Powered By Blogger

Friday, November 29, 2019

வந்தனம் டிசம்பர் !

நண்பர்களே,

வணக்கம். நேற்று காலையே கூரியர்கள் சகலமும் புறப்பட்டுவிட்டன என்பதால், இந்நேரத்துக்கு அவற்றின் பெரும்பான்மை உங்கள் ஊர்களை எட்டிப் பிடித்திருக்க வேண்டும் ! So இன்றைய பொழுதில் முதல் புரட்டலுக்கென கொஞ்சமாய் நேரம் ஒதுக்கிட முடிகிறதாவென்று பாருங்களேன் ? 

அப்புறம் சந்தாப் புதுப்பித்தல் தொடர்பாய் ஒரு கடுதாசியும் டப்பிக்களில் இணைக்கப்பட்டிருக்கும் ! ஏற்கனவே புதுப்பித்துவிட்ட நண்பர்கள் அதனை பொருட்படுத்த வேண்டாமே  ! And  புதுப்பித்திடவுள்ள நண்பர்கள் அதன் பொருட்டு கவனம் செலுத்திடக் கோருகிறேன் ! Please guys !!

மீண்டும் சந்திப்போம் ! Bye for now !

பி.கு. : ஆன்லைன் லிஸ்டிங்குகள் போட்டாச்சு :



Saturday, November 23, 2019

ஒரு காலும்..ஒரு கட்டைவிரலும் ...!

நண்பர்களே,

வணக்கம். அடுத்தாண்டின் அட்டவணை எல்லாமே ரெடி என்ற போதிலும்,  சிக்கும் வாய்ப்புகளில் சிக்கும் புதுக் கதைகளை வாசிக்கும் பழக்கம் இன்னமும் தொடர்கிறது ! And அப்படியொரு வாசிப்பின் மறு கணம் எனக்குத் தோன்றிய எண்ணங்களை லேசாய்க் கூட dilute ஆகிட அனுமதிக்கலாதென்று ஒரே ஓட்டமாய் வந்து எழுத்தாக்கியுள்ளேன் ! Maybe கொஞ்ச நாட்களுக்குப் பின்னே இந்தக் கதை மீதான தாக்கம் இதே போலத் தொடர்ந்திடுமா ? அல்லது குன்றியிருக்குமா ? என்றெல்லாம் சொல்லத் தெரியவில்லை ; ஆனால் இந்த நொடியின் ரம்யத்தைப் பகிரத் தோன்றியதால் இந்த ஓட்டம் !  

ஹீரோவே கிடையாது....அடிதடி அதகளம் எதுவும் கிடையாது ...இன்னும் சொல்லப் போனால் இந்தக் கதையில் யாரும் - யாருக்கும் எதிரியெல்லாம் கிடையாது .....அட...இன்னும் ஒரு படி மேலே போவதாயின் இங்கே கதையென்றே பெருசாய் எதுவும்  கிடையாது !! வாழ்க்கையின் அந்திப் பொழுதில் நிற்கும் மனிதர்களின் அனுபவங்கள் ; உணர்வுகள் ; சந்தோஷங்கள் ; சங்கடங்கள் என்றே சுழன்றடிக்கும் ஆல்பம் இது ! இடையிடையே வாழ்க்கையின் இன்னல்கள் பற்றி கதை மாந்தர்கள் பொரிந்து தள்ளுவதும் உண்டு ; அதே சமயம் நெகட்டிவான வட்டத்துக்குள் சிக்கிடாது ஜாலியாய் ஓட்டமெடுக்கவும் தெரிந்த ஆல்பம் இது ! வாழ்க்கைப் பாடங்களை ; அதன் யதார்த்த முகங்களை ; இளமையின் வேகத்தை ; முதுமையின் மந்தத்தை சொல்ல விழையும் முயற்சி இது ! இங்கே ஆணழகர்களோ ; கவர்ச்சிக் கன்னிகளோ கிடையாது ; அத்தனை பேருமே ஒருவித கார்ட்டூன் பாணியிலான சித்திரங்களில் சராசரிக்கும் கீழேயே தென்படுவர் ! 

தொழிலாளர் ஒற்றுமை ; அரசியல் ; கடந்து போன / மறந்து போன ஒரு காலகட்டத்தின் வாழ்க்கைமுறைகள் என்று செல்லும் இந்த ஆல்பத்தில் மாமூலான காமிக்ஸ் சமாச்சாரங்கள் எதையும் எதிர்பார்த்தால் ஏமாற்றமே மிஞ்சும் ! கிளைமாக்சிலாவது  நல்லவனும், கெட்டவனும் மோதி - கெட்டவன் மண்ணைக் கவ்வுவான் என்றெல்லாம் காத்திருந்தால் அங்கும் 'புஸ்ஸ்ஸ்' தான் ! யதார்த்த வாழ்வில் போல் ஜெயமோ-தோல்வியோ 'சக்கரங்கள் சுழன்றே தீரணும் !' என்று கதைமாந்தர்கள் நடையைக் கட்டுவார்கள் ! So வெகுஜன காமிக்ஸ் இலக்கணத்துக்கு கொஞ்சமும் கிட்டே நிற்காததொரு படைப்பு இது ! நமக்கு ரொம்பவே பரிச்சயமானதொரு கதாசிரியரின் கைவண்ணமிது என்பது மாத்திரமே இதற்கென நான் பரிந்துரைக்கக்கூடிய ஒரே ப்ளஸ் பாய்ண்ட் !

ஆனால்...ஆனால்....

இத்தனைக்கும் மீறி இந்த 50+ பக்கங்களில் ஒரு இனம்புரியா ஈர்ப்பு...ஒரு மென்சோகம் கலந்த சந்தோஷம் இழையோடுவது போல் தென்பட்டது எனக்கு ! 

Maybe ..just maybe இத்தகையதொரு படைப்பை ரசிக்கும் பாங்குக்கும், எனது ஏழரைக் கழுத்தை வயதுக்கும்  ஏதேனும் தொடர்பிருக்குமோ - என்னவோ தெரியவில்லை ! And maybe  வயதில் குறைந்தோர்க்கு இது ரசிக்குமோ - ரசிக்காதோ - கணிக்கவுமே  தெரியவில்லை ! 

But இந்தச் சந்தேகங்களையும் மீறி ; தயக்கங்களையும் தாண்டி - இந்த ஆல்பத்தைத் தமிழுக்குக் கொணரும் வேட்கையை மட்டும் மட்டுப்படுத்திட இயலவில்லை ! மாமூலான பொழுதுபோக்கை எதிர்பார்க்கும் நண்பர்கட்கு  இதனில் பத்தே பக்கங்களைக் கூடத் தாண்ட முடியாது போகலாம் ; ஆனால் 'சற்றே வித்தியாசமான படைப்புகளை முயற்சித்துத் தான் பார்ப்போமே' என்று எண்ணக்கூடிய நண்பர்களுக்கு இது கிருஷ்ணா சுவீட்ஸ் மைசூர்பாகாய் கரையவும் செய்யலாம் ! 

கெலித்தால் எனது ரசனை சிலாகிக்கப்படலாம் ; சொதப்பினால் கேலியும், கிண்டலுமாய், சீப்பட்டும் போகலாம் ! 'நல்லாத்தானே போய்க்கிட்டிருக்கு ; இந்த விஷப் பரீட்சையெல்லாம் வேணும் தானா ?' என்று உங்களுக்குத் தோன்றின் நிச்சயம் அது உங்கள் தவறாகாது ! ஆனால் ஒரேயொரு நூறு ரூபாயில் ஒரு வாழ்க்கைப் பயணத்தை தரிசிக்கும்  வாய்ப்பை இழக்க இந்தக் கட்டை விரல் காதல் தாசனுக்கு மனம் ஒப்ப மறுக்கின்றது ! "அது சரி, உன் மப்புக்கு எங்க காசு தான் ஊறுகாயா மாப்பு ?" என்ற அன்பான குரல்கள் எழும் வாய்ப்புகளும் உண்டென்பது புரிகிறது ! 
So இல்லாத கேசத்தை ரொம்பப் பிய்த்துக் கொண்டிராது சின்னதாயொரு தீர்மானத்துக்கு வந்தேன் ! Loyalty points ; சந்தா செலுத்துவோருக்கு பிரத்யேகமாய் ஏதேனும் புக்குகளோ ; பொருட்களோ பரிசாய்த் தருவதாய் 3 ஆண்டுகளாய் பிராமிஸ் செய்து வருகிறோமல்லவா ? முந்தைய ஆண்டுகளுக்கு என்ன வழங்குவதென கொஞ்சமாய் யோசித்து முடிவெடுக்க அவகாசம் எடுத்துக் கொள்ளும் கையோடு - 2020-ன் சந்தாதாரர்கட்கு இந்த இதழை பாய்ண்டுகளுக்கு ஈடாய்த் தந்தால் என்னவென்று ? நினைத்தேன் ! So ஜனவரியின் இறுதியில் சந்தாச் சேகரிப்புகள் நிறைவுறும் தருணத்தில் - இந்த இதழினை official ஆக அறிவித்திட எண்ணியுள்ளேன் ! Of course - கதைக்கான உரிமைகளை பெற்றிடும் வேலைகளை இனிமேல் தான் துவக்கிடவே வேண்டும் ; ஆனால் கையைக் காலைப் பிடித்தேனும் வாங்கிடலாமென்ற நம்பிக்கையில் இருக்கிறேன் ! அப்புறம்  'இது எனக்கு வேண்டாம் !' என்று எண்ணிடும் சந்தா நண்பர்களுக்கு  இதனை நிராகரித்து விட்டு பாயிண்டுகளை முன் எடுத்துச் செல்லும் சுதந்திரமும் இருக்கும் !  

So என் ஆர்வக் கோளாறுக்கும் வடிகால் கண்டது போலவும் ஆச்சு  ; உங்கள் பாக்கெட்களுக்குச் சேதமும் இன்றிப் போனது போலவும் ஆச்சு ! 

அப்புறம் இந்த இன்டர்நெட் யுகத்தில் நான் குறிப்பிடும் கதை எதுவென்று கண்டுபிடிக்க அதிக நேரம் பிடிக்காது தான் ! In fact இப்போதே கூட உங்களில் சிலருக்கு நான் பேசுவது எந்தக் கதையைப் பற்றி என்று தெரிந்திருக்கக்கூடும் தான் !  ஆனால் இத்தனை பில்ட் டவுணுக்கு ; இத்தனை நெகட்டிவ் எண்ணங்களுக்குப் பிற்பாடும்  இந்த இதழுக்கு எத்தனை பேர் opt செய்கிறார்கள் என்று தெரிந்து கொள்ள என்னுள் சின்னதாயொரு curiosity ! So அது வரையிலாவது  உங்களின் ஷெர்லாக் ஹோம்ஸ் வேகங்களை இங்கும் சரி, இன்ன பிற களங்களிலும் சரி, கட்டுக்குள் வைத்திருக்கக் கோருகிறேன் folks !! Thanks for your understanding !

ரைட்டு...மண்டைக்குள் குடைந்து கொண்டிருந்த சமாச்சாரத்தை இறக்கி வைத்தாயிற்று என்ற திருப்தியோடு ரெகுலர் விஷயங்களுக்குள் புகுந்திடலாமா ? இதோ டிசம்பரின் சந்தா B சார்பிலான ரிங்கோவின் முதற்பார்வை & டிரெய்லர் !
அமரர் வில்லியம் வான்ஸை நினைவு கூர்ந்திடும் விதமாய் அவரது ஆர்ட்ஒர்க்கில் வெளியான இந்தத் தொடரை நாம் தேர்ந்தெடுத்தது போனாண்டின் சேதி ! 2019 அட்டவணையில் இந்த இதழ் சந்தா B-ல் compact சைசில் black & white-ல் வெளிவருவதாய் அறிவித்திருந்ததுமே நீங்கள் அறிவீர்கள் ! உரிய வேளைகளில் கதைகளை வரவழைக்கும் முன்பாய் மொழிபெயர்ப்புக்கோசரம் அவற்றின் low resolution பக்கங்களை வாங்கிடுவது வாடிக்கை ! அதே போல் இம்முறையும் செய்த போது அமரர் வான்ஸின் துவக்க நாட்களது சித்திர பாணியுடன் ரிங்கோவின் பக்கங்கள் மின்னஞ்சலில் வந்து சேர்ந்தன !  அவற்றைப் புரட்டியபடிக்கு வான்ஸ் அவர்களின் ஜாலங்களை  ரசித்த வேளையிலேயே சின்னதாயொரு  நெருடலும் துளிர்விட்டது ! ஒரு tribute இதழை ரெகுலர் சைசில் வெளியிடாது compact சைசுக்கு கொண்டு செல்வதென்பது கஞ்சப் பிசினாரி வேலையாய்த் தென்படுமே என்று உறுத்தியது ! ஏற்கனவே ஜடாமுனிகாரு கதையினையும் இதே போல திட்டமிட்டிருந்தும், பின்னே ரெகுலர் சைசுக்கே கொண்டு சென்றதும் நினைவில் நிழலாட ரிங்கோவும் ரெகுலர் சைஸ் என்றே தீர்மானித்தேன் ! அப்பாலிக்கா நெருடல் # 2  தலை தூக்கியது - ஒரிஜினலின் வண்ணப் பக்கங்களைப் பார்த்த போது ! வெறுமனே கருப்பு-வெள்ளையில் மாத்திரமே ஒரிஜினலாய் உள்ள கதைகளை வெளியிடும் போதே - "இதைக் கலரில் போட்டிருக்கலாமே ?" என்று ஆதங்கக் குரல் எழுப்பும் வட்டத்திடம் - ஒரு வண்ணத்திலான கதையை black & white-ல் ஒப்படைத்தால் என்ன மாதிரியான எதிர்வினையிருக்கக்கூடுமென்று யூகிக்க முயற்சித்தேன் ! ஏனோ தெரியலை...திடீரென மதுரை வெளிக்கடைகளில் 'டங்கடங்கடங்க..'வென்று கொத்து பரோட்டா போடும் ஓசை கேட்பது போலவே ஒரு பீலிங்கு !! 'ஆங்...வான்ஸின் சித்திரங்களை ரசிக்க black & white தான் சுகப்படும் என்று சமாதானம் சொல்லிக்கலாமென்று மனசுக்குள்  சொல்லிக் கொண்ட நொடியில் பஜ்ஜி போட தெருமுனையிலான டீக்கடையில் 'சரக்..சரக்' என்று வாழைக்காயை சீவும் காட்சி  நிழலாடத் துவங்கியது !  அப்புறமென்ன ? "ஆத்தாடியோவ் !! ரிங்கோ in color ; in regular size" என்ற தீர்மானம் தான் !! ஒரு அமரரை நம்மளவிற்கு வணங்கிடும் முயற்சியில் துட்டுக் கணக்கை ரொம்பப் பார்த்துத் திரிந்தால் வேலைக்கு ஆகாது என்ற ஞானோதயம் ஒருமாதிரிப் புலர்ந்திட - here you go !
சற்றே புராதன கலரிங் பாணி தான் என்றாலும் கலர்- கலர் தானே ? And அதனை நான் கண்ணில் காட்டாது கருப்பு -வெள்ளையிலேயே நின்றிருப்பின் அது சார்ந்த curiosity இன்னும் ஜாஸ்தியாக இருந்திருக்கக்கூடும் ! So லேட்டான தீர்மானமெனினும் லேட்டஸ்ட்டான தீர்மானமென்று வைத்துக் கொள்வோமே ?

அப்புறம் ஒரே மாதத்தில் ஒரே சந்தாப் பிரிவிலிருந்து 2 இதழ்கள் இதற்கு முன்பாய் வெளியாகியுள்ளனவா - தெரியவில்லை ! ஆனால் இம்மாதம் சந்தா B சார்பில் இரு இதழ்களுண்டு ! இதோ TEX-ன் சிங்கிள் ஆல்பத்தோடு இந்தாண்டைப் பூர்த்தி செய்திடும் "சூது கொல்லும்" preview !!
As always - வில்லன் யார் ? சிக்கல் என்ன  என்பதையெல்லாம் நம்மூர் மந்திரிகளின் பேட்டிகள் போல் உரக்கவே கதாசிரியர் சொல்லி விட்டுத் தான், அப்புறமாய் நம்மவர்களை களத்துக்குள் இறக்கி விடுகிறார் ! கதைக்கான backdrop சற்றே வித்தியாசமானது என்பது ப்ளஸ் பாய்ண்ட் ! மற்றபடிக்கு சிக்குவோரையெல்லாம் சாத்தியெடுக்கும் அவதாரோடு ஓவியர் சிவிடெல்லியின் துவக்க நாட்களின் சித்திரங்களோடு கதை தட தடக்கிறது ! 'தல'க்கு  பில்டப் என்பதெல்லாம் மதுரைக்கு ஜிகர்தண்டாவை அறிமுகம் செய்வதை ஒத்த முயற்சி என்பதால் இத்தோடு ஒலிபரப்பை முடித்துக் கொள்கிறேன் guys !!
புக்குகள் சகலமும் ரெடியென்றாலும் முகவர்களின் நலனையும் கருத்தில் கொண்டு வியாழனன்று (28th.nov) despatch செய்திடவுள்ளோம் ! So வெள்ளி & சனிக்குள் அனைவரிடமும் புக்குகள் இருந்திடுவதை உறுதி செய்திட இயலும் என்ற நம்பிக்கையோடு விடை பெறுகிறேன் ! Bye all ! See you around ! Have a great Sunday !

P.S : சென்னைப் புத்தக விழாவிற்குப் பின்னான விழா என்றாலும் ஏற்பாடுகளில் இப்போதே முனைப்பு காட்டி வருகின்றனர் திருப்பூர் புத்தக விழவினர் ! ஜனவரி 30-ல் துவங்கவுள்ள இந்த விழாவில் நாமும் இடம் போட்டுள்ளோம் !! 

அப்புறம் 2019-ன் பணிகள் எங்களளவில் ஓவர் guys !! இனி 2020  க்கான பயணத்தைத் துவங்கிட சந்தாக்களெனும் பச்சைக்கொடி நீங்கள் காட்டினால் தான் ஆச்சு !! Please do subscribe all !!

Sunday, November 17, 2019

ஒரு கேரட் கொண்டாட்டம் !

நண்பர்களே,

வணக்கம். நவம்பர் 13 ! சாமத்தை நெருங்கவிருந்ததொரு வேளை ! வீடே அமைதியாக இருளில் குளித்துக் கிடக்க -  ஒரு மூலையில் இருக்கும் என் மேஜையில் மட்டும் வெளிச்சம் ! அதை விடவும் செம பிரகாசம் இரு ஆந்தை விழிகளில் !! சினிமாக்களில் போல 'ஜிங்'கென்று மேஜை மீது குதித்து ஏறி...லைட்டாக ஒரு டான்சைப் போடும் ஆசை எழுகிறது ; ஆனாக்கா 'இந்த வயசில் பிரபு தேவா வேலையைப் பார்த்துப்புட்டு அப்பாலிக்கா காரைக்கால் அம்மையாராய் வலம் வர நேரிட்டால் பரால்லியா ?' என்று மண்டை கேட்க - ஓசையின்றி நாற்காலியில் இன்னும் அழுத்தமாய் ஒட்டிக் கொண்டேன்  ! அந்த மெல்லிருளிலும் முகத்தில் ஒரு நீண்ட புன்னகை குந்தியிருப்பது மட்டும் புரிய, அந்தத் தருணத்தைக் கொண்டாட ஏதாச்சும் சாப்பிட உள்ளதாவென்று பிரிட்ஜை  உருட்டினால் அடுத்த நாள் சமையலுக்கான கேரட்டும், தக்காளியும் தான் கண்ணில் படுகின்றன ! அந்த நொடியில் கேரட் கூட மந்திரியாருக்கு கலீபா பதவியாய்க் காட்சியளிக்க - வாய்க்குள் திணித்தபடிக்கே மறுபடியும் மேஜையில் போய் அமர்ந்தேன் ! இத்தனை ரகளை எதுக்கோ ? என்று கேட்கிறீர்களா ? வேறொன்றுமில்லை guys - முழுசாய் 12 மாதங்களுக்கானதொரு திட்டமிடலை ஆண்டவன் கருணையில் பூர்த்தி செய்த சந்தோஷத்தின் வெளிப்பாடே அது ! டிசம்பரின் 3 ரெகுலர் இதழ்கள் ப்ளஸ் ஜம்போவின் ஒன்றை நிறைவு செய்வதோடு 2019-ன் ஒட்டுமொத்த பணிகளுக்கும் "சுப மங்களம்" போட்டிட முடியுமல்லவா ? நவம்பர் 13-ன் பின்னிரவில் ஜேம்ஸ் பாண்டின் மொழியாக்கத்தை நிறைவு செய்த நொடியே அந்த 'சுப மங்கள' நொடி !! என்பதால் தான் கேரட்டோடு கொண்டாட்டம் !! 

என்னதான் இதுவொரு தொடர் ஓட்டம் என்றாலும் ; என்னதான் அடுத்த நாளே ஜனவரியின் வேலைகளுக்குள் வழுக்கைத் தலையை  நுழைக்க வேண்டி வருமென்பது புரிந்தாலும், - "ஹை...இந்த வருஷத்துக் கோட்டா ஓவர்டோய் !!" என்ற புரிதல் புலர்ந்த நொடியின் ஏகாந்தம் அத்தனை ரம்யமாக  இருந்தது ! கடந்த ஏழோ-எட்டோ ஆண்டுகளாய்ச் செய்து வரும் பணியே என்றாலும் இந்தாண்டு சற்றே வித்தியாசம் - என்னளவிலாவது ! ஆண்டின் கணிசமான பகுதியினை ஆரோக்கியத்தில் குறைபாடுகள் + பொதுவான 50+ வயதினர்களின் சிக்கல்கள் என்ற  பயணத் தோழர்களோடு நகற்றிட வேண்டிப் போனதால், அதன் மத்தியில்  நம் பயணத்தையும் தொய்வின்றிச் செய்ய முடிந்தது நிச்சயமாய்ப் பெரும் தேவன் மனிடோவின் உபயமே என்றுபட்டது ! அது மாத்திரமின்றி சமீப வருடங்களிலேயே 'hits - சொதப்பல்ஸ்' ratio ரொம்பவே சாதகமாய் அமைந்ததொரு ஆண்டு இந்த 2019 என்ற புரிதலுமே எனது கேரட் பார்டிக்கொரு காரணம் என்பேன் ! டிசம்பரின் இதழ்களையும்  உங்கள் கைகளில் ஒப்படைத்த பிற்பாடு "The Year in Review" என்று அலசிடுவதே பொருத்தமாயிருக்கும் என்றாலும், இந்த நொடியில் ஓடும் சிந்தனைகளை லைட்டாய் ஒரு டப்பிக்குள் அடைக்க முற்படுவதே இந்தப் பதிவு ! But first things first ! காத்திருக்கும் டிசம்பரின் இதழ்களுக்கான previews கொஞ்சமாய் : 

பொதுவாகவே அட்டவணையினைத் தயார் செய்யும் போது அத்தனை கதைகளுமே சூப்பர்-டூப்பர் ஹிட்களாகவே எனக்குத் தென்படுவது வழக்கம் ! மேலோட்டமான வாசிப்பு ; இன்டர்நெட் அலசல்கள் ; பக்கங்களைப் புரட்டிப் பராக்குப் பார்த்தல் என்று ஏதேதோ ரூபங்களில் எனது தேர்வுகளின் பின்னணிகள்  அமைந்திடுவதுண்டு ! ஆனாலும் ஒரு சில கதைகள் அந்த ஒட்டு மொத்த அணிவகுப்பிலுமே என் கவனத்தை ஈர்ப்பது மட்டுமில்லாமல் - 'ஹையோடா....இதில் பணியாற்றும் வாய்ப்பு சீக்கிரமே அமைந்தால் தேவலாமே !' என்றும் தோன்றச் செய்வதுண்டு ! இந்த எடிட்டர் குல்லாயை மாட்டிக் கொள்வதில் சில பல வசதிகள் உண்டு !! பனிக்காலத்தில் காதுகள் குளிராது ;  ஒருகாலத்தில் கேசம் குடியிருந்த இன்றைய பொட்டல்காட்டை மறைத்துக் கொள்ளலாம் ; அப்படியே எந்தக் கதைகளை மொழிபெயர்ப்புக்கென கையில் தக்க வைத்துக் கொள்ளலாம் ?- எவற்றைத் தள்ளி விட்டிடலாம் ? என்ற தீர்மானங்களையும் தன்னிச்சையாய்ச் செய்து கொள்ள முடியும் ! அட்டவணை உருவாகும் போதே ஒரு parallel பட்டியல் போட்டிருப்பேன் - எவற்றையெல்லாம் நன் எழுதுவதென்று !! அந்த வரிசையில்  கிராபிக் நாவல்கள் & கார்ட்டூன்ஸ் & டெக்ஸ் சமீப ஆண்டுகளில் பிரதான இடம் பிடிப்பது வாடிக்கை ! 

2017-ல் லயன் கிராபிக் நாவல் வெளியானது முதலாய் அவற்றில் இதுவரையிலுமான ஒவ்வொரு ஆல்பமும் வித விதமாய் சவால்களை முன்வைக்கத் தவறியதில்லை ! அவற்றை நான் கையாண்ட விதம் நன்றாய் அமைந்திருந்ததோ ; சுமாராய் அமைந்திருந்ததோ - அங்கே எனக்குக் கிட்டிய அனுபவப்பாடங்கள் ஏராளம் ! அதிலும் சற்றே இருண்ட ரக கிராபிக் நாவல்கள் என்றாலே உள்ளுக்குள் குஷியாகிப் போகும் - ஆங்காங்கே ஸ்கோர் செய்ய லட்டு போல வாய்ப்புகளை ஒரிஜினல் ஸ்கிரிப்ட் தவறாது வழங்கிடுமே என்ற எதிர்பார்ப்பில் !  அந்த எதிர்பார்ப்பு போனெல்லியின் black & white கி.நா.க்களில் இன்னமும் ஜாஸ்தியாவதுண்டு - அவற்றின் செம diverse கதைக்களங்களின் காரணத்தினால் ! So 2019-ன் அட்டவணையில் 3 போனெல்லி கி.நா.க்களை அறிவித்த போதே அவை சார்ந்த எதிர்பார்ப்பு எனக்குள் ! "முடிவிலா மூடுபனி" செம ஹிட் ; "நித்திரை மறந்த நியூயார்க்" ஹிட்டுமல்ல ; சொதப்பலுமல்ல என்ற நிலையில் இறுதி இதழான "கதை சொல்லும் கானகம்" எவ்விதமிருக்குமோ என்ற குடைச்சல் தலைக்குள் இருந்தது ! So டிசம்பர் பணிகளுக்குள் புகுந்திடும் வேளை வந்த போதே எனது முதல் தேர்வு "க.சொ.கா." வாகத் தானிருந்தது ! கடந்த 4 ஆண்டுகளாய் ஜூனியர் எடிட்டரின் முயற்சிகளின் பலனாய் native italian speakers தான் நமது இத்தாலிய மொழிபெயர்ப்பைச் செய்து வருகின்றனர் ! So ஒரிஜினல் ஸ்கிரிப்ட் எவ்வித நுணுக்கங்களோடு உள்ளதோ - அதைத் துளிப் பிசகுமின்றி இங்கிலீஷில் போட்டுத் தாக்கி அனுப்பி விடுவார்கள் ! அதிலும் ஒரு கல்லூரியில் பணியாற்றும் இளம் பெண்ணின் மொழிபெயர்ப்புகள் சும்மா எகிறி அடிக்கும் !  கி,நா.க்கள் ; ஜூலியா ; போன்ற tough கதைகளை கையாள்வது அவரே ! So அவரிடமிருந்த வந்த ஸ்கிரிப்ட் என்றால் - ஒரு பக்கம்  ஒரிஜினல் சித்திரங்கள் ; இன்னொரு பக்கம் அவரது ஆங்கில கத்தை  ; மூன்றாவது பக்கம் கூகுள் ஆண்டவரைத் தேடிடும் கம்பியூட்டர் என்றில்லாது தமிழாக்கத்தைச் செய்திடவே வாய்ப்புகள் லேது! அத்தனையையும் வைத்துக் கொண்டே நிறைய இடங்களில் விழி பிதுங்கிடுவதுண்டு - சரியான context-ல் அர்த்தம் செய்து கொள்வதற்கு !  இம்முறையும் no different ! 

ஒரு மாதிரியாய் தீபாவளி விடுமுறைகள் பூர்த்தியான பிற்பாடே இந்தக் கதையை எடுத்துக் கொண்டு மெது மெதுவாய் வேலைகளை ஆரம்பித்தேன் ! வழக்கம் போலவே கதை ஆரம்பித்த எட்டாவதோ ; ஒன்பதாவதோ பக்கத்திலேயே ஒரு திடும் அதிரடி தலை காட்ட - 'அட !' என்றபடிக்கே இன்னும் ஈடுபாட்டோடு எழுத ஆரம்பித்தேன் ! ஒரு க்ரைம் த்ரில்லர் போலவே கதையின் ஓட்டமும் இருந்ததால் தொய்வின்றிப் பணியாற்ற முடிந்தது ! 'இது நம்ம தலீவர் கூட ஊதிடும் ரகத்திலான க்ரைம் கதை மாதிரியிருக்கே - இதில் என்ன கி.நா element இருக்குமோ ? என்றபடிக்கே எழுதிக் கொண்டு போனால் ஒரு மெல்லிய பரபரப்பு பக்கத்துக்குப் பக்கம் தொற்றிக் கொண்டே செல்வதை உணர முடிந்தது ! As always ஒரு சிறு நகரம் ; அங்கொரு குற்றம் ; அது சார்ந்த தேடல் என்ற template தான் இங்கேயும் என்றாலுமே ஒரு இனம் புரியா ஈர்ப்பு இல்லாதில்லை ! ! நடு நடுவே பிளாஷ்பேக்கில் ஏதேதோ சொல்லப்பட - அங்கெல்லாம் திரு திருவென நான் முழிக்கும் படலம் துவக்கம் கண்டது ! எப்போதுமே, ஆங்கிலமல்லாத வேற்று மொழிக் கதைகளில் பணியாற்றும் போது நான் முழுக்கதையையும் ஆரம்பத்திலேயே படிப்பதெல்லாம் கிடையாது ! 'படிக்கப் படிக்க எழுதிக்கலாம் ; எழுத எழுதப் படிச்சுக்கலாம் !' என்பதே சோம்பேறித்தனத்தின் பிரதிபலிப்பாய் இருந்திடுவதுண்டு ! ஆனால் முதன்முறையாக 60 பக்கங்களை எட்டிப் பிடித்த தருணத்தில் - கதையின் முழுமையையும் புரிந்து கொள்ளும் வேகம் என்னை ஆட்டிப்படைக்க - பேனாவைத் தூக்கி ஓரமாய் வைத்து விட்டு கதையை வேக வேகமாய்ப் படிக்க ஆரம்பித்தேன் ! பின்னே போகப் போகத் தான் அந்த பிளாஷ்பேக் sequences களில் கதாசிரியர் சொல்ல முனைவது என்னவென்று புரியத் துவங்கியது ! தடுமாற்றமான அந்த இடங்களில் எல்லாம் நான் குத்து மதிப்பாய் எதையோ  எழுதியிருந்ததை நினைத்து சிரிப்பாய் வர - அவசரமாய் அந்த இடங்களைத் திருத்தினேன் !  தொடர்ந்த ஒன்றரை நாட்களில் மொழிபெயர்ப்பின் மீதத்தையும் முடித்திருந்த போது, ஒரு வீரியமான க்ரைம் சப்ஜெக்டை மாமூலான பாணியில் அல்லாது  செம வித்தியாசமாய் கதாசிரியை சொல்லியிருப்பது புரிந்தது ! க்ளைமாக்சில் தெறிக்கும் குருதிப் புனலின் மத்தியில் வில்லனை இனம்காண்பது அத்தனை சிரமாக இருக்கவில்லை என்றாலும் - அந்தக் கடைசிப் 10 பக்கங்களில் தட தடக்கும் தேஜஸ் எக்ஸ்பிரஸின் சீற்றத்தையும், வேகத்தையும் பார்த்திட முடிந்தது ! 112 பக்கங்களை முடித்து விட்டு "முற்றும்" என்று போட்டுவிட்டுக் கையைத் தட்டும் நொடியினில் உள்ளுக்குள் லேசாய்க் கனத்திருந்தது இதயம் ! இதழின் முதற்பக்கத்திலும், இறுதிப் பக்கத்திலும், இது சார்ந்து நான் தந்துள்ள சில 'ரமணா' புள்ளிவிபரங்கள் கதையைப் படித்து முடிக்கும் அந்த நொடியில் ரொம்பவே relevant ஆகத் தோன்றிடும் என்பேன் ! 

இது பற்றி பணி முடித்த 2 வாரங்களுக்கு முன்பே அந்த ஞாயிறுக்கு எழுதிடத் தோன்றியது தான்  ! ஆனால் எமோஷனல் ஏகாம்பரமாகி சூட்டோடு சூடாய்ப் பெரும் பில்டப் கோபுரங்களை கட்டி விட்டு, அப்பாலிக்கா உங்களிடம் நயமான LED பல்புகள் வாங்க லைட்டாய்க் கூசுவதால் இரு வாரங்கள் உள்ளுக்குள் விஷயத்தை ஆறப்போட்டேன் ! 15 நாட்களுக்குப் பின்னேயும் இந்தக் கதை பற்றி எனக்கு அதே வேகத்துடனான ஈர்ப்பு தொடர்ந்திட்டால் அப்புறம் எழுதலாமென்று நினைத்தேன் ! இதோ - இன்றைக்கு இந்த இதழின் அச்சு + பைண்டிங்கும் முடிந்து, கையில் புக்காக நிற்கிறது & எனக்குள் அதே வேகமும் தொடர்கிறது ! So நாம் பார்க்காத முட்டுச் சந்தா ? நாம் வாங்காத சீரியல் செட் பல்புகளா ? என்ற நம்பிக்கையோடு இது பற்றி எழுதுகிறேன் ! Of course -  விடுமுறை தினத்து டாஸ்மாக் ஆர்வலரைப் போல எனது ரசனை மீட்டர்கள் கொஞ்சம் இப்டிக்கா-அப்டிக்கா டான்ஸ் ஆடிடலாம் தான் ; ஆனால் கதை சொல்லும் விதத்தினில் ஒரு சராசரியான கதையையும் வித்தியாசமாய் மிளிரச் செய்வது சாத்தியமே என்று இங்கே நான் புரிந்துள்ளது நிஜம் ! இன்னும் 2 வாரங்களில் இதை படிக்கும் போது  என்னுள் துளிர் விட்ட ஈர்ப்புகள் உங்களுக்கும் தோன்றுதா ? அல்லது என் முதுகில் மத்தளம் வாசிக்கும் வேகத்தைக் கொணர்கிறதா ? என்பதைக் கண்டுபிடித்திட ஆர்வத்தோடு வெய்ட் செய்துலு ! கலர் அல்லாத அந்த black & white சித்திர பாணி தான் இதுபோன்ற darkish த்ரில்லர்களுக்கு உகந்தது என்பதுமே நிரூபணமாகியுள்ளதாய் நினைத்தேன் ! இதோ பாருங்களேன் அட்டைப்பட முதற்பார்வை & உட்பக்க previews !


Moving on, டிசம்பரின் எனது அடுத்த பணிகள் இருந்தது ஜம்போவின் ஜேம்ஸ் பாண்ட் ஆல்பத்தினில் ! ஜேம்ஸ் பாண்ட் 2.0 என்று சொல்லும் விதமாய், ஹாலிவுட் திரைப்பட ஆக்ஷனுக்குத் துளியும் சளைக்கா பாணியில் இந்தக் கதைவரிசை அமைந்திருப்பதை போன ஆண்டே பார்த்திருந்தோம் ! இதோ தொடரின் கதை # 3 - "சுறா வேட்டை" ! "கதை சொல்லும் கானகம்" பணிகளை முடித்த கையோடு இந்த ஆல்பத்தினுள் புகுந்தால் - அந்த கூகுள் தேடலுக்கான கம்பியூட்டர் இங்கும் ரொம்பவே அவசியமாகியது ! சின்னச் சின்னத் தகவல்களைக் கூட ஒரிஜினல் கதாசிரியரான இயன் பிளெமிங்கின் கற்பனைகளோடு அட்சர சுத்தமாய் sync ஆக்கிக் கொண்டு செல்ல வேண்டுமென்ற உறுதி தற்போதைய கதாசிரியர்களுக்கு இருப்பதால் - இந்த மொழிபெயர்ப்பினை ரொம்பவே சிரத்தையோடு கையாள வேண்டிப் போனது ! கிராபிக் நாவல்களை எழுதுவது தான் கஷ்டம் ; ஜேம்ஸ் பாண்ட் போன்ற நேர்கோட்டுக் கதைகளைக் கையாள்வது not so tough என்று வெளிப்பார்வைக்குத் தோன்றிடலாம் தான் ; ஆனால் நிஜம் அதுவல்ல ! ஜேம்ஸ் பாண்டின் ஒரிஜினல் ஸ்கிரிப்ட் அத்தனை ஷார்ப் எனும் போது அதற்கு நியாயம் செய்திட ஏகப்பட்ட குட்டிக்கரணங்கள் அவசியமாகிடுகின்றன ! இயன்றதைச் செய்து அந்த நவம்பர் 13-ன் ராப்பொழுதில் பணிகளை நிறைவு செய்த போது - ரொம்பவே நிறைவாக இருந்தது ! இதோ JB-ன் அட்டைப்பட & உட்பக்க முதற்பார்வைகள் :  

முதலிரண்டு ஆல்பங்களில் ஆக்ஷன் sequences களில் மௌனமே மொழியாக இருந்தது நினைவிருக்கலாம் ! ஆனால் இப்போதோ அவர்களிடமே மனமாற்றம் ! 'பிளாம்..பிளாம்.....கிராஷ்....பூம்ம்ம்" என்று ஆங்காங்கே அவர்களே தெறிக்க விட்டுள்ளனர் ! So நாமும் அவர்களது வாலைப் பின்பற்றி கதைக்கு sound effects தந்துள்ளோம் ! திகிடு முகுடான ஆக்ஷன் ; வெனிசுவேலா ; துபாய் ; யெமென் ; ஸ்காட்லாந்து என்று பயணிக்கும் கதை ; மாமூலான 007 அதிரடிகள் என்று டாப் கியரிலேயே சுற்றி வரும் இந்த ஆல்பம் ஆக்ஷன் ரசிகர்களுக்கு அல்வாவாய் சுவைக்கும் என்பது உறுதி !! 

Before I sign out - இந்தக் கடைசிப் 12 மாதங்களின் பணிகளிடையே நினைவில் நின்ற சில விஷயங்களை பற்றி லேசாய் ஒரு கோடிட்டு விட்டுக் கிளம்புகிறேனே !! கிட்டத்தட்ட 11 மாதங்களுக்கு முன்பாய் தோர்கலின் "சிகரங்களின் சாம்ராட்" வெளியாகி நம்மையெல்லாம் மெர்சலாக்கிய வேளை எனது 2019 -ன் ஆதர்ஷ நினைவுகளுள் உச்சமானது ! அது சார்ந்த அலசல்கள் ; ஆளாளுக்கு முன்வைத்த அபிப்பிராயங்கள் என இங்கு நம் தளமும் அப்பொழுதில் அதிர்ந்ததை மறக்கத் தான் முடியுமா ? 

Next in line - அந்த விகாரக் கடல்கொள்ளையர்கள் சாகஸமான பராகுடா என்பேன் ! பௌன்சர் எனும்  மைல்கல்லைத் தாண்டிய பொழுதே  நாம் நிறைய maturity-ஐ அரவணைக்கத் தயாராகிவிட்டது புரிந்தது ! இருந்தாலும் இந்த பராகுடா தொடரானது நாம் இது நாள் வரையிலும் முயற்சித்துள்ள பாணிகளிலிருந்து ரொம்பவே விலகி நின்றதொரு ஆக்கம் ! 2 தனித்தனி ஆல்பங்களாய் வெளிவந்துமே நம்மிடையே அதிர்வலைகளை உருவாக்கிய இந்த தொடர் சந்தேகமின்றி இந்தாண்டின் highlight !

பிரித்து மேய்ந்த இன்னொரு ஆல்பம் "பிஸ்டலுக்குப் பிரியாவிடை !" நல்ல கதையிருந்தால் போதும் - அதிரடியான நாயகர்களெல்லாம் அவசியமில்லை ; அழகான கதை நகற்றல் இருந்தால் போதும் - கார்ட்டூன் பாணிச் சித்திரங்களே அதகளம் செய்து விடும் " என்று ஆணியடித்ததுபோல நீங்கள் நிலைநாட்டிட முனைந்த அந்த அழகான ஆகஸ்ட் மாதம் ரொம்ப காலத்துக்கு நினைவில் நிற்கும் ! "உள்ளூர் உளுந்தவடையில் துவாரம் ஏனுள்ளது ? என்ற ரீதியில் யோசிக்க வேண்டிய நேரத்தில், அமெரிக்க அரசியல் சாசனத்தின் ஷரத்துக்களை ஆராய முற்பட்ட ஆல்பத்தையும் கொண்டாட எங்களுக்கு சாத்தியப்படும் !" என்று நீங்கள் செய்த statement cannot be anymore emphatic !! மறக்கவியலா தருணம் ! 

அதே போல ஓசையின்றி ஜுனியர் எடிட்டரின் முனைப்பில் உருவான MAXI லயனின் 2 இதழ்களுமே ஈட்டியுள்ள வெற்றிகள் செம 'ஜிலோ' நொடிகள் ! மறுபதிப்புகளே என்றாலும் அந்த சைஸ் ; அந்த பாணி ; அந்தத் தரம் ஏற்படுத்திய தாக்கம் இந்தாண்டின் சந்தோஷப் புள்ளிகளில் இன்னொன்று ! 

இன்னமுமே நிறைய moments உள்ளன - நினைவில் நிற்கும் விதமாய் ! ஆனால் டிசம்பரின் இதழ்களையும் உங்களிடம் ஒப்படைத்த பிற்பாடு இன்னும் கொஞ்சம் விரிவாய்ப் பேசலாமே என்ற நினைப்பில் இப்போதைக்குக் கிளம்புகிறேன் ! பொதுவாய் இந்த 2019 பற்றிய உங்களது அபிப்பிராயங்களை மேலோட்டமாய்ப் பகிர்ந்திட்டால், இந்த மழைக்கால ஞாயிறை சற்றே சுவாரஸ்யமாக்கிட முடியலாம் ! Wanna give it a try folks ?

மீண்டும் சந்திப்போம் ! Happy sunday all ...bye for now ! 

Saturday, November 09, 2019

ஒரு ஆந்தைவிழி அலசல் !

நண்பர்களே,

வணக்கம். லெமூரியா கண்டம் கண்டுபிடிக்கப்பட்ட வேளைதனில் இந்தாண்டின் தீபாவளி மலர் வெளியானது போலொரு பிரமை எனக்குள் ! படித்தும், அலசியும் முடித்த பிற்பாடு ஆளாளுக்குக் கொட்டாவி விட்டு நாட்களைக் கடத்துவது புரிகிறது ! So என் பார்வையில் நவம்பர் இதழ்களை அலசினாலென்னவென்று தோன்றியது ! இந்த ஞாயிறு அதற்கென guys !!

To start off - "துரோகமே துணை !!" ஷெல்டனின் இந்த சாகஸத்தின் மெய்யான ஹீரோ கதாசிரியர் வான் ஹாம் தான் என்றமட்டில் எனக்கு no சந்தேகம்ஸ் ! கொடைக்கானலுக்குச்  செல்லும் மலைப்பாதையின் கொண்டைஊசி வளைவுகளைப் போல் கதை நெடுக அள்ளித்தெளித்திருக்கும் ட்விஸ்டுகள் இந்த மனுஷனுக்கு மட்டுமே சாத்தியம் ! 'ஷெல்டனுக்கு மிக்ஸர் சாப்பிடுவதைத் தாண்டி பெருசாய் வேலையில்லை ' என்று நண்பர்களில் சிலர் அபிப்பிராயப்பட்டதைக் கவனிக்க முடிந்திருந்தது ! கதை பட்டையைக் கிளப்பிக் கொண்டிருக்க நாயகர் மிக்ஸர் சாப்பிட்டாலென்ன - குஸ்கா சாப்பிட்டாலென்ன guys ? தம்மாத்துண்டு கதைக்குள் ஒரு லோடு ஆக்ஷனை இறக்கி கதை பின்னுவது ஒரு குப்பனுக்கும், சுப்பனுக்கும், விஜயனுக்கும், சாத்தியமாகிடலாம் ; ஆனால் தீர்க்கமாய் கதையின் பல்வேறு முடிச்சுகளையும் ஒன்றிணைத்து இத்தகையதொரு கதையை உருவாக்குவது சுலபமே அல்ல !! ஷெல்டனின் தொடரில் ஆரம்பத்து promise பின்னாட்களது ஆல்பத்தில் அத்தனை வலுவாய்த் தொடர்ந்திடவில்லை என்பது எனது அபிப்பிராயம் ! அதுவும் சமீபமாய் வெளியான "மரணம் ஒருமுறையே !" ரொம்பவே உப்மா என்பதில் சந்தேகமே இருக்க முடியாது ! So அதன் அடுத்த ஆல்பம் இப்படியொரு தெறிக்கும் த்ரில்லராய் இருப்பது என்னளவிற்காவது செம சர்ப்ரைஸ் ! அப்புறம் தொடரின் அடுத்த ஆல்பம் (நம்பர் 14) அநேகமாய் 2020-ன் இறுதியில் வெளிவரும் சாத்தியங்கள் பிரகாசம் ! And வழக்கமான வான் ஹாம் (கதாசிரியர்) + க்ரிஸ்டியன் டினாயே (ஓவியர்) கூட்டணி தொடர்வதால் all is well என்றே தோன்றுகிறது ! இதோ தயாராகி வரும் அந்த ஆல்பத்தின் டிரெய்லர் !
பின்னே இம்மதத்து ஷெல்டனில் ஒரு இக்ளியூண்டு ரகசியமுள்ளது  - நம்மளவில் ! இதன் மொழியாக்கம் ஓராண்டுக்கு முன்பே நண்பர் ஆதி தாமிராவால் செய்யப்பட்டது ! சமீப நாட்களில் நண்பர் சற்றே பிசி என்பதால் இங்கு எட்டிப்பார்ப்பதில்லை ; but அவர் சார்பில் அவரது பேனாவாவது ஆஜராகியுள்ளமட்டிற்கு மகிழ்ச்சி ! கதை நெடுக ஆளாளுக்கு பக்கம் பக்கமாய் 'பராசக்தி' பட ரேஞ்சுக்கு வசனங்கள் பேசினாலும் - சுவாரஸ்யமான கதை என்பதால் பெருசாய் அயர்ச்சி தோன்றிடவில்லை ! So எனது பார்வையில் "துரோகமே துணை" - "கதைக்கே ஜெயம்" என்ற தீர்ப்போடு "ஹிட்' ரகத்தினில் !! 

கார்ட்டூன் தரப்பில் "காரோட்டி க்ளிப்டன்" மீசையை முறுக்கும் "விடுமுறையில் கொல்" no doubt a pleasant read !! அந்த சித்திர பாணி ; கண்ணுக்கு இதமான கலரிங் பாணி ; மீசைக்காரரின் முகம் அஷ்டகோணலாகும் அழகு என்று ரசிக்க நிறையவே விஷயங்கள் இருப்பது கண்கூடு ! ஆனால் கார்ட்டூன் எனும்போதே ஒரு சிரிப்பு மேளாவை எதிர்பார்க்கும் நமது பாங்குகளை சற்றே மனதில் ஓட்டிப்பார்த்த போது எனக்கு கொஞ்சம் வியர்த்துப் போனதென்னவோ உண்மையே ! ஆனால் அந்த அகதா பாட்டிம்மா கதை நெடுக இருக்கப் போய் மீசைக்காரரின் தலை தப்பியது என்றே எனக்குத் தோன்றியது ! But still துளியும் சேதமின்றி இந்த பிரிட்டிஷ் சார்வாளை அடுத்தாண்டுக்கு promote செய்துள்ள உங்களின் ratings மெய்யான ஆச்சர்யம் தந்தது எனக்கு !! கரடு முரடான நாயகர்களின் 'அவனை உதை ; இவனைக் கொல்லு ; அந்த அப்பத்தாவைக் குத்து !' ரீதியிலான கதைகளுக்கு மத்தியில் க்ளிப்டன் மாதிரியான breezy reads வெயிலின் காட்டத்தைப் போக்க வந்த சாரலாய்த் தோன்றுகிறதோ என்னவோ !! எது எப்படியோ - மீசைக்கார் lives to fight crime another day ! என்னளவில் 2020-ன் சந்தாவில் இருந்த 2 RAC சீட்டுகளுள் ஒன்று confirm ஆகிவிட்டது !  ரிங்கோ பற்றிய தீர்மானத்தை டிசம்பரில் (நல்லவிதமாக) எடுக்க சாத்தியமாயின் - 'உலகத்தொலைக்காட்சிகளில் முதன்முறையாக - மாற்றமேயின்றி ஓராண்டின் அட்டவணை  நனவானது' போலிருக்கும் !! Fingers crossed !!

வெங்காய வெடிகளும், பிஜிலிகளுமாய் தென்பட்ட 2 இதழ்களோடு கூரியரில் சேர்ந்து பயணித்த "லயன் தீபாவளி மலர்" ஒரு ஆயிரம்வாலாவாய்க் காட்சி தந்ததில் வியப்பில்லை தான் ! நீண்ட நெடுங்காலம் ஆகிவிட்டது தானே - பருமனில் இத்தனை வல்லியதொரு இதழ் வெளியாகி ?  நிஜத்தைச் சொல்வதானால் இதுவே வண்ணத்தில் சாத்தியமாகியிருப்பின் நிஜமான பத்தாயிரம்வாலாவாக உருமாறியிருக்கும் தான் ! ஆனால் பட்ஜெட் ஒருபுறமிருக்க - அந்த 5 கதைகளுள் டெக்சின் சாகசம் மாத்திரமே கலரில் உள்ளது ! So நம்மிடம்  பைக்குள் தயக்கங்களின்றிக் கைவிடும் திறன் இருப்பினுமே - பருப்பு வெந்திராது ! So 'கருப்பு தான் எனக்குப் புடிச்ச கலரு ' என்பதே நம் தாரக மந்திரம் இங்கு ! 

ஆட்டத்தைத் துவக்கும் 'தல' என்னளவில் இங்கொரு மிதவேக ஜாலத்தையே கண்ணில் காட்டியுள்ளார் என்பேன் ! பொதுவாய் பெரியவர் போனெல்லி + சீனியர் ஓவியர் காலெப்பினி கூட்டணியானது எண்ணற்ற blockbuster ஹிட்களை வழங்கியுள்ள ஜோடி ! So நிறைய நேரங்களில் இவர்களிடம் நான்(ம்) எதிர்பார்ப்பது இன்னொரு 'தலைவாங்கிக் குரங்கையோ' ; 'டிராகன் நகரையோ' தான் ! ஆனால் மிருகவதைத் தடைச் சட்ட அமலுக்குப் பின்பாய் பாவமாய்க் காட்சி தரும் நம்மூர் சர்க்கஸ்களை போல சுமாரான ஆக்ஷனோடு நகன்ற கதையில் லேசான நெருடல் எனக்கு  ! இக்கதைத் தேர்வின் போது mormon மக்களிடையே ஒரு எத்தர்  கும்பல் என்ற ரீதியிலேயே எனது புரிதலிருந்து ! Mormons ரொம்பவே மர்மமானதொரு கூட்டம் எனும் போது கதையில் அவர்கள் சார்ந்த twists இருக்கக்கூடுமென்று எதிர்பார்த்திருந்தேன் ! Sadly that wasn't the case ! ஆனால் 'தல' இதுவரையிலும் தலைகாட்டியிரா முற்றிலும் புதிய களத்தில், சர்க்கஸின் பின்புலத்தில், துளித் தொய்வுமின்றி  கதை பயணித்த பாணிக்கு thumbs up ! நான் போடும் மார்க் 6.5 /10.

இந்த இதழின் highlight ஆகியிருக்க வேண்டியதும் ; நிஜத்தில் dimlight-ல் காட்சி தந்ததும் மர்ம மனிதன் மார்டினின் "விசித்திர உலகமிது' சாகசம் தான் என்பதில் எனக்கு சந்தேகமே நஹி ! மரபணு மாற்றம் கண்ட mutants என்ற ரேஞ்சில் காரணம் சொல்லப்பட்டாலும் கொல்கத்தாவில் ஒரு தாடிவாலா - தீபாவளி ராக்கெட்டைப் போல 'சொய்ங்க்க்க்' என்று வானத்தில் பறப்பதும் ; Men in Black வடிவேலு படத்தில் வரும் போண்டா மணி போல மண்ணைக் கவ்வுவதும் ; மார்ட்டினின் காதலுக்காக ஆளாளுக்குப் போட்டி போடுவதும் ; க்ளைமாக்சில் ஐ.நா சபையில் நடக்கும் கூட்டத்திற்கு ஆளாளுக்கு மொய்விருந்துக்குப் போகும் லாவகத்தோடு புகுந்திடுவதும்  ரொம்பவே நெருடியது எனக்கு ! நமது die -hard  மார்ட்டின் ரசிகர்கள் இதனையுமே சிலாகித்துவந்தாலும் - "மெல்லத் திறந்தது கதவு" ; "இனியெல்லாம் மரணமே" ; "கனவின் குழந்தைகள்" போன்ற awe inspiring கதைகளுக்கு முன்னே இது ரொம்பவே பின்தங்கி நிற்பதாய் எனக்குத் தோன்றியது ! மார்ட்டினின் பலமே விஞ்ஞானம் ; மெய்ஞானம் + வரலாறு என்றதொரு வித்தியாசக் கலவையே ! ஆனால் இங்கே Mutants  என்ற ஒற்றை முடிச்சைத் தாண்டி பாக்கி எல்லாமே கமர்ஷியல் சமாச்சாரங்களாய் இருப்பதே நோவின் பின்னணி என்று பட்டது ! 350 + கதைகள் இருக்கும் மார்ட்டினின் தொடரினில் கதைத் தேர்வானது சுலபக்காரியமாய் இருக்கவே மாட்டேன்கிறது என்பதே இங்கு நான் மிரட்சியோடு கால்பதிக்கும் காரணம் ! தவிர இந்த கறுப்புச் சட்டையணிந்து திரியும் MEN IN BLACK கும்பல் மீது மார்ட்டினின் படைப்பாளிகளுக்கு உள்ள அந்த மையல் புரியவும் மாட்டேன்கிறது ! ஆண்டுக்கு இவருக்கான ஸ்லாட்களைக் கூட்டக் கோரி நீங்கள் வைக்கும் கோரிக்கைகளை நான் கண்டும், காணாதிருக்கும் பிரதான காரணம் இது போன்ற கதைகள் சார்ந்த மிரட்சியே !! 

தீபாவளி மலரின் பாக்கி 3 கதைகளுமே எனது பார்வையில் அதிர்வேட்டுக்கள் !! CID ராபினின் 'கொலை கொலையாய் முந்திரிக்கா ' போலீஸ் எப்போதுமே ஒரு ஸ்டெப் பின்தங்கியே நிற்பது போல் சித்தரித்தாலும் - யதார்த்தங்களின் பிரதிபலிப்பாகவே நான் பார்த்தேன் ! ஓவரான முடிச்சுகள் நிறைந்த plot என்றில்லாது - தெளிவாய், தட தடவென ஓட்டமெடுக்கும் ரகம் என்பதால் ரொம்பவே சுலபமாய் பக்கங்களைப் புரட்டச் செய்தது - at least என்மட்டில் ! "ஆண்டுக்கொரு ஸ்லாட்" என்ற கோட்டாவுக்கு நியாயம் செய்த சாகசம் ! My rating 7 /10.

போன வருஷம் அட்டவணையை அறிவித்த சமயமே எனக்குள் ஒரு லேசான பர பரப்பை உண்டாக்கிய கதை டைலன் டாக்கின் "சிகப்பு ரோஜாக்கள்" தான் ! இது டைலன் 2.0 என்பது ஒருபக்கமிருக்க - குறிப்பிட்ட இந்தக் கதை ஏகமாய் பாராட்டுகளை இத்தாலிய ரசிகர்களிடம் பெற்றிருந்ததை கவனிக்க முடிந்தது ! So நிச்சயமாய் இங்கே ஆழமான concept ஏதேனும் இருக்குமென்ற நம்பிக்கை எனக்குத் தீவிரமாய் இருந்தது ! And  இந்தக் கதையினில் பணியாற்றும் போதே அந்த நம்பிக்கை பொய்க்கவில்லை என்பது புரிந்தது ! என்ன - க்ளைமாக்சில் சன்னமாய் ஒரு ட்விஸ்ட் எனது கைவண்ணம் ! கதையின் நம்பகத்தன்மைக்கு அது சற்றே உதவியது என்று சொல்லலாம் ! டைலனுக்கு ஆண்டுக்கொரு slot ; அல்லது இரண்டு இடங்கள் என்று 2021 முதல் திட்டமிடலாம் என்ற நம்பிக்கையை எனக்குத் தந்துள்ள கதையிது ! 8 /10 !

பென்சில் அழகி ஜூலியா சத்தமின்றி இம்முறை சாதித்துக் காட்டியதில் எனக்கு நிறைய சந்தோஷம் + கொஞ்சமாய் வருத்தம் ! இந்தக் கதையினை நிறையவே research செய்த பிற்பாடு தான் தேர்வு செய்தேன் என்றதால் - இங்கே என்ன எதிர்பார்ப்பதென்பதில் எனக்கு அத்தனை குழப்பம் இருந்திடவில்லை ! சொல்லப் போனால் இன்னமுமே வீரியமானதொரு க்ளைமாக்ஸை இங்கு நான் எதிர்பார்த்திருந்தேன் தான் ! ஆனால் கதாசிரியர் முற்றிலும் வேறொரு தினுசில் அங்கொரு ட்விஸ்ட் வைத்து முத்திரை பதித்திருந்தார் ! சந்தோஷக் காரணிகள் இவை என்றாலும், ஜூலியா தொடரினில் எனக்கு சில மெல்லிய நெருடல்கள்  இல்லாதில்லை ! And இந்த ஆல்பத்தில் பணி செய்யும் போது அந்த நெருடல்கள்  highlight ஆகிக் கண்ணில்பட்டன எனக்கு ! அவற்றையெல்லாம் எடிட்டிங்கில் ஏதேதோ செய்து நான் மூடி மறைத்திருந்தாலும் - இதுவரைக்குமான நாம் வெளியிட்டுள்ள 4 ஜூலியா சாகசங்களிலுமே அதுவொரு தொடர்கதையாகி நிற்பது உறுத்துகிறது ! ஜூலியாவின் தோழியாக வரும் அந்தக் கறுப்புப் பெண் கதை நெடுக போடும் மொக்கைகளை ஏனோ கதாசிரியர் தொடர்ந்திடுகிறார் ! ஒவ்வொருமுறையுமே அது நமக்கு நெருடுவதால் எடிட்டிங்கில் தான் கை வைக்க நேர்கிறது ! அப்புறமாய் டிபார்ட்மெண்டில் இன்ஸ்பெக்டராக வரும் அந்த வழுக்கை ஆசாமிக்கு ஜூலியா மீதொரு மையல் ஒவ்வொரு கதையிலும் ஏதேதோ விதங்களில் வெளிப்படும் விதமாய் ; கதைக்குச் சம்பந்தமே இல்லா விதங்களில் தொடர்கதையாகி வருகிறது ! ஏற்கனவே ஆக்ஷன் குறைச்சலான கதையில், தேவையில்லா இத்தகைய side tracks வேகத்தை மேற்கொண்டும் மட்டுப்படுத்துவதால் அங்கேயும் எடிட்டிங் அவசியமாகிடுகிறது ! தவிர கொஞ்சம் தத்துவம் ; கொஞ்சம் கவித்துவம் என்றெல்லாம் கதாசிரியர் நுழைத்திடும் வரிகள் கதைக்கு எவ்விதத்தில் தொடர்புள்ளவை என்று புரிந்து மொழிபெயர்ப்பதற்குள் நாக்கு தொங்கிய விடுகிறது ! "நின்று போன நிமிடங்கள்" நீங்கலாய் பாக்கி 3 ஜூலியா கதைகளிலுமே முழுசுமாய் மொழிபெயர்ப்பில் பிசகின்றிப் பணி செய்துள்ளேனா ? என்ற சந்தேகம் இன்னமும் தொடர்கிறது - simply  becos ஒரிஜினலின் ஸ்கிரிப்ட் அத்தனை complex ! எல்லாவற்றிற்கும் மேலாய் - முந்தைய கதைகளை தொட்டுச் செல்லும் குறிப்புகளோடு ஒவ்வொரு கதையும் நகர்வதால் - நம்மைப் போல நடுவாக்கே வண்டியை விடுவோர்க்கு பேந்தப் பேந்த முழிக்கத் தான் தோன்றுகிறது !! இந்த தீபாவளி மலரின் இதர 4 கதைகளையும் நான்கே நாட்களில் எடிட் செய்திட சாத்தியப்பட்ட எனக்கு ; ஜூலியா விழுங்கிய அவகாசம் ஒரு வாரத்துக்கும் அதிகம் !! ஜூலியா : வாசிக்க சுகமே என்றாலும், மொழிபெயர்பாளருக்கு / எடிட்டருக்கு சிம்ம சொப்பனமே ! But my rating for this : 8 /10 !

இவை எல்லாமே எனது எண்ணங்களே தவிர்த்து ஒரு statement அல்ல guys !! So உங்களின் பார்வைகளோடு எங்கெங்கு ஒத்துப் போகாதிருப்பின், வருத்தம் வேண்டாமே ப்ளீஸ் ! 

Before I sign out - சில பல சுவாரஸ்ய updates : 

**அண்டர்டேக்கரின் ஆல்பம் # 5 ஒரு வாரத்துக்கு முன்னே பிரெஞ்சில் வெளியாகியுள்ளது ! இரு பாக சாகஸத்தின் முதல் ஆல்பம் இது ! "வெள்ளைச் செவ்விந்தியன்" என்பது தலைப்பு ! கதையினில் ரோஸ் மற்றும் அந்த சீனக் குண்டுமணி மிஸ்ஸிங் போலும் ! மற்றபடிக்கு மிரட்டலான ஆரம்பம் என்று முதல் விமர்சனங்கள் உள்ளன ! 
**அப்புறம் "நிதிகள் பற்றியொரு அறிமுகம்" என்ற தலைப்பில் லார்கோவைக் கொண்டு பங்குச் சந்தைகள் ; பெரும் குழும நிதி பரிவர்த்தனைகள் இத்யாதிகள் பற்றியொரு ஆல்பம் வெளியிட்டுள்ளனர் !! டாகுமெண்டரி ரகத்திலான இந்த ஆல்பத்தை மொழிபெயர்க்க ஆடிட்டர் / நிதி மேலாண்மை நிர்வாகி போல் யாரேனும் நம்மிடையே இருப்பின் இதனைத் தமிழுக்கு கொணர்வது பற்றி யோசிக்கலாம் ! படிக்கவும் நீங்கள் தயாராக இருக்கும் பட்சத்தில் of course !!
**தோர்கலின் புது ஆல்பம் (நம்பர் 37) இந்த வாரம் வெளியாகிறது ! 2006-ல் தொடரின் ஆல்பம் # 29 முதலாய் கதாசிரியர் பொறுப்பிலிருந்து வான் ஹாம் விடைபெற்றிருக்க - அதன் பின்னே வெவ்வேறு கதாசிரியர்கள் திறமைகளைக் காட்டி வருகின்றனர் ! 2020 அட்டவணையில் நாம் திட்டமிட்டுள்ள 5 தோர்கள் கதைகளோடு நாம் தொடரில் 21-ம் நம்பரை எட்டியிருப்போம் ! Maybe தொடரக்கூடிய அடுத்த 2 ஆண்டுகளுக்கு வான் ஹாமின் தோர்கலை நாம் ரசித்திட சாத்தியப்படும் ! அப்புறமாய் புதியவர்கள் !! பார்ப்போமே !!  

**அப்புறம் இரத்தப் படலம் சுற்று # 3 தொடர்ந்திடும் போலும் ! "2132 மீட்டர்கள் " ஆல்பம் 2 நாட்களுக்கு முன்னே பிரெஞ்சில் வெளியாகியுள்ளது ! So இனி அதன் previews வெளிவருவதில் தடைகள் லேது ! பாருங்களேன் : 
**நமது ஆன்லைன் விற்பனைத் தளங்களில்  சிலபல packs - 15% டிஸ்கவுண்டுடன் விற்பனைக்குக் காத்துள்ளன ! ஒரு பார்வை பார்த்திடலாமே guys ? 

** ஒரு புத்தம் புது கௌபாய் சாகசம் ஜம்போ சீசன் # 3-ல் நான்காம் இடத்தைப் பிடித்து விட்டுள்ளது ! வசியம் செய்யும் சித்திரங்களும், மிரட்டும் கதைக்களமும் இந்த one shot ஆல்பத்தை வேறொரு உச்சத்திற்கு இட்டுச் சென்றுள்ளன ! 

** ஜம்போ சீசன் 3-ன் ஸ்லாட் # 5 கூட பூர்த்தியாகிவிட்டது ! ஆனால் அது யாருக்கான இடம் என்பதை கொஞ்ச காலத்துக்கு சஸ்பென்சாகவே வைத்திருக்க உத்தேசம் ! நேரம் வரும் பொழுது அதற்கான காரணமும் புரிய வரும் ! 

** So காலியாயிருப்பது ஸ்லாட் # 6 மாத்திரமே ! இதற்கு கார்ட்டூன் ஜான்ரா ? ஆக்ஷனா ? டிடெக்டிவா ? என்ன மாதிரியான கதை சுகப்படுமென்று நினைக்கிறீர்கள் guys ? சொல்லுங்களேன் - எனது தேடல்களை அதற்கேற்ப அமைத்துக் கொள்கிறேன் !

Bye all ! Have a lovely weekend ! See you around !

Saturday, November 02, 2019

நி + நி + நி !!

நண்பர்களே,

வணக்கம் ! மாதத்தின் இரண்டாம் தேதியே....! ஆனால் அதற்குள் நவம்பரின் இதழ்கள் வெளியாகி ஒரு யுகம் ஆனது போலான உணர்வு எனக்கு ! இன்னமும் கடைகளில் வாங்கிடும் வாசகர்களின் கைகளுக்கு புக் கிடைத்திருக்காதெனும் போது எனது அலசல்களை இப்போதே முன்வைப்பதும் பொருத்தமாகயிராது ! So எதைப் பற்றி எழுதுவதோ என்ற ரோசனை மெதுவாய் எட்டிப் பார்த்தது ! மறுக்கா துபாய் போன கதை...மறுக்கா உசிலம்பட்டி போன கதை என்று எதையாச்சும் அவிழ்த்து விடணுமோ ? என்று மோவாயை தடவிக்கொண்டிருந்த போது தான் அந்த மின்னஞ்சல் வந்து சேர்ந்தது ! சுவாரஸ்யமானதாக இருந்ததால் அதனை உங்களோடு பகிர்வதில் தவறிராதென்று நினைத்தேன் ! தவிர, இதே போன்ற சிந்தனைகள் கொண்ட நண்பர்களும் இங்கு (மௌனமாய்) இருப்பின், அவர்கட்கும் பதில் சொன்னது போலிருக்குமே என்று நினைத்தேன் ! இதோ அதன் முக்கிய வரிகள் :

"உலகெங்கும் காமிக்ஸ் ஆயிரக்கணக்கில் கொட்டிக் கிடக்கும் நிலையில் நாம் டெக்ஸையே கட்டி அழுவானேன் ? பற்றாக்குறைக்கு இப்போது பல் போன ஜேம்ஸ் பாண்ட் 007-ஆ ? ஏகப்பட்ட புதுப்புது கதைகளை பற்றி நீங்களே அவ்வப்போது முன்னோட்டம்லாம் தந்துள்ளீர்கள் ; அதில் எதையாச்சும் உள்ளே நுழைப்பதற்குப் பதிலாக அரைத்த மாவையே அரைப்பானேன் ?! இதில் உங்களை மட்டும் குறை சொல்லமாட்டேன் ; ஜேம்ஸ் பாண்ட் என்ற உடனேயே இங்கே விசில் பறக்குதே ! வாசகர்கள் கேட்டதைத் தான் தருகிறீர்கள் என்று புரிகிறது, ஆனாலும் புதுசாய் வரக்கூடிய கதைகளுக்கு இந்தக் கிழட்டு ஹீரோக்கள் கேட் போடுவதில் வருத்தம் ! அதற்காக நான் டெக்ஸ் பிடிக்காதவன் இல்லை, நானும் அவருக்கு அடிமையே ! இருந்தாலும் ஒரு நப்பாசை !" என்ற ரீதியில் செல்கிறது !


ஏற்கனவே அட்டவணை வெளியான வேளையிலேயே நண்பர் J ப்ளஸ் ஓரிருவர் இதே ரீதியில் இங்கே எழுதியிருந்தது நினைவுள்ளது ! ஆனால் அவற்றிற்கு விரிவாய் பதில் சொல்ல நேரம் இருந்திருக்கவில்லை அப்போது ! So here goes  : 

ஒரு மாயையைக் கொஞ்சமே கொஞ்சமாய் உடைத்திட அனுமதியுங்களேன் guys !

:"அங்கே" ஆயிரமாயிரமாய் காமிக்ஸ் கொட்டிக் கிடப்பதென்னவோ நிஜம் தான் ; துளி கூட அதனில் மாற்றுக கருத்தே கிடையாது ! ஆனால் நமக்கு ஏற்புடையவற்றின் சதவிகிதம் அவற்றுள் எத்தனை என்பதில் தான் சிக்கலே  ! அமெரிக்காவெனும் உலக காமிக்ஸ் சூப்பர்மார்க்கெட்டினுள் எட்டிப் பார்த்தால் அங்கு கோலோச்சும் முக்காலே மூன்றுவீசத்தினர் சூப்பர் ஹீரோக்களே ! BATMAN போன்ற மெகா ஸ்டார்கள் நம் எட்டும் எல்லைகளைத் தாண்டிய உச்சத்தில் இருப்பதால் அவரைப் பராக்கு மட்டுமே பார்க்க முடிகிறது ! அவர் நீங்கலாய் அங்கே அதகளம் செய்துவரும் இதர சூப்பர் நாயகர்களுக்கும் நமது ரசனைகளுக்கும் எத்தனாம் பொருத்தமென்று யோசிக்க ரொம்ப நேரம் தேவையே படுவதில்லை ! வெள்ளித்திரையில் மெர்சலூட்டும் X MEN ; AVENGERS  இத்யாதியினரை காமிக்சில் நாம் ரசிக்க ரொம்பவே மாறிட வேண்டும் நம் ரசனைகளின் மீட்டர்களில் ! அட...சூப்பர் நாயகர்களை விட்டுத் தள்ளிவிட்டு ரெகுலரான ஆக்ஷன் நாயகர்களை பரிசீலனை செய்வோமே என்று சமீபமாய் ஹாலிவுட் திரைப்படமாக ஹிட்டடித்த JOHN WICK -ன் காமிக்ஸ் வார்ப்பினை ஆவலோடு பரிசீலித்தேன் ! ஆனால் இன்றைய நமது எதிர்பார்ப்புகளுக்கு அவர் தீனி போடமாட்ட்டாரென்றே தோன்றியது ; நிறைய action sequences ஒன்றன்பின் ஒன்றாய்த் தொடர்ந்திட - 22 பக்கங்கள் கொண்டதொரு பாகத்தை ஐந்தே நிமிடங்களில் புரட்டி முடிக்க முடிந்தது ! So உலகின் டாப் காமிக்ஸ் மார்க்கெட்டினுள் நமக்கொரு பெரும் களம் காத்திருப்பதாய் தோன்றிடவில்லை ! At least என் பார்வையினில் !

அங்கிருந்து நேராக உலகின் இரண்டாம் மெகா மார்க்கெட்டான ஜப்பான் பக்கமாய் கவனத்தைத் திருப்பினால் "மங்கா...மக்கா !!" என்று தெறிப்பது புரிகிறது ! அந்த ரசனைகளுக்கு ; அந்தக் கதை பாணிகளுக்கு ; சித்திர பாணிகளுக்கு ; கதை நீளங்களுக்கு நாம் பரிச்சயம் கொண்டிட நிறையவே முயற்சிகள் தேவைப்படும் என்பதுமே புரிகிறது ! So அங்கிருந்து உலகின் மூன்றாம் பெரிய மார்க்கெட்டான பிரான்க்கோ-பெல்ஜிய தளம் பக்கமாய்ப் பாய முற்பட்டால் - அங்குள்ள scenario இதுதான் !

பிரெஞ்சில் மட்டும் குறைந்தது 20+ஓரளவுக்குப் பெரிய காமிக்ஸ் பதிப்பகங்கள் உள்ளன ! அவர்களின் முக்கால்வாசிப் பேரை எனக்குத் தெரியும் !   இந்தியா போன்றொரு புது மார்க்கெட்டில் தங்களின் ஆக்கங்கள் வெளியானால் மிகச் சந்தோஷம் என்பதே அவர்களுள் பெரும்பான்மையினரின் அபிப்பிராயம் ! ஆனால் உருட்டு-உருட்டென்று உருட்டினாலும், குறிப்பிட்ட ஐந்தாறு பதிப்பகங்கள் நீங்கலாய் பாக்கிப் பேரின் கேட்லாக்களிலிருந்து நமக்கு ஆகின்ற மாதிரியாய்ச் சமாச்சாரங்களைத் தேடித் பிடிப்பது குதிரைக் கொம்பே ! ஒன்று சித்திர பாணிகள் சுமாராயிருக்கும் ; அல்லது கதைக்களங்கள் நமக்கு அந்நியமாயிருக்கும் ! So நாசூக்காய் "ஊருக்குப் போயி கடுதாசி போடுறேன் !" என்று நான் கிளம்பிய தருணங்கள் நிறையவே  ! இன்றைக்கு மொத்தமே 6 பிரெஞ்சுப் பதிப்பகங்களோடு மாத்திரமே நாம் பணியாற்றுகிறோம் - இன்னமுமே சிலபல வாயில்கள் நமக்குத் திறந்தே உள்ள போதிலும் ! இதுவே தான் இத்தாலியிலும் கதை ! போனெல்லியைப் போலவே black & white-ல் கதைகள் வெளியிடும் பதிப்பகங்கள் நிறையவே உள்ளன ! அவர்களுள் ஒரே ஒரு பதிப்பகம் மட்டும் நமக்கு பல்ப் தந்து விட்டது ! நாம் ரொம்பவே ஆர்வம் காட்டியும், ராயல்டிக்களில் துளியும் இறங்கி வராது போனதால் அவர்களோடு ஒத்துழைக்க சாத்தியப்படவில்லை ! அவர்கள் நீங்கலாய் பாக்கிப் பேர் willing to permit us to work with them ; ஆனால் அதற்கான சரக்கை அவர்களது ஆக்கங்களிலிருந்து என்னால் தேடித் திரட்ட இயலவில்லை !!

வெறும் வாய்வார்த்தையாய் நிறுத்திடாது - ஒரு உவமையோடுமே விளக்குகிறேனே ? THE GUANTANAMO KID என்ற பெயரில் ஒரு கிராபிக் நாவல் பிரெஞ்சில் உள்ளது ! ஒரு நிஜக் கதையின் காமிக்ஸ் ஆக்கமிது ! ஆப்பிரிக்காவில் வறுமையானதொரு குடும்பத்தில் பிறந்து - பிழைக்க வாய்ப்புக் கிட்டி பாகிஸ்தான் செல்கிறான் ஒரு இஸ்லாமியக் குட்டிப்பைய்யன் தனது பத்தாவது வயதிலோ- என்னவோ ! அங்கே வண்டி சுமூகமாய் ஓடிக்கொண்டிருக்கும் போது ஒரு தொழுகைவேளையில் 'திடு திடு'ப்பென உட்புகும் காவல்  படைகள் நிறைய பேரை தீவிரவாதிகளென்ற சந்தேகத்தில் கைது செய்கிறது ! அதனில் இந்தச் சிறுவனும் சேர்த்தி ! போலீஸ் லாக்கப்பிலிருந்து பின்னர் அவர்கள் எல்லாமே அமெரிக்கர்களிடம் ஒப்படைக்கப்படுகின்றனர் - "அல் கைதா தீவிரவாதிகள் இவர்கள்" - என்ற முத்திரையோடு !! நமது பொடியனுமே இதனில் அடக்கம் ! அத்தனை பேரும் நாடுகடத்தப்பட்டு அமெரிக்கா கொண்டு செல்லப்பட்டு - அங்கே குவாண்டனாமோ எனும் உச்சபட்ச வதைக்கூடத்தில் அடைக்கப்படுகின்றனர் ! அங்கே சிறையில் அவன்பட்ட அல்லல்கள் ; அங்கு அரங்கேறிய வதைகள் ; அவன் பார்த்த கொடூரங்கள் ; நிஜவாழ்வில் உலகின் முதல் ஜனநாயகத்திலும் நிகழ்ந்திடும் மனிதயுரிமை மீறல்கள் என்று இந்த ஆல்பம் தெறிக்க விடுகிறது ! கிட்டத்தட்ட 7 ஆண்டுகள் அங்கே சிறையிருக்கும் சிறுவன் ஒருமாதிரியாக வெளியே வந்து சேர்கிறான் ! அவனது சிறைவாழ்வை புத்தகமாக்கினர் ; பின்னே காமிக்ஸாகவும் உருவாக்கினர் !  வாழ்வியலின் இன்னல்கள் சார்ந்த அட்டகாசமானதொரு படைப்பு இது ! கதையின் அவுட்லைனைப் படித்த போதே "எப்படியிருந்தாலும் இதை வாங்கியே தீர வேண்டுமே !!" என்று உள்ளுக்குள் குடைந்தது !! So உரிமைகளையும் வாங்க துண்டை விரித்தோம் ! ஆனால் அதன் கோப்புகளை வரவழைத்துப் பார்த்த போது - சித்திர பாணிகள் ரொம்ப ரொம்ப ஏமாற்றமளித்தன ! நீங்களும், நானும் பென்சிலை எடுத்துக் கொண்டு படம் போட்டிருந்தால் எவ்விதமிருக்குமோ - அப்படியிருந்தது ! (இந்த புக்கின் ஆங்கிலப் பதிப்பு கூட அமேசானில் உள்ளது)  2020-ன் கிராபிக் நாவல் பட்டியலில் முதல் இதழாய் இது இடம்பிடித்திருக்க வேண்டியது - ஆனால் அந்த சித்திர பாணியின் நெருடல்கள் பிரேக் போட்டுவிட்டன ! இதே ரீதியில் நான் நிராகரித்துள்ள அட்டகாசக் கதைக்களங்களைப் பட்டியிலட வேண்டுமெனில் இந்த ஞாயிறு போதாது நண்பர்களே ! 

Of course - ஒரு சக்தி வாய்ந்த கதைக்கருவைச் சொல்லிட இந்தமட்டுக்குச் சித்திரங்கள் போதுமென்று படைப்பாளிகள் எண்ணியிருக்கலாம் ; and அதனில் வெற்றியும் கண்டிருக்கலாம் ! ஆனால் நமக்கோ தரமான சித்திரங்கள் ; முறையான பேனல்கள் என்று எல்லாமே கச்சிதமாய் இருந்திடல் அவசியமன்றோ ? "உலகைப் புரட்டிய கதை" என்று நான் விளம்பரப்படுத்தி உங்களை வாங்கவும் செய்திடலாம் நான் ; ஆனால் பக்கங்களைப் புரட்டவே நீங்கள் சிரமம் கொள்ளின், அதனில் நாம் காணப்போகும் பயன் என்னவாக இருக்கக்கூடும் ? 'ஐயா புண்ணியவானே...என்னளவுக்கு இதுவே போதும் ; இதிலேயே நான் படித்துக் கொள்வேன் !" என்று இங்கே நண்பர்களில் சிலர் அபிப்பிராயம் கொண்டிடலாம் தான் ; ஆனால் நான் பார்த்திட வேண்டியது பெரும்பான்மையின் பாதணிகளில் நின்றல்லவா ? If maybe we all want this - great !!

நம்மளவிலாவது ஒரு காமிக்ஸ் தொடர் / கதை வெற்றி கண்டிட மூன்று 'நி' க்கள் அவசியம் :

* நிறைவான கதைக்களம் 

* நிறைவான சித்திரங்கள் 

* "நிறைய" என்றில்லா ராயல்டி !!

இந்த மூன்று 'நி' க்களும் சங்கமித்தால் மாத்திரமே அங்கே நமக்கான சாத்திய வாயில்கள் திறந்திடும் என்பதே யதார்த்தம் !! 

மலையாய்க் கதைகள் காத்துள்ளன என்று நிறையமுறைகள் இங்கு நான் சொன்னது நிஜமே ! ஆனால் நாம் நிறையவே ; நிறைய விஷயங்களில் மாறினாலொழிய அவற்றின் பக்கம் தலைவைக்க இயலாதென்பதுமே நான் சொல்லாத சேதி !!

* எக்கச்சக்கமாய் ஒற்றைப் பக்க gags கொண்ட அட்டகாச கார்ட்டூன்கள் உள்ளன ! எனக்கு அவற்றைப் பார்க்கும் போது நாவில் ஜலம் ஊறும் தான் ! ஆனால் 'முடியவே முடியாது ; ஒற்றைப் பக்க gags பக்கநிரப்பிகளாய்த் தவிர எங்களால் பார்க்கவே முடியாது !" என்று நீங்கள் தீர்மானமாய்ச் சொல்லிடும் போது அக்கட கேட் போட்டுவிடுகிறேன் !

* எக்கச்சக்கமான தொடர்கள் அட்டகாசமாய்ப் பயணிக்கின்றன ; இடையினில் திடுமென 'அடல்ட்ஸ் ஒன்லி' சமாச்சாரங்களின் மிகுதிகளோடு ! சரி...கொஞ்சம் சென்சார் செய்து கொள்ளலாமா ? என்று அந்தப் படைப்பாளிகளிடம் கேட்டால் - "கத்திரி போட்டா முத டெட் பாடி நீ தான் !" என்று பதில்கள் வரும் போது அந்தத் தொடர்களுக்குப் பிரியாவிடையே தந்திட நேர்கிறது ! Not all creators are o.k. with censor !

* Esoterics என்பது காமிக்சில் ஒரு பெரும் கதைப்பிரிவு !மாயாஜாலம் ; ரசவாதம் என்ற பின்னணிகள் கொண்ட கதைகள் இவை ! இவை சார்ந்த நிறைய தொடர்கள் ; வண்டி வண்டியாய் ஆல்பங்கள் உள்ளன ; ஆனால் நமக்கவை ஒவ்வுமோ ? ஒவ்வாது ? என்ற பயத்தில் no thank you ! சொல்லிடுக்கிறோம் !!

* யுத்த கதைகள் காமிக்ஸ் பேழைகளின் ஒரு முக்கிய அங்கம் ! "யுத்தம் பக்கம் போனாக்கா சத்தமில்லாமல் குளோஸ் பண்ணிப்புடுவோம் !!" என்று நீங்கள் மிரட்டுவதால் - "ச்சீ..சீ..இந்தப் பயம் புயிக்கும் !!" என்று நடையைக் கட்டிவிடுகிறேன் !

* வரலாறு சார்ந்த காமிக்ஸ் படைப்புகள் again  கொட்டிக் கிடக்கின்றன ! நம்மிடம் ஆர்வம் + பொறுமை அவசியமல்லவா - இத்தகைய ஆக்கங்களைப் படித்திட ? உதாரணம் சொல்கிறேனே ? நெப்போலியனின் அண்டத்தை வென்றிடும் படையானது மாஸ்கோவை நெருங்குகிறது ! வெகு விரைவில் வீழவுள்ள அந்தத்  தலைநகரில் வசிக்கும் பெருங்குடி மக்கள் தீர்மானிக்கின்றனர் : இத்தனை காலம் நாம் வாழ்ந்த மாட மாளிகைகளும், சொகுசுகளும் தீக்கிரையானால் கூடப் பரவாயில்லை - எதிரிகளின் ஆக்கிரமிப்புக்கு ஆளாகிடக் கூடாதென்று !! So "மாஸ்கோவைக் கொளுத்துங்கள் " என்று உத்தரவிடுகின்றனர் ! இந்தப் பின்னணியில் ஒரு ஆல்பம் உருவாகியுள்ளது !

அதே நெப்போலியனின் படைகள் உருக்கும் சைபீரியக் குளிரில் மேற்கொண்ட நெடும் படையெடுப்பைச் சொல்லும் கதைகள் உள்ளன ! நமக்குத் பொறுமையும், வரலாற்றினில் ஆர்வமும் இருப்பின், இது போன்ற தேடல்கள் சாத்தியமே !! ஆனால் பள்ளிக்கூடத்திலேயே தலைமுழுகிய இஸ்திரியை இங்கே வந்து படிக்கணுமாடாப்பா ? என்ற கேள்விகளும் எழுமென்பதால் டிக்கியை மூடிக் கொண்டு நடையைக் கட்டுகிறேன் ! 

* Women-centric காமிக்ஸ் ஒரு வண்டியுள்ளன ! ஆனால் கையில் பிஸ்டலைத் தூக்கிப்புட்டு 'பிளாம்-பிளாம்' என்று ரகளை செய்யாட்டி - "ஐயே...இந்தப் புள்ளே  தேறாது போலிருக்கே !!" என்று முத்திரை குத்திடுகிறோம் - LADY S ; ஜூலியாவுக்கு நேர்ந்தது போல ! 

SCI-FI பற்றிச் சொல்லவே வேண்டாம் ; திரும்பிய திக்கிலெல்லாம் தெறிக்க விடுகிறார்கள் அங்கே ! நாமிங்கே முயற்சித்தால் தெறிக்கப்போகும் முதல் சில்லு மூக்கு யாருடையதாய் இருக்கும் என்று யூகிப்பது அத்தனை கஷ்டமா - என்ன  ? ஆண்டாண்டு காலமாய் நண்பர் கரூர் டாக்டர் ராஜாவும் VALERIAN தொடரை முயற்சிக்கச் சொல்லிக் கேட்டுக் கொண்டே தானிருக்கிறார் ; but  அதற்கென நாம் தயாராகியுள்ளோமா என்ற கேள்வி இன்னமும் பதிலின்றியே உலவுகிறதே !  

* Ditto for Horror stories !! Vampires...Zombies....Walking Dead ..பிணம்தின்னிகள் போன்ற கதைகள் அயல்வாசகர்கட்குப் பிடிப்பதால் அவையும் ஆண்டொன்றுக்கு ஏராளமாய் வெளியாகின்றன ! ஆனால் அவற்றைப் பார்த்தாலே நாம் 'உவ்வே' எனும் போது "சுடுகாட்டோடு நிறுத்திக்கோங்கடாப்பா உங்க சங்காத்தத்தை" என்று சொல்ல வேண்டி வருகிறதல்லவா ? 

'அப்டின்னா நமக்கு ஆகக்கூடிய கதைகளே வேற இல்லியா ?' என்ற கேள்வியும் இங்கு எழுமென்பது புரியாதில்லை ! Of course உள்ளன நண்பர்களே ; எனது கைவசமே தற்சமயம் குறைந்தது 5 சூப்பர் ஆல்பங்கள் உள்ளன - 'ஏக் தம்'மில் வெளியிட வேண்டிய நெடுந்தொடர்களாய் ! ஒற்றை இதழே ஐநூறு / அறுநூறு ரூபாய்களை விழுங்கிடும் என்பதால்  ஏதேனும் வாகான தருணங்களில் அவற்றை சிறுகச் சிறுக இறக்கிடலாமே என்ற எண்ணத்தில், கங்காரூ தன குட்டியைத் தூக்கித் திரிவது போல இந்தக் கதைகளையும் சுமந்தே திரிகிறேன் ! ஐநூறு ரூபாய்க்கு ஒரு இதழ் எனுமிடத்தில் தற்போதைய சந்தா D-ன் முழுமையுமே (12  இதழ்கள் !!) அடங்கிடுமே எனும் போது தராசின் முள் அந்தப்பக்கம் சாய்கிறது !  So நிறைய நேரங்களில் நமக்குத் பிடிக்கக் கூடிய கதைகள் இருந்தாலும், இதுபோன்ற நடைமுறை நெருக்கடிகளுக்கும் தலைசாய்த்திட வேண்டியுள்ளதல்லவா ?

"டெக்ஸ் வில்லருக்கு ஒரு பெரிய குண்டு வைத்துவிட்டால் தீர்ந்தது பிரச்னை !" என்று சில நண்பர்கட்குத் தோன்றிடலாம் ! ஆனால் மஞ்சளணிந்த மாய வாத்து இடும் பொன் முட்டையின் புண்ணியத்திலேயே, நம் பயணம் சாத்தியப்படுகிறது என்பதை அவர்கள் மறந்திட்டார்கள் என்பதற்காக நானும் மறந்திட இயலுமா ? இதுபற்றி ஏற்கனவே எழுதியுள்ளேன் எனும் போது no more repeats !

காமிக்ஸ் வாசிப்பென்று வரும் போது பொதுவாய் நாம் நம்முள் உள்ளதொரு template-லிருந்து அதிகமாய் விலகிட விரும்புவதில்லை என்பது கண்கூடு ! இதோ - அந்நாட்களது ஜேம்ஸ் பாண்ட் 007 மறுவருகைக்கு இத்தனை உற்சாகம் பிரவாகமெடுப்பதே அதற்கொரு உதாரணம் ! Over a period of time - அந்த உத்வேகம் குறையும் தான் ; மும்மூர்த்திகளின் நிலையைப் போல ! ஆனால் மும்மூர்த்திகளுக்கும் - ௦௦7-க்குமிடையே ஒரு சன்ன வேற்றுமையுள்ளது ! முன்னவர்கள் அதற்கும் முந்தய தலைமுறையினை மகிழ்வித்தவர்கள் ! பின்னவரோ - இன்று active வாசகர்களாய் உள்ளோரை சிறுவயதில் வசியம் செய்தவர் ! So மும்மூர்த்திகளை விட 007 ஒரு தலைமுறை later ஆசாமி என்பதால் அவரது சுவாரஸ்ய ஆயுட்காலம் சற்றே தீர்க்கமாய் இருக்குமென்று நம்பிடலாம் ! இந்தக் கதைகளுக்கான உரிமைகளை நான் வாங்கிடத் தீர்மானித்ததே அந்த நம்பிக்கையினில் தான் ! "End of the day - காமிக்ஸ் படிக்க நான் நினைப்பது எனக்குள் உள்ள இளைஞனை ; பாலகனை மீட்டெடுத்துக் கொள்ளவே ; so அதற்கு உதவிடும் சாகசங்களே மதி !" என்று சொல்ல கணிசமானோர் நம் வட்டத்தில் இருக்கும் போது அவர்களது லாஜிக்கில் நாம் குறை காண இயலாது தானே ? 

மலையாய்க் காமிக்ஸ் குவிந்து கிடப்பது நிஜமே ; ஆனால் அவற்றுள் நமக்கு ஏற்புடையவை சொற்பமே என்பது தான் யதார்த்தம்  ! GLENAT என்பது தான் பிரான்சின் இன்றைய மிகப்பெரிய காமிக்ஸ் பதிப்பகம் ! வரும் ஆண்டு முதல் அவர்களது படைப்புகளையும் நாம் வெளியிடவுள்ளோம் ! ஆண்டொன்றுக்கு அசாத்திய எண்ணிக்கையில் ; அசாத்தியத் தரத்தில் ஆல்பங்கள் வெளியிடுகிறார்கள் ! ஆனால் அவர்களோடு கரம்கோர்க்கும் நமக்கு அந்த அசாத்திய எண்ணிக்கையினுள்  - நம் மார்க்கெட்டுக்கு ஆகிடக்கூடிய கதைகளை இனம் காண்பதென்பது சுலபக்காரியமே அல்ல என்பதை அனுபவத்தில் சொல்கிறேன்  !! True - அவர்களது படைப்புகள் ஒவ்வொன்றும் ஒரு விதத்தில் அற்புதமாய் உள்ளன தான் ; அவர்களது தரங்களில் துளியும் திகட்டல் 'நஹி' தான் ! ஆனால் நம் ரசனைகள் வெகு குறுகலானவை என்பதே பல நேரங்களில் சிக்கல் ! 

So "டெக்ஸ் நிறைய ஸ்லாட்களை ஆக்கிரமித்துக் கொள்கிறார் ; அவரைப் போடுறதை நிறுத்திப்புட்டா இன்னும் நிறைய புதுசுக்கு வழி பிறக்கும் !!"  ; "இதோ இப்போ ஜேம்ஸ் பாண்ட் 007 என்று சொல்றீங்க ; இவரும் புதுசாய் மடைதிறப்பதற்குத் தடை !" என்ற ரீதியிலான சிந்தைகளெல்லாமே ஒரு சோப் குமிழியே !

சின்னதாய் தொடர்ந்திடும் கேள்விகளை  மட்டும் பரிசீலித்துப் பார்த்துவிட்டு நீங்களே ஒரு பதில் சொல்லுங்களேன் guys ?

1. இன்றைக்கு நமது வரிசையில் டிடெக்டிவ் கதைகள் என்று உருப்படியாய் எத்தனை உள்ளன ? CID ராபின் & ரிப்போர்ட்டர் ஜானி என்ற இருவரைத் தவிர்த்து - கடந்து 15 ஆண்டுகளில் வேறு யாரேனும் தலைகாட்டி ; சாதித்துக் காட்டியுள்ளனரா ?

2. அதே கேள்வி கார்ட்டூன் சார்ந்த நாயகர்கள் பற்றியும் !இன்றைக்கும் 1987-ல் நம் மத்தியில் அறிமுகமான லக்கி லுக் தானே கார்டூனின் கிங் ? அதன் பின்னே நாமும் 'தம்' கட்டி லியனார்டோ தாத்தா ; ஸ்மர்ப்ஸ் ; பென்னி ; அது இதுவென்று முயற்சித்துப் பார்த்தும் மண்ணைக் கவ்வியது தானே மிச்சம் ?

3. Repeat : இதே கேள்வி - இம்முறை லார்கோ வின்ச் என்ற நாயகரைக் கொண்டு ! ஆண்டொன்றுக்கு 5000+ ஆல்பங்கள் வெளியாகின்றன பிரான்க்கோ-பெல்ஜிய மார்க்கெட்டில் ! 1990-ல் அறிமுகம் கண்டவர் லார்கோ ! அதன் பின்னே சுமார் 30 ஆண்டுகள் ஓட்டமெடுத்து விட்டன ; so சுமாராக 150,000 ஆல்பங்களும் இடைப்பட்ட இந்த 360 மாதங்களில் வெளியாகியிருக்க வேண்டும் ! அந்த ஒன்றரை லட்சத்தில் இன்னும் ஒரேயொரு லார்கோ clone கூடவா இருந்திராது போயிருப்பார் ? இன்னும் ஒரேயொரு இரத்தப்படல XIII இருந்திடாதா போயிடுவார் ? அதற்கான பதில் - எனக்குத் தெரிந்த மட்டிலாவது NO என்பதே !! 

"அங்கே" கொட்டிக் கிடக்கும் காமிக்ஸ் குவியலினுள் நாம் தேடும் தரத்திலான டிடெக்டிவ்ஸ் மேற்கொண்டு கிட்டியிருப்பின் இத்தனை ஆண்டுகளில் நான் விட்டு வைத்திருப்பேனா guys ?

"அங்கே" கொட்டிக் கிடக்கும் காமிக்ஸ் குவியலினுள் சுகமான கார்ட்டூன் தொடர்கள் மிகுந்திருப்பின் கொஞ்சத்தையாவது இங்கே கொணர்ந்திருக்க மாட்டோமா  guys ?

"அங்கே" கொட்டிக் கிடக்கும் காமிக்ஸ் குவியலினுள் இன்னொரு லார்கோ ; இன்னொரு  XIII  பதுங்கியிருப்பின் பிச்சை எடுத்தாவது  அவர்களை இட்டாந்திருக்க மாட்டேனா ?

Yes, of course - TINTIN ; ASTERIX ; BATMAN போன்ற iconic  நாயகர்கள் உள்ள போதிலும் அவற்றை நாம் தொடாதே இருக்கிறோம் தான் - simply becos அவர்கள் வீற்றிருப்பது நம் உசரங்களுக்கு எட்டா ஒரு உச்சத்தில் ! 

Yes, of course - இன்னமும் சில பதிப்பகங்களின் ராயல்டி எதிர்பார்ப்புகள் உச்சத்தில் இருப்பதால் அவற்றினை முயற்சிக்க சிரமங்கள் உள்ளன தான் ! ஆனால் அற்புதமான கதைகளை இருப்பின் - காசைப் பற்றிக் கவலை வேண்டாம் ; எப்பாடுபட்டாவது வாங்கிடலாம் ! என்ற தீர்மானத்துக்கு நான் வந்தும் ஆண்டுகள் இரண்டாச்சு ! தற்போதைய ஹெர்லாக் ஷோம்ஸ் கார்ட்டூன் கதைகளுக்கான கட்டணங்களைக் கேட்டால் நம்ப மாட்டீர்கள் !! அட, அவ்வளவு ஏன் - மாடஸ்டிக்கே நாம் தந்து வருவது ஒரு பெரும் தொகையே ! So அவசியமெனில் ; தரமான கதைகள் கிட்டிடுமெனில், பணங்களை ஒரு தடையாகிட இப்போதெல்லாம் அனுமதிப்பதில்லை ! But அதையும் மீறிய டாப் கியர் ராயல்டி எதிர்பார்ப்புகளை நடைமுறையில் கொண்டு வரும் நிறுவனங்களை நாம் பெருமூச்சோடு பராக்கு மட்டுமே பார்த்திடுகிறோம் ! 

So சில ஜாம்பவான் பதிப்பகங்களின்  exceptions நீங்கலாய், தரமான கார்ட்டூன்கள் ; தரமான டிடெக்டிவ்ஸ் ; தரமான ஆக்ஷன் ஹீரோக்கள் / கதைகள் என சிக்கியிருப்பின் - இன்னமும் அதே பழைய நாயகர்களோடு வலம் வந்து கொண்டிருப்போமா guys ? புதிதாய்க் கதைகள் இல்லை என்பதிலேயே ஒரு கதையும் புதைந்துள்ளதைச்  சுட்டிக் காட்டவே இந்த பதிவு !! "TEX இடத்தை ஆக்கிரமிக்காட்டி வேறு படைப்புகள் கொட்டித் தீர்த்திடும் !" என்ற எண்ணங்கள் சரியல்ல என்பதையுமே சொல்லத் தான்  ! Probably TEX ஸ்லாட்களைக் குறைத்திருந்தால் அந்த இடத்தில இன்னும் கொஞ்சம் மார்ட்டின் ; இன்னும் கொஞ்சம் ராபின் & ஜூலியா என்று வந்திருப்பார்கள் ; நீங்களும் இன்னும் கொஞ்சம் கழுவி ஊத்தி இருப்பீர்கள் !! கடைசி 7 ஆண்டுகளில் வெளியான மார்ட்டின் கதைகளுள் - "கனவுகளின் குழந்தைகள்" ; "இனியெல்லாம் மரணமே" & "மெல்லத் திறந்தது கதவு" நீங்கலாய் நினைவில் நின்ற கதைகள் எவையென்று எனக்கு நினைவூட்டுங்களேன் ப்ளீஸ் ? மிக உயரத்தில் அளவுகோல்களை நிறுத்திய பின்னே மனுஷன் சற்றே தடுமாறினாலும் ஒரு "நியூட்டனின் புதுஉலகம்" தானே பலனாகிறது ? சிலபல ஆளுமைகள் தாட்டியமாய் இடம்பிடித்திடும் வரை அவர்கள் தடைகளாய்த் தெரியக்கூடும் தான் ; ஆனால்  கதிரவனின் கத்திரி உக்கிரத்திலிருந்து நம்மை மறைத்து நிற்கும் சிகரங்கள் அவர்கள் என்பது பொறுமையாய் யோசித்தால் புரியும் ! 

"இவுகளை வுட்டா வேற நாதியே கிடையாதாக்கும் ? வேற கதையே கிடையாதாக்கும் ? அட போவியா ?!!' என்ற மைண்ட்வாய்ஸ் ஆங்காங்கே ஒலிக்குமென்பது எனக்குப் புரியாதில்லை ! Of course - மொத்த காமிக்ஸ் உலகையே அளந்த வாமணனும் அல்ல நான் ; இன்னமும் எனக்குத் தெரிந்திரா பதிப்பகங்கள் / தொடர்கள் என நிறையவே இருக்கக்கூடும் தான் ! ஆனால் இன்றைக்கு நமது தேடல்களை சாத்தியமாக்குவது இந்த 52 வயசுக்காரனின் ஆற்றல்கள் மாத்திரமே எனும் போது - அதனுக்குட்பட்டவற்றையே செயல்படுத்திட இயலுமன்றோ ?

சில ஆண்டுகளுக்கு முன்பாய் நண்பர்கள் சிலர் ஏதோ சில சுவாரஸ்ய தொடர்களின் புக்குகளைக் காட்டி - "இவற்றை முயற்சித்துப் பார்க்கலாமே ?" என்று கேட்டார்கள் ! நானும் அவற்றின் உரிமையாளர்களைத் தேடிப்பிடித்து கேட்ட போது - 'சாரி...அந்தக் கதைகள் எவற்றையுமே  டிஜிட்டலில் பத்திரப்படுத்தவில்லை ! So அவை இனி யாருக்கும் சாத்தியம் நஹி !' என்று கைவிரித்து விட்டார்கள் ! இதே அனுபவம் வெகு சமீபமாய் ஒரு மிகப்பெரிய பதிப்பகத்திடமுமே நேர்ந்தது ! அட்டகாசமாயொரு புது கவ்பாய் கார்ட்டூன் நாயகரை இனம்கண்ட மகிழ்ச்சியில் உரிமைகளுக்கோசரம் பேசத் துவங்கினால் - "அட...நாங்களே இப்படியொரு தொடரைப் போட்டிருப்பது இப்போது தான் தெரியுது ! வெரி சாரி...கோப்புகள் இல்லை !" என்று சொல்லிவிட்டார்கள் ! நானோ அதன் உரிமைகளை நிச்சயமாய் வாங்கிடலாமென்று பெயரெல்லாம் வைத்து விளம்பரமும் ரெடி செய்து விட்டேன் !! So நடைமுறை சிக்கல்களுக்கு இப்படியுமொரு பரிமாணம் உண்டு !

கடந்த 2 + ஆண்டுகளாய் கிராபிக் நாவல்களின் தடத்தில் கொஞ்சம் கொஞ்சமாய் நமது comfort zone-களிலிருந்து வெளியே வந்திடும் முயற்சிகளைச் செய்து தானே வருகிறோம் ? நடப்பாண்டின் சூப்பர்ஹிட்டான "பராகுடா" அந்த branching  out -ன் பலன் தானே ? "முடிவிலா மூடுபனி ; முடியா இரவு ; என் சித்தம் சாத்தானுக்கே சொந்தம்" ; நிஜங்கள் நிசப்தம்  போன்ற கதைகளெல்லாம் நம் வாசிப்புகளில் இடம்பிடித்திருப்பது மாற்று ஜானர்களையும் நாம் அரவணைக்க சிறுகச் சிறுகத் தயாராகி வருகிறோம் என்பதற்கான indicators தானே ? So ஒற்றை ராத்திரியில் டெக்ஸ் ; டைகர் ; ஜேம்ஸ் பாண்ட் என சகல கமர்ஷியல் நாயகர்களுக்கும் VRS தந்துவிட்டு முற்றிலும் புது வாசிப்புகளென்ற திக்கில் பயணிப்பது சாத்தியமாகாது என்பதை ஏற்றுக் கொள்வோமே guys !! வாசிப்பில் உசத்தி; கம்மி என்று ஏன் பாகுபாடெல்லாம் பார்த்துக் கொண்டிருப்பானேன் ? காலத்தில் பின்னோக்கிப் போயும், அங்கிருந்து முன்னோக்கி காலத்தில் பயணிக்கும் தோர்கல் கதைகளையும் நாம் பந்தாடத் தான் செய்கிறோம் எனும் போது நம் பயண திசையில் பிசகில்லை என்று நம்பிக்கை கொள்வோம் ! மாற்றங்கள் காலத்தின் கட்டாயம் ; but அவற்றை விரட்டி விரட்டிப் போய் அரவணைக்காது, take it as it comes என்று ஏற்றுக் கொண்டால் எல்லாம் சுகமே !! Just my two cents !!

And rest assured guys : நமக்கியன்ற கதைகளை / நமக்குகந்த கதைகளை / நமக்கு சாத்தியமாகிடும் கதைகளை ஓசையின்றித் தேடித் திரட்ட நான் முயன்று கொண்டேயிருப்பேன் ! Bye all !! See you around again !!

P.S : வரும் நாட்களில் "அந்தச் சந்தா ; இந்தச் சந்தா" என்ற பிரிவுகளே waste என்றாகிடும் போலும் !! கிட்டத்தட்ட 95 % சந்தாக்கள் "ஆல்-இன்-ஆல் அழகுராஜா' சந்தாக்களே !! வெகு வெகு சொற்பமாய் இதர பிரிவுகளைத் தேர்வு செய்துள்ளோர் கண்ணில்படுகின்றனர் !! மனசுக்கு ரொம்பவே நிறைவைத் தரும் விஷயமிது !! Let's keep it going guys !!!