மூப்போடு ஒரு மோதல்!

நண்பர்களே,

வணக்கம். ஜாலியாய் டின்டின், டெக்ஸ், ஆர்ச்சி என்று வெளிவந்திருக்கும் தருணத்தில் இந்தப் பதிவைப் போடலாமா - வேண்டாமா? என்று உள்ளுக்குள் குழப்பம். தவிர, சொந்தச் சிக்கல்கள், நோவுகள் பற்றியெல்லாம் இங்கு எழுதி உங்களையும் சங்கடப்படுத்துவானேன் என்ற தயக்கமும் தான். ஆனால் 'இட்லி சாப்டேன் - இடியாப்பம் சாப்டேன்' என்றெல்லாம் எழுதும் பழக்கம் கொண்ட பின்னே, இதனைப் பகிர்ந்திடாது இருப்பதும் முறையாகாது என்று படுகிறது.

விஷயம் இது தான் folks : 

கடந்த மூன்று வாரங்களாகவே நமது சீனியர் எடிட்டரின் உடல்நலத்தில் கணிசமான சவால்கள்! தொடர்ச்சியாய் ஹாஸ்பிடல் விஜயங்கள் ; சேர்க்கைகள் என்றே வண்டி ஓடி வருகிறது. ஜனவரி இறுதி வரைக்குமே நலமாய் இருந்தவருக்கு, இந்த பிப்ரவரி அத்தனை அனுகூலம் காட்டியிருக்கவில்லை! வயது சார்ந்த பிணிகள் ஒன்றன்பின் ஒன்றாய் ரவுண்டு கட்டி வருகின்றன and இந்தப் பொழுதில் கூட ஹாஸ்பிடலில் தான் ஜாகை! 2 வாரங்களுக்கு முன்னே ராஜபாளயத்தில் மேடையில் பேசும் சமயம் அப்பாவைப் பற்றிப் பேசும் நொடியில் எனக்கு தொண்டை அடைத்துப் போனதன் பின்னணி இதுவே!

To his credit - ஒவ்வொரு பின்னடைவையும், சீனியர் எடிட்டர் தளராது போராடி வருகிறார் தான் - yet மூப்பெனும் படலத்தின் முழுப் பரிமாணங்களையும் பார்க்கும் போது மிரட்டலாக உள்ளது! ஆபத்தான கட்டத்தினை தற்சமயம் தாண்டி விட்டார் & இனி மெதுமெதுவாய் தேறிடுவார் என்ற நம்பிக்கையில் நாட்களை நாங்கள் நகர்த்தி வருகின்றோம்! 

இந்த வேளையில் அவர் நலம் பெற உங்களின் வாழ்த்துக்கள் நிரம்பவே உதவிடும் என்ற நம்பிக்கையில் தான்  கணிசமான யோசனைக்குப் பின்னே இதனை எழுதிடுகிறேன். தடுமாற்றங்களுடன் இன்னமுமே நமது blog பக்கத்தினை பின்தொடர்கிறார் எனும் போது அவர் பெரிதும் நேசிக்கும் உங்களது அன்புகளின் வெளிப்பாடு அவருக்கு நிரம்பவே பலம் சேர்த்திடும் என்பதில் எனக்கு ஐயங்களில்லை! 🙏🙏🙏

And இங்கே ஒரு நாளும் கருத்து கந்தசாமியாய் மாறி அட்வைஸ் பொழிந்திடும் ஜோலியெல்லாம் கூடவே கூடாது என்பதில் தீவிரமாய் இருக்கும் என்னிடமிருந்தே இந்த நொடியில் சின்னதாயொரு அட்வைஸ் guys : 

மூப்பெனும் வாழ்க்கையின் தவிர்க்க இயலா அந்திமக் காலகட்டத்திற்கு, அறுபதையோ - அறுபத்தைந்தையோ தொடும் பொழுதிலிருந்தே மனதளவில் சிறுகச் சிறுக தயாராகிக் கொள்ளல் நலம் போலும்! இந்தத் தயாராகும் படலங்கள் ஆளுக்கு ஆள் மாறுபடலாம் தான் ; but இன்றியமையா சில சமரசங்களை நம் மனங்களில் செய்து கொள்ளல், மூப்போடு நெருடலின்றி ஐக்கியமாகிக் கொள்ள உதவிடும் முதல் படி போலும்! Age is definitely just a number ; ஆனால் அந்த நம்பரோடு சகஜமாய், சௌஜன்யமாய் கைகுலுக்கிக் கொண்டால் நமது வாழ்க்கைப் பயணங்கள் எதிர்பாரா jerks இல்லாத பயணமாக அமைந்திடும் போலும்!

And ப்ளீஸ் - நீங்கள் அம்பானிக்கு உறவுமுறையாய் இல்லாத பட்சத்தில்  நலமாய் இருக்கும். வேளையிலேயே தவறாது health insurance எடுத்து வைத்துக் கொள்ளுங்கள் மக்களே!  மருத்துவத் தரம் உயர்ந்திருக்கும் அதே வேகத்தில் இன்றைக்கு அவற்றிற்கான கட்டணங்களும் உயர்ந்துள்ளன எனும் போது இந்தக் காப்பீடுகள் நிரம்பவே அத்தியாவசியம் என்றாகிறது! So அது குறித்து கவனம் ப்ளீஸ் all 🙏🙏

உங்களின் ஞாயிறு காலைகளை சங்கடமூட்டும் சேதியோடு சற்றே ஈரமானவைகளாக்கி உள்ளமைக்கு ரொம்பவே சாரி folks ; இதை நான் எழுதியிருப்பது சரியா, தப்பா - என்று கூட இன்னமும் தெரியவில்லை தான்! யார் வீட்டில் தான் நோவுகளில்லை - சுகவீனங்கள் இல்லை? Yet மூச்சுக்கு முன்னூறுவாட்டி "வாசகக் குடும்பம் " என்று பேசவும், எழுதவும் செய்து விட்டு சீனியர் சார்ந்ததொரு  முக்கிய விஷயத்தினைப் பகிர்ந்திடாது போவது நெருடியது! அதனால் தான் தயக்கத்துடனான இந்தப் பதிவு!

இந்த நொடியில் All is Well... அது தொடர சீனியர் எடிட்டரை உங்கள் பிரார்த்தனைகளில் இருத்திக் கொண்டால் அற்புதம்! Bye all... See you around! Have a safe sunday!

ஒரு 10 பன் படலம் !!

 நண்பர்களே,

வணக்கம். நாளொரு மேனி, பொழுதொரு வண்ணமுமாய் நம்ம கிட்டங்கியின் விஸ்தீரணமானது- மசக்கையான அம்மணியின் வயிற்றைப் போல பெருகிப் போகிறது தான்! மாதா மாதம் போட்டுத் தாக்கும் இதழ்களெல்லாம் பிக்னிக் போகும் பள்ளிக்கூடப் பசங்களின் உற்சாகங்களோடு ஷெல்ப்களில் தொற்றிக் கொள்கின்றன தான்! டயட் இருக்கும் மாப்பிள்ளை சாராட்டம் அரும்பாடுபட்டு இழந்திடும் கிலோக்களை- "பச்சக்' "பச்சக்' என அடுத்தடுத்த மாதங்களின் வெளியீடுகளின் உபயத்தால் மறுக்காவும் எடையேற்றிக் கொள்கிறோம் தான்! இருந்தாலும் ஒரு ஓய்வான பொழுதில் "அடுத்த ப்ராஜெக்ட்டா இன்னா பண்ணலாம்?'' என்ற சிந்தனைகள் மட்டுப்படுவதுமில்லை..! அந்தத் தருணங்களில் கலர் கலரான உங்களது கோரிக்கைகள் கபாலத்திற்குள் ரவுண்டடிக்காமல் இருப்பதுமே இல்லை தான்! அவற்றின் நீட்சியே கடந்த வாரத்தில் நமது வாட்சப் கம்யூனிட்டியிலே - "சஸ்பென்ஸ் வைக்கிறேன் பேர்வழி!' என்றபடிக்கே நான் கோமாளியாட்டம் வாங்கிய பல்புகள் !!

"வ.வி.கி.' 

முதல் புதிராய் இதைத் தான் போட்டேன்- மக்களாலே யூகிக்கவே முடியாது என்ற நினைப்பில்! 

பொடனியோடு ஒரு போடாய்ப் போட்டு "வண்ணத்தில் - விச்சு & கிச்சு'' என்று பதிலளித்தார் நண்பர் சங்கர் செல்லப்பன்! 😁😁

ரொம்ப காலமாகவே நண்பர்களின் கோரிக்கை இது! குறிப்பாக ஆதியும், செந்தில் சத்யாவும் இதற்கோசரம் கொடி பிடித்து வந்தது நினைவில் இருந்தது! பெரிய பாரமில்லாத இதழாய், படிப்பதற்கு நமக்கும் சரி, நம் வீட்டுக் குட்டீஸ்களுக்கும் சரி சுகப்படும் புக்காக விச்சு & கிச்சு தொகுப்பானது அமைந்திடக் கூடுமென்று உறைத்தது! And இவற்றை கலர் புக்ஸாய் வெளியிட்டால் ரம்யமாக இருக்குமென்ற மகாசிந்தனையும் உதித்தது! அப்புறமென்ன- நம்ம காலு.. நம்ம கட்டைவிரல்...."லபக்''னு நாமளே ஒரு கடி கடிச்சிட்டாப் போச்சு! என்று தீர்மானித்தேன்!

இயன்றமட்டுக்கு நாம் இதுவரைப் படித்திராத கதைகளையாகச் சேகரித்து இந்தத் தொகுப்பினை உருவாக்கும் முஸ்தீபுகளில் உள்ளோம்! so உங்களுக்கு ஒரு பிரதி.. உங்க பசங்களுக்கு இன்னொன்று என்று திட்டமிட்டுக் கொள்ளுங்களேன் மகாஜனங்களே?

இங்குள்ள சித்திரங்கள் நெட்டில் கிட்டியவைகளே ; சும்மா விளம்பரத்துக்காக மட்டும் பயன்படுத்தியுள்ளோம் ! So "இது தானா கலரிங் தரம் ?" என்ற கச்சேரிகள் வாணாமே ?

வ.ஒ.க.ம :

போன தபா "ஜிலோ'ன்னு சொல்லி­ப்புட்டாங்க பதிலை.. இந்தப் புதிருக்கு சான்ஸே இல்லைன்னு கெத்தாகப் போட்ட இரண்டாவது புதிர் இது! 

"வடசட்டியில் ஒரு கரண்டி மட்டன்''

"வர வேண்டும் ஓடி கண்மனி மாடஸ்டி''

என்றபடிக்கே நம்மாட்கள் கதக்களி ஆடிக் கொண்டிருக்க- "பரிசு 10 ரவுண்டு பன்கள்'' என்று வேறு அறிவித்து வைத்தேன்! பொளேரென பிளந்தார் நண்பர் சென்னை மகேஷ்குமார்- "வருகிறது ஒற்றைக் கண் மர்மம்'' என்று! அதனை லைட்டாகத் திருத்தி- "வண்ணத்தில் ஒற்றைக் கண் மர்மம்''என்று அறிவித்தபடியே 10 பன்களை சென்னை நோக்கிப் பார்சல் பண்ணினோம்! முத்து காமிக்ஸ் வாரமலரில் கலரிலும், Black & White லும் வெளியான இந்த சாகஸத்தை மறுபதிப்பிடக் கோரி நிறைய நண்பர்கள் வருஷங்களாய்க் கேட்டு வருவதில் இரகசியமே லேது! அதிலும் சேலத்து பல் மருத்துவரும், நாமக்கல்­லி ன் ""ஜம்ப்பரும்'' சமீப சமயங்களில் கூட இது பற்றிக் கேட்டுக் கொண்டே இருந்தனர்! கோப்புகள் அங்கே தயாராகும் போது இங்கே கோட்டு- சூட்டு போட்ட மாப்பிள்ளையும் தயாராகி விடுவாரென்று பதில் சொல்­ வைத்திருந்தேன்! ஒருவழியாக மாப்பிள்ளை சாருக்குக் கலர் கலராய் கோட்- சூட்கள் வாங்கிடும் நேரம் புலர்ந்து விட்டதால் அறிவிப்போடு ஆஜர்!

இதுவரையிலும் "காமிக்ஸ் சேவை ஆற்றுவோர் கழகத்தில்" மட்டுமே காமா- சோமாவென மறுபதிப்பாகியிருந்த இந்த சாகஸமானது rich ஆன, கலரிங்கில் நம்மிடையே ஒரு வாகான புத்தகவிழாத் தருணத்தினில் வெளியாக உள்ளது! இதற்கான கலரிங் பணிகளில் கடல் கடந்ததொரு தேசத்திலிருக்கும் டிஜிட்டல் ஓவியர் பிஸி! So வெயிட்டிங்!

Again - இது அவசரத்துக்கு நம்மாட்கள் கலரைத் தடவிய ஒரு பக்கமே ! 

தி.க.வ:

சிதம்பர இரகசியமே ஆனாலும், நம்மாட்கள் இடது கையாலேயே முடிச்சவிழ்த்து விடுவார்கள் என்பது புரிந்தாலும் விடாமுயற்சி வேதாளமாய் அடுத்து களமிறக்கிய புதிர்(?!!) இது தான்!

• "திகம்பரசாமி கனவில் வந்தார்''
• "திரிபுரசுந்தரிக்குக் கல்யாண வயசு''
• "திங்கட்கிழமை கருவாடு வறுவல்''

என்ற ரேஞ்சுக்கு கவித்துவமான விளக்கங்களுக்கு மத்தியில் "வண்ணத்தில் திகில் காமிக்ஸ்'' என்று முதலாவதாகப் பதிவு செய்தார் நண்பர் சிவா! Again சின்னதொரு திருத்தம் - but 10 பன்கள் உண்டு இந்த யூகத்துக்கு! 

சரியான பதில் "திகில் கதைகள் வருகின்றன!'' என்பதே! புத்தகவிழாக்களுக்கு வரும் மாணாக்கர்கள் மத்தியில் ஹாரர் கதைகளுக்கு ஒரு செம ஆர்வம் இருப்பது சில காலமாகவே நம்மாட்கள் சொல்­ வரும் சேதி! And துவக்க நாட்களது நமது "திகில்' இதழ்களில் வெளியான சிறுகதைகள் இதற்கு செமத்தியாக set ஆகுமென்று பட்டது! பற்றாக்குறைக்கு நம்ம மகளிரணித் தலைவி ரம்யா கூட இவற்றை மறுக்கா வெளியிட்டால் சிறப்பாக இருக்குமென்ற பதிவை எங்கோ வாசித்த நினைவிருந்தது!

SCREAM ஸ்பெஷல் என்று அங்கே லண்டனில் இந்தப் பேய்க் கதைகளை அழகாய் டிஜிட்டல் கோப்புகளாக்கிய தகவலும் காதில் விழுந்த நொடியில் துண்டை விரித்து வைத்தேன்! சின்ன சின்னக் கதைகள்- அதே MAXI சைஸில் - அழகான புது அட்டைப்படங்களோடு போட்டால் ரசிக்குமென்று பட்டது! So here we are!!

வ.செ.பி. :

இங்கேயும் நம்மாட்களின் பரதநாட்டியங்களுக்குப் பஞ்சமே இருக்கவில்லை தான்!

• வண்ணத்தில் செந்தமிழ் பிராட்டி
• வடக்கே செல்லும் பிரியாணி
• வடசென்னை பிள்ளையார்
• வடசென்னையில பிரியா(ம)ணி

என்ற ரேஞ்சில் ரவுசுகள் அரங்கேறிக் கொண்டிருக்க தம்பி கார்த்திக்கும், சென்னை நண்பர் கவாஸ்கர் விஸ்வநாதனும் ஏக காலத்தில் "செக்ஸ்டன் பிளேக்' என்று சிக்ஸர் அடித்தார்கள்! 

மிகச் சரியாக அதே 6.05.p.m.க்கு இருவரது பதிவுகளும்! 

So ஆளுக்கு 5 பன்கள் வீதம் ரண்டு பார்சல் பண்ணனும் திங்கட்கிழமைக்கு! சரியான பதில்: "வருகிறார்- செக்ஸ்டன் பிளேக்'' இங்கேயுமே அந்த ஹாரர் பேய்க் கதைத் தேடல் தான் எனது பின்னணி- இவரது கதைகள் டிடெக்டிவ் வரிசையே என்றாலும் விதவிதமான ஆவிகள் சார்ந்த களங்களிலேயே சாகஸம் செய்திடுவார்! நேர்கோட்டுக் கதைகள்; அழகான Black & white சித்திரங்கள் - So புத்தகவிழாக்களில் நமக்குக் கைகொடுக்க செக்ஸ்டன் நிச்சயம் உதவிடுவார் என்று தீர்மானித்தேன்! 

வ.வ.ப.த.ரா:

9.48.p.m.க்கு இந்தப் புதிரைப் போட்டேன்! 9.52 p.m.க்கு "வண்ணத்தில் வருகிறார் பரட்டைத் தலை ராஜா' என்று போட்டுடைத்தார் டெக்ஸ் சம்பத்! 

மெய்யாலுமே மிரட்டல் தான்! பதில் என்னவென்று தெரிந்த பிற்பாடு இதில் பெரிதாய் கம்பு சுற்றும் ஜாகஜமெல்லாம் இல்லையென்று தோனிடலாம்! ஆனால், சும்மா வாசிக்கும் போது நிச்சயமாய்க் குழப்பிடும் புதிர் இது என்பதில் no doubts! ஆக, திங்களன்று திருப்பூருக்கும் 10 பார்சல்ல்ல்ல்ல்!!

Again இங்கே நண்பர்களின் கோரிக்கைகளே பிரதான காரணி! குறிப்பாக நண்பர் காங்கேயம் சதாசிவம்! தவிர, கபிஷ் இதழ்கள் ஈட்டிய புத்தகவிழா சந்தோஷங்கள்- நம்ம பரட்டை ராஜாவை உட்புகுத்த இன்னொரு காரணம்! So அழுத்தமில்லாத ஜாலியான வாசிப்புக்கு yet another addition!

"பன் வாங்கியே கம்பெனியை போண்டியாகிட்டான்பா!'' என்று வரலாறு சொல்­லிடப்படாது என்பதால் புதுசாய் ஒரு குண்டைத் தூக்கிப் போடவும் தீர்மானித்தேன்! இம்முறையோ in the real sense of the word!

அந்த "குண்டு" ஒரு ஆயிரம்வாலா சார்ந்த உரத்த சிந்தனையே !! 

"ஆயிரம் ரூபாய்க்கு பொஸ்தவம் ஒண்ணு போடலாமா"ன்னு முன்னே யோசிச்சோம் - பத்தாண்டுகளுக்கு முன்னமே அந்த மைல்கல்லைத் தாண்டிப் போட்டோம்!

Next "ஆயிரம் பக்கங்களுக்கு பொஸ்தவம்" என்று யோசிச்சோம்- இரத்தப் படலத் தொகுப்புகள் + புலன்விசாரணை என்று ரணகளம் செய்தோம்!

"ஆனால், அது மூன்றோ - நான்கோ புக்ஸ்களின் மொத்தப் பக்க எண்ணிக்கை தானே?! ஒற்றை புக்கை ஆயிரம் பக்கத்துக்குப் போடலை தானே?!" என்று மனசுக்குள் அந்தச் சமயமே ஒரு மினி சிந்தனை பளீரிட்டது! 2007-ல் போட்ட இரத்தப் படல கறுப்பு- வெள்ளைத் தொகுப்பு கூட 852 பக்கங்கள் தான்! So 1000 பக்க குண்டூடூடூடூ என்பது வெறும் சிந்தனையாகவே இருக்க, நாளாசரியாய் அதனை பரணில் ஏற்றிய கையோடு மறந்தும் போயிருந்தேன்!

அதை ஏணி போட்டு கீழே இறக்கி தலைக்குள் மறுக்கா தாண்டவமாடச் செய்த புண்ணியவான் நம்ம ஆஸ்டின்வாழ் மகேந்திரன் பரமசிவம்வாள் தான்! "டெக்ஸ் மறுபதிப்புகளில் அடுத்து எதைப் போடலாம்?" என்ற கேள்வியோடு நான் மொக்கை போட்டு வந்த சமயத்தில் - "டெக்ஸ் மறுபதிப்புகளின் ஒரு தொகுப்பை ஆயிரம் பக்க புக்காகப்  போட்டால் ஜிலோன்னு இருக்குமே?" என்று பதிவு பண்ணினார்! அந்த நொடியில் தாண்டிப் போய்விட்டாலும், தலைக்குள் இது குடியிருந்தே வந்தது ! And வூட்டிலே வெறும் புளியோதரை மாத்திரமே இருந்த ஒரு மதிய வேளையில், கடிச்சுக்க கட்டைவிரல் தான் இருக்குதே?! என்ற ஞாபகம் வந்தது! அதன் நீட்சியாய் அன்றைக்கு மதியமே ஆபீஸில் ஒரு 1000 பக்க இதழின் டம்மி புக்கை தயாரிக்கச் சொன்னேன் மைதீனிடம்! And இது தான் அது!!

1.65 கிலோ எடையோடு, 1000 வண்ணப் பக்கங்களோடு ஒரு டெக்ஸ் Almanac வெளியிட்டால் மேலுள்ள போட்டோவிலான புக்கைப் போலவே இருக்கும்! ஏற்கனவே TINKLE புக்ஸ் 1000 பக்கங்களில் வெளியிட்டிருப்பதைப் பார்த்திருக்கிறேன் தான் - சென்னை ஓடிஸி புக் ஷாப்பில்! சரி, அதையும் ஆர்டர் போட்டு வாங்கிப் பார்த்து விடலாமென்று தீர்மானித்தேன்! ரெண்டே தினங்களில் அந்த புக்கும் வந்து சேர்ந்தது & நிதானமாய் அதனை அவதானித்தோம் ! அவர்களது சின்ன சைஸ்; வெள்ளைத் தாள் 1000 பக்க புக்கானது - 800 கிராம் எடையே உள்ளது! நாமோ - 'மணந்தால் மகாதேவியே' என்றபடிக்கே ஆர்ட் பேப்பரோடு குடும்பம் நடத்துவதால் புக்கின் வெயிட் இரண்டு மடங்காகிப் போகிறது! So இந்த நொடியில் எனது கேள்விகள் இவையே:

• 1.65 கிலோ எடையிலான புக்- அட்டகாசமாக காட்சியளிக்கிறது தான்! படித்துவிடுவீர்களா மக்களே - கையில் ஏந்தி?
• விலை உத்தேசமாய் ரூ.1800 ரேஞ்சுக்கு அமைவதைத் தவிர்க்க இயலாது! இது முன்பதிவுக்கானதொரு இதழாக மாத்திரமே இருக்க முடியும் என்பதால்- ரொம்பச் சின்னதாகவே பிரிண்ட்ரன் திட்டமிட வேண்டி வரும் ! நிறைய ப்ரிண்ட் செய்து, விலையினைக் குறைவாக வைத்திட இங்கு மார்க்கமிராது! So அந்த விலை பற்றியும் என்ன நினைக்கிறீர்கள் மக்களே?

"இது வாணாமே- விஷப் பரீட்சை!' என்பீர்களானால், அப்படியே ஓரம் கட்டிப்புடுவோம்! Definitely not a problem !! 

மாறாக "பேஷாகப் போடலாம்'' எனும் பட்சத்தில் நடப்பாண்டின் பிற்பகுதிகளுக்கென நிதானமாய்த் திட்டமிடலாம் !

"மறுபதிப்பா போட்டு- புதுக்கதைகள் வர்ற பாதையை அடைச்சிடறே! நீயே லந்தும் பண்ணிட்டு, நீயே இப்படியொரு முன்மொழிவையும் முகத்துக்கு முன்னே தூக்கி நிறுத்தறே!'' எனும் விசனம் கொள்ளும் நண்பர்களா ? டைப்படிக்கும் கஷ்டம் வேணாமே சார்ஸ் ?! டெக்ஸ் மறுபதிப்புகள் தான் வருஷத்தின் bestsellers & அவற்றின் பெயரைச் சொல்லியே ரெகுலர் தடத்தின் பல மிதரக நாயக/ நாயகியர் வண்டியோட்டி வருகின்றனர்! So மறுபதிப்பு சார்ந்த விமர்சனங்கள் டெக்ஸுக்கும், மாயாவிக்கும், லக்கி லூக்குக்கும் மட்டும் பொருந்தவே பொருந்தாது! நமக்கான பிராண வாயுவினை உருவாக்கித் தரும் விருட்சங்கள் இவர்கள்! So இவர்களுக்காக விதிகளை விசனமின்றித் தளர்த்திக் கொள்ளலாம் ! And இவை முன்பதிவுகளுக்கானவை மட்டுமே - யார் தலையிலும் வம்படியாக திணிக்கப்படாது ! 

அப்புறமேட்டு "பேங்கில் லோன் போட்டுத் தா இனிமே காமிக்ஸ் படிக்கணும்" என FB-ல் உரையாற்ற உத்வேகமா ? கொஞ்சமே கொஞ்சமாய் ஒருக்கா உங்க மனசுகளையே கேட்டுக் கொள்ளுங்களேன் - ஐஞ்சு ரூபாய்க்கும், பத்து ரூபாய்க்கும் நாம் வெளியிட்ட vintage இதழ்களை இன்னா விலைகளுக்கெல்லாம் போணி பண்ணிட இயன்றது & இன்றைக்கு Fanmade என்ற பெயர்களில் கட்டப்படும் கல்லாக்களின் நம்பர்களும் என்னவென்று ?! அதற்குப் பின்பாகவுமே விலைகள் பற்றி உரையாற்றும் ஆவல் எழுந்தால் - sure !!

So இந்த "குண்டூடூடூடூடூடூ'' வெடிக்கணுமா? அல்லாங்காட்டி தண்ணீர் ஊற்றி நமத்துப் போகச் செய்ய வேணுமா? என்பதை நீங்களே தீர்மானித்தாக வேணும் folks ! "வேணும்" எனும் பட்சத்தில் அடுத்த ஸ்டெப் - அவற்றில் இடம்பிடித்திட வேண்டிய கதைகளை இறுதி செய்தல் & then முன்பதிவுப் படலம். கணிசமான அவகாசம் தந்து கொள்ளலாம் ; அட, 2026-க்குக் கூட இதனைத் திட்டமிட்டும் கொள்ளலாம் ! சர்வ நிச்சயமாய் அவசரம் அவசியமாகிடாது ! May மாதத்து ஆன்லைன் விழா புத்தம்புது ஆல்பங்கள் பலவற்றோடு வெயிட்டிங் என்பதால் இதை அடிச்சுப் புடிச்சு உடனே உட்புகுத்தும் முனைப்பெல்லாம் நிச்சயம் காட்டிட மாட்டோம் ! 

And இங்கே முக்கிய குறிப்புகள் please :

இதை MBBS 34 சைஸில், பக்கத்துக்கு 4 1/4 பேனல் வீதம் போட்டால் மட்டுமே சிறப்பு என்ற ரீதியிலான அகுடியாக்கள் வேணாமே ப்ளீஸ் - போட்டால் வழக்கமான டெக்ஸ் சைஸ் தான்!

அப்புறம் "கார்சனின் கடந்த காலம்'' மெரி மேக்ஸி சைஸிலே போட்டு, வேணும்னா இன்னொரு நூறு ரூபாய் ஏற்றிக்கலாமே தம்பி?!'' என்ற பரிந்துரைகளும் no can do ப்ளீஸ்! Will just not be possible !!

"இதை இம்மா விலையிலே பண்றது தப்பு! 1996-லே அந்த புக்- இவ்ளோ விலை தான்! இப்போ 29 வருஷ விலையேற்றத்துக்கு குஷன் வச்சுப் பார்த்தாலுமே இது இம்புட்டு விலையிலே தான் இருக்கணும்!'' என்று விலை சார்ந்த ஞானமூட்டல்களும் வேணாமே ப்ளீஸ்?! வழக்கமான ப்ரிண்ட்-ரன்னில் மூன்றில் ஒரு பங்குக்குத் திட்டமிடும் போது செலவினங்களை மட்டுப்படுத்த வழிகள் ரொம்பக் குறைச்சலே ! So let's keep our thoughts on this pretty simple guys!

*ஓ .கே !

*Not.ஓ .கே. 

என்பதே இந்த வினாக்கான விடையாக இருந்துவிட்டுப் போகட்டுமே ப்ளீஸ்? 

Moving on, இதோ காத்திருக்கும் மார்ச்சின் தோர்கல் பிரிவியூ :

பிதாமகர் வான் ஹாமின் கைவண்ணத்திலான இறுதி தோர்கல் ஆல்பம் இது & ஒரு கதைச்சுற்றுமே இதனோடு பூர்த்தி காண்கிறது ! தொடரவுள்ள பயணத்தில் ஜோலனே பிரதானமாகிடுவான் என்பது போலான குறியீடுகளோடு வான் ஹாம் விடைபெற்றுக் கொள்கிறார் ! And கடந்த சில ஆல்பங்களை போலவே, இங்கேயும் தோர்கல் செம மாத்து வாங்கிய ஒரு பெரியவராட்டமே வலம் வந்து கொண்டிருக்கிறார் !! தாடியும், மீசையுமாய் காட்சி தரும் அந்த நபர் தான் பிரபஞ்சத்தின் புதல்வன் !! Phewwww !! 

ரைட்டு...வான் ஹாம் டாட்டா சொல்லிக் கிளம்பி விட்டார் ; இந்தத் தொடருக்கு நாம் தொடர்ந்து பச்சக் கொடி காட்டுவதா ? அல்லது யோசிப்பதா ? உங்களின் சிந்தனைகள் ப்ளீஸ் மக்களே ? 

டெக்ஸ் தவிர்த்த பாக்கி புக்ஸ் சகலமும் அச்சாகி, பைண்டிங்கில் உள்ளன ! So காத்திருக்கும் வாரயிறுதிக்கு மார்ச் புக்ஸ்களை அனுப்பிட எண்ணியுள்ளோம் !! All depends on the binding works !! 

அப்புறம் சொல்ல மறந்திடப்படாது - டெக்சின் இந்த ஆல்பமும் செம அழுத்தம் !!! இன்னொரு தாறுமாறு ஹிட் லோடிங் என்றே தோன்றுகிறது !! முதல் பாதி முடிஞ்சது - இரண்டாம் பாகத்துக்குள் ஐக்கியமாகிடக் கிளம்புகிறேன் folks !! 

Bye for now ....see you around ! Have a fun Sunday !!

தோளில் ஒரு கரம்...!

 நண்பர்களே, 

வணக்கம். எப்போவாச்சும் ; ரொம்ப ரொம்ப எப்போவாச்சும் - ஒரு நாளின் சகல நொடிகளிலும் பெரும் தேவன் மனிடோ நமது தோள்களில் கைபோட்டபடிக்கே நம்மோடு நட்பாய், வாஞ்சையாய், ஜோக்கடித்துக் கொண்டே பொழுதைக் கடத்துவது போல் உணர்ந்திட முடியும் ! கனவில் மட்டுமே சாத்தியமாகிடும்  சமாச்சாரங்கள் மெய்யாலுமே அந்த நாளில் வரிசை கட்டி அரங்கேறிடும் ! வீட்டுக்காரம்மாவோடு கடைவீதிக்கு வண்டியில் போறீங்களா ? மிஞ்சியிருக்கும் அந்த ஒரேயொரு பார்க்கிங் ஸ்பாட் அன்றைக்கு நமக்கே நமக்காய் கிடைத்து விடும் ! முக்கியமான தத்கல் டிக்கெட் போட காலை பதினோரு மணிக்கு மூச்சை இழுத்துப் பிடித்துக் கொண்டு, payment gateway-ல் சக்கரம் சுத்திக்கினே இருந்து உசிரை வாங்கக்கூடாதே என்று இஷ்ட தெய்வங்களையெல்லாம் வேண்டிக் கொண்டு முயற்சிக்கும் போது, லொஜக்கென ரெண்டுமே லோயர் பெர்த்தாக கிடைத்து விடும் !முக்கியமானதொரு மேட்ச் பார்க்க நினைக்கும் அந்த ராப்பொழுதில் பசங்க நேரத்துக்கே தூங்கிப்புடுவாங்க...."வெளியே போவோமாடா  மாப்பிள்ளைன்னு ?" கேட்டு நண்பர்களும் அன்னிக்கி மொக்கை போட மாட்டாங்க ! காமிக்ஸ் கூரியர் வந்தால் கூட வீட்டம்மிணி பழிப்பு காட்டாம, புன்சிரிப்போட கடந்தே போயிடுவாங்க ! அட, பெருமூச்சு விட்டபடிக்கே ஸ்ரீலீலாவை இன்ஸடாவிலே பார்த்துக் கிடக்கும் அங்குசாமிகளுக்குக் கூட, அகஸ்மாத்தா பஜார் பக்கமா போறச்சே, நகைக்கடைத் திறப்புக்கென  வந்திருக்கும்  அந்த அம்மணியை தரிசிக்க அன்னிக்கு சாத்தியப்படும்னா பார்த்துக்கோங்களேன்  ! என்ன ஒரே சிக்கல் - அந்த மாதிரியான நாட்களெல்லாம் ஆயுசுக்கு ஒண்ணோ, ரெண்டோ, தபாக்கள் மாத்திரமே வாய்த்திடும் ! 

And அத்தகையதொரு தினத்தை நம்ம ஆந்தையனுக்கு இந்த ஞாயிற்றுக்கிழமை  வழங்குவோமென்று ஏஜிர் தேவன் உறையும் அஸ்கார்டில் தீர்மானம் ஆகியது போலும் ; ஒரு பெரும் கனவாய் இன்றைய பொழுதே எனக்கு ஓட்டமெடுத்துள்ளது !! Phewwwwww !!

எல்லாம் ஆரம்பித்தது ஒரு பத்து நாட்களுக்கு முன்னே ..... !

எங்களது துடிப்பான மாவட்ட ஆட்சியரின் முன்னெடுப்பினில் ராஜபாளையத்தில் முதல் "காமிக்ஸ் லைப்ரரி" துளிர் விடவுள்ளது என்ற சேதியுடன் நம்மிடம் புக்ஸ் கொள்முதல் செய்திட சில நன்கொடையாளர்கள் அணுகியிருந்தனர் ! நிஜத்தைச் சொல்வதானால் இந்த முயற்சியின் முழுப்பரிமாணமும் எனக்கு அந்த நொடியில் புரிந்திருக்கவில்லை. டிஸ்கவுண்ட் எவ்வளவு கொடுக்கலாம் ? ; எந்தெந்த புக்ஸ் அனுப்ப சரிப்படும் ? என்பதோடு நான் ஒதுங்கிக் கொண்டு நம்ம front office பெண்களிடம் மீதப் பொறுப்புகளை விட்டிருந்தேன் ! ஆனால் லைப்ரரி துவங்கிய ஓரிரு நாட்களிலேயே எங்கெங்கிருந்தெல்லாமோ அழைப்புகள் வரத்துவங்கின - தொடரவுள்ள ஞாயிறன்று ஒரு "சித்திரக்கதை விழா" நடைபெறவுள்ளது & அதனில் நாமும் கலந்து கொள்ள இயலுமா ? என்ற கோரிக்கையோடு ! இந்த காமிக்ஸ் நூலகத்தின் உருவாக்கத்தில் பெரும்  பங்கு வகித்திருந்த எழுத்தாளர் திரு.S.ராமகிருஷ்ணன் அவர்கள் தலைமை ; பெரும் காமிக்ஸ் காதலரும், 23-ம் புலிக்கேசி திரைப்படத்தின்  டைரெக்டருமான திரு.சிம்புதேவன் அவர்கள் & சென்னையின் Fine arts College -ஐ சார்ந்த மூத்த பேராசிரியர் சிறப்பு விருந்தினர்கள் என்றும் தெரியப்படுத்தினார்கள் ! 'சரிங்க...ஆனா நான் என்ன பேசணும் ? எந்தத் தலைப்பிலே பேசணும் ?' என்று தயங்கியபடியே கேட்டேன் ! "காமிக்ஸ் பதிப்புலகில் உங்களின் அனுபவங்கள் பற்றி !" என்றார்கள் !

சரி, ரைட்டு...வர்றேன் சார் என்று சொல்லி விட்டு போனை வைத்த கொஞ்ச நேரத்துக்கெல்லாம் இன்னொரு அழைப்பு : "அன்னிக்கி ஒரு சின்ன காமிக்ஸ் கண்காட்சி மாறியும் அங்கே அமைக்க முடியுமா ?" என்ற வினவல் ! "திருவண்ணாமலையில் தற்சமயமா ஒரு புத்தக விழா ஓடிக்கிட்டிருக்கே சார் ; so ஆபீசில் ஏற்கனவே ஆட்கள் பற்றாக்குறை & ஒரு ஞாயிற்றுக்கிழமையில்  பெண்பிள்ளைகளை ராஜபாளையத்துக்கு அழைத்து வருவதும் முடியுமா ? என்று தெரியவில்லை !" என்று ஜகா வாங்கினேன் ! "முயற்சி பண்ணிப் பாருங்க சார் - டீச்சர்களும், பெற்றோர்களுமாய் கிட்டத்தட்ட 300  to 400  பேர் வரக்கூடிய பொழுது ! உங்க புக்ஸ் இருந்தால் சிறப்பாக இருக்கும்" என்றார் !! அப்புறமும் தட்ட முடியுமா என்ன - எஞ்சியிருந்த 2 front desk பெண்களை அரை நாளுக்கு மட்டும் வூட்டில் பெர்மிஷன் கோரச்செய்து, அங்கு display செய்திட ஏதுவான புக்ஸ்களையும் பேக் பண்ண சொல்லியிருந்தேன் ! 

"ரைட்டு...அது ஆச்சு ! ஆனா மேடையில் என்ன பேசுறது ? தமிழ் இலக்கியத்தில் முனைவர் பட்டம் பெற்ற எங்களது மதிப்பிற்குரிய மாவட்ட ஆட்சியரையும், எழுத்துலக ஜாம்பவான் திரு.எஸ்ரா.அவர்களையும், பற்றாக்குறைக்கு திரைப்பட டைரெக்டரையும், வைத்துக் கொண்டு தத்துப் பித்தென்று உளறிடப்படாதே !!" என்ற டர் தொற்றிக் கொண்டது ! பற்றாக்குறைக்கு ஆசிரியப் பெருமக்கள் & மாவட்ட நிர்வாக ஆளுமைகளும் !!

மேடையில் டீ ஆத்துவது என்னவோ நமக்குப் புதிதல்ல தான் ; ஆனால் இதுவரைக்குமான அந்த அனுபவங்கள் சகலமுமே காமிக்ஸில் ஊறிப் போன நம்ம நண்பர்கள் வட்டத்தினுள் மாத்திரமே அல்லவா ? So அங்கே பெருசாய் டென்ஷன் லேது ! அப்டியே சொதப்பினாலும், வக்கீல் வண்டுமுருகன் பாணியில் "உங்களுக்குத் தெரியாத நீதியில்லை ; தெரியாத சட்டமில்லை யுவர் ஆனர் ! நீங்களா பார்த்து பண்ணிக்கோங்க !"  என்று ஜகா வாங்கிக்கொள்ளும் குஷன் அங்கு எப்போதுமே உண்டு ! ஆனால்  காமிக்ஸை கண்ணிலேயே பார்த்திருக்கா ஒரு பெரும் திரளின் முன்னே முதன்முறையாகப் பேசணும் & நமது குழுமத்துக்கு மாத்திரமன்றி, காமிக்ஸ் எனும் ரசனைக்கே அங்கு நானொரு பிரதிநிதியாகி நிற்க வேண்டிய அவசியமும் இருக்கிறதென்பது புரிந்தது ! நான்பாட்டுக்கு  மேடையில் ஒரு சூர மொக்கையை நிகழ்த்தி விட்டு வந்தால், "போங்கடாடே...உங்க காமிக்ஸும் இப்டி தானே இருக்கும் ?" என்று அந்த ஜனம் திரும்பிக்கூடப் பார்க்காது நகர்ந்து விடுமே ?! So இந்த தபா மனசிலே தோணுறதை ஜாலியா பேசுறதுலாம் சுகப்படாது ; உருப்படியாய் ஒரு உரையினை தயார் பண்ணனும் என்று நினைத்துக் கொண்டேன் ! ஆனால் ---ஆனால் ---நாம நினைப்பதெல்லாம் அரங்கேறும் நாட்கள் தான் சொற்பமோ, சொற்பம் தானே ?! பல்வேறு அதிமுக்கிய பெர்சனல் சமாச்சாரங்கள் குறுக்கிட, வேறு எதற்குமே நேரம் ஒதுக்க முடியா அசாத்திய நெருக்கடி ! தொடரும் நாட்களின் இயன்றால் அதைப் பற்றிச் சொல்ல முயற்சிக்கிறேன் !  

சனியிரவிலாச்சும் கண்முழித்திருந்து prepare பண்ணலாமென்று பார்த்தால், அன்றைக்கு வீட்டில் விருந்தினர் ! 'ரைட் ரா....இருந்தா ஊருக்கு ; இல்லைன்னா சாமிக்கு !!' என்ற வடிவேல் டயலாக் தான் தூங்கப்போகும் போது மண்டைக்குள் ஓடியது !! கட்டையைக் கிடத்தினாலோ உறக்கம் பிடிக்க மறுக்கிறது !!

*சுத்த நடையில் பேசணுமா - அல்லாங்காட்டி casual ஆகப் பேசலாமா ?

*ஹாஷ்யமாய் பேசலாமா - அல்லாங்காட்டி அது மொக்கையா தோணுமா ?

*ரமணா ஸ்டைலில் புள்ளி விபரங்களையா அள்ளி விட்டா, ராஜபாளைய நாய்களை விட்டுக் கடிக்கச் செய்வார்களா ? தொப்புளை சுத்தி எட்டா ? பன்னெண்டா ?

*நம்மளை நாலாவதா பேச கூப்பிடறதா சொல்லி இருக்காங்க ! So நமக்கு முன்னே பேசுறவங்க ஏதாச்சும் காமிக்ஸ்  சார்ந்த விளக்கம் கோரிக் குறிப்பிட்டால் அதற்கான follow up நம்ம உரையில் இருக்கணுமா ?

*எவ்வளவு நேரம் பேசுனா சரியா இருக்கும் ? காமிக்ஸ் பற்றித் துளியும் தெரிந்திருக்கா ஒரு audience-ன் breaking point என்னவாக இருக்குமோ ? என்று குருதிப்புனல் கமல்ஹாசன் ரேஞ்சுக்கு யோசித்தேன் ! 

ஆற்றுப் படுகையில் புரளும் நாய்க்குட்டியைப் போல படுக்கையில் புரண்டபடிக்கே கிடந்த சமயத்தில் தலைக்குள் "இத பேசலாமோ ? அதைச் சொல்லலாமோ ?" என்று ஓடிய வெள்ளோட்டத்தை ராத்திரி மூணு மணிக்கு எழுந்து ஒரு A4 தாளில் கிறுக்கத் தொடங்கினேன் ! நமக்குத் தான் எதையுமே நறுக்குன்னு சொல்ல வராதே, கால் அவரில் எக்ஸ்டரா ஷீட் கேட்கும் நிலை எழுந்தது ! "நாசமாப் போச்சு ; இப்டி வண்டி வண்டியா எழுதிட்டுப் போய் மேடையில்  ஒப்பிச்சு வைத்தால், மக்கள் வண்ட வண்டையாய் திட்டுவார்கள் !" என்ற பயம் எழுந்தது ! கையில் இருந்த A4 தாளை பர்ர்..பர்ரேன்று கிழித்துப் போட்டுவிட்டு நாலு மணிக்கு தூங்கி வைத்தேன் ! "திபெத்தில் டின்டின்" கதையில் மட்டையாகி உறங்கும் கேப்டன் ஹேடாக்குக்கு கனவில் புரஃபஸர் கால்குலஸ் ஒரு வண்டிக் குடைகளைக் கொண்டு வந்து மொடேரென போடும் sequence போல கனவு முழுக்க ஏதேதோ மொக்கைகள் ! காலையில் 7 மணிக்கு எழுந்த போது, நாலு குவாட்டரை சாத்திய குலேபகாவலியைப் போல முகரை ரணகொடூரமாய் காட்சியளித்தது ! ஆனால்....ஆனால்...அந்த நொடியில் எனக்குத் தெரிந்திருக்காட்டியுமே இதுவொரு வரம் சுமந்த தினமாச்சே ?!!

தலைக்குள் தோன்றிய சமாச்சாரங்களை பரீட்சைக்கான பிட் பாணியில் ரத்தினைச் சுருக்கமாய் மட்டும் எழுதி வைத்துக் கொண்டு, ஏதோ ஒரு அசட்டு தகிரியத்தில் ஜூனியர் எடிட்டர் plus நம்ம front desk பெண்களோடு புறப்பட்டோம் ! தொடர்ந்த சகலமும் sheer theater !!   

ராஜபாளையத்தின் மையத்தில் இருந்தது காந்தி கலைமன்ற அரங்கம் ! மாவட்ட ஆட்சியரின் அற்புத நிர்வாகத்துக்கு சான்றாய் ஒன்பதே கால் மணிக்கே அரங்கில் சொல்லி மாளா கூட்டம் ! கொண்டு சென்ற காமிக்ஸ் புக்ஸ்களை அடுக்கி வைக்க மூன்று டேபிள்களை வாங்கிக் கொடுத்து விட்டு, பெண்பிள்ளைகளை அங்கே இறக்கி விட்டு விட்டு, நாஷ்டா பண்ணித் திரும்பலாம் என புறப்பட்ட சற்றைக்கெல்லாம் போனில் வெங்கடேஸ்வரி அழைத்தாள் - "சார்...மேடைக்கு உங்கள கூப்பிடுறாங்க !!" என்று ! ஓட்டமாய் போய்ப் பார்த்தால் அரங்கம் full & மேடையில் அனைவரும் ரெடி ! திருட்டு முழி முழித்தபடிக்கே ஓடிப் போய், எனக்கென போடப்பட்டிருந்த சேரில் அசடு வழிய ஒட்டிக் கொண்டு அனைவருக்கும் ஒரு கும்பிடு போட்டேன் !! பேசத் துவங்கியவர் திரு.எஸ்ரா அவர்கள் தான் !! குற்றால அருவியின் சுகம் தந்தது அவரது உரை ! And அவர் பேசப்பேச எனக்குள் சொல்லி மாளா goosebumps !!

"தமிழ் பதிப்புலகின் தலைநகரம் சென்னை என்றாலும், தமிழ் காமிக்ஸின் மையமே நமது மாவட்டத்தின் சிவகாசி தான் ! So இதுபோலானதொரு முன்னோடி முயற்சி நம்ம மண்ணில் தான் முதன்முதலில் அரங்கேறிட வேண்டும் என்ற உணர்வில் தான் மாவட்ட ஆட்சியருக்குப் பரிந்துரை செய்தென் !" என்று சொன்னார் !! அதுமாத்திரமன்றி, அப்பாவின் Fleetway முயற்சிகள் பற்றி, இரும்புக்கை மாயாவியைப் பற்றி, நமது லயன் காமிக்ஸைப் பற்றியெல்லாம் பேசப்பேச எனக்கு பேஸ்மெண்ட் உதறத் துவங்கியது ! எங்கோ ஒரு மூலையில், ஒரு சிறு வட்டத்துக்கென மட்டும் நாம் இயங்கி வந்தாலும், நமது முயற்சிகளின் வீரியங்கள் உரியோர்களின் கவனங்களிலிருந்து தப்பிடுவதில்லை என்பது அழுந்தப் புரிந்தது ! வரிசையாய் நமது லயன்-முத்து சார்ந்த தகவல்களை அடுக்கிக் கொண்டே ஏகப் பரிவான வார்த்தைகளை என்னை நோக்கி எஸ்ரா.சார் அனுப்பி வைக்க, குழுமியிருந்த மக்களின் கைதட்டல்கள் எனது லப் டப்பை எகிறச் செய்தது !!  கிட்டத்தட்ட அரை மணிநேரம் நீண்ட அவரது உரை நிறைவுற்ற போது "உறைபனி மர்மம்" கதையில் ஐஸாகிக் கிடக்கும் அந்த விஞ்ஞானிகள் மெரி நான் உறைந்து கிடக்காத குறை தான் ! 

அடுத்து வந்த டைரக்டர் திரு,சிம்புதேவன் அவர்கள் பேச ஆரம்பித்த சற்றைக்கெல்லாமே புரிந்தது - இவர் நமது தீவிர ரசிகர் & ரெகுலர் வாசகரும் என்பது ! அம்புலிமாமா ; வாண்டுமாமா ; பாலமித்ரா ; பூந்தளிர் ; கோகுலம் ; ராணி காமிக்ஸ் ; முத்து காமிக்ஸ் என்றெல்லாம் அழகாய் பேசியபடிக்கே சென்றவர், லயன் காமிக்ஸ் பற்றிப் பேசத்துவங்கிய நொடியில் வேறொரு கியருக்கு மாறிப் போய்விட்டார் !! லக்கி லூக் பற்றி ; டெக்ஸ் வில்லர் பற்றி ; கேப்டன் டைகர் பற்றி ; லாரன்ஸ்-டேவிட் ; மாயாவி பற்றி அடுக்கிக் கொண்டே சென்ற போது எனக்கு மேல் அன்னத்தோடு நாக்கு ஒட்டிக் கொள்ளாத குறை தான் ! சகலத்துக்கும் சிகரமாய் அவரது உரையை நிறைவு செய்வதற்கு முன்பாக சபையினரிடம் - "நாமெல்லாம் எழுந்து நின்று லயன் காமிக்ஸ் விஜயனுக்கு இப்போது ஒரு நிமிட கரகோஷம் கொடுப்போமா - ப்ளீஸ் ?" என்று கேட்ட நொடியில் திகைத்தே போய்விட்டேன் ! மறு நொடியே மேடையில் இருந்தோரும், குழுமியிருந்தோரும் எழுந்து நின்று கரவொலி எழுப்பிய போது எனது வாழ்க்கையே கண்முன்னே அசுர வேகத்தில் ஓடியது போலிருந்தது ! And இது சத்தியம் guys - அந்த நொடியில் எனக்கு மனதில் தெரிந்ததெல்லாமே அப்பாவின் முகமும், உங்கள் அனைவரின் மலர்ந்த முகங்களும் தான் ! அந்தக் கரவொலி சர்வ நிச்சயமாய் நமக்கானது folks ; நீங்களின்றி இங்கு நாங்களேது ? முகம் நிறைந்து புன்னகையோடு என் கையைக் குலுக்கிவிட்டு அவர் சென்று அமர்ந்த போது எனது மண்டையே blank !! 

தொடர்ந்து பேசிய நுண்கலை கல்லூரிப் பேராசிரியரின் உரை ஓடிக்கொண்டிருக்கவே எனக்குள் டங்கு டங்கென்று நெஞ்சு அடித்துக் கொண்டிருந்தது ! ஒரு பொதுமேடையில் இத்தனை அசாத்திய சிலாகிப்புகளுக்குப் பின்பாய் எனது performance இம்மி சொதப்பலுமின்றி அமைந்திட வேணுமே என்ற பயம் தான் நெஞ்சுக்கூட்டை தெறிக்க விட்டுக்கொண்டிருந்தது ! ரைட்டு....அடுத்து நம்மளைத் தான் கூப்பிடுவாங்கன்னு தண்ணியை மடக்..மடக்குனு குடிச்சிட்டு நிமிர்ந்தால் - "அடுத்ததாக முனைவர் பிரபாவதி !" என்ற அறிவிப்பு !! ஆஹா...இன்னும் காத்திருப்புன்னா ...இன்னும் டென்க்ஷனாச்சே !" என்றபடிக்கே நகத்தைக் கடித்துக் கொண்டு காத்திருந்தேன் ! பிரபாவின் உரையும் முடிந்திட, எழுந்திருப்போமா ? என்று எட்டிப் பார்த்தால் "கதை சொல்லும் வால்ப்பையன்" என்றொரு கலை நிகழ்ச்சி ஆரம்பித்தது ! அதில் நடித்தவரும் ஒரு முனைவர் என்பதும், அவரோடு பறையடித்தபடிக்கே பங்கேற்றவர் அவரது புதல்வி என்றும் தெரிய வந்தது !! அற்புதமாய் செய்தார் அந்த ஆற்றலாளர் ! 

இதுக்குள்ளாக மக்கள் பிஸ்கெட் ; டீ பிரேக்குக்கு இங்கும் அங்குமாய் கலைந்து கொண்டிருக்க, "சோணமுத்தா....இன்னிக்கி நீ காலி சேர்களுக்கு தான் டீ ஆத்தணும் போல !" என்று மண்டை சொன்னது ! தவிர, நேரம் 12.30-ஐ நெருங்கியிருக்க, அழகாய் பேக் செய்யப்பட மதிய உணவு ட்ரேகளும் வந்து இறங்கத் துவங்கின ! "சுனாமி சுழற்றியடிக்க, இன்னிக்கி நம்ம உரை பீப்ப்பீப்பீ தான் !" என்று நினைத்துக் கொண்டேன் ! And அந்த நொடியில் ஏதோ லைட்டாக பாரம் குறைந்தது போலிருந்தது ! ஆனால் திடுதிடுப்பென அரங்கமே attention-ல் நின்றது ; என்னவென்று பார்த்தால் முகம் முழுக்கப் புன்னகையோடு பெருமதிப்பிற்குரிய மாவட்ட ஆட்சியர் உள்ளே வந்து கொண்டிருந்தார் ! பின்னே டவாலி, போலீஸ் பாதுகாப்பு - என வந்த ஆட்சியர் சார் துள்ளலோடு மேடையில் நடுநாயகமாக அமர்ந்த கணப்பொழுதில் அரங்கின் மொத்த சீதோஷ்ணுமுமே மாறிப் போனது ! இந்த ஒட்டு மொத்த முன்னெடுப்பிற்கும் மூலவரே அங்கே அமர்ந்திருக்க, கீழே இருந்த டீச்சரம்மா - "அடுத்ததாக நமது மரியாதைக்குரிய கலெக்டர் அவர்கள் பேசுவார்கள் !" என்று அறிவித்தார் ! 

ஆனால் ஆட்சியரோ - "இல்லே...விஜயன் பேசுவார் !!" என்று அறிவிக்க, மூச்சை இழுத்துப் பிடித்துக் கொண்டு எழுந்தது மட்டும் தான் எனக்கு ஞாபகம் உள்ளது ! தொடர்ந்த பதினைந்தோ - இருபதோ நிமிடங்களுக்கு அங்கு நின்று உரையாற்றியது நானல்ல - உங்கள் ஒவ்வொருவரின் உந்துசக்தியும், உத்வேகங்களும் தான் ! எங்கிருந்தோ வார்த்தைகள் இரவல் கிட்டின ; ஏதோவொரு அதிசயத்தில்  உடல் மொழியில் நடுக்கம் மறைந்து போனது ; எங்கிருந்தோ பேச்சில் ஒரு கோர்வை சாத்தியமாகியது ; எங்கிருந்தோ நம் பயணத்தின் காரணகார்த்தாக்களை நினைவுகூர்ந்திடும் திறன் கிட்டியது ; எங்கிருந்தோ சபையோருடன் ஐக்கியமாகிடும் மாயம் என்வசமானது ! "இல்லமெல்லாம் காமிக்ஸ் - உள்ளமெல்லாம் மகிழ்ச்சி"எனும் தலைப்பில் நான் பேசியது சர்வ நிச்சயமாய் டாலரை பழைய சந்தை மதிப்புக்குக் கொண்டு வரும் மாயாஜாலம் அல்ல தான் ; ஆனால் நான் பயந்திருந்த மொக்கையும் அல்லவே அல்ல தான் ! முன்வரிசையில் அமர்ந்திருந்த கலெக்டரின் செயலாளர் ஒரு சின்னக்காகிதத்தில் "Please 5 minutes sir " என்று எழுதி சரியான தருணத்தில் என்னிடம் நாசூக்காய் நீட்ட - "பேச்ச குறைடா..பேச்ச குறைடா.. " என்ற அலாரத்தை உள்ளுக்குள் அலற விட்டது ! எனக்குப் பின்பாய் ஆட்சியர் அவர்களும் பேச வேண்டி இருப்பதால் "மைக் மோகனாய்" உருமாறிடப்படாது ! என்று எனக்கு நானே சொல்லி வைத்திருந்தேன் ! அந்தச் சீட்டும் சரியாக வந்து சேர, சொல்ல வேண்டியதை நறுக்கென்று சொல்லி விட்டு விடை பெற்றேன் ! 

"நெகிழ்ச்சியான...உணர்வுப்பூர்வமான உரைக்கு நன்றி விஜயன் !" என்று anchoring செய்து கொண்டிருந்த பேராசிரியர் சொன்ன நொடியில் என் தோளில் புனித மனிடோவின் கரம் இருப்பது புரிந்தது !! தொடர்ந்து மாவட்ட ஆட்சியர் அவர்கள் அதிஅற்புதமாய் உரை நிகழ்த்திய பிற்பாடு அந்த விழா ஒரு நிறைவோடு நிறைவுக்கு வந்தது ! "தொடரும் காலங்களில் நம் மாவட்டத்தில் மட்டுமே 10 இடங்களில் இது போலான காமிக்ஸ் லைப்ரரிகள் உருவாக்கப் போகிறோம் !" என்று அவர் அறிவித்த போது அரங்கமே கரவொலியில் அதிர்ந்தது !! ஆட்சியர் அவர்களும் ஒரு காமிக்ஸ் பிரியர் என்பது அப்பட்டமாய்ப் புரிந்தது !! And நமது வண்ண இரத்தப்படலம் தொகுப்பு + இன்னும் சிலபல புக்ஸ்களை ஒரு அழகான பார்சலாக்கி ஆட்சியருக்கு நமது அன்புடன் வழங்கினேன் !

எஸ்ரா சாருக்கோ, "நிஜங்களின் நிசப்தம்".....தாத்தா கதைகள்....திபெத்தில் டின்டின் ! டைரக்டர் சிம்புதேவன் அவர்களுக்கு "LION MAGNUM ஸ்பெஷல் ; கென்யா ; டின்டின் + இன்னும் சில புக்ஸ் !

மேடையில் இருந்து இறங்கி, அனைவரிடமும் விடைபெற்று விட்டுக்  கிளம்பிய போது "உரை மிகச் சிறப்பு !" என்று டைரக்டர் சிம்புதேவனும் கைகுலுக்கிட, என் தோள்களில் அந்த அரூபக் கரம் தொடர்வது ஊர்ஜிதமானது ! அதுவரைக்கும் என்னை யாரென்றே அறிந்திருக்காத ஆசிரியப் பெருமக்களின் முகங்களில் ஒரு ஸ்னேகமான பார்வையினையும் பார்க்க முடிந்த போது - "ஆங்...அதே தான் ! இன்னிக்கி முழுக்க இந்த தோளிலிருந்து கரம் விலகிடாது !!" என்று சொல்லிக்கொண்டேன் உள்ளுக்குள் ! விழாவினிலும், மேடையினிலும் இருந்த ஒவ்வொருவரும் லயன் காமிக்ஸ் - முத்து காமிக்ஸ் என்று உச்சரித்த ஒவ்வொரு தடவைக்கும் நமக்கு மட்டும் யாராச்சும் ஒற்றை ரூபாயாய்த் தந்திருந்தாலே - விழாவின் முடிவில் என் பாக்கெட் ஆயிரங்களில் நிரம்பியிருந்திருக்கும் !! 

ரைட்டு...புக்ஸ் பெருசாய் விற்றிருக்காது, டப்பிகளில் திரும்ப அடைத்துவிட்டுக் கிளம்பலாமென்று போனால், "ஏழாயிரம் ரூபாய்க்கு சேல்ஸ் ஆகியுள்ளது சார் !" என்று சொல்லி தெறிக்க விட்டார்கள் நம்மாட்கள் ! மேடையில் எந்தெந்த நாயகர்களைப் பற்றியெல்லாம் பேசியிருந்தோமோ - அவை சகலமும் விற்பனை கண்டிருந்தன !! கை நிறைய நமது காமிக்ஸோடு, ஆட்சியரிடம் ஆட்டோகிராப் வாங்க நீட்டியோரும் கணிசம் !! "சரி ரைட்டு..... போற வழியிலேயே இன்னிக்கி lift கேட்டு சமந்தா காத்திருந்தாலும் ஆச்சர்யப்படுவதற்கில்லை  !!" என்றபடிக்கே கிளம்பி அடுத்த 45 நிமிடங்களில் வீட்டுக்குத் திரும்பினோம் - ததும்பும் நிறைவான மனதோடு !! 

என்ன - வழியிலே சமந்தா தான் காத்திருக்கலை ; அது மட்டுமே ஒரு blemish on an otherwise absolutely perfect day !!

Bye all...நீங்கள் ஒவ்வொருவரும் இன்றி இந்த நாளோ, இந்தப் பயணமோ, இந்த மகிழ்வுகளோ, இந்த அங்கீகாரங்களோ, சர்வ நிச்சயமாய் சாத்தியப்பட்டிருக்காது ! உங்களுக்கு நாங்கள் பட்டிருக்கும் கடனின் அளவு ஒரு புது மாப்பிள்ளையின் தொந்தியை விடவும் வேகமாய் வளர்ந்து கொண்டே செல்கிறது !! என்றைக்கு கடன்தீர்க்கும் ஆற்றல் கிட்டப் போகிறதோ - படைத்தவருக்கே வெளிச்சம் !! 

And வீடு திரும்பிய உடனேயே பதிவினை டைப் செய்யத்தோன்றியது தான் ; ஆனால் அந்த நொடியின் high-ல் எனது எழுத்துக்களில் நிதானம் சொதப்பிடலாகாதே என்ற பயம் மேலோங்கியது ! So கொஞ்ச நேர உறக்கம், தரைக்கு மறுக்கா கால்களைக் கொணரும் படலம் என்பனவெல்லாம் பூர்த்தி ஆன பிற்பாடு இந்தப் பதிவினை எழுதத் துவங்கினேன் ! Hopefully its not over the top !! See you around !!

P.S : பிரபாவதி எடுத்த சொற்ப போட்டோக்களும், ஒரு வீடியோவும் தவிர்த்து இந்த நொடியில் என்னிடம் வேறெதுவும் லேது ! Maybe நிகழ்ச்சியினை மாவட்ட ஆட்சியரின் அலுவலகத்தின் upload செய்திடுவார்களெனில் நிச்சயம் சொல்கிறேன் ! 

ஒரு breezy பிப்ரவரி !

 நண்பர்களே,

வணக்கம். ஒரு திருப்தியான பிப்ரவரி சில முக்கிய பாடங்களைக் கற்றுத் தந்துள்ளது எனக்கு! "வாசிப்புக்கு நேரம் குறைஞ்சுக்கிட்டே போகுது... படிக்காது கிடக்கும் புக்ஸின் எண்ணிக்கை அதிகமாகிட்டே போகுது..!' என்ற உங்களின் இக்கட்டுகளுக்கு மருந்தென நான் எண்ணியிருந்தது crisp வாசிப்புக் களங்களையே! பெருசு பெருசாய், மெகா இதழ்களைப் போட்டு உங்களை மூச்சுத் திணறப் பண்ணாது, "நறுக்'' என்று வாசித்திட மீடியம் நீளங்களிலான புக்ஸை உருவாக்குவதே இனி இலக்காகிட வேண்டும் என்று நம்பியிருந்தேன்!ஆனால், "தப்புக் கணக்கு மாம்ஸ்! கதையின் நீளங்களை விடவும், அவற்றின் வீரியங்களே வாசிப்பை நிர்ணயம் செய்கின்றன! So பக்கங்கள் ஜாஸ்தியாய் இருந்தாலுமே பரால்லே; கதைகள் செம விறுவிறுப்பாய், tight ஆகப் பயணித்தால் போதும்! வாசிக்க நாங்க ரெடி!'' என்று உங்களின் பிப்ரவரி அலசல்கள் என் காதில் சேதி சொல்லி ­ வருகின்றன! 

Without an iota of doubt - "மாதம் மூன்று புக்ஸ்'' தான் சரிப்படும் என்பதுமே இந்த பிப்ரவரியில் அழுந்தப் பதிவாகியுள்ள இன்னொரு சமாச்சாரம்! So - ரொம்பச் சொற்ப மாதங்கள் நீங்கலாக, பாக்கிப் பொழுதுகளில் "3'' என்பதே நமது நம்பராக இருந்திடும்! And இம்மாதத்து மூன்றின் மீதான எனது பார்வை இதோ : 

தலைநகரில் தலைமகன் :

சில டெக்ஸ் கதைகளைப் பார்க்கும் போதே தெரிந்து விடும்- இவை சொல்லியடிக்கும் என்று! அதிலும் பாலைவனங்களில் காய்ந்து திரியாமல் "தல'' பெருநகரங்களில் கால் வைக்கும் போதெல்லாம் கதைகள் ஒரு மிடறு கூடுதல் சுறுசுறுப்போடு பயணிப்பதை நிறையவே பார்த்துள்ளோம்! நடப்பாண்டுக்கென கதைகளைத் தேர்வு செய்த போது, இந்த ஆல்பத்தை நான் "டிக்' அடித்ததன் முதற்காரணமே இரவுக்கழுகார் வெள்ளை மாளிகையின் பிரதிபலி­ப்பில் நின்று கொண்டிருந்த அந்த அட்டைப்படம் தான்! And உட்பக்கங்களைப் புரட்டிய போது குஷாலாய் இரும்புக் குதிரையில் நம்மவர்கள் பயணம் செய்வது தெரிந்தது! அந்த "ரயில் சென்டிமெண்ட்' கூட நமக்கு ஏகமாய் ஒர்க் அவுட் ஆகியுள்ளதெனும் போது, மறுபேச்சின்றி நம்ம 2025 எக்ஸ்பிரஸில் இதனை ஏற்றியாச்சு ! And இந்த ஆல்பத்தின் highlight மாமூலான 'ணங்... கும்.. சத்...... சமாச்சாரங்களில்லை என்பது ஒரு pleasant surprise..! சுவாரஸ்யமான சம்பவக் கோர்வைகள்.. பரபரவென்ற நகர்வுகளே கதைக்கு மூலதனமாகிட, பெரியதொரு ஆக்ஷன் sequence இல்லாமலே வண்டி "ஜம்''மென்று ஓடிவிடுகிறது! ப்ளஸ் அமெரிக்கா என்றாலே யாராச்சும் ஒரு ஜனாதிபதியை ஒரு கும்பல் போட்டுத் தள்ளும் சதி அரங்கேறிடுவதும் நமது காமிக்ஸ் உலகில் ஒரு ரெகுலர் அங்கம் தானே? இங்கேயோ ஆபிரஹாம் லிங்கனின் சாவுக்கு ஒரு தியரி சகிதம் டெக்ஸ் & கார்ஸன் பயணிக்க - ஒரு செம breezy read சாத்தியமாகிடுகிறது! அந்த Jose Ortiz சித்திரங்களோ- கேக் மீதான ஐஸிங்! And விற்பனையில் ஏற்கனவே அனல் பறப்பது கண்கூடாய்த் தெரிகிறது - இந்தத் தலைமகனின் ஆல்பத்தினில் ! அதற்கான பெரும் பங்கு - செம positive reviews களைப் பகிர்ந்திட நீங்கள் எடுத்துக் கொண்டுள்ள சிரத்தையே என்பேன் ! என்ன தான் விளம்பரம் பண்ணினாலுமே, உங்களின் அலசல்களுக்கு இருக்கும் வெயிட் வேறெதற்கும் லேது என்பதே யதார்த்தம் !

சிரிக்கும் விசித்திரம்:

Till date - தமிழில் ஸாகோரின் best த்ரில்லர் என்பேன்! வஞ்சத்திற்கொரு வரலாறு' & பனிமலைப் பலி­கள் அட்டகாசமான ஆக்ஷன் மேளாக்களாய் இருந்திருந்தன தான்! ஆனால், இந்த ஆல்பமோ கொஞ்சம் மாந்த்ரீகம்.. கொஞ்சம் பழங்குடி நம்பிக்கைகள்.. நிறைய ஆக்ஷன்.. சுவாரஸ்யமானதொரு கதைக்களம்... மிரட்டலான வில்லன் என்று ஒரு அக்மார்க் த்ரில்லருக்கான சகல அம்சங்களோடும் அமைந்திருக்க, செம racy வாசிப்புக்கு க்யாரண்டி தந்திடுகிறது! ஒரு உக்கிரமான வில்லன் கதையின் வெற்றிக்கு எத்தனை அத்தியாவசியம் என்பதை yet again பார்த்திட முடிகிறது ! அந்த இளிக்கும் விகார முகத்தோடு பயல் நம்ம கோடாரி மாயாத்மாவோடு மோதும் இடங்களெல்லாமே செம அனல் !! And கொஞ்சமாய் நிலவரத்தை இலகுவாக்கிட தொப்பையன் ஸீகோவும் கதை நெடுகப் பயணிப்பதால் ஓவர் இறுக்கமுமின்றி இந்த சாகஸம் தடதடப்பது obvious! டெக்ஸ் கதைகளில் கார்சன் ஜோக்கடித்துத் திரிந்தாலும், மனுஷனுக்கு ரொம்பவே அழுத்தமான கேரக்டர் என்பதை உலகே அறியும்! ஆனால், இங்கோ- இந்தப் பச்சைச் சட்டைப் பார்ட்டி அந்த மாதிரியெல்லாம் எவ்வித அழுத்தமான பொறுப்புகளும் இல்லாமலே செந்தில் பாணியில் சுற்றி வருவதால், நெடுக மொக்கைக் காமெடி வரிகளையாக ஸீகோவுக்கு அமைத்துப் போவதில் எனக்குச் சிரமங்கள் இருந்திருக்கவில்லை! Maybe இந்த குண்டுத் தோழன் ஸாகோருக்கு அறிமுகமாகிடும் ஆல்பத்தினை வாசித்தால் இவனது பின்னணி இன்னும் கொஞ்சம் தெளிவாய்த் தெரிய வரலாமோ, என்னவோ - but இந்தத் தருணத்தில் காமெடி பார்ட்டியாகவே தென்படுகிறான் மனுஷன் ! And டைலன் டாக் கதைகளில் வரும் அந்த உதவியாளன் க்ரௌச்சோவைப் போலவே ஸீகோவும் கதைப்பதாகத் தென்பட்டால் - அதற்கென முதுகில் மத்தளம் வேணாமே ப்ளீஸ்?! By nature - இருவருமே கதைகளின் ஊடே பயணிப்பது "கடி''ப்பதற்காக மட்டுமே!!

So போனெலியின் இரு பிரதம நாயகர்களும் ஒரு சேர ஓங்கியடித்தால் அதன் தாக்கம் எவ்விதமிருக்கும் என்பதை உணர்ந்திடும் இந்த நொடியிலேயே it's all about story selections என்பதை ஆயிரத்து நாற்பத்தியெட்டாவது தபாவாகவும் உணர முடிகிறது! ஆக, 'சின்ன இதழ்கள்.. சுருக்கமான பக்கங்கள்' என்ற மந்த்ராவை விட.., "எடுத்தால் கீழே வைக்க இயலா விறுவிறுப்புடனான இதழ்கள்" என்பதையே நமது தேடல்களின் தாரக மந்திரமாக்கிட முயன்றிடுவோம்! Maybe இத்தாலி­யில் ஒரு காமிக்ஸ் ரசிகரை நமக்கு கதை சார்ந்த ஆலோசகராக்கிட வேணும் போலும்! Thinkinggggg!! 

அதே போல கிடைக்கும் சந்தர்ப்பங்களிலெல்லாம் ஸாகோராருக்கு வாய்ப்புத் தந்திடவும் விழையணும் போலும்! ஒரு வெற்றி ஈட்டிடும் டெம்போவினை ஆறிப் போக இனி அனுமதிக்கக் கூடாதென்றுமே படுகிறது! நடப்பாண்டின் அட்டவணையில் 2025-ல் காத்திருக்கும் ஒரே ஸாகோர் சாகஸம்- இளம் டெக்ஸுடன் கரம் கோர்த்திடும் ""எட்டும் தூரத்தில் யுத்தம்' மாத்திரமே! அதற்கு முன்பாக ஏதேனுமொரு முழுநீள solo ஸாகோர் அதிரடியைக் களமிறக்கியாக வேணும் என்று படுகிறது! Your thoughts please folks?

ஸ்பூன் & ஒயிட் :

1970-களில் ஏகப்பட்ட அமெரிக்க டி.வி.சீரியல்கள் தெறிக்கவிட்டுக் கொண்டிருந்தன! 1975-ல் Starsky & Hutch என்றொரு போலீஸ் டிடெக்டிவ் சீரியல் துவங்கியது! இரண்டு நாயகர்கள்... ஊரையே துவம்ஸம் செய்தாலும் காரியம் சாதித்தாக வேண்டுமென்று நினைப்போர்! அவர்களை ஒரு inspiration ஆக எடுத்துக் கொண்டு இந்த ஸ்பூன் & ஒயிட் தொடரை அதன் கதாசிரியர் உருவாக்கினாரோ, என்னவோ - கதையின் ஓட்டம் கிட்டத்தட்ட அதே பாணியில்! இந்தத் தொடர் இருப்பது எனக்கு சில காலம் முன்பே தெரியும் தான்! ஆனால், மாமூலான சிரிப்புப் பார்ட்டிகளை நாம் முயற்சித்து வந்த நாட்களவை! 

க்ளிப்டன் ஜெயம் கண்டிட மாட்டாரா? 

மேக் & ஜாக் தேறிட மாட்டார்களா? 

ஸ்மர்ப்ஸ் சாதித்துவிட மாட்டார்களா? 

என்றெல்லாம் மோட்டைப் பார்த்தபடியே வேண்டிக் கொண்டிருந்த அந்தச் சமயத்தில், தெலுங்குப் பட பாலையா பாணியில் இருப்பதாகத் தென்பட்ட இந்த ஜோடியின் கதைகள் உங்களுக்கு ரசிக்குமென்ற நம்பிக்கை எனக்கு இருந்திருக்கவில்லை! So அந்த நொடியில் கிடப்பில் போட்டிருந்தேன்! ஆனால், லக்கி லுக் & சிக் பில் தவிர்த்த பாக்கி சிரிப்பு நாயகர்கள் அனைவரையுமே நாம் சுற்றில் விட்டிருந்ததால் மண்டை காய்ந்து போயிருந்தேன் ! எதைத் தின்றால் கார்ட்டூன் பித்தம் தெளியுமோ என்ற desperation-ல் தான் ஸ்பூன் & ஒயிட்டை உட்புகுத்தத் தீர்மானித்தேன்! நிரம்ப யோசித்து அறிமுகம் செஞ்சோர் அனைவருமே திருவிழாவில் காணாது போன குழந்தைகளைப் போல முழித்து நின்ற வேளையில், இந்த ஸ்பூன் & ஒயிட் ஜோடி "எவனா இருந்தா எனக்கென்ன?' என்றபடிக்கே எதிர்ப்படும் சகலத்தையும் பந்தாடியபடிக்கே கரை சேர்ந்துள்ளனர்! Honestly a surprise !!

போன கதையிலும் சரி, இந்த "குத்துங்க எஜமான் குத்துங்க'' கதையிலும் சரி- வில்லன்கள் வித்தியாசமான ஆசாமிகள்! நாம் வழக்கமாய்ப் பார்த்திடும் கார்ட்டூன் மொக்கை பீஸ்களாக அல்லாது, இவர்கள் கொடூரமான பார்ட்டிகளாக அமைந்திடுவதால் கதை சூடுபிடிக்க உதவுகிறது என்பேன்! And நிஜத்தைச் சொல்வதானால் - ஏகப்பட்ட அமெரிக்க சமூகப் பகடிகள், சினிமா/ டி.வி. சார்ந்த லந்துக்கள் இடம்பிடித்திருப்பதைப் பார்த்த வேளையில், நமக்கு இதெல்லாம் எவ்விதம் ரசிக்கப் போகிறதோ? என்ற மெல்­லிய பயம் உள்ளுக்குள் துளிர்விட்டது தான்! ஆனால், அந்தக் குள்ளனின் அதிரடி அராத்துக் கேரக்டர் கட்டமைப்பின் பெயரைச் சொல்லி ­ கதையினை செம breezy ஆகவும், racy ஆகவும் நகற்ற சாத்தியப்பட்டது! 

அது சரி, உங்க பார்வையில் ஸ்பூனா? ஒயிட்டா? - இந்தத் தொடரின் நிஜமான ஈரோ யார் guys?

ரைட்டு... இன்னமும் பிப்ரவரி புக்ஸை வாசிக்க நேரம் கிட்டிருயிருக்காத நண்பர்கள் - இந்த வாரயிறுதியில் நேரத்தை உற்பத்தி செய்திடுவர் என்ற நம்பிக்கையில் மார்ச் நோக்கி நாம் மார்ச் செய்து கொண்டிருக்கிறோம்! Again மார்ச் மாதத்தின் ரெகுலர் தடத்தில் மூன்றே இதழ்கள் தான் & again அங்கேயுமே ஒரு பட்டாசான டெக்ஸ் சாகஸம் வெயிட்டிங்! "சாபம் வாங்கிய சுரங்கம்" இன்னொரு ஆயிரம்வாலாவாய் ரகளை செய்யக் காத்துள்ளது !

அப்புறம் ELECTRIC '80s தனித்தடத்தின் இதழ் # 2 இதே மார்ச்சில் ஆஜராகிடும் பொருட்டு ''The அதிரடி ஆர்ச்சி ஸ்பெஷல்'' செம ஜரூராய் தயாராகி வருகிறது & தற்சமயமாய் "புரட்சித் தலைவன் ஆர்ச்சி''க்குள் பணியாற்றி வருகிறேன்! Surprise.....surprise சட்டித்தலையனுடனான இந்தப் பயணம்  செம சுவாரஸ்யமாய் ஓடி வருகிறது! நிஜத்தைச் சொல்வதானால், இப்போதெல்லாம் ஆர்ச்சி ஆல்பங்களில் தட்டுத் தடுமாறித் தான் சவாரி செய்ய முடிந்திருக்கிறது! ஆனால், ரொம்பவே pleasant surprise "புரட்சி தலைவன் ஆர்ச்சி'' அட்டகாசமாக ஓட்டமெடுத்து வருகிறது! நம்ம ஆதர்ஷ சட்டித் தலையனின் வஜனங்களுக்கு மட்டும் ஒரு வார்னிஷ் பூச்சைத் தந்துவிட்டால் படிக்க இன்னமும் ஜாலியாக இருக்குமென்று பட்டது ; so அந்தப் பணிகள் ஓடி வருகின்றன இந்த நொடியினில் ! 1987-ல் ஒரிஜினலாக வெளி வந்த இந்த இதழை நம்ம சாத்தான்ஜி வாசித்திருக்க மாட்டாரென்ற நம்பிக்கையில் பணியாற்றி வருகிறேன் !! தெய்வமே...வோட்டு போட்ட களைப்பில் மனுஷன் பதிவின் இந்தப் பத்தியினைப் பார்த்திடாது போக வேணும் !! அப்புறம் இந்தத் தருணத்தில் தோன்றிடும் இன்னொரு சமாச்சாரம் - உங்கள் வீட்டுக் குட்டீஸ்களுக்கு நம்ம ஆர்ச்சியை அறிமுகம் செய்தீர்களெனில் சர்வநிச்சயமாய் ரசித்திடுவார்களென்பது தான் ! பசங்களுக்குப் பிடிக்கக்கூடிய ரோபாட் நாயகன், குசும்பான பேச்சு, நேர்கோட்டுக் கதைக்களம், ஜாலியான ஆக்ஷன் - என்ற இந்த template இன்றைய இளசுகளுக்குமே பிடிக்காது போகாதென்பேன் ! Why not give it a try மக்களே ?

இங்கொரு கொசுறுத் தகவல்! 

சிறார்களுக்கென அழகானதொரு காமிக்ஸ் நூலகத்தினை  திறக்கும் முயற்சியில் நம்மிடமிருந்து கணிசமான புக்ஸ் கொள்முதல் செய்திருக்கிறார்கள் - சில பொதுநலம் சார்ந்த நல்ல உள்ளங்கள் ! அழகான இதழ்களாகத் தேர்வு செய்து நாமும் பரிந்துரைத்துள்ளதால்- ஒரு ஜா­லியான வாசக அணி இங்கிருந்து மெது மெதுவாக உருவாகிடுவதற்கான முதல் புள்ளி போடப்பட்டுள்ளது! Fingers crossed !!

And நடந்து வரும் நெல்லை புத்தகவிழாவிலுமே பள்ளி மாணாக்கர்கள் - க்ளிப்டன்; ஜில் ஜோர்டன்; சிறுத்தை மனிதன், என நமது ""சிறப்பு விலை scheme-ல்'' எக்கச்சக்கமான கலர் புக்ஸை ரூ25/-, ரூ .30/- விலைகளில் அள்ளிப் போய்க் கொண்டிருக்கின்றனர்! நமக்கும் கிட்டங்கியில் கும்பகர்ணத் தூக்கம் போட்டுக் கொண்டிருந்தோர் புறப்பட்டதில் மகிழ்ச்சி & புதியதொரு வாசிப்புத் தலைமுறைக்கு அப்படியே விதை போட முடிவதிலும் பெருமகிழ்ச்சி!பற்றாக்குறைக்கு சொற்ப விலைகளில் அழகான சிலபல இதழ்களை உருவாக்கிடும் முனைப்பில் ஜுனியர் எடிட்டர் பிஸி! So அடுத்த சுற்று புத்தக விழாக்களில் கூடுதலாய் பட்டாசுகளை எதிர்பார்த்திடலாம்! 

Moving further ahead, கடந்த சில தினங்களாக நமது வாட்சப் கம்யூனிட்டியினில் - பரணுக்குப் போயிருக்கும் சில பல நாயகர்கள் பற்றிப் பேசிக்கொண்டிருதோம் !! அந்த லிஸ்ட்டில் நிறையவே பெருமக்கள் இடம் பிடித்திருப்பினும் - கீழ்க்கண்ட இருவரை மறுக்கா கூட்டி வருவது குறித்து நீங்கள் என்ன நினைத்திடுகிறீர்களென்று அறிந்திட ஆவல் !! So - இங்கே பதிவிட விரும்பினாலும் சரி, இதற்கான வோட்டெடுப்புப் பக்கத்தினில் பதிவிட்டாலும் சரி, will help !! இதோ லிங்க் : 

https://strawpoll.com/ajnE1ArE9nW

https://strawpoll.com/e6Z2AWra8gN

அப்புறம் இன்னொரு வோட்டிங்குமே வெயிட்டிங் - இம்முறை அடுத்த சுற்று கலர் டெக்ஸ் மறுபதிப்புகளுக்காக!! Your choices please :

https://strawpoll.com/e7ZJaV7LPg3

Bye all...see you around ! Have a fun weekend !

பிப்ரவரியில் பிப்ரவரி !

 நண்பர்களே,

ஞாயிறு வணக்கங்கள் ! இப்போதெல்லாம் சனிக்கிழமை தான் ஊரிலிருக்கும் அத்தனை வேலைகளும் ஒருசேரக் குவிந்திடுகின்றன & பதிவுக்கு அமர்வதற்குள் கொட்டாவி கிழிய ஆரம்பித்து விடுகிறது !! And இந்தப் புத்தாண்டின் தீர்மானங்களுள் ஒன்று - "ராக்கோழிக் கூத்துக்கள் வேண்டாம்" என்பதாக இருப்பதால், தூக்கத்தோடு மல்லுக்கட்டாது சமாதானக் கொடியினைப் பறக்க விட வேண்டிப் போகிறது ! Maybe வரும் வாரம் முதலாய் வெள்ளிக்கிழமையே பதிவினை எழுதித் தந்து விடணும் போலும் - ஆற அமர டைப் ஆகி வந்தாலுமே சனியிரவுக்கு சுலபமாகிட !

நேற்றைக்கே பிப்ரவரி புக்ஸ் கூரியர்களிலும், பதிவுத் தபால்களிலும் புறப்பட்டு விட்டன folks ! கொஞ்சமே கொஞ்சமாய் நான் தப்புக்கணக்குப் போட்டிருக்காவிடின் ஜனவரியிலேயே பிப்ரவரி சாத்தியமாகி இருக்கும் தான் ! But ஸ்பூன் & ஒயிட் மொழிபெயர்ப்பு எதிர்பார்த்ததை விடவும் கூடுதலாய் நேரத்தை விழுங்கி விட்டிருந்தது ! கார்ட்டூன் தானே ? என்று லைட்டாக மெத்தனமாய் இருந்து வைத்தது தான் தப்பாகிப் போச்சு - ஒவ்வொரு பக்கத்திலும் சராசரியாக 12 படங்களாச்சும் இருக்க,ஒரு பிரேமுக்கு 2 வசனங்கள் என்று வைத்துப் பார்த்தாலே ஸ்கிரிப்ட் எகிறி விடுகிறது ! And இந்தத் தொடரே கொஞ்சம் offbeat ரகம் என்பதால், கதாசிரியர் என்ன சொல்ல முனைகிறார் ? எதை சித்திரங்களின் மொழிக்கு விட்டிருக்கிறார் ? என்பதை கிரகிக்கவுமே நேரம் எடுத்து விட்டது ! So இந்தப் பஞ்சாயத்துக்களில் ஒன்றரை நாட்கள் கூடுதலாய் செலவாகியிருக்க, பிப்ரவரிக்கே பிப்ரவரி என்றாகிப் போனது ! ஆனால் - நாளை காலை உங்கள் இல்லங்களின் கதவுகளைத் தட்டவுள்ள பார்சல்களை பிரித்து, புக்ஸ் மூன்றையும் கையில் ஏந்தும் சமயத்தில் ஒரு விசாலமான புன்னகை உங்கள் வதனங்களை அலங்கரிக்காது போனால் வியப்படைவேன் - all 3 books have come out brilliantly !! அதிலும், 'தல' டெக்ஸ் ஆல்பத்தினை நீங்கள் கையில் ஏந்தும் நொடியின் முதல் ரியாக்ஷனை பார்க்க மட்டும் வழி இருந்தால் செமையாக இருக்கும் ; கிருஷ்ணா ஸ்வீட்ஸ் மைசூர்பாகு டப்பிக்கு செம fight தரவல்ல ஆல்பமாய் அமைந்துள்ளது !! And நண்பர் ஜகத்தின் எழுத்துரு அந்த புக்குக்கு தந்திடும் கெத்து என்ன ? என்பதை நாளை பார்க்கும் போது சர்வ நிச்சயமாய் ஒரு மானசீக 'ஓ' போடாது இருக்க முடியாது !! அப்புறம் நாளை முதல் 'தல' vs 'கோடாரி மாயாத்மா' யுத்தமும் ஆரம்பித்தால் I won't be surprised at all !! இரு இதழ்களுமே வாசிப்பில் தெறி ஸ்பீடு ; நம்ம ஜம்பிங் பேரவை மட்டும் சித்தே செண்டை மேளங்களுக்கு ஏற்பாடு செய்து விட்டால், போட்டி அட்டகாசமாய் இருக்கக்கூடும் ! 

ஆன்லைன் லிஸ்டிங் கூட போட்டாச்சு : https://lion-muthucomics.com/latest-releases/1301--2025-february-pack.html 

Happy Shopping & Reading all !!

Moving on - ELECTRIC '80s தனித்தடத்தின் அடுத்த இதழாக நமது சட்டி மண்டையன் ஆர்ச்சி ரெடியாகி வருகிறான் ! 38 வருஷங்களுக்கு முன்னே - இதே பிப்ரவரியில் 31,000 பிரதிகள் விற்றுத்தள்ளிய "புரட்சித்தலைவன் ஆர்ச்சி " தான் இந்த "அதிரடி ஆர்ச்சி ஸ்பெஷல்"ஆல்பத்தின் highlight ! And இதனூடே பணி செய்யும் போது எக்கச்சக்க flashbacks !!! அந்நாட்களில் சந்தாக்கள் என்பதெல்லாம் கிட்டத்தட்ட பூஜ்யமே ; சகலமும் முகவர்கள் மூலமாய் விற்பனை கண்டிடும் ! கிட்டத்தட்ட 250 பேர் வாங்கிடுவர் ; அவர்களுள் 225 பேராச்சும் ரெகுலர்ஸ் ! இருபதோ - முப்பதோ பிரதிகள் வாங்குவோருக்கு தபால் பார்சல்களில் செல்லும் and அவர்களின் எண்ணிக்கை உத்தேசமாய் 40 இருக்கும் ! So மீத 185 பேருக்கும் ஒவ்வொரு மாதமும் பண்டல்களில் தான் புக்ஸ் பயணமாகும் ! அந்த நாட்களிலெல்லாம் பேக்கிங் செய்ய நம்மிடம் நிரந்தரப் பணியாளர் கிடையாது ; பண்டலுக்கு ரூ.2 என்பது கூலி ; contract அடிப்படையில் நம்மிடம் ஓவியராய் பணியாற்றிய காளிராஜனின் சித்தப்பா தான் வந்து பண்டல்கள் போடுவார் ! இந்த "புரட்சித் தலைவன் ஆர்ச்சி" இதழுக்கு just about every agent - மாமூலைக்காட்டிலும் கூடுதலாய் ஆர்டர் செய்திருக்க, பேக்கிங் பணியே ஒரு திருவிழா போலானது !! பணி முடித்த போது இரவு மணி மூணு !! நான் செய்திட அங்கு வேலை என்று பெருசாய் இல்லாத போதிலும், இந்த சந்தோஷ மேளாவை பராக்குப் பார்க்கவே வீட்டுக்குப் போகாமல் நானும் ஆபீஸிலேயே குந்தியிருந்தேன் ! மறுநாள் காலை பண்டல்களை ரயிலுக்கு எவை ? லாரிகளுக்கு எவை ? என்று பிரிப்பதற்குள் பாதிப் பிராணன் போய்விட்டது ! கம்பியூட்டர்கள் நஹி அந்நாட்களில் ; so 225 பில்களும் நம்ம கைப்படவே போட்டாகணும் & ஒவ்வொரு பார்சலோடும் அதற்கான கச்சாத்துக்களை எழுதி ரெடி பண்ணிட வேண்டும் ! பெண்டை கழற்றும் அந்தப்  பணிகளை மொத்தமாய் முடித்த பிற்பாடு, கிட்டங்கியில் வெறும் ஆயிரமோ, என்னவோ புக்ஸ் மிஞ்சியிருப்பதை பார்த்த நேரம் அப்டியே நம்ம ஸ்பைடர் சாரின் ஹெலிகாரில் பறப்பது போலொரு பீலிங்கு மேலோங்கியது இன்றைக்கும் நினைவுள்ளது !! இதில் பெரும் கூத்து என்னவெனில் - அந்த நாட்களில் லயன் ; திகில் ; மினி-லயன் & ஜூனியர் லயன் - என மொத்தம் 4 புக்ஸ் போட்டுத் தாளித்துக் கொண்டிருந்தோம் !! So பயணம் செய்தது ஆர்ச்சி மாத்திரமல்ல - 3 more books too !! வாழ்க்கையில் மறக்க இயலா அத்தருணங்களை ஏதாச்சும் ஒரு AI பூதத்தைக் கொண்டு மறுக்கா clone பண்ண மட்டும் முடிந்தால் - பேசாமல் அந்த 1980'ஸ் மத்தியில் செட்டில் ஆகிப்புடுவேன் !!   

Speaking of Classics - இன்றைய யதார்த்தத்தின் ஒரு முகம் பற்றியும் பேசாது இருக்க இயலவில்லை folks !! புத்தக விழாக்களில் மாயாவிக்களும், லாரன்ஸ்-டேவிட்களும், ஜானி நீரோக்களும், வேதாளர்களும், மாண்ட்ரேக்களும் சிறப்பாக போணியாகி விடுகிறார்கள் தான் ! ஆனால் Classics தனித்தட சந்தாக்களில் துவக்க நாட்களின் துள்ளல் மிஸ்ஸிங் !! Smashing 70s ஆல்பங்கள் பார்த்த சந்தா ரகளைகள் ஒரு வரலாற்று உச்சம் ! Supreme '60s கூட செமத்தியான ஓட்டமே ! ஆனால் ELECTRIC '80s - சமோசாவை அரைத்த படிக்கே 'வாக்கிங்' என்ற பெயரில் சாணி மிதிப்போரின் நடையினை ஒத்த வேகத்தில் தான் நகன்று வருகிறது ! இத்தனைக்கும் இந்த வரிசையில் ஸ்பைடர் & ஆர்ச்சி தவிர்த்த மீத ஆல்பங்கள் எல்லாமே கிளாசிக் நாயக / நாயகியரின் புதுக் கதைகள் தான் ! Yet - அந்த ஆர்வம்ஸ்கி - ரொம்பவே மிஸ்ஸிங்ஜி ! 

இங்கு ஒரு வேடிக்கையான தகவலுமே : 

இங்கிலாந்தில் இந்த கிளாசிக் பார்ட்டீஸ் வலம் வந்து சக்கை போடு போட்டதெல்லாமே 1960-களில் ; 1970-களில் & 1980-ன் நடுப்பகுதி வரையிலும் ! So எப்படிப் பார்த்தாலும் அன்றைக்கு இவற்றை ரசித்த வாசக வட்டத்தின் பெரும்பான்மை, இன்றைக்கு டொக்கு விழுந்த கன்னங்களோடு, யானைகளையே உற்று உற்று பார்க்கும் பார்வைத்திறனோடு தான் சுற்றி வந்து கொண்டிருக்க வேணும் ! Yet - இப்போது இங்கிலாந்தில் க்ளாஸிக் நாயகர்களை ரவுண்டு கட்டி தூசி தட்டித் துயில் எழுப்பி, தொகுப்புகளாய் போட்டுத் தாக்கி வருகின்றனர் ! மாயாவி நிறைய வந்து விட்டது ; ஸ்பைடர் கணிசமாய் ; இப்போது ஆர்ச்சி வந்துள்ளது ; இன்னும் அடுக்கிக் கொண்டே போகலாம் ! எனக்கென்ன வியப்பெனில் - இவை விற்பனையில் இன்றும் சக்கை போடு போடுவது எந்த வயதிலான வாசகர்களின் சகாயத்தில் ? என்பதே !! அங்கும் நோஸ்டால்ஜியா போட்டுத் தாக்கிடுகிறதா ? அல்லது இன்றைய எறும்பு மேன் ; கரும்பு மேன் - என்ற சூப்பர் ஹீரோ கலாச்சாரங்களுக்கு அந்நாட்களின் க்ளாஸிக் நாயகர்ஸ் கூட தேவலாம் ! என்று இன்றைய இளம்வட்டம் கருதுகிறதா ? பிரில்லே !!

எது எப்படியோ - இங்கு பழையவர்களுக்கு ஒரு பிரேக் தரும் காலகட்டம் புலர்ந்துள்ளதா ? என்பதே இந்த நொடியின் கேள்வி எனக்கு ! (ஆமா...ஆமா..பிரேக் விட்டுப்புட்டா நான் வெறும் 900 ரூவாயிலே சேவை ஆத்துவேன்ல்ல....!! என்றொரு குரல் கேட்கிறது தான் !) And if at all மறுபதிப்புகளாய் இன்னமும் சில இதழ்கள் self எடுக்குமெனில் அவற்றினை பட்டியலிட இயலுமா guys ? Oh yes - லிஸ்ட்டில் முதல் பெயராய் "தங்கக் கல்லறை" இருக்கும் என்பது தெரியும் ; but அது நீங்கலாய் இன்னமும் உங்கள் ஆர்வ மீட்டர்களை உசுப்பி விடக்கூடிய மறுபதிப்புகளாய் எவற்றைச் சொல்வீர்களோ ? Your wishlists ப்ளீஸ் ?

அதற்காக உங்களின் பட்டியல்கள் வந்த மறுநாளே மறுபதிப்பெனும் சமுத்திரத்துக்குள் தொபுக்கடீர் என்று நான் குதித்து விடவெல்லாம் போவதில்லை தான் ; நீச்சல் தெரியாத கோமுட்டியே என்பதையெல்லாம் மறந்து விடமாட்டேன் ! But கிட்டங்கியில் உறங்கும் தேர்வுகளாய் அல்லாத மறுபதிப்ஸ் எவையென்று தெரிந்து கொண்டால், முன்செல்லும் நாட்களில் அவற்றினை சென்னைப் புத்தக விழாக்களில் ; கோவையில், சேலத்தில், ஈரோட்டில் - என்று திட்டமிட உதவிடும் ! So your thoughts ப்ளீஸ் ?

Before I wind up - புத்தக விழா news ! திருப்பூரில் இன்று நிறைவு காண்கிறது புத்தக விழா !! And இறுதி தினமான இன்றைக்கும் விற்பனை சூடு பிடித்திடும் பட்சத்தில் போன வருஷத்து ரெக்கார்டை தொட்டு விடுவோம் ! எப்படியேனும் ஆங்காங்கே நம்ம B டீமாக செயல்பட்டு, நமது புக்ஸையே பிரதானமாய் விற்று வருவோரின் சேல்ஸ் நம்பரையும்  கணக்கில் சேர்த்துக் கொண்டால், "லயன்-முத்து" குழும புக்ஸ்களின் விற்பனை already திருப்பூரில் ஒரு புது உச்சத்தை தொட்டாச்சு !! விற்பனை கேந்திரம் எதுவாக இருப்பினும், அத்தனை காமிக்ஸ் வாசகர்களின் கரங்களிலும் நமது புக்ஸ் தென்படுவதில் ஹேப்பி அண்ணாச்சி ! அதிலும் குறிப்பாக போன மே மாதம் FREE COMICS DAY என்று அறிவித்து, விலையின்றி நாம் தந்த இதழ்கள் கூட இத்தனை தூரம் பயணித்து, அவையும் இன்று போணியாவதை பார்க்கும் போது நமது இதழ்களின் கெத்து ஸ்பஷ்டமாய்ப் புரிகிறது !! "விலையில்லாதவை" என நாமே நிர்ணயித்தாலும் - 'ஊஹூம்....இல்லீங்கோ !! இவற்றிற்கு என்றைக்குமே மதிப்புண்டு" என்பது கண்முன்னே நிரூபணமாகி வருகிறது !! Awesome !!

And நெல்லையில் நடந்து வரும் புத்தக விழாவினில் இன்று DAY 3 ! அந்தப் பகுதி வாசகர்கள் - ஒரு விசிட் ப்ளீஸ் ?

Bye all...have a cool Sunday ; see you around !! ஆர்ச்சி பயலோடு எடிட்டிங்குக்குள் புகுந்திடக் கிளம்புகிறேன் நான் !