Saturday, August 11, 2018

ஒரு கதிரவன் கறுப்பாகிய தினம்..!

நண்பர்களே,

வணக்கம். ஒற்றை வாரம் தான் ஓடியுள்ளது "இரத்தப் படலம்" வெளிச்சத்தைப் பார்த்து  - ஆனால் ஓர்  யுகமாகிப் போனது போலொரு உணர்வு என்னுள் ! இடைப்பட்ட நாட்களில் இமயம் போலானதொரு தலைவரும் வரலாற்றின் பக்கமாகிப் போயிருக்க - அத்தருணம்  "கறுப்புக் கதிரவனின் தினம்" என்றாகிப்போனது ! "இனியொரு தாய் ஈன்றிடப் போவதில்லை - உன்னைப் போலொரு உழைப்பாளியை - போராளியை !!" என்றதொரு அஞ்சலி கூறும்  flex பார்த்தேன் சமீபத்தில் ! அது தான் எத்தனை நிஜம் ?!! RIP கலைஞர் அவர்களே…! 
விண்ணுலகில் கலைஞர் அவர்கள் ஐக்கியமாகியிருக்க – வாழ்க்கைச் சக்கரம் மெது மெதுவாய் அனைவருக்குமே இயல்புக்குத் திரும்புகிறது ! நமது பயண வரலாற்றிற்குள்ளேயும் ஒரு அற்புத நினைவாய் இடம்பிடிக்கும் முஸ்தீபுகளில் - இரத்தப் படலம் - The Collection in Color இடம்பிடித்து வருவதை உங்களின் ஆர்ப்பாட்டமான வரவேற்பு தெளிவாய்ச் சொல்லி வருகிறது ! 

ஏற்கனவே ஈரோட்டில் சொன்னது தான் & கடந்த பதிவுகளில் எழுதியதுமே தான்…!! இந்த இதழின் தோரணைக்கும், மிடுக்குக்குமான பெரும்பங்கு நமது டிசைனர் பொன்னனையே சார்ந்திட வேண்டும். Of course – டிசைனிங் பணிகளைத் தொடர்ந்து பிராசஸி்ங் ; பிரின்டிங் ; அப்புறமாய் அந்த நான்கு தவணையிலான நகாசு வேலைகளென்று நிறையவே நிலைகளைக் கடந்து தான் இதழ்கள் தயாராகியுள்ளன ! ஆனால் அவை ஒவ்வொன்றிலுமே பொன்னனின் பங்களிப்பு சிறிதளவேணும் இல்லாதில்லை என்பது தான் நிஜம் ! பற்றாக்குறைக்கு அந்தச் சிகப்பு slipcase டிசைனும் அவரது கைவண்ணமே எனும் போது – his contributions have been immense ! So நம்பர் XIII–ன் பெயரைச் சொல்லியும், பொன்னன் + நமது தயாரிப்பு டீமின் பெயரைச் சொல்லியும் – நீங்கள் குவித்து வரும் பாராட்டுப் பூக்களில் நான் ஜாலியாக அபிஷேகம் கண்டு வருகிறேன் ! அதே நேரம் - சனிக்கிழமை முதல், தினத்துக்கு 200 போன்களுக்குக் குறையாது பேசியபடிக்கே, பேக்கிங் செய்து உங்களது பிரதிகளையும், ஏஜெண்ட்களின் பண்டல்களையும் அனுப்பி வரும் நமது அலுவலகப் பெண்கள் அகஸ்மாத்தாய் உள்ளே வைக்க மறந்து போன புக்மார்க்குகளுக்கும் ; கூரியர்காரர்கள் பட்டுவாடா செய்யத் தவறிய பார்சல்களுக்குமே சேர்த்த மண்டகப்படிகளையும் நானே வாங்கி வருகிறேன் ! So முழுசுமாய் எனதாகிடாத சால்வைகளை வாங்கி கொள்ளும் கையோடே - முழுசுமாய் எனதாகிடக்கூடா துடைப்பக்கட்டைச் சாத்துக்களையும் ஜாலியாய் ஏற்றுக் கொண்டு வருகிறேன் !!   ப்ளஸ்ஸுக்கும்,  மைனஸுக்கும் சரியாய் போச்சோ ? 

எது எப்படியோ – இந்த உத்வேகங்களையும், ஆரவார வரவேற்புகளையும் சந்தோஷத்தோடு பார்த்திடும் தருணத்தில் – கூடுதலாயொரு வயிற்றுக் கலக்கலும் எழுகிறது தான் ! புதுசா அது என்னவென்று கேட்கிறீர்களா ? Simple…! இந்த தொகுப்பானது ஒரு மறு-மறுபதிப்பே; ஏற்கனவே b&w-ல் நீங்கள் துவைத்துத் தொங்கப் போட்டு ; படித்து, மனப்பாடம் செய்த கதையே தான் என்ற போதிலும் – இதன் வண்ண அவதாரைக் காண நீங்கள் எத்தனை ஆர்வமாய் இருந்துள்ளீர்கள் என்பதன் முழுப் பரிமாணமும் இப்போது வெட்ட வெளிச்சத்துக்கு வந்துள்ளது ! Not that I didn’t know it - ஆனாலும் உங்கள் சிலாகிப்புகளின் தீவிரத்தைக் கொண்டு பார்க்கும் போது – எனது யூகங்களை விடவுமே பன்மடங்கு வீரியத்துடனானது உங்களது எதிர்பார்ப்புகள் என்பது புரிகிறது ! So ஏதோ ஒரு அசட்டையில் இந்த இதழின் தயாரிப்பில் நாம் எங்கேனும் சொதப்பியிருக்கும் பட்சத்தில் – நம் முதுகில் சுடப்பட்டிருக்கக்கூடிய மசால் தோசைகளைப் பார்த்து அடையார் ஆனந்த பவனே மலைத்துப் போயிருப்பார்கள் என்பதை  யோசித்துப் பார்த்தேன்… வயிறு தானாய் கலக்கத் தொடங்கி விட்டது! 

இந்த “பொம்மை புக்குகள்” எத்தனை உக்கிரமான தாக்கங்களை நம்முள் ஏற்படுத்துகின்றன என்பதை upclose தரிசித்திட ஈரோடும் ; தொடர்ந்துள்ள நாட்களும் வழங்கியுள்ளன ! எகிறிடும் எதிர்பார்ப்புகள் ஒரு பக்கம் புளியைக் கரைத்தாலுமே – அவற்றைப் பூர்த்தி செய்திடும் பட்சங்களில் நீங்கள் கொண்டாடிடும் விதங்கள் – கழுதைக்கு முன்பாய் தொங்கிடும் புஷ்டியான, ருசியான கேரட்டாகத் தோன்றுவதை மறுப்பதற்கில்லை ! கேரட்டை விரும்பாத கழுதையும் இருக்குமா- என்ன ? So ஸ்டீவ் ராலாண்ட் (aka) ஜேஸன் ஃப்ளை (aka) XIII தனது தேடலை வண்ணத்தில் உங்கள் துணையோடு நடத்திக் கொண்டிருக்க, நாமோ தொடரவிருக்கும் இதழ்களுக்குள் முழுகத் தொடங்கியாச்சு ! அது பற்றி எழுதுவதற்கு முன்பாய் ஈரோட்டின் சில தொடரும் நினைவுகளைப் பற்றிப் பேசிடத் தோன்றுகிறது ! எங்கேனும் இதுவொரு “மறுக்கா ஒலிபரப்பாய்”த் தென்பட்டிடும் பட்சத்தில் மன்னிச்சூ ப்ளீஸ்!

😇 ஈரோடின் சந்திப்பின் ஒரு சிலாகிக்கப்படா highlight என நான் நினைத்தது – கரூர் கல்லூரியிலிருந்து வந்திருந்த மாணவ/ மாணவியரின் ஆர்வங்களை ! நமது வாசக நண்பர் பிரஷாந்த் அந்தக் கல்லூரியின் விஷுவல் மீடியாப் பிரிவின் H.O.D. போலும் !! (அவரே இன்னமும் இஷ்கூல் மாணவரைப் போலத் தெரிந்தது வேறு கதை!!!) காமிக்ஸ் சார்ந்த தனது ஆர்வங்களை தனது மாணவர்களுக்குக் கொண்டு செல்லும் விதமாகவும் ; அந்தத் துறைக்கும், காமிக்ஸ் உலகிற்கும் என்றுமே நெருங்கிய தொடர்புள்ளதைப் புரியச் செய்யும் விதமாகவும் அவர்களையும் தன்னோடு அழைத்து வந்திருந்தது அழகானதொரு gesture ! அவர்கள் சகலருமே நமது காமிக்ஸ் உலகிற்குப் புதியவர்கள் ! பலரகப்பட்ட பெருசுகளாகிய நாம் அன்றைக்கு செய்த ரகளைகளை அகன்ற விழிகளோடு ரசித்தது அப்பட்டமாய்த் தெரிந்தது ! அவர்களுக்குள் காமிக்ஸ் மீதான ஈர்ப்பு ஒரு பத்து சதவிகிதம் புகுந்திருந்தாலுமே – புது இரத்தம் உட்புக பிரகாசமானதொரு வாசலைத் திறந்து வைத்தது போலாகிடுமல்லவா?

😇 ஐந்தே வயதானதொரு கதாசிரியரையும் ஈரோட்டில் சந்திக்கும் வரம் கிட்டியது எனக்கு ! பச்சரிசிப் பற்களும், பால் மணமும் மாறா ஒரு 5 வயதுக் குட்டிப் பையனை நண்பர் ஸ்டாலின் அறிமுகம் செய்து வைத்தார் ; ஸ்மர்ஃப் ரசிகராம்… அந்த வயதிலேயே கதையும் எழுதும் ஆற்றல் கொண்டவராம்! அந்த வருங்காலப் படைப்பாளிக்கு இப்போதே ஒரு அட்வான்ஸ் கொடுத்து வைத்து, அவரது கதைகளை நாமே லபக்கிடலாமென்று தோன்றியது!!

😇 இல்லத்தரசிகளோடும் ; குட்டீஸ்களோடும் வருகை தந்திருந்த நண்பர்களின் முகங்களிலும் அன்றைக்கு ஒரு தேஜஸைப் பார்க்க முடிந்தது எனக்கு! “பார்த்தியா…. பாத்தியா…? மறை கழன்றவன்னு என்னை நினைச்சிருப்பேல்லே…? இங்கே எனக்குத் துணைக்கு எவ்ளோ பேர் இருக்காங்கன்னு பார்த்தியா?” என்ற சந்தோஷமாக இருந்திருக்குமோ? எது-எப்படியோ; துணிக்கடைகளில் காத்திருக்கும் கணவன்மார்களின் அசிரத்தைகளின்றி – நாமடித்த ரகளைகளை முழுவதுமாய் இல்லத்தரசிகளும் ரசித்தது ஒரு நிச்சய highlight ! தொடரும் காலங்களில் இதுவொரு குடும்பங்களின் gathering என்று பரிணாம வளர்ச்சி பெற்றால் - அதன் துவக்கப் புள்ளி ஆகஸ்ட் 4' 2018 என்றிருக்கும்! (ஆனால் நம்மில் பலரும் "சிங்கம் சிங்கிளாத் தான் வரும் !!" என்று டயலாக் பேசிட விழையும் wannabe bachelors தான் எனும் போது - எனது ஆசை சற்றே ஓவர் என்பது புரியாதில்லை !!)  

😇 வழக்கம் போல “வேதாளன்… ரிப் கிர்பி… அந்தப் பெரீய்ய ஸ்பைடர் மாமா கதை…" என்ற ரீதியிலான கோரிக்கைகளைத் தாண்டி, பழசைக் கோரி பெரியதொரு உண்ணும்விரதப் போராட்டமெல்லாம் அரங்கேறவில்லை என்பது அன்றைய சந்தோஷங்களுள் முக்கியமானது – at least என்னைப் பொறுத்தவரையிலாவது ! மெகா ரேஞ்சில் கோரிட மறுபதிப்புப் பட்டியலில் எதுவும் பாக்கியில்லை என்பது ஒரு பக்கமிருக்க – இனி கொஞ்ச காலமேனும் ரிவர்ஸ் கியரை ‘லொடக் லொடக்‘ என்று போடுவதில் பொழுதுகளைச் செலவழித்திடாது – முன் செல்வதில் கவனம் செலுத்திடுவோமே - please ? Of course – வண்ணத்தில் Tex மறுபதிப்புகள்; வண்ணத்தில் பிரின்ஸ் ; லக்கி லூக் ; சிக் பில் etc., தொடர்ந்திடுவதில் நாம் அனைவருமே ஒரே பக்கத்தில் தொடர்கிறோம் தானே ? On the topic – ரிப்போர்ட்டர் ஜானியின் ஆல்பம் ஏதேனும் மறுபதிப்பிடுவதாயின் – உங்கள் தேர்வு ப்ளீஸ்? Just 1 !!

😇 "ஒரு வாசக சந்திப்பு" ; "புத்தக வெளியீட்டு விழா" என்றெல்லாம் இனியும் நாம் இத்தகைய தருணங்களுக்குப் பெயரிட முனைவது பொருத்தமாகயிராது என்பேன் ! இது முழுக்க முழுக்கவே நண்பர்களின் ஒரு ஜாலி டே ; காமிக்ஸின் நிழலில் உருவாகியுள்ள நட்பின் கொண்டாட்டங்கள் என்பது தானே நிதரிசனம் ? சனியின் முழுமைக்கும் ஈரோட்டில் எங்கே சென்றாலும் நம்மவர்களை அணி அணியாகப் பார்க்க முடிந்தது ! புத்தக விழாவின் அரங்குகளில் ; ஹோட்டல்களில் ; V.O.C பார்க்குக்கு முன்பான வீதிகளில் - என செட் செட்டாய் நண்பர்கள் உலவியதை ரா வரையிலும் ரசிக்க முடிந்தது !!
😇  நண்பர்களுடனான அரட்டைகளில் ; எழுப்பப்பட்ட கேள்விகளில் இம்முறை "கிராபிக் நாவல்கள்" சார்ந்த எதிர்பார்ப்புகள் நிறையவே ததும்பியதைப் பார்த்திட முடிந்தது ! நடப்பாண்டில் "இரத்தப் படல" மெகா பட்ஜெட்டின் காரணமாய் கிராபிக் நாவல்கள் பம்மிட வேண்டிப் போனது எல்லோருக்கும் புரிந்திருந்தாலும் - அந்த "கி.நா" தாகம் சந்தேகமறத் தென்பட்டது ! For sure 2019-ல் கிராபிக் தனித்தடம் உண்டு !! ஆனால் எத்தனை ? ; என்ன விலையில் ? என்ற கேள்விகளை மட்டுமே சற்றே மறுபரிசீலனை செய்து வருகிறேன் !! இதன் highlight  +2 படித்து வரும் நமது (டயபாலிக்) அகில் & அவனது சகோதரனும் - "சும்மா பழசைக் கேட்டுட்டே இருப்பாங்க சார் ; காதிலே வாங்கிக்காமே நல்ல கிராபிக் நாவல்களாய் போடுங்க !!" என்று சொன்னது தான் !! அகில் : 2019-ன் கிராபிக் நாவல் சந்தா உனக்கு நமது அன்பளிப்பாய் இருந்திடும் !! அதே போல நண்பர்கள் ஆதி தாமிரா & கார்த்திகை பாண்டியன் அபிப்பிராயப்பட்டதுமே - சற்றே அடர்த்தியான கதைகளாய்த் தேர்வு செய்திட வேண்டுமென்பதை  !! "நிஜங்கள் நிசப்தம்" ; "மெல்லத் திறந்தது கதவு" போன்ற கதைகளை எட்டித் தொடும் துணிச்சல் நமக்கு சாத்தியமான பிற்பாடு - ரிவர்ஸ் அடித்திட வேண்டாமே ? என்ற அவர்களின் கோரிக்கையின் நியாயம் புரிகிறது ! நிச்சயம் நம் தேடல் தொடரும் நண்பர்களே !
😇 இளம் டைகர் சார்ந்த கேள்விகளும் கணிசமாகவே எழுப்பப்பட்டன !! பாக்கியிருக்கும் 12 ஆல்பங்களை - ஆறு + ஆறு என்று இரு தொகுப்புகளாய் வெளியிட்டு முடித்து விடலாமே ? என்பது டைகர் ரசிகர்களின் கோரிக்கையாய் இருந்தது ! On paper - சாத்தியமான கோரிக்கை தான் ; புதுக் கதைகள் எனும் போது அவற்றை வாங்கிட பரவலாய் ஆர்வமும் இருந்திடக்கூடும் தான் ! ஆனால் ஒரு "மின்னும் மரணம்" ; "இரத்தக் கோட்டை" போன்ற Charlier & Giraud உருவாக்கிய classics நம் சிந்தைகளில் நிழலாட - அதன் உயரங்களையோ ; ஆழங்களையோ எட்டிட சாத்தியமாகிடா கதைகளோடு உங்களைச் சந்திக்க என்னுள் தயக்கம் ! அமெரிக்க உள்நாட்டு யுத்தம் - 'வடக்கு-தெற்கு' பிரிவினை என்ற பின்புலத்தோடு பயணிக்கும் இந்தக் கதைகள் ஒரு சராசரி நாயகனின் தொடரினில் இடம்பிடித்திருப்பின் சிக்கலே இருந்திராது ! ஆனால் "டைகர்" எனும் ஜாம்பவானுக்கு இவை சுகப்படுமா ? என்ற கேள்வியே என்னுள் ! உங்கள் thoughts folks ? 
😇 "தல' டெக்ஸ் பற்றிய கேள்விகளுக்கும் பஞ்சமே இருக்கவில்லை இம்முறையும் ! "மெபிஸ்டோ ; மொரிஸ்கோ தலைகாட்டும்  மாந்த்ரீகம் சார்ந்த கதைகளையும் நடுநடுவே கண்ணில் காட்டுங்களேன் ?" என்ற கோரிக்கை அதனுள் முக்கியமானது ! நிச்சயம் அதுவொரு சிக்கலே அல்ல தான் என்னளவுக்கு ! ஆனால் நம்மவருக்கு - "ஒரு அதிரடி ரேஞ்சர்" என்ற அடையாளத்தை ஆழமாய்ப் பதித்து வருகிறோம் post 2012 !! And அது நெருடலின்றி நம்மிடையே ஓடவும் செய்கிறது ! இந்நிலையில்  விட்டலாச்சார்யா பாணிக்குள் இரவு கழுகு & கோ-வை லைட்டாக அமிழ்த்திப் பார்க்க பயமே மேலோங்குகிறது ! "க்யூபா படலம்" மட்டும் தான் நமது இரண்டாம் இன்னிங்சில் வெளியான ஒரே Tex மாந்த்ரீகக் கதை சார்ந்த களம் ! அதற்கு கிட்டியதும் mixed reactions தான் என்பதில் இரகசியங்களில்லை ! So அங்கே எழுந்த நெருடல்கள் - அந்தக் கதையின் மாயாஜாலப் பின்னணிகள் பொருட்டா ? அல்லது - பொதுவான வறட்சியின் காரணமாயா ? என்று முழுசாய் அனுமானிக்கத் தெரியா நிலையில் - Tex vs மாந்த்ரீகம் என்ற கேள்விக்கு பதில் சொல்ல இயலவில்லை !! "ஒரேயொரு கதை மட்டும் போடுவோமே ?" என்ற அபிப்பிராயம் எனக்கு அத்தனை சுகமாய்த் தோன்றவில்லை ; போடுவதென்று ஆச்சென்றால் சரளமாய்ப் போடும் நிலை எழுந்தால் super என்பேன் ! "அந்த ரிஸ்க் வேண்டாம் - லேசாய் காலை மட்டும் நனைக்கும் விதமாய் முயற்சிப்போமே ?" என்பது நாம் தெளிவில்லாது இருப்பது போலாகிடாதா guys ? இது பற்றி அபிப்பிராயங்கள் ப்ளீஸ் ? 2019-ன் அட்டவணை அச்சாகும் முன்பாய் சில பல இறுதி நிமிட tweaking செய்திடுவதெனில் - இதுவே அதற்கான தருணம் !  
Moving on, செப்டெம்பருக்கான பணிகள் - சமீப நாயகன்  ட்ரெண்ட் சகிதம் kickstart ஆகியுள்ளன ! இந்த இதழுக்கான உங்களின் வரவேற்பு எவ்விதமிருக்குமென்று அறிந்திட ரொம்பவே ஆர்வம் எனக்குள் ! Becos - இது ரொம்பவே - ரொம்பவே வித்தியாசமான ஒரு படைப்பு ! "ஆக்ஷன் த்ரில்லர்" ; "ஆட்டுக்குட்டித் த்ரில்லர்" என்ற பில்டப்பெல்லாம் இதற்கு சத்தியமாய்ப் பொருந்தாது ! அதே போல ஒரு western கதைக்கான மாமூல் அடையாளங்கள் இங்கே துளியும் இராது ! ஆனால் கதை நெடுக ஒருவித darkness ; ஒரு வித்தியாச அடிநாதம் இழையோடுவதை தான் இந்த ஆல்பத்தின் highlight என்று சொல்லிட வேண்டும் ! And எக்கச்சக்கக் கவிதைகளை பெரும்புலவர் ஆந்தை விழியோன் எழுதிடும் முகாந்திரங்களும் கதையினில்  நடு நடுவே எழுவதைக் காணவிருக்கிறீர்கள் ! அந்தக் கவிதைகளும், இந்த இதழின் தலைப்புமே - செப்டெம்பர் ட்ரென்டின் முதுகெலும்புகள் என்பேன்  !! So watch out !!! அப்புறம் "கும்மாங்கும்" இல்லாங்காட்டி, அதை எல்லாம்  கதையென்ற கணக்கிலேயே சேர்க்க மாட்டேன் அண்ணாத்தே.....!!" என்று கொடிபிடிக்கும் அணியினைச் சார்ந்தவராய் நீங்களிருப்பின் இந்த ஆல்பத்திற்கு தூரத்திலிருந்தே 'ஹலோ' சொல்லிவிட்டுக் கிளம்பி விடுங்கள் guys !! ஒரிஜினல் அட்டைப்படத்தோடு - இதோ அதன் preview : 

Have a lovely weekend all !! See you around !!

P.S : KUMUDAM நூலகப் பகுதியில் லக்கி !!

371 comments:

  1. ட்ரெண்ட் அட்டை அருமை! அந்த கையெழுத்து டைட்டில் ஹைலைட்!!

    ReplyDelete
  2. Replies
    1. ஜானி மறுபதிப்பு இரத்த காட்டேரி மர்மம் (கதையின் பெயர் சரிதானே).

      Tex vs மாயாஜாலம்/ si-fi கண்டிப்பாக வேண்டும், si-fi (ex- மரண முள்)

      டைகர் கதைகளை 2019-இல் இரண்டு பாகமாக வெளியிடவும்

      Delete
    2. சார்,

      மூன்றாவது முறையாக copy/paste.

      Mahesh5 August 2018 at 23:30:00 GMT+5:30
      @ விஜயன் சார்,

      இன்று நம் முந்தைய வெளியீடுகளை எடுத்து பார்த்து கொண்டிருந்தேன். அதில் லயன் 250வது மலர் தென்பட்டது. 680 பக்கங்களில் முழு வண்ணத்தில் டெக்ஸ் கதைகள் உள்ளன, தற்பொழுது dynamite special இல் 777 பக்கங்கள் colour+ B/W.

      ஒரு 1000 பக்கங்கள் இருந்திருந்தால் இன்னும் சற்று சிறப்பாக இருந்திருக்கும் என்று தோன்றுகிறது.

      It may be to late. But I just shared my thoughts. If possible please add a extra story in b/w to make it a one time special as tribute to 70 years of tex.

      Delete
    3. 70 க்கு 777 + பொருத்தமாகவே இருக்கும் சார் ! Overkill வேண்டாமே !!

      Delete
    4. Tex, 'overkill'-அ, கண்டிப்பாக இல்ல சார். இந்த முறை இல்லை என்றாலும் கண்டிப்பாக ஒரு 1000 பக்க tex special வெளியிடுமாறு தாழ்மையுடன் கேட்டுக்கொள்கிறேன்.

      இப்படிக்கு,

      குண்டு புக் ரசிகன்.

      Delete
  3. ரொம்ப நாள் கழிச்சுப் பத்துக்குள்ள..!

    ReplyDelete
    Replies
    1. ட்ரெண்ட்-க்கு நல்வரவு..!
      க க ம... சு க மே..!
      கி.நா..? ஓக்கே..!
      இப்போதைக்கு அப்பீட்டு..!

      Delete
  4. Tex vs மாந்த்ரீகம் என்ற கேள்விக்கு பதில் சொல்ல இயலவில்லை !! "ஒரேயொரு கதை மட்டும் போடுவோமே ?" என்ற அபிப்பிராயம் எனக்கு அத்தனை சுகமாய்த் தோன்றவில்லை ; போடுவதென்று ஆச்சென்றால் சரளமாய்ப் போடும் நிலை எழுந்தால் super என்பேன் ! "அந்த ரிஸ்க் வேண்டாம் - லேசாய் காலை மட்டும் நனைக்கும் விதமாய் முயற்சிப்போமே ?" என்பது நாம் தெளிவில்லாது இருப்பது போலாகிடாதா guys ? இது பற்றி அபிப்பிராயங்கள் ப்ளீஸ் ? 2019-ன் அட்டவணை அச்சாகும் முன்பாய் சில பல இறுதி நிமிட tweaking செய்திடுவதெனில் - இதுவே அதற்கான தருணம் !
    நனைக்கிரதுனு முடிவாயிடிச்சு கால் என்ன முழுக்க நனையலாம் சார்.
    தட்டி உடுங்க சார் நாங்க இருக்கோம்.

    ReplyDelete
  5. ///கரூர் கல்லூரியிலிருந்து வந்திருந்த மாணவ/ மாணவியரின் ஆர்வங்களை ! நமது வாசக நண்பர் பிரஷாந்த் அந்தக் கல்லூரியின் விஷுவல் மீடியாப் பிரிவின் H.O.D. போலும் !! (அவரே இன்னமும் இஷ்கூல் மாணவரைப் போலத் தெரிந்தது வேறு கதை!!!) காமிக்ஸ் சார்ந்த தனது ஆர்வங்களை தனது மாணவர்களுக்குக் கொண்டு செல்லும் விதமாகவும் ; அந்தத் துறைக்கும், காமிக்ஸ் உலகிற்கும் என்றுமே நெருங்கிய தொடர்புள்ளதைப் புரியச் செய்யும் விதமாகவும் அவர்களையும் தன்னோடு அழைத்து வந்திருந்தது அழகானதொரு gesture ///


    பாராட்டுகளும் வாழ்த்துகளும் பிரசாந்த்..!!

    ReplyDelete
  6. Young Blueberry கதைகள் கண்டிப்பாக வேண்டும். 6 ,6 பாகங்களாய் வெளியிட்டு காப்டன் டைகருக்கு மங்களம் பாடிவிடலாமே !

    ReplyDelete
  7. இளம் டைகர் சார்ந்த கேள்விகளும் கணிசமாகவே எழுப்பப்பட்டன !! பாக்கியிருக்கும் 12 ஆல்பங்களை - ஆறு + ஆறு என்று இரு தொகுப்புகளாய் வெளியிட்டு முடித்து விடலாமே ? என்பது டைகர் ரசிகர்களின் கோரிக்கையாய் இருந்தது ! On paper - சாத்தியமான கோரிக்கை தான் ; புதுக் கதைகள் எனும் போது அவற்றை வாங்கிட பரவலாய் ஆர்வமும் இருந்திடக்கூடும் தான் ! ஆனால் ஒரு "மின்னும் மரணம்" ; "இரத்தக் கோட்டை" போன்ற Charlier & Giraud உருவாக்கிய classics நம் சிந்தைகளில் நிழலாட - அதன் உயரங்களையோ ; ஆழங்களையோ எட்டிட சாத்தியமாகிடா கதைகளோடு உங்களைச் சந்திக்க என்னுள் தயக்கம் ! அமெரிக்க உள்நாட்டு யுத்தம் - 'வடக்கு-தெற்கு' பிரிவினை என்ற பின்புலத்தோடு பயணிக்கும் இந்தக் கதைகள் ஒரு சராசரி நாயகனின் தொடரினில் இடம்பிடித்திருப்பின் சிக்கலே இருந்திராது ! ஆனால் "டைகர்" எனும் ஜாம்பவானுக்கு இவை சுகப்படுமா ? என்ற கேள்வியே என்னுள் ! உங்கள் thoughts folks ? We need தங்க தலைவன். Let us see young தங்க தலகவன் or யங் டொக்சு..

    ReplyDelete
    Replies
    1. /// Let us see young தங்க தலகவன் or யங் டொக்சு..///

      நடுராத்திரில கூட என்னா ஒரு ஹ்யூமர் சென்ஸு ..!!

      ரேஸ் குதிரையா ஜட்கா வண்டிக் குதிரையான்னு பாத்துடலாம்குற மாதிரி இருக்கு ..ஹிஹி ..!

      Delete

    2. ரெகுலர் கதைகள்ல டைகரால் நிச்சயமாக டெக்ஸ் க்கு போட்டி தரமுடியும்...

      ஆனா,
      ஆனா,
      ஆனா,

      யங் டைகரின் நிலைமை,
      யங் டெக்ஸின் முன்னாடி கொஞ்சம் பரிதாபம் தான்...ஹா...ஹா...

      யங் டைகர், ஓவியங்கள் நல்லாயிருக்கு; அதறகாக ரசிக்கலாம்.

      கதைகளம்,
      பரபரப்பு,
      ஆக்சன்,
      ட்விஸ்ட்,
      யுக்திகள்ல
      யங் டெக்ஸ் பலநாள் பயண தொலைவில் முந்துகிறார்...

      Delete
    3. யங் டெக்ஸ் அது டைனமைட்.
      யாரும் நெருங்க முடியாது.

      Delete
    4. "மிண்ணும் மரணம் அணு குண்டுகள்".
      ஆனால் தற்போது அது போன்ற அணுகுண்டுகள் இல்லாத காரணத்தால் சாதரன டைனமட் மட்டுமே சந்தையில் எக்கசக்கமாக உள்ளது. டைனமைட்டை வெறும் கையில் விசாலம்.
      அளவில் அதிகம் உள்ள காரணத்திற்காக டைனமட் அணுகுண்டு ஆகி விட முடியாது.

      Delete
  8. ///ரிப்போர்ட்டர் ஜானியின் ஆல்பம் ஏதேனும் மறுபதிப்பிடுவதாயின் – உங்கள் தேர்வு ப்ளீஸ்? Just 1 !!///

    நீங்க என்னதான் Just 1ன்னு கேட்டாலும் எங்களால Just 2வாச்சும் சொல்லாம இருக்க முடியாது சார்.!

    வேணும்னா ரெண்டு கதைகளை ஒரு ஆல்பமா போட்ருங்க ..எப்பூடி..!!

    ஜானி மறுபதிப்புன்னா திகில்ல வெளியான வரிசையிலயே போடலாம் சார்.!

    இரத்தக்காட்டேரி மர்மம்
    +
    சிவப்புப்பாதை

    (திகிலில் வெளியான இரண்டாவது ஜானி சாகசம் சைத்தான் வீடு ஏற்கனவே மறுபதிப்பு ஆயிட்டதால மூணாவதா வெளியான சிவப்புப்பாதைக்கு சிவப்புக்கம்பளம்)

    ReplyDelete
    Replies
    1. "சிவப்புப் பாதைக்கு "சிவப்பு கம்பள வரவேற்ப்புப்பு.. எனக்கும் சார்..ii

      Delete
    2. ///ரிப்போர்ட்டர் ஜானியின் ஆல்பம் ஏதேனும் மறுபதிப்பிடுவதாயின் – உங்கள் தேர்வு ப்ளீஸ்? Just 1 !!///

      நீங்க என்னதான் Just 1ன்னு கேட்டாலும் எங்களால Just 2வாச்சும் சொல்லாம இருக்க முடியாது சார்.!

      வேணும்னா ரெண்டு கதைகளை ஒரு ஆல்பமா போட்ருங்க ..எப்பூடி..!!

      ஜானி மறுபதிப்புன்னா திகில்ல வெளியான வரிசையிலயே போடலாம் சார்.!

      இரத்தக்காட்டேரி மர்மம்
      +
      சிவப்புப்பாதை.
      நன்றி,கண்ணன்.

      Delete
    3. இரத்தக் காட்டேரி மர்மம்...

      Delete
    4. +54321௮௭77777777

      இரத்தக்காட்டேரி மர்மம் (Original அட்டை ஓவியத்துடன்)

      +
      இன்னுமொரு ஜானி கதை

      ஒரே புத்தகமாக

      Delete
  9. அட்டைப்படம் அபாரம்!! படு ஸ்டைலாக இருக்கிறது. 'களவும் கற்று மற' எழுத்துரு - செம்ம!!

    ReplyDelete
  10. Super. Forward..forward..2019 come soon...

    ReplyDelete
  11. மந்திர மண்டலம் சமீபத்தில் படிக்க நேர்ந்தது ஹுவால்பைகள் நம்ம டெக்ஸ்க்கே நல்லா தண்ணீர் காட்டுகிறார்கள்.
    மந்திரம் தந்திரமா இருந்ததாலும் டெக்ஸ் துப்பாக்கி எடுத்து சுடுவார்ல எங்களுக்கு அது போதும்.
    இருக்கவே இருக்கு நீங்கள் எழுதும் வசனம் கும்,ன்ங்,சத் டமார், தட்,டமால்,படீர்,டூமில்,....

    ReplyDelete
    Replies
    1. // மந்திரம் தந்திரமா இருந்ததாலும் டெக்ஸ் துப்பாக்கி எடுத்து சுடுவார்ல எங்களுக்கு அது போதும்.//
      பாயிண்ட்.
      +1111111111

      Delete
  12. ////இதழின் தயாரிப்பில் நாம் எங்கேனும் சொதப்பியிருக்கும் பட்சத்தில் – நம் முதுகில் சுடப்பட்டிருக்கக்கூடிய மசால் தோசைகளைப் பார்த்து அடையார் ஆனந்த பவனே மலைத்துப் போயிருப்பார்கள்///


    :)))))))

    கொஞ்சம் பொறுங்க எடிட்டர் சார்... நம்ம
    மக்கள் இப்பத்தான் மசால் தோசைக்கான மசாலாவை சுடச்சுட ரெடி பண்ணிக்கிட்டிருக்கிற மாதிரி தெரியுது!

    ReplyDelete
  13. /// Tex vs மாந்த்ரீகம் ///

    ஒரே மாதிரியான கதைகளில் இருந்து வித்தியாசம் காட்டவாவது குறைந்தது வருடத்திற்கு ஒரு கதை முயற்சிக்கலாம் சார்.!

    என்னதான் மாந்த்ரீகம் மாயாஜாலம்னு இருந்தாலும் ஜெயிக்கிறதென்னவோ தோட்டா மந்திரம்தானே ..!!

    ReplyDelete
  14. /// Tex vs மாந்த்ரீகம் ///

    ---ஹா...ஹா....

    இதைப்பற்றி நீங்கள் வாங்க போகும் மசாலா தோசைகள் என் கண்ணில் இப்பமே தெரிகிறது சார்....

    அடுத்த மாதம் நீங்கள் அறிவித்துள்ள சைத்தான் சாம்ராஜ்யம் மறுபதிப்பு கூட இதே ரீதிதான்...

    செமத்தியான சூனியம், மாந்த்ரீக நம்பிக்கை, செவ்விய பழக்க வழக்கங்கள்,
    மூட நம்பிக்கைகள்,.... என கலந்து கட்டி இருக்க போவுது...
    மேலும்,
    மேலும்,
    மேலும்,
    அந்த பாதாள பெரும் பள்ளத்தில் டெக்ஸ் & கோ இறங்கிய பின் நிகழும் உடான்ஸ் டெக்னிக் ஏகப்பட்ட மசாலா தோசை களுக்கு மூலப் பொருளாகும்....

    அடுத்த மாதமே நீங்கள் இதற்கான பதிலை உறுதியாக, தெளிவாக அறியலாம்...ஹி...ஹி.ஹி..

    ReplyDelete
  15. ///And எக்கச்சக்கக் கவிதைகளை பெரும்புலவர் ஆந்தை விழியோன் எழுதிடும் முகாந்திரங்களும் கதையினில் நடு நடுவே எழுவதைக் காணவிருக்கிறீர்கள் ! ///

    அந்த லாரா என்கிற ஒற்றை வார்த்தைக் கவிதை அழகாக இருந்தது சார்.!
    ஆனா... ஆனா ...அநியாயமா சுட்டுட்டாங்களே ..ப்பூபூவ்வ்வ்...!!

    ReplyDelete
  16. டியர் எடிட்டர்

    - Tex நமக்கு பரிச்சயமான களம் வேறு என்பதால் Tex கதையில் மாந்திரீகம் பார்ப்பது விட்டலாச்சார்யா இயக்கும் MGR படம் போல் இருக்கும் :-) அதுக்கு பதிலா Zagor ட்ரை பண்ணலாம். அது பாட்டுக்கு தனியா கொஞ்சம் அமானுஷ்யமா இருக்கும்.

    - எ ..என்னது ? க ..விஞர் சௌ.ஸ்ரீ.மு.வி. தி .ரும்பி வ...றாரா ?? "கும்மாங்கோ" இல்லியா ? விடுறா ஜூட்டு ராகவா !!

    - என்னாது ? "நிஜங்களின் நிசப்தம்" ... "மெல்ல திறந்தது கதவா?" .. ஏன் ? XIII , Tex , கும் , சத் ... என்று நல்லாதானே போய்க்கிட்டு இருந்துகிச்சு ? ஓகே .. இதெல்லாம் கிராபிக் நாவல் சந்தால ஒண்ணா சேத்துருங்கோ !

    -Young Blueberry - உஸ்ஸ் .. ஷப்பா .. போன மூச்சு திரும்பி வந்திச்சுப்பா .. அடுத்த ஈரோடுல 6 * 2 Box Set போட்டா என்ன ?

    - Finally, ஆண்டு மலர் 2018 ஒரு அருமையான collection என்று மறுபடியும் நிரூபிக்கிறது குமுதம் review.

    ReplyDelete
    Replies
    1. ///Tex கதையில் மாந்திரீகம் பார்ப்பது விட்டலாச்சார்யா இயக்கும் MGR படம் போல் இருக்கும்///
      😂😂😂

      Delete
  17. வணக்கம்!

    எதிா்வரும் வருடத்தில் ஸ்மா்ப்ஸ் உண்டுங்களா சாா்!??

    ReplyDelete
  18. ////அகில் : 2019-ன் கிராபிக் நாவல் சந்தா உனக்கு நமது அன்பளிப்பாய் இருந்திடும் !////

    வாழ்த்துக்கள் அகில்!!

    ReplyDelete
    Replies
    1. வாழ்த்துக்கள் அகில்.

      Delete
    2. என்னுடைய வாழ்த்துக்களும் அகில்.

      அப்படீனா, நிஜங்களின் நிசப்தம் பார்ட்2 உறுதி....உய்...உய்....உய்....

      Delete
  19. ///ஐந்தே வயதானதொரு கதாசிரியரையும் ஈரோட்டில் சந்திக்கும் வரம் கிட்டியது எனக்கு///

    ஸ்மா்ப் ரசிகா்னா அப்படித்தான்!

    ReplyDelete
  20. மேலே குரூரமாய் சிரிக்கும் மெஃபிஸ்டோவைப் பார்க்கும்போது நம்ம கருப்புக் கிழவியின் ஹஸ்பண்டு மாதிரியே இல்லை? ஹிஹி!

    ReplyDelete
    Replies
    1. என்னமா யோசிக்கறாங்கப்பா.

      Delete
  21. Sir, young tiger stories issuing in combined six albums rather than in single issue may have our reading experience as pleasant. War related stories which we have not touched and Blanc Dumont sketches will not be disappointed us. Let hope, our door is not closed for Tiger (young). We have to send off him by the way of releasing/finishing of his hanging young series.

    Tex Mefisto story we can take at once as pickle when we have usual story as regular and it not a sin, and those who are looking for a change of Tex.



    ReplyDelete
    Replies
    1. Yes..editor sir we have negative thought about young tiger stories before touch ...same thought has disqualified in xiii colour print..so please don't incept about young tiger sir ...

      Delete
  22. சார் ட்ரெண்ட் அட்டையும், எழுத்துருவும் பளிச், ,,,ட்ரெண்ட் ஒரு பக்கம் அமர்க்களம் , ஏதோ இனம் புரியா ஈர்ப்பு,
    இப்பக்கத்ததின் வண்ணமா ,,,தனிமையில் புலம்பியபடி செல்லும் ட்ரெண்ட் வசீகரிக்கிறார், ,,,ஜானி இரத்த அம்பு மறுபதிப்பில்,,,டெக்ஸ் க்யூபா படலம் சமீபத்தில்தான் படித்தேன், அட்டகாசமன கதை ,,ஏற்கனவே சைத்தான் சம்ரஜ்யம், டெக்ஸ் கர்சன் நட்பை விவரித்தபடி ஜாலியா பயணிக்கும் இருளின் மைந்தர்கள், மந்திர மண்டலம் ஹிட்தானே,,,,இவை டெக்ஸ் புகழுக்கு குறை சேர்க்காதே,,,பிரம்மண்டமாய் மலர உள்ள டெக்ஸின் நண்பன் டைகரின் கடந்த காலம் வண்ணத்தில் இல்லை என்பதே குறை, ,,ஏதாவது கதையை கல்தா போட்டு அந்த பெரிய சைச வண்ணத்ல வெளியிட ஏலுமான்னு பாருங்களேன் வாய்ப்பிருப்பின்,,கார்சனின் கடந்த காலம் போல பின்னோக்கி சென்று திருத்த வாய்ப்பிருக்ககான்னு தேடும் வேலை மிச்சமாகுமே,டெக்ஸ் மரண முள் போல விஞ்ஞான கதை ஒன்றும்,,,,அப்புறம் வழக்கம் போல முகத்த தடவி பல்லையெடுக்கும் கதைகள்,,,,,டைகர பொறுத்தவரை அந்த கதைகளும் அட்டகாசம்தான், ,,,டைகர் கதைகளில் மின்னும் மரணம், தங்கக் கல்லறைக்கு இணையாய் என்னை ஈர்த்த கதை சீட்டாடிய படி தேமேன்னு இருந்த என் பெயர் டைகருமே,,,இனம் புரியா வசீகரம் அககதைக்குள்,,,,,டைகர் புத்தகங்கள் ஓரளவு காலியான பின் விற்பனை சார்ந்து இப போல் இரு தொகுப்பாய் குறைந்த பிரிண்ட் ரன்னிலாவது தாருங்கள்,,,,,,இப SPADSனுள் புகுந்துள்ளேன், அந்த மழையை வித்யாச படுத்தி காட்டும் ஓவியங்கள் அதகளம்,,,,,புலன் விசரணை கிரீன் ஃபால்ஸ் படலத்தில் நுழைய உள்ளேன்,,,,அருமை,,,,,,இது வரை வந்த புத்தகத்தில் அனைவரையும் ஈர்த்த பதிப்பு அனைத்து விதங்களிலும் இபன்னா மிகையில்லை,,,லேட்டா வந்தநால,,நாள(கவித,,,கவிதா அல்ல) கோவப்பட்ட நண்பரயும் தயாரிப்பல் கோவத்த மழுங்கடித்த புத்தகம், ,,,,இது வர ஈர்ப்பில் ஒரு நெகட்டிவ் கூட வாங்கா புத்தகத் தயாரிப்பபு கதை, ,,,இது போல வரும் மாதங்களும் தொடர வாழ்த்துகளும் , நன்றிகளும்,,,,,
    பின்'னால்(ள்) குறிப்பு------உங்க மாமா அந்த ஸ்பைடர்மாமா கதய கேட்டாராமாமா,,,,ஆமாமா

    ReplyDelete
    Replies
    1. அன்புத் தம்பிகளு அகி மற்றும் செல்வாக்கு வாழ்த்துகள்

      Delete
  23. ஜானி மறுபதிப்பு "இரத்தக் காட்டேரி மர்மம்"மிகச் சிறப்பான தேர்வாக இருக்கும்.

    ReplyDelete
  24. டெக்ஸ் வில்லர் கதைகள் எப்படிப்பட்டதாக இருந்தாலும் எந்த வகை கதையாக இருந்தாலும் எனக்கு டபுள் ஒ.கே.

    ReplyDelete
  25. 2019 அட்டவணையை எப்போது கண்ணில் காட்டுவீர்கள் சார்?

    ReplyDelete
  26. இந்த வருடம் இன்னும் வரவேண்டியுள்ள புத்தகங்கள் எத்தனை உள்ளன நண்பர்களே?

    ReplyDelete
  27. ட்ரெண்ட் அட்டைப்படம் அட்டகாசம்..

    காத்திருக்கிறேன்..:-)

    ReplyDelete
  28. ///"கிராபிக் நாவல்கள்" சார்ந்த எதிர்பார்ப்புகள் நிறையவே ததும்பியதைப் பார்த்திட முடிந்தது///
    :) :) :)

    ReplyDelete
  29. டைகரோ,ஜானியோ யாராக இருந்தாலும் வீட்டு மாப்பிள்ளை கணக்காக குடோனில் டேரா போடாமல்,சட்டுபுட்டுனு கொரியர்ல கிளம்புகிற மாதிரி கதையாக இருந்தால் சரி.

    ReplyDelete
  30. புதிய பாதை தென்படுகிறது.எதிரே.

    அலுங்காமல் குலுங்காமல் பயணம் செய்ய ஹோவர்கிராப்ட் ரெடி( இன்றைய பறக்கும் கேமராக்களின் முன்னோடி )

    ReplyDelete
    Replies
    1. நாம் ரசித்திட ஏராளமான காமிக்ஸ்கள் உலகில் கொட்டி கிடக்கின்றன
      ஆனால் நாமோ .....

      Delete
    2. குடுக்கிறதுக்கு நம்ம சிவகாசி கவிதாவிலாஸ சௌபாக்யஶ்ரீ காமிக்ஸ் கடவுளும் ரெடி.

      Delete
    3. மண்டைபுழு குடைஞ்சாலும் சேல்ஸ், ரசனை, ஓவியம், கலரு, செலக்சன்ஸ், குடோன் நீள அகல கொள்ளளவு பாத்து பிரிண்ட் ரன் 😢 ,அடங்காத காமிக்ஸ் வெறித்தேடல், அதையெல்லாம் நயமா நம்மட்ட காட்டணும்ங்கிற வேக ஆர்வம் இன்னபிற எல்லாம் சேத்துக்கங்க..சாமி உலாவுக்கு சர்வாலங்காரத்தோட தயார்.

      இன்னமும் மண்டகப்படி சண்டையிலயே பழைய நெனப்பிலயே மெதக்குறோம்.

      Delete
    4. பழச போடுங்க போடுங்கன்னா புதுசுக்கு போறது எப்ப?
      நி நி ரசிக்கிற மனசு தான் டெக்ஸ் வில்லரையும் ரசிக்குது.லார்கோவையும் ரசிக்குது.

      நாஸ்டால்ஜியா காமிக்ஸ் பேசன் இருந்தும் இரும்புக்கை மாயாவி அம்பேல்.
      எல்லாமே ஹீரோயிஸம் தான் அடிநாதமே.

      Delete
  31. ஏனென்றால் புத்தகங்களை வாங்கி அடுக்கி வைத்து பார்ப்பது மனதிற்கு சுகமானது. ஆனால் குடோனில் அடுக்கி வைத்து பார்ப்பது மனதிற்கு கனமானது.

    ReplyDelete
  32. டெக்ஸ் Vs மாந்திரீகம்
    எப்பவுமே ஒரே மாதிரியான பாணிக் கதைகளையே படித்துக் கொண்டிருந்தால் சலிப்பு ஏற்பட்டு விடும். அதனால் இடைஇடையே மரண முள், சைத்தான் சாம்ராஜ்யம், தலையில்லா போராளி போன்ற கதைகளையும் இடைஇடையே போட முயற்சியுங்கள் சார். டைகர் கதைகள் மின்னும் மரணம், தங்கக்கல்லறை போன்று இளம் டைகர் கதைகள் சிறப்பாக இருக்காது என்பது பலரும் அறிந்ததே! அதனால் அதை தனியாக போட்டாலும் விற்பனையில் கண்டிப்பாக சுணக்கம் ஏற்படும் அதனால் நெவெர் பிபோர் ஸ்பெஷலில் முயற்சித்ததை போன்றே இரண்டு டைகர் கதைகளை ஏதாவது ஸ்பெஷல் வெளியிடுகளில் போட முயற்சிக்கலாம். விற்பனையும் பாதிக்காது டைகர் கதைகளும் வெளிவந்த மாதிரி இருக்கும். ரிப்போட்டர் ஜானி மறுபதிப்பு கதைகளில் இரத்தக் காட்டேரி மர்மத்தை தேர்வு செய்யலாம். மாதந்தோறும் வாசகர்களிடம் அவசரகதியில் புத்தகங்களை ஒப்படைக்க முயற்சிக்காமல் காலதாமதம் ஏற்பட்டாலும் நிதானமாகவே தர முயற்சிக்கலாம் இதனால் சில குறைபாடுகள் ஏற்படுவதை தவிர்த்து கொள்ளலாமே சார்! ட்ரெண்ட் சித்திரம் மட்டுமே பிரமாதமாக உள்ளது. கதை சற்று சுமார் ரகம்தான்! இரண்டாவது கதையிலாவது ஸ்கோர் செய்கிறாரா என்று அடுத்த மாத கதையில் தெரிந்து விடும்.

    ReplyDelete
    Replies
    1. ட்ரெண்ட் சித்திரம் மட்டுமே பிரமாதமாக உள்ளது. கதை சற்று சுமார் ரகம்தான்! இரண்டாவது கதையிலாவது ஸ்கோர் செய்கிறாரா என்று அடுத்த மாத கதையில் தெரிந்து விடும்.
      அதே

      Delete
    2. ட்ரெண்ட் கதையும் அருமை. நேர் கோட்டில் பயணிக்கும் இந்த கதை எனக்கு மிகவும் பிடித்தது இருக்கிறது.

      Delete
  33. ஏனென்றால் புத்தகங்களை வாங்கி அடுக்கி வைத்து பார்ப்பது மனதிற்கு சுகமானது. ஆனால் குடோனில் அடுக்கி வைத்து பார்ப்பது மனதிற்கு கனமானது.

    ReplyDelete
  34. மாந்த்ரீக டெக்ஸுக்கு ஒரு ஜே ! எல்லா வித களங்களிலும் அதகளம் செய்வதுததானே ஒரு எவர்க்ரீன் நாயகருக்கு பெருமை சேர்க்கும்.கட் பண்ணி ஓபன் பண்ணா சில்லுமூக்குதான் உடையுனுமா என்ன?

    /;//டைகர்" எனும் ஜாம்பவானுக்கு இவை சுகப்படுமா ? என்ற கேள்வியே என்னுள்///

    நீங்களேஇப்படி இழுப்பதைப்பார்த்தால் யங் டைகர் வேண்டாம் என்றே தோன்றுகிறது சார்.
    மின்னும் மரணம், தங்கக் கல்லறை, இரத்தக் கோட்டை, இரும்புக் கை எத்ததன் போன்றவையே முழு ஆயுசுக்கும் திகட்டாத விருந்து வைக்கும் எனும்போது , அவசர கதியில் ஏனோதானோவென்ற யங் டைகர் தேவையில்லை சார்.

    ReplyDelete
  35. கார்த்திகை பாண்டியன்: இந்த நண்பனிடம் பழகும் அறிமுகம் கிடைத்தது 2017. மிகவும் பணிவான பண்புள்ள அமைதியாக பேசும் நண்பர். இவர் நண்பர்களை நண்பா என அழைக்கும் விதமே தனி. இவரின் அறிமுகம் கிடைத்தது ஒரு கிஃப்ட்.

    ReplyDelete
    Replies
    1. This comment has been removed by the author.

      Delete
    2. இவரிடம் சொல்லாமல் பு.வி மொழி பெயர்ப்புக்கு பெயரைக் கொடுத்த பின் ஏன் என்று எதுவும் என்னிடம் கேட்காமல் சந்தோஷமாக ஈடுபாட்டுடன்
      அதனை வெற்றிகரமாக செய்த உங்களின் பெருந்தன்மைக்கு, ஈடுபாட்டிற்கு, மற்றும் நட்புக்கு மரியாதை செய்யும் உங்கள் நல்ல உள்ளத்திற்கு தலை வணங்குகிறேன் நண்பா.

      Delete
  36. Steel claw: இந்த மக்கா பலமுறை கோயம்புத்தூர் ஈஷா செல்லும் போது சந்தித்து இருக்கிறோம். எனவே எனது குடும்பத்திற்கு நல்ல அறிமுகம். புத்தகத் திருவிழாவிற்குள் நுழைந்ததில் இருந்து அன்று இரவு ரூமுக்கு திரும்பும் வரை எங்களுடனேயே இருந்தான். அடுத்த முறை கோயம்புத்தூர் வரும் போது உன் வீட்டிற்கு வர முயற்சிக்கிறேன்ல.

    ReplyDelete
  37. கடல்யாழ் : இ.ப. புத்தக விழா அன்று உடம்பு சரியில்லை என்பதால் மறுநாள் காலை கிளம்பி நண்பர்களை சந்திக்கும் ஆர்வத்துடன் சுமார் 1.10 நமது ஸ்டாருக்கு வேகமாக வந்து கொண்டிருந்தார். அவரை வழியில் மடக்கி எனது குடும்பத்தை அறிமுகம் செய்து வைத்தேன். கோயம்புத்தூரில் இவரை ஒரு முறை சந்தித்து இருக்கிறேன். ரயிலைப் பிடிக்க வேண்டிய அவசரத்தில் இருந்தால் அதிகம் பேசமுடியவில்லை ரம்யா. சாரி.

    ReplyDelete
  38. // on the topic – ரிப்போர்ட்டர் ஜானியின் ஆல்பம் ஏதேனும் மறுபதிப்பிடுவதாயின் – உங்கள் தேர்வு ப்ளீஸ்? Just 1 !! //
    வாவ்,மிக சந்தோஷமான செய்தி,போடறதும் போடறிங்க,இரு ஜானி கதைகள் அடங்கிய ஆல்பமா போடுங்க சார்,ஏன்னா வாய்ப்பு கிடைக்கும்போதே பயன்படுத்திக்கனும் இல்லையா.

    ReplyDelete
  39. டியர் எடிட்டர்,

    இரத்தப்படலம் தொகுப்பு கிடைத்தது. சமீப வருடங்களாய் ஒவ்வொரு புத்தக திருவிழாவுக்கும் புதியதொரு உச்சமாய் ஒவ்வொரு இதழ்களும் சாதனை படைப்பதும் அதன் ஆக்கங்களும் சிறப்பாய் அமைய உங்கள் அணியினரின் பின்னணி உழைப்பு அசாத்தியாமாய் உள்ளது இதழ்களினூடெ பார்க்க முடிகிறது. அடுத்தது என்ன என நம்மையும் ஏங்க வைத்து விடுகிறது. இரத்தப் படல தொகுப்பானது எனது எதிர்பார்ப்புக்கும் மேலே உள்ளது. நன்றி சார் இந்த முயற்சியை சாத்தியமாக்கிய உங்களுக்கும் அணியினருக்கும் நன்றி.

    பல பல அட்டை டிசைன்களை பிரமிப்புடன் தாண்டி கதையின் முதல் பக்கம் போகும்போது வர்ணங்கள் தோய்து போயிருப்பது சிறு ஏமாற்றத்தை எற்படுத்தியது. ஒரிஜினலின் வர்ணமும் இப்படி டல்லாகதான் இருக்கிறதை நெட்டில கிடைத்தை பக்கங்களை பார்க்கும்போது அப்பாடா அதுவும் அப்படிதான் இருக்குதுன்னு மனசுக்குள்ளே சமாதானம் பண்ணிக்கிட்டேன். :-))

    இதை குறை கூறியதாக எண்ணாமல் என் மனதில் உணர்ந்ததை இங்கு பகிர்ந்ததாக கொள்ளவும்.

    நன்றி சார், அடுத்த பிரம்மாண்ட தொகுப்புக்காக காத்திருக்கிறேன். 🙏

    ReplyDelete
    Replies
    1. // நன்றி சார், அடுத்த பிரம்மாண்ட தொகுப்புக்காக காத்திருக்கிறேன். 🙏 //
      +111111111111111111111111

      Delete
    2. எஸ் நானும் பார்த்தேன், ஒரிஜினலே அப்படித்தான்..

      Delete
  40. அகமத் பாஷா ஈரோடு புத்தக திருவிழாவுக்கு தவறாமல் வருகைதரும் இவர் இந்த முறை வரவில்லை. அதேபோல் இது போன்ற சிறப்பு வெளியீடுகளைப் பற்றி சில வார்த்தைகள் இங்கு பதிவார், அதுவும் மிஸ்ஸிங். கடந்த சில மாதங்களாக அவர் இங்கு வருகை பதிவு செய்வதும் மிஸ்ஸிங். ரொம்ப பிஸியா நண்பரே?

    ReplyDelete
    Replies
    1. நண்பர் அகமது பாஷாவும் மிஸ்ஸிங்,அவருடைய ஸ்பெஷல் மக்கன் பேடாவும் மிஸ்ஸிங்.

      Delete
    2. ஞாயிறு மாலை மினி விசிட் வந்து போயிருக்கார் போல... ஸ்டாலின் ஜி, போட்டோ போட்டாரே, ஞாயிறு ஒரு 8:30வாக்கில்.... அந்த தற்காலிக குரூப் குளோஸ் ஆகி கொண்டு இருந்த நேரம் கவனிக்க மறந்துட்டீங்க போல...!!!

      Delete
    3. பாஷா ஜியின் கருத்துக்களும்,
      பெருமிதம் பொங்கும் முகமும்,
      மக்கன் பேடாவும் தான் இம்முறை குறிப்பிடத்தக்க குறைபாடு...!

      Delete
    4. அடடே,அப்படியா???

      Delete
    5. ஆம், வேலை நெருக்கடியில் சனிக்கிழமை விடுமுறை கிடைக்கலயா அல்லது முன்பே பிக்ஸ் ஆன தவிர்க்க முடியாத அலுவலா எனத் தெரியல..

      ஸ்டாலின் ஜியிடம் விசாரித்து அறிந்து கொள்ளலாம்.

      Delete
  41. // "நிஜங்கள் நிசப்தம்" ; "மெல்லத் திறந்தது கதவு" போன்ற கதைகளை எட்டித் தொடும் துணிச்சல் நமக்கு சாத்தியமான பிற்பாடு - ரிவர்ஸ் அடித்திட வேண்டாமே ? என்ற அவர்களின் கோரிக்கையின் நியாயம் புரிகிறது ! நிச்சயம் நம் தேடல் தொடரும் நண்பர்களே ! //
    நல்ல முடிவு சார்,தொடரும் கி.நா தடத்தின் வெற்றியை கொண்டு அடுத்தடுத்த ஆண்டுகளில் தொடர்வதா என்று முடிவு செய்ய இந்த முயற்சி ஏதுவாக இருக்கும்.

    ReplyDelete
  42. //ஆனால் "டைகர்" எனும் ஜாம்பவானுக்கு இவை சுகப்படுமா ? என்ற கேள்வியே என்னுள் ! உங்கள் thoughts folks ? //
    இதைப் பற்றி எந்த ஐடியாவும் இல்லை,ஏன் எனில் இந்த தொடர் எப்படி இருக்கும் என்று தோன்றவில்லை.பெரும்பான்மை நண்பர்களின் விருப்பமே எனது விருப்பமும் சார்.

    ReplyDelete
  43. சார்
    இ.ப விற்பனை நிலவரம் எப்படி? இன்னும் எவ்வளவு Stock உள்ளது?

    ReplyDelete
  44. 1.//இளம் டைகர் சார்ந்த கேள்விகளும் கணிசமாகவே எழுப்பப்பட்டன !! பாக்கியிருக்கும் 12 ஆல்பங்களை - ஆறு + ஆறு என்று இரு தொகுப்புகளாய் வெளியிட்டு முடித்து விடலாமே ? //

    என் கருத்தும் இதுவே சார் ...

    //2.Tex vs மாந்த்ரீகம்//

    மந்திர மண்டலம் , இருளின் மைந்தர்கள் ..ரெண்டுமே நல்லா தானே சார் இருந்தது.. my favorite also .. அதனால் மாந்திரீகம் இருக்கும் கதைகளை முயற்சி பண்ணலாம் சார் ..

    ReplyDelete
    Replies
    1. // மந்திர மண்டலம் , இருளின் மைந்தர்கள் ..ரெண்டுமே நல்லா தானே சார் இருந்தது.. my favorite also .. அதனால் மாந்திரீகம் இருக்கும் கதைகளை முயற்சி பண்ணலாம் சார் .. //
      +111111111111111
      அதே,அதே.

      Delete
  45. // Tex vs மாந்த்ரீகம் என்ற கேள்விக்கு பதில் சொல்ல இயலவில்லை !! "ஒரேயொரு கதை மட்டும் போடுவோமே ?" என்ற அபிப்பிராயம் எனக்கு அத்தனை சுகமாய்த் தோன்றவில்லை ; போடுவதென்று ஆச்சென்றால் சரளமாய்ப் போடும் நிலை எழுந்தால் super என்பேன் ! "அந்த ரிஸ்க் வேண்டாம் - லேசாய் காலை மட்டும் நனைக்கும் விதமாய் முயற்சிப்போமே ?" என்பது நாம் தெளிவில்லாது இருப்பது போலாகிடாதா guys ? //
    சரளமாய் வருவதற்கு எனது ஏகோபித்த ஆதரவை தருகிறேன் சார்,டெக்ஸ் & மெபிஸ்டோ அல்லது டெக்ஸ் & மோரிஸ்கோ காம்பினேஷனில் ஏதாவது ஒன்று மட்டும் கேட்பதற்கு முக்கிய காரணம் நீங்கள் போட தயங்குவதும்,மிக்ஸ்டு ரியாக்ஷன்கள் வருவதும்,மேலும் நிறைய போட்டால் விற்பனையில் அடிவாங்குமோ என்று நீங்கள் நினைப்பீர்களோ என்ற எண்ணமும்தான் சார்.
    ஒரு குறிப்பிட்ட இதழ்களை மட்டும் வெளியிடுவதில் ஏதேனும் சிக்கல் இருந்தால் ஒருதடவை சரளமாய்தான் போட்டுத் தாக்குங்களேன் சார்.
    சாத்துக்கள் வாங்குவது நமக்கு புதுசா என்ன,அதான் பழகிப் போயிடுச்சே சார்.என்ன செஞ்சாலும்,எப்படி செஞ்சாலும் சாத்துக்கள் வந்தேதான் தீரும் எனில் இந்த ரிஸ்க்கையும் எடுப்போமே சார்.

    ReplyDelete
    Replies
    1. நான் வழிமொழிகிறேன்

      Delete
  46. டெக்ஸின் மாயாஜால சாகஸமான மந்திர மண்டலம் என்ற இதழ் சிறப்பாகவே சென்றது.இது போன்ற வித்தியாச டெக்ஸ் கதைகளும் அவரது திறமையை பறை சாற்றுவதாகவே நான் நம்புகிறேன் .எனவே மெபிஸ்டோ சாகஸ இதழுக்கு நான் வரவேற்பை நல்குகிறேன்..

    ReplyDelete
  47. சார் கிராபிக் நாவல்கள் ஒரு பக்கம் இருக்கட்டும் , மங்கா ஹாரர் புகழ் நாயகன் Junji Ito வின் Uzumaki, Gyo, Tomie இதை போன்ற ஹாரர் மற்றும் த்ரில்லர் கதைகளை எல்லாம் முயற்சி பண்ணி பார்க்கலாமே சார். இந்த மாதிரியான விறு விறுப்பான கதைகளை எப்பொழுது படித்தது இல்லை. Your thoughts please.

    ReplyDelete
  48. ரிப்போர்ட்டர் ஜானி மறுபதிப்பு இதழ் பற்றி எனது கருத்து திகிலில் வந்த கதைகள் டூ இன் ஒன்னாக எது வந்தாலும் சிறப்பாகவே இருக்கும் சார்..ப்ளீஸ்..

    ReplyDelete
  49. ரத்த padalam - worth every penny spent on it.. Way to go

    Tex vs Mepisto worth a try..it should work just the way Thorgal does.

    Regarding graphic novels.. Pls come up with stories which has an amazing positive story line and Excellent art work.. Sadness can be there but not as an overkill.. If you're hell bent on bringing the GN onboard, please ask your son to select the stories for a change 😉

    Reprint from Ric - no.. We have read almost everything..

    Would like to have காணாமல் போன joker as a reprint.. This is one heck of a story.

    Note : It will be great if you have an eagle eye over packing the books and couriering. I also suffered this time around.

    ReplyDelete
    Replies
    1. This comment has been removed by the author.

      Delete
    2. // Regarding graphic novels.. Pls come up with stories which has an amazing positive story line and Excellent art work.. Sadness can be there but not as an overkill. //

      Well said ji.

      +1

      Delete
    3. ///If you're hell bent on bringing the GN onboard, please ask your son to select the stories for a change 😉
      ///

      ஜூ.எடியின் பிடிவாதப் பரிந்துரையின் பேரில் நாம் கண்ட 'இரவே.. இருளே.. கொல்லாதே' நம்முள் ஏற்படுத்திய தாக்கத்தை அத்தனை சீக்கிரம் மறந்துவிட முடியாது!!

      கி.நா கதைத் தேர்ஙுகளில் ஒன்றிரண்டு - ஜூ.எடியின் தேர்வாக இருந்தாலும் மகிழ்ச்சியே!!

      Delete
    4. Very true VJ.. It was an impressive story line. Bang on

      Delete
  50. ஜானி மறுபதிப்பு:-

    இரத்தக் காட்டேரி எப்படி தான் கடித்து குதறுதுனு பார்த்து விடலாம்.

    ReplyDelete
  51. Texம் மாயாஜாலமும்:-

    கொஞ்சம் ஹி...ஹி... தான்.

    மாயா ஜாலத்தை விட, மரணமுள் போன்ற சயின்ஸ் கலந்த கதைகள் கவரும் என்பதே என் கருத்து சார்.

    தல டெக்ஸ் இப்ப இருக்கும் ஃபார்ம் தொடரட்டும்.

    ReplyDelete
  52. யங் டைகர்:-

    யங் டைகர் போடத்தான் வேணும் சார்...!!!

    கெளபாய் ரசிகனாக என்னுடைய வாக்கு இதற்கு எப்போதும் உண்டு.

    "இளமையில் கொல்"--(யங் டைகர் பாகம்1,2,3)---கறுப்பு வெள்ளையில் மெகா ட்ரீம் ஸ்பெல்ல வந்த 3பாக கதையை 2019ன் சந்தா Dமறுபதிப்பு ஸ்லாட்ல போடலாம்...!!! அல்லது ஜம்போ சீசன் 2வில்...

    தொடர்ந்து 2020ல் இரண்டு 6+6 வெளியீடாக ஈரோட்டில் ஸ்பெசல் புக்கிங்ல ரிலீஸ் செய்யலாம் சார்.

    அந்த பேக்கிங்கில், ஏற்கெனவே நாம் வண்ணத்தில் வெளியிட்ட,


    4.மரணநகரம் மிசெளரி(வைல்டு
    வெஸ்ட் ஸ்பெசல்sep2012-இருபாக கதையின் முதல் பாகம்)

    5.கான்சாஸ் கொடூரன்
    (முத்துNBS jan2013-இருபாக கதையின் க்ளைமாக்ஸ்)

    6.இருளில் ஒரு
    இரும்புக்குதிரை(முத்து NBS
    jan2013-அடுத்த இருபாக கதையின் முதல் பாகம்)

    7. வேங்கையின் சீற்றம்(டிசம்பர்
    2013-NBSல் வந்த இருபாக கதையின் க்ளைமாக்ஸ் சாகசம்)

    8.அட்லான்டா ஆக்ரோசம்
    9.உதிரத்தின்விலை...8&9-ஒரே
    இதழாக மார்ச்2014ல் வந்த இருபாக
    சாகசம்.

    ----பாகங்கள் 4,5,6,7,8&9ன் கதை சுருக்கங்களை புதிய வாசகர்கள் புரிந்து கொள்ளும் பொருட்டு தரலாம்.


    யங் டைகர் மறுபதிப்பு அல்ல எனும்போது ரிஸ்க் எடுப்பதில் தவறில்லை...!!!

    இவன்

    ---என்றும் குண்டுபுக் காதலன்...

    ReplyDelete
    Replies
    1. யங் டைகர் பாகம் 21 The convey of the banished ஆங்கிலத்தில் வாசித்து பார்த்தேன் சார்.

      அட்டகாசமான ஓவியங்கள்; டியூராங்கோ விற்குள் பயணிக்கிறோமோ என்ற எண்ணம் வந்து போனது.

      கொஞ்சம் கி.நா. பாணியில் எண்டிங் கண் வேர்த்துட்டது.
      டைகர் டூயட் பாடும் வாய்ப்பு ஜஸ்ட் லைக் தட் அபகரிக்கப்படுகிறது...!!!

      Delete
    2. யங் டைகர் வேண்டவே வேண்டாம் என்பதே என் நிலைபாடு.

      Delete
    3. //"இளமையில் கொல்"--(யங் டைகர் பாகம்1,2,3)---கறுப்பு வெள்ளையில் மெகா ட்ரீம் ஸ்பெல்ல வந்த 3பாக கதையை 2019ன் சந்தா Dமறுபதிப்பு ஸ்லாட்ல போடலாம்...!!! அல்லது ஜம்போ சீசன் 2வில்...//
      ஜி ஜம்போ இப்போது எப்படி உள்ளதோ அப்படியே இருக்கட்டும்.
      யங் டெக்ஸ் அதுல ஒரு ஷெட்யுல ஒன்று மட்டும் தான். பாத்துக்கோங்க.

      Delete
    4. ஸ்ரீ ஜி@

      ஹா...ஹா.. அந்தப் பயமே வேணாம்.

      இந்த இளமையில் கொல் மட்டும் தான் மூலபடைப்பாளிகளின் கைவண்ணத்தில் உருவான யங் டைகர் பாகங்கள்....!!!

      இந்த 3ம் அத்தனை விறுவிறுப்பு, அதகளமான கதைக்களம்,
      எதிர்பாரா ட்விஸ்ட்,
      காதல்,
      பழிவாங்கல்,
      என அத்தனை அம்சங்களை உள்ளடக்கியது.

      வண்ணத்தில் இந்த 3ம் பட்டையை கிளப்பும்.

      அடுத்த வண்ண மறுபதிப்பு ஸ்லாட்டுக்கு என்னுடைய சாய்ஸ் இதான்....

      தோட்டா தலைநகரம்- மாதிரி உறுதியான ஹிட் இது என்பதில் துளியும் சந்தேகம் இல்லை...!!!

      Delete
    5. Sema g...very useful data...I forgot the series ..thank u...

      Delete
  53. //!! "நிஜங்கள் நிசப்தம்" ; "மெல்லத் திறந்தது கதவு" போன்ற கதைகளை எட்டித் தொடும் துணிச்சல் நமக்கு சாத்தியமான பிற்பாடு - ரிவர்ஸ் அடித்திட வேண்டாமே ? என்ற அவர்களின் கோரிக்கையின் நியாயம் புரிகிறது ! நிச்சயம் நம் தேடல் தொடரும் நண்பர்களே !//

    நானும் நிஜங்கள் நிசப்தம் கதையை எப்படியாவது படிக்க பல்டி அடித்து கொண்டு இருக்கேன் இன்னும் 30 பக்கத்தை தாண்டல , எனக்கு இந்த கதை சிறிதும் பிடிக்கவில்லை .

    ReplyDelete
  54. ///இல்லத்தரசிகளோடும் ; குட்டீஸ்களோடும் வருகை தந்திருந்த நண்பர்களின் முகங்களிலும் அன்றைக்கு ஒரு தேஜஸைப் பார்க்க முடிந்தது எனக்கு! “பார்த்தியா…. பாத்தியா…? மறை கழன்றவன்னு என்னை நினைச்சிருப்பேல்லே…? இங்கே எனக்குத் துணைக்கு எவ்ளோ பேர் இருக்காங்கன்னு பார்த்தியா?” என்ற சந்தோஷமாக இருந்திருக்குமோ?///----

    நானேதான்....நானும்தான்.....

    இப்ப நம்பள் வீட்ல நம்பள் மருவாதை கொஞ்சம் கூடி இருக்கிறான்...!!!

    பைத்தியம் எப்ப கடிச்சி வைக்குமோ என அஞ்சாமல் மனுசனா பார்க்குறாங்கோ...!!!

    வாழ்க ஈரோடு!வாழ்க நண்பர்கள்!

    ReplyDelete
    Replies
    1. ///பைத்தியம் எப்ப கடிச்சி வைக்குமோ என அஞ்சாமல் மனுசனா பார்க்குறாங்கோ...///

      எதுவும் சில காலம்! :D

      Delete
  55. இன்னமும் இரத்த படலம் வரவில்லை. வடிவேலு ஒரு படத்துல சொல்றா மாதிரி "பேசாம பந்தயமே கட்டி இருக்கலாமோ " என்கிற மாதிறி "பேசாம ஈரோட்லேயே வாங்கி இருக்கலாமோ"...

    புத்தக திருவிழாவில் வழக்கம்போல எல்லா கார்டூட் வெளியிட்லையும் ஒரு பிரதி வாங்கி என்னுடைய அக்காவிற்க்கு கொடுத்தேன். வழக்கம் போல ஆர்வத்தோடு பெற்று கொண்டார்கள்.
    என் அக்கா "என்னடா ப்ளூ கோட்ல ஒன்னு தான் இருக்கு, இன்னும் நாலு போட சொல்லலாம் இல்ல" என்று கேட்டதற்க்கு "போடுவாங்க !!!! முதுகுல நல்லா நாலு போடுவாங்க , நீ வேற நிலைமை தெரியாம" ன்னு பதில் கொடுத்தேன்.

    ReplyDelete
  56. Tex கதைகளில் மந்திர கதைகள் எனக்கு ரொம்ப பிடிக்கும்.மந்திரகதைகளில் tex&co குழுவினர் அனைவரும் வருவார்கள்.எனவே தாராளமாக அந்த கதைகளை போடலாம்.
    ஜானி கதை மறுபதிப்புக்கு எனது தேர்வு பிசாசுகுகை மர்மம்.சூப்பர் கதை.எனக்கு மிகவும் பிடித்த கதை.

    ReplyDelete
  57. டெக்ஸ் டமால் டுமீல் கதை, காதில் பூ சுற்றுகிற கதை இரண்டுமே வரட்டுமே அதனால் என்ன? பேட்மேன், வேதாளனின் கதைகளில் கூட இது போல தான் ரியாலிட்டி மற்றும் பாண்டஸி இந்த ரெண்டு ஜானரிலும் கதைகள் வருகின்றன. எனக்கு எந்த வகை கதையாக இருந்தாலும் சம்மதமே.

    பழையது
    -------
    நொறுங்கிய நாணல் மர்மம் - ஒரு பிறந்தநாள் பார்ட்டியில் இருந்து பெண்ணை கடத்தி கொண்டு போகும் கும்பலை ஜூலியன் துப்பறிந்து பிடிக்கிறார். நல்ல கதை.
    பாவமாய் ஒரு புலி - ஒரு பார்ட்டியில், பணக்கார பெண் ஒருத்தியை சாதுவான புலி ஒன்று தான் வளர்த்த முதலாளியையே கொன்று விடுகிறது. அது விபத்தை அல்லது கொலையா என்பதை துப்பறிகிறார் ரோஜர்

    மூர்
    திசை திரும்பிய பில்லி சூனியம் - ரிப்போர்ட்டர் ஜானி கதை, இந்த சமயம் கரு சூனியக்காரி கொலை செய்தாளா இல்லையா என்பது தான்

    புதியது
    ------
    இப்பொழுது தான் XIII 4 பாகம் முடித்துள்ளேன். இதை முடிக்கவே எனக்கு 2 மாதங்கள் தேவைப்படும்.

    ReplyDelete
  58. டெக்ஸ் vs மாந்த்ரீகம் தூள்! welcome!

    ReplyDelete
  59. பெங்களூர் பாஸ்கரன் மற்றும் பிரபு: அலுவலகத்தில் இருக்கும் போது தெரியாத போன் நம்பரில் இருந்து கால். என்ன எனப் பார்த்தால் "பரணி சார் நான் பாஸ்கரன் சார்" என்று ஆரம்பித்தது. அவர் நான்கு வருடங்களுக்கு முன் என்னிடம் பேசியதாக சொன்னார். எனக்கு சுத்தமாக நினைவில் இல்லை. அவர் என்னை ஞாபகம் வைத்து எனது ஃபோன் நம்பரை பத்திரமாக வைத்து ஈரோடு புத்தகத் திருவிழா விஷயமாக பேசியது சந்தோஷம் தரும் விஷயம். அடுத்த முறை எல்லோரும் ஒன்றாக காரில் செல்வோம் அல்லது ரயிலில் பெங்களூர் நண்பர்கள் எல்லாம் ஒன்றாகச் செல்வோம் என உற்சாகத்துடன் பேசியது நமது காமிக்ஸ் ஏற்படுத்திய தாக்கத்தை வெளிப்படுத்தியது.

    பிரபு அமைதியாக அதிர்ந்து பேசாத நபர். இவரின் பழைய மற்றும் புதிய கதைகளை படித்து விமர்சனம் செய்ய கிடைக்கும் நேரத்தைப் பார்த்து கொஞ்சம் பொறாமையாக இருந்தது.

    ReplyDelete
    Replies
    1. பரணி சார், நான் வருவதா வேண்டாமா என்ற குழப்பத்தில் இருந்தேன், என் மனைவியிடம் இந்த வருடம் விழா அல்லோல கல்லோல பட போகிறது என்று அடிக்கடி சொல்லி கொண்டு இருந்தேன். அவர்கள் தான் இப்பொழுது போகாமல் எப்பொழுது போக போகிறீர்கள் என்று உந்தினார்கள். எனக்கு பயணம் என்பதே பொதுவாக பிடிக்காது. அதிலும் பஸ்களில் போவது என்பது வேப்பங்காயாக இருக்கும். காரில் போவது தான் எனக்கு பிடித்தமான பயணம்.

      நான் கோவையை தாண்டி தான் ஈரோடு என்று நினைத்து இருந்தேன். சமீபத்தில் தான் கோவை சென்று வந்ததினால் திரும்பவும் கோவை போக வேண்டுமா என்று குழம்பி கொண்டு இருக்கும்போது என் மனைவி தான் ஈரோடு கோவைக்கு முன்னதாகவே வந்து விடும், வீட்டுக்குள் அடைந்து கிடைக்காமல் உங்களுக்கு பிடித்த விஷயத்திற்காக செல்லுங்கள் என்று உந்தியதின் விளைவு, நான் சேலம் டெக்ஸ் விஜயராகவனை கூப்பிட்டு பெங்களூரில் இருந்து வரும் நண்பர்களை பத்தி கேட்க, பரணி, பாஸ்கரன் இவர்களின் அறிமுகம் கிடைக்க, விழாவிற்கு வந்தேன், நண்பர்களை, விஜயன் சார், சீனியர் எடிட்டர், ஜூனியர் எடிட்டர், கருணையானந்தம் சார் என்று அனைவரையும் என் முதல் வருடத்திலேயே சந்தித்தது மிகவும் சந்தோஷத்தை கொடுத்தது.

      பரணி சார், அடுத்த வருஷம் நம்ம எல்லாம் என் காரில் வந்து விடலாம்.

      Delete
    2. பிரபுவும் பாஸ்கரும் இனிமையான நண்பர்கள்...

      Delete
    3. // என் மனைவி தான் ஈரோடு கோவைக்கு முன்னதாகவே வந்து விடும், வீட்டுக்குள் அடைந்து கிடைக்காமல் உங்களுக்கு பிடித்த விஷயத்திற்காக செல்லுங்கள் என்று உந்தியதின் விளைவு //

      சூப்பர். கொடுத்து வைத்தவர் நீங்கள்.
      உங்கள் துணைவியார் காமிக்ஸ் படிப்பார்களா?

      Delete
    4. காமிக்ஸ் விழாவுக்கு அனுப்பி வைக்கிறாங்களே அதுபோதாதா???.

      பெர்மிசன் கிடைக்காம போட்டோவுலயும், வீடியோவிலும் பார்த்தவங்களை நினைத்து பாருங்க.

      Delete
    5. ஹுக்குமா....
      அதுக்கு எத்தன தடவ அசடு வழிஞ்ஜாசனம்,
      கும்பிடாசனம்...
      சாஸ்ட்டாங்காசனம்....
      புடவை வாங்க கடைகடையா ஏறம் இறங்காசனம் ப்ராக்டீஸஸஸ் பண்ணாறோ... ஹிஹ்ஹி

      Delete
    6. இல்லை என் மனைவிக்கு புத்தகம் படிக்கும் பழக்கம் இல்லை. ஆனால் நான் காமிக்ஸ் வாங்குவதையோ இல்லை படிப்பதற்கோ தடை எதுவும் சொல்ல மாட்டார்கள். நான் இப்பொழுது XIII படித்து பார் அப்ப தான் புரியும் என்று படிக்க வைக்க முயற்சிக்கிறேன்.

      Delete
    7. Prabhu : பாவம் சார்....காமிக்ஸ் அறிமுகத்தை கொஞ்சம் சுலபக் களத்தோடு ஆரம்பிக்கலாமே ?

      Delete
  60. யங் டைகர் - வேண்டாம். கடைசியாக வந்த என் பெயர் டைகர் படித்து முடிப்பதற்குள் போதும் போதும் எனறாஎன் விட்டது.

    சாரி big NO to யங் டைகர்.

    ReplyDelete
    Replies
    1. இது யங் டைகர் இல்லீங்க. மின்னும் மரணம் காதல் தோல்விக்கப்புறம் வந்த டைகர்.

      Delete
    2. சரி. அந்த மார்ஷல் கதை தொடரா?

      Delete
    3. இருளில் ஒரு இரும்புக்குதிரை, மரண நகரம்மிசௌரி கான்சாஸ் கொடூரன், அடலாண்டாவில் ஆக்ரோசம்னு வந்தவை யங் ப்ளூ. தொடராக போடாமல் இருப்பதாலேயே இது எடுபடவில்லை என்பது எ. க. என் பெயர் டைகர் மற்றும் மார்சல் டைகர் எனக்கும் பிடிக்க வில்லை. யங் ப்ளுபெர்ரி தொகுப்புகளாக வந்தால் நன்றாக இருக்கும் என்று நினைக்கிறேன்.

      Delete
    4. // இருளில் ஒரு இரும்புக்குதிரை, மரண நகரம்மிசௌரி கான்சாஸ் கொடூரன்,//

      இவை நன்றாக இருந்தது. இந்த தொடர் எனில் தாராளமாக போடலாம். நான் வாங்கிப் படிக்க ரெடி.

      Delete
    5. இதன் தொடர்ச்சியாக வந்தவை தான் யங் டைகர் பரணி. நல்லாத்தான் இருக்கும்...!

      இன்னும் 12 பார்ட்ஸ் இருக்கு.

      Delete
    6. அப்ப டபுள் ஓகே ஜி

      Delete
    7. அப்ப போட்டு தாக்கிட வேண்டியதுதான்,பேசாம இ.ப மாதிரி 6+6 செட்டா ஒரே பாக்ஸ் செட்டில் அடுத்த ஈ.பு.வி க்கு வெளியிட்டா எப்படி இருக்கும்???

      Delete
    8. // அப்ப போட்டு தாக்கிட வேண்டியதுதான்,பேசாம இ.ப மாதிரி 6+6 செட்டா ஒரே பாக்ஸ் செட்டில் அடுத்த ஈ.பு.வி க்கு வெளியிட்டா எப்படி இருக்கும்??? //

      -1

      அடுத்த வருடம் 6, அதற்கு அடுத்த வருடம் 6.

      Delete
    9. Yes g...tiger stories are lengthy ..so treat like club minimum 4 stories in the album will be workout...same is corrected in the thorgal now...thank u g

      Delete
  61. வேண்டுகோள். 1.
    யங் டைகர் வேண்டும். பிரித்து பிரித்துப் போடாமல் 5 அல்லது ஆறு கொண்ட கலெக்சனாக. விற்பனை பற்றிய சந்தேகம் இருந்தால் தனி முன்பதிவுக்காக. இ. ஒ. இ. கு, ம. ந. மி. போன்ற யங் டைகர் கதைகள் பிரித்துப் போடாமல் ஒன்றாக வந்திருந்தால் இன்னும் நன்றாக இருந்திருக்குமோ? எனக்கு இவை பிடித்து இருந்தது.

    வேண்டுகோள் 2.
    முடிவிலா இரவு, சி. சா க்கே சொந்தம் போன்ற கி. நாக்கள் அருமை. நிஜங்களின் நிசப்தம் புரியறதுக்கே நெம்ப சிரமமாக இருந்தது. நிதானமா படிச்சுக்கலாம்னு எடுத்து வைச்சுட்டேன். உங்களின் அனைத்து முயற்சிகளுக்கும் என் ஆதரவு உண்டு. புரிந்து கொள்ள கடினமாக உள்ள கதைகளின் எண்ணிக்கை மட்டும் கட்டுக்குள் இருந்தால் சூப்பர். வருடத்துக்கு 36 இதழ்கள் எனும் போது ஒன்றோ இரண்டோ நி. நி மாதிரி கதைகள்ஓகே. 48 இதழ்கள் வந்தால் நான்கு ஓகே. ஒரு குறிப்பிட்ட % அளவுக்கு மேல் வந்தால் பயமா இருக்கு.

    ReplyDelete
    Replies
    1. வேண்டுகோள் 1க்கு ப்ளஸ்ஸோ ப்ளஸ்கள்...

      வேண்டுகோள் 2@ பயமே வேணாம் ஜி. எதுவாயினும் ஒரு கை பார்ப்போம். அடர்த்தியான கதைகளை நோக்கி நகர இதுவே தருணம்.

      Delete
    2. நிஜங்களின் நிசப்தம் darkest of the noir tales !! அது போல் ஆல்பங்கள் தினமும் கிட்டுவது அரிது சார் ! So அத்தகைய கதைகள் அடிக்கடி வரும் வாய்ப்புகள் குறைவே !!

      Delete
  62. This comment has been removed by the author.

    ReplyDelete
  63. சார்
    மிகவும் நன்றி
    எனக்கு என்ன சொல்லதென்றே தெரியவில்லை
    நான் இப்போது மிகவும் மகிழ்ச்சி

    நாளை எனக்கு பள்ளி விடுமுறை என்பதால் நாளை முழுவதும் நம் book stallல் செலவிடபோகிறேன்

    மிண்டும் ஒரு முறை நன்றிகள் பல

    ReplyDelete
    Replies
    1. This comment has been removed by the author.

      Delete
    2. // நாளை எனக்கு பள்ளி விடுமுறை என்பதால் நாளை முழுவதும் நம் book stallல் செலவிடபோகிறேன் //

      சூப்பர்.

      Delete
    3. பள்ளிக்கூடம் போற தம்பியா

      அடங்கொக்காமக்கா....

      பால்யங்களை நினைவு கொண்டு வருகிறார்

      என்ன லக்கி தம்பி நீங்கள்லாம் ..
      குண்டு குண்டா காமிக்ஸ் படிக்க கிடைக்குது.கொடுத்து வைத்தவை உங்கள் பால்யங்கள்...

      Delete
    4. // நாளை எனக்கு பள்ளி விடுமுறை என்பதால் நாளை முழுவதும் நம் book stallல் செலவிடபோகிறேன் //

      சூப்பர் அகில்!!

      Delete
  64. சூப்பர்.... கிராபிக் தனித்தடத்தில் வருவதை வரவேற்கிறேன்..நான் அந்தத் தடத்தில் தவறுதலாக போவதை தவிர்க்க வசதியாக இருக்கும்....

    ReplyDelete
    Replies
    1. படிப்பதற்கும் ; படிக்காதிருப்பதற்குமே தனி தடம்....So ஏதோ வகையில் அது பயன்பட்டால் சரி தான் !

      Delete
  65. விஜயன் சார், புத்தகத் திருவிழாவில் நமது ஸ்டாலில் நமது புத்தக விற்பனையில் உதவிடும் நண்பர்களுக்கு "லயன் முத்து காமிக்ஸ்: May I help you" என பாட்ச் தயார் செய்து கொடுக்கலாமா? இதனை அவர்கள் ஸ்டாலில் இருந்து திரும்பும் போது அண்ணாச்சி அல்லது நமது அலுவலக நண்பர்களிடம் ஒப்படைத்து செல்ல வேண்டும்.

    ஏன் badge : நமது காமிக்ஸ் நண்பர்கள் புத்தகம் வாங்க வரும் அன்பர்களை தயங்காமல் அணுகவும், அவர்களுக்கு ஏதாவது தேவை என்றால் நமது நண்பர்களிடம் கேட்பதற்கு ஏதுவாக இருக்கும்.

    ReplyDelete
    Replies
    1. //May I help you" என பாட்ச் தயார் செய்து கொடுக்கலாமா? //

      நிச்சயமாய் !! இதோ - மதுரை விழாவிலேயே நமக்கு ஸ்டால் கிடைக்கும் பட்சத்தில் நடைமுறைப்படுத்தி விடலாம் !

      Delete
  66. 5மணிக்கு மேல் நம்ம லயன்-முத்து ஸ்டாலுக்கு ஒரு மினி விசிட் அடிக்க உள்ளேன். ஈரோடு மாநகர்& சுற்றுவட்டார நண்பர்கள் வந்தால் சந்திக்கலாம்...

    விழா அன்று பரபரவென போயிட்டதால் யாரிடமும் பேசக்கூட முடியல.

    ஸ்டாலில் சந்திப்போம் வாருங்கள் நண்பர்களே!

    ReplyDelete
    Replies
    1. விழாவே பரபரப்பா தானே போனது.

      Delete
  67. அப்படியே சேல்ஸும் பண்ணுங்க...
    போன சனிக்கிழமை ஈவினிங் கலந்துரையாடலுக்கு முந்தின ஒருமணி நேரத்துல ஸ்டாலுக்குள்ள வந்தவங்களை வாழ்த்தி அவர்கள் குறிப்பறிந்து உதவி மற்றும் நமது ரெகமண்டேசனாக சிலபல காமிக்ஸ் படிக்க நன்றாக இருக்கும் என்று சொல்லி 5000 க்கு விற்றோம்....

    வருபவர்களிடம் பேசினாலே போதும்...
    விற்பனை அதிகரிக்கும்...

    ReplyDelete
    Replies
    1. ///வருபவர்களிடம் பேசினாலே போதும்...
      விற்பனை அதிகரிக்கும்...///

      உண்ம!

      Delete
    2. அப்படியே செய்துடலாம் J ji.

      சென்ற ஆண்டு நான் 2வது ஞாயிறு போயிருந்த போது நாகர்கோவில் அன்பர் ஒருவர் குண்டு புக்குகளாக அள்ளினார். சந்தோசமாக உதவினேன்.

      இம்முறை அப்படி யாருக்கும் உதவ முடிஞ்சா மகிழ்ச்சி

      Delete
    3. நம்ப ஜைட்ரஜன் குண்ட காட்டுங்க அசந்துருவாங்க....
      என்னாது... 2400ஆன்னு...

      என் நண்பர்கள் வாய் பிளந்தது தனிக்கதை...

      எனது வீட்டு வரவேற்பறையில் நிரந்தர இடம் நம் பொம்மை படைப்புகளுக்கு

      Delete
    4. //வருபவர்களிடம் பேசினாலே போதும்...விற்பனை அதிகரிக்கும்...//

      +1

      பேசத் தெரிந்தவர்கள் பேச வேண்டுமே சார் !! நம்மவர்களுக்கு டெக்ஸ் வில்லரும், டொனால்டு டக்கும் ஒன்றே !!

      Delete
    5. :-)))


      ஆசிரியர் இன்று ஒவ்வொரு கமெண்ட்ஸ்லும் சிரிக்க வச்சுட்டே இருக்காரே..:-)

      Delete
  68. பரணி அடுத்த முறை மற்ற நண்பர்களை
    கேமரா பிடிக்கச் சொல்லிட்டு வர்றவங்களோட பேசணும்ம்ம்ம்ம்

    ReplyDelete
    Replies
    1. நம்ம KV கணேஷ் திரை பிரபல பிரண்ட்ஸ கூட்டிட்டு வந்து பப்ளிசிட்டிக்கு ஹெல்ப் பண்ணாரா....

      Delete
    2. வேற பிரபலங்கள் வந்தால் அழைத்து வந்து காட்டுங்கள்...

      Delete
    3. அன்றைக்கு பேச்சாளர்.திரு.சகி சிவம் அவர்களை வலிய அழைத்து விட்டு வந்தேன்..

      கண்டிப்பாக வருவதாக கூறினார்.

      மரத்தடி மீட்டிங்ல நம்ப சிவகாசி மய்யம் கட்டி போட்டுட்டாரு.மறந்து போச்சு.வந்தாரான்னு தெரியல...

      Delete
  69. அடுத்த ஈரோடு புத்தக விழாவில் 6 + 6 பாக சாகஸங்களுடன் வருகைபுரிய இருக்கும் திருவாளர் யங் ப்ளூபெர்ரி அவர்களை வருக வருக என வரவேற்கிறேன்!

    மெபிஸ்டோ கதைகள் நிறைய எல்லாம் தாங்காது. இது பிஞ்சி நெஞ்சி! வேணும்னா ஒரு மாற்றத்துக்காண்டி ஒன்னு மட்டும் - தீபாளி பொங்கல் டயத்துல - களமிறக்குங்க! திருவிழா மூடுல படிக்கச்சே மனசு ரொம்பல்லாம் லாஜிக் பார்க்காது!

    ReplyDelete
    Replies
    1. 6+6=12 சாதாரண கணக்கு;
      6+6=15 யங் டைகர் கணக்கு...!

      Delete
  70. // மெபிஸ்டோ கதைகள் நிறைய எல்லாம் தாங்காது. //
    பூனையாரே,கிர்ர்ர்ர்ர்ர்ர்......

    ReplyDelete
    Replies
    1. // தீபாளி பொங்கல் டயத்துல - களமிறக்குங்க! //
      ஓ,தீபாளிக்கு ஒன்னு,பொங்கலுக்கு ஒன்னா.அப்படின்னா சரி,இந்த டீல் கூட ஓகேதான்.

      Delete
    2. அதுவும் எங்க பக்கங்களில் - தை பொங்கல் ; பங்குனிப் பொங்கல் ; சித்திரைப் பொங்கல் என்று ஏகப்பட்ட பொங்கல்கள் உண்டாக்கும் !!

      Delete
    3. அப்ப போட்டு தாக்குங்க சார்..:-)

      Delete
  71. ஆசிரியர் & நண்பர்களுக்கு வணக்கங்கள்
    இதுவரை நடந்த விழாக்களிலே டாப் இரத்தப்படலம் வெளியீட்டு விழாதான் என்பதை பெருமையுடன் கூறுகிறேன் இவ்விழாவில் ஆசிரியர் 200 சதவிகித அர்பணிப்புடன் அனைவரையும் திருப்தி படுத்தினார் ஐடென்டி கார்டில் வாசகர்கள் பெயரை தன் கையாலே எழுதி கழுத்தில் அணிவித்து சந்தோஷப்படுத்தினார் கை வலிக்கும் வரை கையெழுத்திட்டும் வாய் வலிக்கும் வரை வாசகர்களின் கேள்விக்கும் பதிலளித்து அசத்தினார் விழாவின் ஹைலைட் இரத்தப்படலத்துடன் புலன் விசாரணையை இலவசமாக கொடுத்து அரக்கத்தையே கைத்தட்டலால் குலுங்க வைத்தார் கோடி நன்றிகள் ஆசிரியரே மதிய உணவு அனைத்து வாசக நண்பர்களும் சாப்பிட்டு விட்டார்கள் என்பதை உறுதி செய்து விட்டுதான் கடைசியாக சாப்பிட்டார் அதுவரை ஒரு பன்னை தின்று விட்டு வாசகர்களுக்கு கையெழுத்து போட்டு கொண்டிருந்தார் ஆக மொத்தம் வாசக நண்பர்கள் எந்த இடத்திலும் கஷ்டப்படக்கூடாது என்பதில் உறுதியாக நின்று ஜெயித்துக்காட்டி விட்டார் இரத்தப்படலத்தால் கண்கள் நிறைந்தது
    மதிய உணவால் வயிறு நிறைந்தது
    ஆசிரியர் & நண்பர்கள் அனைவரையும் சந்தித்ததில் மனது நிறைந்து மொத்தத்தில் வந்திருந்த வாசக நண்பர்கள் யாருமே குறை சொல்ல நிறைவான விழா ஆசிரியர் இவ்விழாவை வெற்றிகரமாக நடத்தி முடிக்க உதவியாக இருந்த ஸ்டாலின் ஜி ஈரோட்டுப் பூனையார் நமது செயலாளர். இருவருக்கும் மிக்க நன்றிகள் சாதித்து விட்டீர்கள் ஆசிரியர் & நண்பர்களே கணக்கில்லா நன்றிகள்

    ReplyDelete
    Replies
    1. எங்கெங்கிருந்தெல்லாமோ ; எத்தனையோ முக்கிய பொறுப்புகளை ஒற்றை நாளுக்குத் தள்ளி வைத்து விட்டு அங்கே குழுமியோர் அனைவருமே நம் விருந்தினரல்லவா சத்யா ?

      அதிதி தேவோ பவ !!

      Delete
  72. டாக்டர் பிரசன்னா ஜி இரத்தப்படலம் டீசர்ட் மற்றும் பெயர் பொறித்த லாக்கெட்டுகள் ரிஸ்ட் பேன்ட் என பரிசுகளால் தினறடித்தார்
    காமிக்ஸ் காதலில் கடல் கடந்து வந்து எங்கள் மனதை கொள்ளையடித்து பறந்து சென்று விட்டீர்கள் இரத்தப்படல காதலரே ரொம்ப நன்றி ஜி உங்களை அடுத்த வருடமும் எதிர் பார்க்கிறேன்

    ReplyDelete
  73. மேக்கிங்கில் இதுவரை டாப் மிண்ணும் மரணம் இரத்தப்படலம் மிண்ணும் மரணத்தை இரண்டாம் இடத்திற்க்கு தள்ளி விட்டு கம்பீரமாக முதலிடத்தில் வீற்றிருக்கிறது கடினமான அயராத உழைப்பு உங்களுக்கும் உங்கள் டீமுக்கும் அளவில்லாத நன்றிகள்
    🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏

    ReplyDelete
    Replies
    1. ஒரு மாசம் பொறுத்து டெக்ஸ் 70ம் பார்த்தட்டு, ரேங் போட்டு விடலாமே செந்தில்....!

      மி.ம.& இ.ப. 2யும் தல விஞ்சுவார்னு ஸ்டீலின் பட்சி சொல்லுது....

      Delete
  74. இரத்தப்படலம் வாங்காத நண்பர்களுக்கு
    ஜம்போ ஸ்பெஷலில் இல்லாத சில பேனல்கள் இரத்தப்படலம் புதிசில் இருக்கிறது சில இடங்களில் வசன பலூன்கள் சற்று மாற்றி வசதியான இடத்தில் அமைந்திருக்கிறது இரத்தப்படலத்திற்க்கு இலவசமாக கொடுத்திருக்கும் புலன் விசாரணையில் நிறைய பேரின் பின் புலன்கள் விளங்குகிறது உதாரணம் பெலிசிட்டி இன்னும் நிறைய இருக்கிறது உடனே வாங்குங்கள் புதிய இனிய அனுபவங்களை பெறுவீர் நண்பர்களே

    ReplyDelete
  75. இளம் டைகரை கஷ்ட பட்டு தான் படிக்க முடிஞ்சது என்பதை மறுபதற்கல்ல ..திரும்ப மறுபடியுமா...:-(


    இளம் டைகரை கஷ்டபட்டாவது படிச்சாச்சு..நிஜங்களின் நிசப்தம் கஷ்டபட்டும் முடியலை என்பது தாம் உண்மை ..

    இதற்காக நான் கிராபிக் நாவலின் எதிரி அல்ல ( இப்பொழுது ) ..கிராபிக் நாவலை நானும் வரவேற்கிறேன்.ஆனால் சிலர் அதனை ஆஹா ஓஹொ என்றால் கூட பரவாயில்லை..ஆனால் நி.நி போல் வேண்டும் என பொருள்படுவது போல பதிவு வரும் பொழுது பயந்து வருது..கிராபிக் நாவல் வரிசையில் நி.நி க்கு முன் வந்த அனைத்து கிராபிக் நாவல்களும் அருமை..அதனை போல கிராபிக் நாவல்கள் வருமாயின் கூதுகலமே..ஆனால் நிநி போல எனில் ஏமாற்றத்தை விட வருத்தமே அதிகம்..காரணம் எந்த மறுபதிப்பு காமிக்ஸ் இதழ் வந்தாலும் கூட ,சமீபத்தில் அதனை படித்திருந்தால் கூட புதிதாய் மீண்டும் அந்த கதை மறுபிறப்பு எடுக்கும் பொழுது அதனையும் படிப்பதை நான் வழக்கமாக வைத்துள்ளேன்.ஆனால் இதுவரை வந்த நமது காமிக்ஸ் இதழ்களில் கைகளில் இருந்தும் படிக்காமல் பீரோவில் உறங்குவது நிநி இதழ் மட்டுமே..

    எனக்கும் கிராபிக் நாவல்கள் வேண்டும் அது நல்லாருக்கா இல்லையான்னு படிச்சுட்டு சொல்றமாதிரி இருந்தா எனக்கு போதும்..ஆனா நிநி மாதிரி நூறு பக்கம் படிச்சும் என்ன படிச்சோம்னு தெரியாத மாதிரி இருக்குற கிராபிக் நாவல்னா அது தனிதடமா இருந்தாலும் ...வருத்தமே..!

    ReplyDelete
    Replies
    1. தலீவரே....நிஜங்கள் நிசப்தத்தை எழுதும் போதே உங்களை ஒரு நடை வந்து பார்த்து விட்டுப் போனால் எப்படியிருக்கும் என்ற சிந்தனை எழாதில்லை ! நிச்சயமாய்க் கஷாயம் குடித்த குழந்தை போலவே நீங்கள் react செய்வீர்களென்பதில் எனக்கு சந்தேகமே இருந்திடவில்லை !!

      Delete
  76. ரிப்போர்ட்டர் ஜானி மறுபதிப்பு
    1.தலைமுறை எதிரி
    2.இரத்தக்காட்டேரி மர்மம்
    3.சிவப்புப் பாதை
    4. விண்வெளிப் படையெடுப்பு
    இவைகளில் எதாவது ஒன்று (அ) இரண்டு போடுங்கள்

    ReplyDelete
  77. கிராபிக் நாவலை படிப்படியாக ரசிக்க ஆரம்பித்திருக்கிறேன் ஏன் மார்ட்டினின் மெல்லத் திறந்தது கதவையும் ரசித்துப் படித்தேன் ஆனால். நி.நி. படிக்க முடியவில்லை என் சித்தம் சாத்தானுக்கே சொந்தம் போன்ற கதைகளாக அமைந்தால் நன்று

    ReplyDelete
  78. யங் டைகர் ம்ம் முயற்சி செய்யலாம்

    ReplyDelete
  79. இளம் புலியை 4 பாகங்களாக 3 முறை வெளியிடுவது சாத்தியமாகுமா

    ReplyDelete
    Replies
    1. எத்தனை x எத்தனை என்பதல்ல இப்போதைய கேள்வி சத்யா ! ஒரு தொகுப்பாகிடும் பட்சத்தில் இதனில் சுவாரஸ்யம் இருக்குமா - இராதா ? என்பதே !!

      Delete
  80. டெக்ஸ் வில்லர்
    மாந்த்ரீகம் கண்டிப்பாக முயற்சி செய்யலாம் ஆசிரியரே

    ReplyDelete
  81. என் பெயர் டைகர் கதையில் ஒரு இனம் தெரியா x factor உள்ளது.... இந்த கதையை ஒர் ஒய்வு பெற்ற, அல்லது புகழ்பெற்ற சாகசவீரன் ஓய்விலிருக்கும் போது அவரின் அருமை பெருமைகளை கேள்விப்பட்ட, அவரின் அனுபவங்களை வெளியிட ஆர்வம் காட்டும் ஒரு பத்திரிகையாளர் , இவரின் பார்வையில் நாம் இந்த கதையை படிக்கும் போது ஒரு அட்டகாமா ன அனுபவம் நமக்கு கிடைக்கும் என்பது உறுதி.

    ReplyDelete
    Replies
    1. ஒரு டாகுமெண்டரி படம் பார்த்தது போலான உணர்வை தவிர்க்க இயலவில்லை என்பதே நண்பர்கள் பலரின் வருத்தம் !

      Delete
  82. இதுவரை வந்துள்ள டைகர் கதைகள் வரிசைப்படி எவை. ...நண்பர்களே....

    ReplyDelete
  83. சில நண்பர்கள் மதுரை புத்தக விழாவில் டெக்ஸ் 70 வெளியிடவேண்டும் என facebookல் வ்ரும்பியுள்ளனர். தங்கள் கருத்து என்ன ஆசிரியரே !கொளித்து போட்டாச்சு அணையாமல் பார்த்து கொள்ளுங்கள் நண்பர்களே

    ReplyDelete
    Replies
    1. சார்...."சிவாஜி செத்துப் போயிட்டாரா ?" ரேஞ்சுக்கான பஞ்சாயத்திது !! ஏற்கனவே போன பதிவிலேயே இதற்கான தீர்ப்பையும் சொல்லி - ஜமுக்காளம், சொம்பு என சகலத்தையும் பரணிற்கு ஏற்றியாச்சு !

      Delete
  84. லைவ் ஃப்ரம்:-

    *5மணிக்கு சரியாக நமது ஸ்டாலை அடைந்து வாட்சிங்.

    *பொதுவாக நல்ல கூட்டம். நமது ஸ்டாலில் மிதமான சேல்ஸ்.

    *சற்று நேரத்தில் மாடஸ்தி செல்வகுமார் சார் தனது மழலை செல்வங்களுடன் வந்திருந்தார். அவரது புதல்வன் ரோஹன் கிட் கார்சனின் தீவிர ரசிகராம்.அடி தூள்.

    *மஞ்சள் மாநகரின் மாரிமுத்து சார், சிலபல பழங்காமிக்ஸ் அடங்கிய பையை அன்புபரிசாக தந்து, காப்பியும் வாங்கி தந்தார். பொம்மை பொஸ்தவ நேசம்ன்னா சும்மாவாஆ!

    *கோவை கொடீசியாவில் இரத்தப்படலம் கிடைக்காத காரணமாக கோவை நண்பர்கள் கண்ணன், சிவானந்த்& கோவிந்தராஜன் தலா ஒரு இரத்தப்படலம் வாங்கி சென்றனர். மூவரிடமும் ஒரு நிமிடமே பேசினாலும் ஓரு ஜென்ம பழக்கம் போல ஒரு நெருக்கம்.

    *ஈவியும், நம்ம G.P.ம் வந்துள்ளனர்.

    *இன்னொரு நண்பர் டியூராங்கோ வை புரட்டிகொண்டு இருந்தார். என்ன தண்ணி குடிச்சும் இரத்தப்படலம் & டியூராங்கோ வாங்க வைக்க முடியல. சில கார்டீன்களோடு சென்று விட்டார்.

    *மற்றொரு நணபரை இரத்தப்படலம் வாங்க கவர் செய்தா, எல்லாம் ஓகே ஆனா, ஸ்டாலின் ஜி வராம எதையும் பார்க்க கூட மாட்டேன்னுட்டார். என்னடா இது சோதனை...????

    *மக்கள் ஜிக்கா வெயிட்டிங்.....

    பின்னே....

    ReplyDelete
  85. *ஆச்சர்யம்...ஆனந்தம்...ஒருவித படபடப்பை அடக்கி கொண்டு எல்லா புத்தகங்களையும் பார்க்கிறார் ஒரு வாசகர்....

    *கண்டேன் காமிக்ஸை என்ற ஆனந்த கூத்தாடியவர் பாலமுருகன் ஃப்ரம் வெள்ளவலசு, ஈரோடு.சேலத்தில் 10ஆண்டு வசித்தவராம்.

    *காமிக்ஸ் தொடர்பு அறுந்து தேடி தேடி சலித்தவர் கடேசியில் கண்டு கொண்டார்.

    *ஒரு சந்தாதாரர் உறுதி. எல்லா டீட்டெயிலும் தந்து இருக்கிறோம்.
    இம்மாதம் ஒரு பலக் பர்சேஸ்ம் உண்டு.
    ஒரு பழைய வாசகரை பார்த்த திருப்தி...!

    ReplyDelete
  86. வணக்கம் நண்பர்களே

    ReplyDelete