மேய்ச்சலில் ஒரு சிந்தனைக் குதிரை !

நண்பர்களே,

வணக்கம். 2014-ன் முதல் பாதியை 'பர பர'வென்று தாண்டி வந்து விட்டோம் ! சென்னைப் புத்தக விழாவும், அது சமயம் வெளியான ஜனவரியின் 4 இதழ்களும் நேற்றைய நிகழ்வுகளைப் போல நினைவுகளில் நிழலாடினாலும்  என் கையிலிருக்கும் ஜூன் மாதத்து லார்கோ + சிக் பில் இதழ்களோ - 'கனா கண்டது போதும், அப்பனே..! Wake up ! ' என்று தட்டி எழுப்புகின்றன ! ஆண்டின் இரண்டாம் பாதியை எவ்வளவு முடியுமோ - அவ்வளவு இடியாப்பமாக்கிக் கொள்வதை நாமே ஒரு சமீப வழக்கமாய் ஆக்கி வைத்திருப்பதால் - நம் முன்னே விரியவிருக்கும் அடுத்த 180 நாட்களும் பிசியோ பிசியாக இருக்கப் போகின்றன !  'லொங்கு-லொங்கென்று' குதிரைகளில் தொங்கித் திரியும் முருட்டு உருவங்கள் ஒரு பக்கமாகவும், பள பள ஜெட் விமானங்களில் உலாற்றும் கோமான்கள் இன்னொரு பக்கமாகவும், ஆவிகளையும், அமனுஷ்யங்களையும் விரட்டிச் செல்லும் விசித்திரஙன்கள் பிறிதோர் பக்கமாகவும் என் தலையைக் குத்தகைக்கு எடுத்து வைத்துள்ளனர் என்பது போலொரு பிரமை ! டி.வி.யில் Magnum ஐஸ்க்ரீம் விளம்பரம் ஓடினால் கூட என் மண்டைக்குள் பதிவாவதோ LMS -ல் இன்னமும் பணி செய்ய வேண்டிய கதைகள் பற்றிய சிந்தனைகள் தான் ! Anyways இந்தப் பரபரப்போடு வாழப் பழகுவதும் ஒரு வித்தியாசமான அனுபவமே என்பதால் எங்கள் கடப்பாரை நீச்சல் தொடர்கிறது ! 

LMS எனும் மலை ; மில்லியன் ஹிட்ஸ் ; அந்த ஸ்பெஷல் - இந்த ஸ்பெஷல் என அட்டவணை நிரம்பி வழியும் போதும் கூட எனது சிந்தனை அவற்றையும் தாண்டிய பொழுதுகளின் மீது படிவது அவசியமாகிறது ! கண் மூடித் திறக்கும் முன்பாக இன்னொரு 3 மாதங்கள் ஓடி இருக்கும் எனும் போது - 2015-ன் அட்டவணையை இறுதி செய்யும் வேளை புலர்ந்திருக்கும் ! So - இப்போதே சிறுகக் சிறுக 2015-ன் பக்கமாகவும் சிந்தனைக் குதிரைகளை மேய்ச்சலுக்கு அனுப்பி வைக்கத் தொடங்கியுள்ளேன் ! இந்தாண்டின் பாக்கியுள்ள வெளியீடுகளுக்கான திட்டமிடல்கள் ; கதைக் கொள்முதல்கள் ; அட்டைப்பட டிசைன் பணிகள் ; பிரெஞ்சு மொழிபெயர்ப்புகள் ஏற்கனவே தொடக்கம் கண்டு விட்டபடியால் அவற்றின் மீது பணி செய்து ஒவ்வொன்றாய் பூர்த்தி செய்யும் வேலைகளே பாக்கி ! So சிந்தனைக் குதிரைகளானது தற்சமயம் சோம்பல் முறித்துக் கொண்டிருப்பதால் - அடுத்த அட்டவணையை கோர்த்திடும் வேலைகளில் ஈடுபடுத்தி வருகின்றேன் ! 

2014-ன் பாணியான சிங்கிள் இதழ்கள் ; ரூ.60 விலைகள் - என்ற பார்முலா தான் தொடரும் நாட்களிலும்  நமக்குக் கைகொடுக்கவிருக்கிறது என்பதை கடந்த 5 மாத விற்பனைகள் நமக்குச் சொளின்றன ! அதே போல, இரு கதைகள் இணைந்து ரூ.120 விலையில் வெளியாகும் இதழ்கள் விற்பனை முனைகளில் தடுமாறுகின்றன என்பது குண்டு புக் ரசிகக் கண்மணிகளுக்கு நான் சொல்லியாக வேண்டியதொரு சேதியும் கூட ! இரு பாகங்கள் கொண்ட கதைகளை மட்டுமே நாம் இவ்விதம் combo-வாக வெளியிடுகிறோம் எனும் போது இந்தச் சிக்கலுக்கு உடனடித் தீர்வை எனக்கு ஏதும் புலப்படவில்லை ! Maybe ரூ.120 என்ற விலை தான் நெருடலா ? ஒரு வேளை filler pages  ; வள வளா விளம்பரங்கள் ; தலையங்கம் இத்த்யாதிகளைக் கத்திரி போட்டு விட்டு இது போன்ற டபுள் கதைகளை ரூ.100 விலைக்குள் அடைக்க முயற்சிக்க வேண்டுமா ? Or maybe சினிபுக் செய்வது போல் இரு பாகக் கதைகளையும் கூட பார்ட் 1 ; பார்ட் 2 என்று தனித் தனி இதழ்களாய் தலா ரூ.60 விலைகளில் வெளியிடுவது தீர்வாகுமா ? என்னோடு சேர்ந்து நீங்களும் கொஞ்சமாய்த் தலையைப் பிய்த்துக் கொள்ளலாமே ? 

நிறைய திறமையான ஆட்டக்காரர்கள் அணியில் இருப்பதும் கூட சில சமயங்களில் சற்றே சிரமமான தீர்மானங்களுக்கு அவசியம் ஏற்படுத்தும் என்பதை 2015-ன் மேலோட்டமான சிந்தனைகள் தெரியப்படுத்துகின்றன ! நம் காமிக்ஸ் கூட்டணியிலிருக்கும் எக்கச்சக்க நாயகர்களுள் - 'கட்டாயம் தேர்வு செய்தே ஆக வேண்டும்' என்ற ரகத்திலான current ஆசாமிகள் யாராக இருப்பார்களென்று எழுதிப் பார்த்தேன் ! இதோ என் முன்னே விழுந்த பெயர்கள்:

• டெக்ஸ் வில்லர்
• கமாஞ்சே
• வேய்ன் ஷெல்டன்
• லார்கோ வின்ச்
• லக்கி லூக்
• சிக் பில்
• கேப்டன் டைகர்
• XIII 

இந்தப் பட்டியலில் உள்ளோர் 'கட்டாயம் களம் இறங்கியே தீர வேண்டிய players தான் !' என்பதில் நமது அபிப்ராயங்கள் ஒத்துப் போகுமென்று நான் கருதுதல் சரி தானா ? அவ்விதமிருக்கும் பட்சத்தில் இந்த 'A ' லிஸ்ட் டீமை நமது 2015-ன் அட்டவணையில் முதலில் நுழைத்து விடலாம் அல்லவா ? (நண்பர் XIII -ன் தேர்வு பற்றி லேசாய் mixed reactions இருக்கக் கூடும் தான் ; ஆனால் புதிய திசையில் பயணமாகும் இத்தொடரின் 2 புதிய கதைகள் 2015-க்குள் தயாராகி இருக்கும் என்பதால் அவற்றை முயற்சிப்பது தவறில்லை என்று நினைத்தேன் !)

அடுத்ததாய் நான் போட்ட பட்டியல் - 'நல்ல ஆட்டக்காரர்கள் தான் ; ஆனால் தொடர்ச்சியாய் consistency காட்டாதது மாத்திரமே மைனஸ் ' என்ற ஆசாமிகளின் பெயர்களோடு : 

• ப்ளூ கோட் பட்டாளம்
• ரிபோர்ட்டர் ஜானி 
• மர்ம மனிதன் மார்டின் 
• CID ராபின்

ப்ளூகோட் பட்டாளத்தின் கதைகள் எல்லா நேரங்களிலும் விலா நோகச் செய்யும் காமெடிக் களங்களாய் இருக்கப் போவதில்லை என்பதை நாம் ஏற்றுக் கொண்டாக வேண்டும் ! கிட ஆர்ட்டின் + ஷெரிப் ஜோடியைப் போலவே ஸ்கூபி & ரூபி duo அமைந்திருக்கும் போதிலும், இவர்களது கதைகளில் out & out காமெடி மாத்திரமே குறிக்கோளாய் இருந்திடப் போவதில்லை ! யுத்தப் பின்னணி ; சிற்சிறு வரலாற்றுக் குறிப்புகள் ; அதன் மத்தியினில் நம் ஜோடி என்பது தான் இத்தொடரின் template எனும் போது ஒவ்வொரு முறையும் ஒரு சிரிப்புத் தோரணத்தை எதிர்பார்த்திடாமல் இருக்கும் பட்சத்தில் இந்தத் தொடர் தேறி விடும் ! ரிபோர்ட்டர் ஜானியாரைப் பொறுத்த வரை அவரொரு 'player on eternal trial' என்று சொல்லலாம் ! நல்ல கதைகள் பல தந்திருந்தாலும், இடையிடையே தலைகாட்டும் குழப்பமான plots இவரை ஒரு அக்மார்க் வெற்றி நாயகராக அடையாளம் காணச் செய்வதை சிரமாக்குகிறது ! மர்ம மனிதன் மார்டினின் நிலையோ முற்றிலும் வேறு ! 'என் கதைகளின் சகலமும் இடியாப்பங்களே !' என்று தைரியமாய் பறைசாற்றிடும் இவரது ஆழமான கதைகளுக்கு உள்ள வரலாற்றுப் பின்னணிகளை கண்டு வியப்போரும் உண்டு ; மிரள்வோரும் உண்டு ! LMS மூலம் மீண்டும் வருகை தரும் இந்த நாயகரை 2015-ல் நாம் எவ்விதம் கையாள வேண்டுமென்று விரும்புகிறீர்கள் folks ? இன்னுமொரு low profile நாயகர் நமது C.I.D ராபின் என்று சொல்லலாம் ! பல சுவாரஸ்யமான கதைகளை அவர் வழங்கி இருப்பினும், பெரியதொரு ரசிக மன்றத்தை உருவாக்கிடல் இது வரை  இவருக்கு சாத்தியமாக இருந்ததில்லை ! 2015 இவரது அதிர்ஷ்ட ஆண்டாய் அமைந்திடுமா ? பார்ப்போமே !  

எனது அடுத்த பட்டியல் - புது வரவுகள் ; காத்திருக்கும் அறிமுகங்களின் பெயர்களைக் கொண்டது :

• டிடெக்டிவ் ஜூலியா
• ரின் டின் கேன்
• மேஜிக் விண்ட்
• டிடெக்டிவ் டைலன்

இவர்கள் ஒவ்வொருவரது தொடர்களிலும் எக்கச்சக்கமான கதைகள் உள்ளன என்பதால் குறைந்த பட்சம் ஒரு 20 ஆண்டுகளாவது அவரவர் மார்கெட்களில் வலம் வந்த அனுபவம் நிச்சயமிருக்கும் ! (ஜூலியா மாத்திரம் 1998-ன் குழந்தை ; பாக்கி அனைவரும் 1980-களின் படைப்புகள் !) ஒரு தொடரில் வலு குறைச்சலாய் இருக்கும் பட்சத்தில் இத்தனை காலம்  குப்பை கொட்டுவதென்பது நிச்சயமாய் இயலாக் காரியம் ! So 2014-ல் அறிமுகம் காணும் இவர்களது துவக்கக் கதைகளின் ரிசல்ட் எவ்விதம் இருப்பினும் - அடுத்தாண்டின் திட்டமிடல்களில் இவர்களுக்கு வாய்ப்புகள் தருவதே நியாயமாக இருக்குமென்பது என் எண்ணம் ! Hopefully I'm right !

கடைசியாய் நான் போட்ட பட்டியல் - 'சற்றே தடுமாற்றம் கண்டுள்ளோர் ' சங்கத்தினரின் பெயர்களைக் கொண்டது ! 'ஐயோ சாமி - வேண்டாமே !' என்ற ரீதியிலிருந்து, சற்றே நாசூக்காய் விமர்சிக்கும் நண்பர்களிடமிருந்து 'ஹாவ்' என்ற கொட்டாவிகளை வரச் செய்துள்ள சமீபத்துக் கதைகளுக்குச் சொந்தக்காரர்கள் இவர்கள் :

• டிடெக்டிவ் ஜெரோம்
• சாகச வீரர் ரோஜர்
• ப்ருனோ பிரேசில் 
• ஜில் ஜோர்டான்
• டயபாலிக்

"ஆஹா...இவர்களுக்கென்ன குறைச்சல் ?" என்று நமது die hard ரசிகர்கள் பொங்கி எழுந்தாலும், இந்தக் கூட்டணியின் சமீபக் கதைகள் வெவ்வேறு காரணங்களுக்காக thumbs down பெற்றுள்ளது மறுக்க இயலா உண்மை ! இவை ஒன்றுக்கொன்று நெருக்கமான இடைவெளியில் வெளியானதும் கூட ஒரு விதத்தில் அவற்றின் வெற்றியின்மைக்குக் காரணமாக இருந்திருக்கலாம் தான் ! தொடரும் ஆண்டில் நாயகர்கள் தேர்வில் செலுத்தும் கவனத்தை - கதைகளை space out செய்வதிலும் காட்டியாக வேண்டுமென்பது புரிகிறது ! இந்த ஐவர் பட்டியலை கொஞ்ச காலம் ஓரம் கட்டுவது உசிதமா ? அல்லது இவர்களது தொடர்களில் இன்னும் கவனமாய்க் கதைகளைத் தேர்வு செய்து இன்னுமொரு வாய்ப்புத் தந்து பார்க்கலாமா ? What's your take on this guys ?

சமீப வரவான "தோர்கல்" இந்தப் பட்டியல்களில் எவற்றிலுமே இடம் பிடிக்கவில்லையென்ற போதிலும், 2015-ல் மட்டுமன்றி ; தொடரும் சமயங்களிலும் நம் திட்டமிடல்களில் ஒரு முக்கிய அங்கம் வகிப்பார் ! பின்னே செல்லச் செல்ல இத்தொடரின் வேகமும், பிரம்மாண்டமும் பன்மடங்கு கூடுவதால் இதற்கொரு சுதந்திரம் தருவது அவசியமாகிறது ! சந்தாவில் "திணிக்கப்படும்" இதழாய் இராமல் - 'பிரியப்பட்டால் வாங்கிக் கொள்ளலாம் !' என்ற status இத்தொடருக்கு இருக்குமென்பது மாத்திரமே வித்தியாசம் ! 

பழகிப் போன நாயகர்களின் பரிச்சயமான பாணிக் கதைகளோடு உலா செல்வது சுலப வேலை தான் எனினும், கொஞ்சமேனும் வித்தியாசம் காட்ட வேண்டுமென்ற உத்வேகம் என்னிடம் மங்கிடவில்லை ! (தாரமங்கலத்தில் ஒருவர் தாரை தாரையாய் கண்ணீர் வடிப்பதாய் flash news !!) "மாறுதல்" என்றாலே அது வரலாறாகவோ  ; அலுகாச்சியாகவோ தான் இருக்க வேண்டுமென்ற template-ஐ முதலில் மாற்றியாக வேண்டுமென்ற சிந்தனையின் பிரதிபலிப்பை இந்தாண்டின் "மில்லியன் ஹிட்ஸ் ஸ்பெஷல் " + "தீபாவளி மலர்" தெளிவாய்த் தெரிவிக்கும் ! அனல் பறக்கும் அதகளங்களும் கிராபிக் நாவல்களுக்குச் சாத்தியமே என்பதை தொடரும் மாதங்களில் நீங்கள் பார்க்கத் தான் போகிறீர்கள் ! 2015-ல் கூட இதே போல் சின்னதாய் ஒரு சாளரத்தை திறந்து வைத்துக் கொள்ளும் சுதந்திரத்தை எடுத்துக் கொண்டு - ஏதேனும் வித்தியாச பாணிகளை பரிசோதிக்க முயற்சிப்பேன் ! 

இவை அனைத்துமே எனது தற்போதைய சிந்தனைகளின் உரத்த பிரதிபலிப்புகள் மட்டுமே என்பதால் இவை தான் 2015-ன் உறுதியான blueprint என்று சொல்ல மாட்டேன் ! தொடரும் மாதங்களில் ஒவ்வொரு கதைகளும் perform செய்யும் விதங்கள் எனது தீர்மானங்களை ஏதோ ஒரு விதமாய் மாற்றிடவும் செய்யலாம் !  உங்களின் reactions ; அபிப்ராயங்கள் -எனது கணிப்புகளின் நம்பகத்தன்மையினை செப்பனிட உதவும் என்பதால் இதனை இப்போதே இங்கு பதிவிடுவது தேவலை என்று நினைத்தேன் ! அதே போல - இது முழுக்க முழுக்க புது இதழ்கள் தொடர்பானதொரு சிந்தனைச் சங்கிலியே ; மறுபதிப்பு நாயகர்களை இந்த உரையாடலுக்குள் கொணர வேண்டாமே ப்ளீஸ் ?! வெவ்வேறு பட்டியலுக்குள் நான் பிராக்கெட் போட்டு வைத்திருக்கும் நாயகர்களை நீங்கள் எவ்விதம் பார்க்கிறீர்கள் என்பதை அறிந்திடவே இம்முயற்சி ! So - கொஞ்சம் அவகாசம் ஒதுக்கி நண்பர்கள் அனைவருமே இதனில் பங்கேற்றால் சிறப்பாக இருக்குமென்று தோன்றியது ! தவிர, தற்போது இங்கு தென்படும் மெல்லியதொரு இறுக்கத்தை இலகுவாக்கிட  இந்த கலந்துரையாடல் கொஞ்சமேனும் உதவினால் கூட மகிழ்ச்சியே ! 

சின்னச் சின்ன updates :

1. லார்கோ + சிக் பில் இதழ்களை வரும் புதன்கிழமை (21 May) இங்கிருந்து அனுப்பிடுவோம் ! இப்போதே அவை தயார் தான் என்ற போதிலும், பொறுமையாய் சந்தாப் பிரதிகள் அனைத்தையும் ஒரு முறை புரட்டிச் சரி பார்த்து அனுப்பிட ஒன்றிரண்டு நாட்கள் எடுத்துக் கொள்வதில் தவறில்லை என்று தோன்றியது ! So வியாழன் காலைகள் உங்கள் நகரத்து ST கூரியர் கதவுகளைத் தட்டலாம் !
2. LMS வெளியீட்டுத் தேதி பற்றி நண்பர்கள் கடந்த பதிவின் இறுதியில் வினா எழுப்பி இருந்தனர் ! ஈரோடு புத்தக விழாவின் விண்ணப்பமே இன்னமும் கிட்டவில்லை எனும் போது - அமைப்பாளர்களின் LMS வெளியீட்டுத் தேதி பற்றி நண்பர்கள் கடந்த பதிவின் இறுதியில் வினா எழுப்பி இருந்தனர் ! ஈரோடு புத்தக விழாவின் விண்ணப்பமே இன்னமும் கிட்டவில்லை எனும் போது - ஆண்டவன் கருணையும், -அமைப்பாளர்களின் confirmation-ம்  தான் இப்போதைக்குப் பிரதானம் ! Anyways நமக்கு இம்முறையும் ஸ்டால் கிட்டும் என்ற நம்பிக்கையோடு பார்ப்பதாயின் LMS வெளியீடு ஆகஸ்ட் 2-ஆம் தேதிக்கு என்று கொள்ளலாம் ! வெள்ளிக்கிழமை மாலை கூரியரில் பிரதிகளை அனுப்பி விட்டு, சனிக்கிழமை விழாவில் விற்பனையைத் துவக்கினால் எல்லா நண்பர்களுக்கும் ஒரே வேளையில் இதழ் கிட்டிய திருப்தி இருக்குமே ! So ஆகஸ்ட் 2 என்ற தேதியினை வட்டமிட்டு வைத்துக் கொள்ளுங்கள் guys ! இப்போதைக்கு நான் "விரியனின் விரோதியோடு " மல்லுக் கட்டக் கிளம்புகிறேன் ! Have a great Sunday ! 

ஜூனும்...ஒரு 'ஜூம்ம்ம்ம்' வேகத்துப் பயணமும் !

நண்பர்களே,

வணக்கம். உள்ளூர் கோவில் திருவிழாவின் பெயரைச் சொல்லி கடந்த சனிக்கிழமை முதலாய் தொடர்ச்சியாய் 4 விடுமுறை நாட்கள் ; மே மாதத்துத் தகிக்கும் கத்திரி வெயிலுக்கு இடையினில் அதிசயத்திலும் அதிசயமாய் மப்பும், மந்தாரமுமான கிளைமேட் - இத்தனை போதாதா குடும்பத்தோடு 'அக்கடாவென' சின்னதொரு விடுமுறை எடுக்க ? செல்போன் ; கம்ப்யூடர் இல்லா ஓர் கற்கால உலகினில் பொழுதைக் கழித்து விட்டு - நேற்று ஆபீசுக்குத் திரும்பியான பின்னே - back to the routine ! 

நேற்றே புதிய பதிவைத் தயார் செய்ய எனக்கு ஆசை தான் - ஆனால் லார்கோவின் அட்டைப்பட பட்டி-டிங்கரிங் வேலைகள் நேரத்தை விழுங்கி விட்டதால் - ஒரு வழியாக இன்று ஆஜராக முடிந்துள்ளது ! இதோ - 2014-ன் முதல் லார்கோ வின்ச் சாகசத்தின் அட்டைப்படத்தின் first look ! ஒரிஜினல் அட்டையின் ஒரு பகுதியை எடுத்துக் கொண்டு background & வர்ணக் கலவைகளில் மாற்றம் செய்துள்ளோம் ! அட்டையின் அழகு மங்கை சற்றே அடக்க ஒடுக்கமாகவும் காட்சி தருவதை உங்களின் கழுகுக் கண்கள் நிச்சயமாய் தவற விட்டிருக்காது !

அட்டையினில் மாத்திரமின்றி, கதையிலும் ஆங்காங்கே 'காற்றோட்டமாய்' உலவிடும் லார்கோவின் தோழிகளை கொஞ்சமாய் நமது "கண்ணிய அளவுகோல்களுக்குள்" கொணர்ந்திட நிறையவே மெனக்கெட வேண்டியிருந்தது ! கதையின் ஓட்டத்திற்கோ ; கதாப்பாத்திரங்களின் இயல்புகளுக்கோ சேதாரமின்றி கையில் கத்திரி பிடிப்பது நிச்சயமாய் சுலபமாய் இருக்கவில்லை ! இதழ் வெளியான பின்பு - 'ஆஹா...இத்தனை கட்டுப்பட்டித்தனம் அவசியம் தானா ?' என்ற கேள்விகளும் - 'இன்னமும் கூட அழுத்தமாய் கத்திரியைக் கையாண்டிருக்கலாமே !' என்ற அபிப்ராயங்களும் இருக்குமென்பது நிச்சயம் ! கோடீஸ்வரக் கோமானின் கதைகளைக் கையாளும் போதெல்லாம் த்ரில் இருப்பது கதையைப் படிக்கும் தருணங்களில் மட்டுமன்றி , அதன் தயாரிப்பிலும் தான் என்பதை எப்போதோ புரிந்து கொண்டு விட்டதால் - எனது பணியின் தன்மை இன்னமும் சுவாரஸ்யமாகிறது! இதோ - உட்பக்கத்தின் ஒரு ட்ரைலரும் உங்கள் பார்வைக்கு ! ஆங்கிலத்திலும், (ஒரிஜினல் பிரெஞ்சிலும் கூட) ரத்தினச் சுருக்கமாய் கைகொடுக்கும் வசனங்கள் - மொழிபெயர்ப்பின் போது நம்மை நாக்குத் தொங்கச் செய்வதும் கூட லார்கோவின் routine ஆகிப் போய் விட்டது !  கதையின் முழுமைக்கும் ஒரு வித மெல்லிய மிடுக்கும், கதாப்பாத்திரங்களிடம் ஒரு வித திமிரும் விரவி இருக்குமாறு கதாசிரியர் வான் ஹாம்மே செய்துள்ள முயற்சிகளுக்கு கொஞ்சமேனும் நியாயம் செய்ய வேண்டுமெனில் - 'ஆஹா,தமிழாக்கம் நிறைய இடம் அடைக்கிறதே !' என்ற தலைநோவை பெரிதாகக் கருதாமல் - பேனாவை சுதந்திரமாய் நடை போட அனுமதிக்க வேண்டியாகிறது ! அந்த "சுதந்திரம்" நமது டைப்செட்டிங் பெண்மணிக்கு சிம்மசொப்பனமாய் அமைவதை தான் தவிர்க்க இயலவில்லை ! இப்போதைக்கு இத்தனை பில்டப் போதுமென்பதால் - let's move on ! 

ஜூன் இதழ்களின் அச்சுப் பணிகள் தொடரும் வாரத்தில் துவங்கிடும் என்பதால் - ரொம்பவே முன்னதாய் நமது காமிக்ஸ் காலெண்டரில் ஜூனுக்கான தேதியைக் கிழித்து விட இயலும் ! நிதானமாய் செயல்படவும் அவகாசம் இருப்பதால் அச்சில் கூடுதலாய்க் கவனம் செலுத்த முயற்சிப்போம் ! Fingers crossed ! இதோ சிக் பில் இதழின் அட்டைப்படமும் கூட - பின்னே கதைச் சுருக்கத்தோடு ! 

LMS -ன் பணிகள் இன்னொரு பக்கமாய் தனித் தண்டவாளத்தில் பயணம் செய்து வருகின்றன ! NBS -க்கு நேர்ந்தது போல அட்டைப்படங்களில் இம்முறை நமக்கு ஜாஸ்திக் குழப்பங்கள் நேரவில்லை என்றே சொல்லுவேன் முதல் முயற்சியிலேயே - முன் + பின் அட்டைகள் பிரமாதமாய் வந்திருப்பதாய்த் தோன்றியது ! வர்ணக் கலவையில் டிஜிட்டல் வேலைப்பாடுகளை மட்டும் நேர்த்தியாய்ச் செய்திட முடிந்தால் - LMS-ன் அட்டைப்படம் அமர்க்களமாய் இருக்கப் போவது உறுதி ! அப்புறம் - it's official now ! பெல்ஜிய சாக்லேட்டும், இத்தாலிய ஐஸ்க்ரீமும் தனியாய்த் தனியாய்ப் பரிமாறப்படும் ! So அளவில் எவ்வித compromise இன்றி மார்ஷல் டைகர் + லக்கி லூக் + ரின் டின் கேன் முழு வண்ணத்தில் வழக்கமான பெரிய சைசிலேயே வந்திடுவர் ! அளவு கூடுவதும், கூடுதலாய் ஒரு இதழின் அட்டைப்படம் + பைண்டிங் செலவுகளும் தலைதூக்குவதும் பட்ஜெட்டில் உதைக்காது இல்லை ! ஆனால் ஏற்கனவே நான் சொன்னது போல - இத்தகைய பிரத்யேக தருணத்தில் நம்பர்கள் நம் மனக்கண்ணில் பெரியதொரு இடத்தை ஆக்கிரமிக்கப் போவதில்லை என்பதால் the show will go on as planned ! 

இடைப்பட்ட ஜூலையில் கொஞ்சமே கொஞ்சமாய் லேசான diet இருக்க வாய்ப்பிருக்கும் பட்சத்தில் - எங்களது சுமை சற்றே குறைவாக இருக்குமென்ற ஆசை எழாது இல்லை தான் ! But நெய்வேலி புத்தகக் கண்காட்சியினர் மனது வைக்கும் பட்சத்தில் 'சூப்பர் 6-'ன் முதல் இதழான THE BOOK FAIR SPECIAL அந்த மாதத்துப் பட்டியலுக்குள் அடங்கிட வாய்ப்புகள் பிரகாசம் ! So - ஜூலையின்அட்டவணை பின்வருமாறு இருந்திடும் : 

• விரியனின் விரோதி - ரூ.60 - சன்ஷைன் கிராபிக் நாவல் 
• பூம்-பூம் படலம் - ரூ.60 - சன்ஷைன் லைப்ரரி 
• "ஆத்மாக்கள் அடங்குவதில்லை !" (மேஜிக் விண்ட்) - (வண்ணத்தில் )
• காவல் கழுகு (டெக்ஸ் வில்லர் ) - black & white (SUPER 6)

திரும்பிய பக்கமெல்லாம் மலையாய் காமிக்ஸ் குவியும் இந்தத் திடீர் அனுபவம் ஒரு திகட்டலை உருவாக்கிடக் கூடாதே என்ற சின்ன ஆதங்கமும் எனக்குள் உண்டு தான் ! 'வைச்சால் குடுமி - அடிச்சால் மொட்டை !' என்று பயணிக்கும் நமது வண்டிக்கு 2015-ல் cruise control என்றதொரு mode -ஐ அறிமுகம் செய்ய வேண்டுமா ? கொஞ்சமாய் வேகத்தை மட்டுப்படுத்திக் கொள்வது தேவலையா ?or are we doing alright ? இது பற்றிய  உங்கள் எண்ணங்களைத் தயங்காது சொல்லுங்களேன் ! ஆர்வமாய்க் காத்திருப்பேன் உங்கள் உள்ளங்களை அறிந்திட ! மலையாய்க் குவிந்து கிடக்கும் பணிகள் அழைக்கின்றன என்பதால் it's bye for now folks ! See you around soon !  

P.S : இப்போது வரை சூப்பர் 6-ன் சந்தாக்களைக் கட்டியிரா நண்பர்களுக்கு சின்னதொரு reminder !!

வெப்ப நாட்களும்....நிதான சிந்தனைகளும் !

நண்பர்களே,

வணக்கம். அக்னி நட்சத்திரம் துவங்க இன்னும் நாட்கள் சில பாக்கியுள்ள போதிலும், கடந்த சில தினங்களாய் இங்கே நமது வலைப்பதிவில் வெப்பத்தின் அளவுகள் கூடி வருவதை நாம் அறிவோம் ! அதைப் பற்றிய ஆராய்ச்சிக்குள் தலையை நுழைப்பதற்கு முன்பாக நமது மாமூலான வேலைகளோடு பிள்ளையார் சுழியைப் போடுவோமா ?

மே துவங்கவிருப்பது நாளைய தினமே எனினும் நமக்கோ 'காமிக்ஸ் மே' ஒரு வாரத்திற்கு முன்பாகவே புலர்ந்து விட்டது! 3 கதைகளையும் படித்து, விமர்சித்து முடித்த கையோடு - what next ? என்ற கொட்டாவியோடு அமர்ந்திருக்கிறோம். LMS ன் பணிகள் ஒரு பக்கம் ஓசையின்றி நடந்து வரும் போதிலும் - இடைப்பட்ட ஜூன் & ஜூலை மாதங்களுக்கான ரெகுலர் இதழ்களை 'சட சட' வென்று பூர்த்தி செய்து விட்டால் கொஞ்சம் நிம்மதியாக இருக்குமென்ற எண்ணம் எனக்குள் குடி கொண்டு விட்டதால் ஜூன் & ஜூலை issues ஜரூராய்த் தயாராகி வருகின்றன ! 2014-ல் முதல் தடவையாக வுட்சிடியின் கோமாளிகளும், கோடீஸ்வரக் கோமானும் தலை காட்டப் போவது ஜூன் மாதத்தில் ! இதோ சிக் பில் & கோவின் முழுநீளக் காமெடி கலாட்டாவின் அட்டைப்படம் + உட்பக்க teaser !  

ஒரிஜினல் அட்டைப்படமே அழகாய் அமைந்திருந்தபடியால் அதனை நோண்டும் அவசியம் ஏதும் நேரவில்லை ; கதையின் பெயர், இத்யாதிகளை மாத்திரம் இங்கும் அங்குமாய் பொருத்தி விட்டு மேகி நூடுல்ஸ் பாணியில் விரைவாகத் தயார் செய்து விட முடிந்தது. பின்னட்டையில் கதைச்சுருக்கம் மட்டுமே சேர்ந்திடும் அச்சாகும் முன்பாக ! வழக்கம் போல ஷெரிப் & ஆர்ட்டின் அடிக்கும் கூத்துக்களே கதையின் highlight என்ற போதிலும், பின்பாதியில் சிக் பில் & குள்ளன் பொறுப்பாய்  இணைந்து கொள்கிறார்கள் ! 1953 முதலாய் சிக் பில் கதைகள் பிரெஞ்சில் வெளியாகி வரும் போதிலும், இதர மொழிகளில் அத்தனை பெரிதாய் சோபிக்கவில்லை என்பது தான் புதிரான விஷயம் ! வேற்று மொழிகளில் வெளியிட டிமாண்ட் அதிகம் இல்லாது போனதால் இத்தொடரின் அனைத்துக் கதைகளையும் டிஜிட்டல் கோப்புகளாக்கும் முயற்சியில் படைப்பாளிகள் வேகம் காட்டவில்லை ! தொடரின் புதுக் கதைகள் நீங்கலாக வண்ணத்தில் எஞ்சி இருப்பது 1960-களில் வெளியான இத்தொடரின் ஆரம்பத்து ஆல்பம்கள் மாத்திரமே ! அத்தனை பழைய கதைகளில் கையாளப்பட்டிருக்கும் சித்திர பாணியில் ; கதாப்பாத்திரங்களின் தன்மைகளில் நிறையவே வேறுபாடுகள் இருக்குமென்பதால் அவற்றால் நமக்குப் பெரியதொரு புண்ணியம் கிடையாது ! Cinebook போன்ற சாவதேச ஜாம்பவான்கள் யாரேனும் சிக் பில்லை வெளியிட முன்வந்தால் அவர்களின் பொருட்டாவது தயாராகக் கூடிய டிஜிட்டல் பைல்கள் நமக்கும் பயன்படும் ! நம்புவோம் - அப்படியொரு நாள் புலருமென்று !

"சென்னைப் புத்தக சங்கமம்" மிதமான விற்பனையைத் தந்த வகையில் பெரியதொரு ஏமாற்றம் ஏதுமில்லாது தலை தப்பிக்க உதவியது ! ஜூலை மாதம் நெய்வேலியில் நடக்கவிருக்கும் புத்தக விழா நமது அடுத்த இலக்கு ! அந்தப் பகுதிகள் நமக்கு முற்றிலுமாய் புதுசு என்பதால் அங்கு ஸ்டால் கிடைக்கும் பட்சத்தில் நமது இதழ்களை அங்குள்ள வாசகர்களுக்கு அறிமுகம் செய்திட ஒரு வாசல் திறக்கும் ! விண்ணப்பித்துள்ளோம் - நம்பிக்கையோடு ! ஸ்டால் கிட்டும் பட்சத்தில் 'சூப்பர் 6'-ன் முதலாவது BOOK FAIR SPECIAL அங்கே அரங்கேறிடும் ! "மேஜிக் விண்ட்" முதல் வண்ண இதழும், டெக்சின் "காவல் கழுகு" 114 பக்க B &W  சாகசமும் நெய்வேலிக்கென target செய்துள்ளோம் ! குறிப்பிட்ட எண்ணிக்கையிலான ஸ்டால்கள் மாத்திரமே நெய்வேலியில் அனுமதிக்கப்படும் என்பதால் புதியவர்களுக்கு entry கிடைப்பது சுலபமல்ல என்றும் சக புத்தக வெளியீட்டாளர்கள் மூலமாய் அறிந்து கொள்ள முடிந்தது ! ஆனால் அதன் அமைப்பாளர்கள் நம் மீது பரிவு காட்டுவார்கள் என்ற நம்பிக்கையோடு காத்துள்ளோம் ! மேஜிக் விண்ட் கதைகளின் வண்ண டிஜிட்டல் பைல்கள் ஓரிரண்டு நாட்களுக்கு முன்பாக நம்மை வந்து சேர்ந்தன ! ரொம்பவே வித்தியாசமான கதைக்கு, ரொம்பவே மாறுபட்ட வர்ணக் கலவை தரப்பட்டுள்ளது ! டெக்ஸ் ; டயபாலிக் சைஸ்களில் ஆர்ட் பேப்பரில் முழுவண்ணத்தில் வரக் காத்திருக்கும் இந்தத் தொடர் மட்டுமல்லாது, இந்த format -ம் கூட நம்மை ரசிக்கச் செய்யுமென்று நினைக்கிறேன் ! Fingers crossed !

அப்புறம் கடந்த பதிவின் பின்னூட்டக் கோர்வைகளில் கலந்துள்ள தேவையற்ற உஷ்ணத்தைப் பற்றி ! இந்த வலைப்பூ தனது இரண்டரை ஆண்டுகாலப் பயணத்தில் பார்த்திடும் முதல் சலனமோ, இறுதிச் சலனமோ இதுவல்ல எனும் போது இதற்கெனப் பெரிதாய் தூக்கத்தைத் தொலைக்காது நம் பாதையில் எப்போதும் போலத் தொடர்வது தானே லாஜிக் ? அபிப்ராயங்களில் ; அவற்றை வெளிப்படுத்தும் தொனிகளில் வேறுபாடு இருப்பினும், நிஜமான அடையாளங்களை வெளிக்காட்டிக் கொள்ளும் பிரியமின்றி, புனைப்பெயர்களோடு திடுமென இங்கு உலவுவோரும் கூட நம்மோடு வேறு பல சந்தர்ப்பங்களில் நேசத்தைப் பரிமாறிய நண்பர்களே என்பதையும் நினைவில் கொள்வோமே ?  ஏளனத்துக்கு ஏளனம் ; வெப்பத்துக்கு வெப்பம் என்றுமே பதிலாகாது என்பதை  அறியாதவர்களா நாம் ? So அந்த கணத்தின் தூண்டுதலில் காரமாய் பதில் சொல்லி தேவையற்ற சர்ச்சைகளை வளர்க்க வேண்டாமே ? சங்கடத்தை உருவாக்கும் விதமாய் பின்னூட்டங்கள் இனி இங்கு இடப்படும் பட்சத்தில் தேர்தலில் தற்போது தரப்பட்டுள்ள "வாக்களிக்கப் பிரியமில்லை"  என்ற ரீதியிலான உபாயத்தை நாமும் கையாள்வோம் ! "இந்தக் கருத்தோடு நான் உடன்படவில்லை!" என்று நாசூக்காய் பதிவு  செய்து விட்டு நகன்று செல்வோமே ? "பணிந்தவன்   பயந்தவனில்லை" என்பது ஆட்டோ பின்பக்கத்து வாசகமாய் மட்டுமே இருத்தல் அவசியமாகாது அல்லவா ? அதே போல யாரையேனும் நேரடியாகவோ, ஜாடையாகவோ காயப்படுத்தும் விதமாய் பதிவு ஏதேனும் இருப்பின், கிடைக்கும் முதல் சந்தர்ப்பத்தில் அதை நான் களைந்து விடுவேன் ! 'இங்கு ஜால்ரா அடிக்கும் விதமான சிந்தனைகளுக்கு மாத்திரமே இடமுண்டு !" என்ற ரீதியிலான விமர்சனத்தை அது கொண்டுவரினும் பரவாயில்லை ! ஏனெனில் அதனைப் பதிவு செய்வோர்க்கே தெரியும், அத்தகையக் குற்றச்சாட்டில் காலணாவிற்கு சரக்குக் கிடையாதென்று ! 

இது காமிக்ஸ் எனும் சுவையை நட்போடு பகிர்ந்து கொள்ளும் பொதுத் தளம் ! இங்கு எவ்விதமான கமெண்ட்கள் இருந்திட வேண்டும் ; எத்தனை கமெண்ட்கள் இருந்திட வேண்டும் ; என்ன ரீதியிலான கோரிக்கைகள் ; விவாதங்கள் முன்வைக்கப்பட வேண்டும் என்பதையெல்லாம் நிர்ணயம் செய்யும் உரிமையோ, பிரதிநித்துவமோ நிச்சயமாய் எவருக்கும் கிடையாது ! இங்கு ஜாலியாய், சந்தோஷமாய் பதிவிடுவோரெல்லாம் ஆற்றலில், விவேகத்தில் குறைச்சலானவர்கள் என்ற அபத்த சிந்தனைகளுக்கோ ; பள்ளி வகுப்பறைரீதியிலான அமைதி காக்கப்பட வேண்டுமென்ற code of conduct எதுவுமோ நிச்சயம் அமலில் இல்லை ! எப்போதும் போலவே மனதில் தோன்றுவதை சந்தோஷமாய் பகிர்ந்திட இந்தத் தளம் தனது கதவுகளை 24/7 திறந்தே வைத்திருக்கும் ! 

அதே சமயம் நண்பர்களுக்கு சின்னதாய் சில வேண்டுகோள்களும் கூட :

1. பதிவுகளை இங்கொன்றும், அங்கொன்றுமாய் சிதறல்களாய்   வெளியிட்டிடாமல் கோர்வையாக எழுதினால் படிக்கவோ / தாண்டிச் செல்லவோ ஏதுவாக  இருக்கும் - அவரவர் விருப்பத்தைப் பொருத்து ! 
2. பல சந்தர்ப்பங்களில் நான் உங்களது பின்னூட்டங்களுக்குப் பதில் போட முனைவது நடுச்சாமத்திலோ, அதிகாலையிலோ தான் ! அயர்ச்சியின் காரணமாகவோ, திடீர் மின்வெட்டின் காரணமாகவோ ; தொங்கிக் கொண்டிருக்கும் கதைகளின் எழுத்துப் பணிகளின் பொருட்டோ- நண்பர்களின் எல்லா கேள்விகளுக்கும் பதில் தர முடியாது போகலாம் ! "அவர் கேட்ட கேள்விகளுக்கு பதில் கிட்டுகிறது ; எனக்கில்லையா ?" என்ற ரீதியில் சில சமயங்களில் உளைச்சல்களை இது ஏற்படுத்தி இருக்கக்கூடும் என்பது எனக்குப் புரியாமல் இல்லை ! நிச்சயமாய் நண்பர்களுக்குள் பாகுபாடு பார்க்கும் அவசியம் எனக்குக் கிடையவே கிடையாது ! அதே போல உங்கள் கேள்விகள் / அபிப்ராயங்கள் பகிரப்படுவது என் ஒருவனை நோக்கி மாத்திரமே என்பதால் அதனை நீங்கள் மறக்காதிருப்பது சுலபம் ! ஆனால் என் நிலையோ வேறு - பதிவின் பின்னூட்ட எண்ணிக்கை நூறைத் தாண்டிடும் நிலையிலேயே - யார் என்ன சொன்னார்கள் ? ; யாருக்கு நான் என்ன பதில் சொன்னேன் ?என்பது என் தலைக்குள் சாம்பாராகிப் போயிருக்கும் ! So அதன் பொருட்டு அவ்வப்போது நேரக்கூடிய சிற்சிறு மனவருத்தங்களுக்காக எனது apologies !
3. "அவ்வப்போது தட்டி வைக்கப்படாவிடால் ஆசாமிக்கு மண்டைக்கனம் ஏறி விடும் ! " என்ற ரீதியிலான அபிப்ராயங்கள் நண்பர்களின் ஒரு சிறுபான்மைக்கு உள்ளதை அவ்வப்போது வரும் சில மின்னஞ்சல்களும், மாற்றுப் பெயரிலான பின்னூட்டங்களும் சொல்வதை நான் புரிந்து கொள்ளாமல் இல்லை ! இதன் பொருட்டே கூட விமர்சனங்களில் காரம் எனும் வத்தல் (தேவைக்கு அதிகமாகவே) தூக்கலாய் ஆங்காங்கே இருப்பதையும் உணரவும் செய்கிறேன் ! வாழ்க்கையின் ஒவ்வொரு காலகட்டத்திலும் ஒவ்வொரு விஷயம் பிரதானமாகத் தெரிவது இயல்பே ! நான் தற்போது நிலைகொண்டுள்ள பருவத்தில் - எழுத்தும், அது கொண்டு வரும் திருப்தியுமே என்னை இயக்கும் பெட்ரோல் ! அவ்வப்போது நண்பர்களின் கனிவான வார்த்தைகளைப் படிக்கும் போது எழும் சின்னதொரு சந்தோஷத்தைத் தாண்டி இறுமாப்பிற்குப் படிக்கட்டுகளாய் அவை ஒரு நாளும் இருந்ததில்லை ; இருக்கவும் போவதில்லை! I know I am as good or as bad as my last hit or my last flop ! ஏப்ரலில் ஷெல்டனும், லக்கியும் கச்சிதமாய் அமையப் பெற்றதால் 'ஹிட்' அடிக்க முடிந்தது ! ஆனால் 25 நாட்களே கடந்த நிலையில் - கதைகளில் ; தர எதிர்பார்ப்புகளில் கொஞ்சமேனும் குறைகள் எட்டிப் பார்க்கும் போதே பிசிறடிக்கும் எண்ணச் சிதறல்கள் நிலவரத்தைப் பறை சாற்றுகின்றன ! So உயர மிதக்கிறேன் பேர்வழி என்று பறந்து விட்டு, மோடேர் என்று பூமியைப் பதம் பார்ப்பதை விட கால்கள் தரையில் திடமாய் ஊன்றி நிற்பது சாலச் சிறந்தது என்பது எனது வாழ்க்கைப் பாடம் ! 
4. Last but not the least, ஒவ்வொரு முறையும் ஈகோ எனும் முகமில்லா மாயாவி நம்மிடையே உலவும் வேளை வரும் போது தான் முட்டல்களும்  , மோதல்களும் தலைதூக்குகின்றன ! ஏதேதோ சிற்சிறு மனத்தாங்கல்களால் மனதளவில் விலகி நிற்கும் நண்பர்கள் அனைவரும் நேசமெனும் கரத்தை முன்நீட்டினால் "இனி எல்லாம் சுபமே  !" என்று end card போட்டு விடலாம் அல்லவா ? நானும் இங்கே மாங்கு மாங்கென்று 'அட்வைஸ் அய்யாசாமியாய்' அவதாரம் எடுப்பதற்குப் பதிலாய் - அண்ணன் "மேஜிக் விண்ட்" அவர்களோடுடனான பணிகளைக் கவனிக்கச் செல்வேன் அல்லவா ? Take care folks ! See you around !

P.S: கடந்த பதிவில் ஆங்காங்கே காயம் செய்யும் விதமாய் பரிமாறப்பட்டுள்ள பின்னூட்டங்களை ஒட்டு மொத்தமாய் களைந்திட நினைத்தேன் ; ஆனால் முன்பு ஒருமுறை செய்த அந்த "மொத்த இருட்டடிப்பு" வேண்டாமே என்று தோன்றியது ! மன உளைச்சல்களுக்கு நானும் ஒரு விதத்தில் காரணம் ஆகி விட்டதற்கு மீண்டும்  apologies !!

கேட்டது கிடைத்தது...!!

நண்பர்களே,

வணக்கம் ! இதை..இதைத் தான் காணக் காத்துக் கொண்டிருந்தேன் ! ஒவ்வொரு மாதத்து இதழ்களும் வெளியாகும் முன்பாக அதன் எதிர்பார்ப்பில் இங்கு நிறையப் பின்னூட்டங்கள் குவிவதும், உற்சாக அரட்டைகள் அரங்கேறுவதும் சந்தோஷம் தரும் நிகழ்வுகள் ! ஆனால் இதழ்கள் கைக்குக் கிடைத்தான பின்னே, கொஞ்சமாய் in-depth  விமர்சனங்கள் ; சன்னமாய் மேலோட்டமான விமர்சனங்கள் என்பதைத் தாண்டி பெரியதொரு feedback இருப்பதைக் காணவே இயலாது போயிருந்தது ! உங்கள் நாடிகளை ; ரசனைகளை எனக்கு அறியத் தரும் ஆக்கபூர்வமான கருத்துப் பரிமாற்றங்கள் கொஞ்ச காலமாகவே இல்லாததில் எனக்கொரு மௌன வருத்தம் ! ஆனால் இம்முறையோ மே மாதத்து இதழ்கள் மூன்றையும் அழகாய் அலசிடும் ஒரு பாங்கை நண்பர்கள் அனைவரும் பொறுப்பேற்று நயம்படச் செய்து வருவதைக் கண்ட போது மனதுக்கு இதமாய் இருந்தது ! ஓராண்டின் ஓட்டத்தின் போதே தொடரும் ஆண்டின் இதழ்களைப் பற்றிய அசைபோடுதல் என் மனதில் ஓடும் அளவுக்கு நாம் முன்னேறியுள்ளது உங்கள் அனைவரது ஒத்துழைப்பினால் தான் என்பதில் எவ்வித இரகசியமும் கிடையாது ! அப்படியிருக்கையில் - உங்களது விருப்பு-வெறுப்புகளை ஸ்பஷ்டமாய் தெரிவிக்க கொஞ்சமே கொஞ்சமேனும் அவகாசம் எடுத்துக் கொள்ளும் பட்சத்தில் - அதன் பலன்கள் நம் அனைவருக்கும் இன்னும் தரமான கதைகளாகக் கிடைக்கும் விதத்தில் பிரதிபலிக்கும் !

அதற்கொரு உவமை காண அதிக தொலைவு நாம் செல்லத் தேவையிராது - மே மாதத்து "முகமற்ற கண்கள்" நம் அருகாமையில் இருக்கும் போது ! கால் நூற்றாண்டுக்கு முன்பாக இது வெளியான சமயம் நமது ரசனைகளும், வயதுகளும் வேறொரு பரிமாணத்தில் இருந்ததால் - அன்றொரு smashhit ஆவது சுலப சாத்தியமானது ! ஆனால் இன்றைய 'லார்கோ' யுகத்தில் என்ன தான் வான்சின் சித்திரங்கள் மாயம் செய்தாலும், வண்ணம் அழகாய் மிளிர்ந்தாலும், முதுகெலும்பான கதையின் புராதனம் ப்ருனோவை ரசிப்பதை சிரமமாக்குவதை நான் எடிட் செய்யும் போதே உணர்ந்தேன் ! இங்கே இப்போது தெரிவிக்கப்பட்டுள்ள கருத்துக்களின் தொனிகளும், எனது அனுமானமும் ஒன்றிச் செல்வதால் - ஓரளவுக்கேனும் we are in sync என்ற ஆறுதல் எனக்கு. நல்ல காலமாய் இந்தாண்டின் திட்டமிடலில் இதற்கு மேலாக ப்ருனோவிற்கு (மறுபதிப்பு) வாய்ப்புகள் வழங்கவில்லையே என்ற மகிழ்ச்சியும் கூட ! 2015-ன் மறுபதிப்புப் பட்டியலைப் பற்றிய திட்டமிடலுக்கு நிறையவே யோசனை தேவை என்பது மட்டும் இப்போதைக்கு நான் இதனில் உள்வாங்கி இருக்கும் பாடம். கேப்டன் பிரின்ஸ் கதைகள் + லக்கி லூக் கதைகளைத் தாண்டி (வண்ண) மறுபதிப்புகளுக்கு ஒத்து வரக் கூடிய கதைகள் வேறு என்னவாக இருக்குமென்ற உங்களின் suggestions ப்ளீஸ் ? (ஸ்பைடர் ; ஆர்ச்சி என்ற மாமூல் சிந்தனைகளுக்கு அப்பாற்பட்ட )..

மறுபதிப்புகள் பற்றிய பேச்சு ஓடிக் கொண்டிருக்கும் வேளையிலேயே - எனக்கு சமீபமாய்த் தோன்றியதொரு சிந்தனையை உரக்க வெளிப்படுத்த இதை வாய்ப்பாக்கிக் கொள்கிறேன் ! ஜூலையில் மறுபதிப்பு வரிசையில் லக்கி லூக்கின் "பூம் -பூம் படலம்" வரக் காத்துள்ளது. இக்கதை லயனில் ஒரிஜினலாய் வெளியான நாட்களில் நாம் ஒவ்வொரு தொடருக்கும் பயன்படுத்திய மொழிநடைகளில் ஒரு consistency இருந்து வந்ததில்லை. சில கதைகளில் லக்கி பேச்சு வழக்கில் உரையாடுவதும், சில கதைகளில் தூய தமிழில் "செப்புவதும்" உண்டு ! "பூம்-பூம் படலம்" டைப்செட் ஆகி எனது மேஜைக்கு சென்ற வாரம் வந்த போது - சுத்தமாய் மறந்து போய் இருந்த இக்கதையை மேலோட்டமாய்ப் படிக்கத் துவங்கினேன். கதையினில் லக்கி தூய தமிழில் மாத்திரமே பேசும் பாணியானது தற்போது நாம் அவருக்கென நிர்ணயம் செய்து வைத்துள்ள பேச்சு வழக்கிற்கு நெருடலாய் இருப்பது போல் எனக்குப்பட்டது. தவிரவும், பேச்சு வழக்கில் கிட்டும்  அந்த சுலப humour அதில் குறைவாய் இருப்பதாய்த் தோன்றியது ! LMS மற்றும் சூப்பர் 6-ன் கதைகளை இழுத்துப் போட்டுக் கொண்டிரா ஒரு சற்றே ஓய்வான சமயமாக இருப்பின், இக்கதையை நிச்சயமாய் நாம் மறுமொழிபெயர்ப்பு செய்ய முனைந்திருப்பேன் ; ஆனால் தற்போதோ விழி பிதுங்கி நிற்கும் சூழலில் அது சாத்தியமில்லை எனும் போது எனக்கொரு சிந்தனை தோன்றியது ! KAUN BANEGA COMPLETE TRANSLATOR ? போட்டி ஒன்றை அறிவித்து இந்த இதழை முழுமையாய் - தற்போதைய லக்கி பாணிக்கு ஒத்து வரும் விதத்தில் வாசக நண்பர்கள் மொழிபெயர்க்க ஒரு வாய்ப்பளித்தால் என்ன என்பதே அந்த மகா சிந்தனை !! What do you think of it folks ? உங்கள் அனைவரிடமும் இந்த இதழின் ஒரிஜினல் (தமிழ்) பதிப்பு இருக்குமெனும் போது, புதியதொரு வார்ப்பில் மொழிநடையினை அமைக்கும் பணியானது சுவாரஸ்யம் தருமா உங்களுக்கு ?  சின்னச் சின்ன கதைகளாக இல்லாது - ஒரு முழு நீளக் கதையினில் பணியாற்றும் அனுபவமும் எப்படி இருக்குமென்பதை சந்தடி சாக்கில் உங்களுக்கு அறிமுகம் செய்தது போலாகாதா ? What say ?

மே மாத வண்ண இதழ் # 2 - தோர்களிலும் எனது அனுமானங்கள் உங்களின் அபிப்ராயங்களோடு ஒத்துச் செல்லும் விதமாகவே உள்ளன ! Cinebook வெளியிடுவதைப் போல நடு நடுவே உள்ள ஹிட் கதைகளை மட்டுமாய்த்  தேர்வு செய்து நாமும் வெளியிடுவதில் படைப்பாளிகளுக்கு அத்தனை ஏற்பில்லை. பிந்தைய கதைகளில் கவனத்தைச் செலுத்திடும் பட்சத்தில் - ஒரு கட்டத்துக்குப் பின்னே துவக்க நாட்களது கதைகளை நாம் ஓரம் கட்டி விடுவோம் என்ற (நியாயமான) முன்ஜாக்கிரதை அவர்களுக்கு. So ஒரிஜினலான வரிசையில் பயணிப்பது தவிர்க்க இயலா சூழல். ஆனால் ஆங்கிலத்தில் இது வரைப் படிக்க வாய்ப்புக் கிட்டா கதைகளையும் தமிழ் மூலமாவது படிக்க சாத்தியமாகிறதே என்று positive ஆக எடுத்துக் கொள்வோமே ! கதைகளைப் பொறுத்த வரை - இன்னும் கொஞ்சம் அவகாசம் தேவை அதன் களம் முழுமையாய் நம் முன்னே விரிவதற்கும், தோர்கல் முழுமையாய் நம்மை ஆக்கிரமிப்பதற்கும். ஆங்கிலத்திலோ, இதர மொழிகளிலோ இதனைப் படித்திருகா நண்பர்கள் சற்றே பொறுமை காத்தால் - ஒரு அழகான தொடரை தைரியமாய் தொடரும் சூழல் உருவாகும். இக்கதையின் வர்ணக் கலவைகள் சற்றே outlandish ஆக இருப்பது கண்ணுக்கு உறுத்தலாய் இருப்பதை நானும் ஒத்துக் கொள்கிறேன் ; கொஞ்சமே கொஞ்ச தூரம் இத்தொடரில் கடந்து விட்டால் காத்திருப்பது ஒரு விருந்து என்பது நிச்சயம் ! 

இறுதியாய் மே மாதத்து முதல்வர் டெக்ஸ் பற்றி : கதையின் அதிரடிக் களம் நம்மை நிச்சயமாய் டிராகன் நகரத்து நாட்களுக்குக் கொண்டு செல்லும் என்பதை உணர அதிகம் சிரமம் நேரவில்லை ! அதிலும் அந்த ஒற்றைக்கு ஒற்றை duel நமக்குள் இருக்கும் அந்த hero worship ஐ தூக்கலாய் வெளிக் கொணரும் என்பது எனது நம்பிக்கையாக இருந்தது. இந்த சாகசத்தில் கார்சனுக்கும் முக்கிய பங்கு இருப்பதால் அவரது மாமூலான wisecracks சங்கதிகளை அள்ளி விட எனக்குமொரு வாய்ப்பு கிட்டியது. சித்திரங்களில் உள்ள அந்த வேற்றுமை ஒரு தவிர்க்க இயலா விஷயம் எனும் போது அதனோடு வாழப் பழகிக் கொள்ள வேண்டியது தான் ! அதிலும், இந்த சாகசத்தின் ஓவியர் இத்தலைமுறை டெக்ஸ் கதைகளுக்கு தீவிரமாய்ப் பணியாற்றும் ஓவியர் எனும் போது -  we are bound to see more of him ! காகிதத்தின் தரம் பற்றிய உங்களின் வருத்தங்கள் புரிந்து கொள்ளக் கூடியதே ! ஆனால் சில காலமாகவே நான் வைத்து வரும் பிலாக்கனமும் மாறும் வழியைக் காணோம் எனும் போது கறுப்பு-வெள்ளை இதழ்களோடு ஒவ்வொரு முறையும் இதே மல்யுத்தமே ! நாம் இதழின் விலையை ஜாண் ஏற்றினால். பேப்பர் மில்களோ தரமான வெள்ளைத் தாளின் விலைகளை முழம் ஏற்றி விடுகின்றன ! தற்போது நாம் பயன்படுத்தியுள்ள காகிதம் (Malar Maplitho) டன் ஒன்றின் விலை ரூ.54,000 ! TNPL போன்ற முன்னணி மில்களின் விலைகளோ ரூ.70,000 ! டன் ஒன்றிற்கு ரூ.16,000 கூடுதல் எனும் போது தான் டிரௌசர் இடுப்பில் நிற்கவே மாட்டேன்கிறது ! இதற்கொரு மாற்றுத் தீர்வை என் தந்தையும், என் தனையனுமாய் சேர்ந்து தேடி வருகின்றனர் ! LMS-ல் நிச்சயமாய் இந்த ரகக் காகிதம் இராது என்பது மட்டும் உறுதி. மற்றபடிக்கு, புதிய முயற்சி வெற்றி காணும் பட்சத்தில் அடுத்த black & white இதழிலேயே நீங்கள் ஒரு சந்தோஷ மாற்றத்தைக் காண்பீர்கள் !  

அடுத்த மாதம் லார்கோ வின்ச் + சிக் பில் கதைகள் என்பதால் எனது பணி சிரமம் ; ஆனால் பாடு சுலபம். சீக்கிரமே இவர்களும் உங்களைத் தேடி வரத் தயார் என்பதால் இந்தாண்டின் மையப் பகுதியை நாற்கால்ப்பாய்ச்சலில் எட்டிப் பிடித்து விடுவோம். ஆனால் நிஜமான பரிசோதனைகள் காத்திருப்பது இரண்டாம் பாதியினில் தான் என்பதால் - இப்போதிலிருந்தே ஒரு உத்வேகம் கலந்த nervousness எங்களுள் !! அவ்வப்போது சாய்ந்து கொள்ள உங்களின் ஆக்கபூர்வமான சிந்தைகள் கிட்டிடும் பட்சத்தில் தூள் கிளப்பிடும் உறுதி எங்களுக்குள்ளது !

தற்போது நடந்து வரும் சென்னை புத்தக சங்கமம் கோடையின் வெயிலுக்கும், IPL எனும் அசுரனுக்கும் இரண்டாம் பட்சமாய் இருந்து வந்தாலும் இவ்வாரம் மானத்தைக் காப்பாற்றி விட்டது என்றே சொல்ல வேண்டும். ஜனவரியின் விற்பனை இலக்குகளுக்கும் இதற்கும் துளி சம்பந்தமும் இல்லையெனினும், காற்றாடிய ஆரம்ப நாட்களைப் போல் அல்லாது இவ்வாரம் சுறுசுறுப்பாகவே விற்பனைகளைக் கண்டுள்ளது ! நாளையே இறுதி தினம் என்பதால் இது வரைக்கும் செல்ல நேரம் கிட்டி இருக்கா சென்னை நண்பர்கள் நாளை தலையைக் காட்டிடலாமே ? மீண்டும் சிந்திப்போம் ...Stay cool until then !

இல்லம் எங்கிலும் காமிக்ஸ்...உள்ளம் முழுவதும் மகிழ்ச்சி !

நண்பர்களே,

வணக்கம். 150-வது பதிவென்பதால் மாமூலான சங்கதிகளோடு சலாம் போட்டு முடித்து விடாமல் - கொஞ்சம் பொறுமையாய் எழுதுவோமே என்று பேனாவையும், பேப்பரையும் தூக்கிக் கொண்டு அமர்ந்தால்  தொடர்ந்த பதிவின் கருவானது  ஒன்பது மணி மெகா சீரியலைப் போல் நீள்வதைத் தவிர்க்க இயலவில்லை ! எழுதியதை டைப் அடிப்பதில் தாவு தீர்ந்து போவதால் ஸ்க்ரிப்டை நமது டைப்செட்டிங் பெண்மணியிடம் ஒப்படைக்கிறேன் - இன்றைய இரவுக்குள் டைப்செட் செய்து வந்து விடுமென்ற நம்பிக்கையில் ! Here goes : 

மே மாத இதழ்கள் இன்றைய கூரியரில் / பதிவுத் தபாலில் புறப்பட்டு விட்டன ! எலெக்ஷனுக்கு மறு நாள் காலை உங்கள் வீட்டுக் கதவுகளை அவை தட்டியாக வேண்டும் !