ஒரு மதிமுக கேள்வி !!

நண்பர்களே,

வணக்கம். ரொம்ப நாளாகி விட்டதல்லவா - ஒரே நாளில்  பின்னூட்ட எண்ணிக்கை முன்னூறைத் தாண்டி ?  "ஜானி ஒரு கராட்டே வெட்டு வெட்டினார் !" போன்ற வசனங்களைப் படிப்பதை விடவும் - அந்த Load more மூட்டைக்குள் புகுந்து புகுந்து comment களைப் படிப்பது மகா சிரமம் என்பதாலும் ; கம்பெனி விதிகளின்படி 300 ஐத் தாண்டும் போதே உப-பதிவு ஆஜராவது அவசியம் என்பதாலும், here I am !! ஒற்றை நாளில் ஒரு போதி மரத்தைத் தேடிப் பிடித்து புது ஞானத்தை உட்புகுத்திக் கொள்வதெல்லாம் நிஜத்தில் சாத்தியமாகாது என்றாலும், உங்களின் ரசனைகள் சார்ந்த மனம் திறப்புகள் நிறையவே insights வழங்கியுள்ளது என்பேன் !! இதற்காகத் தான் மௌனங்கள் வேண்டாமே guys என்று தொடர்ச்சியாய் பதிவுக்குப் பதிவு கூவி வருகிறேன் ! என்ன தான் உங்கள் நாடிகளை அறிய நான் தலை கீழாய் நின்று தண்ணீர் குடித்தாலுமே - அதுவொரு தேர்ந்த யூகமாய் மட்டும் தானே  இருக்க முடியும் ?! உங்களிடமிருந்தே விடைகள், பதில்கள் பிரவாகமெடுக்கும் போது - என் பணியின் பிணிகள் திடு திடுப்பென்று மட்டுப்பட்டுப் போய் விடுகின்றனவே ? So keep rocking & keep those thoughts flowing all !!

சரி..உப பதிவுக்கு கொஞ்சம் உற்சாகமூட்ட ஏப்ரலின் இன்னொரு அட்டைப்படத்தைக் கண்ணில் காட்டுவோமென்று நினைத்தேன் ! So இதோ நமது மதிமுக அழகி (அதை பிரித்து கட்சிப் பெயராய் வாசித்திட வேண்டாமே - ப்ளீஸ் ?!) தனது ஆல்பம் # 4 சகிதம் நம்மை சந்திக்க வரயிருப்பதன் preview ! சமீபத்தைய பயணிகளின் நீட்சியாய் அதே ஒரிஜினல் டிசைன் ; வர்ணங்களில் மட்டுமே நாத்து டின்கரிங்கோடு ! கதையைப் பொறுத்தவரையிலும் வழக்கமான வான் ஹாம் த்ரில்லர் ; சிலபல மாமூலான templates சகிதம் ! ஆனால் சித்திரங்களும், வர்னகி சேர்க்கைகளும் ஒரு புது உயரத்தில் இந்த ஆல்பத்தில் இருப்பதாய் எனக்குத் தோன்றியது ! And அச்சிலுமே தக தகக்கின்றன உட்பக்கங்கள் ! 

But இந்த யுவதியின் சார்பிலுமே சில வினவல்கள் அத்தியாவசியம் என்று படுகிறது எனக்கு ! LADY S நம் ரசனைகளுள் ஏற்படுத்தியுள்ள தாக்கமானது இரு வெவ்வேறு துருவங்களில் தொலைவில் இருப்பதை உங்களில் எத்தனை பேர் கவனித்தீர்களா - தெரியலை ! நிறைய பேரின் TIER 1-ல் இருக்கிறார் அம்மணி ; இல்லாங்காட்டி நேராக TIER 3-ல் குந்திக் கிடக்கிறார் இன்ன பிற நண்பர்களின் பட்டியல்களில் !! இவரை சிலாகிக்க காரணங்கள் புரிகிறது ; but ஓரம்கட்ட அவசியப்படும் (உங்களின்)  முகாந்திரங்கள் பற்றிப் பேசிடுவோமா ப்ளீஸ் ? தயக்கங்களின்றி, LADY S மீதான உங்கள் பார்வைகளை முன்வைத்திடலாமே ? 

Bye guys !! அப்புறம் - முந்தைய பதிவில் மதியத்துக்கு மேலாய் நீங்களிட்ட பின்னூட்டங்களுள் எனது  பதில் அவசியமாகிடக்கூடியவற்றை இங்கே கொணர்ந்து பதில் போடுகிறேன் கொஞ்ச நேரத்தில் !! 

ஒரு மதியப் பதிவு !

நண்பர்களே,

வணக்கம். எக்கசக்கமாய்ப் பதிவுகளைப் போட்டுத் தாக்கியிருக்கிறேன் தான்; ஆனால் ‘ஜாலிக்காண்டி‘ என்பதைத் தாண்டி மெய்யாகவே அத்தியாவசியப்படும் பதிவுகள் அமையும் போது கிடைக்கும் ஒரு சன்னமான திருப்தி அலாதியானது! கொஞ்ச காலமாகவே என் மண்டைக்குள் குடைந்து வந்த இந்த variety சார்ந்த விஷயத்தைப் போன வாரத்துப் பதிவில் இறக்கி வைத்தது உள்ளுக்குள் லேசானது போன்ற உணர்வைத் தருகிறது! Oh yes - ஒற்றை ராத்திரியில் இதற்கொரு சகல ரோக-சர்வ நிவாரணத் தீர்வெல்லாம் சாத்தியமாகாது என்பது புரிகிறது; ஆனால் கொஞ்சமாகவேணும் கிடைத்துள்ள உங்களது ரசனைகள் பற்றிய insights – தொடரும் காலங்களின் திட்டமிடல்களுக்கு ஓரளவாவது உதவிடும் என்று நம்புகிறேன்! ‘ஓரளவாவது‘ என்று நான் நீட்டி முழக்கிடக் காரணங்கள் சில உள்ளன:

1. பிரதானமாய் – தத்தம் எண்ணங்களை / நாயகத் தேர்வுகளை இங்கே பதிவிட்டுள்ள நண்பர்களின் எண்ணிக்கை மிகக் குறைச்சலே! So இதனை ஒரு முழுமையான அபிப்பிராய வெளிப்பாடாய்ப் பார்த்திடல் சிரமமே! தொடரவிருக்கும் ஏப்ரல் இதழ்களோடு இதை வழங்கி, இன்டர்நெட்டுக்கு அப்பாலுள்ள வாசகர்களின் சிந்தனைகளையும் tap செய்திட முடிகிறதா என்பதைப் பார்த்தாக வேண்டும்! And இன்னமும் கூட இங்கே மௌனத்தையே தொடர்ந்திடும் நண்பர்களும், இந்த முறையேனும் மௌன விரதத்தைக் கலைக்க முற்பட்டால் சூப்பராக இருக்கும் ! 

2. பதிவாகியுள்ள பட்டியல்களை பரிசீலித்தால் – TIER 3-ல் டிக்கெட் எடுக்காமலே பயணிப்பவர்களாகத் தென்படுவது மாயாவி & மும்மூர்த்திகள்! கிட்டத்தட்ட 90% நண்பர்களின் எண்ணம் இதுவே! ஆனால் கடந்த 2+ ஆண்டுகளின் விற்பனையின் நம்பரில் முதலிடத்தில் குந்திக் கிடப்பது இந்தப் பல்செட் மாட்டும் பருவத்திலிருக்கும் பிரிட்டிஷ் ராஜகுமாரர்கள் தான்! அவர்கள் நினைத்தால் நாம் பயணிக்கும் இந்த ரயிலையே ஒரே செக்கில் கிரயம் பண்ண முடியும் தான் - ஆனால் நமது ரசனைப் பார்வைகளிலோ – ‘அப்டிக்கா ஓரமாப் போயி விளையாடுங்கப்பா‘ boys ஆகவே பின்தங்கிக் கிடக்கின்றனர்! So சில தருணங்களில் ரசனை / விற்பனை அளவுகோல்கள் - என்பன துருவங்களின் தொலைவிலும் இருக்கக் கூடும் போலும் என்பதையும் ஏற்றுக் கொண்டாக வேண்டி வருகிறது ! மண்டையைச் சொரிந்து கொண்டே நடை போடும் படங்கள் கொஞ்சம் ! 

கிட்டியிருக்கும் குறைச்சலான data-வைக் கொண்டு ஒரு தோராயமான picture-ஐ நிர்ணயிக்க முயற்சித்தால் பதில்களை விடக் கேள்விகளே மிகுந்திடுவது புரிகிறது! நான் பார்த்தமட்டிற்கு அழுந்தப் பதிவாகியிருக்கும் கருத்துக்கள் சில !

* பலரது Tier 3-ல் இடம் பிடிப்பது பலதரப்பட்ட கார்ட்டூன் நாயகர்களே என்பது முதல் stat! கொஞ்ச காலமாகவே ஸ்மர்ஃப்ஸ் வெளியாகும் வேளைகளில்; ரின்டின் ஆஜராகும் நாட்களில்; க்ளிப்டன் கதைக்கும் பொழுதுகளில்; மந்திரி மாவாட்டும் தருணங்களில், சன்னமாகவோ… சத்தமாகவோ சங்டக்குரல்கள் பதிவாகி வருவதில் இரகசியமில்லை! எனது கேள்வியானது- இது ஒருவித கார்ட்டூன் மீதான அலர்ஜியா ? அல்லது குறிப்பாய் இந்த நாயகர்கள் மீதான கடுப்ஸா? ‘என்ன பண்ணினாலும் எனக்கு கார்ட்டூன் மட்டும் ரசிக்கவே மாட்டேன்குது சார்!‘ என்று என்னிடம் சொல்லியுள்ள நண்பர்கள் ஏராளம்! So தற்போதைய இந்த துவேஷமானது anti genre-ஆ ? anti hero-வா ? Maybe இவர்களுக்கு மாற்றாய் வேறு கார்ட்டூன் நாயகர்கள் தலைகாட்டினால் அதனில் உங்கள் reactions எவ்விதமிருக்குமோ ? சும்மா ஒரு curiosity -ல் தான் இதற்கான விடை தேட முனைகிறேனே தவிர, அடுத்தாண்டு கார்ட்டூன்களுக்கு முழுக்குப் போடும் எண்ணத்தில் அல்ல ! இன்றைய பொதுவான ரசனைகளுக்கும் - நாளைய தலைமுறையின் ஊக்குவிப்புக்கும் மத்தியில் பெரியதொரு லடாய் இன்றி நம் பயணம் தொடர்வது அவசியமென்பதால் - இயன்றமட்டிலும் அவரவர் எண்ணங்களை அறிந்திட ஆவல் ! So சற்றே வெளிச்சம் போடுங்களேன் guys - இந்தப் பாய்ண்ட் மீது?

* ரயிலின் பின்பக்கத்திலிருந்து ஒரே ஜம்பாய் முன்பக்கத்துக்குப் போனால் – ‘இப்போ என்னாங்கறே?‘ என்றபடிக்கு ஒரு வாட்டசாட்டமான மஞ்சளசட்டையர் அமர்ந்திருப்பது தெரிகிறது! “நீ மூணாம் பிறை கமல் மாதிரிக் குட்டிக் கர்ணம் அடிச்சுக்கோ; நாலாம் பிறை பரத் மாதிரி மண்டையிலெ கொட்டிக்கோ – உன் பாடு! ஆனாக்கா இங்கே அலுங்காமல் நான் சவாரியைச் தொடர்வேனாக்கும்!“ என்று அவர் சொல்லாமல் சொல்வது புரிகிறது !

++ஒரு லார்கோ ஆல்பத்தை உருவாக்க அவசியப்படும் குட்டிக்கரணங்களை நான் ஜெமினி ஸ்டூடியோ வாசலில் போய் போட்டிருந்தால், இந்நேரத்துக்கு யாராவது ஒரு ஸ்டண்ட் மாஸ்டரின் குழுவில் இடம் கிடைத்திருக்கும்! மொழிபெயர்ப்பில் துவங்கி வழிநெடுக களர்கிற பெண்டு சொல்லி மாளா ரகம்!

++ஒரு தோர்கல் ஆல்பத்தைத் தயாரிக்க முந்தைய பாகம்; பிந்தைய பாகம் என்று நெட்டுரு போட்டு வர வேண்டும்! அப்புறமாய் ஒரு லிட்டர் விளக்கெண்ணெய் வாங்கி வைத்துக் கொண்டு கண்ணயரும் ஒவ்வொரு தபாவும் நாலு சொட்டை உள்ளே போட்டுக் கொண்டாக வேண்டும் பணி செய்யும் போது!

++ஒரு இரத்தப் படலத்தை – அதுவும் அந்த இரண்டாம் மேஃபிளவர் சுற்றிலான கதைக்குள் புகுந்திடுவதெனில் க்ளுகோஸ் டப்பாக்கள் டஜன் கணக்கிலும், முகத்தில் தெளித்துக் கொள்ள குண்டு சோடாக்கள் ரெண்டு டஜனும் தேவைப்படும்!

ஆனால் இதெதெற்குமே அவசியங்களின்றி  ; “வந்தார்… சாத்தினார்… வென்றார்!“ என்பதே தனது பாணியாகக் கொண்டுள்ள நமது இரவுக் கழுகார் ஈட்டி வரும் ‘ஹிட்ஸ்‘ பற்றி நாமறிவோம்! எனது கேள்வி இவரது வெற்றி இரகசியம் பற்றியல்ல…! மாறாக- நமது ரசனைகளுக்கும், நமது வயதுகளுக்கும் மத்தியிலான equation-க்கு வலு உண்டா – இல்லையா? என்பது பற்றியே!

கொஞ்சம் விளக்குகிறேனே:

- "பேரிக்காய் போராட்டத்தை"“ 30 ஆண்டுகளுக்கு முன்பாய் சுஸ்கி & விஸ்கியில் ரசித்தோம்! ஆனால் இன்றைக்கோ நமது நீலப் பொடியர்களைக் கண்டு தெறித்து ஓடுபவர்களைப் பார்க்க முடிகிறது ! 

- “"காமெடிக் கர்னலை"“ எண்பதுகளின் இறுதிகளில் குலுங்கிச் சிரித்து அரவணைத்தோம்! ஆனால் அதே மீசைக்காரரை இன்றைக்குப் பார்த்த கணத்தில் ரிவர்ஸ் கியர் போடுவோரும் உண்டு தானே ? 

- புராதனம் சொட்டிய ‘செக்ஸ்டன் பிளேக்‘ கதைகள் அன்றைய b&w-ல், சாணித் தாளில் கூட ரசனைக்குரியதாய்பட்டன! ஆனால் அதே புராதனம் இன்றைக்குத் தள தள art பேப்பரில், முழு வண்ணத்தில் ஜில் ஜோர்டனின் ரூபத்தில் வலம் வரும் போது ஊரைக் காலி பண்ணிவிட்டு ஓட யத்தனிப்பது ஏனோ ?

- மீசையை முறுக்கிக் கொண்டு குள்ள மந்திரியார் ‘90-களில் நம்மிடையே ஜாலியாகக் கூத்தடித்தவர் தான்! ஆனால் இன்றைக்கோ அவர் பொருட்டு,நம்மவர்களில் ஒருசாராருக்கு ஜெலுசில் மாத்திரைகளை விழுங்கிட அவசியம் நேர்கிறது தானே?

"இதிலென்ன ஆச்சரியம் ? அந்த வயதுக்கு அது ரசித்தது! இப்போது ரசிக்கலை என்கிறீர்களா?" Super !! ஏற்றுக் கொள்கிறேன்!

ஆனால்… ஆனால்…......

வருடங்கள் 33 ஓடியிருப்பினும், ஆல்பங்கள் எக்கச்சக்கமாய் களமிறங்கியிருப்பினும் – இந்த மஞ்சள் சட்டை மாவீரரிடம் மட்டும் இந்த வயது சார்ந்த சமாச்சாரங்களெல்லாம் ஓரமாய் ஒதுங்கி விடும் மர்மம் தான் என்னவோ ? 1985-ல் ரசித்தோம் ; '95-ல் ஆராதித்தோம் ; 2005-ல் கொண்டாடினோம் ; 2015-ல் ஆர்ப்பரித்தோம் ! இங்கு மட்டும் அந்த "வயது-ரசனை" என்ற equation செயலிழந்து விடுகிறதே?! சில கதைகளை வயது பாகுபாடின்றி ரசிக்க முடிவதும் ; சிலவற்றை "இது குழந்தைப்புள்ளை மேட்டர்" என்று ஒதுக்க முற்படுவதும் ஏனென்று any thoughts ? Maybe “வயது சார்ந்த ரசனைகள்“ என்பதெல்லாம் ஒரு பிரமை தானோ? அல்லது டெக்ஸ் மாத்திரம் இந்த ஒப்பீடுகளுக்கு அப்பால் நிற்கும் ஒரு எஃகுப் பிறவியோ? ரசனைகளுள் ஒரு பொதுவான pattern தெரிகிறதென்று நினைக்கும் போது இத்தகையதொரு massive முரண் கண்ணில்படுகிறது!

ஆனால் துளியும் குழப்பமின்றிப் புலனாகும் விஷயமொன்றுள்ளது! அது தான் – “சேகரிப்பு“ என்ற பொழுதுபோக்கின் மீது குன்றி வரும் ஆர்வங்கள்! ஒட்டுமொத்தமாய் இது பொருந்துமோ - இல்லையோ ; ஒரு கணிசமான சதவிகிதத்துக்காவது இது தற்போது பொருந்தும் என்பதே எனது கணிப்பு ! Of course – இன்னமும் அந்நாட்களது சாணித் தாள் பிரதிகளைப் பழைய பேப்பர் கடைகளில் கண்டெடுக்கும் பரவசம் தொடரக்கூடும் தான் ; ஆனால் முன்போலான கொலைவெறிகளோடு தொடர்ந்திடுமா? என்பதில் I have my own doubts! ‘தொட்டுக்கோ – துடைச்சுக்கோ‘ என்று தட்டுத் தடுமாறி நமது இதழ்கள் வெளியான நாட்களில் – கண்ணில்படும் சகலத்தையும் வாங்கிட வேண்டுமென்ற அவா பரவலாக இருந்திருக்கலாம். ஆனால் இன்றைக்குத் திகட்டத் திகட்ட ஆல்ப மழை பொழியும் போது – பட்ஜெட்டுகள்; ரசனைகள்; நேர அளவுகோல்கள் என பல்வேறு factors முன்சீட்டை ஆக்கிரமிக்க – அந்தச் “சேகரிப்புக் கொலைவெறி“ பின்சீட்டின் ஓரத்துக்குத் தள்ளப்பட்டிருக்க வாய்ப்புகளுண்டு என்பதே எனது எண்ணம் ! எதுவும் சாஸ்வதமல்ல எனும் போது – இந்த சேகரிப்பின் நாட்டமும் எத்தனை காலம் தான் தழைத்திட முடியும்?!

ஆனால் இங்கேயும் ஒரு நேரெதிர் முரணும் இருப்பதாகவே படுகிறது எனக்கு! ‘இஷ்டப்பட்டதை மட்டும் வாங்கிக் கொள்ளலாம்‘ என்ற ரக வாசகர்கள் சிறு அணியாகவோ; மித அணியாகவோ உருவாகி வருவது ஒரு பக்கமெனில் – ‘எல்லாத்தையும் வாங்கியே தீருவேன்‘ என்ற diehard ரசிகர்களிடமே அந்த முரணைக் காண்கிறேன்! கடந்த 5+ ஆண்டுகளின் 200+ வெளியீடுகளில், maybe மறுபதிப்புகள் நீங்கலாக – பாக்கி அத்தனை வெளியீடுகளையும் வாசித்து விட்டுள்ள நண்பர்களின் எண்ணிக்கை எத்தனையாக இருக்குமென்பது அறிந்திட ரொம்பவே ஆவல் எனக்கு! மாதந்தோறும் இதழ்களைத் தடவி, உச்சி மோர்ந்து ரசிப்பது; பக்கங்களைப் புரட்டுவது; ரொம்பவே பிடித்தமான நாயக / நாயகியரின் கதையாக இருப்பின் அதனை மட்டும் உடனே படித்து விடுவது; இதர வரவுகளை "அப்பாலிக்கா பார்த்துக்கலாம்" என்று பீரோவுக்குள் பத்திரப்படுத்துவது என்பதை - நடைமுறையாகக் கொண்டிருக்கும் நண்பர்கள் சித்தே கையைத் தூக்குங்களேன் ப்ளீஸ்? இங்கே நமது வலைப்பதிவிலோ; வாட்சப் க்ரூப்களிலோ; FB-யிலோ இதழ்கள் சிலாகிக்கப்படுவதோ / சாத்தப்படுவதோ அரங்கேறும் போது, வேக வேகமாய் பீரோ சாவியைத் தேடிப் பிடித்து அவற்றை வெளியே எடுத்துப் படிப்பது சகஜ நிகழ்வு தானே folks? 

எனக்கு இந்தச் சந்தேகம் எழுவது நிறைய வாசகர்களின் தொடர் மௌனத்தைத் தொடர்ந்தே! “டைப் அடிக்கத் தெரியாது / நேரமில்லை“ – என்ற மாமூலான காரணங்களைத் தாண்டி, "வாங்கிப் பத்திரப்படுத்துவதே பிரதானம்; அப்புறமாய் எப்போதாவது படிச்சுக்கலாம்”" என்றதொரு நடைமுறையுமே அவர்களது மௌனங்களின் பின்னணிகளோ ? என்று அவ்வப்போது எனக்குத் தோன்றுவதுண்டு ! அட இதுக்கோசரமாவது பதில் கொல்ல முயற்சிக்கலாமே மௌ-வா நண்பர்களே ? So சேகரிப்பில் குறைந்திடும் ஆர்வம் ஒரு பக்கம் எனில் ; “அட அதுபாட்டுக்கு பீரோவுக்குள் அழகாய் கிடந்து விட்டுப் போகட்டுமே” என்ற தயாளம் மறுபக்கம்; இந்த இரு தரப்புகளுக்கு நடுவே diehard வாசகர்கள் என்பதே இன்றைய வானவில்லின் composition என்பது என் பார்வை! என் அனுமானத்தில் பிழையிருப்பின் திருத்திடுங்களேன் ப்ளீஸ்!

கதை சார்ந்த ரசனைகளைப் பார்வையிடும் போது கௌபாய் genre என்றும் இளமையாய்த் தொடர்வது புரிகிறது! அதே போல ஆக்ஷன் அதிரடி நாயகர்களுக்கென இன்னமும் நமக்குள்ளே ஒரு இடம் காலியாக இருப்பதும் புரிகிறது! புதுப்புது பாணிகள்; கிராபிக் நாவல்கள் என்று நாம் என்னதான் கலந்துகட்டி அடித்தாலும் – அவற்றை முழுமனதோடு அரவணைப்போர் சிறுபான்மையே என்பது இன்னமும் bottom line தான்! ஒற்றை நாளில் நாமெல்லாம் கி.நா. காதலர்களாக மாறிப் போவோம் என்ற கற்பனைகளோ; அவை தான் அறிவுசார் ரசனைகள் என்ற மாயையோ நிச்சயமாய் என்னுள் கிடையாது! இன்றைக்கும் சலூனின் கூடத்தில் டெக்ஸ் யாரையாவது துவட்டி எடுக்கும் போது நம்மையும் அறியாமல் இரத்தம் வேகமாய் ஓட்டமெடுப்பது இயல்பு தானே? So ரசனைகளுக்கு ஒரு ஸ்கேல் வைத்து "இந்தந்தக் கதைகளை ரசித்தால் இத்தனை மார்க்; அந்தந்தக் கதைகளை ரசித்தால் அத்தனை மட்டுமே!" என்ற வாத்தியார் வேலை செய்திடும் எண்ணங்களெல்லாம் கையிருப்பில் இல்லை! அதற்காக - 'பழைய குருடி---கதவைத் திறடி' என்றபடிக்கு கிராபிக் நாவல் தடத்துக்கு அவசரமாய் மங்களம் பாடும் அபிப்பிராயங்களுமே லேது ! உங்கள் எண்ணங்களில் பரவலாய் வெளிப்பட்டு வரும் facts-களை முன்வைக்க மட்டுமே இந்த முனைவு ! So ஒவ்வொரு ஆண்டுமே சந்தா E தொடரவே செய்திடும் - முழு 12 இதழ் சந்தாவாக இல்லாவிடினும் ! 

இன்னமும் நிறையவே சேதிகளை உங்கள் “நாயகத் தரம் பிரித்தல் படலத்தில்” புரிந்து கொள்ள முடிந்தது! ஆனால் அதையே பெரும் பட்டியலாக்கி உங்கள் குடல்களை இதற்கு மேலும் பதம் பார்க்கத் தோன்றவில்லை என்பதால் கொஞ்சம் இலகுவான topic-கள் பக்கமாய் நகருவோமா?

இதோ ஏப்ரல் மாதத்து highlight மீதான முதல் பார்வை! சிக் பில் க்ளாசிக்ஸ் – 2-க்கான அட்டைப்படம் உருவானதே ஒரு ஜாலியான கதை! இதன் மீதான பணிகள் நடந்தது Valentine’s Day சமயத்தில் தான் என்பதாலோ என்னவோ – நமது ராப்பரிலும் காதல் ரசம் சொட்டோ சொட்டென்று சொட்டியது! ஒரிஜினல் டிசைன்களையே நமது டிசைனர் மெருகேற்றி என் கண்ணில் காட்டிய டிசைன்கள் ஏராளம்! அவற்றுள் நான் இறுதியாய் ‘டிக்‘ அடித்தது இதையே!

கிட் ஆர்டின் காதல் மன்னனாய் மாறும் அழகை உட்பக்கங்களிலுமே முழு வண்ணத்தில் ரசிப்பது ஒரு செம உற்சாக அனுபவமாய் இருக்கப் போவது நிச்சயமென்பேன்! ஹார்ட்கவருடன் இதழ் ‘தக தக‘ வென்று மின்னுவதை போல எனக்குப்பட்டது; ஆனால் “கராத்தே டாக்டர்” இதழைக் கூட ‘சூப்பரப்பு‘ என்று சிலாகித்தவன் நான் என்ற முறையில் – எனது ரசனைகளை, நானே சீரியஸாய் எடுத்துக் கொள்வதில்லை தான்! ஏப்ரல் பிறக்கும் முன்பாய் ‘சிக் பில் க்ளாசிக்ஸ்-2‘ உங்களை எட்டிப் பிடித்து விடுமெனும் போது – நீங்களே தீர்ப்பெழுதிடலாமே?

ஏற்கனவே சொன்னது போல – ஏப்ரலின் இதழ்கள் எல்லாமே ரெடி – டெக்ஸ் வில்லர் b&w நீங்கலாக! So சீ-க்-கி-ர-மே மாதயிறுதி நெருங்கினால் கூரியர் படையெடுப்பை ஆரம்பித்து விடுவோம்! அப்புறம் ஏப்ரல் இதழ்களில் இன்னொரு சுவாரஸ்யமும் இருந்திடப் போகிறது! ஓலைப்பாயை ஈரமாக்கும் ரின்டின் கேனைப் போல என் ஓட்டைவாயைத் திறந்து மாமூலாய் அது பற்றியும் இப்போதைக்கு மொக்கை போடாது – ஏப்ரல் வரை பொறுமை காத்திட நினைக்கிறேன்!

அப்புறம் “இரத்தப் படலம்” எக்ஸ்பிரஸ் ஒருபக்கம் ஜரூராய்த் தடதடத்து வருகிறது. கிட்டத்தட்ட பாதிப் பக்கங்கள் டைப்செட் செய்யப்பட்டுத் தயாராகிவிட்டன! Maybe ஏப்ரல் மத்திக்குள் முழுமையையும் பூர்த்தி செய்து மே இறுதியினில் அச்சுக்குத் தயாராகி விடுவோம் ! 

And அந்த “"புலன் விசாரணை"” வருமா – வராதா? என்ற குடைச்சலோடு அவ்வப்போது எனக்கு வாட்சப்பிலும், மின்னஞ்சல்களிலும் நினைவூட்டல்களை செய்து வரும் நண்பர்களும் இல்லாதில்லை! அதனை எங்கே- எப்போது- எவ்விதம்- என்ன விலையில் நுழைப்பது? என்ற ஆராய்ச்சிகளுக்குள் புகுவதற்கு முன்பாய் அதன் தயாரிப்புக்கென அவசியப்படக்கூடிய முயற்சிகளை மறுக்கா பரிசீலனை செய்வோமே என்று அந்தக் கோப்புகளை எடுத்துப் பார்த்தேன் நேற்றைக்கு! ஒன்றே ஒன்று மட்டும் தெளிவாய்ப் புரிந்தது – தலையணைகளின் உயரம் பற்றாது போயின் – அந்தக் குறையை நிவர்த்திக்க இந்த ஆல்பம் நிச்சயமாய் உதவும் என்று ! To cut a long story short – இதன் மொழிபெயர்ப்புக்கு மெனக்கெட நண்பர்கள் யாரேனும் தயாரெனில் “புலன் விசாரணையை” நிஜமாக்கிடும் சாத்தியங்களை சீரியஸாகப் பரிசீலனை செய்திட நானும் தயார்! And இத்தனை கடினப் பணியினை சும்மாக்காச்சு பண்ணச் சொல்லுவது நியாயமாகாது என்பதால் அதற்கென ரூ.10,000/- சன்மானமும் தந்திட ரெடி! 30 நாள் அவகாசமெடுத்துக் கொண்டு அந்தப் பணியை செய்து முடிக்க உங்களுள் யாருக்கேனும் திறமையும், பொறுமையும் இருப்பின் கைதூக்கிடலாமே ப்ளீஸ்? சத்தியமாய் இதன் மொழிபெயர்ப்புக்குள் முங்குநீச்சலடிக்க எனக்கு சக்தியில்லை guys! பக்கம் பக்கமாய், பத்தி பத்தியாய் நீண்டு செல்லும் கட்டுரைப் பக்கங்களை ஒரு ஆய்வாளன் போல அணுகிடும் வயதையெல்லாம் நான் கடந்து விட்டேன் for sure! இதனை எவ்விதம் எடுத்துக் கொண்டாலும் சரி ; மறுக்கா எங்கெங்கோ வைத்துத் துவைத்துத் தொங்கப் போட்டாலும் சரி - யதார்த்தம் இதுவே!  So புலமையும், பொறுமையும் ஒருங்கே கொண்டுள்ள நண்பர்கள் முன்வரின் – அவர்களது சிரமங்களை acknowledge செய்திடும் விதமாய் சன்மானம் + இதழின் முதல் பக்கத்திலும் பெயரைக் குறிப்பிட நாங்கள் ரெடி! இனி பந்து முற்றிலுமாய் உங்கள் தரப்பில்! உங்கள் கைகளிலுள்ள மட்டைகளால் அதை லாவகமாக அடித்தனுப்ப முனைவீர்களா? அல்லது அந்த மட்டைகளைக் கொண்டே மறுக்கா என் மண்டையைக் குறி பார்ப்பீர்களா? என்பதெல்லாம் உங்கள் பாடு !

Before I sign off – பிரான்கோ – பெல்ஜிய காமிக்ஸ் உலகிலிருந்து கொஞ்சமாய் லேட்டஸ்ட் சேதிகள்! நமது இத்தாலிய சூப்பர் ஸ்டார் டெக்ஸ் – பிரெஞ்சிலும் (மறுபடியும்) கால் பதிக்கவிருக்கிறார் – ஒரு வண்ண கிராபிக் நாவல் சாகஸம் மூலமாக! வெகு சீக்கிரமே ‘Montana’ என்ற ஆல்பம் பெல்ஜியத்தில் வெளியாகவுள்ளது!

And அந்த ஒற்றைக்கை அடாவடிப் பார்ட்டி பௌன்சரின் இருபாகப் புது ஆல்பமும் ரிலீஸ் ஆகிறது! இதோ அவற்றின் அட்டைப்படங்கள்! ஹ்ம்ம்ம்ம்ம்...!

Bye all! See you around! Have a super duper week-end !

வரமா ? பாரமா ?

நண்பர்களே,

வணக்கம். மாதத்தின் இரண்டாம் வாரப் பதிவுகள் எப்போதுமே கொஞ்சம் tricky ! புது இதழ்களின் மீது ஒளிவட்டம் லயித்திட வேண்டுமேயென்ற ஆதங்கம்  ; இங்கு அவைசார்ந்த அலசல்கள் நடைபெறும் போது- 'வாங்குவோமா - வேண்டாமா ?' என்ற dilemma-வில் இருந்திடக்கூடிய வாசகர்களுக்கு  தெளிவு கிடைக்குமே என்ற அவா ;  தொடரும் மாதத்து இதழ்கள் பக்கமாய் வண்டியை இப்போதே விட்டால் - too early என்பது போலான உணர்வு - என நிறைய குட்டிக் குட்டியான எண்ணங்கள் தோன்றுவது வழக்கம் ! So என்ன எழுதுவதென்ற பிடுங்கல் பிரதானமாய்த் தோன்றுவதே இந்த இரண்டாம் வாரத்தில் தான் ! ஆனால் இம்முறையோ - கொஞ்ச காலமாகவே எனக்குள் ஓடிவருமொரு சிந்தனையை உங்களோடு பகிர்ந்திட இந்தப் பொழுதே apt என்று படுகிறது ! And இதுவொரு  'படித்தோம்-போயிட்டே இருந்தோம்' ரக ஜாலிப் பதிவல்ல folks ; உங்களின் கவனங்களையும், சிந்தனைகளையும் கோருமொரு பதிவு ! 

துவக்கம் முதலே நமது இதழ்களுக்கென ஒரு அடையாளமாய் அமைந்து போனது நம்மிடமுள்ள variety தான் என்பதில் எனக்கு ஐயங்கள் இருந்ததில்லை ! 

முத்து காமிக்ஸின் துவக்கத்தில் கோலோச்சியவர்கள் மூவர் - மாயாவி ; லாரன்ஸ்-டேவிட் & ஜானி நீரோ என்ற மும்மூர்த்திகள் ! பின்னாளில் ரிப் கிர்பி ; காரிகன் ; சார்லி ; விங் கமாண்டர் ஜார்ஜ் & சிஸ்க்கோ கிட் வரிசையாக ஆஜராகி வந்தனர் ! அதன் மத்தியில் வேதாளர் & மாண்ட்ரேக் & ஜான் சில்வர் அணிவகுப்பில் கலந்து கொண்டனர் ! So 1972-ல் துவங்கிய முத்து காமிக்ஸ் என் பொறுப்பிற்கு வந்து சேர்ந்த 1987 வரையிலான 15+ ஆண்டுகளில், பிரதான நாயகர்களெனப் பட்டியலிட்டால் - 11 big names மட்டுமே தேறும் ! Of course - ஒற்றை சாகசத்தில் அறிமுகமான மாடஸ்டி ; டாக்டர் கில்டெர் ; பிக் பென் போன்ற one shots உண்டு தான் ! ஆனால் அவர்களை சீரியஸான எண்ணிக்கையில் சேர்க்காவிடின் - அந்த 180 மாதப் பயணமானது பெரும்பாலும் 11 நாயகர்களோடே சாத்தியமாகியுள்ளது என்ற உண்மை புரிகிறது. இடையே தாமதங்கள் ; சுணக்கங்கள் என்று ஒரு கணிசமான அவகாசம் ஓடியிருந்ததில் இரகசியமில்லை & மறுபதிப்புகளின் புண்ணியத்தில் மாதங்கள் பல பயணித்திருந்ததிலுமே ஒளிவில்லை ! But எது எப்படியிருப்பினும் ஒரு மித வட்டத்தோடே அத்தனை பெரிய ஈர்ப்பை உருவாக்கிட அன்றைக்கு சாத்தியமாகியிருப்பின் - அது அந்த நாயகர்களின் வலிமைக்கும், அவர்களது கதைக்களங்களுக்குமான testimony என்பது நிச்சயம் ! 

ஆனால் லயன் குடும்பத்து நாயகர் அணிவகுப்பைப் பார்த்தோமென்றால், திருவிழாவில் பஞ்சு மிட்டாய் வாங்க நிற்கும் கூட்டம் நினைவுக்கு வருவதைத் தவிர்க்க முடியாதென்பேன் !

மாடஸ்டி ; ஸ்பைடர் ; ஆர்ச்சி ; மீட்போர் ஸ்தாபனம் ; ஜான் மாஸ்டர் ; அதிரடி வீரர் ஹெர்குலஸ் ; லாரன்ஸ்-டேவிட் ; டெக்ஸ் வில்லர் ; இரட்டை வேட்டையார் ; இரும்புக்கை நார்மன் ; மார்ஷல் ; XIII ; சாகச வீரர் ரோஜர் ; கேப்டன் பிரின்ஸ் ; ப்ருனோ பிரேசில் ;  ரிப்போர்ட்டர் ஜானி ; கறுப்புக் கிழவி ; லக்கி லூக் ; சிக் பில் ; அலி பாபா ; அலாவுதீன் ; மதியில்லா மந்திரி ; இத்யாதி - இத்யாதி என முதல் 36 மாதங்களுக்குளாகவே ஒரு மினி பொதுக்கூட்டத்தை நடத்திப் பார்த்திருப்பது புரிகிறது ! இதனை தம்பட்டம் அடிக்கும் நோக்கிலோ, பாணியிலோ நானிங்கு குறிப்பிடவில்லை guys ; ஒரு நிகழ்வை விவரிக்கும் புள்ளி விபரமாக மாத்திரமே சொல்லி வைத்திருக்கிறேன் ! And பின்னாட்களில் நமது இரண்டாம் வருகைக்குப் பின்பாய் கட்சியில் புது உறுப்பினர் சேர்க்கை புது வேகத்தோடு தொடர்ந்துள்ளது - லார்கோ ; ஷெல்டன் ; smurfs ; பென்னி ; க்ளிப்டன் ; ட்யுரங்கோ ; தோர்கல் ; ப்ளூ கோட்ஸ் ; கமான்சே ; Lady S ;  டைலன் டாக் ; மேஜிக் விண்ட் ; ஜூலியா ; ஜில் ஜோர்டான் ; ட்ரெண்ட் ; etc etc என்று ! So ஒரு கணிசமான நாயக வட்டம் என்றைக்குமே நமது அடையாளமாக இருந்து வந்துள்ளனர் என்ற எனது துவக்க வரிகள் சரியாகத் தானே உள்ளன ? 

எனது இப்போதைய கேள்வி ரொம்பவே சிம்பிளானது : 

இந்த variety ஒரு வரமா ? அல்லது பாரமா ? என்பதே !! 

'நல்லாத் தானே போய்க்கிட்டிருந்தது ; ஏனிந்தத்  திடீர் கேள்வி ??" என்று உங்களுக்குத் தோன்றலாம் தான் ; ஆனால் இதுவொரு பொழுது போகா வினவல் அல்ல ! கீழ்க்கண்ட நம்பர்களை சித்தே பரிசீலனை செய்திடுங்களேன் ப்ளீஸ் :

• ப்ருனோ பிரேசில் - 6 
• டைலன் டாக் - 9 
• மேஜிக் விண்ட் - 6  
• கமான்சே - 18  
• ஜில் ஜோர்டன் - 13 
• லியனார்டோ - 4  
• க்ரீன் மேனர் - 7  
• CID ராபின்   - 31  
• மதியிலா மந்திரி - 14  
• வெய்ன் ஷெல்டன் - 16  
• லார்கோ - 27  
• மாடஸ்டி - 9 
• கிளிப்டன் - 16 
• டயபாலிக் - 9 

இவையெல்லாமே என்ன நம்பர்கள் என்று யோசிக்கிறீர்களா ?  சென்னைப் புத்தக விழாவில் மேற்படி நாயக / நாயகியர் தத்தம் வரிசைகளில் நம்மிடமுள்ள எல்லா ஆல்பங்களிலுமாய்ச் சேர்த்து ஈட்டியுள்ள sales figures ! உதாரணத்திற்கு ஷெல்டனில் நம்மிடம் 6 ஆல்பங்கள் உள்ளன என்றால் - அந்த ஆறிலும் சேர்த்து 16 பிரதிகளே விற்றுள்ளன என்று எடுத்துக் கொள்ள வேண்டும் ! இந்தியாவின் செல்வச் செழிப்பின் புள்ளிவிபரம் போலவே நமது (முக்கிய) புத்தக விழா விற்பனைகள் இருந்து வருகின்றன! அதாவது இந்தியாவின் மொத்த செழிப்பின் 70 %-ஐ கையில் வைத்திருப்பதோ அதன் 1 % ஜனத்தொகை தான் என்பது போல - நமது மொத்த விற்பனையின் முக்கால் பங்கைப் பொறுப்பேற்று நிற்கும் முதல் நிலை நாயகர்கள் தற்சமயத்துக்கு  இவர்கள் மாத்திரமே :

• டெக்ஸ் வில்லர் 
• மாயாவி & குழுவினர்
• லக்கி லூக் 
• சிக் பில்
• பென்னி
• கேப்டன் டைகர் (மின்னும் மரணம் & இரத்தக் கோட்டை)

அதற்கு அடுத்த நிலையில் நிற்குமொரு அணி - "மோசமில்லை" என்ற ரக விற்பனையினை நல்குபவர்கள் !  ஊர் சுற்றி பார்த்துவிட்டு பத்திரமாய் கிட்டங்கி திரும்பும் அணி # 3 இறுதியாய் ! ஆக இந்த மூன்று பிரிவுகள் இன்றைக்கு clearcut ஆகக் கண்ணில் படுகின்றன - புத்தக விழாக்களின் walk in வாசகர்கள் மத்தியில் !

நமது அடுத்த விற்பனை மார்க்கமான ஆன்லைன் ஸ்டோர் பற்றி அடுத்ததாய்ப் பார்வை ! இங்கேயோ - தேர்வுகளின் பாங்கு ரொம்பவே சிம்பிளாக உள்ளது !! 

* சகல டெக்ஸ் வில்லர் கதைகளும் !

* ரொம்ப selective ஆக கார்ட்டூன்கள் !

* மிகக் குறைச்சலான மறுபதிப்புகள் !

Of course - மாயாவியை ஆதர்ஷத்தோடு ஆலிங்கனம் செய்திடும் திடீர் வாடிக்கையாளர்கள் நிறையவே உண்டு தான் ; ஆனால் வேறெதையுமே அவர்கள் வாங்குவதில்லை என்பதைப் பார்க்கும் போதே - அங்கே தலைதூக்கி நிற்பது அந்த nostalgia factor மாத்திரமே என்பது புரிந்து விடும் ! So அவர்களிடம் வேறு ரசனைகள் பற்றிய தகவல்களை கிரகிக்க சாத்தியப்படுவதில்லை ! 

மூன்றாம் மார்க்கமாம் - ஏஜெண்ட்கள் வாயிலான விற்பனைகளில் அத்தனை தெளிவான stats கிடைக்க மாட்டேன்கிறது ! இங்கேயும் மாயாவி & டெக்ஸ் வில்லருக்கு சிகப்புக் கம்பளம் ! மற்றவர்கள் அங்கொரு மாதிரியும், இங்கொரு மாதிரியும் விற்பனை காண்பதுண்டு ! So ஒரு clear picture இங்கே சிரமமே !! 

நான்காம் மார்க்கமும் - நமக்கு பிராண வாயுவுமான சந்தாக்களின் பக்கமாய் கவனத்தைத் திருப்பும் போது - மேலோட்டமாய் all is well தான் !! சந்தா A + B + C + D என்ற கூட்டணிக்கே 95 % ஆதரவு எனும் போது நான் குதூகலிக்கத் தான் வேண்டும் ! ஆனால் Tier 2 -ல் உள்ள நாயகர்களின் இதழ்கள் வெளியாகும் மாதங்களில் எழும் சிற்சில சலனங்கள் நெருடலை ஏற்படுத்தாது இருப்பதில்லை ! இதோ இம்மாதமே அதற்கொரு அழகான உதாரணம் என்பேன் :

ஜில்லாரின் ஆல்பம் என்னைப் பொறுத்தவரையிலும் பிரமாதமான தேர்வே ; நிறைய பாராட்டுக்களையும் எட்டியுள்ளது தான் ; அதே சமயம் - "அய்யகோ!!" என்ற குரல்களும் உண்டு தானே ?

SMURFS-களை நான் ஆராதிக்கிறேன் ; ஆனால் அவர்கள் தலைகாட்டும் மாதங்களில் - "முடிலே சாமியோவ் !" என்ற கூக்குரல்கள் கேட்பதை நாம் மறுக்க இயலாது தானே ?! 

கமான்சே வெளியாகும் தருணங்களின் ஒரு மந்தகதியும் நாம் பார்த்தவர்களே ! ரின்டின் கேன் & ஜூலியா & கிளிப்டன் & மதியில்லா மந்திரியின் மாதங்களிலும் அதிருப்தி வெளிப்படுவதில் no secrets !!

இவை சகலமுமே ரசனை சார்ந்த விஷயங்களே எனும் போது - ஒரு கதையையோ, தொடரையோ ரசிக்க முடியவில்லை என எழும் குரல்களில் பிழை காண்பது பொருத்தமாகாது தானே ?   அவர்களுக்கு அது பிடிக்கவில்லை - simple as that !!

நான் உங்களிடம் கோருவது இதையே guys :

நம்மிடையே தற்போது நடைமுறையில் உள்ள நாயக / நாயகியரை உங்கள் கண்ணோட்டத்தில் TIER 1 ; TIER 2 & TIER 3 என்று பிரிப்பதாயின் - யாரை எங்கே பொருத்திப் பார்ப்பீர்கள் என்பதே !! 

நமது கிரிக்கெட் அணியினில் கூட இது போன்றதொரு சிஸ்டம் உண்டு ! 'தல' தோணி ; கோஹ்லி ; ரோஹித் சர்மா போன்ற பெரும் புள்ளிகள் டாப் லெவல் பட்டியலில் இருக்க, அவர்களுக்கான சம்பளங்களும், மரியாதைகளும் உச்ச பட்சம். அடுத்த நிலை ஆட்டக்காரர்கள் ; அதற்கப்புறமாய் இன்னொரு pool என்ற பிரிவுகள் அங்கே அமலில் உண்டு தானே ? அதையே நமது நாயகர்களிடம் செய்து பார்ப்போமே ?  

உங்கள் வசதிக்காக - இதோ தற்போதைய நமது ரேடாரில் உள்ளோரின் லிஸ்ட் :

• லார்கோ
• ட்யுராங்கோ
• தோர்கல்
• LADY S 
• வெய்ன் ஷெல்டன்
• ரிப்போர்ட்டர் ஜானி 
• ஜில் ஜோர்டன் 
• டெக்ஸ் வில்லர்
• மர்ம மனிதன் மார்ட்டின்
• CID ராபின்
• மாடஸ்டி பிளைசி
• லக்கி லூக் 
• ப்ளூ கோட் பட்டாளம்
• ரின்டின் கேன்
• சிக் பில்
• மதியிலா மந்திரி
• Smurfs 
• பென்னி
• கிளிப்டன்
• மாயாவி
• CID லாரன்ஸ்-டேவிட்
• ஜானி நீரோ
• ஸ்பைடர்
• சாகச வீரர் ரோஜர்
• கேப்டன் பிரின்ஸ் 
• அண்டர்டேக்கர் 
• XIII 

இந்தப் பட்டியலுக்குள் உள்ளோரை மட்டும் உங்கள் பார்வைகளில் பாகுபடுத்திக் காட்டுங்களேன் guys ! 

"இல்லீங்கோ - எங்களுக்கு டெக்ஸும் ஒன்றே ; ரின்டின் கேனும் ஒன்றே ; காமிக்ஸ் நாயகர்களுக்குள் ஏற்ற / இறக்கங்கள் நஹி !"  என்ற கட்சியைச் சார்ந்தவர்களெனில் - அதையும் குறிப்பிடலாம் !  

Please note - இது விமர்சனங்களுக்கு அப்பாலான ஒரு கருத்து சேகரிப்பு மாத்திரமே ! So அவரவரது தேர்வுகளின் மீது வருத்தங்களோ / விமர்சனங்களோ வேண்டாமே - ப்ளீஸ் ! 

அதே போல  - "வேண்டாம் !" என்ற குரல்கள் ஒலிக்கத் துவங்கிய மறுநொடியே ஒரு தொடர் drop ஆகிடுமென்ற எதிர்பார்ப்புகளும் unrealistic ! ஒவ்வொரு தொடரிலும் நம்மிடம் கையிருப்புள்ள கதைகள் ; அவற்றுள் குறைந்த பட்சம் இத்தனை வெளியிட வேண்டுமென்ற ஒப்பந்த நிபந்தனைகள், நீங்கள் அறிந்திருக்கா விற்பனை சாதனைகள் என்று நிறையவே சமாச்சாரங்கள் இருக்கக்கூடும் ! So "அண்டா காக்கஸூம்...அபூ காக்கஸூம்...மூடிடு சீசேம் !" என்ற மறுநொடியே ஒரு நாயகருக்கோ / தொடருக்கோ மூடுவிழாவென்பது நடைமுறை சாத்தியமாகாது ! 

இன்றைய தகவல் கோரல் ஒரு எதிர்காலத்துத் திட்டமிடலும் உரம் சேர்க்கவே தானன்றி - இன்றே விதைத்து, இன்றே வளர்த்து ; இன்றே அறுவடை செய்து ; இன்றே சமைத்து ; இன்றே தொந்தியை ரொப்பிக் கொள்ளும் பொருட்டல்ல ! 

Variety நமக்கொரு வரமா ? பாரமா ? 

ஆரோக்கியமானதொரு அலசல் சாத்தியமாயின் மகிழ்வேன் ! And மௌனங்களைக் கலைத்திடவும் இதுவொரு அத்தியாவசியத் தருணம் மௌன நண்பர்களே !! Please do chip in !! 

Bye all ...See you around !! Have a lovely weekend !! லார்கோவோடு எனது ஞாயிறு தட தடக்கக் காத்துள்ளது !!

பிப்ரவரியில் மார்ச் !

நண்பர்களே,

வணக்கம். மார்ச்சின் "பொட்டிகள்" கிளம்பி விட்டன - as promised ! So நாளைக் காலையில் ஜில்லார் + டெக்ஸ் + நீலப் பொடியர்கள் + கேப்டன் டைகர் என்ற அதிரி-புதிரி கூட்டணி உங்கள் இல்லக் கதவுகளைத் தட்டத் தயாராகியிருப்பர் ! இம்மாதத்தின் இதழ்கள் சகலமும் light reading என்பதால் - சிரமங்களின்றிப் படித்து முடிக்க சாத்தியமாகிடும் என்பதில் ஐயமில்லை ! எப்போதும் போல் காத்திருப்போம் - எங்களது மார்ச் முயற்சிகளின் மதிப்பெண்களைத் தெரிந்திட !! Do let us know please !

அப்புறம் ஆன்லைன் லிஸ்டிங்குமே தயார் - அவ்வப்போது இதழ்களைத் தேர்வு செய்து வாங்கிவரும் நண்பர்களின் பொருட்டு : http://lioncomics.in/monthly-packs/482-march-2018pack.html

And இதோ - கடந்த பதிவினில் நாம் கேட்டிருந்த கேள்விகள் இங்கேயும் தொடர்கின்றன :

1. உங்கள் பார்வையில் ‘Album of the Year 2017’ எதுவோ? (ஒற்றை முதல் பரிசு மட்டுமே சாத்தியம் என்பதால் “"ஆங்… இது… அப்புறம் அது… அப்பாலிக்கா இதுவுமே"” என்ற தேர்வுகள் வேண்டாமே ?!)

2. உங்கள் பார்வையில் “அறிமுகம் of the Year”?

3. உங்கள் பார்வையில் ”சொதப்பல் of the Year” 2017?

(இங்கேயும் ஒற்றை சாய்ஸ் மட்டுமே ப்ளீஸ்)

4. அட்டைப்படங்களுள் உங்களது Top3 ?

5.மிகச் சுமாரான அட்டைப்படங்களின் பட்டியலுமே ப்ளீஸ்? The Bottom 3 ?

6. 2017-ன் “Top Moment” – உங்களைப் பொறுத்தவரை ?

7. லயன் கிராபிக் நாவல் (சந்தா E)– உங்கள் பார்வையில்?

8. 2017 – ஒட்டுமொத்தமாய் என்ன மாதிரியான அனுபவம் என்பீர்கள்?

(a) சூப்பர்-டூப்பர் (b) தேவலாம்!   (c) ஹாவ்வ்வ்!

Bye all !! Happy Reading !!

அந்தவொரு நொடி !

நண்பர்களே,

வணக்கம். ‘அமைதிப் படை‘ சத்யராஜின் நாகராஜ சோழலின் தாக்கம் மாதந்தோறும் என்னையும் பீடிப்பதுண்டு! மாதத்தின் இரண்டாவது – மூன்றாவது வாரங்களில் பணிகளோடு மல்யுத்தம் நடந்து கொண்டிருக்கும் வேளையில், பதட்டத்தில் சேரின் நுனியில் பம்மிக் கொண்டிருப்பேன்! ‘அட்டைப்பட டிசைனை பொன்னன் இன்னும் முடிக்கலியா?‘; ”ஆத்தாடியோவ்… ரின்டின் கேனில் இனனும் 30 பக்கங்கள் கிடக்கே எழுதுவதற்கு?!!; கிராபிக் நாவலை இன்னும் தொட்டே பார்க்கலைடா சாமி!”" என்ற ரீதியில் வயிற்றைக் கலக்கிக் கொண்டிருக்கும்! ஆனால் மாதயிறுதி நெருங்க-நெருங்க; பணிகள் ஒவ்வொன்றாய் நிறைவு காணக்-காண; அப்படியே லாத்தலாய் சேரில் அமர்ந்து கால் மேல் கால் போட்டு ஹாயாக ஆட்டத் தோன்றும்! ‘என் பணிகள் முழுசும் முடிஞ்சுது டோய்; இனி பைண்டிங்கில் முட்டி, மோதிக் கொள்ளுங்கள் – ஐயாம் எஸ்கேப்!!" என்று அந்த நொடியில் மனதில் ஒரு ஜாலி ஸ்மர்ஃப்பாகி விடுவேன்! அந்த லாத்தலெல்லாமே அட்டவணையில் அடுத்த செட் இதழ்களைப் பார்க்கும் வரையில் தான் நீடிக்கும் என்பது வேறு கதை! “"ஆஹா… அடுத்த மாசம் டபுள் ஆல்பமா? டெக்ஸ் 224 பக்கப் பணியா? கார்ட்டூன்லே க்ளிப்டன் காத்திருக்கிறாரா?"” என்றெல்லாம் மண்டைக்குள் பதிவாகத் தொடங்கும் வேளையே புருவங்கள் மறுக்கா செருகிக் கொள்ளும்; சேரின் நுனி நோக்கிப் பிட்டம் வழுக்கிப் போகும்; ரிங்கா-ரிங்கா ரோசஸ் என்று அதே ஆட்டம் திரும்பிடும்! ஆனால் – இடைப்படும் அந்த ஒற்றை மணி நேரம் மட்டுமாவது முழுப்பரீட்சை விடுமுறைகளின் முதல் நாட்காலையில் விழித்தெழும் மாணவனைப் போல ஜாலியோ ஜாலியாய் உணர்ந்திடுவது வழக்கம் !

இதெல்லாமே கொஞ்ச காலமாய்ப் பழகிப் போய் விட்ட routine தானென்றாலும் – வாழ்க்கையின் மகிமையே இது போன்ற சிற்சிறு சந்தோஷங்களை ரசிப்பது தானே? LMS மெகா குண்டு புக்கை அறிவித்த 2014-ன் மத்திய நாட்கள் தான் இந்தத் தருணத்தில் நினைவுக்கு வருகின்றன! அந்நேரம் ஜுனியர் எடிட்டர் சென்னையில் படித்துக் கொண்டிருக்க, எனது துணைவியுமே அங்கே அவரோடு கேம்ப் அடித்திருக்க – வீட்டில் நான் மட்டும் ஒற்றையாளாய் வேதாளம் போல குந்திக் கிடப்பேன்! காலையில் கண்முழித்த மறுகணமே எந்த மெஸ்ஸில் இன்றைக்கு இட்லி வங்கச் சொல்லலாம் என்ற நினைப்பு எழும் முன்பாகவே "எல்-லே-ம்-மெ-ஸ்ஸ்ஸ்ஸ்" என்ற கூக்குரல் ஸ்டீரியோ எஃபெக்டுடன் ஒலிப்பது போலத் தோன்றும்! மலங்க மலங்க எழுந்து வந்து பல்தேய்க்க பிரஷ்ஷைத் தேடும் போதே – ‘டைகர் கதைக்கு டைப்செட்டிங் ஆரம்பிக்கவே இல்லியோ ? அந்த கிராபிக் நாவல் தலையும் புரிய மாட்டேங்குது, வாலும் புரியமாட்டேங்குது… என்னேன்னு எழுதப் போறேனோ?” என்ற குடைச்சல் ஆரம்பித்திருக்கும்! காலெண்டரில் தேதியைக் கிழிக்கப் போனால் குளிர் காய்ச்சல் வந்துவிடுமோ என்ற பயம் ஜிங்கு ஜிங்கென்று ஆடும்! அந்த நாட்களெல்லாமே நமது ஸ்திரத்தன்மையை நிலைநாட்ட; மாதம் தவறாது இதழ்களைத் தயாரித்துக் காட்ட; வாக்கைக் காப்பாற்றுவேனென்று (எனக்குமே சேர்த்து) நிரூபித்துக் காட்ட வேண்டியதொரு மௌனமான நிர்ப்பந்தம் நிலவுவது போல் எனக்குத் தோன்றும்! NBS இதழைக் கூட ஒரு மாதிரியாய் ஒப்பேற்றியிருந்தோம், becos அதனோடு அந்த நாட்களில் complex ஆன இன்ன பிற இதழ்கள் ஏதும் கிடையாது ! ஆனால் LMS இதழின் பருமனும் அசாத்தியம்; ஒன்றுக்கு இரண்டாய் இதழ்கள் ; அதனுள்ளிருந்த b&w கிராபிக் நாவலைக் கையாளத் தெரியாது முழித்த பதற்றம்  ; தவிர –மாதம் இரண்டோ, மூன்றோ இதழ்களுண்டு என்ற பாணியும் அமலில் இருந்திட - 2014-ல் ப்ரெஷர் ரொம்பவே கூடுதலாய் உணர்ந்திட முடிந்தது! பற்றாக்குறைக்கு அது தான் நமது முதன்முதல் ஹார்ட்கவர் முயற்சியும் கூட! So பைண்டிங்கின் சூட்சமங்களைப் புரிந்து கொள்வதிலும் நாக்குத் தொங்கியது & அதற்கென அவசியப்படும் அவகாசம் எவ்வளவாக இருக்குமென்பதையும் யூகிக்க முடிந்திருக்கவில்லை! மதியம் அச்சிட்ட தாட்களை ஒப்படைத்து விட்டு மறுநாளே போய் ‘புக் ரெடியாகிடுச்சா அண்ணாச்சி?‘ என்று குடலை உருவிடும் சாத்தியங்கள் இதனில் கிடையாதெனும் போது அதுவும் என் பீதிகளைக் கூட்டித் தந்தது! நிச்சயமாய் சொன்ன தேதிக்குள் இந்தவாட்டி இதழை ரிலீஸ் செய்ய முடியப் போவதில்லை ; ”"வேதாளம் முருங்கை மரம் ஏறிடுச்சுடோய்!"” என்ற கலாய்ப்புகள் ரவுண்ட் கட்டப் போகின்றன என்றே எனக்குப்பட்டது! ஆளே இல்லாத வீட்டுக்குள் அரை லூசைப் போல பினாத்திக் கொண்டு திரிந்த நாட்களவை! 

அட்டைப்பட டிசைன் பிரமாதமாய் அமைந்த நொடியில் தான் முதன்முதலாய் எனக்குள் ஒரு நம்பிக்கை துளிர்விட்டது – இந்த இதழை நாம் சொதப்பப் போவதில்லையென்று! ஞாயிறு இரவு ஹோட்டலில் ஒரு ரவா தோசையை ஆர்டர் பண்ணிய கையோடு கல்லாவில் குந்தியிருந்த கேஷியரை உம்மணாம்மூஞ்சி ஸ்மர்ஃப் போல நான்  முறைத்துக் கொண்டிருந்த சமயம் தான் வாட்சப் கூப்பிட்டது! பார்த்தால் 3 வெவ்வேறு கலர் variant-களில் LMS-ன் ராப்பரை நமது டிசைனர் பொன்னன் அனுப்பியிருந்தது தெரிந்தது! பின்னணி ப்ளு; பச்சை; இளம் சிகப்பு என்று அந்த முதற்கட்ட டிசைன்களே டாலடிக்க, 'ரவா தோசையில் முந்திரிக்குப்  பதிலாய் பொரிகடலையைப் போட்டு ஏமாத்திப்புட்டாய்ங்களே !!' என்ற கவலை கரைந்தே போனது! பீச்சாங்கையில் டைப்படித்து மாற்றங்களை; திருத்தங்களைச் சொல்லி விட்டு பில்லுக்குப் பணம் கொடுக்க எழுந்து போன போது அந்நேரம் வரை நம்பியாரைப் போல வில்லனாய் கண்ணுக்குத் தென்பட்ட கேஷியர் – தெய்வக்களை சொட்டும் A.V.M. ராஜனாகக் காட்சி தந்தார்! ‘வரட்டுமா அண்ணாச்சி?‘ என்றபடிக்கே வீட்டைப் பார்த்து நடக்கத் தொடங்கிய போது – LMS-ஐ பார்த்து பயந்த நிலை மாறி எனக்குள் ஒரு எதிர்பார்ப்பு குடியேறத் துவங்கியிருந்தது ! ‘ஸ்பெஷல் டப்பா செய்யச் சொல்லணும்; ஒரு சின்ன புக்; இன்னொரு பெரிய புக்… so அடிபடாமல் இருக்க cushion தேவை‘ என்றெல்லாம் மகாசிந்தனைகள் றெக்கை கட்டத் துவங்கியிருந்தன! தொடர்ந்த நாட்களில் அந்த b&w கிராபிக் நாவலை எழுதி முடித்த கையோடு எனது LMS பணிகள் ஒட்டுமொத்தமாய் நிறைவடைந்த நொடியில் எனக்குள் பீறிட்ட உற்சாகத்தைக் கொண்டு வைகை எக்ஸ்பிரஸை எஞ்சின் இல்லாமலே சென்னை வரைக்குமென்ன -– துபாய் வரையிலுமே இழுத்துப் போயிருக்க முடியுமென்பேன்! அச்சு; பைண்டிங் டெஸ்பாட்ச் என சகலமும் முடிந்து விட்டிருந்த வேளையில் உங்கள் சிலாகிப்புகளை இங்கே பார்க்க முடிந்த போது – அதுவரையிலான பீதிப்படலம் சுத்தமாய்ப் போயே போயிருந்தது! ‘ஹை… அடுத்து இது மாதிரியான project-க்கு எதை இழுத்து விடலாம்?‘ என்ற கட்டைவிரல் சிந்தனைகளே அலையடித்தன!

அட… எல்லாம் சரி தான்! ஆனால் 4 வருஷ flashback-க்கு இப்போ என்ன முகாந்திரம்?” என்று கேட்கிறீர்களா? காரணம் இல்லாதில்லை folks! பிப்ரவரியில் தேதிகள் குறைச்சல் என்பதால் பணியாற்றும் அவகாசமும் சொற்பம் என்பது அப்பட்டம்! So இம்முறை வழக்கத்துக்கு மாறாக கொஞ்சம சீக்கிரமே எனது பணிகளை நிறைவு செய்திட வேண்டிய சூழல்! இது காரணம் # 1 ! காரணம் நம்பர் 2 – நமது ஆபீஸ்ரூமில் நிறையவே பராமரிப்பு / மராமத்து அவசியமென்றிருப்பதால் அந்த வேலைகள் தொடரும் வாரங்களில் நடைபெறவுள்ளன! So தற்காலிகமாய் ஒரு மாதத்துக்கேனும் சந்திலும், பொந்திலுமே ஆபீஸ் செயல்படவிருப்பதால், ஏப்ரலின் தயாரிப்பு + அச்சுப் பணிகள் இதன்பொருட்டு தடைபட்டிடக் கூடாதேயென்று நினைத்தேன்! அதன் விளைவாய் எழுந்த மகாசிந்தனை தான் ஏப்ரலின் இதழ்களையும் சூட்டோடு சூட்டாய்த் தயாரித்து, பிரிண்ட் செய்து வைத்து விடலாமென்ற தீர்மானம்! 

தண்ணீருக்குள் தூக்கிக் கடாசி விட்டால் கடப்பாரை நீச்சலோ, மண்வெட்டி நீச்சலோ - ஏதோவொன்று தானாய் சாத்தியமாகிப் போகுமென்பதை கடந்த 10 + நாட்களில் உணர்ந்து வருகிறேன் ! நல்ல நாளைக்கு - ஒரு 44 பக்க ஆல்பத்தின் எடிட்டிங் பணிகளை இந்த-அந்தாவென்று ஒரு வாரத்துக்கு நீட்டி முழக்குவது வாடிக்கை ! ஆனால் இப்போதோ அவசியம் என்றாகும் போது ஒற்றை இரவே போதும் - ஒரு ஆல்பத்தின் (எனது) பணிகளைக் கரைசேர்த்திட என்பது புரிகிறது !! டைப்செட்டிங்குக்கு நமக்கு அவ்வப்போது உதவிடும் வேலையாட்களின் கதவுகளிலும் நங்கு-நங்கென்று தட்டி, அவர்களையும் இழுத்துப் போட்டு 'ஆட்றா ராமா- தான்றா ராமா !! என்று குட்டிக்கரணங்களைப் போடச் செய்தோம் !! 2018-ன் துவக்கம் முதலாகவே ராப்பர்களை 3 மாதங்கள் in advance என்று தயாரித்து வைத்திருப்பது இந்த நொடியில் கைகொடுக்க, ஏப்ரலின் black & white டெக்ஸ் இதழ் நீங்கலாய் மற்ற சகலமும் தொடரும் நாட்களில் அச்சாகியே முடிந்து விட்டிருக்கும் ! So மார்ச்சின் பணிகளும் முடிந்து; ஏப்ரலின் முக்கால்வாசிக் கிணறைத் தாண்டி விட்டேன் (என்னளவிற்கு) என்பதால் – ”"நாகராஜ விஜயன்"” அவதார் பற்றிய நினைப்பு மெது மெதுவாய்த் தலைதூக்கியது! Black & white டெக்ஸ் வில்லர் மாத்திரமே எனது பணிப் பட்டியலில் எஞ்சி நிற்கிறது ஏப்ரலுக்கென! தொடரும் நாட்களில் அதையும் முடித்து விட்டேனெனில் - மல்லாக்கப் படுத்து விட்டத்தை ரசிக்க கொஞ்சமே கொஞ்சமாய் அவகாசம் கிடைக்கக் கூடும் என்பேன்! ஆனால் – தொலைவில் நமது பெல்ஜியத்து சஞ்சய் ராமசாமி முறைப்பாக நின்று கொண்டு – ”அங்கே என்னமா சத்தம்?” என்று கேட்பது போலத் தோன்றுவதால், அடுத்த பணிக்குள் குதித்து விட்டு "பேசிக்கிட்ருக்கோம் மாமா !!" என்று பதில் சொல்ல வேண்டியது தான் போலும் ! பற்றாக்குறைக்கு – ”777 பக்கங்கள்” என்று ஒரு பெரிய பதாகையோடு இரவுக் கழுகார் & கோவும் மனக்கண்ணில் தோன்றி மறைய – சகல துவாரங்களையும் M-சீல் போட்டு மூடிக் கொள்வதே உத்தமம் என்பதில் சந்தேகமில்லை!

August-ன் மெகா ப்ராஜெக்ட்களுமே மெது மெதுவாய் துவக்கம் கண்டு வருகின்றன! டிஜிட்டல் ஃபைல்கள் சகலமும் வந்து சேர்ந்திருக்க, DTP பணிகள்; டிசைனிங் வேலைகள் என ஆளாளுக்குப் பிரித்துக் கொடுத்திருக்கிறேன்! மாதிரிப் புத்தகங்களை போட்டுப் பார்த்து, பைண்டிங்குக்கான முன்னேற்பாடுகள் பற்றியும் குறித்துக் கொள்ளத் துவங்கி விட்டோம். 3 ஆல்பங்கள் கொண்ட தொகுப்பு (XIII) என்பதால் – பணிகள் முடிய, முடிய ஒவ்வொரு ஆல்பத்தையாகத் தயார் செய்து, பிரிண்ட் பண்ணிப்,பத்திரப்படுத்தி வைக்க எண்ணியுள்ளேன்! ஆகஸ்ட் வரை இழுத்துப் போய் கடைசி நேரத்தில் அண்டாவுக்குள் கை நுழைய மாட்டேன்கிறது என்ற கதையாகிடக் கூடாது அல்லவா? So சிறுகச் சிறுகத் துவங்கி வரும் பணிகள், நாளாசரியாய் வேகம் காணுமென்ற நம்பிக்கையோடு இருக்கிறேன்! மிச்சம் ஆண்டவனின் கைகளில் !

டெக்ஸின் டைனமைட் ஸ்பெஷலைப் பொறுத்த வரையிலும் இத்தாலிய மொழிபெயர்ப்பில் முழி பிதுங்கிக் கொண்டிருக்கிறது – அந்தப் பக்க எண்ணிக்கையின் பொருட்டு! ”"ஆவ்… ஒரே தம்மில் இத்தனை பக்கங்களை எழுதுவதா? செத்தேன்!” என்று ஆளாளுக்குத் தெறித்து ஓட்டமெடுக்க, அவர்களுள் ஒரு பொறுமைசாலியைத் தாஜா செய்து project-ஐ ஒப்படைத்துள்ளார் ஜுனியர் எடிட்டர். நான் எனக்குத் தெரிந்த குடலை உருவும் வேலையை மட்டும் கனகச்சிதமாய் செய்து வருகிறேன் - "ஸ்கிரிப்ட் வந்திருக்கா ? வந்திருக்கா ?" என்று தினப்படி நொச்சரிப்பதில் ! அப்புறம் சரியான reference கிடைத்தால் நமது "மாலையப்பன் எக்ஸ்பிரஸ்" பிய்த்துப் பிடுங்கி ஓட்டமெடுக்கும் என்பது இன்னொருமுறை நிரூபணமாகியிருக்க - முன் & பின் அட்டைப்படங்கள் ரெடி !  வாரத்துக்கு ஒரு தபா அவற்றை வெளியே எடுத்து வைக்கச் சொல்லி கழுத்து சுளுக்கிப் போன வான்கோழியின் ஜாடையில் இந்த ஆங்கிளிலும், அந்த ஆங்கிளிலும் பார்வையிட்டு வருகிறேன்! டா வின்சியின் மோனாலிசாவை பாரிசின் லூவெர் மியூசியத்தில் பார்த்த சமயம் கூட இவ்வளவு நேரத்தைச் செலவழித்த மாதிரி ஞாபகமில்லை! ஆனால் எனது ஓவிய ரசிப்பின் மீது பெட்ரோலை ஊற்றித் தான் கொளுத்த வேண்டுமென்பேன் !! இத்தனை "கலைக்கண்ணோடு" பார்த்து, ரசித்து, சிலாகித்து அடியேன் approve செய்திடும் டிசைன்களில் சிவவற்றைப் பார்த்த மாத்திரத்திலேயே நீங்கள் பிழை கண்டு சொல்லும் போது எனக்கே என் மீது கோபம் கோபமாய் வரும்! லிப்ஸ்டிக் போட்ட லாரன்ஸ்-டேவிட்; திருவிழாவில் காணாது போன தேவ் ஆனந்தின் தூரத்து உறவுமுறை போலான மாயாவிகளெல்லாம்– என் முன்னே பெயிண்டிங்குகளாய் நிற்கும் போது, அழகு பிம்பங்களாகவே தெரியும் மர்மம் இன்றளவுக்கும் எனககுப் புரியாத புதிரே! என்னவோ போடா மாதவா moment தான் ! 

அட்டைப்படங்களின் topic-ல் இருக்கும் போது சென்றாண்டின் சித்திரப் performance-களைப் பற்றியும், இன்ன பிற tops & pits பற்றியும் பார்த்திடலாமா ?

இதோ 2017 சார்ந்த கேள்விகள் - -சற்றே தாமதமாய் :

1. உங்கள் பார்வையில் ‘Album of the Year 2017’ எதுவோ? (ஒற்றை முதல் பரிசு மட்டுமே சாத்தியம் என்பதால் “"ஆங்… இது… அப்புறம் அது… அப்பாலிக்கா இதுவுமே"” என்ற தேர்வுகள் வேண்டாமே ?!)

2. உங்கள் பார்வையில் “அறிமுகம் of the Year”?

3. உங்கள் பார்வையில் ”சொதப்பல் of the Year” 2017?

(இங்கேயும் ஒற்றை சாய்ஸ் மட்டுமே ப்ளீஸ்)

4. அட்டைப்படங்களுள் உங்களது Top3 ?

5.மிகச் சுமாரான அட்டைப்படங்களின் பட்டியலுமே ப்ளீஸ்? The Bottom 3 ?

6. 2017-ன் “Top Moment” – உங்களைப் பொறுத்தவரை ?

7. லயன் கிராபிக் நாவல் (சந்தா E)– உங்கள் பார்வையில்?

8. 2017 – ஒட்டுமொத்தமாய் என்ன மாதிரியான அனுபவம் என்பீர்கள்?

(a) சூப்பர்-டூப்பர் (b) தேவலாம்!   (c) ஹாவ்வ்வ்!

மேற்கண்ட நம்பர் வரிசைப்படியே உங்கள் பதில்களைப் பதிவிடலாம் guys – அல்லது மின்னஞ்சலாகவும் அனுப்பிடலாம். And please note – அவரவரது ரசனை சார்ந்த தேர்வுகள் என்பதால் அவற்றை விமர்சித்தல் வேண்டாமே?! 

அப்புறம் கேள்வி # 8-க்கு பதிலை நான் தந்துள்ள 3 தேர்வுக்குள்ளிருந்து மட்டுமே செய்தால் நலமென்பேன்! விசாலமாய் எழுத நினைப்போர் - கடுதாசிகளையோ; மின்னஞ்சல்களையோ தேர்வு செய்திடுங்கள் ப்ளீஸ்!

Before I sign off – இதோ மார்ச்சின் நமது உடைந்த மூக்காரின் க்ளாசிக் மறுபதிப்பின் அட்டைப்படம் + உட்பக்க preview! ஒரிஜினல் டிசைன்; துளியும் மாற்றமின்றி! உட்பக்கங்களோ தகதகக்கும் கலரில்! 

கேப்டன் டைகரின் ‘மாஸ் ஹிட்‘ கதை வரிசையில் அநேகமாய் சகலமும் வண்ணத்தில் ஆஜராகி விட்டிருக்கும் நிலையில் – இனி பார்வைகளைப் புதுக்கதைகள் பக்கமாக ஓட விட வேண்டுமோ? மோவாயில் விரல் வைத்து சிந்திக்கும் படங்கள் ஒரு டஜன்!

புறப்படும் முன்பாய் ஒரு முக்கிய தகவலுமே! ஏர்செல் நிறுவனத்தின் சொதப்பல்களின் புண்ணியத்தில் நமது அலுவலகத்து செல்போன்கள் சகலமுமே மண்டையைப் போட்டு விட்டுள்ளன! அவற்றை வேறொரு நெர்வொர்க்கில் இணைத்திட முயற்சித்து வருகிறோம். இடைப்பட்ட தருணத்தில் தொடர்பு கொள்ள நினைக்கும் பட்சத்தில் கீழ்க்கண்ட நம்பரைப் பயன்படுத்திடலாம்!

8870908407

And 2017 -ன் இதழ்களை உங்களுக்கு நினைவூட்டும் பொருட்டு தொடர்கின்றன - ஜனவரி to டிசம்பர் வரையிலான இதழ்களின் அட்டைப்படங்கள் !! 

Have a great Sunday! Bye now… See you around!