மஞ்சள் is MISSING..!

நண்பர்களே,

வணக்கம்! இப்போதெல்லாம் தாட்டியமான இதழ்கள் இல்லாத மாதங்களில் நாட்கள் றெக்கை கட்டிக் கொண்டு பறப்பது போலுள்ளது - simply becos சின்னச் சின்ன சிங்கிள் ஆல்பங்களை ஒட்டுக்கா படித்து முடித்த கையோடு "ஜிலோ'வென நீங்கள் free யாக இருக்கிறீர்கள்! இதோ- நவம்பரின் மூன்று breezy இதழ்களையும் ஒற்றை வாரத்துக்குள் நிறையப் பேர் போட்டுத் தாக்கி முடித்து, அலசிடவும் செய்துவிட்டீர்கள்! அடுத்த செட் இதழ்களுக்கு இன்னமும் மூன்று வாரங்கள் இருக்க - பொழுதுகளைத் தடிப் போட்டுத் தான் தள்ள வேண்டி வரும் போலும்!

நவம்பரின் முக்கூட்டணியில் யாருமே clear first என்று வகைப்படுத்த இயலா பரவலான வெற்றி ஈட்டியுள்ளது ஒரு சந்தோஷச் சமாச்சாரம்! ஆனால்.. ஆனால்.. 

• அறிமுக வைல்ட் கேட்டில் ஏகமாய் சிகப்பு இருக்க.. 
• ப்ளூகோட்டார்களிடம் கணிசமாய் ப்ளூவும் இருக்க, 
• கானகவீரர் மிஸ்டர்.நோவிடம் பச்சையும் இருக்க- 

"மஞ்சள் is MISSING''என்ற உங்களின் மைண்ட்வாய்ஸ் தூரங்களைக் கடந்து எங்களின் செவிகளில் டணாரென்று ஒலி­க்கிறது! நமது ஆதர்ஷ டெக்ஸ் & டீம் விஸ்வரூபம் எடுக்கத் துவங்கிய 2016 முதலாகவே இந்த topic பற்றி பல முறைகள் காதில் நெத்தம் கசியுமளவிற்குப் பேசியும், அலசியும் விட்டோம் தான்! Yet அதே சமாச்சாரத்தை மறுக்கா தூசு தட்டி, புதிதானதொரு பார்வைக் கோணத்தில் அணுகுவது தவிர்க்க இயலா அவசியமாகி நிற்கின்றது இந்த நொடியில்!

Oh yes- புது வரவான "வைல்ட் கேட்'' சாகஸத்தில் சில லாஜிக் துவாரங்கள் இருந்தாலுமே, அந்த நேர்கோட்டுக் கதைக்களம், புதுவித சித்திரபாணி & மிரட்டும் கலரிங் இந்த வாசிப்பினை செமத்தியாக ஸ்கோர் செய்ய அனுமதித்துள்ளது தான்! And இத்தொடரில் இன்னமும் ஒரு டபுள் ஆல்பம் + ஒற்றை சிங்கிள் ஆல்பம் மாத்திரமே  வெயிட்டிங் என்பதால் ட்ரெண்ட் தொடருக்குப் பிற்பாடாக முழுமை காணப் போகும் series ஆக, Catamount அமைந்திடும் என்பதில் ஐயமில்லை! அதே போல "சிரிப்புப் பார்ட்டிகள்'' என்ற அடையாளம் - பல நேரங்களில் பல கார்ட்டூன் நாயகர்களுக்கு சுமக்க வேண்டியதொரு சிலுவையாகவே அமைந்து போவது துரதிர்ஷ்ட யதார்த்தம்! இம்முறையோ ஸ்கூபி & ரூபி ஜோடி மெய்யாலுமே சிலுவை சுமக்கும் விதமாய் கதை அமைத்திருப்பது ஒரு கவித்துவ முரண் என்பேன்! And truth to tell இங்கே பக்கத்துக்குப் பக்கம் சிரிப்புத் தோரணங்கள் லேது தான்! கதை சொல்லல் இயல்பாய், நயமாய் கையாளப்பட்டிருக்க, கிட்டிடும் சிற்சிறு வாய்ப்புகளில் வம்படியாய் திணிக்காத நகைச்சுவையுடன் "ஊழியம் செய்ய விரும்பு'' பயணிக்கின்றது!

And மிஸ்டர்.நோவின் "சதுப்பில் ஒரு சடுகுடு'' எல்லா பெட்டிகளிலும் டிக் அடித்து, ஒரு சுவாரஸ்யமான, ஹிட் சாகஸ நாயகரென்ற அந்தஸ்தினை இந்தப் பரட்டை மண்டை விமானிக்கு நல்கியுள்ளது! காத்திருக்கும் காலங்களில் இந்த மனுஷனுக்கு கூடுதல் முக்கியத்துவம்   & கூடுதல் ஸ்லாட்களும் செம அத்தியாவசியம் என்பது ஸ்பஷ்டமாய்ப் புரிகிறது! And அதனை அறிவிக்க இந்த நொடியையே எடுத்தும் கொள்கிறேனே..?! 2026-ன் அட்டவணையில் மிஸ்டர்.நோவுக்கென ஒற்றை ஸ்லாட் மட்டுமே ரெகுலர் தடத்தில் ஒதுக்கப்பட்டுள்ளது! And அதன்படி மட்டுமே செயல்படுவதாகயிருப்பின்- 5 விக்கெட்களை வீழ்த்தின மறு டெஸ்ட் மேச்சிலேயே ப்ளேயர்களுக்கு முகம் துடைக்கும் துண்டுகளையும், தொண்டை நனைக்க பானங்களையும் மட்டுமே எடுத்துப் போகும் ஒப்புக்குச் சப்பாணி 12th man பொறுப்பு தரப்படும் நம்ம குஸ்தீப் யாதவ் போல மிஸ்டர்.நோவும் துருப்பிடித்துப் போகக் கூடிய வாய்ப்புகள் அதிகம்! அந்தத் தப்பை செய்யலாகாது என்பதால் இதோ ஒரு அறிவிப்பு:

"மிஸ்டர்.நோவின் புது சாகஸங்கள்'' என்ற தனித்தடத்தினில் - அட்டகாசமான ஆர்ட் ஒர்க்+ 14 புத்தம் புது ஆல்பங்கள் என்ற ரீதியில் 2019 to 2020 காலகட்டத்தில் போனெலி குழுமம் இந்த சாகஸவீரருக்கு ஒரு புனர்ஜென்மம் தந்திருந்தது! ரெகுலர் தொடரானது 379 இதழ்களோடு 2006-ல் நிறைவுற்றிருந்தது! கொரோனா கோரங்களும், லாக்டௌன் பஞ்சாயத்துக்களும் குறுக்கிட்டிராவிடின் maybe இந்த மிஸ்டர்.நோ மறுவருகையானது மேற்கொண்டும் கிளை விட்டிருக்கலாம்! ஆனால், பிப்ரவரி 2020-ல் இத்தா­லியே கொரோனாவின் மரண தாண்டவத்தில் சீரழிந்து கொண்டிருந்த நிலையில் இந்தத் தனித்தடம் drop செய்யப்பட்டிருந்தது! நம்ம V காமிக்ஸில் மிஸ்டர்.நோவை அறிமுகம் செய்திட ஜுனியர் எடிட்டர் விக்ரம் தீர்மானித்த சமயம், "போடறது போடறோம்- இந்த லேட்டஸ்ட் தடத்துக் கதைகளைத் தேர்வு பண்ணினால் அதனில் ஆர்ட்ஒர்க், கதை சொல்லல் என எல்லாமே லேட்டஸ்டாக இருக்கக் கூடுமே?!'' என்று பிட்டைப் போட்டிருந்தேன்! So அதன் துவக்க நான்கு ஆல்பங்களையும், தொடரின் பிற்பகுதியில் சுவாரஸ்யமாய் தென்பட்ட சில கதைகளையும் வாங்கி விட்டிருந்தோம்! காது வரை நீளும் நம்ம திருவாயை சித்தே மூடியபடி இருந்திருந்தால் - க்ளாஸிக் தொடரி­லிருந்தே விக்ரம் ஆர்டர் செய்திருக்கக் கூடும்! & ஒரு மண்டை நோவி­ருந்து 2023-ல் தப்பித்திருப்போம்! Becos ஒரு சுபயோக சுபதினத்தில் மிஸ்டர்.நோ லேட்டஸ்ட் தொடரின் முதல் ஆல்பத்தை எடுத்து எழுத ஆரம்பித்தால், சுவற்றில் அடித்த பந்து போல துவக்கப்புள்ளிக்கே திரும்பி வந்து நின்றேன்! முதல் ஆல்பம் செம ஆக்ஷனோடு தடதடத்தாலும் - அதன் 94வது பக்கத்தில் "தொடரும்'' என்று என்னைப் பார்த்துக் கண் சிமிட்டியது!'' "ஆகா... முதல் சாகஸமே டபுள் ஆல்பம் போல, பின்னிப்புடலாம்'' என்றபடிக்கே அடுத்த ஆல்பத்தை எடுத்து வேகவேகமாய் 94-ம் பக்கத்துக்குப் போனால், எவனோ கபாலத்தில் போட்ட போட்டில் சுருண்டு அமேசான் கானகத்தின் மத்தியில் கிடக்கிறார் நம்மாள்! "ஆங்.. ஒருவேளை "கபாலம் பிளக்கும் முன்'' ஒரு ஆல்பம்- "கபாலம் பிளக்கும் பின்'' அடுத்த கதைச்சுற்று என்று அமைத்திருப்பார்களோ? அப்டின்னா சமாளிச்சுடலாம் தான்'' என்றபடிக்கே ஆல்பம் # 3-ஐ எடுத்துப் புரட்டினால், விட்ட இடத்தி­லிருந்து மிஸ்டர்.நோ எழுந்து அடுத்த வேலைகளைப் பார்க்க ஆரம்பிக்கிறார்! நான் எதிர்பார்த்தது போல புதுசாய் ஏதாச்சுமொரு புள்ளியிலி­ருந்தெல்லாம் ஆல்பம் # 3 துவங்கக் காணோம்! மிஸ்டர்.நோ வாங்கிய அதே சாத்தை நானும் வாங்கியது போலானதொரு உணர்வு லைட்டாய் பீதியை எழுப்ப- அதன் இறுதிப் பக்கத்துக்குப் போனால், அங்கேயுமே "தொடரும்'' என்ற பிம்பி­லிக்கா பிலாக்கி தான் வெயிட்டிங்! "என் குத்தமா? ஒன் குத்தமா...? யாரை நான் குத்தம் சொல்ல..?'' என்ற பாட்டு மனசுக்குள் ஓட - நான்காவது ஆல்பத்தின் 94-ம் பக்கத்துக்குப் போனால்- by now பரிச்சயமாகிப் போயிருந்த அதே "தொடரும்'' கானம் தான் பாடிக் கொண்டிருந்தது- சத்தமின்றி அந்த நான்கு ஆல்பங்களையும் உள்ளாற வைத்துவிட்டு, போனெலி­யில் அப்புறமாய் மொள்ளமாய் விசாரித்தேன்! 

*இது மொத்தம் எத்தனை பாகங்கள் கொண்ட சாகஸம்? 

*இதனை நடுவாக்கில் எங்கேயாச்சும் பிரிச்சுப் போடும் சாத்தியங்கள் உண்டோ? என்ற ரீதியில் விசாரித்தேன்! 

அப்போது தெரிய வந்தவை தான் கீழுள்ள தகவல்கள்!

* 9 அத்தியாயங்கள் கொண்ட அசாத்திய நீள சாகஸம் இது!

* 94 பக்கங்கள் x 9 = 846 பக்கங்களுக்குத் தடதடக்கும் கதைச்சுற்று இது!

* போனெலி­யின் flagship நாயகர்களான டெக்ஸ் வில்லருக்கோ, ஸாகோருக்கோ கூட இம்மாம் நீள ஒற்றை சாகஸம் இதுவரையிலும் லேது!

*And பழனிக்கே காவடி எடுத்தாலும், இந்த சாகஸத்தை ரெண்டோ, மூணோ ஆல்பங்களாய் பிரித்துப் போட்டு, ஒவ்வொன்றுமே ஒருவித முழுமை தர வாய்ப்பு கிஞ்சித்தும் லேது!

So 2023 முதலாய் நம்மிடையே உலவி வரும் மிஸ்டர்.நோவிற்கு ஒரு solid நாயகரென்ற கீர்த்தி கிட்டியுள்ள இத்தருணத்தில் அவருக்கென பெரும் பொறுப்புகளை ஒப்படைக்கத் தீர்மானித்துள்ளோம்! 2026-ன் backend-ல் ஏதேனுதொரு வாகான தருணத்தை ரெடி பண்ணிக் கொண்டால் இந்த 9 ஆல்ப அதிரடியினை "ஏக் தம்மில்' ' போட்டுத் தெறிக்க விடலாம்! இது குறித்து நம் முன்னேயுள்ள Options:

A. ஒன்பது தனித்தனி இதழ்கள் in a ஸ்­லிப்கேஸ்!

B. 3+3+3 என மூன்று இதழ்கள் plus a slipcase.

C. ஒரே முரட்டு ஆல்பம் - 9 அத்தியாயங்களும் ஒன்றிணைந்து!

Given a choice -- ஒன்பது அட்டகாசமான தனித்தனி அட்டைப்படங்கள் கிட்டும் & தோதுப்படும் சமயங்களில் ஒவ்வொன்றாய் ரசித்திடலாம் என்ற ரீதியில் - Option A தான் எனது தேர்வாகயிருக்கும்! தொடரின் 9 அட்டைப்பட்ஙகளும் செம மெர்சல் என்பது என் தரப்புக்கு வலு சேர்த்திடும் சமாச்சாரமுமே!

ஒற்றை 848 பக்க குண்டு புக் என்ற concept நன்றாக இருக்கும் தான் - ஆனால், black & white-ல் அம்மாம் தண்டியிலான சாகஸத்தைப் புரட்டிப் பார்த்தே பலருக்கும் களைத்துப் போய்விடும்; "ஆங்.. நாளைக்கு அஷ்டமி ; நாளான்னிக்கு நவமி.. அது முடிஞ்ச பிற்பாடு படிக்க ஆரம்பிக்கலாம்'' என்ற ரீதியிலேயே பீரோவில் அடுக்கி வைத்துவிடும் ஆபத்துண்டு என்றும் பட்சி சொல்கிறது! தவிர, அத்தனை பருமனைத் தூக்கிச் சுமந்து படிப்பதும் சுலபமேயாகாது; and பைண்டிங்கிலும் தீரா நோவுகளுக்குப் பஞ்சமிராது! 

So உங்களது பொன்னான வாக்குகளை Option A-க்குப் போட்டுத் தாக்கினால், மீதத் திட்டமிடல்களைப் பார்த்துக் கொள்வோம் folks! ஒரு மைல்கல் நாயகனாய் மிஸ்டர்.நோ விஸ்வரூபம் எடுக்கப் போகும் 2026-ன் தருணத்தினை இப்போதே visulize செய்ய ஆரம்பிச்சுட்டேன் - கலர் கலரான 9 ராப்பர்களோடு! பார்த்துப் பண்ணுங்க மக்களே?!

Back to the topic of "மஞ்சள் is missing'' - இனி வரும் ஆண்டுகளில் மாதமொரு டெக்ஸ் இல்லாது போயின் வண்டி ரொம்பவே தடுமாறி விடும் என்பது ஐயமறத் தெரிகிறது! அதுவும் போன மாதம் டெக்ஸின் தீபாவளி மலர் விற்பனையில் கிளப்பிய அனலைப் பார்த்த கையோடு, நவம்பரின் மியா- மியா சேல்ஸைப் பார்க்கும் போது, கைகளைப் பிசையத் தான் தோன்றுகிறது! எத்தனை டீசண்டான படைப்புகளாய் இருந்தாலும், டெக்ஸ் எனும் காந்த சக்தியின்றி அவை திருவிழாவில் காணாமல் போன புள்ளீங்களாய் விழிப்பதே கதியாகும் என்பதால்- maybe for the years to come, கீழ்க்கண்ட ஆப்ஷன்களில் ஏதேனும் ஒன்றையோ, இரண்டையோ தவிர்க்கப்படாத நிஜமாக்கிட வேணும் போலும்!

*அட்டவணையிலேயே 12 டெக்ஸ் சர்வ நிச்சயமாய்! Simple solution...!

*இயன்றால் இளம் டெக்ஸின் சிங்கிள் 64 பக்க ஆல்பங்களை இத்தாலியில் போலவே மாதமொரு முறை - தொடர்ந்து செல்லும் கதைகளாய்..!

*ஆன்லைன் விழாக்களில்; புத்தக விழா ஸ்பெஷல்களில் - யாரைத் திட்டமிட்டாலும் சரி, யாரைக் கிடப்பில் போட்டாலும் சரி, அங்கெல்லாம் நமது மஞ்சள் மாவீரரையும் முதல் ஆளாய் களமிறக்கிட வேணும்!

சொல்லுங்களேன் folks இவற்றுள் எது சுலபமென்று? 

அப்புறம் -

"ஓவராய் டெக்ஸுக்கு முக்கியத்துவம்..!'

"இவரால் மற்ற நாயகர்களுக்கான ஸ்லாட்ஸ் மர் கயா ஆகிப் போகுது..!''

ஒரே template-ல் உள்ள கதைகள்.... இன்னும் படிக்காம வச்சிருக்கேன்!'' 

என்ற ரீதியிலான சம்பிரதாய விமர்சனங்களை நீங்களும் தவிர்த்தால் என் பாடு சற்றே இலகுவாகிடும். It's come to a point where இஞ்சின் இல்லாத ரயிலும், டெக்ஸ் இல்லாத மாசமும் பிளாட்பாரத்தை விட்டு அகலாது - bottomline ! 

ரைட்டு.. "சாம்பலி­ன் சங்கீதம்'' இறுதிக்கட்டத் தயாரிப்புகளுக்கு முன்பாக சில அத்தியாவசியச் சரி பார்த்தல்ஸ் ஓடி வருகின்றன! சிக்கியுள்ள இரண்டு நாள் கூடுதல் அவகாசத்தில் மறுக்கா நானுமே கதைக்குள் புகுந்து, நகாசுகள் தேவைப்படுகின்றனவா? என சரி பார்த்து வருகிறேன்! அதைத் தொடர்ந்து பிரின்டிங் தான்!

அதன் பின்பாய் லார்கோ காத்திருக்கிறார்! நண்பர் அனுப்பியுள்ள ஸ்க்ரிப்டில் அந்தப் பங்குச் சந்தை வணிகம் சார்ந்த பகுதிகள் நீங்கலாக பாக்கி முழுசுமே மாற்றி எழுதத் தேவைப்படும் என்பது இந்த நொடியில் பெரும் பூச்சாண்டியாய் தலைவிரித்து நிற்கிறது! 2 அத்தியாய நெடும் சாகசமாச்சே 🥹🥹! And அதைத் தொடர்ந்து 5 பாக இளம் டெக்ஸ் 🥹🥹!

Just maybe- மல்லாக்கப் படுத்து விட்டத்தை ஆராமாய் பார்த்திடும் வாய்ப்பு கிட்டக்கூடிய ரிட்டயர்மெண்டுக்குப் பின்பான ஒரு ஓய்வான பொழுதினில், இந்த 2025 தான் எனது பணிக்காலத்தின் இமயமலையாய் தென்படுமோ- என்னவோ; தெரியலை! எண்ட குருவாயூரப்பா! 

கிளம்பும் முன்பாய் சந்தா நினைவூட்டலுமே guys!  இது வரையில் மூன்றில் ஒரு பங்குத் தொலைவைக் கடந்து விட்டோம்! மற்ற நண்பர்களும் தொடரவுள்ள நாட்களில் வேகம் எடுப்பர் & ஜனவரியில் அடுத்த பயணம் துவங்கிடும் நொடியில் வண்டி முழுசும் புக் ஆகி இருக்கும் என நம்பிடுவோம்! Fingers crossed & God be with us!

Bye all... Have a fun Sunday! See you around!

நானூற்றி எண்பத்தி நான்கு கோடியில் ஒருத்தன்..!

 நண்பர்களே,

வணக்கம்! நியூஜிலாந்தின் க்ரிக்கெட் டீமானது கொஞ்சம் வித்தியாசமானது! நம்மூரின் சூப்பர் ஸ்டார்கள் கலாச்சாரம் அங்கே மருந்துக்கும் கிடையாது! தாரை தப்பட்டைகள் கிழிய இங்கே நமது ஜாம்பவான்கள் களமிறங்கும் அதே சமயத்தில்- "யார்டா இவன்?' என்று நம்மை வினவச் செய்யும் நார்மலான பல ப்ளேயர்களோடு நியூஸிலாந்து எதிரே நிற்கும்! ஆரவாரமின்றி வருவார்கள்; பெரிய, பெரிய டீம்களையெல்லாம் தண்ணீர் குடிக்கச் செய்துவிட்டு புன்னகையோடு கிளம்பியும் போய்விடுவார்கள்! Sometimes, star power is a luxury & not a necessity...! நவம்பரில் நமக்கென காத்துள்ள கூட்டணி கூட இந்த நியூஜிலாந்து டீம் போலவே தான்!

* அதிரடி, சரவெடி big names கிடையாது!

* நாம் தோளில் கைபோடும் அண்மையில் இருக்கக் கூடிய டீசென்டான, நார்மலான ஹீரோக்களாகவே இருப்பர்!

* ஆனால்- சில தருணங்களில் ஸ்டார்களால் தர இயலாத வெற்றிகளை இந்த journey men கில்லாடிகள் சாதித்துக் காட்டுவர்!

So நவம்பரில் முக்கூட்டணியில் காத்துள்ள மூன்று அணிகளிலுமே "தல- தளபதி- உலக நாயகன் - சூப்பர் ஸ்டார்' என்ற ரீதியில் மெகா ஸ்டார்கள் இல்லாது போகலாம் தான்; ஆனால் இவர்களது படம் ஓடப் போகும் ஒவ்வொரு தியேட்டரிலும் கலகலப்பிற்குப் பஞ்சமே இராது என்பேன்!

இதோ- உங்கள் ஞாபகத்திற்கென நவம்பரின் இதழ்கள்;

1. குருதியில் பூத்த குறிஞ்சி மலர் ( அறிமுகம்: Catamount )
2. ப்ளூகோட் பட்டாளத்தின்- ஊழியம் செய்ய விரும்பு..!
3. மிஸ்டர்.நோ- "சதுப்பில் ஒரு சடுகுடு...!''

போன வாரமே "குருதியில் பூத்த குறிஞ்சிமலர்" பற்றிய preview பார்த்துவிட்டதால், மீத இருவரை இம்முறை பார்த்திடலாமா folks?

"ஊழியம் செய்ய விரும்பு''...! 

நடப்பாண்டின் இளைத்துப் போன கார்ட்டூன் கோட்டாவின் இறுதி ஸ்லாட்டில் பயணிக்கிறார்கள்- நமது ப்ளூகோட் பட்டாளத்தினர்! நம்மிடையே இந்த ஜோடி கூத்தடிக்கத் துவங்கி பத்து ஆண்டுகளுக்கு மேலாகிறது! ஆனால், ஒரிஜினலாக இவர்களோ 55+ ஆண்டுகளாய் வலம் வந்து கொண்டிருக்கின்றனர்! 1861 முதல் 1865 வரை அமெரிக்காவில் நடந்த வடக்கு vs தெற்கு என்ற உள்நாட்டுப் போர் சார்ந்த அக்கப்போர்களைப் பகடி கலந்து சொல்ல முனையும் இந்தத் தொடரில் இதுவரையிலும் 68 ஆல்பங்கள் வெளிவந்துள்ளன! இன்னமுமே ஆண்டுக்குக் குறைந்தபட்சமாய் ஒரு ஆல்பமாவது ரிலீஸ் ஆகிய வண்ணமுள்ளது! And கிட்டத்தட்ட பத்து ஐரோப்பிய மொழிகளில் வெளிவந்து கொண்டிருக்கும் இந்தத் தொடரானது, ஆசியாவில் அநேகமாய் நம்மள் கி தமிழில் மட்டுமே வெளிவந்து கொண்டிருக்கிறது என்று நினைக்கிறேன்! So நாற்பத்திஎட்டரைக் கோடி ஜனம் ( 4.840.000.000)  வாழும் ஒரு கண்டத்தினில் இந்தப் படைப்பை தாய்மொழியில் ரசிக்கும் வரம் பெற்ற இக்ளியூண்டு அணி நாமே என்று பெருமைப்பட்டுக் கொள்வோமே folks? "நானூற்றி எண்பத்தி நான்கு கோடியில் ஒருத்தன்..!'' என்று வாட்சப் ஸ்டேட்டஸில் போட்டால் சும்மா லைக்ஸ் அள்ளிடாதோ? போட்டுப் பார்க்கலாமா guys ?

Coming back to the story- சீருடை அணிந்திருக்கும் நம்ம கவுண்டர்- செந்தில் ஜோடியானது இம்முறை மெக்ஸிகோவினுள் புகுந்திட நேர்கிறது! And அங்கே உயிர் பிழைக்க வேண்டுமெனில் இறை ஊழியம் செய்தாலே ஆச்சு என்றதொரு நெருக்கடியில் சிக்கிடுகின்றனர்! தொடர்ந்திடும் கூத்துக்கள் கண்ணைப் பறிக்கும் வண்ணச் சித்திரங்களில், மெக்ஸிக மண்ணிலேயே அரங்கேறிடுகின்றன! இம்முறை கதையின் பின்புலம் பிரதானமாய் யுத்த களமல்ல என்பதால் முழுக்க முழுக்கவே மெக்ஸிக மாக்கான்களின் லூட்டிகளோடு, யுத்த இழப்புகள், கோரங்கள் என்று எதுவுமே இல்லாது பயணிக்கிறது! Breezy reading-க்கு உத்திரவாதம் தரும் இந்த ஆல்பத்தில்- கட்டத்துக்குக் கட்டம், வசனத்துக்கு வசனம் சிரிப்பைத் தேடும் முனைப்பின்றி ஜாலியாக வாசித்திட்டால் அரை அவருக்கு "ஜிலோன்னு'' பொழுது ஓடிவிடும் என்பது உறுதி! But "இங்கே கிச்சுக்கிச்சு மூட்ட ஒண்ணும் இல்­லியோ? அங்கே ஏதாச்சும் இல்லியோ?'என்று துளாவத் தொடங்கினால் - அந்த "நானூற்றி எண்பத்தி நான்கு கோடியில் ஒருத்தன்..!'' என்ற நம்ம கெத்துக்கு சீக்கிரமே ஆபத்து வந்து சேர்ந்திடும்! 

And இந்த ஆல்பத்தின் மொழிபெயர்ப்பினை செய்திருக்கும் நம்ம மேச்சேரியார்- உங்களுக்குக் கிச்சுகிச்சு மூட்டிடும் முனைப்பினில் முனைப்புடன் சில வஜனத் திணிப்புகளோடும்,  கடுமையான இசைச்சேவை செய்திடும் பேரார்வத்தோடும் முயற்சித்திருந்தார் ! இரண்டுமே வேலைக்கு ஆகாதே என்ற டர்ர்ர் எனக்கு ! விட்டால் "மாசிலா.. உண்மைக் காதலி­..!'' ரேஞ்சுக்கு ஸ்கூபியும், ரூபியும் பாடிப்புடுவாங்க என்று தென்பட, அவசரம் அவசரமாய் அந்த வெள்ளத்துக்கு அணை போட்டிருக்கிறேன்! சும்மாவே "கார்ட்டூன்னா வெளுப்போம்'' என்ற காண்டில் உள்ள நம்ம மக்களிடம் நெருடக்கூடிய விதமான மொழியாக்கத்தோடு ஒரு கார்ட்டூனை ஒப்படைத்தால், ஹெல்மெட் போட்டாலுமே கபாலம் தேறாது என்பது அனுபவப் பாடமாச்சே?! So கதையோட்டத்தில் மட்டுமன்றி, பிரார்த்தனைத் தருணங்களில் வந்திடும் பாடல் - ஸ்தோத்திர வரிகளிலும் "ஆர்வத்தைக் கட்டுப்படுத்துங்க - அந்த SPB இசை வேட்கையை மூடி போட்டு அடையுங்க'' என்று மேச்சேரியாரிடம் சொல்லி வைத்தேன் ! நண்பர் ஜான் சைமனுக்குப் பரிச்சயமானதொரு ஃபாதரிடம் கிருத்துவ வரிகளின் மொழிபெயர்ப்பினைக் கேட்டுப் பெற்று- நார்மலாக அந்த இடங்களில் இட்டு நிரப்பியுள்ளோம்! எல்லாம் சரியாக வந்திருக்க கர்த்தர் ஆசீர்வதிப்பாராக! And இதோ- ஒரிஜினல் அட்டைப்படம்+ உட்பக்க preview!

                                                                                       

                                                                   

Moving on, நவம்பரின் ஒரே Black & White இதழான மிஸ்டர்.நோவின் ஆக்ஷன் மேளா பற்றி இனி பார்க்கலாமா? இங்கேயும் கொஞ்சம் பின்னணித் தகவல்கள் will be in order என்று படுகிறது guys! பெரியவர் செர்ஜியோ போனெ­லியின் கைவண்ணத்தில் 1975-ல் துவங்கிய இந்தத் தொடரானது- இதோ தனது ஐம்பதாவது ஆண்டில் இன்று கம்பீரமாய் நின்று வருகிறது! தற்சமயம் இது லைவ்வாக இல்லாத போதிலும், கிட்டத்தட்ட 400+ கதைகள் இத்தொடரில் உள்ளன! எனது தீரா வருத்தமே - இத்தொடரையும், ஸாகோரையும் 1990-களிலேயே நாம் அறிமுகப்படுத்தாமல் போய்விட்டோமே என்பது தான்! அந்தக் காலகட்டத்திலேயே இவர்களும் களமிறங்கியிருக்கும பட்சத்தில், தாறுமாறு- தக்காளிச் சோறு உறுதியாகியிருக்கும் என்பேன்! ஆனால், வருஷத்துக்கு இருபது புக்ஸ் போட்டாலே பெரிய சாதனை என்றான அப்போதைய சூழ­லில் புதுசாய் எதையும் தேடிடும் முனைப்பே இந்த ஆந்தை விழிகளுக்கு இருந்திருக்கவில்லை! உள்ள டெக்ஸ் வில்லரையும், டைகரையும், லக்கி லூக்கையும், சிக் பில்லையும், மாயாவியையும் கொண்டு வண்டியை ஒட்டினாலே தெய்வச் செயல் என்று நினைக்கத் தோன்றிய நாட்களவை! எது எப்படியோ- இந்த அமேசான் கானக நாயகருமே நமக்கு "நானூற்றி எண்பத்தி நான்கு கோடியில் ஒருத்தன்..!'' என்ற கெத்தை நல்கிடும் ஜாம்பவான்! And இந்த black & white சாகஸத்தில் - நேர்கோட்டிலும் எத்தனை சிக்ஸர்கள் அடிக்கலாம் என்பதை அப்பட்டமாகப் புரியச் செய்கிறார்! போனெலி ­குழுமமே இதனில் அட்டகாசமான விற்பன்னர்கள் என்றே சொல்லுவேன்! வாசகர்களின் நாடித்துடிப்பை அட்சர சுத்தமாய்ப் புரிந்து, அதற்கேற்ப ஒவ்வொரு நாயகரையும் செதுக்குவது அவர்களுக்குக் தண்ணீர் பட்ட பாடாச்சே!

And இந்த ஆல்பத்தின் மொழியாக்கமும்  நம்ம மேச்சேரியார் தான் & இங்குமே அவரது இசைச்சேவை கரை புரண்டோட முயற்சித்ததை மேட்டூர் டேம் கட்டித் தடுத்துள்ளேன்! ப்ளூகோட்டில் எம்.ஜி.ஆர் படப்பாட்டு என்றால், மிஸ்டர்.நோவுக்கு ஜிவாஜி படப்பாட்டு என்ற ரேஞ்சுக்கு போட்டுத் தாக்கியிருந்தார்! ஆஹாகா.. மொத்துக்கள் ஒரு தொடர்கதையாகிப் போகுமே என்ற பயத்தில், அவசியப்பட்ட இடங்களின் முழுமையிலும் பட்டி-டிங்கரிங் பார்த்து முடித்தேன்! 

Yet க்ளைமேக்ஸை நெருங்கும் ஓர் கட்டத்தில் கதையில் ஏதோ உதைப்பது போலவே பட்டது! ஆங்கில மொழிபெயர்ப்பு; அதன் பின்பாய் ஒரிஜினல் இத்தாலி­யப் பக்கங்கள்- என சகலத்தையும் தோண்டியெடுத்துச் சரிபார்க்கும் படலத்தைத் துவங்கினேன்! ஒரிஜினலாகவே கோர்வையில் ஏதோ லைட்டாக உதைப்பது புரிந்தது! And நமது மேச்சேரி இசைப்புயலாரோ- "மேலே இருக்கவன் பார்த்துக்குவான்'' என்று அதை அப்படியே, குழப்பத்தோடே, நான் பார்த்துக்குவேன் என்ற நம்பிக்கையில் எழுதி அனுப்பியிருந்தார்! வியாழன் இரவே இதன் மீதான பணிகள் முடிந்திருக்க, எனக்கோ அந்தப் பிசிறை அப்படியே விட்டுவிட மனம் ஒப்பவில்லை! யதார்த்தத்திலும், ப்ளாஷ்பேக்கிலும், ப்ளாஷ்பேக்கில் இன்னொரு ப்ளாஷ்பேக்கிலும் நகர்ந்திடும் அந்தப் பகுதியினில்  சின்னதாய் எதுவோ, நம்ம புரிதலுக்கு எட்டலை என்பது பல்லி­ல் சிக்கின கொய்யா விதை போலவே உறுத்திக் கொண்டிருக்க, இசைப்புயலாரிடம் மறுக்கா போனில் பேசிப் பார்த்தேன்! நான் எழுப்பிய சந்தேகங்கள் சார்ந்த புரிதலோ, பதிலோ அவரிடம் லேது என்றாக, மறுபடியும் மண்டைக்குள் அசைபோட்டுக் கொண்டே இருந்தேன்! அப்போது வந்து சிக்கிய V காமிக்ஸ் எடிட்டரிடம் அங்கே இடறுவது ஏனென்று விளக்கி அவரது பார்வையில் ஏதாச்சும் புரிபடுகிறதா? என்று பார்க்க விழைந்தேன்! முத­லில் விக்ரமுமே முழித்த கதை தான்.. ஆனால், கொஞ்ச நேரத்துக்கு நான் பொறுமையாய் வீசிய கேள்விகளை process செய்த பின்னே அந்த இடத்தில் படைப்பாளிகள் மனதில் கொண்டிருந்த சமாச்சாரம் இதுவாக இருக்குமோ? என்று ஒரு கோர்வையை முன்வைக்க- ஆகாகா...நம்ம ­லியனார்டோ தாத்தாவின் தலைக்குள் பல்ப் ஒளிவிட்டது போலி­ருந்தது எனக்கு! "அட.. ஆமால்லே..! இந்த sequence-ல் இதுதான் நடந்திருக்கணும்!' என்பது புரிபட, பரபரவென சனி காலை அதைத் திருத்திக் தந்தேன்.. அப்படியே டீம் V மடமடவென ஆக வேண்டிய பணிகளைப் பார்க்க ஆரம்பிக்க, இந்தப் பதிவை நான் எழுதிக் கொண்டிருக்கும் நேரத்துக்கு மிஸ்டர்.நோ.அச்சாகியே முடிந்துவிட்டார்! கதையைப் பொறுத்தவரை - அனல் தான் !! Absolute cracker !!

So ப்ளூகோட்ஸ்+ மிஸ்டர்.நோ ப்ரிண்டிங் முடிந்து பைண்டிங் போயாச்சு! இன்னமும் பெண்டிங் இருக்கும் "குருதியில் பூத்த குறிஞ்சிமலர்" மட்டும் திங்கட்கிழமை மொழிபெயர்ப்பு + சுடச்சுட டைப்செட்டிங் நிறைவு பெற்று விடும் பட்சத்தில், அடுத்த வார இறுதிக்கு முன்பாக மூன்று இதழ்களும் உங்கள் கைகளை எட்டியிருக்க வேணும்! மீதமிருக்கும் பணிகளுக்குள் ஐக்கியமாகிட இதோ- ஓட்டம் பிடிக்கிறேன் folks ! Before I leave, இதோ மிஸ்டர்.நோ அட்டைப்படம் &  உட்பக்க previews!

கிளம்பும் முன்பாய் வழக்கம் போல சந்தா சார்ந்த நினைவூட்டல் folks ! இதுவரைக்குமான சந்தாக்களில் இரண்டே இரண்டு LITE சந்தாஸ் & ஆறோ-ஏழோ SINGLES சந்தாஸ் ! பாக்கி சகலமுமே FAMILY சந்தாஸ் !! So புத்தாண்டு முதலாய் உங்கள் ஜூனியர்களும் நமது யுனிவெர்சுக்குள் அடியெடுத்து வைக்கப் போவதில்லை ஆவலோடு எதிர்பார்த்துக் காத்திருக்கிறோம் !! இன்னமும் சந்தா ரயிலில் முன்பதிவு செய்திருக்கா நண்பர்கள், இந்த வாரயிறுதியினை அதற்கென பயன்படுத்திட்டால் அற்புதமாக இருக்கும் ! Please do join in folks !! இம்முறை சில புது நண்பர்களும் சந்தாவினில் இடம் போட்டிருப்பது icing on the cake !! 4.84 பில்லியனில் ஒருவராய் திகழும் உங்கள் ஒவ்வொருவரையும் இந்தப் பயணத்தினில் வரவேற்க செகப்பு கம்பளத்தை அர்ஜெண்டாக வாஷ் பண்ணி வாங்கி விரித்து வைத்திருக்கிறோம் !! Stage is all yours people !!

Bye all...see you around ! Have a beautiful weekend !

And இதனை வாட்சப் ஸ்டேட்டஸில் வைத்துப் பார்ப்போமா ? 😀😀

நாலைந்து நாட்களில் நவம்பர் ...!

 நண்பர்களே,

வணக்கம். இது தள்ளிப் போகும் சீசன் போலும் !! நேத்திக்கான பதிவு, இன்னிக்கிக்குன்னு தள்ளிப் போயுள்ள சுண்டைக்காய் மேட்டரை மட்டுமே  நான் குறிப்பிடலை folks ! தீபாவளி ஆக்டோபரின் பிற்பகுதியில் தான் அமைந்தது என்பதால் அக்டோபர் இதழ்களின் டெஸ்பாட்ச்சை 10 தேதிகளுக்குத் தள்ளிப் போட்டோம் ! அதன் பலனாய் - இதோ நவம்பரின் இதழ்களும் தாமாகவே கொஞ்சமாய் பின்னுக்குப் போய் விட்டுள்ளன ! பற்றாக்குறைக்கு இந்த சீஸனின் புத்தக விழா circuit-லும் கணிசமான தள்ளிப் போடல்ஸ் ! திருச்சி புத்தக விழா - மறுதேதியின்றி ஒத்தி வைக்கப்பட்டுள்ளது ! கரூரும் தான் ! தென்காசியுமே ! விருதுநகருமே !! And if the news is to be believed - சேலம் புத்தக விழா கூட டிசம்பர் நடுவாக்குக்குத்  தள்ளிச் செல்கிறதாம் ! உறுதியாகத் தெரியலை தான் - ஆனால் ஒவ்வொரு மாவட்ட ஆட்சியர் அலுவலகமுமே மத்திய, மாநில சர்க்கார் பணிகளில்  பிசி என்பதால் இந்தவாட்டி புத்தகவிழா சார்ந்த முன்னெடுப்புகள் லைட்டாய் பின்சென்றுவிட்டுள்ளது போல் தென்படுகிறது ! And இந்த சீசனில் மாறி, மாறி ஒவ்வொரு ஊருக்காய் சட்டியையும், பெட்டியையும் கட்டிக் கொண்டு போய் ரெண்டு காசு பார்ப்பதே, சக்கரம் சுழல உதவிடும் தாரகம் ! ஆங்காங்கே தினமும் அரங்கேறிடும் ரொக்க விற்பனைகளில் தான் ஆண்டின் பிற்பகுதியில் பிழைப்பே ஓடிடுவது வாடிக்கை என்ற நிலையில், இந்தத் தொடர்ச்சியான தள்ளிப்போடல்ஸ் - நெரிச்சிங் the சங்கு !! So கொஞ்சமே கொஞ்சமாய் வேகமெடுத்து வரும் சந்தா சேகரிப்புகளின் முதுகில் உப்புமூட்டை கட்டிக் கொண்டு பயணிக்க வேண்டிய சூழலில் உள்ளோம் folks !! So இயன்றமட்டுக்கு கரம் கொடுக்கக் கோரிடுகிறோம் !!  

'ஆஹா...விடிஞ்சி முழிச்ச ஒடனே ஆரம்புச்சிட்டானா ?' என்ற உங்க மைண்ட் வாய்ஸ் கேட்குது மக்களே - but யதார்த்தங்களை உரைக்காது இருக்க முடிலீங்களே !! Anyways - இதோ நவம்பர் பக்கமாய் பார்வைகளை ஓட விடுமுன் "சாம்பலின் சங்கீதம்" சார்ந்த இடைச்செருகல்ஸ் ! எப்போதும் போல நவம்பர் மூன்றாம் வாரமே சேலம் விழா துவங்கி விடுமே என்ற நினைப்பில், "சாம்பலின் சங்கீதம்" சார்ந்த பணிகளை முதலில் முடித்து விட்டு, அப்புறம் மின்னல் வேகத்தில் நவம்பர் புக்ஸுக்குள் புகுந்திடலாமே என்ற நினைப்பில் கடந்த 2 வாரங்களாகவே ஐன்ஸ்தீன் சாரோடும், அமெரிக்க ப்ரெசிடெண்ட்ஸ் ; காம்ரேட் ஸ்டாலின் போன்ற வரலாற்றுப் பெருந்தகைகளோடே உலாற்றித் திரிந்தேன் ! But சேலம் விழாவானது டிசம்பர் பிற்பாதிக்கு என்ற ரீதியில் தகவல் காதில் விழுந்த பிற்பாடு, பேஸ்தடித்துப் போய் ரூட் மாற வேண்டிய அவசியத்தில் உள்ளோம் ! So பக்கம் 325-ல் சா.ச. ஓய்வெடுக்க, அடுத்த நாலைந்து நாட்களுக்குள் நவம்பரின் பணிகளைப் போட்டுத் தாக்குவது என்று தீர்மானித்துள்ளேன் !  

இக்கட நெக்ஸ்டு ட்விஸ்ட் ! 

நவம்பரின் ஒரு முக்கிய இதழாய் அறிவிக்கப்பட்டிருந்த லார்கோ சாகசமான "போர் கண்ட சிங்கம்" டிசம்பருக்கு மாற்றம் காண்கிறது ! இந்தக் கதை பங்குச்சந்தை சார்ந்த செம complex கதைக்கரு கொண்டதாலேயே இதனுள் மண்டையை நுழைக்கத் தயங்கியிருந்தோம். But இந்தத் துறையில் அனுபவம் கொண்டவரான நண்பர் மதுரை நாகராஜ சேதுபதி இதனை மொழிபெயர்க்க முன்வந்திருக்க, அவருக்கே பரிவட்டம் கட்டி விட்டிருந்தோம். நண்பரும் இயன்ற பெஸ்ட்டை முயற்சித்துள்ளார் - ஆனால் துறையில் அனுபவம் இருப்பினும், முழுநீள மொழியாக்கம் அவருக்குப் புதிதே என்பதை ஸ்கிரிப்ட் சொல்கிறது ! So கணிசமாகவே உட்புகுந்து பணியாற்ற வேண்டியிருப்பது புரிகிறது ! போன மாசம் கம்பியூட்டர் டெக்கீ அவதார் எடுத்து ராபின் 2.0 சகிதம் பயணிச்சாச்சு ! இனி பீரோவுக்குள் அந்து உருண்டைகளுக்கு மத்தியில் எங்கயாச்சும் கிடக்கக்கூடிய கண்ணால கோட்டை மாட்டிக்கிட்டு பங்குச்சந்தை பார்ட்டியாகவும் ஒரு ரவுண்டு அடிச்சுப் பார்த்திட கொஞ்சமே கொஞ்சமாய் அவகாசம் தேவைப்படுது folks ! அதனால் லார்கோ moves to டிசம்பர் ! எண்ட குருவாயூரப்பா - ஈ வயசிலேயே அடிக்க அவசியமாகிடும் பல்ட்டிகள் இன்னும் எத்தனை காத்துள்ளனவோ ? 

 குருதியில் பூத்த குறுஞ்சிமலர் !! 

(எனக்குமே) கொஞ்சம் மர்மம் சூழ்ந்த கதையாகவே தொடர்ந்து வரும் ஆல்பம் இது !! And நேற்றைக்குத் தான் இதனுள் பணியாற்றப் புகுந்துள்ளேன் என்பதால் - விழிகள் மேற்கொண்டும் அகண்ட நிலையில் ஒவ்வொரு பக்கமாய்ப் புரட்டி வருகிறேன் ! Trust me guys - மிரண்டே போகப்போகிறீர்கள் - வன்மேற்கின் இந்த லேட்டஸ்ட் அனுபவத்தினில் !! இந்தக் குறுந்தொடருக்கு ஒரிஜினலில் CATAMOUNT என்று பெயர் ! பிரெஞ்சில் 4 ஆல்பங்களில் நிறைவுறும் ஒரு ஆக்ஷன் அதகளம் இது ! அது இன்னாய்யா பெயர் ? என்ற கேள்வியோடே கொஞ்சமாய்த் தேடிய போது தான் - (BIG) CAT of the MOUNTAIN என்று பொருளாகிடும் விதமான பெயர் இது என்பது புரிய வந்தது ! அதாவது மலைச்சிங்கம் (Cougar) ; மலைச் சிறுத்தை (Panther) போலான முரட்டு வன விலங்குகளைக் குறிப்பிட அந்நாட்களில் பயன்படுத்தப்பட்ட சொல்லாம் இது ! 

இப்போது தான் எழுதத் துவங்கியுள்ளேன் என்பதால் இந்தப் பெயருக்கான context பற்றி இன்னும் தெரியலை - but இந்தப் பெயருக்கொரு தமிழாக்கம் அவசியமாகிடும் பட்சத்தில் உங்களின் பரிந்துரை(கள்) என்னவாக இருக்குமோ மக்களே ? இந்தக் குறுந்தொடர் உள்ளபடிக்கே தனித்தனியாய் படிக்கவும் சாத்தியம் தருவதால் மேற்கொண்டு இதன் பின்புலத்தினை ஆராய்ந்தேன் - உரிமைகளை வாங்கிடும் முன்பாக ! அப்போது தான் புரிந்தது - இந்தத் தொடரானது பிரெஞ்சில் கௌபாய் நாவல்கள் பல எழுதி வந்ததொரு பிரபல novelist ஆல்பர்ட் போனோவின் காமிக்ஸ் தழுவல் என்பது ! 

பிரான்சில் 20-ம் நூற்றாண்டின் மத்தியில் கௌபாய் நாவல்கள் கன்னா பின்னாவென பிரபலமானவைகளாம் !! அந்தக் காலகட்டத்தில் இந்த எழுத்தாளர் வெவ்வேறு புனைப்பெயர்களில் டிடெக்டிவ் நாவல்கள், சாகச நாவல்கள், இளைஞர்களுக்கான நாவல்கள் என்றெல்லாம் கிட்டத்தட்ட 750 நாவல்கள் வரை எழுதியுள்ளாராம் ! நிறையவே எழுதியிருந்த போதிலும்,  மிரட்டலான கௌபாய் நாவல்களில் இவர் கிங் போலும் ! அதிலும் 1929-ல் துவங்கிய இந்த CATAMOUNT நாவல் தொடர் அடுத்த முப்பது ஆண்டுகளுக்கு, 70-க்கும் மேற்பட்ட கௌபாய் நாவல்களுடன் வெளுத்துக் கட்டியுள்ளது. அதன் ஹீரோ Catamount செமயானதொரு ஆக்ஷன் நாயகராய், வீட்டிலிருந்தபடிக்கே வன்மேற்கை தத்ரூபமாய் தரிசிக்கும் வாய்ப்பினை பல தலைமுறை பிரெஞ்சு வாசகர்களுக்கு வழங்கி வந்துள்ளார் ! அவரை 2015-ல் காமிக்ஸ் உலகினுள் புதியதொரு பதிப்பகம் இட்டு வந்திருக்க, 4 இதழ்கள் கொண்ட இக்குறுந்தொடர் 2021-ல் முற்றுப் பெற்றுள்ளது ! அன்று முதலே இத்தொடர் நம்மள் கி ரேடாரில் இருந்து வர,போன வருஷம் இப்புது நிறுவனத்துடன் கைகுலுக்கி இருந்தோம் ! And here we are !!  

இதோ - மிரளச் செய்யும் அதன் அட்டைப்பட first look !! இந்தத் தொடரின் ஒவ்வொரு ராப்பருமே இதே போல் அல்லு விடும் ரகத்தில் இருப்பது செம highlight ! உட்பக்கச் சித்திரங்களிலும் புதியதொரு ஸ்டைலில் ஓவியர் மெர்சலூட்டியுள்ளார் ! இன்னமும் DTP ஆரம்பிக்கலை என்பதால் உட்பக்க preview தமிழில் இல்லை இந்த நொடியில் ! Maybe நாளை இங்கே upload செய்கிறேன் ! 

"நரகத்திற்கொரு புரவி" என 2026-ல் விளம்பரப்படுத்தப்பட்டுள்ள அடுத்த அத்தியாயம் ஒரு டபுள் ஆல்பம் என்பது சமீபமாய்த் தான் தெரிய வந்துள்ளது ! So எப்படியேனும் அதனை ஒரு டபுள் ஆல்பமாகவே 2026-ல் களம் காணச் செய்து விடுவோம் !! ஆகையால் கூகுளில் தேடிய கையோடு தம் கட்டி அர்ச்சனை செய்திடும் வேலை உங்களுக்கு மிச்சம் guys !! இதோ உட்பக்க previews from the original !!

 

நவம்பரில் காத்துள்ள மீத 2 இதழ்களின் லிஸ்ட் இதோ :

ப்ளூகோட் பட்டாளத்தின் - "ஊழியம் செய்ய விரும்பு" 

&

மிஸ்டர் நோ !

வண்டி வண்டியாய் பணிகள் வெயிட்டிங் என்பதால் அவற்றிற்கான previews அடுத்த வாரப்பதிவினில் folks !! Bye now....See you around ! Have a lovely Sunday !!

வாங்க திளைப்போம்!!

நண்பர்களே,

Disclaimer : இது காமிக்ஸ் உலகுக்கு வெளிச்சமூட்ட வந்திருக்கும் பதிவெல்லாம் நஹி! So எங்கேயாச்சும் "மாடஸ்டி சந்தா அறிவிப்பு கீதா? ஸ்பெஷல் புக்ஸ் பற்றி ஏதாச்சும் இருக்கா?" என்ற ரேஞ்சுக்குத் தேட வேணாமே- ப்ளீஸ்? 

ஒவ்வொரு பண்டிகைப் பொழுதிலும், ஜாலியாய் பஜாருக்குள் நடை போடுவது, நிலவரங்களை அசை போடுவது என்பதெல்லாம் சமீப பத்தாண்டுகளின் வாடிக்கை. அதன் லேட்டஸ்ட் அத்தியாயமே இது - simply becos எங்க ஊரே முன்னெப்போதும் இல்லா விதத்தில் இம்முறை விஸ்வரூபம் எடுத்து நிற்கிறது! So இது ஜாலியான sivakasi musings மாத்திரமே!

Here goes : 

சமீபமாய் வந்த டின்டினின் "கேல்குலஸ் படலத்தில்'' ஒரு சீன் வரும்..! 'மார்லின்ஸ்பைக் மாளிகையில் டம்மு.. டம்முன்னு கண்ணாடிகளெல்லாம் சிதறுது.. அந்த ரோட்டிலே போகிற பால் வண்டி கூட சல்­லி  சல்லியா நொறுங்குது'' என்ற சேதி ஊருக்குள் பரவிய சற்றைக்கெல்லாம் 'கொய்'யென்று ஒரு பெரும் ஜனத்திரள் வாசலில் கூடி நிற்கும்! சாப்பாட்டுக் கடைகள், பொம்மைக் கடைகள், ப்ரெஸ் வேன் என்றுமே வெளியே களை கட்டியிருக்கும்... அந்த சீனை அப்படியே ஒரு ரெண்டாயிரத்தால் பெருக்கிக்கோங்க - இன்றைய சிவகாசி அது தான்! திரும்பிய திக்கெல்லாம் முகமெங்கிலும் ஒரு ஆழமான பரபரப்பு அப்பிய மனிதத்திரள் ஊரையே இந்தக் கடைசி ஒற்றை வாரத்தினில் படையெடுத்துள்ளது! ஊருக்குள் நுழையக் கூடிய ஒவ்வொரு வெளிவட்டப் பாதையிலுமே தடுக்கி விழுந்தால் கூட ஏதாச்சுமொரு பட்டாசுக் கடையின் மீதே விழ வேண்டியிருக்கும் என்ற சூழல் ; absolutely choc a bloc with retail fireworks outlets...!!

* 'புஸ்வாணம்லாம் சின்னது இல்லே- இந்த சைஸ் தான் இருக்கு'' என்று ஒரு சோழக்கருது உசரத்துக்கான வஸ்துவைக் காட்டி- "டஜன் இவ்ளோ...... xxxx" என்ற ஒரு டெக்ஸ் கலர் தீபாவளி மலரின் விலையைச் சொல்கிறார்கள்! "நாலு டஜனா கிடைக்குமாண்ணா?'' என்றே பதில் வருகிறது! 

* "எரியல் ஷாட்ஸ்லாம் காலி­! இது மட்டும் தானிருக்கு! பக்கத்து வீட்டுப் புளியமரம் உசரத்துக்குத் தான் எழும்பும்! பரால்­லியா?'' என்று மிரட்டியபடியே ஒரு Electric'80s சந்தாத் தொகையைக் குறிப்பிடுகிறார்கள்! "ஹைய்யோ.. புளியமரத்தைத் தொட்டாலே சூப்பர்ணா.. போடுங்க..போடுங்க!'' என்கிறார்கள்!

*"சரவெடில்லாம் செய்ய அனுமதி கிடையாது! இது சரவெடி மெரி இருக்கும்.., ஆனா சரவெடி இல்லே..! ஓ.கே தானா?'' என்றபடிக்கே நமது ஆன்லைன் மேளாவின் கொள்முதல் தொகைக்கு ஈடான ஒரு அமௌண்டை துண்டுத் தாளில் கிறுக்கித் தருகிறார்கள்! 1987-ன் லயன் தீபாவளி சூப்பர் ஸ்பெஷலை அதன் ஒரிஜினல் விலையான ரூ.10க்கே வாங்கிய புது வாசகரின் அதே குதூகலம் முகத்தில் தாண்டவமாட, கஸ்டமர் ஓ .கே. சொல்றார்!

* "மொத்தமா பார்த்தா.. இம்புட்டு! இதிலே GST அம்புட்டு..! கூட்டல், கழித்தல், பெருக்கல் போட்டு 90% டிஸ்கவுண்ட் கழிச்சிட்டா வர்ற தொகை இம்புட்டு!'' என குனிந்த தலை நிமிராமல் கடைக்காரர் சொல்லும் தொகைக்கு ரெண்டு பேருக்கான 2026-ன் சிங்கிள்ஸ் சந்தாத் தொகைகளை கட்டிவிட முடியும் தான்! But இம்மி கூட மலைக்காது - "Gpay  ஓ.கே.வா பிரதர்?'' என்கிறார்கள் - சந்தாவுக்கு மட்டுமே exclusive ஆக டெக்ஸின் ஆயிரம்வாலா கிடைத்தது போலான ஒரு குஷியுடன்!!

*சரி.. ரைட்டு! பட்டாசுக் கடைகள் as usual தெறிக்குது!" ஸ்கூட்டரை இந்தப் பக்கமா விடுடா தம்பின்னு இன்னும் உள்ளுக்குள் போனா- "அடடே.., ஏதோ வித்தை காட்டுறாங்களோ? அந்தத் தெரு முழுக்கக் கூட்டமா கீதே?''என்ற கேள்வி எழுகிறது! வண்டியை ஒரு மு.ச.வுக்குள் நிறுத்தி லாக் போட்டுப்புட்டு மொள்ள நடந்து போய்ப் பார்த்தால் - ஒரு கணிசமான பகுதி ஸ்வீட் கடைகளில் மண்டி நிற்கும் ஜனம்!

* தெரிஞ்ச கடை தானே? என்றபடிக்கே இங்கேயிருந்து கையைக் காட்டினா-நிமிர்ந்து பார்க்கும் ஓனரும், சிப்பந்தியும் சட்டித் தலையன் ஆர்ச்சியின் எக்ஸ்பிரஷனில் zombie-க்கள் போல் காட்சி தருகிறார்கள்! அல்வா மூணு கிலோ போடறியா- இல்லே சங்கை கடிக்கவா? என்ற ரேஞ்சுக்கு கஸ்டமர்ஸ் அலை மோதிங்ஸ்! "வுட மாட்டோம்டா - இந்தியாவை சீக்கிரமே உலகின் நீரழிவு நோயின் தலைநகராக்காம உட மாட்டோம்டா!' என்ற கங்கணத்தோடு, மக்கள் கருமமே கண்ணாய் தெறிக்க விட்டுக் கொண்டிருந்தனர்! "Ozempic, Wegovy ன்னு யார்னாலும் வாங்கடா செல்லம்ஸ்- உங்களுக்கு இந்திய சந்தையில் ஒளிமயமான எதிர்காலம் வெயிட்டிங்" என்று நினைத்துக் கொண்டேன்.

* நாம் போனதோ அங்கிருக்கும் பேக்கரியில் ஒரு கோதுமை ப்ரெட்டை வாங்கிட..! நம்ம குரல் நமக்கே கேட்காத நிலையில் கடைக்காரருக்கு எங்கே கேட்கப் போகுது? But அவரோ-"இவன் வேற எதுக்கு வந்திருக்கப் போறான்?'' என்ற யூகத்தில் - கலர் ஜேம்ஸ் பாண்ட் 2.0 ஐ நீங்கள் கோரிடும் சமயமெல்லாம் " முடியாது...முடியாது என நான் மண்டையை ஆட்டும் அதே வேகத்துடன் - "அடுத்த வியாழக்கிழமை வரைக்கும் ப்ரெட் ஐட்டங்களே போட மாட்டோம் ''என்கிறார்!

*மண்டையைச் சொறிந்தபடியே வெளியேறினால், ஒரு மாருதி ஆம்னி வேனுக்குள் குறைந்த பட்சமாய் அரை டன் மைசூர்பாகுகளை நெய் சொட்டச் சொட்ட பேக்டரியிலிருந்து கொணர்ந்திருந்தனர் - கடையில் இறக்க! அதைப் பார்த்தாலே நமக்கு சுகர் இன்னொரு 100 பாய்ண்ட் ஏறிடுமோ? என்ற பயத்தில் பரிச்சயமான சந்துக்குப் போனேன் - ஸ்கூட்டரைத் தேடி!

*அதுக்குள்ளாற சந்தை மறிச்சு வெளியே ஒரு மடக்குக் கட்டிலை விரித்து, அதில் கயிற்றைக் கட்டி ரோல் காப் வெடிக்கும் டுப்பாக்கிகளி­ருந்து, பொம்மைகள் ; பிங்க், பச்சை, இன்னபிற வர்ணங்களிலான கூலி­ங் க்ளாஸ்களைத் தொங்க விட்திருந்தனர்.  "ரைட்டு.. சந்துப் பக்கமா நாம எப்போ போனாலுமே, எந்த ஜோலியா போனாலுமே, கேட் போட்டுடுவாங்க போலிருக்கே....!! கிரகங்களின் சஞ்சாரத்திற்கேற்ப ராசிபலன்கள் மாறினாலும், இந்த "சந்திலே சலபுலஜங்க்' மட்டும் மாற்றம் கண்டிடாது போலும்!'' என்று நினைத்துக் கொண்டேன்!

"இன்னா சார்- இஸ்கூட்டர் உள்ளாற மாட்டிக்கிச்சா? என்று வினவிய வியாபாரியிடம், "ஒண்ணும் பிரச்சனையில்லே தம்பி! மழை வர்றதுக்கு முன்னே வியாபாரத்தைக் கவனி'' என்றபடிக்கே ஆராமாய் வீதியில் நடையைப் போட்டால், மாடஸ்டி ஸ்பெஷலின் விலைக்கு டி-ஷர்ட்கள்; ஸ்பைடர் ஸ்பெஷலி­ன் விலைக்கு லெக்கின்ஸ் என அனல் பறக்க பிசுனஸ் அரங்கேறுவதைப் பார்க்க முடிகிறது! "மாடாஸ்கா'' என்று இளவரசியை ஓட்டும் அணியே அவரது லேட்டஸ்ட் ஆல்பத்தை சிலாகித்து, ரசித்து, நெக்குருகிப் பாராட்டுவது போலானதொரு இனம்புரியா மகிழ்ச்சி உள்ளுக்குள் விரவுவதை உணர முடிகிறது!

*இன்னும் சித்தே தூரம் நகரும் போது- "டங்-டடட-டங்...'' என்ற ஓசை சீராகக் கேட்கிறது! பார்த்தால் - இயவரசரின் மத்தியப் பிரதேசத்துக்கு சவால் விடவல்ல சுற்றளவிலானதொரு குண்டாவி­லிருந்து  பிரியாணியை சுடச் சுட பேக் பண்ணிக் கொண்டிருக்கிறார் - மாஸ்டர்! ஒரு பார்சலுக்கும், அடுத்ததுக்கும் மத்தியிலான துக்கனூண்டு இடைவெளியில், சட்டுவத்தை ஸ்டிக்காக்கி, குண்டாவை ட்ரம்மாக்கி, சிவமணிக்கு அவர் தரும் போட்டியை ரசித்தவாறே பார்வையைச் சிதற விட்டால், பின்னே ஒரு மேஜையில் வியர்க்க விறுவிறுக்க ஒரு பையன் எதையோ, கெட்டியான நோட்டில் குறிப்பெடுத்துக் கொண்டிருக்கிறான்! "இன்னாடா மேட்டரு.. ''சாம்ப­லின் சங்கீதத்திலே நாம பிசின்னா - புள்ளையாண்டன் இங்கே "பிரியாணியில் பகீர்'' என்று போட்டிக் கடை எதும் போடுறானோ? என்ற ஐயம் எழுகிறது! அப்புறமாய்ப் பார்த்தால் தான் தெரிகிறது- தீபாவளி தினத்துக்கான "பிரியாணி பக்கெட்" முன்பதிவுகள் அனல் பறக்க அரங்கேறி வரும் சமாச்சாரம்! "ஆங்.. அஞ்சு பேர் பக்கெட்லே சிக்கன் 2- மட்டன் 2..! சீரகச் சம்பாவிலே பத்து கிலோ பக்கெட் மூணா?" என்று பரபரப்பது கேட்கிறது! மேலே தொங்கும் போர்டில் எழுதப்பட்டுள்ள விலைகளைப் பெருக்கினால், ஒவ்வொரு ஆர்டருக்கும் குறைந்த பட்சமாய் 5 சாம்ப­லின் சங்கீதங்கள் தேறிடும்! "தம்பி.. நடையைக் கட்டிரு.. இல்லாங்காட்டி.. சபலத்திலே நீயுமே ஒரு பக்கெட்டுக்கு ஆர்டர் போட்டுட்டிருப்பே.. வேணாம்.. டேஞ்சரு..!'' என்று இக்கட்டான தருணத்தில், மாடஸ்டியிடம் கிசுகிசுக்கும் வில்­லி கார்வினைப் போல மண்டைக்குள் ஒரு குரல் கேட்க, வேகமாய் நடையைத் தொடர்ந்தேன்!

*ஹை.. இந்தக் கடையிலே நிக்கற கூட்டம் நிச்சயமா சாப்பாட்டு ஐட்டத்துக்கோ, பட்டாசுக்கோ நஹி- என்ற நம்பிக்கை மேலெழும்பியது! Becos எதிர்த்தாலே தென்பட்டதோ ஒரு எலெக்ட்ரானிக்ஸ் கடை! நடையை மெதுவாக்கி, பார்வையை ஓடவிட்டால்- அது Samsung -Vivo- Oppo செல்போன்களின் விற்பனைமுனை. போவோமே- சும்மா போய் தான் பார்ப்போமே என்றபடிக்கே உள்ளுக்குள் புகுந்தால் "அண்ணா... இந்த போன் என்ன விலைக்கு எக்ஸ்சேஞ் போகும்?'' என்று குரலை உயர்த்தும் யுவதியைப் பார்க்கிறேன்! செம-sleek ஆனதொரு சாம்சங் போனை நீட்டிக் கொண்டிருக்கிறாள்! V காமிக்ஸின் ஓராண்டுச் சந்தாவுக்கு நிகரானதொரு சன்னமான தொகையை கடைக்காரர் மனப்பாடமாய்ச் சொல்ல - புதுசாயொரு  போனை சுட்டிக்காட்டி "இது price எவ்ளோ?'' எனும் போது - 3 Family சந்தாக்களின் கிரயத்தை மனுஷன் சொல்கிறார்! லக்கி லூக்குக்கு ஜாலி­ ஜம்பரைப் போல, 2019 முதலாய் விசுவாசமான சகாவாய் இன்னமும் என்னோடு உலவி வரும் சாம்சங் போனை என்னையும் அறியாமல் பார்த்துக் கொள்கிறேன் "நம்மளை அசைச்சுக்க முடியாதுடா அம்பி'' என்றபடிக்கே நகர்கிறேன்!F

*Further down the road, அடடே.. மாமூலாய் கபாலத்தில் புல் செதுக்க நாம் ஒதுங்கும் பார்லரினில் ஏது இம்புட்டு கூட்டம்? அங்கே சிகை திருத்தும் பீகாரிப் பையன்கள் ஏதாச்சும் பேஜார் பண்ணிட்டாங்களா? என்றபடிக்கே நுழைந்தால், காத்துக் கொண்டிருப்போர் அனைவருமே ஏதேதோ services-களுக்காக வெயிட் பண்ணுபவர்கள் என்பது புரிகிறது! அழகுக்கு அழகு சேர்க்க அம்மணிகளுக்கு tough தர நம்ம ஆடவப் பசங்களும் இப்போதெல்லாம் பொங்கி நிற்பதை எப்போதுமே நான் வியப்போடு பார்த்திடுவதுண்டு! மூக்குக்குக் கீழே, உதட்டுக்குக் மேலே முளைத்து நிற்கும் கரப்பான் பூச்சி மீசையை ட்ரிம் பண்ணுவது தான் நம்ம காலத்து அழகூட்டும் முன்னெடுப்புகள்! நேற்றைக்கோ தலையில் ஒரு பாதியில் காரக் குழம்பையும், மீதியில் கருவாட்டுக் குழம்பையும் கொட்டினாற் போல ஒரு இளைஞன் குந்தியிருக்கிறான்- hair கலரிங்கின் பொருட்டு! சுவற்றில் ஸ்டைலாகச் சிரித்துக் கொண்டிருக்கும் ஒரு அம்மணியினருகே ப்ரிண்ட் செய்யப்பட்டிருந்த ஒவ்வொரு சர்வீஸுக்குமான கட்டணங்களை கண்கள் தன்னிச்சையாய் மேய்ந்தன! காரக் குழம்புக்கான சர்வீஸில் ஒரு "இரத்தம் படலம்" கலர் தொகுப்பை கிரே மார்க்கெட்டில் இன்னிக்கி வாங்கிடலாம்; டேவிட் பெக்கம் ஸ்டைலி­ல் க்ராப் வெட்டிக்க ஆகும் செலவில் ஒரு "மின்னும் மரணம்" கலர் தொகுப்பினை வாங்கிடலாம்'' என்று மண்டையும் தன்னிச்சையாய் கணக்குப் போட்டுச் சொல்லி­யது!

*"நான் கேட்டேனா? நான் உங்களைக்  கேட்டேனா?'' என்றபடிக்கே வெளியேறி நடந்தால்- எதிரே ஒரு சின்ன மகாலி­ல் ஒரு கிடாவெட்டுக்கு இணையான கூட்டம்! வெளியே இருந்தே பார்த்தால் - "எந்தத் துணி எடுத்தாலும் - எந்த ட்ரெஸ் எடுத்தாலும் கிலோ ரேட் தான்" என்று எழுதியிருந்தது! அட, 2020-க்கு முன்பான நம்ம பொஸ்தவங்களைக் கூட  இவங்க கிட்டே ஒப்படைச்சா விற்று இடத்தைக் காலி­ பண்ணித் தந்திடுவாங்களோ? என்ற கேள்வியை மண்டை உச்சரிக்கும் முன்பாக விறுவிறுவென ஸ்கூட்டர் நின்று கொண்டிருந்த அந்தச் சந்துக்கே திரும்பினேன்! அந்தத் தம்பி பிஸியாக இருந்த போதிலும், லைட்டாக இடம் ஒதுக்கித் தர, 'விடுடா ஜுட்' என வீட்டுக்கு ஓட்டமெடுத்தேன்! சந்திலி­ருந்து விடுதலை என்பது றெக்கைகளை ஸ்வீகாரம் செய்து கொள்ளும் வேளையல்லவா - ஒவ்வொரு தடவையுமே ? 

வீடு திரும்பும் வழியெல்லாம் மனசெல்லாம் 2013 ஜனவரியில் NBS இதழை உங்களிடம் ஒப்படைத்ததற்கு இணையான மகிழ்ச்சி அலையடிப்பதை உணர முடிந்தது! சிறு வணிகர்களோ, பெரும் முதலாளிகளோ- இம்மியும் பேதங்களின்றி, எங்களது குட்டி ஜப்பானில் உழைத்திடும் அந்த மும்முரத்தை மனதில் அசை போட்டேன்! எதிரே 'சர் சர்' என சீறிச் செல்லும் ஜூமாட்டோ, ஸ்விக்கி பசங்களும், பொண்ணுங்களும் எனது புன்னகையினை இன்னும் விசாலமாக்குகின்றனர்! Of course, ஆயிரம் பிக்கல்கள்; பிடுங்கல்கள் இருக்கும் போதிலும் - "தீபாவளி'' என்றதொரு மந்திரத் தருணத்தினில் ­மகிழ்ச்சி மாத்திரமே அனைவரின் தாரக மந்திரமாகிடுவது, ஈரோட்டு வாசக சந்திப்புக்கு செம ஆர்வமாய் நாமெல்லாம் குழுமிடுவதையே எனக்கு நினைவூட்டியது! 

And yes .. இந்த நொடியில் ஒவ்வொருவருக்குமே பணம் தண்ணீராய் ஒவ்வொரு ரூபத்தில் செலவாகிறது தான்! ஆனால், இது நம் அனைவருக்குமே நேரடியாகவோ- மறைமுகமாகவோ தொழில் வாய்ப்புகளை, வேலை வாய்ப்புகளை, சம்பாத்தியத்துக்கான கதவுகளைத் திறந்துவிடப் போவதை மறுக்கவே இயலாது தானே?! இதோ- இந்த தீபாவளி சீஸனின் அற்புத வெற்றி & விற்பனையினைத் தொடர்ந்து அடுத்த ஆறு மாதங்களுக்காவது எங்களது தொழில் நகரில் பற்றாக்குறை என்ற பேச்சுக்கே எங்கேயுமே இடமிராது! சுயநலமான பார்வையாய் இது இருக்கலாம் தான்; ஆனால், கண்முன்னே ஒரு நகரமே கொண்டாடும் அழகினை ரசிக்காது போக முடியுமா? 

"போச்சு.. ட்ரம்ப் வரி விதிப்பில் திருப்பூருக்கு சங்கு ஊதியாச்சு! கோவையில் தொழில் படுத்திடுச்சி...! மிடிலே...செயற்கை நுண்ணறிவு வந்த பிற்பாடு IT-ல் சகட்டு மேனிக்கு layoffs நிகழ்கின்றன ; வரும் பொழுதுகளில் அது தொடர்கதை ஆகிடும்..." என்றெல்லாம் ஒலிக்கும் நெகடிவ் சிந்தைகளின் மத்தியில் இந்தப் பண்டிகை உற்சாகங்கள் தாற்காலிகமாகவே இருப்பினும் - அவற்றுள் அடுத்த 3 நாட்களுக்காவாது பூரணமாய் திளைப்போமே folks? 

Bye all... ENJOY THE LONG WEEKEND! லீவில்லை ; வேலையாகவே இருப்பினும், தொடரவுள்ள 3 தினங்களின் பாசிட்டிவ்களை மட்டுமே சிலாகிப்போமே?! See you around!!

Happy Deepavali in advance folks!!

P. S: உங்க ஊர் நிலவரம்ஸ் + போட்டோஸ் முடிந்தால் நம்ம வாட்சப் கம்யூனிட்டி நம்பருக்கு அனுப்புங்களேன்? 96000 61755

பொட்டி இன்றிப் பொட்டி !!

 நண்பர்களே,

வணக்கம். ரயிலில் ஜன்னலோரமாய் சீட் கிடைத்து, மண்டையில் கேசமென ஒண்ணு இருக்கும் பட்சத்தினில் அதனைப் பரபரவென வருடிப் போகும் குளிர் காற்றை ரசித்த கையோடு, வெளியே பார்வைகளை நீள விட்டால், சின்னச் சின்ன ஊர்கள், ரயில் நிலையங்கள், அழகான வயல்வெளிகள், மலை முகடுகள் என காட்சிகள் மின்னலாய் மாறிக் கொண்டே போவதை காணலாம் ! அதே நிலவரமே - நமது பொம்ம புக் பயணத்திலும் !! வருஷத்தின் முதல் மாசம், முத்து ஆண்டுமலர், சென்னைப் புத்தகவிழா ஸ்பெஷல்ஸ் என ஆரம்பிக்கும் வண்டி, கோடை மலர், குடை பிடிக்கும் மலர், ஆன்லைன் மேளா, ஆப்பக்கடை பாயா, ஈரோடு ஸ்பெஷல், சேலம் ஸ்பெஷல் இத்யாதி..இத்யாதி என ஜாக்கி சான் படங்களின் விறுவிறுப்போடு ஓடிக் கொண்டே இருப்பது வாடிக்கை ! And இதோ - போன வாரம் அட்டவணை 2026 ரகளைகளின் சூடு ஆறும் முன்பாய், அடுத்த மைல்கல் : இந்தாண்டின் தீபாவளி ஸ்பெஷல்ஸ் ரூபத்தினில் !! 

நேற்று மதியமே டெக்சின் தெறிக்கும் தீபாவளி மலர் '25 + நம்ம V காமிக்ஸ் தீபாவளி மலர்ஸ் + 2026 அட்டவணை கொண்ட கூரியர்கள் கிளம்பியாச்சு ! So இன்று காலை முதலாய் உங்கள் இல்லக்கதவுகளை டெலிவரி நண்பர்களும், உள்ளக்கதவுகளை போனெல்லியின் நண்பர்களும் தட்டத் தயாராகி வருவார்கள் ! கலரில் 'தல' விடும் வாணவேடிக்கைகள் எங்க ஊரின் aerial shots -க்கு செம tough தரும் ரகமெனில், black & white-ல் ஏஜென்ட் ராபின் வைத்திருக்கும் லக்ஷ்மி வெடி +அணுகுண்டு combo இன்னொரு blockbuster !! கலரில் 336 பக்கங்கள் + b&w-ல் 292 பக்கங்கள் எனும் போது, மெய்யான entertainment இங்கே வெயிட்டிங் !! Happy reading amigos !!

இங்கே சின்னதாயொரு இக்கன்னா இல்லாதில்லை !! ராபினின் 2 புக்ஸ் (ஒண்ணு 98 பக்கங்கள் ; இன்னொண்ணு 192 பக்கங்கள்) ஒரு slipcase-ல் வந்திடுவதாகவே திட்டம். Slipcase மட்டும், புக்ஸ் ரெடியான பின்னே, அவற்றின் இணைந்த பருமனை சரியாகப் பார்த்தான பின்னேயே அளவெடுத்துச் செய்திட வேண்டிய சமாச்சாரம். So போன வாரத்தினில் ராபினின் 2 இதழ்களும் ரெடியான பிற்பாடு, slipcase அளவுகள் சரி பார்த்து, பிரிண்ட் செய்தும் விட்டோம். அதன் அடுத்த கட்டப் பணி - டப்பாக்கள் செய்து தருவோரிடம் ஒப்படைத்து, சரியான சைசில் முதுகுக்கு, தலப்புக்கு, வாய் பகுதிக்கு பன்ச் செய்து, அப்புறமாய் ஒட்டி, slipcase ஆக்குவது ! அங்கே தான் ஏழரை ஆகிப்போச்சு ! ஊரே தீபாவளிப் பட்டாசு டப்பாக்களின் தயாரிப்பில் அல்லோலகல்லோலப்பட்டுக் கொண்டிருப்பதால், தலைகீழாய் நின்று தண்ணீர் குடித்துப் பார்த்தும், நம்ம slipcase-ஐ வேலைக்கே எடுக்கத் தீரலை அவர்களுக்கு ! Fireworks நிறுவனங்கள் ஆளாளுக்கு ஒரு லட்சம் டப்பிகள், ரெண்டு லட்சம் என ஆர்டர் கொடுத்து விட்டு அங்கேயே தேவுடு காத்து வர, நாம ஒரு ஓரமாய் நின்னபடிக்கே, "அண்ணே....அந்த ஆயிரத்துச்சொச்சம் slipcase" என்று ஈனஸ்வரத்தில் கேட்கும் போது நிமிர்ந்து கூடப் பார்க்க மாட்டேன்கிறார்கள் ! ஒரு மாதிரியாய் கெஞ்சிக் கூத்தாடியான பிற்பாடு, நாளை காலையில் (சனிக்கிழமை) எப்படியேனும் தந்துடறதாய் promise செய்துள்ளனர் ! So அதுவரைக்கும்  காத்துக் கொண்டே இருந்தால் வேலைக்கு ஆகாது என்றபடிக்கே slipcase மட்டும் இல்லாது, புக்ஸை நேற்றைக்கு டெஸ்பாட்ச் செய்துள்ளோம் ! Ever so sorry all !!! 🙏🙏🙏விடுபட்டுள்ள ஸ்லிப்கேஸ்களை நவம்பரின் பார்சலில், மிஸ்டர் நோ இதழினை உள்வைத்து அனுப்பிடுகிறோம் folks - ஏற்றுக் கொள்ளுங்கள் ப்ளீஸ் !! 

So சின்னதான இந்த திருஷ்டி நீங்கலாய், டப்பிக்குள் காத்திருப்பன அனைத்துமே - அக்மார்க் டைனமைட் என்பேன் !! இந்த தீபாவளியினை போனெல்லியின் பிள்ளைகள் எவ்விதம் colorful ஆக்குகிறார்கள் என்பதை உங்களிடமிருந்து அறிந்து கொள்ள ஆவலாய் காத்திருப்போம் !!  

And ஸ்க்ரீனில் மட்டுமே நீங்கள் பார்த்திருந்த 2026 அட்டவணை ஒரு 32 பக்க விலையில்லா இணைப்பாய் கையில் ஏந்திப் பார்க்கும் போது இன்னமுமே வீரியமாய் தென்படாது போனால் வியப்படைவேன் ! Looks real neat folks !! அவற்றை நிதானமாய்ப் புரட்டிய கையோடு, 2026-க்கான பயணத்துக்கு உங்களின் சந்தாக்கள் எனும் டிக்கெட்களை துரிதமாகப் போட்டு விடலாமே - ப்ளீஸ் ? Bye all....see you around ! Enjoy the weekend !! 

பி.கு. : போன வாரம் எழுதிய பதிவைக் கொண்டே துபாய் வரைக்கும் போகலாம் & இந்த வாரம் உங்கள் கைகளில் சுடச் சுட தீபாவளி மலர்களும் இருக்கும் என்பதால் tomorrow பதிவுக்கடைக்கு லீவு !! "சாம்பலின் சங்கீதம்" கிட்டத்தட்ட பாதியைத் தொடும் தருவாயில் இருப்பதால், ஒரு flow-ல் மீதத்தையும்  முடித்திடப் பார்க்கணும் !! So 2 தீபாவளி மலர்களையும் புரட்டிய கையோடு உங்களின் selfies + முதல் அபிப்பிராயங்களை இங்கே பகிர்ந்திடுகிறீர்களா - ப்ளீஸ் ? Blog கொஞ்சம் ஆக்ட்டிவ் ஆக இருந்தது போலிருக்கும் அல்லவா ? 

And ஆன்லைன் லிஸ்டிங்ஸ் கூட போட்டாச்சு !! துவக்க 50 ஆர்டர்களுக்கு மட்டும் அனுப்பிட கலரில் 2026-ன் அட்டவணை கையிருப்பு இருக்கும் என்று நினைக்கிறேன் ! So நீங்கள் ஆன்லைனில் வாங்கிடுவோராய் இருந்தால் - please rush !! 

அந்த மூவர்....!

 நண்பர்களே,

வணக்கம். 'புலி வருது...புலி வருது' என்று சில வாரங்களாகவே காட்டிக்கொண்டிருந்த  டிரெய்லர் போன வாரயிறுதியினில் மெயின் பிக்ச்சராக ரிலீசும் ஆகி, உங்கள் மனத்திரைகளில் இன்று ஓடியும் வருகிறது ! பரவலாய் ஒரு big thumbs up வரவேற்பு & எதிர்பார்த்தபடியே சில பிசிறடிக்கும் குரல்களும் - உங்களின் ரியாக்ஷன்ஸ்களில் !! ரசனை சார்ந்த தீர்மானங்களில் நாம் அனைவரும் ஒற்றைப் பக்கத்தில்,  சங்கமிப்பதெல்லாம் லெமூரியா கண்டத்தில் மாத்திரமே சாத்தியம் என்பதில் எனக்குத் துளியும் ஐயங்களில்லை என்பதால், ஒலித்த விசனங்களின் பொருட்டு எனக்கு disappointments இல்லை ! So "வாவ்....வியப்பில் வாயடைத்துப் போனேன்" என்றோ -  "ஓ...ஏமாற்றத்தில் ஏங்கிப் போனேன்" என்றோ டயலாக்கெல்லாம்  விடப் போவதில்லை ! என்ன - இயன்றமட்டுக்கு எனது ஒவ்வொரு தீர்மானத்தின் பின்னணியினையும் தெளிவாய் விளக்கி இருந்தாலுமே - ஒனாண்டிப் புலவரின் விளக்கங்களைக் காதில் போட்டுக் கொள்ள மறுக்கும் புலிக்கேசியாரின் பாங்கு கொஞ்சமே கொஞ்சமாய்த் தென்பட்டது தான் சின்னதாய் எனக்கொரு disappointment ! 

சமரசங்களின்றி எதுவும் சாத்தியம் நஹி - என்பதை ஏற்றுக் கொண்ட பின்னரே அட்டவணைப் பணிகளுக்குள் நான் ஒவ்வொரு முறையுமே குதித்திடுவதுண்டு ! என்னுள்ளேயே ஒரு வாசகன் - ஒரு எடிட்டர் - ஒரு பப்ளிஷர் - என மூன்று வேதாளங்கள் குந்தியிருக்கும் போது, எனக்குள்ளேயே கணிசமான முரண்கள் இருப்பது obvious !! உதாரணத்திற்கு : எடிட்டர் அவதாருக்கு  - புதுசு புதுசாய் ஹீரோக்களைப் பிடித்து இழுத்து வந்து உங்கள் புருவங்களை உயரச் செய்திடுவதில் ஒரு த்ரில் இருப்பதுண்டு ! ஆனால் ஒரு பப்ளிஷரின் நிலைப்பாடு கொஞ்சம் மாறுபடும் ! "ஏலே...என்ன வெளாடுறியா ? உம்பாட்டுக்கு புதுசு புதுசா ஆளுங்களை கூட்டியாந்திடுறே !! இருக்கவுகளுக்கே இங்கே சீட் தர மிடிலே ! இந்த அழகிலே புது வரவுகளை வருஷா வருஷம் எப்புடி தூக்கிச் சுமக்குறதுலே ?" என்று அந்த அவதார் கண்சிவப்பதுண்டு ! இதன் பொருட்டே இப்போதெல்லாம் நான் தேடிடும் புது நாயகர்களின் தொடர்களில், சொற்பமாய் ஆல்பங்கள் உள்ளனவா ? என்பதைப் பார்ப்பதே முதல் வேலை ! So ஈயம் பூசுனா மாதிரியும் இருக்கணும், பூசாத மாதிரியும் இருக்கணும் என்பதே எழுதப்படா முக்கிய விதி !! 

இந்த variety-ன் தேடலும், புதியவர்களின் வருகைக் கட்டாயங்களுமே எனது சில்லுமூக்குக்கு சேதம் விளைவிக்கின்றதென்பது எனக்குப் புரியாதில்லை ! 2026 -க்கென நான் அறிவித்துள்ள 3 புது வரவுகள் :

*புதைகுழிப் பூக்கள்

*ரெட் கன் - குருதியின் கூலி 

*ப்ரூஸ் ஹாக்கர் - கரை சேரா காவியம் 

இந்த மூன்றையும் கூட்டினால் ரூ.500 வரும் ! இந்தப் பணத்துக்கு maybe அந்த  பௌன்சர் நெடும் ஆல்பத்தையும், இன்னொரு ஸாகோர் black & white  ரெகுலர் இதழையும் இணைத்திருக்கலாம் தான் ! But "புதுசாய் ஒண்ணுமே இல்லியா ?" என்ற விசனங்கள் அப்போது ஒலித்திருக்கும் என்பதில் no doubts ! முன்செல்லும் பாதையில் :

ஆண்டின் சந்தா ரூ.6000 க்குக் கீழே தான்....

&

ஆண்டுக்கு மினிமம் 10 டெக்ஸ்

& 

ஆண்டுக்கு மினிமம் 2 டின்டின் 

என்ற பார்முலா தொடர்வதில் மாற்றங்கள் இராதென்று தைரியமாய் நம்பிடலாம் எனும் போது - இந்த டஜன் புக்ஸ் மட்டுமே நெருக்கி ரூ.2500-ஐ உறிஞ்சிக் கொள்வதைத் தவிர்க்க முடியாது ! And இவர்களே பயணத்தின் அச்சாணிகள் எனும் போது அவர்கட்கான ஸ்லாட்களையோ, பட்ஜெட்டையோ துளியும் துண்டு போட இயலாது ! மீதமிருக்கக் கூடிய மூணாயிரத்துக்குள் கிட்டத்தட்ட 20 ஹீரோ / ஹீரோயின்களை நுழைக்க முற்படும் போது தான் இல்லாத குரங்கு பல்டியெல்லாம் அடிக்க நேரிடுகிறது ! So - 2027 முதலாய் கொஞ்சமே கொஞ்சமாய் சந்தா பட்ஜெட்டை ஏற்றிக் கொள்வதில் ஏகோபித்த ஒப்புதல் இருந்திட வேண்டி வரும் (maybe ரூ.500 ஜாஸ்தி) ; or else இதே ரீதியில் அளவுச் சாப்பாட்டு முறையினையே தான் தொடர்ந்திட வேண்டி வரும் ! And "ஒக்கே ஒக்க சாகோர் தானா தேவுடு ?" ; "பௌன்சர் பர்த்தில்வா அன்னையா ?" ; "ஹாரர் கதா லேதா சேட்டா ?" என்ற குரல்களும் தொடரவே வேண்டி வரும் ! Anyways - 2027-ல் நமது நாயகர்களைக் கையாள வேறொரு பாணி இப்போதே மனசுக்குள் உலாற்றி வருகிறது ! 2026-ன் ஓட்டத்தின் மத்தியில் அந்தப் புதுத் திட்டமிடலை அசை போட்டபடிக்கே finetune செய்ய முயற்சித்தாகணும் ! 

In the immediate future - 2026 அட்டவணையினுள் அதிர்ஷ்டத்தின் துணையோடு புகுந்தோரை கொஞ்சம் வெளிச்சம் போட்டுப் பார்ப்போமா folks ?

First & foremost : காவியத் தலைவன் தோர்கல் !! ஏற்கனவே சொல்லியது போல, இவருக்கு VRS தந்து அனுப்பிட மனதளவில் நான் ரெடியாகவே இருந்தேன் ! ஆனால் THORGAL SAGA வரிசையில் இதுவரை வெளிவந்துள்ள 4 இதழ்களின் தரத்தையும் பார்த்தான பின்னே, கல்தா தரும் முடிவு மிக்க சிரமமாகிப் போச்சு ! So இந்த நொடியின் தீர்மானம் இவ்விதமே : காவியத் தலைவன் தோர்கல் இதழ்களை ஆண்டுக்கு ஒன்று என 2026 & 2027-ல் முயற்சிப்போம் ! அதன் பின்னேயும் வண்டியில் தடுமாற்றம் தென்படும் பட்சத்தில் மனுஷனை ஆரத் தழுவி, அன்போடு வழியனுப்பி வைப்போம் ! ஓ.கே.தானுங்களா ?

ஹிக்.....அது வந்து ...நெஸ்ட் on the லிஸ்ட் - வேறு யாருமில்லை - நம்ம இளவரசியே !!  கிட்டத்தட்ட ஆறாயிரம் ரூபா சந்தாவிலே ஒரு ஓரமா எழுபது ரூவா மட்டுமே கோரும் பொம்மனாட்டி மேலே நோக்கு ஏன்டா காண்டு ? என்ற கேள்வி எழலாம் தான் ! But honestly - நம்மில் எத்தினி பேர் இன்னமும் இளவரசியின் கதைகளை முழுமையாய் வாசிக்கிறோம் என்பதோ......எப்போதேனும் மறுவாசிப்புக்கு இளவரசி ஆட்படுகிறாரா ? என்பதோ மில்லியன் டாலர் கேள்விகளே ! "முன்போல ஈர்ப்பு தோண மாட்டேங்குது" என்று தனிச்செய்திகளில் இப்போதெல்லாம் மெசேஜ் அனுப்புவோர் கணிசம் ! பெர்சனலாக எனக்கு இவர் என்றென்றும் செல்லப்பிள்ளையே ; ஆனால் அந்த ஒற்றை கோட்டாவை நம்பியே அம்மணி சவாரி செய்வதாக இருந்தால் - அது அவரது கெத்துக்கே பங்கம் தானே guys ? So இளவரசிக்கும் விற்பனை முனைகளில் கண்ணில் castor oil கொண்ட கவனம் நல்கப்படும் !! சூரியகுமார் யாதவைப் போலவே உசக்க உசக்கத் தான் பந்தைத் தூக்கி அடித்துக் கொண்டிருப்பாரெனில் ......அது வந்து.....தொண்டை லைட்டாய் அடைக்குது !!

ரிப்போர்ட்டர் ஜானி : Maybe just maybe - இவரது வசீகரங்களுக்கான shelf life பூர்த்தி கண்டு விட்டதோ - என்னமோ ? என்ற கேள்வி எனக்கு ரெண்டு-மூன்று ஆண்டுகளுக்கு முன்னமே எழத் துவங்கிவிட்டது ! Moreso becos - கடைசி மூன்றாண்டுகளாகவோ, என்னவோ ரிப்போர்ட்டர் ஜானிக்கு நான் தான் பேனா பிடித்து வருகிறேன் & கதைகளில் தென்படும் அந்த அதே பஞ்சாங்க பாணிகள் ரொம்பவே உறுத்தி எடுத்தன ! Of course - சில மாற்றமின்மைகளே உங்களின் வாஞ்சைகள் எனும் போது அவருக்கு ரிட்டயர்மெண்ட் தரும் எண்ணத்தினை தள்ளிப்போட்டுக் கொண்டே போயிருக்கிறேன் ! Just maybe - 2026 ஒரு இறுதிப் பரீட்சையோ, என்னவோ - புன்னகை மன்னருக்கு ! SODA போல ஒரு முற்றிலும் மாறுபட்ட கதைத்தொடர் வெளியே காத்துக் கிடக்க, 1986 முதலாய் 39 ஆண்டுகளில் கிஞ்சித்தும் மாறியிருக்கா ஒரு நாயகரை விடாப்பிடியாய் தக்க வைத்திருப்பது நெருடுகிறது ! ரோஹித் ஷர்மாவையே ஒற்றை ராவினில் காலைப் பிடித்து கீழே இழுத்துப் போட்டிருக்கும் நம்ம ஊரில் அவசியமாகிடக்கூடிய மாற்றம் அமலுக்கு வரத்தான் வேணும் என்பேன் !    

Frankly, இன்று அச்சாகியுள்ள 2026-ன் அட்டவணையினை விரல் தேயப் புரட்டோ-புரட்டென்று புரட்டித் தள்ளினாலும், இந்த மூவரைத் தவிர்த்த வேறு யாரது ஸ்லாட்களும் கேள்விக்குறி எழுப்பக் கூடியவைகளாக எனக்குத் தென்படவேவில்லை ! So இருக்கும் பட்ஜெட்டுக்குள் வேறு விதமான combinations சாத்தியமென்று நண்பர்கள் கருதினால் - more than happy to listen to their takes !! 

GEN Z சந்தாவின் அவசியம் எனக்கு ஒரு வருஷத்துக்கு முன்பிலிருந்தே தென்பட்டு  வந்தது தான் - but இந்தாண்டினில் அதன் அத்தியாவசியம் ஸ்பஷ்டமாய்ப் புரிகிறது ! Becos காமிக்ஸ் காதல் என்ற சிலுவையினை எத்தனை அக்கறையோடு ஆளாளுக்கு தோள்களில் நாம் தூக்கிச் சுமந்து வந்தாலும், வயதுகளும், குடும்பப் பொறுப்புகளும் ஒரு விலை கேட்பதை மறுப்பதற்கில்லை !! 2015-ன் ஒரு ஞாயிறு காலையில் "மாயாவி-லாரன்ஸ்,டேவிட்-ஜானி நீரோ மறுபதிப்புகள் மறுக்கா மறுக்கா  தொடரவுள்ளன - என்றொரு அறிவிப்புடன் இங்கே பதிவைப் போட்ட ரெண்டு மணி நேரங்களுக்குள் 350 பின்னூட்டங்கள் குவிந்து கிடந்ததெல்லாம் மறக்க இயலா நினைவுகள் ! இதோ இப்போது 2026 -க்கென அறிவித்திருக்கும் இதே அட்டவணையினை,பத்தாண்டுகளுக்கு முன்னே நான் அறிவித்திருக்கும் பட்சத்தில் - இந்நேரத்துக்கு 300+ பின்னூட்டங்கள் கொண்ட பதிவுகள் இரண்டாவது ஓடி முடிந்திருக்கும் ! அட, ஏதோ ஒரு மாயம் நிகழ்ந்து, நமக்கெல்லாம் மறுக்கா இயமை திரும்பி, திரும்பவும் சட்டையை  இன்சர்ட் பண்ணிப்புட்டு, பொண்ணு பார்க்கப் போகும் படலங்களெல்லாம் அரங்கேறிடும் பட்சத்தில், பஜ்ஜி-சொஜ்ஜியோடு ருக்மிணி வசந்த் முன்னே வந்து நின்றால் கூட, இன்றைய நமது பொறுமைகளுக்கு - "ஆங்...சித்தே ஓரமா போயி வெளாடுடிட்டு இருடிமா கொழந்தே..மாமா இந்த ரீல்ஸ் பாத்துக்கினு வாரேன் !!" என்று தான் சொல்வோமோ - என்னமோ !! So ஒரு புது, இளம் வாசகத் தலைமுறைக்கு கொஞ்சமே கொஞ்சமாய் தனித்தடம் ஏற்படுத்தித் தருவது ஒரு ஆடம்பரமல்ல - அத்தியாவசியம் என்றே உறுதிபடத் தோன்றுகிறது !! And புதுசாய், இளசாய் உருவாகும் அந்தத் தலைமுறையானது நம் இல்லங்களிலிருந்தே துளிர் விட சாத்தியமானால் - அதை விடவும் பெரிய சந்தோஷம் வேறென்ன இருக்க முடியும் ? 

காத்துள்ள 2026-ன் கதைகளின் தரம் பற்றி என்னுள் quiet confidence இருப்பதால் - pretty sure we have a great journey ahead !! மொத்தமே 30 புக்ஸ் தான் ரெகுலர் (சிங்கிள்ஸ்) தடத்தில் எனும் போது, கணிசமான வாய்ப்புகள் எனக்குண்டு, குறுக்கும் மறுக்கும் ஸ்பெஷல் இதழ்களைப் புகுத்திட !! So சீட்பெல்ட்களை மட்டும் இறுக்க கட்டிக் கொண்டு காத்திருங்களேன் folks - இன்னொரு தெறி பயணத்துக்கு நாங்க கியாரண்டி !! Bye all....See you around !!

என்றென்றும் புன்னகை.....!!!

 நண்பர்களே,

வாசிக்க ஆரம்பிக்கும் முன்னே நேரத்தைக் குறிச்சுக்கோங்க ப்ளீஸ் -முழுசையும் படிக்க எவ்வளவு நேரமாகுது ? என்றறிய ஒரு கொயந்தப்புள்ள ஆசை !!  😎😎

வணக்கம்! 'In hindsight everybody is a genius' என்று சொல்வார்கள்! அதாவது- திரும்பிப் பார்த்து அசை போடுகையில் நாம் எல்லோருமே செம ஜீனியஸ்களாகி விடுவோமாம்! "அட.. இதை இப்படி பண்ணியிருக்கலாமோ ? அதை அப்படிப் புரட்டிப் போட்டிருக்கலாமே?!'' என்றெல்லாம் யோசனைகள் மடை திறந்த வெள்ளமாய் பாயுமாம்! அது எத்தனை உண்மை என்பதை கடந்த ஒரு டஜன் ஆண்டுகளின் இறுதிகளில் உணர்ந்து வருகிறேன்! ஒவ்வொரு முறையும் அடுத்த பன்னிரெண்டு மாதங்களுக்கான அட்டவணையினை "ஏக் தம்'மில் ரெடி பண்ணிடும் போது- "இது தான்டா தம்பி அல்டிமேட் அட்டவணை! இதை அடிச்சுக்க எதுவும் இருக்காதுடா!'' என்று தலைக்குள் VTV கணேஷின் கர கர  குரல் கேட்கும்! ஆனால், அதே அட்டவணையின் இதழ்களெல்லாம் களம் கண்டு முடிக்கும் நவம்பர்/டிசம்பர்வாக்கில் தலைக்குகள் ஒரு நூறு விசனங்கள் குடி கொண்டிருப்பதுண்டு! "ஜடாமுடி ஜானதனைல்லாம் செலக்ட் பண்ணியிருக்கியே - உன்ன ஜோட்டாவால் சாத்தாட்டி என்ன ? ; இந்த உப்மால்லாம் 12 மாசங்களுக்கு முன்னே உனக்கு நளபாகமாய் தெரிஞ்சது எப்புட்றா?'' என்ற ரீதியில் விசனக்குரல்கள் உள்ளே வறுத்தெடுப்பதுண்டு! So 12 மாதங்களுக்குப் பிற்பாடும்- "ஏ.. சூப்பரப்பு!'' என்று என்னை நானே மெச்சிக் கொள்ளவல்லதொரு வல்லி­ய அட்டவணையே நமது இரண்டாம் வருகையின் 2013 முதலாய் எனது கனவு ; இலட்சியம்; எல்லாமே! And truth to tell- இந்த நடப்பாண்டு 2025-ன் பெரும்பகுதி கடந்திருக்கும் நிலையில், இந்த வருஷத்தின் தேர்வுகள் குறித்து உள்ளுக்குள் பெருசாய் கொதிப்புடனான கூக்குரல்கள் கேட்கக் காணோம்! Maybe இந்த டிசம்பரின்  திரும்பிப் பார்க்கும் படலத்தின் போது, அதே feeling பரஸ்பரம் நமக்கு எழுந்திடும் பட்சத்தில் - 2025 might just be a job well done ! பார்ப்போமே ?! 

And காத்திருக்கும் இந்த 2026-ன் அட்டவணை நமது பயணத்தின் yet another மறக்கவியலா அத்தியாயத்துக்கான திறவுகோலாக அமையட்டுமே என சகல இஷ்ட தேவதைகளையும் வேண்டியபடியே இந்தப் பதிவுக்குள் புகுந்திட விழைகிறேன் folks!

எங்கிருந்து ஆரம்பிப்பது? எதி­லிருந்து துவங்குவது? எதையெல்லாம் விவரிப்பது? எவற்றையெல்லாம் விழுங்கி வைப்பது? என்று எப்போதும் போலவே மண்டைக்குள் ஒரு நூறு வினாக்கள் குறுக்கும் மறுக்குமாய் கௌஷிக்கைப் போல உலாற்றிடுகின்றன ! இந்த அட்டவணை என்னமோ, ஒரு அக்டோபரில் உங்கள் முன்னே ஆஜராகியிருக்கலாம் ; ஆனால், இந்தக் கோலத்துக்கான முதற்புள்ளி வைக்கப்பட்டதெல்லாம் ஒரு வண்டிப் பொழுதுகளுக்கு முன்பாகவே! நிஜத்தைச் சொல்வதானால் வருஷத்தின் ஏப்ர­ல் பாதி கடந்திருக்கும் போதே இந்த அட்டவணை ஆட்டங்கள் எனக்குள் துவங்கியிருக்கும்! So அந்தத் தருணம் முதலாகவே தோளில் ஒரு கோணிப்பையோடே உலாற்றத் துவங்கிடுவேன்- சிக்கிடும் புதுப் படைப்புகள் அம்புட்டையும் அள்ளிப் போட்டு விட முடியாதா? என்ற ஆர்வக் கோளாறுடன்! So ஏப்ரல் முதலாகவே "காதலி­க்க நேரமில்லை'' படத்தில் நாகேஷ் சாரைப் போல "படம் எடுக்கப் போறேன்- ஈரோயினியைத் தேடறேன்'' என்று திரியாத குறை தான்! ஏதாச்சுமொரு சாமத்தில் - "ஏலே... இந்த ஈரோக்குப் பதிலா- அந்த சாரை போட்றலாமா?'' என்ற நமைச்சல் தலைதூக்கிட்டால், நமது வாட்சப் கம்யூனிட்டியில் உடனே ஒரு Poll வைத்து உங்களது மனங்களை வாசிக்க முற்பட்டிருப்பேன்! இது தொடர்ச்சியாய் நாலைந்து மாதங்களுக்கு ஓடிடும் ஒரு process எனும் போது - மே மாதம் மஜாவாய் தென்பட்டதொரு நாயகர், ஜுன் - ஜுலைவாக்கில் மொக்கைப்பார்ட்டியாய் ஏதோவொரு காரணத்தினால் தென்படக் கூடும்! So ''you are unselected'' என்று கவுண்டர் ஸ்டை­லில் அந்த ஆசாமியை பிடரியோடு போட்டு விட்டிருப்பேன்! ஆக, "அந்த poll-ல் நாங்க போட்ட ஓட்டுக்கள் இங்கே பிரதிபலி­க்கக் காணோமே? அதெல்லாம் லுலாயிக்குத் தானா கோப்பால்ல்ல்???" என்று விசனம்ஸ் வேணாமே ப்ளீஸ்? ரசனைகள், விருப்பு- வெறுப்புகள் என்பதோடு "பட்ஜெட்'' என்ற பகாசுரனே ஏகப்பட்ட தீர்மானங்களின் பின்னணி என்பதையும் yet again நினைவூட்டிட விழைவேன் folks! சில நாயகப் பெருமக்களை ஓரம்கட்டிட கிஞ்சித்தும் காரணங்கள் இராது - அவர்களது சாகஸங்களின் நீளம் அதீதம் என்பதால் விலையும் அதிகமாகிடும் என்பதைத் தவிர! So அந்தக் கோணத்திலும் உங்கள் புரிதல்கள் எனக்குத் தேவை ப்ளீஸ்!

"பட்ஜெட்'' என்ற தலைப்பி­லிருக்கும் போது, அது சார்ந்த எனது பிலாக்கனத்துக்கும் ஒரு நொடியை கூடுதலாய் எடுத்துக் கொள்கிறேனே? விலைவாசிகள் பற்றியோ, எகிறிச் செல்லும் செலவினங்கள் பற்றியோ, நான் புதுசாய், பெருசாய் எதுவும் சொல்லத் தேவையிராது தான்! நமக்கெல்லாமே தான் தினப்படி அவை குறித்த சூடுகள் போடப்பட்டு வருகின்றனவே! ஆனால், நமது இந்தத் துறையினை நேரடியாகச் சம்மட்டியால் சாத்தும் இரண்டு விலையேற்றங்களை மட்டும் சுட்டிக் காட்டி விடுகிறேனே?!

* முதலும், பிரதானமானதும்- யூரோ மற்றும் அமெரிக்க டாலர்களுக்கு நிகரான நமது ரூபாயின் மதிப்பு வாங்கி வரும் உதை! போன வருஷம் இதே சமயம் ஒரு யூரோ நமது பணத்தில் ரூ.90/- என்றிருந்தது! இன்றைக்கோ அது ரூ.104/. So கதைகளுக்கான- ராயல்டி; அசல்நாடுகளில் போடப்படும் அட்டைப்பட டிசைன்களுக்கான கட்டணங்கள்; டிஜிட்டல் கலரிங்குக்கான பணங்கள் - என எல்லாமே யூரோக்களில் தான் பட்டுவாடா எனும் போது அந்தச் செலவுகள் எல்லாமே சில்லுமூக்கை பங்க்சராக்குகின்றன! தவிர, நாம் பயன்படுத்தும் பேப்பர், ப்ரிண்டிங் இங்க், அச்சுக்கான மூலப் பொருட்கள்- என சகலமும் இறக்குமதி செய்யப்படுபவை! So அவற்றின் விலைகளிலுமே இந்த வெளிநாட்டுப் பணமதிப்பு பிடாரிகளாய் பிரதிபலிக்கின்றன!

*And செப்டம்பர் 22 முதலாய் அமலுக்கு வந்துள்ள GST வரி விகித மாற்றங்கள் யாருக்கு என்ன சலுகைகளை வழங்கியுள்ளனவோ- தெரியலை; but நமக்கு இம்மியும் நஹி! பேப்பர் மற்றும் அட்டைகளின் கொள்முதல் மீது 12% என்றிருந்த G.S.T இனி 18% என்றாகிப் போச்சு! விற்பனையின் போது புக்ஸ்களுக்கு எவ்வித GST வரியும் வசூலிக்க சாத்தியமாகாது! So எப்போதுமே நாம் கட்டும் GST தொகைகள் ஆற்றோடு போன கதை தான்! இனி ஆற்றில் போடப் போகும் காசு கூடுதலாக இருந்திடப் போகிறது! ஆர்ட் பேப்பர்; அட்டைப்பட கெட்டி அட்டைகள் மாத்திரமன்றி, கூரியர் அனுப்பிடும் டப்பிகள் முதற்கொண்டு இனி தங்கத்திற்கு போட்டி தரப் போகின்றன- நமது கண்களிலாவது!

So இந்த இரண்டு நோவுகளையும் சமாளிக்க வேண்டி விலைகளைக் கொஞ்சமாய் அதிகம் பண்ண வேண்டியுள்ளது! நமது சொற்ப சர்குலேஷனில் இந்தச் செலவினங்களைச் சமாளிக்க வேறு மார்க்கங்களே தென்படவில்லை! இந்தச் சூழலில் நண்பரொருவர் நான் கருத்து சொல்லி­யே தீருவேனென்று அடம் பிடித்து வருகிறார் ! "விலைகளை முப்பது ரூபாய், நாற்பது  ரூபாய் ரேஞ்சுக்குக் குறைத்து, ரெம்பப் பேரிடம் விற்று விடுங்கள்! எக்கச்சக்க பேரைச் சென்றடைந்து விட்டால் உங்கள் சக்கரம் பேஷாய் சுற்றும்!'' என்பது அவரது ஆலோசனை! நாம் ஆரம்பித்ததெல்லாம் ரெண்டே ரூபாயில் தான் என்பதையோ; 2007-ல் 852 பக்க இரத்தப்படலம் Black & white தொகுப்பை வெளியிட்டதெல்லாம் ரூ.200/- விலையில் தான் என்பதையோ ; 126 முந்தைய இதழ்கள் சேர்ந்தான மொத்த பண்டலி­ன் விலையே 2012-ல் ரூ.1200/- தான்; என்பதையோ ; ரூ.10... ரூ.15.விலைகளில் புக்ஸ் வெளியிட்ட நாட்களிலும் மூவாயிரம் புக்ஸ் விற்கவே பழனிக்குக் காவடி எடுக்காத குறையாக லோல்பட்டதெல்லாம் அவருக்குத் தெரிவிக்க "தம்'' லேது என்பதால் "ஆகட்டும்ங்க சார்'' என்றபடிக்கே நகர்ந்து விட்டேன்! Hopefully 2026-ல் அவசியமாகிடும் சிறு விலையேற்றத்துக்கும், இதே ரீதியிலான ஆலோசனைகள் பெருக்கெடுக்காதிருக்க வேணும்! So எப்போதும் போலவே உங்களது புரிதல்களும், அனுசரணைககளும், ஆதரவும் வேண்டி நிற்கிறோம் folks! "இவன் பேசிட்டே இருக்கானே- வித்தை காட்டுவானா- மாட்டானா? என்று வேடிக்கை பார்க்க வந்த வடிவேல் ரேஞ்சுக்கு நீங்கள் யோசிப்பது புரிவதால் - let's get started :

நமது அட்டவணைகளில் ஸ்பெஷாலி­ட்டியே நமது variety தான் என்பதில் இரகசியமேது? So எப்போதும் போலவே - யாருக்கு சீட் கொடுப்பது? யாருக்கு மனசில் மட்டுமே இடம் தருவது? என்பது தான் சட்டையைக் கிழிக்கச் செய்த பஞ்சாயத்து! 

எது எப்படியோ- "யார் இருந்தாலும் சரி ; வனவாசம் போனாலும் சரி- நாங்க இல்லாது சக்கரங்கள் இம்மியும் சுற்றாதென்று'' சொல்லவல்ல அசகாயர் நமது இரவுக்கழுகார் & team தான் என்பதில் யாருக்குமே மாற்றுக் கருத்துக்கள் இருக்க முடியாதே?! So எப்போதும் போலவே பிள்ளையார் சுழி போட்ட பேப்பரில் முத­லில் நிரப்பியது டெக்ஸ் வில்லர் & டீமின் சாகஸங்களையே! இங்கே என் முன்னே இருந்த ஒரே கேள்வி; "எத்தனை? என்பது மாத்திரமே! "ஓராண்டுக்கு எத்தனை டெக்ஸ் இதழ்கள் சரி வரும்?'' என்ற கேள்வியினை உங்கள் முன்பும் வைத்திருந்தேன்! ரகரகமாய் பதில்கள் வந்திருந்தன!  டெக்ஸைப் பொறுத்தவரையிலும் overkill என்ற பேச்சுக்கே இடம் லேது என்பதை அறிவோம் ! ஆனாலும், "பட்ஜெட்'' என்ற சமாச்சாரம் மாத்திரமன்றி, "ஸ்லாட்ஸ்' என்ற நடைமுறைச் சிக்கலும் இங்கே இடர்வது தான் நோவே! முப்பது, முப்பத்திரண்டு புக்ஸ் கொண்டதொரு yearly package-ல் ஒற்றை நாயகருக்கு ஒரு டஜன் ஸ்லாட்ஸ் ஒதுக்கிவிடும் போது, மீதமுள்ள இருபது சொச்சம் active நாயக/நாயகியருக்குப் பெருமாள் கோவில் தீர்த்தம் போல சிறு கரண்டியளவு வாய்ப்புத் தரவே போராட வேண்டிப் போகிறது! So 2026-க்கென டெக்ஸ் & டீமுக்கு ஒதுக்கியுள்ள ஸ்லாட்களின் எண்ணிக்கை : பத்து! பதினோராவது இதழாக 2026-ல் ஒரு மெகா அதிரடி காத்துள்ளது...!(அதுவா இருக்குமோ ? ஒரு வேள அதாவே இருக்குமோ ?) So ஒரேயொரு மாதத்தை மட்டும் டெக்ஸ் & டீம் இல்லா மாதமாய் அட்ஜஸ்ட் பண்ணிக்க வேண்டிப் போகும் folks! Maybe நான் குறிப்பிடும் அந்தப் பதினோராவது மெகா அதிரடி தரவுள்ள கிக் - இரண்டு மாதங்களுக்குத் தாக்குப் பிடிக்குமென்றும் நம்புவோம்!

"பத்து டெக்ஸ்" என்பது தீர்மானமான பின்னே next கேள்வி : கலர் எத்தினி? Black & white எத்தினி? என்பதே! 

• இரண்டு ஆண்டுகளுக்கு முன்னமே வந்திருக்க வேண்டிய TEX-ன் 755-வது இதழ் கலரிலானது! "விதி எழுதிய வெற்றி வரிகள்" So அதை ஞாபகமாய் முத­ல் டிக் அடித்தேன்! 
• அடுத்ததாக சில மாதங்களுக்கு முன்பாக ப்ரான்கோ-பெல்ஜிய பாணியில் உருவாகியிருந்ததொரு கலர் டெக்ஸ் கிராபிக் நாவலைக் கோரி நமது வாட்சப் கம்யூனிட்டியில் கேட்டு சில நண்பர்கள் கோரிக்கை வைத்திருந்தனர்! So அடுத்த "டிக்'' அங்கே விழுந்தது. 
• அப்புறமாய் "தீபாவளி'' என்றாலே சரவெடி வாங்கும் அதே வேகத்தில் - கலர் டெக்ஸ் ஆல்பங்களையும் வாங்கிடும் ஒரு உத்வேகம் பிறக்கிறதில்லையா? அதற்கு நியாயம் செய்யும் விதமாய் Rs.375 விலையினில் ஒரு கலர் ஆல்பம் மூன்றாவதாய் "டிக்'' பெற்றது! 
• இவை தவிர்த்தான மீத ஏழு ஆல்பங்களுமே Black & white! 
• அந்த Black & white ஆல்பங்களுள் ஒன்று- மாந்த்ரீகர் மோரிஸ்கோ கரம் கோர்த்திடும் ஒரு மாயாஜால சாகஸம்! இந்தத் தருணத்தில் பவ்யமாய் தலையைக் குனிந்து- டபுள் கொட்டாய் ஆளுக்கு ரெவ்வெண்டை கபாலத்தில் இறக்கத் தோதாக நிற்கிறேன் - becos மெபிஸ்டோவின் சாகஸம் 2026-ன் அட்டவணையினில் இடம்பிடிக்கச் செய்ய முடியுமாவென்று பார்ப்பதாக  வாக்குத் தந்திருந்தேன்! But மெபிஸ்டோ இல்லாமலே டெக்ஸுக்கான பட்ஜெட் ரூ.1740 வந்து விட்டது ! And மெபிஸ்டோ + யமா + இவர்களது திபெத்திய குரு பத்மாவின்  கதைகள் எல்லாவுமே குறைந்தது 275 to 375+ பக்கங்களில் ஆனவை !! 2023-ல் நாம் போட்ட அந்த "மீண்டு(ம்) வந்த மாயன்" - ஓட்டுக்கா 7 அத்தியாய நீளத்திலானது. முதல் 3 ஆல்பங்களில் அந்த மனநலக் காப்பகத்தில் அரங்கேறிடும் பட்டாசுகள் ! அதைத் தான்  நாம் வெளியிட்டிருந்தோம். அங்கிருந்து தப்பிச் செல்லும் அந்த மொள்ளமாரிப் பீஸ்களை பனிவனங்களில் முதலில், அப்புறம் பாலைவனத்தில் & இறுதியாய் ஒரு ஆளில்லாத தீவில் நம்மவர்கள் விரட்டிச் செல்வதோ இன்னொரு 462 பாகங்களுக்கு நீள்கிறது ! So இதற்குக் குறைந்தபட்சமாக இன்னொரு ரூ.375  பட்ஜெட் அவசியம் !! ஆக மெபிஸ்டோவை உட்புகுத்தினால் டெக்ஸ் கோரும் பட்ஜெட் மாத்திரமே ரூ.2100/-ஐ தாண்டிவிடும்! சென்னையின் மழைக்காலங்களில் நூடுல்ஸையும், ப்ரெட்டையும் சேமித்து வைத்து, இடுப்பளவுத் தண்ணீருக்குள் தவிக்கும் போது, கொஞ்சம் கொஞ்சமாய் பகிர்ந்தளிப்பதற்கு நிகரான கஞ்சனத்தனத்தைக் காட்ட வேண்டிய இக்கட்டு guys எனக்கு ! And இங்கே இன்னொரு காரணமும் இல்லாதில்லை ! அரசாங்க உத்தியோகத்தில் இருந்திருக்கும் பட்சத்தில், சாயந்திரமாயொரு மீட்டிங் போட்டு, பஜ்ஜியும், வடையும் வாங்கித் தந்த கையோடு, ஒரு சால்வையைப் போர்த்தி ரிட்டயர்மெண்டிற்குள் அனுப்பியிருக்கும் வயதில் yours truly இருக்கிறேன்! ஆனாலும் இன்னமுமே ஒவ்வொரு மாதமும், ஒவ்வொரு இதழிலும் மொழிபெயர்ப்புப் பட்டி-டிங்கரிங்குக்கென அடிக்க அவசியமாகிடும் அந்த அந்தர்பல்டிகள் மட்டும் ஒரு தொடர்கதையாகவே இருந்து வருகின்றன! 'இல்லி­யே.... எனக்குலாம் வ­லிக்க­லியே..!'' என்று ஒவ்வொரு தபாவும் நான் ரீல் விட்டாலும், நிஜ நிலவரம் வேறு மாதிரியானது! அதிலும் நடப்பாண்டினில் - அதுவும் கடந்த 2 மாதங்களாய் நான் செய்து கொண்டிருக்கும் heavy lifting-ஐ ஏதாச்சும் பளுதூக்கும் போட்டியில் செய்திருந்தால், காசியப்பன் பாத்திரக்கடைக் கப்பாவது கிடைத்திருக்கும் ! So முன்செல்லும் நாட்களில் முந்நூறு- நானூறு பக்க டெக்ஸ் கதைகளுக்குள் முத்துக் குளிப்பதை நினைக்கும் போது, "டர்''ராவது மறுக்கவியலா நிஜமே! Fresh legs நாடி விடாப்பிடியாய் தேடல்களைத் தொடர்ந்து கொண்டேயிருக்கிறோம் தான் ; நம்ம மேச்சேரியார் கொஞ்சம், கொஞ்சமாய் ரெடியாகி வருகிறார்....அப்புறம் சமீபமாய் கிட்டியுள்ள Ms.P.சுகன்யாவைப் போலவே இன்னமும் ஓரிருவர் கிட்டி விட்டாலே போதும் - வூடு கட்டி அடித்து விடலாம்! எது எப்படியோ- "மீண்டு(ம்) வந்த மாயன்'' சாகஸத்தின் இறுதி 462 பக்கங்கள் for sure 2027-ன் அட்டவணையினில் உண்டு! 
• அப்டின்னு எழுதி முடித்த நொடியில், பேனாவைக் கீழே போட்டுப்புட்டு சின்னதாய் ஒரு பிரேக் எடுத்தேன் ! அந்த நொடியினில் ஆங்காங்கே கொஞ்சமே கொஞ்சமாய் கடுப்பாகிப் போயிருக்கக்கூடிய சில வதனங்கள் என் கண்முன்னே வந்து வந்து போயின !!! எனக்கென்னமோ மெபிஸ்டோ விட்டலாச்சார்யா product போல் பட்டாலும், நண்பர்களில் நிறையப்பேருக்கு அவரொரு செம fire வில்லன் என்பது புரிகிறது ! நான் புரட்டாசி விரதம் என்பதற்காக தெருவில் குடியிருக்கும் அம்புட்டுப் பேருமே சைவமாகிடணும் என்று எதிர்பார்ப்பது ஒருவிதக் குடாக்குத்தனம் என்பதுமே புரிகிறது !! So .....so .....ஒரு கலர் TEX தீபாவளி மலருக்கென நான் போட்டிருந்த டிக்கை மறுக்கா உற்று நோக்கினால் - விலை ரூ.375 என்றிருந்தது ! அட, என்ன மாயாஜாலம் - மெபிஸ்டோ + யமா + பத்மாவின் அந்தத் த்ரில்லரின் க்ளைமாக்ஸான 464 பக்கங்களை black & white-ல் வெளியிடுவதாயின் தேவை சாட்சாத் அதே ரூ.375 தான் !!! பர்ர்...பர்ர்....என்று கலர் டிக்கை அழித்தேன்......464 பக்க மெபிஸ்டோ b&w சாகசத்தினை போன வருஷத்து தீபாவளி TEX-ன் பாணியில்  - 2 தனித்தனி இதழ்களாக முன் & பின் அட்டைகளில் 4 ஒரிஜினல் ராப்பர்களோடு - in a slipcase  என்று ரகளையாய் களமிறக்கத் தீர்மானித்தேன் !! மண்டையின் ஒரு மூலையிலோ...."ஏலே...464 பக்கங்கள்லே...!! ஒம்பாட்டுக்கு இப்போ பகுமானமா சொல்லிப் போட்டுப்புட்டுட்டே ....!! ஆனா எழுதுறப்போ குறுக்கு கழறப் போகுது, பாத்துக்கோ .....! அப்புறம் அந்நேரம் பொலம்புற ஜோலி ஆகாதுலே - ஆமா, சொல்லிடுத்தேன் !" என்றொரு குரல் ஒலிக்கவே செய்தது ! But நாம என்னிக்கி சொல்பேச்செல்லாம் கேட்ருக்கோம் ? இதில் icing on the cake என்ன தெரியுமோ ? ஒரிஜினலாய் நான் செலெக்ட் பண்ணியிருந்த சாகசத்தின் ஓவியர் சிவிடெல்லி தான் ! அவரது சித்திரங்களுக்காகப் பாதி அந்த ஆல்பத்தை டிக் அடித்திருந்தேன். And surprise ....surprise .....மெபிஸ்டோ கும்பலுக்கும் சாட்சாத் சிவிட்டெலி அவர்களே சித்திரம் போட்டுள்ளார் !! ஆண்டவனே மெபிஸ்டோ கதைகளின் ரசிகர் தான் போலுமென்று நினைத்துக் கொண்டேன் !! So இதுவரையிலுமான ஆகப் பெரிய சாகசத்துடன் ப்ரொஜெக்ட் மெபிஸ்டோ - தீபாவளி 2026-க்கு !! ஹேப்பியா guys ?

Moving on, ஒரு சந்தோஷப் புலம்பலுமே இடைச் செருகலாய்! Moreso எனது திட்டமிடலி­ல் நாக்கு தொங்கோ- தொங்கென்று தொங்கியதற்கு இந்த சந்தோஷ நோவு ஒரு முக்கிய காரணி! சின்னதாய் இந்த scenario-வைப் பாருங்களேன்!

புதுசாய் அறிமுகம் கண்டார் டின்டின்! இன்று அவரும் நமது அட்டவணைத் தூண்களில் ஒருவராகிவிட்டார்!

மிஸ்டர்.நோ- ஒரு சமீப வரவு தான்! But yes - நேர்கோட்டு ஆக்ஷனுக்கு மினிமம் க்யாரண்டி நாயகராகிவிட்டார்!

ஸாகுவாரோ நடப்பாண்டின் அறிமுகமே! But ஒற்றை ஆல்பத்திலேயே "இவர் நமக்கானவர்'' என்ற முத்திரை பதித்திருக்கிறார்!

சற்றே தயக்கத்தோடு வெளி வந்த சமுராய் டீம், வண்டி ஓடுமோ-ஓடாதோ? என்ற சிந்தனைகளைத் தவிடு பொடியாக்கி விட்டு நடப்பாண்டின் blockbuster பட்டியலுக்குள் ஐக்கியமாகியது மட்டுமன்றி, தொடரும் ஆண்டுகளிலும், இவர்கள் for sure வேண்டுமென்ற நிர்ப்பந்தத்தை உருவாக்கிவிட்டனர்!

அட.. ஏஜெண்ட் ராபின் 2.0-க்கு சின்னதாயொரு ப்ரேக் கொடுத்துவிட்டு, 2027-ல் அவரை வரவழைத்துக் கொள்ளலாமோ? என்ற நினைப்பு தலைக்குள் ஓட்டமெடுத்த அதே தருணத்தில்- V காமிக்ஸ் தீபாவளி மலர்'25ல் தெறிக்கவிடும் ஒரு புது யுகத் த்ரில்லரோடு மனுஷன் தாண்டவமாடியுள்ளார்! So இந்த நொடியில் அந்த அதிரடியின் அடுத்த அத்தியாயத்தினை 2026-க்குக் களமிறக்குவது காலத்தின் கட்டாயமாகி விடுகிறது!

டிடெக்டிவ் ரூபின்- மொச்சைக் கொட்டை சைஸிலான மூக்கோடு வலம் வந்தாலும் நமது அணிவகுப்பில் நிரந்தரமாய் துண்டு போட்டு இடம் பிடித்துவிட்டுள்ளார்! In fact புத்தகவிழாக்களிலும், ஆன்லைன் ஸ்டோரிலும் இவரொரு செல்லாக் குட்டி!

So என்ன தான் கார்ட்டூன் நாயகர்களையும், ஆல்பா, ஏஜெண்ட் சிஸ்கோ, IR$ போன்றோரையும் "ஜாவ்.. ஜாவ்..'' என்று வெளியே தள்ளிக் கதவைப் பூட்டியிருந்தாலும்- சந்தடிசாக்கில் உள்ளே புகுந்து சோபாவில் குந்திக் கொண்டிருக்கும் புது வரவுகளும் அநேகம்! ஆக, இந்திய க்ரிக்கெட் டீமில் நிலவிடும் அந்த சந்தோஷத் தலைவ­லி இங்கே எனக்கும் உள்ளது! அதன் விளைவாய்- டெக்ஸைத் தவிர்த்து, ஒன்றுக்கு மேற்பட்ட ஸ்லாட்களைப் பெரும் பாக்கியவான்ஸ் ரொம்பச் சிலரே!! இதோ அவர்களது ­very short லிஸ்ட்:

டின்டின் & கேப்டன் ஹேடாக் & ஸ்நோயி:

96 ஆண்டுகளாய் உலகையே கட்டி ஆண்டு வரும் இந்த பெல்ஜிய சூப்பர் ஸ்டார் நம்மையும் வசியம் செய்யாது போயிருப்பின் தான் ஆச்சர்யம் கொண்டிருப்பேன்! இதுவரையில் 5 ஆல்பங்கள் வெளிவந்திருக்க - ஐந்துமே தெறி ஹிட்ஸ்! சொல்லப் போனால் தொடரவுள்ள சென்னைப் புத்தவிழாவின் போது மறுபதிப்புகள் டின்டினுக்கு அவசியமாகிடும் போலும்! So இந்த டின்டின் & கோ.வுக்கு 2026-ல் இரண்டு வாய்ப்புகள்!

And இரண்டுமே சிங்கிள் ஆல்பங்கள்! "பாலைவனத்தில் பொன் நண்டு'' ஆல்பம் தான், டின்டினும், கேப்டனும் சந்தித்துக் கொள்ளும் முதல் ஆல்பமுமே! And இரண்டுக்குமே titles சூட்டச் சொல்லி­க் கோரியிருந்தேன்- நமது வாட்சப் கம்யூனிட்டியில்! என் மண்டை இருக்கும் கச்சா-முச்சாவில், பெயர்களை முன்மொழிந்த நண்பர்களின் பெயர்களை சரியாக நினைவுகூர்ந்திட இயலவில்லை! மன்னிச்சூ.. ப்ளீஸ்! அதை யாரேனும் சரிபார்த்துச் சொல்லிவிட்டால் "பன் சன்மானங்கள்'' முறைப்படிப் புறப்பட்டுவிடும்!

லக்கி லூக்:

இவருக்கு ஸ்லாட் ஒன்று தான் ; ஆனால், கடந்த நாலைந்து ஆண்டுகளின் நடைமுறைக்கேற்ப ஆண்டுமலரில் டபுள் ஆல்பம் சாத்தியமாகிடுகிறது! So இரண்டு சாகஸங்களுடன் நமது ஆதர்ஷ ஒல்­லியார் வலம் வரவிருக்கிறார்- லயனின் 42-வது ஆண்டுமலரில்! இங்கே ஒரு கதை லேட்டஸ்ட் உருவாக்கம் ; இன்னொன்று துவக்க காலத்திலானது! இங்குமே வாட்சப் கம்யூனிட்டியில் சைக்கிள் கேப்பில் ஒரு கடா வெட்ட முடிகிறதாவென்று முயற்சித்திருந்தேன் தான் : "லக்கி லூக் + ரின்டின் கேன் என்று இம்முறை ஆண்டுமலரில் முயற்சிக்கலாமா?" என்ற கேள்வியோடு! ஆனால், பலத்த எதிர்ப்பு என்றெல்லாம் இல்லாவிட்டாலும் கூட, நமது நாலு கால் ஞானசூன்யம் தனி ஆவர்த்தனம் செய்வதில் பெருசாய் ஒரு ஆர்வமும் இல்லையென்பது புரிந்தது! So வழக்கம் போலவே இரண்டு லக்கி கதைகளே!

Which means- பாக்கி நாயகப் பெருமக்கள் அனைவருக்குமே ஒற்றை ஸ்லாட்- அல்லது நெஞ்சினில் இடம்! ஒற்றை சீட் பெற்று கச்சிதமாய் ஸ்கோர் பண்ணிடக் காத்திருப்போரை முதலி­ல் பார்த்து விடுவோமே?!

1.சமுராய்ஸ் & குள்ள தாத்தா: 

லேட்டஸ்ட் வரவு & அபிஷேக் ஷர்மா ரேஞ்சுக்கு முதல் பந்தையே சிக்ஸருக்கு அனுப்பியுள்ள இந்த அணி எனது துவக்கத் திட்டமிட­லின் போது, ரேடாரில் சிறு புள்ளியாகக் கூட இருந்திருக்கவில்லை! ஆனால், கிட்டத்தட்ட ஏகோபித்த பாராட்டுக்களை பெற்ற பிற்பாடு இவர்களது அடுத்த ஆல்பத்தின் மீது அடை காக்கவாவது முடியுமா? "ஓவர்னைட்டில் ஒபாமா" என்பது இவர்கட்கு தான் பொருந்தும் என்பேன் !! So "வதம் செய்வோம் வேங்கைகளே'' ரேஞ்சிலேயே "வஞ்சம் தீர்ப்போம் வேங்கைகளே!'' என இவர்களது அடுத்த அதிரடி களம் காணவுள்ளது- அதே அசாத்திய சித்திரத் தரத்தினில்! தொடரும் ஆண்டுகளிலும் சமுராய்ஸ் நம்மோடு பயணிப்பர் என்பது கொசுறுத் தகவல் ! 

2.இளம் வேங்கையார் !! 

இங்கேயும் மருவாதியாய் டபுள் கொட்டுக்கு நானே சிரத்தை ஒப்படைத்து விடுகிறேன் folks! Becos பௌன்சரா? இளம் டைகரா? என்ற கேள்வியை வாட்சப் கம்யூனிட்டியில் வைத்திருந்தேன் & ஆச்சர்யமூட்டும் விதமாக பௌன்சர், இளம் வேங்கையாரை விடவும் கூடுதலாய் வாக்குகள் பெற்றிருந்தார்! So எனது அட்டவணை draft-ல் பௌன்சரே இடம் பிடித்திருந்தார் - கணிசமான வாரங்களுக்கு! ஆனால், ஒரு சில வித்தியாசமான கௌபாய் அதிரடிகள் கண்ணில்பட்டு வைத்தன - செப்டம்பர் மாதத்தில்! இரண்டுமே செம violent & இரண்டுமே ரொம்பவே fresh ஆகத் தென்பட்டன! So ஒற்றை பௌன்சரை ரூ.400/-விலைக்குக் களமிறக்கும் சபலத்தை சற்றே அடக்கிக் கொண்டு அந்தக் காசுக்கு அந்த ரெட்டை fresh ஆல்பங்களுக்கு இடமளிக்கலாமென்று நினைத்தேன்!

தவிர, பௌன்சர் தொடரில் பெண்டிங் உள்ள இந்த ஒற்றை அதிரடிக்குப் பின்பாக கதாசிரியர் Jodorowski ஓய்வெடுத்திடுகிறார் & ஓவியரான Boucq தான் கதைப் பொறுப்பையும் இனி கையாளப் போகிறார் என்று கேள்விப்பட்டேன்! Plus பௌன்சருமே அந்தக் கருவாடாய் காய்ந்த வன்மேற்கி­லிருந்து, நகரங்கள் பக்கமாய் ஷிப்ட் ஆகிடவுள்ளதாகவும் ஒரு தகவல்! So அடுத்த டபுள் ஆல்பம் உருவாக எப்படியும் ரெண்டு ஆண்டுகளாவது எடுக்கும் எனும் போது, - 2027-ல் ஒற்றைக்கரத்தானை களமிறக்கிக் கொள்ளலாமென்று நினைத்தேன்!

So பௌன்சர் நஹி என்றான நொடியில், டைகர் IN என்றாகியது! தவிர, இன்னொரு factor-ம் தலைதூக்கியது ! தளபதியார் எப்போதுமே புத்தகவிழாக்களின் செல்லப்பிள்ளை ! பவுன்சரோ - கிட்டங்கியை உயிராய் நேசிப்பவர் ! துவக்கம் முதலான அத்தனை ஆல்பங்களும் ஒன்று பாக்கியில்லாமல் இன்னமும் ஸ்டாக்கில் இருக்கின்றன! தளபதியிடமோ 2025-ன் புக்ஸ் மட்டுமே கைவசமுள்ளன! அந்த வகையிலும் இளம் புலி­யார் முந்திக் கொண்டு உட்புகுந்தார் என்று சொல்வேன்!

"கரையெல்லாம் கண்ணீரே'' இந்த இளம் டைகர் சுற்றில் ஆல்பம்ஸ் 16 & 17..! இதன் அடுத்த இரு ஆல்பங்களும் (18+19) இணைந்து அடுத்த story arc ஆகிடும்! அதன் பின்பாய் ஆல்பம் 20 ஒரு one-shot ஆல்பம் and ஆல்பம் # 21 கூட one-shot தான்! அத்தோடு சுபம்! So மிஞ்சிப் போனால், 2028-வரை நம்மோடு இளம் பு­லியார் பயணிக்கட்டுமே! அதற்கிடையே 2017-ல் துவங்கி, முதல் பாகத்தோடே படைப்பாளிகள் அம்போவென்று விட்டுச் சென்ற டைகரின் இன்னொரு வரிசையானது புனர்ஜென்மம் கண்டால் தானுண்டு !! இல்லாவிடின் தளபதியார் நினைவுகளில் மட்டுமே தொடர்ந்திடுவார் !

"எல்லாம் ரைட்டு... அது யார்பா அந்த ஓலக மகா வெளியூர் ஆட்டக்காரக? எங்க பௌன்சரை ஓரம் கட்டுற விதமா என்னத்தைக் கிழிக்கப் போறாங்கன்னு காட்டு?!'' என்கிறீர்களா? Of course பதிவின் பின்பகுதியில் அவர்களுக்கு இடமுண்டு சாரே!

3.ஸ்டெர்ன்:

This was the battle of the வெட்டியான்ஸ்! நவீன வெட்டியான் ஸ்டெர்னும், க்ளாஸிக் வெட்டியான் அண்டர்டேக்கருமே இம்முறை களம் காணத் தயாராக இருந்தனர் தான் ! And இருவரையுமே ஒட்டுக்கா போட்டுத் தாக்கினால் என்ன? என்ற கேள்வியுமே என்னுள் இருந்தது தான்! எனக்குத் தெரிய இரண்டு வெட்டியான்களை அணிவகுப்பில் வைத்திருக்கும் ஒரே பதிப்பகம் இந்தியாவிலேயே நாமாகத் தானிருப்போம்! And இருவரையுமே ஆரவாரமாய் ரசிக்கும் ஒரே வட்டம் நீங்களாகத் தானிருப்பீர்கள்! But ஒரே வருஷத்தில் இருவரையும் முட்டிக்கச் செய்வது லேசான overkill ஆக இருந்திடுமோ? என்ற தயக்கம் தலைதூக்கியது! தவிர, அண்டர்டேக்கரின் புது (க்ளைமேக்ஸ்) ஆல்பம் 10 நாட்களுக்கு முன்னே தான் ரிலீஸ் ஆகியுள்ளது! இவரது அடுத்த கதைச்சுற்று தயாராகிட குறைந்த பட்சமாய் நான்கு ஆண்டுகளாவது எடுக்கும் (முதல் பாகத்துக்கு 2 years + க்ளைமாக்ஸ் பாகத்துக்கு 2 years) எனும் போது, வெகு சமீபத்தில் பிரெஞ்சில் வெளியாகியுள்ள அண்டர்டேக்கரை 2027-ல் பார்த்துக்கலாமே என்று நினைத்தேன்!

ஸ்டெர்னிலோ ஆல்பம் # 5 ஏற்கனவே ரெடியாகியிருக்க, அடுத்த கதையையுமே 2026-ன் துவக்கத்தில் வெளியிட்டு விடுவார்கள் போலும்! So ரொம்ப gap விடாமல் ஏற்நெற்றிக்காரரைப் பின்தொடரலாமே என்ற எண்ணத்தில் ஸ்டெர்னுக்கு ஓட்டுப் போட்டேன்! இங்கே சின்னதாயொரு சோம்பலும் பின்னணியில் உண்டு! இருவருக்குமே பேனா பிடிக்கப் போவது நான் தான் ; ஸ்டெர்ன் சற்றே breezy ஆக, ஜாலியாக உலாற்ற அனுமதிப்பார்! அண்டர்டேக்கரோ, dark ஆன, இறுக்கமான களம் எனும் போது, அங்கே குறுக்கை கூடுதலாய் வளைக்க வேண்டியிருக்கும்! So 2027-ல் வளைச்சுப்போமே?! என்று சொல்­லிக் கொண்டேன்! 

4.ஸாகுவாரோ:

வித்தியாசமான நாயகர்! வித்தியாசமான பார்வைக் கோணத்திலான கதைகள்! ப்ளஸ் காரசார ஆக்ஷன்! சில்விஸ்டர்  ஸ்டாலோனின் ராம்போவை நினைவூட்டும் விதத்திலான இந்த மனுஷரின் அடுத்த சாகஸமும் முதல் ஆல்பத்தைப் போலவே பரபர ரகம் தான்! So வழக்கமான "வோ'' போடும் அபாச்சேக்களுக்கு ஒரு மாற்றாக இந்த ஆக்ஷன் அபாச்சேவை அள்ளி வந்தாச்சு!

5 & 6 ஸாகோர் & ஏஜெண்ட் ராபின்2.0:

Truth to tell- கோடாரி மாயாத்மாவுக்கு ஒரு கலர் ஸ்லாட்+ ஒரு black & white ஸ்லாட் என ஒதுக்கியிருந்தேன் தான்! ஆனால், இந்தப் பதிவை எழுத ஆரம்பிப்பதற்கு 3 நாட்கள் முன்னே தான் ஏஜெண்ட் ராபினின் தீபாவளி மலர் அதிரடியில் பணி முடித்திருந்தேன்! And எனது ஒரிஜினல் ப்ளானிங்படி ராபின் 2026-ல் நஹி.. ; 2027-ல் தான் வந்திருக்க வேண்டியவர்! ஆனால், நடப்பு தீபாவளி மலரின் 3 பாக சாகஸத்தின் அனல் என் தீர்மானத்தை "பச்சக்'' என மாற்றச் செய்தது! ராபின் just has to be in என்று தீர்மானிக்க, யாரைக் கிளப்பி விட்டு, ராபினை உட்காரச் செய்யலாம் என்று நோட்டமிட்டேன்! அப்போது தான் ஸாகோர் டபுள் சீட்டில் பெட்டி, பைகளோடு குந்தியிருப்பது தெரிந்தது! அவரை ரொம்பவே request பண்ணி ஒற்றை சீட்டைக் காலி பண்ணி வாங்கி, அங்கே ராபின் 2.0 சாரை அமரச் செய்தாச்சு!

ஏஜெண்ட் ராபின் 2.0..! கடந்த பதிவிலேயே நிறைய எழுதிவிட்டேன் ; சிலாகித்தும் விட்டேன்! So 2025 தீபாவளி மலர் முப்பாக சாகஸத்தின் sequel ஆன அடுத்த இரண்டு பாகங்களோடு ஏஜெண்ட் ராபின் 2026-ல் வந்தேயாகணும் என்றாகிப் போச்சு! சர்வ நிச்சயமாய் தனது சீட்டுக்கு மனுஷன் நியாயம் செய்தே தீருவாரென்று நம்பலாம்!

So ஸாகோர் முழுவண்ணத்தில் V காமிக்ஸின் 2026 தீபாவளி மலரில் அதிரடி செய்திடவுள்ளார்! For sure இந்த நாயகருக்குக் கூடுதல் வாய்ப்புகள் அத்தியாவசியமே! ஆனால், 'பட்ஜெட்' என்று சாக்குமூட்டைக்குள் நின்றபடியே ரேஸ் ஓடும் போது, உசேன் போல்டின் துரிதங்கள் நமக்குச் சாத்தியமாவதில்லையே? அப்பத்தைப் பிரித்துத் தந்த குரங்கைப் போல ஸ்லாட்களை ரேஷன் பண்ணிப் பண்ணியே வழங்க வேண்டியுள்ளது! Maybe.. just maybe பட்ஜெட்களை இன்னும் கொஞ்சம் உயர்த்திக் கொள்ளும் luxury நமக்குக் கிட்டிடும் பட்சத்தில் ஜாஸ்தி வாய்ப்புகள் பெற்றிடப் போகும் முதல் ஹீரோவாக ஸாகோரே இருப்பார்!

7.மர்ம மனிதன் மார்ட்டின்:

வருஷமாய் நம்மோடு பயணிக்கும் நிரந்திரர்! இவருக்கென ஒரு பிரத்தியேக ஸ்டைல் கதைகள் & இவருக்கென ஒரு பிரத்தியேக ரசிகர் வட்டமும் இருப்பதை நாமறிவோம்! So 2026-ல் கூட மார்ட்டின் + ஜாவா கூட்டணி உண்டு தான்! என்ன ஒரே வித்தியாசம்- இந்த முறை மனுஷன் கலரில் கலக்கிடவுள்ளார்! And அது முத்து காமிக்ஸின் தீபாவளி ஸ்பெஷலாகவும் இருந்திடவுள்ளது!

So 2026 தீபாவளிக்கு:

1. லயனில்: TEX vs மெபிஸ்டோ  ஸ்பெஷல்
2. Vகாமிக்ஸில்: ஸாகோர் ஸ்பெஷல்
3. முத்து காமிக்ஸில் : மார்ட்டின் ஸ்பெஷல்

என போனெலி­யின் வர்ணத்தோரணங்கள் களை கட்டவுள்ளன! So 2026-ன் தீபாவளியுமே ரகளையானதொரு அனுபவத்தைத் தரவுள்ளது என்பது உறுதி! Fingers crossed!

8 & 9 &10 :  ரூபின்+ டேங்கோ+ ரிப்போர்டர் ஜானி கூட்டணி:

சமீப காலங்களாகவே கூட்டணி இதழ்களுக்குப் படைப்பாளிகள் பெரியதொரு "நோ'' சொல்­லி வரும் சூழ­லில், ஒரு மாதிரியாய் கெஞ்சிக் கூத்தாடி, லோம்பா நிறுவனத்தின் இசைவை மட்டும் பெற்றுவிட்டோம்! So 2026-ன் கோடை மலராக :

• சிகாகோ டிடெக்டிவ் ரூபின்
• லோன்ஸ்டார் டேங்கோ
• சூப்பர் ரிப்போர்டர் ஜானி

என்ற கூட்டணி களம் காணவுள்ளது!

சமீப காலத்தின் surprise package என்றால் டிடெக்டிவ் ரூபினைத் தான் சொல்வேன்! ஏற்கனவே SODA சாத்து வாங்கிய சூழலி­ல் - இந்தக் கேரட் கேச அம்மணி எப்படித் தாக்குப் பிடிப்பாரோ? என்ற பயமிருந்தது எனக்கு ! அதுவும் SODA பாணியிலேயே இங்கேயும் கார்ட்டூன் மாதிரியான சித்திர பாணி! ஆனால், உருப்படியான கதைகள் இருந்தாலே போதும் - பரவை முனீம்மாக்கா கூட சாதித்து விடலாம் என்பதை அழகாய் establish செய்த பெருமை உங்களுக்கே! இதுவரை வெளிவந்துள்ள 4 ரூபின் சாகஸங்களுமே செம ஹிட்ஸ்! So இப்போதெல்லாம் மேட்ச் ஆடப் போகும் வீரர்களின் ­first லிஸ்டில் இவரது பெயரும் ரொம்பச் சீக்கிரமே இடம் பிடித்துவிடுகிறது!

TANGO!! சித்திரங்களும், கதைகள் அரங்கேறும் தென்னமெரிக்கப் பின்புலங்களும் இந்த ஸோலோ நாயகருக்குப் பெரும் வலு சேர்ப்பவை! தவிர, ஒருவிதமான ஒற்றைக் கழுகாய் பறக்கும் டேங்கோவின் ஸ்டைலில் ஒரு வசீகரம் இருப்பதையும் மறுப்பதற்கில்லை தான்! More than anything else- இது ரொம்பவே சமீப உருவாக்கம் எனும் போது, புராதன நெடிக்கு வாய்ப்பே லேது! 2017-ல் பிரெஞ்சில் துவங்கிய தொடரில் இதுவரை 8 ஆல்பங்கள் உள்ளன! 2026-ல் வரவிருக்கும் "நதி ஒன்று.. கரைகள் மூன்று''- தொடரின் ஆல்பம் # 6. So பெரியதொரு gap விடாது படைப்பாளிகளைப் பின்தொடரலாம் தானே folks?

புன்னகை மன்னன் ரிப்போர்ட்டர் ஜானி!! 1986 முதலாய் நம்மோடு travel பண்ணிடும் நாயகர்! And by now இவரது பாணி நமக்கு அத்துப்படி ஆகிப் போச்சு தான்! சொல்லப் போனால், நம்மில் ஒரு சிலருக்கு அந்த ஸ்டைல் லைட்டாக போரடித்தும் போயுள்ளதை மறுக்க மாட்டேன்! அதன் பொருட்டே ஜானி 2.0 கதைகளை உட்புகுத்த நானும் குட்டிக்கரணங்கள் அடித்துப் பார்க்கிறேன்- but பருப்பு நோ வேகிங்ஸ்! இரண்டுக்குமிடையே சித்திர பாணிகளில் ஏகமாய் வேற்றுமைகள் இருப்பதால் ஜானி 2.0-க்கு கேட் போட்டே வைக்கிறீர்கள்! Maybe நமது அழகன் ஜானியின் "செத்துச் செத்து விளையாடுவோமா?'' இறங்கியடிக்காத பட்சத்தில், 2027 முதலாய் அந்தப் புதுயுக ஜானி 2.0 கதைகளுக்கு முன்னுரிமை தந்து பார்க்க வேண்டியது தான் என்று நினைக்கிறேன்! "அவரு மூஞ்சியை சிரிச்சா மெரி வச்சுக்க மாட்டேங்குறாரு'' என்பதை மட்டுமே நவீனத்துக்கு ஒரு தடையாகக்  கொள்வதாயின், நம்மள்லே பாதிப்  பேரை கிட்டக்கவே சேர்த்துக்கவே முடியாதே ?  Your thoughts please folks?

11.மிஸ்டர்.நோ:

துரதிர்ஷ்டம் என்பது- இவர் போன்ற ஆற்றலாளருக்கெல்லாம் ஒற்றை ஸ்லாட்டை மட்டும் ஒதுக்கித் தந்து விடுவது தான் என்பேன்! மெய்யாலுமே he deserves more...! ஆனால், பண்டிகைக்கு முந்தின T-நகர் ரங்கனாதன் தெருவிற்கு நிகரான நாயக/ நாயகியர் நெரிசலுக்கு மத்தியில் வேறென்ன செய்வதென்றே தெரியவில்லை! 2027 முதலாய் இதற்கொரு தீர்வினைத் திட்டமிட்டுள்ளேன்! Hopefully அதனை நடைமுறைப்படுத்திப் பார்த்திடலாம்!

மிஸ்டர்.நோ வழக்கம் போலொரு சிங்கிள் ஆல்பத்தில் அமேசானில் சாகஸம் செய்யவிருக்கிறார்! And இந்த ஆல்பம் ரொம்பவே ஸ்பெஷல் - simply becos பெரியவர் போனெலி ­உருவாக்கிய இந்த நாயகரின் முதன்முதல் (அறிமுக) சாகஸம் இதுவே! நியாயப்படிப் பார்த்தால் இங்கிருந்து தான் நாம் ஆரம்பித்திருக்க வேணும்; but நம்ம மூக்கு புடைப்பானதாச்சே - தலைகீழாய் தான் குதிப்பேனென்று அடம்பிடிப்பது நமக்குப் புதுசில்லையே?!

12.உட்சிட்டியின் உட்டாலக்கடிப் பார்ட்டீஸ்!!

ஷெரீப் டாக்புல் & கிட் ஆர்டினும் இல்லாததொரு அட்டவணை சாத்தியமே அல்ல தானே guys? லக்கி லூக் அளவுக்கு இவர்களது வெற்றிகள் இல்லாவிடினுமே - இந்த சிரிப்புப் போலீஸ் டீம் ஒரு ஸ்லாட்டை தமக்கென நிரந்தரமாக்கி விட்டுள்ளனர் நம் மத்தியில்! So 2026-ல் இவர்களோடு yet again நாமும் ஜாலி­யாய் ரகளை பண்ணிடலாம்!

And சிக் பில்லில் இந்தக் கதையை ரீப்ரிண்ட் பண்ணலாமே ? அந்த ஆல்பத்தை மறுக்கா போடலாமே ? என்ற வினாக்கள் அவ்வப்போது எழத் தவறுவதில்லை தான் ! ஆனால் ரூ.5999 எனும் ஒரு அரூப கோட்டைச்சுவரை தாண்டப்படாது - என்ற கட்டாயத்தோடே ஒவ்வொரு அட்டவணையிலும் நாம் பயணிக்கும் போது, சிக் பில் என்ன ? டெக்ஸ் வில்லருக்கே ரீப்ரிண்ட் வாய்ப்புகள் பூஜ்யத்துக்கு மிக அருகில் தான் ! Absolutely no room for any reprints - in the ரெகுலர் சந்தாஸ் என்பது கட்டாயத்தின் சாசனமாகிறது ! மறுபதிப்புகள் எல்லாவுமே இனி புத்தக விழா ஸ்பெஷல்களாகவோ, இரத்தப் படல முன்பதிவுப் படலங்களாகவோ மட்டுமே இருந்திட இயலும் folks ! And அதற்கும் ஒரு திட்டமிடல் மண்டைக்குள் வெயிட்டிங் ! 2026-ன் நடுவாக்கில் அது பற்றிப் பேசலாம் !

13.நரகத்திற்கொரு புரவி:

நடப்பாண்டில் இன்னமும் நாம் சந்தித்திரா "குருதியில் பூத்த குருஞ்சி மலர்' கௌபாய் களத்தின் இரண்டாம் அத்தியாயமிது! அந்தப் புதுத் தொடர் பற்றி இதழ் வெளியாகும் தருணத்தில் விரிவாய் எழுதுகிறேனே! மிரட்டலான சித்திரங்கள்; செமத்தியான ஆக்ஷன் என்ற இந்த மினி தொடரில் மொத்தமே நான்கு ஆல்பங்கள் தான் ! So இந்தத் தொடரானது ரொம்ப காலமெல்லாம் ஜவ்வு இழுக்காது ; will be short & sweet!

14.ப்ளூகோட் பட்டாளம்: 

நிஜத்தைச் சொல்வதானால் polling-ல் நீங்கள் உத்வேகமாய் இவர்களை ஆதரித்திருக்காவிட்டால் இந்த நீலப்படை 2026-ல் களம் கண்டிருப்பது சந்தேகமே! எனக்கு பெர்சனலாக ரொம்பவே பிடித்த தொடர் தான்; but again சிக் பில் & கோவைப் போலவே லக்கி லூக்கின் உயரங்களை இவர்களுமே தொட்டதில்லை தான்! Perennial underachievers !! So இட நெருக்கடி நேர்ந்திடும் பட்சத்தில் காலி­யாகிடக் கூடிய சீட் இவர்களதாகத் தானிருக்குமென்று எண்ணியிருந்தேன்! ஆனால், ஏற்கனவே தேவாங்காய் திரியும் கார்ட்டூன் டிபார்ட்மெண்டை இதற்கும் மேலாக இளைக்கச் செய்ய மனம் ஒப்பவில்லை! ஏற்கனவே ஸ்பூன் & ஒயிட் ஜோடியை வோட் போட்டே வீட்டுக்கு அனுப்பிவிட்டோம் எனும் போது, இவர்களுக்கும் வேட்டு வைக்கலாகாது என்று தீர்மானித்தேன்! So யூனிபார்ம் போட்ட கவுண்டமணி & செந்தில் தொடர்ந்திடுகிறார்கள்!

15.தோர்கல்:

2026-ன் அட்டவணையில் நான் ஆகக் கூடுதலாய் யோசித்தது இந்த ஒற்றை நாயகரின் பொருட்டே! பொய் சொல்லப் போவதில்லை - for all money தோர்கலுக்கு டாட்டா சொல்­லிவிடுவதென்று தீர்மானமாகயிருந்தது! பதினோரு ஆண்டுகளின் ஓட்டத்தில் 29 பாகங்கள் என்ற luxury லக்கி லூக்குக்குக் கூட இது வரைக்கும் கிடைத்ததில்லை; ஆனால், தோர்கலாருக்கு இந்த வாய்ப்பு தரப்பட்டிருந்தது தான்! ஆனால் இன்னமுமே இந்த fantasy நாயகர் ஒரு hardcore ரசிக வட்டத்தைத் தாண்டிய reach பெற்றிருக்கவில்லை ! In fact இப்போதெல்லாம்பெரும்பாலான புத்தக விழாக்களில் இவர் வெறும் பார்வையாளர் மாத்திரமே! கதைகள் ஆங்காங்கே முற்றுப் பெற்றிடாமல் நெடும் சங்கி­லியாய் தொடர்வதால், புதியவர்களுக்கு இவற்றுள் ஐக்கியமாகிடத் திணறுவது புரிகிறது! And of course மூன்றோ-நான்கோ அத்தியாயங்கள் கொண்ட கதைகளைப் பிரித்துப் போட்டு நானுமே உங்கள் பாட்டைச் சிரமமாக்கியும் உள்ளேன் என்பதை மறுக்க மாட்டேன்! ஆனால், ''கடவுளரின் தேசம்''; ''அழகிய அகதி'' என்று தொகுப்புகளாய் தோர்கலை நாம்  போடாமல் இருக்கலை தான்! அவையுமே மொக்கை போட ஆரம்பித்த பின்பாகத் தான் சிக்கலே துளிர் விட்டது ! சரி, விலை கூடுதலில் இவர் வண்டி self எடுக்க மாட்டேன்கிறது ; நார்மல் விலைகளில், தனித் தனி ஆல்பங்களாக வெளியிடுவதென அதன் பின்புதான் யு-டர்ன் போட்டோம்! தொகுப்புகளில் தொய்வு ஏனென்பது இன்றுவரை எனக்குப் புரியாததொரு புதிரே ! Anyways ஆரிஸியாவின் ஆத்துக்காரருக்குத் தற்கா­லிகமாவாவது குட்பை சொல்லிடும் முடிவில் இருந்த போது, சில பல சிந்தனைகள் தலைக்குள் தாண்டவமாடின :

* தொடரின் ஆல்பம் # 29 பூர்த்தி செய்துள்ளோம். ஜோலன் தலையெடுக்கத் துவங்கும் அடுத்த கதைச்சுற்றில் மூன்று பாகங்கள் ஒருசேர ஒரு கதையாகிடும்! So தொடரின் # 30, 31 & 32-ஐ ஒரே புக்காக நானூற்றுச் சொச்சம் விலைக்குப் போட்டாக வேண்டியிருக்கும் ! அந்த விலையில் வருவதாகயிருந்தால் "டப்பக்கடீரென்று'' விற்பனையில் இளம் ஜோலன் சிக்ஸர் அடிப்பாரா? என்ற கேள்வி உள்ளுக்குள் ஓடியது!

* அதேசமயம் இந்த ஆஜானுபாகு அழகருக்கென நம்மிடையே தீவிர அபிமானம் இருப்பதும் எனக்குத் தெரியும்! "விற்க மாட்டேன்குது... அதனாலே டாட்டா சொல்லியாச்சு!' என்று ரமணா ஸ்டைலி­ல் சிலபல புள்ளி விபரங்களோடு எடுத்துரைத்திருந்ததால் அவர்கள் வேறு வழியின்றிப் புரிந்து கொண்டிருப்பார்கள் தான்! ஆனாலும், அனைவரின் மனதின் ஓரத்திலும் ஒரு வருத்தம் தொக்கி நிற்காது போயிடாதே என்பது நெருடியது!

* தவிர, "விற்பனை" எனும் புள்ளியிலி­ருந்து பார்க்கும் போது வேறொரு factor-ம் இடிக்குமென்பது புரிந்தது! ஒரு தொடர் live ஆக இருக்கும் போது தான், அதன் முந்தைய இதழ்கள் கொஞ்சமேனும் விற்பனை காணும் சாத்தியங்களுண்டு! ஒரு தொடருக்கு end card போட்டு விட்டோமெனில் கைவசமுள்ள ஸ்டாக்கை பேரீச்சம்பழத்திற்குப் போடுவதே கதியாகிப் போகும்! பௌன்சர் ' லார்கோ ; ஷெல்டன் ஆகியோரெல்லாம் இதற்கான உதாரணங்கள் ! மூவருமே மறுவருகை செய்த பிற்பாடே பழசு கொஞ்சமாய் விற்க ஆரம்பித்துள்ளது ! So அந்த ஆங்கிளிலும் குழப்பியது!

அப்போது தான் "தோர்க­லின் உலகம்'' என்ற தனித்தடத்தில் வெவ்வேறு கதாசிரிய / ஓவிய ஜாம்பவான்களின் கைவண்ணத்தில், ஆங்காங்கே முற்றுப்பெறும் 100+ பக்க ஆல்பங்களை 2023 முதலாய் படைப்பாளிகள் வெளியிட்டு வருவது நினைவுக்கு வந்தது! 2022-ன் அக்டோபரில் ஃப்ராங்பார்ட் புத்தக விழாவில் அவர்களைச் சந்தித்த போதே முதல் ஆல்பத்தைக் காட்டியிருந்தார்கள்! 104 பக்கங்கள் கொண்டிருந்த அந்தப் படைப்பு தீயாய் மிளிர்ந்தது! ரைட்டு... பக்கங்களும் ஜாஸ்தி; ஆனால், அத்தியாயம்- அத்தியாயமாய் நீண்டிடாது ஒரே சாகஸமாக இருந்திடும் & ரொம்பவே முக்கியமாய் - முற்றிலும் புதியவர்கள் இங்கே படைப்பின் பொறுப்பேற்றிருப்பதால், மெயின் தொடரின் பிற்பகுதியில் தலைதூக்கத் துவங்கியிருந்த அயர்ச்சி இக்கட தலைகாட்டாதென்று நம்பினேன்! என்ன தான் ஜாம்பவான் வான் ஹாமே மெயின் தொடரின் பொறுப்பிலி­ருந்தாலும்- ஒரே மாதிரியான ஆரிஸியாவின் அழுகாச்சிகள், அதே போலான வில் வித்தைப் போட்டிகள், என்ற சில சமாச்சாரங்கள் சன்னமாய் கொட்டாவியை என்னளவிற்காவது எழச் செய்திருந்தன! So fresh faces ; fresh ideas ; fresh approach நிச்சயமாய் கைகொடுக்கும் என்ற நம்பிக்கையில் "காவியத் தலைவன் தோர்கல்" என்ற நாமகரணத்துடன் வண்டியை புது உத்வேகத்துடன் கிளப்பியாச்சு!

தோர்கலுக்கு இதுவொரு இரண்டாம் வருகை எனலாம் !And முத்து காமிக்ஸின் 54-வது ஆண்டுமலராக இந்த ஆல்பத்தை களமிறக்கவும் திட்டமிடல்! So சென்னையில் சாதிப்பாரா தோர்கல் 2.0 என்பதொரு மில்லியன் டாலர் கேள்வி ! Fingers crossed !!!

16.இளவரசி ???

கேள்வி : டேய் காளிங்கராயா ...?  இளவரசியை எங்கேடா காணோம் ? கலர் கலரா, கலக்கலா கம்யூனிட்டியிலே பிலிம் காட்டுனதுலாம் சும்மா லுலாயிக்குத் தானா ?

பதில் : மாமா....! காத்திரு நீ...கண்ணாளா...!

கேள்வி : என்னாது ..?? காத்திருக்கவா ? எதுக்கு - 2027  பொறக்குற வரைக்குமா ?

பதில் : No ...மாமா....காத்திரு நீ...கண்ணாளா...!!

கேள்வி : டேய் ....என் லெப்ட்டு பத்தி தெரியும்லே ? ஒழுங்கா பதில் சொல்றியா-இல்லியா ?

பதில் : பதிலே அது தானுங்க மாமா !"காத்திரு நீ..கண்ணாளா..!" என்பது தான் அடுத்த மாடஸ்டியின் தலைப்பு ! கதையும் வந்தாச்சு ; அட்டைப்படமும் போட்டாச்சு !  And தொடரின் செம லேட்டஸ்ட் கதை இது என்பதால், கதை சொல்லலில் புராதனம் இராது ! அப்புறம் கருப்பு பெயிண்டுக்கோ, சுப்பிரமணி டெய்லருக்கோ கூட சொல்லி அனுப்ப வேண்டிய அவசியம் கொஞ்சம் இருக்கும் போல தெரியுது ! இன்ன பண்ணலாம்னு சொல்லுங்கோ ? எது, எப்படியோ -இளவரசி இன்றி ஒற்றை வருஷமாச்சும் கடந்திடுமா - என்ன ? எனக்கும் உசிர் பயம் இருக்கும்லே ? So chill மக்கா ! 😎😎😎

ரைட்டு... இத்தோடு அட்டவணையின் ரெகுலர் குடித்தனக்காரர்களைப் பார்த்தாச்சு! இனி வழக்கம் போல புதுசாய் யார் குடி வரப் போறாங்க என்பதையுமே பார்க்கலாமா? 

இப்போதெல்லாம் எதையேனும் செய்து உங்களது கவனங்களை ஈர்த்தாக வேண்டுமென்பதில் நிறையவே மெனக்கெடத் தோன்றுகிறது! Shorts...Reels என்று 30 நொடிக்கொரு புது விஷயத்தைப் பார்த்துப் பழகிப் போய்விட்டன நமது மூளைகள்! ஆக, உடனுக்குடன், மூளைகளில் Dopamine என்றதொரு ஹார்மோன் சுரந்து நம்மை ஒருவிதப் பரவச நிலையிலேயே வைத்திருக்குமாம்! அந்த ரேஞ்களுக்கு முடியாட்டியும், நமது இந்த வருடாந்திர அட்டவணை அட்டூழியத்தினில், புதுசாய், எதையேனும் புகுத்தியே தீரணுமென்று தலைக்குள் ஒரு குறளி குரல் கொடுத்து கொண்டேயிருக்கிறது! அதன் பலனே இந்தப் புதியவர்கள் !

17.ரெட் கன்:

உள்ளூர் Bouncer கோஷ்டிக்கு tough தரப் போகும் வெளியூர் ஆட்டக்காரரில் முதலாமவர்! RED GUN என்ற இந்தத் தொடர் ரொம்ப ரொம்பச் சமீபப் படைப்பு & வன்மேற்கின் raw ஆனதொரு முகமே இதன் அடையாளம்! ஒவ்வொன்றுமே one-shot தான் & இதுவரை இரண்டு ஆல்பங்களே வெளி வந்துள்ளனன - with more to follow ! தமிழில் என்ன பெயர் வைக்கலாமென்று யோசித்தேன்- "சிவப்புத் துப்பாக்கி; சிகப்பு பிஸ்டல்" என்ற ரேஞ்சுக்குத் தான் மொக்கையாய் தோன்றியது ! ரைட்டு..."ரெட் கன்'' என்றே வைத்துக் கொண்டாலென்னவென்று பட்டது ! நிறைய இரத்தக் களரிகளோடு,  கணிசமான ஆக்ஷன் ரணகளங்களோடு அதிரடிகள் செய்யக் காத்திருக்கும் இந்த வெகுமதி வேட்டையனுக்கு  ரெட் கார்பெட் மருவாதி தரவுள்ளோமா  folks? "குருதியின் கூலி" இவரது debut ஆல்பமாக இருக்கவுள்ளது - நம் மத்தியில் !

18.புதைகுழிப் பூக்கள்:

வெளியூர் ஆட்டக்கார troupe-ன் இன்னொரு பகுதி இதுவே! உள்ளதைச் சொல்வதானால் இதுவொரு தொடரல்ல - மாறாக இதுவொரு ஒன்-ஷாட் ! Again ரணகள வன்மேற்கே கதைக்களம்! ஆனால், ஒற்றுமைகள் அத்தோடு கதம்! தொடர்வது எல்லாமே ரொம்பவே வித்தியாசமான கதை மாந்தர்கள் & கதை பாணி!

ஒரு கைவிடப்பட்ட அரிஸோனா சிறுநகரமே கதை அரங்கேறும் களம்! அங்கே குடியிருப்போர் 27 பெண்கள் மாத்திரமே! ஆம்பிளைகளின் சாவகாசமே வேணாமென்று ஒதுங்கி வாழும் இந்த மகளிர் அணி, பிழைப்புக்காக ஸ்டேஜ்கோச்களையும், கேரவன்களையும் சூறையாடும் போக்கிரிகளாக அவதார் எடுத்துள்ளனர்! கொள்ளையடிப்பது ; தேட்டையோடு தங்களது பேய் நகரில் போய் பதுங்கிக் கொள்வதென பிழைப்பு ஓடும் வேளையில், பல மாதங்களாய் அந்தக் கொள்ளைச் சம்பவங்களைத் துப்புத் துலக்கி வரும் ஒரு ஆம்பள டிடெக்டிவ் அவர்களிடம் சிக்கி, அந்த "மகளிர் மட்டும்'' ஊருக்குள் புகும் போது தான் ஏழரையே ஆரம்பமாகுது! வித்தியாசமான கதைக்களம் ; கதை நகர்வு ! ரொம்பச் சின்ன வயதிலான கதாசிரியரும் சரி, ஓவியரும் சரி- இங்கே பெண்மணிகளே! So மகளிரால், மகளிரைக் கொண்டு உருவாக்கப்பட்ட இந்த இதழினை நமது "மகளிர் தின ஸ்பெஷலாக'' போட்டு தாக்கிடலாமென்ற மகாசிந்தனை தோன்றியது! நமது டீமின் Ms.P.சுகன்யாவை பேனா பிடிக்கச் செய்துவிட்டால், மகளிர் டீம் முழுமையாகிடும் என்பேன்! What say folks?

பொதுவாக இவை போலான ஒன்-ஷாட்களை நமது ரெகுலர் அட்டவணைக்குள் ஜம்போ காமிக்ஸ் ஓடிக் கொண்டிருந்த வரை மட்டுமே நுழைத்து வந்தேன்! அது ஊற்றிக் கொண்டான பிற்பாடு இந்த வகைக் கதைகளை வெளியிட நாள் தேடறேன் ; நட்சத்திரம் தேடறேனென்று ஜவ்வு இழுத்தது மட்டுமே பலனாகி வருகிறது! ஒருவழியாய் 2026 அட்டவணையினில் ஒன்றையாவது இறக்கியே தீருவோமெனத் தீர்மானித்துள்ளேன்! மக்களே.. மகளிர் டீமை பார்த்துக் கொள்ளுங்களேன்!

அப்புறம் அந்தத் தலைப்பு பரால்லீங்களா? நாமளும் பஞ்சத்துக்குக் கவிஞர் தானுங்களே ?

19.லெப்டினெண்ட் ப்ரூஸ் J ஹாக்கர் by ஓவியர் வில்­யம் வான்ஸ்

இதுவொரு நெடுநாள் அவாவின் பலன் என்று சொல்லலாம்! "ஓவியர் வான்ஸ்'' என்ற பெயரும், அவரது சித்திர அற்புதங்களும் நமக்குப் பரிச்சயமான 1986-ல், "கண்ணா.. இன்னொரு லட்டு தின்ன ஆசையா?'' என்று லோம்பா நிறுவனத்தினர் கேட்டிருந்தனர்! "லட்டுன்னா ரெண்டு என்ன- ரெண்டு டஜன் கூட விழுங்க ரெடி!'' என்று ஆர்வம் பொங்கப் பதில் கடுதாசி போட்டிருந்தேன்! அப்போது அவர்கள் ஏர்-மெயில் பார்சலி­ல் அனுப்பியிருந்த மாதிரிப் பிரதிகள் ஒரு கப்பல் கேப்டனின் சாகஸங்களுடன், ஓவியர் வான்ஸின் சித்திரங்களில் மிரட்டின ! ஹார்ட்கவரில் இருந்த அந்த ஆல்பத்தை விரல் தேய அன்று புரட்டோ புரட்டென்று புரட்டியதெல்லாம் நினைவில் இன்னமும் உள்ளது!

அந்த நேரம் தான் அதே லோம்பா நிறுவனத்துடன் கேப்டன் பிரின்ஸ் தொடருக்கும் கான்டிராக்ட் போட்டிருந்தோம்! பரட்டை மண்டைகளும், கச்சா முச்சா மூஞ்சிகளுமான அந்தக் கேப்டனே நமக்கு ஓ.கே என்றாகியிருந்த போது, ஓவியர் வான்ஸ் அவர்களின் கம்பீரமான கடற்படை நாயகரும் ஆட்டோமேடிக்காக நமது அணிவகுப்பினுள் புகுந்திருக்க வேண்டும் தான்! ஆனால், கதைக்களத்தி­லிருந்த காலநிலைகளின் வேற்றுமை, 1987-ல்  என் வேகத்துக்கு ஸ்பீட்-ப்ரேக்காகிப் போனது! கேப்டன் பிரின்ஸோ சமகாலத்துக் கதை; நாடு-நாடாய்ப் போய் சாகஸம் செய்கிறார்; வில்லன்கள் துப்பாக்கிகளால் சுடுகிறார்கள்; சேஸிங் காட்சிகள் உண்டு...! So நமது அப்போதைய ஆக்ஷன் கதைகள் சார்ந்த எதிர்பார்ப்புகளுக்குப் பரட்டைப் பிரின்ஸ் குறையேதும் வைத்திடவில்லை! ஆனால், இந்த ப்ரூஸ் ஹாக்கரோ- உத்தேசமாய் 1800-களின் ஆரம்பத்திலான காலகட்டத்தைச் சார்ந்தவர்! So ப்ரிட்டிஷ் நேவியின் லெப்டினெண்டாகப் பணியாற்றும் ப்ரூஸ் J ஹாக்கரை 1986-87 வாக்கில் நம் வாசிப்புகளுக்கு உட்படுத்த ரொம்பவே தயக்கமிருந்தது என்னிடம்! தவிர, அற்புதமான கலரில் மிளிர்ந்த அந்த ஆழ்கடல் காட்சிகளை நமது அன்றைய சாணித் தாளில் black& white-ல் போட்டால் கோணங்கித்தனமாகயிருக்குமென்றும் பட்டது! So அந்த லட்டை வாசம் பிடிப்பதோடே காலத்தை நகர்த்திவிட்டேன்!

Cut-நமது இரண்டாம் இன்னிங்ஸில் கலரும் நிரம்பி வழிய, 2019-வாக்கில் "பராகுடா''வின் புண்ணியத்தில் கடல் கதைகளும் செம "ஹிட்'' அடித்த பிற்பாடு, டபரியி­லிருந்த லட்டு நினைவுக்கு வந்தது! 'ஆஹா.. ப்ரூஸ் ஹாக்கரை போட்டுத் தாக்கிடலாமா ஜம்போ காமிக்ஸில்?' என்ற யோசனை ஓடிக் கொண்டிருந்த வேளையில் கொரோனா கொடுமை சகலத்தையும் புரட்டிப் போட்டுவிட்டது! கொஞ்ச காலத்தில் ஜம்போ காமிக்ஸே "ஜம்ப்'' பண்ணி பரணில் ஐக்கியமாகிட, ப்ரூஸ் ஹாக்கரை மறந்தே போய்விட்டேன்!

And 2026-ன் திட்டமிடலுக்குள் தீவிரமாய்ப் புகுந்திருந்த தருணத்தில் ப்ரூஸ் J ஹாக்கரின் 2.0 சாகஸ வரிசை நினைவுக்கு வந்தது! சில ஆண்டுகளுக்கு முன்பாய் நவீன யுகப் படைப்பாளிகளின் கைவண்ணத்தில் ப்ரூஸ் ஹாக்கரை புனர்ஜென்மம் எடுக்கச் செய்திருப்பதை கொஞ்ச காலமாகவே track செய்து வருகிறேன்! இந்தப் புதியவரைப் புகுத்தலாமா? என்று யோசித்த போது- மொத்தம் ஏழே ஆல்பங்கள் கொண்ட "தாய் தொடர்'' துவக்கப் புள்ளியாவதே பொருத்தமாகயிருக்குமென்று புரிந்தது! தலையை கண்ணில் காட்டாது, வாலில் இருந்து ஆரம்பிப்பானேன் ? என்று தீர்மானித்தேன் !

And here we are!!

ப்ரிட்டிஷ் நேவியில் நெப்போலி­யனை எதிர்த்து இங்கிலாந்து போர் செய்து கொண்டிருந்த காலகட்டத்தில் அரங்கேறுவது போலான கதைகள் இவை! And இவரது கதை arc மூன்று-நான்கு ஆல்பங்கள் கொண்டவையே! ஆனால், ஒவ்வொரு ஆல்பமும் ஒவ்வொரு இலக்கில் போய் நிற்க ; அதுவே ஒரு அதிரடியாக வாசிக்க வருகிறது! And நின்ற இடத்தி­ருந்து அடுத்த ஆல்பம் தொடங்குகிறது! So 2026-ன் பிற்பகுதியில் "கரை சேரா காவியம்'' துவங்கிடப் போகிறது & 2027-ன் துவக்க மாதங்களில் முதல் சுற்று முற்றுப் பெற்றுவிடும்!

"ஒரே புக்காய் போட்டுப்புடலாமே?'' என்ற கேள்வி உடனே எழும் தான்; ஆனால், மூன்று கம்பீரமான ஒரிஜினல் வான்ஸ் அட்டைப்படங்கள், மூன்று தனித்தனி இதழ்களில் மட்டுமே சாத்தியமாகிடும்! So மூன்றே மாதங்களில் மூன்று இதழ்களை படிப்பதில் பெருசாய் இன்ன­லிராது என்ற நம்பிக்கையுள்ளது எனக்கு!

So with that -we come to the end of the அட்டவணைத் திட்டமிடல் for 2026!! 

ரெகுலர்ஸ்; புதியவர்கள்-என இயன்ற மட்டும் அனைவருக்கும் இடம் தர முனைந்துள்ளோம்! And இயன்றமட்டுக்கு variety காட்டவும் பிரயாசைகள் எடுத்துள்ளோம்! Hopefully- அனைவரது ரசனைகளையும் balance பண்ணிட முயற்சிக்கும் இந்த planning- உங்களது thumbsup-களைப் பெறுமென்று புனித தேவன் மனிடோவிடம் மனு போட்டுக் காத்துள்ளோம்! இனி பந்து உங்கள் தரப்பில் folks! அப்புறம் இந்தாண்டு முதலாய் சந்தாதாரர்களுக்கு முதல் மருவாதி செய்திட சில திட்டங்கள்; அமலுக்கு வரவிருக்கின்றன ! அது பற்றி....!

சந்தாவினில் புதிதாக இணைந்திடும் நண்பர்களும் சரி, சந்தாவைப் புதுப்பித்திடும் நண்பர்களும் சரி, "Super Fans'' என்ற லெவ­லில் இனி பதிவு செய்யப்படுவார்கள்!

1.Super Fans-களுக்கு பிரத்தியேகமாய் ஆண்டின் முதல் மாத TEX கலர் இதழில் Family photo கலரில் அச்சிட்டு அனுப்பப்படும்!

2.Super Fans-களுக்கு ஆண்டின் ஏதேனுமொரு இதழ் மட்டும் variant கவர் சகிதம் exclusive ஆக உண்டு! அந்த ராப்பர் will be exclusively for the Super Fans!

3.Super Fans-களுக்கு ஆண்டொன்றுக்கு ரூ.300/-க்கு ஒரு Gift வவுச்சர் வழங்கப்படும்! இந்த வவுச்சர்களை நமது புத்தகவிழா ஸ்டால்களிலோ, நேரடியாக நம்மிடமோ - 2020-க்கு முன்பான இதழ்களை வாங்கிடப் பயன்படுத்திக் கொள்ளலாம்! அல்லது உங்கள் சார்பில் யாருக்கேனும் அந்த ரூ.300 மதிப்புக்கு ஈடான புக்ஸை பிறந்தநாள் பரிசாகவோ, பள்ளி லைப்ரரிகளுக்கு அன்பளிப்பாகவோ அனுப்பிடவும் பயன்படுத்திடலாம்! (செலுத்த வேண்டி வரும்).

4.And நமது ஜுனியர் எடிட்டரின் எண்ணம், எழுத்து, ஆக்கத்தில் "கதை சொல்லும் காலெண்டர்'' என்றதொரு concept நடைமுறை காணவுள்ளது! உங்கள் இல்லங்களில் உள்ள ஜுனியர்களுக்கென exclusive ஆக ஒரு காலண்டர் தரவுள்ளோம்! காலெண்டரின் ஒவ்வொரு ஷீட்டிலும் ஒரு fairy tale-ன் ஒரு பகுதி அழகாய் டிசைன் செய்யப்பட்டு, அதற்கான கதை ஸ்க்ரிப்டோடு இருந்திடும்! ஆக, 12 ஷீட்களில் ஒரு கதை அழகாய் சொல்லப்பட்டிருக்கும்! And of course ஒவ்வொரு ஷீட்டினிலும் அந்தந்த மாதத்துத் தேதிகளுமே இருந்திடும்! அம்மணி மாடஸ்டியோ; ஐயா மாயாவியாரோ; இன்ன பிற நம்மாட்களோ இந்தக் காலெண்டரின் பக்கமே தலைகாட்டப் போவதில்லை! மாறாக- பிள்ளைகளுக்கு ரசிக்கும் விதமாய் ஒரு popular fairy tale-ன் கதையோட்டமே பக்கத்துக்குப் பக்கம் தொடர்ந்திடும்!

And இங்குமே இரண்டு variants இருந்திடவுள்ளன! உங்கள் வீட்டில் பத்து வயதுக்குட்பட்ட குட்டீஸ் இருக்கும் பட்சத்தில் -fairy tale காலெண்டர்!

சற்றே வளர்ந்த பிள்ளைகள் இருக்கும் பட்சத்தில்- அவர்களுக்கு சுவாரஸ்யமூட்டக் கூடிய விதமாய் ஒவ்வொரு ஷீட்டிலும் பொது அறிவு சார்ந்த சமாச்சாரங்கள் இடம்பிடித்திடும் ! Of course- மாதத்தின் தேதிகளுடனுமே! So சந்தா செலுத்தும் போதே உங்களுக்கான காலெண்டர் option எதுவெனவும் குறிப்பிட வேண்டியிருக்கும்! (Under 10 or Over 10)

5.And ''Super Fan 2026" என்றதொரு பேட்ஜும் அனுப்பப்படும்! (வாசக சந்திப்புக்கு பேட்ஜ் சகிதம் வருகை தருவோருக்கு ஒரு ரவுண்ட் பன் / லெக் பீஸ்  கூடுதலாய் தரச் சொல்லலாமோ?? 😀😀)

ஆக, தற்போதைய மகா சிந்தனைகள் இந்த மட்டுக்கே!

அப்புறம் ஒவ்வொரு சமீப அட்டவணைப் பதிவுகளிலும் FAQ (கேட்கத் தோன்றும் பரவலான கேள்விகள்) எவையென்ற யூகத்தில், அவற்றிற்கான பதில்களையும் முன்கூட்டியே நான் தருவது வாடிக்கை! So நியாயப்படிப் பார்த்தால் இங்கே அந்தப் பகுதி தான் தொடர்ந்தாக வேண்டும்! ஆனால், இன்னமுமே  ஒரு ட்விஸ்ட் கீதே folks! அட்டவணை நிறைவு பெற்றுவிட்டது! ஆனால், இன்னும் நிறைவு பெறவில்லை தான்! இன்னா மேன் குழப்புறே? என்கிறீர்களா? இருக்கே..... நம்மகிட்டே இன்னும் கொஞ்சம் திட்டமிடல்கள் இருக்கே! So அதையும் சொல்லி­ப்புடலாம்!

ஆண்டுகள் ஓடுகின்றன... நமது சுற்றளவுகளும், அகவைகளும் பெருக்கெடுத்து வருகின்றன! மாத பட்ஜெட்டில் இப்போதெல்லாம் மண்டைச் சாயங்களுக்கும், வருஷ பட்ஜெட்டில் கண் பார்வை டெஸ்டுக்கும், பவர் கண்ணாடிகளுக்கும் தொகைகள் ஒதுக்குவது அத்தியாவசியமாகிப் போய் வருகிறது! So ஒரு கட்டத்தில் நமக்கு "தம்'' இருக்கும் போதே, புதிய தலைமுறையினையும் இந்த "பொம்ம புக்'' லோகத்திற்கு ஆக்டிவாக இட்டார வேண்டியதொரு பொறுப்பு இருக்கிறதென்று பட்டது! So இதோ 2026-ல் வருகிறது - The GEN Z சந்தா! டிஜிட்டல் யுகத்தில் பிறந்த பிள்ளைகளை காமிக்ஸ் வாசிப்பினை நோக்கி ஈர்க்கும் எண்ணத்தில்; Youtube ஷார்ட்ஸ்களுக்கும், Insta ரீல்ஸ் பொழுதுபோக்குகளுக்கும், சன்னமானதொரு addition-ஆக "லயன் மினி'' என்ற தனித் தட குட்டி புக்ஸ்களைத் திட்டமிட்டுள்ளோம்! (Oh yes....நம்ம அந்நாளைய மினி-லயன் லோகோவுடன் !!)

• இவற்றில் நமது வழக்கமான மொழிநடை இருந்திடவே செய்யாது! இன்றைய தலைமுறைக்கு ரசிக்கக் கூடிய விதத்தில் சிம்பிளான language பாணிகளே கையாளப்படும்!
• Compact ஆன.. க்யூட்டான சில சைஸ்களில் கலரில் லயன் மினி புக்ஸ் இருந்திடும்!
• எதுவுமே "வள வள''வென நீண்டு செல்லாது! Crisp & very short கதைகள் மட்டுமே!
• And இவற்றில் இடம் பெறப் போகும் கதைக் களங்களோ வித்தியாசமானவை !

ஜாக்கி போட்ட ஓநாய்! 

('ஜட்டி போட்ட ஓநாய்' என்றால் சற்றே விரசமாகயிருக்கக் கூடுமல்லவா?)

The Wolf in Underpants என்ற பெயரில் ஐரோப்பாவில் செம பிரசித்தம் - இந்த ஜாலியான மினி கதைகள்! இது பற்றி நம் மத்தியில் யாருக்கேனும் தெரிந்துள்ளதா? என்று பல்ஸ் பார்க்கவே அதன் கதாசிரியரோடு, ஓநாயை போட்டாவாக நமது வாட்சப் கம்யூனிட்டியில் போன மாதம் போட்டிருந்தேன்! ஆச்சர்யமூட்டும் விதமாய் யாருக்கும் பெரியளவில் தெரிந்திருக்கவில்லை ; but கொஞ்சம் கூகுள் பண்ணியான பின்னே, "இதனைப் போட்டே தீரணும்" என்ற ரீதியில் குரல்கள் கேட்டன தான்! நண்பர்களின் ஆர்வத்தைப் புரிந்து கொள்ள முடிந்தது தான் - ஆனால், இந்தத் தொடருக்கான target audience தொப்பை வளர்த்த பிள்ளைகளல்ல என்பதால் நான் அடக்கியே அந்த நொடியில் வாசித்தேன்!

நம்ம தாத்தாஸ் தொடரில், பேத்தி சோஃபி நடத்திடும் பொம்மலாட்ட ஷோவின் ஈரோ தான் இந்த ஜட்டி போட்ட ஓநாய் என்றாலும், இதனை கதாசிரியர் Wilfrid Lupano தனித்தடத்தில் உருவாக்கியுள்ளது இளம் மனதுகளுக்காகவே! So சின்னதொரு போதனை; சமகால நடப்புகளின் பகடி என்ற ரீதியில் கதையை நகர்த்தியுள்ளார்! ப்ரெஞ்சில் இது ப்ளாக்பஸ்டர் ஹிட் - ஏழேகால் இலட்சம் பிரதிகளுக்குக் கிட்டே விற்றுள்ளார்கள்! நாமோ அவசரமாய் இதனை நமது ரெகுலர் வட்டத்திற்கென வெளியிட்டால், பரோட்டா எதிர்பார்த்திருக்கும் புள்ளீங்க வாயில் செரிலாக்கை கரைச்சுத்  திணிச்சது போலாகிவிடும் என்று நினைத்தேன் ! So நமது புது இலக்கான உங்கள் வீட்டு ஜுனியர்களே இந்த ஜாக்கி சார்வாளுக்குப் பொருத்தமான target audience ஆகிடுவர்! Of course "நான் பரோட்டாவும் சாப்டுவேன்; செரிலாக்கையும் விழுங்குவேன்'' எனும் வளர்ந்த குயந்தைகளும் can enjoy it as well! இதனை ரெகுலர் தடத்தில் புகுத்தி ஏழரையைக் கிளப்பிக் கொள்ளத் தான் மனமில்லையே தவிர, it will be a great choice for GEN Z சந்தா !

Team ஜுனியர் டிடெக்டிவ்ஸ் : 

ஹை-ஸ்கூல் மாணவர்களே இங்கு நமது நாயகர்கள்! ஸ்கூ­லில் ஆளாளுக்கு ஒரு பொழுதுபோக்கைத் தேர்வு பண்ணி, அதற்கொரு க்ளப் ஆரம்பித்து ஜாலி­யாக நேரங்களைச் செலவிட, ஒரு சிறு அணியோ தங்களை ஷெர்லாக் ஹோம்ஸின் வார்ப்புகளாகக் கருதுகின்றனர்! பக்கத்து வீட்டில் நள்ளிரவில் ஏதோ ஓலம் கேட்குதா? துப்பறியக் கிளம்பிடுகிறார்கள் நமது ஜுனியர் டிடெக்டிவ்ஸ் (ஜு.டி)! க்ளாஸில் புதுசாய் சேர்ந்திருக்கும் பையனிடம் ஏதோ மர்மமாய் தென்படுகிறதா ? - no worries...அதைப் புலனாய்வு பண்ண நம்ம ஜு.டி. ரெடி! இது போலான சின்னச் சின்ன சாகஸங்கள் அழகாய் குழந்தைகளின் உலகினில் அரங்கேறுகின்றன! சிம்பிளான நடையில், லயன் மினி இவற்றை சித்தரிக்கப் போகின்றது! ப்ரெஞ்சில் ரொம்பவே கவனத்தை ஈர்த்துள்ள சிறார் தொடரிது!

டைட்டானிக் தாத்தா & க்யூட் பேத்தி;

லோகத்தில் சதாநேரமும் குட்டிப் பசங்களைப் பார்த்துக் கொண்டும், மகிழ்வித்துக் கொண்டும் இருக்க ஒற்றையாளாய் கடவுளுக்கு முடியாதென்பதாலோ என்னவோ- தாத்தாக்களை அவர் படைத்து வைத்தார்! And பிறவியின் பயனே பேரப் பிள்ளைகளை புன்சிரிப்புகளோடு ஜீவிக்கச் செய்வதே என்று அந்தத் தாத்தாக்கள் இன்றளவிற்கு, உலகெங்கும் இயங்கி வருகிறார்கள்! அப்படிப்பட்டதொரு அழகான டைட்டானிக் தாத்தா & க்யூட் பேத்தியின் அட்வென்சர்களே இந்தக் குட்டிக் கதைகள்! "ஸ்கூலுக்கு லேட்டாச்சு தாத்தா.. காரை விரட்டுங்கள்'' என்று பேத்தியார் உத்தரவிட, ப்ரேக்கே இல்லாத காரையும் ஓட்டிக்கினு தாத்தா பறக்கிறார்! எ­லிசபெத் ராணிக்கு நோ சொல்லி­டலாம் - ஆனால், பேத்திகளுக்கு "நோ'' சொல்லவாவது முடியுமா? அழகான சித்திரங்களில், அழகான கலரில், அழகான மினி சாகஸங்கள்!

And ஹ்க்க்ம்ம்ம்.. 

மாயாஜால மன்னன் மாண்ட்ரேக்:

இந்தத் தேர்வின் பின்னுள்ள எனது லாஜிக்கைச் சொல்லி ­ விடுகிறேன் guys!அப்புறமாய் பாட்டா சப்பல்ஸுக்கு வேலை தரணுமா? வேணாமா? என்பதைத் தீர்மானித்துக் கொள்ளுங்கள்!

மாயாஜாலம்! பால்யங்களில் ரொம்பவே ஈர்த்திடும் ஒரு சமாச்சாரம்! பெருசாய் லாஜிக் பற்றியெல்லாம் யோசிக்காமல், அந்த நொடியின் உற்சாகங்களை உணர்ந்திடும் பால்ய வாசகர்களை சன்னமாய் நமது main stream காமிக்ஸ் உலகினுள்ளும் ஈர்த்திடுவதே நமது long term goal! So சுலபமாய், நேர்கோட்டில், வன்முறைத் தாண்டவங்களின்றி, பிள்ளைகளுக்கு fantasy கலந்து  கதைகள் சொல்லி­ட, மாண்ட்ரேக்கின் imaginative களங்கள் நல்லதொரு சாய்ஸ் என்று மனசுக்குப் பட்டது! கரெண்ட் கம்பியைப் பிடித்துத் தொங்கி அரூபமாகிய மாயாவியாரை நாம் ரசித்தது பால்யங்களில் தானே? நியூயார்க் நகரையே கயிற்றால் கட்டி இழுத்துப் போக முற்பட்ட ஸ்பைடரை நாம் ரசித்ததும் அதே பால்யங்களில் தானே? கப்பலையே தூக்கிப் பந்தாடும் இரும்பு மனிதன் ஆர்ச்சியைக் கண்டு நாம் ஆர்ப்பரித்ததும் அதே பால்யத்தில் தானே?So மாண்ட்ரேக் அதே வியப்பை அடுத்த தலைமுறைக்கு சிம்பிளான கதைகள் மூலம் pass on செய்கிறாரா? என்று பார்ப்போமே? கவனமாய் தேர்வு செய்த இரண்டு கதைகளையே இதற்கென shortlist செய்துள்ளோம்! Finger crossed- இவையுமே GEN Z-க்கு மெருகூட்டுமென்று!

Of course மாண்ட்ரேக் கதைகளின் க்ளாஸிக் ரசிகர்கள் கண்சிவக்கக் கூடும் தான் - எங்காளை இப்படி குழந்தைகள் ரேஞ்சுக்கு இட்டுப் போயிட்டியே படுபாவின்னு?! But மற்ற நாயகர்களிடம் இல்லாத சில ப்ளஸ்கள் நமது மாயாஜால மன்னரிடம் இருப்பதால் மட்டுமே அவரைத் தேர்வு செய்துள்ளேன் என்பதை சற்றைக்கெல்லாம் புரிந்து கொள்வார்களென்ற நம்பிக்கை எனக்குள்ளது!

So இது தான் GEN Z திட்டமிடல்! இதற்கும் சந்தா செலுத்தும் பட்சத்தில்:

*ஒவ்வொரு மாதமும் உங்களது கூரியர் டப்பிகளுக்குள் பிள்ளைகளுக்கான GEN Z இதழ்கள், சின்னதொரு கவரில் வைக்கப்பட்டு அவர்களது பெயர் போட்டே பயணமாகிடும்!

*So ஒவ்வொரு மாதமும் உங்களது கூரியர் புக்ஸ்களைப் பார்க்க டப்பிகளைப் பிரிக்கிறீர்களோ- இல்லையோ- பசங்களுக்காகப் பிரிக்க வேண்டி வரும்! Or maybe மொத்தத்தையும் அவர்களே பிரித்து விட்டு உங்கள் ஐட்டங்களை வைத்து விட்டுப் போகவும் கூடும் !

*மாதம்தோறும் பிள்ளைகள்  தமிழில் வாசிப்பதை நாம் ரசிக்கவும், காமிக்ஸ்களின் flavor-களை சிறுகச் சிறுக உணர்ந்திடச் செய்யவும் இந்தப் புது முயற்சி உதவினால் சூப்பர்! ஏற்கனவே "கதை சொல்லும் காமிக்ஸ்" என்று முயற்சித்தோம் தான் - ஆனால் அவற்றை நம்ம வளர்ந்த குழந்தைகளே பிரதானமாய் கையில் எடுக்க நேர்ந்ததால் didn't quite take off !! இந்தவாட்டி பார்ப்போமே ?

*For a change பிள்ளைகள் படித்துவிட்டு நமக்குக் கதை சொல்லட்டுமே- அந்த சந்தோஷத்தையும் அனுபவித்து தான் பார்ப்போமே?

அப்புறம் GEN Z-ன் target audience நீங்கள் அல்ல எனும் போது, இதுக்கோசரம் அலசல்களில்  மெனக்கெட வாணாமே ப்ளீஸ்? பிள்ளைகளின் கருத்தறிவதற்காக ஒரு பிரத்தியேக Insta பக்கத்தைத் துவக்கி, அவர்களோடு நேரடியாய் interact செய்திட விழைவோம்! So 'இதில் உப்பு கம்மி, இங்கே காரம் தூக்கல்; இந்தாள் டுப்பாக்கியே தூக்க மாட்டேன்கிறானே? இந்தப் பாப்பா ஏன் ஹோம்ஒர்க் பண்ணலை?'' என்ற ரீதியிலான விசனங்களின்றி, இதனை பிள்ளைகளின் களமாக்கிடுவோமே? 

And yes, of course  -Tom & Jerry போடலாமே? டிஸ்னி கதைகளைப் போடலாமே? Scooby Doo ?? என்ற ரீதியிலான மகா ரோசனைகள் இங்கே கிட்டிடும் என்பதையும் யூகிக்க முடிகிறது! ஆனால், அந்த அமெரிக்க ஜாம்பவான்களை நமது துக்கடா சர்குலேஷன்களோடு எட்டிப் பிடிக்க வாய்ப்பில்ல ராஜா ! என்பதே bottomline !! இதோ - "ஜட்டி போட்ட ஓநாய்'' தொடருக்கான உரிமைகளைப் பெற்றிடவே நான் July முதலாய் உருளும் உருளு என்னவென்பதை நான் மட்டுமே அறிவேன்! ட்ரம்பாரின் தேசத்தில் பல தருணங்களில் நம்பர்களே முன்னுரிமை பெற்றிடுகின்றன! சமீபத்தில் கூட ஒரு டிடெக்டிவ் தொடருக்கு உரிமைகள் கோரி ஒரு பெரிய அமெரிக்கப் பதிப்பகத்திடம் முட்டி, மோதிப் பார்த்தாச்சு - "ப்ச்ச்.. எங்க டைரக்டர்கள் சம்மதிக்க மாட்டேன்கிறாங்க!!'' என்று கையை விரித்து விட்டார்கள்! இத்தனைக்கும் நாம் தந்திருந்த offer நமது சக்திகளுக்கு மீறியது! So சாத்தியமாகிடும் junior களங்களைக் கொண்டு முயற்சியினைத் துவக்கியுள்ளோம்! இந்த முயற்சி ஹிட்டாகிடும் பட்சத்தில் we'll definitely grow on the way! That's a promise!

ரைட்டு.. இப்போவே கேரா இருந்தாலும், ஒரே மட்டில் மீதப் பகுதியையும் எழுதி விடுகிறேனே! 

சோதியமும் ஞானே.. உத்தரமும் ஞானே..!

1.டைலன் டாக் எங்கேப்பா போனாரு ?? அவருக்கு என் ஸ்லாட் இல்லே ?? தலீவரோட வேப்பிலைப் போராட்டத்த பாக்கணும்னு ஆசையா ??

சமீப ஆண்டுகளில் டைலனின் graph உசக்கே ஏறிக் கொண்டிருப்பதை மறுக்கவே இயலாது! அதவும் கலரில் வந்த டைலன் சிறுகதைகள் புத்தகவிழாக்களில் பசங்களது favorite! And ஹாரர் கதைகள் கேட்டு வரும் புது வாசர்களுக்கும் டைலன் அடைக்கலம் தந்துவிடுகிறார் என்பதால், டைலனுக்கு ஒரு slot confirm. ஆனால் நடப்பாண்டில் சேலம் புத்தக விழா ஸ்பெஷலாக கலர் டைலனின் THE GOOD , THE BAD & THE UGLY வருவதாகத் திட்டமிடல் இருந்தது ! So அதெற்கென அட்டைப்படமெல்லாம் அச்சிட்டாச்சு ! பச்சே, "சாம்பலின் சங்கீதம்" சேலத்துக்கு ரிலீஸ் ஆகிடக்கூடும் எனும் போது டைலனின் அந்தத் கலர் ஆல்பமானது சென்னைப் புத்தக விழா'26 ஸ்பெஷல்களின் கூட்டணியில் ஐக்கியமாகிறது ! ஆக, ரெகுலர் அட்டவணையில் இடம் ஒதுக்காட்டியுமே, ஜனவரி 26-ல் நம்ம அமானுஷ்யத் துப்பறிவாளர் பிரெஷாக ஆஜராகியிருப்பார் !   

2. புதுசாய் ஒரு தொடர் கலரில் வருது.. பாகம் பாகமாய்! "தங்கத் தடம்.. செப்புக் குடம்னு'' எங்களை பெயர் வைக்கக் கூட கேட்டியே நைனா..? அது எங்கே காணோம்?

வேற ஒண்ணுமில்லீங்க சேட்டா... படைப்பாளிகள் முதல் மூன்று பாகங்களை சீரான இடைவெளிகளில் வெளியிட்ட பிற்பாடு, ஐரோப்பிய சம்மரில் சற்றே ப்ரேக் விட்டுள்ளனர்! So இன்னும் கொஞ்சமாய் அவர்கள் ஆல்பங்களை ரிலீஸ் பண்ணும் வரைக் காத்திருந்துவிட்டு, அப்புறமாய் தொற்றிக் கொள்ளலாமே என்று நினைனத்தேன்! உரிமைகள் வாங்கியாச்சு; but இங்கே ரொம்ப ஆறப் போடும் அவசியங்களின்றி பாகங்கள் ஒரு சீராய் ரெடியாகிடட்டுமே  என்பதற்காக மட்டுமே வெயிட்டிங்!

3.விஷம்?

Ms.P.சுகன்யா நிதானமாய் பேனா பிடித்து வர, அத்தியாயம் 4 முற்றுப் பெறும் தருவாயில் உள்ளது! இன்னும் ஒரு அத்தியாயம் அதன் பின்னே உள்ளது ! மொத்தமாய் முடித்த பிற்பாடு ; "சாம்பலி­ன் சங்கீதம்'' ரிலீஸும் பூர்த்தி கண்ட பிற்பாடு Project விஷம் தான் அடுத்து!

4..வாட்சப் கம்யூனிட்டியில் ஒண்ண கேட்கிறே.. நாங்களும்  ஒரு பதிலை சொல்லுறோம்.. நீயோ மூணாவதா ஒரு காரியத்தைப் பண்ணி வைக்கிறே? லூசாப்பா நீ?

அது ஒண்ணுமில்லீங்கணா... நவராத்திரிக்கு கொலு பொம்மைகளை வாங்க கடைக்குப் போறப்போ- மொத்தமா பார்க்கிறச்சே, "அட.. இது சூப்பரா கீதே?!'' என்று வாங்கியாந்திடறோம்! ஆனால், வீட்டாண்ட வந்து மற்ற பொம்மைகளோட சேர்த்து அடுக்கிப் பார்க்கிறப்போ, ஏதோ லைட்டா குறை இருப்பது போல் தெரிஞ்சா, புது பொம்மையாவே இருந்தாலுமே, அதைப் பின்வரிசையிலே அடுக்குறது உண்டு தானே? This is just about the same! தனியாய்- ஒற்றை இதழ் பற்றியோ; ஒற்றை நாயகர் பற்றியோ one-off கேள்வியாக எழுப்பும் போது, நீங்களும் in good faith பதில் சொல்லுகிறீர்கள்! அதன்படி நானுமே ஒரு draft அட்டவணை போட்டுப் பார்க்கத் தான் செய்கிறேன்! But ஒட்டுமொத்த package-ஆகப் பார்க்கும் போது, ஏதேதோ காரணங்களால் சில தீர்மானங்களை மாற்றியமைக்க அவசியமாகிப் போகின்றன! So அண்டர்டேக்கருக்குப் பதிலாக ஸ்டெர்ன்; பௌன்சருக்குப் பதிலாக இளம் டைகர்; என்ற ரீதியில் சில decisions! Sorry folks !!

5. இந்த வருஷமும் கார்ட்டூனுக்கு அரோகரா தானா?

நான் என்ன தான் பண்ணுவேன் guys ? ரொம்பக் குழந்தைத்தனம் என்று பென்னி, ஸ்மர்ஃப், ­லியனார்டோ தாத்தாவை ஓரம் கட்டினோம்! ரைட்டு.. சற்றே mature களத்தில் மேக் & ஜாக்கை கூட்டியாந்தோம்! ஊஹும்.. இது 1920-ல் நடக்கிற அரதப் பழசா கீதே என்றீர்கள்! விடாப்பிடியாய் சமகால டிடெக்டிவ்ஸ் ஸ்பூன் & ஒயிட்டை இழுத்து வந்தோம்! But பிடரியோடு போட்டு அவர்களையும் மூட்டை கட்டச் சொல்லிவிட்டீர்கள்! So இருக்கும் மூன்று சிரிப்புப் பார்ட்டீஸோடு முடித்துக் கொள்ள வேண்டியது தான் போலும்; மேற்கொண்டு இந்த ஜான்ராவுக்கென வலைவீசித் தேட திராணி நஹி!

On the flipside - ஜூனியர்களுக்கென நாம் முயற்சிக்க எண்ணியுள்ள நாயகர்கள் (மாண்ட்ரேக் நீங்கலாக) கார்ட்டூன் பார்ட்டீஸ் தான் ! So அங்கே க்ளிக் ஆகிடும் பட்சத்தில் நமது கார்ட்டூன் strength சற்றே மேம்படலாம் !!

அப்டின்னு எழுதிட்டு இங்கேயும் பேனாவைக் கீழே சித்தே கிடத்தினேன் !! விடாமுயற்சியாய் கார்ட்டூனுக்குக் கொடி பிடித்து வரும் நண்பர்களின் அலுத்துப் போன முகங்கள் மனக்கண்ணில் வந்து வந்து போயின ! அதுவும் துளி கூட அயர்ச்சியைக் காட்டிக் கொள்ளாது தொடர்ந்து கார்ட்டூனுக்கென கோரிக்கைகளை முன்வைத்துக் கொண்டே இருக்கும் நண்பர் சங்கர் செல்லப்பனை ஒரு கணம் நினைத்துப் பார்த்த போது மனசு கேட்கலை !! ரைட்டு...சந்தாவில் போட்டா தானே மக்களின் பெரும்பான்மை சிரிப்புப் பார்ட்டிகளை reject என்று கழுத்தைப் பிடித்து வெளியே தள்ளுறாங்கோ ? மாறாக - ஏதேனுமொரு புத்தக விழா ஸ்பெஷலாகப் போட்டால் யாருக்கும் நோவுகள் லேது தானே ? என்று பட்டது ! சரி, அந்த புத்தக விழா ஸ்பெஷல் ஜனவரியின் சென்னையாகவே இருந்துப்புட்டா இன்னும் சுளுவாச்சே ? என்ற ரீதியில் சக்கரங்கள் மண்டைக்குள் சுழன்றன !! அப்புறமென்ன ? அறிமுகம் காண்கிறார் ஒரு வித்தியாசமான சிரிப்புப் பார்ட்டி : பால்கனி ரோமியோ !! இந்த மனுஷனின் ஆயுட்கால லட்சியமே எதிர்வீட்டில் குடியிருக்கும் தனது லவ்ஸ் ஜூலியட்டின் நைனாவையும் மீறி அம்மணியின் உதட்டில் ஒரு உம்மாச்சியைப் பதிப்பதே !! இது நெடுங்கதை அல்ல ; சிற்சிறு சிரிப்புத் தோரணங்களே ! ஆனால் ஜாலியாய் ; படிக்க செம smooth ஆக உள்ளன ! So இந்த விடாமுயற்சிக் காதலன் ஜனவரி '26 -ல் ஆஜராகிடுவார் !! ஹேப்பியா கார்ட்டூன் காதலர்களே ?

And இந்த ரெண்டில் ஏதேனும் ஒரு தலைப்பை மட்டும் செலெக்ட் பண்ணுங்களேன் - ப்ளீஸ் ?

"ரிஸ்க் எடுப்பான் ரோமியோ"

or 

"லட்சியமே லிப்லாக்" 

கூடுதலாய் ஒரு தகவலுமே : இனி வரும் ஒவ்வொரு சென்னைப் புத்தக விழாவிலும், ஏதேனுமொரு கார்ட்டூன் நாயகர் இடம் பிடித்திடுவார் ! ரெகுலர் தடத்திலிருந்து கல்தா தரப்பட்டவராகவே இருந்தாலும், Book fair ஸ்பெஷல் கோட்டாவில் அவர் உட்புகுந்திடுவார் ! 

6.XIII எங்கேப்பா- காணோம்?

ஏற்கனவே சொல்­லியுள்ள விஷயம் தான் ; XIII தொடரின் பிற்பகுதியிலாவது மொழிபெயர்ப்பு சார்ந்த பிழைகளின்றி வண்டியை ஓட்ட விழைகிறேன்! துவக்க ஆல்பங்களில் French to இங்கிலீஷில் சில பிழைகளும், கதையின் ஓட்டத்தை / இங்கிலீஷ் ஸ்க்ரிப்டை சரிவரப் புரிந்து கொள்ள இயலாமையால் தமிழாக்கத்தில் சில பிழைகளும் புகுந்திருப்பதை மறுக்க மாட்டேன்! இரண்டாம் சுற்றிலாவது இது போலான பிசகுகள் நேரலாகாதே என்று ரொம்பவே மெனெக்கெட்டு வருகிறோம் ! And அதற்கென எனக்கு உதவிடுவது Cinebook-ன் ஆங்கிலப் பதிப்புகள் தான்! XIII தொடரை மட்டுமாவது Cinebook-ன் வாலைப் பிடித்தபடியே கையாள்வதே சாலச் சிறந்ததென்று சில வருஷங்களாகவே கருதி வருகிறேன்! அதற்கேற்ப XIII தொடரின் லேட்டஸ்ட் ஆல்பமான # 27-ஐ Cinebook நடப்பாண்டின் இறுதியில் தான் வெளியிடவுள்ளனர் ! So அந்த english ஸ்க்ரிப்ட் புத்தாண்டில் தான் நமக்குக் கைக்கு வந்து சேரும் ஆகையால், 2027-ல் அத்தியாயம் 27 என்று தீர்மானித்தேன்!

7.வேதாளரைக் காணோம்?

க்ளாஸிக் நாயகர்களை ரெகுலர் தடத்தினில் இனி கொணரப் போவதில்லை என்று தீர்மானித்துள்ளோம்! அவர்களுக்கென ஒரு தீவிர வட்டம் இருந்தாலும், ரெகுலர் தட வருகைகளால் தேவையற்ற விசனங்களையும், விமர்சனங்களையும் சந்திக்க நேர்கிறது! So தனித்தடம்; புத்தகவிழா ஸ்பெஷல்ஸ் என்ற ஸ்லாட்களே இனி க்ளாஸிக் பார்ட்டீஸின் ஜாகைகளாக இருந்திடும்! Ditto for reprints too !!

8.தாத்தாக்களை இந்தவாட்டியும் காணோமே?

தாத்தாக்களின் ஆல்பம்  # 5 மட்டுமன்றி, மேகி கேரிஸனின் இறுதி ஆல்பமும் கைவசம் ரெடி! So 2026 மே மாதத்தினில் இருவரையுமே for sure எதிர்பார்க்கலாம் folks - ஆன்லைன் மேளாவினில்! முழுக்கவே crisp வாசிப்புகள் & அழுத்தம் தரா கதைக்களங்கள் என ரெகுலர் தட புக்ஸ் இருந்திடவுள்ளன எனும் போது, heavy ஆன தாத்தாக்களை இங்கே உட்புகுத்தத் தோன்றவில்லை!

9.FATHER'S DAY ஸ்பெஷல் 2025-ல் வந்துச்சு! 2026-ல் கெடயாதா?

உறவுகளை சிறப்பிக்கும் பழக்கம் ஆண்டுதோறும் இனி தொடர்ந்திடும்! இம்முறை வேறொரு உறவை! அழகாயொரு கதையும் ரெடி... திட்டமிடலும் ரெடி...! உரிய சந்தர்ப்பத்தில் சொல்கிறேன்!

10.புதுசா வேற என்னவும் வெயிட்டிங்கா?

இன்னும் இரண்டு ஆக்ஷன் தொடர்களுக்குத் துண்டை விரிச்சு வைத்து மாதங்கள் இரண்டாச்சு! அவர்கள் எப்போதுமே சாவகாசமாய் பதில் சொல்லும் பழக்கம் கொண்டோர் என்பதால் இப்போது வரைக்கும் அதனில் முன்னேற்றமில்லை! And தோர்கல் Saga கதையினை நுழைப்பதென்று கடைசி நிமிடத்தில் தீர்மானித்த பிற்பாடு, புதியவர்களுக்கான பட்ஜெட்டும் அடிவாங்கி விட்டது! So அவசரப்படுத்த வாணாம்; அவர்களாகவே சொல்லட்டுமென்று சற்றே ஃப்ரீயாக விட்டுவிட்டேன்! Maybe 2027-ன் புதுவரவுப் பட்டியலி­ல் அவர்கள் இடம்பிடிக்கக் கூடும்!

11.SODA ; கமான்சே; Lady S......all பூட்ட கேஸ்கள் தானா?

கமான்சே ஒருவருக்கு மட்டும் கணிசமாகவே வாய்ப்புகள் தந்திருந்தோம் தான் ; அப்புறமும் சோபிக்கவில்லை என்ற போது, ஒதுங்கிக் கொண்டோம்! ஆனால், SODA & Lady S தலா மூன்றோ- நான்கோ வாய்ப்புகளோடு பரணுக்குப் பார்சலாகிவிட்டனர்! இவர்களாவது தேவலாம் போலும்- இதோ ஸ்பூன் & ஒயிட் இரண்டே ஆல்பங்களோடு pack up! இன்றைய ரீல்ஸ் & ஷார்ட்ஸ் லோகத்தில்- வந்தால் முதற்பந்திலி­ருந்தே அபிஷேக் ஷர்மாவைப் போல சிக்ஸர் அடித்தாக வேணும் போலும் ! நாலு பந்துக்குக் கட்டையைப் போட்டுவிட்டு ஆடலாமென்று எண்ணுவோருக்கு வாசல் கதவு நொடியில் காட்டப்படுகிறது! துரதிர்ஷ்டவசமான நிஜம் இது தான்! Add ஏஜெண்ட் சிஸ்கோ; CIA ஏஜெண்ட் ஆல்ஃபா to the list!!

ரைட்டு.. இதுக்கு மேலும் நான் எழுதிக் கொண்டே போனால் நீங்கள் பாவம்!! So கிட்டத்தட்ட 5 மாதங்களாய் மண்டைக்குள் போட்ட அசைகளை "ஏக் தம்மில்'' இறக்கி வைத்த திருப்தியில் நடையைக் கட்டுகிறேன்! Of course - கொத்தனார் கட்டும் மச்சி வீடு கூட அவருக்கு தாஜ் மஹாலாகவும்,புர்ஜ் கலீபாவாகவும் தெரியும் தான்! And அடியேனும் no different! "பின்னிட்டேடா மாப்ள..'' என்று எனக்கு நானே சால்வை போர்த்திக் கொண்டிருக்கும் நொடியில், பதம் தப்பிய மைசூர்பாகை வாயில் போட்டுவிட்டு முழிக்கும் நிலையில் நீங்கள் இருக்கலாம் என்பதும் புரியாதில்லை! எது எப்படியோ- டெம்போல்லாம் வச்சுக் கடத்திப் பண்ணியுள்ள மைசூர்பா இது..! பார்த்து நல்லதா ஒரு தீர்ப்பைச் சொல்­லிப் போடுங்க நாட்டாமைஸ் !

கிளம்பும் முன்பாய் இங்கு எனது வியப்பினையும்  பகிர்ந்து கொள்கிறேனே folks ? என்றோ ஒரு பால்ய வயதில் துவங்கிய பொம்ம புக் நேசம் தான் !! நடுவாக்கில் நாம கடையை மூடி விட்டுக் கிளம்பிய சமயங்களில் அந்த நேசம் வீரியமானதொரு தேடலாய் உருமாறி இருந்தது தான் ! And மறுவருகைக்குப் பின்பாய், புதுசாய் ஒரு பரிமாணத்தில் நமது இதழ்களையும், புதுப் புது வரவுகளையும் கண்டு களிப்புற்று ஆர்ப்பரித்ததும் மெய்யே ! But கிட்டத்தட்ட 13 ஆண்டுகள் into the second innings - நம் அனைவருக்குமே அகவைகளும், குடும்பப் பொறுப்புகளும், ஓட்டங்களும் கூடிப் போயிருப்பதில் no secrets too ! And இந்தக் கடைசிப் பத்தாண்டுகளில் நம்மைச் சுற்றி நிற்கும் பொழுதுபோக்குச் சமாச்சாரங்கள் ஓராயிரம் மடங்கு விஸ்வரூபமெடுத்திருப்பதும் யதார்த்தம் ! Yet - இந்த அட்டவணை ரிலீஸை ஒரு தேர் திருவிழா போல் கொண்டாடிடும் உங்களின்  உற்சாகங்களையும், உத்வேகங்களையும் பார்க்கும் போது மெய்யாலுமே வயிற்றில் பட்டாம்பூச்சிகள்  நடனம் ஆடுவது போலுள்ளது folks !! இதனில் பங்கேற்கும் யாருமே, பொழுதுபோக்குக்கு மார்க்கங்கள் தேடிடும் பாலகர்களும் நஹி ! ஒவ்வொருத்தருமே வாழ்க்கையின் வெவ்வேறு நிலைகளில் பிஸியாய் இருப்போர் & வெளியாகும் புக்ஸ்களை முழுமையாய் வாசிக்கவே நேரத்தைத் தேடி நிற்போரே !! ஆனால் இன்னமும் இந்த நொடியினைக் கொண்டாடிட நீங்கள் காட்டி வரும் அசாத்திய ஆர்வங்கள் simply mind blowing folks !! அதற்கொரு பெரும் நன்றி சொல்லாது நான் கடந்து போகிடவே முடியாது !!

ரைட்டு... நன்றி சொல்லும் படலத்தினை அப்படியே ஆழப்படுத்திடுவோமா ?ஒரு நெடும் பயணத்தின் லேட்டஸ்ட் அத்தியாயத்தினை உங்கள் முன் சமர்ப்பிக்கக் கிடைத்துள்ள இந்த வாய்ப்புக்குப் பெரும் தேவன் மனிடோவுக்கு நமது நன்றிகள் என்றென்றும் உரித்தாகுக! அப்புறம் வத்தலாகவோ, தொற்றலாகவோ - உங்கள் வீட்டுப் பிள்ளை சுவற்றில் வரைந்து வைக்கும் சித்திரங்களை புன்னகையோடு பாராட்டும் அதே பெருந்தன்மையோடு சற்றும் அன்பு குறையா வாசகர்களாய் தொடர்ந்திடும் உங்கள் ஒவ்வொருவருக்குமே எங்களது ஆயுட்கால நன்றிகளும், வணக்கங்களும் உரித்தாகட்டும்! You have been a dream audience all along the way folks...and you never cease to amaze me ! 

இதோ- நான்கு நாட்களுக்கு முன்னே சென்னை சென்ட்ரல் ஸ்டேஷனில் ராத்திரி 11.30க்கு ஊருக்குத் திரும்ப ரயிலைப் பிடிக்க கொட்டாவியோடு நின்று கொண்டிருந்த கணத்தில் "விஜயன் சார்!'' என்றபடியே வந்து கையைப் பிடித்துக் கொண்ட மதுரை வக்கீல் நண்பரின் முகத்திலும், பேச்சிலும் இழையோடிய கலப்படமில்லா நேசத்தை உணர முடிந்த போது, உள்ளுக்குள் லைட்டாக அடைத்தது! நண்பர்களை அடையாளம் தெரியாமல் நான் பேந்தப் பேந்த முழிப்பதும், அவர்கள் என்னை இனம் கண்டு நட்புப் பாராட்டுவதும் இது முதல் முறையே அல்ல தான்! Yet ஒவ்வொரு முறையும் உணர முடிகின்ற அந்த அன்பும், வாஞ்சையும் எனது ஆயுட்கால வரங்கள் என்பேன்! Truly Blessed & இந்த வரங்களுக்கு அருகதையுடையவனாய்த் தொடர்ந்திட ஆண்டவன் அருள்புரிவாராக! 

ஒரு பெரும் பரீட்சை எழுதி முடித்த கையோடு, நடையைக் கட்டுகிறேன் !! வாங்கப் போகும் மார்க்குகள் எவ்வளவோ ? என்றறிய நெஞ்சம் அடிச்சிங்ஸ் !! And of course - மார்க் போடுவது மாத்திரமன்றி, இந்தப் பயணத்தினை சாத்தியமாக்கி வரும் சந்தாக்கள் எனும் உந்துகோல்களை எப்போதும் போலவே ஆர்வமாய், அரவாரமாய் நல்கிடக் கோரி கரம் கூப்பி நிற்கிறோம் !! Please do chip in folks !! 

Bye all.. See you around! Have a great weekend....!! 

Questions பின்குறிப்பு:

1.பதிவை "ஏக் தம்மில்'' வாசிக்க எடுத்துக் கொண்ட நேரம் எவ்வளவோ?

2.பதிவைப் படித்து முடித்த முதல் நொடியில் உங்கள் ரியாக்ஷன் என்னவோ?

a) Oh wow b) Good job c) Ok job

3. பதிவு உங்கள் எதிர்பார்ப்பைப் பூர்த்தி செய்ததா?

4.On a scale of ten - இந்த அட்டவணைக்கு நீங்கள் போடக் கூடிய மார்க்குகள் என்னவோ folks?

5.அலசல்களுக்குள் புகும் முன்பாய் ஒற்றை வார்த்தையில் ஒரு summary ப்ளீஸ்?