கோமான்களும்.... கோமாளிகளும் !

நண்பர்களே,

வணக்கம். கோமான்களும், கோமாளிகளும் கைகோர்த்து வெளிவரும் வேளை இது ! நேற்றைய கூரியரில் லார்கோவின் "வேட்டை நகரம் வெனிஸ்" + சிக் பில் & கோ.வின் "ஒரு பைங்கிளிப் படலம்" அனுப்பி விட்டோம் ! So பெரும்பான்மையான நண்பர்களுக்கு இரு இதழ்களுமே இன்று கிட்டிடும் என்ற எதிர்பார்க்கிறேன் ! லார்கோவின் கதை வரிசையில் இம்மாத சாகசம் சற்றே மாறுபட்டது என்பதோடு adults only  சமாச்சாரங்களும் சற்றே தூக்கலானதொன்று ! நிறைய இடங்களில் லார்கோவின் தோழியருக்கு ஆடை உபயமும், ஒரு சில இடங்களில் கோடீஸ்வரர் லார்கோவுக்குமே கூட நம் புண்ணியத்தில் உடை தானமும் செய்யப்பட்டுள்ளதை கவனிக்கத் தான் போகிறீர்கள். (ஆடை உபயங்களை இன்னமும் கொஞ்சம் நளினமாய் நமது டிசைனர் செய்திருக்கலாம் என்பது ஒரு தனிக் கதை !!) கதையின் ஓட்டத்துக்கு ; அதன் மாந்தர்களுக்கு கதாசிரியர் நிர்ணயித்திருந்த flow தனை இயன்ற மட்டிலும் பாழ் செய்திடாமல் இருக்க முயற்சித்துள்ளேன் ! எனது சென்சார் அளவுகோல்களின் மீதான உங்கள் பார்வைகள் வெவ்வேறு விதங்களில் இருக்கப் போகின்றன என்பது உறுதி ; ஆனால் அனைத்துத் தரப்பினரையும் கொஞ்சமேனும் முகம் சுளிக்காதிருக்கச் செய்யும் பொறுப்பு மட்டுமன்றி - படைப்பாளிகளின் இச்சைகளை மதிக்கும் பொறுப்பும் எனக்குள்ளதென்பதை மட்டும் சின்னதாய் அடிக்கோடிடுகிறேன் ! Please do bear that in mind !

அதே போல இம்மாத சிக் பில் கதையினையும் கொஞ்சமே கொஞ்சமாய் சென்சார் செய்யும் அவசியமும் எழுந்தது தான் கொடுமை ! கதையைப் படிக்கும் போது உங்களுக்கே அந்த இடங்கள் எதுவாக இருந்திருக்குமென்ற சங்கதி புலப்படுவது உறுதி ! 

எப்போதும் கொஞ்சம் நீளமான பதிவை நான் எழுதுவதும், அதன் பின்னே உங்கள் பின்னூட்டங்கள் பதிவாவதும் வழக்கம் அல்லவா ? முதன்முறையாக ஒரு தம்மாத்துண்டு intro உடன் நான் இடத்தைக் காலி பண்ணுகிறேன் ; தொடரும் உங்கள் பின்னூட்டங்களுக்கு பதிலாய் இந்தப் பதிவை அவ்வப்போது develop செய்கிறேன் ! Happy Reading folks...bye for now !