காலை எழுந்தவுடன் கூரியர்....!

நண்பர்களே,

வணக்கம். என்னவோ தெரியவில்லை - கடைசி மூன்று மாதங்களாகவே நமது டெஸ்பாட்ச் தினம் ஒரு வெள்ளிக் கிழமையாகவே அமைந்து  வருகிறது ! அதிலும் இன்றைக்கு எங்கள் நகரில் காலை 9 முதல் இரவு 7 வரை முழு மின்தடை என்ற குண்டை E.B தூக்கிப் போட்டிருந்தது வியாழன் இரவினில் ! வார இறுதிக்குள் உங்கள் கைகளில் புத்தகங்கள் இல்லாது போனால் லியனார்டோ தாத்தா தனது அசிஸ்டண்டுக்குத் தரும் 'கவனிப்பு' தான் நமக்கும் கிட்டும் என்ற பரபரப்போடு பைண்டிங் பணியாளர்களையும், நமது பேக்கிங் பணியாளர்களையும் பகல் பொழுதில் சுத்தமாய்ப் பெண்டைக் கழற்றி விட, மாலை 4 மணிக்கு முன்பாகவே உங்களின் கூரியர்கள் சகலமும் கிளம்பி விட்டன - 4 இதழ்கள் அடங்கிய டப்பாக்களில் ! அசாத்திய வேலை இன்றைக்கு நம்மவர்களுக்கு !! So -நாளைக் காலையில் உங்கள் நகர் கூரியர்களின் கதவுகளின் வலிமைகளைப் பரிசோதிக்கத் தொடங்கிடலாம் ! 

And "என் பெயர் டைகர்" பற்றிய அறிவிப்பை இம்மாத இதழ்களில் ஏதேனும் ஒரு மூலைக்குள் நுழைக்க வாய்ப்பில்லாது போய் விட்டது இந்த மின்தடை சிக்கலினால் ! எங்கள் UPS தாக்குப் பிடித்த வரைக்கும் இதற்கான அறிவிப்பு + முன்பதிவுப் படிவத்தினை பிரிண்ட் அவுட் எடுத்து பிரதிகளுள் நுழைத்திருந்தோம் ; but அது ஒரு 100-ஐத் தாண்டியிராது !! So இதுவே நமது முதல்  official அறிவிப்பாய் எடுத்துக் கொள்ளுங்களேன் guys ! ஒரு முழு வண்ண deluxe பதிப்பு + ஒரு economy black & white பதிப்பு என்ற இந்த பரீட்சார்த்த பார்முலாவுக்கு பெரும்பான்மை நண்பர்கள் thumbs up தந்திருப்பதால் - we are going ahead with it as planned !! (மாயாவி.சிவா : உங்களுக்கு மட்டும் மாற்றிப் பொருள்பட்டதன் காரணம் விளங்கவில்லை எனக்கு !! ; ஏதேனும் ஒரு வடிவம் மட்டும் தான் சாத்தியமெனில் அந்த சாய்ஸை நான் வழங்கியிருக்கவே மாட்டேனே - கண்ணை மூடிக் கொண்டு குறைந்த விலையிலான economy பதிப்புக்கு அறிவிப்பே வெளியிட்டு இருப்பேனே ?!! இந்த dual edition பற்றிய உங்களின் சிந்தனைக் கோரல் தானே கடந்த பதிவின் நோக்கமே ?!)

Color Advt in the morning !! Don't have the files with me now !!

And - மிஸ்டர்.டைகர் கதைவரிசையில் 5 கதைகளா - 6 கதைகளா ? என்ற சந்தேகமும் வேண்டாமே ! இந்தக் கதைச் சுற்றில் மொத்தம் 5 பாகங்களே & இந்த சாகசம்  5 பாகங்களில் நிறைவு பெறுகிறது ! ஆனால் நான் கடந்த பதிவினில் 5+1 என்று குறிப்பிட்டுச் சென்றிருந்தது காரணத்தோடு தான் ! படைப்பாளிகள் இந்த 5 பாகக் கதையின் மையப் புள்ளிகளை ஒன்று திரட்டி ஒரு விதமான ரீமேக் செய்து ஆறாவதாய் ஒரு ஆல்பத்தை 2007-ல் வெளியிட்டுள்ளனர் ! சொல்லப் போனால் டைகர் தொடரின் இறுதி ஆல்பம் என்ற வகையில் இதுவொரு collector's edition ! ஆனால் அதே கதையைப் புதியதொரு பார்வைக் கோணத்தில் சொல்லியுள்ளது மட்டுமே வித்தியாசம் !  So இதனையும் தற்போது "எ.பெ.டை" கதையோடு இணைத்து விட்டால் ஒரே கிச்சடியை மாறி மாறிக் கிளறியது போல் ஒருவித அலுப்புத் தட்டி விடும் ! "எ.பெ.டை" வெளி வந்து கொஞ்ச அவகாசத்துக்குப் பின்பாக இந்த one shot  62 பக்க அல்பத்தை (தேவையென்று நினைப்பின்) வெளியிட்டுக் கொள்வோமே ?!

இதனில் கதாசிரியர் சார்லியரின் பங்கும் உண்டு என்பதால் - சேகரிப்பின் பொருட்டு இதற்கொரு பிரத்யேக மதிப்பிருக்கலாம் ! 

சரி...நாளைய பொழுது பௌன்சரின் பொழுதா ? டைலனின் பொழுதா ? என்ற கேள்விக்கு பதிலறியக் காத்திருப்போம் - ஆவலாய் ! படிக்கப் படிக்க ஒவ்வொரு இதழ் பற்றியும் உங்களின் அபிப்பிராயங்களைப் பகிர்ந்திடலாமே - ப்ளீஸ் ! Bye for now guys !!

P.S : மதுரைப் புத்தக விழாவின் இறுதி 3 நாட்கள் காத்துள்ளன ! காலை முதல்  நமது ஸ்டாலில் புதிய வெளியீடுகள் கிடைக்கும் ! Please do visit !!

புலியும்..புலி வாலும்..!

நண்பர்களே,

வணக்கம். சற்றே ஆச்சர்யமாக இருக்கலாம் ; ஆனால் இந்த ஞாயிறின் பதிவுக்கான உங்களின் பலதரப்பட்ட எண்ணச் சிதறல்கள் என்னுள் நிறைய சந்தோஷத்தை உருவாக்கியுள்ளது என்பது தான் நிஜம் ! விலை அதிகமே என்ற ஆதங்கத்தை முன்வைத்துள்ள நண்பர்களும் சரி ; அதன் அவசியங்களைச் சுட்டிக் காட்டிய நண்பர்களும் சரி - நம் மீது உண்மையான ஈடுபாடு கொண்டவர்களே என்பதைப் புரிந்து கொள்வதில் சிரமமில்லை எனும் போது வருத்தங்களுக்கும் இடமில்லை ! And ஒரு ஆரோக்கியமான விவாதத்தால் தளம் நிரம்பிடும் போது பார்க்கப் / படிக்க ரொம்பவே நயமாக உள்ளது ! மாறுபடும் பார்வைகள் ; ஆத்மார்த்த அக்கறையோடு சொல்லப்பட்டிருக்கும் கருத்துக்களை நிதானமாய்ப் படித்த போது எனக்குள்ளும் சில பல டப்பாக்களை 'டிக்' அடிக்க சாத்தியமானது என்பது ப்ளஸ் பாய்ன்ட் ! 2016-ன் அட்டவணை கூப்பிடு தூரத்தில் உள்ள இத்தருணத்தில் இந்த மினி சர்ச்சையும் ஓர் விதத்தில் நன்மைக்கே என்று எடுத்துக் கொண்டேன் ! 

"விலை"...."சரியான விலை" என்ற ரீதியிலான கேள்விக்குள்ளே நுழையும் முன்பாக எனக்கு 11-ஆம் வகுப்பில் பொருளாதாரப் பாடம் நடத்திய ஆசிரியர் தான் நினைவுக்கு வருகிறார் !  DEMAND (தேவை) எனும் நேர்கோடும், SUPPLY (வரத்து) எனும் இன்னொரு நேர்கோடும் உரசிக் கொள்ளும் புள்ளி தான் விலை என்று போர்டில் படம் போட்டுச் சொல்லிக் கொடுப்பார் ! ஆனால் அவரிடம் நமது காமிக்ஸ் துறையின் பொருளாதாரக் கோட்பாடுகளைச் சொல்லியிருந்தால் - 'ஆளை விடுங்க சாமி!' என்று ஓட்டமாய் ஓடியே போயிருப்பார் ! Simply because "விலை" என்று நம்மிடையே தற்போது புழக்கத்தில் இருக்கும் அந்த ரூ.40 ; 50 ; 60 என்ற நம்பர்கள் எல்லாமே தற்போதைய DEMAND-ன் அடிப்படையில் நிர்ணயம் ஆகிடுபவை அல்ல ! இன்றைய தேதிக்கு உள்ளதொரு தேவை + கிட்டத்தட்ட 2 ஆண்டுகளுக்குள்ளாக எழுமென்று நாம் எதிர்பார்க்கும் தேவையையும் இணைத்து ஒரு குருட்டுக்கணக்கில் தான் print run -ஐ நிர்ணயம் செய்கின்றோம் ; and அதன் அடிப்படையில் தான் விலையும் நிர்ணயம் காண்கிறது ! So துவக்கப் புள்ளியிலேயே நாம் நிறைய compromise செய்து கொள்ளத் தயாரான பின்பு தான் இன்றைய ரெகுலர் விலைகள் சாத்தியமாகின்றன ! (ஆஹா...அடுத்த விலையேற்றத்துக்கு பிட்டைப் போட்டுட்டானா ? என்ற கேள்வி உங்கள் மனதில் இழையோடத் தொடங்கினால் - worry not ; இன்றைய விலைகளில் 2016-ல் எவ்வித மாற்றங்களும் கிடையவே கிடையாது !)  "என் பெயர் டைகர்" விலை அதிகமென்ற கருத்துக் கொண்ட நண்பர்களிடம் நான் கோரிடும் புரிதல் இது மட்டுமே ! ஆண்டுதோறும் எங்கள் கிட்டங்கியிலிருந்து வெளியே செல்லும் சரக்குகளுக்கும் , உள்ளே புகுந்திடும் புதுச் சரக்குகளுக்கும் மத்தியினில்  ஒரு மல்யுத்தப் போட்டி நடத்தினால் புது வரவுகள் ஒரே நொடியில் hands down ஜெயித்து விடும் !கொஞ்ச காலம் காத்திருப்பினும் விற்றுக் கொள்ளக் கூடிய ரெகுலர் இதழ்களுக்காக  இந்தப் பொதி சுமப்புப் படலத்தை  செய்திடுவது நமக்குப் பழகிப் போய் விட்டது ; ஆனால் விற்பனை  guarantee இல்லா விலை கூடுதலான இதழ்களின் பொருட்டு நாம் அதே பாணியை / பணியைத் தொடரத் தயங்குவதே customized imprints எனும் குடைக்குக் கீழே 'எ.பெ.டை' இதழினை ஐக்கியமாக்கிடும் முயற்சி !  So ரெகுலர் சந்தா விலைகளில் "எ.பெ.டை".இதழைப்  புகுத்திட இயலாததன் பின்னணி இதுவே !

அடுத்த கேள்வி - why now ? இந்த இதழின் அறிவிப்புக்கு இப்போதென்ன அவசியமென்ற வினா.....! இன்னும் 45 நாட்களில் 2016-ன் அட்டவணை உங்களிடம் ஒப்படைக்க வேண்டிய வேளை இது ! சில அர்த்தஜாமத்துச் சிந்தனைகளின் பேரில் அட்டவணையில் சில கூட்டல்கள், கழித்தல்கள் அவ்வப்போது நடந்து வந்தாலும்  - ஒரு விஷயத்தில் மட்டும் எவ்வித மாற்றமும் இருக்கவில்லை! அது தான் - 2016-ல் டைகருக்கு ஒரு slot  கூட இல்லாத சங்கதி ! இளம் டைகர் கதைகள் தொடராய் செல்வதால் அவற்றைக் கையாள சங்கடம் ; இந்த மிஸ்டர்.ப்ளூபெர்ரி தொடரில் 5+1 கதைகள் உள்ள நிலையில் அவற்றையும் அட்டவணைக்குள் நுழைக்க வாய்ப்பில்லை ! So 2016-ல் மட்டுமல்ல ; தொடரும் ஆண்டுகளிலும் இதே சிக்கல்களின் காரணமாய் "டைகர் எக்ஸ்பிரஸ் " புறப்படவே போவதில்லை என்பது தான் கஷ்டமான ; கசப்பான நிஜம் ! டைகர் போன்றதொரு ஆர்ப்பரிக்கும் நாயகரை இப்படி VRS கொடுத்து மூலையில் அமரச் செய்ய மனது கேட்கவில்லை என்பதோடு - டைகர் ரசிகர்களின் கடுப்பையும் 2016 அட்டவணை ஈட்டிடுமே என்ற ஆதங்கமும் எனக்குள்ளே ! So அட்டவணை ; அடுத்தாண்டுச் சந்தா என்ற ஒரு வட்டத்துக்குள் புகுந்திடும் முன்பாக "எ.பெ.டை" அறிவிப்பை வெளியிட்டால் - மேற்சொன்ன சிக்கல்களில் பெரும்பான்மையைத் தவிர்த்துக் கொள்ளலாமே என்று தோன்றியது ! Hence this announcement - at this point of time !

டைகரின் இன்றைய கதைகள் அவ்வளவாய் சோபிக்காது போனமைக்கு எனது நெகடிவ் பில்டப் தான் காரணம் என்ற கருத்தை எவ்விதம் அணுகுவதென்று எனக்குத் தெரியவில்லை ! எனது பில்டப்போ / பில்டப்பின்மையோ ஒரு கதையின் வெற்றி / தோல்வியை நிர்ணயம் செய்திடப் போகிறதா - என்ன ? நானென்ன அத்தனை ஞானமுள்ள விமர்சகனா ? - அல்லது நீங்கள் தான் அறியாக் குழந்தைகளா ? நான் திரும்பத் திரும்பச் சொல்ல வருவதெல்லாம் - நாம் டைகரின் உச்சத்தை எடுத்த எடுப்பிலேயே தரிசனம் செய்து பழகி விட்டதால் - நார்மலான கதைகள் கூட ஒரு மாற்றுக் குறைவாகத் தெரியக்கூடுமென்பதெ ! "ஜொலிக்கும் சாவுகளையும்" ; "சொர்ணச் சுடுகாடுகளையும்" அளவுகோல்களாகக் கொள்ளாது டைகரின் இதர சாகசங்களை அணுகினால் சிக்கலிராது என்பதே எனது நிலைப்பாடு ! தவிர, ஒவ்வொரு முறையும், ஒவ்வொரு கதைக்கும் நான் அதே "ஆஹா..ஓஹோ.." பில்டப் / முன்னோட்டங்கள் செய்யத் தொடங்கினால் - மிச்சம் சொச்சமிருக்கும் எனது நம்பகத்தன்மையை அரிசோனாவின் கணவாய்களில் தான் தேட வேண்டி வருமன்றோ ?  And "எ.பெ.டை. கதைகள் மின்னும் மரண தரத்தில் இராதே ; அதன் பொருட்டு காசைச் செலவு செய்வதா ?" என்ற வினாக்கு சத்தியமாய் என்னிடம் விடையில்லை - simply becos இவை அனைத்துமே ஒரு அமர படைப்பாளியின் ஆக்கங்களின் ஒரு பகுதி ! சச்சின் ஆடிய அத்தனை ஆட்டங்களிலுமா சதம் போட்டு விட்டார் ? அத்தனை இன்னிங்சிலுமா சொக்க வைத்தார் ? அவரும் தடவித் தடுமாறிய நாட்கள் எராளமன்றோ ? இருந்தாலும் அவர் பாட்டிங் செய்ய களமிறங்கும் ஒவ்வொரு முறையும் நம் நம்பிக்கைகளும் அவரோடு கைகோர்த்துச் சென்றன தானே ? அது  போலவே காமிக்ஸ் உலகின் ஒரு பிதாமகரின் படைப்பை தரிசிக்க ஆவல் காட்டுவோமே guys ? இளம் டைகர் தொடரைப் போல நீண்டு செல்லாது ஒரே இதழில் இதன் முழுக் கதையையும் படிக்க முடியுமெனும் போது உற்சாக லெவெல்களை இன்னும் சற்றே அதிகமாக்கிக் கொள்ளக் கூடாதா ? 

"விலை" என்ற இந்த விவாதம் இங்கே துவங்கிய சமயம் நான் டில்லி விமானநிலைய மசால் தோசையோடு ஜாலியாக லாலி பாடிக் கொண்டிருப்பினும், ஜூனியர் எடிட்டர் எனக்கு போன் அடித்துத் தகவல் சொன்ன பின்னே, போனில் புகுந்து பின்னூட்டங்களைப் பார்க்கத் தொடங்கினேன் ! அப்போது என் முன்னே இருந்த புத்தகக் கடைக்குள் நுழைந்து எப்போதும் போலவே காமிக்ஸ் பிரிவினில் பார்வையை ஓட விட்டேன் ! மிரளச் செய்யும் நான்கு இலக்க விலைகளில் சில பல சூப்பர்மேன் ; பேட்மேன் இதழ்கள் ; அப்புறமாய் ரூ.195 விலைகளில் Campfire காமிக்ஸ் ; ரூ.220 விலையில் ANA காமிக்ஸ் ; ரூ.395 ; ரூ.595 விலைகளில் சென்னையில் தயாராகும் கிராபிக் நாவல்கள் (!!) ; ரூ.300 விலைகளில் GARFIELD என்று குவிந்து கிடந்தன ! வேறொரு மொழி ; வேறொரு விற்பனை பாணி ; வேறொரு மார்கெட் ; வேறொரு தயாரிப்புத் தரம் என்ற போதிலும் அவர்கள் அனைவரது விலைகளும் நம்மை விட ஏகமாய் அதிகமிருப்பது கண்கூடு ! ஆனால் அந்த விலைகளே அவர்களது விற்பனைகளுக்கும் தடங்கல் என்பதைப் புரிந்து கொள்ள முடிந்தது - ஒவ்வொரு இதழின் மீதும் படிந்து கிடந்த ஒரு வண்டித் தூசியைப் பார்க்கும் போது !  எல்லாப் பக்கங்களிலும் காமிக்ஸ் விலைகள் கூடி வருவது பற்றி காமிக் லவர் குறிப்பிட்டிருந்ததை நான் சரியாக அந்நேரமே கவனிக்க, இந்தத் துறைக்கு இதுவொரு புலி வால் பிடித்த கதையே என்பது புரிந்தது ! 'விலை ஏற்றினால் விற்காது - விலை ஏற்றாவிட்டால் தாக்குப் பிடிக்க முடியாது !' என்பதே அந்த சிறு வட்டம் ! நம் பாடாவது அந்த வகையில் தேவலை என்று நினைத்துக் கொண்டேன் - முழுவதுமாய் நேரடி விற்பனையையும் சார்ந்திராது ; முழுக்க முழுக்க முகவர்களின் சகாயங்களையும் நாடியே காலத்தை ஒட்டாது ஏதோ ஒரு அந்தி மண்டலத்தில் பயணிக்கிறோமே என்று நினைத்துக் கொண்டேன் ! நண்பர் ஆதி தாமிரா சொல்லியிருந்த அந்த ஷேர் ஆட்டோ உவமை நமது தற்போதைய சூழ்நிலையை கச்சிதமாய் விளக்கும் சங்கதி ! நாம் ஒரு மாத இதழைப் போல தோற்றம் தந்தாலும், நாம் மாதப் பத்திரிகை அல்ல ; customized imprints என்று சொல்லிக் கொண்டாலும் - முழுமையாக அந்தக் கிளையிலும் நாம் தஞ்சம் புகுவதில்லை ! இங்குமன்றி ; அங்குமன்றி காலமெல்லாம் குட்டிக் கரணங்கள் அடிப்பதே  நம் பாணி என்பது நமக்கொரு சாபமா - வரமா ? பதில் தெரியவில்லை எனக்கு !  

சரி...விலை குறைப்புக்கு வர்ணங்களைக் குறைப்பதும் ஒரு வழி என்ற option -ஐ முன்வைத்தேன் -உங்களின் அபிப்பிராயங்களைத் தெரிந்து கொள்ளும் பொருட்டு ! Again காமிக்ஸ் லவர் சொல்வதும் சரி தான் - black & white -ல் ஒரு கம்பீரம் உண்டென்பதில் ; and கார்த்திக் சோமலிங்காவின் கருத்தும் கிண்டலுக்குச் சொல்லப்பட்டது அல்ல - 3 ஆண்டுகள் கழிந்த நிலையில் இதனையே வர்ணத்தில் போடலாமே என்ற கோரிக்கை எழக்கூடும் என்ற விதத்தில் ! பற்றாக்குறைக்கு கலர் பிரிண்டர் + ஸ்பைரல் பைண்டிங் மார்க்கெட்டிங் முயற்சிகளுக்கு நாமே இன்னொரு களத்தை உருவாக்கி விட்டது போலாகியும் விடுமன்றோ ?  

சரி..விலை காரணமான சங்கடங்களுக்குத் தீர்வு தான் என்னவென்று சென்னை திரும்பும் போதே சிந்திக்கத் தொடங்கினேன் ! Hardcover பைண்டிங்குக்கு கல்தா கொடுத்து விட்டால் ஒரு தொகை குறையும் என்பதால் அதனை நடைமுறைப்படுத்தி விடலாம் ! நம் இலாபத்திலும் ஒரு பங்கைக் குறைத்துக் கொள்வதன் மூலம் விலைகளில் கொஞ்சம் சலுகை கிட்டிட வழி பிறக்கும்  !  So  கூரியர் கட்டணம் சேர்த்து முன்பதிவுக்கு விலை (தமிழகத்துக்குள்)  ரூ.415 என்று அமைத்திடலாம் ! (கூரியர் + பேக்கிங் டப்பா கட்டணங்கள் மட்டுமே ரூ.50--க்குக் குறையாது )

சரி..இது தவிரவும் வேறு ஏதேனும் சாத்தியமா என்ற யோசனை தொடர்ந்தது !ரொம்ப காலமாக எனக்குள்ளே ஒரு ஓரத்தில் குடியிருந்த சிந்தனையானது லேசாய் எட்டிப் பார்க்க - 'அட..இதைக் கூட முயற்சித்தால் என்ன ?'  என்று நினைக்கத் தோன்றியது ! இந்த இதழை  மட்டுமேனும் வண்ணத்தில் ஒரு delux edition ஆகவும் ; black & white -ல் ஒரு economy edition ஆகவும் உருவாக்கினால் சரி வருமா ? என்ற யோசனை தான் அது ! ஒரே இதழை 2 வெவ்வேறு விதங்களில் வாங்குமொரு option -ஐத் தந்து வாசகர்களிடையே ஒருவித ஏற்ற தாழ்வை நாமே உருவாக்கிடக் கூடாதே என்ற ஆதங்கம் எனக்குள் இருந்ததால் / இருப்பதால் இந்தத் திட்டத்தைச் செயலுக்குக் கொண்டு வரவில்லை ! ஆனால் ஒரு இதழை விலை காரணமாய் வாங்காமலே போவதை விட ; அதனை B &W -ல் வாங்குவதில் தவறில்லை என நண்பர்கள் கருதினால் - இந்தப் பரிசோதனைக்கு நாங்கள் ரெடி ! And yes, இது வம்பை நாமே விலை கொடுத்து வாங்கும் முயற்சி என்பது தெரியாதில்லை ! தொடரும் ஒவ்வொரு புது முயற்சிக்கும் இந்தப் பாதை சாத்தியமல்ல என்பதும் , ஒவ்வொரு தடவையும் நண்பர்களில் ஒருசாரார் இதே போன்ற  economy edition கோரிக்கையை முன்வைக்க நேரிட்டால் அதற்கு செவி சாய்ப்பது சிரமமாகிடலாம் என்பதெல்லாம் நன்றாகவே புரிகிறது எனக்கு  ! But விலைகள் குறித்து இப்படியொரு ஆதங்கம் நண்பர்களிடையே நிலவிடும் பட்சத்தில் அதனை முடிந்தளவுக்கு சரி செய்திட நாம் கொஞ்சம் சிரமம் மேற்கொள்வதில் தவறில்லை என்று மனதுக்குப் பட்டது ! So - கீழ்க்கண்ட ஒரு வாய்ப்பையும் பரிசீலனை செய்யுங்களேன் guys :

• அதே பெரிய சைஸ்  
• தற்போது டெக்ஸ் வில்லர் கருப்பு-வெள்ளைக் கதைகளுக்கு பயன்படுத்தப்படும் வெள்ளை காகிதம்  
• அதே 256 பக்கங்கள் ; 
• black & white அச்சு ; 
• அதே அட்டைப்படம் ; 
• அதே பைண்டிங் 
• விலை ரூ.200
• இந்த விலை  முன்பதிவுகளுக்கு மாத்திரமே !
• கூரியர் கட்டணங்கள் தனி ! (Need to check on it tomorrow)

நீங்கள் ரெடி என்றால் - இந்த ஆட்டத்தை ஆடிப் பார்க்க நாங்களும் ரெடி guys ! மேலோட்டமாய்ப் பார்க்கையில் இதன் சாதக-பாதகங்கள் தெரியத் தான் செய்கின்றன ; but  உங்கள் பார்வைகளில் இந்த proposal எவ்விதம் தெரிந்திடக் கூடுமென்று முழுமையாய் கணிக்கத் தெரியவில்லை ! யோசித்துத் தான் பாருங்களேன் ? 

And before I wind off - ஓட்டை வாய் உலகநாதன் ஒரு அறிவிப்போடு  எட்டிப் பார்க்கிறார் :

சமீப காலங்களில் நமது பரிசோதனை முயற்சிகள் விற்பனை எனும் அளவுகோல்களைத் திருப்திகரமாய்த் தாண்டவில்லை என்பதால் அவற்றை சற்றே ஆறப் போட்டிருக்கிறோம் என்பதில் இரகசியமில்லை ! கிராபிக் நாவல்கள் ; புது கதைக் களங்கள் என்றாலே ஓரம் கட்டுவோம் என்ற சிந்தனை நண்பர்களின் ஒரு அணிக்கு இருப்பது கண்கூடு ! ஆனால் இந்த சிந்தனைகளுக்குள் என்னை முழுமையாய் இணைத்துக் கொள்ள முடியவில்லை ! வித விதமாய் கதைகள் ; புதுமைகள் என காமிக்ஸ் உலகம் ஒரு பக்கம் புயல் வேகத்தில் பயணம் செய்து வர - நாம் பழகிப் போன அதே பார்முலாக்களை விடாப்பிடியாய்த் தொடர்வது என்றேனும் ஒரு நாள் அயர்ச்சிக்கு ரோடு போடக் கூடும் என்ற மெல்லிய பயம் என்னுள்ளே உள்ளது  ! So 2016-ன் ஏப்ரல் முதலாய் ஒரு தனி டிராக் செயல்படத் தொடங்கிடும் ! அந்தத் தடத்தில் பரீட்சார்த்த முயற்சிகள் மட்டுமே ; முன்பதிவுகளின் பெயரில் அரங்கேறிடும் ! அங்கே economy edition களும் சாத்தியமகிடாது ; புது genre -களுக்கும் 'தடா' இராது ! வழக்கமான கதைகளை ரசிக்கும் நண்பர்களுக்கு ஜனவரியில் வழக்கமான விருந்து அமர்க்களமாய்க் காத்துள்ளது ! ஏப்ரலில் துவங்கவுள்ள பந்தியில் வித்தியாசமான சுவைகள் காத்துள்ளன !  நீங்கள் இரண்டையும் சுவைக்கத் தயாராக இருப்பின் குதூகலம் கொள்வேன் ! Bye for now guys ...Good night !! 

மாத்தி யோசி .. !

நண்பர்களே,

வணக்கம். நமது comeback ஸ்பெஷலுக்கு அப்புறமாய் என்ன சாதித்திருக்கிறேனோ – இல்லையோ; நிறையவே விநோதமான பார்வைகளையும், ‘தம்பிக்கு ஏதோ ஆர்வக் கோளாறு போலும்!‘ என்ற ரீதியிலான நக்கல் புன்னகைகளையும் ஆங்காங்கே ஈட்டியிருக்கிறேன்! பின்னே பேப்பரும் கையுமாய் தாம்பரம் பிளாட்பாரத்திலும்; பெங்களுரு ஷதாப்தியிலும்; வெயிட்டிங் ரூம்களிலும்; ராஜஸ்தானின் விமான நிலையங்களிலும் எழுதோ – எழுதென்று எழுதித் தள்ளுவதைப் பக்கத்திலிருப்போர் ஒரு தினுசாய் பார்ப்பதில் வியப்பேது? இது போதாதென்று தொலைதூர விமான பயணங்களில்; ஸ்பெயினில் இரயில் பயணங்களில்; அட... பாரிஸின் சரவண பவனில் கூட உட்கார்ந்து ‘மூளையை கசக்குகிறேன் பேர்வழி‘ என்று நிறைய வெள்ளைத் தாள்களைக் கசக்கி குப்பைக்கு வழியனுப்பிய பெருமையுமுண்டு! இதில் வேடிக்கை என்னவென்றால் நமது சமீப மிக successful இதழ்களின் ஆரம்பப் புள்ளிகளும்; திட்டமிடல்களும் நிகழ்ந்துள்ளது எங்கோவொரு உலக வரைபடத்தின் மூலையில் தான்! NBS தொடங்கியது ஒரு போரடிக்கும் 12 மணி நேர பயணத்தின் மத்தியில்; LMS பற்றிய ஆரம்பத்துச் சிந்தனைகள் சகலமும் உதயம் கண்டது ஷீரடி செல்லும் இரயிலின் மேல் பெர்த்தில்; 2013ன் டாப் ஹிட்களுள் ஒன்றான நமது இரவுக் கழுகாரின் “தீபாவளி மலர்“ finalize ஆனது ஏதோவொரு ஐரோப்பியக் காலை ரயில் பிரயாணத்தில்! ‘Thinking out of the box’ என்று கேள்விப்பட்டிருப்பீர்கள்; ‘மாற்றி யோசி!‘ என்ற கோட்பாட்டின் பிரதிபலிப்பாய்! ஆனால் அதை நான் கொஞ்சமே கொஞ்சமாய் தப்பாய்ப் புரிந்து கொண்டு விட்டேன் என்றே நினைக்கிறேன்! மாற்றி யோசிப்பதற்குப் பதிலாக – யோசிக்கும் இடத்தை மாற்றி வருவது தான் நமது பாணியாக இருந்து வருகிறது – சமீபமாய்! So – அந்த “விஞ்ஞானபூர்வப் பாணியை“ ஏன் மாற்றுவானேன்? என்று என் தலை கேள்வி கேட்ட போது – உருப்படியான மாற்று பதில் எனக்கு சாத்தியமாகவில்லை! And – இதோ: புதியதொரு மகா சிந்தனை – இம்முறை அமெரிக்காவில் ஒரு ‘மிச்சம்பிடிக்கும் படலத்தின்‘ பலனான நெடிய பஸ் பயணத்தின் போது! என்னருகே அமர்ந்திருக்கும் ஒரு குட்டிப் பையன் என் உருண்டை விழிகளை அதிகம் பராக்கு பார்க்கிறானா – அல்லது கொச்சா-முச்சாவென்று எனது நோட்டில் நான் எழுதும் (!!) அழகை வேடிக்கை பார்க்கிறானா என்று தெரியவில்லை; ஆனால் இந்தப் பதிவும், எப்போதோ தொடரவிருக்கும் இந்தப் பதிவின் highlightsகளும் ஹிட்டடித்தால் அந்த வெண்ணெய் நிறப் பொடியனை நிச்சயமாய் வாஞ்சையோடு நினைவு கூர்ந்து கொள்வேன்!

எக்கச்சமாய் இங்கே நம் பதிவுகளிலும், ஹாட்லைனிலும் எழுதுவது ஒரு பக்கமெனில், புத்தக விழாச் சந்திப்புகளின் போது நண்பர்களிடம் நான் அள்ளி விடும் வாக்குறுதிகள் ஒரு வண்டி தேறும்! So அவ்வப்போது ஆலமரத்தடிப் பஞ்சாயத்துப் பண்ணும் சங்கிலி முருகன் தான் நினைவுக்கு வருவார் – ‘நான் சரியாத் தானே பேசிட்டிருக்கேன்?‘ என்ற கேள்வியோடு! நமது “மின்னும் மரண நாயகர்“ பற்றிய எனது கருத்துப் பகிர்வுகள் எனது பதிவுகளில் ஒரு கணிசமான இடத்தை ஆக்கிரமித்திருக்குமென்பது உறுதி! அதன் ஒரு நீட்டிப்பாகவே இந்தப் பதிவையும்; தொடரும் திட்டமிடல்களையும் பார்த்திடலாமே?! கேப்டன் டைகரின் டாப் கதைகளின் சகலத்தையும் நாம் ஏற்கனவே போட்டுத் தீர்த்து விட்ட நிலையில் இப்போது எஞ்சி நிற்பது இளம் டைகரின் தொடரில் ஒரு 11 கதைகளும்; முற்றிலும் புதிதான ‘மிஸ்டர் ப்ளுபெர்ரி‘ தொடரில் 5+1 கதைகளும் மட்டுமே! ஆண்டுக்கு 2 கதைகள் என்ற விகிதத்தில் நாம் சமீபமாய் டைகரைக் கையாண்டு வருவதால் – நீண்டு செல்லும் plot கொண்ட இக்கதைகள் நமது சுவாரஸ்யத்தைத் தக்கச் செய்வது சிரமமாகவுள்ளது அப்பட்டமாய்ப் புரிகிறது! 16 மாதங்கள் காத்திருந்து ஒற்றை ஒற்றை ஆல்பங்களாய்ப் படித்துச் செல்லும் பொறுமை பிரான்கோ-பெல்ஜிய ரசிகர்களுக்கு இருக்கலாம்; ஆனால் அந்த பாணி நமக்கு நிச்சயம் set ஆகாதென்பது அனுபவம் சொல்லும் நிஜம்! So – தொடரும் ஆண்டுகளின் அட்டவணைகளில் டைகருக்கான இட ஒதுக்கீட்டைக் கணிசமாய் அதிகரித்தாக வேண்டும்; அல்லது அவற்றை 3/4 பாகங்களின் தொகுப்பாக்கி, தனித் தடத்தில் சீரானதொரு இடைவெளியில் வெளியிட்டு tempo சேதாரமின்றி கதையை முடித்தாக வேண்டும் என்பதே நம் முன்னேயுள்ள options! லார்கோவுக்கு 2 slot; லக்கி லூக்குக்கு 1 slot என்ற ரீதியில் கஞ்சப் பிசுனாரியாக அட்டவணையை நான் தயாரித்து வரும் நிலையில் “இளம் டைகர் – 4 இதழ்கள்; 8 பாகங்கள்” என்று அறிவித்தால் அது சர்ச்சைக்கு வழிவகுக்கும் என்பது புரிகின்ற போது – தனித்தடம் என்ற option தான் எஞ்சி நிற்கிறது! So முற்றிலும் புதிய ‘மிஸ்டர் ப்ளுபெர்ரி‘ தொடரினை ‘ஏக் தம்மில்‘ 5 பாகங்கள் இணைந்ததொரு தொகுப்பாய் – முன்பதிவுக்கான இதழாகத் தயாரித்திடுவது பற்றியும் ஏற்கனவே லேசாகப் பேசத் தொடங்கியிருந்தோம் – சென்றாண்டில்! அப்புறம் CCC-ன் கார்ட்டூன் கதைத் தொகுப்பு களத்திற்குள் நுழைந்த பிற்பாடு – ‘மி.ப்ளு‘ பின்னிருக்கை நாடிச் செல்ல வேண்டிப் போனதெனினும் அந்த நினைவு எனக்குள் பத்திரமாகவே தொடர்ந்து வருகிறது! இருப்பினும் அதன் மீது சிந்தனையை ஓட விட அவகாசம் கிடைத்திருந்திருக்கவிலலை! இப்போதும் கூட இந்த நினைவு தலைதூக்கியிராது – நான் கடந்து செல்லும் ஊர்களின் பெயர்கள் எங்கோ; எப்போதோ படித்த நினைவுகளைக் கிளறியிராது போயிருந்தால்! நமது டைகர் கதைகளின் ஒரு பெரும்பகுதியும், இரவுக் கழுகாரின் சாகஸங்களின் ஒரு கணிசமான பகுதியும் அரங்கேறுவது அந்த ‘வடக்கத்திய – தெற்கத்திய‘ அமெரிக்க உள்நாட்டு யுத்தத்தின் பின்னணிகளில் தானே? அவை மையம் கொண்டிருந்த ‘தெற்கத்திய‘ தீவிரவாத மாநிலங்களான வட கேரலினா; தென் கேரலினா; அட்லாண்டா நகர் வழியாக எனது பஸ் நெளிந்து செல்லச் செல்ல – என்றோ ஒரு தூரத்து வரலாற்றில் அந்த மண்ணில் நடந்திருக்கக் கூடிய போராட்டங்களை நமது கதைக் களங்கள் வாயிலாக நினைவூட்டிக் கொள்ள முடிந்தது! அந்த நொடியில் தான் ”என் பெயர் டைகர்” பற்றிய (மறந்து போன) அறிவிப்பும் மீள்வருகை புரிந்தது என் தலைக்குள்! அவ்வளவு போதாதா – மீண்டுமொரு கரகாட்டத்தைத் தொடங்கிட? செல்போனில் கேல்குலேட்டரைக் கொஞ்ச நேரம் லொட்டு – லொட்டென்று தட்டத் தொடங்கினேன் தயாரிப்புச் செலவுகளை நிர்ணயம் பண்ணிட! இங்கே ஒரு short “commercial break” அவசியம்; ஏனெனில் நான் சொல்லவிருக்கும் விஷயமும் “commercial” சமாச்சாரத்தைச் சார்ந்ததே!

உங்களில் எத்தனை பேர் கடந்த இரு வாரங்களில் நமது பங்குச் சந்தைகளிலும்; அயல்நாட்டுச் செலாவணிகளிலும் நடந்து வரும் ரணகளத்தைப் பின்தொடர்ந்து வந்துள்ளீர்களோ - தெரியாது; ஆனால் சீனப் பொருளாதாரத்திற்குப் பிடித்துள்ள ஜலதோஷமானது இங்கேயும் பல நடுக்கங்களை ஏற்படுத்தியுள்ளது. அமெரிக்க டாலர், மற்றும் ஐரோப்பிய யூரோவுக்கு எதிரான நமது இந்திய ரூபாயின் மதிப்பு செம உதை வாங்கியுள்ளது கடந்த 10 நாட்களில்; லேசாக; ரொம்பவே லேசாக வானிலை மூடாக்கு போடும் நிலையில் இருந்தாலே – ‘போச்சு... போச்சு... சுனாமி வருது... பேப்பர் விலையை ஏத்துங்க... ஏத்துங்க!” என்று கூப்பாடு போடுவதே பேப்பர் சந்தையின் வாடிக்கை! இப்போது வகையாக ஒரு காரணம் கிட்டியுள்ள நிலையில் ஜிம்மி ஏற்றும் ”சரக்கை” விட வேகமாய் imported art paper விலைகளை கூட்டத் தொடங்கி விட்டார்கள்! இன்னொரு பக்கம் நமது ராயல்டி கட்டணங்களும் ‘‘ஹைஜம்ப்‘ செய்யுமொரு நிலை எழுந்துள்ளது! ஏறும் டாலரோ – யூரோவோ கொஞ்ச காலத்திற்குப் பின்பாய் நிதானத்திற்குத் திரும்பும் எனும் போது – ராயல்டி கட்டணங்களை கொஞ்சம் லேட்டாகக் கூட்டி விடுவதன் மூலம் பெரிய பாதிப்பின்றிப் பார்த்துக் கொள்ளலாம் தான்! ஆனால் ஒரு முறை பேப்பர் விலைகளில் ஏற்றத்தை அமலுக்குக் கொண்டு வந்து விட்டார்களேயானால் – அது தலைவரின் பஞ்ச் டயலாக் மாதிரித் தான் – தொடர்ந்து ஒலித்துக் கொண்டேதானிருக்குமே தவிர – ஓய்ந்து போகாது! So – பேப்பர் விலைகளில் இப்போது நேர்ந்து வரும் மாற்றங்கள் 2016-ன் அட்டவணையை சிக்கலாக்கிடக் கூடாதே என்பதற்காக புதுசாய் ஒரு மார்க்கத்தை நாடி ஓடிக் கொண்டிருக்கிறோம்; அதில் வெற்றி கிட்டினால் தலை தப்பிக்கும்!

Back from the break: புது பேப்பர் நிலைகளையும்; புதுத் தயாரிப்புச் செலவுகளையும் ஒரு மாதிரியாக கணக்குப் போட்டுப் பார்த்த போது ஆந்தை விழிகள் இன்னும் அகன்ற விழிகளாவதை உணர முடிந்தது! முதல் 4 பாகங்கள் தலா 46 பக்கங்கள் வீதத்திலும், இறுதிப் பாகம் மாத்திரம் 68 பக்கங்கள் கொண்டதாக இருப்பதால் இந்தத் தொகுப்பின் பக்க எண்ணிக்கை 256 ஆக இருந்திடும்! இது அத்தனை பருமனான பக்க நம்பரல்ல எனும் போது – இதற்கென hard cover அமைக்காது நார்மலாக பைண்டிங்கில் வேலையை முடித்திட முடியும்; தவிர இதற்கொரு வித்தியாசமான ராப்பர் பாணி திட்டமிட்டிருப்பதால் – hard cover இல்லாதது பெரியதொரு குறையாகத் தெரிந்திடாது: ஆனால் சமீப காலங்களில் ‘ஸ்பெஷல்‘ இதழ்களென்றால் அந்த hard cover பாணி அத்தியாவசியம் என்று நாம் பழகிப் போய் விட்டதால் – அது இம்முறையும் தொடரும்! அது மட்டுமல்ல இந்த இதழோடு ஒரு டைகர் போஸ்டர் திரும்பவும் வழங்கிடுவோம் – சின்னதொரு மாற்றத்தோடு! இதன் art work ஐ செய்திடப் போவது நமது வாசக ஓவியர்களுள் ஒருவர்! அது பற்றி தொடரும் நாட்களில் விபரம் சொல்கிறேனே!!

So – கரடு முரடான நமது சிப்பாயின் இந்தப் புதுத் தொடர் one-shot ல் நிறைவு பெற்றிடும்! 1995ல் துவங்கி 2005வரைப் பிடித்துள்ளது இதனை உருவாக்கிட! அதற்கப்புறம் இன்னொரு 10 ஆண்டு இடைவெளிக்கும் பின்பாக நாம் வெளியிடவிருக்கிறோம்! கௌ-பாய் உலகிற்கு கால இடைவெளிகள் ஒரு பொருட்டேயல்ல என்பதால் நம் தலை தப்புகின்றது! ”என் பெயர் டைகர்” – ரூ.500/- என்ற விலையில் வெளிவந்திடும்! முன்பதிவு செய்திடும் நண்பர்களுக்குக் கூரியர் கட்டணம் சேர்த்தே ரூ.450/- தான்! வழக்கம் போலவே முன்பதிவு எண்ணிக்கை 500ஐத் தொட்டவுடன் இதழின் வெளியீட்டுத் தேதி அறிவிக்கப்படும். இப்போதைக்கு இதனை 2016 சென்னைப் புத்தக விழாவின் சமயத்திற்குத் திட்டமிட்டால் தப்பில்லை என்று நினைத்தேன்; but – அது முன்பதிவின் வேகத்தைப் பொறுத்தே தீர்மானமாகிடும்! இம்மாத இதழினில் இதற்கான அறிவிப்பை நுழைத்திட வாய்ப்புள்ளதா என்று பார்த்திடுவோம் – தாமதங்களின்றி முன்பதிவுகளைத் தொடங்கிடும் பொருட்டு! So – 2016ஐ நமது உடைந்த மூக்கார் துவக்கி வைத்திடுவாரா என்பதைப் பார்த்திடலாம்!

Before I sign off – நமது LMS இதழ் பற்றி பிரேசிலில் வெளியாகும் டெக்ஸ் ரசிகர்களின் வலைப்பதிவில் விலாவாரியாக வெளிவந்திருப்பதை நண்பர் பொடியன் சுட்டிக் காட்டி மின்னஞ்சல் அனுப்பியிருந்தார்! நமது சென்றாண்டு ஈரோட்டுத் திருவிழாவின் போட்டோக்களையெல்லாம் போட்டு அமர்க்களப்படுத்தியிருந்தனர்! பார்த்த போது ரொம்பவே சந்தோஷமாக இருந்தது! (Link: www.texwillerblog.com/wordpress/?p=54161)


நமது பதிவுகளில் கவனம் செலுத்தும் ரசிகர்கள் இத்தாலியிலும் நிறையவே உள்ளதும் இவ்வாரம் புரிந்திட முடிந்தது! டைலன் டாக்கின் புதியதொரு இதழ் பற்றிய அறிவிப்பை நமது பதிவில் பார்த்த மறுகணம் நாற்கால் பாய்ச்சலில் ஆர்டர் செய்யத் தொங்கி விட்டார்கள்! இது வரை 110 பிரதிகள் புக் ஆகியுள்ளது இத்தாலிக்கு!!

இதை விடவும் ஆச்சரிய சேதி – இங்கே அமெரிக்காவிலும் தங்களது மலையளவு பணிகளுக்கு மத்தியில் நமது வலைப்பதிவுகளைப் பார்த்திட நேரம் ஒதுக்கியுள்ளனர் இரு காமிக்ஸ் உலக ஜாம்பவான்கள்! நான் சொல்வதற்கு முன்பாகவே நமது புதுவரவுகள் பற்றி அவர்கள் தெரிந்து வைத்திருந்ததை அறிய வந்த போது ஜிலீரென்றிருந்தது! எங்கோ ஒரு சிறு மூலையில் நாம் பெரிய விளம்பரங்களின்றிச் செய்து வரும் பணிகள் சர்வதேச அரங்கில் குட்டியாகவேனும் ஒரு ஆர்வப் பொறியைக் கிளப்பி வருவது பெருமிதம் தரும் விஷயம் தானே? காலர்களை உசத்தி விட்டுக் கொள்ளும் வேளையிது guys! உங்கள் உத்வேகங்களின்றி இதில் எதுவும் சாத்தியமாகியிராது!

மீண்டும் சந்திப்போம் guys! have fun!

P.S.: மதுரையில் நடந்துவரும் புத்தகக் கண்காட்சியில் நாம் பங்கேற்றுள்ளோம்.அதற்காக பயன்படுத்திய banner இதோ :

நமது ஸ்டால் என் : 238....அருகாமையில் வசிக்கும் நண்பர்கள் நேரம் கிட்டும் போது ஓர் விசிட் செய்திடலாமே ?

* நான் இங்கும் அங்கும் சுற்றிக் கொண்டிருப்பதால் இந்தப் பதிவை ஊருக்கு Whatsapp செய்து டைப் செய்யச் சொல்லி ஜுனியரைப் பணித்திருந்தேன்! ஆங்காங்கே பிழைகள் ஏதேனும் தெரிந்தால் – apologies in advance!

* செப்டம்பர் இதழ்களில் பௌன்சர் நீங்கலாக பாக்கி எல்லாமே ரெடி! பௌன்சரை மட்டும் நான் ஊர் திரும்பிய பின்னர் ஒரு இறுதி எடிட்டிங் செய்திட வேண்டுமென்பதால் – ஒன்றிரண்டு நாட்கள் தாமதமாகிடும்! Apologies again!!

பதிவொன்று....படங்கள் மூன்று !

நண்பர்களே,

வணக்கம். எக்கச்சக்கமாய் யோசித்து, நிறைய இன்டெர்நெட் ஆராய்ச்சிகளைச் செய்து – ஏதோவொரு சிந்தனைக் கோர்வையில் அமைக்கும் இதழ்கள் மொக்கைப் பீஸ்களாய் அமைந்து போய் அந்த மாதம் முகம் நிறைய அசடை அப்பிடுவது உண்டு ! அதே நேரம் – எந்தவொரு கம்பு சுத்தும் அற்புதத்தையும் நாம் நிகழ்த்தாமலே வித்தியாசமான ; அழகான கதைகள் கரம் கோர்த்துக் கொண்டு ஒரே மாதத்து slot-ல் தற்செயலாய் இடம்பிடித்து – எங்கள் முகங்களை fair & lovely மாடல்களாக உருமாற்றம் செய்திடுவதும் உண்டுதான்! இம்மாதம் அது போன்றதொரு fair & lovely தருணத்திற்கு வாய்ப்பு அமைந்துள்ளது – இரு முற்றிலும் தொடர்பிலா கதை பாணிகளின் மார்க்கமாக!

போன மாதமே ஆஜராகியிருக்க வேண்டிய பௌன்சரின் ரணகள கௌபாய் கதை பாணி செப்டெம்பரில் ஒரு மேஜர் attraction என்றால்  – ரொம்பவே வித்தியாசமானதொரு கதைக்களத்தோடு டைலன் டாக்கும் entry ஆகிடுகிறார் இம்மாதத்தில் ! “வாராதோ ஓர் விடியலே?“ இந்தாண்டின் முதலும், இறுதியுமான டைலன் டாக் சாகஸம் ! சென்றாண்டு LMS-ல் அமர்க்களமாக அறிமுகமான இந்த திகில் டிடெக்டிவ்வின் தொடர்ந்த மற்ற கதைகள் அதே வரவேற்பைப் பெற்றிடவில்லை என்பதில் இரகசியமில்லை! 1986-ல் உருவாக்கப்பட்ட இந்த இத்தாலிய நாயகர் – தொண்ணூறுகளின் துவக்கத்தில் ‘டெக்ஸ்‘ விற்பனையையே மிஞ்சிப் பார்த்ததொரு அதிசயப் பிறவி! ஒவ்வொரு கதையும் ஒரு புது திசையில் – ஒரு புது பாணியில் இருப்பதால் இவரது ‘எது மாதிரியுமிலா‘ அந்த pattern இத்தாலிய வாசகர்களைப் பெரிதும் கவர்ந்து விட்டது போலும்! ஆனால் நம்மைப் பொறுத்தவரை இவர் மீதான தீர்ப்பு இன்னமும் வாசிக்கப்படவில்லை என்பதே யதார்த்தம்! ‘வேண்டவே வேண்டாம்!‘ என்ற ரீதியில் இல்லாது போனாலும் – ‘ஹை... டைலன் கதையா?‘ என்ற துள்ளலும் நம்மிடையே நிலவவில்லை தானே?   ஆனால்-இம்முறை அந்தி மண்டலங்களுக்குள்ளோ ; சுடுகாட்டுக்குள்ளோ தலையை நுழைத்திடாது – ஒரு நெகிழ்ச்சியான முகத்தை நமக்குக் காட்டவிருக்கிறார் டைலன்! ஒற்றை வரியில் சொல்வதாயின் இதில் டைலனுக்கு “வேலை“ என்று இருப்பதெல்லாம் புது கேர்ள்-பிரண்டின் பின்னே மும்முரமாய் சுற்றித் திரிவது மாத்திரமே! And- சமீப காலத்து வரமோ – சாபமோ தெரியவில்லை; இதனிலும் ‘பச்சக்‘... ‘பச்சக்‘ சமாச்சாரங்கள் உள்ளன! காமெடி நாயகனும் ‘உம்மா‘ விநிநோகம் செய்கிறார் – சீரியஸ் நாயகனும் அதே வேலையைத் தொடர்கிறார் இப்போதெல்லாம்! In fact – 2012-க்குப் பின்பான நமது இதழ்களில் இது வரை எத்தனை “இதழ் பரிசோதனைகள்“ நடந்தேறியுள்ளன என்பதைக் கண்டுபிடிக்கவொரு போட்டியே வைக்கலாம் போலும்! இப்போதைக்கு இந்தக் கூத்துக்குள் தலைநுழைக்காத... சாரி... சாரி... இதழ் நுழைக்காத புண்ணியவான்கள் நமது மும்மூர்த்திகளும், திருவாளர் எட்டுக்காலாருமாகத் தானிருக்க வேண்டும்! 

Back on track – டைலனின் இந்தக் கதையில் நடுநாயகமாய் ஆட்சி புரிவது ‘ஜானி‘ என்றொரு சிறு பையன்! அவனது வாழ்க்கையினில் டைலன் நுழைவதும், தொடரும் சம்பவங்களும் நிச்சயமாய் உங்களை ஒரு வித்தியாசமான வாசிப்புக் களத்திற்குக் கொண்டு செல்லப் போவது உறுதி! சமீபத்தில் நாங்கள் பணியாற்றிய இதழ்களுள் ரொம்பவே ஈடுபாட்டோடு உழைத்தது இந்த டை.டா. சாகஸத்திற்காகத் தானிருக்கும்! ஓசையின்றி வந்தாலும் – பேசப்படும் ஒரு இதழாக இது அமையின் – நிச்சயம் நிறைவாக இருக்கும்! இம்முறையும் நாம் பயன்படுத்தி இருப்பது ஒரிஜினல் டிசைன்களே  - முன்னட்டையிலும், பின்னட்டையிலும் ! ஓடி வரும் அந்த நாய்களின் முகங்களில் தெரியும் அந்தப் பரபரப்பு கூட ஒரிஜினல் ஓவியரின் கைவண்ணத்தில் மிளிர்வதைப் பாருங்களேன் ! இத்தாலிய மொழியில் மட்டுமன்றி, பிரெஞ்சில் ; ஆங்கிலத்தில், என்று சாதித்திருக்கும் இந்த சாகசம் தமிழிலும் அதே வெற்றியைப் பார்த்திடுமென்று fingers crossed !

பௌன்சரைப் பற்றி ஏகமாய்ப் பேசியும், எழுதியும் விட்டோம் என்பதால் – இந்த முதல் சுற்றின் இறுதி ஆல்பங்களைப் பற்றி புதுசாய் சொல்ல என்னவிருக்க முடியும்? என்ன தான் நிதானமான கதைகளையும் ; ‘நியாயமே வெல்லும்‘ பாணியிலான நார்மல் கதைகளையும் நாம் ரசிப்பது இயல்பென்றாலும் – இது போன்ற சற்றே ‘கோக்குமாக்கான‘ கதைகளை ஆர்வமாய் ரசிக்கும் ஒரு ரகசிய அவதார் நம்முள் பதுங்கிக் கிடப்பது பௌன்சரின் புண்ணியத்தில் வெட்டவெளிச்சத்திற்கு வந்துள்ளது! கிட்டத்தட்ட ஏகோபித்த ஆதரவு என்பதால் – பௌன்சரின் இரண்டாம் சுற்றிலுள்ள 2 கதைகளையும் வாங்கிட முயற்சிகளைத் தொடங்கிடுவோம்! அவை வெற்றியில் முடிந்திடும் பட்சத்தில் 2016-ன் பிற்பகுதியில் பௌன்சர் ராஜ்யம் தொடர்ந்திடும்! 

Moving on, இந்தாண்டின் இறுதி 3 மாதங்களில் பெரியதொரு நட்சத்திரப் பட்டாளமே தலைகாட்டக் காத்திருப்பது புலனாகிறது! 

சுட்டி லக்கி
சாகஸ வீரர் ரோஜர்
ரிப்போர்ட்டர் ஜானி
வேய்ன் ஷெல்டன்
தோர்கல்
டெக்ஸ் வில்லர்
கமான்சே
மாடஸ்டி

இவர்களின் கதைகள் மீதான பணிகள் 60% நிறைவாகியுள்ள நிலையில் – காத்திருக்கும் இந்த variety மீல்ஸின் சுவையை எண்ணி லயிக்காதிருக்க முடியவில்லை! ஆரம்பம் முதலே இது போல ஒரு கலக்கலான; கலர்புல்லான நாயகர் பட்டாளத்தைப் பார்த்துப் பார்த்தே பழகிப் போன நிலையில் – “குறைவான நாயகர்கள் – நிறையக் கதைகள் – சீக்கிரமாய் தொடர்களை முடித்தல்“ என்ற பார்முலாக்களின் மீது மனம் ஒட்ட மறுக்கின்றது! இந்தப் “பழமை பாணிகளை“ தோளில் சுமந்து திரியாது – இன்றைய தலைமுறையின் பிரதிநிதியாக உள்ள நமது ஜுனியர் எடிட்டருக்கு இதனில் முழு ஒப்புதல் என்று சொல்ல மாட்டேன்! ஒரு தொடரை எடுத்தால் ‘டக் டக்‘கென்று போட்டு முடிக்காமல் – வருஷங்களாய் கொண்டு செல்வதன் லாஜிக் (?!!) அவருக்குப் புரிவதில்லை! Maybe கடிவாளம் கைமாறும் காலம் புலரும் போது – பாணிகளிலும் மாற்றங்களிருக்குமென்று எதிர்பார்த்திடலாம் போலும் !

லார்கோ; ஷெல்டன்; டெக்ஸ்; லக்கி லூக்; சிக் பில் போன்ற நாயகர்களின் தொடர்களில் கதைகள் அனைத்துமே stand alone ரகமென்பதால் அவற்றை ஆண்டுக்கணக்காய் நீடிக்கும் போது கூட பெரியதொரு சிரமம் தோன்றுவதில்லை ! ஆனால் ஒரே கதையின் முடிச்சை ஒரு தொடரின் முழுமைக்கும் கொண்டு செல்லும் பாணி அமலில் உள்ள கமான்சே ; (இளம்) டைகர் போன்ற series-களில் மாத்திரமே ஜு.எ. ரசிக்கும் அந்த  ‘எடுத்தோம்-முடித்தோம்‘ பாணி ஓ.கே.வாக இருக்குமோ? என்ற எண்ணம் எனக்குள் !

இம்மாதத்து இதழ் # 3 கமான்சேவின் “சாத்வீகமாய் ஒரு சிங்கம்!“ கமான்சே தொடரின் கதைகள் எல்லாமே ஒரே கோர்வையின் தொடர்ச்சி என்றில்லா விட்டாலும் கூட, 666 பண்ணையின் பின்னணி; அங்கு தோள் சேர்ந்து நிற்கும் பணியாளர்களின் ஒற்றுமை; அவர்கள் ஒன்று சேர்ந்த flash back இத்யாதிகள் தொடர் நெடுக மெல்லியதெர்ரு கிளைச்சாலையில் பயணம் பண்ணுவதைப் புரிந்திட முடிகிறது! இவற்றை ஆண்டுக்கு 2 மட்டுமே என்ற ரீதியில் கொண்டு செல்லும் போது – எனக்கே நெருடத் தான் செய்கிறது! ஆனால் அதற்கென ஓராண்டின் அட்டவணையில் ‘6 கமான்சே‘ என்று நான் போட்டுத் தாக்கினால் உங்களது முகங்கள் போகும் போக்கினை நிச்சயமாய் ரசித்திட இயலாது என்றே நினைக்கிறேன்! என்றோ ஒரு தூரத்து நாளில் – இந்தத் தொடர் ஒரு முழுமையான hit ஆகக் கொண்டாடப்படும் பட்சத்தில் 4 ஆல்பங்கள் இணைந்ததொரு தொகுப்பாய் – 4 volume-களில் மறுபதி்ப்பு செய்திடப் பார்க்கலாம்! "சா.ஒ.சி".-க்குக் கூட ஒரிஜினல் ராப்பர் டிசைனே - சற்றே வர்ண மாற்றங்களோடு ! இறுதியில் தயாரான சித்திரம் ரொம்பவே கம்பீரமாய் இருப்பது போல் எனக்குத் தோன்றியது ! பாருங்களேன் !

இங்கே எனக்கு எழும் கேள்வி இது தான்:

ஆண்டுக்கு 2 அல்லது 3 என்று வெளியிடும் நமக்கே லேசான சிக்கலெனில் ஒன்று அல்லது ஒன்றரை ஆண்டுகளில் ஒரே ஒரு புது ஆல்பம் என்ற ரீதியில் 25 அல்லது 30 வருடங்களைத் துளியும் ஜெர்க்கின்றி படைப்பாளிகள் கடந்து செல்வது தான் எப்படி? பிரெஞ்சு ரசிகர்களால் அத்தனை பொறுமை காக்க முடிவது எவ்விதமோ?

Before I sign off, இதோ இம்மாதத்தின் இதழ் # 4-ன் ராப்பர் ! சைத்தான் துறைமுகம் வண்ணத்தில் நிஜமாகவே தூள் கிளப்புகிறது என்று தான் சொல்ல வேண்டும் ; அச்சு முடிந்த நிலையில் பக்கங்கள் ஒவ்வொன்றும் டாலடிக்கின்றன ! நண்பரின் ராப்பர் டிசைன் பற்றி தகவல் ஏதும் இல்லாது போன காரணத்தால் ஒரிஜினல்களை நாமே தயார் செய்து கொள்ளும் நெருக்கடி ! மீண்டும் ஒரிஜினல் டிசைன்கள் நமது டிசைனரின் மெருகூட்டல்களோடு ! 

அச்சு ; தயாரிப்புப் பணிகள் தொடரும் நாட்களில் முழுவீச்சில் நடைபெற்று - புது இதழ்கள் நான்கும் செப்டெம்பர் 2-ம் தேதி உங்களைத் தேடித் புறப்படும் ! அந்த வேலைகளில் என்னை மும்முரமாக்கிக் கொள்ள நான் இப்போது கிளம்புகிறேன் ....மீண்டும் சந்திப்போம் ! See you around for now folks ! Bye for now !

P.S : குட்டி updates :

• மதுரையில் ஆகஸ்ட் 28 முதல் நடைபெறவிருக்கும் புத்தக விழாவில் நமக்கு ஸ்டால் கிட்டியுள்ளது ! நமது ஸ்டால் நம்பர் : 238 ! 
•  நிறைய, நிறைய புதிய சூப்பர் தொடர்கள் நமக்கு எட்டும் தூரத்தில் நெருங்கிக் காத்துள்ளன ! 2016-ல் அவற்றைக் களமிறக்குவதா ? அல்லது கொஞ்சம் அடக்கி வாசித்துப் போவதா என்ற dilemma இப்போது  !!  'இப்போதைக்கு வேண்டாமே !' - என நாசூக்காய் ஒரு சில "big name" தொடர்களைக் கூட நாமே தவிர்க்கும் சூழல் என்றால் பார்த்துக் கொள்ளுங்களேன் !! 

இன்னொரு ஞாயிறு..இன்னுமொரு பதிவு !

வணக்கம் நண்பர்களே,

• The லயன் 250 – டிக் அடித்தாயிற்று ! 
• முத்து காமிக்ஸ் # 350 – ம்ம்ம்... அதற்கு நேராகவும் ஒரு டிக்! 
• அப்புறம் ஈரோடு புத்தக விழா 2015 – ஓ... யெஸ்..அங்கேயும் ஒரு டபுள் டிக்! 

சமீப நாட்களில் நம் கவனங்களைப் பிரதானமாய் ஆக்கிரமித்து வந்த மெகா தருணங்கள் எல்லாமே ஆண்டவன் கருணையோடு அழகாய் கடந்து சென்றான பின்னே – என் கண் முன்னே தெரிவது இந்தாண்டின home stretch மட்டுமே ! தொடரவிருக்கும் செப்டம்பரில் பௌன்சரைக் கரைசேர்த்தாகி விட்டால் – அதன் பின்னே காத்திருப்பன எல்லாமே தயாரிப்பில் அவ்வளவாய் மண்டை நோவுகளைக் கோரிடா ரெகுலர் இதழ்களே என்று சொல்லலாம்! அதற்காக அவையெல்லாம் அதிக சிரத்தைகள் பெறும் அருகதையற்ற கதைகள் என்ற ரீதியில் நான் சொல்லவில்லை! மந்தை மந்தையாய் பக்கங்களையும், ராப்பர்களையும், தடித்தடியான பைண்டிங்குகளையும் பார்த்தான பின்னர் – 46 பக்க கதைகளும், சென்டர் பின் பைண்டிங்குகளும் ‘குழந்தைப் புள்ள விளையாட்டாய்‘ கண்ணுக்குப் படுகிறது என்றே சொல்ல வந்தேன்! Yes – of course நம் இரவுக்கழுகாரின் தீபாவளி மலர் 560 பக்கங்களோடு மிரட்டலாகக் காத்துள்ளது தான் – ஆனால் அவற்றின் மீதான பணிகள் நிறைவடைந்து, எனது எடிட்டிங்கின் பொருட்டு மாத்திரமே காத்துள்ளன! தவிர – இதுவொரு b&w இதழ் தான் எனும் போது ஒன்றரை நாளில் எவ்விதத் திகட்டலுமின்றி அச்சுப் பணிகளை நிறைவு செய்து – பைண்டிங் ஆபீஸ் முற்றுகையைத் தொடங்கிட முடியும்! So- ‘தல‘ என்றைக்குமே தலைவலி தரப் போவதில்லையென்ற தைரியத்துடன் உலா செல்கிறேன்!

தலை நோவு தராத் தலைமகன் ஒரு பக்கமெனில் – பக்கத்துக்குப் பக்கம் தலையைப் பிய்க்கச் செய்யும் சவால்களை முன்நிறுத்தும் பௌன்சர் என் மேஜையின் மறுமுனையில் தாட்டியமாய் காத்திருக்கிறார்! ஏற்கனவே நான் பதிவிட்டிருந்த விஷயம் தான் எனினும் – இந்த preview பதிவிலும் அதனை சற்றே அழுத்தமாய் எழுதிடுகிறேனே...? இந்தத் தொடரிலேயே ரொம்பவே violent ஆன பாகம் ‘கறுப்பு விதவை‘ தான்! இதழின் பின்னட்டையில் ‘suggested for mature audience’ என்ற லேபில் போடலாமா ? என்ற எண்ணம் என் தலைக்குள் ஓடிய போதிலும் – படைப்பாளிகளின் கண்ணோட்டத்தில் அதற்கொரு அவசியம் இருப்பது போலத் தோன்றவில்லை ! இதோ – இதழின் அட்டைப்பட first look!

ஒரிஜினல் டிசைன் + லேசான வண்ண மாற்றங்கள் என்ற சமீப பாணி இம்முறையும் தொடர்கிறது! நமது ஓவியரிடமும் மூப்பின் தாக்கம் சிறுகச் சிறுகத் தெரியத் தொடங்குவதால் – கண்களுக்குக் கடும் சிரமத்தைத் தரும் ஓவியப் பணிகளிலிருந்து சிறிது சிறிதாய் ஓய்வு தரத் தொடங்கியுள்ளோம்! தொடரும் நாட்களில் – ரொம்பவே அத்தியாவசியமான இதழ்களைத் தாண்டி பாக்கி எல்லா முயற்சிகளிலும் ஒரிஜினல் டிசைன் பிரயோகமே இருந்திடும்! இங்கே சின்னதாய் ஒரு interlude ! சமீபமாய் EBF-ல் வாசக ஓவியர் சாரதியைச் சந்திக்க முடிந்தது ! அவரது கைவண்ணங்கள் அடங்கியதொரு portfolio-வை நண்பர் காட்டிய போது மாறுபட்ட பாணிகளில் பல சித்திரங்கள் – வித்தியாசமான வர்ணக் கலவைகளில் டாலடிப்பதைப் பார்க்க முடிந்தது! 2016-ல் ஏதேனும் ஒரு இதழின் ராப்பருக்கு நண்பரின் கைவண்ணத்தை – பயன்படுத்தினால் அழகாக இருக்குமென்று எனக்குத் தோன்றியது! So- அவரது இதர பணிகளுக்கு மத்தியில் நமக்கென சமயம் ஒதுக்க முடியும் போது – அவரது திறமைகளைப் பயன்படுத்திக் கொள்வோம்!

Back again to பௌன்சர் – இத்தனை வன்முறை ; இத்தனை  ரணகளம் அரங்கேறினாலும் கூட ஒரு இனம்புரியா ஈர்ப்பு இவர் திசையில் நமக்கு எழுந்திடுவதன் காரணமென்னவாக இருக்கும் என்று ‘ரோசனை‘ செய்து பார்த்தேன்! சில பல காரணங்கள் கைதூக்கி நிற்பதைப் புரிய முடிந்தது! அதே ‘ரோசனையை‘ நீங்களும் செய்து – உங்களுக்குத் தோன்றும் பதில்களை இங்கே பகிர்ந்திடலாமே ? And அத்தியாயம் 7 உடன் பௌன்சரின் முதற்சுற்று நிறைவு பெறுகிறது! தொடர்ந்திடும் ஆல்பம் 8 & 9-ன் உரிமைகளை மாத்திரம் ஏதோ காரணத்தின் பொருட்டு வேறொரு பதிப்பகத்திடம் ஒப்படைத்துள்ளனர் படைப்பாளிகள்! So அவற்றையும் படிக்க ஆர்வமிருக்கும் பட்சத்தில் – 2016-ல் அதற்கான முயற்சிகளைத் தொடங்கியாக வேண்டடும்.“ஐயோ-சாமி!.... போதும் இந்த ஒற்றைக்கரத்தானின் சகவாசம்! என்று அபிப்பிராயப்படுவீர்களா ? – அல்லது "Oh yes – தொடரட்டும் பௌன்சர் திருவிழா!“ என்ற தீர்மானம் வெல்லுமா? – உங்களின் சிந்தனைகள் please?

சமீப மாதங்களது படைப்பாளிகளுடனான சந்திப்பின் போது இன்னுமொரு வன்மேற்கு சார்ந்த குரூர ஆக்கத்தைப் பார்த்திட இயன்றது! இதிலும் ஒரு செம rough நாயகன்; முகத்தில் அறையும் வன்முறை என்று templates இருந்தன! பாருங்களேன் அந்தப் புது ஆல்பத்தை! 

கதையைப் பற்றிய முதல்கட்ட விசாரணையை சமீபமாய் ஜுனியர் எடிட்டர் நியமித்துள்ள பெல்ஜிய காமிக்ஸ் ஆர்வலரிடம் கேட்டுள்ளோம்! தவிர, தொடரின் துவக்க ஆல்பம் மட்டுமே இது எனும் போது – we need to watch how the series unfolds! So சுவாரஸ்யம் தொடர்ந்திடும் பட்சத்தில் – பௌன்சருக்குப் பக்கத்து வீட்டில் வசிக்கவொரு புது வரவு தயார்! Early days yet – but பார்ப்போமே?!

CCC-ன் விமர்சனங்கள் தொடர்ந்து கொண்டிருக்கும் இந்தத் தருணத்தில் இரு விஷயங்கள் குறித்து எங்கள் முகங்களில் மத்தாப்பூக்கள்! நீலப் பொடியர்களை ரசிப்பது ஒரு கடின காரியமல்ல என்பது துவக்கத்திலேயே  தோன்றியதால் – அந்த ‘அவுக்‘களும்; 'பொடி' பாஷைகளும் முத்திரை பதித்துள்ளதில் மகிழ்ச்சியே தவிர – வியப்பில்லை. ஆனால் விஞ்ஞானி தாத்தாவ்ஸ் என்ன மாதிரியான வரவேற்பை உங்கள் மத்தியில் ஈட்டப் போகிறாரோ ? என்ற சலனம் எனக்குள்ளே கொஞ்சமாய் இருந்தது! ஸ்வீட்... சாதம்... சாம்பார்.... கூட்டு.... பொரியல்... மோர்... பாயசம் என்று சாப்பிட்டுப் பழகியவர்களை சாண்ட்விச் மட்டும்  சாப்பிடச் சொல்லி அழைக்கிறோம் ; பசியாறினால் பிழைத்தேன் – இல்லையேல் சில காலங்களுக்கு முதுகு வீங்கிய முத்தண்ணாவாய் சுற்றி வர வேண்டியிருக்குமே என்ற பயமில்லாதில்லை! ஆனால் சாண்ட்விச் கூட ஒரு வகையில் சுவையே என்று சொன்ன கையோடு அதனை உங்கள் வீட்டுக் குட்டீஸ்களுக்கும் அறிமுகம் செய்துள்ளது நிஜமாகவே a feather on your cap folks!

சந்தோஷம் # 2 – கேரட் மீசைக்காரரின் வெற்றியின் பொருட்டு! இந்தக் கதையை எவ்விதம் position செய்வது என்பது பற்றி நிறையவே யோசித்திருந்தோம்! கார்ட்டூன் பாணிச் சித்தரங்கள் என்றாலே அவை வெடிச் சிரிப்புகளின் பிறப்பிடங்கள் என்ற உணர்வு தோன்றுவது இயல்பே! நாமும் ‘கார்டூன் கலாட்டா‘; ‘சிரிப்பு மேளா‘ என்று taglines போட்டு ஒரு வித எதிர்பார்ப்பைக் கிளப்பி விட்டு – அப்புறமாய் அசடு வழிவது வாடிக்கை. இம்முறை அந்தத் தவறைத் தொடர்ந்திடாது – உள்ளதை உள்ளபடிக்கே விவரிப்போமே என்று தீர்மானம் செய்தேன்! ஒரு ஆக்ஷன் ஹீரோவுக்கு நிகரான த்ரில்லர் plot கொண்ட கதையிது என்பதால் – ராப்பரிலும், விளம்பரங்களிலும் ‘ஜாலியான த்ரில்லர்‘ என்று மட்டும் எழுதுவது என்றும் தீர்மானித்தேன்! So- வம்படியாய் ஒரு சிரிப்பைக் கொணரும் பொருட்டு மொக்கையாய் எதையேனும் நுழைக்கும் அவசியமும் எனக்கு எழுந்திடவில்லை; கதையின் ஓட்டத்தோடு ஒன்றிப் போகும் வேளைகளில் ஆங்காங்கே தலைகாட்டும் அந்த situation comedy-க்குப் புன்சிரிப்பை தருவது உங்களுக்கும் சிரமமாக இருந்திடவில்லை என்று நினைக்கிறேன்! ஏழு கழுதை வயதானால் கூட சில அடிப்படைகளைக் கற்றறிவதற்கு அனபவமெனும் ஆசான் அவசியமே என்பதை க்ளிப்டனின் வெற்றி மீண்டுமொரு முறை சுட்டிக் காட்டியுள்ளது.

அடுத்த மாத அட்டவணையில் ஒரு முழுவண்ண மறுபதிப்பும் இடம்பிடிக்கிறது – கேப்டன் பிரின்ஸின் “சைத்தான் துறைமுகம்“ வாயிலாக! ஆண்டாண்டு காலங்களுக்கு முன்பாய் பாக்கெட் சைஸில் (?) வெளியான இந்தக் கதையினை முழுவண்ணத்தில் ரசிப்பது நிச்சயமொரு ரம்மிய அனுபவமாயிருக்குமென்று நினைக்கிறேன்! இங்கே சின்னதாய் ஒரு விஷயம் என் நினைவுக்கு வருகிறது! ஒன்றரை ஆண்டுகளுக்கு முன்பாக வாசகர்கள் அட்டைப்பட டிசைன் அமைக்கும் போட்டியை நாம் அறிவித்திருந்த சமயம் – கேப்டன் பிரின்ஸின் சைத்தான் துறைமுக ஆல்பத்துச் சித்திரங்களிலிருந்து ஒரு டிசைனை உருவாக்கியிருந்தார் நண்பரொருவர்! அந்தப் போட்டி “பயங்கரப் புயல்“ இதழுக்கானது என்பதால் அந்த டிசைனை அச்சமயம் பரிசீலனை செய்திடவில்லை. But சைத்தான் துறைமுகம் வெளிவரும் வேளையில் ஞாபகமாக நண்பரது டிசைனை குறைந்தபட்சம் பின்னட்டையிலாவது உபயோகிப்பதாக வாக்குக் கொடுத்திருந்தேன்! நண்பரது பெயர் ஜெயராமன் என்பதாக ஒரு ஞாபகமும் கூட! நம் பதிவுகளைப் படிப்பதில் மட்டுமே ஈடுபாடு காட்டும் மௌனப் பார்வையாளராக அவர் இங்கிருக்கும் பட்சத்தில் கைதூக்கிடுங்களேன் – ப்ளீஸ்?  600 dpi resolution –ல் அந்த டிசைனை ஒரு DVDல் போட்டு நமக்கு அனுப்பிடுங்களேன்?

And before I wind off – சங்கடம் உருவாக்குமொரு விஷயம் பற்றியும் இங்கே எழுதிடத் தேவைப்படுகிறது! காமிக்ஸ் மீதான நண்பர்களின் தீவிர மோகம் சில பல சந்தர்ப்பங்களில் துரிதமாய்  பணம் பண்ணிடும் மார்க்கங்களாய் சில கண்களுக்கு தெரிந்து வருவது அவ்வப்போது நமக்கு வந்திடும் சேதிகள்! சேகரிப்புகளை கூடுதல் விலைகளுக்கு விற்பதைப் பற்றிப் பெரிதாய் ஆட்சேபிக்க எங்களுக்கொரு முகாந்திரம் கிடையாது! விற்பவரும் – வாங்குபவரும் மனமுவந்து நடத்தும் ஒரு பேரத்தினில் 'இத்தனை விலையா ?' என்ற நான் மலைப்பை  மட்டுமே தெரிவிக்கலாமே தவிர – அதனைத் தவறென்று சொல்ல முடியாது!

ஆனால் -

நமது முந்தைய டெக்ஸ் கதைகளை; சுஸ்கி-விஸ்கி கதைகளை; Paul Foran கதைகளை நெட்டிலிருந்தோ – ஒரிஜினல் வண்ணப் புத்தகங்களிலிருந்தோ பதிவிறக்கம் செய்து – அதன் மீது நமது தமிழ் வசனங்களை overlap செய்து – கலர் பிரிண்டரில் நகலெடுத்து ஸ்பைரல் போட்டு விற்க முனையும் லேட்டஸ்ட் யுக்திக்கு நிச்சயம் நாம் மௌனப் பார்வையாளர்களாகத் தொடர்ந்திட முடியாது! இது தொடர்பாய் இது வரை, 3 தனித்தனி புகார்கள் வந்துள்ளன! இதைக் காமிக்ஸ் மீதான காதலாகவோ; காமிக்ஸ் ஆர்வத்தின் வெளிப்பாடாகவோ நான் பார்த்திடவில்லை – அக்மார்க் grey மார்க்கெட் வணிகமாக மட்டுமே பார்த்திடுகிறேன்! ஊர் ஊராய் மாதிரிகளோடு பயணம் மேற்கொண்டு 'ஒற்றை இதழென்றால் ரூ.8000... மொத்தமாய் வாங்கினால் டிஸ்கவுண்ட் உண்டு !' என்று சொல்லுமளவிற்கு இந்த 'வியாபாரம்' தழைத்துள்ளதெனில் -'30 நாட்களில் குபேரனாவது எப்படி ?' என்ற கேள்வி மட்டுமே முன்நிற்பதாகப்படுகிறது !

சில வசதியான காமிக்ஸ் சேகரிப்பாளர்களின் பர்ஸ்களைக் குறி வைத்துப் புறப்பட்டிருக்கும் இந்த வணிகத்துக்கு நாமாக விளம்பரம் தர வேண்டாமே என்ற நோக்கிலும், அது வரை கிடைத்த தகவல்கள் ஹேஷ்யமானவைகளாக இருந்ததாலும் தான் இது நாள் வரை இதைப் பற்றி நான் வெளிப்படையாக எதுவும் பதிவிடவில்லை. ஆனால் அமைதி காக்கும் தருணங்கள் தாண்டி விட்டன என்பதை நேற்றைய புகார் புரியச் செய்கிறது! Please guys – சேகரிப்பின் பெயரைச் சொல்லி பணத்தை விரயம் செய்திடாதீர்கள்! அடுத்த முறை உங்களை இது போல் யாரேனும் அணுகினால் – பெயர் & போன் நமபரை நமக்குத் தெரியப்படுத்துங்கள்!  

And – “இவையெல்லாம் கலரில் வரவே - வராது; எங்களிடம் மட்டுமே வாங்க முடியும்“ என்று sales promo தரும் அந்த ஆசாமிகளுக்கு சீக்கிரமே ஒரு ஆச்சர்யமும் காத்துள்ளது! பேரிக்காய் போராட்டங்களும், ராஜா... ராணி....ஜாக்கிகளும், பயங்கரப் பயணங்களும்...டிராகன் நகரங்களும்   அழகாய், ஒழுங்காய்  சந்தைக்குக் கொண்டு வர வழி தெரியாமலா போய்விடும் நமக்கு? பொறுமையாய் காத்திருங்கள் guys – எல்லாமே எட்டும் தூரத்தில் ! எந்தவொரு அதியற்புதக் கதையும் இத்தனை ஆயிரங்களுக்கு ஈடாகவே ஆகாது! 

Lest I forget - இரு சந்தோஷச் சேதிகள் ! 

ஜூ.எ.வின் தொடர் நச்சரிப்புகளுக்குச் செவி சாய்த்து டி.வி. விளம்பரங்களுக்குத் தயாராகியுள்ளோம் ! நண்பரொருவரின் ஸ்டூடியோவில் ஒரு 10 வினாடிக்கான விளம்பரமும், 20 நொடிகளுக்கான விளம்பரமும் சிம்பிளாகத் தயார் செய்யப்பட்டுள்ளது ! வரும் வாரத்தில் நண்பர் விஷ்வாவின் உதவியோடு 'உலகத் தொலைக்காட்சிகளில் முதன்முறையாக...நம்மவர்கள் சின்னத்திரைக்குள் அடி வைக்கின்றனர் ! 

And # 2 : கோவையில் தற்போது நடந்து வரும் புத்தக விழாவின் ஸ்டால் # 41 & 42-ல் THREE ELEPHANT ஸ்டோர் நடத்திடும் நண்பரின் ஸ்டாலில் நமது இதழ்கள் அழகாய் விற்பனையாகி வருகின்றன ! அவகாசம் கிட்டின் ஒரு நடை போய்ப் பார்க்கலாமே ? Bye for now guys ! Have a great weekend !