கோடையும்... கொடையும் !

 நண்பர்களே, 

வணக்கம்.பொதுவாய் அடியேனுக்கு பெரியதொரு Nostalgia மோகமெல்லாம் கிடையாது தான். ஒவ்வொரு காலகட்டமும் தனக்கென ஒரு அதிசயத்தை தன்னுள்ளே உள்ளடக்கி இருக்கும் என்ற நம்பிக்கையில், கடந்து சென்ற நாட்களை காதல் கசிந்துருக பின்னோக்குவது கிடையாது. But, if at all there was just one thing that I miss from the early days, அது இந்த கோடை விடுமுறைகள் சார்ந்த குதூகலங்களே. Oh yes, 40 ஆண்டுகளுக்கு முந்தைய காலகட்டத்தில் இந்த ஏப்ரல் &  மே கோடை விடுமுறைகள் தான் நமக்கு பொங்கல், தீபாவளி, ஆயுத பூஜை, கிறிஸ்துமஸ், ரம்ஜான் என சகலமும் ஒன்றாய் இணைந்த ஒட்டுமொத்த கோலாகல வேளையாகிடும். வேறொன்றுமில்லை folks.....

​ஆண்டின் 10 மாதங்களுக்கு நம் பக்கமாய் தலை வைத்துப் படுக்கக்  கூட எத்தனித்திராத பல முகவர்களும், புத்தக வியாபாரிகளும் இந்த இரு மாதங்களில் "அண்ணாச்சி சௌக்கியமா? காடு-கரை-கம்மா எல்லாம் சுபமா?" என்ற குசல விசாரிப்போடு நமது கையிருப்பில் உள்ள முந்தைய வெளியீடுகளுக்கு ஆர்டர்களை ஆர்வமாய் வழங்கிடுவது வாடிக்கை.'87 முதலாய் முத்து காமிக்ஸும் நம் பொறுப்பிற்கு வந்து சேர்ந்திருக்க, அங்கு கைவசம் இருந்த முந்தைய இதழ்களுமே நமது Stock List-ல் ஐக்கியமாகி இருந்தன. So, இந்த இரு கோடை மாதங்களில், பள்ளி விடுமுறைகளின் போது காமிக்ஸ் விற்பனை ஒரு உச்சத்தை தொடுவது அன்றைய நடைமுறை. And அட்சய திருதியைக்கு நகைக்கடைக்காரர்கள் தயாராவது போல், நாங்களும் கெத்தாக ரெடியாகிக்கொள்வதுண்டு. கைவசமுள்ள மொத்த இதழ்களின் லிஸ்டையும் புதுசாய் ஒரு circular-இல் அச்சிட்டு, அதன் உசக்கே "கோடை Discount 5% கூடுதல்...!!!!! ஆக மொத்தம் 30% கழிவு உண்டு" என்று நிறைய ஆச்சர்யக்குறிகளோடு ஒரு  வரியினை முரட்டுத்தனமாய் அச்சிட்டிருப்போம். அன்றைய நாட்களில் அந்த 5% கூடுதல் தருவதெல்லாம் ஒரு மெடிக்கல் மிராக்கிளுக்கு ஈடானது. மதுரை, திருச்சி, சென்னை என பெருநகரங்கள் பலவற்றிலிருந்து wholesale வியாபாரிகளும் அந்நாட்களில் ஆர்டர் தந்து விடுவார்கள். So, காலையில் தபால்களை பிரித்துப் பார்க்கும் போதே நாளங்களிலெல்லாம் ஒரு குதூகலம் இழையோடுவதை உணர முடியும்.

​இந்தக் கூத்து ஒரு பக்கம் எனில், மறுபக்கமோ "கோடை மலர்", "கோடை ஸ்பெஷல்", "Holiday Special" என்று இஷ்டத்துக்குப் போட்டுத் தாக்கும் நமது ரகளைகள். ​40 ஆண்டுகளுக்கு முன்பான முதல் லயன் கோடை மலர் '86 இன்றளவும் ஒரு iconic இதழ் என்றால் மிகையாகாது. ​அது சார்ந்த நினைவுகளை நிறைய முறை பகிர்ந்து விட்டுள்ளேன் தான். இருந்தாலும் இந்த ஏப்ரல் பிறக்கும் ஒவ்வொரு வருஷமும், அந்த நினைவுகளுக்குள் ஒரு கணமேயாவது நடமாடாது நான் விடுவதில்லை. ​முதல் முறையாக முதுகினை அறுத்து, அதனில் ஃபெவிக்கால் தடவி, Perfect Binding என்ற முறையில் இயந்திரம் வாயிலாக பைண்டிங் செய்தது இந்த இதழுக்கே! நம்மிடம் அந்த மெஷின்கள் கிடையாது என்பதால் அந்நாட்களில் சிவகாசியில் கொடிகட்டிப் பறந்த நம்பர் 1 அச்சகத்தில் இந்தப் பணிகளை ஒப்படைத்திருந்தோம். மொத்தம் 10,000 இதழ்கள் !!!!!  அட்டைப் படத்திற்கு அட்டகாசமாய் லேமினேஷனும்  உண்டு.​முன்னட்டையில் ஸ்பைடர் மற்றும் ஆர்ச்சி, பின்னட்டையில் ஈகிள் மேன், சி.ஐ.டி லாரன்ஸ் டேவிட் என்ற அசாத்தியக்  கூட்டணி. மெஷினில் பைண்டிங் நடப்பதைப் பார்வையிட அனுமதி பெற்று அவர்களது ஃபேக்டரிக்குள் நுழைந்த நாட்களை சத்தியமாய் மறக்க இயலாது. ஒரு கோடியில் 10,000 இதழ்களும் அடுக்கப்பட்டு, மூன்று தரப்பிலும் கட்டிங் செய்திடுவதற்காக அவர்கள் பரபரப்பாய் பணியாற்றிக் கொண்டிருந்ததைப் பார்த்த போது, மாயாவி விரல்விடும் அதே சாக்கெட்டுக்குள் நானும் விரலை நுழைத்தது போல் ஒரு ஜிலீர் உணர்வு.

மொத்தமாய் 10,000 இதழ்களை அங்கிருந்து ஏற்றி கொண்டு வந்து நம்மிடம் இறக்கிய போது நம் ஆபிசில் நேர்ந்த பரபரப்பு ஒரு தனி ரகம். அடுத்த இரண்டு நாட்களுக்கு விடிய விடிய packing நடந்தது. And தொடர்ந்த 10 நாட்களுமே ஒரு சீப்பு வாழைப்பழத்தை முழுசாய் ஆட்டையைப் போட்ட மந்தியின் இளிப்போடு  திரிந்து கொண்டிருந்தேன், simply becos நமது அலுவலகத் தொலைபேசி ஓயாது அலறிக் கொண்டே இருந்தது - மறுக்கா மறுக்கா ஆர்டர் தந்து கொண்டிருந்த முகவர்களின் அவசர அழைப்புகளால் ! சொல்லி மாளா  அனல் விற்பனையில் !! கிட்டத்தட்ட ஐம்பது சதவிகித முகவர்கள் ரிப்பீட் அரடர்களை முதல் வாரத்திலேயே தந்த முதல் இதழ் இதுவே ! நம்பினால் நம்புங்கள் folks - 10,000 பிரதிகள் அச்சான பத்தாவது நாளிலேயே காலியும் கூட. தொடர்ந்த ஆண்டுகளில் லயனுக்கு இணையாக திகிலில், முத்து காமிக்ஸில், மினி லைனில் என ஸ்பெஷல் வெளியீடுகளை இந்த சம்மர் நாட்களில் போட்டுத் தாக்கிய உச்சங்கள் இந்தப் பயணத்தின் மறக்க இயலா highlights என்று சொன்னால் மிகையாகாது.

​Of course அந்நாட்களில் ₹ 5 என்பதே ஒரு முரட்டு தொகை தான். ஆனாலும் கதைகளின் கூட்டணியோடு பாக்கெட் சைஸில், கெத்தாக, குண்டாக இதழ்கள் வெளியான போது அவற்றை நீங்கள் அரவணைத்துக் கொண்ட வாஞ்சை நம்மை பரமபத ஏணியில் சில பல படிகள் மேலேற்றி விட்டன என்பதை இன்றும் நன்றியோடு நினைவு கூர்கிறேன். ​So கோடையின் கொடை நமக்கு கத்திரி வெயிலை நினைவூட்டுவதில்லை மாறாக காமிக்ஸ் தந்த குளிர்ச்சியான நாட்களே மனக்கண்ணில் நிழலாடுவதுண்டு.

​இன்றைக்கு நம்மிடம் பால்யங்களும் இல்லை அந்த பரபரப்புகளும் இல்லை. ஆனாலும் இன்னமும் ஆண்டின் ஒரு இதழிலாவது கோடை மலர் என்ற அந்த எழுத்துருக்களை பொறித்துப் பார்க்கும் குஷி மட்டும் மட்டுப்படவே இல்லை. இதோ நடப்பாண்டும் ஒரு கூட்டணி கோடை மலருடன் இந்த மே காத்திருக்கிறது. ​பொதுவாகவே கூட்டாஞ்சோறுக்கு NO சொல்லி வரும் இந்நாட்களில், கையை காலை பிடித்து லோம்பா நிறுவனத்தில் மட்டும் இதற்கென அனுமதி பெற்றுள்ளோம். So நமது சிகாகோ கேரட் கேச அழகி ரூபின் plus லோன் ஸ்டார் டேங்கோ  plus ரிப்போர்ட்டர் ஜானி ஆகிய மூவரின் அதிரடி கூட்டணியில் இந்த இதழ் தயாராகி வருகிறது. இந்த கதைக்களங்கள் நமக்கு எவ்விதத்திலும் புதிதே அல்ல தான் என்றாலும், இம்முறை ஒருவித freshness இங்கு விரவி இருப்பதை பணி செய்யும் போதே என்னால் உணர முடிந்தது.

​டிடெக்டிவ் ரூபின் கதைகள் எப்போதுமே அழுத்தமானவையாக இருந்தாலும் அந்த கார்ட்டூன் பாணி சித்திரங்களில் லைட்டாக பயணிப்பது வாடிக்கை. And இம்முறையுமே அதனில் மாற்றமில்லை.சிகாகோவின் அழுத்தம் மிகுந்து கொண்டே செல்ல டிபார்ட்மென்ட்டிலிருந்தே அம்மணிக்கு ஒரு விடுமுறை தந்து சொந்த ஊருக்கு அனுப்பி வைக்கிறார்கள். விடுமுறையில் ரூபின் இருந்தாலும் விதி அவரை ஓய்ந்திருக்க விட்டால் தானே? வெகு எதார்த்தமாய் மிகைகளின்றி, இந்தக் கதையின் plot மெது மெதுவாய் முடிச்சவிழ்வது அட்டகாசமான பாணியில் கதாசிரியர் படைத்திருப்பதாக எனக்குப்பட்டது. கடந்த இரு ஆண்டுகளாகவே ரூபின் கதைகளுக்கு நமது டீமின் மகளிர் குழுவே பேனா பிடித்து வந்துள்ளது. அதன் நீட்சியாக இம்முறையும் மிஸ் P.சுகன்யா இங்கு மொழிபெயர்ப்பினை செய்துள்ளார். Of course புடைப்பான நம்ம மூக்கை உள்ளே நுழைக்காமல் இருக்க போவதில்லை தான். So கணிசமான இடங்களில் நம்ம குரங்குச் சேட்டைகளையும் பார்க்கத்தான் போகிறீர்கள். "விடுமுறையில் விதி முடிப்போம்" ரூபின் கதை வரிசையில் yet another classic-ஆக அமைந்திடப் போகிறது என்று பட்சி காதில் சொல்கிறது. அது அள்ளி விடும் பட்சியா? நிதர்சனத்தை உரைக்கும் எதார்த்தமா ? என்பதை இதழ் வந்த பின்பாக உங்களிடமே கேட்டுத் தெரிந்து கொள்ள வேண்டியதுதான்.

இந்த ​இதழின் action நாயகரான டேங்கோ  இம்முறை ஒரு out and out த்ரில்லரில் களம் காண்கிறார். இந்தத் தொடரின் அடையாளமே விதவிதமான தென் அமெரிக்க நாடுகளில் கதையோடு travel செய்வதுதான் என்பதை நாம் அறிவோம். And இம்முறையும் பராகுவே எனும் தென் அமெரிக்கக் களம் இங்கு பின்னணி. மிக மிக லேட்டஸ்ட் உருவாக்கம் என்பதால், சித்திர பாணியிலும் சரி, டிஜிட்டல் கலரிங்கிலும் சரி, செம புத்துணர்வு தரும் feel சாத்தியப்படுகிறது. கதை நெடுக டேங்கோவிடம் ஒரு கோபமும், ரௌத்திரமும் தாண்டவமாடுவதை பேனா பிடிக்கும் போதே உணர முடிந்தது. Action Block என்பதால் செம ஜிலோவென்று மொழிபெயர்ப்பினை செய்திட முடிந்தது. லோன் ஸ்டார் இம்முறையும் அடித்திருப்பது சிக்சரா ? என்பதை உங்களிடமிருந்து அறிந்திடக்  காத்திருப்பேன்.

​And of course நமது சூப்பர் ரிப்போர்ட்டர் ஜானியார். இது தமிழில் நம் புன்னகை மன்னனுக்கு 40-வது ஆண்டு !!!! 1986 ஆகஸ்டில் ‘ரத்தக் காட்டேரி மர்மம்’ வாயிலாகத் தமிழ் பேசப் பழகிய ரிப்போர்ட்டர் ஜானி, ஆண்டுக்கு ஒற்றை ஸ்லாட்டிலாவது தொற்றிக் கொண்டே 40 ஆண்டுகளை நம்மோடு கடந்திருப்பது என்பதெல்லாம் சாமானியப்பட்ட சாகசமே அல்ல என்பேன். In fact, அவர் செய்துள்ள எண்ணற்ற சாகசங்களைக் காட்டிலும் தொங்கிக்கொண்டே பயணத்தைத் தொடர்ந்திடும் இந்தச் சாகசம் ஒரு மெகா உச்சம் என்பேன். பொதுவாகவே ஜானி கதைகளுக்கு கருணையானந்தம் அங்கிள் அவர்கள்தான் பேனா பிடிப்பதுண்டு. ஆனால் இப்போதெல்லாம் கனமான களங்களைத் தந்து அவரை சிரமப்படுத்துவதில்லை என்பதால், நாலைந்து வருஷங்களாகவே ஜானி நம்ம டிபார்ட்மென்ட் என்றாகி விட்டார்.

ஜானி கதைகளுக்குள்ளே தலையை நுழைக்கும் போதே, லைட்டாக பேஸ்தடித்த முகரையோடுதான் புகுந்திடுவது வாடிக்கை. காத்திருப்பது இடியாப்பம் எனும் போது, சேதாரமின்றி வெளிப்பட்டாக வேண்டுமே என்ற கவலைதான் முகமெங்கும் விரவிக்கிடக்கும். ஆனால் இம்முறையோ இந்த ஆல்பம் செம welcome relief. கதையில் அப்படிப்பட்ட ஒரு வேகம், தெறிக்க விடும் speed !!!! பரபரபரவென கொலைகளும், கொலையாளியின் அதிரடிகளும் முத்திரைகளை விட்டுச் செல்ல, அந்தப் பரபரப்பு பேனா பிடித்த என்னையுமே தொற்றிக்கொண்டதுதான். In fact, ஜானி கதைகளின் க்ளைமாக்ஸுக்குள் பேனாவோடு புகுந்திட நினைத்தாலே குளிர் ஜுரம் வந்து விடும் எனக்கே இம்முறை கொலையாளி யார் ?  அவனது நோக்கம் என்ன ? என்று அறிந்துகொள்ளும் உத்வேகத்தில் க்ளைமாக்ஸை நோக்கிப் படையெடுக்கும் அதிசயமே நிகழ்ந்தது. சமீப வருஷங்களில் வந்துள்ள ஜானி கதைகளில் one of the best என்று உறுதியாகச் சொல்லலாம். ​And சித்திரங்களும் சரி, அந்தப் பளிச் கலரிங்கும் சரி, இம்முறையும் துளிகூட ஏமாற்றியிருக்கவில்லை. அட்டகாசமான படைப்பு !!!

​So, கதைகள் மூன்றுமே தயாராகி என் மேஜையில் எடிட்டிங்கின் பொருட்டு காத்துக் கிடக்கின்றன. அடுத்த ஓரிரு நாட்களில் மங்களம் பாடிவிட்டேன் எனில் அச்சுக்குப் புறப்பட்டு விடும். And ஏற்கனவே அட்டைப்படம் அச்சாகித் தயாராக உள்ளது. இதோ இந்த hardcover இதழுக்கான அட்டைப்பட பிரிவியூ. சகலமுமே ஒரிஜினல் சித்திரங்கள்தான் என்றாலும் நமது மெருகூட்டல் இங்கு கணிசம். மூன்று ராப்பர்களுமே தத்தம் பாணிகளில் பிரமாதமாய் இருந்தனதான். So, எதை முன்னட்டையில் போடுவது என்று இன்கி பிங்கி பாங்கி போடாத குறையாகத் தடுமாறிவிட்டோம். Anyways, ஜானியின் இந்த action pose அமர்க்களம் என்று நினைத்தேன்.

And here are the previews of the stories :

கூடிய விரைவில் இந்த அட்டகாசமான கூட்டணியை உங்களிடம் ஒப்படைக்கக்  காத்திருப்போம். இதுவொரு செம ரகளையான இதழாய் அமையாது போனால் வியப்படைவேன் !! 

மே மாதத்தின் மற்றொரு ஹைலைட் ஃபிராங்கோ-பெல்ஜிய பாணியில் வெளிவரக் காத்திருக்கும் நம்ம தல டெக்ஸ் சாகசம் தான். இந்தக் கதை வரிசைக்கு "டெக்ஸ் கிராஃபிக் நாவல்" என்று இத்தாலியில் பெயரிட்டுள்ளனர், ஆனால் கி.நா. பாணியில் அல்லாது, கதைகள் வழக்கமான டெக்ஸின் அனலுடன் பறக்கத்தான் செய்கின்றன. சித்திரபாணி அமைப்பினில் மாத்திரமே ஃபிராங்கோ-பெல்ஜிய தாக்கம் இங்கு கண்ணில்படுகிறது. "நித்திரை அறியா நித்தியன்" - பெயரைப் போலவே ரொம்ப ரொம்ப வித்தியாசமான கதைக்களம். ஒரு மெக்சிகத்  திருவிழாவின் பின்னணியை துவக்கப் புள்ளியாய் எடுத்துக்கொண்டு, அதனூடே கதையினை புனைந்துள்ளனர் படைப்பாளிகள். இந்த ஆல்பம் வெளியானதே ஒன்றரை ஆண்டுகளுக்கு முன்புதான் எனும்போது செம பிரெஷ்ஷாக உள்ளது. 

கதை நெடுக ஒருவித மெல்லிய திகில் இழையோடுவது இந்த இதழின் ஹைலைட் என்பேன். டெக்ஸ் மற்றும் கார்சன் மெக்சிகோவிற்குள் புகும்போதெல்லாம் பட்டாசுகள் பறக்கத் தவறுவதே கிடையாது. இம்முறையும் no different, ஆனால் ஒரு அழகான கதையோட ஆக்சனும் கரம் கோர்த்திருப்பது செம !! So, திரும்பிய திக்கெல்லாம் தோட்டாக்களை மட்டும் பறக்க விடாது, தெளிவானதொரு கதைக்கு இங்கு முன்னுரிமை வழங்கப்பட்டிருப்பதைக் காணலாம். முழுக்கவே கலரில் உருவாக்கப்பட்ட ஆல்பம் என்பதால் இதோ ஒரிஜினல் அட்டைப்படம் பிளஸ் உட்பக்க பிரிவியூக்கள். சந்தேகமே இன்றி டெக்ஸ் பட்டியலில் மற்றொரு மறக்க இயலா கிளாசிக்காக இது இடம் பிடிக்கும் என்று இப்போதே எழுதி வைத்துக்கொள்ளலாம். 

மே மாதத்தின் இதழ் நம்பர் மூன்று நமது ஜென்-சி சந்தாவின் தாத்தா பேத்தி கதைதான். அது பற்றி அடுத்த பதிவில் !! 

ரைட்டு - கோடை மலரின் இறுதிக்கட்டப் பணிகளுக்கும் புகுந்திடக் கிளம்புகிறேன் guys ! இங்கே சன்னமாய் ஒரு சலனும் உள்ளுக்குள் !! Maybe - just maybe : கனமான கதைகளெல்லாம் இனியும் வேலைக்கு ஆகாதென்று நீங்கள் சொல்லாது, சொல்லிடும் பட்சத்தில் - இந்த நாயக / நாயகியருக்கெல்லாம்  டாட்டா காட்ட நேர்ந்திடுமோ ? என்ற பயமே அது !! பார்த்துப் பார்த்து தமிழில் உலவச் செய்த இந்த இரண்டாம் நிலை ஈரோக்கள் இனி நினைவுகளில் மாத்திரமே உலவிடப் போகிறார்களா ? பதில் தெரிலியே !!!  Bye folks...see you around ! Have a great Sunday !! 

P.S : FAB FIVE & Graphic Novel Twins சார்ந்த நினைவூட்டல்களுமே !!