Powered By Blogger

Wednesday, September 27, 2017

செப்டெம்பரில் அக்டோபர் !

நண்பர்களே,

வணக்கம். வாகாய்க் களமும், ஜாலியாய் நண்பர்களும் கிட்டி விட்டால் ரணகள அதகளம் சாத்தியமே என்பதைக் காட்டி விட்டீர்கள் ! ஒரே நாளில் உ.ப. விற்கு உ.உ.ப.போடச் செய்த பெருமை உங்களதாவதால் - இன்று முதல் நீவிர் "உ.ப.வுக்கு,உ.உ.ப.போடச் செய்த உ.பி.க்கள் "என்று அன்போடு அறியப்படுவீராக !! ஓங்கட்டும் இந்த நட்பும், உற்சாகமும் !

இதுக்கு மேலெல்லாம் புலவர் mode நமக்கு சரிப்படாது என்பதால் 'சிவனே' என்று நம்ம பாணிக்கு மாறி விடுகிறேன் ! As promised இன்றைக்கு உங்களது கூரியர்கள் அனைத்துமே எங்களிடமிருந்து கிளம்பிவிட்டன ! நேற்றிரவு முதலாகவே பைண்டிங்கில் தர்ணா செய்யாத குறையாய் நம்மவர்களின் படையெடுப்பு இருந்ததால் - இன்றைக்குப் பொழுது சாயும் முன்பாகவே கூரியர் ஆபீசில் பார்சல்களைப் பட்டுவாடா செய்ய சாத்தியமானது ! And இதழ்களின் ஆன்லைன் லிஸ்டிங்குமே இப்போது ரெடி : http://lioncomics.in/monthly-packs/437-october-2017-pack.html  Happy shopping !! 

இம்மாத surprise gift சின்னதாய் இருப்பினும், கணிசமான டப்புக்குத் தான் தயார் செய்திட முடிந்ததொன்று ! ஆண்டின் கடைசி என்பதால் நமது நிதி நிலைமை லக்கி லூக்கின் இடை சைசுக்கே இருப்பதால் இந்த gift-ன் நிதியுதவி நமது சீனியர் எடிட்டரின் உபயமே ! Hope you like it !

முன்கூட்டிய ஆயுத பூஜை நல்வாழ்த்துக்கள் ! விடுமுறைகளுக்குச் சொந்த ஊர் செல்லும் நண்பர்களுக்கு safe journey (s ) ! Bye for now ! See you around all ! 

Tuesday, September 26, 2017

மு.தொ.உ.ப.!

நண்பர்களே,

வணக்கம். "முன்னூறைத் தொட்டால் உபபதிவு" என்ற நம் இலக்கணம் தொடர்கிறது ! இம்முறையோ - ஒரு கேள்வியோடும் ; ஒரு உப கேள்வியோடும் ; ஒரு வேண்டுகோளோடும் !

முதலில் கேள்வி : ஒரேயொரு மறுபதிப்பு slot மாத்திரமே காலியெனில் - அதனை இட்டு நிரப்ப உங்கள் சாய்ஸ் ஏதேனுமொரு கேப்டன் பிரின்ஸ் சாகசமா ? அல்லது ரிப்போர்ட்டர் ஜானி சாகசமா ? சொல்லுங்களேன் ?

உப கேள்வி : நாயகத் தேர்வைச் செய்து விட்டீர்களெனில் - அப்டிக்கா அந்த நாயகரின் எந்தக் கதையை மறுபதிப்பில் பார்த்திடும் ஆர்வத்தில் இருப்பீர்களோ ?

பின்குறிப்பு / பின் குத்தாத குறிப்பு : மேற்படி சிலபஸில் மாத்திரமே தற்போதைய பரீட்சை ! So நமது கவிஞர்கள் "XIII" என்று கலிங்கத்துப் பரணிகளைப் பாட முற்படுவதோ ; இளவரசி,மற்றும் இன்னபிற வெண்பாக்கள் இயற்ற முற்படுவதோ இப்போதைக்கு வேண்டாமே ?


அப்புறம் அந்த வேண்டுகோள் : டிசம்பரில் வரவுள்ள "மர்மத் தீவில் மாயாவி" இதழின் 6 பக்கங்கள் நம்மிடமுள்ள பிரதியினில் ஓரங்கள் வெட்டப்பட்டுள்ள நிலையில் உள்ளன ; so யாரிடமேனும் இந்த இதழ் பத்திரமாய் இருப்பின் சொல்லுங்களேன் - ப்ளீஸ் ? கூரியரில் அனுப்பித் தந்தீர்களெனில் இரண்டே நாட்களில் திரும்ப அனுப்பிடுவோம் ! 

Update on the new books : 4 இதழ்களையும் அச்சிட்டு முடித்த கையோடு - பைண்டிங் ஆபீசில் வாசலில் அந்த கிராபிக் நாவல் ராப்பரில் உள்ள ஆவியைப் போல் கோந்து போட்டு நின்று வருகிறோம் ! மனுஷன் நின்றாலோ ; நடந்தாலோ - நம்மவர்களும் அவ்ருக்கு நிழலாய்த் தொடர்கிறார்கள் ! நாளைய தினம் நிச்சயம் despatch தினமாயிருக்கும் என்ற நம்பிக்கையோடு இப்போதைக்கு விடைபெறுகிறேன் ! 

Bye all ! See you around !!

மறுபடியுமொரு பின்குறிப்பு : கிராபிக் நாவல் பணியில் தொடர்ச்சியாய்  2 நாட்கள் என்பதால் - தலைப்புகளும் அந்த பாணியில் அமைந்து போகின்றன ! கவலை வேண்டாம் - சீக்கிரமே தெளிந்து விடுவேன் ! 

Saturday, September 23, 2017

ஆ.பு......தீ.ம....!

நண்பர்களே,

வணக்கம்.  கூப்பிடு தொலைவிற்கு அக்டோபர் நெருங்கியிருக்க, நாலில் மூன்று இதழ்கள் அச்சுப் பணிகள் நிறைவுற்று மினுமினுக்கின்றன ! And  வழக்கம் போலவே கிராபிக் நாவலின் மீது மட்டும்  சற்றே கூடுதலாய் கவனம் அவசியமாவதால் இன்றும், நாளையும் அதற்கென நேரம் ஒதுக்கித் தயார் செய்து, புதன் காலையில் உங்கள் கூரியர் பார்சல்களை அனுப்பிடுவதாகத் திட்டமிட்டுள்ளோம் ! நமது சர்வீஸில் - ஆயுத பூஜைக்கே தீபாவளி மலர் தயாராவது இது தான் முதல்முறை என்று சொல்வேன் !! அந்த என்னமோ போடா மாதவா moment #

இதோ - ஆண்டின் முதல் புது சாகசத்தோடு உட்ஸிடியின் பட்டாளம் உங்களைச் சந்திக்கத் தயாராகிடும் இதழின் அட்டைப்பட preview :
வழக்கம் போலவே ஒரிஜினல் டிசைனே நமது ராப்பராகியுள்ளது ; பின்னட்டை மாத்திரமே நமது கைவண்ணம் ! கதையைப் பொறுத்தவரைக்கும் - இது ஒரு முழுநீளக் கெக்கேபிக்கே தோரணம் என்று சொல்வதை விடவும், நகைச்சுவையாய்ச் சொல்லப்பட்டதொரு ஜாலியான adventure என்று சொல்லலாம் ! ஒரு முழுநீள சாகசம் + குட்டிக் கதைகள் என்ற ஆரம்ப நாட்களின் template இந்த இதழிலும் நடைமுறை காண்கிறது ! இதோ உட்பக்க டீசர் : 
And இதோ - லயன் கிராபிக் நாவலின் இதழ் # 4-ன் அட்டைப்பட முதல்பார்வையும் !
இந்த இதழும் போனெல்லியின் கறுப்பு-வெள்ளை Le Storie வரிசையினைச் சார்ந்தது என்பதால் - வழக்கம் போலவே ஒரு மாறுபட்ட களத்தில்கதை அரங்கேறுவதைப் பார்த்திடலாம் ! "இது தான் கதையின் pattern " என்று எவ்வித வட்டத்தினுள்ளும் இந்தத் தொடரினை அடைக்க இயலாது என்பதே இதன் பிரத்யேகத்தனம்  என்பேன் ! இம்முறையுமே நாம் இதுவரையிலும் பார்த்தேயிரா ஒரு setting ! இங்கிலாந்தின் வேல்ஸ் பிராந்தியமும், அங்கு மக்களின் வாழ்வாதாரமாய்  இருந்து வந்த சுரங்கத் தொழிலும் தான் இந்த ஆல்பத்தின் ஜீவநாடி ! அந்த மண்ணில் அரங்கேறும் ஒரு படு வித்தியாசமான சாகசமே நமது அக்டோபரின் "கனவுகளின் கதையிது" ! பார்த்திட வேண்டும் -  "க.க." எவ்விதம் score செய்கிறதென்று !! 

So தமிழக அரசியலை விடவும் அதிரடியான புதுப் புதுக் கூட்டணிகளோடு வலம் வந்திடும் yet another month நம் முன்னே ! ஒரு கௌபாய் சாகசம் ; ஒரு கார்ட்டூன் ; ஒரு சூப்பர் ஹீரோ tale ; ஒரு கிராபிக் நாவல்  என்று இம்மாத combo அமைந்துள்ளதைப் பார்க்கும் போது கேள்வியொன்று உதித்தது தலைக்குள்ளே ! இத்தனை variety என்பது இல்லாது - ஒரே நாயகரின் சாகஸங்களைத் தொடர்ச்சியாய் ஆண்டாண்டு காலமாய் வெளியிட்டு வரும் நிறுவனங்களின் வாசகர்களின் ரசனைகள் எவ்விதம் shape ஆகியிருக்குமோ ? என்பதே அந்தக் கேள்வி ! போனெல்லியையே எடுத்துக் கொள்ளுங்களேன் - மாதா மாதம் ஒரு TEX ; ஒரு ஜூலியா ; ஒரு மர்ம மனிதன் மார்ட்டின் etc..etc..என்று போட்டுத் தாக்கி வருகின்றனர் ! மெஜாரிட்டி வாசகர்கள் டெக்சின் ரசிகர்கள் என்ற போதிலும், இதர நாயக / நாயகியரின் ஆல்பங்களை வாங்குவோர் predominantly அந்தந்த ஹீரோக்களின் ரசிகர்கள் மட்டுமேவாம் ! நமக்கெல்லாம் ஒரு முக்கால்வாசி TEX சந்தாவினை எட்டிப்பிடிக்கவே இத்தனை ஆண்டுகள் பிடித்துள்ளது ; variety என்றில்லாது, மாதந்தோறும் ஒரே நாயகரை நாமும் தரிசிப்பதாயின் அது எப்படிப்பட்ட அனுபவமாக இருக்கக் கூடுமென்பீர்கள் guys ? யோசித்துத் தான் பாருங்களேன் ?  And அப்படியே ஒரே நாயகரை 12 மாதங்களும் ரசித்திடுவதாயின் - நமது தற்போதைய அணிவகுப்பில் TEX தவிர்த்து வேறு யாரையெல்லாம் இதற்கெனத் தேர்வு செய்திட முடியுமென்பீர்கள் ? இது strictly சும்மா ஜாலிக்காண்டியான கேள்வியே என்பதால் ஜாலியாக மட்டுமே இதனுள் புகுந்திடலாமே ? 

Looking ahead - 2018-ன் அட்டவணை பற்றி நிறையவே பில்டப் கொடுத்திருக்கும் நிலையில் மேற்கொண்டு பிட்டு போடும் வேலையைச் செய்யப் போவதில்லை நான் ! மாறாக - கேட்லாக்கின் முன்னட்டை first look-ஐ உங்களிடம் காட்டினாலென்னவென்று தோன்றியது ! 
ஒவ்வொரு வருடமும் இந்த அட்டவணைத் தயாரிப்பென்பது நமது DTP அணியை போட்டுப் பிழிந்தெடுக்கும் படலமே ! என்னளவிற்கு ஏகமாய் ரோசனைகள் செய்து முடித்த கையோடு - வரிசையாய் அத்தனை கதைகளின் பட்டியலையும் ; அந்நேரத்துக்கு எனக்குத் தோன்றியிருந்த பெயர்களோடு எழுதிக் கொடுத்து விட்டு, அவை ஒவ்வொன்றுக்குமான விளம்பரப் படங்களைத் தேடிப் பிடித்து தேற்றித் தந்தாக வேண்டும் ! சில சந்தர்ப்பங்களில் நெட்டில் படங்கள் சிக்கும் ; பல சந்தர்ப்பங்களில் படைப்பாளிகளைக் கதற கதற அழ வைத்துகாரியம் சாதிக்க வேண்டி வரும் ! அப்புறமாய் ஆரம்பிப்பது தான் ஒரிஜினல் குலை குலையா முந்திரிக்கா ஆட்டமே ! "இந்தக் கதைக்கு பெயர் சரியில்லை ; இந்தக் கதைக்கு சித்திரங்கள் சரியில்லை ; இந்தக் கதையே சரியில்லை" ; அய்யய்யோ - திட்டமிடலில் ஆண்டுமலரைக் காணோமே ? ; இந்த ஹீரோவே வேண்டாம் ; அந்த அம்மணிக்கு VRS கொடுப்போம் ; கிழிஞ்சது போ  - பட்ஜெட் எகிறுது ; இந்தக் கதையைத் தூக்கி அங்கே போடு ; அதைத் தூக்கி தூர போடு ! " என்று நித்தமொரு 'ஆட்றா ராமா....தான்றா ராமா!!" கூத்து அரங்கேறத் துவங்கும். நான் காலையில் ஆபீசுக்குள் நுழையும் போதே 'இன்னிக்கு முழியாங்கண்ணன் என்ன செய்யக் காத்திருக்கானோ ?" என்ற பீதியோடே  DTP அணி இருப்பதுண்டு ! இந்தாண்டு அட்டவணையின் வடிவமைப்பு முழுக்கவே கோகிலா தான் ! இதுவரையிலும் அரை டஜன் பிரிண்ட்களாவது போட்டிருப்போம் முழு அட்டவணையையும் - வண்டி மாற்றங்களோடு ! இப்போதைய நிலவரப்படி குறைந்த பட்சம் 4 புதியவர்களுண்டு - 2018-ன் பயணத்திற்கு ! அந்த நம்பர் கூடவும் செய்யலாம் ; குறையவும் செய்யலாம் - தீபாவளிக்கு மறுதினம் ஆன்லைனில் 2018-ன் planner-ஐ உங்களிடம் காட்டுவதற்குள்ளாக ! 

Maybe ஏதேனுமொரு வருஷம் மட்டுமாவது அட்டவணையின் திட்டமிடலை எங்கள்மட்டிற்குச் செய்து விட்டு - அதனை உங்களிடம் அறிவிக்காமலே ஆண்டைத் துவக்கிட்டால் எப்படியிருக்கும் என்று நினைத்துப் பார்ப்பேன் !! மாதந்தோறும் கூரியர் டப்பாக்களுக்குள் என்ன இதழ்கள் உள்ளனவோ ? என்பதே தெரியாது காத்திருக்கும் சஸ்பென்ஸ் எத்தகையதாக இருக்குமென்று சொல்வீர்கள் guys ? காத்திருக்கும் புது இதழ்களின் அறிவிப்புகளைக் கொண்டே  மாதத்தின் பாதிப் பதிவுகளை ஒப்பேற்றும் எனக்கு, முன்கூட்டிய அறிவிப்புகளில்லை எனும் பட்சத்தில் சமாளிக்கத் திணறிப் போய் விடும் என்பதே  இதனில் எனக்குத் தட்டுப்படும் உடனடிச் சிக்கல் !! Again - இதுவும் ஒரு லூட்டிக்காண்டி சிந்தனை மாத்திரமே என்பதால் சீரியஸாக எடுத்துக் கொள்ள வேண்டாமே ? !

முன்னே கொஞ்சம் பார்த்தாகி விட்ட நிலையில் - பின்னேயும் கொஞ்சமாய் பார்வையினை ஓடச் செய்வோமா ? Moreso - சரியாய்  30 ஆண்டுகளுக்கு முன்பாய் இதே தருணத்தில் தான் - நானும், இன்றுவரைக்கும் உங்களில் பலரும் ஆராதிக்கும் இதழொன்று வெளியானதெனும் போது !! Oh yes - சாதனை படைத்த "லயன் சூப்பர் ஸ்பெஷல்" 1987-ன் தீபாவளிக்கு ரூபாய் பத்து என்ற விலையோடு அட்டகாசமாய் களமிறங்கி 30 ஆண்டுகள் ஓடிவிட்டன ! இன்றைக்கு ஆயிரம் ; இரண்டாயிரம் என்ற விலைகளெல்லாம் நமது அகராதியினில் சகஜமாகிவிட்ட நிலையில் அன்றைய பத்து ரூபாய் இதழுக்கு அப்படியென்ன craze இருந்திருக்க முடியுமென இந்தத் தலைமுறையைச் சார்ந்த புது வாசகர்கள் நினைத்திடக்கூடும் ! ஆனால் ஒரு ரூபாய்த் தாள்களுமே புழக்கத்தில் இருந்துவந்த அந்த நாட்களில் அதுவொரு அசாத்திய விலை - at least ஒரு காமிக்ஸ் இதழுக்கு !!  
ஒரு ஞாயிறு காலையில் "இதுதான் விலை ; இதுதான் புக்" என்று மேக்கி நூடுல்ஸ் வேகத்தில் கிண்டிவிட்ட கையோடு பணிகளுக்குள் நான் மூழ்கிப் போனது நினைவுள்ளது ; ஆனால் எனது தாத்தாவோ பதறிப் போய் விட்டார் ! என்னிடம் தனது கலக்கத்தை நேரடியாய்க் காட்டாது - தைரியம் சொல்வது போல் அவர் நடந்து கொண்டாலும், உள்ளுக்குள் "பேரப் பிள்ளை ஏழரையை இழுத்து விட்டுட்டானோ !!" என்ற மிரட்சி மிகுந்திருந்ததை நானறிவேன் ! பயமெனும் தொற்று நோய் தான் சைக்கிள் கேப்பில் கிடா வெட்டி விடுமே ? ; என்னை மட்டும் விட்டு வைக்குமா - என்ன ? "ஆங்...அதுலாம் பாத்துக்கலாம் !" என்றபடிக்கே ஆபீசில் அவர் பங்குக்கு உடுக்கையடித்த சீனியர் staff பொன்னுச்சாமியைச் சமாளித்துவிட்டாலுமே - எனக்குள்  அடிமட்டம் ; நடுமட்டம் மேல்மட்டம் என்று சகல மட்டங்களிலும் ரிக்டர் ஸ்கேலில் 8.0 நிலநடுக்கம் நேர்ந்தது போலொரு ஆட்டம் இருந்ததை இன்றளவும் மறக்க இயலவில்லை ! 

BATMAN ; ஸ்பைடர் ; ஆர்ச்சி ; மாயாவி ; இரட்டை வேட்டையர் ; நார்மன் என்று ஏகப்பட்ட ஸ்டார் நாயகர்களோடு துளி ரிஸ்கும் இல்லாது வண்டியோட்ட வாய்ப்புகள் சல்லிசாய் இருந்த நாட்களவை ! So இந்தக் குரங்கு பல்டி அடித்து மண்டையை புடைக்கச் செய்து கொள்ள முகாந்திரங்கள் இருக்கவில்லை தான் ! ஆனால் கைவசம் குவிந்து போய் விட்ட கதைகளை இது போலொரு தருணத்தில் 'ஏக் தம்மில்' காலி செய்யாது போனால் கடும் பண வறட்சிக்கு அது காரணமாகி விடுமோ  என்ற பயமே என்னை இந்தக் கூத்துக்குத் தயாராக்கியது ! தொடர்ந்த மாதங்களின் ஒவ்வொரு நாளிரவுமே இப்போதும் எனக்கு நினைவில் உள்ளது ! நமது ஓவிய அணி முழு வீச்சில் + அச்சுக் கோர்க்கும் பணியாளர்களும் ஒவ்வொரு  நாளிரவும் 2 மணி வரைக்கும்  கொட்டாவிகளையும், கொசுக்களையும் போராடிக் கொண்டே பணியாற்றுவார்கள் ! நான் நள்ளிரவைத் தொடும் வேளைக்கு சாவகாசமாய் புரோட்டா ஸ்டால்களை தினமொன்றாய் படையெடுத்துவிட்டு, பணியாளர்களுக்கு பார்சல்கள் ஏற்பாடு செய்திடுவேன் ! அந்த 500+ பக்க ஸ்பெஷல் இதழுக்குப் பின்னே குறைந்த பட்சம் ஓராயிரம் புரோட்டாக்களாவது பதுங்கி கிடப்பது நிச்சயம் !! கம்பியூட்டர்கள் கிடையாது ; சகலமும் மனிதத் திறன்களின் பலன்களே எனும் பொழுது - அவர்கள் ஒவ்வொருவருமே ஆத்மார்த்தமான ஈடுபாட்டோடு களமிறங்கிடாவிடின் சர்வ நிச்சயமாய் அந்த இதழ் கரை சேர்ந்திருக்காது ! 

கதைச் சுருக்கங்கள் ; பிட் நோட்டீஸ்கள் என்று ஏதேதோ அந்த இதழின் teaser ஆகத் திட்டமிட்டது ; சுடச் சுட டிசைன் செய்தது ; டிசைனின் இந்தியன் இன்க் காயும் முன்பாகவே பிராசஸ் செய்து சிக்கிய சிக்கிய கலர்களிலெல்லாம் அவற்றை அச்சிட்டது என்று என்னென்னெவோ செய்தோம் இந்த "மெகா" இதழை சொதப்பாது காப்பாற்ற வேண்டுமென்ற முனைப்பில் ! 

அதை விடவும் இந்த ராக்கூத்துக்களின் பின்னணியில் வேறொரு காரணமும் இருந்தது ! வீட்டுக்குக் காலத்தோடு போய் விட்டால் எனது தாத்தா முழித்திருப்பார் ; ஏதேனும் கேள்வி கேட்பாரோ என்ற பயம் ! திருடன் கோணிப்பையைத் தூக்கித் திரியும் இரவு இரண்டு மணிவாக்கில் வீடு திரும்பினால் தூக்கக் கலக்கத்தில் அம்மா தான் கதவைத் திறப்பார்கள் ; சத்தமின்றிப் போய் படுக்கையில் விழுந்து விடலாம் ! அதே போல காலையிலும் "பிள்ளை  2 மணிக்குத் தான் வீடு திரும்பிச்சு ; தூங்கட்டும்" என்று தொந்தரவு செய்ய மாட்டார்கள் ! So தாத்தா வீட்டிலிருக்கும் அந்த சீக்கிரப் பொழுதுகளை நான் குறட்டை உலகில் கழித்து விடுவேன் ! ஒரு மாதிரியாய் உங்களது உற்சாக வரவேற்பு - ஆர்டர்களாக ; முன்பதிவுகளாக ஏஜெண்ட்களிடமிருந்து வரத் துவங்கிய பொழுது சன்னம் சன்னமாய் என் ஜீவன் திரும்பத் துவங்கியது !  

அப்போதெல்லாம் யாருக்கும் கடன் என்ற பேச்சே கிடையாது ; முழுத் தொகையும் முன்பணமாய்க் கிட்டாது போனால் - "ரிஜிட்ட் " என்று அந்த ஊர் முகவரின் கடுதாசியை ஓரம் கட்டி விடுவேன் ! தினமும் காலையில் கடிதங்களைக் கையில் தொட்டுப் பார்க்கும் கணமே எனக்கு யூகிக்க சாத்தியமாகியிருக்கும் - "ஆங்..இது திண்டுக்கல் ஏஜெண்ட் கவர் ; கனமா இருக்கு ; LVB பேங்க் டிராப்ட் உள்ளே இருக்கும் ; இது கோவை முகவரோட லெட்டர் - அரிசி மணிகள் போன்ற எழுத்துக்களில் ஆர்டர் குறிப்பிடப்பட்டிருக்கும் ; IOB டிராப்ட் ரூ.3000 க்கு இருக்கும்" என்ற ரீதியில் !! கவர்களை உடைத்து, டிராஃப்டுகளை ஒன்றொன்றாய் வெளியே எடுத்து டோட்டல் போட்டு அவற்றை பேங்குக்கு எடுத்துப் போகும் போது மனசு றெக்கை கட்டிப் பறக்கும் பாருங்களேன் - Lufthansa வாவது ; ஏர் இந்தியாவாவது - விமானங்களெல்லாம் பிச்சை எடுக்க வேண்டிவரும் அந்த மானசீகப் பறக்கும் படலங்கள் முன்னே !

And இந்த ஸ்பெஷல் வெளியீட்டின் விலை வழக்கத்தை விடவும் 5 மடங்கு கூடுதல் என்பதால் கிட்டும் டிராஃப்டுகளின் கனமும் பன்மடங்கு ஜாஸ்தி என்பதால்  தினமுமே காது வரை விரிந்து கிடக்கும்  சிரிப்பு ! வழக்கமாய் பில்களுக்குப் பணம் கேட்டு வருவோர்க்கு அதிக அலைச்சல்களை உண்டாக்காது ஒரு மாதிரியாய்ப் பணம் தந்து விடுவேன் அந்நாட்களில் ! ஆனால் அந்த குறிப்பிட்ட அக்டோபர் மாதத்திலோ - அத்தனை பேருக்குமே இரும்புச் செருப்புக்கள் வாங்கிடும் அவசியத்தை ஏற்படுத்திவிட்டேன் - வங்கி கணக்கில் கணிசமாய்ப் பணம் இருந்துமே !! வாழ்க்கையில் முதன்முறையாக ஒரு லட்சத்துக்கு மேலான தொகை என்னிடம் இருப்பில் இருந்த அந்த சந்தோஷத்தை அத்தனை சீக்கிரத்தில் இழக்க மனமில்லை என்பதே அத்தனை பேருக்கும் தற்காலிகமாய் அல்வா கிண்டியதன் பின்னணி ! பில்களுக்கு மளமளவென்று பணம் கொடுத்து இருப்பைக் கரைத்து விடாமல் - பேங்க் பாஸ்புக்கை இலட்சத்திச் சொச்சம் என்ற மோன நிலையிலேயே கொஞ்ச நாட்களுக்காவது தொடரச் செய்ய நினைத்தது இன்றைக்கு டுபுக்குத்தனமாய்த் தோன்றுகிறது ! ஆனால் 30 ஆண்டுகளுக்கு முன்பான லோகத்தில் சகலமுமே வேறொரு விதமன்றோ ?

பலரின் அசுர உழைப்பின் பலனாய் ஒருவழியாய் இதழ் வெளியானது ; தட்டுத் தடுமாறியேனும் சொன்னதைச் செய்து விட்டேனென்ற குஷியில் சுற்றித் திரிந்தது ; நான் கவனிக்கவில்லை என்ற எண்ணத்தில் - பருமனான இதழைக் கையில் தூக்கிப் புரட்டிப் பார்த்தவாறே "பரவாயில்லேலே டா ராதாகிருஷ்ணா ? புக்க நல்லா போட்டிருக்கான்லே பய ? " என்று கேட்டபடிக்கே "ஆர்டர்லாம் நெறய வருதுலே ?" என்று வினவிய தாத்தாவை மிஷின் ஹாலிலிருந்து வேடிக்கை பார்த்தது என்று வாழ்க்கையின் சந்தோஷங்களையும், பாடங்களையும் ஒட்டு மொத்தமாய் உணர வழிதேடித் தந்த அந்த "சூப்பர் ஸ்பெஷல்" நாளை 30 years down the line நினைவு கூர்ந்து பார்க்கிறேன் ! வாழ்கைக்குத் தான் எத்தனை எத்தனை  வர்ணங்கள் !! 

மீண்டும் சந்திப்போம் guys - bye for now ! அந்த சூப்பர் ஸ்பெஷல் நாட்களில் நம்மோடு இணைந்திருந்த நண்பர்கள் இருப்பின், அவர்களது மலரும் நினைவுகளை பகிர்ந்திடலாமே ? Have an awesome weekend ! 

Monday, September 18, 2017

பழசும்..புதுசும்..!

நண்பர்களே,

வணக்கம். ஒரே நாளில் முச்சதம் போட்டுத் தாக்கி விட்டீர்கள் !! And கொஞ்சமும் மொக்கைகளின்றி அலசல்கள் நகர்ந்தது தான் செம highlight ! So நமது சம்பிரதாய வழக்கப்படி - இதோ பிடியுங்கள் ஒரு உபபதிவினை !! 

கிராபிக் நாவல்களின் கூடி வரும் தாக்கம் ; XIII போன்ற அழுத்தமான தொடர்கள் எட்டிப் பிடிக்கும் வெற்றிகள் என நமது நாட்கள் நகர்வதால் தான் - ரசனைகளில் ஒரு திருப்புமுனை நமக்குக் காத்துள்ளதா ? என்ற கேள்வியினை எழுப்பினேன். ஆறு மாதங்களுக்கொருமுறை நான் இதே பாட்டைப் பாடுவது போல் தோன்றலாம் தான் ; ஆனால் ரசனைசார் விஷயங்களில் எதுவும் சாஸ்வதமல்ல என்பதாலேயே எனது அவ்வப்போதைய வினவல்கள் ! இன்றைய KFC தலைகாட்டும்வரை எங்கள் மதுரையில் கோலோச்சியது கோணார் மெஸ் & குமார் மெஸ் !  IBACO -க்களும் ; Haagendaaz ; Movenpick ஐஸ்கிரீம்கள் ஒரு ஐந்து நட்சத்திர ஹோட்டலுக்கு இணையாய் கடைவிரிக்கும் வரையிலும் உள்ளூர் குச்சி ஐஸ் & சேமியா ஐஸ் தானே ராஜாக்கள் ?  நாட்களும், நம்முன்னே உள்ள தேர்வுகளும் மாறிக் கொண்டே செல்லும் சமயம் - ரசனைகளும் மாறுவதை வாழ்க்கையின் ஒவ்வொரு இண்டு இடுக்கிலும் பார்க்க முடிகிறதென்பதால் தான் - "நான் சரியா தானே பேசிட்டிருக்கேன் ?" என்று அவ்வப்போது சங்கிலிமுருகன் ஆக நேரிடுகிறது ! 

ஆனால் "நாங்க சேமியா ஐஸும் சாப்பிடுவோம் ; KFC -யிலும் ரவுன்ட் கட்டி அடிப்போம் ; கோணார் கடையையும் விட்டு வைக்க மாட்டோம் ; 5 ஸ்டார் விடுதிகளையும் ஒரு கை பார்ப்போம் !" எனும் ரீதியில் பழசையும், புதுசையும் ஒருங்கே அதே வாஞ்சையோடு அரவணைத்து வரும் நீங்கள் ரொம்ப ரொம்ப ஸ்பெஷல் ரகம் guys !! உங்களின் இந்த ரசனைகளின் பன்முகத்தன்மை எனக்குச் சொல்லாமல் சொல்லும் சேதி - இதோ ஒரு memes ரூபத்தில் இணையத்தில் கண்ணில் பட்டது !!! 

RESPECT THE PAST - பழசை ஆராதிப்போம் !!

EMBRACE THE FUTURE - புதுசை அரவணைப்போம் !!

அசத்துங்கள் அசாத்தியர்களே !! Bye now !! 

P.S : ஒரு பெரிய்ய பின்குறிப்பு : இது கண்ணில்பட்டவொரு  memes மாத்திரமே   ; நாம் சூப்பர்மேனையோ ; பேட்மேனையோ ; ஒண்டெர் வுமனையோ (இப்போதைக்காவது) வெளியிடவிருக்கிறோம் என்று நினைத்துவிட வேண்டாமே - ப்ளீஸ் !! 

Saturday, September 16, 2017

பெல்ஜியம் in இத்தாலி !

நண்பர்களே.

வணக்கம். கொஞ்சம் பயணம் ; கொஞ்சம் சொந்தப் பணிகள் ; நிறைய அக்டோபர் இதழ்களின் பணிகள் என்று எனது கடந்த வாரம் முழுமையாய் ஓடியிருக்க, வலைப்பதிவுப் பக்கமாய்த் தலைவைக்க சாத்தியமாகிடவில்லை ! இந்த ஞாயிறு மதியமாவது , முந்தைய பதிவு + இன்றைய பதிவின் அலசல்களுக்கு உங்களோடு நேரம் செலவிட எண்ணியுள்ளேன் ! Given a choice - ஒவ்வொரு ஞாயிறும் இங்கே அரட்டை அடிக்க நேரம் எடுத்துக் கொள்ள செம ஆர்வமே ; ஆனால் வேறு இடையூறுகளின்றி மொழிபெயர்ப்புக்குள்ளோ ; புதுத் தேர்வுகளை மதிப்பீடு செய்திடும் படலத்துக்குள்ளோ புகுந்திட இந்த விடுமுறை தினமே வாகான வேளையாக இருப்பதால் அதனைத் தவிர்ப்பது சிரமமாகிப் போய் விடுகிறது ! 

அட்டவணையினை 95% முடித்து விட்டிருக்கும் தருணத்தில் - இறுதி நிமிடக் கூட்டல் / கழித்தல்கள் அரங்கேறி வருகின்றன ! கடந்த பதிவில் விலைகள் பற்றி சில பின்னூட்டங்கள் இருப்பதையும், நண்பர்கள் அதற்கான விளக்கங்களையும் அழகாய்ச் சொல்லியிருந்ததைக் கவனித்தேன் ! நிறைய முறைகள் நாம் அலசி விட்டுள்ள topic தான் என்பதால் மீண்டும் துவக்கத்திலிருந்து நான் ஆரம்பிக்க அவசியமிராது என்றே நினைக்கிறேன் ! But - சமீப சில நிகழ்வுகள் உங்களுக்குத் தெரிந்திருக்க வாய்ப்புகள் சொற்பமே என்பதால் அதை பற்றி லேசாக !

ஜூலையில் தேசம் முழுக்க GST வரி அமலானது ஒவ்வொரு தொழிலுக்கும் ஒவ்வொரு விதத்தில் சாதக-பாதகங்களை ஏற்படுத்தியுள்ளன ! நம்மளவிற்கு புத்தக விற்பனைகளுக்கு  GST வரிகள் ஏதும் கிடையாதென்ற போதிலும் - தயாரிப்பின் ஒவ்வொரு நிலையிலும் இப்போது தர்ம அடி வாங்கி வருகிறோம் ! பேப்பரின் மீதிருந்த 5% வரியானது இப்போது 12% என்றாகியுள்ளது ! நியாயப்படிப் பார்த்தால் பேப்பர் மில்கள் தங்கள் உற்பத்தி விலைகளைக் குறைத்து விட்டு அப்புறமாய் GST 12% வரி விதிப்பைச் செய்திட வேண்டும். ஆனால் உதடைப் பெரிதாய்ச் சுளித்து விட்டு - 'விலை அதே தான் ; பிளஸ் 12% GST ' என்று ஒரே போடாகப் போட்டு விட்டுக் கிளம்பி விடுகிறார்கள் ! இது போதாதென்று அச்சுக்கு அவசியமான முக்கால்வாசிப் பொருட்கள் மீது இப்போது 18 % வரி ! And இதுநாள்வரை பைண்டிங் + கூரியர்கள் மீது வரிச்சுமை இல்லாதிருக்க - ஜூலை முதலோ அங்கும் 18% ! சரக்குக் கட்டணங்களும் (ஏஜெண்ட்களுக்கு அனுப்பும் "சரக்கு" சாமியோவ் !!) இப்போது கிட்டத்தட்ட 20% கூடுதல் எனும் பொழுது - சந்துக்குள் சிக்கிய பெருச்சாளி நிலைமை தான் ஒவ்வொரு பதிப்பகத்துக்குமே ! விலையேற்றம் என்பது எல்லோருக்குமே அத்தனை சுலபமல்ல எனும் போது - தத்தம் விளம்பரக் கட்டணங்களைக் கூட்டி வைத்துக் கொண்டு லேசாகச் சமாளிக்க முற்படுகின்றனர் ! ஆனால் "விளம்பரம்-னா வீசம்படி எவ்ளோ ?" என்று கேட்கும் நம் போன்றவர்களுக்கு அந்த மார்க்கமும் லேது ! So முன்கூட்டிய சந்தா நிர்ணயங்களுக்குள் இந்த எதிர்பாரா சமாச்சாரங்களுக்கெல்லாம் cushion இம்மியூண்டும் கிடையாது என்பதால் பல்லைக் கடித்துக் கொண்டே தொடர வேண்டியுள்ளது ! அதற்காக காத்திருக்கும் புது அட்டவணையிலும் பெருசாய் விலையேற்றங்களை செய்திடுவதாகவுமில்லை ! அதே ரூ.75 விலையிலேயே வண்ண இதழ்கள் தொடரும் ; மறுபதிப்புகள் மட்டும் ஐம்பதில் தாக்குப்பிடிக்கவே முடியவில்லை என்ற நிலையில் ரூ.60 என்றிருக்கும் !

"விலைகளைக் கட்டுக்குள் வைத்திட  ;இதைக் குறைக்கலாம் - அதைக் குறைக்கலாம்" என்ற யோசனைகள் சகலத்திலுமே தரத்தில் சமரசம் செய்து கொள்ளும் சிந்தனைகளே மேலோங்கி நிற்கின்றன ! கடந்த காலங்களில் செய்த அதே தவறுகளை மறுபடியும் செய்வதாக இல்லை என்பதால் - இந்த ரிவர்ஸ் கியர் போடும் யுக்தியினை நாடுவதாகவே இல்லை ! "கலர் வேண்டாம் ; black & white போதும்" என்ற சிந்தனைகளுக்கு நான் சொல்லக் கூடியது ஒன்றே : ஒரேயொரு லார்கோ இதழை ; லக்கி லூக் ஆல்பத்தை கருப்பு - வெள்ளையில் கற்பனை செய்து பாருங்களேன் என்பதையே ! கதையும், சித்திரங்களும் ஒரு ஆக்கத்துக்கு எத்தனை அத்தியாவசியமோ - அதே அளவு முக்கியத்துவம் கொண்டது வர்ணச் சேர்க்கையுமே ! அந்தக் காலத்தில் தான் வேறு நாதியின்றி black & white-ல் சாகடித்தோம் பல படைப்புகளை ; இன்றும் அதைத் தொடரத் தான் வேண்டுமா ? And இன்றைக்கு நமக்கு பல சர்வதேசப் படைப்பாளிகளின் கதவுகள் திறக்கின்றன என்றால் - அது ஓரளவுக்காவது கண்ணைக் கொண்டு பார்க்கக்கூடிய தரத்தை எட்டிப்பிடிக்க நாம் முயற்சிக்கிறோம் என்பதாலேயே ! So 'தற்போதைய பாதையில் பை-பாஸ் போடுவோமா ?' என்ற சிந்தைகள் வேண்டாமே - ப்ளீஸ் ? More than anything else - ஐந்து ரூபாய்களுக்கும், பத்து ரூபாய்களுக்கும் வெளியிட்டுமே கிட்டங்கி முழுக்க பிரதிகள் தேங்கிக் கிடந்த நாட்களும் நமக்குப் பரிச்சயம்  தானே ?  So அதே ரூட்டில் மறுபடியும் வண்டியை விடச் சொல்வதற்குப் பதிலாய் - முன்செல்லும் பாதைக்குப் பிரயோஜனமான யோசனைகளை சொல்லிடலாமே ? நண்பர் ராகவன் சொல்லும் அந்தக் "கூட்டுச் சந்தா" பாணியானதை நடைமுறைப்படுத்திட நாங்கள் தயார் !  இரண்டோ-மூன்றோ நண்பர்கள் ஒன்றிணைந்து சந்தா செலுத்துவதாயின் - சுழற்சி முறையில் ஒவ்வொருவரது முகவரிக்கும் கூரியர்களை அனுப்பிடலாம் ! So இது போல் ஏதேனும் நடைமுறை சாத்தியம் கொண்ட சிந்தனைகளுக்கு நம் செவிகள் எப்போதும் திறந்திருக்கும் ! அதே போல புது அட்டவணையில் - "கார்ட்டூன் வேண்டும் / வேண்டாம் ; TEX வேண்டும் / வேண்டாம் ; மறுபதிப்புகள் வேண்டும் / வேண்டாம் " என சகல ரசனைத் தேர்வுகளுக்குமே வாய்ப்பிருக்கும் ! So பிடித்ததை மட்டும் வாங்கிடும் சுதந்திரம் உங்களதே ! இருப்பதை ரசித்திடுவோமே guys - இல்லாததைத் தேடும் வேளைதனில் ! Maybe long term திட்டமிடலில் - டெக்ஸ் இதழ்களை தற்போதைய சைஸிலிருந்து - "நிலவொளியில் நரபலி" சைசுக்கு மாற்றுவதாயின் விலைகளில் சுமார் 20 ரூபாய் குறைய வாய்ப்பிருக்கலாம் ! அந்த சைசில் படிப்பதில் சிரமமிராதெனில் - எனக்கதில் சிக்கலிராது ! அதே சமாச்சாரம் தான் மறுபதிப்புகளுக்குமே ! ஆனால் ரெண்டடி தொலைவில் நிற்கும் நீர்யானையையே கண்ணைச் சுறுக்கிப் பார்க்கும் அவசியமுள்ள என்போன்ற நண்பர்களுக்கு இதனில் எத்தனை உடன்பாடிருக்கக் கூடுமென்பது anybody's guess !

இந்த ஆராய்ச்சிகள் இத்தோடு போதுமென்பதால் - அக்டோபர் பக்கமாய்ப் பார்வைகளை ஓட விடுவோமா ? காத்திருக்கும் "லயன் தீபாவளி மலர்"  சிலபல highlights-க்கு சொந்தம் கொண்டாடக்கூடியது என்பேன் !

மெகா சைசில் முழு வண்ணம் என்பது HL # 1 ! சென்றாண்டின் 'தலையில்லாப் போராளி" தந்த உத்வேகத்தை நாம் அத்தனை சீக்கிரம் மறந்திருக்க மாட்டோம் தானே ?! அதே மெகா சைசில் முழுவண்ணம் எனும் பொழுது இதழ்  சும்மா மினுமினுக்கிறது !

HL # 2 - நமது இரவுக் கழுகாரின் முதல் கிராபிக் நாவல் இதுவாகத் தானிருக்கும் என்பதே ! ஓவியர் Serpieri யின் இந்தப் படைப்பில் நம் ஆதர்ஷ டெக்ஸ் - கார்சன் ஜோடியின் முதல் சந்திப்புப் புள்ளி கண்ணில் காட்டப்படுவது மட்டுமன்றி - இந்த ஒட்டு மொத்தத் தொடரையுமே ஒரு மாறுபட்ட கோணத்தில் பார்த்திட முனைகிறது ! இறுதிப் பக்கத்திலுள்ள  மினி twist-ஐப் படித்தான  பின்னே ஒட்டுமொத்தக் கதையையுமே  ஒரு மறுவாசிப்பு செய்திடும் ஆர்வம் எழுமென்பது  நிச்சயம் !

HL # 3 : "பிரான்க்கோ-பெல்ஜிய பாணிகளில் நாங்களும் கலக்குவோம்லே ?" என்று டெக்சின் படைப்பாளிகள் உரக்கக் கூவுவதை இந்த இதழின் முழுமையிலும் உணரவிருக்கிறோம் ! பக்க அளவு ; சித்திர அமைப்புகள் ; கதை பாணியில் மாற்றம் ;ஓவிய / வர்ணச் சேர்க்கைகளில் வித்தியாசம் என்று இது ஒரு "பெல்ஜியம் in இத்தாலி " எனலாம் !

Hardcover-க்கு மட்டும் பட்ஜெட் இருந்திருப்பின், இன்னமும் மிரட்டலாய் இதழ் அமைந்திருக்கும் என்பது நிச்சயம். இந்த சைசில் - சொற்பப் பக்கங்களுக்கு மட்டும் hardcover என்பது  நிறையவே செலவாகும் என்பதால் அட்டவணையில் இதனைத் திட்டமிட்டிருக்கவில்லை ! And இதன் ராப்பரும் 60 நாட்களுக்கு முன்பாகவே அச்சாகி விட்டபடியால் கடைசி நிமிட மாற்றம் ஏதும் செய்திட வாய்ப்பிருக்கவில்லை ! இதோ - இந்த அதிரடி இதழின் அட்டைப்படப் preview !
ஒரிஜினல் அட்டைப்படம் துளி மாற்றமுமின்றி - பின்னணி வர்ணத்தில் மட்டும் மாறுதலோடு ! And பின்னட்டையும் இந்த இதழிலுள்ள கதை # 2 -ன் ஒரிஜினல் ராப்பரே ! உட்பக்க சித்திரங்களைப் பொறுத்தவரையிலும் இரு வேறு ஓவியர்களின் பாணிகள் இங்கே அமலில் உள்ளன என்பதால் முற்றிலும் மாறுபட்ட இரு மாதிரியான 'தல' தாண்டவங்களைப் பார்த்திடவுள்ளோம் !

இது கதை # 1-ன் உட்பக்கம் ! டெக்சின் கிட்டேயுள்ள மீசைக்கார மாமா தான் கார்சன் !

இதுவொரு ஓவிய அதகளம் என்பதாலும் ; இரவுக் கழுகாரின் துவக்கப் புள்ளி என்பதாலும், ஸ்கிரிப்ட்டில் பன்ச் வரிகளுக்கு அத்தனை முகாந்திரங்களில்லை !  இரண்டாம் சித்திரம்  மௌரோ போசெல்லியின் கதையின் உட்பக்க டீசர் !  

So ஒரு வித்தியாசமான வாசிப்பு அனுபவத்திற்குத் தயாராகிக் கொள்ளுங்கள் folks ! Talking about changes - எழுத்தாளர் அரவிந்தன் நீலகண்டன் - நமது காமிக்ஸ் வாசிப்பினில் நிகழ்ந்து வரும் மாற்றங்களை ஒரு நீண்ட (ஆங்கிலக்) கட்டுரையில் அழகாய் அலசியுள்ளார் - வலைத்தளக் கட்டுரை ஒன்றினில் ! நமது XIII தொடரில் துவங்கி ; "பிரளயத்தின் பிள்ளைகள்" என்று பயணமாகியுள்ளவர் - இம்மாதத்து "சித்தம் - சாத்தான்-சொந்தம்" இதழினை நிரம்பவே சிலாகித்துள்ளார் ! இதோ அந்த கட்டுரையின் லிங்க் : https://swarajyamag.com/culture/how-the-world-of-tamil-comics-is-going-through-a-quiet-revolution.உங்களின் ரசனைத் திறன்களுக்குக் கிடைத்துள்ள ஷொட்டு இது guys !! 

And இந்த கிராபிக் நாவல் எதிர்பாரா திக்குகளிலிருந்து மேற்கொண்டும் பாராட்டுக்களை ஈட்டி வருகின்றது ! கடந்த வாரத்தின் ஒருநாளில் ஒரு முன்னணிப் பதிப்பகத்தின் ஆசிரியர் தொலைபேசியில் அழைத்து இந்த கிராபிக் நாவலைப் பற்றி ரொம்பவே சந்தோஷம் தெரிவித்தார் ! நமது வாசக வட்டத்தின் பன்முகத்தன்மையை அவருமே வியப்போடு விவரித்த போது உங்கள் ஒவ்வொருவரின் காலர்களையும் தூக்கி விட்ட effect தான் என்கண்களில்  ! ஒரு 'பொம்மை புக்' வட்டத்துக்கு  கிட்டி வரும் அங்கீகாரம் சிறுகச் சிறுக மெருகேறி வருவதை எண்ணிடும் போது வெரி ஹேப்பி அண்ணாச்சி  ! 

அப்படியே ஒரு U -turn அடித்தால் இம்மாதம் நம்மைப் பார்த்து "ஈஈஈ" என்று இளிக்கத் தயாராகி நிற்கும் கூர்மண்டையருக்கு 'ஹலோ' சொல்லிடலாம் ! இதோ - சிலபல ஆண்டுகளுக்கு முன்புவரையிலும் நம்மை மெஸ்மெரிஸம் செய்து வைத்திருந்த ஸ்பைடரின் அட்டைப்பட preview !
இன்றும், இன்னமும் இவர் நமக்கொரு முக்கிய நபரே ; ஆனால் 2 வாரங்களுக்கு முன்பாய் பெர்லின் சுவர் பற்றியும், Cold War பற்றியும் அலசி விட்டு - 'டண்டணக்கா' என்று இந்த சிலந்தி உலகினுள் இப்போது குதிப்பது லைட்டாக ஜெர்க் அடிக்கச் செய்கிறது !! ஆனால் வானவில்லின் இரு முனைகளை நிதரிசனமாக்கிட இதை விடவும் வேறொரு உபாயம் இருப்பதாய் எனக்குத் தோன்றவில்லை ! இதோ அன்றைக்கு நாமெல்லாம் வாய்க்குள் ஈ போவதைக் கூட உணராது ரசித்ததொரு கதையின் உட்பக்கமும் ! And சேலத்து இரும்பு மனிதர் இதற்கான பிழைதிருத்தங்களைச் செய்து தந்து, எனது கேச இழப்பைக் கணிசமாய்க் குறைத்து விட்டிருக்கிறார் இம்முறை ! 
எனது இவ்வாரக் கேள்வியே இது சார்ந்து தான் all : இந்த புய்ப்ப தோரண நாட்களிலிருந்து நாம் ஒட்டு மொத்தமாய் நகர்ந்து விட்டோமென்று சொல்லுவது சரியாக இருக்குமா ? அல்லது இன்னமுமே இந்த மசாலா மன்னர்களுக்கு நம்மிடையே ஒரு இடம் தொடரத் தான் செய்கிறதா ? நம் ரசனைகளில் நேர்ந்துள்ளது ஒரு நிரந்தர shift ஆ ? அல்லது இன்றைக்கும்  நம்மில் ஒரு கணிச எண்ணிக்கை சட்டித் தலையன் ஆர்ச்சியை ஜனாதிபதியாக்க முயன்று வருவதையும்  மறந்து விடக்கூடாது என்பீர்களா ? மிகச் சரியாய்ச் சொல்வதாயின் நாம் தற்சமயம் நிற்பது மாற்றங்களின் வாயிலிலா ? அல்லது மாற்றங்கள் எனும் பெருங்கட்டிடம் கண்ணில்படும் தொலைவில் மட்டுமேவா ? 

Back to serious stuff - இதோ  XIII இரத்தப் படல வண்ணத் தொகுப்புக்கான இப்போதுவரையிலான முன்பதிவுப் பட்டியல். இயன்றமட்டிலும் இதனை ஒரு updated லிஸ்ட்டாகப் பார்த்திடலாம் ! இதிலும் விடுதல்கள் இருப்பின், திரு திருவென்று நான் விழிக்கும் படங்களைத் தான் இறக்கி விட்டாக வேண்டியிருக்கும் ! ஜெய் சஞ்சய் ராமசாமி ! 

கிட்டத்தட்ட பாதித் தூரத்தைக் கடந்து விட்டிருக்கிறோம் - முன்பதிவு  இலக்குதனில் !! இன்னமும் மீதப் பாதியைக் கடக்க எஞ்சியிருக்கும் நண்பர்களும் மனது வைத்திட வேண்டும் ! So please do chip in folks !! 

தற்போது நடந்து முடிந்துள்ள மதுரை புத்தக விழா சென்றாண்டைப் போலவே ஓ.கே. ரகத்தில் இருந்துள்ளதில் ஒரு நிம்மதிப் பெருமூச்சு !! கோவை & ஈரோடு இந்தாண்டினில் so so ரகம் தான் என்பதால் மதுரையை எண்ணியும் பயந்தே இருந்தேன் ! And மதுரையில் விற்பனை pattern கிட்டத்தட்ட மற்ற புத்தக விழாக்களின் பாணியிலேயே தான் ! Top of the list - லக்கி லூக் தான் ! And டெக்ஸ் வில்லர் இரண்டாமிடத்தில் ! ஆச்சர்யமாய் 'ஜெரெமியா' நன்றாக விற்றுள்ளது மதுரையில் !! இங்கொரு கொசுறுச் சேதி : 1200 பிரதிகள் மட்டுமே அச்சிடப்பட்ட லக்கி கிளாஸ்சிக்ஸ் & ஜெரெமியா கிட்டத்தட்ட காலியாகும் நிலையைத் தொட்டு நிற்கின்றன !! மிகக் குறைவான printrun  தான் என்ற போதிலும், ஏதேனுமொரு title ஸ்டாக் காலியாகிறதென்றாலே அதுவொரு தலைப்புச் செய்தியாகிப் போகிறது இப்போதெல்லாம் ! ஓராண்டு கையில் இருக்கும் இதழ்களால் நிச்சயம் தலை நோவுகள் கிடையாது ; மாறாக 4 ஆண்டுகளாகியும் நம் மீதான காதல் துளியும் குன்றா உடும்புப்பிடி ரோமியோக்களும், ஜூலியட்களுமே - தலைவலி மாத்திரைகளை டஜன்கணக்கில் வாங்கச் செய்கிறார்கள் !! 

2018-ன் அட்டவணையில் ஒரேயொரு சமாச்சாரம் மட்டும் என்னை மண்டை சொரியும் படலத்தினில் ஆழ்த்தி வருகிறது - குறிப்பிட்டவொரு நாயகரின் கதைக்கு எத்தனை slots வழங்கிடலாமென்ற ரோசனையில் ! அதனை மட்டும் பைசல் செய்து விட்டால் - we  should be ready to roll - அதாவது  கடைசி நிமிடத்தில் புதுசாய் ஏதேனும் கண்ணில் பட்டு நாவில் ஜலம் ஓடச்   செய்து மறுபரிசீலனைகளை உண்டாக்கிடாது இருக்கும் பட்சத்தில் ! எத்தனை முயன்றாலும் "அத்தனையையும் முயற்சிப்போமே" என்ற அந்தப் பேராசை மட்டும் போகவே மாட்டேன்கிறது !!

Before I sign off -ஒரு குட்டிச் சேதி :  இம்மாத இறுதியில் தொடர்ச்சியாய் ஆயுத பூஜை & காந்தி ஜெயந்தி விடுமுறைகள் வரவிருப்பதால் - அக்டோபர் இதழ்களை அதற்கு முன்பாகவே உங்களிடம் ஒப்படைக்க இயன்ற மட்டிலும் முயற்சிப்போம் ! தொடரும் அடுத்த சில நாட்களில் 'தம்' பிடித்துப் பணியாற்றினேன் என்றால் - செப்டெம்பரில் அக்டோபர் நிச்சயமாய் நிஜமாகிடும் !! ஜெய் புனித மனிடோ !! Bye all for now ! மதிய பொழுதில் நிச்சயம் ஆஜராகிடுவேன் !! So see you around for sure !!

Sunday, September 10, 2017

ஒரு காமிக்ஸ் கொத்தவால்சாவடி !

நண்பர்களே,

வணக்கம். கால ஓட்டத்தின் பல பரிமாணங்களை நமது லியனார்டோ தாத்தாவைப் போல் ஆராய்ச்சி செய்து வருகிறேன் !  நாலைந்து மாதங்களுக்கொரு இதழை வெளியிட்டு வந்த நாட்களிலெல்லாம்   - ஒரு மாதத்தின் பயணம் என்பது -"ப்ப்பூ.30 நாள் தானே ஆகியிருக்கு ! சாவகாசமாய் பாத்துக்கலாம் !" என்ற மாதிரித் தான் தலைக்குள் பதிவாகும் ! ஆனால் இன்றைக்கோ - "தேவுடா...அதுக்குள்ளாற 10  நாள் ஜூட்  விட்டுடுச்சே ; அடுத்த கத்தை இதழ்களை உங்களிடம் ஒப்படைக்க 3 வாரங்கள் கூடப் பாக்கியில்லையே ?" என்ற படபடப்பு தொற்றிக் கொள்கிறது ! அன்றைக்கும், இன்றைக்கும் பூமி சுழல்வது அதே வேகத்தில் தானென்றாலும், நமக்குள்ளான தாக்கங்களில் தான் எத்தனை மாற்றங்கள் ? இதோ - செப்டெம்பரின் இதழ்களை உங்களுக்கு அனுப்பிய கையோடு -  விமர்சனங்களை எதிர்நோக்கிக் காத்திருந்தது சரியாக 9 நாட்களுக்கு முன்னர் தான் ! ஆனால் அதற்குள் 'துவைச்சுக்கா-தொங்கப்போட்டுக்கா' syndrome தாக்கியது போல முக்கால்வாசி இதழ்களை வாசித்து ; விமர்சித்தும் முடித்து விட்டது போல் தோன்றுகிறது !! And 'அலுப்பாட்டிக்கா-சலிப்பாட்டிக்கா' இல்லாது இங்கும், FB /வாட்சப் க்ரூப்களிலும் அரங்கேறிடும் உங்களின் interactions-களின் பலனாகவோ, என்னவோ - ஆன்லைன் விற்பனையிலும் வேகம் தென்படுகிறது! சிறு துளிகளே ஒரு பிரவாகத்தின் முன்னோடி என்பது நிஜமாகின் - கரம்கோர்த்து நீங்கள் நிகழ்த்தும் சமீப மாதங்களின் அட்டகாசங்கள் நம் பயணத்தின் ஒரு முக்கிய தருணமாகிடும் வாய்ப்புகள் பிரகாசம் என்பேன் ! Awesome show all !

உசிலம்பட்டி, வாடிப்பட்டி என்று ஆரம்பித்து நான் துபாய் வரை வண்டியைக் கிளப்பும் முன்பாக - இதோ நமது updated இரத்தப் படல   முன்பதிவுப் பட்டியலை உங்கள் கண்களில் காட்டி விடுகிறேன் ! 

நிச்சயமாய் இதிலும் விடுதல்கள் இருக்கக்கூடும் ; அருள் கூர்ந்து கோபித்துக் கொள்ளாது ஒரு மின்னஞ்சலைத் தட்டி விட்டால் திங்கட்கிழமையே பட்டியலை revise செய்து விடுவோம் ! And இந்த முன்பதிவுகளைப் பார்க்கும் போது எழும் நம்பிக்கை - ரொம்பவே வித்தியாசமானதொன்று ! இதுவரையிலும் நிறையவே முன்பதிவுச் சமாச்சாரங்களை அரங்கேற்றியுள்ளோம் தான் ; அப்போதுமே -  "இத்தனை எண்ணிக்கை புக்கிங் கிடைத்தால்தான் எஞ்சினே ஸ்டார்ட் செய்திட சாத்தியமாகிடும்!" என்ற ரீதியில் பூச்சாண்டிகளும் காட்டியிருப்பேன் தான் ! ஆனால் அன்றைக்கெல்லாமே இதழ்களின் விலைகள் ஆளைத் தூக்கிப் போகும் ரகத்தில் இருக்கவில்லை என்பதால் - "என்ன ஆனாலும் இதைக் கரைசேர்த்து விடலாம் !" என்ற நம்பிக்கை எனக்குள் மௌனமாய்க் குடியிருப்பதுண்டு ! ஆனால் முதன்முறையாக - இந்த இரத்தப் படல முன்பதிவிற்கு முன்பாய் நான் செய்த caution-ல் பூச்சாண்டி லேது ! முழுவதுமே அக்மார்க் நடைமுறை உண்மை ! "400" என்ற அந்த மினிமம் புக்கிங் எண்ணிக்கையை எட்டிப் பிடிக்க மட்டும் இயலாது போயின் - நமது XIII காரு அந்த சம்மர் கிராப்போடு அதே மௌனச் சாமியார்ப் பார்வையைப் பார்த்துக் கொண்டிருக்க மட்டுமே நேரிட்டிருக்கும் ! ஆனால் பாதித் தூரத்தை 30+ நாட்களிலேயே கடந்துவிட்டதைப் பார்த்த பின்பே எனக்குள் நம்பிக்கை பிறந்துள்ளது - "இது நனவாகிடப் போகும் கனவே" என்று !! The project is now on for sure !! தொடரும் நாட்களில் முன்பதிவுகளின் வீரியம் குன்றாது தொடர்ந்து நானூறைச் சீக்கிரமே தொட்டுப் பிடித்து விட முடிந்தால் -கதையின் டிஜிட்டல் கோப்புகளை வரவழைக்க ஆயத்தமாகி விடலாம் ! So - தொடரட்டும் இந்த உற்சாகம் ! 

Moving on, ஆண்டின் பெண்டு கழற்றும் இதழ்களின் பெரும்பான்மையை தாண்டி விட்ட உற்சாகத்தில் காலாட்டிக் கொண்டிருக்கிறோம் ! எஞ்சியிருக்கும் மாதங்களில் "நிஜங்களின் நிசப்தம்" கிராபிக் நாவல் மட்டுமே நிறைய நேரத்தை விழுங்கக் காத்திருக்கும் ஆக்கம் எனும் போது - லக்கி லூக் ஒருபக்கம் ; சிக் பில் இன்னொருபக்கமென்று, எனது நாட்கள் சூப்பர் ஜாலியாக ஓடிவருகின்றன ! மொழிபெயர்ப்புப் பணிகளானது - அரைத்த அதே மாவை, கலர்கலராய் அரைக்கும் அயர்ச்சியை சில வேளைகளில்  உருவாக்கக் கூடியதொரு வேலை தான் ! முன்பெல்லாம் ஒரே பாணியிலான கதைகளாக நாம் வெளியிட்டு வந்த சமயங்களில் பெரிதாயொரு உற்சாகம் எழாது - மேஜையில் கிடக்கும் பணிகளைப் பார்க்கும் போது ! ஆனால் இன்றைக்கோ நிலைமையே தலைகீழ் ! கார்ட்டூன் கதைகள் மைசூர்பாகாய் கண்ணுக்குத் தெரிய, புதுவரவான லயன் கிராபிக் நாவல் தலப்பாக்கட்டு பிரியாணி போல காட்சி தருகிறது ! செப்டம்பரையே எடுத்துக் கொள்ளுங்களேன் : தோர்கல் முற்றிலும் ஓர் கிளாசிக்கல் ஸ்டைல் மொழிநடை கொண்ட கதை எனும்போது அங்கே  தூய தமிழில் 'மாட்லாட' மெனெக்கெட வேண்டியிருந்தது ! நீலப் பொடியன்களின் சமாச்சாரத்திலோ - "டொக்குபஞ்சர் ; பொடிதெரபி" என்று மனம்  போன திக்கில் பேனாவை  ஓட விடும் சுதந்திரம் கிட்டியது ! கிராபிக் நாவலிலோ - முற்றிலும் புதுமாதிரியானதொரு அனுபவம் ! இதற்கான பொருத்தமான நடையை நான் கையாண்டுள்ளேனா என்று சொல்லத் தெரியவில்லை - but இந்த இதழுக்கு பேச்சுத் தமிழிலும் ; தூய தமிழிலும் ஒரே நேரத்தில் முதல் 10 பக்கங்களுக்கு வசனங்களை எழுதி வைத்து விட்டு - அந்தப் பேப்பர்களை அரை நாளுக்கு முறையோ முறையென்று  முறைத்துப் பார்த்துக் கொண்டே இருந்தேன் என்பது தான் நிஜம் !  ஒரு மாதிரியாய் கதையின்அந்த இருண்ட பாணி  + 40 ஆண்டுகளுக்கு முன்பான கதைக்களம் என்ற கூட்டணிக்கு தூய தமிழே தேவலாம் என்று பட்டது ! So இது போன்ற ஆராய்ச்சிகள் செய்யத் தூண்டும் கதைகளுக்குள் புகுந்து பணியாற்றுவது ஒரு செம ரகளையான அனுபவம் ! ஒரே மாதத்தில் நமக்கு சாத்தியமாகிடும்இத்தகைய variety படிக்கும் உங்களுக்கு மாத்திரமல்ல - பணியாற்றும் எனக்கும் ஏகமாய் refreshing !! விற்பனையிலும் அதேபோல முத்திரை பதித்தால் - சந்தா E நமது முதல் தேர்வாக அமைந்து போகும் நாள் வெகு தூரமிராது ! Fingers crossed !

Looking ahead - இந்த கிராபிக் நாவல் தேர்வுகளுக்கென நான் படித்துவரும் ஆல்பங்களைக் கொண்டு ஒரு சின்ன ஆபீஸே கட்டி விடலாம் ! வரலாற்றுப் புனைவுகள் ; எதிர்காலக் கதைகள் ; பௌன்சர் பாணியில் மூஞ்சில் குத்தும் சமரசமில்லா கதைகள் ; ரொமான்ஸ் கதைகள் ; zombies கதைகள் என்று ஒரு லாரி லோடு புத்தகங்கள் வீட்டுக்குள் ! சாப்பாட்டு மேஜையில் கொஞ்சம் ; தலைமாட்டில் கொஞ்சம் ; பணியாற்றும் மேஜையில் கொஞ்சம் ; அட- குளியல் அறையிலும் கொஞ்சம் என்று வீடுமுழுக்க நான் விரித்து வைத்திருக்கும் காமிக்ஸ் கொத்தவால்சாவடியைப் பார்த்தும் ஆத்துக்காரி என் நடுமூக்கிற்குச் சேதாரம் செய்யாது விட்டுவைத்திருக்கிறாளெனில் - பெரும் தேவன் மனிடோவின் கிருபை லைட்டாகவேணும் எனக்கிருக்கிறது என்றே அர்த்தம் ! இதோ - தற்போதைய எனது தினங்களை டாலடிக்கச் செய்யும் சில ஆல்பங்களின் previews - இந்த ஞாயிறின் பதிவாக !!

எதிர்காலம் ; ஒரு மூன்றாம் உலக யுத்தத்தின் பின்பாக நிர்மூலமாகிக் கிடக்கும் உலகினில் உலவும் zombies - என்ற களங்கள் உலகெங்கிலுமுள்ள காமிக்ஸ் படைப்பாளிகளுக்கு ரொம்பவே இஷ்டமான கதைக்கருக்கள் ! ஒவ்வொரு ஆண்டும் அவற்றுள் கணிசமான கதைகளைப் புரட்டுவேன் ; புரட்டுவேன் - விறல் ரேகைகள் தேயும் வரைப் புரட்டுவேன் ! ஆனால் இறுதியில் - "maybe next year !" என்று எனக்கு நானே சமாதானம் சொல்லி விட்டு அவற்றை திரும்பவும் பீரோவில் அடுக்கி வைத்து விடுவேன்..! Valerian & Laureline ஜோடியின் சாகசங்கள் இப்போதெல்லாம் Cinebook ஆங்கிலப் பதிப்புகளில் கிட்டுகின்றன எனும் போது - கலர் கலராய் அந்த ஆல்பங்களை வாங்கி வைத்துக் கொண்டு - மோவாயைத் தடவிக் கொண்டு தானிருக்கிறேன் ! இந்தத் தொடர் பற்றி கொஞ்ச மாதங்களுக்கு முன்பாய் நான் எழுதியது மறந்திருக்கக்கூடிய நண்பர்களுக்கு இந்த லிங்க் : http://lion-muthucomics.blogspot.in/2017/01/blog-post.html
இந்தத் தொடர் சமீபத்தையது அல்ல ; 45 ஆண்டுகளுக்கு முன்பான படைப்பு என்பதால் - அந்தக் காலகட்டத்துக்கு இதுவொரு அசாத்தியக் கற்பனை என்றே சொல்ல வேண்டும் ! நாம் இத்னை ரசிக்க / ருசிக்க - complan குழந்தைகளாகத் தயாராகி விட்டோமா ? என்பது மட்டுமே எனது தற்போதைய சிந்தனை !!
இந்த எதிர்காலத் தேடல்களில் திரும்பத் திரும்ப எனக்கு நமைச்சலை ஏற்படுத்தும் இன்னொரு நாயகர் உள்ளாரெனில் - அவர் நமது அந்நாளைய சொற்பப் பரிச்சயத்தின் JUDGE DREDD தான் ! "நீதிதேவன் நம்பர் 1 " என்ற நாமகரணத்தோடு ஒன்றோ / இரண்டோ இதழ்களில் தலைகாட்டிய இந்த cop of the future-ஐ நம்மில் எத்தனை பேருக்கு நினைவுள்ளதோ - தெரியவில்லை ! ஆனால் ஒவ்வொரு ஆண்டும் இவர் எனது ஆகஸ்ட் / செப்டெம்பர் மாதங்களது வாசிப்பு நண்பரே !
இங்கிலாந்தில் அநியாயத்துக்கு மெகா ஹிட் ஆன இந்தத் தொடரைப் பற்றி அறிந்திருக்கா நண்பர்களுக்கு மட்டும் ஒரு குட்டியான ட்ரைலர் ! இந்த முகமூடி போட்ட மனுஷன் எதிர்கால உலகின் ஒரு போலீஸ் அதிகாரி ! சட்டத்தை அட்சர சுத்தமாய் மதிக்க வேண்டிய அந்த லோகத்தில் - சட்ட பரிபாலனத்தை ஈவு இரக்கமின்றிச் செய்திடும் ஒரு கடமை வீரர் ! நாலு தலை கொண்ட mutants ; 'சொய்யங்கென' வானத்தில் பறக்கும் மோட்டார்சைக்கிள்கள் ; நொடியில் கொடியவர்களைக் கொண்டு சென்று அடைக்கும் "தண்டனைக் கிரகங்கள்" - என்று கற்பனை பிரவாகமெடுத்து ஓடும் தொடரிது ! 2000 AD என்ற வார (காமிக்ஸ்) இதழில் பிரதான நாயகரான இவருக்கு - சரிந்துகொண்டிருந்த  Fleetway -ன் விற்பனைகளை பல காலம் தாங்கிப் பிடித்த பெருமையும் உண்டு !
தினசரி strips களாக ; 4 பக்க / 8 பக்கக் கதைகளாக ; அப்புறம் சற்றே நீளம் கூடுதலான கதைகளாக இந்தத் தொடரில் ஏராளமாய் சரக்கு உள்ளது ! வண்ணத்திலும் உருவாக்கப்பட்டு - அமெரிக்காவிலுமே decent விற்பனை கண்ட தொடர் என்பது கொசுறுச் சேதி ! 'மடக் மடக்' கென்று காம்பிளான் குடிக்கச் செய்து  தலீவரையும், நண்பர்களையும் ஒரே ராத்திரியில் தயாராக்கி விட்டால் - இந்த பிரிட்டிஷ் சூப்பர் ஹீரோவை தமிழ் பேசச் செய்ய முனைந்திடலாம் ! இதிலுள்ள ஒரே சிக்கல் - கதைகளை நம் ரசனைகளுக்கேற்பத் தேர்வு செய்யும் சாத்தியங்கள் ரொம்பவே குறைவாக இருந்திடுமென்பது தான் ! அவர்களது ஒரிஜினல் வரிசையினைப் பின்பற்றி லைனாக பயணிக்க வேண்டியிருக்கலாம் ! லாஜிக் ஓட்டை ; இத்யாதி இத்யாதி என்ற ஆலமரத்தடிப் பஞ்சாயத்துகளுக்கு அவசியம் ஏற்படுத்திடாது - "ஒரு வீரியமான கற்பனையின் பிரதிபலனை ரசிக்கிறோம் !" என்று மட்டும் ஏற்றுக் கொண்டோமெனில் - இதுவொரு செம வித்தியாசமான வாசிப்பு அனுபவத்துக்கு வித்திடக்கூடும் ! Think about it guys ?!

அடுத்ததாய் கண்ணைப் பறிப்பது - ஒரு அட்டகாசமான முழுவண்ண ஆக்கம் - அழிவின் விளிம்பில் நிற்குமொரு எதிர்கால உலகை மையப்படுத்தி ! உயிர் வாழ - சில உயிர் பலிகள் அவசியம் என்றதொரு சூழலில் - மனிதன் தனது சுயநல முகத்தை ; உயிர் பிழைக்கும் யுத்தத்தை நடத்துவது போலிந்த கிராபிக் நாவல் அமைக்கப்பட்டுள்ளது ! கதையின் தன்மைக்கேற்ப சித்திரங்கள் கொஞ்சம் ரணகளமாய் இருப்பதை இந்த டீசர்களில் நீங்கள் பார்த்திட முடியும் ! வண்ணத்தில், இத்தனை கோரத்தை பார்ப்பதென்பது எவ்வித அனுபவமாய் நமக்கு இருக்கக் கூடுமோ ? என்பதே எனது மில்லியன் டாலர் கேள்வி !

அடுத்ததாய் இன்னுமொரு 'அழகுசுந்தரம்' கோஷ்டி உங்களின் தலையசைப்பு கிட்டினால் களமிறங்க ரெடி ! ZOMBIES என்ற இறந்தும்-இறவா மிருதன்களை கொண்டொரு 132 பக்க கிராபிக் நாவல், அசாத்திய சித்திரத் தரத்துடன் உள்ளது ! இந்தக் கதைவரிசை நமக்குத் புதுசே ; ஆனால் உலகெங்குமே செம popular ! அப்படி இந்த அழகப்பன்களிடம் என்னதான் சரக்கிருக்கிறது என்பதை ஒருமுறை தெரிந்து கொள்ள முயற்சித்துத் தான் பார்ப்போமா ? அல்லது தற்போது பிடுங்கி கொண்டிருக்கும் ஆணிகள் போதும் என்பீர்களா ?
கோர முகங்களின் அணிவகுப்புக்கு மத்தியில் இதோவொரு ஜிலீர் முகம் ! "ரொமான்ஸ் கதைக்கு வாய்ப்புண்டா ?" என்ற கேள்வியை நெடுநாளாய் நம்மவர்களில் ஒரு சிறு அணி கோரி வருவதில் இரகசியமில்லை ! நம்மூர்களைப் போல மரத்தைச் சுற்றி தொட்டுப் பிடித்து விளையாடும் காதல்களோ ; பஸ்ஸில் முண்டியடிக்கும் கூட்ட நெரிசலில் பெண்ணின் சுட்டுவிரல் பட்ட மறு கணமே  குபீரென பிரவாகமெடுத்து - நேராக சுவிட்சர்லாந்தில் ஒரு கனவு பாட்டுக்கு இட்டுப் போகும் காதல்களோ காமிக்ஸ்களில் கிடையாது என்றமட்டுக்குப் பிழைத்தோம் ! இரண்டாம் உலக யுத்தத்தின் பின்னணியில்,  ஒரு ஆக்ஷன் + ரொமான்ஸ் கலந்ததொரு கிராபிக் நாவல் இருப்பதை கொஞ்ச ஆண்டுகளாகவே நோட்டம் விடுவது என் வாடிக்கை ! இந்தாண்டும் அதற்கு விதிவிலக்கல்ல ! இந்த இதழ் ஒருக்கால் தொடரும் ஆண்டினில் நிஜமாகிடும் பட்சத்தில் - முரட்டுக் காடா துணியில் நல்ல  கர்சீப்புகள் கணிசமாய்ச் செய்து இணைப்பாகத் தர வேண்டியிருக்கலாம் !

முழுக்கவே பிரெஞ்சு மண்ணில் நடைபெறும் இந்த கதையொரு   visual delight ! கண்களுக்கு மாத்திரமன்றி, சிந்தைக்கும்  ஓரளவுக்கு ஓ.கே. எனில் - start music என்பதற்குப் பதிலாய், start the waterfalls என்று சொல்ல அவசியப்படலாம் ! பார்க்கலாமே !

பட்டியலில் அடுத்தது : SEULS என்ற பெயரில் வெளி வந்து பிரெஞ்சில் சக்கை போடு போட்டு வருமாறு கிராபிக் நாவல் தொடர் ! நமது க்ரீன் மேனர் தொடரின் கதாசிரியர் Fabien Vehlmann தான் இங்கேயும் பிதாமகர் & கிட்டத்தட்ட அங்கு பயன்படுத்தப்பட்ட அதே கார்ட்டூன் பாணிச் சித்திர யுக்தியையே  இந்த SEULS தொடரிலும் அபாரமாய்க் கையாண்டுள்ளார்கள் ! ஒருநாள் காலையில் நியூ யார்க் நகரமே ஒட்டு மொத்தமாய்க் காலியாகிக் கிடக்கிறது - சின்னதொரு எண்ணிக்கையிலான பொடியார்களைத் தவிர்த்து ! அவர்களது பெற்றோர்கள் ; சுற்றம் ; நட்பு ; ஊர் மக்கள் என அனைவரும் என்னவானார்கள் என்று யாருக்கும் தெரியவில்லை ! தனித்து விடப்பட்டிருக்கும் இந்தச் சின்னதுகள் ஒன்றிணைந்து அந்த எதிர்கால உலகில் உயிர் பிழைக்கும் சாகசங்கள் இந்தத் தொடரின் பின்னணி ! ஆங்கிலத்திலும் ALONE என்ற பெயரில் வெளியாகி சூப்பர் ஹிட் நடித்துள்ள இந்தத் தொடரைப் பார்த்து பெருமூச்சு விடும் படலம் சில ஆண்டுகளாகவே தொடர்கிறது ! இந்தாண்டாவது பெருமூச்சைத் தாண்டி வேறேதும் சாத்தியமாகிடுமா ? என்பதே மண்டைக்குள் குடியிருக்கும் கேள்வி !
யுத்தக் கதைகள் மீது எப்போதுமே எனக்கொரு மிருதுவான மையல் உண்டென்பதில் no secrets ! இது நாள் வரையிலும் நாம் பார்த்திருக்கக் கூடியதெல்லாமே இரண்டாம் உலக யுத்தப் பின்னணியிலான கதைகளையே ! ஆனால் முதல் யுத்தத்தை background ஆகக் கொண்டு உருவாக்கப்பட்டுள்ள Charley's War என்ற Fleetway தொடரானது ஆண்டாண்டு காலமாய் என்னை லயிக்கச் செய்திடுமொரு படைப்பு ! காலாட்படையில் ஒரு சராசரி சிப்பாயாக சேர்ந்திடும் சார்லிக்கு வயது 16 மட்டுமே ! யுத்த நெருக்கடியில் சிக்குவோர் அனைவரையும் போர் முனைக்கு அனுப்பும் அதிகார வர்க்கத்தின் முனைப்பில் இந்தப் பாலகனுமே ஒரு போராளியாகிறான் ! சுற்றுமுற்றும் நிகழும் மரண தாண்டவம் ; போரின் கோர முகம் என்பதனை இந்தப் 16 வயதுச் சிப்பாயின் கண்ணோட்டத்தில் சொல்ல முனையும் தொடரிது ! நாம் இதுவரைக்கும் பார்த்திரா ஒரு கால கட்டம் ; படித்தறிந்திரா ஒரு யுத்தம் என்ற ரீதியில் மட்டுமல்லாது - ஓவராய் பிரிட்டிஷ் தரப்பைத் தூக்கி வைத்துக் கொண்டாடும் பாங்கு தெரியா இந்தக் கதை பாணியும், நானிதை ரசிக்க உதவிய சமாச்சாரங்கள் ! "The Greatest British Comics Ever" என்று சிலாகிக்கப்படும் சில தொடர்களுள் முக்கிய இடம்பிடிக்கும் இந்தப் போராளியின் கதைக்கு நம் கதவுகள் திறவும் நாளொன்று புலருமா ?

பௌன்சரின் பிதாமகரின் இன்னொரு மூக்கில் குத்தும் ரகக் கதையும் என்னை கடந்த ஓராண்டாய் உசுப்பேற்றி வரும் புண்ணியத்தைத் தேடிக் கொள்கிறது ! EL TOPO என்ற பெயரில் Jodorowski உருவாக்கிய திரைப்படத்தின் பின்தொடர்ச்சி ஒரு பிரெஞ்சு கிராபிக் நாவலாகவும் சென்றாண்டு வெளிவந்துள்ளது ! அசாத்தியச் சித்திரத் தரம் ; அந்த trademark கதை பாணி என்று ரொம்பவே அதகாலமாய்த் தெரிகிறது இந்த ஆல்பம் ! ஆனால் அதிரடி adults only விஷயங்களும் வழக்கம்போலவே கதையோடு இழையோட - நான் நெளிந்த பிழைப்பாகவே உள்ளது ! EL TOPO - கனவாகவே தொடருமா ?

இன்னமும் வண்டி வண்டியாய் புதுக் கதை பாணிகள் + தொடர்கள் என்னைச் சுற்றி கும்மியடிக்கின்றன தான் ; ஆனால் அவற்றை இன்னொரு மழை நாளின் பதிவுக்கென பத்திரப்படுத்திய கையோடு - இந்த ஞாயிறு எனக்குத் துணையாக இருக்கக் காத்துள்ள லக்கி லூக்கையும், அடுத்த கிராபிக் நாவலையும் நோக்கி  இப்போதைக்கு கிளம்புகிறேன் ! See you around all ! Bye for now !

Wednesday, September 06, 2017

க்யூபா முதல் பெர்லின் வரை..!

நண்பர்களே,

வணக்கம். பின்னூட்டங்களின் எண்ணிக்கை 300-ஐ எட்டிப் பிடிக்க அதிக தூரமில்லை என்பதால் இதோவொரு முன்கூட்டிய உபபதிவு ! இப்போதெல்லாம் நமது அலசல்களின் ரேஞ்சைப் பார்க்கும் போது பிரமிப்பாக உள்ளது ! "முடியா இரவை" அலசினீர்கள்  ; கியூபாவின் வரலாறு, பூகோளம் என்று பிரித்து மேய்ந்தீர்கள் ; அப்புறம் அண்டர்டேக்கரை அடித்துத் துவைத்துக் காயப் போட்டீர்கள் ; தொடர்ந்த நாட்களில் இஸ்ரேல், மோஸ்சாட் உளவுத் துறை பற்றியெல்லாம் பின்னிப் பெடல் எடுத்தீர்கள் ; & இப்போதோ பெர்லின் / Cold War / உலக யுத்த அரசியல் என்று ரகளையாய் பயணம் !! காமிக்ஸ் எனும் மர நிழலானது உங்களிடையே புதைந்து கிடைக்கும் ஓராயிரம் ஆற்றல்களை ரம்யமாய் showcase செய்திடும் அழகை ரசித்திடுவதொரு அட்டகாசமான உணர்வு ! ஏதேனுமொரு விதத்தில் மாதம்தோறும் நமது 4 இதழ் கூட்டணியானது இதே போல சுவாரஸ்யத்தைத் தக்க வைத்துக் கொண்டிடும் பட்சத்தில் - all will be well !

இம்மாத இதழ்களுள் "எ.சி.சா.சொ." ஒரு முன்னணிப் போட்டியாளராக வலம் வருமென்று எதிர்பார்த்தேன் தான் ; ஆனால் உங்களது ஏகோபித்த  thumbs up எனது எதிர்பார்ப்புகளுக்கு மிஞ்சிய ரகம் ! Still early days ; ஆனால் பானைச் சோறையும் கபளீகரம் பண்ணி, ஏப்பம் விட்டுத் தான் கருத்துக் சொல்ல வேண்டுமென்பதில்லை தானே ? இப்போது வரையிலான எண்ணச் சிதறல்கள் பறைசாற்றுவது - வாசிப்பினில் நீங்கள் நிகரில்லா ஆல் ரவுண்டர்ஸ் என்பதையே !

இன்னமும் அந்த நீலப் பட்டாளத்தையும், தோர்கலையும் உங்களின் reviews பட்டியலில் இணைத்துக் கொண்டீர்களெனில் இம்மாதத்தின் நாட்கள் விறுவிறுப்பான ஓட்டம் காணுமன்றோ ? 

அப்புறம் "இரத்தப் படலம்" பற்றிய update ! இதுவரையிலும் 172 இதழ்களுக்கு புக்கிங் ஆகியுள்ளது ! நாளைய பொழுதினில் அந்தப் பட்டியலை இங்கே கண்ணில் காட்டுகிறேன் ! சேலம் யுவா கண்ணன் ; "பேபி" சுசீ  & அறிவரசு ரவி ஆகிய மூன்று நண்பர்களுக்கும் அனாமதேய நண்பரொருவர் பணமனுப்பி புக்கிங் செய்துள்ளார் ! ஏற்கனவே செந்தில் சத்யா ; அகில் & தலீவருக்கு புக்கிங் செய்துள்ள அதே அனாமதேய நண்பரின் கைங்கர்யமே இதுவும் ! பற்றாக்குறைக்கு இன்றைக்கு ராஜபாளையம் வாசகரான டாக்டர் விஜய் பாபு 10 பிரதிகளுக்கு முன்பதிவு செய்திருக்கிறார் !!! Awesome show & Keep it going folks !! இந்த அசாத்திய வேகம் தொடரட்டும் !! Bye for now !

Sunday, September 03, 2017

ஒரு பத்தியப் பதிவு !

நண்பர்களே,

வணக்கம். ரொம்ப நாள் கழித்து என்ன எழுதுவது புதுசாய் என்று தெரியா வறட்சி நிலை ! 
  • செப்டம்பர் இதழ்கள் - டிக் அடித்தாச்சு !
  • இரத்தப் படலம் பில்டப் - டிக் அடித்தாச்சு !
  • தீபாவளி மலர் பற்றி பில்டப்  : அதற்கு இன்னமும் நிறைய அவகாசம் உள்ளதே !
  • 2018 அட்டவணை பற்றி பில்டப் - ஏகமாய்க் கொடுத்தாச்சு 
  • ஆண்டின் எஞ்சியுள்ள இதழ்கள் பற்றிய பில்டப் : இப்போவேவா ?

இது போன்ற வறண்ட நாட்களின் போதெல்லாம் - "நான் குழந்தையா இருக்கச்சே - பிராங்கபர்ட் போய் என்ன செஞ்சேன்னா " என்று ஆரம்பிப்பது வழக்கம். ஆனால் காதில் இரத்தம் கசியுமளவிற்கு பாட்டி வடை சுட்ட அந்தக் கதைகளைச் சொல்லி முடித்துவிட்டபடியால் அந்தத் திக்கில் தலை வைக்கவே பயமாயுள்ளது !

தவிர, இது செப்டெம்பர் இதழ்கள் மீது நம் கவனங்கள் லயித்தாகிட வேண்டிய தருணம் என்பதால் - வேறு எதையேனும்  எழுதி வைத்து ஒளிவட்டத்தை திசைதிருப்ப மனமில்லை ! So இந்த வாரம் ஒரு பத்திய பதிவு மட்டுமே ! அதுவும் செப்டெம்பர் இதழ்களை சார்ந்த தகவல்களாய் !  

இம்மாத டெக்சின் சாகசம் அவரது memorable ஹிட்ஸ்களுள் ஒன்றாக இருக்கக் கூடுமென்று முதல்தகவல் அறிக்கை சொல்வதை உணர முடிகிறது ! சரியாக 56 ஆண்டுகளுக்கு முன்பாய் "கடல்குதிரையின் முத்திரை" வெளியானதென்பதை நான் தோட்டா டைம்ஸில் எழுதியிருந்தேன் என்றால் - இன்னமுமொரு புதுத்  தகவல் நேற்றைய மின்னஞ்சலில் கிட்டியது போனெலியிடமிருந்து ! டெக்சின் பிதாமகர் திரு G.L போனெல்லி எனில் - ஓவிய அசுரர் திரு அரேலியோ காலெப்பினி தான் ! டெக்ஸை சிருஷ்டித்த இந்த ஜாம்பவானின் 100 -வது பிறந்தநாள் ஆகஸ்ட் 28 -ல் தானாம் !! So தெரிந்தோ-தெரியாமலோ இந்த செப்டம்பரில் அவரது கைவண்ணத்தில் உருவான சாகசத்தையே வெளியிட்டுள்ளோம் ! Talk about coincidences !!
செப்டம்பர் 22-ல் போனெல்லி நிறுவனம் நூற்றாண்டை நினைவூட்டும் விதமாயொரு GALEP ஸ்பெஷல் வெளியிடவுள்ளனர் ! And இதோ - அவரது துவக்க நாட்களது படைப்புகள் :


எத்தனைதான் புதுப் புது பாணிகளில் சித்திரம் போட இன்று இத்தாலியில் ஓவியர்கள் தயாராகி நின்றாலும், டெக்ஸை இத்தனை அழகாய் நம் கண்முன்னே உலவச் செய்தவர் என்ற பெருமை நிச்சயமாய் இவரையே சாரும் ! 2018-ன் நமது அட்டவணையில்  இவரது கதைகளுக்கும் நிறைவாய் இடமுள்ளது என்பது கொசுறுச் சேதி !

70 -வது 'தல' பிறந்த நாள் ஆண்டு காத்திருக்க, ஓவியரின் நூற்றாண்டும் முந்திக் கொள்ள - போனெல்லி சரமாரியாக ஏதேதோ திட்டமிட்டு வைத்திருக்க - TEX வரலாற்றில் சில பல அதி முக்கிய நாட்கள் முன்னே காத்திருப்பதாய்த் தோன்றுகிறது! நம் பங்குக்கும் ஏதேனும் அட்டகாசமாய் செய்திட வேண்டுமே என்ற துடிப்பு ஒரு பக்கமிருக்கிறது ; அதே சமயம் பட்ஜெட் எனும் ஸ்பீட் பிரேக்கரும் தாட்டியமாய் நம் முன்னே கை கட்டி நிற்பதும் தெரிகிறது ! இரண்டுக்கும் சமரசம் செய்யும் விதமாய் திட்டமிடுவதில் தான் ஏகமாய் மண்டை காய்கிறது ! ஏற்கனவே XIII -ன் மெகா பட்ஜெட் 2018 கென நிற்பதும் கவனத்தில் கொள்ள வேண்டியதொரு சமாச்சாரமல்லவா? மோவாயில் கை வைத்து சிந்திக்கும் படங்கள் ஒரு டஜன் !

கிராபிக் நாவலும் இம்மாதத்து ஹிட் பட்டியலில் இடம்பிடித்திடுமா என்பதை அறிய தொடரும் பின்னூட்டங்களும், நாட்களும் வழிசெய்யும் என்ற நம்பிக்கையில் காத்திருப்பேன்.நேர்கோட்டில் பிரயாணம் செய்யும் linear story telling பாணியும் கூட   "கிராபிக் நாவல்" என்ற ரகத்துக்குள் இடம்பிடித்திட முடியும் என்பதற்கு "சித்தம்-சாத்தான்" ஒரு உதாரணம் ! இந்தக் கதையை சென்றாண்டு தேர்வு செய்வதற்கென இத்தாலியில் 6 தீவிர காமிக்ஸ் வாசகர்களிடம் அபிப்பிராயம் கோரியிருந்தேன்! அவர்களது ரசனைகள் நம்மோடு ஒத்துப் போகும் அவசியமில்லை தானென்றாலும், மொழி கடந்த ஒருவித பிணைப்பு காமிக்ஸ் ஆர்வலர்களுக்கு மத்தியில் உண்டென்று எனக்குத் தோன்றியது. அபிப்பிராயம் சொன்ன 6 பேருமே - இந்த ஆல்பத்தை "a dark classic " என்று விவரித்தனர் ! இயன்றமட்டுக்கு நானுமே கூகுளில் தேடித் துழாவிப் பார்த்த போதும் கிட்டிய reviews எல்லாமே ரொம்ப நல்ல மார்க்குகளோடுஇருந்தன ! "மறுபடியும் ஒரு யுத்தப் பின்னணிக கதையா ?" என்ற முகம் சுளிப்பு கதைத் துவக்கத்தில் தோன்றிடக் கூடுமென்ற பயம் மட்டும் என்னை அலைக்கழித்தது ! ஆனால் இது ஒரு '70 களில் நடைபெறும் கதை என்பதை சிறுகச் சிறுக உணர முடிந்த போது - "சாத்து வாங்குவதாக இருப்பினும் பரவாயில்லை ; முயற்சித்துப் பார்ப்போம்" என்று பட்டது !  And லயன் கிராபிக் நாவலின் துவக்க இதழாய் இதுவே இருந்திடுவதாகத் தான் திட்டமும் ஒரிஜினலாய் ! ஆனால் இந்தக் கதை வரிசையே மௌபடியும் யுத்தம் சார்ந்த கதை தோரணமாய் அமைந்திடுமோ ? என்ற சந்தேகம் யாருக்கும் தோன்றிட இடம் தர வேண்டாமே என்று நினைத்தேன் ! So ஒரு முடியா இரவும், அண்டர்டேக்கரும் முந்திக் கொண்டனர் - LGN க்கு குறிப்பிட்ட template எதுவுமே கிடையாதென்று நிரூபித்திட !

இதன் ஒரிஜினல் தலைப்பு "Friedrichstrasse " என்பதே ! பெர்லின் மதில் சுவருக்கு இந்தப் பக்கமும், அந்தப் பக்கமமுமாய் ஓடும் தெருவைக் குறிப்பிடும் விதத்தில் கதாசிரியர் பெயரினை அமைத்திருப்பினும் - தமிழுக்கு என்ன செய்வதென்று கை பிசைந்து கிடந்தது இன்னமும் நினைவுள்ளது ! ஏதோவொரு பொறி தட்ட - "சித்தம்-சாத்தான்" பெயரில் freeze ஆனேன் ! இந்தப் பெயரில் புதைந்து கிடக்கக்கூடிய அர்த்தமென்னவென்று தெடிக் கண்டுபிடிப்பதும் இம்மாத சுவாரஸ்யங்களுள் ஒன்றாக இருந்திடக்கூடுமென்று நினைத்தேன் ! LGN -ஐப் படித்து விட்டிருக்கும் நண்பர்கள் தான் சொல்ல வேண்டும் - இந்தப் பெயரின் பொருத்தத்தைப் பற்றி ! விரிவான அலசல்களோடு "பெயர் காரணங்களையும்" இணைத்துக் கொள்ளலாமே folks ?

டாக்டர் பொடியன் இதழைப் பொறுத்தவரை - எனது முந்தைய எண்ணமே இப்போதும் தொடர்கிறது ! சுண்டுவிரல் சைசிலான இந்த ஆசாமிகளைக் கொண்டே ஆறடி ஆசாமிகளான நம்மையெல்லாம் பகடி செய்வதில் தான் படைப்பாளிகளுக்கு எத்தனை எத்தனை லாவகம் ?!! யுத்தத்தின் அர்த்தமின்மையை ப்ளூ கோட் பட்டாளம் சொல்கிறதெனில் - மனித குணங்களையும், பழக்க வழக்கங்களையும் ஒரு critical பார்வை பார்ப்பது தானோ இந்த நீல மனுஷர்களின்நோக்கம் ? காமிக்ஸ் + ப்ளூ கலருக்கு இப்படியுமொரு தொடர்பா ? இம்மாத கார்ட்டூன் இதழினை - "இது நமக்கல்ல" என்று ஒதுக்கியிருக்கக் கூடிய நண்பர்களும் ஒருவாட்டி முயற்சித்துத் தான் பாருங்களேன் - ப்ளீஸ் ?!

செப்டெம்பர் கச்சேரி இன்னமும் முழுசாய்த் துவங்கவில்லை என்பது அப்பட்டம் ! இன்றும், தொடரும் தினங்களும் அதற்கு பயன்படின் அட்டகாசமாய் இருக்கும் ! Start the music !! மீண்டும் சந்திப்போம் all ! Have a Wonderful weekend !