செய்வன டெரராய்ச் செய் !

 நண்பர்களே,

வணக்கம். அது என்னமோ தெரியலை - ஆண்டுமலர் மாதமென்றாலே கொஞ்சம் தாமதங்கள் ; கொஞ்சம் தலைதெறிக்கும் ஓட்டங்கள் என்பது 1984 முதலாகவே வாடிக்கையாகி விட்டது ! சொல்லப்போனால் நமது முதல் வெளியீடான "கத்தி முனையில் மாடஸ்டி" வந்திருக்க வேண்டியது ஜூன் 1984-ல் ! ஆனால் ஏதேதோ சுணக்கங்களின் பெயரைச் சொல்லி, ஜூலையில் தான் கரை சேர்ந்தார் இயவரசி ! அதே பாணியில் இந்த ஜூலை இதழ்களும் 'இழுத்துக்கோ-பறிச்சுக்கோ' என்ற கதையாகத் தான் இன்றைக்கு டெஸ்பாட்ச் ஆகியுள்ளன ! 

நிஜத்தைச் சொல்வதானால் - இந்தத் தாமதத்தின் பிரதம காரணம், ஜூன் நடுவாக்கில் கிட்டத்தட்ட ஒரு முழு வாரத்தினை 2023-ன் 'தல' & other தேர்வுகளுக்கென செலவிட்டதே ! நமது 2023 அட்டவணையினை உங்களிடம் ஒப்படைக்க இன்னும் கணிசமான அவகாசம் இருப்பது போல் வெளிப்பார்வைக்குத் தெரிந்தாலுமே, behind the scenes அதற்கென நாங்கள் தயாராகிட ஏகப்பட்ட lead time அவசியம் ! தவிர, ஜூலை இறுதி முதலாய் ஐரோப்பிய சம்மர் விடுமுறைகள் துவங்கிடுவதால், படைப்பாளிகளை அரக்கப் பரக்க அனற்றும் கொடுமைகளைத் தவிர்த்திட இப்போதே நமது திட்டமிடல்களுக்கு இறுதி வடிவம் தந்திடல் அவசியமாகிறது ! So அதற்கென எடுத்துக் கொண்ட வாரமானது - மாதயிறுதியினில் பணிகளைப் பூர்த்தி செய்வதில் பிரதிபலித்திட, கடைசி நிமிடம் வரைக்கும் காலில் சுடுகஞ்சை ஊற்றியபடிக்கே கதக்களி ஆடிய கதையாகிப் போனது !

Anyways, முக்கூட்டணி இதழ்கள் கிளம்பியாச்சூ ! And இங்கே இன்னொரு தகவலும், ஒரு apology-ம் கூடவே ! எலியப்பா டாட்டா காட்டிக் கிளம்பிய பின்னே, அந்த மாதாந்திர விலையில்லா இதழுக்கென நாம் திட்டமிட்டிருந்த புது வரவினை வீடு கொணர்ந்து சேர்த்திடுவதிலும் கொஞ்சம் சுணக்கமாகிப் போய்விட்டது ! நிஜத்தைச் சொல்வதானால் பாக்கெட்டுக்குள் கைவிடும் போது கணிசமான காற்று மட்டுமே அகப்படும் வேளையிது என்பதால், புதுப்பார்ட்டிக்கான ராயல்டியினை ரெடி செய்து அனுப்பிட நிறையவே  டான்ஸ் தான் ! தர்மபுரியின் புத்தக விழாவினில் நமது ஆரம்பத்து வேகம் தந்த நம்பிக்கையில், "அண்ணாச்சி அனுப்பிடப்போகும் காசை அப்டிக்கா ராயல்டி ஆக்றோம் ; இப்டிக்கா கதை(கள்) வந்துப்புடும் !" என்று மல்லாக்கப்படுத்த கனவினில் ஆழ்ந்திருந்தேன் ! ஆனால் அண்ணாச்சியோ  'பாதாள பைரவி' பாணியிலேயே நாளுக்கு நாள் விற்பனைத் தகவல்களைச் சொல்ல ஆரம்பிக்க, கேராகி சோபாவில் சாயும்படியாகிப் போனது ! கொஞ்சமாய் ஆசுவாசப்படுத்திக் கொண்டே ஏற்பாடுகளைச் செய்து, புதியவரை இன்று காலை தான் நமது ஆபீசுக்கு வரவேற்க முடிந்தது ! So இந்த ஜூலை மாதம் மட்டும் அந்த விலையில்லா இதழ் இடம்பிடித்திடாது folks - sorry !! 

ஆகஸ்ட் முதலாய் நமது அணிவகுப்பினில் இடம்பிடிக்கவுள்ளது இதோ - இந்தக் குள்ள கௌபாய் தான் !! LOSER JACK நமது ரேடாரில் 2 ஆண்டுகளாகவே இடம்பிடித்து வரும் ஒரு ஜாலி சுள்ளான் ! ஆனால் இவரது கதைகள் எல்லாமே எலியப்பா பாணியினில் குட்டிக் குட்டி தான் என்பதால் உங்களிடம் அறிமுகம் செய்திட தயங்கியபடியே இருந்து வந்தேன் ! ஆனால் இந்த விலையில்லா இதழின் ஸ்லாட் இதற்கு செட் ஆகும் என்று பட்டதால் ஆசாமியை அலேக்காய்த் தூக்கியாந்தாச்சு ! அம்மாக்கு ஒரே புள்ளை ; லக்கி லூக் போல தில்லான கௌபாய் ஆகணும் என்பது ஜாக்கின் இலட்சியம் ; ஆனால் வில்லன்களைப் பார்த்த நொடியிலேயே 'தில்லானா தில்லானா' என்று டான்ஸ் ஆடும் பேஸ்மாண்ட் தான் யதார்த்தம் ! இந்த வன்மேற்கின் குட்டிச்சிங்கம் தான் அடுத்த 5 மாதங்களுக்கு நமது கூரியர் டப்பிக்களை சிறப்பிக்கவுள்ள ஸ்பெஷல் பார்ட்டி ! 

இந்த குட்டிப்புயலுக்கு தமிழில் என்ன பெயர் சூட்டலாம் என்பீர்களோ guys ? நானொரு பெயர் நினைத்துள்ளேன் தான் ; ஆனால் அதை விடவும் ஷோக்காயொரு பெயர் கிட்டிடும் பட்சத்தில் சூப்பராய் அதனையே சூட்டி விடலாம் ! So சொல்லுங்களேன் - LOSER JACK தமிழில் என்னவாக வலம் வரலாமென்று ?

And இந்தத் தருணத்தில் ஒரு முக்கிய மேட்டருக்கும் பிள்ளையார் சுழி போட்டுவைக்கத் தோன்றுகிறது ! விஷயம் இது தான் :

மிட்டாய்க்கடைக்குள் புகுந்த சர்க்கரை நோயாளியாட்டம், கண்ணில் படும் கதைகளையெல்லாம் வாங்கிக் குவிக்கச் சொல்லி ஆட்டிப் படைக்கும் அந்த mania-வுக்கு ஏதேனுமொரு வைத்தியசாலை இருந்தால், அங்கே அட்மிட் ஆக வேண்டிய முதல் பார்ட்டி நானாகத்தானிருப்பேன் ! இந்த இரண்டாவது இன்னிங்சின் 10 ஆண்டு கால அவகாசத்தினில் ஏதேதோ திட்டமிடல்களுடன், ஏதேதோ தருணங்களில் நான் வாங்கி உள்ளுக்குள் அடுக்கி வைத்திருக்கும் கதைகளைக் கொண்டு ரொம்ப ஈஸியாய் மூணாயிரத்துக்கோ, நான்காயிரத்துக்கோ புக்ஸ் ரெடி செய்திட முடியும் ! ஆனால் வெவ்வேறு காரணங்களால் அவற்றை வெளியிட சந்தர்ப்பங்கள் வாய்க்காமலே போயிருக்க, இன்றைக்கு அதனுள் முடங்கி நிற்கும் பணமானது தோள்களில் ஒரு பளுவாகத் தென்படும் நிலை வந்து விட்டது ! So முன்பதிவு இதழ்களாகவோ, சந்தாக்களில் உட்புகும் ரெகுலர் இதழ்களாகவோ ; புத்தக விழா ஸ்பெஷல்களாகவோ அவற்றை சன்னம் சன்னமாய் களமிறக்கிட இயன்றால், அவற்றினுள் துயில் கொண்டு வரும் ராயல்டி பணங்கள் நமக்குப் பிரயோஜனம் நல்கிடக்கூடும் ! இன்னான்றீங்கோ இந்த யோசனைக்கு ? 

And ஆட்டத்தைத் துவக்குறது நமது பால்யங்களது அண்ணாத்தேயோடு - என்று இருப்பின் உங்களின் ரியாக்ஷன்ஸ் என்னவாக இருக்குமோ ? தானைத்தலீவரின் இதுவரை வெளிவந்திரா 150 பக்க நெடும் ஜாகஜம் - THE SINISTER SEVEN - முன்பதிவுக்கான ஸ்பெஷல் இதழாய் கணிசமான அவகாசத்தோடு அறிவிப்பின், டீலா ? No டீலா ? உங்களின் பதில்கள் என்னவாக இருக்கும் folks ? 

"ஐயே....இவையெல்லாமே நாம் தாண்டி விட்டுள்ள ரசனைகள்" என்று ஒரு அணியும்..."ஆகா...ஆகாகாகா ..."என்று கொண்டாடக்கூடிய அணியும் நம் மத்தியில் இருப்பதில் no secrets ! "முன்பதிவுகளுக்கு மாத்திரமே" - என்ற அடையாளத்தோடு இதனை அறிவிக்கும் பட்சத்தில், முதல் அணியினர் தாண்டிப் போய்க்கொண்டே இருக்கலாம் தான் ! எனது இந்த வேளையின் சிந்தனையோ - "கொண்டாடும் அணியின் பலம் என்னவாக இருக்குமோ ?" என்பதே !! So மெய்யான பதில்ஸ் ப்ளீஸ் !! 

And இங்கொரு மெகா குறிப்புமே : "இது எக்ஸ்டரா நம்பரா ? இதுலாம் இப்போ தேவையா ? இந்த நேரத்துக்கு / பணத்துக்கு ஒரு கி.நா.போட்ருக்கலாமே ? ஒரு கார்ட்டூன் போட்ருக்கலாமே ?" என்ற ரீதியிலான அலசல்களுக்கு - this isn't the place nor the time guys ! தொடரும் சந்தர்ப்பங்களில் பீரோவிலிருந்து வெளிப்படக்கூடிய கதைக்குவியல்களில் சகல ஜானர்களுமே இடம்பிடித்திடக்கூடும் ! So இன்றைக்கு ஒரு கமர்ஷியல் நாயகர் ; நாளையொரு கார்ட்டூன் நாயகர் ; நாளன்னிக்கு கதையே நாயகரெனும் கதை - என வரிசை கட்டி இறங்கிட உள்ளன ! 

இந்த நொடியின் கேள்வி : 'தானைத் தலைவர்" முன்பதிவு இதழாய் வெளிவந்திடும் பட்சத்தில், நீங்கள் வாங்குவீர்களா - மாட்டீர்களா ? என்பது மட்டுமே ப்ளீஸ் !

Bye for now ! See you around all !