நீண்டிடுமா நீலம் ?

 நண்பர்களே,

வணக்கம். திங்கள் முதலாய் back to business என்றிருக்குமென்ற நம்பிக்கை லேசாக எட்டிப் பார்ப்பதால், "ஒரு மாச லீவு முடிஞ்சிடுத்து புள்ளீங்களா ; திங்கள் முதல் 50% strength-ல் வேலைகளுக்குள் ஐக்கியமாகிடப் பார்ப்போமென்று " சொல்லி வைக்கணும் நாளைக்கு ! So 'அடுத்த வருஷத்து ஆண்டுமலர்கள் ; அப்பாலிக்காவுக்கான நாயக / நாயகியர்' என்ற லாக்டௌன் அலசல்களுக்கும் டாட்டா காட்டி விட்டு யதார்த்தங்களுக்குத் திரும்பிடும் நேரமிது ! And இதோ - ஜூன் இதழ்கள் குறித்த பிரிவியூக்களில் விடுபட்டுப் போன கார்ட்டூன் இதழின் மீதான பார்வை :

"இனியெல்லாம் ரணமே" ! ஒரு மினி மீள்துவக்கத்தின் வேளையினில் இந்தத் தலைப்பு சற்றே முகாரி ராகமாய்த் தோன்றிடலாம் தான் ; ஆனால் இதன் அட்டைப்படமெல்லாம் கொஞ்ச காலம் முன்னமே அச்சானது என்பதால், லைட்டான ஜெர்க்கோடே தொடர்கிறேன் !! ப்ளூகோட் பட்டாளம் ! குள்ள வாத்துக் கார்பொரேல் + மொக்கை மூக்கு சார்ஜெண்ட் என்ற ஒரு வித்தியாசக் கூட்டணியோடு, போர்க்களத்தைப் பின்னணியாகக் கொண்டு நகன்றிடும் கதைத் தொடர் ! கடந்த ஆறேழு ஆண்டுகளாய் நம் அட்டவணைகளில் ஒரு நிலையான இடத்தைப் பிடித்தபடிக்கே பயணிக்கும் இந்தத் தொடர் - உலகை உலுக்கும் வெற்றிகளை நம் மத்தியினில் பார்த்திடவில்லை தான் ; அதே சமயம் 'பப்பரக்காவென' கால்களை விரித்துக் கிடந்து மண்ணைக் கவ்வவும் இல்லை தான் ! So சக நீல நிறக் காமெடி பார்ட்டிகளை விடவும் இவர்களுக்கு அதிர்ஷ்டம் அதிகமே என்று தான் சொல்லியாகணும் ! மூன்றோ, நான்கோ  ஆண்டுகளில் மொத்தமாய் மூட்டை கட்டப்பட்ட smurfs களின் கதி  ப்ளூகோட் அணிக்கு இல்லை தானே ?! ஆனால் இந்த லாக்டௌனின் ஏகப்பட்ட பதிவுகளின், ஏகப்பட்ட வினவல்களைக் கொண்டு பார்க்கும் போது இந்த அதிர்ஷ்டம் ரொம்ப காலம் நீடிக்குமா ? என்ற கேள்வி எழாதில்லை ! Quite frankly - "லக்கி லூக்கும், சிக் பில்லும் மட்டுமே போதும் - சிரிப்புப் பணிகளை சிறப்பாய்ச் செய்வதற்கு " என்று நீங்கள் அழுந்தச் சொன்ன பின்னே - இப்போதுக்கான இந்த வாய்ப்பே டீம் ப்ளூ கோட்டுக்கு last chance என்பதாகத் தோன்றுகிறது ! So வரவுள்ள இம்மாதத்து இதழினை நீங்கள் அலசிடவுள்ளதைப் பொறுத்தே இவர்களின் எதிர்காலம் பற்றிய தீர்மானம் இருந்திடும் ! ஏற்கனவே என் தலையிலுள்ள கேச அடர்த்திக்குப் போட்டியிட்டு வரும் கார்ட்டூன் அணியானது சீக்கிரமே தலீவரின் புஷ்டிக்கு சவால் விட நேரிட்டால் - "ஐயகோ" தான் ! So அபசகுனமாய் ஒலிக்கும் அந்தப் பெயரினை ஒரு ஸ்டிக்கர் கொண்டு  - "இனியெல்லாம் சுகமே" என்று மாற்றி விட்டு, இதழ்களை அனுப்பிய கையோடு காத்திருப்பேன் - இந்த அணிக்கு முட்டுச் சந்து treatment-ஆ ? இல்லையா ? என்று அறிந்திட !! இதோ - ஒரிஜினல் அட்டைப்படமே நமக்கும் அட்டையாகிடும் இதழின் முதற்பார்வை : 

இந்த இடைவெளிக்குப் பின்பாய் நமது முகவர்களெல்லாம் என்ன மாதிரியான ஆரோக்கியங்களில் உள்ளனர் ? என்பதை தொடரும் நாட்களில் அவதானிக்க வேண்டி வரும் ! போன வருஷத்து தடுமாற்றங்களிலிருந்து மெள்ள மெள்ளச் சுதாரித்திருந்தவர்கள் இந்த இரண்டாம் சம்மட்டி அடியை எவ்விதம் தாக்குப் பிடித்திடவுள்ளனர் ? என்ற கவலை ரொம்பவே உள்ளுக்குள் வாட்டுகிறது ! தவிர, ஒரு மாத பிரேக்குக்குப் பின்பாய் பைண்டிங் பணியாட்கள் வேலைக்குத் திரும்புவதில் எப்போதுமே ஒருவிதத் தொய்வும் இருப்பதுண்டு ! So மேற்படி 2 சிக்கல்களையும் கவனத்தில் கொண்ட பிற்பாடே ஜூன் இதழ்களாய் வரவுள்ளவை 4 இதழ்களா ? அல்லது 3 மட்டுமா ? என்று தீர்மானிக்க வேண்டி வரும் ! Phewww !

Before I sign out - சற்றே சந்தோஷச் சேதி ! ஒட்டுமொத்த ஏஜெண்ட்களின் சுக-துக்க நிலவரங்களைப் பற்றித் தெரியலை தான் ; ஆனால் நமது முகவர்களுள் மேற்கொண்டு 3 பேர் - சின்னச் சின்ன "இரத்தப் படலம்" ஆர்டர்களுக்குப் பணம் அனுப்பியுள்ளனர் ! So அவற்றையும் இணைத்துக் கொண்டு - இந்த வாரத்தினில் ஜூன் பணிகளை முடித்த கையோடு "இ.ப" அச்சுக்குத் தயாராகிட வேண்டி வரும் ஜூன் 15 to 20 வாக்கில் ! இடைப்பட்டுள்ள இந்த அவகாசத்தினில் -  "இ.ப" இதழ்களில் இருக்கக்கூடிய எழுத்துப் பிழைகளைப் பட்டியலிட இயன்ற மட்டுக்கு முயற்சித்தால் சூப்பர் guys ! ஏற்கனவே நண்பர் ATR ; அப்புறம் இன்னொரு நண்பர் அனுப்பியிருந்த திருத்தங்களைச் செய்தாச்சு தான் ; ஆனால் நூறு பேர் பார்த்தாலும், நூற்றியோறாவது ஆளுக்குமே இங்கே வேலையிராது போகாது என்பதால் - ஒரு 19 பேர் கொண்ட உயர்மட்டக் குழுவை (!!!!) அமைத்து, அந்தப் பாவப்பட்ட XIII மனுஷனோடு, ஆளுக்கொரு பாகத்தில் பயணிக்க முயற்சியுங்களேன் guys ? Good luck & thanks in advance too !!

அப்புறம் எனக்குமே கணிசமாய் good luck அவசியப்படக்கூடும் !! திங்கட்கிழமை கடைகள் திறந்த பிற்பாடு தற்போதைய ஆர்ட்பேப்பர் விலைகளை விசாரிக்கணும் - "இ.பா'வுக்காக !!  திருமலைநாயக்கர் மஹாலின் தூண் மாதிரியான ஏதோவொரு நல்ல திடப் பொருளை இறுக்கமாய்ப் பிடித்தபடிக்கே தான் விசாரிக்க முற்படணும் ; விலைகளைக் கேட்டு கிறுகிறுக்கும் போது மொத்தென்று கீழே விழுந்து கிடக்கக் கூடாதில்லையா ?  So எனக்குமே ஒரு  லோடு luck ஆர்டர்ர்ர்ர் !!

Bye all...have a safe weekend ! And safe days ahead too ! 

And இதோ - இன்றைய மீம்ஸ் கோட்டா !! 

Dr .பார்த்தீபன். கரூர் :

நண்பர் MKS Ram : 

இது - நண்பர் ஈரோடு மாரிமுத்து விஷால் :