Sunday, 14 August 2016

உயரே ஒரு இரவுக் கழுகு !

நண்பர்களே,
            
வணக்கம். ஒரு உப பதிவுக்கு இன்னொரு “உ.ப.” போட வேண்டிய சூழல் எழுந்ததாய் எனக்குச் சுத்தமாய் நினைவில்லை இத்தனை கால இந்த வலைப்பதிவு வரலாற்றில் (?!) !! ஏழு நாட்களுக்குள் 700+ பின்னூட்டங்கள் எனும் சேதி போதாதா சென்ற வாரத்து ஈரோட்டு விழாவின் தாக்கத்தை பிடரியில் அறைந்து சொல்லிட ?! 2012 முதலாகவே நண்பர்கள் சந்திப்பென்பது புத்தக அரங்குகளின் நடைபாதைகளிலும், மரத்தடிகளிலும், கார் பார்க்கிங்களிலும் தொடர்ந்து வருமொரு நிகழ்வே என்றாலும் - இம்முறை நாம் பார்த்த உற்சாக லெவல்கள் முற்றிலுமே வேறொரு தளத்தில் என்பேன் ! எண்ணிக்கையின் மிகுதி ஒருபுறமிருக்க- ஒவ்வொருவரிடமும் கொப்பளித்த அந்த அசாத்திய எனர்ஜியை உள்வாங்கிக் கொள்ள இரும்புக்கை மாயாவி மட்டும் அந்த அறையில் இருந்திருக்கும் பட்சத்தில் மனுஷன் அடுத்த ஒரு வருஷத்துக்கு அரூபமாகவே தான் சுற்றித் திரிய வேண்டி வந்திருக்கும் ! 

சனிக்கிழமை விற்பனை நமக்குப் பிரமாதம்” என்று நான் எழுதியிருக்க, அக்கறையோடு அதைக் கேட்டுத் தெரிந்து, ஊர்ஜிதப்படுத்திக் கொண்டு,,அதனைத் தமது வெற்றியாய் ஆரவாரமாய்க் கொண்டாடிய அன்பு ; “போட்டோ எடுக்கும் போது என் தோளில் கை போடவில்லை சார்; மறுபடியும் எடுப்போமே?” என்று உரிமையோடு கேட்கும் பாங்கு; கோழிக் கீச்சலாய் நான் போட்டுத் தரும் கையெழுத்திற்கு முன்னுரையாய் ‘என்றும் அன்புடன்‘ என்ற வார்த்தைகள் விடபட்டுப் போயிருப்பின் அவற்றையும் சேர்த்துத் தரக் கோரிடும் ஆவல் ; பணி நிமித்தமாய்த் தன்னால் வர முடியாது போயினும், அதுவரையிலும் வீட்டை விட்டுத் தனியாக வெளியூர் சென்ற பரிச்சயமேயில்லா மனைவியையும், சிறு குழந்தைகளையும் அனுப்பி விட்டு, ‘விழா எப்படி நடந்தது சார்?‘ என்று வினவிய நேசம் ; நண்பர்களாக உணவருந்தச் சென்ற வேளையில், கோவாவிலிருந்து காரிலேயே வந்த அசதியையும் காட்டிக் கொள்ளாது,  சத்தமின்றி பில்லைப் பறிமுதல் செய்து மொத்தமாய்ப் பணத்தைப் பட்டுவாடா செய்து விட்டுப் புன்னகையோடு நிற்கும் அமைதி ; முதல்முறையாக நண்பர்களை சந்திக்க வரும் போதே கை நிறைய பண்டங்கள் ; டி-ஷர்ட்கள் என்று கொணர்ந்த ஈரம் ; எங்கெங்கிருந்தோ பஸ்களையும், இரயில்களையும், விமானங்களையும் பிடித்துக் கொண்டு ஈரோட்டை எட்டிப் பிடித்த தீவிரம் ; இந்த விழாவிற்கென ஒரு மாதமாய் பாடாய்ப்பட்ட மாயாவியும், சேந்தம்பட்டிக் குழுவினரும்  ; தயக்கங்களைத் தூக்கிப் போட்டுவிட்டு நட்புக்களை சந்திக்க வந்த மகளிரணி ; இன்னும் அடுக்கிக் கொண்டே போகலாம் உங்களின் உற்சாக உத்வேகங்களை நாங்கள் தரிசிக்க முடிந்த தருணங்களை ! இந்தப் பிரவாகத்தின் பின்னணிக் காரணங்கள் ஏகமாய் இருந்தாலும் அதன் மையத்திலிருப்பதோ நமது இரவுக் கழுகாரின் விஸ்வரூபம் தானென்பேன் ! போன வருடம் ‘வில்லரின் விஸ்வரூபம்‘ என்று லேசாக ஒரு கோட்டைக் கிழித்துக் காட்டியபோது- இத்தனை சீக்கிரத்தில், இத்தனை வீரியத்தில், இத்தனை பிரம்மாண்டத்தில் அது நிஜமாகிடுமென்று நான் எதிர்பார்த்திடவில்லை ! 2016-ன் ஆரம்பம் முதலாகவே மாதம் ஏதோவொரு விலையில் டெக்ஸ் ஆஜராகிக் கொண்டே வர- ஏப்ரலின் மெகா சைஸ் ‘தலையில்லாப் போராளி‘ நமது Tex காதலை  இன்னுமொரு உச்சத்திற்கு இட்டுச் சென்றுள்ளதாகவே நான் நினைக்கிறேன் ! And வண்ணத்தில் “பழிவாங்கும் புயல்” பின்தொடர- ‘TEX மேனியா‘ உச்சத்திலிருப்பதை ஈரோட்டில் கண்கூடாய்ப் பார்க்க முடிந்தது!

போனெல்லியில் எப்போதுமே நமது சன்னமான விற்பனைகளையும் ஒரு வாஞ்சையோடே அணுகுவார்கள் என்பதால் - அவர்களது தலைமகன் இங்கு ஈட்டிடும் வெற்றிகளை நான் அவ்வப்போது அவர்களோடு பகிர்ந்து கொள்வது நடைமுறை ! So சமீபத்தைய நமது ஈரோட்டுச் சந்திப்பு பற்றியும், நண்பர்களின் அதகள உற்சாகத்தையும் பற்றி, ஈரோட்டிலிருந்து திரும்பிய பின்னே ஏதோவொரு சமயம் தெரியப்படுத்தியிருந்தேன் ! சரி, தகவல் சொல்லி விட்டோமென்று நான் வேலைகளுக்குள் மூழ்கிட- பத்தாவது நிமிடமே பதில் வந்திருந்தது! “Wow... great news! Please share photos if you have any” என்று ! நம்மவர்கள் தான் ஃபோட்டோக்களைப் பிரித்து மேய்ந்திருந்தார்களே - அதனிலிருந்து ஒரு நாலைந்தை அனுப்பி வைத்தேன் மறுநொடியே ! அடுத்த பத்தாவது நிமிடம் வந்தது இன்னொரு மின்னஞ்சல் : “Awesome seeing such interest in our creations & Comics in general ! Mind if we share them on our pages?” என்று !! தலைகால் புரியவில்லை எனக்கு - உற்சாகத்தில் ! ஏதோவொரு மரியாதைக்காக ஃபோட்டோக்கள் கேட்டிருப்பார்கள் ; அதனால் அள்ளியடித்து ஒரு கத்தையைத் தூக்கி அனுப்புவானேன் ? என்று சுருக்கமான எண்ணிக்கையில் தான் முதலில் அனுப்பியிருந்தேன் ! அவர்களது சுவாரஸ்யத்தைப் பார்த்த மறுகணமே ஒரு 30 / 35 ஃபோட்டோக்களைத் தட்டி விட்டேன்! அவற்றைப் பார்த்தவுடன் நிஜமாகவே திகைத்துப் போய் விட்டார்கள் என்று தான் சொல்ல வேண்டும் ! ‘இது எந்த ஊரில் வைத்து நடந்தது ?‘ எந்தத் தேதியில் ? ; ‘விருந்தினர் யார் ?‘; எவ்வளவு வாசகர்கள் வந்திருந்தார்கள் ? மேடையில் உன்னருகே அமர்ந்திருப்போர் யார் ?  ‘புத்தக விழாவில் விற்பனை நிறைவாக உள்ளதா?‘ என்று சராமாரியாகக் கேள்விகள் தொடர்ந்தன ! அவற்றுள் ஒன்று தான் நம் நண்பர்களது டி-ஷர்ட்கள் பற்றிய கேள்வியும் ! :-))

கறுப்பு டி-ஷர்ட்; நெஞ்சில் டெக்ஸின் முகம் என்ற யூனிபார்மில் black cats பாணியில் நின்ற நண்பர்கள் ஃபோட்டோவையும், நமது சந்தா டி-ஷர்ட்களை அணிந்தவாறு நண்பர்கள் போஸ் கொடுத்திருந்த ஃபோட்டோவையும் பார்த்து விட்டு- ‘ஏதேனும் dress code மாதிரியா இது ? என்று ஆர்வமாய்க் கேட்டிருந்தனர் ! கறுப்பு டி-ஷர்ட்கள் நண்பர்கள் ஆர்வமிகுதியில் தாமாகவே தயாரித்துக் கொண்டது ; இதோ- இன்னொரு நண்பர் வட்டம் தாமாகத் தயாரித்த வெள்ளையில் TEX உருவம் பதிந்த டி-shirt & அந்த சாம்பல் வர்ணத்திலானது நமது சந்தா அன்பளிப்பு என்பதை விளக்கினேன் ! ‘அட... இத்தனை மெனக்கெடலா Tex-ன் பொருட்டு?‘ என்று குதூகலித்தவர்களிடம் அன்றைய நண்பர்கள் சந்திப்பின் முக்காலே மூன்றுவீசப் பொழுது டெக்சைச் சுற்றியே தான் சுழன்றடித்ததை விளக்கினேன் ! எல்லையில்லாப் பூரிப்பு அவர்களுக்கு ! (ஆகஸ்ட்) கோடை விடுமுறைகளில் உள்ள அவர்களது FB பக்க நிர்வாகி பணிக்குத் திரும்பிய பிற்பாடு ஃபோட்டோக்களையும்; நிகழ்வின் விபரங்களையும் அவரோடு பகிர்ந்திடுவதாக உறுதி சொல்லினர் ! மனுஷன் மனது வைத்தால் நாம் அவர்களது FB பக்கத்தில் கலக்கிடும் நாள் தொலைவிலில்லை!

இத்தனையும் அரங்கேறிய மறுநாளைக்கு நமது பதிவில் இந்த டி-ஷர்ட் சர்ச்சையை எழுப்பியொரு காரமான பின்னூட்டத்தைப் பார்த்த போது எனக்குத் துளி கூட சங்கடம் நேராது போனது ஏனென்பது அந்நேரம் நண்பர்களுக்குத் தெரிந்திருக்க வாய்ப்பில்லை தான் ! படைப்பாளிகளின் கண்களில் பட்டது அந்த வெளிப்படையான காமிக்ஸ் காதல் தான் என்பதை அங்கேயே, அப்போதே போட்டுடைக்க எனக்கு ரெண்டு நிமிடங்கள் போதுமானதாக இருந்திருக்கும்  ! ஆனால் ஒரு பின்னூட்டக் குவியலுக்குள் படைப்பாளிகளின் மகிழ்ச்சியைப் பத்தோடு பதினொன்றாய் பகிர்ந்து செல்ல எனக்கு மனதில்லை என்பதால் அங்கே நான் வாய் திறக்கவில்லை ! இதில் தொடர்ந்த இன்னொரு சம்பவம் தான் highlight-ம் கூட! 

மறுநாள் காலை போனெல்லியின் ஏஜெண்ட்களிடமிருந்து ஒரு க்ரூப் இ-மெயில் வந்திருந்தது- 2017-ல் போனெல்லியின் பிரதான நாயகர்கள் அத்தனை பேர்களது டி-ஷர்ட்களும் தயாரிக்க உள்ளதாகவும் ; விலை இந்த ரேஞ்சுகளில் இருக்குமென்றும் ; உங்கள் மார்கெட்டிற்குத் தேவையெனில் முன்பதிவு செய்து கொள்ளலாமென்றும் - விவரித்து! அதில் இருந்த விலைகள் நம்மூர் காசுக்கு ரொம்பவே costly என்பதால் அதன் பொருட்டு நான் அதிகம் கவனம் தரவில்லை. ஆனால் முந்தைய தினத்து நமது டி-ஷர்ட் விவாதங்களும்,  படைப்பாளிகளுடனான ஈ-மெயில் பரிமாற்றத்தின் போது நமது நண்பர்கள் அணிந்திருந்த டி-ஷர்ட்கள் எல்லாமே செமையாக இருந்தாக அவர்கள் குறிப்பிட்டிருந்தது எனக்கு ‘பட்‘டென்று நினைவுக்கு வந்தது. உடனடியாக ஒரு மெயில் எழுதத் தொடங்கினேன் - நமது திருப்பூர் நகர டி-ஷர்ட் உற்பத்தித் தொழில் பற்றியும் ; பல்வேறு சர்வதேச அசுரர்களுக்கு இங்கே டி-ஷர்ட்கள் தயாரிக்கப்படுவது பற்றியும் ; ஏற்றுமதி ஆவது பற்றியும் !! ஐரோப்பியத் தரத்தில்; நிச்சயமாய், நியாயமான விலைகளில் நம்மவர்களால் சப்ளை செய்திட முடியும் ; ஆர்வமிருப்பின் சம்பந்தப்பட்ட நண்பர்களோடு நேரடியாய்த் தொடர்பு ஏற்படுத்தித் தரலாமென்றும் நான் போனெல்லிக்கு எழுதிட- அன்றைக்கே எனது பரிந்துரையை சம்பந்தப்பட்ட அவர்களது டிபார்ட்மெண்டுக்கு அனுப்பி விட்டு; அவர்களும் பரிசீலனை செய்து சொல்வதாகப் பதில் போட்டுள்ளார்கள் ! So நேரம் கூடி வரும் பட்சத்தில்- உலகெங்கிலுமுள்ள டெக்ஸ் ரசிகர்களின் நெஞ்சங்களிலும் நமது ‘தல‘யை அலங்கரிக்கச் செய்யும் வாய்ப்பும் நம் நண்பர்கள் பக்கம் வந்திட வாய்ப்புள்ளது ! (சிபிஜி... வாய்ப்பு அமைந்தால் ‘சலோ இத்தாலி‘ தான் !) இது உறுதியாகிடும் பட்சம் தவிர முந்திரிக்கொட்டையாய் இந்தத் தருணத்திலேயே  நான் விஷயத்தைப் போட்டுடைத்திருக்க மாட்டேன்தான்  - ஆனால் சில நேரங்களில் நண்பர்களின் பொறுமையின்மையைச் சமாளிக்க ஓட்டைவாய் அவதாரமும் அவசியமாகிறதே   ! இந்தச் சன்னமான கல்லுக்கு மாங்காயும் கிட்டலாம்  ; பூஜ்யமும் கிட்டலாம் தான் - ஆனால் உலக அரங்கில் திருப்பூருக்குள்ள நற்பெயர் இந்தக் கனவு நனவாகிட உதவிடலாம் என்ற நம்பிக்கையில் முயற்சித்துள்ளேன். !! Fingers crossed !!

So- இந்த மூன்றெழுத்து மந்திரப் பெயரின் புண்ணியத்தில் நமது நாட்கள் சுவாரஸ்யத்தின் உச்சத்தில் தொடர்கின்றன ! புத்தக விழாவிலிருந்து கிட்டிடும் சேதிகளோ அதே விஷயத்தை இன்னமுமே அழுத்தம் திருத்தமாய்ப் பதிவிடுகின்றன ! நமது முகவர்களும், மார்கெட்டிங் பிரிவினரும் சொல்லும் சேதி நண்பர்களின் ஒரு சாராரை கலங்கச் செய்யக்கூடும் என்பதால் நான் விலாவாரியாக விவரிக்காமல் மேலோட்டமாய் மட்டுமே விஷயத்தைப் பகிர்ந்திடுகிறேனே?!

- மாயாவி
- டெக்ஸ் வில்லர்
- இதர மறுபதிப்புகள்
- லக்கி லூக்
- ஆகஸ்ட் மாத இதழ்கள்
- முத்து மினி காமிக்ஸ்

மேலே பட்டியலிலுள்ள இதழ்கள் தவிர, பாக்கி எல்லாமே ஈரோட்டுக்கு விருந்துக்குச் சென்றுள்ள மாப்பிள்ளைகளாய் மாத்திரமே தொடர்கிறார்களாம் நம் ஸ்டாலில் ! இங்கிருந்து புறப்பட்ட இதே எண்ணிக்கையில் விழா முடிவுறும் வேளையிலும் தொடர்ந்தார்களெனில் - நிச்சயமாய் அது பற்றி அலசும் அவசியம் நமக்கு எழுந்திடும் ! எதிர்ப்படும் வில்லன்களுக்கு மாத்திரமின்றி - ‘தேமே‘ என்று ஓரஞ்சாரங்களில் பராக்குப் பார்த்து நிற்கும் நம்மாட்களுக்கும் இரவுக்கழுகாரின் கும்மாங்குத்து ஸ்பெஷல் ட்ரீட்மெண்ட்டிலிருந்து பாதுகாப்பளிக்க என்ன செய்வதென்பது யோசிக்க வேண்டும் போல்படுகிறது!

ஈரோட்டின் உத்வேகத்தோடே செப்டம்பரின் டெக்ஸ் சாகஸத்திற்குள் நுழைந்தால் இதுவொரு புது அனுபவமாகத் தெரிகிறது. கருணையானந்தம் அவர்கள் எழுதிய கதையிது ; ஆனால் வழக்கம் போல நமது ரேஞ்சர்களின் portions களை rewrite செய்து கொண்டிருக்கிறேன் நான் ! எழுதும் போது பேனாவே அதகளம் செய்யத் தயாராகும் கதைக்களமிது. டெக்ஸின் துவக்க ஓவியரான காலெபினி பணியாற்றியுள்ள கதையிது... அனல் பறக்கிறது பக்கத்துக்குப் பக்கம் ! And for a change - கதையின் மேஜர் பகுதிக்கு டெக்ஸும், டைகர் ஜாக்குமே ஜோடியாய்ப் பயணிக்கிறார்கள் ! அடிபட்டு, உதைபட்டு, பசியோடு, தாகத்தோடு, தோல்வியில் துவண்ட சவரம் காணா முகத்தோடு, அவநம்பிக்கையில் தத்தளிக்கும் டெக்ஸை இதுவரையிலும் நாம் யாரும் பார்த்திருக்கிறோமா guys ? சத்தியமாய் எனக்கு அத்தகைய நினைவில்லை ; ஆனால் இங்கேயோ அந்தக் கொடுமை சகலத்தையும் காணவிருக்கிறோம் ! நேற்றிரவு இந்த வேலைக்குள் நுழைந்தவன் ஒரே தம்மில் 170 பக்கங்களைக் கடந்திருக்கிறேனெனில் - கதையின் சுவாரஸ்யத்தைப் புரிந்து கொள்ளலாம் தானே ?!! சமீப மாதங்களில் 100+ பக்க டெக்ஸ் சிறு கதைகளாகப் பார்த்து விட்டு இப்போது ஒரு முழுநீள 220 பக்க சாகஸத்துக்குள் புகுவது அட்டகாசமாக உள்ளது ! And இதற்கென நமது ஓவியர் தயார் செய்திருக்கும் அட்டைப்படமும் பிரமாதமாய் வந்துள்ளதென்பேன் ! டெக்ஸின் ‘ஹிட் லிஸ்டில்‘ இன்னுமொரு மைல்கல் தயார் என்றே சொல்லத் தோன்றுகிறது ! தலைப்பில் மாற்றமிருக்கும் என்பது மட்டுமே ஒரு கூடுதல் தகவல் இங்கே ! 

இந்தக் கதை மாத்திரமின்றி 2016-க்கெனக் காத்திருக்கும் மீத TEX சாகஸங்களும் அனல் பிரவாகங்களே ! டிசம்பரின் முதல் வாரத்தில் கொஞ்சமே கொஞ்சமாய் நேரம் எடுத்துக் கொண்டு உங்கள் முன்னே நடப்பாண்டின் அத்தனை TEX இதழ்களையும் அடுக்கி வைத்துக் கொண்டு- கண்மூடி ஜனவரி முதல் டிசம்பர் வரையிலான இந்த வன்மேற்குப் பயணத்தை உருவகப்படுத்திப் பார்க்க முனையுங்களேன் - நிச்சயமாய் புரியும் நாம் கடந்துள்ள நாட்களின் வீரியம் ! And காத்திருக்கும் 2017-க்கென கதைத் தேர்வுகளுக்குள் புகுந்தால் தலைசுற்றாத குறை தான் - எதைத் தவிர்ப்பதென்று ! ஒரு புதுவித அனுபவத்திற்குத் தயாராகிக் கொண்டான பின்னே - கதைத் தேர்வில் கோட்டை விட்டுவிடக் கூடாதேயென்ற பயம் எப்போதையும் விட இப்போது அதிகமுள்ளது ! ஆண்டவா- எத்தனை விதவிதமான உணர்வுகளுக்கு இந்த மஞ்சள் சட்டைக்காரர் (நண்பர் ராட்ஜா அல்ல!!!) நம்மை ஆட்படுத்துகிறார்!
சாமான்ய மானிடர்களைப் பற்றிப் பேசிடலாமெனும் போது- துள்ளலாய் கண்முன்னே நிற்பது நமது ஜுனியர் பயில்வான் பென்னி தான் ! நிஜத்தைச் சொல்வதானால் - ஸ்மர்ஃப் நிறுவனத்தோடு ஒப்பந்தம் போடப் புறப்பட்ட போது எனக்கு இந்த அரை நிஜார் பார்ட்டி மீது அத்தனை அபிமானமில்லை தான் ! இது ரொம்பவே juvenile ஆக இருக்குமென்று எனக்குத் தோன்றியது. அவர்களது அலுவலகத்திலிருந்து ஏகமாய் சாம்பிள்களை அள்ளிக் கொண்டு வந்திருந்த போது- பென்னியின் முதல் சாகஸத்தின் ஆங்கிலப் பதிப்பும் அதில் கலந்திருந்தது. ஜென்வால் என்ற சிறுகிராமம் ஸ்மர்ஃப் அலுவலகத்தின் இருப்பிடம். அங்கிருந்து பிரஸ்ஸல்ஸ் நகருக்குத் திரும்பிட இரு இடங்களில் ரயில் மாறியாக வேண்டும். கையிலிருந்த கத்தைப் புத்தகங்களைப் புரட்டிக் கொண்டேயிருந்தவன் பென்னியைப் படிக்கத் துவங்க, நான் இறங்க வேண்டிய முதல் changeover ஸ்டேஷனை தவற விட்டுவிட்டேன் ! அடித்துப் பிடித்து அடுத்த பக்கம் போய் அடுத்த ரயிலைப் பிடித்து நான் ரூம் போய்ச் சேர நிறைய நேரமாகி விட்டது. அந்தத் துக்கடா ஸ்டேஷனில் குந்திக் கொண்டே படித்த போது பென்னி சுவாரஸ்யமாகப்பட- `worth a try` என்று தீர்மானித்தேன். அதன் பின்னர் அவசரம் அவசரமாய் அவர்களுக்கொரு மின்னஞ்சலைத் தட்டி விட்டு ஸ்மர்ஃப்ஸ் + பென்னிக்கும் சேர்த்து கான்டிராக்ட் போட்டு விடும்படித் தகவல் சொன்னேன் ! ஆனாலும் - இம்மாதம் நீங்கள் எல்லோருமே ‘பென்னிக்கு ஜே‘ சொல்லும் வரையிலும் எனக்குள் சின்னதாய் ஒரு பயமிருந்தது வாஸ்தவமே ! மானத்தைக் காப்பாற்றிய பென்னிக்கு என் சார்பிலும் ஒரு ‘ஜே‘! இங்கே நான் குறிப்பிட விரும்பும் 2 விஷயங்களும் உள்ளன!

முதலாவது சமாச்சாரம் - இந்தக் கதைத் தொடருக்கு மாத்திரம் ஆங்கிலப்பதிப்பு இல்லாது போயிருப்பின்- பிரெஞ்சு ஒரிஜினல்களை மட்டும் படம் பார்த்து ஒரு உருப்படியான முடிவுக்கு வந்திருப்பதில் சிரமப்பட்டிருப்பேன் என்பதே ! என்ன தான் நமது மொழிபெயர்ப்பாளரைக் கொண்டு கதைச்சுருக்கமோ ; மொழிபெயர்ப்போ ஏற்பாடு செய்திருப்பினும், ஒரு முழுமையான வாசிப்பின் இறுதியில் கிடைக்கும் தெளிவு அந்த நுனிப்புல் மேய்ச்சலில் கிடைத்திருக்குமாவென்பது கேள்விக்குறியே!

இரண்டாவது சமாச்சாரம்- இதைப் படிக்கும் போதே- “ஆங்கில மொழிபெயர்ப்பை CINEBOOK-லிருந்தோ Papercutz- லிருந்தோ நீ சுட்டால் தப்பில்லையாக்கும் ?” என்று எழக் காத்திருக்கும் கேள்விகள் பற்றி ! இது குறித்து ஏற்கனவே எப்போதோ நமது பதிவில் எழுதியுள்ளதாக நினைவுள்ளது ; ஆனால் லோடு லோடான பதிவுக் குமிக்குள் அதை ஞாபகத்தில் கொண்டிருப்பது சிரமமே என்பதால் இந்த மறு ஒலிபரப்பு ! ஒவ்வொரு Copyright நோட்டீஸின் பின்னணியிலும் “All rights reserved” என்று எழுதியிருப்பதன் முழுப் பொருளினை M.V. சார் போன்ற வக்கீல்கள் அல்லாத நம் போன்றோர்கள் அறிந்திருக்க வாய்ப்பில்லை. ஒரு ஆக்கத்தின்... படைப்பின் உரிமையாளருக்கு - அதனைச் சுற்றி உருவாக்கப்படும் சகல புனைவுகள் மீதும் ; மறு ஆக்கங்கள் மீதும் முதல் உரிமையுண்டு என்பதே அதன் முழுமையான அர்த்தம் - at least பதிப்பகத் துறையினில் !! நாம் போடும் அட்டைப்பட டிசைன்களிலிருந்து; நமது தமிழ் மொழிபெயர்ப்பு முதல் – போடும் விளம்பர பேன்னர் வரை அத்தனையின் முதல் உரிமைதாரர் படைப்பாளிகளே ! நமது தமிழாக்கங்களை அவர்கள் இஷ்டப்பட்டால் எவ்விதத்திலும் பயன்படுத்திக் கொள்ளலாம் ; நமது டிசைன்களைக் கோரிக்கையின்றியே எடுத்துக் கொள்ளலாம் !  ஆக CINEBOOK நிறுவனம் ஆங்கில மொழிபெயர்ப்பினைச் செய்திருப்பினும்- அதன் பிரயோக உரிமை படைப்பாளிகளுக்கு பூரணமாய் உண்டு ! அதனை நமக்கு மாத்திரமின்றி - சீனாவுக்கு; இந்தோனேஷியாவுக்கு; துருக்கிக்கு என மற்ற மொழிப் பதிப்பகங்களுக்கும் பகிர்வது சர்வசாதாரணமான நிகழ்வு. CINEBOOK புத்தகங்களில் அச்சிடப்பட்டுள்ள மொழிபெயர்ப்பு சார்ந்த Copyright notice- ன் நோக்கமோ- ஆங்கிலத்தில் அதை அப்படியே காப்பியடிக்க யாருக்கும் உரிமையில்லை என்பதை நிலைநாட்டுவதற்கே ! ஆங்கிலத்தில் அதனை பயன்படுத்தும் உரிமை அவர்களிடம் மட்டுமே என்று பதிவிட ! இது தான் யதார்த்தம் !  நமது டெக்ஸ் வில்லர் மொழிபெயர்ப்புகளின் ஆங்கில வார்ப்புகளின் ஏகம் - போனெல்லியில் உள்ளதென்பதும் கொசுறுச் செய்தி ! அவை பிறமொழிப் பதிப்பகங்களுக்கு வழங்கப்பட்டால் அதனை நாமொரு பெருமையாகத் தான் கருதுவோம் ! ஆகையால் CINEBOOK மொழிபெயர்ப்பில் வடை சுட்டு காசு மிச்சப்படுத்தும் அவசியமில்லை - simply becos குறி பார்த்துக் காத்திருந்து கிழவி கண்ணசரும் நேரத்தில் வடையை ஆட்டையைப் போடத் தேவையே கிடையாது ; இந்த வடைகள்  முற்றிலும் இலவசம் இங்கே !! பலநேரங்களில் நமக்கு அனுப்பப்படுபவை CINEBOOK கோப்புக்களே என்பதால் இங்கே ஆட்டையையோ ; ஒட்டையையோ போட யாருக்கும் முகாந்திரங்களில்லை ! 
 இம்மாதத்து அடுத்த surprise package மார்ட்டின் தான் ! இவரது கதைகள் என்றைக்குமே இலகுவான களங்களல்ல என்பதை அறிவோம் ! And இம்முறை வரலாறும், அறிவியலும், கைகோர்த்து ஒரு கலக்குக் கலக்குவதை நீங்கள் மௌனமாய் ரசித்திருப்பது ஆகஸ்டின் அட்டகாசமென்பேன் ! தொடரும் ஆண்டிற்கு அட்டவணை கிட்டத்தட்ட தயாரென்ற நிலையில் - மார்ட்டினுக்குக் கூடுதலாயொரு slot தந்திட வழியுள்ளதாவென்று தலையைச் சொரிந்து கொண்டிருக்கிறேன் ! வழி காட்ட வேண்டுமய்யா ராத்திரிப் பருந்தாரே !

இன்னொரு பக்கம் செப்டெம்பரின் வண்ண இதழுக்கென நமது ஞாபக மறதிக்காரரும் தயாராகிவருகிறார் ! இதோ அவரது அட்டைப்பட முதல்பார்வை ! இதுவரையிலான கதை பாகங்களிலிருந்து ஒரு முன்கதைச் சுருக்கத்தைத் தயார் செய்து அனுப்பிடக் கோரியிருந்தேன் - நண்பர்களுடனான அரட்டையின்  போது ! 'டாண்' என்று அனுப்பி புண்ணியம் சேர்த்துக் கொண்டுள்ளவர் நமது மேச்சேரிக்கார ஆர்டின் காதலர் !! நன்றிகள் நண்பரே - எனது நாக்கார் துள்ளிக் குதிக்கிறார் சந்தோஷத்தில் !! 
Before I wind off -  சின்னதொரு கொசுறுச்  சேதி ! நேற்றைய தினம் ஈரோட்டுக்கு சிறப்பு விருந்தினராய் வந்திருந்த நடிகர்  / இயக்குனர் கே.பாக்யராஜ்  சார் - நமது ஸ்டாலில் 6 இதழ்கள் வாங்கியிருக்கிறார் ! அவை என்னவாக இருக்குமென்று யூகித்துத் தான் சொல்லுங்களேன் ?! See you around ! Bye for now! 

P.S : ஆகஸ்ட் விமர்சனங்களைத்  தொடர்ந்திடலாமே ?

கோவை புத்தக விழா இந்தாண்டு விமரிசையாக இருக்கும் போல் தெரிகிறது. பெரிய பதிப்பகங்கள் பலவும் பங்கேற்க இறுதி நேரத்தில் ஆர்வம் காட்டியுள்ளன என்பதால் ஸ்டால்களின்   எண்ணிக்கை 260 வரை இருந்திடும் !

நமது ஸ்டால் நம்பர் : 181 !

விழாவின் தேதிகள் : ஆகஸ்ட் 19-28 வரையில் !

கொடிசியா அரங்கினில் ! 

தயாராகிக் கொள்ளுங்கள் கோவைப் பகுதியின் நண்பர்களே !! 

317 comments:

  1. வணக்கம் முதலில்

    ReplyDelete
  2. வருக நண்பரே XIII... முடிவில்லாமல் தொடர வேண்டுகிரேன்

    ReplyDelete
  3. Martin Mystery story is the highlight for August, even my wife loved it.
    Well Edi, comics like this are the real crowd puller for us.

    On Tex's successful run, just in one word 'magizhchi'

    ReplyDelete
  4. நைட் ஷிப்ட் பாத்தா இது ஒரு லக்

    ReplyDelete
  5. Absolutely true Palani..have to shutdown my eyes now.
    Thanks Edit for this comics feast, feeling even better than the good old days. Thanks again

    ReplyDelete
  6. காலை வணக்கம் ப்ரண்ட்ஸ்..

    ReplyDelete
  7. காலை வணக்கம்
    எடி சார் அ ப்ரண்ட்ஸ்

    ReplyDelete
  8. // முற்றிலுமே வேறொரு தளத்தில் என்பேன் //

    ஆமாங்க
    லீ ஜார்தேன் ஓட்டல் முதல் தளத்தில் தான் சார்

    ReplyDelete
    Replies
    1. Tex Sampath : பாவம் கிரௌச்சோ !

      Delete
  9. ////மார்ட்டினுக்குக் கூடுதலாயொரு slot தந்திட வழியுள்ளதாவென்று தலையைச் சொரிந்து கொண்டிருக்கிறேன்//////

    ++++++++++++++மகிழ்ச்சி(சார்)+++++++++++++

    ReplyDelete
  10. மாஸ் அங்கீகாரம் சாா்...
    மகிழ்ச்சியில் தலைகால் புாியவில்லை....
    என்னுடைய நண்பர்களுடான முதல் சந்திப்பு மறக்க இயலாததாக மாற்றிய பெருமை இரவு கழுகாருக்கே....

    ReplyDelete
    Replies
    1. நண்பரே டீ-சர்ட் அருமை,நன்றிகள் பல.

      Delete
    2. Kid ஆா்டின் Kannan....
      Welcome nna..

      Delete
  11. சுட்டி பயில்வான் பென்னி என்னை மிகவும் கவர்ந்துவிட்டான் சார்...சூப்பர் சார்....அடுத்த (பென்னி) கதை எப்போது வருமோ என்று ஆவலுடன்.....ஐயம் வெயிட்டிங்...:):):)

    ReplyDelete
    Replies
    1. இதே மாதிரி ஸ்மர்ஃப்ஸையும் கொஞ்சம் பொறுமையாக அணுகிப்பாருங்களேன் யுவா. நிச்சயம் பிடிக்கும். நல்லா இருக்காது என்ற எண்ணத்துடன் ஆரம்பிக்காமல் மனதை அந்த சூழலுக்கு தயார் படுத்திக்கொண்டு வாசித்துப் பாருங்களேன்.!

      Delete
    2. இரண்டுமே வேறு வேறு களங்கள் நண்பரே.

      Delete
    3. கண்ணன் ஜி ! உண்மையச் சொல்லப்போனால் ஸ்மர்ப்ஸை முதன்முதலில் படிக்கும்போது ஆர்வத்துடனும், எதிர்பார்ப்புடனும் தான் படிக்க ஆரம்பித்தேன் அதன் படைப்பாளிகள் நமக்கு கொடுத்த ஓவர் கெடுபிடிகள் காரணமாக, ஆனால் அது ஏனோ எனக்குப் பிடிக்கவில்லை ஜி....ஆனால் பென்னி எந்தவித எதிர்பார்ப்பும் இல்லாமல் தான் படிக்க ஆரம்பித்தேன், இருந்தும் அந்த சுட்டி பயில்வான் சும்மா அட்டகாசம் பன்னிவிட்டான்...எனக்கும் மிகவும் நெருக்கமாகிவிட்டான் ஜி, எப்படியென்றால் லக்கியின் மேற்கே ஒரு சுட்டிப்புயல் வந்ததிலிருந்து என்னுடைய பையன் அஸ்வந்த்தை "டேய் சுட்டிப் புயல்" என்று தான் செல்லமாக கூப்பிடுவேன் ஜி..ஆனால் அந்த சுட்டிப்புயல் இப்பொழுது சுட்டி பயில்வான் ஆகிவிட்டது என்பதுதான் உண்மை...அந்த அளவுக்கு பென்னி என்னை கவர்ந்து விட்டான் கண்ணன் ஜி :):):):)....

      முதன் முதலாக ப்ளாக் ல் கொஞ்சமே,கொஞ்சமாக நீளமாக கமெண்ட டைப்பியுள்ளேன்,அதில் ஏதாவது எழுத்துப்பிழை இருந்தால் நக்கீரர் (கிட் ஆர்டின் கண்ணன்) அவர்கள் மன்னிப்பீர்களாக...:):););):)

      Delete
    4. /////இதே மாதிரி ஸ்மர்ஃப்ஸையும் கொஞ்சம் பொறுமையாக அணுகிப்பாருங்களேன் யுவா. நிச்சயம் பிடிக்கும். நல்லா இருக்காது என்ற எண்ணத்துடன் ஆரம்பிக்காமல் மனதை அந்த சூழலுக்கு தயார் படுத்திக்கொண்டு வாசித்துப் பாருங்களேன்.!/////


      ஸ்மர்ஃப்ஸ் நல்லாயில்லன்னு நா எங்க ஜி சொன்னேன்..நல்லாயிருந்திருந்தால், நல்லாயிருந்திருக்கும்னு தானே சொன்னேன் :):):););)...

      Delete
    5. ஒத்துக்கிறேன் யுவா. நீங்களும் கமல் ரசிகர்தான் என்பதை ஒத்துக்கிறேன்.

      கிர்ர்ர்ர்ர்ர். . . .!!!

      Delete
  12. வாய்ப்பு கிடைத்தால் பட்டய கிளப்புவோம் என்று சிவகாசி அளவில் மட்டுமே எண்ணியிருந்தேன்...
    இப்போது இத்தாலிக்கும் எங்களது திருப்பூாின் திறமையை வெளிச்சம் போட்டு காட்டுவோம் சாா்....

    ReplyDelete
  13. நண்பரின் கேள்விக்கு இத்தாலியிருந்தே பதில் வந்து விட்டது இதற்கு மேல் என்ன அங்கீகாரம் வேண்டும் சாா்....

    நான் முதன் முதலில் அரங்கிற்க்கு வந்த பொழுது சற்று திகைத்துதான் போனேன் என்னடா நாம் குறைந்த அளவிலேயே டீசர்ட் அச்சிட்டு வந்துள்ளோமே....

    இங்கே என்னடான்னா கல்யாண ஹால் பத்தாம இருக்கே மற்ற நண்பர்களுக்கு என்ன பதில் சொல்வது என்று மிகவும் வருந்தினேன்...
    சரி அடுத்த முறை முப்பது அல்ல நூறு ரெடி பண்ணலாம்னு நெனைச்சிருந்தேன்..
    இப்ப நூறு அல்ல அதற்க்கும் மேலேயே ரெடி பண்ணிா்றேன் சாா்...

    ReplyDelete
    Replies
    1. sivakumar siva : நண்பரே, அளவாய் வைத்துக் கொள்வோமே நம் ஆர்வங்களின் வெளிப்பாடுகளையும் !

      ஆயிரக்கணக்கில் செலவாகும் பணம் : நிச்சயம் வேறு உபயோகமான வழிகளுக்குச் செலவாயின் அந்த சந்தோஷம் இன்னமும் நிறைவானதாக இருக்குமல்லவா ?

      Delete
    2. மாயாவிகாருவின் மூலமாக நீங்கள் கொடுத்த டீ-ஷர்ட்டைப் பெற்றுக் கொண்டேன் சிவா! உங்கள் அன்புக்கு நன்றிகள் பல! :)

      Delete
    3. // அடுத்த முறை முப்பது அல்ல நூறு ரெடி பண்ணலாம்னு நெனைச்சிருந்தேன்..
      இப்ப நூறு அல்ல அதற்க்கும் மேலேயே ரெடி பண்ணிா்றேன் சாா் //

      வொய் திஸ் கொல வெறி ஜி

      இதை நாம * நம்ம * எடிட்டர்ட்ட கேட்டா இத்தாலிக்கு அடிக்கிற பனியனோட சும்மா ஒரு நூறோ அ நூத்தம்பதோ சேர்த்து பிரிண்ட் அடிச்சி நம்ம கையில தந்திட மாட்டாரா என்ன
      ??

      ஏன் சார் பனியன் அடிச்சு தருவீங்கல்ல.??
      :) :) :)

      Delete
    4. சார் எனக்கு பனியன். ?

      Delete
    5. வடிவேல் ஸ்டைலில் :

      கேளுங்கப்பா கேளுங்க

      Delete
    6. ஈ வி அண்ணா உஙகள் பாரட்டுகளூக்கு நன்றிகள் பல....

      Delete
    7. பழனிவேல் ஆறுமுகம்...
      நண்பரே அடுத்த முறை கண்டிபாபாக தருகிறேன்..

      Delete
    8. தங்கள் சித்தம் என் பாக்கியம்.....
      ஆசிரியரே.....

      Delete
  14. ////இதுவரையிலான கதை பாகங்களிலிருந்து ஒரு முன்கதைச் சுருக்கத்தைத் தயார் செய்து அனுப்பிடக் கோரியிருந்தேன் - நண்பர்களுடனான அரட்டையின் போது ! 'டாண்' என்று அனுப்பி புண்ணியம் சேர்த்துக் கொண்டுள்ளவர் நமது மேச்சேரிக்கார ஆர்டின் காதலர் !!/////


    சூப்பர் கண்ணன் ஜி...உங்களுடைய எழுத்தில் எழுத்தில் (இரத்தப்படலம்) முன்கதைச்சுருக்கத்தை படிக்க மிக ஆவலுடன் உள்ளேன் ஜி....(என்ன!படிக்கும்போது சிரிப்பு வராமல் இருந்தால் சரி...ஏன்னா,நீங்க எழுதினால் (உங்களுக்கு நகைச்சுவை உணர்வு அதிகம் என்பதால்) சீரியஸான கதை சிரிப்பு கதையாக மாற வாய்ப்புள்ளது..("ஹாலிவுட்டில் ஜாலி"கதை மாதிரி.)

    ReplyDelete
    Replies
    1. ஹாஹாஹாஹா..........உண்மை.!

      +1

      Delete
  15. இத்தாலிக்கு மிக அருகில் இருந்தும் (தற்போது இருப்பது மான்செஸ்டர், UK) ஜூலை மற்றும் ஆகஸ்ட் இதழ்கள் இன்னும் எனக்கு வந்து சேரவில்லை. நண்பர்களின் உற்சாகத்தை நேரில் பார்க்க முடியவில்லை என்றாலும் நிகழ்வுகளை பதிவிட்ட ஆசிரியருக்கும் காமிக்ஸ் நண்பர்களுக்கும் எனது நன்றி. உங்கள் பதிவுகள் நேரில் பார்த்த உணர்வை தந்தது. நமது சிறு வட்டம் உலக அளவில் பரவுவது மிக்க மகிழ்ச்சி. உங்களது அனைத்து முயற்சிகளுக்கும் எனது வாழ்த்துக்களும் வணக்கங்களும்.

    ReplyDelete
    Replies
    1. சூப்பர்! நண்பர்களின் இதுபோன்ற வாழ்த்துகள் அனைவரின் உற்சாகத்தையும் இன்னும் அதிகரிக்கும்!

      Delete
  16. டெக்ஸ் ரசிகர்களின் டீ-ஷர்ட் ஆர்வத்தை படைப்பாளிகள் உற்சாக மனநிலையோடு புரிந்துகொண்டிருப்பது மகிழ்ச்சியளிக்கிறது எடிட்டர் சார்! அந்தப் படைப்பாளிகளுக்கு மரியாதையளிக்கும்பொருட்டு புதிதாய் ஒரு பதிவைப் போட்டு உங்கள் பெருந்தன்மையைக் காட்டியிருக்கிறீர்கள்! துன்புறுத்துவதையே நோக்கமாகக் கொண்டு கேள்வியெழுப்பியவர்களுக்கு எடுக்கப்பட்ட மெல்லிய பாடம் போன்றது இப்பதிவு!

    நமது திருப்பூரை இத்தாலிக்குக் கொண்டு செல்ல நீங்கள் எடுத்திருக்கும் அழகான முயற்சிக்கு வாழ்த்துகள்!

    ReplyDelete
  17. வாவ் !!!
    வாவ் !!!!
    வாவ் !!!!!

    இதைவிட அருமையான பரிசு எங்கே தேடினாலும் கிடைக்காது :)
    திருப்பூர் சிவக்குமார் சிவா ம திருப்பூர் குமார்

    இந்த 2016 ஈரோட்டில் இத்தாலிய மறக்கவே மாட்டீங்க நீங்க ரெண்டுபேரும்
    சாதிச்சிட்டீங்கப்பு...

    டிக்கட் & பாஸ்போர்ட்டே இல்லாம இத்தாலி போய்ட்டு வந்திட்டீங்களே!!!!!

    இப்படி ஒரு வாய்ப்பை பெருமையை ஏற்படுத்திக் கொடுத்த நமது விஜயன் சார்க்கு ராயல் சல்யூட்

    ReplyDelete
    Replies
    1. Thank you Sampath & Kumar Anna...
      உங்களின் ஊக்கமே எனது t shirt ஆக்கத்திற்கான காரணம்...

      Delete
  18. //டெக்ஸின் ‘ஹிட் லிஸ்டில்‘ இன்னுமொரு மைல்கல் தயார் என்றே சொல்லத் தோன்றுகிறது ! தலைப்பில் மாற்றமிருக்கும் என்பது மட்டுமே ஒரு கூடுதல் தகவல் இங்கே ! //

    புதிய தலைப்பு என்னவென்று சொல்லுங்களேன் எடிட்டர் சார்? டெக்ஸையே கலங்க வைத்த; புலம்ப வைத்த நெருக்கடி என்னவென்று அறிந்திட ஆவலோ ஆவல்! சீக்கிரமே புத்தகங்களை அனுப்பி வச்சீங்கன்னா தேவலை!

    ReplyDelete
  19. சூப்பர் சார் ...காலை சந்திப்போம் இரவு வணக்கங்கள்...

    ReplyDelete
  20. பாக்யராஜ் சார் வாங்கிய இதழ்கள் என்னென்ன சார்..

    ReplyDelete
  21. காலை வணக்கங்கள் நண்பர்களே!
    Advance wishes for இந்திய சுதந்திர தினம்!

    ReplyDelete
  22. காலை எழுந்ததும் மகிழ்ச்சி பதிவு

    ReplyDelete
  23. இயக்குனர் பாக்கியராஜ் வாங்கியது இளவரசியின்
    புத்தகங்கள் தானே சார்

    ReplyDelete
    Replies
    1. நிறைய வாய்ப்பு உள்ளது அண்ணா!

      Delete
  24. கறுப்பு T-shirt க்கு பின்னால் ஒரு கறுப்பு சரித்திரமே உள்ளது.
    அது ஆறுமாத கதை.
    ஆனால் அவை தயாரிக்கப்பட்டது அரைநாளில்.
    அதுவும் வெள்ளிக்கிழமை மதியம் முதல் இரவுக்குள் தயார் செய்து சனிக்கிழமை விழாவின்போது நண்பர்களுக்கு தரப்பட்டது.
    அண்ணன் Thiruppur kumar அவர்களின் அயராத முயற்சி!
    Sivakumar siva அண்ணன் தந்த
    white T-Shirt இன்ப அதிர்ச்சி!
    கிட்டத்தட்ட ஒரு வருட காலம் காத்திருந்து
    நண்பர்கள் அத்தனை பேரையும் சந்தித்தது பெரும் மகிழ்ச்சி!

    ReplyDelete
  25. மகிழ்வான செய்திகள் பல.....


    பரவலான அதிக விற்பனை என்றல்லாது செலக்டிவான இதழ்கள் அதிக விற்பனை என்பது உண்மையில் சற்று கலங்க வைக்கும் செய்திதான்.....

    அட...கண்ணன்.... நல்ல பங்களிப்பு....வாழ்த்துகளும்,சந்தோஷமும்.....!!!!!

    ReplyDelete
    Replies
    1. செனா ஆனா உங்கள் கேள்விகள் இஎம...வை கூடுதலாய் ஒருமுறை படிக்கத்தூண்டுகிறது...அருமை...

      Delete
  26. காலை வணக்கங்கள் ஆசிரியர் & நண்பர்களே.

    ReplyDelete
  27. பென்னி...!
    பெடலெடுக்கிறான் பின்னி..!!
    சிகப்புக் கம்பளம் பார்சேல்...!!!!

    ReplyDelete
    Replies
    1. கரூர் குணா உண்மையிலேயே எல்லோரையும் கவர்ந்து விட்டான் பென்னி

      Delete
  28. இந்த பென்னி அற்புதச் சக்திகள் எப்படிக் கிடைக்கப் பெற்றான்???
    பின்னணிக் கதை ஏதும் உள்ளதா எடி சார்..??

    ReplyDelete
  29. இம்மாத லாரன்ஸ்-டேவிட் ஜோடி பட்டையைக்கிளப்பி விட்டார்கள்..!
    அழகு சித்திரங்கள் அள்ளுகின்றன!
    சூப்பர்!!

    ReplyDelete
  30. /// நடிகர் / இயக்குனர் கே.பாக்யராஜ் சார் - நமது ஸ்டாலில் 6 இதழ்கள் வாங்கியிருக்கிறார் ! அவை என்னவாக இருக்குமென்று யூகித்துத் தான் சொல்லுங்களேன் ?!///


    இரும்புக்கை மாயாவி ஓரிரு இதழ்கள்.(காமிக்ஸ்னா இவர்தானே?)
    ஈரோட்டில் இத்தாலி (அட்டையே வாங்கத் தூண்டியிருக்கும்)
    மின்னும் மரணம் & என் பெயர் டைகர்.
    கிளாசிக் கார்ட்டூன் கலெக்ஷன்
    தலையில்லா போராளி & சட்டத்திற்கொரு சவக்குழி (or) பழிவாங்கும் புயல்.
    இனியெல்லாம் மரணமே.
    லக்கிலூக் & சிக்பில்.


    ReplyDelete
  31. ஹா..!!
    ஒரே மூச்சில் படித்து விட்டேன்..
    கதையின் வேகமும்,கையாளப் பட்டிருந்த சேதிகளும்...,
    அபாரம்!!
    2017-க்கான அட்டவனையில் கூடுதல் இடம் தர எடுத்த உங்களின் முடிவு வரவேற்க்கத் தக்கது..!
    மார்டின்..அதகளம்!!!

    ReplyDelete
  32. ///“போட்டோ எடுக்கும் போது என் தோளில் கை போடவில்லை சார்;///

    +1.
    :):):)

    ReplyDelete
  33. விண்ட் கலக்கல்!
    அடுத்தடுத்து வெற்றிகளை பதிவு செய்து கொண்டே போகிறான்..!
    ஏன் நெட் என்று விளிக்கப் படுகிறான்..?!

    ReplyDelete
  34. ///உலகெங்கிலுமுள்ள டெக்ஸ் ரசிகர்களின் நெஞ்சங்களிலும் நமது ‘தல‘யை அலங்கரிக்கச் செய்யும் வாய்ப்பும் நம் நண்பர்கள் பக்கம் வந்திட வாய்ப்புள்ளது ! (சிபிஜி... வாய்ப்பு அமைந்தால் ‘சலோ இத்தாலி‘ தான் !) ///

    முன்கூட்டிய வாழ்த்துகள் சிபிஜி.!

    அப்படியே நம்ம ரம்மி, சேக்கி, சிவா எல்லோருக்கும்
    இத்தாலியை எட்டிப்பார்க்க All the best.!

    ReplyDelete
    Replies
    1. அருமை நண்பர் சிபிக்கு சேந்தம்பட்டி குழுவினர் சார்பாக முன்கூட்டிய வாழ்த்துக்கள்.

      Delete
    2. சிபி அவர்களே!

      உங்கள் கம்பெனியில் எதனாச்சும் வேலை காலியிருக்குமா? இ..இத்தாலிக்கு நானும்....

      Delete
    3. அப்படியே எனக்கும் ஒரு விண்ணப்பம் சேர்த்து கொடுங்கள் பூனையாரே.ஹி,ஹி.

      Delete
    4. சிபிஜி உங்கள் கம்பெனியில் டீ சர்ட் மடித்து பேக்கிங் செய்து டெலிவரி இத்தாலியில் செய்யும் வேலை இருந்தால் அதை எனக்கு தருமாறு வேண்டுகிறேன்

      Delete
    5. சி.பி.ஜீ.உங்களுடன் பணியாற்ற நானும் தயார் அது என்ன வேலையாக இருந்தாலும் சரி

      Delete
  35. சுதந்திர தேவி சிலையினுள்ளே 160 படிக்கட்டுகள்..!!
    தகவலும் தந்து போனது இனி எல்லாம் மரணமே..!

    ReplyDelete
    Replies
    1. சுதந்திரதேவிய சுற்றிப் பார்க்க பீடத்திலிருந்து ....உச்சி வரை சுற்றிப்பார்க்க கரம் பிடித்து அழைத்துச் செல்கிறார் ஓவியர்

      Delete
  36. அன்பு நண்பர்களுக்கும்,ஆசிரியர் அவர்களுக்கும் காலை வணக்கம்.வாரம் ஒன்று கடந்திருந்தாலும்...., ஈரோடு விழாவில் நண்பர்களை சந்தித்த அந்த உன்னத நிமிடங்களின் தித்திப்பு இன்னும் கரையாமல்..., சுவை குன்றாமல்..., மனதில் பரவசமாய் அப்படியே நிறைந்திருக்கிறது.இப்படியோர் சந்திப்புக்கு ஏற்பாடு செய்த ஆசிரியருக்கும், நண்பர்களுக்கும் மிகுந்த நன்றி..!

    ReplyDelete
  37. எது எப்படியாயினும்,இம்மாத கடேசிக்கும் கடேசி பெஞ்சில் டெக்ஸ் நின்று கொண்டிருப்பது காணச் சகியவில்லை..!
    டெக்ஸ் கதை போலவே இல்லை..!
    அட்டகாசமாய் ஆரம்பிப்பது போல் போக்குக் காட்டி,...
    அப்புறமாய் சவ..சவ..சவ..!!!!!
    ஹூம்...!!

    😢😢😢

    ReplyDelete
  38. ம..ம.மார்டினுக்கு கூடுதலாய் ஒரு இடம் ஒதுக்குவது நல்ல முடிவு சார்.
    டெக்ஸ் க்கு அடுத்து விற்பனையில் பட்டையைக் கிளப்பும் லக்கி லூக்கிற்கும் கூடுதலாய் இடம் ஒதுக்கிடுங்கள் சார். (லக்கி லூக் + சிக்பில் கூட்டணி ஷ்பெசல் என்றால் இன்னும் மகிழ்ச்சி) .

    ReplyDelete
  39. மார்ட்டின் என் அபிமான நாயகர்தான்..! இந்தக்கதை அதை இன்னும் மடங்கு கூட்டியிருக்கிறது.பைபிளில் சொல்லப்பட்டிருக்கும் எகிப்தின் மீதான பத்து பேரிடர்கள் தற்கால நியூயார்க்கின் மீது நடத்தப்பட்டால்.....? என்ற கதாசிரியரின் அபார கற்பனை வளம் பிரம்மிக்க வைக்கிறது.என்னைப்பொறுத்தவரை மார்ட்டின் எப்பவுமே சூப்பர்.இம்முறை சூப்பரோ சூப்பர்.வழக்கமான கீச்சல் பாணி ஓவியங்கள் இல்லாது.., அழகான ஓவியங்கள் இக்கதைக்கு கூடுதல் சிறப்பு.மார்ட்டினுக்கு கூடுதல் ஸ்லாட் நிச்சயம் வேண்டும் சார்....!!!

    ReplyDelete
  40. டைலனும், ராபினும் வாசிப்பில்....
    காலை வணக்கம் காமிக்ஸ் சொந்தங்களே..!!
    🙋🙋🙋

    ReplyDelete
  41. இம்மாத எனது ரேட்டிங் வரிசை:

    1. மார்ட்டின்
    2. டெக்ஸ்
    3. பென்னி
    4. டைலன்
    5. லாரன்ஸ் & டேவிட்
    6. மேஜிக் விண்ட்
    7. 'மணமகன்' ராபின்

    ReplyDelete
  42. ////மார்ட்டினுக்குக் கூடுதலாயொரு slot தந்திட வழியுள்ளதாவென்று தலையைச் சொரிந்து கொண்டிருக்கிறேன்//////
    சூப்பர் சார்,நானே இன்று மார்ட்டினுக்கு 2017-ல் கூடுதலாக ஒரு இதழை கேட்கலாம் என்று நினைத்திருந்தேன்,தயவுசெய்து இந்த கோரிக்கையை நிறைவேற்றி விடுங்கள் சார்.

    ReplyDelete
  43. மாயாவி, டெக்ஸ், மறுபதிப்புகள், லக்கி தவிர மற்ற இதழ்கள் விற்பனையில் பின் தங்கியிருப்பது கவலையளிக்கும் விஷயம்...!

    ReplyDelete
  44. பென்னி முதல் சுற்றிலேயே கவர்ந்து விட்டான். Smurfவிட பென்னி அதிகம் விரும்பப்படும். Tex வண்ணத்தில் விட கறுப்பு வெள்ளையில் அதிகம் கவர்கிறார். கதையம்சம் ஏன் Blueberry நினைவுபடுத்துகிறது யுத்த பின்னணி காரணமாக இருக்கலாம்.

    ReplyDelete
  45. /// நடிகர் / இயக்குனர் கே.பாக்யராஜ் சார் - நமது ஸ்டாலில் 6 இதழ்கள் வாங்கியிருக்கிறார் ! அவை என்னவாக இருக்குமென்று யூகித்துத் தான் சொல்லுங்களேன் ?!///
    ரெண்டு வாய்ப்பு எடுத்துக் கொள்கிறேன் சார்,
    1. என் பெயர் டைகர்,மின்னும் மரணம்,ஈரோட்டில் இத்தாலி,தலையில்லா போராளி,அப்புறம் இரும்புக் கை மாயாவி இதழ்கள்.
    2.இது கொஞ்சம் வாய்ப்பு கம்மிதான் -மலிவு விலை மறுபதிப்புகள் ஆறு இதழ்களும்.

    ReplyDelete
  46. வணக்கம்.TeX and tiger jack கதைகள் மிக வித்யாசமாக இருக்கும்.

    ReplyDelete
  47. கிட்ஆர்ட்டின் அவர்களே!

    XIIIக்கு கதைச் சுருக்கம் எழுதுவது அப்படியொன்று எளிமையான காரியமல்ல. அப்படியாப்பட்ட வேலையை புயல் வேகத்தில் செய்து எடிட்டரின் வேலையைச் சுளுவாக்கியிருப்பதற்கு வாழ்த்துகள்!!

    ReplyDelete
  48. விற்பனை மாயாவி டெக்ஸ் லக்கி லூக் தவிர மமற்றவர்கள் பின்தங்கியுள்ளது கவலை தரும் விஷயம். இதனால் ஜெயிக்கும் குதிரையின் பேரிலேயே பணம் கட்டும் நிலை வந்துவிடகூடாது.

    ReplyDelete
    Replies
    1. அதுதான் நிஜம் நண்பரே!

      Delete
    2. அதுதான் நிஜம் நண்பரே!

      Delete
  49. // 'டாண்' என்று அனுப்பி புண்ணியம் சேர்த்துக் கொண்டுள்ளவர் நமது மேச்சேரிக்கார ஆர்டின் காதலர் !! நன்றிகள் நண்பரே //
    வாழ்த்துக்கள் கண்ணன் அவர்களே.

    ReplyDelete
  50. Replies
    1. ஈரோட்டில் இத்தாலி அட்டை படம் – அச்சு தரம்: விமர்சனம்

      அட்டை படம் அருமை. வழக்கம் போல் டெக்ஸ்சை முன்னிறுத்தி காண்பிக்காமல் ஒரு போர்கள காட்சியை கொண்டு அட்டை படத்தை பாராட்டியே தீர வேண்டும். அந்த டெக்ஸ் முகத்தை பெரிய அளவில் போடாமல் இருந்து இருந்தால் இன்னும் சிறப்பாக இருக்கும்.

      அட்டையில் பல நகாசுவேலைகள், படத்தில் உள்ள ஒவ்வொரு படமும் ஏதோ தனித்தனியாக செய்து ஒட்டியது போல் இருந்தது, ஆனால் தொட்டு பார்த்தால் வித்தியாசம் ஏதும் இல்லை, ஒரே பேப்பர் போல் இருந்தது. அதே போல் mat finish செய்தது போல் இருந்தது. பின்பக்க அட்டை படமும் இதற்கு விதி விலக்கல்ல!

      புத்தகத்தின் முதல் பக்கம் முதல் கடைசி பக்கம் வரை படம்கள் மிகவும் தெளிவாக, சரியான வண்ண கலவைகளுடம், குறிப்பாக இந்தமுறை காகிதம்கள் (வழகமான காகிதம்தான் என்றாலும்) கையில் பிடிக்கும் போது சுகமாக இருந்தது. அதிலும் நான்கு கதைகளுக்கு தனித்தனியான அட்டை படம்கள் அட்டகாசம், அச்சின் துல்லியம் பாராட்டுகுரியது. நமது விக்ரம் அவர்களுக்கு பாராட்டுகள். தம்பி நீ ரொம்ப நல்லா வருவப்பா.

      இந்த புத்தகத்தை ஒரு சிற்பி போல் அருமையாக செதுக்கி எங்களுக்கு கொடுத்த உங்கள் காமிக்ஸ் காதலுக்கு ஒரு ராயல் SALUTE.

      Delete
  51. இனி எல்லாம் மரணமே: - இனி எல்லாம் சுகமே என வைத்து இருக்கலாம் (10/10)

    முதல் நான்கு பக்கம்களை படித்தவுடன் தண்ணீர் தொட்டியில் யாரோ கொலை செய்யப்பட்டு கிடக்கிறார்கள் அதனால்தான் தண்ணீர் சிகப்பு கலரில் வருகிறது இதனைதான் மார்டின் துப்பு துலக்க போகிறார் என்று நினைத்த எனது மூளையை அடுத்த அடுத்த பக்கம்களில் வந்த சம்பவம்கள் எனது மூளைக்கு சிந்திக்கும் திறன் குறைவு என்பதை புரிய வைத்தது.

    ஒவ்வொரு சம்பவம்களை படிக்க படிக்க எப்படி இது நடக்கிறது யார் அந்த வில்லன் என்ற ஆவல் அதிகமானது. ஒரு சந்தர்பத்தில் கடைசி பக்கம் சென்று இந்த சம்பவம்களின் சுத்திரதாரி யார் என்று பார்த்து விடுவோமா என் தோன்றியது; இது வரை எந்த ஒரு கதையும் என்னை இது போல் முடிவை பார்க்க தூண்டியது இல்லை.

    கதையில் ஓவ்வொரு கதாபாத்திரம்களும் ரசித்து உருவாக்கபட்டு இருந்தது, தனது பிறந்த ஊரை விட்டு செல்ல மாட்டேன் என்று சொல்லும் அந்த பெரியவர் முதல் ஜானோ வரை மனதில் நீங்கா இடம் பிடித்து விட்டார்கள்.

    கடைசி நான்கு பக்கம்கள் மனதை புரட்டி போட்டு விட்டது. விளையாட்டாக செய்யும் சில விசயம்கள் அடுத்தவர்கள் மனதில் அது எவ்வளவு பெரிய பாதிப்பை ஏற்படுத்தும் என்பதை புரியவைத்தது மீண்டும் ஒருமுறை.

    இந்த வருடத்தின் மிக சிறந்த கதை. இந்த கதையின் மொழி பெயர்ப்புக்கு நீங்கள் உழைத்தது வீண் போகவில்லை! மீண்டும் ஒரு ராயல் SALUTE.

    ReplyDelete
  52. இந்த மாத இதழ்கள் ரேட்டிங் :
    1. மார்ட்டின் - 9/10,
    2. டெக்ஸ் - 8/10,
    3. மேஜிக் விண்ட் - 7/10,
    4. டைலன் டாக் - 8.5/10,
    5. சி.ஐ.டி ராபின் - 8/10,
    6. சுட்டி பென்னி - 8.5/10,
    7. லாரன்ஸ்&டேவிட் - 7/10,
    ஈரோட்டில் இத்தாலி இதழின் தயாரிப்பு தரத்துக்கு - 10/10.

    ReplyDelete
    Replies
    1. //ஈரோட்டில் இத்தாலி இதழின் தயாரிப்பு தரத்துக்கு - 10/10.//

      +10

      Delete
  53. ஒரு கணவாயின் கதை: (5/1௦)

    ஒரு வரலாற்று பின்னனியில் கதை பின்னபட்டு இருந்தது. பெரியதாக ஏதும் திருப்பம்கள், ரசிக்கும் படி ஏதும் இல்லை.

    கதையின் மொழிபெயர்ப்பு வெகு சுமார், வழகமான இருக்கும் ஒரு ஈர்ப்பு இதில் இல்லை.

    கதையை ஏதோ சிறு குழந்தைகளுக்கு கதை சொல்லுவது போல் நகர்த்தி செல்வது மிக பெரிய பலவீனம்.

    டெக்ஸ் – வித்தியாசமான கதைகள் கொடுக்கவேண்டும் என்று நீங்கள் செயல்படுவது பாராட்டுகுரியது. ஆனால் இந்த கதை இந்த வருடத்தின் டேக்ஸ்சின் மிக சுமாரான கதை என்ற இடத்தை பிடிகிறது என்னை பொருத்தவரை.

    ReplyDelete
  54. சுட்டி பயில்வான் பென்னி: (8/10)

    ஒரு குட்டி சூப்பர்மேன் கதை. இவனின் தனித்தன்மையை முதல் சிலபக்கம்களில் சொல்லிய விதம் அருமை. அதே நேரம் இவனது சூப்பர் பவர் எப்போது வேலை செய்யாது என்பதை கதையின் போக்கில் சொல்லி இருப்பது சிறப்பு.

    நேர் கோட்டில் செல்லும் கதை, எளிதான வாசிப்பு அனுபவும் கொடுத்தது. கதையில் வரும் வில்லன் கும்பலை அடக்கும் விதம், அதே நேரம் வில்லன் ஆபரேசன் ஆபரேசன் என சொல்லும் கொள்ளை திட்டம் சிறியவர்கள் புரிந்து கொள்ளும்படி அமைத்து இருந்தது.

    இந்த குட்டி சூப்பர்மேன் கதையை நமது வீட்டு குட்டிகளுக்கு படிக்க கொடுங்கள் கண்டிப்பாக பிடிக்கும்.

    ReplyDelete
  55. ஈரோடு புத்தக திருவிழா: விமர்சனம்: - Part 1
    • புத்தக விழா அரங்கத்தில் நுழைவதற்கு முன்பே, டெக்ஸ் விஜயராகவன், கிட் ஆர்ட்டின் கண்ணன், சுசீந்தரன், பெங்களூர் கணேஷ் குமார் போன்ற நண்பர்களை சந்தித்து விட்டேன்.

    • அரங்கத்தில் நுழைவதற்கு முன்பே மாயாவி சிவாவை சந்தித்து விட்டேன்.

    • காலையில் அரங்கத்தில் நுழைந்த போது மணி 10.15, சுமார் 10 பேர் இருந்தார்கள். அவர்கள் பிரசன்னா, எழுத்தாளர் திரு. சொக்கன், திருப்பூர் நாகராஜன், செந்தில் சத்யா, கரூர் குணா, கரூர் சரவணன், மகேந்திரன் பரமசிவம், நல்ல பிசாசு (சோமசுந்தரம்)

    • திரு. சொக்கன் அவர்களுடன் பேசினேன், மிக பெரிய எழுத்தாளர் மிகவும் எளிதாக பழகினார்.

    • சிறிது நேரத்தில் ஆசிரியர் உள்ளே நுழைந்து அனைவரிடம் குசலம் விசாரித்தார்.

    • அடுத்து சில நேரத்தில் அரங்கம் நிரம்பி வழிய ஆரம்பித்தது; இந்த நேரத்தில் மேலும் பல புதிய மற்றும் பழைய நண்பர்களை சந்தித்து நலம் விசாரித்து கொண்டேன்.

    • நிகழ்சிகள் ஆரம்பித்தவுடன் ஆசிரியர் மற்றும் நண்பர்கள் பேசுவதை video recording செய்ய ஆரம்பித்து விட்டேன்; இதனால் என்னால் மேலும் பல நண்பர்களை சந்தித்து பேசமுடியவில்லை என்பது வேறு விஷயம்.

    • ஈரோடு விஜய் உடல்நலம் சரியில்லை என்றாலும் அதனை பொருட்படுத்தாமல் காமிக்ஸ் நண்பர்களை காண ஆவலுடன் வந்து இருந்தார், மிகவும் இளைத்து இருந்தார்.

    • சரவணன் R: எப்போதும் சந்தோசம்! உங்கள் முகத்தில் உள்ள சிரிப்பு தான் சார்! இதுதான் நீங்கள் caption போட்டியில் வெற்றிபெற காரணம்!

    • கலந்துரையாடல் நடந்து கொண்டு இருந்த போதே, காபி, வடை, முறுக்கு, பிஸ்கட், கம்மர்கட்டு, சுத்தி வைத்து உடைக்க முடியாத உருண்டை (ரடிஜா அடிக்க வராதிங்க), பால்கோவா,... எல்லா பலகாரமும் கிடைத்தது. திருமண விழாக்களில் கூட இது போன்று கொடுப்பது இல்லை. வாழ்க காமிக்ஸ் காதல்.

    ReplyDelete
    Replies
    1. // கம்மர்கட்டு, சுத்தி வைத்து உடைக்க முடியாத உருண்டை //
      அவ்வளவு கஷ்டமாவா இருந்தது? (வடிவேல் பாணியில் படிக்கவும்)

      Delete
    2. Arivarasu @ Ravi @ இன்னும் ரெண்டு பாக்கெட் அனுப்பிவைத்தால் சாப்பிட்டுவிட்டு பதில் சொல்கிறேன்!

      Delete
  56. ஈரோடு புத்தக திருவிழா: விமர்சனம்: - Part 2

    • இளையர்கள் அதிகம் வந்து இருந்தார்கள். அவர்கள் பேச்சில் புரிந்து கொண்டது, ஆசிரியர் தற்போது செல்லும் பாதை சரியானது. அவர்கள் புதிதாக நிறைய கதைகள் எதிர்பார்கிறார்கள். இன்றைய இளையர்களை கவர புதிய மற்றும் வித்தியாசமான கதைகள் தேவை; அதற்கு நாம் ஒத்துழைப்பு கொடுக்கவேண்டும், அதே நேரம் அவை விற்பனையில் வெற்றி பெற வேண்டும்.

    • அறிவரசு தனது நிமிட நேர தியானத்தை மீண்டும் ஒருமுறை செய்து காண்பித்தார்.
    • ஒரு நண்பர் காமிக்ஸ் என்று எழுதி கொடுத்தால் போதும் படிப்பேன் என்றார் (என்னை போன்றவர்)

    • இன்னும் ஒரு நண்பர் சாப்பிடும்போது தனக்கு காமிக்ஸ் கண்டிப்பாக தேவை என்று குறிபிட்டார்.

    • இளையர் ஒருவர் தனக்கு காமிக்ஸ் அறிமுகம் ஆனது தனது ஓவிய ஆசிரியர் மூலம் என்று தனது ஆசிரியரை பற்றி பெருமை போங்க பேசினார். கண்ணா நீயும் ஓவியம் வரைவதாக சொன்னாய், அதனை நமது ஆசிரியருக்கு அனுப்பலாமே? நமது புத்தகம்களில் வாசகர் கைவண்ணம் என்று அவர் அதனை பிரசுரிக்க செய்யும் வாய்ப்புகள் அதிகம்.

    • மற்றும் ஒரு நண்பரோ, காமிக்சை அவருக்கு அறிமுகபடுத்தி வைத்தது தனது தந்தை எனவும். ஒவ்வொரு மாதமும் காமிக்ஸ் வருவது தனது இறந்து போன தந்தையை காமிக்ஸ் வடிவில் பார்ப்பது போலவும் சொன்னது மனதை வருடியது.

    • கிடைத்த சிறு இடைவெளியில் ஏற்கனவே அறிமுகமான டெக்ஸ் சம்பத், சங்கர், வினோஜ், விஜய், கடல்யாழ் ரம்யா, விஸ்ணு பிரியா, ஓவியர் சாரதி மற்றும் அவரது நண்பர்கள், முதலை பட்டாளம் கலீல், சத்யா, அறிவரசு (ரவி), ஷாலும், மற்றும் புதிய நண்பர்கள் சிவா, இமானுவேல், திருநாவுக்கரசு, சுந்தர் சரவணகுமார், ஜகதீஷ், சரவணன், ரடிஜா இன்னும் இரண்டு அயல்நாட்டு நண்பர்களை சந்தித்து பேசினேன்.

    • நண்பர் ரடிஜா எனக்கு, பிரான்ஸ் மொழியில் உள்ள இரண்டு தோர்கல் புத்தகம்களை கொடுத்து தனது அன்பை வெளிபடுத்தினார். மீண்டும் ஒருமுறை நன்றி.

    • ராஜசேகர் வந்து இருந்த அனைவர்க்கும், ஒரு சிறிய பாக்கெட்டில் கடலை, தேன், கம்மர் கட்டு மிட்டாய் மற்றும் கொஞ்சம் கார சேவு என்று பார்சல் செய்து கொடுத்து இருந்தார். இது விலை மதிப்பு இல்லாதது... உங்கள் காமிக்ஸ் நேசம் சிலிர்க்க செய்கிறது.

    • சிவா மற்றும் இம்மானுவேல் என்ற நண்பர்கள் டெக்ஸ் படம் போட்ட T-Shirt பல நண்பர்களுக்கு கொடுத்து தங்களின் காமிக்ஸ் காதலை வெளிபடுத்தினார்கள். இதில் சிறப்பு என்னவென்றால் இவர்கள் முதல் முறையாக இந்த சந்திப்பு வருகிறார்கள், காமிக்ஸ் பல வருடமாக படிகிறார்கள், நமது ப்ளாக் ரெகுலராக வரும் மௌன பார்வையாளர்கள். சார் இதனை பேர் வருவார்கள் என தெரியாது சார், தப்பாக எடுத்து கொள்ளாதீர்கள் சார்; அடுத்த முறை இன்னும் அதிகம் தயார் செய்து அனைவர்க்கும் கொடுப்போம் என்பது கண்களில் நீரை வர வளைத்து; அவர்களின் இந்த எண்ணம் மிகவும் பாராட்டுக்குரியது. T-Shirt quality அமேசிங்! அடுத்தமுறை எனக்கு ஒன்று வேண்டும் விலை என்ன என சொல்லவும்.

    ReplyDelete
    Replies
    1. @ PfB

      அருமை!! அட்டகாசம்!!! நண்பர்கள் சொல்லாமல் விட்ட பல நல்ல தகவல்களையும் அழகாகச் சொல்லியிருக்கிறீர்கள்!! எழுதிய விதமும் அழகு!!

      Delete
    2. // அறிவரசு தனது நிமிட நேர தியானத்தை மீண்டும் ஒருமுறை செய்து காண்பித்தார். //
      இல்லேன்னா மாயாவி ஜி வருத்தபடுவாரே அதனால்தான்,ஹி,ஹி.

      Delete
    3. பரணி செம்ம பிச்சிட்டிங்க

      Delete
  57. இந்த மாத இதழ்கள் ஒரு மினி பார்வை :
    1. இனி எல்லாம் மரணமே - வித்தியாசமான களம்,டஸ்ட் கவர்,சித்திரங்கள்,கதை என அனைத்தும் நிறைவு.
    2. ஒரு கணவாயின் கதை - சித்திரங்கள் நடுத்தர ரகம்,வரலாற்று பின்னணியில் உள்ளது நிறைவே,முடிவு மனதை சற்றே கனக்க செய்கிறது.கதை ஓகே ரகம்.
    3. பூமிக்குள் ஒரு பிரளயம் - கதை,சித்திரங்கள் சற்றே சுமார் ரகம்தான்,ஆனாலும் படிக்க போரடிக்கவில்லை.
    4. காலை எழுந்தவுடன் கொலை - சித்திரங்கள்,கதை இரண்டுமே சிறப்பான ரகம்,வாசிக்க விறுவிறுப்பாக இருந்தது,ஆனால் வன்முறை சற்றே தூக்கல் ரகம்,கதையின் மையக் கரு காதில் பூ ரகம்,ஆனாலும் சுவாரஸ்யமான ரகம்.
    5. காற்றில் கரைந்த காதலி - சித்திரங்கள் அருமையாக இருந்தன,கதை விறுவிறுப்பாக சென்றது,
    6. பென்னியின் ரெட் டாக்ஸி - சித்திரங்கள் நன்று, கதை மெல்லிய நகைச்சுவையுடனும்,ஜெட் வேகத்திலும் சென்றது.
    7. திகிலூட்டும் நிமிடங்கள் - முதல் வாசிப்பு,கதை ஓகே ரகம்.வாசிக்க சுவராசியமாக இருந்தது.

    ReplyDelete
  58. ஈரோடு புத்தக திருவிழா: விமர்சனம்: - Part 3 - End

    • ரத்த படலம் வெளி இட ஆசிரியர் தயாராக உள்ளார். 18 பாகம்கள் ஒரே இதழாக வெளி இடுவது மிகவும் கடினம், புத்தகம் ரொம்பவும் தடிமனாக இருக்கும் கையில் வைத்து படிக்க மிகவும் சிரமாக இருக்கும். Praticala யோசித்து பார்த்தால் அவர் சொல்ல்வது மிகவும் சரியே. அதே நேரம் அவர் 2 புத்தகம்களாக ஓவ்வொரு புத்தகமும் 9 பாகம்கள் கொண்டு, அல்லது 3 புத்தகம்களாக ஓவ்வொரு புத்தகமும் 6 பாகம்கள் கொண்டு தயாரிக்க தயார் என்றார். நாம் தான் நமது முடிவை சொல்ல வேண்டும். என்னை பொருத்தவரை 3 புத்தகம்களாக ஓவ்வொரு புத்தகமும் 6 பாகம்கள் கொண்டு வருவது. முதல் புத்தகத்தை அடுத்த வருடம், மீதம் உள்ள 2 புத்தகம்களை அடுத்து அடுத்த வருடம்களில் வெளி இடலாம்.

    • ரத்த கோட்டை அடுத்த வருடம் நமக்கு கிடைக்க உள்ளது.

    • Detective ஸ்பெஷல் பிரசன்னா கேட்டார், மனதில் வைத்து கொள்கிறேன் என்று சொல்லி உள்ளார்.

    • நமது ஆசிரியர் தனது தாய் மற்றும் தந்தையுடன் இந்த முறை வருகை தந்தது ஆனந்த அதிர்ச்சி!

    • நமது மூத்த ஆசிரியர் சொன்னது: இந்த காமிக்ஸ் உலகிற்கு எனது சரியான படைப்பு என்றால் ஒரு சிறந்த எடிட்டராக விஜயனை உங்களுக்கு கொடுத்தது. உண்மை நூற்றிக்கு நூறு.

    • மாலை நேரத்தில் ஈரோடு நண்பர்களுடன் டீ குடித்து மனம் விட்டு பேசியது. ஆமா என்ன பேசினோம் ? :-)

    • மாலை நேரத்தில் ஆசிரியரிடம் மரத்தடி உரையாடல், வழக்கம் போல் அவர் மற்றவர்களின் கேள்விகளுக்கு பதில் அளித்ததை video recording செய்து கொண்டு இருந்தேன்

    • ரடிஜா பிரான்ஸ் சென்று செட்டிலான கதையை (வரலாறு?) கேட்டு ரசித்தேன்.
    • மகேந்திரன் (மகி), இது போன்று நண்பர்கள் சந்திப்பு அடுத்து எனக்கு கிடைக்குமா என தெரியவில்லை; அதனால் இந்த முறை இதனை நழுவ விடாமல் கலந்து கொண்டேன். மிகவும் சந்தோஷபட்டார். மிகவும் எளிமையான நண்பர்.

    • இரவு கலீல், மாயாவி சிவா, மகேந்திரன். ரடிஜா போன்ற நண்பர்களுடன் ஜூனியர் குப்பனாவில் உணவு அருந்தியது. என்ன பில்ல ஜாஸ்தி போட்டுடாங்க. சாப்பிட்டுவிட்டு கை கழுவி வருவதற்குள் பில் செய்த புண்ணியவானுக்கு நன்றி.

    • மாயாவி சிவா வழகம் போல் கடமை வீரன் கந்தசாமியாக வலம் வந்தார். அவருடன் இரவு 10.45 USB Card Reader வாங்க கடை கடையாக ஏறி இறங்கிய பின் விடை கொடுத்து பெங்களூர் கிளம்பினேன்.

    அனைத்து தரப்பு நண்பர்களும் மிகவும் பணிவுடம், அன்புடன் பேசினார்கள். இந்த பந்தம் என்றும் தொடர எல்லாம் வல்ல இறைவனை வேண்டுகிறேன்.

    கோரிக்கை: இந்த முறை இந்த அளவு கூட்டம் எதிர்பாராதது, அடுத்தமுறை இன்னும் பெரிய முழுவதும் குளிரூட்டப்பட்ட அரங்கில் அமைக்கவும்.

    ReplyDelete
    Replies
    1. ///என்னை பொருத்தவரை 3 புத்தகம்களாக ஓவ்வொரு புத்தகமும் 6 பாகம்கள் கொண்டு வருவது. முதல் புத்தகத்தை அடுத்த வருடம், மீதம் உள்ள 2 புத்தகம்களை அடுத்து அடுத்த வருடம்களில் வெளி இடலாம்..///

      +1 (பட்ஜெட்டும் இடிக்காது)

      Delete
    2. :)

      +1

      //• ரத்த படலம் வெளி இட ஆசிரியர் தயாராக உள்ளார். 18 பாகம்கள் ஒரே இதழாக வெளி இடுவது மிகவும் கடினம், புத்தகம் ரொம்பவும் தடிமனாக இருக்கும் கையில் வைத்து படிக்க மிகவும் சிரமாக இருக்கும். Praticala யோசித்து பார்த்தால் அவர் சொல்ல்வது மிகவும் சரியே. அதே நேரம் அவர் 2 புத்தகம்களாக ஓவ்வொரு புத்தகமும் 9 பாகம்கள் கொண்டு, அல்லது 3 புத்தகம்களாக ஓவ்வொரு புத்தகமும் 6 பாகம்கள் கொண்டு தயாரிக்க தயார் என்றார். நாம் தான் நமது முடிவை சொல்ல வேண்டும். என்னை பொருத்தவரை 3 புத்தகம்களாக ஓவ்வொரு புத்தகமும் 6 பாகம்கள் கொண்டு வருவது. முதல் புத்தகத்தை அடுத்த வருடம், மீதம் உள்ள 2 புத்தகம்களை அடுத்து அடுத்த வருடம்களில் வெளி இடலாம்.//

      edit already did survey lets go by that

      Delete
  59. ப்ரிய எடிட்டர் காரு,

    ('டியர் எடிட்டர்' என்று ஆரம்பிக்கிறதுக்கு நேற்று முதல் இங்கு 'டின்' ரெடியாக உள்ளதால் நேனு மாற்றம் சேச்சானு :-))

    படிக்கிறதுக்கு முன்னாடியே கேள்வி கேட்டு விடுகிறேன் (இருநூறு கமெண்ட்ஸ் தாண்டி லோட் மோர் வரும் என்பதால் .. )

    1. சூப்பர் சிக்ஸ் franco-belgian இதழ்களை 'தலையில்லாப் போராளி' சைசில் பிரிண்ட் செய்ய இயலுமா ?
    2. தலையில்லாப் போராளி சைசில், கலரில் 2-3 டெக்ஸ் இதழ்கள் சேர்த்து வெளியிட்டால் 'குட்டித் தலையணை டெக்ஸ்' நிஜமாகவே சாத்தியமாகிவிடும் அல்லவா (even without color may be, to control the budget)

    ReplyDelete
  60. காலை எழுந்தவுடன் கொலை: 7.5/10

    முதல் பக்கத்தில் இருந்தே கொலைகள் ஆரம்பித்து விடுகிறது, ஆனால் சம்பந்தம் இல்லாதவர்களை தீடிர் என கொல்லுவது ஏன் என்ற கேள்வியை கதையின் கடைசி சில பக்கம்கள் வரை மனதில் ஓட்டிக்கொண்டே இருந்தது கதாசிரியருக்கு கிடைத்த வெற்றி. இந்த கதையில் தான் டைலன் ஒரு ஹீரோ போல் தனது வேலையை செய்துள்ளார். அவரது உதவியாளர் வழக்கம் போல் ஒரு காமெடி பீஸ். கடைசி ரெண்டு பக்கம்கள் சூப்பர், கத்தியை எடுத்தவன் கத்தியால்தான் சாவு என்பதற்கு என்றார் போல் முடித்து இருந்தது அருமை.

    ReplyDelete
    Replies
    1. கா.எ.கொ..................

      greaterhood என்ற நோக்கத்தின் அடிப்படையில் மனிதர்களிடையே வன்முறை எண்ணம் விதைக்கும் இக்கதையின் உட்கருவை கொண்டு சமீபத்தில் வெளிவந்த படம் என kingsman :the secret service என fb-ல் நமது பிளாக் நண்பர் லார்கோ வின்ச் குறிப்பிட்டு இருந்தார்...


      அட ..ஆமாம்ல என ஞாபகம் வந்தது............

      //////////கடைசி ரெண்டு பக்கம்கள் சூப்பர்////

      2000-ல் robin cook எழுதி வெளியான vector என்ற நாவலின் இறுதி பக்கம் இப்படித்தான் முடியும்....

      துரதிர்ஷ்டவசமாக என் பார்வையில் இக்கதையில் மிக சிறந்த பக்கங்கள் இவை மட்டுமே...:-)

      Delete
  61. To: எடிட்டர்,

    ஈரோட்டில் தங்களிடம் கேட்க நினைத்த கேள்வி....! ஆனால் மைக் கைக்கு வந்தவுடன் என்ன பேசுவது, என்ன கேட்பது என்று ஒன்றும் விளங்காமல்..., லானாவை கண்ட கிட் ஆர்டினைப்போல் " ஆர்ஹியூ " நிலைமையாகிப்போனது.சன்னமான பதற்றத்தில் என்னை அறிமுகப்படுத்திக்கொண்டு ' தப்பிச்சேன்டா சாமி 'என்று அமர்ந்து விட்டேன்..!
    கேள்வி இதுதான்...!
    தற்போதைய கருப்பு வெள்ளை மறுபதிப்புகள் மொத்தம் 65 கதைகள் உள்ளன என்று கூறியிருந்தீர்கள்.அவற்றுள் இரும்பு மனிதன் ஆர்ச்சியின் கதைகளும் உள்ளனவா...?

    தற்போதைய தரமான வடிவமைப்பிலும், தரமான காகிதத்திலும் ஆர்ச்சியை ரசிப்போமே...என்ற ஆர்வத்தில் இதை கேட்கிறேன்....!!!

    ReplyDelete
    Replies
    1. ஆர்ச்சியை காண ஆவலுடன் நான் ஆனால் ஆசிரியருக்கு அந்த ஐடியா இல்லை என்பது வருந்தத்தக்கது

      Delete
    2. @ செந்தில்.
      அடடா...! உண்மையாகவே வருந்தத்தக்கதுதான்...!

      Delete
  62. சார் இது வரை வந்த கதைகளில் இந்த வருடம் என்னை சிறிதும் சலிப்புறாமல் படிக்கச் செய்த கதைகள் இரண்டு .. ஒன்று என் பெயர் டைகர் ...மற்றயது ....நமது காமிக்ஸின் பொற்காலங்களில் படித்த அதே உணர்வை தந்ததென்றால் மிகை ஆகாது . ர் துவக்கமே விஞ்ஞானியின் பழிவாங்கும் நடவடிக்கயில் தவறு செய்யும் பெண்ணும்..ஏதுமறியா சிறுவனும் தண்டிக்கப்படுகிறார்கள் .வெறி பிடித்தவன் அப்பாவிகளை கூட விட்டு வைப்பதில்லை என காட்டியபடி விரைகிறார் ஆசிரியர் .படிக்கப் படிக்க பள்ளியில் நான் விரும்பி படித்த மரபியல் சார்ந்த கதை எனும் போது ஆர்வம் கூடுதலானது .....குரோமோசோம் களின் மைட்டோசிஸ் ....மையோசிஸ் ...செண்ட்ரியோல் என ஏதேதோ நினைவுக்கு வர....சிகப்பு நிறத்திற்க்கு காரணமான பாசி பன்மடங்கு பெருக அகோதிகவினரின் பழைய கதைகள் நினைவிற்க்கு வர..... இங்கோ தனி மனிதன் தன்னை நேசித்த ஒரே மனிதனின் இழப்பைத் தாங்காது போராடுகிறான் தனது அறிவை உபயோகித்து .வழக்கம் போல விஞ்ஞானத்தயும்...மெய்ஞானத்தயும் இணைத்துக் கதை பிரம்மாண்டமாய் பக்கத்திற்குப் பக்கம் விறுவிறுப்பாய்...யார் காரணம்...அந்த ஆராய்ச்சிப் பெண்மணியா ....இல்லை தந்தை இறந்ததால் அவர் உடலை மாற்றி அங்கே இறந்தவனாய் கருதப்பட்ட நியூட்டனேதானா...இரத்தப் படலம் போல மரபணுவை மாற்றி வைத்து விட்டு அவனே உயிரோடு இருக்கலாமோ என பல சிந்தனைகளை தூண்டி விட அட்டகாசமாய் விஞ்ஞானத்தோடு வீம்பாய் விளையாடிய படி வருகிறான் பாசக்கார.....அதிலும் கடைசி கட்டங்கள் மார்ட்டின்னா யாருன்னு படம் பிடித்துக் காட்ட....பழி வாங்குபவனின் மரணம் மனதைப் பிசைய பாச உணர்வின் வலிமையை நமது மனதிலும் ஏற்றிய படி பிரிகிறது மரணம் .அருமயான கதை வடிவமைப்பு நிஜம்தான் என்ற எண்ணத்தை ஏற்படுத்தச் செய்யும் அறிவியல் விளக்கங்கள் ......இவற்றை விட அவர்களுடன் மக்களேடு மக்களாய் நாமும் கரைந்து விட்ட பரபரப்பு என பரபரப்பாய் ....தொய்வில்லாமல் விறுவிறுப்பாட கதை என்னையும் , துப்பறிவாளனாய் கூடவே பயணிக்க செய்துவிட்ட திருப்தியில் நகர ......கசிதாசிரியர் தனது கதைபுனயணையும் திறமையை காட்டி அடடா என ஆச்சரியப் படுத்துகிறார் . நண்பர் செனாஆனாவின் அறிவியல் விளக்கத்தைப் பார்த்தேன் . எனக்கும் படிக்கும் போதே நிரடிய ஒரேரே இடம் அந்த பாக்டீரியா , ஆல்கே என்பதே ...மற்ற சில அறிவியல் பெயர்கள் சில படித்தது போலிருக்க அதன் அர்த்தம் ஏதும் நினைவில் இல்லையாதலால் எந்த உறுத்தலும் இன்றி தாண்டி விட்டேன் .ஆனால் நண்பரின் விளக்கத்தை பார்த்ததும் இருக்கும் நான்கைந்து அறிவியல் பெயர்களை பார்த்தால் தவறுகளை சரி செய்ய ாசிரியர் நெட்டில் தோண்டினால் அது குறித்து உணர்ந்த நண்பர்களும் சந்தோசமாய் செல்வதுடன் ..மைட்டாசிஸ் என்றால் இரண்டாய் பிரிதல் என பள்ளி சிறுவர்களும் கற்கஎளிதாய் உதவியதே என ாசிரியருக்கு கூடுதல் வேளைப் பளுவை கோரிக்கயாய் வைத்தபடி நகர்கிறேன் ..இந்த கதையின் வலிமையை உணர்ந்த மீண்டும் மறுமொழி பதிப்பு செய்ததற்க்கு கிட்டிய மாபெறும் வெற்றியை நண்பர்களின் உற்சாக விமர்சணங்கள் ....ஆசிரியரை உற்சாகபடுத்தியபடி நகர்வது கூடுதல் சந்தோசமளிக்கிறது . மொழி பெயர்ப்பு ,எடிட்டிங் தங்கள் கரங்களில் கிட்டியது தமிழ்காமிக்ஸ் உலகிற்க்கு வாய்த்த வரம் என்றால் மிகை அல்லவே.....சூப்பர் சார்....

    ReplyDelete
    Replies

    1. +1

      //..இந்த கதையின் வலிமையை உணர்ந்த மீண்டும் மறுமொழி பதிப்பு செய்ததற்க்கு கிட்டிய மாபெறும் வெற்றியை நண்பர்களின் உற்சாக விமர்சணங்கள் ....ஆசிரியரை உற்சாகபடுத்தியபடி நகர்வது கூடுதல் சந்தோசமளிக்கிறது . மொழி பெயர்ப்பு ,எடிட்டிங் தங்கள் கரங்களில் கிட்டியது தமிழ்காமிக்ஸ் உலகிற்க்கு வாய்த்த வரம் என்றால் மிகை அல்லவே.....சூப்பர் சார்....//

      :)

      Delete
  63. பதிவை படிக்க படிக்க மகிழ்ச்சி சார் ..

    இந்த ஒரு பதிவில் பலருக்கு பலவிதங்களில் பதில் தெரிவிக்கபட்டு இருப்பதை காண முடிகிறது சார்...


    ** டி சர்ட்ல எப்படிங்கோ பொம்மை போடலாம் ...


    **நீங்க எப்டிங்கோ ப்ரீயா சினிபுக்கு புக்கை வச்சு இலவசமா மொழிபெயர்ப்பு பண்றீங்கோ ...

    **டெக்ஸ் துப்பாக்கில குண்டு தீராதா..அவருக்கு உடம்பு கிடம்புக்கு ஒண்ணுமே ஆகாதா


    **மாதம் ஒரு டெக்ஸ் ஓகே தானா (தங்களுக்கே தோன்றும் வினா )

    இப்படி பல சந்தேகங்களுக்கு இப்பதிவு முற்று புள்ளி வைத்ததில்


    * மகிழ்ச்சி *

    ReplyDelete
  64. விரைவில் இத்தாலி செல்லவிருக்கும் திருப்பூர் நண்பருக்கு வாழ்த்துக்களுடன் மனமார்ந்த பாராட்டுக்களை தெரிவித்து கொள்கிறேன் ...


    ஆனால் ....ஆனால் ....


    பிறந்ததில் இருந்தே ...

    இத்தாலி ங்கா ...இத்தாலி ங்கா ...அப்படின்னு பச்சபுள்ளயாட்டம் அழுதிட்டு இருக்குற எங்கள் செயலாளர் அவர்களுக்கு முன்னரே நண்பர்கள் செல்லும் பொழுது மனது கொஞ்சம் வலிக்க தான் செய்கிறது ...


    நடுராத்திரி ரெண்டு மணிக்கு ஊருசனம் தூங்கிறுச்சு ன்னும் ....ரெண்டரை மணிக்கு கண்டுபிடிச்சேன் கண்டுபிடிச்சேன் புது பதிவை கண்டுபிடிச்சுன்னும் பாடிட்டு இருக்குற செயலாளர் அவர்களுக்கு ...

    " தலைமகனே கலங்காதே ...தனிமை கண்டு வருந்தாதே .."

    என்ற பாடலை டெடிகேட் செய்கிறேன் ....:-)

    ReplyDelete
    Replies
    1. த..தலீவரே...
      ;( _/\_
      _/\_
      ;(

      Delete
  65. சார் ....நண்பர்களின் பங்களிப்பு அருமை .....இரத்தப்படல அட்டை அட்டகாசம்...கிட்டுக்கு வாழ்த்துகள்...வழக்கம் போல அடுத்தமாத இபவ ெதிர்பார்த்தால் ...டெக்ஸ் அதவிட கூடுதல் எதிர்பார்ப்பை விதைத்து விட்டார்....சூப்பர் .

    ReplyDelete
  66. ரத்த படலம் முன்கதை சுருக்கத்தை உடனடியாக அனுப்பிய சேந்தம்பட்டி ரவிகண்ணருக்கு பாராட்டுக்கள் ...

    அதே சமயம்

    மறதிகார நாயகரை ...காமெடி நாயகராக மாற்றி மட்டும் இருந்தால் பிச்சு பிச்சு ....ஆமா சொல்லிபுட்டேன் ....:-)

    ReplyDelete
  67. TeX and martin stories sema...more martin stories next year sir

    ReplyDelete
  68. ரத்த படலம் முன்கதை சுருக்கத்தை உடனடியாக அனுப்பிய ரவிகண்ணருக்கு பாராட்டுக்கள்

    ReplyDelete
  69. அனைவருக்கும் வணக்கம்.

    ReplyDelete
  70. ஒரு வருட இடைவெளிக்கு பிறகு வீடு திரும்பி அனைத்து பண்டில்களையும் பிரித்ததே ஆனந்தமாக இருந்தது. நான் முதலில் படிக்க ஆரம்பித்தது டெக்ஸ் கதைகளையே. முதல் முறை தலையில்லா போராளியும் நேரில் பார்த்த பொழுது அட்டகாசமாக இருந்தது. அடுத்த வருடம் மேக்ஸி கதைகளின் எண்ணிக்கையை கண்டிப்பாக அதிகரிக்க ஆவன செய்யுங்கள் சார். அனைத்து டெக்ஸ் கதைகளும் அருமை. அதிலும் எமனின் வாசலில் சித்திரங்கள் அருமை அதுவும் டெக்ஸ் முகத்தில் பல வித பாவங்களை பார்த்தது இதுவே முதல் முறை என நினைக்கிறேன். சார் ஒரு வேண்டுகோள் டைகர் தனியாக ஹார்டு பவுண்ட் அட்டையில் வருவது போல டெக்ஸ் மேக்ஸி சைசில் ஹார்டு பவுண்ட் அட்டையில் வேண்டும்.

    ReplyDelete
    Replies
    1. ஈரோடில் இத்தாலி கதைகள் அனைத்தும் அருமை. ஆக்சன் குறைவாயினும் ஒரு கனவாயின் கதை நன்றாகவே இருந்தது. கிட்டை சந்திக்கும் முன் நடந்த கதை எனும் போது டெக்ஸ் இளமையாக இல்லாதது ஒரு குறையே.

      மற்றும் ஒரு வேண்டுகோள் மர்லின் மன்றோ ராபினுடன் சாகசம் புரியும் கதையை விரைவில் வெளியிட வேண்டும் சார்.

      Delete
    2. @ Krishna v.v

      ஞாயிறன்று ஈரோடு வருவதாகச் சொல்லியிருந்தீர்களே? வந்தீர்களா அல்லது நீங்கள் வந்த செய்தி என் காதுக்கு வரவில்லையா?

      Delete
  71. உங்களைக் கொலை செய்ய முயற்ச்சித்தவன் விவியனின் கனவனா??
    ஹா..ஹா..!!
    செம நையாண்டி..!
    அத்தனை ரண களத்திலும் க்ரெளச்சோவின் கிளு கிளுப்பு படு சுவாரஸ்யம்!
    மீண்டும் ஒரு பந்தை சிக்ஸருக்கு விளாசியிருக்கிறார் டைலன்..!

    ReplyDelete
  72. இறைச்சிக்காக அங்காடி நுழையும் அந்தப் பெண்மணி அங்கு அரங்கேற்றம் கண்டு விட்ட அந்தக் கொடுரம் பார்த்த அதிர்ச்சியில் நினைவு தப்புகிறாள்..
    நினைவு தப்பிய நிலையிலும் அரக்கத் தனமாய் வெட்டப்படுகிறாள்..
    துடித்து அடங்கும் கை விரல்கள்...
    என்னோடு பேசிய ஓவியங்கள்...!!

    ReplyDelete
  73. ராபினின் வண்ணச் சேர்க்கை அள்ளுகிறது..!

    ReplyDelete
  74. தல "டெக்ஸ்" கத இம்முன்ற பிளாஷ்பேக் பாணியில் அனமந்த உண்னம கனதயின் வெளிப்பாடு அருனம....
    னடலான் டாக் கதயின் சித்திரம் அசாத்தியமானது, மீண்டும் மீண்டும் பார்க்க தூண்டும் அவல் உள்ளது...
    னடலான் டாக் வண்ணத்திலே வரட்டும் சார்....
    ராபின் கதயின் வண்ணமும் கதயோட்டமும் அருனம....
    மார்டின் கத அறிவியல்+ சரித்திரம் புதியபாணி நன்றாக உள்ளது....
    மொத்தத்தில் ஈரோட்டில் சரவெடி.......தொடரட்டும் பயணம்.....

    ReplyDelete
  75. எடிட்டர் அடிக்கடி குண்டக்க மண்டக்க கேள்விகளுக்கு பதில் சொல்ல வேண்டிய அவசியம் ஏற்படுவதால் இனி அம்மாதிரியான கேள்விகளுக்கு ரொம்பவும் மெனக்கெட்டு பதில் சொல்வதைவிட வடிவேல், சங்கிலி முருகன் பாணியில் சொன்னாலே மறுபடி மறுபடி அம்மாதிரியான கேள்விகள் எழவாய்ப்பில்லை!! உதாரணத்துக்கு கொஞ்சம்:
    கேள்வி: கூரியர் கட்டணம் என்று தனியாக வாங்கிவிட்டு ஒரே பெட்டியில் முத்து மினி காமிக்ஸை அனுப்பியது ஏன்?
    எடிட்டர்: எந்த பெட்டி?
    கேள்வி: முத்துமினி காமிக்ஸ் வந்ததே. அந்த பெட்டி.
    எடிட்டர்:எந்த முத்து மினி காமிக்ஸ்?
    கேள்வி: நாற்பது வருஷத்துக்கு முன்னால் வெளியாகி இப்போது மறுபடி இருபது ரூபாய்க்கு வெளியிட்டீர்களே. அந்த முத்து மினி காமிக்ஸ்.
    எடிட்டர்:எந்த இருபது ரூபாய்?
    இப்படி போய்க்கொண்டே இருக்கலாம். லேட்டஸ்ட்டாக வேண்டுமானால்....
    கேள்வி: ஈரோடு புத்தக விழாவில் டெக்ஸ் படத்தை டெக்ஸின்!! அனுமதியில்லாமல் டி ஷர்ட்டில் பதித்து வாசகர்கள் எப்படி அணியலாம் ? எடிட்டர்:எந்த டி ஷர்ட்?
    கேள்வி: வாசகர்கள் டெக்ஸ் படம் போட்டு வந்தார்களே அந்த டி ஷர்ட்!!
    எடிட்டர்: எந்த வாசகர்கள்?
    கேள்வி: பேரெல்லாம் தெரியாது.புகைப்படத்தில் சிரித்துக்கொண்டு நிற்கிறார்களே.அவர்கள்தான்
    எடிட்டர்: எந்த புகைப்படத்தில்?
    கேள்வி கேட்டவர்:( கோபம் வெளிப்பட) விளையாடாதீர்கள்.நான் கேட்பது புரியவில்லையா?
    எடிட்டர்:என்ன புரியவில்லையா?
    கேள்வி கேட்டவர் பக்கத்தில் இருப்பவரை ரெண்டு சாத்து சாத்திவிட்டு" ஏன்யா? நான் சரியாதானே பேசறேன்?"
    எடிட்டர்:என்ன சரியா பேசுறே?
    .இப்படியும் போய்க்கொண்டு இருக்கலாம்.
    நான்: தோழர்களே.நான் சொல்வது சரிதானே?
    தோழர்கள்:என்ன சரிதானே?
    நான்: எடிட்டருக்கு சில யோசனைகள் சொன்னேனே!
    தோழர்கள்: என்ன யோசனை?
    இப்படியே எல்லாருக்கும் இந்த வியாதியை பரப்பிவிடலாம். முடிவாக நான்: இந்த மாபெரும் யோசனையை சொன்ன என்னை புகழ்ந்து பதிவிடுவது எனக்கு பிடிக்காது!
    தோழர்கள்:எந்த மாபெரும் யோசனை??
    நான்!!!!(அதோ தூரத்தில் தலைதெறிக்க ஓடும் உருவம் அடியேன்தான்!!)
    ஐடியா கொடுத்த எனக்கே ஆப்பு வைத்துவிட்டார்களே நம் தோழர்கள்!!!

    ReplyDelete
  76. ஈரோடு புத்தக காட்சியில் அவ்வளவு பரபரப்புக்கு இடையிலும் தேடி வந்து டெக்ஸ் டீ சர்ட் அளித்த நண்பர் சிவகுமார் அவர்களுக்கு அன்று நன்றி சொல்ல கூட நேரமில்லாமல் சென்று விட்டேன் ..நண்பர் மன்னிக்க ....

    மனமார்ந்த நன்றிகள் நண்பரே ....

    ReplyDelete
  77. பாக்யராஜ் அவர்கள் வாங்கிய 6 இதழ்கள் என் பார்வையில்
    1.மிண்ணும் மரணம்
    2.தலையில்லா போராளி
    3.தேவ ரகசியம் தேடலக்கல்ல
    4. மாயாவி
    5.இரவே இருளே கொல்லாதே
    6.இரத்தப் படலம்

    ReplyDelete
  78. அன்பு ஆசிரியரே...!
    பிரின்டிங் தரத்ததை மேம்படுத்தும் வகையில் ஏதாவது புது மெஷின் சற்று மலிவாக கிடைக்காதா?அதையும் சற்று கவனியுங்களேன்.
    ஈரோட்டில் இத்தாலி அட்டைப்படம் உலக தரம் என்றால் உள்ளே அதற்கு ஈடான தரம் குறைவு.வண்ணங்கள் ஓகே என்றாலும் ஷார்ப்னஸ் இல்லை.பல சிகரங்களை தொட்டுவிட்ட தங்களுக்கு பிரின்டிங் தரம் என்பது ஒரு எட்டா கனியாகவே உள்ளது.
    இதையே சொல்லி நான் வேறுப்பேற்றுவதாக தாங்கள் எண்ணக்கூடும்.ஆனாலும். வேறு வழியில்லை எனக்கு.இந்த குறை தீர்க்கப்படும் வரை சுட்டிக்காட்டுவேன்.
    அப்புறம் சமீபத்திய சில இதழ்களில் உங்கள் எழுத்துகளின் Flavours மிஸ்ஸிங்.
    எங்கோ பிசிறு தட்டுகிறது. இதையும் தங்களின் கவனத்திற்கொண்டுவருகிறேன்.

    ReplyDelete
    Replies
    1. ஙே .....

      பாஷா ஜீ ....அச்சு வண்ண தரம் ஈரோட்டில் அசத்தல் ரகம் என பலரும் பாராட்ட ஆசிரியர் உங்களை தான் நினைவு கூர்ந்தார் ..பாஷா ஜீ இங்கே வந்திருந்தார் இதழை பார்த்து மிகவும் சந்தோச பட்டிருப்பார் என ....:-(

      Delete
    2. AHMEDBASHA TK : அட..."Present சார்" என்ற மாமூல் பதிவைத் தாண்டி குறை சொல்லவாவது வந்தீர்களே என்ற மட்டிலும் சந்தோஷம் !

      மொழிபெயர்ப்பில் ப்ளஸ் - மைனஸ் தெரிந்திடலாம் நண்பரே - அது சகஜமே ! வயதாகிறதல்லவா என் பேனாவுக்கும் ? நிச்சயமாய் இன்னும் கூடுதல் சிரத்தை எடுக்க முயல்கிறேன்.

      அச்சில் துல்லியம் பற்றாது..இத்யாதிகளெல்லாம் எனக்கு கடுப்பேற்றவில்லை ; மாறாக புன்னகையைத் தான் கொணர்கிறது. 2 தினங்களுக்கு முன்பாய் சிவகாசியின் டாப் 3 அச்சகங்களுள் ஒன்றின் உரிமையாளர் - (நமது நெருங்கிய நண்பரும், வாடிக்கையாளரும்) நம் அலுவலகம் வந்திருந்தார். என் மேஜையில் கிடந்த இந்த இதழைப் பார்த்துவிட்டு, ஆர்வமாய்ப் புரட்டியவர் "நிஜமாகவே இது நீங்கள் அச்சிட்டது தானா ?" என்று திகைத்துப் போய்க் கேட்டார் ! அவரிடம் உள்ளவை சகலமும் 6 கோடி ரூபாய்க்கு மேலான விலைகொண்ட புத்தம் புது அச்சு இயந்திரங்கள் மட்டுமே ! சம்பவம் 2 : டைலன் டாக் அதிதீவிர ரசிகருக்கென இத்தாலிக்கே அதற்குள்ளாக கூரியரில் பிரதிகள் அனுப்பப்பட்டு, இந்த இதழின் தரத்தைப் பார்த்து அவர்களது குழு வாய் பிளந்துள்ளனர் !

      So 50 கோடி ரூபாய் முதலீட்டில் அச்சகம் நடத்தும்,இத்துறையில் பழம் தின்று கொட்டை போட்ட அனுபவசாலியின் பாராட்டுக்கள் ; படைப்பாளிகளின் தேசத்தில் ஒரிஜினலையும், நமது வார்ப்பையும் ஒருங்கே ஒப்பிட்டுப் பார்க்க வாய்ப்புள்ள ரசிகர்களின் பாராட்டுக்கள் ; அப்புறம் இங்குள்ள 99 சதவிகிதத்தினர் திருப்தி என்று சொல்லியிருக்கும் தரத்தைக் கொண்டு எப்படியாவது வண்டியை ஒட்டி விடுவோம் சார் !

      100% எட்டாக்கனியாக இருந்திடலாம் ; but முயற்சிகளைத் தொடருவோம் !

      Delete
  79. பொருப்புதுறப்பு :-
    கீழ்காணும் (காணப்போகும்) புகைப்படத்தில் இடம்பெற்று இருக்கும் நபர்கள், வசனங்கள், சம்பவங்கள் யாவும் கற்பனையே. யாரையும் குறிப்பிடுவன அல்ல. சிரிக்க மட்டுமே.!

    ஈரோட்டுத் திருவிழாவின் அடுத்தொரு ஜாலி பகிர்வினை காண


    இங்கிட்டு அமுக்குங்கோ

    ReplyDelete
    Replies
    1. ஹா,ஹா செம கண்ணன்,
      அப்புறம் இன்னொன்று - (பொருப்புதுறப்பு)பொறுப்பு துறப்பு என்பதே சரி என்று நினைக்கிறேன்.

      Delete
  80. ஞாயிறு வணக்கங்கள் விஜயன் சார் :)
    ஞாயிறு வணக்கங்கள் காமிக்ஸ் நண்பர்களே :)

    ReplyDelete
    Replies
    1. உங்க பேட்டைக்கு நம்ம கடை வரவுள்ளதுங்கோ...! காலையில் தான் ஸ்டால் நம்பர் சொன்னார்கள் !!

      Delete
    2. I am Ready with my family :)

      கவிஞர் நா.முத்துக்குமார் குறித்த செய்தி படித்த வுடன் கஷ்டமாகி விட்டது ஆசிரியரே :(

      I think he gonna talked big in Kovai big fair

      Delete
  81. Shocking news. Na.Muthukumar passed away. Age just 41. Feeling sad.

    ReplyDelete
    Replies
    1. நிஜமாகவே ஷாக் தரும் செய்தியே ! மஞ்சள் காமாலை நோய் எத்தனை வில்லங்கமானது என்பது புரிகிறது.....! RIP sir....

      Delete
    2. "கண்டுபிடித்ததிலிருந்தே
      தப்பாட்டம் ஆடுகிறார்கள்
      அணுஆயுதப் பந்தில்." என்ற அருமையான வரிகளையும்
      "இயற்கையோடு இணைந்தால் உலகம் முழுதும் அழகு.
      கவலை யாவும் மறந்தால்
      இந்த வாழ்க்கை முழுதும் அழகு."
      இப்படியாக ஏராளமான அருமையான விதைகளை நமக்குள் விதைத்த
      கவிஞர். நா.முத்துக்குமார் அவர்களின் மரணம்....
      தமிழுக்கு மாபெரும் இழப்பு.
      எனது ஆழ்ந்த வருத்தங்கள்.

      Delete
    3. நம்பவே முடிய வில்லை :( :'(
      எனக்கு பிடித்த கவிஞர் அவர்
      RIP Na.Muthukumar Sir

      மனது பாரமாகி விட்டது

      Delete
  82. director k . bagyaraj's buying selections will be mostly , steel claw becoz he , in one os his movies with actress meenakshi ,acted as mayaavi character

    ReplyDelete
  83. @ ALL : கோவை புத்தக விழா இந்தாண்டு விமரிசையாக இருக்கும் போல் தெரிகிறது. பெரிய பதிப்பகங்கள் பலவும் பங்கேற்க இறுதி நேரத்தில் ஆர்வம் காட்டியுள்ளன என்பதால் ஸ்டால்களின் எண்ணிக்கை 260 வரை இருந்திடும் !

    நமது ஸ்டால் நம்பர் : 181 !

    விழாவின் தேதிகள் : ஆகஸ்ட் 19-28 வரையில் !

    கொடிசியா அரங்கினில் !

    தயாராகிக் கொள்ளுங்கள் கோவைப் பகுதியின் நண்பர்களே !!

    ReplyDelete
    Replies
    1. ஹிப் ஹிப் ஹூர்ரே......!
      ஹிப் ஹிப் ஹுர்ரே......!

      Delete
    2. சூப்பர் சார் ....கடல் யாழ் சகோ கவனிக்க ....:-)

      Delete
    3. சூப்பர் சார்...
      @கோவை மற்றும் திருப்பூர் நண்பர்கள்
      நாம் நம் காமிக்ஸ் ஸ்டாலுக்கு ஒன்று இணைந்து செயல் படுவோம்...Lets have discussion
      Seniors plz guide me

      இரண்டு சனி, ஞாயிறு-களும் ஸ்டாலில் இருக்க நான் தயார்

      Delete
  84. அடுத்த வருடம் மார்ட்டினிக்கு கூடுதல் ஸ்லாட்

    #

    தாராளமாக கொடுங்கள் சார் முடிந்தால் சமர்ப்புக்கு பதிலாக மார்டினை இனையுங்கள் ..நோ ப்ராபளம் ...:-)

    ReplyDelete
  85. மதிய வணக்கம் அனைவருக்கும். நிறைவான பதிவு எனது எண்ணங்கள் நண்பர்களின் உரையாடல்களில் தெரிகிறது. ஒரே ஒரு கேள்வி போனெல்லி வெளியிடும் தல டீ சர்ட் நம் காசுக்கு எவ்வளவு வரும்? நன்றி

    ReplyDelete
    Replies
    1. நம் பையைப் பொத்தல் போடும் அளவிற்கு என்று மட்டும் வைத்துக் கொள்ளுங்களேன் !

      Delete
  86. @ ALL : நடிகர் கே.பாக்கியராஜ் சார் வாங்கிய 6 இதழ்களின் விபரம் : மாயாவி....மாயாவிகாரு...மிஸ்டர் மாயாவி....மாயாவிச் சேட்டன் ; மாயாவிஜி & ஸ்டீல் க்ளா !!

    ReplyDelete
    Replies
    1. சந்தா M ரெடி ஆகுமோ ஓஓஓஓஓஓஓஓ :-)

      Delete
    2. He is one of the Die Hard Fans of steel claw, He also likes Jhony Nero and Stella, which he himself said during a reality show a long ago.

      Delete
  87. எடி சார் விற்பனையில் மாயாவி, டெக்ஸ், லக்கிலூக் இவர்களெல்லாம் கலக்குவது சரிதான்.
    ஆனால் அதே பட்டியலில் முத்து மினி காமிக்ஸூம் இடம் பெறுவதற்கு ஒரே காரணம்தான் இருக்க முடியும்.கதையா?(இல்லை). சித்திரமா? ( நம்ம உள்ளூர் ஓவியர்கள் இதைவிட கலக்கலாக வரைவார்கள்)
    பின்ன என்னதான் காரணம் என கால் கட்டை விரலை வாய்க்குள் நுழைத்தபடி யோசித்தால் ஒரே காரணம்தான்.விலை. ஆமாம்! அதன் எளிய விலைதான் சார் காரணம்!!
    எல்லோராலும் வாங்கமுடிந்த விலை.
    இதன் மூலம் சொல்லவரும் சேதி.
    உங்கள் மேஜையில் மீளாத்துயிலில் உள்ள ரிப் கெர்பி, காரிகன், விங் கமாண்டர் ஜார்ஜ், சார்லி போன்றோரின் கதைகளை இதே அளவில் குறைந்த விலையில் " ஆறு புத்தகம் கொண்ட செட்"ஆக வெளியிட்டால் இன்னமும் விற்பனைகூட வாய்ப்புள்ளது சார். ஏனெனில் முத்து மினி காமிக்ஸில் வந்த நாயகர்களை பலருக்கும் தெரியாது. அவர்களே விற்பனையில் கலக்கும் போது உங்களது மேஜையில் நித்திரையில் உள்ளோரோ பலருக்கும் அறிமுகமானவர்கள். இவர்களை எல்லோரும் வாங்கும் விலையில் வெளியிடலாமே.
    மலிவு பதிப்பில் இவர்கள் நிச்சயம் சாதிப்பார்கள் சார். நியாயமாக தெரிந்தால் என் கருத்தை கொஞ்சம் பரிசீலிக்கலாமே.

    ReplyDelete
  88. கோவையில்
    புத்தக கண்காட்சி திருவிழா

    நமது
    Lion-muthu Comics
    ஸ்டால் எண் 181

    இடம் :
    கொடிசியா வளாகம்

    நாள் : 19/08/2016 To 28/08/2016

    கோவை,
    திருப்பூர்,
    உடுமலை,
    பொள்ளாச்சி,
    மேட்டுப்பாளையம்.
    இதன் சுற்று வட்டாரத்தைச் சேர்ந்த நமது காமிக்ஸ் நட்பு வட்டங்களுக்கு தகவல் தெரிவிக்கவும்
    அனைவரும் வருக

    ReplyDelete
  89. இம்மாத இதழ்களின் ரேட்டிங்
    1.கணவாயின் கதை.7/5
    2.காலை எடுத்தவுடன் கொலை.7/5
    கிளைமேக்ஸ் அருமை டைலன் அலட்டி கொள்ளாமல் வில்லன்களை போட்டுத் தள்ளுகிறார்
    3.பூமிக்குள் ஒரு பிரளயம் 7/5
    மேஜிக் விண்ணப் கிடைத்த சந்தர்ப்பத்தை நன்றாகவே பயன்படுத்தியிருக்கிறார்
    4.காற்றில் கரைந்த காதலி.7/5
    5.சுட்டீ பயில்வான் பென்னி.8/5
    தரமான அறிமுகம் ஸ்மர்ப்பை போல் ஏமாற்றாமல் அருமையாக இருந்தது
    6.இனியெல்லாம் மரணமே.9
    மார்ட்டினுக்கு தாரளமாக இன்னொரு வாய்ப்பு தரலாம்
    7.திகிலூட்டும் நிமிடங்கள். 8/5
    மறு வாசிப்பாக இருந்தாலும் சூப்பராக இருந்தது லாரண்ஸ்&டேவிட்டின் புதிய சாகசங்களை காண ஆசை.
    8.காண்கிரீட் காணகம. 9
    தனியாக வாசிக்க இன்னும் அருமையாக இருந்தது இதே போல் ஸ்பெஷல் இதழ்களில் வந்த மற்ற கதைகளையும் அவ்வப்போது வெளியிடுங்கள் ஸ்பெஷல் இதழ்களை மிஸ் செய்தவர்கள் பயணடைவார்கள்


    ReplyDelete
  90. ஈரோட்டு கறுப்பு பூனை பற்றி இத்தாலியில் பேசியது மகிழ்ச்சி. நன்றிகள் பல திருப்பூர் குமார்க்கு. இன்று ஈரோட்டில் இத்தாலி நாளை இத்தாலில் ஈரோடு உறுதி (coming soon)..

    ReplyDelete
  91. Present Edit!
    for next 21days one hand typing(wrest fracture ) bear me and enlipeach.

    happy to see too many good news, wish to see official t-shirts sold in our online shop. good to see lionmuthu in cbe book fair, sad i am not in cbe now.

    ReplyDelete