வாருங்களேன்... வாழ்த்துங்களேன் .. !

நண்பர்களே,

வணக்கம். கிட்டத்தட்ட 6 ஆண்டுகளாய் தொடர்ந்திடும் இந்தப் பதிவுப் படலத்தில் காமிக்ஸ் சார்ந்த சமாச்சாரங்களைத் தவிர்த்து வேறேதும் எழுதிடக் கூடாது என்பதை ஒரு கொள்கையாகவே கொண்டு வந்திருக்கிறேன் ! அவ்வப்போது எனது பயணங்கள் சார்ந்த பதிவுகளோ ; சிலபல வில்லங்கக் கிழவிகளிடம்  பல்ப் வாங்கிய நினைவுகளோ அந்தக் கொள்கைக்கு விலக்காக நின்றிருக்கலாம் ! ஆனால் அவையும் ஏதோவொரு விதத்தில் நம் தேடல்களுக்குச் சம்பந்தம் கொண்டவைகளே என்ற விதத்தில் இதுநாள்வரையிலும் வண்டி ஓடியுள்ளது ! முதன்முறையாக  எடிட்டர் குல்லாயை அணியாது, இங்கொரு சொட்டைத்தலைத் தந்தையாய் மட்டுமே ஆஜராகிடவொரு சந்தோஷத் தருணம் புலர்ந்துள்ளது ! அதனை உங்களோடு பகிர்ந்திடுவதே இவ்வாரப் பதிவு !

Without anymore ado - இதோ நேராய் விஷயம் ! முரட்டு நந்தியாய் நான் நிற்க, நமது ஜுனியர் எடிட்டருக்கு தொழில்முறை promotion கிட்டியுள்ளதோ, இல்லையோ - வாழ்க்கையின் அடுத்த நிலைக்கு நகர்ந்திடும் நேரம் மலர்ந்துள்ளது ! Oh yes - வரும் நவம்பர் 30-ம் தேதி விக்ரமுக்குத் திருமணம் உறுதியாகியுள்ளது ! And சிவகாசியிலேயே தான் திருமணம் !! இதோ அது சார்ந்த விபரங்கள் ! 

கணக்கிலடங்கா சந்தர்ப்பங்களில் நீங்கள் ஒவ்வொருவருமே எங்கள் மீது பொழிந்துள்ள அன்புக்கும், ஆதரவுக்கும், அனுசரணைக்கும் ஒரு ஆயுட்காலம் போறாது நன்றி சொல்ல ! முதன்முறையாக உங்களை எங்கள் ஊருக்கு வரவேற்று, இந்த சந்தோஷத்தைப் பகிர்ந்திடக் கிட்டியுள்ள வாய்ப்பினை கடவுளின் வரமாகவே பார்த்திடுகிறேன் ! So  ஒவ்வொருவரையுமே நேரில் அழைத்ததாய்க் கருதி, நம் இல்ல விழாவினில் பங்கேற்றிட கரம்கூப்பி வரவேற்கிறோம் ! Of course - குடும்பத்துடன் வர சாத்தியமாகின் would be simply awesome !! முந்தைய மாலையே நிச்சயதார்த்த விழா உள்ளதால் - அப்போதிலிருந்தே உங்களை வரவேற்கக் காத்திருப்போம் ! Of course சீனியர் எடிட்டரும் உங்களை எங்களூரில் சந்திக்கவிருக்கும் உற்சாகத்தில்  துள்ளிக் குதித்துக் கொண்டிருக்கிறார் ! 

உங்களோடு வளர்ந்த பிள்ளையை வாழ்த்த உங்களைவிடவும் தகுதியானவர்கள் வேறு யார் இருக்க முடியும் folks ? வாருங்களேன்... வாழ்த்துக்கங்களேன்.. .ப்ளீஸ் !! 

• பின்குறிப்பு : Rain or shine .....நமது இதழ்கள் வழக்கம் போலவே தொடர்ந்திடும் ! ஆகையால் அவை சார்ந்த பணிகளிலோ ; அட்டவணையின் கவனங்களிலோ, வாராவாரத்துப் பதிவுகளிலோ  துளியும் சுணக்கமிராது ! Business as usual !! 
• சிறுநகரம் என்பதால் தங்கிட ஏற்பாடுகள் முன்கூட்டியே செய்திட அவசியமாகிடலாம்  என்பதால் - நண்பர்கள் wedding.lion@yahoo.com என்ற மின்னஞ்சல் முகவரிக்கோ ; அல்லது இங்கேயேவோ தங்களின் திட்டமிடலைப் பகிர்ந்திட்டால் உதவிடுமென்று தோன்றியது ! Of course வார நாளென்பதாலும், பிஸியான முகூர்த்த தினமென்பதாலும் தத்தம் பணிகளை / முன்கூட்டிய அட்டவணைகளை உதறி விட்டு இத்தனை தூரம் பயணிப்பது சுலபமல்ல என்பதை அறியாதவனல்ல நான் ! So வருகை தந்திடச் சிரமமாகிடும் பட்சத்தில் உங்களின் long distance வாழ்த்துக்களுமே நம் பிள்ளையை தழைக்கச் செய்யுமென்பதை புரிந்து கொள்வேன் ! But all the same - உங்களை வரவேற்கும் ஆவலோடு விடைபெறுகிறேன் இப்போதைக்கு ! 

Bye all !! See you around !! (And I mean it literally too this time !!)