சந்தோஷமெனும் 2025 !!

 நண்பர்களே,

வணக்கம்! புத்தாண்டு நல்வாழ்த்துகள்! டெக்ஸ் வில்லரின் ஆரோக்கியமும், தளபதி டைகரின் மதியூகமும், லக்கி லூக்கின் அதிர்ஷ்டமும், லார்கோவின் குன்றா செல்வமும் இந்தாண்டு முழுக்க உங்களோடு பயணிக்க புனித தேவன் மனிடோ அருள்புரிவாராக!

2026.. ஒரு புது வருஷம்... yet another புதுப் பயணம்!

நிஜத்தைச் சொல்வதானால் இந்த நொடியில் என்ன எழுதுவதென்றே தெரியவில்லை! 2025 எனும் ஒரு அசாத்திய ஆண்டு இதோ- ஓரிரு நாட்களுக்கு முன்னர் தான் முற்றுப் பெற்றிருக்க, மண்டையினுள் கலீடாஸ்கோப்பில் தெரிவது போல கலர் கலராய் ஏதேதோ காட்சிகள் கரணமடித்து வருகின்றன! 

பாக்ஸிங் போட்டிகளில் உடல் எடைக்கேற்ப வெவ்வேறு பிரிவுகள் இருப்பதுண்டு!

* 53 கிலோ எடை வரையிலும் உள்ள குத்துச்சண்டை வீரர்கள் பங்கேற்கும் பிரிவுக்கு Bantamweight என்று பெயர்!

* 61 கிலோ எடை வரை உள்ளோர் Lightweight பிரிவில் மோதுவர்!

* 90 கிலோக்களுக்கு மேலே இருப்போருக்கு Heavyweight பிரிவு!

ரொம்ப ரொம்பச் சொற்பமான போட்டிகளில், கம்மியான எடைப்பிரிவில் உள்ள வீரர்கள் தம்மை விடக் கூடுதல் எடை கொண்ட வீரர்களோடு மோதி வெற்றியும் காண்பதுண்டு! பாக்ஸிங்கில் இதனை "Punching above your weight'' என்பார்கள்! இந்த நொடியினில் எனக்கு அது தான் நினைவுக்கு வருகிறது!

* எலி­க்குட்டி போலானதொரு நிர்வாகக் கட்டமைப்பு...!

* பூனைக்குட்டி போலானதொரு மிதமான பொருளாதார அமைப்பு..!

* சுண்டைக்காய் போலானதொரு விற்பனை அமைப்பு..!

* ஆனால், ஆசைகளும், லட்சியங்களுமோ வானளவு..!

நம்மை நாமே சுருக்கமாய் வர்ணித்துக் கொள்வதாயின் மேற்படி நான்கு வரிகளே போதும்! ஆனாலும், எலி­க்குட்டியாய், பூனைக்குட்டியாய், சுண்டைக்காயாய் இருந்து கொண்டே, கடந்துள்ள 2025-ல் நமது அணி செய்துள்ள சாதனைகளை நெருங்கிட பதிப்புலக ஜாம்பவான்களே தண்ணீர் குடிக்க வேண்டி வருமென்று சொன்னால் மிகையாகாது! Our team has punched way beyond it's weight என்பதே 2025-ஐ நிதானமாய் அசைபோடும் போது மனதில் எழும் முதல் சிந்தனை! இதைக் கொஞ்சம் மனதில் அசைபோட்டுப் பாருங்களேன் : 

"ஒரேயொரு குருக்கள் வர்றார்" - என்ற கதையாக.... 

-ஏப்ரல் முதலே, நமது DTP டீமில் பணியாற்றுவது ஒரேயொரு பெண்மணி   !

-ஊரெல்லாம் சுற்றி வரும் புத்தக விழா கேரவனில் இருப்பதும் ஒரேயொரு பெண்மணி !

-Front office-ல் உங்களது ஆர்டர்களையும், அப்புகளையும் ஒருசேரக் கையாள்வதும்  again ஒரேயொரு பெண்மணி !

-தயாரிப்பிலிருந்து, அச்சிலிருந்து , பைண்டிங்கிலிருந்து சகலத்தையும் ஒருங்கிணைக்க இம்மி கூட formal படிப்போ, பயிற்சியோ இல்லாத ஒரு நபர் !

_இவர்களோடு ஒரேயொரு திறன்கொண்ட, முறையான கல்வி கற்ற ஜூனியர் எடிட்டர் !

-And இவுகளுக்கெல்லாம் பாஸூ என்று சொல்லிக் கொள்ள, இன்னிக்கே ரிட்டையர்மென்ட்டுக்கு ரெடியானதொரு  ஆந்தை விழியன் - இளமை எனும் ஊஞ்சலில் ஆடியபடியே !

இந்த amateur டீம் ஒன்றிணைந்து தயாரித்துள்ள வானவில்லே 2025-ன் ஜாலங்கள் என்பதை எனக்கே நம்ப முடியலை இந்த நொடியினில் ! பீப்பீ ஸ்மர்ஃப் போல இது நம்ம  பீப்பீயை நாமே  ஊதிக் கொள்வது போலி­ருக்கலாம் தான் - ஆனால், 2025-ல் வெளியான 56 இதழ்களும் என் மேஜையில் இறைந்து கிடக்கும் இந்த நொடியில் ஒரு மெலி­தான பெருமிதம் உள்ளாற விரவுவதைத் தவிர்க்க இயலவில்லை! இத்தனை ஆல்பங்களை, இந்த அவகாசத்தினுள், இந்தத் தரத்தில், இந்த சொற்ப சர்குலேஷனோடு, இந்த விலைகளில், இந்த variety சகிதம் வெளியிட எந்தவொரு பிராந்திய மொழிப் பதிப்பகத்திற்கும் "possible நஹி' என்பதை காதுக்குள் ஒரு பட்சி சொல்கிறது!

* கௌபாய்* ஆக்ஷன் * டிடெக்டிவ் * ஹாரர் * கார்ட்டூன் * Fantasy* இருள் களங்கள்* மென்சோகம்  * வரலாறு* சர்வதேச பிசுனஸ் களங்கள்

என இந்தாண்டினில் நாம் அடித்திருக்கும் பல்டிகளின் பரிமாணங்கள் பற்பல..! And அவை ஒவ்வொன்றையுமே ஆரவாரமாய் ரசித்து, நெஞ்சோடு அணைத்துக் கொண்டிருக்கும் சிறுவட்டமான உங்களிடம் பீற்றிக் கொள்வதில் தப்பேயில்லை என்றே தோன்றுகிறது- simply becos இது பரஸ்பரம் காலரைத் தூக்கி விட்டுக் கொள்ளும் தருணமாச்சே?!

* வேறு எந்த இந்திய மொழியில் ஒரு வரலாற்று ஆவணத்தை சங்கீதத்தை ரசிக்கும் முனைப்புடன் கொண்டாடுவார்களோ?

* வேறு எந்த இந்திய மொழியில் ஒரு பொழுதுபோக்கு இதழில் - Bitcoin; cryptocurrency என்று எக்னாமிக்ஸ் பாடமெடுப்பதை சகித்துக் கொள்வார்களாம்?

* வேறு எந்த இந்திய மொழியில் ஒரு பரபரப்பான ஆக்ஷன் காமிக்ஸ் நாயகரை Futures Trading; Derivatives என்ற கிறுகிறுக்கும் களங்களில் இறக்கி விடும் லாவகத்தை ஆர்வமாய் உள்வாங்குவார்களாம்?

* வேறு எந்த இந்திய மொழியில் இரும்புக்கை மாயாவியைக் கொண்டாடும் அதே மூச்சினில் சமுராய்களின் vintage காலகட்டத்துக் கதைகளையும் சிலாகித்த கையோடு, "மூன்றாம் தினம்'' என்ற சிண்டைப் பிய்க்கச் செய்யும் இருண்ட களத்தினுள் நடமாடத் துணிவார்களாம்?

So யாருக்கும் கிட்ட வாய்ப்பில்லாத ஒரு unique வாசக வட்டம் நமக்குக் கிட்டியிருக்கும் போது, அவர்கள் முன்னே தைய்யா- தக்கா என்றேனும்  சிக்கிய சிக்கிய டான்ஸ்களையெல்லாம் 56 தபாக்கள்  அவிழ்த்து விட்ட மகிழ்வை உரக்கப் பகிர்வதில் சாமி குற்றமில்லை என்று நினைத்தேன்! So Cheers to us & 2025 folks...! 

இதில் பெரும் கூத்து என்னவென்றால்- ரெகுலர் தடத்திலான 32 புக்ஸ் தவிர்த்த பாக்கி எல்லாமே on the go தீர்மானமானவைகளே! உங்களது உற்சாகங்கள் அசாத்திய ஊக்க சக்திகளாய் செயல்பட்டிட - ஒவ்வொரு "ஆட்றா ராமா.. தாண்ட்றா ராமா'' படலமுமே சித்திரைத் திருவிழாக்களாகிப் போயின! And இந்த நொடியில் நம் முன்னே ""டங்கடி.. டங்கடி..'' என ஆட்டம் போடும் கேள்வியே- ''WHAT NEXT?'' என்பதே! ரெண்டு பந்துகளை சிக்ஸருக்குச் சாத்தின மறுநொடியே அடுத்த பந்தையும் ஸ்டேடியத்தை விட்டே வெளியே சாத்தத் துடிக்கும் பேட்ஸ்மேனின் புஜங்களைப் போல உள்ளுக்குள் அலைபாய்கிறது மனசு! ""இந்த ரோட்டை வாங்கிப் போட்டுப்புடலாமா?'' "இந்த தெருவை வாங்கிப்புடலாமா?'' என பாடாய்ப்படும் கவுண்டராகத் தான் கண்ணுக்கு முன்னே தென்படும் அம்புட்டு மெகா காமிக்ஸ் படைப்புகளையும் பார்வையிடத் தோன்றுகிறது! "அடங்குடா கைப்புள்ள' என்று உள்ளாற ஒரு மூ.ச. அனுபவஸ்தனின் குரல் மட்டும் சன்னமாய் ஒலி­ப்பதால், எனக்கு நானே "தடா' போட்டுக் கொண்டிருக்கிறேன்!

"கைப்புள்ள'' என்ற தலைப்பிலி­ருக்கும் போது, இந்த ஒற்றை விஷயத்தை உட்புகுத்தி விடுகிறேனே folks? 2026-ன் சென்னை புத்தகவிழா ஸ்பெஷல்களுள் ஒன்றாக வரவுள்ள "கைப்புள்ள ஜாக் ஸ்பெஷல்' - மூன்று தினங்களுக்கு முன்னே தான் அச்சாகி என் மேஜைக்கு வந்துள்ளது! சமீப காலங்களில், இதற்கு இணையானதொரு கலர் படைப்பை நாம் பார்த்திருக்கவே மாட்டோம் என்பது தான் என் மண்டைக்குள் ஓடிய முதல் சிந்தனை! லேட்டஸ்ட் லார்கோவோ; டேங்கோவோ; லக்கி லுக்கோ கூட இந்த அரை ஜாண் வெகுமதி வேட்டையனிடம் பிச்சை எடுத்திட வேண்டியதிருக்கும் என்பேன்! சித்திரங்களும்.. கலரிங்கும் வேறொரு லெவலுக்கு இதை இட்டுப் போயிருப்பதாக நினைக்கிறேன்! "கார்ட்டூன் தானே ?" என ஓரம் கட்டினால், நிச்சயமாய் ஒரு அற்புதத்தை மிஸ் செய்தவர்களாகி விடுவீர்கள் !! 

And காத்துள்ள "கர்மாவின் சாலையில்'' கிராபிக் நாவலுமே ஒரு ரவுசான வாசிப்பு அனுபவத்தினை நல்க இருப்பதாய் மனுசுக்குள் ஒரு பீ­லிங்! குறும்படங்கள்; OTT தளங்களில் ரிலீஸ் ஆகும் சில பரீட்சார்த்தத் திரைப்படங்களை Roomcom என்பார்கள்! அதாவது ஒட்டுமொத்தப் படமுமே ஒற்றை அறைக்குள் இருக்கும் மனிதர்களோடே அரங்கேறி முடிந்துவிடும்! இங்கேயோ இதனை Carcom எனலாம் - becos இருளுக்குள், தனிமையில் சீறிச் செல்லும் ஒற்றைக் காருக்குள் அமர்ந்திருக்கும் ஆசாமியே கதையின் சகலமும்! அந்த ஆளரவமற்ற சாலையில் அரங்கேறிடும் பயணத்தில் மனுஷனது வாழ்க்கையே என்னமாய் ரோலர் கோஸ்டராட்டம் ஊசலாடுகிறது என்பதே இந்த ஆல்பத்தின் களம்!! லைட்டாக ஒரேயொரு பக்கத்தினை இங்கே ப்ரிவ்யூ செய்திடும் ஆசையைத் தவிர்க்க இயலவில்லை- so here goes :

இந்த ஆல்பத்தினை "திசைகள் நான்கு'' தனித்தடத்தில் முயற்சித்திடவே எண்ணியிருந்தேன்! ஆனால், அந்த "வாய்க்குள்ளாற கால்'' முயற்சிக்கென ஒரு iconic கதைத் தொடரை shortlist செய்து அவற்றின் உரிமைகளுக்காக வெயிட்டிங்! சொல்லப் போனால் ஒப்புதல் எல்லாம் வந்தாச்சு தான்; ஆனாலும் நமது ரெகுலர் (லக்கி லூக்) சைஸில் அவற்றைப் பிரசுரிக்க கதாசிரியர்+ ஓவியரின் இசைவைத் தெரிந்திடவே வெயிட்டிங்! Maybe.. just maybe இந்த சைஸுக்கு அவர்கள் தயங்கினால், MAXI சைஸில் அந்தத் தொடரினை களமிறக்கிடவும் நாம் தயங்க மாட்டோம்!  கோக்குமாக்கான ஒரு முயற்சிக்கு இதை விடவும் செம பொருத்தமான ஈரோவோ / தொடரோ அமையாது என்பேன் ! Fair chances are that - "இன்னா மேன் தொடர் இது?'' என்று நீங்கள் திகைக்கவும் செய்யலாம் தான்! ஆனால், மதிப்பெண்களையும், விமர்சனங்களையும் எதிர்நோக்கியே பரீட்சை எழுதிப் பழக்கப்பட்ட template-க்கு டாட்டா காட்டிவிட்டு, "நேக்கு புடிச்சது.. நோக்கும் புடிக்குமென்ற நம்பிக்கையில் கொண்டு வந்திருக்கேனாக்கும்!'  என்று "திசைகள் நான்கு'' ரூட்டில் வண்டியை விட எண்ணியுள்ளேன்! So கொஞ்சமே கொஞ்சமாய் வெயிட்டிங் ப்ளீஸ்!

புத்தாண்டு...புத்தாண்டின் முதல் மாதம் : 

வழக்கம் போலவே 'தல' டெக்ஸ் & டீம் ஆட்டத்தைத் துவக்கித் தருகின்றனர் நமக்கு ! இந்த ஆல்பம் 2024-ல் வந்திருக்க வேண்டியது ; ஏதேதோ காரணங்களால் தள்ளிப் போய் நடப்பாண்டில் ஆஜராகியுள்ளது ! செம breezy read என்பதோடு - சித்திரங்களும், மிரட்டும் டிஜிட்டல் கலரிங்கும் இதன் highlights என்பேன் ! அடுத்த மாதம் முதலாய் 224 பக்க டெக்ஸ் டபுள் ஆல்பம் என்ற தடத்துக்குத் திரும்பிடவுள்ளோம் ! 

And காவியத் தலைவன் தோர்கல் - எதிர்பாரா ஹார்ட்கவரில் கச்சிதமாய் உருவாகி இருப்பதாய்த் தோன்றியது ! இது நார்மலான பைண்டிங்கில் வந்திருக்க வேண்டிய இதழே ; moreso ஆண்டின் ஆக பிஸியான தருணத்தில் ஹார்ட்கவர் பைண்டிங் பணிகள் செமத்தியான தாமதம் கண்டிடக்கூடும் எனும் காரணத்தினால் ! ஆனால் தோர்கலின் ஒரு புனர்ஜென்ம முயற்சியானது, பத்தோடு பதினொன்றாய் இருந்திட வேணாமே - என மனசுக்குப் பட்டது ! நமது பைண்டிங் நண்பரும் "நீங்க போடுங்க...எப்படியோ சமாளித்து விடலாம்" என தைரியமூட்டிட - "விடைகொடு ஆரிசியா" அழகாய் அமைந்தே விட்டது ! இதே வரிசையில் உள்ள அடுத்தடுத்த oneshot தோர்கல் சாகசங்களை தொடரவுள்ள ஆண்டுகளில் முயற்சிக்கலாமா - வேணாமா ? என இனிமேல் decide பண்ண வேண்டியது நீங்களே folks !! நிதானமாய் வாசித்து முடித்த பிற்பாடு ஒரு தீர்ப்பைச் சொல்லிப் போடுங்களேன் நாட்டாமைஸ் ?!

என்னைப் பொறுத்தமட்டில் இம்மாதம் ரொம்பவே எதிர்பார்த்திருந்தது GEN Z சந்தாவின் முதல் இதழினையே ! கம்பர் காலத்திலிருந்தே காமிக்ஸ் போட்டு வருவதாக உள்ளாற பீலிங் இருப்பினும், ஒரு புது target audience-க்கு ; ஒரு புது ரூட்டில் ஒரு தனித்தடத்தினை உருவாக்குவது கொஞ்சம் மறந்தே போயிருந்த routine ! நாம் சுட்டு வரும் மாமூலான  தோசைகளிலிருந்து, எல்லா விதங்களிலுமே இந்தப் புது முயற்சியானது மாறுபட்டுத் தெரிந்திட வேணுமே என்பதே எனது பிரதான எண்ணமாக இருந்தது ! அந்தப் படுக்கை வசத்திலான புக் அமைப்பு அதை நோக்கிய முதல் படி ! அப்புறம் பிரெஞ்சு காமிக்ஸ் சமுத்திரத்தினுள் பொறுமையாய் முத்துக் குளித்தால் - ஆதாம் ஏவாளுக்கே சுவாரஸ்யம் தரக்கூடிய கதை வரிசைகள் கிட்டாது போகாதென்ற எனது நம்பிக்கை அடுத்த படியாகிப் போனது ! 'சவ சவ' என நீண்டு செல்லும் கதைகளைத் தந்து, புது வாசக வரவுகளின் பொறுமைகளைச் சோதிக்கலாகாது என்பதில் ஆரம்பம் முதலே தெளிவாக இருந்தேன் ! அதே சமயம் ஒற்றைப் பக்க சுட்டி லக்கி gags ; லியனார்டோ தாத்தா gags போலான சமாச்சாரங்களும் இதற்கு சரிப்படாது என்பதிலும் தெளிவாய் இருந்தேன் ! சிம்பிளான கதைக்களங்களும் அவசியம் ; ஒரு தெளிவான storyline-ம் இருக்கணும் ; எடுத்தால் ஒரே தம்மில் வாசித்து முடிக்கச் செய்யும் ஈர்ப்பும் இருந்திட வேணும் - என்பதே தேவைகள் ! 

"உள்பக்கம் 4 கரண்டி நெய்...வெளிப்பக்கம் மழைச் சாரலாட்டம் பொடி தூவி, ரெட்டு கலர்ல முறுகலா ஒரு ஊத்தப்பம்" என சொல்வது சுலபம் ; ஆனால் அதற்கேற்ப நிஜத்தில் தேடிப் பிடிப்பது சுலபமே அல்ல என்பது களமிறங்கிய பிற்பாடே புரிந்தது ! அமெரிக்க வால்ட் டிஸ்னி கதைகள் ; டாம் & ஜெரி கதைகள் போலானவை இதற்கு கச்சிதமாய்ப் பொருந்திடும் என்பது புரிந்தது ; so அவர்களது கதவுகளை மருவாதியோடு தட்டிப் பார்த்தோம் ! "இன்னா மேன் மேட்டரு ..?" என வினவியோரிடம் நமது கோரிக்கைகளை முன்வைத்தோம் ! "அல்லாம் பண்ணிக்கலாம் மேன்.....வருஷத்துக்கு இத்தினி பொஸ்தவம் மினிமம் போடணும்....இத்தினி லகரங்கள் ராயல்டியாக கட்டணும் ! காண்டிராக்ட் போட்றலாமா ?" என பதிலளித்தனர் ! "இதோ - தெருக்கோடியில் உள்ள ATM க்கு முழியாங்கண்ணன் போறான் ; லகரங்களை டிரா பண்ணி எடுக்கிறான் ! பொட்டலம் போட்ட கையோடு திரும்பி வர்றான் !" என்று எடுத்தேன் பாருங்க ஒரு ஓட்டம் - உசைன் போல்ட் பொறாமைப்பட்டிருப்பார் ! So அமெரிக்க தேசத்துக்கு 'கா' விட்ட கையோடு, நமது ஆதர்ஷ ஆடுகளமான பிரெஞ்சு உலகினுள் புகுந்து கதைகளைத் துளாவ ஆரம்பித்தேன் ! Trust me guys - குறைந்த பட்சம் 40 வெவ்வேறு தொடர்களையாவது பரிசீலித்திருப்பேன் ! இந்தப் பொண்ணு உசரம் கம்மி ; அந்த மாப்பிள்ளைக்கு மண்டையிலே கேசம் கோவிந்தா - என்ற ரேஞ்சுக்கு ஒவ்வொன்றையும் கழித்துக் கொண்டே போனது தான் மிச்சம் ! இறுதியில் கிட்டிய TEAM ஜு.டி.நிறைய பெட்டிகளை டிக் அடித்தது போலிருக்க - 'பச்சக்' என லாக் செய்தேன். நாம் ஏற்கனவே பணியாற்றி வரும் Bamboo நிறுவனமே என்பதால் உரிமைகளை கோரிப் பெற்ற கையோடு பணிகளை ஆரம்பித்தோம் ! நான் அந்நேரம் இருந்ததோ சாம்பலின் சங்கீதம் + லார்கோ இதழ்களின் பணிச் சுனாமிகளுக்குள் !! ஒரு பக்கம் டாக்டர் சில்லார்ட் சங்கிலித் தொடர்வினை பற்றிப் பேசிக் கொண்டிருக்க, இன்னொரு பக்கம் புரஃபஸர் பேங்கிராப்ட் பங்குச் சந்தையின் பொருளாதாரப் பாடம் எடுத்துக் கொண்டிருக்க, நானோ மூணாப்புப் பசங்க ரேஞ்சுக்கு இறங்கி "குச்சி குச்சி ராக்கம்மா" என்று பூதத்துக்கு டப்பிங் கொடுக்கவும்  வேண்டியிருந்தது ! நிஜத்தைச் சொல்வதானால் இந்த ஜாலியான variety தான் இன்னமும் இந்தப் பணிக்குள் என்னை உயிர்ப்போடு உலவ அனுமதிக்கின்றது ! பாலேயும் ஆடிக்கலாம் ; குச்சிப்புடியையும் கதிகலங்கடிக்கலாம் ; பேட்ட ராப் என்று குத்தும் குத்திக்கலாம் இங்கே ! அவ்விதம் ஜாலியாய் உருவானதே "சாலையில் ஒரு பூதம் !" Early days yet - ஆனால் துவக்கத்து reviews அனைத்துமே செம பாசிட்டிவ் ! தொடரும் நாட்களில் மெய்யாலுமே பாலகர்ஸ் இதனை வாசித்து அபிப்பிராயம் சொல்லல் சாத்தியமானால் would be great to know their reactions !!

அப்புறம் சந்தா நண்பர்களுக்கான அந்த கலர்புல் (சிண்ட்ரெல்லா) காலெண்டர் முழுக்க முழுக்க ஜூனியர் எடிட்டரின் கைவண்ணமே ! டிசைன் ; திட்டமிடல் - என சகலமும் விக்ரம் பார்த்துக் கொள்ள, கீழே வரும் அந்த வஜனங்கள் மாத்திரமே நம்ம கைவண்ணம் ! காலெண்டர் அழகாய் அமைந்து விட்டதில் ஹேப்பி ! 

Looking ahead, சென்னைப் புத்தகவிழா இதோ- அடுத்த வாரத்துக்கென நெருங்கிவிட்டது! And இம்முறை புது நிர்வாகம் BAPASI-ல் பொறுப்பேற்றிருக்க, முன் எப்போதும் இல்லாத அளவில் ஸ்டால்கள் கேட்டு ரஷ்ஷோ ரஷ்! ஆக, சங்கத்தின் உறுப்பினர் அல்லாதோர் அனைவருக்குமே சிங்கிள் ஸ்டால் தான் என்று சொல்லி­ விட்டார்கள்! Which means நமக்கும் இம்முறை சிங்கிள் ஸ்டால் தான்! So சும்மா பட்டணம் பார்க்க பஸ் ஏறி, நந்தனம் YMCA-வுக்குப் போயும், வந்துமாய் இருக்கக் கூடிய கமான்சே ; LADY S ;  ப்ரூனோ ப்ரேசில் போன்றோரெல்லாம் இம்முறை ஊரிலேயே குந்தியிருக்கப் போகிறார்கள்! போணியாகும் குதிரைகளை மட்டுமே பட்டியி­லிருந்து வெளியேற்றி இட்டுச் செல்வதாகவுள்ளோம்! வழக்கம் போல குடும்பத்தோடு வருகை தந்து இந்த முறையும் தெறிக்க விடுவீர்களென்ற நம்பிக்கையோடு காத்திருப்போம்! நமது ஸ்டால் நம்பர் 240 and அடியேன் ஜனவரி 10 சனி மாலையிலும், 11 ஞாயிறு மாலையிலும் புத்தகவிழாவில் தான் சுற்றிக் கொண்டிருப்பேன்! இயன்றால் would love to catch up ! Please do visit with family !! 

நாளை  "2025- The Year in Review'' என்று 2025-ன் பயணத்தை சற்றே விரிவாய் பார்வையிடும் முயற்சியினை வீடியோ பதிவில் செய்திடவிருக்கிறேன்! So ஞாயிறு பக­லில் அதனை நமது YouTube சேனலி­ல் பார்த்திடலாம்!

Bye all... and thanks again for the wonderful memories of 2025. See you around! Have a great weekend !

சந்தா ரயிலில் இன்னமும் இடம்பிடித்திடவுள்ள நண்பர்களுக்கு - சன்னமாய் ஒரு நினைவூட்டலுமே...!! 

P. S : கேள்விகள் உங்களுக்கு :

1.உங்களின் TOP 3 புக்ஸ் of 2025 எவையோ?

2.TOP 3 அட்டைப்படங்கள்?

3.டப்சா 3 of 2025?

மதராசபட்டினத்துக்கு தயாரா?

நண்பர்களே,

வணக்கம்! ஜென் தத்துவத்தில் ""புடோ-ஷின்'' என்றொரு கோட்பாடுண்டு! அதாவது "அளப்பரிய ஆற்றல் கொண்ட மனது'' என்பதாக அதற்கு அர்த்தம் கொள்ளலாம்! அதன்படி ஒரு மலையானது நமக்குத் தடையே கிடையாதாம்; மாறாக அதுவொரு ஆசானாம்! ஒரு மலை போலான பணியை வெல்ல வேண்டுமெனில் மலைகளின் குணங்களையே நாம் உள்வாங்கிக்க வேணுமாம்! "ஐயையோ.. மழை கொட்டுதே; ஆத்தாடி.. பனி பொழியுதே; யப்பப்பா.. வெயில் தாக்குதே'' என்று மலைகள் ஒருபோதும் புலம்புவதில்லை தானே? அதே போல பணியின் கடுமையைக் கண்டு மிரளப்படாதாம்; இதைச் செய்து முடிக்க நிச்சயமாய் நேரம் எடுக்கும் என்பதை மனசளவில் ஏற்றுக் கொள்ளணுமாம்! பாறைகள் நிரம்பிய தடாகத்தில் நெளிந்து ஓடும் நீரைப் போல நமது முயற்சிகள் பணிகளினூடே பயணிக்க வேணுமாம்!

"ஹை.. உள்ளூர் தத்துவம்லாம் போரடிச்சிப் போயிட்டது போல.. தொர ஜென் தத்துவம்லாம் பேசுது!'' என்ற உங்களின் மைண்ட்-வாய்ஸ் கேட்குது மக்களே! இந்த ஜென் சமாச்சாரங்களை சமீபமாய் எங்கேயோ வாசிச்சுப் போட்டேன்; அதை உங்ககிட்டே இறக்கி வச்சு பீப்பீ ஊத உருப்படியாய் ஒரு சான்ஸ் கிடைக்காமலே போய்க்கிட்டிருந்தது! And மிகச் சரியாக "சாம்பலி­ன் சங்கீதம்'' வெளியாகி உங்களை வசீகரித்துக் கொண்டிருக்கும் இந்த நொடியில் சீன் போட இது சூப்பரா பொருந்தும் என்றுபட்டது! So here we are!! "நான் என்னிக்கு நியூஜிலாந்து பாக்குறது?'' என்று விவேக் கேட்பது போல, "நான்லாம் வேற எப்போ ஜென் தத்துவம் பற்றி பேசுறதாம்?''

"சாம்ப­லின் சங்கீதம்!'' 

சந்தேகமின்றி நமது குழுமத்தின் ஆகக் "கனமான'' இதழ் இது தான்! Of course தராசில் எடை போடும் "கனம்'' பற்றிப் பேசிடும் பட்சத்தில்- ஸ்லி­ப்கேஸ் சகிதம், 3 ஹார்ட் கவர் ஆல்பங்களில், 852 பக்கங்களோடு ஆர்ட்பேப்பரில் கலரில் வெளியான "இரத்தப் படலம்'' (2018-ன்) வண்ணத் தொகுப்பானது இதை விட செம கூடுதல் கனம்! ஆனால், "கனம்" என்ற பதத்தை - ஆழம்; அடர்த்தி; பிரம்மாண்டம்; கடுமை போன்ற சமாச்சாரங்களோடு தொடர்புபடுத்திப் பார்த்திடும் பட்சத்தில்- without an iota of doubt- "சாம்ப­லின் சங்கீதம்'' தான் முதலி­டம் பிடிக்கின்றது!

பத்துப் - பதினொறு மாதங்களுக்கு முன்பாய் உங்கள் விழிகளை என்னது போல அகலமாக விரிந்திடச் செய்ய ஏதாச்சும் பல்டி அடிச்சா தேவலாமே?! என்ற மகா வேட்கை எழுந்த நொடியில் மனசுக்கு வந்த முதல் ஆல்பம்- இந்த "music from the ashes'' தான்! இதன் பணி எவ்விதம் கடுமையாய் இருக்குமென்பது பற்றிய புரிதல்களெல்லாம் முழுமையாய் தலைக்குள் இருந்தன தான் and so வேலைக்குள் உட்புக வேண்டிய தருணத்தில் பெப்பெப்பே என்று மலைக்கலாகாது என்றுமே எனக்கு நானே சொல்லி­யும் வைத்திருந்தேன் தான்! ஆனால், நெட் பிராக்டிஸில் என்ன தான் பந்தை பொளேர்.. பொளேர்.. என்று சாத்தித் தள்ளினாலும், மேட்சில் 70.000 ஜனத்துக்கு முன்னே, 150.கி.மீ. ஸ்பீடில் நம்மை நோக்கிப் பறக்கக் கூடிய பந்தை எதிர்கொள்வதென்பது முற்றிலும் மாறுபட்ட விஷயமாச்சே?! அதுவே தான் நிகழ்ந்தது சாம்பலின் சங்கீதம் பணிகளின் போதும்! And அந்த ஜென் தத்துவம் எத்தனை சரியானதென்று உணர முடிந்தது! Simply becos பணியாற்றிய ஒவ்வொரு பக்கமுமே எனக்கு எண்ணற்ற பாடங்களை நடத்தத் தவறவில்லை! நண்பர் கார்த்திகை பாண்டியனுக்கு நெடும் பணிகள் புதிதாக இராதிருக்கலாம் தான்; ஆனால், நமக்கோ 200 பக்கங்கள் என்பதே மெகா சீரியல் ரேஞ்ச். So 442 பக்கங்களுக்கு இத்தனை அடர்த்தியான களத்தினில் செய்திட அவசியமான இந்தப் பணி has been a real eye-opener! வடிவேல் பாணியில் சொல்வதானால் இனிமே எம்புட்டு சாத்தினாலும் தாங்கும் போலும் ; இதற்கும் மேலாக பெண்டை நிமிர்த்தக் கூடிய பணியாக எதுவுமிருக்குமென்று தோணலை! But யாருக்குத் தெரியும் - புனித மனிடோ நமது பாதையில் அடுத்ததாக எதை அனுப்பிடவுள்ளார் என்பதை?

இந்த நொடியிலோ அவர் நமக்கென ரெடி செய்யத் தீர்மானித்திருப்பவை - ஒரு வண்டி சென்னை ஸ்பெஷல் இதழ்களை!ஒவ்வொரு வருஷத்து ஜனவரியிலும் நடந்திடும் சென்னைப் புத்தகவிழா தான் ஒவ்வொரு தமிழ்ப் பதிப்பகத்தையும் ஜீவிக்கச் செய்திடும் நீரூற்று என்பதில் இரகசியங்களே நஹி! ஆண்டின் துவக்கத்தை அமர்களமாக்கிட இயன்றால் வருஷமே சிறப்பாகிடுவதை பல தடவைகள் பார்த்துள்ளோம்! And இம்முறை கிட்டத்தட்ட ஆயிரம் ஸ்டால்களுள் நாமும் பங்கேற்கிறோம் எனும் போது- மெய்யாலுமே "ஆயிரத்தில் ஒருவன்'' என்று காலரை உசத்திக் கொள்ளலாம் போலும்! 

சென்னை விழாக்களின் முதல் தாரக மந்திரமே - "மாயாவியோடு வா.. இல்லாங்காட்டி முட்டிங்காலுக்குக் கீழேயுள்ள பகுதிகளை மறந்துவிடு!'' என்பதே! ஏதோவொரு தபா சுத்தமாய் மாயாவி கையிருப்பே இல்லாது "ஸ்ப்ரிங்ரோல் ... கபாப்.. டக்கிலோ..'' என்று பந்தாவாய் கடைவிரிக்க, அப்போது வாங்கிய சாத்துக்கள் நமது வீர வரலாற்றில் ஒரு மறக்க இயலா அத்தியாயம்! So ரொம்பச் சீக்கிரமே சுதாரித்துவிட்டோம் இந்த ஜனவரிக்கென ! ஆகஸ்ட்வாக்கிலேயே நமது கிட்டங்கி விசிட் அடித்த போது, மாயாவி இருக்கும் ஷெல்ப்கள், நமது வங்கியிருப்பைப் போல காற்றாடிக் கொண்டிருந்தன! "பாதாள நகரம்'' & ""யார் அந்த மாயாவி?'' மட்டுமே black&white-ல் ரொம்பச் சொற்பமான எண்ணிக்கையில் அமர்ந்திருந்தன! அவை தவிர்த்து "ஒற்றைக்கண் மர்மம்'' கலர் இதழ் மட்டுமே! பாதாள நகரம் & யார் அந்த மாயாவியில் கூட தலா 30 பிரதிகளுக்குக் கீழே தான் ஸ்டாக் இருந்தது! முதல் நாள் மாலைக்குக் கூட அவை பற்றாதென்பது புரிந்தது! அந்த நொடியே அடிச்சுப் பிடித்து பணிகளுக்குத் துவக்கம் தந்தோம்- சமீபமாய் மறுபதிப்பு கண்டிராத ஆல்பங்களையாய் தேர்வு செய்து ரெடி பண்ணிட! So shortlist ஆனவை கீழ்க்கண்ட சாகஸங்கள்!

* மந்திர வித்தை

* தவளை மனிதர்கள்

* மாயாவிக்கோர் மாயாவி

* களிமண் மனிதர்கள்

இவை தவிரவும் இன்னும் சில மாயாவி ஆல்பங்களையும் "டிக்'' அடித்திருந்தோம் தான் - ஆனால் overkill ஆகிடவும் கூடாது; பணியாற்றுவதில் நாக்குத் தொங்கிடவும் கூடாதென்பதால் இந்த நான்கே மதி என்று தீர்மானித்தோம்!

அதைத் தொடர்ந்த சைஸ் சார்ந்த நோவு தான் "ஜிங்கு'ஜிங்கென்று தலைவிரித்தாடி மிரட்டியது! மேற்படி நான்கு கதைகளுமே ஒரிஜினலாய் இங்கிலாந்தில் VALIANT வாராந்திர இதழில் மேக்ஸி சைஸில் தொடராக வந்தவை..! So அவற்றை இயல்பாக வெளியிடுவதாயின் "யார் அந்த மாயாவி?''இப்போது வெளியான அதே சைஸில் தலா 48 பக்கங்களில் வெளியிட வேண்டியிருந்திருக்கும்! ஆனால், சிக்கல் என்னவெனில், க்ளாஸிக் ரசிகர்களுக்கு- பக்கத்துக்கு இரண்டே சித்திரங்கள் என்ற பாணியிலான பட அமைப்பே ரசிக்கிறது! அந்த லக்கி லூக் சைஸில் வெளியான "நியூயார்க்கில் மாயாவி!'' ''யார் அந்த மாயாவி?'' ஆல்பங்களெல்லாமே விற்பனையில் சோபிக்கவில்லை! "ஆஹா.. மாயாவியும் வேணும், காம்பாக்டாகவும் வேணும்" என்ற ஞானோதயம் புலர்ந்த மறுநொடியே, பக்க அமைப்புகளை மாற்றி செட் பண்ணும் பணிகளைத் துவங்கினோம்! இந்தக் குரங்குக் கூத்துக்களெல்லாமே அரங்கேறியது செப்டம்பரில்! ஒரு பக்கம் "சாம்ப­லின் சங்கீதம்'' இசைத்துக் கொண்டிருக்க, இன்னொரு பக்கமோ "மாயாவி மாமாவின் கச்சேரி''களும் நம்ம கான சபாவில் ஓடிக் கொண்டிருந்தன!

"அட்டைப்படங்கள் எல்லாமே fresh ஆக இருந்தால் தேவலாமே!'' என்ற அடுத்த மகாசிந்தனை தலைதூக்கியது! நம்ம யுனிவர்ஸ் டைரடக்கரின் புண்ணியத்தில் இரும்புக்கை மாயாத்மாவை இன்றைக்குத் தேடுவோரின் எண்ணிக்கைகளும் அதிகமாகியிருப்பதால், பழைய மாவில் மறுக்கா தோசைகளை சுட்டு அடுக்க வாணாமே என்று தோன்றியது! அப்புறமென்ன- நமது கடல் கடந்த ஓவியை பிசியானார் அடுத்த ஒன்றரை மாதங்களுக்கு and இதோ- கீழ்க்கண்ட ராப்பர்கள் பலனாகின! So இந்தத் தபா மாயாவியார் ஒன்றுக்கு நான்காய் ஸ்லாட்களைப் பிடித்திருப்பினும், முற்றிலுமாய் ஒரு புது லுக்கோடு,  அமைந்திருப்பதைப் பார்க்கப் போகிறீர்கள்! Worth a read & worth the collection too என்பேன்!

மாயாவியின் நான்கு புக்ஸ் ரெடியானதில் கொஞ்சம் தெம்பு ஏற- புத்தகவிழாக்களின் அடுத்த டார்லி­ங் பக்கமாய் பார்வைகளை நீளவிட்டோம்! 

கடந்த இரண்டரை ஆண்டுகளாகவே எல்லாப் புத்தகவிழாக்களிலுமே இரும்புக்கை மாயாவிக்கு செம டஃப் போட்டி தந்து கொண்டிருப்பவர் டெக்ஸோ; டைகரோ; லார்கோவோ அல்லவே அல்ல! மாறாக வேதாள மாயாத்மா தான் ஸ்டாலுக்கு வருகை தருவோரை வசீகரித்து வருகிறார்! அதுவும் கலரில் Phantom அதிரடிகள் எனும் பட்சத்தில் ஆர்வ மீட்டர்கள் எகிறிடுகின்றன! பின்னென்ன- க்ளாஸிக் Sy Barry கதையான "சூனியக்காரியின் சாம்ராஜ்யம்'' இதழினையும் களமிறக்கத் தீர்மானித்தோம்! அட்டகாசமான கலரில், ஒரிஜினல் மொழியாக்கத்தோடு இந்த இதழும் "நச்' என தயாராகிவிட்டது! Again - அட்டைப்படம் தீயாய் வந்துள்ளது பாருங்களேன்! 

க்ளாஸிக் அதிரடி ஜாம்பவான்கள் புத்தக விழாக்களைக் கலகலப்பாக்கி வருகிறார்களெனில் - அதிரடிகள் செய்திடா வேறொரு க்ளாஸிக் பார்ட்டியுமே தன் பங்குக்கு ரவுண்டு கட்டி அடித்து வருவதை நடப்பாண்டில் பார்த்து வருகிறோம்! அவர் வேறு யாருமல்ல - நம்ம கபிஷன் தான்! 2025-ன் புத்தகவிழாக்களில் மாயாவிக்கும், டெக்ஸுக்கும் செம போட்டி தந்திருக்கும் கபிஷ் ஸ்பெஷ­லின் பாகம் -3 இதோ ரெடியாகிவிட்டது! வழக்கம் போல அழகான கலரில், அம்சமான ஒரிஜினல் ஓவியரின் அட்டைப்படத்துடன்! இதோ- அட்டைப்படம் + உட்பக்க preview :

கலரில் அடுத்ததாகக் கலக்கக் காத்திருப்பவரோ சற்றே சீரியஸான பார்ட்டி! And ஒருவிதத்தில் அவர் கூட புத்தகவிழா பெச­லிஸ்ட் தான்- ஆனால், ஹாரர் ஜான்ராவின் பிரதிநிதியாய் ! 

டைலன் டாக்கின் "The குட்.. பேட் & அக்ளி'' தான் இம்முறை சென்னையில் தலைகாட்டவுள்ள ஹாரர் ஆல்பம்! இது ஒரிஜினலாகவே வண்ணத்தில் உருவாக்கப்பட்ட டைலன் டாக் சிறுகதைகளின் தொகுப்பே! 32 பக்கங்கள் வீதம் மூன்று கதைகள்- ஆக 96 பக்கங்கள் என்பதே ஒரிஜினல் அமைப்பு! நாம் இதனை தனித்தனி இதழ்களாக்கிடலாமென்ற எண்ணத்தில் தான் வாங்கியிருந்தோம் ! ஆனால், இனியும் அதற்கு அனுமதி இல்லையென்றான பிற்பாடு, தொகுப்பாக சேலம் ஸ்பெஷலாக வெளியிட எண்ணியிருந்தோம்! ஆனால், சேலத்து விழா 2025-ல் லேது என்றாகிப் போன பிற்பாடு, டைலனை சென்னைக்கென slot in செய்தோம்! இங்கே தான் அடுத்த ட்விஸ்டே! 

மூன்றுமே சிறுகதைகள் தான் என்பதால் V காமிக்ஸின் எடிட்டரிடம் இவற்றின் மொழிபெயர்ப்புப் பொறுப்பை ஒப்படைத்திருந்தேன்! விக்ரமும் neat ஆக பணி செய்து DTP-ல் தந்திருக்க, டைப்செட்டிங் முடிந்து ரெடியாக மேஜையில் பக்கங்கள் துயில் பயின்று வந்தன ! ஒருவழியாக சாம்ப­லின் சங்கீதம்.. லார்கோ... போன்ற heavyweights-களுடனான மல்யுத்தமெல்லாம் ஓய்ந்த பிற்பாடு டைலனோடு அமானுஷ்ய உலகுக்குள் புகுந்து துளாவத் தொடங்கினேன்! முதல் கதை செம ஸ்பீடு; இரண்டாம் கதை பரக்க பரக்க முழிக்கச் செய்தது; ஆனால், மூன்றாவது கதை தான் பேந்தப் பேந்த விழிக்கச் செய்தது! கதையின் அடித்தளமே ஒரு இளம் பெண்ணுக்கு டைலன் மீது எழும் அதீத காம இச்சை தான் & கதையே அதனைச் சுற்றித் தான் பயணிக்கிறது! நம்ம ஈரோவும் "கடமை தவறமாட்டான் இந்தக் கந்சாமி' என செயல்பட, இதை வெளியிட்டால் நம்மளைத் துரத்தித் துரத்தி, துடைப்பத்தாலேயே சாத்துவார்களென்பது புரிந்தது! Of course "நாங்கள்லாம் பென்குவினுக்கே பாரசூட் போட்டு விடற ஆட்களாக்கும்?! இந்தக் கதையெல்லாம் எங்களுக்கு சப்பை மேட்டர்'' என்று ஒரு யூத் அணி சொல்லக் கூடுமென்பதை யூகிக்கவும் முடிந்தது தான்! ஆனால், ரசனைகளில் நாம் என்ன தான் முன்னேறியிருந்தாலும், இன்னமும் ஐரோப்பிய அளவீடுகளை எட்டிடவில்லை என்ற நிதர்சனம் புரிந்தது..! So அந்தக் கதை # 3-ஐ வேண்டாமெனத் தீர்மானித்து விட்டு, புக்கின் பக்கங்களையும், விலையினையும் மட்டுப்படுத்தத் தீர்மானித்தேன்! 2 கதைகள் & 64 பக்கங்கள்!

அப்புறமாய் எடிட்டிங்குள் புகுந்தால் அந்த தெறி ஸ்பீடிலான முதல் ஆல்பத்தில் கதாசிரியர் என்ன சொல்ல வருகிறாரென்பதைச் சுத்தமாய் புரிந்து கொள்ள இயலவில்லை! அசுரத்தனமாய் டைலனை வேட்டையாட முனையும் எதிராளியை இனம் காணவே முடியவில்லை! "ஆஹா.. நமக்கு மெய்யாகவே வயசாகிடுத்து.. 32 பக்கக் கதையைக் கூடப் புரிஞ்சுக்கத் தடுமாறுதே !'' என்றபடிக்கே ஜுனியர் எடிட்டரோடு கதையின் knot பற்றி விவாதித்தேன்! குறிப்பாக எனது சந்தேகப் புள்ளிகளை எழுப்பிய போது Nopes - விக்ரமிடமும் திருப்தியான பதிலி­ல்லை! நெட்டில் அலசினாலோ இந்தக் கதை பற்றி ஒற்றை வரியைத் தாண்டி எவ்விதத் தகவல்களுமே கண்ணில்படலை! So புரிஞ்சா மெரியே பீலா விட்டு கதையை அப்படியே வெளியிடுவதா? அல்லது வம்பே வாணாம்... மொத்தமாய் அந்த புக்கையே ஓரம்கட்டிவிடுவோமா? என்ற ரேஞ்சில் சிந்தனைகள் ஓடின! அட்டைப்படமெல்லாம் ரொம்பவே முன்கூட்டித் தயாராகியிருக்க, கதைக்கும் ராயல்டி செலுத்தியிருக்க, எல்லாமே விரயமாகிப் போகுமே என்ற குறுகுறுப்பு மேற்கொண்டு என்னை இந்த முடிச்சின் பின்னணி தேடித் தோண்டச் செய்தது! ஜுனியர் சொன்ன அவுட்லைனை மண்டைக்குள் ஒரு ஓரமாய் அமரச் செய்துவிட்டு, கதையையே நம்ம அண்ணாத்தே AI சகிதம் அங்குலம் அங்குலமாய், பக்கம் பக்கமாய் அலச ஆரம்பித்தேன்! சத்தியமாய் நம்ப மாட்டீர்கள்- இந்த நுண்ணறிவுச் சமாச்சாரமானது ரொம்பச் சீக்கிரமே நம்மளையெல்லாம் "அப்படி ஓரமாய் போயி வெளயாடிக்கோ தம்பி!'' என்று sideline செய்து விடுமென்பதில் துளியும் ஐயங்களில்லை! எங்களது வாசிப்பில் ஒரு குழப்பமான புள்ளியாக நின்ற சமாச்சாரத்தை சூப்பராய் முடிச்சவிழ்த்து ஒரு முழுநீள ரங்கோலி­யாக்கி, எனது சந்தேகங்கள் சகலத்துக்கும் ஸ்பஷ்டமான விடைகளை இந்தா வாய்ங்கிக்கோ என விட்டெறிந்துவிட்டது! "WOW'' என்றபடிக்கே கதையில் மறுக்கா பணி செய்தேன்! And பட்டவர்த்தனமாய் விடையை நான் அங்கே போட்டும் உடைத்திருக்கவில்லை folks! அதேசமயம் மண்டையைப் பிய்த்துக் கொள்ள "அம்போ'வென உங்களை விட்டு விடவுமில்லை! கொஞ்சமாய் கவனம் தந்தீர்களெனில் நிச்சயம் பிடித்து விடுவீர்கள்! So good luck people 👍!

சிண்டைப் பிய்த்த டைலனிடமிருந்து நெக்ஸ்ட் ஸ்டாப்- நம்ம கைப்புள்ள ஜாக் பக்கமாய்! இரண்டு ஆண்டுகளுக்கு முன்பே வாங்கியிருந்த இந்த ஆல்பத்தின் சகலமுமே ஒற்றைப் பக்க gags தான்! முதல் ஆல்பத்து சாகஸங்கள் சற்றே நீளம் ஜாஸ்தியாக இருந்ததால் அவற்றை 2022 or 2023-ல் சந்தாக்களோடு விலைகளில்லா இணைப்புகளாய்த் தந்திருந்தோம்! And இந்த இரண்டாம் ஆல்பத்தை தொங்க­லிலேயே வைத்திருந்தோம் - வாகான ஒரு வாய்ப்பு அமையட்டுமே என்றபடிக்கு! சென்னைக்கென கார்ட்டூன் கோட்டாவில் நிச்சயம் ஒரு ஆல்பம் இருக்குமென்று நான் சந்தா அறிவிப்புத் தருணத்தில் சொன்னது நினைவிருந்தது! ஒரு டுபுக்கு ரோமியோவின் ஒற்றைப் பக்க gags-களைத் தான் களமிறக்கத் தீர்மானமும் செய்திருந்தேன்! ஆனால், ஒற்றைப் பக்க லொள்ளு சபாக்களைத் தான் போடுவது என்றான பிற்பாடு, கைவசமுள்ள கைப்புள்ள ஜாக்கையே வெளியிட்டாலென்ன? புதுசாய் ஒரு ஆல்பத்தை பேசி முடித்து, பணம் அனுப்பி வாங்கிடும் நோவுகள் இந்த நொடியில் மிச்சமாகுமே?! என்று தோன்றியது! So டகாரென கைப்புள்ள ஜாக் ரெடியாகத் துவங்கினார்! நண்பர் மேச்சேரி ரவிக்கண்ணன் பேனா பிடிக்க, வழக்கம் போலவே நான் உட்புகுந்து அதன் மீது எழுத்தாணி கொண்டு எழுதிட, இந்த ஜாலி­யான ஆல்பம் செம க்யூட்டாய் ரெடியாகி வருகிறது! ரொம்பவே லேட்டஸ்ட் படைப்பு என்பதால் சித்திரங்கள் & கலரிங் பட்டாசாய் பொரிகிறது! And ஒவ்வொரு பக்கத்துக்குமே ஒரு தலைப்பு தந்துள்ளேன்- சுவாரஸ்யத்தை அதிகமாக்கிட! மெய்யாலுமே decent ஆக வந்துள்ள இந்த இதழை முயற்சித்துப் பாருங்கள் folks -நிச்சயமாய் நமக்கு ரசிக்கும் & நம் வீட்டு ஜுனியர்களுக்கும் செம ஜா­லியான கதை சொல்லலுக்குப் பயன்படும் என்று தோன்றுகிறது! இது ஓ.கே.யாகிடும் பட்சத்தில், சுட்டி லக்கி ஆல்பங்களை இதே போல இறக்கிடலாம்! இதோ - அட்டகாசமான கலரில் previews!!

"இப்போவே மாயாவி 4 + வேதாளர்-1 + கபிஷ் -1 + டைலன் -1 + கைப்புள்ள ஜாக்-1 = ஆக, மொத்தம் 8 ஆச்சு! போதும்டா சொட்டையா! என்று உள்ளாற ஒரு குரல் கேட்டது! ஆனால், கிரகங்கள் ஒன்பது; மனித உடலி­ல் துவாரங்கள் ஒன்பது; நவராத்திரியின் கொலு நாட்கள் ஒன்பது; So நாமளும் அந்த நம்பரிலேயே செட்டில் ஆகிப்புடலாமென்று தோன்றியது! அப்புறமென்ன- கைவசமுள்ள எக்கச்சக்க ஆல்பங்களிடையே இன்க்கி- பிங்க்கி- பாங்க்கி போட்டுப் பார்த்தேன்- black & white-ல் ஒரு வித்தியாசமான கதைபாணியுடனான "கர்மாவின் சாலையில்..'' தான் தேர்வானது! சில பல மாதங்களுக்கு முன்பாகவே இந்த ஆல்பம் பற்றி நமது வாட்சப் கம்யூனிட்டியில் நான் முன்னோட்டம் தந்திருந்தது நினைவிருக்கலாம் :

• ஆளில்லாத ஒரு தனிமையான அமெரிக்க நெடுஞ்சாலை! 
• ஒற்றைக் கார்
• அதனுள்ளே ஒற்றை ஆசாமி
• அவனிடம் ஒரு செல்ஃபோன்! 

And மொத்தக் கதையிலுமே இது மட்டும் தான் பிரதானம்..and சித்திரங்களில் தான் செம ட்விஸ்டே! கதையின் முதல் கட்டம் முதல், முற்றும் போடும் frame வரை அந்தக் காருக்குள் இருக்கும் புள்ளையாண்டனை வெவ்வேறு கோணங்களில், வெவ்வேறு பாவனைகளில் மட்டுமே காட்டியிருக்கிறார்கள்! செல்போனை ப்ளூடூத்தோடு கனெக்ட் பண்ணியபடியே பேசிக் கொண்டே போகும் போது, அவனது வாழ்க்கையே அந்த இரவுப் பயணத்தினில் மாறிப் போகிறது! செம வித்தியாசமான முயற்சி & black & white-ல் காத்துள்ளது இந்த கி. நா.! இன்னமும் இதனை மொழிபெயர்க்க ஆரம்பிக்கவே இல்லை & திங்கட்கிழமை நம்மாட்கள் பணிக்கு வருவதற்கு முன்பாக முடித்துத் தந்துவிடுவதாக வாக்குத் தந்திருக்கிறேன்! So ஜெய் பாகுபலி­ தான் இன்றிரவும், நாளைய பக­லும்!

And வித்தியாசமானதொரு முயற்சிக்கு நம் பங்கில் வித்தியாசமான வாசகப் பங்களிப்பினையும் கோரினாலென்ன? என்ற மகாசிந்தனை எழுந்தது! And சன்னமாய் கதையின் அவுட்லைனை மாத்திரமே சொல்­லிவிட்டு அண்ணாத்தே AI சகாயத்துடன் அட்டைப்படங்கள் உருவாக்கி அனுப்பக் கோரி நமது வாட்சப் கம்பூனிட்டியில் கேட்டிருந்தேன்! ஏகப்படட முயற்சிகளும் வந்து சேர்ந்தன & சென்னையைச் சேர்ந்த நண்பர் S.கார்த்திக்கின் ஆக்கத்தில் நாம் நிறைய பட்டி-டிங்கரிங் செய்த பிற்பாடு- படைப்பாளிகளுக்கே அனுப்பியிருந்தோம்! அவர்களும் ஓ.கே. என்று சொல்­லியிருக்க, இதோ- இந்த ராப்பரை சீக்கிரமே நமது இதழின் மேலட்டையாகப் பார்க்கப் போகிறீர்கள்! வாழ்த்துக்கள் நண்பரே!

ஆக, 9 சென்னை ஸ்பெஷல்களின் பின்னணி இதுதான்! இதோ- ஒன்பது இதழ்களுக்கான ஒட்டுமொத்த விளம்பரமும்! 

And சென்னைப் புத்தகவிழாவில் எல்லோருக்கும் தர அவசியமாகிடும் 10% டிஸ்கவுண்ட் உங்களுக்குமே புத்தக விழா காலத்துக்கு இருந்திடும் folks! கூரியர் தொகைகளையும், புக்ஸ் விலைகளோடு இணைத்து, மொத்தத்திற்கு நாமொரு டிஸ்கவுண்ட் தந்தாலும், அதனைப் புரிந்து கொள்ளாது ஆங்காங்கே விமர்சனங்கள் எழுதுவதே நடைமுறையாகி வருவதைக் காண முடிகிறது ! So இனியும் அந்தப் பிழைகளைச் செய்வதாகயில்லை! புத்தக விலைகள் & அவற்றில் நாம் தரக் கூடிய டிஸ்கவுண்ட் பற்றிச் சொல்­லி விட்டு- இன்னொரு பக்கத்தில் கூரியர் கட்டணங்களைத் தனியாகத் தெரிவித்து விடவுள்ளோம்! உங்களுக்கு எந்த ஊருக்கு; எந்த சர்வீஸில் தேவையோ- அதற்கான கூரியர்/ பதிவுத் தபால் கட்டணங்களை இணைத்துக் கொண்டு; தேவையான புக்ஸிற்கு ஆர்டர் செய்திடலாம்! அல்லது நமது ஆன்லைன் ஸ்டோரில் எப்போதும் போலவே ஆர்டரும் போட்டிடலாம்! அங்கே கூரியர் கட்டணங்கள் ஆட்டோமேடிக்காக கணக்கிடப்பட்டுவிடும்!

மேஜர் சுந்தர்ராஜனாட்டம் மறுக்கா விஷயத்தைத் தெளிவுபடுத்தி விடுகிறேன் folks!

* 9 புக்ஸ் சேர்ந்து கிரயம் = ரூ.975/-

* Less : 10% டிஸ்கவுண்ட் = ரூ,100/-

* ஆக, புக்ஸ் கிரயம் = ரூ.875/-

* கூரியர் கட்டணங்களில் எவ்வித டிஸ்கவுண்டும் லேது. So ரூ.875/- என்ற தொகையோடு உங்களுக்கு எந்தச் சேவையில் ; எங்கே புக்ஸ் தேவைப்படுமோ; அதற்கான தொகையினை விளம்பரத்தில் பார்த்துக் கணிக்கிட்டுக் கொள்ளுங்கள் ப்ளீஸ் 🙏

*திங்கட்கிழமை இதுகுறித்து நம்மாட்களுடன் ஒரு விளக்கப் படலம் கோர வேணாமே- ப்ளீஸ்?! 

*சென்னை ஸ்பெஷல்ஸ் தொடரும் நாட்களில் ரெடியாகிடும் & ஜனவரி 7 முதல் டெஸ்பாட்ச் செய்திடுவோம்!

Bye all.. 2025-ஐ திரும்பிப் பார்க்கும் படலத்தை ஒரு Youtube பதிவாக்கிடலாமென்று எண்ணியிருக்கிறேன் ! டிசம்பர் 31-க்கு முன்பாக அதனை செயல்படுத்திட முயன்றிடுவேன்! 

முன்கூட்டிய புத்தாண்டு நல்வாழ்த்துக்கள் folks! ஒரு அற்புதமான ஆண்டின் பயணத்தினில் அசாத்தியமான துணைகளாக இருந்து வந்துள்ள உங்கள் ஒவ்வொருவருக்கும் "நன்றி'' என்ற ஒற்றை வார்த்தையில் கோவிந்தா போட்டுச் செல்ல மனம் ஒப்ப மறுக்கிறது! ஆகக் குறுகிய வட்டமாக இருந்தாலும், இத்தனை உயிர்ப்போடு இந்தப் பயணத்தை மெருகூட்டி வரும் உங்கள் ஒவ்வொருவருக்கும் மெரினா பீச்சில் லைனாக சிலைகள் வைத்தால் தான் பொருத்தமாகயிருக்கும்! ஆனால், புக்கின் முதல் பக்கத்தில் போட ஃபோட்டோக்கள் வாங்குவதிலேயே செம மண்டகப்படிகளை சந்தித்து வரும் நிலையில், சிலைகள் செதுக்க வேண்டுமெனில் அடியேன் நிரந்தரமாய் மூ.ச.வில் தான் டேரா போட வேண்டிப் போகும் என்பதால் சிலை வைக்கும் ஐடியாவினை சங்கடத்தோடு கைவிட வேண்டியுள்ளது! 

Bye all.. see you around! have a wonderful weekend! கர்மாவின் சாலையில் awaits me!

And சந்தா நினைவூட்டலுமே folks..! ஜனவரி இதழ்கள் மூன்றுமே பைண்டிங்கில் உள்ளன ; காத்திருக்கும் வாரத்தில் டெஸ்பாட்ச் துவங்கிடும்! So இன்னமும் சந்தா ரயிலில் டிக்கெட் போட்டு வைத்திருக்காத நண்பர்கள் இயன்ற வரை சீக்கிரமாய் செய்திடலாமே - ப்ளீஸ் 🙏

டாபிக் 1 ; சப்ஜெக்ட்ஸ் 3

நண்பர்களே,

வணக்கம்! சில பயங்கள் ஒரு தொடர்கதையே..! பேச்சுப் போட்டிக்கு விடிய விடியத் தயாராகியிருந்தாலும், மேடையேறும் போது மறந்து தொலைச்சிடுமோ? என்ற பயம் ஒருநாளும் போனதில்லை! ஊருக்கெல்லாம் பத்திரிகை கொடுத்து வூட்டு விசேஷத்துக்கு உற்றார் உறவினரையெல்லாம் அழைச்ச பிறகும், "ஆள் தேறுமா? அல்லாங்காட்டி ஆளில்லாத கடையிலே டீ ஆத்துற மாதிரி ஆகிப் போயிடுமா?'' என்ற பீதி கடைசி நிமிடம் வரை உடன் பயணிக்கும்! வாசக சந்திப்புகளுக்கு நீங்கள் தவறாது ஆஜராகிவிடுவீர்கள் என்பது தெரிந்தாலுமே - ஹால் நிரம்பும் வரைக்கும் நெஞ்சம் "பக்கு.. பக்கு'' என அடித்துக் கொள்வதை நிறுத்திடாது! And மிகச் சரியாக அதுவே தான் கதை - ஒவ்வொரு ஆண்டின் இறுதியிலும் புதுச் சந்தாக்களின் சேகரிப்புகள் அரங்கேறி வரும் தருணங்களிலும் ! "வழக்கமான எண்ணிக்கையைத் தொட்டுப்புடுவோமா?'' என்று ஒவ்வொரு நாளும் உள்ளாற உடுக்கை அடித்துக் கொண்டேயிருக்கும்!

And no different this time too! இந்த முறை அக்டோபர் ஆரம்பத்திலேயே புதுச் சந்தாக்களை அறிவித்து விட்டதால், ஏதோவொரு தூரத்து மகாமகத்து நிகழ்வு அது என்பது போல் தலைக்குள் ஒரு feeling! So டிசம்பர் இதழ்களோடு 2025-ன் சந்தா நிறைவுற்ற பிற்பாடே நம்மில் பலரும் புதுச் சந்தாக்களின் சிந்தனைகளுக்குள் இறங்கிடுவர் என்பது தெரிந்தாலுமே வயிற்றுக்குள் பட்டாம்பூச்சிகளின் நடனங்கள் நின்றபாடில்லை! 

நேற்றுத் தான் இந்த சீஸனின் முதல் ஜரூரான நாள் & கணிசமான சந்தாக்கள் கரம்கோர்க்கத் துவங்கின எனும் போது லைட்டாக மூச்சு விட்டுக் கொண்டேன்! இந்த நொடியில் பாதித் தொலைவை நெருங்கியிருக்கிறோம் என்பதையும் பார்க்க முடிந்தது! தொடரும் நாட்களில் சந்தாக் குடும்பத்தில் ஐக்கியமாவோர் அணி மேன்மேலும் வலுப்பெற்றால் செம குஷியாகிப் போகும்! And இப்போதே சந்தா ரயிலில் புதியவர்கள் சிலர் என்ட்ரி கொடுத்திருப்பது செம ஹேப்பி சமாச்சாரம் 💪💪! Let's join the journey guys 🙏

சந்தா பற்றிய topic-ல் இருக்கும் இந்த நொடியினில் சின்னச் சின்னதாய் சில உரத்த சிந்தனைகள் folks!

* 2026-க்கான சந்தா நண்பர்களின் ஃபோட்டோக்களை ஜனவரி (கலர்) டெக்ஸின் முதல் பக்கத்தில் ப்ரிண்ட் செய்து தருவதாகச் சொல்­லியிருந்தோம்! டிசம்பர் 20-க்கு முன்பாக ஃபோட்டோக்கள் அனுப்பிடலும் அவசியமென்று சுட்டிக் காட்டியிருந்தோம்!ஆனால், 'இதையெல்லாம் வசந்த மாளிகை 'சமயத்திலேயே பாத்தாச்சு பாஸு' என்றோ - என்னவோ,சந்தா செலுத்தியுள்ள நண்பர்கள் இதற்கென பெரிதாய் மெனக்கெடக் காணோம்! Or மறந்தும் விட்டிருக்கலாம்! சந்தாக்களுடன் தம் ஃபோட்டோக்களையும் சேர்த்து அனுப்பியுள்ளோரை, ஒற்றைக் கையின் விரல்களில் எண்ணி விடலாம்! மக்களே; இது டிசம்பர் மாதம் ; பைண்டிங்கில் தினசரி காலெண்டர் பணிகளும், புத்தாண்டு டைரிகளும் குவிந்து கிடக்கும் சீஸன்! இந்தத் தருணத்தில் சாவகாசமாய் இருந்தோமேயானால் தைப்பொங்கலுக்குத் தான் ஜனவரி புக்ஸ் கிடைக்க நேரிடும்!" விதி எழுதிய வெற்றி வரிகள்'' is all ready to go to print! உங்களது வதனப்படங்களை துரிதமாய் அனுப்பி வைத்தீர்களெனில் ஜமாய்த்துவிடலாம்! உயர் resolution-ல் படங்கள் தேவை & அவற்றை வாட்சப்பில் அனுப்ப வேண்டாம்!! ஈ-மெயில் மட்டுமே ப்ளீஸ்! 

மாறாக -

'அட, நெதத்துக்கும் பாக்குற மூஞ்சியை பொஸ்தவத்திலே வேற பாக்கணுமாக்கும்?' என்று எண்ணுவோராய் நீங்கள் இருப்பின் no problems....ப்ரீயா விட்டுப்புடலாம்!

So இது தான் Subject # 1...உங்கள் பதில்களை :

PHOTO YES

என்றோ 

PHOTO NO

என்றோ தெரிவிக்கக் கோருகிறேன் folks!

* அப்புறம் 2026 சந்தா நண்பர்களுக்கு ஒரு க்யூட் காலெண்டரும் உண்டென்று ப்ராமிஸ் செய்திருந்தோம்! இங்கும் குட்டீஸ் ரசனைக்கென ஒன்று ; பெரியோரின் ரசனைக்கென இன்னொன்று and உங்களுக்கு எது வேண்டுமென தேர்வு செய்து கொள்ளலாம் என்றும் அறிவித்திருந்தோம் ! Again இங்குமே பெரிதாய் செல்ப் எடுக்கக் காணோம் தான்! So இக்கட  I have a question for you guys : 

இந்த காலண்டர் தரும் திட்டமிடல் ஓகே தானா - அல்லது இது தேவையற்ற ஆணியா?

ஜுனியர்களுக்கென டிசைன் செய்துள்ள காலெண்டர் மெய்யாலுமே செம cute ஆக வந்துள்ளது ! So காலண்டர்  ஓ.கே. தான் என்று நீங்கள் சொல்லும் பட்சத்தில், இந்த ஒற்றை டிசைனை மட்டுமாவது ரெடி செய்து காலேண்டராக்கி அனுப்பிடலாமென்று தோன்றுகிறது! மாறாக - இதனில் பெருசாய் பிரயோஜனம் இராதென்றே நீங்கள் கருதினால், அதை drop பண்ணி விட்டு சிவனே என அடுத்த வேலையைப் பார்க்கலாம்!

"இதெல்லாம் நான் கேட்டேனா? மருவாதியா சந்தாக்களுக்கு மட்டும் என ஒரு பிரத்தியேக புக்கை போட்டுத் தொலைக்க வேண்டியது தானே? அரையணா பிரயோஜனம் இல்லாத அன்பளிப்புகளால் யாருக்கு என்ன லாபம் மேன்?" என்ற உங்களின் ஒரு அணியின் மைண்ட்வாய்ஸ் loud & clear ஆகக் கேட்குது தான்! ஆனால் எனது இடத்திலிருந்து அதனை நடைமுறைப்படுத்துவது சுலபமே அல்ல என்பது தான் சிக்கலே ! முன்பு போல குட்டி டெக்ஸ் கதைகளை தனி புக்காய் போட இப்போதெல்லாம் அனுமதி லேது! So செய்வதாக இருந்தால் வேறு கதைகள் எதையாச்சும் கொண்டு முழுசாய் ஒரு புக்கை ரெடி செய்து, அதனை சந்தாவில் அல்லாதோருக்குக் கொடுக்க மாட்டோம் என்று தான் சொல்லிட வேண்டிப் போகும்! அவ்விதம் மறுப்பது நிரம்பவே வெறுப்பை ஈட்டவல்ல செயல் என்பதை முந்தைய அனுபவம் உணர்த்திடுகிறது ! முன்நாட்களில் இந்த ரீதியில் நான் பாட்டுக்கு செய்து வைத்த சில தீர்மானங்களின் தாக்கங்கள், நம்மாட்களின் சில்லுமூக்குகளை சிதறடிப்பதை கண்கூடப் பார்க்க முடிந்த பிற்பாடு - அதே தப்பை மறுக்கா செய்யலாகாது என்று தீர்மானித்தேன். "ஏன் - நாங்களும் பணம் தந்து தானே புக்ஸ் வாங்குறோம் - எங்களுக்கு மட்டும் இது ஏன் கிடையாதாம்??" என எகிறுவோரை சமாளிக்க முடியாது நம்மாட்கள் பரிதாபமாய் முழிக்க நேரிடுகிறது! End of the day,  புக்சை சந்தா மார்க்கத்திலோ, முகவர் மூலமோ, ஆன்லைனிலோ வாங்கும் சகலரும் நமது வாசகர்களே எனும் போது, "EXCLUSIVE for SUBSCRIBERS" என்று உருப்படியான இதழ் ஒன்றைத் தயாரிக்க மனசு ஒப்ப மறுக்கிறது! இந்தக் காலண்டர் option கூட நெருடலே, ஆனால் அது வாசிப்புக்கான சமாச்சாரம் அல்லவே என்று சொல்லி என்னை நானே  சமாளித்துக் கொண்டேன்!

So இந்த காலண்டர் விஷயம் is Subject # 2. சொல்லுங்களேன் folks - என்ன செய்யலாமென்று?

CALENDAR OK

என்றோ 

CALENDAR NOK

என்றோ தெரிவிக்கக் கோருகிறேன் folks!

* அப்புறம் ரூ.300/-க்கு gift voucher உண்டு & அதனைக் கொண்டு 2020-க்கு முன்பான நமது இதழ்களை வாங்கிக் கொள்ளலாமென்றுமே சொல்­லியிருந்தோம்! அந்த அறிவிப்பின் பின்னணிக் காரணமே கொரோனா காலகட்டத்துக்கு முன்பான நமது கூடுதல் ப்ரிண்ட்ரன்களின் புண்ணியத்தில் கிட்டங்கியில் குவிந்து கிடக்கும் backissues, யாருக்கேனும் அன்பளிப்பாகவாவது பயன்படட்டுமே ; அப்படியாச்சும் கொஞ்சம் இடம் காலியாகிக் கொள்ளுமே என்ற எண்ணம் தான்! ஆனால், அந்த முன்மொழிவில் பெருசாய் உடன்பாடின்றிப் போய் ஆங்காங்கே நம் தலையில் நண்பர்களில் ஒருசாரார் மத்தளம் கொட்டியது தான் அரங்கேறியது!

So இங்குமே சின்னதாயொரு option! 

"Gift voucher எனக்கு ஓ.கே." எனும் நண்பர்களுக்கு, அறிவித்தது போலவே ஜனவரி இதழ்களோடு vouchers அனுப்பிடப்படும் & புத்தக விழாக்களிலோ, அல்லது நம்மிடமிருந்தோ புக்ஸ் பெற்று அந்த வவுச்சர்களை redeem செய்து கொள்ளலாம்! சேலத்து நண்பர் ரகுராம்ஜி முன்மொழிந்தது போல - பத்துப் பதினைந்து கூப்பன்களை ஒன்றிணைத்து, அவற்றிற்கான புக்ஸைப் பெற்று அந்தப் பகுதிகளின் பள்ளி நூலகங்களுக்கு அன்பளிப்பாக்கிடும் திட்டத்தையும் அழகாய் நிறைவேற்றிடலாம்!

மாறாக "எனக்கு இதிலெல்லாம் பிரியமில்லை'' எனும் நண்பர்கள், சந்தா தொகைகளில் ரூ. 200-ஐ கழித்துக் கொண்டு அனுப்பி வைக்கலாம். ஒரு சலுகையினை பொருளாய் / புக்காய் தரும் போது தானே விசனங்கள் தலைதூக்குகின்றன?! மாறாய் அதனை தொகையில் கழித்துக் கொள்ளும் option ஆகத் தந்து விட்டால், யாருக்கும் வருத்தம் இருக்கக் கூடாது என்பது எனது அபிப்பிராயம். But மூ. ச. போய் வர, இங்கும் ஏதேனும் முகாந்திரம் உள்ளதா guys? இருப்பின் சொல்லுங்கோ ப்ளீஸ்!

So கூப்பனா? அல்லது விலையில் ரூ. 200 சலுகையா ? என்ற தேர்வினை உங்களிடமே விட்டு விடுகிறோம் folks! 

*Of course ஏற்கனவே சந்தா செலுத்தி முடித்திருக்கும் நண்பர்களுக்கும் இந்த option உண்டு தான்! கூப்பன் வாணாமே? எனக் கருதுவோர் - சென்னை புத்தக விழா ஸ்பெஷல்களிலோ, மே மாத ஆன்லைன் விழா ஸ்பெஷல்களிலோ இந்த ரூ. 200-ஐ சமன் செய்து கொள்ளலாம்!

ஆக இது Subject # 3...

இதற்கான பதிலை இங்கு பதிவிட அவசியமில்லை, ஆபீஸில் சொன்னாலே மதி 👍

ரைட்டு.., இனி காத்திருக்கும் அடுத்த வாரத்து சேதி பற்றிப் பார்க்கலாமா?

சேலம் புத்தகவிழா ஒரேயடியாய் ஜனவரி 29 தேதிக்கு ஒத்தி வைக்கப்பட்டிருப்பதால் இனி மேலும் "சாம்ப­லின் சங்கீதம்'' புக்ஸை கையில் தேவுடு காக்க வைப்பதாக இல்லை! புக் ஒன்று 1.75 கிலோ எடை இருப்பதால் மொத்த புக்ஸும் செமத்தியாய் இடத்தை ஆக்கிரமிக்கின்றன! So வரும் 18-ம் தேதிக்கு கூரியர்களில் புக்ஸை அனுப்பிடவுள்ளோம்! பேக்கிங்குக்கே நமது front office இடம் ததிகினத்தோம் போடப் போகிறது என்பதால்- எனது அறையை அடுத்த மூன்று தினங்களுக்கு நான் மறந்து விட வேணும் தான்! அசுரத்தனமான பேக்கிங் பணி நம்மாட்களுக்குக் காத்துள்ளது என்பது மட்டும் சர்வ நிச்சயம்!

And காத்திருக்கும் டிசம்பர் 21 to 28 தேதிகளில் தேனி புத்தகவிழா நடைபெறவிருக்கிறது! முதன்முறையாக நாம் அங்கு ஆஜராகிடவுள்ளோம்! Wish us luck folks!

ஜனவரியின் தோர்கலாரை சடுதியில் முடித்து அச்சுக்கு அனுப்பிட நான் நடையைக் கட்டுகிறேன் guys! டிசம்பரின் லார்கோ + இளம் டெக்ஸ் பற்றிய அலசல்களால் இந்தப் பக்கத்தினை சுறுசுறுப்பாக்கிடலாமே ப்ளீஸ்! Bye all.. see you around! Have a fun Sunday!

டிசம்பர் பூக்கள்!

நண்பர்களே,

வணக்கம்! இராமாயணம், மகாபாரதமென்று ஆரம்பிக்கும் முன்பாக டிசம்பர் இதழ்களைப் பற்றி "பட்'டென்று சொல்லிவிடுகிறேனே folks! லார்கோவோடு தான் WWF போட வேண்டியிருக்குமென்ற எதிர்பார்ப்பு ஓரளவுக்கே மெய்யாகிப் போனது! இளம் டெக்ஸ் - 5 பாக சாகஸம் கூட நாக்குத் தொங்கும் பணிகளைக் கோரிவிட்டது! குழப்பங்கள் இல்லாத நேர்கோட்டுக் கதை தான் என்றாலும், 320பக்கங்கள் எனும் போது the sheer volume of the work குறுக்கைக் கழற்றி கையில் கொடுத்தே விட்டது! ரெகுலர் டெக்ஸை விட இளையவரின் கதைவரிசையில் எப்போதுமே சம்பாஷணைகள் ஜாஸ்தியே! And இங்கேயும் க்ரோ பழங்குடியினர்; ப்ளாக்ஃபுட் பழங்குடியினர் என்று அணி சேர்த்து காடு-மேடெல்லாம் நம்மவர் பயணிக்கிறார்! இதுவரைக்கும் "வோ'' போட்டுவிட்டு பெட்ரோல் காசும், பேட்டாவும் வாங்கிவிட்டுப் புறப்படும் சிகப்பின ஜனம் இந்தமுறை 'மைக் மோகன்' ஆன எனக்கே tough தரும் அளவிற்கு செம மாட்லாடுகிறார்கள்! எனக்கோ தேதிகளைக் கிழிக்கக் கிழிக்க வயிற்றில் புளியும் கரைந்து கொண்டிருந்தது! ஆனால், எத்தனை முயற்சித்தும், எடிட்டிங்கைத் திருப்திகரமாய் செய்திட இந்த 320 பக்கங்களும் கோரிட்ட உழைப்பைப் போடாது ஒப்பேற்ற வழியே இருக்கவில்லை! So சகலத்தையும் முடிக்கவே வியாழனாகிப் போய்விட்டது! மறுநாளே ப்ரிண்டிங்கும், முடிந்திருக்க, இன்று பைண்டிங் ஆபீஸ் வாச­லில் நம்மாட்கள் கொட்டகை போட்டு அமர்ந்துள்ளனர்! So இன்றிரவு (சனி) அல்லது ஞாயிறு பகலி­ல் புக்ஸ் ரெடியாகிவிடும் & திங்களன்று கூரியர்கள் புறப்பட்டும் விடும்! Terribly sorry all 🙏🙏 கடந்த இரண்டு மாதங்களாய் பழைய தொற்று வியாதி நம்மையும் அறியாமலே தோளில் ஏறிக் கொண்டதோ? என்ற பயம் கூட என்னைப் பீடித்துள்ளது! But முரட்டுப் பணிகள் ஒட்டுமொத்தமாய் ஆண்டின் இறுதிக்கென அணி சேர்ந்துவிட்டது தான் எதிர்பாரா இடரே! ஜனவரி முதலாய் 'பங்க்சுவல் பரமேஷ்' அவதார் உறுதி!

And சகல குட்டிக்கரணங்களுக்கும் காரணமே "சாம்பலின் சங்கீதம்'' இதழோடு நடத்த நேர்ந்த மெகா சடுகுடு தான் என்பதில் no secrets! எப்படியேனும் அதனை சேலம் புத்தகவிழாவினில் நண்பர் கார்த்திகைப் பாண்டியனுடன் ரிலீஸ் செய்தே தீரணும் என்ற வைராக்கியத்தில் தான் ரெகுலர் தட இதழ்களைக் கூட சற்றே ஆறப் போட்டிருந்தேன்! ஆனால், நவம்பர் இறுதியில் துவங்கியிருக்க வேண்டிய சேலம் விழாவானது டிசம்பர் 19-க்கென மாற்றம் கண்டது! ஆனால், அதன் பிற்பாடாய் பெருசாய் எவ்விதத் தகவல்களும் லேது! ஜனவரியில் துவங்கவுள்ள சென்னை புத்தகவிழாவின் தேதிகள் கூட அறிவிக்கப்பட்டு, பூர்வாங்கப் பணிகளும் துவங்கியும் விட்டன! ஆனால், இந்தப் பதிவினை எழுதி வரும் நொடி வரைக்கும் சேலத்தின் திசையி­லிருந்து சலனமற்ற மௌனமே! So வரும் வாரத்தினில் ஏதேனும் நல்ல சேதி கிட்டுகின்றதா என்று பார்க்க உத்தேசித்துள்ளோம்! In case நாமெல்லாம் எதிர்பார்க்கும் good news இல்லையெனில் டிசம்பர் 18-தேதிக்கு கூரியர்களில் "குண்டை'' பேக் பண்ணி அனுப்பிடவிருக்கிறோம்! ஒரு அசாத்தியப் பணிக்கு இதுவொரு anti-climax ஆகத் தானிருக்கும் என்பது புரிகிறது; ஆனால், தயாராகி வரும் புக்கை இனியும் தேவுடு காக்கச் செய்ய மனசில்லை! தவிர 2025-ல் துவக்கிய முன்பதிவுகளுக்கு 2026 -ல் புக் என்பது நெருடுகிறது! So சேலம் விழா இருந்தால் சிறப்பு ; இல்லையேல் கூரியர் நண்பர்களே சிறப்பு விருந்தினராய் மாறி ரிலீஸ் செஞ்ச்சூ 🥹🥹!Phewwwwwwwww.....!

And இந்த நொடியில் சேலமும்; சாம்ப­லின் சங்கீதமும் சார்ந்த சன்னமான disappointments-ஐ ஓரம்கட்டி விட்டுப் பார்த்தால், உள்ளுக்குள் ஒரு செம குஷி & நிம்மதி & திருப்தி போட்டிங் தி குத்தாட்டம்! "2025 எனும் ஒரு அசாத்தியப் பரீட்சையை எழுதி முடிச்சாச்சு!'' என்ற திருப்தி உள்ளாற தாண்டவமாடிடுகிறது! 

*தேர்வை பிரமாதமாய் எழுதியிருக்கிறோமா? 

*சுமாராய் செய்திருக்கிறோமா?

*சொதப்பலாய் பண்ணிருக்கிறோமா? 

என்பதைத் தீர்மானிக்க ஜுரிக்களான உங்களிடம் பொறுப்பை ஒப்படைத்துவிட்டோம்! So எங்களைப் பொறுத்தவரை just being able to complete the trial - ஒரு ஜா­லிலோ ஜிம்கானா அனுபவமாக இருந்துள்ளது! 

மொத்தம் 57 இதழ்கள்..... கலரில் 33 & black & white-ல் 24! 

இந்த 2025-ல் எதிர்காலத்துக்குள் டைவ் அடித்திருக்கிறோம்.....அழிவின் விளிம்பில் நிற்குமொரு apocalyptical பிரபஞ்சத்தில் "பயணம்'' பண்ணியிருக்கிறோம்! வரலாறுக்குள் வட்டமும் அடித்துவிட்டோம்....மன்னிக்காத வடுவாகிப் போன அணுகுண்டோடும், உலக யுத்தத்தோடும்! க்ரிப்டோ கரென்சி எனும் மெய்நிகர் பணவுலகினுள் சஞ்சாரம் செய்துவிட்டோம்! பங்குச் சந்தையின் பல்வேறு பரிமாணங்களோடு பொருதியும் விட்டோம்! "அ­லிபாபாவும், 40 திருடர்களும்'' வானவில்­லின் ஒரு மழலை முனையெனில், மறுமுனையில் நிற்பனவெல்லாம் வேறு லெவல்! இந்தத் திரும்பிப் பார்க்கும் படலத்தினை விரல் நோவ எழுத இந்த நொடியில் "தம்'' லேது என்பதால் அடுத்த சில நாட்களில், சாம்பலின் சங்கீதம் பைண்டிங் முடிந்து புக் ரெடியான நாளில் ஒரு YouTube பதிவாக்கிடத் தீர்மானித்துள்ளேன்! So இந்த நொடியினில் இதோ சாம்பலி­ன் சங்கீதம் அட்டைப்பட preview : 

அப்புறம் சென்னையின் புத்தக மேளா ஜனவரி 7 to 19 தேதிகளில் என  அறிவிக்கப்பட்டு விட்டதால், அக்கட அவசியமாகிடப் போகும் இதழ்கள் பக்கமாய் கவனங்களை திருப்பி வருகிறோம் ஜல்தியாய்! கைவசம் மாயாவி சார் இல்லாமல் பட்டினத்துக்குப் போனால் சரமாரியாய் சப்பல்ஸ் பிய்ய நேரிடும் என்பதால் அவரே நமது முதல் இலக்காகிடுகிறார்! வேக வேகமாய் தயாராகி வரும் இதழ்கள் பற்றி தொடரும் வாரங்களில் சொல்லுகிறேன்! இதோ இப்போதைக்கு "தவளை மனிதர்கள் " ரெடி ஆகி விட்டார் என்பது தகவல் !

And மறுபதிப்புப் படலங்களி­ருந்து இன்னமும் ஒரு க்ளாசிக் ஜாம்பவானின் குட்டிப் பிரிவியூமே இதோ! மாயாவிக்கான மோகம் வேறொரு லெவல் என்றால், வேதாளருக்கான கெத்தும் சளைத்ததே அல்ல தான்! So ஏற்கனவே ரெடி செய்திருந்த "சூனியக்காரியின் சாம்ராஜ்யம்" கலரில் டிக் ஆகியுள்ளது! இதோ preview :

Bye all.. see you around.... இந்த நொடியில் ஊரில் இல்லாது, ரயில் நிலைய பிளாட்பாரத்தில் இருந்தே டைப்பி வருவதால், இதற்கு மேல் நீட்டி முழக்காது விடை பெறுகிறேன்! See you around all - ஜனவரியின் காவியத் தலைவன் தோர்கலுமே calling! Have a good Sunday 👍

P. S: உங்களுக்கான வினா :

இந்தாண்டின் நம்ம பயணம் எவ்விதம் இருந்துள்ளது உங்களின் பார்வைகளில்? 

திசைகள் நான்கு...!

 நண்பர்களே,

வணக்கம்! கோழி முத­லில் வந்ததா? முட்டை முத­லில் வந்ததா? என்ற சந்தேகம் தான் சமீப வாரங்களில்! நான் பதிவுகளின் பக்கம் சரிவர வராததால் தான் இங்கே தொய்வா? அல்லது நீங்கள் சரிவர இங்கே பங்கேற்காததால் தான் நானும் தலைகாட்ட­லியா? புதிராகவே தொடர்கிறது இக்கேள்வி என்னுள்! Of course வாரயிறுதிகளில் இங்கே வருகை தருவோரின் எண்ணிக்கைகள் பெரியதொரு உதை வாங்காமல் தொடரத் தான் செய்கின்றன; ஆனால், தற்போதைய சின்ன பட்ஜெட் படங்களைப் போல வாரநாட்களில் பதிவுப் பக்கமானது ஈயோட்டுவதையே பார்க்க முடிகிறது! இப்போதெல்லாம் வாட்சப் கம்யூனிட்டியில் கட்டும் களையினை வலைப்பக்கத்து சலனமற்ற அமைதிகளோடு ஒப்பிட்டால் "ஙே'' என்றே முழிக்கத் தோன்றுகிறது! Of course ஏதேனும் ஸ்பெஷல் இதழ்கள் பற்றியோ, மறுபதிப்புகள் பற்றியோ, மூ.ச.பஞ்சாயத்துக்கள் சார்ந்தோ பதிவில் எழுத நேரிடும் நாட்களில் views & comments  அள்ளுகின்றன தான்! ஆனால், நெதத்துக்கும் அதற்கென ஸ்பெஷல் இதழ்களைப் போட்டுக் கொண்டிருக்க முடியாதே?!

"ஸ்பெஷல் இதழ்கள்'' என்ற தலைப்பி­லிருக்கும் போதே ஒரு சமீபத்தைய மகா சிந்தனையை பற்றியும் பகிர்ந்து விடுகிறேனே?! எல்லாம் துவங்கியது 2026-ன் அட்டவணைக்கென கதைத் தேடல்களுக்குள் முத்துக் குளிக்க ஆரம்பித்த வேளைகளில் தான்! இந்த முறை என்ன மாயமோ தெரியலை - மாமூலான நாயகர்களைத் தாண்டி ஏகமாய் புதுப்புது ஆல்பங்கள் "பளிச்' "பளிச்' என கண்ணில் பட்டுக் கொண்டேயிருந்தன! புரட்டாசி மாத விரதத்தில் இருப்பவன் ஸோமாட்டோவில் scroll செய்தால் - தெரிவதெல்லாம் தலப்பாக்கட்டி பிரியாணியும், புஹாரியும், KFC & பர்கர்-கிங்களாக இருந்தால் எப்படியிருக்குமோ- அப்படியே இருந்தது எனக்கு! இங்கேயோ பட்ஜெட்டின் காரணமாய் இதழ்களின் எண்ணிக்கையினை சிக்கனமாக வைத்திருக்க வேண்டிய இக்கட்டு ; ஆனால், கண்ணில் தென்படும் சகலமும் கடைவாயோரம் குற்றாலத்தை ஓடச் செய்தன! 

அந்த வேளையில் தான் நமது ஜம்போ காமிக்ஸை ரொம்பவே மிஸ் செய்தேன்! நாயகர்களுக்கென எவ்வித முன்னுரிமைகளும் இல்லாது, ஒன்-ஷாட்ஸ்; புது வரவுகள் என எதை எதையோ முயற்சிக்க அதுவொரு களம் ஏற்படுத்தித் தந்திருந்தது! ஆனால், விற்பனை ரீதியில் அங்கு பெருசாய் ஜெயம் நஹி என்பதால் ஊற்றி மூட வேண்டிப் போனது!அதையெல்லாம் நினைத்து அசை போட்டுக் கொண்டிருந்த போது சின்னதொரு வருத்தம் இழையோடியது உள்ளாற! எப்போவுமே எங்கிட்டாவது ஒரு திக்கிலே இன்டிக்கேட்டரைப் போட்டுப்புட்டு, அதுக்கு நேர்மாறான திசையிலே கையைக் காட்டிப்புட்டு, நேராக  புளியமரத்திலோ- புங்கை மரத்திலோ ஸ்கூட்டரைக் கொண்டு போய்ச் செருகும் நம்ம ட்ரேட்மார்க் பாணிக்கு இப்போல்லாம் வேலையே இல்லாமப் போச்சே என்று! வருஷ அட்டவணையினை நிரம்ப திட்டமிடலுடன் போட்டுவிட்டு good boy ஆக அதனுடன் பயணிப்பது ரெகுலர் தடம்! இடையிடையே கிட்டும் ஆன்லைன் மேளாக்களின் போதும் சரி, புத்தகவிழாக்களின் ஸ்பெஷல்களிலுமே விடுபட்ட நாயக / நாயகியரையோ; விற்பனையில் சாதிக்கக் கூடியவர்களையோ களமிறக்கும் கட்டாயங்கள்! ரொம்பவே மாறுபட்ட நொடிகளில் தான் "பயணம்''; ""சாம்ப­லின் சங்கீதம்'' போன்ற off-beat படைப்புகளை முயற்சிக்கவே சாத்தியமாகிறது!

To cut a long story short- இன்டிக்கேட்டருக்கே அவசியமில்லாமல் ; கையையோ- காலையோ - மண்டையையோ எந்தத் திசையிலும் திருப்ப அவசியமில்லாமல்; மனம் போன போக்கில் இஷ்டப்பட்ட, சாத்தியப்பட்ட சமயங்களில் மட்டுமே பயணம் பண்ணவொரு சாலையை நாமளாய் போட்டாலென்னவென்று தோன்றியது! நமக்குத் தான் மண்டைக்குள் ஏதாச்சுமொரு சிந்தனை எழுந்துவிட்டால் அப்புறம் "அடம் அப்பாசாமி' அவதார் எடுத்துப்புடுவோமே! So ரெகுலர் தடத்தில் அல்லாத இதழ்களை நாம் வெளியிடப் பயன்படுத்தி வரும் லயன் லைப்ரரி லேபிலி­ல் "திசைகள் நான்கு'' என்றதொரு series அறிமுகமாகவுள்ளது!

அதென்னய்யா பெயர் என்கிறீர்களா? காசிக்குப் போக நினைத்தால் வடக்காலே சலோ என்று கிளம்புவோம்! பயண இலக்கு பம்பாய் என்றால் மேற்கின் திக்கில் நடை போடுவோம்! அட, கல்கத்தாவில் ரசகுல்லா சாப்டுவோமே என்ற எண்ணம் தலைதூக்கினால் கிழக்காலே நடையைக் கட்டுவோம்! மாறாக ஐயன் வள்ளுவர் சிலையின் காலடியில் குந்தி புளிசாதத்தைச் சாப்பிடத் தோன்றினால் தெற்காலே தானே பயணப்படுவோம்?! ஆனால், இலக்கென்று எந்த ஊரும் மனசில் fix ஆகலை ; பச்சே பயணம் போகும் ஆசை மட்டும் ஊற்றெடுக்கிறது! என்ன செய்யலாம் அந்த நொடியில்? எந்த ரயி­லில் டிக்கெட் காலியிருக்குதோ - அதில் ஏறி, எந்த ஊரைப் பார்க்கும் நொடியில் மண்டைக்குள் ஒரு பல்ப் எரிகிறதோ, அங்கே இறங்கி, ஜாலியாய் சுற்றலாம்! So அந்த மாதிரியான சமயங்களில் திசைகள் நான்குமே நமக்கு நண்பர்களே!

எனது அவாவும் கச்சிதமாய் அதுவே!

* இது விற்குமா- விற்காதா? என்ற வணிகரீதியிலான கேள்விகளுக்கு செவிசாய்க்கும் அவசியங்களின்றி....

* இவர் பெரிய ஈரோவாச்சே; இவருக்கு துண்டு விரிச்சே தீரணுமே என்ற நிர்ப்பந்தகளின்றி...

* இந்த விலை கூடுதலா? குறைச்சலா? என்ற கறைச்சல்களின்றி...

* இதை தீபாவளிக்குப் போடறதா? பொங்கலுக்குப் போடறதா ? எனக்கு மொத தபா பல்லு விழுந்த anniversary-க்குப் போடறதா? என்ற குழப்பங்கள் கிஞ்சித்துமின்றி...

* ஐயையோ.. இது கிராபிக் நாவலாச்சே? அச்சச்சோ.. அது கார்ட்டூனாச்சே..? அடடா.. அது யுத்தக் கதையாச்சே..? ஆத்தாடி இது பழசாச்சே..? என்று இல்லாத சிண்டைப் பிய்த்துக் கொள்ளவும் தேவைகளின்றி...

* "அடங்கப்பா.. தேதி இப்போவே 25 ஆச்சு.. மாசம் பிறக்க இன்னும் அஞ்சே நாட்கள் தானே பாக்கி...?" என்றபடிக்கே அரக்கப் பரக்க பல் விளக்கக் கூட நேரம் ஒதுக்க முடியாது குட்டிக்கரணமடிக்கவுமே கட்டாயங்களின்றி....

😁ஜா­லியாய்- நினைத்த நேரத்திற்கு..!

😁குதூகலமாய்- இஷ்டப்பட்ட கதைக்களங்களை..!

😁கட்டாயங்களின்றி- சந்தாக்கள், முன்பதிவுகள் என இல்லாமலே..!

😁இஷ்டப்பட்டால் வாங்கிக்கலாம்! என்ற சுதந்திரத்தோடு...

😁எந்தத் திசையிலும், பயணிக்கலாமென்ற சுதந்திரத்தோடு travel செய்திடும் முயற்சியாக இது இருந்திடும்!

இங்கே டெக்ஸ் வில்லரும் தலைகாட்டக் கூடும்; தில்லையாடி வள்ளியம்மையுமே தலைகாட்டக் கூடும்! So முதல்வாட்டியாக அக்கட தேசத்தின் ஆரஞ்ச் கேசக்கார பெரியவரைப் போல, எல்லைகளற்ற சுதந்திரத்தை எனதாக்கிக் கொண்டு அவரைப் போலவே ஒரு தடாலடிப் பயணத்தைத் துவக்கிட உத்தேசித்துள்ளேன்! இது சிறப்பான முயற்சியாகவும் இருக்கலாம், புத்தம்புது மூ.ச. கிளைகளின் முன்னுரையாகவும் அமையலாம்! But பார்க்கும் நொடியில் எனக்குப் பிடித்திடும் ஆல்பங்களை - ஆராமாய் தயார் செய்து, டென்ஷனின்றி பரிமாறும் திருப்திக்கு முன்பாக மூ.ச.க்களின் கிளைகளானவை அம்புட்டுப் பெரிய டெரராகத் தெரியக் காணோம்! So நம் முன்னே காத்திருப்பன திசைகள் நான்கு!

அதன் முதற்பயணம் எந்தப் பக்கமாய்? எப்போது? என்பது பற்றிப் புத்தாண்டில் பார்க்கலாமுங்களா?

ரைட்டு! காத்திருக்கும் டிசம்பர் இளம் டெக்ஸின் அட்டைப்பட preview & உட்பக்கப் பிரிவியூஸ் இதோ! இம்முறை இளம் வெள்ளிமுடியாருமே இந்த 320 பக்க 5 அத்தியாயப் பயணத்தில் ஸ்டைலாக டெக்ஸுக்குத் துளியும் விடுதலி­ன்றி ஆற்றலோடு பயணிக்கும் கட்டிளங்காளை என்பதால்  அவருக்கு நையாண்டி அவதார் தந்திடவில்லை! இயல்பாய், கம்பீரமாய் இவரும் பயணம் பண்ணவிருக்கிறார்! So டிசம்பரில் கலரில் பில்லி­யனரா? கறுப்பு- வெள்ளையில் காளையரா? என்பதே உங்களது dilemma வாக இருந்திடப் போகிறது!

லார்கோவில் பணிகள் முடிந்த நிலையில், going to print shortly. இளம் டெக்ஸில் இந்த நொடியில் பிஸி! So அவரை சடுதியில் முடித்த கையோடு ஜனவரிப் பக்கமாய் பார்வையைத் திருப்பிட நடையைக் கட்டுகிறேன்! அதற்கு முன்பாக சில updates மக்களே!

அச்சாகிக் கொண்டிருப்பது "சாம்ப­லின் சங்கீதம்'' மெகா இதழுமே தான்! திங்களன்று முழுவதுமாய் அச்சாகி,  பைண்டிங் புறப்பட்டிட வேண்டும்! And இதனை எதிர்வரவுள்ள சேலம் புததகவிழாவினில் ரிலீஸ் செய்திடலாமென எண்ணியுள்ளோம் ! And இன்று தான் டிசம்பர் 19 to 29 தேதிகளில் சேலம் விழா என்பது உறுதியாகியுள்ளது! நமக்கு ஸ்டாலுமே உறுதியாகி விட்டால் மேற்கொண்டு ஆக வேண்டிய வேலைகளை ஆரம்பித்து விடலாம்! Fingers crossed!

அப்புறம் Bapasi அமைப்பிலும் டிசம்பர் ஒன்றாம் தேதிக்கு மொத்தமாய், சகலப் பொறுப்புகளுக்குமான தேர்தல் அரங்கேற இருப்பதால் கடந்த சில வாரங்களாகவே அவர்கள் செம பிஸி! So - புத்தக விழாக்களின் circuit சற்றே ஸ்லோவாகி உள்ளது ! ஏற்கனவே திருச்சி விழா மறுதேதியின்றி ஒத்தி வைக்கப்பட்டுள்ளது! கரூர் விழா பற்றியும் தகவல் இல்லை! Bapasi தேர்தல் முடிந்து வெற்றி பெறுவோர் பொறுப்பேற்ற பின்னே தான் circuit மீண்டும் வேகம் எடுக்கும் என நம்பிக்கொண்டுள்ளோம்! 

புறப்படும் முன்பாக as usual சந்தா நினைவூட்டலும் ! 2026-ன் கதை + பேப்பர் கொள்முதல்களை நடத்திட உங்களின் சந்தா தொகைகளையே மலை போல நம்பியுள்ளோம்! Please do your best folks!

Bye all have a safe weekend!

ல.. லா.. லா.. லாருகோ 🔥

நண்பர்களே,

வணக்கம்! இப்போதெல்லாம் ஒரு வாரயிறுதிக்குப் பதிவை எழுத மோவாயில் கைவைத்தபடியே ரோசனைகளில் ஆழ்வது போலுள்ளது - "பச்சக்' என அடுத்த வாரயிறுதியும், அடுத்த பதிவுக்கான வேளையும் புலர்ந்து நிற்கிறது! யாராச்சும், ஏதாச்சும் சொல்லி ­ Father Time கிட்டே இந்த மாதிரியான வேகத்தில் ஓட்டமெடுக்க வேணாமே- ப்ளீஸ்? என்று கோரிக்கை வைத்துப் பார்க்கலாமே? நாட்களின் ஓட்டம் மின்னலாய் அமைந்திட, மாதக் கடைசியாகும் போது காலெண்டரில் ஒவ்வொரு தாளையும் காலையில் கிழிக்கும் போதெல்லாம் வவுத்துக்குள் புளியைக் கரைக்கிறது!

And இந்த நொடியில் ப்ரெஷாக கிருஷ்ணகிரிப் பகுதிகளிலேர்ந்து ஒரு லோடு புளியை இட்டாந்து வயிற்றுக்குள் கரைத்துக் கொண்டிருப்பவர் சாட்சாத் நமது ப்ளூ ஜீன்ஸ் பில்லி­யனரான லார்கோ வின்ச் தான்! ஏற்கனவே நமது வாட்சப் கம்யூனிட்டியில் இந்த லார்கோ ஆல்பம் பற்றியும் ; அதனில் முக்கிய பங்கு வகிக்கும் complex ஆன பங்குச் சந்தை சார்ந்த வர்த்தகங்கள் பற்றியும் சொல்­லியிருந்தேன்! உள்ளதைச் சொல்வதானால்- 2017-ல் முதல் அத்தியாயமும், 2019-ல் இரண்டாவது அத்தியாயமும் ரிலீஸ் கண்டிருந்த ஆக்கம் இது! So. நாம் 2020-ல், அல்லது 2021-ல் இதன் மீது பாய்ந்து, அள்ளி வந்திருக்க வேண்டும் தான்! ஆனால், கொரோனோ தருணங்களது மொக்கையின் புண்ணியத்தில் தாமதப்பட்டுப் போனது. இடைப்பட்ட சமயத்திலோ CINEBOOK-ன் ஆங்கிலப் பதிப்பும் வெளியாகியிருக்க, லாக்டௌன் நாட்களின் போதே அந்தக் கோப்புகளைக் கோரிப் பெற்றிருந்தேன்! படிக்கப் படிக்க தலை கிறுகிறுவென சுற்றுவது போலவேயிருந்தது! தொடரின் பிதாமகரான ஷான் வான் ஹாம் வெளியேறியிருக்க, இந்த ஆல்பம் முதலாய் எரிக் கியகோமெடி என்ற புதியதொரு கதாசிரியர் பொறுப்பேற்றிருந்தார் ! And அவரோ பங்குச் சந்தைகளில் அரங்கேறிடும் HFT எனும் கம்ப்யூட்டர் மூலமான பரிவர்த்தனைகளைப் பின்புலமாக்கி, இடியாப்பமானதொரு சாகஸத்தை உருவாக்கியிருப்பது தெரிந்தது! ஏற்கனவே லாக்டௌனில் கேராகிக் கிடந்தவனை இந்த ஆல்பம் புதுசாய் ஒரு ரங்க ராட்டினத்தில் ஏற்றிவிட்டது போலி­ருந்தது! 'ஊஹும்.. இது வேலைக்கே ஆகாதுடா சாமி!' என்ற தீர்மானத்தில் இந்த ஆல்பத்தைத் தமிழில் வெளியிடும் எண்ணத்தை கபளீகரம் பண்ணிவிட்டேன்! நடுவாக்கில் நண்பர்கள் இது பற்றிக் கேட்க ஆரம்பித்த போது, நிலவரத்தை ஒளிவின்றிச் சொல்­லியும் விட்டேன்! பங்குச் சந்தை சார்ந்த நிபுணத்துவம் இருந்தாலொழிய இந்தத் தமிழாக்கம் சாத்தியமாகாது என்று ஒரே மட்டாய் கைகளை உசத்திவிட்டிருந்தேன்! And அப்படியே பொழுதுகளும் ஓடியிருந்தன! Until last January!

போன ஜனவரியில் இந்த இடியாப்ப லார்கோ சாகஸத்துக்கு அடுத்த புது ஆல்பத்தினை "இரவின் எல்லையில்'' என்று வெளியிட்டிருந்தோம்! And அந்த ஆல்பம் செமத்தியான ஹிட்! சொல்லப் போனால், 2024 வருஷத்துக்கே ஒரு எக்ஸ்ட்ரா பூஸ்ட் தந்த இதழாகவும் அது அமைந்து போனது! அப்போது லார்கோ சார்ந்த கோரிக்கைகள் மறுக்கா தலைதூக்க- மதுரை நண்பர் நாகராஜ சேதுபதி இதன் மொழியாக்கத்தினைப் பண்ணித் தர கரம் உசத்தியிருந்தார்! "ஹை..ஜாலி­... ஜாலி­.. என்றபடிக்குப் பொறுப்பை அவரிடம் ஒப்படைத்துவிட்டு, நடப்பாண்டிக்குள் "போர் கண்ட சிங்கம்'' எனறு லார்கோவை அறிவித்திருந்தேன்! And இது ஒரிஜினலாய் நவம்பருக்கான இதழாகவே திட்டமிட்டிருந்தோம்! நமது 2026-ன் அட்டவணையினையும் இந்த இதழோடே வழங்குவது என்ற எண்ணத்தில் அட்டைப்படத்திலும் "2026-ன் அட்டவணையினை கேட்டு வாங்குங்கள்'' என்றுமே அச்சிட்டு வைத்திருந்தோம்! ஆனால், அக்டோபரில் நம்ம டெக்ஸ்+ ராபின் தீபாவளி மலர்கள் சற்றே தாமதமாக வந்ததாலும், அட்டவணையினை முன்கூட்டியே நாம் வெளியிட்டு விட்டதாலும்- லார்கோ for நவம்பர் என்பது கட்டாயமின்றிப் போய்விட்டது! தவிர, அந்த நொடியில் "சாம்பலி­ன் சங்கீதம்'' பணிகளுக்குள் கழுத்து வரை சிக்கி நின்றேன் என்பதால், கோடீஸ்வரக் கோமகனை ஆண்டின் இறுதி மாதத்துக்கு மாற்றியிருந்தோம்! And பற்பல கடல்கள், மலைகள், குளங்கள், குட்டைகளையெல்லாம் தாண்டிய பிற்பாடு "சாம்பலி­ன் சங்கீதம்'' பணிகள் நிறைவுற்றிருக்க- இந்த வாரத்தின் நடுவாக்கில் லார்கோவைக் கையிலெடுத்தேன்! 

சமீப ஆண்டுகளாகவே ஒவ்வொரு புது மொழிபெயர்ப்பாளரின் பணியினையும் கையிலெடுக்கும் போதும் தாமாய் உசந்திடும்  புருவங்கள், இம்முறையும் அதே வேலையைச் செய்து வைத்தன! ஏற்கனவே இந்த ஆல்பத்தினை DTP செய்திடும் சமயமே நம்மாட்கள் - "கொஞ்சம் வித்தியாசமா இருக்க மாதிரித் தோணுது'' என்று மெள்ள கோடிட்டுச் சொல்­லியிருந்தனர் ! நானோ LA BOMBE-ல் முத்துக் குளித்துக் கொண்டிருக்க- "பரவால்லே... செட் பண்ணுங்க, பார்த்துக்கலாம்!'' என்ற சொல்லி­ நகர்ந்திருந்தேன்!

To cut a long story short- பங்குச் சந்தை சார்ந்த நிபுணத்துவம் என்பது வானவில்லின் ஒரு முனை மாத்திரமே ; அதனை எல்லோருக்கும் புரியும் விதமாய் சொல்வதும், அலுப்புத் தட்டாமல், கதை சொல்லலுக்குள் அதனைப் புகுத்துவதும் வானவில்­லின் மறுமுனை என்பதும், மெது மெதுவாய்ப் புரிந்தது! பற்றாக்குறைக்கு லார்கோ கதைகளுக்கென ஒரு தனிப்பட்ட ஸ்டைல் & பாணியிருக்க, அதனையும் எழுத்துகளில் கொணர்வதென்பது மகா அத்தியாவசியம் என்பதுமே உறைத்தது! So இத்தனை நெளிவுகளும், சுளிவுகளும் இழையோடும் ஒரு பணியை புதுசாய் பேனா பிடிக்கும் நண்பரிடம் தூக்கித் தந்ததே அவருக்கு நாம் செய்த அநீதி என்றுபட்டது! 

Honestly லார்கோவின் இங்கிலீஷ் மொழிபெயர்ப்பினை செய்திருக்கும் நபரெல்லாம் கோவில் கட்டிக் கும்பிடப்பட வேண்டியவர்! இந்த ஒற்றை ஆல்பத்துக்குத் தான் என்றில்லை - தொடரின் அத்தனை ஆல்பங்களுக்கும் அந்த மனுஷன் செய்திருப்பதெல்லாம் கனவிலும் யாருக்கும் சாத்தியப்படா உச்சங்கள்! So" "இந்தாங்க சார் க்ரிக்கெட் மட்டை ; அதோ டி.வி.யிலே ஓடற ரோஹித் ஷர்மாவை நல்லாப் பார்த்துக்கிட்டு, அதே போல ஆடுங்க!'' என்று நண்பரை இக்கட்டில் மாட்டி விட்டிருப்பது புரிந்தது! To his credit அவரும் இயன்றமட்டிலும் முயற்சித்திருந்தார் தான் - ஆனால், லார்கோவுக்கென நாம் மனதளவில் போட்டு வைத்திருக்கும் உசரமான templates-களுக்கு அது போதாதென்பது புரிந்தது! So பேஸ்தடித்த மூஞ்சி சகிதம் லார்கோவின் ப்ரெஞ்ச் ; இங்கிலீஷ் ப்ளஸ் தமிழ் ப்ரிண்ட் அவுட்களோடு கடை விரித்து உட்கார்ந்தேன்!

இக்கட ஒன் குட்டிக்கதை!! இந்த Disposable needles-களெல்லாம் வந்த பிற்பாடு ஊசி போட்டுக் கொள்வதெல்லாம் அத்தனை வலி­மிகுந்த நொடிகளாகிடாது என்பது எனது அபிப்பிராயம்! Becos - நானெல்லாம் ஸ்கூல் படிக்கும் நாட்களில், இந்த disposable needles கிடையாது ; அனைத்தும் மெட்டல் ஊசிகள் 🤕🤕..! ஊருக்குள் "திபு திபு'வென Health inspectors புகுந்து ஆங்காங்கே தற்காலி­க முகாம்கள் அமைத்து, மெட்டல் நீடில்களைக் கொண்டு "பச்சக்- பச்சக்'' என காலரா தடுப்பூசிகள்; BCG தடுப்பூசிகள் போடும் சமயங்களிலெல்லாம் ஒரு வாரத்துக்கு ரூம் போட்டு அழலாம்! அதிலும், திருப்பதி போலான ஜனம் அதிகம் கூடிடும் புண்ணிய ஸ்தலங்களில், கோவிலி­ன் ஒவ்வொரு வாசலி­லும் தெலுங்குப்பட வில்லன்களுக்கே பேதியெடுக்க வைக்கும் டெரர் உருவங்கள், கிட்டக்க சின்னதாய் ஒரு சிம்னி விளக்கு மாதிரி ஒன்றை எரிய வைத்துக் கொண்டு காத்திருப்பார்கள்! அவை Bunsen's Burners..! ஊசி போடும் நீடில்களை கிருமிகளின்றி சுத்திகரிப்பு செய்யும் கடமையை ஆற்ற அந்நாட்களில் உதவிடுபவை! ஒரு நீடிலை மாட்டுவார்கள்- யாருக்காச்சும் ஒரு குத்து! அதே நீடிலை மறுநிமிஷம் அந்த விளக்கில் எரியும் ஜுவாலையில் காட்டி காய வைப்பார்கள்; மறுநொடி அடுத்த "பச்சக்'! யோகமிருந்தால் நீடில் புதுசாய் உள்ள நொடியில் நாம் ஊசி போட்டுக் கொள்ளும் சந்தர்ப்பம் வாய்த்திடும் பட்சத்தில், திருப்பதியிலிருந்து திருத்தணி வரை கேட்கும் நம்ம அலறல்களோடு வேலை முடிந்து போகும்! மாறாக அந்த நீடில் தொடர்ச்சியான 'பச்சக்- பச்சக்'களில் மொட்டையாகிப் போயிருக்கும் நொடியில் நம்ம turn வந்து சேர்ந்தால் திருப்பதியி­லிருந்து நாம் எழுப்பக் கூடிய மரண ஓலம் திருநாகேஸ்வரம்- திருச்செந்தூர் வரைக்குமே கேட்கும் வாய்ப்புகள் கணிசம்! ஒரு கட்டத்தில் இந்த Bunsen's Burners-களோடு ஸ்கூல்களுக்கு வந்து, ப்ரின்சிபாலின் ரூமில் அமர்ந்தபடிக்கே ஒவ்வொரு வகுப்பிலி­ருந்தும் மாணாக்கரை லைனாக வரவைத்து ஆளாளுக்கு பூஜங்களில் ஒரு பொத்தலைப் போட்டு விடும் நாட்களில் நிஜமான டெரரை அனுபவிக்க முடியும்! நம்ம முறை வரும் வரை லைனில் காத்திருப்பதற்குள் ஆளாளுக்கு காலுக்கடியே, கண்ணீரில், வியர்வையில், இன்ன பிற திரவங்களில் ஒரு குளமே கட்டியிருப்பார்கள்! இதையெல்லாம் ஏன் சொல்கிறேன் எனில், அதே 'டர்'ரோடு தான் நான் லார்கோவின் பணிக்குள்ளே புகுந்தேன்! கிட்டத்தட்ட 96 பக்கங்களையுமே மாற்றி எழுதணும்... and அதுவும் தேதி 20 ஆகிப் போயிருந்த நிலையில் என்பதோடு, இது இடியாப்பமோ இடியாப்பம் என்ற புரித­ல் தான் உதறச் செய்து கொண்டிருந்தது!

ஆனால், 2020-ல் இந்தக் கதையை இங்கிலீஷில் முதன்முறையாக வாசித்த மண்டையனுக்கும், 2025-ன் இறுதியில் வாசித்திடும் கோமுட்டித் தலையனுக்குமிடையே ஒரு வேறுபாடு இருந்ததை சிறுகச் சிறுக ஆச்சர்யத்தோடு உணர முடிந்தது ! Oh yes- கதை அன்றைக்குப் போலவே சவாலாகத் தான் இன்றும் காட்சி தந்தது! ஆனால், இம்முறை இரண்டு சமாச்சாரங்கள் இந்த மலையேற ஒத்தாசையாகி நிற்பதை உணர முடிந்தது! முதலாவது சமாச்சாரம்- நம்ம AI நுண்ணறிவின் இன்றைய பிரவாகம்! முன்பெல்லாம் ஒரு விஷயத்தை கூகுளில் தேடி, இங்கே போய், அங்கே போயென தோண்டித் துருவ அவசியமாகிடும் விஷயங்களை - இன்றைக்கு ஒற்றை நொடியில் ChatGPT; Gemini; Perplexity; Grok- என ஒவ்வொரு நுண்ணறிவுச் செயலியும் வாழை இலை போட்டுப் பரிமாறுவதை வாய் பிளந்து பார்த்தேன்! நமது சந்தேகம் என்னவோ- அதனை இந்த அரூப அசாத்தியன்களிடம் கேட்டால், கிளிப்பிள்ளைக்குப் பாடம் நடத்துவது போல் விளக்கிப் புரிய வைத்து விடும் அதிசயத்தின் புண்ணியத்தால்- அந்தப் பங்குச் சந்தை புதிர்களில் இடரும் ஒவ்வொரு தருணத்திலும் சமாளிக்க சுலபமாகவே இருந்தது! Maybe ஐந்து ஆண்டுகளுக்கு முன்னமே இந்தச் செயலிகளெல்லாம் இருந்திருந்தால் நான் அத்தனை மிரண்டிருக்க மாட்டேனோ- என்னவோ?!

And பிரதானமான காரணம் # 2 பற்றியும் சொல்லணும் தான்! என்றைக்கோ ஒரு வேலை, ஜோலி­ இல்லாத சாவகாசப் பொழுதில் பின்திரும்பிப் பார்த்தால் எனது பணிக்காலத்தில் 2025 ஒரு ஜுப்பரான பொழுதென பளீரிடப் போவது நிச்சயம் என்பேன்! Becos- "சாம்ப­லின் சங்கீதம் பணிகளுக்கு முன்" - "சாம்பலி­ன் சங்கீதம் பணிகளுக்குப் பின்'' என முழியாங்கண்ணனை இரு அத்தியாயங்களாய்ப் பிரித்திடும் அதிசயம் இந்த நடப்பாண்டில் தான் நிகழ்ந்துள்ளது! அங்குமே நண்பர் கார்த்திகைப் பாண்டியன் முன்வந்திருக்காத பட்சத்தில் - LA BOMBE இருக்கும் திசையின் பக்கமாகக் கூட தலைவைத்துப் படுத்திருக்க மாட்டேன்! அந்த ப்ராஜெக்ட்  நனவாகிய பிற்பாடு, அதனுள்ளுமே முழுசாய் இறங்கிப் பணியாற்றுமொரு நாக்குத் தொங்கிடும் அனுபவத்துக்குப் பிற்பாடு - லார்கோவெல்லாம் ஒரு டெரர் பார்ட்டியாகத் தெரியவே காணோம்! என்ன தான் பங்குச் சந்தை - பங்காளிச் சண்டை என்று சிக்கல்ஸ் விரவியிருந்தாலும், அடிப்படையில் அந்த லார்கோ ஸ்டைல், ஆக்ஷன், தேசம் விட்டு தேசம் நகர்ந்திடும் களங்களெல்லாம் எனது மிரட்சியை மட்டுப்படுத்த உதவிடுகின்றன! So ஐந்து ஆண்டுகளுக்கு முன்னே குடையைப் பார்த்து மிரளும் மாட்டைப் போல ரிவர்ஸ் கியர் போட்டவன் இன்று AI துணையுடன் மெது மெதுவாய் லார்கோவோடு வர்த்தகம் படித்துக் கொண்டிருக்கிறேன்! 

And அந்த சர்வதேச நிதிநிர்வாகம் சார்ந்த கதைக்களத்தில்- ஈயம் பூசுனா மெரியும் இருக்கோணும், பூசாத மெரியும் இருக்கோணும் என்பதில் நிரம்பவே கவனம் காட்ட வேண்டியுள்ளது! "பாருங்கோ சார்- கம்பி மேலே நடக்குது'' என்றபடிக்கே AI கற்றுத் தரும் விஷயங்களோடு உங்களை ஒரே நாளில் பங்குச் சந்தை மேதைகளாக்கிட நான் ஓவராய் டெக்னிக்கலாகப் போட்டுத் தாக்கினால், தெறித்தடித்து ஓடிவிடுவீர்கள் என்பது புரிகிறது! So துளியும் விபரங்களில் விடுதலின்றி ; yet கதை சொல்லலோடு சுவாரஸ்யமாய் அவற்றை ஐக்கியமாக்கிடும் வித்தையை நாடி இந்த நொடியில் ஐயாம் ஒரே பிஸி! சர்வநிச்சயமாய் இதைச் செம்மையாய் செய்திட கொஞ்சம் அவகாசம் பிடிக்குமென்பதால், நவம்பரில் டிசம்பரையெல்லாம் எதிர்பார்த்திட வேணாமே ப்ளீஸ்? "சாம்பலி­ன் சங்கீதம்'' ஒரு வரலாற்று ஆவணம் எனும் போது அங்கே தகவல்களை இயல்பாய் பரிமாறினால் போதுமென்றிருந்தது! ஆனால், இதுவோ yet another கதை தான்! So, கதை சொல்லலுக்கான சகல சாமுத்ரிகா லட்சணங்களிலும் விடுதல் இருக்கலாகாதே?! ஆக இது வேறொரு விதத்திலான சேலஞ்சாக உள்ளது!

இந்த நொடியில் விட்டத்தைப் பார்த்தபடிக்கே செந்தில் பாணியில் "ஹெ.. ஹெ.. ஹெ..''என்று நகைக்கத் தான் தோன்றுகிறது ! Simply becos நடப்பாண்டினில் "Crisp reading'' என்பதே தாரக மந்திரமென்ற வேட்கைகளில் தான் திட்டமிட்டிருந்தோம்! And களங்கள் சுலபமாகயிருந்தால் - எங்களது பணிகளுமே லைட்டாகிடுமே என்ற நப்பாசை மனசுக்குள் குடியேறியிருந்தது! ஆனால், நாட்களின் ஓட்டத்தோடு, எதேதோ மாற்றங்களும் நிகழ்ந்திட, ஜனவரி 2025 முதலாகவே, துணிகளைக் காயப் போட காற்றோட்டமாய் வெளியே தொங்கிக் கொண்டிருக்கும் எனது நாக்காரே பயன்பட்டுக் கொண்டிருக்கிறார்! Maybe, just maybe - 2026 தான் பணிகளில் இலகுத்தன்மை நர்த்தனமாடப் போகுமொரு வஜந்த காலமாகிடுமோ- என்னமோ? Fingers crossed folks!

ரைட்டு- இதோ லார்கோவின் அட்டைப்பட ப்ரிவியூ+ உட்பக்க பிரிவியூ! பில்லியனரோடு பழகிப் பார்க்கும் படலம் முடிஞ்ச பிற்பாடு இளம் டெக்ஸ் & கார்ஸனின் 320 பக்க சாகஸத்துக்குள் டைவ் அடிச்சாகணும்! So இங்கே இதற்கு மேலாய் செலவிட நேரம் நஹி என்பதால் கிளம்புகிறேன் guys!

புறப்படும் முன்பாக வழக்கம் போலவே சந்தா சார்ந்த நினைவூட்டல்ஸ்! FAMILY சந்தாக்கள் ஏகமாய் முன்னிலை வகிக்க, நமது இலக்கில் மூன்றில் ஒரு பங்கு தூரத்தை கடந்தாச்சு! And இம்முறை சந்தோஷச் சேதி என்னவெனில், சந்தாக் குடும்பத்தினில் சில புதியவர்களையும் காண முடிகிறது! செம சந்தோஷம் & welcome to all ! மீத நண்பர்களும் தொடரும் நாட்களில் சந்தா 2026 ரயிலுக்கான டிக்கெட்களை போட்டு வைத்தால் இன்னும் சிறப்பு!

Bye all folks...See you around..! Have a lovely weekend!

மஞ்சள் is MISSING..!

நண்பர்களே,

வணக்கம்! இப்போதெல்லாம் தாட்டியமான இதழ்கள் இல்லாத மாதங்களில் நாட்கள் றெக்கை கட்டிக் கொண்டு பறப்பது போலுள்ளது - simply becos சின்னச் சின்ன சிங்கிள் ஆல்பங்களை ஒட்டுக்கா படித்து முடித்த கையோடு "ஜிலோ'வென நீங்கள் free யாக இருக்கிறீர்கள்! இதோ- நவம்பரின் மூன்று breezy இதழ்களையும் ஒற்றை வாரத்துக்குள் நிறையப் பேர் போட்டுத் தாக்கி முடித்து, அலசிடவும் செய்துவிட்டீர்கள்! அடுத்த செட் இதழ்களுக்கு இன்னமும் மூன்று வாரங்கள் இருக்க - பொழுதுகளைத் தடிப் போட்டுத் தான் தள்ள வேண்டி வரும் போலும்!

நவம்பரின் முக்கூட்டணியில் யாருமே clear first என்று வகைப்படுத்த இயலா பரவலான வெற்றி ஈட்டியுள்ளது ஒரு சந்தோஷச் சமாச்சாரம்! ஆனால்.. ஆனால்.. 

• அறிமுக வைல்ட் கேட்டில் ஏகமாய் சிகப்பு இருக்க.. 
• ப்ளூகோட்டார்களிடம் கணிசமாய் ப்ளூவும் இருக்க, 
• கானகவீரர் மிஸ்டர்.நோவிடம் பச்சையும் இருக்க- 

"மஞ்சள் is MISSING''என்ற உங்களின் மைண்ட்வாய்ஸ் தூரங்களைக் கடந்து எங்களின் செவிகளில் டணாரென்று ஒலி­க்கிறது! நமது ஆதர்ஷ டெக்ஸ் & டீம் விஸ்வரூபம் எடுக்கத் துவங்கிய 2016 முதலாகவே இந்த topic பற்றி பல முறைகள் காதில் நெத்தம் கசியுமளவிற்குப் பேசியும், அலசியும் விட்டோம் தான்! Yet அதே சமாச்சாரத்தை மறுக்கா தூசு தட்டி, புதிதானதொரு பார்வைக் கோணத்தில் அணுகுவது தவிர்க்க இயலா அவசியமாகி நிற்கின்றது இந்த நொடியில்!

Oh yes- புது வரவான "வைல்ட் கேட்'' சாகஸத்தில் சில லாஜிக் துவாரங்கள் இருந்தாலுமே, அந்த நேர்கோட்டுக் கதைக்களம், புதுவித சித்திரபாணி & மிரட்டும் கலரிங் இந்த வாசிப்பினை செமத்தியாக ஸ்கோர் செய்ய அனுமதித்துள்ளது தான்! And இத்தொடரில் இன்னமும் ஒரு டபுள் ஆல்பம் + ஒற்றை சிங்கிள் ஆல்பம் மாத்திரமே  வெயிட்டிங் என்பதால் ட்ரெண்ட் தொடருக்குப் பிற்பாடாக முழுமை காணப் போகும் series ஆக, Catamount அமைந்திடும் என்பதில் ஐயமில்லை! அதே போல "சிரிப்புப் பார்ட்டிகள்'' என்ற அடையாளம் - பல நேரங்களில் பல கார்ட்டூன் நாயகர்களுக்கு சுமக்க வேண்டியதொரு சிலுவையாகவே அமைந்து போவது துரதிர்ஷ்ட யதார்த்தம்! இம்முறையோ ஸ்கூபி & ரூபி ஜோடி மெய்யாலுமே சிலுவை சுமக்கும் விதமாய் கதை அமைத்திருப்பது ஒரு கவித்துவ முரண் என்பேன்! And truth to tell இங்கே பக்கத்துக்குப் பக்கம் சிரிப்புத் தோரணங்கள் லேது தான்! கதை சொல்லல் இயல்பாய், நயமாய் கையாளப்பட்டிருக்க, கிட்டிடும் சிற்சிறு வாய்ப்புகளில் வம்படியாய் திணிக்காத நகைச்சுவையுடன் "ஊழியம் செய்ய விரும்பு'' பயணிக்கின்றது!

And மிஸ்டர்.நோவின் "சதுப்பில் ஒரு சடுகுடு'' எல்லா பெட்டிகளிலும் டிக் அடித்து, ஒரு சுவாரஸ்யமான, ஹிட் சாகஸ நாயகரென்ற அந்தஸ்தினை இந்தப் பரட்டை மண்டை விமானிக்கு நல்கியுள்ளது! காத்திருக்கும் காலங்களில் இந்த மனுஷனுக்கு கூடுதல் முக்கியத்துவம்   & கூடுதல் ஸ்லாட்களும் செம அத்தியாவசியம் என்பது ஸ்பஷ்டமாய்ப் புரிகிறது! And அதனை அறிவிக்க இந்த நொடியையே எடுத்தும் கொள்கிறேனே..?! 2026-ன் அட்டவணையில் மிஸ்டர்.நோவுக்கென ஒற்றை ஸ்லாட் மட்டுமே ரெகுலர் தடத்தில் ஒதுக்கப்பட்டுள்ளது! And அதன்படி மட்டுமே செயல்படுவதாகயிருப்பின்- 5 விக்கெட்களை வீழ்த்தின மறு டெஸ்ட் மேச்சிலேயே ப்ளேயர்களுக்கு முகம் துடைக்கும் துண்டுகளையும், தொண்டை நனைக்க பானங்களையும் மட்டுமே எடுத்துப் போகும் ஒப்புக்குச் சப்பாணி 12th man பொறுப்பு தரப்படும் நம்ம குஸ்தீப் யாதவ் போல மிஸ்டர்.நோவும் துருப்பிடித்துப் போகக் கூடிய வாய்ப்புகள் அதிகம்! அந்தத் தப்பை செய்யலாகாது என்பதால் இதோ ஒரு அறிவிப்பு:

"மிஸ்டர்.நோவின் புது சாகஸங்கள்'' என்ற தனித்தடத்தினில் - அட்டகாசமான ஆர்ட் ஒர்க்+ 14 புத்தம் புது ஆல்பங்கள் என்ற ரீதியில் 2019 to 2020 காலகட்டத்தில் போனெலி குழுமம் இந்த சாகஸவீரருக்கு ஒரு புனர்ஜென்மம் தந்திருந்தது! ரெகுலர் தொடரானது 379 இதழ்களோடு 2006-ல் நிறைவுற்றிருந்தது! கொரோனா கோரங்களும், லாக்டௌன் பஞ்சாயத்துக்களும் குறுக்கிட்டிராவிடின் maybe இந்த மிஸ்டர்.நோ மறுவருகையானது மேற்கொண்டும் கிளை விட்டிருக்கலாம்! ஆனால், பிப்ரவரி 2020-ல் இத்தா­லியே கொரோனாவின் மரண தாண்டவத்தில் சீரழிந்து கொண்டிருந்த நிலையில் இந்தத் தனித்தடம் drop செய்யப்பட்டிருந்தது! நம்ம V காமிக்ஸில் மிஸ்டர்.நோவை அறிமுகம் செய்திட ஜுனியர் எடிட்டர் விக்ரம் தீர்மானித்த சமயம், "போடறது போடறோம்- இந்த லேட்டஸ்ட் தடத்துக் கதைகளைத் தேர்வு பண்ணினால் அதனில் ஆர்ட்ஒர்க், கதை சொல்லல் என எல்லாமே லேட்டஸ்டாக இருக்கக் கூடுமே?!'' என்று பிட்டைப் போட்டிருந்தேன்! So அதன் துவக்க நான்கு ஆல்பங்களையும், தொடரின் பிற்பகுதியில் சுவாரஸ்யமாய் தென்பட்ட சில கதைகளையும் வாங்கி விட்டிருந்தோம்! காது வரை நீளும் நம்ம திருவாயை சித்தே மூடியபடி இருந்திருந்தால் - க்ளாஸிக் தொடரி­லிருந்தே விக்ரம் ஆர்டர் செய்திருக்கக் கூடும்! & ஒரு மண்டை நோவி­ருந்து 2023-ல் தப்பித்திருப்போம்! Becos ஒரு சுபயோக சுபதினத்தில் மிஸ்டர்.நோ லேட்டஸ்ட் தொடரின் முதல் ஆல்பத்தை எடுத்து எழுத ஆரம்பித்தால், சுவற்றில் அடித்த பந்து போல துவக்கப்புள்ளிக்கே திரும்பி வந்து நின்றேன்! முதல் ஆல்பம் செம ஆக்ஷனோடு தடதடத்தாலும் - அதன் 94வது பக்கத்தில் "தொடரும்'' என்று என்னைப் பார்த்துக் கண் சிமிட்டியது!'' "ஆகா... முதல் சாகஸமே டபுள் ஆல்பம் போல, பின்னிப்புடலாம்'' என்றபடிக்கே அடுத்த ஆல்பத்தை எடுத்து வேகவேகமாய் 94-ம் பக்கத்துக்குப் போனால், எவனோ கபாலத்தில் போட்ட போட்டில் சுருண்டு அமேசான் கானகத்தின் மத்தியில் கிடக்கிறார் நம்மாள்! "ஆங்.. ஒருவேளை "கபாலம் பிளக்கும் முன்'' ஒரு ஆல்பம்- "கபாலம் பிளக்கும் பின்'' அடுத்த கதைச்சுற்று என்று அமைத்திருப்பார்களோ? அப்டின்னா சமாளிச்சுடலாம் தான்'' என்றபடிக்கே ஆல்பம் # 3-ஐ எடுத்துப் புரட்டினால், விட்ட இடத்தி­லிருந்து மிஸ்டர்.நோ எழுந்து அடுத்த வேலைகளைப் பார்க்க ஆரம்பிக்கிறார்! நான் எதிர்பார்த்தது போல புதுசாய் ஏதாச்சுமொரு புள்ளியிலி­ருந்தெல்லாம் ஆல்பம் # 3 துவங்கக் காணோம்! மிஸ்டர்.நோ வாங்கிய அதே சாத்தை நானும் வாங்கியது போலானதொரு உணர்வு லைட்டாய் பீதியை எழுப்ப- அதன் இறுதிப் பக்கத்துக்குப் போனால், அங்கேயுமே "தொடரும்'' என்ற பிம்பி­லிக்கா பிலாக்கி தான் வெயிட்டிங்! "என் குத்தமா? ஒன் குத்தமா...? யாரை நான் குத்தம் சொல்ல..?'' என்ற பாட்டு மனசுக்குள் ஓட - நான்காவது ஆல்பத்தின் 94-ம் பக்கத்துக்குப் போனால்- by now பரிச்சயமாகிப் போயிருந்த அதே "தொடரும்'' கானம் தான் பாடிக் கொண்டிருந்தது- சத்தமின்றி அந்த நான்கு ஆல்பங்களையும் உள்ளாற வைத்துவிட்டு, போனெலி­யில் அப்புறமாய் மொள்ளமாய் விசாரித்தேன்! 

*இது மொத்தம் எத்தனை பாகங்கள் கொண்ட சாகஸம்? 

*இதனை நடுவாக்கில் எங்கேயாச்சும் பிரிச்சுப் போடும் சாத்தியங்கள் உண்டோ? என்ற ரீதியில் விசாரித்தேன்! 

அப்போது தெரிய வந்தவை தான் கீழுள்ள தகவல்கள்!

* 9 அத்தியாயங்கள் கொண்ட அசாத்திய நீள சாகஸம் இது!

* 94 பக்கங்கள் x 9 = 846 பக்கங்களுக்குத் தடதடக்கும் கதைச்சுற்று இது!

* போனெலி­யின் flagship நாயகர்களான டெக்ஸ் வில்லருக்கோ, ஸாகோருக்கோ கூட இம்மாம் நீள ஒற்றை சாகஸம் இதுவரையிலும் லேது!

*And பழனிக்கே காவடி எடுத்தாலும், இந்த சாகஸத்தை ரெண்டோ, மூணோ ஆல்பங்களாய் பிரித்துப் போட்டு, ஒவ்வொன்றுமே ஒருவித முழுமை தர வாய்ப்பு கிஞ்சித்தும் லேது!

So 2023 முதலாய் நம்மிடையே உலவி வரும் மிஸ்டர்.நோவிற்கு ஒரு solid நாயகரென்ற கீர்த்தி கிட்டியுள்ள இத்தருணத்தில் அவருக்கென பெரும் பொறுப்புகளை ஒப்படைக்கத் தீர்மானித்துள்ளோம்! 2026-ன் backend-ல் ஏதேனுதொரு வாகான தருணத்தை ரெடி பண்ணிக் கொண்டால் இந்த 9 ஆல்ப அதிரடியினை "ஏக் தம்மில்' ' போட்டுத் தெறிக்க விடலாம்! இது குறித்து நம் முன்னேயுள்ள Options:

A. ஒன்பது தனித்தனி இதழ்கள் in a ஸ்­லிப்கேஸ்!

B. 3+3+3 என மூன்று இதழ்கள் plus a slipcase.

C. ஒரே முரட்டு ஆல்பம் - 9 அத்தியாயங்களும் ஒன்றிணைந்து!

Given a choice -- ஒன்பது அட்டகாசமான தனித்தனி அட்டைப்படங்கள் கிட்டும் & தோதுப்படும் சமயங்களில் ஒவ்வொன்றாய் ரசித்திடலாம் என்ற ரீதியில் - Option A தான் எனது தேர்வாகயிருக்கும்! தொடரின் 9 அட்டைப்பட்ஙகளும் செம மெர்சல் என்பது என் தரப்புக்கு வலு சேர்த்திடும் சமாச்சாரமுமே!

ஒற்றை 848 பக்க குண்டு புக் என்ற concept நன்றாக இருக்கும் தான் - ஆனால், black & white-ல் அம்மாம் தண்டியிலான சாகஸத்தைப் புரட்டிப் பார்த்தே பலருக்கும் களைத்துப் போய்விடும்; "ஆங்.. நாளைக்கு அஷ்டமி ; நாளான்னிக்கு நவமி.. அது முடிஞ்ச பிற்பாடு படிக்க ஆரம்பிக்கலாம்'' என்ற ரீதியிலேயே பீரோவில் அடுக்கி வைத்துவிடும் ஆபத்துண்டு என்றும் பட்சி சொல்கிறது! தவிர, அத்தனை பருமனைத் தூக்கிச் சுமந்து படிப்பதும் சுலபமேயாகாது; and பைண்டிங்கிலும் தீரா நோவுகளுக்குப் பஞ்சமிராது! 

So உங்களது பொன்னான வாக்குகளை Option A-க்குப் போட்டுத் தாக்கினால், மீதத் திட்டமிடல்களைப் பார்த்துக் கொள்வோம் folks! ஒரு மைல்கல் நாயகனாய் மிஸ்டர்.நோ விஸ்வரூபம் எடுக்கப் போகும் 2026-ன் தருணத்தினை இப்போதே visulize செய்ய ஆரம்பிச்சுட்டேன் - கலர் கலரான 9 ராப்பர்களோடு! பார்த்துப் பண்ணுங்க மக்களே?!

Back to the topic of "மஞ்சள் is missing'' - இனி வரும் ஆண்டுகளில் மாதமொரு டெக்ஸ் இல்லாது போயின் வண்டி ரொம்பவே தடுமாறி விடும் என்பது ஐயமறத் தெரிகிறது! அதுவும் போன மாதம் டெக்ஸின் தீபாவளி மலர் விற்பனையில் கிளப்பிய அனலைப் பார்த்த கையோடு, நவம்பரின் மியா- மியா சேல்ஸைப் பார்க்கும் போது, கைகளைப் பிசையத் தான் தோன்றுகிறது! எத்தனை டீசண்டான படைப்புகளாய் இருந்தாலும், டெக்ஸ் எனும் காந்த சக்தியின்றி அவை திருவிழாவில் காணாமல் போன புள்ளீங்களாய் விழிப்பதே கதியாகும் என்பதால்- maybe for the years to come, கீழ்க்கண்ட ஆப்ஷன்களில் ஏதேனும் ஒன்றையோ, இரண்டையோ தவிர்க்கப்படாத நிஜமாக்கிட வேணும் போலும்!

*அட்டவணையிலேயே 12 டெக்ஸ் சர்வ நிச்சயமாய்! Simple solution...!

*இயன்றால் இளம் டெக்ஸின் சிங்கிள் 64 பக்க ஆல்பங்களை இத்தாலியில் போலவே மாதமொரு முறை - தொடர்ந்து செல்லும் கதைகளாய்..!

*ஆன்லைன் விழாக்களில்; புத்தக விழா ஸ்பெஷல்களில் - யாரைத் திட்டமிட்டாலும் சரி, யாரைக் கிடப்பில் போட்டாலும் சரி, அங்கெல்லாம் நமது மஞ்சள் மாவீரரையும் முதல் ஆளாய் களமிறக்கிட வேணும்!

சொல்லுங்களேன் folks இவற்றுள் எது சுலபமென்று? 

அப்புறம் -

"ஓவராய் டெக்ஸுக்கு முக்கியத்துவம்..!'

"இவரால் மற்ற நாயகர்களுக்கான ஸ்லாட்ஸ் மர் கயா ஆகிப் போகுது..!''

ஒரே template-ல் உள்ள கதைகள்.... இன்னும் படிக்காம வச்சிருக்கேன்!'' 

என்ற ரீதியிலான சம்பிரதாய விமர்சனங்களை நீங்களும் தவிர்த்தால் என் பாடு சற்றே இலகுவாகிடும். It's come to a point where இஞ்சின் இல்லாத ரயிலும், டெக்ஸ் இல்லாத மாசமும் பிளாட்பாரத்தை விட்டு அகலாது - bottomline ! 

ரைட்டு.. "சாம்பலி­ன் சங்கீதம்'' இறுதிக்கட்டத் தயாரிப்புகளுக்கு முன்பாக சில அத்தியாவசியச் சரி பார்த்தல்ஸ் ஓடி வருகின்றன! சிக்கியுள்ள இரண்டு நாள் கூடுதல் அவகாசத்தில் மறுக்கா நானுமே கதைக்குள் புகுந்து, நகாசுகள் தேவைப்படுகின்றனவா? என சரி பார்த்து வருகிறேன்! அதைத் தொடர்ந்து பிரின்டிங் தான்!

அதன் பின்பாய் லார்கோ காத்திருக்கிறார்! நண்பர் அனுப்பியுள்ள ஸ்க்ரிப்டில் அந்தப் பங்குச் சந்தை வணிகம் சார்ந்த பகுதிகள் நீங்கலாக பாக்கி முழுசுமே மாற்றி எழுதத் தேவைப்படும் என்பது இந்த நொடியில் பெரும் பூச்சாண்டியாய் தலைவிரித்து நிற்கிறது! 2 அத்தியாய நெடும் சாகசமாச்சே 🥹🥹! And அதைத் தொடர்ந்து 5 பாக இளம் டெக்ஸ் 🥹🥹!

Just maybe- மல்லாக்கப் படுத்து விட்டத்தை ஆராமாய் பார்த்திடும் வாய்ப்பு கிட்டக்கூடிய ரிட்டயர்மெண்டுக்குப் பின்பான ஒரு ஓய்வான பொழுதினில், இந்த 2025 தான் எனது பணிக்காலத்தின் இமயமலையாய் தென்படுமோ- என்னவோ; தெரியலை! எண்ட குருவாயூரப்பா! 

கிளம்பும் முன்பாய் சந்தா நினைவூட்டலுமே guys!  இது வரையில் மூன்றில் ஒரு பங்குத் தொலைவைக் கடந்து விட்டோம்! மற்ற நண்பர்களும் தொடரவுள்ள நாட்களில் வேகம் எடுப்பர் & ஜனவரியில் அடுத்த பயணம் துவங்கிடும் நொடியில் வண்டி முழுசும் புக் ஆகி இருக்கும் என நம்பிடுவோம்! Fingers crossed & God be with us!

Bye all... Have a fun Sunday! See you around!