உ.ப.வும் ; உ.பி வும்....!

நண்பர்களே,

வணக்கம். இப்போதெல்லாம் உப பதிவுகளும், செம உற்சாகப் பின்னூட்டங்களை ஈட்டி வருவதை சந்தோஷமாய் ரசித்து வருகிறேன் ! சந்தா E-வின் வருகையும், அவை கொணர்ந்துள்ள அலசல்களும் இந்தப் பொங்கும் உதவேகத்துக்கு ஒரு பிரதான காரணமெனத் தோன்றுவது எனக்கு மட்டும்தானா ? எது எப்படியோ - தொடர்ச்சியாய் ஆர்வத்தைத் தூண்டும் கதைகளுக்கான தேடலை முன்னெப்போதையும் விட இப்போது ஜரூராய்ச் செய்திடல் அவசியம் போலப்படுகிறது ! 

ஜேசன் பிரைஸ் துவக்கி வைத்த இந்த ரசனைகளை அண்டர்டேக்கர் மெருகூட்டியது ஒரு பக்கமெனில், இந்தக் கருப்பு-வெள்ளை போனெல்லி படைப்புகள் தம் பங்கிற்கு சுவாரஸ்ய மீட்டர்களை உயர்த்தியுள்ளன ! பெர்லின்..இப்போது வேல்ஸ்....தொடரும் காலங்களில் இன்னமும் பூமியின் வெவ்வேறு மூலை முடுக்குகள் என இந்தப் பயணம் தொடர்ந்திட்டால் - பொம்மை புக்குகள் கூட ஒரு உலகப் பயண டிக்கெட்டாகிட முடியும் !! 7 முதல் 77 வரையிலும் என இதுநாள்வரைக்கும் நாம் செய்து வந்த விளம்பரங்களில் சாரம் இருந்ததோ - இல்லையோ ; தொடரும் நாட்கள் அதற்கு நிச்சயம் நியாயம் செய்யுமென்பேன் ! அதற்காக ஒற்றை ராத்திரியில் "ONLY AWARD MOVIES" என்ற போர்டை கடைவாசலில் நாம் மாட்டிடப் போவதில்லை தான் ! வழக்கம் போல தலைகீழாய் சிரசாசனம் செய்தபடிக்கே SMS அனுப்பும் பராக்கிரம நாயகர்களும் ; ஈயத் தோட்டாக்களை ஒட்டு மொத்தமாய் குத்தகைக்கு எடுத்திருக்கும் தொப்பிவாலாக்களும் தொடர்வார்கள் ! ஆனால் கேக்கின் மேலிருந்து வந்த ஐஸிங்கில் சின்னதாய் மாற்றம் இனி இருக்கக்கூடுமென வைத்துக் கொள்ளலாமா guys ? 

எப்போதையும்விட இன்றைய பொழுதுகள் செமையாய் தோன்றுகின்றன !! Keep it going folks !! Bye for now !