க்வாட்டரும் கடந்து போகும் !

நண்பர்களே,

வணக்கம். வெள்ளையர்களின் சிலபல வார்த்தைகள் – தமிழ் பேசும் நல்லுலகில் வாஞ்சையோடு தத்து எடுக்கப்பட்டு நமது அன்றாடத் தமிழுக்குள் ஐக்கியமாகியிருப்பதில் ரகசியமேது? “டாக்ஸீ… கூரியர்… சாரி… டார்ச்லைட்… செல்..பஸ்...லாரி...” என்று நீண்டிடும் அந்தப் பட்டியலுக்குள் ”குவாட்டர்” என்ற பதமும் பிரதானமானதல்லவா? So “க்வாட்டரும் கடந்து போகும் !” என்ற பதிவின் தலைப்பைப் பார்த்த கணமே – ‘இதுவொரு மார்க்கமான மேட்டராக இருக்குமோ?‘ என்று அர்த்தம் எடுத்துக் கொண்டிருந்தால் – தவறு உங்கள் மீதல்ல !

4 க்வாட்டர்கள் சேர்ந்தால் தானே ஒரு புல்…? அதாவது ஆண்டின் 4 காலிறுதிகள் (க்வாட்டர்கள்) இணைந்தால் தானல்லவா ஓராண்டு முழுமையடையும் ?! நான் குறிப்பிட்டது தற்போது 2018-ல் நாம் கடந்து வந்திருக்கும் 3 க்வாட்டர்களையும் – எதிர்நோக்கிக் காத்திருக்கும் இறுதிக் க்வாட்டரையுமே !! So நான்காம் காலிறுதியின் துவக்கத்தில் நின்றபடிக்கே பின்திரும்பி இந்த ஆண்டின் performance-ஐ நாமாகவே ஒரு சுய அலசல் செய்திட முனையும் முயற்சியிது எப்போதும் போலவே ! இன்னும் 2 வாரங்களுக்குள்ளாக அடுத்த ஆண்டின் அட்டவணையைக் கண்ணில் காட்டும் பொறுப்பிருக்க – இந்த நடப்பாண்டின் உச்சங்களையும், பாதாளங்களையும் நேர்மையாய்ப் பரிசீலனை செய்வது அவசியம் தானே ? So இந்த வாரமும், தொடரும் வாரமும் – “அலசல் வா-ர-ங்-க-ள்!”

ஒவ்வொரு முறையும் அட்டவணை உருவாக்கத்தின் போது – என் முன்னே குவிந்து கிடக்கும் கதைகள் சகலமுமே சூப்பர் ரகம் போலவே தெரிவதுண்டு ! “ஆங்… இது பிரமாதம்… இது நிச்சயம் எல்லோருக்கும் ரசிக்கும்… இது ஹிட் தான்!” என்று ஏதேதோ காரணங்களின் பொருட்டு கதைகளோ; அல்லது அவை சார்ந்த நெட்டில் காணக் கூடிய review-களோ; நாம் கேட்டு வாங்கிடும் கதைச் சுருக்கங்களோ தென்படுவதுண்டு ! “இந்தவாட்டி all areas மாஸ் ஹிட் தான்; எல்லா இதழ்களுமே சும்மா எகிறியடிக்கப் போகின்றன” என்று மனசுக்குள் தோன்றும் ! அட்டவணையும் களமிறங்கி… புதிய வருடம் புலர்ந்து… இதழ்களும் தயாராகிடும் தருணங்களில் தான் – சன்னம் சன்னமாக பேஸ்தடிக்கும் படலங்கள் துவக்கம் கண்டிடுவதுண்டு! ‘பின்னிப் பெடலெடுக்கப் போற கதையிது‘ என்று எந்த ஆல்பத்தை மனதுக்குள்ளாய் சிலாகித்திருப்பேனோ – அதனுள்ளே புகுந்து பணியாற்றும் போது திரு திருவென முழிக்க நேரிடும் சமயங்களில் தான் – டிரைலர்கள் வேறு; முழுக்கதைகளின் பரிச்சயம் வேறு – என்பது உறைக்கும் ! மெல்லவும் முடியாது – விழுங்கவும் முடியாது – ”மூஞ்சியைச் சிரிச்சா மாதிரியே வச்சிக்கிட்டு” களமிறங்க வேண்டித் தான் வரும்! ஆனால் – எந்தச் சாமியின் கருணையோ தெரியலை – நடப்பாண்டில் இதுவரையிலும் அந்த “சொ.மு.வி.மு” தருணங்கள் வெகு சொற்பமாகவே இருந்துள்ளன !

ஜனவரி வழக்கம் போல சென்னைப் புத்தக விழாவெனும் அதிர்வேட்டோடு ஆரம்பித்து நேற்றைய நிகழ்வு போல இன்னமுமே மனதில் நிழலாடுகிறது ! தோர்கலின் “கடவுளரின் தேசம்” நடப்பாண்டின் முதல் இதழ் plus முத்து காமிக்ஸின் ஆண்டு மலரும் கூட! And தோர்கலை சிலபல படிகள் உசத்தி – ஒரு மெர்சலூட்டும் உயரத்துக்கு இட்டுச் சென்றுள்ள பெருமை இந்த 4 பாக ஆல்பத்தைச் சாரும் என்று தைரியமாய்ச் சொல்லலாம் ! ஆரம்பத்துத் தள்ளாட்டத்துக்குப் பின்பாய் தோர்கல் has been on an upward spiral என்பதில் இரகசியங்கள் இல்லை தான்; ஆனால் இந்த நெடும் கதை வான் ஹாமின் உச்சப் படைப்புகளுள் முக்கிய இடத்தைப் பிடிக்க வல்லது என்பதில் சந்தேகமே லேது! வேறு வழியின்றியே இந்த இதழை ஒரு தொகுப்பாய் உருவாக்க நேரிட்டது ! இரு பாகங்களாய் – இரு தனித்தனி இதழ்களாய் அடுத்தடுத்த மாதங்களில் வெளிவருமாறு திட்டமிடலாம் என்றே ஒரிஜினலாய் எண்ணியிருந்தேன்! But இந்தக் கதை செமையாய் முறுக்கேறி நிற்கும் தருணத்தில் – “அடுத்த மாதம் தொடரும்” என்று போட்டால் – ஏகப்பட்ட RK பாணியிலான "தரமான விமர்சனங்கள்" துள்ளியெழக்கூடுமென்று பட்டது ! So முழுசாய் – ஏக் தம்மில் படிக்கும் அனுபவத்தை மறுக்க வேண்டாமென ஒரு லேசான தயக்கத்தோடே தீர்மானித்தேன்! கிட்டிய வரவேற்பு என் வயிற்றில் ஆவினோ – ஆரோக்யாவோ ஏதோவொன்றை வார்த்தது ! And இது சென்னைப் புத்தக விழாத் தருணத்தின் வெளியீடாக அமைந்ததால் – ஸ்டாலிலும் அழகான விற்பனை கண்டிட முடிந்தது! So சந்தா அணியில் மாத்திரமின்றி; casual வாசகர்களிடமும் வரவேற்புப் பெற்ற இதழ் எனும் போது – ஆண்டின் துவக்கமே அமர்க்களம்!

ஜனவரியின் இன்னொரு runaway ஹிட் – டெக்ஸின் “ஒரு கணவாய் யுத்தம்”! நம்மவரின் ஆக்ஷன் கதைகள் என்றைக்குமே பரபரப்பிற்குப் பஞ்சம் வைத்திராதவைகளே ! And இதுவுமே அந்த எழுதப்படா விதிகளை அட்சர சுத்தமாய்ப் பின்பற்றியது! தெறிக்கும் பாறைகளில் சிக்கிடாது துள்ளிக் குதிக்கும் டெக்ஸ் & கார்சனின் ராப்பரையும், உட்பக்கச் சித்திரங்களின் தரத்தையும் பார்த்த நொடியே – இது சோடை போகா இதழாக அமைந்திடுமென்ற நம்பிக்கை பிறந்திருந்தது என்னுள் ! விற்பனையில்; வரவேற்பில் – துளியும் ஏமாற்றிடாது வலம் வந்த இதழும் கூட! என்ன – கதையின் க்ளைமேக்ஸில் இன்னும் கொஞ்சம் வீரியம் கூடியிருந்தால் – அந்த பில்டப்பிற்கு நியாயம் செய்தது போலிருக்குமென்று தோன்றியது ! என்னளவிற்கு 80/100 !

ப்ளூகோட் பட்டாளத்தின் “சேற்றுக்குள் சடுகுடு” – கார்ட்டூன் பிரியர்களுக்கு, முக்கியமாய் – அந்த மாறுபட்ட பகடிப் பாணிப் பிரியர்களுக்கு ஒரு flawless விருந்து என்றே சொல்வேன் ! ரொம்பவே வித்தியாசமான கதை நாயகர்கள் – இந்த ஸ்கூ & ரூ ஜோடி ; simply becos இது போன்ற யுத்தகளச் சிப்பாய்களைக் கொண்டு சீரியஸான ஆக்ஷன் கதைகளைப் புனைவதே வழக்கமான அணுகுமுறையாக இருந்திடக்கூடும் ! ஆனால் குதிரைப்படையில் இரு மங்காத்தான்களை இறக்கி விட்டு; போரின் அக்கப்போரை நயம்பட சிரிக்கச் செய்யும் விதமாய்ச் சொல்ல முனைவது தான் ப்ளூகோட் பட்டாளத் தொடரின் வித்தியாசமே அல்லவா ?! And எப்போதுமே ஒரு மொக்கையன் – ஒரு குட்டையன் என்ற ஜோடி தலைகாட்டும் போது நமது கவுண்டரும் – செந்திலும் மனதில் நிழலாடுவதைத் தவிர்க்க இயலாது! இம்முறையுமே இந்தக் கதைக்குப் பேனா பிடித்த வேளையில் என்னை இயக்கியது நமது காமெடி ஜோடியின் நினைவுகளே! Classy start to the cartoon track – என்னளவிற்கு!

ஜனவரியின் surprise – அந்த பாக்கெட்சைஸ் ஹார்ட்கவர் ஸ்பைடர் மறுபதிப்பே ! டயபாலிக் கதைகளை இது போன்ற தம்மாத்துண்டு சைஸில் இத்தாலியில் பார்த்த நாள் முதலாகவே நமது இதழ்களுள் ஏதாவதொன்றை இந்த பாணியில் பார்த்திட எனக்குள் ஒரு ஆர்வம்! பக்கத்துக்கு இரண்டே படங்கள் என்ற ஸ்பைடராரின் பாணி இந்த குட்டி சைஸுக்கு சுகப்படுமென்று தோன்றியதால் – ஜனவரியில் இதழ் # 4 நமது துவக்க நாட்களது ஸ்டைலுக்குப் பயணித்திருந்தது! ஆனால் ‘அட!‘ என்ற ஒரு சின்ன ஆச்சர்யத்தைத் தாண்டி, பெரியதொரு impact ஏற்படுத்திடவில்லை! So இக்கட லைட்டா ஏமாற்றம் அண்ணாச்சி ! ஜனவரியின் நான்கு இதழ்களுமே கமர்ஷியலாய் சுகப்பட்ட இதழ்கள் என்பதால் – ஆண்டுக்கொரு சந்தோஷத் துவக்கம் !

பிப்ரவரியின் சமாச்சாரமோ சற்றே கலவையான ரிசல்ட்களோடு தான்! மீசைக்காரர் வேய்ன் ஷெல்டனின் “மரணம் ஒரு முறையே” – as usual, ஹீரோவைப் புதியதொரு தேசத்தில்; புதியதொரு பணியோடு; புதியதொரு அழகான பெண்ணோடு வலம் வரச் செய்ததொரு ஆக்ஷன் கதை! But நிறையவே செயற்கையான ட்விஸ்ட்கள், கதையின் நாயகி - வில்லனது ஆளா ? காதலியா? என்ற ரீதியிலான கேள்விகள்; பார்த்துப் பார்த்துப் பழகிப் போன ஷெல்டனின் கார்-லாரி-கப்பல்—பிளேன் பயணங்கள் என்ற templates ஒன்றிணைந்து எனக்கு லேசாய்ச் சலிப்பை ஏற்படுத்தியது ! Average fare at best !! 60/100 எனது பார்வையில் !

பிப்ரவரியின் Tex கூட லேசான ஏமாற்றமே என்னளவிற்கு! கதைச் சுருக்கங்களை; விமர்சனங்களை; கதையின் சித்திரங்களை; களங்களைப் பார்த்த போது – இதுவொரு செமத்தியான த்ரில்லராய் அமைந்திடுமென்று எதிர்பார்த்திருந்தேன். ஆனால் சற்றே காரம் + மசாலா குறைச்சலாகவே கதை பயணித்தது போலவே நெடுகிலும் எனக்குத் தோன்றியது! கதாசிரியர் மௌரோ போசெல்லியின் தீவிர ரசிகன் நான் ! அவர் ஒவ்வொரு கதைக்கும் நல்கிடும் research ; எடுத்துக் கொள்ளும் சிரத்தைகளை உன்னிப்பாய்க் கவனிப்பது எனக்கொரு பொழுதுபோக்கு! “வெண்பனியில் செங்குருதி”யில் அவர் உருவாக்கியிருந்த கட்டமைப்புக்கு இன்னும் சற்றே வீரியமான கதையை உருவகப்படுத்தியிருக்கலாமோ என்ற ஆதங்கம் மட்டுமே !  75/100.

சாகஸ வீரர் ரோஜரின் “மர்ம கத்தி” மறுபதிப்பே எனும் போது – என் தரப்பினில் no complaints at all ! வண்ணத்தில் இந்த ஆல்பம் மினுமினுத்தது; அந்த க்ளைமேக்ஸ் கொணர்ந்த ஜாலியான அலசல்கள் என்று தன் கடமையைச் செவ்வனே செய்து சென்ற இதழாக இதனைப் பார்த்திட்டேன்!

கார்ட்டூனில் திருவாளர் ரின்டின் கேன் அவர்கள் தான் ரொம்பவே ஏமாற்றமளித்தவர் – பிப்ரவரியின் கூட்டணியில்! “இராணுவத்தில் ஒட்டகம்” என்பது அந்நாட்களில் ஒரு பரீட்சார்த்த முயற்சியாகக் கையாளப்பட்டது நிஜமே எனும் போது, அதனைப் பின்புலமாய்க் கொண்டு கதை புறப்பட்ட போது ‘சூப்பரப்பு‘ என்று மகிழ்ந்தேன்! ஆனால் பாதித் தொலைவுக்குப் பின்பாய் எந்தத் திக்கில் நகற்றிச் செல்வதென்பதைத் தீர்மானிக்க இயலாதவராய் கதாசிரியர் slapstick காமெடிக்குள் புகுந்த போது சங்கடமாகயிருந்தது! மெலிதான கதைக்களங்களே என்றாலும் – தடுமாற்றமிலா flow இருந்தாலொழிய சேராது என்பதை எனக்குப் புரியச் செய் அனுபவமிது ! "என் நண்பேன்டா" - 'கதையைத் தேடறேன்டா' என்ற கதையாகிப் போச்சென்பதால் 50/100!!

மித பிப்ரவரிக்குப் பின்பாய் மார்ச்சில் எல்லாமே நலமானது புனித தேவன் மணிடோவின் சகாயத்தால்! ஜில் ஜோர்டனின் “கடிதமும்... ஒரு கறுப்பு ஓநாயும்” – ஆளை அசரச் செய்யும் அசாத்தியமான கதைக்களமென்ற பாசாங்குகளெல்லாம் இல்லாது – ஒரு அழகான, சிம்பிளான துப்பறியும் கதையோடு நம்மை சந்தித்தது! இந்த ஆல்பத்தின் ஆங்கிலப் பதிப்பை Amazon-ல் ஆர்டர் செய்து வாங்கிட முடிந்திருந்ததால் – தெளிவான அந்தக் கதையோட்டத்தைப் படித்து, அப்புறமாய் கதைக்கு ‘டிக்‘ அடிக்க சாத்தியப்பட்டிருந்தது! நமது சமீப அட்டவணைகளில் ஒரு நல்ல mystery whodunit பார்த்தே ரொம்ப காலமாகி விட்டதெனும் போது – ஜில்லார் என்னளவுக்கு ஜில் ஜில்லார் !

மார்ச்சின் டெக்ஸ் – “பாலைவனத்தில் புலனாய்வு” கூட ஒருவித mystery த்ரில்லர் தான்; யூகிக்கக் கூடியதொரு க்ளைமேக்ஸோடு ! ஆனால் சிங்கிளாக டிடெக்டிவ் அவதாரில் டெக்ஸ் அந்தச் சிறு நகரில் சுற்றி வருவதையும்; அழகான சித்திரங்களையும், மாமூலான செவ்விந்தியர்கள்; துப்பாக்கிக் கடத்தல் போன்ற அலப்பரைகளிலா கதையோட்டத்தையும் ரசிக்க முடிந்தது எனக்கு! சிங்கிள் ஆல்பத்துக்கு சோடை போகாத சாகஸமென நினைக்கச் செய்தது!

மார்ச்சின் கார்ட்டூன் கோட்டாவுக்கென கோதாவில் இறங்கிய நீலப்பொடியர்களின் “வேட்டையாடு... விளையாடு” – அழகானதொரு அனுபவமாய் எனக்கும், ஸ்மர்ஃப் பிரியர்களுக்கும் அமைந்தது என்பதைச் சொல்லவே தேவையிராதென்று நினைக்கிறேன். எல்லாமே ஆங்கிலத்தில் உள்ள கதைகள் எனும் போது – அவற்றைப் படித்து, தேர்வு செய்ய முடிவதால் சுவாரஸ்யமான கதைகளாக ‘டிக்‘ அடிப்பது ராக்கெட் விஞ்ஞானமல்ல தானே? So “வேட்டையாடு... விளையாடு” – fun all the way!  “ஆனால் – எனக்கு நீலக்கலரே புடிக்காது... ச்சை!” என்று முகம் சுளிக்கும் நண்பர்கள் அணிக்கு எவ்வித அனுபவமென்று no comments!

மறுபதிப்பினில் மார்ச்சுக்கென இருந்த ஸ்லாட்டில் நமது உடைந்த மூக்காரின் “தோட்டா தலைநகரம்” தெறிக்க விட்டதில் துளியும் வியப்பில்லை! கலரில் – பெரிய சைஸில் ஒரு க்ளாசிக் கதையை ரசிப்பதிலுள்ள சுகமே தனி தானே?

முதல் காலிறுதி நிறைவுற்று ஏப்ரல் ’18 புலர்ந்த போது – LADY S டாலடிக்கும் ஒரு அட்டைப்படத்தோடும்; அட்டகாசமான சித்திர / கலரிங் தரத்தோடும் நம்மைச் சந்திக்கக் காத்திருந்தார்! ஐரோப்பாவின் குறுக்கும், நெடுக்கும் ஷானியா சுற்றி வருவதும்; ஆக்ஷன் அதிரடிகளில் அதகளமில்லையெனினும், ரசிக்கக் கூடிய கதையோட்டத்தில் பயணித்திருப்பதும் எனக்கு நிறைவாகவே தோன்றியது! எல்லா ஆக்ஷன் த்ரில்லர்களுமே இரத்தப்படல ஆழங்களையும், அழுத்தங்களையும் கொண்டிருக்க வேண்டுமென எதிர்பார்ப்பது not practical எனும் போது – இங்கே குறை சொல்ல முகாந்திரங்கள் பெரிதாய் இருப்பதாய் எனக்குத் தோன்றவில்லை. ஆனால் – ”ஷானியா” என்ற நொடியிலேயே – “போவியா?” என்று நம்மில் சிலர்? / பலர்? மாற்றம் கண்டிருப்பது தான் நெருடலே! என்னளவிற்கு ஓ.கே.யான இதழ் !

கலரில் ‘தல‘ மறுபதிப்பான “பவளச்சிலை மர்மம்” ஏப்ரலின் highlight-களுள் ஒன்று! பளீர் வர்ணச் சேர்க்கைகள்; ‘நறுக்‘கென்ற பக்க நீளம் plus நமது என்றும் மங்கா nostalgia காதல் கைகோர்க்கும் போது ஒரு இதழ் வெற்றி காணாது போகுமா? அதுவும் டெக்ஸ் சாகஸம்!! இன்றைக்கும் ஏஜெண்ட்கள் கேட்டு வாங்கிடும் இதழாய் அமைந்து விட்ட ‘ப.சி.ம‘ பற்றிய எனது நெருடல் ஒன்றேயொன்று தான்! ஒரு தோட்டா பாக்டரியின் ஒரு மாதத் தயாரிப்பை ‘தல‘ & கம்பெனி ஒட்டுமொத்தமாய் கதைநெடுக வெடித்துக் கொண்டே ஓடுவதை எடிட் செய்து முடித்த போது என் காதுகளுள் ‘கொய்ங்ங்ங்‘ என்ற இரைச்சல் கேட்காத குறை தான்! மறுபதிப்புத் தேர்வுகளுக்கு nostalgia-க்களை மட்டுமே அளவுகோல்களாக்கிட வேண்டாமே – ப்ளீஸ்?

ஏப்ரலின் எஞ்சிய 2 வெளியீடுகளுமே சிக் பில் & ஆர்டின் & டாக்புல் கோஷ்டிகளின் சதிராட்டங்களே! “நண்பனுக்கு 4 கால்” – சிக் பில் தொடரின் புதுக் கதை (நம்மளவிற்கு) & “கொலைகாரக் காதலி” வண்ண மறுபதிப்பின் பிரதிநிதி! “நண்பனுக்கு 4 கால்” சிம்பிளான; அதே சமயம் சரளமான கதைக்களம்! ஆர்டினின் அம்மாஞ்சித்தனம்; அந்தப் பசு மீதான பாசம் என்று breezy read ! பெரிதாய் வயிறு குலுங்கச் சிரிக்கச் செய்யும் நகைச்சுவை இல்லாத போதிலும் – was just about o.k. I guess ! 75/100 என் பார்வையில்!

“சிக் பில் க்ளாசிக்ஸ்” – மறுபதிப்புகளின் தொகுப்பே எனும் போது – அதன் வண்ண அமைப்பு; அட்டைப்படம்; making இத்யாதிகளில் மட்டுமே நமது பங்களிப்பு இருக்க சாத்தியமானது! And எல்லாமே decent ஆக அமைந்திட – தலை தப்பியது ஏப்ரலின் இந்தப் பரீட்சையில்!

மே மாதம் புலர்ந்ததோ – Mr. மௌனத்துடன்! அமர்த்தலான தனது அமைதியான பாணியுடன் 2017ல் நமக்கு அறிமுகமான ட்யுராங்கோ மீண்டுமொரு ஆக்ஷன் தொகுப்பில் களமிறங்கினார் – கோடை மலராக! மூன்று பாக ஆல்பம்; வழக்கம் போல அந்த வன்மேற்குக் காடு, மேடுகளையும் சுற்றி வர – எனக்கோ அதன் முதலிரண்டு பாகங்களில் கொஞ்சம் tempo குறைவாக இருந்தது போலான feeling! 2017-ன் “சத்தமின்றி யுத்தம் செய்” ஒரே சீராய்ப் பயணித்தது! இந்த முறையோ சற்றே up & down அனுபவமாய் அந்த முதலிரண்டு ஆல்பங்களும் அமைந்ததில் மெலிதான நெருடல்! ஆனால் அந்த மூன்றாவது சாகஸம் (ஒரு ராஜகுமாரனின் கதை) சற்றே controversial கதைக்களமாய் அமைந்திருப்பினும் – சுவாரஸ்யமாய் நகன்றதில் நிம்மதி ! "மௌனமாயொரு இடிமுழக்கம்" – நிச்சயம் நமத்துப் போன பட்டாசில்லை; ஆனால் அணுகுண்டுமில்லை தான் ! 75/100 !

சந்தேகமின்றி மே மாதத்து ஒளிவட்டத்து மையம் மர்ம மனிதன் மார்ட்டின் தான்! “மெல்லத் திறந்தது கதவு” எனது அனுபவத்துள் – “பெண்டைக் கழற்றிய Top 10 கதைப்பட்டியலுள்” ஒரு முக்கிய இடத்தைப் பிடிக்க வல்லது என்பேன்! மிகக் complex ஆனதொரு கதை பாணியோடு தடதடத்த இதே ஆல்பத்தினில் பணி செய்த போது ஒன்று நிச்சயமாய் புரிந்தது : பாதிப் பேருக்கு இந்த ஆல்பம் 20 பக்கங்களைத் தாண்டாது; அவ்விதம் தாண்டியோருக்கு இதுவொரு மறக்க இயலா அனுபவமாய் அமையாது போகாது என்று! மனநலம் சார்ந்த தகவல்கள்; ரசவாதம்; இயற்கை ஆராய்ச்சிகள்; மாசுபடும் பூமி – என்று எங்கெங்கோ swing ஆன இந்தக் கதை – 2018-ன் சுவாரஸ்ய அனுபவங்களுள் நிச்சயம் இடம்பிடித்துள்ளது ! At least for me! And  முப்பதே நாட்களுக்குள் காலியும்  ஆன இதழ் என்ற பெருமையும் இதற்குண்டு !! 

மே மாதத்து மூன்றாவது இதழாய் புது வரவுகளாக “மேக் & ஜாக்” தோன்றும் “வாடகைக்கு கொரில்லாக்கள்” வெளியானது! பெர்சனலாய், நான் செமையாய் ரசித்த கார்ட்டூன் இதழிது! கலரிங்கும் செம vibrant ஆக அமைந்திருக்க – ரொம்ப ரொம்ப வித்தியாசமான அந்த 1920-களின் சிகாகோ நகரத்துப் பின்னணியோடு ஓட்டமெடுத்த கதை உங்களிடமும் படு decent feedback–ஐ சேகரித்தது! சந்தோஷமே – புதியவர்கள் ஸ்கோர் செய்யும் போது – அதிலும் அந்தப் புதியவர்கள் சிரிப்புப் பார்ட்டிகள் எனும் பட்சத்தில் சந்தோஷத்தின் பரிமாணங்களும் கூடுதலாகின்றன!

ஆக ஜனவரி to மே முடிய 19 இதழ்கள் களமிறங்கியிருக்க – எனது ரேட்டிங்குகள் பின்வருமாறு இருந்தன.....!

• பேஷ்..பேஷ்..நன்னா இருக்கு ... – 7
• பர்ரால்லே.... 8
• ஆங்... அது வந்து...இன்னா சொல்ல வர்றேன்னா.... 2
• ம்ம்ம்... முடிலே....  2

இந்த மேற்படிக் கணக்கு ஆளுக்கு ஆள் மாறிடக்கூடுமென்பது உறுதி; but என்னளவிற்கு இதுவரையிலான 2018-ன் பயணம் not bad at all என்று பட்டது! Again – இது குறித்த தீர்ப்புகளை ஆண்டின் இறுதியில் நீங்கள் சொல்வதே உசிதமென்பேன்! So - இது எனது திருப்திக்கானதொரு interim அலசல் மட்டுமே என்று வைத்துக் கொள்ளுங்களேன்! ஜுன் முதலாய் அக்டோபர் வரையிலான இதழ்களை அடுத்த ஞாயிறு சர்ஃப் எக்செல் போட்டுப் பார்க்கலாம் என்றுள்ளேன்!

தீபாவளிக்கும், நவம்பருக்கும் அதிகத் தொலைவு இல்லை எனும் போது – ஜம்போவிலும்; ரெகுலர் இதழ்களுக்குமான combo ஜரூரய்த் தயாராகி வருகின்றன! ஆண்டுக்கு 36 இதழ்கள் மாத்திரமே ரெகுலர் சந்தாவில் எனும் போது அவற்றுள் 32-ஐப் போட்டுச் சாத்தி விட்டோம்! So மீதமிருப்பவை நான்கே இதழ்கள் தான் ! ஜம்போ இடையிடையே புகுந்து கைகோர்ப்பதால் ஒரு மாதிரியாய் balance செய்திட முடிகிறது ! இல்லாவிடின் ஆண்டின் கடைசி க்வாட்டரில்(!!!) ரொம்பவே தள்ளாடியிருப்போம் (!!!) தான்!

Before I sign off, சில கேள்விகள் folks:

1. பாக்கெட் சைஸ் என்ற மோகமெலாம் ‘போயிண்டே.... போயே போச்சா?‘

2. Lady S: ஒற்றை வரியில் இவரது performance பற்றிய உங்கள் அபிப்பிராயங்கள் ப்ளீஸ்!? I repeat – ஒற்றை வரியில்!

3. சிக் பில் & கோ.வின் சமீபத்தைய performances பற்றி – சுருக்கமாய் ப்ளீஸ் ?

மீண்டும் சந்திப்போம் all! அக்டோபர் விமர்சனங்கள் தொடரட்டுமே ப்ளீஸ் ?! Bye all! See you around !

P.S : இத்தாலியில் புது வரவுகள்...!! நம்மவரின் அந்த ஸ்டைலைத் தான் பாருங்களேன் !!