Powered By Blogger

Friday, March 10, 2017

கோட்டையைப் பிடிப்போமா ..?

நண்பர்களே,

வணக்கம். பதிவின் தலைப்பைப் பார்த்து விட்டு, “கிழிஞ்சது போ ! இவனுமா ??” என்று தப்பாய் எதையேனும் யூகம் செய்து கொள்ள வேண்டாமே ? கவுன்சிலர் எலெக்ஷனுக்கு நின்றால் 25 ஓட்டுக்கள் வாங்கிடக் கூட வழி லேது ! என்பதை புரிந்திராதவனல்ல எனும் போது - டுபுக்குத்தனமாய் எதையும் செய்து வைக்கும் ஆள் நானில்லை ! ஆனால் நிச்சயமாய் கோட்டையைப் பிடிக்கப் போகிறோம் - அதுவும் செங்கோட்டையை...அதுவும் சீக்கிரமே...!! என்று மட்டும் என்னால் உறுதிபடச் சொல்ல முடிகிறது ! Oh yes... நாம் பிடிக்கக் காத்துள்ள கோட்டையின் நிறமும் சிகப்பே... ஆனால் அது இரத்தத்தாலானதொரு கோட்டை ! இதற்கு மேலும் நான் ‘கடித்தால்‘ – ‘சூப்பர் ஹீரோ சூப்பர் ஸ்பெஷலை‘த் தூசி தட்டி, எடுத்துப் படிக்க ஆரம்பித்து விடுவீர்கள் என்ற ஆபத்துள்ளதால் நேராக விஷயத்துக்கு வருகிறேன் !

Projectஇரத்தக் கோட்டைis now officially on ! “மின்னும் மரணம்” மெகா இதழ் வெளியான நான் முதலே சன்னம் சன்னமாய் ஒலிக்கத் தொடங்கிய இந்தக் கோரிக்கைக் குரலானது - 2016 ஈரோட்டின் சந்திப்பில் “இப்போ என்னான்றீங்க?” என்ற உச்சத்தைத் தொட்டதால் அப்போதே ப்ராமிஸ் செய்திருந்தேன், தொடரும் ஆண்டின் ஈரோடு விழாவின் சமயம் “இரத்தக் கோட்டை” உங்கள் கரங்களிலிருக்குமென்று ! 2017-ன் சந்தா நிர்ணயம் செய்யும் போதே இதையும் பட்டியலில் நுழைத்திருக்கலாம் தான் ; ஆனால் இந்த மறுபதிப்பு இதழை வம்படியாய் உங்கள் மீது திணிக்க எனக்கு ஆர்வமில்லை என்பதோடு ; மொத்தத் தொகையும் ஜாஸ்தியாகித் தெரியுமே என்ற சங்கடமும் எனக்குள்ளிருந்தது ! So ஏப்ரல் புலரவிருக்கும் தருணத்தில் இதற்கான அறிவிப்பு + முன்பதிவுகளைத் துவக்கினால் பொருத்தமாகயிருக்குமென்று நினைத்தேன் ! தவிர regular சந்தாத் தடத்திலிருந்து விலகி நிற்கும் “Super 6” வரிசையும் சற்றே சூடுபிடித்த பிற்பாடு அடுத்த project பக்கமாய்க் கவனங்களைக் கொண்டு செல்ல நினைத்தேன் ! இதோ ஏப்ரலில் (ஜெரெமயா) MILLION & MORE ஸ்பெஷல்  ; தொடரும் மாதங்களில் கிட் ஆர்டின் Classic (யெஸ்... பெயர் மாற்றத்தோடு இந்த இதழ் வரவுள்ளது ! சும்மாக்காச்சும், ‘அமெரிக்க மாப்பிள்ளை‘ ரேஞ்சுக்கு மட்டுமே தலை காட்டும் அந்த சிக்பில் தம்பியைக் கதாநாயகரென்று பெயருக்கு ஏற்றுக் கொள்ளலாம் ; மெய்யான  ஸ்டார் - ஆர்டின் சார்வாள் தானே ?) ; அதற்கடுத்து “டிராகன் நகரம்” ; இறுதியாக “பிரின்ஸ் ஸ்பெஷல்” என்று Super 6 சக்கரம் தடதடக்கத் தயாராகி விட்டது என்பதால் - என்ளவில் வாய்க்குள் திணித்துக் கொள்ள புதிதாயொரு கட்டை விரல் சுற்றுமுற்றும் தட்டுப்படுகிறதாவென்று தேடத் தொடங்கினேன் ! தயாராய் நின்ற “இரத்தக் கோட்டை” கைதூக்கிட - இதோ புறப்பட்டாச்சு அறிவிப்போடு !
ஏற்கனவே நிறையப் பேசியுள்ளோம் இந்த இதழ் பற்றி ! But அதிகாரபூர்வமான அறிவிப்புத் தருணம் இதுவே எனும் போது - முறையாய்த் தகவல்களை இதோ முன்வைக்கிறேன்!

- இரத்தக் கோட்டை

- மேற்கே ஒரு மின்னல்

- தனியே ஒரு கழுகு

- மெக்சிகோ பயணம்

- செங்குருதிப் பாதை

என்ற இந்த 5 பாகங்களும் ஒன்றிணைந்த மெகா சாகஸமானது - 232 பக்க முழுவண்ண ஆல்பமாய், (வழக்கம் போல) ஹார்ட் கவரில் அட்டகாசமாய் WWF ஸ்பெஷல்  என்ற பெயரில் வெளிவரும் ! Wild West Forever !!

 - இதழின் விலை ரூ.550/-

- முன்பதிவிற்கு விலை ரூ.500/- கூரியர் / பதிவுத் தபாலில் தமிழகத்தினுள் : ரூ.50 extra ! பெங்களூருவிற்கெனில் : ரூ.75 extra !

- ஆகஸ்ட் 2017‘ல் ஈரோட்டுப் புத்தக விழாவின் போது இந்த இதழ் ரிலீஸாகிடும் !

- சரியாக 1000 பிரதிகள் மாத்திரமே அச்சிடவுள்ளோம் ; நம்பர்களோடு ! So “மின்னும் மரணம்” போல இது கையில் தேங்கிக் கிடக்கவோ ; ‘எப்போ வேணும்னானும் வாங்கிக்கலாம் !‘ என்ற நிலையிலோ நிச்சயம் இராது! This will be a true collector’s edition !

 - காமிக்ஸ் உலக ஜாம்பவானின் ஒரு மெகா ஹிட் தொடரின் தொகுப்பு இது என்பதால் - Moebius-ன் ஒரிஜினல் அட்டைப்படங்களே முன்னும், பின்னும் பயன்படுத்தி்டவுள்ளோம் ! ஜிகினா வேலைகள் குறைவாகவும் ; authenticity பிரதானமாகவும் அமைந்திட நிச்சயம் முயற்சிப்போம் !

- And yes - இரு தவணைகளிலும் இதற்கான பணம் செலுத்திடலாம் ! So கேப்டன் டைகர் தொடரின் ஒரு landmark சாகஸத்தை வண்ணத்தில் ரசித்திட - முன்பதிவு செய்வதில் உங்களுக்குச் சிரமங்கள் இராது என்று நம்புவோமாக !

- ஈரோட்டில் நேரடியாகப் பிரதிகளைப் பெற்றுக் கொள்ள விரும்பும் நண்பர்களிடம் கூரியர் கட்டணம் வசூலிக்கப் போவதில்லை ! முன்பதிவு செய்யும் போதே [O] நேரடி டெலிவரி ; [O] கூரியர் டெலிவரி என்று இரு options தந்திடவுள்ளோம் ; So ஈரோட்டுக்கு டிக்கெட் போட ஒரு டஜன் யோசனைகளுள் - இதுவே முதல் யோசனையாக இருந்து விட்டுப் போகட்டுமே ?!

- முன்பதிவுக்கு முந்திடும் முதல் 100 வாசகர்களுக்கு “EARLY BIRD” என்றதொரு அழகான கலர் பேட்ஜ் தந்திடவுள்ளோம் ! ஈரோடு புத்தக விழாவிற்கு ஆஜராகும் வேளையில் அதை பந்தாவாகக் கழுத்தில் மாட்டிக் கொண்டு வரலாமே ?! (ஈரோட்டுக்கு டிக்கெட்- யோசனை # 2) !! Earlybird வாசகர்களுக்கு நமது முக்கிய இதழ்கள் தொடர்பான அறிவிப்புகள் ; sneak previews - கொஞ்சம் முன்கூட்டியே தரப்படும் !

அவசியமான சமாச்சாரங்கள் சகலத்தையும் ஒன்பதாம் வாய்ப்பாடை ஒப்பிக்கும் மாணவனைப் போல புட்டுப் புட்டு வைத்து விட்டதால், இனி ‘ப்ளாக் பாணிக்கு‘ மாறிக் கொள்கிறேன் ! அவ்வப்போது ‘என்ன அறிவித்தோம்? ; என்ன அள்ளி விட்டோமென்ற ?‘ சந்தேகம் எனக்கே எழுவதுண்டு தான் எனும் போது - இந்த “ஒப்பித்தல் பாணியானது” is more for me !! 

So இன்று முதல் தொடங்கும் முன்பதிவானது ஆகஸ்டுக்கு முன்பாக ‘500‘ என்ற மந்திர எண்ணைத் தொட்டு விட்டால் / தாண்டி விட்டால் உம்மணாம் மூஞ்சி ஸ்மர்ஃப் அவதாரத்துக்கு அவசியமிராது எனக்கு ! ஆண்டவன் மீதும் ; உங்கள் மீதும், நமது தட்டை மூக்கார் மீதும் (அந்த வரிசையில்) நம்பிக்கை மலையளவு உள்ளதால் - கட்டை விரலை உயர்த்திக் காட்டும் வாய்ப்புகள் செம பிரகாசம் என்று பட்சி சொல்கிறது !

So கனவாகவும், மென்றிட அவலாகவும், இது நாள் வரையுமிருந்த சமாச்சாரமானது - நிஜமாகும் முனைப்பின் முதல் படியில் உள்ளது இப்போது ! அதனை ஏணிகளில் ஏற்றி ; பாம்புகளிடமிருந்து காத்து ; தாயங்கள் போட்டு - இலக்கைச் சென்றடையச் செய்யும் பொறுப்பு உங்களது ! Let’s rock guys !

ஒரு முக்கிய அறிவிப்பைச் செய்த குஷியில், இதனோடு சேர்த்தே நான் (சமீபமாய்) பிராமிஸ் செய்திருந்த “இன்னமுமொரு இதழ்” பற்றியும் பேசிடலாமா ? “ட்யுராங்கோ” வெளியான ஜனவரியில் எந்த context-ல் அந்த topic எழுந்ததென்பது எனக்கு நினைவில்லை ; ஆனால் இன்னமுமொரு “வித்தியாசமான“ கௌபாய் நாயகர் உள்ளாரென்று நான் வாயை விட்டிருந்ததும் ; அவரைக் கொண்டதொரு ஸ்பெஷல் இதழையும் 2017 ஈரோட்டின் போது வெளியிட நீங்கள் கோரியதும் நினைவுள்ளது ! அதை நனவாக்கிடுவதில் எனக்குப் பெரிய சிரமங்கள் இராது தான் ; ஆனால் சின்னதாயொரு சமாச்சாரத்தின் மீது கவனமும், சிந்தனையும் தந்த பின்னே அது பற்றிய இறுதி முடிவு எடுத்தல் நலமென்று மனதுக்குப் பட்டது ! So அதைப் பற்றி சற்றே உரக்கப் பேசிடுகிறேனே ?

“கௌபாய் ஓவர்டோஸ்” என்றதொரு syndrome மருத்துவ உலகில் உள்ளதா   ? என்ற கேள்வியை எழுப்பிடும் பட்சத்தில் நண்பர் செனா.அனா அதை அலசி, ஆராய்ந்து, சும்மா ‘கிழி கிழி‘யென்று கிழித்துத் தோரணம் தொங்க விட்டு விடுவார் என்பதை நாடே அறியும் ! இதனை ஆராய்ச்சி லெவலுக்குக் கொண்டு போகாவிட்டாலும், நமக்கு எட்டியதொரு சின்ன அளவிலாவது பேசி, விவாதித்துக் கொண்டால் இந்த வாரயிறுதியும் சுவாரஸ்யம் கண்டிடும் ; நமது பயணப் பாதையிலும் இடரின்றித் தப்பிடுமென்று பட்டது ! Here goes :

என்ன தான் A B C ... X Y Z என்று சிக்கிய எழுத்துக்கெல்லாமொரு ஜோடிப்பைத் தந்து சந்தாப் பிரிவுகளை வகைப்படுத்தினாலும் - ஆண்டின் showstoppers கௌபாய்களே என்பதில் சந்தேகமேது சமீப ஆண்டுகளில் ? “பௌன்சர்” என்ற கௌபாய் ராட்சஸன் அதிர்வலைகளை ஓடச் செய்தது ஒரு வருடமெனில் ; வில்லரின் விஸ்வரூபம் மறு வருடம் ! இந்தாண்டோ - சத்தமின்றி யுத்தம் செய்பவரின் ஆண்டு ! இடையிடையே “மின்னும் மரணம்”; “என் பெயர் டைகர்”; “மார்ஷல் டைகர்” என ட்சி-நா-பாவின் வன்மேற்குத் தாண்டவங்கள் ! “நான் எந்த வகையில் குறைந்து போனேன் ?” என்று கைதூக்கி நிற்கும் கேரட் மண்டை கமான்சேவும் குதிரைப் பசங்களின் பிரதிநிதியே ; ஜடாமுடியோடு - மாயம் ; மந்திரஜாலம் ; சாகஸம் என அழிச்சாட்டியம் செய்திடும் ‘மேஜிக் விண்டும்‘ வன்மேற்கின் விளைநிலன்களின் பலனே ! சரி... சிரிப்புப் பார்ட்டிகள் பக்கமாய்த் தலைதிருப்பலாமென்றால் - குதிரைகளில் சவாரி செய்து கொண்டே ‘கெக்கே பிக்கே‘ என்று சிரிக்கச் செய்யும் முதல்வர்கள் லக்கி லூக்கும்; சிக்பில் & கோவும் கௌபாய் கலாச்சாரக் காவலர்களே ! ரின்டின் கேனை ஏற்றிச் சுமக்க குதிரைகள் ஏதும் தயாரில்லை ; இல்லையேல் இந்த 4 கால் ஞானசூன்யமும் கூட ஒரு stetson தொப்பியைப் போட்டுக்கிட்டு - ‘இன்னா மாமே ?‘ என்று சலம்பினால் ஆச்சர்யப்பட்டிருக்க மாட்டோம் ! இது தான் நமது அணிவகுப்பின் தற்போதைய நிலவரம் !

உருப்படியான டிடெக்டிவ் நாயகர்களுக்கு நிஜமான பஞ்சமென்பதால் அந்த genre கதைகளுக்கு வலு சேர்த்திட ரிப்போர்ட்டர் ஜானியையும், C.I.D. ராபினையும் தவிர்த்து வேறு யாருமில்லை எனலாம ! லார்கோ; ஷெல்டன் & காத்திருக்கும் Lady S - ஆக்ஷன் without being detectives என்ற பாணிகளைச் சார்ந்தவர்கள் என்பதால் அவர்களது கதைகள் ரொம்பவே வித்தியாசமாய் ; ரசனைகளுக்கு உகந்தவைகளாய்த் தெரிவது இயல்பே ! அதே போல மர்ம மனிதன் மார்டின் ; டைலன் டாக் ; ஜேசன் ப்ரைஸ் ஆகியோரும் சற்றே அமானஷ்யம்; மர்மம்; fantasy சார்ந்த கதைகளின் சொந்தக்காரர்கள் எனும் போது ‘பன்ச்‘ டயலாக் பேசும் அதிரடி cowboy ஹீரோக்கள் பட்டியலுள் இடம் பிடிப்பதில்லை ! ஆனால் இவர்கள் எல்லோருமே ஊறுகாய் ரேஞ்சுக்கே நமது திட்டமிடல்களில் இடம் பிடிக்கின்றனர் - ஆண்டுக்கு ஒன்றோ, இரண்டோ ஸ்லாட்கள் மாத்திரமே அவர்களுக்கு ஒதுக்கப்படுவதன் காரணமாய் ! அதற்கு மேலாய் இடங்கள் ஒதுக்கிடப் பிரியப்பட்டாலும் - தொடர்களில் கதைக் குறைபடியோ ; நமது ரசனைகளின் அளவுகோள்களோ, ஒரு குறுக்கீடாய் அமைந்து விடுகின்றன !! 

VRS வாங்கிய Fleetway நாயகர்களை எப்படியாய்த் தட்டியெழுப்பி ; ‘பளா பளா‘வென்று ஒரு அண்டா நிறையக் கறுப்புச் சாயப் பொடியைக் கலக்கி வைத்து - அதற்குள் அவர்களைத் தலையை முக்கி எடுக்கச் செய்து, “ஹை... ஜுப்பராய் இளமையாகிட்டாங்களே!!” என்று குதூகலிப்பதை மறந்து விட்டுப் பார்த்தால் - பரவலாய்க் கண்ணில் படுவது தடித்தடியான குதிரை பாய்ஸே ! நிச்சயமாய் எனக்கு இது சலிக்கவில்லை தான் ; ஆனால் உங்களுக்கும் நெருடல்களில்லை என்பது உறுதிப்பட்டால் ‘ஸ்டார்ட் ம்யூசிக்‘ சொல்லி விடலாம் அந்த இன்னுமொரு (புது) கௌ-பாய்க்கு ! 

மாறாக-

தற்போதுள்ள கௌ-பாய் கோட்டாவே போதும் ; தினம் தினம் முட்டையிடுகிறதென்பதற்காக அதன் அடிவயிற்றை அறுத்துப் பார்ப்பானேன் ? என்ற சிந்தனைக்கு நீங்கள் சொந்தக்காரர்களெனில் உங்களது கருத்துக்களை (சாந்தமாக) பகிர்ந்திடலாமே ? கோலோச்சி வரும் தற்போதைய கௌ-பாய் நாயகர்கள் மீதான தீர்ப்போ ; மார்க் போடலோ இது இல்லை ! மாறாக - “வன்மேற்குக் கதைக்களங்களே” என்றதொரு பரந்த தலைப்பு பற்றிய உரத்த சிந்தனைகள் ! So டெக்ஸ் trashing ; டைகர் bashing என்ற ஜாலியான பொழுதுபோக்குகளுக்குள் புகுந்திடாது - in general தற்போதைய நிலவரத்தை அலசிட முயற்சியுங்களேன் ? கௌபாய்க் களத்தைத் தாண்டிய (புது) ஆசாமிகள் பக்கமாய் கவனம் தந்திடலாமா - இன்னொரு ஸ்பெஷல் இதழின் பொருட்டு ? - என்ற திக்கிலும் உங்கள் சிந்தனைக் குதிரைகளை மேய்ச்சலுக்கு அனுப்பிடலாம் தான் !! And சுவாரஸ்யமான பல "புதியவர்கள்' தமிழில்  மாட்லாட ரெடியாகி வருகிறார்கள் என்பது உபரித் தகவல் !! 

 விடைபெறும் முன்பாக சில குட்டி குட்டி updates !

1000 பிரதிகளே அச்சிடப்பட்ட “கழுகுமலைக் கோட்டை” almost காலி ! பாக்கெட் சைஸ் மாயமா ? வண்ணத்தின் ஜாலமா ? இவற்றின் கலவையா ? பதிலறியேன் ! ஆனால் தற்போதையக் கையிருப்பு 37 பிரதிகள் மட்டுமே!! திகைப்பாய் இருந்தது நம்மவர்கள் தகவல் சொன்ன போது !

சமீபமாய் FB-ல் கொஞ்சமாய் செலவு செய்து நமது இதழ்கள் பற்றிய விளம்பரங்களை / விபரங்களைக் கூடுதலான பயனீட்டாளர்களிடம் கொண்டு சேர்க்க  முயற்சித்தோம் ! அவற்றை உங்களுள் பலரும் தங்களது வட்டத்தினில் share செய்திருந்தீர்கள் ! கைமேல்ப் பலனாய் கடந்த 10 நாட்களாய் நமது ஆன்லைன் ஸ்டோரில் மாயாவிகாருவும் ; டெக்ஸ் வில்லரும் ; லக்கி லூக்கும் ரவுண்ட் கட்டி அடித்து வருகிறார்கள் ! So தொடர்ந்து உங்களது FB நேரத்தின் போது நமக்கென தம்மாத்துண்டு அவகாசத்தை ஒதுக்கி,நமது விளம்பரங்களை / அறிவிப்புகளை share செய்திட மெனக்கெடுங்களேன் ப்ளீஸ் ? புது வாசகர்கள் ; ‘டச்‘ விட்டுப் போயிருந்த வாசகர்கள் ; பழமைக் காதலர்கள் என்று பல ரகத்தில் வருகைகள் சாத்தியமாகிடும் போது பத்து சதவிகித விற்பனை கூடினாலும் எங்கள் உலகுகளில் ஒரு பெட்ரோமேக்ஸ் வெளிச்சம் கிட்டிடும் ! Please do chip in folks ?!

அதே போல- இங்கும் சரி, இணையப் பொதுவெளியிலும் சரி, காமிக்ஸ் மீதான ஆரோக்கியமான உரையாடல்கள் அரங்கேறும் தருணங்களிலெல்லாம் தொய்வு கண்டு கிடக்கும் நமது ஆன்லைன் ஸ்டோருக்கு ஒரு புத்துயிர் கிட்டி வருகிறது ! So உங்களது வருகைகள் ; உற்சாகமான பங்களிப்புகள் ; ஜாலியான பின்னூட்டங்கள் - நம் பொருட்டு ஊரெல்லாம் சுற்றி வரும் ‘டை‘ கட்டிய ரெப்ரசன்டேடிவ்களாக உருமாறிடுவது நிதர்சனமாய்த் தெரிகிறது ! நமது வட்டம் ரொம்பச் சிறிதே ; ஆனால் ரசனையினில் நீங்கள் காட்டிடும் அந்த உத்வேகம் - ஒரு பெரும் திரள் இருப்பதான பிம்பத்தை உருவாக்குகிறது என்று சொன்னால் மிகையாகாது ! இங்கே பகிரப்படும் ஒவ்வொரு கருத்தும் பல நூறு மௌன நண்பர்களின் வரிக்கு வரி வாசிப்பிற்கு உட்படுகிறது எனும் போது - நீங்கள் ஒவ்வொருவருமே நம் விற்பனைக்கு ஒத்தாசை செய்திடும் ஆற்றலாளர்கள் ! Rock on guys !!

மீண்டும் சந்திப்போம் ! ஞாயிறு பகல் முழுவதுமொரு நெடும் பயணம் எதிர்நோக்கியுள்ளதால் 1 நாள் முன்பாகவே ஆஜராகி விட்டேன்! See you around! Bye for now!

299 comments:

  1. முதன் முதலாய் முதலில்

    ReplyDelete
  2. ஓ மை காட் . டாப் 10ல்

    ReplyDelete
  3. //1000 பிரதிகளே அச்சிடப்பட்ட “கழுகுமலைக் கோட்டை” almost காலி ! பாக்கெட் சைஸ் மாயமா ? வண்ணத்தின் ஜாலமா ? இவற்றின் கலவையா ? பதிலறியேன் ! ஆனால் தற்போதையக் கையிருப்பு 37 பிரதிகள் மட்டுமே!! திகைப்பாய் இருந்தது நம்மவர்கள் தகவல் சொன்ன போது.//
    வாவ் அருமை,மிக்க மகிழ்ச்சி சார்.

    ReplyDelete
    Replies
    1. இளவரசி தன் பங்கு பணியை செவ்வனே நிறைவேற்றி விட்டாள் ஆசிரியரே

      Delete
    2. தேவதை விற்பனையில் சாதித்தது மகிழ்ச்சி

      Delete
    3. // விற்பனையில் காலி//

      வாவ்! வாவ்! இரத்தக் கோட்டையை வெளியீடு அறிவிப்பைவிட அருமையான செய்தி.!சூப்பர்! சூப்பர்!

      Delete
  4. //ஆனால் உங்களுக்கும் நெருடல்களில்லை என்பது உறுதிப்பட்டால் ‘ஸ்டார்ட் ம்யூசிக்‘ சொல்லி விடலாம் அந்த இன்னுமொரு (புது) கௌ-பாய்க்கு !//
    தாராளமாக ஸ்டார்ட் மியூசிக் போடலாம்.
    +11111

    ReplyDelete
  5. ஹூம் ....உப பதிவே இந்த முறை இவ்வளவு நீளமா என்ற சந்தோசத்துடன் படித்தால் கடைசியில் சண்டே லீவு லெட்டர் கொடுத்துட்டீங்களே சார்....என்னமோ போங்க....:-(


    ஆனா நடுராத்திரி ஒன்பது மணிக்கு முன்னரே பதிவு வந்ததில் சந்தோசம் சார்..:-)

    ReplyDelete
  6. வாவ் .....ஆயிரம் கரங்கள் மறைத்தாலும் ஆதவனை மறைக்க முடியாது என்பது போல நாலு பேரு இளவரசியை சாடினாலும் அவரின் மகிமையை குறைக்க முடியாது என்பதை நிரூபித்து விட்ட


    இளவரசியாரே.....நீவிர் வாழ்க ...வாழ்க...வாழ்க.....


    மடிப்பாக்கம் சார்....இராவணன் இனியன் சார்...நம்ம இளவரசியோட அனைத்து கதைகளையும் சீக்கிரம் லிஸ்ட் போடுங்க ...அனைத்தும் மீண்டும் புதுப்பொலிவுடன் பவனி வரப்போகிறது என பட்சியோட பட்சி சொல்கிறது....:-)))

    சூப்பரப்பு சூப்பர்....இனிமே ரவிகண்ணரை தேடி ஆட்டோவில போக கூடாது....ஒன்லி ப்ளைட்தான் ...:-)

    ReplyDelete
    Replies
    1. ///சூப்பரப்பு சூப்பர்....இனிமே ரவிகண்ணரை தேடி ஆட்டோவில போக கூடாது....ஒன்லி ப்ளைட்தான் ...:-)///

      வரும்போது அப்படியே நன்னாரி சர்பத் ஒரு குடுவை வாங்கினு வாங்கோ தலீவரே..!! :-)

      Delete
    2. அப்படியே வெடிக்க மறந்த வெடிகுண்டு கதையை பரிசாக கொடுத்து படிக்க சொல்லி,கேள்வி கேட்டு பதில் சொல்லச்சொல்வோம்.!

      அப்படியே நம்ம செயலாளராருக்கும் சூப்பர் ஹீரோ ஸ்பெஷல் பரிசாக கொடுப்போம்.!

      Delete
  7. டியர் விஜயன் சார், இரத்த கோட்டை அறிவிப்பு மகிழ்ச்சியே. அதனுடன் டைகரின் ஒற்றை சாகசமான தோட்டாதலைநகரையும் சேர்த்திருந்தால் ரெட்டை மகிழ்ச்சியாக இருந்திருக்கும்.ப்ளாக் அண்ட்வொயிட்டிலாவது தோட்டாதலைநகரைஇணைக்கமுடியுமா சார்

    கவ்பாய் கதைகள் எவ்வளவு வந்தாலும் சலிப்புதட்டாது என்பதே என் எண்ணம். மற்ற நண்பர்களுக்கு மாற்று கருத்து இருக்கலாம்.

    எனக்கு தெரிந்து லயனில் வந்த எந்த கவ்பாயும் சோடைபோனது இல்லை.

    இருந்தாலும், , வனரேஞ்சர் ஜோ டைப்பிலான கானகத்தில் சாகசம் வகையறா கதைகள் இருந்தால் அதையும் ஒருமுறை ட்ரை செய்து பார்க்கலாமேசார்.

    வனரேஞ்சர் ஜோவின் யானைக்கல்லறையை மறக்கமுடியுமா!!!!

    ReplyDelete
  8. டியர் விஜயன் சார், இரத்த கோட்டை அறிவிப்பு மகிழ்ச்சியே. அதனுடன் டைகரின் ஒற்றை சாகசமான தோட்டாதலைநகரையும் சேர்த்திருந்தால் ரெட்டை மகிழ்ச்சியாக இருந்திருக்கும்.ப்ளாக் அண்ட்வொயிட்டிலாவது தோட்டாதலைநகரைஇணைக்கமுடியுமா சார்

    கவ்பாய் கதைகள் எவ்வளவு வந்தாலும் சலிப்புதட்டாது என்பதே என் எண்ணம். மற்ற நண்பர்களுக்கு மாற்று கருத்து இருக்கலாம்.

    எனக்கு தெரிந்து லயனில் வந்த எந்த கவ்பாயும் சோடைபோனது இல்லை.

    இருந்தாலும், , வனரேஞ்சர் ஜோ டைப்பிலான கானகத்தில் சாகசம் வகையறா கதைகள் இருந்தால் அதையும் ஒருமுறை ட்ரை செய்து பார்க்கலாமேசார்.

    வனரேஞ்சர் ஜோவின் யானைக்கல்லறையை மறக்கமுடியுமா!!!!

    ReplyDelete
    Replies
    1. கரீட்டா சொன்னீங்க சுந்தர் சார்...:-)

      Delete
  9. Your a/c no. XXXXXXXX9678 is debited for Rs.500.00 on 10-03-17 and a/c XXXXXXX790 credited (IMPS Ref no 706919960170).

    ReplyDelete
    Replies
    1. அடேங்கப்பா குமார் சார்....:-))

      Delete
    2. தீயா வேலை செய்யறீங்க குமாரு.!

      Delete
  10. //ஆனால் உங்களுக்கும் நெருடல்களில்லை என்பது உறுதிப்பட்டால் ‘ஸ்டார்ட் ம்யூசிக்‘ சொல்லி விடலாம் அந்த இன்னுமொரு (புது) கௌ-பாய்க்கு !//

    #####


    இன்னும் கெளபாய் எத்தனை பேரு அறிமுகமாக இருக்கிறார்கள் என தாங்கள் அறிவித்தால் அவர்களுக்கும் சேர்த்தே ஸ்டார்ட் மியூசிக் சொல்ல நாங்களே ட்ரம்ஸ் கொண்டு வந்து விடுகிறோம் சார்...

    சுமாரான ட்டெக்டிவ் கதைகள் ...துப்பறியும் கதைகள்...கார்ட்டூன் கதைகள் சுமாராக தான் தெரிகின்றன...ஆனால் சுமாரான கெளபாய் தொடரும் சூப்பராக தான் தெரிவதால் கெளபாய் நாயகர்களுக்கு முன்னோ முன்னுரிமை கொடுங்கள் சார்...ப்ளீஸ்...

    ( ஆனா ..சுமாரான கெளபாய் கதைகள் வந்து இருக்குதா என்ன...?..)

    ReplyDelete
    Replies
    1. //சுமாரான ட்டெக்டிவ் கதைகள் ...துப்பறியும் கதைகள்...கார்ட்டூன் கதைகள் சுமாராக தான் தெரிகின்றன...ஆனால் சுமாரான கெளபாய் தொடரும் சூப்பராக தான் தெரிவதால் கெளபாய் நாயகர்களுக்கு முன்னோ முன்னுரிமை கொடுங்கள் சார்...ப்ளீஸ்...//

      டி.வி.யில் விசு திரைப்படம் ஏதேனும் சமீபமாய்ப் பார்த்தீர்களா தலீவரே ?

      Delete
  11. Dear Vijayan Sir !

    Great ! Another milestone issue is on the way !

    Mmm How you consider the person like me when Advance booking is required for special issues . you may get the details from my source of contact ! Stella & Vasuki ! Thanks to them !

    Regards to Maidheen too !

    ReplyDelete
    Replies
    1. JOY RAJESH : நீங்கள் சொல்ல வரும் விஷயம் எனக்குச் சரியாகப் புரியவில்லை நண்பரே...!

      Delete
    2. Dear Sir,
      Sorry for lack of manners!
      Let me introduce my self first in proper way. Me Rajesh Babu is one of the subscriber for your COMICS ! If I do keep enough money in my account with Sunshine Library, am I be added in the advance booking listing for Special issues ? Hope I made it clear now !

      Regards !

      Delete
    3. Dear Sir,
      Sorry for lack of manners!
      Let me introduce my self first in proper way. Me Rajesh Babu is one of the subscriber for your COMICS ! If I do keep enough money in my account with Sunshine Library, am I be added in the advance booking listing for Special issues ? Hope I made it clear now !

      Regards !

      Delete
  12. இரத்த கோட்டை....அறிவிப்பு....



    ஒரே வரில தான் சொல்லனும் சார்....




    *மகிழ்ச்சி*

    ReplyDelete
    Replies
    1. தலைவர் பாணியில் தலீவர் !

      Delete
  13. சார் எப்பவும் போல சன்சைன் லைப்ரரிக்குதானே பணம் அனுப்பனும்??

    ReplyDelete
    Replies
    1. எனக்கும் அதே டவுட்டுதான்?

      Delete
    2. எப்படி தகவல்களை தந்தாலும் ஏதாவது சந்தேகத்தை தோண்டி துருவிடராங்கப்பா...!!!!
      உட்ல தேங்காய துருவி துருவி எல்லா எடத்திலும் அதே வேளயாப்போச்சு...ஹி..ஹி...

      Delete
    3. சேலம் சுசீ : Yes sir !

      Delete
    4. பணம் அனுப்பியாச்சு சார்!!!

      Delete
  14. பிறகு ஒரு வேண்டுகோள் சார்...நீங்கள் மாதாமாதம் ஒரு சர்ப்ரைஸ் கொடுத்து கொண்டு இருக்கிறீர்கள் ...அதற்காக ஒவ்வொரு மாதமும் என்ன சர்ப்ரைஸ் கொடுக்கலாம் என தத்தளித்து கொண்டு இருக்கிறீர்கள் என கேளவி பட்டோம் சார்...

    ஒரு சர்ப்ரைஸ் க்கான எனது வேண்டுகோள் சார்..

    முக்கியமான தருணத்தில் முத்து 400 அல்லது ஈரோடு புத்தக காட்சி சமயத்தில் நமது லயன் ..முத்து ...மினி லயன்...திகில்...ஜூ.லயன்...காமிக்ஸ் க்ளாசிக்ஸ் என நமது அனைத்து இதழ்களின் வரிசை அட்டவணையை ஒரே புக்லெட்டாக அளித்தால் மிக மிக பயனுள்ளதாக இருக்கும் சார்....( வருட ட்ரெயலர் புத்தகம் போல...)

    ReplyDelete
    Replies
    1. அப்படி இல்லை.
      அனைத்து இதழ்களின் அட்டை படங்களின் லயன்,முத்து,திகில்,மினி லயன், ஜு லயன் ஆகியவற்றின் தனி தனி புத்தகங்களாக வெளியிடவும்.

      Delete
    2. Paranitharan K : தலீவரே....கிட்டத்தட்ட ஐந்தரை வருஷங்களாக - சுமார் 375 பதிவுகளை போட்டுத் தள்ளி வந்திருப்பினும் இன்று வரையிலும் எந்தவொரு பதிவையுமே பெரிதாய்த் திட்டமிட்டு விட்டு நான் எழுதியதில்லை ! பேனாவைத் தூக்கிக் கொண்டு வாரயிறுதிகளில் குந்திடும் போது தானாய் ஏதேனும் தோன்றுவது வழக்கம் !

      375 பதிவுகளுக்குத் தத்தளிக்காதவன் பன்னிரெண்டே சர்ப்ரைஸஸுக்கு தத்தளிப்பேனா ? ஏதாச்சும் தோன்றிக் கொண்டே இருக்கும் தலீவரே !!

      Delete
    3. :-))) ஹாஹா....சும்மா பிட்டை போட்டு வுடறது தான் சார்....ஆனா இந்த ஐடியாவை கொஞ்சம் மறந்துறாதீங்க சார்...:-))

      Delete
  15. @ திரு விஜயன்

    இங்கே'கிளிக்' பண்ணிட்டு படிக்கவும்.

    மோடி ஜி கிட்டஇருந்து பணத்தை உருவி...சன்சைன் லைப்ரரி அக்கவுண்டுல 500/- போட்டாச்சி..! ஹீ..ஹீ..ஹீ..பதிவை படிச்சிட்டு வர்றேன்..!!

    ReplyDelete
    Replies
    1. /// ஈரோட்டில் நேரடியாகப் பிரதிகளைப் பெற்றுக் கொள்ள விரும்பும் நண்பர்களிடம் கூரியர் கட்டணம் வசூலிக்கப் போவதில்லை ! முன்பதிவு செய்யும் போதே [O] நேரடி டெலிவரி ; [O] கூரியர் டெலிவரி என்று இரு options தந்திடவுள்ளோம் ; So ஈரோட்டுக்கு டிக்கெட் போட ஒரு டஜன் யோசனைகளுள் - இதுவே முதல் யோசனையாக இருந்து விட்டுப் போகட்டுமே ?!///

      அடியேன் நேரடி டெலிவரிங்க..! :)))))))))))))))))))))))))))))))

      Delete
    2. மாயாவி ஜி சூப்பர்.

      Delete
    3. டைகரின் அதீதீவிர ரசிகரே ஒற்றை புக்கிங்தானா???
      டார்கெட் எப்படி ரீச் ஆகும்!!!

      இதே டெக்ஸ் ஸ்பெசலுனா இந்தேரம் இரட்டை இரட்டை யாக தாக்கியிருப்போம்ல!!!

      Delete
    4. //டைகரின் அதீதீவிர ரசிகரே ஒற்றை புக்கிங்தானா???//

      உங்கள் கலாய்ப்புக்குப் பயந்தே திருப்பூர் ப்ளூபெர்ரி 2 ஆர்டர் போட்டு விட்டாரோ ?

      Delete
  16. அடியேன் நேரடி டெலிவரிங்க.எனக்கும் சார்.

    ReplyDelete
    Replies
    1. POSTAL PHOENIX : நீங்க இல்லாமலா சார் ?

      Delete


  17. IMPS transaction Ref ID: 706920893332
    Transaction amount Rs. 500




    ReplyDelete
  18. 2016 ஈரோட்டில் (அ) ஏதோ ஒரு பதிவில்
    இரத்தக்கோட்டை முன்பதிவு செய்பவர்களுக்கு "" தோட்டா தலைநகரம் "" இலவசமாக இ.கோ யுடன் சேர்த்து தரப்படும் என்று நீங்கள் சொன்னதாக ஞாபகம் எடி சார்

    நண்பர்களும் ஞாபகப்படுத்தி பாருங்க

    ( அப்பாடா கொளுத்தி போட்டாச்சு )

    ReplyDelete
    Replies
    1. இந்த தகவல் சற்றே மாறாக தம்பி சம்பத்.

      2018க்கான வண்ண மறுபதிப்பு கோட்டாவில் இந்த டைகரின் "தோட்டா தலைநகரை" புக்கிங் செய்திட்டதாகத்தான் ஈரோட்டில் ஆசிரியர் சார் தெரிவித்தார்.
      ஆகவே இரத்த கோட்டையோடு இதை இணைக்கும் வாய்ப்பு இல்லை எனவும் தெரிவித்தார்.
      அந்த ஸ்கூல் மிஸ்ஸின் கலர் முக தரிசனத்தை காண மேலும் ஓராண்டு காத்திருக்கனும் என்ற லைட்டான கடுப்பு தகவலையும் சேர்த்து கொள்ளவும்.

      Delete
    2. "தோட்டா தலைநகரம்" 2018-ன் oneshot மறுபதிப்புப் பட்டியலில் !

      Delete
  19. தைரியமாக இன்னுமொரு கெளபாய் தொடரை களம் இறக்குங்கள் சார் இலங்கை வாசகர்களும் முன் பதிவு செய்யலாமா இரத்தக்கோட்டைக்கு

    ReplyDelete
    Replies
    1. Aashique.stark : //இலங்கை வாசகர்களும் முன் பதிவு செய்யலாமா இரத்தக்கோட்டைக்கு//

      நிச்சயமாய் ! திங்களன்று அதற்கான தொகையை அறிவிக்கிறேன் !

      Delete
    2. ரொம்ப நன்றீ சார் இமெயில் ஒன்றை திங்கள் தட்டி விடுகிறேன்

      Delete
  20. அப்ப நானு ஜனவரி மாசம் 8ந் தேதியே ( சென்னை புத்தகத் திருவிழா சமயத்திலேயே ) அனுப்பிச்சுட்டேனே... நானும் ஈரோட்டிலேயே வாங்கிக் கொள்கிறேன் எடிட்டர் சார்..

    ReplyDelete
    Replies
    1. கரூர் சரவணன் : Oh yes !

      Delete
    2. மன்னிக்கவும் ஒரு திருத்தம் சார்.. ஈரோட்டில் நான்கு புக்குகளாக வாங்கிக் கொள்கிறோம் சார்..

      1. தலைவர் கே. பரணிதரன்
      2. ரம்மி ரமேஷ் குமார், திருப்பூர்
      3. D.ரவி, மல்லூர் சேலம்,
      4. சரவணன், கரூர்..

      இது சம்பந்தமாக தங்களுக்கு ஏற்கனவே இ.மெயில் அனுப்பி இருக்கிறேன்..

      இரத்தப் படலத்திற்கு அடுத்த வாரத்தில் கண்டிப்பாக பணம் அனுப்பி விடுகிறேன்..

      Delete
    3. @ கரூர்கார்

      அருமை.! நண்பர்களுக்காக முன்பணம் கட்டும் உங்கள் அன்பு பாராட்டுக்குரியது, நண்பர்களுக்காக புத்தகங்கள் வாங்கிதருவது ஒரு சுகமான அனுபவம்...என்ஜாய் கரூர்காரே..! :)

      Delete
  21. டியர் எடிட்டர்

    செங்கோட்டையில் எனக்கான ஒரு இடத்தை ரூ.500/- செலுத்தி ரிசர்வ் பன்னியாச்சு. பத்திரமா தயார் செய்து வைத்திருங்க, ஆகஸ்ட் மாதம் வந்து ஆக்கிரமிச்சுக்கிறேன். :-)

    ReplyDelete
    Replies
    1. Dear Customer, Your a/c no. XXXXXXXX9289 is debited for Rs.500.00 on 10-Mar-2017 21:28:26 and a/c XXXXXXXX5790 credited (IMPS Ref no 706921023910).

      Delete
    2. P.Karthikeyan : ஹை ! ஈரோட்டுக்கு இன்னுமொரு டிக்கெட் !

      Delete
  22. Editor,Please share ups ID also.it will make fund transfer easy and fast also

    ReplyDelete
  23. வெளியான பத்தே நாள்களில் இளவரசியின் கழுகுமலைக்கோட்டை கிட்டத்தட்ட காலி.பாக்கெட் சைஸ் மற்றும் வண்ணத்தின் மாயாஜாலம்.



    இதுல இருந்து என்ன தெரியுதுன்னா....இனிமே வரப்போற எல்லா இளவரசி புக்கும் கலர்லதான் வரணும்.

    ReplyDelete
  24. /// கிட் ஆர்டின் Classic///... அடிவாங்கும் ஆர்டினுக்குமுன் அடிதரும் டாக்புல் க்கு தானே முதல் மரியாதை தந்து இருக்கனுமே சார்.

    கவுண்டமணி-செந்தில் காமெடி என்று சொல்வது தானே உலக வழக்கு சார்.

    ReplyDelete
    Replies
    1. சேலம் Tex விஜயராகவன் : "காமிக்ஸ் கவுண்டமணி ஸ்பெஷல்" என்று பெயரிட முடிந்தால் மொட்டத் 'தல' யை அட்டையில் போட்டு அதகளம் பண்ணிடலாம் !

      Delete
    2. வாவ்!!!
      நன்றிகள் சார்.
      திரையில் கவுண்டரும்,
      வுட் சிடியில் ஷெரிப்பாருமே இந்த ஜோடிகளின் உயிர் நாடி சார்.

      கவுண்டரின் மாடுலேசன், பாடிலேங்வேஜ் அப்படியே டாக்புல்லிடம் காணலாம் சார்.
      கவுண்டரின் ஒவ்வொரு தீமிற்கும் மேட்ச்சிங்கை நம் காமிக்ஸ்ல காட்ட இயலும் சார்.

      "காமிக்ஸ் கவுண்டமணி ஸ்பெசல்"- சூப்பர் டைடில், இதை பாலிஸ் செய்யவே வித்துவான் "ஒருவர்" உள்ளார். அவர் இன்னும் சிறப்பாக பேர் வைத்து சிறப்பிப்பார் என நம்புகிறேன் சார்.

      Delete
    3. எனக்கும் டாக்புல் ரொமபவே பிடிக்கும்
      டாக்புல் பெயரை இருட்டடிப்பு செய்ய வேண்டாம்

      Delete
  25. ///1000 பிரதிகளே அச்சிடப்பட்ட “கழுகுமலைக் கோட்டை” almost காலி ///---
    மாடஸ்தி வாழ்க...
    மாடஸ்தி வாழ்க...
    மாடஸ்தி வாழ்க...

    ReplyDelete
  26. துளியும் எதிர்பாரா தருணத்தில் ஒரு சந்தோச அறிவிப்பு இது எடிட்டர் சார்! 'ஏப்ரல் வாக்கில் அறிவிப்பு செய்திடலாம்' என்று நீங்கள் முன்பு கூறியிருந்ததாலோ என்னவோ மார்ச்சின் மத்தியில் இந்த அறிவிப்பை எதிர்பார்த்திடவில்லை என்பதே நிஜம்!

    எதிர்பார்த்ததற்கு முன்பே ஒரு அறிவிப்பு வெளியாகிறதென்றால் நீங்கள் உற்சாகமாக இருப்பதாக அர்த்தம்! உங்களது உற்சாகமே எங்களது கூக்குரல்களாக உருவெடுக்கிறது!

    மகிழ்ச்சி மகிழ்ச்சி!

    500 முன்பதிவுகள் குறிப்பிட்ட காலவரையறைக்கு முன்பே எட்டப்படுவது சர்வ நிச்சயம்! ஜக்கம்மா சொல்லிப்புட்டா!

    ReplyDelete
    Replies
    1. ஈரோடு விஜய் : 2017 -ன் துவக்கத்திலிருந்தே எதிர்பாரா இதழ்கள் ஹிட் அடித்து வருவது தான் எனது எனர்ஜியின் பின்னுள்ள பூஸ்ட் !!

      ட்யுராங்கோ ; ப்ளூகோட் பட்டாளம் ; மதியில்லா மந்திரி ; ஜேசன் ப்ரைஸ் ; மாடஸ்டி என பல surprises !!

      Delete
  27. ////நமது வட்டம் ரொம்பச் சிறிதே ; ஆனால் ரசனையினில் நீங்கள் காட்டிடும் அந்த உத்வேகம் - ஒரு பெரும் திரள் இருப்பதான பிம்பத்தை உருவாக்குகிறது என்று சொன்னால் மிகையாகாது !////

    ஆனாலும் கம்பேனி சீக்ரெட்டை இப்படி ஓப்பனா போட்டு உடைச்சுட்டீங்களே எடிட்டர் சார்... பக்கத்து ப்ளாக்காரங்க பார்த்தா நம்மைப்பத்தி என்ன நினைப்பாங்க!! :P

    ReplyDelete
    Replies
    1. ஈரோடு விஜய் : இன்னொரு சீக்ரட்டையும் சொல்லி விடட்டா ?

      சமீப மாதங்கள் ஒவ்வொன்றிலும் நமது மாதாந்திரத் தளப் பார்வைகள் 50000 -ஐத் தொடும் தொலைவை எட்டியுள்ளன !!

      யார்கிட்டேயும் சொல்லிடாதீங்க...ரைட்டா ?

      Delete
    2. ////சமீப மாதங்கள் ஒவ்வொன்றிலும் நமது மாதாந்திரத் தளப் பார்வைகள் 50000 -ஐத் தொடும் தொலைவை எட்டியுள்ளன !! ////

      அடேங்கப்பா!!!!

      எனக்கென்னவோ வேற்றுக்கிரகவாசிகள் நம்ம தளத்தைத் தொடர்ந்து கண்காணிச்சுக்கிட்டிருக்காங்கன்னு தோனுது எடிட்டர் சார்!

      Delete
  28. ////1000 பிரதிகளே அச்சிடப்பட்ட “கழுகுமலைக் கோட்டை” almost காலி ! பாக்கெட் சைஸ் மாயமா ? வண்ணத்தின் ஜாலமா ? இவற்றின் கலவையா ? பதிலறியேன் ! ஆனால் தற்போதையக் கையிருப்பு 37 பிரதிகள் மட்டுமே!! திகைப்பாய் இருந்தது நம்மவர்கள் தகவல் சொன்ன போது ! ////

    உண்மையச் சொல்லுங்க எடிட்டர் சார்... 'இளவரசி முன்னேற்றக் கழக' கண்மணிகள்ல யார்கிட்டேர்ந்தாவது இப்படியெல்லாம் எழுதச் சொல்லி உங்களுக்கு மிரட்டல் கடுதாசி/ஃபோன்கால் ஏதாச்சும்...

    ReplyDelete
    Replies
    1. ஈரோடு விஜய் : எனக்கென்னமோ "இ.மு.க." உறுப்பினர்கள் தங்கள் தானைத் தலைவியின் இந்த landmark இதழினை ஓட்டு மொத்தமாய் வாங்கிக் குவித்து விட்டார்களோ என்று தோன்றுகிறது!!

      Delete
    2. ///தலைவியின் இந்த landmark இதழினை ஓட்டு மொத்தமாய் வாங்கிக் குவித்து விட்டார்களோ///---மிகத்தவறான கணிப்பு சார்.

      மாடஸ்தி,ஸ்பைடர் மற்ற சில ஓல்டு கோல்டு களின்... பலம் நாம் நினைப்பதை விட நிஜத்தில் மிக அதிகம் என்பது என் தாழ்மையான கருத்து சார்.
      இந்த பாக்கெட் சைஸ், வண்ணம், மாடஸ்தியின் தனிப்பட்ட செல்வாக்கு, உங்களின் பெர்ஃபெக்ட் பிரசன்டேசன் என பலவும் இணைந்த வெற்றி இது சார். இது நிச்சயமாக ஒரு ஒன் சாட் கிடையாது என்பதை எங்களை விட ஆயிரம் மடங்கு உங்களுக்கு தெரியும் என்பதை நாங்கள் அறிவோம் சார்.

      Delete
    3. அப்டின்னா ஈ.வி சார் டெக்ஸ் கதை வரும் போதெல்லாம் யாராவது இப்படி எழுத சொல்லி (அ) போனில் மிரட்டினார்களா என்ன? விளக்கம் தேவை

      Delete
    4. ராவணன் சார்,

      இப்பத்தான் கரெக்ட்டான ரூட்டுக்கு வந்திருக்கீங்க. இதை அப்படியே கப்'புனு புடிச்சுக்கிட்டீங்கன்னா இனிவரும் எல்லா இளவரசி கதைகளையும் ஆயிரக்கணக்குல வித்துப்புடலாம்! ;)

      Delete
  29. அட்டகாசம் சார் ..... 2 புத்தகங்கள் முன்பதிவு (சீனியர் ப்ளுபெர்ரி மற்றும் ஜூனியர் ப்ளுபெர்ரி) தொகை 1000 உங்களது வங்கி கணக்கிற்கு அனுப்பி வைத்தாயிற்று சார் ...

    இனிமேல் ஆகஸ்ட் மாதத்தை எதிர் நோக்கி காத்திருக்க் வேண்டியதுதான் :)

    திருப்பூர் ப்ளுபெர்ரி (எ) நாகராஜன்

    ReplyDelete
    Replies
    1. திருப்பூர் புளுபெர்ரி (எ) திருப்பூர் நாகராஜன் : அட...டைகர் ரசிகர்கள் இப்போது பறவை (Earlybird ) அவதாரம் எடுக்கிறார்களா ? சூப்பர் !

      Delete
  30. சிங்கிள் slot புத்தகங்களை ₹ 75/- புத்தகங்கள் , நடு பக்கத்தில் pin அடிக்காமல் ,டெக்ஸ் புத்தகங்கள் போல் தருவதாக வாக்களித்ததாக ஞாபகம்.
    ஆசிரியர் மறந்து விட்டாரா.
    Or அதில் ஏதும் பிரட்சனை உள்ளதா.

    ReplyDelete
    Replies
    1. Shinesmile Foundation : அந்த வாக்குறுதி தரப்பட்டது 96 பக்க black & white TEX கதைகளுக்குத் தானே ?

      Delete
  31. ///ஆனால் சின்னதாயொரு சமாச்சாரத்தின் மீது கவனமும், சிந்தனையும் தந்த பின்னே அது பற்றிய இறுதி முடிவு எடுத்தல் நலமென்று மனதுக்குப் பட்டது ! ///

    வடை போச்சே ..!!

    பழைய கௌபாய் டைகருடன் புதிய கௌபாயையும் ஈரோட்டில் தரிசித்துவிடலாம் என்று கட்டிவைத்திருந்த கனவுக்கோட்டையை தகர்த்துவிட்டீர்களே சார். .!!

    ReplyDelete
    Replies
    1. வடைக்குப் பதிலாய் போண்டாவோ ; பணியாரமோ இருப்பினும் ஓ.கே. தானே ?

      And again - "வடை லேது !" என்று நான் சொல்லக் கூட இல்லையே ? எண்ணெய் கொஞ்சம் ஜாஸ்தி மாதிரித் தெரிகிறதா ? என்ற வினவல் மாத்திரமே !

      Delete
    2. /// "வடை லேது !" என்று நான் சொல்லக் கூட இல்லையே ? எண்ணெய் கொஞ்சம் ஜாஸ்தி மாதிரித் தெரிகிறதா ? என்ற வினவல் மாத்திரமே !///

      எண்ணெய் ஜாஸ்தி இருந்தால்தானே வடையோ போண்டாவோ கருகாமல் சுவையாக வரும். (அப்பப்போ எனக்கே ஆச்சரியமா இருக்கும் சார். இப்படியெல்லாம் யோசிக்கிறோமேன்னு ) :-)

      எனவே அந்தப் புது கௌபாயையும் ஒரு ரெண்டு மூணு ஆல்பத்தைச் சேர்த்து டைகருடன் சேர்த்தே வெளியிடுங்கள் சார்.

      கவனிக்கத்தக்க அம்சம், இதுவரை யாருமே கௌபாய்ஸ் போரடிப்பதாக சொல்லவேயில்லையே சார்.!!

      Please consider it sir. .!!

      Delete
    3. //கவனிக்கத்தக்க அம்சம், இதுவரை யாருமே கௌபாய்ஸ் போரடிப்பதாக சொல்லவேயில்லையே சார்.!!//ஆமாம் சார் நல்ல முடிவா எடுங்க.

      Delete
    4. கொளபாய்ஸ் எப்பவுமே டாப் தான் சார் புதிய கொளபாய் தொடருக்கு
      +123456789

      Delete
  32. ///1000 பிரதிகளே அச்சிடப்பட்ட “கழுகுமலைக் கோட்டை” almost காலி ! பாக்கெட் சைஸ் மாயமா ? வண்ணத்தின் ஜாலமா ? இவற்றின் கலவையா ? பதிலறியேன் ! ஆனால் தற்போதையக் கையிருப்பு 37 பிரதிகள் மட்டுமே!! திகைப்பாய் இருந்தது நம்மவர்கள் தகவல் சொன்ன போது !///

    என்னை யாராச்சும் தூக்கத்திலிருந்து எழுப்பிவிடுங்களேன். .!! :-)

    ReplyDelete
    Replies
    1. KiD ஆர்டின் KannaN : என்னையும் சேர்த்தே !!

      இங்கும் சரி ; உங்களது FB ; Whatsapp குழுக்களிலும் சரி, ஒரு இதழினை ஒருசேர நாம் ரசிக்கும் போது- அதன் தாக்கம் ஏகப்பட்ட மௌன வாசகர்களைத் தொற்றிக் கொள்வது அப்பட்டமாய்த் தெரிகிறது !!

      இந்த வெற்றி இளவரசியைச் சார்ந்தது மட்டுமல்ல - இந்த இதழைத் தாங்கிப் பிடிக்க மெனக்கெட்ட உங்கள் ஒவ்வொருவரையும் சார்ந்ததும் கூட !

      Delete
    2. ஆசிரியர் சார் நீங்கள் மன சஞ்சசலத்துடன் அவநம்பிக்கை இல்லாமல் ஹார்டு கவரில் வெளியிட்டு இருந்தால் மீதி 37 மாட ஸ்டி புக்கும் விற்பனை ஆகியிருக்கும்

      Delete
    3. 37 இதழ்களும் இன்னும் இரண்டே நாள்களில் காலியாகி விடும்.!!!

      Delete
  33. ₹ 500.00
    ப்ளுபெர்ரியில் என்னையும் இணைத்துக்கொள்ளுங்கள்.அடுத்த மாதத்திற்கான இதழ்களை தங்களின் அலுவலகத்திற்கு விடுமுறையில் வாங்கவரும் போது கட்டுகிறேன்.

    ReplyDelete
  34. Replies
    1. காலை முதல் வேலை போஸ்ட் ஆஃபீஸ் போய்MONEY ORDERஅனுப்புவது தான்.

      Delete
    2. T.K. AHMEDBASHA : 500 -ஆ ; 575 -ஆ சார் ?

      பேடாவுக்காக நண்பர்கள் காத்திருப்பார்கள் ! நாங்களுமே !!

      Delete
    3. நிச்சயம் பேடாவுடன்ஆஜராகிடுவேன் சார்..!!

      இறைவன் நாடினால்[இன்ஷாஅல்லாஹ்]

      Delete
    4. ////நிச்சயம் பேடாவுடன்ஆஜராகிடுவேன் சார்..!!///

      பாட்ஷாஜி! போனமுறை 'மாக்கான் பேடா'னு எதையோ கொண்டு வந்தீங்க. இந்த முறையாவது கொஞ்சம் 'புத்திச்சாலி பேடா'வை கொண்டு வருவீங்கன்னு நம்புறோம்!

      Delete
  35. ///கௌபாய்க் களத்தைத் தாண்டிய (புது) ஆசாமிகள் பக்கமாய் கவனம் தந்திடலாமா - இன்னொரு ஸ்பெஷல் இதழின் பொருட்டு ? ///

    கட்டாயம் கவனத்தை செலுத்தியே ஆகவேண்டும் சார்.
    இன்னொரு இரத்தப்படலம்
    மற்றொரு ஜேசன் ப்ரைஸ்
    இன்னொரு இ.இ .கொல்லாதே (Why not?)
    மற்றொரு லார்கோ வின்ச்

    இப்படி பலவற்றையும் எதிர்பார்க்கிறோம் சார்.!
    எனவே கவனத்தை நாலா திசைகளிலும் ம்ஹூம் பத்தாது பத்தாது எட்டுத்திக்கிலும் செலுத்துங்கள் சார்..!

    ///
    And சுவாரஸ்யமான பல "புதியவர்கள்' தமிழில் மாட்லாட ரெடியாகி வருகிறார்கள் என்பது உபரித் தகவல் !! ///

    இப்படி உசுப்பேத்தி விட்டுட்டு ஸ்லாட் இல்லை., ஓவர் டோஸ்னு சொல்லி புஸ்ஸாகிடாதிங்க சார். .!

    ReplyDelete
    Replies
    1. KiD ஆர்டின் KannaN : 2018 அட்டவணையைப் பார்த்து மெர்செல் ஆகப் போகிறீர்கள் என்பது உறுதி !

      Delete
    2. சொக்கா. .!!
      எல்லாப் பொன்னும் எனக்கேவா?? :-)

      (நல்லாப் பாருங்க குருநாயரே., எழுத்துப்பிழை வேண்டுமென்றே செய்யப்படவில்லை..ஹிஹி)

      Delete
  36. மாட்ஸ்டியின் இந்த சரித்திர வரலாற்று விற்பனை, பல பழைய சரித்திர நாயகர்களின் வண்ண பாக்கைட் சைஸ் புத்தகங்களாக வெளிவருவதற்கு ஓர் சொர்க்க கதவை திறந்து வைத்துள்ளது. இனி இ கை மாயாவி என பலரின் சாதனைகளை காணலாம்.
    மாடஸ்டி லயன் காமிக்ஸ் வரலாற்றில் மாபெரும் சாதனையை நிகழ்த்தி உள்ளார்.

    ReplyDelete
  37. ///பரவலாய்க் கண்ணில் படுவது தடித்தடியான குதிரை பாய்ஸே ! நிச்சயமாய் எனக்கு இது சலிக்கவில்லை தான் ; ஆனால் உங்களுக்கும் நெருடல்களில்லை என்பது உறுதிப்பட்டால் ‘ஸ்டார்ட் ம்யூசிக்‘ சொல்லி விடலாம் அந்த இன்னுமொரு (புது) கௌ-பாய்க்கு ! ///


    ஸ்டார்ட் மியூசிக்..!!

    காமிக்ஸில் கௌபாய்ஸ் என்பது நாம் தினமும் சாப்பிடும் சாப்பாடு போன்றது.

    வெஜ்ஜோ, நான் வெஜ்ஜோ சாப்பாட்டுல சலிப்பு வருமா சார்.!

    அதுவும் கலரில் குண்டு குண்டா வரும் கௌபாய்ஸ் பெரிய பெரிய பீஸ் போட்டு பரிமாறப்படும் பிரியாணியாக்கும். .!!

    ReplyDelete
    Replies
    1. KiD ஆர்டின் KannaN : //அதுவும் கலரில் குண்டு குண்டா வரும் கௌபாய்ஸ் பெரிய பெரிய பீஸ் போட்டு பரிமாறப்படும் பிரியாணியாக்கும். .!!//

      சேந்தம்பட்டி ஸ்பெஷலான அந்தக் "கிடாவெட்டு ட்ரேட்மார்க்" பளிச்சென்று தெரிகிறது !!

      Delete
    2. காமிக்ஸும் கிடாவெட்டும் சேந்தம்பட்டி குழுவிற்கு
      கண்ணிரண்டு என்பதாம் காண்

      அப்படீன்னு திருக்குறளே இருக்காம் சார். .!!

      Delete
    3. செமையா சொன்னிங்க கண்ணன்.

      Delete
    4. என்னமோ பேசிகிட்டு இருக்கிறாப்ல இருக்கே..

      Delete
  38. ///கிட் ஆர்டின் Classic (யெஸ்... பெயர் மாற்றத்தோடு இந்த இதழ் வரவுள்ளது ! சும்மாக்காச்சும், ‘அமெரிக்க மாப்பிள்ளை‘ ரேஞ்சுக்கு மட்டுமே தலை காட்டும் அந்த சிக்பில் தம்பியைக் கதாநாயகரென்று பெயருக்கு ஏற்றுக் கொள்ளலாம் ; மெய்யான ஸ்டார் - ஆர்டின் சார்வாள் தானே ?)///

    கிட் ஆர்டின் Classic -செம்ம..!!

    சாகச வரிசை என்றால் சிக்பில் பெயரை முன்னிருத்துவதில் சம்மதம்தான். ஆனால் காமெடி சரவெடி எனும் போது ஆர்டினே ஹீரோ அந்தஸ்துக்கு முழுத்தகுதி பெற்றவர் ஆகிவிடுகிறார்.(டாக்புல்லும் சம அந்தஸ்த்து பெற அனைத்து தகுதிகளும் உடையவரே)

    ReplyDelete
    Replies
    1. +1

      ஏதோ இப்பயாச்சும் நம்ம ஃபீலிங்ஸை புரிஞ்சுக்கிட்டாரே, அதுவரைக்கும் சந்தோசம் தான்!

      Delete
    2. "தானைத் தலைவர் டாக் புல்" ஸ்பெஷல் என்று பெயரிடத் தான் எனக்கும் ஆசை !! ஆனால் இம்முறை ஆர்டின்காருவுக்கு தான் முதல் மரியாதை !!

      Delete
  39. ////- முன்பதிவுக்கு முந்திடும் முதல் 100 வாசகர்களுக்கு “EARLY BIRD” என்றதொரு அழகான கலர் பேட்ஜ் தந்திடவுள்ளோம் ! ஈரோடு புத்தக விழாவிற்கு ஆஜராகும் வேளையில் அதை பந்தாவாகக் கழுத்தில் மாட்டிக் கொண்டு வரலாமே ?!////

    ஈரோடு திருவிழாவுக்கு வர இயலாதவர்களும்கூட முதல் நூறு முன்பதிவுகளில் இருப்பார்களே எடிட்டர் சார்? அவர்களுக்கு அந்த 'early bird' பேட்ஜினால் பயனேதும் கிடையாதே?! அதற்குப் பதிலாக, நமது அலுவலகப் பணியாளர்களுடன் நீங்கள், சீ.எடி, ஜூ.எடி சகிதம் ஒரு குரூப் ஃபோட்டோ (அல்லது) நமது காமிக்ஸ் பிதாமகர்கள் யாருடனாவது நீங்கள் எடுத்துக்கொண்ட ஃபோட்டோவை earlybirdகளுக்கு அனுப்பி வைத்தால் சரியாக இருக்குமென்பது எ.தா.க!

    அதெல்லாம் முடியாது பேட்ஜேஏஏஏ தான் கொடுப்பேன்'னு நீங்க சொன்னாலும் வாங்கிக் கழுத்துல மாட்டிக்கிட்டு 'நாங்களல்லாம் birdடாக்கும்'னு வலம் வர நான் ரெடி தான்!

    ReplyDelete
    Replies
    1. +1.சிறப்பான வேண்டுகோள் . தயவு செய்து பரிசீலனை செய்யுங்கள் சார். நன்றி ஈனா வீனா .

      Delete
    2. ஈரோடு விஜய் : Earlybird பேட்ஜ் தவிர்த்து இதிலுள்ள சலுகைகளை போகப் போகப் பார்க்கத் தான் போகிறீர்கள் !!

      Delete
    3. Earlybird பேட்ஜ் தவிர்த்து இதிலுள்ள சலுகைகளை போகப் போகப் பார்க்கத் தான் போகிறீர்கள் !!//
      சர்ப்ரைஸ் மேல சர்ப்ரைஸா அசத்துங்க சார்.

      Delete
    4. wow prebook 100 kullaa vanthachuuu.. enna kidaikkumnu waiting...

      Delete
  40. ///உருப்படியான டிடெக்டிவ் நாயகர்களுக்கு நிஜமான பஞ்சமென்பதால் அந்த genre கதைகளுக்கு வலு சேர்த்திட ரிப்போர்ட்டர் ஜானியையும், C.I.D. ராபினையும் தவிர்த்து வேறு யாருமில்லை எனலாம ! ///

    உண்மை..!

    அதுவும் ஜானிக்கு என்னைத்தவிர என்வீட்டில் இன்னொரு ரசிகரும் உருவாகியிருக்கிறார்.

    கலரில் ஜானியின் சித்திரங்கள் கண்கொள்ளா காட்சிகள் எனலாம்.
    வருடத்திற்கு ஒரே ஒரு ஜானியை மட்டும் கண்ணில் காட்டுவது மிகப்பெரிய குறை சார் (எனக்கு) . குறைந்தபட்சம் ஒரூ மறுபதிப்பாவது சேர்த்துக்கொள்ளலாமே?

    அப்புறம்

    அந்த புதிய ஸ்டைல் ஜானி என்னவானார் சார்.? அறிவிப்போடு அட்டாளியில் அடங்கிவிடுவாரா அல்லது அச்சுக்கு வருவாரா என்று தெளிவுபடுத்தினால் தூங்கிவிடுவேன் சார். .! :-)

    ReplyDelete
    Replies
    1. KiD ஆர்டின் KannaN : //அந்த புதிய ஸ்டைல் ஜானி என்னவானார் சார்.? //

      2018 -ல் !!

      Delete
    2. ஆஹா..!
      அதிகாலையில் நல்ல சேதி..!

      Delete
    3. சூப்பர்,ரிப்போட்டர் ஜானி சவால் வாசிப்புக்கு உறுதி அளிப்பவர்.

      Delete
    4. ஜானி க்கு இளம் ரசிகர்கள் ஆதரவு
      சூப்பர்

      Delete
    5. @ செந்தில் சத்யா

      ////ஜானி க்கு இளம் ரசிகர்கள் ஆதரவு
      சூப்பர்///


      :)))))))))))

      Delete
  41. கடைசியில் புலி வந்தே விட்டது . "ரத்த கோட்டை" உத்தியோக பூர்வ அறிவிப்பு அருமை .
    புது கௌ பாயினை நம்பி களம் இறக்கலாம் சார் .

    ReplyDelete
  42. இரத்தக் கோட்டை மறுபதிப்பிற்கு வாழ்த்துக்கள் சார், ஒருநாளுக்கு முன்பே வந்தது மட்டுமல்லாமல் சர்ப்னரஸ் அறிவிப்பு சூப்பர்....
    தானனத் தனலவி இதழ் 1000 தீரப் போகுது என்பது இன்ப செய்தி....
    அடுத்த இளவரசி இதழ் பெரிய இதழாய் இரண்டு கனதகள் இனணந்து வெளியிட வேண்டும் சார்....
    இளவரசி மட்டும் மட்டும் இளிச்சவாயானா கெட்டி அட்னடயில் வராமல் இருப்பதற்கு....
    தான்னத் தனலவி ரசிகர்கள் போராட்டத்னத தொடங்கவும் இளவரசி கெட்டி அட்னடயில் வரவேண்டும் என .....
    ஸ்டார் மீயூசிக்.....
    போராடுவோம் இறுதிவனர போராடுவோம் இளவரசி கெட்டிஅட்னடயில் டபுள் ஆல்பம் கினடக்கும் வனர போராடுவோம்.....
    புதிய கொளபாய் வேண்டுமா உது என்ன கேள்வி.... கரும்பு தின்ன கூலியா?
    புதிய நாயக நாயகிகள் பனடயெடுப்பு உடனே தொடர வழிசெய்யவும் என் கடன் காமிக்ஸ் படிப்பதே.....
    தளபதி முன்பதிவு செய்துவிட்டு மறுபடி வருகிறேன்......

    ReplyDelete
  43. பணம் அனுப்பியாச்சு ஆசிரியரே.
    Imps no707008762765 from indianbank
    For rs550/-ஈரோடு வந்தால் நேரில்
    மற்றொன்று. 2018 அட்டவணை
    பற்றிய முன்னோட்டம் கடைவாயில்
    கடல் போல் ஜொ ள். மறுபதிப்புகளுக்கு
    அதன் ஒரிஜினல் அட்டை படத்தைதையே
    வெளியிட்டால் மிக நன்றாக இருக்கும்.

    ReplyDelete
    Replies
    1. ///ஈரோடு வந்தால் நேரில்
      மற்றொன்று.///... ஹலோ, சென்னையில் நீங்கள் செய்த களப்பணியை கேள்விப்பட்ட பலர் உங்களை சந்திக்க ஆவலாய் உள்ளார்கள் அய்யா. அவசியம் வாருங்கள்.
      அந்த இரண்டு நாள் கொண்டாட்டத்தில் கலந்து கொண்டு தான் பாருங்களேன்.
      அதுவும் அந்த வெளிநாட்டு நண்பர்களின் பிரத்தியோக "அன்பை"லாம் பார்த்தும், உணர்த்தும் அனுபவிக்கனும் நண்பரே...!!!

      Delete
  44. ஈரோடு விஜய் புத்தக விழாவில் உங்களை சந்திக்க முயற்சிக்கிறேன்

    ReplyDelete
    Replies
    1. என் பாக்கியம், கணேஷ் சார்!

      பி.கு : பாக்கியம்'ன்ற பேர்ல எனக்கு யாரையும் தெரியாது! ;)

      Delete
    2. கண்டிப்பாக வர வேண்டும்..

      அப்புறம், 'பாக்கியம்'ங்கிற பேர்ல ஈரோடு விஜய்க்கு யாரையும் தெரியாது,

      மத்த பேர்ல இருக்கிறவங்கள ஈனா வினாவுக்கு தெரியுமான்னும் எனக்கு தெரியாது...

      Delete
    3. @ கரூர் சரவணன்

      நம்ம தலீவர் பார்த்த அதே 'விசு' படத்தை அப்பால நீங்க நைட்-ஷோ பார்த்துட்டீங்கன்னு கன்ஃபார்மா தெரியுது! ;)

      Delete
    4. //என் பாக்கியம், கணேஷ் சார்!

      பி.கு : பாக்கியம்'ன்ற பேர்ல எனக்கு யாரையும் தெரியாது! ;)//

      ஆனா அவங்களோட இனிஷியல் மட்டும் தெரிஞ்சு இருக்கே எப்படி ... (சீரியசாக யோசிக்கும் படங்கள் பல ஆயிரம்)

      Delete
    5. @ ப்ளூ

      //என் பாக்கியம் //

      N. பாக்கியம்

      N --> Nagarajan Santhan

      ஹிஹி! எப்பூடி? ;)

      Delete
    6. சரவணன் சார்! கலக்கறீங்க 😄😄😄

      Delete
  45. ஆசிரியரே 2017புத்தகவிழாவில்
    கூறியவாறு இப வண்ண மலர்
    2018 ஜனவரி புத்தகவிழா சென்னையில்
    வெளியிட வேண்டும்

    ReplyDelete
  46. இரத்தக் கோட்டை மறுபதிப்பிற்கு நல்வாழ்த்துக்கள்.இரத்தக் கோட்டை பயணத்திற்கு முன்பதிவு செய்துவிட்டேன். ஆகஸ்ட் ஈரோடு சந்திப்பை எதிர்நோக்கி !

    ReplyDelete
  47. இந்த குறும்பும் மகிச்சியும் உங்களுக்கு
    100ஆண்டு நிலைத்திருக்க வாழ்த்துக்கள்

    ReplyDelete
  48. transferred.

    //இந்த 5 பாகங்களும் ஒன்றிணைந்த மெகா சாகஸமானது - 232 பக்க முழுவண்ண ஆல்பமாய், (வழக்கம் போல) ஹார்ட் கவரில் அட்டகாசமாய் WWF ஸ்பெஷல் என்ற பெயரில் வெளிவரும் ! Wild West Forever !!//

    wow ......... edit sir thanks....

    // - காமிக்ஸ் உலக ஜாம்பவானின் ஒரு மெகா ஹிட் தொடரின் தொகுப்பு இது என்பதால் - Moebius-ன் ஒரிஜினல் அட்டைப்படங்களே முன்னும், பின்னும் பயன்படுத்தி்டவுள்ளோம் ! ஜிகினா வேலைகள் குறைவாகவும் ; authenticity பிரதானமாகவும் அமைந்திட நிச்சயம் முயற்சிப்போம் !
    // - plz include each episode original cover before starting of the same, do use high quality paper only for this to give blowup look/ it works as markup as well.'

    ReplyDelete
  49. transferred amount for WWF Special

    ReplyDelete
  50. அதாகப் பட்டது என்னவென்றால் இரத்தக் கோட்டை க்கு பணம் அனுப்பியாச்சு....
    இனி கோட்டை நம்வசம்.....
    உய்ய்ய்ய்.......

    ReplyDelete
  51. நிச்சயம் வருகிறேன் சேலம் Tex
    உங்களையும் ஈவி மற்றும் அனைத்து
    நண்பர்களையும் சந்திக்க ஆவல்.

    ReplyDelete
  52. வணக்கம் நண்பர்களே. காமிக்ஸால்
    இணைந்த உங்கள் அன்புக்கு நன்றி.

    ReplyDelete
  53. ஹாங்காங் Super6-
    மும்மூர்த்திகள் & ஸ்பைடர் போன்ற குறிப்பிட்ட ரசனையில் அடங்கும் சீசனைஸ்டு ஒன்சாட்ஸ்.

    T20- லார்கோ, வெய்ன் செல்டன்& லேடிS கூட்டணியில் கலக்கும் அதிரடி ஆக்சன்.

    ஒன்டே மேட்ச்- எவர்கிரீன் மார்டின், டைலன்& ஃப்ரைஸ் இணைந்த அமானுஸ்யம்;
    ஜானி& ராபின் அணியின் டிடக்டிவ் சுவாரஸ்யங்கள்;
    கலகலப்பான காமெடிகள்.

    டெஸ்ட் மேட்ச்- ஆழமான களம் கொண்ட கெளபாய்கள்& முரட்டு கி.நா.கள்.

    இவை அனைத்தும் கிரிக்கெட்டின் பல பரிமாணங்கள் என்றாலும் அனைவரும் ரசிக்கும் என்றும் நிலைத்திருக்கும் நிறமையின் உச்சபட்சத்தை கோரும் சவாலான டெஸ்ட் மேட்ச்கள் போல,
    காமிக்ஸ்ன் பல பரிமாணங்கள் என்றாலும் ரசனையிலும், கனமான களத்திலும் காலத்தை கடந்து நிற்கப்போவதும் இந்த கெளபாய்ஸ் & கி.நா.களே.

    எத்தனை எத்தனை கெளபாய்ஸ் களமிறங்கினாலும் அத்தனையும் ஆரத்தழுவி அள்ளிக்கொள்வோம் சார். விரைந்து களமிறக்குங்கள் சார், புதிய குதிரைப் பிரயாணியை...!!!

    ReplyDelete
  54. ஒரு குழப்பத்துல 'குதிரை பிரியாணி'ன்னு நெனச்சிட்டேன்.

    ReplyDelete
    Replies
    1. @ Govindaraj Perumal

      ஹா ஹா! கவனித்துக்கொண்டுதான் இருக்கிறேன்... நல்ல நகைச்சுவை உணர்வு உங்களிடமிருக்கிறது நண்பரே! எழுத்து நடையும் - செம! நேரம் கிடைக்கும்போது இங்கே கலக்குங்கள்!

      பி.கு : மேலேயிருப்பதை 'நகைச்சுவை உணவு' என்று நீங்கள் படித்திருந்தால் செம பசியில் இருக்கிறீர்கள் என்று அர்த்தம்! ;)

      Delete
    2. எல்லாம் அந்த கிடா வெட்டு விவரிப்புகள் பண்ணும் வேலை !!

      Delete
    3. Govindaraj Perumal@
      ஹா...ஹா...

      ///குதிரைப் பிரியாணி///...சேந்தம்பட்டி பிரியாணி அணியில் இணைய அனைத்து தகுதிகளும் பூரணமாக இருக்கு நண்பரே உங்களுக்கு.

      அப்புறம் உண்மையாகவே எந்த நாட்லயாவது (ஆஸ்திரேலியா வுல விருந்தினர்களை கங்காரு கறி கொண்டும், மெக்சிகோ வில் நாய் கறி விருந்தும் வைத்து அசத்துவது போல) குதிரை பிரியாணி போடப்படுகிறதா????

      Delete
  55. ///ஞாயிறு பகல் முழுவதுமொரு நெடும் பயணம் எதிர்நோக்கியுள்ளதால் 1 நாள் முன்பாகவே ஆஜராகி விட்டேன்///

    போய்ட்டு வாங்க எடிட்டர் சார்...! பொனெல்லியை கேட்டதாச் சொல்லுங்க!
    அவர்ட்ட சொல்லுங்க; வாரம் ஒரு முறை ஈரோடு விஜய்க்கு மெயில் அனுப்பி இத்தாலிக்கு வரச் சொல்லி கட்டாயப்படுத்துவதை முதல்ல நிறுத்தச் சொல்லுங்க. இந்தியாவுல செஞ்சு முடிக்கவேண்டிய சில கடமைகளை முடிச்சுட்டு அவரே வந்துசேருவார்னு சொல்லுங்க, சும்மா டார்ச்சர் பண்ணிக்கிட்டு!

    அப்புறம்... பொனெல்லி ஆபீஸுல ரிசப்சனிஷ்டா இருக்குற அந்தப் பாட்டிம்மாக்கு மொதல்ல VRS கொடுத்து வீட்டுக்கு அனுப்பச் சொல்லுங்க... 78 வயசுல ஏழு கோட்டிங் லிப்ஸ்டிக்கு.. பத்திக்கிட்டு வருது எனக்கு!

    ReplyDelete
    Replies
    1. மேற்கே ஒரு மாமன்னர் பாகம்2?

      Delete
    2. ஈரோடு விஜய் : அட....அவங்க டப்பு....அவங்க லிப்ஸ்டிக்....அவங்க உதடு ! ஏழு கோட்டிங்கோ ; ஏழரை கோட்டிங்கோ....நமக்குக் காந்துவானேன் ?

      Delete
    3. /// அட....அவங்க டப்பு....அவங்க லிப்ஸ்டிக்....அவங்க உதடு ! ஏழு கோட்டிங்கோ ; ஏழரை கோட்டிங்கோ....நமக்குக் காந்துவானேன் ?///

      காரணம் இருக்கு சார்.
      குருநாயருக்கு இயற்கை அழகுதான் பிடிக்கும். வீடு பூராவும் கருப்பாயி, காத்தாயி, குஞ்சரம்மா, கன்னியம்மா முனியம்மான்னு மேக்கப் வாசமே பட்டிராத நம்ம ஊரு பாட்டிகளின் போட்டோவைத்தான் மாட்டி வெச்சிருக்காரு. .!!

      Delete
    4. ///வீடு பூராவும் கருப்பாயி, காத்தாயி, குஞ்சரம்மா, கன்னியம்மா முனியம்மான்னு///

      மங்கம்மா, பொன்னுத்தாயி, பூவாத்தா பாட்டிகளின் பெயரை விட்டுட்டீங்களே கிட்? கிர்ர்ர்ர்....

      Delete
  56. அதீதமான வன்மேற்கு கதைகள் ???/
    கதை தேர்வு நன்றாக இருப்பின் இக்கேள்விகள் எழ வேண்டிய அவசியமில்லை என்பது எனது தனிப்பட்ட அபிப்பிராயம் சார்!!!

    டெக்ஸ் தனி சந்தா என்றபோது கூட இவ்வச்சம் –டெக்ஸ் ரசிகர்கள் தவிர- ஏனையோருக்கு ஏற்பட்டது உண்மை.அதீத டெக்ஸ் கதைகளோ ??? என எண்ண தூண்டியது.
    ஆனால் தங்களின் சிரத்தையாலும்,மேம்படுத்தப்பட்ட முயற்சிகளாலும் சிறப்பான கதை தேர்வுகள் இந்த மாய பிம்பத்தை தகர்த்தெறிந்தது கண்கூடு.

    டைகர் ,டெக்ஸ் நீங்கலாக பார்த்தால் கமான்சே சித்திரங்களின் வாயிலாகவே தாக்கு பிடித்து நிற்கிறது என்பது அனைவரும் அறிந்த விஷயம்.
    புதுவரவான ட்யுராங்கோ –தனித்துவம் பெற்ற கதைத்தொடர் அல்ல –எனினும் வெகுஜன ரசனைக்கு மிகவும் உகந்தது என்பதால் வெற்றி வாகை சூடி நிற்கிறது..
    கௌபாய் கதைகள் எத்தனை வரினும் தமிழ் கூறும் காமிக்ஸ் நல்லுலகம் அவற்றை வரவேற்கத்தான் செய்யும்....கதைகள் சிறப்பானவையாய் இருப்பின்.

    மின்னும் மரணம் ,வரவிருக்கும் ரத்த கோட்டை போன்றவை கூடுதல் கௌ பாய் கதைகள் என ‘’ எண்ணபிழை ‘’ ஏற்பட முகாந்திரங்கள் ஏதுமில்லை. அவை தொழில் நுட்ப வளர்ச்சியை பயன்படுத்தி பாதுகாக்கப்படும் படிமங்கள் என்பதை யாவரும் அறிவர்.
    மனதை வருடும் கதைகள் ,மனதில் தாக்கத்தை ஏற்படத்தும் கதைகள் , ஏன் சிரிப்பூட்டும் கதைகள் என பல இருப்பினும் மனதை இலகுவாக்க வல்லவை கௌபாய் கதைகள் என்பது நிதர்சனம்.
    எவ்வளவு கதைகள் வரினும் நில் கவனி சுடு போன்றவை சஞ்சல மனநிலையிலும் படிக்க ஏற்றவை என்பது பொது மன கோட்பாடுகள் கூறும் உண்மை.(குறைந்த பட்சம் என்வரையிலாவது ).
    சுருங்க கூறின் அயர்ச்சி ஏற்படுத்துவது கௌ பாய் உட்பட எந்த ஜோனர்களும் அல்ல .கதையம்சமும் ,சித்திர தரமுமே.

    புதிய நாயகர்கள் அறிமுகம் பற்றி வினவினால் கண்டிப்பாக வேண்டும் ..என எல்லோரும் சொல்வர்.
    இங்கும் வெகுஜன ரசனைக்குரிய கதை நாயகர்கள் அறிமுகபடுத்தி நம் காமிக்ஸ் வளர்ச்சியை உறுதிபடுத்துதல் ஏற்புடையதே...ஸ்லாட்டிற்கு தகுந்தார் போல் ஒன்று அல்லது இரு வருடங்களுக்கு ஒருமுறை )
    ( சிப்பாயின் சுவடுகளில் போன்றவை அல்லாது...........இது ஆச்சர்யத்தை ஏற்படுத்தினாலும் இது போன்ற கதைகள் சாமான்ய வாசகனை குழப்பத்தில் ஆழ்த்தும்..)

    பொழுது போக்கு அம்சங்கள் நிறைந்த-லார்கோ,ஷெல்டன் போன்ற –கதைகள் தேர்ந்தெடுக்கபடுமாயின் மிகவும் உத்தமம்.

    ( மினி லயன் ,திகில் லயன் , ஜூனியர் லயன் போன்றவைகளில் கவனம் செலுத்துவதை விட்டு விட்டு அந்த பணம் , உழைப்பு போன்றவற்றை புது கதைகளில் ஈடுபடுத்தலாம் என்பது என் தனிப்பட்ட வேண்டுகோள் சார்!!!!)


    ReplyDelete
    Replies
    1. செனா அனா ஜி@


      ஆகா,
      அற்புதமான பாடல்,
      ஆழ்ந்த கருத்துக்கள்...
      ஆசிரியர் சாரின் ஐயப்பாட்டை நீக்கி தெளிவான குதிரையில் பயணம் செய்ய வைக்கும் தீர்க்கமான வரிகள்... (திருவிளையாடல் செண்பகப் பாண்டியன் ஸ்டைலில் வாசிக்கவும்)

      Delete
    2. @ செனாஅனா

      அருமை! உங்கள் ட்ரேட்மார்க் பதிவு!
      அடைப்புக்குறிக்குள் சிறைபட்ட அந்த கடைசி பத்தியைத் தவிர மற்றதுக்கெல்லாம் ஒரு +1

      Delete
    3. அருமை! உங்கள் ட்ரேட்மார்க் பதிவு!
      அடைப்புக்குறிக்குள் சிறைபட்ட அந்த கடைசி பத்தியைத் தவிர மற்றதுக்கெல்லாம் ஒரு +1

      (வேலையை சுளுவாக்குனதுக்கு தேங்க்ஸ் செயலரே.)

      Delete
    4. ///மனதை வருடும் கதைகள் ,மனதில் தாக்கத்தை ஏற்படத்தும் கதைகள் , ஏன் சிரிப்பூட்டும் கதைகள் என பல இருப்பினும் மனதை இலகுவாக்க வல்லவை கௌபாய் கதைகள் என்பது நிதர்சனம்.
      எவ்வளவு கதைகள் வரினும் நில் கவனி சுடு போன்றவை சஞ்சல மனநிலையிலும் படிக்க ஏற்றவை என்பது பொது மன கோட்பாடுகள் கூறும் உண்மை.(குறைந்த பட்சம் என்வரையிலாவது ).
      சுருங்க கூறின் அயர்ச்சி ஏற்படுத்துவது கௌ பாய் உட்பட எந்த ஜோனர்களும் அல்ல .கதையம்சமும் ,சித்திர தரமுமே.///

      +1

      Delete
    5. ///( மினி லயன் ,திகில் லயன் , ஜூனியர் லயன் போன்றவைகளில் கவனம் செலுத்துவதை விட்டு விட்டு அந்த பணம் , உழைப்பு போன்றவற்றை புது கதைகளில் ஈடுபடுத்தலாம் என்பது என் தனிப்பட்ட வேண்டுகோள் சார்!!!!) ///

      இவற்றிலிருந்து லக்கிலூக், சிக்பில் மாத்திரம் மறுபதிப்புக்கு தேர்வு செய்து கொள்ளலாம். மற்ற கதைகளுக்கான பணம் மற்றும் உழைப்பை புதிய கதைகளில் செலுத்தலாம் என்பது என் கருத்து..!!

      Delete
  57. முதல் வேலையா பணம் அனுப்பியாச்சு.
    EARLY BIRD-டோ..LAZY BIRD டோ...!!!
    எனக்கு அந்த BADGEவந்தாணும்

    ReplyDelete
  58. Editor Sir paid for Tiger
    Like to know the first 100 lists soon Sir

    ReplyDelete
  59. கெளபாய்களின் கதைகள் நிறைய இருப் Uதால் நீங்கள் ஏன் ஒரு கெளகேர்ள் கதையை அறிமுகப்படுத்தக் கூடாது? மாத்தி யோசிங்க ஆசிரியரே

    ReplyDelete
  60. எங்கள் ஊருக்கு விஜயம் செய்யும் விஜயனாரை வாலாட்டி வரவேற்கிறேன்

    ReplyDelete
  61. Dear Edi,

    Long awaited Blueberry Classic is now finally slotted with a release date. No doubts this will be another sellout edition. Modesty Pocket issue sales offers no-brainer, since the quality and love in the making of that EPIC issue was quite evident.

    Cowboy stories have almost become a Trademark for our publication... So they could never be an overdose. I only wish that our reader-base also warms up to Sci-Fi fantasies... Hope Thorgal would pave way for that in near future.

    ReplyDelete
  62. Dear Vijayan Sir, just now transferred the money for Rattakottai.

    Thanks, -Bala S

    ReplyDelete
  63. எடிட்டர் சார்,

    இதுவரையிலும் புதிய கௌபாய் வேண்டாம் என்று ஒரு கமெண்ட் கூட விழவில்லை.!
    ஆகவே அந்த புதிய நாயகரையும் இரத்தக்கோட்டையுடன் சேர்த்து முன்பதிவு அறிவிப்பை தாராளமாக செய்யலாம் என்பது ஒட்டுமொத்த நண்பர்களின் கருத்தாக எடுத்துக்கொள்ளலாம் சார்.!

    தவிரவும் சமீபத்திய ட்யூராங்கோவின் தாக்கம் உங்கள் தேர்வுகளின் மீது அதீத ஆர்வத்தை ஏற்படுத்தி இருக்கிறது என்பதையும் கணக்கில் கொண்டால் புதிய கௌபாய்க்கு சிவப்பு கம்பள வரவேற்பு அளிக்க அனைவரும் தயாராகவே இருக்கிறோம் என்பது தெளிவாகிறது.

    அவசரப்பட்டு அறிவித்துவிட வேண்டாம் சார். ஆறஅமர யோசித்து பொறுமையாக நன்றாக நேரம் எடுத்துக்கொண்டு காலையில் அறிவித்தால் கூட போதும்..!!:-)

    ReplyDelete
  64. எனது wwf BOOKING NO.26,தற்போதைய சுழலில் ஈரோடு திருவிழாவில் கலந்து கொள்ளுதல் சாத்தியம்.Disclaimer:கடைசி நேர மாறுதலுக்கு உட்பட்டது.

    ReplyDelete
  65. அட நானும் வாரேன்

    ReplyDelete
  66. டியர் எடிட்டர் சார்,இரத்தக்கோட்டை அறிவிப்பு என்னவொரு அட்டகாசமான செய்தி.

    ஓர் கோரிக்கை அஜித்-விஜய் இணைந்து நடிக்கும் படம் வருமா என்ற எதிர்பார்ப்புக்கு நிகராக டெக்ஸ்-டைகரை இணைந்து கலரில் பார்க்க பலருக்கும் உள்ள ஆசையை தோட்டா தலைநகரம் + ஓர் டெக்ஸ் இதழாகவோ,ஏதும் கௌபாய் ஸ்பெஷலில் டெக்ஸுடன் போட்டு சைஸ், படைப்பாளிகள் தாண்டி வெளியிட முடியுமா என்று கொஞ்சம் பாருங்களேன்.

    தங்கள் காமிக்ஸின் அடையாளமே எப்போதோ கௌபாய்கள் தான் என்றாகிவிட்டதே.அமெரிக்க வரலாற்றையே கற்க வைத்து விட்டார்கள்.விடை பெற்ற நாயகர்களை ஒதுக்கினாலும் இன்றும் டெக்ஸ் கௌபாய் அடையாளத்துடன் கௌபாய்,நவஜோ தல,ரேஞ்சர், துப்பறிவாளர்,அட்வெஞ்சரர் என்று பல அவதாரங்களில் ஜொலிக்கிறார். கார்ட்டுன் கௌபாய்ஸ்,ட்யூராங்கோ யாரையும் கவருவர்.இளம் டைகரும் கவருவார்.

    கௌபாய்ஸ் ஓவர்டோஸ் என்று கூறுவது யாருக்கும் கஷ்டமே.வேறு கதைகளும் வரவேற்கலாம்.லார்கோ போன்ற அறிமுகங்கள் புதிய முயற்சிகளில் தானே சிக்கினர்.

    ReplyDelete
  67. visit my new post in tamilcomicseries.blogspot.com

    ReplyDelete
  68. Sir,
    Transferred amount to your bank account through IMPS. I hope I will be within 100 range.
    :-)

    ReplyDelete
  69. இரத்த கோட்டை க்கு இன்னும் சிறிது நேரத்தில் பணம் கட்டி விடுவேன்.
    ஓரு டவுட்.
    நான் ஈரோடு வருவதாக உள்ளேன். Suppose என்னால் வர முடியவில்லை என்றால் extra 75 கூரியர் கட்டனம் கட்டி மாற்றி கொள்ளலாமா?

    ReplyDelete