலில் *2013 ஈரோடு புத்தகவிழாவில் 11-08-2013- ஞாயிறு அன்று மாலை4மணிக்கு* குழுமி இருந்த சுமார் 15 நண்பர்கள் *மின்னும் மரணம் முழுவண்ண தொகுப்புக்காக* எடிட்டரை பிடிவாதத்துடன் நெருக்க ஆரம்பித்தனர். ஆரம்பத்தில் மிடுக்குடன் மறுத்து வந்த அவரின் குரல் சற்றே தேய தொடங்கியதுடன் நண்பர்கள் சற்றே அழுத்தம் கொடுத்தனர். வந்ததே அந்த அதிரடி அறிவிப்பு...

    *2015ஜனவரியில் மின்னும் மரணம் இறுதி பாகத்துடன் சேர்ந்து வரும்* ".......நண்பர்களின் உற்சாக ஆரவாரமும் கைதட்டல்களும் காதை பிளந்தன. மின்னும் மரணம் வெளிவர அன்று குரல் கோடுத்த அந்த 15நண்பர்களில் நானும் ஒருவன் என்று கூறிக்கொள்வதில் காலரைத் தூக்கி விட்டு சற்றே பெருமிதம் கொள்கிறேன் ஃப்ரெண்ட்ஸ்!😎😎😎😎

    இத்தகைய பிரதித்திபெற்ற *மின்னும் மரணம்*- கலர் தொகுப்பின் முன்பதிவு 2014ல் சிறப்பாக நடைபெற்றது...கிட்டதட்ட 800 ரசிகர்களுக்கு மேல முன்பதிவு செய்திருந்தினர்..

    சிறப்பாக தயாரிக்கப்பட்டு இருந்த *மின்னும் மரணம்* வண்ண தொகுப்பின் வெளியீடு
    *2015 ஏப்ரல் 19ல் தமிழ் புத்தக சங்க விழாவில் இராயப்பேட்டை அரங்கில்* வெளியாக ஏற்பாடு செய்யப்பட்டு இருந்த்து.

    அதாவது *இன்றைய தினத்தில்....7ஆண்டுகளுக்கு முன்பு😍😍😍😍*.... இந்த பதிவின் நோக்கம் இந்த பிரமாண்டத்தை நினைவு கூர்வதே, காலையிலயே நினைவூட்டிய நம் நண்பர் @⁨சரவணன் சீனிவாசன்⁩ க்கு நன்றி சொல்லிட்டு தொடர்வோம்..🙏

    மின்னும் மரணத்தின் வெளியீட்டு விழா எல்லா வகையிலும் சிறப்பான ஒன்று! *லயன்-முத்துவின் முதல் பிரமாண்ட தொகுப்பு*; முதல் முதலாக தனித்த அரங்கில் வெளியிடப்பட்ட லயன்-முத்து இதழ்! தமிழ் ரசிகர்கள் எல்லா இடங்களில் இருந்தும் வந்திருந்தனர்.

    *ரூ1000என்ற விலையை தொட்ட முதல் தமிழ்காமிக்ஸ்....ம் மின்னும் மரணமே.....*

    *சிறப்பு வெளியீடு சார்ந்த எல்லாம் முடிந்து அனைவருக்கும் அடிவயிறு தாளம் போடவும் தான் மணி 3ஐ நெருங்யிருந்தது தெரிந்தது.... ஆசிரியர், அங்கே அனைவரும் ஒன்றாக உணவருந்த ஏதேனும் உணவகம் உள்ளதா என பார்க்கச்சொன்னார்கள்... உடனடியாக உள்ளூர் நண்பர்கள் அருகேயிருந்த அருமையான ஒரு ஓட்டலுக்கு அழைத்து சென்றனர்... சுவையான சைவ உணவை சீனியர் எடிட்டர் மரியாதைக்குரிய செளந்திரபாண்டியன் ஐயா, நம்ம அன்பின் எடிட்டர் விஜயன் சார், நம்ம வாரிசுகளின் எடிட்டர் ஜூனியர் விக்ரம் உடன் நண்பர்கள் ஒன்றாக அமர்ந்து உணவருந்தினோம்..😋😋😋😋😋 லயன் நிறுவனம் அளித்த முதல் விருந்து என்றென்னும் நினைவில் இருக்கும....😍😍😍😍

    💞💞💞💞💞💞💞💞💞💞💞

    புகைப்படங்கள் பார்க்க இந்த சுட்டியை சொடுக்கவும்..

    https://m.facebook.com/story.php?story_fbid=666475004579680&id=100036515580386

    ReplyDelete
    Replies
    1. மொத பொஸ்தவம் நாங்க தான் வாங்கினோம்..

      Delete
    2. செம STV! அப்ப இந்த புகைப்படங்கள் சாதாரணமாகத்தான் தெரிந்தன. இப்ப பார்த்தால் லவ்லி. காலம் எவ்வளவு வேகமாக உருண்டோடுகிறது...

      Delete
    3. ரம்மி@ போட்டோக்களில் குறிப்பிட்டு உள்ளேன்...

      Delete
    4. செனா அனா ஜி@ ஆம் பொருளர் ஜி. கடகடனு 7ஆண்டுகள் ஓடிட்டது.... போட்டோக்கள் பார்க்கும் போது அனைவருமே கொஞ்சம் இளமையோடு காணப்படுகிறோம்.... இம்முறை வாட்ஸ்ஆப் டிஸ்கிரைப்சன்களோடவே அப்லோடு பண்ணி உள்ளேன்... அது எப்படி இருந்தது???

      Delete
    5. மொத பொஸ்தவம் நாங்க தான் வாங்கினோம். ---- நாங்களும் தான் :-) உங்களை முதல் முதல் சந்தித்தது அங்கே தான் என நினைக்கிறேன் ரம்மி :-)

      அழகான பசுமையான நினைவுகளை கிளறியதற்கு நன்றி விஜயராகவன்!

      Delete
  56. I had got this book almost 6 months back for Rs.2700, book shown in the group was different from actual receipt ( through second sales)....Amazing one , read it in four days ( during night time, after back from office)...One of the best book, I ever read...pride to have in my collection... I can understand your proud / goosebump feeling sir..

    ReplyDelete
    Replies
    1. அடுத்தடுத்து சில ஆண்டுகள் வரை ஆபீஸ்ல இருந்ததுனு நினைக்கிறேன்... தனிதனியாக படிச்சி ஒவ்வொரு பாகத்திற்கும் காத்திருந்து படிச்ச எங்களைவிட நீங்கள் லக்கி....எக்ஸலண்ட் அனுபவம் ஆக இருந்து இருக்கும்....

      Delete
  57. கானகக் கோட்டை..

    குட்டிச் செவரில் முட்டிக் கொள்ள வெள்ளெழுத்து எதற்க்கு??

    ReplyDelete
    Replies
    1. அத படிச்சு முடிச்ச பிறகு முட்டினால் என்ன முட்டாவிட்டால் என்ன ;-)

      Delete
  58. சார் லயன் லைப்ரரி-2 எப்போது கிடைக்கும்?

    ReplyDelete
    Replies
    1. அனுப்பும் போது கிடைக்கும்பா....

      Delete
  59. ரிப்கிர்பி, ஹனி டோரியன், டெஸ்மாண்ட், விக்கர்ஸ், ரிப்பின் நிரந்தர வில்லன் மேங்க்ளர், மற்றும்சுருட்டும் கையுமாக உலாவரும் அந்த குண்டு அம்மணி. 70'களின் பசுமை நினைவுகளை மீண்டும் நினைவூட்டவரும் ரிப் குடும்பம் இன்னும் சிலதினங்களில் கைகளில். கிர்பி, கிர்பி, கிர்பி, சீக்கிரம் வாங்க ஜெண்டில் மேன் சார். ஆவலுடன். கரூர் ராஜ சேகரன்

    ReplyDelete
  60. டெக்ஸ் கிளாஸிக்ஸ் 2 எப்போது வெளிவரும் சார்?!

    ReplyDelete
    Replies
    1. Ji..
      இன்று திருப்பூர் புக் ஸ்டாலுக்கு விற்பனைக்கு குறைந்த எண்ணிக்கை காப்பிகள் அனுப்பபட்டுள்ளதாக திருப்பூர் நட்பூஸ்களிடம் இருந்து நல்ல தகவல்.
      நமக்கும் இரண்டொரு நாளில் கிடைக்க வாய்ப்பு உள்ளது.

      Delete
    2. அப்ப நிச்சயமா நம்ம வீட்டுக் கதவை டெக்ஸ் தட்டுவார்...என்ன பந்தயம்ங்கு பட்ஜி

      Delete
    3. அனுப்பியது 50 பிரதிகள் நண்பரே ; முதல் நாள் விற்றது 6 ....இன்று (சனிக்கிழமை) இதுவரையிலும் விற்றுள்ளது 7 ! ஆக இந்த நொடியில் ஸ்டாலில் உள்ள ஸ்டாக் 37 பிரதிகள் !

      Delete
  61. First half of this post was great fun sir. Sirichu mudiyala

    ReplyDelete
  62. சார் இன்று பதிவுக் கிழமை...

    ReplyDelete
  63. *உலக புத்தக தின வாழ்த்துக்கள்*📚
    *புத்தகம் சிறந்த நண்பன், புத்தகம் சிறந்த ஆசிரியர், புத்தகம் சிறந்த பள்ளிக்கூடம், புத்தகம் சிறந்த வழிகாட்டி*

    📓 *புத்தகம் படிப்பது பொழுது போக்கு, அதை தொடர்ந்து படித்து வாழ்வை மேம்படுத்துங்கள்*

    📒 *தொட்டுத் தொட்டு படித்தால் அது வெறும் காகிதம், தொடர்ந்து படித்தால் அதுவே வெற்றியின் ஆயுதம்*

    📙 *கைபேசிக்கு அடிமையாகாமல், அதனை ஒதுக்கி வைத்து விட்டு நல்ல புத்தகங்களை வாசிப்போம், நேசிப்போம்*

    📖 *உலக புத்தக தினம் இன்று*

    📕 *இனிய காலை வணக்கம்* 📙

    ReplyDelete
    Replies
    1. ///📙 *கைபேசிக்கு அடிமையாகாமல், அதனை ஒதுக்கி வைத்து விட்டு நல்ல புத்தகங்களை வாசிப்போம், நேசிப்போம்*///

      +111

      Delete
  64. Senior Edi Sir,நம்ப Edi Sir & Junior Edi Sir மற்றும் @அனைத்து காமிக்ஸ் புத்தக காதலர்களுக்கும் புத்தக தின வாழ்த்துக்கள்..🙏💐❤️🥰

    ReplyDelete
  65. சார் உற்ச்சாகமா ஒரு பதிவு....புதிய நாயகர்கள் யாரும் தட்டுப்பட்டார்களா...ஸ்பைடரின் முழுநீள புதிய கதைகள் வந்து விட்டதா

    ReplyDelete
  66. உலக புத்தக தினமான இன்று Tex Classic கிடைக்கும்படி செய்த எடிட்டருக்கு நன்றி கலந்த வணக்கங்கள்.

    ReplyDelete
  67. புத்தகத்தின உள்ளே 2ம் பக்கத்தில் மறைந்த நண்பர் 13 ன் காதலர் திரு.பழனிவேல் அவர்களின் வண்ணப புகைப்படம், கையில் இரத்தப்படலம் புத்தகத்துடன். நிறைவான அஞ்சலி.

    ReplyDelete
    Replies
    1. ...நிறைவான அஞ்சலி... மன்னிக்கவும். நெகிழ்வான அஞ்சலி.

      Delete
  68. நண்பர் பத்துவின் கமண்ட பாத்ததும்....ஃபோனடிச்சா அப்பாட்ட குடுத்தாச்சுண்ணா என்ற குரலை கேட்டதும் ஜிவ்வென பறந்து ...விழுந்தடித்து இறங்கி புத்தகம் வந்தத சொல்லாத மனையாள கடிந்து ....வாங்கியாச்

    ReplyDelete
  69. அய்யய்ய...பார்சல் பிரிக்க டேப்பை கிழிக்கப் போராடி ...கடுப்பாகி குறுக்காக ஒரே கிழி ...சும்மா அட்டைப்படம் தெறிக்க மயக்கறார் டெக்ஸ்...என்னளவில் நமது மறுவருகைக்கு முன்னால் வந்த அட்டைகள் ஐ இவ்வட்டையே டாப் ....அந்த வர்ண ஜாலம்தா என்ன அழகு...நீரிலே உறுத்தலால் எழும் வளையங்கள் பின்னணியில் ...நீர்நிலையருகே டெக்ஸ்.....இதுவரை வந்ததிலே இதான் டாப்....கச்சிதமாருக்கு சிக்கென்ற அட்டை புத்தகத்துக்கு பொருத்தமாய்...பின்னட்டையோ மேக்கிங் பிரம்மாண்டத்ல டாப்... டெக்ஸ் வில்லன்களிடமிருந்து தப்புவது போலவே வழுக்க...நீல நிற மலைத்தொடரும் பஞ்சுப் பொதி மேகமுமாய் இங்க பெய்யும் மன மழையும் காத்திருக்கும் கன மழையும் போல குதூகலிக்கச் செய்ய டெக்ஸ் இறங்கி வருகிறார்....இரண்டு அட்டைகள் பட வரலாற்றில் முன்னும் பின்னுமாய் இரண்டையும் திருப்பிப் பார்க்க இதான் டாப் என திருப்பும் போதில் முன்னும் பின்னுமாய் மாறி டாப் நானென குதிக்க ஆமோதிக்குது மனது...சூப்பர் சார்

    ReplyDelete
    Replies
    1. அதும் பின்னட்டை டெக்ஸ் வெளிய வந்துடுவார் போல கை நீட்டி இழுத்தா....கச்சிதம் சார்

      Delete
  70. கடல்ங்றதால நீல நிறத்ல விட்டுட்டாரா மூவிரண்டு முன் பின் பக்கங்கள்....அடுத்த வெளியீடு விளம்பரம் பாம்புக் தீவில் மாயாவி...கடத்தல் முதலைகள் அட்டைப் படத்த நினைவு படுத்துது ஓநாய் வேட்டை விளம்பரம்...இதையே அந்த இரண்டு ஃப்ரேமயும் மேலும் கீழுமாக முன் அட்டையா தந்தா அருமையாருக்குமே...புரட்ட தேடிய நண்பர் இரத்தப் படலத்துடன்...ம்ஹும்...மேலும் புரட்ட வண்ணக் கலவை அட்டகாசம் கண்ணாடி போல் பக்கங்கள்....பின் கதையோ வான வில்லின் ஜாலமாய் ....வேதாளரை தொடர்கிறேன் விறுவிறுப்பான வேதாளர் மேடய பாதிலயே விட்டுட்டு வந்தாச்

    ReplyDelete
    Replies
    1. கடுப்பேத்துறாருங்க மை லார்ட்..

      Delete
  71. Edi Sir..

    1)இன்றைக்கு பதிவு உண்டுங்களா?

    2) இன்றைய பதிவு எதை பற்றியதாக இருக்கும்?

    3) எனக்கு Tex classic 2 இன்னைக்கு வரலீங்க Edi Sir.😔🤔🤔 ஏன்?.(14.3.2022 பணம் அனுப்பினேன்.)

    ReplyDelete
    Replies
    1. நிறைய நண்பர்களுக்கு வரவில்லை:-) கொரியர் தாமதமாக இருக்கலாம்.

      Delete
    2. This comment has been removed by the author.

      Delete
    3. பதிவு தாமதமாக வர காரணம் ஆசிரியர் பிஸியாக இருப்பார் அல்லது வேலை விஷயமாக அண்டை மாநிலம் அல்லது வெளிநாடு சென்று இருக்கலாம் :-)

      Delete