ஒரு 'சிக்' பதிவு !

நண்பர்களே,

வணக்கம். இங்கே நான் போடும் மொக்கைக்கு சர்வதேச அளவில் எதிர்வினை இருக்குமென்று சத்தியமாய் நான் எதிர்பார்த்திருக்கவில்லை ! லண்டன் டயரி - 1 ; 2 என்று நான் பாட்டுக்கு நீட்டி முழக்கிக் கொண்டே போக - அரையிறுதியில் நியூசிலாந்தைக் கெலித்து - இந்த ஞாயிறு வரைக்கும் இங்கிலாந்தில் தங்கள் டேராவைத் தொடர்ந்திடும் பட்சத்தில் - "லண்டன் டயரி - 3" இங்கே உருவாகிடக் கூடுமென்ற மரண பீதி நமது Men in Blue-வைத்  தாக்கிவிட்டது போலும் !! "நீ ஆணியே பிடுங்க வேண்டாம் ; நாங்க ஊருக்கு திரும்பறோம்  !!" என்றபடிக்கு நம்மவர்கள் மூட்டையைக் கட்டிவிட்டனர் இங்கிலாந்து மண்ணிலிருந்து !! "உலகக்கோப்பை" என்ற 'வட போச்சே' சோகம் ஒருபக்கமெனில் -  "இன்னொரு பயணக்கட்டுரை மொக்கை" என்ற வடையுமே போச்சே 'என்ற சோகமும் சேர்ந்து கொள்கிறது ! எது எப்படியோ - ஒரு தேசமே தோல்வியின் சோகத்தை சிறுகச் சிறுக மறந்து யதார்த்தத்துக்குத் திரும்பத் துவங்கியிருக்கும்  நேரம், மறுக்கா அதையே கிளறிடாது நடையைக் கட்டுவதே சாலச் சிறந்தது என்று தோன்றுகிறது !! இதுவும் கடந்து போகும்...போயாகணும் !!

ஜூலையின் நடுவே நிற்கிறோம்....இன்னமும் மாதத்துவக்கத்தினில் வெளியான இதழ்களின் அலசல்கள் முழுமை பெற்றதாய் எனக்குத் தோன்றவில்லை ! வழக்கமான "வேக வாசிப்புக்காரர்கள்" நீங்கலாய் இதர நண்பர்கள் இன்னமும் படம் பார்க்கும் படலத்தைத் தாண்டியிருக்கவில்லை என்றே ஒரு பீலிங்கு !! காத்திருக்கும் ஈரோட்டுப் புத்தக விழாவின் போது - நடப்பாண்டின் இதழ்கள் சார்ந்த quiz ஒன்றைக் கேட்டு வைத்தால் - சிலபல பகீர் நிஜங்கள் அம்பலமாகிடும் என்று படுகிறது !! கதவுகளை பூட்டிய கையேடு quiz போட்டியினை நடத்தியே தீரணுமோ ? 😎😎

எது எப்படியோ - தேதிகள் ஓட்டமெடுக்க - புதுசுகள் சார்ந்த நம் பணிகளும் வேகமெடுக்க - இதோ ஆகஸ்டின் preview ஆரம்பம் !!  ஈரோட்டு எக்ஸ்பிரஸ் இதழ்கள் + TEX surprise இதழ் + கார்ட்டூன் surprise இதழ் என பணிகள் ஏகமாய்க் காத்துக் கிடக்கின்றன ! பொதுவாய் தொங்கிக்கிடக்கும் உதிரிப் பணிகளைப் பர பரவென செய்து முடிக்க ஞாயிறே எனக்குக் கை கொடுப்பது வாடிக்கை ! ஆனால்    நாளைய பொழுது எங்கள் பள்ளியில் ஒரு get-together + மதுரையில் ஒரு திருமண வீடென்று அட்டவணை காத்திருக்க, இன்றைய ராக்கூத்தில் இயன்றமட்டுக்குப் பணிகளை நிறைவு செய்தாக வேண்டிய கட்டாயம் ! So மாமூலான இழுவைகளின்றி இந்த வரம் crisp updates பாணியே பதிவுக்கு !! 

1. இதோ : ஆகஸ்டின் சந்தா A சார்பிலான ஆக்ஷன் டபுள் ஆல்பத்தின் முதற்பார்வை !! The Undertaker - ஆல்பம் # 3 & 4 ஒன்றிணைந்து ஒரே டபுள் ஆல்பமாய் இம்முறையுமே !! முன் & பின் அட்டைப்படங்களுமே ஒரிஜினல்களே - நமது நோண்டல்கள் துளியுமின்றி !! 

2. And முதல் தடவையாய் கதையின் சாரத்துக்கு ஏற்புடைய தலைப்பா - இல்லையா ? என்றெல்லாம் பாராது - முழுக்க முழுக்கவே கலரிங் பாணியின் மூடுக்கு ஒத்துப் போகும் விதத்தில் தலைப்பை அமைத்துள்ளேன் ! இந்த இரட்டை ஆல்பத்தின் முக்காலே மூன்று வீச சம்பவங்கள் அரங்கேறுவது இருளினில் !! அச்சாகியுள்ள பக்கங்களைப் பார்க்கும் போது ப்ளூ & கருப்பு மசிகள் போட்டுத் தாக்குகின்றன ! மணி ரத்னம் படம் பார்த்த feel !!

3. கதையைப் பொறுத்தவரை ஒரு blockbuster ஆரம்பத்தைப் பின்தொடரும் கதையிது என்பதால் அதே பாணியினை எதிர்பார்க்கத் தோன்றிடும் தான் ! ஆனால் இது அதே பாணியில் இல்லாவிடினும்  - மிரட்டலானதொரு வில்லனோடு பட்டாசாய்ப் பர பறக்கிறது ! அண்டர்டேக்கரின் முதல் ஆல்பத்தினை வாசித்திருக்கா நண்பர்களுக்கு இதன் கதை மாந்தர்களைப் புரிந்து கொள்ள கொஞ்சம் சிரமமிருக்கக்கூடும் ! So முதல் ஆல்பம் வாசித்து பிற்பாடே இதனுள் நுழைதல் நலமென்பேன் !!

4. அண்டர்டேக்கர் தொடரின் அடுத்த ஆல்பம் ஒரு single இதழ் என்று படைப்பாளிகள் சொல்லியிருந்தனர் சில காலம் முன்னே ! ஆனால் அதுவும் ஒரு டபுள் ஆல்பமாய் வரவுள்ளதாம் ! So 2021-ல் நமது அட்டவணையில் வெட்டியான் நாயகர் மீண்டும் ஒரு இடம் பிடித்திருப்பார் ! "வெள்ளைச் செவ்விந்தியன்" என்பது ஆல்பம் # 5 -ன் பெயர் ! 

5. ஈரோடு எக்ஸ்பிரஸ் இதழின் prime ஆல்பமான "பிஸ்டலுக்குப் பிரியாவிடை" செம மிரட்டலாய்த் தயாராகி வருகிறது !! இது அழகானதொரு படைப்பென்பது எனக்கு மேலோட்ட வாசிப்பின் போதே புலனானது தான் ; ஆனால் முழுசுமாய்ப் பணிசெய்யும் போதே கதையின் முழு வீச்சும் புரிபடுகிறது !! இப்போவே ரொம்ப பில்டப்  தந்தால் - ஆகஸ்டின் ஆரம்பத்தில் ஒரு பிரேத்யேகப் பதிவுக்கான வடை சுடும் மாவு இப்போவே தீர்ந்து போகும் ஆபத்துள்ளது ! தவிர - "ஓவர் பில்டப் !" என்று நீங்கள் தாண்டிச் செல்லும் வாய்ப்புகளுமுண்டு !! But ஒரு முற்றிலும் புதிய சூழலில் பயணிக்கும்  4 பாகங்கள் கொண்ட இந்த ஆல்பத்தை படித்து முடிக்கும் தருணத்தில் ஒரு நிறைவு உங்களுக்குள் அலையடிக்காவிடின் நான் ரொம்பவே ஆச்சர்யம் கொள்ளுவேன் ! Fingers crossed !!

6. நெய்வேலி புத்தக விழா இன்றைக்கு நிறைவுறுகிறது ! சில நாட்களுக்கு முன்பாய் நமக்கு அங்கு விருதொன்று வழங்கப்பட்டிருக்க - நம் சார்பில் அண்ணாச்சி ராதாகிருஷ்ணன் அதைப் பெற்றுக்கொண்டார் ! மறுநாள் நாளிதழில் போட்டோவுடன் அது வெளியாகியிருக்க - மனுஷன் இப்போ ஆட்டோகிராப் போட்டுத் தரும் மூடில் ரெடி !! பாருங்களேன் !!

7. புத்தகவிழா caravan அடுத்து கோவைக்கு இடம்பெயர்கிறது ! 19 ஜூலை முதல் கொடிசியா மைதானத்தில் அரங்கேறிடும் !! கோவைவாழ் நண்பர்கள் : please do drop in !!! 

8. அப்புறம் ஈரோட்டுக்கு நமது 2 ஸ்பெஷல் விருந்தினர்களை டெம்போ வைத்துக் கடத்தினால் தான் உண்டு போலும் !! வயசைக் கேட்ட உடனே தெறித்து ஓடிய நண்பர் ஒருபக்கமெனில், பொருளாளர் இன்னொரு பக்கம் கன்னத்தில் மருவோடே க்ளினிக் சென்று வருவதாய்க் கேள்வி !! Operation  கிட்நா ??

9. ஈரோட்டுக்கு நேரில் வருகை தந்து முன்பதிவு செய்த இதழ்களைப் பெற்றுக்கொள்ளவிருக்கும் நண்பர்கள் ஒரு மின்னஞ்சல் ப்ளீஸ் ; அல்லது இங்கேயே கூட கைதூக்கிடுங்களேன் ? உங்கள் இதழ்களை கையோடு எடுத்து வருவதில் கடைசி நிமிட குழப்பங்களைத் தவிர்க்க ஆசை !! 

10. புதியதொரு பதிப்பகம் துவங்கியிருக்கும் ஒரு நெடுநாள் நண்பர், "இரத்தக்காட்டேரி" தொடர் ஒன்றினை உருவாக்கியுள்ளார் ! சித்திரங்கள் சூப்பர் என்ற நிலையில் - இந்த பாணிக்கதைக்கு நாம் 'ஜே' போடுவோமா ? என்ற யோசனை என்னுள் ! What say guys ?

சரி...பணிகளைக் கவனிக்க நடையைக் கட்டுகிறேன் !! மீண்டும் சந்திப்போம் ; have a relaxed sunday all !! 

லண்டன் டயரி -2

நண்பர்களே,

வணக்கம். நல்ல நாளைக்கு நான் தூங்கினாலே ஒன்றரைக்கண் மட்டுமே மூடியிருக்க, கிட்டே இருப்போர்க்கு நான் முழித்திருக்கிறேனா ? தூக்கத்தில் ஆழ்ந்து கிடக்கிறேனா ? என்ற சந்தேகம் எழுவது சகஜம் ! In fact நண்பர்களாய் எங்கேனும் ஊர்களுக்குப் போகும் போது நான் முழித்துக் கிடக்கிறேன் என்ற நினைப்பில் என்னுடன் பேசுவதாக நினைத்தபடிக்கே யாராவது எதையாவது பேசிக் கொண்டிருப்பதும், ரொம்ப நேரமாய் 'ஊம்' கொட்டக் காணோமே என்ற சந்தேகத்தில் கிட்டக்க வந்து பார்த்து நான் தூங்கி மாமாங்கம் ஆனதை உணர்ந்து கடுப்பான அனுபவங்கள் எக்கச்சக்கம் ! இந்த அழகில் பின்னிரவு மூன்று மணிக்கு பிசாசாட்டம் எழுந்து உட்கார்ந்தபடிக்கே இந்தப் பதிவை டைப்பும் போது - கால்வாசிக் கண்ணே திறந்து கிடப்பதால் - இம்மாத லக்கி லூக் சாகசத்தில் தலைகாட்டிடும் 'கிறுக்கு ஓநாய் - முறுக்கு ஓநாய்' பாணியில்  சில பல எழுத்துப் பிழைகள் தலைக்காட்டிடக்கூடும் ; மன்னிச்சூ ப்ளீஸ் !!

இந்தியா ஸ்ரீ லங்காவைத் துவைத்துத் தொங்கப் போடுவதைப் பார்த்த கையோடு மருவாதையாய் 11 மணிக்கே படுக்கைக்குப் போயெல்லாம் விட்டாச்சு ! ஆனால் நள்ளிரவைத் தாண்டிய வேளையில் - 'அட..தென் ஆப்ரிக்காவும், ஆஸ்திரேலியாவும் ஆடும் இன்னொரு மேட்ச் என்னாச்சோ ?' என்ற curiosity-ல் போனை லேசாய் நோண்டத் துவங்கினால், அங்கே ரவுசு கிளப்பும் ஆட்டம் தீயாய் ஓடிக் கொண்டிருப்பது புரிந்தது ! அப்புறமென்ன - அந்த மேட்சின் தலைவிதியோடு, நம்மவர்களின் தலைவிதியும் பின்னிக் கிடப்பதால், கோட்டான் போல இரண்டரை வரைக்கும் தூக்கத்துக்கு டாட்டா காட்டியது தான் பலனாகியது ! 'அட்ரா சக்கை..அட்றா சக்கை...அரையிறுதியில் நியூஸிலாந்தோடு மல்லுக்கட்டினால் போதும் !!" என்பது  புலனாகிய போது, அகலத் திறந்த ஆந்தை விழிகளுக்கு தூக்கம் திரும்பக் காணோம்  என்பதால் லேப்டாப்பைத் தூக்கிக் கொண்டு ஐக்கியமாகி விட்டேன் !!

இந்த ஒன்றரை மாதங்களாய் நம்மவர்களின் "இங்கிலாந்துக் காதல்" தொடர்ந்திடும் சூப்பர் சந்தோஷத்தை உணர்ந்த கையோடு   - அரையிறுதியில் சற்றே இலகுவான நியூசி எதிராளிகளைச் சாய்த்து விட்டால் 'சலோ லண்டன்...அப்பாலிக்கா ஒரே வெற்றியே கோப்பைக்கும் நமக்குமிடையே !!" என்ற புரிதலும் கைகோர்க்க - அந்தக் காலத்து சினிமா flashback பாணியில் எனது நினைப்புகள் சகலமும் இங்கிலாந்து மண்ணை நோக்கிப் புறப்பட்டன !! So ஒரு அர்த்தஜாமத்து லண்டன் டயரி 2 இந்த ஞாயிறும் உங்களைப் பதம் பார்க்கக் காத்துள்ளது ! உஷார் people !!

1985 -ல் நமது வண்டி முழுக்க முழுக்க Fleetway குழுமத்தின் அந்த அசாத்தியப் படைப்புகளோடு ஓடிக்கொண்டிருக்க - மாயாவிகளும், லாரன்ஸ்-டேவிட்களும் ; ஸ்பைடர்களும் ; ஆர்ச்சிகளும் நம்மை உந்தி இழுத்துச் சென்று கொண்டிருந்தனர் ! அப்போதெல்லாம் இன்னொரு காமிக்ஸ் பிறப்பிடம் பற்றிய நினைப்பே பெருசாய் எழுந்ததில்லை ! அந்நாட்களில் என் தலைக்குள் ஓடிக்கொண்டிருந்ததெல்லாமே - Fleetway எனும் கரைகளிலா சமுத்திரத்தில் இயன்ற முத்துக்களை ஒன்று பாக்கியின்றிச் சேகரித்து விட வேண்டுமென்ற அவா தான் ! அதிலும் அந்நாட்களில் ராணி காமிக்ஸ் செம வேகமாய்க் களத்தில் நின்று கொண்டிருந்தனர் & அவர்களும் நாம் வாங்கிடும் அதே டில்லி ஏஜெண்டிடமே கதைகளைக் கொள்முதல் செய்து வந்தனர் என்பதால் - தப்பித் தவறி கூட நல்ல  தொடர் அவர்கள் பக்கமாய்ப் போய் விடக்கூடாதே என்ற ஆதங்கம் தலைமுழுக்க !! ஏற்கனவே James Bond தொடரை நமக்கு முன்பாக அமுக்கி விட்டார்களே என்ற கடுப்ஸ் விடிய விடிய படுத்தி எடுக்கும் நிலையில் Fleetway ன் ஸ்டார் நாயகர்களை கோட்டை விட்டுடக்கூடாது என்ற தீவிரமே என்னை 1985 ன் பெரும் பகுதிக்கு ஆட்டிப் படைத்து வந்தது !! எனக்கிருந்த ஒரே ராட்சச plus point - Fleetway நிறுவனத்தின் படைப்புகளை ஒரு கேட்டலாக்கில் அடைந்திட எண்ணினால் 1000 பக்கங்கள் கூடப் போறாது என்பதே ! So இதர பதிப்பகங்களைப் போல அவர்கள் ஒருநாளும் பெரிதாய் தமது படைப்புகளை விளம்பரப்படுத்தி கேட்டலாக் ஒன்றை உருவாக்கியதில்லை ! ராணி காமிக்சிலோ Fleetway இதழ்களின் அம்பாரக் குவியல் பற்றிய ஞானம் கொண்டோர் யாரும் லேது என்பதால் - டில்லி ஏஜெண்ட் கைவசம் வைத்திருக்கும் சரக்குகளைத் தாண்டி வேறெதுவினுள்ளும் புகுந்திட அவர்கட்கு சாத்தியப்பட்டதில்லை ! நானோ வீட்டில் இறைந்து கிடந்த British காமிக்ஸ் வாரயிதழ்களுள் புகுந்து வாரா வாரம் எதையாவது தோண்டுவதையே பிழைப்பாகக் கொண்டிருந்தவன் ! "1963-லே Valiant வாரஇதழிலே ஏப்ரல் 12 -ம் தேதி ஆரம்பிக்கிற இஸ்பய்டர் தொடருக்கு ஆர்டர் போடுங்கோ ; 1967-லே டைகர் வாரயிதழிலே வெளியான "குண்டன் பில்லி" க்கு ஆர்டர் போடுங்கோ !" என்று டில்லிக்கு மாசத்துக்கு நான்குவாட்டியாவது ஓலை அனுப்புவது எனது வாடிக்கை ! அவர்களும் எனது ஆர்டரை அப்படியே அட்சரசுத்தமாய் லண்டனுக்கு அனுப்புவார்கள் ; அங்கிருக்கும் அவர்களது records library-ல் மேற்படித் தேடலைச் செய்து, வரிசையாய்க் கதைப் பக்கங்களை தோண்டியெடுத்து - உயர்தர கனத்த ஆர்ட்பேப்பரில் பிரிண்ட் போட்டு டில்லிக்கு அனுப்பிடுவார்கள் ! அங்கிருந்து நம்மை வந்து சேரும் ! So 1984 முதலே இந்தக் குரங்கு வேலையைத் துவக்கியிருந்ததால் - Fleetway-ல் உள்ளோர்க்கு நம்மிடம் நேரடிப் பரிச்சயமில்லாவிடினும் "பிரகாஷ் பப்ளிஷர்ஸ்" என்ற நிறுவனம் குடல் உருவும் குத்தகையை ரெகுலராய் எடுத்து வருவோர் என்ற மட்டுக்கு நன்றாகவே பரிச்சயம் ! சீனியர் எடிட்டர் காலத்திலிருந்தே டில்லியிலிருந்த ஏஜெண்ட்களும் நமக்கு நல்ல பழக்கம் என்பதால் நான் அடிக்கச் செய்யும் அத்தனை லூட்டிகளுக்கும் மறுப்புச் சொல்லாது உடன்படுவர் ! இது தான் நிலவரம் என்றிருக்க, ஒரு சுபயோக சுபதினத்தில் தலை முழுக்க புசு புசுவென கேசம் கொண்டிருந்த ஒரு மீசைக்கார இளம் தொழிலதிபர் பிராங்கபர்ட் புத்தக விழாவுக்குப் பயணமாகிடத் தீர்மானம் ஆன பொழுது - பட்டியலின் உச்சத்திலிருந்து Fleetway நிறுவனத்தினரோடு புத்தக விழாவிலேயே சந்திப்பு நடத்துவது & தொடரும் நாட்களில் லண்டனுக்கே நேரில் போய் இத்தனை காலமாய்த் தொலைவிலிருந்து உருவி வந்த குடல்களின் பரிமாணங்களை நேரடியாய் ஆராய்வது தான் !!

Frankfurt-ம் வந்தது ; அழகானதொரு டபுள் ஸ்டாலில் Fleetway-ன் பிரதிநிதிகளை வெட வெடப்போடு சந்திக்கவும் செயதேன் ! தயங்கித் தயங்கி நமது விசிட்டிங் கார்டை நீட்டியவனை நிமிர்ந்து பார்த்த மனுஷனின் முகத்தில் மறு கணமே ஒரு விசாலமான புன்னகை விரிந்தது !! "ஆஹ்ஹா.....எங்களது காமிக்ஸ்களை பற்றி, எங்களை விடவும் ஜாஸ்தி ஆராய்ச்சி செய்து வரும் நிறுவனத்திலிருந்து வருகிறீர்களாக்கும் ?" என்றபடிக்கே கையை இறுகப் பற்றிக் குலுக்கியவர் தான் Fleetway-ன் காமிக்ஸ் உரிமைகள் விற்பனைப் பிரிவின் பிரதிநிதி Mr.Bas Sprately என்பதை தொடர்ந்த நிமிடங்களில் தெரிந்து கொண்டேன் ! அவருக்கு கிட்டத்தட்ட 45 வயதிருக்கும்  என்ற யூகம் எனக்கு ; கனத்த பிரிட்டிஷ் உச்சரிப்பில் மட மடவென்று பேசிக்கொண்டே போக - எனக்கோ அதுவரையிலும் தலைக்குள் ஓடிக்கொண்டிருந்த ஒரு நூறு வினவல்கள் போனயிடம் தெரியலை ! 'பேபே பேபேபே' என்று எதையோ பேசி வைத்துக் கொண்டிருந்தேன் ! "புத்தகவிழா முடிந்த பிற்பாடு எப்படியும் லண்டன் வருவதாக உள்ளாய் தானே?  - அங்கே விரிவாய்ப் பேசிக் கொள்ளலாம் !" என்று அவர் நாசூக்காய்ச் சொன்னபோது நானும் தலையாட்டி விட்டு, விடை பெற்றேன் ! தொடர்ந்த புத்தக விழா நாட்களின் போது அவர்களது ஸ்டாலைத் தாண்டி போகும் தருணங்களில் எல்லாம் ஒரு ஸ்நேஹப் புன்னகையை வீசிடுவார் என்பக்கமாய் ! ஒரு மாதிரியாய் புத்தக விழாவும் நிறைவு காண - லண்டனில் அவர்களை சந்திக்கும் தேதியையும், நேரத்தையும் மட்டும் கேட்டு வாங்கி கொண்டு நானும் மூட்டையைக் கட்டினேன் ! ஆறு நாட்கள் இடைவெளிக்குப் பின்பாய் இலண்டனில் அவர்களை சந்திப்பது திட்டம் !

இடைப்பட்ட அந்த நாட்களில் சனி, ஞாயிறு விடுமுறைகள், அப்புறமாய் பெல்ஜியத்தில் பதிப்பகங்களோடு சந்திப்பு ;அதைத் தொடர்ந்து லண்டனுக்குள் புகும் முயற்சியில் சிக்கி சில்லுமூக்கு சிதறியதெல்லாம் அரங்கேறியது ! ஒரு மாதிரியாய் முதல் பொழுதை இங்கிலாந்தின் மண்ணில் முழுசாய் ஒப்பேற்றி முடித்த போதே எனக்குள் ஓடிக்கொண்டிருந்த பிரதான சிந்தனை - சல்லிசாய்த் தங்கக்கூடிய இடமொன்றைத் தேடிக் கண்டு பிடிக்க வேண்டுமென்பதே !! இப்போது யோசித்தாலும் மிரட்சியாகத் தானுள்ளது - ஆனால் இங்கிலாந்தில் மட்டும் 11 நாட்கள் தங்குவதென சீனியர் எடிட்டர் எனக்குப் பயணத்திட்டத்தைப் போட்டிருந்தார் ! கோட்டும், சூடும் போட்ட ஆடு போல புறப்பட்ட எனக்கும் - "அத்தினி நாட்கள் அங்கே என்ன செய்றதோ ?" என்று கேட்கவும் தோன்றவில்லை ! நான் பாட்டுக்கு ஏதேனும் ஹோட்டலில் அத்தனை நாட்களைக் குப்பை கொட்டத் தீர்மானித்தால் கைவசமிருந்த டப்பு நிச்சயம் பணாலாகிப் போகுமென்பது புரிந்தது ! அந்நேரம் பயணம் புறப்படுவதற்கு முந்தைய தினம் டில்லியில் என்னை சீனியர் எடிட்டர் இட்டுச் சென்றிருந்த சர்வதேச Youth Hostel பற்றிய ஞாபகம் வந்தது ! பெயரளவிற்கே Youth ஹாஸ்டல் ; ஆனால் யூத்தைத் தொலைத்து யுகங்களான பெருசுகளுமே அங்கே சர்வ சாதாரணமாய் தங்கிக் கொள்கின்றனர் என்பதை பின்னாட்களில் தான் புரிந்து கொண்டேன் ! எது எப்படியோ - ஏதோவொரு சிறு கட்டணம் கட்டி என்னை அதனில் ஒரு உறுப்பினராக்கியிருந்தார் சீ.எ. அந்த ஹாஸ்டலின் கிளைகள்  ஐரோப்பாவில் எங்கெல்லாம் உள்ளன  என்ற விபரங்கள் அடங்கிய சின்ன டைரெக்டரியும் பெற்றுத் தந்திருந்தார் ! அதை நான் கையோடு கொண்டு வந்திருக்க - அதனைப் புரட்டிய போது லண்டனில் மட்டுமே 5 வெவ்வேறு இடங்களில் அவர்களுக்கு கிளைகள் இருப்பது தெரிய வந்தது ! இலக்கொன்றில், 5 தினங்கள் மட்டுமே தங்கிடலாம் என்றும் போட்டிருந்தது ! (அநேகமாய் அந்த விதிமுறைகளைக் கடைப்பிடித்த ஒரே பேமானி அடியேனாகத் தானிருக்க வேண்டும் என்று நினைக்கிறேன் ; ஆனால் அந்நாட்களில் ரூல்ஸ் ராமானுஜம் ஆச்சே !!) மறு நாள் காலையில் அந்த 5 இடங்களுள் ஊருக்குள் மையமாய் இருக்கக் கூடிய ஹாஸ்டல் எதுவென்று விசாரித்துக் கொண்டேன் !! இன்டர்நெட்டோ ; பையில் செல்(ல)போனோ இலா நாட்களில் புதுசாயோரு ஊரில் குப்பை கொட்டிட முயற்சிப்பது எத்தனை கஷ்டம் என்பது இந்த smart phone தலைமுறைக்குத் தெரிந்திருக்க வாய்ப்புகள் நஹி ! Trust me guys - நாக்குத் தொங்கிப் போகும் வழி கேட்டு விசாரித்தே !!! அதிலும் எவனாச்சும் ஆத்துக்காரியிடம் துடைப்ப மசாஜ் வாங்கி வந்து கடையில் பிரெஷாக அமர்ந்திருக்கும் நேரமாய்ப் பார்த்து "அண்ணாச்சி...இந்த டோர் நம்பரும், தெருவும் காங்கலியே ?...சித்தே பார்த்துச் சொல்றியளா ? " என்று கேட்டு நாம் போய் நின்றோமென்றால் காதெல்லாம் தக்காளிக் சட்னி கரை புரண்டு ஓடிடுவதுண்டு !! ஒரு மாதிரியாய் விசாரித்துப் போய் Earl 's Court என்ற சதுக்கத்திலிருந்த ஹாஸ்டலில் 5 நாட்களுக்கு கட்டையைக் கிடத்த ஒரு இடத்தை வாங்கி விட்டேன் ! தனி அறையெலாம் நஹி ; எட்டோ - பத்தோ பேர் ஒரே அறையில் இரட்டை அடுக்குப் படுக்கையில் தங்கிக்  கொள்ளும் டார்மிட்டரி தான் ! சின்னதாயொரு லாக்கர் மட்டும் தருவார்கள் முக்கிய பொருட்களைப் பத்திரப்படுத்திக் கொள்ள ! மற்றபடிக்கு காலைக்கடன்களை ; குளியல்களை பொதுவான பாத்ரூமில் வைத்துக் கொள்ள வேண்டியது ! முதல் நாள் நாய்க்கடி வாங்காத குறையாய் லண்டனுக்குள் புகுந்தவனுக்கு அந்த ஹாஸ்டலின் கல கல atmosphere ரொம்பவே இதமாய்த் தோன்றியது ! அதுவரையிலும் எங்கேயுமே இது போல் தங்கிய அனுபவம் கிடையாதென்றாலும், வெவ்வேறு தேசங்களிலிருந்து வந்திருந்த இளைஞர்களோடு ஒரே கூரையின் கீழே தங்கிடும் அந்த வாய்ப்பு ரசிக்கவே செய்தது ! முக்கியமாய் நாளொன்றுக்கு ஏழோ-எட்டோ பவுண்டுகள் தான் கட்டணம் என்பது தேனாய்க் காதில் பாய்ந்திருந்தது ! அங்கு வந்து தங்கியிருந்த அத்தனை படங்களுமே tourists என்பது அப்பட்டமாய்த் தெரிந்தது ! ஒரு ஆசாமி சைக்கிளேலேயே கிரீஸ் நாட்டிலிருந்து வந்திருக்க - தலைமாட்டோடு சைக்கிளைக் கட்டி வைத்திருந்தான் ! நான் ஒற்றை ஆள் தான் அங்கே "தொழிலதிபர்" !!! அவனவன் அரை நிஜாரும், கிழிஞ்ச பனியனுமாய்ச் சுற்றி வரும் அங்கே - லார்ட் லங்கோட்டுதாஸ் போல கோட்டையும், சூட்டையும் மாட்டிக் கொள்ள எனக்கு செம கூச்சமாயிருந்தது ! So ஒரு கவருக்குள் டையையும், கோட்டையும் திணித்து வைத்துக் கொண்டு, வெளியே சாலைக்கு வந்த பிற்பாடு, ஏதேனுமொரு சந்தைத் தேடிப்பிடித்து அங்கு நின்று கோட்டை மாட்டிக் கொள்வேன் தினமும் ! அதே போல மாலை ஹாஸ்டலுக்குத் திரும்பும் தருணத்திலும், அதே சந்து ; அதே கவர் ; அதே கோட் திணிப்பு !

ஒரு மாதிரியாய் Fleetway நிறுவனத்தை சந்திக்க வேண்டிய காலையும் புலர்ந்திட - வேக வேகமாய் மெட்ரோ ரயிலைப் பிடித்து ஓட்டமெடுத்தேன் ! இரண்டே தினங்களுக்குள் லண்டன் ஒருமாதிரிப் பழகிப் போயிருக்க - இந்த ஊரே என்னைப் பார்த்து முறைப்பது போலான எனது பிரமை விலகத் துவங்கியிருந்தது ! எல்லாமே தெரிந்த பாஷையில் இருந்ததால் - ஜெர்மனியில் ; பெல்ஜியத்தில் போல் சைகை பாஷையில் பேசும் அவசியங்கள் எழுந்திடாதது ரொம்பவே உதவியது ! Tube Train எனப்படும் அவர்களது தரைக்கடி ரயில்களிலும், பஸ்களிலும் ஒரு வாரத்துக்கான பாஸ் ஒன்றை வாங்கியிருந்தேன் சல்லிசாய் ! So புசுக் புசுக்கென்று ஏதாவது ஒன்றில் தொற்றிக் கொண்டு ஊரின் எந்தப் பகுதியையும் எட்டிப் பிடிக்கச் சிரமமுமில்லை ; செலவுமில்லை ! லண்டனின் கிழக்குப் பிராந்தியமே அதன் வியாபார மையம் & Fleetway நிறுவன அலுவலகமும் அங்கு தானிருந்தது ! அலுவலகம் என்று நான் குறிப்பிடுவது அவர்களது பதிப்பக அலுவலகம் நஹி ; உரிமைகளை சந்தைப்படுத்தும் பிரிவின் அலுவலகமே ! Syndication International என்ற பெயரில் இயங்கி வந்த நிறுவனத்தின் ஆபீசை ஒரு மாதிரித் தேடிப்பிடித்து உள்ளே புகுந்த போது ஜிலீரென்று இருந்தது !! கனவில் அப்போதெல்லாம் வந்த சொப்பன சுந்தரிகளை விடவும் - ஜிங்கு ஜிங்கென்று தாண்டவமாடிய சட்டித் தலையன்களும், வலைமன்னன்களுமே  ஜாஸ்தி எனும் போது - அவர்களின் வசிப்பிடத்தில் கால்பதிப்பது ஏதோ ஒருவித உற்சாகத்தைக் கரைபுரளச் செய்தது !! ரொம்பப் பெரிய ஆபீஸெல்லாம் கிடையாது ; அதே போல பழமையான கட்டிடமே ! ஆனால் அதன் ஏதோ ஒரு பகுதியில் நமது ஆதர்ஷ காமிக்ஸ் புதையல் கரைபுரண்டோடுவதை நினைக்கும் போது வேறெதுவும் முக்கியமாய்த் தென்படவில்லை ! நான் போன போதே பகல் 11 -30 இருக்கும் ! நெடுநாள் பரிச்சயத்தை வரவேற்பது போல் என்னை வரவேற்றவர்கள் - எனது பயணம் பற்றி ; தங்கள் தேசம்  பற்றிய எனது அபிப்பிராயத்தையெல்லாம்  விசாரித்தார்கள் !  24 மணி நேரங்களுக்கு மும்பாய் இதே கேள்வியை என்னிடம் யாரேனும் கேட்டிருந்தால் கலாமிட்டி ஜேனுக்குப் போட்டியாய் நானும் பேசியிருப்பேன் தான் ! ஆனால் ஒற்றை தினத்தில் சாந்தம் கண்டிருந்த மனசு நிதான பதிலையே முன்வைக்கச் செய்தது ! "சரி,இப்போதே நண்பகல் ஆகப் போகுது....லஞ்ச் சாப்பிட்டு விட்டு வந்து records room -ல் புகுந்து வேலையைப் பார்த்துக் கொள்ளலாமே ?" என்று மிஸ்டர்.ஸ்ப்ராடெலி கேட்ட போது நானும் சரியென தலையாட்டினேன் ! அவரும், அவரது உதவியாளரான Mr மார்ட்டின் மார்கனும் இணைந்து கொள்ள - மூவருமாக அருகாமையிலிருந்த Pub ஒன்றிற்குப் போனோம் ! பொதுவாய் இங்கிலாந்தில் புட்பால் அல்லது கிரிக்கெட் மேட்ச்களை பார்த்துக் கொண்டு  கிளாஸ் கிளாஸாய் பீரை உள்ளே இறக்கிக் கொண்டே, இறுதியாய் வயிற்றுக்கும் ஏதாச்சும் போட்டுக் கொண்ட பிற்பாடு வீடு திரும்புவது வாடிக்கை ! So அங்குள்ள Pub களில் சாப்பட்டுச் சமாச்சாரங்களும் இருப்பதுண்டு ! மதியப்பொழுது ; காற்று வாங்கிக்கொண்டிருந்த pub க்குள் புகுந்து ஒரு மூலையில் இடம்பிடித்தபடிக்கு மெனுவை என்னிடம் நீட்டினார்கள் - ஆர்டர் செய்திடும் பொருட்டு ! பிரிட்டிஷ் உணவுமுறைகளுக்கும், நமக்கும் ஏழாம் பொருத்தம் என்பதை நான் அனுபவப்பூர்வமாக உணர்ந்த முதல் தருணமிது என்பதால் - சிக்கன் என்று தென்பட்ட ஏதோவொரு சமாச்சாரத்தை ஆர்டர் பண்ணி வைத்தேன் ! சாப்பாட்டுக்காகக் காத்திருந்த வேளையில், நமது மார்க்கெட் பற்றி ; நமது சர்குலேஷன் பற்றியெல்லாம் அக்கறையாய் விசாரித்தார்கள் ! அவையெல்லாம் நாம் 20000 பிரதிகள் விற்று வந்த நாட்களெனும் போது பந்தாவாய் "டொன்டி தவுசண்ட்" என்று சொன்னேன் ! "ஓஹோ.." என்றவர்களிடம் - "நீங்கல்லாம் எவ்ளோ விற்பீங்க சார் ?" என்று கேட்டேன் ! ஆறிலக்கங்களில் ஒரு முரட்டு நம்பரை அவர் சொன்ன போது "ஹி..ஹி.." என்றபடிக்கே சகல துவாரங்களையும் மூடிக் கொண்டேன் !!  அதற்குள் சப்லையர் ஒரு முரட்டு கும்பா நிறைய ஏதோ பசை மாதிரியான திரவத்தைக் கொணர்ந்திருக்க - எனக்கு பார்க்கும் போதே கிறுகிறுத்தது !! முட்கரண்டியையும், கத்தியையும் கையில் தந்து விட்டு அவர் அகல - "இதில் சிக்கனைத் தேடித் பிடிக்க ஒரு மீன்பிடி வலையிலே பொருத்தமாயிருக்கும் ?" என்ற நினைப்பு தான் மண்டைக்குள் ஓடியது ! கிளம்பும் முன்பே முட்கரண்டியால் சாப்பிடும் வித்தைகளை  புளியோதரையிலும், சாம்பார் சோற்றிலும் முயற்சித்திருந்தேன் தான் - வீட்டில் ! ஆனால் கொழ கொழ வென்றிருக்கும் அந்தப் பசையை மடக் மடக்கென்று குடித்து விட்டால் தேவலாமோ என்றே தோன்றியது ! வாயில் வைத்தால் - உப்புமில்லை ; காரமுமில்லை ; சுத்தமான வெண்களிமண்ணைச் சுவைத்தது போலவே இருந்தது ! அவர்களோடு ஒரு பக்கம் பேசிக் கொண்டேயிருந்தாலும், மண்டை முழுக்க - இந்தக் கொப்பரை நிறைய மிதக்கும் கன்றாவியை விழுங்கிவிட்டு வாந்தியெடுக்காது வண்டியோட்ட வேண்டுமே - தெய்வமே !! என்ற பயம் தான் நீந்தியது ! அடுத்த 15 நிமிடங்களுக்கு எனது நாக்கை நான் படுத்திய பாடை இன்றைக்கு நினைவு கூர்ந்தாலும் அழுகாச்சி தான் மிஞ்சும் !! பரோட்டாவும், குஸ்காவும், வக்கணையாய்த் தின்று பழகியது - அன்றைக்குப் பட்ட அவஸ்தை ரணமே !! ஒரு மாதிரியாய் சாப்பாட்டுக் கூத்து நிறைவுற - அடுத்து dessert ? என்று எதையெதையோ பட்டியலிட்டிருந்ததொரு மெனுவை நீட்டினார்கள் ! எனக்கோ - 'மொட்டையும் போட்டாச்சு..காதும் குத்தியாச்சு...ஆனைகிட்டே ஆசீர்வாதமும் வாங்கியாச்சு ! இனியாச்சும் கிடா வெட்டிடலாமே ?" என்ற கவுண்டரின் பதைபதைப்புத் தான் !! "காமிக்ஸ் குவிந்து கிடக்கும் records room-க்குப் போவோமே - வயிற்றுக்குப் போட்ட பெட்ரோல் அடுத்த புத்தகவிழா வரைக்கும் தாங்குமே சார் !!" என்ற ரீதியில் எனது முட்டைக்கண்கள் சேதி சொன்னனவோ - என்னவோ, அவர்களே புறப்படலாம் என்று எழுந்தார்கள் !

அடுத்த பத்தாவது நிமிடத்தில் நிலவறையிலிருந்ததொரு நீளமான ஹாலுக்கு என்ன இட்டுச் சென்ற போது எனக்கு நெஞ்சு அடித்துக் கொண்டது Big Ben கடிகார மணிச்சத்தத்தை விடவும் ஜாஸ்தியாக இருந்தது !! Uffffff !!  அங்கே குவிந்து கிடந்த காமிக்ஸ் இதழ்களின் அசத்தியத்தை கண்களால் அளவிட்ட அந்த முதல் நொடியினை இன்றைக்கு நினைத்துப் பார்த்தாலும் புல்..செடி..கொடி..மரம்..மட்டை..என சகலமும் அரிக்கும் !! வார்த்தைகள் போறாது - அங்கே வரிசை வரிசையாய்....ரேக் ரேக்காய்....அட்டியல் அட்டியலாய்....அம்பாரம் அம்பாரமாய்க் குவிந்து கிடந்த காமிக்ஸ் வாரயிதழ்கள் ; Annuals ; இத்யாதிகளின் கம்பீரத்தை வர்ணிக்க !! அங்கிருந்ததொரு மூத்த பணியாளர் என் கையில் ஒரு கத்தைக் காகிதங்களைத் தந்து விட்டு - "ஏதேனும் தேவையென்றால் கூப்பிடு !" என்றபடிக்கே கிளம்பிவிட்டார் ! அந்த ஒட்டு மொத்த சேகரிப்பிற்கும் ஏக பொறுப்பாளர் அந்த ஒற்றை மனுஷனே என்பதை உணர்ந்த போது பிரமிப்பாய் இருந்தது ! நான்பாட்டுக்கு ஊரிலிருந்தபடிக்கு அனுப்பும் குடாக்கு ஆர்டர்களுக்கு முக்கியத்துவம் தந்து அவற்றைச் சேகரிக்க அந்த ராட்சஸக் குவியலினுள் அவர் என்னமாய்த் தத்தளித்திருப்பாரோ ? என்று நினைக்கும் போதே பாவமாயிருந்தது !! ஒரு பக்கம்  முழுக்க பெண்பிள்ளைகள் காமிக்ஸ்  ; இன்னொரு பக்கம் முழுக்க Football சார்ந்த காமிக்ஸ் (அந்நாட்களில் அவை இங்கிலாந்தில் செம பிரபலம் !!) ; இன்னொரு பக்கம் Boys காமிக்ஸ் என்று பிரித்திருந்தனர் ! நேராக Boys காமிக்ஸ் பகுதியினுள் புகுந்தவன் - வாயை அகலத் திறந்தது மாத்திரமே நியாபகமுள்ளது ! தொடர்ந்த மணி நேரங்கள் ; தினங்கள் எல்லாமே - விரல்கள் நோகும் வரை, கைகள் கடுக்கும் வரை ; கண்கள் சொக்கும் வரை அவர்களது எல்லையற்ற தொகுப்புகளை புரட்டோ புரட்டென்று புரட்டுவதிலேயே செலவானது ! 1985-ன் இறுதி முதல் அடுத்த 10 ஆண்டுகளுக்குள் நாம் வெளியிட்ட Fleetway கதைகள் / குட்டிக் கதைகள் / தொடர்கள் / oneshots என சகலமும் அப்போதைய தேடல்களில் உருப்பெற்றவை என்று சொன்னால் மிகையில்லை ! நமக்கு ஆகக்கூடிய கதைகள் ; தொடர்கள் எனில், பர பரவென அவை எந்த வருடத்தில் ; எந்த இதழில் துவக்கம் கண்டது - எப்போது முடிவுற்றது ? என்று மட்டும் குறித்துக் கொள்வேன் ! அன்றைய மாலை மொத்த லிஸ்டையும் அந்த records பராமரிப்பாளரிடம் தந்தால் அவர் அதைத் தனது ஆர்டர் லிஸ்டில் சேர்த்துக் கொள்வார் ! நேரம் கிடைக்கும் பொழுது அவற்றை நகலெடுத்து இந்தியாவுக்கு அனுப்பிடுவார் ! தொடர்ந்த 3 நாட்களுக்கு இதே வேலை ஓடிட - எனக்கோ மண்டை முழுக்க கலர் கலரான முன்னோட்டங்கள் ஓடிக் கொண்டேயிருந்தன ! இத்தனை தொடர்களையும் கொணர்ந்து உங்கள் முன்னே கடைவிரிக்கும் நாள் பற்றிய கனவுகளில் ஒரே மிதப்பு தான் !! 1985 டிசம்பரில் வெளியான "ஆப்பிரிக்க சதி" இதழில் "வருகிறது" விளம்பரங்கள் ஒரு வண்டி களமிறங்கியது நினைவுள்ளதா folks ? எல்லாமே அந்த நிலவறை உருட்டிய மூன்று நாட்களின் பலனே !

விட்டால் அங்கேயே குடியிருந்து விடுவேன் என்ற பயத்தில் மூன்றாவது நாள் கைகுலுக்கி என்னை வழியனுப்பி வைத்தனர் !! அதன் முன்பாய் அவர்களது MD என்னைச் சந்திக்க விரும்புவதாய்ச் சொல்ல - அவர் முன்னேயும் ஆஜரானேன் ! அவருக்கோ சத்தியமாய் நம்ப முடியவில்லை - ஒரு சுள்ளான் பயல் தங்களது காமிக்ஸ் சேகரிப்பினுள் புகுந்து முத்துக் குளிக்கவே இத்தனை தொலைவு பயணமாகியிருக்கான் !! என்பதை !! அவர்களுக்கு நம் மண்ணில் இரும்புக்கை மாயாவிக்கு உள்ள வரவேற்பு பற்றி நன்கு தெரியும் என்பதால் அது பற்றியும் விசாரித்தார் ! நானோ தற்போதைய டாப் நாயகர் "ஸ்பைடர்" தான் என்று சொல்ல - "மெய்யாலுமா ?" என்று இடிச்சிரிப்போடு கேட்டுக் கொண்டார் ! "அட...என்னோட லிஸ்டைப் பாருங்களேன் !"  என்று அவர் முன்னே records அறையிலிருந்து நான் தோண்டியெடுத்திருந்த ஸ்பைடர் கதைகளின் பட்டியலைக் காட்டிட ஏக குஷி அவருக்கு ! அடுத்த முப்பதாவது நாளுக்குள் இந்தப் பட்டியலின் ஒட்டுமொத்த பக்கங்களும் டில்லிக்குச் சென்றிருக்கும் ! சந்தோஷமாய்ப் போய் வா !!" என்று விடைகொடுத்தார் !! எனக்கோ உலகமே வசந்தம் வீசும் பூமியாய்க் காட்சி தந்தது !! ஆனால் 30 நாட்களுக்குள் மொத்தக் கதைகளும் டில்லி வந்துவிடுமென்று கேட்ட போது வயிற்றில் புளியைக் கரைத்து - "தெய்வமே...அத்தனைக்கும் ஒட்டு மொத்தமாய்ப் பணம் புரட்டணுமே !! இல்லாங்காட்டி டில்லி ஏஜெண்ட் ராணி காமிக்ஸுக்கு எதையாச்சும் தள்ளி விட்டிடக் கூடுமே !!" என்று ! ஏதேதோ கூத்தடித்து பின்னாட்களில் அவற்றை வாங்கினோம் என்பது மட்டும் நினைவுள்ளது !! 1985 -ல் செய்த அதே பாணியில் மறு வருடமும் ஜெர்மனியில் புத்தக விழா ; லண்டனில் காமிக்ஸ் நிலவறைப் படையெடுப்பு என்று தொடர்ந்திட - நமது காமிக்ஸ் கையிருப்போ அசாத்திய கனம் கொள்ளத் துவங்கியது ! தட்டுத் தடுமாறியவன் அவற்றை களமிறக்க மாமூலான லயன் காமிக்ஸ் மாத்திரமே ஒருபோதும் பற்றாதென்ற புரிதலில் "திகில்" ; அப்புறம் "மினி-லயன்" ; "ஜூனியர் லயன்" என்றெல்லாம் அடித்த ரவுசுகள் நாமறிவோம் ! 1988 -ன் வாக்கில் மறுபடியும் ஊர்சூற்றும் ஆசை தலைதூக்கிய போது - "Fleetway-க்கு மறுக்கா போலாமா ?" என்று அனுமதி கோரி டில்லி ஏஜெண்டுக்கு கேட்டு வைத்தேன் ! மறுநாள் அவரிடமிருந்து கிட்டிய பதில் என் ஈரக்குலையைப் பதறச் செய்தது இன்றும் நினைவுள்ளது ! "ஒரு வாரயிறுதியின் போது கட்டிடத்திலிருந்த தண்ணீர் பைப்கள் வெடித்து வைக்க, நிலவறை முழுசும் தண்ணீர் கட்டி விட்டதால் - அங்கிருந்த records கிட்டத்தட்ட முக்கால் பங்குக்கு மேல் நீரில் மிதந்து போச்சாம் !!" என்று பதில் வந்தது !! அதனுள் இன்னமும் நாம் ரசித்திரா முத்துக்கள் எத்தனை புதைந்து கிடந்தனவோ - ஆண்டவனுக்கே வெளிச்சம் !! ஒரு மாதம் வரைக்கும் மனசே ஆறவில்லை அந்தத் தகவல் தெரிந்தது முதலாய் !! All good things must come to an end I guess !!

இன்றைக்கு - எக்கச்சக்க ஆண்டுகள் கடந்திருக்கும் நிலையில் Fleetway நிறுவனமும் மூன்று முறை கைமாறிய பிற்பாடு - புதிதாய் வாங்கியிருக்கும் நிறுவனமானது அரும்பாடுபட்டு பழைய கதைகளை சேகரித்து, அவற்றையெல்லாம் மேம்படுத்தி, டிஜிட்டல் கோப்புகளை பத்திரப்படுத்தும் பணியை முனைப்போடு செய்து வருகிறார்கள் ! சமீபத்தில் நாம் வெளியிட்ட ACTION SPECIAL அதன் பலனே !! ஒரு சகாப்தம் அந்தக் கால கட்டத்தோடு நின்று போயிடாது, நிரந்தரமாய்த் தொடர்ந்திட அவர்கள் செய்து வரும் முயற்சிகள் ரொம்பவே நிறைவைத் தருகிறது ! மெது மெதுவாயே இந்த முயற்சிகள் வெற்றி கண்டிட முடியும் !! அவற்றின் மீது நமக்கு இன்னமும் மையல் உள்ளதோ, இல்லையோ - நம்மையெல்லாம் கற்பனையெனும் சோலைக்குள் இட்டுச் சென்ற அந்த அசாத்திய ஆக்கங்களை மீட்டிடும் முயற்சி வெற்றி காண வாழ்த்துவோமே !! Back to the present folks.......

எப்போதுமே நமக்கொரு சுவாரஸ்ய மாதமாய் அமைந்து வந்துள்ள ஜூலை - 35 ஆண்டுகளாகியும் அந்தப் பழக்கத்தினை விட்டுத் தந்திருக்கவில்லை !! இதோ - சிறுகச் சிறுகப் பதிவாகி வரும்  உங்களின் இம்மாத அலசல்களின் துவக்கம் all is well with this July too என்பதைச் சுட்டிக்காட்டி வருகிறது ! உங்களில் நிறையப் பேர் டப்பியை உடைத்து புக்குகளின் அட்டைப்படங்களை ரசிக்கும் கட்டத்தைத் தாண்டியிருக்க மாட்டீர்கள் என்பதில் ரகசியங்களில்லை தான் ! But still இது வரைக்கும் உட்புகுந்து இதழ்களை வாசிக்க நேரம் ஒதுக்கியுள்ள  நண்பர்களின் அபிப்பிராயங்கள் நிறையவே பாசிட்டிவ் ரகம் என்பதை ஒரு உற்சாகமூட்டும் குறியீடாய்ப் பார்த்திடுகிறேன் !! லக்கி லூக் ஆல்பங்கள் எப்போதுமே ஜாலியான K.S .ரவிக்குமார் ; சுந்தர் C படங்களை போல பொழுதுபோக்குக்கு உத்திரவாதமானவை என்பதால் லயனின் 35-வது ஆண்டுமலரைப் பற்றி ரொம்பவெல்லாம் தலையைப் பிய்த்துக் கொள்ளவில்லை !  ஹார்ட்கவர் பைண்டிங் ; அட்டைப்படங்களில் நகாசு வேலைகள் ; ஒன்றுக்கு, இரண்டாய்க் கதைகள் என்றெல்லாம்  கூடுதலாய் ப்ளஸ் பாயிண்ட்கள் இருந்திட, இந்த இதழை எப்படியும் கரை சேர்த்துவிடுவீர்கள் என்ற நம்பிக்கை எனக்கிருந்தது ! எனது சுவாரஸ்யமே - இதர 2 இதழ்கள் சார்ந்தது !!

*நீரில்லை..நிலமில்லை..!
*நித்திரை மறந்த நியூயார்க் 

இந்த 2 ஆல்பங்களை வாசிக்கவும் நேரமெடுத்துக் கொண்டு கொஞ்சம் சொல்லுங்களேன் உங்களின் அபிப்பிராயங்களை !!

அப்புறம் முக்கிய விஷயத்தை மறந்து விடக்கூடாதல்லவா ? Caption போட்டியில் வெற்றி கண்டுள்ள 2 நண்பர்களும் ஈரோட்டில் நமது Guests ஆக இருந்திடுவர் !! அவர்களை ஈரோட்டுக்கு அழைத்து வருவது முதல், தங்கிட, திரும்பிச் சென்றிட என all ஏற்பாடுகள் கம்பெனியின் பொறுப்பே ! பொருளாளர்ஜியைக் கடத்தி வரும் ஏற்பாட்டை யாரேனும் ஏற்றுக் கொண்டால் - செலவினங்களை நாம் ஈடு செய்திடலாம் ! நண்பர் கார்த்திகேயன் ஒரு மின்னஞ்சல் ப்ளீஸ் - உங்கள் வயது + முகவரியோடு !! டிக்கெட்கள் உங்களைத் தேடி வந்திடும் வெகு விரைவிலேயே !!

And மேற்படி நண்பர்கள் தவிர்த்த இதர நண்பர்களும் ஈரோட்டுக்கு டிக்கெட் போட்டாச்சா ? என்று தெரிந்து கொள்ள ஆவல் ! சென்றமுறை போலவே மதிய உணவும் அரங்கிலேயே என்பதால் அன்றைய தினக் கிடாவிருந்து முன்னேற்பாடுகளை ஒரு நாளுக்குத் தள்ளிப் போட்டுக் கொள்ளக் கோருகிறேன் !! Please folks - visit with family if possible !!

Bye guys for now !! Have a cool Sunday ! See you around !!

நித்தமொரு யுத்தம்  preview !!

ஒரு சனியிரவின் சிந்தனைகள்...!

நண்பர்களே,

வணக்கம். நாளைய பொழுது நம் உலகக்கோப்பை எக்ஸ்பிரஸின் அதிமுக்கியப் பயண நாளெனும் போது - டி.வி.பொட்டிகளைத் தாண்டி வேறெங்கும் கவனம் தர நேரமோ, முனைப்போ யாருக்கும் இராதென்பது உறுதி ! So இன்றைய பதிவை இயன்றமட்டிற்கு short 'n crisp ஆக்கிட முனைவேன் !!

First things first.... ஜூலை இதழ்கள் சகலமும் திங்களன்று கூரியரில் கிளம்பிடுகின்றன ! இம்முறை ஹார்ட்கவர் இதழின் பைண்டிங்கிற்கு நிறையவே நேரம் எடுத்துக் கொண்டது ஒரு பக்கமெனில், "நீரில்லை..நிலமில்லை.." இதழின் எடிட்டிங் பணிகளிலும் நேரம் ரொம்பவே விரயமாகிப் போனது இன்னொரு பக்கத்து சங்கடம்  ! ஒரு மாதிரியாய் எனக்குத் தெரிந்த மாற்றங்களை / திருத்தங்களை கதை நெடுகச் செய்து முடித்து - இதழினை அச்சுக்கு அனுப்புவதில் நேர்ந்த தாமதம் - அதன் பைண்டிங்கிலும் பிரதிபலித்தது ! அடர்வர்ண உட்பக்கங்கள் சகலத்திலும் ஏகமாய் குடிகொண்டிருந்த இங்க் காய்ந்திடவே 2 நாட்கள் காத்திருக்க வேண்டிப் போனது ! So இன்றைக்கு செய்திட எண்ணியிருந்த டெஸ்பாட்ச்சை திங்களுக்கு தள்ளிப் போட்டுள்ளோம்  ! Sorry guys !!

வாரநாளில் இதழ்கள் கைக்குக் கிட்டும் போது நம்மில் பலருக்கும், அவற்றை வாஞ்சையாய்ப் புரட்டிப் படம் பார்க்கவே நேரம் பற்றாது என்பதில் இரகசியங்கள் நஹி ! So "வார நாள் பிசி - காமிக்ஸ் வாசிப்புக்கு நேரத்தைத் தேடும் படலம்" என்ற தவிர்க்க இயலாச் சுழலினுள் இம்மாதம் கால்பதித்திருக்க - அதையே இவ்வாரத்து அலசலின் தலைப்பாக்கினால் என்னவென்று நினைத்தேன் ! 

Light Reading !! சில வாரங்களுக்கு முந்தைய பதிவினில் இது பற்றி மேலோட்டமாய் உச்சரித்திருந்தேன் ! And நீங்களுமே அதற்கு வித விதமாய் ரியாக்ட் செய்திருந்தீர்கள் ! ஒரு சாவகாச நாளில் சற்றே விரிவாகப் பேசிக்கொள்ளலாமே என்ற நினைப்பில் உங்களின் பின்னூட்ட அபிப்பிராயங்களுக்கு பதிலளிக்க நான் முனைந்திருக்கவில்லை ! Maybe அந்த சாவகாச நாள் இன்று தானோ ? 

தமிழின் மூத்த அறிஞர் செந்தில் சொன்னது போல "பூவைப் பூன்னும் சொல்லலாம் ; புய்ப்பம்னும் சொல்லலாம் தான் !" So "இலகுரக வாசிப்பு" என்றும் light reading-க்கு அர்த்தம் எடுத்துக் கொள்ளலாம் ; "பருமன் குறைவான இதழ்கள்" என்ற சராசரிப் பொருள் தந்தும் பார்த்துக் கொள்ளலாம்  ; "நிறைய ஈடுபாட்டோடு படிக்க அவசியப்படா சுலபக் கதைக்களங்கள் கொண்ட புக்ஸ்" என்றும் எடுத்துக் கொள்ளலாம் ! நீங்கள் எம்மாதிரியாக அர்த்தப்படுத்திக் கொண்டாலும் - அவற்றினூடே இழையோடும் ஒற்றை ஒற்றுமை : "ரிலாக்ஸ்டாகப் படிக்கவல்ல கதைகள்" என்பதாகவே நான் பார்த்திடுகிறேன் ! I might be right...might  be wrong too !! But just my two cents !!

"குண்டூ புக்ஸ் வேண்டும்....கலந்து கட்டிய ஸ்பெஷல்ஸ் வேண்டும்" என்ற குரல்கள் அவ்வப்போது கேட்டு வருவது நாமறிந்ததே ! ஆனால் மெய்யாகவே கனமான இதழ்கள் வெளியாகும் சமயங்களில், அவற்றினுள் ஏக் தம்மில் மூழ்கிடும் முனைப்பும், அவகாசமும் நம்மில் எத்தனை பேருக்கு இப்போதெல்லாம் உள்ளதென்பதே எனது வினா ! மே மாதம் இதற்கொரு classic example !! பராகுடா ; ட்யுராங்கோ ; தனியொருவன் - என 3 மெகா ஹெவிவெயிட்ஸ் ஒரே மாதத்தில் தற்செயலாய் கூட்டணி போட்டுக் களமிறங்க - கூரியர் டப்பியின் கனமே மிரட்டியது ! முன்னொரு காலத்தில் நீங்களெல்லாம் Annual விடுமுறையில் இருக்கும் பாலகர்களாய் இருக்கும் நாட்களில், இத்தகையதொரு முரட்டு விருந்து பரிமாறப்பட்டிருப்பின் - சும்மா வூடு கட்டி அடித்திருக்க மாட்டீர்களா - என்ன ?! ஆனால் இன்று பள்ளி போகும் பிள்ளைகளைப் பராமரிக்கும் பெற்றோர்களாய் நம்மில் பெரும்பான்மை புரமோஷன் கண்டிருக்க - இதழ்களைத் தடவி, உச்சி மோர்ந்திடத் தானே நேரம் கிட்டியது மே மாதத்தினில் ? Of course காலவோட்டம் நம் கைகளில் திணித்திடும் பொறுப்புகளுக்கு முன்னுரிமை தந்திட வேண்டியது தலையாயம் என்பதில் மாற்றுக் கருத்துக்களே இருக்க முடியாது ! எனது கேள்வியெல்லாம் இது தான் : 

*மாயாவியை ரசித்தவர்கள் டெக்ஸுக்குத் தாவினோம் !

*ஜனரஞ்சகத்தை ரசித்தவர்கள் லார்கோவின் பண சாம்ராஜ்யத்தை ரசிக்கும் ஆற்றலைப் பெற்றோம் !

*நேர்கோட்டுக் கதைகளே மார்க்கம் என்றிருந்தவர்கள் XIII-ஐ ஆராதிக்கும் பக்குவம் பெற்றோம்!

*"கி.நா" என்றால் "கிராதக நாவல்" என்று பொருள் சொல்லி நகைத்த நாமே இன்றைக்கு அவற்றிற்கொரு தனித் தடத்தைத் தந்து கொண்டாடுகிறோம் !!

இவை எல்லாமே அகவைகளின் முன்னேற்றத்தோடு கை கோர்க்கும் ரசனைகளின் முன்னேற்றமென்று புரிந்து கொள்கிறோம் ! அதே ரீதியில் பார்த்தால்,வயதுகளின் முன்னேற்றங்களோடு பொறுப்புகள் கூடிப் போகும் தருணங்களில், அதற்கேற்ப கொஞ்சம் light reading-க்கு வகை செய்வதும் அவசியமாகிடாதா என்பதே எனது சந்தேகம் ! "கிழிஞ்சது போ....புக் எண்ணிக்கைக்கு இனிமேல் கத்திரியா ? " ; "கிராபிக் நாவல்களுக்கு இனி பீப்பீபீ தானா ?" "குண்டு புக்ஸ் இனி கோவிந்தா - கோவிந்தா தானா ?" என்ற ரீதியிலான சந்தேகங்களுக்கு இங்கே அவசியமில்லை people ....ஏனெனில் நான் கேட்க முனைவதெல்லாமே - உங்கள் வாசிப்பில் சமீப நாட்களில் எறியுள்ள கனத்தை சற்றே மட்டுப்படுத்திக் கொள்ள வேண்டுமா ? என்ற கேள்வியினை மட்டுமே !! 

பராகுடா மாதிரியானதொரு இதழையே இங்கொரு case study ஆக்கிக் கொள்வோமே ?  ரொம்பவே intense ஆன ஆல்பம் அது என்பதில் no doubts at all !! நாக்கார் தொங்க  ஆபிசிலிருந்து வீடு திரும்பும் மாலையினில்  பராகுடாவைப் பார்த்த கணத்தில் WoW என்று தோன்றிடலாம் ; ஆனால்..ஆனால்... எடுத்துப் புரட்டி அதனுள் ஆரவாரமாய்ப் புகுந்திடும் 'தம்' நம்மில் எத்தனை பேருக்கு இன்றைக்கு சாத்தியப்படுகிறது ? பிள்ளைகளுக்கு ஹோம்ஒர்க் போட ஒத்தாசை செய்திடும் சமயம், புக்கைத் தூக்கி வைத்துக் கொண்டு சத்தமின்றி கீன்-பிலேமையும் ; ராபியின் காதலியையும் 'கலைக்கண்ணோடு' ரசிப்பதைத் தாண்டி வேறென்ன செய்ய முடிகிறது இந்த ஓட்டமோ-ஓட்ட நாட்களில் ? சரி, ஒரு சாவகாச ராவில் படிக்கலாமென்று தலைமாட்டில் புக்கைப்  பதுக்கி வைத்தால் - ஏழாம் பக்கத்தைத் தொடும் முன்பாய் எட்டுக் கொட்டாவிகள் விட்டம் வரை விரியும் போது, வென்றிடக் கூடியது பராகுடாவா ?  தூக்க தேவதையா ? என்ற பட்டிமன்றம் எழுகிறது ! அட.. பயணங்களின் போது படிக்கலாமே என்று பத்திரமாய் பெட்டிக்குள் புக்கைப் பேக் செய்த கையோடு பஸ்ஸிலோ / ரயிலிலோ ஏறினால், காதில் மாட்டிய earphones வழியே குவிந்து தள்ளும் Youtube வீடியோக்களும், troll-களும் - வேறெதெற்கும் நேரம் தரா கிங்கரர்களாய் கோலோச்சுகின்றன !!  இத்தனைக்கும் மத்தியில் நேரம் ஒதுக்கி நமது இதழ்களை  படிப்பது மாத்திரமன்றி, அலசவும்  இயல்கிறதெனில் அது நிச்சயமாய்  உங்களின் காமிக்ஸ் நேசத்துக்கொரு அட்டகாச testimony என்பதைத் தாண்டி வேறென்ன ?!! Take a bow all you busybees !! 

அதே நேரம் மேஜையில் கிடக்கும் இதழ் ஒரு crisp டெக்ஸ் வில்லர் கதையாய் இருந்தாலோ ; ஒரு கலர்புல் லக்கி லூக்காய் இருந்தாலோ ; ஒரு ஜாலியான டாக்புல் கூத்தாய் இருந்தாலோ - "சித்த நேரம் ரிலாக்ஸ் பண்ணிக்கிறேனே !!" - என்றபடிக்கு புக்கைப் பர பரவென வாசிக்கும் வாய்ப்புகள் ஜாஸ்தி தானே ? So மாதந்தோறும் உங்கள் வாசிப்பினில் இருக்கும் கனரக இதழ்களின் கோட்டாவை மட்டுப்படுத்தி விட்டு, இலகுரக தேர்வுகளை அதிகப்படுத்துவது ஒரு practical தீர்வாய் இருக்குமா ? என்பதே எனது கேள்வி !! மாதந்தோறும் மூன்றோ / நான்கோ  இதழ்கள் எனும் பட்சத்தில் - ஒன்றே ஒன்று மட்டும் அழுத்தமான வாசிப்புக்கென இருந்துவிட்டு, பாக்கி அனைத்தும் ஜாலி reads என்றிருப்பின் உங்கள் பாடுகள் சற்றே லேசாகிடுமோ ? 

எனது பார்வையில் (I repeat - எனது பார்வையில் மட்டும்) light reading-க்கு qualify ஆகிடக்கூடிய கதைகள் / தொடர்கள் கீழ்க்கண்டவாறு :

• டெக்ஸ் வில்லர்
• கேப்டன் டைகர் (மார்ஷல் அல்ல !!)
• லக்கி லூக்
• சிக் பில்
• மாயாவி & மும்மூர்த்தியர்
• ஹெர்லாக் ஷோம்ஸ்
• மேக் & ஜாக்
• ட்யுராங்கோ 
• ரின்டின் கேன்
• ஜில் ஜோர்டான்

கொஞ்சமாய்  மெனக்கெடல் அவசியமாகிடும் medium reading பட்டியல் :

• லார்கோ வின்ச் 
• வேய்ன் ஷெல்டன் 
• ப்ளூ கோட் பட்டாளம்
• ட்ரெண்ட்
• மாடஸ்டி 
• CID ராபின் 
• டைலன் டாக் 
• ஜேம்ஸ் பாண்ட் 007 
• கர்னல் கிளிப்டன் 
• லேடி S 
• தோர்கல்

நிறைய நேரம் & ஈடுபாட்டோடு கரைசேர்ந்திட வேண்டிய கதைகள் / தொடர்கள் :

• Most கிராபிக் நாவல்கள்
• மர்ம மனிதன் மார்ட்டின்
• Criminologist ஜூலியா
• ரிப்போர்ட்டர் ஜானி 
• XIII & spin-offs
• கமான்சே 
• Lone ரேஞ்சர் 

Point to Ponder # 1 ****இந்தப் பட்டியலின் சாராம்சம் ஓரளவுக்கேனும் ஓ.கே. என்றிருப்பின், ஒரே மாதத்தில் ஒன்றுக்கு மேற்பட்ட heavyweights category இதழ்கள் இடம்பிடித்திடக் கூடாதென்று இனி அட்டவணைத் திட்டமிடலின் போது கவனமாயிருந்திட வேண்டுமோ ?! 

Point to Ponder # 2 ****அதே போல - "variety" என்ற ஒற்றைக் காரணத்தின் பொருட்டு மித நாயகர்களை மாதா மாதம் கண்ணில் காட்டுவதற்குப் பதிலாய் -  படிக்கும் ஆர்வத்தைத் தூண்டக்கூடிய நாயகர்களுக்கு ஒன்றுக்கு மேற்பட்ட slots கொடுத்தாலும் தப்பில்லை என்றும் எடுத்துக் கொள்ளலாமோ ? Maybe அட்டவணையில் கலர் கலராய் ; கலக்கலாய் ; ஏகமாய் நாயகர்கள் தென்படாது போகலாம் ; ஆனால் மாதம்தோறும் கூரியரைப் பிரிக்கும் போது உருவாகிடக்கூடிய உற்சாகம் அதற்கு ஈடு செய்துவிடுமோ ?

Point to Ponder # 3 ****Last but not the least - கலர் டெக்ஸ் இதழ்கள் வெளியாகும் ஒவ்வொரு மாதமும் அவை ஈட்டிடும் வெற்றியின் பின்னே ஒரு சேதி ஒளிந்துள்ளதோ ? வாசிக்கப்படுவதில் முதலிடம் ; சிலாகிக்கப்படுவதிலும் முதலிடம் என்பதன் பின்னணியில் - TEX எனும் ஜாம்பவானின் நிழலைத் தாண்டி அந்தக் கதைகளின் நீளத்துக்கும் ஒரு பங்கிருக்கக் கூடுமோ ? Maybe in the days to come - ஒரு கலர் டெக்ஸ் ; அல்லது அத்தகைய crisp வாசிப்புக்கான மினி புக்ஸ் மாதாமாதம் தலைகாட்டல் அவசியமோ ? 200+ பக்கங்கள் எனும் போது - "இதை படிக்க உருப்படியாய் நேரம் கிடைச்சால் தான் ஆச்சு !" என்ற மெல்லிய தடை மனசில் அனிச்சையாய் உருவாகிடுவது புரிந்து கொள்ளக்கூடியதே ! அதே சமயம் மெகா சீரியல் போலின்றி, 'சிக்'கென்று மினி வெப் சீரிஸ் போலான இதழ்கள் மாதந்தோறும் தலைகாட்டின் - நம் சுலப வாசிப்புக்கு உதவிடக்கூடுமோ ? 

இவை சகலமும் எனக்கு ஒற்றை மாதத்து நிகழ்வுகளின் தொடர்ச்சியாய்த் தோன்றிய எண்ணங்களல்ல ! மாறாக - over a period of time உங்களோடு செய்திடும் பயணத்தில் எனக்குப் புலப்பட்ட  சமாச்சாரங்கள் என்று சொல்லலாம் ! பதிவின் துவக்கத்தில் சொன்னது போல - I may be right on this...I might be wrong too !! ஆகையால் இவை சகலமும் ஒரு உரத்த சிந்தனையின் சாராம்சமே தவிர்த்து - நாளையே நடைமுறை காணவிருக்கும் தீர்மானங்களின் முதற்புள்ளியாய்க் கருதிட துளியும் தேவையில்லை ! There will be no knee jerk reactions guys ; அதனால் நீங்களும் "நல்லாத் தானே போய்க்கிட்டிருந்தது....? நோண்ட அவசியமென்ன வந்துச்சு ?" என்ற ரீதிகளில் பொங்கிட அவசியமே நஹி ! நிதானமாய்ப் படித்த பின்னே எங்கே என் அபிப்பிராயங்களோடு ஒத்துப் போகிறீர்கள் ?  ; எங்கே எனது பார்வைகளோடு மாறுபட்டு நிற்கிறீர்கள் என்று சொல்லிட முனைந்தால் மகிழ்வேன் ! நாயக / நாயகியரை நான் அடைத்துள்ள பட்டியல்கள் சரி தானா ? என்றும் சொல்லலாம் ! புதுசாயொரு ஆண்டுக்கான திட்டமிடலில் fine-tuning செய்திட உங்கள் அலசல்கள் இக்ளியூண்டுக்கு உதவினாலும் ; முன்செல்லும் பாதைக்கு எது உதவிடக்கூடும் என்ற புரிதல் இம்மியூண்டு விசாலப்பட்டாலுமே, அது நமக்கெல்லாம் பலன் தரும் தானே ? So just thinking aloud on a Saturday night !! 

Bye folks....have a lovely weekend ! See you around !!

ஈரோடு எக்ஸ்பிரஸ்  - "பிஸ்டலுக்குப் பிரியாவிடை" previews !! 

இடியாப்பம் 2.0..!

நண்பர்களே,

வணக்கம். அனுபவம் மகத்தான ஆசான் என்பார்கள் !! அனுபவம் கற்பிக்கும் பாடங்கள் ஆயுசுக்கும் நிலைக்கும் என்றும் கேள்விப்பட்டிருக்கிறேன் ! ஆனால் அந்த ஆசான் குடியிருக்கும் தெருப் பக்கமோ ;  அவரது பாடங்கள் அரங்கேறும் பள்ளிக்கூடம் பக்கமோ நான் தலைவைத்துக் கூடப் படுத்ததில்லை என்பதை அவ்வப்போது எனக்கு நானே ஊர்ஜிதம் செய்து கொள்வதுண்டு ! அதன் லேட்டஸ்ட் episode கடந்த 10 நாட்களின் பெரும்பான்மையை விழுங்கியதே மகா கொடுமை ! அதுவும், ஆகஸ்டில் ஈரோட்டுக்கென ஒரு அம்பாரம் இதழ்களைத் தயார் செய்திட வேண்டிய நெருக்கடிக்கு மத்தியினில் கடந்த 10 நாட்களின் கூத்துக்கள் ஓவரோ ஓவர் என்பேன் !! என்ன விஷயம் என்கிறீர்களா ?

ஒவ்வொரு ஆண்டிலும் அட்டவணைத் தேர்வுப்படலம் நடந்தேறும் சமயம் முந்தைய ஆண்டுகளின் பணி சார்ந்த அனுபவங்களை ஓசையின்றி நடைமுறைக்கு கொணர விழைவதுண்டு ! "எல்லாமே smooth sailing தான் ; சும்மா எல்லாத்தையும் போட்டுத் தாக்கி விட்டேன்" என வெளியே தெனாவெட்டாய் பீலா விட முனைந்தாலும், அந்தந்த ஆண்டுகளின் ஓட்டத்தின் போது, சிலபல அல்பங்களின் பணிகளில் நாக்கைக் கொண்டு தெருவைக் கூட்டிய அனுபவங்களெல்லாம் அடிமனதில் 'பளிச்' என்றே குந்திக் கிடக்கும் ! மர்ம மனிதன் மார்டினின் "கனவின் குழந்தைகள்" ; "இனியெல்லாம் மரணமே" ; "வானமே எங்கள் வீதி" ; ஒரு சிப்பாயின் சுவடுகள்" ; அண்டர்டேக்கர் ;  "நிஜங்களின் நிசப்தம்" ; போன்ற கதைகளெல்லாம் குப்புறப் போட்டு ரோடு ரோலரை மேலேற்றிப் பிதுக்கி எடுத்த taskmasters !! So குறிப்பிட்ட நாயகரின் கதைகள் / குறிப்பிட்ட ஜானர்கள் / குறிப்பிட்ட தொடர்கள் - சிரத்துக்கும்,சிரத்தின் மீதுள்ள சொற்பத்துக்கும் செம ஆபத்தானவை என்பதைச் சன்னமாய்த் தலைக்குள் ஒரு நோட் போட்டு வைத்திருப்பேன் ! மறு ஆண்டில் கதைகள் தேர்வு செய்திட முனையும் போது - இயன்றமட்டிலும் கொஞ்சம்  சுலபக்களங்களை நாடிட மனசு பறக்கும் ! அதாவது - முருங்கை மரத்தில் ஏறும் முன்பான மனசு !! 

ஆனால் ஏதேனும் ஒரு புது கேட்லாக்கைப்  பார்த்தாலோ ; புதியதொரு ஆல்பத்தின் டிரெய்லரைப் பார்த்தாலோ ; புதிதாய் நெட்டில் ஏதேனும் அலசல்களை ரசித்தாலோ - "சலோ முருங்கை மரம் !!" தான் ! அதுவரையிலும் பட்ட சூடுகளை மறந்து ; அதுவரைக்கும் எழுத்திலும், எடிட்டிங்கிலும் போட்ட மொக்கைகளை மறந்து விட்டு - "வாடி செல்லக்குட்டி !!" என்று புதுக் கதையை அரவணைத்து விடுவதே வாடிக்கை ! அப்புறமாய் அந்தக் கதையோடு மல்லுக்கட்டும் போது - 'குத்துதே...குடையுதே !!" என்ற நெளிதல் படலமுமே வாடிக்கை !! அதன் latest அனுபவம் - காத்திருக்கும் "நீரில்லை...நிலமில்லை !" 

ஒன்றரை ஆண்டுகளுக்கு முன்பாய் நமது படைப்பாளிகளிடமிருந்து, "சமீபத்து இதழ்களது  ரிலீஸ்கள் சார்ந்த previews" என்று ஒரு வண்டி தொடர்கள் பற்றிய pdf files மின்னஞ்சலில் வந்திருந்தன ! அத்தனையையும் சாவகாசமாய்ப் பராக்குப் பார்த்துக் கொண்டிருந்த வேளையில் என் கவனத்தை ஈர்த்த சிலபல one shots அதனுள் இருந்தன ! அவற்றை ஒரு பட்டியலிட்டுக் கொண்டு, நெட்டில் அலசிய போது - சில 'பவர் ஸ்டார்' கதைகளும் எனது லிஸ்டில் இருப்பது புரிந்தது ! பிரெஞ்சு ரசிகர்களே அவற்றை surf excel போட்டு துவைத்தெடுத்திருந்தனர் ! So பட்டியலிலிருந்து அதையெல்லாம்  அடித்த பிற்பாடு தேறி நின்றவை இரண்டே கதைகளே ! ஒன்று "நீரில்லை..நிலமில்லை" என்ற பெயரில்  ஜூலையில் நாம் சந்திக்கவுள்ள இதழும், SYKES என்ற ஜம்போ சீசன் 2-வின் ஒரு தேர்வுமே !! பின்னது ஒரு கௌபாய்க் களமென்பதால் அது சார்ந்த தீர்மானம் செய்வது பெரியதொரு கம்பு சுத்தும் கஷ்டமாக இருக்கவில்லை ; சீக்கிரமே டிக் அடித்து வைத்தேன் ! ஆனால் "நீரில்லை..நிலமில்லை" கதையோ கொஞ்சம் வித்தியாசமாய் இருக்கக் கண்டேன் ! நவீன ரகத்திலான கதை ; கொஞ்சம் கண்ணுக்குக் குளிர்ச்சியான artwork (!) என்று தென்பட, நெட்டில் அது பற்றிய விமர்சனங்கள் அவ்வளவாய்த் தட்டுப்படவில்லை ! So படைப்பாளிகளிடமே வினவி வைத்தேன் - என்ன மாதிரியான கதை ? பிரெஞ்சில் என்ன மாதிரியான வரவேற்புக் கிட்டியது ? என்ற ரீதியில் ! இங்கொரு சிறு இடைச்செருகலுமே :

பொதுவாய் நான் குடலை உருவும் ரேஞ்சுக்கு இதர மொழியினில் கதைகளை வெளியிடும் பெரும் பதிப்பகங்களெல்லாம் கேள்வி கேட்பார்களா ? என்பது எனக்குத் தெரியாது ! ஆனால்  "இந்தியா" எனும் அசாத்திய தேசத்தின் ஒரு துக்கனூண்டுப் பிரதிநிதியாய்  மண்டையைக் காட்டி வரும் எனது 'தொண தொண' கேள்விகளை பொறுமையோடே அணுகுவார்கள் !! நமக்குத் தான் "இந்த வண்டி எவ்ளோ லிட்டர் குடுக்கும் ?" ; "இந்தப் படம் எவ்ளோ வசூல் பண்ணுச்சு ?" ; "அந்த அஜலகுஜாலாம்பாள் நடிகை எவ்ளோ சம்பளம் வாங்குச்சு ? என்ற ரீதியிலான உலகைப் புரட்டிப் போடவல்ல புள்ளிவிபரங்கள் மீது ஓயாத காதலாச்சே ? So படைப்பாளிகளிடம் நான் முன்வைக்கும் பிரதான கேள்வியே - "இது எவ்ளோ ஆல்பம் அச்சிட்டீங்க ? எவ்ளோ விற்பனையாச்சு ?" என்று இருப்பது வாடிக்கை ! நாம் மூக்குப்பொடி மட்டை அளவிலான சர்குலேஷனோடு வண்டியோட்டுவது அவர்கட்கு நன்றாகவே தெரியும் தான் ; 'அட...இந்த இலட்சணத்தில் உன் புழைப்பைப் பாக்குறே வழியை விட்டுப்புட்டு எங்க விற்பனையைத் தெரிஞ்சுக்கிட்டு என்ன ஆணி பிடுங்கப் போறே ?" என்று கேட்டார்களெனில் அதனில் பரிபூரண லாஜிக்கும் இருக்கும் தான் ! ஆனால் புன்னகையோடே எனது அறிவுப்பசிக்கு (!!!) தீனி போடுவார்கள் ! "இரத்தப் படலம்" பல லட்சங்களில் ; லக்கி லூக் - again லட்சங்களில் ; லார்கோ : லட்சத்தினில்...என்று சொல்லும் போது  பூசணிக்காயே நுழையும் அளவுக்கு அலிபாபா குகையாய் என் வாய் விரிந்து கிடக்கும் ! "ஆக எல்லாமே லட்சத்தில் போலும் !!" என்று நினைத்துக் கிடந்தவனுக்கு , சற்றே low profile கதை நாயகர்களின் விற்பனை பற்றிய நிலவரம் தெரிந்த போது ரொம்பவே ஷாக் !! நம்மிடையே கொஞ்ச ஆண்டுகள் முன்பாய் செம ஹிட்டடித்ததொரு கலர் கி.நா ஒன்றின் ஒரிஜினல் பிரெஞ்சு சேல்ஸ் - "TEN THOUSAND !!" என்று அவர்கள் சொல்லக்கேட்ட போது காதைக் குத்தி விட்டுக் கொள்ளவே தோன்றியது ! மெய்யாலுமே சின்ன சேல்ஸ் கொண்ட நாமெல்லாம் தனித்து இல்லை போலும்  - என்பது மேலும் புரிய வந்தது - நாம் இதுவரையிலும் வியாபாரம் செய்திரா இன்னொரு பிரெஞ்சுப் பதிப்பகம் தாங்கள் பொதுவாய் அச்சிடுவதே 5000 பிரதிகள் தான் என்பதை Frankfurt-ல் அவர்கள் வாயாலேயே சொல்லக் கேட்ட சமயத்தில் !!

So வழக்கம் போல ஓட்டை ரெகார்டுக் கேள்வியை நான் முன்வைக்க- "Decent சேல்ஸ் ; முதல் பதிப்பு 15,000 பிரதிகள் விற்றுள்ளது ! அப்புறம் இதுவொரு 2 பாக மிஸ்டரி த்ரில்லராக்கும் ; இரண்டாம் பாகம் 2018-ல் வெளியாகும் !" என்று பதில் வந்தது !  'அட...டபுள் ஆல்பம் ; ஒரு மர்ம த்ரில்லர் !" என்றால் நமக்கு ஆர்வத்தைக் கிளப்பிடக் கூடியதே - என்ற ஆர்வத்தில் 2018-ல் இதன் இறுதி பாகத்தை மறவாது வாங்கிய கையோடு - நமது மொழிபெயர்ப்பாளரைப் படித்துப் பார்க்கவும் கோரினேன் ! "Seems ok !" என்று அவரும் சொல்ல - 'விடாதே..பிடி...!" என்று உரிமைகளை வாங்கிய கையோடு அட்டவணைக்குள் ஒரு இடமும் கொடுத்து விட்டேன் ! "புது one shot ; கதை நேர்கோடா ? இடியாப்பமா ? என்றெல்லாம் தெரியாதே ; இதை மெயின் சந்தாவுக்குள் அவசரமாய் நுழைக்கத் தான் வேணுமா ? சிம்பிளான ஏதோவொரு ஆக்ஷன் ஆல்பத்தோடு வண்டியை ரிஸ்கின்றி ஒட்டிடலாமே ?" என்று உள்ளிருந்த முன்ஜாக்கிரதை முன்சாமி குரல் கொடுத்தார் ! ஆனால் கட்டைவிரலை கலைநயத்தோடு சூப்பிடும் கடமை கந்தசாமியோ - "ஆங்..அதெல்லாம் பாத்துக்கலாம் !! ; கதை சும்மா மெர்சலூட்டும் வேகத்தில் ஓடுது !!" என்று அன்றைக்குத் தீர்ப்பளித்து விட்டு பஞ்சாயத்தைக் கலைத்துவிட்டார் ! 

நாட்களும் ஓடின ; ஆண்டின் மைய்யமான பகுதியில் இதற்கு slot ஒதுக்கப்பட்டிருக்க - இதர வேலைகளில் வண்டி ஓடிக் கொண்டிருந்தது ! So இதை பற்றி மறந்தேயும் போயிருந்தேன் ! ஏப்ரல் / மே மாத ரேஞ்சில் இதற்கான பணியினைக் கையிலெடுக்க வேண்டிய தருணம் நெருங்கிய சமயம் நானோ லோன் ரேஞ்சர் ; பராகுடா ; கிராபிக் நாவல் போன்ற கொஞ்சம் குண்டூ பணிகளுக்கும் புதைந்து கிடந்தது மாத்திரமன்றி, சுகவீனத்தால் ஓய்விலும் இருந்தேன் ! So இதனை மொழிபெயர்க்கும் பணியினை திரு.கருணையானந்தம் அவர்களிடம் ஒப்படைத்து விட்டு, மறுக்கா மறந்தே போயும் விட்டேன் ! அவரும் எழுதி அனுப்பிட, நம்மவர்களும் சூட்டோடு சூடாய் DTP செய்து ஒன்றரை மாதங்கள் முன்பாகவே என்னிடம் ஒப்படைத்திருக்க - வீட்டிலுள்ள எனது மேஜையில் அதுபாட்டுக்கு குறட்டை விட்டுக் கிடந்தது ! 'அட...மர்ம த்ரில்லர் தானே ? நேர்கோட்டுக் கதையாய்த் தானிருக்கும் ; கொஞ்சமாய் மெனெக்கெட்டால் வேலையாகிடும் !!' என்ற தெனாவட்டில் 10 நாட்களுக்கு முன்வரைக்கும் அதைக் கையில் தொடவே இல்லை !! Finally ஒரு சாவகாச சுபயோக சுப தினத்தில், 108 பக்கங்கள் கொண்ட இந்த டபுள் ஆல்பத்தைப் புரட்டத் துவங்கிய போது மெது மெதுவாய் இருக்கையில் நெளிய ஆரம்பித்தவன் - சற்றைக்கெல்லாம் வியர்த்து விறு விறுக்க பேய் முழியோடு காட்சி தர ஆரம்பித்தேன் ! ஒரு ரிப்போர்ட்டர் ஜானி பாணியிலான மர்ம த்ரில்லர் - ஆனால் டபுள் இடியாப்பங்களோடு என்று வைத்துக் கொள்ளுங்களேன் !! "தெய்வமே....இந்தாண்டு ஜானி 2.0 என்று ஒரிஜினல் ரிப்போர்ட்டர்  ஜானியைச் சேதமின்றிக் கரையேற்றிய கையோடு - இப்படியொரு புது ஐட்டமா ? " என்று தலையைச் சொறிய ஆரம்பித்தேன் ! 

For starters - நவநாகரீக youth 6 பேர் தான் இந்தக் கதையின் முக்கிய மாந்தர்களெனும் போது அவர்களுக்கான வசனங்களில் பிரயோகத்திலிருந்த கருணையானந்தம் அவர்களின் கிளாசிக் தமிழ் நெருடோ நெருடென்று நெருடியது !! சமகால யூத் - இலக்கியத் தமிழில் பேசினால், கதையின் டெம்போவுக்கு நிச்சயம் உதவிடாது என்பது பக்கங்களைப் புரட்டப் புரட்டப் புரிந்திட, எனது பதட்டம் அதிகமானது !  ஆகஸ்ட் சார்ந்த பணிப்பளு மண்டையில் பிரதானமாய் வீற்றிருக்க - மேஜராய் வசனங்களை மாற்றி எழுத அவகாசமில்லையே என்ற பயம் பக்கத்துக்குப் பக்கம் அதிகமாகிக் கொண்டே சென்றது ! பதட்டமும், குழப்பமும் கைகோர்க்கும் போது மண்டை எங்கே வேலை பார்க்கப் போகிறது ? "இன்னிக்கு ரா முழுக்க கண்முழிக்கறோம் ; தம் கட்டி வேலை பாக்கிறோம் ; ரெண்டே நாளிலே முடிக்கிறோம் !!" என்றபடிக்கு பணிக்குள் புகுந்தால் - "அண்ணாத்தே...அந்த வயசெல்லாம் நீங்க தாண்டி ஏக காலமாச்சு !!" என்று உடம்பு சொல்லத் துவங்கியது ! பற்றாக்குறைக்கு நமது இதர தொழில்முயற்சிகளுக்கும் அந்த வாரம் பிசியாகிட - நாளொன்றுக்கு ஏழோ-எட்டோ பக்கங்களுக்கு மேலே முடிக்கச் சாத்தியப்படவேயில்லை !! இயன்ற இடங்களில் வசனங்களைத் தக்க வைத்துக் கொண்டு ; அவசியமெனப்பட்ட இடங்களிலெல்லாம் முழுசாய் மாற்றும் வேலை துவங்கியது ! இதில் கொடுமை என்னவெனில் - பிரெஞ்சிலிருந்து ஆங்கிலத்துக்கான மொழிபெயர்ப்பிலேயே ஏகமாய் dark areas இருந்தன !! 10 நாட்களாய் அதனோடு மல்லுக்கட்டியும் அதனை நான் முழுமையாய்ப் புரிந்து கொண்டதாய்ச் சொல்ல மாட்டேன் ; so யானையின் வாலா ? தும்பிக்கையா ? என்ற புரிதல் முழுமையாய் இன்றியே கதையினுள் புகுந்து பணியாற்றிய அனுபவம் கடந்த 10 நாட்களில் !!

சனிக்கிழமை காலையில் ஒரு மாதிரியாய் இந்தப் பணிகளுக்கு மங்களம் போட முடிந்த போது நான் விட்ட பெருமூச்சை ஒரு பலூனுக்குள் அடைத்திருப்பின் அது ராட்சச சைசில் இருந்திருக்கும் ! Anyways - ஒரு மறக்க இயலா எடிட்டிங் படலத்தின் இறுதியில் உங்களை சந்திக்கவிருக்கும் "நீரில்லை...நிலமில்லை" இதழினில் ஏகமாய்க் கேள்விகள் தொங்கி நிற்குமென்பதும் ; இந்தக் கதையினை இடியாப்ப ஜானியின் template உடன் ஒப்பிடுவது நிச்சயம் நிகழுமென்பதும் ; நிறைய காதுகளில் நிறைய தக்காளிச் சட்னிப் பிரவாகம் இருக்குமென்பதும் தீர்க்கதரிசி திருநா அவதார் எடுக்காமலே என்னால் ஆரூடமாய்ச் சொல்ல முடிகிறது !! இதோ இந்த இதழின் அட்டைப்பட முதல் பார்வை & உட்பக்க previews !   

முன் & பின் அட்டைகள் ஒரிஜினல்களே ! And உட்பக்க சித்திரங்கள் + கலரிங் செம modern !! திங்களன்று அச்சுக்கு செல்லும் இதுவொரு visual treat ஆக இருக்குமென்ற நம்பிக்கை நிறையவே உள்ளது எனக்கு ! அந்த உட்பக்க previews ஒவ்வொன்றிலும் கேமரா கோணங்களைப் பாருங்களேன் !!!!! 

So ஒரு சுவாரஸ்ய ஜூலை காத்துள்ளதென்று மட்டும் இப்போதைக்குச் சொல்ல முடிகிறது எனக்கு ! அது முதுகில் மத்தளம் கொட்டி விறுவிறுப்பை ஏற்றிடுவதில் எழக்கூடிய சுவாரஸ்யமா ? அல்லது வாசிப்பினில் எழுந்திடவுள்ள சுவாரஸ்யமா ? என்பதை அடுத்த 2 வாரங்களில் தெரிந்திட ஆவலாய்க் காத்திருப்பேன் !!

So இப்போதைக்கு விடைபெறுகிறேன் guys - ஆகஸ்டில் காத்திருக்கும் கத்தையின் சவாலைச் சமாளிக்க வழி தேடிடும் முயற்சியினில் !! Have a blissful weekend !! Bye for now !! 

வானவில்லின் இரு முனைகள்....!!

நண்பர்களே,

வணக்கம். வருண பகவான் மனசு வைத்தால் நாளைய பொழுது ஆசியத் துணைக்கண்டத்தின் முக்கால்வாசிக்கொரு (கிரிக்கெட்) திருவிழாவாகிடும் வாய்ப்புகள் எக்கச்சக்கம் என்பதால் நமது கச்சேரியினை இன்றே வைத்துக் கொள்ளல் நலமென்று நினைத்தேன் ! So here I am !! 

மாதத்தின் ஒரு பாதி நகன்றிருக்க, எதிர்நோக்கியுள்ள ஜூலை பக்கமாய் பார்வையினை ஓட விடுவதில் தப்பில்லை என்று பட்டது ! So நமது ஆண்டுமலர் மாதத்தினை வரவேற்கக் காத்துள்ள இதழ்களின் மீது வெளிச்சத்தைப் பாய்ச்சலாமா folks ? ஜூலை என்ற உடனேயே பிறந்தநாள் கேக்கின் முன்னே குந்தியிருக்கும் சிங்கமும், அது கொணரும் நினைவுகளுமே மனதில் அலையடிப்பது வாடிக்கை ! முழுசாய் 35 ஆண்டுகளுக்கு முன்பாய்த் துவங்கிய பயணம் என்பதைச் சுட்டிக்காட்டும் விதமாய் 35 மெழுகுவர்த்திகள் செருகக்கூடிய கேக்கெல்லாம் கம்பெனிக்கு கட்டுபடியாகாது என்பதால் 35 என்ற நம்பரைப் பெருசாய்ப் போட மட்டுமே முனைந்துள்ளோம் - பொன்னனின் கைவண்ணத்திலான "லக்கி ஆண்டுமலர்" அட்டைப்படத்தினில் !! 

முப்பத்தைந்து ஆண்டுகளுக்கு முந்தைய இதே வேளையில்  - "வருகிறது : லயன் காமிக்ஸ் - "கத்தி முனையில் மாடஸ்டி ! விற்பனையாளர்கள் தேவை !!" என்ற அரைப் பக்க விளம்பரத்தை "கல்கண்டு" வாரயிதழினில் வெளியிடும் பொருட்டு மதுரையில் கடுவன் பூனை போல சுற்றி வந்தது இன்னமும் நினைவிலிருந்து அகலவில்லை ! விளம்பரக் கட்டணமாய் ஒரு ஏஜென்சி ரூ.2000 கேட்க, எனக்கோ 'பக்கோ' என்றிருந்தது !!  நாலு கடை ஏறி இறங்கினாக்கா ஏதாச்சும் சலுகை கிட்டுமோ ? என்ற ஆதங்கம் தலைதூக்கியது !! இறுதியாய் ரூ.1800 -க்கு "சந்திரா பப்லிசிட்டிஸ் " என்ற நிறுவனம் சம்மதிக்க, அவர்களிடம் விளம்பர டிசைனின் நெகட்டிவ்வை ஒப்படைத்து விட்டு ஊர் திரும்பினேன் - பெருசாய் எதையோ சாதித்து விட்ட திருப்தியோடு ! அந்நாட்களில் "கல்கண்டு "சுமார் ஒன்றரை இலட்சம் சர்குலேஷன் கொண்ட இதழ் என்பதால் - கணிசமான enquiries கிட்டுமென்ற நம்பிக்கை எனக்குள் ! அந்நாட்களில் நமக்கென ஒரு புறாக்கூட்டு அலுவலகம் கூடக் கிடையாது ; தந்தையும், அவரது சகோதரர்களும் இயங்கி வந்த ஆபீஸின் ஒரு மூலையில், ஒரேயொரு மேஜை தான் லயன் காமிக்சின் ஆபீஸ் ; பணிக்கூடம் - எல்லாமே ! So விண்ணப்பிக்க விரும்பும் முகவர்களின் தொடர்புக்கெனத் தந்திட்டதும் 04562 - 132 என்ற அந்நாட்களது அவர்களது லேண்ட்லைன் போன் நம்பரையே !! 1984 -ல் அந்தக் கறுப்பு போன் 'ட்ரிங்..ட்ரிங்' என்றாலே ஆபீஸிலிருக்கும்  அத்தனை பேரும் தெறித்து ஓட்டமெடுப்பது வாடிக்கை - simply becos உச்சத்திலிருந்த கடன் தொல்லைகள் காரணமாய், நித்தமும் நயமான அர்ச்சனைகள் செவிகளை சிவப்பாக்கிடுவதுண்டு ! எனக்கோ - 'அடிக்கிற ஒவ்வொரு போனுமே ஏதோவொரு ஊரின் முகவராக இருக்குமோ ?' என்ற பதைபதைப்பு ! So விளம்பரம் வெளியான வெள்ளிக்கிழமையிலிருந்து போனை முதல் ரிங்கிலேயே எடுக்க முனைந்து, காது நிறைய தக்காளிச் சட்னியை வாங்கிக்கட்டிக் கொண்ட படலமே தொடர்ந்தது ! ஹிந்தியிலும், சிங்காரச் சென்னையின் நறுமணம் கமழும் தமிழிலும் அந்த ஒரு வாரத்துக்கு  நான் கேட்டுக் கொண்ட வரிகளைக் கொண்டு ஒரு 'கலாமிட்டி ஜேன்' முழுநீளக் கதைக்கே @#*### **$@*) ஸ்கிரிப்ட் தயார் பண்ணியிருக்கலாம் ! 

ஷப்பா....!!! சனிக்கிழமை வந்த முதல் முகவரின் போன் தான் காதில் கசிந்த குருதிக்கு   மருந்திட்டது ! திண்டுக்கல் நகரைச் சார்ந்த அந்நாட்களது முத்து காமிக்ஸ் முகவர் - தனது துணைவியார் பெயரில் ஏஜென்சி எடுக்க நேரில் வரலாமா ? என்று கேட்க - எனக்கு செம த்ரில் ! அவரை வரச் சொன்னபிற்பாடு தான் உறைத்தது -  கைவசம் ரசீது புக் கூட இல்லையே என்று ! 'விடாதே-பிடி' என்று அவசரம் அவசரமாய் முத்து காமிக்சின் ரசீதையே மாதிரியாய்க் கொண்டு, அங்கேயே இருந்து அச்சுக் கோர்ப்புப் பிரிவினரிடம்  வேலையை ஒப்படைத்து, ஒரே மணி நேரத்தில் ரசீதை அச்சடித்து வாங்கிவிட முடிந்தது ! ஆனால் மேல்தாளையும், அடித்தாளையும் பைண்டிங் செய்து வாங்கிட அவகாசமில்லை ! So நடுங்கும் கையோடு முதல் ரசீதைப் போட்ட போது loose sheets  தான் !! "200 புக்குகள் திண்டுக்கல் நகருக்கு ; பிரதி ஒன்றுக்கு ரூ.3 வீதம் மொத்தம் ரூ.600 டெபாசிட்" என்று சொல்லியவர் சிரித்த முகத்தோடு, என் கையில் 6 நூறு ரூபாய் நோட்டுக்களைத் திணித்த போது உள்ளுக்குள் பட்டாம்பூச்சிகளின் நர்த்தனத்தை உணர முடிந்தது ! வாழ்க்கையில் முதன்முறையாக நான் கையில் வாங்கிய பணத்தை எந்தப் பெயரில் வரவு செய்வது ? என்று கேட்டேன் ! "சரஸ்வதி" என்ற பெயரில் போடுங்க தம்பி ! என்றார் !! Could just have been a simple coincidence - ஆனால் 35 ஆண்டுகளாய்த் தொடர்ந்திடும் இந்தப் பயணம், நிச்சயமாய்  ஆண்டவனின் ஆசீர்வாதங்களுடனானது என்ற எனது நம்பிக்கையின் துவக்கப் புள்ளி அந்த ரசீதில் உள்ளது ! 

தொடர்ந்த நாட்களில் கொஞ்சம் கொஞ்சமாய் தபாலில் ஏஜென்சி கோரிடும் விண்ணப்பங்களும் வரத்துவங்கிட, அந்த நொடியே அவர்கட்கு படிவங்களை அனுப்புவதில் பிசியானேன் ! முதல் மாதம் மாத்திரம் மதுரையின் அந்நாட்களது தினமணி ஏஜென்ட் நமக்கு முகவராய்ச் செயல்பட்டதால் - அவர் மூலமாக தினமணி நாளிதழிலும் விளம்பரம் செய்தோம் ஒரேவாட்டி மட்டும் ! சக்கரம் மெது மெதுவாய்ச் சுழலத் துவங்க -   ஜூலை பிறப்பதற்குள் சுமார் 140 ஏஜெண்ட்கள் தேறியிருந்தனர் மொத்தமாய் ! அதனில் கிட்டத்தட்ட 135 பேர் முன்பணம் + டெபாசிட் செலுத்தியிருக்க - 'லயன் காமிக்சின் ' வங்கிக் கையிருப்பு 5 இலக்கங்களில் கெத்து காட்டியது !! சென்னைக்கு 5000 பிரதிகள் ; மதுரை / கோவை தலா 3000 ; சேலம் / திருச்சி தலா 2000 என்று ஆர்டர் இருந்த அந்த நாட்களை ஒவ்வொரு ஜூனின் இறுதியிலும் நினைத்துப் பார்த்துக் கொண்டு ரயில் எஞ்சின் போல பெருமூச்சு விட்டுக் கொள்வேன் ! இந்தாண்டும் அதற்கொரு விதிவிலக்காகுமா - என்ன ? 

Back to terra firma - இதோ ஆண்டு # 35-ன் அடையாளமாய் வரவுள்ள டபுள் ஆல்பம் !! முன் & பின் அட்டைகள் இரண்டுமே ஒரிஜினல் டிசைன்களே ;  மெருகூட்டல் மாத்திரமே நம் பங்களிப்பு இங்கே ! 

"பாரிசில் ஒரு கௌபாய்" - லக்கி தொடரின் லேட்டஸ்ட் ஆல்பம் ! 2018 நவம்பரில் ஒரிஜினல் பிரெஞ்சு ஆல்பமானது ரிலீஸ் ஆகியது ! படைப்பாளிகளுக்கு,  தம் ஆதர்ஷ ஒல்லிப்பிச்சானை வன்மேற்கிலிருந்து ஒருவாட்டியாவது சொந்த ஊருக்கு இட்டுப் போக ஆசை போலும் ; பெரும் பிரயாசைப்பட்டு கடல் கடக்கச் செய்துள்ளார்கள் ! ஒரிஜினல் மோரிஸ் தரத்திலான படைப்பல்ல என்ற போதிலும், ஜாலியான read என்பதில் சந்தேகமில்லை ! 

And இதன் கதை # 2 ஒரு க்ளாஸிக் மோரிஸ் ஆக்கம் !! அந்த நாட்களது தரமே ஒரு தனி உச்சம் எனும் போது - 1971-ல் உருவாகிய "உத்தம புத்திரன்" ஆல்பத்தை ரசிப்பது ஒரு அலாதி சுகமே !! So சென்றாண்டைப் போலவே இம்முறையும் ஆண்டுமலரை சிறப்பிக்கப் போவது நமது பிரியமான கார்ட்டூன் நாயகரே !! ஏற்கனவே ஏப்ரலில் ஒரு சிங்கிள் ஆல்பத்தோடு ரகளை செய்திருக்க, இப்போதோ டபுள் ஆல்பம் எனும் போது - L.L காட்டில் அடைமழையே - நம் மத்தியிலாவது !! 

Moving on - இம்மாதத்து இதழ் # 2 செம வெயிட்டான களம் ! "நித்திரை மறந்த நியூயார்க்" black & white-ல் ஒரு visual bonanza என்பேன் ! இந்த கிராபிக் நாவல் தனித்தடம் அறிமுகம் கண்ட நாள் முதலாய் - கறுப்பு, வெள்ளையில் ஆஜராகிடும் dark கதைகளை ரசிப்பது நமக்கு செம சுவாரஸ்யமான பொழுதுபோக்காகியிருப்பது கண்கூடு ! "நிஜங்களின் நிசப்தம்" அதனில் ஒரு செம extreme என்பதை ஏற்றுக்கொண்டு - பாக்கி இதழ்களைப் பார்வையிடும் பட்சத்தில், ஒவ்வொன்றுமே நமக்குத் தந்துள்ள வாசிப்பு அனுபவங்கள் மிரட்டலான ரகங்களே !! ஒரு மனநல விடுதியினுள் சிக்கிடும் திருடர்கள் ; யுத்த காலத்து பெர்லினின் சதிராட்டங்கள் ; வேல்ஸ் மண்ணில் கனவுகளின் வலிமைகள் ; நூற்றாண்டுக்கு முந்தைய பிரான்சின் சிறுகிராமத்தில் வாழ்க்கை - என நாம் பயணித்துள்ள பாதையின் காட்சிப் பொருட்கள் சராசரியான ஆக்ஷன் தொடர்களிலோ ; மாமூலான கவ்பாய் கதைகளிலோ பார்த்திடத் துளியும் வாய்ப்பிலா  சமாச்சாரங்கள் என்பேன் !   நியூயார்க் நகரத்தைப் பின்னணியாய்க் கொண்டு வெளிவந்திடக் காத்துள்ள இந்த ஆல்பம் இதற்கு முந்தைய ஆல்பங்களை போலவே செம unique in its own way !! 

நியூயார்க் நகரினை முதன்முறையாய்ப் பார்த்திடும் எவருமே அதனைக் கண்டு பிரமிக்காது ; மிரளாது ; வாயைப் பிளக்காது இருத்தல் வெகு சிரமம் !! அமெரிக்காவே ஒரு பிரமிப்பூட்டும் தேசம் தான் என்றாலும், NY நகருக்கென ஒரு செம பிரத்யேக feel உண்டு !! அங்கே கால்பதித்தோர் எவரும் அதனை உணராது போயிருக்க இயலாதென்பேன் ! நீங்கள் அங்கு பயணித்திருந்தாலும் சரி, படங்களிலும், கதைகளிலும் மட்டுமே பார்த்திருப்போராய் இருந்தாலும் சரி - இம்மாத கிராபிக் நாவலைப் படித்தான பிற்பாடு Big Apple எனப்படும் அந்த உலகின் தலைநகரில் கொஞ்ச காலத்திற்கு வாழ்ந்தது போலான feeling-ஐத் தவிர்க்கவே முடியாது ! 1930 களின் நியூயார்க் தான் இந்த ஆல்பத்தின் background !! அது சரி, 1930-ல் மையம் கொள்ள என்ன அவசியமோ ? என்று நமக்கிங்கு தோன்றிடலாம் ! ஆனால் 1930-களுக்கும், நியூயார்க் நகருக்கும் ஒரு பெரும் சம்பந்தம் இருப்பதை வரலாறு அறியும் ! இந்த ஆல்பம் வெளியான பிற்பாடு நம்மவர்கள் கூகுளில் இது பற்றி அலசி ஆராய்ந்து பெடலெடுக்கப் போவதையும் இப்போதே என்னால் யூகிக்க முடிகிறது ! So இந்த ஆல்பத்தினை 1930-ல் அமைத்திட வேண்டிய அவசியம் பற்றி மேலோட்டமாய்ச் சொன்ன கையோடு நான் கழன்று கொள்கிறேன் - மீதத்தை ஆராய இப்போதே 'தம்' கட்டிக்கொள்ளுங்கள் புலவர்களே ! என்ற அறிவுறுத்தலோடு !! 

"The Great Depression " - என்ற பெயர் - 1930 களை ஆட்டிப்படைத்த பொருளாதாரப் பீடைகளுக்கு !! 1920 களில் பெரும் செழிப்பில் அமெரிக்காவே திளைத்திருந்தது ! உற்பத்தி சக்கை போடு போடுவது ஒருபக்கமெனில் சினிமா ; வணிகம் ; பங்குச் சந்தை வர்த்தகம் என்று இதர துறைகளுமே கொடிகட்டிப் பறந்தன ! So much so that 1920 களுக்கு The Roaring Twenties என்றே பெயரிட்டனர் ! ஆனால் சோப்பு நுரை குமிழ்  'டுப்'பென்று வெடிப்பது போல 1929 -ன் செப்டெம்பரிலும், அக்டோபரிலும் Wall street எனப்படும் அமெரிக்கப் பங்குச் சந்தை பூதாகாரமாய்ச் சரிந்தது ! முறையற்ற பங்குப் பரிவர்த்தனைகள் ; ஆதாய நோக்கில் வாங்கவும் - விற்கவும் முதலீட்டாளர்கள் காட்டிய பேராசை ; கொப்பளிக்கும் செல்வதை முறைப்படுத்த சரியான கட்டுப்பாடுகள் இல்லா நிலைமை - என பல காரணங்கள் ஒன்று சேர்ந்த போது, அமெரிக்கப் பொருளாதாரத்துக்கு விழுந்த சம்மட்டி அடி அசாத்தியமானது ! And அதன் முக்காலே மூன்று வீசத்து ரணத்தை வாங்கி கொண்டது நியூயார்க் நகரே !! 1900 முதல் 1930 வரைக்குள்ளான முப்பதே ஆண்டுகளில் NY -ன் ஜனத்தொகை இரட்டிப்பாகியது ! பிழைப்புத் தேடி இங்கே குவிந்தோருக்கு நிறங்களிலோ ; மதங்களிலோ ; திறன்களிலோ எவ்வித ஒற்றுமையும் இருக்கவில்லை ! "ஏதாச்சும் செஞ்சு புழைச்சுக்கலாம் !" என்று திமு திமுவென குவிந்த ஜனம் அது ! பங்குச் சந்தை ராட்சஸச் சரிவைக் கண்ட பிற்பாடு நியூயார்க் ஸ்தம்பித்துப் போனது ! 1932 வாக்கில், நியூயார்க்கின் உற்பத்தி ஆலைகளில் பாதி மூடிக்கிடந்தன! மூன்றில் ஒரு நியூயார்க்கருக்கு வேலையில்லை  ;  கிட்டத்தட்ட 16 லட்சம் மக்கள் அரசின் நிவாரணங்கள் பெயரைச் சொல்லியே வயிற்றைக் கழுவி வந்தனர் ! இத்தகையதொரு  நெருக்கடியை சமாளிக்க துளியும் ஆயுத்தமிலா நிலையில் தத்தளித்த NY நகரின் இருண்ட நாட்களே நமது இம்மாதத்து கி.நா.க்கு பின்புலம் !! (ஷப்பா...இந்த மொக்கையைப் படிக்கிறே நேரத்துக்கு நான் நிஜங்களின் நிசப்தத்தே இன்னொருவாட்டி படிச்சிட்டுப் போயிடுவேனே !!" என்று புலம்பும் சத்தம் கேட்குதோ ? Sorry guys - இந்த ஆல்பத்தின் பின்னணியினைக்   கொஞ்சமாய் உள்வாங்கிக்கொண்டால் கதையினை ரசிக்க இலகுவாய் இருக்குமே என்ற  ஒரு ஆர்வக்கோளாறில் தான் எக்கச்சக்க எக்ஸ்டரா நம்பர்களை போட்டுப்புட்டேன் !!)

இதோ ஆல்பத்தின் அட்டைப்படம் - ஒரிஜினலில் இருந்து சன்னமாய்  மாற்றத்துடன் !! ஜன்னலுக்கு வெளியே விரியும் காட்சியானது மினுமினுக்கும் நியூயார்க் இரவினைப் பிரதிபலிக்க - அறையினுள்ளோ அந்நாட்களது black & white போட்டோ பாணியில் சகலமும் இருப்பதைக் காண்கிறீர்கள் ! ஒருவிதத்தில் கதையின் பாணிக்குமே இதுவொரு subtle indicator !! And தொடரும் preview பக்கங்களில் உட்பக்க சித்திர ஜாலங்களை பாருங்களேன் !!  

Black & white-ல் கதையின் மூடுக்கேற்ப ஓவியர் இங்கு உருவாக்கியுள்ள சித்திரங்கள் முற்றிலுமாய் வேறொரு லெவலில் உள்ளன ! இந்த ஆல்பத்தில் பணியாற்றிய ஒவ்வொரு இரவும் எனக்கு அந்நாட்களது  NY சோகத்தை உணர முடிந்ததென்பது ஓவியரின் பணிநேர்த்தியின் பிரதிபலிப்பு என்பேன் !! இந்தக் கதைக்கென ஓவியர் எத்தனை research செய்திருப்பார் என்பதை ஒரு யூகமாய் சிந்தித்துப் பார்க்கவே மிரட்சியாக உள்ளது !!  And கதையைப் பொறுத்தவரை ............... ??!!! Phew .........ஜாக்கிரதை folks !! கி.நாவுக்கே ஒரு கி.நா அனுபவமிங்கே waiting !! கொத்து கொத்தாய் பிய்த்தெடுத்த கேசக்கற்றைகள் இன்னமும் கையிலிருக்க  சீக்கிரமே துணைக்கு நிறையப்பேர் கிட்டப் போகிறீர்கள் என்ற குஷியில் I am also waiting !! 

நடையைக் கட்டும் முன்பாய் - இதோ நமது ஈரோட்டு எக்ஸ்பிரஸுக்கான இதுவரையிலான முன்பதிவுப் பட்டியல் ! விடுதல்கள் இருப்பின் (and there would be for sure ...) தயை கூர்ந்து ஒரு மின்னஞ்சலைத் தட்டி விடுங்களேன் ப்ளீஸ் ! இங்கே பின்னூட்டங்களில் அதனைக் குறிப்பிடுவது உதவிடாது - ப்ளீஸ் !! 

And இன்னமும் வண்டியில் எக்கச்சக்க சீட்கள் காலியிருப்பதால் - அவற்றை நிரப்பிட உங்களை எதிர்நோக்கிக் காத்துள்ளோம் guys !! Before I sign off - here you go !!

 Have a sparkling weekend all !! See you around !!

P.S : 1930 களின்  நியூயார்க் !!! சில போட்டோக்கள் !!

Central Park - அன்றைக்கு !! 

இலவச உணவுக்கு நெடும் கூட்டம் !! 

ரணகளத்திலும் கிளுகிளுப்பு - கட்டி முடிக்கப்பட்ட Empire State Building !! 

சத்தியமா இதுவும் நியூயார்க் தானுங்கோ !! Brooklyn !! 

அடாது மழை பெய்தாலும், விடாது பணியாற்றும் கட்டிடத் தொழிலாளர்கள் !! Rockfeller Center கட்டுமானத்தில் !! 

Phew !!! இது Manhattan !! அன்றைக்கு !!