Saturday, October 24, 2020

பணியும்..பனியும்..!

நண்பர்களே,

வணக்கம். இந்த ஒற்றை வாரத்தில் ஈ டீக்கடையில் ஞான் ஆத்துவதை விடவும் ஜாஸ்தியாய் டீ ஆத்தும் கடமை நிங்களுக்குள்ளது ! அதற்குக் காரணங்கள் இரண்டு ! இல்லே..இல்லே..மூணு !

பிரதானமானது – காத்திருக்கும் நவம்பரின் பணிகள் டாப் ஸ்பீடில் இக்கட ஓடிக் கொண்டிருப்பதே ! ஒவ்வொரு சமீப ஆண்டுமலரையும் நமது ஒல்லிப் பிச்சான் மஞ்சள்சட்டையோடும், ஒவ்வொரு தீபாவளியையும் திடகாத்திர மஞ்சள்சட்டையோடும் கொண்டாடி வருவது தெரிந்த சமாச்சாரமே ! And true to form – இம்முறையுமே தீபாவளி with டெக்ஸ். அட்டவணையினில் ஒரு முன்னணியான ஸ்தானத்தைப் பெற்றுள்ளது  ! திட்டமிடும் போது பந்தாவாய் 500 பக்கம் / 600 பக்கம் என்றெல்லாம் போட்டு விடுவது செம ஜாலியாகத் தானுள்ளது ! ஆனால் 'அள்ளி விடும் அழகப்பனின்' பாணி சுலபம் ; புஜம் கதற செயலில் இறங்க வேண்டிய செங்கோடனின்  பணி சுலபமேயல்ல என்பதை 101-வது முறையுமே கண்டுபிடித்து வருகிறேன் ! டெக்ஸ் தான்... நம்ம கார்சன்  தான்... நேர்கோட்டுக் கதைகள் தான்... black & white தான்... So பெருசாய் சிக்கல்கள் இருந்திடக் கூடாது தான் ! அதாவது – ஒரு உத்தம உலகினில் சிக்கல்கள் இருந்திடக்கூடாது தான் ! ஆனால் நாம் வசிப்பதோ உத்தமங்கள் வீசம்படி எவ்வளவென்று கேட்கும் உலகில் தானே ? So எந்தத் திட்டங்கள் தான் drawing board-ல் உள்ள அதே எளிமையோடு நடைமுறை கண்டிட முடியும் ?

2 MAXI நீளங்களிலான டெக்ஸ் சாகஸங்கள் இம்முறை ! (அண்ணோவ்ஸ் : கவனிக்க - MAXI நீளங்கள் மட்டுமே   !!) முதலாவது “யுத்த பூமியில் டெக்ஸ்”! பெயரே கதையின் பாதியைச் சொல்லி விடுவதால் – இது நமது ‘தல‘ ப்ளாஷ்பேக் என்பதை உங்களில் நிறையப் பேர் யூகித்திருக்கலாம் ! And yes – அமெரிக்க வரலாற்றினில் ஒரு நீங்காக் கறுப்புப் புள்ளியாகவும், பின்நாட்களில் வன்மேற்கு சார்ந்த நாவல்கள், காமிக்ஸ் போன்ற படைப்புகளின் ஆசிரியர்கள் விடாப்பிடியாய்ப் பிடித்துத் தொங்கிக் கொள்ளவொரு கிளையாகவும் அமைந்து போன வடக்கு Vs தெற்கு (Union vs Confederates) என்ற உள்நாட்டுப் போரே இங்கே பின்புலம் ! பெரியவர் போனெலியின் கைவண்ணத்தில் உருவான இந்த ஆல்பமானது டெக்ஸின் ரசிகர்கள் அத்தனை பேருக்கும் ஒரு “இன்றியமையா இதழ்” என்ற பாணியில் நிறையவே இன்டர்நெட் குறிப்புகளைப் பார்த்திட முடிந்தது ! So எனது கதைத் தேர்வு அமைந்தது அந்தப் பின்னணியிலேயே & பணிகளுக்குள் புகுந்த போது தான் அதன் காரணமும் புரிந்தது ! நம்மவருக்கு இந்த யுத்தத்தில் இருந்த நேரடிப் பங்கு பற்றி பிசிறின்றி கதை நகற்றிச் சென்றுள்ளனர் ! அதே சமயம், இது இரவுக் கழுகாரின் “ரேஞ்சர் நாட்களுக்கு” முந்தைய காலகட்டம் என்பதால் நெஞ்சில் பாட்ஜோடு எதிரிகளை துவைத்துக் காயப் போடுவது இங்கு நிகழ்வதில்லை ! மாறாக யுத்தமண்ணிலும் வீரத்தை, விவேகத்தைக் காட்டி டெக்ஸ் களமாடுவதே இந்த 300+ பக்க சாகஸம் ! ஒரு பக்கம் யுத்த பூமி.. யுத்த மாந்தர்கள்... யுத்த யுக்திகள் என சகலமும் வரலாற்று வரிசைப்படிக் கச்சிதமாய் இருந்திட, அதனூடே நம்மவரை நுணுக்கமாய் நுழைத்திட பெரியவர் போனெலி அழகாய்த்  திட்டமிட்டுள்ளார் ! And சமீப மாதங்களின் நடைமுறை இப்போதுமே அமலில் – இன்டர்நெட்டில் தகவல்கள் தேடும் பொறுப்புகள் சொல்லோ ! அக்டோபர் இதழ்களின் பொருட்டு அமெரிக்க அரசியல் பற்றிப் படிக்க நேர்ந்ததெனில் – தற்சமயம் அமெரிக்க வரலாற்றுக்குள் எட்டிப் பார்க்க அவசியப்பட்டது ! போகிற போக்கில், இப்டியே தொடர்ந்தாக்கா – நெக்ஸ்டு அமெரிக்க அதிபர் தேர்தலில் அண்ணாத்தே கூட நிற்கலாம் போலிருக்குது ! 2024 !! போடுங்கய்யா வோட்டு – ஆந்தை சின்னத்தைப் பார்த்து !

ஆல்பத்தின் கதை # 2 – மௌரோ போசெல்லியின் ரொம்பவே வித்தியாசமான கைவண்ணம் - பனிவனப் படலம்  ! இங்குமே கதையின் தலைப்பு ஒரு giveaway எனும் போது – மாமூலான மொட்டைப் பாலைவனங்களில் நம்மவர்கள் சுற்றித் திரியப் போவதில்லை என்பது புரிந்திருக்கும் ! And கதை சுற்றிச் சுழல்வது கனடாவின் பிரம்மாண்ட பனி பூமியினில் என்பதையுமே யூகித்திருக்கலாம் ! இந்த ஆல்பத்தின் உரிமைகளை நாம் வாங்கியது 3 ஆண்டுகளுக்கு முன்னமே ! And இதன் மொழிபெயர்ப்பை கருணையானந்தம் அங்கிளிடம் ஒப்படைத்ததும் 36 மாதங்களுக்கு முன்பாகவே ! ஆனால் தொடர்ந்த ஆண்டுகளில் இத்தனை பக்க நீளத்திலானதொரு மெகா சாகஸத்தை நுழைக்கும் சந்தர்ப்பங்கள் சரிவர அமையாது போனதால், இது வெயிட்டிங்கிலேயே இருக்க நேரிட்டது ! 2020 -ன் அட்டவணையினுள் இதனை நுழைத்தே தீருவது என்ற தீர்மானத்தின் பலனே இந்த "தீபாவளி with TEX ! ஒரு மாதிரியாய் இதன் டைப்செட்டிங் பணிகள் சில நாட்களுக்கு முன்பாய்த் துவங்கியிருக்க – முதலிரண்டு பாகங்கள் நிறைவுற்று என் மேஜையில் காத்துள்ளன எடிட்டிங்கோசரம் ! சுமார் 30 பக்கங்கள் வரையிலேயே தான் நானும் வாசித்திருக்கிறேன் – ஆனால் மெய்யாலுமே இதுவரையிலும் இக்கதையின் plot பற்றித் துளியும் யூகிக்க முடியவில்லை ! கதை துவங்குவதே பனிபடர்ந்த ஆற்றில் ஒற்றைப்படகில் மிதந்து வரும் சடலத்தோடு எனும் போது துவக்கமே மர்ம கியர் எகிறுகிறது ! ஆர்வம் தாளாமல் பின்பக்கங்களைப் புரட்டிப் பார்த்தால் ஏகப்பட்ட ஆக்ஷன் தெறிக்கிறது & அத்தனையும் நடுங்கச் செய்யும் கனேடிய பனிவனங்களில் எனும் போது டெக்ஸ் & தாத்தா சார் செம கம்பீரமாய் பனி அங்கிகளை அணிந்து கொண்டு கதை நெடுக வலம் வருவது தெரகிறது ! வெள்ளியிரவினில் தான் “யுத்த பூமியில் டெக்ஸ்” முப்பாகத்தினில் எனது பணிகள் முடித்து DTP-க்கு ஒப்படைத்திருக்க, அதனில் திருத்தங்களை இப்போது போட்டு வருகிறார்கள் !  So அவர்களை யுத்த பூமி பிசியாக வைத்திருக்க, என்னையோ பனி பூமி அழைக்கிறது ! இன்றோ - நாளையோ அதனிலும் எனது வேலைகளை முடித்துக் கொடுத்து விட்டால், விடுமுறைகள் முடிந்த நாட்களில் அச்சுக்குப் புறப்பட்டுவிடுவோம் ஜல்தியாய் !  In the meantime yet another பனிவனம் அழைத்து நிற்கிறது – இம்முறையுமே நம் இரவுக்கழுகாரின் உபயத்தில் ! அது வேறெதுவுமில்லை; தீபாவளி மலரோடு வண்ண இணைப்பாக வந்திடவுள்ள 32 பக்கச் சிறுகதை ! And தமிழ் சினிமாக்களுக்கு இத்தாலியிலும் ஒரு audience உண்டென்பதை என்னளவுக்கு நம்பச் செய்யும் சிறுகதை இது ! Simply awesome !! அதற்குப் பேனா பிடிக்கும் பணியையும் நிறைவு செய்திட்டால், நவம்பர் இதழ்களின் செம tough பணிகளுக்கு சுபம் போட்ட திருப்தி கிட்டிடும் ! 650+ பக்கங்கள் எனும் போது, ராவுக்குக் கட்டையைக் கிடத்தினாலுமே உறக்கம் பிடிக்க மறுக்கிறது ! பண்டிகை நாள் November 14-ம் தேதி தான் என்றாலும், இம்முறை நவம்பர் 9-ம் தேதியே டெஸ்பாட்ச் செய்தாக வேண்டும் என்பதில் முனைப்பாகவுள்ளோம் ! And இந்த அறுநூற்றுச் சொச்சப் பக்க புக்கானது hardcover எனும் போது, பைண்டிங்கிற்கு போதிய அவகாசம் தந்திட வேண்டியுள்ளது ! So பத்தி பத்தியாய் பதிவுச் சாயாவை ஆத்திடாது, இம்முறை பணி சார்ந்த சாயாவை ஆத்துவதே சாலச் சிறந்ததென்று பட்டது ! (இப்படிச் சொல்லியே 3 மாடியைக் கட்டிப்புட்டியே மன்னாரு?! - காமிக்லவர் மைண்ட்வாய்ஸ் )

And இதோ – நமது அமெரிக்க ஓவியை + நமது டிசைனர் பொன்னனின் கூட்டணியிலான இந்த மெகா இதழுக்கான அட்டைப்பட முதற்பார்வை ! 

எப்போதையும் விட இம்முறை நகாசு வேலைகளையும் அடித்துத் தாக்கியுள்ளோம் என்பதால், ஆல்பம் உங்கள் கைகளை எட்டும் போது, தடவிப் பார்த்து ரசிக்கவே நிறைய நேரத்தையும் கைவசம் வைத்துக் கொள்ளல் தேவலாம் என்பேன் ! இதோ – இரு ஆல்பங்களிலிருந்தும், சில உட்பக்க previews :


சாயா ஆத்தும் கடமையை நிங்கள் கைகளில், இம்முறை நான் ஒப்படைக்க நினைக்கும் காரணம் # 2 பற்றி இனி...! 

ஒற்றை வாரமே காத்துள்ளது – நமது 2021-ன் அட்டவணை ரிலீஸுக்கு! ஒன்பது மாதங்களுக்கு மட்டுமே திட்டமிடல் என்பதால் absolutely essential என்ற நாயக / நாயகியரைத் தவிர்த்து பாக்கிப் பேருக்கெல்லாம் இதயத்தில் மட்டுமே இடம் என்பதில் no secrets ! ஆகையால் இம்முறை அட்டவணையை யூகிப்பதில் உங்களுக்கு பெரிதாய்ச் சிரமங்கள் இராதென்றே படுகிறது எனக்கு ! So இந்த வாரம் ஆளுக்கொரு எடிட்டர் குல்லாவை மாட்டிக் கொண்டு, ஆளுக்கொரு அட்டவணை தயார் செய்ய முற்பட்டாலென்ன guys ? Of course – நான் புதுசாய் நுழைக்கக் கூடிய நாயக / நாயகியரை யூகிக்க வழிகள் இராது தான் ; ஆனால் அவை தவிர்த்து பொதுவானதொரு அட்டவணை மாதிரியைத் தயாரிக்க முயற்சிகள் ப்ளீஸ் folks ?

Maybe உங்களின் ஏகோபித்த எதிர்பார்ப்புகள் நான் முக்கியத்துவம் தந்திரா ஏதேனுமொரு ஆசாமன் or ஆசாமி மீது லயித்திருக்கும் பட்சத்தில், ஜல்தியாய் எனது அட்டவணையினில் திருத்தங்களைப் போட்டுக் கொள்ள வசதியாக இருக்குமல்லவா ? So இந்த ஒற்றை வாரம் கொஞ்சமாய் நீங்கள் மெனக்கெட்டால், அதன் பலன் அடுத்தாண்டின் திட்டமிடலில் பிரதிபலிக்க வாய்ப்புகள் உண்டு ! “என்னெத்தக் கதை தேர்வு பண்றான் மாக்கானாட்டம் ? நான்லாம் இதே வேலையைச் செஞ்சாக்கா  வூடு கட்டி அடிச்சிருப்பேனாக்கும் !” என்று அப்புறமாய் சாவகாசமாய் FB-யிலோ; வாட்சப் குரூப்களிலோ தொடை தட்டுவதைத் தவிர்க்க நினைத்திட்டால் – this is the time for it ! And எனது இறுதித் திட்டமிடலுக்கு நெருங்கிய செலக்ஷன்களை செய்திடும் Top 3 தேர்வாளர்களுக்கு a சந்தாப் பிரிவு  of their choice -  நம் அன்புடன் ! ”So சும்மானாச்சும் பிலிம் காட்டறான்டா டோய்” என்ற பகடிகள் would be out of place !

And நான் டெக்ஸுடன் பனிக்காட்டுக்குள் புகுந்திட தயாராகும் முன்பாக ஒரு அதிரடி நியூஸ் ! பணிகள் சகலமும் முடிந்தது ; அட்டவணையை அச்சுக்கு எடுத்துப் போகலாமென்ற தீர்மானத்திற்கு நான் வந்திருந்த வெகு சமீபத்தைய நாளில் ஒரு மின்னஞ்சல் ! தொடர்ந்தது எ-ன்-ன ? என்பதை அறிந்து கொள்ள நீங்கள் இன்னொரு வாரம் காத்திருக்க வேண்டி வரலாம் ! ஏனெனில் மின்னஞ்சலின் சாராம்சத்தை மண்டைக்குள் அசைபோட்டு வருகிறேன் - அதனில் உள்ள சமாச்சாரத்தை  நடைமுறைக்கு கொணர சாத்தியங்கள் உள்ளனவா என்ற மஹாசிந்தனைகளோடு ! If it does work out - தொடரவுள்ள 2021-ன் சந்தா அணியினில் ஐக்கியமாகிட கூடுதலாகவொரு சூப்பர் காரணமும் இருந்திடக்கூடும்...! இப்போதைக்கு அந்தத் தகவலோடு கிளம்புகிறேன் - பனிக்காட்டுக்குள் திரிய !  

And I need a piece of assistance too folks : காத்திருக்கும் "சர்ப்பத்தின் சவால்" இதழின் முதற்பக்கத்தில் இடம்பிடித்திட நண்பர் JSK சார்ந்த குறிப்புகள் ; அவரது எழுத்துக்களின் சிறு மாதிரிகள் ; அவரது போட்டோ என்ற contents சகிதம் ஒற்றைப்பக்கத்தை யாரேனும் தயார் செய்து அனுப்பிட நேரம் எடுத்துக் கொண்டால், ரொம்பவே உபகாரமாக இருந்திடும் ! Of course - நண்பரைப் பற்றி நான் எழுந்திடும் வரிகளை வாகான இடத்தினில் இணைத்துக் கொள்வேன் ! And taking it further, நண்பரை நேரடியாகவோ, FB அல்லது வாட்சப் மூலமாகவோ நன்கு அறிந்து வைத்திருந்த நண்பர்களும் அவர் சார்ந்த நினைவுகளை பகிர்ந்திடலாமே - maybe like a tribute of sorts ? மின்னஞ்சலில் அனுப்பிடலாம் ; இங்கேயும் பகிர்ந்திடலாம் !பக்கங்கள் கூடுதலாகினால் இப்போதே திட்டமிட்டுக் கொள்வேன் - அவற்றையும் இணைத்துக் கொள்ளும் விதமாய் ! ஒரு mad rush-ல் பணிகள் சூழ்ந்து கிடக்கும் சூழலில், உங்களின் மெனெக்கெடல்ஸ் ரொம்பவே உதவிடும் எனக்கு ! Please guys ? கடமை # 3 !!

மீண்டும் சந்திப்போம் ! Bye for now !! அனைவருக்கும் பண்டிகை வாழ்த்துக்கள் !! Enjoy the weekend & more !! 

Sunday, October 18, 2020

கற்றது கைமண்ணே !

 நண்பர்களே,


வணக்கம். ஒரு புளியைக் கரைத்துக் கொண்டிருந்த மாதத்தை வெற்றிகரமாய்த் தாண்டி விட்டுள்ள திருப்தியோடு இந்தப் பதிவினில் புகுந்திடுகிறேன் ! வெளியே தெரிவது வேறு மாதிரி இருப்பினும், நிஜத்தில் ஆந்தை விழியன் ஒரு சோம்பேறி மாடன் என்பதே நிஜம் ! நமது இத்தாலிய மொழிபெயர்ப்பாளரின் டிசிப்ளினோ ; பிரெஞ்சு மொழிபெயர்ப்பாளரின் வேகமோ ; கருணையானந்தம் அவர்களின் ஈடுபாடோ நிச்சயமாய் எனக்கு  தொலைதூரக் கனவுகளே ! கடைசி நேரம் வரை ஜவ்வு இழுத்து விட்டு, அச்சுக்கான deadlines கண்ணில் தென்படத் துவங்கிய பிற்பாடே இங்கே எஞ்சின் சூடேறும். So டெக்ஸ் வில்லர் போன்ற ஜாலியான களங்களன்றி,  நான் பேனா பிடிக்க அவசியப்படும் இதர ஆல்பங்களை ஒன்றுக்கொன்று இடைவெளிகளோடு அமைந்திடச் செய்யவே அட்டவணையினில் திட்டமிட முனைந்திடுவேன் ! ஆனால் இந்த அக்டொபரிலோ ஏதேதோ காரணங்களின் பொருட்டு அது இயலாக்காரியமாகிப் போக, கிட்டத்தட்ட மூன்று ஆல்பங்களின் 75 % மொழிபெயர்ப்புப் பொறுப்புகள் வழுக்கைத் தலையின் மீது விழுந்து வைத்திட - ரொம்பவே பாம்பு டான்ஸ் ஆட வேண்டிப் போனது ! இளமை இக்கட துள்ளிக் குதித்துக் கொண்டிருக்கவில்லை என்பதை ஒவ்வொரு தினமும் ஏதோவொரு விதத்தில் சுட்டிக் காட்டி வரும் நிலையில் -பேனாவைத் தூக்கிக் கொண்டு குந்தியை வேலைகளிலெல்லாம், "இது உனக்குத் தேவையா ? தேவையா ?" என்ற கேள்வி தான் எழுந்தது ! ஆனால் சோம்பேறி சுப்பண்ணாவை எப்படியோ தாஜா செய்து பின்னுக்குப் போகச் செய்ததில் இம்மாதத்துக் கதைகள் ஒவ்வொன்றின் சுவாரஸ்ய quotient க்குப் பெரும் பங்குண்டு என்பேன் ! ஒவ்வொரு பணியின் மத்தியிலும் ஏதேதோ காரணங்களுக்காக நிறையவே இன்டர்நெட் தேடல்களும் அவசியமாகிப் போக, ஒவ்வொரு தேடலின் பலனிலும் நான் கற்றுக்கொண்டது நிறைய !  இம்மாத ஆல்பங்கள் பெயரளவிற்கு மூன்றே என்றாலும் - in effect 5 சிங்கிள் ஆல்பங்களின் கூட்டணியே  (2 ஜானி + 1 XIII spin off + 2 பாக "மா துஜே சலாம்") ! ஜானியின் combo ஆல்பத்தில் க்ளாஸிக் ஜானி மாமூலான template என்பதாலும், அங்கே கருணையானந்தம் அவர்கள் பேனா பிடித்துவிட்டதாலும் பெருசாய்த் தேடல்களுக்கு முகாந்திரங்கள் இருக்கவில்லை ! ஜானி 2 .0 தான் பாடங்கள் பல நடத்திய புண்ணியவான் ! For starters - உளறிக் கொட்டும் அந்தப் புத்தக விநியோகம் செய்யும் போக்கிரிப் பயல் வெப்ஸ்டர் ! "மட்டசீறல் ; துப்பறிவாளர் பானி ; பருப்பு ' என்று பெனாத்தித் திரிபவனுக்கு Dyslexia என்றொரு குறைபாடு இருப்பதாய் கதையோட்டத்தில் சொல்லப்பட, அதனைப் பற்றி மேற்கொண்டு கொஞ்சம் ஆராய்ந்திட முனைந்தேன் ! Yes of course , டிஸ்லெக்ஷியா பற்றிக் கேள்விப்பட்டுள்ளேன் தான் ; ஆனால் அதன் பின்னணி பற்றி நெட்டில் வாசித்த போது தான் இது எத்தனை ஆழமானதொரு சமாச்சாரம் என்பது புரிந்தது ! இங்கு கதாசிரியரின் குசும்புமே அழகாய் வெளிப்பட்டதை உங்களில் எத்தனை பேர் கவனித்தீர்களா - தெரியாது : வார்த்தைகளை ; உச்சரிப்புகளை சரியாய்க் கையாள தடுமாறும் அந்தப் போக்கிரிக்குத் தரப்பட்டிருக்கும் பெயரான "வெப்ஸ்டர்" - ஆங்கிலத்தினில் பிரபல டிக்ஷ்னரி வெளியிடும் கம்பெனியின் நிறுவுனரான நோவா வெப்ஸ்டரின் பெயரே ! (https://en.wikipedia.org/wiki/Noah_Webster

அடுத்த பாடம் படிக்கும் படலம் அரங்கேறியது சிலபல பிரெஞ்சுப் பெயர்களின் உச்சரிப்பு சார்ந்திருந்தது !

MARABOUT Publishing 

Bobigny 

Porsche 

Pierre Cardin 

Verviers 

மேற்படி வார்த்தைகளை ஆங்கில உச்சரிப்பின்படி தமிழாக்கம் செய்தால் என்ன கிட்டும் என்பதை நாமறிவோம் ! ஆனால் அவையே பிரெஞ்சுப் பெயர்களாகவோ ; பெல்ஜியத்து flemish பெயர்களாகவோ இருக்கும் பட்சங்களில் கிட்டிடும் உச்சரிப்புகளை நெட்டில் தேடிப்பிடித்துப் படித்த போது - 'அடங்கப்பா !!' என்று பெருமூச்சிட மட்டுமே முடிந்தது ! முதல் வார்த்தை "மேரபு" என்றும் ; பாரிஸின் suburb ஆன அடுத்த பெயரை  "பொபின்யீ  " என்றும் ; வார்த்தை # 3 குறிப்பிடும் பிரபல கார் வகையினை "போர்ஷா" என்றும் ; வார்த்தை # 4 சுட்டிக்காட்டும் உயர்தர fashion brand க்கு "பியர் கர்டோன்" என்றும் ; வார்த்தை # 5 அடையாளம் காட்டும் அந்த பெல்ஜிய சிறுநகருக்கு "வெர்வியே "  என்றும் உச்சரிப்பு என்பதை நாமாய் அறிந்திருக்க வாய்ப்பு தான் ஏது ? Of course - இவற்றைச் சரியாகவோ ; பிழையாகவோ உச்சரிப்பதால் கதையோட்டத்துக்கு எவ்வித பாதகமும் நேரப் போவதில்லை தான் & கிரீடங்கள் வழங்கப்படவோ ; பறிக்கப்படவோ வாய்ப்புகள் நஹி தான் ! ஆனால் நாம் கையாள்வது ஒரு பிரெஞ்சுக் கதை என்பதாலும், நம் மத்தியினில் பிரெஞ்சைப் பேசிடும் வாசகர்களும் உள்ளார்கள் எனும் போது - இது போன்ற சின்னஞ்சிறு பிழைகளும் தவிர்க்கப்பட வேண்டியவை என்றே பட்டது ! நம்மூர் 'பன்ருட்டி'யை அசலூரார் 'பன்ரொட்டி' என உச்சரித்தாலோ ; எழுதினாலோ நமக்கு சிரிப்பும், கடுப்பும் எழக்கூடும் தானே ? இதுவுமே அவ்வித சமாச்சாரமாகவே நான் பார்த்தேன் ! And yes - இன்னமுமே எனக்குத்  தெரியாது - if I got the pronounciations right ; ஆனால் இயன்றதை முயற்சித்துள்ளேன் என்பது மட்டும் தெரியும் ! 

பாடம் # 3 - கதை சார்ந்தது !  ஜானியின் கதைக்குள் சாகச வீரர் ரோஜர் இடம்பிடிப்பதை கதை படித்துவிட்டோர் அறிந்திருப்பர் ! ஆனால் அறிந்திருக்கக் கஷ்டமான சேதி - இந்தக் கதையினில் பயன்படுத்தப்பட்டுள்ள "மேரபு பதிப்பகம்" என்பது 1949 முதலாய் இயங்கிவரும் ஒரு நிஜ  பிரெஞ்சுக் கம்பெனி என்பதும் ; அதன் நிறுவனரின் நிஜப் பெயரும் ஜெரார்டு தான் என்பதும் ; அவர்களின் தலைமையகம் இருப்பதுமே வெர்வியே நகரில் தான் என்பதும்  ; பிளாஷ் புக்ஸ் என்ற பெயரில் அவர்கள் வெளியிட்டு வந்ததும் ; அந்நாட்களில் சாகச வீரர் ரோஜர் கதைகளை இந்நிறுவனம் வெளியிட்டதுமே !  கதையினில் தலைகாட்டும் (ரோஜரின்) கதாசிரியர் ஹென்றி வெர்ன்ஸ் கூட நிஜத்தின் பிரதிபலிப்பே என்பதை உணர்ந்த போது - மொத்த ஆல்பமுமே  எத்தனை தூரத்துக்கு யதார்த்ததோடு பின்னியுள்ளது என்பது புரிந்தது ! ஒன்றரையணா பிரயோஜனமற்ற தகவல்களாக இவையெல்லாமே தென்படக்கூடும் தான் ; ஆனால் எழுதும் போதே நடத்தும் இன்டர்நெட் தேடல்களில் கிட்டிய இந்தத் தகவல்கள் எல்லாமே எனக்கு striking ஆக தோன்றின ! Hence இந்தப் பகிர்ந்திடும் படலம் ! 

நிஜத்தோடு பிணைந்ததென்றில்லாது - கிட்டத்தட்ட நிஜத்தின் நகலாய்ப் பயணிக்கும் XIII - spin off பற்றி அடுத்து !  'ஓங்கி அடிச்சா 13 டன் வெயிட்டாக்கும் ; "இரத்தப் படலம் " போ-ட்ட-டே- தீரணும் ; உடல் மண்ணுக்கு ; அண்டராயர் அண்ணன் ஜேசனுக்கு   " என்றெல்லாம் தெறிக்க விடும் நண்பர்கள் அணி கூட இது சார்ந்த பின்னூட்டங்களை இடக்காணோம் எனும் போது - உங்களில் இன்னமுமே பலர் இதனை வாசித்திருக்கவில்லை  - என்பதே என்மட்டிலான புரிதல் ! So ரொம்பவே போட்டு உடைக்காது மேலோட்டமாகவே பயணித்தல் நலமென்று படுகிறது ! இந்த ஆல்பத்தோடு பயணிக்கும் போது எனக்கு ஒருவித deja vu உணர்வு தான் ! அமெரிக்க அதிபர் ஜான் கென்னெடி படுகொலை பற்றி முன்னெப்போதோ நிறையவே வாசித்திருந்தது அத்தனையும் மனதுக்குள் மறுக்கா ஓட்டமுடுப்பதாகவே தோன்றியது ! 

ஷெரிடன் சகோதரர்கள் - கென்னெடி சகோதரர்கள் ; வில்லியமின் பெண்மோகம் - அதிபரின் பேசப்பட்ட சிலபல கிச்சா-முச்சா உறவுகள் ; கதையினில் வரும் ஜூலியா ப்ரூக்ஸ் - நிஜத்தின் மார்லின் மன்றோ ; ஜூலியாவின் கொலை-நிஜத்தினில் மர்லினின் "தற்கொலை" ; வில்லியமின் மனைவி கார்டெலியா - நிஜத்தினில் Jacqueline Onassis என்று ஏகப்பட்ட இணைகோடுகள் சிந்தனைகளில் நிழலாடின ! 

And இடையிடையே டெமோகிராட் கட்சியின் கோட்பாடுகள் ; தென்மாகாணங்களில் அவர்களுக்கிருந்த உறவுகள் , கு க்ளக்ஸ்  க்ளான்  என்று ஏதேதோ தேடல்களில் ஆழ்ந்திட்ட போது - மொத்த XIII தொடரின் முதுகெலும்புமே 1963-ல் நிகழ்ந்த அந்த டால்லஸ் படுகொலையினில் வேர்கொண்டிருப்பதை முழுமையாய்ப் புரிந்து கொள்ள இயன்றது ! நிஜத்தை காமிக்ஸ் பக்கங்களில் பிரதிபலிக்கச் செய்த சமாச்சாரத்தை ஒரிஜினல் கதாசிரியர் வான் ஹாம் இந்த அளவிற்குப் போட்டு உடைத்ததாய் எனக்குத் தெரியவில்லை ; ஆனால் இந்த spin-off ஆசிரியர் அதைக் கச்சிதமாய்ச் செய்துள்ளார் ! ஒட்டுமொத்த ஆல்பமுமே எனக்கு அமெரிக்க அரசியல் ; அடிவேரில் அங்கே குடியிருக்கும் நிறவெறி ; இனவாதம் பற்றியதொரு டியூஷனை எடுத்து என்றால் மிகையில்லை ! மொத்த XIII சதியுமே திட்டமிடப்படுவது - "அமெரிக்கா - வெள்ளை அமெரிக்கர்களுக்கே" என்ற ஒற்றைக் கோட்பாட்டின் பொருட்டுத் தானே ?  பணத்தாசை ; பதவியாசை ; மத ஈடுபாடுகள் என்ற சமாச்சாரங்கள் சகலமும் அப்பாலிக்கா தொற்றிக்கொண்ட புட்போர்ட் பயணிகள் தானே ? 

"அன்னையே உன்னை வணங்குகிறேன் !" 

இதுவோ - ஒரு உலக அரசியல் அரங்கின் ட்யூஷன் !! ரஷ்ய இரும்புத்திரைக்குப் பின்னுள்ள அரசியல் ; மத்திய ஆசியா வரை அவர்களது பெரும் தேசம் நீண்டிடுவதால், இஸ்லாமிய வேர்களோடு உரசிடுவது ; செச்சென்யா எரிச்சல்கள் ; அங்கே அரங்கேறிய இரத்தக் களரிகள் ; 1999-ல் துவங்கிய இரண்டாவது ரஷ்ய-செச்சென் யுத்தம் பற்றி ; இன்றைய செசென்யா  சூழல்கள் என்று அத்தனைக்குள்ளும் இன்டர்நெட் சவாரிக்கு நடத்திட சந்தர்ப்பங்கள் கிட்டின during the course of this work ! உதாரணத்துக்கு - பக்கம் 46 -ஐச் சொல்வேன் ! பஸாயேவ் பேசும் போது - "1944-ல் எங்களைக் கழுத்தறுத்தீர்களே ; அதை போலவா ?" என்றொரு கேள்வி கேட்பதற்கு வசனம் இருந்தது ! மேலோட்டமாய் நானும் பூசி மெழுகி விட்டுத் தாண்டியிருக்கலாம் தான் ; ஆனால் மனசு கேட்கவில்லை ! நெட்டில் உருட்டிய போது தான் - அரைமில்லியன் மக்களை இடம்பெயரச் செய்ய ரஷ்யத் தலைமை தீர்மானித்ததும், அதனில் நிகழ்ந்த உயிர் பலிகளும் பற்றிய தரவுகள் கண்ணில் பட்டன ! அதனுள் புகுந்தால் கண்கள் ஈரமாவதைத் தவிர்க்க இயலாது ! அதே போல செசென்யா யுத்தத்தினில் தலைநகர் குரொஸ்னிக்கு நேர்ந்த அடிகளைப் பற்றிய தேடல்கள் கொண்டு வந்த வயிற்றைப் பிசையும் நிஜங்கள் ஏராளம் ! அந்த யுத்தத்தினில் மெய்யாகவே பெண் வீராங்கனைகள் (அமேஸான்ஸ்) பயன்படுத்தப்பட்டது ; வெள்ளைப் பாஸ்பரஸ் குண்டு வீச்சு நிகழ்ந்தது ; ஐ.நா.அனுப்பிடும் ரேஷன் பொருட்கள் சூறையாடப்பட்டது - என எக்கச்சக்க நிகழ்வுகளை வாசிக்க முடிந்தது ! எங்கோ ஒரு முடுக்கில் கிடக்கும் இந்தக் குட்டி தேசம் இன்றைக்கு மீண்டும் ரஷ்யக் கட்டுப்பாட்டிலேயே ஒரு பொம்மை அதிபரோடு உள்ளது என்பதையும் வாசித்த போது அந்த மண்ணில் நிகழ்ந்துள்ள மரண தாண்டவத்தை வீரியம் புரிந்தது ! நம் அண்டை மண்ணிலும் நிகழ்ந்த இத்தகைய நெஞ்சை உலுக்கும் போர் பற்றியதொரு ஆல்பத்தை ஒரு பெல்ஜியக்  கதாசிரியர் கையில் எடுத்திருப்பதாய்க் கேள்விப்பட்டேன் ! நிஜத்தை சித்தரிக்கும் முயற்சியாய் அது அமையின் - நம் சொந்தங்கள் அனுபவித்த ரணங்களை  பிடரியில் அறையும் விதத்தில் பார்த்திட இயலக்கூடும் ! தெரியவில்லை - அது எத்தனை காலமெடுக்கும், பூர்த்தி காணவென்று ! ஏது, எப்படியோ - யுத்தமெனும் அரக்கனின் கோர முகத்தை சற்றே நெருடா பாணியில் சொன்ன "மா துஜே சலாம்" எனக்கொரு eye opener !! 

ரைட்டு - இனி உங்களின் அலசல்கள் தொடர்ந்திட வழி வீட்டுக் கிளம்புகிறேன் ! புறப்படும் முன்பாய் ஒரு கேள்வி இங்கு & 1 கேள்வி நமது ஓசியில் ஒட்டுப் போடும் தளத்தினுள் :

அடுத்த அட்டவணையில் ஜானிக்கு 1 ஸ்லாட் & 1 சிங்கிள் ஆல்பமே ! So அதனை இட்டு நிரப்பிட க்ளாஸிக் ஜானி வேணுமா ? 2.0 ஜானி வேணுமா ? சொல்லுங்களேன் பிளீஸ் ! 

And இதோ - அந்த ஆன்லைன் வோட்டிங்குக்கான லிங்க் :

https://strawpoll.com/dkd2pfaob

Bye all...see you around !! Have a cool Sunday !



Wednesday, October 14, 2020

வரம் தருவாரா பூசாரி ?

  நண்பர்களே,

வணக்கம். சாமி வரம் கொடுத்தாச்சு நேத்திக்கு மதியமே ; பூசாரியின் வர  நிலவரமோ 50 -50 - நேத்திக்கு முன்னிரவினில் ! என்ன பேத்துறேள் ? என்ற கேள்வியா ? அச்சு + பைண்டிங் + பேக்கிங் என சகலமும் ஒருநாள் முன்பாகவே நிறைவுற்றிருக்க, நேற்றைய மதியமே சந்தா புக்ஸ் சகலத்தையும் கூரியருக்கு அனுப்பி விட்டோம் ! DTDC பார்சல்கள் எல்லாமே இங்கிருந்து புறப்படவும் செய்து விட்டன ! ஆனால் ST கூரியரில் ஆள்பற்றாக்குறை என்பதால் 175 டப்பிகளை மட்டுமே நேற்றைக்கு புக் செய்துள்ளனர் ! மீதம் இன்றைக்கே இங்கிருந்து கிளம்புகின்றன ! So ஸ்ட்ராங்கான குலவைகளைப் போட்டு வைத்தால் maybe இங்கிருந்து கிளம்பிவிட்டுள்ள பார்சல்களுள் உங்களதும் இருந்திடக்கூடும் !!

And finally - "மா துஜே ஸலாம்" இதழின் அட்டைப்படம் உங்கள் பார்வைக்கு ! ப்ளஸ் அதன் படைப்பாளிகளின் போட்டோக்களுமே !


கதாசிரியர் 

ஓவியர் 

Online லிஸ்டிங்களுமே  ரெடி : 

https://lioncomics.in/product/october-pack-2020/ 

https://lion-muthucomics.com/latest-releases/622-october-pack-2020.html

பார்சலை முதலில் கைப்பற்றி, "மா துஜே ஸலாம்" கதையின் இரண்டாம் பாகத்தின் பெயரை இங்கே பதிவிடும் மின்னலுக்கு நமது உயரிய சன்மானமான ரவுண்டு பன் அடுத்த மாத கூரியர் டப்பியில் இணைத்திடப்படும் ! 

 

P.S : ரைட்டு...பன்னுக்கு ரேஸ் முடிந்சூ !

இனி ஒவ்வொரு புக்கையும் படித்த கையோடு இங்கே பதிவிடும் மின்னல்களுக்கு தலா ஒரு ஸ்பாஞ் கேக் or ப்ளம் கேக் !!

ப-டி-த்-த கையோடு என்பதை அடிக்கோடிடுகிறேன் மக்களே !

Happy Reading folks ! 

Saturday, October 10, 2020

பில்டப்பில்லா பில்டப் !

 நண்பர்களே,

வணக்கம். சமீப காலமாய் ‘பில்டப் பரமசிவம்‘ முன்வரிசையில் இடம் பிடித்துக் கொண்டு, எடுக்கும் ஃபோட்டோக்களிலெல்லாமே மண்டையை நீட்டிக் கொண்டிருப்பதாய்த் தோன்றுவது எனக்கு மட்டும் தானா ? என்று தெரியவில்லை ! ஆனால் சமீபமாய் திருவாளர் ‘பி.ப.‘ வின் ஆரூடங்களின் பெரும்பான்மை பீலாப்படலங்களாய் இருந்திடவில்லை என்பதை ஒரு சன்னமான திருப்தியோடு திரும்பிப் பார்த்துச் சொல்ல முடிகிறது ! எது எப்படியோ – இந்த நொடியிலும் ஒரு முழு க்ளுகான் D பாக்கெட்டை வாய்க்குள் தட்டிய புத்துணர்ச்சியோடு ஏக் தம்மில் ப்ரெஷ்ஷாய் ஒரு LIC பில்டப்பைச் செய்திடும் ஆர்வம் பொங்குகிறது தான் ! ஆனால் ஓவர் அலம்பல் உடம்புக்கு ஆகாது என்பதாலும், சமீப வாரத்துப் பதிவுகளில் பலவுமே ஆளில்லாக் கடையில் ஆவேசமாய் டீ ஆத்தும் படலங்களாகவே இருந்து வருவதாலும் இந்த தபா உதடுகளிலும், பேனா பிடிக்கும் விரல்களிலும் கொஞ்சமாய் பெவிகாலைப் பூசிக் கொள்ளவிருக்கிறேன் !

மா…துஜே சலாம்...! அன்னையே உனக்கு வணக்கம்..! Ma...I salute thee !!  மேஜர் சுந்தர்ராஜன் பாணியில் ஜம்போவின் இந்த லேட்டஸ்ட் ஆல்பத்தைப் பறைசாற்றியாச்சு ! ஜம்போவின் தடத்தில் தலைகாட்டும் ஆல்பங்களில் கணிசமானவை one-shots என்பது நாமறிந்ததே ! In fact இந்த தடத்தை நான் உருவாக்க எண்ணியதே – ரெகுலர் சந்தாவிற்குள் புகுத்தத் தோதுப்படாத இது மாதிரியான “கதையே நாயகன்” பாணியிலான ஆக்கங்களை முயற்சிப்பதற்கே ! So ஒரு ஜேம்ஸ் பாண்டோ ; ஒரு ஹெர்லக் ஷோம்ஸோ ; ஒரு Lone ரேஞ்சரோ தலைகாட்டிடா ஜம்போ ஆல்பங்களில் எப்போதுமே பெரிய hype இருப்பதில்லை ! ஆனால் அந்த மாதங்களிலெல்லாமே இது என்ன மாதிரியான கதைக்களம் ? என்ன எதிர்பார்ப்பது ? என்பது குறித்து லைட்டாகவோ ; பலமாகவோ கோடுகள் வரைந்து விடுவதுண்டு தான் ! So ஒரு “அந்தியின் ஒரு அத்தியாயம்” ஆல்பத்தில் என்ன காத்திருக்கும் ? ஒரு Zaroff ஆல்பத்தில் என்ன வாசிப்பனுபவம் வெயிட்டிங் ? என்று உங்களுக்குத் தெரிந்திராது போகாது !

ஆனால் முதன்முறையாக பில்டப் மீட்டரை பூஜ்யத்திலேயே நிறுத்திக் கொண்டு ; இதுவரையிலான “வருகிறது” விளம்பரங்களில் என்ன தெரிவிக்க முனைந்துள்ளோமோ, அதனோடே ஒரு முற்றுப்புள்ளியை வைத்துக் கொண்டு உங்களை இந்தத் 96 பக்க வண்ண ஆல்பத்தினுள் இட்டுப் போனாலென்ன ? என்ற கோக்குமாக்கான அவா எழுகிறது ! In fact அட்டைப்படத்தைக் கூட இப்போது கண்ணில் காட்டாது, இதழை ஒரு முழுமையான திரைக்குப் பின்னேயே நிலைகொண்டிடச் செய்யத் தீர்மானித்துள்ளேன் ! இந்தப் பதிவை நான் எழுதும் வெள்ளியிரவினில் கூட காலை வரையிலும் இந்த ஆல்பத்தினுள் உலவித் திரிந்த உணர்வுகள் என்னுள் வடிந்திடக் காணோம் ! To keep the reading experience a total novelty - இதழின் முதல் பக்கத்தில் what to expect ? என்ற ரீதியில் நான் எழுதித் தந்து, அச்சுக்குத் தயாராகி நிற்கும் பக்கத்தையுமே சனி காலையில் முதல் வேலையாய்க் கடாசச் சொல்லிட உத்தேசித்துள்ளேன் ! அந்த இடத்தில் முதல் அத்தியாயத்தின் அறிமுகப் பக்கம் மட்டுமே இருந்திடும் !

So எவ்வித preset notions-களும் இல்லாது ; நுழையும் முன்பாகவே – “ஐயே… இது தான் களமா? இது தான் சைஸா ?... இதில் கொத்துக்கறி போட்டுட்டியே… அதில் எக்ஸ்ட்ரரா நம்பர் ஏன் போட்டே?” என்ற சுமைகளின்றி ஒரேயொருவாட்டி take it as it comes என்று (சு)வாசிக்க முயற்சித்துத் தான் பார்ப்போமே ? பல தருணங்களில் விமர்சகக் குல்லாய்களை மாட்டிக் கொள்ள நாம் காட்டும் அவசரங்களில் – படைப்புகளின் கணிசமான நிறைகளைத் தாண்டிப் போய்க் கொண்டே இருப்பதைக் கவனிக்க முடிகிறது ! கதைத் தேர்வுகளின் போது நானுமே இந்தக் குல்லாய்களை மாட்டிட முனைந்திடும் பட்சத்தில், பள பள சிரம் சற்றே ஸ்டைலாகத் தென்படலாம் தான் ; ஆனால் சத்தியமாய் ஒன்றுக்குப் பாதிக் கதைகள் கூடத் தேறிடாது ! So போன வருஷத்தின் ஒரு ரிலாக்ஸ்டானதொரு மழை நாளில் என் கண்ணில்பட்ட இந்த 2 பாக ஆல்பத்தை ; எவ்வித அளவுகோல்களையும் மனதுக்குள் நிறுத்திடாது நான் ‘தேமே‘ என ரசிக்க முயற்சித்த ஆல்பத்தை - நீங்களுமே அதே பாணியில் இந்த தபா முயற்சிக்கப் போகிறீர்கள் ! Maybe அன்று எனக்கு இந்தப் படைப்பினில் தென்பட்டதொரு spark உங்களுக்குமே கண்ணில் படுகிறதா ? என்று தான் பார்ப்போமே என்ற curiosity என்னை ஆட்டிப் படைக்கிறது !

எண்ணூறு, தொள்ளாயிரத்தைத் தொடக்கூடும் இதுவரையிலும் நான் பணியாற்றியுள்ள இதழ்களின் மொத்த எண்ணிக்கை ! And of course – பணிகளின் மத்தியில் கேட்டால் “துயிலெழுந்த பிசாசு” கூட தெறிக்கும் சாகசமாகவே எனக்குத் தோன்றும் தான்; “வெடிக்க மறந்த வெடிகுண்டு” கூட அண்டசராசரத்தை அசைத்துப் பார்க்கப் போகும் அதகளமாய்த் தென்படும் தான் ! ஆனால் வெகு சொற்ப இதழ்களே – பணிகள் நிறைவுறும் தருணத்தில், மனதுக்குள் – அந்தக் கதை மாந்தர்கட்கு விடைகொடுக்க தடுமாற்றத்தை ஏற்படுத்திடும்  ஆற்றல் கொண்டவையாக இருந்திடுவதுண்டு ! ஒரு வாரமோ, பத்து நாட்களோ அவர்களோடு உலவிய அனுபவங்கள் மனதில் மெல்லியதொரு தாக்கத்தை ஏற்படுத்தி, "முற்றும்" போட்ட பின்னேயும் அவர்களோடே பயணிக்கும் பேராசைகளை எழச்செய்வதுண்டு ! "இது வெற்றி கண்டாலும் சரி ; Bata சப்பல்களால் சாத்து வாங்கித் தந்தாலும் சரி – இந்தப் பணியினில் ஈடுபட்டமைக்கான திருப்தியை எதுவும் குலைத்திடாது!” என்ற ஒருவித கர்வம் கலந்த நிறைவைத் தந்திடும் ! “மா..துஜே சலாம்” அந்த “வெகு சொற்ப இதழ்கள்” பட்டியலில் இடம்பிடித்துள்ளது என்பது மாத்திரமே இப்போதைக்கான பில்டப் ! சனிக்கிழமை அச்சாகி, திங்களன்று பைண்டிங் புறப்பட்டு, புதனன்று கூரியர் டப்பிகளுக்குள் குடியேறி ; வியாழன்று (15 அக்டோபர்) உங்கள் கைகளிலிருக்க வேண்டுமென்பது இந்த நொடியின் திட்டமிடல் ! Maybe இந்த ஒற்றைமுறை மாத்திரம், நாம் அனைவருமே அக்டோபரின் முதல் (காமிக்ஸ்) வாசிப்புக்கென “மா…துஜே சலாம்” இதழினைத் தேர்வு செய்து, ஏக் தம்மில் அதனை ரசித்திட முற்படுவோமா ? ரிப்போர்டர் ஜானியின் டபுள் ஆல்பம் ; அப்புறம் XIII spin-off என்று போட்டிக்கு வலுவான அக்டோபர் இதழ்கள் உள்ளன தான் ! ஆனால் “மா.து.ச.” இதழை வாசிப்புப் பட்டியலில் முன்னணியில் நிறுத்திட முற்பட்டால், நமது பரஸ்பர ரசனை அளவீடுகளை ஒருசேர பரிசீலித்தது போலிருக்குமல்லவா ? So give it a thought guys?!

நோ பில்டப்” என்பதுமே ஒருவித பில்டப் தான் என்பதை மறுப்பதற்கில்லை தான் ! அதே போல நிறைய எதிர்பார்ப்புகளை எனக்குள் விதைத்திருக்கும் இந்த இதழானது, உங்கள் பார்வைகளில் “காக்கா பிரியாணி”யாய்த் தென்படக்கூடும் வாய்ப்புகளுமே உண்டு என்பதையுமே மறுப்பதற்கில்லை !  ஆனால் ஏற்கனவே சொன்னது போல – இந்த ஒற்றை முயற்சியின் பலன்கள் எவ்விதமிருந்தாலுமே அவை என்னுள் இந்த நொடியில் ஓட்டமெடுத்து வரும் சன்னமான திருப்தியை அசைத்திடாது ! இது வரையிலும் நாம் தலைவைத்துப் படுத்திரா ஒரு புதுப்பின்புலத்தில் ; முற்றிலும் நமக்குப் பரிச்சயமில்லா மனிதர்களோடு பயணிக்கும் ஒரு படைப்பினை உங்கள் முன் கொணர்ந்து நிறுத்திய மகிழ்வே என்மட்டிற்கு ரொம்ப நாட்களுக்கு நீடித்திடும் ! So – வியாழன் / வெள்ளிக்காக வெயிட்டிங்… !! உங்கள் தீர்ப்புகளுக்காக வெயிட்டிங் !

Moving on – போன வாரத்து சிறு முயற்சியான நமது “ஆன்லைன் புத்தக விழா” ஒரு அழகான success என்பதை நான் நன்றிகளோடு சொல்லியாக வேண்டும் ! நமது அலுவலக மாடியில் உள்ள எடிட்டோரியல் அறையினில் ராக்குளை அமைத்து, புக்ஸை அழகாய் அடுக்கி, 2 ஸ்மார்ட் போன்கள் சகிதம் மூன்று பெண்களின் உழைப்பில் ஓட்டமெடுத்த புத்தக விழாவானது காந்தி ஜெயந்தி விடுமுறை தினத்தையும் சரி, ஞாயிறின் விடுமுறையையும் சரி – அனல் பறக்கும் ஆக்ஷன் தினங்களாக்கியிருந்தது ! "சத்தியமாய் பத்துப் பதினைந்து போன்கால்களுக்கு மேல் இராது ; ஜாலியாய் ஏ.சி.யைப் போட்டபடிக்கு நம்மவர்கள் ஈயோட்டப் போகிறார்கள் !" என்பதே எனது எண்ணமாக இருந்தது! ஆனால் 4 நாட்களினில் சுமார் 150+ நண்பர்கள் ரகளையாய் பங்கேற்று வெரைட்டியாய் இதழ்களை வாங்கியது, இருள்படர்ந்த நடப்பாண்டின் செம bright spot ! மொத்த விற்பனைத் தொகைகள் என்னவென்ற கணக்குகள் ஒருபக்கமிருக்க, ‘பொம்மை புக்‘ ஆர்வங்கள் இன்னமும் alive & kicking என்ற ஊர்ஜிதமும், சோம்பிக் கிடந்த அலுவலகத்தைப் புத்துணர்ச்சியோடு இயங்கச் செய்ததும் இந்த 4 நாட்களின் ஆதாயங்கள் என்பேன் ! Thanks a ton guys for the support !

“இன்னும் கொஞ்சம் நீட்டிக்கலாமே?” என்று தொடர்ந்த தினங்களில் நண்பர்களின் கோரிக்கைகள் ஒலித்த வண்ணம் உள்ளன தான் ! ஆனால் நடப்பு (புது) இதழ்களின் டெஸ்பாட்ச் ; routine பணிகள் என்பன முன்னுரிமை பெற்றிட வேண்டுமல்லவா ? So கொஞ்ச காலம் ஓடட்டுமே ; இன்னும் ஏதேனும் சுவாரஸ்யமான சர்ப்ரைஸ் இதழ்களைத் திட்டமிட; தயாரித்திட நேரம் எடுத்துக் கொண்டு, வாகானதொரு விடுமுறை வேளையில், புத்தாண்டில் Online Bookfair 2021 என முயற்சிப்போமே !

Further down the road, ஒளிவட்டத்திலிருந்து by now விலகி நின்று வரும் “இரத்தப் படலம் The Collector’s 300” இதழ் பற்றி ! சமீப நாட்களில் கொஞ்சமே கொஞ்சமாய் சுறுசுறுப்பு கண்ணில் பட்டு வருகிறது – முன்பதிவின் இலக்கம் 124-ஐ  தொட்டு நிற்கும் விதமாய் ! And இந்த அக்டோபர் ஒரு XIII spin-off மாதமுமே என்பதால், அதன் புண்ணியத்தில் முன்பதிவு 150-ஐ தொட்டிட சாத்தியமாயின் halfway mark-ஐ தொட்டிருப்போம் ! அக்டோபர் 31 நமது புது சந்தா அட்டவணை அறிவிப்புக்கான பொழுது என்பதால் ‘இ.ப.‘ முன்பதிவுகள் அதற்கு முன்பாய் ஒரு shape-க்கு வந்திருப்பின் நலம் ! இல்லையெனில் ஒட்டுமொத்த திட்டமிடலையுமே ஒத்திப்போடுவதா ? மங்களம் பாடுவதா ? என மறுபரிசீலனை செய்திடல் அவசியமாகிடலாம் ! இருப்பதோ இருபதே நாட்கள் – So கேதர் ஜாதவ் பாணிகள் இனியும் சுகப்படாது என்பது நிதரிசனம் folks ! டாப் கியரைப் போடச் சொல்லப் போகிறீர்களா ? அல்லாங்காட்டி ரிவர்ஸை அமுக்கச் சொல்லப் போகிறீர்களா ? சொல்லுங்கண்ணே… சொல்லுங்க !

NO

NAME

PLACE

1

Mr.K.V.GANESH

CHENNAI

2

Mr.K.PARTHIBAN

TRICHY

3

Mr.V.HARIHARAN

COIMBATORE

4

Mr.S.SENTHIL KUMAR

TIRUPUR

5

Mr.KRISHNA MOORTHY

DHARAPURAM

6

Mr.ARUN KUMAR

NAMAKKAL

7

Mr.ARUN KUMAR

NAMAKKAL

8

Mr.M.BABU MOHAMED ALI

SALEM

9

Mr.T.SOUNDRA PANDIAN

RAJAPALAYAM

10

Mr.T.SOUNDRA PANDIAN

RAJAPALAYAM

11

Mr.R.ANBALAGAN

GOBICHETTIPALAYAM

12

Mr.R.ANBALAGAN

GOBICHETTIPALAYAM

13

Mr.R.GANESH

MADURAI

14

Mr.AUGUSTIN SAINTLYDOSS

HOSUR

15

Mr.A.D.BASKARAN

CHENNAI

16

Mr.SARAVANAN SUNDARAVEL

NOIDA

17

Mr.SARAVANAN VADIVEL

NAGAPATTINAM

18

Mr.MOHAMMED ARAFARTH

MAYILADUTHURAI

19

Mr.SURESH NATARAJAN

AUSTRALIA

20

Mr.SURESH NATARAJAN

AUSTRALIA

21

Mr.SURESH NATARAJAN

AUSTRALIA

22

Mr.SRINIVASARAGHAVAN RAMAN

CHENNAI

23

Mr.PRABHUDASS PALANI

CUDDALORE

24

Mr.MAHENDRAN PARAMASIVAM

COIMBATORE

25

Mr.A.SATHISH KUMAR

VELLORE

26

Mr.PRASANNA SRIDHAR

COIMBATORE

27

Mr.S.S.KARTHIK

BANGALORE

28

Mr.A.PALANIVEL

TRICHY

29

Mr.A.PALANIVEL

TRICHY

30

Mr.RAJ KUMAR SIVANANDI

MADURAI


REFUNDED 

32

Mr.MA.SENTHIL

COIMBATORE

33

Mr.MA.SENTHIL

COIMBATORE

34

Mr.SANKAR CHELLAPPAN

CHENNAI

35

Mr.V.RAJEEV

COIMBATORE

36

Mr.SELVAM ANNAMALAI

ERODE

37

Mr.S.ANANTHA SANKAR

TIRUNELVELI

38

Mr.R.SARAVANAN

ERODE

39

Dr.PRASANNA

SRILANKA

40

Dr.PRASANNA

SRILANKA

41

Dr.PRASANNA

SRILANKA

42

Mr.A.PALANIVEL

TRICHY

43

Mr.M.RAMKUMAR

UNKNOWN

44

Mr.V.V.KRISHNA

CHENNAI

45

Mr.N.SHANMUGAM

TIRUCHENGODE

46

Mr.MOHAMED RAFIQ RAJA

BANGALORE

47

Mr.MANI.MB

CHENNAI

48

Mr.MANI.MB

CHENNAI

49

Mr.MANI.MB

CHENNAI

50

Mr.MANI.MB

CHENNAI

51

Mr.MANI.MB

CHENNAI

52

Mr.SUBRAMANIAN

CHIDAMBARAM

53

Dr.A.K.K.RAJA

KARUR

54

Dr.A.K.K.RAJA

KARUR

55

Dr.A.K.K.RAJA

KARUR

56

Mr.K.V.GANESH

CHENNAI

57

Mr.YOGI SIVAKUMARAN

SRILANKA

58

Mr.SELVAM ANNAMALAI

ERODE

59

Mr.SELVAM ANNAMALAI

ERODE

60

Mr.S.BALA SUBRAMANIYAN

BANGALORE

61

Mr.VIJAY

ERODE

62

Mr.V.R.SRINIVASA RAGHAVAN

CHENNAI

63

Mr.V.R.SRINIVASA RAGHAVAN

CHENNAI

64

Mr.SUNDARALINGAM MATHINATH

SRILANKA

65

Mr.R.S.SHARMA

SRILANKA

66

Mr.VIMALAKANDHAN THANUSHAN

SRILANKA

67

Mr.VIMALAKANDHAN THANUSHAN

SRILANKA

68

Mr.A.S.SOUNDERA RAJ

BANGALORE

69

Mr.MUTHUKUMARAN

TIRUPUR

70

Mr.RAM KUMAR GOPALA KRISHNAN

CHENNAI

71

Mr.JEBARATHINAM ALEXANDER

CHENNAI

72

Mr.D.V.KANNAN

CHENNAI

73

Mr.M.ANANDAPPAN

KARAIKAL

74

Mr.SANKAR CHELLAPPAN

CHENNAI

75

Mr.L.BOOPATHI

CHANDRAPUR

76

Mr.R.GANESH

MADURAI

77

Mr.KUMARESAN PALANIVEL

VIRUDHACHALAM

78

Mr.A.JEGAAN DHARMENRA

SRILANKA

79

Mr.YOGANATHAN

KODUMUDI

80

Mr.M.KARTHIKEYAN

PALAKKAD

81

Mr.KUMAR

SALEM

82

Dr.RAJESH

BANGALORE

83

Dr.RAJESH

BANGALORE

84

Mr.BALAMURUGAN MARUTHAN

TRICHY

85

Mr.IGNATIUS LORAN

KORBA

86

Mr.M.KUMAR

KANCHIPURAM

87

Mr.THIRUCHELVAM PRAPANATH

FRANCE

88

Mr.A.M.CHANDRA KUMAR

TIRUPUR

89

Mr.SIVAKUMAR SUBRAMANIAN

CHENNAI

90

Mr.KARTHIGAI PANDIYAN

COIMBATORE

91

Mr.SURESH KUMAR

MADURAI

92

Mr.MUTHIAH PALANIAPPAN

CHENNAI

93

Mr.K.ELAVARASU

BANGALORE

94

Mr.R.MUJAHIRUDEEN

CHENNAI

95

Mr.PRAKASH BALA

CHENNAI

96

Dr.V.VIKRAM

TRICHY

97

Mr.S.SATHIYA MOORTHY

TIRUPUR

98

Mr.L.BOOPATHI

CHENNAI

99

Mr.MAHESH KUMARSELVARAJ

CHENNAI

100

Mr.SENTHIL SATHYA

CHENNAI

101

Ms.NARMADHA

CHENNAI

102

Mr.DALAXSHAN

SRILANKA

103

Ms.ELEZABETH ANTONY

TRIVENDRUM

104

Mr.BHAVANI SRIDHAR

BANGALORE

105

Mr.P.SARAVANAN

CHINNAMANUR

106

Mr.M.BOOBALACHANDER MANI

CHENNAI

107

Mr.RAJESH RANGANATHAN

CHENNAI

108

Mr.E.R.BHOOPATHY SARGUNAR

CHENNAI

109

Mr.SURESH RANGASAMY

AVINASHI

110

Mr.SURESH RANGASAMY

AVINASHI

111

Mr.N.MANI KANDAN

KULITHALAI

112

Mr.J.SENTHI LKUMAR

CUDDALORE

113

Mr.M.KANISHK

TRICHIRAPALLI

114

Mr.M.KANISHK

TRICHIRAPALLI

115

Mr.M.VEL

DHARMAPURI

116

Mr.K.PARIMELALAGAN

CHENNAI

117

Mr.K.PARIMELALAGAN

CHENNAI

118

Mr.M.SELVAM

THIRUVANNAMALAI

119

Mr.B.MANIMARAN

RANIPET

120

Mr.S.MOHAN

NAGAPATTINAM

121

Mr.SARABESAN

CHENNAI

122

Mr.ARULDASS

CHENNAI

123

Mr.M.SELVAKUMAR

PALANI

124

Mrs.TAMILSELVI SARAVANAN

KARAIKAL

காத்திருப்பது தீபாவளி மாதம் என்பதால் ‘தல‘ ஒரு மெகா அவதாரத்துக்குத் தயாராகி வருகிறார் ! And அவரது வேகத்துக்கு ஈடுகொடுக்க இப்போதிலிருந்தே நானும் தயாராகிட வேண்டுமென்பதால் நடையைக் கட்டுகிறேன் guys ! Have a great weekend ! See you around ! Bye for now !!