சந்துக்குள் சாகுபடி !!

 நண்பர்களே,

வணக்கம். செமத்தியான ஜலதோஷமும், படுத்தி எடுத்த ஜுரமும் போன வாரயிறுதியில் மனுஷனைக் கிடத்திப் போட்டிருக்க, பதிவுக்கும் லீவு விட வேண்டிப் போயிருந்தது! இப்போது "லொக்.. லொக்..'' முழுமையாய் விடை தந்திருக்காவிட்டாலும், நிலவரம் கலவரமாகயில்லை என்பதால் பிழைப்பைப் பார்க்கத் திரும்பியாச்சு!

And yes ஜனவரிப் புத்தாண்டின் பிறப்பும், வூடு கட்டி அடிச்ச சென்னைப் புத்தகவிழாவும், பொங்கலி­ன் நீ-ள-மா-ன விடுமுறைகளும் back in time புதைந்து போன நினைவுகளாகிக் கிடக்க, இதோவொரு ஞாயிறோடு கைகோர்த்திருக்கும் குடியரசுதின விடுமுறை மட்டுமே எஞ்சி நிற்கிறது - பிப்ரவரி புலர்வதற்கு முன்பாக ! ஆண்டின் ஆகச் சின்ன மாதத்தில் நாமுமே "நறுக்'கென மூன்றே இதழ்களோடு களம் காணவிருப்பதால், அவற்றுள் பணியாற்றுவது ஜா­லிலோ..ஜிம்கானா பாணியில் செம சுளுவாகவுள்ளது! காத்திருக்கும் பிப்ரவரி - ஐயமின்றி ஒரு போனெலி ­ மாதமே! "தல' ஒரு டபுள் ஆல்ப black & white சாகஸத்தில் பட்டையைக் கிளப்பிடுகிறார் என்றால் - ஜம்பிங் "தல' (நாமக்கல்லவரல்லீங்கோ..) டார்க்வுட்டில் சும்மா பின்னிப் பெடலெடுக்கிறார்! In fact இந்த மாதம் ஒரு சவாலே விடலாம் போலும் :  வாசிப்பின் போது, த்ரில் மீட்டரில் உச்சபட்ச ஸ்பீடு பதிவாவது டெக்ஸ் சாகஸத்திலா? அல்லது ஸாகோர் சாகஸத்திலா? என்று!

மாமூலாய் உப்மா கதைகளுக்குமே பில்டப் தர நான் தவற முடியாது தான்; ஆனால், ஸாகோரின் இந்த ""சிரிக்கும் விசித்திரம்'' ஆக்ஷன் த்ரில்லர்களுக்கொரு புது உச்சத்தைக் கண்ணில் காட்டுகிறது என்பேன்! இத்தாலியின் ஒரு குறிப்பிட்ட சமயம்- டெக்ஸையே விற்பனையில் மிஞ்சி முதலிடத்தில் இருந்தவர் நம்ம கோடாரி மாயாத்மா என்று ஆங்காங்கே வாசித்திருந்தாலுமே- 'என்னத்த' கன்னையா போல சந்தேகக் கன்னையாவாகவே - "என்னத்த ஸாகோர் -டெக்ஸை முந்தப் போறாரு?'' என்றே நினைத்திடுவது வாடிக்கை! ஆனால், முதன்முறையாக இத்தாலி­ய ரசிகர்களின் ""ஸாகோர் காதல்'' கண்மூடித்தனமானதல்ல என்பதை இந்த வாரம் தான் புரிந்து கொண்டிருக்கிறேன்!

கலரில் ""பனிமலைப் ப­லிகள்'' வெளியான போது "அடடே..' போட்டேன்!

B&W-ல் ""வஞ்சத்திற்கொரு வரலாறு'' வெளியான தருணம் ""அடடடடடே'' என்றேன்..!

இதோ - இம்மாத "சிரிக்கும் விசித்திரம்'' பணிகளின் ஒரு பாதியினைக் கடக்கும் முன்னமே "WOW'' என்கிறேன்!

அட்டகாசமானதொரு கதைக்களம்; மிரட்டலான சித்திரங்கள்; தெறிக்கவிடும் வில்லன் - என்றதொரு முக்கூட்டணி அமைந்துவிட்டால், நம்ம சிகப்புச் சட்டையார் பிரித்து மேயாமல் விடுவாரா? நம்ம ஜம்பிங் பேரவைத் தலைவரும், அதன் லட்சோப லட்சத் தொண்டர்களும் (!!!) ஹெவியான உறக்கத்தை மட்டும் ஓரம்கட்டி வைத்து விட்டு தாரை, தப்பட்டைகளைக் கிழியச் செய்தால் - நடப்பாண்டின் ஹிட்களுக்குள் முதன்மையான சீட்டைப் பிடிக்க ஸாகோருக்கு சாத்தியமாகிடலாம்! பார்க்கணும்.. புக் வெளியாகும் சமயம் நம்ம பேரவையினருக்கு ஏதாச்சும் சதுர பன்னோ, செவ்வக பன்னோ,  வெங்காய வடையோ சேர்த்தனுப்பி உற்சாக மீட்டர்களை எகிறச் செய்ய முடிகிறதா என்று ! And கதை நெடுக தொந்தியைத் தள்ளிக் கொண்டே மீசைக்கார மெக்ஸிகன் சீகோவும் உடன் பயணிக்க, கதையின் இறுக்கத்தின் நடுவாக்கிலுமே புன்னகைக்க முகாந்திரங்கள் விரவிக் கிடக்கின்றன! இங்கே சின்னதொரு sidetrack -ம் கூட!

"காமெடி வஜனங்கள்லாம் சீரியஸ் கதைக்குத் தேவையா ? ஈரோவை இந்திரன்-சந்திரன்னு மிகைப்படுத்துறதுலாம் தேவை தானா ? இந்த பன்ச் டயலாக்லாம் அவசியம் தானா?'' என்ற ரீதியில் நடுவாக்கில் எங்கோவொரு அலசல் ஓடிக் கொண்டிருப்பதைப் பார்க்க முடிந்தது! வேதாளர் கதைகளில் வரும் "கானகப் பழமொழிகள்'' சார்ந்த சர்ச்சையாக அது இருந்தது! "அந்தக் காலத்திலேல்லாம் இப்படி இருக்காது.....லாவகமாய் மொழிநடையைக் கையாண்டிருப்பார்கள்" என்றெல்லாம் அங்கு கருத்து பதிவிடப்பட்டிருந்ததை படித்த போது, புன்னகைக்கவே தோன்றியது! கிட்டத்தட்ட 1975 முதலாகவே முத்து காமிக்ஸின் பணிகள் சகலத்தினையும் பராக்குப் பார்த்தவன் என்ற வகையில் அந்தப் புன்னகைக்கொரு பின்னணியும் இருக்கவே செய்தது! Truth to tell, இன்றைக்குப் போல அந்நாட்களிலெல்லாம் முத்து காமிக்ஸின் வெளியீடுகளுக்கு "எடிட்டிங்" என்ற பணிகள் பெயரளவிற்குக் கூட இருந்ததில்லை! கதைத் தேர்வுகள்; கதைக் கொள்முதல்கள்; அட்டைப்படத்துக்கு ஏதேனுமொரு ஏரோபிளேன் படத்தேர்வு என்பதோடு சீனியர் எடிட்டர் நாக்குத் தள்ளச் செய்யும் தனது பிரிண்டிங் பிரஸ் பணிகளுக்குள் ஐக்கியமாகிடுவார். And இன்றும் நமக்குப் பேனா பிடித்து வரும் கருணையானந்தம் அங்கிள் தான் அந்நாட்களது மொழிபெயர்ப்பாளரும்! So அப்பா வாங்கித் தரும் கதைகளை, கருணையானந்தம் அங்கிள் மொழிபெயர்க்க ; அச்சுக்கோர்ப்பு அரங்கேறிடும் and then ஆர்டிஸ்ட்களின் கைவண்ணங்களுக்குப் பின்பாக முத்து காமிக்சில் மேனேஜராய்ப் பணியாற்றிய திரு.பாலசுப்பிரமணியன் அவர்களின் Proof reading-க்குப் பிற்பாடு பிரிண்ட் ஆகிட செல்வதே  routine. அவகாசம் கிடைக்கும் சிற்சில தருணங்களில் அப்பாவும், Proof Reading செய்வதுண்டு ! இது மாத்திரமே அந்நாட்களின் எடிட்டோரியல் பிராசஸ் ! So மொழிபெயர்ப்பாளரின் நடைகளே உங்களைச் சென்றடையும் இதழ்கள் வரையிலும் நீடிக்கும்!

வேறு வேலை, ஜோலி, எதுவுமில்லாத் தீவட்டித் தடியனாய் நான் உட்புகுந்த பிற்பாடே மொழிபெயர்ப்புக்கு சின்னச் சின்ன எக்ஸ்ட்ரா நம்பர்களைச் சேர்க்கும் பழக்கம் உதயமானது! And நமது முதல் இன்னிங்ஸில் கூட இந்தக் கூட்டல்- குறைத்தல் சொற்பமான அளவோடே நின்று கொண்டிருந்தது; Simply becos - குறைச்சலான அனுபவத்துடன் இருந்த நான், இத்துறையில் பழம் தின்று, கொட்டை போட்டிருந்த கருணையானந்தம் அங்கிளின் ஸ்க்ரிப்டில் கைவைப்பது அபச்சாரம் என்று கருதி வந்ததே! But இதற்கொரு திருப்புமுனை அமைந்தது- நமது இரண்டாவது இன்னிங்ஸில் கலர் கிராபிக் நாவலாய் வெளியான ""சிப்பாயின் சுவடுகளில்'' இதழிலிருந்து தான்! 

கருணையானந்தம் அங்கிளே இதற்கும் பேனா பிடித்திருக்க, நான் வழக்கம் போல குறைந்தபட்ச எடிட்டிங் மாத்திரமே செய்திருந்தேன்! புக்கும் வந்தாச்சு; நிறைய சிலாகிப்புகளும் பெற்றாச்சு! பச்சே - ஒற்றைக் குரல் ஒலி­த்தது உரக்கவே - "கதையின் இறுதியில் பிழையுள்ளது'' என்று ! அதெல்லாம் நமது blog தெறிக்கவிட்டுக் கொண்டிருந்த செம பிஸியான காலகட்டம் & அந்தக் குரலை உசத்தியிருந்தது நம்ம கார்த்திக் சோம­லிங்கா தான்! ""இறுதிப் பக்கத்தில்.., கடைசிப் படத்துக்கு முந்தைய ஃப்ரேமில் இருக்கும் டயலாக் தப்பிதமாய்த் தமிழ்ப்படுத்தப்பட்டுள்ளது ; so இறுதிக் கோர்வையும் பிழையாகிறது''என்று விளக்கியிருந்தார்! நான் கருணையானந்தம் அங்கிளின் ஸ்க்ரிப்டை எடுத்துச் சரி பார்த்தேன்- ஊகூம்.. புக்கில் என்ன வந்திருந்ததோ; அதுவே தான் அந்தக் கையெழுத்துப் பிரதியிலும் இருந்தது! "நோ.. முடியாது.. முடியாது.. ஒத்துக்க முடியாது! எங்க ஸ்க்ரிப்டிலேயாச்சும் பிழையாவது - இருப்பதாவது?? அபச்சாரம்.. அபச்சாரம்!'' என்று பூசி மெழுகியிருந்தேன்! கார்த்திக்கோ அந்தப் பக்கத்தின் ப்ரெஞ்சு மூலத்தை சமீபத்தில் காலம் சென்ற நண்பர் கனவுகளின் காதலரிடமிருந்து வாங்கி, அதைத் தமிழாக்கம் செய்து காட்டியிருந்தார் - பிழை எங்கிருக்கின்றதென்று ! அந்நாட்களிலோ நெதத்துக்கும் ஒரு குடுமிப்பிடி; பொழுதுக்கும் ஒரு மூத்திரச் சந்து என்று உற்சாகமாய் (!?) நாட்கள் ஓடிக் கொண்டிருந்ததால் - இது அப்படியே அமுங்கிப் போனது!

ஆனால், அன்றைக்குத் தான் எனக்கு உரைத்தது - நமது தமிழ் மொழிபெயர்ப்பாளர்கள் மாத்திரமன்றி; ப்ரெஞ்சோ - இத்தாலிய மொழியிலி­ருந்தோ மாற்றம் செய்து தரும் எழுத்தாளர்களுமே சொதப்பல்களுக்கு விதிவிலக்குகள் ஆகிட மாட்டார்களென்று! So அன்றைக்கு ஆரம்பித்தது என் மேஜையை நிரப்பும் படலமானது!! 

வேற்று மொழியின் ஒரிஜினல் pages ;

அந்த மொழி to இங்கிலீஷிலான translation ஸ்க்ரிப்ட்

இங்கிலீஷ் to தமிழ் ஸ்க்ரிப்ட்

& 

டைப் செய்யப்பட்டு எனக்குத் தரப்படும் பக்கங்கள்

என்று இந்த மொத்த மந்தையும் இல்லாமல் 2014 முதலாய் ஒற்றை இதழுக்குள் நான் புகுந்திடுவதில்லை ! முன்னெல்லாம் வெறுமனே டைப்செட் செய்த பக்கங்களை மட்டும் எடுத்துக் கொண்டு அரங்கேறிய சரிபார்ப்புப் படலமானது, கடந்த 10+ ஆண்டுகளாய் ஒரு சின்ன மண்டகப்படி வேலையாக உருமாறியுள்ளது ! நானே நேரடியாய் மொழிபெயர்த்திடும் பட்சங்களில் இத்தனை கூத்துக்கள் அவசியப்படுவதில்லை ; ஆனால், எழுதும் தருணத்தில்,  ஒரிஜினல் ஸ்க்ரிப்டில் எங்கேயாச்சும் பிசிறடிக்கிறதா? என்ற ஓணான் பார்வையோடே தொடருவேன்! இத்தனை மெனக்கெடல்களைத் துவக்கிய பிற்பாடு தான் புலப்படுகிறது- இரத்தப்படலம் முதல் மின்னும் மரணம் வரை ஆங்காங்கே எண்ணற்ற பிழைகளும், பிசிறுகளும் இத்தனை காலத்தில் ஒட்டியபடியே பயணிப்பது!

And இந்த எடிட்டிங் அவதாரானது முறையான அங்கீகாரம் பெற்றதன் நீட்சியே - கதைகளில் அழுத்தக் குறைவுகளோ ; ஹ்யுமர் குறைபாடுகளோ ; ஈரோ துதிகளோ அவசியமாகிடும் தருணங்களில் நான் உட்புகும் சமாச்சாரம் ! சரியாகக் கவனித்தீர்களெனில் "சிவப்பாய் ஒரு சொப்பனம்" டெக்ஸ் ஆல்பத்துக்கு முன்னே / பின்னே என 2 ஸ்டைல்கள் டெக்ஸ் கதைகளில் நிலவுவதைப் பார்த்திட இயலும் ! சி.ஓ.சொ. - நமது மீள்வருகைக்குப் பின்பான டெக்ஸ் வெளியீடு & கருணை அங்கிளே மொழிபெயர்த்திருந்தார் ! ஆனால் ஒரிஜினல் இத்தாலிய டயலாக்களில் டெக்ஸ் & கார்சனுக்கு இடையே நிலவிடும் ஜாலி கலாய்ஸ் totally missing என்பது புரிந்தது ! அந்த நொடியில் தீர்மானித்தேன் - "ஊஹூம்....இத்தனை காலமாய் வண்டி எவ்விதம் ஓடியிருந்தாலும் சரி - இனி வரும் நாட்களில் 'தல' ஒரு குறிப்பிட்ட இமேஜ் சகிதமே பயணித்தாவார் ; வெள்ளிமுடியார் இந்த ஸ்டைலில் தான் பேசுவார், செயல்படுவார் ; டைகர் ஜாக் இவ்விதம் தான் இனி விழிப்பார்" என்று ! பேனா பிடிப்பது யாராக இருந்தாலும், ஸ்கிரிப்ட் கோரும் பட்சத்தில் தயங்காது உட்புகுந்து எழுதுவது ; rewrite செய்வதென்று தீர்மானித்தேன் ! அது டெக்சில் மட்டுமே என்றில்லாது, லார்கோவுக்கு ; சிக் பில்லுக்கு ; லக்கி லூக்குக்கு என்று தொடர்ந்தது ! And latest to the pack - எனது பால்ய முதல் நாயகரான வேதாளருக்கு ! அவருக்கு பில்டப் இல்லா தட்டையான வரிகள் இருப்பதை ரசிக்கவே இயலவில்லை and hence எனது எக்ஸ்டரா நம்பர் படலம்ஸ் !

Cut to the present "டெக்ஸ் வில்லரையோ; வேதாளரையோ - அத்தனை பெரிய ஆளுமையாய் பில்டப் செய்வதெல்லாம் இன்னமும் தேவை தானா?'' என்ற கேள்வி கேட்பதில் merit இருப்பதாக நண்பர்களில் சிலர் கருதிடுவது அப்பட்டம்! "Maybe அந்தக் காலத்திலே ரசிச்சது; இன்னிக்குக் கடுப்படிக்குது !'' என்பது அவர்களது வாதம்! Simple is the answer! அகவைகள் ஏறுவது நமக்கு மட்டுமே தானன்றி - வேதாளர் போன்றதொரு சிரஞ்சீவிக்கு அல்ல! டெக்ஸ் போன்ற current தொடர்களிலாவது சமகாலத்து எடிட்டர்கள்; கதாசிரியர்கள் எவ்விதம் நாயகரைக் கட்டமைக்கிறார்களோ - அவர்களது வாலைப் பிடித்தபடியே நாமும் சவாரி பண்ணிடலாம்! இதோ - இப்போதெல்லாம் இளம் டெக்ஸை ஒரு போக்கிரியாய் சித்தரிக்க எடிட்டர் போசெல்லி தயங்குவதே இல்லை ! ஆனால், வேதாளர் போலான இன்று தொடர்ந்திடா நாயகர்களின் விஷயத்தில் - துவக்க நாட்களது Lee Falk ஃபார்முலாவைக் கெட்டியாகப் பிடித்துக் கொண்டபடியே டிராவல் பண்ணுவது ஒரு எடிட்டரின் தார்மீகக் கடமை! எனக்கு இன்னமுமே இந்திரஜா­லில் வரும் ""கானகப் பழமொழிகள்'' நினைவில் ஸ்பஷ்டமாய் நின்று வருகின்றன! So அந்த நாயகரின் கதைகளை நாம் வெளியிடுவதெல்லாம் இந்த லேட்டஸ்ட் OTT காலங்களில், என்ற ஒரே காரணத்துக்காக - அவரை "அடக்கி வாசிக்கும் ஐயாச்சாமி'' ஆக உருமாற்றிடுவதில் எனக்கு உடன்பாடே கிடையாது! And மொழிபெயர்ப்பாளர்களின் வரிகளில் அழுத்தமோ; வீரியமோ, நையாண்டியோ குறைவாகத் தென்பட்டால், அங்கே மூக்கை நுழைப்பதற்கோ இம்மி கூடத் தயங்கவும் போவதில்லை ! So "கீழ்த்திசை சூன்யம் '' வெளியான 46 ஆண்டுகளுக்கு முன்பான அதே ஈயை இத்தனை காலம் கழித்தும் நான் அட்சரம் பிசகாது அடிக்கணுமென்ற எதிர்பார்ப்பில் சாரம் இருப்பதாய் எனக்குத் தோன்றவில்லை!!

Of course - இன்னமும் "தங்கக் கல்லறை'' ஒரிஜினல் மொழிபெயர்ப்போடு வேணும்'' என்ற கோரிக்கை அதன் ஒரிஜினல் மொழிபெயர்ப்பாளரிடமே வைக்கப்படுவதை நாம் பார்க்கிறோம் தான்! அதன் 2 வார்ப்புகளுமே கருணை அங்கிளின் பேனாக்களிலிருந்து உதயமானவைகளே !! என்னைக் கேட்டால் அந்த மாதிரியான கோரிக்கைகளை சற்றே எடிட் செய்து- "பிசிறில்லாத மொழிபெயர்ப்போடு வேணும்!'' என்று கேட்டால் சிறப்பு என்பேன்! பேனா பிடிப்போருக்குமே ஒரிஜினல்களோடு பயணிக்கிறோமா? இல்லையா? என்ற சரிபார்க்கும் அக்கறை கூடிடும்! இதோ- இந்த நொடியில் என் கையி­ருக்கும் "சிரிக்கும் விசித்திரம்'' பணியே அதற்கொரு classic உதாரணம்! தமிழாக்கம் செய்திருந்த நம்ம மேச்சேரியார் ரவிக்கண்ணனின் ஸ்கிரிப்டை வாசிக்கும் போது செம decent ஆகவே தென்பட்டது ! ஆனால் கண்களில் விளக்கெண்ணெய் விட்டபடிக்கே ஒவ்வொன்றையும் நீங்கள் அலசிடும் நாட்களிவை என்பதால் முட்டைக்கண்களை கூடுதலாய் விரித்தபடிக்கே எடிட்டிங்கில் நான் ஈடுபட,  கதையின் நடுவாக்கிலிருந்து லைட்டாக உதறுவது போல் எனக்குப்படத் துவங்கியது ! 'ஆத்தீ' என்றபடிக்கே புதைந்து கிடந்த ஆங்கில ஸ்க்ரிப்டை தூசி தட்டி எடுத்து ஒப்பிட்டபடியே நகர ஆரம்பித்தேன்! அப்புறம் தான் சிற்சிறு details ஆங்காங்கே விடுபட்டிருப்பதும் ; சிற்சிறு தகவல்கள் தவறாகப் புரிபட்டிருப்பதும் புலனானது! சூட்டோடு சூடாய் அவற்றைச் செப்பனிட முடிந்ததால், கதையின் பரபரப்புக்கு இம்மியும் இடரின்றி ஈடு தந்து ஓட முடிந்துள்ளது ! இவை எதுவுமே சாத்தியமாகியிராது - எடிட்டரின் மூக்கு புடைப்பாக இருக்கத் துவங்கி இருக்காவிட்டால் !! 

ஸாகோரின் ஆல்பங்களிலும் லேசாக இறுக்கத்தைத் தளர்த்திட அந்த மீசைக்காரத் தொப்பையன் சீகோவைப் படைப்பாளிகள் உட்புகுத்தியுள்ளனர்! அவனைச் சுற்றி வரும் வரிகளில் நல்ல ஜோக்கோ- மொக்கை ஜோக்கோ; எதுவோ ஒரு refresher-ஐ இணைத்திடல் தேவையாகிடும்! And இங்கு அதையும் செய்துள்ளேன் தான் - இதுவரைக்குமான அதே பாணியில் ! So "வேதாளருக்கு பில்டப் தேவையா? ஆட்டுத்தாடி கார்சனுக்குக் காமெடி தேவையா?'' என்ற பட்டியலோடு "ஸாகோர் கதைகளில் கெக்கே பிக்கே முயற்சிகள் தேவையா?'' என்ற வினாவினையும் இணைத்திட வேணாமே ப்ளீஸ்? ஒரிஜினல்களில் இல்லாதோரை நாமாய் உட்புகுத்தவுமில்லை ; சீரியஸாய் உருவாக்கப்பட்டதொரு கேரக்டரை நாம் சிரிப்புப் பார்ட்டிகளாக்கிடவும் கிடையாது! So "இன்று எனது அகவை கூடி விட்டது; எனது ரசனை மாறிவிட்டது!'' என்பதற்காக வருஷமாய் பின்பற்றி வரும் ஒரு அவசியமான template-ஐ கைவிடக் கோரிட வேணாமே - ப்ளீஸ் !

**அடர் ஆப்பிரிக்க கானகத்தில் ஒரு நீதிக்காவலர் வாழ்கிறார் என்பதையும்......

**அவரது ஜாகை ஒரு கபாலக் குகை போல் இருந்திடும் என்பதையும்........

**நாள் முழுக்க அந்த முகமூடியையும், உடுப்பையும்.. போட்டபடியே கிட்டத்தட்ட 20+ தலைமுறைகளாய் வேதாளப் பரம்பரை வாழ்ந்து வரும் என்பதையும்.......

**ஒவ்வொரு தலைமுறை வாரிசும் அதே கட்டுப்பாடோடும், ஆற்றலோடும், ரௌத்திரத்தோடும் நீதியை நிலைநாட்டியிருப்பர் என்பதையும்........

நம்புவதில் நமக்குச் சிரமமில்லாத போது, அந்த பில்டப் வசனங்களை ஜீரணிப்பது மட்டுமே சிரமம் என்பதெல்லாம் விழுங்க இயலா பெரிய மாத்திரையே அல்ல என்பேன் !! Maybe கொஞ்சம் salt & pepper சேர்த்து அடித்தால், குபுக்கென்று உள்ளே ஓடி விடாதா - என்ன ? 

ரைட்டு.. புதுசாய் ஒரு மூ.ச.வுக்கு பைபாஸ் அமர்க்களமாய் போட்டாச்சு ; சந்துக்குள் லைட்டு..பேன்லாம் போட்டாச்சு ; அநேகமாய் கப் ஐஸ் ; கோன் ஐஸ் கடையும், டெல்லி அப்பளக்கடையுமே இந்நேரத்துக்கு ரெடியாகி இருக்கும் ! So கொத்தாய் அள்ளிப் போய், கெத்தாய் சலவை செய்திட, கொள்ளைப்பேர் ஷிகார் தவனைப் போல தொடையைத் தட்டியபடிக்கே ரெடியாகி விடுவர் என்பது இயல்பு! சின்னதாய் ஒரு டிக்கெட் கவுன்டரை மட்டும் முன்னாடி போட்டு ஒரு கல்லாப் பெட்டியையும் தந்துவிட்டால், திங்கட்கிழமைக்குள் ஆபீசில் சம்பளம் போட காசு பார்த்துவிடலாம் என்று நினைக்கிறேன் ! ஜெய் ""சந்துக்குள் சாகுபடி''!! புத்தம் புது ஈஸ்ட்மேன் கலர் பிரிண்ட்! 

காத்திருக்கும் மஜாஜுக்கு ரெடியாகிட நான் புறப்படும் முன்பாய் இதோ- ஸாகோரின் அட்டைப்படம் & உட்பக்கப் பிரிவியூ folks !! கோடரி மாயாத்மாவின் ரேஞ் இந்த இதழுக்குப் பிற்பாடு 'சர்ர்'ரென்று உசக்கே உயர்ந்திடாவிட்டால் பெரிதும் வியப்பேன் !! 

பிப்ரவரி டெக்ஸின் அட்டைப்படம் + உட்பக்க preview ஏற்கனவே வாட்சப் கம்யூனிட்டியில் போட்டுத் தாக்கியிருந்தாலும்- அங்கே பார்த்திராத நண்பர்களுக்கென ஒரு ஒன்ஸ்மோர்! அந்த ஒரிஜினல் ராப்பரின் அசாத்திய அழகே- ""தலைநகரில் தலைமகன்'' என்ற அந்த எழுத்துரு தான் என்பேன்! நீங்களுமே அவ்விதம் நினைக்கிறீர்கள் எனும் பட்சத்தில் நண்பர் ஜகத்துக்கு ஒரு ""ஓ'' போடலாமா? Thank again ஜகத்!

திருப்பூரில் புத்தகவிழா நடைபெற்று வருகிறது! பொதுவாகவே ஒரு பத்தாயிரம்வாலா வெடித்து, ஊரையே ஸ்தம்பிக்கச் செய்ததற்குப் பின்பாக- லட்சுமி வெடிகளும், குயில் வெடிகளும் அதே அளவு கவனங்களை ஈட்டுவதில்லை தான்! ""சென்னை'' என்ற பத்தாயிரம்வாலாவுக்குப் பிற்பாடு ""திருப்பூர்'' கிட்டத்தட்ட அதே ரேஞ்சில் இருக்கிறது! ஆனால், ஒப்பீடுகளின்றி தனிப்பட்ட முறையில் பார்த்தால் திருப்பூர் நேற்றும், இன்றும் has been doing very brisk sales! நண்பர்கள் நாளை மதியம் புத்தகவிழாவில் குழுமிய பிற்பாடு விற்பனை மேற்கொண்டும் வேகம் பிடிக்குமென்று நம்பலாம்! Have fun guys !!

And திருநெல்வேலி தான் நமது காமிக்ஸ் கேரவனின் அடுத்த ஸ்டாப்! அந்தப் பகுதியில் நம்ம மக்கள் யாரேனும் உண்டோ? Just curious!

ரைட்டு.. ஸாகோரோடு டார்க்வுட் பயணத்தைத் தொடரப் புறப்படுகிறேன்! Have a relaxed weekend all! முன்கூட்டிய குடியரசு தின நல்வாழ்த்துக்கள்! Bye for now ! See you around!

P.S : இன்னமும் சந்தா ரயிலில் டிக்கெட் போட்டிருக்கா நண்பர்கள் - பிப்ரவரி துவங்கியவுடன் 2 தவணைகளில் ரயிலேறிடலாமே ப்ளீஸ் ? We are missing you !!

The சென்னை டயரீஸ் !!

 நண்பர்களே,

வணக்கம். ஒரு நெடும் விடுமுறைப் படலத்தின் மத்தியில் இருக்கும் இந்தத் தருணத்தில் எனது கைகளிலோ ஒரு கத்தைக் காகிதங்கள் ! 'ஏலே மொக்க...நீ சாமக் கோடங்கி போல கண்ட நேரத்திலே எழுதிக்கிட்டுத் திரியுற கதை தான் தெரியும்லலே...இதிலே என்ன புதுசா ?' என்று கேட்கிறீர்களா ? என் கைகளில் உள்ள இந்தக் கத்தை மாமூலான மொழியாக்கப் பணிகள் சார்ந்தவையல்ல folks ; நடந்து முடிந்திருக்கும் சென்னைப் புத்தக விழாவினில் நமது விற்பனை சார்ந்த விபரங்களும், நம்பர்களுமே !! And இவற்றை முழுமையாய் ஆராயவே ஒரு மேல்மட்டக் குழு அமைக்கணும் போலும் - அவ்வளவு தகவல்கள் இங்கு புதைந்து கிடக்கின்றன !! நம்மிடம் நாயகர் பட்டியலுக்கும் பஞ்சமில்லை ; கையிருப்பு இதழ்களின் எண்ணிக்கையிலும் குறைச்சலில்லை எனும் போது வேற வேற கோணங்களில் analyze செய்திட கணக்கிலடங்கா சமாச்சாரங்கள் உள்ளன ! Anyways - எனது முதல் பார்வையில் striking ஆகத் தென்பட்டுள்ள வெற்றியாளர்களைப் பற்றியும், குருவி ரொட்டி ஏந்தி நிற்போரைப் பற்றியும் இந்த முதல் பதிவில் எழுதிட முனைகிறேன் !! அதற்கு முன்பாய்......

சென்னைப் புத்தக விழா !!!

ஒவ்வொரு ஆண்டும் சென்னைக்குப் புறப்பட நம்மாட்கள் மூட்டைகளைக் கட்டிக்க கொண்டிருக்கும் போதெல்லாம் எனக்குள் ஒரு ஆதங்கம் துளிர் விடுவதுண்டு ! 'போன வருஷம் 200 titles வைச்சிருந்தோம் ; ****** தொகைக்கு வித்துச்சு ; இந்த தபா 240 titles  வைச்சிருக்கோம்.....ஒரு பத்து சதவிகிதமாச்சும் கூடுதலா விற்றா நல்லா இருக்குமே கடவுளே...!!' என்று நினைத்துக் கொள்வேன் ! But ஊஹூம் ....ஒலிம்பிக்சில் நம்ம பதக்கப் பட்டியலானது ஒரு குறிப்பிட்ட நம்பரை தாண்டிடவே மாட்டேனென்று அடம் பிடிப்பதைப் போல நமது விற்பனை நம்பரும் சண்டிமாட்டைப் போல அசைந்து கொடுக்காது நிற்பது வாடிக்கை ! ஆனால்...ஆனால்....பத்துப் பன்னிரண்டு வருஷங்களின் விடாமுயற்சிகளும், KFC மெனுவினைப் போல நம்மிடமுள்ள வண்டி வண்டியான வெரைட்டிகளும் சிறுகச் சிறுக பலன் நல்க ஆரம்பித்திருந்தன ! And அதன் பிரதிபலிப்பாய் போன வருஷம் ஒரு செம நம்பரைத் தொட நமக்கு சாத்தியப்பட்டிருந்தது ! நடப்பாண்டின் விழாவுக்கு ரெடியான தருணத்தில், 'போன வருஷத்தை முந்திட முடியுமா ?' என்றொரு சின்ன நப்பாசை உள்ளுக்குள் இருந்ததை மறுக்க மாட்டேன் ; but மாத இறுதியில் (டிசம்பர்) விழா துவங்கிடவுள்ளது ; பொங்கலுக்கு முன்பாகவே நிறைவும் பெற்று விடுகிறது ; so இந்தப் புதிய தேதிகள் எவ்விதம் set ஆகுமோ சென்னைக்கு ? என்ற பயமும் உள்ளுக்குள் இருந்ததால் - நமது விற்பனை இலக்குகளை ஒரு உசரத்தில் வைத்து விட்டு அப்புறமாய் ஏமாற்றம் கொண்டிடப்படாதே என்று நினைத்துக் கொண்டேன் ! And truth to tell - இம்முறை பிழிந்தெடுக்கும் கூட்டங்களெல்லாம் இல்லை தான் - at least நமது ஸ்டாலில் ! நாம் இருந்தது முதல் வரிசையில் என்பதால் அந்த வரிசைக்கு நேராய் டிக்கெட் கொடுத்த நாட்களில் ஜனம் களை கட்டுவது சுலபமாகியது ; மாறாக மறு திக்கில் டிக்கெட் கவுண்டர்கள் அமையும் தினங்களில் நாம் கட்டக்கடாசி வரிசையில் இருப்பது போலாகியிருக்க, அன்றைய நாட்களில் சுமார் மூஞ்சி கொமாராகவே நமது விற்பனை reports அமைந்திருந்தன ! ஆனால் ....ஆனால்...வாசல் எந்தத் திக்கில் இருக்க நேரிட்டாலும், முத்து காமிக்ஸ் ஸ்டாலை தேடிப் பிடிச்சிடுவோம்லே - என்று மார் தட்டி வந்த நண்பர்களின் சகாயத்தில் இந்தாண்டு எகிறி அடித்துள்ளோம் ஒரு புது உச்சத்தை !! Oh yes - இந்தாண்டு சென்னையில் வசூலாகியுள்ள தொகையானது - 2012 முதலாய் எண்ணற்ற ஊர்களில் நடந்திருக்கக்கூடிய புத்தக விழாக்களில் நாம் கண்டுள்ள வசூல்களுக்கெல்லாம் ஒரு புது உயரத்தை நிர்ணயித்துள்ளது !! புனித மனிடோவுக்கும், நம்மை நெஞ்சில் சுமக்கும் இந்த வாசக வட்டத்துக்கும், சென்னையின் விழா ஏற்பாட்டாளர்களுக்கும் ஒரு கோடி நன்றிகளை பிரித்துப் பகிர்ந்தளிக்கும் அந்த சந்தோஷ வேளையில் - இந்த நம்பர்களின் பின்னணியினையும் பார்க்கப் புறப்படுவோமா மக்களே ?  

THE TOPSELLER(S) :

சென்னை என்றாலே மாயாவியாரின் பேட்டை ; இங்கே அவரு தான் கிங்கு ! என்பது ஒரு எழுதப்படா விதி ! இடைப்பட்ட ஒரு ரெண்டு வருஷங்கள் அந்த template உடைபட்டிருக்க, நாங்களும் 'ரைட்டு...மாம்ஸ் சகாப்தம் ஓவர் போலும்' என்று நினைத்திருந்தோம் ! ஆனால், "வந்துட்டேன்னு சொல்லு..போன மாதிரியே திரும்பி வந்துட்டேன்னு சொல்லு !" என்று தலைவர் கபாலி ஸ்டைலில் லூயி கிராண்டேலும், அவரது இரும்புக்கரமும் மீள்வருகை தந்திருக்க, கடந்த சில ஆண்டுகளாகவே chart topper மாயாவி சார் தான் ! ஒவ்வொரு புத்தக விழாவின் இறுதியிலும், மாயாவி புக்ஸ், மற்றவற்றை விட எவ்வளவு ஜாஸ்தி மார்ஜினில் ஜெயம் கண்டுள்ளன ? என்ற கணக்கைத் தான் போட்டு வருவோம் !! இம்முறையும் நிலவரம் அதே தான்...அதுவே தான் என்று நானும், நீங்களும் நினைத்திருக்கும் போது ஒரு செம ட்விஸ்ட் !! சின்னதொரு வித்தியாசத்தில் மாயாவியின் "பாதாள நகரம்" ஆல்பத்தை இரண்டாமிடத்துக்கு அனுப்பி விட்டு, முதல் இடத்தை ஒரு ஈரோ கபக்கடீர்னு பற்றியுள்ளார் ! 

ஒரு வேலை அது தல டெக்சோ ?

அல்லங்காட்டி லக்கி லூக்கோ ?

No ..no ...நம்ம இளைய தளபதியோ ?

என்றபடிக்கே பேப்பர்களைப் புரட்டினால் - "கொஞ்சம் மேலே பாரு கண்ணா..." என்றொரு voice ! அண்ணாந்து மோட்டைப் பார்த்தால் - "அங்கே இல்லை ; மரத்துக்கு உஷைக்கே பாரு கண்ணா...!" என்றது அந்தக் குரல் ! பார்த்தால் - ஹேப்பியாக சிரித்துக் கொண்டு அமர்ந்திருப்பது நம்ம கபிஷ் !!!Oh yes guys - "கபிஷ் ஸ்பெஷல் # 2 " தான் நமக்கு இந்தப் புத்தக விழாவின் single highest selling album !!! மாயாவியார் இத்தனை காலத்தில் தொட்டிருக்கா நம்பரை ; டெக்சோ ; லார்கோவோ ; XIII ; தளபதி டைகரோ ; லக்கி லூக்கோ விற்றிருக்கா உச்சத்தை கபிஷ் கைப்பற்றியுள்ளது !! Absolutely stunning என்பேன் - இந்த சிம்பிளான வன விலங்குகள் கண்டுள்ள வெற்றியானது !! நோஸ்டால்ஜியா ஒரு காரணமா ? அல்லது பிள்ளைகளுக்கு ஆகச் சிறந்த தேர்வு என்று பெற்றோர் கருதியது காரணமா ? தயாரிப்புத் தரம் ஒரு கூடுதல் காரணமா ? சொல்லத் தெரியலை ; but கபிஷ் # 1 & # 2 இணைந்து கண்டிருக்கும் விற்பனையினை பிராங்கோ-பெல்ஜிய பெரும் புள்ளிகளில் அரை டஜன் பேர் இணைந்தாலும் தொட்டுப் பிடித்திட முடியாது !! And  (சென்னையின் TOPSELLER யார் ?) என்ற இந்தக் கேள்வியினை இன்று பகலில் நமது வாட்சப் கம்யூனிட்டியில் கேட்டிருந்தேன் - பரிசாக Plum Cake(s) உண்டென்ற உத்திரவாதத்துடன் !! நான் பார்த்திருந்த வரைக்கும் நம்ம வழுக்குப்பாறை திருநாவுக்கரசர் முதலாவதாகவும், ஜம்பிங் பேரவையின் தலைவர் பாபுஜி இரண்டாவதாகவும், பதுங்குகுழி சங்கத்தின் பொருளாளர் செனா அனாஜி மூன்றாவதாகவும் சரியாக "கபிஷ்" என்று பதிவு செய்திருந்தனர் ! அவர்களுக்கு தலா ஒரு கேக் & நான்காவதாக ஒரு கேக்கை கபிஷின் மீள்வருகைக்கு பெரிதும் உதவியிருந்த நண்பர் ரபீக்குக்கும் நாளையே பார்சல் செஞ்சுப்புடலாம் ! 

இங்கே ஒரு சுவாரஸ்யமான / ஆதங்கப் பகிர்வும் !! மலையாளத்தில் கபீஷை மறுக்கா வருகை செய்யச் செய்திருந்த பதிப்பக உரிமையாளருக்கு நமது கபிஷ் இதழ்களை மரியாதை நிமித்தம் அனுப்பி, அவரது அபிப்பிராயங்களையும் கோரியிருந்தோம் ! புக்ஸ் இரண்டையும் பார்த்து விட்டு, "அட்டகாசம் !!" என்று பாராட்டியவர் - "உங்க ஊர் மீடியா கபிஷை கொண்டாடித் தீர்த்து விட்டார்களா ? இங்கே எங்க ஊடகங்கள் ஒண்ணு பாக்கியின்றி அழகாய் coverage தந்து விற்பனை சிறக்கச் செய்தார்கள் !" என்றார் !! "ஆங்...அது வந்து சார்...எங்க ஊரிலே சிக்கு மங்கு...சிக்கு மங்கு..சச்ச பப்பான்னு நெதத்துக்கும் ஆராச்சும் ஒரு சீரியல் நடிகையோட சித்தப்பாருக்கு பக்கத்து வீட்டு ஆன்டியின் home tour ; கிச்சன் டூர் ; தோட்டம் டூர் என்பதிலே பிஸிபேளா பாத் போடவே எங்காட்களுக்கு நேரம் போதாது ! அவங்கள்லாம்  ஒரு (காமிக்ஸ்) குரங்கை கண்டுக்கவாச்சும் செய்வார்களா ?" என்று சொல்ல நினைத்தோம் - but நீட்டி முழக்கி, இங்கே வாஜகர்களே அம்புட்டையும் பார்த்துக்கிட்டாங்க சார் !" என்று சொல்ல வேண்டிப் போனது !! இதோ - இப்போது கூட "Kapish" என்று கூகுளை தட்டினால் - மலையாள கபிஷுக்கு அங்குள்ள முதல்நிலை ஊடகங்கள் தந்துள்ள அழகான கவரேஜ் தான் கண்சிமிட்டுகிறது !!  

கபிஷிடம் முதலிடத்தை இழந்திருந்தாலும், அதன் பின்னே யாரிடமும் சறுக்கிடாது இரண்டாமிடத்தில் மாயாவியார் அதிரடி காட்டி வருகிறார் ! சென்னை விழா நெருங்க ஆரம்பித்து விட்டாலே, நம்மாட்களுக்கு இருக்கும் ஒரே கவலை - "மாயாவி கையிருப்பு" சார்ந்தது மட்டுமே !! 'சார்...நாசா அலைகள் இம்புட்டு தான் இருக்கு...இரும்புக்கை மாயாவி ரெண்டு கட்டு தான் மீதமிருக்கு...கொரில்லா சாம்ராஜ்யம் காலி..' என்று நாகப்பட்டினம் துறைமுகத்தில் புயல் சின்னத்துக்கு ஏற்றும் கொடிகளைப் போல எனக்கு warnings தந்து கொண்டே இருப்பார்கள் ! இம்முறையும் அதற்கு விதிவிலக்கல்ல ! அதன் பொருட்டே கொஞ்சம் முன்கூட்டியே அந்த "மும்மூர்த்திகள் ஸ்பெஷல்" concept-ஐ இம்முறை தேற்றி வைத்திருந்தேன் ! மூன்று துவக்க நாட்களது ஜாம்பவான்ஸ் - ஒரே hardbound இதழில் எனும் போது சென்னையில் நிச்சயம் ரசிக்கும் என்ற நம்பிக்கை என்னுள் இருந்தது ! And அட்டைப்படத்தில் துவங்கி, தயாரிப்பின் எல்லாப் பரிமாணங்களும் சிறப்பாய் அமைந்து போக, இந்த இதழ் சென்னையில் ஒரு SMASH HIT !!! இதில் கூத்து என்னவென்றால், 'மூணு கதையுமே மாயாவி கதையா இருக்கா மெரி புக் எதுனாச்சும் உடலாம்லே ?' என்ற வினவல்கள் கணிசம் !! இன்னொரு பக்கம் "பாதாள நகரம்" தக தகக்கும் புது ராப்பருடன் ஆஜராகியிருக்க, நடப்பாண்டின் Second highest seller என்ற கொடியினை பற்றிக்கொண்டது ! போன வருஷம் மறுபதிப்பிட்ட "இரும்புக்கை மாயாவி" almost காலி ; நாச அலைகள் காலி ; மீதம் இருப்பவை மூன்றே மூன்று மாயாவி titles தானாம் - நம்மாட்கள் சொன்னார்கள் !! So இப்போவே அடுத்த கட்ட திட்டமிடல்ஸ் ஆரம்பிச்சாச்சு ; தொடரும் புத்தக விழாக்களுக்கோசரம் மாயாவி சாருக்கு என்ன ஏற்பாடுகள் பண்ணலாமென்று ? Phewwwww !!!

PART 2 :

மதுரையில் ஜிகர்தண்டா 'நச்'னு இருப்பது ஒரு காலத்தின் கட்டாயம்...!

கோவை அங்கண்ணன் பிரியாணி காரமின்றி இருப்பதும் அவ்விதமே..!

ஸ்ரீவில்லிபுத்தூரில் பால்கோவா டக்கராக இருப்பது மாற்றங்கள் காணா நிஜம் !

தமிழகத்தில் ஆட்டோ மீட்டர்கள் ஒரு அலங்காரப் பொருளாய், ஆட்டோ டிரைவரை காத்து-கருப்பு அண்டிடாது பாதுகாக்கும் வஸ்துவாக, ஊரெல்லாம் சுற்றி வருவது உலகுக்கே தெரியும் !

அதே போலவே செல்லும் இடமெல்லாம் - மொத்த விற்பனையில் ஒரு அசாத்தியப் பங்கெடுப்பது நம்ம தல "டெக்ஸ்" என்பதும் தான் ! இம்மியும் மாற்றம் காணா ஒரு நிரந்தரம் அது !!  

Absolutely staggering - நடப்பாண்டினில் டெக்ஸ் இதழ்கள் கண்டுள்ள மொத்த விற்பனை ! And கிட்டத்தட்ட 25 அல்லது 30 டைட்டில்கள் நம்மிடம் டெக்சில் கைவசம் இருப்பதால், வாங்குவோருக்கு திருவிழா mood தான் மேலோங்குகிறது ! "பனிமண்டலப் போராளிகள்" (தீபாவளி மலர்'24) ; "மேஜிக் மொமெண்ட்ஸ் ஸ்பெஷல்" ; "இளமையெனும் பூங்காற்று" & டெக்சாஸ் ரேஞ்சர்ஸ் : இந்த 4 சமீபத்தைய டெக்ஸ் ஆல்பங்களும் அடித்திருப்பதெல்லாம் சாமான்யப்பட்ட ஸிக்ஸர்ஸ் அல்ல ; க்ரிஸ் கெயில் பொறாமைப்படக்கூடிய அசுரத்தனமான ஸிக்ஸர்ஸ் !! பற்றாக்குறைக்கு "காட்டேரியின் சாம்ராஜ்யத்தில்" பின்னிப் பெடலெடுத்த கையோடு stock காலி என்றும் ஆகி விட்டது ! எனது ஞாபகம் மொக்கை போடாத பட்சத்தில், இது 2024 பிப்ரவரியில் தான் வந்தது !! Is gone ...போயிண்டே ....! அதே போல "புதைந்து போன புதையல்" இதழும் டாட்டா..குடுபை சொல்லி கிட்டங்கிக்கு முழுசாய் விடை தந்துவிட்டது !! 'ஒரு பிரளயப் பயணம்" தரையைத் தொடும் எண்ணிக்கைக்கு நகர்ந்தாச்சு ; "நெஞ்சே எழு"வும் தான் ! நாளை ஆபீசுக்குப் போனால் தான் தெரியும், மற்ற இதழ்களின் இருப்பு நிலவரம் !! And இங்கொரு கொசுறு நியூஸுமே : 'தல' டெக்ஸுக்கு கணிசமாக மகளிர் ஆதரவும் உள்ளது ! ஏற்கனவே தெரிந்த சமாச்சாரம் தான் ; yet அவர்களது நம்பர்ஸ் கூடிச் செல்வது சென்னையில் கண்கூடு !! 'தல' .........நேற்று இல்லை ; நாளை இல்லை.....எப்போவும் நான் ராஜா !! தானென்று இசைக்கிறார் !! தலைவணங்குகிறோம் தலைமகன் முன்னே !!

கபிஷ் # 1 

மாயாவி # 2 

டெக்ஸ் # 3 

என்ற வரிசைக்குப் பின்பாய், வழக்கப்படிப் பார்த்தால் ஒல்லிப்பிச்சான் லக்கி லூக் தான் இடம் பிடிப்பார் ! ஆனால் இம்முறை அங்கேயும் ஒரு twist !! 

அதற்கடுத்த விற்பனை உச்சத்தைத் தொட்டிருப்பவர் நம்ம டென்காலி கானகத்தின் காவலர் - வேதாள மாயாத்மா தான் !! நம்மிடம் இருந்த அந்த மெகா சைஸ் black & white வேதாளர் கதைத்தொகுப்புகள் முற்றிலுமாய் எப்போதோ காலி ; but இன்னமும் அவற்றைக் கேட்டு படையெடுத்தோர் கணிசமோ, கணிசம் !! And கைவசம் இருக்கும் compact sized கலர் இதழ்கள் ஒவ்வொன்றும் தெறிக்க விட்டுள்ளன !! விலைகள் ரூ.100 என்றிருப்பதும் கைகொடுக்க - இந்த வருடத்து சென்னை விழாவில் மட்டுமன்றி, இதற்கு முன்பான மற்ற நகர விழாக்களிலும் வேதாளர் has been a top draw !! முன்செல்லும் காலங்களில் சந்தாக்களிலோ, தனித்தடங்களிலோ, புத்தக விழா ஸ்பெஷல்களிலோ - "வேதாளர்" ஒரு இன்றியமையா மேஜர் அங்கமாக இருந்திட வழி செய்திட வேணும் போலும் !! 

இடம் # 5 : சந்தேகங்களின்றி லக்கி லூக் தான் !! இந்தாண்டு ரெடி செய்திருந்த "பனியில் ஒரு கண்ணாமூச்சி" ஒரு ராட்சஸ சிக்ஸர் அடித்திருக்க, "எதிர்வீட்டில் எதிரிகள்" & லயன் 41வது ஆண்டுமலர் ஆல்பம்ஸ் not far behind !! அவையுமே விற்பனைகளில் அனல் பரக்கத் செய்துள்ளன !! 

ஆக இவர்களே இந்தாண்டின் TOP 5 performers !! 

PART 3 :

PERFORMER # 6 : நம்ம தளபதியார் தான் விற்பனையில் ஸ்லாட் # 6-ஐ பிடித்து நிற்கிறார் ! புது இதழான "ஒரு கொடூரனும், கடற்கன்னியும்" பட்டையைக் கிளப்பியுள்ளது ! "இது ஒண்ணு மட்டும் தான் இருக்கா ? வேற இல்லியா ?" என்ற கேள்விகளுக்கும் no பஞ்சம்ஸ் !! Thinkinggggggggg !!  

PERFORMER # 7 : நம்ம பெல்ஜியத்து ஜாம்பவான் - டின்டின் தான் !! 2 ஆல்பங்கள் ஒன்றிணைந்த pack அழகாய் விற்றுள்ளது சென்னையில். போன தபா "திபெத்தில் டின்டின்" சிங்கிள் ஆல்பமாக அமைந்ததால் சற்றே கூடுதல் சேல்ஸ் ! But இருந்தாலும் "மாயப்பந்துகள் 7 + கதிரவனின் கைதிகள்" கூட்டணி has been rocking !! வேற ஆல்பம்ஸ் இல்லியா ? என்ற கேள்விகள் இங்கேயும் கணிசம் !!

ஒவ்வொரு ஆண்டும் யாராச்சும் ஒரு நாயகரோ, நாயகியோ சர்ப்ரைஸ் வெற்றி காண்பதுண்டு !! இம்முறை அந்த ஸ்லாட்டை தனதாக்கியுள்ளவர் நம்ம அமானுஷ்ய டிடெக்டிவ் "டைலன் டாக்" தான் ! அவரது குட்டிக் கதைகள் மாத்திரமன்றி, முந்தைய ஆல்பங்களும் செம brisk சேல்ஸ் கொண்டிருப்பது ஒரு ஆச்சர்யமே !! ஹாரர் தேடுவோர்க்கு இந்தக்கருப்புச் சட்டை டிடெக்டிவ் set ஆகிறார் என்பது புரிகிறது ! So சீக்கிரமே இவருக்கும் கொஞ்சமாச்சும் சீட்களை அதிகப்படுத்தணும் போலும் !! 

அப்புறம் மிரட்டலான அட்டைப்படத்தில் புண்ணியத்தில், மிரட்டலான விற்பனையும் கண்டுள்ள இன்னொரு ஹாரர் இதழ் - "மூன்றாம் தினம்" !! இந்த ஒற்றை இதழ் விற்றுள்ள நம்பரை ஒரு பிரபல பிரான்க்கோ-பெல்ஜிய நாயகரின் ஒரு டஜன் இதழ்கள் சேர்ந்தும் நெருங்கக்கூடவில்லை ! அந்த ஜாம்பவான் யாரென்பதை அப்பாலிக்கா சொல்லுகிறேனே !

And வெளியான சமயத்தில் ருசிக்காத வெற்றியினை கடந்த 4 ஆண்டுகளாகவே ஒவ்வொரு புத்தக விழாவிலும் கண்டு வரும் "இரவே..இருளே..கொல்லாதே.." சென்னையிலும் ரகளை செய்துள்ளது !! இது போலான யதார்த்தமான ஹாரர் த்ரில்லர்ஸ் கண்ணில் பட்டால் கொஞ்சம் பரிந்துரை பண்ணுங்களேன் folks ? 

ஹாரர் ஜான்ராவிலிருந்து அப்படியே ஒரு U-டர்ன் போட்டால் தான் அடுத்த bestsellers பக்கமாய் நாம் போக இயலும் !! அவை - "கதை சொல்லும் காமிக்ஸ்" வரிசையில் இம்முறை நாம் முயற்சித்துள்ள சிறார்களுக்கான Fairy Tales தான் !! மூன்று தமிழ் இதழ்கள் மட்டுமன்றி, இங்கிலீஷ் மூன்றுமே செமத்தியான ஹிட்ஸ் இம்முறை !! அட்டைப்படங்களில் ஆரம்பித்து, உட்பக்கச் சித்திரங்கள், தயாரிப்பு - என எல்லாமே இம்முறை classy ஆக அமைந்திருக்க, நமது ஸ்டாலுக்கு வந்த குட்டீஸ் மாத்திரமன்றி, பெற்றோர்களும் அவற்றைப் புரட்டாதி நகரவே இல்லை !! இந்த மூன்றில் "அலிபாபா" கணிசமான முன்னணி வகுக்கிறது விற்பனை நம்பர்களில் - but தொடர்ந்து காத்திருக்கும் புத்தக விழாக்களில் எல்லாக் கதைகளுமே கவனங்களைக் கோரிடும் என்று தைரியமாய் நம்பிடலாம் போலும் !! ஜூனியர் எடிட்டரின் இந்த முன்னெடுப்பு ஒரு புது காமிக்ஸ் வாசகத் தலைமுறையினை துளிர் விட இக்ளியூண்டாவது உதவிடும் என்றுமே நம்பிக்கை கொள்ளலாம் ! 

Surprises பட்டியலில் இடம் பிடித்திருப்பவர் நம்ம தானைத் தலைவர் ஸ்பைடரும் தான் !! கடந்த சில ஆண்டுகளாகவே மிதமான விற்பனை மட்டுமே சாத்தியப்பட்டது நம்ம வலைமன்னனுக்கு ! But இந்த முறை அந்த மெகா சைஸ் மேஜிக்கோ என்னவோ - "விண்வெளிப் பிசாசு' & 'பாட்டில் பூதம்' decent சேல்ஸ் !! And yes - "விண்வெளிப் பிசாசு" காலியாகிடுச்சுங்கோ !! உடனே டிஜிட்டல் பிரிண்ட் போட்டு கலைச்சேவை ஆற்ற நம்ம கல்வியாள ஆர்வலர் கச்சை கட்ட ஆரம்பிக்கலாம் ! 

Decent Sales லிஸ்ட்டில் அடுத்து இடம் பிடித்துள்ளோர் பின்வருமாறு :

மாயாஜால மன்னன் மாண்ட்ரேக் 

ரிப் கிர்பி 

சிக் பில் 

இவர்கள் மூவருமே தெள்ளத்தெளிவாக - முதலுக்கு மோசமில்லாத பார்ட்டிகள் என்பதை நிரூபித்துள்ளனர் ! In fact - மாண்ட்ரேக்கின் விற்பனை ஒரு முன்னணி நாயகர் ரேஞ்சுக்கு அவரை உசத்திக் காட்டுகிறது ! காத்துள்ள KING'S SPECIAL கதம்ப இதழில், வேதாளருக்கு அப்புறமாய்  மாண்ட்ரேக் + ரிப் கிர்பிக்கு முக்கியத்துவம் தந்திடணும் போலும் ! 

ஒரு ஜாலியான பார்ட்டி மிதமான விற்பனை கொண்டிருப்பதில் எனக்கு மகிழ்ச்சி ; and அவர் நம்ம நாலுகால் ஞானசூன்யம் ரின்டின் கேன் தான் !! ஒரேயொரு ஆல்பம் மட்டுமே கைவசம் இருக்க, 'பரால்லியே' என்று சொல்லும் விதத்தில் அதன் விற்பனை அமைந்துள்ளது ! Maybe தம்பிக்கு நடுவாக்கிலே ஒரு ஸ்லாட் தரணுமோ ? What say மக்களே ? 

PART 4 :

Very steady ; without being spectacular - அதாகப்பட்டது நம்ம சூரியகுமார் யாதவ் மெரியோ, ரிஷப் பந்த் போலவோ கண்ணைப் பறிக்கும் டமால்-டுமீல் ஆட்டமெல்லாம் ஆடாது, நிதானமாய், அழகாய் ராகுல் டிராவிட் போல ஆடிடும் நாயகர்களுக்கு அடுத்தொரு பிரிவினை ஏற்படுத்தினால் - அங்கே இடம் பிடிப்போர் இவர்களாக இருப்பர் :

ரிப்போர்ட்டர் ஜானி 

மிஸ்டர் நோ

டேங்கோ 

பௌன்சர் 

மாடஸ்டி 

ஸாகோர் 

ஏஜெண்ட் ராபின்

இவர்கள் ஒவ்வொருவருமே தத்தம் விதங்களில் variety வழங்குகின்றனர் நமது கையிருப்புக்கு !! ரிப்போர்ட்டர் ஜானியின் சித்திரங்கள், கலரிங் பார்ப்போரை பச்சக் என கவர்கிறதெனில், டேங்கோ ஆல்பங்களும் அந்த வித்தியாசமான flavour க்காக வரவேற்பினை ஈட்டிடுகிறது ! நம்ம இளவரசி பற்றி சொல்லவே வேணாம் ; black & white கதை வரிசையினில் நிரம்பவே தேடப்படும் நாயகியாகத் தொடர்கிறார் ! And அதே black & white-ல் அறிமுகமாகிய சொற்ப நாட்களிலேயே ஒரு பாப்புலர் நாயகராகி இருப்பவர் நம்ம V காமிக்சின் மிஸ்டர் நோ. துளி கூட நெருடல்களின்றி எல்லாத் தரப்புகளிலும் thumbs up வாங்கிடும் நாயகராய் தொடர்கிறார் மனுஷன் ! V காமிக்சின் இன்னொரு நாயகரான நம்ம ஜம்பிங் தல இப்போது ஸ்டெடி பண்ணி வருகிறார் - ஆட்டம் கண்ட வண்டியினை !! இவரது முழுநீளக் கதைகள் doing brisk sales ! அதுவே தான் ஏஜெண்ட் ராபினின் நிலவரமும் ! 

சமீப இதழ்கள் - என்ற பிரிவொன்றை உருவாக்கினால் அங்கே ஸ்கோர் செய்திருக்கும் ஆல்பங்கள் இவையே :

• ஸ்டெர்ன் : மாயா...எல்லாம் மாயா !
• ரூபின் : மங்கலமாய் ஒரு மரணம் 
• ஸ்பூன் & ஒயிட் : சிறையில் ஒரு அழகி !
• க்ரே தண்டர் - தண்டர் in ஆப்ரிக்கா
• ப்ருனோ பிரேசில் 2.0
• வேங்கை என்றும் உறங்காது (ஜாரோப்)

Again, இவை ஒவ்வொன்றுமே ஒரு ஜான்ரா எனும் போது வெரைட்டிக்கு வெரைட்டியாகவும் ஆச்சு ; அழகான புது வரவுகளாகவும் ஆச்சு ! குறிப்பாக அந்த க்ரே தண்டர் சேல்ஸ் செம சர்ப்பிரைஸ் !! 

இங்கே குறிப்பிட வேண்டிய விஷயமாய் நான் கருதும் இன்னொரு மேட்டரும் உள்ளது ! பிளாக்கிலோ ; வாட்சப் கம்யூனிட்டியிலோ ; FB-யிலோ ; உங்களது க்ரூப்களிலோ அலசி, சிலாகிக்கப்பட்ட இதழ்கள் இவை ! அந்த அலசல்கள் விற்பனைகளாய்ப் பிரதிபலிப்பது தற்செயல் தானென்று எனக்குத் தோணலிங்கோ ! Keep reading...keep writing please folks !!

Next பிரிவானது - "ஆங்....ஜஸ்ட் பாஸ் ஆகியிருக்கீங்க மக்கா ; இன்னும் கொஞ்சம் மார்க் வாங்குனா நல்லா இருக்கும்" என்ற பிரிவு !! அதனில் இடம்பிடிப்போர் :

• ப்ளூகோட் பட்டாளம்
• மர்ம மனிதன் மார்ட்டின் 
• கர்னல் கிளிப்டன் 

இந்த மூவரில் இருவர் கார்ட்டூன் பிரதிநிதிகள் என்பது கூடுதல் கவலை தருகிறது !! 

இனி தொடர்வது கோட்டை விட்டிருக்கும் நாயக / நாயகியர் !! 

இம்முறை ரொம்பவெல்லாம் அடி வரை போய் அலசி ஆராயப் போவதில்லை நான் - simply becos அவை ஒவ்வொன்றுமே பெரும் கனவுகளோடும், எதிர்பார்ப்புகளோடும் நாம் அறிமுகம் செய்திட்ட குழந்தைகளுக்கு நிகரானவைகளே ! இன்றைக்கு "சென்னை" எனும் தேர்வில் சோபிக்காத காரணத்தால் அவர்கள் மட்டமானவர்களாகிடப் போவதில்லை ! மாறாக வெகுஜன பிரபல்யத்தினை அவர்கள் ஈட்டிடும் முயற்சிக்கு எங்கோ, எதுவோ தடையாக இருப்பதைப் புரிந்து ஏற்றுக் கொண்டு, அவற்றை நிவர்த்திக்க முயற்சிப்போம் ! And அந்தந்தக் கதைகளை நேசிக்கும் நண்பர்களுக்கும் இவர்களின் தோல்விகள் சார்ந்த in depth அலசல் சங்கடத்தினை ஏற்படுத்திடும் என்பதால், அதனைச் செய்திட வேண்டாமே என்று நினைக்கிறேன் ! Of course - 2 ஆல்பங்களிலும் சேர்த்து மொத்தமே மூன்று பிரதிகள் மட்டும் விற்றுள்ள LADY S போன்ற spectacular சொதப்பல்களில் இருந்து படிக்க வேண்டிய பாடங்களை நாம் படித்துக் கொண்டுள்ளோம் ; so எதிர்வரும் காலங்களில் யாரேனும் நாயகரோ, நாயகியோ ஓசையின்றி அரூபமாகிட நேர்ந்தால் யதார்த்தத்தினைப் புரிந்து கொள்ளக் கோரிடுவேன் folks !!

ஆச்சர்யமூட்டும் விதமாய் XIII ஆல்பங்கள் இம்முறை ரொம்பவே ஸ்லோ - விற்பனையில் !!

இனி - பொதுவான சில observations : 

பதிவு continues .....(அரை  மணி நேரத்தில் மறுக்கா வாங்களேன் ப்ளீஸ் ?)

FINAL PART ......

1. வெகுஜன வெற்றி கண்டிருக்கும் தொடர்கள் / நாயகர்கள் அனைவருமே நேர்கோட்டுக் கதைக்களங்களின் பிரதிநிதிகள் !! கார்டூனோ ; ஆக்ஷனோ ; கௌபாயோ - ஜான்ரா எதுவாக இருந்தாலும், அதனை மூக்கைச் சுற்றாமல் இலகுவாய் சொன்னாலே மதி, என்று இந்த நம்பர்கள் சொல்லுகின்றன !!
2. புத்தக விழா கொள்முதல்கள் இங்குள்ள உங்களின் ரசனைகளுக்குப் பெரிதும் மாறுபட்டவைகளே நஹி !! நீங்கள் போடும் பாதைகளில் ஜிலோன்னு அவர்களும் பின்தொடர்கிறார்கள் ! So in many ways - நீங்கள் அமெரிக்காவில் குடியேறக் கிளம்பிப் போன Mayflower கப்பல்கார் போலானோர் ! நீங்க ஒக்லஹோமாவிலோ ; அரிஸோனாவிலோ ; பாஸ்டனிலோ ஜாகைகள் அமைத்தால், அவர்கள் அங்கே அழகாய் குடியேறுகிறார்கள் ! So தமிழ் காமிக்ஸ் உலகின் முன்னோடிகள் நீங்களே !! அதனுடன் இணைந்திட்ட பொறுப்புகளும் உங்களைச் சாரும் guys !! இது சத்தியமாய் முகஸ்துதி அல்ல ; நிஜம் !
3. சின்ன...ரொம்பச் சின்ன வட்டமே கிராபிக் நாவல்களை ரசிக்கின்றது ! அந்த வட்டம் விரிவாக்கம் காண வேணுமெனில் நம்மில் ஒரு கணிசமான நம்பர் அவற்றை ரசித்திடத் துவங்க வேண்டி இருக்கும் ! இங்கே போணியாகா சரக்கு, வேறெங்கும் தேறாது ! So 'எனக்குப் புடிச்ச இது வரலே...அது வரலியே' என்ற விசனங்களில் நேரங்களை செலவிடுவதற்குப் பதிலாக - உங்களுக்குப் பிடித்தவற்றை விரிவாய் அலசிட முனைந்தால், அதற்கு நிச்சயமாய் பலனிருக்கும் !! இதனை நாங்கள் சுலபமாய்க் கல்லா கட்டவொரு முகாந்திரமாய் நான் சொல்ல முனைந்திடவில்லை folks - மாறாக நல்ல தொடர்கள் ஓரம் கட்டப்படாதிருக்க உங்களின் முயற்சிகளும் அவசியமாகின்றன ! For instance - 4 ஆல்பங்கள் கைவசமுள்ள தாத்தாஸ் தொடரில், மொத்தமே பத்தோ, பன்னிரெண்டோ புக்ஸ் மட்டும் தான் போணியாகியுள்ளன ! படித்ததை ; பிடித்ததை பகிர்ந்தாலொழிய இவர்கள் போலானோர் காணாமல் போவதை தவிர்க்கவே இயலாது என்பது தான் சங்கடமான நிஜம் !! 
4. கார்ட்டூன்களுக்கும் இதுவே நிலவரம் என்றாலும், லக்கி லூக் ; சிக் பில் மட்டும் மானத்தைக் காப்பாற்றி வருகின்றனர் ! And இந்த "கதை சொல்லும் காமிக்ஸ்" முயற்சிகளுமே கார்ட்டூன் ஜான்ராவில் சேர்த்தி என்பதால் நிலவரம் அங்கு கலவரமில்லை !
5. "கதை சொல்லும் காமிக்ஸ்" - பிரயாசை எடுத்து தொடரப்பட வேண்டியதொரு தடம் என்பது ஸ்பஷ்டம். அவற்றைப் பார்த்த நொடியில் முகம் மலர்ந்திடா சிறுசுகளே கிடையாது எனலாம் ! So இவற்றை அந்த இளம் தலைமுறையிடம் கொண்டு சேர்க்கும் உத்திகளைப் பற்றிச் சிந்திக்க வேண்டி வரும் !! Maybe இந்த வரிசையில் இன்னும் ஒரு எட்டோ, பத்தோ titles அதிகப்படுத்திய பிற்பாடு ஆங்காங்கே உள்ள சூப்பர் மார்க்கெட்களில் பேசி,இவற்றிற்கென ஒரு விற்பனை களத்தினை உருவாக்கிட பிரயத்தனம் செய்ய வேணும் போலும் !! 
6. 'என்ன பண்ணினாலும் நாங்க காலி பண்ண மாட்டோமென்று' Rent Control Act சார்ந்த சட்டங்களைப் பேசிடும் குடித்தனக்காரர்களைப் போல கணிசமான ஆல்பங்கள் சிவகாசியை விட்டு அகல மாட்டோமென்று வைராக்கியமாய் இருப்பதும் புரிகிறது ! So எதிர்வரும் சிறுநகரப் புத்தக விழாக்களில் - மாணவர்களுக்கு அதிரடி விலைகளில் புக்ஸ் தரும் முனைப்புகள் கூடுதல் வேகத்தில் தொடர்ந்திடும் !! வேற வழியே தெரியலை - அவற்றை விற்றிட ! பேரீச்சம்பழத்துக்கு போடுவதற்குப் பதிலாய் பிள்ளைகளின் வாசிப்புகளுக்கு அவற்றை உரமாக்கிடவே தீர்மானித்துள்ளோம் ! So உலகத் தொலைக்காட்சிகளில் முதன்முறையாக சில hardbound புக்ஸ் கூட ஐம்பதுக்கோ, அறுபதுக்கோ கூவி விற்கப்படும் அரிய காட்சிகளைக் கண்டு மிரண்டு விடாதீர்கள் folks !!  
7. இன்னமும், 13 வருஷங்களின் மறுவருகைக்குப் பின்னேயும் "காமிக்சா ?? இதுலாம் இன்னமும் வருதா ??" என்ற கேள்விகளிலிருந்து ஒருபோதும் தப்பிக்க முடியாது போலும் ! விற்பனைகளில் பிரதிபலிக்கின்றனவோ, இல்லையோ - விளம்பரங்களை விடாப்பிடியாய் செய்து கொண்டே செல்ல வேண்டும் போலும் !! 

So நிறைய சொன்ன கதைகளோடு, சில சொல்லாத கதைகளோடு, சில புது ஞானங்களோடு, பல புரிதல்களோடு இந்தாண்டின் புத்தக விழாவினை நினைவுகளின் பேழைகளுக்குள் பத்திரப்படுத்திட ரெடியாகி விட்டோம் ! For sure - இந்தப் 16 நாள் திருவிழா நிரம்பவே விதங்களில் நம்மைப் பக்குவப்படுத்தியுள்ளது !! காமிக்ஸ் வாசிப்பு மரிக்கவில்லை ; மரிக்கவும் செய்யாது - அதனைத் தழைத்திட முறையான உரமிட்டுக் கொண்டிருந்தாலே போதும் என்பதை இந்த நம்பர்களும், ரெகார்ட் ஏற்படுத்தியுள்ள விற்பனைகளும் நிரூபிக்கின்றன !! இந்த வெற்றியினை கொண்டாட ஒரு ஸ்பெஷல் இதழினை திட்டமிடும் அதே தருணத்தில், முன்செல்லும் பாதைக்குமே ஒரு தரமான blueprint போடும் பொறுப்பு காத்திருப்பதுமே புரிகிறது !! தோள் கொடுங்கள் காமிக்ஸ் Mayflower முன்னோடிகளே ; எல்லாமே சாத்தியமே உங்களின் அண்மையில் !!

Bye all...See you around !! And thanks for the patience !! 🙏🙏🙏 Have a great week ahead !!

சுபம் !!

குட்டீஸ் புராணமும், ஒரு குட்டிப் பதிவும் !!

 நண்பர்களே,

வணக்கம். ஜனவரியும் பாதி முடியப் போகிறதென்பதை உணர்த்த வீதியெங்கும் இறைந்து கிடைக்கும் கரும்புக் கட்டுக்களும், மஞ்சள் கிழங்குகளும் போதாதா என்ன - ஒரு ரகளையான தைப்பொங்கலுக்கு இப்போதே வியாபாரிகள் டிரெய்லர் போட ஆரம்பித்து விட்டார்களே !! 

And சென்னைப் புத்தக விழாவும் இதோ, இன்றோடு (Sunday) நிறைவு காணவுள்ளது ! விழாவின் மூன்றாவது சனியான நேற்றைக்கெல்லாம் சும்மா தெறி சேல்ஸ் & ராத்திரிக்கு அவசரம்-அவசரமாய் மாயாவியாரும், தலயும், லக்கி லூக்கும் பார்சலுக்குள் ஐக்கியமாகி சென்னைக்குப் பறக்க வேண்டிப் போயுள்ளது !! விழா முடித்து நம்மாட்கள் பொங்கலன்று ஊர் திரும்பிய பிற்பாடு தான் actual sales நிகழ்ந்துள்ளது எவற்றிலெல்லாம் என்பது புரியும் ; ஆனால் இந்த நொடியில் ஒற்றை சமாச்சாரம் தெள்ளத்தெளிவுங்கோ and அது தான் "பாதாள நகரம்" (மாயாவி) அநேகமாய் இந்தாண்டின் bestseller பட்டியலில் முதலிடத்தில் இருக்குமென்ற சமாச்சாரம் ! இது வரைக்கும் "ஒன்ஸ் மோர் ; ஒன்ஸ் மோர்" என பந்தியில் மறுக்கா, மறுக்கா கோரப்படும் காலிபிளவர் ரோஸ்ட்டைப் போல இந்த மாயாவியார் சென்னைக்குப் புசுக்குப் புசுக்கென்று பயணமாகிக் கொண்டே இருந்துள்ளார் ! So செவ்வாயன்று சொல்கிறேன் - டுப்பாக்கி நீட்டி நிற்கும் மாயாவி மாம்ஸ் எம்புட்டுப் பெரிய மார்ஜினில் வெற்றிக் கொடி நாட்டியுள்ளாரென்பதை !! Phewwwwwww !! 

But இந்தப் புத்தக விழாவின் மெய்யான அதிரடிகள் - குட்டீஸ்களுக்கான அந்த 6 புக்ஸ் + கபிஷ் தான் என்று சொன்னால் அது மிகையல்ல ! நடு நடுவே அவகாசம் கிட்டும் சொற்ப சந்தர்ப்பங்களில், அந்த புக்ஸை செம அற்புதமான ஆர்வங்களோடு ரசித்திடும் குட்டீஸ்களின் போட்டோக்களை நம்மாட்கள் அனுப்பியிருந்ததை வாட்சப் கம்யூனிட்டியில் பகிர்ந்திருந்தேன் தான் ; ஆனால் வார்த்தைகளைத் தாண்டியதொரு தாக்கத்தினை இம்முறை உணர முடிந்துள்ளது ! Oh yes - நமது ஸ்டாலுக்கு வந்த ஒவ்வொரு குட்டியின் கையிலும் காசு மட்டும் இருந்திருப்பின், ஓராயிரம் "கதை சொல்லும் காமிக்ஸ்" செம ஈஸியாய் விற்றுத்தள்ளியிருக்கும் தான் ! ஆனால், யதார்த்தம் அதுவல்ல எனும் போது, அழைத்து வரும் பெற்றோரின் தயவினை நாடியே அவர்களிருப்பதை பார்க்க முடிந்தது ! "நீயெல்லாம் இதை படிக்க மாட்டே ; இதெல்லாம் உனக்குப் படிக்கத் தெரியாது !" என்றபடிக்கே கண்ணெல்லாம் ஏக்கம் நிறைந்த பிள்ளைகளை இழுத்துப் போன பெற்றோரை நிறையவே பார்க்க முடிந்தது ! அதே சமயம் பிள்ளைகளோடு சேர்ந்து தாமும் இந்தக் குட்டீஸ் புக்ஸைப் புரட்டி, ரசித்து, கணிசமாக வாங்கித் தந்த பெற்றோருமே எக்கச்சக்கம் ! 

கதை சொல்லும் காமிக்ஸ் : சந்தேகமின்றி, இது ஜூனியர் எடிட்டரின் முன்னெடுப்பே ! கதைத்தேர்விலிருந்து, திட்டமிடலிலிருந்து, ஆங்கில மொழியாக்கம் வரைக்கும் சகலமும் விக்ரம் தான் ! In fact இதனை "மொழியாக்கம்" என்று சொல்வது தான் மிகச் சரி - becos ஒரிஜினலில் ஒற்றைத் துளி வசனம் கூடக் கிடையாது ! படங்களாய் ; வெறும் படங்களாய் நகர்ந்து சென்றிடும் இந்த சித்திரக் கோர்வைக்கு வசனங்களை முழுசுமாய் தந்திட வேண்டியது நமது பொறுப்பே ! And அதனை இங்கிலீஷில் ஜூனியர் அமைத்துத் தர, தமிழில் மொழிமாற்றம் செய்திடும் எனது பணி செம சுலபமாகிப் போச்சு ! இதே பாணியில் "பீன்ஸ்கொடியில் ஜாக்" ; "எல்லாம் அழகே" ; "வெண்பனி இளவரசி" என்றெல்லாம் நாலைந்து புக்ஸ் நாம் முன்னேவே வெளியிட்டிருந்தோம் தான் ; but அவை இந்த அழகில் அமையவுமில்லை ; இந்தத் தாக்கத்தினை ஏற்படுத்தவுமில்லை ! அந்த மட்டுக்கு அதனை ஒட்டு மொத்தமாய் மூளை சேர்க்காது, reboot செய்திட முனைந்தோமே என்ற மகிழ்வு எனக்கு ! பார்க்கணும் - இங்கிலீஷில் விற்பனை எவ்விதம் இருந்துள்ளதென்பதை ; அதைப் பொறுத்தே இந்த ஆங்கிலப் பதிப்புகளின் தலையெழுத்தை நிர்ணயித்தாக வேண்டும் ! இந்த ஒற்றை விழாவில் மட்டுமே என்றில்லாது, தொடரவுள்ள திருப்பூர், திருநெல்வேலி - போன்ற Tier 2 நகர்களிலுமே ஆங்கில புக்ஸ் போணியாகின்றனவா ? என்று பார்த்த பிற்பாடு - we'll take a call - தமிழ் மட்டுமே போதுமா ? அல்லாங்காட்டி இதே போல இருமொழிக் கொள்கை தொடரலாமா ? என்பது குறித்து !! 

And சென்னையைப் பொறுத்தவரைக்கும் "அலிபாபா" தான் இந்த குட்டீஸ் புக்சில் முன்னணி !! 

இப்போதைக்கு இவற்றை வாங்கியிருக்கா நண்பர்கள் - பிறந்தநாள் பரிசுகளாய், நூலகங்களுக்கான அன்பளிப்புகளாய் ; உங்களது அபார்ட்மெண்ட்களில் உள்ள வாசிப்பு அறைக்கொரு அறிமுகமாய் இவற்றை பயன்படுத்திட விழைந்தால் ஒரு புதுத்தலைமுறைக்கான விதைகளை நட்டிடும் பெருமை உங்களதாகி விடும் ! இவற்றை ரசித்துப் பழகும் சிறார்கள்  பின்னாட்களில் ரொம்பவே சுலபமாய் ஒரு பொம்ம புக் உலகுக்குள் உலா போக தயாராகி விடுவார்கள் என்று நம்பிடலாம் ! So வீட்டுக்கொரு மரம் நடுவது போல, இயன்ற மட்டுக்கு இவற்றையோ, கபிஷையோ ஒரு சுட்டியின் கைகளுக்குச் சென்றடைய உதவிடலாமே folks - ப்ளீஸ் ?

To make it easier - கதை சொல்லும் காமிக்ஸ் - இங்கிலீஷ் + தமிழ் மட்டும் வாங்கிடும் நண்பர்களுக்கு கூரியர் கட்டணமின்றி அனுப்பிடலாம் !! Please note : கதை சொல்லும் காமிக்ஸ் இதழ்கள் மட்டுமே உள்ள ஆர்டர்களுக்கு தான் இந்த சலுகை !!

Moving on, இம்மாதத்து கி.நா. குறித்ததொரு ஒப்புதல் வாக்குமூலம் தந்தே தீரணும் ! நிறையவே கோக்கு மாக்கான கதைகளை முயற்சித்துள்ளோம் தான் ; ஏதேதோ இடியாப்பச் சிக்கல் கதைக்களங்களுக்குள் வண்டியை விட்டிருக்கிறோம் தான் ! And அவற்றின் பின்னணிகளை ; கதாசிரியரின் கற்பனைகளின் அடித்தளங்களை தக்கி முக்கியாவது கண்டு பிடித்திருப்போம் தான் ! ஆனால் முதன்முறையாக பெ பெ பெ என முழிப்பது  மட்டுமே சாத்தியமானது - "மூன்றாம் தினம்" ஆல்பத்தினை மொழிபெயர்த்த வேளையினில் ! Oh yes - இயன்றமட்டும் இணையத்தில் தேடினேன் தான் - இந்தக் கதைக்கான சிறு clue வாச்சும் கிடைக்கிறதா ? என்றபடிக்கு ! ஊஹூம் ....என் கண்ணில் எதுவும் தட்டுப்படவில்லை தான் ! காசிமேடு மீன்மார்க்கெட்டில் குவிந்து கிடக்கும் ஆக்டொபஸ்கள் போலான அந்தப் பாதாள ஜந்துக்கள் (???) இருதயங்களை பிய்த்தெடுப்பது போல் காட்டியுள்ளனர் ; அப்பாலிக்கா அந்த மனுஷர்கள் கைதிகளாகவும் பிணைக்கப்பட்டுக் கிடக்கின்றனர் ! யார் - யாரை போட்டுத் தள்ளுறாங்க ? யார்-யார் கட்சி ? ஊஹூம்....சுத்தமாய் புரியலை ! நம்ம கோவை கவிஞர் வசம் இதற்கான கோனார் நோட்ஸ் இருக்கிறது போல பின்னூட்டங்களில் போட்டுத் தாக்கி இருந்தார் ! ஏற்கனவே சிதறிக் கிடக்கும் மயிர்கற்றைகளுக்கு இன்னும் கொஞ்சம் சேதாரம் ஆனாலும் பரால்லே - என நாம் நினைக்கும் பட்சத்தில் செய்யுளாகவோ, உரைநடையிலோ, கவிதையிலோ நம்மாளிடம் பொழிப்புரை கேட்கலாம் தான் !! நேக்குலாம் கேசத்தினை எண்ணிப் பெருசா கவலைப்பட அவசியங்கள் நஹி என்பதால் தகிரியமாய் மார்கழி கச்சேரிகளைக் கேட்கும் வேகத்தில் ரெடியாகிடுவேன் !  மைதீன் - அந்த அங்கவஸ்திரத்தைப் பார்த்தியாப்பா ?

ஜனவரிக்கொரு டாட்டா சொல்லி விட்டு ஆண்டின் இரண்டாம் மாதத்தை நோக்கி அடியேனும், ஆபீசும் பயணம் பண்ணி வருகிறோம் ! And சில மாதங்களுக்கு முன்பாய் அறிமுகமாகி, செமத்தியாக score செய்திருந்த அந்த குட்டை-நெட்டை டிடெக்டிவ் ஜோடியான ஸ்பூன் & ஒயிட் பிப்ரவரியினை கலகலக்கச் செய்யக் காத்துள்ளனர் !! டின்டின் மொழிபெயர்ப்பினை முடித்த கையோடு இன்றைக்கு இந்தக் கூத்துக்குள் புகுந்திட வேணும் !!

Before I sign out - ஒன் கேள்வி ! மே மாத ஆன்லைன் விழாவினில் 1 டெக்ஸ் புத்தம் புது குண்டு புக் உறுதியாச்சு ! Next என்னவென்ற கேள்வி ! So நீங்கள் பார்க்க பெரிதும் விரும்பும் ஒற்றை புக் பற்றிச் சொல்லுங்களேன் folks - இயன்றதை அவசியம் பரிசீலிப்போம் !! 

முன்கூட்டிய பொங்கல் நல்வாழ்த்துக்கள் all - சென்னை விற்பனைத் தகவல்கள் கைக்கு வந்த பின்னே ஒரு பதிவோடு விடுமுறைகளில் போது ஆஜராகிடுகிறேன் !! And சென்னை விழாவின் கடைசி நாளான இன்றைக்கு செம ஆர்வத்தோடு காத்திருப்போம் - final sales number என்னவாக இருக்குமென்று அறிந்திட ! நேற்றைக்கு ஓடிய அதே அளவுக்கு இன்றைக்கும் விற்பனைகள் நிகழும் பட்சத்தில் ஒரு புத்தம் புதிய ரெக்கார்டை செட் பண்ணியிருப்போம் !! நமக்காக வேண்டிக்கொள்ளுங்கள் folks !!

Bye all....see you around ! Have a fun Sunday !!

P.S : சந்தா நினைவூட்டலுமே மக்களே !!

The பதிவு !

  நண்பர்களே,

வணக்கம். ஏதோ ஒரு தூரத்துப் பொழுதாய் தோன்றுகிறது- ஜனவரியின் ரெகுலர் சந்தாத் தட இதழ்களை டெஸ்பாட்ச் செய்ததெல்லாமே! தொடர்ந்த பொழுதுகளில் ஒரு டஜன் சென்னை மேளா ஸ்பெஷல்கள் ; புத்தாண்டின் பதிவு ; சென்னைப் புத்தகவிழா விசிட்; விற்பனையிலும், சந்தாத் தொகை வசூ­லும் ஒரு புது உச்சம் கண்ட நாள் - என்று ஏதேதோ நிகழ்ந்திருக்க, ஜனவரியின் மெயின் பிக்சர்கள் தியேட்டரி­ருந்து நடையைக் கட்டி OTT-க்கு நகர்ந்துவிட்டது போல் மனசுக்குள் ஒரு பீலிங்கு! வாண வேடிக்கைகளும், கரகாட்ட, ஒயிலாட்டங்களும், கவனங்களை ஈர்த்தாலும், ஊர்வலம் வந்த "தல'; "தளபதி' & மாயாத்மாவை அத்தனை சுலபத்தில் லூசில் விட்டு விட முடியாதல்லவா? So இந்தத் (தாமதப்) பதிவின் மூலமாய், ஒளிவட்டத்தை தாமதமாகவேணும் ரெகுலர் தட ஜாம்பவான்கள் மீது பாய்ச்சலாமா? folks?

தி தளபதி!

சந்தேகமின்றி ஜனவரியின் உச்ச நாயகர் இவரே! And சென்னைப் புத்தகவிழாவின் விற்பனைகளிலும் இளம் தளபதியார் ரவுண்டு கட்டி அடித்துக் கொண்டிருக்கிறார் தான்! Yet - இதுவரையிலும் இந்த டபுள் ஆல்ப சாகஸத்திற்குள் புகுந்திட நம்மில் பலருக்கும் நேரம் வாய்த்திருக்கவில்லையோ என்னவோ- பெரிசாய் அலசல்கள் எதையும் காணோம்! அட, ""தங்கத் தலைவன்''என்று தோளில் தூக்கித் திரியும் சங்கத்தினர் கூட கும்பமேளாவிற்குப் புறப்படும் முஸ்தீபுகளில் பிஸியோ என்னவோ- பேச்சு மூச்சையே காணோம்! ஒரு வேளை பாயாச அண்டாவை கழுவும் மும்முரமாகவும் இருக்கலாம் தான்!

The கதை:

Of course இந்த வடக்கு vs தெற்கு உள்நாட்டு யுத்தமே இங்கேயும் தொடர்ந்திடும் கதைக்களம்! ஆனால், இந்தவாட்டி ஏழு கடல்களுக்கும், ஏழு ஏரிகளுக்கும் பின்னே போய் கதை மாந்தர்களை நினைவுபடுத்திக் கொள்ளும் அவசியங்களெல்லாம் இல்லை! "பரபர'வென ஓட்டமெடுக்கும் செம crisp storyline! So இதற்கென வாகாய் நேரத்தை ஒதுக்கிவிட்டுத் தான் படிக்க ஆரம்பிக்கணும் என்ற கட்டாயங்களுக்கு இங்கே அவசியமிராது!! பொம்ம பார்த்ததோடு புக்கை தலைமாட்டில் வைத்திருக்கும் சங்கத்தினரே : கிடைக்கும் முதல் வாய்ப்பினில் வாசிப்பைத் துவக்க மட்டும் செய்தீர்களேயானால்- இளம் தட்டைமூக்கார் உங்களைக் கையைப் பிடிச்சு இழுத்துச் சென்றுவிடுவார் அந்த யுத்த பூமிக்குள்! இரண்டே பாகங்கள் தான் என்பதும் ஒரு added advantage - முத்து காமிக்ஸின் இந்த மைல்கல் இதழுக்கு நியாயம் செய்திட!

மொத்தம் 21 ஆல்பங்கள் கொண்ட இந்த இளம் டைகர் தொடரினில் நாம் தற்சமயம் முடித்திருப்பது ஆல்பம் 15..! அடுத்துமே டபுள் அத்தியாய சாகஸம் காத்திருப்பதால்- 2026-ல் கூட இதே போலொரு ஆல்பத்தைப் போட்டால் # 16 & 17-ஐ பூர்த்தி செய்துவிடலாம்! அப்பாலிக்கா maybe- ஒரே நான்கு பாக ஆல்பத்தோடு 2027-ஐ சந்தித்தால் மொத்தமாய் டைகர் கதைகளுக்கு ஒரு சுபம் போட்டுவிடலாம்! அதன் பின்பாய் ஒற்றை ஆல்பத்தோடு ஐந்தாறு ஆண்டுகளாய் தொங்க­லில் நின்று வரும் புதியதொரு டைகர் சுற்றை படைப்பாளிகள் தொடர்ந்தால் தானுண்டு! So "ஒரு கொடூரனும், கடற்கன்னியும்'' இதழானது உங்கள் வாசிப்புப் பொழுதினை எடுத்துக் கொள்ள சீக்கிரமே அனுமதியுங்களேன் folks?

The சித்திரங்கள் & The கலரிங் & The அச்சு:

இந்த ஆல்பத்தைத் திறக்கும் நொடியிலேயே அதன் சித்திர ஜாலம் புலனாகிடும்- அந்த இரட்டைப் பக்கத்து கோட்டோவியத்தின் புண்ணியத்தில்! And உட்பக்கங்களுக்குள் புகுந்தால் சித்திர ஜாலங்கள் மூச்சிரைக்கச் செய்வது உறுதி! 

இங்கொரு கொசுறுத் தகவல் :

இந்த ஆல்பத்தினை அமர்க்களப்படுத்தியுள்ள ஓவியர் Michal Blanc-Dumont தான் ஜானதன் கார்ட்லேண்டின் ஜடாமுடி அவதாரின் ஓவியருமே! ("குளிர்காலக் குற்றங்கள்'' ஞாபகமிருக்குதா மக்களே? ஆத்தீ.. என்னாவொரு அடி!!!) And தனது 59-வது வயதிலேயே மரித்துப் போன இவரது மனைவி க்ளாடீன் தான் இந்த ஆல்பத்தின் வண்ணச் சேர்க்கைகளின் ஆற்றலாளர்! பளீரென்று அறையாத வண்ணங்களில் ஜாலம் செய்திருக்கிறார்! ஒரு உதாரணமாய் பக்கம் 95-ஐ சொல்லுவேன்! மழை கொட்டும் இருண்ட வானமும், குதிரையில் வரும் கர்லின­ன் கோட்டும் கிட்டத்தட்ட ஒரே வர்ணத்தில் இருந்தாலும் அழகாய் வேறுபடுத்திக் காட்டியிருப்பார்! அதே போல குதிரை, செம்மண் தரை- என சகலமும் ஒரே பிரவுண் என்றாலும் லாவகமான கலரிங்கில், காலுக்குள் ஓடும் மழை நீரை......குதிரையின் கால்களை அழகாய் highlight செய்திருப்பார்! தலைகீழாய் நின்று தண்ணீர் குடித்தாலும் இந்த கலரிங் வித்தைகளில் நம்மவர்களால் படைப்பாளிகளை லேசு பாசாகக் கூட எட்டிப்பிடிக்க முடியவில்லை என்பது தான் யதார்த்தம் !

And இந்த இதழின் இன்னொரு highlight அச்சில் கிட்டியுள்ள துல்லியத்தைத் தான் சொல்வேன்! பொதுவாக லக்கி லூக், டெக்ஸ் போன்ற ஆல்பங்களில் பளீர்- பளீரென்ற வர்ணங்கள் மேலோங்கியிருப்பது வாடிக்கை! அவற்றை அச்சிடுவது செம சுலபமும் கூட! ஆனால், இந்த இளம் டைகர் ஆல்பத்திலுள்ள போலான pastel shades பிரதானமாய் கொண்ட சித்திரங்களை பிசிறின்றி ப்ரிண்ட் பண்ணுவது விளையாட்டுக் காரியமே லேது! கொஞ்சமாய் மசி கூடிவிட்டால் கூட கலரிங்ஓவியரின் அந்த நுணுக்கங்கள் காணாமல் போய்விடும் ஆபத்துண்டு! So இந்த இதழின் ரம்யத்துக்குப் பாடுபட்ட படைப்பாளிகள் அளவுக்கு இல்லாவிடினும், ஒரு 20 சகவிகிதமாவது ப்ரிண்டிங்குக்கு பாராட்டுக்களைத் தந்தால் தப்பில்லை என்பேன்!

இந்த racy டபுள் ஆல்பத்துக்கு நான் தரும் மார்க்குகள் 8/10. உங்களது ரேட்டிங்ஸ் ப்ளீஸ் லேடீஸ் & ஜென்டில்மேன் ? 

The 'தல' story - அதாவது அம்மணி பெர்ல் ஹார்ட்டின் ஸ்டோரி :

இம்மாத டெக்ஸ் சாகசமும் இன்னமும் பரவலாய் அலசப்படவில்லை தான் ! மூப்பின் தாக்கமோ என்னவோ - பாயாசப் பார்ட்டிகளுக்கு ஆயாசம் இப்போதெல்லாம் மேலோங்கிடுகிறது ! அடுப்பைப் பற்ற வைக்கக்கூட 'தம்' காணோம் சமீப மாதங்களில் ! மாறாக அந்நாட்களில் செம தம்மோடும், தில்லோடும் மெய்யாலுமே உலவி வந்ததொரு வன்மேற்கின் நிஜப் பெண்மணியின் வரலாறு கலந்த "இளமை எனும் பூங்காற்று" செம breezy read ! எப்போதுமே அந்தப் பரிச்சயமான இத்தாலிய b & w பாணியில் தான் டெக்ஸ் பயணிப்பது வழக்கம். ஆனால் ஐரோப்பிய ஜாம்பவான்களுள் ஒருவரான நாம் அந்த பிராங்கோ-பெல்ஜிய பாணிகளிலும் நம்மவரை உலவச் செய்தாலென்ன ? என்று போனெல்லி யோசித்ததன் பலனாய் உதித்ததே TEX கிராபிக் நாவல் தனித்தடம் ! ஆண்டுக்கு ஒன்றோ-இரண்டோ ஆல்பங்களை மட்டும் வித்தியாசமான சித்திர அமைப்பில் ; page setting-ல் ; மாறுபட்ட கதைக்களங்களோடு புதுப்புது ஓவியர்களின் கைவண்ணங்களில் இந்தத் தனித்தடத்தில் களமிறக்கி விடுகின்றனர் ! அதிலொன்று தான் PEARL என்ற பெயரில் அங்கு வெளியான இந்த ஆல்பம் ! சர்வ நிச்சயமாய் இது மாமூலான டெக்ஸ் பாணி அல்ல தான் ! So எப்போதுமான template இங்கு இராது ! மாறாக - டெக்சின் ஒட்டு மொத்த சரித்திரத்தையும் முற்றிலும் புது வார்ப்பில் படைக்கப் பிரயத்தனம் மேற்கொண்டு வரும் மௌரோ போசெல்லி அவர்களின் லாவகத்தில், ஒரு வரலாற்று ஆளுமையுடன் டெக்ஸ் & கார்சன் பயணிப்பது போலாக கதை படைக்கப்பட்டுள்ளது ! And அந்த அம்மணியை நல்லவர் - வல்லவர் என்றெல்லாம் சித்தரிக்க முனையாது, பாதை தவறிப் போனதொரு காரிகையாகவே காட்டியிருப்பது தான் போசெல்லியின் touch என்பேன் ! நிஜத்தைச் சொல்வதானால் இந்த ஆல்பத்தை தேர்வு செய்த சமயத்தில் எனக்கு இதுவொரு வரலாற்றுச் சம்பவம் சார்ந்த கதை என்பது தெரியாது தான் ; கலாமிட்டி ஜேன் போலான ஆல்பமாக இருக்கும் என்றே நினைத்திருந்தேன். But கதையினூடே பணியாற்றும் வேளையில் தான் சம்பவக்கோர்வைகள் இதுவொரு நிஜ சமாச்சாரமாய் இருக்குமோ ? என்ற கேள்வியினை உள்ளுக்குள் எழுப்பியது ! கூகுள் சாரிடம் விபரம் கேட்ட நொடியில் புட்டுப் புட்டு வைத்து விட்டார் ! இங்கே கதாசிரியருக்கு செம tough தந்து கொண்டிருப்பவர் ஓவியை லாரா சுக்கேரி தான் ! ஜூலியா தொடரில் பணியாற்றியுள்ள பெண்மணி இவர் ! Maybe ஒரு பெண் முன்னிலை வகிக்கும் இந்த ஆல்பத்துக்கு ஒரு பெண்ணே தூரிகை பிடித்தால் பொருத்தமாக இருக்குமென்று போனெல்லியும், போசெல்லியும் நினைத்தார்களோ - என்னவோ, வாய்ப்பு இவருக்கு வழங்கப்பட்டுள்ளது ! And கிட்டியுள்ள சந்தர்ப்பத்தை அற்புதமாய் பயன்படுத்தியுள்ளார் அம்மணி ! துவக்கத்தில் வரும் அந்த இரவுத் தேடல்கள், பாலைவனப் பின்னணிகள் ; நகர்ப்புற சித்திரங்கள் ; long shots என்று ஜமாய்த்திருக்கிறார் ! 

அவருக்கு நான் துளியும் சளைத்தவளில்லை என கலரிங்கில் வூடு கட்டி அடித்துள்ள ஆர்டிஸ்டுமே ஒரு பெண்மணி தான் ! இதோ இருக்கிறார் லியோனி அன்னலிசா !

So டெக்ஸ் தொடரின் பன்முகத்தன்மைக்கொரு உதாரணமாய் மினுமினுக்கும் இந்த "இளமை எனும் பூங்காற்று" ஆல்பத்துக்கு நான் கொடுப்பது 7/10. உங்களது ரேட்டிங்ஸ் மக்களே ?

The வேதாள மாயாத்மா !

இரண்டு கதைகள் கொண்ட V காமிக்சின் ஆண்டுமலர் ரெடியாகும் போதே எனக்குத் தெரியும் - முதல் கதை அழகாய் சிலாகிக்கப்படும் & இரண்டாவது கதை அற்புதமாய் மொத்து வாங்கித்தரும் என்பது ! முன்னது ஓவிய ஜாம்பவானான Sy Barry அவர்களின் கைவண்ணத்தில் ; பிதாமகர் Lee Falk-ன் கதையுடன் 1977-ல் உருவான கிளாசிக் சாகசம் ! நம்மில் பலருக்கும் 'இவர் தான் வேதாள மாயாத்மா' என்ற எண்ணத்தினை அழுந்தப் பதிவு செய்திட Sy Barry அவர்களின் சித்திரங்கள் ரொம்பவே உதவியிருப்பதால் இந்தக் கதை அனைவருக்குமே பிடித்திருக்கும் என்பது திண்ணம். "கீழ்த்திசை சூனியம்" என்ற பெயரில் முத்து காமிக்சில் black & white-ல் வெளியான இந்த ஆல்பத்துக்கு நிலஞ்சன் சைய்யத் என்ற டிஜிட்டல் ஓவியர் அழகாய் வர்ணங்கள் சேர்த்துள்ளார் !

அதே சமயம் இந்த ஆல்பத்தின் இரண்டாவது கதையாக வந்துள்ளதோ - பிதாமகர் Lee Falk-ன் மறைவுக்குப் பின்பாய் ஓவியப் பொறுப்புகளை கவனித்து வந்த ஜார்ஜ் ஓல்சன் + கீத் வில்லியம்ஸ் என்ற டீமின் கைவண்ணத்தில் உருவான சாகசம் !! 1999-ல் உருவான இந்தக்கதைக்கு King Features நிறுவனத்தினரே வர்ணங்களும் தீட்டியிருந்தனர் ! இம்மி பிசகினாலும் நெற்றிக்கண் திறக்கும் நக்கீரர்களான நமக்கு இந்த புதிய டீமின் படைப்புகள் சுர்ரென்று கடுப்பேற்றும் என்பது சித்திரங்களை பார்த்த போதே புரிந்தது ! But மலையாளத்தில், ஹிந்தியில், என்று வேதாளரை வெளியிடும் பதிப்பகங்கள் நம்மைப் போல Sy Barry தவிர்த்த கதைகளையும் ஜாலியாய் வெளியிட்டு வரும் நிலையில், இந்தக் கதை வந்து சேர்ந்த போது நம்மால் ஏதும் செய்திட இயலவில்லை ! But கதை decent ஆனதொன்று என்பதால் வண்டி ஓடி விடும் என்று நம்புவதைத் தவிர, வேறு வழி இருக்கவில்லை ! So கொஞ்சம் பார்த்து பண்ணுங்க மொதலாளீஸ் !!

இந்த டபுள் ஆல்பத்துக்கு நான் தரும் மார்க்குகள் 6.5/10. உங்களது ரேட்டிங்ஸ் ப்ளீஸ் லேடீஸ் & ஜென்டில்மேன் ? 

ஆக, ஜனவரியின் ரெகுலர் இதழ்களுக்கு உங்களின் அலசல்களை சீக்கிரமே தர முனைவீர்களெனில் நாங்க ஹேப்பி அண்ணாச்சி ! And இன்னமும் சந்தாவில் இணைந்திருக்கா நண்பர்களுக்கு உட்புகுந்திட உங்களின் அலசல்கள் பெரும் உந்துகோல்களாக இருக்கும் folks !! 

நடப்புச் சந்தாவில் மொத்தமே 11 LITE சந்தாக்கள் தவிர்த்து பாக்கி சகலமும் ரெகுலர் - முழு package க்கே 'ஜெ' போட்டுள்ளனர் ! And இம்முறை பரவலாய் புது நண்பர்களும் சந்தா எக்ஸ்பிரஸில் இணைந்திருப்பதை செம குஷியாய் ரசித்து வருகிறோம். இன்னமும் இடம்பிடித்திடவுள்ள அந்த 20% நண்பர்களும் சீக்கிரமே ஜோதியில் ஐக்கியமாகி விட்டால் இந்தாண்டின் கேக் மீதொரு  செர்ரி பழத்தைப் பதித்த திருப்தி கிட்டிடும் ! காத்திருப்போம் நண்பர்களே !!

The சென்னை புத்தக விழா நியூஸ் : 

எப்போதுமே சென்னை நம்மை "போடா வெண்ணெய் " என்று சொன்னதே கிடையாது & இந்தாண்டும் அதற்கொரு விதிவிலக்கல்ல ! In fact நான் சென்னையில் தலை காட்டிய ஜனவரி 4 தேதி - நமக்கொரு புதிய ரெகார்ட் அடித்த தினமும் கூட ! சந்தாத் தொகை + விற்பனை என அன்றிரவு சாத்தியமான நம்பர் புனித மனிடோவின் கொடையன்றி வேறெதுவும் அல்ல என்பேன் - was simply magnificient !! இதில் கூத்து என்னவென்றால், பிரித்து மேயும் கூட்டமோ, நிற்க முடியாத நெரிசல் என்றோ நாம் ஸ்டாலில் இருக்கவில்லை நான் பார்த்தவரையிலும் ! ஆனால் ஸ்டெடியாக வாசக வருகை + அற்புதமான புக்ஸ் அள்ளல் + நமது variety தந்திடும் வாய்ப்புகள் ஒன்றிணைந்து அன்றைய பொழுதினை இஸ்திரியில் ஒரு தினமாக்கி விட்டது !! Thanks a million all ....உங்களின் வாழ்த்துக்களும், அன்பும் நம்மை உந்திக் கொண்டு சொல்வதெல்லாம் நிச்சயமாய் ஒரு அற்புதக்கனவாகவே தொடர்ந்திடுகிறது !! இவ்வார இறுதியில் புத்தக விழா முற்றுப் பெற்ற பின்பாய் - மொத்தமாய் விற்பனை சார்ந்த தகவல்களை எப்போதும் போல் பகிர்ந்திடுவேன் folks !! இப்போதைக்கான கொசுறு நியூஸ் மூன்றே மூன்று தான் :

1. பாதாள நகரம் & மும்மூர்த்தி ஸ்பெஷல் - அனல் பறக்கும் சேல்ஸ் !!
2. வேதாளர் - தெறிக்க விட்டுக் கொண்டுள்ளார் !!
3. TEX - 'தல' இன்றி தமிழ் காமிக்ஸ் இல்லை !!

And கதை சொல்லும் காமிக்ஸ் இதழ்கள் + கபிஷ் : குட்டீஸ்களை ஒட்டுமொத்தமாய் கட்டிப் போட்டு வருகின்றன !! அலிபாபாவையும், பட்டாணி இளவரசியையும், பன்றிக்குட்டிகளையும் அகல விரிந்த விழிகளோடு குட்டீஸ் ரசிக்கும் காட்சிகளே எனது இந்தாண்டு விழாவின் நீங்கா நினைவுகள் !! நம் மத்தியிலும் அவற்றை ரசித்தோர் இருப்பின், your அபிப்பிராயம்ஸ் ப்ளீஸ் !!  

Bye all...see you around ! Have a lovely week !!

புத்தாண்டும், புது அறிவிப்பும்...!!

 நண்பர்களே,

வணக்கம். உங்களுக்கும், உங்களவர்களுக்கும் உளமார்ந்த இனிய புத்தாண்டு நல்வாழ்த்துக்கள்! இந்த 2025 அற்புத நல்ஆரோக்கியத்தையும், மகிழ்ச்சியையும் இல்லம்தோறும் தங்குதடையின்றி விநியோகிக்க புனித மனிடோ அருள் புரிவாராக!!

ஆண்டின் முதல் நாள்.. ! டிசம்பர் 31-க்கும், ஜனவரி 2-க்கும் எவ்விதத்திலும் வேறுபட்டதில்லை என்றாலும் இந்த நாளில் மனசுக்குள் மானாவாரியாய் சூளுரைகளும், உயர் இலட்சியங்களும் அலையடிப்பது நிச்சயமாய் எனக்கு மட்டுமல்ல என்பேன்! So "நெதத்துக்கும் வாக்கிங் போயே தீருவேன்'; "செல்போனை ராவிலே பத்து மணிக்குலாம் ஆஃப் பண்ணிப்புடுவேன்' ; "Sy Barry தவிர்த்த மற்ற ஓவியர்களின் வேதாளர் கதைகள் நமக்கு வந்து சேர்ந்தால் அவற்றிற்கு ""டாட்டா.. குடுபை'' சொல்லி ­ விடுவேன்! ;' குண்டூடூடூடூவான கதைகளையெல்லாம் பிரிச்சுப் போட மாட்டேன்!' என்ற ரேஞ்சுக்கு இந்த வருஷமும் சூளுரைகளுக்குப் பஞ்சமே நஹி தான்! பச்சே - வருஷப்பிறப்பின் அந்த மினுமினுப்பு சற்றே மட்டுப்பட்ட பிற்பாடு - "அது நேத்திக்கு; இது இன்னிக்கு' என்ற ரீதியில் புத்தி மந்தியாய் சண்டித்தனம் செய்வது இந்தாண்டிலும் தொடரவுள்ளதா? என்பதைப் பொறுத்திருந்தே பார்த்தாகணும்!

Talking of ""குண்டூடூடூ புக்ஸ்''- நமது சமீப Magic Moments ஸ்பெஷல் பற்றிப் பேசிட இது வாகான தருணம் என்றேபடுகிறது! "டிசம்பரில் வெளியான இந்த 250 பக்க டெக்ஸ் சாகஸம் முற்றுப் பெறவில்லை; இதற்கு இரண்டாம் பாகமுள்ளது; அதையும் சேர்த்து வெளியிடாத தெய்வக் குற்றம் உன் சொட்டை மண்டையில் குந்திக் கிடக்குது!' என்ற ரீதியில் ஆங்காங்கே விசனங்கள் & விமர்சனங்களைப் பார்க்க முடிந்தது தான்! But எப்போதுமே ஒவ்வொரு நாணயத்துக்கும் மறுபக்கமென்று ஒரு சமாச்சாரம் இருப்பது போலவே இந்த விவகாரத்திற்கும் இன்னொரு முகமுண்டு! அதைப் பற்றிச் சொல்கிறேனே!

டெக்ஸின் இந்த மெக்ஸிகோ சிறைப்படலக் கதைக்கு நாம் ஆர்டர் செய்தது 2024-ன் ஆரம்பப் பகுதியினில்! So இதழ் வெளியானதற்கு எட்டோ- ஒன்பதோ மாதங்களுக்கு முன்பாய் நாம் தேர்வு செய்திருந்த கதையிது! அந்நேரத்தில் இந்தக் கதை பற்றியோ; கதையின் பரிமாணம் பற்றியோ பெருசாய் ஐடியா கிடையாது! "தல' மெக்ஸிக சிறையில் அடைபட்டுக் கிடப்பதாகவும், நண்பர் குளாம் அவரை மீட்பதாகவும் கதைச் சுருக்கம் சொன்னது! And கதையை வரவழைக்கவும் செஞ்சாச்சு! இதோ- நீங்கள் பார்த்திடுவது தான் நமக்கு வந்து சேர்ந்த கோப்புகளின் இறுதிப் பக்கம்! ""Fine de la Episodio'' என்று இத்தாலிய மொழியில் பக்கத்தின் இறுதியில் அச்சிடப்பட்டிருப்பதைப் பார்த்திடலாம். "இந்த எபிசோட் நிறைவுறுகிறது!'' என்று இதற்குப் பொருள்! 

பொதுவாய் கதை நீண்டு, தொடர்ந்திடும் பட்சத்தில், இதே இடத்தில் ""Continua'' என்று எழுதியிருப்பார்கள். And ஒவ்வொரு டெக்ஸ் சாகஸமும் கைக்கு வரும் நொடியில் நாம் கவனிப்பது பிரதானமாய் இதைத் தான் ! இந்த 250 பக்க ஆல்பத்தின் முடிவில் ""நிறைவுறுகிறது'' என்று போடப்பட்டிருக்க, இது மேற்கொண்டு தொடரக்கூடுமா? என்ற கேள்வியே ஆர்டர் செய்திருந்த 8 மாதங்களுக்கு முன்பான பொழுதினில் மனசில் எழவில்லை! வழக்கம் போல இத்தாலியன் to இங்கிலீஷ் மொழிபெயர்ப்பு- இத்தா­லியில் & தமிழ் மொழிபெயர்ப்பு இங்குள்ள நம் யுவதிகள் டீம்! அவர்களுமே எனக்கு "கதை தொங்க­லில் உள்ளது' என்பது போல தாக்கீது ஏதும் சொல்லி­டாததால் - we went ahead as always ! எடிட்டிங்கும் முடித்து, புக்கும் வெளிவந்தாச்சு!

அப்பா­லிக்கா தான் "அந்த மெக்ஸிக முள்ளங்கி மூக்கன்களை நெளிசல் எடுக்காமல் விட்டுப்புட்டாரே..?'' என்ற குரல்கள் கேட்கத் தொடங்கின! பொதுவாகவே மொன்டாலெஸ்; எல் மோரிஸ்கோ; கனேடிய சிகப்புச் சட்டைக் கர்னல் ஜிம் பிராண்டன் போன்ற ரெகுலர் கதாப்பாத்திரங்கள் இணைந்திடும் கதைகளுக்குப் பின்நாட்களில் எங்கேனும் ஒரு sequel இருப்பது வழக்கம். So இதற்குமே அவ்விதம் பின்னே எங்காவது ஒரு நீட்சியிருக்கும் என்றே நான் எண்ணியிருந்தேன்!

குறிப்பிட்டதொரு கதை முற்றுப் பெற்றுவிட்டதா? என்பதை டபுள் செக் பண்ணிட எப்போதுமே தொடரும் அடுத்த நம்பரிலான ஆல்பத்தின் ஓவியர் யாரென்பதைப் பார்ப்பதுண்டு! தொண்ணூறு சதவிகிதத் தருணங்களில் கதாசிரியர்களில் பெரும் மாற்றங்கள் இல்லாவிட்டாலும், ஓவியர்களில் changes இல்லாமல் போகவே போகாது! So அந்த ரீதியில் சரி பார்த்த வேளையில், Magic Moments ஸ்பெஷ­லில் வந்த கதைக்கு சித்திரங்கள்: Fusco & அடுத்த சாகசத்துக்கோ ஓவியர் "சிவிடெல்­லி" என்றிருக்க, "ரைட்டு.. இது அடுத்த சாகஸம்டோய் !' என்று எடுத்துக் கொண்டேன்! நான் பண்ணித்தொலைத்த பிழை, கொஞ்சம் மெனெக்கெட்டு அந்த அடுத்த இதழின் கதைச்சுருக்கத்தையும் வாசிக்காததே !! அதைச் செய்திருந்தால், கதை நீண்டு செல்வது புலனாகி இருக்கும் !!  

ஆக, இது தான் நடந்த குளறுபடியின் பின்னணி.ஆனால், போனெலி ­ இந்த நெடும் சாகஸத்தின் முதல் அத்தியாயத்தை ஒரு கதையாகவும், இறுதி சாகஸத்தை இன்னொரு கதையாகவும் உருவாக்கியிருப்பதை அப்புறமாய் தான் தெரிந்து கொள்ள முடிந்தது!

சரி, ரைட்டு.. WHAT NEXT ? 

அந்த இரண்டாம் அத்தியாயத்தை எங்கே? எப்போது வச்சுக்கலாம்? என்பது தானே அடுத்த கேள்வியாக இருக்க முடியும்?! இதோ- not so தொலைதூரத்தில் தென்படும் மே மாதத்தின் ஆன்லைன் புத்தக மேளாவின் முதல் இதழாக இந்த க்ளைமேக்ஸ் பாகத்தைப் போட்டுத் தாக்கிடலாமா folks? அதே 252 பக்கங்களுடன், அதே போல கலரில், அதே விலையில், - இந்த ""மெக்ஸிகோ மேஜிக் ஸ்பெஷல்'' ஆல்பத்தை தெறிக்க விட்டுப்புடலாமா?

வழக்கமாய் மே மாத மேளாவில் டெக்ஸ் மறுபதிப்புகளே கலரில் வந்திடுவதுண்டு. ஆனால், இந்த முறை "No மறுபதிப்ஸ் at all for ஆன்லைன் மேளா ; எல்லாமே புதுசு மட்டுமே !!'' என்ற எனது வாக்குறுதியை மீறுவதாக இல்லை! So இந்த க்ளைமேக்ஸ் ஆல்பம் அந்த May Online ஸ்லாட்டினுள் புகுந்துவிடும்! And இந்த நொடியில் சில பல மைண்ட்வாய்ஸ்களும் உரக்கவே ஒலி­ப்பதால் என் காதிலும் விழுந்து வைக்கிறது!

Mind voice # 1 : மே மாசம் வரை போவானேன்? அடுத்த மாசமே போடறதுக்கு என்ன கொள்ளை?

நடப்பாண்டின் சந்தாத் தடத்தில் விலகி வழி தரக் கூடிய விதத்தில் ரூ.350/ விலைகளில் புக்ஸ் ஏதுமில்லை folks! So "இது உள்ளே - அது வெளியே' என்ற மங்காத்தா ஆட்டத்துக்கு சாத்தியங்களில்லை! அதே போல இந்த க்ளைமேக்ஸ் பாகத்துக்கான கோப்புகள் இப்போது தான் வந்துள்ளன; 2 செட் மொழிபெயர்ப்புகள்; எடிட்டிங்; அட்டைப்படங்கள் - என ஒரு மண்டகப்படிப் பணிகள் இனிமேல் தான் ஆரம்பம் கண்டாக வேண்டும்! அவற்றை முடித்து உங்களிடம் ஒப்படைக்க மே மாதமென்றால் மூச்சு விட்டுக் கொள்ள ஏதுவாகயிருக்கும்!

Mind Voice # 2 : என்ன இருந்தாலும்- இது 504 பக்கக் கதைங்கிறதை நீ பார்த்திருக்கணும்வே ! தப்புப் பண்ணிட்டே... சொதப்பிட்டேவே ...! ஒரு பெரிய குண்டு புக் மிஸ் ஆகிப் போச்சுவே !

எனது பதில் ரொம்பவே சிம்பிள் folks! 

இது 504 பக்க சாகஸமென்பது மட்டும் முன்கூட்டியே எனக்குத் தெரிந்திருந்தால்- சுண்டுவிரலைக் கூட இந்தத் திக்கில் நீட்டியிருக்க மாட்டேன் என்பதே யதார்த்தம்! "Crisp வாசிப்பு - சுருக்கமான பக்கங்களில்'' என்பதையே சமீபத்தைய கோஷமாக்கி வரும் இந்நாட்களில் ""504'' என்ற நம்பரைப் பார்த்த நொடியிலேயே, விருதுநகர் புரோட்டா ஸ்டாலுக்குள் புகுந்த புரட்டாசி விரதக்காரனைப் போல தெறிச்சடித்து ஓடியிருப்பேன்! ரூ.750/ விலையில் இதனை ஒரே குண்டு ஆல்பமாய் மறுக்கா Supremo ஸ்பெஷல் பாணியில் முயற்சிக்கும் தைரியமும் சரி, முனைப்பும் சரி- இருந்திருக்கவே இராது! ஆக, இந்த நெடும் சாகஸத்தினை முயற்சிக்கும் ஆற்றல் நமக்குக் கிட்டியுள்ளதே- "2 தனித்தனி ஆல்பங்கள்'' என்ற குஷன் இருப்பதனால் தான்! இங்கே பஞ்சாயத்துக்கு இடமே நஹி நண்பர்களே ; ""252'' என்ற முட்டை தந்த தைரியத்தில் தான் மெக்ஸிகோ மேஜிக் என்ற கோழியே உலவிடத் துணிந்துள்ளது! So 'முதலில் வந்தது கோழியா ? முட்டையா ?' என்ற ஆராய்ச்சியே இங்கு தேவை நஹி  !!

ஆக, மே மாத மேளாவின் முதல் அறிவிப்பு - நான் "தம்' கட்டத் தேவையே இல்லாது சாத்தியமாகியுள்ளது! மீதம் எத்தனை இதழ்கள்? எந்த ஜான்ராக்கள்? எந்த விலைகளில் என்பதையெல்லாம் ஏப்ரலி­ன் இறுதியில் அல்லது மே மாதத்தின் துவக்கத்தில் பார்த்துக் கொள்வோமா? ஒன்று மட்டும் உறுதி folks - ஒவ்வொன்றும் ஒரு ரகமாய் ; புத்தம் புதுக் கதைகளாய் மினுமினுக்கப் போவது நிச்சயம் !

Moving on, சென்னைப் புத்தக விழா அனல் பறக்கச் செய்து கொண்டுள்ளது !! வழக்கம் போல மாயாவியார் போட்டுத் தாக்கிக் கொண்டிருந்தாலும், இம்முறை show stealers - நம்ம "கதை சொல்லும் காமிக்ஸ்" குட்டீஸ் இதழ்களும், கபீஷ் ஸ்பெஷல் இதழ்களும், "மூன்றாம் தினம்" கி.நா.வும் தான் !! அதற்குள்ளாகவே இவற்றில் repeat orders வந்திருக்க, ஸ்டாலுக்கு பண்டல்கள் பறந்துள்ளன ! கண்கள் விரிய, குட்டீஸ்கள் இந்த Fairy Tales in Comics புக்ஸ்களை புரட்டும் அழகுக்கு ஈடாக இந்த ராஜ்யத்தையே எழுதித் தந்து விடலாம் - அவை ஊரார் சொத்தாக இருந்திருக்கா பட்சங்களில் !!

விழாவின் ஐந்தாவது தினம் இன்று (ஜனவரி 1) ; and ஏற்கனவே கோவை ; ஈரோடு ; சேலம் ; மதுரை விழாக்களின் individual விற்பனை நம்பர்களுக்கெல்லாம் டாட்டா காட்டி விட்டு, சென்னையார் முன்னுக்குப் போயாச்சு !! எச்சூஸ் மீ...வாட் ஐஸ் தி procedure for getting ஒண்ணோ - ரெண்டோ கூடுதல் தலைநகரங்கள் for தமிழ்நாடு ? CHENNAI - The Incredible !!!

Bye all...have a wonderful week ahead & a lovely year too ! See you around !!

பி.கு. சந்தாக்களில் இன்னமும் ஒரு 20% நண்பர்கள் இடம் போடாதுள்ளனர் !! அவர்களுக்கு ஒரு சிறு நினைவூட்டல் !! இயன்ற மட்டுக்கு விரைவில் சந்தாவினில் இணைந்திட வேண்டுகிறோம் ப்ளீஸ் !!