ஐம்பதிலும் பாடம் படிக்கலாமோ..?

நண்பர்களே,

வணக்கம். அரசியல்வாதியாகிட பாதித் தகுதி எனக்கு வந்திருக்கும் என்பேன் - கடந்த சில நாட்களின் திருமண அழைப்பிதழ் வழங்கும் படலத்தில் நான் போட்டிருக்கக் கூடிய வணக்கங்களின் எண்ணிக்கையைக் கணக்கில் எடுத்துக் கொண்டால் ! சித்தப்பாவா ? மாமாவா ? மச்சானா ? என்ற கேள்விக்கே சரியான பதில் தெரியா பிருகஸ்பதி நான் ; இதுவரையிலும் போயிருக்கக்கூடிய கல்யாண வீடுகளிளெல்லாம் மாமூலான ஒரு மந்தகாச பொத்தாம் பொதுச் சிரிப்பைச் சிரித்து வைத்துவிட்டு, பந்திக்கு எப்டிக்கா பை-பாஸ் போடலாமெனத்  திட்டமிடும் ஐன்ஸ்டீன் என்று வைத்துக் கொள்ளுங்களேன் ! Oh yes - எனது தங்கையின் திருமணத்தையும், தம்பியின் திருமணத்தையும் active ஆகப் பார்த்துக்கொண்டதெல்லாம் ஹேஷ்யமான நினைவுகளாய் உள்ளன தான் ; ஆனால் இன்றைக்கோ "புள்ளைக்கு கல்யாணம்" எனும் பொழுது நிறைய விஷயங்கள்  ஷங்கர் படப் பிரம்மாண்டத்தில் தெரிகின்றன !!  ஒரு இந்தியத் திருமணத்தின் முழுப் பரிமாணத்தையும் அருகிலிருந்து பார்க்கும் வாய்ப்புக் கிட்டும் பொழுது, இத்தனை இத்தனை காலமாய்  பந்தியில் தொந்தியை ரொப்பியபடிக்கே மொய் எழுதிவிட்டு நடையைக் கட்டிய அத்தனை திருமண வீடுகளின் பின்னணி மனிதர்களையும் நினைத்து மானசீகமாயொரு மகா நமஸ்காரம் செய்யத் தோன்றுகிறது ! ஒற்றைப் பிள்ளையைப் பெற்று, அதைக் கரை சேர்க்கவே நமது  நாக்கார் இத்தனை தொங்கு தொங்குகிறாரே - இந்த அழகில் மூன்று / நான்கைப் பெற்ற கையோடு, ஒவ்வொன்றையும் அதே வாஞ்சையோடு கட்டிக் கொடுக்கும் மனிதர்கள் சகலர்களையும் என்னவென்பது ? தெய்வம் சாரே / மேடம் - நீங்கள் ஒவ்வொருவருமே !! என்னிடம் மட்டும் அதற்கான அதிகாரம் இருப்பின், கன்னியாகுமரியில் ஆரம்பித்து EC சாலையில் லைனாக உங்கள் ஒவ்வொருவருக்குமே  சிலைகளும், அவற்றை நமது பறக்கும் பிராணிகள் கட்டணமிலாக் கழிப்பறைகள் ஆக்கிடாதிருக்கக் குடைகளும் சேர்த்தே நிர்மாணித்திருப்பேன் ! துரதிர்ஷ்டவசமாக அந்த அதிகாரம் என்னிடமில்லை என்பதால் இப்போதைக்கு சிலை செய்யும் கான்டிராக்டை மனதளவில் மட்டுமே விட முடிந்துள்ளது ! 

"அட...மிஷின் வாங்கணுமா ? அமெரிக்க போவோம் வாங்க !! கிராபிக் நாவல் போடணுமா ? முப்பதே நாட்களில் அசத்தலாய் ஏற்பாடு செய்தால் போச்சு ! ஏதாச்சும் காலெண்டர் அச்சிடணுமா ? கண்ணில் காசை மட்டும் காட்டினால் - பாக்கி சகலத்தையும் செய்து தருகிறேன் !" என்று "எல்லாம் தெரிந்த ஏகாம்பரம்" ஜாடையில் இத்தனை காலம் நெஞ்சை நிமிர்த்தித் திரிந்தவனுக்கு - இன்றைக்கு ஒரு நாதஸ்வரக் குழுவைத் தேடுவதற்கு நாக்குத் தொங்குகிறது ; பலசரக்குச் சிட்டையினை ஏற்பாடு செய்வதற்குள் பற்பல பேய்முழிகள் முழிக்க அவசியப்படுகிறது ! வண்டி வண்டியாய் ஹாட்லைன் / கோல்டுலைன் என்று பீலா விட்டவனுக்கு இப்போது ஒரேயொரு  திருமணப் பத்திரிகையின் வாசகங்களை  எழுதிட முயன்றால் 'பெப்பே பெப்பெப்பேப்பே' என்று மட்டுமே கிறுக்கிட முடிகிறது ! அட...சகல பொறுப்புகளையும்  ஏற்றுக் கொள்ளும் wedding arrangers தான் இருக்கிறார்களே - அவர்களிடம் மொத்தமாய் ஒப்படைத்து விடலாமே என்றால், பாழாய்ப் போன மனசு கேட்க மாட்டேன்கிறது ! "ஆயுசுக்கு ஒருமுறை நிகழும் சமாச்சாரத்தையும் கூட  முகம்தெரியா ஒரு மூன்றாம் நபரிடம் ஒப்படைத்து விட்டு நீ என்ன கழுதையா மேய்க்கப் போகிறாய் ?  - nonsense !!" என்று அசிங்க அசிங்கமாய் ஆழ்மனசு திட்டுவதால் - "முப்பதே நாட்களில் திருமணம் நடத்தப் படிப்பது எப்படி ?" என்ற புக்கைத் தேடித் திரிகிறேன் ! So நேற்றுவரைக்கும் "ஆர்ட்பேப்பர் என்ன விலை ? அட்டை என்ன விலை ?" என்று விசாரித்து வந்தவன் இப்போது "எக்ஸ்கியூஸ் மீ...! சாயந்திர டிபனுக்கு இன்னா எஸ்டிமேட் ?? பஜ்ஜியா ? காரவடையா ?" என்று சமையல்காரரிடம் வினவி வருகிறேன் ! என் தொழில் சார்ந்த செலவினங்களைத் தாண்டிய எந்தவொரு ஞானமும் இல்லாதவன்,  "ஒரு ரூபாய்க்கு தேங்காய் கிடைக்குமா அண்ணே ..? புள்ளையாருக்கு உடைக்க வேண்டியிருக்கு !!" என்று கேட்டு பல்பு வாங்கும் கவுண்டர் ரீதியில், கல்யாணச் செலவுகள் ஒவ்வொன்றின் இன்றைய பரிமாணத்தையும் பார்த்தும், கேட்டும், மண்டையை மங்கு மங்கென்று சொரிந்து கொள்கிறேன் ! "என்னென்னமோ போடா மாதவா !"moments aplenty#

அப்புறம், அந்நாட்களில் கொலம்பஸ்களும், மார்கோ போலோக்களும் 'உலகை ஆராய்கிறேன் பேர்வழி' என்று புறப்பட்டு வழிநெடுக  அடித்திருக்கக்கூடிய, வெளியே தெரியா அத்தனை திருட்டுமுழிப் படலங்களையும் நமக்கொருமுறை கண்முன்னே கொணர்ந்து காட்டும் திறன் இந்தப் "பத்திரிக்கை தரும் படலத்துக்கு " உண்டென்பதையும் உணர்ந்திட முடிகிறது ! நாலு தெருக்களை பதினான்கு முறைகள் வட்டமடித்தும்  ஒற்றை முகவரியைத் தேடிப் பிடிக்கத் தெரியாது முட்டையிட்டு நிற்கும் நிலையில் -  "அச்சச்சோ - நீங்க கிழக்கு கல் மண்டபத்துக்குல்லே வந்திருக்கீங்க ; மேற்கு கல் மண்டப ரோடு அப்பாலிக்கால்லே  இருக்குது  !" என்று டீ கிளாஸை கையிலேயே 360 டிகிரிக்கு லாவகமாய்ச் சுழற்றிக் கொண்டே வழி சொல்லும் சாலையோர ஆட்டோக்காரர் முன்னே நாம் 'ஓவென்று' கதறி அழுதால் அசிங்கமாக இருக்கும் என்பதால் "தாங்க்ஸ் அண்ணே !" என்றபடிக்கே, நடையைக் கட்டிக்கொண்டு மனசுக்குள்ளேயே கூகுள் maps மென்பொருளை, வன்பொருள்படும் வார்த்தைகளால் திட்டும் கணத்தில் - நூற்றாண்டுகளுக்கு முன்பே கடல்களுக்குள்ளேயும் வழி கண்டறிந்து முன்னேறிய மனிதர்களை நினைத்து ஸலாம் போடாது இருக்க முடியவில்லை !!(ஆத்தாடியோவ்...எத்தனை நீளமான வரி !!)

கறிக்குழம்பை மணக்க மணக்க சமைத்து, ரசித்து, ருசித்த கையோடு - சும்மா Dreamliner விமானத்தில் பிசினஸ் கிளாஸ் டிக்கெட் எடுத்த சொகுசில் குட்டியாயொரு மதியத் தூக்கத்தில் திளைத்துக் கிடப்போரை - "மச்சான்...அத்தாச்சி...அப்பச்சி... பத்திரிகை குடுக்க வந்திருக்கோம் !" என்றபடிக்கே உசிரை வாங்கும் அந்தக் கணங்களுமே - "பத்திரிக்கை விநியோக சாகசங்களின்" ஒரு பகுதியே என்பதை உணர்ந்து வருகிறேன் ! ஒரு வருஷத்து காமிக்ஸ் அட்டவணையை வெற்றியோடு முடிக்கும் கணத்தில் கிடைக்குமொரு ஆயாசம் கலந்த சந்தோஷம் -  ஒவ்வொரு ஏரியாவிலும் தர வேண்டிய அட்டைகளின் பட்டியலையும் பூர்த்தி செய்யும் நொடியில் எட்டிப் பார்ப்பதுமே இந்த அனுபவத்தின் ஒரு பகுதி ! ஒன்றை மட்டும் இப்போதைக்குத் தீர்மானித்துள்ளேன்  : ஆண்டவன் துணையோடு நவம்பர் 30-ல் திருமணத்தை சந்தோஷமாக நடத்தி முடிக்கும் கணத்தில், அமரர் சாவி எழுதிய "வாஷிங்டனில்   திருமணம்" புக்கைப் படித்தே தீர வேண்டுமென்று இருக்கிறேன் !! உள்ளூரில் ஒரு திருமணத்தை ஏற்பாடு செய்திடவே இந்தத் தடமாற்றமெனில், "வாஷிங்டனில் கல்யாணம் " என்றால் ???? ஆத்தாடி...!!! 

உடன்பிறந்த தமக்கைகளும், அவர்களது பொறுமைசாலித் துணைவர்களும் முழுவீச்சில் வழிகாட்டி வருவதால் - அந்த சூனா பானா கெத்தை maintain பண்ண முடிகிறது எனக்கு ! இல்லாவிட்டால் இந்நேரத்துக்கு என் பிழைப்பு "சிலாக்கி டும்மா" தான் என்பேன் !! அதிலேயும் சைக்கிள் கேப்பில், அவர்கள் கவனிக்காத நேரங்களில், பொதுவான சம்பாஷணையில் நானுமே ஈடுபட்டிருப்பது போல் "ஊம்" கொட்டிக் கொண்டே, மேஜைக்கடியில் வைத்து லக்கி லூக்கை எடிட் செய்திட முயலும் குரங்குச் சேட்டைகளும் இல்லாதில்லைதான் ! ஷப்பா....எது எப்படியோ இந்தத் திருமண நிகழ்வெனும் மெகா முயற்சியின் வெற்றி - ஒன்றல்ல, ரெண்டல்ல - ஒரு டஜன் "குண்டு புக்குகளைத்" தயாரிக்கும் லாவகத்தை அடியேனுக்கு வழங்கிடுமென்றே தோன்றுகிறது !! 

Moving on to work - இம்மாத இதழ்கள் நான்குமே நவம்பர் 1-ம் தேதி இங்கிருந்து புறப்பட்டிடும் - 2018-ன் அட்டவணையோடு !மாதத்தில் பாதி நாட்கள் நான் அலுவலகத்திலேயே இல்லையென்ற போதிலும், நமது டீமை ரிமோட் கண்ட்ரோலில் இயக்கினாலும் அவர்கள் அதே லாவகத்தோடு செயல்படப் பழகி விட்டதால் - normal service தொடர்கிறது என்பதில் ஏகப் பெருமிதம் எனக்கு !  And இம்முறை சந்தா நண்பர்களுக்கு மட்டுமே என்றில்லாது - "லக்கி லூக்கின் "ஒற்றைக்கை பகாசுரன்" இதழ் வாங்கிடக்கூடிய அனைவருக்குமே அட்டவணை பிரீயாகக் கிடைக்கும் ! (அது ஏன் "கார்ட்டூன் வாங்குபவர்களுக்கு மட்டும்" என்ற ஏற்பாடு ? Lady S கதை வாங்குவோரெல்லாம் சந்தா கட்ட மாட்டார்களென்று தீர்மானித்து விட்டீர்களா ?" என்று இன்னொரு பஞ்சாயத்து வேண்டாமே - ப்ளீஸ் ?) ஏற்கனவே நீங்கள் இங்கே பார்த்தான அட்டவணையே என்றாலும், அதன் வடிவமைப்பில் கொஞ்சம் சுவாரஸ்யமும் உண்டு ! So நிதானமாய்ப் புரட்டி, மனதில் அசை போட்ட பின்பாக சந்தாக்களில் இணைந்திட / புதுப்பித்திட தீர்மானித்தீர்களெனில் - எங்களது நன்றிகளும், வணக்கங்களும் உங்களுக்கு உரித்தாகுக ! And சந்தாக்கள் பற்றிய தலைப்பில் இருக்கும் வேளையில் நமது அன்பான அனாமதேயரின் அடுத்த கிபிட் - அவரது வரிகளிலேயே  : "Can you please award another A+B+C+D  (ST Courier) Subscription to சேந்தம்பட்டி போர்வாள் சேலம் டெக்ஸ் விஜயராகவன்?" So போர்வாள் சாருக்குமொரு சந்தா பார்சல்லல்ல !! 

இதோ - இம்மாத இதழ்களின் கார்ட்டூன் சந்தாவின் அட்டைப்பட preview :

வழக்கம் போல - ஒரிஜினல் டிசைனே ; பின்னணி வர்ண மெருகூட்டல்களோடு ! படைப்பாளிகளின் உருவாக்கமே நயமாய் இருக்கும் வேளைகளில், அவற்றை புதிதாய் வரையவோ ; மாற்றங்கள் செய்யும் சாக்கில் மொக்கையாக்கிடவோ இப்போதெல்லாம் மனசு ஒப்புவதில்லை ! And இதோவொரு உட்பக்க டீசருமே : 

லக்கி லூக்கின் பொற்காலமாக நாம் பார்த்திடும் அந்த எழுபதுகளின் ஆரம்பத்தில் உருவான கதையிது என்பதால் -அழகான கதையோட்டத்தோடு, இயல்பான நகைச்சுவையும் கைகோர்த்திருப்பது தெளிவாகத் தெரிகிறது ! இந்தாண்டின் முதல் (புது) லக்கி சாகசமுமே முந்தய லக்கி ஹிட்ஸ் போல சாதிக்கிறதாவென்ற ஆவலில் காத்திருக்கிறோம் ! 

நவம்பரில் black & white கோட்டாவில் காத்திருப்பவர் மர்ம மனிதன் மார்ட்டின் ! இதோ அவரது MYSTERY SPECIAL இதழின் அட்டைப்படமும் ! இரு தனித் தனிக் கதைகள் அடங்கிய இந்த twin அல்பத்திற்கான அட்டைப்படம் - இரு ஒரிஜினல் மார்ட்டின் ராப்பர்களின் சங்கமம் - நமது ஓவியரின் கைவண்ணத்தில் ! 

இந்த டிசைனுமே நமது ஓவியர் 2010 வாக்கில் போட்டு வைத்ததொன்று ! அந்நாட்களில் நமது இதழ்கள் வெளிவந்த வேகம், உசைன் போல்ட் ரகமல்ல என்பதால் - ஓவியருக்கு வேலைதரவே சிரமமாக இருக்கும் ! "எப்படியேனும் ; என்றைக்கேனும் போட்டே தீருவோம்" என்ற ரகத்தில் என்மனதில் தங்கி நிற்கும் கதைகளுக்கு அட்டைப்படங்களை முன்கூட்டியே போட்டு வைப்பது இத்தகைய slow தருணங்களில் நமது வாடிக்கை ! So அன்றைக்கே சுட்டு தயாராய்க் காத்திருந்த வடையை  தற்சமயம் லபக்கென்று கடைவாயில் ஒதுக்கிக் கொண்டேன் ! இம்முறை கோழி கீச்சல் பாணி ஓவியங்களின்றி, அழகாய், தெளிவான சித்திரங்களோடு 2 கதைகளுமே அமைந்திருப்பது highlight ! And இரு கதைகளுமே நமது கருணையானந்தம் அவர்களின் மொழிபெயர்ப்பே ; எனது டிங்கரிங் சமாச்சாரங்கள் ஏதுமின்றி ! எப்போதும் போலவே அந்த லாஜிக் தேடல்களை சற்றே ஓரம்கட்டிவிட்டு, மார்டினோடு கதைகளுக்குள் புகுந்தீர்களெனில் நிச்சயமாய் கதாசிரியர்களின் கற்பனை வளத்தைக் கண்டு வாய் பிளக்காதிருக்க முடியாதென்பேன் ! பாருங்களேன் இந்த சாம்பிளை : 

பட்டியலில் கடைசியாய் நின்றாலும், இம்மாதம் அதிரடி சரவெடி கொளுத்தக் காத்திருப்பது நமது 'தல' தோன்றும் "டிராகன் நகரம்" தான்என்பதில் எனக்கு சந்தேகமில்லை ! அந்த "பங்ச்சர் first ; டிங்சர் next !!" பாணி அதிரடிகள் டெக்ஸ் ரசிகர்களுக்கொரு திகட்டா அனுபவமாய் அமைய உள்ளது சர்வ நிச்சயம் - moreso உட்பக்கங்கள் மினுமினுக்கும் வண்ணத்தில் எனும் போது !! ஏற்கனவே இதனைப் படித்திரா புது வாசகராய் நீங்கள் இருப்பின் - உங்கள் கைகள் எட்டும் தூரத்துக்கு நட்பூசோ ; சொந்தம்ஸோ இருக்காது பார்த்துக் கொள்ளுங்களென்பேன் - அவர்களது மூக்குகள் பிழைத்துப் போகட்டுமே என்ற நல்லெண்ணத்துடன் !!  இதோ டி.ந.வின் உட்பக்கங்கள் மீதானதொரு பார்வை : 

டிராகன் நகரத்தின் உட்பக்கத்தில் போட்டிட போட்டோக்களை அனுப்பிட இயன்ற மட்டிலும் கூவியதில் 220+ படங்கள் மாத்திரமே கிட்டியுள்ளது ! இன்னுமொரு 250+ நண்பர்கள் இது தொடர்பாய் சிரத்தை எடுத்துக் கொள்ளாததால் அவர்களது பிரதிகள் நார்மலாகவே அமைந்திடும் ! So இனிமேலும் அனுப்பிட வேண்டாமே - ப்ளீஸ் ? And அடடா..அடடடடா.....நம்மவர்களின் போட்டோக்களை பார்க்கும் பொழுது என் கண்ணே பட்டுவிடும் போலுள்ளது ; ஆளாளுக்கு அசத்தோ அசத்தென்று அசத்துகிறீர்கள் !! ஒருங்கிணைக்கப்பட்ட போட்டோக்களின் files என்னிடம் jpeg format-ல் தான் உள்ளதென்ற போதிலும், அவற்றைப் பொதுவில் பகிர்வது முறையாக இராதென்று மனத்துக்குப் பட்டது ! So they stay discreet !!

"டிராகன் நகரம்" அட்டைப்படத்தினை பிரதிகள் டெஸ்பாட்ச் ஆகும் தினத்தன்று கண்ணில் காட்டுகிறேன் - என்ற செய்தியோடு புறப்படுகிறேன் தூக்கத்தைத் தேடி !! Bye all ....see you around !!  

TMT !

நண்பர்களே,

வணக்கம். நமது வலைப்பக்கப் பரபரப்புகளை இப்போதெல்லாம் பார்த்தாலே, நிறைய திட்டமிடல்களை மாற்றியமைக்க அவசியப்படும் போல் தோன்றுகிறது ! "த்ரீ மில்லியன் ட்ரீட்" 2019-குத் தான் அரங்கேறிடுமென்று  இனியும் மெத்தனமாய் இருக்க முடியாது போலும் ; வண்டி தெறித்து ஓடுவதைப் பார்த்தால் TMT - தொடரும் ஆண்டிலேயே நிஜமாகிடுமோ ?! கிழிஞ்சது ; ஓட்டை வாய் உலகநாதன் உலவும் வேளையா இது ? பொத்திப் பாதுகாப்பாய் வைத்திருக்க வேண்டிய சமாச்சாரத்தை பொடேரென போட்டு உடைத்து விட்டானே ?!

Anyways - போகிற போக்கைப் பார்த்தால் இந்த 3 மில்லியன் பார்வைகளை நாம் தொட்டுப் பிடிக்கும் தருணமும்  தொடரும் ஆகஸ்ட் 2018 ஆகத் தானிருக்குமோ ?  இன்னும் எத்தனை திட்டமிடல்களைத் தான் ஈரோடு 2018 தனதாக்கிடக் காத்துள்ளதோ? போகிற போக்கில் விடியக் காலையில் ஒரு காப்பித் தண்ணியை குடிச்சிப்புட்டு ஆஜரானால், பொழுது சாயும் நேரம் வரைக்கும் நம் ரவுசு தொடர முகாந்திரங்கள் இருக்கும் போலுள்ளதே ?! 

என்னமோ போடா மாதவா moments aplenty # !!

அப்புறம் நேத்திக்குத் தான் LADY S-ன் "சுடும் பனி"யின் பணிகள் முடிந்தன ! கதைநெடுக வேறொரு காரணத்தின் பொருட்டு கைக்குட்டை அவசியமாகிடக் கூடுமென்றால், கிளைமாக்சில் இளகிய மனம்படைத்த நமது பல ராஜகுமாரர்கள் - "கண்கள் வேர்க்குதே !" என்று கைக்குட்டைகளைத் தேடப் போவதும் நிச்சயமென்று தோன்றுகிறது ! Maybe இம்மாத கிப்ட் ஒரு கர்சீப் என்றிருந்தால் பொருத்தமாய் இருக்குமோ ? Bye all ! See you around ! லக்கி லூக் waiting எனக்கோசரம் !

அப்புறம் உங்களின் சந்தாக்களுக்காக 27 நாயகர்களுமே waiting !! So நாளைய பொழுதை அதற்கென செலவிட முடிகிறதாவென்று பாருங்களேன் ப்ளீஸ் ? 

கதைகளின் கதையிது !

நண்பர்களே,

வணக்கம். ஒரு வண்டிப் புதுக் கதைகள் தாங்கிய அட்டவணை ; அவை தொடர்பான அலசல்கள் ; விவாதங்கள் ; சர்ச்சைகள் என்று இந்த வாரத்தை ஒரு மெர்செல் வாரமாக்கியுள்ளோம் ! கமான்சே எங்கே ? சிஸ்க்கோ கிட் எங்கே ? டயபாலிக் எங்கே ? ரிப்கிர்பி எங்கே ? அப்புசாமி தாத்தா எங்கே ? சீதாப்பாட்டி எங்கே ?  சாம்பு எங்கே ? என்று கேள்விகள் சும்மா பும்ராவின் யார்கர்கள் போல் பறக்க - அவரவர் புரிதல்களுக்கேற்ப விளக்கங்கள் சொல்ல / மறுக்க முனைய - "சை...எனக்கு விளக்கங்களே புடிக்காது !!" என்று சிலர் கை கட்டி ஓரமாய் நிற்க - ஒரு அக்மார்க் நீலப்பொடியர் கிராமத்து effect கண்ணில்பட்டது எனக்கு ! சரி, இதற்கெல்லாம் வரிக்கு வரி பதில் சொல்லுகிறேன் பேர்வழி என்று நானும் நாலைந்து கோலி சோடாக்களைக் காலி பண்ணுவதற்குப் பதிலாய் நண்பர் காமிக் லவர் ராகவன் சொன்னது போலொரு "சிங்கத்தின் சிறுவயதில்" எடுத்து விட்டால் தேவலை என்றுபட்டது ! என்ன ஒரே வித்தியாசம் - இந்த "சி.சி.வ" பதிவில் சில பல கேள்விகளுக்குமான விடைகள் இலவச இணைப்பாகக் கிட்டவும் கூடும் ! அது மட்டுமன்றி - தலீவரின் உண்ணும் விரதத்தை ஒரு முடிவுக்கு கொணர இது ஒரு வகையில் பயன்பட்டாலும் நலமே என்று நினைத்தேன் ! So here goes : 

ஒவ்வொரு புத்தக விழாவிலும் சரி, இங்கு நமது பதிவுகளிலும் சரி - கேட்கப்படும் கேள்விகள் இந்த ரீதியில் இருப்பது மாமூல்  : "வேதாளரை ஆண்டுக்கு ஒருமுறையாச்சும் கண்ணில் காட்டுங்களேன் ?" ; "காரிகன் ; சார்லி ; ஜார்ஜ் ஒரேயொரு புக் மட்டும் ப்ளீஸ் ?" One ஆர்ச்சி மட்டுமாச்சும் ?" நானும் "இப்போ ராகு காலம் ; அடுத்து எம கண்டம் ; அஷ்டமி-நவமி வருது ; அடுத்த மாசம் வடகிழக்குப் பருவ மழை ஆரம்பிக்கப் போகிறது இத்யாதி..இத்யாதி" என்று எதையேனும் சொல்லிச் சமாளிப்பது வழக்கம் ! "அட - முன்னரெல்லாம் முத்துவிலும் சரி, லயனிலும் சரி, இந்த வேதாளர் ; மாண்ட்ரேக் ; கிர்பி ; காரிகன் etc கதைகளை சரளமாய் வெளியிட்டீர்களே ? ; இப்போது ஒன்றே ஒன்றை மட்டுமாச்சும் ஆண்டுக்கொரு தபா கண்ணில் காட்ட ஏனிந்த கிராக்கி ?" என்ற பல மைண்ட்வாய்ஸ்கள் loud & clear ஆக எனக்கு கேட்காதுபோவதில்லை ! காரணம் ரொம்பவே சிம்பிள் :

முன்பெல்லாம் அந்த அமெரிக்க strip comics களுக்கு இங்கே ஏஜெண்ட்கள் இருந்தனர் & பல இந்திய மொழிகளில் ஏதேதோ போணியாகி வந்ததால் - ஏதோவொரு வகையில் வண்டி ஓடிக் கொண்டிருந்தது ! மலையாளத்தில் ஏதோ விற்பனையாகும், வங்காள மொழியில், ஹிந்தியில் என நம்மைப் போன்ற பதிப்பகங்கள் இயன்றதைச் செய்து கொண்டிருப்பார்கள் அந்நாட்களில் ! ஆனால் இன்றைக்கு அவர்கள் போன தடமும் கிடையாது ; இருந்த சுவடும் தெரியாது !  So செய்தித் தாள்களில் வெளியாகும் அந்த ஒற்றை panel ; ரெட்டைப் panel கார்ட்டூன்களுக்கு மட்டுமே கவனம் செலுத்தினாலே  -   அந்த வருமானமே ஒரு முரட்டுத் தொகையாகி விடுகிறது, இங்குள்ள முகவர்களுக்கு ! So நம்மைப் போன்ற பெட்டிக் கடைப் பதிப்பகங்களோடு நேரம் செலவிட ஏஜெண்ட்களும் பிரியம் காட்டுவதில்லை ; அங்குள்ள தாய் நிறுவனங்களுக்கு அவகாசமோ, பொறுமையோ ; ஆட்பலமோ இருப்பதில்லை ! So ஆண்டுக்கொரு சிஸ்கோ ; சார்லி ; காரிகன் என்று போடக் கோரும் நண்பர்களுக்கு நான் கையைப் பிசைந்து கொண்டே தான் சாக்குச் சொல்ல வேண்டிவருகிறது ! மெய்யாக ஒரு தொடரினுள் இறங்கிட வேண்டுமா ? அப்படியெனில் - அதற்கென கணிசமான slots & ஒரு மிகக் கணிசமான முன்தொகையை தூக்கி மேஜையில் வைக்கும் சத்து நமக்கிருக்க வேண்டும். இவை இரண்டுமே  இல்லாத வரையிலும்  அமெரிக்கப் படைப்பாளிகளை சந்திக்கலாம் ; மரியாதை நிமித்தம் அவர்கள் தரும் கோக்கையோ, பெப்ஸியையோ உறிஞ்சலாம் ; ஊருக்குப் போய்க் கடுதாசி போடுவதாய்ச் சொல்லி விட்டு, போலியாகச் சிரித்துக் கொண்டே கைகுலுக்கி விட்டு வீட்டைப் பார்த்துக் கிளம்பலாம் ! அதைத் தாண்டி நாம் சாதித்தது வேறெதுவுமாய் இராது !  

Start : "சி.சி.வ." : 5 ஆண்டுகளுக்கு முன்பாய் நமது மும்மூர்த்திகள் + ஸ்பைடர் மறுசுற்று reprints தொடர்பாய் அமெரிக்க நிறுவனமான DC காமிக்ஸில்  பேசிட முனைந்த  போது நடந்தது அட்சர சுத்தமாய் இதுவே ! New York-ன் ஒரு வெட வெடக்கும் பனி நாளில் 'ஜிலோ' நடை போட்டு DC Comics ஆபீசில் ஆஜரானேன் - முன்னாட்களைப் போல நம் தேவைகளுக்கேற்ப அவ்வப்போது கதைகளை வாங்கி கொள்ளலாமென்ற பகல் கனவோடு ! அவர்களும் கண்ணியமாய் வரவேற்று, நமது வரலாறு, பூகோளம் பற்றியெல்லாம் கேட்டுத் தெரிந்து கொண்டார்கள் ! 'அடடே...இவ்ளோ நல்ல ஜனமா இருக்காங்க ; இத்தனை ராட்சச  நிறுவனம் என்ற பந்தா துளி கூட இல்லாது பழகுறாங்களே !!" என்று எனக்குள்ளேயே சொல்லிக் கொண்டேன் ! இது முன்னமே தெரிந்திருந்தால் கோட்டு-சூட்டெல்லாம்  போட்டுக் கொண்டு "டார்லிங்..டார்லிங்.." கல்லாப்பெட்டி சிங்காரம் போல ஆஜராகாமல், ஒழுங்காக வந்திருக்கலாமோ ? என்றும் தோன்றியது ! பேச்சுவாக்கில் அப்படியே நமது எதிர்பார்ப்புகளை ; கோரிக்கைகளை முன்வைத்து விட்டு அவரது முகத்தில் ஓடும் ரியாக்ஷனுக்குப் பொருள் என்னவாக இருக்குமென்று யூகிக்க முயன்று கொண்டிருந்தேன் ! நான் எழுதியிருந்த காகிதத்தையே உற்று நோக்கிக் கொண்டிருந்தவர் சன்னமான குரலில் பேச ஆரம்பித்த போது, எனக்கு மெது மெதுவாய் அறையில் குளிர் கூடுவது போலவே தோன்றத் தொடங்கியது ! வேறு மாதிரி ஆட்களாய் இருந்திருப்பின், நான் சலனமின்றி முன்வைத்த கோரிக்கைகளைக் கேட்டு கெக்கேபிக்கே என்று சிரித்து வைத்திருப்பார்கள் ; ஆனால் அற்புத மனிதர்கள் அவர்கள் ! பொறுமையாய் தங்களது பணிமுறைகளைப் பற்றி விளக்கிச் சொல்லி ; நாட்களும், சர்வதேச வருவாய் எதிர்பார்ப்புகளும் எத்தனை மாறிவிட்டன என்பதையும் சுட்டிக் காட்டினர் ! பதினோராவது மாடியில் உள்ள அவரது அறையில் அமர்ந்து, அந்த ஜன்னல்கள் வழியாகப் பார்க்கும் போது கீழே தேனீக்களின் கூட்டம் போல் மனிதத் தலைகளால் நிறைந்து கிடக்கும் டைம்ஸ் சதுக்கமே என்னைப் பார்த்து "இத்தனை பெரிய நிறுவனத்தில்- இப்படியொரு கோரிக்கையோடு ஆஜராகியிருக்கிறாயே -லூசாப்பா நீ ?" என்று கேட்பது போலிருந்தது ! "புரிகிறது ; ஊருக்குப் போய் யோஜனை செய்து தாக்கல் சொல்கிறேன்" என்றபடிக்கு ஓட்டம் பிடித்தவனுக்கு நியூயார்க்கின் சப்வே ரயிலில் ஏறிய பின்னரும் கூட யார் முகத்தையும் நிமிர்ந்து பார்க்கத் திராணி இருக்கவில்லை ! 

ஆழம் தெரியாது கால் விட்டு நிற்கிறோம் ; நிறைய விஷயங்கள் மாற்றம் கண்டுள்ளன ; உலகம் நம்மைத் தாண்டி எப்போதோ பயணித்து விட்டிருக்கிறது என்பதெல்லாம் சப்வேயில் தொங்கிக் கொண்டே பயணம் செய்த நிமிடங்களில் கொஞ்சம் கொஞ்சமாய் எனக்குள் sink ஆகத் துவங்கியது ! ரூமுக்குத் திரும்பிய ரொம்ப நேரத்துக்கு மோட்டு வளையை மட்டுமே பார்த்துக் கொண்டிருக்கத் தோன்றியது ! அதுவும் நியூயார்க் நகர ஹோட்டல்களின் கட்டணங்களை பார்த்தாலே - பூர்வீகச் சொத்துக்களை விற்றுக் காசாக்கினால் மட்டுமே இங்கே தங்க முடியுமென்பது புரியும் ; so சிக்கன நடவடிக்கையாய்  நான் அங்குள்ளதொரு YMCA-வில் தான் தங்குவேன். ரொம்பச் சின்ன அறை ; TV கிடையாது ; பாத்ரூம் கூட பொதுவானது தான் ! மனதளவில் ரொம்பவே தளர்ந்து போயிருந்தவனுக்கு அந்த அறையின் இறுக்கமும்  மண்டைநோவை உருவாக்க - காலாற வெளியே நடந்தால் தேவலாம் என்று தோன்றியது ! குளிர் நாளென்றாலுமே Central Park-ல் அந்த ஊர் குட்டீஸ்களும், குட்டீஸ்களை பெற்றோரும் ; பெற்றிடத் திட்டமிட்டோரும் ரகளையாய்ப் பொழுதைப் போக்கிக் கொண்டிருந்தனர் ! ஆனால் எனக்கோ உலகமே அந்நாட்களது AVM ராஜனின் கேவா கலர் திரைப்படம் போல் மங்கலாய்த் தெரிந்தது ! அது தான் நமது Comeback-க்குப் பின்பாய் - மாயாவி ; ஸ்பைடர் ; லாரன்ஸ்-டேவிட் இத்யாதிகளை அறிவித்திருந்த முதல் தருணம் ! 

காரியத்தில் கோட்டை விட்டு விட்டோமென்பதை உங்களிடம் சொல்வது எப்படி ? முகத்தில் குவியவிருக்கும் அசடை அளப்புவது எப்படி ? என்பது தெரியாதே விமானத்தில் ஏறி அமர்ந்தேன் ஊர் திரும்பும் பயணத்தில் ! நான் சென்றிருந்த மிஷினரி பணி வெற்றி பெற்றிருந்தாலும் கூட, அதன் பொருட்டு எனக்குள் மகிழ்ந்திடத் தோன்றவில்லை ! அதில் தோற்றிருந்தேன் எனில் of course ரெண்டு காசு பார்க்க முடியாது போயிருக்கும் தான்  ; ஆனால் அது எங்கள் அளவோடு முடிந்திருக்கும். என்பதால்நாலைந்து நாட்களுக்குள் அடுத்த சிந்தனையில் மூழ்கியிருப்பேன் ! ஆனால் இதுவோ, பொதுவெளியில் உதைபடப் போவதற்கானதொரு சூழல் எனும் பொழுது உள்ளுக்குள் எல்லாமே உதறியது ! Oh yes - இண்டிகேட்டர்களை இப்டிக்கா போட்டுவிட்டு, அப்டிக்கா போவதெல்லாம் நமக்கு ரஸ்க் சாப்பிடுவது போலவே தான் என்றாலும் - நாறிப் போய்க் கிடந்த பெயரை சிறுகச் சிறுக மீட்டெடுக்க நான் முட்டிக் கொண்டிருந்த நாட்களவை என்பதால் ரொம்பவே கஷ்டமாக இருந்தது ! ஆனால் அன்றைக்கு ஒரு தற்காலிக பாராசூட்டைத் தந்தார் நமது பெரும் தேவன் மனிடோ !! என் நல்ல காலமோ, என்னவோ தெரியவில்லை - அந்த சந்தர்ப்பத்தில் நீங்கள் சுத்தமாய் முன்பதிவுகளில் உற்சாகம் காட்டவே இல்லை ! ரெண்டோ, மூன்றோ மாதங்களில் மொத்தமே எழுபது, எழுபத்திரண்டு புக்கிங்குகள்  மட்டுமே அதற்குக் கிட்டிய போது - "என் பொண்டாட்டி ஊருக்குப் போய்ட்டா !!" என்று அதகளம் செய்யும் ஜனகராஜைப் போலவே நான் உள்ளுக்குள் குதூகலித்தேன் என்பது தான் நிஜம் ! முதல்முறையாக ஒரு முயற்சியின் தோல்வியிலும் நானொரு வெற்றி கண்டது போல் உணர்ந்தேன் ! Maybe அன்றைக்கு நீங்கள்  'மொது -மொது' வென்று புக்கிங்களை செய்திருப்பின், நான் என்ன கதி ஆகியிருப்பேனோ - சத்யமாய்ச் சொல்லத் தெரியவில்லை ! எது எப்படியோ, மூச்சு விடத் தற்காலிகமாயொரு வாய்ப்பு கிட்டியதில் உள்ளுக்குள் நிம்மதி !  

ஆனால் தொடரும் நாட்களில் உங்களின் பழமைத் தேடல்கள் வேகம் கண்டன & எப்போதும் போலவே - இல்லாததன் மீது நமது மையல் கூடிக் கொண்டே சென்றது  ! And இன்றைய மெர்செல் சர்ச்சை ரேஞ்சுக்கு - "மறுபதிப்புகள் வருமா - வராதா ?"  என்ற அலசல்கள் ஒடத் துவங்கிய போது தான் சந்துக்குள் சிக்கிய பெருச்சாளி போல் விழிக்கத் துவங்கினேன் ! உள்ளதை உங்களிடம் ஒப்பித்திருக்கலாம்தான் ; "இன்ன மாதிரி, இன்ன மாதிரி, ஒரு பெரும் தொகைக்கு காண்டிராக்ட் அவசியமாகிறதென்று" சொல்லி சரணாகதி ஆகியிருக்கலாம் ! ஆனால் அந்த  2013 / 2014-ன் நாட்கள் - நமது இரண்டாம் வருகையின் தவழும் நாட்களே ! நமது credibility அன்றைக்கெல்லாம் அத்தனை பெரிதாய் இருந்ததாய் நான் உணர்ந்திடவில்லை ! (இன்றைக்கு அது எங்குள்ளது என்பது இன்னொரு நாளின் பதிவிற்கு !!) So நான் நிஜத்தை ஒப்பித்திருந்தாலுமே அதனை ஒரு சப்பைக் கட்டு என்று கருதி இருப்பீர்களா  ?அல்லது  face value-வில் ஏற்றுக் கொண்டிருப்பீர்களா ? என்பதை கணிக்கும் தைரியமெல்லாம் எனக்கு இருக்கவில்லை  ! க்ரே மார்க்கெட்டில் வேறு, அந்நாட்களில்  புழக்கத்தில் இல்லாத இந்த மும்மூர்த்தி இதழ்கள் சக்கை போடு போட்டு வர, நண்பர்கள் அங்கே எழுதிய மொய்களின் தொடர்பான கோபங்கள் இயல்பாய் நம் பக்கம் திரும்பியதாகவும் எனக்குத் தோன்றியது ! வேறு மார்க்கமே தெரியாத போது துணிந்தேன் - ஒரு ராட்சஸத் தொகையை புரட்ட வாக்குக் கொடுத்து விட்டு இந்த Fleetway புராதன சமாச்சாரங்களின் மறுபதிப்புகளுக்கு ஒப்பந்தம் செய்து விடுவதென்று!

ஜூனியர் எடிட்டர் சென்னையில் கல்லூரியில் இருந்த சமயமது ; நான் அடிக்க எண்ணியிருந்த கூத்தைப் பற்றி விக்ரமிடம் மட்டும் சொல்லி விட்டு - வேறொரு பணி நிமித்தம் அமெரிக்கா செல்லும் வாய்ப்போடு DC Comics மறு சந்திப்புக்கும் தேதி வாங்கி விட்டிருந்தேன் ! இம்முறையும்  அதே நியூயார்க் ; அதே டைம்ஸ் சதுக்கம் ; அதே ஜன நெரிசல் - ஆனால் நானோ "அபியும், நானும்' பிரகாஷ்ராஜைப் போல நெஞ்சை நிமிர்த்திக் கொண்டு வீறு நடை போட்டுக் கொண்டிருந்தேன் (முண்டா பனியனை மட்டும் போட்டுக் கொண்டல்ல சாமி !!) அவர்களிடம் ஒருமாதிரியாகப் பேசி - கதைகளின் பட்டியலை ஒப்படைத்து, காண்டிராக்டுக்கு ஏற்பாடு செய்யக் கோரிய சமயம் - அவருக்கே ஆச்சர்யம் : ஊர் உலகத்தில் எத்தனை-எத்தனையோ அட்டகாச கதைத்தொடர்கள், BATMAN ; SUPERMAN இத்யாதி ; இத்யாதி என்று காத்திருக்கும் போது, இந்த ஹைதர் அலி காலத்துக் கதைகளுக்காக இந்தப் பாடு படுவானேன் ? என்று ! "இல்லீங்க சார் ; இந்தக் கதைகளோடு நான் ஊர் திரும்பாங்காட்டி  - சொட்டை மண்டையை - மொட்டை மண்டையாக்கி  - கரும்புள்ளி, செம்புள்ளி குத்தி - "ஆஹொய் - அல்லாஹொய்" கோஷங்களோடு என்னைக் கழுதை மேல் ஊர்வலமாய் ஏற்றி விடும் ஆபத்து உண்டு சார் !" என்று அவரிடம் என் இக்கட்டைச் சொல்ல முடியுமா என்ன ? So 'ஹி.ஹி' என்ற இளிப்ஸ் சகிதம் - "இந்தக் கதைகளை எங்க ஊரிலே வாசகர்கள் இன்னமும் கொண்டாடுறாங்க சார் ; you see - in 1972 முத்து காமிக்ஸ் my dad started ; I am start in 1984!!" என்று நான் என் ராகத்தை எடுத்து விட, அவரோ "இன்னும் ரெண்டு கதைனாக் கூடப் போட்டுத் தந்திடுறேன் ; ஆளை விடுப்பா சாமி " என்பது போல் அவஸ்தைப்பட - நான் ஒரு மாதிரியாய் வாய்க்குப் பூட்டுப் போட்டுக் கொண்டேன் ! இடைப்பட்ட தருணத்தில் அவரது உதவியாளர் எட்டிப் பார்த்து ஏதோ கேட்க, சில நிமிடங்களுக்கு தலைமை நிர்வாகி அடுத்த அறைக்குள் புகுந்து பேசத் தொடங்கினார் ! 

தனிமையில் இருந்த நான் அந்தச் சிறு அறை முழுவதும் இறைந்து கிடந்த புத்தகங்களை 'ஆ'வென்று வாய் பார்த்துக் கொண்டிருந்தேன் !  அப்போது ஒரு சைட் ரேக்கில் நிறைய BATMAN பொம்மைகள் ; CATWOMAN பொம்மைகள் என்று அடுக்கிக் கிடப்பதைப் பார்த்தேன் ! ஒரு டப்பாவைத் திறந்து தில்லாக லுக் வீட்டுக் கொண்டிருந்த BATMAN -ஐ கையில் ஏந்த நான் முயற்சித்த போதே -"would you like to take one home for your son or daughter ?" என்றபடிக்கே மனுஷன் உள்ளே நுழைந்தார் ! "நோ..நோ..நம்மள் கி நோ daughter ; ஒன்லி son & அவரும் பொம்மை வைச்சு ஆடும் வயதல்ல !" என்றபடிக்கே அந்த டப்பாவில் பின்பக்கத்தைப் பார்த்தால் கச்சாங்-முச்சாங் என்று சீன பாஷையில் எழுதியிருப்பதைக் கவனித்தேன் ! அப்புறம் அவர் சொல்லித் தான் தெரிந்தது,  சீன மார்க்கெட்டில் அட்டகாசமாய் விற்பனையாகும் BATMAN ; SUPERMAN காமிக்ஸ்களோடு - இது போன்ற பொம்மைகள், டி-ஷர்ட்கள் ; இன்ன பிற gift item-களும் சக்கை போடு போடுகின்றன என்று ! இவையெல்லாமே DC படைப்புகள் என்பதால் - பொம்மைகளின் விற்பனையில் ; டி-ஷர்ட்களின் விற்பனையிலும்  கணிசமான ராயல்டி செலுத்துகிறார்கள் -சீனர்கள் ! புன்னகையோடே - அவரது சிஸ்டத்தை என் பக்கமாய்த் திருப்பினார் ; ஒரு சீனப் பதிப்பகம் மீதானதொரு ராயல்டி இன்வாய்ஸ் திரையில் நின்றது ! அதன் கீழே டாலர்களில் இருந்த தொகையைப் பார்த்த போது என் சப்த நாடியும் அடங்கிப் போய் விட்டது !  எனது 33 ஆண்டு கால அனுபவத்தில், நானிதுவரைக்கும் கையெழுத்திட்டுள்ள ஒப்பந்தங்களுள் தொகையில் ஆகக் கூடுதல் மதிப்பிலானது  இந்த Fleetway புராதனங்களுக்கோசரம் நான் அன்றைக்கு சம்மதம் சொன்ன ஒப்பந்தம் தான் ! ஆனால் நான் திரையில் பார்த்த அந்தச் சீன பில்லின் தொகை, கிறுகிறுக்கச் செய்யும் ஒரு அசாத்திய நம்பர் ! இதே போல ஒரு நூறு தேசங்களில் அவர்கள் தினமும் தொழில் செய்து வருகிறார்கள் எனும் பொழுது - நமது "முரட்டு லெக்பீஸ் காண்டிராக்ட்" அவர்களுக்குப் பல் குத்தும் குச்சிக்கு சமானமே என்பது மண்டையில் உறைத்தது ! அந்த நிமிடம் வரைக்கும் -"இந்த டைம்ஸ் சதுக்கம் என்ன விலை ? இந்த ஆபீஸ் என்ன விலை ? " என்ற ரீதியில்  தெனாவட்டாய்  குஷன் சேரில் குந்தியிருந்த எனக்கு, திடீரென பிட்டத்தில் கரப்பான் கூட்டமொன்று ஊர்வது போலிருந்தது ! அன்பாய், மிகுந்த மரியாதையோடு அவர்  என்னிடம் பேசிக் கொண்டிருந்தாரென்றாலும் - எனக்குள்ளோ ஒரு குறுகுறுப்பு ; "ரொம்ப நேரம் மொக்கை போட்டு அவரது நேரத்தை வீணடித்து விட்டோமோ ?" என்று ! ஒப்பந்தத்துக்குத் தேவையான விபரங்கள் அனைத்தையும் ஒப்படைத்து விட்டு ஓட்டமும், நடையாய் விடைபெற்றுக் கிளம்பினேன் ! இம்முறையும் அதே சப்வே ; அதே நெரிசல் ; and இம்முறையும் யாரையும் நிமிர்ந்து பார்க்கவே தோன்றவில்லை எனக்கு ! 3 வாரங்களுக்குள் மின்னஞ்சலில் காண்டிராக்ட் வந்து விடும் ; அதற்குள் அதற்கான தொகையினைப் புரட்டிட வேண்டும் என்ற பீதி அப்போதே அடிவயிற்றைக் கலக்கிக் கொண்டிருந்தது ! 

ஊருக்குத் திரும்பினேன் ; and நமது வங்கிக் கையிருப்பில் வழக்கம் போல நான்கைந்து எட்டுக்கால்பூச்சிகளின் நூலான்படையை மட்டுமே பார்க்க முடிந்த பொழுது எடுக்கத் தொடங்கிய பேதிக்கு அல்லோபதியும் சுகப்படவில்லை ; ஆயுர்வேதமும் கை கொடுக்கவில்லை ! 3 வாரங்களும் அநியாயத்துக்கு பேய் வேகத்தில் ஓட்டம் பிடிக்க, மின்னஞ்சல் நம்மை எட்டிய சமயம் கிட்டத்தட்ட பாதித் தொகை பள்ளம் ! என்னதான் மொக்கை போட்டாலும், நமது பதிப்பகக் கணக்கு வழக்குகளையும், நமது இதர தொழில்களின் வரவு செலவுகளையும்  நான் ஒருநாளும் ஒன்றோடு ஒன்று குழப்பிக் கொள்வதில்லை ! இங்கே காசு இருந்தால் சம்பளம் ; இல்லாவிட்டால் ஈரத் துணி ; அங்குள்ள பிழைப்பு அங்கேயே என்பதே நமது எழுதப்படா விதி ! ஆனால் எனக்கு வேறு மார்க்கமே இல்லையென்பதால் ஒரு மாதிரியாய் என் தம்பியிடம் நிலவரத்தை விளக்கிச் சொல்லி, நமது மற்ற நிறுவனங்களில் இருந்து பணத்தை கடனாய்ப் பெற்று இங்கே மாற்றல் செய்து DC-க்கு அனுப்பி வைத்தேன் ! 

என்ன அதிசயம் ? பணம் அனுப்பிய தினமே பேதி காணாது போய் விட்டது  ; ஆனால் அல்சர்  வந்தது போலொரு உணர்வு ! தொடரும் புத்தக விழாக்களில் ஆகும் வசூல்களிலிருந்து கடனாய் வாங்கிய தொகையைத் திருப்பித் தந்துவிடுவதாய் promise செய்திருந்தேன் ; அதே போல தட்டுத் தடுமாறி செய்தும் காட்டி விட்டேன் ! அன்றைக்கு என் தம்பி மட்டும்  முகம் சுழித்திருப்பின், நிச்சயமாய் வெளியில் கையேந்தி தான் நான் நின்றிருக்க வேண்டும் ! என்ன தான் நான் மூத்தவன், தொழிலின் துவக்கப் புள்ளி என்றாலும்,  ஒரு சம பங்காளியென்ற மரியாதையை தம்பிக்குத் தருவது அவசியம் என்பது எனது நிலைப்பாடு ! Of course - நான் பாட்டுக்கு எதுவும்  கேட்காமலும் பணத்தை எடுத்து அனுப்பியிருக்கவும் செய்திருக்கலாம் தான் & அண்ணன் எதைச் செய்திருந்தாலுமே  அதனில் நிச்சயமாய் ஒரு அத்தியாவசியம் இருந்திருக்கும் என்பதை தம்பி புரிந்திருப்பான் தான் ! ஆனாலும் அன்றைக்குக் கேட்க்காது செய்ய மனசு கேட்கவில்லை ! ஆக ஒரு நயாகரா குளியலை மாயாவிகாரு போட சாத்தியமானதும், ஒரு சிரசாசன SMS மறுபடிக்கும் நம் முன்னே ஆஜரானதும் இவ்விதமே !  "ஆக நீ சொல்ல வரும் கருத்து என்னவோ ? என்று கேட்கிறீர்களா ? " ; நான் கருத்தே சொல்லவரவில்லை என்பது தான் கருத்தே ! சிங்கத்தின் சமீப நாட்களின் விவரிப்பிது ; நீங்கள் இதனிலிருந்து எதையேனும் கிரஹித்துக் கொண்டீர்களெனில் good for you !!   

Back to the present - 2 நாட்களுக்கு முந்தையதொரு மின்னஞ்சலில் இன்னொரு  நண்பரோ - "ரிப் கிர்பி ஸ்பெஷல் போடலாமே - இரத்தப்  படலத்தில் நேரத்தையும், பணத்தையும் முடக்குவதற்குப் பதிலாக ??" என்று விசனப்பட்டு நீண்டதொரு  மின்னஞ்சல் அனுப்பியுள்ளார் !! "நான் கரடியாய்க் கத்தினாலுமே நீ  போட மாட்டாய் என்பது தெரியும் தான் ; சப்பைக்கட்டுக்கு பஞ்சமே இராது என்பதும்  தெரியும் தான் ; ஆனாலும் சொல்லத் தோன்றியதை சொல்லி விட்டேன் " என்று ஓடியது அந்த மெயில் !  கையில் சற்றேற 10 + ஆண்டுகளுக்கு மேலாய்  உள்ள கதைகளைக் கூடப் போடப்  பயந்து, பெட்டிக்குள் வைத்துப் பூட்ட அவசியமாகிடும் ரிப் கிர்பியையும் - இரண்டரை மாதங்களுக்குள் சுமார் ஐந்தரை லட்சம் ரூபாயை முன்பதிவினில் கொணர்ந்துள்ள இரத்தப் படலத்தையும் ஒப்பீடு செய்து பார்க்கும் நண்பருக்கு எவ்விதம் பதிலளிக்க என்று தெரியாது விழிக்கிறேன் ! தனிப்பட்ட முறையில் நானுமே ரிப் கிர்பி ரசிகன் தான்  ; ஆனால் இந்நாட்களது விற்பனையில் முட்டையிட்டுக் குஞ்சு பொரிக்கும் நிதர்சனத்தைப் பார்க்கும் போது - என் காதலே பிரதானமென்று சொல்ல சாத்தியமாவதில்லையே ? 

XII-ம் எனக்குப் பங்காளியல்ல ; கிர்பியும் பகையாளியல்ல - சில தருணங்களில் நான் வாசகர்கள்  முகம் பார்க்கும் ஒரு கண்ணாடி மாத்திரமே என்பதை நண்பர்களுக்குப் புரியச் செய்ய சத்தியமாய் எனக்கு வழி தெரியவில்லை ! ஒரு டயபாலிக்கின் உரிமைகளை பெற்று, உங்களுக்கு அறிமுகம் செய்திட ஒருநூறு அந்தர் பல்டிக்கள் அடித்தவனே நான் தான் என்பதோ , அவரை நம்மின் வெகுஜன ரசனை நிராகரிக்கும் போது வலியோடுஅந்தத் தீர்ப்பை  ஒத்துக் கொள்பவனும் நானே என்பதோ - எனது அதுவரையிலுமான முயற்சிகள் சகலமும் வியர்த்தமாகிப் போயிருப்பதை ஏமாற்றத்துடன் ஏற்றுக் கொள்பவனுமே நான் தான்  என்ற நிஜங்களோ  - காற்றுவாக்கில் காணாது போய்விடுவதன் மர்மம் சத்தியமாய் எனக்குப் புரிவதில்லை !  நொடி நேரத்தில், நானந்த நாயக / நாயகியரின்  எதிரியாய் உருமாறிப் போய் விடுகிறேன் & நண்பர்களோ  தம்மை அந்த நாயக / நாயகியரின் பாதுகாவலர்களாக உருவகம் செய்து கொள்கிறார்கள் ! 

காலங்கள் மாறிவிட்டன ; ரசனைகளும்  நகன்று வருகின்றன ; மாயாவியே இன்றைக்கு விந்தி நடக்கத் துவங்கி விட்டார் ; இச்சூழலில் நல்ல நாளைக்கே நாழிப் பால் கறக்கும் மனிதரைக் கொண்டு ஒரு "ரிப் கிர்பி ஸ்பெஷல்"  போடுவதென்பது கல்லைக் கட்டிக் கொண்டு கிணற்றினுள் நானும் குதித்து, உங்களையும் சேர்த்து இழுத்துப் பார்க்கும் முயற்சியாகாதா ? தத்தம் ரசனைகள் மீதான ஆதர்ஷம், எனது தரப்பின் சிரமங்களை மறக்கச் செய்கிறதா ? அல்லது நான் உங்களிடம் காட்டிவரும் ஒரு பீலா முகத்தின் வீரியம் - "இந்த ஆந்தைக்கண்ணனுக்கு  எல்லாமே சாத்தியம் !" என்று நம்பச் செய்கிறதா  ? எது காரணி என்று தெரியவில்லையே ?! 

ஒவ்வொரு சந்தர்ப்பத்திலும், ஒவ்வொரு படைப்பாளியிடமும் உரிமைகளைக் கோரிப் பெற்றிட நான் அடிக்கும் கூத்துக்களை மூன்றாம் பிறையின்  கிளைமாக்சில் கமலஹாசன் கூட அடித்திருக்க மாட்டார் ! ஆனால் அவற்றையெல்லாம் சொல்லி உங்களைச் சங்கடப்படுத்துவானேன் ? ; யாரது தொழிலில் தான் சிரமங்கள்   இருப்பதில்லை ?  என்று - "கனடாலே  எங்க மம்மி ஒரு western classical டான்சர்.....டாடி ஒரு drums மேஸ்ட்ரோ " என்று அள்ளி விடுவது உண்டு ! ஏதோ    - சரவணா பவனில் போய் மினி மீல்ஸ் ஆர்டர் செய்யும் லாவகத்தில் நமக்குக் கதைகளும் கிட்டுவது போல் உதார் விட்டு வருகிறேன் ! ஒவ்வொரு கதைத் தொடரின் பின்னணியிலும் எத்தனை எத்தனை குட்டிக் கரணங்களும், குரங்கு வித்தைகளும் செல்லுகின்றன என்பதை நான் சொல்லத் துவங்கினால் - அதற்கெனவே தொடர்ச்சியாய் "சிங்கத்தின் குரங்கு பல்டிக்கள்" என்றொரு தொடருமே எழுத அவசியப்படும் !அப்புறம் அதையுமே  விடாமல் தொடரக் கோரி தலீவரும், செயலரும் இன்னொரு பஸ் நிலையத்தில்   இரகசிய சந்திப்பு மேற்கொள்ள அவசியமாகிடக்கூடும் ! தேசத்து தலீவர்களை அப்படித் தொந்தரவு செய்வதெல்லாம் தப்பு என்பதால் அவர்களுக்கு அந்தச் சிரமத்தை நான் வைக்க விரும்புவதில்லை ! 

அதற்காக உங்கள் கனவுகளை cold storage-ல் போடச் சொல்வதும் எனது நோக்கமல்ல guys ! உங்கள் ஒவ்வொருவரின் சின்னச் சின்ன கோரிக்கைகளும், அபிலாஷைகளும் என்னுள் ஒரு ஓரத்தில் பதிவாகிக் கொண்டே தான் வருகின்றன ! வாகான முதல் சந்தர்ப்பத்தில் அவற்றை நிச்சயமாய் நடைமுறை செய்திடத் தவற மாட்டேன் என்ற நம்பிக்கையோடு கனவுகளைத் தொடருங்களேன் என்பது மாத்திரமே எனது கோரிக்கை ! ஒவ்வொரு தேர்வின் பின்னேயும், தீர்மானத்தின் பின்னும், உங்கள் ஆர்வங்களும், வியாபார சாத்தியங்களும் சம விகிதத்தில் கலந்து நிற்கின்றன என்பதையும் மறந்திட வேண்டாமே ப்ளீஸ் ? நீங்கள் கொடி பிடித்துத் தூக்கி விட்டால் தானென்றில்லை ; விற்பனையில் சாதித்துக் காட்டினாலே ஒவ்வொரு நாயகனும், நாயகியும் என்னைக் குமட்டோடு குத்தி விட்டு அட்டவணைக்குள் இடம் பிடித்திடுவார்கள் என்பது தானே நிதர்சனம் ? விற்பனைகள் எனும் அந்தத் தேர்வில் தோல்வி காண்போருக்கு இடம் நம் மனதில் மாத்திரமே என்பதை நான் சொல்லித் தான் தெரிந்து கொள்ள வேண்டுமா ? 

சரி...எல்லாம் ரைட்டு....ஆனால் இப்போது உரிமைகள் வாங்கியிருக்கும் ஜேம்ஸ் பாண்ட் 007-ம் அமெரிக்கத் தயாரிப்பு தானே ? அது மாத்திரம் எப்படியாம் ? என்று கேட்கும் அன்பர்களும் நிச்சயமாய் இருப்பார்கள் என்பது புரிகிறது ! அது இன்னொரு தூரத்து நாளின் பதிவுக்கென  இருக்கட்டுமே ? Bye all ! See you around !! 

சுடும் பனி (Lady S )

பின்குறிப்பு : 

• சந்தாப் புதிப்பித்தல்கள் & புதுச் சந்தா சேர்க்கைகள் - இரண்டுக்குமே கொஞ்சம் நேரமும், பணமும் ஒதுக்கிட முயற்சியுங்களேன்  - ப்ளீஸ் guys ?
• அப்புறம் நமது POSTAL PHOENIX சாருக்கொரு A B C D சந்தா சுடச் சுட - "அனாமதேயரின்" அன்போடு !! 
• ப்ளஸ், கடலூர்  AT ராஜேந்திரன் சாருக்கும் ஒரு A B C D சந்தா வழங்கிட இன்னொரு அன்பர் பணம் அனுப்பியுள்ளார் !! 

சுடும் பனி !

நண்பர்களே,

வணக்கம். போகிற போக்கில் தினப்படிக்கு ஒரு உபபதிவு  தேவைப்படும் போலிருக்கிறது !! இதே வேகத்தில் வண்டி ஓடினால் 2017-ன் பதிவு எண்ணிக்கை செஞ்சுரி போடும் நாளும் சீக்கிரமே புலர்ந்து விடும் !! சிலபல பஞ்சாயத்துகள் ; கொஞ்சம் தராசும், படிக்கற்களும் பற்றிய அலசல்கள்  ;  கிலோக்கணக்கில் மைசூர்பா ; அல்வா ; அண்டாக்கணக்கில் பிரியாணி ; புளிசாதம் பற்றிய அகழ்வாராய்வுகள் என்று விவாதங்கள்  றெக்கை கட்டிப் பறப்பதாலோ , என்னவோ - தினசரித் தளப்பார்வைகளும் கிறுகிறுக்கச் செய்யும் 3660 ; 2890 என்றும் பதிவாகி வருகின்றன - கடந்த சில நாட்களில் ! இந்தக் களேபரங்களுக்கு மத்தியில் சந்தாப் பதிவுகள் களைகட்டி வருவது தான் highlight !! நம்பினால் நம்புங்கள் guys - இதுவரையிலும் கிட்டியுள்ள அத்தனை சந்தாக்களுமே A + B + C +D !! 

என்ன சொல்லவென்று தெரியவில்லை - "இது டெக்சின் மகிமையால் !" என்று வாய் மலர்ந்தால் - எதெதெற்கோ என்மேல் எரிச்சல்களைச் சுமந்து கொண்டிருக்கும் நண்பர்களுக்கு கூடுதலாய் ஒரு மனத்தாங்கலை உருவாக்கித் தந்த புண்ணியம் தான் மிஞ்சும்  ! So "எல்லாப் புகழும் நண்பர்களின் பெருந்தன்மைகளுக்கும், காமிக்ஸ் காதல்களுக்குமே !" என்று சொல்லி விட்டால் நிஜத்தையும் உரைத்தது போலாயிடுமல்லவா ?!  

A job well begun is half done - என்பதில் இக்லியூண்டு சாரம் இருந்தால்கூட, 2018 ஒரு மெகா சுவாரஸ்ய ஆண்டாய் நமக்கு அமைந்திட  வேண்டுமென்பேன் ! Miles to go yet ; ஆகையால் இப்போதே பீப்பீயை சத்தமாய் ஊதுவதும் சரியாகாது ; "உங்களுக்குத் பிடிக்காததைப் போட்டுமே கூட  வியாபாரம் ஆகுது - பார்த்தீங்களா  ?!!" என்று மாற்றுக கருத்துக்கள் சொல்லிவரும் நண்பர்களை கிளறி விடுவதிலும் அர்த்தம் இருப்பதாய் நான் நினைக்கவில்லை ! End of the day -  இங்கே அரங்கேறுவது ரசனைகளின் மோதலே தவிர்த்து, வாய்க்கால் வரப்புச் சண்டையோ, பங்காளித் தகராறோ அல்ல தானே ? எப்பெப்போதோ சேதம் கண்ட சிலபல ஈகோக்களை, காலத்தின் ஓட்டம் தான் சரிசெய்திட முடியும்  ?! So - இந்த சர்ச்சைகளுக்கு இத்தோடு முற்றுப்புள்ளி வைத்து விடுவோமே guys ? It's time to move on ! 

2018 -ஐ எட்டிப் பிடிக்கும் முன்பாய் இன்னமும் நடப்பாண்டில் 2 மாதங்கள் முழுசாய்க் காத்துள்ளனவே ! So அவற்றின் மீது  பார்வைகளைப் பதிப்பது தான் தற்போதைய வேலை ! இதோ நம்மில் பலரை முதல்பார்வையிலேயே சாய்த்துவிட்ட LADY S-ன் ஆல்பம் # 3 ! இதுவொரு one shot என்பதால் 46 பக்கங்களில் கதை முடிகிறது ! ஒரிஜினல் அட்டைப்படம் ; வழக்கம் போலவே மெலிதாய் நமது மெருகூட்டல்களோடு ! And "சுடும் பனி" - இன்னொரு  வான் ஹாம்மே த்ரில்லர் ! 

தனது முதுமை காரணமாய் 90% கதைப் பொறுப்புகளிலிருந்து விலகிக்  கொண்டு ஓய்வாய் இருக்கிறாரென்று கேள்விப்பட்டேன் ! 

And இம்முறை படைப்பாளிகளைச் சந்தித்த போது மறக்காது நான் கேட்ட கேள்வி - நமது XIII சார்ந்தது !! Guess what >>? மூன்றாம் சுற்று துவங்கிடவுள்ளதாம் - 2019 வாக்கில் !! இன்னமும் அதற்கான creative டீம் இறுதி செய்யப்படவில்லை போலும் ; ஆனால் தொடருக்கு இன்னுமொரு ஜென்மம் கிட்டவிருப்பது உறுதி ! So சீக்கிரமே -"வந்துட்டேன்னு சொல்லு....திரும்பி வந்துட்டேன்னு சொல்லு .." டயலாக்கைப் பேசிட பச்சை குத்திய  நம் தோழர் தயாராகிட்டால் ஆச்சர்யப்படாதீர்கள் !! Bye guys ! See you around !

நல்லதொரு துவக்கம் !

நண்பர்களே,

வணக்கம். 'உண்ட மயக்கம் தொண்டருக்கு' என்று கட்டையைக் கிடத்திக் கொண்டே கண்ணுக்கு எட்டும் தூரத்தில் இஞ்சிமிட்டாய் ஜாடைக்கு ஏதாவது தென்படுகிறதாவென்று நோட்டம் விடும்   உள்ளூராருக்கும் ; விடுமுறை முடிந்து பெருநகரங்களுக்கு கஷாயம் குடித்த முகங்களோடு திரும்பத் துவங்கியிருக்கும் அசலூராருக்கும் மாலை வணக்கங்கள் ! அட்டவணையை உங்களிடம் ஒப்படைத்த பின்பாக நேற்றைக்கு நிம்மதியாய் அடுத்தகட்டப் பணிகளுக்குள் இறங்கி விட்டேன் ! கடந்த 60 + நாட்களாய் இந்த "அட்டவணை விளையாட்டை" நான் ஆடிப் பார்த்து வந்து நோட்டை -  பத்திரமாய்த் தூக்கி பீரோவுக்குள் போட்ட போதுஒரு நண்பனுக்கு விடைதந்தது போலிருந்தது - becos என்னோடே அந்த நோட்டும் ஊர், உலகெல்லாம் சுற்றி வந்திருந்தது -கடந்த 2 மாதங்களாய் ! இந்த அட்டவணைப் படலத்தில்  இங்கே முக்கியமாய் நானொரு பெயரைக் குறிப்பிட்டாக வேண்டும் ; in fact - நேற்றைய பதிவிலேயே அதனைச் சேர்க்க எண்ணி, மறந்து தொலைத்திருந்தேன் ! 

எனது திட்டமிடல் 60+ நாட்களுக்கு முன்பாய்த் துவங்கியதெனில், கடந்த 30+ நாட்களாய் இந்த கேட்லாக்கின் தயாரிப்பில் ஆழ்ந்து கிடந்தது நமது DTP அணியின் கோகிலா. "ஜேம்ஸ் பாண்ட் விளம்பரத்தைப் போடுமா ; ஊஹும்......வேணாம்..வேணாம்...அது இதிலே வரலே  ; டெக்ஸ் - டைனமைட் ஸ்பெஷல் விளம்பரம் இந்தப் படத்தோட வரணும் ; ஜில் ஜோர்டன் விளம்பரம் ரெடியா இருக்கட்டும், யோசிச்சிட்டு நாளைக்கு சொல்றேன் ; தோர்கல் 2 புக்..!! .இல்லே..இல்லே...ஒரே புக்- 4  கதை !! ; ஆங் ...."காலனின் கூரியர்" ; இல்லே..இல்லே...அது இந்தச் சந்தாவிலே இல்லே ; ஜம்போ விளம்பரமா ? ம்ம்ம்ம்ம்.....இப்போ போடுறதா...இல்லையான்னு அப்புறமா சொல்றேன் !" - என்று தினம் தினம் நான் கொலையாய்க் கொன்றாலுமே, சகலத்துக்கும் துளியும் சலனம் காட்டாது பணியில் அக்கறை காட்டிய கோகிலாவுக்கு ஒரு ஷொட்டு உரித்தாகிட வேண்டும் ! 

Moving on,  புதிய  அட்டவணைக்குக் கிட்டியுள்ள ஆரம்பம் அமர்க்களம் என்பேன் ; அதற்குள்ளாக 20+ சந்தாக்கள் ஆன்லைனில் மாத்திரம் கிட்டியுள்ளன ; வங்கி கணக்குக்குப் பரிமாற்றங்கள் நிகழ்ந்துள்ளதை நாளை தான் பார்த்திட வேண்டும் ! பண வரவுகள் ஒருபக்கமிருக்க - நமது தேர்வுகள் பற்றியும், கல்தாக்கள் பற்றியும் 95% ஒருமித்த கருத்துக்கள் (இதுவரையிலாவது) இருந்து வருவது தான் மிகப் பெரிய relief எனக்கு ! "ஆங்...இவருக்கு VRS கொடுத்ததில் தப்பில்லை ; இவர் உள்ளே இருப்பது ஓ.கே. தான் !" என்ற ரீதியில் இந்த Big Boss ஆட்டம்  உங்கள் ரசனைகளோடு ஒத்துப் போயிருப்பது நிஜமாக மகிழ்ந்திடவோரு காரணம் ! End of the day - இணைதடங்கள் இரண்டும் ஒரே திசையில் ஓடுவது தானே முக்கியம் ? 

கதைகளுக்கு ஆர்டர் தரும் வேலைகள் ; பிரெஞ்சு ; இத்தாலிய மொழிபெயர்ப்புகளுக்கான முஸ்தீபுகள் என்று 2018 சார்ந்த பணிகள் எப்போதோ துவங்கி விட்டன ! அட்டவணை official ஆக ரிலீஸ் ஆகி விட்டுள்ளதைத் தொடர்ந்து  - எந்த இதழ்கள் / எந்த மாதங்களுக்கு ? என்ற ரோசனைகளுக்குள் இனி ஆழ்ந்தாக வேண்டும் ! Keep writing folks & சந்தாப் புதுப்பித்தல்களையும் செய்திடத் துவங்கிடலாமே - ப்ளீஸ் ? ஒரு அற்புத வாசக வட்டமாய் இருந்து வந்து ; எங்களின் ஒவ்வொரு முயற்சிக்கும் மூச்சுக் காற்றாய் இருந்து வரும் உங்கள் ஒவ்வொருவருக்கும் ஒரு மானசீகப் பூங்கொத்தை வழங்கிய கையோடு கிளம்புகிறேன் - இம்மாத LADY S எடிட்டிங்கினுள் புகுந்திட ! Bye all ! See you around !  

உள்ளங்கையில் பிரபஞ்சம்...!!

நண்பர்களே,

வணக்கம். கொஞ்சம் நிறையவே நேரத்தையும், கணிசமானதொரு நெட் pack-ஐயும் கைவசம் வைத்துக் கொண்டு தொடரும் வரிகளுக்குள் புகுந்திடல் தேவலாம் என்பேன் guys - ஒரு பாகுபலி நீளத்துப் பதிவு தொடரவுள்ளது !  Without much ado - இதோ - தொடரவிருக்கும் புத்தாண்டிற்கான நமது காமிக்ஸ் ப்ளூபிரிண்ட்  ! இதன் பொருட்டு ஏழு கடல் தாண்டினேன் ; ஏழெட்டு மலைகள் தாண்டினேன் என்றெல்லாம் நான் சொல்லப் போவதில்லை - ஆனால் அரை டன் காகிதமும், சில பல லிட்டர்கள் நள்ளிரவு எண்ணெய்யும் இதற்கு அவசியமானதென்னவோ உண்மை தான் ! பணிகளை முடித்த கையோடு சோம்பல் முறித்த கணத்தில்  - "இதுக்கு தானா சிண்டை இத்தனை பிய்த்துக் கொண்டாய் சாமி ?" என்று தோன்றியது நிஜம் தான் ; ஆனால் "எல்லா முகங்களிலும் ஒரு சந்தோஷப புன்னகை" என்பதை இயன்றமட்டிலும் நிஜமாக்கிடும் பொருட்டு - எந்தவொரு மார்க்கத்தையும் அலசாது விட்டு விடக்கூடாதே என்ற ஆதங்கமும், ஆர்வக் கோளாறும் தான்நிறையவே நேரத்தை விழுங்கின ! இந்தாண்டினில் என்முன்னே இருந்த சவால்களின் பரிமாணங்கள் வழக்கத்தை விட ஓரிரு படிகள் ஜாஸ்தி என்பதும் இன்னொரு காரணம் ! அப்படி என்னடாப்பா சமாச்சாரங்கள் ? என்று கேட்கிறீர்களா ? இதோ :

Factor # 1 : எப்போதும் போலவே பட்ஜெட் தான் எங்களது துவக்கப் புள்ளி ! "காமிக்ஸ் வாசிப்பானது - சீமான்களின் பொழுதுபோக்கு என்றாகிவிட்டது" என்ற மாதிரியான விமர்சனங்களின் பின்னணி, முன்னணி, சைடணி பற்றி பெரிதாய் ஆராய்ச்சி செய்திட நான் முனைவதே இல்லை ; simply becos விலைகளைக் கட்டுக்குள் வைத்திருக்கும் தேவையினை  பிரதானமாய்க் கருதும் முதல் ஆசாமி நானே என்பதால்  ! தரத்தில் குறை வைக்காது, விலையில் சமரசம் செய்திடக் கூடிய மாயாஜாலத்துக்கு ஈடாய் எனது அகவைகளில் ஒரு பங்கை பண்டமாற்று செய்திட ஜேசன் ப்ரைஸ் கதையின் கிளைமாக்ஸைப் போல் சாத்தியம் இருப்பின், நிச்சயமாய் அந்த ஒப்பந்தத்துக்குத் தயங்கிடவே மாட்டேன் ! So பட்ஜெட் எகிறிடக் கூடாது என்பதே எப்போதும் போல் சவால் பட்டியலின் உச்சத்தில் இருந்தது இம்முறையுமே  !

Factor # 2 : நடப்பாண்டில் 2 முக்கிய நிகழ்வுகளை நமது பயணம் சந்தித்துள்ளது ! அவற்றின் பொருட்டு 2018-ல் மட்டுமல்ல ; தொடரவிருக்கும் காலங்களிலுமே  நாம் நிறையவே கவனம் தந்திட அவசியப்படும் என்பதில் எனக்கு ஐயமில்லை ! 

• நிகழ்வு # 1 - சூப்பர் 6 சந்தாவில் மறுபதிப்புகள் கண்டுள்ள வெற்றிகள் !  வண்ணத்தில் ; ஹார்ட்கவரில் , வந்துள்ள லக்கி கிளாசிக்ஸ் ; சிக் பில் கிளாஸிக்ஸ் ; மாடஸ்டி (கலர் பதிப்பு) have all been smash hits ! காத்திருக்கும் டெக்சின் டிராகன் நகரம் & பிரின்ஸ் ஸ்பெஷலுமே இந்தப் பட்டியலும் ஐக்கியமாகிடப் போவது உறுதி என்பதை ஆரூடம் சொல்ல ஜோதிட நிபுணத்துவம் தேவையில்லை தானே ? So இந்தாண்டின் இந்த வெள்ளோட்ட முயற்சியானது ஒவ்வொரு ஆண்டுமே அவசியப்படுமென்று மனதில் தோன்றியது ! 
• நிகழ்வு # 2 : இதுவரையிலுமாவது சந்தா E பெற்று வந்துள்ள வரவேற்பும் ; ஏற்படுத்தியுள்ள தாக்கங்களும் ! சென்றாண்டினில் இந்த exclusive கிராபிக் நாவல் சந்தாவொன்றைத் திட்டமிடத் தீர்மானித்த தருணத்தில் ஒரு விஷயம் எனக்குள் தீர்க்கமாய் பதிவாகியிருந்தது ! இம்முறை சொதப்பின் - "கி.நா" என்ற சொற்றொடர் என் ஆயுசுக்காவது ஒரு தீண்டத்தகா சமாச்சாரமாகவே தொடர்ந்திடுமென்பதில் எனக்கு சந்தேகம் இருக்கவில்லை ! So இந்தாண்டினில் அவை ஒவ்வொன்றாய் களமிறங்கி, ஒவ்வொரு விதத்தினில் உங்கள் அபிமானத்தை ஈட்டத் துவங்கிய போது என்னுள்ளே மேலோங்கிய முதல் உணர்வு ஒருவித நிம்மதியே ! "ஹா ...சாதித்து விட்டோம் ! என்ற மிதப்பை விட - "சாமி..கடவுளே...கிராபிக் நாவல்கள் மீதொரு தீரா வெறுப்பு நம் புண்ணியத்தில் உருவாகிப் போனதென்ற கரும்புள்ளியிலிருந்து தப்பிச்சோமே !" என்ற எண்ணமே ததும்பியது ! தொடர்ந்த நாட்களில் இந்த "கதையே நாயகன்" பாணிக்குமொரு எதிர்காலம் இருக்கக்கூடும் என்ற நம்பிக்கை சிறுகச் சிறுக பிறந்த கணங்களில், அவை சார்ந்த தேடல்களும் வீரியம் கண்டன - சமீபத்தைய ஜெர்மானியப் புத்தகவிழா வரைக்கும் ! ஒரு ஹிட் நாயகரின் கதையையே இரண்டாம் இடத்துக்குத் தள்ளுகின்றன இந்தப் புதுவரவுகள் எனும் பொழுது இவற்றை ஓராண்டின் பரிசோதனைகளாக மட்டுமே பார்த்திட இயலாதென்று படுகிறது ! Of course - இவை இன்னமும் நம் வட்டத்தின் 100% அபிமானங்களை பெற்றிடவில்லை தான் ; ஆனால் ஒரு சரியான இலக்கில் தான் travel உள்ளதென்று தோன்றும் போது, சிறுகச் சிறுகவாவது உடன் நடப்போர் அதிகரிப்பர் என்ற நம்பிக்கையுள்ளது ! So இந்த கிராபிக் நாவல் ரசனையின் துளிர்விடலையுமே  2017-ன் ஒரு முக்கிய நிகழ்வாய்ப் பார்க்கிறேன் ! 

Factor # 3 : நமது பெல்ஜியத்து சஞ்சய் ராமசாமி ! ஓராண்டின் சந்தாத் தொகையில் பாதிக்கு நெருங்கியதொரு தொகையினை நாம் திட்டமிட்டுள்ள இவரது வண்ணத் தொகுப்பு கபளீகரம் செய்திட உள்ளது  ! பணம் ஒருபக்கமிருக்க, இந்தக் கனவை நனவாக்கிட அவசியமாகிடப் போகும் உழைப்பின் பரிமாணத்தை நாம் குறைவாய் எடை போட்டோமென்றால், முகம் முழுக்க வழிந்திடக்கூடிய ஒரு டன் அசடை துடைக்க ஈரோட்டுச் சந்தையின் டர்கி டவல்களை ஒட்டுமொத்தமாய் விலை பேச வேண்டி வரலாம் ! Is going to be a humongous task !! ஆக அதன் பொருட்டு நமது ரெகுலர் பணிகளிலும் ஒரு தெளிவும், திட்டமிடலும் இந்தாண்டு சற்றே கூடுதலானது தேவை என்பேன் ! 

Factor # 4 : 'தல'யின் 70 -வது பிறந்தநாளும் காத்திருக்கும் 2018-ல் தான் எனும் பொழுது, அதற்கென ஏதாவது தெறிக்கும் ஸ்பெஷல் ஒன்று நம் திட்டமிடலில் இருத்தல் அவசியம் என்பது மண்டையின் ஒரு மூலையில் குடிகொண்டே நின்றது ! பத்தோடு பதினொன்றாய், ஏப்பைசாப்பையாய் எதையேனும்  அறிவித்தால் நிறைய நண்பர்கள் வாடிப் போவார்கள் என்பதும் அப்பட்டம் ! So அவரது ஸ்பெஷல் ஒரு மெகா பட்ஜெட் முயற்சியாகிடல் தவிர்க்க இயலா சங்கதி எனும் போது - எங்கே குறைத்து, இங்கே கூட்டுவது ? என்ற கேள்வி என் முன்னே துள்ளிக் குதித்து நின்றது ! 

Factor # 5 : GST !!!! இயல்பான விலைவாசி உயர்வுகள் ஒருபக்கமெனில், GST திடுமென நம் பிடரியில் இறக்கியுள்ள ஜூடோ டேவிட் பாணியிலான சாத்து - ஒரு pile driver ! உள்ளீட்டு வரிகள் என 12 % ; 18 % என்று ஆங்காங்கே எகிறிடும் செலவினங்களை - இந்தச் சின்ன சர்குலேஷனுக்குள் balance செய்திடும் சாத்தியங்களை கண்டிடும் பொருட்டு ஜூனியர் எடிட்டரும் நானுமாய் ஒரு நூறுமுறைகள் costing போட்டுப் பார்த்திருப்போம் ! ஆனால் எத்தனை முறை ; எத்தனை பேர் ; எத்தனை சூத்திரங்களைப் போட்டு கணக்குகளைப் போட்டாலும் ரெண்டையும் ,ரெண்டையும் கூட்டினால் நாலு தானே வரும் - விடையாய் ? So இந்தாண்டின் ஒரு கணிசமான மண்டைநோவு - மாறியுள்ள சூழலுக்குள் பிழைக்க மார்க்கம் தேடுவதே ! 

Factor # 6 : கண்ணுக்குப் புலப்படா இன்னமுமொரு சமாச்சாரம் உள்ளது ஒவ்வொரு ஆண்டின் திட்டமிடலிலும்  ! இருக்கும் போதே, இல்லாததைத் தேடுவதே மனித இயல்பு ! And காமிக்ஸ் காதலர்களான நாம் மட்டுமென்ன விதிவிலக்கா - இந்த எழுதப்படா நியதிக்கு ? காமிக்ஸ் இதழ்கள் குறிஞ்சிப் பூக்களாய் இருந்த நாட்களில் அவற்றைத் தேடியும், நாடியும் ஓடிய வேகமே வேறு ! இன்றைக்கோ  கேட்டால்-கிடைக்கும் என்றாகிய சூழலில், "அந்த நாட்களை போல் வருமா ?" என்ற ஒரு சன்னமான (காரணமிலா) ஏக்கம் நம்மையும் அறியாது உட்புகுதல் இயல்பே ! ஆண்டுகள் ஓட ஓட - நமது பீரோக்களுள் காமிக்ஸ் இருப்புகள் கூடக் கூட - அங்கே வெற்றிடமும், ஒன்றிரண்டு இதழ்களுமே குந்திக் கிடந்த அந்த good old நாட்களை (!!!) எண்ணியும் ஏங்கிடும் தருணங்கள் துளிர்விடலாம் ! இது போன்ற வெளிச்சொல்ல இயலாச் சங்கடங்கள் உங்களுக்கு நேர்ந்திடக் கூடாதெனில்  இயன்றமட்டுக்கு அட்டவணையின் ஒவ்வொரு அத்தியாயமும் ஏதேனுமொரு விதத்தில் தெறிக்கும் தோட்டாவாய் அமைந்திடல் அவசியம் ! 50 இதழ்களுள் ஒரு நாலைந்து சோடை போனால் கூட - "அந்தக் காலத்தில் கதை ஒவ்வொண்ணும் எப்படி இருக்கும் தெரியுமா ?" என்ற விமர்சனம் ஜனிக்கும் என்பது யதார்த்தம் ! So நாட்களின் ஓட்டத்துக்கு ஏற்ப, கதைத் தரங்களும் வீரியமாய் இருத்தல் அவசியம் ! "ஷப்பா...காமிக்ஸ் திரும்பவும் வர ஆரம்பிச்சிடுச்சே !! அந்த மட்டுக்குபோதும்டா சாமி !" என்ற ஏற்பு துவக்க நாட்களின் சராசரிக் கதைகளுக்கு தாக்குத் தந்திடலாம் ; ஆனால் 6 ஆண்டுகள் கழிந்த நிலையிலும்  - அதே கனிவை நீங்கள் நல்கிடத் தயாராக இருப்பினும், நான் அதனை தொடர்ந்தொரு கேடயமாகவே பார்த்து வந்தால் சுகப்படாதே ! நமக்குத் தேவை சென்டம் தான் ! நூற்றுக்கு நூறு ! சர்வமும் ஹிட்ஸ் ! ஒவ்வொரு இன்னிங்சிலும் சதம் !! ஒவ்வொரு பந்திலும் சிக்ஸர் !! நடைமுறைக்கு இதெல்லாம் சாத்தியம் தானா ? என்று நினைக்கத் தோன்றிடலாம் ; ஆனால் ஓராண்டுக்கான  தேர்வுகளைத் திட்டமிடும் தருணத்தில் - நான் விரேந்தர் சேவாகாக மாறிட  விழைவது - அவரது மின்னும் முன்மண்டையை விஞ்சிட மட்டுமல்ல - அவரைப் போலவே ஒவ்வொரு  பந்தையும் எல்லைக்கோட்டுக்கு உசக்கே அனுப்பிடவுமே ! And this year has been no different ! அதற்காக அத்தனை கதைகளும் சூப்பர் ஹிட்களாகி விடுமென்று நான் சொல்லப் போவதில்லை ; ஆனால் வானத்தை நோக்கினால் தானே குடிசையின் கூரைக்காவது ஏணி எட்டும் ?!  So ஒவ்வொரு ஆண்டின் "அட்டவணை தருணங்களும்" ஓராயிரம் சிந்தனைத் தருணங்களே நமக்கு! 

ஷப்பா...பில்டப்பிலேயே கண்ணைக் கட்டுதே ?! என்கிறீர்களா ? இதோ குதித்து விடலாம் அட்டவணைக்குள் ! 

As usual - கதைகளை genre வாரியாகப் பிரித்து, சந்தாக்களை அதற்கேற்பவும் அமைத்துள்ளோம் ! சந்தா A-வில் வழக்கம் போல ஆக்ஷன் கதைகள் ! இங்கே சில பல அசைக்க இயலா ஜாம்பவான்கள் உண்டென்பதால் - அவர்களுக்குத் தொகுதிகள் ஒதுக்குவதில் முச்சூடும் சிரமம் இருக்கவில்லை ! அவர்கள் யாரென்று பார்த்து விடுவோமே ?

• லார்கோ வின்ச்
• வெய்ன் ஷெல்டன்
• தோர்கல்
• ரிப்போர்ட்டர் ஜானி 
• ட்யுராங்கோ
• Lady S 

So ஆறு பெயர்கள் முன்மொழியப்பட்டான பிற்பாடு - ஆறு துண்டுகளை அவர்களது சீட்களில் போட்டு வைப்பதில் தயக்கம் துளியும் இருக்கவில்லை ! லார்கோவின் தேர்விலோ ; ஷெல்டனின் தொடர்ச்சியிலோ ஆக்ஷன் ரசிகர்களுக்கு எவ்வித இரண்டாம் சிந்தனைகளும் இராதென்பது உறுதி ! And இவர்களது தொடர்களின் சமீபக் கதைகள் வரையிலும் நாம் எட்டிப் பிடித்து நிற்பதால் - படைப்பாளிகளின் லேட்டஸ்ட் கதை சொல்லும் யுக்திகளோடும், சித்திரத் தரங்களோடும் தோளோடு தோள் உரசி நிற்கிறோம் என்பது கூடுதல் ப்ளஸ் பாய்ண்ட் ! 

Fantasy நாயகன் தோர்கலைப் பொறுத்தவரையிலும் - "ஒரு ஊர்லே ஒரு ராஜாவாம் ; அப்புறம் ஒரு மந்திரவாதியாம் ; மலை மேலே உள்ள கூண்டிலே கிளியிடம் அவன் உசிர் இருந்துச்சாம் !!" என்ற ரீதியில் கதையோட்டம் இருந்த காலமெல்லாம் மலையேறி விட்டது ! காத்திருக்கும் தோர்கல் சாகசமானது ஒரு அடுத்த லெவெலுக்குச் செல்லும் பயணத்துக்கு நம்மை தயார் செய்திடவுள்ளதென்பேன் ! "கனவு மெய்ப்பட வேண்டும்" இதழினில் நாம் சந்தித்த அந்த வில்லங்க அழகியோடு தொடரும் அடுத்த பக்கமானது 4 பாகங்கள் கொண்டதொரு கதைச் சுற்று ! வழக்கம் போல் தோர்களுக்கொரு டபுள் ஆல்பம் என்றே எனது துவக்கத் திட்டமிடல் இருந்தது ! ஆனால் கதைகளைப் பரிசீலனை செய்யத் துவங்கும் வேளையில் தான் இதுவொரு நீ-ண்-ட saga என்பது புலனானது ! இதனையும் 2018-ல் பாதி ; 2019-ல் மீதி என நான் திட்டமிட்டால் - செமத்தியான டின்கட்டல் காத்திருக்குமென மாயாஜாலக் கண்ணாடியில் ஆரூடம் ஓடியதால் ஒற்றை ஆல்பம் - 4 பாகங்கள் என்று டிக் செய்தென் ! அது மாத்திரமின்றி - இது "கனவு மெய்ப்பட வேண்டும்" இதழுக்கு மெலிதாய் தொடர்பு கொண்டு பயணிக்கும் கதை  என்பதால் இரண்டுக்கும் இடையினில் பெரியதொரு gap வேண்டாமே என்று மனத்துக்குப் பட்டது ! So ட்யுராங்கோவை வைத்து 2017-ஐத் துவக்கியது போல காத்திருக்கும் புத்தாண்டை தோர்கலின் சாகசத்தோடு வரவேற்க நினைத்தேன் ! "கடவுளரின் தேசம்" முத்து காமிக்ஸின் 46-வது ஆண்டுமலரும்  கூட ! இன்னொரு முக்கிய தகவலுமே : நடப்பாண்டு - தோர்கலின் 40-வது வெற்றியாண்டு !  அதனை miss செய்ததற்கு தொடரும் வருஷத்திலாவது கொஞ்சமாய் ஈடு செய்வோமே ?

Lady S - சமீப வரவே என்றாலும், இதுவரையிலும் தூள் கிளப்பியுள்ளார் என்பதால் அவரது தொடர்விலும் சிக்கல்கள் இருக்கவில்லை ! And உங்கள் மத்தியினில் ரிப்போர்ட்டர் ஜானியின் கெத்தை சமீபமாய்ப் பார்த்தான பின்பும் அவரது எதிர்காலம் பற்றிக் கேள்விக்குறி எழுப்ப நான் நிச்சயமாய் டோங்கிரி இல்லை !! So அவருமே ஆட்டோமேட்டிக் செலெக்ஷன் ! கதைத் தேர்வினில் தான் நண்பர் ராட்ஜா முன்மொழிந்திருந்த புது பாணி ஜானியினைக் களமிறக்க 2019-ஐத் தேர்வு செய்வோமே என்று தீர்மானித்தேன் - simply  becos அவரது நடப்புத் தொடரிலேயே ஒரு பரபரப்பான த்ரில்லர் கிட்டியுள்ளது ! "மரணம் சொல்ல வந்தேன்" சித்திரம் ; வர்ணம் ; கதையோட்டம் - என மூன்று பிரிவுகளிலுமே பின்னிப் பெடல் எடுக்கிறது ! 

சத்தமின்றி யுத்தம் செய்பவருமே நம் மனங்களில், வாசிப்பினில் ஒரு உறுதியான இடத்தைப் பிடித்துப் போட்டிருக்கும் போது - அங்கே வேறு யாரேனும் பட்டா போடுவது ஆகிற காரியமல்ல தானே ? So "மௌனமாயொரு இடிமுழக்கம்" நமது காமிக்ஸ் உலகின் கிளின்ட் ஈஸ்ட்உட்டொடு உலா வரக் காத்துள்ளது ! Durango is here to stay ! And ட்யுராங்கோ - 2018-ன் கோடை மலராக இருந்திடும் என்பது கொசுறுச் சேதி ! 

ஆக அரை டஜன் சுலபத் தேர்வுகள் முடிந்த பிற்பாடு - இந்தச் சந்தாவுக்கு புது இரத்தம் பாய்ச்ச  புதுசாய் யாரேனும் இருந்தால் தேவலையே என்று நினைத்தேன் ! ஒவ்வொரு அட்டவணையிலும், புதியவர்(கள்) யாரென்றே தேடல் உங்கள் சுவாரஸ்யத்தில் முக்கியமானது என்பதில் ரகசியமேது ? So இந்தாண்டு அந்த கோட்டாவைப் பூர்த்தி செய்திட வருபவர் ஒரு செஞ்சட்டை சாகஸ வீரர் ! "ஓங்கி அடித்தால் ஒண்ணேமுக்கால் டன் ; ஒதுங்கி அடிச்சா மூணெமுக்கால் டன்" என்றெல்லாம் சவுண்ட் விடும் பார்ட்டியல்ல இவர் ! கனடாவின் பரந்து விரிந்த பிராந்தியங்களில் சட்டத்தைப் பரிபாலனம் செய்திடும் Royal Mounted போலீஸ் பிரிவின் அதிகாரி ! நம்பிக்கையானதொரு குதிரை ; விசுவாசமானதொரு நாய் என அந்தப் பனிப்பிரதேசத்தில் சுற்றி வரும் இந்த நாயகரின் பெயர் ட்ரெண்ட் ! வசீகரிக்கும் சித்திரங்கள் ; வித்தியாசமான கதைக் களங்கள் ; ரகளையான வர்ணங்கள் என்று இந்தத் தொடர் கண்ணுக்கும், சிதைக்கும் இதமானதொரு புது வருவாய் இருக்குமென்ற நம்பிக்கை எனக்குள்ளது ! மொத்தமே 10 one shots கொண்ட தொடர் என்பதால் ஆண்டாண்டு காலமாய் ஜவ்வு இழுக்கவும் சாத்தியமாகாது இங்கே ! புதியவருக்கு 2 சீட் என்றவுடன் மொத்தம் 8 இதழ்களின் slots பூர்த்தி காண்கின்றன ! 

2018-ல் ஒவ்வொரு சந்தாப் பிரிவிலும் 9 இதழ்களே இடம்பெறும் - இரு காரணங்களின் பொருட்டு ! நடப்பாண்டில் 4 சந்தாப் பிரிவுகள் x தலா 10 இதழ்கள் = 40 இதழ்கள்  + சந்தா E - 6 இதழ்கள் : ஆக Grand  Total  : 46 இதழ்கள் என்றிருந்தது ! தொடரும் ஆண்டிலோ - 5 சந்தாப் பிரிவுகள் x தலா 9 இதழ்கள் = ஆக மொத்தம் 45 என்ற கணக்கு ! கிராபிக் நாவல்களுக்கு சற்றே கூடுதலாய் slots வழங்கிடும் பொருட்டு இந்த அடஜஸ்ட்மென்ட் ! காரணம்  # 2 - "இரத்தப் படலம்" - 18 அத்தியாயங்களின் தயாரிப்புக்கென கொஞ்சமேனும் மூச்சு வீட்டுக் கொள்ள எங்களுக்கு நாங்களே வழங்கிக் கொள்ளும் வாய்ப்பு ! 

So சந்தாக்களில் இதழ்களின் எண்ணிக்கை குறைந்து விட்டதாய் விசனம் கொள்ளல் வேண்டாமே - ப்ளீஸ் ?! இரத்தப் படலம் முடிந்தான பிற்பாடு - இதுபோல் டண்டணக்கா டணக்குடக்கா படலங்கள் இராதென்பதால் 2019 முதல் மீண்டும் ஒவ்வொன்றிலும் 10-க்குப் போய் விடலாம் ! ஆகையால் "இதை மறுபரிசீலனை செய்யுங்கள் ; etc etc " என்ற பின்னூட்டங்கள் வேண்டாமே ? 

ஆக 9 ஸ்லாட்கள் கொண்ட சந்தாப் பிரிவின் இறுதி இதழுக்கான தேர்வை செய்திட கொஞ்சம் தடுமாறவே செய்தேன்  ! மாமூலாய்ப் பார்த்தால் - "கமான்சே" அந்த இடத்தை இட்டு நிரப்பிடுவார் ! ஆனால் கடந்த 2 + ஆண்டுகளாகவே ரெட் டஸ்ட் & சகாக்களின் sales performance ரொம்பவே சுமார் ரகம் ! ஒவ்வொரு புத்தக விழாவையும் வேடிக்கை பார்த்து விட்டு மட்டும் வீடு திரும்பும் ஒழுக்க சிகாமணிகளாய் இவரது சாகசங்கள் அமைந்து வருகின்றன ! ஆன்லைனில் தேர்வு செய்து வாங்கும் வாசகர்களுமே  இவர் திசைக்கு ஒரு நமஸ்காரம் போடுவதைக் கவனிக்க முடிகிறது ! கேப்டன் பிரின்ஸ் கதைகளுக்கும் அதே கீச்சல் பாணி ஓவியங்கள் தானென்றாலும், அங்கே கதைகள் ஸ்கோர் செய்துவிடுவதால் வண்டி ஓடிவிட்டது ! ஆனால் கமான்சே ரொம்பவே யதார்த்தம் ; இயல்பு என்று நிதான நடை போடுவதாலோ என்னமோ - நம் மனங்களை முழுமையாய்க் கொள்ளை கொள்ளவில்லை இன்னமும் ! So "விற்பனை" என்ற நீட் தேர்வில் சொதப்பும் மாணாக்கர் யாராக இருப்பினும், தாற்காலிகமாகவாவது ஓய்வில் இருத்தல் அவசியம் என்ற விதி அமலுக்கு வருகிறது ! "'போச்சா ? உருப்படியா இருந்த ஒரு தொடரையும் போட்டுத் தள்ளியாச்சா ?" என்ற ஆதங்கக் குரல்கள் நிச்சயம் எழுமென்று புரிகிறது ! ஆனால்  கைவசமுள்ள இவரது இதழ்களை எப்பாடுபட்டேனும் விற்க முயற்சிக்க இந்த மினி பிரேக் உதவிட்டால் தேவலை தானே ? அஜிங்க்ய ரஹானேக்குமே அவ்வப்போது இடமில்லையே நம் அணியில்...?

Last slot -க்கென இவரா ? அவரா ? என்றெல்லாம் நிறைய ரோசனைகளுக்குள் ஆழ்ந்தேன் ! உருப்படியாய் கதை ஏதேனும் சிக்கினாலும் - பக்க நீளங்கள் ; தொடரின் விஸ்தீரணம் என்று ஏதாவதொரு வகையில் இடர்கள் தென்பட்டன ! டிடெக்டிவ் கதை ரகங்கள் மருந்துக்கும் இல்லையே என்ற கவலை இந்தாண்டும் இடம்பிடித்ததால் - துப்பறிவாளப் பெருமக்களையாய் தேடித் தேடித் திரிந்தேன் ! அப்போது தான் சமீபத்தில் வாசித்ததொரு ஜில்லாரின் த்ரில்லர் நினைவுக்கு வந்தது ! ஒரு மிதமான கதை ; ஒரு மொக்கையான அல்லக்கை அசிஸ்டண்ட் ; டின்டின் பாணியிலான ஓவியங்கள் என்பதே நாமிதுவரையிலும் அறிந்து வைத்துள்ள ஜில் ஜோர்டன் முத்திரை ! ஆனால் பிரான்க்கோ-பெல்ஜிய காமிக்ஸ் படைப்புகளின் alltime top 20 பட்டியலுக்குள் இந்தத் தொடருக்கு இடம் கிட்டியது எவ்விதம் என்பதை உணர்ந்திட வாய்ப்பொன்று வாய்த்தது சில மாதங்களுக்கு முன்பாய் ! ஓய்வாய் இருக்கும் தருணங்களில் முன்கூட்டிய french மொழிபெயர்ப்புகளை செய்து வைப்பது நமது வாடிக்கை தானே ? அந்த விதத்தில் 'எதற்கும் இருக்கட்டுமே' என்ற எண்ணத்தில் ஒரு GJ கதையினை மொழியாக்கம் செய்து வாங்கியிருந்தோம். அதே கதையினை சமீபமாய் ஆங்கிலத்திலும் பார்க்க நேரிட்ட போது பட்டென்று வாங்கி, சட்டென்று படித்தேன் ! WOW என்று மாத்திரமே சொல்ல முடிந்தது அதனைப் படித்து முடித்த பிற்பாடு !! பிரமாதமானதொரு டிடெக்டிவ் த்ரில்லர் ; ஜாலியான பாணியில் என்றிருக்கும் இந்தக் கதையினை சந்தா A -வின் இறுதி slot க்கு ஊர்ஜிதம் செய்வதென்று தீர்மானித்தேன் - சிலபல புருவ உயர்தல்களுக்கு இவை வழி வகுக்கக்கூடும் என்பது தெரிந்திருந்துமே ! கதையின் வலுவும், அது சொல்லப்பட்டிருக்கும் விதத்தினில் நாம் செய்திடக்கூடிய நகாசு வேலைகளுக்கான வாய்ப்புகளும் இது நிச்சயம் ஒரு சுவாரஸ்ய அனுபவமாய் அமைந்திடுமென்ற நம்பிக்கையூட்டியது ! So GJ மறுவருகை செய்திடுகிறார் - ஒரு கிளாசிக் டிடெக்டிவாக !!

ஆக சந்தா A பூர்த்தி கண்டது இவ்வதமாய் ! இதோ - அதன் கதை டிரைலர்கள் !

Moving on, வழக்கம் போல சந்தா B - போனெல்லியின் black & white அதகளங்களோடு ! மேம்போக்காய்ப் பார்க்கையில் இதுவே சந்தாப் பிரிவுகளுள் மிகச் சுலபமானதாக இருந்திட வேண்டியது - எனது தேர்வுகளை பொறுத்தவரையிலும் ! ஆனால் no freebies இங்கேயுமே !!

முதல் & முக்கிய கேள்வியானது TEX-ன் 70-வது ஆண்டின் கொண்டாட்டத்துக்கு என்ன திட்டமிடலாம் என்பதே ! ஒவ்வொரு ஆண்டிலும், நம் முன்னிருக்கும் தாண்டு உயரங்களை நாமாகவே உயர்த்திக்  கொண்டே இருப்பதில் ஒரு சிரமம் இல்லாதில்லை ! அது தான் உங்களின் எகிறும் எதிர்பார்ப்புகள் என்பது ! ரூம் போட்டு யோசிக்க வேண்டியுள்ளது இப்போதெல்லாம் - உங்களைத் திகைக்கச் செய்ய வேண்டுமெனில் ! So சில பல ரூம் போடல்களும், சிண்டைப் பிய்த்தல்களும் அரங்கேறிய பின்னே TEX - The Dynamite Special-ன் திட்டமிடலுக்கு வடிவம் தர சாத்தியமானது ! ரூ.700 விலை ; 777 பக்கங்கள் ; வண்ணமும் உண்டு ; black & white -ம் உண்டு என்பதே இது சார்ந்த தகவல்கள் இப்போதைக்கு ! கதைகளை ஈரோட்டின் ரிலீஸ் வரைக்கும் under wraps வைத்திருப்போமே - கொஞ்சமேனும் சஸ்பென்ஸ் தொடர்ந்திட ? Rest assured - ஒரு அசாத்திய விருந்து காத்துள்ளது என்ற மட்டிற்கு !! அப்புறம் - இந்த இதழுக்கான பெயர் சூட்டும் போட்டியினை அறிவித்தது மாத்திரம் ஞாபகம் உள்ளது - ஆனால் DYNAMITE Special என்ற இந்தப் பெயரை முன்மொழிந்த நண்பர்கள் பற்றிய தகவல் மண்டையில் லேது ! ப்ளீஸ்..மேடைக்கு வந்து நம் மரியாதைகளை ஏற்றுக் கொள்ளுங்களேன் ? எடுத்த எடுப்பிலேயே இந்த இதழுக்கு இத்தனை பெரிய விலையோ ; பட்ஜெட்டோ ஒதுக்க மனம் ஒப்பவில்லை தான் ! ஆனால் நம்முள் உள்ள TEX காதலுக்கு  சப்பையாய் ஒரு இதழை, இது போன்றொரு முக்கிய தருணத்தில் அறிவித்து, ஒட்டு மொத்த மூட்-அவுட்டை சந்திக்க பயம் தலைதூக்கியதால் - வேறெங்கேயாவது வெட்டிக் கொள்ளலாம் இங்கே ஒட்டி விட என்று தீர்மானித்தேன் !

டெக்சின் மெகா இதழுக்கென கதை பரிசீலனை செயதேன் ஒரு மாமாங்கத்துக்கு !! வழக்கம் போல இணையத்தில் ஆராய்ச்சி ; இத்தாலிய ஆர்வலர்களிடம் விசாரிப்புகள் ; நம் கைவசமுள்ள இதழ்களில் அலசல் ; மிலன் நகரில் சென்றாண்டு நான் எடுத்துக் கொண்ட குறிப்புகள் - என ஒரு தொல்பொருள் ஆராய்ச்சியாளர் ரேஞ்சுக்கு தோண்டிப் பார்க்க முனைந்தேன் ! "அட்டைப்படங்களை மாற்றினால் போதும் - மற்றபடிக்குக் கதைகளுள் வேற்றுமை லேது !" என்று டெக்ஸை விமர்சிக்கும் நண்பர்களை ஓராண்டின் எனது TEX தேடலின் பொழுது உடனிருக்கச் செய்தால் அவர்களது எண்ணங்கள் சடுதியில்  மாறிப் போகும் என்பது சர்வ நிச்சயம் ! எத்தனை அசுரத்தனமானதொரு  கதைக் குவியல் நம்முன்னே வீற்றிருக்கிறதென்பதை ஒவ்வொரு ஆண்டும் பார்த்துப் பார்த்து மலைக்கத் தான் முடிகிறது ! அதனுள்ளிருந்து தேர்வுகளைச் செய்வது  - நாக்கைத் தொங்கச் செய்யும் பணி என்பதை அனுபவத்தில் சொல்ல முடிகிறது !

ஒரு மாதிரியாய் மெகா இதழுக்கு மாத்திரமன்றி - ரெகுலர் இதழ்களுக்குமே தேர்வுகளைச் செய்து முடித்தேன் ! சித்திரத் தரம் ; கதைகளில் சுவாரஸ்யம் ; பக்க நீளங்களில் ஏற்பு ; புராதனம் மிளிரா படைப்புகள் - என ஏதேதோ எனக்குத் தெரிந்த அளவுகோல்களை இங்கே செயல்படுத்தியிருக்கிறேன் ! End of the day - எனது தேர்வுகள் மிதமோ, சூப்பரோ - 'தல' மிச்சத்தைப் பார்த்துக் கொள்வாரென்ற நம்பிக்கையில் வண்டி ஓடுகிறது ! 2018-ன் தீபாவளி மலராய் வரவிருக்கும் இதழ் - டெக்ஸ் வரிசையில் ஒரு ஸ்பெஷல் படைப்பு - டைகர் ஜாக்கின் (காதல்) கதையைச் சொல்லும் விதத்தில் ! இதுநாள் வரைக்கும் "வோ" ; "வோ" என்றே வண்டியை  ஒட்டி வந்திருக்கும் இந்த செவ்விந்திய சகாவின் saga - தலையில்லா போராளி சைசில் வர காத்துள்ளது ! 

போனெல்லின் black & white அணியினில் இம்முறை கணிசமான கல்தாக்களுமே உண்டு ! பென்சில் இடையழகி ஜூலியா இதுவரையிலான வாய்ப்புகளில் அத்தனை அட்டகாசமாய் மிளிர்ந்திருக்கவில்லை என்பதோடு - விற்பனைகளிலுமே சாதிக்கக் காணோம் - இதுவரையிலாவது ! Maybe எனது கதைத் தேர்வுகள் இந்த flop show-க்கொரு காரணமாய் இருக்கக் கூடும் தான் ; so ஒரு சின்ன இடைவெளியினில் நல்ல கதைகளைத் தேட முயற்சிப்போமே என்று நினைத்தேன் ! நீட் தேர்வில் உதை வாங்கிடும் இன்னொரு போனெல்லிக்காரர் - டைலன் டாக்  ! வித்தியாசமான கதைகள் தான் ; ஆனால் பொதுவான ரசனைகளுக்கு ஒத்து போகவில்லை என்பது விற்பனை ஈனஸ்வரத்தில் தெரிகிறது ! ஆன்லைன் ஆர்டர்களிலும்  இவர் ரொம்பவே பின்தங்கிய வேட்பாளர் ! So இந்த அமானுஷ்ய வேட்டையரை கொஞ்ச நாட்களுக்கு ஓய்வில் அனுப்பிட நினைத்தேன் !

வெளியே போவோர் இருவர் எனில் - உள்ளிருப்போர் CID ராபின் & மர்ம மனிதன் மார்ட்டின் ! இருவருமே - தத்தம் பொறுப்புகளை அழகாய் பார்த்துக் கொள்வதால் - அவர்களின் தேர்வின் பொருட்டு எவ்விதக் குழப்பங்களும் எழவில்லை ! As usual - இரவுக் கழுகார் maximum தொகுதிகளைத் தனதாக்கிக் கொண்டுவிட்டதால் - எஞ்சியிருக்கும் சொற்பத்தையே மற்றவர்கள் பங்கு பிரித்துக் கொள்ள முடிகிறது ! So ராபின் & மார்ட்டின் தலா ஒரு slot மாத்திரமே !

கறுப்பு-வெள்ளைக் கோட்டாவினைக்  கடை மூடும் முன்பாய் நம் இளவரசியை பரிசீலனை செய்திட வேண்டுமன்றோ ? இன்றைய காலகட்டத்தில் not a brilliant performer  ; ஆனால் நிச்சயமாய் சொதப்பலும்  அல்ல என்பதே இந்தத் தொடரின் ரேட்டிங் ! அழுத்தமான ஆல்பங்களாய் இன்றைக்குப் பார்த்துப் பழகியான பின்னே, இந்த தினசரி strip களின் தொகுப்புகள் ஒரு வித ஆழமின்மையோடு இருப்பதாய் தோன்றுகிறதோ - என்னவோ ?! எது எப்படியோ - இம்முறையும் ஒரு கூட்டணி இதழில் இளவரசிக்கு  ஒற்றை சீட் ஒதுக்குவதில் தவறு இராது என்று நினைத்தேன் ! Just makes it in !!

ஆக - சந்தா B திடமான கதை இதுவே & இதோ - டிரைலர்கள் :

தொடர்வது சந்தா C - எனது favorite !! And எப்போதும் போலவே இங்கே கார்ட்டூன் நாயகர்களின் அணிவகுப்பே - மிளிரும் வண்ணத்தில் ! "தவிர்க்க இயலா ஹீரோக்கள்" என இங்கேயுமொரு பட்டியல் உள்ளதால் அவர்களுக்கு நேராக டிக் அடித்து வைத்தேன் :

• லக்கி லூக்
• டாக் புல் & கிட் ஆர்டின்
• சுட்டிப் புயல் பென்னி 

இவர்கள் மூவருமே - கார்ட்டூன் சந்தாக்களின் தூண்கள் என்பதால் ஆளுக்கொரு இடம் - ஆட்டோமேட்டிக்காக ! And lucky gets lucky - ஒரு டபுள் ஆல்ப ஆண்டுமலர் வாய்ப்போடு !

பாக்கி கிச்சு கிச்சு பார்ட்டிகள் அனைவருமே - good for a slot என்பதில் துளியும் சந்தேகம் நஹி என்பதால் கட கடவென அவர்களது பெயர்களையும் எழுதி வைத்தேன் :

• ப்ளூ கோட் பட்டாளம்
• கர்னல் க்ளிப்டன்
• ரின்டின் கேன்
• மதியிலா மந்திரி
• SMURFS 

இவர்கள் ஒவ்வொருவருமே ஒவ்வொரு விதத்தில் ப்ளஸ் & மைனஸ் கொண்டிருப்பதில் ரகசியங்கள் கிடையாது !

ப்ளூகோட் பட்டாளம் - மேலோட்டமாய் கார்ட்டூனாய்த் தோன்றினாலும், உள்ளுக்குள் போரின் அர்த்தமின்மையைச் சாடும் ஒரு தொடர் ! So மாறுபட்டதொரு கதை canvas க்கு டிக் அடிப்போம் என்று நினைத்தேன் !

கர்னல்ஜியுமே ஒரு மாமூலான சிரிப்பு நாயகராக வலம் வராது - ஸ்காட்லாண்டு யார்டின் சிறப்புப் போலீசாய்ச் சுற்றி வந்து, அந்த பிரிட்டிஷ் கலாச்சாரங்களை பகடி செய்யும் கேரட் மீசைக்காரர் !  மறுபடியும் டிக் !

ரின்டின் கேன் !! என்ன சொல்லுவது நமது ஆதர்ஷ நாலுகால் ஞானசூன்யத்தைப் பற்றி ? ஒரே நொடியில் அம்மாஞ்சியாகவும், அட்டகாச சிந்தனைவாதியாகவும் காட்சி தரக்கூடிய இந்த செல்லப் பிள்ளையை இந்தாண்டு நாமெல்லாமே உச்சி முகரப் போவது  உறுதி - கிட்டியிருக்கும் கதையின் தன்மையின்காரணத்தால் ! ஒட்டகம் ஒன்றோடு நம்மாள் தோஸ்தாகிப் போக - இருவரும் அடிக்கும் லூட்டிகள் அட்டகாஷ்!

மந்திரிகாருவைப் பொறுத்தவரையிலும் - முழுநீளத்தில் கதைகள் இல்லையே என்ற ஆதங்கம் ஒரு பக்கம் இருந்தாலுமே, அந்த செம ஒரிஜினலான கதை concept -க்கு நாமொரு சலாம் போடாது போவது மகாப் பிழையாகிப் போகுமென்பதால் - இங்குமொரு டிக் ! ஒரு slot !

நமது நீலக் குட்டி மனுஷர்கள் பற்றிய mixed reactions நாம் அறிந்ததே ! So மறுபடியும் அதனுள் புகுந்து உங்கள் கழுத்தில் ரம்பத்தை அணைகட்டுவானேன் என்று பார்த்தேன் ! ஒரு நீளமான கதையைச் சுருக்குவதானால் - கூடுதலான  இடங்களை வழங்காது - இவர்களுடனான தொகுதி உடன்பாட்டை ஒன்றோடு நிறுத்திக் கொள்வோமெனத் தீர்மானித்தேன்! So இங்குமொரு டிக் !

8 தேர்வுகள் ஆச்சு ; இறுதி இடம் யாருக்கோ ? என்ற கேள்விக்கு - நிறையவே யோசித்தேன் ! இங்குமே ஒரு புதுமுகம் கிட்டிடும் பட்சத்தில் உற்சாக மீட்டர்கள் உயரக்கூடுமே என்று பட்டது ! 'டக்'கென்று நினைவுக்கு வந்தது ஒரு குள்ள வாத்து ஹீரோ ! அது என்னவோ தெரியலை - பென்னியில் துவங்கி, மந்திரியார், SMURFS என சிரிப்புப் பார்ட்டிகளில் பலரும் குள்ள வாத்துக்களாகவே உள்ளனர் ! காத்திருக்கும் புதுவரவின் ஒரிஜினல் பெயர் SAMMY ! ஆனால் அந்தப் பெயரை தமிழுக்கு மாற்றம் செய்திடும் போது "சாமி"  ; "சேம்மி" என்று வருவது அத்தனை சுகப்பட்டது போல் தோன்றவில்லை ! So மேக் & ஜாக் என்ற பெயர்களோடு இந்தக் கதையின் சிரிப்பு நாயகர்கள் அறிமுகம் காணவுள்ளனர் ! 1920-களின் அமெரிக்காவே கதையின் பின்னணி ! மாஃபியாக் கும்பல்கள் சிகாகோவை உலுக்கி வந்த கால கட்டத்தில் - பாடிகார்டுகளாக தங்களையே வாடகைக்கு விடும் நிறுவனமொன்றின் முதலாளிகள் இவர்கள் இருவரும் ! சில காலமாகவே இவர்களைக் களமிறக்க எண்ணி இருந்தேன் ; 2018 அதற்கொரு வாய்ப்பளித்த தந்துள்ளதில் அண்ணாச்சி ஹேப்பி ! So நாயகர்கள் 9 பேரைத் தேர்வு செய்ததன் பின்னே, அவர்களது தொடர்களிலிருந்து உருப்படியான  கதைகளைத் தேர்வு செய்யும் வேலை மட்டுமே பாக்கி நின்றது ! எப்போதுமே இது அத்தனை கடினப் பணியாக இருந்ததில்லை ; and சமீப காலங்களில் கிளிப்டன் ; ப்ளூ கோட் பட்டாளம் ; லக்கி லூக் ; பென்னி ; smurfs ; மந்திரியார் என அநேகரின் கதைகள் ஆங்கிலத்திலும் கிடைப்பதால் எனது selection process ரொம்பவே சுலபமாகிப் போய் விட்டது ! Here you go :

காத்திருந்ததோ - சந்தா D ! துவங்கிய ஆண்டிலும், தொடர்ந்த பொழுதிலும் மின்னல் தோற்றது இந்த மறுபதிப்புச் சாந்தாவின் வேகத்தின் முன்னே ! நயாகராவில் மாயாவிக்களும் ;கொள்ளைக்கார மாயாவிகளும் செய்த விற்பனை அதகளங்கள் அசாத்திய ரேஞ் ! ஆனால் அதன் பின்பாய் மெது மெதுவாய் தொய்வு தெரியத் துவங்கிட, நடப்பாண்டில் உங்களில் பலருக்கும் தூக்க மாத்திரைகளாக சந்தா D செயல்பட்டு வருவதை உணர முடிந்தது ! மறுபதிப்புகளின் பொருட்டு நாம் மொத்தமாய் நிறைய முதலீடு செய்துள்ளது நிஜம் தான் ; ஆனால் அவற்றை முழுமையாய் காலி செய்திட இன்னமும் 2 ஆண்டுகளாவது பிடிக்கும் ; and  அதற்குள்ளாக உங்களில் பலர் இமயமலை அடிவாரங்களில் தவம் மேற்கொண்டிருக்கும் வாய்ப்புகள் பிரகாசமாய்க் கண்ணில் பட்டது ! ஜுனியர் குப்பாண்ணாக்களை போட்டுத் தாக்குவோரை ஜடாமுடியோடும், கமண்டலங்களோடும்  கற்பனை செய்வதே கஷ்டமாக இருப்பதால் - தொடரும் ஆண்டிலாவது உங்களுக்கு கொஞ்சமேனும் நிவாரணம் தர நினைத்தேன் ! So அந்த உறுதியில் தான் ஈரோட்டின் சந்திப்பின் போதும் கூட, காத்திருக்கும் சந்தா D - பர பரப்பாக இருக்கப் போவது உறுதி என்று சொன்னேன் !

முதல் வேலையாக  மும்மூர்த்திகளுக்கும், இஸ்பய்டர் சாருக்கும் ஆளுக்கொரு slot கூட வேண்டாம் - மூன்றே தொகுதிகளை அவர்களுக்குள்ளாக்கப் பிரித்துக் கொள்ளட்டும் என்று தீர்மானித்தேன் ! So SECRET AGENT ஸ்பெஷல் என்ற பெயரில் CID லாரன்ஸ் & டேவிட் சாகசமும், ஜானி நீரோ சாகசமும் இணைந்து வர ; மாயாவியும், ஸ்பைடரும் ஆளுக்கொரு இதழில் !  What next ? என்ற போது தான்   சூப்பர் 6-ன் "இன்றியமையா மறுபதிப்புத் தொகுப்புகளை" உள்நுழைக்கும் மகாசிந்தனை உதித்தது ! Fleetway மறுபதிப்புகள் காலி செய்து தந்திருந்த  இடங்களில் லக்கி க்ளாசிக்ஸ் 2 ; சிக் பில் க்ளாசிக்ஸ் 2 & TEX கலர் கிளாசிக் எனப் புகுத்தினால் - நடப்பாண்டின் smash hits சிக்கலின்றித் தொடர்ந்தது போலவும் ஆச்சு ; இதற்கென இன்னொரு சந்தாத் தடத்தை உருவாக்கும் மெனெக்கெடலும் கிடையாதென்று பட்டது ! இது சரியான தீர்மானமா ? இல்லையா ? என்ற கேள்விக்கு  லேட்டஸ்ட்டான பாய் பிறாண்டும் விஞ்ஞான வழிமுறைகளை நடைமுறைப்படுத்திய பின்னே தீர்மானித்தேன் YES என்று !

ஈரோட்டில் TEX மறுபதிப்புக்கெனத் தேர்வான "பளிங்குச் சிலை மர்மம்" - வண்ணத்தில் வருகிறது ! Of course - "வைகிங் தீவு மர்மம்" கதையையும் இதனோடு இணைத்திருக்க ஆசை தான் ; ஆனால் தற்போதே பட்ஜெட் உதைக்கிறதென்ற சிகப்பு லைட் கண் முன்னே டாலடிக்க  - TEX ஒற்றை சாகசம் மாத்திரமே எனத் தீர்மானித்தேன் ! கிடைக்கும் அடுத்த முதல் சந்தர்ப்பத்தில் "வை.தீ.ம" தான் TEX மறுபதிப்பு என்பதில் சந்தேகம் வேண்டாம் folks !

லக்கி கிளாஸிக்ஸ் 2-க்கென "மேடையில் ஒரு மன்மதன்" + "அதிரடிப் பொடியன்" கதைகளைத் தேர்வு செயதேன் ! இரண்டுமே classics என்பதால் - நிச்சயம் ஒரு விருந்து காத்துள்ளது என்பேன் ! And hard cover too !!

நமது வுட் சிட்டி பார்ட்டிக்களின் கிளாசிக்சில் "கொலைகாரக் காதலி" & "தேவை ஒரு மொட்டை" இடம்பிடிக்கின்றன ! மறுபடியும் hard cover இங்கும் !

இந்த 3 ஸ்பெஷல் இதழ்களையும்  டிக் அடித்ததன் பின்னே, மனதுக்கு வந்த முதல் பெயர் - "தோட்டா தலைநகரம்" ! "இரத்தக் கோட்டை" தொகுப்பினில் இத்னை இணைக்க இயலாது போன சமயமே promise செய்திருந்தேன் - இது தனி இதழாய் விரைவிலேயே வந்திடுமென்று ! ஆகையால் மறுபதிப்பு # 7 ஆக இடம்பிடித்த இதழிது !

And அது போலவே இன்னமுமொரு பிராமிஸ் செய்த நினைவும் இருந்தது   - நமது சாகச வீரர் ரோஜரின் "மர்மக் கத்தி"  தொடர்பாய் ! 1986-ல் வெளியான இதழிது என்ற முறையில் நமது புது வாசகர்களும் பெரும்பகுதியினர் இதனைப் பற்றிக் கேள்விப்பட்டிருக்கவே மாட்டார்கள் என்பது நிச்சயம். So "மர்மக் கத்தி" slot 8-ல் ! ரெகுலர் சந்தாக்களில் இம்முறை கேப்டன் டைகரும், ரோஜரும் இடம்பெற்றிருக்கவில்லை எனும் சூழலில், இவர்களை மறுபதிப்பிலாவது பார்த்த திருப்தி கிட்டட்டுமே என்று நினைத்தேன் !

அந்த சிந்தனையின் கிளையே - சந்தா D -வின் இறுதி slot-ஐ கேப்டன் பிரின்ஸ் பிடிக்க நேர்ந்ததன் பின்னணி ! கேப்டனா ? ரிப்போர்ட்டரா ? என்ற அனல் பறக்கும் போட்டி சமீபமாய் இங்கே  அரங்கேறிய வேளையில் - "பிரின்ஸை மறுபதிப்பில் பார்த்தால் மட்டும் தானே ஆச்சு ?" என்று முன்வைக்கப்பட்ட வாதம் எனக்கு லாஜிக்கலாகத் தோன்றியது ! So விட்டேனா -பார் என்று இங்கே திருமங்கலமும், RK நகரும் அரங்கேறிய டுபாக்கூர் வேளையில் - "எரிமலைத்தீவில் பிரின்ஸ்" என்று டிக் அடித்திருந்தேன் ! So ஒரு சவ சவ சந்தா D - சற்றே சுறு சுறுப்பாய்க் காட்சி தருவது போல் எனக்குள் தோன்றிய விதம் இதுவே ! And here are the trailers :

 

ஒரு பெருமூச்சோடு பேனாவை மூடி வைத்துவிட்டு -இதுவரையிலுமான இதழ்களின் கிரயங்களை டோட்டல் போடும் படலத்தினுள் இறங்கினேன் ! கூரியர் கட்டணங்கள் ஏற்கனவே எகிறிப் போய்க் கிடைக்கும் சூழலில் - அதனை balance செய்திடுவது எவ்விதம் ? சந்தா செலுத்தும் நண்பர்களுக்கு  நடப்பாண்டைப் போலவே எவ்விதம் ஊக்கம் வழங்குவது ?என்றெல்லாம்  யோசிக்கத் துவங்கினேன் !

அந்த நொடியில் பிறந்தது தான் TEX in ColoR !! இது நம்மவரின் 70-வது ஆண்டுக் கொண்டாட்டங்களெனும் போது - இன்னும் கூடுதலாய் எமோஷன்ஸ் இருப்பின் நலமே என்று மனதுக்குப்பட்டது ! So கொஞ்சகாலமாகவே நான் மனதுக்குள் அசை போட்டு வரும் ஒரு திட்டத்தைச் செயல்படுத்தும் வேளை இது  என்று தீர்மானித்தேன். TEX கதைகள் நார்மலாய் கறுப்பு -வெள்ளையில் வரையப்பட்டு ; அவ்விதமே வெளியிடவும்பட்டு ;பின்னர் வர்ணம் பூசப்பட்டு - கலர் பதிப்புகளாக சுற்றி வருவது வழக்கம். ஆனால் COLOR TEX என்ற தொடரின் பொருட்டு, முழு வண்ணத்திலேயே, பெயின்டிங் போடுவது போல TEX கதைகளுக்கு ஓவியங்கள் தீட்டும் முயற்சியிலும் போனெல்லி இறங்கியுள்ளனர் ! அந்த தொடரின் வரிசையில் - அரை டஜன் 32 பக்க சிறுகதைகள் உள்ளன ! அவை ஒவ்வொன்றையுமே, பிரத்யேக இதழ்களாக்கி - இரு மாதங்களுக்கு ஒருமுறை சந்தா நண்பர்களுக்கு நமது அன்பளிப்பாய்க் கொடுக்க திட்டமிட்டேன் ! So திரும்பிய திக்கெல்லாம் TEX 2018-ல் உலா வர போவது உறுதி !

And அயல்நாட்டு வாசகர்கள் ; சந்தா செலுத்தப் பிரியம் கொள்ளா வாசகர்கள் கூட இந்த COLOR TEX இதழ்களை பெற்றிடலாம் - but ஆண்டுக்கு 2 தருணங்களில் மட்டும் - அதற்கான விலைகளைக் கொடுத்து ! விபரமாய் - தொடரும் பக்கங்களில் எழுதியுள்ளேன் ; please அதை படிக்க நேரம் எடுத்துக் கொள்ளுங்களேன் ? சந்தாவில் இணையாதோரும் இந்த இதழ்களை பெற்றிடல் சாத்தியமே என்பதால் - "பாரபட்சம் ; இத்யாதி..இத்யாதி" என்ற புகார்களுக்கு இங்கே முகாந்திரங்களில்லை ! Please do read carefully !

"சரி...மொட்டையும் போட்டாச்சு ; காதும் குதியாச்சு ; யானைகிட்டே ஆசீர்வாதமும் வாங்கியாச்சு ; கடா எங்கேப்பா ?" என்ற சில மௌனக் கதறல்கள் எனக்கு கேட்காதில்லை ! சந்தா E பற்றிய சேதி என்னவோ ? என்பது தானே உங்கள் கேள்வி ?

இதோ பதில் : கிராபிக் நாவல் சந்தா ஏப்ரலில் அறிவிக்கப்பட்டு, ஜூன் 2018 முதல் துவங்கிடும் ! இங்குமே 9 இதழ்கள் - அவற்றுள் கலர் ஐந்தா ? b & w ஐந்தா ? என்பதே உங்களுக்கான யூகப் பயிற்சி ! So 5 + 4 என வரக் காத்திருக்கும் கிராபிக் நாவல் சந்தாவிற்கு "the five & four " சந்தா எனப் பெயரிட்டுள்ளோம் ! பாருங்களேன் :

உங்களுக்குப் பரிச்சயமான கதைகள் ; முற்றிலும் பார்த்திராப் புதுசுகள் ; வண்ணத்தில் ; கறுப்பு-வெள்ளையில் ; இருண்ட கதைகள் ; தெறிக்கும் புது பாணிகள் ; தொடரும் பழையோர் ; தழைக்கப் போகும் புதியோர் - என இங்கு எல்லாமே இருந்திடும் ; நல்லாவும் இருந்திடும் ! "அதெல்லாம் சரி தான் ; ஆனால் இதையும் இப்போதே அறிவித்து விட்டால் - ஒரே வேலையாய் முடிந்திடுமே ?" என்று கேட்போரும் இருப்பார்கள் என்பது புரிகிறது ! 3 காரணங்கள் - அதனை செய்யாதிருப்பதற்கு :

1.பட்ஜெட் : ஏற்கனவே சென்றாண்டின் அளவைத் தாண்டி விட்ட நிலையில் - மேற்கொண்டு எகிறச் செய்ய இது நேரமல்ல என்று எண்ணினேன் !

2:தற்போதைய பிராங்பர்ட் சந்திப்பினைத் தொடர்ந்து புதிதாய்த் திறந்துள்ள சில கதவுகளையும் முழுமையாய் ஆராய்ந்து - ஒரு கலக்கலான திட்டமிடலை மறுபடியும் உருவாக்க கணிசமான அவகாசம் தேவை !

3.இந்தாண்டின் எஞ்சியுள்ள கிராபிக் நாவலும் வெளியாகிவிட்ட பின்பாக  - ஒரு consolidated பார்வை அவசியமென்று நினைக்கிறேன் ! கதைத்தேர்வுகளில் அதீத கவனம் அவசியமாகிடும் களமிது என்பதால் - தட தட ஓட்டத்தை விடவும், நிதான ஓட்டம் நல்லதென்று நினைத்தேன் !

So  back to the drawing board சென்றிடல் அவசியம் எனும் நிலையில் - என்னளவில் மனதுக்குள் ஒரு திருத்தப்பட்ட ப்ளூ பிரிண்ட் ரெடி செய்திருக்கிறேன்  !! அதனை நடைமுறையாக்க  ஒரு time gap அத்தியாவசியம் ! அதுவரையிலும் "அண்டர்டேக்கர் உண்டா ? ஜெரேமியா ? பராகுடா ? யார் உள்ளே - யார் வெளியே ?" என்று ஆராயத் தொடங்கினீர்களெனில் நாட்கள் ஓட்டமாய் ஓடியே போய் விடும் ! So சந்தா E - சந்தா F & F ஆக உருமாறுகிறதென்ற சேதியோடு - இதோ 2018-ன் சந்தா தொகையினை உங்கள் பார்வைக்கு வழங்கிடுகிறேன் :

ஆண்டுதோறும் பட்ஜெட்டை சட்டசபையில் சமர்ப்பிக்க வரும் நிதி மந்திரிகள்  ஒரு தம்மாத்துண்டு பிரீஃப் கேஸோடு வாயெல்லாம் பல்லாக போட்டோக்களுக்கு போஸ் கொடுப்பதை பார்த்திருப்போம் ! அதனுள் என்னதான் இருக்குமோ ? என்று நான் நிறைய தடவைகள் யோசித்திருக்குப்பேன் ! என்னையும் இப்போது அப்படியொரு "ஈ ஈ ஈ " moment-ல் கற்பனை செய்வதாக இருப்பின், என் கையில் இருக்கக் கூடிய பொட்டிக்குள் - கொஞ்சம் அதிரசம் ; சீவல் ; முறுக்கு  என்று பட்சணங்கள் தானிருக்கும் ; இதனையே டைப் முடிப்பதற்குள் பேயாய் பசிக்கிறதே ?!!

அப்புறம் எப்போதோ செய்திருக்க வேண்டியதொரு திட்டம் இப்போதேனும் நடைமுறை காணவிருக்கிறதே என்ற மகிழ்ச்சி எனக்கு ! பாருங்களேன் :

ஆன்லைனிலும் வழக்கம் போல சந்தாக்களை செலுத்தலாம் guys ; ஆனால் இன்றைய பொழுது விடுமுறை என்பதால் ஜுனியரைக் கொண்டு A + B + C +D சந்தாவினை மட்டும் லிஸ்டிங் செய்துள்ளேன் : http://lioncomics.in/15-2018-subscription

இதர பிரிவுகளை வெள்ளிக்கிழமை ஆன்லைனில் பார்த்திடலாம் !

இம்முறை பிடித்ததைத் தேர்வு செய்யும் சுதந்திரம் முழுமையாய் உங்கள் வசம் ! "TEX திகட்டுகிறது" என்று சொல்லும் சிறுபான்மையா நீங்கள் ? No worries - சந்தா B-ஐ நீங்கள் தேர்வு செய்திடும் அவசியமில்லை ! கார்ட்டூன் வேண்டாமா ? - ஒன்றும் பிரச்சனையே இல்லை ; பை-பாசில் வண்டியை வீட்டுக் கொள்ளுங்கள் ! மறுபதிப்புகளுக்கு NO சொல்வோரா நீங்கள் ? சுதந்திரமாய் சந்தா D-க்கும் NO சொல்லிடலாம் ! So இயன்றமட்டுக்கு எல்லாக் கூட்டணிகளிலும் சந்தாப் பிரிவுகளை இம்முறை உங்களுக்கென உருவாக்கியுள்ளோம் ! Please note : இவை தவிர்த்து வேறு எவ்வித சந்தாத் திட்டமிடல்களும் கிடையாது ! So வேறெவ்வித கூட்டணி குறித்தும் நம்மவர்களிடம் விசாரித்திட வேண்டாமே - ப்ளீஸ் ?

இனி பந்து உங்கள் தரப்பில் folks ! எப்போதும் போல அதே உற்சாகத்தோடும், உத்வேகத்தோடும் நமது சந்தாச் சக்கரங்களைச் சுழலச் செய்யும்  பொறுப்பு உங்களிடம் ! கடவுள் துணையோடு இந்தாண்டும் ஒரு வெற்றி தெறிக்கும் ஆண்டாய் அமையுமென்ற நம்பிக்கையோடு விடைபெறுகிறேன் !

Of course - கதைத் தேர்வுகள் ; ரசனைகள் ; தலைப்புகள் என ஒவ்வொன்றிலும் சிற்சிறு மாற்றுச் சிந்தனைகள் இருக்கக் கூடும்தான் ! ஆனால் ஒவ்வொரு தீர்மானத்திற்கு முன்பும், உங்கள் ஒவ்வொருவரின் இடங்களிலிருந்தும், ஒரு கணமேனும்  சிந்தித்துப் பார்க்க நாங்கள் முயற்சித்துள்ளது நிஜம் ! So உங்களுக்கு ஏற்புடைய தேர்வுகள் மிஸ்ஸிங் எனில் அதற்கொரு காரணம் இருக்கக்கூடுமென்ற நம்பிக்கை கொள்ளுங்களேன் ப்ளீஸ் ? இந்த நொடியின் தேவை உங்களின் ஒட்டுமொத்த பாசிட்டிவ் சிந்தனைகளே ! ஒரு சின்ன வட்டத்தினுள் பிரபஞ்சத்தையே உள்ளங்கைக்குள் கொணர்ந்து பார்க்கும் பேரவா நமக்கு என்பதால் - ஒட்டுமொத்த வாழ்த்துக்களின்றி அது சாத்தியமாகாது ! கரம் கோர்ப்போம் - மீண்டுமொருமுறை !!

பொறுமையாய் இத்தனை நேரம் வாசித்தமைக்கு நன்றிகள் ; அப்புறம் உங்களின் data packs நாளை 'பிம்பிலிக்கா-பிலாக்கி' என்றால் என்னைத் திட்டாதீர்கள் !! Bye all ! See you around !!

P.S : ஆங்......ஈரோட்டிலேயே சொல்ல நினைத்தது !!

                                    😃😃😃😃😃😃😃😃😃😃😃😃😃😃😃😃😃😃😃😃