கேள்விகள் ஒரு தொடர்கதையே...!

 நண்பர்களே,

வணக்கம்! இன்னொரு வாரயிறுதி.. இன்னொரு பதிவு.. இன்னுமொரு upcoming release பற்றிய ப்ரிவியூ படலம்! ஆனால் this is a moment with a difference, becos இது எது போலவும் அல்லாததொரு மைல்கல் இதழுக்கான தருணம் !!

பயணம்! Manu Larcenet என்ற ஜாம்பவானின் இருண்டதொரு கிராபிக் நாவல்! அவ்வப்போது, இது குறித்த தகவல்களை நானும் பகிர்ந்துள்ளேன் தான்; நண்பர்களும் க்ரூப்களில் பதிவு செய்துள்ளனர் தான்! நம்மில் ஒரு சிலர் இந்த ப்ரெஞ்சு ஆக்கத்தின் இங்கிலீஷ் வார்ப்பினை ரசிக்கவும் செய்துள்ளனர்! But trust me guys- தமிழில் நமக்குக் காத்திருக்கும் அனுபவமானது மெர்சலூட்டத் தவறவே செய்யாதென்பது எனது நம்பிக்கை!

152 பக்கங்கள்! இந்த மொத்தப் பக்கங்களுக்கும் அவசியமாகிட்ட வசனங்கள் ஒரு ரெகுலர் ரிப்போர்டர் ஜானி கதைக்குத் தேவையாகிடுவதில் பாதி தானிருக்கும்! So அந்த வித்தியாசமான சித்திர ஜாலங்களை ரசிப்பதே இங்கு பிரதானப் பொறுப்பாக இருந்திடக்கூடும்! And அங்கு தான் காத்துள்ள MEGAAAA சைஸின் ஆற்றல் ஒரு மிடறு கூடுதல் வீரியத்துடன் புலப்படவுள்ளது என்பேன்!

நிறையவாட்டி சொன்ன அதே விஷயம் தான் - இந்த சைஸின் பின்னணியிலுமே! ஏதாச்சும் குரங்குக் கூத்தடித்தாவது, உங்கள் புருவங்களை அவ்வப்போது உயரச் செய்ய முயல்வது தான் ஆந்தையனின் பிரதம இலட்சியம்! ஏதாச்சும் புதுசாய் ஒரு நாயகரையோ/ தொடரையோ தேடி நான் இன்னமும் ஓடுவது அதற்காகவே! எதோ ஒரு விதத்தில் வித்தியாசப்பட்டு நிற்கும் கதைகளா? "ஆவோ.. ஜி ஆவோ ஜி..." என்று வாஞ்சையாய் நான் அவற்றை வரவேற்றிட முனைவதும் அதற்காகவே! So இந்தப் "பயணம்'' கிராபிக் நாவ­லின் அறிவிப்பைச் செய்த போது, "அடடே..!' என்று நீங்கள் ஸ்லாகித்த போது, ஒரு பவன்டோவை சுர்ரென்று குடித்த மகிழ்வு கிட்டியது! ஆனால், அது போதாது - அதே பவன்டோவை ப்ரிட்ஜில் வைத்து இன்னும் செமயாக்கி ரசித்தாலென்ன என்று யோசித்த தருணத்தில் எழுந்தது தான் இந்த ராட்சஸ சைஸ் தீர்மானம் ! சித்திரங்கள் தான் இங்கே show stoppers எனும் போது, அவற்றை ரசிக்க ஏதுவாய் இதுவரையிலும் அல்லாததொரு பெரிய சைஸை போட்டுத் தாக்கினால் சர்வநிச்சயமாய் உங்களது புருவங்கள் விட்டத்தைத் தொட்டு நிற்குமென்று பட்டது! நமக்குத் தான் ஏதாச்சும் புதுசாய் மண்டைக்குள் உதயமாகி விட்டால் "ஆட்றா ராமா.. ஆட்றா ராமா'' என்ற நமைச்சலும் கைகோர்த்து விடுமே?! So மெகா சைஸ் ; Coffee table புத்தக சைஸ் என்று அறிவிப்புக்கு நகாசு பண்ணி விட்டாச்சு!

But trust me when I say this folks - புத்தகத்தைக் கையில் நீங்கள் ஏந்தவுள்ள நொடியினில் கிட்டவுள்ள அனுபவத்திற்கு, இந்த பில்டப் படலங்களெல்லாம் எத்தனை முயன்றாலும் நியாயம் செய்யச் சாத்தியமே ஆகிடாது! மாதந்தோறும் அச்சுக்குச் செல்லும் போது முதல் ஷீட்டை கலர் இதழ்களில் மட்டுமே நான் பார்வையிடுவது வாடிக்கை ; black & white இதழ்களுக்கெல்லாம் பக்க நம்பர் வரிசைக்கிரமமாய் சரியாக வருகிறதா? என்பதைச் சரிபார்த்த கையோடு மைதீனே அச்சுக்கு approval தந்திடுவதுண்டு! ஆனால், இந்த மெகா சைஸ் b&w இதழின் பிரிண்டிங் நான் பார்த்திடாமல் நடந்திடக் கூடாதென்று சொல்லியிருந்தேன்! So மூன்று நாட்களுக்கு முன்னே பேங்க்கிற்கு ஒரு வேலையாகச் சென்றிருந்த காலைப் பொழுதில் "அண்ணாச்சி தாளை எங்கே கொண்டு வரட்டும்?'' என்று ஃபோன் அடிக்க, "பேங்கிற்கே வந்திடு மைதீன்' என்றிருந்தேன்! அடுத்த ஐந்தாவது நிமிடத்தில் பயணத்தின் முதல் அச்சான தாளோடு பேங்க் வாசலில் மைதீன் நின்று கொண்டிருந்தான்!

Oh yes - நான் பார்த்திடும் ஆயிரத்துச் சொச்சமாவது இதழின் தயாரிப்பே இது! Of course- 41 ஆண்டுகளாய் இதே routine-க்குள் ஷண்டிங் அடித்து வருகிறேன் தான்! ஆனாலும், இந்த ராட்சஸ சைஸ் பதிப்பினை நேரில் பார்த்த நொடியில் மிரண்டே போய்விட்டேன்! நம்மள்லாம் சுனாமியிலேயே சுவிம்மிங்க போடற எருமைக்கடாக்கள் ஆச்சே! என்று நினைத்திருந்த எனக்கு - பேங்க் வாச­லில் வாயடைத்துப் போய் நின்ற அந்த நொடி அத்தனை சீக்கிரத்திற்குள் மறக்கவே மறக்காது! So இந்தமுறை "பயணம்'' கூரியர் டப்பிகளைத் திறக்கும் நொடிகளை மறவாது உங்களது செல்பிக்களோடு சிறப்பித்திடலாம் folks - சர்வ நிச்சயமாய் இதுவொரு மேஜிக் தருணமாக இருந்திடவுள்ளது ! சகல அச்சுப் பணிகளும் முடிந்தன; அட்டைப்படமும் நகாசு வேலைகள் பூர்த்தி கண்டு பைண்டிங் போயாச்சு! Hopefully அடுத்த வார வெள்ளிக்கு despatch அமைந்திட வேணும் & அடுத்த வாரம் இதே தருணத்தில் நமது பதிவுப் பயணத்தின் நாயகனாக கி.நா."பயணம்'' அமைந்திட வேணும்! ஜெய் பைண்டிங் பாகுபலி­!!! Fingers Crossed big time!!

Moving on ஜுலை சார்ந்த முன்னோட்டங்களுக்கு இது தருணமாகிடாது, becos ஜுனின் 2 இதழ்களும் இந்த நொடி வரையில் ரொம்பவே fresh ஆக இருந்து வருகின்றன! அதிலும் ரிப்போர்டர் ஜானியின் கலர் சாகஸமானது ஓரளவுக்கு அலசப்பட்டிருக்க- "தல'' சரவெடி கொளுத்திடும் "சட்டத்தோடு சடுகுடு'' இன்னமுமே படம் பார்க்கப்பட்ட நிலையில் பல கட்டில் முகப்புகளில் ஆராமாய் தொற்றிக் கொண்டிருக்குமென்றுபடுகிறது! So அதனுள் புகுந்திட உங்களுக்கு அவகாசம் தந்த கையோடு, 2026 அட்டவணை சார்ந்த (மாமூலான) கேள்விகள் படலத்தினுள் புகுந்திடலாமென்று நினைக்கிறேன்! ஆண்டுதோறும் அதே மாவை கேள்விகளின் ரூபத்தில் அரைப்பது போலி­ருக்கலாம் தான்- ஆனால் இந்தச் சவாரியின் மத்தியில் உங்களது எண்ணங்களில்/ அபிப்பிராயங்களில்/ ரசனைகளில் ஏதேனும் சிறு மாற்றங்கள் நிகழ்ந்துள்ளனவா? என்பதை ஊர்ஜிதம் செய்து கொள்ளும் பொறுப்பு எனக்குள்ளதே?! So here we go one more time மக்களே:

1. எல்லாம் சுழல்வது "டெக்ஸ்'' எனும் மாயனைச் சுற்றியே எனும் போது, வினாவினையும் அவரிடமிருந்தே துவக்குதல் தானே பொருத்தம்?

"மாதமொரு டெக்ஸ்'' என்ற அந்த வேட்கை இன்னமுமே அதே வீரியத்துடன் தொடர்கிறதா folks? இயன்ற மட்டிலும் கதைத் தேர்வுகளில் வித்தியாசம் காட்ட நாங்கள் முயற்சித்தாலுமே - வாசிப்பு அனுபவ அளவுகோல்களில் இந்த நொடியின் ரீடிங் என்னவோ? என்பதே எங்களது கேள்வி! So "மாதமொரு டெக்ஸ்'' இல்லாது போனால்- இளவரசரை மனித எரிகுண்டாக்கிக் கடாச முற்படும் பிரயத்தனத்தில் நீங்களெல்லாம் இறங்குவீர்களா? மாட்டீர்களா? என்பதைச் சொல்லுங்களேன் ப்ளீஸ்?!

2. எனது கேள்வி # 2 கூட டெக்ஸ் சார்ந்ததே!

மாதா மாதம் 224 பக்க நெடும் TEX சாகஸங்களைப் படிக்க நேரமும்/அவகாசமும்/ ஆர்வமும் கீதா மகா ஜனங்களே?

அல்லது இடையிடையே மித நீளக் கதைகளையும் நுழைத்தால் ஒரு welcome relief ஆக இருந்திடுமா?! Honest answers please ?

3. கேள்வி நம்பர் மூன்றுக்கு ஓரளவுக்கு எனக்கு விடையும் கிட்டிவிட்டது தான்! இருந்தாலும் ஒரு மறு ஊர்ஜிதம் கோரிட விழைந்தே இந்த மறு கேள்வி - moreso just after"ஜெர்மனியில் ஜானி''!

இன்னமும் க்ளாஸிக் ஜானியே தான் தொடரணுமா? பெட்ரோமேக்ஸ் லைட்டுக்கு சித்தே ஓய்வு தந்துவிட்டு 2026-க்கு மட்டுமாச்சும் ஒரு LED பல்பாய் ஜானி 2.0-ஐ முயற்சித்தாலென்ன folks?

ஒத்துக் கொள்கிறேன்- ஜானி 2.0-ல் இதே கர்லிங் ஹேர் + ஸ்டைலான புன்னகையோடு வலம் வருவதில்லை தான்! அங்கே நாடீனுடன் மனுஷன் சில ஸ்பூன்லி­ங் ஆட்டங்களில் ஈடுபட்டதில் உங்கள் காது வழியாகப் புகை சமிக்ஞைகள் வெளிப்படுகின்றதன் வலி­யும் புரிகிறது தான்! Yet- இந்த க்ளாஸிக் கதைகளில் புராதனம் இழையோடுவதை மறுப்பதற்கில்லையே? இதோ இம்மாத "ஜெர்மனியில் ஜானி'' ஒரிஜினலாய் உருவானது 1972-ல் !! So கிட்டத்தட்ட 53 ஆண்டுகள் கழிந்த பின்னேயும் அவரோடு அன்னம், தண்ணீர் புழங்கி வருகிறோம்! வாழைப்பூ வடை; வேப்பிலை ஜாக்கி என்றெல்லாம் வலம் வரும் நவீன யூத்களான நாம் 2024-ல் வெளியான 2.0 கதையினை பகிஷ்கரித்து விட்டு, நம்ம பெரியப்புகளின் காலங்களது கதைகளோடே டிராவல் பண்ண நினைப்பது ஓ.கே.தானா?

Of course ரெகுலர் ஜானி கதைகளும் 2010 வரைக்குமே தொடர்ந்துள்ளன தான்! அவற்றி­லிருந்து தேர்வு செய்தால் "சிரிச்ச முக' ஜானியை தரிசித்தது போலவுமிருக்கும்; புராதனங்களைத் தவிர்த்தது போலவுமிருக்கும் தான்! ஆனால், சிக் பில் தொடரைப் போலவே இங்குமே சிக்கல் ஒன்றே! இரு நெடும் தொடர்களின் பின்பகுதியிலும் வந்த கதைகளின் பெரும்பகுதி படு சுமார்! பேஜாரே அது தான்!

So ஸ்டைலான ஜெமினி கணேசனா ? யூத்தான துல்கர் சல்மானா? 2026-ல் நீங்க பார்க்க விரும்புவது யாரை folks?

4. Absence makes the heart grow fonder என்பது பழமொழி! தொடர்ச்சியாக இரண்டு வாரங்களுக்கு டிபனுக்கு உப்மாவை காணோம்னு  வச்சுக்கோங்களேன் - அதுவே கூட ராஷ்மிகா மந்தனாவின் புன்னகையைப் போல மனசை ஆர்ப்பரிக்க வைக்குமாம் ! "சர்ப்ரைஸா உப்மா பண்ணியிருப்பாளோ?'' என்றபடியே கிட்சனுக்குள் போய் எட்டிப் பார்க்கத் தோணுமாம்!

அந்தக் கதையாய் இரண்டு ஆண்டுகளின் பிரிவானது, பாஸ்டர் மீது ஏதேனும் பரிவுப் பார்வைகள் எழுந்திடச் செய்துள்ளதா ? என்பதே எனது நான்காவது கேள்வி! புத்தக விழாக்களில் சுத்தமாய் washout ஆன நாயகர்களுள் SODA முக்கியமானவர்! ஏனோ தெரியலை - சென்னைப் புத்தகவிழாக்களில் கூட இந்தக் கறுப்பு அங்கிப் போல்ஸ்காரை யாரும் பெருசாய் ரசிக்கக் காணோம்! So சந்தாத் தடத்தில் நீங்கள் மனசு வைத்தாலன்றி இவரது எதிர்காலமெல்லாம் நம்பர் நடிகையின் ஈரோயினி வாய்ப்பைப் போலவே கானலாகிப் போகும்! So...

SODA? பேடாவா?

5. தர்மசங்கடத்தின் உச்சத்திலான வினா இது! இதற்கான உங்களது பதிலும் எனக்குத் தெரியும் தான்! But கேட்டாக வேண்டிய நிலையில் உள்ளேன்!

தோர்கல்!!

கிட்டத்தட்ட ஒரு டஜன் ஆண்டுகளாகப் போகின்றன இந்த fantasy நாயகர் நம்மோடு இணைந்து! ஜாம்பவான் வான் ஹாமின் பேனா ஜாலம் செய்த தொடரே! Yet கிட்டத்தட்ட 30 பாகங்கள் கழிந்த நிலையிலும் விற்பனைகளில் ரொம்பவே தடுமாறிடும் அந்த துரதிர்ஷ்டம் மட்டும் இன்றளவில் தொடர்கிறது! "ஏக் தம்''மில் மூன்று அத்தியாயங்களை இணைத்து ஹார்ட்கவரில் போட்ட இதழ்களிலும் ஸ்டாக் குவிந்து கிடக்கிறது ; தனித்தனி ஆல்பங்களாய் வெளியான இதழ்களிலும் ஸ்டாக் நிறைந்து நிற்கிறது! And 14 நாட்கள் அரங்கேறிய 2025-ன் சென்னைப் புத்தகவிழாவில் மொத்தமாய் விற்பனை கண்ட தோர்கல் இதழ்களின் எண்ணிக்கையே 43 தான்! And நம்மிடமோ கிட்டத்தட்ட 12 தோர்கல் titles உள்ளன! So சந்தாக்களில் காணும் விற்பனையினைத் தவிர்த்து தோர்கலுக்கான movement பூஜ்யத்துக்கு மிக மிக அருகில்!

இந்த நொடியில் நம் முன்னே உள்ள options நான்கு !

A. ஆனானப்பட்ட ரோஹித் ஷர்மாவுக்கும், விராத் கோலி­க்குமே டாட்டா சொல்ல இயன்றுள்ள நமக்கு- "பிள்ளைகுட்டிகளோட நல்லபடியா வாழுங்க தோர்கல் சார்! ஜோலனுக்கோ, ஓநாய்குட்டிக்கோ, கண்ணாலம் வைக்கிறப்போ மறக்காமச் சொல்லுங்க!'' என்றபடிக்கே தோர்கலுக்கொரு விடை தருவது அசாத்தியமாகிடக் கூடாது! So நம் முன்னுள்ள Option -A- டாட்டா to தோர்கல்!

B. Option-B இந்த ரெகுலர் தோர்கல் வரிசைக்கு முழுக்குப் போட்டு விட்டு THORGAL SAGA என்ற பெயரில் வெளிவந்து கொண்டிருக்குமொரு ஸ்பெஷல் தடத்தில் தொற்றிக் கொள்வது! இங்கே மாறுபட்ட படைப்பாளிகளின் கைவண்ணங்களில் One Shot சாகஸங்கள் வெளிவருகின்றன! ஆனால், இதனுள் புகுவதும் அத்தனை சுலபமும் அல்ல தான்!

To start with- பிரதானத் தொடரை முடிக்காமல் இந்த வண்டியில் சவாரி செய்ய படைப்பாளிகள் அனுமதிப்பார்களா? என்பது தெரியலை! வாய்ப்புகள் 50-50 தான்! தவிர, மெயின் தொடரில் நாம் இதுவரைப் பார்த்திராத சில கதாப்பாத்திரங்களுமே இந்த THORGAL SAGA தடத்தில் வரும் வாய்ப்புகளுண்டு ! So அங்கே நாம் பேந்தப் பேந்த விழிக்க நேரிடலாம்!

இது தான் Option-B !

Option C. ரெகுலர் தொடரையே தொடர்வது - ஆனால், மிகச் சுருக்கமான பிரிண்ட்ரன் சகிதம்! அதாவது சந்தா எண்ணிக்கை என்னவோ- அதை விட ஒரு நூறு பிரதிகள் மட்டுமே கூடுதலாக அச்சிட்டால், அந்தந்த இதழில் கையிருப்பே விழாது! புத்தகவிழாக்களுக்கும் சுமந்து போய் பல்ப் வாங்கும் நோவுகள் இராது!

ஆனால், சிக்கல் என்னவெனில்- ரூ.120/-க்கு தற்சமயமாய் நாம் விற்பனை செய்து வரும் 48 பக்க தோர்கலை limited பிரிண்ட்ரன்னுக்குக் கொண்டு செல்லும் போது ரூ.175/- போல் ஏதோவொரு விலைக்கு விற்றிட வேண்டி வரும்! So 3 அத்தியாயங்கள் இணைந்ததொரு story arc என்று வைத்துக் கொள்ளுங்களேன் - ஹார்ட்கவரில் பண்ணும் பொது ரூ.550 விலையாகிப் போகும் ! அது பட்ஜெட்டை எகிறச் செய்யும் ! "பேங்கிலே லோன் போட்டுத் தான் தோர்கலைப் படிக்கணும்!" என்ற ஆர்வலர்களின் கோரஸ் உற்சாகமாய் சிம்பனி இசைக்கும் வாய்ப்புகள் இங்கே உண்டு! ஆர்வலர்களின் சங்கீதங்கள் ஒருபுறமிருக்க - அவர்களது டாப் விற்பனைத் தொடர்களுள் ஒன்றான தோர்கலை ஒரு இக்ளியூண்டு சர்குலேஷனுக்கு படைப்பாளிகள் தரச் சம்மதித்து இருப்பதே தெய்வச் செயல் ; இந்த நிலையில் அதனிலும் ஒரு பாதியான தம்துண்டு நம்பரை இனி சொல்லி, அதற்கும் படைப்பாளிகளின் இசைவைப் பெறுவதை கற்பனை பண்ணிப் பார்க்கும் போதே கிறுகிறுக்கிறது !! இதற்கான சாத்தியங்கள் 30 - 70 என்பேன் !! Phew !!

So இது தான் Option C....!

Option D : சின்னதொரு பிரேக் ; அதன் பின்பாய் புதுசாய் ஜோலனைப் பிரதானப்படுத்தி தொடரை ஒரு மீள்வருகை செய்திடச் செய்வது ! Maybe அந்த இரண்டாவது இன்னிங்சில் கொஞ்சமே கொஞ்சமாய் அபிமானம் கூடிடும் என்ற நம்பிக்கை கொள்வது ! This will be Option D....!

இப்போது சொல்லுங்களேன் folks? - A? B? C? D ?

ரைட்டு "சட்டத்தோடு சடுகுடு'' இதழுக்குள் புகுந்திடவும், மேலேயுள்ள கேள்விகளுக்குள்ளும் மூழ்கிட நீங்கள் பிஸியாகிடும் நேரத்தில் லக்கி லூக்கோடும், டின்டினோடும் கரம் கோர்க்க நான் புறப்படுகிறேன்!

Bye all.. Have a lovely weekend! See you around!

ஒரு புளிசாதப் படலம் !

நண்பர்களே,

வணக்கம்! சனிக்கிழமைகள் புலர்வது வழக்கம்..! பேனா, பேப்பர் சகிதம் மோவாயில் கை வைத்தபடியே மேஜையில் நான் அமர்வதுமே வாடிக்கை! அப்புறமாய், எதைப் பற்றி எழுதுவதென்ற மகா சிந்தனைக்குள் ஆழ்ந்திடுவது நடைமுறை! ஆனால், ரொம்பச் சில தருணங்களில் மேற்படி வரிசைக்கிரமத்தில் அல்லாது, நிகழ்வுகள் தாமாய் அரங்கேறுவதும் உண்டு! ஏதேனும் ஒரு விஷயத்தை உங்களிடம் சொல்லி­யே தீரணும் என்ற நமைச்சல் உள்ளுக்குள் படுத்தியெடுக்கும் ! அல்லது ஏதேனும் ஒரு புதுக் கதை / தொடர் பற்றிய அலசலை உங்களுடன் அந்த நொடியிலேயே நடத்திட்டாலென்னவென்று குறுகுறுக்கும் ! Or ஏதேனுதொரு பணியில் ஈடுபட்ட சமயம் கிட்டிய உணர்வுகளை சூட்டோடு சூடாய் உங்களிடம் பகிர்ந்திடும் வேகம் தலைகாட்டும்! அது போலான வேளைகளில் சனி பிறக்கும் வரை காத்திருப்பதில்லை; சுக்கா ரோஸ்டைச் கண்ட கார்சனைப் போல நேராய் பதிவுக்குள் பாயத் தோன்றும் ! அத்தகைய தருணமே இது ; and வியாழன் இரவில் எழுதிய பதிவிது ! இம்முறையோ ஒன்றல்ல- இரண்டல்ல: மூன்று வெவ்வேறு கதைக்களங்களில் ஒரே சமயம் பயணித்த ஒரு வித்தியாசமான அனுபவத்தை உங்களிடம் மொக்கை போடும் அவாவே இந்தப் பதிவின் பின்னணி!

மாமூலான தேய்ந்து போன cliche தான்; இருந்தாலும் நமது சூழலை விவரிக்க அது தான் சாலப் பொருந்துகிறது! பலமே பலவீனம்; பலவீனமே பலம் என்பது தான் அந்த மொக்கை phrase! நமது அணிவகுப்பில் எண்ணற்ற நாயக/ நாயகியர் கரம்கோர்த்து நிற்பதை காலமாய் நாமறிவோம்! Without a doubt, நமது பெரும் பலமும் அதுவே என்பதிலும் இரகசியங்களில்லை தான்! ஆனால், யாரை எங்கே நுழைப்பது? யாரைக் கழற்றி விடுவது? யாருக்கு ஒற்றை ஸ்லாட்? யாருக்கு கூடுதல் சீட்? என்ற குழப்பங்களில் தலையைப் பிய்த்துக் கொள்வதே அது சார்ந்த பலவீனமுமே! And ரகரகமான கதைகளைக் கையாள்வதன் ஒரு மெகா சாதகம்- பணியாற்றும் வேளைகளில் ஒரு குதிரையி­லிருந்து முற்றிலும் புது ரகமான வேறொன்றில் தாவச் சாத்தியமாவதே!

மேஜையில் மாயாவியும், இருப்பார்; கிராபிக் நாவலும் கிடக்கும்; கார்ட்டூனும் கிடக்கும்; ரிப் கிர்பியும் கிடப்பார்! So ஏதேனும் ஒன்றில் வண்டி தள்ளாடிடும் பட்சத்தில்- "பச்சக்'' என இன்னொரு குதிரை மீதி குதித்திட முடியும்! களங்கள் ஒட்டுமொத்தமாய் மாறியிருக்கும் போது அயர்வெல்லாம் காணாதே போய்விடுவதுண்டு! அது போலானதொரு தருணமே இந்த வாரத்திலும்!

• ரிப்போர்டர் ஜானி எனும் நூடுல்ஸ் நாயகர்!
• "பயணம்'' எனும் இருண்ட கிராபிக் நாவல்!
• மாண்ட்ரேக் எனும் ஜாலி­லோ ஜகஜ்ஜாலர்!

இந்த மூவரின் லாயங்களும் திறந்திருக்க, "இந்தக் குருத-அந்தக் குருத'' என்ற சவாரியானது எனது இந்த வாரத்தையே பிரகாசமாக்கியுள்ளது!

எல்லாம் ஆரம்பித்தது "ஜெர்மனியில் ஜானி'' ஆல்பத்தோடு! நிஜத்தைச் சொல்வதானால்- இந்த மாதம் வண்டி நிரம்பவே தள்ளாட்டங்களோடே பணி செய்து வந்தது! ஆன்லைன் மேளாவின் ஐந்து இதழ்களை நடுவாக்கில் ரெடி செய்தது ஒரு முரட்டுப் பணியென்றால், ஜுன் மாதத்தின் டெக்ஸ் yet another biggie! சமீப மாதங்களில் நமது ரயிலி­ல் தொற்றிக் கொண்டிருந்ததொரு சகோதரியின் கைவண்ணத்தில் "சட்டத்தோடு சடுகுடு'' மொழியாக்கம் செய்யப்பட்டு, முழுவதும் டைப்செட்டிங்கும் பண்ணி முடிக்கப்பட்டது! ஆனால், எடிட்டிங் செய்ய அமர்ந்த போது, நமது பிரிட்டிஷ் மறுபதிப்புகளைக் கண்டு முழிக்கும் செனா.அனாவைப் போலவே என் முகமும் போனது! ரொம்பவே தட்டையான மொழியாக்கம் - அதுவும் ஒரு தெறி மாஸ் கதைக்கு என்ற போது, சுத்தமாய் ஒவ்வவில்லை! இயன்றமட்டுக்கு டிங்கரிங் செய்ததில் நாக்கெல்லாம் தொங்கிப் போக - இதற்குப் பதிலாக rewrite செய்து விடுவதே சாலச் சிறந்ததென்று பட்டது! Phew...240 பக்க ஆல்பம்- கழன்றே போச்சு பெண்டு !

So இந்த மெனக்கெடல் முடியவே தேதி 24 ஆகிப் போச்சு! அப்போது மலர்ந்த முகத்தோடு, இடியாப்பம் பிழியும் கருவியோடு நம்ம ரிப்போர்டர் ஜானிகாரு காத்திருப்பது கண்ணில்பட்டது! "தேவுடா.. நேனு டங்குவார் today சிரிகிபோயிண்டி'' என்ற பீதி அடிவயிற்றைக் கவ்வியது! நல்ல நாளைக்கே நூடுல்ஸையும், இடியாப்பத்தையும், கி.நா எபெக்ட்களோடு பரிமாறி பேனா பிடிப்போரை ஓட ஓட விரட்டும் மனுஷர் இவர் ; நானோ நாலு மூ.ச.மீட்டிங்குகளை back to back முடித்து வந்தவனைப் போல டாரான பட்டாப்பட்டியோடு நின்று கொண்டிருக்கிறேன்! இந்த நிலையில் மறுக்கா ஒரு கத்தை காகிதங்களோடு அமர்ந்து, ஜானியோடும், கமிஷனர் போர்டனோடும் உலா போனால் - மிச்சம் மீதியிருந்த பட்டாப்பட்டிக்கும் ஆபத்தாகிப் போகும்; அப்புறமாய் தலீவரின் வேப்பிலை ஜாக்கியைத் தான் இரவல் வாங்க வேண்டியிருக்குமென்றுபட்டது! தலீவரும் அதை எந்தக் கொடியில் தொங்கப் போட்டிருப்பாரோ - தெரியாதென்பதால் இந்த வம்பே வோணாம்; மருவாதியாக பேப்பரின்றி, பேனாவின்றி voice recorder-ல் மொழிபெயர்ப்பைப் போட்டுத் தந்து விடலாமென்று தீர்மானித்தேன்!

கொஞ்ச காலம் முன்னே இதையெல்லாம் செய்திருந்தேன் தான்; ஆனால், ஏனோ தெரியலை, பேனாக்கள் தரும் அந்த flow குரல் பதிவுகளின் போது கிடைப்பதாக எனக்குத் தென்படவில்லை என்பதால் அந்தப் பாணியைத் தொடர்ந்திருக்கவில்லை! அதிலும் ரெண்டு, மூன்று வரிகள் வரும் இடங்களிலெல்லாம் தடுமாற்றம் ஜாஸ்தியாவது புரியும்! ஆனால், இப்போதோ பேனா பிடிக்க விரல்களுக்குத் தெம்பே இல்லாத நிலையில் மல்லாக்கப் படுத்துக்கிட்டு ஜானியோடு ஜெர்மனியில் ரவுண்டடிக்கும் வாய்ப்பானது சால பாகுண்டி! என்று தோன்றியது!

என் யோகத்திற்கு இந்தாண்டின் ஜானி சாகஸமானது comparatively சற்றே ஆக்ஷன் கூடுதலாகவும், வசனங்கள் குறைவாகவும் உள்ளதொரு சாகஸமாய் அமைந்து போயிருந்தது! ஆரம்பமே ஒரு ஆக்ஷன் அதிரடியென்று துவங்க "ஹை... ஜாலி­....!'' என்று குஷியானேன்! நமக்குத் தான் ஒரு காபி டபராவை புரட்டி, மைக் ஜாடையில் மூக்குக்கு முன்னே நீட்டினாலும், எதையாச்சும் ஆத்தோ-ஆத்தென்று ஆத்திடும் மேனியா உண்டாச்சே - மொழியாக்கத்தைப் பர பரவென பதிவு பண்ண ஆரம்பித்தேன்! ஆரம்பிக்கும் போது நல்லாவே அமைந்து வந்த டயலாக்குகள் நீளம் கூடக் கூட- வக்கீல் வண்டு முருகனின் வாதங்களைப் போல கச்சா முச்சாவாவதை உணர முடிந்தது! 'இது என்னடா மருதக்காரனுக்கு வந்த சோதனை?' என்றபடிக்கே ஒரு ப்ரேக் விட்ட பின்னே தொடர்ந்தேன்! சிறுகச் சிறுக எஞ்சின் சூடேற இம்முறை flow தேவலாமென்று தோன்றியது! கதை நெடுக ஜானி ஒரு மஞ்சள் நிற ஸ்போர்ட்ஸ் காரில் சீறிச் செல்வார்! அதே பாணியில் நம்ம குரல் பதிவும் ஓட்டமெடுக்க அண்ணாச்சி செம ஹேப்பி! காலைப் பொழுது கூட ஓடியிராது - நெருக்கி 40 பக்கங்களை முடித்திருந்தேன்! சாப்பாட்டு மேஜைக்கு மதியம் போன போது மூணே நாட்களில் ஒரு மேம்பாலத்தைக் கட்டி முடித்தவனைப் போலான கெத்து எனக்குள் குடியேறியிருந்தது! ஒரு மேதாவிக்கேற்ற பெசல் ஐட்டமாய் ஏதாச்சும் தட்டுப்படுகிறதா? என்று பார்த்தால் - புளியோதரையும், தொட்டுக்க பசை போலான ஏதோவொரு வஸ்துவும் மாத்திரமே பல்­லிளித்தன! அதுவே ஒரு குறியீடென நான் சுதாரித்திருக்க வேணும் தான்- ஆனால், நாம தான் ஒரே சிட்டிங்கில் நாற்பதைக் கடந்த சூப்பர்மேன் அவதாரில் இருந்தோமே?! புளியோதரையை விழுங்கிவிட்டு, விட்ட இடத்திலி­ருந்து குரல் பதிவைத் தொடரப் போயாச்சு!

எஞ்சியிருந்த நாலைந்து பக்கங்களைக் கையிலேந்தும் போது தான் புரிந்தது- மேஜை மீதான புளிசாதம், காத்திருந்த ஏழரைகளுக்கு ஒரு முன்னோடி ; ஒரு குறியீடு என்பது! எனது ஆர்வக்கோளாறில் ஜானி கதைகளில் ஒரு அடிப்படை விதியினை மறந்தே போயிருந்தேன் என்பது உறைத்தது !! சின்ன வயசில் கமர்கட் வாங்கித் தின்றது முதலாய், பெரியவனாகி வில்லத்தனங்கள் செய்வதற்கான காரணம் வரையிலான சகல தகவல்களையும் வில்லன்ஸ் + போலீஸ்கார்ஸ் போட்டுத் தாக்குவதை 'ஏக் தம்மில் க்ளைமேக்ஸ் பக்கங்களுக்குள் திணித்திருப்பார்களே என்ற உண்மையினையே மறந்திருந்தேன் !! And என் கையில் எஞ்சி நின்றவையோ க்ளைமேக்ஸ் pages மட்டுமே! உள்ளுக்குள் புகுந்தால் - பக்கம் 9-ல் எவனொவொரு மஞ்ச மாக்கான் பேசிய வசனத்துக்கு சம்பந்தம் வருகிறது ; பக்கம் 16-ல் எழுதிய வரிகளுக்குத் தொடர்பு இங்கே இருப்பது புரிகிறது ; அதுவரை "தேமே' என்று வந்து போய்க்கிட்டிருந்த அழகான பாப்பாவுக்கு முக்கிய பங்கு இருப்பது புரிகிறது! 'ஆத்தீ..' என்றபடிக்கே சகலத்தையும் உள்ளடக்கி க்ளைமாக்ஸ் பக்கங்களுக்கு மொழியாக்கத்தைப் பதிவு பண்ண முயற்சித்தால்.... "ஆங்... இப்போ நான் என்ற சொல்றது...?'' என்று நாக்கு பிறழ்கிறது! வந்து விழும் வரிகளோ தூர்தர்ஷன் தமிழாக்கத் தரத்தில் தவண்டு செல்கின்றன! கதையோ முழு வீச்சில் அந்த இறுதிப் பக்கங்களில் முடிச்சவிழ்ந்து செல்கிறது !

அதைப் படிக்கப் படிக்கத் தான் நான் "புளியோதரைக்கு முன்'' செய்த குரல் பதிவுகளில் விட்டிருந்த ஒரு நூறு ஓட்டைகள் புலனாகின! பேப்பரில் எழுதியிருந்தால் "பச்சக்'' என பின்னே புரட்டி, அடித்துவிட்டு அங்கேயே சிகப்பில் மாற்றி எழுதியிருக்கலாம்! ஆனால், நம்மளுக்கோ இந்தவாட்டி நவீன வழிமுறையாச்சே?! பிழையிருந்த பக்கங்களின் ரெக்கார்டிங்குக்குப் போய் அவற்றை delete பண்ணிவிட்டு, புதுசாய் பதிவு செய்ய முயற்சிக்கத் தொடங்கினால், ஆரம்பத்தில் செட் ஆகியிருந்த வரிகளோ இம்முறை இடக்கு பண்ண ஆரம்பிக்கின்றன ! முன்னே போனால், உதைக்குது.. பின்னே போனால் குத்துது என்று பேய்முழி முழிக்காத குறை தான்!

And பேசுறாங்க... பேசுறாங்க... கதையின் வில்லன் ; போல்ஸ்கார் ; ஜானி- என அத்தினி பேரும் இறுதியில் பேசித் தள்ளுகிறார்கள்! இதுக்கு மேலேயும் நவீனமாய் குரல் கொடுக்கிறேன் பேர்வழி என நான் முயற்சித்தால் சில்லுமூக்கு சிதறுகாயாகிடும் என்பது புரிந்தது! அப்புறமென்ன- "எட்றா பேனாவை; எழுதுறா க்ளைமேக்ஸை" தான்! ஆங்காங்கே தொங்கல்களில் விட்டிருந்த முடிச்சுக்களையெல்லாம் கதாசிரியர் வழக்கம் போல க்ளைமேக்ஸில் லாவகமாய் அவிழ்க்கும் அழகை ரசித்தபடிக்கே எழுதிக் கொண்டே போனேன்! சகலத்தையும் முடித்த பிற்பாடு மைதீனிடம் ஒப்படைக்க, மறுநாளே நம்மாட்கள் DTP முடித்து திருப்பித் தந்துவிட்டார்கள்! கதையினை முழுசாய் வாசித்த போது, "புளிசாதத்துக்கு முன்'' & "புளிசாதத்துக்குப் பின்'' என்ற பாகுபாடு ஸ்பஷ்டமாய் தெரிவது போல்பட்டது! "கிழிஞ்சது போ'' என மறுக்கா பட்டி- டிங்கரிங் பார்த்த பின்பே அச்சுக்குப் போக அனுமதித்தேன்! And வியாழனன்று அச்சும் ஆச்சு! So நவீனத்தை அரவணைக்கும் ஆர்வத்தில் சிலபல முன்பற்களைப் பெயர்த்துக் கொண்ட அனுபவத்தோடே அடுத்த குதிரையினை நோக்கித் தாவினேன்! அதுவோ ஒரு கி.நா!

''பயணம்..!'' ஆங்காங்கே நிறையவே பில்டப்கள் தந்திருந்தோம் தான்! கதையினை மேலோட்டமாய் எனக்குத் தெரியவும் செய்யும் தான்; ஆனால், முழுசையும் படித்திருக்கவில்லை & பணி செய்யும் போதே அதனை உள்வாங்கிடும் அந்த மாமூலை இம்முறையும் மாற்றிட விழையவுமில்லை! So ஆராமாய் கதையோடே; கதையின் ஒரே நிரந்தரங்களான தந்தை & மகன் ஜோடியோடே பயணித்தேன்! நிஜத்தைச் சொல்வதானால் இங்கே ஒரு மொழிபெயர்ப்பாளனுக்குப் பிடுங்க அவசியமாகிட்ட ஆணிகள் வெகு சொற்பமே! வசனங்கள் ரொம்பவே குறைவு என்பதால் பேனா பிடிப்பதில் no நோவு! "ப்பா..'' "டாடி''... "தம்பு''... என்ற வார்த்தைகளுக்கே பிரதான அவசியம் என்பதால் அவற்றை அலுப்புத் தட்டாத விதமாய் எங்கெங்கே நுழைப்பதென்பது மாத்திரமே சவாலாக இருந்தது! பாக்கி சகலப் பொறுப்புகளையும், வேலைகளையும், தலை மேல் இழுத்துப் போட்டுக் கொண்டிருக்கிறார் Manu Larcenet ! 

பொதுவாய் காமிக்ஸ் ரசிப்போரில் இரண்டு ரகங்களுண்டு! 

# 1: கதையே பிரதானம்; சித்திரங்கள் சைடுக்கு! என்ற ரீதியில் பரபரவென படித்துச் செல்வோர்!

# 2: ஒவ்வொரு ப்ரேமிலும் ஓவியர் எதையேனும் சொல்ல முனைந்துள்ளாரா? என்ற கேள்வியோடே நிதானமாய் ரசித்து நகர்ந்திடுவோர்!

இதனில் நாம் எந்த ரகமாக இருந்தாலும் சரி- இந்த ஒற்றை ஆல்பத்துக்காவது ஒட்டுமொத்தமாய் ரகம் # 2-ல் ஐக்கியமாகிடல் அவசியமென்பேன்! Becos ஒவ்வொரு பக்கத்திலும், ஒவ்வொரு கட்டத்திலும் சித்திரங்களில் புதைந்து கிடக்கும் தகவல்களை எழுத்தாக்க முயற்சித்தால் ஒரு முழுநீள நாவல் தேவையாகிடலாம்! உயிரைக் கொடுத்து இழைத்து, இழைத்துப் பணி செய்துள்ளார் மனுஷன்! அந்தச் சித்திரங்களை highlight செய்திடவே இம்முறை அந்த மெகா சைஸில் பயணிக்கவிருக்கிறோம்!

கதை நெடுக ஒரு மென்சோகம் இழையோடுவதை மறுக்க இயலாது! எல்லாமே நிர்மூலமாகிப் போனதொரு எதிர்கால உலகில் தங்களுக்கென விடியலைத் தேடிடும் தந்தை - தனயனின் பயணமே இந்தப்  "பயணம்!'' And அடைகாக்கும் கோழியாய், உலகமே எதிர்நின்றாலும் தன் பிள்ளையைப் பாதுகாக்க விழையும் அந்தத் தந்தை கேரக்டரே இந்தப் படைப்பின் அச்சாணி! இந்தப் பயணத்தின் முடிவில் வாழ்க்கையின் முழு முதல் நாயகர்களான  அத்தனை அப்பாக்களிடமும் ஒரு சன்னமான அதிர்வலைகள் நேராது போயின் ஆச்சர்யம் கொள்வேன்! This is for all the Fathers amongst us!

கதையைப் பொறுத்தவரை "நிஜங்களின் நிசப்தம்'' ரேஞ்சுக்கான அடர்த்தி இங்கே கிடையாது! அங்கே களம் பெரிது; கதை மாந்தர்களும் அதிகம் என்றதால் சம்பவக் கோர்வைகளும் கூடுதலாக இருந்திட சாத்தியப்பட்டது! But அடர்த்தியிலிருக்கும் குறைபாட்டை சித்திர நேர்த்தியில் ஈடுசெய்துள்ளார் Manu Larcenet! So ஒரு பெரும் கலைஞனின் படைப்போடு பயணிக்க வாய்ப்புக் கிட்டியுள்ள இந்த வாரமானது in many ways ஸ்பெஷல் to me! Please don't miss this album folks!

ஜானிக்கும், பயணத்துக்கும் இடைப்பட்ட ஓய்வுப் பொழுதுகளில் எனது மண்டைக்குடைச்சல்களுக்கு செமத்தியாய் ஒற்றடம் தந்தவர் நம்மள் கி மாயாஜால மன்னரே! லாஜிக் எனும் டோப்பாவை சத்தமின்றிக் கழற்றி வைத்துவிட்டு வரிசையில் நின்று குற்றால அருவியில் தலையை நுழைப்பதற்கு சிறிதும் குறைந்ததல்ல மாண்ட்ரேக் தரும் இதம்! அதிலும் இது Lee Falk க்ளாஸிக்களுள் ஒன்று!

அயல்கிரகத்தி­லிருந்து புறப்படும் ரெண்டு மீனவர்கள் பிரபஞ்சப் பயணத்தின் போது ஒரு தப்பான லெஃப்ட் எடுக்க (!!😁😁😁) - பூமிக்கு தப்பிதமாய் வந்து சேர்கிறார்கள் - தங்களது மீன்பிடிக்கும் படலத்துக்கென! "பிரபஞ்சப் பஞ்சாங்கம்" ... "சூரிய மண்டலப் பயணம்' என்றெல்லாம் ரவுண்டு கட்டியடிக்கும் கதையில் மாண்ட்ரேக்கையும், நார்தாவையும் தூண்டில் போட்டுப் பிடித்து விடுகின்றனர் அந்த மீனவ சதுர மண்டையன்கள்! தொடர்ந்திடும் ரகளைகள் காதில் மீட்டர் கணக்கில் பூச்சுற்றினாலும், செமத்தியான ஜாலி­ ரகம்! கருணையானந்தம் அங்கிளின் மொழியாக்கம் இது போலான நேர்கோட்டு க்ளாஸிக் கதைகளில் அழகாய் செட் ஆகிடும் எனும் போது இங்கே எனக்குப் பெரிதாக வேலையும் இருக்கவில்லை! So ஒரு புளிசாதப் படலத்தையும், பயணப் படலத்தையும் முடிப்பதற்கு மத்தியிலான இடைப்பட்ட நேரங்களை மாண்ட்ரேக்கோடு செலவிட முடிந்ததில் செம relief!

ஆக, இந்த வாரம் தந்துள்ள அனுபவங்கள் ஒவ்வொன்றுமே - இந்தப் பணியின் பல பரிமாணங்கள் மீது அற்புதமாய் ஒளிவட்டத்தைப் பாய்ச்சியுள்ளன என்றால் மிகையில்லை ! நாள் முழுக்க மரத்தைச் சுற்றிப் பாட்டு பாடி, ஆடினாலும் போரடித்துப் போகும்; பொழுதன்னிக்கும் மூக்கைச் சிந்தியபடியே முகாரி ராகத்தைப் பாடித் திரிந்தாலுமே வெறுத்துப் போய்விடும்! ஆனால், தற்போதோ சகலத்திலும் சரிவிகிதமாய் டிராவல் பண்ண சாத்தியமாவதால் பாட்டையாவைக் கூட, பவர் ஸ்டாராய் பரிணமிக்க அனுமதிக்கின்றது!

And before I sign out- சில தகவல்களும்!

• இன்று (சனி) டெஸ்பாட்ச் done !! வாரயிறுதிக்கு முன்பாகவே இதழ்களை உங்கள் வசம் ஒப்படைக்க விழைந்தோம் தான் - ஆனால், வாரம் முழுக்க "நச நச''வென பெய்து வரும் மழையில், அச்சு + பைண்டிங்கில் சின்னதாய் தாமதம்! So நாளையோ, திங்களன்றோ கூரியர்ஸ் கதவைத் தட்டிடும் !

• ரொம்ப காலத்துக்குப் பின்பாய் இரண்டே இதழ்கள் மட்டுமே உங்களது (ரெகுலர்) சந்தா கூரியரில் இடம்பிடிக்கப் போகின்றன!!

• இம்மாதம் The King's ஸ்பெஷல் - 1 வந்திருக்க வேண்டியது ; ஆனால், ஆன்லைன் மேளாவிற்கும் கணிசமாய் ஆர்டர் செய்திருந்த ஏஜெண்ட்கள் சற்றே மூச்சு விட்டுக் கொள்ள அவகாசமிருந்தால் தேவலாமே என்று மனசுக்குப்பட்டது!

• தவிர இன்னமும் ஜுன் 15-க்கென "பயணமும்'' காத்திருப்பதால் The King's ஸ்பெஷல் - 1 இதழினை ஆகஸ்டுக்கென தள்ளி வைத்துள்ளோம்! ஜூலையில் "The பிளைசி ஸ்பெஷல்" coming : 2 புத்தம் புதிய சாகசங்களோடு !!

• "சாம்பலி­ன் சங்கீதம்'' மொழியாக்கம் நண்பர் கார்த்திகை பாண்டியனின் கைவண்ணத்தில் ஓடிக் கொண்டுள்ளது! அசுரத்தனமான படைப்பிது என்பதால் அவரது பணி முடிந்திட இன்னும் கொஞ்ச அவகாசமெடுக்கும்! மொத்தமும் கைக்கு வந்த பிற்பாடே அதன் ரிலீஸ் மதுரையிலா ? திருச்சியிலா ? சேலத்திலா? என்று தீர்மானித்திட வேண்டி வரும்! நமது பணிகள் முழுமையடைந்த பிற்பாடு படைப்பாளிகளின் approval-ம் அவசியமாகிடும் என்பதால் அதற்கான கால அளவினையும் சேர்த்தே திட்டமிட்டாகணும்!

• கூப்பிடு தொலைவில் காத்திருக்கும் கோவை புத்தகவிழாவுக்கென 2 ஸ்பெஷல் இதழ்களுண்டு! அவற்றுள் ஒன்று இதோ:

ரைட்டு, இதோ இந்தப் பதிவுக்கான எனது கேள்விகள் :

1. ரிப்போர்ட்டர் ஜானி நம்மோடு 39 ஆண்டுகளாய் பயணித்து வரும் நாயகர் ! இன்னமுமே அவரிடம் நமக்கொரு சுவாரஸ்யம் தொடர்கிறது தானா ? Maybe ஜானி 2.0 பக்கமாய் கொஞ்ச காலத்துக்கு நகர்ந்திட வேணவே வேணாம் தானா ? Given a choice - நான் அங்கே கொஞ்ச காலமாவது உலா வரவே விழைவேன் !! Your thoughts please ?
2. ஆன்லைன் மேளாவின் முதல் ரவுண்டிலான 5 புக்ஸ்களை நீங்கள் வாங்கினீர்களா? யெஸ் எனில், அவற்றில் எத்தனையைப் படித்திருப்பீர்கள்?
3. "பயணம்'' ஆர்டர் பண்ணியுள்ளீர்களா?
4. ஆர்டர் போட்டிருந்தாலும் புக் வெளியான பின்னே படிப்பீர்களா? அல்லது கலெக்ஷனுக்காக மட்டுமேவா?

Bye for now folks... see you around! Have a great weekend!

And புது புக்ஸ் ஆன்லைன் லிஸ்டிங் போட்டாச்சு ; லிங்க் இதோ : https://lion-muthucomics.com/monthly-packs/1341-june-pack-2025.html

"பே.பி.பே"

 நண்பர்களே,

ஞாயிறு காலை வணக்கங்கள். தொடர்ச்சியாய் மூன்று வாரங்களுக்கு இங்கிட்டும், அங்கிட்டும் ஓடும் வேலைகள் வந்து சேர, வாரயிறுதிகளுக்கு ஊட்டாண்ட இருக்க சாத்தியப்படவில்லை ! As a result - பதிவுகள் ஞாயிறுகளுக்கே என்றாகிப் போய்விட்டுள்ளன !! Sorry மக்களே.....! 

ரைட்டு....இந்த வாரப் பதிவில் எதைப் பற்றிப் பேசலாம் ? என்ற ரோசனைக்கு முன்பாக நம்ம பதிவுப் பக்கத்தைப் பற்றியே பேசிடலாமா ? Becos இதை டைப்ப நான் அமர்ந்த தருணத்தில் பல்லடத்து நண்பரிடமிருந்து ஒரு குறுஞ்செய்தி வந்திருந்தது : "2025-ன் 22 வாரங்களில் வெறும் 23 பதிவுகள் தான் ! ரொம்பவே ஸ்லோவா தெரியுதே சார் ?" என்று !! பொதுவாய் நான் நம்பர்களை பின்தொடரும் ரகமே அல்ல தான் ; நண்பர்கள் சொன்ன பிற்பாடே "இந்த வருஷம் இதழ் # 400 வருது ; டெக்ஸ் 250 வருது" என்பதையெல்லாம் உணர்ந்திட ஆரம்பிப்பேன் ! So இங்கேயும் நிலவரம் அதுவே ! ஆனால் கொஞ்ச காலமாகவே blog லைட்டாக பின்சீட்டுக்குச் சென்றிருப்பதை நான் புரிந்திருக்காதில்லை ! சரியாகச் சொல்வதானால் நம்ம வாட்சப் கம்யூனிட்டி துவங்கிய நாள் முதலாய், அங்கே வாரத்தின் பாதிப் பொழுதை ஓட்டும் வாய்ப்பு அமைந்திருக்க இங்கே interact செய்திடும் நேரம் அடி வாங்கியுள்ளது ! அதில் உள்ள சுலபம்,  வேலைகளை சுளுவாய் முடித்துத் தருவது போலான பீலிங்கை தருவதால், ஒரு விக்கெட் வேணும் எனும் போதெல்லாம் இந்திய கேப்டன்கள் பும்ராவிடம் பந்தை ஒப்படைப்பது போல, இப்போல்லாம் எனது முதல் தேர்வாய் வாட்சப் கம்யூனிட்டியே இருந்து வருகிறது ! ஆனால் இங்கேயோ - அங்கேயோ, "நாங்க படிப்போம் ; அத்தோட நடையைக் கட்டிக்கினே இருப்போம் ! அம்புட்டு தென் !!" என்ற மௌன நண்பர்களின் trend மாற்றங்களின்றித் தொடர்வதை பார்க்கும் போது இரு மார்க்கங்களுமே ஒன்றுக்கு ஒன்று சமமே என்று தோன்றுகிறது ! குறிப்பிட்ட ஒரு எண்ணிக்கையிலான நண்பர் வட்டமே இங்கும் சரி, அங்கும் சரி - சுவாரஸ்யங்களை முன்னெடுத்துச் சென்று கொண்டுள்ளனர் ! So நிரந்தர வாசிப்புக்கு உதவிடும் blog பக்கமாய் வண்டியை ஒரு U-டர்ன் போடச் செய்யலாமோ ? என்ற மகா சிந்தனை உள்ளுக்குள் துளிர் விடுகிறது ! 

பற்றாக்குறைக்கு நம்ம மகளிரணித் தலைவி கொரோனா லாக்டௌன் நாட்களின் பதிவுகளை இப்போ தான் வாசிக்கத் துவங்கியுள்ளார் போலும் - 'பாரிசில் கொரில்லா கிட்டே சிக்கிய படலம் டெரரா கீது ; கொரியப் பயணம் குன்சா கீது ; உங்க தாத்தா பற்றிய நினைவுகள் ஜிலோன்னு கீது !' என்றெல்லாம் சேதி அனுப்ப, "ஆமால்லே....ப்ளோக்கின் அட்டகாச நாட்களவை !!' என்ற நோஸ்டால்ஜியா கவ்விக் கொண்டது ! மேலோட்டமாய் பின்னோக்கி blog-க்குள்ளே பயணித்த போது அந்நாட்களின் உற்சாகங்கள், மகிழ்வுகளை ஸ்பஷ்டமாய் feel செய்திட இயன்றது ! ஆனால் ஓட்டம்-ஓட்டம்-முடிவில்லா-ஓய்வில்லா ஓட்டம் எனும் வட்டத்தினுள் ஆளாளுக்குச் சிக்கிக் கிடக்க, புத்தக வாசிப்புக்கான அவகாசங்கள் மட்டுமன்றி, இந்த blog-ல் முன்போல interact செய்திடுவதற்கான அவகாசங்களும் மட்டுப்பட்டிருப்பது தெளிவாய் தெரிய ஆரம்பித்தது ! So ஆளில்லா blog கடையிலே நாயராய் டீ ஆத்தும நேரத்துக்கு லேட்டஸ்ட்டான கம்யூனிட்டி சாயா கடையிலே மாஸ்டர் ஆகிப்புடலாம் ! என்ற சபலம் தலைதூக்கியது ! And here we are !

இங்கே வேகம் சற்று குன்றியதற்கு இன்னொரு காரணமும் உள்ளது ; அது தான் "எழுத்தயர்வு" !!! "இன்னாடா இது புது ஐட்டமா கீது ?" என்ற யோசனையா ? வேறொண்ணுமில்லை folks - மாதத்தின் 30 நாட்களும் எதையோ - எதையெதையோ எழுதிக்கினே இருப்பது போலொரு உணர்வு இப்போதெல்லாம் ! முன்னே புக்ஸ் எண்ணிக்கை குறைச்சலாக இருக்கும் ; நம்ம கருணையானந்தம் அங்கிளும் ஆக்டிவாக இருப்பார்கள் ! So பாரத்தின் கணிசத்தை அவர் தோளிலும் ஏற்றி விட்டுப்புட்டு கொஞ்சம் பிரீயாக இருக்க சாத்தியமாகிடும் ! ஆனால்....... 

*வண்டி வண்டியாய் இதழ்களின் எண்ணிக்கை கூடிக் கொண்டே போக , 

*கதை ரகங்களும் வித விதமாகிட, 

*க்ளாஸிக் நடை மட்டுமே சகலத்துக்கும் நியாயம் செய்யப் போறாது என்ற புரிதல் பிறந்திட,

*புதுப் புது மொழிபெயர்ப்பாளர்களை நாடும் அவசியங்களும் புலர்ந்திட,

*வண்டி வண்டியாய் எழுத்தாளர்களை சரமாரியாக முயற்சிக்க , 

*இன்று வரைக்கும் யாரது மொழியாக்கங்களும் (கணிசமான) பட்டி-டிங்கரிங் இல்லாது தேற மறுக்க,

நம்ம கையிலே பேனா நிரந்தரமாய் நிலைகொண்டிருப்பது போலவே ஒரு சூழ்நிலை ! 😟😟

கதைகளும், களங்களும், காலங்களும் மாறிக் கொண்டே போனாலும், மாதம் முதல் தேதியிலிருந்து முப்பது தேதி வரைக்கும் 'பேனாவுடன் ஒரு பேமானி' அவதார் இம்மியும் மாற்றம்  காணக் காணோம் ! So வாரஇறுதிகளையே ; ஞாயிற்றுக்கிழமைகளையே - சலவைக்கு ஆற்றுக்குப் போகும் மையப் பொழுதுகளாக்கி வரும் சூழலில், வாரம்தோறும் அந்தப் பணிக்குவியலை (NOT பணக்குவியல் தெய்வங்களே !!) மூட்டை கட்டி வைத்து விட்டு blog பக்கமாய் ஆஜராகி, இங்குமொரு நெடும் பதிவை எழுத மண்டை ஒத்துழைக்க சண்டித்தனம் செய்கிறது ! என் எழுத்தின் மீது எனக்கே நேரும் அயர்வு அது என்று வைத்துக் கொள்ளுங்களேன் ! That's what I meant by "எழுத்தயர்வு" !! உங்களுக்கு எனது மாமூலான writing அலுத்துப்புடக் கூடாதே !! என்பது தான் பிரதான கவலையாக இருந்து வந்தது ; ஆனால் நிலவரமோ சமீபமாய் உல்டாவாகி நிற்க, திருட்டு முழி முழித்துக் கொண்டிருப்பது பலனாகிறது ! In fact அந்தந்த மாதத்துப் பணிகள் சகலத்தையும் முடித்து விட்டு, லைட்டாய் நீட்டி, நெளிக்க முனையும் போது "ஹாட்லைன் பெண்டிங் இருக்கு அண்ணாச்சி !" என்று மைதீன் முன்னிற்பான் ! முழுசாய் drain ஆகிப் போயிருக்கும் அந்நேரத்தில்  அந்த 2 பக்கங்களை எழுதும் உற்சாகத்தைத் திரட்டுவது கூட ஒரு செம பிரயத்தனமாய் இருப்பதுண்டு !! கலப்படங்களற்ற நிஜம் இது தான் folks !!

இங்கு தான் உங்களின் பங்களிப்புகளின் அவசியம் பன்மடங்காகிடுவதுண்டு ! 'தம்' திரட்டி பதிவை எழுதி விட்டுப் போன பிற்பாடு இங்கே ஒருவித மயான அமைதி நிலவும் போது, ஜிஞ்சர் தின்ன மங்கி போல வதனம் மாறிப் போகும் ! Oh yes - முழுசாய் இல்லாவிடினும், ஓரளவுக்காச்சும் பதிவுகளை நீங்கள் படிக்கிறீர்கள் என்பது தெரியும் தான் ; ஆனால் சர்க்கஸில் வேஷம் கட்டும் கோமாளியைப் போல பார்வையாளர்களின் சிரிப்பலைகளில் தான் பேட்டரி ரீசார்ஜ் ஆகிடுவது நிதர்சனம் ! அதுவும் இந்த ரொம்பவே பழசு எனும் போது  self recharge நிகழ்வது அரிதாகிக் கொண்டே செல்கிறது ! உங்களின் சூழல்கள் எனக்குப் புரிகின்றன folks ; பிழைப்புகளைப் பார்க்கவே ஓராயிரம் கரணங்கள் போட வேண்டியுள்ள நாட்களிவை எனும் போது இது எவ்விதத்திலும் உங்களைக் குறைப்பட்டுக் கொள்ளுமொரு சமாச்சாரம் கிடையாது ! மாறாக  மண்டைக்குள் ஸ்விம்மிங் போட்டு வந்த எண்ணங்களின் வெளிப்பாடு மாத்திரமே !  

And last but not the least - மாறி வரும் காலகட்டங்களுக்கும், அவை கொணரும் மாற்றங்களுக்கும் யாருமே விதிவிலக்காகித இயலாதல்லவா ? So ஜட்டியை மேலாக்கா மாட்டிக்கினு யூத் சூப்பர்மேன் என்று டிராமா போட்டுத் திரிந்தாலும் நம்மள் கி வயசு 58 என்பதை ஒவ்வொரு காலையும், இரவும் நினைவூட்டத் தவறுவதில்லை ! So இப்போதெல்லாம் ராக்கூத்துக்களின் நீளங்கள் முன்போல் சாத்தியமாவதில்லை ; அலாரம் வைச்சு அதிகாலை 4 மணிக்கு டைப்புவதெல்லாம் கற்பனையில் கூட முடிவதில்லை ; ரயில் நிலையங்களிலும்,மேல் பெர்த்களிலும் தொங்கிக் கொண்டு பதிவுகளை எழுத தம் இருப்பதில்லை ; விட்டம் வரை கொட்டாவிகளோடு வாய் விரியும் முதல் நொடியில் shut down கொடுத்துப்புட்டு சொப்பன லோகத்துக்கு பயணிக்கும் சபலன்களைத் தவிர்க்க முடிவதில்லை ; and எல்லாவற்றிற்கும் மேலாய் ஒரு நிஜத் தாத்தாவின் அவதார் தரும் கலப்படமற்ற மகிழ்வுகளுக்கு முன்னுரிமை தரும் ஆசைக்கு அணை போட முடியவில்லை ! 

So இந்த slowdown ஒரு விதத்தில் நம் அனைவருக்குமே தொடர்பு கொண்டது ! But யதார்த்தத்தினை தாண்டியும் வாரமொரு உற்சாகக் குதி போட உங்களுக்கு சாத்தியப்பட்டால், மில்சே தாத்தால்லாம் rolemodel ஆக இருக்கும் போது, நிச்சயமாய் எனக்கும் இயலாது போகவே போகாது ! நான் ரெடி....நீங்க ரெடியா ? இந்த வாரத்துக்கான கேள்வியாய் உங்கள் முன்னே நான் வைக்க விழையும் கேள்வி கூட நமது blog சார்ந்ததே !! 

1. ஆயிரத்துச்சொச்சம் பதிவுகள் இருக்கும் இந்த சமுத்திரத்தில் நீங்கள் தோராயமாக படித்திருக்கக்கூடியது எம்புட்டு folks ?
2. அதே போல நினைவில் தங்கிய TOP 3 BLOG MOMENTS என்று எவற்றைச் சொல்வீர்களோ ? 

Bye all...."பே.பி.பே" அவதார் ரிப்போர்ட்டர் ஜானியுடன் மறுக்கா அழைப்பதால் கிளம்புகிறேன் all !! See you around .....Bye for now !! Happy Sunday !!

தி கோனார் நோட்ஸ்!

நண்பர்களே, 

இணைப் பிரபஞ்ச வணக்கங்கள்!

"நாளை போய் நேற்று வா"....! கடந்த ஒரு வாரமாய் ஈட்டியுள்ள அலசல்கள் சிண்டை பிய்த்துக் கொள்ளும் ரகத்தில் இருந்துள்ளதில் ஐயங்களில்லை! வித விதமான தியரிகள், அனுமானங்கள், யூகங்கள் - என தெறிக்க விட்டுள்ளனர் ஒரு சிறு அணியினர்!

'அடிக்கிற கத்திரி வெயிலில் ஊட்டாண்ட இருக்க நோவுகளையே சமாளிக்க முடிலே - இந்த அழகிலே டைம் லூப் ; காளான் சூப்புக்கு தான் பொறுமை இருக்காக்கும்?' என்றபடிக்கே மீத மக்கள் அமைதி காப்பதுமே கண்கூடு! "பொழுதுபோக்குக்கே வாசிக்க வர்றோம்... இந்த கூத்துக்களுக்கு நஹி!!" என்ற அவர்களது மைண்ட்வாய்ஸ் உரக்கவே கேட்கவும் செய்கிறது! இவையெல்லாம் என்றேனும் ஒரு தருணத்தின் இதழ்களே என்பதால் no விசனம்ஸ் ப்ளீஸ் மக்களே!  

Anyways இந்தக் கதையின் plot பற்றி நாம் ஆளுக்கொரு விதமாய் யூகம் செய்து வரும் நிலையில் கதாசிரியரிடமே அது பற்றி வினவினேன் - உங்களின் உத்வேகத்தை குறிப்பிட்டு! செம ஹேப்பி அவர் 😀😀😀!

இதோ - அவரது கதையாக்க விளக்கம் இங்கிலீஷில் + அதற்கான நமது தமிழாக்கம் ! Sure enough - நமது அலசல்கள் அவரது கற்பனைகளையும் விஞ்சியிருப்பது obvious 🥹🥹🥹!! "இவ்ளோவே தானா?" என்று இந்த விளக்கத்தை படித்த பிற்பாடும் சந்தேகங்கள் தொடரக்கூடும் என்பதுமே உறுதி! 

So படித்துப் பாருங்கள் ; தொடரக்கூடிய உங்கள் வினாக்களை TO : Mr. Marcello Bondi என்ற குறிப்புடன் இங்கேயே பதிவிடுங்கள் - அவருக்கே அனுப்பி பதில்கள் கோருவோம்!

லயன் வாசகர்களா - கொக்கான்னானாம் 💪💪....!

ரொம்ப காலம் கழித்துக் களை கட்டியுள்ள ப்ளாக் பார்க்கவே அற்புதமாய் உள்ளது! மௌனம் காக்கும் நண்பர்களும் இந்த விளக்கத்தை பார்த்த பின்னே கலந்து கொண்டால் - even better 🔥🔥🔥!

Happy Sunday all!!

வாஷிங் பவுடர் நிர்மா !!

 நண்பர்களே,

வணக்கம். பொதுவாய் பாக்கிகளை வசூல் பண்ணப் போகும் பொழுதுகளில் - "இன்னிக்கி போய்ட்டு நாளான்னிக்கி வா...! அடுத்த வாரம் போய்ட்டு அதுக்கடுத்த வாரம் வா" - என்ற ரீதியில் பதில்கள் கிடைக்கும் போதெல்லாம்,  வெளியே "சரிங்க அண்ணாச்சி" என்று படு செயற்கையான சிரிப்போடு நடையைக் கட்டினாலும், உள்ளுக்குள் செம காண்டாகிடுவதுண்டு ! But முதல் தபாவாய் ஒரு மொக்கையான தவணை சொல்லப்பட, அதனை குஷியாய் நாமும் ஏற்றுக் கொள்வது  நிகழ்ந்துள்ளது ! Becos அந்தத் தவணையில் டிசைன் அப்டி : "நாளை போய் நேற்று வா ....!!" 

நமது ஆன்லைன் மேளாவிற்கென புக்ஸ் தேர்வு செய்யும் தருணத்தில் உட்புகுந்த surprise entry தான் இந்த கி.நா. and வயசானாலும் உங்களது வாசிப்பு ரசனைகளின் நாடித்துடிப்பினை இந்த சித்த வைத்திய சிகாமணி ஓரளவுக்கு அறிந்து வைத்திருப்பதை ஊர்ஜிதம் செய்திடவும் உதவியுள்ள இதழிது ! இடியாப்பங்கள் நமக்கு எப்போதுமே இஷ்டமான டிபன் என்பது ரிப்போர்ட்டர் ஜானி ; மர்ம மனிதன் மார்ட்டின் காலம் முதலே தெரிந்த விஷயம் தான் ; plus காலப் பயணங்களும், இணைப் பிரபஞ்சங்களுமே உங்களுக்கு செமத்தியாக ரசிக்கும் என்பதை "சிகரங்களின் சாம்ராட் " சூப்பராக நிரூபித்தது ! So இது போலான கதைகள் ஏதேனும் தென்படுகின்றனவா ? என்று நடு நடுவே நோட்டம் விட்டுக் கொண்டேயிருப்பது சில ஆண்டுகளின் வழக்கம் ! In fact மரத்தைச் சுற்றி டூயட் பாடும் மாமூல்கள் அல்லாத எதையும் ஆர்வமாய் நோக்குவது இப்போதெல்லாம் ஒரு பிடிவாத குணமாகவே மாறிப் போச்சு ! 

அப்படிப்பட்டதொரு mindset சகிதம் சுற்றத் துவங்கிய பிற்பாடு தான் SODA முயற்சிப்போமே என்று பட்டது ; ரூபின் worth a try என்று பட்டது ; ஸ்பூன் & ஒயிட் வரலாமே என்று பட்டது ; டெட்வுட் டிக் நிச்சயம் ஏமாற்ற மாட்டானென்று பட்டது ; தாத்தாக்கள் வலம் வரட்டுமே என்று பட்டது ; ஸ்டெர்ன் வாய்ப்புக்கு உகந்தவன் என்று பட்டது !! So இத்தகைய mindset உறையும் தருணத்தில், சில பல ஜாம்பவான்களோடு நமது தேடல்களை நிறுத்திக் கொள்ளாது, நிரம்ப passion சகிதம் முயற்சித்து வரும் நம்மைப் போலான இரண்டாம், மூன்றாம் நிலையிலிருக்கக்கூடிய படைப்பாளிகளையும் பரிசீலிக்கத் தோன்றுவதுண்டு ! In fact இத்தாலிய மொழியில், பிரெஞ்சு மொழியில் மட்டுமல்லாது - ஏகப்பட்ட கோக்குமாக்கான மொழி பேசிடும் மார்க்கெட்களிலும் பராக்குப் பார்ப்பது அவ்வப்போதைய பொழுதுபோக்குகள் ! 

கொரோனாவுக்கெல்லாம் முன்பாக, இத்தாலியில் ஒரு படைப்பாளி அவராக நம்மைத் தொடர்பு கொண்டிருந்தார் - தான் புதிதாய் உருவாக்கி வரும் ஒரு black & white தொடரினை தமிழில் வெளியிட நமக்கு ஆர்வமிருக்குமா ? என்ற கேள்வியோடு ! நமக்குத் தான் புதுசாய் எந்த பொம்ம பொஸ்தவத்தைப் பார்த்தாலும் கண்ணு பிரகாசமாகிடுமே ? "ரைட்டு, அனுப்புங்க சார் - பார்க்கலாம்" என்றேன் ! துரதிர்ஷ்டவசமாக அந்தப் படைப்பு ரொம்ப சுமார் ; கௌபாய் பின்னணியில் இருந்தாலும் பெரிய விறுவிறுப்பு இல்லை ! ஒரு மாதிரி பூசி மெழுகி "ஊருக்குப் போய் கடுதாசி போடறேன் !" என்ற ரீதியில் கழன்று கொண்டேன் ! அவருக்கு அதனில் கொஞ்சம் ஏமாற்றம் என்ற போதிலும் புரிந்து கொண்டார் ! அவராகவே தான் வெவ்வேறு ஐரோப்பிய சிறு படைப்பாளிகளின் திக்கில் கையைக் காட்டிடவும் செய்திருந்தார் ! So இங்கும், அங்குமாய் இத்தினி காலமாய் ரவுண்டு அடித்ததன் பலனாய் கண்ணில்பட்ட ஒரு வண்டிக்கதைகளுள் ஒன்று தான் "கர்மாவின் சாலை" என black & white-ல் நாம் முயற்சிக்க நினைத்த கி.நா. !! அந்தக் கதை முழுக்க ஒரேயொரு கார் ; ஒரேயொரு ஆசாமி ; ஒரேயொரு செல்போன் தான் & இரவில் ஒண்டியாளாய் காரில் போய்க்கொண்டிருக்கும் போது அரங்கேறும் ஒரு சம்பாஷணையில் அவனது வாழ்க்கையே தலைகீழாய் மாறிப் போவது தான் அந்த ஆல்பத்தின் plot !  நமது வாட்சப் கம்யூனிட்டியில் உங்களிடம் இது பற்றிச் சொல்லி விட்டு, "இதை முயற்சிப்போமா folks ?" என வினவியிருந்த சமயம் கிட்டிய response மிரட்டலானது !  So அந்தக் கதையினை வாங்க ரெடியான வேளையில், "இன்னமும் கூட எங்களிடம் சில கி.நா.க்கள் உண்டு ; பார்க்குறீங்களா ? " என்று கேட்டனர் ! Oh yes - பேஷாய் !! என்று சொல்ல, நாலைந்து கதைகளின் கோப்புகள் வந்து சேர்ந்தன ! பொறுமையாய் அவற்றை புரட்டிய போது இந்த ஒற்றைக் கதை புருவங்களை உயரச் செய்தது ! "அட...அந்த மாநாடு படம் மாதிரி time loop அது, இதுன்னு போகுதே கதை ?" என்று உறைத்தது !! 

மிகச் சரியாக அந்நேரத்துக்கு "வைகறைக் கொலைகள்" b&w கி.நா.வினை ஆன்லைன் மேளாவுக்கென அறிவிக்கவெல்லாம் ரெடியாகி இருந்தேன் ! அது ஏற்கனவே ஜம்போ காமிக்சில் சில வருஷங்களுக்கு முன்பாய் வந்திருக்க வேண்டிய ஆல்பம் & ராப்பர் கூட பிரிண்ட் ஆகி வருஷமாய் ரெடியாய் காத்துக் கிடக்கிறது ! அதை வெளியிட்டால் வேலையும் லேசு, முடங்கிக் கிடைக்கும் காசும் ரிலீஸ் ஆகும் என்ற எண்ணமிருந்தது பின்புலத்தில் ! But இந்தக் கி.நா கதையென்றால் புதுசாய் பணி ; புதுசாய் கொள்முதல், தயாரிப்பு என காத்திருப்பது புரிந்தது ! ஆனால் நமக்கு தான் வானர புத்தியாச்சே ? புதுசாய் ஒரு கொப்பில் ஏறி நின்றால், கீழிறங்க மனசு வராதே ? ரைட்டு...எதுக்கும் உங்ககிட்டவே இது பற்றியும் கேட்டுப்புடலாம் !! என்ற எண்ணத்தில் - back to the whatsapp community !! அங்கேயே நீங்கள் ஏகோபித்த குரலில் செம thumbs up தந்தது மட்டுமன்றி, இதற்கொரு தலைப்பு வைக்கும் முயற்சியினை திருவிழாவாகவே மாற்றி விட்டிருந்தீர்கள் ! அப்புறமென்ன - "வாம்மா மின்னல்" தான் !! Fast Forward-ல் ஓட்டமெடுத்த கதையில் அதே வேகத்துக்குப் பணியாற்றினோம் and அதற்குப் பின்பான சமாச்சாரங்களை நீங்கள் அறிவீர்கள் !  

ஒரு புதிரான கதைக்கு புக்கிலேயே விடை போடுவதா ? வாணாமா ? என்ற கேள்வியும் அடுத்து முன்நின்றது ! இங்கேயும் நான் அமர நினைத்த போதி மரம் நம்ம கம்யூனிட்டி தான் ; ஆனால் சின்னதொரு வித்தியாசம் this time ! போதி மரத்துக்குக் கீழே குந்தும் முன்னமே ஒரு தீர்மானம் எடுத்திருந்தேன் - "nopes ; பதிலை புக்கிலேயே போட்டுடைத்து விட வேணாமே" என்று !! சிந்திக்கவும், கலந்துரையாடவும் கிட்டியுள்ள இப்படிப்பட்டதொரு அழகான வாய்ப்பை தவற விடலாகாது என்பது என்னுள் இருந்த உறுதி ! "அப்புறம் எதுக்குலே எங்க கிட்டே கேட்டே ?" என்ற கடுப்புடனான கேள்வி எழலாம் உங்களுள் ! நீங்களும் "ஆங்...வேணாம்டா தம்பி ..சஸ்பென்ஸ் தொடரட்டும் ! புக்கில் போட வாணாம் !" என்று சொல்வீர்களெனவே எதிர்பார்த்திருந்தேன் ! ஆனால் பெரும்பான்மையினரோ உல்டாவாய் பதில் சொன்னீர்கள் ! அந்த நொடியில் கண்முன்னே கலர் கலராய் மூ.ச. விளக்குகள் ; கச்சேரிகள் சர சரவென அணிவகுத்தன தான் - but நாம பாக்காத மு.+மூ.ச.க்களா ? இண்டிகேட்டரை போட்டுக்கினே நேராக வண்டியை செலுத்தினேன் ! And இதோ இங்கே நிற்கிறோம் !! 

இந்தக் கதையின் knot சிலருக்குப் புரிந்துள்ளது / அல்லது புரிந்துள்ள நம்பிக்கை புலர்ந்துள்ளது ! சிலருக்கோ புரியில்லா ! இது குறித்து again நம்ம வாட்சப் கம்யூனிட்டியில் அலசல்கள் , விளக்கங்கள் அரங்கேறின தான் ! ஆனால் அவற்றை சாவகாசமாய் வாசிப்பது, விவாதிப்பது என்பதெல்லாம் அங்கே வாட்சப்பில் நடைமுறை சாத்தியம் அல்ல என்பதால் பஞ்சாயத்து ஜமுக்காளத்தை நம்ம blog எனும் ஆலமரத்தின் கீழ் கொணர்ந்தாச்சு ! இயலும் பட்சத்தில் அங்கே பதிவிட்ட நண்பர்கள் தங்களது பதிவுகளை இங்கேயும் repost ப்ளீஸ் ? விவாதங்களை இங்கே தொடரலாம் & நானும் உட்புகுந்திட இங்கே வாய்ப்பு அமைந்திடும் ! So "நாளை போய் நேற்று வா !!" ஆல்பத்தில் உங்களுக்குப் புரிந்தவற்றை / புரியாதவற்றை இங்கே வாஷிங் பவுடர் நிர்மா போட்டு அலச முனைவோமா all ?

Bye for now....விவாதங்கள் துவங்கும் பொழுதில் கச்சேரியில் கலந்து கொள்கிறேன் ! See you around !